09/07/15


ပြီးခဲ့တဲ့လက ရေဘေးသင့်ခဲ့တဲ့ စစ်ကိုင်းတိုင်းအတွင်းမှာပဲ အခုအခါမှာ ဒုတိယအကြော့ မြစ်ရေကြီးမှုကို ရင်ဆိုင်ရပြန်ပါပြီ။ စစ်ကိုင်းတိုင်း အတွင်း မြစ်တချို့ဟာ စိုးရိမ်ရေမှတ်ကို ကျော်လွန်နေကြောင်း မိုးလေဝသနဲ့ ဇလာဗေဒ ညွှန်ကြားမှု ဦးစီးဌာနကနေ ဒီကနေ့ ထုတ်ပြန် ပေးထားပါတယ်။ ဒီအထဲမှာ စစ်ကိုင်းတိုင်း၊ မော်လိုက်မြို့နယ်မှာ စိုးရိမ်ရေမှတ်က (၉ ပေ ခွဲ) အထိ မြင့်တက်နေပြီဖြစ်ကြောင်း ပြောပါတယ်။ ဒါကြောင့် ဒေသခံတွေကို ဘေးလွတ်ရာတိမ်းရှောင်ဖို့ သတိပေးထားပါတယ်။ အပြည့်အစုံကို ဆက်သွယ်စုံစမ်းထားတဲ့ ထိုင်းအခြေစိုက် ဗွီအိုအေသတင်းထောက် မအေးအေးမာက သတင်းပေးပို့ထားပါတယ်။

မိုးသည်းထန်စွာရွာသွန်းမှု၊ မြစ်ရေကြီးမှုနဲ့ ကိုမန်ဆိုင်ကလုံးမုန်တိုင်း တိုက်ခတ်ခံခဲ့ရမှုတွေကြောင့် မြန်မာနိုင်ငံတဝှမ်း တိုင်းနဲ့ပြည်နယ် ၁၂ ခု တို့မှာ ရေဘေးဒဏ်ကို ခံစားခဲ့ရပါတယ်။ ဒီအထဲမှာ စစ်ကိုင်းတိုင်း၊ ရခိုင်ပြည်နယ်အပါအဝင် တိုင်းနဲ့ပြည်နယ် ၄ ခုကတော့ အဆိုးဆုံး ဒေသတွေအဖြစ် အစိုးရက သတင်းထုတ်ပြန်ထားခဲ့တာပါ။ အခုအခါမှာ ချင်းတွင်းမြစ်ရေကြီးလာတဲ့အတွက် စစ်ကိုင်းတိုင်းအထက်ပိုင်းက မော်လိုက်အပါအဝင် မြို့နယ် လေးခုလောက်မှာ စိုးရိမ်ရေမှတ်တွေ ကျော်လွန်နေပြီဖြစ်ကြောင်း မိုးလေဝသနဲ့ဇလဗေဒ ညွှန်ကြားမှု ဦးစီးဌာနက ဒုတိယညွှန်မှူး ဦးကျော်လင်းဦးက အခုလို ပြောပါတယ်။

“စိုးရိမ်ရေမှတ်အထက် ဆက်လက်မြင့်တက်နိုင်တဲ့အခြေအနေတွေကတော့ ချင်းတွင်းမြစ်ရေဟာ ဆိုလို့ရှိရင်…မော်လိုက်မြို့မှာ ကိုးပေခွဲခန့်၊ ကလေးဝမြို့မှာ (၆) ပေခွဲခန့်၊ မင်းကင်းမြို့မှာ (၅) ပေခန့်၊ မုံရွာမြို့မှာ (၁) ပေခွဲခန့် အဲဒီမြို့တွေဟာ စိုးရိမ်ရေမှတ်အသီးသီးအထက်မှာ ကျော်လွန်နေပြီးတော့ နောက်တစ်ရက်အတွင်း မော်လိုက်မြို့မှာ ပေဝက်ခန့်၊ နောက် နှစ်ရက်အတွင်း ကလေးဝမြို့နဲ့ မင်းကင်းမြို့တွေမှာ (၁) ပေခွဲခန့်စီနဲ့ မုံရွာမြို့မှာ (၂) ပေခန့် ဆက်တက်လာနိုင်ပြီးတော့ အဲဒီမြို့တွေရဲ့ စိုးရိမ်ရေမှတ်အဆင့်မှာ ဆက်လက်တည်ရှိနိုင်တဲ့အတွက်ကြောင့်မို့လို့ အဲဒီဒေသတွေမှာဆိုလို့ရှိရင် ကမ်းနီးနဲ့ မြေနိမ့်ပိုင်းတွေမှာ နေထိုင်တဲ့လူတွေအနေနဲ့ ကြိုတင်သတိပြုရှောင်ရှားဖို့ အကြံပြုအပ်ပါတယ်-ဆိုပြီးတော့ ကျနော်တို့ဌာနက ထုတ်ပြန်ထားပါတယ်ခင်ဗျ။”

စစ်ကိုင်းတိုင်းအတွင်းမှာ ဒုတိယအကြိမ်အဖြစ် ပြန်ပြီး ရေကြီးလာနေတာဖြစ်ပြီး မော်လိုက်၊ ဟုမ္မလင်း၊ ဆားလင်းကြီးမြို့နယ်တွေမှာ ရေပြန်ကြီးနေတဲ့အကြောင်း စစ်ကိုင်းတိုင်း ပြည်သူ့လွှတ်တော်ကိုယ်စားလှယ် ဒေါ်ခင်စန်းလှိုင်ကလည်း အခုလို ပြောပါတယ်။

“ဟုမ္မလင်းတို့၊ မော်လိုက်တို့မှာ ရေတွေထပ်ပြီးကြီးနေတယ်လေ။ မိုးတွေလည်း ရွာနေတယ်လို့ ကြားရတယ်။ ချင်းတွင်းမြစ်ဘက်ကလည်း ရေကြီးလာတော့ အခု ဆားလင်းကြီးနယ်ထဲက တနေ့က ရေကြီးခဲ့တဲ့ရွာတွေမှာ အခု ပေါင်လယ်လောက်တောင် ထပ်ပြီး ဝင်လာကြပြန်ပြီ။ အဲလိုမျိုးလေးတွေတော့ ဖြစ်တာကို သိရတယ်လေ။”

မော်လိုက်မြို့ရဲ့ လက်ရှိအခြေအနေမှာ မြို့ရဲ့နေရာအတော်များများမှာ ရေနစ်မြုပ်နေတဲ့အတွက် ကူညီကယ်ဆယ်ရေးလိုအပ်နေတာပါ။ အနိမ့်ပိုင်းရပ်ကွက်အတော်များများ ရေနစ်မြုပ်နေတဲ့အတွက် ရေဘေးသင့်သူ ရာဂဏန်းလောက်ဟာ အမြင့်ပိုင်းရပ်ကွက်တွေက ဘုန်းကြီးကျောင်းတွေမှာ ခိုလှုံနေကြရပါတယ်။ မော်လိုက်မြို့မှာ ရေအမြင့် ၉ ပေခွဲကျော် တက်နေတဲ့အတွက် တမြို့လုံးနီးပါး ရေလွှမ်းမိုးမှု ကြုံနေရပါတယ်။ မိုးလေဝသနဲ့ ဇလဗေဒ ဦးစီးဌာနကတော့ အဲဒီမြို့နယ်တွေမှာ နောက် ၂ ရက်လောက်အထိ ရေမျက်နှာပြင် မြင့်တက် နိုင်သေးကြောင်း သတိပေး ကြေညာထားပါတယ်။

စစ်ကိုင်းတိုင်း၊ မန္တလေးတိုင်း၊ ကယားပြည်နယ်၊ ရှမ်းပြည်နယ်၊ ချင်းပြည်နယ်၊ ကချင်ပြည်နယ်၊ မွန်ပြည်နယ်တွေဘက်မှာလည်း နေရာကွက်ပြီး မိုးရွာသွန်းနိုင်ကြောင်း သတင်းထုတ်ပြန်ထားပါတယ်။ အစိုးရပိုင်သတင်းစာတွေမှာတော့ မြန်မာပြည်တဝှမ်းမှာ ပြီးခဲ့တဲ့လတွေအတွင်း ဖြစ်ပွားခဲ့တဲ့ ရေဘေးကြောင့် လူပေါင်း ၁၆ သိန်းကျော် ရေဘေးသင့်ခဲ့ပြီး ၁၂၀ ကျော် သေဆုံးခဲ့ရကြောင်း ဖော်ပြထားပါတယ်။

မအေးအေးမာ/VOA
http://burmese.voanews.com/content/mawlite-water-surface-level-up-and-warning-for-flood-/2949899.html

 u-thantzintun-620.jpg ဒက္ခိဏသီရိမြို့နယ်ကနေ ယှဉ်ပြိုင်မယ့် NLD ပြည်သူ့လွှတ်တော်ကိုယ်စားလှယ်လောင်း ဦးသန့်ဇင်ထွန်းကို တွေ့ရစဉ်

လာမယ့်ရွေးကောက်ပွဲမှာ နေပြည်တော်ဒက္ခိဏသီရိမြို့နယ်ကနေ ဝင်ရောက်ယှဉ်ပြိုင်မယ့် ပြည်ခိုင်ဖြိုးပါတီ က ပြည်သူ့လွှတ်တော် ကိုယ်စားလှယ်လောင်း လည်/ဆည်ဝန်ကြီး ဦးမြင့်လှိုင်နဲ့ အမျိုးသားလွှတ်တော် မဲဆန္ဒနယ် ၁ဝ ကနေ တစ်သီးပုဂ္ဂလအဖြစ် ဝင်ပြိုင် မယ့် လယ်/ ဆည် ညွန်ချုပ်ဟောင်း ဦးကျော်ဝင်းတို့ကို NLD ပါတီ က ဒီကနေ့ ဒက္ခိဏသီရိမြို့မရဲစခန်းမှာ အမှုဖွင့်တိုင်ကြားလိုက်ပါတယ်။

အမှုဖွင့်သူ ဒက္ခိဏသီရိမြို့နယ်ကနေ ယှဉ်ပြိုင်မယ့် NLD ပြည်သူ့လွှတ်တော်ကိုယ်စားလှယ်လောင်း ဦးသန့်ဇင်ထွန်း က အမှုဖွင့်တဲ့အကြောင်း အခုလို ပြောပါ တယ်။

"အဲ့လိုပေးဝေတဲ့ ကိစ္စက ဦးကျော်ဝင်းရဲ့ဆောင်ရွက်မှုတွေက ဒက္ခိဏသီရိမြို့နယ် ပြည်သူ့လွှတ်တော်ကိုယ်စား လှယ်လောင်း ဦးမြင့်လှိုင်အတွက် ရွေးကောက်မှု ဆိုင်ရာ အခွင့်အရေးကို မတရားသဖြင့်ရရှိစေရန်အလို့ငှာ ပစ္စည်းကိုအသုံးပြုပြီး လာဘ်ပေးခြင်း ကိုဆောင်ရွက်ခြင်းလို့ ယူဆတဲ့အတွက်ကြောင့် ကျနော်အမှုဖွင့် ရခြင်းဖြစ် ပါတယ်၊ ကျနော်ရဲ့ရွေးကောက်ပွဲကိုယ်စားလှယ်က တရားလိုဖြင့်တိုင်တန်းသွားမှာပါ"

အဲဒီအမှုကို စခန်းက လက်ခံထားပေမယ့် ဒက္ခိဏသီရိမြို့နယ် ရွေးကောက်ပွဲ ကော်မရှင်အဖွဲ့ခွဲနဲ့ သက်ဆိုင်ရာ အထက်ဆင့်ကို ဆက်လက်တင်ပြထားတယ်လို့ စခန်းမှူး ဒုရဲမှူး ဦးစိုးဝင်းက အခုလို ပြောပါတယ်။

"လက်ရှိအခြေအနေအရ ကျနော်တို့က မြို့နယ်ကော်မရှင်ကိုတင်ထားတယ်၊ ကျနော်တို့က ဘယ်သူတိုင်တိုင် တိုင်တာကိုလက်ခံတယ်၊ ကျနော်တို့နဲ့ သက်ဆိုင်တဲ့ အဆင့်ဆင့်ကိုတင်ပြမယ်"

ပြီးခဲ့တဲ့ စက်တင်ဘာလ ၄ ရက်က လည်/ဆည် ညွန်ချုပ်(အငြိမ်းစား) ဦးကျော်ဝင်းဟာ ဒက္ခိသီရိမြို့နယ် ကျေး ရွာတွေက ဒေသခံတွေကို သူနဲ့ ဦးမြင့်လှိုင် ကို မဲပေးဖို့ ထီးတွေ၊ ယပ်တောင်တွေမှာ စာရေးပြီး ဝေခဲ့သလို ကျောင်း သုံးပရိဘောဂတွေ၊ ဆန်တွေ၊ ဆီတွေကို ပေးဝေခဲ့တာ ဖြစ်ပါတယ်။

ပေးဝေခဲ့တဲ့အစိမ်းရောင် ထီးတွေမှာ"တို့အတွက်အမှန်တကယ်အကျိုးပြုမယ့် ကိုယ်စားလှယ် ဦးမြင့်လှိုင်ကို တို့အားလုံးထောက်ခံဆန္ဒမဲပေးကြပါစို့၊ ပြည်သူ့ထံမှ ပြည်သူ့ထံသို့ "ဆိုပြီး စာသားတွေ ပါဝင်ပါတယ်။

RFA
http://www.rfa.org/burmese/news/nld-candidate-charges-usdp-rival-09062015101141.html

ကချင်ပြည်နယ် ဖားကန့်မြို့နယ်မှာ မြန်မာပြည်အနှံ့က လာရောက်လုပ်ကိုင်နေတဲ့ ရွှေ့ပြောင်းလုပ်သား တစ်သိန်းကျော်လောက်ဟာ လက်ရှိအခြေအနေအရ မဲပေးခွင့် ဆုံးရှုံးရနိုင်ကြောင်း ရွေးကောက်ပွဲ အသိပညာပေးလုပ်ငန်း ဆောင်ရွက်ပေးနေတဲ့ နိုင်ငံရေးပါတီတွေက ပြောကြပါတယ်။

ဖားကန့်မြို့နယ်မှာ ၂ဝ၁၄ ခုနှစ် ရှေ့ပြေးသန်းခေါင်စာရင်းအရ လူဦးရေ သုံးသိန်း ကျော်ရှိတဲ့ အနက် အခြေခံမဲစာရင်းမှာ လေးသောင်းနီးပါးသာ မဲပေးပိုင်ခွင့် ရှိနေတဲ့ အတွက် အသက် ၁၈ နှစ် ပြည့်ပြီးသူ တစ်သိန်းကျော်လောက်ဟာ မဲပေးခွင့်ဆုံးရှုံးရမယ့် အခြေအနေရောက်နေတယ်လို့ ဖားကန့် မြို့နယ် NLD ပါတီ ဒုတိယဥက္ကဋ္ဌ ဦးတင့်စိုးက ပြောပါတယ်။

"ကျနော်တို့ဖားကန့်မြို့နယ်မှာ အခြေခံမဲစာရင်းအရ မဲပေးပိုင်ခွင့်ရှိတဲ့သူက စုစုပေါင်း ၃၉ဝဝဝ ကျော်ရှိတယ်၊ ပုံစံ ၆၆/ ၆ မရှိဘဲနဲ့ မှတ်ပုံတင်ရှိပြီး အိမ်ထောင်စု မရှိတဲ့သူတွေ က ၂ သိန်း ၇ ထောင်ဆိုတော့ ပေါင်းတော့ ၃ သိန်းကျော်ပါ၊ အလုပ်လုပ်ကိုင်နိုင်တဲ့ အသက်အရွယ်တွေ၊ အထူးသဖြင့်တော့ ၁၈ နှစ်အထက်ပေါ့ဗျာ၊ အဲ့လိုအရွယ်တွေက အများဆုံးလာရောက်ပြီးစီးပွားရှာကြတဲ့အရွယ်တွေ ဖြစ်တဲ့အခါကျတော့ တစ်ကယ်တမ်း ၁၈ နှစ်အထက်ကိုတွက်မယ်ဆိုရင် ၁ သိန်းခွဲ ရဲ့အထက်မှာရှိနေတယ်၊ ၁ သောင်းကျော် လောက်တော့ ပုံစံ ၃/ ကနဲ့ တင်ပေးနိုင်ခဲ့ပါပြီ"

အသက် ၁၈ နှစ်ပြည့်ပြီး မဲပေးနိုင်ခွင့်ရှိသူတွေထဲက ရွှေ့ပြောင်းလုပ်သား လူဦးရေ တစ်သောင်းလောက် မဲပေးခွင့်ရနိုင်ရေးအတွက် ပုံစံ ၃ (က) နဲ့ လျှောက်လွှာ တင်ပေးထားတယ်လို့ ဖားကန့်မြို့နယ် NLD ပါတီက ပြောပါတယ်။

လောလောဆယ် ဖားကန့်ကျောက်စိမ်းတွင်းဒေသမှာ မဲပေးနိုင်ခွင့်ရရှိရေးနဲ့ ရွေးကောက်ပွဲ အသိပညာပေးလုပ်ငန်းတွေကို ပြည်ထောင်စုကြံ့ခိုင်ရေးနဲ့ဖွံ့ဖြိုးရေး ပါတီ၊ အမျိုးသားဒီမိုကရေစီအဖွဲ့ချုပ် စတဲ့ နိုင်ငံရေးပါတီတွေနဲ့ အုပ်ချုပ်ရေးအဖွဲ့တွေအပါအဝင် လူမှုအဖွဲ့အစည်းတချို့က ဆောင်ရွက်နေပါတယ်။

ပြီးခဲ့တဲ့ ၂ဝ၁ဝ ရွေးကောက်ပွဲတုန်းက ဖားကန့်မြို့နယ်အတွင်းမှာ မဲပေးနိုင်ခွင့်ရှိသူ စုစုပေါင်း ၉ သောင်းကျော်ရှိပြီး ဒီတစ်ကြိမ်ရွေးကောက်ပွဲ မှာတော့ လေးသောင်းနီးပါးပဲရှိတယ်လို့ သိရပါတယ်

RFA

Author Name

Contact Form

Name

Email *

Message *

Powered by Blogger.