10/13/15

 နေပြည်တော် ပြည်ထောင်စု ရွေးကောက်ပွဲကော်မရှင်ရုံးမှာ ဇူလိုင်လ ၂ ရက်နေ့က ပြည်ထောင်စု ရွေးကောက်ပွဲကော်မရှင် ဥက္ကဌ ဦးတင်အေးနဲ့ နိုင်ငံရေးပါတီ ၆၅ ပါတီတို့ တွေ့ဆုံစဉ်။ Photo: Myo Thant Khaing/RFA
ကချင်ပြည်နယ်၊ ကရင်ပြည်နယ်၊ ရှမ်းပြည်နယ်၊ မွန်ပြည်နယ်နဲ့ ပဲခူးတိုင်းဒေသကြီးအတွင်းက ကျေးရွာအုပ်စု ၃၀၀ ကျော်မှာ ရွေးကောက်ပွဲ မကျင်းပနိုင်ကြောင်း ပြည်ထောင်စုရွေးကောက်ပွဲကော်မရှင်က ဒီနေ့ ကြေညာချက်ထုတ်ပြန်လိုက်ပါတယ်။

ကချင်ပြည်နယ်က မြို့နယ် ၁၁ မြို့နယ်၊ ကရင်ပြည်နယ်က မြို့နယ် ၇မြို့နယ်နဲ့ ပဲခူးတိုင်းဒေသကြီးက မြို့နယ် ၂မြို့နယ်၊ ရှမ်းပြည်နယ်က ၁၃ မြို့နယ် နဲ့ မွန်ပြည်နယ် ၁မြို့နယ် တို့မှာရှိတဲ့ ကျေးရွာအုပ်စု ၃၀၀ ကျော်မှာ လွတ်လပ်ပြီး တရား မျှတတဲ့ ရွေးကောက်ပွဲကျင်းပဖို့ အခြေအနေမရှိတာကြောင့် ရွေးကောက်ပွဲကျင်းပမှာ မဟုတ်ကြောင်း ကြေညာ ချက်မှာပါရှိပါတယ်။

ကချင်ပြည်နယ်က အင်ဂျန်းယန်၊ မချမ်းဘော၊ ဆွမ်ပရာဘွမ်၊ ခေါင်လန်ဖူး၊ ၀ိုင်းမော်၊ ချီဖွေ၊ ဆော့လော်၊ တနိုင်း၊ မိုးမောက်၊ မံစီ၊ ရွှေကူမြို့နယ်တို့ ပါဝင်ပါတယ်။ ကရင်ပြည်နယ်က ဘားအံ၊ လှိုင်းဘွဲ၊ သံတောင်ကြီး၊ ကြာအင်း ဆိပ်ကြီး၊ ကော့ကရိတ်၊ မြ၀တီ၊ ဖာပွန် နဲ့ ပဲခူးတိုင်းဒေသကြီးက ရွှေကျင်နဲ့ ကျောက်ကြီးမြို့နယ်တို့ ဖြစ်ပါတယ်။

ရှမ်းပြည်နယ် ပန်ဆန်း၊ ပန်ဝိုင်၊ မိုင်းမော၊ နားဖန်း၊ မိုင်းလား စတဲ့မြို့နယ် ၅ခုမှာလည်း ရွေးကောက်ပွဲ မကျင်းပနိုင်ဘူးလို့ ကြေညာချက်မှာပါရှိပါတယ်။

အရင်ကတော့ ပြည်ထောင်စု ရွေးကောက်ပွဲကော်မရှင်က တစ်နိုင်ငံလုံး အတိုင်းအတာနဲ့ မြို့နယ်ပေါင်း ၃၃၀ က မဲဆန္ဒနယ် ၁၁၇၁ ခုမှာ ရွေးကောက်ပွဲကျင်းပမှာဖြစ်တယ်လို့ ကြေညာထားတာဖြစ်ပါတယ်။

လာမယ့် နိုဝင်ဘာလ ၈ ရက်နေ့ ရွေးကောက်ပွဲမှာ မွန်ပြည်နယ်ကနေ နိုင်ငံရေးပါတီ ၁၈ ပါတီနဲ့ တစ်သီးပုဂ္ဂလ ကိုယ်စားလှယ်လောင်း ၂၀ ကျော် ဝင်ရောက်ယှဉ်ပြိုင်မှာဖြစ်ပါတယ်။ နိုင်ငံရေးပါတီတွေရဲ့ တံဆိပ်တွေ ဆင်တူရိုးမှားဖြစ်နေတာကြောင့် ဒေသခံတွေအနေနဲ့ ခွဲခြားသိနိုင်ဖို့ အခက်အခဲတွေရှိနေပြီး မဲဆန္ဒရှင်တွေကြားထဲမှာလည်း ဘယ်ပါတီ ဘယ်တံဆိပ်ဆိုတာ ခွဲခြားသိသူတွေ ရှိသလို မသိသူတွေလည်း ရှိနေပါတယ်။

RFA Burmese
http://www.rfa.org/burmese

(ယခု ဓာတ်ပုံမှာ ယခင်က လွဲပြောင်းစဉ် ရိုက်ကူးထားသော ဓာတ်ပုံ ဖြစ်ပါသည်။)
 နေပြည်တော်၊ အောက်တိုဘာ ၁၂

 မြန်မာနိုင်ငံ အနောက်ဘက်နယ်စပ် မောင်တောခရိုင် တောင်ပြို လက်ဝဲ မြို့နယ်ခွဲတွင် ထိန်းသိမ်းထားသော ဘင်္ဂလာဒေ့ရှ် နိုင်ငံသား ၁၀၃ ဦးကို မြန်မာဘက်က အောက်တိုဘာလ ၁၂ ရက်နေ့ နံနက် လွဲပြောင်း ပေးအပ်လိုက်သည်ဟု မောင်တောခရိုင် ဒုတိယ ညွှန်ကြားရေးမှူး ဦးစိုးနိုင်က နိရဉ္စရာသို့ ပြောသည်။

“ ဒီကနေ့ တောင်ပြိုလက်ဝဲ မြို့နယ်ခွဲ အုပ်ချုပ်ရေးမှူးရုံး အစည်းအဝေး ခန်းမမှာ မြန်မာစံတော်ချိန် ၁၁ နာရီ၊ ဘင်္ဂလီ စံတော်ချိန် ၁၀ နာရီခွဲ အချိန်မှာ ကျွန်တော် ဦးဆောင်တဲ့ အဖွဲ့နဲ့ ဘင်္ဂလာ ဒေရှ် ကော့စ်ဘဇား အခြေစိုက် အမှတ် (၁၇) နယ်ခြားစောင့်တပ်ရင်းက ယာယီ တပ်ရင်းမှူး Additional Director ဗိုလ်မှူး MN အူလာ အဖွဲ့တို့ နှစ်နိုင်ငံ အလံတင် အစည်းအဝေးကျင်းပပြီးတော့ ချစ်ကြည်ရေးတံတားမှာဘဲ ၁၀၃ ဦးကို လွဲပြောင်းလိုက်ပါတယ်” ဟု ပြောသည်။

ယခုလွဲပြောင်းခံရသူ အများစုမှာ ဇွန်လ ၃၀ ရက်နေ့နှင့် ဇူလှိုင်လ ၁၀ ရက်အကြား မြန်မာ့ရေတပ်မှ တနင်္သာရီတိုင်းတွင် ဖမ်းဆီးမိသူများ ဖြစ်ကြသည်ဟု သိရသည်။ ဖမ်းဆီးခံရသူ စုစုပေါင်းမှာ ၁၀၂ ဦးရှိပြီး တနင်္သာရီမှ တစ်ဆင့် မောင်တောမြို့နယ် တောင်ပြိုလက်ဝဲ မြို့နယ်ခွဲသို့ ပို့ဆောင်ခံရသူများ ဖြစ်ကြသည်။

“ သူတို့ကို အခုလို လွဲပြောင်း ပေးပြီးတဲ့နောက်မှာ နောက်ထပ် ထပ် ကျန်နေတဲ့ ဘင်္ဂလာဒေ့ရှ် နိုင်ငံသား လှေစီး ဒုက္ခသည်က စုစုပေါင်း ၇၇ ဦး စခန်းမှာ ကျန်ရှိနေပါသေးတယ်။ သူတို့ကို ဘာကြောင့် ဒီလူတွေအတူ မလွဲပြောင်းတာလဲဆိုရင် ဘင်္ဂလာဒေ့ရ်ှဘက်မှာ လူနာမည်နဲ့နေရပ်လိပ်စာနဲ့ အတူ စစ်ဆေးနေတဲ့ အတွက် ဖြစ်ပါတယ်” ဟု သူက ဆိုသည်။

ကျန်ရှိနေသူ ၇၇ ဦးအား လူသားချင်းစာနာမှုအရ မြန်မာ အစိုးရနှင့် နိုင်ငံတကာ အန်ဂျီအိုများက ပူးပေါင်း ကူညီ စောင့်ရှောက်ထားသည်ဟု သိရသည်။

ယခုအချိန်ထိ မြန်မာမှ လွဲပြောင်းသူ ဘင်္ဂလာဒေ့ရှ် လူမျိုး အရေအတွက်မှာ ၇၀၀ ကျော်သွားပြီဟု သိရသည်။

Arakan State
https://www.facebook.com/NarinjaraNews

၂၀၁၅ ခုနှစ် စီးပွားရေးနိုဘဲဆု ရရှိသူ ပါမောက္ခ Angus Deaton
 ၂၀၁၅ ခုနှစ် စီးပွားရေးဆိုင်ရာ နိုဘဲဆုကိုတော့ Princeton တက္ကသိုလ်က ပါမောက္ခ Angus Deaton ရရှိသွားပါတယ်။ စားသုံးမှု၊ ဆင်းရဲ မွဲတေမှုနဲ့ လူမှုဖူလုံရေးဆိုင်ရာ သုံးသပ်ချက်စာတမ်း ပြုစုမှုအတွက် နိုဘဲဆု ချီးမြှင့်ခံရတာ ဖြစ်ပါတယ်။

လူပုဂ္ဂိုလ်တစ်ဦးချင်းစီရဲ့ ရွေးချယ်မှုတွေနဲ့ ဆိုးရွားတဲ့ရလဒ်တွေကြားက အချိတ်အဆက်ကိုဖော်ပြတဲ့ ပါမောက္ခ Angus Deaton ရဲ့ သုတေသနကျမ်းက အသေးစားစီးပွားရေး စီမံခန့်ခွဲမှုဆိုင်ရာ Microeconomics ၊နိုင်ငံတော်အဆင့် စီးပွားရေး စီမံခန့်ခွဲမှုဆိုင်ရာ Macroeconomics နဲ့ ဖွံ့ဖြိုးရေးဆိုင်ရာ စီးပွားရေးပညာရပ် Development Economics နယ်ပယ်တွေမှာ အပြောင်းအလဲတွေ ဖြစ်ဖို့ အထောက်အကူ ပေးတယ်လို့ ဆွီဒင် တော်ဝင်သိပ္ပံအသင်းကြီးက ထုတ်ပြန်တဲ့ကြေညာချက်မှာဖော်ပြထားပါတယ်။ ကိုယ့်ရဲ့ဝင်ငွေကို ဘယ်လို ကုန်ပစ္စည်းတွေဝယ်ယူရာမှာ သုံးစွဲကြသလဲ၊ လူ့အဖွဲ့အစည်းရဲ့ဝင်ငွေထဲက ဘယ်လောက်သုံးပြီး ဘယ်လောက်စုသလဲဆိုတာနဲ့ ဆင်ရဲမွဲတေမှုနဲ့ လူမှုဖူလုံရေးတို့ကို ဘယ်လို တိုင်းတာသုံးသပ်ကြမလဲဆိုတဲ့ မေးခွန်း ၃ ခုလောက်ကို မဏ္ဍိုင်ပြုပြီး ပါမောက္ခ Deaton ကျမ်းပြုခဲ့တာဖြစ်တယ်လို့နိုဘဲကော်မတီက ပြောပါတယ်။

ပါမောက္ခ Deaton ရဲ့ သုတေသန စာတမ်းမှာ ဝင်ငွေနဲ့ ကယ်လိုရီစားသုံးမှုကြားအဆက်အစပ်နဲ့ မိသားစုအတွင်း လိင်ခွဲခြားမှု အတိုင်းအတာ တို့လို ကိစ္စရပ်တွေကို ဖြန့်ကျက်ပြနိုင်တဲ့ မိသားစုဆိုင်ရ အချက်အလက်တွေကို ကျွမ်းကျွမ်းကျင်ကျင် အသုံးပြုထားတာကို တွေ့ရတယ်လို့လည်း နိုဘဲကော်မတီက ထုတ်ပြန်ထားပါတယ်။

စကော့တလန် ဇာတိဖွားဖြစ်ပြီး ဗြိတိန်နဲ့အမေရိကန် နှစ်နိုင်ငံသားခံယူထားသူ ပါမောက္ခ Deaton ဟာ အမေရိကန် ပြည်ထောင်စု နယူးဂျာစီက Princeton တက္ကသိုလ်မှာ ၁၉၈၃ ခုနှစ်ကတည်းက စလို့ စီးပွားရေးနဲ့ နိုင်ငံတကာ ဆက်ဆံရေးဆိုင်ရာ ပါမောက္ခအဖြစ် ထမ်းဆောင်နေသူ ဖြစ်ပါတယ်။ စီးပွားရေး ဆိုင်ရာနိုဘဲဆုအတွက် ဆုကြေးငွေကတော့ ဒေါ်လာ ၉ သိန်း ၇ သောင်း ၈ ထောင် ဖြစ်ပါတယ်ရှင်။

ဗွီအိုအေ (မြန်မာဌာန)
http://burmese.voanews.com

တိုက်​ခိုက်​မှု​ကို ​မ​တား​ဆီး ​နိုင်​ခဲ့​တဲ့ ​အ​တွက် ​အ​စိုး​ရ ​အ​ပေါ် ​မ​ကျေ​နပ်​မှု​တွေ ​ပေါ်​ပေါက်​နေ။
 တူ​ရ​ကီ ​နိုင်​ငံ၊ ​အန်​ကာ​ရာ ​မြို့​မှာ ​ပြီး​ခဲ့​တဲ့ ​စ​နေ​နေ့​က ​လူ ၁၀၀ ​နီး​ပါး ​သေ​ဆုံး ​ခဲ့​ရ​တဲ့ ​ဗုံး​ခွဲ ​တိုက်​ခိုက်​မှု​ဟာ IS ​အ​စ္စ​လာ​မ္မစ် ​နိုင်​ငံ​အ​ဖွဲ့​ရဲ့ ​လက်​ချက် ​ဖြစ်​နိုင်​တယ်​လို့ ​အ​ဓိ​က ​သံ​သ​ယ​ရှိ​ကြောင်း ​တူ​ရ​ကီ ​ဝန်​ကြီး​ချုပ် Ahmet Davutoglu ​က ​ပြော​ပါ​တယ်။

ငြိမ်း​ချမ်း​ရေး ​အ​တွက် ​ဆ​န္ဒ​ပြ​ခဲ့​ကြ​တဲ့ ​လူ​အုပ်​ကို ​ဗုံး​ခွဲ ​တိုက်​ခိုက်​ခဲ့​မှု​နဲ့ ​ပတ်​သက်​ပြီး ​ဘယ်​အ​ဖွဲ့​က​မှ ​သူ​တို့ ​လက်​ချက် ​ဖြစ်​တယ်​လို့ ​မ​ပြော​ကြ​ပေ​မယ့် ​တိုက်​ခိုက်​မှု​ကို ​အ​သေ​ခံ ​ဗုံး​ခွဲ​သူ ၂ ​ဦး​က ​ပြု​လုပ် ​ခဲ့​တာ​လို့ ​တူ​ရ​ကီ ​အ​စိုး​ရ​က ​ဆို​ပါ​တယ်။

ဗုံး​ခွဲ ​တိုက်​ခိုက်​မှု​ကြောင့် ၉၇ ​ယောက် ​သေ​ဆုံး​တယ်​လို့ ​တ​ရား​ဝင် ​ထုတ်​ပြန်​ချက်​က ​ဆို​ပေ​မယ့် ​အဲ​ဒီ ​ဆ​န္ဒ​ပြ​မှု​မှာ ​အ​ဓိ​က ​ပါ​ဝင်​ခဲ့​တဲ့ ​အ​ဖွဲ့​အ​စည်း ​တစ်​ခု​က​တော့ ​သေ​ဆုံး​သူ ​အ​ရေ​အ​တွက်​က ၁၂၈ ​ယောက် ​ဖြစ်​တယ်​လို့ ​ပြော​ပါ​တယ်။

သေ​ဆုံး​သူ​တွေ​ရဲ့ ​အ​သု​ဘ ​အ​ခမ်း​အ​နား​တွေ​ကို ​ဒီ​က​နေ့ ​တ​န​င်္လာ​နေ့​မှာ ​ဆက်​လက် ​ပြု​လုပ် ​နေ​ခဲ့​ကြ​ပါ​တယ်။

တူ​ရ​ကီ ​အ​စိုး​ရ​နဲ့ ​ကာ​ဒစ်​ရှ် ​ပီ​ကေ​ကေ ​စစ်​သွေး​ကွှေ​တွ ​အ​ကြား ​တိုက်​ခိုက်​မှု​တွေ ​ရပ်​တန့်​ဖို့​အ​တွက် ​မြို့​တော် ​အန်​ကာ​ရာ​မှာ ​စ​နေ​နေ့​က ​တောင်း​ဆို ​ဆ​န္ဒ​ပြ​ကြ​စဉ် ​ဆ​န္ဒ​ပြ​သူ​တွေ​ကို ​အ​သေ​ခံ ​ဗုံး​ခွဲ​မှု ၂ ​ခု​နဲ့ ​တိုက်​ခိုက်​မှု ​ဖြစ်​ပွား ​ခဲ့​တာ​ပါ။

အ​ခု​လို ​ကြီး​မား​တဲ့ ​တိုက်​ခိုက်​မှု​ကို ​အ​ချိန်​မီ ​မ​တား​ဆီး ​နိုင်​ခဲ့​တာ​နဲ့ ​ပတ်​သက်​ပြီး ​တူ​ရ​ကီ ​အာ​ဏာ​ပိုင်​တွေ​ကို ​အ​များ​က ​စိတ်​ဆိုး ​ဒေါ​သ​ထွက် ​ခဲ့​ကြ​ပါ​တယ်။

BBC Burmese
http://www.bbc.com/burmese


 တပ်မတော်သားအများစုနေထိုင်ရာ တပ်မြို့လို့ခေါ်နိုင်တဲ့ ပြင်ဦးလွင်မြို့ရဲ့ လာမယ့် ရွေးကောက်ပွဲရလဒ်ဟာ ပြည်သူလူထုရဲ့ဆန္ဒအပေါ်မှာပဲ မူတည်တယ်လို့ ပြင်ဦးလွင်ခရိုင်ိ ရွေးကောက်ပွဲ ကော်မရှင်အဖွဲ့တစ်ဦးက ပြော ဆိုလိုက်ပါတယ်။ ဒီ သတင်းအပြည့်အစုံကိုတော့ ဗွီအိုအေ သတင်းထောက် မြင့်မြင့်ခိုင် တင်ပြပေးထားပါတယ်။

ပြင်ဦးလွင်ခရိုင်၊ ရွေးကောက်ပွဲကော်မရှင်အနေနဲ့ လွတ်လပ်တဲ့ရွေးကောက်ပွဲဖြစ်ဖို့ ကြိုးပမ်းသွားမှာမို့ နိုဝင်ဘာ ၈ ရက်နေ့မှာ ကျင်းပမယ့် ၂၀၁၅ အထွေထွေရွေးကောက်ပွဲဟာ လွတ်လပ်ပြီးတရားမျှတမှာဖြစ်ပြီး ရွေးကောက် ပွဲရလဒ်ကတော့ မဲဆန္ဒရှင်တွေအပေါ်မှာပဲ မူတည်တယ်လို့ ပြင်ဦးလွင်ခရိုင် ရွေးကောက်ပွဲကော်မရှင်အဖွဲ့ဝင် ဦးဇော်ဝင်းက ဗွီအိုအေကို ပြောပါတယ်။

“ကျနော်တို့လုပ်နေတာက လွတ်လပ်သော ကျနော်တို့ ရွေးကောက်ပွဲပါခင်ဗျာ။ လွတ်လွတ်လပ်လပ်နဲ့ ဖြစ်မယ်လို့ ယူဆပါတယ်ခင်ဗျာ။ ကျနော်တို့က ဒါ ပြည်သူလူထုပေါ်မှာ မူတည်ပါမယ်။ ပြည်သူလူထု မဲဆန္ဒပြုတဲ့အပေါ်မှာပေါ့ မူတည်ပြီးတော့ အနိုင်အရှုံးပြောသွားမှာပါ။ ကြိုတင်မဲကတော့ သက်မှတ်ထားတဲ့ စည်းမျဉ်းဥပဒေနဲ့အညီ လုပ်သွားမှာပါ။ အခုအချိန်ထိအောင်က ကြိုတင်မဲက ဘယ်လိုလုပ်မယ်ဆိုတာကို ကျနော်တို့ဆီ သီးသီးသန့်သန့်လေးတော့ အဖြေထွက်မလာသေးပါဘူးခင်ဗျာ။”

စစ်တပ်မိသားစုဝင်တွေအပါအဝင် မဲဆန္ဒရှင်တွေအနေနဲ့ နိုဝင်ဘာ ၈ ရက်နေ့မှာ ကျင်းပမယ့် ၂၀၁၅ အထွေထွေရွေးကောက်ပွဲမှာ လွတ်လပ်စွာမဲပေးခွင့်ရမယ်ဆိုရင် NLD ပါတီအနေနဲ့ ရွေးကောက်ပွဲမှာ နိုင်မယ့် အလာအလာရှိတယ်လို့ ပြင်ဦးလွင်မြို့နယ် အမှတ် (၂) မဲဆန္ဒနယ်ကနေ လက်ရှိ မန္တလေးဝန်ကြီးချုပ် ဦးရဲမြင့်နဲ့ ယှဉ်ပြိုင်ရမယ့် အမျိုးသားဒီမိုကရေစီအဖွဲ့ချုပ်ရဲ့ တိုင်းဒေသကြီး လွှတ်တော် ကိုယ်စားလှယ်လောင်း ဒေါက်တာခင်မောင်ဌေးက ပြောပါတယ်။ တပ်မိသားစုဝင်တွေ အများစုနေထိုင်တဲ့ ရပ်ကွက်တွေမှာ အမျိုးသား ဒီမိုကရေစီအဖွဲ့ချုပ်အနေနဲ့ ပြီးခဲ့တဲ့ ရွေးကောက်ပွဲမှာတော့ နိုင်ဖူးတာမရှိဘူးလို့ သူက ဆိုပါတယ်။

“၂၀၁၂ တုန်းက ကျနော်တို့ ကျနော့်ဘက်ခြမ်းမှာ ငါးအုပ်စုရှုံးတယ်။ ငါးအုပ်စုရှုံးတဲ့အထဲမှာ ဒီမြို့ပေါ်မှာက DSA ရှိတဲ့ ဒီမှာကတော့ ရပ်ကွက်ကြီး ၃ လို့ခေါ်တာပေါ့နော်။ ရပ်ကွက်ကြီး ၃ ရဲ့လူအင်အားက အကြမ်းဖျဉ်းပြောရင် ၁၃,၀၀၀ လောက်ရှိတယ်။ အဲဒီမှာ ၈,၀၀၀ ၊ ၉၀၀၀ လောက်က DSA ကဖြစ်နေတော့လေ။ ကျန်တဲ့ ၃၀၀၀၊ ၄၀၀၀ ပတ်ဝန်းကျင်ကတော့ အရပ်သားဖြစ်တယ်ဆိုတော့ အဲဒီ ဘက်မှာ ကတော့ ကျနော်တို့ ပြောရရင်တော့ ကျနော်တို့ ပြိုင်ခဲ့သမျှ မနိုင်ဘူးပေါ့လေ။ အဲဒါတော့ သူတို့ လွတ်လပ်စွာမဲပေးဖို့ ခွင့်ပြုမယ်လို့တော့ ဒါက ကာချုပ်ကလည်း ပြောတော့ ပြောထားတယ်ပေါ့လေ၊ ဒါပေမယ့် ဘယ်လောက်သူတို့ ပေးခွင့်ရှိလဲ မရှိလဲ၊ သူတို့ စိတ်ထဲမှာ ဘယ်လောက် ဖြစ်သလဲဆိုတာကတော့ ကျနော်တို့ မျှော်မှန်းလို့မရပါဘူး။”

လက်ရှိအခြေအနေမှာတော့ အာဏာရ ပြည်ခိုင်ဖြိုးပါတီဘက်ကရော၊ အတိုက်အခံ အမျိုးသားဒီမိုကရေစီအဖွဲ့ ချုပ်ဘက်ကပါ အရပ်ဖက် ဒေသခံတွေကိုပဲ အင်တိုက်အားတိုက် မဲဆွယ်စည်းရုံးမှုတွေလုပ်ဆောင်နေကြပြီး တပ်မတော်သားတွေကိုတော့ မဲဆွယ်စည်းရုံးတာတွေ မရှိသေးပါဘူး။

အာဏာရပြည်ခိုင်ဖြိုးပါတီဘက်ကတော့ လက်ရှိ အစိုးရသက်တမ်း ၄ နှစ်ကျော်ကာလအတွင်း ဖွံ့ဖြိုးရေးလုပ်ငန်းတွေ ဆောင်ရွက်ထားတာကြောင့် ဒေသခံပြည်သူတွေရဲ့ ထောက်ခံမှုပိုများလာတယ်လို့ ယုံကြည်ကြောင်း ပြင်ဦးလွင်မြို့နယ် ပြည်ခိုင်ဖြိုးပါတီရဲ့ မဲဆန္ဒနယ် အမှတ် (၁) ကနေ ဝင်ရောက်ယှဉ်ပြိုင်မယ့် တိုင်းဒေသကြီး လွှတ်တော် ကိုယ်စားလှယ်လောင်း ဦးအောင်ဌေးကျော်က ပြောပါတယ်။ တပ်မတော်သားတွေအနေနဲ့ လွတ်လပ်စွာ မဲပေးခွင့်ရ၊ မရဆိုတာကတော့ တပ်ရဲ့ ညွှန်ကြားချက်နဲ့ပဲ သက်ဆိုင်တယ်လို့ သူက ဆိုပါတယ်။

“လက်ရှိအနေအထား တပ်ထဲကိုဝင်ပြီးတော့ စည်းရုံးတာတော့မရှိသေးဘူး။ သူတို့ အခု အရပ်ဖက်တွေပဲ စည်းရုံးနေတယ်။ အဲဒါကတော့ မဲပေးခြင်းအပိုင်းကတော့ ဒါ တပ်ရဲ့ သဘောပါပဲ။ တပ်က သူတို့ ညွှန်ကြားချက်တွေ ဘယ်လိုရှိမလဲ၊ နိုင်ငံသားတွေရဲ့လုပ်ပိုင်ခွင့်အရ ကိုယ်ပေးချင်တဲ့ပါတီ ပေးခွင့်ရမရဆိုတာကတော့ ဒါကတော့ သူတို့ရဲ့အပိုင်းပါပဲ။ တပ်မှာ အခုထက်ထိတော့ ဒါကို စည်းရုံးရေးဆင်းတာ မရှိသေးဘူး။ တပ်တင်မက တို့ အရပ်ဖက်မဲဆန္ဒရှင်များအနေနဲ့ကလည်း ဒီပြင်ဦးလွင် ပြည်ခိုင်ဖြိုးပါတီပေါ့နော်။ အန်ကယ်တို့ပါတီရဲ့ အရင် ဖွံ့ဖြိုးရေးလုပ်ငန်းတွေ ဆောင်ရွက်ထားမှုအပိုင်းမှာ ပြည်ခိုင်ဖြိုးပါတီပေါ်မှာ ဒေသမဲဆန္ဒရှင်တွေအနေနဲ့က အားကိုးမှုယုံကြည်မှု၊ အရင်ကာလတွေထက်ပိုပြီးတော့ အားကိုးယုံကြည်မှုလေးတွေ ပိုများလာတယ်။”

စစ်အစိုးရလက်ထက်ကတည်းက မြန်မာ့တပ်မတော်ရဲ့ အရာရှိ ဗိုလ်လောင်းများကို မွေးထုတ်ပေးတဲ့ စစ် တက္က သိုလ်တည်ရှိရာ ပြင်လွင်ဦးမြို့ မှာ လက်ရှိ အာဏာရ ပြည်ထောင်စုကြံ့ခိုင်ရေးနဲ့ ဖွံ့ဖြိုးရေးပါတီနဲ့ အတိုက်အခံ အမျိုးသားဒီမိုကရေစီအဖွဲ့ချုပ်တို့ အပြိုင်အဆိုင် မဲဆွယ် စည်းရုံးမှုတွေလုပ်ဆောင်နေကြပါတယ်။

မြင့်မြင့်ခိုင် / ဗွီအိုအေ (မြန်မာပိုင်း)
http://burmese.voanews.com

မော်ချီးသတ္တုတွင်းတောင်ပေါ်ဒေသ ယခင်က မြင်တွေ့ခဲ့ရစဉ်အချိန်က မြင်ကွင်းဖြစ်သည်။
 ဖားဆောင်မြို့နယ် ၊မော်ချီးဒေသ တွင် အောက်တိုဘာလ (၁၁)ရက်နေ့ ကမြေပြိုမှုများ ဖြစ်ပွားခဲ့မှုတွင် ယနေ့အောက်တိုဘာလ (၁၂)ရက်နေ့ညနေထိ စာရင်းများအရ အမျိုးသမီး (၈)ဦးနှင့် အမျိုးသား (၉)ယောက် စုစုပေါင်း(၁၇)ဦးသေဆုံးပြီး ပျောက်ဆုံးနေသူရှာဖွေလျက်ရှိရာ ကယ်ဆယ်ရေးများလိုအပ်နေ သည်ဟုသိရှိရသည်။

အိမ်ယာမဲ့ ပြောင်ရွေ့ ကယ်ဆယ်ထားသည့် ဒေသခံများအတွက် အစားစာနှင့်  ပစ္စည်းအထောက်ပံ့များလိုအပ်လျှက်ရှိကြောင်းသိရသည်။ လက်ရှိအခြေနေအရ တောင်ပေါ်ရှိ အောင်ချမ်းသာရပ်ကွက် ၊ရတနာအောင်မြေ ရပ်ကွက် ၊လေးအိမ်စုရပ်ကွက်၊ဇီးပင်ကွေ့ရပ်ကွက်နှင့် (၁၃)ကုန်း(ယူကော်ခိုကျေးရွာ) တို့တွင်အိမ်ခြေစုစုပေါင်း (၅၁)အိမ်ခန့် ပျက်ဆီးဆုံးရှုံးသွားသည်ဟု သိရသည်။

၎င်းရပ်ကွက်များမှ ရွေ့ပြောင်း၍ လိုခါးလိုကျေးရွာ နှစ်ခြင်းဘုရားကျောင်း တွင် လူဦးရေ (၂၀၀)ခန့်၊ လိုခါလို (အလက)ကျောင်းတွင် (၂၀၀)ခန့် ကိုကယ်ဆယ်ရေးများ ပြုလုပ်ပေးထားလျှက်ရှိပြီး တောင်ပေါ်ရပ်ကွက်များမှရွေ့ပြောင်းသူများနှင့် (၁၆)ကုန်းရပ်ကွက်မှရွေ့ပြောင်းလာသူများကို အောက်ရွာရှိ (အ.ထ.က)မော်ချီး ကျောင်းတွင် လူဦးရေ(၃၆၀)ခန့်ကို ကယ်ဆယ်ရေး စခန်းများဖွင့်၍ အကူညီများ ပေးလျှက်ရှိကြောင်းသိရသည်။

ဆေးဝါးထောက်ပံ့မှုများနှင့်ပတ်သတ်၍ အစိုးရဆေးဘက်ဆိုင်ရာဝန်ထမ်းများက တောင်အောက်ရှိ (အ.ထ.က)ကျောင်းတွင် ကယ်ဆယ်ထားသော အိမ်ယာစွန့်လွှတ် တိမ်းရှောင် နေသူများကိုဆေးကုသမှုများ ပြုလုပ်ပေးပြီး ကန္ဒာရဝတီလူမှုကူညီရေးအသင်း ကျန်းမာရေးစောင့်ရှောက်မှုများ မရောက်နိုင်သေးသည့် လမ်းပမ်းဆက်သွယ်ရေး ခက်ခဲနေသော တောင်ပေါ်ရွာတစ်လျှောက်နှင့် လိုခါးလိုကျေးရွာရှိ ကယ်ဆယ်ရေးစခန်း နှစ်ခုတွင် ဆေးဝါးကုသမှုများပြုလုပ်ပေးလျှက်ရှိသည်။

“ခုသူများတွေတောင်မသွားရဲတဲ့တောင်ပေါ်ပေါ့ မြေပြိုတဲ့ နေရာဘက်တွေကို ကျန်းမာရေး စောင့်ရှောက်မှုပေးနိုင်ဖို့ ကျမတို့ရအောင်အရဲစွန့်ပြီးသွားတယ် ဆေးကုသပေးခဲ့တယ် လမ်းတွေကတော့ ပိတ်နေတုန်းပဲ စွန့်စားပြီး သွားရတယ် တောင်ပေါ်တစ်လျှောက် လိုခါးလိုဖက်ပေါ့ ခုကအဓိကကတော့ သူတို့ဆန်တွေ ၊စားနပ်ရိက္ခာပေါ့ ထောက်ပံ့မှုတွေလိုနေတယ် အလှူရှင်တွေ လိုခါးလိုဖက်ကို လာပြီး ထောက်ပံ့ဖို့တွေလိုအပ်နေတယ် ”ဟု ကန္ဒာရဝတီလူမှု့ကူညီရေးအသင်းမှ ကျန်မာရေးဆရာမ ကပြောသည်။

လတ်တလောဆိုးဝါးသည့် မြေပြိုထားမှုများအရ လမ်းများပိတ်ဆို့နေသလို မော်ချီးတောင်ပေါ်ကျေးရွာများ၊ လိုခါးလိုကျေးရွာ နှင့်တောင်အောက်ရှိကျေးရွာများ အဆက်သွယ်ပြတ်တောက်နေသည်။

ပျောက်ဆုံးသေဆုံးသူများလည်းရှိနေသည့်အတွက် ဆက်လက်ရှာဖွေနေကြသည်ဟု သိရသည်။ ကနေ့မှာတော့ တောင်ပေါ်ကျေးရွာများမှ ဒေသခံများအားလုံးကို တောင်ပေါ်တွင်ပေးမနေတော့ဘဲ အရေးပေါ်အခြေနေ အဖြစ်သတ်မှတ်ထားပြီး အစိုးရတာဝန်ရှိသူများ မှလည်းကူညီလုပ်ဆောင်ပေးလျှက်ရှိသည်။

ဆန်းဖြိုးထွန်း၊ စိုင်းလင်းလင်းဦး
Kantarawaddy Times
https://www.facebook.com/kantarawaddytimes

Author Name

Contact Form

Name

Email *

Message *

Powered by Blogger.