10/21/15

ကဗျာဆရာ မောင်ဆောင်းခ၏ Facebook စာမျက်နှာအား တွေ့ရစဉ်

“သမ္မတကြီး” ဆိုသည့် စကားလုံးပါ ကဗျာအား Facebook တွင် ရေးသားဖော်ပြခဲ့သော ကဗျာဆရာ မောင်ဆောင်းခအား ရွှေပြည်သာမြို့နယ် ရဲတပ်ဖွဲ့မှ ဆက်သွယ်ရေး ဥပဒေဖြင့် အမှုဖွင့်လိုက်ကြောင်း ယင်းမြို့နယ် ရဲတပ်ဖွဲ့မှူး ရဲမှူးသိန်းဝင်းက အောက်တိုဘာ ၂၀ ရက်တွင် ပြောကြားသည်။

မောင်ဆောင်းခ အမည်ရှိ လူငယ်ကဗျာဆရာ တစ်ဦးသည် အောက်တိုဘာ ၈ ရက်တွင် ၎င်း၏ Facebook အကောင့်မှ ‘ပုံရိပ်’ ခေါင်းစဉ်ဖြင့် ကဗျာတစ်ပုဒ် ရေးသား ဖော်ပြခဲ့ရာ ကဗျာ စာသားများမှာ ‘ငါ့ရဲ့ -- မှာ သမ္မတကြီးပုံ တက်တူးနဲ့။ ငါ့ချစ်ဇနီးဟာ ငါနဲ့ လက်ထပ်ပြီးမှ င့ါကို အော့နှလုံးနာလို့ မဆုံး...’ ဟူ၍ ဖြစ်သည်။

ကလောင်အမည် မောင်ဆောင်းခ၊ အမည်ရင်း ကိုစည်သူအောင်အား ရွှေပြည်သာမြို့နယ် ရဲစခန်းတွင် အီလက်ထရောနစ် ဆက်သွယ်ရေး ဥပဒေပုဒ်မ-၆၆ (ဃ) ဖြင့် အမှုဖွင့်ထားခြင်းဖြစ်ပြီး ပုဒ်မ-၆၆ (ဃ)၏ အနက်အဓိပ္ပာယ်မှာ ဆက်သွယ်ရေးကွန်ရက် တစ်ခုခုကို အသုံးပြု၍ ပုဂ္ဂိုလ် တစ်ဦးဦးအား ခြောက်လှန့်တောင်းယူခြင်း၊ အနိုင်အထက်ပြုခြင်း၊ မတရားတားဆီး ကန့်ကွက်ခြင်း၊ အသေရေဖျက်ခြင်း၊ နှောင့်ယှက်ခြင်း၊ မလျှော်သြဇာသုံးခြင်း သို့မဟုတ် ခြိမ်းခြောက်ခြင်းဟူ၍ ဖြစ်သည်။

ယင်းကဲ့သို့ သက်ဆိုင်ရာမှ အမှုဖွင့် အရေးယူခြင်းအပေါ် ကဗျာဆရာ မောင်းဆောင်းခက “ကျွန်တော် ရင်ဆိုင်ဖို့ ဆုံးဖြတ်ထားပါတယ်” ဟု အောက်တိုဘာ ၂၀ ရက်က ပြောကြားသည်။

အဆိုပါကဗျာ ရေးသားမှုကြောင့် နိုင်ငံတော်သမ္မတရုံး ညွှန်ကြားရေးမှူး ဦးမှူးဇော်က “ဤလုပ်ရပ်အတွက် တာဝန်ယူဖို့သာ ပြင်ထားပါ” ဟူ၍ သူ၏ Facebook အကောင့်မှ ယင်းကဗျာ ရေးတင်သည့် နေ့တွင်ပင် အသိပေး ရေးသားခဲ့သည်။

ယင်းနောက် မောင်ဆောင်းခ၏ နေအိမ်အား သက်ဆိုင်ရာ ရဲတပ်ဖွဲ့မှ လာရောက်ရှာဖွေခြင်း၊ အမည်များ မေးမြန်းခြင်းတို့ ပြုလုပ်ခဲ့ရာ မောင်ဆောင်းခအနေဖြင့် ဖမ်းဝရမ်းထုတ်ခြင်း၊ တရားရုံးက ဆင့်ခေါ်ခြင်းနှင့် တရားဝင် အမှုဖွင့်လှစ်ခြင်း မရှိသေးသည့်အတွက် တိမ်းရှောင်မှုများ ပြုလုပ်ခဲ့ရကြောင်း သိရသည်။

ရွှေပြည်သာမြို့နယ်၊ (၁၉) ရပ်ကွက်နေ မောင်ဆောင်းခ (ခ) ကိုစည်သူအောင်သည် ကဗျာချစ်သူများ အသင်း (PLA) ၏ တာဝန်ခံအဖြစ် ၎င်းမဲပေးမှု အသိပညာပေးခြင်း ဆောင်ရွက်နေသည့် (Independent Youth For Change) ၏ ဦးဆောင်သူတစ်ဦးအဖြစ်လည်းကောင်း ဆောင်ရွက်နေသူဖြစ်ပြီး လက်ပံတန်းတွင် ကျောင်းသားများ အကြမ်းဖက်မှု ဖြစ်စဉ်နှင့် ပက်သက်ပြီး လက်ပတ်ဖြူ လှုပ်ရှားမှု ပြုလုပ်ရာတွင်လည်း ပါဝင်ခဲ့သူဖြစ်ကြောင်း သိရသည်။
Writer:
ကြည်နိုင်
Eleven Media Group

အမျိုးသားဒီမိုကရေစီ အဖွဲ့ချုပ်ဥက္ကဋ္ဌ ဒေါ်အောင်ဆန်းစုကြည်၏ ဓာတ်ပုံအား ညစ်ညမ်းပုံသဖွယ် ပြုပြင်၍ Facebook ပေါ်တွင် တင်ခဲ့သည်ဟုဆိုကာ ကန်ကြီးထောင့်မြို့နယ် ပြည်ခိုင်ဖြိုးပါတီ တွဲဖက်အတွင်းရေးမှူးအား သတင်းပေးချက်အရ ကန်ကြီးထောင့်မြို့နယ်ရှိ ပြည်ခိုင်ဖြိုးပါတီရုံးတွင် အောက်တိုဘာ ၂၀ ရက် နံနက်ပိုင်းက ဖမ်းဆီးခဲ့ကြောင်း သတင်းရရှိသည်။

“ဒီနေ့မနက်က ဖမ်းလိုက်တယ်။ ပြစ်မှု ပုဒ်မ ၆၆(ဃ) အီလက်ထရောနစ် ဥပဒေနဲ့ တရားရုံးမှာ ရမန်ယူထားတယ်။ နိုဝင်ဘာ ၂ ရက်မှာ စတင်စစ်ဆေးမှာပါ။ အခုတော့ စခန်းမှာ ထိမ်းသိမ်းထားပါတယ်” ဟု ကန်ကြီးထောင့်မြို့မ ရဲစခန်းမှ တာဝန်ကျ ရဲဝန်ထမ်းမှ ပြောကြားသည်။

ThuThu အမည်ဖြင့် ဒေါ်အောင်ဆန်းစုကြည်၏ ဓာတ်ပုံတွင် အီလက်ထရောနစ် နည်းပညာဖြင့် ပြုပြင်ထားသည့် မဖွယ်မရာ ဓာတ်ပုံပေါ်၌ ‘မိုက်တယ်’၊ ‘အလှအပ’ ဗန်းပြပြီး တကယ် ငါဘ၀ပျက်အောင် ပြုစားရက်တယ် “၂၀၁၅ ပြိုင်ပွဲဝင်မယ့် Modle Su” စာတန်းများပါသည့် ဓာတ်ပုံနှင့် စွပ်စွဲခံရသူ ဦးသန်းထွန်း၏ ဓာတ်ပုံတို့ကို သက်သေခံ ပစ္စည်းများအဖြစ် မှတ်တမ်းတင်ပြီး စွပ်စွဲခံရသူ ဦးသန်းထွန်းအား ပြစ်မှုအမှတ် ၁၅၇/၂၀၁၅ ပြစ်မှု ဥပဒေပုဒ်မ ၆၆ (ဃ)ဖြင့် အရေးယူ ဆောင်ရွက်ပေးပါရန် အမှုဖွင့် တိုင်ကြားခဲ့သော အမှုဖြစ်ကြောင်း သိရသည်။

“ဒီပုဒ်မနဲ့ပဲ ရှေ့မှာ ဖမ်းဆီး အရေးယူခဲ့တဲ့ မအူပင်က မချောစန္ဒီထွန်းနဲ့ ရန်ကုန်က ဦးခွန်ဂျာလီတို့ကျတော့ အမှုဖွင့်ပြီးတာနဲ့ ချက်ခြင်းဖမ်းတယ်ပြီး ထောင်ထဲမှာ ချုပ်ထားတယ်။ ကျွန်တော်တို့က တရားမျှတမှု လိုချင်ပါတယ်။ အမှုမဖွင့်ခင် စေ့စပ်ညှိနှိုင်းကတည်းက အများရှေ့မှာတော့ မတောင်းပန်နိုင်ဘူးပြောပြီး ငြင်းပါတယ်။ အမှုဖွင့်လိုက်တော့ သူ့အိမ်မှာ ရှာမတွေ့တော့ဘဲ ဒီနေ့မနက်မှ ဖမ်းမိတာပါ” ဟု တရားလိုအဖြစ် ဦးဆောင်တိုင်ကြားသူ ဦးစည်သူအောင်က ပြောကြားသည်။

အီလက်ထရောနစ် ဆက်သွယ်ရေး ဆောင်ရွက်ရေး ဥပဒေပုဒ်မ ၆၆ (ဃ) မှာ နိုင်ငံတော် အေးချမ်းသာယာရေးနှင့် ဖွံ့ဖြိုးရေးကောင်စီ လက်ထက် ၂၀၀၄ ခုနှစ်တွင် ပြဌာန်းခဲ့ခြင်းဖြစ်ပြီး ဆက်သွယ်ရေးကွန်ယက် တခုခုကို အသုံးပြု၍ ပုဂ္ဂိုလ်တဦးဦးအား ခြောက်လှန့်တောင်းယူခြင်း၊ အနိုင့်အထက်ပြုခြင်း၊ မတရားတားဆီး ကန့်ကွက်ခြင်း၊ အသရေဖျက်ခြင်း၊ နှောင့်ယှက်ခြင်း၊ မလျော်သြဇာသုံးခြင်းနှင့် ခြိမ်းခြောက်ခြင်းများ ကျူးလွန်ပါက ထောင်ဒဏ် သုံးနှစ် သို့မဟုတ် ငွေဒဏ် သို့မဟုတ် ဒဏ်နှစ်ရပ်စလုံး ချမှတ်နိုင်ကြောင်း ပြဋ္ဌာန်းထားကြောင်း သိရသည်။

တပ်မတော်မှ ပြောင်းလဲဝတ်ဆင်ခဲ့သည့် ၀တ်စုံအရောင်အား ဒေါ်အောင်ဆန်းစုကြည် ထမိန်အရောင်နှင့်နှိုင်းကာ တပ်မတော် အကြီးအကဲ ကာကွယ်ရေးဦးစီးချုပ်၏ ဓာတ်ပုံနှင့်တကွ Facebook စာမျက်နှာတွင် သရော်လှောင်ပြောင်ခဲ့သည်ဟု စွပ်စွဲခံရသူ မအူပင်မြို့မှ နည်းပညာတက္ကသိုလ်ကျောင်းသူ မချောစန္ဒီထွန်းအား အနောက်တောင်တိုင်း စစ်ဌာနချုပ်မှ ဒုတိယဗိုလ်မှူးကြီး ကျော်ထင်မှ အီလက်ထရောနစ် ဥပဒေဖြင့် အမှုဖွင့် တိုင်ကြားခဲ့သည်ကို ရန်ကုန်တိုင်းဒေသကြီး ဗဟန်းမြို့နယ် အတွင်းရှိ တရားရိပ်သာ တစ်ခုတွင် အောက်တိုဘာ ၁၂ ရက်က ဖမ်းဆီးခဲ့ပြီး မအူပင် အကျဉ်းထောင်တွင် ဖမ်းဆီးထိန်းသိမ်းထားကြောင်း၊ ရန်ကုန်တိုင်း လှိုင်မြို့နယ်နေ ဦးပက်ထရစ်ခွန်ဂျာလီအား တပ်မတော် ကာကွယ်ရေး ဦးစီးချုပ် ဗိုလ်ချုပ်မှူးကြီး မင်းအောင်လှိုင်ကို သရော်ထားသည့် ဓာတ်ပုံအား လူမှုကွန်ရက်တွင် ဝေမျှခဲ့သည်ဟု စွပ်စွဲ၍ ရဲတပ်ဖွဲ့က ဖမ်းဆီးခဲ့ကြောင်းနှင့် ရန်ကုန်တိုင်း ဒေါပုံမြို့နေ ကိုလူဇော်စိုးဝင်းမှာ အစိုးရ အရာရှိများကို လူမှုကွန်ရက်၌ ညစ်ညမ်းစွာ ဆဲဆိုသည်ဟူသော စွပ်စွဲချက်ဖြင့် တတိယမြောက် ဖမ်းဆီးခဲ့ကြောင်း သိရသည်။
Writer:
နီလာစိုး(ပုသိမ်)
Eleven Media Group

 အမျိုးသား ဒီမိုကရေစီ အဖွဲ့ချုပ် ရွေးကောက်ပွဲ အောင်နိုင်ရေး ကော်မတီ နာယက ဦးတင်ဦးကို တွေ့ရစဉ်။ Photo: RFA
 NLD အမျိုးသား ဒီမိုကရေစီ အဖွဲ့ချုပ် နာယက ဦးတင်ဦးရဲ့ ကျန်းမာရေး အခြေအနေကြောင့် ရခိုင်ပြည်နယ် ခရီးစဉ်အပါအဝင် ဦးတင်ဦး ဦးဆောင်သွားမယ့် ရွေးကောက်ပွဲ အောင်နိုင်ရေး ဟောပြောပွဲ ခရီးစဉ်အားလုံးကို ဖျက်သိမ်းလိုက်ပါတယ်။

ဒေါ်အောင်ဆန်းစုကြည်ရဲ့ ညွှန်ကြားချက်နဲ့ ခရီးစဉ်တွေကို ဖျက်သိမ်းလိုက်တာ ဖြစ်တယ်လို့ ဦးတင်ဦးရဲ့ ခရီးစဉ်တွေကို စီစဉ်ဆောင်ရွက်နေတဲ့ NLD ပါတီ ဗဟိုအလုပ်အမှုဆောင် ကော်မတီဝင် ဦးစိုးဝင်းက ပြောပါတယ်။

"ကျန်းမာရေးကြောင့် ရခိုင်တင်မဟုတ်ဘူး၊ ရန်ကုန်တိုင်းရော ဘာရောအားလုံး ကျနော်တို့ သွားမယ့်ဟာက ရန်ကုန်တိုင်းထဲမှာ ၁၇ ရက်နေ့ကတည်းက သွားရမယ့်ဟာတွေ အခု ကျန်းမာရေးကြောင့် အခုကျနော်တို့သွားလို့ရှိရင် ဒယိမ်းဒယိုင် ဖြစ်ဖြစ်နေတယ်၊ အဲ့လိုဖြစ်လို့ရှိရင် ရွေးကောက်ပွဲထိအောင် ခံနိုင်မှာမဟုတ်ဘူး"

လာမယ့် အောက်တိုဘာလ ၂၇ ရက်နေ့မှာ ရခိုင်ပြည်နယ် စစ်တွေ၊ အမ်း၊ ကျောက်ဖြူ စတဲ့ မြို့နယ်တွေမှာ ဦးတင်ဦးက ဟောပြောပွဲတွေ ကျင်းပဖို့ စီစဉ်ထားတာဖြစ်ပြီး ပြီးခဲ့တဲ့ စက်တင်ဘာလကတည်းက ရှမ်းပြည်နယ်၊ မွန်ပြည်နယ်နဲ့ ဧရာဝတီတိုင်းတွေမှာ မဲဆွယ်စည်းရုံးရေး ဆင်းခဲ့တာဖြစ်ပါတယ်။

ဒီအတောအတွင်း NLD အမျိုးသားဒီမိုကရေစီအဖွဲ့ချုပ်က ရန်ကုန်တိုင်းအတွင်းက လွှတ်တော်ကိုယ်စား လှယ်လောင်းတွေ မြို့နယ်အလုပ်အမှုဆောင်အဖွဲ့တွေနဲ့ မြို့နယ်အောင်နိုင်ရေး အဖွဲ့တွေကို ဟောပြောပွဲတွေ မလုပ်ဖို့ ဒီကနေ့ ကြေညာချက်ထုတ်ပြန်ညွန်ကြားလိုက်ပါတယ်။

RFA Burmese
http://www.rfa.org/burmese


 တပြည်လုံးအတိုင်းအတာနဲ့ ပစ်ခတ်တိုက်ခိုက်မှုရပ်စဲရေး သဘောတူစာချုပ် NCA လက်မှတ်ရေးထိုးဖို့ အဆင့်သင့် မဖြစ်သေးတဲ့ မြောက်ပိုင်းရှမ်းပြည်တပ်မတော် SSPP/SSA ရဲ့ တပ်စွဲရာ ဒေသနဲ့ ၀မ်ဟိုင်း ဗဟိုဌာနချုပ်ကို မြန်မာ့တပ်မတော်ကနေ ထိုးစစ်ဆင်နေတဲ့ အတွက် နေ့ စဉ်ဆိုသလို တိုက်ပွဲပြင်းထန်စွာဖြစ်ပွားနေ ပါတယ်။ အောက်တိုဘာလ(၁၈) ရက်နေ့မှာ မြန်မာ့တပ်မတော်ကနေ တိုက်ခိုက် သိမ်းပိုက်နိုင်ခဲ့တယ်လို့ သတင်း ထုတ်ပြန်ထားတဲ့ နေရာတွေဟာ မြောက်ပိုင်း ရှမ်းပြည် တပ်မတော်ဘက်က တိုက်ပွဲရပ်တန့်ရေးအတွက်ရည်စူးပြီး တပ်ဆုတ်ပေး ထားတဲ့နေရာလို့လဲ SSPP/SSA ခေါင်းဆောင်တွေက တုန့်ပြန်ပြောဆိုခဲ့ပါတယ်။ ဒါ့အပြင် NCA လက်မှတ်ရေးထိုးခြင်း မပြုနိုင်သေးတဲ့ အဖွဲ့တချို့ အပေါ်မှာ မြန်မာ့ တပ်မတော်ကနေ သာမန်နဲ့မတူတဲ့ စစ်ရေးလှုပ်ရှားမှုတွေ လုပ်ဆောင်နေတယ်လို့ တိုင်းရင်းသား လက်နက်ကိုင် အဖွဲ့ခေါင်းဆောင်တွေက ရှု့မြင်နေတဲ့ အခြေအနေကိုတော့ ဗွီအိုအေ ထိုင်းအခြေစိုက် သတင်းထောက်နိုင်ကွန်းအိန်ကနေ အခုလိုသတင်းပေးပို့ထားပါတယ်။

မိုင်းရှူးမြို့နယ်နဲ့ ကျေးသီးမြို့နယ်အတွင်းမှာ မြန်မာ့တပ်မတော်နဲ့ မြောက်ပိုင်းရှမ်းပြည်တပ်မတော် SSPP/SSAတပ်ဖွဲ့တွေ အကြား တိုက်ပွဲတွေဖြစ်ပွားနေ ပါတယ်။ မြန်မာ့တပ်မတော် အနေနဲ့  မြောက်ပိုင်း ရှမ်းပြည်တပ်မတော် တပ်စွဲထားတဲ့နေရာနဲ့ ၀မ်ဟိုင်းဌာနချုပ်ကို ပစ်ခတ်တိုက်ခိုက်နေတယ်လို့ SSPP ပြောခွင့်ရ ဗိုလ်မှူးကြီးစိုင်းလက ဒီကနေ့မှာ VOAကို အခုလိုပြောပါတယ်။

“ဟိုက်ပါ အနီးတ၀ိုက်တောင်ကုန်းတွေမှာ ဒီနေရာတွေကို သူတို့ ၇ နာရီကနေ စပြီးတော့ ညနေအထိတော့သူတို့ လက်နက်ကြီးတွေ ပစ်ပြီးတော့ ပြန်ပြီးတော့ ပြင်းပြင်း ထန်ထန်ဖြစ်တယ်ပေါ့နော်။ ကျနော်တို့ ဖယ်ပေးတဲ့နေရာ တောင်ကုန်းပွိုင့်တွေမှ သူတို့ တက်ပြီးတော့ နေရာယူ ထားပါတယ်။ နောက် အဲဒီနေရာ ကနေပြီးတော့ ကျနော်တို့ တပ်ဖြန့်ထားတဲ့ နေရာတွေမှာ သူတို့ ပြန်ပြီး လက်နက်ကြီးတွေနဲ့ ပစ်တယ်လေနော်။ တပ်စခန်းပေ့ါ။ အဲဒီ ၀မ်ဟိုင်းနဲ့ နှစ်မိုင်ခန့်အကွာမှာရှိတဲ့ တပ်ကနေပြီးတော့ လက်နက်ကြီးနဲ့ ၀မ်ဟိုင်းကို ပစ်တာပေါ့နော်။ ဒီ ၀မ်ဟိုင်းအစွန်မှာရှိတဲ့ ထီဆိုင် တောင်ကုန်းနားလေးမှာ နှစ်လုံးလောက်ကျပြီးတော့ ပေါက်ကွဲခဲ့တယ်။ ပြီးတော့ ကျနော်တို့ ၀မ်လွင်နဲ့ မိုင်ဟန်ဖက် ထိုးဖောက်ဝင်လာတဲ့ စစ်ကြောင်းလည်း ပုန်ကန်မှုကြောင့်သူတို့ နောက်ပြန်ဆုတ်ပြီးတော့ ဒီတောင်ကုန်းတောင်ကျောတွေမှာ အခုထိ သူတို့ကနေရာယူပြီးတော့ ဖြန့်ပြီးတော့ နေရာယူဆဲပဲဖြစ်တယ်။ ”

ဒီတိုက်ပွဲတွေအတွင်း မြောက်ပိုင်းရှမ်းပြည်တပ်မတော်အခြေပြုနေရာယူထားတဲ့ ပွိုင့်-၈၅၈ ပွိုင့်-၁၂၈၆ နဲ့ပွိုင့် ၁၃၀၉ လွယ်ခူတောင်ကုန်းတွေ ကို အောက်တိုဘာလ (၁၈)ရက်နေ့မှာ မြန်မာ့တပ်မတော်ကနေ တိုက်ခိုက် သိမ်းပိုက်နိုင်ခဲ့တယ် လို့ တပ်မတော် သတင်းထုတ်ပြန်ရေးအဖွဲ့ကတော့ မနေ့က ထုတ်ပြန်ကြေညာခဲ့ပါတယ်။

တပ်မတော်ကနေ သိမ်းပိုက်နိုင်ခဲ့တယ်လို့ ပြောဆိုတဲ့နေရာတွေ ဟာ မြောက်ပိုင်း ရှမ်းပြည် တပ်မတော်တပ်ဖွဲ့ကနေ နောက်ဆုတ်ပေးတဲ့နေရာလို့ ဗိုလ်မှူးကြီးစိုင်းလကပြောပါတယ်။

“ကျနော်တို့ အဖက်ဖက်ကို သုံးသပ်ပြီး ဖယ်ပေးလိုက်တဲ့နေရာတွေ ရှိတယ်။ သူတို့ တိုက်ပြီးတော့ သိမ်းပိုက်လိုက်တယ်ဆိုတာ မရှိပါဘူး။”

ရှမ်းပြည်တောင်ပိုင်း မိုင်းရှူးမြို့နယ်နဲ့ ကျေးသီးမြို့နယ်ထဲမှာ အခြေပြု လှုပ်ရှားနေတဲ့ မြောက်ပိုင်း ရှမ်းပြည်တပ်မတော် SSPP/SSA တပ်ဖွဲ့တွေ တပ်ဆုတ်ပေးဖို့ မြန်မာစစ်တပ်ကနေ အောက်တိုဘာ ပထမအပါတ်မှာ ညွှန်ကြားချက် ပေးလာ ခဲ့ပြီး နောက်ပိုင်း နှစ်ဖက်အဖွဲ့အကြား တိုက်ပွဲတွေ နေ့စဉ်လိုလိုဖြစ်ပွားခဲ့ပါတယ်။

တိုက်ပွဲတွေကြောင့် မိုင်းရှူးမြို့နယ်နဲ့ ကျေးသီးမြို့နယ် ထဲက ဒေသခံကျေးရွာသား (၃၀၀၀)ကျော်ဟာ စစ်ဘေးတိမ်းရှောင် နေကြရပါတယ်။

မြောက်ပိုင်းရှမ်းပြည်တပ်မတော်နဲ့ မြန်မာအစိုးရ ငြိမ်းချမ်းရေးဖေါ်ဆောင်ရေး လုပ်ငန်းကော်မီတီအဖွဲ့နဲ့ ပြည်ထောင်စု အဆင့် အပစ်အခတ် ရပ်စဲရေးဆွေးနွေး တုန်းက တပ်နေရာဆုတ်ခွါပေးရမယ်ဆိုတဲ့ သဘောတူညီချက် မပါရှိဘူးလို့ လဲ ဗိုလ်မှူးကြီးစိုင်းလက အခုလိုဆက်ပြောပါတယ်။

“ကျနော်တို့ သဘောတူညီချက်ထဲမှာ ရှမ်းပြည်တိုးတက်ရေးပါတီ၊ ရှမ်းပြည် တပ်မတော် တပ်ဖွဲ့များကို ၀မ်ဟိုင်းအတွင်း အခြေပြုပြီး လက်ရှိဖြန့်ခွဲထားသောနေရာ များတွင် ယာယီအခြေပြုနေထိုင်ရန် သဘောတူသည်လို့ ပါတယ်။ အဲဒီမှာ ၀မ်ဟိုင်းအနီးတွင်မ ကဘူး၊ ကျနော်တို့ ရှမ်းမြောက်၊ မိုးမိတ်ဖက်ရော ကျနော်တို့ မူဆယ်၊ နမ့်ခမ်းဖက် ၊ သိန္ဒီ ၊ သီပေါ ဖက်ရော ကျနော်တို့ တပ်တွေ အများကြီး ရှိပါတယ်။ အဲဒီရောက်ရှိတဲ့နေရာမှာ ဖြန့်ခွဲနေထိုင်ထားဖို့ ကျနော်တို့ ယာယီ သဘောတူညီချက်ဖြည့်ထားတယ်လေ။ ကျနော်တို့ နယ်မြေကိစ္စတွေ ။ ခင်ဗျားတို့ ဒီနေရာကနေ မကျော်လွန်ကဘူး၊ ဒီနေရာမှာ မနေရဘူး လို့ ကျနော်တို့ သဘောတူညီထားတာ မရှိဘူး ခင်ဗျာ။”

မြောက်ပိုင်းရှမ်းပြည်တပ်မတော်နဲ့ မြန်မာငြိမ်းချမ်းရေးဖေါ်ဆောင်ရေးကော်မီတီတို့ဟာ ၂၀၁၂ခုနှစ် ဇန်နဝါရီလ ကုန်ပိုင်းမှာ အချက်(၇)ချက် ပါတဲ့ နှစ်ဘက် သဘောတူညီအပစ်ခတ် ရပ်စဲရေး လက်မှတ်ရေးထိုးခဲ့ပါတယ်။ ဒါပေမဲ့ လက်မှတ်ရေးထိုးပြီးနောက်ပိုင်းမှာ မြောက်ပိုင်း ရှမ်းပြည်တပ်မတော်ရဲ့ တာဆမ်ပူး ကူးတို့ဆိပ် တပ်စခန်းကို နောက် ဆုတ် ဖယ်ရှားပေးဖို့  အောက်တိုဘာလ မှာမြန်မာအစိုးရက ညွှန်ကြားချက်ပေး လာခဲ့ပြီးတိုက်ပွဲတွေ ဆက်လက်ဖြစ်ပွားခဲ့ပါတယ်။

အောက်တိုဘာလ(၆)ရက်နေ့ကနေ ယနေ့အထိ နှစ်ဖက်တပ်တွေ အကြားဖြစ်ပွား ခဲ့တဲ့ တိုက်ပွဲမှာ မြန်မာ့ တပ်မတော်ဘက်က ထိခိုက်ကျဆုံးမှုကိုတော့ အတည်မပြုနိုင်သေးသလို မြောက်ပိုင်း ရှမ်းပြည် တပ်မတော်ဘက်က အရာရှိ စစ်သည် (၄) ဦး ကျဆုံးခဲ့တယ်လို့ ဗိုလ်မှူးကြီးစိုင်းလကပြောပါတယ်။

မြန်မာ့တပ်မတော်သတင်း ထုတ်ပြန်ရေး အဖွဲ့ရဲ့ မနေ့က ထုတ်ပြန်ချက်အရ တပ်မတော်ဘက်က ကျဆုံးထိခိုက် ဒဏ်ရာမှု တချို့ရှိခဲ့သလို SSPP/SSAအဖွဲ့ရဲ့ အလောင်း(၇)လောင်း လက်နက်မျိုးစုံ(၈)လက်နက်ခဲယမ်းတွေကို သိမ်းဆည်းရမိခဲ့ပြီး နယ်မြေ ရှင်းလင်းရေးကို ဆက်လက်လုပ်ဆောင်နေကြောင်း ဖေါ်ပြထားပါတယ်။

လက်ရှိအခြေအနေအရ တပြည်လုံးအတိုင်းအတာ ပစ်ခတ်တိုက်ခိုက်မှုရပ်စဲရေး NCA လက်မှတ်ရေးထိုးခြင်းမပြုနိုင်သေးတဲ့ အဖွဲ့တချို့အပေါ်မှာ မြန်မာ့တပ်မတော်ကနေ သာမာန်နဲ့ မတူတဲ့ စစ်ရေးလှုပ်ရှားမှုတွေ လုပ်ဆောင်နေတယ်လို့ ရခိုင်တပ်မတော် (AA)အဖွဲ့ရဲ့ ဒုတိယစစ်ဦးစီးချုပ် ဗိုလ်မှူးကြီးဒေါက်တာညိုထွန်းအောင် က အခုလိုပြောပါတယ်။

“သာမာန်နဲ့မတူဘူး ဆိုတာက အရင်ဆိုရင်တော့ သူတို့က ကချင်ဒေသကိုပဲ စစ်အင်အားတွေ ဘာတွေ နည်းနည်းတိုးတယ်။ ပြီးရင် တခြားနေရာတွေမှာ ငြိမ်နေတယ်။ အခုကတော့ အဲဒီလိုမျိုးမဟုတ်ဘူး။ စစ်ဖြစ်နေတဲ့ဒေသတွေနဲ့ တပြိုင်တည်းကို၊ ကချင်ဒေသတွေမှာ လည်း စစ်အင်အားတိုးတယ်။ ပြီးရင် ရှမ်းပြည်ရဲ့တာဆန်ဖူး SSA၊ ၀မ်ဟိုင်းတို့မှာလည်း တိုက်ပွဲတွေဖြစ်တယ်။ ပလောင်ဒေသတွေမှာလည်း အဲဒီလိုမျိုး၊ နောက်ပြီးတော့ ကျနော်တို့ ရခိုင်ဒေသတွေမှာလည်း အဲဒီလို တပြိုင်နက်တည်း တချိန်တည်းမှာ ဖြစ်နေတဲ့ အနေအထားကို ကြည့်ခြင်းအားဖြင့် သာမာန်နဲ့ မတူတဲ့ စစ်ရေးလှုပ်ရှားမှုဆိုတာကို ဆိုလိုတာခင်ဗျာ။ ”

အခုလိုဖြစ်ပွါးနေတဲ့ တိုက်ပွဲတွေကြောင့် လာမယ့် နိုဝင်ဘာလမှာ ကျင်းပမယ့် ရွေးကောက်ပွဲ ထိခိုက်မှာကို စိုးရိမ်ကြောင်း ရခိုင်တပ်မတော်ကနေ ဒီကနေ့မှာ သဘောထားကြေညာချက်ထုတ်ပြန်ခဲ့ပါတယ်။

ပြည်ထောင်စုငြိမ်းချမ်းရေးဖေါ်ဆောင်ရေး လုပ်ငန်းကော်မီတီ ဒုတိယ ဥက္ကဋ္ဌ ပြည်ထောင်စု ၀န်ကြီး ဦးအောင်မင်းအနေနဲ့ NCAလက်မှတ်ရေးထိုးဖို့ အဆင်သင့်မဖြစ်သေးတဲ့ အဖွဲ့တွေအပေါ် ထိုးစစ်ဆင်မှာ မဟုတ်ဘူးလို့ ပြောဆို ခဲ့ပေမယ့် လက်ရှိ မှာတော့ KIOကချင်လွတ်လပ်ရေး အဖွဲ့ မြောက်ပိုင်းရှမ်းပြည်တပ်မတော် RCSS/SSA တအာင်းပလောင်တပ်ဖွဲ့TNLA ကိုးကန့်တပ်ဖွဲ့တို့အပေါ်မှာ မြန်မာ့တပ်မတော်ကနေ ထိုးစစ်ဆင်နေဆဲ အခြေအနေမှာရှိနေပါတယ်။

နိုင်ကွန်းအိန် / ဗွီအိုအေ (မြန်မာပိုင်း)
http://burmese.voanews.com

၂၀၁၂ ခုနှစ် စက်တင်ဘာလ ၂၅ ရက်က ချင်းပြည်နယ်၊ တီးတိန်မြို့တွင် ချင်းအမျိုးသားတပ်ဦး (CNF) ရုံးခန်းဖွင့်ပွဲ ပြုလုပ်စဉ်။ Photo: RFA
 ချင်းအမျိုးသားတပ်ဦး CNF အဖွဲ့ရဲ့ ချင်းပြည်နယ် တီးတိန်မြို့က ဆက်ဆံရေးရုံးမှာ အောက်တိုဘာလ ၁၉ ရက်နေ့ ည ၁၁ နာရီလောက်မှာ ဗုံးတစ်လုံးပေါက်ကွဲခဲ့ပါတယ်။

ပေါက်ကွဲချိန်က ရုံးမှာတစ်ဦးတစ်ယောက်မှမရှိတဲ့အတွက် လူအထိအခိုက်မရှိသလို၊ ဘယ်သူ့လက်ချက်လဲဆိုတာ စုံစမ်းနေဆဲဖြစ်တယ်လို့ CNF အဖွဲ့ရဲ့ အထွေထွေအတွင်းရေးမှူး ပူးလ်ဇင်ကျုံးက RFA ကိုပြောပါတယ်။

"လက်လုပ်ဗုံးပဲဖြစ်လိမ့်မယ်လို့ ကျနော်တို့ ယူဆပါတယ်၊ ဒါကျနော်တို့ စုံစမ်းစစ်ဆေးရေး လုပ်နေတုန်းပဲ ဘယ်သူ့လက်ချက်ဖြစ်တယ် ဘယ်လိုပေါက်ကွဲသွားတယ် ဆိုတဲ့ကိစ္စလည်း အခုကျနော်တို့ စုံစမ်းနေ ဆဲဖြစ်ပါတယ်၊ ကျနော်တို့ အတိအကျ ဘာမှမသိရသေးပါဘူး၊ ကျနော်တို့နဲ့ ပေါ်လစီပိုင်းဆိုင်ရာအရ ကွဲပြားတဲ့အဖွဲ့အစည်းမရှိဘူး"

ချင်းအမျိုးသားတပ်ဦးဟာ ပြီးခဲ့တဲ့ အောက်တိုဘာလ ၁၅ ရက်နေ့က သမ္မတ ဦးသိန်းစိန် အစိုးရနဲ့ အပစ်ရပ်စာချုပ် လက်မှတ်ထိုးခဲ့တဲ့ ၈ ဖွဲ့ထဲက တစ်ဖွဲ့ဖြစ်ပါတယ်။

အဲ့ဒီလို အပစ်ရပ်စာချုပ် ဘာကြောင့်လက်မှတ်ထိုးရလဲဆိုတဲ့ ရှင်းလင်းဟောပြောပွဲတွေကို ပြုလုပ်ဖို့ CNF အဖွဲ့က စီစဉ်ထားတယ်လို့ သိရပါတယ်။ CNF အဖွဲ့ရဲ့ ဆက်ဆံရေးရုံးတွေကို တီးတိန်၊ ထန်တလန်နဲ့ မတူပီမြို့တွေမှာ ဖွင့်ထားပါတယ်။

RFA Burmese
http://www.rfa.org/burmese

  ​မြန်​မာ​နိုင်​ငံ​ဘက်​မှာ ​အ​ခြေ​အ​နေ ​တိုး​တက် ​လာ​တာ​ကြောင့်​ဒု​က္ခ​သည်​တွေ ​နေ​ရပ်​ပြန်​ရေး ​ဦး​စား​ပေး ​ဆောင်​ရွက် ​သင့်​ကြောင်း ​မြန်​မာ​နိုင်​ငံ​ဆိုင်​ရာ ​သြ​စ​တြေး​လျ ​သံ​အ​မတ်​ပြော
မြန်​မာ​နိုင်​ငံ​မှာ ​အ​ပစ်​အ​ခတ် ​ရပ်​စဲ​ရေး ​လက်​မှတ်​ထိုး​ပြီး​တဲ့​နောက် ​က​ရင် ​ပြည်​နယ်​နဲ့ ​ထိ​စပ်​နေ​တဲ့ ​ထိုင်း​မြန်​မာ ​နယ်​စပ် ​မြန်​မာ​ဖက်​ဘက်​ခြမ်း​မှာ ​အ​ခြေ​အ​နေ ​တိုး​တက် ​ကောင်း​မွန်​လာ​ပြီ​မို့ ​ဒု​က္ခ​သည်​တွေ ​နေ​ရပ်​ရင်း ​ပြန်​တဲ့​ကိ​စ္စ​ကို ​ဦး​စား​ပေး ​ဆောင်​ရွက်​ဖို့ ​လို​ပြီ​လို့ ​တာ့ခ်​ခ​ရိုင် ​ဒု​တိ​ယ ​အုပ်​ချုပ်​ရေး​မှူး​နဲ့ ​တွေ့​ဆုံ​အ​ပြီး​မှာ ​မြန်​မာ​နိုင်​ငံ ​ဆိုင်​ရာ ​သြ​စ​တြေး​လျ ​သံ​အ​မတ်​ကြီး​က ​အောက်​တို​ဘာ​လ ၂၀​ရက်​နေ့​က ​ပြော​ပါ​တယ်။

သြ​စ​တြေး​လျ ​နိုင်​ငံ​ဟာ ​ထိုင်း ​မြန်​မာ ​နယ်​စပ်​က ​မြန်​မာ​နိုင်​ငံ​သား ​ဒု​က္ခ​သည်​တွေ​ကို ​ထောက်​ပံ့​နေ​တဲ့ ​နိုင်​ငံ​တွေ​ထဲ​မှာ ​အ​ဓိ​က ​အ​လှူ​ရှင်​နိုင်​ငံ ​တ​နိုင်​ငံ ​ဖြစ်​ပြီး ​ဆယ်​စု​နှစ်​နဲ့​ချီ ​ထောက်​ပံ့​လာ​တာ ​ဖြစ်​ပါ​တယ်။

ဒါ့​အ​ပြင် ​သောင်း​နဲ့​ချီ​တဲ့ ​မြန်​မာ​နိုင်​ငံ​သား ​ဒု​က္ခ​သည်​တွေ​ကို​လည်း ​သြ​စ​တြေး​လျ​မှာ ​နေ​ရာ​ချ ​ထား​ပေး​ခဲ့​ပါ​တယ်။

အ​ခု ​မြန်​မာ​နိုင်​ငံ​မှာ ​အ​ပစ်​အ​ခတ် ​ရပ်​စဲ​ရေး ​လက်​မှတ် ​ထိုး​ပြီး​နောက် ​လို​အပ်​တာ​တွေ​ကို ​ဆောင်​ရွက်​ဖို့ ​မြန်​မာ​နိုင်​ငံ ​က​ရင်​ပြည်​နယ်​နဲ့ ​ထိ​စပ်​နေ​တဲ့ ​ထိုင်း​နိုင်​ငံ ​တာ့ခ်​ခ​ရိုင်​ထဲ​က ​ဒု​က္ခ​သည်​တွေ ​ကိ​စ္စ​ကို ​ထိုင်း​နိုင်​ငံ​ဆိုင်​ရာ ​သြ​စ​တြေး​လျ ​သံ​အ​မတ်​ကြီး​နဲ့ ​မြန်​မာ​နိုင်​ငံ​ဆိုင်​ရာ ​သြ​စ​တြေး​လျ ​သံ​အ​မတ်​ကြီး​တို့​က ​တာ့ခ်​ခ​ရိုင် ​ဒု​တိ​ယ ​အုပ်​ချုပ်​ရေး​မှူး​နဲ့ ​မဲ​ဆောက်​မှာ ​တွေ့​ဆုံ ​ဆွေး​နွေး​ခဲ့​ကြ​ပါ​တယ်။

ထိုင်း​နိုင်​ငံ​ဆိုင်​ရာ ​သြ​စ​တြေး​လျ ​သံ​အ​မတ်​ကြီး​က ​သြ​စ​တြေး​လျ ​နိုင်​ငံ​ဟာ ​မြန်​မာ ​ဒု​က္ခ​သည်​တွေ ​အ​တွက် ​နှစ်​ရှည် ​ထောက်​ပံ့​ခဲ့​သ​လို ​သူ​တို့​နိုင်​ငံ​မှာ​လည်း ​ပြန်​လည် ​နေ​ရာ​ချ​ထား​ပေး​ပြီး ​ဖြစ်​ကြောင်း၊ ​အ​ခု​အ​ခါ ​တ​ခြား​နိုင်​ငံ​တွေ​ကို ​အ​လှည့်​ပေး​ဖို့ ​အ​ချိန်​ရောက်​ပြီ ​ဖြစ်​ကြောင်း ​ပြော​ပါ​တယ်။

မြန်​မာ​နိုင်​ငံ​ဆိုင်​ရာ ​သြ​စ​တြေး​လျ ​သံ​အ​မတ်​ကြီး ​မ​စ္စ​တာ Nicholas Coppel ​က​လည်း ​အ​ပစ်​အ​ခတ် ​ရပ်​စဲ​ရေး ​လက်​မှတ်​ထိုး​ပြီး​တဲ့ ​နောက်​ပိုင်း​မှာ ​မြန်​မာ​နိုင်​ငံ ​အ​ခြေ​အ​နေ ​တိုး​တက် ​ကောင်း​မွန်​လာ​တယ်​လို့ ​ယူ​ဆ​ကြောင်း၊ ​မြန်​မာ​ဖက်​နယ်​စပ်​က ​အ​ခြေ​အ​နေ ​တိုး​တက်​မှု​ကြောင့် ​နေ​ရပ်​ရင်း ​ပြန်​ဖို့ ​ဆ​န္ဒ​ရှိ​သူ​တွေ၊ ​ကိုယ့်​နိုင်​ငံ ​ပြန်​ချင်​သူ​တွေ ​အ​တွက် ​ပြန်​ဖို့ ​လွယ်​ကူ​သွား​စေ​ကြောင်း၊ ​ဒါ​ကြောင့် ​သူ​တို့ ​အိမ်​ပြန်​တာ​ကို ​ဆောင်​ရွက်​ပေး​ဖို့ ​ဦး​စား​ပေး​သင့်​ကြောင်း ​ပြော​သွား​ပါ​တယ်။

လူ​သစ်​တွေ​ကို ​လက်​ခံ​တာ ​မ​တွေ့​ရ​ပေ​မယ့် ​လက်​ရှိ ​သြ​စ​တြေး​လျ​ကို ​ရောက်​နေ​သူ ​မြန်​မာ​နိုင်​ငံ​သား ​ဒု​က္ခ​သည်​တွေ​ရဲ့ ​ကျန်​နေ​တဲ့ ​မိ​သား​စု​ဝင်​တွေ​က​တော့ ​မိ​သား​စု ​ပြန်​လည် ​ပေါင်း​စည်း​ရေး ​အ​စီ​အ​စဉ်​အ​နေ​နဲ့ ​သွား​လို့ ​ရ​နေ​သေး​တယ်​လို့ ​သိ​ရ​ပါ​တယ်။

တာ့ခ်​ခ​ရိုင်​ထဲ​က ​မယ်​လ၊ ​အုန်း​ပြန့်​နဲ့ ​နို့​ဖိုး ​ဒု​က္ခ​သည်​စ​ခန်း​တွေ ​အ​ထဲ​မှာ ​လက်​ရှိ ​တ​သိန်း​နီး​ပါး ​ရှိ​တဲ့ ​မြန် ​မာ​နိုင်​ငံ​သား ​ဒု​က္ခ​သည်​တွေ​ထဲ​မှာ ​တ​တိ​ယ​နိုင်​ငံ​ကို ​သွား​ပြီး ​အ​ခြေ​ချ​ချင်​သူ​တွေ ​ရှိ​သ​လို ​တ​ချို့​က ​ထိုင်း​နိုင်​ငံ​မှာ​ပဲ ​ဆက်​နေ​ချင်​ပြီး ​တ​ချို့​က​တော့ ​မြန်​မာ​နိုင်​ငံ ​နေ​ရပ်​ရင်း​ကို ​ပြန်​ချင်​သူ​တွေ ​ရှိ​ပါ​တယ်။

အ​ခု​အ​ခါ ​တ​တိ​ယ​နိုင်​ငံ​ကို ​သွား​ပြီး ​အ​ခြေ​ချ​မယ့် ​အ​စီ​အ​စဉ်​က ​ရပ်​ဆိုင်း​နေ​ပြီ ​ဖြစ်​တာ​ကြောင့် ​တ​တိ​ယ​နိုင်​ငံ​ကို ​သွား​ချင်​တဲ့ ​ဒု​က္ခ​သည်​တွေ​နဲ့ ​ထိုင်း​နိုင်​ငံ​မှာ ​နေ​ချင်​တဲ့ ​ဒု​က္ခ​သည်​တွေ ​ကိ​စ္စ​ကို ​ထိုင်း​နိုင်​ငံ​နဲ့ ​နိုင်​ငံ​တ​ကာ ​အ​သိုင်း​အ​ဝိုင်း​က ​ဘယ်​လို ​ကိုင်​တွယ်​မ​လဲ ​ဆို​တာ ​သဲ​သဲ​ကွဲ​ကွဲ ​မ​သိ​ရ​သေး​ဘူး​လို့ ​မဲ​ဆောက်​က ​ဘီ​ဘီ​စီ ​သ​တင်း​ထောက်​က ​သ​တင်း​ပေး​ပို့​ထား​ပါ​တယ်။

BBC Burmese
http://www.bbc.com/burmese

သာယာဝတီအကျဉ်းထောင်မှာ ဖမ်းဆီးခံထားရတဲ့ ဗကသ ကျောင်းသား ခေါင်းဆောင်တစ်ဦးဖြစ်သူ ကိုမင်းသွေးသစ် ကိုရုံးထုတ်လာစဉ်။ Photo:Aung Thain Kha/RFA
 သာယာဝတီအကျဉ်းထောင်မှာ ဖမ်းဆီးခံထားရတဲ့ ကျောင်းသား၊ ကျောင်းသူနဲ့ ဝန်းရံသူ ၅၄ ဦးထဲက တစ်ဝက်လောက်က ရွေးကောက်ပွဲအတွက် ကြိုတင်မဲပေးမှာဖြစ်ပြီး ကျန်တဲ့တစ်ဝက်က ကြိုတင်မဲပေး ဖို့ ငြင်းဆန်ထားပါတယ်။

ကြိုတင်မဲပေးဖို့ ငြင်းထားတဲ့ ကျောင်းသား၊ ကျောင်းသူတွေနဲ့ ဝန်းရံသူတွေကို အကျဉ်းဦးစီးဌာနနဲ့ ရွေးကောက် ပွဲကော်မရှင်က ကြိုတင်မဲ မပေးကြောင်း လက်ဗွေနှိပ်ပြီး လက်မှတ်ထိုးခိုင်းတယ်လို့ ကြိုတင်မဲပေးဖို့ စာရင်းတင်ထားတဲ့ ဗကသ ကျောင်းသား ခေါင်းဆောင်တစ်ဦးဖြစ်သူ ကိုမင်းသွေးသစ်က ပြောပါတယ်။

"ကျောင်းသားနဲ့ ဝန်းရံပြည်သူတွေထဲက တစ်ဝက်လောက်ကပေါ့လေ ရွေးကောက်ပွဲကော်မရှင်ရဲ့ ကြိုတင်မဲကို သူတို့ရဲ့ တစ်ဦးချင်းသဘောအရပေါ့ ရွေးကောက်ပွဲကော်မရှင်ကို အယုံအကြည်မရှိဘူး၊ ဒီကြိုတင်မဲက ကိုယ်ထည့်တဲ့ပါတီကို ဖြစ်ချင်မှဖြစ်နိုင်မယ်ပေါ့၊ အဲ့အတွက် အယုံအကြည်မရှိလို့ မဲမပေးဘူးဆိုပြီးတော့ ထောင် အာဏာပိုင်တွေကို အကြောင်းပြန်လိုက်တယ်၊ အဲ့ဒီမှာ ထောင်အာဏာပိုင်တွေက လက်ဗွေနှိပ်ပြီးတော့ လက်မှတ်ထိုးခိုင်းထားပါတယ်၊ ကြိုတင်မဲ မထည့်မယ့် သူတွေကို"

ဗမာနိုင်ငံလုံးဆိုင်ရာ ကျောင်းသားသမဂ္ဂများအဖွဲ့ချုပ် ဗကသ အနေနဲ့ အကျဉ်းကျနေတဲ့ ဗကသ အဖွဲ့ဝင်တွေကို ကြိုတင်မဲပေးဖို့ မပေးဖို့နဲ့ပတ်သက်ပြီး တားမြစ်ကန့်သတ်ထားတာ မရှိဘဲ တစ်ဦးချင်းဆုံးဖြတ်ချက်နဲ့ သက်ဆိုင် တယ်လို့ ကိုမင်းသွေးသစ်က ပြောပါတယ်။

ကြိုတင်မဲပေးမယ့်သူတွေဟာ စာရင်းသာပေးထားရတာဖြစ်ပြီး မဲပေးရမယ့်ရက်ကို မသိရှိရသေးဘူး လို့ ပြောပါတယ်။

အကျဉ်းကျနေတဲ့ ကျောင်းသား ကျောင်းသူတွေနဲ့ ဝန်းရံသူအားလုံးကို စွဲဆိုထားတဲ့အမှုတွေကို ပယ်ဖျက်ပေးဖို့ သူတို့ရဲ့ရှေ့နေတွေက ပဲခူးတိုင်းဒေသကြီး တရားလွှတ်တော်ထံ တင်ပြထားပြီး နောက်လ နိုဝင်ဘာလ ၂ ရက်နေ့မှာ အပြီးသတ်လျှောက်လဲချက် ပေးရမှာဖြစ်ပါတယ်။

RFA Burmese
http://www.rfa.org/burmese

ရွေးကောက်ပွဲရလဒ်ကို အသိအမှတ်မပြုခဲ့ရင် ဒီမိုကရေစီအသွင် ကူးပြောင်းရာ ကနေ နောက်ကြောင်းပြန် တယ်လို့ ယူဆပြီး အမေရိကန်ရဲ့ ရပ်တည်ချက် ကို ပြန်လည် ဆန်းစစ်ရပါလိမ့်မယ်လို့ မြန်မာနိုင်ငံကို ရောက်ရှိနေတဲ့ အမေရိကန် ဒုတိယ အမျိုးသားလုံခြုံရေးအကြံပေးပုဂ္ဂိုလ် Ben Rhodes က ပြောဆိုလိုက်ပါတယ်။ သမ္မတအိုဘားမားရဲ့ တာဝန်ပေးချက်အရ သမ္မတအိုဘာမားရဲ့ တာဝန်ပေးချက် အရ ရွေးကောက်ပွဲကို အောင်မြင်စွာ ကျင်းပနိုင်ရေး တိုက်တွန်းအားပေးဖို့နဲ့ NCA တနိုင်ငံလုံးအပစ်ရပ်ရေး သဘောတူစာချုပ် နဲ့ပတ်သက်တဲ့ ဖြစ်ထွန်းမှုတွေ ကို လေ့လာဖို့ရောက်ရှိနေ တာလည်းဖြစ်ပါတယ်။ အပြည့်အစုံကို VOA သတင်းထောက် မသိင်္ဂီလင်းက ပြောပြပါမယ်။

အကြောင်းအမျိုးမျိုးကြောင့် ရွေးကောက်ပွဲရလဒ်ကို အသိအမှတ်မပြုခဲ့ရင် ဒီမိုကရေစီအသွင် ကူးပြောင်းရာကနေ နောက်ပြန်လှည့်တယ်လို့ ယူဆပြီး အမေရိကန် အစိုးရရဲ့ မြန်မာနိုင်ငံအပေါ်ထားရှိတဲ့ သဘောထားကို ပြန်လည် ဆန်းစစ်သွားမယ်လို့ အမေရိကန်ဒုတိယအမျိုးသားလုံခြုံရေးအကြံပေးပုဂ္ဂိုလ် Ben Rhodes က ပြောဆိုလိုက်ပါတယ်။

“ဘယ်လိုပုံစံနဲ့ ဖြစ်နိုင်မယ် ခန့်မှန်းမပြောနိုင်ပေမယ့် တကယ်လို့များ ရွေးကောက်ပွဲ ရလဒ်ကို အသိအမှတ် မပြုခဲ့ဘူးဆိုရင် ဒါဟာ နောက်ကြောင်းပြန်တဲ့ သဘောပါပဲ။ ဒါကြောင့် ကျွန်တော်တို့ အမေရိကန်ပြည်ထောင်စုရဲ့ မူဝါဒအရ ကျနော်တို့ရဲ့ ရပ်တည်ချက်ကို ပြန်လည်ဆန်းစစ်ရပါလိမ့်မယ်။ ဒီမိုကရေစီအရ ရွေးကောက်ပွဲ ရလဒ်ကို အသိအမှတ်မပြုခဲ့ရင် သင့်တော်တဲ့အချိန်မှာ သင့်တော်သလို တုံ့ပြန်မှာဖြစ်ပါတယ်။ ဒါပေမယ့် ဒီလိုဖြစ်လိ့မ်မယ်လို့တော့ မျှော်လင့်မထားပါဘူး။”

ဒါ့အပြင် ရွေးကောက်ပွဲပြီးသွားလို့ အစိုးရဖွဲ့တဲ့အခါမှာ လည်း နိုင်ငံရေးပါတီတွေ က ခေါင်းဆောင်တွေ မျှမျှတတ ပါဝင်တဲ့ အစိုးရမျိုးဖြစ်စေချင်တယ်လို့ ပြောပါတယ်။

တဆက်တည်းမှာဘဲ လတ်တလောရေးထိုးခဲ့တဲ့ တစ်နိုင်ငံလုံးပစ်ခတ် တိုက်ခိုက်မှု ရပ်စဲရေး စာချုပ် NCA မှာ တိုင်းရင်းသားလက်နက်ကိုင်အဖွဲ့တွေ အားလုံး မပါဝင်ခဲ့ပေမယ့်လည်း တစ်ချိန်မှာ အားလုံး ပါဝင်နိုင်ရေး အတွက် ဆောင်ရွက်ဖို့ Ben Rhodes က အကြံပြုပါတယ်။

“အစိုးရရဲ့ အဓိက ပန်းတိုင်က တစ်နိုင်ငံလုံးအတိုင်းအတာနဲ့ အပစ်အခတ်ရပ်စဲရေး စာချုပ် လက်မှတ်ထိုးနိုင်ဖို့ပါ။ အခု လက်မှတ်ရေးထိုးရာမှာ မပါဝင်သေးတဲ့ တိုင်းရင်းသား လက်နက်ကိုင် အဖွဲ့တွေဖက်ကလည်း NCA မှာပါဝင်ဖို့ စိတ်ဝင်တစားရှိကြတာတွေ့ရပါတယ်။ ဒါကြောင့်နှစ်ဖက်လုံးက ဒီ တစ်နိုင်ငံလုံး အတိုင်းအတာနဲ့ အပစ်အခတ်ရပ်ဖို့ဆိုတဲ့ ပန်းတိုင်ကို ရောက်ဖို့ ကြိုးစားကြရပါမယ်။ ဒီအချက်ကို ကျွန်တော်တို့ အစိုးရကို တင်ပြခဲ့တာပါ။ ဒါမှလည်း NCA စာချုပ်ထဲက ကတိပြုချက်အတိုင်းဖြစ်မြောက်မှာပါ။ လက်မှတ်ထိုးပြီးသား အဖွဲ့တွေအနေနဲ့လည်း ဒါဟာ တစ်နိုင်ငံလုံးအတိုင်းအတာနဲ့ ကတိကဝတ်ပြုထားတယ်ဆိုတာကို မှတ်ယူကြရပါမယ်။ ဒီစာချုပ်ဟာ လက်မှတ်ထိုးပြီးသား တိုင်းရင်းသား ဒေသတွေမှာ ပိုကောင်းတဲ့ လူနေမှုဘဝတွေ ဖြစ်ထွန်းလာစေမှာဖြစ်ပြီး လက်မှတ် မထိုးရသေးတဲ့ ဒေသတွေ အတွက်လည်း အခွင့်အရေးရှိသေးတယ်ဆိုတာလည်း သိကြဖို့ လိုအပ်ပါတယ်။”

တစ်ဆက်တည်းမှာပဲ အစွန်းရောက်တဲ့ စကား အသုံးအနှုံးတွေဟာ ရွေးကောက်ပွဲ အပေါ် ဆိုးကျိုးသက်ရောက်နိုင်ပြီး ဘာသာရေးနဲ့ နိုင်ငံရေးကို ခွဲခြားဖို့ လိုအပ်တယ်လို့ အခုလို သုံးသပ်လိုက်ပါတယ်။

“လူနည်းစု ဘာသာဝင်တွေအပေါ် သုံးနှုန်းတဲ့ တချို့စကားတွေဟာ အစွန်းရောက် တာကို တွေ့ရပါတယ်။ ဒါတွေကြောင့် မတည်ငြိမ်မှုနဲ့ အကြမ်းဖက်မှုတွေဖြစ် သွားနိုင်ပါတယ်။ ကျွန်တော်တို့ အစိုးရနဲ့ရော အဖွဲ့အစည်းမျိုးစုံနဲ့ ဒီကနေ့ တွေ့ပြီး လူနည်းစုဘာသာဝင်တွေအပေါ် အစွန်းရောက်တဲ့ စကား အသုံးပြုတာတွေကို တရားဥပဒေအရ အရေးယူတာတွေ လုပ်ဖို့ဟာ နံပါတ် ၁ အရေးကြီးကြောင်း ပြောခဲ့ ပါတယ်။ မြန်မာနိုင်ငံ က အခြေခံဥပဒေမှာ ပါဝင်တဲ့အတိုင်း ဘာသာရေးနဲ့ နိုင်ငံရေး ကွဲကွဲပြားပြားရှိရမယ် ဆိုတဲ့အတိုင်း ဒီအစွန်းရောက်တဲ့ ဘာသာစကား အသုံးပြုသူတွေကိုလည်း အရေးယူရမှာဖြစ်ပါတယ်။ အစိုးရအနေနဲ့ လည်း နိုင်ငံရေး ရေချိန် ဘယ်လောက်ပဲ မြင့်နေပါစေ၊ ထိန်းချုပ်မှုရှိရမယ် ဆိုတာကို နားလည်သဘောပေါက်ရပါမယ်။ အထူးသဖြင့် ဘာသာရေး အဓိကရုဏ်းတွေ ဖြစ်နိုင်တယ်ဆို ပိုပြီး ထိန်းချုပ်ရပါမယ်။”

ဒါ့အပြင် သူ့အနေနဲ့ အရင် ရွေးကောက်ပွဲမှာ မဲပေးခွင့်ရခဲ့ပြီး အခုတော့ မဲပေးခွင့်မရှိတော့တဲ့ လူနည်းစုတွေအတွက်လည်း စိုးရိမ်ကြောင်းပြောဆိုခဲ့ပါတယ်။

အမေရိကန်ဒုတိယအမျိုးသားလုံခြုံရေးအကြံပေးပုဂ္ဂိုလ် Ben Rhodes ဟာ ဒီခရီးစဉ် အတွင်း နေပြည်တော်မှာ သမ္မတဦးသိန်းစိန်၊ တပ်မတော် ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်၊ နိုင်ငံခြားရေးဝန်ကြီး ဦးဝဏ္ဏမောင်လွင်၊ UEC ဥက္ကဋ္ဌ ဦးတင်အေး၊ နိုင်ငံတကာရွေးကောက်ပွဲ အကဲခတ်အဖွဲ့တွေနဲ့ တွေ့ဆုံပြီး ရန်ကုန်မြို့မှာတော့ YSEALI အရှေ့တောင်အာရှ လူငယ်ခေါင်းဆောင်များ အဖွဲ့ဝင်တွေ၊ ဘာသာပေါင်းစုံ ချစ်ကြည်ရေးအဖွဲ့ဝင်တွေနဲ့ တွေ့ဆုံဆွေးနွေးခဲ့ပါတယ်။ ဒါ့အပြင် Ben Rhodes ဟာ အမျိုးသားဒီမိုကရေစီ အဖွဲ့ချုပ် ဥက္ကဋ္ဌ ဒေါ်အောင်ဆန်းစုကြည်နဲ့လည်း နေအိမ်မှာ ဒီကနေ့ တွေ့ဆုံခဲ့ပါတယ်။

VOA
http://burmese.voanews.com/content/ben-rhodes-press-on-the-election-nca-and-myanmar-update-issues/3015110.html

ဖြေရှင်းပေးခဲ့တဲ့ သာကေတ မြို့နယ် အထွေထွေ အုပ်ချုပ်ရေးရုံး (သတင်းဓါတ်ပုံCredit to- Myanmar Muslims Media ) 
 ရန်ကုန်တိုင်း သာကေတမြို့နယ်ထဲက အစ္စလာမ် ဘာသာရေး စာသင်ကျောင်းတွေမှာ ဝတ်ပြုနေတယ် ဆိုပြီး မြို့နယ် အထွေထွေ အုပ်ချုပ်ရေးရုံးကို လူပုဂ္ဂိုလ် အဖွဲ့အစည်းတချို့က အကြောင်းကြား တိုင်တန်းလာတဲ့ အတွက် သက်ဆိုင်ရာ စာသင်ကျောင်း တာဝန်ခံ အစ္စလာမ်ဂေါပကအဖွဲ့တွေဘက်က ခံဝန်ကတိ လက်မှတ်ရေးထိုးပေးလိုက်တယ် လို့ အစ္စလာမ်ဘာသာရေး အဖွဲ့ချုပ်က ပြောပါတယ်။ ရွေးကောက်ပွဲနီးကပ်လာချိန် ဘာသာရေးအကြောင်းပြ ပဋိပက္ခ အကြမ်းဖက်မှုတွေ မဖြစ်အောင် အတတ်နိုင်ဆုံး ပြေလည်အောင် ဖြေရှင်းနေကြ ပါတယ်လို့လည်း အစ္စလာမ် ဘာသာရေးအဖွဲ့ချုပ် တာဝန်ရှိသူကပြောပါတယ်။အသေးစိတ် မဆုမွန် ဆက်ပြောပြပါမယ်။

ဒီကနေ့ ရန်ကုန်တိုင်း သာကေတမြို့နယ်ထဲက အစ္စလာမ်ဘာသာရေး စာသင်ကျောင်း (၈)ကျောင်းမှာ စာသင်သားတွေ ဝတ်ပြုရှိခိုးနေကြတယ်ဆိုပြီး တိုင်တန်းလာတဲ့ အတွက် သက်ဆိုင်ရာ အစ္စလာမ်စာသင်ကျောင်းတာဝန်ရှိသူတွေ အနေနဲ့ သာကေတမြို့နယ် အထွေထွေ အုပ်ချုပ်ရေးဦးစီးဌာန အုပ်ချုပ်ရေးမှူးရုံးမှာ သွားရောက်ဖြေရှင်းခဲ့ရတယ်လို့ အစ္စလာမ်ဘာသာရေးအဖွဲ့ချုပ် ဗဟိုကော်မတီဝင် ဦးကိုကိုလတ်က အဖြစ်အပျက်ကို ဗွီအိုအေမြန်မာပိုင်းကို အခုလိုရှင်းပြပါတယ်။

“အစ္စလာမ်ဘာသာရေး စာသင်ကျောင်း သာကေတမှာ (၈)ကျောင်းရှိတယ်ပေါ့။ အဲဒီ ၈ ကျောင်းမှာ ၀တ်ပြုတာပေါ့။ အစ္စလာမ်ဘာသာ ထုံးတမ်းစဉ်အရ စာသင်တယ်။ သင်ပြီးသွားရင် ကလေးတွေက ဘုရားဝတ်ပြုကြတယ်ပေါ့။ အဲဒီ ဘုရားဝတ်ပြုတဲ့ဟာ ကို ကျောင်းမှာ စာပဲတင်ရမယ်။ ဘုရားဝတ်မပြုရဘူး။ အစ္စလာမ်ဘာသာရဲ့ ထုံးတန်းစဉ်လာအရ ၀တ်စားဆင်ယဉ်မှုကို မ၀တ်ရဘူး။ ဦးထုတ်တွေ မဆောင်းရဘူး။ အဲဒါတွေကို မလုပ်ဖို့အတွက်ကို တားမြစ်ပါတယ်ဆိုပြီး သူတို့က လာတားမြစ်ပါတယ်။ လာတားမြစ်တော့ ပလီဂေါပက အဖွဲ့တွေကလည်း သူတို့က ညှိညှိနှိုင်း၊ ငြိမ်းငြိမ်းချမ်းချမ်းဖြစ်ချင်တဲ့အတွက်ကို အစ္စလာမ် ဘာသာရေးအဖွဲ့အစည်းတွေကလည်း သူတို့က ဒီကိစ္စကို ဘာပဲတောင်းဆိုတောင်းဆို ကျနော်တို့ဖက်က တောင်းဆိုတာကို လိုက်လျှောပေးပြီးတော့ လက်မှတ်ထိုးပေးဆိုရင်လည်း၊ ကျနော်တို့က ထိုးပေးပြီးတော့ နောက်ဆုံးကျောင်းကော်မတီ ဥက္ကဋ္ဌနေရာကနေပြီးတော့ လက်မှတ်ထိုးပေးပြီးတော့ အေးအေးချမ်းချမ်းပဲ ပြီးဆုံးသွားပါတယ်။”

ရွေးကောက်ပွဲ ကျင်းပဖို့ ရက်ပိုင်းလောက်ပဲ အချိန်နီးကပ်လာချိန်မှာ ဘာသာရေး အသွင်ဆောင် အကြမ်းဖက်မှုတွေဖန်တီးပြီး ရွေးကောက်ပွဲ ပျက်ပြားအောင် လုပ်ဆောင်လာမှာကို မလိုလားဘူးလို့လည်း အစ္စလာမ်ဘာသာရေး အဖွဲ့ချုပ်က ပြောပါတယ်။ ဒါကြောင့် ဘာသာရေး အကြောင်းပြ ပဋိပက္ခ အကြမ်းဖက်မှုတွေ မဖြစ်အောင် အစ္စလာမ်ဘာသာရေးအဖွဲ့ချုပ်အနေနဲ့ အတတ်နိုင်ဆုံး ပြေလည်အောင် ဖြေရှင်းနေကြပါတယ်လို့လည်း တာဝန်ရှိသူ ဦးကိုကိုလတ်ကပြောပါတယ်။

“ဒီရွေးကောက်ပွဲ အချိန်ကာလတွေနီးလာတာနဲ့အမျှ သက်ဆိုင်ရာ ဌာနဆိုင်ရာတွေကနေပြီးတော့ ဒါမျိုးတွေဖြစ်ဖြစ်ခြင်းကို အရေးယူပေးမယ် ဆိုရင်တော့ ပိုပြီးသင့်တော်မယ်လို့ ကျနော်ထင်ပါတယ်။ ကျနော်တို့ အစ္စလာမ် ဘာသာတွေအနေနဲ့ပြောရမယ်ဆိုရင်တော့ အမြဲတမ်း ငြိမ်းငြိမ်းချမ်းချမ်းပဲ ကျနော်တို့ဖြေရှင်းပါတယ်။ ကျနော်တို့ သီးခံပါတယ်။ ဘယ်သူကဖြစ်ဖြစ် ကိုယ်ကပဲ မှားသည်ဖြစ်စေ၊ မှန်သည်ဖြစ်စေ ကျနော်တို့က အရင်ဆုံးတောင်းပန် လိုက်တာပေါ့။ တောင်းပန်ပြီးတော့ အာဏာပိုင်ကိုတော့ အကြောင်းကြားပါတယ်။ အကြောင်းကြားပြီးတော့ အာဏာပိုင်နဲ့ ညှိနှိုင်းဆောင်ရွက်မှုတွေ လုပ်ပြီးတော့မှ ငြိမ်းငြိမ်းချမ်းချမ်းဖြေရှင်းတဲ့အထိပါပဲ။ ကျနော်တို့ကတော့ ဒေါသကို အရှည် မထားပါဘူး။ အဲဒီမှာ လူငယ်တွေကတော့ ပြောကြဆိုကြတာတို့၊ အင်တာနက်ထဲမှာ ရေးကြတာတို့ရှိကြတာပဲ၊ ဒါတွေကိုလည်း မလုပ်ဖို့ မကိုင်ဖို့နဲ့ ဒေါသ အလျှောက် မပြောမိဖို့ မဆိုမိဖို့ လည်း ကျနော်တို့ ဘာသာရေး အဖွဲ့အစည်းတွေကလည်း အဲဒီလူငယ်တွေကိုလည်း အမြဲပြောလေ့ပြောထ ရှိပါတယ်။”

ဒါပေမဲ့ မြန်မာနိုင်ငံမှာ လူမျိုးရေး၊ ဘာသာရေးအသွင်ဆောင် ပဋိပက္ခတွေဖြစ်ပျက် ခဲ့ချိန်တိုင်း သက်ဆိုင်ရာ အာဏာပိုင်တွေဘက်က အချိန်နဲ့ တပြေးညီ ဆောင်ရွက်မှုတွေ အားနည်းခဲ့တဲ့ အတွက်ဒီလို တင်းမာမှုတွေဖြစ် လာချိန်မှာ လုံခြုံရေး တာဝန်ရှိသူတွေဘက်က ပြည်သူတွေရဲ့ အသက်အိုးအိမ် အန္တရာယ်မဖြစ်စေရေး လုံခြုံရေးယူပြီး စနစ်တကျအလေးအနက်ထား စီစဉ်ဆောင်ရွက်ပေးသင့်တယ်လို့လည်း မေတ္တာရပ်ခံပါတယ်။

“ကျနော့်အနေနဲ့ လုံခြုံရေး တာဝန်ယူတဲ့လူတွေကို အကြံပြုချင်တာ ကတော့ ဖြစ်ဖြစ်ချင်း ကို အမြန်ဆုံးလုပ်ပေးဖို့ပေါ့။ ကျနော်တို့ မိတ္တလာမှာ ဖြစ်ခဲ့တဲ့ ကလေးတွေ အသက်ဆုံးရှူံးခဲ့ရပါတယ်။ အဲဒီအချိန်တုန်းက လုံခြုံရေးတွေ အချိန်မှီ မရောက်လာလို့ ကျနော်တို့ စာသင်ကျောင်းက ကလေးတွေ အသက် ဆုံးရှံးခဲ့ရပါတယ်။ ဒါမျိုးကို နောက်ထပ်မဖြစ်ဖို့အတွက်ကို ဘယ်နေရာမှာ၊ ဘယ်ဒေသမဆို တခုခု ဖြစ်တော့မယ်ဆိုရင် လုံခြုံရေးက အရင်ဆုံး ချထားပြီးတော့မှ ဖြေရှင်းတာ ပိုကောင်းမယ်လို့ အကြံပြုချင်ပါတယ်။”

ဒီအကြောင်းနဲ့ပတ်သက်လို့ သာကေတမြို့နယ် အုပ်ချုပ်ရေးမှူး တာဝန်ရှိသူတွေကို ဆက်သွယ်မေးမြန်းဖို့ ကြိုးစားခဲ့ပေမဲ့ ဆက်သွယ်လို့မရခဲ့ပါဘူး။

အခုလို ရွေးကောက်ပွဲကြီး ကျင်းပဖို့ ရက်ပိုင်းလောက်ပဲ နီးကပ်လာချိန်မှာ အတိုက်အခံ နိုင်ငံရေးပါတီ အပေါ် ဘာသာရေး အသွင်ဆောင် စည်းရုံးလှုံ့ဆော် တိုက်ခိုက်မှုတွေ ရှိနေသလို၊ မြန်မာနိုင်ငံတွင်းမှာလည်း မကြာသေးခင်နှစ်ပိုင်းတွေက လူမျိုးရေး၊ ဘာသာရေးအသွင်ဆောင် အဓိကရုဏ်းတွေဖြစ်ခဲ့ပြီး လူသေဆုံးမှု အထိ ဖြစ်ခဲ့ရသလို နှစ်ဘက်လူ့အဖွဲ့အစည်းကြား ပျက်ဆီးဆုံးရှုံးမှုတွေလည်း ရင်ဆိုင်ခဲ့ရပါတယ်။

မဆုမွန် / ဗွီအိုအေ (မြန်မာပိုင်း)
http://burmese.voanews.com

ပြည်ထောင်စု ရွေးကောက်ပွဲ ကော်မရှင် ဥက္ကဋ္ဌ ဦးတင်အေး
 နိုင်ငံပြင်ပမှာ ရှိနေတဲ့ မဲဆန္ဒရှင်တွေ ကြိုတင်မဲပေးရာမှာ မဲပြား မစုံလင်တဲ့အတွက် ရသလောက်ပဲ မဲပေးခဲ့ကြသူတွေနဲ့ မဲစာရင်းနာမည် ပါပေမယ့် မဲပြားမရလို့ မဲမပေးရသူတွေ အတွက် မဲပြားတွေ ထပ်မံပို့ပေးမယ် လို့ ပြည်ထောင်စု ရွေးကောက်ပွဲ ကော်မရှင် ဥက္ကဋ္ဌ ဦးတင်အေးက ပြောဆို လိုက်ပါတယ်။ အချိန် အကန့်အသတ်ကြောင့် နိုင်ငံ အနီးအနား တိုင်းပြည်တွေကိုဘဲ ပေးပို့နိုင်မယ်လို့လည်း သူကပြောဆိုလိုက်ပါတယ်။ လက်ရှိကြိုတင်မဲပေးရာမှာ တွေ့ကြုံနေရတဲ့ ပြဿနာတွေဟာ ပြည်ထောင်စုရွေးကောက်ပွဲ ကော်မရှင် အပါအဝင် နိုင်ငံခြားရေးဝန်ကြီးဌာနနဲ့ မဲဆန္ဒရှင်ပြည်သူတွေရဲ့ အားနည်းချက်ကြောင့် ဖြစ်တယ်လို့လည်း သူက ပြောပါတယ်။ ဒီ သတင်း အပြည့်အစုံကိုတော့ ဗွီအိုအေ သတင်း ထောက် မေခကပေးပို့ထားပါတယ်။

ဒီကနေ့ ပြည်ထောင်စုရွေးကောက်ပွဲ ကော်မရှင်နဲ့ နိုင်ငံရေးပါတီတွေတွေ့ဆုံချိန်မှာ အခုလိုပြောဆို လိုက်တာပါ။ ကြိုတင်မဲပေးရာမှာ အခက်အခဲကြုံတွေ့နေရ တဲ့ ပြည်ပရောက် မဲဆန္ဒရှင်တွေအနေနဲ့ အချိန် ကန့်သတ်ချက် ရှိတာကြောင့် ဝေးလံတဲ့နိုင်ငံရပ်ခြား တိုင်းပြည်တွေ မှာ ရောက်ရှိနေတဲ့ မြန်မာနိုင်ငံသားတွေအနေနဲ့ ကတော့ ပြန် ပြီးမဲပေးခွင့်ရဖို့ မသေချာဘူးလို့ ပြည်ထောင်စု ရွေး ကောက်ပွဲ ကော်မရှင်ဥက္ကဋ္ဌ ဦးတင်အေးက ပြောဆိုလိုက်ပါတယ်။

“အားနည်းချက်တွေကတော့ ကော်မရှင်ဖက်ကကော၊ နိုင်ငံခြားရေးဝန်ကြီးဖက် ကကော၊ မဲဆန္ဒရှင်တွေဖက်ကကော အတွေ့အကြုံတွေမရှိတဲ့အခါကတော့ ဒီအပေါ်မှာ ချို့ယွင်း အားနည်းချက်တွေ ရှိကောင်းရှိပါမယ်။ ဘယ်လိုပဲဖြစ်ဖြစ် ကော်မရှင် အနေနဲ့တော့ အစွမ်းကုန်ကြိုးစားပေးနေတယ်လို့ ကျနော်ပြောချင်တယ်။ အကြောင်းအမျိုးမျိုးကြောင့် မပါသွားဘူးဆိုရင် အချိန်မှီတဲ့ တိုင်းပြည်တွေဆိုရင် ကျနော်တို့ ပို့ပေးနိုင်အောင် ကြိုးစားပါ့မယ်။ ဒါကို ကျနော်တို့ နိုင်ငံခြားရေး ၀န်ကြီးဌာနနဲ့ ညှိနေပါတယ်။ အချို့သော တိုင်းပြည်တွေက အချိန်မမှီဘူးဆိုရင်လည်း ပိုဖြစ်တော့မှာ မဟုတ်ပါဘူး။ ကျနော်ပြောနိုင်တာကတော့ စင်္ကာပူတို့လို အနီးအနားမှာ ရှိတဲ့ အများစုပါ ၊ ဒါမျိုးဆိုရင် ဘယ်သူတွေဟာ နာမည်စာရင်း ပါပါလျှက် မဲလက်မှတ်မရဘူး ဆိုရင် ပို့ပေးပါမယ်။ ဝေးတဲ့ဟာတွေ ကျတော့ ကျနော်တို့ အခက်အခဲရှိပါတယ်။ ဖြစ်နိုင်သမျှ နိုင်ငံခြားရေး ၀န်ကြီးဌာနနဲ့ ကော်မရှင်နဲ့ ပူးပေါင်းပြီးတော့ ဆောင်ရွက်ပေးမယ် လို့ ပြောချင်ပါတယ်။”

နိုင်ငံပြင်ပရောက် ကြိုတင်မဲပေးခွင့် မရတဲ့ကိစ္စကို ရွေးကောက်ပွဲ ကော်မရှင်အနေနဲ့ အကူညီပေးရင် အဆင်ပြေသွားနိုင်ပေမယ့် ကော်မရှင်အနေနဲ့ ဘယ်လိုလုပ်မယ် ဆိုတာ တိတိကျကျပြောတာ မရှိဘူးလို့ အမျိုးသား ဒီမိုကရေစီ အဖွဲ့ချုပ်ရဲ့ ဗဟိုအလုပ် အမှုဆောင် ဦးဉာဏ်ဝင်းက ပြောပါတယ်။

“အဲတော့ ကော်မရှင်က အကူအညီပေးမယ်ဆိုရင် တချို့နေရာတွေမှာ သက်သာသွားမယ် လို့ အန်ကယ်တို့ထင်တယ်။ သို့သော် ကော်မရှင် က ဘာလုပ်လဲ ဆိုတာတော့ ကျနော်တို့ မသိပါဘူး။ အကျိုးဆက်ကလေ အန်ကယ်တို့တော့ မျှော်လင့်တယ်၊ အနည်းစုဖြစ်ပါစေလို့ပဲ ဆုတောင်းတယ်။ အများစုဖြစ်တယ် ဆိုရင်တော့ ဒီရွေးကောက်ပွဲက မျှတမှုမရှိတော့ဘူး လို့ ပြောရမှာပေါ့။ အနည်းစုဆိုရင် ချင့်ချိန်ပြီးတော့ ဆုံးဖြတ်ရမှာပေါ့။ အနည်းစုဖြစ်ပါစေလို့ပဲ ဆုတောင်းတယ်။”

အမျိုးသားဒီမိုကရေစီပါတီသစ်က ဦးကျော်ကတော့ ကြိုတင်မဲ ပြဿနာကို ဖြေရှင်းဖို့ ကော်မရှင် မှာ တာဝန်ရှိတယ်လို့ ခုလိုပြောပါတယ်။

“အဲဒါ သံရုံးနဲ့ ကော်မရှင်ပေါ်မှာ မှုတည်တယ်။ အပြည့်အစုံသူက ပို့ပေးရမယ်။ အမျိုးသားလွှတ်တော်မဲကို အမျိုးသားလွှတ်တော်မဲကို ပို့ပေးရမယ်။ တိုင်းဒေသကြီး၊ ပြည်နယ် လွှတ်တော်မဲကိုပို့ပေးရမယ်။ ပို့ပေးတာက အလွှတ်တွေပဲ ပို့ပေးရမှာ။ အဲဒီကျမှ သံရုံးက အရာရှိက မဲရုံမှူးကိုယ်စား လက်မှတ်ထိုးပြီး ထုတ်ပေးရမှာ၊ အဲဒီစာရွက်က သူ့ဆီမှာ မရှိဘူးဆိုရင်တော့ ကော်မရှင်ရဲ့ တာဝန်ဖြစ်သွားပြီပေါ့။ ဒါကော်မရှင်တာဝန်ဖြစ်သွားတာဆိုတော့ ဒီမဲနစ်နာမှုက တိုင်းပြည်အတွက် နစ်နာတာနဲ့ အတူတူပဲဖြစ်သွားပြီ။

အခုလို မဲပေးခွင့်ဆုံးရုံးတဲ့ ပြည်ပရောက်နိုင်ငံသားတွေအတွက် ဒီမဲရရှိဖို့အတွက်ကို သံရုံးနဲ့ UEC နဲ့ ဆက်သွယ်ပြီး အမြန်ဆုံးအကောင်အထည်ဖော်ရင် ဒီကိစ္စပြေလည်သွားနိုင်ပါတယ်။ ဒီမဲစာရင်းပို့တာ ဘာမှ ပြဿနာမဟုတ်ဘူးလေ။ ဘာဖြစ်လို့ မဲစာရင်း စာရွက်မရောက်ရမှာလဲ၊ မရ ရမှာလဲဆိုတာ ကောင်းတဲ့ အလားအလာမဟုတ်ဘူး။ မဲစာရွက်မရဘူးဆိုတာ ဒါမဖြစ်သင့်တဲ့ဟာ။

လက်ရှိမှာတော့ နိုင်ငံပေါင်း ၃၇ နိုင်ငံမှာရှိတဲ့ သံရုံးပေါင်း ၄၄ရုံးက သက်ဆိုင်ရာ သံရုံးတွေ အစီအစဉ်နဲ့ မဲပေးရက်သတ်မှတ်ပြီး ကြိုတင်မဲပေးခြင်းလုပ်ငန်းကို စတင်ဆောင်ရွက်နေပါတယ်။ စင်ကာပူနိုင်ငံ၊ ဂျပန်နိုင်ငံ၊ တောင်ကိုရီးယား၊ မလေးရှား၊ ထိုင်းနဲ့ သြစတြေးလျ၊ ဗြိတိန်နိုင်ငံ စတဲ့ နိုင်ငံတကာရောက် မြန်မာနိုင်ငံ သားတွေ ကြိုတင်မဲ ပေးကြတဲ့အချိန် မဲစာရင်းထဲပါပေမဲ့ မဲလက်မှတ် မပါတာ၊ မဲပေးတဲ့ပုံစံဖြည့်ပေမဲ့ မဲစာရင်းထဲမပါတာ ကြိုတင်မဲလက်မှတ် အရေအတွက် မှားယွင်းမှုတွေ ရှိနေတာ စတဲ့ အခက်အခဲတွေ များစွာနဲ့ ရင်ဆိုင်နေရပါတယ်။ အဲ့ဒီအတွက် ရွေးကောက်ပွဲ ကော်မရှင်ရဲ့ လုပ်ရပ်အပေါ် ဝေဖန်မှုတွေ ထွက်ပေါ် လျက်ရှိပါတယ်။

ပြည်ပရောက်မြန်မာတွေအနေနဲ့ ကြိုတင်ဆန္ဒမဲတွေကို နိုင်ငံတကာသံရုံးတွေမှာ ပြီးခဲ့တဲ့ တနင်္ဂနွေနေ့က နောက်ဆုံးထားပေးခဲ့ကြတာပါ။ မဲပေးသူ များပြားလွန်းလို့ အချိန်မလောက်တာကြောင့် စင်ကာပူနိုင်ငံနဲ့ ဂျပန်နိုင်ငံ မြန်မာသံရုံးတွေကတော့ ကြိတင်ဆန္ဒမဲ ပေးရက်ကို တိုးမြှင့်ပေးခဲ့ပါတယ်။ မဲမပေးခဲ့ရသူတွေအတွက် မဲပြားတွေ ထပ်ပို့ပေးမယ်လို့ ကော်မရှင် ဥက္ကဋ္ဌက ပြောပေမယ့်၊ မဲထပ်ပေးနိုင်ဖို့ သံရုံးတွေအနေနဲ့ ဘယ်လို စီမံပေးမလဲဆိုတာကိုတော့ အတိအကျ မသိရသေးပါဘူး။ ပြည်တွင်းမှာတော့ ကြိုတင်မဲတွေကို အောက်တိုဘာ ၂၉ရက်နေ့မှ စတင်ပေးရမှာဖြစ်ပါတယ်။

နိုင်ငံတကာက မြန်မာသံရုံးတွေမှာ ကြိုတင်ဆန္ဒမဲပေးကြတဲ့အခါ အမှားအယွင်း အချို့ရှိခဲ့တဲ့ အပေါ်မှာ သံရုံးအချို့က ကြေညာချက်တွေ ထုတ်ခဲ့ပါတယ်။ ၀ါရှင်တန်ဒီစီ မှာရှိတဲ့ အမေရိကန်ဆိုင်ရာ မြန်မာသံရုံး သံအမတ်ကြီး ဦးကျော်မျိုးထွဋ် ကလည်း ကြေညာချက် တစောင် ထုတ်ပြန်ပါတယ်။ ကြိုတင် ဆန္ဒမဲပေးမှုတွေ အောင်မြင်စွာ ပြီးဆုံး ခဲ့သည်ဟု ပြောဆိုလိုသော်လည်း၊ အကြောင်းကြောင်းကို ထောက်ရှုပြီး ပြောဆိုရန် ၀န်လေးမိပါသည်ဟု သံအမတ်ကြီး ဦးကျော်မျိုးထွဋ်က ရေးသားထားပါတယ်။

ကြိုတင်ဆန္ဒမဲ ပေးသူအချို့ ဆန္ဒများ မပြည့်ဝခဲ့သည်ကို ၀မ်းနည်းစွာ ကြုံတွေ့ခဲ့ရပါသည် လို့လည်း ရေးထားပါတယ်။ ကြိုတင်ဆန္ဒမဲ ပေးခွင့်မရသူတွေ အတွက် ထောက်ခံချက်များ ထုတ်ပေးလျက်ရှိပြိး၊ ကြိုတင်မဲလက်မှတ်တွေ ပြန်လည် ရရှိဖို့ နိုင်ငံခြားရေးဝန်ကြီးဌာနကတဆင့် ပြည်ထောင်စုရွေးကောက်ပွဲ ကော်မရှင် သို့ ပြန်လည် ညှိနှိုင်းကြိုးပမ်း ဆောင်ရွက်ချက်ရှိကြောင်းလည်း ၀ါရှင်တန် သံအမတ်ကြီးရဲ့ အဲဒီ ထုတ်ပြန်ချက်မှာ ဖော်ပြထားပါတယ်။

မေခ / ဗွီအိုအေ (မြန်မာပိုင်း)
http://burmese.voanews.com


 ဘီဘီစီ မြန်မာပိုင်း အစီအစဉ်ရဲ့ အောက်တိုဘာလ ၁၈ ရက် တနင်္ဂနွေနေ့ နံနက်ခင်း ထုတ်လွှင့်မှုနဲ့ ပတ်သက်ပြီး ပြန်ကြာရေး ဝန်ကြီးဌာနရဲ့ ဖေ့စ်ဘွတ်မှာ သတင်းထုတ်ပြန်ချက် အဖြစ် ဖော်ပြချက်ကို ဘီဘီစီ မြန်မာပိုင်း ဌာနမှူး ဒေါ်တင်ထားဆွေက အခုလို ပြန်လည် ဖြေကြားလိုက်ပါတယ်။

 'ရွေးကောက်ပွဲ အကြို မဲဆွယ်ချိန်မှာ မဲပေးမယ့် မဲဆန္ဒရှင်တွေရဲ့ အမြင်အမျိုးမျိုးကို ဘီဘီစီ အနေနဲ့ သတင်း တင်ဆက်ပေးတာဟာ ပုံမှန် လုပ်ရိုးလုပ်စဉ် တစ်ခုပဲ ဖြစ်ပါတယ်။ ကြံ့ခိုင်ရေး ပါတီကို မဲပေးချင်တယ် ဆိုတဲ့ ဧရာဝတီ မြစ်ဝကျွန်းပေါ် ဒေသက အမျိုးသမီး တစ်ဦးနဲ့ အမျိုးသား တစ်ဦးရဲ့ ပြောကြားချက်ကိုလည်း အောက်တိုဘာ လ ၁၂ ရက် ဘီဘီစီ မြန်မာပိုင်း အစီအစဉ်ရဲ့ ဖေ့စ်ဘွတ်မှာ တင်ဆက်ပေးခဲ့ပါတယ်။ ကြံ့ခိုင်ရေး ပါတီက သူတို့ နယ်မြေက ကလေးတွေအတွက် ကျောင်းတွေကို ထောက်ပံ့ပေးပြီး ကျေးရွာဖွံ့ဖြိုးရေးတွေ လုပ်ပေးလို့ မဲပေးချင်တယ်လို့ အဲဒီ အမျိုးသမီးက ဆိုပါတယ်။ ပြီးခဲ့တဲ့ တနင်္ဂနွေနေ့က ထုတ်လွှင့်ချက်မှာတော့ အန်အယ်လ်ဒီ ပါတီ ထောက်ခံသူတွေရဲ့ အမြင်ကို နားဆင်ခဲ့ရသလို၊ တခြား ပါတီတွေကို ထောက်ခံသူတွေနဲ့ ဘယ်ပါတီကို မဲပေးရမှန်း မသိ မဆုံးဖြတ်နိုင်သူတွေရဲ့ အသံတွေကိုလည်း ဘီဘီစီက ထုတ်လွှင့်ခဲ့ပါတယ်။ ဘီဘီစီ မြန်မာပိုင်းရဲ့ တင်ဆက်မှုတွေဟာ ဘီဘီစီရဲ့ တိကျခိုင်မာတဲ့ သတင်းမူဝါဒ စည်းမျဉ်းတွေကို လိုက်နာပြီး ထုတ်လွှင့် တင်ဆက်ပေးနေတာ ဖြစ်ပါတယ်။ ဒီလိုပဲ လာမယ့် ရွေးကောက်ပွဲနဲ့ ပတ်သက်တဲ့ ဘီဘီစီရဲ့ တင်ဆက်မှုတွေမှာလည်း ဘက်မလိုက်ဘဲ တိကျမျှတတဲ့ သတင်းတွေကို ထုတ်လွှင့် တင်ဆက်ပေးသွားမှာ ဖြစ်ပါတယ်။'

BBC Burmese
http://www.bbc.com/burmese

(ဓာတ်ပုံ- Chinland Guardian)
ရန်ကုန်၊ အောက်တိုဘာ ၂၀

ချင်းပြည်နယ် တီးတိန်မြို့ရှိ ချင်းအမျိုးသား တပ်ဦး ( CNF) ၏ ဆက်သွယ်ရေးရုံးတွင် အောက်တိုဘာလ ၁၉ ရက်နေ့ ညဥ့် ၁၁ နာရီ ၁၅ မိနစ်က ဗုံးတစ်လုံး ပေါက်ကွဲခဲ့သည်ဟု Chinland Guardian com မှ သတင်း ရေးသား ဖော်ပြသည်။

၎င်းဗုံးမှာ ချိန်ကိုက်ဗုံး အမျိုးအစား ဖြစ်နိုင်ကြောင်း၊ ဒဏ်ရာရသူ တစ်ဦးတစ်ယောက်မှ မရှိကြောင်း အောက်တိုဘာလ ၂၀ နေ့စွဲဖြင့် No injuries at bomb blast in CNF liaison Office ခေါင်းစဉ်ဖြင့် ရေးသား ထားသော သတင်းတွင် ဖော်ပြထားသည်။

ဗုံးပေါက်ကွဲမှုကြောင့် မှန်များ၊ တံခါးများ၊ အုတ်နံရံများ၊ ပရိဘောဂများ ကျိုးပျက် သွားသည်ဟု သတင်းတွင် ဖော်ပြထားသည်။ ယင်းရုံးတွင် CNF ရုံးအဖွဲ့ဝင် ကိုးဦး အလုပ် လုပ်ကိုင်နေသော ရုံး ဖြစ်ပြီး ပေါက်ကွဲချိန်တွင် တစ်ဦးတစ်ယောက်မျှ ရုံးတွင် ရှိမနေကြောင်း သိရသည်။

CNF ပြောခွင့်ရသူ ဒေါက်တာ ရွှေခါးမှ ဗုံးပေါက်ကွဲမှုကို အတည်ပြုပြောဆိုပြီး NCA လက်မှတ်ရေးထိုးမှုကို မကျေနပ်သူ တစ်ဦးတစ်ယောက်ကသော်လည်းကောင်း (သို့မဟုတ်) အများကသော်လည်းကောင်း ပြုလုပ်ပုံရသည်မှာ သိသာထင်ရှားကြောင်း ပြောဆိုသည်။

ချင်းအမျိုးသား တပ်ဦး ( CNF) သည် အောက်တိုဘာလ ၁၅ ရက်နေ့က အခြားတိုင်းရင်းသား လက်နက်ကိုင် ခုနှစ်ဖွဲ့နှင့် အတူ တစ်နိုင်ငံလုံး အပစ်အခတ် ရပ်စဲရေး စာချုပ် NCA တွင် လက်မှတ်ရေးထိုးခဲ့သည်။

Arakan State
https://www.facebook.com/NarinjaraNews

[youtube src="3HpoUW6FAhA"/]
ပြည်ထောင်စုရွေးကောက်ပွဲကော်မရှင် ဥက္ကဋ္ဌဦးတင်အေးဟာ နိုင်ငံရေးပါတီက ခေါင်းဆောင်တွေနဲ့ ဒီကနေ့ ရန်ကုန်မြို့ Park Royal ဟိုတယ်မှာ တွေ့ဆုံခဲ့ပါတယ်။ အဲဒီတွေ့ဆုံပွဲမှာ နိုင်ငံခြားမှာနေထိုင်ကြတဲ့ မြန်မာနိုင်ငံသားတွေရဲ့ ကြိုတင်မဲကိစ္စ၊ တပ်မတော်သားတွေရဲ့ ကြိုတင်မဲကိစ္စတွေကို ရှင်းပြခဲ့ပါတယ်။

RFA

Author Name

Contact Form

Name

Email *

Message *

Powered by Blogger.