09/10/15

 tnld-620.jpg တအာင်းအမျိုးသား လွတ်မြောက်ရေးတပ်မတော် TNLA တပ်ဖွဲ့ဝင်တချို့ ကင်းလှည့်နေစဉ်

ရှမ်းပြည်နယ်မြောက်ပိုင်း ကျောက်မဲမြို့နယ်နဲ့ ကွတ်ခိုင်မြို့နယ်အတွင်း တအာင်းအမျိုးသား လွတ်မြောက်ရေး တပ်မတော် TNLA နဲ့ အစိုးရတပ်မတော်တို့ ၃ရက်ဆက်တိုက် တိုက်ပွဲတွေ ဖြစ်ပွားနေပါတယ်။

ဒီကနေ့မနက်အထိ ကွတ်ခိုင်မြို့နယ် ဂျရမ်းကျေးရွာအနီးမှာ တိုက်ပွဲဖြစ်ပွားနေတယ်လို့ TNLA သတင်း နဲ့ ပြန်ကြားရေးတာဝန်ခံ ကိုမိုင်းအိုက်ကျော်က ပြောပါတယ်။

"တိုက်ပွဲကတော့ ဒီနှစ်ရက် သုံးရက်နေ့က ပြန်ဖြစ်တာပေါ့နော်၊ အခြေအနေက ပြင်းထန်လာနိုင်တဲ့ အနေအထားရှိတယ်၊ ဘာကြောင့်လဲဆိုတော့ ထိုးစစ်တွေ တော်တော်လေးများလာတယ်၊ အစိုးရဘက်က အင်အားတွေ ထပ်မံဖြည့်တင်းထားတယ်၊ အခုအဓိကဖြစ်နေတာက ကွတ်ခိုင်နဲ့ မိုးမိတ်မြို့နယ်ပေါ့နော်၊ မနေ့က ကွတ်ခိုင်နားမှာဖြစ်တယ်၊ တနေ့က ကျောက်မဲမှာတစ်ပွဲ ကွတ်ခိုင်မှာတစ်ပွဲထပ်ဖြစ်တယ်၊ ဒီနေ့မနက်လည်း ကွတ်ခိုင်က မနေ့ကဖြစ်တဲ့နားမှာပြန်ဖြစ်တယ်"

ကွတ်ခိုင်မြို့ နယ်က မိုင်းယုလေး၊ ငေါ့ငါး နဲ့ ဂျရမ်းကျေးရွာတွေအပြင် ကျောက်မဲမြို့နယ်တ၀ိုက်နဲ့ နမ့်ခမ်းမြို့နယ်တွေမှာ TNLA တပ်မဟာ ၂ လက်အောက်ခံတပ်တွေနဲ့ အစိုးရတပ်မ ၇၇၊ တပ်မ ၆၆၊ တပ်မ ၃၃၊ တပ်မ ၈၈ တို့နဲ့ ပစ်ခတ်မှုတွေဖြစ်နေတာလို့ သိရပါတယ်။ တိုက်ပွဲတွေကြောင့် နှစ်ဘက်ထိခိုက်မှုတွေရှိနေပြီး အစိုးရတပ်မတော်ဘက်က ဒဏ်ရာရရှိသူတွေဟာ ကွတ်ခိုင်ဆေးရုံမှာ ဆေးကုသခံနေပါတယ်။

အလားတူ ကချင်ပြည်နယ် ဗန်းမော်ခရိုင် မန်စီမြို့နယ်အတွင်းမှာ ကေအိုင်အေ တပ်ရင်း ၁၂ နဲ့ အစိုးရတပ်တွေ မနေ့ကအထိ ၂ရက်ဆက်တိုက် တိုက်ပွဲတွေဖြစ်ခဲ့ပါတယ်။

ဒီအတောအတွင်း RCSS/SSA ရှမ်းပြည်ပြန်လည်ထူထောင်ရေးကောင်စီ ရှမ်းပြည်တောင်ပိုင်း တပ်မတော်နဲ့ အစိုးရတပ်တွေဟာ စက်တင်ဘာ ၇ ရက်နေ့က ရှမ်းပြည်တောင်ပိုင်း လွိုင်လင်မြို့နယ်မှာ တိုက်ပွဲဖြစ်ပွားခဲ့ပြီး စက်တင်ဘာ ၈ ရက်နေ့ကလည်း ကျောက်မဲမြို့အနီးမှာ တိုက်ပွဲဖြစ်ပွားခဲ့တယ်လို့ RCSS အဖွဲ့က ပြောရေး ဆိုခွင့်ရှိသူ ဗိုလ်မှူး စိုင်းမိဏ်းက RFA ကို အတည်ပြု ပြောဆိုပါတယ်။

"မနေ့က ကျောက်မဲနားမှာဖြစ်တယ်၊ ၇ ရက်နေ့ စက်တင်ဘာ ညနေမှာ တပ်မတော်စစ်ကြောင်း နယ်မြေရှင်းလင်း တယ်ဆိုပြီးတော့ ကျနော်တို့ကို ရှောင်တခင်လာတိုက်တဲ့သဘောပါ၊ တစ်နာရီလောက်ဖြစ်ပွားခဲ့ပါတယ်၊ ကျနော်တို့ နောက်ဆုံးရတဲ့သတင်းကတော့ တပ်မတော်က ဗိုလ်ကြီးတစ်ဦး အပါအဝင် ၇ ဦး ကျဆုံးပြီးတော့ ၃ ဦး ဒဏ်ရာရတယ်လို့တော့ကြားတယ်၊ ကျောက်မဲနားမှာ ၆ ဦးဆိုလား ကျဆုံးတယ်လို့ ကျနော်တို့ သိထားတယ်၊ ကျနော်တို့ဘက်ကတော့ ထိခိုက်မှုမရှိပါဘူး၊ အမှန်ဆိုရင် မလိုအပ်တဲ့လှုပ်ရှားမှုတွေ မရှိသင့်ဘူးပေါ့နော်၊ ဒီလိုအပစ်ခတ်ရပ်စဲရေးကို ကြိုးစားနေတဲ့အချိန်မှာ"

စက်တင်ဘာ ၇ ရက်နေ့က ဖြစ်ပွားခဲ့တဲ့ တိုက်ပွဲမှာတော့ အစိုးရဘက်က အရှေ့အလယ်ပိုင်းတိုင်းစစ်ဌာနချူပ် လက်အောက်ခံ လွိုင်လင်မြို့အခြေစိုက် အမှတ် ၁၂ ခြေလျင်တပ်ရင်းနဲ့ ဖြစ်ပွားခဲ့တာဖြစ်ပြီး စက်တင်ဘာ ၈ ရက်နေ့ကတော့ ကျောက်မဲမြို့အခြေစိုက် တပ်မ ၇၇ လက်အောက်ခံတပ်တွေနဲ့ RCSS အဖွဲ့က အုပ်ချူပ်ရေးတပ်တွေ ရင်ဆိုင်တိုက်ပွဲ ဖြစ်ပွားခဲ့တာလို့ ဗိုလ်မှူး စိုင်းမိဏ်းက ပြောပါတယ်။

RFA
http://www.rfa.org/burmese/news/government-army-conflict-ethnic-09092015110416.html

ကံမကောင်းအကြောင်းမလှတဲ့ မြန်မာနိုင်ငံမှာ စစ်အာဏာရှင်အဆိပ်ပင်ကြီး ပေါက်ရောက်ရှင်သန်နေတာ ၁၉၆၂ ခုနှစ်ကစရေတွက်ရင် ၅၃ နှစ်တောင်ကျော်ခဲ့ပြီ။ တော်လှန်ရေးကောင်စီ၊ မဆလ၊ န၀တ၊ တစည၊ နအဖ၊ ပြည်ခိုင်ဖြိုး၊ စည်းကမ်းပြည့်ဝသောဒီမိုကရေစီ စစ်တပိုင်းအစိုးရ အစရှိတဲ့ မျက်နှာဖုံး နံမည်တွေ ဘယ်လိုပင် ပြောင်းခဲ့ပေမဲ့ အတွင်းသရုပ်ကတော့ လူတစုကို တရားဥပဒေအထက်မှာနေခွင့်၊ အနိုင်ကျင့်ဗိုလ်ကျခွင့်ပေးထား တဲ့ စစ်အာဏာရှင်စနစ်ဆိုတာ လူတိုင်းသိကြပါတယ်။ ပြည်သူလူထုက အလိုမတူမှန်းသိရက်နဲ့ သေနတ်ကို မိုးပေါ်ထောင်မဖေါက်၊ ပြည်သူ့ သွေးအကြိမ်ကြိမ်သောက်ပြီး နိုင်ငံတော်အာဏာကို ထပ်ခါထပ်ခါ လုယူခဲ့တာ မဟုတ်လား။
အခုလာမဲ့ (၂၀၁၅) အထွေထွေရွေးကောက်ပွဲဟာ ရက်ပေါင်း (၆၀) တောင်မလိုတော့ပါဘူး။ ဒီရွေးကောက်ပွဲ ကြီးဟာ တိုင်းပြည်ကို နှောင်(၅) နှစ်တာ အုပ်ချုပ်မဲ့အစိုးရတရပ်ကို ရွေးချယ်ယုံသက်သက်တင် မဟုတ်ပါဘူး။ စည်းကမ်းပြည့်ဝသောဒီမိုကရေစီမျက်နှာဖုံးစွပ်ထားတဲ့ စစ်ကျွန်ဘ၀ကို လက်သင့်ခံမှာလား၊ စစ်ကျွန်ဘ၀က အပြီးတိုင်လွတ်မြောက်ရာလမ်းကို ရွေးချယ်မှာလားဆိုတဲ့ ဆုံးဖြတ်ချက်ပြုရမဲ့ပွဲလည်းဖြစ်ပါတယ်။
(၁၉၉၀) ပါတီစုံရွေးကောက်ပွဲမှာတုံးက အမျိုးသားဒီမိုကရေစီအဖွဲ့ ချုပ်ကို ပြည်သူတွေက တနိုင်ငံလုံး အတိုင်းအတာနဲ့ ပုံအောမဲပေးခဲ့လို့ ထွက်လာတဲ့ရလာဒ်အဖြေကိုသိပြီးကထဲက စစ်အာဏာရှင် ဗိုလ်ချုပ်ကြီး တွေဟာ သူတို့ ကိုလိုလားတဲ့ပြည်သူပြည်သား များများစားစား မရှိဘူးဆိုတာကောင်းကောင်းသိပါတယ်။
အဲ့ဒီကာလကစပြီး စစ်အာဏာရှင်တွေဟာ တစုတစည်းထဲ ပုံအောမဲပေးတဲ့ ပြည်သူတွေရဲ့ မဲတွေပြားအောင် ပြည်သူတွေကြားမှာ စည်းလုံးညီညွတ်မှု့ ပျက်ပြားအောင် စနစ်တကျစီမံကိန်းတွေချ ဖြိုခွဲဖို့ ကောက်ကျစ်တဲ့ အောက်ပါနည်းလမ်းအမျိုးမျိုးနဲ့ သွေးခွဲခဲ့တာ အခုဆို နှစ်ပေါင်း (၂၅) နှစ်ကျော်ပါပြီ။

(၁) သမိုင်းအမှား ဆိုက်ဒ်ဝါးနဲ့ သွေးခွဲခြင်း
ပညာသင်ကြားခွင့်ကောင်းကောင်းမရခဲ့တာရယ် ရာစုနှစ်ဝက်ကျော် နိုင်ငံရေးသားကြော အဖြတ်ခံခဲ့ရတဲ့ ပြည်သူတချို့ကို အတွေးမှား အသိမှားအောင် ဆိုက်ဒ်ဝါးလို့ ခေါ်နိုင်တဲ့အစီအစဉ်တခုဖြစ်တဲ့ နေ့ စဉ်ရေဒီယို၊ ရုပ်မြင်သံကြား၊ သတင်းစာတွေကနေ သမိုင်းမှန်တွေကိုဖုံးထားပြီး သမိုင်းမှားတွေကို ထပ်ခါတလဲလဲ ထုတ်ပြန်လိမ်ညာခဲ့ကြတယ်။ ရှစ်လေးလုံးအရေးတော်ပုံကြီးဖြစ်ပွားခဲ့တဲ့ ၁၉၈၈ နောက်ပိုင်းမွေးဖွားလာတဲ့ လူငယ်မျိုးဆက်သစ်တွေကို အဓိကပစ်မှတ်ထားပြီး သမိုင်းမသိတော့ “ အ ” ဆိုသလိုဖြစ်အောင် ယုတ်မာခဲ့ကြတာ။ ဒါပေမဲ့ မျိုးဆက်သစ်လူငယ်အများစုဟာ ဘယ်လောက်ဖုံးကွယ်ထားထား အမှန်တရားကို မရမကရှာဖွေလေ့ရှိတာ ဗိုလ်ချုပ်ကြီးတွေလည်း သိပါတယ်။ သူတို့ ရှင်သန်မှု့အတွက် ရနိုင်သလောက် လမ်းမှားပို့ ဆောင် လူမိုက်စုဆောင်းတဲ့သဘောပါဘဲ။ နိုင်ငံရေးဦးတည်ချက်(၄) ရပ်၊ စီပွားရေးဦးတည်ချက်(၄)၊ လူမှု့ရေး ဦးတည်ချက်(၄) ရပ်၊ တို့ တာဝန်အရေးသုံးပါးတို့ ၊ ပြည်သူ့သဘေားထား ဆိုတွေကို ထပ်ခါတလဲလဲ မြင်ရ၊တွေ့ ရ ကြားရဖန်များပြီး အမှန်တရားလိုလို မသိစိတ်ထဲရောက်သွားအောင် ဆိုက်ဝါးသုံး လမ်းမှားပို့ ခဲ့ကြ တာမဟုတ်လား။

(၂) ရာထူးအာဏာ ငါးမျှားစာနဲ့ သွေးခွဲခြင်း
(၈၈) အာဏာသိမ်းအစိုးရ နဝတ လက်ထက်မှာ ရာထူအာဏာနဲ့မျှားပြီး သူတို့ လျှောက်တဲ့လမ်းမှားပေါ် လိုက်လာအောင် သွေးခွဲမှု့တွေ ပိုပြီးထင်ထင်ရှားရှားလုပ်ခဲ့တယ်။ ရှိတဲ့စစ်တပ်အင်အားနဲ့ မမျှအောင် မလိုအပ်ဖဲ တခါမှမရှိဘူးတဲ့ စစ်ရာထူးတွေတီထွင် စစ်ဗိုလ်ချုပ်တွေ မှိုလိုပေါက်နေအောင် ခန့်အပ်တာဟာ နိုင်ငံရေးစကား နဲ့ပြောရင်တော့ မိုက်ဖေါ်မိုက်ဖက်တိုးပွားလာအောင်အမှု့တွဲခေါ်ခဲ့တာပါ။ အရပ်သားဝန်ထမ်းလောကကိုလည်း ရှစ်လေးလုံးအရေးတော်ပုံကြီးမှာ ပါဝင်မှု့နဲ့ပတ်သက်လို့ မေးခွန်း (၃၃) ချက်မေးပြီး သူတို့ကိုထောက်ခံတဲ့ လူတွေကို ရာထူးတိုးပေး အခွင့်အာဏာတွေအပ်နှင်းလို့ ဝန်ထမ်းတွေကြား သွေးခွဲခဲ့တာမဟုတ်လား။

သူတို့ကို မထောက်ခံတဲ့သူတွေဆိုရင် ပညာဘယ်လောက်တတ်တတ်၊ ဘယ်လောက်ရိုးသားမှု့ရှိရှိ ချောင်ထိုး ရင်ထိုး၊ မထိုးရင်ဖြုတ် လုပ်ခြင်သလိုလုပ်ခဲ့ကြတာ။ လူကောင်းသူကောင်းတွေနေရာမပေးဘဲ ၊ လူလည်လူရှုပ် ကပ်ဖါးရပ်ဖါး အမြီးကျက်အမြီးစား၊ ခေါင်းကျက်ခေါင်းစားတတ်တဲ့ လူမသူတော်တွေ၊ လူ့ ဂျပိုးစစ်ဂျပိုးတွေကို သူတို့ လိုဘဲ အနိုင်ကျင့်ဗိုလ်ကျခွင့်တွေအပြည့်ပေး၊ တိုင်းပြည်ဘဏ္ဍာဖေါက်စား ကြတာကို လျစ်လျှူရှု့ခဲ့တော့ အောက်ခြေ လယ်သမား၊ အလုပ်သမား ဆင်းရဲသားအများပြည်သူတွေဘ၀ဟာ ငရဲကျသလိုပေါ့။

နှစ်ပေါင်းများစွာ အဲ့ဒီလို သွေးခွဲအုပ်ချုပ် ဘက်လိုက်အခွင့်အရေးပေး၊ အုပ်စုဖွဲ့ လူမွေး အကျင့်ပျက်ခြစားနေတဲ့ ပတ်ဝန်းကျင်ကြီးရဲ့အောက်မှာ နောက်ဆုံးခံနိုင်ရည်မရှိတဲ့ လူရိုးလူအတွေတောင် မသူတော်တွေအဖြစ် ပြောင်းလဲကုန်ရတာ၊ ဟိုလူလည်းသူခိုး၊ ဒီလူလည်းသူခိုးဖြစ်ကုန်ပြီး မြန်မာနိုင်ငံလည်း စောရပြည်ဖြစ်ခဲ့၊ မိုးခါးရေသောက်ခဲ့ကြတာမဟုတ်လား။ ဒီတော့မှာ့ တို့ တိုင်းပြည်အဖက်ဖက် ကယိုယွင်း ချွတ်ခြုံကျဆင်းရဲခဲ့တာ စစ်အာဏာရှင်စနစ်ကြောင့်မဟုတ်ဖူး၊ သူတို့ ကြောင့်မဟုတ်ဖူး၊ ခေါင်မလုံ တာကြောင့်မဟုတ်ဖူး၊ ၀န်ထမ်းတွေခိုးခဲ့ကြလို့ ၊ တနိုင်ငံလုံးအကျင့်ပျက်ခဲ့တာကြောင့်လို့ လက်ညိုးထိုးခဲ့တာပေါ့။

(၃) အခွင့်ထူးခံခွင့်နဲ့ သွေးခွဲခြင်း
စစ်အာဏာရှင် ဗိုလ်ချုပ်ကြီးတွေဟာ သူတို့ ကိုယ်တိုင်လည်း အမြင့်ဆုံးအခွင့်ထူးခံတယ်။ တရားဥပဒေအထက်မှာ ဘာမဆိုလုပ်ခြင်တာလုပ်ကြတယ်။ နိုင်ငံပိုင်စီးပွားရေးလုပ်ကွက်တွေကို မိသားစုပိုင်ပြုတယ်။ တိုင်းသူပြည်သားတွေရဲ့ လယ်တွေ၊ယာတွေ ဥယျာဉ်ခြံမြေတွေ၊ ဘိုးဘွားပိုင်မြေတွေကို မြေဘုတ်ဘီလူးတွေလို မတရားယူငင် သိမ်းပိုက်ယုံမက သူတို့ အပေါ်သစ္စာခံသူတွေ၊ ဒူးထောက်အညံ့ခံဖေါက်ပြန်သူတွေကို မြေကွက်တိုက်ခန်း၊ တယ်လီဖုန်း၊ ကားပါမစ်၊ သစ်ခုတ်ခွင့်ပါမစ်၊ လုပ်ပိုင်ခွင့်တွေ၊ အခွင့်ထူးခံခွင်ပေးပြီး သူတို့ ကိုဆန့် ကျင်သူတွေ၊ မတရားလုပ်တာ ခေါင်းငုံ့ မခံတဲ့သူတွေကို နည်းမျိုးစုံနဲ့ ဒုက္ခပေးပြီး အခွင့်ထူးခံလူနည်းစုနဲ့ အဖိနှိပ်ခံလူများစုကြီးကို သွေးခွဲအုပ်ချုပ်ခဲ့ကြတယ်။

(၄) ဘာသာရေး၊ လူမျိုးရေးနဲ့ သွေးခွဲခြင်း
ထေရ၀ါဒဗုဒ္ဓဘာသာနဲ့ မစပ်အပ်တဲ့ ဘိုးတော် မယ်တော် လောကီပျော်တွေရဲ့ ယတျာ အစီအရင်တွေသာ ယုံစားခုံမင်လေ့ရှိတဲ့ စစ်အာဏာရှင် ဗိုလ်ချုပ်ကြီးတွေဟာ ဗမာလူမျိုးကြီးအလံကို လွှင့်ထူခဲ့တာ ၁၉၆၂ အာဏာစသိမ်းကထဲကနေ အခုထိတိုင်ပါ။ ဖက်ဒရယ်တစ္ဆေနဲ့ ခြောက်ပြီး တိုင်းရင်းသားလူမျိုးငယ်စုတွေရဲ့ ရပိုင်ခွင့်တွေကို အသိအမှတ်မပြုဘဲ ပင်လုံကတိက၀တ်ကိုချိုးဖေါက်ခဲ့ကြတယ်။ ပြည်သူလူထုအတွင်းမှာ စည်းလုံးညီညွတ်မှု့မရှိအောင် လူနည်းစုဘာသာဝင်တွေအပေါ်ခွဲခြားဆက်ဆံမှု့ နိမ့်ချမှု့တွေကျူးလွန်ခဲ့ကြတယ်။ အလွန်ထိရှလွယ်တဲ့ လူမျိုးရေး၊ ဘာသာရေး မုန်းတီးမှု့တွေကြီးထွားလာအောင် တိုက်ရိုက်ဖြစ်စေ၊ သွယ်ဝိုက်လို့ ဖြစ်စေ ပြဿနာကို မီးခွက်ထွန်းရှာ အစဖေါ်ယုံတင်မက မီးလောင်ရာလေပင့်ခဲ့ကြတယ်။

အမျိုးဘာသာသာသနာနဲ့ တိုင်းပြည်ကို မျက်စိမှိတ် ဘုမသိဘမသိချစ်တတ်တဲ့ ရိုးရိုးအအ ပြည်သူတစ်ချို့ သည်းခြေကြိုက်မျိုးစောင့်ဥပဒေ၊ တလင်တမယားစနစ်ဥပဒေ၊ ရိုဟင်ဂျာဆန့် ကျင် ရေး စတာတွေဘန်းပြပြီး တကယ်ပြုပြင်ပြောင်းလဲဘို့ လိုအပ်နေတဲ့အရာတွေဖြစ်တဲ့ ဖွဲ့ စည်းပုံပြင်ဆင်ရေးနဲ့ တရားဥပဒေစိုးမိုးရေး၊ ပြည်တွင်းငြိမ်းချမ်းရေး မြေသိမ်းယာသိမ်းပြဿနာ၊ လုပ်ခပြဿနာ၊ အကျင့်ပျက်ခြစားမှု့၊ ပညာရေးဥပဒေ စတဲ့ကိစ္စတွေကို အခြေခံကျကျ မပြုပြင်ဘဲ လူမျိုးစုံဘာသာစုံ စုဝေးနေတဲ့တိုင်းပြည်မှာ သွေးကွဲအောင် စနစ် တကျ လမ်းမှားပို့ နေတာဖြစ်တယ်။ အလွန်အန္တရာယ်ကြီးတဲ့အမျိုးသာရေးအစွန်းရောက်မှု့၊ ဘာသာရေးအစွန်း ရောက်မှု့တွေကို မတားဆီးယုံမက ခုတုံးလုပ်ပြီး သူတို့ အကျိုးအတွက် နိုင်ငံရေးမှာ အသုံးချအမြတ်ထုတ် နေတာပါဘဲ။

(၅) သံဃာထုကြား သွေးခွဲခြင်း
မဆလခေတ်ကနေ ဒီနေ စစ်ဘောင်းဘီချွတ်အစိုးရတိုင်အောင် စစ်အာဏာရှင် ဗိုလ်ချုပ်ကြီးတွေဟာ သံဃာတော်တွေကြားထဲမှာတောင် သွေးကွဲအောင် ဘွဲ့ တဆိပ်တော်ကပ်တာ၊ ကျောင်း၊ ကား၊ တယ်လီဖုန်း အဆောင်အယောင် အခွင့်အရေးတွေကပ်တာတောင် သူတို့ အလိုမဆန့် ကျင်တဲ့သံဃာတော်တွေသာကပ် လေ့ရှိပြီး တစိုက်မှတ်မှတ် သွေးခွဲခဲ့ကြတာမဟုတ်လား။ သူတို့ အလိုမလိုက်တဲ့ ဆရာတော် သံဃာတော်တွေ ဆိုရင် နည်းမျိုးစုံနဲ့ ဒုက္ခပေးတော့တာမဟုတ်လား ။ အခုလက်ရှိ်အမှု့ရင်ဆိုင်နေရပြီး လူဝတ်လဲခံထားရတဲ့ ရေပူဆရာတော်အမှု့နဲ့ မဟာသန္တိသုခကျောင်းတော်ကို ညဥ့်နက်သန်းခေါင်သူပုန်စခန်းသိမ်းသလို ၀င်သိမ်းခဲ့တဲ့ အမှု့တွေဟာ ထင်ရှားတဲ့ သာဓကတွေမဟုတ်လား။ တရားဥပဒေဆိုတာ သူတို့ လိုမှ အသုံးချတဲ့ ဖိနှိပ်ရေး ကရိယာပါ။ သူတို့အကျိုးမထိခိုက်ရင် ချောင်ထိုးထားမယ်။ ဖုံတက်နေမယ်။ သူတို့အကျိုးအတွက်သုံးခြင်ရင် တော့ မငြိလည်း ငြိအောင် ဇွတ်ဆွဲပြီး သံဃာဆိုလည်း တရားစွဲမယ်၊ လူဝတ်လဲမယ် ထောင်ချမယ်။
လယ်တီသိမ်ကို ကာကွယ်ဖို့ အားထုတ်ခဲ့တဲ့ သံဃာတော်တွေကျတော့ ဦးပိုင်အကျိုးစီးပွား၊ သူတို့ အကျိုးစီးပွား ကိုထိခိုက်လာတော့ မီးလောင်ဗုံးနဲ့ ရက်ရက်စက်စက် လင်းအားကြီးအချိန်ပစ်ခတ် နှိမ်နင်းခဲ့တယ်။ ဒါပေမဲ့ သူတို့ အကျိုးစီးပွားရှိစေမဲ့ အမျိုးဘာသာသာသနာစောင့်ရှောက်ရေး မျက်နှာဖုံးစွပ်ပြီး သံဃာတော်တွေကြား၊ ပြည်သူတွေကြားမှာ သွေးကွဲစေယုံမက လူမျိုးတုံးသတ်ဖြတ်မှု့တွေဖြစ်ပေါ်လာစေနိုင်တဲ့ သွေးချောင်းစီး စေနိုင်တဲ့ ဘာသာခြား၊ လူမျိုးခြားအပေါ် အမုန်းတရားတွေကြီးထွားလာအောင် ဟောပြောလှုံ့ဆော်နေတဲ့ ဘုန်းကြီးတချို့ ကို မနှိမ်နင်းတဲ့အပြင် အားပေးအားမြှောက်ပြုနေတာ လူတိုင်းမြင်နေရတယ်မဟုတ်လား။ ဒါဟာ ညီညွတ်ရေးကိုဖြိုခွဲနေတာကို သက်သေပြနေတဲ့ သာဓကတခုဖြစ်ပါတယ်။

(၆) ကျောင်းသားထုကြားသွေးခွဲခြင်း
စစ်အာဏာရှင် ဗိုလ်ချုပ်ကြီးတွေ အကြောက်ဆုံးက ပင်ကိုယ်စိတ်ရိုးသားပြီး မဟုတ်မခံစိတ်နဲ့ ရဲရင့်တဲ့ ကျောင်းသားလူငယ်တွေပါ။ တပွင့်ခြွေရင် ဆယ်ပွင့်ဝေတတ်တဲ့ ကျောင်းသားလူငယ်တွေဆိုတာ ခေတ်အဆက်ဆက် မတရားမှု့ကိုတော်လှန်ရာမှာ တပ်ဦးကအမြဲပါခဲ့တာမဟုတ်လား။ ဘယ်သူကမှ မြှောက်ပေးစရာမလိုဘူး၊ ကိုယ့်ရှေ့မှာ မတရားမှု့တွေ့ ရင် ဘက်လိုက်မှု့ကင်းကင်းနဲ့ အားနည်းတဲ့ဖက်က သတ္တိရှိရှိ ရပ်တည်တတ်တာ လူငယ်တွေမဟုတ်လား။
စစ်အာဏာရှင်ဗိုလ်ချုပ်ကြီးနေ၀င်းလက်ထက်ကစပြီး ဒီနေ့ စစ်အစိုးရထိအောင် ကျောင်းသားထုရဲ့ညီညွတ်မှု့ကို ဖြိုခွဲဖို့ အကြိမ်ကြိမ်ခြေထိုးသွေးခွဲခဲ့ကြတယ်။ ၁၉၈၈ အာဏာသိမ်းပြီးတဲ့နောက်ပိုင်း ကျောင်းသားလှုပ်ရှားမှု့ တွေမှာ ဗမာနိုင်ငံလုံးဆိုင်ရာ ကျောင်းသားသမဂ္ဂ ( ဗကသ) နဲ့ မြန်မာနိုင်ငံလုံးဆိုင်ရာ ကျောင်းသားသမဂ္ဂ (မကသ) အကြား စစ်ထောက်လှမ်းရေးအကြီးအကဲ ဗိုလ်ချုပ်ကြီးခင်ညွှန့် ဟာ သွေးခွဲဖို့ ကျိုးစားခဲ့တယ်။ (မကသ)အဖွဲ့ ကို ရန်ကုန်တက္ကသိုလ်ထဲမှာ ရုံးခန်းဖွင့်ခွင့်ပေး၊ အဆောင်အယောင်တွေပေးပြီး ကျောင်းသားအခြင်းခြင်း စည်းလုံးရေးပျက်ပြားအောင်လုပ်ဆောင်ခဲ့တာဖြစ်တယ်။
ကျောင်းသားတွေကြားမှာ ခလောက်ဆံဖို့ ထောက်လှမ်းရေးသူလျိုတွေအမြဲလွှတ်လေ့ရှိတယ်။ လောလောဆယ် သပိတ်မှောက် ကျောင်းသားတွေ အဖမ်းခံထားရဆဲဖြစ်တဲ့ ဒီမိုကရေစီပညာရေး ကျောင်းသားသပိတ်ကာလမှာ လည်း သတင်းယူဖို့ အခြင်းခြင်းအမြင်မှားသွေးကွဲအောင် ရဲစုံထောက်တွေကို ကျောင်းသားယောင်ဆောင်ခိုင်း ခဲ့တာကို သတိပြုတွေ့ရှိခဲ့တဲ့သတင်းတွေ ဖတ်ရတယ်မဟုတ်လား။

“ မဲပြားရေး မဟာဗျူဟာ ”
စစ်အာဏာရှင် ဗိုလ်ချုပ်ကြီးတွေဟာ (၁၉၉၀) ရွေးကောက်ပွဲရလာဒ်သိရပြီးကထဲက သူတို့ ကိုထောက်ခံ တဲ့ပြည်သူဟာ ၅%တောင်မရှိတာကိုသ်ိခဲ့ပါတယ်။ ဒါကြောင့် ဒေါ်အောင်ဆန်းစုကြည်ဦးဆောင်တဲ့ အမျိုးသား ဒီမိုကရေစီ အဖွဲ့ ချုပ်ကိုထောက်ခံမှု့တွေ လျှော့ကျသွားအောင်၊ အမျိုးသားဒီမိုကရေစီအဖွဲ့ ချုပ်ကို အထင်မှား စေနိုင်တဲ့ နည်းလမ်းမျိုးစုံနဲ့  မဲပြားရေးမဟာဗျူဟာကို စီမံကိန်းချလုပ်ခဲ့တော့တာပါဘဲ။ အထက်မှာရေးသားခဲ့တဲ့ သွေးခွဲမှု့မျိုးစုံထဲမှာ အဆိုးဝါးဆုံးနဲ့ အရက်စက်ဆုံးနည်းလမ်းကတော့ ဘာသာရေးကိုခုတုံးလုပ်၊ လူမျိုးရေး မုန်းတီးမှု့ကိုအခြေခံတဲ့ နည်းလမ်းပါဘဲ။
ရိုးသားပြီး နိုင်ငံရေးလှည့်ကွက်ကိုနားမလည်နိုင်တဲ့ ပြည်သူတချို့ရဲ့မဲတွေရအောင်၊ မဲပြားအောင် ရွေးကောက်ပွဲမတိုင်ခင် အလျှင်စလို မဘသတောင်းဆိုထားတဲ့ မျိုးစောင့်ဥပဒေ တလင်တမယားစနစ် ကျင့်သုံးခြင်းဆိုင်ရာဥပဒေကို သမ္မတဦးသိန်းစိန်က သြဂုတ်လ (၃၁) ရက်နေ့ က လက်မှတ်ရေးထိုးအတည်ပြု ပေးခဲ့တာမဟုတ်လား။ အဓိကကျပြီး နိုင်ငံအတွက်အရေးတကြီးလိုအပ်နေတဲ့ ပြုပြင်ပြောင်းလဲရမဲ့ ဥပဒေတွေ မြောက်များစွာရှိရက်သားနဲ့ ဒီလို အငြင်းပွားသွေးကွဲစေရမဲ့ ဥပဒေတွေရွေးပြီး ပြဌာန်းတယ်ဆိုတာ လုံးဝမရိုးသားမှန်း မဲပြားစေအောင်လုပ်နေတာမှန်း ထင်ရှားလွန်းတယ်။
နောက်အရေးကြီးတဲ့အချက်က ရည်ရွယ်သည်ဖြစ်စေ၊ မရည်ရွယ်သည်ဖြစ်စေ ပြည်သူတွေရဲ့ ဒီမိုကရေစီ ရည်မှန်းချက်ကို လိုရာမရောက်ဘဲ နှောင့်နှေးစေမဲ့ မဲပြားရေးစီမံကိန်းရဲ့  အစိတ်အပိုင်း တခုလို ဖြစ်လာတာ ကတော့ ပါတီကြီးနှစ်ခုဟာ အားကိုးလို့ မရဘူးဟေ့၊ ဒီမိုကရေစီစနစ်အားကောင်းမောင်းသန်ဖြစ်လာအောင် ပါတီငယ်တွေအားပေးကြ၊ တတိယအင်အားစုတည်ထောင်ကြဆိုတဲ့လှုံ့ဆော်စည်းရုံးလာမှု့ပါ။
ဘဏ္ဍာငွေကြေးတောင့်တင်းတဲ့ သမ္မတအကြံပေး ဦးနေဇင်လတ်ဦးစီးတဲ့ အမျိုးသားတိုးတက်ရေးပါတီသစ်နဲ့  နောက်ထပ်ပေါ်လာတဲ့ တောင်သူလယ်သမားဖွံ့ဖြိုးရေးပါတီနှစ်ရပ်ပေါင်းရင် လာမဲ့ (၂၀၁၅) အထွေထွေ ရွေးကောက်ပွဲမှာ လွှတ်တော်ကိုယ်စားလှယ်အမတ်နေရာ (၆၀၀) ကျော်ဝင်ပြိုင်မယ်ဆိုတဲ့သတင်းတပုဒ် ဖတ်ခဲ့ရတယ်။ ဘယ်လိုရည်ရွယ်ချက်မျိုးတွေပြပြီးထောင်ထောင် မဲပြားစေတော့မှာ အသေအခြာပါဘဲ။
စစ်မှန်တဲ့ဒီမိုကရေစီကို ကျင့်သုံးနိုင်တဲ့ခေတ်မှာ ပါတီသစ်တွေပေါ်ပေါက်လာတာ ကြိုဆိုရမှာဖြစ်ပေမဲ့ အခုလိုမိုးထဲရေထဲအခြေအနေမျိုး စစ်ကျွန်ဘ၀ကရုန်းထွက်မလား ဆက်နေမလားဆိုတဲ့ အဆုံးအဖြတ်ပြုရမဲ့ မဲအရေအတွက် ခိုင်ခိုင်မာမာရဖို့ လိုအပ်နေတဲ့ကာလမှာ၊ မဲပြားမခံနိုင်တဲ့ကာလမှာတော့ ကြိုဆိုလို့ မဖြစ်ပါဘူး ။
ဒီဆောင်းပါးကို နိဂုံးသပ်ရရင် လာမဲ့ နိုဝင်ဘာလဆန်းမှာကျင်းပမဲ့ ၂၀၁၅ ရွေးကောက်ပွဲကြီးဟာ မြန်မာနိုင်ငံ ဒီမိုကရေစီရေးခရီးကြမ်းရဲ့ အရေးကြီးတဲ့မှတ်တိုင်ဖြစ်တယ်။ စစ်အာဏာရှင်တွေဟာ သူတို့ အတွက် မဲများများစားစားမရနိုင်ဘူးဆိုတာ သိနေတော့ ဒီရွေးကောက်ပွဲမှာ သူတို့ မဲနိုင်ဘို့ ကျိုးစားမှာမဟုတ်ဘူး။ သူတို့ ရဲ့ အဓိကရည်မှန်းချက်က အမျိုးသားဒီမိုကရေစီအဖွဲ့ ချုပ်ကို မဲအပြတ်အသတ်မနိုင်အောင်၊ အစိုးရအဖွဲ့ ကျွတ်ကျွတ်လွတ်လွတ် ဖွဲ့ ခွင့်မရအောင်၊ မဲပြားသွားအောင် လုပ်ဆောင်နေကြတာသတိပြုပါ။
မြန်မာနိုင်ငံသားတိုင်း မဖြစ်မနေ ထမ်းဆောင်သင့်တဲ့ သမိုင်းပေးတာဝန်ကြီးတရပ်ကတော့ အဓမ္မ၀ါဒီတွေ၊ ဖိနှိပ်သူတွေ၊ အခွင့်ထူးခံတွေ၊ စစ်အာဏာရှင်တွေကို လက်မခံကြောင်း ပြတ်ပြတ်သားသား ငြင်းပယ်ကြောင်း ပြသဘို့ မကြာမှီလာတော့မဲ့ (၂၀၁၅ ) အထွေထွေရွေးကောက်ပွဲ မှာဖြစ်ဖြစ် ကိုယ့်အသဲကြား က မဲတပြားကို တခုတည်းသော ပြည်သူ့ ပါတီကြီးဖြစ်တဲ့ အမျိုးသားဒီမိုကရေစီ အဖွဲ့ ချုပ်နဲ့ မဟာမိတ်ပါတီတွေ၊ ရိုးသားစစ်မှန်တဲ့ တိုင်းရင်းသားပါတီတွေကို သာမဲပေးရလိမ့်မယ် ။ ဒါမှသာ ပြည်သူ့ အစိုးရတရပ် ပေါ်ထွန်းလာပြီး နှစ်ပေါင်း (၆၀) ကျော် ခံစားခဲ့ရတဲ့ အနိဌာရုံတွေအားလုံးကိုချုပ်ငြိမ်းသွားစေလိမ့်မယ် ။
တို့ နိုင်ငံမှာ ဘယ်သောအခါမှ စစ်အာဏာရှင်စနစ် တဖန်ပြန်လည် အမြစ်ထွက်ရှင်သန်မလာစေဘို့  လက်နက်ကိုင်ဗိုလ်ကျမှု့တွေကို အပြီးတိုင်ရှင်းလင်းသုတ်သင်ပစ်နိုင်အောင် စွမ်းအားကြီးမားတဲ့ မဲတပြားဟာ ပြည်သူတိုင်းက ပိုင်ဆိုင်ထားတာမို့ ထိထိရောက်ရောက်အသုံးချကြပါ။
မြန်မာပြည်သူပြည်သားတိုင်း တိုင်းပြည်အနာဂါတ်အရေးနဲ့  ညီညွတ်ရေးပျက်ပြားအောင်၊ မဲပြားအောင် လုပ်ဆောင်လာတဲ့အန္တရာယ်၊ ဘာသာရေး လူမျိုးရေးကိုခုတုံးလုပ်ပြီး လမ်းမှားခေါ်တဲ့အန္တရာယ်တွေကို အဂတိကင်းစွာ သိမြင်ဆင်ခြင်နိုင်ပြီး မှန်မှန်ကန်ကန်မဲပေးနိုင်ကြပါစေ။ ခေတ်ဝန်ကိုထမ်း ခေတ်လမ်းကိုဖေါက် ဒီမိုကရေစီခေတ်သစ်ဆီအတူလျှောက်လှမ်းနိုင်ကြပါစေ။

လေးစားစွာဖြင့်
(မင်းကောင်းချစ်)
စင်တင်ဘာလ (၇) ရက် ၂၀၁၅ ခုနှစ်

sd-theinsein-620.jpg အပစ်ခတ်ရပ်စဲရေးစာချုပ် လက်မှတ်ရေးထိုးနိုင်ဖို့အတွက် သမ္မတ ဦသိန်းစိန်နဲ့ တိုင်းရင်းသား လက်နက်ကိုင်အဖွဲ့အစည်းက ခေါင်းဆောင်တွေ စက်တင်ဘာလ ၉ ရက်နေ့က နေပြည်တော် MICC(2)မှာ တွေ့ဆုံကြစဉ်

တစ်နိုင်ငံလုံး အပစ်ခတ်ရပ်စဲရေး လက်မှတ်ရေးထိုးဖို့အတွက် အစိုးရဘက်က ပထမဆုံး ၁၅ ဖွဲ့နဲ့ စက်တင်ဘာလ မကုန်ခင် လက်မှတ်ရေးထိုးလိုတဲ့ဆန္ဒရှိပြီး တိုင်းရင်းသားတွေဘက်က ဘယ်အဖွဲ့တွေ လက်မှတ်ရေးထိုးမယ်ဆိုတာ မဆုံးဖြတ်ရသေးဘူးလို့ ဒီကနေ့ ဆွေးနွေးပွဲအပြီး သတင်းမီဒီယာတွေကို ပြောကြားချက်အရ သိရပါတယ်။

ဒီကနေ့ နေပြည်တော် မြန်မာအပြည်ပြည်ဆိုင်ရာ ကွန်ဗင်းရှင်းဗဟိုဌာနမှာ နိုင်ငံတော်သမ္မတနဲ့ တိုင်းရင်းသား လက်နက်ကိုင်အဖွဲ့တွေက ခေါင်းဆောင် ၉ ဦးတို့ အပစ်ရပ်စဲရေးအတွက် ဘယ်အဖွဲ့တွေ လက်မှတ်ထိုး မလဲဆိုတာကို ဆွေးနွေးခဲ့ကြတာ ဖြစ်ပါတယ်။

အစိုးရက အသိအမှတ်ပြုထားတဲ့ တိုင်းရင်းသားလက်နက်ကိုင် အဖွဲ့ ၁၅ ဖွဲ့နဲ့သာ လက်မှတ်ထိုးဖို့တောင်းဆိုခဲ့ပြီး ကျန်တဲ့အဖွဲ့တွေနဲ့လည်း ဆက်ပြီးညှိနှိုင်းဆောင်ရွက်သွားမယ်လို့ မြန်မာငြိမ်းချမ်းရေးစင်တာ MPC က နိုင်ငံရေးအကြီးတန်းအကြံပေး ဦးလှမောင်ရွှေက ညနေပိုင်းမှာ ပြောပါတယ်။

"၁၅ ဖွဲ့လုံးကို ကျနော်တို့က ဖိတ်ပြီးသားဖြစ်တဲ့အတွက် ၁၅ ဖွဲ့နဲ့စထိုးဖို့ပါ၊ ၁၅ ဖွဲ့အပြင်မှာ ၆ ဖွဲ့ကျန်တယ်၊ ၃ ဖွဲ့ကတော့ NCA ကိုထိုးဖို့ မလိုအပ်ဘူး၊ ဒါကြောင့်မို့လို့ နိုင်ငံရေးဆွေးနွေးပွဲကို သွားဖို့ပါပဲ၊ အဲ့လိုအဖွဲ့တွေ အတွက် နိုင်ငံရေးဆွေးနွေးပွဲတွေကို သူတို့ကိုနှစ်ဘက်စလုံးက သဘောတူတဲ့အတွက် တက်ရောက်နိုင်တဲ့ အခါမှာလည်း ၁၇(၁)တွေဘာတွေနဲ့ သူတို့ကိုလုပ်လို့ရတဲ့အတွက် ဒီဟာတွေကပြီးသွားပြီ၊ ကျန်တဲ့ ၃ ဖွဲ့မှာတော့ MNDA ကတော့ နိုင်ငံတော်သမ္မတနဲ့ သူတို့တိုက်ရိုက်ဆွေးနွေးတာဖြစ်တဲ့အတွက် ဒါကိုလည်း ကျနော် ထည့်ပြောဖို့မလိုဘူး၊ TNLA က ဆက်ဆွေးနွေးမယ်ဆိုတဲ့အတွက် AA ပဲကျန်ပါတယ်၊ ဗိုလ်ချူပ်ကြီး အင်ဘန်လတို့ဘက်က AA ရယ် ANC ရယ် ALP ရယ်ပေါင်းလို့ ရမလားလို့မေးခဲ့ပါတယ်၊ ဒါကိုလည်း နိုင် ငံတော်သမ္မတဘက်က တိုင်းရင်းသားတွေရဲ့ဆန္ဒပဲ ကျနော်တို့ဘက်က ကောင်းမွန်တဲ့ဟာဖြစ်ရင်တော့ ဘာကိုမဆိုညှိနှိုင်းပြီးတော့ လက်ခံပါ့မယ်လို့ပြောတဲ့အတွက် ဒီသဘောထားပါပဲ"

တိုင်းရင်းသားခေါင်းဆောင်တွေဘက်က အတည်ပြုပြောတာက အစိုးရဘက်က ၁၅ဖွဲ့နဲ့ အရင်လက်မှတ်ရေးထိုး လိုပေမယ့် သူတို့ဘက်က မဆုံးဖြတ်ရသေးဘူးလို့ ပြောပါတယ်။

ဒီကနေ့ဆွေးနွေးပွဲကို တိုင်းရင်းသား လက်နက်ကိုင်အဖွဲ့တွေနဲ့ ဖွဲ့စည်းထားတဲ့ အဆင့်မြင့်ညှိနှိုင်းရေးအဖွဲ့က ကိုယ်စားလှယ် ၉ ဦး တက်ရောက်ကြတာဖြစ်ပါတယ်။

RFA
http://www.rfa.org/burmese/news/sd-meet-theinsein-09092015082947.html



တကသကျောင်းသားခေါင်းဆောင် ကိုဇေယျာလွင်နဲ့ ကိုပိုင်ရဲသူ တို့ကို နိုင်ငံတော် အကြည်ညို ပျက်စေမှု ပုဒ်မ ၅၀၅-ခ နဲ့ ပန်းဘဲတန်းမြို့နယ် တရားရုံးမှာ စက်တင်ဘာလ ၈ ရက်နေ့က ရုံးထုတ်ပါတယ်။ ကိုဇေယျာလွင်ကို လာမယ့် ၁၇ ရက်နေ့ အဝေးသင်စာမေးပွဲဖြေဆိုခွင့် တရားရုံးက ခွင့်ပြုလိုက်ပေမယ့် ပညာရေးဝန်ကြီးဌာန ခွင့်ပြုချက်လိုအပ်သေးတယ်လို့ သိရပါတယ်။

RFA

yellow-ribbon-campaign-620.jpg စစ်တပ်အငြိမ်းစားအရာရှိတွေကို နေပြည်တော် ပြည်ထောင်စုတရားလွှတ်တော်ရုံးချုပ်မှာ အဆင့်မြင့်ရာထူးတွေ ပေးအပ်လိုက်တာကို ဆန့်ကျင်တဲ့အနေနဲ့ စက်တင်ဘာလ ၉ ရက်နေ့က ပျဉ်းမနားမြို့နယ်က ရှေ့နေတွေ အဝါရောင်ဖဲကြိုးလှုပ်ရှားမှုကို စတင်ခဲ့စဉ်

တပ်မတော်အငြိမ်းစား အရာရှိ ၂ဝ နီးပါးလောက်ကို နေပြည်တော် ပြည်ထောင်စုတရားလွှတ်တော်ရုံးချုပ်မှာ အဆင့်မြင့်ရာထူးတွေ ပေးအပ်လိုက်တဲ့အတွက် ပျဉ်းမနားမြို့နယ်က ရှေ့နေတွေက သူတို့လုပ်ငန်းခွင်မှာ အဝါရောင်ဖဲကြိုးတွေ တပ်ဆင်ပြီး ဒီနေ့ စတင်ကန့်ကွက်ကြပါတယ်။

တပ်မတော်က တရားစီရင်ရေးကဏ္ဍတွေမှာ နေရာဝင်ယူလာတာကို ဆန့်ကျင်တဲ့အနေနဲ့ အ၀ါရောင်ဖဲကြိုး လှုပ်ရှားမှုကို တစ်နိုင်ငံလုံးအတိုင်းအတာနဲ့ လုပ်ဆောင်သွားမယ်လို့ ပျဉ်းမနားမြို့နယ် ရှေ့နေအသင်း ဥက္ကဌ ဦးခင်မောင်ဇော်က ပြောပါတယ်။

"ကျန်းမာရေးလောက တရားစီရင်ရေး လောကထဲမှာတင် မဟုတ်ဘူးဗျ၊ ဒီဗမာပြည်ရဲ့ ဝန်ကြီးဌာန အားလုံး လောကအားလုံးမှာ စစ်တပ်က မိုးကျရွှေကိုယ်တွေ ဝင်လာတာကို ဆန့်ကျင်ပါတယ်၊ ဖဲကြိုးလှုပ်ရှားမှုတွေက အကုန်လုံးပေါင်းစည်းပြီး တစ်ပြည်လုံးပျံ့နှံ့သွားတဲ့အထိ ကျနော်တို့ဆက်လုပ်မှာပဲ"

ပြီးခဲ့တဲ့ သြဂုတ်လက စစ်တပ်က အငြိမ်းစားအရာရှိတွေကို ပြည်ထောင်စု တရားလွှတ်တော်ရုံးချုပ်မှာ ဒုတိယ ညွှန်ကြားရေးမှူးချုပ်ရာထူးကစပြီး ပေးအပ်ခဲ့တာဖြစ်တယ်လို့ ပြောပါတယ်။

မနက်ဖြန် နေပြည်တော်ကောင်စီနယ်မြေ ၈ မြို့နယ်က တရားရုံးတွေမှာ ဖဲကြိုးအ၀ါတွေကို လိုက်လံဖြန့်ဝေသွားမယ် လို့ သိရပါတယ်။

ပြီးခဲ့တဲ့ သြဂုတ်လအတွင်းကလည်း ကျန်းမာရေးဝန်ကြီးဌာနကို စစ်တပ်က အငြိမ်းစားအရာရှိတွေ ရွှေ့ပြောင်းလာတဲ့ အတွက် ဆရာဝန်တွေက အနက်ရောင်ဖဲကြိုးလှုပ်ရှားမှုနဲ့ ကန့်ကွက်ခဲ့ကြပါတယ်။

ပြည်ထောင်စုတရားလွှတ်တော်ရုံးချုပ်မှာ တပ်မတော်ဘက်က အငြိမ်းစားယူထားသူ ၂၀ လောက်ကို ခန့်အပ်လိုက်တဲ့အပေါ် နေပြည်တော်ကောင်စီနယ်မြေ၊ ပျဉ်းမနားမြို့က ရှေ့နေတချို့က အဝါရောင်ဖဲပြားလှုပ်ရှားမှု စတင်ပြီး ဆန့်ကျင်ကန့်ကွက်လိုက်ကြပါတယ်။ RFA

Posted by Sakhunna Ung on Wednesday, September 9, 2015
RFA



၂၀၁၅ ရွေးကောက်ပွဲမှာ သတင်းနဲ့စာနယ်ဇင်းလွတ်လပ်ခွင့်ဟာ ပြီးခဲ့တဲ့ရွေးကောက်ပွဲထက် ပိုပြီးလွတ်လပ်ခွင့်တွေ အပြည့်အဝရှိမယ်လို့ ပြန်ကြားရေးဝန်ကြီးဌာနရဲ့ ဝန်ကြီး ဦးရဲထွဋ်ကပြောပါတယ်၊

RFA

(၁)့ မဲစာရင်း မှာ ကိုယ့်အမည် ပါမှ မဲ ပေးလို့ ရမှာနော်.....

(၂) မဲရုံကိုသွားရင် မဲပေးခွင့် လက်မှတ်.. ဒါမှမဟုတ် အထောက်အထား တစ်ခု ယူသွားပါ....၊ ရေဒီယို သတင်းမှာ ကြားမိတာကတော့ ကိုယ့် အမည် မဲစာရင်းမှာ ပါတယ်ဆိုရင် အမည်ပြောပြီး မဲ ပေးလို့ရတယ် လို့လည်း ကြားမိပါတယ်..၊ မဲ ပေးရမယ့် နေ့ နီးလာရင် မဲ ပေးခွင့် လက်မှတ် ရပ်ကွက်ရုံးက ထုတ်ပေးမယ် ထင်ပါတယ်.....

(၃) အရေးကြီးပါတယ်..... မဲ လက်မှတ် ထုတ်ယူတဲ့အချိန်မှာ မဲ လက်မှတ် စာရွက်ကို သေချာစွာ စစ်ပါ... (၁) မဲရုံမှူး လက်မှတ် ပါ / မပါ..၊ မဲရုံမှူးလက်မှတ် ပါ မှ သင့် မဲက ခိုင်လုံတဲ့ မဲ ဖြစ်မှာနော်...၊ မဲရုံမှူး လက်မှတ် မပါရင် ထိုးခိုင်းပါ... ဒါမှမဟုတ် တစ်ရွက်ပြန်လဲပေးခိုင်းပါ...။ (၂) အစွန်းအထင်း တွေ.. ပေနေရင် မယူပါနဲ့...၊ ပယ်မဲ ဖြစ်သွားပါလိမ့်မယ်....။ (၃) မဲစာရွက်မှာ အမှတ်အသားပြု လုပ်ထားတာ ရှိမရှိ စစ်ဆေးပါ..၊ အမှတ်အသားပြု ထားတာတွေ့ရင် မဲစာရွက်ကို လဲ ပေးခိုင်းပါ...၊ နောက်ပြီး သင်ကိုယ်တိုင်လည်း မဲ စာရွက်မှာ ဘာ အမှတ်အသား မှ မလုပ်မိစေပါနဲ့...။


ရန်ကုန်တိုင်းဒေသကြီး ဗဟန်းမြို့နယ်ကနေ ပြည်သူ့လွှတ်တော် ကိုယ်စားလှယ်လောင်းအဖြစ် ဝင်ရောက်ယှဉ်ပြိုင်မယ့် တသီးပုဂ္ဂလ ကိုယ်စားလှယ်လောင်း ဒေါက်တာဒေါ်ညိုညိုသင်းဟာ ရွေးကောက်ပွဲ အောင်နိုင်ရေး ရုံးခန်းကို ဗဟန်းမြို့နယ်မှာ ဒီကနေ့ ဖွင့်လှစ်လိုက်ပါတယ်။

RFA


ဗုံး​အိတ် ​လက်​လွှဲ​ပြောင်း ​ပေး​ခဲ့​ပုံ​ကို Yusufu Mieraili ​က ​ပြန် ​သ​ရုပ်​ဆောင် ​ပြ​ခဲ့။
 ထိုင်း နိုင်ငံ၊ ဘန်ကောက် မြို့လယ်က နတ်ကွန်းအနီး ဗုံးခွဲမှုနဲ့ ပတ်သက်ပြီး ဖမ်းဆီးထားတဲ့ အဓိက သံသယရှိသူဟာ တရုတ် နိုင်ငံသား ဖြစ်တယ်လို့ နှစ်ဘက် နိုင်ငံ အာဏာပိုင်တွေက ပြောလိုက်ပါတယ်။

သံသယ ရှိသူ Yusufu Mieraili ဟာ တရုတ်ပြည် အနောက်ပိုင်းက လူနည်းစု ဝီဂါ မွတ်ဆလင်တွေ နေထိုင်ရာ ရှင်ကျန်း ပြည်နယ်မှာ မွေးဖွားခဲ့တာ ဖြစ်တယ်လို့ ဆိုပါတယ်။

ဘန်ကောက်မြို့လယ်က ဗုံးခွဲ တိုက်ခိုက်မှုဟာ ရှင်ကျန်း ပြည်နယ်က ခွဲထွက်ရေး မွတ်ဆလင်တွေရဲ့ လက်ချက် ဖြစ်နိုင်ကြောင်း တရုတ် အရာရှိ တစ်ဦးက ဂလိုဘယ် တိုင်းမ်စ် သတင်းစာကို ပြောခဲ့ပါတယ်။

သြဂုတ် ၁၇ ရက်က ဖြစ်ခဲ့တဲ့ ဧရာဝဏ် နတ်ကွန်း အနီး ဗုံးခွဲ တိုက်ခိုက်မှုကြောင့် လူ ၂၀ သေဆုံး ခဲ့ရပါတယ်။

သံသယရှိသူ Yusufu Mieraili က သူဟာ နတ်ကွန်းအနီး ဗုံးထောင်ခဲ့သူကို ဗုံးထည့်ထားတဲ့ အိတ်ကို လက်လွှဲ ပေးခဲ့တာ ဖြစ်တယ်လို့ ဝန်ခံ ထွက်ဆို ခဲ့တယ်လို့ ထိုင်း ရဲတပ်ဖွဲ့က ပြောခဲ့ပါတယ်။

ဖောက်ခွဲရေး ပစ္စည်းတွေ ရှာတွေ့ခဲ့တဲ့ ဘန်ကောက်မြို့စွန် တိုက်ခန်းကနေ အခု ဝန်ခံ ထွက်ဆိုသူက ဗုံးအိတ်ကို ဘူတာရုံကို သယ်သွားခဲ့ပြီး ဗုံးထောင်သူကို လက်လွှဲ ပေးခဲ့တာလို့ ပြောပါတယ်။

ဒီကနေ့ ဗုဒ္ဓဟူးနေ့ အစောပိုင်းမှာ သူ့ကို ဘန်ကောက် ဘူတာရုံကို ခေါ်သွားပြီး အိတ် လွှဲပြောင်း ပေးခဲ့ပုံကို ပြန် သရုပ်ဆောင် ခိုင်းခဲ့ကြပါတယ်။

ဒီအမှုနဲ့ ပတ်သက်ပြီး နိုင်ငံခြားသား ၂ ဦးကို ဖမ်းဆီးထားပြီး၊ ဗုံးအိတ်ကို နေရာမှာ ထောင်ခဲ့တဲ့ စီစီတီဗီထဲက အဝါရောင် တီရှပ်နဲ့ လူကိုတော့ ဖမ်းမိခြင်း မရှိသေးပါဘူး။

BBC Burmese
http://www.bbc.com/burmese

ထိုင်းနိုင်ငံ ချွန်ဘူရီက ဘန့် လမုံ ရပ်ကွက်က နိုက်ကလပ်တခုကို စက်တင်ဘာ ၉ရက် မနက် ၁နာရီ တွင် ရဲနှစ်ဦး ၀င်ရောက် လာပြီး တဆိုင်လုံးအား မီးဖွင့် ခိုင်းခဲ့ပါတယ်။

ပြီးမှစင်ပေါ်မှာ အပေါ်ပိုင်း အ၀တ်မပါဘဲ ကနေတဲ့ အမျိုးသမီးသုံးဦးနဲ့ အထိမ်း မာမာစံ အသက်၄၅နှစ်ကိုပါ ဖမ်းပြီး ရဲစခန်းမှာ မဖွယ်မရာ ကပြ၍ လာရောက်ကြည့်ရူ့ သူများအောင် လိင်အသားပေး အကများနဲ့  ဆွယ်နေခြင်းအတွတ် တရားဆွဲ ဒဏ်ရိုက်ခဲ့ကြောင်း သိရပါတယ်။

ထိုင်းနိုင်ငံမှာ ခုလို့ အပေါ်ပိုင်ချွတ်ပြပြီး ကတဲ့ဟာက အရမ်းယဉ်ကျေးတဲ့ အကလို့  ဆိုရမှာပါ ထိုင်းနိုင်ငံ ဘန်ကောက်မြို့ တွင်းက ဖတ်ဖုံး နဲ့  ဖတ္တရား ကမ်းခြေမှာ walking street လို နေရာမျိုးဆို အပေါ်ပိုင်း အောက်ပိုင်း အတွင်းသားပြတဲ့ နေရာတွေဟာ လက်ညိုးထိုးလို့  မလွှဲပါဘူး၊


ယခုဖြစ်ရပ်ကတော့ လာအားပေးတဲ့ ရဲတွေကို ဆက်ဆံရေကြဲလိုလား ဒါမှမဟုတ် လိုင်းကြေးအရနည်း လို့  ပညာပြလိုက်တာလာ လို့ တောင် ထင်မှတ်ရပါတယ်။

ပြီးခဲ့တဲ့ ရက်ပိုင်းကဘဲ စားသောက်ဆိုင်တခုမှာ သုံးရက်လောက်ငွေမပေးပဲ လာစားနေတဲ့ ရဲနှစ်ယောက် ကျသင့်ငွေရှင်းဖို့  တောင်းခဲ့တဲ့ ၀န်ထမ်းကို ရဲတွေက ၀ိုင်းရိုက်လို့  ဆေးရုံတင်ခဲ့ပြီးနောက် အဆိုပါ ရဲအရာရှိတွေ လဲ ရာထူးမှနုတ်ထွက်ခဲ့ရပါတယ်။

Social Action for Women - SAW
Community Organization
https://www.facebook.com/pages/Social-Action-for-Women-SAW

(Credit: Thet Lwin Oo)
နေပြည်တော်မှာ မြန်မာအစိုးရနဲ့ တိုင်းရင်းသား လက်နက်ကိုင်အဖွဲ့တွေအကြား အပစ်အခတ်ရပ်စဲရေး လက်မှတ်ထိုးနိုင်ဖို့ ကြိုးပမ်းနေချိန်မှာ စစ်တပ်အကြီးအကဲ ဗိုလ်ချုပ်မှူးကြီး မင်းအောင်လှိုင်ဟာ အစ္စရေးလ်ကို ရောက်ရှိနေတာ ဖြစ်ပါတယ်။

ကာကွယ်ရေးဦးစီးချုပ်ဟာ အစ္စရေးလ်နိုင်ငံကို ဒီလ ၅ ရက်နေ့က ထွက်ခွာခဲ့ပြီး ၂ နိုင်ငံ စစ်ဘက်ဆိုင်ရာ ဆက်ဆံရေး တိုးမြှင့်ဖို့ ချစ်ကြည်ရေး ခရီးစဉ်အဖြစ် သွားရောက်ခြင်း ဖြစ်တယ်လို့ မြန်မာအစိုးရက ထုတ်ပြန်ထားပါတယ်။ ကာကွယ်ရေးဦးစီးချုပ်ရဲ့ အစ္စရေးလ်နိုင်ငံ ခရီးစဉ်အပေါ် သုံးသပ်ချက်ကို စစ်ထောက်လှမ်းရေး အရာရှိဟောင်း ဦးအောင်လင်းထွဋ်နှင့် ဆက်သွယ်မေးမြန်းပြီး ကိုဇော်ဝင်းလှိုင်က တင်ပြပေးထားပါတယ်။

မေး - မြန်မာနိုင်ငံက စစ်တပ်နဲ့ အစ္စရေးလ်စစ်တပ်အကြားက ဆက်ဆံရေးက ဘယ်လောက်အထိများ ရင်းနှီးမှုရှိသလဲ။

ဖြေ - ကျနော် ပထမဦးဆုံးပြောရရင်တော့ ၁၉၈၈ ခုနှစ် မတိုင်ခင်ပေါ့နော် ဦးနေ၀င်းလက်ထက်မှာတော့ အစ္စရေးလ်စစ်တပ်နဲ့ရော အစ္စရေးလ်ထောက်လှမ်းရေးနဲ့ရော အဆက်အဆံ အဆက်အသွယ် ရှိခဲ့ပါတယ်။ အစ္စရေးလ်ဆီက အထူးသဖြင့်ပေါ့လေ ထောက်လှမ်းရေး နည်းပညာလည်း သင်ယူခဲ့သလို၊ အစ္စရေးလ်ရဲ့ လက်နက်ကို အထူးသဖြင့်တော့ Uzi သေနတ်တို့ ဘာတို့က အစ္စရေးလ်က လာတာပါ။ အဲဒီအချိန် အဲဒီအခါကတည်းကိုက အဆက်အသွယ် ကျနော်တို့ ရှိခဲ့တယ်။ တဘက်က ကျန်တဲ့ ဒီလက်နက်ငယ်ပိုင်းနဲ့ ပတ်သက်ပြီးတော့လည်း ကျနော်တို့ရဲ့ ကာကွယ်ရေးပစ္စည်း စက်ရုံတွေမှာ ဂျာမနီနဲ့ ပေါင်းပြီးတော့မှ လက်နက်တွေ ထုတ်ခဲ့တာ ရှိပါတယ်။ အဲဒီခေတ် အဲဒီကာလကတော့ ကျနော်တို့ တပ်မတော်မှာရှိတဲ့ လက်နက်ရဲ့ စွမ်းရည်က ကောင်းမွန်တယ်လို့ ပြောရမှာ ဖြစ်ပါတယ်။ ဒါပေမဲ့ ဒီဘက် ၈၈ နောက်ပိုင်းမှာ အရေးအခင်းတွေ ပြီးတဲ့နောက်ပိုင်းမှာ နိုင်ငံတကာရဲ့ ၀ိုင်းပယ်မှုတွေ ခံရပြီးတဲ့နောက်ပိုင်းမှာတော့ ဂျာမနီတို့၊ အစ္စရေးလ်တို့ရဲ့ လက်နက်လုပ်တဲ့ ကုမ္ပဏီတွေဟာ pluck သွားတဲ့ အနေအထားမျိုး ရှိခဲ့ပါတယ်ခင်ဗျ။

မေး - ဒီရက်ပိုင်းမှာပေါ့နော် အခုနောက်ပိုင်းမှာ ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်အနေနဲ့ နိုင်ငံခြားခရီးသွားတာလေး တော်တော် အထွက်များလာသလားလို့။ သဘောက မကြာခင်က အိန္ဒိယတို့၊ ထိုင်းတို့ကို သူသွားတယ်။ အခု အစ္စရေးလ်ကိုလည်း သွားတယ်။ ဟိုတလောလေးကလည်း အရှေ့ဥရောပနိုင်ငံတွေကို သူသွားတယ်။ လက်နက်ဝယ်ဖို့ ဘာညာဆိုတဲ့ သတင်းတွေတော့ ထွက်တာပေါ့နော်။ ဆိုတော့ အခု အစ္စရေးလ်ကို သွားတာကရော အဲဒီလက်နက်ဝယ်ဖို့တွေ ပါမလား။ သူကတော့ ချစ်ကြည်ရေးခရီးစဉ်လို့ပဲ နာမည်တပ်ထားတယ်။ နောက်ကွယ်မှာ ကာကွယ်ရေးဦးစီးချုပ် တယောက်အနေနဲ့ အခုလိုမျိုး နိုင်ငံခြားခရီးစဉ် သွားပြီဆိုရင် ဘာတွေလုပ်တတ်လေ့များ ရှိပါသလဲ။

ဖြေ - ချစ်ကြည်ရေးခရီးစဉ်ဆိုတာကတော့ ဒါ ခေါင်းစဉ်တပ်တဲ့ အနေအထားမျိုးပါပဲခင်ဗျ။ တကယ့်တကယ်တော့ ကျနော်တို့ အခု ပြီးခဲ့တဲ့ ၂၀၁၅ ခုနှစ် အစောပိုင်းမှာဖြစ်တဲ့ ကိုးကန့်တို့ ပလောင်တို့ ရခိုင် အပါအ၀င်ပေါ့ဗျာ လက်နက်ကိုင်အဖွဲ့အစည်းတွေနဲ့ ကျနော်တို့ တိုက်ပွဲတွေဖြစ်တဲ့အခါမှာ တိုင်းရင်းသားလက်နက်ကိုင်အဖွဲ့က ကိုင်တဲ့လက်နက်ကိုတောင်မှ ကျနော်တို့ ဗမာ့တပ်မတော်မှာရှိတဲ့ လက်နက်တွေက ပြန်ပြီးတော့မှ ပြင်းပြင်းထန်ထန် ပြန်တိုက်ပေမဲ့ ကျနော်တို့ လက်နက်တွေက အထူးသဖြင့်တော့ ညံ့တယ်လို့ ပြောရမှာပေါ့ဗျာ။ ညံ့တယ်ဆိုတာကလည်း ဂျာမနီတို့ အစ္စရေးလ်တို့ ထွက်သွားပြီးတဲ့ နောက်ပိုင်းမှာ ကျနော်တို့ ကာကွယ်ရေးပစ္စည်း စက်ရုံတွေကို မြောက်ကိုရီးယားလက်နက်အဖွဲ့တွေ ၀င်ပြီးတော့မှ ပူးပေါင်းဆောင်ရွက်တာ ရှိပါတယ်။ ဒီလက်နက်တွေပေါ့လေ တရုတ်အပါအ၀င်ပေါ့ ဒါတွေဟာ အဆင့်အတန်း မမီတဲ့အတွက်ကြောင့်မို့ မိမိမှာရှိတဲ့ လက်နက်စွမ်းရည် တိုးမြှင့်ဖို့အတွက်ကိုလည်း ဖြစ်ကောင်းဖြစ်နိုင်ပါတယ်။ အဓိကက လက်နက်စက်ရုံတွေအတွက် သွားတယ်လို့ ကျနော်မြင်ပါတယ်ခင်ဗျ။ လက်နက်ဝယ်တာထက်စာရင်လေ။

မေး - မြန်မာ့တပ်မတော်အနေနဲ့က စောစောက ဦးအောင်လင်းထွဋ်ပြောသလို တိုင်းရင်းသားလက်နက်ကိုင်အဖွဲ့တွေနဲ့ တိုက်တာတောင်မှ ကိုယ့်ဘက်က မယှဉ်နိုင်ဘူး။ ကိုယ့်ဘက်မှာရှိတဲ့ လက်နက်တွေနဲ့ မယှဉ်နိုင်ဘူးဆိုတဲ့ အနေအထားကို သဘောပေါက်သွားတဲ့ အနေအထားလား မသိဘူး။

ဖြေ - ဟုတ်ပါတယ်ခင်ဗျ။ ကျနော်သိသလောက်ပေ့ါလေ ကျနော်တို့ လက်နက်ကိုင် တပ်မတော်သားပေါ့ဗျာ ရာနဲ့ချီပြီးတော့မှ ကျဆုံးပါတယ်။ ထောင်နဲ့ချီပြီးတော့ ဒဏ်ရာရတယ်လို့ ဒါ ကျနော် သိရပါတယ်။ အတိအကျတော့ ကျနော် မပြောလိုတော့ပါဘူး။

မေး - ဟုတ်ကဲ့ခင်ဗျ။ ဟုတ်ကဲ့ ဆိုတော့ အခု ဒါဆိုလို့ရှိရင် စောစောက ပြောသလိုဆိုလို့ရှိရင် ဒါ ကာကွယ်ရေးဦးစီးချုပ်အနေနဲ့လည်း သွားနေတာတွေဟာ သူ လက်နက်ဝယ်ဖို့အတွက် သူ ဗမာနဲ့ အရပ်စကားနဲ့ ပြောမယ်ဆိုရင် shopping လိုက်လုပ်နေတယ်ဆိုတဲ့ သဘောများ ဖြစ်မလား။ ဒါမှမဟုတ် ၀ယ်ကော တကယ်ဝယ်နေပြီလားခင်ဗျ။

ဖြေ - ကျနော် ကျနော့်အယူအဆအရ ပြောရင်တော့ တကယ်ပဲ ပါကစ္စတန်သွားတယ်။ ပါကစ္စတန်က လေယာဉ်ပျံဝယ်တယ်လို့ ကြားရပါတယ်ခင်ဗျ။ အလားတူပဲ ကျန်တဲ့နိုင်ငံတွေ သွားတဲ့အခါမှာလည်း သူ ၀ယ်တဲ့အနေအထားမျိုးတွေ ရှိပါတယ်။ အထူးသဖြင့်တော့ တရုတ်ရဲ့လက်နက်ကို သူတို့ ယှဉ်နိုင်ဖို့အတွက်ကို ရှာဖွေတယ်လို့ ကျနော်တို့ သိရပါတယ်။ ဘာဖြစ်လို့လဲဆိုတော့ ကျနော်တို့ လက်နက်စက်ရုံတွေရော ကျနော်တို့ရဲ့ လက်နက်နဲ့ ပတ်သက်ပြီးတော့မှ တရုတ်ရဲ့နည်းပညာကို ကျနော်တို့ မယူပါဘူးခင်ဗျ။

မေး - တရုတ်လက်နက်ကိုင်ထားတဲ့ တိုင်းရင်းသားလက်နက်ကိုင် အဖွဲ့အစည်းတွေကိုတောင် မယှဉ်နိုင်ဘူးဆိုတော့ မြန်မာစစ်တပ်က လောလောဆယ် ကိုင်နေတဲ့ လက်နက်တွေက ဘယ်လိုမျိုး အမျိုးအစားတွေဖြစ်မလဲ။ ဒါမှမဟုတ်ရင်လည်း ဟောင်းနွမ်းနေတဲ့အတွက် ဖြစ်တာလား။

ဖြေ - ကျနော်တော့ သိသလောက်ပေါ့လေ MA Series Myanmar Army Series ဆိုပြီးတော့ နောက်ထုတ်တဲ့ သေနတ်တွေရှိတယ်ဆိုတာ သိရပါတယ်။

မေး - ဟုတ်ကဲ့ ဆိုတော့ ဒီ MA Series ကရော မြန်မာပြည်မှာပဲ ထုတ်တာလားခင်ဗျ။

ဖြေ - ဟုတ်ပါတယ်ခင်ဗျ။ MA Series က နောက်ပိုင်း ဗမာပြည်မှာ ထုတ်တဲ့အနေအထားမျိုး ရှိပါတယ်။

မေး - အခု သူသွားနေတာတွေဟာ ကာကွယ်ရေးဦးစီးချုပ် တယောက်အနေနဲ့ သွားတယ်ဆိုပေမဲ့လည်း သွားတဲ့နိုင်ငံတွေက စိပ်လည်းစိပ်လာတယ်။ များလည်းများလာတယ်။ လိုက်ပြီးတော့များ နိုင်ငံရေးအရ သူတို့စကားပြောနေတာတွေများ ရှိနိုင်မလား နောက်ကွယ်မှာပေါ့နော်။

ဖြေ - ရှိနိုင်ပါတယ်။ အဓိကကတော့ တပ်နဲ့ ပတ်သက်ပြီးတော့ reform ပြန်ပြီးတော့မှ သူတို့လုပ်တယ်။ ကျန်တဲ့လူကြီးပိုင်းတွေ သူတို့ ထုတ်လိမ့်မယ်ဗျာ။ ထုတ်ပြီးတော့မှ လူငယ်ပိုင်းတွေ သူတို့ လူငယ်ပိုင်းတွေ ထားပြီးတော့မှ ကျနော့်အယူအဆအရ ပြောရင်တော့ သူတို့ မျှော်မှန်းထားတာကတော့ အခု ရွေးကောက်ပွဲလည်း ဆက်စပ်တယ်ပေါ့ဗျာ။ ရွေးကောက်ပွဲမှာတော့ သူတို့ဘက်ကတော့ ကျနော် အရင်ပြောခဲ့သလို plan B လို ဟာမျိုးကို သူတို့ ညွန့်ပေါင်းလိုဟာမျိုးရအောင် သူတို့ လုပ်လိမ့်မယ်ဗျာ။ တကယ်လို့ အဲဒါ မအောင်မြင်ဘူးဆိုရင်တော့ ခင်ဗျား သူတို့ရဲ့ C plan ပေါ့ဗျာ C plan ကတော့ သူတို့ တပ်က အာဏာယူတဲ့ plan ပဲ။ ဒါပေမဲ့ ဘယ်ပုံဘယ်နည်း လုပ်မယ်ဆိုတာတော့ ပြောလို့ ကျနော်တို့ မရဘူး။ အဲဒီ Plan လုပ်တဲ့အခါမှာ မင်းအောင်လှိုင်က automatically သမ္မတပေါ့ဗျာ ယာယီသမ္မတပဲဖြစ်ဖြစ်၊ ယိုးဒယားပုံစံမျိုး သူတို့ ချိုးလာနိုင်တဲ့ အနေအထားမျိုး ရှိပါတယ်။ ဒါကြောင့်မို့လို့လည်း နိုင်ငံတကာနဲ့ ထိတွေ့ဆက်ဆံ နိုင်ငံရေးပိုင်းအရ မင်းအောင်လှိုင် သွားတယ်ဆိုလည်း မမှားဘူးဗျ အဲဒါတော့လေ။

ကိုဇော်ဝင်းလှိုင် (ဗွီအိုအေ မြန်မာပိုင်း)
http://burmese.voanews.com

 သမ္မတနဲ့ တိုင်းရင်းသားခေါင်းဆောင်များတွေ့ဆုံ
 မြန်မာနိုင်ငံမှာ နိုဝင်ဘာလကျရင်ကျင်းပမယ့် ရွေးကောက်ပွဲတွေမတိုင်ခင် တနိုင်ငံလုံး အပစ်အခတ် ရပ်စဲရေးဆိုင်ရာ သဘောတူ စာချုပ်ကို လက်မှတ်ရေးထိုးဖို့ သမ္မတဦးသိန်းစိန်က တိုင်းရင်းသားလူမျိုးစု လက်နက်ကိုင်အဖွဲ့တွေရဲ့ ခေါင်းဆောင်တွေကို တိုက်တွန်းလိုက်ပါတယ်။

“ကျနော်တို့နိုင်ငံရဲ့ ဒီမိုကရေစီ အသွင်ကူးပြောင်းရေးဟာ ငြိမ်းချမ်းရေးမရရှိဘဲနဲ့ မဖြစ်နိုင်ဘူးဆိုတာကို အလေးအနက်ထားပြီးပြောကြားလိုပါတယ်။ ဒါကြောင့်တနိုင်ငံလုံးငြိမ်းချမ်းရေးကို ကောင်းမွန်မှန်ကန်တဲ့ ဆန္ဒနဲ့ ၀ိုင်းဝန်းဆွေးနွေးကြဖို့ ကျနော့်အနေနဲ့ ဖိတ်ခေါ်ပါတယ်။ အခု စက်တင်ဘာလ မကုန်ခင်မှာ လက်မှတ်ရေးထိုးနိုင်ဖို့အတွက် ဒီကနေ့အစီးအဝေးမှာဘဲ ကျနော်တို့အားလုံး ညှိနှိုင်းနိုင်လိမ့်မယ်လို့ မျှော်လင့်ပါတယ်။”

နေပြည်တော်မှာ ဒီကနေ့ကျင်းပတဲ့ ဆွေးနွေးပွဲအတွင်း သမ္မတဦးသိန်းစိန်က အဲဒီလိုပြောသွားတာဖြစ်ပြီး ဒါဟာဖြင့် ရွေးကောက်ပွဲ အတွက် တရားဝင်မဲဆွယ်စည်းရုံးမှု စတင်ပြီးတဲ့နောက် အများပြည်သူရှေ့ သမ္မတဦးသိန်းစိန် ပထမဆုံး စကားပြောတာပါ။ ၂ နှစ် နီးပါးကြာနေပြီဖြစ်တဲ့ အပစ်အခတ်ရပ်စဲရေး သဘောတူစာချုပ်ဆိုင်ရာ ဆွေးနွေးပွဲတွေမှာ ပါဝင်နေကြတဲ့ တိုင်းရင်းသားလက်နက် ကိုင်အဖွဲ့ တဒါဇင်ကျော်ထဲက ငါးဖွဲ့ရဲ့ကိုယ်စားလှယ်တွေနဲ့ သမ္မတဦးသိန်းစိန် တွေ့ဆုံတာပါ။

အခုလို တနိုင်ငံလုံး အပစ်အခတ်ရပ်စဲရေး သဘောတူစာချုပ်ကို လက်မှတ်ထိုးနိုင်ဖို့ နေပြည်တော်မှာ ဆွေးနွေးနေကြချိန်မှာပဲ တအာင်းပလောင်တပ်ဖွဲ့၊ ရှမ်းပြည်တောင်ပိုင်းတပ်မတော် RCSS/SSA ၊ KIA ကချင်လွတ်မြောက်ရေးတပ်ဖွဲ့တွေနဲ့ အစိုးရစစ်တပ် အကြား ရှမ်းပြည်ဘက်မှာ တိုက်ပွဲတွေ ဆက်ဖြစ်နေတုန်းပါပဲ။

ဗွီအိုအေ (မြန်မာဌာန)
http://burmese.voanews.com

ကြည့်မြင်တိုင် စံပြ ငါးဈေးတွင် ငါးအရောင်းအဝယ် လုပ်နေကြစဉ် (ဆင်ဟွာ)
    ရန်ကုန်၊ စက်တင်ဘာ ၉ ရက် (ဆင်ဟွာ)

    မြန်မာ့ ရေပြင်အတွင်းရှိ ရေပေါ်ရေအောက် သယံဇာတများနှင့် ငါး၊ ပုစွန် သားပေါက်နှုန်းများမှာ တစ်နှစ်ထက် တစ်နှစ် ကျဆင်းလာသည့် အပြင် ငါး၊ ပုစွန် ဖမ်းဆီးရေး လုပ်ငန်းများတွင်လည်း ရရှိသည့် ပမာဏမှာ ယခင်ကထက် ၅ဝ ရာခိုင်နှုန်းကျော် ကျဆင်းလာကြောင်း မြန်မာနိုင်ငံ ငါးလုပ်ငန်း အဖွဲ့ချုပ် အမှုဆောင် ဒုတိယဥက္ကဋ္ဌ ဦးဟန်ထွန်းက ပြောကြားသည်။

ဦးဟန်ထွန်းက “ ဒါကြောင့် ရေပြင် သယံဇာတ ထိန်းသိမ်းရေး လုပ်ငန်းများကို တိုးမြှင့်လုပ်ဆောင်ဖို့အတွက် ငါးဖမ်းဆီးခွင့် ပိတ်ပင်ထားတဲ့ ကာလတွေမှာ ငါးတွေကို  ခိုးယူ ဖမ်းဆီးသူများနဲ့ ရေပြင် သယံဇာတများ ဆုံးရှုံးမှု မရှိစေရေး အတွက် ပိတ်ပင် တားမြစ်ထားတဲ့  ငါးဖမ်းဆီးနည်း အသုံးပြုသူတွေကို အခုနှစ်မှာတော့  ထိထိရောက်ရောက် အရေးယူမှုတွေကို ပြုလုပ်သွားမှာ ဖြစ်တယ်’’ ဟုပြောသည်။

နော်ဝေနိုင်ငံမှ ရေပြင် သုတေသန ရေယာဉ်နဲ့ အတူ မြန်မာနိုင်ငံမှ  ပညာရှင်များ ပါဝင်သည့်  အဖွဲ့များမှ  သုတေသန လုပ်ငန်းများ လုပ်ကိုင်ကြောင်း၊ ထိုသို့ သုတေသန ပြုလုပ်သည့်အခါ ရေပြင် သယံဇာတများ  ဆုံးရှုံးနေခြင်း အားတွေ့ရကြောင်း၊  ငါးဥချချိန်နှင့်  သားပေါက်ချိန်များတွင်  ဖမ်းဆီးခွင့် ပိတ်ပင်ထားသော်လည်း ဖမ်းဆီးနေကြောင်း၊  ထို့ကြောင့်  ငါးသယံဇာတများ ကျဆင်းလာခြင်း ဖြစ်ကြောင်း ၎င်းကဆိုသည်။

ပင်လယ်ပြင်နှင့် မြစ်ကြောင်းတစ်လျှောက် ငါးဖမ်းဆီးရေး လုပ်ငန်း လုပ်ကိုင်သူများကို ပင်လယ်ပြင် ဂေဟ စနစ်ကို ပျက်စီး စေမည့် ငါးဖမ်းနည်းများတွင် ပါဝင်သည့် တရွတ်တိုက် ငါးဖမ်းနည်း၊ ကျားပိုက်ချ ငါးဖမ်းနည်း၊ တရုတ်ဘုံကျောင်း ငါးဖမ်းနည်းများကို အသုံးမပြုရန် တားမြစ်ထားသော်လည်း လုပ်ကိုင်သူများ ရှိနေသေးကြောင်း သိရသည်။ 

(Xinhua)
http://www.xinhuamyanmar.com


 ဗြိတိန်နိုင်ငံ လန်ဒန်မြို့ကို ဦးတည်ပျံသန်းမယ့် ဗြိတိသျှလေယာဉ်တစီးဟာ အမေရိကန်နိုင်ငံ လာ့စ်ဗီးဂတ်စ် လေဆိပ်မှာ အင်ဂျင်မီးလောင်မှု ဖြစ်ပွားခဲ့တဲ့အတွက် လေယာဉ်ပေါ်ပါ သူ ၁၇ ၂ ဦးကို အရေးပေါ် လျှောဆင်းတဲ့ ထွက်ပေါက်တွေက ကယ်ဆယ်ခဲ့ရပါတယ်။

ခရီးသည် အနည်းဆုံး ၁၃ ဦးဟာ အနည်းငယ်ထိခိုက် ဒဏ်ရာရခဲ့တဲ့အတွက် ဆေးရုံကို ခေါ်ဆောင်သွားခဲ့ရတယ်လို့ လေယာဉ်ကွင်း အာဏာပိုင်တွေက ပြောပါတယ်။

ခရီးသည် ၁၅၉ ဦးနဲ့ လေယာဉ်အမှုထမ်း ၁၃ ဦးပါဝင်တဲ့ အဆိုပါ ဘိုရင်း777-200 အမျိုးအစား လေယာဉ်ရဲ့ ဘယ်ဘက်အင်ဂျင်ဟာ လေယာဉ်ပျံသန်းမှု မစခင်မှာ မီးစွဲလောင်ခဲ့တာ ဖြစ်တယ်လို့ အမေရိကန် ဖယ်ဒရယ် လေကြောင်း အုပ်ချုပ်ရေးအဖွဲ့ ပြောခွင့်ရသူ Ian Gregor က ပြောပါတယ်။

လေယာဉ်ပျံဟာ မီးတောက်တွေ မီးခိုးတွေနဲ့ ဖုံးလွှမ်းသွားပြီး နောက်ပိုင်းမှာ မီးငြိမ်းသတ်နိုင်ခဲ့ပါတယ်။

လေယာဉ်မှူးဖြစ်သူက လေယာဉ်ကွင်း အရေးပေါ်ဌာနကို မီးလောင်မှုဖြစ်နေကြောင်း၊ ရွှေ့ပြောင်းကယ်ဆယ်မှုတွေ လုပ်နေကြောင်းနဲ့ မီးသတ်အကူအညီကို လှမ်းတောင်းခဲ့ပါတယ်။

အခုလို မီးလောင်မှုဖြစ်ပွားရတာဟာ ရုတ်တရက် ဖြစ်ပေါ်တဲ့ အင်ဂျင်ချို့ယွင်းမှုကြောင့်လို့ လေယာဉ်မှုးက ခရီးသည်တွေကို ပြောဆိုခဲ့ကြောင်း လေယာဉ်ပေါ်မှာပါလာတဲ့ ဂါဒီယန်း သတင်းဌာနက Jacob Steinberg က ပြောပါတယ်။

လေယာဉ် ပြူတင်းပေါက်ကကြည့်တဲ့အခါ လေယာဉ်အတောင်ပံနားမှာ မီးခိုးတွေ တွေ့ရပြီး ရာဘာကို မီးလောင်တဲ့အနံ့မျိုး ရရှိကြောင်း၊ အထိတ်တလန့်ဖြစ်ခဲ့ရကြောင်း မစ္စတာ Steinberg က ဖော်ပြထားပါတယ်။

BBC Burmese
https://www.facebook.com/bbcburmese


ဘန်ကောက်မြို့မှာ ဗုံးပေါက်ကွဲမှုဖြစ်ခဲ့တဲ့ ဟိန္ဒူဘုးရားစင် (Credit: Reuters)
 ဘန်ကောက်မြို့ ​ဗုံးပေါက်ကွဲမှုမှာ ​အဓိက ​ပါဝင်တဲ့လူဟာ ​ဗုံးမပေါက်ကွဲခင်မှာ ​ထိုင်းနိုင်ငံကနေ ​ထွက်ခွားသွားခဲ့တယ်လို့ ​သိရပါတယ်။

လူသွားလူလာများတဲ့ ​ဟိန္ဒူ ​ဘုရားတစ်ခုမှာ ​သြဂုတ်လတုန်းက ​ဗုံးပေါက်ကွဲခဲ့တာကြောင့် ​လူ ​အယောက် ​၂၀ ​သေဆုံးပြီး ​၁၃၀ ​ဒဏ်ရာရရှိခဲ့ပါတယ်။

အခုလောလောဆယ် ​နိုင်ငံခြားသား ​နှစ်ယောက်ကို ​ရဲတွေက ​ဖမ်းဆီးထားပြီး ​အဲဒီလူနှစ်ယောက်ထဲက ​တစ်ယောက်ဟာ ​ဗုံးဖောက်ခွဲရေးသမားကို ​ဘူတာရုံမှာ ​အိတ်တစ်လုံး ​ပို့ပေးခဲ့သူတွေ ​ဖြစ်ပါတယ်။

ကင်မရာမှာ ​တွေ့ရတဲ့ ​အကျီင်္ ​အဝါရောင်နဲ့လူက ​အဓိက ​တရားခံဖြစ်မယ်လို့ ​ရဲတွေက ​ယူဆထားပေမယ့် ​ထိုင်းနိုင်ငံကနေ ​အချိန်မီ ​ထွက်ခွာသွားပြီလို့ ​ထိုင်းရဲက ​ပြောပါတယ်။

အိတ်ကို ​သွားပို့ပေးခဲ့တဲ့လူကတော့ ​အိတ်ထဲမှာ ​ဘာတွေပါသလဲဆိုတာ ​မသိရဘူးလို့ ​ပြောဆိုလိုက်ပြီး ​အိတ်ပို့ဖို့ ​တာဝန်ကျတဲ့အတွက် ​လုပ်ဆောင်ရတာလို့ ​ဆိုပါတယ်။

ဗုံးပေါက်ကွဲမှုနဲ့ ​ပတ်သက်ပြီး ​ထိုင်းရဲက ​လူ ​၁၁ ​ယောက်ကို ​အလိုရှိပေမယ့် ​လူ ​နှစ်ယောက်ကိုသာ ​ဖမ်းမိထားပြီး ​ဘာကြောင့် ​ဗုံးဖောက်ခွဲကြသလဲဆိုတာကိုလည်း ​မသိရသေးပါဘူး။

ABC Radio Australia
http://www.radioaustralia.net.au/burmese


အမျိုးသား ဒီမိုကရေစီ အဖွဲ့ချုပ် ဥက္ကဋ္ဌ ဒေါ်အောင်ဆန်းစုကြည် စက်တင်ဘာလ ၈ ရက်နေ့က ရွေးကောက်ပွဲ အတွက် ပြည်သူတွေကို Facebook ကနေတဆင့် မိန့်ခွန်းပြောကြားစဉ်။ Photo: NLD Facebook
လာမယ့် နိုဝင်ဘာ ရွေးကောက်ပွဲ အတွက် မဲဆွယ်စည်းရုံးမှုတွေ စက်တင်ဘာလ ၈ ရက် မနေ့က စတင် ခဲ့ရာမှာ NLD အမျိုးသား ဒီမိုကရေစီ အဖွဲ့ချုပ် ဥက္ကဋ္ဌ ဒေါ်အောင်ဆန်းစုကြည်က တကယ့် အပြောင်းအလဲကို ဖန်တီးးနိုင်မယ့် ရွေးကောက်ပွဲဖြစ်လို့ ပြည်သူအားလုံး ပါဝင်မဲပေးကြဖို့၊ နိုင်ငံတကာ အသိုင်းအ၀န်း ကလည်း မြန်မာ့ရွေးကောက်ပွဲကို အသေအချာ စောင့်ကြည့် ကူညီကြဖို့ facebook အင်တာနက် လူမှုကွန်ရက်က တဆင့် တိုက်တွန်းပြောကြား ခဲ့ပါတယ်။

"မဲပေးတဲ့ အခါကျရင်လည်း ကျမတို့နိုင်ငံရဲ့ အနာဂါတ်၊ ကျမတို့မျိုးဆက်သစ်တွေရဲ့ အနာဂါတ်ကို စဉ်းစားပြီးတော့ မဲပေးကြပါ၊ ရှေ့ကိုမျှော်ကြည့်ပြီးတော့ ပြောင်းလဲချိန်တန်တဲ့အခါမှာ ပြောင်းလဲဖို့ ဝိုင်းဝန်းပြီးတော့ ကူညီကြပါလို့ ကျမအနေနဲ့ တိုက်တွန်းနှိုးဆောင် ချင်ပါတယ်"

ဒါ့ပြင် လာမယ့်ရွေးကောက်ပွဲဟာ လွတ်လပ်သန့်ရှင်းမျှတဖို့ အရေးကြီးသလို၊ ရွေးကောက်ပွဲအပြီး အသွင်ကူးပြောင်းရေး ကာလကလည်း ပိုမိုအရေးကြီးပါတယ်လို့ ပြောကြားခဲ့ပါတယ်။

နိုင်ငံတကာ အသိုင်းအ၀န်းကိုလည်း  ဒီရွေးကောက်ပွဲဟာ မြန်မာပြည်သူတွေ အတွက် နှစ်ပေါင်းများစွာ အတွင်း တကယ့်စစ်မှန်တဲ့ အပြောင်းအလဲကို ဖန်တီးနိုင်မယ့် အခွင့်အလမ်း၊ လုံးဝလက်လွတ်မခံနိုင်တဲ့ အခွင့်အလမ်းဖြစ်ပါတယ်၊ လွတ်လပ်မျှတတဲ့ ရွေးကောက်ပွဲဖြစ်ဖို့၊ ရွေးကောက်ပွဲ ရလဒ်ကိုလည်း ပါဝင်ပတ်သက်သူအားလုံး လက်ခံနိုင်ကြဖို့ အရေးဟာ ပြည်သူတွေအတွက် အလွန်အင်မတန် အရေးကြီးတယ်ဆိုတာ နိုင်ငံတကာအနေနဲ့ နားလည်သဘောပေါက်ကြ လိမ့်မယ်လို့ မျှော်လင့် ပါတယ်၊ ရွေးကောက်ပွဲ လွပ်လပ်မျှတရုံနဲ့ မပြီးသေးပဲ၊ ငြိမ်းချမ်းချောမွေ့တဲ့ အပြောင်းအလဲ ဖြစ်ပေါ် ဖို့ကလည်း အလွန်ပဲအရေးကြီးပါတယ်။ ဒီအပြောင်းအလဲကနေ နောက်ပြန်မဆုတ်နိုင်တဲ့ စစ်မှန်တဲ့ဒီမိုကရေစီ လမ်းကြောင်း ပေါ်ရောက်အောင် သွားရမှာပါ၊ ဒီအတွက် ရွေးကောက်ပွဲ မတိုင်ခင်၊ ရွေးကောက်ပွဲ ကာလအတွင်း၊ ရွေးကောက်ပွဲ နောက်ပိုင်းအထိ နိုင်ငံတကာအနေနဲ့
 စောင့်ကြည့် ကူညီပေးကြပါလို့ ဒေါ်အောင်ဆန်းစုကြည်က ပန်ကြား ခဲ့ပါတယ်။

အဖွဲ့ချုပ်ဥက္ကဋ္ဌဒေါ်အောင်ဆန်းစုကြည်၏ ရွှေးကောက်ပွဲအတွက် ပြည်သူများသို့ပြောကြားသောမိန့်ခွန်း

Posted by National League for Democracy on Monday, September 7, 2015
RFA Burmese
https://www.facebook.com/pages/RFA-Burmese


 လာမယ့်နိုဝင်ဘာ ရွေးကောက်ပွဲအတွက် မဲပေးချင်တဲ့ နိုင်ငံခြားရောက် မြန်မာနိုင်ငံသားတွေ မဲပေးခွင့်ရဖို့ လျှောက်လွှာတင်ရာမှာ အခက်အခဲတွေ ကြုံခဲ့ရပါတယ်။ ဒါဟာ နိုင်ငံသားတွေ ရသင့်တဲ့ အခွင့်အရေး ဆုံးရှုံးမှုဖြစ်တယ်လို့ နိုင်ငံခြားမှာ ရှိနေသူတချို့က သုံးသပ်ပါတယ်။ ဒီအကြောင်းကို ကိုဥာဏ်ဝင်းအောင်က တင်ပြထားပါတယ်။

နိုင်ငံရပ်ခြားမှာ အလုပ်လုပ်နေတဲ့ မြန်မာနိုင်ငံသား အလုပ်သမားဦးရေဟာ ၂ သန်းထက်မနည်း ရှိနေပေမယ့် မဲပေးခွင့်ရဖို့ လျှောက်ထားသူ အရေအတွက် ၁ သောင်း ၈ ထောင် လောက်သာ ရှိတယ်လို့ စက်တင်ဘာ ၂ ရက်နေ့က ပြုလုပ်တဲ့ သတင်းစာ ရှင်းလင်းပွဲမှာ ရွေးကောက်ပွဲ ကော်မရှင် ဥက္ကဌ ဦးတင်အေးက ပြောသွားခဲ့တာပါ။

နိုင်ငံခြားရောက် မြန်မာနိုင်ငံသားတွေထဲက အခုလို မဲပေးခွင့်ရဖို့ လျှောက်ထားသူ နည်းနေရတာဟာ လျှောက်လွှာတင်ဖို့အချိန် မလုံလောက်တဲ့ ပြသနာက အခြေခံဖြစ်တယ်လို့ ၂၀၁၅ ရွေးကောက်ပွဲမှာ မဲပေးဖို့အတွက် ပြင်ဆင်နေသူ တဦးဖြစ်တဲ့ စင်္ကာပူနိုင်ငံက မမေကျော်စိုးညွန့်က ပြောပါတယ်။

“မဲပေးခွင့်က ဒီ စင်္ကာပူရောက် မြန်မာတွေအနေနဲ့က အချိန်ကန့်သတ်ချက်နဲ့ မဲပေးခွင့်လျှောက်လွှာတွေက ပိတ်လိုက်တဲ့အတွက် အခက်အခဲတွေ ဖြစ်ကြတာပေါ့နော်။ အလုပ်ထဲရောက်နေတဲ့ work permit သမားတွေဆိုရင် သူတို့ ပတ်စ်ပို့တွေကို သူတို့ ကိုင်ခွင့်မရှိတဲ့အတွက် သူတို့လက်ထဲမှာ ပတ်စ်ပို့မရှိတဲ့အတွက်ကို ဒီ ပုံစံ ၁၅ ဖောင် တင်တဲ့အခါမှာ အခက်အခဲတွေ အရမ်းဖြစ်ကြတယ်။ ပုံစံ ၁၅ ပိတ်လိုက်တာ တော်တော်ကြာပါပြီ။ သြဂုတ်လ ၆ ရက်နေ့မှာ ပိတ်လိုက်တာပါ။ ပိတ်ပြီးမကြာပါဘူး။ ဒီဘက်က လုပ်နိုင်သ၍ လုပ်နိုင်တဲ့အုပ်စုတွေက သံရုံးနဲ့ သွားညှိပါတယ်။ သံအမတ်နဲ့လည်း သွားတွေ့ပါတယ်။ ဒါပေမဲ့ သူတို့ဘက်က ထပ်ပြီးတော့ လက်ခံတဲ့ပုံစံ မပြတဲ့အတွက် ထပ်ပြီး လက်မခံတဲ့အတွက်ကို ပုံစံ ၁၅ ထပ်တင်ဖုိ့၊ မဲပေးခွင့်ရဖို့ကို အခွင့်အရေး ဆက်ပြီးတော့ လိုချင်တဲ့သူတွေအတွက်က အရမ်းကို အခက်အခဲဖြစ်နေပါတယ်။”

ပြီးခဲ့တဲ့ ၂၀၁၀ ရွေးကောက်ပွဲတုန်းကလဲ နိုင်ငံခြားရောက် မြန်မာနိုင်ငံသားတွေ ကြိုတင်မဲပေးခဲ့ကြရတာပါ။ အခု ၂၀၁၅ ခုနှစ်မှာလဲ နိုင်ငံခြားမှာ ရှိတဲ့ မြန်မာသံရုံးတွေက ကြိုတင်မဲသဘော ကောက်ယူမယ့် အနေအထား ရှိနေပါတယ်။ စင်္ကာပူနိုင်ငံမှာဆိုရင် မဲပေးခွင့်လျှောက်လွှာတွေကို မြန်မာသံရုံးက မြန်မာနိုင်ငံကို တခေါက်ပြန်ပို့ စိစစ်ပြီး ၊ မြန်မာနိုင်ငံက အတည်ပြုပေးလိုက်တဲ့ သူတွေကသာ မဲပေးခွင့်ရမှာ ဖြစ်တယ်လို့ မမေကျော်စိုးညွန့်က ပြောပါတယ်။

“မဲပေးခွင့်က ကြိုတင်ပေးရမှာပဲ။ ဘာဖြစ်လို့လဲဆိုတော့ ဗမာပြည်က နိုဝင်ဘာ ၈ ရက်နေ့မှ လုပ်မယ်ဆိုရင် စောပြီးတော့ကို စင်္ကာပူသံရုံးမှာ မဲပေးရမှာ။ အဲဒီသံရုံးမှာ မဲပေးဖို့အတွက် သံရုံးက ကျမတို့တင်လိုက်တဲ့ ပုံစံ ၁၅ ဖောင်ကို မြို့နယ်အလိုက် ရပ်ရွာအလိုက်ကို ပြန်ပို့ရတာ အဲဒီဖောင်တွေကို။ ဥပမာ - ချင်းပြည်နယ် ဟားခါးဆိုရင် ဟားခါးကို ပြန်ပို့တာ။ အဲဒီပုံစံ ၁၅ ဖောင်တွေကို။ ဒါကြောင့် အချိန်တွေက သူတို့လည်း ပိုစောယူတာဖြစ်နိုင်တယ်။ အဲဒီကနေပြီး ကျမတို့ ကဒ်တွေနဲ့ ကျမတို့နာမည်တွေနဲ့ ပြန်လာမှာ ဒီကို သံရုံးကို။ အဲတော့ ကျမရဲ့ မဲပေးခွင့်လက်မှတ်သည် ကျမရဲ့ တာမွေမြို့နယ်ဆိုရင် တာမွေမြို့နယ်မှာ ကျမက နာမည်စာရင်းနဲ့ ထွက်လာပြီးသား။ အဲဒါကို ဒီကနေ ကြိုတင်မဲပို့လိုက်တာပေါ့နော်။”

ရွေးကောက်ပွဲကော်မရှင်ရဲ့ လုပ်ဆောင်ချက်တွေပေါ် ယုံကြည်နိုင်စရာအကြောင်း အားနည်းနေပေမဲ့ နိုင်ငံသားတဦးရဲ့ ရပိုင်ခွင့်ကို အဆုံးရှုံး မခံချင်တဲ့အတွက် သူ့အနေနဲ့  ၂၀၁၅ ရွေးကောက်ပွဲမှာ မဲပေးသွားမှာ ဖြစ်တယ်လို့ မမေကျော်စိုးညွန့်က ပြောပါတယ်။

“လွတ်လပ်မယ် တရားမျှတမယ်လို့တော့ အမှန်အတိုင်းပြောရင် ယုံကြည်လို့ မဲပေးတာမဟုတ်ပါဘူး။ ကျမရဲ့ အခွင့်အရေးကို ကျမ အဆုံးအရှုံး မခံချင်လို့ ကျမ မဲပေးတာပါ။ မဲပေးဖို့ ကြိုးစားတယ်ဆိုကြကတည်းကိုက ပြောင်းလဲချင်လို့ပါ။ ပြောင်းလဲချင်တယ် ဆိုကတည်းကလည်း NLD ပါတီကို မဲပေးချင်လို့ပါပဲ။”

မြန်မာပတ်စ်ပို့ ကိုင်ဆောင်ထားတဲ့ မြန်မာနိုင်ငံသား အများစုဟာ ထိုင်း၊ မလေးရှား၊ စင်္ကာပူနဲ့ အခြားနိုင်ငံတချို့မှာ သွားရောက် အလုပ်လုပ် နေကြတာဖြစ်ပါတယ်။ အမေရိကန် ပြည်ထောင်စုမှာတော့ မဲပေးပိုင်ခွင့်ရှိတဲ့ မြန်မာနိုင်ငံသား အရေအတွက် အတော်နည်းတယ်လို့ သိရပြီး၊ မဲပေးခွင့်ရှိသူစာရင်းကို မကြာခင် ထုတ်ပြန်သွားမှာ ဖြစ်တယ်လို့ ၀ါရှင်တန်ဒီစီမြန်မာသံရုံးက ဗွီအိုအေ မြန်မာပိုင်းကို ပြောပါတယ်ခင်ဗျာ။

ကိုဉာဏ်ဝင်းအောင် (ဗွီအိုအေ မြန်မာပိုင်း)
http://burmese.voanews.com

 မြစ်ရေတက်နေတဲ့အတွက် ရေနစ်မြုပ်နေတဲ့ အိမ်တချို့ကိုတွေ့ရစဉ်။ Photo: RFA
 ဧရာဝတီမြစ်ကြောင်း တလျှောက်မှာရှိတဲ့ ညောင်ဦး၊ ပခုက္ကူ၊ ဟင်္သာတမြို့နယ်တွေမှာ ဒီတစ်ပတ်အတွင်း ရေလွှမ်းမှု ဒဏ်ခံရနိုင်တာကြောင့် ဒေသခံတွေ အနေနဲ့ သတိထား နေထိုင်ကြဖို့ မိုးလေ၀သနဲ့ ဇလဗေဒ ညွှန်ကြားမှုဦးစီးဌာနက ဒီနေ့ သတိပေးကြေညာထားပါတယ်။

လက်ရှိ ချင်းတွင်းမြစ်ရေက မြင့်တက်နေဆဲဖြစ်တဲ့အတွက် ဧရာဝတီမြစ်ရေက တိုးလာနိုင်တာကြောင့် သတိထားဖို့ လိုအပ်တယ်လို့ မိုးလေ၀သနဲ့ ဇလဗေဒဦးစီးဌာန ဒုတိယညွှန်ကြားရေးမှူး ဦးကျော်မိုးဦးက ပြောပါတယ်။

"ဧရာဝတီမြစ်ဘက်ကို ပြန်ကြည့်ရင် ညောင်ဦးက တိုင်းတာချက်အရ စိုးရိမ်ချိန်အမှတ်ကို ကျော်လွန်ရောက်ရှိ သွားပါပြီ၊ ပခုက္ကူကတော့ စိုးရိမ်ချိန်အမှတ်တော့ မရောက်သေးဘူး၊ မနက်ဖြန် ရောက်သွားမယ့် အနေအထားရှိ ပါတယ်"

ဧရာဝတီမြစ်ရေဟာ နောက် ၃ ရက်အတွင်း စိုးရိမ်ရေမှတ်ကို ရောက်ရှိနိုင်တာကြောင့် မြစ်ကမ်းအနီး နဲ့ မြေနိမ့်ပိုင်းမှာ နေထိုင်သူတွေ အထူးသတိထားနေထိုင်ကြဖို့လည်း ဦးကျော်မိုးဦးက ပြောပါတယ်။

လက်ရှိ ချင်းတွင်းမြစ်ရေ မြင့်တက်နေတဲ့အတွက် ခန္တီး၊ ဟုမ္မလင်း၊ မော်လိုက်၊ ဖောင်းပြင် စတဲ့ မြို့နယ်တွေ မှာ ရေကြီးနေပြီး ကယ်ဆယ်ရေးစခန်းတွေ ဖွင့်လှစ်ထားရပါတယ်။

ပြီးခဲ့တဲ့ ဇူလိုင်လကစပြီး ချင်း၊ ရခိုင်၊ စစ်ကိုင်း၊ မန္တလေး စတဲ့ တိုင်းဒေသကြီးနဲ့ ပြည်နယ်တွေမှာ မိုးကြီး ပြီး ရေလျှံခဲ့တာကြောင့် မနေ့ကအထိ သေဆုံးသူ ၁၂၉ ဦးအထိ ရှိလာပြီး ရေဘေးဒဏ်ခံရသူ ၁ သန်းခွဲကျော် ရှိခဲ့ပါတယ်။

RFA Burmese
http://www.rfa.org/burmese

ပြီးခဲ့တဲ့ စက်တင်ဘာ ၂ ရက်နေ့က ပြည်ထောင်စု ရွေးကောက်ပွဲ ကော်မရှင် ရန်ကုန်ရုံးခွဲမှာ ရွေးကောက်ပွဲဆိုင်ရာ သတင်းစာရှင်းလင်းပွဲ တစ်ခု လုပ်ပါတယ်။ အဲဒီ သတင်းစာရှင်းလင်းပွဲကို ကော်မရှင် ဥက္ကဌ ဦးတင်အေး ကိုယ်တိုင် ဦးဆောင်ပြုလုပ်တာ ဖြစ်ပြီး ရွေးကောက်ပွဲနဲ့ ပတ်သက်လို့ စိတ်ဝင်စားစရာ ကောင်းတဲ့ အချက်အလက်တွေ သံသယ ၀င်စရာ ကောင်းတဲ့ အချက်အလက်တွေကိုလည်း ထုတ်ပြန်ခဲ့ပါတယ်။ ဘယ်လို အချက်အလက်တွေက စိတ်ဝင်စားဖို့ ကောင်းတာလဲ၊ ဘယ်လို အချက်အလက်တွေက လွတ်လပ်ပြီး တရားမျှတတဲ့ ရွေးကောက်ပွဲ ဖြစ်ဖို့ သံသယ ၀င်စရာ ဖြစ်နေသလဲ ဆိုတာ ဒီတစ်ပါတ် ဆွေးနွေး တင်ပြသွားပါ့မယ်။

သတင်းစာ ရှင်းလင်းပွဲမှာ ကော်မရှင် ဥက္ကဌ ဦးတင်အေး ထုတ်ဖော်ပြောဆိုတာ တစ်ခုက မဲပေးချင်ပါတယ်ဆိုပြီး ပြည်ပရောက် မြန်မာတွေရဲ့ လျောက်ထားမှု အကြမ်းဖျဉ်း ၁၈၀၀၀ လောက် ရှိတယ် ဆိုတာပါပဲ။ ဒီ ကိန်းဂဏန်းဟာ စိတ်ဝင်စားစရာပါ။ အားလုံးသိကြပြီးဖြစ်တဲ့အတိုင်း ပြည်ပ ထိုင်း၊ မလေးရှား၊ စင်ကာပူနဲ့ နိုင်ငံတစ်ချို့မှာ သွားရောက် အလုပ်လုပ်နေကြတဲ့ မြန်မာ အလုပ်သမားတွေ သက်သက်ပဲ ၂ သန်းကျော် ရှိနေတာပါ။ ဒီအထဲမှာ ထိုင်းနဲ့ မလေးရှားကို တရားမ၀င် သွားအလုပ်လုပ်တဲ့ အလုပ်သမားတွေကို နှုတ်ပယ်လိုက်ဦးတော့ တရားဝင် အလုပ်သွားလုပ်နေတဲ့ အလုပ်သမား သန်းဂဏန်းလောက်တော့ ကျန်ပါသေးတယ်။ အများစုကတော့ ထိုင်းနိုင်ငံမှာပါ။ ထိုင်းနိုင်ငံမှာ အလုပ်သွားလုပ်တဲ့ မြန်မာ အလုပ်သမား အားလုံး တရားမ၀င် ခိုးသွားတာတွေ မဟုတ်ပါဘူး။ အစိုးရက အလုပ်သမား Passport ထုတ်ပေး၊ ထိုင်းနိုင်ငံဘက်ကလည်း အလုပ်လုပ်ခွင့် ပါမစ်တွေ ချထားပေးပြီးမှ အလုပ်လုပ်ကိုင်နေကြတာပါ။ အခု ဦးတင်အေး ပြောတဲ့ ကိန်းဂဏန်း အချက်အလက်အရ ဆိုရင် အလွန်များပြားတဲ့ ပြည်ပ ရောက် တရားဝင် မြန်မာ အလုပ်သမားတွေ မဲပေးဖို့ လျောက်ထားခြင်း မရှိကြဘူး ဆိုတာပါပဲ။ ဒါနဲ့ ပတ်သက်ပြီး လျောက်ထားဖို့ မသိကြတာလား၊ လျောက်ထားခွင့် မရှိလို့ မလျောက်တာလား ဆိုတာ သိပ်ပြီး မသဲကွဲပါဘူး။ ဒီ အတိုင်းဆိုရင် အဲဒီ သန်းနဲ့ချီတဲ့ အလုပ်သမားတွေ မဲပေးခွင့် ဆုံးရှုံးတော့မယ် ဆိုတဲ့ အနေအထား ရောက်နေပါပြီ။

ဦးတင်အေး ပြောတဲ့ အထဲမှာ နောက်ထပ် သံသယ ဖြစ်ဖို့ကောင်းတဲ့ အချက်တစ်ခုကတော့ လာမယ့် ရွေးကောက်ပွဲမှာ မဲပေးမယ့်သူတွေဟာ မှတ်ပုံတင် ရှိစရာမလို၊ မှတ်ပုံတင် မရှိလဲရတယ်၊ မဲပေးမယ့်သူ အားလုံးကို မဲပေးမယ့်နေ့ မတိုင်ခင် မဲဆန္ဒရှင် သက်သေခံလက်မှတ် ထုတ်ပေးထားမယ်လို့ ဆိုလိုက်တာပါပဲ။ တကယ်တော့ မြန်မာနိုင်ငံမှာ ရေကြီးမြေပြိုမှုတွေ ဖြစ်ပြီး ပြည်သူတစ်ချို့ နေအိမ်တွေကနေ စွန့်ခွာ ခဲ့ကြရတယ်၊ အဲဒီမှာ မှတ်ပုံတင်လို သက်သေခံ အထောက်အထားတွေ ရေဘေးထဲ ပါသွားတယ်၊ ဒါကြောင့် အဲဒီနေရာတွေမှာ မဲပေးဖို့ မှတ်ပုံတင် ကဒ်အစား မဲဆန္ဒရှင် သက်သေခံလက်မှတ်တွေ ကြိုတင် ထုတ်ပေးမယ်လို့ ဆိုထားရာကနေ အခု တစ်တိုင်းပြည်လုံးမှာ ထုတ်ပေးမယ်လို့ ဆိုလိုက်တာ ဖြစ်ပါတယ်။

ဒီ့မတိုင်ခင်က ရွေးကောက်ပွဲကော်မရှင်ဟာ လူတစ်ယောက် မဲပေးခွင့်ရဖို့ မဲစာရင်းမှာ ပါဖို့ အဓိက ကျတယ်၊ မဲစာရင်းမှာ ပါပြီး အချက်အလက်တွေ မှားနေရင်တောင် မဲပေးခွင့်ပြုမှာဖြစ်တယ် ဆိုပြီး ကြေငြာထားတာ ဖြစ်ပါတယ်။ အဲဒီ အချက်နဲ့ ပတ်သက်ပြီး ရွေးကောက်ပွဲကို လေ့လာစောင့်ကြည့်နေတဲ့ အမေရိကန် အခြေစိုက် ကာတာ စင်တာက ရွေးကောက်ပွဲနေ့မှာ မဲလာပေးတဲ့သူတွေကို ဘယ်လို သက်သေခံ ကဒ်ပြားတွေပါမှ ဖြစ်မယ်၊ ဒါမှမဟုတ် ဘယ်လို အချက်မျိုး ပြည့်စုံတဲ့ သူတွေကိုမှ မဲပေးခွင့် ပြုမယ် ဆိုတာကို ရှင်းရှင်းလင်းလင်း လုပ်ထားသင့်တယ် ဆိုပြီး ထောက်ပြ အကြံပြုခဲ့ပါသေးတယ်။ အဓိပ္ပါယ်ကတော့ အဲလို ရှင်းရှင်းလင်းလင်း လုပ်မထားရင် မဲစာရင်းမှာ ပါပြီး အချက်အလက် မှားယွင်း၊ အထောက်အထား မပြည့်စုံသူတွေ အားလုံးရဲ့ မဲပေးခွင့်ဟာ မဲရုံမှူးတွေ၊ အောက်ခြေ ကော်မရှင် အဖွဲ့ဝင်တွေ လက်ထဲ ကျရောက်သွားမှာ မို့လို့ပါပဲ။

အခု မဲစာရင်းပါသူတွေကို မဲဆန္ဒရှင် သက်သေခံလက်မှတ် ကြိုတင် ထုတ်ပေးမယ် ဆိုတာမျိုးကတော့ အဲဒီထက် ပိုဆိုးပါတယ်။ ဘယ်သူတွေကို သက်သေခံ လက်မှတ် ထုတ်ပေးမယ် ဆိုတာကို ကော်မရှင်ကပဲ ကိုယ့်သဘောနဲ့ကိုယ် ဆုံးဖြတ်တော့မှာမို့လို့ ဖြစ်ပါတယ်။ တကယ့်တကယ် မဲပေးတဲ့နေ့ မဲလာပေးတဲ့သူဟာ မဲစာရင်းမှာ ပါတဲ့ သူ ဟုတ်မဟုတ်၊ မှတ်ပုံတင် အပါအ၀င် အထောက်အထားတွေကို စစ်ဆေးခွင့် ရှိသူတွေထဲမှာ အမတ်လောင်းတွေရဲ့ မဲရုံ ကိုယ်စားလှယ်တွေနဲ့ အခြားလူတွေလည်း ပါပါတယ်။ တကယ်လို့ မဲပေးမယ့်သူတွေကို ခုလို မဲဆန္ဒရှင် သက်သေခံလက်မှတ်တွေ ကြိုတင်ထုတ်ပေးထားလိုက်ရင် တကယ့်မဲပေးတဲ့ နေ့မှာ အဲဒီလူတွေကို စစ်ဆေးရ ခက်ခဲသွားစေမှာပါ။ မဲရုံမှာ ရှိနေမယ့်သူတွေဟာ အဲဒီလူတွေကို အရေးကြီးတဲ့ မှတ်ပုံတင် အပါအ၀င် အခြားဘာမှ စစ်ဆေးခွင့်ရှိတော့မှာ မဟုတ်လို့ပဲ ဖြစ်ပါတယ်။

စောစောက ရှင်းပြခဲ့တဲ့ အချက်နဲ့ ပြန်ဆက်စပ်ရင် ပြည်ပရောက်ပြီး မဲပေးခွင့်မရတဲ့ သန်းနဲ့ချီတဲ့လူတွေရဲ့ စာရင်းဟာလည်း သူနေထိုင်ရာ သူ့ဇာတိ ရပ်ရွာတွေမှာ မဲစာရင်းပေါက်ပြီးသားတွေ ဖြစ်နေမှာပါ။ အဲဒီ အချက်အလက်တွေကို သိတဲ့ မသမာသူတွေဟာ ပြည်ပရောက်နေသူတွေရဲ့ နာမည်နဲ့ မဲဆန္ဒရှင် သက်သေခံလက်မှတ်ကို ကြိုတင် ထုတ်ယူနိုင်ပါတယ်။ အဓိက ပြသနာကတော့ သက်သေခံလက်မှတ်ကို ကော်မရှင်ကပဲ ကြိုတင် ထုတ်ပေးမှာဖြစ်ပြီး အခြား ဘယ်သူ့ကိုမှ ၀င်ရောက်စစ်ဆေးခွင့် ပေးမထားလို့ ဖြစ်ပါတယ်။

တကယ်တော့ မဲပေးမယ့်နေ့ မဲရုံမှာ မဲရုံမှူးနဲ့ အဖွဲ့ဝင်တွေ၊ ရပ်ကျေး ကော်မရှင် အဖွဲ့ဝင်တွေ၊ အုပ်ချုပ်ရေး အဖွဲ့တွေ အမတ်လောင်းတွေရဲ့ မဲရုံကိုယ်စားလှယ်တွေ၊ အကူကိုယ်စားလှယ်တွေ ထားရှိခွင့်ပေးတဲ့အထဲမှာ မဲလာပေးသူဟာ မဲဆန္ဒရှင် အစစ် ဟုတ်မဟုတ် စစ်ဆေးခွင့် ပေးတာလည်း ပါဝင်ပါတယ်။ အခု မဲလာထည့်သူကို မှတ်ပုံတင်လို ခိုင်လုံတဲ့ အထောက်အထား စစ်ဆေးခွင့် မရှိတော့တာကြောင့် မသမာမှု ဖြစ်ပေါ်ဖို့ လမ်းဖွင့်ပေးသလို ဖြစ်စေပါတယ်။

ဘယ်လိုပဲဖြစ်ဖြစ် ဒီ ပြဿနာကို အသေအခြာ စဉ်းစားသုံးသပ်ဖို့ လိုတာဟာ ပြိုင်ပွဲဝင်မယ့် နိုင်ငံရေးပါတီတွေ ကိုယ်တိုင်ပဲ ဖြစ်ပါတယ်။ မဲပေးတဲ့နေ့ မဲရုံကို မဲလာပေးတဲ့ သူတွေ အနေနဲ့ မှတ်ပုံတင်လို ခိုင်လုံတဲ့ အထောက်အထားတွေ မလိုပဲ ကော်မရှင်က ကြိုတင် ထုတ်ပေးထားတဲ့ မဲဆန္ဒရှင် သက်သေခံလက်မှတ်နဲ့ပဲ မဲပေးခွင့် ပြုရမယ် ဆိုတဲ့ ကိစ္စ ဖြစ်သင့် မဖြစ်သင့် အသေအခြာ စဉ်းစားဆွေးနွေး သင့်ပါကြောင်း၊ ဒီလို လုပ်တာဟာ အောက်ခြေ ကော်မရှင်တွေကို အလွန်အကျွံ လုပ်ပိုင်ခွင့် ပေးရာရောက်ပြီး မသမာမှုတွေ ဖြစ်လာနိုင်ခြေ ရှိတယ်လို့ သုံးသပ်ရင် ပြည်ထောင်စု ရွေးကောက်ပွဲ ကော်မရှင်ကို မြန်မြန်ဆန်ဆန် ကန့်ကွက်သင့်ပါကြောင်း သုံးသပ်တင်ပြလိုက်ရပါတယ်။
__________________________________

ဦးစည်သူအောင်မြင့်

VOA မြန်မာပိုင်း