08/24/15

 watlatt-flooding-620.jpg ဧရာဝတီမြစ်ရေတက်တာကြောင့် ရေကြီးနေတဲ့ ဝက်လွတ်ကျေးရွာကို သြဂုတ်လ ၅ ရက်နေ့က တွေ့ရစဉ်

စစ်ကိုင်းတိုင်းဒေသကြီး ခန္တီးမြို့မှာ မနေ့ကစတင်ပြီးမိုးရွာသွန်းနေတာကြောင့် ချင်းတွင်းမြစ်ရေ စိုးရိမ်ရေမှတ် ကျော်လွန် လာနိုင်တာမို့ မြစ်ကမ်းအနီးနေထိုင် ကြသူတွေ ပြောင်းရွှေ့ကြဖို့အတွက် မြို့နယ်အုပ်ချုပ်ရေးအဖွဲ့က လိုက်လံ သတိပေးနှိုးဆော်ထားပါတယ်။

မြစ်ရေလျှံလာတဲ့အခါ ဖြစ်လာနိုင်မယ့်အခြေအနေတွေအတွက် ကယ်ဆယ်ရေး ပစ္စည်းတွေကို ကြိုတင်ပြင်ဆင်ထား ပြီးဖြစ်တယ်လို့ ခန္တီးမြို့နယ် အထွေထွေ အုပ်ချုပ်ရေးမှူး ဦးမင်းစိုးက ပြောပါတယ်။

"ကြိုပြီးတော့ သတိပေးထားတာ၊ မိုးတွေကရွာတော့ ရေတက်လာမှာစိုးလို့ပေါ့ဗျာ၊ အကုန်လုံးကတော့ စုဖွဲ့ပြီးသားပါ၊ ကယ်ဆယ်ရေးအဖွဲ့တို့၊ ရိက္ခာတို့ အကုန်လုံးလှည့်ပတ်ကြည့်ပေးနေတာပေါ့ဗျာ၊ ကြိုတင်ပြီးသတိပေးထားတာပေါ့၊ ကမ်းနားနေတဲ့သူတွေ၊ ဘာညာသတိထားပြီးနေကြဖို့၊ ကယ်ဆယ်ရေး ကတော့မလုပ်ရသေးဘူး"

ဒီနေ့မနက်ပိုင်းအထိ တိုင်းထွာချက်အရ ချင်းတွင်းမြစ်ရေဟာ စိုးရိမ်ရေအမှတ်ရောက်ရှိဖို့ လေးပေခန့် လိုနေသေးတယ်လို့ သိရပါတယ်။

ဒါ့ပေမယ့် ခန္တီးနဲ့ဟုမ္မလင်းမြို့အနီးက အင်းရေလျှံနေတာကြောင့် ခန္တီးမြို့ထဲက နေရာတချို့မှာ မနေ့ညပိုင်းကစပြီး ရေတွေ ဝင်ရောက်နေပြီလို့ ခန္တီးမြို့ ဒေသခံ ကိုအောင်ဆန်းမြင့် က ပြောပါတယ်။

"မနေ့ကညနေပိုင်းလောက်ရေကစဝင်လာတယ်၊ မိုးကအဆက်မပြတ်အခုထိရွာတုန်း၊ ရေလွတ်တဲ့နေရာတွေ ကိုပြောင်းဖို့ ရပ်ကွက်တွေက ၄၊ ၅ ရပ်ကွက်လောက်ပေါ့၊ ခန္တီးနဲ့ မျက်နှာစောင်းထိုးပေါ့၊ အဲ့နေရာတွေဆိုဝင်နေပြီ၊ လယ်ကွင်းတွေဘာတွေတော့ စဝင်လာပြီ၊ ခြေသလုံးလောက်တော့ရောက်နေပြီ၊ အင်းစပ်ကနေဝင်တာ၊ ချင်းတွင်းမြစ် ကနေတော့မဝင်သေးဘူး၊ ဈေးဆိုရင် ကျနော်တို့ ခြေသလုံးတစ်ဝက်လောက် ရောက်နေပြီ"

ပြီးခဲ့တဲ့ ၂၀၀၇ ခုနှစ်က ချင်းတွင်းမြစ်ရေမြှင့်တက်မှုကြောင့် ခန္တီးနဲ့ဟုမ္မလင်းမြို့တွေမှာ ရေကြီးရေလျှံမှုတွေ ဖြစ်ပေါ်ခဲ့ပြီး ကယ်ဆယ်ရေးစခန်းတွေ မှာ ပြောင်းရွှေ့နေထိုင်ခဲ့ရတာတွေ ရှိခဲ့တယ်လို့ ဒေသခံတွေက ပြောပါတယ်။

မုတ်သုံလေအားကောင်းနေတာကြောင့် သြဂုတ်လ ၂၂ ရက်ကနေ ၃၀ ရက်နေ့အထိ တပြည်လုံးမှာ နေရာတော်တော် များများ မိုးကောင်းနိုင်တဲ့အနေအထား ရှိတယ်လို့ မိုးလေဝသနဲ့ဇလဗေဒဦးစီးဌာနက သတင်းထုတ်ပြန်ထားပါတယ်။

ရခိုင်ပြည်နယ် ရေဘေးသင့်ဒေသတွေက ကျေးရွာအတော်များများမှာ လုံလောက်တဲ့ အကူအညီတွေ မရရှိကြသေးဘူး လို့ ရေဘေးသင့်ဒေသခံတွေက ပြောကြ ပါတယ်။

RFA

 88-generation-health-620.jpg ၈၈ မျိုးဆက် ငြိမ်းချမ်းရေးနဲ့ ပွင့်လင်းလူ့အဖွဲ့အစည်းက နယ်လှည့်ဆေးကုသရေး ရေယာဉ်နဲ့ ရေဘေးသင့်ဒေသတွေမှာ လိုက်လံဆေးကုသပေးနေစဉ်

ဧရာဝတီတိုင်းဒေသကြီးက ရေဘေးသင့်ဒေသတွေဖြစ်တဲ့ ဟင်္သာတမြို့နယ်နဲ့ အင်္ဂပူ မြို့နယ်တွေမှာ ၈၈ မျိုးဆက် ငြိမ်းချမ်းရေးနဲ့ ပွင့်လင်းလူ့အဖွဲ့အစည်းက နယ်လှည့်ဆေးကုသရေး ရေယာဉ်နဲ့ လိုက်လံဆေးကုသပေးနေရာမှာ ဆရာဝန်ရရှိရေး အခက်အခဲ ဖြစ်နေတယ်လို့ သိရပါတယ်။

လိုက်ပါနိုင်တဲ့ ဆရာဝန်တွေ မရှိရင်တော့ အဲဒီအစီအစဉ်ကို ဖျက်သိမ်းရမယ့် အခြေအနေရှိနေတယ်လို့ ၈၈ ငြိမ်းချမ်းရေးနဲ့ ပွင့်လင်းလူ့အဖွဲ့အစည်းရဲ့ နယ်လှည့် ဆေးကုသရေးအစီစဉ် တာဝန်ခံ ကိုသက်ဇော် က ပြောပါတယ်။

"ဆရာဝန်ကရဖို့အရမ်းခက်ခဲလာပါတယ်၊ ဆရာဝန်တစ်ယောက်လိုက်ကူဖို့အတွက် သူတို့က အချိန်အနည်းဆုံး ၄ ရက်က ၅ ရက်ထိပေးရပါတယ်၊ အချိန်အဲ့လိုပေး ဖို့အတွက် တချို့ဆရာဝန်တွေက အဆင်မပြေဘူးခင်ဗျ၊ အချိန် ၂ ရက်လောက်ဘဲ ဆရာဝန်အများစုကအားကြတာ၊ အဲ့တော့ဆရာဝန်ခက်ခဲလာတယ်၊ ဆရာဝန်တွေမလိုက်နိုင် ရင်တော့ ရပ်စဲရမှာဘဲလေ၊ ကျနော်တို့မှာ အဲ့ဆရာဝန်တွေကို ပိုက်ဆံပေးပြီး ငှားဖို့တော့အခြေအနေမပေးဘူး"

အဲဒီအစီအစဉ်ကို သြဂုတ်လ ၁၆ ရက်က စတင်ခဲ့တာဖြစ်ပြီး ဟင်္သာတမြို့နယ်ထဲက ကျေးရွာ ၁၀ ရွာကို ကုသပေးခဲ့ပြီး သြဂုတ်လ ၂၁ ရက်နေ့ကနေ အခုချိန်အထိ အင်္ဂပူမြို့နယ်က ကျေးရွာတွေမှာ ဆေးကုသပေးနေတာ ဖြစ်ပါတယ်။

ဒါ့အပြင် ကျွဲ ၊ နွားတွေ အရေးပေါ်ဆေးကုသဖို့ လိုအပ်တဲ့အတွက်လည်း သြဂုတ်လ ၁၉ ရက်နေ့က စပြီး တိရစ္ဆာန် ကုသရေးဆရာဝန်တွေနဲ့ ဟင်္သာတမြို့နယ် က ကျေးရွာတွေကို လိုက်လံကုသပေးနေပါတယ်။

အင်္ဂပူမြို့နယ်ပြီးရင် သာပေါင်းမြို့နယ်ကို သွားရောက်မှာဖြစ်ပြီး နောက်ထပ် ဆေးကုဖို့ လိုအပ်တဲ့ ရေဘေးသင့်နေရာတွေ ကိုလည်း သွားရောက်ကူညီဖို့ စီစဉ် ထားတယ်လို့ သိရပါတယ်။

RFA

ရေဘေးအလှူအတွက် IC ရဲ့  ဂီတဇျာ်ပြေပွဲ အလှူငွေ ကျပ်သိန်းပေါင်း ၁၉၅၈၈ သိန်း တဲ့..
ကိုလေးဖြူ စကားလုံးနဲ့  ပြောရင်..." ၀ိုး... "
မြန်မာတွေ အလှူအတန်း ရက်ရောချက်က.. မီးကုန် ယန်းကုန်ဘဲ.. လို့ ပြောရမှာပေါ့.. ဒါကြောင့်လဲ စစ်တမ်းတခုရဲ့  အစီရင်ခံစာအရ အလှူအတန်းရက်ရောတဲ့နေရာမှာ မြန်မာဟာ.. ကဘာ့ ဒုတိယလိုက်တယ်လို့  ဆိုပါတယ်.. နံပါတ်၁ က အမေရိကားတဲ့..
နောက်တခု ကိုလေးဖြူထပ်ပြောပါတယ်..
မြန်မာ အမျိုးသားများထဲက တဦးတယောက် ချမ်းသာ ကြွယ်ဝ လာမယ်ဆိုရင် မနာလို ၀န်တို တာတွေ မဖြစ်ကြဘို့ .. မုဒိတာ ပွါးနိုင်ဘို့ .. စတာတွေပါ ပြောသွားပါတယ်.. အင်မတန် ကောင်းမွန် အကျိုးရှိလှတယ်လို့  ခံစားမိပါတယ်...

ဒါနဲ့ တဆက်တည်း တွေးမိလိုက်တာက...
ဒီကနေ့ ကူညီကယ်ဆယ်ရေးအတွက် ဂီတပွဲမှာ ရရှိတဲ့ ပမာဏဟာ.. ကဘာ့ တန်းဝင်တဲ့ ပမာဏပါ.. မြန်မာတွေရဲ့ တဦးချင်း ချမ်းသာကြွယ်ဝမှုတွေက အံ့မခန်းစရာလို့  ဆိုရမှာပေါ့... ဒါပေမဲ့ နိုင်ငံအလိုက် ခြုံငုံကြည့်လိုက်ရင်တော့.. ကဘာ့ အောက်ဆုံးအတန်းကနေ မတက်သေးပါဘူး.. နိုင်ငံရေး.. စီးပွါးရေး.. ပညာရေး.. ကျန်းမာရေး.. နိုင်ငံ့ အင်ဖရာ.. စသည် ဘက်ပေါင်းစုံမှာ အောက်ကျတယ် နောက်ကျတယ် စံချိန်မမှီသေးဘူးလို့  ဆိုရင် မှားမည်မထင်ပါ..
ဒီလို ဘာလို့ .. လူတွေက ချမ်းသာတယ်.. နိုင်ငံအလိုက် ဆင်းရဲနေရတယ်..ဖြစ်နေတာလဲ.. သုံးသပ်ကြည့်ရင်...
၁ ချက်.. တနိုင်ငံလုံးရဲ့  ချမ်းသာ ကြွယ်ဝမှု.. ပိုင်ဆိုင်မှုတွေဟာ လူတစု လက်ထဲကို ရောက်နေတယ်.. ဘယ်သူတွေရဲ့  လက်ထဲမှာဆိုတာ အထွေအထူး ပြောစရာ လိုမည် မထင်ပါ...
၂ အချက်.. ဒီလို လူတစုလက်ထဲကို ရောက်နေတဲ့ နိုင်ငံ့ ချမ်းသာ ကြွယ်ဝမှု.. ပိုင်ဆိုင်မှုတွေကို ပြည်သူအများ တန်းတူညီမျှ ပိုင်ဆိုင်နိုင်အောင် ဖန်တီးပေးနိုင်တဲ့ တိကျ သေချာပြီး စနစ်ကျတဲ့ စည်းမျဉ်း စည်းကမ်း ပေါ်လစီချမှတ်မှု မရှိခြင်း ပေါ့... ဥပမာ.. အခွန်စည်းကျပ် ကောက်ခံခြင်းတွေ.. လက်သင့်ရာ စားတော် ခေါ်ခြင်းတွေ.. ညီမျှသော ပြိုင်ဆိုင်မှု မပေးခြင်းတွေ.. ပေါ့

အဓိက ဒီ၂ချက်ရဲ့  အကြောင်းအရင်းခံက လက်နက်ကိုင် အဖွဲ့ အစည်းတွေက နိုင်ငံရေး စီးပွါးရေး လူမှုရေး.. စတာတွေမှာ ၀င်ရောက် ချယ်လှယ် ကြီးစိုးနေလို့  ဆိုရင် မမှားဘူးလို့  ဆိုရမှာပါ..
လူတို့ ရဲ့  သဘော သဘာဝအရ လက်နက်တစုံတခု ရှိနေရင် သွေးကြွတတ်ကြပါတယ်.. နှလုံးရည်ထက် လက်နက်တွေကို အားကိုးတတ်ကြပါတယ်.. လက်နက်ကိုင်ထားပြီး အနိုင်ကျင့် မိုက်ကြေးခွဲ ပြုတတ်ကြပါတယ်.. အချင်းချင်း မယုံကြည်မှုကို အခြေခံပြီး အုပ်စု ဂိုဏ်းတွေ ဖွဲ့ ပြီး အားသာသူတွေက အနိုင်ယူ ဗိုလ်လုပ်တတ်ကြပါတယ်..
မြန်မာပြည် လွတ်လပ်ရေး ရရှိပြီးချိန်မှစပြီး ဖက်ဆစ်တော်လှန်ရေး.. နယ်ချဲ့ တော်လှန်ရေး.. တွေနဲ့  စစ်စိတ် စစ်မာန် စစ်သဏ္ဍာန်တွေ ကိန်းအောင်းနေကြတဲ့ ခေါင်းဆောင်ဆိုသူတွေက တိုင်းပြည်ကိုအုပ်ချုပ် ချယ်လှယ် စိုးမိုးခဲ့ခြင်းတွေရဲ့ နောက်ဆုံး ရလဒ်အဖြင့် ဒီကနေ့  မြန်မာပြည် ဒီလိုအခြေအနေ ဖြစ်နေတယ်ဆိုရင် မမှားနိုင်ဘူးလို့  ယူဆပါတယ်..

နှစ်ပေါင်း ၆၀ ကျော် ကြုံတွေ့  ဖြတ်သန်းခဲ့တဲ့ ၀မ်းနည်းစရာ ဖြစ်စဉ်တွေကို သင်ခန်းစာယူ အမြင်မှန်ရကြပြီး တိုင်းရင်းသား ပြည်သူအားလုံး တပြေးညီ တိုးတက် ဖွံ့ ဖြိုး ကြွယ်ဝ ချမ်းသာနိုင်ဘို့  တာဝန်ရှိသူများ မနိုင်ဝန် မထမ်းကြတော့ဘူး ဆိုလျင်...
မိမိတို့ ထက် လုပ်နိုင် ကိုင်နိုင် စွမ်းရည်ရှိသူတွေကို နေရာပေး ၀ိုင်းဝန်း ကူညီ ဖေးမ ပေးကြမယ် ဆိုလျင်...
တိုင်းပြည်ရဲ့  လုပ်ငန်းဆောင်တာ အ၀၀ကို ဒူးနေရာဒူး.. တော်နေရာတော်.. ပရော်ဖက်ရှင်နယ် ဆန်စွာ တက်ညီ လက်ညီ လုပ်ကိုင်ဆောင်ရွက် ကြိုစားကြမယ် ဆိုလျင်..
အကျွန်ုပ်တို့  တိုင်းပြည် အဘယ်မှာ မတိုးတက် မကြီးပွါးဘဲ နေနိုင်မှလဲ.. လို့ 
ရေဘေးရံပုံငွေ IC Show ကနေ အတွေးတစ ချဲ့  ကားလိုက်မိပါကြောင်း....

ခွန်သူရ
(23/8/2015)

FailedLaw Campaign နဲ့ ဆန္ဒဖော်ထုတ်နေကြသူ တက္ကသိုလ်ကျောင်းသားသမဂ္ဂများ (တကသ) (ဓာတ်ပုံ ကိုနစ်ကီ/သြဂုတ် ၂၃၊ ၂၀၁၅)
  နိုင်ငံရေးတက်ကြွလှုပ်ရှားသူ ကျောင်းသားပြည်သူ၊ အလုပ်သမား လယ်သမားတွေကို ပုဒ်မအမျိုးမျိုးတပ်ပြီး ဖမ်းဆီးထောင်ချနေတဲ့ ဥပဒေတွေကို ဆန့်ကျင်ကန့်ကွက်ကြောင်း တက္ကသိုလ်ကျောင်းသားသမဂ္ဂများ (တကသ) ကျောင်းသားတွေက ဒီကနေ့ ရန်ကုန်မြို့မှာ Failed Law ဆိုတဲ့ Campaign နဲ့ ဆန္ဒထုတ်ဖော်ခဲ့ကြပါတယ်။ နိုင်ငံရေးအကျဉ်းသားတွေရှိနေသရွေ့ အမျိုးသားပြန်လည်သင့်မြတ်ရေးနဲ့ စစ်မှန်တဲ့ပြုပြင်ပြောင်းလဲရေး ဖော်ဆောင်နိုင်မှာ မဟုတ်ဘူးလို့လည်း နိုင်ငံရေးအကျဉ်းသား ကူညီစောင့်ရှောက်ရေးအသင်းက ဝေဖန်ပြောဆိုလိုက်ပါတယ်။ အသေးစိတ်ကို ဆက်သွယ်မေးမြန်းထားတဲ့ မဆုမွန်က တင်ပြပေးထားပါတယ်။

အရပ်သားအစိုးရလက်ထက် မြန်မာနိုင်ငံမှာ ဒီမိုကရေစီပြုပြင်ပြောင်းလဲရေး ဖော်ဆောင်နေပါတယ်ဆိုပေမဲ့ မြန်မာနိုင်ငံတဝှမ်း အကျဉ်း ထောင်တွေထဲမှာ နိုင်ငံရေး တက်ကြွလှုပ်ရှားသူတွေကို ပုဒ်မအမျိုးမျိုးတပ်ပြီး ဖမ်းဆီးထောင်ချ အရေးယူနေတဲ့အပေါ် ဒီဥပဒေတွေဟာ တရားမျှတမှုမရှိဘူးဆိုပြီး ဆန့်ကျင်ကန့်ကွက်ကြောင်း တက္ကသိုလ်ကျောင်းသားသမဂ္ဂများ (တကသ) Confederation of University Student Unions ကျောင်းသားတွေက ဦးဆောင်ပြီး ဒီကနေ့ ရန်ကုန်မြို့လယ်က မဟာဗန္ဓုလပန်းခြံ လွတ်လပ်ရေး ကျောက်တိုင်အနီးမှာ ဓာတ်ပုံ ကမ်ပိန်းတွေနဲ့ ဆန္ဒထုတ်ဖော်ခဲ့ကြပါတယ်။ နိုင်ငံရေးတက်ကြွလှုပ်ရှားသူတွေအပေါ် ပုဒ်မအမျိုးမျိုး တပ်ပြီး စီရင်ချက်ချနေတဲ့ ဒီကနေ့ တရားစီရင်ရေးမဏ္ဍိုင်အပေါ် မေးခွန်းထုတ်လိုပါတယ်လို့ ဒီကနေ့ လှုပ်ရှားမှုမှာ ပါဝင်သူ တကသကျောင်းသူ မဆုရတနာမြင့်က အခုလိုပြောပါတယ်။

“ဒီနေ့ Campaign က နာမည်ပေးထားတာကတော့ Failed Law လို့ နာမည်ပေးထားတယ်။ ညီမတို့ ရန်ကုန်မှာရှိတဲ့ တကသတွေပေါင်းပြီးတော့ လုပ်တာပါ။ အဓိက ရည်ရွယ်ချက်က မတရားတဲ့ဥပဒေတွေပေါ့နော်။ ဒီ မတရားတဲ့ဆိုတာက ယိုယွင်းပျက်စီးနေတဲ့ တရားစီရင်ရေးကဏ္ဍကို ထောက်ပြတဲ့သဘောရယ်၊ နောက်ပြီး မတရားတဲ့ ဥပဒေတွေ၊ ဥပမာ ပုဒ်မ (၁၈) လိုဟာမျိုး၊ နောက်တခါ ပြည်သူတွေအပေါ်ကို ဖိနှိပ်ချုပ်ခြယ်ထားတဲ့ အဲလိုဥပဒေတွေကို ညီမတို့က ဆန့်ကျင်တယ်၊ ကန့်ကွက်တယ်ဆိုတဲ့ ပုံစံမျိုး၊ ဆန္ဒထုတ်ဖော်တဲ့ ပုံစံမျိုးပေါ့။ ဆန့်ကျင်တဲ့နေရာမှာ အဲဒီလိုမျိုး ဥပဒေတွေနဲ့ မတရားဖမ်းဆီးခံရတဲ့ ကျောင်းသားတွေကိုရော၊ နိုင်ကျဉ်းတွေအတွက်ပါ အားလုံး သူတို့တွေအတွက်ပါ ညီမတို့က မကျေနပ်တာကို ဆန္ဒထုတ်ဖော်တာပါပဲ။”

နိုင်ငံတဝှမ်းအကျဉ်းထောင်တွေထဲမှာ ဖမ်းဆီးထိန်းသိမ်းခံနေရတဲ့ နိုင်ငံရေးအကျဉ်းသားတွေဟာ မတရားတဲ့ ဥပဒေပုဒ်မတွေနဲ့ မတရား ဖမ်းဆီးထိန်းသိမ်းခံနေရတယ်ဆိုတာ အများပြည်သူကိုသိရှိစေချင်တဲ့အတွက် တက္ကသိုလ်ကျောင်းသားသမဂ္ဂများအဖွဲ့ (တကသ) ကျောင်းသူ ကျောင်းသားတွေက ဦးဆောင်ပြီး လှုပ်ရှားမှုပုံစံအမျိုးမျိုးနဲ့ ဆက်ပြီး လုပ်ဆောင်သွားမှာဖြစ်တယ်လို့လည်း တက္ကသိုလ် ကျောင်းသားသမဂ္ဂများ တကသရဲ့သတင်းပြန်ကြား တာဝန်ခံ ကိုဖိုးသားကပြောပါတယ်။

“မြန်မာနိုင်ငံမှာပေါ့- နိုင်ငံရေးအကျဉ်းသားတွေကို မတရားထောင်ချဖမ်းဆီးနေတဲ့ ဥပဒေတွေပေါ့။ ဥပမာ ပုဒ်မ (၁၈) တို့လို၊ ပုဒ်မ ၅၀၅ (ခ) တို့လို တခြားသော ပုဒ်မတွေပေါ့။ အဲဒီပုဒ်မတွေကို ကျနော်တို့ ကျောင်းသားတွေအနေနဲ့က အလိုမရှိဘူး။ ဆန့်ကျင်တယ်ဆိုတဲ့ရည်ရွယ်ချက်နဲ့ ဒီနေ့ အခမ်းအနားကိုလုပ်တယ်။ အဓိကက ဒီဥပဒေတွေကို ဆန့်ကျင်တယ်။ ဒီဥပဒေတွေ မတရားဘူးဆိုတာကို အများပြည်သူ သိစေချင်တယ်။ လာမယ့်ရွေးကောက်ပွဲမှာ ကောင်းမွန်တဲ့အစိုးရတရပ်ဖြစ်ပေါ်လာရင်တော့ ကျနော်တို့ အဲဒီဥပဒေတွေအားလုံးကို ဖျက်သိမ်းပြီးတော့ ပြည်သူကို အကျိုးပြုတဲ့၊ ပြည်သူကို တကယ်အကာအကွယ်ပေးနိုင်တဲ့ ဥပဒေတွေ ပေါ်ထွက်လာမယ်လို့ ယုံကြည်ပါတယ်။ ဒီဥပဒေတွေရှိနေသမျှ နိုင်ငံရေးအကျဉ်းသားတွေရှိနေမှာပဲ၊ အဲဒီတော့ ဒီဥပဒေတွေကို အလိုမရှိဘူး။ ဆန့်ကျင်သွားမယ်ဆိုတဲ့စိတ်ဓာတ်နဲ့လုပ်တယ်။ ပြီးတော့ ဒီ Campaign ကို နောက်ထပ် ပုံစံအမျိုးမျိုးနဲ့ လုပ်ရအုံးမယ်။”

နိုင်ငံရေးအကျဉ်းသားတွေရှိနေသရွေ့ အမျိုးသားပြန်လည်သင့်မြတ်ရေးနဲ့ စစ်မှန်တဲ့ပြုပြင်ပြောင်းလဲရေး ဖော်ဆောင်နိုင်မှာမဟုတ်ဘူးလို့လည်း နိုင်ငံရေးအကျဉ်းသား ကူညီစောင့်ရှောက်ရေးအသင်း မြန်မာနိုင်ငံကလည်း ဝေဖန်ပြောဆိုလိုက်ပါတယ်။ အခုလက်ရှိ အကျဉ်းထောင်တွေ ထဲမှာ ပုဒ်မအမျိုးမျိုးနဲ့ တပ်ပြီး အထိန်းသိမ်းခံနေရတဲ့ နိုင်ငံရေးအကျဉ်းသားတွေရဲ့ အခြေအနေကို AAPP B နိုင်ငံရေးအကျဉ်းသားများ ကူညီစောင့်ရှောက်ရေးအသင်းမြန်မာနိုင်ငံရဲ့ အတွင်းရေးမှူးကိုတိတ်နိုင်ကအခုလိုပြောပါတယ်။

“နိုင်ငံရေးအကျဉ်းသားကတော့ ကျနော်တို့စာရင်းအရဆိုလို့ရှိရင်တော့ ၁၂၀ ရှိပါတယ်။ ဆိုတော့ နိုင်ငံရေးလှုပ်ရှားမှုကြောင့်၊ ဒီအခွင့်အရေးလှုပ်ရှားမှုကြောင့် တရားရင်ဆိုင်နေရတဲ့လူတွေက ၄၄၈ ဦးရှိပါတယ်။ ဆိုတော့ အများစုကတော့ လယ်ယာမြေကိစ္စတွေနဲ့ ပတ်သက်ပြီး ပါတယ်။ နောက်တခါ အမျိုးသားပညာရေးပြုပြင်ပြောင်းလဲဖို့အတွက် ဆန္ဒထုတ်ဖော်တဲ့လူတွေပါတယ်။ ဆိုတော့ အများစုကတော့ ပုဒ်မ (၁၈)၊ ၅၀၅ (ခ)၊ ၄၄၇ -ဆိုတဲ့ ပုဒ်မတွေနဲ့ကတော့ အများစုဖြစ်ပါတယ်။ ဒါပေမယ့် တချို့ ကျောင်းသားတွေကတော့ ဥပမာ နန္ဒစစ်အောင်-ဆိုလို့ရှိရင် ပုဒ်မပေါင်း (၆၁) မှုတောင် တင်နေပါပြီ။ အဲလိုမျိုးတွေနဲ့ဆိုတော့ နောက်ဆုံး နိုင်ငံရေးအကျဉ်းသားတွေ အခြေအနေကတော့ ဒီမိုကရေစီဖြစ်ပေါ်တိုးတက်ရေးအတွက်၊ ဒီမိုကရေစီရေးကို သွားဖို့အတွက်၊ အမျိုးသားပြန်လည်သင့်မြတ်ရေးကို သွားဖို့အတွက် လုပ်နေတာပါ။ ဒီနိုင်ငံရေးအကျဉ်းသားတွေ ရှိနေသရွေ့ကတော့ အမျိုးသား ပြန်လည်သင့်မြတ်ရေးဆိုတာ ရှိလာမှာ မဟုတ်ပါဘူး။ ဖြစ်လာမှာ မဟုတ်ပါဘူး။ ဒီမိုကရေစီ ဖြစ်ပေါ်တိုးတက်ရေးဆိုတာလည်း အလှမ်းဝေးနေအုံးမှာ ဖြစ်ပါတယ်။ ဒါကြောင့်မို့လို့ ဒီ နိုင်ငံရေးအကျဉ်းသားတွေ ရှိနေသရွေ့ကတော့ အမျိုးသားဒီမိုကရေစီရေးအတွက်၊ အမျိုးသားပြန်လည်သင့်မြတ်ရေးအတွက် ကြိုးစားနေစေအုံးတော့- နိုင်ငံရေးအကျဉ်းသားတွေ အကျဉ်းထောင်ထဲမှာ ရှိနေသေးတယ်ဆိုလို့ရှိရင်တော့ ဒါဟာ အလှမ်းကွာနေအုံးမယ်လို့ ကျနော်တော့ မြင်ပါတယ်။”

မကြာသေးခင်အချိန်တုန်းက နိုင်ငံတော်သမ္မတရဲ့ လွတ်ငြိမ်းချမ်းသာခွင့်နဲ့ အကျဉ်းသား ခုနှစ်ထောင်နီးပါး (၆,၉၆၆)ပြန်လည် လွတ်မြောက် လာခဲ့ပေမဲ့ နိုင်ငံရေးအကျဉ်းသား ဆယ်ဂဏန်း (၁၃ ဦး) လောက်ပဲ လွတ်မြောက်ခဲ့ပါတယ်။ မြန်မာနိုင်ငံတဝှမ်း အကျဉ်းထောင်အသီးသီးမှာ နိုင်ငံရေးအကျဉ်းသားပေါင်း တစ်ရာကျော် (၁၂၀) ထိန်းသိမ်းခံနေရဆဲဖြစ်ပြီး သပိတ်မှောက် ကျောင်းသူကျောင်းသား၊ ဝန်းရံပြည်သူ၊ အလုပ်သမား၊ လယ်သမားရေး ဒီမိုကရေစီ လူ့အခွင့်အရေး တက်ကြွလှုပ်ရှားသူ လေးရာကျော် ( ၄၄၈) လောက်လည်း တရားရင်ဆိုင်နေရဆဲအခြေအနေဖြစ်ပါတယ်။

မဆုမွန် / ဗွီအိုအေ (မြန်မာပိုင်း)
http://burmese.voanews.com

Author Name

Contact Form

Name

Email *

Message *

Powered by Blogger.