10/09/15

 ရှမ်းပြည်တပ်မတော်(မြောက်ပိုင်း) SSPP/SSA တည်ထောင်ခြင်း ၄၈ နှစ်ပြည့် အခမ်းအနားတွင် SSA တပ်သားများ စစ်ရေးပြချီတက်နေကြစဉ်။ Photo courtesy of SSPP/SSA
 အစိုးရတပ်တွေနဲ့ တိုက်ပွဲတွေဖြစ်ပွားနေတဲ့ ရှမ်းပြည်တောင်ပိုင်း ကျေးသီးမြို့နယ်ထဲက (SSPP/SSA) ရှမ်းပြည်တိုးတက်ရေးပါတီ၊ ရှမ်းပြည်တပ်မတော် မြောက်ပိုင်းတပ်တွေကို ဆုတ်ခွာသွားဖို့နဲ့ မဆုတ်ခွာဘူးဆိုရင် ဝမ်ဟိုင်းဗဟိုဌာနချုပ်ကို တိုက်ခိုက်မှာဖြစ်ကြောင်း အစိုးရဘက်က သတိပေးညွန်ကြားလိုက်တယ်လို့ ရှမ်းပြည်တပ်မတော်မြောက်ပိုင်းအဖွဲ့က ပြောပါတယ်။

အစိုးရတပ်တွေအနေနဲ့ နယ်မြေရှင်းလင်းရေးလုပ်လိုတဲ့အတွက် ဒီကနေ့မနက်ပိုင်းက အရှေ့အလယ်ပိုင်းတိုင်း စစ်ဌာနချုပ်က ဗိုလ်မှူးကြီးတစ်ဦးက တယ်လီဖုန်းဆက်ပြောလာတာဖြစ်တယ်လို့ အဖွဲ့ပြောခွင့်ရပုဂ္ဂိုလ် ဗိုလ်မှူးကြီးစိုင်းလ ကပြောပါတယ်။

"ဒီနေ့မနက် ၉ နာရီ ဝန်းကျင်လောက်မှာ အရှေ့အလယ်ပိုင်း ဗိုလ်မှူးကြီးက ဖုန်းဆက်လာတယ်၊ ကျနော်တို့ တိုက်ပွဲဖြစ်တဲ့နေရာကနေ ဖယ်ပေးဖို့ပေါ့၊ ဆုတ်မပေးရင် ဝမ်ဟိုင်းကို တိုက်မယ်လို့ ပြောခဲ့တယ်"

ရှမ်းပြည်တောင်ပိုင်း ကျေးသီးမြို့နယ်ထဲမှာ အစိုးရတပ်တွေနဲ့ ရှမ်းပြည်မြောက်ပိုင်း တပ်မဟာ ၇၂ လက်အောက်ခံ တပ်တွေ ပြီးခဲ့တဲ့ရက်တွေထဲက တိုက်ပွဲတွေဖြစ်ပွားနေတာဖြစ်ပါတယ်။

ဗိုလ်မှူးကြီးစိုင်းလကတော့ ရှမ်းပြည်မြောက်ပိုင်းတပ်တွေအနေနဲ့ လက်ရှိနေရာကနေ ဆုတ်ခွာသွားမှာမဟုတ်တဲ့ အတွက် အစိုးရဘက်က ဝမ်ဟိုင်းဌာနချုပ်ကို တိုက်ခိုက်လာရင် ပြန်ပြီးခုခံသွားမယ်လို့ ပြောပါတယ်။

RFA Burmese
http://www.rfa.org/burmese

 ​မြန်​မာ- ​ဘ​င်္ဂ​လား​ဒေ့​ရှ် ​နယ်​စပ်​မှာ ​လုံ​ခြုံ​ရေး ​တိုး​မြှင့်
 ​မြန်​မာ ​နယ်​စပ် ​အ​နီး ​မှာ ​တည်​ရှိ​တဲ့ ​ဘ​င်္ဂ​လား​ဒေ့​ရှ် ​နိုင်​ငံ ​စစ်​တ​ကောင်း ​တောင်​တန်း​နယ် ​ဘင်​ဒ​ရို​ဘင် ​ခ​ရိုင် ​ရုံ​မော် ​မြို့​နယ် ​အ​တွင်း ​မှာ ​ဒ​က္ကား​မြို့​က ​လာ​ရောက် ​လည်​ပတ်​တဲ့ ​ဘ​င်္ဂ​လား​ဒေ့​ရှ် ​နိုင်​ငံ​သား ​နှစ်​ဦး ​ကို ​မြို​လူ​မျိုး ​လမ်း​ပြ ​နှစ်​ဦး​နဲ့ ​အ​တူ ​လွန်​ခဲ့​တဲ့ ​စ​နေ​နေ့​က ​မြန်​မာ ​စ​ကား​ပြော ​လက်​နက်​ကိုင် ​အ​ဖွဲ့​အ​စည်း ​တ​ခု​က ​ပြန်​ပေး​ဆွဲ ​သွား​ခဲ့ ​တယ် ​လို့ ​ဘ​င်္ဂ​လား ​အာ​ဏာ​ပိုင် ​တွေ​က ​ပြော​ပါ​တယ်။

အ​ခု​တစ်​ခါ ​ဖမ်း​ဆီး​သွား​တဲ့​သူ​တွေ​ဟာ ​ပြန်​ပေး​ငွေ ​မြန်​မာ ​ကျပ် ​သိန်း ၇၅​ဝ ​နဲ့ ​ညီ​မျှ​တဲ့ ​တာ​ကာ​ငွေ ​သိန်း ၅​ဝ ​ငွေ​တောင်း​တယ် ​လို့ ​ဘ​င်္ဂ​လား​ဒေ့​ရှ် ​က ​သ​တင်း​တွေ​မှာ ​ရေး​သား ​ဖော်​ပြ ​ကြ​ပါ​တယ်။

ဒါ့​အ​ပြင် ​ဒီ​ပြန်​ပေး​ဆွဲ​မှု​ကို ​ရ​ခိုင်​ပြည် ​လွတ်​မြောက်​ရေး ​ပါ​တီ​က ​လုပ်​တယ် ​ဆို​ပြီး​လည်း ​ဘ​င်္ဂ​လား​ဒေ့​ရှ် ​က ​သ​တင်း​တွေ​မှာ ​စွပ်​စွဲ ​ရေး​သား ​ထား​ပါ​တယ်။

ဒီ​ကိ​စ္စ​နဲ့ ​ပတ်​သက်​ပြီး ​ရ​ခိုင်​ပြည်​နယ် ​လွတ်​မြောက်​ရေး ​ပါ​တီ ​တွဲ​ဘက်​အ​တွင်း​ရေး​မှူး ​ခိုင်​အောင်​စော​သန်း ​ကို ​မေး​ကြည့်​တော့ ​သူ​တို့​တပ်​တွေ​က ​ဘ​င်္ဂ​လား​ဒေ့​ရှ် ​နယ်​စပ်​မှာ ​မ​ရှိ​တော့​တဲ့ ​အ​တွက် ​ခု ​သ​တင်း​ဟာ ​လုံး​ဝ ​မ​မှန်​ကန်​ဘူး ​လို့ ​သူ​က ​ငြင်း​ဆို ​သွား​ခဲ့​ပါ​တယ်။

ဘ​င်္ဂ​လား​ဒေ့​ရှ် ​သ​တင်း​စာ​တွေ ​က​တော့ ​ပြန်​ပေး​ဆွဲ​ခံ​ရ​တဲ့ ​လမ်း​ပြ ​မြို​မိ​သား​စု ​တွေ​ကို ​ကိုး​ကား​ပြီး ​ရ​ခိုင်​ပြည် ​လွတ်​မြောက်​ရေး ​ပါ​တီ ​ပါ​ဝင် ​ပတ်​သက်​တယ် ​ဆို​ပြီး ​ရေး​သား ​ဖော်​ကြ​တာ ​ဖြစ်​ပါ​တယ်။ ​ဒီ​ကိ​စ္စ​နဲ့ ​ပတ်​သက်​ပြီး ​အ​သေး​စိတ် ​သိ​ရှိ​နိုင်​အောင် ​ဘ​င်္ဂ​လား​ဒေ့​ရှ် ​ရဲ​ကို ​ဆက်​သွယ်​ပေ​မယ့် ​အ​ဆက်​အ​သွယ် ​မ​ရ​ရှိ​ခဲ့​ပါ။

ဘ​င်္ဂ​လား​က ​စစ်​တ​ကောင်း ​တောင်​တန်း​ဟာ ​တော​တောင် ​ထူ​ထပ်​တဲ့ ​အ​တွက် ​မြန်​မာ ​နိုင်​ငံ​ဘက်​က ​လက်​နက်​ကိုင် ​အ​ဖွဲ့​အ​စည်း​တွေ ​သာ​မ​က ​သူ့​နိုင်​ငံ​တွင်း ​လက်​နက်​ကိုင် ​အင်​အား​စု​တွေ ​ခို​အောင်း​တဲ့ ​နယ်​မြေ ​တ​ခု ​ဖြစ်​တယ်​လို့ ​သိ​ရ​ပါ​တယ်။ ​အ​ခု​လို ​အ​ခြေ​အ​နေ​တွေ ​ကြောင့် ​လက်​ရှိ ​အ​ချိန်​မှာ ​မြန်​မာ- ​ဘ​င်္ဂ​လား​ဒေ့​ရှ် ​နယ်​စပ်​မှာ ​ဘ​င်္ဂ​လား​ဘက်​က ​လုံ​ခြုံ​ရေး ​တိုး​မြှင့်​ထား​ပြီး ​ပိတ်​ဆို့ ​ရှာ​ဖွေ​မှု​တွေ ​ပြု​လုပ်​နေ​သ​လို ​လုံ​ခြုံ​ရေး​ကို​လည်း ​အ​ထူး ​တင်း​ကျပ် ​ထား​တယ်​လို့ ​သိ​ရ​ပါ​တယ်။

BBC Burmese
http://www.bbc.com/burmese

အမျိုးသားဒီမိုကရေစီအဖွဲ့ချုပ် ဥက္ကဌ ဒေါ်အောင်ဆန်းစုကြည်ကို တွေ့ရစဉ်။ Photo: Kyaw Zaw Win/RFA
 တစ်နိုင်ငံလုံး အပစ်အခတ်ရပ်စဲရေးစာချုပ် NCA လက်မှတ်ရေးထိုးပွဲမှာ အသိသက်သေတွေအဖြစ် ဒေါ်အောင်ဆန်း စုကြည်၊ ဦးခွန်ထွန်းဦးနဲ့ တိုင်းရင်းသားခေါင်းဆောင်တွေ အပါအ၀င် ၈၈မျိုးဆက်ငြိမ်းချမ်းရေးနဲ့ ပွင့်လင်းလူ့အဖွဲ့ အစည်းကို ဖိတ်ကြားသွားမယ်လို့ KNU ကရင်အမျိုးသားအစည်းအရုံး အထွေထွေအတွင်းရေးမှူး ပဒိုစောကွယ် ထူးဝင်း က ပြောပါတယ်။

လာမယ့် အောက်တိုဘာလ ၁၅ ရက်နေ့ နေပြည်တော် အပြည်ပြည်ဆိုင်ရာ ကွန်ဗန်းရှင်းစင်တာမှာ ပြုလုပ်မယ့် အစိုးရနဲ့ တိုင်းရင်းသားလက်နက်ကိုင်အဖွဲ့ ရှစ်ဖွဲ့တို့ရဲ့ အပစ်ရပ်စာချုပ်လက်မှတ်ရေးထိုးပွဲကို ပြည်တွင်း က နိုင်ငံရေးခေါင်းဆောင် အစုံအလင် ဖိတ်ကြားသွားဖို့ရှိကြောင်း KNU ခေါင်းဆောင်တစ်ဦးဖြစ်သူ ပဒိုစောကွယ်ထူးဝင်းက ပြောပါတယ်။

"ပြည်တွင်းမှာ ဖိတ်ကြားထားတာတွေက အခုလောလောဆယ်ပေါလေ့ ဒေါ်အောင်ဆန်းစုကြည်၊ ဦးခွန်ထွန်းဦး အပါအဝင် UNA က ကိုယ်စားလှယ်သုံးဦး၊ NBF က ကိုယ်စားလှယ်သုံးဦး၊ USDP ကတစ်ဦး၊ NLD က ကိုယ်စားလှယ်တစ်ဦး ကျန်တာတွေက အစိုးရဘက်က တင်ပြတဲ့ပုဂ္ဂိုလ်တွေရှိတယ်၊ အထူးသဖြင့် ကရင်အမျိုးသားကိုယ်စားလှယ်၊ ကချင်အမျိုးသားကိုယ်စားလှယ်၊ ရှမ်းအမျိုးသားကိုယ်စားလှယ် အဲ့လိုပေါ့လေရှိတယ်"

ဒါ့အပြင် နိုင်ငံတကာက အသိသက်သေတွေအဖြစ် လက်မှတ်ရေးထိုးဖို့ ကုလသမဂ္ဂ၊ ဥရောပသမဂ္ဂ၊ တရုတ်နိုင်ငံ၊ ထိုင်းနိုင်ငံ၊ အိန္ဒိယနိုင်ငံနဲ့ ဂျပန်နိုင်ငံက ကိုယ်စားလှယ်တွေကို ဖိတ်ကြားထားပြီး ပြည်တွင်းမှာရှိတဲ့ သံရုံးတွေအားလုံး ကို ဖိတ်ကြားသွားမယ်လို့ ပြောပါတယ်။

အောက်တိုဘာလ ၁၅ရက်နေ့ လက်မှတ်ရေးထိုးပွဲမှာ မပါဝင်သေးပေမယ့် အစိုးရက အသိအမှတ်ပြုထားတဲ့ တစ်နိုင်ငံလုံး အပစ်အခတ်ရပ်စဲရေးဆိုင်ရာ ညှိနှိုင်းရေးအဖွဲ့ (NCCT)အဖွဲ့ဝင်တွေနဲ့ အဆင့်မြင့်ညှိုနှိုင်းရေးအဖွဲ့ (SD) ကိုယ်စားလှယ်တွေကိုလည်း ဖိတ်ကြားသွားမယ်လို့ သိရပါတယ်။

ဒီစာချုပ်ကို KNU ကရင်အမျိုးသားအစည်းအရုံးနဲ့ RCSS/ SSA ရှမ်းပြည်ပြန်လည်ထူထောင်ရေးကောင်စီ၊ ရှမ်းပြည် တပ်မတော် (တောင်ပိုင်း)တို့ အပါအ၀င် တိုင်းရင်းသားလက်နက်ကိုင်အဖွဲ့ ၈ ဖွဲ့ လက်မှတ်ရေးထိုးသွားမှာဖြစ်ပြီး ကချင်လွတ်မြောက်ရေးအဖွဲ့ KIO၊ မွန်ပြည်သစ်ပါတီ ၊ ရှမ်းပြည်တိုးတက်ရေးပါတီ/ရှမ်းပြည်တပ်မတော် SSPP/SSA စတဲ့ အဖွဲ့တွေကတော့ လက်မှတ်မထိုးသေးဘူးလို့ ပြောထားပါတယ်။

ပဒိုစောကွယ်ထူးဝင်းကို RFA သတင်းထောက် ကိုသီဟထွန်း ဆက်သွယ်မေးမြန်းထားတာ နာဆင်နိုင်ပါတယ်။

ဒီအတောအတွင်း တစ်နိုင်ငံလုံး အပစ်အခတ်ရပ်စဲရေး သဘောတူစာချူပ် (NCA) ကို ရှမ်းပြည်ပြန်လည် ထူထောင်ရေးကောင်စီ RCSS အဖွဲ့ လက်မှတ်ရေးထိုးဖို့ ဆုံးဖြတ်ရတာနဲ့ ပတ်သက်ပြီး RCSS ဥက္ကဌ ဒုတိယဗိုလ်ချူပ်ကြီးယွက်ဆစ်က ထိုင်း-မြန်မာနယ်စပ်တစ်နေရာမှာ ဒီကနေ့ သတင်းစာရှင်းလင်းပွဲလုပ်ခဲ့ပါတယ်။

RFA Burmese
http://www.rfa.org/burmese

[youtube src="-R6voNNZFlE"/]
လာမယ့် ၂၀၁၅ ရွေးကောက်ပွဲမှာ မဲဆန္ဒရှင်တွေ မဲပေးနည်းသိရှိစေဖို့ရည်ရွယ်ပြီး ၈၈ငြိမ်းချမ်းရေးနဲ့ ပွင့်လင်းလူ့အဖွဲ့အစည်း၊ တကသ ကျောင်းသားတွေနဲ့ NLDပါတီဝင်တွေပူးပေါင်းပြီး မှော်ဘီမြို့က ရပ်ကွက်တချို့မှာ မဲပေးနည်း သရုပ်ပြမှုတွေကို အောက်တိုဘာလ ၈ ရက်နေ့ကပြုလုပ်ခဲ့ပါတယ်။

DVB TVonline

ရှမ်းပြည်နယ် အရှေ့ပိုင်း တာချီလိတ်မြို့၌ ကားနောက်ခန်း ကြမ်းခင်းအတွင်း အံဝှက်လုပ်၍ သယ်ဆောင်လာသော ကျပ်သိန်း တစ်သောင်းကျော် တန်ဖိုးရှိ စိတ်ကြွဆေးပြား များအား ဖမ်းဆီးရမိခဲ့ကြောင်း တာချီလိတ် မူးယစ်ရဲတပ်ဖွဲ့မှ သိရှိရသည် ။

အဆိုပါ စိတ်ကြွဆေးပြားများကို မိုင်းဆတ်မြို့နယ် ၊ နားယောင်းကျေးရွာမှ တာချီလိတ်မြို့တွင်းသို့ သယ်ဆောင်လာစဉ် တာချီလိတ်မြို့ အ၀င်ရှိ ပူးပေါင်းဂိတ်တွင် Vigo အမျိုးအစား ခဲရောင်ယာဉ်အား ရပ်တန့်ရှာဖွေရာမှ ဖမ်းဆီးရမိခဲ့ခြင်းဖြစ်သည် ။

အဆိုပါ ယာဉ်နောက်ဘက် ကြမ်းခင်းအတွင်းမှ အံဝှက်လုပ်၍ သယ်ဆောင်လာသော စိတ်ကြွ ဆေးပြားများကို အောက်တိုဘာ ၇ ရက်က ဖမ်းဆီးရမိခြင်းဖြစ်ကာ သယ်ဆောင်လာသော ယာဉ်မောင်းကို ဖမ်းဆီး အရေးယူထားကြောင်း သိရသည် ။ ဖမ်းဆီးရမိသော စိတ်ကြွဆေးပြားများမှာ WY စာတမ်းပါ ပန်းရောင်စိတ်ကြွ ဆေးပြား ရှစ်ထောင်ပြားစီပါသော အထုပ်ကြီး ၅၆ ထုပ်ဖြစ်ကာ စုစုပေါင်း ဆေးပြား ၄၄,၈၀၀ ပြားဖြစ်ကြောင်း သိရသည် ။

သယ်ဆောင်လာသူမှာ အသက် ၂၉ နှစ်ရှိ အိုက်ရှဲန်(ခ)အိုက်စိုင်းဆိုင်ဖြစ်ပြီး ၎င်းအား တာချီလိတ် မြို့မရဲစခန်းက မယ (ပ) ၁၃၈ / ၂၀၁၅ ၊ မူးယစ်ဆေးဝါးနှင့် စိတ်ကို ပြောင်းလဲစေသော ဆေးဝါးများဆိုင်ရာ ဥပဒေပုဒ်မ ၁၅/၁၉ (က) ဖြင့် အမှုဖွင့်လှစ်ထားကြောင်း သိရသည် ။

သတင်း - MMK
The Ladies News Journal

လာမည့်ရွေးကောက်ပွဲမှာ လွတ်လပ်သည့် မြန်မာနိုင်ငံသမိုင်းတွင် အရေးအပါဆုံး ရွေးကောက်ပွဲ ဖြစ်သည်ဟု ဒေါ်အောင်ဆန်းစုကြည်က အိန္ဒိယတူဒေးတီဗီမှ အင်တာဗျူးသူ Karan Thapar အား ပြောကြားခဲ့သည်။

“ဒီနိုင်ငံက ကျွန်မတုိ့ နိုင်ငံတစ်ခုလုံးရဲ့ အနာဂတ် ။ လာမယ့် မျိုးဆက်တွေရဲ့ အနာဂတ် ကို ပြောင်းလဲမယ့် ရွေးကောက်ပွဲပါ ။ ဒါကြောင့် ကိုယ့်အတွက်သာ မဲပေးတာ မဟုတ်ဘဲ သားသမီးတွေ ၊ မြေးမြစ်တွေအတွက်ပါ မဲပေးနေ တာ ဖြစ်တယ်လို့ ပြောချင်ပါတယ် ” ဟု ဒေါ်အောင်ဆန်းစုကြည်က ဆိုသည်။

သူမက ဆက်လက်ပြီး “ဒါဟာ လွတ်လပ်တဲ့ မြန်မာနိုင်ငံသမိုင်းမှာ အရေးအပါဆုံး ဖြစ် ပါတယ် ။ ပြည်သူတွေ ပြုလုပ်ရမှာက ဂရုတစိုက်နဲ့ အလွန့်အလွန်ကို သတ္တိရှိစွာနဲ့ မဲပေးဖို့ ပါပဲ” ဟု ထပ်လောင်း ပြောကြားခဲ့သည် ။

ရွေးကောက်ပွဲအပြီး အစိုးရအဖွဲ့နှင့် ပတ်သက်၍ ဒေါ်အောင်ဆန်းစုကြည်က “တကယ် လို့ ရွေးကောက်ပွဲမှာ NLD အနိုင်ရရှိပြီး အစိုးရ ဖွဲ့မယ်ဆိုရင် ကျွန်မက သမ္မတ ဖြစ်ဖြစ် ၊ မဖြစ်ဖြစ် အစိုးရအဖွဲ့ ခေါင်းဆောင်စီမံသူအဖြစ် ရှိနေမယ်ဆိုတာ ရှင်းရှင်း လင်းလင်း ပြော လိုပါတယ် ” ဟု ပြောကြားခဲ့သည်။

ဒေါ်အောင်ဆန်းစုကြည်က ပါတီခေါင်းဆောင်ဖြစ်သဖြင့် အဆိုပါ ပါတီ အနေဖြင့် အစိုးရ ဖွဲ့ခွင့်ရပါက အစိုးရအဖွဲ့ခေါင်းဆောင် ဖြစ်လာမည်မှာ အထူးအဆန်း မဟုတ် ဟု ပြောကြားခဲ့သည် ။

Karan Thapar ၏ မေးခွန်းကို ဒေါ်အောင်ဆန်းစုကြည်က “ဘာလို့ မဖြစ်ရမှာလဲ ။ နိုင်ငံ ကို ခေါင်းဆောင်ဖို့ သမ္မတ ဖြစ်စရာ လိုလို့လား ” ဟု ပြန်လည် မေးခွန်း ထုတ်ခဲ့ပြီး “ပါတီခေါင်းဆောင်က ကျွန်မဖြစ်တဲ့အတွက် NLD အစိုးရ အဖွဲ့ရဲ့ ခေါင်းဆောင်ကလည်း ကျွန်မပဲဖြစ်မှာပါ” ဟု ရယ်ရင်း ဖြေခဲ့သည် ။

အိန္ဒိယနိုင်ငံတွင် ၀န်ကြီးချုပ် မန်မိုဟန်ဆင်း နှင့် သူ၏ အစိုးရအဖွဲ့ကို ကွန်ဂရက် ပါတီ ခေါင်းဆောင် ဆိုနီယာဂန္ဒီက ထိန်းချုပ် လွှမ်းမိုးခဲ့သည့် ပုံစံနှင့် တူညီမည်လားဟု ကာရန်သာပါက မေးမြန်းသည့်အခါ ဒေါ်အောင်ဆန်းစုကြည်က “အို နိုး နိုး .... မဟုတ်သေး ပါဘူး ။ အဲဒီပုံစံနဲ့ မတူပါဘူး ။ ရွေးကောက်ပွဲမှာ NLD က ရာနှုန်းပြည့် နိုင်မယ် လို့ မျှော်လင့်ပြီး စောင့်ကြည့်ကြပါ ။ ကျွန်မ ဘယ်လို စီစဉ်ထားလဲဆိုတာ တွေ့ရမှာပါ ” ဟု ဖြေကြားခဲ့သည် ။

ဒေါ်အောင်ဆန်းစုကြည်သည် ကြံ့ခိုင်ရေးပါတီ ဥက္ကဋ္ဌဟောင်း သူရဦးရွှေမန်းနှင့် ရင်းနှီးမှု ရှိသဖြင့် NLD အနေဖြင့် သူရဦးရွှေမန်းကို သမ္မတအဖြစ် အမည်တင်သွင်းမည် ဆိုသော ယူဆချက်နှင့် ပတ်သက်၍ ဒေါ်အောင်ဆန်းစုကြည်က “ကျွန်မတို့ရဲ့ အရပ်သားပါတီဝင် တစ်ဦးကို တင်သွင်းမှာပါ” ဟု ပြောကြားခဲ့သည် ။ ဖြစ်နိုင်ဖွယ်ရှိသည့် သမ္မတ အမည်စာရင်း တင်သွင်းမှုနှင့် ပတ်သက်၍ “ဒါ (ပါတီဝင် အရပ်သားကို ရွေးချယ်မှု) က ဦးစားပေးမှုနဲ့ မသက်ဆိုင်ပါဘူး ။ ဘယ်သူက သင့်တော်မလဲဆိုတာ အဓိကပါ ။ NLD အတွက် သမ္မတလောင်း အမည်စာရင်း တင်သွင်းဖို့ အရပ်သားစစ်စစ်က ပို သင့်တော်ပါတယ်” ဟု ပြောကြားခဲ့သည် ။

ဒေါ်အောင်ဆန်းစုကြည်က သူ့ကို စံပြပုဂ္ဂိုလ်တစ်ဦးဟု ခေါ်တွင်သည်ကို မနှစ်ခြိုက်ဘဲ “လက်တွေ့ကျသော နိုင်ငံရေးသမား” တစ်ဦးသာဖြစ်သည်ဟု ဆိုသည်။ “ကျွန်မ အလုပ်တွေ အလွန် ကြိုးကြိုးစားစား လုပ်ခဲ့တာက အိုင်ကွန် ဖြစ်ဖို့အတွက် မဟုတ်ပါဘူး” ဟု ဒေါ်အောင်ဆန်းစုကြည် က ပြောကြားခဲ့သည် ။

KHTun

Ref - Reuters

The Ladies News Journal

[soundcloud src="227477402"][/soundcloud]

သာသာရေး နဲ့ လူမျိုးရေး အကြောင်းပြပြီး NLD ပါတီကို မဲမပေးဖို့ မဲဆွယ်စည်းရုံးရေးတချို့ တွေ့နေရတာနဲ့ ပတ်သက်လို့ NLD ပါတီဗဟိုကော်မတီဝင် ဦးဥာဏ်ဝင်းကို မသင်းသီရိက ဆက်သွယ်မေးမြန်းထားပါတယ်။

RFA

အပြည်ပြည်ဆိုင်ရာ ရန်ကုန်လေဆိပ်။
အပြည်ပြည်ဆိုင်ရာ ရန်ကုန်လေဆိပ်။

မြန်မာနိုင်ငံမှာ နိုဝင်ဘာလ ၈ ရက်နေ့ ကျင်းပမယ်လို့ကြေညာ ထားတဲ့ ရွေးကောက်ပွဲတွေကြောင့် မြန်မာနိုင်ငံဆီ ခရီးသွားမယ့် အမေရိကန်နိုင်ငံသားတွေကို အမေရိကန်နိုင်ငံခြားရေးဌာနက အောက်တိုဘာလ ၇ ရက်နေ့စွဲနဲ့ သတိပေးချက် ထုတ်ပြန်ထားပါ တယ်။

ရွေးကောက်ပွဲမတိုင်ခင်၊ ရွေးကောက်ပွဲကာလနဲ့ ရွေးကောက်ပွဲပြီးတဲ့နောက်ပိုင်း လုံခြုံရေးအခြေအနေကို အထူးသတိထားပြီး စောင့်ကြည့်ကြဖို့ အမေရိကန်နိုင်ငံသားတွေကို တိုက်တွန်းထားပါတယ်။ ခရီးသွားသူတွေအနေနဲ့ ရွေးကောက်ပွဲကာလအတွင်းမှာ အခက်အခဲဖြစ်တာတွေ ဒါမှမဟုတ် အဆင်မပြေတာတွေ ကြုံရနိုင်တာကို သတိပြုမိကြသင့်တယ်လို့ နိုင်ငံခြားရေးဌာနက ထုတ်ပြန်ထားပါတယ်။

အခု ခရီးသွားသတိပေးချက်ဟာ ဒီဇင်ဘာလ ၂၀ ရက်နေ့ကျမှ သက်တမ်းကုန်ဆုံးမှာပါ။ ရွေးကောက်ပွဲကာလ အတွင်းမှာ လုံခြံရေးပိုင်းကို အထူးသတိထားသင့်ပြီး နိုင်ငံရေးစုဝေးပွဲတွေ၊ မဲရုံတွေ၊ ဆန္ဒပြပွဲတွေနဲ့ ဘယ်လို လူစုလူဝေးမျိုးကိုမဆို ရှောင်ရှားသင့်တယ်လို့ တိုက်တွန်းထားပါတယ်။ မတည်မငြိမ်အခြေအနေမျိုးတွေဟာ ကြိုတင်သတိပေး ချက်မရှိဘဲ ဖြစ်လာနိုင်ပြီး ဘေးကရပ်ကြည့်သူတွေကို အန္တရာယ်ဖြစ်စေနိုင် တယ်လို့လည်း ဆိုပါတယ်။

ကိုယ်တိုင်ရဲ့ လုံခြုံရေးအစီ အစဉ်ကို ပြန်သုံးသပ်ဖို့၊ ကိုယ့်ပတ်ဝန်းကျင်ကို အမြဲသတိထားဖို့၊ နောက်ဆုံးအခြေအနေတွေကို သတင်းဌာနတွေကနေ မပြတ် စောင့်ကြည့်ဖို့လည်း တိုက်တွန်းထားပါတယ်။ ရွေးကောက်ပွဲ ကာလအတွင်း နိုင်ငံတ၀န်းမှာ မြန်မာအာဏာပိုင်တွေက လုံခြုံရေးကို တိုးမြှင့်နိုင်ခြေရှိတယ်လို့လည်း သတိပေးပါ တယ်။

လက်ရှိအချိန်မှာတော့ ရွေးကောက်ပွဲနဲ့ဆက်စပ်တဲ့ အကြမ်းဖက်မှုတွေဖြစ်လာ ရင် အမေရိကန်နိုင်ငံသားတွေကို ရည်ရွယ် ပစ်မှတ်ထားလာမယ်လို့ ယုံကြည်လောက်စရာအကြောင်း မရှိသေးပါဘူးလို့ အမေရိကန်နိုင်ငံခြားရေးဌာနက ထုတ်ပြန်ထားပါတယ်။

VOA
http://burmese.voanews.com/content/myanmar-election-travel-alert-/2996907.html

မြန်မာနိုင်ငံ နယ်စပ်ဒေသကို မလိုအပ်ရင် မသွားဖို့ သြစတြေးလျက သတိပေးထားပါတယ်။ (Credit: ABC) 
 မြန်မာနိုင်ငံ ​ရွေးကောက်ပွဲ ​နီးလာတာနဲ့အမျှ ​သြစတြေးလျနဲ့ ​အမေရိကန်တို့က ​မြန်မာနိုင်ငံကို ​သွားရောက်တဲ့ ​သူတို့ ​နိုင်ငံသားတွေအတွက် ​သတိပေးချက်တွေ ​ထုတ်ပြန်ထားပါတယ်။

သြစတြေးလျ ​အစိုးရကတော့ ​စက်တင်ဘာလ ​၁၁ ​ရက်နေ့ကတည်းက ​သတိကြီးကြီးထားပြီး ​မြန်မာနိုင်ငံမှာ ​သွားလာကြဖို့ ​အကြံပြုထားပါတယ်။ ​သြစတြေးလျ ​အစိုးရက ​ခရီးသွား ​သတိပေးချက် ​အဆင့် ​၄ ​ဆင့် ​သတ်မှတ်ထားပြီး ​ပထမ ​အဆင့်ကတော့ ​သတိထားဖို့၊ ​ဒုတိယအဆင့်က ​သတိကြီးကြီးထားဖို့၊ ​တတိယအဆင့်က ​မလိုအပ်ရင် ​မသွားဖို့နဲ့ ​နောက်ဆုံးအဆင့်က ​လုံးဝမသွားဖို့ ​ဖြစ်ပါတယ်။

အခုလောလောဆယ် ​ဒုတိယအဆင့်ဖြစ်တဲ့ ​သတိကြီးကြီးထားဖို့ ​သတ်မှတ်ထားပြီး ​ကချင်ပြည်နယ်၊ ​ရှမ်းပြည်မြောက်ပိုင်း၊ ​ထိုင်းနယ်စပ်၊ ​လာအိုနယ်စပ်၊ ​ဘင်္ဂလားဒေ့ရ်ှနယ်စပ်နဲ့ ​အိန္ဒိယနိုင်ငံ ​နယ်စပ်ဒေသနဲ့ ​ထိစပ်တဲ့ ​ဒေသကိုတော့ ​မလိုအပ်ရင် ​မသွားဖို့ ​သတိပေးထားပါတယ်။

ရခိုင်ပြည်နယ်မှာလည်း ​ငပလီ ​ကမ်းခြေကလွဲရင် ​တခြားနေရာကို ​မလိုအပ်ရင် ​မသွားဖို့ ​သတိပေးထားပါတယ်။

မြန်မာနိုင်ငံမှာ ​ကြိုတင်ခွင့်တောင်းမှ ​ဆန္ဒပြခွင့်ရှိတဲ့အတွက် ​ဆန္ဒပြမှုတွေမှာ ​ဝင်ပါတာမျိုး ​မလုပ်ဖို့လည်း ​မှာကြားထားပါတယ်။

အမေရိကန် ​အစိုးရကလည်း ​လုံခြုံရေးနဲ့ ​ဆက်စပ်ပြီး ​သတိကြီးကြီးထားဖို့ ​မြန်မာနိုင်ငံမှာ ​ရောက်ရှိနေတဲ့ ​သူ့ရဲ့ ​နိုင်ငံသားတွေကို ​သတိပေးထားပါတယ်။

မတည်ငြိမ်မှုတွေ ​အချိန်မရွေး ​ဖြစ်ပေါ်နိုင်ပြီး ​ဘေးနားက ​လူတွေကိုပါ ​ထိခိုက်နိုင်တာကြောင့် ​သတိထားဖို့ ​ပြောဆိုထားပါတယ်။

အခုအချိန်ကနေ ​မြန်မာနိုင်ငံ ​ရွေးကောက်ပွဲလွန် ​ကာလ ​ဒီဇင်ဘာလ ​၂၀ ​ရက်နေ့အထိ ​သတိထားဖို့လည်း ​ထုတ်ပြန်ထားပါတယ်။

ABC Radio Australia
http://www.radioaustralia.net.au/burmese


usdp-campaign-620.jpg
အောက်တိုဘာလ ၈ ရက်နေ့က ဧရာဝတီတိုင်းဒေသကြီး ဟင်္သာတမြို့နယ်မှာ ပြည်ခိုင်ဖြိုးပါတီက အလှပြဖျော်ဖြေရေးယာဉ် နဲ့ ကျေးရွာတွေကို လှည့်လည်မဲ့ဆွယ်စဉ်
Photo: Wai Yan Moe Myint/RFA

ဧရာဝတီတိုင်းဒေသကြီး လေးမျက်နှာမြို့နယ်ကနေ ယှဉ်ပြိုင်မယ့် ပြည်ခိုင်ဖြိုးပါတီရဲ့ ပြည်သူ့လွှတ်တော် ကိုယ်စား လှယ်လောင်း ဗိုလ်မှူးကြီး မောင်မောင်ဝင်းဟာ ကိုယ်စားလှယ်လောင်း အရည်အချင်း သတ်မှတ်ချက်တွေနဲ့ ကိုက်ညီမှုမရှိကြောင်း လေးမျက်နှာမြို့နယ် အန်အယ်လ်ဒီပါတီ ကိုယ်စားလှယ်လောင်းက ပြည်ထောင် စုရွေးကောက်ပွဲကော်မရှင်ထံ တိုင်ကြားလိုက်ပါတယ်။

ပြီးခဲ့တဲ့ စက်တင်ဘာလ ၁ ရက်နေ့ထုတ် အစိုးရသတင်းစာမှာ စစ်ဘက်တာဝန်တွေကို ပြန်လည် ထမ်းဆောင်ခွင့်ပြု လိုက်သူတွေ နာမည်စာရင်းကို သမ္မတအမိန့်နဲ့ ထုတ်ပြန်ကြေညာရာမှာ ဗိုလ်မှူးကြီး မောင်မောင်ဝင်း နာမည်ပါနေ တာကြောင့် သူဟာ အစိုးရဝန်ထမ်းဖြစ်နေတဲ့အတွက် အခုလို တိုင်ကြားတာဖြစ်တယ်လို့ အန်အယ်လ်ဒီ ပါတီ လေးမျက်နှာမြို့နယ် ပြည်သူ့လွှတ်တော် ကိုယ်စားလှယ်လောင်း ကိုဇော်မင်းသိန်းက ပြောပါတယ်။

"စက်တင်ဘာလ ၁ ရက်နေ့ နေ့စွဲနဲ့ သမ္မတကနေပြီးတော့ စစ်ဘက်မူလတာဝန်များကို ပြန်လည်ထမ်းဆောင် ခွင့်ပြုလိုက်ပြီဆိုတဲ့ သူ့နာမည်ပါလာတဲ့အတွက် သူဟာပထမတော့ ရွေးကောက်ပွဲဝင်ပြိုင်မယ့် ကိုယ်စားလှယ်လောင်းအဖြစ် လျှောက်လွှာမှာ ဗိုလ်မှူးကြီး အငြိမ်းစားဆိုပြီး တည့်ထားတာကို ခရိုင်ကော်မရှင် ဆီကနေပြီးတော့ သိရတယ်၊ နောက်ပိုင်းကျတော့မှ သမ္မတကနေပြီးတော့ စစ်ဘက်မူလတာဝန်များကို ပြန်လာ ထမ်းဆောင်စေလိုက်ပြီဆိုတဲ့ခါကျတော့ သူကဝန်ထမ်းပြန်ဖြစ်သွားပြီ၊ အဲ့ဒီအခါမှာ ဖွဲ့စည်းပုံထဲမှာပါတဲ့ ၂၆(က)မှာလေ၊ ဝန်ထမ်းများဟာ ပါတီနိုင်ငံရေးတွေ ကင်းရှင်းရမည်ဆိုတဲ့အချက်ရယ်၊ နောက်ပြည်သူ့ လွှတ်တော် ရွေးကောက်ပွဲဥပဒေ အခန်း ၅ အပိုဒ် ၁ဝ (ဋ)မှာ နိုင်ငံ့ဝန်ထမ်းမဖြစ်ရဘူးဆိုတဲ့ဟာ ပါထားတယ်၊ နိုင်ငံ့ဝန်ထမ်းဖြစ်လိုက်တာနဲ့ လက်ရှိသူဟာ ရွေးကောက်တင်မြှောက်ခံပိုင်ခွင့် မရှိတော့ဘူး၊ အဲ့ဒီအချက်ကို ထောက်ပြပြီးတော့ ကျနော်တို့ ကန့်ကွက်ထားတယ်"

အဲ့ဒီတိုင်ကြားမှုနဲ့ပတ်သက်ပြီး လေးမျက်နှာမြို့နယ် ပြည်ခိုင်ဖြိုးပါတီရုံးကနေ ရှင်းလင်းချက်ပေးဖို့ ညွှန်ကြားထား တယ်လို့ လေးမျက်နှာမြို့နယ် ရွေးကောက်ပွဲကော်မရှင်အဖွဲ့ခွဲ ဥက္ကဌ ဦးအေးလှိုင်က ပြောပါတယ်။

"လက်ရှိတော့ သူတို့ပြည်ခိုင်ဖြိုးပါတီကို မေးထားလားမသိဘူး၊ ဗိုလ်မှူးကြီးမောင်မောင်ဝင်း ပင်စင်ယူတဲ့ကိစ္စနဲ့ ပတ်သက်ပြီးတော့ ရှင်းရှင်းလင်းလင်းသိအောင်ဆိုပြီး သူတို့ကိုအခု စာထွက်ပြီးတော့ မေးထားပါတယ်၊ အဖြေ သိရလို့ကတော့ သိရတဲ့အတိုင်းပေါ့၊ တရားဝင် မဝင်သိတယ်ဆိုလို့ရှိရင်တော့ ဆက်လက်ပြီးဆောင်ရွက်မှာပေါ့၊ တကယ်တမ်း သူကပင်စင်ယူပြီးရင်တော့ မငြိတော့ပါဘူး၊ ပင်စင်မယူရသေးဘူးဆိုရင်တော့ သူကငြိစွန်းသွား မှာပေါ့၊ လွှတ်တော်ကိုယ်စားလှယ်လောင်းအဖြစ်၊ ပွင့်ပွင့်လင်းလင်းပြောရလို့ရှိရင်တော့ ပင်စင်ယူပြီးပြီဆိုလို့ ရှိရင်တော့ သူ့ကိုကျနော်တို့က ဘာမှအရေးယူလို့မရဘူး၊ သူကလွှတ်တော်ကိုယ်စားလှယ်လောင်းအဖြစ် ဆက်လက်ပြီးရပ်တည်မှာပေါ့၊ ပင်စင်မယူရသေးဘူးဆိုလို့ရှိရင်တော့ ကျနော်တို့ သက်ဆိုင်ရာ ပြည်ထောင် စုကော်မရှင်အထိ အဆင့်ဆင့်တင်ပြပြီးတော့မှ ဆောင်ရွက်ရမှာပါ"

ဗိုလ်မှူးကြီးမောင်မောင်ဝင်းဟာ ဧရာဝတီတိုင်းဒေသကြီး လုံခြုံရေးနဲ့နယ်စပ်ရေးရာ ဝန်ကြီးဖြစ်ပြီး အငြိမ်းစားဗိုလ်မှူးကြီးဟောင်းအဖြစ် ကိုယ်စားလှယ်လောင်းအမည်စာရင်း တင်သွင်းခဲ့တာဖြစ်ပါတယ်။

ရွေးကောက်ပွဲဝင်ဖို့ အမည်စာရင်း တင်သွင်းသူတွေကို ပြီးခဲ့တဲ့ သြဂုတ်လ ၁၈ ရက်နေ့ကနေ ၂၇ ရက်နေ့အထိ စိစစ်ခဲ့တာဖြစ်ပြီး ဗိုလ်မှူးကြီး မောင်မောင်ဝင်းကိုလည်း ကိုယ်စားလှယ်လောင်းအဖြစ် ကော်မရှင်က အတည်ပြု လိုက်ပြီးဖြစ်ပါတယ်။

ပြည်ထောင်စု ရွေးကောက်ပွဲကော်မရှင် ဥပဒေအရ နိုင်ငံ့ဝန်ထမ်းတစ်ဦးဟာ ရွေးကောက်ခံပိုင်ခွင့် မရှိတဲ့ အတွက် ရွေးကောက်ပွဲဝင်မယ့်သူတွေဟာ အစိုးရဝန်ထမ်းအဖြစ်ကနေ အငြိမ်းစားယူပြီးမှ ကိုယ်စားလှယ်လောင်း အဖြစ် ဝင်ရောက်ယှဉ်ပြိုင်ခွင့်ရှိမှာ ဖြစ်ပါတယ်။

RFA
http://www.rfa.org/burmese/news/usdp-candidates-commission-complain-10082015075325.html

 မြောက်အတ္တလန္တိတ်စာချုပ် NATO အဖွဲ့ အကြီးအကဲ Jens Stoltenberg
 ဆီးရီးယားနိုင်ငံမှာ ရုရှားက စစ်ရေးလုပ်ဆောင်မှုတွေ စိုးရိမ်ဖွယ် တိုးမြှင့်လာတဲ့ အပေါ် မြောက်အတ္တလန္တိတ်စာချုပ် NATO အဖွဲ့ အကြီးအကဲက ပြစ်တင် ဝေဖန် လိုက်ပါတယ်။ ဆီးရီးယားသူပုန်တွေကို ရုရှားက လေကြောင်းကနေ တိုးမြှင့်တိုက်ခိုက်နေတဲ့ တစိတ်တပိုင်းအဖြစ် ပဲ့ထိန်းဒုံးကျည်တွေနဲ့ ပစ်ခတ် တိုက်ခိုက်ခဲ့အပြီး နောက်တရက်မှာပဲ NATO အကြီးအကဲက ပြောတာပါ။

NATO ကာကွယ်ရေးဝန်ကြီးတွေရဲ့ အစည်းအဝေးတခုကိုတက်ဖို့ ဘယ်လ်ဂျီယမ်နိုင်ငံ ဘရပ်ဆဲလ်စ်မြို့ကို ဒီကနေ့ ရောက်လာ ချိန်မှာ Jens Stoltenberg က ပြော တာဖြစ်ပါတယ်။ ဆီးရီးယားပြည်တွင်းစစ်မှာ ရုရှားရဲ့ ၀င်ရောက်စွက်ဖက်မှုဟာ အစည်းအဝေး မှာ အဓိကဆွေးနွေးမယ့်အကြောင်းအရာဖြစ်မယ်လ်ို့ ခန့်မှန်းထားပါတယ်။

ဆီးရီးယားကို လေကြောင်းကတိုက်ခိုက်တာမှာ ပါဝင်နေတဲ့ ရုရှားတိုက်လေယာဉ်တွေ ဟာ ဒီသီတင်းပတ်အတွင်း တူရကီ လေပိုင် နက်ထဲကို ချိုးဖောက် ၀င်ရောက်ခဲ့တယ်ဆိုတဲ့သတင်းကြောင့် ဒီကိစ္စက ပိုပြီး အရေးကြီးလာနေတာပါ။ တူရကီဟာ အမေရိကန် ပြည်ထောင်စုရဲ့ စစ်ဘက်မဟာမိတ် နိုင်ငံတခုဖြစ်ပါတယ်။

NATO အဖွဲ့ဟာ အဆင်သင့်ရှိနေပြီး တူရကီနိုင်ငံအပါအ၀င် မဟာမိတ်တွေအားလုံးကို ဘယ်လိုခြိမ်းခြောက်မှုမျိုးတွေကနေမဆို ကာကွယ်နိုင်စွမ်းရှိတယ်လို့ Stoltenberg ကပြောပါတယ်။ NATO အဖွဲ့ရဲ့စွမ်းရည်၊ လုပ်ဆောင်နိုင်စွမ်းတွေကို တိုးမြှင့်ထားပြီး တူရကီနိုင်ငံနဲ့ တောင်ပိုင်းဒေသတွေဆီအပါအ၀င် တပ်ဖွဲ့တွေလွှတ်ဖို့ နေတိုးအဖွဲ့က လုပ်ထားပြီးပြီလို့ သူကဆိုပါတယ်။

ဆီးရီးယားမှာ ရုရှားအနေနဲ့ အပြုသဘောဆောင် အခန်းကဏ္ဍကနေပါဝင်ဖို့ သူတိုက်တွန်းထားကြောင်း နေတိုးအဖွဲ့ ကာကွယ်ရေး ၀န်ကြီးများ အစည်းအဝေးအပြီးမှာ Stoltenberg က သတင်းထောက်တွေကိုပြောပါတယ်။

ဗွီအိုအေ (မြန်မာပိုင်း)
http://burmese.voanews.com

ဆီး​ရီး​ယား​ထဲ​က ​ပစ်​မှတ်​တွေ​ကို ​ရု​ရှား​က ​ကက်​စ​ပီ​ယံ ​ပင်​လယ်​ထဲ​က​နေ ​ခ​ရုဇ် ​ဒုံး​ကျည်​တွေ​နဲ့ ​ပစ်​ခတ်​ခဲ့။
ဆီး​ရီး​ယား ​နိုင်​ငံ​အ​တွင်း ​ရု​ရှား​ရဲ့ ​စစ်​ရေး ​ဆောင်​ရွက်​မှု​တွေ ​တိုး​မြင့်​လာ ​နေ​ချိန်​မှာ ​နေ​တိုး ​စစ်​မ​ဟာ​မိတ် ​အ​ဖွဲ့ ​အ​နေ​နဲ့ ​သူ့​ရဲ့ ​အ​ဖွဲ့​ဝင် ​နိုင်​ငံ​တွေ​ကို ​သေ​ချာ​ပေါက် ​ကာ​ကွယ် ​ပေး​သွား​မှာ ​ဖြစ်​တယ်​လို့ ​နေ​တိုး ​အ​တွင်း​ရေး​မှူး​ချုပ်​က ​ပြော​လိုက်​ပါ​တယ်။

တပ်​ဖွဲ့​တွေ ​အ​လျင်​အ​မြန် ​လှုပ်​ရှား ​နိုင်​ရေး​အ​တွက် ​တုံ့​ပြန်​နိုင်​စွမ်း​ကို ​တိုး​မြှင့်​ဖို့ ​နေ​တိုး​အ​ဖွဲ့​ဝင် ​နိုင်​ငံ​တွေ​ရဲ့ ​ကာ​ကွယ်​ရေး ​ဝန်​ကြီး​တွေ ​ဆုံး​ဖြတ် ​ခဲ့​ကြ​တယ်​လို့ ​နေ​တိုး ​အ​တွင်း​ရေး​မှူး​ချုပ် ​ယန် ​စ​တို​တင်​ဘာ့ဂ်​က ​ဆို​ပါ​တယ်။

အ​စော​ပိုင်း​က ​နေ​တိုး ​အ​ဖွဲ့​ဝင် ​တစ်​နိုင်​ငံ ​ဖြစ်​တဲ့ ​တူ​ရ​ကီ​က ​သူ့​ရဲ့ ​လေ​ကြောင်း ​ပိုင်​နက်​ထဲ​ကို ​ရု​ရှား ​တိုက်​လေ​ယာဉ်​တွေ ​ကျူး​ကျော် ​ဝင်​ရောက် ​ခဲ့​တယ်​လို့ ​ပြော​ဆို ​ခဲ့​ပါ​တယ်။

ရု​ရှား​ဟာ ​ဆီး​ရီး​ယား ​နိုင်​ငံ​ထဲ​မှာ ​လေ​ကြောင်း ​တိုက်​ခိုက်​မှု​တွေ ​ပြု​လုပ်​နေ​သ​လို ​အ​ဝေး​က​နေ ​ခ​ရုဇ် ​ဒုံး​ကျည် ​တွေ​နဲ့​လည်း ​ပစ်​ခတ် ​တိုက်​ခိုက် ​နေ​ပါ​တယ်။

ရု​ရှား​ဟာ ​ဆီး​ရီး​ယား ​သ​မ္မ​တ ​အာ​ဆတ်​ကို ​ဆန့်​ကျင်​တဲ့ ​သူ​ပုန်​တွေ​ကို ​ပစ်​မှတ်​ထား ​တိုက်​ခိုက်​တယ် ​ဆို​တဲ့ ​စွဲ​ချက်​တွေ​ကို ​ရု​ရှား​က ​ငြင်း​ဆို​ပြီး၊ ​သူ​တို့​ရဲ့ ​တိုက်​ခိုက်​မှု​တွေ​က IS ​အ​ဖွဲ့​နဲ့ ​တ​ခြား ​စစ်​သွေး​ကွှေ​တွ​ရဲ့ ​ပစ်​မှတ်​တွေ​ကို ​ထိ​မှန် ​ခဲ့​တာ​လို့ ​ဆို​ပါ​တယ်။

BBC Burmese
http://www.bbc.com/burmese


 နေပြည်တော် ဒက္ခိဏသီရိမြို့နယ် Junction Center အနောက်တွင် စက်တင်ဘာ ၂၉ ရက် ညဥ့်နက်သန်းခေါင်အချိန်တွင် ဖြစ်ပွားခဲ့သော အသက် ၁၆ နှစ်အရွယ် လင်မယားစုံတွဲမှ ခင်ပွန်း အသတ်ခံရပြီး အမျိုးသမီး အဓ္ဓမပြုကျင့်ခံရမှုဖြစ်စဉ်တွင် ကျုးလွန်သူ ၄ ဦးစလုံးအား ဖမ်းဆီးရမိပြီဖြစ်ကြောင်း သတင်းရရှိသည်။

အောက်တိုဘာ ၆ ရက်နေ့က ကျုးလွန်သူ ၂ ဦးဖြစ်သော ဇမ္ဗူသီရိမြို့ နယ်၊ သာယာကုန်းကျေးရွာနေ ကျော်မောင် (ခ) ညီညီ (အသက် ၁၉) နှင့် ရွှေကြာပင်ရပ်ကွက်နေ အောင်ပိုင် (ခ) အောင်တင်မျိုး (အသက် ၂၁ နှစ်) တို့အား ဖမ်းဆီးရမိခဲ့ပြီး ယမန်နေ့ အောက်တိုဘာ ၇ ရက်တွင် ကျန် ၂ ဦးဖြစ်သော ဇော်မျိုးသူ (ခ) ဇော်လေး (အသက် ၂၂ နှစ်ခန့်) နှင့် မျိုးဇော်ဝင်း (ခ) ကောင်လေး (အသက် ၁၆ နှစ်ခန့်) တို့ ဖမ်းဆီးရမိခဲ့ကြောင်း သိရသည်။

အောက်တိုဘာ ၇ ရက်နေ့ ည ၈ နာရီအချိန်တွင် မျိုးဇော်ဝင်း (ခ) ကောင်လေးသည် ဒက္ခိဏသီရိမြို့နယ် ရဲစခန်းသို့ ကိုယ်တိုင်လာရောက်ဖမ်းဆီးခံခဲ့ပြီး ယနေ့ အောက်တိုဘာ ၈ ရက် နံနက် ၁၀ နာရီအချိန်ခန့်တွင် နောက်ဆုံးကျန်ရှိ တရားခံ ဇော်မျိုးသူ (ခ) ဇော်လေးသည်လည်း အဆိုပါ ရဲစခန်း၌ပင် ကိုယ်တိုင်လာရောင် ဖမ်းဆီးခံခဲ့ကြောင်း သိရသည်။ သို့ဖြစ်၍ အဆိုပါပြစ်မှုကျုးလွန်သူ ၄ ဦးစလုံး ဖမ်းဆီးရမိပြီးဖြစ်ကြောင်း သိရသည်။

ယင်းသို့ ဖမ်းဆီးရမိရန် ရဲတပ်ဖွဲ့မှ ခြေရာခံလိုက်ရာတွင် တရားလို မ----၏ ထွက်ဆိုချက်ပါ ခြေထော့ကျိုးတဦး၊ အဓ္ဓမပြုကျင့်သူအချင်းချင်း ညီညီဟု နာမည်ခေါ်သံတို့အပေါ်အခြေခံ၍ စုံစမ်းခဲ့ရာမှ ကနဦးလွဲချော်မှုများရှိခဲ့သော်လည်း အောက်တိုဘာ ၆ ရက်နေ့တွင် ခြေထော့ကျိုးနေသူတဦးကို ထပ်မံတွေ့ရှိ၍ မ----အား ပြသခံရာ ဟုတ်မှန်ကြောင်းပေါ်ပေါက်ခဲ့ပြီး တရားခံများကို ဖမ်းဆီးရမိခဲ့ခြင်း ဖြစ်သည်။ အဆိုပါ ထော့ကျိုးပုံသဏ္ဍန်ရှိသူမှာ အောင်ပိုင် (ခ) အောင်တင်မျိုးဟု သိရပြီး အဓ္ဓမပြုကျင့်ခံရသူ မ---- ကို လမ်းကြောင်းပြထွက်ပြေးခိုင်းခဲ့သူဟု သိရပြီး ၎င်းမှတဆင့် ကျော်မောင် (ခ) ညီညီကို ထပ်မံဖမ်းဆီးရမိခဲ့ခြင်းဖြစ်သည်။

အခင်းဖြစ်ပွားခဲ့ပုံမှာ စက်တင်ဘာ ၂၉ ည ၁၁ နာရီခန့်တွင် မ---- (အသက် ၁၆ နှစ်) နှင့် မောင်ချစ်နိုင်ဦး (အသက် ၁၆ နှစ်) တို့ ဇနီးမောင်နှံ ၂ ဦး ဆိုင်ကယ်စီးထွက်ခဲ့ကြပြီး ည ၁၂ နာရီ ၃၀ မိနစ်ခန့်တွင် ဒက္ခိဏသီရိမြို့နယ် Junction Center အကျော်တွင် ဆိုင်ကယ်ကိုကွေ့ပြီးပြန်အထွက် ဆိုင်ကယ် ၂ စီးဖြင့် အမည်မသိ လူ ၄ ဦးနှင့်တွေ့ပြီး ခြိမ်းခြောက်ပြောဆို၍ ၎င်းတို့စီးလာသောဆိုင်ကယ်အား လူ ၄ ဦး ဆိုင်ကယ် ၂ စီးမှ ညှပ်၍ခေါ်ဆောင်လာပြီး Junction Center နောက် သံတမန်ဇုံ B လမ်း လမ်းသွယ်အရောက်တွင် ဇနီးမောင်နှံ၏ဆိုင်ကယ်အား တွန်းလှဲပြီး ခင်ပွန်းဖြစ်သူ ချစ်နိုင်ဦးအား အမည်မသိလူ ၂ ဦးမှ ဆွဲခေါ်သွားပြီး ဓါးဖြင့်ထိုးပြီး လူလေးဦး စလုံးမှ မ---- အား သားမယားပြုကျင့်ခဲ့ကြခြင်း ဖြစ်သည်။

News Watch(စောင့်ကြည့်သတင်းဂျာနယ်)
https://www.facebook.com/NewsWatchJournal


 အောက်တိုဘာ ၇ ရက်၊ ၂၀၁၅ ခုနှစ်။ စဖန်းရှောင်း

 ကရင်ပြည်နယ် ကော့ကရိတ်မြို့နယ်အတွင်းရှိ မြ၀တီ-ကော့ကရိတ် ကားလမ်းဟောင်း အနီးတွင်တပ်စွဲ ထားသည့် ကရင်ပြည်နယ်၊ နယ်ခြားစောင့်တပ်(BGF)က ကားတစ်စီးအား တားဆီးစစ်ဆေးရာမှ ကားပေါ် ပါသူများနှင့် အပြန်အလှန် ပစ်ခတ်မှုဖြစ်ပွားပြီး ကားပေါ်ပါလာသူ ၃ ဦးစလုံး သေဆုံးသွားသည့်ဖြစ်စဉ် ယမန်နေ့ က ဖြစ်ပွားခဲ့ကြောင်း BGF ဘက်က ပြောသည်။

အဆိုပါဖြစ်စဉ်မှာ အောက်တိုဘာလ ၆ ရက်နေ့ မွန်းလွဲ ၁ နာရီ ၄၀ မိနစ်အချိန်ခန့်က မြ၀တီ-ကော့ကရိတ် လမ်းဟောင်း၊ ကောင်းမှုနှင့် တောင်သုံးလုံးကြားတွင် BGF တပ်ရင်း ၁၀၁၇ မှတပ်ဖွဲ့ဝင်အချို့က တိုယိုတာ Vigo အမျိုးအစားငွေရောင်၊ RLG 4D- 4217 နံပါတ်ပြားအဝါတက်ဆင်ထားသည့် ကားအား စစ်ဆေးရန် တားဆီးရာမှ ကားပေါ်မှပါလာသူ ၃ ဦးနှင့် အပစ်ခတ်မှု ဖြစ်ပွားခဲ့ခြင်းဖြစ်သည်ဟု အမည်မဖော်လိုသူ BGF ဗိုလ်မှူးတစ်ဦးက အခုလိုပြောသည်။

“ အစ်ကိုတို့ အဲဒီကားမှာလက်နက်တွေ ပါလာတယ်လို့ သတင်းရထားတော့ အဲဒီကားကို တားတယ်။ လက်နက်တွေပါရင်အပ်ပြီး ငြိမ်းငြိမ်းချမ်းချမ်းဖြေရှင်းဖို့ပြောတော့ ကားမောင်းပြေးပြီး လက်နက်ငယ်နဲ့ နှစ်ချက်ပြန်ပစ်တယ်။ အဲဒီမှာလည်း စစ်ဆင်ရေးနယ်မြေဖြစ်တော့ ကိုယ့်ဆီကလည်း ပြန်ပစ်ရတာပေါ့ ” ဟု ကေအိုင်စီသို့ ပြောသည်။

ပစ်ခတ်မှုကြောင့် သေဆုံးသွားသူများမှာ DKBA တပ်ဖွဲ့ဝင်ဟောင်း ဖြစ်ဖွယ်ရှိသူများဖြစ်သည့် ဗိုလ်အဆင့်ရှိ စောအဒီး၊ ဗိုလ်စောဘီအေ(ခ)စောချပရီး၊ စောကော့သဘလေး တို့ဖြစ်သည်ဟု BGF ဘက်ကပြောဆိုသော် လည်း DKBA တပ်ဖွဲ့ဝင်ဟောင်းများကမူ မိမိတို့ တပ်ဖွဲ့ဝင်များမဟုတ်ဟု ကေအိုင်စီသို့ ပြောဆိုသည်။

DKBA တပ်ဖွဲ့ဝင်ဟောင်း ဗိုလ်မှူးချုပ်ကျော်သက်တပ်ဖွဲ့မှ ဗိုလ်ကြီးစောသရီးတူးက “ ဒီလူတွေက ဗိုလ်ကျော်သက်နဲ့ရော BGFက လူတွေနဲ့ပါသိတယ်။ သေသွားတဲ့သူတွေက စစ်သားအစစ်မဟုတ်ဘူး။ ဟိုဘက်သာရင် ဟိုဘက်ပြေးကပ်၊ ဒီဘက်သာရင်ဒီဘက်ပြေးကပ်တဲ့ စီးပွားရေးသမားတွေ ဖြစ်တယ်။ ဗိုလ်ကျော်သက် တပြည့်အစစ်ဆိုရင် အဲဒီဘက်ကိုဘယ် သွားရဲမလဲ။ ကျနော်တို့တောင် မသွားရဲဘူး” ဟု ပြောသည်။

၁၀ မိနစ်ကြာ ပစ်ခတ်မှုဖြစ်စဉ်တွင် ကားပေါ်ပါသုံးဦးစလုံး သေဆုံးသွားသလို ကားပေါ်မှ ၉-မမ ပစ္စတို တစ်လက်၊ DKBA တံဆိပ်ပါ ဦးထုပ်တစ်လုံး၊ DKBA (၉၀၇) ကတ်ပြားတစ်ခု၊ လက်ပစ်ဗုံး တစ်လုံး၊ ဓားတစ်ချောင်းနှင့် စိတ်ကြွဆေးအချို့ကို သိမ်းဆည်း ရမိကြောင်း BGF ဘက်က ပြောသည်။

ယခုပစ်ခတ်မှုဖြစ်ပွားရာနယ်မြေမှာ ပြီးခဲ့သည့်လအနည်းငယ်က အစိုးရတပ်နှင့် DKBA ဗိုလ်မှူးချုပ် စောကျော်သက်နှင့် ဗိုလ်မှူးကြီးစောဆန်းအောင် ဦးဆောင်သည့်တပ်ဖွဲ့တို့ တိုက်ပွဲဖြစ်ပွားပြီးနောက်ပိုင်း စစ်ဆင်ရေးနယ်မြေအဖြစ် သတ်မှတ်ထားပြီး နယ်မြေရှင်းလင်းမှုများ ပြုလုပ်နေဆဲ ဖြစ်ကြောင်း သိရသည်။

 စဖန်းရှောင်း
ကေအိုင်စီ - KIC
http://kicnews.org

ဗြိတိန် ဝန်ကြီးချုပ် ဒေးဗစ် ကင်မရွန် (Credit: AFP) 
 ဗြိတိန်နိုင်ငံ ​ဝန်ကြီးချုပ်က ​အစွန်းရောက်ဝါဒီတွေ ​သင်ကြားပေးတဲ့ ​စာသင်ကျောင်းတွေကို ​ပိတ်ချပစ်မယ်လို့ ​ပြောဆိုလိုက်ပါတယ်။

ကွန်ဆာဗေးတစ်ပါတီ ​ညီလာခံမှာ ​ဝန်ကြီးချုပ် ​ဒေးဗစ်ကင်မရွန်က ​အမုန်းတရားအကြောင်း ​သင်ကြားတဲ့ ​ဘာသာရေးကျောင်း ​မှန်သမျှကို ​ပိတ်ချပစ်မယ်လို့ ​ပြောပါတယ်။

ကလေးတွေကို ​တခြားဘာသာတွေနဲ့ ​မပေါင်းသင့်ဘူးလို့ ​သင်ကြားတဲ့ ​ကျောင်းတွေ၊ ​ကလေးတွေကို ​ရိုက်တဲ့ကျောင်းတွေနဲ့ ​မတူကွဲပြားမှုကို ​သီးမခံတဲ့အရာတွေကို ​သင်ကြားပေးရင်တော့ ​ပိတ်ချတာကို ​ခံရမယ်လို့ ​ပြောသွားခဲ့တာပါ။ ​

ဗြိတိန်နိုင်ငံက ​ဘာသာရေးကျောင်းတွေကို ​အစိုးရက ​ဝင်ရောက်စစ်ဆေးရင် ​တံခါးကို ​လှိုက်လှိုက်လှဲလှဲ ​ဖွင့်ပေးတဲ့ ​ကျောင်းတွေ ​အများစု ​ဖြစ်တယ်လို့ ​ပြောပြီး ​ဗြိတိန်အစိုးရအနေနဲ့ ​စောင့်ကြည့်သွားမယ်လို့ ​ပြောပါတယ်။

သြစတြေးလျနိုင်ငံမှာလည်း ​လူငယ်တွေ ​အစွန်းရောက်ဝါဒီတွေ ​ကိုင်စွဲလာတာကြောင့် ​အစိုးရက ​လူမှုအဖွဲ့အစည်းတွေမှာ ​အစွန်းရောက်ဝါဒီတွေ ​တိုက်ဖျက်နိုင်အောင် ​ရံပုံငွေတွေ ​ချပေးထားပါတယ်။

လူငယ်တွေနဲ့ ​အလုပ်လုပ်နေတဲ့ ​Sarkis ​Achmar ​က ​စိတ်လေနေတဲ့ ​လူငယ်တွေကို ​လုပ်စရာအလုပ်တွေ၊ ​ကစားစရာ ​အားကစားတွေ၊ ​ကျောင်းတွေ ​ပို့ထားနိုင်ပေမယ့် ​ညအချိန်ရောက်လို့ ​သူတို့အိမ်ကို ​ပြန်သွားတဲ့အခါမှာ ​သူတို့ခေါင်းထဲ ​တွေးတဲ့ ​အတွေးတွေအထိ ​ကောင်းမွန်မှုတွေ ​လုပ်အောင် ​တိုက်တွန်းဖို့ ​လိုတယ်လို့ ​ပြောပါတယ်။ ​အဲလိုမှ ​မလုပ်နိုင်ရင် ​လူငယ်တွေက ​သူတို့ကို ​အမြဲတမ်းလက်ခံ ​ကြိုဆိုတဲ့ ​နေရာတွေ၊ ​အဖွဲ့တွေဆီကို ​ရောက်သွားနိုင်ပြီး ​IS ​အဖွဲ့က ​အဲဒီလို ​နည်းနဲ့ ​ဆွဲဆောင်နေတာလို့ ​ပြောပါတယ်။

လူငယ်တွေ ​အထီးမကျန်အောင် ​သူတို့ကို ​လက်ခံတဲ့ ​အဖွဲ့တွေ၊ ​သူတို့ကို ​ပျော်ရွှင်မှုပေးတဲ့ ​အဖွဲ့တွေ၊ ​နေရာတွေကို ​ဖန်တီးပေးရမယ်လို့ ​ပြောသွားခဲ့ပါတယ်။

ABC Radio Australia
http://www.radioaustralia.net.au/burmese

 အောက်တိုဘာလ ၆ ရက်နေ့က ဆွစ်ဇလန်နိုင်ငံ ဂျီနီဗာမြို့မှာ မာတင်အန်နာ ဆန်ကာတင်ဆုကို တရားရုံးချုပ်ရှေ့နေ ဦးရောဘတ်စန်းအောင် လက်ခံရယူစဉ်။ Photo:Robert Sann Aung (facebook)
မြန်မာနိုင်ငံက လူ့အခွင့်အရေး ကာကွယ်မြှင့်တင်သူ တရားရုံးချုပ်ရှေ့နေ ဦးရောဘတ်စန်းအောင်ကို ကမ္ဘာ့လူ့အခွင့်အရေးအဖွဲ့တွေက  အောက်တိုဘာလ ၆ ရက်နေ့၊ ဆွစ်ဇလန်နိုင်ငံ ဂျီနီဗာမြို့မှာ လူ့အခွင့်အရေး ကာကွယ်စောင့်ရှောက်သူတွေကို ချီးမြှင့်လေ့ရှိတဲ့ မာတင်အန်နာ ဆန်ကာတင်ဆု ( Martin Ennal Nominees award ) အပ်နှင်းလိုက်ပါတယ်။

ဒီဆုကို အပြည်ပြည်ဆိုင်ရာ လွတ်ငြိမ်းချမ်းသာခွင့်အဖွဲ့ အပါအဝင် ထိပ်တန်းလူ့အခွင့်အရေးအဖွဲ့ ၁ဝ ဖွဲ့က တစ်ကမ္ဘာလုံးက အမည်စာရင်းတင်သွင်းလာသူ တစ်ရာကျော်ထဲက ရွေးချယ်ချီးမြှင့်တာဖြစ်ပါတယ်။

ဦးရောဘတ်စန်းအောင်နဲ့အတူ အာရပ်စော်ဘွားများနိုင်ငံက ရှေ့နေတစ်ဦးနဲ့ ဂါနာနိုင်ငံက အမျိုးသမီးရှေ့နေ တစ်ဦးတို့လည်း ဆုရရှိခဲ့ကြပါတယ်။ ဆုချီးမြှင့်ခံရတာနဲ့ ပတ်သက်ပြီး ဦးရောဘတ်စန်းအောင်က RFA ကို အခုလိုပြောပါတယ်။

"မြန်မာနိုင်ငံက အခုထိအလွတ်မြောက်သေးတဲ့ ဒီမိုကရေစီအရေးနဲ့ နိုင်ငံရေးတက်ကြွလှုပ်ရှားသူတွေ ဖြစ်ကြ တဲ့ ဒေါ်နော်အုန်းလှတို့၊ ကိုနေမျိုးဇင်တို့၊ ကျောင်းသားခေါင်းဆောင် မင်းသွေးသစ်တို့၊ မဖြိုးဖြိုးအောင်တို့ စတဲ့ပုဂ္ဂိုလ်တွေရဲ့ ကိုယ်ကျိုးစွန့် အနစ်နာခံမှုအပေါ်မှာ ကျနော်တို့ကလည်း လိုက်ပါဆောင်ရွက်နေခြင်းကို အသိအမှတ်ပြုတာပါ၊ ပြည်သူတွေရဲ့ တက်ကြွလှုပ်ရှားမှုတွေကို နိုင်ငံတကာက အသိအမှတ်ပြုတဲ့အနေနဲ့ ကျနော်တို့ကို ဆုချီးမြှင့်ခြင်းဖြစ်ပါတယ်၊ မြန်မာနိုင်ငံထဲက ဒီမိုကရေစီရေးနဲ့ လူ့အခွင့်အရေးဟာ အရေးကြီးတဲ့ အဆင့်မှာ ရှိနေတယ်ဆိုတာကို မီးမောင်းထိုးပြလိုက်တာပဲလို့ ကျနော်မြင်တွေ့ခံစားရတဲ့အတွက် ဝမ်းသာမိ ပါတယ်"

ဒီဆုကို ဆွစ်ဇလန်နိုင်ငံ၊ဂျီနီဗာမြို့မှာ ချီးမြှင့်ပြီးတဲ့နောက်၊ ဆုရှင်တွေကို ဗြိတိန်၊ဘရာဇီးနဲ့ အမေရိကန်နိုင်ငံတွေ ကိုစေလွှတ်ပြီး လူ့အခွင့်အရေးမြှင့်တင်သူတွေ၊ လွှတ်တော်ကိုယ်စားလှယ်တွေ၊ အစိုးရပိုင်းတာဝန်ရှိသူတွေ နဲ့ တွေ့ဆုံဖို့လည်းရှိပါတယ်။

RFA Burmese
http://www.rfa.org/burmese

အမျိုးသား ဒီမိုကရေစီ အဖွဲ့ချုပ် NLD ခေါင်းဆောင် ဒေါ်အောင်ဆန်းစုကြည် (Credit: ABC) 
အမျိုးသား ​ဒီမိုကရေစီ ​အဖွဲ့ချုပ် ​ခေါင်းဆောင် ​ဒေါ်အောင်ဆန်းစုကြည်က ​NLD ​ပါတီကသာ ​အနိုင်ရမယ်ဆိုရင် ​မြန်မာအစိုးရသစ်မှာ ​ခေါင်းဆောင်အနေနဲ့ ​ဆက်လုပ်သွားမယ်လို့ ​ပြောပါတယ်။

၂၀၀၈ ​ဖွဲ့စည်း ​အုပ်ချုပ်ပုံ ​အခြေခံ ​ဥပဒေအရ ​နိုင်ငံခြားသား ​မိသားစုဝင် ​ရှိနေတဲ့ ​ဒေါ်အောင်ဆန်းစုကြည်အနေနဲ့ ​သမ္မတ ​ဖြစ်ခွင့်မရှိပေမယ့် ​NLD ​ကသာ ​အနိုင်ရမယ်ဆိုရင် ​အစိုးရဖွဲ့ပြီး ​အဲဒီအစိုးရအဖွဲ့မှာ ​ခေါင်းဆောင်အနေနဲ့ ​လုပ်သွားမယ်လို့ ​India ​Today ​နဲ့ ​အင်တာဗျူးမှာ ​ဒေါ်အောင်ဆန်းစုကြည်က ​ပြောသွားခဲ့တာပါ။

အိန္ဒိယနိုင်ငံ ​ကွန်ဂရက်ပါတီခေါင်းဆောင် ​Sonia ​Gandhi ​လို ​ပါတီကို ​ဆက်အုပ်ချုပ်ပြီး ​Manmohan ​Singh ​ကို ​ဝန်ကြီးချုပ်ရာထူးပေးထားပြီး ​လုပ်ပိုင်ခွင့် ​အနည်းငယ်သာ ​ပေးထားတာမျိုးကို ​လုပ်ချင်တာလားလို့ ​မေးတဲ့အခါမှာတော့ ​ဒေါ်အောင်ဆန်းစုကြည်က ​အဲဒီလို ​လုပ်မှာ ​မဟုတ်ဘူးလို့ ​ပြောပါတယ်။

ဘယ်လို ​လုပ်ဆောင်မလဲ ​ဆိုတာကို ​ရှင်းမပြထားပဲ ​စောင့်ကြည့်ပါ ​လို့သာ ​ဖြေကြားခဲ့ပါတယ်။

မြန်မာနိုင်ငံ ​စနစ်အရ ​သမ္မတဟာ ​ရွေးကောက်ခံစရာမလိုပဲ ​ပါလီမာန်လွှတ်တော်အမတ်တွေ၊ ​စစ်တပ်တွေက ​ထောက်ခံရင် ​သမ္မတ ​ဖြစ်ခွင့်ရှိပါတယ်။

ဒေါ်အောင်ဆန်းစုကြည်က ​သူရဦးရွှေမန်းနဲ့ ​အပေးအယူလုပ်နေတယ်လို့ ​ယူဆကြတဲ့အတွက် ​သူရဦးရွှေမန်းလို ​လူကို ​သမ္မတ ​အဖြစ် ​ရွေးချယ်မလားလို့ ​မေးရာမှာတော့ ​ဒေါ်အောင်ဆန်းစုကြည်က ​NLD ​ပါတီအတွင်းက ​စစ်သားမဟုတ်ပဲ ​အရပ်သား ​တစ်ဦးကိုသာ ​တင်မြောက်မယ်လို့ ​ပြောပါတယ်။

ဘယ်သူ့ကို ​ပိုလိုလားတယ်ဆိုတာထက် ​ဘယ်သူက ​ပိုဖြစ်သင့်သလဲ ​ဆိုတာ ​စဉ်းစားရမှာ ​ဖြစ်ပြီး ​လက်ရှိအခြေအနေအရ ​အရပ်သားကသာ ​သမ္မတ ​ဖြစ်သင့်တယ်လို့ ​ဖြေဆိုခဲ့ပါတယ်။

မြန်မာနိုင်ငံမှာ ​ဘာသာရေးကွဲပြားမှုတွေအပေါ် ​သီးခံမှု ​နည်းလာတာတွေကို ​ကြည့်ပြီး ​စိုးရိမ်မိတယ်လို့ ​ပြောပါတယ်။ ​NLD ​ကို ​ကိုယ်စားပြုမယ့် ​မွတ်စလင် ​လွှတ်တော်အမတ်လောင်းကို ​NLD ​က ​ပယ်ချတာ ​မဟုတ်ပဲ ​ရွေးကောက်ပွဲ ​ကေ်ာမရှင်က ​ပယ်ချခြင်းသာဖြစ်ပြီး ​ဘာသာရေးက ​ရွေးကောက်ပွဲမှာ ​issue ​တစ်ခု ​ဖြစ်လာနေတဲ့အပေါ် ​စိတ်မကောင်းဘူးလို့လည်း ​ဒေါ်အောင်ဆန်းစုကြည်က ​ပြောပါတယ်။

ရိုဟင်ဂျာ ​အရေးနဲ့ ​ပတ်သက်ပြီး ​ဒေါ်အောင်ဆန်းစုကြည်က ​ရေငုံနှုတ်ပိတ်နေတယ် ​ဆိုတဲ့ ​စွပ်စွဲချက်နဲ့ ​ပတ်သက်ပြီး ​ဒေါ်အောင်ဆန်းစုကြည်က ​ဒီကိစ္စနဲ့ ​ပတ်သက်ပြီး ​ပြောဆိုခဲ့တာတွေ ​ရှိပေမယ့် ​လူတွေက ​စိတ်မဝင်စားတဲ့အကြောင်း၊ ​လူတွေ ​လိုချင်တာက ​ရခိုင်တွေရဲ့ ​လုပ်ရပ်ကို ​ရှုတ်ချတာမျိုးဖြစ်ပြီး ​ဒီကိစ္စမှာ ​ရခိုင်ဘက်ကလည်း ​ခံရတာတွေ ​ရှိတဲ့အတွက် ​ရခိုင်တွေကို ​မရှုတ်ချနိုင်ဘူးလို့ ​ဖြေကြားခဲ့ပါတယ်။

ABC Radio Australia
http://www.radioaustralia.net.au/burmese

 အမျိုးသား ဒီမိုကရေစီ အဖွဲ့ချုပ် ဥက္ကဌ ဒေါ်အောင်ဆန်းစုကြည် စက်တင်ဘာလ ၁၁ ရက်နေ့က ကယားပြည်နယ် ဖားဆောင်းမြို့မှာ ရွေးကောက်ပွဲအောင်နိုင်ရေး ဟောပြောစဉ်။ Photo: Myo Thant Khaing/RFA
လာမယ့်ရွေးကောက်ပွဲမှာ NLD အနိုင်ရရင်၊ အစိုးရအဖွဲ့ကို ဦးဆောင်သွားမယ်လို့ အမျိုးသားဒီမိုကရေစီ အဖွဲ့ချုပ် ဥက္ကဌ ဒေါ်အောင်ဆန်းစုကြည်က ပြောပါတယ်။

India Today ရုပ်သံ သတင်းဌာနက မနေ့က တွေ့ဆုံမေးမြန်းရာမှာ ပြောကြားခဲ့တာပါ။

ရွေးကောက်ပွဲမှာ NLD နိုင်လို့ အစိုးရဖွဲ့တဲ့အခါ၊ ကျမအနေနဲ့ သမ္မတ ဟုတ်သည်ဖြစ်စေ မဟုတ်သည်ဖြစ်စေ၊ အစိုးရကို ဦးဆောင်သွားမှာပါ၊ တိုင်းပြည်ကို ဦးဆောင်ဖို့အတွက် သမ္မတ ဖြစ်စရာလိုပါသလား၊ ကျမဟာ NLD ပါတီရဲ့ ခေါင်းဆောင်ဖြစ်တာကြောင့်၊ NLD အစိုးရကို ဦးဆောင်ရမှာပါပဲလို့ ဒေါ်အောင်ဆန်းစုကြည်က ပြော ကြားခဲ့ပါတယ်။

အိန္ဒိယနိုင်ငံမှာ ကွန်ဂရက်ပါတီ အနိုင်ရတဲ့အခါ ပါတီခေါင်းဆောင် ဆိုနီယာ ဂန္ဓီ က မန်မိုဟန်ဆင်းကို သမ္မတ ခန့်လိုက်သလိုမျိုးပါလားလို့ India Today က မေးတဲ့အခါ - မဟုတ်ပါဘူး၊ အဲ့သလိုမျိုး လုံးဝ မဟုတ်ပါဘူး၊ စောင့်သာ ကြည့်ပါ လို့သာ ဒေါ်အောင်ဆန်းစုကြည်က ဖြေကြားခဲ့ပါတယ်။

NLD က အဆိုပြုမယ့် သမ္မတလောင်းနဲ့ပတ်သက်ပြီး သူရဦးရွှေမန်းဖြစ်နိုင်ခြေရှိတယ်လို့ ခန့်မှန်း နေကြတာနဲ့ ပတ်သက်ပြီး မေးမြန်းရာမှာတော့ - NLD ပါတီမှာ အရပ်သားတွေအများအပြားရှိကြောင်း၊ ဒီကိစ္စဟာ အကြိုက် ကိစ္စထက် မသင့်တော်မတော်ဆိုတာက ပိုပြီးအရေးကြီးကြောင်း၊ ရိုးသားဖြောင့်မတ်တဲ့ အရပ်သားဆိုရင် ပိုပြီးသင့်တော်မှာဖြစ်ကြောင်း ဒေါ်အောင်ဆန်းစုကြည်က ပြောကြားခဲ့ပါတယ်။

ဒါ့ပြင် NLD အစိုးရဖွဲ့နိုင်တဲ့အခါ အိန္ဒိယ မြန်မာ ဆက်ဆံရေးနဲ့ပတ်သက်ပြီး ရှေ့အလားအလာတွေကို India Today ရုပ်သံသတင်းက မေးမြန်းရာမှာ ဒေါ်အောင်ဆန်းစုကြည်က - ပွင့်လင်းမြင်သာမှု ရှိစေချင်ပါတယ်၊ နယ်စပ်တွေမှာ ငြိမ်းငြိမ်းချမ်းချမ်းရှိဖို့ဆိုရင် အိမ်နီးချင်းနိုင်ငံတွေအနေနဲ့ အချင်းချင်းကြားမှာ စစ်မှန်တဲ့ နားလည်မှုရှိဖို့လိုပါတယ်။ ပွင့်လင်းမြင်သာမှုမရှိရင်တော့ သံသယ အမျိုးမျိုးတွေ၊ သို့လော သို့လောတွေ ပေါ်ပေါက်လာမှာပါ၊ ဒါတွေက နိုင်ငံချင်းချစ်ကြည်ရင်းနှီးမှု အခြေခံအုတ်မြစ်ကို တိုက်စားနေမှာဖြစ်ပါတယ်လို့ ပြောကြားခဲ့တာပါ။

ဒါ့ပြင် အိန္ဒိယရဲ့ ဒီမိုကရေစီမှာ မြန်မာအတွက် သင်ခန်းစာယူစရာတွေ ရှိနေတယ်လို့လည်း ပြောပါတယ်။

NLD အာဏာရရင် တရုတ် မြန်မာဆက်ဆံရေးဟာလည်း ကောင်းမွန်လာမှာဖြစ်သလို၊ တရုတ်နဲ့ အိန္ဒိယကြား ဆက်ဆံရေး တိုးတက်ကောင်းမွန်လာအောင် မြန်မာက ကူညီနိုင်မှာဖြစ်တယ်လို့လည်း ပြောကြားခဲ့ပါတယ်။

ဒေါ်အောင်ဆန်းစုကြည်ဟာ ပြီးခဲ့တဲ့ သုံးနှစ်အတွင်း အိန္ဒိယ သတင်းမီဒီယာနဲ့ ပထမဦးဆုံးအကြိမ် တွေ့ဆုံခဲ့ တာဖြစ်ပါတယ်။

RFA Burmese
http://www.rfa.org/burmese

a ballot form for 2015 election (Photo by Sithu VOA Burmese Service, June 08, 2015)
 နေပြည်တော် ဒက္ခိဏသီရိမြို့နယ်တွင်းမှာ အမျိုးသား ဒီမိုကရေစီ အဖွဲ့ချုပ်ကို မဲမပေးရေး စည်းရုံးခဲ့တယ်ဆိုတဲ့ စွပ်စွဲချက်နဲ့ ပြည်ထောင်စု ကြံ့ခိုင်ရေးနဲ့ ဖွံ့ဖြိုးရေးပါတီက တာဝန်ရှိသူတဦးကို NLD ပါတီက တိုင်ကြားတာကို ရဲစခန်းက လက်ခံလိုက်ပါတယ်။ ရဲစခန်းဘက်က တိုင်ကြားချက်ကို စုံစမ်းစစ်ဆေးပြီး ပြစ်မှုထင်ရှားရင် ကျူးလွန်သူအနေနဲ့ ပြစ်ဒဏ်ကျခံရနိုင်သလို ပြစ်မှုထင်ရှား မပေါ်ပေါက်ရင်တော့ တိုင်ကြားသူအနေနဲ့ ပြစ်ဒဏ်ကျခံရနိုင်တဲ့ အခြေအနေလည်း ရှိနေပါတယ်။ မသိင်္ဂီထိုက် က စုစည်းတင်ပြပေးပါမယ်။

နေပြည်တော် ဒက္ခိဏသီရိ မြို့နယ်မှာ ပြည်ထောင်စု ကြံ့ခိုင်ရေးနဲ့ ဖွံ့ဖြိုးရေးပါတီက တာဝန်ရှိသူ တဦးက အတိုက်အခံပါတီ ခေါင်းဆောင် ဒေါ်အောင်ဆန်းစုကြည်နဲ့ သူမရဲ့ အမျိုးသား ဒီမိုကရေစီ အဖွဲ့ချုပ်ကို မဲမပေးရေး လှုံ့ဆော်တဲ့ စာရွက်စာတန်းတွေ ဝေငှခဲ့တာကြောင့် ဒက္ခိဏသီရိ မြို့နယ် ရဲစခန်းကို တိုင်ကြားခဲ့တာ ဖြစ်ပါတယ်။ ဒက္ခိဏသီရိမြို့နယ် ရဲစခန်းက NLD ပါတီကိုယ်စားလှယ်ရဲ့ တိုင်ကြားချက်ကို လက်ခံလိုက်တယ်လို့ ဒက္ခိဏသီရိမြို့နယ် ကိုယ်စားလှယ်လောင်း ဦးသန့်စင်ထွန်းက ပြောပါတယ်။

“ပြည်ထောင်စု ကြံ့ခိုင်ရေးနဲ့ ဖွံ့ဖြိုးရေးပါတီရဲ့ မြို့နယ် အလုပ်အမှုဆောင် တွဲဘက်အတွင်းရေးမှူး ဦးဇော်ဝိတ် ကျနော်တို့ ဒေါ်အောင်ဆန်းစုကြည်နဲ့ သူ့ရဲ့ပါတီကို မဲမပေးဖို့ အားပေးလှုံ့ဆော်တဲ့ စာတွေ ဝေလို့ပါ။ အဲဒါနဲ့ ရွေးကောက်ပွဲဆိုင်ရာ ဥပဒေအရ ကျနော်က ပုဒ်မတော့ မတပ်သေးဘူး။ ရွေးကောက်ပွဲဆိုင်ရာ ပြစ်မှုတွေကို ချိုးဖောက်တဲ့အတွက် အရေးယူပေးပါဆိုပြီး ကျနော်က တိုင်ကြားလိုက်တာ။ ရဲစခန်းက အမှုအမှတ် ၉၉/၂၀၁၅ နဲ့ လက်ခံတယ်။ ပုဒ်မကကျတော့ ရွေးကောက်ပွဲဥပဒေပုဒ်မ ၅၈ (ဂ) အဲဒီပုဒ်မ တပ်ပေးထားတယ်။”

ဒက္ခိဏသီရိမြို့နယ် ကြာပင်ကျေးရွာအုပ်စု ထန်းတပင် ကျေးရွာမှာ ပြုလုပ်ခဲ့တဲ့ ပြည်ထောင်စု ကြံ့ခိုင်ရေးနဲ့ ဖွံ့ဖြိုးရေးပါတီ တာဝန်ရှိသူတဦးက ကိုယ်တိုင် ဝေငှခဲ့တာကိုလည်း သက်သေ အခိုင်အမာ ရှိတယ်ဆိုပြီးလည်း NLD ကိုယ်စားလှယ်လောင်း ဦးသန့်စင်ထွန်းက ပြောပါတယ်။

“ဒက္ခိဏသီရိမြို့နယ် ကြာပင်ကျေးရွာအုပ်စု ထန်းတပင်ကျေးရွာပါ။ သူကိုယ်တိုင်ဝေတာပါ။ သူကိုယ်တိုင်ဝေတယ်။ ဝေတဲ့အခါမှာ ကျနော်တို့ရဲ့အဖွဲ့ဝင်တွေက သတင်းလှမ်းပေးတယ်ပေါ့။ သတင်းလှမ်းပေးတော့ ကျနော်တို့က နောက် ၂ ရက်လောက်မှာ သွားရောက် စုံစမ်းတဲ့အခါမှာ သူကိုယ်တိုင်ဝေတယ်။ ဝေတဲ့ဟာကို ဈေးဆိုင်တဆိုင်ရဲ့ ဆိုင်ရှင်အဒေါ်ကြီးက ကျနော်တို့ကို သက်သေထွက်ဆိုပေးတယ်။ သူ့ဆိုင်မှာ လူလည်းစုံတဲ့အတွက် ဒါတွေကို ရှင်းပြပေးပါပေါ့နော် ပြောပြီးတော့ ဝေသွားတယ်တဲ့။ အဲဒီအဒေါ်ကြီးက သက်သေထွက်ဆိုပေးထားတယ်။ သူဝေတဲ့ စာရွက်ထဲမှာကျတော့ မြို့စောင့်ဥပဒေ ၄ ခုကိုလည်း ကျနော်တို့ ပါတီက ကန့်ကွက်တယ်ပေါ့နော်။ ကျနော်တို့ပါတီ အနိုင်ရသွားလို့ရှိရင် ဒီဥပဒေတွေကို ကျနော်တို့က ပြန်ပြီးတော့ ပယ်ဖျက်မယ်ဆိုတဲ့ အကြောင်းတွေကို ရေးတယ်။ နောက်တခါ လူမျိုးရေး၊ ဘာသာရေးကို အကြောင်းပြပြီးတော့ ကျနော်တို့ ဒီ ဒေါ်အောင်ဆန်းစုကြည်နဲ့ သူ့ရဲ့ ပါတီကို မဲမပေးဖို့အတွက် အားပေးလှုံ့ဆော်တဲ့ အရေးအသားတွေပါတယ်။”

ဆန္ဒမဲ ပေးပိုင်ခွင့်၊ ရွေးကောက် တင်မြှောက်ခံပိုင်ခွင့်ကို မတရားသဖြင့် နှောင့်ယှက်မှု၊ မဲရဖို့ လာဘ်ပေး လာဘ်ယူမှုတွေကစလို့ မဲစာရင်း မဲလက်မှတ်တွေကို မမှန်မကန် ပြုလုပ်မှုတွေအဆုံး ပြစ်မှုဆိုင်ရာ စွပ်စွဲချက်တွေကို ရဲထံ တိုက်ရိုက်တိုင်ကြား ကြဖို့ ရွေးကောက်ပွဲ ဥပဒေမှာ ပြဌာန်းထားတာဖြစ်ပါတယ်။ ဒီလို တိုင်ကြားတာမှာလည်း ရဲက စုံစမ်းစစ်ဆေးပြီး ပြစ်မှုထင်ရှားရင် တိုင်ကြားခံရသူအနေနဲ့ ထောင်ဒဏ်ကျခံရမှာ ဖြစ်ပေမဲ့ ရဲက စစ်ဆေးလို့ ပြစ်မှု မထင်ရှားဘူးလို့ ဆုံးဖြတ်ခဲ့ရင်တော့ တိုင်ကြားသူကို လိမ်လည်တိုင်ကြားသူအဖြစ် သတ်မှတ်အပြစ်ပေးခံရမယ့် အရေးလည်း ရှိနေပြန်တယ်လို့ ပြည်ထောင်စု ရှေ့နေချုပ်ရုံးရဲ့ အငြိမ်းစား ဒုတိယ ညွှန်ကြားရေးမှူး ဥပဒေပညာရှင် ဦးထွန်းခင်က အခုလို ပြောပါတယ်။

“ရဲက သူကတော့ တိုင်ချက်ဖွင့်ပေးရမှာပဲလေ။ မလျော်မကန်သုံးတာတို့၊ ခြိမ်းခြောက်တာတို့၊ ပုဒ်မ ၅၇ မှာရှိတယ်။ မသင့်တော်တာ လုပ်တာတို့၊ အဲ့လို မဲမပေးနဲ့လို့ တို့ ပြောတာတို့ဟာ ဒါ မတရားစည်းရုံးတာပဲလေ။ မလျော်သြဇာသုံးတာပဲလေ။ ပုဒ်မ ၅၇ မှာ ပါပါတယ်။ ဒါကျတော့ မလျော်သြဇာသုံးတာတို့၊ ဖြန့်ဝေတာတို့ ဖြစ်သွားတာပေါ့။ ရဲကတော့ သူကတော့ စုံစမ်းစစ်ဆေးပြီး တရားစွဲတင်ရမှာပဲ။ ဒါပေမဲ့ သူက ဖမ်းခွင့်တော့ မရှိဘူး။ အာမခံပေးနိုင်တဲ့ပုဒ်မ ဖြစ်တယ်။ ပြစ်မှုကျူးလွန်သူတွေကိုက ကျူးလွန်တာ အထမြောက်တယ်ဆိုရင်တော့ တနှစ်ဖြစ်မယ်။ မဟုတ်မမှန် တိုင်ကြားတယ်ဆိုရင် သူက အပြစ်ဒဏ် ၃ နှစ်အထိရှိတယ်။ အဲဒါ ပုဒ်မတခုပါ။”

နေပြည်တော် ဒက္ခိဏသီရိ မဲဆန္ဒနယ်မှာတော့ ပြည်ထောင်စုဝန်ကြီး ဦးမြင့်လှိုင် က ပြည်ထောင်စု ကြံ့ခိုင်ရေးနဲ့ ဖွံ့ဖြိုးရေးပါတီရဲ့ ပြည်သူ့လွှတ်တော် ကိုယ်စားလှယ်အဖြစ် ၀င်ရောက်ယှဉ်ပြိုင်မှာဖြစ်ပြီး ရွေးကောက်ပွဲကော်မရှင်က သတ်မှတ်ထားတဲ့ မဲဆွယ်စည်းရုံးခွင့် ပေးတဲ့ရက် မတိုင်ခင် မဲဆွယ်စည်းရုံးတယ်ဆိုပြီး အမျိုးသားဒီမိုကရေစီအဖွဲ့ချုပ်ရဲ့ ကိုယ်စားလှယ်က ဒက္ခိဏသီရိ ရဲစခန်းကို တိုင်ကြားခဲ့တာကိုတော့ ရဲစခန်းက လက်မခံခဲ့ပါဘူး။ ဒါပေမဲ့ အခု တကြိမ်တိုင်ကြားမှုကိုတော့ တနင်္လာနေ့မှာ ဒက္ခိဏသီရိရဲစခန်းက လက်ခံလိုက်ပြီး အခုချိန်ထိတော့ စုံစမ်းစစ်ဆေးမှုနဲ့ ပတ်သက်ပြီး အကြောင်းကြား မလာသေးဘူးလို့လည်း NLD ကိုယ်စားလှယ်က ပြောဆိုထားပါတယ်။

 ဗွီအိုအေ (မြန်မာပိုင်း)
http://burmese.voanews.com

 NLD အမျိုးသား ဒီမိုကရေစီ အဖွဲ့ချုပ်ကို ထောက်ခံကြောင်း အောက်တိုဘာ ၇ ရက်နေ့က ဒေသခံတွေ မြောင်းမြမြို့နယ်မှာ စီတန်းလှည့်လည်နေစဉ်။ Photo: Ko Bo Tun( Facebook )
 ဧရာဝတီတိုင်း ဒေသကြီး မြောင်းမြမြို့နယ်မှာ NLD အမျိုးသား ဒီမိုကရေစီ အဖွဲ့ချုပ်ကို ထောက်ခံကြောင်း သောင်း ဂဏန်းလောက်ရှိမယ့် ဒေသခံတွေက မြို့ထဲမှာ စီတန်း လှည့်လည် ခဲ့ကြပါတယ်။

 အမျိုးသား ဒီမိုကရေစီ အဖွဲ့ချုပ် ရွေးကောက်ပွဲမှာအောင်နိုင်ရေးကို ပါတီဝင်တွေ တင်မကဘဲ ဒေသခံတွေကပါ ပူးပေါင်း ပါဝင်တယ် ဆိုတာကို ပြသဖို့အတွက် အခုလိုထောက်ခံပွဲ ကျင်းပတာဖြစ်တယ်လို့ မြောင်းမြမြို့ခံ ကိုဘိုထွန်း က ပြောပါတယ်။

"ကျနော်တို့က အမျိုးသားဒီမိုကရေစီအဖွဲ့ချုပ်ရဲ့အောင်နိုင်ရေးထောက်ခံတဲ့ပွဲပါ၊ ပါတီဝင်မဟုတ်တဲ့ ပြည်သူ တစ်ယောက်အနေနဲ့ ကျနော်ဦးဆောင်ပြီးလုပ်တာပါ၊ ကျနော်တို့လိုလားတဲ့အစိုးရတစ်ရပ်ဖြစ်အောင်ပေါ့၊ ပြည် သူလူထုကိုတစ်ကယ် ကြည့်ပေးမယ့် အစိုးရမျိုးကို ပြည်သူလည်းအသင့်ရှိရှိပါဝင်ပူးပေါင်းနိုင်လိမ့်မယ်ဆိုပြီး ကျနော်တို့က NLD အောင်နိုင်ရေးကိုထောက်ခံတဲ့ပွဲလေးလုပ်တာပါ"

လှည့်လည်ပွဲမှာ ပါဝင်သူတွေဟာ မြောင်းမြမြို့ ကြိုးတံတားအောက်ကနေ ၇ မိုင်လောက်အထိ ချီတက်လမ်းလျှောက် ခဲ့ကြတာဖြစ်ပါတယ်။

မြောင်းမြမြို့နယ်မှာ မဲပေးခွင့်ရှိသူ ၂ သိန်း ၄သောင်းကျော်ရှိပြီး NLD ပါတီက ပြည်သူ့လွှတ်တော်ကိုယ်စား လှယ်လောင်း ဒေါက်တာစိုးမိုးသူ၊ အမျိုးသားလွှတ်တော် ကိုယ်စားလှယ်လောင်း ဦးမန်းထွန်းကြိုင်၊ တိုင်းဒေသကြီး လွှတ်တော်အတွက် ဦးသန့်ဇော်ဝင်းနဲ့ ဒေါ်ခိုင်ဇင်ဦးတို့ ဝင်ရောက်ယှဉ်ပြိုင်မှာ ဖြစ်ပါတယ်။

အဲဒီမြို့နယ်မှာ ပြည်ထောင်စုကြံ့ခိုင်ရေးနဲ့ ဖွံ့ဖြိုးရေးပါတီက ပြည်သူ့လွှတ်တော်ကိုယ်စားလှယ်လောင်း ပြည်ထောင် စုဝန်ကြီးဟောင်း ဦးတင့်ဆန်း၊ အမျိုးသား လွှတ်တော် ကိုယ်စားလှယ်လောင်း ဝန်ကြီးဟောင်း ဦးခင်ရီတို့ ဝင်ရောက်ယှဉ်ပြိုင်မှာ ဖြစ်ပြီး တိုင်းဒေသကြီးလွှတ်တော် ကိုယ်စားလှယ်လောင်းတွေက ဦးဝင်းကိုကိုနဲ့ ဦးပြုံးချို တို့ ဖြစ်ပါတယ်။

RFA Burmese
http://www.rfa.org/burmese

DKBA ခွဲထွက် အဖွဲ့က NCA လက်မှတ်ထိုးမှာကို နှောင့်ယှက် ချင်တာလို့ နယ်ခြားစောင့်တပ်ဖွဲ့ပြော
BGF ကရင်နယ်ခြားစောင့်တပ်ဖွဲ့က သူတို့ အဖွဲ့ကနေ ခွဲထွက်သွားခဲ့တဲ့ တပ်သား သုံးယောက်ကို အောက်တိုဘာလ ၆ ရက်နေ့က ပစ်ခတ် သတ်ဖြတ်ခဲ့ပါတယ်။

အဲဒီ သုံးယောက်ဟာ BGF အဖွဲ့ဆီက လက်နက် တွေကို ယူပြီး DKBA ခွဲထွက် အဖွဲ့နဲ့ ပူးပေါင်းဖို့ ထွက်ခွာသွားခဲ့တာ ဖြစ်တယ်လို့ ကရင် နယ်ခြားစောင့်တပ်က ပြော ပါတယ်။

သူတို့ကို ကော့ကရိတ် ကနေ မြဝတီမြို့ကို သွားတဲ့ တောင်ပေါ် လမ်းဟောင်းပေါ်က စော်ဟဲရွာ အနီး စားသောက်ဆိုင်မှာ တွေ့ပြီး BGF အဖွဲ့က ပစ်ခတ်ခဲ့တာလို့ တပ်ရင်း ၁၀၁၇ က တပ်ခွဲမှူး ဗိုလ်စော ငွေဟဲက ပြောပါတယ်။

ပစ်ခတ်မှုမှာ ပါဝင်တဲ့ နယ်ခြားစောင့်တပ် တပ်ရင်း တွေက ၁၀၁၇ နဲ့ ၁၀၁၈ တို့ ဖြစ်တယ်လို့လည်း သူက ဆိုပါတယ်။

ကရင်နယ်ခြားစောင့်တပ်ဖွဲ့ကနေ ခွဲထွက်သွားသူတွေဆီက လက်နက် ၃ လက်၊ လက်ပစ်ဗုံး ၂ လုံးနဲ့ အတူ မြင်းဆေး ခေါ် စိတ်ကြွဆေး ၇၂၉၃ လုံးရတယ် လို့လည်း တပ်ခွဲမှူး ဗိုလ်စော ငွေဟဲက ပြောပါတယ်။

DKBA အဖွဲ့ဟာ ၁၉၉၄ ခုနှစ်တုန်းက KNU ကနေ ခွဲထွက်ပြီး အစိုးရနဲ့ ပူးပေါင်းခဲ့ ပါတယ်။

၂၀ဝ၉ ခုနှစ်မှာတော့ တချို့က BGF ကရင် နယ်ခြားစောင့်တပ် အဖြစ်အသွင်ပြောင်းသွားကြပေမဲ့ ဗိုလ်ချုပ်နှုတ်ခမ်းမွှေး၊ ဗိုလ်မှူးချုပ် စောကျော်သက်နဲ့ ဗိုလ်မှူးချုပ် စောဘိတို့က DKBA အဖြစ်ပဲ ဆက်လက်ရပ် တည်ခဲ့ပါတယ်။

ပြီးခဲ့တဲ့ဇူလိုင်လထဲ မှာတော့ ဗိုလ်မှူးချုပ် စောကျော်သက်နဲ့ ဗိုလ်မှူးကြီး စောဆန်းအောင်တို့က အစိုးရ တပ်တွေနဲ့ တိုက်ပွဲဖြစ်လို့ ဗိုလ်ချုပ် နှုတ်ခမ်းမွှေးတို့ ဘက်က သူတို့ကို DKBA ကနေ ထုတ်ပယ်လိုက် ပါတယ်။

BBC Burmese
http://www.bbc.com/burmese

 ကျောက်စိမ်းတွင်းတွေ ရှိတဲ့ ဖားကန့်ဒေသ
 သေနတ်သံ တိတ်နေတာ ၃ လ ကျော်ရှိပြီ ဖြစ်တဲ့ ကချင် ပြည်နယ် ဖားကန့်ဒေသမှာ ဗုဒ္ဓဟူး နေ့ မနက် ကစပြီး တိုက်ပွဲတွေ ပြန်ဖြစ် နေပါတယ်။

အိမ်ပြန်ဖို့ စောင့်နေတဲ့ စစ်ရှောင် ဒုက္ခသည် တွေလည်း အိမ်ပြန်လို့ မဖြစ်သေးသလို ဒီလို တိုက်ပွဲတွေ ကြောင့် နေရပ်ကို စွန့်ခွာ လာသူတွေ များနေ ပါတယ်။

မနက် ၇ နာရီခွဲ လောက် က ဖားကန့်နဲ့ ၁၅ မိုင် လောက် ဝေးတဲ့ အောင်လင်း နဲ့ နန်းဂျနရန် ရွာနား မှာ အစိုးရ စစ်တပ် စစ်ဆင်ရေး ကွပ်ကဲမှု ဌာနချုပ် စကခ ၇ လက်အောက်ခံ တပ်ရင်း တွေနဲ့ ကေအိုင်အေ တပ်ရင်း ၆ တို့ တိုက်ပွဲ ဖြစ်ခဲ့ပါတယ်။

မနက်ပိုင်း မှာ ထိပ်တိုက် ပစ်ခတ်မှု ရှိသလို ညနေပိုင်း မှာတော့ လက်နက်ကြီး တွေနဲ့ ပစ်ခတ် နေတဲ့ အကြောင်း ကေအိုင်အေ တပ်ရင်း ၆ ရဲ့ တပ်ရင်းမှူး ဗိုလ်မှူး အောင်ခင် ထန်ဆန်း က ပြောပြပါတယ်။

အောက်တိုဘာ ၅ ရက် နေ့က ဖားကန့် ဒေသ နမ့်မော်အရပ် နဲ့ ၆ ရက်နေ့ ညက ဝေခါ အရပ်မှာ လက်နက်ကိုင် လူတစု က သေနတ်နဲ့ ပစ်ခတ် လို့ လူ ၂ ယောက် သေတဲ့အမှု ဖြစ်ခဲ့ ပါသေးတယ်။

ကေအိုင်အေ ကတော့ သူတို့ ပစ်ခတ်တာ မဟုတ်ဘူးလို့ အရင်ဆုံး ထုတ်ပြောခဲ့ပါတယ်။

ကချင် ပြည်နယ် တွင်း မှာ အခု လောလောဆယ် တိုက်ပွဲဖြစ်ခဲ့တဲ့ မန်စီ ဒေသ တဝိုက် မှာတော့ ၃ ရက် လောက် ပြန်ငြိမ်ပေမယ့် ရွာတွေထဲမှာ စစ်တပ်က ပေါ်တာ ဆွဲတာတွေ ကြောင့် ဒုက္ခသည်တွေ တိုးနေသလို တချို့ ရွာတွေကို ဝင်ထွက် သွားလာခွင့် ပိတ်ထားပါတယ်။

ခုရက်ပိုင်း တိုးလာတဲ့ စစ်ရှောင် ဒုက္ခသည် ဟာ မိုင်းခေါင် အရပ် မှာ ၇ဝဝ နီးပါးနဲ့ မန်စီမြို့မှာ ၂ဝဝ ကျော် တိုးတဲ့ အတွက် ဒီရက်ပိုင်းမှာ ဒုက္ခသည် တထောင် ဝန်းကျင် ထပ်တိုး လာပါတယ်။

ဒီဒုက္ခသည် တွေကို UNHCR က စောင် ၊ ခြင်ထောင်နဲ့ အမိုးအကာ ကူညီပြီး ဒေသခံ လူမှုရေးအဖွဲ့တွေက အစား အသောက် တွေ ထောက်ပံ့ နေရတယ်လို့ စစ်ရှောင် ဒုက္ခသည် တွေကို အကူအညီ ပေးနေတဲ့ ခရစ်ယာန် ဓမ္မဆရာ ဦးလာရွယ် က ပြောပါတယ်။

အဲဒီဒေသ တွေကို ကုလသမဂ စားနပ်ရိက္ခာ အစီအစဉ် WFP ကိုတော့ ဝင်ခွင့်မပေးသေး လို့ မလာနိုင် သေးဘူး လို့လည်း သိရပါတယ်။

အရင်ရက်တွေက ရှိနေတဲ့ ဒုက္ခသည်တွေရော နောက်ထပ် တိုးလာတဲ့ ဒုက္ခသည် ရော ပေါင်းရင် ဒေသခံ လူမှုရေး အဖွဲ့တွေရဲ့ ကူညီမှု ဟာ မလောက်ငနိုင် တော့ဘူးလို့ ကူညီရေး လုပ်နေသူတွေက ဆိုကြပါတယ် ။

BBC Burmese
http://www.bbc.com/burmese