10/07/15

 ​မြန်​မာ​အ​လုပ်​သ​မား​တွေ​ကို ​သိန်း​ဇော်​တို့ ​လူ​မှောင်​ခို​ဂိုဏ်း​က ​ခိုး​သွင်း​နေ​တယ်​လို့ ​ဆို
 လူ​ကုန်​ကူး​တဲ့ ​မြန်​မာ​ဂိုဏ်း ​ခေါင်း​ဆောင် ​သိန်း​ဇော် ​ဆို​သူ​နဲ့ ​အ​ဖွဲ့​ဝင် ၅ ​ဦး​ကို ​ထိုင်း ​အ​ထူး ​မှု​ခင်း​အ​ဖွဲ့​နဲ့ ​ထိုင်း​နိုင်​ငံ​ရောက် ​မြန်​မာ ​နိုင်​ငံ​သား​များ ​အ​ဖွဲ့ (MAT) ​တို့​က ​ပူး​ပေါင်း ​ဖေါ်​ထုတ်​ပြီး ​ဖမ်း​ဆီး​လိုက်​ပါ​တယ်။

မြန်​မာ​နိုင်​ငံ ​ဘု​ရား​သုံး​ဆူ​နဲ့ ​နယ်​န​မိတ် ​ဆက်​နေ​တဲ့ ​ထိုင်း​နိုင်​ငံ ​ကန်​ကျ​နာ့​ဘူ​ရီ​ခ​ရိုင်၊ ​ထာ့​မ​ကား ​မြို့​နယ်​မှာ ​ဖမ်း​ဆီး​လိုက်​တာ​ပါ။

ကန်​ကျ​နာ့​ဘူ​ရီ​ခ​ရိုင်၊ ​ထာ့​မ​ဟား​မြို့​နယ်​က ​နာ​နတ်​သီး ​စည်​သွတ်​ဘူး ​စက်​ရုံ​အ​တွက်​နဲ့ ​မ​ဟာ​ချိုင်​ဘက်​က ​စက်​ရုံ​တွေ​အ​တွက် ​မြန်​မာ ​အ​လုပ်​သ​မား​တွေ​ကို ​သိန်း​ဇော် ​ဆို​သူ​နဲ့ ​အ​ဖွဲ့​ဝင် ၅​ဦး ​ခိုး​သွင်း​နေ​တာ ​ဖြစ်​တယ်​လို့ ​မြန်​မာ​သံ​ရုံး ​အ​လုပ်​သ​မား ​ကူ​ညီ ​စောင့်​ရှောက်​ရေး ​ကော်​မ​တီ​ဝင် ​ထိုင်း​နိုင်​ငံ​ရောက် ​မြန်​မာ​နိုင်​ငံ​သား​များ​အ​ဖွဲ့ MAT ​အ​ဖွဲ့ ​ဒါ​ရိုက်​တာ ​ဦး​ကျော်​သောင်း ​က​ပြော​ပါ​တယ်။

သိန်း​ဇော်​တို့ ​အ​ဖွဲ့​က ​မြန်​မာ ​အ​လုပ်​သ​မား​တွေ​ကို ​မ​ထင်​ရင် ​မ​ထင်​သ​လို ​ရိုက်​နှက်​တာ​တွေ​လည်း ​ရှိ​တယ်​လို့ ​အ​ရိုက်​ခံ ​ခဲ့​ရ​ဘူး​သူ ​ကို​ဖြိုး​က ​ဘီ​ဘီ​စီ​ကို ​ပြော​ပါ​တယ်။

ထိုင်း-​မြန်​မာ​အ​စိုး​ရ ​သ​ဘော​တူ MOU ​နား​လည်​မှု ​စာ​ချွန်​လွှာ​အ​ရ ​လာ​မယ် ​ဆို​ရင် ​ကုန်​ကျ​စ​ရိတ် ​များ​ပြီး ​အ​လုပ်​ပြောင်း​လို့ ​မ​ရ​တဲ့​အ​တွက် ​တ​ရား​မ​ဝင် ​လာ​နေ​ကြ​တာ ​ဖြစ်​တယ်​လို့ ​ဦး​ကျော်​သောင်း​က ​ပြော​ပါ​တယ်။

MAT ​အ​ဖွဲ့​အ​နေ​နဲ့ ​လူ​မှောင်​ခို​ဂိုဏ်း​တွေ​ကို ​ထိုင်း​အာ​ဏာ​ပိုင်​တွေ​နဲ့ ​အ​ခု​နှစ်​အ​တွင်း​မှာ ၁၆ ​ကြိမ်​မြောက် ​ပူး​ပေါင်း​ဖေါ်​ထုတ်​နိုင်​ခဲ့​ပြီး ​လူ​ကုန်​ကူး​ခံ​ရ​သူ ၈၆ ​ယောက်​ကို ​ကယ်​တင်​နိုင်​ခဲ့​တယ်​လို့ ​ဦး​ကျော်​သောင်း​က ​ပြော​ပါ​တယ်။

BBC Burmese
http://www.bbc.com/burmese

အမေရိကန်စစ်တပ် ဗိုလ်ချုပ်ကြီး John Campbell 
 အာဖဂန်နစ္စတန်နိုင်ငံ Kunduz မြို့မှာရှိတဲ့ ဆေးရုံတရုံကို အမေရိကန်တပ်ဖွဲ့တွေက မှားယွင်းပြီး လေကြောင်းကနေ ဗုံးကြဲတိုက်ခိုက်ခဲ့မိကြောင်း အမေရိကန် စစ်တပ်ထိပ်တန်းအရာရှိကြီးက ပြောကြားလိုက်ပါတယ်။ စနေနေ့က ဖြစ်သွားခဲ့တဲ့ အဲဒီ တိုက်ခိုက်မှုကြောင့် လူပေါင်း ၂၂ ဦး သေဆုံးခဲ့ပါတယ်။

တာလီဘန်သူပုန်တွေက ဆေးရုံထဲကနေ ပစ်ခတ်တိုက်ခိုက်နေတဲ့အတွက် အာဖဂန်စစ်တပ်က အကူအညီ တောင်းတဲ့အတွက် နယ်စည်းမခြား ဆရာဝန်များအဖွဲ့က ဖွင့်လှစ်ထားတဲ့ ဆေးရုံကို သူတို့အနေနဲ့ တိုက်ခိုက်ခဲ့ခြင်းဖြစ်ကြောင်း အမေရိကန်စစ်တပ် ဗိုလ်ချုပ်ကြီး John Campbell က ၀ါရှင်တန်ဒီစီမြို့ ကွန်ဂရက်လွှတ်တော်မှာ ပြုလုပ်တဲ့ ကြားနာပွဲမှာ ထွက်ဆိုသွားပါတယ်။

ဒါပေမဲ့ အမေရိကန် တပ်ဖွဲ့တွေအနေနဲ့ အကူအညီ တောင်းခံမှုကို ပြန်လည် သုံးသပ်ပြီးမှ နာရီဝက်ကြာတဲ့ အဲဒီ တိုက်ခိုက်မှုကို ပြုလုပ်ခဲ့ခြင်း ဖြစ်တယ်လို့ သူက ပြောပါတယ်။

လေကြောင်းက ကူညီတိုက်ခိုက်ပေးဖို့အတွက် အမေရိကန်စစ်တပ် အုပ်ချုပ်ရေးပိုင်း အဆင့်ဆင့်က ဆုံးဖြတ်ခဲ့ခြင်းဖြစ်ကြောင်း၊ ဆေးရုံကို မှားယွင်းစွာ ပစ်ခတ်ခဲ့မိကြောင်း၊ အကာကွယ်ပေးရမယ့် ဆေးဘက်ဆိုင်ရာ အဆောက်အဦးတခုကို သူတို့အနေနဲ့ ဘယ်တော့မှ တမင် တိုက်ခိုက်မှာ မဟုတ်ကြောင်း ဗိုလ်ချုပ်ကြီး Campbell က ပြောပါတယ်။

ဒီကိစ္စနဲ့ပတ်သက်လို့ အမေရိကန်နဲ့ အာဖဂန်အရာရှိတွေက ဆက်လက် စုံစမ်းနေဆဲ ဖြစ်တဲ့အတွက် တခြား အသေးစိတ် အချက်အလက်တွေ ထုတ်ဖော်ပြောဆိုဖို့ အာဖဂန်နိုင်ငံဆိုင်ရာ နေတိုးတပ်ဖွဲ့တွေရဲ့ အကြီးအကဲလည်းဖြစ်တဲ့ ဗိုလ်ချုပ်ကြီး Campbell က ငြင်းဆိုခဲ့ပါတယ်။

ဗွီအိုအေ (မြန်မာပိုင်း)
http://burmese.voanews.com

ကုလသမဂ္ဂ အထွေထွေညီလာခံ ဥက္ကဋ္ဌဟောင်း John Ashe 
 အမေရိကန် ဒေါ်လာ သန်းနဲ့ချီ လာဘ်ယူပြီး တရုတ်နိုင်ငံက စီးပွားရေးလုပ်ငန်းရှင်ကြီးတဦးရဲ့ အကျိုးစီးပွားကို မြှင့်တင်ပေးခဲ့မှုနဲ့ နှစ်ပေါင်းများစွာ အခွန်ငွေပေးဆောင်ဖို့ ပျက်ကွက်မှုနဲ့ ပတ်သက်လို့ ကုလသမဂ္ဂ အထွေထွေညီလာခံ ဥက္ကဋ္ဌဟောင်းတဦးကို နယူးယောက်မြို့မှာ ဖမ်းဆီး စွဲချက်တင် လိုက်ပါတယ်။

အသက် ၆၁ နှစ်အရွယ် John Ashe ဟာ Antigua နဲ့ Barbuda နိုင်ငံရဲ့ ကုလသမဂ္ဂဆိုင်ရာ သံအမတ်အဖြစ် ၂၀၀၄ နှစ်ကနေ စတင် တာဝန်ထမ်းဆောင်ခဲ့သူဖြစ်ပြီး၊ ၂၀၁၃ ခုနှစ်မှာ ၆၈ ကြိမ်မြောက် ကုလသမဂ္ဂ အထွေထွေညီလာခံ ဥက္ကဋ္ဌအဖြစ် ရွေးကောက် တင်မြှောက်ခံခဲ့ရတာပါ။ သူ့ကို နယူးယောက်မြို့ ဆင်ခြေဖုံးအရပ်မှာရှိတဲ့ သူ့နေအိမ်မှာ အင်္ဂါနေ့မနက်က ဖမ်းဆီး ထိန်းသိမ်းလိုက်တာလို့ အာဏာပိုင်တွေက ပြောပါတယ်။

John Ashe အနေနဲ့ ၂၀၁၃ ခုနှစ်နဲ့ ၂၀၁၄ ခုနှစ်အကြား လာဘ်ငွေ အနဲဆုံး ဒေါ်လာ ၁.၃ သန်းကို လက်ခံခဲ့ပြီး အဲဒီငွေတွေအတွက် အမေရိကန်အစိုးရကို အခွန်ပေးဆောင်ခြင်း မရှိခဲ့ဘူးလို့ နယူးယောက်မြို့ တောင်ပိုင်းခရိုင် အစိုးရရှေ့နေ Preet Bharara က ၃၇ မျက်နှာပါ စွဲချက်ထဲမှာ ဖော်ပြထားပါတယ်။

သူ့အပေါ် တင်ထားတဲ့ စွဲချက်ထဲမှာ ဖော်ပြထားချက်တွေအရ သူ့အနေနဲ့ Rolex နာရီတွေ၊ ဒီဇိုင်းနာ အနောက်တိုင်း ၀တ်စုံတွေနဲ့ ကိုယ်ပိုင် ဘတ်စကက်ဘောကွင်းတွေ ပိုင်ဆိုင်နိုင်ဖို့အတွက် John Ashe အနေနဲ့ သူ့ရဲ့ ၆၈ ကြိမ်မြောက် အထွေထွေညီလာခံ ဥက္ကဋ္ဌရာထူးအပြင် သူ့ဂုဏ်သိက္ခာနဲ့ နိုင်ငံတကာ အသိုင်းဝိုင်းကို ရောင်းစားခဲ့တာ ဖြစ်တယ်လို့ သူ့အပေါ် စွဲချက်တင်ကြောင်း ထုတ်ပြန်တဲ့ သတင်းစာရှင်းလင်းပွဲမှာ Bharara က သတင်းထောက်တွေကို ပြောပါတယ်။

ဗွီအိုအေ (မြန်မာပိုင်း)
http://burmese.voanews.com

dassk-moemauk-620.jpg ကချင်ပြည်နယ် မိုးမောက်မြို့မှာ အောက်တိုဘာလ ၆ ရက်နေ့က ဒေါ်အောင်ဆန်းစုကြည် ရွေးကောက်ပွဲအောင်နိုင်ရေးအတွက် မဲဆွယ်စည်းရုံးဟောပြောစဉ်

မြန်မာနိုင်ငံမှာ တရုတ်နိုင်ငံသားတွေ လာရောက်ပြီး တရားမ၀င် သစ်ခိုးထုတ်မှုတွေရှိနေတာဟာ ဒေသဆိုင်ရာ အုပ်ချုပ်ရေးပိုင်းနဲ့ ပူးပေါင်းလုပ်ဆောင်ကြတာဖြစ်နိုင်ကြောင်း အမျိုးသားဒီမိုကရေစီအဖွဲ့ချုပ် ဥက္ကဋ္ဌ ဒေါ်အောင်ဆန်းစုကြည်က ပြောလိုက်ပါတယ်။

ကချင်ပြည်နယ် မိုးမောက်မြို့ ခါနန်ရပ်ကွက်က လောကမာရဇိန်ဘုရားဝင်းအတွင်းမှာ ဒီကနေ့ ကျင်းပတဲ့ မဲဆွယ်စည်းရုံးဟောပြောပွဲမှာ တက်ရောက်လာတဲ့ ဒေသခံတစ်ဦးက ကချင်ပြည်နယ်မှာ တရုတ်နိုင်ငံသားတွေ တရားမဝင် သစ်ခိုးထုတ်နေတာကို မေးမြန်းရာမှာ ဒေါ်အောင်ဆန်းစုကြည်က အခုလိုဖြေကြားခဲ့တာပါ။

"သစ်နဲ့ပတ်သက်လို့ပဲဖြစ်ဖြစ် တခြားတရားမဝင် နိုင်ငံရဲ့သယံဇာတပစ္စည်းတွေကို ထုတ်ပြီးရောင်းတာနဲ့ ပတ်သက်လို့ အဲ့ဒါလုပ်တာက အုပ်ချုပ်ရေးပိုင်းဆိုင်ရာကို ပေးပြီးတော့လုပ်ကြတယ်ဆိုတာ ပြည်သူတွေအားလုံး သိပြီးသာဖြစ်ပါတယ်၊ ကျမတို့ဟာ အနှစ် ၃ဝ အတိုက်အခံအဖွဲ့တစ်ခုအနေနဲ့ ရပ်တည်ခဲ့တာပါ၊ ကျမတို့ကို အမျိုးမျိုးကန့်သတ်ပြီးတော့ ဖိနှိပ်နေတာကလည်း ဒီသစ်တွေ ရောင်းဝယ်တဲ့ကိစ္စနဲ့ ပတ်သက်နေတဲ့ ပုဂ္ဂိုလ်တွေ ပဲဖြစ်ပါတယ်၊ လူတိုင်းလူတိုင်းဟာ ဥပဒေအောက်မှာ တန်းတူညီတူဖြစ်ရမယ်၊ သာမာန်လူတစ်ယောက်က သစ်ပင်မခုတ်ရဘူးဆိုလို့ရှိရင် ဝန်ကြီးတစ်ယောက်ကလည်း သစ်ပင်ခုတ်ပိုင်ခွင့်မရှိပါဘူး၊ တန်းတူညီတူပါပဲ"

ဒါ့အပြင် တရုတ်မြန်မာနယ်စပ်နဲ့ နီးတဲ့မြို့တွေမှာ အဲဒီလို တရားမ၀င် သစ်ခိုးထုတ်လုပ်မှုတွေ ဖြစ်နေတာဟာ တရားဥပဒေစိုးမိုးမှု မရှိတာကြောင့်ဖြစ်တယ်လို့ ပြောပါတယ်။ ဒေါ်အောင်ဆန်းစုကြည်က နိုဝင်ဘာလ ၈ရက်နေ့ ရွေးကောက်ပွဲနေ့မှာ မဲပေးကြဖို့ ဒေသခံတွေကို တိုက်တွန်းခဲ့ပါတယ်။ ဒေါ်အောင်ဆန်းစုကြည်ဟာ ကချင်ပြည်နယ်အတွင်း ပြီးခဲ့တဲ့အောက်တိုဘာ ၂ ရက်ကနေ ၆ ရက်နေ့အထိ မြစ်ကြီးနား၊ ဝိုင်းမော်၊ မိုးညှင်း၊ မိုကောင်း၊ မိုးမောက်စတဲ့ မြို့နယ်တွေမှာ မဲဆွယ်ဟောပြောခဲ့တာဖြစ်ပြီး ဒီကနေ့ည ရန်ကုန်မြို့ကို ပြန်လည်ရောက် ရှိပါတယ်။

RFA
http://www.rfa.org/burmese/news/dassk-says-corrupted-officials-involved-illegal-logging-10062015142037.html

 sspp-ssa-620.jpg ရှမ်းပြည်တပ်မတော်(မြောက်ပိုင်း) SSPP/SSA တည်ထောင်ခြင်း ၄၈ နှစ်ပြည့် အခမ်းအနားတွင် SSA တပ်သားများ စစ်ရေးပြချီတက်နေကြစဉ်။

ရှမ်းပြည်တောင်ပိုင်း မိုင်းရှုးမြို့နယ်ထဲမှာ SSPP/SSA ရှမ်းပြည်တိုးတက်ရေးပါတီ / ရှမ်းပြည်တပ်မတော် (ဝမ် ဟိုင်း) အဖွဲ့နဲ့ အစိုးရတပ်မတော်တို့ တိုက်ပွဲဖြစ်ပွားနေလို့ ရွာ ၅ ရွာလောက်က ဒေသခံတွေ ထွက်ပြေးနေကြရပါတယ်။

ဒီကနေ့ မနက်ပိုင်း မိုင်းရှုးမြို့ကနေ ဆယ်မိုင်လောက်ကွာဝေးတဲ့ နောင်ခြေရွာနားမှာ ဖြစ်ပွားခဲ့တာလို့ SSPP/ SSA (ဝမ်ဟိုင်း) အဖွဲ့က ဒုတိယဗိုလ်မှူးကြီး စိုင်းလှက ပြောပါတယ်။

"ဒီနေ့မနက် ၈ နာရီ ၄ဝ မှာ အရှေ့အလယ်ပိုင်းတိုင်း စစ်ဌာနချုပ်က တပ်အင်အား ၃ဝဝ လောက်က ဟိုးအရင်က သူတို့ဖယ်ခိုင်းတဲ့နေရာပေါ့ မိုင်းရှုးမြို့နယ် နောင်ခြေရွာအနီးမှာပေါ့"

တိုက်ပွဲဖြစ်ပွားရာ အနီးတစ်ဝိုက်က နောင်ခြေ၊ နားသယ်၊ မိုင်းခန် စတဲ့ ရွာ ၅ ရွာလောက်က ဒေသခံတွေလည်း တိမ်းရှောင်နေကြရတယ်လို့ ပြောပါတယ်။

အစိုးရတပ်မတော် အရှေ့အလယ်ပိုင်းစစ်ဌာနချုပ်က အင်အား ၃၀၀ လောက်နဲ့ ရင်ဆိုင်တိုက်ပွဲဖြစ်ပွားနေတာဖြစ်ပြီး SSPP/SSA (ဝမ်ဟိုင်း) အဖွဲ့ရဲ့ နောင်ခြေရွာနားက တပ်စခန်းတစ်ခုကို ဦးတည်တိုက်ခိုက်နေတာဖြစ်တယ် လို့ ပြောပါတယ်။

RFA
http://www.rfa.org/burmese/news/government-army-clash-sspp-ssa-10062015135103.html



ပြည်ထောင်စု ကြံ့ခိုင်ရေးနှင့် ဖွံ့ဖြိုးရေးပါတီ ပူးတွဲ ဥက္ကဋ္ဌ ဦးဌေးဦးသည် အောက်တိုဘာ ၅ ရက်က ဟင်္သာတမြို့နယ် ကျေးရွာအချို့၌ မဲဆွယ်စည်းရုံးခဲ့ပြီး ရဲကွင်းကျေးရွာသို့ ရောက်ရှိချိန်တွင် အိုဘားမား
နှစ်ကြိမ်လာတော့ နှစ်ကြိမ် အနမ်းခံရတောပေါ့ဟု ပြောဆို မဲဆွယ်စည်းရုံးခဲ့ကြောင်း သိရသည်။

"နိုင်ငံရေးစနစ် ပြောင်းလဲမှုကို ဘယ်သူတွေ အသိအမှတ်ပြုလဲဆိုတော့ ဟိုအရင်တုန်းက စိတ်ထဲမှာ ဇဝေဇ၀ါဖြစ်နေတဲ့ ပြောင်းမှာ မဟုတ်ပါဘူးဆိုတဲ့ နိုင်ငံကြီးတွေ အသိအမှတ် ပြုလာတယ်။ အဆက်အသွယ် လုပ်လာတယ်။ အဲဒီအတွက် ဟိုးအရင်တုန်းက ကျွန်တော်တို့ကို ကုလသမဂ္ဂနယ်ပယ်မှာ အပြစ်တွေ တင်နေတယ်။ အရေးယူဖို့ လုပ်နေတယ်ဆိုတဲ့ နိုင်ငံကြီးတွေ ကျွန်တော်တို့ မြန်မာနိုင်ငံကို လာလည်ကြတယ်။
မစ္စတာ အိုဘားမား။ သူလာတယ်။ နှစ်ကြိမ်တောင် လာတယ်။ နှစ်ကြိမ်လာတော့ ဘာဖြစ်လဲ။ နှစ်ကြိမ် အနမ်းခံရတာပေါ့" ဟု ဦးဋ္ဌေးဦးက ရဲကွင်းကျေးရွာ၌ ပြုလုပ်သော ပြည်ခိုင်ဖြိုးပါတီ မဲဆွယ် စည်းရုံးပွဲတွင်
ပြောကြားခဲ့ခြင်း ဖြစ်သည်။

ဦးဋ္ဌေးဦး၏ ပြောစကားတွင် ပါဝင်သော "နှစ်ကြိမ် အနမ်းခံရတာပေါ့" ဟူသည့် ပြောဆိုချက်သည် အမေရိကန်သမ္မတ အိုဘားမား မြန်မာနိုင်ငံသို့ လာရောက်သည့် ခရီးစဉ်အတွင်း အမျိုးသားဒီမိုကရေစီအဖွဲ့ချုပ်ဥက္ကဋ္ဌ ဒေါ်အောင်ဆန်းစုကြည်နှင့် သီးခြားတွေ့ဆုံခဲ့စဉ် နှုတ်ဆက်ခဲ့ခြင်းကို ရည်ညွှန်းခဲ့ခြင်း ဖြစ်ပါသည်။

ဦးဋ္ဌေးဦး နည်းတူ ဧရာဝတီတိုင်း ၀န်ကြီးချုပ် ဦးသိန်းအောင်လည်း သမ္မတ အိုဘားမားနှင့် ဒေါ်အောင်ဆန်းစုကြည်တို့ နှုတ်ဆက်နေသော ဓာတ်ပုံတစ်ပုံကို ဗီနိုင်းပိုစတာထုတ်ပြီး မေးခွန်း
ထုတ်မှုများ ပြုလုပ်ခဲ့ဖူးကြောင်း ဦးသိန်းအောင် ဗီနိုင်းပိုစတာ ကိုင်ဆောင်ထားသော ဓာတ်ပုံနှင့်တကွ ပြောဆိုထားသည့် Facebook Status တစ်ခု ပြီးခဲ့သည့် စက်တင်ဘာ ၂၀ ရက်က လူမှုကွန်ယက်
စာမျက်နှာများတွင် ပျံ့နှံ့ခဲ့ဖူးသည်။ ထိုသို့ ပျံ့နှံခဲ့ပြီး ၁၅ ရက်အကြာ ဟင်္သာမြု့နယ်တွင် မဲဆွယ် စည်းရုံးမှု၌ ဦးဋ္ဌေးဦး၏ တရားဝင် ပြောကြားချက် ထွက်ပေါ်လာခြင်း ဖြစ်ပါသည်။

၂၀၁၅ ခုနှစ် အထွေထွေ ရွေးကောက်ပွဲတွင် ဦးဋ္ဌေးဦးက ဟင်္သာတမြို့နယ် ပြည်သူ့လွှတ်တော် မဲဆန္ဒနယ် တွင် လည်းကောင်း၊ ဦးသိန်းအောင်က ဧရာဝတီ တိုင်းဒေသကြီး လွှတ်တော် မဲဆန္ဒနယ် (၁) အင်္ဂပူမြို့နယ်မှ ၀င်ရောက်ယှဉ်ပြိုင်မည် ဖြစ်သည်။

Eleven Media Group

ကြီးကြီး၊ မဲစာရင်းကြည့်ပြီးပြီ လား။
➤ အမယ်လေးဟဲ့၊ မောင်မင်းကြီး သားရဲ့၊ ခုမှတရေးတမောလာမေးနေတယ်၊ ငါပဲ တအိမ်လုံး မဲစာရင်းနဲ့ အလုပ်ရှုပ်နေတာလေ။

☞ ဟဲ-ဟဲ၊ တအိမ်လုံးမှာ ကြီးကြီး တယောက်ပဲ အလုပ်မရှိ၊ အကိုင်မရှိဆိုတော့ မဲစာရင်းနဲ့ အလုပ်ပေးထား တာပေါ့။ သွားကြည့်တော့ မဲစာရင်းမှာ အားလုံးအမှန်ချည်းပဲ မဟုတ်လား။
➤ မပြောချင်တော့ပါဘူး၊ စောနေ၀န်းရေ၊ ပထမသွားကြည့်တော့ ငါ့မှတ်ပုံတင်နံပါတ်နဲ့ မင်းမှတ်ပုံတင် နံပါတ် မှားနေလို့ လျှောက်လွှာရေးပြီး ပြန်ပြင်ခိုင်းခဲ့တာလေ။

☞ အဲဒီတော့ အခုမှန်သွားပြီ မဟုတ်လား။
➤ ခုကျတော့ ငါ့မွေးသက္ကရာဇ်က မှားပြန်ပြီ၊ ငါက ၁၈ နှစ်မပြည့်သေးဘူး ဖြစ်နေတယ်။

☞ အဟား၊ ဟား၊ ဟား အသက်က ပြောင်းပြန်ရေးထားတာပေါ့။
➤ အေးဟဲ့၊ ဒီလောက်ငွေကုန် ကြေးကျခံပြီး သန်းခေါင်စာရင်းကောက် ထားပါရဲ့နဲ့၊ လူတွေကို ထပ်ပြီး အလုပ် မရှုပ်ရှုပ်အောင် လုပ်နေတယ်။ ဒီရွေးကောက်ပွဲကော်မရှင်ကလည်း ၃၀ ရာခိုင်နှုန်းပဲ မှန်နိုင်မယ်တဲ့လား။ ဘယ် နိုင်ငံမှာမှ မကြားဘူးပေါင်၊ ငါတို့တာဝန်က မဲရုံကိုသွားပြီး ကိုယ်ကြိုက်တဲ့သူကို မဲထည့်ခဲ့ရုံပဲ။ ခုတော့ မွေး သက္ကရာဇ်ရော၊ မိဘနာမည်ရော၊ မှတ်ပုံတင်နံပါတ်ရော အကုန်လုံးကို စိတ်မချစွာ သွားကြည့်နေရတယ်။ ပြီးတော့ ငါတို့လို သက်ကြီးရွယ် အိုတွေ၊ မျက်စိမမြင်မကန်းနဲ့ ခြေတုန်လက်တုန်သူတွေ ဘယ်လိုနေရာမှာ တံဆိပ်တုံး ဘယ်လိုထုကြမလဲ။

☞ အဲဒါ လုံးဝမဟုတ်သေးဘူး ကြီးကြီးရာ၊ သန်းခေါင်စာရင်းကောက်တုန်းက ကုန်ကျတဲ့ ငွေတွေလိုပဲ၊ အခု လည်း မဲစာရင်းမှန်ဖို့၊ သက်ကြီးရွယ်အိုတွေ လွယ်လွယ်ကူကူ မဲထည့်ဖို့ ငွေကုန်ကြေးကျ ခံရဦးမယ်ထင်တယ်။
➤ စောနေ၀န်းရယ်၊ မင်းမလဲ၊ မဲစာရင်းမှန်ဖို့၊ မမှန်ဖို့ဘဲ ပြောနေတယ်။ မဲစာရင်းမှန်စရာမလိုပါဘူး၊ မဲနိုင်ဖို့သာ အရေးကြီးတယ်ဟဲ့။

☞ မဲစာရင်း မမှန်ဘဲနဲ့ ဘယ်လို အနိုင်အရှုံး ဆုံးဖြတ်မလဲ။
➤ အကွက်တွေရှိတယ်ဟေ့။

☞ ဘာအကွက်တွေလဲ။
➤ သတိထား၊ ကုလသမဂ္ဂကတောင် ရွေးကောက်ပွဲကာလမှာ ဗမာပြည်ကို သူတို့ဝန်ထမ်းတွေ မသွားမလာ ကြဖို့ တားနေတယ်။

☞ ဟုတ်လား၊ ဘာတွေကြားထားလို့လဲ မသိဘူး။
➤ လာမယ်လေ၊ လူမျိုးရေး၊ ဘာသာရေး ပဋိပက္ခတွေ၊ လူမျိုးရေးဆိုလို့ တရုတ်နဲ့တော့ မဟုတ်ဘူးနော်၊ အဲ ဘာသာရေးကလည်း အမျိုးဘာသာ သာသနာကိုစောင့်ရှောက်မယ်ဆိုတဲ့သူတွေ၊ လူတွေ ဒီလောက်နှိပ်စက် ညှဉ်းပန်းခံနေရတာ၊ လယ်သိမ်းခံရ၊ လုပ်ခမျှမျှ တတမပေးတဲ့အပြင် အဖမ်းခံရ၊ ရှေ့နေကိုတရားစွဲ၊ ကျောင်း သားတွေကို နှိပ်စက်၊ သံဃာ တော်တွေကို အကြမ်းဖက်၊ ဒါတွေကိုကျတော့ ဘာမှဝင်မပြောဘဲနဲ့ အမျိုးဘာသာ သာသနာတဲ့၊ လူဆိုတဲ့ သတ္တ၀ါရယ်လို့တောင် အသိအမှတ်ပြုမခံရဘဲနဲ့ အမျိုးကို ဘယ်လိုစောင့်ရှောက် ကြမလဲ- ကဲ။
နောက်ဆုံးတော့ ရုတ်ရုတ်သဲသဲ ၀ရုန်းသုန်းကားဖြစ်လာ။ ပြီးမှ စစ်တပ်ဟာ မရှိမဖြစ်လိုအပ်တယ်လို့ ဖြစ်လာဦး မှာပဲဟဲ့။ အဲဒီလိုတွေ ရှိတယ်ဟဲ့၊ မှတ်ထား။

မယ်မင်းကြီးမ

News Watch(စောင့်ကြည့်သတင်းဂျာနယ်)

[youtube src="9rBzzOIJOGU"/]
ကချင်ပြည်နယ်မှာ လူထုနဲ့ သွားရောက်တွေ့ဆုံနေခဲ့တဲ့ ငြိမ်းချမ်းရေးနိုဗယ်ဆုရှင် ဒေါ်အောင်ဆန်းစုကြည်ဟာ သူ့အနေနဲ့ တပ်မတော်ကို တကယ်စေတနာထားပြီး သိက္ခာရှိစေချင်တဲ့အကြောင်း အောက်တိုဘာ ၄ရက်မှာ လူထုကို ပြောပြခဲ့ပါတယ်။

Kamayut Media

မဲစာရင်း လာစစ်နေသူများ။ 
 ကိုယ့်ရဲ့ကိုယ်ပိုင် မဲဆန္ဒနယ် ပြင်ပကို ရောက်နေကြတဲ့ မဲဆန္ဒရှင်တွေ အနေနဲ့ ကိုယ်ရောက်ရှိနေတဲ့ ပြည်နယ်၊ တိုင်းဒေသကြီးအသီးသီးက မဲဆန္ဒနယ်တွေမှာ မဲပေးခွင့်ရဖို့ ပုံစံ (၃-က) လျှောက်လွှာ တင်နိုင်တဲ့ရက် ဟာ အောက်တိုဘာလ ၁၀ရက်နေ့မှာ စာရင်းပိတ်တော့မှာမို့အချိန် ၄ ရက်ပဲ ကျန်ပါတော့တယ်။ ရန်ကုန်မြို့ အပါအဝင် မြန်မာနိုင်ငံတွင်းက နေရာအတော်များများမှာ သိန်းချီတဲ့ ရွှေ့ပြောင်းနေ ထိုင်သူ တွေ ဟာ မိမိတို့ဆန္ဒမဲ ပေးပိုင်ခွင့်ရှိတယ် ဆိုတာကို ပြည်ထောင်စုရွေးကောက် ပွဲကော်မရှင်ဘက်က ရွေးကောက်ပွဲဆိုင်ရာ အသိပညာပေးမှု အားနည်းနေတယ်လို့ စောင့်ကြည့်လေ့လာသူတွေကပြောပါတယ်။ အသေးစိတ် မဆုမွန် တင်ပြပေးထားပါတယ်။

နိုဝင်ဘာလ ၈ရက်နေ့မှာ ကျင်းပမှာဖြစ်တဲ့ ၂၀၁၅ ရွေးကောက်ပွဲအတွက် ဆန္ဒမဲပေးပိုင်ခွင့်ရှိသူ မြန်မာနိုင်ငံသားတွေ နိုင်ငံသား အခွင့်အရေးနဲ့အညီ မဲပေးနိုင်ခွင့်ရှိရေး မြန်မာနိုင်ငံတွင်း ရက်ပေါင်း(၁၈၀) ခြောက်လထက်မနည်း မဲဆန္ဒနယ်ပြင်ပကိုရောက်နေတဲ့ မဲဆန္ဒရှင်တွေအနေနဲ့ မဲစာရင်းထဲပါဝင်နိုင်အောင် ပုံစံ(၃-က) ဖြည့်ပြီး အောက်တိုဘာလ ၁၀ရက်နေ့ နောက်ဆုံး ထား လျှောက် ထားကြဖို့ ပြည်ထောင်စု ရွေးကောက်ပွဲ ကော်မရှင်က နိုးဆော်ထားတာပါ။ ဒါကြောင့် မြန်မာနိုင်ငံအနှံ့က ရွှေ့ပြောင်းနေထိုင် အလုပ်လုပ်ကိုင်နေသူတွေအတွက် မဲစာရင်းမှာ အမည်ပါရေး ပုံစံ(၃-က) ဖြည့်ဖို့ရက်က အချိန် ၄ရက်ပဲ ကျန်ပါတော့တယ်။

ဒါပေမဲ့ပြည်ထောင်စုရွေးကောက်ပွဲကေ်ာမရှင်က ဒီရွှေ့ပြောင်းနေထိုင်သူတွေအပေါ် ထိထိရောက်ရောက် အသိပညာပေးနိုးဆော်မှု လုပ်ဆောင်နေတာ အားနည်းလွန်းတယ်လို့ ဆင်ခြေဖုံးအရပ်တွေမှာ ရွှေ့ပြောင်းနေထိုင်သူတွေကို အဓိက ရွေးကောက်ပွဲဆိုင်ရာ ပညာပေးလုပ်ငန်းတွေ လုပ်နေတဲ့ Independent Youth for Change လူငယ် အဖွဲ့က ကိုဆောင်းခက ပြောပါတယ်။

“တကယ့်နိုင်ငံအပြောင်းအလဲလိုချင်တယ်ဆိုရင် ကိုယ်ကိုတိုင် မဲပေးခွင့်ရအောင် ဒီလေးရက်အတွင်းမှာ ရပ်ကွက်ရုံးတွေမှာ မဲပေးခွင့်ရအောင် သွားရောက်လျှောက် ထားသင့်တယ်လို့ ကျနော်ထင်တယ်။ ၁၀ ရက်အတွင်းလုပ်ရမယ့်ကိစ္စကို စိတ်ဝင်စားမှု လုံးဝမရှိဘူး။ ဘာကြောင့်လဲဆိုတော့ ကျနော်တို့ရပ်ကွက်ထဲမှာကိုပဲ UEC ကနေ လာအော်တာက အဲဒီနေ့ တရက်ပဲ လာအော်တယ်။ သူက အဲဒီနေ့တရက်ဘဲလာအော်ပြီး ထပ်မလာတော့ဘူး။ ပြီးတော့ UEC အနေနဲ့ လုပ်သင့်တာက နေ့ရက်တိုင်းကိုဗျာ။ လာအော်ပြီးတော့ လူထုကို အမြဲတမ်း alarm လုပ်ပေးရမယ်။ဘာကြောင့်လဲဆိုတော့ လူတွေက အခုအချိန်မှာ ကျနော်တို့ ရွှေပြည်သာ၊ လှိုင်သာယာတွေမှာ အားလုံးက တနေ့လုပ်မှ တနေ့စားရတဲ့လူတွေများတယ် ဆိုတော့ အဲဒီဟာကို အာရုံမစိုက်နိုင်ဘူး။ ဒီဘက်က UEC ရဲ့လုပ်ဆောင်မှုတွေအရမ်းအားနည်းနေတယ်လို့ ကျနော်မြင်တယ်။”

ပြည်သူတွေအနေနဲ့ မိမိ အိမ်ထောင်စုစာရင်း အမည်မပေါက်တဲ့ နေရာကိုရောက်နေတယ် ဆိုရင် ကိုယ်ရောက်နေတဲ့ မဲဆန္ဒနယ်မှာ မဲပေးခွင့် ရချင်တယ်ဆိုရင် မဲဆန္ဒရှင်စာရင်းပါဝင်နိုင်ရေး သက်ဆိုင်ရာ ရပ်ကွက်/ကျေးရွာအုပ်စု ကော်မရှင်အဖွဲ့ရုံးတွေမှာ ပုံစံ (၃-က) လျှောက်လွှာတွေ တောင်းယူပြီး ဒီလ ၁၀ ရက်နေ့ နောက်ဆုံးထား အချိန်မှီလျှောက်ထားကြရမှာဖြစ်ပါတယ်။

“တချို့ရပ်ကွက်အုပ်ချုပ်ရေးမှူးတွေက ငြင်းလွှတ်တယ်ဗျာ။ ဥပမာ ကျနော်တို့ရွှေ့ပြည်သာ က ရပ်ကွက် UEC ကော်မရှင် ဥက္ကဌအနေနဲ့ လာပြီးတော့ သူက အဲဒီမှာ ရှိတဲ့လူစာရင်းတွေကို ကောက်ပေးတဲ့ ကောက်ပေးပြီးတော့ အဲဒီမှာ တာဝန်ခံတယောက်ထားပြီးတော့ ရပ်ကွက်ထဲက ရပ်မိရပ်ဖ သဘောမျိုးပေါ့၊ ပြီးတော့ နဲနဲကြီးတဲ့လူကို ပါဝင်ပေးပြီးတော့ သူကနေပြီးတော့ အဲဒီအစည်းအဝေးမှာ ရှိတဲ့လူတွေအားလုံးကို စာရင်းလိုက်ကောက်ပြီး (၃-က) နဲ့ပြန်တင်ပေးတာမျိုးရှိတယ်။ အဲလိုမျိုးရပ်ကွက်တိုင်းမှာ လုပ်နိုင်ရင်အကောင်းဆုံးပဲ။ အဲ့လိုကိုလုပ်သင့်တယ်လို့ ကျနော်ထင်တယ်။ ဒီလက်ရှိအခြေအနေအရ။ ပြည်သူက ၀င်ပါမှ၊ ပြည်သူက လုပ်မှရမယ်ဆိုတာမျိုးမဟုတ်ဘဲနဲ့ UEC ကလုပ်ပေးရင် အများကြီးကောင်းလိမ့်မယ်လို့ ကျနော်ထင်တယ်။”

 ရွေးကောက်ပွဲ ကော်မရှင်က ပြီးခဲ့တဲ့ သြဂုတ်လကတည်းက ကြေညာချက် ထုတ်ပြန်ထားတာပါ။ ဒါပေမဲ့လည်းမဲဆန္ဒရှင်ပြည်သူတွေကြားမှာတော့ ပုံစံ (၃-က) နဲ့ ပတ်သက်တဲ့ နားလည်မှု၊ ဒီလျှောက်လွှာကို ဘယ်လို ရယူ ဖြည့်စွက်ပြီး ဘယ်လို တင်ရမလဲ ဆိုတာကို မသိကြတဲ့သူတွေ အများအပြား ရှိနေပါတယ်လို့ ကိုယ်တိုင်အသိပညာပေးလိုက်လံ ဆောင်ရွက်ပေးနေတဲ့သူတွေကပြောပါတယ်။

ပြည်တွင်းမှာ ရွှေ့ပြောင်းနေထိုင်လုပ်ကိုင်နေတဲ့ မဲဆန္ဒရှင်တွေအနေနဲ့ လည်း နိုင်ငံသားအခွင့်အရေးနဲ့အညီ ဆန္ဒမဲပေးပိုင်ခွင့် ရှ်ိတယ် ဆိုတာ ကို ရွေးကောက်ပွဲ ဆိုင်ရာ အသိ အားနည်းနေပါတယ်လို့ ကိုယ့်အသိစိတ်ဓာတ်နဲ့ ကိုယ် စေတနာ့ ဝန်ထမ်းအနေနဲ့ ရွေးကောက်ပွဲ ပညာပေးလုပ်ငန်း လိုက်လံ ဆောင်ရွက်ပေးနေတဲ့ လူငယ်တွေက ပြောပါတယ်။ ဆင်ခြေဖုံး ရပ်ကွက်တွေကို ကိုယ်တိုင်အသိပညာပေးလိုက်လံ ဆောင်ရွက်ပေးနေတဲ့ မရွှေဆက်က-

“ရွေ့ပြောင်းတွေအတွက်က ကျမတို့က အဓိက မဲစာရင်းစစ်ပေးဖို့ပဲပေါ့။ မဲစာရင်း သွားစစ်ဖို့ရယ် ပြောင်းလာတာ ဘယ်လောက်ကြာပြီလဲပေါ့နော်။ ၆ လပြည့်ပြီဆိုရင် မဲစာရင်းသွားစစ်ပြီးတော့ မပါလို့ရှိရင်တော့ ပုံစံတွေသွားယူပြီးဖြည့်ဖို့ အဲဒါမျိုးတွေ တိုက်တွန်းခဲ့တာပါပဲ။ အများစုကတော့ ဈေးရောင်းကြတယ်။ အဲဒီနားမှာ ပြီးသွားတော့ စက်ရုံတွေ၊ အလုပ်ရုံတွေပေါ့နော်။ အဲလိုမျိုးတွေရှိတယ်။ မဲစာရင်း သွားမစစ်ဖြစ်ဘူးပေါ့နော်။ သွားစစ်ဖို့အချိန်မပေးဘူးပေါ့နော်။ သိပ်ပြီးတော့ နည်း မလည် သဘောမပေါက်ဘူး၊ ဒါပေမယ့်ပြောပြရင်တော့ နားထောင်တယ်။”

မြန်မာနိုင်ငံအနှံ့အပြားက ရွှေ့ပြောင်း နေထိုင် အလုပ်လုပ်ကြ သူတွေကြား ရွေးကောက်ပွဲနဲ့ ပတ်သက်တဲ့ မဲဆန္ဒရှင် အသိပညာပေးမှုတွေ နည်းပါးလွန်းတာကြောင့် မဲဆန္ဒရှင်တွေ အနေနဲ့ မဲပေးခွင့် ဆုံးရှုံးရမယ့် အခြေအနေမှာ ရှိနေတာပါ။ ရန်ကုန်၊ မန္တလေးလို မြို့ကြီးတွေက စက်မှုလုပ်ငန်းဇုံတွေ ကချင်ပြည်နယ် ဖားကန့်ဒေသလို အစုလိုက်အပြုံလိုက် အလုပ်ရွှေ့ပြောင်း လုပ်ကိုင်သူတွေ သိန်းချီရှိနေတဲ့ ဒီဆန္ဒမဲပေး ခွင့်ရှိတဲ့ပြည်သူတွေ အတွက် ပြည်ထောင်စုရွေးကောက်ပွဲ ကော်မရှင်ဘက်က ထိရောက် တဲ့ဆောင်ရွက်ခြင်း မရှိဘူးလို့လည်း ရွေးကောက်ပွဲ လေ့လာ စောင့်ကြည့် သူတွေက ဝေဖန်ပြောဆိုနေကြပါတယ်။

မဆုမွန် / ဗွီအိုအေ (မြန်မာပိုင်း)
http://burmese.voanews.com

ဆီး​ရီး​ယား ​ဒု​က္ခ​သည်​တွေ ​တူ​ရ​ကီ​ဘက်​ကို ​ဝင်​ရောက်​ပြီး​နောက် ​အီး​ယူ ​နိုင်​ငံ​တွေ​ဆီ ​ဦး​တည်​လေ့​ရှိ​ကြ။
ဆီး​ရီး​ယား ​ပြည်​တွင်း​စစ် ​အ​ရှိန် ​တိုး​မြင့် ​လာ​တဲ့​အ​တွက် ​ဆီး​ရီး​ယား ​ဒု​က္ခ​သည်​တွေ ​နောက်​ထပ် ​သန်း​နဲ့​ချီ​ပြီး ​ထွက်​ပြေး ​လာ​နိုင်​ကြောင်း ​တူ​ရ​ကီ​က ​အီး​ယူ​ကို ​သ​တိ​ပေး ​ခဲ့​တယ်​လို့ ​အီး​ယူ ​ဥ​က္က​ဋ္ဌ ​ဒေါ်​နယ် ​တာ့စ်ခ်​က ​ပြော​ပါ​တယ်။

ရု​ရှား​နဲ့ ​အီး​ရန် ​တို့​ရဲ့ ​စစ်​ရေး ​အ​ကူ​အ​ညီ​တွေ​ကြောင့် ​ဆီး​ရီး​ယား ​သ​မ္မ​တ ​အာ​ဆတ် ​အောင်​မြင်​မှု ​ရ​လာ​တာ​ဟာ ​ဒု​က္ခ​သည်​တွေ​ကို ​ပို​မို ​ထွက်​ပြေး​လာ​ဖို့ ​အ​များ​ကြီး ​အ​လား​အ​လာ ​ဖြစ်​စေ​တယ်​လို့ ​သူ​က ​ဆို​ပါ​တယ်။

အ​လက်​ပို ​မြို့​နဲ့ ​အ​နီး​တ​ဝိုက် ​ဒေ​သ​တွေ​က​နေ ​ဆီး​ရီး​ယား ​ဒု​က္ခ​သည် ​နောက်​ထပ် ၃ ​သန်း​လောက် ​ထွက်​ပြေး ​လာ​ဖွယ် ​ရှိ​နေ​တယ်​လို့ ​တူ​ရ​ကီ​က ​ခန့်​မှန်း​ပါ​တယ်။

ရွှေ့​ပြောင်း ​နေ​ထိုင်​သူ​များ ​ဆိုင်​ရာ ​နိုင်​ငံ​တ​ကာ ​အ​ဖွဲ့​က​တော့ ​ဆီး​ရီး​ယား ​က​နေ ​နောက်​ထပ် ​ထွက်​ပြေး​လာ​တဲ့ ​ဒု​က္ခ​သည်​တွေ​ကို ​အ​ခု​ချိန်​အ​ထိ ​မ​တွေ့​ရ​သေး​ဘူး​လို့ ​ဆို​ပါ​တယ်။

BBC Burmese
http://www.bbc.com/burmese

ရှမ်းပြည်တိုးတက်ရေးပါတီ SSPP/SSA မြောက်ပိုင်းတပ်ဖွဲ့။
 ဒီကနေ့ မနက် ၈ နာရီကနေ နေ့ခင်း ၁၂ နာရီအထိ တိုက်ပွဲဖြစ်ပွားခဲ့ပြီး ဒေသတွင်း မှာ အစိုးရဖက်က တပ်အင်အားတွေ တိုးချဲ့ချထားလာတယ်လို့ ရှမ်းတပ်ဖွဲ့ ဘက်က ပြောဆိုပါတယ်။ ရွေးကောက်ပွဲကျင်းပဖို့ တလ လောက်သာ လိုတော့တဲ့ အချိန်မှာ အခုလို တိုက်ပွဲဖြစ်ပွားတာကြောင့် ရွေးကောက်ပွဲကို ထိခိုက်လာနိုင်တဲ့ အခြေအနေရှိနေကြောင်း သုံးသပ်တာတွေ ရှိနေပါတယ်။ ဒီသတင်းကိုတော့ ဗွီအိုအေ မြန်မာပိုင်းရဲ့ သတင်းထောက် ကိုမိုးဇော်က တင်ပြထားပါတယ်။

ရှမ်းပြည်နယ် ကျေးသီးမြို့နယ်အတွင်းမှာ တည်ရှိတဲ့ ရှမ်းပြည်တိုးတက်ရေးပါတီ SSPP/SSA မြောက်ပိုင်းတပ်ဖွဲ့ ဌာနချုပ် ၀မ်ဟိုင်းအနီးမှာ ဒီရက်ပိုင်းအတွင်း အစိုးရဖက်က တပ်အင်အားတွေ တိုးမြှင့်ချထားကြောင်း သတင်းတွေ ထွက်ပေါ်လာပြီးတဲ့နောက် ဒီကနေ့ မနက်မှာ တိုက်ပွဲစတင်ဖြစ်ပွားခဲ့တာဖြစ်ပါတယ်။

ဒီနေ့ တိုက်ပွဲဖြစ်ပွားတဲ့အခြေအနေကို SSPP/SSA မြောက်ပိုင်း တပ်ဖွဲ့ရဲ့ ပြောရေးဆိုခွင့် ရှိသူ ဒုဗိုလ်မှူးကြီး စိုင်းလ က အခုလို ပြောပါတယ်။

“ဖြစ်တာက ဒီနေ့မနက် ၈ နာရီကနေပြီးတော့ ၁၂ နာရီ ၀န်းကျင်အထိ ပေါ့နော်။ သူတို့အရင် ဖယ်ခိုင်းတဲ့နေရာကနေ တာဆန်ဖူးကတို့ အဲဒီနေရာတ၀ိုက်ပါ။ ကျနော်တို့ ၀မ်ဟိုင်းဌာနချုပ်နဲ့ဆိုရင် ၁၀ မိုင်တ၀ိုက်ပါ။ ၁၀ မိုင်ဝန်းကျင်လောက်ပဲ ရှိမယ်။ အဲဒီတ၀ိုက်မှာ သူတို့က လှုပ်ရှားထားတာ ယဉ်အား ၁၀၀ ခန့်တော့ ရှိတယ်လေ။ အဲဒီ တာကြီးဖက်ကနေပြီးတော့ အင်အား ၂၀၀ ကျော်လောက် ထပ်လာပြီးတော့ ကျနော်တို့ တပ်စခန်းကို သူတို့က ၀င်ပြီးတော့ တိုက်တယ်လေ။ အခုလည်း ကျိုကြားကျိုကြား တိုက်နေတာရှိတယ်။”

ဝမ်ဟိုင်းဌာနချုပ် အနောက်ဖက် ကျေးသီးမြို့နယ်အတွင်းမှာလည်း အစိုးရဖက်က တပ်အင်အားတွေ တိုးမြှင့် ချထားတယ်လို့ ပြောပါတယ်။

“အဲဒီကျေးသီးမြို့နယ် ဘက်လည်းသူတို့ရှိတယ်လေ။ နောက်ကျနော်တို့ အဲဒီ ၀မ်ဟိုင်းနားက ကျိုမခေါင်း သူတို့တပ်စခန်းနားက အဲဒီမှာလည်း သူတို့ အင်အား၁၀၀ ကျော်လောက် သူတို့လာထားတယ်လေ။ တောင်ကုန်းပေါ်မှာ။ သူတို့ အဲဒီနဲနဲတော့ တမြို့လုံးဖြစ်နေတယ်ပေါ့နော်။သုတို့အင်အားထပ်ဖြည့်တဲ့ ပုံစံပါပဲ။ ကျနော်တို့ NCA လက်မှတ်ထိုးခါနီး အချိန်မှာ သူတို့တပ်တွေက အင်အား ထပ်ဖြည့်တာတွေ ရှိနေတယ်လေ။သဘောက ကျနော်တို့ကို လက်မှတ်မထိုးရင် ၀င်တိုက်မယ်လို့ ဘာတို့ အဲဒီလိုမျိုးခြိမ်းခြောက်နေတဲ့ သဘောတော့ သက်ရောက်နေ တယ်ပေါ့လေ။”

တိုက်ပွဲဖြစ်ပွားရာ အနီးက အရပ်သားတွေဟာ တခြားကို ထွက်ပြေး တိမ်းရှောင်တာတွေ ရှိတယ်လို့ သတင်းတွေ ထွက်ပေါ်ခဲ့ပေမဲ့ အတည်ပြုချက်တော့ မရသေးပါဘူး။

ဒီနေ့ နေ့ခင်းပိုင်းကလည်း ကျောက်မဲမြို့နယ်အတွင်းမှာ တအာင်းခေါ် ပလောင်ပြည်နယ် လွတ်မြောက်ရေးတပ်ဖွဲ့ TNLA နဲ့ အစိုးရတပ်အကြား တိုက်ပွဲဖြစ်ပွားခဲ့တယ် လို့ ပလောင်အဖွဲ့ရဲ့ ပြန်ကြားရေးတာဝန်ခံ မိုင်အိုက်ကျော်က ပြောပါတယ်။

“ဒီနေ့ ၁၂ နာရီခွဲလောက်မှာ ပန်ဖြစ်ရွာနဲ့ ရွာဆိုင်ရွာကြားမှာဖြစ်တယ်။ ဒီတိုက်ပွဲက ၁၂ နာရီခွဲလောက်မှာ စတယ်။ ၁ နာရီလောက်အထိဖြစ် တယ်။အခုအချိန် အထိ နှစ်ဖက်စလုံးက အခြေအနေမှန်မရသေးဘူး။”

မိုင်အိုက်ကျော်ပြောသွားတာက ဒီကနေ့ ၁၂ ခွဲလောက်မှာ တိုက်ပွဲစဖြစ်ပြီး နေ့ခင်း ၃နာရီလောက်အထိ တိုက်ပွဲက မပြီးသေးကြောင်းနဲ့ အထိအခိုက်သတင်းတော့ မကြားသိရသေးကြောင်း ပြောသွားတာဖြစ်ပါတယ်။

ဒီရက်ပိုင်းတွေအတွင်းမှာတော့ မူဆယ်မြို့နယ်အတွင်းမှာလည်း ကချင်လွတ်လပ်ရေး အဖွဲ့ KIA နဲ့ အစိုးရတပ်အကြား တိုက်ပွဲငယ်တွေ ဖြစ်ပွားတာ ရှိကြောင်း ကချင်တပ်ဖွဲ့က စစ်ရေးတာဝန်ခံတဦးက ပြောပါတယ်။

အခုလို ရှမ်းပြည်နယ်အတွင်းမှာ တိုက်ပွဲတွေဖြစ်ပွားနေတာကြောင့် ဒီဒေသတွေမှာ စည်းရုံးရေး လုပ်ဆောင်ဖို့အတွက် အခက်အခဲရှိလာသလို ရွေးကောက်ပွဲကိုလည်း ထိခိုက်လာနိုင်တယ်လို့ ရှမ်းတိုင်းရင်းသားများ ဒီမိုကရေစီအဖွဲ့ချုပ် SNLD က အထွေထွေအတွင်းရေးမှူး ဦးစိုင်းညွှန့်လွင်က ပြောပါတယ်။

“စည်းရုံးရေးကိစ္စတွေမှာ ထိခိုက်တာပေါ့။ စည်းရုံးရေးကိစ္စတွေမှာ ထိခိုက်နိုင်တယ်။ နောက်ပြီးတော့ ဒီမဲပေးနိုင်တဲ့ နေရာတွေကို အနက်ရောင်နယ်မြေ သက်မှတ်ပြီးတော့ မဲမပေးပဲနဲ့ ထားလိုက်တဲ့ အခြေအနေ မျိုးရောက်ချင် ရောက်သွားနိုင်တယ်။”

ပြီးခဲ့တဲ့ လလည်ပိုင်းကလည်း ရှမ်းပြည်နယ် တောင်ပိုင်းဒေသမှာ တိုက်ပွဲတွေ ဆက်တိုက်ဖြစ် ပွားခဲ့တာကြောင့် နိုင်ငံရေးပါတီတွေကို မြို့နယ် ၁၆ မြို့နယ်မှာ မဲဆွယ် စည်းရုံးတာတွေ ယာယီရပ်နားဖို့ ရှမ်းပြည်ပြန်လည်ထူထောင်ရေးကောင်စီ RCSS/SSA တောင်ပိုင်းက ကြေညာချက် ထုတ်ပြန်ခဲ့ပါတယ်။

ဒါပေမယ့် မြန်မာ့တပ်မတော်နဲ့ ပြန်လည် ညှိနှိုင်းမှုတွေ လုပ်ပြီးနောက် အဲဒီ ၁၆ မြို့နယ်တွင်း ရွေးကောက်ပွဲ စည်းရုံးရေးတွေကို အခု အောက်တိုဘာ ၁ ရက်နေ့ကစပြီး ပြန်လည် ခွင့်ပြုခဲ့ပါတယ်။

အစိုးရနဲ့ တိုင်းရင်းသားလက်နက်ကိုင်အဖွဲ့တွေဟာ တနိုင်ငံလုံးအပစ်အခတ် ရပ်စဲရေး စာချုပ် NCA သြဂုတ်လ အတွင်းက အတည်ပြုထားပြီး ဒီလ ၁၅ရက်နေ့မှာ အဖွဲ့ ၈ ဖွဲ့နဲ့ စတင် လက်မှတ်ရေးထိုးကြမှာဖြစ်ပါတယ်။SSPP/SSA မြောက်ပိုင်း၊ TNLA နဲ့ KIA အပါအ၀င် တိုင်းရင်းသားလက်နက်ကိုင်အဖွဲ့ ၁၀ဖွဲ့ကတော့ အဖွဲ့အားလုံး ပါဝင်ရေးမူကို အစိုးရက လက်မခံတာကြောင့် လက်မှတ်ရေးထိုးပွဲမှာ လတ်တလော ပါဝင်ဖို့ကို ငြင်းဆိုထားကြပါတယ်။

ကိုမိုးဇော် / ဗွီအိုအေ (မြန်မာပိုင်း)
http://burmese.voanews.com

[youtube src="oB811l1MtEg"/]
လွှတ်တော်အမတ် ၁၁၃ဝနဲ့အတူ ပါတီသက်တမ်း ၂၇နှစ်တင်းတင်းပြည့်သွားတဲ့ အမျိုးသားဒီမိုကရေစီအဖွဲ့ချုပ်ဟာ အဓိကပြိုင်ဘက်ပါတီဖြစ်တဲ့ အာဏာရကြံ့ခိုင်ရေးနဲ့ ယှဉ်ပြိုင်ဖို့ ၂ဝ၁၅ နိုဝင်ဘာ ၈ရက်ဆိုတဲ့ လက်ဝှေ့စင်မြင့်ပေါ် အားသွန်ခွန်စိုက် တက်လှမ်းလာခဲ့ပါပြီ။ ပြောင်းလဲချိန်တန်ပြီဆိုတဲ့ ကြွေးကြော်သံနဲ့ ပါတီအောင်နိုင်ရေး အရှိန်မြှင့်လိုက်တဲ့ NLD ပါတီမှာ ဘယ်လိုအောင်နိုင်ရေးဗျူဟာတွေ ချမှတ်ထားသလဲ။

Kamayut Media


ထိုင်းနိုင်ငံရောက် မြန်မာရွှေ့ပြောင်းအလုပ်သမားအချင်းချင်းပေါ် နှစ်နဲ့ချီ ခေါင်းပုံဖြတ် အမြတ်ထုတ်ပြီး လူသတ်၊ မုဒိမ်းကျင့်ခဲ့တဲ့ လူကုန်ကူးဂိုဏ်းတခုကို ထိုင်း-မြန်မာ နှစ်နိုင်ငံတာဝန်ရှိသူတွေနဲ့ အလုပ်သမားရေးဆောင်ရွက်တဲ့အဖွဲ့တွေ ပူးပေါင်းဖမ်းဆီးခဲ့ကြ ပါတယ်။

ထိုင်းနိုင်ငံဆိုင်ရာ မြန်မာသံရုံး ကိုယ်စား လှယ်အဖွဲ့၊ အလုပ်သမားကူညီရေးအဖွဲ့၊ ထိုင်းရောက် မြန်မာနိုင်ငံသားများအဖွဲ့ချုပ်( အမ်အေတီ) ထိုင်းအာဏာပိုင်တွေ ပူးပေါင်းပြီး အောက်တိုဘာလ ၅ ရက်နဲ့ အောက်တိုဘာလ ၆ ရက်မှာ ကန်ကျနပူရီမြို့ မှာ ဖမ်းဆီးရမိခဲ့တာပါ။

အဲဒီဂိုဏ်းကို ဖမ်းဆီးရမိနိုင်ဖို့ ၂ နှစ်ကျော် အချိန်ပေးခဲ့ရတာလို့ အမ်အေတီ အဖွဲ့ ဒါရိုက်တာ ဦးကျော်သောင်းက ဒီဗွီဘီကို ပြောပါတယ်။

“ကန်ကျနပူရီ မှာရှိတဲ့ VITA အမှတ်တံဆိပ် သစ်သီးစက်ရုံကို ကျနော်တို့ မြန်မာအဖွဲ့ရယ်၊ DSI ထိုင်း အထူးစုံစမ်းစစ်ဆေးရေးအဖွဲ့၊ နယ်မြေခံရဲတပ်ဖွဲ့နဲ့ စစ်တပ်၊ လ၀က ရဲတွေပါတဲ့ ပူးပေါင်း အဖွဲ့က ၀င်ရောက်စီးနင်းပြီး လူကုန်ကူး ဂိုဏ်းခေါင်းဆောင် သိန်းဇော်နဲ့ သူ့အဖွဲ့ဝင် ၅ ယောက်ကို ကျနော်တို့ ဖမ်းမိတယ်။ ဂိုဏ်းခေါင်းဆောင်နဲ့ အဖွဲ့ဝင် ၂ ယောက်ကို မနေ့က စက်ရုံမှာ ဖမ်းမိပြီး ဒီကနေ့ ဂိုဏ်းခေါင်းဆောင်ရဲ့အိမ်ကို သွားပြီးစီးနင်းရှာဖွေတာ နောက်ထပ် အဖွဲ့ဝင် ၃ ယောက်ကို ဖမ်းမိတယ်။ အခုသူတို့ကို ကန်ကျနပူရီ လ၀က အချုပ်ခန်းထဲ ထည့်ထားတယ်။ သူတို့ဂိုဏ်းက ကျနော်တို့သိရသလောက်ဆိုရင် ထိုင်းနိုင်ငံ အတွင်းပိုင်းမှာ အကြီးဆုံးပဲ။”

အသက် ၄၅ နှစ်ရွယ်ရှိ ဂိုဏ်းခေါင်းဆောင် သိန်းဇော်ဆိုသူမှာ မွန်ပြည်နယ် ဇာတိဖြစ်ပြီး ထိုင်း နိုင်ငံထဲကို လွန်ခဲ့တဲ့ ၁၀ နှစ်ကျော်က ၀င်ရောက်လာကာ ကန်ကျနပူရီသစ်သီးစက်ရုံတွင် ၀င်ရောက်လုပ်ကိုင်ကြောင်း၊ အဲဒီနောက် မြန်မာနိုင်ငံကနေ ထိုင်းနိုင်ငံထဲကို လူတွေတင်သွင်းပြီး သစ်သီးစက်ရုံနဲ့တကွ တခြားဒေသတွေမှာ အလုပ်သွင်းပေးတဲ့ အလုပ်ကို လုပ်ကိုင်ကြောင်း၊ ဒါပေမယ့် အလုပ်ရှင်နဲ့ အလုပ်သမားကြား၊ ကားသမားနဲ့ အလုပ်သမားတွေကြားမှ သူက ငွေတွေ မတရားဖြတ်ယူတဲ့အပြင် သူ့စကားနားမထောင်သူ၊ လွန်ဆန်သူ၊ မကျေနပ်သူတွေကို လူမိုက်မွေးပြီး ဖမ်းဆီးနှိပ်စက် သတ်ဖြတ်တာ၊ အမျိုးသမီးတွေကို မတရားကျင့်တာတွေ လုပ်ဆောင်ခဲ့တယ်လို့ ဦးကျော်သောင်းက ဆက်ပြောပါတယ်။

အဆိုပါ ဂိုဏ်းရဲ့ နှိပ်စက်မှုကို မခံနိုင်တဲ့အလုပ်သမားတွေက သူတို့ (အမ်အေတီ) အဖွဲ့ကို လွန်ခဲ့တဲ့ ၂ နှစ်ကျော်က ဆက်သွယ်တိုင်ကြားခဲ့ပြီး အဆိုပါ တိုင်ကြားချက်မှ အမှုပေါင်း ၂၀ ကျော် လက်ခံရရှိကာ အဲဒီထဲမှာ အသတ်ခံရသူပေါင်း ၇ ဦး မုဒိမ်းမှုကျင့်ခံရတဲ့ မိန်းကလေးက ၁၀ ဦးနဲ့ ခြေကျိုးလက်ကျိုး ၊ ခေါင်းကွဲစတဲ့ နှိပ်စက်ခံရသူတွေက ရာဂဏန်းရှိတယ်လို့ ဆိုပါတယ်။

ဒီအဖွဲ့ကို ခုလိုဖမ်းဆီးရမိဖို့ အချိန်တွေ၊ လျှို့ဝှက်ကင်မရာတွေ၊ ခရီးစရိတ်နဲ့ တခြား စရိတ်စက များစွာ ရင်းနှီးခဲ့ရပြီး အဆိုးဆုံးကတော့ အမ်အေတီကို သတင်းပို့တဲ့ အလုပ်သမား တွေကို မူးယစ်ဆေးနဲ့ ထောင်ချောက်ထောင်ဖမ်းဆီး ထောင်ချပစ်တာ၊ အဓိက သတင်းပေးသူနဲ့ သူ့ကိုပါ ခေါင်းဖြတ်နိုင်ရင် ဘတ် ၂ သန်းပေးမယ်လို့ ပြောခဲ့တာလို့ ဦးကျေ်သောင်းက ပြောပါတယ်။

ဒီကနေ့ ဂိုဏ်းခေါင်းဆောင် ကိုသိန်းဇော်ရဲ့ နေအိမ်ကို ၀င်ရောက်စီးနင်းရာမှာ ခြံထဲမှ ၀ှက်ထား တဲ့ အလုပ်သမား အ၀င်အထွက်ဦးရေစာရင်း၊ ငွေစာရင်း၊ သူတို့သိမ်းထားတဲ့ အလုပ်သမား မှတ်ပုံတင်ကတ်တွေ၊ အထောက်အထားတွေနဲ့အတူ ခိုအောင်းနေတဲ့ မြန်မာအလုပ်သမား ၁၀ ဦးကိုပါ ကယ်တင်ခဲ့တယ်လို့ ဆိုပါတယ်။

အဆိုပါ အလုပ်သမား ၁၀ ဦး (အမျိုးသား ၅ ဦး နဲ့ အလုပ်သမား ၅ ဦး)တို့ဟာ တရားမ၀င် လမ်းကြောင်းက ၀င်ရောက်လာတဲ့အတွက် လ၀က ဥပဒေနဲ့ အရေးယူခံရဖို့ရှိတယ်လို့ ဦးကျော်သောင်းက ပြောသွားပါတယ်။

သစ်သီးစက်ရုံမှာအလုပ်လုပ်ခဲ့ပြီး ဘ၀တူအလုပ်သမားတွေ နှိပ်စက်ခံရတာကို မခံမရပ်နိုင်လို့ အမ်အေတီအဖွဲ့ကို တိုင်တန်းခဲ့သူ ကိုခွန်နောင်ကလည်း သူဟာ သတင်းပေး တိုင်ကြား သူဖြစ်ကြောင်း ကိုသိန်းဇော်က သိသွားတဲ့နောက် အမျိုးမျိုး ခြိမ်းခြောက်ခံရပြီး သူ့ခေါင်းကို ဖြတ်နိုင်သူကို ဘတ်ငွေတသန်းပေးမယ်လို့ သတင်းလွှင့်ထားတဲ့အတွက် သစ်သီးစက်ရုံကို မပြန်ရဲတော့ဘူးလို့ ဆိုပါတယ်။

ကိုသိန်းဇော်ဟာ ထိုင်းအလုပ်ရှင်တွေ၊ အာဏာပိုင်တွေနဲ့ အဆင်ပြေအောင်နေတတ်တဲ့ အတွက် ၅ နှစ်ကျော် ကျူးလွန်နေတာကို အဖမ်းမခံခဲ့ရဘူးလို့ ဆိုပါတယ်။

တခြား အလုပ်သမားတဦးဖြစ်တဲ့ ကိုဖြိုးဆိုသူမှာလည်း ကိုသိန်းဇော်ရဲ့တပည့်နဲ့ ရန်ဖြစ်လို့ သေလုမျောပါး ၀ိုင်းရိုက်ခံရပြီး ဆေးရုံမှာ ၉ ရက်ကြာ ကုသခဲ့ရကြောင်း၊ လုပ်ဖော်ကိုင်ဘက် မိန်းကလေးတချို့မှာ မုဒိမ်းကျင့်ခံရပြီး ရှက်လို့မနေရဲတော့ဘဲ မြန်မာနိုင်ငံ ပြန်သွားတယ်လို့ ဒီဗွီဘီကို ပြောသွားပါတယ်။

By နန်းမြနဒီ/DVB
http://burmese.dvb.no/archives/115159


ယနေ့ အောက်တိုဘာလ ၆ ရက် ညနေ ၃း ၀၀ နာရီက ရန်ကုန်မြို့၊ ပန်းပဲတန်းမြို့နယ်၊ ၃၂ လမ်း ( အောက်လမ်း ) တွင် အမျိုးသားဒီမိုကရေစီအဖွဲ့ချုပ်၊ ပန်းပဲတန်းမြို့နယ် ရွေးကောက်ပွဲအောင်နိုင်ရေးအဖွဲ့မှ ပြုလုပ်သော ရွေးကောက်ပွဲဆိုင်ရာ အသိပညာပေးဟောပြောပွဲ နှင့် လွှတ်တော်ကိုယ်စားလှယ်လောင်းများကို ပန်းပဲတန်း ပြည်သူများထံ အပ်နှံပွဲ၌ ၈၈မျိုးဆက် ( ငြိမ်းချမ်းရေးနှင့် ပွင့်လင်းလူ့အဖွဲ့အစည်း) မှ ဦးမင်းကိုနိုင် နှင့် ဦးမြအေးတို့က ဒီမိုကရက်တစ်အင်အားစုများ၊ တိုင်းရင်းသားအင်အားစုများ အောင်နိုင်ရေး ၊ နိုင်ငံရေးအကျဉ်းသားများလွတ်မြောက်ရေး၊ ခိုင်မာသည့် အပစ်အခတ်ရပ်စဲရေး၊ ရွေးကောက်ပွဲအလွန်တွင် ဖွဲ့စည်းပုံအခြေခံဥပဒေ ပြင်ဆင်နိုင်ရေးတို့ကို အဓိကထားပြီး ဟောပြောသွားခဲ့ကြသည်။

The 88 Generation Peace and Open Society

Author Name

Contact Form

Name

Email *

Message *

Powered by Blogger.