09/23/15


အချိန်က ၁၀ နာရီကို စွန်းစွန်းကျော်နေပြီ။ သူနေထိုင်ရာ ကျောက်မြောင်းရပ်ကွက်ကလည်း လူအပြတ်သား။ အနောက်က ထက်ကြပ်မကွာ လိုက်လာသော လူစိမ်းနှစ်ဦးကို မမေခင်ကျော် (အမည်လွှဲ) အစောပိုင်းကတည်းက သတိထားမိနေသည်။ လက်ထဲက စလင်းဘက်ကို ကျစ်ကျစ်ပါအောင်ဆုပ်ရင်း ရှေ့တွင် မဝေးတော့သည့် သူ၏ တိုက်ခန်းသို့ တတ်နိုင်သမျှ မြန်မြန်မပြေးရုံတမည် ခပ်သွက်သွက် လျှောက်နေသည်။

တိုက်ခန်းအရှေ့ရောက်ခါနီးမှ မမေခင်ကျော်တစ်ချက်သတိရသည်က အိမ်မှာရှိသည့် အဖေ့ကို တိုက်ခန်းရှေ့တွင် ထွက်ခေါ်ရန်။ ပူထူနေ၍ သူလည်း ဒီလောက်ပဲ စဉ်းစားမိ၍ အဖေ့ကို ဖုန်းလှမ်း ဆက်ထားသည်။ အဖေကလည်း လာခေါ်မည်ဟုဆိုသည်။ သို့သော် သူနောက်ကျသွားလေပြီ။ ဖုန်းချပြီးသည်နှင့် နောက်မှ ‘‘ဟဲ့...ကောင်မ’’ဆိုသည့် အော်သံနှင့်အတူ ကုပ်ကိုကိုင်၍ နံဘေးရှိ တိုက်နံရံတစ်ခု ကို ဆွဲခေါ်သွားပြီး နံရံနှင့် ထပ်ခါ ထပ်ခါ ဆောင့်ပစ်ခံရသည်။ လဲကျသွားချိန်တွင် ခေါင်းကို တက် နင်းထားပြီး လက်ကိုင်အိတ်နှင့် ဖုန်းကို လုယူသွားခဲ့ကြသည်။

ယခုကဲ့သို့ မမေခင်ကျော် အကြမ်းဖက်လုယက်ခံရသည်မှာ ငါးလအတွင်း ဒုတိယအကြိမ်မြောက် ဖြစ်သည်။ မေလအတွင်းက တာ မွေမြို့နယ် မင်္ဂလာသိဒ္ဓိလမ်းထောင့်တွင် ဓားဖြင့်ထောက် လုယက်ခံခဲ့ရဖူးသည်။ သြဂုတ် ၂၅ ရက်တွင် ကျောက်မြောင်း၌ ဒုတိယအကြိမ် ထပ်မံဖြစ်ပွားခဲ့သည် ဟု မမေခင်ကျော်၏ဖခင်က ပြောသည်။ သို့သော် ယခုအဖြစ်အပျက်ကတော့ သူတို့ မိသားစုအတွက် ယူကျုံးမရဖွယ်ရာအတိ ဖြစ်ခဲ့ သည်။ ထိုလုယက်မှုနှစ်ခုကြုံပြီးနောက် မမေခင်ကျော်မှာ စိတ်ကစဥ့်ကလျားနှင့် စိတ်မူမမှန်သည့်အခြေအနေ ဖြစ်သွားခဲ့ခြင်းကြောင့်ပင်။ သို့သော် ပြန်ကောင်းရန် မျှော်လင့်ချက်ရှိကြောင်း ဆေးရုံကြီးက ပြောသည်ဟု မမေခင်ကျော်၏ ဖခင်က ၀မ်းနည်းစွာဆိုသည်။

ခေါင်းကို နံရံဖြင့် အချက်ပေါင်းများစွာ အရိုက်ခံခဲ့ရပြီး ခေါင်းကို လေးချက်မျှ ချုပ်လိုက်ရကာ ထိုအရှိန်က မမေခင်ကျော်ကို ယင်းသို့ ဖြစ်သွားစေခဲ့မည်ဟု ယူဆကြောင်း ၎င်းကဆိုသည်။ မမေခင်ကျော်က သူတွေ့ကြုံခဲ့ရသည်များကို စိတ်ပုံမှန်ရှိနေချိန်များတွင် ပြောပြလေ့ရှိပြီး တစ်ခါတစ်ရံတွင်တော့ လုံးဝကိုမေးမရတော့ဘဲ ငို နေလေ့ရှိကြောင်း မမေခင်ကျော် ၏ ဖခင်ကပြောသည်။

ယခုရက်ပိုင်းအတွင်း လူမှုကွန်ရက်စာမျက်နှာများတွင် တွေ့ လာရသည်က ရန်ကုန်မြို့တွင် ခပ် စိပ်စိပ်ဖြစ်ပွားနေသည့် အကြမ်း ဖက်လုယက်မှုများအကြောင်းဖြစ် သည်။ လူမှုကွန်ရက်သုံးစွဲသူများ အချင်းချင်းလည်း အကြမ်းဖက် လုယက်မှုများကို သတိပြုထားကြ ရန်နှင့်ညဘက်အချိန်များ၌ တစ်ဦးတည်းအပြင်မထွက်ကြရန် အချင်း ချင်းသတိပေးမှုများ ပြုလုပ်လာ ကြသည်။ ကိုယ်တိုင်ကြုံခဲ့သူများ ကလည်း အကြမ်းဖက်မှုကြုံတတ် သည့် နေရာများနှင့် ကြုံခဲ့သည့် အ တွေ့အကြုံများကို သတိထားနိုင် ရန် မျှဝေလာကြသည်။

သမ္မတ၏ လွတ်ငြိမ်းချမ်းသာခွင့်နှင့် လွတ်မြောက်လာသူများတွင် ခိုးဆိုးနှိုက်အများစုပါဝင်လာသည်ဟု ဝေဖန်ပြောကြားမှုများနှင့် အတူ လက်တွေ့တွင်လည်း အများပြည်သူများမှာ နောက်ကျောမလုံသော ခံစားမှုကို ခံစားလာရ ကြောင်း အထက်တန်းရှေ့နေ ဦးဝင်းမော်က ဆိုသည်။

‘‘အခုဖြစ်နေတာက လုယက်နည်းတွေ စုံနေတာပဲ။ အိတ်လု ထွက်ပြေးတယ်။ ရိုက်ပြီးလုတယ်။ အိမ်ပေါ်တက်လုတယ်။ လူရှေ့သူ ရှေ့လည်း လုကြတာပဲ။ လူပြတ်တော့ ပိုဆိုးတယ်။ အဆိုးဆုံးကတော့ လူကြားထဲ ကြောင်တောင်နှိုက်ပြီး ရန်ဖြစ်နေသလိုနဲ့ ပစ္စည်းလုတာမျိုးပဲ’’ဟု ဗဟန်းမြို့နယ်မှ နယ်ထိန်းကိုဝေလွင်က ပြော သည်။

ရန်ကုန်တိုင်းဒေသကြီးတွင် ရှစ်လအတွင်း လူသတ်မှု ၁၀၀ ကျော်နှင့် အမှုကြီး ၃၀၀ ခန့် ဖြစ်ပွားခဲ့ကာ လုယက်မှု ၅၀ ခန့်ရှိသည်ဟု တိုင်းဒေသကြီးရဲတပ်ဖွဲ့ မှူးရုံးက စာရင်းထုတ်ပြန်ထား သည်။ အဆိုပါ ကိန်းဂဏန်းမှာ ယခင်နှစ် ၂၀၁၄ ကာလတူ ရှစ်လစာရင်းထက် ပိုပိုမြင့်တက်လာပြီး ၂၀၁၄ တွင် ရှစ်လအတွင်း အမှုကြီး ၂၃၀ ကျော်သာရှိခဲ့သည်။

အချို့လုယက်မှုများ၊ အကြမ်းဖက်မှုများမှာ ရဲစခန်းသို့တိုင်တန်းမှုများရှိသော်လည်း အချို့မှာ တော့ ပစ္စည်းအဆုံးခံ၍ ပြီးသွားကြသည်က များကြောင်းနှင့် စာရင်းတွင်မပါဝင်ကြောင်း အထက်တန်းရှေ့နေ ဦးဝင်းမော်ကဆိုသည်။

‘‘ရဲစခန်းသွားတိုင်တော့လည်း ငွေပိုကုန်မယ် ထင်နေကြတယ်။ အလုပ်ရှုပ်တယ် ထင်နေ ကြတယ်။ ဘာပဲဖြစ်ဖြစ် အလုယက်ခံရတာနဲ့ ရဲစခန်းတော့ သွားတိုင်သင့်တယ်’’ဟု ၎င်းက ဆို သည်။

သာမန်ပစ္စည်းလုသည့် လုယက်မှုများကို အခြေခံ၍ ရိုက်နှက်မှု၊ အကြမ်းဖက်မှုများနှင့် လူသတ်မှုများ ပါရှိလာကြပြီး လုယက်မှုများက မိန်းကလေးများနှင့် သက်ကြီးရွယ်အိုများကို ပိုမိုဦးတည်လာကြကြောင်း ၎င်းက ဆက်လက် ပြောသည်။

‘‘ကမ်းနားလမ်းက ကီလီမှတ်တိုင်နားမှာပါ။ တရုတ်တန်းကနေ မုန့်စားပြီးလို့ သူငယ်ချင်းတွေနဲ့ လမ်းခွဲအပြန်မှာ နောက်က ချွတ် ချွတ်လို့ခေါ်ပြီး လှည့်ကြည့်မိတော့ အဲဒီလူက ဓားထောက်ပြီး ငွေတောင်းပါတယ်။ လက်မောင်းကိုလည်း ချုပ်ထားပြီး အော်ရင်ထိုးမယ်ခြိမ်းခြောက်တယ်’’ဟု ဒဂုံမြို့ နယ်အတွင်းရှိ စကားဝါလမ်းတွင် နေထိုင်သော အသက်(၂၀)ကျော် အရွယ် ကျောင်းသူ မအိမွန်အောင် က သြဂုတ် ၃၀ ရက်၌ သူကြုံခဲ့ ရသော အဖြစ်အပျက်ကို ပြန်ပြော ပြသည်။ ‘‘လက်ဝတ်လက်စားလည်းမပါဘူး။ အိတ်ထဲမှာလည်း ငွေနှစ်သောင်းပဲပါတာ။ အကုန်ယူသွားတယ်။ ဖုန်းတော့ မယူသွားဘူး။ တက္ကစီနဲ့ပြန်လာရတယ်’’ဟု ၎င်းကြုံတွေ့ခဲ့ရသည့် အတွေ့အကြုံဆိုးကို ပြန်မျှသည်။

ထိုကဲ့သို့ ဓားထောက်လုယက်မှုများအပြင် နေ့ခင်းကြောင်တောင် ပစ္စည်းလုယက်မှုများလည်း ရှိလာပြန်သည်။ သိမ်ကြီးဈေးဘီရုံတွင် အရောင်တင်မှုန့်ဝယ်ယူပြီး ပြန်လာသော ၎င်း၏လက်ကိုင်အိတ်ကို လူတစ်ယောက်က ဖျတ်ခနဲလုယူကာ လမ်းကြားများအတွင်း ၀င်ရောက်ပျောက် ကွယ်သွားခဲ့သည်ဟု ပင်မင်းဆေးဆိုးလုပ်ငန်း လုပ်ကိုင်သူ မထွေးထွေးမြင့်က ပြောသည်။

အလားတူပင် တာမွေမြို့ နယ် ဦးချစ်မောင်လမ်းမပေါ်တွင် ၎င်း၏နောက်မှ လူတစ်ယောက် လိုက်လာပြီး ပိုက်ဆံအတင်းတောင်းကာ ကိုယ်ထိလက်ရောက် ရိုက်နှက်တော့မည့် အနေအထား ဖြစ်ခဲ့ပြီးမှ အော်ဟစ်အကူအညီ တောင်းခံ၍ ထွက်ပြေးသွားခဲ့ကြောင်း မအေးမြတ်သူက ပြောကြားသည်။

‘‘အရက်မူးနေတဲ့ပုံစံပါပဲ။ တစ်ထောင်လောက်ပေးဆိုပြီး လိုက်တောင်းတာ။ အိတ်လုနေပါတယ်ဗျို့လို့ အော်လိုက်တော့ လက်ကိုဆောင့်တွန်းပြီး ထွက်ပြေးသွားတယ်။ အရမ်းလည်း မအော်ရဲဘူး။ တစ်ခုခုလုပ်သွားမှာလည်းစိုးတယ်’’ဟု ၎င်းက ပြော သည်။

ထိုကဲ့သို့ လုယက်မှုများ၊ အကြမ်းဖက်မှုများပေါ်ပေါ်ထင်ထင် အတင့်ရဲစွာပြုလုပ်လာခြင်းမှာ လပိုင်းအတွင်းမှာပင် ဖြစ်ပွားနှုန်းမြင့်တက်လာကြောင်း ပြည်သူအများက ဆိုသည်။ မေးမြန်းရသမျှ လူအများစုကလည်း ညအချိန်အပြင်ထွက်ခြင်း၊ တစ်ယောက်တည်းအပြင်သွားခြင်းတို့အပေါ် စိုးရိမ်ထိတ်လန့်လာကြသည်ဟုဆိုသည်။

‘‘တစ်ယောက်နဲ့တစ်ယောက် မယုံတော့ဘူးလေ။ လူကောင်းထက် လူဆိုးက ပိုများနေတော့ အကုန်လုံးကို သတိထားစေချင်ပါ တယ်။ ပစ္စည်းလုခံရတာထက် လူအကြမ်းဖက်ခံရတာ ထိခိုက် တယ်’’ဟု မအိမွန်အောင်ကပြော သည်။

ထို့အပြင် အငှားကားများကို အသုံးပြု၍ လုယက်မှုကျူးလွန်မှု များ ရှိနေခြင်းကလည်း ညဘက် မှောင်အချိန် ခရီးသွားလိုသူများအတွက် ထိတ်လန့်စရာဖြစ်လာပြန် သည်။

‘‘တချို့က ကားသမားဆီက ပြန်လုတယ်။ ဓားထောက်တယ်။ တချို့ကျတော့လည်း ကားသမား ကိုယ်တိုင်က အဖော်ခေါ်လာပြီး ပြန်လုတယ်’’ဟု တက္ကစီယာဉ်မောင်း ကိုမျိုးမင်းသိန်းက ပြော သည်။

စက်တင်ဘာ ၁၆ ရက်က လည်း ခရီးသည်တစ်ဦးက လူပိုတင်လာသော တက္ကစီကို ငှားစီးမိရာ ကားပေါ်ရောက်ချိန်တွင်မှ ကားနောက်ဖုံးထဲမှ လူတစ်ဦး ထွက်လာကာ တက္ကစီယာဉ်မောင်း နှင့် သုံးဦးပေါင်းပြီး ခရီးသည်ကို ရိုက်နှက်ကာ ကျပ်ဆယ်သိန်းကျော်တန် အိုင်ဖုန်းနှင့် ပိုက်ဆံများ လုယူခဲ့ကြသည်။

ထို့နောက် ခရီးသည်ကို ရိုက်နှက်ထိုးကြိတ်ကာ နာနတ်တောခုံးကျော်တံတားအောက် အရောက်တွင် ကားပေါ်မှတွန်းချခဲ့ကြသည်။ ထိုသို့ ထိုးကြိတ်ခံခဲ့ရသဖြင့် ခရီးသည်မှာ နားကောင်းစွာ မကြားရ တော့ဘဲ မျက်စိတွင်လည်း ဒဏ်ရာရရှိခဲ့သည်။

ထိုကဲ့သို့ ကားသမားများက လုယက်သည်သာမက ခရီးသည် လေးငါးယောက်က ကားသမားများကို ပြန်လည်လုယူမှုများလည်း ရှိလာ၍ အချင်းချင်း ယုံကြည်မှု ကင်းမဲ့လာကြကြောင်း ကိုမျိုးမင်းသိန်းက ပြောသည်။

ထို့ပြင် လက်ရှိလုယက်မှုများတွင် မီးပွိုင့်နီ၍ကားရပ်နေချိန်များ၊ ပစ္စည်းဝယ်၍ ကားရပ်နေချိန်များ၌ ကားတံခါးကိုဖွင့်ဝင်ကာ ခပ်တည်တည်ထိုင်ပြီး ဓားထောက်လုယူမှုများ ကြုံတွေ့လာမှုများ ကြောင်း တောင်ဥက္ကလာပမြို့နယ် တွင် နေထိုင်သည့် ကိုအေးစန်းက ပြောသည်။

‘‘ကိုယ်တိုင်ကြုံတာပါ။ ဝေဇယန္တာမီးပွိုင့် ညဘက်လူရှင်းတော့ ကားဘေးနားလာပြီး ရစ်သီ ရစ်သီလုပ်နေတာ။ ကျွန်တော် လည်း ရိပ်မိပြီး ကားလော့ခ်ချလိုက်တာမြန်လို့။ လာဖွင့်တယ်။ ဆွဲဖွင့်လို့မရတော့ လှည့်ထွက်သွားတယ်’’ဟု ၎င်းကဆိုသည်။

‘‘သူက ကားတံခါးဖွင့်ရရင် ဓားနဲ့ထောက်ပြီး ကားမှန်တွေ ချခိုင်းမယ့် သဘောမျိုးပဲ သာမန်လူကလည်း အသိလို့ပဲထင်မယ်လေ သံသယ၀င်မှာမဟုတ်ဘူး’’ဟု ၎င်း က ဆိုသည်။

ထို့ပြင် အမျိုးသမီးငယ်လေးများအနေဖြင့် အပြင်သွားရာတွင်လည်း မျက်လုံးသို့ ဖျန်းပက်၍ တိုက်ခိုက်နိုင်သော ငရုတ်သီးဖျန်း ဆေးဘူးများ ဆောင်ထားသင့် ကြောင်း တိုက်တွန်းလာကြသည်။ အဆိုပါ ဖျန်းဆေးဘူးမှာ တစ်ဖက်လူ၏ မျက်လုံးတည့်တည့်ကို ပက်ဖျန်းရုံဖြင့် နာရီဝက်ခန့် နာကျင်ခံစားစေသည်။ အလွယ်တကူ သယ်သွားနိုင်၍ မိန်းကလေး အသုံးအဆောင်ပစ္စည်း ဆိုင်များတွင် ၀ယ်ယူရရှိနိုင်သည်။

‘‘တစ်ဘူးမှ ငါးထောင်၊ ခြောက်ထောင်နဲ့ ဆောင်ထားသင့်တယ်။ ရစ်သီရစ်သီ လာလုပ်တာ တို့၊ လာလုတာတို့ဆို အိတ်ထဲ ပိုက်ဆံနှိုက်သလိုနဲ့ ဖျန်းပြီးလွတ် အောင်ပြေး’’ဟု ကျောက်တံတား မြို့နယ်မှ Zin အမျိုးသမီးက အသုံးအဆောင်ပစ္စည်း ရောင်းချသူ မဝေသီက အကြံပြုသည်။

ထို့ပြင် မိန်းကလေးများအနေ ဖြင့် တစ်ကိုယ်ရေတိုက်ခိုက်နည်း ပညာများကို အနည်းငယ်တတ် ကျွမ်းအောင် လေ့လာထားသင့်ပြီး သိထားရန် လိုအပ်ကြောင်း တိုက်ကွမ်ဒိုနည်းပြ ဆရာဦးဇော်သက်ဝင်းက ပြောသည်။ ‘‘အင်တာနက်မှာ လေ့လာလို့ရတဲ့ တိုက်ကွက်လေးတွေရှိပါတယ်။ အများကြီးလည်း မလေ့ကျင့်ရဘူး။ လျှပ်တစ်ပြက်နဲ့ မြန်မြန်တိုက်ခိုက်ပြီး ကိုယ်လွတ်ရုန်းနိုင်တယ်’’ဟု ၎င်း က ပြောသည်။

ယောက်ျားလေးများအနေ ဖြင့် တိုက်ခိုက်ခံရမှုနည်းနိုင်သော်လည်း တစ်ကိုယ်ရေလုံခြုံမှုအတွက် ဆင်ခြင်သင့်သည်ဟု ၎င်းက ဆက်လက်ပြောသည်။

‘‘ယောကျာ်းလေးက စိတ်ကြီးပြီး မခံချင်စိတ်ရှိတော့ ဓားထောက် ငွေတောင်းရင်တောင် တော်ရုံမပေးချင်ကြဘူး။ ဒါက အန္တရာယ်များပါတယ်။ လူမထိခိုက်ဖို့ အဓိကထားပါလို့ပဲ ပြောချင်တယ်’’ဟု ဦးဇော်သက်ဝင်းက ပြောသည်။

ထိုကဲ့သို့ လုယက်မှုများကို ထိန်းချုပ်ရန်လည်း ရဲတပ်ဖွဲ့ဝင်များအနေဖြင့် အင်အားမလုံ လောက်ကြောင်း ပြောကြားထား ပြီးဖြစ်သည်။ ထို့ပြင် အကြမ်းဖက်သူများကို နှိမ်နင်းသည့် ရဲတပ်ဖွဲ့ အနေနှင့်လည်း အသေအပျောက် နှင့် ထိခိုက်မှုများရှိခြင်းကြောင့် အဆင့်မြှင့်တင်မှုများ ပြုလုပ်ရန် လိုအပ်နေပြီဟု ဝေဖန်မှုများရှိနေ သည်။ ထို့ကြောင့် လုယက်အကြမ်း ဖက်မှုများကို ပြည်သူများအနေဖြင့် မိမိလုံခြုံရေးအတွက် သတိထားရန်လိုအပ်ပြီး မိမိအန္တရာယ်ကို မိမိ ကိုယ်တိုင်သာရှောင်ရန် အချက် များကို သိထားသင့်ကြောင်း တိုက် ကွမ်ဒို နည်းပြဆရာ ဦးဇော်သက်ဝင်းက အကြံပြုပြောကြားသည်။

ရန်ကုန်မြို့အပါအ၀င် နိုင်ငံ တစ်ဝန်းမှာ နေထိုင်သူများက စိုးရိမ်ကြောင့်ကြကင်းပြီး လုံခြုံစိတ်ချစွာ နေထိုင်လိုသဖြင့် လုယက်မှုများ ပပျောက်အောင် ကိုင်တွယ် ဖြေရှင်းပေးရန် တောင့်တလျက်ရှိကြောင်း ပြောဆိုကြသည်။
7daydaily
http://www.7daydaily.com/story/47003


စက်တင်ဘာ ၂၃ရက်၊ ၂၀၁၅ခုနှစ်။

ကော့ကရိတ်ခရိုင်၊ ကျုံဒိုးတိုက်နယ် ကမ်းနီကျေးရွာအုပ်စုရှိ သရက်တောကျေးရွာ၌ အ.လ.က(ခွဲ) ကျောင်းတွင် ယနေ့မနက် ကျောင်းတက်ချိန် ၉နာရီအချိန်ခန့်တွင် ကျောင်းသားကျောင်းသူ ၁၃၀ဦးကျော်မှာ သောက်သုံးရေ အဆိပ်သင့်မှုဖြစ်ပွားသဖြင့် ကျုံဒိုးတိုက်နယ်ဆေးရုံနှင့် ကော့ကရိတ်ဆေးရုံများသို့ ပို့ဆောင်ခံထားရပြီး ဆေးကုသမှုခံယူလျက်ရှိသည်ဟု အဆိုပါကျောင်း၏ ပညာရေးဝန်ထမ်းများထံမှ သိရသည်။

ကော့ကရိတ်ခရိုင် ပညာရေးလက်ထောက်ညွန်ကြားရေးမှူး ဦးအောင်သိန်းက “ကျောင်းနားက သောက်သုံးရေကန်အနီးမှာ ဗျိုင်း ငှက်တွေလာပြီး ကျက်စားတာကြောင့် ဗျိုင်းငှက်ထောင်ဖမ်းတဲ့သူတွေက ပေါ်တက် ဆေးတစ်မျိုးကိုသုံးပြီး ဖမ်းတော့ဖမ်းတယ်။ အဲ့ဒါတွေက သောက်ရေကန်ထဲကို စိမ့်ဝင်ရောနှောတော့ သောက်မိတဲ့ကျောင်းသားကျောင်းသူတွေမှာ ရေအဆိပ်သင့်တာပါ״ ဟု ကေအိုင်စီသို့ ပြောသည်။

အဆိုပါသရက်တော အလယ်တန်းကျောင်းခွဲ၌ ကျောင်းသားကျောင်းသူ စုစုပေါင်း ၂၂၉ဦး ပညာသင်ယူနေပြီး ကျုံဒိုးတိုက်နယ် ဆေးရုံ၌ ကျောင်းသားကျောင်းသူ ၆၅ဦးနှင့် ကော့ကရိတ်ဆေးရုံ၌ ၆၉ဦးကို အရေးပေါ် တင်ပို့ထားရသည်ဟု ၎င်းဆေးရုံများ၏ ကျန်းမာရေးဝန်ထမ်းများထံမှ သိရသည်။

“အခုက ဆေးရုံအုပ်ကြီးကိုယ်တိုင် အခင်း ဖြစ်နေရာကို သွားနေပါတယ်။ အဆိပ်နဲ့ပတ်သက်တဲ့ ဆေးဝါးကျွမ်းကျင်ဋ္ဌာနကို ချိတ် ဆက်ပြီးတော့ လိုအပ်တဲ့ ကုသမှုတွေအတွက် ပူးပေါင်းလမ်းညွှန် ကုသပေးနေပါတယ်။ စိုးရိမ်ရတဲ့ အခြေအနေရှိမရှိတော့ စောင့်ကြည့်ရအုံးမှာပေါ့။ ဖြစ်စဉ်ကိုစစ်ဆေးပြီးမှ လိုအပ်တဲ့ ကုထုံးများအတိုင်း ဂရုတစိုက်ဆောင်ရွက်သွားပါမယ်״ဟု ကုသမှုတွင် ပါဝင်သည့် အမည်မဖော်လိုသူ ဆရာဝန်မတစ်ဦးက ပြောသည်။

ရေအဆိပ်သင့်သည့် ကျောင်းသူ မနန္ဒာ၏အစ်မ မအေးပုံက “အဆိပ်သင့်ပြီး ဆေးရုံရောက်နေတယ်လို့ကြားတော့ ကြားကြား ချင်းပဲ လိုက်လာခဲ့တယ်။ စိတ်အရမ်းပူသွားတယ်။ ဒါပေမဲ့ အခုတော့ သက်သာသွားပြီး ခေါင်းမူးတာလောက်ပဲ ကျန်တော့တယ်။ ဒီလိုမျိုးက ကျမတို့ဆီမှာ တခါမှမဖြစ်ခဲ့ဖူးဘူး။ ဒါက ပထမဦးဆုံးအကြိမ် ဖြစ်တာပါ״ဟု ကေအိုင်စီသို့ ပြောသည်။

လက်ရှိအချိန်တွင် ရေအဆိပ်သင့် ကျောင်းသားကျောင်းသူများအနက် အသက်အန္တရာယ် စိုးရိမ်ရသည့် အခြေအနေမရှိဘဲ ၎င်း တို့အခြေအနေကို ကျန်းမာရေးဝန်ထမ်းများက စောင့်ကြည့်ကုသပေးနေဆဲဖြစ်ပြီး အဆိပ်သင့်သူများကို ဒေသတွင်း အရပ်ဖက် လူမှုအဖွဲ့အစည်းများ၊ အစိုးရမဟုတ်သည့် Save The Children အဖွဲ့မှ တာဝန်ရှိသူများနှင့် စစ်ဖက်၊ နယ်ဘက်ဋ္ဌာနဆိုင်ရာများမှ လာရောက်ကူညီစောင့်ရှောက်ပေးလျက်ရှိသည်။

 (ကဆောဝါး၊ စအိုင်စူး)
ကေအိုင်စီ - KIC News
http://kicnews.org


 လာမယ့်ရွေးကောက်ပွဲမှာ မဲဆန္ဒရှင် သက်သေခံလက်မှတ် ရရှိထားသူအားလုံး မဲပေးခွင့်ရမှာဖြစ်သလို တပြိုင်နက်မှာ တခြားသူကိုယ်စား လိမ်လည်မဲပေးမယ့်သူတွေကို ဥပဒေအရ အရေးယူသွားမှာဖြစ်တယ်လို့ ပြည်ထောင်စုရွေးကောက်ပွဲကော်မရှင် က RFA ကို ဒီကနေ့ ပြောကြားလိုက်ပါတယ်။

ရွေးကောက်ပွဲကောက်မရှင်က အခုနောက်ဆုံးထုတ်ပြန်ထားတဲ့ မဲစာရင်းမှာပါတဲ့သူတွေကို မဲဆန္ဒရှင် သက်သေခံလက်မှတ်တွေ ထုတ်ပေးသွားမှာဖြစ်တယ်လို့ ပြည်ထောင်စု ရွေးကောက်ပွဲကော်မရှင်ရုံး ညွှန်ကြားရေးမှူး ဦးသောင်းလှိုင်က ပြောပါတယ်။

"အဓိကက ဘာလဲဆိုလို့ရှိရင် ရေဘေးဖြစ်သွားတဲ့အခါကျတော့ တော်တော်များများမှာ မှတ်ပုံတင်ကဒ်ပြားတွေ ပျက်သွားတာတို့ ပျောက်သွားတာတို့၊ အိမ်ထောင်စုစာရင်းတွေ ပျက်သွားတာတို့ရှိတယ်၊ အဲဒီအခါကျတော့ ဒီပုဂ္ဂိုလ်တွေ မဲလာပေးမယ်ဆိုရင် မှတ်ပုံတင်ကဒ်တွေ မရှိတော့တဲ့အတွက် သူတို့ အခွင့်အရေးဆုံးရှုံးမှာကို စိုးရိမ်တယ်၊ အဲဒါကြောင့်မို့ မစိုးရိမ်ပါနဲ့ ဒီအတွက်ကို မဲဆန္ဒရှင် သက်သေခံလက်မှတ်တွေ ထုတ်ပေးပါ့မယ်၊ အဲ့လိုပေးတဲ့နေရာမှာ သူတို့တင်မကဘူး၊ မဲဆန္ဒရှင်အားလုံးပေါ့ မဲဆန္ဒရှင်အားလုံးဆိုတာ အခုနောက်ဆုံးအတည်ပြုပြီးရင် မဲစာရင်းမှာပါတဲ့ မဲဆန္ဒရှင်အားလုံးကိုလည်း ထုတ်ပေးပါမယ်"

ဒါ့အပြင် ရွေးကောက်ပွဲနေ့မှာ ဆန္ဒမဲပေးပြီးသွားသူတွေရဲ့ ထင်ရှားတဲ့နေရာမှာ မှင်နဲ့ရိုက်နှိပ်အမှတ်အသားပြုလုပ် သွားမှာဖြစ်တယ်လို့လည်း သူကပြောပါတယ်။

မဲစာရင်းမှားယွင်းမှုတွေကို စက်တင်ဘာလ ၂၇ ရက်နေ့အထိ ပြင်ဆင်တင်ပြခွင့်ပြုထားပြီး ရေးဘေးသင့်ဒေသတွေက ပြည်သူတွေအတွက် အမှားပြင်ဆင်နိုင်တဲ့ရက်ကို တိုးပေးထားတယ်လို့လည်း သိရပါတယ်။

RFA Burmese
https://www.facebook.com/RFA-Burmese

မလုံ မခြုံ ၊ ချွတ်ခြုံကျနေတဲ့ ဘ၀မှလွတ်လပ်စွာ ချမ်းသာကြွယ်ဝခြင်းဆီသို့ 

ပြောင်းလဲနိုင်ဘို့ 

NLD ကို မဲပေးကြစို့ 

ကျမ ခင်မို့ မို့ အောင်ပါ၊ လသာ မြို့ နယ် (ပြည်သူ့ လွှတ်တော်) မဲဆန္ဒနယ်မှာ အမျိုးသားဒီမိုကရေစီ အဖွဲ့ ချုပ်ကို ကိုယ်စားပြုယှဉ်ပြိုင်မှာပါ။ အမျိုးသားဒီမိုကရေစီ အဖွဲ့ ချုပ်က “ ပြောင်းလဲ ချိန်တန်ပြီ NLD ကို မဲပေးပါ” လို့  ပြည်သူလူထုကြီးကို မေတ္တာရပ်ခံနေပါတယ်။

အဖွဲ့ ချုပ်ကို ကိုယ်စားပြု ယှဉ်ပြိုင်မယ့် ကိုယ်စားလှယ်လောင်းတစ်ယောက် အနေနှင့် မိမိကို မဲပေးမယ့် ပြည်သူ လူထုကို ဘယ်လို ပြောင်းလဲအောင် လုပ်ပေးမှာလဲဆိုတာ ကိုယ်စားလှယ်လောင်းတိုင်း ဖြေသင့်တဲ့ မေးခွန်းလို့  ကျမထင်ပါတယ်။

ကျမကို မဲပေးပါ။ “ လူတိုင်းလွတ်လပ်စွာ ချမ်းသာ ကြွယ်ဝခွင့်” အခွင့်အရေးကို ရအောင် ကျမ အစွမ်းကုန် ကြိုးစား ပါ့မယ်။

လွတ်လပ်တယ်ဆိုတာ ရွေးချယ်ခွင့်ရှိခြင်းနဲ့ လုံခြုံစိတ်ချရခြင်းကိုဆိုလိုတာပါ။ ရွေးချယ်ခွင့်တော့ ရှိပါရဲ့ လုံ ခြုံမှု မရှိရင်လည်း ကျမတို့ မလွတ်လပ်နိုင်ပါဘူး။
လူတိုင်းလူတိုင်းဟာ မိမိ ဘ၀ကို ဘယ်လို ပုံစံ ထူထောင်မယ်ဆိုတဲ့ ကိစ္စမှာ ရွေးချယ်ခွင့်ရှိရပါ့မယ်။ ပညာရှင်တစ်ယောက်အဖြစ် ရပ်တည်မှာလား၊ စီး ပွားရေး သမားအဖြစ် ရပ်တည် မှာလား၊ အနုပညာလုပ်ငန်းတွေလုပ်မှာလား။ မိမိ စိတ်တိုင်းကျ ရွေးချယ်တည်ဆောက်ခွင့် ရှိရပါမယ်။ ဒီလို မိမိ စိတ်တိုင်းကျ ရွေးချယ်ပြီး နေပျော်တဲ့ ဘ၀ လေးတွေ ပိုင်ဆိုင်ဖို့ အခြေခံ လိုအပ်ချက်များကို အစိုးရက တာဝန်ယူ ဖန်တီးပေးရပါ့မယ်။ အခမဲ့ ပညာရေးတို့ ၊ အခမဲ့ ကျန်းမာရေးစောင့်ရှောက်မှုတို့ စသဖြင့်ပေါ့။

ကိုယ်ကတော့ ဆရာဝန်တစ်ယောက်ဖြစ်ချင်ပါတယ်။ မိသားစု အခြေအနေ မပေးလို့ ဈေးရောင်းနေရတယ်။ လုပ်ချင်တာကတော့ အနုပညာသည်ပါ ထမင်းငတ်မှာစိုးလို့ ဝန်ထမ်းလုပ်နေရတယ်။ ဒီလို အခြေအနေမျိုးတွေကို ပြည်သူလူထုက ကြုံနေရတယ်ဆိုရင် ကျမတို့ လွတ်လပ်မှု မရှိဘူးလို့ ပြောရပါမယ်။ ကျမတို့ စိတ်တိုင်းကျ မရွေးချယ်နိုင်ဘူးပေါ့။ “လွတ်လပ်စွာ ချမ်းသာကြွယ်ဝခွင့်” အခွင့်အရေး ဆုံးရှူံး နေတယ်လို့ ဆိုရပါမယ်။

ကျမတို့ မှာ ရွေးချယ်ခွင့်တော့ ရှိပါရဲ့ လုံခြုံမှု မရှိဘူးဆိုရင် လည်း လွတ်လပ်တဲ့ လူတွေလို့ ပြောလို့ မရသေးပါ ဘူး။ ကျမတို့ စီးပွားရေးလုပ်ကြတယ်။ ပိုက်ဆံ စုကြတယ်။ နေပျော်တဲ့ အိမ်ကလေးတွေ ဆောက်ကြတယ်။ မိသားစု နဲ့ သိုက်သိုက်ဝန်းဝန်းအေးချမ်းစွာနေထိုင်နေကြတယ်။ ရုတ်တရက် အာဏာကိုင်တွေ၊ ငွေကြေးချမ်း သာသူတွေရောက်လာပြီး “ ဒီနေရာကနေ ဖယ်ပေးပါ ကွန်ဒို ကြီးဆောက်မလို့ (သို့ ) ဓာတ်ငွေ့ စက်ရုံကြီး ထူထောင်မလို့ ” ဆိုတာနဲ့ ၊ ကျမတို့ မိသားစု အသိုက်အ၀န်းလေးကို ဖျက်စီးပေးလိုက်ရတယ်ဆိုရင်၊ ကျမတို့ မှာ လုံခြုံမှု မရှိပါဘူး ဒီလို လုံခြုံမှု မရှိခြင်းကို “ လွတ်လပ်စွာ ချမ်းသာကြွယ်ဝခွင့်” မရှိဘူးလို့ ဆိုရပါမယ်။

ကျမတို့ လက်ထဲမှာ ကျမတို့ သဘောကျတဲ့ ဟန်းဖုန်းလေးတွေ ကိုင်ထားတယ်၊ အိုင်ဖုန်း၊ အန်းဒရိုက်ဖုန်း ၊ ဗွီဗို၊ ဟာဝေး အစရှိသဖြင့်ပေါ့၊ ဒါကိုပဲ အာဏာ ကိုင်တွေက ခင်ဗျားတို့ ဒီဖုန်းတွေ သုံးခွင့်မရှိဘူးဆိုရင်၊ ကျမတို့ ဘာများ တတ် နိုင်ပါ့မလဲ။ ကျမတို့ သဘောကျလို့ ဝယ်ယူထားတဲ့ ဒီဖုန်းလေးတွေ သူတို့လက်ထဲ အပ်ရုံ မှ တပါး အခြားမရှိဘူးဆိုရင် ကျမတို့ ဥစ္စာ ပစ္စည်းတွေဟာ လုံခြုံမှု မရှိဘူးလို့ ဆိုရပါမယ်။ ဒီလို လုံခြုံမှု မရှိဘဲ ကျမတို့ ကိုယ် ကျမတို့ ချမ်းသာ ကြွယ်ဝနေပါတယ်လို့ ပြောလို့ မရပါဘူး။

ကျမတို့ ရဲ့ စည်းစိမ်ဥစ္စာတွေတင်မဟုတ်ပါဘူး။ ကျမတို့ သားသမီးတွေရော လုံခြုံပြီလား၊ ကျမတို့ သူငယ်ချင်း၊ ချစ်သူ၊ ဇနီး ခင်ပွန်းသည်တွေရောလုံခြုံရဲ့ လား ၊ ကျမတို့ ကိုယ်တိုင်ရော လုံ ခြုံပြီလား။ ကျမတို့ အပြောင်းအလဲ ကိုလုပ်ယူရမယ့် အချိန်ရောက်ပါပြီ။ မလုံခြုံ မလွတ်လပ်တဲ့ ဘ၀ကနေ လွတ်လပ်လုံခြုံတဲ့ ဘ၀ကို တက်လှမ်းနိုင်ဘို့ ကျမပါဝင်ကိုယ်စားပြုထားတဲ့ အမျိုးသား ဒီမိုကရေစီ အဖွဲ့ ချုပ်ကို မဲပေးကြပါစို့ လို့ တိုက်တွန်းချင်ပါတယ်။

မဲဆန္ဒရှင်ပြည်သူများရှင်၊ ၂၀၁၅ ခုနှစ် ရွေးကောက်ပွဲမှာ အမျိုးသားဒီမိုကရေစီအဖွဲ့ ချုပ်ကို ကိုယ်စားပြုပြီး လသာမြို့ နယ် ပြည်သူ့ လွှတ်တော် နေရာအတွက် ကျမ၀င်ရောက်ယှဉ်ပြိုင်ရတဲ့ အကြောင်းအရင်းကတော့ ပြည်သူလူထုကြီးရဲ့ မလုံမခြုံနဲ့ ချွတ်ခြုံကျနေတဲ့ ဘ၀ကနေ “ လွတ်လပ်စွာ ချမ်းသာကြွယ်ဝ” လာအောင်ဆိုတဲ့ အပြောင်းအလဲကို ဆောင်ရွက်ပေးချင်လို့ ပါပဲ။ ကျမပြောချင်တဲ့ ပြောင်းလဲ ချိန်တန်ပြီဆိုတာ နင်းပြားဘ၀ကနေ လွတ်လပ်ပြီး ချမ်းသာတဲ့ ဘ၀အခြေအနေကို ပြောင်းလဲဖို့ အချိန်တန်ပြီလို့ ပြောချင်တာပါ။

တရားဥပဒေ စိုးမိုးရေးမှသည် လွတ်လပ်စွာ ချမ်းသာ ကြွယ်ဝရေးဆီသို့ 

ကျမ ခင်မို့ မို့ အောင်ပါ၊ လသာမြို့ နယ် (ပြည်သူ့ လွှတ်တော်) မဲဆန္ဒနယ်မှာ အမျုိးသားဒီမိုကရေစီ အဖွဲ့ ချုပ်ကို ကိုယ်စားပြု ယှဉ်ပြိုင်မှာပါ။ “ လူတိုင်း လွတ်လပ်စွာ ချမ်းသာကြွယ်ဝရေး” အခွင့်အရေးကို မြန်မာနိုင်ငံသူ နိုင်ငံ သားတိုင်း တန်းတူ ခံစားစေရပါမယ်လို့ ကျမကတိပေးခဲ့ပါတယ်။

ဒီကတိကို အကောင်အထည်ဖော်ဖို့ ၊ ကျမက ပြည်ထောင်စု မြန်မာနိုင်ငံ အ တွင်းမှာ တရားဥပဒေ စိုးမိုးမှု ထွန်းကား လာအောင် အရင်ဆောင်ရွက်မှာ ဖြစ်ပါတယ်။ လူတွေမှာ ရွေးချယ်ခွင့်တော့ရှိပါရဲ့  လုံခြုံမှု မရှိဘူးဆို ရင် သူတို့ ဟာ ချမ်းသာကြွယ်ဝနေတယ်လို့ ပြောလို့ မရကြောင်း ကျမဆွေးနွေးခဲ့ပြီးပါပြီ။

တိုင်းသူ ပြည်သားတွေ ရဲ့ ဥစ္စာပစ္စည်း၊ အသက်၊ ဂုဏ်သိက္ခာ နဲ့ မွေးရာပါ အခွင့် အရေးတွေကို တရားဥပဒေ စိုးမိုးမှုမရှိဘဲ အကာအကွယ် ပေးလို့ မရပါဘူး။
ဒါကြောင့် ကျမ ဆောင်ကျဉ်းပေးမယ့် အပြောင်းအလဲဆိုတာ “ လူတိုင်း လွတ်လပ်စွာ ချမ်းသာ ကြွယ်ဝနိုင်ဘို့ ” တရားဥပဒေ စိုးမိုးမှုမရှိတဲ့ အခြေအနေကနေ တရားဥပဒေ စိုးမိုးမှုရှိတဲ့ အခြေအနေကို ပြောင်းလဲလာအောင် ဆောင်ရွက်ပေးမှာပါပဲ။
တရားဥပဒေ စိုးမိုးမှုအကြောင်းကိုပြောရင် အစိုးရများ၊ အစိုးရမင်းများနှင့် ၄င်း တို့ ဧ။် ၀န်ထမ်းများ၊ ပြည်သူလူထု တစ်ဦးချင်း နဲ့ ပုဂ္ဂလိက လုပ်ငန်းရှင်များအပါအ၀င် အားလုံးဟာ ပြဌာန်းထားတဲ့ ဥပဒေ နဲ့ အညီ သူတို့ လုပ်တဲ့ လုပ်ရပ်တွေကို အပြည့်အ၀ တာဝန်ယူရမယ်ဆိုတဲ့အချက်က မပါမဖြစ် ဖြစ်ပါတယ်။

ကျမတို့ ဈေးရောင်းတယ်၊ စားသောက်ဆိုင်လုပ်ငန်းဆောင်ရွက်တယ်ဆိုပါစို့ ၊ ဒါဟာ ကျမတို့ ရဲ့ ရွေးချယ်ခွင့်ပါ။ ဒီရွေးချယ်ခွင့်အတွက် ကျမတို့ တာဝန်အပြည့်အ၀ ယူရပါမယ်။ စားသောက်ဆိုင်ပိုင်ရှင် တွေက မိမိတို့ လုပ်ငန်းဝန်ဆောင်မှုအပေါ် အပြည့်အ၀ တာဝန်ခံလာတဲ့အတွက် စားသုံးသူများရဲ့ တစ်နေ့ တာ ဟာ ပျော်ရွှင်စရာကောင်းလာပြီး၊ သူတို့ လုပ်ငန်းတွေမှာ တက်တက်ကြွကြွဆောင် ရွက်လာနိုင်ပါမယ်။ ဒီမှာ တင် ပြည်သူလူထုရဲ့  လွတ်လပ်စွာ ချမ်းသာကြွယ်ဝ ခွင့် လမ်းစ ဟာ ပေါ်ပေါက်လာတယ်လို့ ဆိုနိုင်ပါတယ်။ ဆိုင်ရှင် ရော စားသုံးသူ အတွက်ပါ အကျိုးရှိလာပါမယ်။ ထို့အတူဘဲ ပြည်သူလူထုကလဲ မိမိတို့ဘယ်သူ့ကိုရွေးမလဲဆိုတာ တာဝန်ယူရသလို အစိုးရများ၊ အစိုးရ၀န်ထမ်းများကလည်း မိမိတို့ ရဲ့တာဝန် နဲ့ အခွင့်အာဏာကို အတိအကျ လိုက်နာကျင့် သုံးခြင်းဖြင့် တာဝန်ယူ တာဝန်ခံဆောင်ရွက်မှုရှိရမှာ ဖြစ်တယ်။

အရေးမယူရမယ့် ကိစ္စကို အရေးယူတာဟာ တရားဥပဒေစိုးမိုးမှုမရှိတာဖြစ်သလို အရေးယူ၇ မယ့်ကိစ္စကို အရေးမယူတာဟာလည်း အကျင့်ပျက်ခြင်း ပါပဲ။ “ကျနော်တို့ က စည်ပင်သာယာကပါ” ဆိုပြီး ဆိုင်အတွင်းအခမဲ့ စားသောက်သွားခြင်းဟာ ဥပဒေ စိုးမိုးမှု မရှိတာ ဖြစ်သလို ကျန်းမာရေးနဲ့မညီတဲ့ အစားအသောက်တွေရောင်းနေတဲ့ စားသောက်ဆိုင်ကို ဥပဒေနဲ့ အညီအရေးမယူဘဲ လွှတ်ထားတာကလဲ ပြည်သူလူထုရဲ့လွတ်လပ်စွာချမ်းသာကြွယ်ဝခွင့် အခွင့်အရေးကို ထိပါးစေ ပါတယ်။ ဒါကြောင့် အာဏာရှိတဲ့လူနဲ့ ၄င်းရဲ့အပေါင်းအပါဝိသမလောဘ စီးပွားရေးသမားများသာ ကြီးပွားချမ်းသာနေပြီး ရိုးရိးသားသားကြိုးစား ရုန်းကန်ပေမဲ့ ချမ်းသာခွင့်မရတာဟာ တရားဥပဒေ စိုးမိုးမှု ပျက် သုဉ်းနေတာဖြစ်ပြီး ပြည်သူလူထုရဲ့  “ လွတ်လပ်စွာ ချမ်းသာကြွယ်ဝရေး” အခွင့်အလမ်းတွေ ဆုံးရှုံးနေပြီလို့ ဆိုရမှာပါ။

“ တရားဥပဒေစိုးမိုးမှု” မှာ အစိုးရ၊ အစိုးရမင်းများ၊ တစ်ဦးချင်းနှင့် ပုဂ္ဂလိက လုပ်ငန်းရှင်များအပါအ၀င် နိုင်ငံသူ နိုင်ငံသားများဟာ မိမိတို့ ရဲ့ ရွေးချယ်မှုအပေါ် ဥပဒေနဲ့ အညီ တာဝန်ယူ၊ တာဝန်ခံရမှာ ဖြစ်တဲ့အတွက် ပြဌာန်းထားတဲ့ ဥပဒေတွေဟာ ရှင်းလင်းပြတ်သားပြီး နားလည်ရလွယ်ကူသလို အများအတွက် အကျိုးဖြစ်ထွန်း စေရပါမယ်။ တရားမျှတတဲ့ ဥပဒေတွေလည်း ဖြစ်ရပါမယ်။ ဒါ့အပြင် ဒီဥပဒေတွေကို ကျင့်သုံးရာမှာလည်း ကျောသား၊ ရင်သား မခွဲ ခြားဘဲ
ကျင့်သုံးရမှာဖြစ်ပါတယ်။ ပြဌာန်းထားတဲ့ ဥပဒေတွေဟာ နိုင်ငံသူ နိုင်ငံသား တို့ ရဲ့ ဥစ္စာပစ္စည်းတွေနဲ့ အခြေခံ လူ့ အခွင့်အရေးတွေကို အကာအကွယ်ပေးထားတဲ့ ဥပဒေတွေ ဖြစ်ရပါမယ်။
ဥပမာအားဖြင့် လမ်းစည်းကမ်းချိုးဖောက်တာကို တားမြစ်တဲ့ ဥပဒေတွေ ပြဌာန်းတယ်ဆိုပါတော့၊ ဘယ်လို အပြုအမှုမျိုးဆိုရင်၊ ဥပဒေကို ချိုးဖောက်ရာကျတယ်ဆိုတာကို ရှင်းလင်းပြတ်သားစွာနဲ့ နားလည်ရလွယ်ကူအောင် ရေးသားပြဌာန်းထားရပါမယ်။ ပြဌာန်းထားတဲ့ ဥပဒေတွေကလည်း လူတစ်စု အလုပ်ဖြစ်ဖို့ ဆိုတာထက်၊ ခရီးသွားပြည်သူများ ( မော်တော်ကားနဲ့ ဖြစ်စေ၊ အနှေးယာဉ် နဲ့ ဖြစ်စေ၊ ခြေကျင်ဖြစ်စေ) သက်သောင့်သက်သာ သွားလာနိုင်ဘို့ ကို ဦး တည်ပြဌာန်းထားတဲ့ ဥပဒေတွေ ဖြစ်ဖို့ လိုသလို၊ ယဉ်မောင်းနှင်ခြင်းလုပ်ငန်းနဲ့ အသက် မွေးမြူသူတွေ (တက္ကစီ ဆရာ၊ ဘတ်စ်ကားဆရာ၊ ကုန်တင်ကားဆရာ၊ အနှေးယဉ်လုပ်သားကြီးများ) ရဲ့ အကျိုး ကိုလည်း မျှတအောင်ပြဌာန်းထားတဲ့ ဥပဒေဖြစ်ဖို့ လည်းလိုပါတယ်။ ဒီဥပဒေတွေကို ကျင့်သုံးရာမှာလည်း ကျော သားရင်သားမခွဲခြားဘဲ ကျင့်သုံးရပါမယ်။ အကယ်၍ ဥပဒေတွေဟာ ဒီလို မ ဟုတ်ဘူးဆိုရင်၊ တရားဥပဒေ စိုးမိုးမှု မရှိဘူးလို့ ဆိုရပါမယ်။ “ လွတ်လပ်စွာ ချမ်းသာကြွယ်ဝခွင့် အခွင့်အရေး” ကို ဘယ်နည်းနဲ့ မှ အကောင်အထည် ဖော်ဆောင်ရွက်လို့ ရမှာ မဟုတ်ပါဘူး။

ဥပဒေဆိုတဲ့ အရာဟာ၊ လူသားတွေ ပေါ်ပေါက်ပြီးမှ
လူသားတွေအတွက် ပြဌာန်းထားတဲ့အရာဖြစ်ပါတယ်။ လူ့ အသိုက်အ၀န်းတစ်ခုကိုထူထောင်အပြီးမှာ ဒီအသိုက်အ၀န်းဖွံ့ ဖြိုးတိုးတက်လာအောင် စည်းမျဉ်းစည်းကမ်း တွေ ချမှတ်တဲ့သဘောပါပဲ။ မိသားစု တစ်စု၊ အဖွဲ့ အစည်းတရပ်ထူထောင်တဲ့ပုံစံနဲ့ တူပါတယ်။ မိသားစုဝင်တွေ၊ အဖွဲ့ ဝင်တွေ ၊ ဘာတွေ ဆောင်ရမယ်၊ ဘာတွေရှောင်ရမယ်ဆိုတဲ့ သဘောမျိုးပါပဲ။ ဒါကြောင့် ပြည်သူလူထု ကလိုက်နာရမယ့် ဥပဒေများကို ပြဌာန်းတဲ့ လုပ်ငန်းစဉ်အဆင့်ဆင့်မှာ လည်းပွင့်လင်းမြင်သာမှု ရှိရမယ်။ ပြည်သူ လူထုဟာ ဥပဒေပြဌာန်းတဲ့ လုပ်ငန်းစဉ်မှာတိုက်ရိုက်ဖြစ်စေ၊ သွယ် ၀ိုက်ပြီးတော့ ဖြစ်စေ ပါဝင်ခွင့် ရှိရပါမယ်။

ကျမတို့ သမိုင်းတလျှောက်ကနေလက်ရှိအချိန်အထိ ကိုပြန်ကြည့်မယ်ဆိုရင် ဥပဒေပြဌာန်းတဲ့ ရေးဆွဲတဲ့ လုပ်ငန်းစဉ်တွေမှာပါဝင်ဘို့ မပြောနဲ့ တစ်ချို့  ဥပဒေတွေဆို ဘယ်အချိန်က ဘယ်လို ပြဌာန်းလိုက်မှန်း တောင် ကျမတို့ ပြည်သူလူထုတွေကသိခွင့်မရှိ လိုက်ရပါ ဘူး။ ဒီလို အခြေအနေမျိုးကို သမ္မတ ဦးသိန်းစိန် အစိုးရက ဆက်လက် ကျင့်သုံးနေတာကတော့ အင်မတန်အံ့သြ စရာကောင်းတယ်လို့ ပြောရမှာပါပဲ။
စစ်မှန်တဲ့ဒီမို ကရေစီစနစ်မှာ မှမိမိတို့ ကို ကိုယ်စားပြုမယ့် ကိုယ်စားလှယ်တွေကို လွတ်လပ်စွာရွေးချယ်ခွင့်ရှိပြီး၊ ထိုကိုယ်စား လှယ်များအားဖြင့် မိမိတို့နဲ့ကိုက်ညီမဲ့ ဥပဒေတွေကို ရေးဆွဲနိုင်ကြလို့ ပဲ ဖြစ်ပါတယ်။ ပြည်သူလူထုဟာ တိုက် ရိုက်ဖြစ်စေ၊ သွယ်ဝိုက်၍ဖြစ်စေ ဥပဒေရေးဆွဲတဲ့လုပ်ငန်းစဉ်မှာ မပါဝင်နိုင်ဘဲ၊ ပြည်သူလူ ထုရဲ့ဘ၀၊ အသက်အိုးအိမ်စည်းစိမ်၊ သိက္ခာ၊ အခြေခံ လူ့အခွင့် အရေးတွေကို ကာကွယ် စောင့်ရှောက်ပေးမယ့် ဥပဒေတွေ ပေါ်ထွန်းလာမှာ မဟုတ်ပါဘူး။
ဒါ့ကြောင့်ကျမပြောချင်တာက အခုလာမယ့် ရွေးကောက်ပွဲမှာ ကျမကိုရွေးချယ်မဲပေးပါ။ ဒါဟာ လသာမြို့ နယ် ပြည်သူလူ ထုကြီးဟာ ဥပဒေ ရေးဆွဲရေးလုပ် ငန်းစဉ်မှာ သွယ်ဝိုက်ပြီး ပါဝင်လိုက်တာပါပဲ။ ကျမက ပြည်သူလူထု တရပ်လုံး “ လွတ်လပ်စွာ ချမ်းသာကြွယ်ဝရေး” ဆိုတဲ့အခွင့်အရေးကို ရရှိခံစားလာရအောင် အစွမ်းကုန် ဆောင်ရွက် ပေးပါ့မယ်။ ဒီလိုပါဝင်ခွင့်ရမှသာ ပြည်သူလူထု ရဲ့  “ လွတ်လပ်စွာ ချမ်းသာကြွယ်ဝရေး” ဆိုတဲ့ အခွင့်အရေး ကို ဦးတည်တဲ့ ဥပဒေ တွေ ပြဌာန်းနိုင်မှာ ဖြစ်ပါတယ်။ ဒီလိုပြဌန်းဥပဒေတွေကို မိမိကိုယ်တိုင် လိုက်နာကျင့်သုံးပြီး ကွပ်ကဲစည်းကြပ် နိုင်မဲ့အစိုးရတရပ်ကိုလည်း ပြည်သူလူထုက ဖွဲ့ စည်းပေးရပါတယ်။

ပြည်သူလူထုရဲ့  “ လွတ်လပ်စွာ ချမ်းသာကြွယ်ဝခွင့်” အခွင့်အရေးကို အကောင်အထည်ဖော်ဆောင်ရွက်မယ့် အစိုးရတရပ်ဟာ “ တရားဥပဒေ စိုးမိုးမှု” ကို အကောင်အထည်ဖော် အာမခံ ဆောင်ရွက်ရပါမယ်။ ဒီလို အစိုးရအဖွဲ့ အစည်းကလဲ အချင်းချင်း လုပ်ပိုင်ခွင့်အာဏာကို ခွဲဝေတဲ့နေရာမှာ ဘယ်အဖွဲ့ အစည်း ဘယ်လူပုဂ္ဂိုလ် တစ်ယောက်က မှ အခြား အဖွဲ့ အစည်း အခြား သူတွေ ထက် အာဏာကို ပိုမိုပိုင်ဆိုင်မ ထားဘို့ ပါဘဲ။

မိမိရှာဖွေထားတဲ့ ပစ္စည်း ဥစ္စာတွေ ဖောက်ထွင်းအခိုးခံလိုက်ရလို့ သက်ဆိုင်ရာ ရဲဌာန ကို အကြောင်းကြားတိုင် တန်းရာမှာ “ ဗွီအိုင်ပီ လမ်းကြောင်းရှိလို့ ခင်ဗျားကိစ္စ နောက်မှ ရှင်းမယ်”တို့ အခုရက်ပိုင်းအတွင်းတရားခံတွေ အများကြီး လွတ်ငြိမ်းချမ်းသာခွင့်ရထားလို့ ကိုယ့်ဟာကိုယ်သတိသာထားကြတော့ဆိုတာမျိုးဟာ တရားဥပဒေ စိုးမိုးနေပါတယ်လို့ ပြောနိုင်ပါ့မလား။့ ဒါဟာလွတ်လပ်စွာ ချမ်းသာကြွယ်ဝခွင့် အခွင့်အရေး ဆုံးရှူံးနေတာ မဟုတ်လား ရှင်။

သက်ဆိုင်ရာက သတ်မှတ်ပြဌာန်းပေးတဲ့ အခွန်ငွေပေးဆောင်ပြီးမှ လုပ်ငန်း ဆောင်ရွက်နေပေမယ့် ။ အရာရှိ ကြီးဦးဘယ်သူ က ဒါတွေ ကိုအခုရပ်လိုက်ပါလို့ အခြိမ်းခြောက်ခံရတာကို တရားဥပဒေနှင့်အညီ ကာကွယ် မယ်လို့ စဉ်းစားချိန်မှာ တရားသူကြီးလည်း ကြောက်နေမှာပါ ဆိုတဲ့ အခြေအနေမျိုးကို လွတ် လပ်တယ်ခေါ်နိုင်ပါ့မလား၊ ချမ်းသာတယ်ခေါ်နိုင်ပါ့မလား၊ လာသာမြို့ နယ်အတွင်းက ပြည်သူလူထုကြီးသာမက မြန်မာနိုင်ငံသူ၊ နိုင်ငံသားအားလုံး “ လွတ်လပ်စွာ ချမ်းသာ ကြွယ်ဝခွင့်” အခွင့်အရေးကို ပြည့်ပြည့်၀၀ အေးအေးလူလူ ခံစားနိုင်ဘို့ ဆိုရင် တရားဥပဒေ စိုးမိုးရေး ထွန်းကားဘို့ လိုပါတယ်။
လူတိုင်းလူတိုင်း လွတ်လပ်စွာ ချမ်းသာ ကြွယ်ဝနိုင်ရေးအတွက် တရား ဥပဒေ စိုးမိုးမှုဖော်ဆောင်နိုင်ဘို့ ကျမကိုယ်စားပြုတဲ့ အမျိုးသားဒီမိုကရေစီအဖွဲ့ ချုပ်ကို မဲပေးကြပါစို့ လားရှင်

နောက်တစ်ကြိမ်မှာ ပြည်တွင်း ငြိမ်းချမ်းရေး ရှိမှသာ လူတိုင်းလွတ်လပ်စွာ ချမ်းသာကြွယ် ၀နိုင်မယ့် အကြောင်းဆွေးနွေးပါဦးမယ်။


မဇ္ဈိမနဲ့ ဦးကျော်သူတို့ မကြာသေးခင်က တွေ့ဆုံမေးမြန်းခန်းတစ်ခုမှာ အစိုးရရဲ့ ပြုပြင်ပြောင်းလဲရေး လုပ်နည်းလုပ်ဟန်နဲ့ ပတ်သက်ပြီး ပြုပြင်ပြောင်းလဲရေး လုပ်ရင် ကျော်သူ အရက်ဖြတ်သလို ပြတ်ပြတ် သားသား လုပ်ပါလို့ သက်တမ်းကုန်ဆုံးတော့မယ့် အစိုးရကို ဦးကျော်သူက တိုက်တွန်းလိုက်ပါတယ်။

လတ်တလော ကျော်သူ ဘာတွေလုပ်နေပါသလဲ၊ ကျော်သူ ဖြစ်လာဖို့ ဘယ်လို ဖြတ်သန်းခဲ့ရပါသလဲ။ ကျော်သူ ဘာတွေ ဆက်လုပ်ဦးမလဲ၊ ဘာတွေ လုပ်ချင်ပါသလဲ၊ ဘာတွေ လုပ်ခွင့်မရဘူးလဲ၊ ပြုပြင် ပြောင်းလဲရေး လုပ်နေပါတယ်ဆိုတဲ့ အစိုးရ လက်ထက်မှာ ကျော်သူ ဘာတွေ ကြုံတွေ့ခဲ့ရပါသလဲ မဇ္ဈိမက တင်ဆက်ပေးလိုက်ပါတယ်။


ပထမဆုံး အနေနဲ့ ဦးကျော်သူရဲ့ လှုပ်ရှားမှုတွေနဲ့ ပတ်သက်ပြီး NED ကနေ မှတ်တမ်းရုပ်ရှင်တွေ ရိုက်တယ်လို့ကြားတယ် မှတ်တမ်းတင် ရုပ်ရှင်ရိုက်ရတဲ့ ရည်ရွယ်ချက်ကို ပြောပြလို့ ရမလားခင်ဗျ။

NED အဖွဲ့ပေါ့ ၀ါရှင်တန်ဒီစီ အမေရိကားမှာ အခြေစိုက်တဲ့ အဖွဲ့ ဒီအဖွဲ့ ၂၀၁၄ တုန်းက ကျွန်တော် NED ဆု ချီးမြှင့်ပွဲတွေမှာ ရခဲ့တယ်။ အဲတုန်းက ကျွန်တော်ရယ် ဦးခွန်ထွန်းဦးတို့ ဒေါက်တာ စင်သီယာမောင်တို့ ဦးမင်းကိုနိုင်တို့ တစ်ဖွဲ့ လေးယောက် ငါးယောက် ရတယ် ဆုပေးပွဲပေါ့။ အဲဒါနဲ့ ပတ်သက်ပြီး သူတို့နဲ့ တွေ့တာပေါ့ တွေ့သွားတော့ သူတို့က ကျွန်တော်ရဲ့ လူမှုရေးလုပ်ဆောင်မှုတွေ စိတ်ဝင်စားတယ်ပေါ့ စိတ်ဝင်စားတော့ မှတ်တမ်းရုပ်ရှင် အဲဒါကို ရိုက်ချင်တယ် ဆိုပြီး ကျွန်တော့်ကို လာကမ်းလှမ်းတယ်။

လွန်ခဲ့တယ်တဲ့ နှစ် နှစ်လောက်က လာကမ်းလှမ်းတယ် လာကမ်းလှမ်းတော့ ဘယ်လိုပုံစံမျိုး လုပ်ချင်လဲ ဆိုတော့ လူစိတ်ဝင်စာပြီး ရုပ်ရှင်မင်းသားဘ၀ကနေ လူမှုရေးလုပ်တာ ဘာကြောင့်လဲ။ နိုင်ငံတွေ တော်တော်များများမှာ စစ်အုပ်ချုပ်ရေးရှိတဲ့ နိုင်ငံတော်တော် များများဟာ စစ်အာဏာရှင်တွေက လူမှုရေးသမားတွေကို ချုပ်ချယ်တဲ့ ဖိနှိပ်တဲ့ ဟန့်တားမှုတွေ ရှိတာကို သူတို့က ဖော်ထုတ်ချင်တယ် ဖော်ထုတ်ချင်တဲ့အတွက် လာကမ်းလှမ်းတယ်။

ကမ်းလှမ်းတော့ ကျွန်တော်ရိုက်ပေးတယ် ရိုက်ပေးတော့ သူတို့က သူတို့ ကင်မရာမန်းတွေနဲ့ ရိုက်ကူးခွင့်မှ လုပ်ချင်လားလို့ သူတို့က မေးတယ်။ သူတို့ လိုချင်တဲ့ဟာက ကျွန်တော် အိပ်ယာ ထတာရော စားတာ သောက်တာ ပြောတာဆိုတာ နိစ္စဒူဝ လုပ်တဲ့ လုပ်ငန်းတွေ ဒါကို သူတို့လိုချင်တယ် လိုချင်တော့ နိုင်ငံခြားက ကင်မရာမန်းတွေ ခေါ်တယ်ဆိုရင် ခက်ခဲဖြစ်မယ်။

ဒါကြောင့် ကျွန်တော်တို့ ကိုယ့်ရဲ့ အသင်းမှာရှိတဲ့ ကင်မရာမန်းတွေနဲ့ လုပ်မယ်ဆိုပြီး သဘောတူချက်ရပြီး ကျွန်တော်တို့ ရိုက်ခဲ့တယ်။ ရိုက်ခဲ့တော့ ကျွန်တ်ာက နဂိုကအစ ရုပ်ရှင်သမားဆိုတော့ ကျွန်တော်က ကိုယ်ကိုတိုင် ဒါရိုက်တာ လုပ်ပြီး ရိုက်ရတယ်။

အဲဒီတော့ ကိုယ့်ရဲ့အကြောင်းကို ကိုယ်ရိုက်တော့ ကျွန်တော်က အရင်တုန်းက ရိုက်လာတာက ဇာတ်လမ်း Story ဘဲ ရိုက်ဖူးတယ်။ သူတို့လို မှတ်တမ်းရုပ်ရှင် ဒါမျိုးတွေ ရိုက်ဖူးတာ မဟုတ်ဘူး အဲတော့ ကျွန်တော်က Story အတိုင်း မွေးလာတဲ့ကျောင်းသားဘ၀ နောက်အိမ်ထောင်ကျတယ်။ ရုပ်ရှင်လောက ရောက်တယ် ပြီးတော့ လူမှုရေး လုပ်တယ်။

ဒီအခက်အခဲတွေ ကျော်လွှားရတာတွေ ဒါတွေရိုက်တယ်။ သူတို့ ပထမ ဒါကိုကြည့်တယ် သူတို့က သူတို့ လိုချင်တဲ့ ပုံစံ ပြန်ပြောတယ်။ ပြန်ပြောတော့ ပြန်ပြောတဲ့အတိုင်း တည်းဖြတ် အပိုင်းပေါ့ အစကတော့ ဒီကားစရိုက်ကတည်းက အယ်ဒီတာမနှင်းနဲ့။ ဆက်ပြီးတော့ နောက်ပိုင်းကျတော့ ကိုမင်းသိုက်ကနေ အကူညီပေးတဲ့ အတွက် ကိုမင်းသိုက်ကနေ သူတို့ လိုချင်တဲ့ပုံစံ အတိုင်း သူတို့ စ်ိတ်တိုင်းကျ ရိုက်ဖြစ်သွားတယ်ပေါ့လေ။ ရိုက်ဖြစ်သွားတော့ လွန်ခဲ့တဲ့ တစ်နှစ်လောက်က စခဲ့တဲ့ဟာ ဒီလမှာ ဆွီဒင်နဲ့ ၀ါရှင်တန်ဒီစီမှာ ပြဖို့။ စပြီးတော့ ပြမယ့် အခမ်းအနားကို ကျွန်တော့်ကို ဖိတ်တဲ့ အတွက် ကျွန်တော်သွားတက်ရမယ်ပေါ့။

ဦးကျော်သူရဲ့ဘ၀ဇာတ်ကြောင်းကို ရိုက်တဲ့နေရာမှာ လေ့လာစရာတွေ များမှာပေါ့။ အတုယူ စရာတွေလည်း များမယ်။ ဒီဇာတ်ကားထုတ်ပြပြီးတဲ့ နောက်မှာလူငယ်တွေအတွက် ဘယ်လိုမျိုးဖြစ်လာမယ် သူတို့အတွက် လေ့လာစရာတွေ အတုယူစရာတွေ လူငယ်တွေ အတွက် ဘယ်လိုမျိုး အထောက်ပံ့ ပေးနိုင်မလဲ။

ကျွန်တော် မွေးလာကတည်းက လိမ္မာတဲ့သူ ယဉ်ကျေးတဲ့ သူတစ်ယောက်အဖြစ် မွေးလာတာ မဟုတ်ဘူး။ ကျွန်တော် ငယ်ငယ်တုန်းက ဆိုးခဲ့တာတွေ ရှိမယ် မိုက်ခဲ့တာတွေ ရှိမယ်။ ဒါတွေကို ကျွန်တော် အကုန်းလုံးထည့်ရိုက်တယ်။ ထည့်ရိုက်တဲ့ဟာ ရှိတယ် တစ်ချို့ဟာတွေက သူတို့ အနောက်တိုင်း အံမ၀င်တဲ့အတွက် ကျွန်တော် ဖြုတ်ပစ်လိုက်ရတာတွေ ရှိတယ်။

ဥပမာ ကျွန်တော် အမျိုးသမီးကို ကျောင်းမှာတွေ့တယ်။ တက္ကသိုလ်မှာ တွေ့တယ် တွေ့တဲ့အခါ ကျွန်တော်ကားနဲ့ တင်ပြေးတယ်။ ကားတင်ပြေးတာ သူသဘောမတူဘဲနဲ့ ကျွန်တော် သူငယ်ချင်းတစ်ယောက်က လက်ကနေ ကိုင်တယ်။ ကျွန်တော်က ခြေထောက်ကနေကိုင်တယ်။ ကားတံခါးကို ဖွင့်ပြီး ဘုန်း ဆို ပစ်ထည့်ပြီး ခိုးပြေးတာ ဒါတွေ ထည့်တယ်။ ထည့်ပေမယ့်လည်း သူတို့က သူတို့ ကာချာရယ် အရ ၁၈ နှစ်ကျော်တယ်ဆိုရင် မိမိဆန္ဒ အလျောက် လုပ်ပိုင်ခွင့်ရှိတယ်။

အဲတော့ ဒါတွေ ဖယ်ပေးပါဆိုတော့ ကျွန်တော် ဒါတွေရိုက်ထားတွေ ဖယ်လိုက်ရတဲ့ အပိုင်းရှိတယ်။ အဲတော့ ဒီအရာကို ကြည့်ခြင်းအားဖြင့် လူငယ်တွေ ကြည့်တယ်ဆိုရင် ကျော်သူ့ ပရဟိတ လုပ်နေတဲ့ကျော်သူ ရုပ်ရှင်မင်းသား လုပ်နေတဲ့ ကျော်သူ ဘယ်လို ဖြတ်သန်းခဲ့ရတယ်။ ငါတို့ ဘ၀တွေကိုလည်း ဘယ်လို ပြုပြင်ပြောင်းလဲရမယ် ဆိုတဲ့ဟာ။ ဒါအမှန်တရားအတွက် ပြည်သူလူထုအတွက် ဘယ်လိုရပ်တည်လို့ရတယ်ဆိုတဲ့ အတွေး ၀င်လာလိမ့်မယ်လို့ ကျွန်တော်ယုံကြည်တယ်။

လူကြီးပိုင်းတွေ ကြည့်တယ်ဆိုလဲ ကျော်သူဟာ ဒီလို ဖြတ်သန်းခဲ့ရပါလား။ သူအရင်တုန်းက ဆိုးခဲ့တာ ဆိုးခဲ့တာပဲ ကောင်းတဲ့အချိန်ကြတော့ စိတ်ဓါတ်ခွန်အား ဘယ်လိုရအောင် လုပ်ခဲ့တယ်ဆိုတာ မြင်တွေ့ရမှာ ဖြစ်ပါတယ်။ ဒါမြန်မာ နိုင်ငံအနေထားအရ ဒီပရဟိတ သမားတွေ ပရဟိတ အသင်းအဖွဲ့တွေ ပြည်သူဘူထုတွေအတွက် တာဝန်ကျေတယ်ဆိုရင်။ ကျွန်တော့်ဘ၀ကို ဖြတ်သန်းမှု မြင်တွေ့တဲ့ အတွက် ကျော်သူဆိုတာ လွယ်လွယ်ကူကူနဲ့ ကျော်သူ ဖြစ်လာတာ မဟုတ်ဘူး ဆိုတာကိုသိမယ်။ ပြီးတော့ လူသားချင်း စာနာစိတ်မွေးကြဖို့ လူမျိုးဘာသာ ဆင်းရဲချမ်းသာ မခွဲခြားဖို့ ဒါမှ ပရဟိတ ဆိုတာဒါ ဆိုတာကို မြင်တွေ့မယ်လို့ ကျွန်တော် ယုံကြည်ပါတယ်။

ဦးကျော်သူရဲ့ ဘ၀ဇာတ်ကြောင်းကို ကျွန်တော်တို့ ပြန်ကြည့်ရင် ရုပ်ရှင်မင်းသား ဖြစ်လာတယ် အကယ်ဒမီရတယ် ရပြီးတော့ မှ နောက်ပိုင်း ဘာဖြစ်လာလဲဆိုတော့ အစိုးရကနေပြီးတော့ အသိမှတ်မပြုဘူး။ ရုပ်ရှင်ရိုက်တာတွေ အပိတ်ခံရတယ်ပေါ့ ဒါပေမယ့် ဒီနောက်ပိုင်းမှာကတော့ နိုင်ငံတကာကနေ ဆုတွေရတယ် ပြည်တွင်းကလဲ အတော်လေးကို အသိမှတ်ပြုလာတယ်။ ဒါပေမယ့် နိုင်ငံတကာ အဲလောက်ထိ အသိမှတ်ပြုလာပေမယ့် ကျွန်တော်တို့ နိုင်ငံရဲ့ အစိုးရ ကိုယ်၌က သိပ်ပြီးအသိမှတ်မပြုတဲ့ သဘောသဘာဝကို တွေ့ရတယ် တွေ့ရတဲ့ အခါကြတော့ ဦးကျော်သူ ကိုယ်စိတ်ထဲမှာ ဘယ်လိုမျိုးဖြစ်မလဲ။

ကျွန်တော်က ဒီဆုတွေ ပြည်တွင်းက ပေးတဲ့ ဆုတွေ ပြည်ပက ပေးတဲ့ဆုတွေ လိုချင်လို့ ကျွန်တော် လုပ်နေတာ မဟုတ်ဘူး။ ကျွန်တော် လူသားတစ်ယောက် ဖြစ်တဲ့အတွက် လူပီသစွာ နေထိုင် ကျင့်ကြံနေရင်းနဲ့ ဒီအရာတွေ သူတို့ အသိမှတ်ပြုတာကို ခံခဲ့ရတာ။ အဲတော့ ကိုယ်က ဘာလိုချင်လို့ ညာလိုချင်လို့ ဆိုပြီး မျှော်လင့်ပြီးတော့ မျှော်လင့်ချက်ကြီးနဲ့ လုပ်နေရင် ဒါဟာ ဘာတစ်ခုမှ ဖြစ်လာမှာ မဟုတ်ဘူး။ ကိုယ်ပဲ စိတ်မော လူမော ဒုက္ခရောက်မှာ။

အဲတော့ ကိုယ်တွေ လုပ်စရာရှိတာကို မှန်မှန် ကန်ကန်နဲ့ သီလ လုံလုံခြုံခြုံနဲ့ လုပ်ကိုင်ရင် ဒီလို အသိမှတ်ပြုတာကို ခံရမယ်။ သို့သော် ကျွန်တော်က မြန်မာပြည်သူ ပြည်သားတွေအတွက် အဓိက လုပ်ကိုင်ပေးနေတဲ့ သူ။ မြန်မာနိုင်ငံအစိုးရအနေနဲ့ မြန်မာ ပြည်သူ ပြည်သားတွေကို ငါတို့ အတွက် တစ်ဖက်တစ်လမ်း အုပ်တစ်ချပ် သဲတစ်ပွင့်အနေနဲ့ ကျော်သူက လုပ်ပေးနေပါလား ဆိုပြီးတော့ အသိအမှတ်မပြုတဲ့ အတွက်တော့ စိတ်ထဲ တစ်မျိုးတော့ ဖြစ်တာပေါ့။

ဒါပေမယ့် ကျွန်တော်က ကိုယ်လုပ်စရာရှိတာတွေကို ကိုယ်လုပ်ရမယ့် လုပ်ငန်းကို လုပ်နေမှာပဲ။ ကိုယ့်ရဲ့ ဘ၀က ဒီလိုပဲ ဒီနေရာကို လုပ်ဆိုပြီး ချမှတ်ပေးတဲ့အတွက် ကိုယ်ဒီအရာကို လုပ်နေရတာ။ ကိုယ်လုပ်စရာ ရှိတာတွေကိုတော့ကို ရေကုန်ရေခမ်း လုပ်သွားဖို့ပဲရှိတယ် အဲတော့ အစိုးရက အသိမှတ်ပြု ပြု မပြုပြု ကိုယ်တွေရဲ့ နှလုံးသားက ဖြူစင်နေဖို့ပဲ။ အများပြည်သူအတွက် ဘယ်လိုအနစ်နာခံမယ် ဘယ်လိုပေးဆပ်မယ် ဘယ်လိုကူညီပေးမယ် ဒါပဲ ကျွန်တော်ကတော့ ခေါင်းထဲထည့်တယ်။ ဆိုတော့ နိုင်ငံတကာကဘဲ ပေးပေး မပေးပေး ပြည်တွင်းနိုင်ငံတကာ အစိုးရပဲ အသိမှတ်ပြုပြု မပြုပြု ကျွန်တော်ကတော့ လုပ်စရာရှိတာ ကိုယ့်လမ်းကို လျောက်ရမယ်။

၂၀၀၇ ခုနှစ်မှာတော့ ဦးကျော်သူ ရွှေဝါရောင်လှုပ်ရှားမှုနဲ့ ပတ်သက်လို့ ဦးကျော်သူပါဝင်ခဲ့တာ ရှိတယ်။ ခုတော့ ၂၀၀၇ / ၂၀၁၀/ ၂၀၁၅ နဲ့ ပတ်သက်ပြီးတော့ ဦးကျော်သူ လုပ်နေတာနဲ့ ပတ်သက်ပြီး လွတ်လပ်မှုဟာ ဘယ်လောက်ထိ တိုးတက်လာပြီလို့ ပြောလို့ရမလဲ။

ဘယ်လောက် တိုးတက်လာပြီးလဲဆိုရင် ကျွန်တော်ပြောရရင် နာရေးလမ်းကြောင်းတွေ တိုးတက်လာတယ်။ အကူညီပေးတာတွေ များလာတယ် ဆေးကုသမှုတွေ များလာတယ်။ ပညာသင်ပေးတာတွေ များလာတယ် စာသင်ကျောင်း ဆောက်ပေးတာတွေ များလာတယ်။ အဲတော့ဒါ နိုင်ငံတော် အစိုးရအနေနဲ့ ဒါကတော့ လူမှုရေး အသင်းဖွဲ့တွေ လူမှုရေးသမားတွေများတဲ့ နိုင်ငံဟာ ဆင်းရဲဆုံး ဒုက္ခအရောက်ဆုံးနိုင်ငံမို့လို ဒီလိုအသင်းဖွဲ့တွေများတာ။ ကျွန်တော်တို့ ကူညီမှုတွေ တိုးတက်မြင့်မားလာတာ ဒါကတော့ အစိုးရကောင်းတယ် မကောင်းဘူး ကျွန်တော်မဝေဖန်လိုပါဘူး။

သို့သော် ကိုယ်တွေ တိုင်းပြည်ကို အုပ်ချုပ်တဲ့အစိုးရတွေက ပြည်သူလူထုကို တကယ့်ကို ထိထိရောက်ရောက် ကူညီပေး ဖေးမ ကူညီမယ်ဆိုရင်။ ဒါဟာ ကျွန်တော်တို့ အသင်းဖွဲ့တွေ ပေါ်ပေါက်လာနိုင်စရာ အကြောင်းမရှိပါဘူး။ ကျွန်တော်တို့ အသင်းဖွဲ့တွေ လူမှုရေးသမားတွေ ပေါ်ပေါက် လာတာဟာ တိုင်းပြည်ရဲ့ စနစ်ဆိုးကြောင့် ဒီလိုတွေ လူသားချင်း စာနာစိတ်ကြောင့် ပေါ်ပေါက်လာတာလို့ ကျွန်တော် ယုံကြည်တယ်။ အဲတော့ ကျွန်တော် လှုမှုရေးသမားဖြစ်အောင် အဓိက တွန်းအားပေးခဲ့တာ ကျွန်တော်တို့ နိုင်ငံအစိုးရပေါ့ ဒါ ခေတ်အဆက်ဆက် အစိုးရရဲ့ လုပ်ရပ်တွေကြောင့် ဒီစည်းကမ်း ဥပဒေတွေကြောင့် ကျွန်တော်တို့ က လူသားချင်း စာနာစိတ်မွေးဖွားပြီး လူမှုရေးသမားတွေ ဖြစ်ကုန်တာပဲ နို့မိုဆိုရင် လူမှုရေးသမား ဖြစ်စရာအကြောင်းမရှိပါဘူး။

အစိုးရရဲ့ လိုအပ်ချက်တွေကို လိုက်ပြီး ဖြည့်ဆည်း ပေးနေရတာပေါ့။ ဦးကျော်သူတို့ လူမှုရေး လုပ်ငန်းတွေ လုပ်တယ် စာသင်ကျောင်းတွေ ဆောက်တယ် လမ်းတွေဖောက်တယ် ဆိုတာကလည်း အစိုးရ လုပ်တဲ့ အလုပ်ပေါ့။ အစိုးရလုပ်ရမယ့် အလုပ်တွေကို လူမှုရေးသမားတွေက လိုက်ဖြည့်ပေးရတယ် ဒါတွေကိုကော လွယ်လွယ်ကူကူနဲ့ အကူညီ ပေးလို့ရတဲ့ အနေထား ဖြစ်လာပြီလား။

လွယ်လွယ် ကူကူကတော့ ဘာမှ မဖြစ်ပါဘူး။ မဖြစ်ဘူးဆိုတာက နာဂစ် ဆိုင်ကလုန်း အဲတုန်းကဆိုရင် ဧရာဝတီတိုင်းဘက်မှာ ကျွန်တော်တို့ စာသင်ကျောင်း ဆောက်ပေးမယ်ဆိုပြီး ကျွန်တော်တို့ ပစ္စည်းတွေဝယ်တယ်။ အုတ်တွေ၊ ဘိလပ်မြေတွေ သံချောင်းတွေ ၀ယ်ပါတယ်။ ဟိုကျတော့ ကျောင်းဆောက်ခွင့် မပေးဘူး။ ကျောင်းဆောက်ခွင့် မပေးတော့ ကျွန်တော်တို့ ပစ္စည်းတွေကို တကယ်လိုအပ်နေတဲ့ ဘုန်းကြီးကျောင်းတို့ လူနေအိမ်တို့ ဒါတွေကို တစ်ဆင့် ပြန်လှူလိုက်ရတယ်ဆိုတဲ့ အပိုင်းတွေရှိတယ်။

အခု စာသင်ကျောင်းပဲ ဆောက်ဆောက် ဆေးခန်းဘဲ ဖွင့်ဖွင့်။ ဒါတွေက အစိုးရရဲ့ ခွင့်ပြုချက်ရမှ လုပ်ခွင့်ရတဲ့ အပိုင်းဖြစ်နေတယ် ဒါ အစိုးရကလဲ ငါတို့ ကိုကူညီပေးနေပါလား ဒီလိုအတွေးမျိုး ထားဖို့လိုတယ်။ ဥပမာ အမှိုက်ကောက်တယ်ဗျာ အသေးဖွဲ့ကိစ္စ အမှိုက်ကောက်တဲ့ ကိစ္စ ပြီးခဲ့ နှစ် နှစ်လောက်က ကျွန်တော်တို့ အမှိုက်ကောက်တယ်။ အမှိုက်ကောက်တော့ မြို့ထဲမှာ ကောက်တဲ့ အချိန်မှာ ကောက်ခွင့် မပေးဘူး။

နိုင်ငံတော်ရဲ့ စည်ပင်သာယာအဖွဲ့ကို နာမည်ဖျက်တာပဲ ကျော်သူတို့က ကျော်သူတို့ကို အသုဘချခွင့် ပေးထားတယ် အသုဘပဲ ချပါ။ အမှိုက် ကောက်စရာမလိုဘူး စည်ပင်ဝန်ထမ်း အများကြီးရှိတယ်ဆို ပြီးပြောတယ်။ မိုးတွင်းလဲရောက်ရော ရေကြီး ရေလျှံ မြောင်းတွေက ပိတ်ဆို့ ဒါတွေ ဖြစ်လာတယ်။ အဲတော့ ဒါကျွန်တော်တို့က အစိုးကကို သိက္ခာချနေတာ မဟုတ်ဘူး။ ဒါ ပြည်သူလူထုကို ကူညီပေးနေတာ။ ပြည်သူလူထုတွေ အမှိုက်ပစ်တဲ့ ဆိုးကျိုးက ဘယ်လောက် ဒီဆိုးကျိုးရဲ့ဒဏ်ကို ခံရတယ်ဆိုတာ အသိပညာပေးအနေနဲ့ ကျွန်တော်တို့က အရှေ့ကနေ ပုံဖော်ပေးတာ။

တကယ်တမ်း လုပ်ရမှာက ကိုယ်တွေကိုယ်တိုင် ပြည်သူပြည်သား ကိုယ်တိုင် အမှိုက်ပစ်တယ်ဆိုရင် မကောင်းဘူး။ ပစ်ရင်လည်း တကယ်အမှိုက်ပုံးမှာ ဘယ်လိုအမှိုက်ပုံးကို ပစ်ရမယ် ဒါမျိုး အသိတရားတွေ ကိုယ့်ကိုကိုယ် ကျင့်ကြံအားထုတ်ဖို့ အရေးကြီးတယ်။ ကျွန်တော်တို့က ဒါဟာ နမူနာ အနေနဲ့ လုပ်ပြတဲ့ အပိုင်းပဲ။

ကျောင်းသားတွေ ပညာရေးစနစ်အတွက် သူတို့က တောင်းဆိုချီတက် ဆန္ဒပြတယ် ကျွန်တော်တို့က လိုက်စောင့်ရှောက် ပေးရတယ်။ ကလေးတွေ နေပူ မိုးရွာမှာ ခြေထောက်တွေ ကွဲတဲ့သူကကွဲ မူးလဲတဲ့သူက မူးလဲ။ သူတို့ကို ကျွန်တော်တို့က ကျန်းမာရေး စောင့်ရှောက်ပေးရတယ် ဒါ ကျွန်တော်တို့က သူတို့ကို ဦးဆောင်ပြီးတော့ ချနေတဲ့ကောင်။ ဒီကောင် ကောင်းတဲ့ကောင် မဟုတ်ဘူးဆိုတဲ့ အမြင်တွေ ရှင်းရှင်းလင်းလင်းရှိဖို့ ဒါအစိုးရဘက်က အရေးကြီးတယ်။

ရုပ်ရှင် ပုပ္ပါးသွားရိုက်တယ် ပုပ္ပါးမှာ ထောက်လှမ်းရေး ရဲအရာရှိက အမြဲတမ်းပါတယ်။ ကျော်သူ ပြန်ရောက်ပီလား ဘာဖြစ်လို့ ဟော်တယ်ကို လာလာမေးနေတာလဲ ဟော်တယ်က စိတ်ညစ်တယ်။ ကျော်သူကို ကိုယ်တိုင်မေးပါလား။ ကျော်သူကိုယ်တိုင်လဲ လာမမေးဘူး။ တစ်ဖက်ကြားလူကို သွားသွားမေးတော့ အခြားသူတွေ အကုန်စိတ်ညစ်တယ်။ ကျော်သူ နောက်လိုက်မယ်ဆိုလဲ လိုက်ပါ သင်းချိုင်းကုန်း ရိုက်တယ်ဆိုလဲ သင်းချိုင်းကုန်းထိလိုက်ပေါ့။ အဲဒါကျတော့ မလိုက်ဘူး ခင်ဗျားတို့ ဘာလို့ လိုက်တယ် မေးလိုက်တော့ ခင်ဗျား လုံခြုံရေးအတွက်ပါ ဒီပြင်နေရာကြတော့ လိုက်စရာမလိုဘူး။ အဲလိုတကယ် မှန်မှန်ကန်ကန် စေတနာလေးပါဖို့ အရေးကြီးတယ်။

နိုင်ငံတော်အနေနဲ့လည်း လုပ်တာပဲ အရင်တုန်းက နာရေး အဖွဲ့သူ အဖွဲ့သားတွေ ဆေးခန်းတွေ အကုန်ဖွင့်တာပဲ။ ဒါပေမယ့် နှလုံးသားတိုင်းဟာ တကယ့် စေတနာသန့်သန့်နဲ့ လုပ်ကြဖို့ အရေးကြီးတယ်။ ဟိုအဖွဲ့က ဒီလိုလုပ်တယ် ငါတို့လည်း ဒီလိုလုပ်မယ်။ ဟိုအဖွဲ့မှာ နိဗ္ဗာန်ယာဉ် တစ်စီးရှိတယ် ငါတို့ နှစ်စီးရှိရမယ်။ ဒီလို ရုပ်ဝထ္ထုတွေ ပြိုင်ဖို့ မလိုဘူး။ စိတ်ဓါတ် စိတ်ရေးရာတွေ ပြိုင်ကြဖို့ အရေးကြီးတယ်။ လူသားချင်း စာနာစိတ်ကလေးတွေ မွေးဖွားကြဖို့ပဲ အရေးကြီးပါတယ်။

လက်ရှိအစိုးရကတော့ ပြုပြင်ပြောင်းလဲရေး လုပ်နေတယ်လို့ ပြောတယ် ဒါပေမယ့် တစ်ဘက်မှာလည်း ဒီလို လိုက်လံ စစ်ဆေးနေတာတွေကို ဦးကျော်သူအနေနဲ့ ဘာပြောချင်သလဲ။

ပြုပြင်ပြောင်းလဲမယ်ဆိုရင် ကျွန်တော်တို့လို လူမှုရေး သေချာ လုပ်နေတဲ့သူ အပေါ်ကို အရင်ဆုံး သံသယရှင်းဖို့ အရေးကြီးတယ်။ သံသယတွေနဲ့ ရှေ့ဆက်ခရီး သွားနေရင်တော့ ဒါ ပြုပြင်ပြောင်းလဲတဲ့ အဆင့်ကို ရောက်မှာ မဟုတ်ဘူး။ ဒီဟိုလူ့ကို သံသယဖြစ် ဒီပါတီကို သံသယဖြစ်နေရင် ဒီအရာတွေက သံသရာ လည်ပတ်နေအုံးမှာပဲ။ ပြောင်းတယ်ဆိုရင် ပြတ်ပြတ်သားသား ပြောင်းမှရမယ်။

ဥပမာ ကျွန်တော် အရင်တုန်းက အရက်သောက်တယ် အရက်သောက်တဲ့အခါမှာ မနက်မိုးလင်းကနေ သောက်တယ် ညထိသောက်တယ်။ ကိုယ်က လူမှုရေးလုပ်ပြီ ခေါင်းဆောင်လုပ်ပြီ ဆိုရင်တော့ သောက်လို့မရတော့ဘူး။ ကိုယ်ကစံပြနေရမယ် အဲတော့ ဒီလောက်ကြိုက်ခဲ့တဲ့ အရက်။ ဒီလောက် စွဲလန်းခဲ့တဲ့ အရက်ကို တုံးတိ ဖြတ်ခဲ့တယ်။ တုံးတိဖြတ်နိုင်ဖို့ အရေးကြီးတယ် ဆရာမင်းသိင်္ခ စကားအရဆိုရင် ဖြတ်ခနဲပေါ် ဆတ်ခနဲလုပ်။ ဖြတ်ခနဲ့ ကိုယ်ဘာကောင်းအောင် လုပ်ဖို့ သိတဲ့ အချိန်မှာ စပ်ခနဲ့ လုပ်မိဖို့ အရေးကြီးတယ်။ အဲတော့ သံသယနဲ့ သွားနေရင်တော့ သံသရာဟာ လည်ပတ်နေဦးမှာပဲ။

ပြုပြင်ပြောင်းလဲရေးတော့ ခုနက ဦးကျော်သူ ပြောတဲ့ အထဲမှာ လိုအပ်ချက်တွေ ရှိနေပြီ။ လိုအပ်ချက်တွေ ရှိနေပြီ ဆိုတဲ့ အခါကျတော့ ဦးကျော်သူ ပထမလုပ်တယ် နာရေးကူညီမှု အသင်း အဖွဲ့အနေနဲ့ လုပ်တယ်။ ဒါဟာအင်မတန်မှ အောင်မြင်တဲ့ အလုပ်ဖြစ်တယ် ခုဆိုရင် နိုင်ငံတကာကလဲ အသိမှတ်ပြုတယ်။ နောက်တစ်ခု ထပ်ကြိုးစားတယ် ရန်ကုန်ထဲမှာ ရှိနေတဲ့ အမှိုက်တွေကို ကောက်ဖို့ ကြိုးစားတယ် ဒါ မအောင်မြင်ဘူး။ ဒါ ဒုတိယအဆင့်ပေါ့ တတိယအဆင့်ကျတော့ ကျွန်တော်တို့ ရန်ကုန် ပရ၀ဏ်အတွင်းမှာ လိုအပ်ချက်တွေ ဘာတွေရှိနေလဲ ဦးကျော်သူအနေနဲ့ လုပ်ခွင့်ရမယ်ဆိုရင် ဘာများလုပ်ချင်လဲ။

ကျွန်တော်အနေနဲ့ ကတော့ ပတ်ဝန်းကျင်သန့်ရှင်းရေး ဒီအတွက်ကို ကိုယ်တိုင် ဆင်းပြီး အမှိုက်ကောက်ပြနေစရာ မလိုပါဘူး။ အကယ်၍များ မြို့တော်ဝန် တစ်ဦးကနေ ပြီးတော့ မြို့နယ်ပေါင်းစုံ ရပ်ကွက် ပေါင်းစုံက လူကြီးပိုင်းတွေကို အစည်းဝေးခေါ်လိုက် တစ်ရက်ဘဲခေါ် တစ်ရက်ဘဲခေါ်ပြီး ဒီနာရီဝက်အတွင်းကို အကောင်ထည် ဖော်လို့ရတယ်။ မြို့နယ်တိုင်း မြို့နယ်တိုင်း ရပ်ကွက်တိုင်း ရပ်ကွက်တိုင်းကို ဒီခြောက်လအတွင်း မင်းတို့ကို ပြိုင်ပွဲ လုပ်မယ် သန့်ရှင်းဆုံး စိမ်းလန်းအစိုပြေဆုံး ပြိုင်ပွဲ လုပ်လိုက်ရင်ပြီးသွားမယ်။

အဲလိုဆိုရင် ကိုယ့်မြို့နယ် ၊ကိုယ့်ရပ်ကွက်ထဲက လူကြီးတွေက ကိုယ့်ရပ်ကွက်သူ ရပ်ကွက်သားတွေကို စည်းရုံးမယ် စည်းရုံးတဲ့ ၀ိုင်းပြီးတော့ လုပ်ကြရအောင်ဆိုပြီး အကောင်ထည်ဖော်မယ်။ ဒါဟာ လွယ်လွယ်လေး အလုပ်ပါ။ ကိုယ်တိုင် ကောက်ပြနေစရာ မလိုပါဘူး ဒါသဘာဝပတ်ဝန်းကျင် သန့်ရှင်းရေး အတွက်ပြောတာ။ ဒီလိုဟာက ကိုယ်ကညွှန်ကြားလိုက်ရင် ဒီလို တစ်ခုခုလုပ်မယ့် ဒီအရာပြိုင်ပွဲလုပ်မယ် မြို့နယ်ပေါင်းစုံမှာ ရန်ကုန်တိုင်းမှာစုပြီး ဒီလိုတစ်ချက်ပြောလိုက်ရင် ဒါပြီးသွားမှာပါ။

အဲတော့ အဓိက ရေ၊မီး ခုနကဘဲ စကားပြောတယ် မီးက ပျက်သွားတယ် ဒါတွေက အမြဲတမ်း ပြည်သူ လူထုအတွက်တော့ ရိုးနေပါပြီ။ ရိုးနေပေမယ့် ပြည်ပ နိုင်ငံအနေနဲ့ဆိုရင် ဒါဟာတော်တော် ပြဿနာ တက်မယ့် ကိစ္စပါ မီးပျက်တဲ့အရာဟာ ဥပမာ အရင်တုန်းကဆိုရင် ကျွန်တော်တို့ နိုင်ငံခြားကငှါးတဲ့ ရုပ်ရှင်ကာလာဖလင်ကို ဆေးတယ်။ ကူးဆေးတွေလုပ်တယ် ကိုယ်ကနယ်မှာ တကူးတစ်ကန့် ပင်ပင်ပန်းပန်းနဲ့ လုပ်တယ်။ ရန်ကုန်ကြတော့ အစိုရလုပ်ငန်းမှာ ကူးဆေးတွေ လုပ်တယ် ဖလင်ဆေးတယ် ဖလင်ဆေးရင်းနဲ့ ဒီမှာ မီးပျက်သွားတယ် ရိုက်ထားတာတွေပျက်သွားတယ်။

ဒါဆိုရင် ကျွန်တော်တို့ ကိုယ့်ဘာသာ ခံရတယ် အမှန်ပြည်ပမှာဆို လျော်ကြေးက ပေးရတယ် တော်တော်များများကို လျော်ရမယ့်ကိစ္စ။ အဲတော့ ဒီလိုအာမခံချက် မရှိဘဲနဲ့ ဒီတိုင်းဖြစ်ချင်တာ ဖြစ်နေရင်တော့ ဒါဟာ အဲဒါကြောင့် ပြည်သူပြည်သားတွေက စည်းကမ်းမဲ့ ကုန်တယ်ဆိုတာ ဒါတွေကြောင့်ဘဲ ကျွန်တော်မြင်တာ။ အဲတော့ စည်းကမ်းဆိုတာ ဥပဒေတိုင်းကို မှန်မှန်ကန်ကန်လုပ်ဖို့ အရေးကြီးတယ်။ ဥပဒေက တစ်ယောက်တစ်မျိုး လုပ်နေရင်တော့ ဒါဟာ ဒီနိုင်ငံက တိုးတက်မှာ မဟုတ်ဘူး။

ဥပဒေဆိုတာ တစ်သတ်မတ်တည်း ရှိရမယ် သူ့အပိုင်းနဲ့သူ ဥပမာ ဆရာဝန်က ဆရာဝန် သူ့နည်းပညာ တိုးတက်အောင်လုပ်မယ်။ ပညာရေးဆို ပညာရေးဆရာ/ဆရာမတွေက ဘယ်လိုတိုးတက်အောင် လုပ်မယ်။ ကိုယ့်အပိုင်းကို တာဝန်ယူဖို့ပဲ အရေးကြီးတယ်။ ဒါကို ငါတို့အုပ်ချုပ်မှ ငါတို့က ဦးစီးမှ ဆိုတဲ့ အတွေးခေါ်မျိုးရှိနေရင်တော့ ဒါဟာ ဒီတိုင်းပြည်က တိုးတက်မှာ မဟုတ်ဘူး။


အစိုးရ သက်တမ်းလည်း ပြည့်တော့မယ်ဆိုတော့ ပြုပြင်ပြောင်းလဲရေးနဲ့ ပတ်သက်ပြီး ထပ်ဖြည့် ပြောချင်တာမျိုးရှိလား။

အဓိကတော့ ပြုပြင်ပြောင်းလဲဆိုတာ ပြုပြင်ပေးချင်တဲ့သူကလဲ တကယ်စိတ်ရင်းစေတနာရင်းပါလား ဟန်ပြလုပ်မှာလား ဒါကိုယ့်ကိုကိုယ်အသိဆုံးပဲ။ ဒါအရေးကြီးဆုံးက တစ်ယောက်နဲ့တစ်ယောက် လူသားချင်း စာနာစိတ်မွေးကြဖို့။ ဥပမာ စာမသင်နိုင်တဲ့ ကလေးလေး လမ်းဘေး ဒုက္ခရောက်နေတယ် တောင်းစားနေတဲ့ ကလေးလေး ဒီကလေးလေး ဟာ ငါ့ရဲ့သားလေး ဖြစ်နေရင်ဘယ်လိုလုပ်မလဲ ငါ့ရဲ့တူလေးဖြစ်နေရင် ဘယ်လို လုပ်မလဲဆိုတာ ကိုယ်ချင်းစာနာစိတ်လေးတွေ မွေးကြဖို့ အရေးကြီးတယ်။

ဒါ တိုင်းပြည်အုပ်ချုပ်တဲ့ သူပဲဖြစ်ဖြစ် စီပွားရေးသမားဘဲ ဖြစ်ဖြစ် နိုင်ငံရေးသမားပဲ ဖြစ်ဖြစ် ပရဟိတသမားပဲ ဖြစ်ဖြစ် ကိုယ်ချင်းစာနာစိတ်မွေးဖို့ပဲ အရေးကြီးတယ်။ ဥပမာ ဈေးသည်ဆိုရင် ကိုယ်ရောင်းချတဲ့ အစားသောက် မုန့်ဟင်းခါး ရောင်းတယ်ဆို မုန့်ဟင်းခါး ၀ယ်ယူစားသောက်တဲ့ သူတွေအတွက် ကျန်းမာရေးနဲ့ ကိုက်ညီအောင် အဟာရဖြစ်အောင် ဈေးနှုန်းကိုလဲ အသက်သာဆုံး ဖြစ်အောင် ဘယ်လိုလုပ်ပေးနိုင်လဲ။ အဲလို ကိုယ်ချင်းစာနာ စိတ်ကလေးတွေနဲ့ တိုင်းပြည်ကိုအုပ်ချုပ်ဖို့ အရေးကြီးပါတယ်။

မဇ္ဈိမ
: http://mizzimaburmese.com/article/5107#sthash.F8HdG9A0.dpuf

အလဲဗင်းမီဒီယာဂရုဒ်၏ ဂုဏ်သိက္ခာကို ထိခိုက်သည်ဟု ယူဆခြင်းကြောင့် နနစ်နာကြေး သိန်း၆၀၀၀ ရလိုမှုဖြင့် အမျိုးသား လွှတ်တော်ကိုယ်စားလှယ် ဦးလှဆွေ ကို တရားစွဲဆိုထားရာ စက်တင်ဘာ ၂၃ ရက် ပထမဆုံးရုံးချိန်းသို့ ဦးလှဆွေလာရောက်ခြင်း မရှိခဲ့ကြောင်း သမ္မာန်စာအ၀င်နောက်ကျခြင်းကြောင့် မလာရောက်နိုင်ခြင်းဖြစ်မည်ဟု ယူဆကြောင်း တရားလွှတ်တော်ရှေ့နေ ဦးကြီးမြင့်က The Ladies ဂျာနယ်သို့ပြောသည်။

“ဦးလှဆွေလာဖို့ တရားရုံးကဆင့်ခေါ် ချိန်းဆိုတဲ့အခါကျတော့ သမ္မာန်စာကအတည်ပြုချက် ဖြစ်တယ်လို့ ပြန်မသွင်းသေးဘူးခင်ဗျ။ သမ္မာန်စာက ရန်ကုန်တိုင်းဒေသကြီး တရားလွှတ်တော် ကနေပြီးတော့ မကွေးတိုင်းဒေသကြီး တရားလွှတ်တော်ကို သွားရတယ် အဲဒီကနေပြီးတော့မှ တစ်ခါ ဂန့်ဂေါကို ဆက်ဆင်းရတော့ နည်းနည်း ခရီးအရ သမ္မာန်စာ အမီပြန်မ၀င်ဘူးလို့ ယူဆတာ
ပေါ့”ဟု ဦးကြီးမြင့်က ပြောသည်။

လာမည့် အောက်တိုဘာ ၁၆ ရက် ဒုတိယအကြိမ်မြောက် ရုံးချိန်းတွင် သမ္မာန်စာ အတည်ပြုပြီး ဦးလှဆွေသော်လည်းကောင်း၊ ဦးလှဆွေ၏ ကိုယ်စားလှယ် သော်လည်းကောင်း ရုံးရှေ့ရောက်သည့်အခါ အမှုကို ဆက်လက် စစ်ဆေးသွားမည် ဖြစ်သည်ဟုလည်း ဦးကြီးမြင့်က ဆိုသည်။

“ဦးလှဆွေကို ပို့တဲ့သမ္မာန်စာက ဦးလှဆွေ လက်မှတ်ထိုးပြီး ပြန်မသွင်းလို့
အတည်မဖြစ်တာ ဒီတစ်ခေါက်ရုံးချိန်း ကတော့ လုံလောက်တဲ့အချိန်ဖြစ်လို့ ဒီတစ်ခါတော့ အတည်ဖြစ်လိမ့်မယ်လို့ ယူဆရတယ်။ မြန်မာပြည်တွင်းမှာပဲ သူလဲပဲ တကယ် ဂန့်ဂေါမှာ ရှိနေတယ်။ သူ့တရားစွဲတဲ့ အကြောင်းကို သူသိလို့ သူ့ ဖေ့စ်ဘုတ်မှာတောင် ပြန်တက်နေပြီ။ သူမသိဘူးဆိုတာတော့ မဟုတ်ဘူး”ဟု ဦးကြီးမြင့်က ဆက်လက်ပြောသည်။

အမျိုးသားလွှတ်တော်ကိုယ်စားလှယ် ဦးလှဆွေကမူ ယင်းကိစ္စနှင့် ပတ်သက်၍ စက်တင်ဘာ ၂၀ ရက် က ၎င်း၏ ဖေ့ဘုတ် အင်တာနက် စာမျက်နှာတွင် ဥပဒေပြုသူဖြစ်ခြင်းကြောင့် ဥပဒေအတိုင်း ရင်ဆိုင်သွားမည်ဖြစ်ကြောင်း ရေးသားထားသည်။

“ တစ်ပူးက ဘယ်သူ့ကို လော်ဘီလုပ်ပေးနေသလဲ ။ သိမှာပါ ။ ဦးလှဆွေဆိုတာ ကြံ့ခိုင်ရေးအသင်းဘက်က ဂိုးသွင်းမယ့် တိုက်စစ်မှုးပေါ့ ဒါကို ဂိုးမသွင်း နိုင်အောင် လိုက်ကပ်ထားတဲ့ အဖျက်သမား လုပ်ရပ်ပေါ့၊ ရပါတယ်။ ဦးလှဆွေဘဲ၊ သိတယ်မို့လား၊ မွေလိမ်မွေကောက် ပါတ်ဆွှဲပြီး ဂိုးတွေသွင်းဦးမှာ၊
ဥပဒေပြုသူဆိုတော့ ဥပဒေအတိုင်း ရင်ဆိုင်သွားမှာပါ ”ဟု ဦးလှဆွေက ရေးသားခဲ့သည်။

အမျိုးသားလွှတ်တော်ကိုယ်စားလှယ် ဦးလှဆွေက ၎င်း၏ ဖေ့ဘုတ် စာမျက်နှာမှတစ်ဆင့် ရေးသားခဲ့မှုသည် မမှန်မကန် ဖော်ပြ ရေးသားခဲ့ခြင်းဖြစ်ပြီး၊ Eleven Media Group ၏ ဂုဏ်သိက္ခာကို ထိခိုက်စေသောကြောင့် လာရောက်ရှင်းလင်းရန် ဇူလိုင်လ ၁၁ ရက်နေ့ထုတ် The Daily Eleven သတင်းစာတွင် “ဦးလှဆွေ (အမျိုးသားလွှတ်တော်ကိုယ်စားလှယ်)နှင့် အများသိစေရန် ကြေညာခြင်း” “လွှဲညွှန်ကြားချက်အရ ဦးကျော်စိုးမိုး တရားလွှတ်တော်ရှေ့နေ” ဟူ၍ ထည့်သွင်းခဲ့ အသိပေးကြေညာခြင်း ပြုလုပ်ခဲ့သော်လည်း အမျိုးသား လွှတ်တော်ကိုယ်စားလှယ် ဦးလှဆွေက ပြန်လည်ဖြေရှင်းခဲ့ခြင်း မရှိသည့်အတွက် EMG က ဆက်လက်တရားစွဲဆိုခဲ့ခြင်းဖြစ်သည်။

သတင်း -ဇော်မင်းထွန်း
The Ladies News Journal

အမျိုးဘာသာ ထွန်းကားပြန့်ပွားရေး ဦးစီးပေးလုပ်မည်ဆိုသည့် အငြိမ်းစား ဒုတိယဗိုလ်ချုပ်ကြီးလည်းဖြစ်သူ နေပြည်တော် ဒက္ခိဏသီရိမြို့နယ် ပြည်သူ့လွှတ်တော် အမတ်နေရာအတွင် ရွေးကောက်ပွဲဝင်မည့် လယ်/ဆည်ဝန်ကြီး ဦးမြင့်လှိုင်က အစိုးရ ဝန်ကြီးလစာနှင့် လွှတ်တော်အမတ် လစာများကို စိတ်မဝင်စားဘဲ လစာမယူ အလုပ်လုပ်နိုင်သည်ဟု ဒေသခံများကို ပြောသည်။

ထို့အပြင် သူ့ကို ထောက်ခံမဲပေးရန် စာသာများပါဝင်သော ထီး၊ ယပ်တော်၊ အင်္ကျီများကိုလည်း ဒေသခံများကို ကြိုတင်ဝေငှထားသည်ကို တွေ့ရသည်။ အဆိုပါ မဲဆွယ်ဟောပြောပွဲတွင် ဦးမြင့်လှိုင်အား ထောက်ခံမဲပေးကြရန် ရွာသာများကို ဆော်ဩခဲ့သည့် ဒေသခံ အမျိုးသမီးတစ်ဦးကိုလည်း ဦးမြင့်လှိုင်က “သူ့ကို ငါးသောင်း၊ တစ်သိန်းလောက် ပေးလိုက်ပါ” ဟု ယင်း၏ ရွေးကောက်ပွဲ အောင်နိုင်ရေး ကိုယ်စားလှယ်ကို ညွှန်ကြားခဲ့သည်။

နေပြည်တော် ဒက္ခိဏသီရိမြို့နယ်ကနေ ပြည်သူ့လွှတ်တော်အတွက် ဝင်ပြိုင်မယ့် ကြံခိုင်ဖွံဖြိုးရေးပါတီ ကိုယ်စားလှယ်လောင်း လယ်ဆည်ဝန်ကြီး ဦးမြင့်လှိုင်ရဲ့ ဒီကနေ့ မဲဆွယ်စည်းရုံးရေးခရီးစဉ်အတွင်း ဒေသခံတောင်သူတွေက သိမ်းဆည်းခံမြေယာကိစ္စ ဖြေရှင်းပေးဖို့ တောင်းဆိုခဲ့ကြပါတယ်၊ ဒါ့အပြင်လည်း သူ့ကို ရွေးကောက်ပွဲမှာ ပြန်လည်ရွေးချယ်မယ်ဆိုရင် ဝန်ထမ်းလစာမယူဘဲ တာဝန်တွေကို ထမ်းဆောင်သွားမယ်လို့လည်း ပြောဆိုခဲ့ပါတယ်။ ဒီအကြောင်း RFA သတင်းထောက် ကိုဝင်းကိုကိုလတ်က တင်ပြထားပါတယ်၊

Posted by RFA Burmese on Wednesday, September 23, 2015
(ဓာတ်ပုံ - မင်းမင်း၊ မဇ္ဈိမ)



တပ်မတော်သားတွေကို မဲရုံမှူးနဲ့ ဒုမဲရုံမှူးတွေအဖြစ် ခန့်တာ ဥပဒေနဲ့ မညီဘူးလို့ ရွေးကောက်ပွဲ ကော်မရှင်ပြော

နေပြည်တော် ဇေယျာသီရိ မြို့နယ်ထဲက တပ်ရင်း တပ်ဖွဲ့တွေထဲက မဲရုံတွေမှာ ကော်မရှင်က ခန့်တဲ့ မဲရုံးမှူးတွေကို လက်မခံပဲ တပ်မတော်က ခန့်တဲ့ မဲရုံမှူးတွေကို ခန့်မယ် ဆိုလို့ ကော်မရှင်နဲ့ တပ်မတော်ကြား ညှိနေရပါတယ်။

ဇေယျာသီရိမြို့နယ်ဟာ တပ်မတော် ကာကွယ်ရေး ဦးစီးချုပ်ရုံး အခြေစိုက်တဲ့ နယ်မြေ ဖြစ်ပါတယ်။

မဲရုံပေါင်း ၇၅ရုံကျော် ရှိပြီး တပ်ရင်း တပ်ဖွဲ့တွေ ထဲမှာတော့ မဲရုံပေါင်း ၂၀နီးပါး ရှိပါတယ်။

တပ်မတော်သားတွေကို မဲရုံတွေမှာ တာဝန်ယူမယ့် မဲရုံမှူးနဲ့ ဒုမဲရုံမှူးတွေအဖြစ် ခန့်အပ်တာဟာ ဥပဒေနဲ့ မညီဘူး ဆိုတာကို စက်တင်ဘာလ ၂၁ရက် နေ့က တပ်မတော်ဖက်ကို ရှင်းပြခဲ့တဲ့အကြောင်း နေပြည်တော် ကောင်စီနယ်မြေ ရွေးကောက်ပွဲ ကော်မရှင် ဥက္ကဌ ဦးထက်အောင်က ပြောပါတယ်။

ဥပဒေနဲ့ မညီဘူးလို့ ကော်မရှင်က ပြောတာကို တပ်မတော်ဖက်က လက်ခံမယ်လို့ ယူဆတဲ့ အကြောင်းနဲ့ ဒီကိစ္စကို ခရိုင် ကော်မရှင်နဲ့ ဆက်ညှိနေတဲ့ အကြောင်း သူက ပြောပါတယ်။

ဇေယျာသီရိမြို့နယ် ပြည်သူ့လွှတ်တော် မဲဆန္ဒနယ်ကနေ တပ်မတော်က အငြိမ်းစား ယူခဲ့တဲ့ ဗိုလ်ချုပ်ကြီး လှဌေးဝင်းက ပြည်ခိုင်ဖြိုး ပါတီ ကိုယ်စားလှယ် အဖြစ် လာမယ့် ရွေးကောက်ပွဲမှာ ဝင်ပြိုင်မှာပါ။

သူရဲ့ ပြိုင်ဖက်တွေကတော့ အမျိုးသား ဒီမိုကရေစီအဖွဲ့ချုပ်က ဒေါ်ခင်မျိုးသွင်နဲ့ တိုင်းရင်းသား စည်းလုံး ညီညွတ်ရေးပါတီက ဦးလှမြင့်တို့ ဖြစ်ပါတယ်။

BBC
http://www.bbc.com/burmese/burma/2015/09/150922_election_zayyarthiri_polling_boots

ရန်ကုန်၊ စက်တင်ဘာ ၂၃ ။ ။ အိမ်ထောင်စုစာရင်းအတွင်း ရှိသူများမဟုတ်သူ ၁,၅၀၀နီးပါး ဒက္ခိဏသီရိမြို့နယ် မဲစာရင်းတွင် ပါဝင်နေ သည်ကို စိစစ်မှုအရ တွေ့ရှိရကြောင်း ယင်းမြို့နယ်မှ ၀င်ရောက်ယှဉ်ပြိုင်မည့် အမျိုးသားဒီမိုကရေစီအဖွဲ့ချုပ် NLD ပြည်သူ့ လွှတ်တော် အမတ်လောင်း၏ ကိုယ်စားလှယ် ဦးနေလင်းက စက်တင်ဘာ ၂၃ ရက်၌ ပြောသည်။

"ယာယီနဲ့နေသူတွေ ကျေးရွာအုပ်စုတစ်ခုကို ၁၀၀ ကျော်လောက် ပါနေတယ်။ သူတို့တွေက ဒက္ခိဏသီရိကော၊ လယ်ဝေးမှာကော မဲဆန္ဒနယ် ၂ ခုစလုံးမှာ ပါနေတာ။ အဲဒါတွေကို ထုတ်ခိုင်းတာကိုလည်း ကော်မရှင်က မထုတ်ဘူး။ မဲဆန္ဒနယ်တစ်ခုလုံးဆိုရင် ၁,၅၀၀ နီးပါး ပါနေတယ်" ဟု ၄င်းက ဆိုသည်။

စက်တင်ဘာ ၁၄ ရက်မှ စတင်ထုတ်ပြန်သည့် မဲစာရင်းများ စိစစ်နိုင်ရန် အမျိုးသားဒီမိုကရေစီအဖွဲ့ချုပ် (ဒက္ခိဏသီရိ) က ၁၇ ရက်တွင် စတင်တောင်းယူ စိစစ်ခဲ့သည်ဟု ယင်းမြို့နယ်အဖွဲ့ချုပ်ထံမှ သိရသည်။

ဒက္ခိဏသီရိမြို့နယ်တွင် ကျေးရွာအုပ်စုပေါင်း ၈ စုနှင့် ရပ်ကွက် ၂ ခုထိ ရှိပြီး စက်တင်ဘာ ၁၄ ရက်တွင် ထုတ်ပြန်သည့်မဲစာရင်းအရ ရဲစခန်း ၄ ခုမှ ရဲတပ်သားနှင့် မိသားစုဝင် ၂၄၂ ဦးအပါအ၀င် မဲပေးပိုင်ခွင့်ရှိသူ ၁၇,၃၉၅ ဦးထိ ရှိသည်။

"ခရိုင်ကော်မရှင်ကို တင်ပြခဲ့ပါတယ် အဲဒီလို ပါနေတဲ့သူတွေကို။ ဒါပေမဲ့ သူတို့က ၅ နှစ်ကနေ ၁၀ နှစ် လောက်ထိ အခုနေရာမှာ နေသူတွေဖြစ်လို့ မထုတ်ဖို့ ညွှန်ကြားထားတဲ့အတွက် ထည့်ထားတာပါ။ ၂ နေရာ ပါနေ တာတော့ မသိပါဘူး။ သူတို့ မဲမပေးမယ့်နေရာကို လျှောက်ဖို့ အားလုံးကို အသိပေးပါတယ်" ဟု ရန်အောင်မြင် ကျေးရွာအုပ်စု ကော်မရှင်အတွင်းရေးမှူး ဒေါ်သီတာစိုးက ဆိုသည်။

ရန်အောင်မြင်ကျေးရွာအုပ်စုအတွင်းတွင် အိမ်ထောင်စုစာရင်းမှ မဟုတ်သူ မဲပေးပိုင်ခွင့်ရှိသူ ၁၅၀ ပါဝင် သည်ဟု ၄င်းက အတည်ပြုသည်။ အိမ်ထောင်စုစာရင်းအတွင်း မပါရှိသူများသာမက အသက်မပြည့်သေးသော်လည်း မဲစာရင်းတွင် ပါဝင် နေသူများလည်း ရှိကြောင်း ဦးနေလင်းက ဆိုသည်။

"အသက်မပြည့်တာ ၃ ဦး ပါနေတယ်၊ ၂ ဦးက အတိုက်အခံပါတီ ထောက်ခံတဲ့သူတွေ ဖြစ်နေတော့ လုံးဝပြောလို့မရတဲ့ အခြေအနေပါ။ တစ်ဦးကတော့ ကျွန်တော့်ညီပါ။ သူကိုတော့ ထုတ်လိုက်ပါပြီ။ အားလုံးက ၁၄ နှစ်ဝန်းကျင်ပဲ ရှိသေးသူတွေပါ။ အိမ်ထောင်စုစာရင်းက မဟုတ်သူတွေက မဲပေးချိန်ကျရင် သူတို့ကိုယ်တိုင် မဟုတ်မှာကို စိုးရိမ်ရတယ်" ဟု ၄င်းက ပြောသည်။

NLD နာယက ဦးတင်ဦးကလည်း လက်ရှိထုတ်ပြန်သည့် မဲစာရင်းများက အမှားအများဆုံးနှင့် ပြည်သူများ အတွက် ဒုက္ခအများဆုံး၊ အလုပ်အရှုပ်ဆုံး စာရင်းများဖြစ်နေသည်ဟု စက်တင်ဘာ ၂၁ ရက် ဗဟိုအောင်နိုင်ရေး အဖွဲ့ သတင်းစာရှင်းလင်းပွဲ၌ ဝေဖန်ထားသည်။

ဒက္ခိဏသီရိမြို့နယ်တွင် NLD မှ ကိုယ်စားလှယ်လောင်းများအပြင် ပြည်ခိုင်ဖြိုးမှ လယ်ယာစိုက်ပျိုးရေးနှင့် ဆည်မြောင်းဝန်ကြီးဌာန ဦးမြင့်လှိုင်(ပြည်သူ့လွှတ်တော်) နှင့် ၄င်း၏ ညွှန်ကြားရေးမှူးချုပ်(ငြိမ်း) ဦးကျော်ဝင်း (အမျိုးသားလွှတ်တော်) တို့ ၀င်ရောက်ကြမည်။

ပြည်ထောင်စုရွေးကောက်ပွဲကော်မရှင်က မဲစာရင်းများကို စက်တင်ဘာ ၁၄ ရက်မှ ၂၇ ရက်အထိ တစ်နိုင်ငံလုံးတွင် ထုတ်ပြန်ထားသည်။
 Mizzima
http://mizzimaburmese.com/article/5108#sthash.tST389h8.dpuf


မြန်မာနိုင်ငံကနေ တရုတ်နိုင်ငံကို တနှစ်ကို ဒေါ်လာ သန်း ၆၀၀ ဘိုး သစ်ခိုးထုတ် နေတယ်လို့ Environmental investigation agency ( EIA international) သဘာဝ ပတ်ဝန်းကျင် စုံစမ်း စစ်ဆေးရေးအဖွဲ့ရဲ့ အစီရင်ခံစာ ထဲမှာ ဖေါ်ပြထားပါတယ်။

အဲဒီလို သစ်ခိုးထုတ်ရာမှာ မြန်မာ စစ်တပ် အရာရှိတွေ၊ တိုင်းရင်းသား လက်နက်ကိုင် အဖွဲ့အစည်းတွေကို ငွေပေးပြီး ခိုးထုတ် ခဲ့ကြကြောင်း သစ်ခိုးထုတ်သူတွေက ပြောပြတာကို EIA အဖွဲ့ရဲ့ မှတ်တမ်း ဗီဒီယိုခွေထဲမှာ တွေ့ရပါတယ်။

EIA အဖွဲ့ဝင်တွေက သစ်ထုတ်လုပ်ရေး လုပ်ငန်းလုပ်မယ့် သူတွေအဖြစ် ဟန်ဆောင်ပြီး တရုတ်နိုင်ငံ ယူနန်ပြည်နယ်ထဲက သစ်ရောင်းဝယ်သူတွေ၊ အကောက်ခွန် ရှင်းလင်းရေး အေးဂျင့်တွေနဲ့ တွေ့ဆုံခဲ့ကြကြောင်း၊ အဲဒီထဲက တချို့က အကောက်ခွန်ကို ဘယ်လို ဖြတ်သန်းရပုံ၊ မြန်မာ အစိုးရ စစ်တပ် အရာရှိတွေ၊ တိုင်းရင်းသား လက်နက်ကိုင် အဖွဲ့တွေကို ငွေပေးရပုံ၊ ဆက်သွယ် လုပ်ကိုင်ရပုံတွေကို ပြောပြခဲ့ကြောင်း အစီရင်ခံစာ ရေးသားသူ Jago Wadley က ဘီဘီစီကို ပြောပါတယ်။

တချို့သစ်တွေဟာ ကချင်ပြည်နယ်မှာ ရနိုင်တဲ့ သစ်တွေ မဟုတ်ပဲ အစိုးရ ထိန်းချုပ်ထားရာ စစ်ကိုင်းတိုင်းဘက်က သစ်တွေ ပါဝင်နေတာကို တွေ့ရတဲ့အတွက် အစိုးရ စစ်တပ် ပါဝင် ပတ်သက်မှု ထင်ရှားနေတယ်လို့လည်း ဆိုပါတယ်။

တနှစ်ကို ဒေါ်လာ သန်း ၆၀၀ဘိုး သစ်တွေ ခိုးထုတ်နေတယ် ဆိုတာ တရုတ် အကောက်ခွန် ဌာနက ထုတ်ပြန်တဲ့ ကိန်းဂဏန်းတွေနဲ့ ကုလသမဂ္ဂက ထုတ်ပြန်တဲ့ ကိန်းဂဏန်းတွေကနေ ရခဲ့တာလို့ Jago Wadleyက ပြောပါတယ်။

အထူးသဖြင့် မြန်မာနိုင်ငံက ထွက်တဲ့ တမလန်းနဲ့ ပိတောက်ကို ပရိဘောဂအတွက် တရုတ်နိုင်ငံက လိုချင်သူတွေ သိပ်များကြောင်း၊ ၂၀၁၂ ခုနှစ်တုန်းက တမလန်းနဲ့ ပိတောက် သစ်တွေ ဒေါ်လာ သန်း ၁၀၀ဖိုး တရုတ်ပြည်ကို ပို့ခဲ့ပြီး ၂၀၁၃ ခုနှစ်မှာတော့ ဒေါ်လာ သန်း ၃၀၀ ဖိုးပို့ခဲ့တာမို့ နောက်ထပ် ၁၁နှစ်လောက် ကြာရင် မြန်မာနိုင်ငံထဲမှာ တမလန်းနဲ့ ပိတောက် မျိုးတုံးသွားနိုင်ကြောင်း၊ ဒါ့ကြောင့် တမလန်းနဲ့ ပိတောက် မျိုးစိတ် မတုံးအောင် ထိန်းသိမ်းစေလိုကြောင်း ပြောပါတယ်။

၂၀၁၄ ခုနှစ် ဧပြီ လတုန်းက မြန်မာအစိုးရနဲ့ လက်မှတ်ရေးထိုးထားတဲ့ သစ်ခိုးထုတ်လုပ်မှု တားဆီးပိတ်ပင်တဲ့ ဥပဒေကို တရုတ်အစိုးရအနေနဲ့ လေးစားလိုက်နာဖို့နဲ့ တရားဥပဒေ စိုးမိုးရေးကို စစ်တပ်ကပါ လိုက်နာအောင် မြန်မာ အစိုးရဘက် ကလည်း လုပ်ဆောင်ဖို့ တိုက်တွန်းချင်ကြောင်း အစီရင်ခံစာ ရေးသားသူ Jago Wadley က ပြောပါတယ်။

BBC
http://www.bbc.com/burmese/burma/2015/09/150922_myanmar_china_logging_eia_report?ocid=socialflow_facebook

လာမည့် ၂၀၁၅ ခုနှစ် ၊ နိုဝင်ဘာ ၈ ရက်တွင် လွှတ်တော် အရပ်ရပ်အတွက် ပြည်သူ့ကိုယ်စားလှယ်များ ရွေးချယ်ရမည့် တပ်မတော်သားများ အနေဖြင့် ဆန္ဒမဲပေးရာတွင် တိုင်းပြည်အပေါ် ကောင်းအောင် လုပ်နိုင်မည့်သူ ၊ ဒို့တာဝန် အရေးသုံးပါးကို ထိန်းသိမ်းစောင့်ရှောက်နိုင်သူ ၊ နိုင်ငံရေး ၊ အုပ်ချုပ်ရေး ၊ စီးပွားရေး ၊ ကာကွယ်ရေး အမြင်လေးမြင်ရှိသူနှင့် တပ်မတော်အပေါ် နားလည်မှုရှိသူများကို အခြေခံ စဉ်းစားရမည်ဖြစ်ကြောင်း တပ်မတော် ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်က စက်တင်ဘာ ၂၂ ရက်တွင် ပြောကြားခဲ့သည် ။

ကယားပြည်နယ် ၊ လွိုင်ကော်တပ်နယ်ရှိ အရာရှိ ၊ စစ်သည် ၊ မိသားစုများနှင့် တွေ့ဆုံ အမှာစကား ပြောကြားရာတွင် ယင်းသို့ ထည့်သွင်းပြောကြားခဲ့ခြင်း ဖြစ်သည် ။ ထို့အတူ တာဝန်ယူမည့် အဆင့်ဆင့်သော ပုဂ္ဂိုလ်များသည် သံသယရှင်းရှင်းဖြင့် လုပ်နိုင်မည့်သူဖြစ်ရန် လိုကြောင်းနှင့် သေသေချာချာ စဉ်းစားပြီးမှ တိုင်းပြည်အပေါ် စိတ်ကောင်း ၊ စေတနာကောင်းနှင့် လုပ်ဆောင်မည့် ပုဂ္ဂိုလ်မျိုးကို ရွေးချယ်ရန် လိုအပ်ကြောင်း ၎င်းကပြောကြားခဲ့သည်။

ယခုအချိန်တွင် ငြိမ်းချမ်းရေး ဆွေးနွေးမှုများကို ပြည်နယ်အဆင့် ၊ တိုင်းအဆင့်နှင့် ပြည်ထောင်စုအဆင့် ပြုလုပ်ခဲ့ပြီး NCA စာချုပ် ချုပ်ဆိုရန် နောက်ဆုံးမူကြမ်း အတည်ပြုပြီးသည့် အဆင့် ရောက်ရှိနေပြီ ဖြစ်ကြောင်း ၊ မိမိတို့အနေဖြင့် တိုင်းရင်းသား စည်းလုံးညီညွတ်ရေးသည် မရှိမဖြစ် လိုအပ်ကြောင်းနှင့် အားနည်းနေသည့် တိုင်းရင်းသားများ အပေါ်တွင် ပိုမိုကရုဏာသက်စွာဖြင့် ဆက်ဆံရန် လိုအပ်ကြောင်း ပြောဆိုသည် ။

တပ်မတော်သားများ အနေဖြင့် ပြည်သူလူထုအပေါ် ရေလို ၊ လလို ဆက်ဆံရန် လိုကြောင်းနှင့် ပြည်သူလူထု၏ အသက်အိုးအိမ် စည်းစိမ်နှင့် အကျိုးစီးပွားကို ဖော်ဆောင်ပေးရန် ၊ ကာကွယ် စောင့်ရှောက်ပေးရန်လည်း တိုက်တွန်းမှာကြား ခဲ့သည်။

ထို့အတူ တပ်မတော်၏ မူလတာဝန်မှာ နိုင်ငံတော် ကာကွယ်ရေး တာဝန်ထမ်းဆောင်ရန် ဖြစ်သည့်အတွက် တိုက်စွမ်းရည် ၊ တိုက်စွမ်းအား ရှိရန်လိုသည် ။ တိုက်စွမ်းရည် မြင့်မားရေးအတွက် အခြေခံ လိုအပ်ချက်ဖြစ်သည့် တပ်မတော်သားများ ပညာရည်မြှင့်တင်ရေးနှင့် လေ့ကျင့်ရေးကို တိုးမြှင့်လုပ်ဆောင်နေသည် ၊ တပ်များတွင် ညီညွှတ်မျှတသည့် အုပ်ချုပ်ရေးရှိရန် လိုအပ်ကြောင်းနှင့် အလုပ်လုပ်ချိန် ၊ နားချိန်နှင့် အုပ်ချုပ် ထောက်ပံ့မှုများကိုလည်း မှန်မှန်ကန်ကန် လုပ်ပေးရန် လိုအပ်သည်ဟု ဗိုလ်ချုပ်မှူးကြီးမင်းအောင်လှိုင်က ဆက်လက် ပြောကြားခဲ့သည်။

သတင်း-ဇော်မင်းထွန်း
The Ladies News Journal


 ထိုင်းနိုင်ငံကို ၁၉၄၆ ခုနှစ်ကတည်းက အုပ်ချုပ်လာခဲ့တဲ့ ဘုရင်မင်းမြတ်ရဲ့ ကျန်းမာရေးအခြေအနေ ယုတ်လျော့လာမှုအပေါ် စိုးရိမ်မှုတွေ ကြီးထွားလာနေပါတယ်။

လွန်ခဲ့တဲ့ နှစ်အနဲငယ်အတွင်း မြို့တော် ဘန်ကောက်က ဆေးရုံမှာ ဆေးကုသမှု ခံယူနေရတဲ့ အသက် ၈၇ နှစ်အရွယ် ဘုရင် Bhumibol အတွက် အနာရောဂါ ပျောက်ကင်းစေတဲ့ ဂါထာတွေ ရွတ်ဖတ်ပြီး ဆုတောင်း မေတ္တာပို့ကြဖို့ သမီးတော် Chulabhorn က ပြီးခဲ့တဲ့ သီတင်းပတ်အတွင်း တိုင်းသူပြည်သားတွေကို ရှားရှားပါးပါး မေတ္တာရပ်ခံခဲ့ပါတယ်။

ရာမဘုရင်မင်းဆက် ၉ ယောက်အဖြစ် လူသိများတဲ့ ဘုရင် Bhumibol အခုလ အစောပိုင်းတုန်းက သူဆေးကုသမှု ခံယူနေတဲ့ Siriraj ဆေးရုံကနေ အပြင်ကို ခဏတာ ထွက်လာတဲ့အချိန်က နောက်ဆုံးအကြိမ် လူထုရှေ့ကို ထွက်ပြခဲ့တာ ဖြစ်ပါတယ်။ ဘုရင်မင်းမြတ်အနေနဲ့ သွေးနဲ့ပတ်သက်တဲ့ ကူးစက်ရောဂါ၊ ကိုယ်ပူ ဖျားနာတာနဲ့ အဆုပ်ရောင်ရောဂါတွေကို ခံစားနေရကြောင်း နန်းတော် ကျန်းမာရေး တာဝန်ရှိသူတွေက ပြောပါတယ်။

အိမ်ရှေ့မင်းသား Maha Vijaralongkorn ကတော့ သူ့မိဘတွေလောက် လူထုရဲ့ ချစ်ခင်လေးစားမှုကို မရရှိပါဘူး။ အိမ်ရှေ့မင်းသား Maha Vijaralongkorn ဟာ အသက် ၈၃ နှစ်ရှိပြီဖြစ်တဲ့ ကျန်းမာရေး ချို့တဲ့နေတဲ့ မိခင်ဖြစ်သူ -  မိဘုရားကြီး သီရိခေတ်ကို ပူပြင်းလှတဲ့ သြဂုတ်လ နေရောင်အောက်မှာ ၄၃ ကီလိုမီတာ ရှိတဲ့ ခရီးကို လူပေါင်း ၁ သိန်းခွဲလောက်နဲ့အတူ စက်ဘီးစီး ဂုဏ်ပြုခဲ့ပါတယ်။

ဗွီအိုအေ (မြန်မာပိုင်း)
http://burmese.voanews.com

အီတလီပြည်ထဲရေးရာ ဝန်ကြီး Angelino Alfano (ဝဲ) က စပိန်ပြည်ထဲရေး ဝန်ကြီး Jorge Fernandez Diazနဲ့ တွေ့ဆုံစဉ် (Credit: Reuters)
ဥရောပတိုက်ထဲ ​ဝင်ရောက်လာနေတဲ့ ​ခိုလှုံခွင့်တောင်းလိုသူ ​သောင်းနဲ့ချီကို ​မျှဝေယူကြဖို့ ​အီးယူအဖွဲ့ဝင် ​နိုင်ငံတွေက ​သဘောတူခဲ့ကြပါတယ်။

ဟန်ဂေရီ၊ ​ချက်၊ ​ရိုမေးနီးယား၊ ​ဆလိုဗက်ကီးယားနိုင်ငံက ​ခိုလှုံခွင့်တောင်းလိုသူတွေကို ​လက်မခံလိုပေမယ့် ​မဲခွဲဆုံးဖြတ်ရာမှာ ​အများသဘောနဲ့ ​အတင်းအဓမ္မ ​လက်ခံခိုင်းတာ ​ဖြစ်ပါတယ်။

လူပေါင်း ​တစ်သိန်းနှစ်သောင်းလောက်ကို ​အီးယူ ​အဖွဲ့ဝင် ​၂၈ ​နိုင်ငံအကြား ​မျှဝေ ​ပို့ဆောင်မှာ ​ဖြစ်ပါတယ်။

ဂရိနဲ့ ​အီတလီနိုင်ငံကို ​ရောက်လာတဲ့ ​ခိုလှုံခွင့်တောင်းလိုသူ ​၆၆၀၀၀ ​အပြင် ​ဟန်ဂေရီနဲ့ ​အနီးတဝိုက်ကို ​ရောက်လာသူ ​၅၄၀၀၀ ​ကို ​အီးယူနိုင်ငံတွေက ​မျှဝေခေါ်ယူမှာ ​ဖြစ်ပါတယ်။

ဘယ်နိုင်ငံက ​ဘယ်နှစ်ယောက် ​ခေါ်ယူရမယ် ​ဆိုတာကိုတော့ ​ဆွေးနွေးနေကြဆဲ ​ဖြစ်ပါတယ်။

ဒုက္ခသည်တွေကြောင့် ​နိုင်ငံတော်အတွက် ​ဝန်ထုတ်ဝန်ပိုးဖြစ်မယ် ​ဆိုတဲ့ ​ပြောဆိုမှုတွေကို ​နိုင်ငံတကာ ​ရွှေ့ပြောင်းသွားလာရေး ​အဖွဲ့က ​ငြင်းဆိုနေပြီး ​ဒုက္ခသည်တွေဟာ ​အလုပ်ပိုကြိုးစားကြသလို ​ပေးရမယ့် ​အခွန်တွေကို ​ပုံမှန်ဆောင်တဲ့လူဖြစ်ပြီး ​မိသားစု ​ချစ်ခင်မြတ်နိုးမှုကို ​ဦးစားပေးတဲ့အတွက် ​လူမှုအသိုင်းအဝိုင်းကို ​အကျိုးပြုသူတွေ ​များတယ်လို့ ​ပြောလိုက်ပါတယ်။

ABC Radio Australia
http://www.radioaustralia.net.au/burmese


 စစ်တွေ၊ စက်တင်ဘာ ၂၂

 ရခိုင်ပြည်နယ်၊ မင်းပြားမြို့နယ် လေးမြို့မြစ်ကမ်းတွင်တည်ရှိသော ပန်းမြောင်းကျေးရွာ၌ ယခုရက်ပိုင်း အတွင်း မြစ်ကမ်းပါး ပြို၍ နေအိမ်နှင့်ဆိုင်ခန်း ၃ဝ ကျော် ပြိုကျ ပျက်စီး သွားကြောင်းဒေသခံများက ပြောသည်။

“ဆိုင်တွေက အိမ်နဲ့တွဲပြီးဆောက်ထားတာလေ။ အဲလိုပြိုသွားလို့ ကျမတို့ အခု အောင်မင်္ဂလာဘုန်းကြီးကျောင်းမှာ ကပ်နေရတယ်” ဟု နေအိမ်ပြိုပျက်သွားသည့် ပန်းမြောင်းကျေးရွာဒေသခံ ဒေါ်မသိန်းလှက နိရဉ္စရာသို့ပြောသည်။


ပြိုပျက်စီးသွားသည့်ဆိုင်ခန်းများတွင် လက်ဘက်ရည်ဆိုင်၊ အဝတ်အထည်ဆိုင်၊ ကုန်စုံဆိုင်များပါဝင်သည်ဟုဆိုသည်။

အဆိုပါမြစ်ကမ်းပါးပြိုကျမှုမှာ စက်တင်ဘာလ ၂ဝ ရက်နေ့နှင့် ၂၂ ရက်နေ့တို့ကဖြစ်ပွားခဲ့ခြင်းဖြစ်ပြီး စက်တင်ဘာ ၂ဝ ရက်နေ့က ၁ဝ အိမ်ကျော်နှင့် ယနေ့တွင် ၂ဝ ခန့်ပြိုပျက်စီး သွားကြောင်း ဒေသခံများက ပြောသည်။

“ဒီကနေ့တော့ ရဲက အပျက်အစီးစာရင်းကိုလာစစ်တယ်။ နောက်ပြီး အထက်ကိုတင်ပြပေးမယ်လို့ပဲပြောသွားတယ်”ဟု အဆိုပါကျေးရွာမှ အထည်ဆိုင်ပိုင်ရှင်တစ်ဦးက ဆက်ပြောသည်။


လက်ရှိတွင် နစ်နာသွားသည့်ဒေသခံများမှာ နေစရာအခက်အခဲဖြစ်နေပြီး ကမ်းပါးရှိ ဆိုင်ခန်းများနှင့်နေအိမ်များမှာလည်း ဆက်လက်ပြိုကျနိုင်ဖွယ် ရှိနေသေးသဖြင့် စိုးရိမ်မှုများလည်း တိုးပွားနေသည်ဟု ဒေသခံများက ပြောဆိုသည်။

လေးမြို့မြစ်ကမ်းပါး ပြိုကျမှုကြောင့် ပန်းမြောင်းရွာ အပါအ၀င် ကျေးရွာ အများအပြား ထိခိုက်မှုရှိနေပြီး လေးမြို့မြစ် ကမ်းပါးပြိုမှုကို သက်ဆိုင်ရာမှ စနစ်တကျ မထိန်းသိမ်းပါက ၎င်းဒေသရှိ လူများ ဒေသစွန့်ခွာမှုများ ပိုမို ရှိလာနိုင်သလို လူနေမှု ပုံစံများလည်း ပြောင်းလဲ သွားနိုင်ကြောင်း လေ့လာသုံးသပ်သူများက ပြောဆိုသည်။

( စက်တင်ဘာလ ၂၂ ရက်နေ့က ပန်းမြောင်း ကမ်းပါးပြိုနေသည်ကို တွေ့ရစဉ်။ ဓာတ်ပုံများအား ၀ံလက် ဖောင်ဒေးရှင်းမှ ကူညီ ပေးပို့သည်။)

မာန်ယုကျော် (ရွှေဝမြေ)
Arakan State
https://www.facebook.com/NarinjaraNews

အမေရိကန်အစိုးရ၏ ၂၀၁၇ ခုနှစ် ဒီဗီကံစမ်းမဲ ဗီဇာအစီအစဉ်နှင့် ပတ်သက်သည့် သတင်းအချက်အလက် အမှားများ ဖော်ပြနေသည့် အမေရိကန်အစိုးရနှင့် မသက်ဆိုင်သည့် ၀က်ဘ်ဆိုက်များကို တွေ့မြင်နေရကြောင်းနှင့် ၂၀၁၇ ခုနှစ် ဒီဗီကံစမ်းမဲ ဗီဇာ အစီအစဉ်အတွက် လျှောက်လွှာတင်ရန် ရက်သတ်မှတ်ချက် မထွက်ရှိသေးကြောင်း စက်တင်ဘာ ၂၃ ရက်တွင် အမေရိကန်သံရုံးက အရေးပေါ် ကြေညာချက်တစ်ရပ်ကို ထုတ်ပြန်လိုက်သည် ။

အမေရိကန်အစိုးရ၏ တရားဝင်ဝက်ဘ်ဆိုက်အဖြစ် ထင်ယောင်ထင်မှားဖြစ်စရာ အတုအယောင် ဆိုက်များနှင့် အမေရိကန်ဗီဇာနှင့် ပတ်သက်သည့် သတင်း အချက်အလက် အမှားများကို ဖြန့်ဝေနေသည့် အီးမေးလ်များလည်း ရှိသည်ဟု အရေးပေါ် ကြေညာချက်တွင် ဖော်ပြထားသည် ။

အမေရိကန်အစိုးရ၏ ဒီဗီကံစမ်းမဲ ဗီဇာအစီအစဉ်နှင့် ပတ်သက်သည့် ၀က်ဘ်ဆိုက်လိပ်စာ၏ ဒိုမိန်းအမည်နောက်တွင် .gov ဖြင့်ဆုံးသည့် လိပ်စာမျိုးများသာ တရားဝင် အမေရိကန်အစိုးရ၏ ဆိုက်များဖြစ်ပြီး ဗီဇာအစီအစဉ်နှင့် ပတ်သက်သည့် အတိကျဆုံးနှင့် နောက်ဆုံးရ သတင်းအချက်အလက်များကို http://burma.usembassy.gov/visas.html တွင် ၀င်ရောက် ကြည့်ရှုကြရန်လည်း အရေးပေါ် ကြေညာချက်တွင် ဖော်ပြထားသည် ။

The Ladies News Journal

အမျိုးသားပညာရေးဥပဒေကို ပြင်ဆင်သည့် ဥပဒေမူကြမ်း အတည်ပြုနိုင်ရေးအတွက် ဆန္ဒထုတ်ဖော်ရာ၌ လက်ပံတန်းမြို့နယ်တွင် ဖမ်းဆီးခံထားရသည့် ကျောင်းသားနှင့် ၀န်းရံပြည်သူများဘက်မှ ရှေ့နေအဖြစ် လိုက်ပါဆောင်ရွက်ပေးနေသူ ဒေါ်ခင်ခင်ကျော်မှာ သာယာဝတီမြို့နယ် တွဲဖက်တရားရုံးတွင် တရားစွဲဆိုခံထားရကြောင်း သိရှိရသည်။

ဒေါ်ခင်ခင်ကျော်မှာ သာယာဝတီမြို့နယ် တွဲဖက်တရားရုံးတွင် ပြစ်မှုဆိုင်ရာ ဥပဒေပုဒ်မ ၂၂၈ ဖြင့် တရားစွဲဆို ခံခဲ့ရခြင်းဖြစ်ပြီး တရားစွဲခြင်းကို စက်တင်ဘာလ ၂၁ ရက်တွင် ရုံးချိန်း ခေါ်ဆိုထားကြောင်းကိုလည်း သိရသည်။

“စက်တင်ဘာလ ၁ ရက်နေ့တုန်းက ရုံးချိန်းမှာ တရားသူကြီးနဲ့ အပြန်အလှန် ပြောဆိုမှုတွေလည်း ရှိခဲ့တော့ ဒါကိုပဲ တရားစွဲဆိုထားတာနေမယ် ထင်ပါတယ်။ ဒါပေမဲ့ ဘာကိစ္စကို တရားစွဲဆိုထားတယ်ဆိုတာကိုတော့ မသိရသေးဘူး။ ကျွန်မကတော့ ရင်ဆိုင်ဖြေရှင်းသွားမှာပါ” ဟု ဒေါ်ခင်ခင်ကျော်က ပြောသည်။

သာယာဝတီမြို့နယ် တွဲဖက်တရားရုံး၌ ရှေ့နေဒေါ်ခင်ခင်ကျော်အား တရားစွဲဆိုသူကို မသိရှိရသေးသော်လည်း ပြစ်မှုဆိုင်ရာဥပဒေပုဒ်မ ၂၂၈ ၀တ်္တရားနှောင့်ယှက်မှုဖြင့် တရားစွဲဆိုခြင်း ဖြစ်သည်။

“တစ်ဖက်နဲ့တစ်ဖက် အပြန်အလှန်ထိန်းသိမ်းသွားရမယ့်အစား တရားဥပဒေလက်နက်ကြီး အသုံးပြုပြီး ပစ်ခတ်တယ်ဆိုတာ မဖြစ်သင့်ဘူး။ အဲလိုသာဆိုရင် ဒီဘက်ကလည်း ပြန်ပစ်နိုင်မယ့် အချက်အလက်တွေ တွေ့လာနိုင်တာပေါ့” ဟု ဖမ်းဆီးခံထားရသည့် ကျောင်းသားနှင့် ၀န်းရံပြည်သူများအတွက် ရှေ့နေအဖြစ် ဆောင်ရွက်ပေးနေသူ ဦးရောဘတ်စန်းအောင်က ပြောသည်။

ရှေ့နေဒေါ်ခင်ခင်ကျော် တရားစွဲဆိုခံရမှုသည် ဖမ်းဆီးခံထားရသူများ၏ တရားရင်ဆိုင်ရမှုအပေါ် ထိခိုက်မှုမရှိသော်လည်း တရားခွင်မှ ရပ်ဆိုင်းခံရနိုင်ခြင်း ရှိ၊မရှိကို မသိရှိရသေးကြောင်း ဦးရောဘတ်စန်းအောင်က ပြောသည်။

ပြစ်မှုဆိုင်ရာ ဥပဒေပုဒ်မ ၂၂၈ မှာ ထင်ရှားပါက ငွေဒဏ် ၁၀၀၀ ကျပ် သို့မဟုတ် အလုပ်နှင့်ထောင်ဒဏ် ၆ လ၊ အလုပ်မဲ့ထောင်ဒဏ် ၆ လ ချ မှတ်နိုင်ကြောင်းသိရသည်။

မင်းဝဿ န်
The Ladies News Journal


မြန်မာ့လွှတ်တော်မှ အတိုက်အခံအမတ်တစ်ဦးဖြစ်သူ ဦးအုန်းကြိုင်သည် နေပြည်တော်တွင် လွှတ်တော်တက်စဉ် သူနေထိုင်ရမည့် အခန်းကျဉ်းလေးကိုကြည့်ရင်း တစ်ချိန်က နိုင်ငံရေးအကျဉ်းသားအဖြစ် နေထိုင်ခဲ့ရသည့် အကျဉ်းခန်းကို ပြန်လည်အမှတ်ရမိနေသည်။ အမျိုးသားဒီမိုကရေစီအဖွဲ့ချုပ် NLD မှ အမတ်တစ်ဦးဖြစ်သော အသက် ၇၂ နှစ်အရွယ် ဦးအုန်းကြိုင်က “ကျွန်တော် ထောင်ထဲမှာ ၁၇ နှစ် နေခဲ့ရပါတယ်။ ဒီအခန်းက အကျဉ်းခန်းလိုပါပဲ။ အခု ကျွန်တော့်မိသားစုပါနေရတာက လွဲရင်ပေါ့” ဟု ပြောကြားခဲ့သည်။

၂၀၁၁ တွင် အရပ်သားတစ်ပိုင်း အစိုးရတက်လာပြီးနောက် နေပြည်တော်၌ ပြုလုပ်သည့် လွှတ်တော်အစည်းအဝေးများသို့တက်ရန် ရောက်ရှိလာသော နိုင်ငံအနှံ့မှ လွှတ်တော်ကိုယ်စားလှယ်များသည် လွှတ်တော်ကျင်းပချိန်အတွင်း နေပြည်တော်၌ နေထိုင်ရသည်။ ချမ်းသာသည့် အမတ်အချို့က ဟိုတယ်များတွင် ရက်ရှည်နေထိုင်ရန် တတ်နိုင်ကြသော်လည်း အတိုက်အခံအမတ်အများစုမှာ အစိုးရကစီစဉ်ပေးထားသည့် အစိမ်းရောင် တိုက်တန်းလျားများတွင် ကျဉ်းကျဉ်းကျုတ်ကျုတ် နေထိုင်ရန်မှအပ ရွေးစရာများများစားစားမရှိပေ။

ယခုအခါတွင် ရွေးကောက်ပွဲနီးကပ်လာပြီဖြစ်သဖြင့် လွှတ်တော်များ အဆုံးသတ်ရပ်နားချိန်တွင် အမတ်များမှာ ယင်းတို့၏ စစ်တန်းလျားပုံစံ အခန်းများမှ ပြန်လည်ထွက်ခွာရန် မစောင့်နိုင်ဘဲ ဖြစ်နေသည်။ ဦးအုန်းကြိုင်၏ ဇနီးဖြစ်သူ အသက် ၇၁ နှစ်အရွယ် ဒေါ်သန်းသန်းက အိမ်ပြန်ချင်နေပြီဟုဆိုသည်။ ဒေါ်သန်းသန်းသည် ဦးအုန်းကြိုင်ကို ပြုစုစောင့်ရှောက်ရန်အတွက် သမီးနှင့်အတူ နေပြည်တော်တွင် လိုက်လံနေထိုင်ခဲ့ခြင်းဖြစ်သည်။

နိုင်ငံ၏အကြီးဆုံးမြို့နှင့် မြို့တော်ဟောင်းဖြစ်သည့် ရန်ကုန်တွင် နေအိမ်ရှိသည့် ဦးအုန်းကြိုင်တို့ မိသားစုမှာ နေပြည်တော်တွင် တစ်ဦးစာအခန်းကျဉ်းလေး၌ အခန်းထောင့်တွင် ယာယီမီးဖိုဖြင့် ချက်ပြုတ်ရပြီး အိပ်ရာခင်းများကို လူသွားလမ်းသာချန်၍ အပြည့်ခင်းကာ အိပ်စက်ကြရသည်။

“ဘုရင်မင်းမြတ်များနေထိုင်ရာ” ဟု အဓိပ္ပာယ်ရသည့် နေပြည်တော်မှာ သာမာန်လွှတ်တော်အမတ်များ အတွက်မူ သီးခြားအဓိပ္ပာယ်ဆောင်လျက်ရှိသည်။

ယခင်အစိုးရသည် မြန်မာအလယ်ပိုင်း အပူပိုင်းဒေသတွင် နေပြည်တော်ကို လွန်ခဲ့သော ဆယ်စုနှစ်က တည်ဆောက်ကာ နိုင်ငံမြို့တော်အဖြစ် ရုတ်တရက်ကြေညာခဲ့သည်။ ထိုသို့ မြို့တော်သစ်တည်ဆောက်ပြောင်းရွှေ့ရသည့် အကြောင်းရင်းမှာမူ ယခုအထိ ပဟေဠိဖြစ်နေဆဲဖြစ်သည်။ နေပြည်တော်နှင့်အနီးတစ်ဝိုက်တွင် နေထိုင်သူ ၃၇၅,၀၀၀ ခန့်အတွက် စူပါမားကတ် ကြီးနှစ်ခုခန့်၊ ဈေးကြီးတစ်ခုနှင့် တိရစ္ဆာန်ရုံတစ်ခုတို့ အပါအ၀င် ဖျော်ဖြေရေး အနည်းငယ်သာရှိသည်။

နေရာအသုံးပြုမှုနှင့်ပတ်သက်သည့် အစဉ်အလာအယူအဆ ကန့်သတ်မှုများဖြင့် တည်ဆောက်ထားသည့် နေပြည်တော်မှာ လူရှင်းနေသည့် အပန်းဖြေဥယျာဉ်ကြီးနှင့် တူနေသည်။ ခမ်းခမ်းနားနား တည်ဆောက်ထားသော လွှတ်တော် အဆောက်အအုံနှင့် မြို့၏ အဓိကဆွဲဆောင်မှုနေရာများ ဖြစ်သော ကြီးမားကျယ်ပြန့်သည့် ဟိုတယ်ဇုန်၊ စေတီနှင့် ဆင်ဖြူတော်များ ထားရှိရာနေရာတို့ကို ယာဉ်ကြောများစွာပါပြီး လူသူကင်းမဲ့နေသည့် လမ်းကျယ်ကြီးများဖြင့် ဆက်သွယ်ပေးထားသည်။

ဒေါ်အောင်ဆန်းစုကြည်က နေပြည်တော်တွင် လွှတ်တော်တက်စဉ် နှစ်ထပ်အိမ်တစ်လုံး၌ နေထိုင်နိုင်ခဲ့သော်လည်း အခြား NLD နှင့် အတိုက်အခံ အမတ်အများစုမှာမူ အစိုးရက စီစဉ်ပေးသောဧည့်ဂေဟာများတွင် တစ်ရက်လျှင် နှစ်ထောင်ကျပ်ဖြင့် ငှားရမ်းနေထိုင်ရသည်။ လွှတ်တော်နှင့် ဧည့်ဂေဟာများ အပြန်အလှန်သွားလာရန် ပုံစံတူ မီနီဗန်များဖြင့် ပို့ဆောင်ပေးပြီး လက်နက်ကိုင် အစောင့်ဂိတ်တစ်ခုကို ဖြတ်သန်းသွားရသည်။

လွှတ်တော်အမတ်များ နေထိုင်ရသည့် ဧည့်ဂေဟာများမှာ စစ်တန်းလျားနှင့် တူသည်ဟု နေပြည်တော် NLD ပြောခွင့်ရပုဂိ်္ဂုလ် ဦးဝင်းထိန်ကဆိုသည်။ နေပြည်တော်ရှိ နေထိုင်ရာအခန်းတွင် ဧည့်သည်မပြတ်ရှိနေတတ်သည့် အသက် ၇၄ နှစ်အရွယ် ဦးဝင်းထိန်က “ဒါဟာ စစ်စခန်းတွေမှာ ဗိုလ်လောင်းတွေကို ထားတဲ့အတိုင်းပါပဲ” ဟု ပြောသည်။

သို့သော် ထိုသို့ နီးနီးကပ်ကပ်နေရခြင်းက ရဲဘော်ရဲဘက်စိတ်ကို အထောက်အကူပြုသည်ဟု ဦးဝင်းထိန်ကဆိုသည်။ ညနေခင်းအချိန်များတွင် အမတ်များစုပေါင်းကာ ခြင်းလုံးကစားလေ့ရှိပြီး သက်ကြီးပိုင်း NLD အမတ်များက အနားရှိ လက်ဖက်ရည်ဆိုင်တွင်ထိုင်ကာ စကားပြောလေ့ရှိသည်။ သို့သော် ထိုသို့လက်ဖက်ရည်ဆိုင် စကားဝိုင်းမှာ ကြာရှည်မခံဘဲ ဧည့်ဂေဟာဝင်းအတွင်း နိုင်ငံရေးမဆွေးနွေးရဟု ဒီဇင်ဘာလတွင် အာဏာပိုင်များက အမိန့်ထုတ်ခဲ့သည်။

လွှတ်တော်အမတ်နေရာ ၄ ပုံ ၁ ပုံရယူထားသည့် တပ်မတောသား ကိုယ်စားလှယ်များကလည်း ယင်းတို့ နေထိုင်ရသည့်နေရာကို နှစ်ခြိုက်မှုမရှိပေ။ အမည်မဖော်လိုသူ တပ်မတော်သားကိုယ်စားလှယ်တစ်ဦးက “ကျွန်တော်တို့နေရတဲ့ ၀င်းအတွင်း ဆိုင်တစ်ဆိုင်မှမရှိပါဘူး။ မိတ်ဆွေတွေနဲ့ လက်ဖက်ရည်တစ်ခွက်သောက်ရဖို့ မိနစ် ၃၀ လောက် ကားမောင်းသွားရပါတယ်” ဟု AFP သို့ပြောကြားခဲ့သည်။

အာဏာရ ကြံ့ခိုင်ရေးပါတီမှ အမတ်များစွာမှာမူ ကြီးမားခမ်းနားသည့် ပါတီဌာနချုပ်တွင် ပိုမိုကောင်းမွန်သည့် အထောက်အပံ့များနှင့် နေထိုင်ခွင့်ရသည်။ နေပြည်တော် ပါတီဌာနချုပ်ရှိ ပိုမိုပြည့်စုံကောင်းမွန်သော အခန်းများတွင် အခမဲ့နေထိုင်ခွင့်ရရှိကြသည်။

လက်ရှိ လွှတ်တော်တွင် ကြံ့ခိုင်ရေးအမတ် ၃၃၁ ဦးနှင့် နှိုင်းယှဉ်ပါက NLD အမတ်ဦးရေ ၄၅ ဦးမှာ အလွန် နည်းပါးလျက်ရှိသည်။ NLD လွှတ်တော်အမတ်အများစုမှာ ဒေါ်အောင်ဆန်းစုကြည် ပါဝင်ရွေးကောက်ခံခဲ့သည့် ၂၀၁၂ ကြားဖြတ်ရွေးကောက်ပွဲတွင် အနိုင်ရရှိခဲ့သူများဖြစ်သည်။ သို့ သော် ထိုသို့အရေအတွက် ကွာခြားနေခြင်းမှာ နိုဝင်ဘာ ၈ ရွေးကောက်ပွဲအပြီးတွင် ပြောင်းပြန်ပြောင်းလဲသွားဖွယ်ရှိပြီး လွှတ်တော်အတွင်း NLD အမတ် အများအပြား ရောက်ရှိလာဖွယ်ရှိသည်။

မြန်မာနိုင်ငံ၏ နိုင်ငံရေးအခင်းအကျင်းများ ဆယ်စုနှစ်များအတွင်း အကြီးမားဆုံး အလှည့်အပြောင်း ပြုလုပ်ရန် ပြင်ဆင်နေချိန်တွင် အစိုးရက အမတ်များအတွက် ပိုမိုကောင်းမွန်သော အဆောင်များတည်ဆောက်ပေးရန် အချိန်ယူ စဉ်းစားလျက်ရှိသည်။ ၀ါရင့်နိုင်ငံရေးသမားများဖြစ်သော ဦးဝင်းထိန်နှင့် ဦးအုန်းကြိုင်တို့မှာ ယင်းတို့၏ ရိုးရိုးရှင်းရှင်း အခန်းများမှ ထွက်ခွာကာ လွှတ်တော်ကိုယ်စားလှယ်နေရာ တာဝန်နှင့် ၀တ္တရားများကို မျိုးဆက်သစ်များထံ လက်ဆင့်ကမ်းခဲ့ပြီးပါက နေပြည်တော်တွင် ကျပ်ကျပ်တည်းတည်း ခက်ခဲစွာ နေထိုင်ခဲ့ရသည့် အတွေ့အကြုံများမှာ အတိတ်ဟောင်း များသာဖြစ်သွားမည် ဖြစ်သည်။

KHTun
Ref : Asiaone



စစ်တွေ၊ စက်တင်ဘာ ၂၃ ။ ။ ရခိုင်ပြည်နယ် မြို့တော် စစ်တွေ ပြည်သူ့ဆေးရုံကြီး၌ သူနာပြုနှစ်ဦးအား လက်ထောက် ဆရာဝန်တစ်ဦးက ကိုယ်ထိလက်ရောက် ပြုမူမှုကို ဆေးရုံအုပ်က တာဝန်ယူဖြေရှင်းမပေးသည့်အတွက် သူနာပြု ၂၀၀ ခန့်က စက်တင်ဘာ ၂၃ရက်တွင် အလုပ် (ဂျူတီ) မဆင်းဘဲ ဆန္ဒပြလိုက်သည်ဟု ဆန္ဒပြရာတွင် ပါဝင်သည့် သူနာပြုတစ်ဦးက ပြောသည်။

ပြီးခဲ့သည့် စက်တင်ဘာလ ၁၇ ရက်က ကလေးဆောင်တွင် လက်ထောက်ဆရာဝန်နှင့် သူနာပြုနှစ်ဦး စကားအချေအတင် အငြင်းဖြစ်ပွားရာမှ ဆရာဝန်က ယင်းသူနာပြုနှစ်ဦးအား ကိုယ်ထိလက်ရောက် ပြုမူခဲ့သည်ဟု ၎င်းက ပြောသည်။

"အပြာဝတ် ဆရာမ ထိုင်နေတဲ့ခုံကို တွန်းချလိုက်တယ်။ အဓိကတော့ ဆရာမပြုတ်ကျအောင်လို့ပေါ့။ ဆရာမမှာ ပြုတ်ကျပြီးတော့ အုပ်နံရံနဲ့တိုက်မိပြီး ဦးခေါင်းထိပ်တွေရောင်၊ ပါးတွေရောင်ဖူးသွားပါတယ်။ အခုသူ အရမ်းကို နာကျင်နေပါတယ်။ နောက် အနီဝတ် ဆရာမတစ်ဦးကိုတော့ ရပ်ခိုင်းထားပြီး ဘေးနားမှာ ပုလင်းခွံကို လွှတ်ချလိုက်တယ်။ ပုလင်းကို လွှတ်ချလိုက်ရင် အကွဲတွေက လွှင့်စိုင်မှာကို အဲဒီဆရာဝန်သိပါတယ်။ ဒါပေမယ့် တမင်သက်သက်လုပ်တော့ ပုလင်းကွဲတွေဟာ ဆရာမ ခြေဖဝါးရော၊ ခြေသလုံးမှာရော စိုက်ဝင်သွားပါတယ်။ " ဟု ပြောသည်။

အဆိုပါ ဖြစ်စဉ်အပေါ်မှာ ဆေးရုံအုပ်က လက်ထောက်ဆရာဝန်အား အပြစ်မယူဘဲ သူနာပြုများကိုသာ မှင်နီတားခြင်း၊ နယ်သို့ရွှေ့ပြောင်းရန် စီစဉ်ခြင်းပြုလုပ်သဖြင့် ယခုကဲ့သို့ အလုပ်မဆင်းဘဲ ဆန္ဒဖော်ထုတ်ရခြင်းဖြစ်ကြောင်း အဆိုပါသူနာပြုကဆိုသည်။

ယင်းအပြင် သူနာပြုများက တာဝန်ယူဖြေရှင်းမပေးသည့် ဆေးရုံအုပ် နှင့် ကိုယ်ထိလက်ရောက် ပြုမူစော်ကားခဲ့သည့် လက်ထောက် ဆရာဝန်အား ပြည်နယ်ဝန်ကြီးချုပ် အပါအဝင် သက်ဆိုင်သူများကို တိုင်ကြားသွားမည်ဟုလည်း ဆိုသည်။

စစ်တွေ ပြည်သူ့ဆေးရုံကြီးတွင် အနီဝတ်၊ အပြာဝတ်နှင့် အစိမ်းဝတ် သူနာပြု စုစုပေါင်း ၃၀၀ ခန့်ရှိပြီး ယခု ဆန္ဒဖော်ထုတ်သူများမှာ အနီဝတ်နှင့် အပြာဝတ် သူနာပြုများဖြစ်ကြောင်း သိရသည်။

စစ်တွေဆေးရုံတွင် သူနာပြု သုံးပုံနှစ်ပုံမှာ ဂျူတီမဝင်သဖြင့် သူနာပြုနည်းပါးပြီး ဆေးရုံရှိ လူနာများ အခက်တွေ့နေသည်ဟု လူနာစောင့်တစ်ဦးက ပြောသည်။

အဆိုပါကိစ္စနှင့်ပတ်သက်ပြီး ဆေးရုံအုပ်အား DMGက ဆက်သွယ်ခဲ့သော်လည်း ယနေ့မအားသေးဘူးဟုသာ ဆိုပြီး မဖြေကြားခဲ့ပေ။ သူနာပြုနှစ်ဦး နှင့် အချင်းများခဲ့သည့် လက်ထောက် ဆရာဝန်မှာမူ အမှားဝန်ခံကာ တောင်းပန်မည်ဟု သတင်းရရှိသော်လည်း ၎င်းကို DMGက ဆက်သွယ်နိုင်ခြင်း မရှိခဲ့ပေ။

Mizzima -
http://mizzimaburmese.com/article/5092#sthash.cfuhrhMP.eS2obuRX.dpuf


မဲပေးခွင့်ဆုံးရှုံးတာဟာ လူ့အခွင့်ရေး ချိူးဖောက်ခံရမှုတစ်ခုဖြစ်တယ်လို့ သင်္ဃန်းကျွန်းမဲဆန္ဒနယ်ကနေ တိုင်းဒေသကြီး လွှတ်တော်ကိုယ်စားလှယ်နေရာအတွက် ဝင်ရောက်ယှဉ်ပြိုင်မယ့် NLD ပါတီရဲ့ ကိုယ်စားလှယ်လောင်း ကိုနေဘုန်းလတ်က ပြောပါတယ်၊ သင်္ဃန်းကျွန်းမြို့နယ­်ထဲ မနေ့က မဲဆွယ်စည်းရုံးရေးဆင်းနေစဉ်အတွင်း အခုလိုပြောလိုက်တာဖြစ်ပါတယ်၊

RFA


(မောင်ကျော်စွာ)
(၂၀၁၅ခုနှစ်၊ စက်တင်ဘာ ၂၂ရက်)

ပထမအကြိမ် မဲစာရင်းထုတ်ပြန်တော့ အမှားတွေပါခဲ့တယ်။ ဒုတိယအကြိမ် မဲစာရင်းထုတ်ပြန်တော့လည်း ပထမအကြိမ်နဲ့ မခြား မနား အမှားတွေ ထပ်ပါနေတုန်းပဲဖြစ်တယ်။ ဒီလုပ်ရပ်ကို ပြည်သူအများက “တမင် ညစ်ပတ်မှု”လို့ မြင်ကြပြီး အတိုက်အခံပါတီ ရဲ့ “ရာနှုန်းပြည့်အောင်နိုင်ရေး”ကို “ရုပ်ပျက်ဆင်းပျက် မဲစာရင်း တမင်မှားယွင်းမှု”ဗျူဟာနဲ့ တိုက်စစ်ဆင်နေတာဖြစ်မယ်လို့ သုံး သပ်ယူဆနေကြပါတယ်။

ပြည်ထောင်စုရွေးကောက်ပွဲကော်မရှင် ဥက္ကဋ္ဌကြီးကိုယ်တိုင်က ဒီလိုမဲစာရင်းအမှားတွေနဲ့ပတ်သက်ပြီး “ကွန်ပြူတာ”အပေါ် အပြစ်ပုံချထားတယ်။ “လူထုကိုကြိုပြီး ပညာပေးရမှာ မပေးမိလိုက်ဘူး။ ကွန်ပြူတာက ဒီလိုလုပ်ထားတာကို အခုမှသိရတာ” တဲ့။ သက်ရှိ လူက မိမိရဲ့စီမံခန့်ခွဲမှု နုံချာညံ့ဖျင်းတာကို ရှင်းရှင်းဝန်မခံဘဲ သက်မဲ့စက်အပေါ် ပုံချလိုက်တာဟာ မိမိတို့ရဲ့စီမံခန့်ခွဲမှု နုံချာ ညံ့ဖျင်းတာကို မိုက်မဲမှုနဲ့ အချည်းအနှီး ဖုံးကွယ်ဖို့ ကြိုးစားတာပဲ ဖြစ်ပါတယ်။

ဒီမဲစာရင်းအမှားတွေနဲ့ ပတ်သက်ပြီး ပူးပေါင်းကူညီနေတဲ့ (IFES) မှာလည်း တာဝန်ရှိတယ်။ မိမိဂုဏ်သိက္ခာနဲ့ လုပ်ငန်းတာဝန်ကို လေးစားတန်ဖိုးထားသူ၊ တာဝန်ယူတတ်သူသာဆိုရင် ဒီလိုပြုမူမှာ မဟုတ်ပါဘူး။ မိမိရဲ့တာဝန်ရှိမှုကို ထုတ်ဖော်ဝန်ခံ၊ တောင်းပန် ပြီး တာဝန်က နှုတ်ထွက်သွားမှာဖြစ်ပါတယ်။ အခုဟာက တစ်ကြိမ်တစ်ခါမဟုတ်၊ နှစ်ကြိမ် နှစ်ခါမှားတာဖြစ်ပါတယ်။ သိပ်ရှက်ဖို့ ကောင်းပါတယ်။

ရွေးကောက်ပွဲကော်မရှင် ဆိုတာ သန့်ရှင်းမှု၊ လွတ်လပ်မှု၊ တရားမျှတမှုတို့ကို အသက် ဝိဉာဉ်သဖွယ်၊ ဦးထိပ်ပန်ဆင်ထားရမယ့် အဖွဲ့အစည်းဖြစ်ပါတယ်။ ဒါ့အပြင် ကော်မရှင်ဥက္ကဋ္ဌ အပါအဝင် ကော်မရှင်အဖွဲ့ဝင်တွေရဲ့ ဂုဏ်သိက္ခာ၊ လူကြီးလူကောင်းဆန်မှုနဲ့ သမာသမတ်ကျမှုတွေဟာ သန့်စင်နေဖို့ လိုအပ်ပါတယ်။ စကားပြောဆို ဆွေးနွေးရာမှာလည်း ယဉ်ကျေးသိမ်မွေ့ပြီး လူကြီးလူ ကောင်းဆန်ဖို့ လိုပါတယ်။ “ဆယ်ခါ ပိတ်ဆို့အရေးယူလည်း မမှုဘူး/ ကန်တော့ပွဲနဲ့လာပင့်လည်း မလုပ်ဘူး”ဆိုတဲ့ စကားမျိုးတွေ ပြောဆိုဖို့ လုံးဝ မသင့်ပါဘူး။ သမာဓိလူကြီးဆိုတာ လူမိုက်တွေနဲ့ အပုံကြီး ခြားနားဖို့လိုပါတယ်။

အခုတော့ ကော်မရှင်လူကြီးကိုယ်၌ကရော ကော်မရှင်ရဲ့လုပ်ရပ်တွေကပါ တိုင်းကျော်ပြည်ကျော် ပြောစရာ ဆိုစရာတွေ ဖြစ်လို့ နေပါတယ်။ မဲစာရင်းမှားယွင်းမှုဟာ ပြည်သူတွေရဲ့ စိတ်အေးချမ်းစွာ ဆန္ဒမဲပေးနိုင်ရေးကို ထိပါးနှောင့်ယှက်စော်ကားတာပဲ ဖြစ်ပါ တယ်။ မဲစာရင်းမှန်ရရေးကိစ္စဟာ အချိန်၊ ငွေကြေး၊ ပြည်ပအကူအညီ၊ ကျွမ်းကျင်သူလူအင်အား စသဖြင့် လုံလောက်စွာ ရရှိခဲ့ပါ တယ်။ မကြာခင်ကမှ ထုတ်ပြန်ခဲ့တဲ့ သန်းခေါင်စာရင်းထဲကနေ အလွယ်တကူ ရရှိနိုင်တာလည်းဖြစ်ပါတယ်။ ဒီလိုအခြေခံ အချက်အလက်တွေ ပြည့်စုံလုံလောက်နေပါလျက်နဲ့ မဲစာရင်းနှစ်ကြိမ်နှစ်ခါ မှားယွင်းနေတာဟာ သွေးရိုးသားရိုးမဟုတ်ဘဲ တမင် ညစ်ပတ်တဲ့ လုပ်ရပ်ကလွဲလို့ တခြားဘာမှ ဖြစ်နိုင်စရာမရှိပါဘူး။

မဲစာရင်းမှားယွင်းနေတာနဲ့ ပတ်သက်ပြီး နိုင်ငံရေးပါတီတွေဘက်က တုန့်ပြန်မှုက အားရစရာ မကောင်းပါဘူး။ သိပ်သဘော ကောင်းလွန်းနေတာကို တွေ့ရမှာပါ။ မဲစာရင်းမှားတာကို တစ်ဖက်က လူထုထဲမှာ အမှားပြင်ဖို့ တအိမ်တက်ဆင်း လိုက်လံလှုံ့ ဆော်စည်းရုံးရမှာဖြစ်သလို ဒီလိုမှားယွင်းနေတာနဲ့ပတ်သက်ပြီး ထိထိရောက်ရောက် အရေးဆိုတိုက်ပွဲဝင်ရမှာ ဖြစ်ပါတယ်။ ဒီ ၂ခုကို ဟန်ချက်ညီညီ ပေါင်းစပ်ရေးမှာ ပျက်ကွက်ခဲ့ပါတယ်။ တအိမ်တက်ဆင်း မဲစာရင်းပြင်ဆင်ရေးဆိုတဲ့ ဘက်တစ်ဖက်ထဲကို ပဲ အားပြုလုပ်ဆောင်ခဲ့ပါတယ်။ ဒီလို မဲစာရင်းအမှားကို အရေးဆိုတိုက်ပွဲဆင်ရာမှာ ဥပဒေတွင်း နည်းလမ်းရှိသမျှနဲ့ အရေးကုန် အောင် တိုက်ပွဲဝင်ရမှာပါ။ ဒီမိုကရေစီလိုလားတဲ့ နိုင်ငံရေးပါတီအားလုံး၊ လူမှုအဖွဲ့အားလုံး စုစည်းပြီးတော့လည်း စုပေါင်း အရေး ဆိုကြရမှာပါ။

အခုလည်း အချိန်မနှောင်းသေးပါဘူး။ အရေးဆိုမယ်ဆိုရင် ဆိုနိုင်တဲ့ အခြေအနေ၊ အချက်အလက်တွေ ရှိနေတုန်းပါ။ မတရားမှု/ တမင်ညစ်ပတ်မှုတွေကို အရေးဆိုတိုက်ပွဲဝင်ရေးနဲ့ ပတ်သက်ရင် ဘယ်တော့မှ အချိန်နောက်ကျနေပြီ/ အချိန်လွန်သွားပြီရယ်လို့ မရှိပါဘူး။

မဲစာရင်းတမင်မှားယွင်းနေတာဟာ မဲပေးပိုင်ခွင့်ရှိသူပြည်သူတွေ မဲပေးခြင်းမပြုနိုင်အောင် တမင်ဟန့်တားနှောက်ယှက်မှုပဲ ဖြစ်ပါ တယ်။ ဒီလိုဖြစ်အောင် ရွေးကောက်ပွဲကော်မရှင်ကိုယ်တိုင်က လုပ်ဆောင်နေတာဖြစ်ပါတယ်။ ဒီလိုလုပ်ရပ်ထဲမှာ (IFES)က လည်း ပူးပေါင်းပါဝင်လုပ်ဆောင်နေတယ်။ ဒိုင်လူကြီးနဲ့ ဒိုင်အဖွဲ့အစည်းကိုယ်တိုင်က ညစ်ပတ်နေတဲ့အတွက် ပြိုင်ပွဲတွေဟာ ဘယ်လိုနည်းနဲ့မှ လွတ်လပ်၊ သန့်ရှင်း၊ တရားမျှတတဲ့ ရလဒ်ထွက်ပေါ်လာနိုင်စရာ အကြောင်းမရှိပါဘူး။

ကိုယ်စားလှယ်လောင်းစိစစ်ရေးမှာလည်း အတိုက်အခံပါတီတွေအပေါ် ဥပဒေကို စိတ်ကြိုက်သုံးပြီး ကော်မရှင်အဆင့်ဆင့်က ညစ်ပတ်အနိုင်ကျင့်ခဲ့သလို။ မဲပေးပိုင်ခွင့်ရှိသူတွေ ဆန္ဒမဲပေးရေးမှာလည်း နှောက်ယှက်ဟန့်တားမှုတွေကို ဘောင်ထဲကနေ တမင်ညစ်နေပါတယ်။ ဒီလိုအချက်အလက်တွေ၊ အခြေအနေတွေကြောင့် လာမယ့်နိုဝင်ဘာ ၈ရက်မှာ ကျင်းပမယ်ဆိုတဲ့ ရွေး ကောက်ပွဲဟာ လွတ်လပ်၊ သန့်ရှင်း၊ တရားမျှတတဲ့ ရွေးကောက်ပွဲ ဖြစ်မယ်လို့ ဘယ်သူက အာမခံနိုင်မှာလဲ။

မဲစာရင်းမှားယွင်းမှုတွေဟာ စစ်တပ်ထဲမှာရော အခုလို မှားယွင်းနေသလား။ ဘာမှ ပြောသံဆိုသံ မကြားရပါဘူး။ ဝန်ထမ်းတွေကို တစ်ဖက်မှာ ပါတီနိုင်ငံရေး ကင်းရှင်းရမယ်လို့ ချုပ်ချယ်ကန့်သတ်ထားပေမယ့်၊ စစ်တပ်အနေနဲ့ ဘယ်ပါတီကို မဲထည့်ရမယ်လို့ စစ်ဦးစီး၊ စစ်ရေး၊ စစ်ထောက်ဆိုင်ရာ ညှိနှိုင်းအစည်းအဝေးမှာ ကာချုပ်က ဝိနည်းလွတ် အမိန့်ပေးညွန်ကြားသွားပါတယ်။

(ဒို့တာဝန်အရေး ၃ပါး သိရှိ နားလည်စောင့်ထိန်းနိုင်သူ၊ မြင် ၄မြင်ရှိသူ၊ စစ်တပ်အပေါ် နားလည်မှုရှိသူ)ကို မဲပေးရမယ်တဲ့။
မင်းတို့အနေနဲ့ ကြံ့ဖွံ့ပါတီကိုပဲ မဲထည့်ကြလို့ ပြောတယ်ဆိုတာ လူတိုင်း သဘောပေါက်ပါတယ်။

“၁၉၉၀ မေလ ၂၇ရက် ရွေးကောက်ပွဲ”ကို (နဝတ) စစ်အစိုးရက ပြုလုပ်ပေးခဲ့ပါတယ်။ သူတို့ မလိုလားတဲ့ ရွေးကောက်ပွဲရလဒ် ထွက်ပေါ်လာတဲ့အခါ (နဝတ-နအဖ) စစ်အစိုးရက အသိအမှတ်မပြုဘဲ ပယ်ဖျက်ပစ်ခဲ့ပါတယ်။
“ပုဒ်မ ၄၃၆ ပြင်ဆင်ရေး ”လူထုဆန္ဒလက်မှတ် (၅သန်းနီးပါး) လွှတ်တော်ထဲ တင်ပြခဲ့ပါတယ်။ လွှတ်တော်က အသိအမှတ် မပြု ခဲ့ပါဘူး။

“၂၀၁၀ ရွေးကောက်ပွဲရလဒ်” အသိအမှတ်ပြုတယ်ဆိုတာက ကြံ့ဖွံ့ပါတီ အနိုင်ရတဲ့ရလဒ်မို့၊ “၂၀၀၈အခြေခံဥပဒေ”ကို ပွဲထုတ် လာတဲ့ အခင်းအကျင်းဖြစ်လို့၊ စစ်တပ်က ယူထားတဲ့အာဏာကို (ဗိုလ်)ကနေ (ဦး)ပြောင်းတဲ့၊ စစ်ဝတ်ကနေ အရပ်ဝတ်ပြောင်း ဝတ်တဲ့ သူတို့အချင်းချင်း လွှဲပေးတာမို့ စိတ်ချလက်ချ အသိအမှတ်ပြုပြီး အာဏာလွှဲပြောင်းပေးခဲ့တာပါ။

“၂၀၁၂ ကြားဖြတ်ရွေးကောက်ပွဲ”မှာ အတိုက်အခံပါတီ(NLD)က ဝင်ရောက်ယှဉ်ပြိုင်တဲ့ မဲဆန္ဒနယ်တိုင်းမှာ အနိုင်ရခဲ့ တာကို အသိအမှတ်ပြုခဲ့တာက သူတို့ဂွင်ထားဝင်လာစေဖို့ တမင် ဟပေးတဲ့အခင်းအကျင်းမို့ ဖြစ်ပါတယ်။
“၂၀၁၅ ရွေးကောက်ပွဲ” ဟာ အထက်မှာတင်ပြခဲ့တဲ့ ရွေးကောက်ပွဲတွေနဲ့ အခြေအနေချင်း မတူပါဘူး။ ဒါကြောင့် မဲစာ ရင်းကနေ စတင်ပြီး ထောင့်ပေါင်းစုံ၊ ဘက်ပေါင်းစုံကနေ ထောင့်စေ့ကွက်စေ့ တမင်ညစ်ပတ်နေတာဖြစ်ပါတယ်။
ဒါကြောင့် “၂၀၁၅ ရွေးကောက်ပွဲ” လွတ်လပ်၊ သန့်ရှင်း၊ တရားမျှတတဲ့ ရွေးကောက်ပွဲဖြစ်ဖို့ဆိုရင် လက်ရှိ ပြည်ထောင် စုရွေးကောက်ပွဲကော်မရှင် တဖွဲ့လုံးအနေနဲ့ မဲစာရင်းမှားယွင်းမှုအတွက် တောင်းပန်ရန် သို့မဟုတ် တာဝန်မှနှုတ်ထွက်ရန် ဆို သည့်လမ်းနှစ်ခုအနက် တစ်ခုခုကို ရွေးချယ်ကြရတော့မည်သာ ဖြစ်ပါတယ်။

– (RFA) သတင်း။ ၁၉ စက်တင်ဘာ ၂၀၁၅၊ ရွေးကောက်ပွဲကော်မရှင်ဥက္ကဋ္ဌ၊ ပျဉ်းမနားမြို့ရွှေချီရပ်ကွက်၌ ပြောကြားချက်
– မြန်မာ့အလင်းသတင်းစာ။ ၁၉ စက်တင်ဘာ ၂၀၁၅၊ ဗိုလ်ချုပ်မှူးကြီးမင်းအောင်လှိုင် စစ်ဦးစီး၊ စစ်ရေး၊ စစ်ထောက်ဆိုင်ရာ ညှိနှိုင်းအစည်းအဝေး၌ ပြောကြားချက်

(မောင်ကျော်စွာ)
ကေအိုင်စီ - KIC News
http://kicnews.org

shwepyithar-farmers-protest-620.jpg ရွှေပြည်သာမြို့နယ် လှော်ကားကျေးရွာမှာ စက်တင်ဘာလ ၂၂ ရက်နေ့က မြေသိမ်းခံတောင်သူတွေ ဆန္ဒပြကြစဉ်
ရန်ကုန်တိုင်းဒေသကြီး ရွှေပြည်သာမြို့နယ်မှာ သိမ်းဆည်းခံထားရတဲ့ လယ်ယာမြေဧက တစ်ထောင်နီးပါးထဲက တချို့ကို မြို့နယ်စည်ပင်သာယာရေးကော်မတီက ရောင်းချနေတာကို ဒေသခံ ၄၀ ကျော်က ရွှေပြည်သာမြို့နယ် က လှော်ကားကျေးရွာမှာ မနေ့က ဆန္ဒပြကြပါတယ်။

တောင်သူတွေကို ပြန်မပေးဘဲ မြို့နယ်စည်ပင်အတွက် ရန်ပုံငွေလိုတယ်ဆိုပြီး မြေကွက်ရိုက်ရောင်းချနေတာကို မကျေနပ်တာကြောင့် ဆန္ဒပြတာလို့ ရွှေပြည်သာမြို့နယ် အမှတ် ၇ ရပ်ကွက်မှာ နေထိုင်တဲ့ တောင်သူ ဦးအောင်ဝင်းက ပြောပါတယ်။

"ပလပ်မြေတွေကို နိုင်ငံတော်ကနေပြီး ပြန်ပေးပါဆိုတဲ့ ဥပဒေတွေထွက်နေတဲ့ ကြားထဲကနေပြီး စည်ပင်ကနေ သူတို့ပိုင်ပါတယ်ဆိုပြီး မကျူးကျော်ရ ဗွီနိုင်းတွေလာထောင်တယ်၊ ခြံစည်းရိုးတွေလာခတ်တယ်၊ မြို့တော်စည်ပင်သာယာရေးဌာနက ငွေလို၍ ပလပ်ခြံမြေများကို လေလံတင်ရောင်းချပါမည်ဆိုတဲ့ သတင်းစာကြော်ငြာစာကနေသိပါတယ်၊ အကွက်ပေါင်း ၂၇ ခု အသိမ်းခံရတဲ့လယ်သမားဦးရေ တစ်ထောင်ကျော်ရှိတယ်၊ ဒီလေလံတင်တဲ့အထဲမှာပါတာက ငါးရာကျော်ပါတယ်၊ ဒီအတွက်မခံနိုင်လို့ ဆန္ဒပြဖော်ထုတ်ရခြင်းဖြစ်ပါတယ်"

လွန်ခဲ့တဲ့ ၁၉၈၈ ခုနှစ်က ရွှေပြည်သာမြို့သစ် ထူထောင်ဖို့အတွက်ဆိုပြီး အိုးအိမ်ဌာနနဲ့ စည်ပင်သာယာရေးကော်မတီ က လယ်ယာမြေဧက တစ်သောင်းကျော်ကို သိမ်းယူခဲ့ပြီး မြို့သစ်ကို တည်ထောင်ပြီးတဲ့နောက် ဧကတစ်ထောင် ၀န်းကျင် ကျန်ရှိနေတာဖြစ်တယ်လို့ ဒေသခံတွေက ပြောပါတယ်။

အသုံးမပြုတော့တဲ့ လယ်ယာမြေတွေကို မူလတောင်သူတွေထံ ပြန်ပေးဖို့ နိုင်ငံတော်သမ္မတရုံးက ကြေညာ ထားပေမယ့် ပြန်လည်ပေးအပ်တာမရှိဘဲ မြေကွက်ရိုက်ပြီး ရောင်းချနေတာဖြစ်တယ်လို့ သိရပါတယ်။

RFA
http://www.rfa.org/burmese/news/shwepyithar-farmers-protest-09222015230627.html





ယနေ့ စက်တင်ဘာလ ၂၃ ရက် နံနက်ပိုင်းက စစ်ကိုင်းတိုင်းဒေသကြီး၊ မုံရွာမြို့ရှိ ဈေးသစ်၊ ဈေးဟောင်း၊ မြို့သစ်ဈေး၊ အောင်ချမ်းသာဈေး စသည့် ဈေးများနှင့် အိုးဘိုတောင်ရပ်ကွက်တို့တွင် အောင်နေမျိုးဦးဆောင်သည့် အဖွဲ့သည် ဒေသခံ အသက် ၁၈ နှစ်ပြည့်ပြီးသည့် နိုင်ငံသားများ မဲစာရင်းစစ်ဆေးကြရန်နှင့် မဲပေးကြရန်အတွက် ၈၈မျိုးဆက် (ငြိမ်းချမ်းရေးနှင့် ပွင့်လင်းလူ့အဖွဲ့ အစည်း)မှ နံရံကပ် sticker များ ကပ်ပြီး လက်ကမ်းစာရွက်များ ဖြန့်ဝေနှိုးဆော်ခဲ့ကြသည်။

The 88 Generation Peace and Open Society


This Documentary Video is intended to promote NLD voting by non NLD members from public (non celebrities) for 2015 Myanmar's Democratic Election in the name of "This is your campaign". We would like to express unrecognized contributions of young people of Myanmar for the CHANGE proudly presented by Unsung Heroes Entertainment.

ထိုင်းနိုင်ငံ ကော့တောင်ကျွန်းလို့ခေါ်တဲ့ လိပ်ကျွန်းမှာ ပြီးခဲ့တဲ့နှစ်က သတ်ဖြတ်ခံခဲ့ရတဲ့ ဗြိတိန်နိုင်ငံသား ၂ ဦးနဲ့ ပတ်သက်လို့ ထိုင်းနိုင်ငံက နာမည်ကျော် မှုခင်းစစ်ဆေးရေးဌာနက ဆရာဝန်တွေနဲ့ မှုခင်းတပ်ဖွဲ့မှာ တာဝန်ထမ်းဆောင်ဖူးတဲ့ ရဲအရာရှိ အပါအ၀င် တရားခံပြ သက်သေ ၃ ဦးကို ဒီကနေ့ စစ်ဆေးခဲ့ပါတယ်။

လူသတ်မှုနဲ့ပတ်သက်လို့ သတ်ဖြတ်ရာမှာ အသုံးပြုခဲ့တယ်လို့ ရဲအာဏာပိုင်တွေ သက်သေတင်ထားတဲ့ ပေါက်တူးမှာ စွပ်စွဲခံထားရတဲ့ လူငယ် ၂ ဦးရဲ့ DNA မျိုးရိုးဗီဇ မတွေ့ရဘဲ သေဆုံးသူ ၂ ဦးရဲ့ DNA အပြင် အမည်မသိသူ ၂ ဦးရဲ့ DNA တွေကို တွေ့ရတယ်လို့ ထွက်ဆိုသွားပါတယ်။ အပြည့်အစုံကို မအေးအေးမာက သတင်းပေးပို့ထားပါတယ်။

တနှစ်ကျော်ကြာပြီဖြစ်တဲ့ လိပ်ကျွန်းလူသတ်မှုနဲ့ ပတ်သက်လို့ ထိုင်းနိုင်ငံ ကော့စမွေတရားရုံးမှာ တရားခံပြ သက်သေတွေကို ထပ်မံစစ်ဆေးရာမှာ အင်္ဂါနေ့မှာတော့ ထိုင်းနိုင်ငံ အမျိုးသား မှုခင်း စစ်ဆေးရေးဌာနက ဆရာဝန်တွေနဲ့ မှုခင်းတပ်ဖွဲ့မှာ တာဝန်ထမ်းဆောင်ခဲ့ဖူးတဲ့ ရဲမှူးကြီးတဦးကို စစ်ဆေးခဲ့တာပါ။ တရားခံပြသက်သေတွေရဲ့ ထွက်ဆိုချက်နဲ့ ပတ်သက်လို့ တရားခံတွေရဲ့ အကျိုးဆောင်ရှေ့နေ ဦးအောင်မျိုးသန့် က အခုလို ပြောပါတယ်။

“အမျိုးသား မှုခင်း စစ်ဆေးရေးဌာနက ဆရာဝန်၊ ဒုတိယက ရဲမှုခင်းတပ်ဖွဲ့မှာ တာဝန်ထမ်းဆောင်ခဲ့ဖူးတဲ့ ရဲမှူးကြီး၊ နောက် တတိယက အဲဒီ ထောင်ထဲမှာ ကလေးတွေကို သွားပြီးတော့ စစ်တဲ့ ဆရာဝန် ဒီ ၃ ယောက်ပေါ့ ပထမဆုံးစစ်တဲ့ဆရာဝန်က ဒေါက်တာပွန်ထစ်တို့ ဌာနကပဲလေ။ သူကလည်း အဲဒီ ပြောချင်တဲ့အတိုင်းကတော့ ဒီကလေးတွေရဲ့ DNA က မတူဘူးဆိုတာနဲ့ ပေါက်တူးမှာရှိတဲ့ ပထမဆုံး DNA ၂ ခုက မိန်းမနဲ့ ယောကျာ်း DNA အဲဒါကတော့ သေတဲ့လူ ၂ ယောက်ရဲ့ ဒေးဗစ်နဲ့ ဟန်နာရဲ့ DNA နောက်တခါ အမည်မသိတဲ့ ယောကျာ်း DNA နှစ်ခု၊ တခုက ပြည့်စုံတယ်၊ တခုက မပြည့်စုံဘူး။ အဲဒီ DNA နှစ်ခုက ကလေးတွေရဲ့ DNA နဲ့မတူဘူး။ ဒါကိုပဲ ထွက်ဆိုသွားတာပါ။”

မုဒိမ်းကျင့်ပြီး သတ်ဖြတ်ခဲ့တဲ့ လူသတ်မှုတွေနဲ့ ပတ်သက်လို့ DNA စစ်ဆေးရာမှာ ဆေးရုံတွေကနေ သေချာစစ်ဆေးဖို့ လိုအပ်တဲ့အကြောင်း မှုခင်းရဲအရာရှိအဖြစ် တာဝန်ထမ်းဆောင်ခဲ့ဖူးတဲ့ ရဲမှူးကြီးကလည်း ထွက်ဆိုသွားတယ်လို့ အခုလို ပြောပါတယ်။

“ရဲမှုခင်းတပ်ဖွဲ့မှာ တာဝန်ထမ်းဆောင်ခဲ့ဖူးတဲ့ ရဲမှူးကြီးထွက်ဆိုတာကတော့ ဒီလိုမျက်မြင်သက်သေမရှိတဲ့ မုဒိမ်းမှုဖြစ်တဲ့ အမှုတွေမှာ မိန်းကလေးကို စစ်ဆေးတဲ့အခါမှာ အချင်းဖြစ်တဲ့နေရာတင် မကဘဲနဲ့ ဆရာဝန်တွေ၊ ဆေးရုံတွေမှာလည်း လိုက်စစ်သင့်တယ်ပေါ့။ ဘယ်လိုစစ်ရမလဲဆိုရင် သူ့ရဲ့တန်ဆာပေါ်မှာရှိတဲ့ အမွှေးအမျှင်တွေကို ဘီးနဲ့ဖြီးရမယ်ပေါ့လေ။ အဲ့လို ဘီးနဲ့ဖြီးလို့ရှိရင် အဲဒီမှာ မုဒိမ်းကျင့်တဲ့ယောကျာ်းရဲ့ အမွှေးအမျှင် ပတ်သက်လာလို့ရှိရင် တရားခံလိုက်ရလွယ်တယ် ဆိုတဲ့ဟာကို လာထွက်သွားတာ သူက။”

ပြီးခဲ့တဲ့ သြဂုတ်လ ၈ ရက်နေ့တုန်းကတော့ ထိုင်းနိုင်ငံရဲ့ တရားမျှတရေး ၀န်ကြီးဌာနက ၀န်ထမ်းတွေဟာ မြန်မာလူငယ် ၂ ဦးရဲ့ DNA ကို ထပ်မံစစ်ဆေးဖို့အတွက် တရားခွင်မှာပဲ တံတွေးတွေကို ရယူသွားခဲ့ပါတယ်။ ဒီစစ်ဆေးမှုကို ထိုင်းနိုင်ငံ အမျိုးသားမှုခင်းစစ်ဆေးရေးဌာနက ထိုင်းနိုင်ငံက မှုခင်းဆေးဆရာဝန်ကြီး ဒေါက်တာပွန်ထစ် က စစ်ဆေးခဲ့ပါတယ်။ သတ်ဖြတ်မှုမှာ အသုံးပြုတယ်လို့ ရဲအာဏာပိုင်တွေက သက်သေအဖြစ် တရားရုံးမှာတင်ပြထားတဲ့ ပေါက်တူးမှာ တရားခံအဖြစ် စွပ်စွဲခံထားရတဲ့ မြန်မာလူငယ် ၂ ဦးရဲ့ DNA တွေကို မတွေ့ရဘူးလို့ ပြီးခဲ့တဲ့ တရားခွင်မှာ ဒေါက်တာပွန်ထစ်က ထွက်ဆိုသွားခဲ့တာပါ။ ဒီအမှုနဲ့ပတ်သက်လို့ ထိုင်းနိုင်ငံတွင်းမှာ ဝေဖန်မှုတွေလည်း ရှိနေတာပါ။

မြန်မာရွှေ့ပြောင်းအလုပ်သမား ၄၀၀၀ ခန့် အလုပ်လုပ်ကိုင်နေတဲ့ လိပ်ကျွန်းမှာ ၂၀၁၄ ခုနှစ် စက်တင်ဘာ ၁၅ ရက်နေ့က လူသတ်မှုဖြစ်ပွားပြီး ရက်ပိုင်းအတွင်းမှာ လက်ရှိ တရားခံတွေအဖြစ် စွပ်စွဲခံရသူ ကိုဝင်းဇော်ထွန်းနှင့် ကိုဇော်လင်းတို့ကို တခြားရွှေ့ပြောင်းအလုပ်သမားတွေနဲ့အတူ သံသယရှိသူတွေအဖြစ် ရဲတွေက DNA စစ်ဆေးရယူခဲ့တာပါ။ အဲဒီအချိန်တုန်းက DNA တူညီမှု မရှိဘူးဆိုကာ ပြန်လွှတ်ပေးခဲ့ပြီး၊ ၂ ပတ်ခန့်အကြာ ၂၀၁၄ ခုနှစ် စက်တင်ဘာ လကုန်ပိုင်းမှာပဲ မြန်မာလူငယ် ၂ ဦးကို ပြန်လည်ဖမ်းဆီးပြီး လူသတ်မှုနဲ့ တရားစွဲဆိုထားတာ ဖြစ်ပါတယ်ရှင်။

မအေးအေးမာ/VOA
http://burmese.voanews.com/content/thailand-murder-case/2974952.html

Student protesters, get off a police truck upon arrival at a township court for their trial Tuesday, July 14, 2015, in Tharyarwaddy township, Bago Division, north of Yangon, Myanmar. Student activists protested against a new education law at Letpadan in March 2015 appeared in a township court Tuesday for the 8th time of their trial in Tharyarwaddy. (AP Photo/Khin Maung Win)
Student protesters, get off a police truck upon arrival at a township court for their trial Tuesday, July 14, 2015, in Tharyarwaddy township, Bago Division, north of Yangon, Myanmar. Student activists protested against a new education law at Letpadan in March 2015 appeared in a township court Tuesday for the 8th time of their trial in Tharyarwaddy. (AP Photo/Khin Maung Win)

ပညာရေးဥပဒေ ပြင်ဆင်ရေးဆွဲပေးဖို့ တောင်းဆိုဆန္ဒပြကြတဲ့ ကျောင်းသားတွေနဲ့ သူတို့ကို ပံ့ပိုး ကူညီပေးခဲ့ကြသူတွေရဲ့ အမှုကို စက်တင်ဘာလ ၂၂ ရက်နေ့က သာယာဝတီတရားရုံးမှာ ရုံးထုတ် စစ်ဆေးခဲ့ပေမဲ့ အမှုတွဲမရှိတဲ့အတွက် စက်တင်ဘာလ ၂၉ ရက်နေ့မှာ ကြားနာဖို့ ပြန်လည် ချိန်းဆိုလိုက်ပါတယ်။

ဒီအတောအတွင်း ကျောင်းသားတွေရဲ့ အကျိုးဆောင်ရှေ့နေတဦးဖြစ်တဲ့ ဒေါ်ခင်ခင်ကျော်ကို ပုဒ်မ ၂၂၈ - တရားစီရင်ရေး နှောင့်ယှက်မှုနဲ့ သာယာဝတီမြို့နယ် တရားသူကြီးက တရားစွဲဆိုလိုက်ပါတယ်။ အပြည့်အစုံကိုတော့ ဆက်သွယ် စုံစမ်းထားတဲ့ ကိုဇော်ဝင်းလှိုင်က တင်ပြထားပါတယ်။

ပညာရေးဥပဒေ ပြင်ဆင်ရေးအတွက် တောင်းဆိုဆန္ဒပြကြတဲ့ ကျောင်းသားတွေရဲ့ ပင်မသပိတ်စခန်းကို လုံခြုံရေးတပ်ဖွဲ့တွေက အင်အားသုံး ဖြိုခွင်းပြီး ဖမ်းဆီးထိန်းသိမ်းခဲ့တာ ၆ လ ကျော်သွားပြီ ဖြစ်ပေမဲ့ အခုချိန်ထိ သက်သေတယောက်ကိုသာ စစ်ဆေးပြီးပါသေးတယ်။

ကျောင်းသားတွေနဲ့ သူတို့ကို ကူညီပံ့ပိုးပေးခဲ့ကြသူတွေကို ရုံးချိန်း အကြိမ်ကြိမ် ချိန်းဆိုခဲ့ပေမဲ့ အခုချိန်ထိ အမှုဟာ သိသိသာသာ တိုးတက်မှု မရှိသေးပါဘူး။ အခုတခါလည်း စက်တင်ဘာ ၂၂ ရက်၊ အင်္ဂါနေ့က သူတို့အမှုကို သာယာဝတီမြို့နယ် တရားရုံးမှာ စစ်ဆေးဖို့ ရှိပေမဲ့ အမှုတွဲမရှိတဲ့အတွက် စက်တင်ဘာလ ၂၉ ရက်နေ့ကို ပြန်လည် ချိန်းဆိုလိုက်တယ်လို့ အကျိုးဆောင် ရှေ့နေတဦးဖြစ်တဲ့ ဒေါ်ခင်ခင်ကျော်က ပြောပါတယ်။

“ဒီနေ့ကတော့ မူလရုံးအမှုတွဲမရှိလို့ မစစ်ဖြစ်တာလေ။ မူလရုံးအမှုတွဲက ပြင်ဆင်မှုတခု တက်ထားတဲ့အတွက်ကြောင့်မို့လို့ ပဲခူးတိုင်းဒေသကြီး တရားလွှတ်တော်ကို ရောက်သွားတယ်လေ။ အဲဒါကြောင့်မို့လို့ ကျမတို့ရဲ့ အောက်ရုံးမှာတော့ မစစ်ဖြစ်တာပေါ့နော်။ အခုက မြို့နယ်၊ မြို့နယ်ကနေပြီးတော့ ခရိုင်ကိုတက်တယ်။ ခရိုင်ကိုတက်တော့ ခရိုင်ကလည်း မရတဲ့အတွက်ကြောင့်မို့ သူက ပဲခူးတိုင်းဒေသကြီး တရားလွှတ်တော်ကို တက်ထားတာပေါ့နော်။ အဲဒီထဲက ယာဉ်ပိုင်ရှင်ကလေ။ ကားအာမခံမရလို့ဆိုပြီး တက်သွားတာ။ သာမန်အားဖြင့်ဆိုရင်တော့ အဲ့လိုအပေါ် ရုံးတွေတက်တယ်ဆိုရင်တော့ နှစ်လ၊ သုံးလလောက်တော့ ကြာတတ်တယ်။ သာမန်အမှုတွေဆိုရင်တော့ ဒီအမှုကိုတော့ မပြောတတ်ဘူး။ ကျမကတော့လေ။ အဲဒါက သူတို့ရုံးတော်က လုပ်ဆောင်ချက်အပေါ် မူတည်တာပေါ့နော်။”

ကျောင်းသားတွေရဲ့အမှုကို လောလောဆယ်မှာ တိုင်းတရားရုံးကို လွှဲထားတဲ့အတွက် ၃ - ၄ လလောက် ကြာနိုင်တယ်လို့ ဆိုပြန်တဲ့အတွက် စက်တင်ဘာလ ၂၉ ရက်နေ့မှာ ရုံးချိန်း ချိန်းထားတာဟာလည်း နောက်ထပ် ရက်ထပ်တိုးရဖို့ သေချာသလောက် ရှိနေပါတယ်။

ကျောင်းသားတွေအနေနဲ့ သူတို့အမှုကို ၁ ပတ်တခါ ရုံးချိန်းတက်မလား၊ သို့တည်းမဟုတ် ၂ ပတ်တခါ ရုံးချိန်းတက်မလား ဆိုတာကို ရွေးချယ်ပိုင်ခွင့် ရှိမှာဖြစ်ပြီး သူတို့ ရှေ့ဆက် ဘယ်လို လုပ်ဆောင်မယ် ဆိုတာကိုတော့ လာမယ့် ၂၉ ရက်နေ့ ရုံးချိန်းကျမှ ဆုံးဖြတ်သွားမယ်လို့ ဆိုပါတယ်။ အကျိုးဆောင်ရှေ့နေ ဒေါ်ခင်ခင်ကျော်ဟာလည်း ဒီအမှုကို ကြားနာစစ်ဆေးနေတဲ့ ကာလအတွင်းမှာပဲ တရားစီရင်ရေး နှောင့်ယှက်မှုနဲ့ တရားသူကြီးကိုယ်တိုင်က တရားစွဲဆိုတာကို ခံထားရတာ ဖြစ်ပါတယ်။

“၂၂၈ ဟုတ်ကဲ့ရှင့်။ အဲဒါက တရားစီရင်ရေး နှောင့်ယှက်မှုပေါ့။ ကျမကို စွဲတယ်ဆိုတာကလည်းပဲ တရားစီရင်ရေးကို ဆက်လက် ဆောင်ရွက်လို့မရအောင် နှောင့်ယှက်တယ်ဆိုတဲ့ အဲဒီအကြောင်းပြချက်နဲ့ ကျမကို စွဲထားတာပေါ့နော် အခု။ ကျမအမှုကတော့ ၅ ရက်နေ့ကို ပြန်ချိန်းတယ်ရှင့်။ ၅ ရက်နေ့မှာတော့ တရားလိုပေါ့နော် သာယာဝတီမြို့နယ် တရားသူကြီး ဦးချစ်မြတ်ကို စစ်မယ်ပေါ့။”

အမှုကို ကြားနာစစ်ဆေးတဲ့ တရားသူကြီးက သူ့အပေါ် ဘာကြောင့် တရားစွဲတယ်ဆိုတာကိုလည်း ဒေါ်ခင်ခင်ကျော် က အခုလို ရှင်းပြပါတယ်။

“ဟုတ်ကဲ့ အဲဒီနေ့ကကျတော့ ကျမက ဒုရဲမှူး နန္ဒာဝင်းရဲ့နေရာမှာ ဒုရဲမှူးကြီး နန္ဒာဝင်းဆိုပြီးတော့ ရာထူးလေးပြောင်းတာလေ။ အဲဒီပြင်ဆင်လျှောက်လွှာကို ကျမက အဲဒီနေ့က ရုံးတော်ကိုတင်တယ်။ တင်တဲ့အခါမှာ တရားသူကြီးက သူက အမိန့်ပဲချမယ်။ ဒီဟာ ပြင်ဆင်တာကို လက်မခံဘူး။ ကျမကို ဆောင်ရွက် တင်ပြခွင့်လည်း မပေးဘူး။ နှုတ်နဲ့လည်း တင်ပြခွင့်မပေးဘဲနဲ့ ဒီလျှောက်လွှာကြီးကို ကျမကို တန်းပေးလိုက်တယ်ပေါ့နော်။ ကျမကတော့ မဟုတ်ဘူး။ ဒါက ကျမက ဒီ ၅၈ ဦးစာလုံးကို ကျမက ပါဝါယူထားတဲ့ ရှေ့နေတယောက်အနေနဲ့ ကျမက ရှေ့နေ၀တ္တရားရှိတယ်လေ။ ကျမဆောင်ရွက်ရမယ့်ဟာ ဒါလေးကိုတော့ တင်ပြခွင့်ပေးပါ။ နောက်ပြီးတော့ ဒီကလေးတွေလည်း ကြားသိဖို့ လိုတယ်လေ။ ဒါကြောင့်မို့လို့ ကျမက ရုံးတော်ကို တင်တာ ဒါပေမဲ့ သူက လုံးဝ လက်မခံဘူး။ လုံးဝ ပြင်းပြင်းထန်ထန်ကို ပေးလိုက်တယ်ပေါ့နော်။ အဲဒီအပေါ်မှာ ကျမက ဆောင်ရွက်ဖို့ တင်ပြတာပေါ့။ တင်ပြတဲ့အပေါ်မှာကို သူက အမိန့်အမြန်ချမယ်ဆိုပြီးတော့ သူက စိတ်ဆိုးပြီးတော့ တရားခွင်ကို ဆင်းသွားတာရှင့်။”

ဒေါ်ခင်ခင်ကျော် အခုလို တရားစွဲခံရတာဟာ ခြိမ်းခြောက်တဲ့အနေနဲ့ လုပ်ဆောင်ခြင်းဖြစ်တယ်လို့ ကျောင်းသားတွေက ထင်မြင်ယူဆကြောင်းလည်း သူက အခုလို ရှင်းပြပါတယ်။

“ဒီ တရားစွဲထားတဲ့ ကိစ္စအပေါ်မှာတော့ သူတို့ကတော့ ဒါက ခြိမ်းခြောက်တယ်ပေါ့နော်။ သူတို့အတွက်ကို တမင် ဒီဘက်ကပဲ လုပ်ချင်တာတွေလုပ်တယ်ပေါ့နော် သူတို့ဘက်ကို ဖိနှိပ်တယ်ပေါ့ အဲလိုမျိုး သဘောတွေတော့ အမြင်လေးတွေတော့ ရှိတယ်ပေါ့နော်။ ကျမကတော့ သဘောရိုးနဲ့ပဲ ပြုမူဆောင်ရွက်ခဲ့တာပဲလေ။ ဒီအပေါ်မှာ ကျမကတော့ ရင်ဆိုင်ထုချေသွားမှာပဲ။ ကျမကတော့ အခု အလုပ်တွေလည်း ရှုပ်သွားတယ်။ ကျမတို့အတွက်လည်း နစ်နာတယ်။ ဒီကျောင်းသား ကလေးတွေအတွက် နစ်နာတယ်ပေါ့နော်။ ကျမတို့ ဒီလုပ်ငန်းဆောင်ရွက်တဲ့အပေါ်မှာ ကလေးတွေအတွက်ကို ကိုယ်က လိုက်ပါ ဆောင်ရွက်ပေးနေတာလေ။”

ဒေါ်ခင်ခင်ကျော်ကတော့ သူ့ဘက်က အမှားအယွင်း တစုံတရာ လုပ်ခဲ့ခြင်းမရှိတဲ့အတွက် ဥပဒေနဲ့အညီ ဆက်လက် ရင်ဆိုင်သွားမယ်လို့ ပြောပါတယ်။ ပညာရေး ဥပဒေ ပြုပြင် ပြောင်းလဲဖို့အတွက် ဆန္ဒပြခဲ့ကြတဲ့ လက်ပံတန်းကျောင်းသား၊ ကျောင်းသူတွေကို ရဲအာဏာပိုင်တွေက အကြမ်းဖက် ဖြိုခွင်း ရိုက်နှက်မှုနဲ့ ပတ်သက်လို့ ကျောင်းသားတွေရဲ့ ဥပဒေ အကျိုးဆောင်တွေဘက်က တရားစွဲဆိုထားမှုကို သာယာဝတီခရိုင် တရားရုံးက ပြီးခဲ့တဲ့ သြဂုတ်လ ၁၁ ရက်နေ့က ပယ်ချခဲ့ပြီး ဖြစ်ပါတယ်။

ပညာရေးဥပဒေ ပြုပြင် ပြောင်းလဲဖို့ ဆန္ဒပြ တောင်းဆိုကြတဲ့ ကျောင်းသားတွေ အပါအ၀င်၊ လယ်သမားတွေ၊ အလုပ်သမားအရေး လှုပ်ရှားသူတွေ၊ လူ့အခွင့်အရေး ကာကွယ် စောင့်ရှောက်သူတွေကို ဖမ်းဆီး အရေးယူ အပြစ်ပေးခြင်းဟာ နိုဝင်ဘာလ ရွေးကောက်ပွဲ ကျင်းပပြီး ဒီမိုကရေစီ ကူးပြောင်းမယ်ဆိုတဲ့ ကတိစကားကို ချိုးဖောက်ရာ ရောက်စေတဲ့အကြောင်း၊ မတရားမှုအပေါ် ဆန္ဒပြ ကန့်ကွက်မှု၊ နိုင်ငံရေး လှုပ်ရှားမှုမှာ ပါဝင်ပြီး လွတ်လပ်စွာ ပြောဆိုခွင့်၊ လွတ်လပ်စွာ စုရုံးခွင့် စတာတွေကို သူတို့အနေနဲ့ လက်တွေ့ ဖော်ဆောင်နေတာဖြစ်ကြောင်း လူ့အခွင့်အရေးဆိုင်ရာ မဟာမင်ကြီး Zeid Raad Al-Hussein က လက်ရှိ ကျင်းပနေတဲ့ ကုလသမဂ္ဂ လူ့အခွင့်အရေးကောင်စီ ၃၀ ကြိမ်မြောက် ညီလာခံ အဖွင့်မိန့်ခွန်းမှာ ထည့်သွင်း ပြောကြားသွားပါတယ်။

VOA
http://burmese.voanews.com/content/students-trial/2974949.html