09/21/15



အမျိုးသားဒီမိုကရေစီ အဖွဲ့ချုပ်ဥက္ကဋ္ဌ ဒေါ်အောင်ဆန်းစုကြည်၏ ရေဒီယို/တီဗွီ မိန့်ခွန်း

ပထမဦးစွာ တိုင်းသူပြည်သားအားလုံး ကျန်းမာရွှင်လန်း ကြပါစေလို့ ဆုတောင်းလိုက်ပါတယ်။

နိုဝင်ဘာလ (၈) ရက်နေ့ ကျရောက်မယ့် ရွေးကောက်ပွဲမှာ အမျိုးသား ဒီမိုကရေစီ အဖွဲ့ချုပ်က နိုင်ငံတစ်ဝှမ်း ၀င်ရောက်ယှဉ်ပြိုင်မှာ ဖြစ်ပါတယ်။ ရွေးကောက်ပွဲမှာ ၀င်ရောက်ယှဉ်ပြိုင်တယ်ဆိုတာ ပြည်သူလူထုရဲ့ ထောက်ခံမဲတွေကို တောင်းခံတာ ဖြစ်တာကြောင့် ပြည်သူကို ကျွန်မတို့ အဖွဲ့ချုပ်ရဲ့ မူဝါဒ သဘောတရားများ၊ နိုင်ငံ့အတွက် မျှော်မှန်းချက်များနဲ့ သမိုင်းဖြစ်စဉ် အချို့ကို တင်ပြချင်ပါတယ်။

ဒီမိုကရေစီစနစ် ထူထောင်ရာမှာ ပြည်သူလူထုရဲ့ ကဏ္ဍဟာ အဓိကပါပဲ။ ပြည်သူလူထုရဲ့ဆန္ဒ၊ သြဇာ၊ အာဏာအပေါ် အခြေခံတဲ့စနစ် ဖြစ်တာကြောင့် ပြည်သူတွေ တက်တက်ကြွကြွ ပါဝင်ကြမှ အောင်မြင်နိုင်မှာပါ။ ပြည်သူတွေရဲ့ ပါဝင်ပတ်သက်မှု လိုအပ်သလို၊ ပြည်သူတွေရဲ့ ဆုံးဖြတ်ချက်ဟာ အင်မတန် အရေးကြီးပါတယ်။ အမျိုးသား ဒီမိုကရေစီ အဖွဲ့ချုပ်ဟာ ပွင့်လင်းထင်ရှားတဲ့၊ လွတ်လပ်ပြီး တရားမျှတတဲ့ ရွေးကောက်ပွဲမှတဆင့် ဖေါ်ထုတ်လိုက်တဲ့ ပြည်သူ့ဆန္ဒကို လေးစားလိုက်နာ ပါ့မယ်လို့ အာမခံပါတယ်။

အမျိုးသား ဒီမိုကရေစီ အဖွဲ့ချုပ်ကို (၁၉၈၈) ခုနှစ်မှာ၊ လူ့အခွင့်အရေးများကို ကာကွယ်ထိန်းသိမ်းမယ့် စစ်မှန်တဲ့ ဒီမိုကရေစီ ဖယ်ဒရယ် ပြည်ထောင်စု တည်ဆောက်ဖို့ ရည်မှန်းချက်များနဲ့ ထူထောင်ခဲ့တာ ဖြစ်ပါတယ်။ ကျွန်မတို့ရဲ့ ပန်းတိုင်ရောက်အောင် ကြိုးပမ်းရာမှာ အကြမ်းမဖက်ရေး၊ အမျိုးသား ရင်ကြားစေ့ရေး၊ သဟဇာတဖြစ်ရေး၊ အာဃာတ ကင်းစင်ရေး စတဲ့ သဘောတရားများကို ခိုင်ခိုင်မာမာ စွဲကိုင်ခဲ့ပါတယ်။ (၂၇) နှစ်အတွင်း အခက်အခဲ ပေါင်းစုံကို အဖွဲ့ချုပ်နဲ့ အဖွဲ့ချုပ်ဝင်များ ပြင်းပြင်းထန်ထန် ခံခဲ့ရပေမယ့် ဒီမူဝါဒ သဘောတရားတွေကို လုံးဝလက်မလွှတ် ခဲ့ပါဘူး။ အခုလည်း ကျွန်မတို့နိုင်ငံ တည်ငြိမ်အေးချမ်းစွာ ပြောင်းလဲနိုင်ရေးအတွက် ဒီမူဝါဒ သဘောတရားတွေအရ ဆက်လက်ဆောင်ရွက်သွားမှာ ဖြစ်ပါတယ်။ တိုင်းပြည်မထိ၊ ပြည်သူမနာတဲ့ နည်းလမ်းတွေနဲ့သာ ဒီမိုကရေစီ ဖယ်ဒရယ် ပြည်ထောင်စုကြီးကို ပြည်ထောင်စုသား အားလုံးနဲ့အတူ ပူးပေါင်းလက်တွဲ အကောင်အထည် ဖော်လိုတဲ့ ဆန္ဒနဲ့အညီ၊ အမျိုးသားဒီမိုကရေစီ အဖွဲ့ချုပ်ဟာ (၁၉၉၀) ခုနှစ် ရွေးကောက်ပွဲမှာ ၀င်ရောက်ယှဉ်ပြိုင် ခဲ့ပါတယ်။ လူထုရဲ့ တစ်ခဲနက် ထောက်ခံမှုကို ရရှိခဲ့ပေမယ့် တိုင်းပြည် တာဝန်ကို ထမ်းဆောင်ခွင့်မရခဲ့ဘူး ဆိုတာ အများသိပြီး ဖြစ်ပါတယ်။ ဒါပေမဲ့လည်း (၁၉၉၀) ခုနှစ် ရွေးကောက်ပွဲဟာ မြန်မာနိုင်ငံသူ နိုင်ငံသားများရဲ့ ပြင်းပြတဲ့ ဒီမိုကရေစီရရှိရေးဆန္ဒကို ဖေါ်ထုတ် လိုက်တာကြောင့် ကျွန်မတို့နိုင်ငံ ဒီမိုကရေစီအရေးနဲ့အတူ အဖွဲ့ချုပ်ပါ ဆက်လက် ရှင်သန်နိုင်ခဲ့ ပါတယ်။ မဲဆန္ဒရှင်ပြည်သူတွေရဲ့ ကျေးဇူးကို မမေ့မလျော့ တန်ဖိုးထားလျက်ပါ။

(၂၀၁၂) ခုနှစ် ကြားဖြတ်ရွေးကောက်ပွဲမှာ ၀င်ရောက်ယှဉ်ပြိုင်ခဲ့တာကလည်း၊ အမျိုးသား ဒီမိုကရေစီအဖွဲ့ချုပ်ရဲ့ နိုင်ငံအတွက် မျှော်မှန်းချက်တွေကို တတ်အားသရွေ့ အေးချမ်းစွာ ဥပဒေဘောင် အတွင်းက ဖော်ဆောင်ဖို့ရာ ကြိုးပမ်းချက်ဖြစ်ပါတယ်။ တရားဥပဒေ စိုးမိုးရေး၊ ပြည်တွင်းငြိ်မ်းချမ်းရေး၊ ဖွဲ့စည်းပုံ အခြေခံဥပဒေ ပြုပြင်ပြောင်းလဲရေးတို့ကို၊ အဖွဲ့ချုပ်ရဲ့ ဦးတည်ချက်များအဖြစ် သတ်မှတ်ခဲ့ ပါတယ်။ ပြည်သူရဲ့ ယုံကြည်ထောက်ခံမှု ကျေးဇူးကြောင့် ၀င်ရောက်ယှဉ်ပြိုင်ခဲ့တဲ့ မဲဆန္ဒနယ် (၄၄) နေရာ အနက် (၄၃) နေရာမှာ အနိုင်ရရှိ ခဲ့ပါတယ်။ ကိုယ်စားလှယ် (၆၀၀) ကျော်ပါဝင်တဲ့ ပြည်ထောင်စု လွှတ်တော်မှာ (၄၀) ကျော်မျှသော ကိုယ်စားလှယ်များရဲ့ စွမ်းဆောင်နိုင်အားဟာ အကန့်အသတ်နဲ့သာ ရှိနိုင်မယ်ဆိုတာ ပြည်သူများ နားလည်နိုင်လိမ့်မယ်လို့ ယူဆပါတယ်။ ဒီမိုကရေစီအကျိုး၊ ပြည်ထောင်စု အကျိုးအတွက် လွှတ်တော်အတွင်း သာမက၊ လွှတ်တော်ပြင်ပမှာပါ အဖွဲ့ချုပ်ရဲ့ ကြိုးပမ်းခဲ့မှု များကြောင့် ပြည်သူပြည်သားများ ဖွဲ့စည်းပုံ အခြေခံဥပဒေ ပြုပြင်ပြောင်းလဲရေး ဘာကြောင့် လိုအပ်တယ် ဆိုတာကို ပိုမိုကျယ်ကျယ်ပြန့်ပြန့် သိရှိနားလည် ခဲ့ကြတယ်လို့ ယုံကြည်ပါတယ်။ ဒါပေမဲ့ (၂၀၁၂) ကြားဖြတ် ရွေးကောက်ပွဲရဲ့ ဦးတည်ချက်များကို ထိထိ ရောက်ရောက် အကောင် အထည်ဖော်နိုင်ဖို့ကတော့ အစိုးရ တာဝန်တွေ ထမ်းဆောင်ပိုင်ခွင့် လိုအပ်ပါတယ်။ ဒီတာဝန်ကို ပြည်သူလူထုက အပ်နှင်းပေးစေ လိုတာကြောင့် ယခု (၂၀၁၅) ခုနှစ် နိုဝင်ဘာလ (၈) ရက်နေ့ ရွေးကောက်ပွဲမှာ အမျိုးသားဒီမိုကရေစီ အဖွဲ့ချုပ်က ပါဝင်ယှဉ်ပြိုင်မှာပါ။

တရားဥပဒေစိုးမိုးရေးနဲ့ တည်ငြိမ်အေးချမ်းရေးဟာ ဆက်နွယ်နေပါတယ်။ ဥပဒေများဟာ တရားပြီး အများပြည်သူတွေရဲ့ဘ၀ လုံခြုံရေးအတွက်ဖြစ်ရပါမယ်။ ဒါကြောင့် ဖျက်တန်ရာဖျက်၊ ပြင်တန်ရာပြင်၊ အသစ်ပြဌာန်းတန်ရာ ပြဌာန်းဖို့လိုပါတယ်။ တရားဥပဒေများ ထိရောက်မှု ရှိစေရေးအတွက် လုပ်ဆောင်ပိုင်ခွင့်အာဏာကတော့ အုပ်ချုပ်ရေးဆိုင်ရာနဲ့ တရားစီရင်ရေး ဆိုင်ရာ တို့မှာသာရှိတာ ဖြစ်ပါတယ်။ တရားဥပဒေစိုးမိုးရေး ထိရောက်စွာ အကောင်အထည် ဖော်နိုင်တာက အစိုးရသာဖြစ်ပါတယ်။ ဒါကြောင့် အစိုးရဖွဲ့နိုင်ရေးဟာ တရားဥပဒေစိုးမိုးရေး ဦးတည်ချက် အောင်မြင်ဖို့အတွက် အဓိကကျ ပါတယ်။

(၂၀၁၂) ကြားဖြတ်ရွေးကောက်ပွဲ အကြိုကာလမှာ အမျိုးသားဒီမိုကရေစီအဖွဲ့ချုပ်ရဲ့ ပြည်တွင်း ငြိမ်းချမ်းရေးဦးတည်ချက်များကိုတင်ပြ ခဲ့ပါတယ်။ ပြည်တွင်း စစ်ရပ်စဲသွားဖို့ အတွက် အဆင့် (၃) ဆင့်နဲ့ ဆောင်ရွက်သွားရန်လိုကြောင်း၊ ပထမအဆင့်မှာ တစ်နိုင်ငံလုံးအတိုင်းအတာနဲ့ အပစ်အခတ်ရပ်စဲရေး၊ ဒုတိယအဆင့်မှာ နိုင်ငံရေးဆွေးနွေးပွဲတွေ ကျင်းပပြီး ညှိုနှိုင်းအဖြေရှာရေး၊ တတိယအဆင့်မှာတော့ ပင်လုံအခြေခံမူဖြစ်တဲ့ တန်းတူညီမျှမှု၊ ကိုယ်ပိုင်အုပ်ချုပ်ခွင့် စသည်များကို ဖွဲ့စည်းပုံ အခြေခံဥပဒေက အာမခံရေးပဲဖြစ်ပါတယ်။ အခုအချိန်မှာ တစ်နိုင်ငံလုံး အပစ်အခတ် ရပ်စဲရေး ဖြစ်မြောက်စေရန်အတွက် သဘောတူညီစာချုပ်ကို သက်ဆိုင်ရာအဖွဲ့ အစည်းများ မကြာမီကာလအတွင်း လက်မှတ်ရေးထိုးနိုင်မဲ့ အလားအလာရှိနေတာကြောင့် ပြည်သူပြည်သားတွေ ၀မ်းသာစွာ စောင့်မျှော်နေကြပါတယ်။ ဒီအပစ်အခတ် ရပ်စဲရေးစာချုပ်ဟာ အပြန်အလှန်နားလည်မှု၊ အပြန်အလှန်လေးစားယုံကြည်မှု တို့ပေါ်မှာ အခြေခံတဲ့၊ တည်တံ့ခိုင်မြဲမဲ့ သဘောတူညီချက်ဖြစ်ဖို့ရာက အဓိကဖြစ်ပါတယ်။

အပစ်အခတ်ရပ်စဲရေးစာချုပ် အောင်မြင်စွာသဘောတူ လက်မှတ်ရေးထိုးပြီးတဲ့အခါမှာ၊ ဒီမိုကရေစီ ဖယ်ဒရယ်ပြည်ထောင်စု ပေါ်ထွန်းစေဖို့ မဖြစ်မနေလိုအပ်နေတဲ့ ထာဝရ ငြိမ်းချမ်းရေးရဲ့ အခြေခံအုတ်မြစ် ချခြင်းဖြစ်တဲ့ ဒုတိယအဆင့်နဲ့ တတိယအဆင့်တို့ကို အကောင်အထည်ဖော်ရပါမယ်။ တကယ်တော့ ဒီအဆင့်နှစ်ဆင့်ကို တစ်ပြိုင်တည်းလုပ်သွားဖို့ လိုပါတယ်။ ဒုတိယအဆင့်ဖြစ်တဲ့ ငြိမ်းချမ်းရေး ဆွေးနွေးပွဲကို တာဝန်ယူဆောင်ရွက်ရမှာကတော့ နိုဝင်ဘာလ အထွေထွေရွေးကောက်ပွဲမှ ထွက်ပေါ်လာမဲ့ အစိုးရပဲ ဖြစ်ပါတယ်။ ပြည်သူကလိုလား ထောက်ခံခဲ့ရင် ဒီတာဝန်ကို အမျိုးသားဒီမိုကရေစီ အဖွဲ့ချုပ်က ထမ်းဆောင်ဖို့ အသင့်ဖြစ်ပါတယ်။

ဒီမိုကရေစီဖယ်ဒရယ်ပြည်ထောင်စုထူထောင်ရေး ရည်မှန်းချက်ကို လွန်ခဲ့တဲ့ (၂၇) နှစ် အတွင်း အန္တရာယ်အခက်အခဲမျိုးစုံနဲ့ ကြုံတွေ့ရပေမယ့် လုံးဝလက်မလွှတ်ခဲ့ပါ။ (၂၀၁၀) က စပြီး ကျွန်မတို့ အဖွဲ့ချုပ်က ဒုတိယပင်လုံ ညီလာခံကျင်းပရေးကို ဦးတည်ခဲ့တာဖြစ်ပါတယ်။ `ဒုတိယပင်လုံ´ ဆိုတာ ကတော့ ပင်လုံစိတ်ဓါတ်ရဲ့ အနှစ်သာရဖြစ်တဲ့၊ တိုင်းရင်းသားများ ဗမာများအပါအ၀င် အားလုံး ပူးပေါင်း ဆောင်ရွက်ခြင်းဖြင့်သာ ဘုံမျှော်မှန်းချက်များကို အောင်မြင် အေးချမ်းစွာ အကောင်အထည်ဖော်နိုင်မယ် ဆိုတဲ့ ယုံကြည်ချက်အပေါ် အခြေခံတဲ့ ငြိမ်းချမ်းရေး၊ ပြည်ထောင်စုရေး ဆွေးနွေးပွဲကို ဆိုလိုတာပါ။

ယခုတစ်နိုင်ငံလုံး၊ တိုင်းနဲ့ပြည်နယ်အားလုံးမကျန်၊ အမျိုးသားဒီမိုကရေစီအဖွဲ့ချုပ် ကိုယ်စားလှယ် လောင်းများ ၀င်ရောက်အရွေးခံတာဟာ စစ်မှန်တဲ့ ပြည်ထောင်စုဖြစ်ပေါ်လာရေး အတွက်၊ ပြည်ထောင်စု စိတ်ဓါတ်နဲ့ ပြည်ထောင်စုညီညွတ်မှုကို ကိုယ်စားပြုနိုင်မယ့် ဗဟိုအစိုးရ ဖွဲ့စည်းနိုင်ဖို့ဖြစ်ပါတယ်။ ဗဟိုအစိုးရဟာ အမှန်တကယ် ဒီမိုကရေစီစံနှုန်းစံထားများနဲ့ ကိုက်ညီမှုရှိပြီး၊ တိုင်း၊ ပြည်နယ်အစိုးရများနဲ့ ဟန်ချက်ညီညီ ကြိုးပမ်းဆောင်ရွက်နိုင်မှသာ စစ်မှန်တဲ့ ဒီမိုကရေစီ ဖယ်ဒရယ်ပြည်ထောင်စုကို တည်ထောင်နိုင်မှာပါ။ မတူကွဲပြားမှုကို အင်အားဖြစ်အောင်လုပ်ပြီး၊ ညီညွတ်မှု ကြိုးစားဖော်ဆောင် နိုင်ခွင့်ကို အဖွဲ့ချုပ်က ပြည်ထောင်စုသား အားလုံးထံက တောင်းခံခြင်းဖြစ်ပါတယ်။

ငြိမ်းချမ်းရေးဆွေးနွေးပွဲတွေဟာ အချိန်ကြာနိုင်ပါတယ်။ နိုင်ငံ့ရဲ့ အနာဂတ်တစ်ခုလုံး အတွက် ရည်ရွယ်တဲ့ သဘောတူညီမှုများကို အဆောတလျင် မရယူပဲ၊ အသေအချာတိုင်ပင် ဆွေးနွေး အဖြေရှာတာဟာ မှန်ကန်တဲ့လုပ်ရပ်ပါ။ သို့သော်လည်း အကန့်အသတ်မရှိ အချိန်ဆွဲနိုင်တဲ့ အနေအထားမဖြစ်ဖို့လည်း အင်မတန် အရေးကြီးပါတယ်။ ဆွေးနွေးပွဲတွေက ထွက်ပေါ်လာတဲ့ သဘောတူညီမှုတွေကို အမြန်ဆုံး အကောင်အထည် ဖော်နိုင်ဖို့ကလည်း အရေးကြီးပါတယ်။ ဒါကြောင့် ဒုတိယအဆင့်လို့ သတ်မှတ်တဲ့ ဆွေးနွေးပွဲများနဲ့ တစ်ပြိုင်နက် တတိယအဆင့်လို့ သတ်မှတ်တဲ့ ဖွဲ့စည်းပုံအခြေခံဥပဒေပြင်ဆင် ပြောင်းလဲရေးကိုလည်း လုပ်ကိုင်ဆောင်ရွက်သွားရမှာ ဖြစ်ပါတယ်။

ဖွဲ့စည်းပုံအခြေခံဥပဒေ ပြင်ဆင်ပြောင်းလဲရာမှာ တပ်မတော်ရဲ့ကဏ္ဍက အဓိကဖြစ်တယ် ဆိုတာ ကျွန်မတို့ ပြည်သူပြည်သားများ အသိဖြစ်ပါတယ်။ ပြင်ဆင်ပြောင်းလဲရေးနဲ့ပတ်သက်လို့ အမျိုးသား ဒီမိုကရေစီအဖွဲ့ချုပ်ရဲ့ အမြင်နဲ့ တပ်မတော်ရဲ့အမြင်ဟာ တစ်ထပ်တည်း မဟုတ်ဖူးဆိုတာလည်း ပြည်သူ ပြည်သားများ အသိဖြစ်ပါတယ်။ သို့သော်လည်း ဒီမိုကရေစီ ဖယ်ဒရယ်ပြည်ထောင်စုကြီးရဲ့ အနာဂတ် တည်ငြိမ်တောက်ပရေးကို လိုလားတဲ့ နေရာမှာ တပ်မတော်နဲ့ ကျွန်မတို့အကြား လုံးဝကွဲပြားမှု မရှိဘူးလို့ ယုံကြည်ပါတယ်။ ဗိုလ်ချုပ်အောင်ဆန်းက ပြည်သူတွေနဲ့ ထူထောင်ခဲ့တဲ့ ပြည်သူ့ တပ်မတော်ကို ပြည်သူ့ အကျိုးကိုသာ ဦးတည် ဆောင်ရွက်တဲ့ ပြည်သူချစ် အဖွဲ့အစည်းအဖြစ် ပြည်သူပြည်သားများက ပြင်းပြစွာ မြင်လို နေကြပါတယ်။ ဖွဲ့စည်းပုံအခြေခံဥပဒေပြင်ဆင်ရေးနဲ့ လာမယ့် ရွေးကောက်ပွဲတွေမှာ ထွက်ပေါ် လာမယ့် ပြည်သူ့ဆန္ဒကို လေးစားကာကွယ်ရေးများ အပါအ၀င် နိုင်ငံရဲ့ကံကြမ္မာ ဖန်တီးရေးနဲ့ ပတ်သက်တဲ့ ကိစ္စအဝဝမှာ ပြည်သူနဲ့ တပ်မတော် တစ်သားတည်းရှိဖို့ကို လေးလေးနက်နက် လိုလား နေကြပါတယ်။

အဖွဲ့ချုပ်ဟာ မြန်မာ့တပ်မတော်ကို ဒီမိုကရေစီစံနှုန်း စံထားများနဲ့ အညီ၊ တိုးတက်ခေတ်မီ ပြည့်စုံစွာ ပြည်သူတွေလေးစားချစ်ခင်မှုကြောင့် ကမ္ဘာ့အလယ် တင့်တယ်တဲ့၊ နိုင်ငံနဲ့ပြည်သူ လွတ်လပ်၊ လုံခြုံ၊ အေးချမ်းရေးတို့ကို အခိုင်အမာ ကာကွယ်ပေးမယ့်၊ နိုင်ငံက အားကိုးရတဲ့ အဖွဲ့အစည်း ဖြစ်စေလိုပါတယ်။ အဖွဲ့ချုပ်နဲ့ တပ်မတော်အကြား သံသယတွေ ဖယ်ရှားပြီး ပြည်ထောင်စုအရေး၊ ဒီမိုကရေစီအရေးအတွက် အပြန်အလှန် ယုံကြည်လေးစားစွာ ပူးပေါင်း ဆောင်ရွက်ချင်ပါတယ်။ ဖွဲ့စည်းပုံအခြေခံဥပဒေ ပြင်ဆင် ပြောင်းလဲရေးမှာလည်း နိုင်ငံရဲ့ တည်ငြိမ်မှု၊ ပြည်သူတွေရဲ့ နှလုံးစိတ်ဝမ်း အေးချမ်းမှုတို့ကို မထိခိုက်စေပဲ ပြည်သူ့ဆန္ဒနဲ့ ကိုက်ညီစွာ အတူလုပ်ဆောင်ချင်ပါတယ်။

အဖွဲ့ချုပ်ဟာ ပြည်သူပြည်သားအားလုံး အေးချမ်းတည်ငြိမ်စွာ ရှင်သန်ပြီး၊ လွတ်လပ် လုံခြုံစွာ ဖွံ့ဖြိုးတိုးတက်နိုင်မယ့် လူ့အဖွဲ့အစည်းကို ထူထောင်ချင်ပါတယ်။ (၂၇) နှစ်ကျော် အတိုက်အခံ အဖွဲ့အစည်းတစ်ခုအနေနဲ့ ရုန်းကန်ခဲ့ရတဲ့ပါတီဟာ၊ နိုင်ငံ့ အစိုးရတာဝန်တွေကို ထမ်းဆောင်နိုင်တဲ့ အရည်အချင်းရှိနိုင်ပါ့မလားလို့ အချို့က စောဒက တက်ပါတယ်။ ရှိနိုင်ရုံမက၊ ရှိကိုရှိပါတယ်လို့ ကျွန်မ ရဲရဲကြီးပြောဝံ့ပါတယ်။ တာဝန်တစ်ရပ်ကို ကျေပြွန်စွာ ထမ်းဆောင်နိုင်ဖို့ အတွက် အသိနှစ်ရပ်လိုအပ် ပါတယ်။ ဘာကိုမလုပ်သင့်၊ ဘာကိုလုပ်သင့်ဆိုတဲ့ အသိနှစ်ရပ်ပါပဲ။ ဘာကိုမလုပ်သင့်နဲ့ ပတ်သက်လို့တော့ လွန်ခဲ့တဲ့ နှစ်ပေါင်း (၅၀) အတွင်း မြန်မာနိုင်ငံကို အရှေ့တောင်အာရှရဲ့ အတောက်ပဆုံး ကြယ်အဆင့်မှ မှေးမှိန် သေးသိမ်တဲ့ မထင်မရှား ဂြိုလ်လေးအဖြစ် ရောက်ရှိသွားစေတဲ့ ဖြစ်ရပ်တွေကိုလေ့လာပြီး သင်ခန်းစာတွေ အများကြီးရနေပါပြီ။ ဘာတွေလုပ်သင့်တယ်ဆိုတာကတော့ ပြည်သူတွေက သင်ကြား ပေးလို့ သိနေရတာ ဖြစ်ပါတယ်။

အမျိုးသားဒီမိုကရေစီအဖွဲ့ချုပ်ရဲ့ (၂၀၁၅) ခုနှစ်ရွေးကောက်ပွဲ ကြေညာစာတမ်းမှာ ပြည်သူလူထုရဲ့ ဘဝတွေ ကောင်းမွန်မှန်ကန်စွာ ပြောင်းလဲနိုင်ဖို့အတွက် လုပ်ဆောင်ရန် ရည်မှန်းချက်များကို ကဏ္ဍလေးရပ် ခွဲပြီးတင်ပြထားပါတယ်။

(၁) တိုင်းရင်းသားအရေးနှင့် ပြည်တွင်းငြိမ်းချမ်းရေး
(၂) တိုင်းရင်းသားပြည်သူတစ်ရပ်လုံး အေးချမ်းလုံခြုံစွာ လက်တွဲနေထိုင်ရေးကို အာမခံချက်ပေးနိုင်မည့် ဖွဲ့စည်းပုံအခြေခံဥပဒေတစ်ရပ် ပေါ်ထွန်းရေး
(၃) ပြည်သူလူထုအား တရားမျှတစွာ အကာအကွယ်ပေးမည့် အုပ်ချုပ်မှုစနစ် တစ်ရပ်ပေါ်ပေါက်လာရေး
(၄) လွတ်လပ်လုံခြုံစွာ ဖွံ့ဖြိုးတိုးတက်ရေး
တို့ဖြစ်ပါတယ်။

ဒီရည်မှန်းချက်အားလုံးကို သတ်မှတ်ရာမှာ ပြည်သူတွေရဲ့ အသံတွေနားထောင်၊ ပြည်သူတွေရဲ့ မျက်နှာတွေကြည့်ပြီး၊ ပြည်သူတွေရဲ့ ဆန္ဒတွေအပေါ် အခြေခံထားတာ ဖြစ်ပါတယ်။ နိုင်ငံတစ်ဝှမ်း ပြည်သူတွေနဲ့ ဆွေးနွေးခွင့် ရခဲ့ရာမှ ပြည်သူတွေရဲ့ စိုးရိမ်ပူပန်မှုတွေ၊ အခက်အခဲတွေ၊ မျှော်လင့်တောင့်တ ချက်တွေကို ကြားသိခဲ့ရပါတယ်။

အဖွဲ့ချုပ်ရဲ့ လွတ်လပ်လုံခြုံစွာ ဖွံ့ဖြိုးတိုးတက်ရေးကဏ္ဍ အောက်မှာ စီးပွားရေး၊ တောင်သူ လယ်သမား၊ မွေးမြူရေးနှင့် ရေလုပ်ငန်း၊ အလုပ်သမား၊ ပညာရေး၊ ကျန်းမာရေး၊ စသဖြင့် အပိုင်း (၁၂) ပိုင်းပါဝင်ပါတယ်။ ပြည်သူများရဲ့ အဓိက လိုအပ်ချက်များကို ဖြည့်ဆည်းရန် ဦးတည်တဲ့ မူဝါဒ၊ စီမံကိန်းများ ဖြစ်ပါတယ်။ ယခု နိုဝင်ဘာလ ရွေးကောက်ပွဲမှာ နိုင်ငံရေးပါတီ (၉၀) ကျော် ၀င်ရောက်ယှဉ်ပြိုင်မှာ ဖြစ်ပါတယ်။ ပါတီတိုင်းဟာ မိမိတို့ရဲ့ သဘောထားရည်ရွယ်ချက်တွေကို နိုင်ငံသိ တင်ပြပြီး ပြည်သူတွေရဲ့ ထောက်ခံမှုကို တောင်းယူ ကြမှာဖြစ်ပါတယ်။ ထောက်ခံမှု တောင်းဆိုတယ်ဆိုတာ ယုံကြည်မှုကို တောင်းဆို တာပါပဲ။ ဘယ်ပါတီကို ယုံကြည်ထောက်ခံ ရမယ်ဆိုတာကို ပြည်သူတွေက ဆုံးဖြတ်ရမှာပါ။ အမျိုးသားဒီမိုကရေစီအဖွဲ့ချုပ်က ပြည်သူတွေရဲ့ စစ်ဆေး သုံးသပ်ချက်ကို ရဲရဲ ခံနိုင်ပါတယ်။

အဖွဲ့ချုပ်ဟာ မည်သည့်အခါကမှ တိုင်းပြည်နဲ့ ပြည်သူ ထိခိုက်နစ်နာအောင် မလုပ်ခဲ့ပါ။ အဖွဲ့ချုပ်ဟာ နိုင်ငံရေးအရ ယှဉ်ပြိုင်တဲ့ နေရာမှာ စဉ်းမျဉ်းစည်းကမ်းဘောင်အတွင်းက အစဉ်လုပ်ဆောင် ခဲ့ပါတယ်။ အဖွဲ့ချုပ်ဟာ မတရားမှုများကို ခိုင်ခိုင်မာမာ ဆန့်ကျင်ခဲ့သော်လည်း မည်သည့် ပုဂ္ဂိုလ် အဖွဲ့အစည်းကိုမှ လုပ်ငန်းပိုင်းဆိုင်ရာ ဘောင်ကို ကျော်လွန်ပြီး တိုက်ခိုက်ခြင်း မပြုခဲ့ပါ။ အဖွဲ့ချုပ်ဟာ ပြည်သူကို ပေးတဲ့ ကတိကဝတ်တွေ မည်သည့်အခါကမှ မချိုးဖောက်ခဲ့ပါ။ အဖွဲ့ချုပ်ဟာ ပြည်သူကို လိမ်လည်လှည့်ဖြား၍ သော်လည်းကောင်း၊ ခြိမ်းခြောက်၍သော် လည်းကောင်း၊ စည်းရုံးဆွဲဆောင်ခြင်း မပြုခဲ့ပါ။

၁၉၈၈ ခုနှစ် စတင်ဖွဲ့စည်းစဉ်က စပြီး ယခုတိုင် ပြည်သူကိုလေးစား ပွင့်လင်းစွာ ဆက်ဆံခဲ့သည့် အတိုင်း ဆက်လက်ပြီး လုပ်ဆောင်သွားမည်မှာ အဖွဲ့ချုပ်ရဲ့ ခိုင်မာတဲ့ သန္နိဌာန် ဖြစ်ပါတယ်။ ပြည်သူတွေ အပ်နှင်းတဲ့ တာဝန်ကို ဖြောင့်မတ်စွာ အကောင်းဆုံးထမ်းဆောင် ဖို့က အဖွဲ့ချုပ်ရဲ့ ဂုဏ်သိက္ခာနဲ့ အသက်ပဲ ဖြစ်ပါတယ်။ နိုဝင်ဘာလ (၈) ရက်နေ့မှာ ကျရောက်မဲ့ အထွေထွေရွေးကောက်ပွဲကြီးမှ တစ်ဆင့် ပြည်သူများက အဖွဲ့ချုပ်ကို အစိုးရတာဝန် ထမ်းဆောင်နိုင်ရန် ပြတ်ပြတ်သားသား ဆုံးဖြတ်ချက် ချပေးစေ ချင်ပါတယ်။ ဒီလိုတာဝန် ထမ်းဆောင်ခွင့် ရခဲ့လျှင်၊ အမျိုးသားရင်ကြားစေ့ရေး၊ သဟဇာတ ဖြစ်ရေး၊ အာဃာတ ကင်းစင်ရေးမူများကို အစဉ်တစိုက် နှလုံးသွင်းပြီး ဒီမိုကရေစီ ပြည်ထောင်စုကြီး ထွန်းကားရေး အတွက်၊ မည်သူ့ကိုမှ ရန်သူသဖွယ် မသတ်မှတ်၊ အခြားအဖွဲ့အစည်းများကို လက်ကမ်း ကြိုဆိုကာ အတူလုပ်ဆောင်သွားဖို့ ခိုင်ခိုင်မာမာ ခံယူထားပါတယ်။ အမျိုးသားဒီမိုကရေစီ အဖွဲ့ချုပ်ဟာ ပြည်သူများရဲ့ ဆုံးဖြတ်ချက်ကို လေးစား လိုက်နာမှာဖြစ်ပါတယ်။

ပြည်ထောင်စုမြန်မာနိုင်ငံတစ်ဝှမ်း ပြည်သူပြည်သားအားလုံး ကျန်းမာချမ်းသာ ကြပါစေ။ ဘေးအန္တရာယ် အပေါင်းမှ ကင်းဝေးကြပါစေ။ နှလုံးစိတ်ဝမ်း အေးချမ်းကြပါစေ။ ကောင်းကျိုးလိုရာ ဆန္ဒ အ၀၀နှင့် ပြည့်နိုင်ကြပါစေ။

Credit - Aung San Suu Kyi Facebook


 မဲစာရင်းတွေမှာ သေဆုံးသူတွေ ပါနေတယ်လို့ ပြည်ထောင်စုရွေးကောက်ပွဲ ကော်မရှင်ထံ တင်ပြခဲ့ပေမယ့် အမှားတွေကို ပြင်ပေးတာမရှိဘဲ အခုထုတ်ပြန်ထားတဲ့ စာရင်းမှာလည်း သေဆုံးသူတွေပါနေတာကြောင့် လာမယ့် ရွေးကောက်ပွဲဟာ တရားမျှတတဲ့ ရွေးကောက်ပွဲဖြစ်ဖို့ မျှော်လင့်နိုင်တဲ့ အခြေအနေမရှိဘူးလို့ အမျိုးသားဒီမိုကရေစီအဖွဲ့ချုပ် NLD ပါတီ ဒီကနေ့ ပြောလိုက်ပါတယ်။

ရန်ကုန်မြို့၊ ဗဟန်းမြို့နယ် NLD ပါတီ ရွေးကောက်ပွဲ အောင်နိုင်ရေးရုံးခန်းမှာ မဲစာရင်းမှားယွင်းနေတာတွေနဲ့ ပတ်သက်ပြီး ကျင်းပတဲ့သတင်းစာရှင်းလင်းပွဲမှာ NLDပါတီ ဗဟိုကော်မတီဝင် ဦးဥာဏ်ဝင်း က အခုလိုပြောလိုက်တာပါ။

"ကျနော်တို့ဆီက သုတေသနဌာနက ရန်ကုန်တိုင်းမဲစာရင်းကိုစစ်တယ်၊ ဘာသွားတွေ့လဲဆိုတော့ ဒဂုံမြို့နယ် မှာ ကွယ်လွန်သွားပြီဖြစ်တဲ့ လူတွေရဲ့မဲစာရင်းဟာ ၅ဝ ကျော် ဒါအခုမှပါတာမဟုတ်ဘူး အခြေခံစာရင်းထဲမှာ ပါတယ်၊ အဲ့ဒီလိုပါနေလို့ လိုအပ်တဲ့ပုံစံတွေနဲ့ ဒါတွေကိုကန့်ကွက်တယ်၊ အခုနောက်ဆုံးထွက်လာတယ် အဲ့ဒီလူတွေဟာ အခုထိမသေသေးဘူး၊ ကျနော်တို့ မကျေနပ်တာက အမှားကိုကျနော်တို့တွေ့တော့ ဝိုင်းကူတဲ့ အနေနဲ့တင်ပြတာ၊ ဒါကိုမပြင်ဘဲနဲ့ ပြန်ထုတ်တယ်၊ ကျနော်တို့ဘက်ကတော့ လိုအပ်တာတင်ပြမယ် တင်ပြလို့ မရရင်လည်း ကျနော်တို့အားလုံးဟာ မဲရုံတွေမှာကိုယ်စားလှယ်တွေရှိမယ်၊ ကိုယ်စားလှယ်တွေလက်ထဲကို ဒီအမှားအယွင်းစာရင်းအပ်ထားရမယ်၊ မဲလာထည့်တဲ့အချိန်မှာ ထပ်ပြီးကန့်ကွက်မှာပါ၊ ကျနော်တို့ လာမယ့်ရွေးကောက်ပွဲအတွက် တရားမျှတမှုဆိုတာ အတော်မျှော်လင့်ဖို့ အခြေအနေသိပ်မရှိဘူး"

လတ်တလောဖြစ်ပေါ်နေတဲ့ မဲစာရင်းမှားယွင်းတာတွေဟာ NLD ပါတီရဲ့ ရွေးကောက်ပွဲ အနိုင်ရဖို့အတွက်လည်း ထိခိုက်စေတယ်လို့ NLD ပါတီ က ပြောပါတယ်။

ဒါ့အပြင် အခုမဲဆွယ်စည်းရုံးရေးကာလမှာ အမျိုးဘာသာသာသနာ စောင့်ရှောက်ရေးအဖွဲ့ကြီး (မဘသ) က ဒေါ်အောင်ဆန်းစုကြည် အပါအဝင် NLD ပါတီကို တိုက်ခိုက်ရေးသားထားတဲ့ စာရွက်တွေဖြန့်ဝေနေတယ်လို့လည်း ပြောပါတယ်။

NLD ပါတီဟာ တိုင်းဒေသကြီးတွေနဲ့ မွန်၊ ကရင်၊ ချင်းပြည်နယ်တွေမှာ အနိုင်ရဖို့ အလားအလာကောင်းနေပြီး ကချင်၊ ရှမ်းနဲ့ ရခိုင်ပြည်နယ်တွေမှာ အနိုင်ရဖို့ ခက်ခက်ခဲခဲ ယှဉ်ပြိုင်ရဖွယ်ရှိနေတယ်လို့ သူတို့သုတေသန စာရင်းအရသိရတယ်လို့လည်း ပြောပါတယ်။

လက်ရှိအချိန်မှာ ရန်ကုန်တိုင်းဒေသကြီး ကိုကိုးကျွန်းမြို့နယ်မှာ မဲဆွယ်စည်းရုံးရေးလုပ်ဖို့ အခက်အခဲတွေနဲ့ ရင်ဆိုင်နေတယ်လို့ ဆိုပါတယ်။ အမျိုးသားဒီမိုကရေစီအဖွဲ့ချုပ် NLD ပါတီဟာ လာမယ့်ရွေးကောက်ပွဲမှာ ကိုယ်စားလှယ်လောင်း ၁၁၃ဝ ဝင်ရောက်ယှဉ်ပြိုင်မှာ ဖြစ်ပါတယ်။

RFA Burmese
https://www.facebook.com/RFA-Burmese[ads-post]


21 September 2015

 ကရင်နီ ဒုက္ခသည်စခန်းလို့  နိုင်ငံတကာက သိနေတဲ့ မြန်မာနိုင်ငံ ဘက်မှ ထိုင်နိုင်ငံ နယ်ခြားဒေသ သို့  ထွက်ပြေးခိုလှုံလာကြတဲ့ မယ့်ဟာင်ဆောင် ဒုက္ခသည်စခန်းမှာ စက်တင်ဘာ ၂၀ရက် တနင်္ဂနွေနေ့ ညပိုင်း ကပစ်ခတ်မှုတွေ ဖြစ်ပွားခဲ့ကြောင်း သိရပါတယ်။

စခန်းအုပ်ချုပ်ရေးမူးနဲ့  နယ်ခြားစောင့်တပ်ဖွဲ့ ဝင်တွေသွားရောက် စစ်ဆေးတဲ့ အခါမှာတော့ အသက် ၁၇ နှစ်နဲ့  အသက် ၄၀ အမျိုးသားနှစ်ဦး blook 13 ၁၃ ရပ်ကွက် ရုံးခန်းရှေ့  မှာ သေနတ် ဒဏ်ရာတွေနဲ့  သေဆုံးနေတာတွေ့ ရကြောင်း၊ ဒဏ်ရာတွေနဲ့  အသက် မသေသေးဘဲ တခြား သုံးဦးကိုတော့ မယ့်ဟောင်ခရိုင်အတွင်းမှာရှိတဲ့ စီစ၀မ် Srisangwan Hospital ဆေးရုံသို့  ပို့ ဆောင် ကုသပေးနေကြောင်း စခန်းအာဏာပိုင်တွေက ထုတ်ဖေါ်ပြောကြားခဲ့ပါတယ်။

ယနေ့ မနက်မှာတော့ ပစ်ခတ်မှုဖြစ်ရတဲ့ အကြောင်းအရင်းကို ၁၃ ရပ်ကွက်က တာဝန်ရှိသူတွေ နေထိုင်နေသူတွေ အားလုံးအားခေါ်ယူစစ်ဆေးနေပါပြီ။

ယခု ကရင်နီ ဒုက္ခသည် စခန်းမှာ စစ်ဘေးရှောင် ကရင်နီ ဒုက္ခသည်ပေါင်း ၁၁၈၉၀ ဦးနေထိုင်နေကြောင်း သိရပါတယ်။

Social Action for Women - SAW
Community Organization
https://www.facebook.com/Social-Action-for-Women-SAW

ထိုင်းနိုင်ငံမှာ ဗြိတိန်ခရီးသွား ၂ ဦးအသတ်ခံရမှုနဲ့ စွပ်စွဲခံထားရသူ မြန်မာအလုပ်သမား ၂ ဦး။
 ဗြိတိန်နိုင်ငံ သားခရီးသွားနှစ်ဦးကို ထိုင်းနိုင်ငံ၊ ကော့တောင်ကျွန်းမှာ သတ်ဖြတ်တယ်ဆိုပြီး စွပ်စွဲခံထားရတဲ့ မြန်မာ နိုင်ငံသား ၂ ဦးရဲ့အမှုကို လာမယ့် အင်္ဂါနေ့မှာ ပြန်လည် စတင်မှာဖြစ်ပါတယ်။

ဒီအမှုနဲ့ ပတ်သက်လို့ စုံစမ်းစစ်ဆေးမှုတွေ ပြုလုပ်ခဲ့ရာမှာ ထိုင်းနိုင်ငံရဲတပ်ဖွဲ့ဟာ လုပ်ထုံးလုပ်နည်းတွေအတိုင်း ဆောင်ရွက်မှုမရှိတဲ့အပြင် သက်သေ အထောက် အထားတွေကို လုံလုံလောက်လောက် မတင်ပြနိုင်ဘူးလို့ အားလုံးက ရှုမြင်ခဲ့တာပါ။ ရွှေ့ပြောင်း အလုပ်သမားတွေ ဖြစ်တဲ့ မြန်မာနိုင်ငံသား ၂ ဦးဟာ သူတို့ ကျူးလွန်ခြင်းမရှိတဲ့ ဒီအမှုအတွက် မတရားသက်သက် စွပ်စွဲခံထားရတာ ဖြစ်တယ်လို့လည်း လူ့အခွင့်အရေးအဖွဲ့တွေကလည်း ပြောဆိုထားတာပါ။

ဗြိတိန်ခရီးသွား အသက် ၂၃ နှစ်အရွယ် Hannah Witheridge နဲ့ David Miller အသက် ၂၄ နှစ်တို့ဟာ လွန်ခဲ့တဲ့နှစ် စက်တင်ဘာလက အသတ်ခံခဲ့ရပြီး သူတို့ရဲ့ခန္ဓာကိုယ်တွေကိုတော့ ကော့ထောင်ကျွန်းကမ်းစပ်မှာ ရှာတွေ့ခဲ့ပါတယ်။ အဲဒီကျွန်းဟာ အပန်းဖြေခရီးလာရောက်သူတွေ ကမ္ဘာလှည့်ခရီးသွားတွေအကြား ရေပန်းစားတဲ့ နေရာလည်းဖြစ်ပါတယ်။

ဗွီအိုအေ (မြန်မာဌာန)
http://burmese.voanews.com

မြန်မာရဲတပ်ဖွဲ့ (Credit: ABC) 
 မြန်မာအာဏာပိုင်တွေက ​လူပေါင်း ​လေးသောင်းကို ​ရွေးကောက်ပွဲအတွက် ​အထူးရဲတွေအဖြစ် ​ခန့်အပ်မယ်လို့ ​အေအက်ဖ်ပီ ​သတင်းမှာ ​ဖော်ပြထားပါတယ်။

အောက်တိုဘာလလယ်က ​စပြီး ​လူပေါင်း ​လေးသောင်းကျော်ကို ​ရွေးကောက်ပွဲ ​အထူးရဲအဖြစ် ​တစ်လကြာ ​ခန့်အပ်မယ်လို့ ​ရဲအရာရှိတစ်ဦးက ​ပြောပါတယ်။

အဲဒီလူတွေကို ​လက်နက်တွေ ​ကိုင်ခွင့်ပေးထားမှာ ​မဟုတ်သလို ​ရဲတွေလောက် ​အာဏာရှိမှာ ​မဟုတ်ဘူးလို့လည်း ​ပြောပါတယ်။

ရွေးကောက်ပွဲမှာ ​ပြဿနာတွေ ​ဖြစ်မလာအောင် ​လုံခြုံရေးအင်အား ​တိုးချဲ့တဲ့ ​သဘောဖြစ်မယ်လို့ ​ဆိုပါတယ်။

အဲဒီ ​အထူးတပ်ဖွဲ့ဝင်တွေကို ​ရဲအရာရှိတွေနဲ့ ​ရပ်ကွက်၊ ​မြို့နယ်လူကြီးတွေက ​ရွေးချယ်မှာ ​ဖြစ်ပြီး ​တစ်လစာ ​လုပ်အားခကတော့ ​ရဲတွေကို ​ပေးတဲ့ ​လစာလိုပဲ ​ပေးမယ်လို့ ​သိရပါတယ်။

အဲဒီလို ​လုံခြုံရေးအင်အား ​တိုးချဲ့တဲ့အပေါ် ​စိုးရိမ်မကင်းမှုတွေ ​ရှိနေပါတယ်။ ​တချို့ကလည်း ​ဒီလို ​အဖွဲ့အစည်းတွေကို ​အသုံးပြုပြီး ​အာဏာပိုင်က ​လိုသလို ​အသုံးပြုမှာကို ​စိုးရိမ်တာလည်း ​ရှိပါတယ်။

NLD ​ပါတီကတော့ ​ဘာကြောင့် ​အဲဒီလို ​အထူးရဲတွေကို ​ခန့်အပ်ရသလဲ ​ဆိုတာကို ​မသိရဘူးလို့ ​ပြောဆိုပြီး ​အကောင်းကို ​ရည်ရွယ်ပြီး ​ခန့်အပ်တာမျိုး ​ဖြစ်ဖို့ ​မျှော်လင့်ကြောင်း ​ပြောသွားခဲ့ပါတယ်။

ABC Radio Australia
http://www.radioaustralia.net.au/burmese


 စက်တင်ဘာ၂၁ ရက် ၂၀၁၅

 စက်တင်ဘာ ၁၉ ရက် မနက်ပိုင်းကစပြီး လင်းခေးခရိုင်မောက်မယ်မြို့နယ် ထဲရှိ သျှမ်းပြည်ခိုင်ဖြိုး၊ ပအိုဝ်းပြည်ခိုင်ဖြိုး ဟု ရေးသားထားသော ပြည်ထောင် စုကြံ့ခိုင်ရေးနှင့်ဖွံ့ဖြိုးရေးအသင်း၏ ဆိုင်းဘုတ်များမှ အရှေ့စာလုံးဖြစ်သော သျှမ်း၊ ပအိုဝ်း ကိုပါတီဝင်များက လိုက်လံဖျက်ပစ်နေကြောင်းသိရသည်။

မဲဆွယ်စည်းရုံးခွင့်ပြုတဲ့နေ့ စက်တင်ဘာ(၈)ရက်စပြီး မြို့နယ်နေရာ အနှံ့ အပြားမှာ စိုက်ထူထားတဲ့ သျှမ်းပြည် ခိုင်ဖြိုး၊ပအိုဝ်းပြည်ခိုင်ဖြိုးဆိုင်းဘုတ်တွေ ကိုစိုက်ထူပြီး(၁၁)ရက်အကြာမှာယခုလိုဖျက်ပစ်ခြင်းဖြစ်သည်။

``သူတို့ပါတီဝင်တွေ မနက်ပိုင်းလောက်ကတည်းကစပြီး သျှမ်း၊ ပအိုဝ်း စာလုံးတွေ ကို အစိမ်းရောင် စပရေးဘူး တွေနဲ့မှုတ်ပစ်ပြီး ပျောက်သွားအောင် ဖျက်လိုက်ကြတယ်။ ဘယ်နှစ်နေရာကျန်မလဲမသိပေမယ့် မြို့ထဲနဲ့ရွာဖက် အတော်များများတော့ ဖျက်ပြီးတာတွေ့ရတယ်´´ဟု မျက်မြင်ဒေသခံတစ်ဦး မှပြောပြသည်။


ပြည်သူများကြားဝေဖန်မှုမြင့်တက်နေသောအဆိုပါအငြင်းပွားဖွယ်ဆိုင်းဘုတ်များအား ဖျက်ပစ်ခြင်းသည် အထက်မှ ဖိအားပေးခြင်းကြောင့်ဖြစ်နိုင်သည် ဟုပြည်ခိုင်ဖြိုးပါတီနှင့်နီးစပ်သည့်အသိုင်းအ၀ိုင်းမှပြောသည်။

´´သူတို့ တွေက အထက်ကိုမတင်ပြဘဲ သူတို့သဘောအတိုင်း လူမျိုးရေး အသုံးချပြီး မဲဆွယ်ဆိုင်းဘုတ်တွေတင်လို့ အထက်ကသိပြီး ပြန်ဖျက်ခိုင်းတာ ထင်ပါတယ်´´ဟု ဒေသခံတစ်ဦးမှ ၄င်းဧ။်ထင်မြင်ချက်ကိုပြောပြသည်။

မောက်မယ်မြို့နယ်သည် ပြီးခဲ့သော၂၀၁၀ ရွေးကောက်ပွဲတွင် ပြည်ထောင်စုကြံ့ခိုင်ရေနှင့်ဖွံ့ဖြိုးရေးပါတီမှ ပြည့်သူ့လွှတ်တော်နှင့်ပြည်နယ်လွှတ်တော်အမတ်(၂)နေရာအနိုင်ရရှိ ခဲ့သည်။ ထိုစဉ်ကလည်း မဲလိမ်မဲခိုးမှု၊ မဲမသမာမှုများ ရှိ ခဲ့သောဒေသများအနက် မောက်မယ်သည်လည်း တစ်ခုအပါအ၀င်ဖြစ် သည်ဟု ရပ်မိရပ်ဖ များကပြောဆိုပါသည်။

ယခု ၂၀၁၅ ရွေးကောက်ပွဲတွင် မောက်မယ်မဲဆန္ဒနယ် ၌ ပြည်ထောင် စုကြံ့ ခိုင်ရေးနှင့် ဖွံ့ဖြိုးရေးပါတီ၊ သျှမ်းတိုင်းရင်း သားများဒီမိုကရက် တစ်ပါ တီ၊သျှမ်းတိုင်းရင်းသားများဒီမိုက ရေစီအဖွဲ့ချုပ် ၊ပြည်ထောင်စု ပအိုဝ်းအမျိုး သား အဖွဲ့ချုပ်၊ အမျိုးသားဒီမိုကရေစီအဖွဲ့ချုပ် အစရှိ ပါတီကြီး ၅ ခု က ယှဉ်ပြိုင်ကြမည်ဖြစ်သည်။

သျှမ်းသံတော်ဆင့်/ခါးဖန့်
https://www.facebook.com/Panglong.burmese

၂ဝ၁၅ အထွေထွေရွေးကောက်ပွဲမှာ မြိတ်ခရိုင်အခြေစိုက် တပ်မတော်သား မဲပေးပိုင်ခွင့်ရှိသူ တစ်သောင်း တစ်ထောင်ကျော်ရှိတယ်လို့ မြိတ်ခရိုင်ရွေးကောက်ပွဲကော်မရှင် ရွေးကောက်ပွဲ အရာရှိ တစ်ဦးက ပြောပါတယ်။

မြိတ်ခရိုင်မှာ တပ်မတော်ကနေ မဲပေးခွင့်ရှိသူစာရင်းတွေကို ထုတ်ပြန်ပေးထားတယ်လို့ မြိတ်ခရိုင်ရွေးကောက်ပွဲ အရာရှိ ဦးလှိုင်ဘွားက ပြောပါတယ်။

"တပ်ပါတဲ့ ရပ်ကွက်တွေ ကျေးရွာအုပ်စုတွေဆိုလို့ရှိရင် ကျနော်တို့က အဲ့ဒီရပ်ကွက်ကျေးရွာအုပ်စုကို တပ်စာရင်း ကို သက်သက်ကိုပေးလိုက်တယ်၊ အဲ့ဒီတော့သူတို့ တွဲပြီးကြေညာလို့ရအောင် တပ်မတော်သား မဲဆန္ဒရှင်စာရင်း ဆိုပြီး သက်သက်ကြေညာလို့ရအောင်ဆိုပြီးပေးထားတာ၊ မြိတ်မှာက ၂၁၇၆ ဦး၊ နောက် ကျွန်းစုမြို့နယ်မှာက ၁၇၄၆ ဦး၊ ပုလောမှာကျတော့ ၁၅၇၂ ဦး၊ တနင်္သာရီမှာက ၁ဝ၇၇ ဦး အဲ့ဒါက လောလောဆယ် ကျနော် တို့ကောက်ထားတဲ့စာရင်း ၁၁၅၆၆ ယောက်ရှိတယ်၊ ကျွန်းစုက ရေတပ်တစ်ခုပဲရှိတာ ပုလောမှာက ၁၂ တပ်၊ တနင်္သာရီမှာက ၅ တပ် အဲ့ဒါပဲရှိတယ်"

မြိတ်ခရိုင်အတွင်းမှာပါတဲ့ မြိတ်၊ ပုလော ၊ တနင်္သာရီနဲ့ ကျွန်းစုမြို့နယ်တွေမှာ တပ်ရင်းပေါင်း ၄၅ ရင်း ရှိပါတယ်။

တပ်မတော်သားတွေအတွက် တပ်မဲရုံတွေကို စီစဉ်ပေးမှာဖြစ်ပြီး တနင်္သာရီမှာရှိတဲ့ တပ်မတော်သားတွေက နီးစပ်ရာကျေးရွာတွေမှာ မဲထည့်ရကြမယ်လို့ ရွေးကောက်ပွဲ အရာရှိက ပြောပါတယ်။

တပ်မတော်အတွင်းက မဲရုံတွေမှာ ပါတီတွေက ကိုယ်စားလှယ်တွေ၊ သတင်းသမားတွေနဲ့ ရွေးကောက်ပွဲစောင့် ကြည့်သူတွေပါ ဝင်ရောက်ကြည့်ရှုနိုင်မှာဖြစ်ပြီး တပ်မတော်သားတွေ ကြိုတင်မဲပေးမယ်ဆိုရင် ပုံစံ ၁၅ နဲ့ လျောက်ထားရမှာဖြစ်ပါတယ်။

မြိတ်ခရိုင်မှာ မဲရုံပေါင်း ၅၈၈ ရုံရှိပြီး မဲပေးခွင့်ရှိသူ ၃ သိန်း ၇ သောင်းနီးပါးရှိတယ်လို့ သိရပါတယ်။

RFA

မြန်မာ့ငြိမ်းချမ်းရေး စင်တာမှာ ကျင်းပတဲ့ အပြည်ပြည်ဆိုင်ရာ ငြိမ်းချမ်းရေးနေ့ အခမ်းအနားကို တက်ရောက်သော ပြည်ထောင်စု ဝန်ကြီးဦးအောင်မင်းနဲ့ ဧည့်ပရိသတ်များကို တွေ့ရစဉ်။ (ဓာတ်ပုံ-ဦးညိုအုန်းမြင့်)
 မြန်မာနိုင်ငံမှာ တိုင်းရင်းသားတွေနဲ့ ဖြစ်နေတဲ့ ငြိမ်းချမ်းရေးပြဿနာကို အဓိကထား မဖြေရှင်းဘူးဆိုရင် ပြည်သူအများ မျှော်လင့်နေတဲ့ အပြောင်းအလဲ တွေဟာ ရေရှည်ခံမှာ မဟုတ်ဘူးလို့ စက်တင်ဘာလ ၂၁ ရက်နေ့မှာ ကျရောက်တဲ့ အပြည်ပြည်ဆိုင်ရာ ငြိမ်းချမ်းရေးနေ့မှာ တိုင်းရင်းသားတွေက ထုတ်ဖေါ်ပြောဆို လိုက်ကြပါတယ်။ အပြည့်အစုံကို ကိုဉာဏ်ဝင်းအောင်က စုစည်းတင်ပြထားပါတယ်။

၂၀၁၅ ရွေးကောက်ပွဲအလွန်ကာလ မြန်မာနိုင်ငံမှာ အပြောင်းအလဲတွေ ဖြစ်လာဖို့ကို လူအများစုက မျှော်လင့်တောင့်တနေကြပေမယ့် တိုင်းရင်းသား လက်နက်ကိုင်တပ်ဖွဲ့တွေနဲ့ဖြစ်နေတဲ့ ပဋိပက္ခတွေကို အဓိကထား မဖြေရှင်းဘူးဆိုရင် ပြည်သူတွေမျှော်လင့်နေတဲ့ အပြောင်းအလဲဟာ တည်မြဲနိုင်မှာ မဟုတ်ဘူးလို့ ရှမ်းတိုင်းရင်းသားများ ဒီမိုကရေစီအဖွဲ့ချုပ် SNLD ပါတီပြောခွင့်ရသူ ဦးစိုင်းလိတ်က ပြောပါတယ်။

“မြန်မာနိုင်ငံရဲ့ငြိမ်းချမ်းရေးကိုကြည့်မယ်ဆိုရင် တိုင်းရင်းသားတွေရဲ့ပြဿနာက အဓိကဖြေရှင်းရမယ့် ကိစ္စတစ်ခု ဖြစ်တယ်။ တိုင်းရင်းသားတွေနဲ့ ဖြစ်နေတဲ့ ပြဿနာကို အခြေခံကျကျ မဖြေရှင်းဘဲနဲ့ အားလုံးမျှော်လင့်တဲ့ အပြောင်းအလဲ ဆိုတဲ့ကိစ္စကိုလည်း ကျနော်တို့ မျှော်မှန်းလို့မရသလို ငြိမ်းချမ်းရေးဆိုတဲ့ ကိစ္စကိုလည်းပဲ ကျနော်တို့ မျှော်လင့်လို့ မရဘူး ပေါ့နော်။ တိုင်းရင်းသားအချင်းချင်း အမျိုးသားပြန်လည်ရင်ကြားစေ့ရေးကို မဖြစ်မနေဖော်ဆောင်ရပါမယ်။ အဲဒါမှသာလျှင် စစ်မှန်တဲ့ငြိမ်းချမ်းရေးကို ရရှိမှာပါ။”

စက်တင်ဘာလ ၂၁ ရက် ဒီကနေ့မှာကျရောက်တဲ့ အပြည်ပြည်ဆိုင်ရာ ငြိမ်းချမ်းရေးနေ့မှာ သူက ခုလို ပြောခဲ့တာပါ။ မြန်မာအစိုးရဟာ တိုင်းရင်းသား လက်နက်ကိုင်တပ်ဖွဲ့တွေနဲ့ တနိုင်ငံလုံး အတိုင်းအတာဆောင်တဲ့ အပစ်အခတ်ရပ်စဲရေးကို လုပ်ဆောင်နေပေမယ့်လည်း ခုချိန်ထိ အဆင်ပြေချောမွေ့မှု မရှိသေးပါဘူး။ ကရင်ပြည်နယ်မှာဆိုရင် ပြီးခဲ့တဲ့ ၃ လ လောက်အတွင်း အစိုးရတပ်တွေ တိုးချဲ့ချလာတာကြောင့် ကရင်ဒေသခံတွေ စိတ်လုံခြုံမှု မရှိကြဘူး လို့ ဒေသခံတွေက ပြောပါတယ်။ ခိုင်မာတဲ့ အပစ်အခတ် ရပ်စဲနိုင်ပြီး အစိုးရတပ်တွေ ပြန်ဆုတ်သွားမှသာ ကရင်ဒေသခံတွေ ငြိမ်းချမ်းတဲ့ အခြေအနေကို ရောက်လာမယ်လို့ နိုင်ငံတကာရောက် ကရင်တိုင်းရင်းသားအစည်းအရုံး IKO ရဲ့ အထွေထွေ အတွင်းရေးမှူး မိုင်းရာဒါကပေါက ပြောပါတယ်။

“ကျမတို့ကရင်ဘက်မှာဆိုရင် မြေတွေဘာတွေ အသိမ်းခံရတာလည်း ရှိတယ်။ ဗမာစစ်သားတွေနဲ့ သူတို့မိသားစုတွေနဲ့ ထွက်လာပြီးမှ ကျမတို့ရွာ အဟောင်းတွေမှာ လာနေနေကြတယ်။ ပြီးတော့ အခုပြောတာ အပစ်အခတ်ရပ်စဲရေးလို့ ပြောတယ်။ ဒါပေမယ့် ကရင်ပြည်နယ်မှာဆိုရင်တော့ လွန်ခဲ့တဲ့ နှစ်နှစ်၊ သုံးနှစ်အတွင်းမှာ အခု ဗမာစစ်တပ်ပေါ့ အနည်းဆုံး ၁၄ ခုတော့ သူတို့လာဆောက်ထားတယ်။ ပြီးတော့ အဲဒီစစ်တပ်တွေက ရွာသူ ရွာသားတွေ သွားလာတဲ့အချိန် သူတို့ အစစ်ခံရတာ…ဘာနဲ့ အဲဒီလိုပဲ ရှိနေတုန်းပဲ။ အဲဒါကြောင့် အဲဒီ ငြိမ်းချမ်းရေးရဖို့က စစချင်း အပစ်အခတ်ရပ်စဲရေး ရှိကို ရှိရမယ်။ နောက်တချက်ကတော့ ….ရှိသမျှ ဗမာစစ်သားတွေ သူတို့နေရာ တဖြည်းဖြည်း ပြန်သွားရမယ်။”

တိုင်းရင်းသားဒေသတွေမှာ တိုက်ပွဲတွေ ရပ်သွားတော့မှ ဒေသခံတွေအတွက် ငြိမ်းချမ်းရေးရလာနိုင်သလို ဒီမိုကရေစီ ပြောင်းလဲရေး လုပ်ငန်းစဉ်တွေ အောင်မြင်နိုင်မှာဖြစ်တယ်လို့ သုံးသပ်သူကတော့ ဝါရှင်တန်ဒီစီအခြေစိုက် ကချင် မဟာမိတ်အဖွဲ့ရဲ့ ဥက္ကဋ္ဌကိုဂွမ်ဆမ်ပဲဖြစ်ပါတယ်။

“အခု လက်ရှိ ပကတိအခြေအနေမှာက အကုန်လုံး တနိုင်ငံလုံးငြိမ်းချမ်းရေးရရှိမှပဲ ပွင့်လင်းမြင်သာတဲ့အစိုးရ ပေါ်ပေါက်လာနိုင်တာပေါ့နော်။ တနိုင်ငံလုံး လွှမ်းခြုံတဲ့ငြိမ်းချမ်းရေးသာ မရှိဘူးဆိုရင်ကတော့ ကျနော်တို့ရည်မှန်းထားတဲ့ ငြိမ်းချမ်းရေးကတော့ ကျနော်တို့မရနိုင်ဘူး။ အကယ်၍ တနေရာရာမှာသာ တိုက်ခိုက်မှု ရှိနေမယ်ဆိုရင်ကတော့ လူ့အခွင့်အရေးချိုးဖောက်မှုတွေလည်း ရှိနေဆဲပဲဖြစ်မှာပဲ။ အဲလိုပဲ ဒီမိုကရေစီပြုပြင်ပြောင်းလဲမှုအတွက်ကြောင့် ထိခိုက်မှုဖြစ်လာပါလိမ့်မယ်။ ကျနော်တို့လူတွေအားလုံးကတော့ စစ်မှန်တဲ့ ငြိမ်းချမ်းရေးကိုပဲ လိုလားနေကြတာပေါ့နော်။ တခါပြန်ပြီးမှ ပြန်တိုက်တာမျိုး ကတော့ ဘယ်သူမှ မလိုချင်ကြဘူး။”

အစိုးရဘက်ကလည်း တနိုင်ငံလုံးအတိုင်းအတာဆောင်တဲ့ အပစ်ခတ်ငြိမ်းချမ်းရေး NCA စာချုပ်ကို အားလုံးပါဝင် လက်မှတ်ရေးထိုးရေးဆိုတာထက် ထိုးနိုင်တဲ့အဖွဲ့တွေကိုသာ အလောတကြီး ဖိတ်ခေါ်နေတာဟာ မိမိအာဏာတည်မြဲရေး လုပ်ဆောင်ဖို့ ကြိုးပမ်းနေသလိုဖြစ်နေတယ်လို့ ဦးစိုင်းလိတ်က သုံးသပ်ပါတယ်။

“အခု NCA နဲ့ပတ်သက်ပြီးလုပ်နေတဲ့ကိစ္စတွေကို အဓိကထားပြီး ပြောရရင် NCA ကို အချိန်ဆွဲပြီးလုပ်နေသလို - ဥပမာ NCA ကို သူတို့ အခုနောက်ဆုံး လက်မှတ်ထိုးဖို့ အစည်းအဝေးခေါ်တာတောင်မှ အောက်တိုဘာလထဲမှာမှ အဆင်ပြေမယ်လို့ တိုင်းရင်းသားအဖွဲ့တော်တော်များများ တောင်းဆိုပေမယ့်လို့ အစိုးရအဖွဲ့က ဖုတ်ပူမီးတိုက်ကို လုပ်ချင်နေတာတွေ့ရတယ်။ လက်မှတ်ထိုးဖို့ကိုပဲ ဦးတည်နေတာတွေ့ရတယ်။ ဒါကလည်းပဲ ကိုယ့်ရဲ့လိုဘ အာဏာ ရရှိရေးကို ပိုပြီးဇောင်းပေးသလို လုပ်နေတဲ့အတွက်ကြောင့်မို့လို့ အစိုးရရဲ့လုပ်ရပ်ကိုလည်း အပြည့်အဝ ဘယ်လိုမှ ယုံကြည်လို့မရပါဘူးခင်ဗျ။”

မြန်မာအစိုးရဝန်ကြီးဦးအောင်မင်းဦးဆောင်တဲ့အဖွဲ့ကတော့ အပြည်ပြည်ဆိုင်ရာ ငြိမ်းချမ်းရေးနေ့ အခမ်းအနားတရပ်ကို မနေ့တုန်းက MPC ငြိမ်ချမ်းရေး စင်တာမှာ ကျင်းပခဲ့တာမှာ အပစ်ရပ်ရေးဆိုင်ရာ တိုင်းရင်းသား အဆင့်မြင့် ကိုယ်စားလှယ် အဖွဲ့တွေ တက်ရောက်ခဲ့ပါတယ်။

ကိုဉာဏ်ဝင်းအောင် / ဗွီအိုအေ (မြန်မာပိုင်း)
http://burmese.voanews.com

ဂျာမနီကိုရောက်နေတဲ့ အမေရိကန်နိုင်ငံခြားရေးဝန်ကြီး ဂျွန်ကယ်ရီက ဆီးရီးယား စစ်ဘေးဒုက္ခသည်တွေနဲ့ တွေ့ဆုံစဉ်။ (စက်တင်ဘာ ၂၀၊ ၂၀၁၅)
 ဥရောပမှာ ဒုတိယကမ္ဘာစစ်ကြီး ပြီးကတည်းက အကြီးမားဆုံးဖြစ်တဲ့ ရွှေ့ပြောင်း ဒုက္ခသည် အစုလိုက်အပြုံလိုက် ရောက်လာနေတဲ့ ပြဿနာကို ရင်ဆိုင် ဖြေရှင်းနေချိန်မှာ သမ္မတအိုဘားမား အစိုးရအနေနဲ့ အမေရိကန်ပြည်ထောင်စုမှာ လာရောက်အခြေချမယ့် ဒုက္ခသည်ဦးရေကို လာမယ့် ၂၀၁၇ ခုနှစ်မှာ တနှစ်ကို တသိန်းအထိ တိုးမြှင့်ခွင့်ပြုမယ်လို့ အမေရိကန်နိုင်ငံခြားရေးဝန်ကြီး ဂျွန်ကယ်ရီက ပြောကြားလိုက်ပါတယ်။

ဒါ့အပြင် ဆီးရီးယားပြည်တွင်းစစ်ကနေ ထွက်ပြေးလာတဲ့ဒုက္ခသည်အများစုဖြစ်တဲ့ နောက်ထပ် ဒုက္ခသည်ဦးရေ ၇,၀၀၀ ဟာ တနင်္ဂနွေနေ့မှာ ဗီယက်နာ မြို့တော်အရှေ့ဘက်က အဓိကနယ်စပ်လမ်းကနေ ရောက်လာဖို့ရှိတယ်လို့ မျှော်လင့်ထားကြောင်း Austria အာဏာပိုင်တွေက ပြောပါတယ်။

အမေရိကန်အစိုးရရဲ့အခုလိုဆုံးဖြတ်ချက်ဟာ “ဒုတိယမြောက်အခွင့်အရေးနဲ့ မျှော်လင့်ချက်အပြည့်ရှိနေတဲ့ တိုင်းပြည်” ဆိုတဲ့ အမေရိကန်ပြည်ထောင်စုရဲ့ အကောင်းဆုံးအစဉ်အလာအရဖြစ်တယ်လို့ ဂျာမနီနိုင်ငံ၊ ဘာလင်မြို့တော်ကိုရောက်နေတဲ့ နိုင်ငံခြားရေးဝန်ကြီး ဂျွန်ကယ်ရီက တနင်္ဂနွေနေ့က ပြောခဲ့ပါတယ်။

အမေရိကန်ပြည်ထောင်စုရဲ့ ဒုက္ခသည်ဆိုင်ရာပြည်ဝင်ခွင့်ဗီဇာအပေါ်ကန့်သတ်ချက်အရ တနှစ်ကို ၇၀,၀၀၀ ထိသတ်မှတ်ထားပေမဲ့ အစီအစဉ်သစ်အရ ၂၀၁၆ ခုနှစ်မှာ ၈၅,၀၀၀ ဦးရေ ထိတိုးမြှင့်သွားမှာဖြစ်သလို ၂၀၁၇ ခုနှစ်မှာတော့ ဒုက္ခသည်ဦးရေ တသိန်းအထိ လက်ခံမှာဖြစ်ပါတယ်။ ဒါ့အပြင် အမေရိကန်အစိုးရအနေနဲ့ လာမယ့်နှစ်တွေမှာလည်း တသိန်းထက်ပိုပြီး သတ်မှတ်လက်ခံဖို့ အားပေးတဲ့နည်းလမ်းတွေကို ရှာဖွေနေတယ်လို့ ဝန်ကြီးကယ်ရီက ပြောပါတယ်။

တနင်္ဂနွေအစောပိုင်းမှာတော့ ဟန်ဂေရီနိုင်ငံကနေ သြစတြီးယားနိုင်ငံထဲ ၂၄ နာရီအတွင်း နယ်စပ်ကျော်ဖြတ် ဝင်ရောက်လာတဲ့ ရွှေ့ပြောင်းဒုက္ခသည်ဦးရေ (၁၁,၀၀၀) ရှိတယ်လို့ သြစတြီးယားအစိုးရကပြောပါတယ်။ ဒါ့အပြင် ဆီးရီးယားပြည်တွင်းစစ်ကနေ ထွက်ပြေးလာတဲ့ဒုက္ခသည်အများစုထဲက နောက်ထပ် ဒုက္ခသည်ဦးရေ (၇,၀၀၀) ဟာ တနင်္ဂနွေနေ့မှာ ဗီယက်နာမြို့တော်အရှေ့ဘက်ကို ဖြတ်ကျော် ဝင်ရောက်လာဖို့ရှိတယ်လို့လည်း သြစတြီးယား အာဏာပိုင်တွေက ပြောပါတယ်။

ရွှေ့ပြောင်းဒုက္ခသည်အများစုဟာ Balkans ဒေသကနေ အနောက်ဥရောပနိုင်ငံတွေစီကို ခက်ခဲပင်ပန်းတဲ့ခရီးကို ဖြတ်ကျော်ခဲ့ရတာပါ။ ပြီးခဲ့တဲ့ လေးရက်အတွင်း သူ့နိုင်ငံပိုင်နက်ထဲကို ဝင်ရောက်လာတဲ့ ဒုက္ခသည် (၂၁,၀၀၀) ရှိတယ်လို့ Croatia နိုင်ငံကပြောပါတယ်။

ဗွီအိုအေ (မြန်မာဌာန)
http://burmese.voanews.com

black-ribbon-620.jpg အနက်ရောင်ဖဲကြိုးလှုပ်ရှားမှု သတင်းစာရှင်းလင်းပွဲကို စက်တင်ဘာလ ၂၀ ရက်နေ့က ရန်ကုန်မြို့ ဒဂုံမြို့နယ်က မင်းကွန်းတိပိဋကတ်ကျောင်းတိုက်မှာပြုလုပ်နေစဉ်

ကျန်းမာရေးဝန်ကြီးဌာနကို တပ်မတော်အရာရှိတွေက ဝင်ရောက်တာဝန်ထမ်းဆောင် တာကို ကန့်ကွက်တဲ့ အနက်ရောင်ဖဲကြိုးလှုပ်ရှားမှုတွေကို တစ်ပြည်လုံး အတိုင်းအတာနဲ့ ဆက်လက် လုပ်ဆောင်သွားမယ်လို့ ကျန်းမာရေးဝန်ကြီးဌာနက ဆရာဝန်တွေက ပြောပါတယ်။

ဒီကနေ့ ရန်ကုန်မြို့ ဒဂုံမြို့နယ်က မင်းကွန်းတိပိဋကတ်ကျောင်းတိုက်မှာပြုလုပ်တဲ့ သတင်းစာရှင်းလင်းပွဲမှာ အနက်ရောင်ဖဲကြိုးလှုပ်ရှားမှုမှာ ဦးဆောင်ပါဝင် တဲ့ မော်လမြိုင်ကျွန်းမြို့ ဆေးရုံကြီးက ခွဲစိတ်ဆရာဝန်ဒေါက် တာ ကျော်ဆန်းသင်းက ပြောပါတယ်။

"ကျနော်တို့ရဲ့အခုရည်မှန်းချက်၊ ရှေ့ဆက်လုပ်မယ့်လမ်းစဉ်အကုန်လုံးကို ကျနော်တို့က ချပြသွားမှာပါ၊ ကန့်ကွက်တဲ့အကြောင်းကိုတော့ ဆက်လက်ပြီးတင်ပြသွား ဖို့ရှိပါတယ်၊ မြန်မာပြည်တပြည်လုံးမှာ ရသမျှရက်ပိုင်းအတွင်းမှာ လက်မှတ် ၃ ထောင်ကျော် ကောက်ပြီးမှာတော့ နိုင်ငံတော်သမ္မတ၊ ကာကွယ်ရေးဦးစီးချုပ်၊ လွှတ်တော်ဥက္ကဌ၊ တရားဥပဒေစိုးမိုးရေးဥက္ကဌ၊ ကျနော်တို့အားလုံးက ဦးဆောင်တဲ့သူတွေရယ်၊ ကျနော်တို့ပို့ထားပြီးပါပြီ၊ စက်တင်ဘာလဆန်းပိုင်း ကပို့ထားပါတယ်"

လက်ရှိမှာ တပ်မတော်အရာရှိ ၁၇ ဦးဟာ ရန်ကုန်ဆေးရုံကြီး၊ နေပြည်တော်နဲ့ မန္တလေးဆေးရုံကြီးတွေမှာ အုပ်ချုပ်ရေးနဲ့ ကုသရေးပိုင်းဆိုင်ရာတွေမှာ ဝင်ရောက် တာဝန်ထမ်းဆောင်နေကြတယ်လို့ ပြောပါတယ်။

လက်ရှိတာဝန်ထမ်းဆောင်နေတဲ့ တပ်မတော်အရာရှိတွေကို တာဝန်ကနေ ပြန်ရုတ်သိမ်းပေးဖို့နဲ့ နောက်ထပ် လည်းခန့်အပ်တာဝန်မပေးဖို့အတွက် နိုင်ငံတော် သမ္မတ၊ ကာကွယ်ရေးဦးစီးချုပ်၊ လွှတ်တော်ဥက္ကဌ နှစ်ဦးတို့ဆီ ကို တစ်ပြည်လုံးက ကျန်းမာရေးဝန်ထမ်း ၃၀၀၀ (သုံးထောင်) လောက်ရဲ့ လက်မှတ်တွေ နဲ့ ပေးပို့ထားတယ်လို့ သိရပါတယ်။

အနက်ရောင်ဖဲကြိုးလှုပ်ရှားမှုမှာ ဆရာဝန်တွေအပြင် သူနာပြုဆရာမတွေလည်း ပါဝင်ကြတယ်လို့ သိရပါတယ်

RFA
http://www.rfa.org/burmese/news/black-ribbon-campaign-09202015121642.htmlhttp://www.rfa.org/burmese/news/black-ribbon-campaign-09202015121642.html

တရုတ်အင်ဂျင် အသေးလေးတပ်၍ မြစ်ရေကိုဆန်ကာ မောင်းနှင်လာသည့် ကျွန်း လှေကလေးက ဧရာဝတီမြစ်နှင့် န၀င်းချောင်းဝ အလယ်တွင် ရုတ်တရက် စက်ရပ်သွားကာ ရေစီးရာသို့ ဦးလှည့်မလို ယိမ်းထိုးသွားသည်။ လှေဦးမှ အမျိုးသားတစ်ဦးက လှော်တက်ကို ထုတ်ကာ အလိုက်သင့်လေး ခတ်နေသော် လည်း လှေပေါ်တွင် ပါလာသည့် ၀ိတ်ကိုနိုင်အောင် မလှော်နိုင်သလို ရေစီးကလည်း သန်လှသည်။ စက်မောင်းသမားက အင်ဂျင်ကို အကြိမ်ပေါင်းမနည်း နိုးကြည့်နေသည်။ မည်သို့မှ နှိုးမရ။ စိတ်မရှည်စွာ ဆဲဆို တိုင်းထွာလိုက်ရင်း ဆီတိုင်ကီကို ဖွင့်ကြည့်လိုက်တော့ ဆီကုန်နေသည်ကို သိလိုက်ရသည်။ လှေပေါ်တွင် ပါလာသူများ နည်းနည်းများသွားပြီး တစ်ယောက်တစ်ပေါက် တီးတိုးစကားများ ပွက်လာသည်။ လှေကလေးက ရေစီးကို ဆန်တက်နိုင်ရန် အားကုန်ကြိုးစားနေသည်။ လှေပေါ်တွင်တော့ အသက် ၁၀ နှစ်အောက်အထက် မူလတန်း ကျောင်းသားကလေးငယ် ၂၀ နီးပါး လိုက်ပါသည်။ အချိန်က ညနေ ကျောင်းဆင်းချိန် ဖြစ်ပြီး မိုးကဖွဲဖွဲလေး ရွာနေသည်။
ပဲခူးတိုင်း အနောက်ပိုင်းဒေသကြီး၊ ပြည်ခရိုင်ရှိ ပြည်မြို့နယ်၊ ပန်းတောင်းမြို့နယ်၊ ရွှေတောင် မြို့နယ်များတွင် ပထမအကြိမ် ရေကြီးရေလျှံမှု အဖြစ် ဇူလိုင်လကုန်မှ သြဂုတ် လလယ်အထိ ဖြစ်ပွားခဲ့ပြီး၊ ဒုတိယအကြိမ် ရေကြီးရေလျှံမှု များအဖြစ် စက်တင်ဘာလ ၉ ရက်မှစကာ ယနေ့အချိန်ထိ ဖြစ်ပွားလျက်ရှိကာ ရေသိသိသာသာ ကျဆင်းသွားခြင်း မရှိဘဲ တန့်နေသည်အတွက် လမ်းပန်းဆက်သွယ် ဒုက္ခအများ ရင်ဆိုင် ကြုံတွေ့နေရသည် မှာ နံနက်မျက်စိ ဖွင့်လိုက်သည့်အချိန်မှ အိပ်ရာထဲ ရောက်သည်အထိပင်။ မည်မျှပင် ဒုက္ခ ရောက်ရသလဲဆိုလျှင် ရေနစ်မြုပ်နေသည့် မြို့စွန်ရပ်ကွက်၊ ကျေးရွာများတွင် အိမ်ထဲမှ မရိုသေ့ စကားပြောရလျှင် အပေါ့အလေး သွားရာမှာပင် လမ်းခရီး အခက်အခဲရှိနေသည်။

ပြည်မြို့နယ် န၀င်းချောင်းတဖက်မှ ဒေသခံ ကျောင်းသားလေးများ မြို့ပေါ်ကျောင်းများသို့ စာသင်လာကြနေစဉ်
ပထမအကြိမ် ရေကြီးနစ်မြှပ်မှုတွင် အခြေခံ မူလတန်း ကျောင်းအတော်များများ ပိတ်လိုက်ရသည်။ မပိတ်သည့် ကျောင်းများတွင်လည်း ကျောင်းသား ကလေးငယ်များ ကျောင်းတက် ရသည့်အခါ သွားလာရေး အခက်အခဲ ဖြစ်ပေါ်ခဲ့သည်မှာ ပြန်လည် အသားကျကာစပင် ရှိသေးသည် ဒုတိယအကြိမ် ရေပြန်တက်လာပြန်တော့သည်။

ဒုတိယအကြိမ် ရေပြန်တက်လာအခါတွင်တော့ ပထမအကြိမ်လို မဟုတ်တော့ မြို့ပေါ် စာသင်ကျောင်းများ ရေနစ်မြုပ်မှု မရှိတော့သည့်အတွက် ကျောင်းများ မပိတ်တော့ပေ သို့အတွက် ဝေးလံခေါင်သီသည့် ကျေးရွာ များမှ လာရောက် စာသင်ကြားရသည့် ကလေးများအတွက် ဒုက္ခများခဲ့ရတော့သည်။ ကလေးငယ်များ နေထိုင်သည့် ရွာများတွင်တော့ ယခုအချိန်ထိကို ရေကဖုံးလွှမ်းလျက်ပင် ရှိသေးသလို ရွာမှ မြို့ကျောင်းများသို့ သွားရောက် စာသင်ကြားရမည့် ခရီးလမ်းများတွင် ရှိသည့် လမ်း၊ တံတားများ ရေမြုပ်နေသလို ချောင်း မြောင်း မြစ်များကလည်း ရေများပြည့်လျှံ ဖြိုးမောက်နေပေသည်။
“တစ်နေ့ကို ကလေး၊ ဆရာ၊ ဆရာမ တွေကို ကျောင်းသွားဖို့ လှေနဲ့ ၁၀ ခေါက်ထက်မနည်း ပို့ပေးရတယ်။ အဓိက မဖြစ်မနေ ဖြတ်ရတဲ့ န၀င်းချောင်းတံတားက ရေမြုပ်နေတော့ ချောင်းထဲကနေပဲ စက်တပ်လှေ ငယ်လေးနဲ့ ပို့ပေးရတယ်။ ကျောင်းပြန်လည်း အဲလိုပဲ။ သူတို့တွေအတွက် အဓိကထားပြီး တစ်ယောက်မကျန် စောင့်ခေါ်ပြီး အကုန်ရောက်သွားပြီဆိုမှ လှေသိမ်းတယ်” ဟု ပြည်မြို့၊ ချောင်းနားတန်းမှ  ဒုတိယအကြိမ် ရေကြီးမှုတွင် အခမဲ့ လိုက်လံပို့ဆောင်ပေးနေသည့် လူငယ်များ အဖွဲ့များထဲက ကိုကျော်လတ်က ပြောပြခဲ့သည်။
ထိုအဖွဲ့တွင် လူငယ်လူလတ် ရှစ်ယောက်ထက် မနည်းရှိကာ မိုးမေတ္တာ နာရေးကူညီမှု အသင်းမှ ဖိုက်ဘာ စက်တပ်လှေတစ်စင်း၊ ကရုဏာ လက်များကွန်ရက်မှ ဖိုက်ဘာ စက်တပ်လှေ တစ်စင်းဖြင့် ရေစတင် တက်လာ သည့် စက်တင်ဘာ ၉ ရက်မှစကာ ယနေ့အချိန်ထိ န၀င်းချောင်းကို ဖြတ်၍ တစ်နေ့ကို ခေါက်တုန့် ခေါက်ပြန် အကြိမ်ရေ ၂၀ ထက်မနည်း အခမဲ့ ပို့ဆောင်ပေးနေသည့်သူများ ဖြစ်သည်။
ထိုပရဟိတအလုပ်ကို ကိုယ်ကျိုးမဖက် လုပ်ဆောင်နေသူများကို နောင်အလျဉ်းသင့်လျှင် သီးသန့် ရေးပြချင်ပါသေးသည်။

ပြည်မြို့နယ်အတွင်း ပါဝင်ပြီး န၀င်းချောင်း တစ်ဖက်တွင်ရှိသည့် ဖိုးခေါင်၊ ချောင်းနားတန်း၊ အနောက် လက်ခုပ်ပင်၊ မြရွာ ကျေးရွာများတွင် မူလတန်း ကျောင်းလေးများ ရှိသော်လည်း အလယ်တန်း အဆင့်နှင့် အထက်တန်း အဆင့်များကို ပြည်မြို့ပေါ်တွင် တက်ရောက် သင်ယူကြရသည်။ အချို့ မူလတန်း ကလေးများကလည်း မြို့ပေါ်တွင် တက်ရောက်သည်များ ရှိသည့်အတွက် သာမန်အခြေအနေတွင် န၀င်းချောင်းတံတားကို စက်ဘီး၊ ဆိုင်ကယ်တို့ဖြင့် ဖြတ်ကာ ကုန်းလမ်းတစ်လျှောက် လုံး သွားလာနိုင်သော်လည်း ရေကြီးရေလျှံမှုများ ဖြစ်ပေါ်ချိန်တွင် ယင်းလမ်းတစ်လျှောက်လုံး ရေဖုံးနေသလို၊ တံတားမှာလည်း ရေအောက် ရောက်သွားတတ်ရာ ကျောင်းသို့သွားရန် မိမိတို့ရွာအိမ်မှ ထွက်ကတည်းက လှေဖြင့် ထွက်ခဲ့ပြီး န၀င်းချောင်းတံတားတွင် အခမဲ့ ပို့ဆောင်ပေးနေသည့် စက်တပ်လှေများပေါ်ကို တစ်ဆင့် ပြောင်းတက်ကာ ဆက်လက်ခရီး ထွက်ကြရသည်။

ရေတက်နေချိန်များတွင် သတင်းရယူနှင့် သတင်းဓာတ်ပုံရိုက်ယူရန် ယင်းကျေးရွာများနှင့် ကလေးများ ကျောင်းတက်သွားရာ တစ်လျှောက်လိုက်လံ ကြည့်ရှုခဲ့ရသည့် အကြိမ်မနည်း ရှိခဲ့ရာ ကလေးများ၏ ပညာသင်သွားရာ ခရီးလမ်းမှာ ခက်ခဲကြမ်းတမ်း နေသလို အသက်ကို ရင်းထားရသည် ဆိုသည်ကို ကျွန် တော် မြင်တွေ့ကြားသိခဲ့ရသည်။ အဘယ်ကြောင့်ဆိုသော် ရေအဆုံး ကုန်းတစ်ဝက်ဆိုသည့် မြန်မာစကားပုံ ရှိခဲ့သည်မဟုတ်လား။
စက်တပ်ဖိုက်ဘာ လှေငယ်တစ်စင်းလျှင် စက်မောင်းနှင့် အကူသုံးယောက်မှ လေးယောက်ထိ ပါတတ်ပြီး ကျောင်းသား ကျောင်းသူ ကလေးငယ် ၁၅ ဦးမှ ၂၀ ထိ လိုက်ပါတတ်သည်။ ချောင်းဖြတ်ခရီးမှာ သိပ်အလှမ်းမဝေးသလို အခမဲ့ ပို့ပေးနေသူများ၏ ရေလမ်းနှင့် စက်မောင်း ကျွမ်းကျင်မှုမှာ သံသယ ရှိစရာမလို သော်လည်း မြစ်ဖြတ်ခရီးများ၊ စက်ပစ္စည်းများ၏ ချို့ယွင်းမှုများ ထင်မှတ်မထားသည့် ရုတ်တရက် အန္တရာယ်များအတွက်တော့ ကျွန်တော်တို့တွင် ကြိုတင် ပြင်ဆင်ထားနိုင်မှု လုံခြုံစိတ်ချခွင့်၊ အာမခံများကတော့ အားနည်းနေဆဲ။

ရေနားနီးသည့် ကလေးများ ဖြစ်သည့်အတွက် ရေကူးတတ်ပါသည်ဟု ပြောလျှင်လည်း စိတ်ဖြေစရာရှိနိုင်ပါသည်။ သို့သော်၊ ရေစီးသန်သည့်ချောင်း၊ မြစ်များအတွင်း ရေတက်နေသည့် အချိန်များတွင် ကျွန်တော်တို့ အန္တရာယ်ကို ကြိုတင်တွေးထားရမည်၊ ကလေးများ မည်မျှကူးခပ် နိုင်မည်လည်း၊ ကလေးများတွင် ရေလမ်းခရီး ဖြတ်သန်းရာတွင် သုံးသည့် အသက်ကယ် အင်္ကျီများ မရှိကြချေ။ လှေများတွင် အရေးပေါ် ဘောကွင်းများ မရှိကြချေ။ ချွတ်ချော်မှုများ ဖြစ်သွားခဲ့သည်ဆိုသော်….။

အရေးပေါ်အခြေနေများတွင် ကျွန်တော်တို့ နိုင်ငံသားများအတွက် ကြိုတင်စီမံထားမှု လုံခြုံစိတ်ချခွင့်နှင့် အဆင်ပြေ ချောမွေ့ မှုများ မရှိခဲ့ပါချေ။ ဘယ်သောအခါမှ ရောက်လာမည် ဆိုသည်ကိုလည်း မှန်းဆကြည့်၍ မ ရသေးချေ။ အဟောသိကံ ဘ၀များအဖြစ် ကလေးများမှ လူကြီးများထိ တိရစ္ဆာန်လေးများပါ။ တွေးတတ်လျှင် ရင်နာဖို့ ကောင်းသလို ရှက်ဖွယ်လည်း ဖြစ်နေသည်။ အစိုးရ တစ်ရပ်အနေဖြင့် ပြည်သူလူထုအပေါ် တာဝန်ယူမှု တာဝန်ခံစိတ် နည်းပါးလှသည်။ တိုင်းခရိုင် မြို့ရွာများအတွက် သက်ဆိုင်ရာ အုပ်ချုပ်ရေး အဖွဲ့အစည်းများ တာဝန်ယူမှု နည်းပါးသည်။ မျက်နှာလွှဲခဲပစ် လုပ်နေကြသည်။ မသိကျိုးကျွန် လုပ်နေကြသည်။

ကြိုတင်ပြင်ဆင်ထားခွင်မရှိသည့် မလုပ်နိုင်ကြသည့် အခက်အခဲ ပြဿနာများ အတွက် ဖြစ်ပျက်သွားခဲ့ပြီးမှသာ ၀မ်းနည်းတသ စုတ်သပ် ကြေကွဲနေရသည်မှာ များလှပါပြီ။ ထိုအခြေအနေများကို ကျွန်တော်တို့ မလိုချင် တော့ပါ။ ထို့အတူ ယခုလို ရေလမ်းခရီးများကို ဖြတ်ကာ သွားလာနေရသည့် ကျောင်းသား ကလေးများကိုလည်း မကြုံတွေ့စေလိုပါ။ ထိုကလေးငယ်များကို တာဝန်ရှိသူများအနေဖြင့် မိမိတို့၏ သားသမီး မောင်နှမလေးများသဖွယ် ခံစား စာနာပေးဖို့ လိုသည်။ အစီအမံများ လုပ်ပေးရမည်။ ပရဟိတအဖွဲ့များ လုပ်ဆောင်ပေးနေရုံဖြင့် လုံလောက်ပြီ ပြီးပြည့်စုံပြီဟု ပြောဆို ဂုဏ်ယူနေ၍မရပါ။

အနာဂတ် နိုင်ငံတော်အတွက် ရင်သွေးလေးများ အရေးကြီးသည်။ ပညာရေးဖြင့် ခေတ်မီဖွံ့ဖြိုးတိုးတက်သော နိုင်ငံတော်သစ် အတွက်ဆိုလျှင် ပညာသင်ကြားနေသည့် ကလေးများအတွက် ဘက်ပေါင်းစုံက စဉ်းစား ပေးမှသာ ရည်မှန်းထားသည့် ဆောင်ပုဒ်များ အမှန်တကယ် ဖြစ်လာနိုင်မည်။ အခမဲ့ပညာ သင်ကြားရေးစနစ် တစ်ခုတည်းမရပါ။ အခက်ခဲမရှိပါဘဲ လွယ်ကူစွာဖြင့် ကျောင်းစာ သင်ခန်းများထံ ကျောင်းသား ကလေးငယ် လေးများ ရောက်လာဖို့လိုသည်။ အသက်ကို ရင်း၍ သင်ယူနေရသည့် ပညာရေး မဖြစ်သင့်ပါ။

လှေစောင့်ဆိုင်းနေပုံများကို ရေကြီးနေစဉ် ရက်များကတွေ့ရစဉ်
လေတစ်ချက်အဝှေ့တွင် စက်ပျက်နေသည့် လှေကလေးက အနည်းငယ် ယိမ်းထိုးသွားသည်။ လှေပေါ်တွင်ပါလာသည့် ကျောင်းသား မိခင်တစ်ဦးက ကျန်ကလေးငယ် အားလုံးကိုလှေပေါ်တွင် ငြိမ်ငြိမ်ထိုင်နေရန် သတိပေး အော်ဟစ်လိုက်သည်။ လှေသမားက ကမ်းနားရှိ မော်တော်ကြီးများထံ ရောက်အောင် အားတင်း လှော်ခတ်ကာ ဓာတ်ဆီ အကူအညီ တောင်းခံသော်လည်း မော်တော်ကြီးများက ဒီဇယ်သာ သုံးသည့်အတွက် မရှိချေ။ လှေကလေးက မျောသည့်အရှိန်နှင့် မော်တော်ကြီး၏ ပန်ကာဒလက်ဖြင့် ရိုက်မိမလိုဖြစ်ကာ ယိမ်းထိုးသွားပြန်သည်။ ကလေးများ မည်သို့နေသည်မသိ ကျွန်တော်ပင် ဇောချွေးများ ပြန်ချေပြီ။ ကြံရာမရ ဖြစ်နေသည့် စက်မောင်းသမားက အင်ဂျင်ကို တစ်ဖက်စောင်းကာ အကပ်သပ် ဆီလေးဖြင့် နောက်ဆုံး ကြိုးစားမှုအဖြစ် နှိုးကြည့်လိုက်သည်။ ကံကောင်းထောက်မစွာ နိုးသွားသည့်အတွက် အနီးစပ်ဆုံး ကမ်းကိုကပ် ဓာတ်ဆီတက်ဝယ်ရင်း ဆက်လက်၍ လိုရာခရီးကို မောင်းနှင်ကြတော့ ကလေးများ၏ မျက်နှာဆီက စိုးထိတ်မှု အရိပ်အယောင်များ ပြေလျော့စ ပြုသွားသည်ကို သတိထားမိသည်။
Writer: 
ဝေလင်း (ပြည်)
 

ကုန်းကျော်တံတားဆောက်ခွင့်တွေ..
ရန်ကုန်မြို့လယ်ခေါင်ကမြေတွေပေါ်က
စီမံကိန်းပါမစ်တွေကို....
ခရိုနီတွေနဲ့ ညှိ Under Table ကြိုပွိုင့်တွေယူခဲ့ပြီး..
ကုန်းကျော်တံတားပရောဂျက်တွေနဲ့..
ဆောက်လက်စစီမံကိန်းတွေကို နေရာအနှံ့
ပစ္စလခတ် ထားခဲ့တဲ့ ဟို သမဒရုံးက၀န်ကြီးမျိုး..

ငြိမ်းချမ်းရေးဗန်းပြပြီး..
ဒေါ်လာသန်းချီတန်တဲ့ကားတွေကို
အခွန်လွတ်တင်သွင်းခွင့် ပေးလိုက်လို့
ကားအစီးပေါင်းထောင်ပေါင်းများစွာအတွက်..
လက်မှတ်တစ်ခါထိုးရင်..တစ်စီး ဒေါ်လာတစ်သိန်းအထိ
ဈေးပေါက်ခဲ့တဲံ့ သမဒရုံးက...ငြိမ်းချမ်းရေးဝန်ကြီးမျိုး..

သစ်တွေကို အလုံးလိုက်တင်သွင်းခွင့်မပြုဘူးဆိုတဲ့
သတင်းတွေကို လူသိအောင်လွှင့်ပြပြီး..
ခရိုနီတွေနဲ့ညှိပြီး..သစ်ခွဲစက်တွေ ကို မြစ်ကမ်းနဖူးတွေမှာ
ထောင်လို့ သစ်တွေကို ပိုပြီး ပြုတ်ပြုတ်ပြုန်းစေတဲ့အပြင်..
တိုင်းပြည်ရဲ့သစ်တောလက်ကျန်စာရင်းကိုပါ ပိုပြထားတဲ့
ဦးသိန်းစိန်အစိုးရရဲ့ ဟိုဝန်ကြီးမျိုး..

Google ကနေမကြည့်ရဲလောက်အောင်ကို..
ရွတ်တွစုတ်ပြတ်နေတဲ့ ဖါးကန့်နဲ့မိုးကုတ်လို..
ကမ္ဘာ့ အဖိုးတန်ဆုံး ရတနာလုပ်ကွက်တွေကို..
ခရိုနီတွေကို ထင်တိုင်းကြဲစေပြီး...
ကျောက်မျက်ရတနတွေကို အစိုးရကို စာရင်းလျှော့ပြစေတဲ့အပြင်
တကယ့် အဖိုးတန်တာတွေကို တရားမ၀င်တဲ့နည်းနဲ့..
ဟောင်ကောင်ဘက်ခိုးထုတ်တာကို..
မသိချင်ယောင်ဆောင်ပေးကြတဲ့
ဦးသိန်းစိန် အစိုးရရဲ့..ဟိုဝန်ကြီးမျိုး..

သားတွေ သမီးတွေကို..
ကုမ္မဏီတွေထောင်ခိုင်း...
ကိုယ့်အချင်းချင်းညှိပြီး..
သူ့ကုမ္မဏီ ငါ့ဌာနမှာလာလုပ်..
ငါ့ကုမ္မဏီ သူ့ဌာနမှာသွားလုပ် စတဲ့ စနစ်တွေနဲ့
ပြည်သူ့ဘဏ္ဍာဝေခြမ်း မျှဝေစားသောက်ရေးအစီးအစဉ်အရ..
အပြန်အလှန် စောင်မကြည့်ရှုနေကြတဲ့..
ဦးသိန်းစိန်အစိုးရရဲ့ ဟိုဝန်ကြီးတွေနဲ့ဝန်ကြီးချုပ်တွေလိုမျိုး..

ဖေ့စ်ဘုတ်မှာ နာမည်တွေရ..
ဒေါ်လာတွေအကုန်ခံပြီး.ကိုယ့် page ကိုယ်..
Like များအောင်လုပ်လို့..
like များလေ.. ကိုယ့်အစိုးရအသုံးမကျတာကို..
လူများများသိလေ ဖြစ်အောင်..
ကိုယ့်အထုတ်ကိုယ ငွေကုန်ခံပြီးဖြေပြနေတဲ့
ဦးသိန်းစိန်အစိုးရရဲ့ ဟိုဝန်ကြီးမျိုး..

ဆည်မြောင်းတာတမံတွေကို ဆောက်ချင်တိုင်းဆောက်ပြီး
နှစ်ပေါင်းများစွာ တိုင်းပြည်ဘဏ္ဍာတွေခွဲဝေစားသုံးပါလို့..
အမှန်တကယ်ရေးဘေးကြုံလာတဲ့အခါကျတော့မှ..
"ဘဘသိန်းစိန် သားတို့ကို ၀န်းရံပေးပါ"ဆိုပြီး..
ဆည်အထိ ခေါ်ပြီး ညခေါ်အိပ်ခိုင်းတဲ့..
ဟို ညွှန်ချုပ်လိုမျိုး..

ဒါမျိုးတွေကို ခါးသီးစွာဆက်မကြုံတွေ့ချင်ရင်တော့

ဘာလုပ်ရမလဲ...ဆိုတာ..

သိကြမှာပါ..

( Pa Yit)

နေပြည်တော်၊ ဇေယျာသီရိမြို့နယ်အတွင်း ရွေးကောက်ပွဲမဲဆွယ်ပွဲမှ ဒေါ်အောင်ဆန်းစုကြည်။ (စက်တင်ဘာ ၂၀၊ ၂၀၁၅) 
 မြန်မာပြည်သူလူထုရဲ့ဘဝ ဖွံ့ဖြိုး တိုးတက်ပြီး လုံခြုံမှုရှိလာစေဖို့အတွက် မြန်မာနိုင်ငံမှာ အမှန်တကယ်ပြောင်းလဲဖို့ အချိန်တန်ပါပြီလို့ ဒေါ်အောင်ဆန်း စုကြည်က နေပြည်တော်မှာ ဒီကနေ့ ပြောလိုက်ပါတယ်။ တရားဥပဒေ စိုးမိုးလာစေမယ့် အုပ်ချုပ်သူအစိုးရတရပ် ပေါ်ပေါက်လာဖို့လည်း အရေးတကြီး လိုအပ်နေပြီလို့ လူထုသောင်းချီ တက်ရောက်တဲ့ ဒီကနေ့ နေပြည်တော် ဇေယျာသီရိမြို့ ရွေးကောက်ပွဲ အောင်နိုင်ရေး စည်းရုံးရေးခရီးအတွင်း ပြော လိုက်တာပါ။ ဒါပေမဲ့လို့ ၂၀၁၅ ရွေးကောက်ပွဲမှာ နေပြည်တော်ကမြို့နယ်တွေမှာ ပါတီ အောင်နိုင်ရေး ယှဉ်ပြိုင်မှုမှာ စိန်ခေါ်မှုတွေ ရင်ဆိုင်ရနိုင်တယ်လို့ သုံးသပ်မှုတွေလည်း ရှိပါတယ်။ မဆုမွန်က တင်ပြပေးထားပါတယ်။

စက်တင်ဘာလ ၂၀ ရက်နေ့မှာ အမျိုးသားဒီမိုကရေစီအဖွဲ့ချုပ်ဥက္ကဋ္ဌ ဒေါ်အောင်ဆန်းစုကြည်က မန္တလေးတိုင်း နေပြည်တော်က ဇေယျာ သီရိမြို့နယ် နန်းသြကျေးရွာမှာ ဒေသခံပြည်သူလူထုနဲ့တွေ့ဆုံချိန် မြန်မာပြည်မှာ အမှန်တကယ်ပြောင်းလဲချိန်တန်ပါပြီလို့ ပြောလိုက်ပါတယ်။

“ပြောင်းလဲမှုဟာ မှန်ကန်တဲ့ပြောင်းလဲမှုမျိုးဖြစ်ရမယ်။ နောက်ပြီးတော့လည်း တကယ်ပြောင်းလဲရမယ်။ တချို့ကျတော့ အပြောတော့ သိပ်ကောင်းတာပဲ၊ ဟိုဟာလုပ်ပေးပါမယ်၊ ဒီဟာလုပ်ပေးပါ့မယ်ဆိုပြီး အပြောပဲရှိတယ်၊ ဘာမှ သက်ရောက်မှုမရှိဘူး။ အဲဒါဟာ တကယ် အဲဒီလိုပြောပြီးတော့ပြောတဲ့ ပြောင်းလဲမှုမျိုးဆိုတာ တကယ့်စစ်မှန်တဲ့ပြောင်းလဲမှု မဖြစ်နိုင်ပါဘူး။ အဲဒီတော့ ကျမတို့ ဘာဖြစ်လို့ ပြောင်းချင်လဲ။ ဘာဖြစ်လို့ ပြောင်းချင်လဲဆိုတော့ ကျမတို့ပြည်သူတွေရဲ့ဘဝတွေ ဖွံ့ဖြိုးစေချင်လို့၊ လုံခြုံစေချင်လို့၊ တိုးတက်စေချင်လို့၊ ဆိုတော့ အဲဒါပြောင်းဖို့ ကျမတို့ဘာလိုလဲဆိုတော့ ခပ်တိုတိုပြောရရင် ပြည်သူ့ရဲ့မဲတွေကို လိုပါတယ်-လို့ ပြောပါရစေ။ ကျမတို့ပြည်သူက ခေါင်းထဲမှာ သေသေချာချာ စွဲပြီး မှတ်ထားရမှာက - မဲတိုင်း တစ်ခုချင်းတစ်ခုချင်းဟာ အင်မတန်မှ တန်ဖိုးရှိပါတယ်။ အဲဒီမဲတွေကို မဖြုန်းပါနဲ့။ အဲဒီမဲတွေကို မရောင်းစားပါနဲ့၊ ပေးသမျှကို ယူပါ။ မဲကိုတော့ မပေးပါနဲ့လို့ ကျမ ပြောပါရစေ။”

ပြည်သူလူထုအနေနဲ့ မိမိတို့ရဲ့ အသက်အိုးအိမ်စည်းစိမ် ဘဝလုံခြုံမှုရှိစေဖို့ မိမိတို့အကျိုးကို ကာကွယ်စောင့်ရှောက်နိုင်မယ့် တရားဥပဒေ စိုးမိုးမှုရှိတဲ့ အုပ်ချုပ်သူ အစိုးရတရပ် ပေါ်ပေါက်လာရေး နိုင်ငံသားအခွင့်အရေးနဲ့အညီ မဲပေးကြဖို့ အဖွဲ့ချုပ်ဥက္ကဋ္ဌ ဒေါ်အောင်ဆန်းစုကြည်က တိုက်တွန်းပါတယ်။

“ကျမတို့နိုင်ငံမှာ ဒီလို ဥပဒေကို အလွဲသုံးစားလုပ်ခဲ့တာ အင်မတန်ကြာပါပြီ။ ဥပဒေကောင်းတွေ ရှိလို့ရှိရင်တောင်မှ ထိထိရောက်ရောက်မဖြစ်တာကို ကျမတို့တွေ့ရပါတယ်။ အခု ဇေယျာသီရိအပါအဝင် ကျမတို့နိုင်ငံရဲ့ ကျေးလက်တောရွာအများအပြားမှာ ဆိုရင် အဓိကပြဿနာက လယ်ယာမြေ ပြဿနာပဲ။ ပြည်သူတွေရဲ့လယ်ယာမြေတွေကို မတရားသဖြင့်သိမ်းထားတာ၊ ဥပဒေက ပြန်ပေးဆိုလို့ရှိရင်လည်း မပေးတာ။ ပေးမယ်လို့ ပါးစပ်ကပြောပြီး တကယ်တော့ ကိုယ့်လက်ထဲပြန်မရောက်တာ။ ဒါမျိုးတွေဟာ တရားဥပဒေစိုးမိုးရေးမရှိလို့ ဖြစ်ရတဲ့ ကိစ္စတွေပါ။”

နေပြည်တော် ဇေယျာသီရိမြို့နယ်အတွင်း ဒေါ်အောင်ဆန်းစုကြည်ရဲ့ ရွေးကောက်ပွဲအောင်နိုင်ရေးခရီးစဉ်မှာတော့ ဒေသခံပြည်သူ ငါးသောင်းကျော် တက်ရောက်ခဲ့တယ်လို့ NLD ဘက်က ခန့်မှန်းပြောဆိုထားပါတယ်။ ဒါပေမဲ့လို့ နေပြည်တော် တခွင်မှာ ရှိတဲ့ ဇေယျာသီရိ မြို့နယ်အပါအဝင် မြို့နယ် တော်တော်များများမှာ ဝင်ရောက် ယှဉ်ပြိုင်တဲ့အခါ ရွေးကောက်ပွဲ အောင်နိုင်ရေး စိန်ခေါ်မှု အခက်အခဲတွေနဲ့ ကြုံရနိုင်ပါတယ်လို့ နိုင်ငံရေးအကဲခတ်တွေက သုံးသပ်ပါတယ်။

ရွေးကောက်ပွဲ စောင့်ကြည့်လေ့လာသူ ဒေါက်တာရန်မျိုးသိမ်းကတော့ နေပြည်တော်က နေရာတချို့မှာ ၂၀၁၂ ကြားဖြတ် ရွေးကောက်ပွဲ တုန်းက အနိုင်ရခဲ့တဲ့ NLD ပါတီရဲ့ ဒီတကြိမ် ၂၀၁၅ မှာ ကြုံလာရနိုင်ခြေတွေကို အခုလိုပြောပါတယ်။

“အမျိုးသားဒီမိုကရေစီအဖွဲ့ချုပ်အနေနဲ့ ၂၀၁၂ ကြားဖြတ်ရွေးကောက်ပွဲလိုမျိုး နေပြည်တော်ဝန်းကျင် မြို့နယ်တွေမှာ အပြတ်အသတ် အနိုင်ရရှိတာမျိုးဖြစ်ဖို့ အလားအလာနည်းတယ်လို့ ကျနော်က မြင်ပါတယ်။ လတ်တလော အခု ဒေါ်အောင်ဆန်းစုကြည် မဲဆွယ် စည်းရုံးရေး သွားတဲ့ နေပြည်တော်ဝန်းကျင် မဲဆန္ဒနယ်တွေကတော့ ကျနော့အမြင်အားဖြင့် အမျိုးသားဒီမိုကရေစီအဖွဲ့ချုပ်အတွက် စိန်ခေါ်မှုမြင့်မားတဲ့ မဲဆန္ဒနယ်တွေ ဖြစ်လာလိမ့်မယ်လို့ မြင်ပါတယ်။ ဘာဖြစ်လို့လဲဆိုတော့ အဲဒီမဲဆန္ဒနယ်တွေမှာ ကြိုတင်မဲတွေလည်း အများကြီးရှိနိုင်ပါတယ်။ နောက်ပြီးတော့ အာဏာရပါတီရဲ့အမာခံကျေးရွာတွေ၊ အမာခံ ဒေသတွေလည်းပဲ ရှိနိုင်တဲ့အတွက်ကြောင့်မို့လို့ နေပြည်တော်ဝန်းကျင် မြို့နယ်တွေရဲ့အခြေအနေဟာ လာမယ့်ရွေးကောက်ပွဲမှာ တိုင်းရင်းသား ဒေသတွေမှာလိုပဲ အမျိုးသားဒီမိုကရေစီအဖွဲ့ချုပ်အတွက် စိန်ခေါ်မှုမြင့်မားတဲ့ဒေသတွေဖြစ်လာမယ်လို့ မြင်ပါတယ်ဗျ။”

ဒေါ်အောင်ဆန်းစုကြည်ကတော့ နေပြည်တော်ဇေယျာသီရိက ဒေသခံပြည်သူတွေကို အာဏာဟာ ပြည်သူ့လက်ထဲမှာရှိတယ်၊ အာဏာကြီးမားသူဟာ ပြည်သူသာဖြစ်တယ်ဆိုတာကို ပြည်သူတွေသတိချပ်စေဖို့ တိုက်တွန်း ပြောဆိုပါတယ်။ တချိန်တုန်းက အာရှဒေသမှာ အိမ်နီးချင်းနိုင်ငံတွေနဲ့ ရင်ဘောင်တန်းနိုင်ခဲ့တဲ့ မြန်မာနိုင်ငံဟာ အခုချိန်မှာ အစစရာရာ တိုးတက်မှု ကျဆင်းနေရတာဟာ စနစ်မကောင်းခဲ့လို့ ဖြစ်ရတဲ့အတွက် တိုင်းပြည်အတွင်း စနစ်ပြောင်း ခေတ်ပြောင်းနိုင်အောင် ပြည်သူတွေ ပူးပေါင်း ပါဝင်ကြဖို့ကိုလည်း ဒေါ်အောင်ဆန်းစုကြည်က တိုက်တွန်းပြောဆိုနေပါတယ်။

မဆုမွန် / ဗွီအိုအေ (မြန်မာပိုင်း)
http://burmese.voanews.com


 ဒေါ်အောင်ဆန်းစုကြည် သမ္မတဖြစ်ရင် မြန်မာနိုင်ငံကို "ကုလားတွေ" အုပ်ချုပ်လိမ့်မယ် လို့ ထိုးနှက် တိုက်ခိုက်မှုတွေရှိနေတဲ့အပေါ် ဘယ်လိုပြောချင်ပါသလဲလို့ မေးမြန်းရာမှာ ဒေါ်အောင်ဆန်းစုကြည်က အဲ့ဒီလိုပြောပြီး စည်းရုံးတိုက်ခိုက်ဟာ "အောက်တန်းကျတဲ့ နိုင်ငံရေး" ဖြစ်ကြောင်းနဲ့ အဲ့ဒီလိုပြောဆိုနေတာတွေကို နားထောင်စရာမလိုကြောင်း ပြောပါတယ်။

ဒီကနေ့ နေပြည်တော် ဇေယျာသီရိမြို့နယ် နန်းသြကျေးရွာမှာ ရွေးကောက်ပွဲ အသိပညာပေးဟောပြောပွဲမှာ လူငယ်တစ်ဦးကမေးမြန်းတာကို ဒေါ်အောင်ဆန်းစုကြည် က ဖြေကြားခဲ့တာ ဖြစ်ပါတယ်။

ဒီမိုကရေစီစနစ်မှာ ပြည်သူတွေကလည်း ကိုယ့်တာဝန်ကျေပြွန်ဖို့ လိုအပ်သလို အာဏာကို အစိုးရအပေါ် အားလုံးပုံအပ်ထားတာမျိုး မလုပ်ကြဖို့နဲ့ အမျိုးသား ဒီမိုကရေစီအဖွဲ့ချုပ် အစိုးရဖွဲ့နိုင်ရင်လည်း အာဏာကို ပုံအပ်ထားတာမျိုး မလုပ်ဖို့ကိုလည်း ပြောပါတယ်။

အန်အယ်လ်ပါတီအနေနဲ့ ကိုယ်စားလှယ်လောင်းတွေကို အကောင်းဆုံးဖြစ်အောင် ရွေးချယ်ထားကြောင်းနဲ့ ရွေးကောက်ပွဲမှာ အနုိုင်ရပြီး အစိုးရဖွဲ့နိုင်မယ်ဆိုရင် ပြည်သူတွေအတွက် အကောင်းဆုံးဖြစ်အောင် လုပ်ဆောင်ပေးသွားမှာဖြစ်ကြောင်း လည်း ဒေါ်အောင်ဆန်းစုကြည်က ပြောပါတယ်။

ဒီကနေ့ ဟောပြောတဲ့ ဇေယျာသီရိမဲဆန္ဒနယ်မှာ အမျိုးသားဒီမိုကရေစီအဖွဲ့ချုပ်က ပြည်သူ့လွှတ်တော် ကိုယ်စားလှယ်လောင်း ဒေါ်ခင်မျိုးသွင်ဟာ ပြည်ခိုင်ဖြိုး ပါတီကနေယှဉ်ပြိုင်မယ့် အငြိမ်းစား ဗိုလ်ချုပ်ကြီး ဦးလှဌေးဝင်းနဲ့ ယှဉ်ပြိုင်မှာ ဖြစ်ပါတယ်။

နန်းသြကျေးရွာဟောပြောပွဲကို ဒေသခံ တစ်သောင်းနီးပါးလောက် တက်ရောက်ကြပါတယ်။

RFA Burmese
https://www.facebook.com/RFA-Burmese


(၈၈)ငြိမ်း/ပွင့် ကိုမင်းကိုနိုင် အပါအ၀င် ငြိမ်းချမ်းရေးနှင့် ပွင့်လင်းလူ့အဖွဲ့အစည်းအဖွဲ့ဝင်များသည် စက်တင်ဘာ ၁၈ ရက်က လှည်းတန်းဈေးအနောက်ဘက် ပေ ၅၀ လမ်းတွင် ပြည်သူတွေ မဖြစ်မနေ မဲပေးဖို့ စတေကာကန်ပိန်းပြုနေကြောင်း သိရသည်။

ကိုမင်းကိုနိုင်က `ကျွန်တော်တို့ ရွေးကောက်ပွဲနီးလာရင် ပိုပြီးတော့ ပြည်သူတွေသိအောင်ပြုလုပ်သွားဖို့ရှိတယ်။ နံပါတ် ၁ ပြည်သူတွေ မဲစာရင်းပါလား၊ မပါလားသွားကြည့်ပါ။ ပြီးရင် သက်ဆိုင်ရာကို ပြင်ခိုင်းပါ။ ပြီးရင် မဖြစ်မနေ ဒီမိုကရေစီဘက်တော်သားများကို မဲပေးပါ။ ဘယ်သူကို မဲပေးရမယ်ဆိုတာ နောက်တဆင့်သွားမယ်။
ပယ်မဲမဖြစ်အောင် ပြည်သူတွေသိအောင် ပြုလုပ်ရမယ်`` ဟု ပြောသည်။

ကြံ့ခိုင်ရေးပါတီကို ယှဉ်နိုင်ဖို့အတွက် မဖြစ်မနေ NLD ကို မဲပေးရမှာဖြစ်ကြောင်းမှတပါးအခြားမရှိ မြန်မာနိုင်ငံ ရေးဟာဖြစ်နေကြောင်း၊ ပြည်သူတွေ မဲသွားပေးဖို့အတွက် ကျွန်တော်တို့ ပြုလုပ်နေကြောင်း၊ နိုင်ငံရေးဖြစ်စဉ်ပြောင်းလဲမှုမှာ ပြည်သူတွေရဲ့ဆန္ဒနှင့်အညီ ပြုလုပ်ပေးရမှာဖြစ်ကြောင်း ကိုဂျင်မီက ပြောသည်။

သဒ္ဓါထက်အိုင်(လှည်းတန်း)

ပြည်သူများအနေဖြင့် မဲမရောင်းစားရန် နှင့် မဲရောင်းစားခြင်းက အနာဂတ်ကို ရောင်းစားခြင်းနှင့် တူကြောင်း ဒေါ်အောင်ဆန်းစုကြည်က တပ်မတော်ကာကွယ်ရေးဦးစီးချုပ်ရုံးစိုက်ပြီး တပ်မတော်သားအများစု နေထိုင်သည့် နေပြည်တော် ဇေယျာသီရိမြို့နယ်တွင် မဲဆွယ်စည်းရုံးရာ၌ ထည့်သွင်းပြောကြားခဲ့သည်။

"သေသေချာချာ စွဲပြီးမှတ်ထားရမှာက မဲတိုင်း တစ်ခုချင်း၊ တစ်ခုချင်းက အင်မတန်မှ တန်ဖိုးရှိပါတယ်။ အဲ့ဒီ့မဲတွေကို မဖြုန်းပါနဲ့။ အဲ့ဒီ့မဲတွေကို မရောင်းစားပါနဲ့။ ပေးသမျှကိုယူပါ မဲကိုတော့ မပေးပါနဲ့လို့ ပြောချင်ပါတယ်။ တကယ်တော့ မဲကို ရောင်းစားတာဟာ ကိုယ့်ရဲ့ အနာဂတ်ကို ရောင်းစားတာနဲ့ တူတူပဲ။ ကိုယ့်ရဲ့အနာဂတ်ကို ဘယ်သူ့လက်ထဲမှ ထည့်ပြီး မရောင်းစားနဲ့။ ဘယ်တော့မှ မရောင်းစားနဲ့"ဟု ဒေါ်အောင်ဆန်းစုကြည်က ပြောကြားလိုက်သည်။

လာမည့်ရွေးကောက်ပွဲတွင် အမျိုးသားဒီမိုကရေစီအဖွဲ့ ယှဉ်ပြိုင်အနိုင်ရပြီး အစိုးရဖွဲ့နိုင်လျင် အဖွဲ့ချုပ် ကိုယ်စားလှယ်များ ပြည်သူ့အကျိုးမည်မျှထမ်းဆောင်နိုင်မည်လဲ ဆိုသည်ကို တာဝန်ယူသည်ဟု အမျိုးသားဒီမိုကရေစီအဖွဲ့ချုပ် ဥက္ကဋ္ဌ ဒေါ်အောင်ဆန်းဆုကြည်က ပြောကြားခဲ့သည်။

“အရးကြီးတာက ကိုယ်စားလှယ် တစ်ယောက်ချင်း တစ်ယောက်ချင်းရဲ့ အရည်အချင်းမဟုတ်ပါဘူး။ ဒီကိုယ်စားလှယ်တွေနဲ့ စုပေါင်းပြီးဖွဲ့မယ့် အစိုးရဟာ ပြည်သူ့အကျိုးကို ဘယ်လောက်ထမ်းဆောင်နိုင်မလဲ ဆိုတာ အဲ့ဒါ အဓိကဖြစ်ပါတယ်။ ဒီဟာနဲ့ ပါတ်သက်လို့ အမျိုးသားဒီမိုကရေစီအဖွဲ့ချုပ်က တာဝန်ယူပါတယ်။ ကျွန်မတို့ ကိုယ်စားလှယ်တွေအတွက် ကျွန်မတို့ တာဝန်ယူတယ်။ ကျွန်မတို့ကို ပြည်သူကနေပြီးတော့ မဲပေးမယ်ဆိုရင် ပြည်သူ့ရဲ့ ထောက်ခံမှုနဲ့ ကျွန်မတို့ အစိုးရဖွဲ့နိုင်မယ်ဆိုရင် ပြည်သူတွေရဲ့ အတွက်ပါ ကျွန်မတို့ တာဝန်ယူပါတယ်"ဟု ၎င်းက ဇေယျာသီရိမြို့နယ် နန်းသြကျေးရွာတွင် မဲဆွယ်စည်းရုံးရာ၌ ပြောကြားခဲ့သည်။

သို့သော် ပြည်သူများအနေဖြင့် မည်သည့်အစိုးရကိုမျှ အားလုံးပုံ၍ မအပ်ကြရန်လည်း ၎င်းက တိုက်တွန်းလိုက်သည်။

“ကျွန်မတို့ အမျိုးသားဒီမိုကရေစီအဖွဲ့ချုပ် အစိုးရဖြစ်ရင်လည်း ပုံပြီးတော့ မအပ်ထားပါနဲ့ ဘယ်တော့မှ မမေ့နဲ့ ဒီမိုကရေစီစနစ်ဟာဆိုရင် အဓိကသြဇာဟာ ပြည်သူ့လက်ထဲမှာရှိတယ်။ အာဏာဟာပြည်သူ့လက်ထဲမှာရှိတယ်။ အဲ့ဒါကို ဘယ်သူ့ကိုမှ ထာဝရပုံပြီးတော့ မအပ်သင့်ဘူး။ ရွေးကောက်ပွဲ တစ်ခုနဲ့တစ်ခုကြား တစ်ခဏသာ ဒီအာဏာကို ပေးပြီးတော့ စမ်းကြည့်တဲ့ သဘောပဲ ရှိပါတယ်"ဟု ဒေါ်အောင်ဆန်းဆုကြည်က မဲဆန္ဒ ရှင်များကို သတိပေးစကားဆိုခဲ့သည်။

နိုဝင်ဘာ ၈ ရက် ရွေးကောက်ပွဲကစ၍ တက်လာမည့် အစိုးရသည် ပြည်သူအာဏာအပ်နှင်းလိုက်သည့် သဘောရှိကြောင်း၊ ယင်းအစိုးရကို ပြည်သူများမှ သုံးသပ်ရန်လိုကြောင်းနှင့် NLD အစိုးရဖြစ်လျင် ပြည်သူများ၏ သုံးသပ်ပိုင်ခွင့်ကို အပြည့်အဝပေးမည်ဟုလည်း ကတိပြုခဲ့သည်။

စက်တင်ဘာ ၂၀ရက်က ဒေါ်အောင်ဆန်းစုကြည် စည်းရုံးဟောပြောခဲ့သည့် ဇေယျာသီရိမြို့နယ်သည် တပ်မတော်သား အများစု အခြေချ နေထိုင်သည့်မြို့နယ်ဖြစ်ပြီး ဗိုလ်ချုပ်ကြီး လှဌေးဝင်း ယှဉ်ပြိုင်မည့် မြို့နယ်လည်းဖြစ်သည်။ ဇေယျာသီရိမြို့နယ်တွင် မဲဆန္ဒရှင်ဦးရေ ခြောက်သောင်းခွဲကျော်ရှိပြီး တစ်သောင်းရှစ်ထောင်မှာ တပ်မတော်သားမိသားစုဝင်များဖြစ်သည်။

ဒေါ်အောင်ဆန်းဆုကြည်သည် ဟောပွဲအပြီး ရန်ကုန်မြို့သို့ ပြန်လည်ထွက်ခွာမည်ဖြစ်ပြီး နောက်တနေ့တွင် ၎င်းဝင်ရောက်ယှဉ်ပြိုင်မည့် ကော့မှူးမြို့နယ်သို့ မဲဆွယ်စည်းရုံးဟောပြောမည်ဖြစ်သည်။

http://mizzimaburmese.com/article/4965#sthash.57OBQmOp.dpuf