09/27/15


စက်တင်ဘာ ၁၁ရက်နေ့က မြန်မာနိုင်ငံအမျိုးသား လူ့အခွင့်အရေးကော်မရှင် က လက်ပံတန်းကျောင်းသား သပိတ်ဖြိုခွင်းမှုနှင့် ပတ်သက်ပြီး သတင်း ထုတ်ပြန်လိုက်ပါသည်။ ထိုထုတ်ပြန်ချက်တွင် မတ်လ ၁၀ရက်နေ့က လက်ပံတန်းသို့ ရောက်ရှိနေသော ကျောင်းသားသပိတ်စစ်ကြောင်းကို အင် အားများသော ရဲတပ်ဖွဲ့ဝင်များဖြင့် တုတ်၊ ဒိုင်းများကိုင်ဆောင်၍ ၀င်ထွက် လမ်းကြောင်းကို ပိတ်ဆို့ရာ ကျောင်းသားနှင့် ၀န်းရံပြည်သူများက တစ်ဖွဲ့ ချင်းတိုး၍ အဖမ်းခံမည်ဖြစ်ကြောင်း ပြောသော်လည်း ရဲတပ်ဖွဲ့များ ကြား ရေသန့်ဘူးတစ်လုံးကျ ရောက်လာရာမှ အဓိကရုဏ်းဖြစ်ပွား ခဲ့ခြင်း ဖြစ်ကြောင်း သတင်းထုတ်ပြန်ခဲ့ပါသည်။…

ရဲတပ်ဖွဲ့ဝင်များသည် တွေ့မြင်ရာကို ရိုက်သူကရိုက်၊ တားဆီးသူကတားဆီး၊ ဒိုင်း ဖြင့်ကာသူကကာ စနစ်တကျ မဟုတ်တော့ဘဲ လေ့ကျင့်ထားသည့် ပုံစံပျက်ယွင်းသွားကြောင်း၊ အောင်မြေ ဗိမာန်ကျောင်းအတွင်း ဖမ်းဆီးရှာ ဖွေမှုများပြုလုပ်ရာတွင် နယ်မြေခံရဲအဖွဲ့က လုပ်ထုံးလုပ်နည်းနှင့်အညီ ဆောင်ရွက်သင့်သော်လည်း အခြား ရဲ တပ်ဖွဲ့ဝင်များ ပါဝင်လာသဖြင့် အထင်အမြင်လွဲ မှားမှုများ၊ ပစ္စည်းပျောက်ဆုံးမှုများ ဖြစ်ပွားခဲ့ကြောင်း၊ သပိတ် စစ်ကြောင်း ပြန်ကြား ရေးယာဉ်ကိုလည်းရဲတပ်ဖွဲ့ဝင်တချို့က ထုရိုက်ကန်ကြောက်ဖျက်ဆီးခြင်းသည် လုပ်ထုံး လုပ်နည်းနှင့်အညီ နည်းလမ်းတကျ ဆောင်ရွက်ခြင်းဖြစ်သည်ဟု ပြောဆိုရန် ခဲယဉ်းကြောင်း ထုတ်ပြန်ချက် ထဲတွင်ဖော်ပြထားသည်။ လက်ပံတန်းသပိတ်ဖြိုခွဲမှုမှာ သမ္မတဦးသိန်းစိန် အစိုးရလက်ထက်တွင် အရုပ် ဆိုး လှသော အကြမ်းဖက်ဖြိုခွဲမှုဖြစ်ပါသည်။ ပထမတစ်ခုမှာ လက်ပံတောင်းတောင် သပိတ်စခန်းဖြိုခွဲမှုဖြစ်၏။ သံဃာတော်များကို မီးလောင်ဗုံးသုံးခဲ့သဖြင့် သံဃာတချို့ နိုင်ငံခြားသို့ပင်သွားကာ ဆေးကုသရသည်အထိ ထိုအဖြစ်မှာ ကမ္ဘာကျော်သွားခဲ့ လေသည်။

ယခု လက်ပံတန်းကျောင်းသား သပိတ်ဖြိုခွဲမှုမှာ ပို၍ပင်ကမ္ဘာကျော်သွားခဲ့၏။ ဦးသိန်းစိန်အစိုးရအတွက် အမည်း စက်တစ်ခုလည်းဖြစ်ခဲ့သည်။ လက်ပံတန်းဖြိုခွဲမှု မလုပ်ခင်မြို့တော်ခန်းမရှေ့တွင် စွမ်းအားရှင်များက ရဲတပ်ဖွဲ့ နှင့်အတူ ဆန္ဒပြသူများကို အကြမ်းဖက်ဖြိုခွဲဖမ်းဆီးခဲ့စဉ်ကလည်း ဥပဒေနှင့်အညီ လုပ်ဆောင်ခဲ့ခြင်းဖြစ်သည် ဟုကြေညာသလို စွမ်းအားရှင်များကြောင့်လည်း ပြောစရာဖြစ်ခဲ့လေသည်။ ဆေးမင်ကြောင်နှင့် ကလေက ချေဆန်လှသော မိုက်ကန်းကန်းလူငယ်များ ၀င်ရောက်ဖမ်းဆီးခြင်းမှာ ပြောစရာဖြစ်လာ၏။ ရွှေပြည်သာ အလုပ် သမားသပိတ်ကို ရဲတပ်ဖွဲ့ကအတင်း ဖြိုခွဲဖမ်းဆီးသွားခြင်းမှာလည်း ဆန္ဒပြတိုက် ပွဲမှန်သမျှကို အကြမ်းဖက် ဖြိုခွင်းမည်ဆိုသည့် သဘောထားကို ပြသလိုက်ခြင်းဖြစ်ပါသည်။

ထိုအချိန်မှစပြီး ပြည်ခိုင်ဖြိုးအစိုးရမှာ လူထု ထောက်ခံမှု ကျဆင်းလာခဲ့သည်။ ကျောင်းသားနှင့် အလုပ်သမား တို့၏ ဆန္ဒပြပွဲများမှာ အကြမ်းဖက်မှုမပါလေလေ၊ ရဲတပ်ဖွဲ့၏အကြမ်းဖက်မှုမှာ ပိုပြီးကြီးမားလေ လေဖြစ်ပါ သည်။ အဆိုးဆုံးမှာ လက်ပံတန်း ကျောင်းသားသပိတ် ဖြိုခွဲခြင်းဖြစ်ပါသည်။ ထိုအချိန်တွင် အလံရှူး တစ် ယောက်က ရေသန့်ဘူးဖြင့် ပေါက်လိုက်ခြင်းက ပိုဆိုး၏။ အမျိုးသားပညာရေး ဥပဒေဆန့်ကျင်ခြင်း ကျောင်း သားသပိတ်စစ်ကြောင်းမှာ အေးချမ်းစွာဆန္ဒပြ သပိတ်မှောက်ခြင်း ဖြစ်ပါသည်။ ကျောင်းသားများသည် အကြမ်း ဖက်ခြင်း တစ်ခါမျှမလုပ်ခဲ့ပေ။ မြင်းခြံတွင်လည်း အကြမ်းမဖက်ဘဲ မိမိတို့သွားမည့် လမ်းကြောင်းကို အတင်း တိုးထွက်ကြခြင်းသာဖြစ်၏။ ယခုလက်ပံတန်းတွင်လည်း ကျောင်းသားများက ရေသန့်ဗူးနှင့်ပစ်၊ ခဲ နှင့်ပေါက်ကာ အကြမ်းဖက်ကြသည်ဆိုသော အစိုးရနှင့်ရဲတပ်ဖွဲ့၏ ဖြေရှင်းချက်မှာ သဘာဝမကျလှပေ။

ထို့ပြင်ကျောင်းသားသပိတ်ဖြိုခွဲခြင်း နှင့်ပတ်သက်ပြီး သမ္မတဦးသိန်းစိန်က ရဲတပ်ဖွဲ့ဝင်များသည် ရဲလုပ်ငန်း အဆင့်ဆင့်ကို ကျော်လွန်ခြင်းမရှိဘဲ ဥရောပသမဂ္ဂ(အီးယူ)ဘက်မှ သင်တန်းပေးထားသည့် အတိုင်း ဆောင် ရွက် ခြင်းဖြစ်ကြောင်း၊ ကျောင်းသားများဘက်မှ စရိုက်၍ ပြန်ရိုက်ရခြင်းဖြစ်ကြောင်း BBC နှင့်အင်တာဗျူးတွင်ပြော ကြားသွားခဲ့လေသည်။ ယခု မြန်မာနိုင်ငံ အမျိုးသားလူ့အခွင့်အရေးကော်မရှင်က စုံစမ်းစစ်ဆေးချက်များကို ထုတ်ပြန်ပေးလိုက်သောအခါ သမ္မတဦးသိန်းစိန်၏ ဖြေရှင်းချက်နှင့် တခြားစီဖြစ်သွားလေသည်။ အမျိုးသား လူ့အခွင့်အရေးကော်မရှင်သည် အစိုးရကဂုဏ်သိက္ခာရှိသောသူများနှင့် ဖွဲ့စည်းထားသော ကော်မရှင်ဖြစ်သည် ဟု အစိုးရကကြေညာထားသည့်အတိုင်း ထိုကော်မရှင်၏ အဆုံးအဖြတ်၊ အစီရင်ခံစာများမှာ တရားစီရင်ရေးနှင့် အစိုးရအပေါ်တွင် သြဇာညောင်းနိုင်စရာရှိလေသည်။ မည်သို့ပင်ဆိုစေ ဂုဏ်သိက္ခာရှိသော အစိုးရ တစ်ရပ်ဆို လျှင် ပြည်သူလူထုအပေါ် အကြမ်းဖက်တိုက်ခိုက်ခြင်း၊ ပြည်သူလူထု၏ ငြိမ်းချမ်းသောဆန္ဒပြပွဲများကို အကြမ်း ဖက် ဖြိုခွဲခြင်းတို့အား အမျိုးသားလူ့အခွင့်အရေး ကော်မရှင်ကပါ လူ့အခွင့်အရေးချိုးဖောက် မှုဟု သဘောထား ပေး လိုက်ခြင်းက ရဲတပ်ဖွဲ့နှင့် ဦးသိန်းစိန်အစိုးရအဖို့ အထိနာသွားသော မမှန်မကန်လုပ်ဆောင် မှုဖြစ်ကြောင်း ပေါ် လွင်သွားလေတော့သည်။

လူထုကြားထဲတွင် သူသျှို၊ ဒလန်များ ထည့်သွင်းကာ ပြဿနာကြီးမားလာသည်နှင့် အလံရှူးများလုပ်ကာ ပြဿ နာကို မီးမွေးခြင်းမှာ ယခုလုပ်ရပ်တွင် သိသာထင်ရှားနေပါသည်။ သူတို့ထည့်ထားသော လူများက ရေသန့်ဘူး ဖြင့် ပစ်ပေါက်နိုင်သည်။ လက်ပံတန်းတွင် ရှေ့မတိုးအောင်အပြတ်ချေမှုန်းမည်ဟု ဆုံး ဖြတ်ချက်လည်းချပြီး ပုံရပါသည်။ ပဲခူးတိုင်းဒေသကြီး ၀န်ကြီးကိုယ်တိုင်က အခုတစ်မျိုး တော်ကြာတစ်မျိုး၊ အမျိုးမျိုးအပြောင်းအလဲ ဖြစ်နေကတည်းက အခြေအနေမှာမဟုတ်တော့ပေ။ ပြည်ထောင်စုအစိုးရ ပြည်ထဲရေးဝန်ကြီးဌာနထံမှလည်း အပြတ်ချေမှုန်းဖို့ အမိန့်ကျလာပုံလည်း ရလေသည်။

စစ်တပ်တစ်ဖြစ်လဲ အရပ်သားအစိုးရသည် ယခင်စစ်အာဏာရှင် ခေတ်ကအတိုင်း ကျောင်းသားများအပေါ် အငြိုးအတေးကြီးပုံရ၏။ ကျောင်းသားသမဂ္ဂများကို ထိုက်သင့်သော နေရာပေးဖို့မစဉ်းစားဘဲ ရန်သူ သဖွယ် ဖြိုခွင်းဖို့သာ စဉ်းစားနေသည်။ ယခုသာယာဝတီထောင်ထဲ ထားရှိထားသော ကျောင်းသားသပိတ် တိုက်ပွဲ ၀င် ကျောင်းသားများ၊ ၀န်းရံပြည်သူများကို အကြိမ်ကြိမ် ရုံးထုတ်စစ်ဆေးနေသော်လည်း လွယ်လွယ် နှင့်ပြီးမည့် ပုံမပေါ်ပေ။ ရှေ့နေများကထိုသို့ စစ်ဆေးနေပုံနှင့်ဆိုလျှင် အနှစ် ၂၀ကြာနိုင်သည်ဟု ဆိုသည်။ ထောင်ထဲ တွင် ကျောင်းသားများကို နှစ်နှင့်ချီကာ သမ္မတဦးသိန်းစိန်အစိုးရက ထားလိုပုံရသည်။ ရွေးကောက်ပွဲပြီးသည်အထိ အမှုကိုဆွဲစစ်ကာ နောက်ဆုံးနောက်ထပ်သပိတ်မမှောက်ရဲ၊ ဆန္ဒမပြရဲအောင် ခြိမ်းခြောက်လိုပုံလည်း ရလေ သည်။ နောက်ထပ် NLD ကအစိုးရ ဖြစ်လာလျှင်လည်း ယခုကျောင်းသား သပိတ်အပေါ် ထောက်ခံမည့် ပုံမပေါ်ပေ။

ကျောင်းသားသပိတ်စကတည်းက NLD အနေဖြင့် သဘောမတွေ့လှ။ မပတ်သက်အောင် ကြိုးစားသလို မထောက်ခံအောင်လည်း NLD က ဝေးဝေးရှောင်နေလေသည်။ ဗြောင်ကျကျမဆန့်ကျင်သော်လည်း သပိတ်နှင့် ပတ်သက်သော NNER မှ NLD ပါတီဗဟိုကော်မတီဝင် ဒေါက်တာသိန်းလွင်ကို ဗဟိုကော်မတီမှ ထုတ်ပယ် ပစ်ခဲ့ လေသည်။ သို့သော် ကျောင်းသားတို့သည် သူတို့လမ်းကို သူတို့ဆက်လျှောက်ကြပေလိမ့် မည်။ မြန်မာ့သမိုင်း တစ်လျှောက်တွင် ကျောင်းသားသမဂ္ဂသည် တာဝန်ကျေပွန်ခဲ့၏။ ကျောင်းသားသမဂ္ဂဥက္ကဋ္ဌဗိုလ်ချုပ်အောင်ဆန်း ကိုယ်တိုင် သူ့အလုပ်သူလုပ်ပြီး တိုင်းပြည်လွတ်လပ်ရေးကို ဆောင်ရွက်ခဲ့သူဖြစ်ပါသည်။ ဗိုလ်ချုပ်အောင်ဆန်း ၏ အမွေကို ဆက်ခံကြမည်ဆိုလျှင် ဗိုလ်ချုပ်၏ လမ်းစဉ်အတိုင်း လျှောက်လှမ်းရပေလိမ့်မည်။

အကျဉ်းထောင်များထဲ အဖမ်းဆီးခံနေရသော ဗကသကျောင်းသားများ၊ တကသ ကျောင်းသားများ အားလုံး သည် သူတို့၏ သမိုင်းပေးတာဝန်ကို ယခုအချိန်ထိ ရဲရဲရင့်ရင့်လျှောက်လှမ်းလျက်ရှိပါသည်။ ယခု အမျိုးသား ပညာရေး ဥပဒေပြင်ဆင်ရေးမှာလည်း လွှတ်တော်က အတည်ပြုပြီးပါပြီ။ သို့သော်ကျောင်းသားများက သူတို့ တောင်း ဆိုတိုက်ပွဲဝင်သည့်အတိုင်း အတည်ပြုသော ဥပဒေမဟုတ်ဟု ဆိုလေသည်။ NNER ကလည်း လွှတ်တော်အတည်ပြုပေးသော ဥပဒေကို တောင်းဆိုတိုက်ပွဲဝင်သော ဥပဒေအဖြစ် အသိအမှတ် မပြုခဲ့ပေ။ ကျောင်းသားတိုက်ပွဲမှာလည်း လွယ်လွယ်ကူကူဖြင့် ပြီးဆုံးသွားမည်မဟုတ်သ လို ကျောင်းသားများ ကိုလည်း နှစ်ပေါင်း ၂၀ကြာအောင်၊ နှစ်ပေါင်း ၄၀ကြာအောင် ထောင်ထဲ ရေရှည်ဖမ်းဆီး ထားပိုင်ခွင့်မရှိ သလို ပြည်သူ လူထုကလည်း လက်ခံကြမည်မဟုတ်ပေ။ ယခုကဲ့သို့အချိန်ဆွဲ စစ်ဆေးနေရုံဖြင့် ကျောင်း သားပြဿနာမှာ ဖြေရှင်း၍ရမည် မဟုတ်ပေ။

မြန်မာသံတော်ဆင့်သတင်းဌာန- http://www.facebook.com/myanmarherald



ရွေးကောက်ပွဲဝင်ဖို့ ထောင်ထဲမှာရှိတဲ့ ဦးတင်ဦး၊ ဦးထွန်းတင်၊ ဦးအောင်လွင် နှင့် မောင်မိုးသူ့ ကို လွှတ်တော် ကိုယ်စားလှယ်အဖြစ် အရွေးခံဖို့ အဖွဲ့ချုပ်မှ လက်မှတ်လာထိုးခိုင်းလို့ ဦးတင်ဦး၊ မောင်မိုးသူတို့ ၄ ယောက် အရွေးခံဖို့ လက်မှတ်ထိုးပြီး နောက်နေ့မှာပဲ ၄ ယောက် စလုံး ထောင်ချလိုက်လို့ ၉၀ ရွေးကောက်ပွဲမှာ ၀င်အရွေးမခံဖြစ် …

~~~~~~~~~~~~~~~~~~~~~~~~~~~~~~~~~~~~~~~~~

ရွေးကောက်ပွဲနှင့် မောင်မိုးသူ သဟဇာတဖြစ်ပုံ မရပါ။ အဆင်မပြေတာတွေပဲ ကြုံရတွေ့ရပါတယ်။ တည်မြဲနှင့် သန့်ရှင်းအကွဲ ရွေးကောက်ပွဲမှာ မောင်မိုးသူ တက္ကသိုလ်ရောက်နေပါပြီ။ တည်မြဲကိုရော၊ သန့်ရှင်းကိုပါ မဲပေးရန် ဆန္ဒမရှိပေမယ့် မန္တလေးမှာ နိုင်ငံရေးသမားအများစုက တည်မြဲခြံခုန် သွားကြပြီး သန့်ရှင်းမှာ ရိုးအသူများသာ ကျန်ရစ်တာကြောင့် သန့်ရှင်းအတွက် ပိုစတာရေးပေးတာမျိုး၊ ကြေညာစာတမ်းရေးပေးတာမျိုး လုပ်ပေးခဲ့ဖူးပါ တယ်။ ကိုယ်တိုင်တော့ မဲမပေးခဲ့ပါ။

ဦးနုရဲ့ သန့်ရှင်းအစိုးရက ဗိုလ်ချုပ်နေ၀င်းကို ယာယီအုပ်ချုပ်ရေး လွှဲပေးချိန်မှာ မောင်မိုးသူတို့ မန္တလေး တက္က သိုလ်ကျောင်းသားသမဂ္ဂက အာဏာလွှဲပေးခြင်းကို ကန့်ကွက်တဲ့အနေဖြင့် ဈေးချိုတော်မှာ အစာငတ်ခံဆန္ဒပြ တာတွေလုပ်၊ အာဏာလွှဲတာကို ကန့်ကွက်တဲ့ဟောပြောပွဲတွေ လုပ်ပါတယ်။ ရွေးကောက်ပွဲနှင့်သာ မောင်မိုးသူ သဟဇာတမဖြစ်တာမဟုတ်ပါ။ စစ်အစိုးရနှင့်လည်း သဟဇာတမဖြစ်ပါ။ စစ်အစိုးရက မောင်မိုးသူတို့ မတကသ သမဂ္ဂတစ်ဖွဲ့လုံးဖမ်းဆီးခဲ့ပါတယ်။ ကျန်မိကျန်ရာ ကျန်ခဲ့သူကတော့ တွဲဖက်အတွင်းရေးမှူး မောင်စွမ်းရည် ဖြစ် ပါတယ်။ မတကသမှာ ဥက္ကဋ္ဌက ကိုသာလှ၊ အတွင်းရေးမှူးက ကိုသာနိုးဖြစ်ပါတယ်။ မောင်မိုးသူက ဒုတိယ ဥက္ကဋ္ဌဖြစ်ပါတယ်။ ကြားဖြတ်စစ်အစိုးရက ပြုလုပ်တဲ့ ရွေးကောက်ပွဲမှာ မောင်မိုးသူတို့တစ်တွေ အချုပ်ထဲရောက် နေ ၍ မဲမပေးရပြန်ပါဘူး။ ပထစနိုင်ပြီး မောင်မိုးသူပြန်လွတ်ပါတယ်။ တက္ကသိုလ်ပြန်မတက်တော့ဘဲ စာပေနယ် ကို မောင်မိုးသူဝင်ခဲ့ပါတယ်။…

၆၂ မှာ စစ်တပ်က အာဏာသိမ်းပြန်ပါတယ်။ ထုံးစံအတိုင်း ကျောင်းသား သမဂ္ဂနှင့် မတည့်လေတော့ မန်းတက္က သိုလ်ကျောင်းသားသမဂ္ဂကို ရန်ရှာစပြုလာပါတယ်။ မောင်မိုးသူဟာလည်း ကျောင်းသားခေါင်း ဆောင်ဟောင်း တစ်ယောက်ဖြစ်တဲ့အတွက် ကျောင်းပြန်တက်ဖို့လာပြောလိုပြော၊ မြန်မာ့ဆိုရှယ်လစ်လမ်းစဉ် စာအုပ်ကြီး ပေး ဖတ်လိုဖတ်လုပ်တာနှင့် မန္တလေး က ကျောင်းသားခေါင်းဆောင်ဟောင်း ကိုစိန်မြင့်ဟာ စာရေးဆရာ မောင်မိုးသူ အဖြစ် ရန်ကုန်ကိုရွှေ့ပြောင်းပြီး စာရေးခြင်း၊ ရုပ်ရှင်ရိုက်ခြင်းများ ပြုလုပ် အသက်မွေးခဲ့ပါတယ်။ ရုပ်ရှင် ကောင်စီ စတင်ဖွဲ့စည်းစဉ်က ပထမ ၂ နှစ်မှာ ဆရာရွှေဒုံးဘီအောင်က ၂နှစ်ဥက္ကဋ္ဌ တာဝန်ယူပါတယ်။ နောက် ၂ နှစ် မှာ တော့ အေ၀မ်းဦးတင်မောင်က ဥက္ကဋ္ဌ၊ အထွေ ထွေအတွင်းရေးမှူးက မင်းသားဦးရွှေဘ တာဝန်ယူစဉ် မှာ မောင်မိုးသူက ရုပ်ရှင် ကောင်စီဗဟိုဦးစီးအမှုဆောင် တာဝန်ယူပြီး ဆောင်ရွက်ခဲ့ပါတယ်။ ရုပ်ရှင်ကောင်စီဗဟို ဦးစီးအဖြစ် တာဝန်ယူရစဉ် ရုပ်ရှင်ကောင်စီဝင်များ မဆလ ပါတီဝင်များဖြစ်ရမယ်ဆိုလေတော့ နောက် ၂ နှစ် ရုပ်ရှင်ကောင်စီမှာ မောင်မိုးသူဝင်ရောက်ယှဉ်ပြိုင် အရွေးခံခြင်း မလုပ်တော့ပါ။ မဆလအစိုးရ လက် ထက် ရွေး ကောက်ပွဲများကိုလည်း မောင်မိုးသူ မဲမပေးခဲ့ပါ။ ကိုယ်နှင့်မဆိုင်သလိုဘဲ နေခဲ့ပါတယ်။ ကိုယ့် အလုပ်ဖြစ်တဲ့ စာရေးတဲ့အလုပ်၊ ရုပ်ရှင်ရိုက် တဲ့အလုပ်ပဲ လုပ်ပါတယ်။

အဲ … ၈၈ ကျတော့ ရှစ်လေးလုံး အရေးတော်ပုံကြီး ပေါ်ပေါက်လာချိန်မှာ မောင်သော်က၊ ဦးဝင်းတင်တို့နှင့်အတူ စာပေအနုပညာရှင်များအဖွဲ့အဖြစ် လမ်းပေါ်ထွက်ခဲ့ပါတယ်။ အရေးတော်ပုံကြီးထဲမှာ ဒေါ်အောင်ဆန်းစုကြည် ၀င်ရောက်လာတဲ့အတွက် ဒေါ်စုရဲ့ခြံထဲကို မောင်သော်က၊ ဦးဝင်းတင်နှင့် မောင်မိုးသူတို့ သွားကြပါ တယ်။ နိုင်ငံ ရေး စကားဝိုင်းများမှာ ပါဝင်ခဲ့ပါတယ်။ ရှေ့နေများဖြစ်တဲ့ ဦးထွန်းတင်၊ ဦးတင်ရွှေ၊ မောင်မိုး သူ၊ ဒေါ်မြင့်မြင့်ခင် တို့ လည်း ပါပါတယ်။

ရွှေတိဂုံအနောက်မုခ် ဒေါ်အောင်ဆန်းစုကြည်ရဲ့ပထမဆုံးဟောပြောပွဲကြီးကို စာပေအနုပညာရှင်များက စင်ထိုး စီစဉ်ပေးခဲ့တာဖြစ်ပါတယ်။ အဲဒီအခမ်းအနားကြီးမှာ မောင်သော်က၊ ဦးဝင်းတင်နှင့် မောင်မိုးသူတို့တစ်တွေ အား လုံး စင်ပေါ်မတက်ရန် ဆုံးဖြတ်ထားတဲ့အတွက် အခမ်းအနားမှူးအဖြစ် မင်းသားကြီး လေးလေးဦးထွန်းဝေ ကို ပြုလုပ်စေခဲ့တဲ့ကောင်းမှုကြောင့် လေးလေးဦးထွန်းဝေတစ်ယောက် စစ်အစိုးရ တစ်ခေတ်လုံး ရုပ်ရှင်မရိုက်ရ၊ သူ့ဇာတ် ကားတွေမပြရ ဖြစ်ခဲ့ပါတယ်။

ရှစ်လေးလုံးအရေးတော်ပုံကြီးကို စစ်တပ်က အာဏာသိမ်းဖြိုခွင်းပြီးတဲ့နောက် နိုင်ငံရေးပါတီများ ထူထောင်ခွင့် ပေး ခဲ့ရာ ဦးအောင်ကြီး၊ ဦးတင်ဦးနှင့် ဒေါ်အောင်ဆန်းစုကြည်တို့ ၃ယောက်တွဲပြီး အမျိုးသားဒီမိုကရေစီအဖွဲ့ ချုပ်တည်ထောင်ဖို့ ဖြစ်လာချိန်မှာ ဒေါ်အောင်ဆန်းစုကြည်ရဲ့အဖွဲ့မှာ အရေးတော်ပုံတပ်သား များဖြစ် တဲ့ မောင် သော်က၊ ဦးဝင်းတင်၊ မောင်မိုးသူ၊ ဦးထွန်းတင်၊ ဦးတင်ရွှေ၊ မောင်ကိုယု၊ ဒေါ်မြင့်မြင့်ခင်၊ ၀င်းခက်၊ အောင်လွင် ဆရာဝန်များဖြစ်တဲ့ ဒေါက်တာတင်မျိုးဝင်း၊ ဒေါက်တာသက်မင်းနှင့် ရေနံမြေမှ ကိုခင် မောင်ဆွေတို့ တတ်သိ ပညာရှင်များအဖြစ် ပါဝင်ခဲ့ကြပါတယ်။

အမျိုးသားဒီမိုကရေစီအဖွဲ့ချုပ်မှာ ဦးအောင်ကြီးကဥက္ကဋ္ဌ၊ ဦးတင်ဦးက ဒုဥက္ကဋ္ဌ၊ ဒေါ်စုက အထွေထွေအတွင်း ရေးမှူးအဖြစ် ဆောင်ရွက်ပြီး အတွင်းရေးမှူး ၃ ယောက် အနက် ဦးဝင်းတင်က ဒေါ်စုအဖွဲ့မှာအတွင်း ရေးမှူး အဖြစ် ပါဝင်လုပ်ဆောင်ရပါတယ်။ အဖွဲ့ချုပ်မှာ တကယ်တမ်း အလုပ်လုပ်ကြသူများက အထွေထွေအတွင်း ရေးမှူးဒေါ်စုနှင့် အတွင်းရေးမှူးဦးဝင်းတင်တို့ပဲ အစစအရာရာ စီစဉ်လုပ်ဆောင်ကြပါတယ်။ အထွေထွေ အတွင်း ရေးမှူး ဒေါ်အောင်ဆန်းစုကြည်ရဲ့ အထက်မြန်မာပြည်ခရီးစဉ်မှာ ဒေါ်စုနှင့်အတူ မောင်မိုးသူ လိုက်ပါရပါ တယ်။ စခရီးစဉ်အတွင်း စစ်တပ်နှင့် ရင်ဆိုင်ပြောဆိုရမှုများရှိတဲ့အတွက် ဦးတင်ဦးက ဗိုလ်ကြီးဝင်းထိန် (ဦးဝင်းထိန်)ကို ထည့် ပေးပါတယ်။ ဦးထိန်ဟာ အဲဒီခရီးစဉ်မှာစပြီး ဒေါ်စုရဲ့ ပြောရေးဆိုခွင့်ရှိသူ ဖြစ်လာခဲ့ပါ တော့တယ်။

အထက်မြန်မာပြည်ခရီးစဉ်အပြီး ဦးအောင်ကြီးက ဒေါ်စုအဖွဲ့မှာပါတဲ့ အမှုဆောင် ၈ဦးဟာ ကွန်မြူနစ်တွေလို့ စွပ်စွဲကြေညာချက်ထုတ်ပါတယ်။ အဲဒါကို အကြောင်းပြုပြီး အဖွဲ့ချုပ်ဗဟိုကော်မတီ အစည်းအဝေးမှာ ဦးအောင်ကြီးက စွပ်စွဲချက်တင်၊ စွပ်စွဲခံရသူကချေပ။ ဦးအောင် ကြီးနိုင်ရင် အဲဒီ၈ယောက်ထွက်၊ ဦးအောင်ကြီး ရှုံးရင် ဦးအောင်ကြီးတို့နဲ့ မဲခွဲရာမှာ ဦးတင်ဦးတို့အဖွဲ့က ဒေါ်စုဘက်မှ မဲပေးတာမို့ ဦးအောင်ကြီးရှုံးပြီး အမျိုးသား ဒီမိုကရေစီအဖွဲ့ချုပ်က ဦးအောင်ကြီးတို့အဖွဲ့ထွက်သွားပြီး သီးခြားပါတီထောင်ပါတယ်။ ဦးအောင်ကြီးအဖွဲ့ထဲမှ ဦးကြည်မောင်က နုတ်ထွက်ရာမှာ လိုက်ပါမသွားဘဲ အဖွဲ့ချုပ်မှာ ကျန်ရစ်ပါတယ်။ ကွန်မြူနစ်လို့စွပ် စွဲခံရသူက တော့ ဦးဝင်းတင်၊ ဒေါ်မြင့်မြင့် ခင်၊ ဦးအောင်ရွှေ၊ ဦးကိုယု၊ ဦးချမ်းအေး၊ ဦးအောင်လွင်နှင့် မောင်မိုးသူတို့ ဖြစ်ပါ တယ်။

ဦးဝင်းတင်က ဇူလိုင် ၄ရက်နေ့မှာ အဖမ်းခံရပါတယ်။ ဦးတင်ဦး၊ ဒေါ်စုနှင့် မောင်မိုးသူတို့တစ်တွေကတော့ ဇူလိုင် ၁၉ အာဇာနည်နေ့မှာထိန်းသိမ်းပြီး ထောင်ထဲပို့ခဲ့ပါတယ်။ မောင်မိုးသူတို့တစ်တွေ အားလုံး ထောင်ထဲမှာရှိစဉ် အဖွဲ့ချုပ်ကို ဦးကြည်မောင်က ဦးဆောင်လှုပ်ရှားပါတယ်။ အဲဒီမှာပင် ၁၉၉၀ ရွေးကောက်ပွဲဖြစ်လာပါ တယ်။ ရွေးကောက်ပွဲဝင်ဖို့ ထောင်ထဲမှာရှိတဲ့ ဦးတင်ဦး၊ ဦးထွန်းတင်၊ ဦးအောင်လွင် နှင့် မောင်မိုးသူတို့ကို လွှတ်တော် ကိုယ်စားလှယ်အဖြစ် အရွေးခံဖို့ အဖွဲ့ချုပ်မှ လက်မှတ်လာထိုးခိုင်းလို့ ဦးတင်ဦး၊ မောင်မိုးသူတို့ ၄ ယောက် အရွေးခံဖို့ လက်မှတ်ထိုးပြီး နောက်နေ့မှာပဲ ၄ယောက်စလုံး ထောင်ချလိုက်လို့ ၉၀ ရွေးကောက်ပွဲမှာ ၀င်အရွေး မခံဖြစ်ပါ။ ရွေးကောက်ပွဲလုပ်ရင် ထောင်ထဲကို ရောက်ရောက်နေလို့လည်း ဖြစ်မယ်ထင်ပါရဲ့။

၂၀၀၀ မှာ မောင်မိုးသူထောင်က လွတ်ပါတယ်။ နိုင်ငံရေးတာဝန် မယူတော့ဘဲ အနုပညာအလုပ်နှင့် ဒေါ်စုကို ၀င်ကူပါတယ်။ ဦးဝင်းတင်လွတ်လာတော့ ဦးဝင်းတင်ဘေးမှာ ရပ်ခဲ့ပါတယ်။ ၂၀၁၀ ရွေးကောက်ပွဲမှာ NLD က ရွှေဂုံတိုင်ကြေညာချက်ထုတ်ပြီး ရွေးကောက်ပွဲကို မ၀င်ခဲ့ပါဘူး။ ဒီတော့ ၂၀၁၀ ရွေးကောက်ပွဲကို မောင်မိုးသူ လည်း သပိတ်မှောက်ခဲ့ပါတယ်။၂၀၁၂ မှာ ကြားဖြတ်ရွေးကောက်ပွဲလုပ်တော့ ဒေါ်စုနှင့် NLD က ၀င်ရွေးပါ တယ်။ ကြားဖြတ်ရွေးကောက်ပွဲမှာလည်း မောင်မိုးသူ မဲဆန္ဒနယ်မဟုတ်လို့ မဲမပေးခဲ့ရပါ။

ဒီလို ဒီလိုနဲ့ ၂၀၁၅ နိုဝင်ဘာ ၈ ရက်နေ့မှာ ရွေးကောက်ပွဲ ပြုလုပ် ကျင်းပဖို့ ကြေညာလာပါတယ်။ လွှတ်တော် ကိုယ်စားလှယ်ပေါင်း ၆၀၀၀ကျော် ၀င်ရောက်အရွေးခံဖို့ တင်သွင်းကြပါတယ်။ အများဆုံးက NLD က ဖြစ်ပြီး ဒုတိယအများဆုံးက လက်ရှိအစိုးရကြံ့ခိုင်ရေးက ဖြစ်ပါတယ်။

NLD က လွှတ်တော်ကိုယ်စားလှယ်လောင်းတွေဟာ မောင်မိုးသူရဲ့ တူတွေ၊ တူမတွေ၊ ညီတွေ ခေတ်ရောက်နေ ကြပြီ လေ။ မောင်မိုးသူ နေ့စဉ်ထိုင် တဲ့ မောနင်း စတားဆိုင်ဝိုင်းထဲမှာ ကိုဝါးခယ်မသခင် သိန်းမောင်သား ကိုဇော် သိန်းက ၀ါးခယ်မက။ မိကွန်ချန်းက ပေါင်က။ မိုးကုတ်ကိုယ်စားလှယ် ၃ ယောက်လုံး ဒဂုံကရွေးတဲ့ သက်သက် ခိုင်၊ ကလောကရွေးတဲ့ ပြုံးပြုံးက မန္တလေးက။ စာရေးဆရာတွေဖြစ်တဲ့ မောင်မောင်သော်တို့၊ ငြိမ်းသစ်တို့၊ ရန်ကုန်က ၀င်းထွတ်ဇော်တို့၊ နေဘုန်းလတ်တို့ အားလုံး အားလုံး အရွေးခံကိုယ်စားလှယ်များ ဖြစ်လာကြပါ တယ်။

တစ်နေ့တော့ ပန်းဘဲတန်း မဲဆန္ဒနယ်မှာ အရွေးခံကိုယ်စားလှယ်များ တစ်အိမ်တက်ဆင်း မဲဆွယ်စည်းရုံးရေး ဆင်းလာတော့ မောင်မိုးသူ ၀ရန်တာမှ ထွက်ကြည့်ပါတယ်။ NLD က အရွေးခံကြတဲ့ ကိုယ်စားလှယ် ၃ ဦးက တော့ ဦးနေဖူးဗဆွေ (ဦးဗဆွေရဲ့သားဖြစ်ပါတယ်) မောင်မိုးသူရဲ့ သားကြီး မောင်ပန်းသီးတို့၊ ဗိသုကာညွန့် ၀င်းလေးတို့ ရဲ့ ကျောင်းနေဖက်ဖြစ်ပါတယ်။ နောက်တစ်ယောက်က ဦးဘမျိုးသိန်း ဖြစ်ပါတယ်။ သူကတော့ မောင်မိုးသူ နာယကလုပ်နေတဲ့ ဦးဝင်းတင်ဖောင်ဒေးရှင်းက အလုပ်အမှုဆောင်ဖြစ်ပါတယ်။ နောက် တစ် ယောက် ကတော့ ဒေါ်စိုးပပလှိုင်၊ သူကတော့ ကြိုင်လေး ခေါ် ဦးအုန်းကြိုင်ရဲ့ သမီးဆိုတော့ မောင်မိုးသူရဲ့သမီး၊ ဒီလှိုင်းရဲ့ အယ်ဒီတာ ဖြစ်ပါတယ်။ ၀ရန်တာမှာ ရပ်နေတဲ့ မောင်မိုးသူကိုမြင်တော့ ကိုယ်စားလှယ် ၃ ယောက် စလုံး မောင်မိုးသူရဲ့ ပထမထပ် အိမ်ပေါ်တက်လာပြီး နှုတ်ဆက် ကြပါတယ်။

သူတို့ရဲ့ ငယ်ရွယ်နုပျိုပြီးတက်ကြွတဲ့ အသွင်ကိုမြင်ရလို့ အသက် ၇၉ နှစ် ရှိပြီဖြစ်တဲ့ မောင်မိုးသူ အားရပါးရဖြစ် ပေါ်ရပါတယ်။ ၂၀၁၅ ရွေးကောက်ပွဲ ကို မောင်မိုးသူတစ်ယောက် ရွေးကောက်ပွဲအမြင်များ လို့ ဆောင်းပါးရေးခြင်းနဲ့ ၀င်ရောက် ယှဉ်ပြိုင်ကြမည့်သူများကို အားပေးဖို့ ဆုံးဖြတ်လိုက်ပါတယ်။ ဒါကြောင့် သံတော်ဆင့်မှာ ရွေး ကောက်ပွဲနှင့် မောင်မိုးသူဆောင်းပါး များ ရေးလိုက် ရခြင်းဖြစ်ပါတယ်။

မြန်မာသံတော်ဆင့်သတင်းဌာန- http://www.facebook.com/myanmarherald




ယခုလို့  တရုတ်ငွေစက္ကူအတု ယွမ် သန်းပေါင်း ၂၁၀ (ဒေါ်လာသန်း ၃၂သန်း ခန့်  )နဲ့  အတူ အရည်သွေးကောင်းတဲ့ ငွေတု ထုတ် စက်တွေကိုပါ Guangdong Province ကွမ်တုံ ပြည်နယ် ဟိုင်ဇောင် Huizhou မြို့ က စက်ရုံတရုံ မှာ ရဲတွေက ၀င်ရောက်စီးနင်းခဲ့ပါတယ်။

အလုပ်သမားပေါင်း ၂၉ ဦးနဲ့ အတူ အဓိက ဦးဆောင်လုပ်နေသူ ငါးဦးကိုပါ ဖမ်းဆီး နိုင်ခဲ့ပါတယ်၊ အတုငွေစက္ကူတွေကတော့ ၁၀၀ တန် ၅၀ တန်တွေဖြစ်ပြီး ငွေစက္ကူအတုတွေကို စက်တင်ဘာလ၂၇ရက် လပြည့်ည ဆုတောင်းပွဲတော်မှာ ပြည်တွင်းနဲ့  နယ်စပ် မြို့ တွေမှာ စတင် ဖြန့် မှာဖြစ်ပြီး ဖမ်းမိတဲ့သူတွေမှာ တရုတ်အစိုးရ ငွေစက္ကူထုတ် တဲ့နေရာမှာလုပ်ဘူးတဲ့  ၀န်ထမ်းဟောင်တဦးပါဝင်ကြောင်း တရုတ်ရဲတွေက ထုတ်ဖေါ်ပြော ဆိုခဲ့ ပါတယ်။

ယခုပြုလုပ်နေတဲ့  ငွေအတု စက်ရုံက ယွမ်ငွေ တွေဟာ နယ်စပ်တ လျှောက်က မှောင်ခို ဖြန့် ဖြူး ပေးမယ့် သူတွေကို ယွမ်အတု ၁၀၀ တန်တရွတ်ကို လေးဒေါ်လာ (ပုံမှန်မှာ ယွမ်ငွေ ၁၀၀ လျှင် ၁၆ ဒေါ်လာ)နဲ့ ရောင်းဘို့  ဈေးစပ်ပြီးမှ တရုတ်ရဲတွေက ငွေအတုစက်ရုံကို ခြေရာခံမိခဲ့ကြောင်း၊ ခုလို နိုင်ငံတော်အတွက် ထိခိုက်ဆုံး အန္တရယ်ပေးနေတာမို့  ပါဝင်ပါတ်သက်နေသူတွေကိုဆက်လက်ဖေါ်ထုတ်အရေးယူသွားမှာဖြစ် တယ်လို့  တရုတ်နိုင်ငံ အေဂျင်စီ သတင်းတွင် ဖေါ်ပြထားပါတယ်။

posted manager online
Social Action for Women - SAW

ဒီကနေ့ရန်ကုန်တိုင်း မင်္ဂလာတောင်ညွန့်မြို့နယ်က ဆိုက်ကားအစီးရေ ၂ဝဝ လောက် အမျိုးသားဒီမိုကရေစီအဖွဲ့ချုပ် ရွေးကောက်ပွဲ အောင်နိုင်ရေးအတွက် မင်္ဂလာတောင်ညွန့်မြို့နယ် အတွင်းမှာ မဲဆွယ်ခဲ့ကြပါတယ်။

မင်္ဂလာတောင်ညွန့်မြို့နယ် မဲဆန္ဒနယ်မှာ ပြည်သူ့လွှတ်တော် ၁ နေရာ၊ အမျိုးသားလွှတ်တော် ၁ နေရာနဲ့ တိုင်းဒေသကြီးအတွက် ၂ နေရာကို အမျိုးသားဒီမိုကရေစီအဖွဲ့ချုပ်က ကိုယ်စားလှယ် ၄ ယောက် ဝင်ရောက်ယှဉ်ပြိုင်မှာဖြစ်ပါတယ်။

ရိုက်ကူး - အောင်သိင်္ခ/RFA

ဒီကနေ့ရန်ကုန်တိုင်း မင်္ဂလာတောင်ညွန့်မြို့နယ်က ဆိုက်ကားအစီးရေ ၂ဝဝ လောက် အမျိုးသားဒီမိုကရေစီအဖွဲ့ချုပ် ရွေးကောက်ပွဲ အောင်နိုင်ရေးအတွက် မင်္ဂလာတောင်ညွန့်မြို့နယ် အတွင်းမှာ မဲဆွယ်ခဲ့ကြပါတယ်။မင်္ဂလာတောင်ညွန့်မြို့နယ် မဲဆန္ဒနယ်မှာ ပြည်သူ့လွှတ်တော် ၁ နေရာ၊ အမျိုးသားလွှတ်တော် ၁ နေရာနဲ့ တိုင်းဒေသကြီးအတွက် ၂ နေရာကို အမျိုးသားဒီမိုကရေစီအဖွဲ့ချုပ်က ကိုယ်စားလှယ် ၄ ယောက် ဝင်ရောက်ယှဉ်ပြိုင်မှာဖြစ်ပါတယ်။ရိုက်ကူး - အောင်သိင်္ခ/RFA

Posted by RFA Burmese on Sunday, September 27, 2015

ဟံသာဝတီ ဦးဝင်းတင်နှင့် စာရေးသူ ဦးခင်မောင်ထွေး (ဘယ်ဘက်က မျက်မှန်တပ်ထားသည့် အင်္ကျီ အဖြူနှင့် ထိုင်နေသူ) (ဓာတ်ပုံ – ဦးခင်မောင်ထွေး)

ဝါရင့် သတင်းစာဆရာ၊ အားကစား ကလောင်ရှင် ဆရာကြီး ဦးခင်မောင်ထွေး (ပျဉ်းမနား) ဒီကနေ့ (၂၇.၀၉.၂၀၁၅) တနင်္ဂနွေနေ့ နေ့လယ် ၃ နာရီ မိနစ် ၂၀ မှာ ကွယ်လွန်သွားပါတယ်။ ဆရာကြီး ကွယ်လွန်ချိန်မှာ အသက် ၈၅ နှစ်ရှိပါပြီ။ ဗိုလ်တထောင် သတင်းစာမှာ အားကစားသတင်းထောက် အဖြစ် စတင်ဝင်ရောက် တာဝန်ထမ်းခဲ့ပြီး အယ်ဒီတာ တစ်ဦးအဖြစ်လည်း လုပ်ဆောင်ခဲ့ပါတယ်။ မြန်မာနိုင်ငံ ဘောလုံးအဖွဲ့ချုပ် စည်းကမ်းထိန်းသိမ်းရေး ကော်မီတီရဲ့ ဥက္ကဌအဖြစ် ကွယ်လွန်ချိန်အထိ တာဝန်ယူ သွားခဲ့ပါတယ်။ မြန်မာနိုင်ငံ ဘောလုံးသမိုင်းစာအုပ်ကို အခြား အားကစားကလောင်ရှင်ကြီး များနဲ့ အတူ ပူးတွဲ ပြုစုခဲ့ပါတယ်။ ဘီဘီစီ မြန်မာပိုင်း အားကစား ကဏ္ဍ အတွက်လည်း ဘောလုံး သုံးသပ်ချက်တွေ၊ မြန်မာ့အားကစား သမိုင်းမှာ အထင်ကရ ဖြစ်ခဲ့သူများ အကြောင်း ဆောင်းပါးတွေ ရေးသားပေးခဲ့ပါတယ်။ ကွယ်လွန်ချိန်မှာ ဇနီးနဲ့ သားသမီး ခြောက်ဦး ကျန်ရစ်ခဲ့ပါတယ်။ ဆရာကြီးရဲ့ ဈာပနအစီအစဉ်ကိုတော့ မိသားစုက ဆက်လက်ထုတ်ပြန်သွားမယ်လို့ သိရပါတယ်။

BBC




အစိုးရဝန်ထမ်းတွေ သတ္တိရှိရှိမဲပေးဖို့ ဒီကနေ့ဒေါ်အောင်ဆန်းစုကြည် ဟုမ္မလင်းမြို့မှာတိုက်တွန်းပြောလိုက်ပါတယ်။

အစိုးရဝန်ထမ်းတွေ သတ္တိရှိရှိမဲပေးဖို့ ဒီကနေ့ဒေါ်အောင်ဆန်းစုကြည် ဟုမ္မလင်းမြို့မှာတိုက်တွန်းပြောလိုက်ပါတယ်။SPK Channel

Posted by Saw Phoe Kwar on Sunday, September 27, 2015
Video,Photo..Saw Phoe Kwar



ရွေးကောက်ပွဲမှာ အမျိုးသားဒီမိုကရေစီအဖွဲ့ချုပ် အပြတ်အသတ်အနိုင်ရရှိရေး သန္နိဋ္ဌာန်ချ ကြိုးပမ်းကြဖို့ ပါတီတည်ထောင်တဲ့ ၂၇ နှစ်မြောက်ကြေညာချက်မှာ တိုက်တွန်း ဖော်ပြလိုက်ပါတယ်။

စက်တင်ဘာ ၂၇ ရက်နေ့မှာ ပါတီထူထောင်ခြင်း ၂၇ နှစ်ပြည့်မြောက်ခဲ့ပြီဖြစ်ပြီး ၂၇ နှစ်အတွင်း ပြည်သူနဲ့ ထပ်တူခံစား ယှဉ်တွဲတိုက်ပွဲဝင်ခဲ့တဲ့ တခုတည်းသော ပါတီဖြစ်တယ်လို့လည်း ကြေညာချက်မှာ ဖော်ပြထားပါတယ်။

အဖွဲ့ချုပ်ဗဟိုအလုပ်အမှုဆောင် ဦးဝင်းထိန်က ပြည်သူလူထုဟာ အဖွဲ့ချုပ်ကို တောက်လျှောက်ထောက်ခံအားပေးလာတာ ခုချိန်ထိပဲလို့ ပြောပါတယ်။

“၁၉၉၀ ရွေးကောက်ပွဲမှာ ကျနော်တို့ အပြတ်အသတ်နိုင်တယ်၊ သို့သော်လည်းပဲ အာဏာ မရခဲ့ဘူး၊ အာဏာ မရသော်လည်းပဲ ပြည်သူလူထုဟာ ကျနော်တို့ အန်အယ်လ်ဒီကို ထောက်ခံတယ်ဆိုတဲ့အချက်ကို ကမ္ဘာက သိသွားတယ်။ အဲ့ဒီ သိတဲ့အချက်ဟာ အန်အယ်လ်ဒီအတွက် အမြတ်ပဲ၊ အလားတူပဲ ၂၀၁၂ ခုနှစ် ကြားဖြတ်ရွေးကောက်ပွဲမှာ ကျနော်တို့ အပြတ်အသတ်နိုင်တယ်။ အဲ့ဒီတော့ ပြည်သူလူထုဟာ ကျနော်တို့ပါတီအပေါ် ထောက်ခံမှု မပြတ်ဘူးဆိုတာ ဒါ ထင်ရှားတယ်။”

၂၇ နှစ်တာကာလအတွင်း ကြုံတွေ့ခဲ့ရတဲ့အနိဋ္ဌာရုံတွေကတော့ ၉၀ ရွေးကောက်ခံ ကိုယ်စားလှယ်တွေ ထောင်ကျတယ်၊ အဖွဲ့ချုပ်ဥက္ကဋ္ဌလည်း နေအိမ်အကျဉ်းချခံရတယ်၊ ဒီပဲယင်းမှာ အသက်အန္တရာယ်ပြုတဲ့ထိ ရန်ပြုခံခဲ့ရတယ် စသဖြင့် အများကြီး ကြုံတွေ့ခဲ့ရတယ်လို့လည်း ပြောပါတယ်။

အဖွဲ့ချုပ် ၂၇ နှစ်ပြည့် အထိမ်းအမှတ်နေ့မှာ ရွေးကောက်ပွဲမှာ အဖွဲ့ချုပ်အပြတ်အသတ်အနိုင်ရဖို့ သန္နိဋ္ဌာန်ချရတာက အပြတ်အသတ်နိုင်မှ အစိုးရဖွဲ့နိုင်မယ်၊ ဖွဲ့စည်းပုံပြင်နိုင်မယ်၊ ပြည်တွင်းငြိမ်းချမ်းရေးတည်ဆောက်ပြီး နိုင်ငံတိုးတက်ရာတိုးတက်ကြောင်း လုပ်ချင်လို့ ဖြစ်တယ်လို့လည်း ဗဟိုအလုပ်အမှုဆောင် ဦးဝင်းထိန်က ပြောပါတယ်။

အမျိုးသားဒီမိုကရေစီအဖွဲ့ချုပ်ကို ၁၉၈၈ ခုနှစ်၊ စက်တင်ဘာ ၂၇ ရက်မှာ စတင်တည်ထောင် ဖွဲ့စည်းခဲ့ပါတယ်။

DVB
http://burmese.dvb.no/archives/113728



ယခုတလော ပြည်ခိုင်ဖြိုး ပါတီက နယ်လှဲ့ မဲဆွယ်တရားဟောရာတွင် ကျယ်ကျယ်လောင်လောင် ဟောပြောလျက် ရှိနေသော အကြောင်းအရာများက (၁)သူတို့သာ ဒီမိုကရေစီ ဖေါ်ဆောင်သူများ၊ (၂) ဦးသိန်းစိန်သည် မိုးပေါ်က ကျလာခြင်း မဟုတ်။ (၃) မြစ်ဆုံ နှင့် ဒဂုံ စီမံကိန်းများ ရပ်ဆိုင်းသူ (၄) ကား၊ လက်ကိုင် ဖုန်းများ၊ ဆိုင်ကယ်များ ပေါပေါသီသီ ဖြစ်အောင် လုပ်နိူင်သူ များ (၅) ပြည်ခိုင်ဖြိုးသည် အမျိူးသားရေးကို ဦးတည်ဆောင်ရွက်မှာ ဖြစ်သဖြင့် ပြည်ခိုင်ဖြိုးကိုသာ ရွေးလျင် သင့် နောင်ရေး စိတ်အေးရပြီ အပ္ပါယ်တံခါး ပိတ်လိမ့်မည် စသည်ဖြင့် ရှိသမျ ပြောလို့ရတာ အကုန် ရှာကြံ ပြောနေကြသည်ကို ကြားနေရပေသည်။

ဤနေရာတွင် ဒေါ်စိန်အေးကျောင်းမှ ဆင်းလာကြရုံမျှမက အစိုးရ ဌာနကြီးများတွင် နှစ်ရှည်လများ လုပ်ကိုင်ခဲ့ကြသော ၀န်ကြီး ၀န်ကလေးများ၏ ရွေးကောက်ပွဲ ကြေငြာစာတမ်းများကို ကြည့်ပါလေ။ လမ်းဘေးမှာ တွန်းလှည်းဖြင့် ထီ ရောင်းသူပင် သူတို့ထက်သာအောင် ပြောနိူင် စည်းရုံးနိူင်ပေအုန်းမည်သာ။ သူတို့အတွက် ဤကဲ့သို့ သေရေးရှင်ရေး တမျှ အရေးကြီးသော ကိစ္စကိုပင် ပီပြင်အောင် လူရိုသေ ရှင်ရိုသေ ဖြစ်အောင် မလုပ်နိူင်ခဲ့ကြ။

အဆိုပါ လူများ၏ လက်ဝယ်တွင် တိုင်းပြည်အား နှစ် (၅၀) မျှ ၀ ကွက် အပ်ထားသလို ဖြစ်ခဲ့ရ၍ အခုလို နိူင်ငံတကာတွင် စစ်အေးတိုကိပွဲ အပြီးနောကိ အရှိန်အဟုန်နှင့် အီသီယိုးပီးယား ပါမကျန် တိုးတက်လာနေသော ခေတ်ကြီးတွင် လက်ကိုင်ဖုန်း ကိုင်ရ၊ ဆိုင်ကယ်စီးရသည့် အခြေအနေကို ဂုဏ်ယူ မဆုံးနိူင် ပြောဆိုနေကြသည်မှာလည်း ကိုယ့်အရည်အချင်း ကိုယ်ထုတ်ပြောနေသကဲ့သို့ပင်။

၂၀၀၀ ခုနှစ် အစပိုင်းကာလများတွင် စင်္ကာပူတွင် အလယ်တန်းကျောင်းသားများပင် လက်ကိုင်ဖုန်း ကိုယ်စီ ကို ကလေးကစားသလို မက်ဆေ့များ အပြန်အလှန်ပို့နေကြချိန်တွင် မြန်မာပြည်တွင် သိန်း ၃၀ မျ ပေးကိုင်နေကြရသည်။ ပိုက်ဆံရှိသော်လည်း ကိုင်ချင်တိုင်း ကိုင်မရ၍ မင်းသမီးများပင် ဖုန်းလိုင်စင် ချပေးနိူငိသူ စစ်ဗိုလ်မှုးများ၏ မယားငယ် ဘ၀ အရောက်ခံကာ ကိုင်ခဲ့ကြရသည့် အဖြစိပင် မဟုတ်ပါလား။

အသို့ဆိုက ကမ္ဘာတွင် ဘာလင်တံတိုင်းကြီး ဖြိုချခဲ့ခြင်း နှင့် အတူ စစ်အေးတိုက်ပွဲ အပြီး နိူင်ငံအားလုံး စစ်စရိတ်များ လျော့ချကာ တိုင်းပြည် တိုးတက်အောင် အားကြိုးမာန်တက် ဆောင်ရွက်နေကြချိန်တွင် တပ်ချူ ပ်ဟောင်းကြီး ဗိုလ်သန်းရွှေ ဦးဆောင်သော ပြည်ခိုင်ဖြိုး ပါတီ အကြီးအကဲ ဖြစ်လာကြသညိ့ တပ်မတော် ခေါင်းဆောင်များ ၎င်းတို့ အုပ်ချူ ပ်ခဲ့သည့် ၁၇ နှစ်တာ ပါတ် လုံး ဘာများ ထိုင်လုပ်နေသနည်းဟု မေးစရာ ဖြစ်လာရသည်။

တပ်ချူ ပ်ကြီး ဆိုသည့် လူက ဒါတွေ စိတ်မ၀င်စား အတိုက်အခံများနှင့် NLD ကို ဘယ်လို ချေမှုန်းရမလဲသာ သူ့ ခေါင်းထဲရှိသည်။ အတိုက်အခံပြု သူများကို ထောင်ဒဏ်ချသည်မှာ ကြားပင် မကြားဘူး နှစ် ရာချီပင် ရှိသည်။ အပြစ်မဲ့ ပြည်သူများကို ပစ်ခတ်သတ်ဖြတ်ခြင်း၊ အတင်းအကျပ် လုပ်အားပေး ခိုင်းစေခြင်း၊ အိုးအိမ်များမှ ရွှေ့ပြောင်းခံခဲ့ကြရခြင်း၊ လူပမယ် ကလေးများအား စစ်ထဲ အတင်းအကျပ် သွင်းခြင်းများ အပါအ၀င် တိုင်းရင်းသားဒေသများတွင် မုဒိမ်းမှူ များနှင့် မထင်လျင် မထင်သလို ပြစ်သတ်ပြစ်ခြင်း အစရှိသည်တို့ကို လက်လွတ်စပါယ် အတားအဆီး မရှိ ပြုလုပ်တာပဲ ပြည်သူအများ ခါးစီး ခံခဲ့ကြရပေသည်။

ထို့ကဲ့သို့ လူမဆန်မှု များကြောင့် နိူငိငံတကာမှ စီးပွားရေး ပိတ်ဆို့ သည့်ဒဏ် ခံရပြန်သည်။

၎င်းတို့ ၏ နိူင်ထက်ကလူ ပြု ကျင့်မှုများကို မသိချင်ယောင်ဆောင်၍ ဒေါ်အောင်ဆန်းစုကြည်ကြောင့် စီးပွားရေး ပိတ်ဆို့သည့်ဒဏ် ခံခဲ့ကြရပြန်သည်။ NLD သည် သူတို့ လုပ်ချင်တာ လုပ်မရအောင် ဆန့် ကျင်ခဲ့ကြ၍ မဲမပေးနှင့် ပြောလိုပြော ဖြစ်ကုန်ကြပြန်သည်။

NLD သည် ပါတီ တခုအဖြစ် မနည်း ရပ်တည်နေရပြီး ပါတီညီလာခံမျပင် ထိုကာလများက လုပ်ခွင့်မရ။ ၎င်းတို့၏ ခြိမ်းခြောက် အကျပ်ကိုင်မှုများကြောင့် နေစဉ်နှင့်အမျ လူအများ ပါတီမှ နှုတ်ထွက်နေသည့် သတင်းများကို ဟုတ်တာရော မဟုတ်တာပပါ သတင်းစာများတွင် တခမ်းတနား ထည့်သွင်းကြပြန်သည်။

ဤ ကဲ့သို့ ကိုယ့်ဘာသာ ပင် ရပ်တည်နိူင်အောင် မနည်း လှုပ်ရှားနေရသည့် ပါတီက သူတို့လုပ်သမျ ဆန့်ကျင်ခဲ့၍ လုပ်သမျ အရာမရောက်ဟု ဆိုနေခြင်းမှာ ရီစရာတော့ ကောင်းလှသည်။

နောက် ပြောင်းလဲမှု မရှိပဲ နောက် လေးငါး နှစ် ဒီအတိုင်း ဆက်သွားပါက တိုင်းပြည် ဘုံးဘုံးလဲတော့မည်ကို စီးပွားရေး က္ဈမ်းကျင်သူ ပညာရှင်များက ပြောကြားခဲ့ကြသည့် အပြင်၊ ဗေဒင် ကိန်းခန်းများအရ အသေထွက် ထွက်ရမည်ဟု ဟောပြောခဲ့ခြင်းများကြောင့် တပ်ချူပ်ကြီး အကြံကုန် ဂဋ္ဋန်ဆားချက် ဆိုသလို ဒေါ်အောင်ဆန်းစုကြည်အား အသေ လုပ်ကြံရန် ဒီပဲယင်း အရေး အခင်းကြီး ကို ဖန်တီးခဲ့တော့သည်။

သို့သော် ၎င်းအကြံ အထမမြောက်ခဲ့။ နိူငိငံတကာမှ အပြင်းအထန် ဝေဖန်ခံခဲ့ရပြီး ဂျပန်မှ စီးပွားရေး အကူ အညီများ လုံးဝ ရပ်ဆိုင်းလိုက်တော့သည်။ တခါမှ မဝေဖန် စဘူး အာဆီယံမှပင် သြော့် နှလုံး နာစရာ ကောင်းသော လုပ်ရပ်ဟု ပူးတွဲ ကြေငြာချက် ထုတ်ပြန်ခဲ့ရသည့် အထိပင်။

အမေရိကန်မှလည်း JADE ဟု အတိုကောက် ခေသော Junta Anti- Democratic Efforts ဆိုသော ဥပဒေ အတည်ပြု၍ နာမည်ပျက် စာရင်းသွင်း၊ ဘဏ်ငွေ စာရင်းများ ထိမ်းချုပ်ခြင်း အစရှိသည်ဖြင့် အရှိန်မြင့် အရေးယူလာခဲ့ရသည်။

ဤဖြစ်ရပ်များသည် ဘယ်သူမပြု မိမိမှု ကြောင့်ပင်။ ဤသည်ကိုပင် ဒေါ်အောင်ဆန်းစုကြည် လုပ်ခိုင်း၍ စီးပွားးေေး ပိတ်ဆဆို့ခံခဲ့ရသည်ဟု နောက်ပိုင်းတွင် လုပ်ကြံ ဆင်ခြေ ပေးကြပြန်သည်။

ထိုအခါကျမှပင် တပ်ချူ ပ်ကြီး ခြေမကိုင်မ်ိ လက်မကိုင်မိ ဖြစ်ကာဗိုလ်ချူ ပ်ခင်ညွန့် ကို လမ်းပြ မြေပုံ အဆွဲခိုင်းကာ နိူင်ငံတကာကို ခ္ဈေးသိပ်ရန်
ကြံလာခဲ့ခြင်းပင်။ ယခု စည်းကမ်းရှိ သော ဒီမိုကရေစီ ဆိုသည် အရပ်သားတပိုင်း အစိုးရ မျိူး ပေါ်ပေါက်ရန်ပင် ၇ နှစ်မျ ကြာခဲ့သော လမ်းပြမြေပုံကြီးသည် ဒီပဲယင်း အရေးးအခင်းကြီး နောက် ၃ လ မျ အကြာတွင် ပေါ်ပေါက်လာရသည့် အဖြစ်ကို တိုက်ဆိုင်မှု ဟု ဆိုပါက သူရူးများသာလျင် ယုံဘို့ ရှိပေသည်။

(ဆက်လက် ဆွေးနွေးသွားပါမယ်)

HSWo
BrainWave ဉာဏ်လှိုင်း


အာဏာရ ပြည်ထောင်စု ကြံ့ခိုင်ရေးနှင့် ဖွံ့ဖြိုးရေးပါတီမှ ထိပ်ပိုင်း ခေါင်းဆောင်များဖြစ်သော ဒုတိယ ဗိုလ်ချုပ်ကြီးဟောင်း ဝေလွင်၊ လယ်/ဆည်ဝန်ကြီး ဦးမြင့်လှိုင်တို့၏ စည်းကမ်းနှင့် မညီညွတ်သော မဲဆွယ် စည်းရုံးမှုများနှင့် မဘသမှ NLD ပါတီကို အပုပ်ချထားသော စာများဖြန့်ဝေမှုတွင် ကြံ့ခိုင်ရေး ပါတီဝင်များ ပါဝင်နေမှုကို အမျိုးသား ဒီမိုကရေစီအဖွဲ့ချုပ်(NLD) က ပြည်ထောင်စု ရွေးကောက်ပွဲ ကော်မရှင်ထံ သက်သေနှင့် တကွ တိုင်ကြားသော်လည်း အရေးယူပေးခြင်း မရှိခဲ့ကြောင်း NLD ပါတီဗဟိုအလုပ် အမှုဆောင်အဖွဲ့ဝင် ဦးဝင်းထိန်က ပြောသည်။

လာမည့် ရွေးကောက်ပွဲတွင် ပြဿနာများ ဖြစ်ပေါ်လာလျှင် စေ့စပ်ညှိနှိုင်းကာ ဖြေရှင်းနိုင်ရန်အတွက် ပြည်ထောင်စု ရွေးကောက်ပွဲ ကော်မရှင်က မဲဆန္ဒနယ် အများဆုံး ၀င်ရောက် ယှဉ်ပြိုင်မည့် နိုင်ငံရေး ပါတီ ၁၀ ပါတီ၊ ပြည်ထဲရေး ၀န်ကြီးဌာန၊ နိုင်ငံခြားရေးဝန်ကြီးဌာနတို့နှင့် စက်တင်ဘာလ ၁၄ရက်က နေပြည်တော် ၌ တွေ့ဆုံ ဆွေးနွေးစဉ် တိုင်ကြားခဲ့ခြင်းဖြစ်သည်။…

““နေပြည်တော်က ဗိုလ်ချုပ်ကြီးဟောင်း လှဌေးဝင်း၊ ဒုတိယ ဗိုလ်ချုပ်ကြီးဟောင်း ဦးဝေလွင်၊ နောက်ဦးမြင့်လှိုင် တို့က သတ်မှတ်ရက် မတိုင်ခင် စည်းရုံးရေးလုပ်တယ်။ ဦးလှဌေးဝင်း ဆိုရင် ထွေ/အုပ်တွေ ပါသွားတယ်။ အစိုးရ အရာရှိတွေ ပါသွားတယ်။ နောက်အစိုးရဌာနဆိုင်ရာ ယာဉ်တွေသုံးပြီး မဲဆွယ်တယ်။ မဲပေးဖို့လုပ်တယ်။ အထင် ရှားဆုံးကတော့ ဦးမြင့်လှိုင်။ ထီးတွေဝေတယ်။ ယပ်တောင်တွေ ဝေတယ်။ အဲဒီမှာ ဦးမြင့်လှိုင်ကို မဲပေးပါဆိုပြီး၊ အဖွဲ့ချုပ်က ကန့်ကွက်လွှာ တင်တာလည်း ဘာမှ အရေးယူခြင်းမရှိဘူး”” ဟု NLD ဗဟို အလုပ်အမှုဆောင် အဖွဲ့ဝင် ဦးဝင်းထိန်က ပြောသည်။

ထို့ပြင် သမ္မတရုံး ၀န်ကြီးတစ်ဦးဖြစ်သော ဦးစိုးသိန်းက အမျိုးသားလွှတ်တော် ကိုယ်စားလှယ်အဖြစ် ၎င်းဝင်ရောက် ယှဉ်ပြိုင်မည့် ကယားပြည် နယ် ဘော်လခဲမြို့နယ်တွင် မဲဆွယ်စည်းရုံးမည့် နေ့ရက် မစတင်မီ ဦးစိုးသိန်း ဖလား ဘောလုံးပြိုင်ပွဲများ ပြုလုပ်ပေးခြင်း၊ ပြိုင်ပွဲဝင် ရပ်ကွက်-ကျေးရွာ ၁၂ သင်းအတွက် အားကစားဝတ်စုံ၊ စားသောက်စရိတ်၊ ခရီးစရိတ် များ ထောက်ပံ့ပေးသဖြင့် ဝေဖန်မှုများ ဖြစ်ပေါ်စဉ်ကလည်း ပြည်ထောင် စု ရွေးကောက် ပွဲကော်မရှင်က ဒေသဖွံ့ဖြိုးရေးအတွက် လုပ်သောကြောင့် သည်းခံနားလည်ကြရန် ဟုသာ တုံ့ ပြန်ခဲ့ပြီး တစ်စုံတစ်ရာ အရေးယူခြင်းမရှိပေ။

အစိုးရအဖွဲ့ဝင်ဖြစ်ပြီး ရွေးကောက်ပွဲဝင်ရန် နာမည်စာရင်း ပေးသွင်း ထားသူများ အနေဖြင့် ရွေးကောက်ပွဲ မဲဆွယ်စည်းရုံးရာတွင် ဌာနဆိုင်ရာ ပစ္စည်းများ အသုံးချမှုနှင့် ပတ်သတ်၍ ပြည်ထောင်စု ရွေးကောက် ပွဲ ကော်မရှင် ဥက္ကဋ္ဌ ဦးတင်အေးက စက်တင်ဘာလ ၂ ရက်တွင်ပြုလုပ်သော သတင်းစာ ရှင်းလင်းပွဲတစ်ခု၌ ““၀န်ကြီးတွေ အစိုးရကားသုံးတယ်ဆိုရင် ငြိပါတယ်။ သူတို့က လုပ်တယ်ဆိုရင်တော့ အင်မတန် မိုက်မဲတာပေါ့။ သက်ဆိုင်ရာပါတီက တိုင်တယ်ဆိုရင် သူတို့ပြစ်မှုပြစ်ဒဏ်မှာ ငြိနေတယ်။ အဲဒါဆိုရင် ဒါချက်ချင်း ရဲအရေးပိုင်တဲ့ အမှုပါ။ ရဲစခန်းမှာ သွားအမှုဖွင့်လို့ ရပါတယ်။ ဒါက ရဲအရေးပိုင်တဲ့အမှု၊ ကော်မရှင် အလုပ်မဟုတ်ဘူး”” ဟု ပြောဆိုခဲ့ဖူးသည်။

ဝိုင်းမော်

- NLD ပါတီဗဟိုရွေးကောက်ပွဲ အောင်နိုင်ရေးအဖွဲ့ သတင်းစာ ရှင်းလင်းပွဲပြုလုပ်စဉ်။ ဓာတ်ပုံ-၀ိုင်းမော်

မြန်မာသံတော်ဆင့်သတင်းဌာန- http://www.facebook.com/myanmarherald



တပ်မတော်တွင် တာဝန် ထမ်းဆောင်လျက်ရှိသော တပ်မတော်သားများသည် ၎င်းတို့သက်ဆိုင်ရာ တပ်ရင်း ဌာနများမှာပင် မဲပေးရန် စီစဉ်ထားရှိပြီး ဖြစ် သည့်အတွက် မူလအိမ်ထောင်စု စာရင်းရှိရာ အရပ်ဘက် အမည်ဖြင့် မဲစာရင်း ပါဝင်လာမည့်အပါ် ပြည်ထောင်စု ရွေးကောက်ပွဲ ကော်မရှင်အနေဖြင့် အာမခံနိုင်မည် မဟုတ်ကြောင်း စက်တင်ဘာ၂၂ရက်က ကော်မရှင် ညွှန်ကြားရေးမှုး ဦးလှမောင်ချိုက မြန်မာသံတော်ဆင့်သို့ ပြောသည်။

နိုဝင်ဘာလ ၈ ရက်တွင် ကျင်းပမည့် ၂၀၁၅ ပါတီစုံ အထွေထွေ ရွေးကောက်ပွဲတွင် တပ်မတော်သားများသည် ၎င်း တို့ ရောက်ရှိနေသော တပ်ရင်းဌာနများ၌ပင် အဆိုပါမြို့နယ်၏ ရပ်ကွက်တစ်ခုအဖြစ် သတ်မှတ်ကာ ဆန္ဒမဲ ပေးရ မည်ဖြစ်သည့်အတွက် ၂၀၁၀နှင့် ၂၀၁၂ ရွေးကောက်ပွဲများနည်းတူ သက်ဆိုင်ရာ တပ်တွင်း ရွေးကောက်ပွဲ ကော်မ ရှင်မှ မဲရုံများ၊ မဲပုံးများကို စီစဉ်ထားရှိ သွားမည်ဖြစ်သည်။…

““တပ်မတော်က သတ်မှတ်တဲ့အတိုင်း ကျွန်တော်တို့ မဲရုံဆောက်ပေးတယ်၊ မဲပုံးတွေ စီစဉ်ပေးတယ်။ ၂၀၁၀/၂၀၁၂ တုန်းကလိုပဲ မဲပေးရမှာ။ တပ်တွင်းမှာ နေထိုင်သူ တပ်မတော်သားနဲ့ သူ့မိသားစုဝင်များ အားလုံးကို ပုံစံ ၆၆(၆)နဲ့ အိမ်ထောင်စု စာရင်းတွေ ထုတ်ထားပြီးသား။ မြန်မာနိုင်ငံ ရဲတပ်ဖွဲ့ရော၊ တပ်မတော် သားတွေရော။ သူတို့စာရင်းတွေကို သက်ဆိုင်ရာ မြို့နယ်တွေမှာ စာရင်းတွေ ပေးထားပြီးပြီ။ မိခင်တပ်ရင်း၊ ဌာနတွေကနေ တခြားနေရာ သွားရောက် တာဝန်ထမ်းဆောင် နေသူတွေကိုတော့ မိခင်တပ်ရင်း၊ ဌာနတွေက ပုံစံ(၁၅) မဲဆန္ဒပြင်ပရောက် ကြိုတင်မဲပေးရတယ်။ ရိုးရိုးတပ်သား၊ အရာခံတပ်ကြပ်ကြီး၊ အရာခံဗိုလ်၊ အရာခံ ဗိုလ်ကြီး၊ ဗိုလ်မှူးတွေက စစ်ဆင်ရေးတို့ လေ့ကျင့်ရေးတို့ မသွားရဘူးဆိုရင် တပ်တွင်းမှာပဲ ပေးရမှာပေါ့။ အရပ်ဘက်နာမည်နဲ့ မူလဒေသ မဲစာရင်းမှာ ပြန်ပါတာက သူတို့ မိသားစုဝင်တွေကပဲ ပယ်ဖျက်ရမှာ။ ကျွန်တော်တို့က တစ်ဦးချင်း လိုက်မကြည့်နိုင်ဘူး။ သူကဘယ်တပ်၊ ဘယ်ဌာနမှာ တာဝန်ထမ်း ဆောင်နေ ပါတယ်ဆိုပြီး လာပြောရမှာ။ ကျွန်တော်တို့က တစ်ဦးတစ်ယောက်ချင်း မသိနိုင်ပါဘူး”” ဟု ပြည်ထောင်စု ရွေးကောက်ပွဲ ကော်မရှင် ညွှန်ကြားရေးမှူး ဦးလှမောင်ချိုက ပြောသည်။

တပ်မတော်သားများနည်းတူ အစိုးရ လက်နက်ကိုင် အဖွဲ့တစ်ခု ဖြစ်သည့် မြန်မာနိုင်ငံ ရဲတပ်ဖွဲ့ဝင်များမှာလည်း ၎င်းတို့တာဝန်ကျရာ ဒေသတွင်ပင် တပ်တွင်းအိမ်ထောင်စု စာရင်းဖြင့် မဲပေးရမည် ဖြစ်သည့်အတွက် တပ်တွင်း အပြင် ပြင်ပတွင်ပါ မဲစာရင်းများ ပါလာနိုင်ဟု မဲစာရင်းနှစ်ခု ဖြစ်လာနိုင်သည့်အတွက် ရွေးကောက် ပွဲလေ့ လာ စောင့်ကြည့်ရေး အဖွဲ့များက စောင့်ကြည့်လျက်ရှိသည်။

““ကျွန်တော်တို့ကို တပ်ရင်းမှာပဲ မဲပေးဖို့ စီစဉ်ထားပါတယ်။ ကျန်တာပြောခွင့် မပေးထားပါဘူး””ဟု တနင်္သာရီတိုင်း၊ ရေးမြို့နယ်တွင် တာဝန်ကျနေသည့် တပ်မတော်သားတစ်ဦးက ဆိုသည်။ အလားတူ ပြင်ဦးလွင်၌ စစ်တက္ကသိုလ်တွင် တက်ရောက်နေသည့် ဧရာဝတီတိုင်းသား ဗိုလ်လောင်းတစ်ဦး ကလည်း ““ကျွန်တော်က ဒီဇင်ဘာမှ ပြန်ရ မှာလေ။ ကျောင်းမှာပဲ မဲပေးရမှာပါ။ ကျွန်တော်တို့ကို သတင်း စည်းကမ်းရှိဖို့ ပြောထားတဲ့အတွက် ပိုပြီးပြောခွင့်မရှိပါဘူး”” ဟု ပြောသည်။

ဝတ်ရည်နွေးနွေး

မြန်မာသံတော်ဆင့်သတင်းဌာန- http://www.facebook.com/myanmarherald


စစ်ကိုင်း၊ စက်တင်ဘာ ၂၃

မန္တလေးမြို့ အခြေစိုက် နေ့စဉ်ထုတ်သတင်းစာဖြစ်သည့် မန္တလေးနေ့စဉ်တွင် ““ရွှေဝါရောင်သံဃာများ တစ်အိမ် တက်ဆင်း မဲဆွယ်မည်”” ဟူသည့်သတင်းအား စက်တင်ဘာလ ၂၂ ရက်က ဖော်ပြခဲ့ရာ ယင်းမှာ မဟုတ်မမှန် ကြောင်းနှင့် The Messenger သတင်းဂျာနယ်နှင့် မန္တလေးအလင်းနေ့စဉ်ထုတ် သတင်းစာတို့ကို ရှုတ်ချကြောင်း မန္တလေးမြို့၊ ရွှေဝါရောင် သံဃာ့ကွန်ရက်အဖွဲ့မှ ဘ၀အလင်းဆရာတော် ဦးသောဘိတ က မြန်မာသံတော်ဆင့် သို့ မိန့်သည်။

မန္တလေးအလင်း နေ့စဉ်ထုတ်သတင်းစာကို The Messenger သတင်းဂျာနယ်တိုက်မှ ဦးစီးထုတ်ဝေခြင်းဖြစ်ပြီး အဆိုပါသတင်းတွင် လယ်တီသိမ်ဖျက်သူများ၊ ဘုန်းကြီးများအား မီးလောင်ဗုံးနှင့်ပစ်ခဲ့သူများ၊ သံဃာများအား သတ်သောသူများ၊ သံဃာများအား ထောင်သွင်း အကျဉ်းချထားသူများ၊ ပိုက်ဆံယူ၍ ဘင်္ဂါလီခိုးသွင်းသူများအား မဲမပေးရန် ရွှေဝါရောင်သံဃာတော်များက ပြောဆိုသွားမည်ဖြစ်ကြောင်း ဖော် ပြထားသည်။…

““ရွှေဝါရောင်သံဃာများ တစ်အိမ်တက်ဆင်း မဲဆွယ်မည်ဆိုတဲ့ သတင်းပါလာတော့ ဦးဇင်းတို့အနေ နဲ့ အတော် လည်းအံ့သြမိပါတယ်။ အဲဒီခေါင်းစဉ်နဲ့ ပတ်သက်လို့ ဦးဇင်းတို့ ရွှေဝါရောင်သံဃာတော်တွေ က ပြောကြားခဲ့တာ မဟုတ်ဘူးဆိုတာကို ဖြေရှင်းချက်ပေးဖို့ အတွက် ပြောရခြင်း ဖြစ်ပါတယ်။ တကယ်လို့ ရွှေဝါရောင်သံဃာတစ် ပါးပါးကနေပြီးတော့ သူ့ရဲ့ဆန္ဒနဲ့ ပြောခဲ့လို့ရှိရင်လည်း အဲဒီတစ်ပါး ရဲ့ဘွဲ့တွေ၊ ကျောင်းတွေကိုပါရမယ်၊ ထည့်ရ မယ့်တာဝန်ရှိတယ်”” ဟု ဘ၀အလင်းဆရာတော် ဦးသောဘိတက မိန့်သည်။

မန္တလေးနေ့စဉ်သတင်းစာပါ အဆိုပါသတင်းနှင့်ပတ်သက်၍ စက်တင်ဘာ ၂၃ ရက်က အမရပူရမြို့ နယ်၊ ဘ၀ အလင်းအခမဲ့ ဆေးပေးခန်းတွင်လည်း သတင်းစာရှင်းလင်းပွဲ ပြုလုပ်ခဲ့ပြီး ထုတ်ပြန်ချက်တစ်စောင် ကိုလည်း ထုတ်ပြန်ခဲ့သေးသည်။ ထုတ်ပြန်ချက်တွင် သတင်းပါအချက်အလက်များမှာ မမှန်ကန်ကြောင်း၊ ယင်းသို့ရေးသားမှုအပေါ် ရှုတ်ချ ကြောင်းနှင့် နောက်နောင် The Messenger သတင်းဂျာနယ်နှင့် မန္တလေးအလင်း နေ့စဉ်ထုတ် သတင်းစာပါ ရွှေဝါရောင်သံဃာတော်များနှင့် ဆက်စပ်သည့်သတင်းများမှာ ၎င်းတို့၏ အာဘော်သာဖြစ်ကြောင်း ပါရှိသည်။

““ဒီကိစ္စနဲ့ပတ်သက်လို့ သူတို့ မနေ့ညကပြောတယ်၊ သူတို့လာခဲ့ပါ့မယ်၊ ထပ်ပြီးသတင်းယူမယ်ပေါ့။ အဲဒီမှာ ဦးဇင်းက အပြတ်ပြောလိုက်တယ်၊ လုံးဝမလာခဲ့နဲ့လို့၊ မင်းတို့နဲ့ ငါတို့နဲ့ ပတ်သက်စရာဘာအကြောင်း မှမရှိတော့ ဘူးလို့။ ဦးဇင်းတစ်ပါးတည်းရဲ့အမြင်နဲ့ အွန်လိုင်းပေါ်မှာ ရေးခဲ့တယ်၊ အဲဒါဘာလဲဆိုတော့ ဒီမန္တလေးအလင်း သတင်းစာဟာ ရွှေဝါရောင်နဲ့ မဘသကို ရန်တိုက်ပေးတဲ့စိတ်လုပ်လာပြီလို့ သံသယဖြစ်မိတယ်””ဟု ဘ၀ အလင်းဆရာတော်ဦးသောဘိတက မိန့်သည်။

ရွှေဝါရောင်သံဃာများ တစ်အိမ်တက်ဆင်း မဲဆွယ်မည်ဟူသည့် သတင်းဖော်ပြချက်နှင့် ပတ်သက်၍ စက်တင် ဘာ၂၃ရက်ထုတ် မန္တလေး အလင်းနေ့စဉ်သတင်းစာတွင်““ရွှေဝါရောင်သံဃာတော်များနှင့် မြ၀တီ ဆရာတော် ကြီးကို ဦးထိပ်ထား၍မဲဆွယ်မည်””ဟုပြင်ဆင်ဖတ်ရှု ရန်နှင့် ရွှေဝါရောင်သံဃာတော်များ၏ သဘောထားအား ထည့်သွင်းမေးမြန်းရန် ပျက်ကွက်ခဲ့သည့်အပြင် အထင်အမြင် လွဲမှုများရှိခဲ့နိုင်သည့်အတွက် ရှိခိုးဦးခိုက် တောင်း ပန်ကြောင်း တောင်းပန် စာကို ထည့်သွင်းဖော်ပြထားသည်။ The Messenger ဂျာနယ်ကို လက်ရှိ ပြည်ထောင်စုရွေးကောက်ပွဲကော်မရှင် ဥက္ကဋ္ဌဦးတင်အေး၏ သားဖြစ်သူ ဦးဇော်မင်းအေးက အမှုဆောင်အရာရှိချုပ်အဖြစ်တာဝန်ယူ လုပ်ကိုင်နေခြင်းဖြစ်သည်။

အောင်ကိုဝင်း

မြန်မာသံတော်ဆင့်သတင်း

“ဒေါင်းနိုင်ငံသစ်”

မောင်းတီးသမို့ …. လူစုပြီ
ဒေါင်းစီးလို့ …. လူထုချီ
ပေါင်းစည်းသမို့ …. ညီညွတ်သည်
ကောင်းချီးပို့ …. မြန်တိုင်းပြည်
ဒေါင်းတီ … ဒေါင်းတွတ် … ဒေါင်းမြစ် … ဒေါင်းမြေး
ဒေါင်းသွေး … ဒေါင်းသား … ဒေါင်းသမီး … ဒေါင်းအရီး
ဒေါင်းပျို … ဒေါင်းအို … ဒေါင်းကလေး … ဒေါင်းထွေး
ဒေါင်းဘီ … ဒေါင်းဘေး … ဒေါင်းဘိုး … ဒေါင်းဘွား
ဒေါင်းတရားနဲ့ မွှမ်းထုံသီ
ဒေါင်းမျိုးဆက်တို့ … အားမန်ချီ
ဒေါင်းရထားကြီး … ထွက်တော့မည်
ဒေါင်းဘုရင်မ … လမ်းပြသည်
လိုက်မှာလားကွဲ့  … ဒေါင်းတခေတ်ဆီ
ဒေါင်းနိုင်ငံသစ် … တည်နေပြီ ။ ။

( မင်းကောင်းချစ်)
တနင်္ဂနွေနေ့  နံနက် (၁၁) နာရီ (၁၁) မိနစ်
စက်တင်ဘာ (၂၇) ရက် ၂၀၁၅ ခုနှစ်



 အမျိုးသား ဒီမိုကရေစီ အဖွဲ့ချုပ်ဥက္ကဋ္ဌ လူထုခေါင်းဆောင် ဒေါ်အောင်ဆန်းစုကြည်သည် စက်တင်ဘာလ ၂၇ ရက်နေ့ ယနေ့နံနက် ၈ နာရီက ဟုမ္မလင်းမြို့တည်းခိုရာ အမျိုးသား ဒီမိုကရေစီ အဖွဲ့ချုပ်ရုံးမှ ပရိယတ္တိစာသင်တိုက်တွင် သံဃာတော် အရှင်သူမြတ်တို့အား ၀ါဆိုသင်္ကန်း ဆက်ကပ် လှူဒါန်းခဲ့သည်။ ၎င်းနောက် ခိုပဲဝ ရပ်ကွက် ဘုရားဝင်းတွင် ဒေသခံပြည်သူများ ရွေးကောက်ပွဲဆိုင်ရာ ပညာပေး ဟောပြောပွဲ ပြုလုပ်ခဲ့ပြီး ပြည်သူများနှင့် မေးမြန်းမှုများကို ပြန်လည်ဖြေကြား ခဲ့သည်။

National League for Democracy
https://www.facebook.com/NLDParty




TNLA ​နဲ့ ​အ​စိုး​ရ​တပ်​ကြား ​တိုက်​ပွဲ​တွေ ​ဆက်​တိုက် ​ဖြစ်​ပေါ်။ 
 ရှမ်းပြည် မြောက်ပိုင်း တအာင်း ပလောင်ဒေသ နေရာ အနှံ့မှာ အခုလ စက်တင်ဘာ ၁၉ ရက် နေ့ ကစပြီး ဒေသခံ တအောင်းပလောင် လက်နက်ကိုင် TNLA နဲ့ အစိုးရတပ်ကြား တိုက်ပွဲတွေ ဆက်တိုက် ဖြစ်ပေါ် နေပါတယ်။

နမ္မတူ၊ နမ့်ဆန်၊ ကျောက်မဲ၊ မိုင်းတုံ၊ မူဆယ် နဲ့ ကွတ်ခိုင် မြို့နယ် တွေ မှာ အစိုးရ တပ်တွေ နဲ့ ကြား တိုက်ပွဲတွေ၊ ထိတွေ့ ပစ်ခတ်မှု တွေ ဖြစ်ပေါ် နေတယ် လို့ TNLA က ပြောပါတယ်။

အစိုးရတပ် တွေ ဟာ နယ်မြေခံ အခြေစိုက် တပ် တွေ မဟုတ်ပဲ တပ်မ ၇၇၊ ၈၈ နဲ့ ၉၉ လက်အောက်ခံ တပ်တွေ ဖြစ်ပြီး အဲဒီ့ တပ်တွေဟာ TNLA လှုပ်ရှား ရာ နယ်မြေ တွေ ကို ဝင်ရောက်ကာ လိုက်လံ တိုက်ခိုက် နေတာ ဖြစ်တယ် လို့ TNLA ရဲ့ ပြောခွင့်ရ မိုင်အိုက်ကျော် က ဘီဘီစီ ကို ပြောပါတယ်။

ဒီ ရက်ပိုင်း တိုက်ပွဲ တွေမှာ အစိုးရ တပ်သား ၃၀ ကျော် ကျဆုံးပြီး ဖြစ်တယ် လို့ သတင်းတွေ ထွက် နေပေမယ့် သီးခြား အတည်ပြုမှု တော့ မရရှိ သေးပါဘူး။

တနိုင်ငံလုံး အပစ်ရပ် သဘောတူမှု စာချုပ် NCA ထဲ မပါဝင် ရဘူး ဆိုပြီး အစိုးရ ဘက်က ငြင်းဆန် ထားတဲ့ တိုင်းရင်းသား တပ်တွေ ထဲ TNLA ပါဝင်ပေမယ့်၊ ပြီး ခဲ့တဲ့ စက်တင်ဘာ ၁၈ ရက်နေ့ ကပဲ မြန်မာ ငြိမ်းချမ်းရေး စင်တာ က တဆင့် bilateral လို့ ခေါ်တဲ့အစိုးရ နဲ့ TNLA ကြား ၂ ဖွဲ့ချင်း အပစ်ရပ် လက်မှတ် ထိုးဖို့ ကမ်းလှမ်း ခဲ့ပါတယ်။

ဒါပေမယ့် အဲဒီလို ပြောပြီး နောက် တစ်ရက်မှာ ပဲ တအာင်း ပလောင်ဒေသ ထဲ တိုက်ပွဲတွေ ဖြစ်ပေါ် လာခဲ့ ပါတယ်။

BBC Burmese
http://www.bbc.com/burmese/burma/2015/09/150926_tnla_fighting



ဗန်းမော်ခရိုင် မန်စီမြို့နယ်ထဲမှာ ကချင်လက်နက်ကိုင်တပ်နဲ့ မြန်မာစစ်တပ်တို့ကြား တိုက်ပွဲတွေပြင်းထန်နေတဲ့အတွက် မန်စီက စာသင်ကျောင်းတချို့ ပိတ်လိုက်ရသလို ဒေသခံရွာသားတွေလည်း ထွက်ပြေးတိမ်းရှောင်နေကြရပါတယ်။ ကချင်လက်နက်ကိုင်အဖွဲ့ အပါအဝင် တိုင်းရင်းသား လက်နက်ကိုင်အဖွဲ့တွေနဲ့ အစိုးရတို့အကြား တနိုင်ငံလုံး အပစ်ရပ်စာချုပ် ချုပ်ဆိုနိုင်ရေး ကြိုးပမ်းနေချိန်မှာပဲ အခုလို တိုက်ပွဲတွေ ပြင်းထန်လာနေတဲ့အတွက် စစ်မှန်တဲ့ငြိမ်းချမ်းရေး ဖော်ဆောင်နိုင်ပါ့မလား ဆိုတဲ့ မေးခွန်းတွေနဲ့ ဒေသတွင်း ရွေးကောက်ပွဲ ကျင်းပနိုင်ရေး အပေါ် စိုးရိမ်မှုတွေ ထွက်ပေါ်လာနေပါတယ်။ အသေးစိတ် မဆုမွန် ဆက်ပြောပြပါမယ်။

စက်တင်ဘာ ၂၅ ရက်နေ့ညကစလို့ ဒီကနေ့အထိ ကချင်ပြည်နယ် ဗန်းမော်ခရိုင် မန်စီမြို့နယ်ထဲမှာ မြန်မာစစ်တပ်ဘက်က ကချင် လွတ်မြောက်ရေးတပ် ကေအိုင်အေ တပ်စခန်းချထားတဲ့ နေရာတွေကို ဆက်တိုက် ပစ်ခတ်နေလို့ တိုက်ပွဲတွေပြင်းထန်နေတယ်လို့ ဒေသခံတွေက ပြောပါတယ်။ ဒါကြောင့် မန်စီမြို့နယ်ထဲက စာသင်ကျောင်းတွေ ပိတ်လိုက်ရပြီးတိုက်ပွဲတွေဖြစ်ပွားရာဒေသတွေဖြစ်တဲ့ မန်စီမြို့နယ် အတွင်း ကျေးရွာတွေနဲ့ မိုင်းခေါင် ကျေးရွာထဲမှာ လုံခြုံရေး အထူးစိုးရိမ်စရာဖြစ်နေတယ်လို့ မိုင်းခေါင် ကျေးရွာ စခန်းတာဝန်ရှိသူ ဦးဇဘောင်နော်က ဗွီအိုအေကို ပြောပါတယ်။

"မနေ့ညက ၁၂နာရီကနေ ဗန်းမော်ဘက်ကနေ စစ်ကြောင်းတက်လာပြီးမှ မန်စီမှာ ဝင်သွားပါတယ်။ ညကြီးထဲမှာ နေရာယူပြီးမှ မနက်ကျတော့ မန်စီရွာထဲမှာ ဘုရားကုန်းရှိတယ်။ အဲ့ဒီ့မှာ လက်နက်ကြီး ထားပြီးမှ အဲ့ကနေ လက်နက်ကြီး ထု တယ်။ ကေအိုင်အေ ရှိတဲ့နေရာ တပ်ရင်း (၁) ဟုတ်တယ် ကေအိုင်အေ တပ်ရင်း(၁) အဲ့နားမှာ ရွာထဲ မန်စီအကျော် မှာ ထိုင်ထားတဲ့ ဂိတ်ကို အစိုးရတပ်ဘက်က လက်နက်ကြီး ထုလို့ ။ အဲ့ဒီ့ဘက်ကို တနေကုန် လက်နက်ကြီး ထုပါတယ်။ အဲ့တော့ ကေအိုင်အေ ဌာနချုပ် ဂိတ် ထွက်ပြေးသွားရပါတယ်။

"အခုချိန်အထိ ကချင်လက်နက်ကိုင်စခန်းရှိရာနေရာတွေကို မြန်မာတပ်ဘက်က စစ်အင်အားတွေ တိုးချဲ့ချထားပြီး လက်နက်ကြီးတွေနဲ့ ဆက်တိုက်ပစ်ခတ်နေဆဲပဲဖြစ်လို့ ဒေသခံတွေက သူတို့ရဲ့အသက်အန္တရာယ်ကို စိုးရိမ်ပြီး ထွက်ပြေးတိမ်းရှောင်နေကြရတယ်လို့လည်း ကချင်ဒေသခံ ဦးဇဘောင်နော်က ပြောပါတယ်။

"အပြန်အလှန် တိုက်ခိုက်မှုတော့ မရှိဘူး။ ဒါပေမဲ့ အစိုးရစစ်တပ်ဘက်က အကြိမ်ပေါင်းများစွာ လက်နက်ကြီးထုတဲ့အတွက် ရွာသားတွေ မခံနိုင်တဲ့အတွက် အခုက ရွာသားတွေ အကုန် ထွက်ပြေးကုန်ပြီ။ ကျောင်းနံဘေးမှာ ပျဉ်းကတိုး စိုက်ခင်းရှိတယ်။ ပျှုဉ်းကတိုးစိုက်ခင်းကနေလည်း လက်နက်ကြီးနဲ့ ထု။ ပြီးတော့ ရွာသစ်ကုန်းကနေ လက်နက်ကြီးနဲ့ထု၊ ဒီကုန်းကနေလည်း လက်နက်ကြီးနဲ့ထု ရွာသားတွေက မခံနိုင်တဲ့အတွက် ကြောင့် ဒီမန်စီမြို့နယ်ထဲမှာ စာသင်ကျောင်းကို ပိတ်ထားရတဲ့ အခြေအနေမျိုးဖြစ်ပါတယ်။"

အခုဆို ဒုက္ခသည်စခန်းတွေကို လာရောက်ခိုလှုံနေကြရတဲ့ ဒုက္ခသည်တွေ ထောင်ချီနေပြီဖြစ်ပြီး စားနပ်ရိက္ခာနဲ့ နေထိုင်ရေး အခက်တွေ့နေကြ ရတယ်လို့ ပြောပါတယ်။

"အဲ့တော့ ကျနော့် စခန်းမှာကတော့ လူဦးရေ တစ်ထောင်နဲ့ လေးရာလောက်ရှိနေပါပြီ။ ပြီးတော့ ကျနော်တို့ မိုင်းခေါင်ကျေးရွာမှာလည်း တအား ဒုက္ခရောက်နေပါတယ်။ ဘာကြောင့်လဲဆိုတော့ အစိုးရစစ်တပ်က ကျနော်တို့ ကမ့်နဲ့ အစိုးရစစ်တပ်က နံရံပဲ ခြားတာဆိုတော့ လက်နက်ကြီးက စခန်းနားကနေ ထုတယ်ဆိုတော့ ကျနော်တို့ စခန်းတွင်းမှာလည်း တော်တော်လေး ပြဿနာ ရှိနေပါတယ်။ ပြီးတော့ ရွာထဲ မိုင်းခေါင်ကျေးရွာ အုပ်စု ရပ်ကွက် (၁) မှာလည်း အစိုးရစစ်တပ်က သွားထိုင်ထားတယ်ဆိုတော့ ရွာသားတွေက တအား ဒုက္ခရောက်နေပါတယ်။ ပြီးတော့ အဲ့မှာလည်း မအိပ်ရဲ မနေရဲ။ ပြီးတော့ ဒီမနက်လည်း ပုဂ္ဂိုလ် တယောက်ကို ဒီအစိုးရစစ်တပ်ဘက်က ဖမ်းပြီးမှ ခြေချုပ်ပြီးမှ ဒီအတိုင်းပဲ ခေါ်ဆင်းလာတာမျိုး ဖြစ်နေပါတယ်။ အဲ့လိုမျိုးတွေဖြစ်နေတော့ ကျနော်တို့လည်း ဘယ်လိုအနေအထားဖြစ်လာမယ်ဆိုတာ အသေအချာ အတိအကျ မသိရသေးဘူး။ အခုက တအား ဒုက္ခရောက်တာက အပြင်မှာလည်း ရှာစားလို့လည်း မလွယ်တော့ဘူး အခုက အကုန်လုံး သူတို့က အင်အားဖြည့်ထားတာဆိုတော့ သူတို့ သွားလာရေးအတွက် တော်တော်လေး ပြဿနာ ရှိနေပါတယ်။ "

စစ်တပ်ဘက်က နယ်မြေစိုးမိုးရေးအတွက် စစ်တပ်အင်အားတွေ တိုးချလာသလို အခုလိုတိုက်ပွဲများ ဆက်လက်ဖြစ်ပွားပြီး စစ်ရေး တင်းမာလာနေမယ်ဆိုရင် မကြာခင်ကျင်းပတော့မယ့် ရွေးကောက်ပွဲအတွက် ကချင်ပြည်နယ်ထဲက မဲဆန္ဒနယ် အချို့ ရွေးကောက်ပွဲ ဖျက်သိမ်းပစ်နိုင်တဲ့အထိ လုံခြုံရေး စိုးရိမ်ဖွယ်ရာဖြစ်လာနေတယ်လို့ ကချင့်အရေးလှုပ်ရှားသူ မခွန်ဂျာက သုံးသပ်ပါတယ်။

"အခုလောလောဆယ် အနေအထားနဲ့ဆို မန်စီမြို့ထဲ မန်စီမြို့နားကို ရောက်လာတယ်လို့တောင် ယူဆလို့ရတယ်။ မြို့ထဲကို ရောက်လာ တယ်ဆိုတာ ကေအိုင်အိုက ရောက်လာတာမဟုတ်ဘူး။ သို့သော်လည်းပဲ မန်စီမြို့ရဲ့ ဈေးနားက စစ်တပ်ကနေပြီးတော့မှ ကေအိုင်အိုရှိရာ အရပ်လို့ ယူဆလို့ရတဲ့ နေရာတွေကို ရမ်းပြီးတော့မှ အမြောက်တွေနဲ့ ပစ်နေတာပေါ့နော်။ အဲ့တော့ မော်တာကြီးတွေနဲ့ ပစ်နေတဲ့အခါကျတော့ အကယ်လို့များ ပြန်ပစ်တယ်ဆို မြို့ဘက်ကို ရောက်လာမှာပေါ့။ အဲ့တော့ ဒီအခြေအနေတွေကို ကြည့်မယ်ဆိုရင် တပ်မတော်ဘက်က လုံးဝ ငြိမ်းချမ်းရေးကို မလိုချင်ဘူး။ ပြီးလို့ရှိရင် ၂၀၁၅ ရွေးကောက်ပွဲအတွက်လည်း အများကြီး စိုးရိမ်ပါတယ်။ ရွေးကောက်ပွဲ မဖြစ်အောင်ဘဲ လုပ်သလားပေါ့။ ဘာဖြစ်လို့လဲဆိုတော့ State of Emergency ဖြစ်သွားတယ်ဆိုပြီး Martial law declared လုပ်လိုက်ရင် ဒီနေရာတွေက ရွေးကောက်ပွဲ ဖြစ်တော့မှာမဟုတ်ဘူး။ ဒီလိုတိုက်ပွဲကြားမှာ ဘယ်ပြည်သူမှလည်း မဲလာထည့်ကြမှာ မဟုတ်ဘူး။"

အခုလို မြန်မာစစ်တပ်ဘက်က စစ်အင်အားတွေတိုးချဲ့ချလာပြီး ကချင်တပ်တွေနဲ့တိုက်ပွဲတွေဖြစ်တဲ့အပေါ် ဒေသခံတွေဘက်က ကချင်လက်နက်ကိုင် တပ်အပါအဝင် တိုင်းရင်းသားလက်နက်ကိုင်အဖွဲ့တွေနဲ့ တနိုင်ငံလုံးအပစ်ရပ်စာချုပ်ချုပ်ဆိုပြီး တပြည်လုံး အတိုင်းအတာနဲ့ စစ်မှန်တဲ့ငြိမ်းချမ်းရေး အမှန်တကယ် ဖော်ဆောင်နိုင်ပါ့မလားဆိုတာကိုလည်း စိုးရိမ်နေကြပါတယ်။ အခုဆိုရင် မြန်မာစစ်တပ်နဲ့ လက်ရှိ ကချင်တပ်အပြင် ရှမ်းပြည်နယ်နဲ့ တိုင်းရင်းဒေသအချို့မှာပါ စစ်ရေးတင်းမာမှုတွေဖြစ်ပွားနေတာဖြစ်ပါတယ်။

မဆုမွန်/VOA
http://burmese.voanews.com/content/schools-in-mansi-areas-close-due-to-keep-fighting-/2980373.html

မကွေးမြို့က NLD မဲဆွယ်စဉ်မကွေးမြို့သူမြို့သားတွေနဲ့ အားရဝမ်းသာကြိုဆိုနေကြ

မကွေးတိုင်းဒေသကြီး ဂန့်ဂေါမြို့နယ်၊ ကန်ရွာအုပ်စု၊ မြောက်ခရမ်းရွာမှာ ဒေါ်အောင်ဆန်းစုကြည်နဲ့ NLD ပါတီကို မဲမပေးကြဖို့ တိုက်တွန်းစာရွက်တွေကို ပြီးခဲ့တဲ့ စက်တင်ဘာလ ၂၁ ရက်နေ့က ရွာရဲ့ဘုန်းကြီးကျောင်းမှာ ဖြန့်ဝေ ခဲ့တဲ့အတွက် ဂန့်ဂေါခရိုင် အမျိုးသားဒီမိုကရေစီအဖွဲ့ချုပ်က ကန်ရွာအုပ်စု ရဲစခန်းမှာ အမှုဖွင့်လိုက်ပါတယ်။

အဲ့ဒီစာရွက်တွေကို ရွာရဲ့ဘုန်းကြီးကျောင်းမှာ လာဝေခဲ့တာဖြစ်ပြီး စာရွက်ဖြန့်ဝေသူ နှစ်ယောက်ကို ကန်ရွာအပိုင် ရဲစခန်းမှာ ပုဒ်မ ၅၈ (ဂ) နဲ့ အမှုဖွင့်ထားတယ်လို့ ဂန့်ဂေါခရိုင် အမျိုးသားဒီမိုကရေစီအဖွဲ့ချုပ် ဥက္ကဌ ဦးမြင့်ဇော် က ပြောပါတယ်။

"ပြီးခဲ့တဲ့ ၂၁ ရက်နေ့က မနက်ပိုင်း ၈ နာရီ ၆ မိနစ်မှာ ဂေါပကလို့ပြောတဲ့လူ ၂ ယောက်က မဘသ လို့ရေးထားတဲ့ စာရွက်တွေဝေတာပေါ့၊ အဲ့ဒီစာရွက်မှာက ဒေါ်အောင်ဆန်းစုကြည်နဲ့ သူ့ပါတီကိုမဲမပေးဖို့ တိုက်ခိုက်ထားတဲ့စာတွေပါတယ်ဗျ၊ ၂၄ ရက်နေ့မှာ ကျနော် ကန်ရဲစခန်းမှာပေါ့ဗျာ အဲ့ဒီအပိုင်ရဲစခန်းမှာ အမှုဖွင့်ပါတယ်ခင်ဗျ၊ ပါတီကိုတိုက်ခိုက်ထားတဲ့အတွက် ပုဒ်မ ၅၈ (ဂ) နဲ့ အမှုဖွင့်ပါတယ်ခင်ဗျ၊ ကျနော်တို့ပါတီနဲ့ ပါတီခေါင်းဆောင်ကိုတိုက်ခိုက်လာတဲ့အတွက် ဥပဒေအရ ကျနော်တို့က တိုင်တန်းတာပါ၊ အဲ့ဒီစာဝေတဲ့လူ ၂ ယောက်ကို အမှုဖွင့်တာပါ"

ရွေးကောက်ပွဲဥပဒေ ပုဒ်မ ၅၈ (ဂ) မှာ လူမျိုးရေး၊ ဘာသာရေးကို အကြောင်းပြုပြီး ဆန္ဒမဲပေးရန် ဒါမှမဟုတ် ဆန္ဒမဲမပေးရန် ပြောဆိုတာ၊ ဟောပြောတာ၊ ကြေညာတာတွေကို မလုပ်ဖို့ တားမြစ်ထားပါတယ်။ တကယ်လို့ ကျုးလွန်တယ်လို့ အပြစ်ထင်ရှားရင် တစ်နှစ်ထက်မပိုသော ထောင်ဒဏ်ဖြစ်စေ၊ ဒဏ်ငွေ ကျပ်တစ်သိန်းဖြစ်စေ ဒဏ်နှစ်ရပ်လုံးဖြစ်စေ ချမှတ်ခံရမယ်လို့ ပါရှိပါတယ်။

ဂန့်ဂေါမြို့နယ်မှာ ပြည်ထောင်စုကြံ့ခိုင်ရေးနဲ့ ဖွံ့ဖြိုးရေးပါတီက အမျိုးသားလွှတ်တော် မဲဆန္ဒနယ်မြေအတွက် ဦးလှဆွေ၊ ပြည်သူ့လွှတ်တော်နေရာအတွက် မကွေးတိုင်းဒေသကြီး လျှပ်စစ်ဝန်ကြီး ဦးဝင်းမြင့်မောင်တို့ ဝင်ရောက်ယှဉ်ပြိုင်ကြမှာဖြစ်ပြီး အမျိုးသားဒီမိုကရေစီအဖွဲ့ချုပ်က အမျိုးသားလွှတ်တော် မဲဆန္ဒနယ်အတွက် ဦးကြူးလွင်ကလည်း ဝင်ရောက်ယှဉ်ပြိုင်မှာ ဖြစ်တယ်လို့ သိရပါတယ်။

RFA
http://www.rfa.org/burmese/news/nld-against-magway-09262015114420.html

မန္တလေးတိုင်းဒေသကြီး NLD ကိုယ်စားလှယ်လောင်းများနဲ့ ပြည်သူနဲ့မိတ်ဆက်ပွဲ အလှပြကား မိတ္ထီလာမှ မလှိုင်မြို့သို့ထွက်ခွာစဉ်။ (ဓာတ်ပုံ -NLD မိတ္ထီလာ)
မန္တလေးတိုင်းဒေသကြီး NLD ကိုယ်စားလှယ်လောင်းများနဲ့ ပြည်သူနဲ့မိတ်ဆက်ပွဲ အလှပြကား မိတ္ထီလာမှ မလှိုင်မြို့သို့ထွက်ခွာစဉ်။ (ဓာတ်ပုံ -NLD မိတ္ထီလာ)

၂၀၁၅ ရွေးကောက်ပွဲအတွက် နိုင်ငံရေးပါတီတွေ မဲဆွယ်စည်းရုံး လှုပ်ရှားမှုတွေ လုပ်နေချိန်မှာပဲ အတိုက်အခံပါတီ NLD ကို ကိုယ်ထိ လက်ရောက် တိုက်ခိုက်မှုတွေ လုပ်လာနေတဲ့အပေါ် ဥပဒေကြောင်းအရ ဆောင်ရွက်နိုင်အောင် ကြိုးစားနေတယ်လို့ အမျိူးသားဒီမိုကရေစီ အဖွဲ့ချုပ်က ပြောဆိုလိုက်ပါတယ်။ ရွေးကောက်ပွဲဝင်ကိုယ်စားလှယ်လောင်းတွေရဲ့ မဲဆွယ်စည်းရုံးရေး လုပ်ဆောင်နေချိန်မှာ အစိုးရတာဝန်ရှိ သူတွေဘက်က ဒီ့ထက်ပိုပြီး လုံခြုံရေးကို ဖိဖိစီးစီး လုပ်ပေးသင့်တယ်လို့ အကြံပြုမှုတွေလည်း ရှိပါတယ်။ အသေးစိတ်ကို မဆုမွန်က တင်ပြပေးထားပါတယ်။

၂၀၁၅ ရွေးကောက်ပွဲ မစတင်ခင် ရက်ပေါင်းခြောက်ဆယ် အတွင်း စက်တင်ဘာလ ၈ ရက်နေ့ကစလို့ နိုင်ငံရေးပါတီတွေ မဲဆွယ်စည်းရုံးမှု တွေကို တနိုင်ငံလုံး အတိုင်းအတာနဲ့ လှုပ်ရှားဆောင်ရွက်နေကြချိန်ဖြစ်ပါတယ်။ ဒီအချိန်မှာပဲ အတိုက်အခံပါတီကြီးဖြစ်တဲ့ အမျိုးသား ဒီမို ကရေစီအဖွဲ့ချုပ်ရဲ့ ပါတီအောင်နိုင်ရေး မဲဆွယ်စည်းရုံးလှုပ်ရှားမှု ခရီးစဉ်တချို့မှာ နှောင့်ယှက်တိုက်ခိုက်မှုတွေနဲ့ ကြုံနေရပါတယ်။ အမျိုးသား ဒီမိုကရေစီအဖွဲ့ချုပ် ဗဟိုကော်မတီဝင် ဦးဉာဏ်ဝင်းက ဒီလိုမျိုး အမျိုးသားဒီမိုကရေစီအဖွဲ့ချုပ်ရဲ့ မဲဆွယ်စည်းရုံးရေးလုပ်ငန်းတွေကို နှောင့်ယှက်တိုက်ခိုက်နေတာတွေကို သက်ဆိုင်ရာတာဝန်ရှိသူတွေကို အကြောင်းကြားပြီး ဥပဒေကြောင်းအရ ဆောင်ရွက်နိုင်ဖို့ ကြိုးစားနေပါတယ်လို့ ဗွီအိုအေကိုပြောပါတယ်။

“အန်ကယ်လ်တို့ကတော့ အဲဒီကိစ္စတွေကို သိအောင်ကြိုးစားနေတယ်၊ သိပြီးရင် ဥပဒေနဲ့အညီဖြစ်ဖို့ ကြိုးစားမယ်။ ဥပဒေနဲ့အညီဖြစ်ဖို့ တာဝန်ရှိတဲ့ဌာနတွေပေါ့- UEC ဖြစ်ရင်ဖြစ်မယ်။ အစိုးရဖြစ်ရင်ဖြစ်မယ်။ ရဲဖြစ်ရင်ဖြစ်မယ်။ အန်ကယ်လ်တို့ ဥပဒေနဲ့အညီ ဆောင်ရွက်ဖို့ တိုက်တွန်းမယ်။ အဲဒါအတွက် အန်ကယ်တို့ အချက်အလက်တွေ စုဆောင်းနေတယ်။ ကျနော်ပြောနိုင်တာက လုံခြုံရေးနဲ့ပတ်သက်ပြီးတော့ အများပြည်သူစိုးရိမ်သလို ကျနော်တို့ကလည်း အထူးစိုးရိမ်ပါတယ်။ တောက်လျှောက် ကျနော်တို့ message ပေးနေပါတယ်။ ကြောက်စရာမလိုဘူး၊ မှန်တဲ့ကန်တဲ့အတိုင်းလုပ်ပါ။ နောက်ပြီးတော့ တိုင်းပြည်ရဲ့တိုးတက်ရေးကို ပုဂ္ဂိုလ်တစ်ဦးချင်းအပေါ်မှာမကြည့်ဘဲနဲ့ အားလုံးနဲ့ဆိုင်တဲ့ ပါတီအောင်ပွဲအတွက်ရည်ညွှန်းပါ။ ဒါ ကျနော်တို့ တောက်လျှောက်ပြောနေပါတယ်။”

NLD ရဲ့ မဲဆွယ်စည်းရုံးလှုပ်ရှားမှုတွေမှာ ဖြစ်ပျက်ခဲ့တဲ့ တိုက်ခိုက်မှုတွေကတော့ မန္တလေးတိုင်း၊ မလှိုင်မြို့နယ်တွင်းမှာ အမျိုးသား ဒီမိုကရေစီ အဖွဲ့ချုပ် ကိုယ်စားလှယ်လောင်း မဲဆွယ်စည်းရုံးရေး ဆင်းတဲ့အချိန် ခဲနဲ့ပစ်ပေါက်တာ၊ ဂွေးကုန်းကျေးရွာမှာ မဲဆွယ် စည်းရုံးရေးကားကို ခဲနဲ့ပစ်လို့ ဗီနိုင်းပိုစတာတွေ စုတ်ပြဲသွားခဲ့တာ၊ ကံသစ်ကျေးရွာဘက်မှာလည်း ခဲနဲ့ပဲ ပစ်ပေါက်တိုက်ခိုက်တာတွေ ကြုံနေရတာဖြစ်ပါတယ်။ စစ်ကိုင်းတိုင်း ဆားလင်းကြီးမြို့နယ်ထဲမှာလည်း မဲဆွယ်စည်းရုံးနေချိန်မှာ ပြည်ခိုင်ဖြိုးပါတီဝတ်စုံ ဝတ်ဆင်ထားသူတစ်ဦးက စင်မြင့်ပေါ် တက်လာပြီး နှောင့်ယှက်ပြောဆိုတာတွေလည်း ရှိခဲ့သလို ခင်ဦးမြို့နယ်ထဲမှာလည်း မဲဆွယ်စည်းရုံးရေးကားကို ပိတ်ရပ်ပြီးတော့ မဖွယ်မရာ ပြုလုပ်ပြတာတွေ ရှိခဲ့ပါတယ်။ မြောင်းမြမြို့နယ်ထဲမှာတော့ သစ်ဆိမ့်ကုန်းကျေးရွာမှာ မဲဆွယ်စည်းရုံးရေး ဆင်းလာတဲ့ NLDအမတ်လောင်းကို မြောင်းမြပြန်ပို့ပြီး ရွာခံပါတီလူငယ် ကို သူ့အပြန်လမ်းမှာ ရိုက်နှက်ပြီး သုဿန်မှာသွားပစ်ခဲ့တဲ့အထိ ကိုယ်ထိလက်ရောက် တိုက်ခိုက်တာ မျိုးတွေ ဖြစ်လာနေပါတယ်။ အတိုက်ခိုက်ခံရသူတွေဘက်က သက်ဆိုင်ရာရဲစခန်းတွေမှာ ထိရောက်စွာ စုံစမ်းစစ်ဆေး အရေးယူပေးဖို့ အမှုဖွင့်တိုင်ကြားထားတာဖြစ်ပါတယ်။

အခုလို နိုင်ငံတွင်း နိုင်ငံရေးပါတီတွေဘက်က လွှတ်တော် ကိုယ်စားလှယ်လောင်းတွေရဲ့ မဲဆွယ်စည်းရုံးရေးခရီးစဉ်အတွင်း ကိုယ်ထိ လက်ရောက် နှောင့်ယှက်ဟန့်တားနေတာမျိုးတွေကို သက်ဆိုင်ရာ အစိုးရတာဝန်ရှိသူတွေဘက်က လုံခြုံရေးကို ထိထိရောက်ရောက် တာဝန်ယူပေးသင့်ပါတယ်လို့ ရွေးကောက်ပွဲ စောင့်ကြည့်လေ့လာသူ ဦးစည်သူအောင်မြင့်က အကြံပြုပါတယ်။

“အခုကိစ္စမှာကတော့ ဘယ်သူလုပ်တယ်၊ ဘယ်ဝါလုပ်တယ် တိတိကျကျ စွပ်စွဲလို့မရပေမယ့် သေချာတာကတော့ NLD ကို ဆန့်ကျင်တဲ့ အဖျက်အမှောက် လှုပ်ရှားမှုဖြစ်တယ်၊ ဘယ်လိုပဲဖြစ်ဖြစ် ဒီလိုဟာတွေက ရှေ့မှာ ဖြစ်ထားဖူးတဲ့သာဓကတွေ ရှိတဲ့အခါကျတော့ မပြေးသော်ကံရာရှိ-ပေါ့နော်၊ ပြည်သူလူထုက အစိုးရကိုစွပ်စွဲတာတွေ၊ တဘက်က ပြည်ခိုင်ဖြိုးကိုစွပ်စွဲတာတွေ- ဆန့်ကျင်ဘက်ပေါ့နော်၊ အဲလိုတွေ ဖြစ်ကောင်းဖြစ်လာနိုင်တယ်။ အဲလိုမဖြစ်အောင်ဆိုရင် အစိုးရဘက်က အာဏာပိုင်တွေဘက်က သူတို့ရဲ့လုံခြုံရေးကို ဒိထက် ပိုပြီးတော့ ဖိဖိစီးစီး လုပ်ပေးသင့်တယ်လို့တော့ ထင်တယ်လေ။ အခုနကပြောသလိုပေါ့- လူစုလူဝေးတွေက သူ့ဖာသာနဲ့သူ အစီအစဉ် မကျဘဲနဲ့လုပ်နေကြသလား၊ သို့မဟုတ် အစီအစဉ်တကျနဲ့ ဒီနားမှာနည်းနည်းလုပ်မယ်၊ ဟိုနားမှာနည်းနည်းလုပ်မယ်၊ နီးလာတယ်ဆိုရင် အကြီးကြီးလုပ်ပြီးတော့မှ ရွေးကောက်ပွဲကို ဖျက်လိုဖျက်ဆီးလုပ်မှာလားဆိုတာကတော့ တဘက်ကလူတွေက လုပ်တယ်ဆိုတော့ မတွက်ဆ နိုင်ဘူးပေါ့၊ စိုးရိမ်စရာကောင်းတယ်ဆိုတာကတော့ နေရာတိုင်းမှာတွေ့နေရတာတော့ အမှန်ပဲ။”

ပြီးခဲ့တဲ့ရက်ပိုင်းကပဲ တိုင်းရင်းသားဒေသ ကချင်အထူးဒေသ (၁) ဘက်မှာလည်း NLDပါတီတခုကိုပဲ မဲဆွယ်စည်းရုံးခွင့်မပြုဘဲ တားမြစ်မှုတွေ ရှိသလို NLD ပါတီကို မဲမပေးဖို့အရေး ဘာသာရေးအသွင်ဆောင် စာရွက်စာတမ်းတွေ လိုက်လံဝေဌပြီး လှုံ့ဆော်မှုတွေလည်း ရှိနေတာပါ။ နိုင်ငံရေးပါတီစုံက ပါတီမဲဆွယ်စည်းရုံးရေးခရီးစဉ်တွေ လှုပ်ရှားနေကြတဲ့အထဲ လာမယ့် ၂၀၁၅ အထွေထွေရွေးကောက်ပွဲမှာ လွှတ်တော် ကိုယ်စားလှယ်လောင်း အရေအတွက် တစ်ထောင့်တစ်ရာကျော်နဲ့ အများဆုံး ဝင်ရောက်ယှဉ်ပြိုင်မယ့် အတိုက်အခံ အမျိုးသားဒီမိုကရေစီ အဖွဲ့ချုပ်ရဲ့ မဲဆွယ်စည်းရုံးရေးခရီးစဉ်တွေမှာပဲ အခုလိုမျိုး နှောင့်ယှက်ဟန့်တားမှုတွေကြုံနေရတာဖြစ်လို့ ရည်ရွယ်ချက်ရှိရှိနဲ့ လူတစု တဖွဲ့နဲ့ တဖွဲ့ကြား ဆူပူလှုပ်ရှားမှုဖြစ်အောင် လှုံ့ဆော်နေတဲ့သဘောဖြစ်နေမလားလို့ သုံးသပ်မှုတွေလည်း ရှိနေပါတယ်။

မဆုမွန်/VOA
http://burmese.voanews.com/content/nld-election-campaigners-were-attacked-/2980354.html

 မြောက်ပိုင်းတိုင်းစစ်ဋ္ဌာနချုပ်လက်အောက်ခံ အစိုးရရဲ့နယ်ခြားစောင့်တပ်အဖြစ် အသွင်ပြောင်းထားတဲ့ ကချင်ပြည်နယ်အထူးဒေသ (၁) ဋ္ဌာနချုပ်တည်ရှိတဲ့ ပန်ဝါမြို့ကိုတွေ့ရစဉ်
Photo: Kyaw Myo Min/RFA
 ထာဝရငြိမ်းချမ်းရေးအဖွဲ့ ခေါင်းဆောင် ဦးဇခုန်တိန့်ယိန်းရဲ့ ကချင်အထူးဒေသ (၁) နယ်မြေအတွင်းမှာ နိုင်ငံရေး ပါတီတွေကို မဲဆွယ်စည်းရုံးခွင့် ပိတ်ပင်တားမြစ်တာနဲ့ပတ်သက်ပြီး ဦးစခုန်တိန့်ယိန်းကို ကချင်ပြည် နယ် ရွေးကောက်ပွဲကော်မရှင်က လာမယ့် စက်တင်ဘာ ၂၉ ရက်နေ့မှာ ခေါ်ယူတွေ့ဆုံမှာ ဖြစ်ပါတယ်။

တရားဝင်မှတ်ပုံတင်ထားတဲ့ နိုင်ငံရေးပါတီတွေဟာ တစ်နိုင်ငံလုံးအတိုင်းအတာနဲ့ မဲဆွယ်စည်းရုံးခွင့် ရှိတယ်ဆိုတဲ့ အကြောင်း ဦးဇခုန်တိန့်ယိန်းကို ခေါ်ယူအသိပေးမှာဖြစ်တယ်လို့ ကချင်ပြည်နယ် ရွေးကောက်ပွဲကော်မရှင် ဥက္ကဋ္ဌ ဦးမောင်မောင်ကွန်းက RFA ကို ပြောပါတယ်။

"ပြည်ထောင်စု ရွေးကောက်ပွဲကော်မရှင်က ပြောလာတယ်၊ ဦးဇခုန်တိန့်ယိန်းကို ခေါ်ယူပြီးအသိပေးပါ ၊ ရွေးကောက်ပွဲ စည်းရုံးရေးနဲ့ပတ်သက်တဲ့ ညွှန်ကြားချက် အဲ့ဒါကို ရှင်းလင်းအသိပေးပါလို့ အဲ့ဒါခေါ်ပြီး အသိပေးတဲ့သဘော ၂၉ ရက်နေ့ ပြည်နယ်ရုံးမှာခေါ်ပြီး တွေ့မယ်၊ ဒီကအဓိက ဥက္ကဌရယ်၊ ဥပဒေ အရာရှိတွေရယ် ပြီးတော့ ပါတီအားလုံးရှေ့မှောက် သက်သေတွေရှေ့မှာ ကျနော်ကအားလုံးကိုအသိပေးမယ်၊ မည်သည့်ပါတီမဆို ကျနော် လုပ်ပိုင်ခွင့်ရှိတယ်ဆိုတာကို ပြောပြမှာပေါ့၊ တစ်ပြည်လုံးအတွက်ကို သူကမှတ်ပုံ တင်ထားတာရှိလို့ရှိရင် နိုင်ငံတော်အစိုးရ အုပ်ချုပ်သည့်နေရာ မည်သည့်နေရာမဆို ဟောပြောပိုင်ခွင့်ရှိတယ်"

ကချင်ပြည်နယ်အထူးဒေသ (၁) နယ်မြေဖြစ်တဲ့ ဝိုင်းမော်မြို့နယ်ထဲက ရွာတချို့၊ ချီဖွေနဲ့ ဆော့လော် မြို့နယ်အတွင်း က ရွာတွေမှာ မဲဆွယ်စည်းရုံးမလုပ်ဖို့ ဦးဇခုန်တိန့်ယိန်း လက်မှတ်ရေးထိုးပြီး အသိပေးထားတာပါ။

ပြီးခဲ့တဲ့ရက်ပိုင်းအတွင်း အဲ့ဒီဒေသဘက်တွေမှာ မဲဆွယ်စည်းရုံးရေးသွားတဲ့ အမျိုးသား ဒီမိုကရေစီအဖွဲ့ချုပ်၊ လီဆူအမျိုးသား ဖွံ့ဖြိုးတိုးတက်ရေးပါတီ၊ လော်ဝေါ် အမျိုးသားစည်းလုံး ညီညွှတ်ရေးနဲ့ ဖွံ့ဖြိုးရေးပါတီတွေက ကိုယ်စားလှယ်လောင်းတွေကို သူ့နယ်မြေထဲမှာ မဲဆွယ်စည်းရုံးတာမလုပ်ဖို့ အဲ့ဒီပါတီတွေက ကိုယ်စားလှယ်လောင်းတွေထံ အကြောင်းကြားစာ ပေးခဲ့တာလို့ သိရပါတယ်။

ပန်ဝါမြို့အခြေစိုက် ကချင်ပြည်နယ် အထူးဒေသ (၁) ထာဝရငြိမ်းချမ်းရေး အဖွဲ့ခေါင်းဆောင် ဦးဇခုန် တိန့်ယိန်းဟာ လက်ရှိ အမျိုးသားလွှတ်တော် ကိုယ်စားလှယ်ဖြစ်သလို လာမယ့် ရွေးကောက်ပွဲမှာလည်း ချီဖွေ၊ ဆော့လော်၊ အင်ဂျန်းယန် စတဲ့မြို့နယ်သုံးခုအတွက် တစ်သီးပုဂ္ဂလ ကိုယ်စားလှယ်လောင်းအဖြစ် အမျိုးသားလွှတ်တော် မဲဆန္ဒနယ်မြေ အမှတ် ၅ မှာ ဝင်ရောက်ယှဉ်ပြိုင်ဖို့ ရှိပါတယ်။

အဲ့ဒီမဲဆန္ဒနယ်မြေမှာ ဦးဇခုန်တိန့်ယိန်းအပြင်၊ အမျိုးသားဒီမိုကရေစီအဖွဲ့ချုပ်၊ ကချင်ပြည်နယ် ဒီမိုကရေစီပါတီ ၊ လော်ဝေါ်အမျိုးသားစည်းလုံးညီညွှတ်ရေးနဲ့ ဖွံ့ဖြိုးရေးပါတီ၊ အမျိုးသားဒီမိုကရေစီအင်အားစုပါတီနဲ့ တစ်သီးပုဂ္ဂလ ကိုယ်စားလှယ်တွေ စုစုပေါင်း ၆ ဦး ဝင်ရောက်ယှဉ်ပြိုင်ကြမှာ ဖြစ်ပါတယ်။

RFA Burmese
http://www.rfa.org/burmese


 မြန်မာနိုင်ငံအတွင်း ကားထုတ်လုပ် ရောင်းချမှုပြုလုပ်မည့် Nissan ကားကုမ္ပဏီသည် ပြည်တွင်း၌ လေထုညစ်ညမ်း မှု ဖြစ်ပေါ်သည့် ပြဿနာ အပါအဝင် အခြေခံ လူတန်းစားများ ဝယ်ယူသုံးစွဲနိုင်မည့် တန်ဖိုးနှုန်းထားနည်းသည့် ကားထုတ်လုပ်မှုကို ရည်ရွယ်၍ ၂ဝ၁၆ ခုနှစ် နှစ်လယ်ပိုင်းတွင် ပဲခူးမြို့ရှိ ကားထုတ်လုပ်သည့်စက်ရုံမှ လျှပ်စစ်ကားများ ထုတ်လုပ်ပြီး ပြည်တွင်း၌ ရောင်းချသွားမည် ဖြစ်ကြောင်း သိရသည်။

''အနာဂတ်မှာ လျှပ်စစ်ကားက နိုင်ငံတိုင်းမှာ အသုံးဝင်လာမှာပါ။ သူကလောင်စာဆီ အသုံးပြုစရာမလိုတဲ့အတွက် လူအများစု ကြိုက်ကြမှာပါ။ မြန်မာနိုင်ငံအတွင်းမှာ လျှပ်စစ်ကား ထုတ်လုပ်တဲ့အခါ ကားအစီးရေ နှစ်သိန်းလောက် ထုတ်လုပ်သွားဖို့ စီစဉ်ထားပါတယ်။ လျှပ်စစ်ကားဆိုပေမယ့် မြန်မာပြည်သူတွေ ဇိမ်ခံကားတစ်စီးလို စီးနိုင်အောင် ထုတ်လုပ်ပေးသွားမှာပါ။ ကျွန်တော်တို့ရဲ့ အဓိကရည်ရွယ်ချက်က ကျောင်းသားတွေနဲ့ အခြေခံ လူတန်းစားတွေပါ ဝယ်ယူစီးနင်းနိုင်အောင် ထုတ်လုပ်မှာပါ'' ဟု Nissanကားကုမ္ပဏီ၏ မြန်မာနိုင်ငံ ရုံးခွဲဌာနမှ တာဝန်ရှိသူတစ်ဦးက ပြောသည်။

အဆိုပါ ကားကုမ္ပဏီသည် လျှပ်စစ်ကားများ ထုတ်လုပ်ရာတွင် တစ်စီးလျှင် အမေရိကန်ဒေါ်လာ ၅ဝဝဝ နီးပါးဖြင့် ထုတ်လုပ် ရောင်းချမည် ဖြစ်သည်။ လျှပ်စစ်ကားများ ထုတ်လုပ်ရာတွင် လိုအပ်သည့် နည်းပညာပိုင်းနှင့် ဘက်ထရီများကို ဂျပန်နိုင်ငံမှ မှာယူ တပ်ဆင်ထုတ်လုပ်သွားမည် ဖြစ်ကြောင်း သိရ သည်။

Nissan ကားကုမ္ပဏီသည် လျှပ်စစ်ကားများ ထုတ်လုပ်ရောင်းချသည့် အခါတွင်လည်း ရန်ကုန်မြို့၌ ရောင်းချခြင်းထက် နယ်မြို့များ သို့ ဦးစားပေး ထုတ်လုပ်ရောင်းချသွားမည် ဖြစ်ကြောင်း သိရသည်။

Nissan ကားကုမ္ပဏီသည် မြန်မာနိုင်ငံ အတွင်းမှ ထုတ်လုပ်သည့် လျှပ်စစ်ကားများကို အာဆီယံနိုင်ငံ တချို့သို့လည်း တင်ပို့ရောင်းချမှုများ ပြုလုပ်ရန် စီစဉ်ထားကြောင်း သိရသည်။
၎င်းကားကုမ္ပဏီသည် လျှပ်စစ်ကားများကို ထုတ်လုပ်ရာတွင် 2 door ကားပုံစံမျိုးသာ ထုတ်လုပ်သွားမည်ဖြစ်သည်။ Nissan ကားကုမ္ပဏီသည် မြန်မာနိုင်ငံ၌ ဈေးကွက်အခိုင် အမာရရှိထားသည့် ကားကုမ္ပဏီ တစ်ခုဖြစ်ကြောင်း သိရသည်။

Pyi Chit thar
https://www.facebook.com/Pyi-Chit-thar

 ​နို​ရီ​ကာ​ဇူ ​ကူ​ရီ​ကီ
လက်​ချောင်း၉​ချောင်း​ပြတ်​နေ​တဲ့​ဂျ​ပန် ​တောင်​တက်​သ​မား​တစ်​ယောက်​ဟာ ​နီ​ပေါလ်​နိုင်​ငံ ​ဧ​ဝ​ရက်​တောင်​ထိပ် ​အ​မြင့်​ဆုံး​ပိုင်း​ကို ​ရောက်​လု​နီး​နေ​ပါ​ပြီ။

ဂျ​ပန် ​တောင်​တက်​သ​မား ​နို​ဘူ​ကာ​ဇူ ​ကူ​ရီ​ကီ​ဟာ ၂၀၁၂​တုန်း​က ​ဧ​ဝ​ရက် ​တောင်​ကို ​တက်​ရင်း​နဲ့ ​ရေ​ခဲ​ဒဏ်​ကြောင့်​လက်​ချောင်း ​ကိုး​ချောင်း ​ဖြတ်​ထား​ရ​ပြီး ​နီ​ပေါလ်​နိုင်​ငံ ​မြေ​င​လျင်​အ​ပြီး​မှာ ​ဧ​ဝ​ရက် ​တောင်​ကို ​ပ​ထ​မ​ဆုံး ​ပြန်​လည် ​တက်​ရောက်​သူ ​ဖြစ်​လာ​ပါ​တယ်။ ​ဒီ ​တစ်​ည ​အ​နား​ယူ​ပြီး​မှာ ​နောက်​ဆုံး ​အ​ဆင့်​ကို ​ဆက်​လက် ​တက်​ရောက်​မယ်​လို့ ​ဆို​ပါ​တယ်။ ​လော​လော​ဆယ်​မှာ​တော့ ​သူ​ဟာ ​မီ​တာ၈ ​ထောင်​အ​မြင့်​မှာ ​ရောက် ​ရှိ​နေ​ပါ​တယ်။ ​အ​ခု​လို ​ရာ​သီ​ဥ​တု ​ခန့်​မှန်း​ရ ​ခက်​ခဲ​တဲ့ ​ဆောင်း​ရာ​သီ​မှာ ​ဘာ​လို့ ​တက်​ခဲ့​တာ​လဲ ​ဆို​တဲ့ ​မေး​ခွန်း​တွေ​လည်း ​ရှိ​နေ​ပါ​တယ်။ ​ဒါ​ပေ​မယ့် ​သူ​သာ ​အောင်​မြင်​ခဲ့​မယ် ​ဆို​ရင် ​နီ​ပေါလ် ​င​လျင် ​အ​ပြီး​မှာ ​နိုင်​ငံ ​ခ​ရီး​သွား ​လုပ်​ငန်း​နဲ့ ​ဧ​ဝ​ရက်​တောင် ​တက်​တဲ့ ​လုပ်​ငန်း​တွေ ​ပြန်​လည် ​ဖွံ့​ဖြိုး​လာ ​နိုင်​တယ်​ဆို​တဲ့ ​မျှော်​လင့် ​ချက်​တွေ​လည်း ​ရှိ​နေ​တယ်​လို့ ​ဆို​ပါ​တယ်။

BBC Burmese
http://www.bbc.com/burmese

ဧဝရက်တောင်ထိပ်ရောက်ဖို့ ငါးကြိမ်မြောက် ကြိုးစားနေတဲ့ ဂျပန်တောင်တက်သမား Nobukazu Kuriki (သြဂုတ် ၂၃၊ ၂၀၁၅)
 ဂျပန်တောင်တက်သမားတဦးဟာ ကမ္ဘာ့အမြင့်ဆုံး ဧဝရက်တောင်ထိပ်ကို တဦးတည်းတက်ဖို့ ၅ ကြိမ်မြောက် ကြိုးပမ်းမှုကို စနေနေ့ကပဲ စတင်လိုက်ပါတယ်။

အရင်က ဧဝရက်တောင်ထိပ်ကို ရောက်ဖို့ ကြိုးပမ်းခဲ့ရာမှာတော့ နိုဘူကာဇူ ကူရီကီ (Nobukazu Kuriki) ဟာ နှင်းကိုက်တဲ့ဒဏ်ကြောင့် လက်ချောင်း ၉ ချောင်း ဆုံးရှုံးခဲ့ဖူးပါတယ်။

ပြီးခဲ့တဲ့ဧပြီလထဲ ငလျင်လှုပ်ခတ်မှုကြောင့် တောင်ပေါ်ကနေ ရေခဲတုံးတွေ ပြိုကျရာက တောင်ခြေစခန်းမှာ လူ ၁၈ ဦး သေဆုံးခဲ့ပြီးနောက်ပိုင်း ဒီနှစ်မှာ ဧဝရက်တောင်ကို တက်ဖို့ ကြိုးစားတာကတော့ သူတဦးပဲရှိပါသေးတယ်။

ငလျင်ဒဏ်ကြောင့် ၈,၈၄၈ မီတာမြင့်တဲ့တောင်ထိပ်ကို တက်နိုင်ဖို့ ကြိုးပမ်းမှုတွေကို ရာပေါင်းများစွာသော တောင်တက်သမားတွေ စွန့်လွှတ်ခဲ့ကြတဲ့အတွက်လည်း ဒုတိယအကြိမ် နွေဦးပေါက်ရာသီမှာ ဧဝရက်တောင်ထိပ်ကို တက်နိုင်တဲ့သူ မရှိသေးဘဲ ဖြစ်နေပါတယ်။

ဗွီအိုအေ (မြန်မာဌာန)
http://burmese.voanews.com

တရုတ်သမ္မတ Xi Jinping ကုလသမဂ္ဂဌာနချုပ်မှာ ကျင်းပတဲ့ ရေရှည်တည်တံ့ ဖွံ့ဖြိုးရေးညီလာခံမှာ စနေနေ့ကမိန့်ခွန်းပြောကြားစဉ်။ (စက်တင်ဘာ ၂၆၊ ၂၀၁၅)
 ဆင်းရဲတဲ့နိုင်ငံတွေ ဖွံ့ဖြိုးတိုးတက်ရေးအတွက် ကူညီဖို့ ကမ္ဘာတဝှမ်းက အကူအညီပေးမယ့် ရန်ပုံငွေအတွက် တရုတ်နိုင်ငံက အမေရိကန်ဒေါ်လာ သန်း ၂ ထောင် လှူဒါန်းမယ်လို့ တရုတ်သမ္မတ ရှီကျင်းပင် (Xi Jinping) က ကတိပြုလိုက်ပါတယ်။

တရုတ်နိုင်ငံအနေနဲ့ ၂၀၃၀ ခုနှစ်အထိ ကမ္ဘာ့အထောက်အကူပြု ရန်ပုံငွေထဲကို စုစုပေါင်း ဒေါ်လာ ၁၂ ဘီလီယံ လှူဒါန်းသွားဖို့ ရည်ရွယ်ထားကြောင်းလည်း သမ္မတရှီကကုလသမဂ္ဂဌာနချုပ်မှာ ကျင်းပတဲ့ ရေရှည်တည်တံ့ ဖွံ့ဖြိုးရေးညီလာခံမှာ စနေနေ့က ပြောကြားခဲ့တဲ့ မိန့်ခွန်းမှာ ထည့်သွင်းပြောဆိုခဲ့တာပါ။

ကမ္ဘာတဝှမ်းက ဖွံ့ဖြိုးမှုအနိမ့်ကျဆုံး တိုင်းပြည်တွေမှာ ရင်းနှီးမြှုပ်နှံမှုတွေ ဆက်လုပ်သွားမယ့်အကြောင်းလည်း တရုတ်သမ္မတက ကတိပြုခဲ့ပြီး ဖွံ့ဖြိုးမှု အနိမ့်ကျဆုံးနိုင်ငံတွေနဲ့ ကျွန်းနိုင်ငံငယ်လေးတွေက အစိုးရတွေ တရုတ်နိုင်ငံကို ဒီနှစ်မှာဆပ်ရမယ့် အတိုးမဲ့ချေးငွေတွေကိုလည်း လျော်ပေးမယ်လို့ ပြောဆိုသွားခဲ့ပါတယ်။

ဗွီအိုအေ (မြန်မာဌာန)
http://burmese.voanews.com

ကျွန်မအနေနဲ့ ကျွန်မရဲ့အောင်နိုင်ရေးအဖွဲ့ က တိုင်းပြည်ကိုချစ်တဲ့တိုင်းပြည်ကောင်းစားစေချင်တဲ့မျိုးဆက်သစ် ကလေးတွေကို ကြိုပြောထားပြီးသားက
ကျွန်မတို့ဟာ တသီးပုဂ္ဂလသာဖြစ်တယ်၊ တခြားဘယ်နိုင်ငံရေးပါတီနဲ့မှ ဆက်စပ်ပတ်သက်မှုမရှိသလို ဘယ်ပါတီကမှလဲ ကျွန်မကို အစိုးရအဖွဲ့မှာ
တစ်နေရာ ရာထားပြီးသားဖြစ်ပါတယ်ဆိုတာ မမှန်ဘူး ဆိုတဲ့အကြောင်းဖြစ်ပါတယ်။

ကိုယ့်ရဲ့ပေးပိုင်ခွင့် မဲ၃မဲမှာ ပြည်သူ့လွှတ်တော်နေရာအတွက် ကျွန်မကိုမဲပေးပါ။ ကျန်၂နေရာအတွက် ပြည်သူယုံကြည်တဲ့ တစ်ခြားပါတီကြီးကိုပေးပါ ဆိုတဲ့စကားနဲ့မဲဆွယ်စည်းရုံးတာဖြစ်ပါတယ်။

ကျွန်မက နိုင်ငံသားတွေအကျိုးအတွက် ကိုယ့်မူကို ကိုယ်အာမခံတဲ့လွှတ်တော်ကိုယ်စားလှယ်
တစ်ယောက်ဖြစ်ပါတယ်။ ကျွန်မတို့ ဟာ နိုင်ငံသားတွေအကျိုးအတွက် တော့ N.L.D မှမဟုတ်ဘူး၊ အားလုံးသော ပြည်တွင်း၊ ပြည်ပအင်အားစုတွေ တိုင်းရင်းသားညီအကိုမောင်နှမတွေနဲ့ မတွန့်မဆုတ်လက်တွဲပြီး တိုင်းပြည်ကောင်းစားရေး ဆောင်ရွက်မှာဖြစ်ပါတယ်။

နိုင်ငံသားအားလုံး လိုလားတဲ့ ခေတ်တခုဆီကိုချီတက်ရာမှာ ကျွန်မအနေနဲ့ N.L.D ခေါင်းဆောင် အန်တီစု ပြောတဲ့စကားလေးတွေကိုအမြဲ ရင်ဝယ်ထားပါတယ်။
အန်တီက ပြောခဲ့တယ် "ဥာဏ်ရည် နိမ့်ပါးသူတွေဟာ တဖက်သားကို တိုက်ခိုက်ဖြို ချနိုင်မှ
မိမိနေရာရလိမ့်မယ်လို့ ယုံကြည်ကြတယ်။ (ဒေါ်အောင်ဆန်းစုကြည်) "တဲ့၊ အဲဒီ အတိုင်းပဲကျွန်မတို့ဟာ ဒီမိုကရေစီအင်အားစုတွေကို ကိုယ့်ရဲ့မဟာမိတ်လို မူအရ သဘောထားသူတွေပါ၊ တိုင်းပြည်အတွက်လက်တွဲလုပ်ရမယ့်သူတွေပါ။

ဒါ့အပြင် အန်တီပြောခဲ့တာတခုဖြစ်တဲ့ "ကျွန်မတို့ရဲ့နိုင်ငံက နိုင်ငံသူနိုင်ငံသားတွေမညီညွတ်ခြင်းရဲ့ အကြောင်းရင်းကတော့
ကိုယ့်ကိုကိုယ်ယုံကြည်မှုမရှိလို့ပဲ၊ ကိုယ့်ကိုယ်ကို ယုံကြည်မှုမရှိတဲ့အခါကျတော့
တခြားလူ ကိုယ့်ထက်သာသွားမှာ အင်မတန်မှ စိုးရိမ်ကြတယ်။ ဒီစိတ်ဓါတ်တွေကို
ဖျောက်လိုက်ပါ (ဒေါ်အောင်ဆန်းစုကြည်) "တဲ့။ အဲဒီစကားတွေက ကျွန်မကိုစိတ်ခွန်အားတွေပိုရှိစေပါတယ်၊ ဘာကြောင့်ဆိုတော့ကျွန်မဟာ ကျွန်မကိုယ်ကျွန်မ ယုံကြည်မှအပြည့်ရှိတဲ့အတွက်
တိုင်းပြည်အတွက် တစ်ယောက်ထဲ လုပ်ရမယ့်အခြေအနေဖြစ်လာရင်လဲ တစ်ယောက်ထဲ ပဲ လုပ်မယ်ဆိုပြီး ဆက်လက် ချီတက်နေတာဖြစ်ပါတယ်။

ပိုပြီးတော့ ကျွန်မရဲ့ ခြေလှမ်းတွေ ခိုင်အောင်၊ တိုင်းပြည်အတွက် မဆုတ်မနစ်လုပ်နိုင်အောင်ဖြစ်စေတဲ့ အန်တီ့စကားကတော့ ဇန်န၀ါရီ လ ၁၇ ရက် ၂၀၁၂ခုနှစ် မှာ အန်တီတို့ပါတီကြားဖြတ်ရွေးကောက်ပွဲဝင်ဖို့ ဆုံးဖြတ်ချက်ချပြီးချိန်
မင်္ဂလာတောင်ညွန့် အဖွဲ့ ချုပ် မြို့နယ်ရုံးဖွင့်ပွဲမှာပြောခဲ့တဲ့
“ကျွန်မကတော့ ယုံကြည်ချက် ရှိတယ်။ တကယ် စိတ်ဆန္ဒ ရှိလို့ရှိရင် လူတစ်ယောက်တောင်မှ တိုင်းပြည်တစ်ပြည်ကို လှုပ်ရှားအောင် လုပ်နိုင်တယ်”
(ဒေါ်အောင်ဆန်းစုကြည်)ဆိုတဲ့စကားပဲဖြစ်ပါတယ်။

ပိုပြီးဆုံးဖြတ်ချက်တွေ ခိုင်မာစေတာကတော့ လတ်တလော အန်တီပြောခဲ့တဲ့ "မဲထည့်မည်ဆိုပါက မိမိထည့်မည့်သူသည် အရင်က ဘာလုပ်ခဲ့သနည်းဟု သမိုင်းကြောင်းကို ကြည့်ပြီး ဆုံးဖြတ်စေလိုကြောင်း"ဆိုတာပဲဖြစ်ပါတယ်။ ကျွန်မရဲ့ သမိုင်းကြောင်းကို ကျွန်မ သိဒ္ဒိတင် ဖွဲ့ နွဲ့ နေဖို့ ထက် ၊ ကျွန်မကို ထောက်ခံသူတွေက ၀ိုင်းဆော်သြနေဖို့ထက် လူမျိုးပေါင်းစုံ တိုင်းရင်းသားပြည်သူလူထု တရပ်လုံး က သိပြီးသားဖြစ်ပြီး
ကျွန်မရဲ့အနာဂါတ်လုပ်ရပ်တွေကိုလဲ နိုင်ငံသားတွေကပဲ မှတ်ကျောက်တင်မှာပါ၊ဓမ္မနဲ့ အဓမ္မရဲ့ ပဋိပက္ခကြားမှာ ပြည်သူလူထု မျက်နှာမကြည့်ပဲ ကျွန်မပျက်ကွက်ခဲ့ရင်၊ ကျွန်မနှုတ်ပိတ်ခဲ့ရင် ၊ ကျွန်မသတ္တိကြောင်ခဲ့ရင်၊ ကျွန်မကိုအချိန်မရွေးဝေဖန်ပါ၊ ထောက်ပြ ပြုပြင်ပါ ။

ဒီတော့ ထပ်ပြောရရင်တော့ ကျွန်မဟာ တသီးပုဂ္ဂလပါ၊ N.L.D အပါအ၀င် ဒီမိုကရေစီအင်အားစုအားလုံးကိုမိတ်ဖက်အဖြစ် သဘောထားပါတယ်။
နိုင်ငံသားအားလုံးအတွက် အလုပ်လုပ်ရာမှာ သဘောထားကြီးဖို့ ၊ ပြတ်သားဖို့ ၊ မျှော်လင့်ချက်အမှားတွေ မပေးဖို့လိုပါတယ်၊ ဒီတော့ ကျွန်မဟာ တိုင်းပြည်ကောင်းစားစေချင်သူအားလုံးနဲ့ သဘောထားကြီးကြီး နားလည်မှုပေးပြီး ပြတ်ပြတ်သားသား ကိုယ့်မူ အပေါ်ကိုယ်ရပ်တည်ရင်း ၊ လက်တွေ့ ကျတဲ့ ကတိက၀တ်တွေပဲပေးပါတယ်၊ ကျွန်မအခုချိန်မှာ အာကာသယဉ်တွေတည်ဆောက်ပြီး နိုင်ငံသားတိုင်း လပေါ်တက်လေ့လာရေးလုပ်နိုင်အောင် လုပ်မယ်ဆိုတာနဲ့တူတဲ့ ကတိတွေထက်၊
လူမျိုးပေါင်းစုံပြည်သူလူထုတွေထဲက အလုပ်သမားတွေ၊ လယ်သမားတွေ ၊ တပ်မတော်သားတွေအပါအ၀င် ၀န်ထမ်းတွေ ငြိမ်းချမ်းရေးအပြည့် အေးအေးချမ်းချမ်းသာသာယာယာ ၀၀လင်လင် စားသောက်နေထိုင်ရတဲ့ဘ၀တွေအတွက်၊ ကျောင်းသားတွေကို မတရားဖမ်းဆီးမှုတွေမဖြစ်ဖို့အတွက်၊တပ်မတော်သားတွေနဲ့တိုင်းရင်းသားတပ်တွေ ပြည်တွင်းစစ်ကိုတိုက်ဖို့မလိုတော့ဖို့အတွက်၊ ကိုယ့်မြေ ကိုယ့်ရေ ၊ ကိုယ့်လယ် ၊ ကိုယ့်မြစ်ချောင်းအင်းအိုင်ကို ကိုယ့်နိုင်ငံသားတွေ စိတ်ချလက်ချပိုင်ဆိုင်ဖို့အတွက်၊ ဘယ်သတင်းထောက်မှ လူမသိသူမသိ အသတ်မခံရဖို့အတွက်၊ ဘယ်လယ်သူမကြီးတွေမှ နဖူး သေနတ်မှန်တဲ့ဘ၀ကိုမရောက်ဖို့အတွက် ၊ ကျောင်းစာသင်နေရမယ့် လူမမယ်တွေ က လက်ဖက်ရည်ဆိုင် စားပွဲထိုး၊ အင်မတန်အန္တရယ်များတဲ့ လမ်းမပေါ်မှာ စပါယ်ပန်းရောင်းရတဲ့အဖြစ်တွေ ရပ်ပြီး သူတို့ ကလေးတွေ ၊ ကျောင်းဝတ်စုံကလေးတွေနဲ့ ပညာသင်နိုင်ဖို့အတွက် အင်တိုက်အားတိုက်ကြိုးစားမယ် ဆိုတာပါပဲ ၊အဲဒါကြောင့် ကျွန်မ ပြည်သူ့လွှတ်တော်ထဲကိုရောက်ရှိဖို့လိုပါတယ်။ ။အဲဒီလက်တွေ့ကျတဲ့ အလုပ်တွေအတွက် ကျွန်မ ဟာ တိုင်းပြည်ကောင်းစားစေချင်တဲ့အင်အားစုအားလုံးကို မဟာမိတ်လို့သတ်မှတ်ပါတယ် စေတနာတူရင် လက်တွဲကြရမှာပါ။ ဒါလောက်ဆို ရှင်းမယ်လို့ ထင်ပါတယ်။

Nyo Nyo Thinn

ရွေးကောက်ပွဲကြီး နီးလာလေလေ ပြသနာတွေက များလာ ပွားလာလေလေပါပဲ ခင်ဗျာ။ ဖဲကြိုးတွေလည်း တော်တော် အရောင်စုံနေပါပြီ။ သက်တန့်တောင် အဲသလောက် အရောင်မစုံဖူး ခင်ဗျာ။ နောက်ဆို အသည်းကွဲရောင်တို့ စတော်ဘယ်ရီရောင် ဖဲကြိုးတို့ လာတော့မယ် ထင်ပါရဲ့။ ပညာရေးဖက်ကို တပ်မတော်က ရွှေ့လာလို့ ဖဲကြိုးတပ်လိုက်၊ တရားစီရင်ရေးဖက် ရွှေ့လာလို့ ဖဲကြိုးတပ်လိုက်၊ ဆေးလောကကို ရွှေ့လာလို့ ဖဲကြိုးတပ်လိုက်။ ကြာတော့ လူတစ်ကိုယ်လုံး ဖဲကြိုးဖုံးတော့မယ် ထင်ပါရဲ့။ မင်းမင်းလတ်ကြီးရဲ့ ယုဇနပင်နဲ့ ဖဲကြိုးဝါတောင် သတိရလိုက်ပါရဲ့။

အရပ်ဖက်ကို တပ်ကရွှေ့တာ ဘာထူးဆန်းလို့တုန်းလို့ ဇာဂနာဖြင့် မတွေးတတ်အောင်ပါပဲ။ လွှတ်တော်ထဲက ၂၅ရာခိုင်နှုန်းကိုတောင် ဖယ်လို့မရသေးဘဲ ရွေးကောက်ပွဲတွေ ၀င်ကြ ထောက်ခံခိုင်းကြ။ မဖယ်တော့လည်း ရွေးကောက်ပွဲ မ၀င်ဖူးလားဆိုတော့ ၀င်တာပါပဲ။ ဒါများ သက်သက်မယ့် လက်ညောင်းခံ လက်မှတ်ထိုးခိုင်း အာအညောင်းခံ အော်ခိုင်း ဟစ်ခိုင်းခဲ့သေးသဗျ။ နောက်ဆုံးတော့ ကျောက်လုံးက ကျောက်လုံးပါပဲပေါ့လေ။ လွှတ်တော်ထဲက ဖယ်ကိုမဖယ်ပါဘူး။ အဲဒါကော ဘာဖဲကြိုး တတ်ရမလဲခင်ဗျာ။ ဗေဒင်ဆရာကြီးများလည်း ဓာတ်ရိုက် ဓာတ်ဆင်လုပ်ပြီး အရောင်ရွေးပေးပါဦး။

ရွေးကောက်ပွဲ အရေးကြီးပါတယ်ဆိုမှ ဖဲကြိုးနဲ့ လာတိုးနေတာကိုး။ ကိုင်းဗျာ။ တပ်မတော်ကနေ ရွှေ့မလာတဲ့ဌာန ဘယ်မှာများရှိလို့လဲ။ မသိလို့ မေးတာနော်၊ စိတ်မဆိုးရဖူးပေါ့ ခင်ဗျာ။ ဇာဂနာတို့ တက္ကသိုလ်ကျောင်းသား ဘ၀တုန်းကလည်း ပါမောက္ခလုပ်ဖို့ တပ်က ရွှေ့လာတာပဲ။ မြန်မာ့ရုပ်မြင်သံကြားကိုလည်း တပ်က ရွှေ့လာတာပဲ။ မြန်မာ့ရုပ်ရှင်ကိုရော၊ စာပေလုပ်သားကိုရော၊ ဟော…..သဘင်ကောင်စီကိုပါ တပ်က ရွှေ့လာတာပဲ မဟုတ်လား။ ဒါများ အဆန်းလုပ်လို့။ လွှတ်တော်ထဲက ၂၅ ရာခိုင်နှုန်းကိုပဲ ဖဲကြိုး တပ်ကြပါဦး။ အဲဒါ ပိုအရေးပါပါတယ် ခင်ဗျာ။

ဖဲကြိုးမှ မပြတ်သေးဖူး။ ဘတ်စ်ကားတွေက တစ်စခန်းထပါလေရော။ ကိုင်းဗျာ။ စည်းနဲ့ကမ်းနဲ့ မမောင်းဘဲ လမ်းစည်းကမ်း ယာဉ်စည်းကမ်း ချိုးဖောက်ရင် ဒဏ်ကြေး သုံးသောင်းဆိုတာနဲ့ သပိတ်မှောက်တယ်တဲ့။ စည်းကမ်း ဥပဒေကို မလိုက်နာနိုင်လို့ သပိတ်မှောက်သတဲ့။ ဒါကိုပဲ နိုင်ငံခြား အသံလွှင့်ဌာနတို့ သတင်းဂျာနယ်တို့က ဥပဒေ ပြန်ပြင်ပေးရမလိုလို ခရီးသွားပြည်သူတွေကို ငဲ့ကွက်ပြီး သုံးသောင်းကို လျော့ရတော့ မလိုလို ပြောကြပြန်ရော ခင်ဗျာ။

ဇာ၈နာဖြင့် နားကိုမလည်ပါဘူး။ အဲဒီသတင်းစာ ဂျာနယ်တွေ သတင်းဌာနတွေပဲ ဘတ်စ်ကားတွေ စည်းကမ်းမရှိလို့ မောင်းချင်သလို မောင်းလို့ ခရီးသွားပြည်သူတွေ အသက်ဘေး ဆုံးရှုံးရတယ်တို့ လုပ်သားပြည်သူတွေ စော်ကားခံနေရတာ နေ့တိုင်းပဲတို့ ဆိုတာတွေ ရေးခဲ့ပြောခဲ့ကြတာ မဟုတ်လား။ ကာတွန်းဆရာတွေလည်း ဆွဲခဲ့ကြတယ် မဟုတ်လား။ ခုစည်းကမ်းတကျ ဖြစ်အောင် ဒဏ်သတ်မှတ်ပြန်တော့ စည်းနဲ့ကမ်းနဲ့ မောင်းဖို့ မတိုက်တွန်းပဲ ဘတ်စ်ကားတွေ ဘက်ကနေ၀င်ပြီး မြှောက်ပေးနေကြပြန်ရော။ အမှန်ကတော့ တစ်သက်လုံး သပိတ်မှောက်လိုက်ရမှာ။ မလှန်တမ်းမှောက်။ ပြီးတာပဲ ဒါမှအများပိုင် ဘတ်စ်ကားလိုင်း ဆိုတာကြီး ငွားငွားစွင့်စွင့်နဲ့ ပြည်သူတွေကို ကယ်တင်ပေးဖို့ အလို့ငှာ ပေါ်ထွက်လာပေတော့မှာပေါ့။

အမယ် ကယ်တင်တယ်ဆိုမှ ပြောရဦးမယ် ခင်ဗျာ။ ရွေးကောက်ပွဲ နီးပြီဆိုတော့ အပြိုင်အဆိုင် မဲဆွယ်နေကြတာပေါ့လေ။ ဒါကတော့ထုံးစံပါပဲ။ ဟုတ်ဟုတ်မဟုတ်ဟုတ်။ လမ်းခင်းပေးမယ်၊ မီးလာအောင်လုပ်ပေးမယ် ရေလာအောင်လုပ်ပေးမယ် စသဖြင့် စသဖြင့်ပေါ့လေ၊ မစားရ ၀ခမန်းပြောကြ ရေးကြတော့မှာပေါ့။ ထုံးစံအတိုင်းပေါ့။ ဒါက ချဲစကားနဲ့ဆိုရင်တော့ ကလင်ဒါကျပေါ့နော့။

သို့သော် ပြည်သူတွေရဲ့ ဘ၀ကို ကယ်တင်မယ် ဆိုတာကြီးကတော့ ဇာဂနာတော့ နားမလည်ဘူး ခင်ဗျာ။ သူ့ကိုသာမဲပေးလိုက် ပြည်သူတွေကို ကယ်တင်ဖို့ အဆင်သင့် ရှိနေတယ်ဆိုပဲ။ စူပါမင်းလား စပိုင်ဒါမင်းလား အိုင်းယွန်းမင်းလား။ တော်တော်တော့ ထူးဆန်းတာအမှန်ပါ။

ရှိသေးဗျ။ ခုလို ပြည်သူတွေဆီ တကူးတက မိုးထဲရေထဲလာတာ ပြည်သူတွေရဲ့ ဘ၀ကို ကိုယ်တိုင်သိမြင် ခံစားနိုင်ပြီး မြှင့်တင်ပေးဖို့လာတာတဲ့။ ငင် ဘယ့်နှာကြီးတုန်းဗျာ။ ပြည်သူတွေက အရင်ကလည်း သည်လိုပဲနေခဲ့ သည်လိုပဲစားခဲ့ကြတာပါ။ ခုမှ မိုးရေအစိုခံလာပြီး ကယ်တင်ရှင် လာလုပ်နေလေတော့ အော် တော်တော်ထူးတဲ့ လူသားတွေပဲ၊ ရုံသွင်းပြဖို့ ကောင်းလိုက်တာလို့ တွေးမိသဗျ။

ဆက်မိစပ်မိလို့ ပြောပါရစေ။ ၁၉၉၀ ရွေးကောက်ပွဲ မတိုင်ခင်က ဇာဂနာ့မိတ်ဆွေ တစ်ယောက်က ရွေးကောက်ပွဲ မဲဆွယ်ဖို့ နယ်ကိုသွားတယ် ခင်ဗျာ။ ဇာဂနာ့ကိုလည်း သူနဲ့အတူ လိုက်ခဲ့ဖို့ ခေါ်တာပေါ့လေ။ အတွေ့အကြုံ ရတယ်ဆိုပြီး ဇာဂနာလည်း လိုက်သွားတာပေါ့။ နယ်ခံတွေကလည်း ဇာဂနာ့ မိတ်ဆွေအတွက် ထမင်းတွေ ဟင်းတွေချက်၊ လှည်းတွေ ဆယ့်လေးငါးစင်းမှာ အလံတွေတပ်။ ဆိုင်းဘုတ်တွေ ထောင်။ အသံချဲ့စက်တွေ တပ်ပေါ့ခင်ဗျာ။

တစ်ရွာဝင် တစ်ရွာထွက် လှည့်ပြီး မဲဆွယ်ဟောပြောမှာကိုး။ ထမင်းအိုး ဟင်းအိုးတွေလည်း လှည်းပေါ် တင်ရတော့တာပေါ့။ တိုတိုပြောရရင် လှည်းတပ်ကြီး ချီတက်လာတာပေါ့။ ရွှေမန်းတင်မောင်ရဲ့ လှည်းသား ငါးရာထဲကလိုပေါ့ ခင်ဗျာ။ အမယ်။ အိုးစည် ဒိုးပတ်ဝိုင်းကလည်း ပါသေးဗျာ။

ဒီလိုနဲ့ တစ်ရွာဝင်လိုက် အားပါးတရဟောလိုက်။ ဒီမိုကရေစီရရင် ချမ်းသာပြီတို့၊ စစ်အာဏာရှင် ဘ၀ကလွတ်မှ ပြည်သူတွေဘ၀ တိုးတက်မှာတို့ ဒါမျိုးတွေ လက်သီးလက်မောင်း တန်းတော့တာပေါ့။ လေးငါးရွာလောက်လည်း ဟောပြီးရော ဇာဂနာ့သူငယ်ချင်းလည်း ပွဲပန်းပြီ ခင်ဗျာ။ ထမင်းတွေ ဟင်းတွေလည်း သိုးကုန်မှာစိုးလို့ သစ်ပင်ရိပ် ကောင်းကောင်းမှာ ၀ိုင်းဖွဲ့စားကြတာပေါ့ ခင်ဗျာ။

နယ်ခံတွေကလည်း ဇာဂနာ့သူငယ်ချင်း ဟောတာ သိပ်ကိုကောင်း သိပ်ကိုထိတာပဲရယ်လို့ ချီးမွမ်းခန်းတွေ ဖွင့်လေတော့ ငနဲသားက သဘောတော် ခွေ့နေတာပေါ့။ ဒါပေမဲ့ သူက လူလည်ခင်ဗျာ။ လည်ရမှာပေါ့လေ။ အမတ်လောင်းကိုး။ လှည်းသမားတွေ အုပ်စုဖွဲ့ စားနေတဲ့ အနားရောက်အောင် သွားပြီး လှည်းသမား အဖိုးကြီးတွေနဲ့ ၀ိုင်းဖွဲ့ ၀င်စားတာခင်ဗျာ။

ပြီးတော့ ဇာဂနာ့ သူငယ်ချင်းက မေးပါလေရော။ ဦးကြီးတို့ ကျွန်တော်ဟောတာ နားထောင်ရဲ့လားဆိုတော့ အဖိုးကြီးတွေက အင်းပေါ့ နားထောင်တာပေါ့တဲ့။ ကောင်းရဲ့လားလို့ ထပ်မေးတော့ အင်းပေါ့ကောင်းတာပေါ့တဲ့။ ဒီမှာတင် ဇာဂနာ့ သူငယ်ချင်းက အားတွေ တက်လာပြီး “ကျွန်တော် ခုလိုတကူးတကလာပြီး ဟောပြောနေရတာ ဦးကြီးတို့ ပြည်သူတွေ ချမ်းသာစေချင်လို့ဗျ။ သိလား။ ကျွန်တော်ခုလို လုပ်နေတာတွေက ဦးကြီးတို့အတွက်ဗျ” လို့လည်း ဆိုလိုက်ရော လှည်းသမား ဦးကြီးတွေ မြွေကိုင်မိသလို အထိတ်တလန့်နဲ့ ထမင်းလုပ်ချပြီး တညီတညာ ပြန်ပြောလိုက်တာကတော့ “အမလေးဗျာ။ ကျုပ်တို့အတွက် ဟုတ်သလား။ သိပါဖူး။ ငါတို့က မင်းအတွက် မင်း လိုက်ဟောနေတယ် မှတ်တာ။ ငါတို့အတွက် ဆိုရင်တော့ အပင်ပန်းခံ ဟောမနေပါနဲ့တော့ ပြန်ပါတော့။ ငါတို့ နေသားကျနေပါပြီကွ” တဲ့ ခင်ဗျာ။

ဇာဂနာ့ သူငယ်ချင်းလည်း ဘာပြန်ပြောရမှန်း မသိအောင် မျက်လုံးအပြူးသားကြီးနဲ့ ဘီလူး သံပုရာသီး ငုံထားတဲ့ မျက်နှာကြီး ဖြစ်သွားပါတော့တယ်။ ဟဲဟဲ။ ခုလို ဖောက်သည်ပြန်ချတာ ဇာဂနာ သိလို့တော့ မဟုတ်ဖူးခင်ဗျာ။ စစ်အစိုးရက အကွက်ဆင် ဖမ်းခံရတာတောင် အမှတ်သည်းခြေ မရှိဘဲ အစိုးရ လော်ဘီ လိုက်လုပ်နေတဲ့ စာနယ်ဇင်း ကောင်စီ (ယာယီ)က ဇော်သက်ထွေး ပြောပြတာပါခင်ဗျာ။ သူက နှံ့စပ်တယ် ခင်ဗျာ။ မာဆတ်မှာနှိပ်တဲ့ ကောင်မလေးတွေကို မွေးပြီး သတင်းယူ တတ်တာကိုးလို့နော့။

ဇာဂနာ
Tomorrow
http://www.tomorrow.com.mm/?q=articles/1945


“သား သူတို့တွေကို အရမ်း ကြောက်တယ်။ အဲဒီ အထဲမှာတုန်းက အရမ်း ရိုက်ခံရတယ်။ ထမင်းလုံး တစ်စေ့ ကျတာနဲ့ ၁၀ ချက် အရိုက်ခံရတယ်။ ပြီးတော့ သူတို့ရဲ့ အ၀တ်အစား တွေကိုလည်း လျှော်ပေးရတယ်။ အ၀တ်တွေ မပြောင်ရင်လည်း အရိုက်ခံရတယ်။ ပထမတစ်ခါ ရောက်သွားတုန်းက သားကို ရိုက်တာ တစ်ကိုယ်လုံးနာပြီး ၃ရက်လောက် ဖျားတယ်။ ဒါပေမဲ့ သူတို့က အလုပ်တွေ ဆက်ခိုင်းတယ်။ အဲဒီမှာရှိတဲ့ သူတွေကို သားအရမ်း ကြောက်တယ်။ သား နောက်တစ်ခါ ပြန်မသွားချင်ဘူး”ဟု ပြောရင်း တစ်လိမ့်လိမ့် ကျလာသော မျက်ရည်များကို ပေရေနေသော လက်ခုံဖြင့် ပွတ်ချရင်း ပြောပြခဲ့သူက လှည်းတန်း ခုံးကျော်တံတား အောက်တွင် ကြုံသလို နေနေရသော အသက် ၁၀နှစ်အရွယ်ရှိ ဖိုးတေဟုခေါ်သော ကလေးငယ် တစ်ဦး ဖြစ်သည်။

ဖိုးတေလို ကလေး တစ်ယောက်အတွက် ငိုကြွေးမှုဆိုတာ သာမာန် ကလေးတွေလို မကြာခဏ ဖြစ်လေ့ဖြစ်ထရှိတဲ့ ကိစ္စတော့ မဟုတ်၊ ဒါပေမယ့် အခုချိန်မှာတော့ သူ့ဘ၀ကို အရေးတယူ မေးမည့်သူ ရှိချိန်မှာတော့ ကလေးအရွယ်သာ ရှိသေးသော ဖိုးတေတစ်ယောက် ကလေးလို ငိုနေပါသည်။

ဖိုးတေဆိုသည်မှာ လှည်းတန်း ခုံးကျော်တံတား အောက်ရှိ စကိတ်ကွင်းတွင် ညအိပ်လေ့ရှိသော ကလေးတစ်ယောက် ဖြစ်ကာ အသက်နှင့် မလိုက်အောင်ပင် မကြာခဏ ဖမ်းဆီး ခံနေရသူဖြစ်ပြီး ငှက်အော်စမ်းဟု ခေါ်သော လူငယ် ထိန်းသိမ်းရေး စခန်းသို့ နှစ်ကြိမ်ခန့် ရောက်ဖူးသူလည်း ဖြစ်သည်။

“သား ငှက်အော်စမ်းမှာ နှစ်ခါ ဖမ်းခံရဖူးတယ်။ ပထမတစ်ခါက ၄လ၊ ဒုတိယတစ်ခါက ၇လ။ ပထမတစ်ခါ အဖမ်းခံရတုန်းက လမ်းဘေးမှာ အိပ်နေတယ် ဆိုပြီးတော့ ခေါ်သွားတာ။ ဒုတိယ တစ်ခါတုန်းကကျတော့ သူငယ်ချင်းတွေနဲ့ လမ်းဘေးမှာ ရန်ဖြစ်တယ်ဆိုပြီး သားကို ဖမ်းခေါ်သွားတာ။ အဲဒီကို ပြန်သွားရမှာ အရမ်း ကြောက်တယ်။ အဲဒီထဲမှာ အရမ်း နှိပ်စက်တယ်”ဟု ဖိုးတေက မျက်ရည်များကို သုတ်ရင်း ဆက်၍ ပြောသည်။

ယခင်ကတော့ ဖိုးတေသည် မိဘများနှင့်အတူ ပျော်ရွှင်စွာ နေထိုင်ခဲ့ရသော ကလေးဖြစ်သော်လည်း လွန်ခဲ့သော တစ်နှစ်ကျော်မှ စတင်ကာ မိဘနှစ်ပါးစလုံး ဆုံးပါးသွားခဲ့ပြီး အရွယ်နှင့် မလိုက်အောင် ခြေဦးတည့်ရာ လျှောက်သွားရင်း လောကဓံကို ကြံ့ကြံ့ခံကာ ၀မ်းရေးအတွက် ရုန်းကန် နေရသူလည်း ဖြစ်သည်။

“သားဖေဖေနဲ့ မေမေတို့ ရှိတုန်းက အရမ်းပျော်တယ်။ သူတို့မရှိတော့ သားလည်း နေစရာ မရှိတော့ဘူး။ ရပ်ကွက်ထဲမှာ သားကို ဘယ်သူကမှ အလုပ် မခိုင်းချင်ဘူး။ သားကို ငယ်သေးတယ်လို့ ပြောတယ်။ အရင်တုန်းကတော့ အိမ်တွေက အ၀တ်လျှော်ခိုင်းတယ်။ ပြီးတော့ ၂၀၀၊ ၃၀၀ ပေးတယ်။ နောက်ပိုင်းကျတော့ သားကို မခိုင်းတော့ဘူး။ သားလည်း လုပ်စရာမရှိတော့ တောင်းစားတယ်။ မနက်ဘက်ဆို လှည်းတန်းနဲ့ မြေနီကုန်းတို့မှာ ပိုက်ဆံ လိုက်တောင်းတယ်။ ညဘက်ဆိုရင် ဒီခုံးကျော် တံတားအောက်မှာ လာအိပ်တယ်”ဟု ဖိုးတေက ဆက်ပြောပြသည်။

“မရှိခိုးနိုး” ဆိုသော စကားက ဖိုးတေတို့လို့ လမ်းဘေး ကလေးများအတွက် သီးသန့် ရေးထားတယ်လို့ ထင်ရလောက်အောင်ပင်၊ လူအများစုမှာ ဖိုးတေတို့လို စုတ်စုတ်ချာချာ ကလေးများ မြင်လျှင် တစ်ခုခုကို ခိုးယူတော့မည့်အလား သတိ ထားတတ်ကြသော်လည်း ကလေးများ ရင်ထဲမှာတော့ လူအများ ထင်ထားသလို မဟုတ်..။

“သားတို့က မခိုးဘူး။ ခိုးရင် နောက်တစ်ခါ တောင်းလို့ရမှာ မဟုတ်ဘူး။ မရှိရင် တောင်းစားတယ်။ ရှိရင် ရတဲ့ ပိုက်ဆံလေးနဲ့ ၀ယ်စားတယ်။ တစ်ခါတရံ ထမင်းဆိုင်တွေက ထမင်းနဲ့ဟင်း ပေးတယ်။ ရလာတဲ့ ထမင်းနဲ့ ဟင်းကိုပဲ သားတို့ ၀ိုင်းစားကြတယ်”ဟု လူကြီးဆန်ဆန် ပြောပုံမှာ နားထောင်ရသူကိုပင် တဒင်္ဂ မှင်သက် သွားစေသည်။

ထိုအချိန်တွင် ဖိုးတေကဲ့သို့ ဘ၀တူ ကလေးငယ်များ ထပ်မံ ရောက်ရှိလာပြီး ဖိုးတေကို ကစားရန် လှမ်းခေါ်လေတော့သည်။ သို့သော်လည်း ခံစားချက်များကို ဖွင့်ဟ ပြောဆိုနေသော ဖိုးတေခမျာ ဆော့ကစားရန် အာရုံရှိဟန် မတူ။ ရှားရှားပါးပါး မေးမြန်းသူရှိချိန်မှာ ရင်ဖွင့်ခွင့်ရတုန်း သူ၏ ဘ၀အကြောင်းကိုသာ ဆက်လက်ပြောရန် ဆန္ဒ ရှိနေသည်။ ဖိုးတေ၏ အပြုမူကြောင့် အခြားသော ဘ၀တူ ကလေးများကပါ သွားမကစားတော့ပဲ ဖိုးတေနံဘေးတွင် ၀ိုင်းထိုင်ပြီး သူတို့၏ ဘ၀အချို့ကို ပြောပြလေတော့သည်။

ဖိုးတေ သူငယ်ချင်းများထဲမှ ကလေးငယ် တစ်ဦးက ၄င်းထံတွင် မိဘနှစ်ပါး ရှိသော်လည်း အိမ်မှာ နေရသည်ကို ပျင်းရိ၍ ဖိုးတေရှိရာ ခုံးကျော် တံတားအောက်သို့ လာရောက် ဆော့ကစားရာမှ ဖိုးတေနှင့် ခင်မင်သွားတာ။ နောက်ပိုင်းကျတော့ ဖိုးတေဆီ နေ့တိုင်း လာတယ်။ နေ့လည်ဘက်ဆို သူနဲ့အတူ လိုက်တောင်းပေးတယ်။ ညဘက်ကျရင် ဒီခုံးကျော် တံတားအောက်မှာ ဆော့တဲ့အခါ ဆော့တယ်။ ပြီးတော့ စကိတ်ကွင်းက တန်းတွေပေါ်မှာ အိပ်တယ်”ဟု ဖိုးတေထက် အသက် ၄နှစ်ခန့်ကြီးသည့် မောင်မောင်စိုး အမည်ရှိ ကလေးတစ်ဦးက ဝင်ပြောသည်။

ထိုစဉ် ကလေးငယ်တစ်ဦးမှ ကြောက်ရွံ့သော အမူအရာဖြင့် စကားအချို့ ဆိုလာခဲ့မှပင် သူတို့လို ကလေးများမှာ ညပိုင်းမှာပင် ကောင်းမွန်စွာ အိပ်စက်ရခြင်း မရှိသည်ကို သတိပြု သိရှိခွင့်ရခဲ့သည်။

“ဦးလေးက သားတို့ကို လိုက်ဖမ်းနေတဲ့ ရဲကြီးတွေ မဟုတ်ရင် သားတို့ အကြောင်းကို ပြောပြမယ်။ သူတို့က အမြဲတမ်း သားတို့ကို ဖမ်းဖို့လုပ်နေတာ။ အရင်ကလည်း ခဏခဏ အဖမ်းခံရတယ်။ ည ဘက် သူတို့ လာပြီဆိုရင် ဒီဘက် ခုံးကျော်တံတား အောက်ကနေ ဟိုဘက် ခုံးကျော် တံတားအောက်ကို ပြေးရတယ်။ တစ်ခါတုန်းကလည်း ဖိုးတေ အိပ်နေတာကို လာပြီး ဖမ်းတာ ကျွန်တော်က နိုးနေတာနဲ့ အော်တော့ ကျွန်တော်တုိ့ အားလုံး အိပ်ချင်မူးတူးနဲ့ ထပြေးရတာ အ၀ိုင်းထိရောက်တယ်”ဟု ဖိုးတေ၏ သူငယ်ချင်း ငထက်က ရဲများ လာရောက် ဖမ်းဆီးချိန် သည်းထိတ်ရင်ဖို ထွက်ပြေးခဲ့ရပုံများနှင့် ပတ်သက်၍ ဖွင့်ဟ ပြောဆိုခဲ့သည်။

ဖိုးတေကဲ့သို့ ကလေးငယ်များသည် လူစည်ကားရာ နေရာများတွင် လက်ဖ၀ါးနှစ်ဖက် ဖြန့်၍ ပါးစပ်မှ တတွတ်တွတ် ရွတ်ကာ တောင်းရမ်းတတ်ကြပြီး တစ်နေကုန် ခြေဗလာဖြင့် လျှောက်သွား နေကြသည်ကို မြင်ရသည်မှာ စိတ်မချမ်းမြေ့ဖွယ်ရာ ကိစ္စတစ်ခု ဖြစ်သည်။
ဖိုးတေတို့ သူငယ်ချင်း တစ်စု ဘ၀ဇာတ်ကြောင်းများကို ပြောပြရင်း ဖိုးတေ၏ သူငယ်ချင်း တစ်ဦးမှ မုန့်သွားစားရန် ဖိုးတေအား ခေါ်ချိန်တွင် ဖိုးတေက ဒေါသတကြီးဖြင့် “ငါတို့က ဘာပိုက်ဆံရှိလို့ သွားစားရမှာလဲ။ ငါတောင် ရေသောက်ချင်နေတာ ညနေကတည်းက အခုချိန်ထိ ရေမသောက်ရသေးဘူး”ဟု အော်ဟစ်ကာ ပြောဆိုလေသည်။

ဖိုးတေနှင့် အပေါင်းအပါများသည် နေ့စဉ် ပုံမှန် ထမင်းစားသောက်ရသည် ဟူ၍ မရှိဘဲ ဗိုက်ဆာချိန်တွင် ဆော့ကစား၍ လည်းကောင်း၊ ကြိတ်မှိတ်ကာ အိပ်စက်၍ လည်းကောင်း ယင်းခုံးကျော် တံတားအောက်သို့ လာရောက်သည့် စကိတ်စီးသူများ ၀ိုင်းဖွဲ့ကာ အရက်သေစာ သောက်စားသူများ ထံမှ မုန့်အကြွင်းအကျန်များကို စားသောက်ရင်း ကျန်ရှိသည့် အရက်၊ ဘီယာ ပုလင်းခွံများကို ရောင်းချကာ ၀မ်းရေး ဖြေရှင်းရသည်ဟု ၄င်းတို့က ဆိုသည်။

“မနက်ဘက် လိုက်တောင်းရင် တစ်နေ့ကို ၁၀၀၀ကျော်၊ တစ်ခါတလေ ၂၀၀၀လောက် ရတယ်။ အဲဒီ ရတဲ့ပိုက်ဆံကို သားတို့ မုန့်ဝယ်စားတယ်။ သားသူငယ်ချင်းတွေ ရလာရင် သားကို ကျွေးတယ်။ သားရလာရင် သူတို့ကို ကျွေးတယ်။ လှည်းတန်း ဈေးထဲက ထမင်းဆိုင် တစ်ဆိုင်က သားတို့ကို ထမင်း အမြဲ ခေါ်ကျွေးတယ်။ အခု အဲဒီဆိုင်က ပိတ်သွားပြီ။ သားတို့လည်း သွားစရာနေရာ မရှိတော့ တောင်းလို့ရတဲ့ ပိုက်ဆံနဲ့ ၀ယ်စားရတယ်”ဟု ဖိုးတေက ပြောသည်။

ထို့နောက် စကားပြောနေရင်း မှအမှန်တကယ်ပင် ဗိုက်ဆာ လာပုံရကာခပ်လှမ်း လှမ်းတွင် ၀ိုင်းဖွဲ့ထိုင်၍ အရက်သောက်ကာ ဂစ်တာ တီးနေသူများထံသို့ တောင်းရမ်းရန် ထသွားလေသည်။ ဂစ်တာ တီးနေသူများနှင့် အရက် သောက်နေသူများက ဖိုးတေနှင့် သူငယ်ချင်း တစ်စုကို စိတ်ရှုပ်စွာ အော်ငေါက်နေချိန်တွင် ထိုအရက်ဝိုင်းတွင် ထိုင်နေသော အမျိုးသမီး တစ်ဦးက အာရုံနောက် သက်သာရန်အတွက် ပေးကမ်းလိုက်သော ဟောင်းနွမ်းနေသည့် ၅၀၀တန်လေးကို ဖိုးတေက လှမ်းယူလိုက်ပြီး လက်ထဲတွင် ကျစ်ကျစ်ပါအောင် ဆုပ်ရင်း ဗိုက်ဆာနေသော သူ၏ သူငယ်ချင်းများ နှင့်အတူ မုန့်စားရန်အတွက် ကလေး သဘာဝအတိုင်း ခုန်ပေါက် ပြေးလွှားလျက် လှည်းတန်း မီးပွိုင့်ဘက်သို့ ထွက်သွားလေသည်။
သူတို့ အတွက်တော့ မနက်လင်းသည်နှင့် အခြားသော ကလေးငယ်များကဲ့သို့ မျက်နှာသစ် သွားတိုက်ရန် မလို။ တစ်နေ့တာ ၀မ်းရေးအတွက် အလျင်အမြန် ထကာ တောင်းရမ်းဖို့ကိုသာ ပြေးလွှားကြရပြီ။ သူတို့အတွက်တော့ ထမင်း မစားလို့ ဆူပူမည့် မိဘ မရှိ၊ စာမလုပ်လို့ ရိုက်မည့်သူ မရှိ၊ သွေးလွန် တုတ်ကွေးအတွက် အကာကွယ်ပေးမည့် စောင်၊ ခြင်ထောင် ဘာမှမရှိ၊ မျှော်လင့် ချက်မရှိ၊ ဖိစီးမှု မရှိ၊ ဘာဆိုဘာမှ မရှိ၊ မရှိခြင်းများဖြင့် အသားကျလို့နေသည့် သူတို့ဘ၀မှာ အနာဂတ် မျှော်လင့်ချက် ကလေးတော့ ရှိလောက်မယ်လို့ မျှော်လင့်မိသည်။

ဒီလို မျှော်လင့်မိတာကြောင့်လည်း မုန့်သွားစားကြဖို့ အပြေးအလွှား ဆော့ရင်း ပြေးနေကြတဲ့ သူတို့နောက် ပြေးလိုက်ရင်း “ဟေ့ ဖိုးတေ မင်း ကြီးလာရင် ဘာလုပ်မလဲ” ဟု လှမ်းမေးလိုက်ရာ ပြေးနေရာကနေ ရပ်လိုက်ရင်း ခပ်ပြုံးပြုံး ပြန်ဖြေလိုက်ကတော့... “သားက ကားဘော်ဒီရုံ ပိုင်ရှင်ကြီး ဖြစ်ချင်တာ” တဲ့..။ ။

လျှမ်းလူ

http://www.tomorrow.com.mm/?q=articles/1947

ပြည်သူ့ဂုဏ်ရည်အသင်း၏ စီစဉ်ဆောင် ရွက်ပေးမူ့ဖြင့် အမျိးသားဒီမိုကရေစီအဖွဲ့ချုပ်၏ ပညာရေးနှင့် ကျန်းမာရေးရံပုံငွေနှင့် ရေဘေးသင့်ပြည်သူများ အတွက် ရံပုံငွေဂီတ
ဖျော်ဖြေပွဲကိုအမေရိကန် နိုင်ငံတွင် ပြုလုပ်ပါမည်

မြန်မာနိင်ငံမှ အဆိုတော်များဖြင့်သောထွန်းအိန္ဒာဗိုလ် ဆောင်းဦးလိူင် အာဇာနည် ဥက္ကာဦးသာနှင့် နီနီခင်ဇော်တို့မှ အကျိုးအမြတ်မယူဘဲ ပရဟိတစိတ်ဖြင့် လာရောက် ကူညီဖျော်ဖြေကြမည်ဖြစ်ပါသည်။ သို့ပါသောကြောင့် အမေရိကရောက်မြန်မာမိသားစုများအနေ နှင့် ကိုယ့်တိုင်းပြည်အတွင်းမှ ကလေးသူငယ်များ၏ ပညာရေး ကျန်းမာရေး နှင့် ရေဘေးသင့်ပြည်သူများအတွက် လာရောက်ကုသိုလ်ယူ အားပေးကြပါရန် မေတ္တာဖြင့်တိုက်တွန်းနိူးဆော် အပ်ပါသည်။

မိုး သူ

မြောင်းမြ သစ်ဆိမ့်ကုန်းမှာ NLD လူငယ်ကို ဝိုင်းရိုက်တဲ့ ကိစ္စမှာ သတင်းလိုက်တဲ့ EMG သတင်းထောက်ရဲ့ ရပ်တည်ချက်နဲ့ စုံစမ်းထောက်လှမ်းမှုကို လေးစားချီးကျူးပါတယ်

ကမ္ဘာ့ဒီမိုကရေစီနိုင်ငံဖြစ်တဲ့ အမေရိကန်မှာ မသမာမှုလုပ်တဲ့ သမ္မတတောင် ဝါရှင်တန်ပို့စ်သတင်းထောက်ကြောင့် သမ္မတအဖြစ်က နှုတ်ထွက်သွားခဲ့ရတာပဲ

အခု ရိုက်နှက်မှုကိစ္စမှာလည်း ပြည်ခိုင်ဖြိုးပါတီရဲ့အနောက်မှာ ပူးပေါင်းကြံစည်မှု ဒါမှမဟုတ် State Sponsor ပါဝင်ခဲ့တာကို အခိုင်အမာသက်သေပြနိုင်ရင် ကမ္ဘာသိဖြစ်စဉ်ကြီး ဖြစ်လာနိုင်ပါတယ်

အဲဒါကြောင့် EMG ကို ဌာနဆိုင်ရာတွေ ရဲတွေနဲ့ အထုပ်ပြေမှာကြောက်သူတွေ အသေမုန်းကြတာပဲ

သေချာတာကတော့ ရွေးကောက်ပွဲနီးလေလေ ဖြတ်လေးဖြတ်နဲ့ ကောက်ကျစ်ယုတ်မာမှုတွေ တဖြေးဖြေး တွေ့ရလေလေပါပဲ..

Credit Yan Aung

dassk-sakaing-trip-620.jpg စစ်ကိုင်းတိုင်းဒေသကြီး ခန္တီးမြို့မှာ ကျင်းပတဲ့ မဲဆွယ်စည်းရုံးရေးဟာပြောပွဲမှာ အမျိုးသားဒီမိုကရေစီအဖွဲ့ချုပ် ဥက္ကဌ ဒေါ်အောင်ဆန်းစုကြည်ကို စက်တင်ဘာလ ၂၅ ရက်နေ့က တွေ့ရစဉ်

ခေါင်းဆောင်ဆိုတာ ဆင်းရဲဒုက္ခတွေကို ရှေ့ဆုံးကရင်ဆိုင်ပြီး အခွင့်အရေးကို နောက်ဆုံးမှ ယူသူတွေဖြစ်ကြောင်း၊ အုပ်ချုပ်တဲ့သူတွေက ချမ်းသာနေပြီး ပြည်သူအများက ဆင်းရဲငတ်မွတ်နေတယ်ဆိုတာ ခေါင်းဆောင်မကောင်း လို့ဖြစ်ကြောင်း NLD အမျိုးသားဒီမိုကရေစီအဖွဲ့ချုပ် ဥက္ကဋ္ဌ ဒေါ်အောင်ဆန်းစုကြည်က ပြောလိုက်ပါတယ်။

စစ်ကိုင်းတိုင်း ဟုမ္မလင်းမြို့ ထမံသီကျေးရွာမှာ ဒီနေ့ကျင်းပတဲ့ မဲဆွယ်ဟောပြောပွဲမှာ ဒေါ်အောင်းဆန်းစုကြည်က အခုလို ပြောကြားလိုက်တာပါ။

ဒါ့အပြင် အဲ့ဒီဟောပြောပွဲမှာ ကလေးသူငယ်တွေကို ငယ်စဉ်ကတည်းက နိုင်ငံရေးကို စိတ်ဝင်စားအောင် မိဘတွေက အားပေးကြပါလို့လည်း ဒေါ်အောင်းဆန်းစုကြည်က တိုက်တွန်းခဲ့ပါတယ်။

ဒေါ်အောင်းဆန်းစုကြည်ဟာ ဒီနေ့ မနက်ပိုင်းက ဟုမ္မလင်းကို ရောက်ရှိလာပြီး မနက်ဖြန်မနက်ပိုင်းမှာ ဟုမ္မလင်းမှာ ဟောပြောပွဲ ကျင်းပမှာဖြစ်ပါတယ်။

RFA
http://www.rfa.org/burmese/news/dassk-leader-ship-need-speech-09262015103749.html

ncct-nainghanthar-620.jpg ရန်ကုန်မြို့ Green Hill Hotel မှာ ဇွန်လ ၂၃ ရက်နေ့ကကျင်းပတဲ့ သတင်းစာရှင်းလင်းပွဲမှာ NCCT အဖွဲ့ခေါင်းဆောင် ဦးနိုင်ဟံသာကို တွေ့ရစဉ်

တစ်နိုင်ငံလုံးအပစ်အခတ်ရပ်စဲရေး သဘောတူစာချုပ် (NCA) စာချုပ်ကို တိုင်းရင်းသားတွေဘက်က လာမယ့် အောက်တိုဘာလမှာ လက်မှတ်ထိုး၊ မထိုးကို ယတိပြတ်အဖြေမပေးနိုင်သေးဘူးလို့ တိုင်းရင်းသားလက်နက်ကိုင် အဖွဲ့အစည်းတွေနဲ့ ဖွဲ့စည်းထားတဲ့ အဆင့်မြင့်ညှိနှိုင်းရေး SD အဖွဲ့ဝင် ဦးနိုင်ဟံသာက ပြောပါတယ်။

ပြည်ထောင်စုငြိမ်းချမ်းရေး ဖော်ဆောင်ရေးလုပ်ငန်း ကော်မတီဘက်က NCA စာချုပ်ကို အောက်တိုဘာလလယ်မှာ အပြီးသတ် လက်မှတ်ရေးထိုးနိုင်မှာ ဖြစ်တယ်လို့ပြောထားပေမယ့် တိုင်းရင်းသားတွေဘက်က အဖွဲ့တွေ အားလုံးပါဝင်ရေးကို ဆွေးနွေးရဦးမယ်လို့ ဦးနိုင်ဟံသာက ပြောပါတယ်။

"အတိအကျတော့ ကျနော်တို့ အဖြေမပေးနိုင်သေးဘူးပေါ့နော်၊ ဘာကြောင့်လဲဆိုတော့ ကျနော်တို့ရဲ့ ရပ်တည် ချက်က အားလုံးပါဝင်ရေး၊ အားလုံးထဲမှာ တိုင်းရင်းသားလက်နက်ကိုင်အဖွဲ့ ၂၁ ဖွဲ့စလုံး မစုံသေးတော့ဗျာ ၂၁ ဖွဲ့စလုံးပါနိုင်ရင်တော့ ကောင်းတာပေါ့လေ၊ တကယ်လို့ အဲ့ဒါအားလုံးမပါနိုင်သေးရင်တောင် ကျနော်တို့ NCCT နဲ့ SD မှာပါဝင်တဲ့ ၁၇ ဖွဲ့စလုံး ပါဝင်လက်မှတ်ရေးထိုးရေးကို ကျနော်တို့က အဓိကထားတောင်းဆိုတယ်"

တစ်နိုင်ငံလုံး အပစ်အခတ်ရပ်စဲရေးသဘောတူစာချုပ် NCA မှာ တိုင်းရင်းသား လက်နက်ကိုင်တပ်ဖွဲ့တွေ အားလုံးပါဝင်ဖို့ တိုင်းရင်းသား ထိပ်သီးအစည်းအဝေးတစ်ရပ်ကိုလည်း ထိုင်နိုင်ငံ ချင်းမိုင်မြို့မှာ လာမယ့် စက်တင်ဘာလ ၂၈ ရက် ကနေ ၃ဝ ရက်နေ့အထိ ကျင်းပသွားမယ်လို့ သိရပါတယ်။

နိုင်ငံတော် သမ္မတ ဦးသိန်းစိန်က တိုင်းရင်းသား လက်နက်ကိုင်အဖွဲ့ (၁၅) ဖွဲ့ကို NCA စာချုပ်မှာ လက်မှတ်ထိုးဖို့ ကမ်းလှမ်းထားပေးမယ့် တိုင်းရင်းသားတွေဘက်က NCCT ထဲက အဖွဲ့ ၁၇ ဖွဲ့စလုံးပါမှသာ လက်မှတ်ရေးထိုးနိုင် မယ်လို့ တောင်းဆိုထားပါတယ်။

အဲ့ဒီ ၁၇ ဖွဲ့ထဲက ရခိုင်တပ်မတော် AA ၊ တအာင်းလွတ်မြောက်ရေးတပ်မတော် TNLA ၊ မြန်မာတိုင်းရင်းသားများ ဒီမိုကရက်တစ် မဟာမိတ်တပ်မတော် MNDAA တို့ကိုတော့ အစိုးရက ဒီတစ်ကြိမ်လက်မှတ်ရေးထိုးရာမှာ ထည့်သွင်းထားခြင်း မရှိသေးပါဘူး။

RFA

၂၀၁၀ ကမ္ဘာ့ဖလား ဘောလုံးပြိုင်ပွဲတွင် ပြိုင်ပွဲမကျင်းပမီ FIFA FAIR PLAY အမှတ်တံဆိပ် ကိုင်ဆောင်ထားသည်ကို တွေ့ရစဉ်

ကျွန်တော် သုဝဏ္ဏကွင်းထဲ ဘောလုံးပွဲ သွားကြည့်တိုင်း အမြဲလိုလို တွေ့ရတတ်တဲ့ မြင်ကွင်းတစ်ခု ရှိပါတယ်။ ဘောလုံးပွဲ မစတင်မီ ကွင်းထဲ နှစ်ဖက်အသင်းသားတွေ ဘယ်၊ ညာတန်းစီပြီး မထွက်ခွာမီ ဘောကောက် လူငယ်လေးဦးက ကြီးမားတဲ့ အ၀ါရောင် ပိုစတာကြီးတစ်ခုရဲ့ ထိပ်စွန်းလေးဖက်ကို ကိုင်ပြီး ထွက်လာတဲ့ မြင်ကွင်းပါ။ အ၀ါရောင် အောက်ခံပေါ်မှာ ဖီဖာအမှတ်တံဆိပ်နဲ့ ရေးထားတာက “FAIR PLAY” ဆိုတဲ့ စာသားပါ။ ဘောလုံးပွဲ ကြည့်ကြသူတိုင်း ဒီမြင်ကွင်းကို မြင်ဖူးကြမှာပါ။ တစ်ဆက်တည်းမှာ ဖီဖာရဲ့ ပွဲထွက် ဂီတသံ ဟိန်းထွက်လာပြီး ဘောလုံးသမားတွေနဲ့ ဒိုင်လူကြီးလေးဦး ကွင်းထဲကို ညီညီညာညာ တန်းစီ ၀င်ရောက်လာတဲ့ မြင်ကွင်းဟာ ဘောလုံးပြိုင်ပွဲရဲ့ လှပတဲ့မြင်ကွင်း တစ်ခုပါ။

ဘောလုံးပြိုင်ပွဲရယ်မှ မဟုတ်ပါဘူး။ တစ်ဖက်နဲ့တစ်ဖက် ယှဉ်ပြိုင်ရတဲ့ အားကစားပွဲတိုင်း (Rule of the Game) အတိုင်းက စားဖို့ ဒိုင်လူကြီးတွေ ထားရှိပါတယ်။ ယှဉ်ပြိုင်ခြင်းမှာ စည်းကမ်းရှိရမှာ ဖြစ်သလို “သန့်ရှင်း မျှတစွာကစားဖို့” နှစ်ဖက်ကစားသမား များကလည်း သဘောတူကြပါတယ်။ ဘောလုံးပြိုင်ပွဲ များမှာတော့ ဒါကို သတိပေးတဲ့ အနေနဲ့ ပြိုင်ပွဲမစတင်မီ “သန့်ရှင်း မျှတစွာကစားပါ” (Fair Play) ဆိုပြီး ပိုစတာနဲ့ ဆော်သြပါ တယ်။ ဒါ ဖီဖာ (ကမ္ဘာ့လောလုံးအဖွဲ့ချုပ်) က ချမှတ်ထားတဲ့ စည်းမျဉ်းတစ်ခုပါ။

“Fair Play” လို့ ဘယ်လိုပဲ လှုံ့ဆော်မှုတွေ ရှိနေပါစေ ဒီကနေ့ ကမ္ဘာ့ဘောလုံးပြိုင်ပွဲတွေမှာ Fair Play မဖြစ်တဲ့ ပြိုင်ပွဲတွေ အများကြီးကို ကျွန်တော်တို့ မြင်တွေ့နေရပါတယ်။ သိပ်မကြာခင် ရက်ပိုင်းတုန်းကပဲ အင်္ဂလိပ် ပရီးမီးယားလိဂ် (ချဲလ်ဆီးနဲ့ အာဆင်နယ်) ကစားတဲ့ပွဲမှာ ချဲလ်ဆီးတိုက်စစ်မှူး ဒီယေဂိုကော်စတာနဲ့ အာဆင်နယ် ကစားသမား ကိုစီရယ်နီတို့ ဥပဒေပ ကစားရာက တွန်းထိုးရန်ဖြစ်ကြလို့ အာဆင်နယ် ကစားသမားခမျာ ဒိုင်လူကြီးရဲ့ အနီကတ်နဲ့ ကွင်းထဲက ထွက်ခဲ့ရတယ်။ ဒီပွဲကို မျက်မြင်ကြည့် လိုက်ရတဲ့ ပရိသတ်ကတော့ ပထမဦးဆုံး ရန်စသူက “ဒီယေဂိုကော်စတာ” ဖြစ်တယ်ဆိုတာ သိကြတယ်။ ဒိုင်ကတော့ ကိုစီရယ်နီကိုပဲ အနီကတ် ပြစ်ဒဏ် ချမှတ်ခဲ့တယ်။ ဒါက ဥပမာ တစ်ခုပါ။

“Fair Play” ဆိုတာ နှစ်ဖက် ကစားသမားတွေနဲ့သာ သက်ဆိုင်တာ မဟုတ်ပါဘူး။ နှစ်ဖက် ပရိသတ်နဲ့လည်း သက်ဆိုင်ပါတယ်။ ကျွန်တော်တို့ ဘောလုံးပြိုင်ပွဲတွေမှာ မကြာခဏ မြင်တွေ့ရတာက ပရိသတ်ချင်း ရန်ဖြစ်ကြ တာ၊ ခဲလုံးတွေ၊ ရေဘူးတွေနဲ့ ပစ်ပေါက်ကြတာ၊ ရုန်းရင်းဆန်ခတ် ဖြစ်ကြတာတွေကိုပါ။ များသောအားဖြင့် ကိုယ့်အသင်း အရေးနိမ့်နေချိန်မှာ တစ်ဖက်အသင်း ကစားသမားကို ပရိသတ်တွေက ပွဲကြည့်စင်ပေါ်ကနေ ပစ္စည်းတွေနဲ့ ပစ်ပေါက် ကြတာပဲဖြစ်တယ်။ တစ်လောက မန္တလေးမြို့၊ သီရိမန္တလာကွင်းမှာ မြန်မာအမျိုးသမီးနဲ့ ထိုင်း အမျိုးသမီးအသင်းတို့ ကစားကြတော့ ပရိသတ်အချို့ ကွင်းထဲကို ရေဘူးတွေနဲ့ ပစ်ပေါက်ခဲ့တာ ရှိခဲ့ပါ တယ်။ အရှေ့ဥရောပက (ဆားဘီးယား၊ မွန်တီနီဂရိုး၊ ဘော့စနီးယား၊ ဆလိုဗေးနီးယား) စတဲ့ နိုင်ငံ တွေမှာလည်း ဘောလုံးပြိုင်ပွဲတွေမှာ ပရိသတ် ရုန်းရင်းဆန်ခတ်မှုတွေ မကြာခဏ ဆိုသလို ဖြစ်တတ်ပါတယ်။ ဘောလုံးပွဲက အမျိုးသားရေးနဲ့ ဆိုင်လို့ မျိုိးချစ်စိတ် လွန်ကဲမှုက ဒီလို ရုန်းရင်းဆန်ခတ်မှုကို ဖြစ်စေပါတယ်။ မြန်မာနိုင်ငံမှာတော့ ဒီအဖြစ်မျိုး မကြာခဏ ကြုံခဲ့ကြပြီး (ပြီးခဲ့တဲ့ နှစ်နှစ်ကျော်က ဂျော်ဒန် နဲ့ ကမ္ဘာ့ဖလားခြေစစ်ပွဲ) မှာ ကွင်းထဲ ခဲနဲ့ပေါက်လို့ ဖီဖာက သုဝဏ္ဏကွင်းကို ပိတ်တဲ့ ပြစ်ဒဏ်တောင် ချမှတ်ခဲ့ပါသေးတယ်။

တကယ်တော့ ဖီဖာကချမှတ်ထားတဲ့ “သန့်ရှင်းစွာ ကစားပါ” (Fair Play) ဆိုတဲ့ စည်းကမ်းအတိုင်း ကစားကြရင် ဘာပြဿနာမှ မရှိပါဘူး။ ခုလည်း (Fair Play) ပြဿနာက စလာပါပြီ။ မကြာခင် ကျင်းပပြုလုပ် တော့မယ့် “၂၀၁၅ အထွေထွေ ရွေးကောက်ပွဲ” (သို့မဟုတ်) ပါတီများရဲ့ ပြိုင်ပွဲ၊ အမတ်လောင်းများရဲ့ ပြိုင်ပွဲ (Contests) ဖြစ်ပါတယ်။

အားလုံးသိကြတဲ့အတိုင်း ရွေးကောက်ပွဲ ကော်မရှင်က “ဒိုင်လူကြီး” ဆိုရင် ပါတီများရဲ့ အမတ်လောင်းများက ‘ပြိုင်ဘက်အသင်း’ တွေပေါ့။ ဒီပြိုင်ပွဲမှာ တစ်သီးပုဂ္ဂလ အပါအ၀င် ပါတီကြီး-ငယ်(၉၀)ကျော် ၀င်ပြိုင်ကြမယ်လို့ သိရတယ်။ ဒါပေမဲ့ အဓိက ပြိုင်ဘက် ပါတီကတော့ နှစ်ပါတီတည်းပါ။ “ပြည်ခိုင်ဖြိုး” နဲ့ “NLD” လို့ လူသိများကြတဲ့ ပါတီကြီး နှစ်ခုပါ။ ရွေးကောက်ပွဲ နီးကပ်လာတာနဲ့အမျှ ပြိုင်ဆိုင်မှုက နည်းနည်းတော့ ပြင်းထန်လာပါပြီ။

ဒီအချိန်မှာ လက်ဝှေ့စကားနဲ့ ပြောရရင် “ချက်အောက်ထိုး” တဲ့ပါတီ။ ဘောလုံးစကားနဲ့ ပြောရရင် “ခြေထိုးခံ” တဲ့ပါတီ။ ပြိုင်ပွဲစည်းမျဉ်း အပြင်က အနိုင်ရဖို့ ကြိုးစားလာတဲ့ ဖြစ်ရပ်တွေ တွေ့လာရပါပြီ။ (၂၄.၉.၂၀၁၅) နေ့ သတင်းစာ တစ်စောင်မှာပဲ မြို့နယ်တချို့မှာ အဓိက ပါတီကြီးတစ်ခုရဲ့ ကိုယ်စားလှယ်လောင်း ဓာတ်ပုံတွေ၊ မဲဆွယ်ပိုစတာတွေ ဖျက်ဆီးခံရတယ်လို့ သတင်း ဖော်ပြထားတာတွေ့ရပါတယ်။ ပိုပြီး ထူးခြားတဲ့ သတင်းတစ်ပုဒ်က စစ်ကိုင်းတိုင်းဒေသကြီး၊ ယင်းမာပင်ခရိုင်၊ ဆားလင်းကြီး မြို့နယ်ထဲမှာ ဖြစ်ပွားခဲ့တာပါ။ အမျိုးသား ဒီမိုကရေစီအဖွဲ့ချုပ်၊ တိုင်းဒေသကြီး လွှတ်တော် ကိုယ်စားလှယ်လောင်း တစ်ဦးက ရွေးကောက်ပွဲ ကော်မရှင်ရဲ့ တရားဝင် ခွင့်ပြုချက်နဲ့ မဲဆွယ် စည်းရုံးရေး လုပ်နေတုန်း ပြည်ခိုင်ဖြိုး ပါတီဝင်တစ်ဦးက ပါတီဝတ်စုံ ၀တ်ဆင်ပြီး အမျိုးသား ဒီမိုကရေစီအဖွဲ့ချုပ်ကို မဲပေးဖို့မလိုကြောင်း ပြောကြားတဲ့အပြင် နှောင့်ယှက်မှုတွေ လုပ်ခဲ့တယ်လို့ သိရပါတယ်။ သတင်းဓာတ်ပုံအရ အင်မတန်ရုပ်ဆိုးတဲ့ လုပ်ရပ်တစ်ခုပါ။ ဒါဟာ “သန့်ရှင်းစွာယှဉ် ပြိုင်ပါ” (Fair Play) ဆိုတဲ့ စည်းမျဉ်းကို ဗြောင် ချိုးဖောက်လိုက်တာပဲဖြစ်တယ်။ ဒါလည်း သာဓကတစ်ခုပါ။ အလားတူဖြစ်ရပ်မျိုး မြန်မာပြည်အနှံ့ အောက်ခြေတွေမှာ ဖြစ်နေတာကိုလည်း ကြားနေရပါတယ်။ NLD ဥက္ကဋ္ဌ ဒေါ်အောင်ဆန်းစုကြည်ကို ပုဂ္ဂိုလ်ရေး အပုပ်ချထားတဲ့ စာရွက်စာတမ်းတွေကို ဗြောင် ကျကျဝေငှနေတဲ့ သူတွေရှိသလို နိုင်ငံရေးမှာ ဘာသာရေးကို ခုတုံးလုပ်ပြီး တစ်ဖက်ပါတီကို တိုက်ခိုက် နေတာတွေလည်း ရှိနေပါတယ်။

ကိုယ့်ပါတီအနိုင်ရဖို့၊ ကိုယ့်အသင်း အနိုင်ရဖို့ ယှဉ်ပြိုင်ကြပါ။ ဒါပေမဲ့ လူကြီး လူကောင်းဆန်ဆန် သန့်သန့်ရှင်းရှင်း ယှဉ်ပြိုင်ကြပါ။ (Rule of the Game)အတိုင်း ပြိုင်ကြပါ။ ခြေမထိုး၊ ချက်အောက် မထိုးကြပါနဲ့။ ဒိုင်လူကြီးကလည်း ပြိုင်ပွဲစည်းမျဉ်းအတိုင်း လိုက်နာပါ။ ဘက်မလိုက်ပါနဲ့။ မတရားမှုကို မျက်ကွယ်ပြုထားရင် ဒါဟာသန့်ရှင်းတဲ့ ပြိုင်ပွဲဖြစ်လာမှာ မဟုတ်တော့ပါဘူး။ ကိုယ့်ပါတီ အနိုင်ရဖို့ ပြိုင်ဘက်ရဲ့ အားနည်းချက်၊ ကိုယ့် ရဲ့အားသာချက်ကို ဖော်ထုတ်ခွင့်ရှိပါတယ်။ အားနည်းချက်၊ အားသာချက်၊ ကောင်းကွက်၊ ဆိုးကွက်တွေကို အတည်ပြု ဆုံးဖြတ်ရမှာက ပြည်သူပါ။ ခုချိန်မှာ (Dirty Game) ဖြစ်လာနိုင်တဲ့ အစအနတွေကို မြင်လာရလို့ သတိ ပေးရတာပါ။ အားလုံး သန့်ရှင်းမျှတစွာ (Fair Play) ကစားနိုင်ကြပါစေ...။

ချစ်ဝင်းမောင်
http://news-eleven.com/opinions/%E1%80%9E%E1%80%94%E1%80%B9%E1%82%94%E1%80%9B%E1%80%BD%E1%80%84%E1%80%B9%E1%80%B8%E1%80%85%E1%80%BC%E1%80%AC-%E1%80%80%E1%80%85%E1%80%AC%E1%80%B8%E1%80%95%E1%80%AB