09/09/15


သမိုင်းတကွေ့မှ ဂဠုန်ဦးစော

မကြာသေးခင်က မှော်ဘီ၊ ဖူးကြီးကျေးရွာ အမှတ် (၇၀၄) ခြေမြန်တပ်ရင်း၊ ဗဟိုကင်းကနေ လက်နက်တွေ ဖောက်ထွင်းခိုးယူမှုဖြစ်သဗျ။ အခိုးခံရတဲ့ လက်နက်တွေကလည်း

၁။ MA-3, MK-2 သေနတ် ၃ လက်
၂။ ကျည်အိမ် ၉ ခု
၃။ လှံစွပ် ၂ ချောင်း
၎။ 5.56 mm ကျည်တောင့် ၄၄၂ တောင့်
၅။ စနိုက်ပါ မှန်ပြောင်း တစ်လက် လို့သိရတယ်။

အဲဒီတပ်ထဲက ဗဟိုကင်းမှာ တာဝန်ကျတဲ့ တပ်သားဘချိုက သူ့အစ်ကိုဖြစ်တဲ့ အရပ်သား ဘကိုနဲ့ ပူးပေါင်းပြီး ဗဟိုကင်းတဲကနေ လက်နက်တွေ ခိုးယူထွက်ပြေးတာဖြစ်ပါတယ်။ လက်နက်တိုက် သော့ကိုင် အိပ်မောကျ နေချိန်မှာ သော့ကိုခိုးပြီး လက်နက်တွေ ယူကာ ညီအစ်ကိုနှစ်ယောက် ထွက်ပြေးကြတယ်။

သူတို့က ဆိုင်ကယ်နဲ့ ထွက်ပြေးကြသတဲ့။ လမ်းမှာ ဆိုင်ကယ်ပျက်နေတုန်း လှည့်ကင်းနဲ့တိုးပြီး အဲဒီ ညီအစ်ကို နှစ်ယောက်ကို ပြန်ဖမ်းမိတယ်ဆိုတဲ့ သတင်းဟာ တွေးကြည့်လိုက်ရင် ကျွန်တော်တို့ အတိတ်ကို ပြန်ပြီး သတိရစရာပေါ့။ ဗိုလ်ချုပ်အောင်ဆန်းနဲ့ အာဇာနည်ခေါင်းဆောင်ကြီးတွေ ဘယ်လို ကျဆုံးခဲ့ရတယ်ဆိုတာနဲ့ ဆက်စပ်တွေးမိတာပါ။ အဲဒီအချိန်ကလည်း လက်နက်တွေ အခိုးခံရတယ်၊ ပျောက်တယ်ဆိုပြီး ဖြစ်ခဲ့တာပဲဗျ။

၂၀၁၄ ခုနှစ် ဇန်နဝါရီလ ၁၄ ရက်နေ့ကလည်း မှော်ဘီမှာပဲ တင့်ကားတပ်ရင်းထဲက လက်နက်တိုက် ဖောက်ထွင်းမှုဖြစ်ပွားသေးတယ်။ ခုထိ ခိုးယူသွားသူတွေကို ဖမ်းဆီးမမိသေးဘူး။

ရွေးကောက်ပွဲနီးလာမှ ဒီအဖြစ်အပျက်တွေ ဖြစ်လာတာဟာ ကောင်းတဲ့အလားအလာတော့ မဟုတ်ဘူးဗျ။ ဒုတိယ ဦးစောပေါ်လာချိန်နဲ့ ဒုတိယအာဇာနည်တွေပေါ်လာချိန်ဟာ ၁၉၄၇ ခုနှစ်နဲ့ ထပ်တူကျနေမလား စဉ်းစားစရာ။

(ယနေ့ထုတ် The Voice Daily သတင်းစာပါအချက်များကို ကိုးကားပါသည်။)

၈.၉.၂၀၁၅
Tin Nyunt

ကျွန်တော် လူငယ်တွေကို လေးစားတယ်၊ အားကိုးတယ်ဆိုတာ အကြောင်းရှိပါတယ်။

အိုဘားမား သမ္မတမဖြစ်မီက လူမည်းတစ်ယောက် သမ္မတဖြစ်ရေးကို လူငယ်တွေ ၀ိုင်းဝန်းကြိုးပမ်းပေးကြ တယ်။ လူမည်း လူငယ်တွေသာမက လူဖြူလူငယ်တွေတောင်ပါတယ်။ ဘာကြောင့်လည်းဆိုတော့ သူတို့ နိုင်ငံမှာ ကြီးစိုးလွန်းနေတဲ့ပါတီကို မကြိုက်တော့လို့။ စစ်ပွဲတွေကိုထောက်ခံနေတဲ့ သမ္မတတွေကို ခေတ် အဆက်ဆက် လူငယ်တွေက ဦးဆောင်ပြီး ကန့်ကွက်ခဲ့ကြတာမဟုတ်လား။

Change တစ်ခုကို လိုချင်တော့ လူငယ်တွေက ဆိုရှယ်ကွန်ရက်တွေကနေ အိုဘားမားကို မဲဆွယ်ပေးကြတယ်။ တစ်အိမ်တက်ဆင်းလိုက်ပြီး တံခါးတွေခေါက်ကာ အိုဘားမားကို မဲပေးကြဖို့ လိုက်စည်းရုံးတာလည်း လူငယ် တွေပဲဗျ။

အသက်အရွယ်ရလာရင် တွေဝေလာတတ်တယ်။ ပိုဆိုးတာက သာကူးတွေ ဖြစ်လာတာပဲ။ ဆိုရှယ်လစ်ခေတ် ကလည်း ဦးနေ၀င်းမကောင်းကြောင်းပြောတဲ့သူတွေ ဦးနေ၀င်းကိုသွားပြီး ဦးခိုက်ကြတာပဲ။ ပိုဆိုးတာက ကွန်မြူနစ်လူထွက်တွေတောင် ဦးနေ၀င်းကို ကန်တော့ပြီး ရာထူးရအောင် ယူကြသေးတာ။

န၀တ/ နအဖခေတ်မှာလည်း ဒီအတိုင်းပဲ။ ၈၈ တုန်းက သူရဲကောင်းဆိုသူတွေ စစ်တပ်အာဏာရှင်တွေနဲ့ပေါင်း ပြီး ကောင်းစားသွားကြတာ။

ဘယ်တော့မှ မပြောင်းလဲတာ လူငယ်တွေပဲ။ မျိုးဆက်သစ်လူငယ်တွေ သတ္တိရှိတယ်။ အမှန်တရားကိုသိတယ်။ မှန်တယ်ထင်ရင် ဘာမဆို လုပ်ဝံ့တယ်။ မတွေဝေဘူး၊ မကြောက်ဘူး၊ ဒူးမထောက်ဘူး။

လာမယ့် ရွေးကောက်ပွဲဟာ စစ်အာဏာရှင်နဲ့ ဒီမိုကရေစီ အားစမ်းပွဲပဲ။ စစ်အာဏာရှင်တွေ ထောက်ခံတဲ့ပါတီ တက်လာရင် တိုင်းပြည်ဟာ လူတစ်စုကောင်းစားရေးကိုဦးတည်ပြီး လက်ရှိအခြေအနေထက် ဆိုးရွားမှုတွေကို ကြုံတွေ့ရမှာပဲ။

ပြည်သူက လှိုက်လှဲစွာထောက်ခံတဲ့ ပြည်သူ့အစိုးရတက်လာမှ ပြည်သူတွေ အာဏာရမယ်။ ပြည်သူ့ဘ၀ အေးချမ်းလာလိမ့်မယ်။ ပြည်သူ့တာဝန်ဆိုတာ အာဏာရှင်အုပ်စု ဖြုတ်ချရေးပဲ ဖြစ်ရမယ်။

ကျွန်တော်တို့ လူငယ်တွေကို အားကိုးကြည့်ပါ။ လူငယ်တွေကို ခိုင်းကြည့်ပါ။ လူငယ်တွေနဲ့ အနာဂတ်အတွက် မဲဆွယ်စည်းရုံးခိုင်းကြည့်ပါ။ သူတို့ဟာ ခင်ဗျားတို့ကို လွှတ်တော်ထဲ အမတ်တစ်နေရာတောင်းမှာမဟုတ်ဘူး။ လွှတ်တော်ထဲ ရူးကြောင်ကြောင်လာလုပ်မှာ မဟုတ်ဘူး။ ဒီမိုကရေစီကို ၀န်းရံမယ့်သူတွေလို့လက်ခံပြီး ပြည်သူ့ အာဏာရရေးအတွက် မဲဆွယ်စည်းရုံးတဲ့နေရာတွေမှာ သုံးကြည့်ပါ။

လူငယ်အားနဲ့ ကျွန်တော်တို့ အနာဂတ်ကို ကောင်းအောင်ပြုပြင်ကြည့်ရအောင်ဗျာ။ သူတို့ကို ယုံကြည်လိုက်ပါ။ သူတို့ဟာ “သာကူး” တွေမဟုတ်ဘူး။ သူတို့မှာ ရှိတဲ့ “အား” တွေကို ယုံကြည်စွာ “ငှား” ကြည့်လိုက် ကြပါ။

၈.၉.၂၀၁၅
Tin Nyunt



စက်တင်ဘာ ၈ရက်မှာ သာယာဝတီမြို့နယ်တရားရုံးမှာ ဖမ်းဆီးခံကျောင်းသားများ ၀န်းရံပြည်သူတွေကို ၁၆ကြိမ်မြောက် ရုံးချိန်းစစ်ဆေးခဲ့ပါတယ်။ အဲဒီရုံးချိန်းမှာ လာမယ့် စက်တင်ဘာ ၁၀ ရက်မှာ ကျရောက်မယ့် လက်ပံတန်းသပိတ် အကြမ်းဖက်ဖြိုခွင်းခံရမှု ၆လပြည့် အထိမ်းအမှတ်ကို တရားရုံးစင်္ကြန်မှာ လုပ်ခဲ့ကြပါတယ်။

Eleven media Group

ပြည်သူအားလုံး မဲပေးပိုင်ခွင့်ရရေးနှင့် ရွေးကောက်ပွဲနေ့တွင် မဲပေးရေး အရေးကြီးကြောင်း အမျိုးသားဒီမိုကရေစီအဖွဲ့ချုပ် ဥက္ကဋ္ဌ ဒေါ်အောင်ဆန်းစုကြည်က စက်တင်ဘာ ၈ ရက် ပြည်သူများသို့ ပြောကြားသော မိန့်ခွန်းတွင် အရေးကြီး အချက်အနေဖြင့် ပြောဆိုခဲ့ပါသည်။
"အခုချိန်မှာ အရေးကြီးတာကတော့ ကျွန်မတို့ ပြည်သူလူထုအားလုံးဟာ ရွေးကောက်ပွဲမှာ မဲပေးပိုင်ခွင့်ရဖို့နဲ့ ရွေးကောက်ပွဲနေ့ ရောက်တဲ့အခါ သွားပြီးတော့ မဲပေးဖို့ပါပဲ" ဟု ဒေါ်အောင်ဆန်းစုကြည်က ပြောကြားပါသည်။
ထို့အပြင် မဲပေးရာ၌ နိုင်ငံနှင့် မျိုးဆက်သစ်တို့၏ အနာဂတ်ကို စဉ်းစားပြီး လုပ်ဆောင်ကြရန်လည်း တိုက်တွန်းခဲ့ပါသည်။

"မဲပေးလို့ အခါကျလို့ရှိရင် လည်း ကျွန်မတို့ နိုင်ငံရဲ့ အနာဂတ်၊ ကျွန်မတို့ မျိုးဆက်သစ်တွေရဲ့ အနာဂတ်ကို စဉ်းစားပြီးတော့ မဲပေးကြပါ။ ရှေ့ကို မျှော်ကြည့်ပြီးတော့ ပြောင်းလဲချိန်တန်တဲ့အခါမှာ ပြောင်းလဲဖို့ ၀ိုင်းဝန်းပြီးတော့ ကူညီကြပါလို့ ကျွန်မအနေနဲ့ တိုက်တွန်းနှိုးဆော်ချင်ပါတယ်"ဟု ဒေါ်အောင်ဆန်းစုကြည်က ပြောပါသည်။

နိုဝင်ဘာ ၈ ရက်တွင် ပြုလုပ်မည့် အထွေထွေရွေးကောက်ပွဲတွင် အမျိုးသားဒီမိုကရေစီ အဖွဲ့ချုပ် ပါဝင်ယှဉ်ပြိုင်ရခြင်းသည် ရွေးကောက်ပွဲ၌ ပြည်သူလူထု၏ ဆုံးဖြတ်ချက်ကို လက်ခံရန်ဖြစ်ကြောင်း ပြည်သူများသို့ ပြောကြားသော မိန့်ခွန်းတွင် ထည့်သွင်းခဲ့ပါသည်။

"နိုဝင်ဘာလ ၈ ရက်မှာ ကျင်းပမယ့် အထွေထွေရွေးကောက်ပွဲမှာ အမျိုးသား ဒီမိုကရေစီ အဖွဲ့ချုပ်က ပါဝင်ပြီးတော့ ယှဉ်ပြိုင်မှာ ဖြစ်ပါတယ်။ ဒီလို ယှဉ်ပြိုင်ရခြင်းဟာ ရွေးကောက်ပွဲမှာ ပြည်သူလူထုရဲ့ ဆုံးဖြတ်ချက်ကို လက်ခံဖို့ပဲ ဖြစ်ပါတယ်။ ဒီမိုကရေစီဆိုတာဟာ ပြည်သူ့ရဲ့ ဆုံးဖြတ်ချက် ပြည်သူ့ရဲ့ ဆန္ဒကို အလေးထားရတဲ့ စနစ်ပါပဲ။ ဒါကြောင့်မလို့ နောက်ဆုံးကျတော့ ပြည်သူကသာလျှင် ဆုံးဖြတ်မှာ ဖြစ်ပါတယ်။ အမျိုးသား ဒီမိုကရေစီအဖွဲ့ချုပ်ဟာ စစ်မှန်တဲ့ ဖက်ဒရယ် ပြည်ထောင်စု ထူထောင်ဖို့ အတွက် ကြိုးစားခဲ့တာ ဆိုလို့ရှိရင် အနှစ် သုံးဆယ်နီးပါး ရှိပါပြီ။ အခုထိ ပန်းတိုင်ကို မရောက်သေးပါဘူး။ သို့သော်လည်း ပြည်သူရဲ့ ထောက်ခံမှုနဲ့ ပြည်သူရဲ့ ဆန္ဒနဲ့ တွန်းအားရဲ့ ကျွန်မတို့ အောင်မြင်နိုင်မယ်ဆိုတာကို အဓိက ယုံကြည်ပါတယ်" ဟု ဒေါ်အောင်ဆန်းစုကြည်က ပြောကြားခဲ့ပါသည်။

၂၀၁၅ ခုနှစ် အထွေထွေရွေးကောက်ပွဲကို နိုဝင်ဘာ ၈ ရက်တွင် ပြုလုပ်မည် ဖြစ်ပြီး မဲဆွယ်စည်းရုံးမှုများကို စက်တင်ဘာ ၈ ရက် (ယနေ့) တွင် စတင်ပြုလုပ်ခွင့်ရပြီ ဖြစ်ပါသည်။
.
Credit : EMG
.

dassk-shan-trip-620 ရှမ်းပြည်နယ်တောင်ပိုင်း ဟိုပုံးမြို့ ကျောက်တိုင်ကွင်းမှာ စက်တင်လာလ ၆ ရက်နေ့က ဒေါ်အောင်ဆန်းစုကြည် ရွေးကောက်ပွဲ ဆိုင်ရာတွေ ဟောပြောစဉ်

ဒေါ်အောင်ဆန်းစုကြည်အနေနဲ့ အချိန်မတိုင်ခင် မဲဆွယ်စည်းရုံးတယ်ဆိုပြီး ကော်မရှင်မှာ တိုင်ကြားထားတာ ကို ပြန်လည်ရုပ်သိမ်းသွားတယ်လို့ နေပြည်တော် ရွေးကောက်ပွဲကော်မရှင်က ပြောပါတယ်။

နေပြည်တော်ကနေ တသီး ပုဂ္ဂလအနေနဲ့ယှဉ်ပြိုင်မယ့် အမျိုးသားလွှတ်တော်ကိုယ်စားလှယ်လောင်း ဦးကျော်ဝင်းက သူ့ရဲ့တိုင်စာကို ရုပ်သိမ်းခဲ့တာလို့ ကော်မရှင်အဖွဲ့ခွဲဥက္ကဌ ဦးထက်အောင်ကျော်က ပြောပါတယ်။

NLD ပါတီဝင်တွေနဲ့ ပန်းရဲ့လမ်းဂီတအဖွဲ့ဟာ ပြီးခဲ့တဲ့ သြဂုတ်လ ၂၉ ရက်က ဇမ္ဗူသီရိမြို့နယ်၊ သပြေကုန်းရပ်ကွက် မှာ 'ပြောင်းလဲချိန်တန်ပြီ၊ အမှန်တကယ်ပြောင်းလဲဖို့ NLD ပါတီကို မဲပေးစို့' စာသားနဲ့ ဒေါ်အောင်ဆန်းစုကြည် ဓာတ်ပုံပါတဲ့ လက်ကမ်းကြော်ငြာတွေကို ဝေငှခဲ့တာကြောင့် ဦးကျော်ဝင်းက တိုင်ကြားတာဖြစ်ကြောင်း သိရပါတယ်။

အဲ့ဒီလိုတိုင်ကြားတဲ့ ဦးကျော်ဝင်းနဲ့ ပြည်ထောင်စု ကြံ့ခိုင်ရေးနဲ့ ဖံွ့ဖြိုးရေးပါတီက ပြည်သူ့လွှတ်တော် ကိုယ်စား လှယ်လောင်း ဦးမြင့်လှိုင်တို့က ဒီလ ၄ ရက်နေ့က သူတို့ကို မဲပေးဖို့ ထီးတွေ၊ ယပ်တောင်တွေ၊ ကျောင်းသုံး ပရိဘောဂတွေနဲ့ အ၀တ်အစားတွေ ဝေခဲ့တဲ့အတွက် NLD အမျိုးသားဒီမိုကရေစီအဖွဲ့ချုပ်က ကိုယ်စားလှယ်လောင်း ဦးသန့်ဇင်ထွန်းက ကော်မရှင်ထံ ပြန်လည်တိုင်ကြားထားပါတယ်။

RFA



students-tharyarwaddy-sep8-620.jpg

အမျိုးသားပညာရေးဥပဒေကို ဆန္ဒပြခဲ့ကြတဲ့ ကျောင်းသားတွေကို စက်တင်ဘာလ ၈ ရက်နေ့က သာယာဝတီခရိုင် တရားရုံးမှာ ရုံးထုတ်ခဲ့စဉ်
Photo: Aung Thain Kha/RFA

လက်ပံတန်းကျောင်းသားသပိတ်စခန်းကို အကြမ်းဖက်ဖြိုခွဲခွင်းခဲ့တဲ့ တာဝန်ရှိသူ ရဲမှူးတွေကို တန်ပြန်တရားစွဲဆိုခွင့် ပယ်ချခံရတာကြောင့် ဖမ်းဆီးခံထားရတဲ့ ကျောင်းသူ ကျောင်းသားတွေက လာမယ့်တရားရုံးချိန်းတွေမှာ သပိတ်မှောက်သွားမယ်လို့ ဒီနေ့ ပြောပါတယ်။ ပဲခူးတိုင်းဒေသကြီး သာယာဝတီခရိုင်တရားရုံး ဒီကနေ့ ရုံးချိန်းမှာ ဗမာနိုင်ငံလုံးဆိုင်ရာ ကျောင်းသားသမဂ္ဂများအဖွဲ့ချုပ် ဗကသ ကျောင်းသား ကိုမင်းသွေးသစ်က သပိတ်စခန်းဖြိုခွင်းခံရတဲ့ ၆ လပြည့် အထိမ်းအမှတ် အခမ်းအနားကျင်းပပြီးမှာ ပြောတာဖြစ်ပါတယ်။

"အမှုစစ်တာ လက်မခံတော့ဘူး၊ အဲတော့ ကျနော်တို့ တပတ်တစ်ခါရုံးထွက်ချင်မှ ထွက်ရလိမ့်မယ်၊ ကျန်းမာရေးမကောင်းတဲ့ လူတွေရှိနေတယ်၊ နောက်တချို့တွေက အာမခံတင်ထားတဲ့ပုံစံတွေ ရှိနေတာဖြစ်တဲ့အတွက် သူတို့နဲ့ကျေလည်အောင်ညှိပြီးတော့ အားလုံးကသဘောတူတယ်ဆိုရင်တော့ အဲ့လမ်းကြောင်းကိုရွေးမှာပေါ့၊ အားလုံးက သဘောထားမတိုက်ဆိုင်ခဲ့ရင်တော့ နောက်ထပ်လမ်းကြောင်းတစ်ခုကို ကျနော်တို့ပြန်ရွေးမယ်၊ အဓိကကတော့ campaign လုပ်တာဖြစ်ချင်ဖြစ်မယ်၊ ဒီဟာကို လုံးဝသပိတ်မှောက်လိုက်တာလည်း ဖြစ်ချင်ဖြစ်မယ်၊ လမ်းကြောင်းတစ်ခုခုတော့ကျမှာပါ၊ အဓိကက တရားစီရင်ရေးစနစ်ကို သပိတ်ပြန်မှောက်တာ"

ပြီးခဲ့တဲ့ မတ်လ ၁၀ ရက်နေ့က ကျောင်းသားသပိတ်စစ်ကြောင်းကို အကြမ်းဖက်ဖြိုခွဲခဲ့တဲ့ လက်ပံတန်းမြို့က ရဲတပ်ရင်း ၃ရင်း နဲ့ တပ်ရင်းမှူးတွေကို တရားစွဲဆိုဖို့အတွက် ကျောင်းသားကျောင်းသူ ၆၀ လောက်က စုပေါင်းလက်မှတ်ရေးထိုးပြီး သာယာဝတီခရိုင်တရားရုံးထံ ပြီးခဲ့တဲ့ သြဂုတ်လ ၂၅ ရက်နေ့ ရုံးချိန်းမှာ လျှောက်ထားခဲ့တာဖြစ်ပါတယ်။ ကျောင်းသားတွေရဲ့ အမှုကို လိုက်ပါဆောင်ရွက်ပေးနေတဲ့ မြန်မာနိုင်ငံ မီဒီယာရှေ့နေများကွန်ယက်က ရှေ့နေ ဦးအောင်စိုးက သူ့အနေနဲ့ ကျောင်းသားတွေကို လွတ်ငြိမ်းချမ်းသာခွင့်ပေးဖို့ အစိုးရထံ တင်ပြတောင်းဆိုသွားမယ်လို့ ပြောပါတယ်။

"မြန်မာနိုင်ငံ မီဒီယာရှေ့နေများကွန်ယက်ရဲ့ ဥက္ကဌပါ၊ ဒါပေမဲ့ ဆရာတို့ကွန်ရက်ကို ညှိနှိုင်းလို့ ကွန်ရက်အနေနဲ့ တင်မယ်ဆိုတင်မှာပေါ့၊ မဟုတ်ဘူးဆိုရင်တော့ ဆရာ ပုဂ္ဂလိကနဲ့ ဒီကျောင်းသားမိဘတွေနဲ့ တိုင်ပင်ပြီးတော့ နိုင်ငံတော်မှာရှိနေတဲ့ အဆင့်အမြင့်ဆုံး တရားလွှတ်တော်ချုပ်အထိ တင်ပြမယ်၊ နိုင်ငံတော်သမ္မတ အာဏာရှိနေတဲ့အချိန်မှာ ဒီဟာကိုအမြန်ဆုံး ဖြစ်နိုင်ရင်တော့ ရက်ပိုင်းအတောအတွင်း လွတ်ငြိမ်းချမ်းသာခွင့်ကို ပေးလိုက်စေချင်တာပဲ"

လက်ရှိ သာယာဝတီအကျဉ်းထောင်မှာ ကျောင်းသား ကျောင်းသူ ၅၈ ယောက် ဖမ်းဆီးထိန်းသိမ်းခံထားရဆဲဖြစ်ပါတယ်။ အလားတူ ဒီကနေ့မှာပဲ တကသ ကျောင်းသား ကိုဇေယျာလွင်နဲ့ ကိုပိုင်ရဲသူတို့ကိုလည်း ရန်ကုန်မြို့ ပန်းပဲတန်းမြို့နယ် တရားရုံးမှာ ရုံးထုတ်ခဲ့ပါတယ်။

RFA
http://www.rfa.org/burmese/news/students-boycott-court-09082015110441.html


အရပ်ဘက်အဖွဲ့အစည်း ၃ဝ ကျော်ပူးပေါင်းပြီး ပြည်တွင်းငြိမ်းချမ်းရေးအပေါ် သဘောထားအမြင်ဖလှယ်ပွဲကို ဒီနေ့ ရန်ကုန်မြို့၊ သိမ်ဖြူလမ်းပေါ်က မင်္ဂလာရာမပါဠိတက္ကသိုလ်မှာ ကျင်းပခဲ့ပါတယ်။

RFA

In this photo taken March 27, 2010, daily waged labors work at new parliament building in Nay Pyi Taw, Myanmar. Freedom of speech for members of parliament in military-controlled Myanmar will be restricted under laws that dictate the functioning of the ne
In this photo taken March 27, 2010, daily waged labors work at new parliament building in Nay Pyi Taw, Myanmar. Freedom of speech for members of parliament in military-controlled Myanmar will be restricted under laws that dictate the functioning of the ne

နေပြည်တော် ဒက္ခိဏသီရိမဲဆန္ဒနယ်ကနေ ဝင်ရောက်ယှဉ်ပြိုင်မယ့် လွှတ်တော် ကိုယ်စားလှယ်လောင်းတချို့ဟာ မဲဆွယ်စည်းရုံးမှု စည်းမျဉ်း ကန့်သတ်ချက်ကို ချိုးဖောက်တယ်လို့ စွပ်စွဲပြီး အမျိုးသားဒီမိုကရေစီအဖွဲ့ချုပ် လွှတ်တော်ကိုယ်စားလှယ်လောင်းက ပြည်ထောင်စု ရွေးကောက်ပွဲကော်မရှင်ထံကို တိုင်ကြားလိုက်ပါတယ်။ ဒက္ခိဏသီရိ မြို့နယ်ရဲစခန်းကို တိုင်ကြားမှုကို ရဲက လက်မခံတာကြောင့် ကော်မရှင်ထံ တိုင်ကြားလိုက်တာ ဖြစ်တဲ့အကြောင်းလည်း NLD ရဲ့ ကိုယ်စားလှယ်တို့က ပြောပါတယ်။ အကြောင်းစုံကို မသိင်္ဂီထိုက် စုစည်းတင်ပြထား ပါတယ်။

နေပြည်တော် မဲဆန္ဒနယ်တခုဖြစ်တဲ့ ဒက္ခိဏသီရိ မြို့နယ်တွင်းမှာ ဝင်ရောက်ယှဉ်ပြိုင်မယ့် လွှတ်တော် ကိုယ်စားလှယ်လောင်းတချို့ဟာ ပြည်ထောင်စု ရွေးကောက်ပွဲကော်မရှင်က သတ်မှတ်ပေးထားတဲ့ မဲဆွယ်စည်းရုံးမယ့်ရက်မတိုင်ခင် မဲဆွယ်စည်းရုံးတယ်ဆိုပြီး အမျိုးသား ဒီမိုကရေစီအဖွဲ့ချုပ် NLD ရဲ့ ဒက္ခိဏသီရိမြို့နယ် ကိုယ်စားလှယ်လောင်းက မြို့နယ် ရဲစခန်းနဲ့ ရွေးကောက်ပွဲကော်မရှင်တို့ထံ တိုင်ကြားတာ ဖြစ်ပါတယ်။ နေပြည်တော်ဥတ္တရသီရိ မဲဆန္ဒနယ် ကိုယ်စားပြု လွှတ်တော်အမတ် ဦးမင်းသူက ဖြစ်စဉ်ကို အခုလို ပြောပါတယ်။

“ဒါနဲ့ပတ်သက်ပြီးမှ ဒက္ခိဏမြို့နယ်မှာ ဝင်ရောက်ယှဉ်ပြိုင်မယ့် အခုလက်ရှိ လယ်ဆည်ဝန်ကြီး ဦးမြင့်လှိုင်အတွက်ကို သူ့ရဲ့ ဒက္ခိဏမြို့နယ် အတွင်းမှာ ပါဝင်တဲ့ အမျိုးသားလွှတ်တော်ပေါ့လေ၊ ဒက္ခိဏခရိုင် အမျိုးသားလွှတ်တော်မှာပြိုင်မယ့် ဦးကျော်ဝင်းတို့ဟာ ပြီးခဲ့တဲ့ရက်ပိုင်း အတွင်းက ပေါ့လေ - ဒက္ခိဏမြို့နယ် - ရဲသီး၊ ရွှေဗျိုင်းငင်၊ ရွာသစ်ကျေးရွာတွေမှာ စာသင်ကျောင်းတွေကိုသွားပြီး ကျေးရွာသူကျေးရွာသား တွေကို ခေါ်ယူပြီး မိမိတို့ကို မဲပေးပါ-ဆိုတဲ့ ပန့်ဖလက်တွေဝေတယ်။ အဲဒါအပြင် ထီးတွေ၊ ယပ်တောင်တွေ၊ မိမိတို့ကိုယ်စားလှယ်တွေကို မဲပေးဖို့ သူတို့ရဲ့ဆောင်ပုဒ်တွေနဲ့ ပန့်ဖလက်တွေဝေတာပေါ့။ ကျနော်တို့က သက်ဆိုင်ရာ ရွေးကောက်ပွဲဥပဒေတွေ၊ နောက် ဒီရဲ့ပြည်ထောင်စု ရွေးကောက်ပွဲကော်မရှင်ရဲ့ကြေညာချက်တွေကို ချိုးဖောက်တယ်ဆိုပြီးမှ ကျနော်တို့ ဒက္ခိဏမြို့နယ်၊ မြို့မရဲစခန်းကို မနေ့က အမှုဖွင့်တိုင်ကြားပါတယ်။”

မဲဆွယ်စည်းရုံးခွင့်ကတော့ စက်တင်ဘာလ ၈ ရက်နေ့မှာ စတင်ရရှိမှာ ဖြစ်ပေမယ့် မဲဆွယ် စည်းရုံးခွင့်ပေးထားတဲ့ ရက်မတိုင်ခင်မှာ မဲဆွယ် စည်းရုံးတယ်ဆိုတဲ့ အကြောင်းကို ဒက္ခိဏသီရိ မြို့နယ် ရဲစခန်းကို တိုင်ကြားခဲ့ပေမယ့် ရဲစခန်းက လက်ခံဘဲ ပြန်လွှတ်လိုက်တယ်လို့ ကိုယ်တိုင်တိုင်ကြားခဲ့သူ NLD ကိုယ်စားလှယ် ဦးသန့်စင်ထွန်းက ပြောပါတယ်။

“ရဲစခန်းက ပထမ ကျနော်တို့ တနာရီခွဲမှာတိုင်ချက်သွားဖွင့်တယ်၊ တိုင်စာသွားတင်တယ်။ တင်တဲ့အခါမှာ ညနေ ၄ နာရီကို ပြန်လာခဲ့ဖို့ ကျနော်တို့ကို ပြောတယ်။ တိုင်စာကို လက်ခံထားတယ်။ ညနေ ၄ နာရီခွဲလောက်မှာ ကျနော်တို့ ပြန်သွားတဲ့အခါကျတော့ မြို့နယ်ရဲတပ်ဖွဲ့မှူးက ဥပဒေအရ အချိန်ကာလနဲ့ …. ရွေးကောက်ပွဲကာလမရောက်သေးဘူးပေါ့။ ဥပဒေအရ အချိန်ကာလနဲ့ ငြင်းပယ်တယ်။ ဥပဒေပါပြဌာန်းချက်တွေက ရွေးကောက်ပွဲကာလကို ရည်ညွှန်းတယ်ပေါ့။”

ရဲစခန်းက တိုင်ချက်ကို လက်မခံတာကြောင့် တနလာင်္နေ့မှာပဲ နေပြည်တော် ရွေးကောက်ပွဲကော်မရှင်ရုံးကို ဦးသန့်စင်ထွန်းရဲ့ ရှေ့နေ ကိုယ်တိုင်သွားရောက် တိုင်ကြားစာပို့ခဲ့ပြီး ပြည်ထောင်စု ရွေးကောက်ပွဲ ကော်မရှင်ဥက္ကဋ္ဌထံကိုတော့ စာတိုက်ကနေလိပ်မူပြီး တိုင်ကြားစာ ပေးပို့ခဲ့တဲ့ အကြောင်းလည်း NLD ကိုယ်စားလှယ် ဦးသန့်စင်ထွန်းက ပြောပါတယ်။ မဲဆွယ်စည်းရုံးမှု သတ်မှတ်ရက်မတိုင်ခင်မှာ မဲဆွယ်စည်းရုံးခဲ့မှုကို ပြည်ထောင်စု ရွေးကောက်ပွဲ ကော်မရှင်ဘက်က ဘယ်လို ဖြေရှင်း ဆောင်ရွက်ပေးနိုင်မလဲဆိုတာကိုတော့ ပြည်ထောင်စု ရှေ့နေချုပ်ရုံးရဲ့ အငြိမ်းစား ဒုတိယ ညွှန်ကြားရေးမှူး ဥပဒေပညာရှင် ဦးထွန်းခင်က အခုလို ပြောပါတယ်။

“အဲဒါကတော့ သက်ဆိုင်ရာတွေကို အရေးယူမှာပေါ့လေ။ ပါတီကိုယ်စားလှယ်အဖြစ်က ရပ်ဆိုင်းခြင်း၊ ကိုယ်စားလှယ်လောင်းအဖြစ်က ရပ်ဆိုင်းခြင်းလည်း အရေးယူချင်ယူမယ်။ နောက် ဥပဒေအရလည်း အရေးယူနိုင်ကြောင်း သူက တဆင့် ညွှန်ကြားချင်လည်း ညွှန်ကြားနိုင်တယ်။ သို့သော်အဲလို ညွှန်ကြားတဲ့အဆင့်အထိ မရောက်ဘဲနဲ့လည်း အခုတိုင်ချက်ကို လက်ခံခွင့်ရှိတယ်။”

မဲဆွယ်စည်းရုံးခွင့် ပေးထားတဲ့ ရက်မတိုင်ခင် မဲဆွယ် စည်းရုံးတယ်ဆိုတဲ့ စွပ်စွဲချက်နဲ့ ပတ်သက်ပြီး ပြည်ထောင်စု ရွေးကောက်ပွဲ ကော်မရှင်ကို ဆက်သွယ်ခဲ့ပေမယ့် တာဝန်ရှိသူများ ဖုန်းလက်ခံ ဖြေဆိုနိုင်ခဲ့ခြင်း မရှိတာကြောင့် ဒီကိစ္စ အပေါ်မှာ ပြည်ထောင်စု ရွေးကောက်ပွဲ ကော်မရှင်ရဲ့ တုံ့ပြန်မှုကိုတော့ မသိရသေးပါဘူးရှင်။


VOA
http://burmese.voanews.com/content/naypyitaw-datkhinah-thiri-candidates-were-complainted-abusing-rules-/2951893.html

သြစတြေးလျက လွှဲပြောင်းပေးလိုက်တဲ့ ဒုက္ခသည်လေးဦး ကမ္ဘောာဒီးယားနိုင်ငံ၊ ဖနွမ်းပင်လေဆိပ်ကို ရောက်ရှိလာစဉ်။ (ဇွန် ၄၊ ၂၀၁၅)
သြစတြေးလျက လွှဲပြောင်းပေးလိုက်တဲ့ ဒုက္ခသည်လေးဦး ကမ္ဘောာဒီးယားနိုင်ငံ၊ ဖနွမ်းပင်လေဆိပ်ကို ရောက်ရှိလာစဉ်။ (ဇွန် ၄၊ ၂၀၁၅)
သြစတေးလျနိုင်ငံကို ရောက်လာကြတဲ့ ဒုက္ခသည်တွေကို ကမ္ဘောဒီးယားနိုင်ငံမှာ ပြောင်းရွှေ့ထားရှိရေး နှစ်နိုင်ငံအကြားရရှိထားတဲ့ အငြင်းပွားဖွယ် သဘောတူညီချက်အရ ကမ္ဘောဒီးယားနိုင်ငံမှာ အခြေချနေထိုင်ဖို့ လွန်ခဲ့တဲ့ ၃ လလောက်က ရောက်သွားခဲ့တဲ့ မြန်မာနိုင်ငံက ရိုဟင်ဂျာ ဒုက္ခသည်တစ်ဦးဟာ အခု မြန်မာနိုင်ငံကို ပြန်သွားနိုင်ဖို့ ကြိုးစားနေတယ်လို့ ကမ္ဘောဒီးယားအရာရှိတွေက ပြောပါတယ်။ ဒီအကြောင်း ဗွီအိုအေ ကမ္ဘောဒီးယားဌာနရဲ့သတင်းပေးပို့ချက်အပေါ် အခြေခံပြီး ကိုဇော်ဝင်းလှိုင်က တင်ပြပေးထားပါတယ်။

ပစိဖိတ်ကျွန်းနိုင်ငံ Nauru ပေါ်မှာရှိနေတဲ့ သြစတေးလျကဖွင့်ထားတဲ့ ဒုက္ခသည်စခန်းကနေ သူတို့သဘောလျှောက် ကမ္ဘောဒီးယားနိုင်ငံမှာ သွားရောက် အခြေချနေထိုင်ဖို့ သဘောတူခဲ့တဲ့ ဒုက္ခသည် ၄ ဦးထဲမှာ မြန်မာနိုင်ငံက ရိုဟင်ဂျာတစ်ဦးလည်းပါဝင်တာ ဖြစ်ပါတယ်။ သူတို့ဟာ ဇွန်လ စောစောပိုင်းတုန်းက ဖနွမ်းပင်မြို့ကို ရောက်ရှိခဲ့ကြပါတယ်။

အဲဒီ ရိုဟင်ဂျာဒုက္ခသည်ဟာ မြန်မာနိုင်ငံကို ပြန်နိုင်ရေးအတွက် ကမ္ဘောဒီးယားမှာရှိတဲ့ မြန်မာသံရုံးကို ဆက်သွယ်ခဲ့တယ်လို့ ကမ္ဘောဒီးယား ပြည်ထဲရေးဝန်ကြီးဌာန ဒုက္ခသည်ရေးရာ အကြီးအကဲ Kem Sarin က တနင်္လာနေ့မှာ သတင်းထောက်တွေကို ပြောပါတယ်။ မြန်မာသံရုံးဘက်က သဘောထားထုတ်ပြန်ရင် သူတို့ဘက်က ထွက်ခွာခွင့်ပြုမယ်လို့ Kem Sarin က ပြောပါတယ်။

“မြန်မာသံရုံးက တရားဝင် သဘောထားထုတ်ပြန်ရင် ကမ္ဘောဒီးယားအစိုးရက ထွက်ခွာခွင့်ဗီဇာ ထုတ်ပေးလိုက်မှာပါ။ အဲဒီအချိန်ကျရင် ဒုက္ခသည်အနေနဲ့ သူ့ရဲ့ မူရင်းတိုင်းပြည်ကို ပြန်သွားနိုင်မှာ ဖြစ်ပါတယ်။”

ဒီဒုက္ခသည်ရဲ့ဆုံးဖြတ်ချက်ကြောင့် တောင်ပစိဖိတ်အတွင်းက Nauru ကျွန်းနိုင်ငံမှာ ရှိနေကြတဲ့ ဒုက္ခသည်တွေကို ကမ္ဘောဒီးယားနိုင်ငံမှာ ပြန်လည် အခြေချနေထိုင်ခွင့်ပြုရေး သြစတေးလျနဲ့ ရရှိထားတဲ့ သဘောတူညီချက် ပျက်ပြယ်သွားမှာမဟုတ်ဘူးလို့ Kem Sarin က ပြောပါတယ်။

သူ့အနေနဲ့ ဘာကြောင့် မြန်မာပြည်ကို ပြန်ချင်တယ်ဆိုတဲ့ အကြောင်းပြချက်ကိုတော့ ထည့်သွင်းပြောဆိုခြင်းမရှိပါဘူး။ မြန်မာနိုင်ငံအတွင်း အာဏာပိုင်တွေရဲ့ ဖိနှိပ်ချုပ်ခြယ်မှုကို ခံနေရတယ်ဆိုတဲ့ရိုဟင်ဂျာတွေကို မြန်မာအစိုးရကတော့ ဘင်္ဂါလီလို့ ရည်ညွန်း ခ်ါဆိုပါတယ်။

IOM - နိုင်ငံတကာ ရွှေ့ပြောင်းအခြေချနေထိုင်သူများအရေး အကူအညီပေးရေးအဖွဲ့က တာဝန်ရှိသူတစ်ဦးဖြစ်တဲ့ Kristin Dadey ကလည်း ဒုက္ခသည်ရဲ့အတွင်းရေးတွေ ပေါက်ကြားသွားမှာစိုးတဲ့အတွက်ကြောင့် သူဘာကြောင့် ပြန်ချင်တယ်ဆိုတဲ့အကြောင်းပြချက်ကို ထုတ်ဖော် ပြောဆိုဖို့ ငြင်းပယ်ခဲ့ပါတယ်။

သြစတေးလျနဲ့ ကမ္ဘောဒီးယားအကြား ရရှိထားတဲ့ သဘောတူညီမှုကို လက်ခံခဲ့တဲ့ ဒုက္ခသည် ၆၇၇ ဦးအတွက် ၄ နှစ်တာ ကာလအတွင်း အကောင်အထည်ဖော်ဖို့ ရည်ရွယ်လုပ်ဆောင်ခဲ့တာ ဖြစ်ပါတယ်။ ကမ္ဘောဒီးယားနိုင်ငံကို နောက်ထပ် ဒုက္ခသည်ဘယ်နှစ်ဦး ပို့မယ်ဆိုတာတော့ အတိအကျ မသိရသေးပါဘူး။ နိုင်ငံတကာ ခိုလှုံခွင့်လျှောက်ထားရေးဆိုင်ရာ အခြေခံစည်းမျဉ်းတွေကို ချိုးဖောက်တဲ့ သဘောတူညီချက်လို့ ဝေဖန်ပြောဆိုနေကြတဲ့ အဲဒီ သဘောတူညီချက်အရ ကမ္ဘောဒီးယားအနေနဲ့ ဒုက္ခသည်တွေကို လက်ခံခြင်းအားဖြင့် သြစတေးလျအစိုးရထံကနေ သြစတေးလျ ဒေါ်လာ သန်း ၄၀ အကူအညီရမှာဖြစ်ပါတယ်။

နောက်ထပ် ဒုက္ခသည်တွေ ထပ်မရောက်တော့ဘူးလို့ ကမ္ဘောဒီးယားအရာရှိတွေက ပြောနေပေမယ့် သြစတေးလျအစိုးရကတော့ သဘောတူညီချက်ဟာ အသက်ဝင်နေတုန်းပဲလို့ ပြောပါတယ်။ ကမ္ဘောဒီးယားနိုင်ငံမှာ ရောက်နေကြတဲ့ အီရန်နိုင်ငံသား တခြား ဒုက္ခသည် ၃ ဦးကတော့ ပြန်ချင်တယ်ဆိုတဲ့ ပြောဆိုမှုမျိုး မရှိသေးပါဘူး။

အဲဒီ အငြင်းပွားဖွယ် သဘောတူညီချက်အရ - ဒုက္ခသည်တွေ ပြန်လည် အခြေချနေထိုင်ရေးအတွက် သြစတေးလျအစိုးရက တနှစ်စာ ထောက်ပံ့ပေးသွားမှာ ဖြစ်ပါတယ်။ Nauru ကျွန်းကနေ ကမ္ဘောဒီးယားကို ပြောင်းရွေ့ အခြေချနေထိုင်ဖို့ သဘောတူတဲ့သူတွေအနေနဲ့ ဒေါ်လာ တသောင်းအပြင် အသက်မွေးဝမ်းကျောင်းသင်တန်းနဲ့ ကျန်းမာရေးစောင့်ရှောက်မှုတွေ ရရှိမှာဖြစ်ပါတယ်။

ရိုဟင်ဂျာဒုက္ခသည်က မြန်မာနိုင်ငံကို ပြန်လိုကြောင်း အခုလို ပြောကြားလိုက်တာဟာ - မူလကတည်းက အခွင့်အရေးချိုးဖောက်မှုတွေနဲ့ စီးပွားရေးပြဿနာတွေရှိနေပြီးသား ကမ္ဘောဒီးယားနိုင်ငံမှာ ရွှေ့ပြောင်း အခြေချနေထိုင်လိုကြတဲ့ တခြားဒုက္ခသည်တွေကို သတင်းပါးလိုက်တာပဲလို့ Licadho လူ့အခွင့်အရေးအဖွဲ့က နည်းပညာပိုင်းဆိုင်ရာ ကြီးကြပ်ရေးမှူး Am Sam Ath က ပြောပါတယ်။

“တခြားနိုင်ငံက ဒုက္ခသည်တွေကို လက်မခံခင် အရင်ဆုံး အဲဒီ လိုအပ်နေတဲ့အချက်တွေ ကောင်းမွန်လာအောင် ကျနောတို့ လုပ်ဖို့ လိုအပ်ပါတယ်။ ငွေက အဓိကအကျဆုံးဆိုပြီး ကျနော်တို့ မကြည့်သင့်ပါဘူး။ သူတို့တွေရဲ့ ဘဝနဲ့ အခွင့်အရေးတွေကို အသေအချာ ကျကျနန လုပ်မပေးနိုင်ဘဲနဲ့ ဒုက္ခသည်တွေကို လက်မခံသင့်ပါဘူး။”

Nauru ကျွန်းမှာ ဒုက္ခသည်ပေါင်း တထောင်နီးပါး ရှိနေတယ်လို့ ခန့်မှန်းထားကြတာဖြစ်ပြီး နောက်ထပ် ရာနဲ့ချီတဲ့ ဒုက္ခသည်တွေဟာလည်း သြစတေးလျအစိုးရနဲ့ ရရှိထားတဲ့ သဘောတူညီချက်အရ Papua New Guinea နိုင်ငံ ၊ Manus ကျွန်းပေါ်က ထိန်းသိမ်းရေး စခန်းထဲမှာ ရှိနေကြပါတယ်။ အဲဒီ ဒုက္ခသည်အများစုဟာ တောင်အာရှနဲ့ အရှေ့အလယ်ပိုင်းဒေသက ဖြစ်တယ်လို့ ဆိုပါတယ်။

လှေစီးပြေး ဒုက္ခသည်တွေ သြစတေးလျနိုင်ငံမှာ လာရောက် ခိုလှုံတာကို ဟန့်တားဖို့ ရည်ရွယ်တဲ့အနေနဲ့ ဒီ ဒုက္ခသည်တွေ ပြန်လည် နေရာ ချထားပေးရေး အစီအစဉ်ကို လပေါင်းများစွာ လျှို့ဝှက် ဆွေးနွေးခဲ့ကြပြီးမှ ပြီးခဲ့တဲ့ စက်တင်ဘာလတုန်းက သဘောတူညီချက်ရရှိခဲ့တာဖြစ်ပြီး လူ့အခွင့်အရေး အဖွဲ့အစည်းတွေ၊ ဘုရားကျောင်းအသင်းအဖွဲ့တွေနဲ့ အတိုက်အခံ နိုင်ငံရေးသမားတွေကလည်း အဲဒီ သဘောတူညီချက်ကို ဝေဖန် ပြောဆိုခဲ့ကြပါတယ်။

ဒီ သဘောတူညီချက်ဟာ သြစတေးလျရော၊ ကမ္ဘောဒီးယားပါ လက်မှတ်ထိုးထားကြတဲ့ ဒုက္ခသည်ဆိုင်ရာ ပဋိဉာဉ်စာချုပ်ကို ချိုးဖောက်ရာရောက်တယ်လို့ ကုလသမဂ္ဂဒုက္ခသည်များဆိုင်ရာ အေဂျင်စီက ပြောပါတယ်။

VOA
http://burmese.voanews.com/content/rohingya-refugee-seeks-return-to-myanmar/2951853.html

ဂျပန်ဝန်ကြီးချုပ် ရှင်ဇိုအာဘေး။ (ဆင်ဟွာ)
    တိုကျို၊ စက်တင်ဘာ  ၈ ရက် (ဆင်ဟွာ)

    ဂျပန်နိုင်ငံ အာဏာရပါတီဖြစ်သည့် လွတ်လပ်သော ဒီမိုကရက်တစ်ပါတီ (Liberal Democratic Party=LDP) ၏ လက်ရှိဥက္ကဋ္ဌ ဖြစ်သူ ဝန်ကြီးချုပ် ရှင်ဇိုအာဘေးသည် စက်တင်ဘာလ ၂၀ ရက်နေ့တွင် ပြုလုပ်မည့်  ဥက္ကဋ္ဌရာထူး သက်တမ်းသစ် ရွေးကောက်ပွဲအတွက် အမည်စာရင်း တင်သွင်းသည့် ပြိုင်ဘက်မရှိသဖြင့် ပါတီဥက္ကဋ္ဌအဖြစ် မဲခွဲစရာမလိုဘဲ တိုက်ရိုက်ပြန်လည် ရွေးချယ်ခံရ ကြောင်း ဂျပန်နိုင်ငံ ပြည်တွင်း မီဒီယာများက အင်္ဂါနေ့တွင် သတင်းဖော်ပြထားသည်။

LDP ပါတီ အနေဖြင့် ဥက္ကဋ္ဌရာထူး ပါဝင်ယှဉ်ပြိုင်သူများ၏ လျှောက်လွှာများအား အင်္ဂါနေ့ ဒေသစံတော်ချိန် နံနက် ၈း၀၀ နာရီ မှ ၈း၃၀ နာရီအထိ လက်ခံခဲ့ပါသည်။ အကြီးတန်း ဥပဒေပြုသူ စီကိုနိုဒါသည် အာဘေးနှင့် ယှဉ်ပြိုင်ရန် ဆန္ဒရှိသော်လည်း ပြိုင်ပွဲဝင်ရန်လိုအပ်ချက်ဖြစ်သော ထောက်ခံပေးမည့် ပါတီဝင်ဥပဒေပြုသူ ၂၀ ဦးအား စည်းရုံး၍ မရသောကြောင့် ယှဉ်ပြိုင်မှုစာရင်း တင်သွင်းရန် အလျှော့ပေးခဲ့ရပါသည်။

အာဘေး၏ လက်ရှိ LDP ပါတီ ဥက္ကဋ္ဌ သက်တမ်းသည် စက်တင်ဘာလ ၃၀ ရက်တွင် ကုန်ဆုံးမည်ဖြစ်သည်။ ယခုတစ်ဖန် ပြန်လည် ရွေးကောက်ခံရသောကြောင့် ဝန်ကြီးချုပ် ရှင်ဇိုအာဘေးသည် လာမည့် ၂၀၁၈  ခုနှစ် စက်တင်ဘာလအထိ သုံးနှစ်ကျော် ဆက်ပြီး တာဝန်ယူရမည်ဖြစ်သည်။

(Xinhua)
http://www.xinhuamyanmar.com

အ​ကြမ်း​ဖက် ​တိုက်​ခိုက်​ဖို့ ​စီ​စဉ်​နေ​တဲ့ ​ယူ​ကေ ​နိုင်​ငံ​သား ၂ ​ယောက်​ကို ​ကိုင်​တွယ်​ဖို့ ​တ​ခြား ​နည်း ​မ​ရှိ​ဘူး​လို့ ​မိုက်​ကယ် ​ဖယ်​လန်​က ​ပြော။ 
 အကြမ်းဖက် တိုက်ခိုက်မှု အလားအလာတွေကို တားဆီးဖို့အတွက် ယူကေ နိုင်ငံ အနေနဲ့ ဆီးရီးယား နိုင်ငံထဲမှာ ဒရုန်းနဲ့ တိုက်ခိုက်မှုတွေကို ထပ်မံ ပြုလုပ်ဖို့ နှောင့်နှေးမှာ မဟုတ်ကြောင်း ယူကေ ကာကွယ်ရေး ဝန်ကြီး မိုက်ကယ် ဖယ်လန်က ပြောလိုက်ပါတယ်။

ပြီးခဲ့တဲ့ လထဲမှာ ဖြစ်ပွားခဲ့တဲ့ ယူကေ နိုင်ငံသား IS အဖွဲ့ဝင် ၂ ယောက်ကို ဗြိတိသျှ တော်ဝင် လေတပ်က ဒရုန်းနဲ့ တိုက်ခိုက် သတ်ဖြတ်ခဲ့မှုဟာ ကိုယ့်ကိုယ်ကိုယ် ကာကွယ်တဲ့ ဆောင်ရွက်မှု ဖြစ်လို့ ဥပဒေကြောင်းနဲ့ ညီညွတ်တယ် လို့လည်း သူက ဆိုပါတယ်။

ဆီးရီးယား နိုင်ငံ အတွင်း စစ်ရေးအရ အရေးယူ ဆောင်ရွက်ဖို့ မဲခွဲ ဆုံးဖြတ်ရာမှာ လွန်ခဲ့တဲ့ ၂ နှစ်က ယူကေ ပါလီမန် အမတ်တွေက ငြင်းပယ် ခဲ့ကြတာ ဖြစ်ပြီး၊ အခုလို ဒရုန်းနဲ့ တိုက်ခိုက်မှုကြောင့် ပေါ်ထွက်လာတဲ့ ဥပဒေကြောင်း ဆိုင်ရာ မေးခွန်းတွေကို ယူကေ ဝန်ကြီးတွေ ဖြေရှင်းနေရတာ ဖြစ်ပါတယ်။

သြဂုတ်လ ၂၁ ရက်နေ့က ဆီးရီးယားနိုင်ငံ ရက္ကာမြို့မှာ ဗြိတိန် တော်ဝင် လေတပ်က အဝေးထိန်း ဒရုန်းနဲ့ တိုက်ခိုက်ခဲ့ရာမှာ ယူကေ နိုင်ငံသား IS အဖွဲ့ဝင် ၂ ဦး အပါအဝင် စုစုပေါင်း ၃ ဦး သေဆုံးခဲ့တာပါ။

အဲဒီ တိုက်ခိုက်မှုဟာ ယူကေ နိုင်ငံသားကို ယူကေ နိုင်ငံက ပစ်မှတ်ထား တိုက်ခိုက်တဲ့ ပထမဆုံး ဒရုန်း တိုက်ခိုက်မှု ဖြစ်ပါတယ်။

BBC Burmese
http://www.bbc.com/burmese


ထိုင်းနိုင်ငံရောက် မြန်မာနိုင်ငံသားတွေ ထဲကနေ မဲပေးဖို့ဆန္ဒပြုထားတဲ့သူတွေ အောက်တိုဘာ ၁၇ ရက် စနေနေ့မနက် ၉ နာရီကနေ ၄ နာရီအထိ ဘန်ကောက် မြန်မာသံရုံးမှာ မဲပေးနိုင်ကြောင်း သံရုံးက ကြေညာချက် ထုတ်ပြန်ပါတယ်။

ထိုင်းနိုင်ငံမှာ အလုပ်သမားတွေရော ကျောင်းတက်နေသူတွေရော သိန်းချီရှိနေပေမယ့် မဲပေးဖို့ စာရင်းပေးထားသူက ၂၂၄ ဦးပဲ ရှိတယ်လို့ သံရုံးက တာဝန်ရှိသူတစ်ဦးက ပြောပါတယ်။

ထိုင်းနိုင်ငံရောက် မြန်မာနိုင်ငံသားတွေ မဲပေးဖို့ စိတ်မ၀င်စားဖြစ်နေတာဟာ မဲပေးဖို့ လုပ်ရတဲ့ အဆင့်တွေ များတဲ့အတွက်ကြောင့် ဖြစ်ကြောင်း ရွှေ့ပြောင်းအလုပ်သမား အခွင့်အရေးကွန်ယက် ဥက္ကဌ ဦးစိန်ဌေးက ဘီဘီစီကို ပြောပါတယ်။

မဲပေးလို့ရတယ်လို့ ပြောပေမယ့် လုပ်ရတဲ့အဆင့်ဆင့်က အများကြီး၊ ပထမဆုံး ကိုယ့်ရဲ့ မွေးရပ်ဒေသမှာရှိတဲ့ အိမ်ထောင်စုစာရင်းရှိတဲ့နေရာက မဲစာရင်းမှာ နာမည်ပါရအုံးမယ်၊ နာမည်မပါရင် ဟိုမှာပဲ လျှောက်လွှာတင်းခိုင်းရမယ်၊ အဲလို နာမည်ပါပြီးမှ သံရုံးမှာ ဖောင်တင်လို့ရမယ်၊ ဒါက အလုပ်သမားတွေအတွက် ဘယ်လိုမှ အဆင်ပြေတဲ့နည်းလမ်းမဟုတ်ဘူး၊ နိုင်ငံတကာမှာ ရောက်နေတဲ့ မြန်မာနိုင်ငံသားတွေအတွက် အဆင်ပြေတဲ့ နည်းလမ်းမဟုတ်ဘူးလို့ ဦးစိန်ဌေးက ပြောပါတယ်။

ထိုင်းနိုင်ငံရောက် အလုပ်သမားတွေကြားထဲမှာ တရားဝင်နိုင်ငံကူးလက်မှတ် ကိုင်ဆောင်ထားသူက အလွန်ဆုံးရှိရင် ၃ သောင်းလောက်သာရှိပြီး အလုပ်သမား ၂ သန်း နီးပါးလောက်က ယာယီနိုင်ငံကူးလက်မှတ် ကိုင်ဆောင်ထားကြကြောင်း၊ ယာယီနိုင်ငံကူးလက်မှတ် ကိုင်ဆောင်ထားသူတွေအနေနဲ့ မဲပေးလို့ မရကြောင်း ဦးစိန်ဌေးက ပြောပါတယ်။

BBC Burmese
https://www.facebook.com/bbcburmese


စက်တင်ဘာ ၄ ရက်၊ ၂၀၁၅ ခုနှစ်။ ကေအိုင်စီ

ကရင်ပြည်နယ်၊ ကော့ကရိတ်မြို့နယ်၊ တတန်ကူးကျေးရွာအုပ်စု၊ ဆင်ကုန်းပိုင်းနှင့် ပျားပင်ကွင်း အပိုင်းဆုံရာ လမ်းမအနီး၌ အစိုးရလက်အောက်ခံ BGF တပ်ရင်း ၁၀၁၉ နှင့် DKBA မှထုတ်ပယ်ထားသည့် ဗိုလ်ကျော်သက် လက်အောက်ခံ ဗိုလ်နားမကြားအဖွဲ့တို့ အကြား စက်တင်ဘာ ၂ ရက်နေ့ မွန်းလွဲပိုင်းတွင် ပစ်ခတ်မှုဖြစ်ပွားခဲ့ သည်ဟု ဒေသခံများက ကေအိုင်စီသို့ ပြောသည်။

အဆိုပါ ပစ်ခတ်မှုနှင့် ပတ်သက်၍ ကော့ကရိတ်မြို့နယ်၊ နန်ကော်တိုးရွာမှ အမည်မဖော်လိုသူ ဒေသခံတစ်ဦးက “ မနေ့ ကဖြစ်တာပါ၊ တို့ နေတဲ့ နန်ကော်တိုးနဲ့ တော့ နည်းနည်းဝေးပေမဲ့ အပြန်အလှန်ပစ်ခတ် သံတွေတော့ ကြားနေရတယ်။ ပျားပင်ကွင်းရွာကကတော့ အခုထိ ပြန်မနေရဲသေးဘူး၊ ကျောင်းလည်း မဖွင့်နိုင်သေးဘူး” ဟု စက်တင်ဘာ ၃ ရက်နေ့ တွင် ကေအိုင်စီသို့ ပြောသည်။

အဆိုပါ နှစ်ဖက်ပစ်ခတ်မှုမှာ မွန်းလွဲ ၃ နာရီ ခွဲကျော်မှစတင်ကာ နာရီဝက်ခန့် ကြာမြင့်ခဲ့ပြီး အပြန်အလှန်ပစ်ခတ် နေစဉ် BGF တပ်ဖွဲ့ရှိရာ ပျားပင်ရွာလမ်းမဘက်သို့ လက်နက်ကြီးကျည် ကျရောက်ပေါက်ကွဲခြင်းကြောင့် BGF တပ်ရင်း ၁၀၁၉ မှ တပ်သားတဦးနှင့် ဒေသခံရွာသားတဦးတို့ ထိခိုက်ဒဏ်ရာရရှိခဲ့သည်ဟု BGF ဘက်မှ ပြောဆိုသည်။

လက်ရှိတွင် ဒဏ်ရာရရှိခဲ့သူ BGF တပ်သားတဦးနှင့် ဒေသခံရွာသားတဦးတို့ ကို မြဝတီမြို့ပြည်သူဆေးရုံသို့  တင်ပို့ ကုသခဲ့သော်လည်း ယင်းတပ်သားမှာ ဦးခေါင်းဒဏ်ရာ ပြင်းထန်သည့်အတွက် ထိုင်းနိုင်ငံ၊ မဲဆောက် ဆေးရုံသို့ တင်ပို့ ကုသနေသည်ဟု BGF ဘက်က အတည်ပြုပြောသည်။

ထိုသို့ နာရီဝက်ကြာ ပစ်ခတ်မှုဖြစ်ပွားပြီးနောက် DKBA တပ်ဖွဲ့ဝင်ဟောင်း ဗိုလ်နားမကြားနှင့်အဖွဲ့များ ဆုတ်ခွာ သွားပြီး ယင်းတပ်ဖွဲ့ဝင်များ ကျဆုံး၊ ဒဏ်ရာရမှု ရှိမရှိကို မသိရသေးသလို ဗမာအစိုးရ စစ်တပ်နှင့် BGF တပ်များက လိုက်လံ ရှင်းလင်းတိုက်ခိုက်နေကြောင်း သိရသည်။

ထိုသို့ ထိတွေ ပစ်ခတ်မှုဖြစ်ပွားခဲ့ခြင်းအပေါ် ယင်းဒေသရှိ အမည်မဖော်လိုသူတဦးက ” အခုလို ခဏခဏ ဖြစ်နေရင်တော့ ရွာပုန်းရွာရှောင်တွေ ဖြစ်ကုန်တော့မယ်။ အခု ရွာသစ်ကုန်းထိပ်မှာ တိုက်ပွဲဖြစ်ပြီးကတည်းက အစိုးရစစ်တပ်အာရှလမ်းစစ်ကြောင်းက ပေးမသွားတော့ဘူး။ ရွာသစ်ကုန်းရွာနဲ့ အန်ကလော်ရွာ အဝင်လမ်းကို ပိတ်ထားတော့ ကော့နွဲရွာ အနောက်ဘက်ကနေ ကုန်းလမ်း၊ ရေလမ်းနဲ့ ပတ်ပြီးသွားနေရတယ်။ လူမမာ၊ ကိုယ်ဝန်ဆောင် အားလုံးသွားလာရ ဒုက္ခရောက်နေတယ်” ဟု ပြောဆိုသည်။

လက်ရှိတွင် အာရှလမ်းအနီးတစ်ဝိုက်တွင် မကြာခဏ ထိတွေပစ်ခတ်မှုများဖြစ်ပေါ်နေပြီး ဒေသခံများကို လူမှု အဖွဲ့အစည်းများထံ ဆက်သွယ်အကူအညီတောင်းခြင်း၊ သတင်းမီဒီယာများနှင့် ဆက်သွယ်ပြောဆိုခြင်း မပြုရန် အစိုးရစစ်တပ်မှ ခြိမ်းခြောက်ပြောဆိုမှုများရှိသလို ဒေသခံများလည်း ပစ်ခတ်မှုများကြောင်း အဖက်ဖက်မှ အခက်အခဲဖြစ်ပေါ်နေကြောင်း ဒေသတွင်းသတင်းရင်းမြစ်များထံမှ သိရသည်။

ကေအိုင်စီ
http://kicnews.org

ကေ​အိုင်​အေ ​တပ်​သား
စက်​တင်​ဘာ (၉)​ရက်​နေ့​မှာ ​သ​မ္မ​တ ​ဦး​သိန်း​စိန် ​နဲ့ ​တွေ့​ဆုံ​ဖို့ ​အ​တွက် ​တိုင်း​ရင်း​သား ​အ​ဖွဲ့ ​ခေါင်း​ဆောင် ​တွေ ​ရန်​ကုန်​မြို့​ကို ​ဒီ​က​နေ့​မှာ ​ရောက်​ရှိ​နေ​ကြ​ပါ​ပြီ။ ​နေ​ပြည်​တော်​မှာ ​တွေ့​ဆုံ ​ကြ​မှာ ​ဖြစ်​ပါ​တယ်။ ​ဒီ ​တွေ့​ဆုံ​ပွဲ ​ကာ​လ ​အ​တွင်း ​အ​စိုး​ရ​တပ် ​နဲ့ ​က​ချင်​ပြည်​လွတ်​မြောက်​ရေး ​တပ်​ဖွဲ့ ​ကေ​အိုင်​ကေ ​တို့ ​အ​ကြား ​နှစ်​ဘက် ​တိုက်​ခိုက်​မှု ​မ​ရှိ​ဖို့​နဲ့ ​ထိန်း​ထိန်း​သိမ်း​သိမ်း ​ရှိ​ဖို့​ကို ​အောက်​ခြေ​ကို ​ညွှန်​ကြား ​ထား​တယ်​လို့ ​သိ​ရှိ​ရ​ပါ​တယ်။

က​ချင်​ငြိမ်း​ချမ်း​ရေး ​အ​ကျိုး​ဆောင်(​ပီ​စီ​ဂျီ) ​က ​ဦး​ဆန်း​အောင် ​ပြော​ပြ ​တာ​က​တော့ ​နှစ်​ဘက်​စ​လုံး​က ​အောက်​ခြေ​ကို ​ထိ​တွေ့​မှု ​မ​ရှိ​ဖို့ ​စာ​နဲ့​ပေ​နဲ့ ​မ​ဟုတ်​ပဲ ​နှုတ်​အား​ဖြင့် ​ညွှန်​ကြား ​ထား​တယ်​လို့ ​ကြား​ရ​ပါ​တယ်။ ​ကေ​အိုင်​အေ ​ဘက်​က​တော့ ​သူ​တို့​ကိုယ်​တိုင် ​ပြော​ပြ​လို့ ​သိ​ရ​ပါ​တယ်။

အ​စိုး​ရ​ဘက် ​နဲ့ ​နီး​စပ်​သူ​များ​က ​ဒီ​လို ​တွေ့​ဆုံ​မဲ့ ​အ​ချိန်​မှာ ​နှစ်​ဘက် ​တိုက်​ခိုက်​မှု ​မ​ဖြစ်​ဖို့ ​အ​လေး​ထား​ရ​မယ်​လို့ ​အ​မြဲ​တမ်း ​ပြော​နေ​တဲ့ ​အ​ခါ​ကျ​တော့ ​ဒီ​လို ​ညွှန်​ကြား​မှု ​ရှိ​တယ်​လို့ ​ပြော​လို့ ​ရ​ပါ​တယ်။ ​အ​စိုး​ရ​တပ် ​နဲ့ ​က​ချင်​ပြည်​လွတ်​မြောက်​ရေး ​တပ်​ဖွဲ့ ​တို့ ​အ​ကြား ​ဩ​ဂုတ်​လ (၂၉) ​ရက်​နေ့​က ​ဆွန်​ပ​ရာ​ဘွမ် ​ဘက်​မှာ ​နောက်​ဆုံး ​တိုက်​ပွဲ ​ဖြစ်​ခဲ့​တယ်​လို့ ​သိ​ရှိ​ရ​ပါ​တယ်။ ​က​ချင်​ပြည် ​လွတ်​မြောက်​ရေး ​တပ်​တွေ ​ရှိ​တဲ့ ​နေ​ရာ​နဲ့ ​အ​စိုး​ရ​တပ် ​တွေ ​ရှိ​တဲ့ ​နေ​ရာ​ဟာ ​နီး​ကပ် ​နေ​တဲ့ ​အ​တွက်​ကြောင့် ​နှစ်​ဘက် ​တိုက်​ခိုက်​တာ​တွေ ​ရပ်​ဆိုင်း​မှု​ဟာ ​ဘယ်​အ​ချိန်​ထိ ​အာ​မ​ခံ​မ​လဲ ​ဆို​တာ​ကို​တော့ ​မ​ပြော​နိုင်​ဘူး​လို့ ​က​ချင်​ငြိမ်း​ချမ်း​ရေး ​အ​ကျိုး​ဆောင် ​ဦး​ဆန်း​အောင် ​က ​ပြော​ပြ​ခဲ့​တာ ​ဖြစ်​ပါ​တယ်။

စစ်​ပြေး ​ဒု​က္ခ​သည် ​တွေ ​အ​တွက် ​ရိ​က္ခာ​ပို့ ​လမ်း​ကြောင်း​ကို ​အ​စိုး​ရ ​စစ်​တပ်​က ​ပိတ်​ပင်​ထား​တဲ့ ​အ​တွက်​ကြောင့် ​လူ​တွေ​နဲ့ ​ကုန်း​ကြောင်း​က ​သယ်​နေ​ရ​လို့ ​အ​ခက်​အ​ခဲ​တွေ ​ရှိ​နေ​တယ်​လို့​လည်း ​သိ​ရ​ပါ​တယ်။

BBC Burmese
http://www.bbc.com/burmese

ကြံ့​ခိုင်​ရေး​ ပါ​တီ ​နဲ့ NLD ​ပါ​တီ ​ခေါင်း​ဆောင် ၂ ​ဦး ​ရင်း​ရင်း​နှီး​နှီး ​ပြုံး​ပြုံး​ရွှင်​ရွှင် ​လွှတ်​တော်​တွင်း ​တွေ့​ရ​စဉ်။ 
၂၀၁၅ ရွေးကောက်ပွဲ မှာ ဝင်ရောက် ယှဉ်ပြိုင်ကြမယ့် နိုင်ငံရေးပါတီ အသီးသီး နဲ့ တသီးပုဂ္ဂလ လွှတ်တော် ကိုယ်စားလှယ် လောင်း တွေ အတွက် မဲဆွယ်ဖို့ ခွင့်ပြုထားတဲ့ ကာလ စက်တင်ဘာ ၈ ရက်မှာ စတင်ပြီ ဖြစ်ပါတယ်။

လက်ရှိ အာဏာရ ပြည်ထောင်စု ကြံ့ခိုင်ရေးနဲ့ ဖွံ့ဖြိုးရေး ပါတီ အနေနဲ့ ရွေးကောက်ပွဲ အောင်နိုင်ရေး စီမံချက် တွေ ရေးဆွဲပြီး အသင့်ရှိနေသလို အောက်ခြေ အဆင့် တွေ ကိုလည်း ညွှန်ကြားချက်တွေ ပေးထားပြီး ဖြစ်တယ် လို့ ကြံ့ခိုင်ရေးပါတီ ဗဟို ကော်မတီဝင် တစ်ဦး ဖြစ်တဲ့ ဦးတင့်ဇော် က ပြောပါတယ်။

ဒါ့အပြင် ပါတီ ရဲ့ နိုင်ငံရေး မူဝါဒ နဲ့ လုပ်ငန်းစဉ် တွေ ကို ဖော်ပြတဲ့ ကြေညာစာတမ်း ကိုလည်း ထုတ်ပြန် ဖို့ ရှိတယ် လို့ ဦးတင့်ဇော် က ဆိုပါတယ်။

အဓိက အတိုက်အခံ နိုင်ငံရေးပါတီ ဖြစ်တဲ့ အမျိုးသား ဒီမိုကရေစီ အဖွဲ့ချုပ် NLD ဘက်က လည်း အလားတူပဲ ပါတီရဲ့ ကြေညာစာတမ်း တစ်စောင် မကြာခင် ထွက် လာမယ် ဆိုပြီး နောင်ချို မြို့နယ် က နေ NLD ရဲ့ ပြည်သူ့လွှတ်တော် ကိုယ်စားလှယ် လောင်း အနေနဲ့ ဝင်ပြိုင်မယ့် ဦးထွန်းထွန်းဟိန် က ဘီ⁠ဘီစီ ကို ပြောပါတယ်။

NLD အနေနဲ့ ပြည်သူလူထု ကြား ထဲ ရောက် အောင် သွားပြီး မဲဆွယ် စည်းရုံးမှု တွေ လုပ်မှာ ဖြစ်တယ် လို့လည်း ဦးထွန်းထွန်းဟိန် က ဆိုပါတယ်။

တိုင်းရင်းသား ဒေသတွေ မှာတော့ သက်ဆိုင်ရာ တိုင်းရင်းသား ပါတီ တွေ ပဲ ရွေးကောက်ပွဲ မှာ အနိုင်ရနိုင်တယ် ဆိုပြီး ကျားဖြူပါတီ လို့ အသိများတဲ့ ရှမ်းတိုင်းရင်းသားများ ဖွံ့ဖြိုး တိုးတက်ရေးပါတီ ရဲ့ ဥက္ကဌ စိုင်းအိုက်ပေါင်း က ပြောပါတယ်။

မြန်မာ့ နိုင်ငံရေး သုံးသပ်တဲ့ စာရေးဆရာ ဒေါက်တာ ရန်မျိုးသိမ်း ကလည်း အခု တခေါက် ၂၀၁၅ ရွေးကောက်ပွဲ မှာ တိုင်းရင်းသား ပါတီ တွေ က စု⁠စုပေါင်း ၂၀% လောက်ထိ အနိုင်ရ လာနိုင်တယ် ဆိုပြီး သုံးသပ် ထားပါတယ်။

BBC Burmese
http://www.bbc.com/burmese

 ချင်းပြည်နယ် ဟားခါးမြို့က ကယ်ဆယ်ရေးစခန်းတစ်ခုကို သြဂုတ်လ ၁၇ ရက်နေ့က တွေ့ရစဉ် / Photo: Kyaw Htoon Naing/RFA
 ချင်းပြည်နယ်၊ ဟားခါးမြို့က ဘိတဲလ်ဘုရားကျောင်းမှာ ဖွင့်လှစ်ထားတဲ့ ကယ်ဆယ်ရေးစခန်းက အိမ်ထောင်စု ၆၀ ကျော်ကို ဟားခါးမြို့က ချင်းပြည်နယ်အစိုးရပိုင် စိုက်ပျိုးရေးခြံဝန်းထဲမှာ နေရာချထားပေးဖို့အတွက် ဒီနေ့ စတင်ပြင်ဆင်နေပါတယ်။

ယာယီတဲတွေ ဆောက်လုပ်ပြီး နေထိုင်ရမှာဖြစ်တယ်လို့ ဟားခါးမြို့ ကယ်ဆယ်ရေးကော်မတီ အတွင်းရေးမှူး ဦးတလွန်ကျဲအိုက ပြောပါတယ်။

"လွတ်တဲ့နေရာမှာပဲ ယာယီတဲ့အတွက် ပြည်နယ်အစိုးရက ခွင့်ပြုလိုက်တယ်၊ အဲတော့အဆင်မပြေဘူး၊ သစ်သားတွေ အိမ်ဆောက်ဖို့ပစ္စည်းတွေက လမ်းပန်းဆက်သွယ်ရေး အဆင်မပြေတဲ့အခါမှာ ကားကမသယ်နိုင် ဘူး၊ လောလောဆယ် မိုးကာကိုပဲလုပ်ရမှာဖြစ်တယ်

၁၀ ပေ၊ ၁၂ ပေကျယ်တဲ့ တဲတွေ ဆောက်လုပ်ဖို့အတွက် ဒီနေ့စတင်ပြင်ဆင်နေတာဖြစ်ပြီး အခုတပတ်အတွင်း အပြီးဆောက်မှာဖြစ်တယ်လို့ သိရပါတယ်။

ပြီးခဲ့တဲ့ ဇူလိုင်လနဲ့ သြဂုတ်လအတွင်း ချင်းပြည်နယ်မှာ မြေပြိုတာတွေ၊ မြေအက်ကွဲတာတွေကြောင့် ဟားခါးမြို့ ရပ်ကွက် ၆ ခုထဲက မြို့ဟောင်း၊ ပြည်တော်သာ၊ ဈေးဟောင်းနဲ့ ကျောပုတ် စတဲ့ ရပ်ကွက်တွေမှာ လူနေထိုင်ဖို့ မသင့်တော့တဲ့အတွက် ဒေသခံတွေဟာ ကယ်ဆယ်ရေးစခန်းတွေမှာ နေကြရပါတယ်။

ဟားခါးမြို့နဲ့ အနီးတ၀ိုက်က ကျေးရွာတွေမှာ မြေပြိုတာတွေဖြစ်တဲ့အတွက် အိမ်ခြေ ၅၀၀ ကျော် ပြိုကျပျက်စီးခဲ့တယ်လို့ သိရပါတယ်။

RFA Burmese
http://www.rfa.org/burmese

ထိုင်းနိုင်ငံ၊ ဘန်ကောက်မြို့ ဧရာဝဏ်နတ်ကွန်းဗုံးဖောက်ခွဲသူအဖြစ် သံသယရှိသူ Yusufu Mieraili
 ထိုင်းနိုင်ငံ ဘန်ကောက်က ဧရာဝဏ်လေးမျက်နှာဘုရား ဗုံးဖေါက်ခွဲမှုနဲ့ဆက်နွယ်ပြီး အဖမ်းခံနေရသူ Yusufu Mieraili က ဖေါက်ခွဲရေးပစ္စည်းတွေကို သူပိုင်ဆိုင်ကြောင်းဝန်ခံခဲ့တယ်လို့ ရဲက ပြောပါတယ်။

သူဟာ နိုင်ငံခြားသားတယောက်ဖြစ်ပြီး လူ ၂၀ သေဆုံးခဲ့ရတဲ့ ဧရာဝဏ်လေးမျက်နှာဘုရားမှာ ဖေါက်ခွဲရေးဗုံးထောင်ခဲ့သူမဖြစ်နိုင်ဘူးလို့ တာဝန်ခံအရာရှိတွေက ပြီးခဲ့တဲ့ သီတင်းပတ်တုန်းက ပြောကြားခဲ့တာပါ။ ဒါပေမယ့် ဗုံးလုပ်တဲ့ပစ္စည်းတွေ ဖမ်းမိခဲ့တဲ့အခန်းမှာသူ့ရဲ့ DNA နဲ့ ကိုက်ညီတာကို တွေ့ခဲ့ရတာမို့ သူဟာဒီဗုံးဖေါက်ခွဲမှုနဲ့ ပတ်သက်နေမှာတော့ သေချာတယ်လို့ ဆိုပါတယ်။

နောက် နိုင်ငံခြားသားတစ်ယောက်ဖြစ်တဲ့ Adem Karadak ကိုလည်း ဗုံးဖေါက်ခွဲမှုနဲ့ ဆက်နွယ်ပြီး ဖမ်းဆီးထားတာပြီး နောက်ထပ် ဖမ်းဝရမ်းအသစ် ၂ ခုကိုပါ ထုတ်ပြန်ခဲ့တာဖြစ်ပါတယ်။ ဗုံးဖေါက်ခွဲမှုနဲ့ဆက်နွယ်ပြီးမေးမြန်းဖို့ အလိုရှိနေသူ အများအပြားစာရင်းထဲမှာ ထိုင်း မူဆလင်အမျိုးသမီး တစ်ဦးလည်း ပါဝင်ပါတယ်။

ဖမ်းထားတဲ့ ဒီနိုင်ငံခြားသား ၂ ယောက်ဟာဘယ်နိုင်ငံသားတွေလဲဆိုတာနဲ့ပတ်သက်ပြီး တာဝန်ခံအရာရှိတွေက တစုံတရာ ထုတ်မပြောပေမယ့် Mieraili ဟာ တရုတ်နိုင်ငံကူးလက်မှတ် ကိုင်ဆောင်ထားပြီး သူ့မွေးရပ်ဟာ Uighur မူစလင်လူနည်းစုတွေ နေထိုင်ရာ Xinjiang ပြည်နယ်လို့ ဖေါ်ပြထားပါတယ်။

ထိုင်းသတင်းတွေကတော့ ဒီဗုံးဖေါက်ခွဲမှုဟာ ဇူလိုင်လတုန်းက Uighur မူဆလင် ၁၀၀ ကျော်ကို ထိုင်းအစိုးရက ပြန်ပို့တာနဲ့ ဆက်နွယ်နေနိုင်တယ်လို့ ကောက်ချက်ချ ရေးသားခဲ့ကြပါတယ်။ သူတို့ကို အတင်းအကြပ် တရုတ်နိုင်ငံ ပြန်ပို့ခဲ့တဲ့ နောက်ဆက်တွဲအဖြစ် Istanbul မှာ ထိုင်းနဲ့ တရုတ်သံရုံးတွေ ပစ်မှတ်ထားတဲ့အကြမ်းဖက်ဆန္ဒပြမှုတွေ ဖြစ်ပွါးခဲ့ပါတယ်။

ဧရာဝဏ်လေးမျက်နှာဘုရားဟာ တရုတ်ခရီးသွားတွေကြား ရေပန်းစားတဲ့ နေရာတနေရာ ဖြစ်တာမို့ တရုတ်အစိုးရရဲ့ ဖိနှိပ်မှုကို ခံနေရတဲ့ Uighur တွေက ဒီနေရာကို ပစ်မှတ်ထား တိုက်ခိုက်တာ ဖြစ်နိုင်တယ်လို့လည်း ထင်ကြေးပေးနေကြတာ ဖြစ်ပါတယ်။

ဗွီအိုအေ (မြန်မာဌာန)
http://burmese.voanews.com

Author Name

Contact Form

Name

Email *

Message *

Powered by Blogger.