09/24/15

တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်ရဲ့ ကယားပြည်နယ် ခရီးစဉ် (ဓာတ်ပုံ-Senior General Min Aung Hlaing)
တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်ရဲ့ ကယားပြည်နယ် ခရီးစဉ် (ဓာတ်ပုံ-Senior General Min Aung Hlaing)

တပ်မတော်သားတွေ ဆန္ဒမဲပေးမယ်ဆိုရင် ကာကွယ်ရေးအမြင်ရှိသူနဲ့ တပ်မတော် နားလည်မှုရှိသူကို အခြေခံထား စဉ်းစားကြဖို့ တပ်မတော် ကာကွယ်ရေးဦးစီးချုပ် ဗိုလ်ချုပ်မှုးကြီး မင်းအောင်လှိုင်က ပြောဆိုလိုက်ပါတယ်။ ဒါပေမဲ့ တပ်မတော်သားတွေအနေနဲ့ ဘယ်လိုဖိအားပေး တိုက်တွန်းချက်ကြောင့်မှမဟုတ်ဘဲ မိမိတို့ရဲ့ လွတ်လပ်စွာ မဲပေးပိုင်ခွင့်ရှိတဲ့အတိုင်း လွတ်လွတ်လပ်လပ် မဲပေးကြပါလို့လည်း အတိုက်အခံပါတီနဲ့ တိုင်းရင်းသားပါတီတွေက တိုက်တွန်းပါတယ်။ ကာကွယ်ရေးဦးစီးချုပ်ရဲ့ တပ်မတော်သားတွေအပေါ် တိုက်တွန်းပြောဆိုမှုအပေါ် အမြင်သဘောထားတွေကို မဆုမွန် တင်ပြထားပါတယ်။

တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်က စက်တင်ဘာလ ၂၂ ရက်နေ့ သူ့ရဲ့ကယားပြည်နယ် ခရီးစဉ်အတွင်း လွိုင်ကော်တပ်နယ်ခန်းမမှာ တပ်မိသားစုတွေနဲ့ တွေ့ဆုံချိန် -၂၀၁၅ ခုနှစ်၊ နိုဝင်ဘာ ၈ ရက်မှာ ကျင်းပမယ့် ရွေးကောက်ပွဲမှာ လွှတ်တော်အရပ်ရပ်အတွက် ဝင်ရောက် ယှဉ်ပြိုင်ကြမယ့် ပြည်သူ့ကိုယ်စားလှယ်များ ရွေးချယ်နိုင်ရေး တပ်မတော်သားတွေအနေနဲ့ မဲဆန္ဒပေးတဲ့အခါ တိုင်းပြည်အပေါ် ကောင်းအောင်လုပ်နိုင်မည့်သူ၊ ဒို့တာဝန်အရေးသုံးပါးကို ထိန်းသိမ်းစောင့်ရှောက်နိုင်သူ၊ နိုင်ငံရေး၊ အုပ်ချုပ်ရေး၊ စီးပွားရေး၊ ကာကွယ်ရေး စတဲ့ အမြင်လေးမြင်ရှိသူနဲ့ တပ်မတော်အပေါ် နားလည်မှုရှိသူများကို အခြေခံ စဉ်းစားရမယ်လို့ တိုက်တွန်း ပြောဆိုလိုက်ပါတယ်။

တပ်မတော်ကာကွယ်ရေးဦးစီးချုပ်ရဲ့ တပ်မိသားစုတွေအပေါ် ဒီလိုပြောဆိုချက်ဟာ ရွေးကောက်ပွဲဥပဒေကို ချိုးဖောက်ရာရောက်တယ်လို့ အတိုက်အခံပါတီ အမျိုးသားဒီမိုကရေစီအဖွဲ့ချုပ် ပြောခွင့်ရ တပ်မတော်သားဟောင်းတဦးဖြစ်တဲ့ လက်ရှိ လွှတ်တော်ကိုယ်စားလှယ် ဦးဝင်းထိန်က ပြောဆိုလိုက်ပါတယ်။

“တပ်ချုပ်ဆိုတော့ သူပြောချင်တာပြောတယ်လို့ သဘောထားတာပေါ့ဗျာ။ တကယ်တော့ ဥပဒေအရတော့ ပြောခွင့်မရှိဘူး။ သေချာတယ်။ တခြားလူတွေ၊ ကျနော်တို့သာဆိုရင် ရွေးကောက်ပွဲနဲ့ ပတ်သက်ပြီးတော့ ဥပဒေချိုးဖောက်တယ်ဆိုပြီးတော့ အရေးယူခံရမှာ သေချာတယ်။ ၂၀၁၂ ကြားဖြတ်ရွေးကောက်ပွဲကတည်းက ပြောမယ်ဆိုရင်တော့ တပ်မတော်က အောက်ပိုင်းတပ်မှူးတွေက မင်းတို့ဘယ်ကို မဲထည့်ကွဆိုပြီးတော့ သူ့လူတွေကို အကုန်ပြောတာတော့ သေချာပါတယ်။ နောက် တချက်ကတော့ ၁၉၆၀ မှာ ကြုံခဲ့ဖူးတဲ့ အိမ်စောင့်အစိုးရလက်ထဲမှာ မဲဆွယ်တုန်းက အဲဒီတုန်းက ဦးနေ၀င်းပေါ့၊ သူကနေပြီးတော့မှ တိုင်းပြည်တခုလုံးကို ရွေးကောက်ပွဲမလုပ်ခင် တပတ်အလိုမှာ တနိုင်ငံလုံးလွှင့်တဲ့ ရေဒီယိုမှာ ကျနော်တို့နားထောင်လိုက်ရတယ်။ သူတို့တပ်မတော်ဟာ တိုင်းပြည်တာဝန်ထမ်းဆောင်နေတဲ့ ဖွဲ့စည်းပုံအခြေခံကို လေးစားတဲ့ တပ်မတော်၊ နောက်ပြီးတော့မှ ရွေးကောက်ပွဲ လုပ်တဲ့အခါ သမာတမတ်ကျဖို့အတွက် တပ်မတော်သားတွေက ဘယ်ကိုမှ မပါရဘူး။ ကြားနေရမယ်၊ သမာသမတ်ကျရမယ် ဆိုပြီးတော့ ပြောခဲ့ဖူးတယ်။ အဲဒီတုန်းက ကျနော်က ငယ်သေးတော့ဟာ တယ်ဟုတ်ပါလား ဒီလူကြီး၊ အရမ်းကောင်းတယ်ပေါ့။ တဖြည်းဖြည်း နောက်ပိုင်းကြီးလာတော့ တပ်မှူးကြီးနဲ့တွေ့တဲ့အခါကျတော့ သူက အဲဒီလိုပြောပြီး ငါတို့ကျတော့ ဒါမျိုးလုပ်ခိုင်းတာကွတဲ့။ အဲဒီလိုပြောတယ်။ အခုလည်း တပ်ချုပ်ကြီးက အခုလိုပြောပြီး အောက်က လူတွေကို ဘယ်လိုခိုင်းထားသလဲဆိုတာတော့ ကျနော်တို့လည်း မသိနိုင်ဘူး။ တပ်မတော်သားတွေကို ကျနော်ပြောချင်တာက နိုင်ငံရေးပါတီတွေကို လေ့လာပါ။ လူတွေကို လေ့လာပါ။ သူတို့ကြိုက်ရာကို လွတ်လွတ်လပ်လပ်နဲ့ မဲထည့်ခွင့်ရစေချင်ပါတယ်။”

ကချင်ပြည်နယ် ဒီမိုကရေစီပါတီရဲ့ဥက္ကဋ္ဌ ဒေါက်တာမနာမ်တူးဂျာကတော့ တပ်မတော်ကာကွယ်ရေးဦးစီးချုပ်အနေနဲ့ နိုင်ငံအတွက် အရေးကြီးတဲ့ ရွေးကောက်ပွဲနဲ့ ပတ်သက်ပြီး သူ့ရဲ့ တပ်မတော်သားတွေကို တပ်မတော်ရဲ့အမြင်သဘောထားကို ထုတ်ဖော်ပြောဆိုလိုက်တာပဲဖြစ်တယ်လို့ သုံးသပ်ပါတယ်။

“အဲဒါကတော့ တပ်မတော်ဘက်က အမြင်သဘောထားကို ပြောတာဖြစ်မှာပါ။ အဲဒီတော့ သမ္မတ တယောက်ဖြစ်ဖို့အရည်အချင်းမှာလည်း နိုင်ငံရေးအမြင် အုပ်ချုပ်ရေးအမြင်၊ လုံခြုံရေးအမြင် စသဖြင့် ရှိဖို့လိုတာလည်း ရှိခဲ့ဖူးတယ်လေ။ နောက်ပြီး တပ်မတော် ဦးစီချုပ်ကနေပြီးတော့မှ တပ်မတော်ပေါ်မှာ ဘယ်လိုသဘောထားရှိရမလဲဆိုတာလည်း ထည့်သွင်းလိုက်တဲ့သဘောပေါ့။”

တပ်မတော်ကာကွယ်ရေးဦးစီးချုပ်အနေနဲ့ ရွေးကောက်ပွဲကိုယ်စားလှယ်လောင်းဟာ ကာကွယ်ရေးအမြင်ရှိတဲ့သူဖြစ်ရမယ်ဆိုတဲ့ ပြောဆိုချက်ဟာ နောင်လာမယ့် အုပ်ချုပ်သူအစိုးရသစ်ဟာ တပ်အပေါ်ကို နားလည်မယ့်သူဖြစ်စေချင်တဲ့ သဘောထားဖြစ်နိုင်တယ်လို့ ရှမ်းအမျိုးသားဒီမိုကရေစီအဖွဲ့ချုပ် ပြောခွင့်ရ ဦးစိုင်းညွန့်လွင်က ဆိုပါတယ်။

“ဒါသူက ကာကွယ်ရေးဦးစီးချုပ်ဆိုတော့ သူ့တပ်တွေကို အကြံပြုတာပေါ့ဗျာ။ သူတို့ကတော့ ပြောမှာပဲ။ သူ့တပ်ကို ကောင်းအောင်လုပ်တဲ့လူကို ဦးစားပေးအောင် အဲဒီလိုလူမျိုးကို ဦးစားပေးရွေးဖို့ ပြောမှာပါ။ ကျနော်တို့ ရှမ်းတွေကို ဆိုရင်လည်း ရှမ်းပါတီပဲ မဲပေးပါလို့ ပြောသလိုပါပဲ။ သူလည်း အဲဒီလိုပြောတာဖြစ်မှာပါ။”

အတိုက်အခံပါတီ NLD အပါအဝင် တိုင်းရင်းသားပါတီတွေဘက်ကတော့ မဲဆန္ဒရှင်တွေဖြစ်တဲ့ တပ်မတော်သားတွေအနေနဲ့ မည်သူတဦးတယောက် ဘယ်အဖွဲ့အစည်း လူပုဂ္ဂိုလ်ရဲ့ တိုက်တွန်းဖိအားပေးချက်မှ မပါပဲ မိမိတို့ သဘောဆန္ဒရှိတဲ့အတိုင်း လွတ်လပ်စွာ ဆန္ဒထုတ်ဖော်ပြီး မဲပေးကြစေချင်ပါတယ်လို့ ဆိုပါတယ်။

ဦးစိုင်းညွန့်လွင်ကလည်း တပ်မတော်သားတွေ ဆန္ဒမဲကို လွတ်လွတ်လပ်လပ် ဆုံးဖြတ်ပြီး ပေးစေချင်သူပါ။

“ဒါကတော့ဗျာ လွတ်လွတ်လပ်လပ်ပဲ မဲပေးသင့်တယ်။ လှို့ဝှက်မဲပေးစနစ်ဖြစ်တဲ့အတွက် ဒါက ကိုယ့်ရဲ့လွတ်လပ်မှုကို လှို့ဝှက်မဲပေးစနစ်က အကာအကွယ်ပေးပါတယ်။ ဆိုတော့ ကိုယ့်ရဲ့သဘောဆန္ဒအမှန်အတိုင်းပဲ ပေးသင့်တယ်လို့ ကျနော်ထင်ပါတယ်။”

ဒေါက်တာတူးဂျာကလည်း တပ်မတော်သား မဲဆန္ဒရှင်တွေကို အခုလိုတိုက်တွန်းပါတယ်။

”အမှန်ကတော့ အခုက ဒီမိုကရေစီခေတ်ရောက်လာပြီဆိုတော့ မဲပေးနိုင်တဲ့လူတိုင်းလူတိုင်းပေါ့။ မဲဆန္ဒရှင်တိုင်းက ဒီမိုကရေစီအပေါ်မှာ အခြေခံပြီးမဲပေးတာ အကောင်းဆုံးပါပဲ။ ကိုယ့်သဘောထားနဲ့ကို စိတ်ပိုင်းဖျတ်ပြီးတော့မှ လွတ်လွတ်လပ်လပ်မဲပေးနိုင်ဖို့ဆိုတာကတော့ ဒါက ရှိသင့်ရှိထိုက်တဲ့ အရာတခုပါ။”

တပ်မတော်ကာကွယ်ရေးဦးစီးချုပ်ဗိုလ်ချုပ်မှူးကြီးမင်းအောင်လှိုင်ဘက်က တပ်မတော်သားတွေအနေနဲ့ ရွေးကောက်ပွဲမှာ ဆန္ဒမဲပေးဖို့အရေးစဉ်းစားမယ့်အထဲ နိုင်ငံအုပ်ချုပ်ရေးကို တာဝန်ယူမယ့် အဆင့်ဆင့်သော ပုဂ္ဂိုလ်များအနေနဲ့ သံသယရှင်းရှင်းဖြင့် လုပ်နိုင်မည့်သူဖြစ်ဖို့လိုကြောင်းနဲ့ ဒါကြောင့် သေသေချာချာ စဉ်းစားပြီးမှ တိုင်းပြည်အပေါ် စိတ်ကောင်း၊ စေတနာကောင်း နှင့် လုပ်ဆောင်မည့် ပုဂ္ဂိုလ်မျိုးကို ရွေးချယ်ရန်လိုတယ်ဆိုတာကိုလည်း ထည့်သွင်းပြောကြားခဲ့ပါသေးတယ်။

VOA
http://burmese.voanews.com/content/min-aung-hlaing-said-to-vote-for-the-person-who-is-trustworthy-for-military/2975422.html

88-gen-elections-campaign-620.jpg ၈၈ မျိုးဆက် ငြိမ်းချမ်းရေးနဲ့ ပွင့်လင်းလူ့အဖွဲ့အစည်း အဖွဲ့ဝင်တွေက စက်တင်ဘာလ ၂၃ ရက်နေ့က ဧရာဝတီတိုင်းဒေသကြီး ဓနုဖြူ၊ ဇလွန်၊ ဟသာင်္တ၊ လေးမျက်နှာမြို့နယ်တွေမှာ မဲစာရင်းတွေ သွားရောက်ကြည့်ရှုကြဖို့နဲ့ မဲပေးဖို့ အသိပညာပေးလက်ကမ်း စာစောင်တွေကို လိုက်လံဖြန့်ဝေနေစဉ်

မဲစာရင်းတွေ သွားရောက်ကြည့်ရှုကြဖို့နဲ့ မဲပေးဖို့ အသိပညာပေးလက်ကမ်းစာစောင်တွေကို ၈၈ မျိုးဆက် ငြိမ်းချမ်းရေးနဲ့ ပွင့်လင်းလူ့အဖွဲ့အစည်း အဖွဲ့ဝင်တွေက ဧရာဝတီတိုင်းဒေသကြီး ဓနုဖြူ၊ ဇလွန်၊ ဟသာင်္တ၊ လေးမျက်နှာမြို့နယ်တွေမှာ ဒီနေ့ လိုက်လံဖြန့်ဝေပြီး တိုက်တွန်းနှိုးဆော်နေပါတယ်။

မဲစာရင်းကို သွားရောက်စစ်ဆေးဖို့ အခက်အခဲရှိကြောင်း နဲ့ မဲပေးရမယ်ဆိုတာကို မသိကြောင်း ဒေသခံတွေ က ပြောကြတယ်လို့ ၈၈ မျိုးဆက် ငြိမ်းချမ်းရေးနဲ့ ပွင့်လင်းလူ့အဖွဲ့အစည်းက ကိုအောင်အောင်ကျော် က ပြောပါတယ်။

"ကျနော်တို့အခုလုပ်ဆောင်နေတာမှာ အာဏာပိုင်ကအနှောက်အယှက်ပေးတာတော့ ကျနော်တို့မကြုံရဘူး၊ သို့သော်လည်းမဲစာရင်းစိစစ်ဖို့ ပြည်သူတွေကို လှုံဆော်တဲ့ နေရာမှာ ပြည်သူဖက်ကနေပြီးတော့ မဲစာရင်းသွားစစ်ဖို့အတွက် အခက်အခဲတွေ အများကြီးရှိတယ်၊ မဲစာရင်းတွေထုတ်ပြန်ကြေညာတာမသိတဲ့ သူတွေရှိသလို မဲပေးရမယ်ဆိုတာတောင် မသိတဲ့သူတွေကျနော်တို့အများကြီး တွေ့ခဲ့ရတယ်"

ဟင်္သာတမြို့ပေါ်ရပ်ကွက်မှာ နေထိုင်ကြသူတွေဟာ မဲစာရင်းကို စိတ်ဝင်စား မှုရှိကြပေမယ့် ကျေးရွာတွေ မှာ နေထိုင်ကြသူတွေက မဲစာရင်းကြေညာတာကို မသိရှိကြသူတွေ ရှိနေတယ်လို့လည်း ၈၈ အဖွဲ့ဝင်တွေက ပြော ပါတယ်။

၈၈ မျိုးဆက် ငြိမ်းချမ်းရေးနဲ့ ပွင့်လင်းလူ့အဖွဲ့အစည်းက မနီလာသိန်း၊ မမီးမီး၊ မနုနုအောင်တို့ ဦးဆောင်တဲ့ အဖွဲ့တွေ ဟာ ပြီးခဲ့တဲ့ စက်တင်ဘာလ ၁၈ ရက်နေ့ ကစပြီး ဧရာဝတီတိုင်းဒေသကြီး မအူပင်၊ ကျိုက်လတ်၊ ကျောင်းကုန်း၊ ကျုံပျော်၊ ရေကြည်၊ အသုတ် စတဲ့မြို့နယ်တွေမှာ သွားရောက်လှုံဆော်ခဲ့ပါတယ်။

RFA
http://www.rfa.org/burmese/news/88-gen-elections-remind-ayeyarwaddy-division-09232015132204.html

NLD ပါတီ မဲဆွယ်စည်းရုံးနေစဉ်
NLD ပါတီ မဲဆွယ်စည်းရုံးနေစဉ်
ရွေးကောက်ပွဲ အောင်နိုင်ရေး နိုင်ငံရေးပါတီတွေ စည်းရုံးရေးဆင်းနေချိန်မှာ အတိုက်အခံပါတီ NLD ကို တိုက်ခိုက်တဲ့စာတွေကို လူအုပ်စုတွေနဲ့ ဖြန့်ဝေလှုပ်ရှားမှုတွေ လုပ်လာနေတယ်လို့ NLD တာဝန်ရှိသူတွေက ပြောပါတယ်။ ဒီလိုနှောင့်ယှက်လာမှုတွေအတွက် သက်ဆိုင်ရာတာဝန်ရှိသူတွေ ဘက်က ထိရောက်တဲ့ အရေးယူမှု မရှိသေးဘူးလို့လည်း ဆိုပါတယ်။

ရွေးကောက်ပွဲကော်မရှင်ဘက်ကတော့ နိုင်ငံရေးပါတီတွေဘက်က ပါတီတွေ စောင့်ထိန်းရမယ့် မူကျင့်ဝတ်တွေကို ဖောက်ဖျက်တယ်လို့ အကြောင်းကြားလာရင် အရေးယူဆောင်ရွက်ပေးမယ်လို့ ဆိုပါတယ်။ အသေးစိတ် မဆုမွန် က တင်ပြထားပါတယ်။

အခုဆိုရင် ၂၀၁၅ နိုဝင်ဘာလ ၈ ရက်နေ့မှာ ကျင်းပတော့မယ့် ရွေးကောက်ပွဲအတွက် ပါဝင်ယှဉ်ပြိုင်ကြမယ့် နိုင်ငံရေးပါတီတွေဘက်က စက်တင်ဘာလ ၈ ရက်နေ့ကစပြီး ရက်ပေါင်း ၆၀ အတွင်း မဲဆွယ်စည်းရုံးမှုတွေ စတင်လှုပ်ရှားနေကြချိန် ဖြစ်ပါတယ်။ နိုင်ငံရေးပါတီတွေ မဲဆွယ်စည်းရုံးလှုပ်ရှားကြတဲ့အခါ နိုင်ငံရေးပါတီတွေအနေနဲ့ ရွေးကောက်ပွဲဥပဒေနဲ့အညီ မဲဆွယ်စည်းရုံးကြဖို့နဲ့ နိုင်ငံရေးပါတီတွေ မဲဆွယ်စည်းရုံးနေစဉ် ကာလအတွင်းမှာလည်း အငြင်းပွားမှုဆိုင်ရာ ဖြေရှင်းရေး ကော်မတီတွေဖွဲ့ပြီး စောင့်ကြည့်လေ့လာကြမှာဖြစ်ပြီးတော့ ကျင့်ဝတ်နဲ့မညီဘူးလို့ တိုင်ကြားလာရင် ကော်မတီတွေက ဖြေရှင်းသွားမှာ ဖြစ်ပါတယ်။

ဒီလိုအချိန်မှာ အတိုက်အခံပါတီ အမျိုးသားဒီမိုကရေစီအဖွဲ့ချုပ် NLD ပါတီရဲ့ မဲဆွယ်စည်းရုံးရေးခရီးစဉ်တချို့မှာ အဖွဲ့ချုပ်ကို ဆန့်ကျင်တဲ့ ကန့်ကွက်လှုပ်ရှားမှုတချို့ကို လှုပ်ရှားလာတာတွေ ရှိတယ်လို့ အမျိုးသားဒီမိုကရေစီအဖွဲ့ချုပ် ပြောခွင့်ရ ဦးဥာဏ်ဝင်းက ဗွီအိုအေကို ပြောပါတယ်။

“ကျနော်တို့ဆီမှာတော့ အနှောင့်အယှက်ရှိတယ်။ အန်တီကို ဆန့်ကျင်တဲ့ စာရွက်တွေဝေတယ်။ နောက် မဘသ လို့ နာမည်တပ်ထားတဲ့ စာရွက်တွေဝေတယ်။ အဲဒါမျိုးတွေပေါ့ အဖွဲ့ချုပ်ကို ဆန့်ကျင်တဲ့ စာရွက်စာတန်းမျိုးတွေပေါ့။ အဲဒါမျိုးတွေ ဝေတာတော့တွေ့တယ်။ အဲတော့ ကျနော်တို့က ကိုယ့်နည်းကိုယ့်ဟန်နဲ့ ဒီဟာတွေမရှိအောင် ကိုယ့်လုံခြုံရေးကို ပိုပြီးတော့ တင်းတင်ကျပ်ကျပ် ကိုင်တွယ်ရမှာ။ အဲဒါပဲ လုပ်နေတယ်။”

မဲဆွယ်စည်းရုံးရေးကာလအတွင်း အခုလို ကြုံလာရနိုင်ခြေရှိတဲ့ နှောင့်ယှက်မှုတွေနဲ့ ပတ်သက်တဲ့ တာဝန်ရှိသူတွေဘက်က ကြိုတင်ပြင်ဆင်မှုတွေနဲ့ ထိရောက်တဲ့ အရေးယူဖြေရှင်းပေးနိုင်ခြင်း မရှိဘူးဖြစ်နေတယ်လို့လည်း ရွေးကောက်ပွဲ လေ့လာသုံးသပ်သူ ဦးစည်သူအောင်မြင့် က ပြောပါတယ်။

“အဓိကတော့ ဘာပြဿနာ ကြုံရသလဲဆိုတော့ ပါတီက မဟုတ်တဲ့ အခြားသော အဖွဲ့အစည်းအမျိုးမျိုး ဘာသာရေးဆိုင်ရာ အဖွဲ့အစည်းတွေ၊ လူမျိုးရေးဆိုင်ရာ အဖွဲ့အစည်းတွေ၊ နောက် တသီးပုဂ္ဂလတွေ၊ နောက် လူအုပ်စုတွေကနေပြီးတော့မှ တရားမ၀င် စာရွက်စာတန်းတွေ ဖြန့်ဝေတာတွေ၊ နောက်ပြီးတော့မှ မမှန်ကန်တဲ့ ဆိုင်းဘုတ်တွေ ထောင်ပြီး ဆန္ဒပြတာတွေ၊ ဒီ အော်ဟစ်တာတွေ၊ သီချင်းတွေဖွင့်ပြီး နှောင့်ယှက်တာတွေ အဲဒီဟာမျိုးတွေတော့ အဓိကကြုံရတယ်။ အဲလို ကြုံတဲ့အခါကျတော့ ကော်မရှင်ကို သွားတိုင်လိုက်ရင်တော့ ကော်မရှင်က အမြဲပြောလေ့ရှိတာက သူတို့နဲ့ မဆိုင်ဘူးလို့ ပြောတယ်။ ဒါက နိုင်ငံရေးပါတီ မဟုတ်တဲ့အခါကျတော့၊ ဆိုတော့ အာဏာပိုင် အဖွဲ့အစည်းတွေကလည်း လာတိုင်ပါဆိုရင် တချို့နေရာတွေမှာ အမှုဖွင့်ပေးလိုက်တာတော့ ရှိတယ်။ ဧရာဝတီတိုင်းမှာဆိုရင် NLD ဘက်ကနေပြီးတော့မှ ဒါကို အမှုဖွင့်ထားတယ်။ ဒါပေမဲ့ အတော်ကြာပြီ၊ အခုထိလည်း မဆောင်ရွက်ဘူး။ အခုရွေးကောက်ပွဲဆိုလည်း ရက် ၅၀ တောင် မကျန်တော့ဘူး။ ဒီလိုနှောင့်ယှက်တာတွေနဲ့ ပတ်သက်ပြီးတော့မှ သိရဲ့သားကြီးနဲ့ သက်ဆိုင်ရာ အာဏာပိုင်တွေက ထိထိရောက်ရောက် အရေးယူတာ ကိုင်တွယ်တာ၊ တားမြစ်တာတို့ လုပ်ကိုင်ပေးတာ မရှိတာကြောင့် ရွေးကောက်ပွဲနီးလာလေလေ ဒါနဲ့ပက်သက်ပြီး ပြဿနာတွေပေါ်ဖို့အတွက် လမ်းစတွေ ပိုပြီး ရှိစေတယ်လို့ သုံးသပ်ပါတယ်။”

ဒေါ်အောင်ဆန်းစုကြည်ဟာ မကြာခင်မှာ ရခိုင်ပြည်နယ်ဘက်ကိုလည်း စည်းရုံးရေးခရီး သွားဖို့ရှိနေပါတယ်။ ရခိုင်ပြည်နယ်ဟာ ဘာသာရေး၊ လူမျိုးရေး အသွင်ဆောင် အကြမ်းဖက် ပဋိပက္ခတွေ ဖြစ်ပွားခဲ့တဲ့နေရာပါ။ ဒေါ်အောင်ဆန်းစုကြည် လာရောက်ခဲ့ရင် ဆန္ဒပြကန့်ကွက်မှုတွေနဲ့ ကြုံလာရနိုင်ချေရှိတယ်လို့လည်း မှန်းဆမှုတွေရှိသလို သူရဲ့လုံခြုံရေးအတွက်လည်း စိုးရိမ်မှုတွေ ရှိနေပါတယ်။

မောင်တောခရိုင် ရွေးကောက်ပွဲကော်မရှင်က ဦးဆန်းဝင်းထွန်းက မဲဆွယ်စည်းရုံးရေးကာလအတွင်း အခုအချိန်အထိ နိုင်ငံရေးပါတီတွေဘက်က တိုင်ကြားလာတာမျိုး မရှိပေမဲ့လို့ ကော်မရှင်ဘက်ကလည်း စောင့်ကြည့်နေပြီး တိုင်ကြားလာရင် အရေးယူဆောင်ရွက်ပေးမှာ ဖြစ်တယ်လို့ ဆိုပါတယ်။

“ကော်မရှင်က စောင့်ကြည့်တယ်ဆိုတာထက် နိုင်ငံရေးပါတီအချင်းချင်း ထိန်းသိမ်းသင့်တယ်။ ပါတီအချင်းချင်း ထိန်းကျောင်းပြီးတော့ ကိုယ့်နေရာတွေမှာ ဟောပြောမှုရှိလား။ ဒါမျိုးတွေကို ပါတီအချင်းချင်း ထိန်းပြီး ကြည့်ရူပါတယ်ခင်ဗျာ။ စည်းမျဉ်းစည်းကမ်းတွေ မကိုက်ညီဘူးဆိုပြီး ကျနော်တို့ကို တိုင်တန်းတဲ့အခါကျရင်တော့ ကိုယ့်ကော်မရှင်အဖွဲ့ခွဲအနေနဲ့ ဆုံးဖြတ်လို့ရရင် ဆုံးဖြတ်ပြီးတော့ အငြင်းပွားမှုကို ဖြေရှင်းပေးမှာပေါ့။ ကိုယ့်အနေနဲ့ ဆုံးဖြတ်လို့မရရင်တော့ ကော်မရှင် အဖွဲ့ခွဲအဆင့်ဆင့်ကို တင်ပြပြီးတော့ ဆောင်ရွက်မှာပေါ့။”

ရွေးကောက်ပွဲကော်မရှင် ဥက္ကဋ္ဌဘက်ကတော့ မဲဆွယ်စည်းရုံးရေးကာလ မတိုင်ခင်ကာလက နိုင်ငံရေးပါတီတွေနဲ့ နောက်ဆုံး တွေ့ဆုံဆွေးနွေးခဲ့ချိန် စက်တင်ဘာလ ၈ ရက်နေ့ကနေစလို့ နိုင်ငံရေးပါတီတွေနဲ့ လွှတ်တော် ကိုယ်စားလှယ်လောင်းတွေအနေနဲ့ မဲဆွယ်စည်းရုံးတဲ့အခါ လိုက်နာကျင့်သုံးရမယ့် ကျင့်ဝတ်နဲ့အညီ လိုက်နာ ဆောင်ရွက်ခြင်း ရှိ/ မရှိ ကို စောင့်ကြည့်မှု ပြုလုပ်နိုင်ရန်နဲ့ တကယ်လို့ ကျင့်ဝတ်နဲ့ မညီဘူးလို့ တိုင်ကြားလာရင် ညှိနှိုင်းဖြေရှင်း ဆောင်ရွက်ပေးမည့် Monitoring စောင့်ကြည့်မယ့် ကော်မတီက ဖြေရှင်းပေးမှာဖြစ်ပြီး ဒါမှ မရရင်တော့ စေ့စပ်ညှိနှိုင်းရေး ကော်မတီကို တင်ပြပြီး အဲ့ဒီအထိမှ ဖြေရှင်းလို့ မရခဲ့ရင်တော့ ရွေးကောက်ပွဲဆိုင်ရာ လုံခြုံရေးကော်မတီက ဆက်လက် ဆောင်ရွက်မှာဖြစ်တယ် ဆိုတာကို ပြောဆိုထားပါတယ်

VOA
http://burmese.voanews.com/content/distriction-on-nld-election-campaign/2975246.html

Author Name

Contact Form

Name

Email *

Message *

Powered by Blogger.