09/05/15


အဖွဲ့ချုပ်ဥက္ကဋ္ဌ လူထုခေါင်းဆာင် ဒေါ်အောင်ဆန်းစုကြည်သည် စက်တင်ဘာလ ၅ ရက်နေ့ ယနေ့မွန်းလွဲပိုင်းက ရှမ်းပြည်နယ် ပအိုင်းကိုယ်ပိုင်အုပ်ချုပ်ခွင့်ရဒေသ ဆီဆိုင်မြို့သို့ရောက်ရှိခဲ့ပြီး ရွှေးကောက်ပွဲနှင့်ပတ်သက်သည့် ကိစ္စရပ်များနှင့်စပ်လျင်း၍ မိန့်ခွန်းပြောကြားခဲ့သည်။


အဖွဲ့ချုပ်ဥက္ကဋ္ဌ လူထုခေါင်းဆာင် ဒေါ်အောင်ဆန်းစုကြည်သည် စက်တင်ဘာလ ၅ ရက်နေ့ ယနေ့မွန်းလွဲပိုင်းက ရှမ်းပြည်နယ် ပအိုင်းကိုယ်ပိုင်အုပ်ချုပ်ခွင့်ရဒေသ ဆီဆိုင်မြို့သို့ရောက်ရှိခဲ့ပြီး ရွှေးကောက်ပွဲနှင့်ပတ်သက်သည့် ကိစ္စရပ်များနှင့်စပ်လျင်း၍ မိန့်ခွန်းပြောကြားခဲ့သည်။
Posted by National League for Democracy on Saturday, September 5, 2015
National League for Democracy'
photo..Kumudra

၂၀၀၈ဖွဲ့စည်းပုံအခြေခံဥပဒေ ပြင်ဆင်ရန်အတွက် လွှတ်တော် ကိုယ်စားလှယ်များအပြင် ပါတီများ၊ ပြည်သူ များက ဆန္ဒမဲကောက်ခံမှုများ၊ လှုံ့ဆော်မှုများ ပြုလုပ်နေချိန်တွင် အဆိုပါ လုပ်ဆောင်မှုများအား ကန့်သတ် သည့် တားမြစ်ချက်များပါဝင်သော ဖွဲ့စည်းပုံအခြေခံ ဥပဒေအား ကာကွယ်စောင့်ရှောက် ရေးဥပဒေကြမ်းကို အများပြည်သူ သိရှိလေ့လာအကြံပြုနိုင်ရန်ဟုဆိုကာ ပြည်ထောင်စုလွှတ်တော်က စက်တင်ဘာလ ၃ရက် ထုတ် နိုင်ငံပိုင် သတင်းစာများ၌ ထည့်သွင်းဖော်ပြထားသည်။

ယင်းဥပဒေကြမ်းကို ၁၉၅၉ ခုနှစ် အခြေခံဥပဒေကာကွယ်စောင့်ရှောက်ရေး ဥပဒေအပေါ် အခြေခံ ရေးသား ထားခြင်းဖြစ်ပြီး ယင်းဥပဒေ၏ အခန်း (၃)၊ တားမြစ်ချက်များ၊ ပုဒ်မ(၃-က)၌ ““ဖွဲ့စည်းပုံအခြေခံ ဥပဒေပါ မူလ အခွင့်အရေးတစ်ခုခုကို ပျက်ပြားစေရန်သော်လည်းကောင်း၊ ပျက်ပြားစေမည့်အကြောင်း ဖြစ်ပေါ်စေရန်သော် လည်းကောင်း တစ်စုံတစ်ရာပြုလုပ်ခြင်း၊ အကြံပေးခြင်း၊ တိုက်တွန်းခြင်း၊ လှုံ့ဆော်ခြင်း၊ အားပေးခြင်း သို့မဟုတ် ၀ါဒဖြန့်ချိခြင်း””များ မပြုလုပ်ရန် အပါအ၀င် တားမြစ်ချက် ၆ချက် အားထည့်သွင်းဖော်ပြထားသည်။ ပြစ်ဒဏ် အနေဖြင့်လည်း ယင်းတားမြစ်ချက်များအား ဖောက်ဖျက် ပါက ၃ နှစ်ထက်မပိုသော ထောင် ဒဏ်ချမှတ် ရမည်ဟု ထည့်သွင်းပြ ဋ္ဌာန်းထားသည်။…

““ဒီဥပဒေက အခုမှ ဆွေးနွေးတုန်းရှိသေးတယ်။ မပြီးသေးတဲ့အတွက် ဘာမှပြောလို့မရဘူး။ ဆွေးနွေးတာက ရလဒ်ဘယ်လိုထွက်မလဲ ဆိုတာ ဆွေးနွေးတာ။ တချို့ဟာတွေက အဆိုပြုချက်တွေပါ။ အဆိုပြုချက်အားလုံးကို မှန်မှ၊ ညီညွတ်မယ်ထင်မှ အတည်ပြုမှာပါ။ ဆွေးနွေးပြီး အဖြေထွက်ရင်တော့ ပြောပေးမှာပေါ့။ ဒီဥပဒေက ၁၉၅၉ အခြေခံဥပဒေ ကာကွယ်စောင့် ရှောက်ရေးဥပဒေကို မှီငြမ်းရေးထားတာ။ ၁၉၅၉ ဥပဒေက ဒီ့ထက် ကြမ်း တယ်။ စိစစ်တာ မပြီးသေးတဲ့အတွက် တချို့ကပါမယ်၊ မပါမယ်ဆိုတာ ပြောလို့မရဘူး”” ဟု ပြည်ထောင်စု လွှတ်တော် ဥပဒေကြမ်းပူးပေါင်းကော်မတီအတွင်းရေးမှူး ဦးစောလှထွန်းက ဆိုသည်။

တားမြစ်ချက် (စ)တွင်လည်း ““ဖွဲ့စည်းပုံအခြေခံဥပဒေတွင် ပါရှိသောအခြေခံမူများကို ဆန့်ကျင်သည့် အဖွဲ့ အစည်းများနှင့် လုပ်ငန်းများကို ထောက်ခံခြင်း၊ အားပေးခြင်း သို့မဟုတ် ၀ါဒဖြန့်ချိခြင်း””ကိုလည်း မလုပ်ဆောင် ရဟုပါရှိသေးသည်။

သို့သော် အခန်း (၄) အထွေထွေ၊ ပုဒ်မ ၈၌ ““ဤဥပဒေပါ ပြဋ္ဌာန်းချက်များသည် ဖွဲ့စည်းပုံအခြေ ခံဥပဒေ အခန်း (၁၂)ပါ ပြဋ္ဌာန်း ချက်များနှင့်အညီ ဖွဲ့စည်းပုံအခြေ ခံဥပဒေပါ ပြဋ္ဌာန်းချက်တစ်ရပ်ရပ် ကို ပြင်ဆင်ဆောင် ရွက်ရန် သို့မဟုတ် ပြင်ဆင်ရန်ဟောပြောခြင်းနှင့် သော်လည်းကောင်း၊ အခြား ဥပဒေများပါ ပြဋ္ဌာန်းချက်များနှင့် အညီ ဆောင်ရွက်ခြင်းနှင့်သော် လည်းကောင်း သက်ဆိုင်ခြင်း မရှိစေရ””ဟုလည်း ဖော်ပြထားသည်။

““ဖွဲ့စည်းပုံကို ဝေဖန်ခွင့်မရှိဘူးဆိုတဲ့ သဘောမျိုးပေါ့။ ဖွဲ့စည်း ပုံကို ဝေဖန်မှုမရှိဘူးလို့ ဥပဒေ ကြမ်းကော်မတီ က အတည်ပြုမယ်ဆိုရင် ဖွဲ့စည်းပုံအခြေခံဥပဒေမှာ၊ ပုဒ်မ ၄၃၆မှာ ပြင်ဆင်ရေးဆိုတာရှိ တယ်။ ပြင်ဆင်နိုင်တဲ့ဟာက ဝေဖန်သုံးသပ်ပြီးမှ ပြင်လို့ရတာ။ မဝေဖန်ဘဲနဲ့ ဘယ်လိုပြင်ဆင်မှာလဲ။ ထုတ်တဲ့ဟာကို အတည်ပြုရင် ဖွဲ့စည်းပုံအခြေခံဥပဒေ ၄၃၆ မှာ သတ်မှတ်ထားတဲ့ ပြင်ဆင်ခြင်းဆိုတဲ့ဟာနဲ့ ၀ိရောဓိဖြစ်နေ တယ်။ ပြင်ဆင်ဖိ်ု့က လွှတ်တော်မှာ ဆွေးနွေး တာကို ပြည်သူကကော မဆွေး နွေးရဘူးလား။ ပြည်သူ က ကော ဝေဖန်ခွင့်မရှိဘူးလား။ ဒါကိုအတည် ပြုဖြစ်ရင် ဖွဲ့စည်းပုံက ၄၃၆ကိုပြင် ဆင်ခြင်းဆိုတာကို ထိခိုက်စေတဲ့ အတွက် ပြင်ဆင်ခွင့်တော့ မရနိုင်တော့ ဘူး””ဟု ရှေ့နေများကွန်ရက် အဖွဲ့ဝင်တရားလွှတ်တော်ရှေ့နေ ဦးအောင်သိန်းက သုံးသပ်သည်။

၈၈ မျိုးဆက်(ငြိမ်း/ပွင့်)အဖွဲ့မှ ကိုမာကီ ကလည်း ““လွှတ်တော် ကမပြင်နိုင်ရင် လွှတ်တော်ပြင်ပက ပြင်ဖို့ကြိုး စားတဲ့သူပေါ်လာမယ်။ ဒီဥပဒေက လွှတ်တော်ပြင်ပက ပြင်တဲ့လူတွေကိုရည်ရွယ်တာ ဖြစ်နိုင်တယ်။ လွှတ် တော် ကိုယ်စား လှယ်တွေက တာဝန်ကျေပွန်ရင်တော့ ပြင်ပမှာရှိ တဲ့ နိုင်ငံရေးအင် အားစုက ဒါကို မပြင် မဖြစ် ပြင်ရ အောင် လူထုလှုံ့ဆော်မှုတွေ၊ လွှတ်တော်သိအောင်လုပ်တာတွေ ပေါ်ပေါက်လာမယ်။ တာဝန်ရှိတဲ့လူထု ကိုယ်စားလှယ်က တာဝန်ပျက်ကွက်ရင်တော့ အပြင်က အင်အားစုက ထောင်ကျမှာ မကြောက်ဘဲ ဆက် လုပ်မယ့်သူတွေ အများကြီးပါ”” ဟု ဆိုသည်။

ထို့ပြင် ဤဥပဒေပါ ပြစ်မှုတစ်ရပ်ရပ်ဖြင့်တရားစွဲဆိုရာ တွင် နိုင်ငံတော်သမ္မတ၏ ကြိုတင်ခွင့်ပြုချက် ကို ရယူရ မည်ဟုလည်း ပါရှိရာ ““ကျွန်တော်တို့ တချို့အမှုတွေမှာ ပြည်ထဲရေးဝန်ကြီးဌာနရဲ့ ခွင့်ပြု မိန့်ယူရတဲ့ အမှု အမျိုးအစားတွေ ရှိတယ်။ အဲဒီလိုပဲ ဒီဖွဲ့စည်းပုံအခြေ ခံဥပဒေနဲ့ ပတ်သက်တဲ့ဟာဆိုရင်လည်း စောစောကလို သမ္မတဆီကို ခွင့်ပြုမိန့်ယူရမယ်ဆိုတဲ့ဟာမျိုး သတ်မှတ်တာပေါ့”” ဟုတရားလွှတ်တော်ရှေ့နေ ဦးအောင်သိန်း က ဆိုသည်။

သူရိန်ကျော်

မြန်မာသံတော်ဆင့်သတင်းဌာန - https://www.facebook.com/myanmarherald

မြန်မာနိုင်ငံက ကလေးစစ်သားများ။
မြန်မာနိုင်ငံက ကလေးစစ်သားများ။

ကုလသမဂ္ဂ အထွေထွေညီလာခံက ဖွဲ့စည်းပေးထားတဲ့ CAAC လို့ခေါ်တဲ့ ကလေးငယ်များနှင့် လက်နက်ကိုင် ပဋိပက္ခဆိုင်ရာ ပြဌာန်းချက် ပြည့်မှီရေး အဖွဲ့ဝင်နိုင်ငံတွေ ဆောင်ရွက်နိုင်မယ့် နည်းလမ်းတွေကို အတွင်းရေးမှူးချုပ်ရဲ့ CAAC အထူးကိုယ်စားလှယ်က ချမှတ် ပြဋ္ဌာန်းလိုက်ပါတယ်။

စစ်ပွဲတွေရဲ့ အန္တရာယ်ကနေ ကလေးသူငယ်တွေကို အကာကွယ်ပေးရေး တိုးမြင့် ဆောင်ရွက်နိုင်မယ့် အဆိုပြုချက် ၆ ချက်ကို ၂၀၁၅ ခုနှစ် အစီရင်ခံစာထဲမှာ အထူးကိုယ်စားလှယ် Leila Zerrougui က ထည့်သွင်း ဖော်ပြထားပြီး အဲဒီ အစီရင်ခံစာကို လာမယ့် ၇၁ ကြိမ်မြောက် ကုလသမဂ္ဂ အထွေထွေညီလာခံမှာ တင်သွင်းမှာ ဖြစ်ပါတယ်။

အထူးကိုယ်စားလှယ်အနေနဲ့ မြန်မာ၊ နိုင်ဂျီးရီးယားနဲ့ ဆိုမားလီးယား စတဲ့နိုင်ငံတွေကို ကိုယ်တိုင် သွားရောက်ခဲ့ပြီး အစိုးရ အရာရှိတွေ၊ ပဋိပက္ခတွေမှာ ပါဝင် ပတ်သက်နေသူတွေနဲ့ တခြား သက်ဆိုင်သူတွေရဲ့ တိုက်ရိုက် ထိတွေ့ ပြောဆိုတာ၊ အဲဒီ အဖွဲ့အစည်းတွေက တင်ပြချက်တွေကို အစီရင်ခံစာထဲမှာ ဖော်ပြထားပါတယ်။

မြန်မာနိုင်ငံနဲ့ ပတ်သက်လို့ ဖော်ပြထားတာမှာတော့ -ကလေးစစ်သားစုဆောင်းမှုနဲ့ အသုံးပြုမှု အဆုံးသတ်ရေး ၂၀၁၂ ခုနှစ်က ရရှိခဲ့တဲ့ သဘောတူညီချက် အကောင်အထည်ဖော်ဆောင်မှု အခြေအနေတွေကို အခုနှစ် ဇူလိုင်လ ၁၂ ရက်ကနေ ၁၇ ရက်နေ့အထိ အထူးကိုယ်စားလှယ်အနေနဲ့ နေပြည်တော်၊ မန္တလေး၊ ကချင်ပြည်နယ် မြစ်ကြီးနားမြို့တို့ကို သွားရောက်ပြီး မြန်မာအစိုးရ အဆင့်မြင့် အရာရှိတွေနဲ့ တွေ့ဆုံ ဆွေးနွေးခဲ့တယ်လို့ ဆိုပါတယ်။

အထူးကိုယ်စားလှယ်အနေနဲ့ ကေအိုင်အေ၊ ကေအဲန်ယူ၊ ကရင်နီ စတဲ့ တိုင်းရင်းသားလက်နက်ကိုင် အဖွဲ့အစည်းတွေက ကိုယ်စားလှယ်တွေနဲ့ ကလေးစစ်သား အသုံးပြုမှု အခြေအနေတွေကို ဆွေးနွေးခဲ့တယ်လို့ ဆိုပါတယ်။

မြန်မာအစိုးရနဲ့ ရရှိထားတဲ့ သဘောတူညီချက်အရ မြန်မာ့တပ်မတော်အတွင်းမှာရှိတဲ့ ကလေးစစ်သားတွေ ရာနဲ့ချီပြီး ပြန်လွတ်ပေးခဲ့တာ၊ ကုလသမဂ္ဂနဲ့ မြန်မာ အစိုးရကြားက ပူးပေါင်း ဆောင်ရွက်မှုအရ စစ်တပ်အဆောက်အဦး အဖွဲ့အစည်းတွေကို ပုံမှန် တိုးမြင့် စစ်ဆေးမှုတွေ လုပ်ဆောင်တာ၊ သင်တန်း ပို့ချတာတွေ လုပ်ဆောင်နိုင်ခဲ့တယ်လို့ ဆိုပါတယ်။

အဲဒီလို တိုးတက်မှုတွေ တဖက်မှာ ရှိနေပေမယ့်လည်း စစ်တပ်ထဲမှာ ကလေးငယ်တွေ ဆက်ရှိနေတုန်းဖြစ်ပြီး ရှေ့တန်းတွေကိုလည်း ပို့နေတုန်းဖြစ်တယ်လို့ အစီရင်ခံစာမှာ ဖော်ပြထားပါတယ်။

အရပ်သားတွေ အကြီးမားဆုံး ထိခိုက် ဒဏ်ရာရမှုတွေ ဖြစ်ပေါ်စေပြီး လူမှုအသိုင်းဝိုင်း အားလုံးနဲ့ တကမ္ဘာလုံးက အမျက်ဒေါသ ထွက်ပေါ်မှုကို ဖြစ်ပေါ်စေတဲ့ အကြမ်းဖက် လုပ်ရပ်တွေကြောင့် ကလေးငယ်တွေအပေါ် မမျှမတ ထိခိုက်စေသလို တခါတရံမှာ တိုက်ရိုက် ပစ်မှတ်ထား လုပ်ဆောင်တာတွေပါ ရှိတယ်လို့ ၃၄ မျက်နှာပါ အစီရင်ခံစာမှာ ဖော်ပြထားပါတယ်။

ဒီအစီရင်ခံစာကိုတော့ သြဂုတ်လ ၂၀၁၄ ခုနှစ်နဲ့ ဇူလိုင်လ ၂၀၁၅ ခုနှစ်အကြား စစ်တမ်းကောက်ယူပြီး ရေးသားခဲ့တာဖြစ်ပြီး အထွေထွေညီလာခံကို အလားတူ အစီရင်ခံစာ နှစ်စဉ် တင်သွင်းရတာ ဖြစ်ပါတယ်။

VOA
http://burmese.voanews.com/content/un-statment-on-children-and-armed-conflict/2948913.html


 အမေရိကန် ပြည်ထောင်စုရဲ့ အလုပ်လက်မဲ့ နှုန်းထားဟာ ၇ နှစ်ခွဲတာ ကာလ အတွင်း အနိမ့်ဆုံး အဆင့်အဖြစ် ပြီးခဲ့တဲ့ သြဂုတ်လအတွင်း ၅ ဒသမ ၂ ရာခိုင်နှုန်း လျော့ကျသွားပါတယ်။ ဒါဟာဆိုရင် ဇူလိုင်လက ရှိခဲ့တဲ့ နှုန်းထက် ဒသမ ၂ ရာခိုင်နှုန်း လျော့သွားတာလည်း ဖြစ်ပါတယ်။

အမေရိကန် စီးပွားရေးဟာ အသားတင် အလုပ်အကိုင်ပေါင်း ၁ သိန်း ၇ သောင်း ၃ ထောင်ဖန်တီးပေးနိုင်ခဲ့တယ်လို့ အမေရိကန် အလုပ်သမားရေးရာ ဌာနက ဒီကနေ့ သောကြာနေ့ ထုတ်ပြန်တဲ့ အစီရင်ခံစာက ဖော်ပြပါတယ်။

ဒီပမာဏက စီးပွားရေး ပညာရှင် အများစုတို့ ခန့်မှန်းခဲ့ကြတာ ထက်တော့ လျော့နည်း ပါတယ်။ ကျန်းမာရေး စောင့်ရှောက်မှုနဲ့ ဘဏ္ဍာရေး ၀န်ဆောင်မှု ဆိုင်ရာ လုပ်ငန်း ကဏ္ဍတို့ကနေ အလုပ်အကိုင်သစ်တွေ ရရှိခဲ့ပေမယ့် သတ္တုတူးဖော်ရေးနဲ့ ကုန်ထုတ်လုပ်ရေးပိုင်းမှာတော့ အလုပ်အကိုင်တို့ ဆုံးရှုံးခဲ့ကြတယ်လို့လည်း အစီရင်ခံစာက ဖော်ပြပါတယ်။

အမေရိကန် အလုပ်သမား ဌာနက အခု ထုတ်ပြန်တဲ့ အစီရင်ခံစာ အချက်အလက် တို့ကို အဓိက မှီငြမ်းပြီး အမေရိကန် ဗဟိုဘဏ်က အတိုးနှုန်း စံသတ်မှတ်ချက်ကို ဘယ်အချိန်မှာ ဘယ်လောက် တိုးမြှင့်မလဲ ဆိုတာကို ဆုံးဖြတ်မှာလည်း ဖြစ်ပါတယ်။

အမေရိကန် ဗဟိုဘဏ် အတိုးနှုန်းထားကလည်း ဘဏ္ဍာရေး အကျပ်အတည်းကနေ စီးပွားရေး ပြန်လည် ဖွံ့ဖြိုးလာအောင် လုပ်ဆောင်နေရတဲ့ ၂၀၀၈ ခုနှစ်ကတည်းက စလို့ အနိမ့်ဆုံး ဖြစ်နေပါတယ်။ အလုပ်လက်မဲ့နှုန်း ကျဆင်းလာတာကြောင့် စီးပွားရေး ပြန်လည် ထူထောင်ရေးမှာ အတိုးနှုန်း နည်းနည်း နဲ့ ရှေ့ဆက်ပြီး ထောက်ပံ့ပေး ဖို့ မလိုအပ်တော့ဘူးဆိုတဲ့ သဘော လက္ခဏာ ဆောင်ပါတယ်။

ဒါပေမယ့်လည်း အလုပ်အကိုင် ဖန်တီးပေးနိုင်တဲ့ ပမာဏအပေါ်မှာ ကျေနပ်အားရ စရာ မရှိသေးတာကြောင့်တော့ လတ်တလောမှာ အတိုးနှုန်း မြှင့်မယ့် အရေးကို လည်း ဆိုင်းငံ့ ထားသင့်တယ်ဆိုတဲ့ ပြောဆိုချက်တွေကို အထောက်အပံ့ ဖြစ်စေမယ့် အနေအထားလည်း ရှိနေပါတယ်။

ဗွီအိုအေ (မြန်မာပိုင်း)
http://burmese.voanews.com

မဲဆွယ်စည်းရုံးမှုနဲ့ စုဝေးဟောပြောမှုတွေမှာ ရွေးကောက်ပွဲကော်မရှင်က ချမှတ် ထားတဲ့ စည်းကမ်းချက်တွေက နိုင်ငံရေးပါတီတွေ အတွက် အခက်အခဲတွေဖြစ်နေစေ တယ်လို့ နိုင်ငံရေးပါတီတွေကပြောဆိုလိုက်ပါတယ်။ မနေ့က ရွေးကောက်ပွဲကော်မရှင် က နိုင်ငံရေး ပါတီတွေအနေနဲ့ စုဝေးဟောပြောမဲဆွယ်တာမှာ ထုတ်ပြန်ထားတဲ့ ညွှန်ကြားချက် အမှတ်(၁/၂၀၁၄)သို့မဟုတ် နိုင်ငံရေးပါတီ များနဲ့ ကိုယ်စားလှယ်လောင်းများ လိုက်နာရမယ့် စည်းကမ်းတွေကို လိုက်နာဖို့ ထပ်မံ သတိပေးထားပါတယ်။ ဒါနဲ့ ပတ်သတ်ပြီး ဗွီအိုအေမြန်မာပိုင်း က မေခက ပေးပို့ ထားပါတယ်။

မနေ့က ရွေးကောက်ပွဲကော်မရှင်ရဲ့ သတိပေးချက်အပေါ် နိုင်ငံရေးပါတီတွေက မဲဆွယ်စည်းရုံးမှုတွေမှာ အချိန်နေရာ ကန့်သတ်မှု တွေရှိနေပြီး အခက်အခဲတွေ ရှိနေတယ် လို့ပြောပါတယ်။ ရခိုင်အမျိုးသားပါတီက ဒေါက်တာအေးမောင်က မဲဆွယ်စည်းရုံးမှုမှာ နိုင်ငံရေး ပါတီတွေအနေနဲ့ ကြုံတွေ့နေရတဲ့အခက်အခဲကို သူ့က အခုလိုပြောပါတယ်။

"ဒီလတွေက မိုးမပြတ်သေးဘူးဗျ။ မိုးမပြတ်သေးတော့ ကျေးလက်ဒေသတွေမှာလည်း တချို့နေရာတွေမှာ ရေကြီးတာပေါ့နော်။ နေရာအခက်အခဲလေးတွေပေါ့။ အဲ့ဒီ့မှာ ဘာသာရေးကို နိုင်ငံရေးမှာ အသုံးမပြုရဘူး။ ဥပမာ အစိုးရရဲ့ အဆောက်အဦးတွေ၊ အများပြည်သူသုံးနေရာတွေကို ရှောင်ရမယ်။ သုံးချင်ရင် သက်ဆိုင်ရာ အာဏာပိုင်ရဲ့ ခွင့်ပြုချက် ယူရမယ်ဆိုတဲ့အခါမှာ ကျနော်တို့မှာ နေရာတွေက ကန့်သတ် တာတွေဖြစ်လာတာပေါ့။ အဲ့တော့ ဖွဲ့စည်းပုံ အခြေခံဥပဒေ အရ ရွေးကောက်ပွဲကော်မရှင် က အာဏာအင်မတန်ပြင်းတာကိုး။ တပ်မတော်နဲ့ ချိ်တ်ဆက် ထားတဲ့ လက်ရှိ အစိုးရရဲ့ ဖွဲ့စည်းပုံ ယန္တယားကလည်း  ရှိတဲ့အခါမှာ တပ်မတော်သား နဲ့ သူ့ရဲ့မိသားစုအပေါ်မှာ Ruling Party ရဲ့ လွှမ်းမိုးမှု ရှိမှာလည်း ကျနော်တို့ အင်မတန်မှ စိုးရိမ်ပါတယ်။"

အမျိုးသားဒီမိုကရေစီ အဖွဲ့ချုပ်က ဗဟိုအလုပ်အမှုဆောင် ဦးထွန်းထွန်းဟိန်ကတော့ မဲဆွယ်စည်းရုံးမှုမှာ ရှိနေတဲ့ ကန့်သတ်ချက် တွေနဲ့ပတ်သတ်ပြီး အခုလိုပြောပါတယ်။

"ရွေးကောက်ပွဲ လွှတ်တော်ကိုယ်စားလှယ်လောင်း အဖြစ် ကြေညာပြီး ၁၅ရက် အတွင်းမှာ သူ့ရဲ့ မဲဆန္ဒနယ်ထဲမှာသူက ဆောင်ရွက်ရမယ့်ကိစ္စတွေကို အစီအစဉ်ဆွဲပြီး တခါတည်း တင်ရမယ်ဆိုတဲ့ ကိစ္စမျိုးပေါ့နော်။ အဲ့တာတွေက တော်တော်ခက်တဲ့ကိစ္စပဲလေ။"

ပြည်ထောင်စုရွေးကောက်ပွဲ ကော်မရှင်က ထုတ်ပြန်ထားသော ညွှန်ကြားချက် (၁/၂၀၁၄)ဟာ မဲဆွယ်စည်းရုံးမှုများ ပြုလုပ်ဖို့အတွက် မဲဆွယ်စည်းရုံးခွင့်ကို သက်ဆိုင်ရာ ရွေးကောက်ပွဲကော်မရှင် အဖွဲ့ခွဲသို့ တင်ပြရမယ့် သဘောမျိုး ပါဝင်နေတဲ့ အတွက် နိုင်ငံရေး ပါတီအများစုက ယင်းညွှန်ကြားချက် ထုတ်ပြန်စဉ် ကပင် ထောက်ပြပြောကြားမှုတွေ ရှိထားပါတယ်။

မနေ့က ထုတ်ပြန်လိုက်တဲ့ ထုတ်ပြန်ချက်မှာ မဲဆွယ်စည်းရုံးတာမှာ ဥပ ဒေနှင့်အညီ လွတ်လပ်၍ တရား မျှတမှုရှိစေရန် ၂၀၁၄ ဇူလိုင်အတွင်း ထုတ်ပြန်ခဲ့တဲ့ ညွှန်ကြား ချက် (၁/၂၀၁၄) အပါအ၀င် နိုင်ငံရေးပါတီများအားလုံး သဘော တူပြီး ပြီးခဲ့တဲ့ ဇူလိုင်အတွင်း က ထုတ်ပြန်ထားသည့် နိုင်ငံရေးပါတီများနှင့် ကိုယ်စားလှယ်လောင်း များ ကျင့်ဝတ်ကို လိုက်နာကြဖို့ ရွေးကောက်ပွဲကော်မရှင်က ထပ်မံ အသိပေး ထားပါတယ်။

ရွေးကောက်ပွဲကော်မရှင် ဥက္ကဋ္ဌ ဦးတင်အေးကတော့ မဲဆွယ်စည်းရုံးမှုနဲ့ ပတ်သတ်ပြီး ပြဋ္ဌာန်းထားတဲ့ ဥပဒေအတိုင်း လုပ်ဆောင်ကြဖို့ ပြောဆိုထားပါတယ်။

" အသိတရားနဲ့ ကျင့်ဝတ်နဲ့ လုပ်တာတွေ လုပ်ကြတာ မလုပ်တာတွေ မလုပ်ကြဖို့။ ခင်ဗျားတို့ ကျင့်ဝတ်နဲ့ပဲ လုပ်ကြဆိုပြီး ဒီကျင့်ဝတ်ကလည်း ခင်ဗျားတို့ချင်း ဆွဲ၊ ခင်ဗျားတို့ချင်း ဆွဲ ပြီးရင် ခင်ဗျားတို့ချင်း သဘောတူညီချက်ယူ။ ခင်ဗျားတို့ချင်း အပြန်အလှန် ရေးသားပြီးတော့ လုပ်ပါ။ ကျနော်တို့ကတော့ စောင့်ကြည့်နေမယ်။ ဒီလောက်ပဲ ကျနော် ပြောလိုက်ပါတယ်။ အဲ့ဒီ့အတွက် ကျနော်တို့ဘက်ကတော့ ဒီထက် ဖြေလျော့ဖို့ မရှိတော့ပါဘူး။"

ရခိုင်အမျိုးသားပါတီက ဒေါက်တာအေးမောင်က နိုင်ငံရေးပါတီတွေ အနေနဲ့ ဆွေးနွေး စည်းရုံးမှု မှာ ပုတ်ခတ်တာမဟုတ်ပေမယ့် အကြောင်းအရာတခု အပေါ်ဆွေးနွေး တာတွေရှိနိုင်ကြောင်း ဒီအပေါ်မှာ တိုက်ခိုက်မှုလို့ မသုံးသပ်ဘဲနားလည်ပေးဖို့ လိုတယ်လို့ပြောပါတယ်။

"တပ်မတော်သားတွေ မိသားစုတွေ နယ်ကို သက်ဆိုင်ရာ တိုင်းရင်းသားပါတီတွေ ကလည်း စည်းရုံးမှာပေါ့ဗျာ။ ကိုယ့်ဒေသမှာ ရှိကြတာကိုး။ အဲ့သလို စည်းရုံးခြင်းကို တပ်မတော် ဖြိုခွဲတယ်လို့ သတ်မှတ်မှာလား။ ဒါမျိုး အမျိုးသားနိုင်ငံရေး ဦးဆောင်တဲ့ တပ်မတော် ဆက်လုပ်မှာလား။ ကြားနေပါတယ်ဆိုရုံနဲ့ မဖြစ်တော့ဘူး။ အမျိုးသားနိုင်ငံရေးကို ဦးဆောင်ပါတယ်ဆိုရုံနဲ့ မဖြစ်တော့ဘူး။ ဦးဆောင်နေကြောင်း ကို သက်သေပြဖို့ လိုပြီ။ အဲ့တာလေးကို ပြောတာကိုက တပ်မတော်ကို ပုတ်ခတ်တယ်လို့ ပြောမှာလား။ တပ်မတော်သာ အမိအဖ ဆိုတာမျိုး အနေနဲ့ သွားနေတာကိုး။ သို့မဟုတ် ကိုယ့်ပါတီရဲ့ ရည်မှန်းချက် ရည်ရွယ်ချက်ကို တင်ပြတဲ့ အခါမှာလည်း ခေတ်တွေကတော့ ဖြတ်သန်းလာတာပေါ့ဗျာ။ အဲ့ဒီ့ခေတ်တွေက ဘယ်လို သင်္ခန်းစာယူပြီးမှ ဘယ်လိုတည်ဆောက်မယ် ဆိုတာမျိုးက ပြောရမှာပေါ့။ "

လာမယ့်ရွေးကောက်ပွဲအတွက် ဝင်ရောက်ယှဉ်ပြိုင်ကြမယ့် လွှတ်တော် ကိုယ်စားလှယ်လောင်းတွေဟာ စုဝေးဟောပြောခြင်း နဲ့မဲဆွယ်စည်းရုံးခြင်းတို့ကို လာမယ့် စက်တင်ဘာ ၈ရက်ကနေ နိုဝင်ဘာ ၆ရက်ထိ လုပ်ဆောင်သွားရမှာပါ။

ဒါပေမယ့်ခုချိန်ထိ အချောသတ် ရွေးကောက်ပွဲဝင်ရမယ့် ကိုယ်စားလှယ်လောင်း စာရင်းကို ရွေးကောက်ပွဲကော်မရှင်ဘက် က မထုတ်ပြန်နိုင်သေးပါ ဘူး။ လျှောက်ထား သူ ၆၀၀၀ကျော်ထဲက ၈၀ကျော် ပယ်ခံခဲ့ရတယ် လို့ဘဲ ရွေးကောက်ပွဲကော်မရှင် ကကြေညာထားပြီး ဝင်ရောက်ယှဉ်ပြိုင်ရမယ့် လွှတ်တော်ကိုယ်စားလှယ်လောင်း အမည်စာရင်းကိုတော့ ဒီနေ့ထက်ထိ ကြေညာထားခြင်း မရှိသေးပါဘူး။

မေခ / ဗွီအိုအေ (မြန်မာပိုင်း)
http://burmese.voanews.com

ရွေး​ကောက်​ပွဲ​ကြီး ​နီး​လာ​ပြီ
လား​ဟူ​နဲ့ ​ချင်း ​တိုင်း​ရင်း​သား​ရေး​ရာ ​ဝန်​ကြီး​တွေ​အ​ဖြစ် ​အ​ရွေး​ခံ​မယ့် ​ကိုယ်​စား​လှယ်​လောင်း (၂)​ဦး​ကို ​လာ​မယ့် ​ရွေး​ကောက်​ပွဲ​မှာ ​ဝင်​အ​ရွေး​ခံ​ဖို့ ​ပြည်​ထောင်​စု ​ရွေး​ကောက်​ပွဲ ​ကော်​မ​ရှင်​က ​ခွင့်​ပြု​ပေး​လိုက်​ပါ​တယ်။

အဲ​ဒီ​ထဲ​မှာ ​လား​ဟူ ​အ​မျိုး​သား ​ဖွံ​ဖြိုး​တိုး​တက်​ရေး ​ပါ​တီ​ရဲ့ ​ဥ​က္က​ဌ ​လည်း ​ဖြစ်​တဲ့ ​လား​ဟူ ​ကိုယ်​စား​လှယ် ​ဦး​ယော​သက် ​က​တော့ ​အ​ဖေ​က ​ဝ​လူ​မျိုး ​အ​မေ​က ​လား​ဟူ ​လူ​မျိုး ​ဖြစ်​တဲ့​အ​တွက် ​လား​ဟူ ​တိုင်း​ရင်း​သား​ရေး​ရာ ​ဝန်​ကြီး ​အ​ဖြစ် ​အ​ရွေး​ခံ​ဖို့ ​ခွင့်​မ​ပြု​ဘူး​ဆို​ပြီး ​ပယ်​ချ​ခဲ့​ပါ​တယ်။

ဒီ​အ​တွက် ​ပြည်​ထောင်​စု ​ကော်​မ​ရှင်​မှာ ​အ​ယူ​ခံ​တင်​တဲ့ ​အ​ခါ​မှာ ​ရွေး​ကောက်​ပွဲ​ဝင်​ဖို့ ​ပြန်​ပြီး ​ခွင့်​ပြု​လိုက်​ပါ​တယ်။

ဦး​ယူ​သက်​လို​ဘဲ ​ရ​ခိုင်​ပြည်​နယ်​မှာ ​ချင်း ​တိုင်း​ရင်း​သား​ရေး​ရာ ​ဝန်​ကြီး​အ​ဖြစ် ​ဝင်​အ​ရွေး​ခံ​မယ့် ​ချင်း​ဒီ​မို​က​ရေ​စီ ​အ​ဖွဲ့​ချုပ် ​ပါ​တီ​က ​ကိုယ်​စား​လှယ်​လောင်း ​ဒေါ်​မိုင်​စု​စု​လှိုင် ​က​လည်း ​အ​ယူ​ခံ​တင်​ခဲ့​ရာ​မှာ ​ပြည်​နယ်​နဲ့ ​တိုင်း ​လွှတ်​တော်​နဲ့ ​ပြည်​ထောင်​စု ​လွှတ်​တော် (၂)​ခု​ကြား ​နား​လည်​မှု ​လွဲ​မှား​တာ​ကြောင့် ​ဆို​ပြီး ​ရွေး​ကောက်​ပွဲ ​ဝင်​ဖို့ ​ပြန်​ခွင့်​ပြု​ခဲ့​ပါ​တယ်။

တ​ရား​လွှတ်​တော် ​ရှေ့​နေ ​ဦး​ဌေး​ဦး​က​တော့ ​ရွေး​ချယ်​ခံ​ခွင့် ​နဲ့ ​ပတ်​သက်​ပြီး ​ရွေး​ကောက်​ပွဲ ​ဥ​ပ​ဒေ​မှာ ​ကန့်​သတ်​တာ​မျိုး​မ​ရှိ​ဘဲ ​ညွှန်​ကြား​ချက်​နဲ့ ​လုပ်​ဆောင်​ခဲ့​တာ ​ဖြစ်​တယ်​လို့ ​ဆို​ပါ​တယ်။

အ​ခု​လို ​အ​ဖေ​ကို ​လိုက်​ပြီး ​လူ​မျိုး​ကို ​ယူ​ရ​မယ်​ဆို​တာ​ဟာ ​အ​ခြေ​ခံ​ဥ​ပ​ဒေ၊ ​ရွေး​ကောက်​ပွဲ​ဥ​ပ​ဒေ ​တွေ​နဲ့ ​ကိုက်​ညီ​မှု ​မ​ရှိ​ဘူး​ဆို​ပြီး ​တိုင်​ရင်း​သား​ပါ​တီ​တွေ​က ​ကော်​မ​ရှင် ​ဥ​က္က​ဌ ​ဦး​တင်​အေး​နဲ့ ​တွေ့ ​ဆုံ​တဲ့​အ​ခါ​မှာ ​တင်​ပြ​ဆွေး​နွေး​တာ​မျိုး​တွေ ​ရှိ​ခဲ့​ပါ​တယ်။

ဒီ​လို (၂)​ဘက် ​အ​ငြင်း​ပွား​စ​ရာ​တွေ ​ဖြစ်​ရပ်​မျိုး​တွေ ​မ​ဖြစ်​အောင် (၂၀၀၈) ​ဖွဲ့​စည်း​ပုံ ​အ​ခြေ​ခံ​ဥ​ပ​ဒေ ​အ​ပါ​အ​ဝင် ​ရွေး​ကောက်​ပွဲ ​ဥ​ပ​ဒေ​တွေ​ကို ​သေ​ချာ​လေ့​လာ​ပြီး​မှ ​ညွှန်​ကြား​ချက်​တွေ ​ထုတ်​ပြန် ​သင့်​တယ်​လို့ ​တိုင်း​ရင်း​သား ​ပါ​တီ​တွေ​က ​သုံး​သပ် ​ပြော​ဆို ​နေ​ကြ​ပါ​တယ်။

BBC Burmese
http://www.bbc.com/burmese

ဆရာဝန်ရဲ့ တားမြစ်မှုကြောင့် ဂျပန်ကျောင်းသားတွေ အစာငတ်ခံဆန္ဒပြပွဲ ၁၄၇ နာရီအကြာမှာ ပြီးဆုံးသွားပါတယ်။

တိုကျိုလွှတ်တော်ရှေ့မှာ ဂျပန်တက္ကသိုလ်ကျောင်းသားတွေရဲ့ အစာငတ်ခံဆန္ဒပြပွဲကို ၄ ဦးအနက် နောက်ဆုံးကျန်သူ Senshu တက္ကသိုလ်ကျောင်းသား Shotaro Kimoto san ကို ၁၄၇ နာရီအကြာမှာ ဆရာဝန်ရဲ့ ဆေးစစ်ချက်နဲ့ တားမြစ်ခံရပြီး စက်တင်ဘာ၂ ရက်နေ့က ရပ်ဆိုင်းလိုက်ရပါတယ်။

ဝန်ကြီးချုပ် ရှင်ဇိုအာဘေးဦးဆောင်တဲ့ ဂျပန်အစိုးရရဲ့ အုပ်စုလိုက်ကာကွယ်ခွင့်လုံခြုံရေးဥပဒေနဲ့ ပတ်သက်ပြီး အသက်ဝင်အောင်ကြိုးစားနေတာကို ဟန့်တားတဲ့အနေနဲ့ တိုကျိုမြို့ရဲ့ နာမည်ကြီးတက္ကသိုလ်တွေဖြစ်တဲ့ Senshu တက္ကသိုလ်၊ Waseda တက္ကသိုလ်၊ Chuo တက္ကသိုလ်တွေက ကျောင်းသား ၄ ဦးဟာ သြဂုတ်၂၇ ရက်နေ့ကစလို့ အစာငတ်ခံပြခဲ့ကြတာဖြစ်ပါတယ်။

ဂျပန်ဝန်ကြီးချုပ်ဟောင်း ခန်နအိုတိုစံ အပါအ၀င် အတိုက်အခံပါတီက လွှတ်တော်အမတ်တွေနဲ့ တက္ကသိုလ်အသီးသီးက ဆရာတွေ လာရောက်အားပေးထောက်ခံခဲ့ကြပါတယ်။

နိုင်ငံတ၀န်းမှာလည်း ဥပဒေကြမ်းကိုဆန့်ကျင်ဆန္ဒပြမှုတွေ ဆက်တိုက်ဖြစ်ပွားနေကြတာဖြစ်ပါတယ်။

ရှင်ဇိုအာဘေးအစိုးရကတော့ ပြည်သူတွေကို ဥပဒေမူကြမ်းနဲ့ ပတ်သက်ပြီး ပိုမိုနားလည်သဘောပေါက်အောင် ကြိုးပမ်းသွားမယ်လို့သာ တုံ့ပြန်ပြောကြားခဲ့ပါတယ်။

ဂျပန်နိုင်ငံရဲ့ လုံခြုံရေးဆိုင်ရာကာကွယ်ရေးဥပဒေသစ်နဲ့ပတ်သက်ပြီး ဂျပန်အနေနဲ့ ငွေရေးကြေးရေးနဲ့ ပံ့ပိုးမှုသာ ပါဝင်နေတဲ့ အမေရိကန်ရဲ့ နိုင်ငံတကာ အကြမ်းဖက်နှိမ်နင်းမှု စစ်ပွဲတွေထဲမှာ လက်နက်ကိုင်စွဲ ပါဝင်တိုက်ခိုက်လာဖို့ အခြေအနေတွေ ဖြစ်လာမှာကို ဂျပန်ပြည်သူတွေက စိုးရိမ်ပူပန်ကြနေကြတာ ဖြစ်ပါတယ်။

အစာငတ်ခံဆန္ဒပြမှုကို ရပ်တန့်လိုက်ပေမယ့် ဥပဒေကြမ်းကို ကန့်ကွက်နေတဲ့ အခြားဆန္ဒပြကျောင်းသားအဖွဲ့တွေနဲ့ ပူးပေါင်းပြီး အစွမ်းကုန်ဆက်လက်ဆောင်ရွက်သွားမယ်လို့ အစာငတ်ခံဆန္ဒပြ ကျောင်းသားတွေက ဒီဗွီဘီကို ပြောကြားခဲ့ပါတယ်။
By ဒီဗွီဘီ
http://burmese.dvb.no/archives/110737

မိုင်လိုင်လီ ယူစူဖူကို ဖမ်းဆီးခေါ်ဆောင်လာစဉ်က မိုင်လိုင်လီ ယူစူဖူကို ဖမ်းဆီးခေါ်ဆောင်လာစဉ်က


ထိုင်းနိုင်ငံ ဘန်ကောက်ဖောက်ခွဲမှုနဲ့ ဆက်စပ်ပြီး ဖမ်းဆီးခံထားရသူတဦးရဲ့ ဒီအန်အေ (မျိုးဗီဇ) စစ်ဆေးတွေ့ရှိချက်ကို ထိုင်းရဲတပ်ဖွဲ့က စက်တင်ဘာလ ၄ ရက် မွန်းလွဲ ၁ နာရီခွဲက ထုတ်ပြန်ပြောကြားခဲ့တယ်လို့ သနေရှင်းသတင်းမှာ ဖော်ပြပါတယ်။
ပြီးခဲ့တဲ့ စက်တင်ဘာ ၁ ရက်နေ့ ကမ္ဘောဒီးယားနယ်စပ်မှာ ဖမ်းဆီးရမိခဲ့တဲ့ တရုတ်နိုင်ငံသား မိုင်လိုင်လီ ယူစူဖူရဲ့ ဒီအန်အေကို စစ်ဆေးရာမှာ ဘန်ကောက်ဧရာဝဏ်နတ်ကွန်းအနီး ဖောက်ခွဲမှုနဲ့ ပတ်သက်တဲ့ ဒီအန်အေ တူညီခြင်းမရှိဘူးလို့ ထိုင်းအမျိုးသားရဲတပ်ဖွဲ့ ဒုရဲချုပ်ကြီး ပရ၀စ် ထာဝွန်းက သတင်းစာရှင်းလင်းပွဲမှာ ပြောကြားပါတယ်။

သူတို့ဟာ စီစီကင်မရာထဲက အင်္ကျီအ၀ါရောင်ဝတ်လူက တက္ကစီကားမောင်းသမားကို ပေးထားခဲ့တဲ့ ဘတ် ၂၀ တန် ငွေစက္ကူပေါ်က ဒီအန်အေ၊ ဧရာဝဏ်ဘုရားအနီး ကျန်ရှိနေသေးတဲ့ ကျောပိုးအိတ်အညိုရောင် အပိုင်းအစဆီက ဒီအန်အေနဲ့ မိုင်လိုင်လီ ယူစူဖူရဲ့ ဒီအန်အေကို တိုက်ဆိုင်စစ်ဆေးခဲ့တာ ဖြစ်ပါတယ်။
ဒါပေမယ့် မိုင်လိုင်လီ ယူစူဖူရဲ့ ဒီအန်အေဟာ နောင်ကျောက်မြို့နယ် ဖူးလ်နန်တိုက်ခန်းထဲက ဖောက်ခွဲရေးပစ္စည်းထုတ်လုပ်တဲ့ ပစ္စည်းတွေမှာရော၊ မင်ဘူရီမြို့နယ် မိုင်မူနာ ဂါးဒင်းဟုမ်း တိုက်ခန်းက အသုံးပြုထားတဲ့ လက်သည်းညှပ်၊ သွားပွတ်တံက ဒီအန်အေတွေနဲ့ တိုက်ဆိုင်တူညီတဲ့အတွက် သူဟာ ဖောက်ခွဲရေးပစ္စည်းထုတ်လုပ်တဲ့ လုပ်ငန်းစဉ်မှာ ပါဝင်ပတ်သက်နေသူတဦး ဖြစ်တယ်လို့ ဒုရဲချုပ်ကြီးက ပြောပါတယ်။

သူဟာ ဖောက်ခွဲမှုမှာ ပါဝင်ပတ်သက်သူဆိုရင် ဘာကြောင့် ဖောက်ခွဲမှုနဲ့ တရားမစွဲသလဲ ဆိုတဲ့ သတင်းထောက်တဦးရဲ့ အမေးကို ဒုရဲချုပ်ကြီးက မိုင်လိုင်လီဟာ ဧရာဝဏ်ဘုရားအနီး စီစီကင်မရာထဲပါတဲ့ အ၀ါရောင်အင်္ကျီဝတ်သူ မဟုတ်တဲ့အတွက် ဗုံးဖောက်ခွဲသူမဟုတ်ဘဲ ဖောက်ခွဲရေးပစ္စည်း ထုတ်လုပ်ရာမှာ ပါဝင်သူတဦးသာ ဖြစ်တယ်လို့ ဆိုပါတယ်။
ဒါ့အပြင် လောလောဆယ် သူ့ရဲ့ နိုင်ငံကူးလက်မှတ်အရ သူဟာ တရုတ်နိုင်ငံသား ဖြစ်တယ်ဆိုပေမယ့် နိုင်ငံကူးလက်မှတ်အတုအစစ်ကို ထပ်မံစစ်ဆေး စိစစ်ရဦးမယ်လို့ ဖြေကြားခဲ့ပါတယ်။
ထိုင်းရဲတပ်ဖွဲ့ဟာ စက်တင်ဘာ ၃ ရက်နေ့ကလည်း မင်ဘူရီမြို့နယ် ရာ့ဆဒွန်းဥထစ် ၃၄ လမ်းက တိုက်ခန်းတခန်းကိုလည်း ၀င်ရောက်စစ်ဆေးရှာဖွေခဲ့ကြောင်း၊ အဲဒီအခန်းမှာတော့ နေတဲ့လူမရှိဘဲ  (ခေတာမင်) ဆိုတဲ့ ဓာတုဆေးပစ္စည်းတမျိုးကိုသာ တွေ့ရှိပြီး အဲဒီပစ္စည်းဟာ ဖောက်ခွဲရာမှာ အသုံးပြုတာမဟုတ်ဘဲ မူးယစ်ဆေး၊ ဒါမှမဟုတ် မေ့ဆေးအဖြစ်သာ အသုံးပြုတဲ့ အရာလို့ ဆိုပါတယ်။

ဘေးအိမ်မျက်မြင်သက်သေတွေ ပြောပြချက်အရ  နန်းဝမ်းနား ဆွန်ဆန် (သူ့နာမည်နဲ့ တိုက်ခန်းငှားပြီး တရားစွဲခံထားရသူ ) ဟာ အဲဒီနေရာကို လာလေ့ရှိပေမယ့် ဒီတိုက်ခန်းကတော့ သူ့အမည်နဲ့ ငှားရမ်းထားတာ မဟုတ်ဘူးလို့  ထိုင်းရဲတပ်ဖွဲ့က ပြောသွားပါတယ်။
640_eb9gekai9ajbk9ja9c9c6
ဒုရဲချုပ်ကြီး ပရ၀စ် ထာဝွန်း
လွန်ခဲ့တဲ့ ၂ ပတ်က ဘန်ကောက် ဧရာဝဏ်နတ်ကွန်း နဲ့ ဆာထွန်းလှေဆိပ်မှာ ပေါက်ကွဲမှု ဖြစ်ပွားပြီး လူ ၂၀ သေဆုံးကာ ၁၀၀ ကျော်ဒဏ်ရာရခဲ့ပါတယ်။
ဒီဖြစ်စဉ်နဲ့ ပတ်သက်လို့ ထိုင်းရဲတပ်ဖွဲ့က လူ ၈ ဦးကို ဖမ်းဝရမ်းထုတ်ထားပြီး သံသယရှိသူ ၃ ဦးကို ဖမ်းဆီးရမိထားပါတယ်။

DVB
http://burmese.dvb.no/archives/110746



ကျောင်းဝင်းအတွင်းမှာ ရုပ်ရှင်ပွဲတော် ကျင်းပတာနဲ့  ကျောင်းသားသမ္ဂ ရွေးကောက်ပွဲ ပြုလုပ်ခဲ့တဲ့ စီးပွားရေး တက္ကသိုလ်ကျောင်းသား သမဂ္ဂက ကျောင်းသားတွေကို ကျောင်းပါမောက္ခတွေက အတင်းအကျပ် ခံဝန် လက်မှတ်ရေးထိုးခိုင်းခဲ့ပါတယ်။ အိမမမွန် သတင်းပေးပို့ ထားပါတယ်။ DVB TV – 04.09.2015

Author Name

Contact Form

Name

Email *

Message *

Powered by Blogger.