10/28/15

ချစ်သမီးကို ဖေ့ဘုတ်သုံးသူတွေ သတိထားမိကြပါတယ်။ ခုတော့ ပို့စ်တခုကြောင့် အရေးယူခံနေရပါပြီ။ သူ့ကို အရေးယူတယ်ဆိုတော့ တော်တော်များများ အံ့အားသင့်ကြမှာပါ။ စွပ်စွဲတဲ့ပို့စ်ထက် အများကြီးဆိုးတဲ့ ပို့စ်တွေ ဖေ့ဘုတ်မှာ ပလူပျံနေတာပါ။ အစိုးရဖက်ရော အတိုက်အခံဖက်ကရော နှစ်ဖက်စလုံး တင်နေကြတာပါ။ သူနဲ့ မရှေးမနှောင်းမှာလဲ ဖေ့ဘုတ်သုံးသူတချို့ အရေးယူခံရပါတယ်။ အရေးယူရင်လဲ နှစ်ဖက်စလုံး ယူသင့်တယ်။ နှစ်ဖက်လုံးမှာ ဒီပို့စ်ထက် ဆိုးတာတွေ အများကြီးပါဘဲ။ ဘာလို့ သူ့ကျမှ အရေးယူသလဲ စဉ်းစားကြည့်ရအောင်။
.
သူက ကာကွယ်ရေးဦးစီးချုပ်အကြောင်းပါတာ ရေးလို့ကိုး။ ကာချုပ်သည် နိုင်ငံရေးသမား မဟုတ်။ ဝန်ထမ်းဘဲဖြစ်တယ်။ ဝန်ထမ်းသည် နိုင်ငံရေး သမား မဟုတ်တော့ အရေမထူဘူး။ဒါပေမဲ့ ကာချုပ်ကို ကြံ့ဖွံနဲ့ရောမြင်နေကြတာ ခက်တယ်။ ကြံ့ဖွံကိုရေးတာ ပြဿနာမဟုတ်ပေမဲ့ ကာချုပ်ကိုပါ ရောရေးနေကြတာ ကြိုက်ဟန်မတူဘူး။ နိုင်ငံရေးသမားတွေနဲ့ နိုင်ငံ့ဝန်ထမ်း တပ်မတော်သားတွေကို ခွဲမြင်စေချင်လာတဲ့ သဘောလဲ ပြလိုက်တာဘဲ။ ရှေ့လျှောက်ဆင်ခြင်ကြရမှာပေါ့။
.
ဒါပေမဲ့ ခုအချိန်မှ ထ အရေးယူတာလဲ နောက်တကြောင်း ရှိနိုင်တယ်။ မေလလောက်က ဦးရွှေမန်း ပြုစုခိုင်းလိုက်တဲ့ ကြံ့ဖွံစစ်တမ်းအရ လာမဲ့ရွေးကောက်ပွဲမှာ ကြံ့ဖွံအခြေအနေ မကောင်းနိုင်တာ သိသွားပြီ။ အစိုးရဖွဲ့ဖို့ ဝေးလို့ အဓိက အတိုက်အခံဖြစ်ဖို့ အားတောင်သိပ်မရှိနိုင်တာ သိသွားပြီ။ ဒီတော့ လွှတ်တော်ထဲမှာ အရင်ပုဂ္ဂိုလ်တွေရဲ့ voice ကောင်းဖို့ တပ်မတော်ရဲ့ ၂၅% ဘဲ ရှိတော့တယ်။ ဒီ၂၅%ရဲ့ အကြီးအမှူးဖြစ်တဲ့ ကာချုပ်ကို အများအမြင်မှာ impression ကောင်းဖို့လိုတယ်။ သူသည် အရင်အဖွဲ့ကြီးကို အကာအကွယ်ပေးမဲ့ နောက်ဆုံး ခံတပ်ဘဲ။ သူ့ကို လူအများစု မလေးမစားဖြစ်နေလို့ မသင့်တော်ဘူး။ ဒီတော့ ပုဂ္ဂိုလ်ရေး သိက္ခာချတာတွေကို ခုကတည်းက စဟန့်လိုက်တဲ့ သဘောဘဲ ဖြစ်မယ်ထင်ပါတယ်။ အများ လေးစားဖို့ လိုလာပြီလေ။
.
အရင်ကတော့ လွှတ်ထားပြီး ခုမှ ကောက်ခါငင်ခါ အရေးယူလို့ ဖြစ်နိုင်လောက်တဲ့အကြောင်း တွေးကြည့်တာပါ။ ကိုယ်ဥာဏ်မီသလောက်ပေါ့။ နောက်တချက်လဲ ဖြစ်နိုင်သေးတယ်။ အဲဒါက ဗမာစကားပုံလား၊ ဆိုရိုးစကားလား၊ အဲဒါကြောင့်လဲ ဖြစ်နိုင်တယ်။ ထင်တာတွေ ကွန်မန့်မှာ ရေးကြပေါ့။ ကိုယ်တိုင်တော့ မရေးတော့ပါဘူး။ ချစ်သမီးနောက်လိုက်ရမှာစိုးလို့။ ဖတ်သူတွေ ကိုယ့်ဖာသာကိုယ် တွေးကြတော့ဗျာ။
ချစ်သမီး အမြန်ဆုံး လွတ်ပါစေ။

aplar.blogspot.com.

Global Witness ရဲ့ မြန်မာ့ သယံဇာတ ကျောက်စိမ်း အရှုပ်တော်ပုံ အစီရင်ခံစာကြီး က လက်ရှိ အစိုးရကို ရွေးကောက်ပွဲ မတိုင်မီ အကြီးအကျယ် ထိုးနှက်သလို ဖြစ်ခဲ့ရပေမယ့် ဒီကိစ္စကို ခုချိန်ထိ ဖြေရှင်းချက် မပေးသေးပဲ ငြိမ်နေကြပါတယ်၊

သူတို့ကသာ တုံတီဘာဝေ ရူးချင်ယောင်ဆောင်နေပေမယ့် တကယ်တမ်း အစီရင်ခံစာထဲမှာ ပါလာတဲ့ နှီးနွယ်နေတဲ့ ပြည်တွင်း ပြည်ပ ကုမဏ္ကီများ အတော်ကို ဂယက်ရိုက်နေပါတယ် ကျည်ကွယ်မျက်ကွယ်တွေ ယူကုန်ကြပါတယ်။

ဖေါ်ကောင် ဘညွန့် လုပ်ခဲ့တဲ့ လူတွေကတော့ တေဇ နဲ့ ဦးဇော်ဇော်တို့ နှစ်ဦး ဖြစ်ပါတယ်။ အမေရိကန် ရဲ့ နံမည်ပျက်စာရင်းကနေ လွတ်ချင်နေကြတဲ့ အတွက် Global Witness နဲ့ အပြည့်အ၀ ပူးပေါင်း ဆောင်ရွက်ခဲ့ကြတယ်လို့ သိရပါတယ်။

ဘာဖြစ်လို့လည်းဆိုတော့ ကျောက်စိမ်းလုပ်ငန်းဟာ စစ်အစိုးရဲ့ အဓိက အသက်ဆက်ရာ ဖြစ်နေတဲံ့အပြင် ကချင် နဲ့ စစ်ပွဲများ ဖြစ်ရာ အခြေခံ အကြောင်းရင်း ဖြစ်လာတဲ့အတွက် အမေရိကန်ရဲ့ မြန်မာအပေါ် ထားတဲ့ နိူင်ငံခြားရေး မူဝါဒမှာ အဓိက မှတ်ကျောက်တင်စရာ ဖြစ်လာပါတယ်။

အမေရိကန် သန်းပေါင်း ၃၁ ဘီလီယံကို ဘယ်လို ရခဲ့လည်းဆိုတာ Global Witness က အခုလို ရှင်းပြပါတယ်၊ ၂၀၁၄ အတွက် တရုတ်ပြည်က တရားဝင် ထုတ်ပြန်တဲ့ ကျောက်စိမ်း ၀ယ်ယူတင်သွင်းမှု ပမာဏ နဲ့ မြန်မာအစိုးရ ထုတ်ပြန်တဲ့ ကျောက်စိမ်း ထွက်ရှိမှု ပမာဏကို ပေါင်းပြီး တစ်ကီလို ပျှမ်းမျှ ပေါက်ဈေး နဲ့ မြှောက်လို့ရတဲ့ ပမာဏ ဖြစ်ပါတယ်၊ ဒါတောင်မှ တရားဝင် ထုတ်လုပ်ရရှိတဲ့ စာရင်း ပမာဏရဲ့ သုံးပုံတပုံပဲ ယူ တွက်ချက်ခဲ့တာ ဆိုပါတယ်။

ဒါကို ကြည့်ရင် ကချင် တိုင်းရင်းသား လက်နက်ကိုင်တွေ တရားမ၀င် အရောင်းအ၀ယ် လုပ်တာ မပါသေးဘူးဆိုတာ ထင်ရှားပါတယ်၊ ပါနေတဲ့ အဓိက ကျတဲ့ လူတွေ နဲ့ ကုမဏ္ကီတွေကတော့ အောက်ပါအတိုင်း အတိအကျ စာရင်းနဲ့ တင်ပြထားပါတယ်။

ဗိုလ်ချုပ်မှုးကြီး သန်းရွှေ မိသားစု
ဦးသန်းရွှေရဲ့ သား နှစ်ယောက် ဖြစ်တဲ့ ကြိုင်စန်းရွှေ နဲ့ ထွန်းနိူင်ရွှေ တို့ ပိုင်ဆိုင်တဲ့ Kyaing International နဲ့ Myanmar Naing Group တို့က ကျောက်စိမ်းတွင်း ၆ တွင်း အတွက် တူုးဖေါ်ခွင့်လိုင်စင်တွေကို လုပ်ထုံးလုပ်နည်းတွေ အတိုင်း လုပ်စရာ မလိုပဲ ချပေးလိုက်ရတယ်လို့ သတ္တုတွင်း ၀န်ကြီးဌာန အထက်တန်း အရာရှိတဦးက ပြောပြခဲ့ပါတယ်။

တတိယ ကုမဏ္ကီ ဖြစ်တဲ့ “ကြွယ်ဝဆုံး’ ကိုတော့ ခုန ကုမဏ္ကီ ၂ ခုရဲ့ ဒါရိုက်တာ ဦးဝင်းတင် အမည်နဲ့ မှတ်ပုံတင်ထားခဲ့ပါတယ်။ ၂၀၁၃ နဲ့ ၂၀၁၄ ရတနာပြပွဲတွေမှာ ကြိုင် နဲ့ နိူင် ကုမဏ္ကီတွေက ဒေါ်လာ သန်း ၇၀ ကျော်ဘိုး ရောင်းချနိူင်ခဲ့ပြီး ကြွယ်ဝဆုန်း ကတော့ သန်း ၂၂၀ ရရှိခဲ့တယ်လို့ ဖေါ်ပြထားပါတယ်။

ဦးသန်းရွှေ မိသားစု ပိုင်တဲ့ ကျောက်တွင်းတွေမှာ အဓိကလုပ်ကိုင်နေတာက တရုတ် နိူင်ငံသားတွေ ဖြစ်ပြီး ၀ စစ်တပ်ရဲ့ ကုမဏ္ကီတွေနဲ့ ပူးတွဲ လုပ်ကိုင်နေတယ်လို့ ဆိုပါတယ်။

နယ်လှယ်ပါးရိုက် ၀န်ကြီး ဦးအုန်းမြင့်

မြောက်ပိုင်းတိုင်း တိုင်းမှုးဘ၀ထဲက ဒေသတွင်းက ထွက်ရှိတဲ့ ကျောက်တွေကို သိမ်းယဲူခြင်း၊ လာဒ်ယူခြင်းတွေအပြင် နောက်ပိုင်းမှာ မိသားစုပိုင် Myanmar Win gate ကျောက်ရောင်းဝယ်ရေး ကုမဏ္ကီကို ဖွင့်လှစ် လုပ်ကိုင်ခဲ့ပါတယ်။ သား နဲ့ ချွေးမ နာမည်နဲ့ မှတ်ပုံတင်ခဲ့ပြီး ဖားကန့်မှာ ကျောက်တွင်း ၂ တွင်း ပိုင်ဆိုင်ပါတယ်။

ဦးမောင်မောင်သိမ်း

ဖြုတ်ချခံရတဲ့ ကြံဖွံ့ရဲ့ ပါတီ အတွင်းရေးမှုးပါ၊ တရားမ၀င် သစ်များ ရောင်းချနေမှုအပြင် မြတ်ယမုံ နဲ့ မျိုးနွယ် ကျောက် ကုမဏ္ကီတွေကို ပိုင်ဆိုင်ပါတယ်၊

အခြား ပုဂ္ဂို လ်များကတော့ လူမှုဝန်ထမ်း နဲ့ ကယ်ဆယ်ရေး ဒုဝန်ကြီး အငြိမ်းစား ဗိုလ်ချုပ် ဦးဘုန်းဆွေ၊ ဆက်သွယ်ရေး နဲ့ နည်းပညာ ဒုဝန်ကြီး ဗိုလ်ချုပ်ဟောင်း ၀င်းသန်း၊တို့ ဖြစ်ပါတယ်၊

သူတို့ မသိတာတွေ အများကြီး ကျန်ပါသေးတယ်လို့ Global Witness က ၀န်ခံထားပါတယ်။

စစ်တပ်ပိုင် ကုမဏ္ကီများ

ဦးပိုင် လီမိတက် (MEHL), MEC, ရွှေအင်းဝ နဲ့ Northern Star တို့ ဖြစ်ပါတယ်။ ဖက်စပ်လုပ်တဲ့သူတွေကတော့ ၀န်ကြီး ဦးအုန်းမြင့်ပိုင် ကုမဏ္ကီ၊ ကမ္ဘောဇ နဲ့ ထူး တို့ ဖြစ်ပြီး ခန့်ထားတဲ့ တပ်မတော် အရာရှိတွေက လုပ်ငန်း ဘာမှ နားမလည်ပဲ အမိန့်ပဲ ပေးတပ်လို့ အချို့ အတော် စိတ်ပျက်နေကြတယ်လို့ ဆိုပါတယ်။

နောက် ကုမဏ္ကီတခုကတော့ ဦးအောင်ကိုဝင်းရဲ့ ကမ္ဘောဇ ပဲ ဖြစ်ပါတယ်။ ၀ လွတ်မြောက်ရေး တပ်မတော်ကလည်း အဓိက အခန်းကဏ္ကကနေ ပါဝင် ပါတ်သက်နေပါတယ်၊ ဒီအရှုပ်တော်ပုံကြီးတွေကို ရေးပြနေရရင် တစ်ထောင့်တည ပြီးနိူင်မှာ မဟုတ်တော့ပါဘူး၊

နိူင်ငံခြား ကုမဏ္ကီတွေထဲမှာ ကိုကာကိုလာရဲ့ ပြည်တွင်း ဒါရိုက်တာ ဒေါ်ရွှေစင် နဲ့ ဘိန်းဘုရင် Wei Hsueh Kang အတွက် ပြည်ပမှာ ဟန်ပြ ကုမဏ္ကီ ၅ ခု လောက် ဖွင့်ပေးထားတဲ့ Catepillar တို့ ဖြစ်ပါတယ်၊ နှစ်ခုစလုံးက တိုက်ရိုက်ပါဝင်ပတ်သက်မှု မရှိပါဘူးလို့ ငြင်းဆို ခဲ့ကြပေမယ့် ကျောက်စိမ်းလုပ်ငန်းတွေမှာ ပါနေတဲ့ သူတွေနဲ့တော့ စီးပွားရေး ဆက်ဆံမှုတွေ ရှိခဲ့တယ်လို့ ဆိုပါတယ်။

ဘိန်းဘုရင် Wei Hsueh Kang မှတဆင့် တရားမ၀င် ကျောက်စိမ်းတွေကို ထုခွဲရောင်းချရတဲ့ ငွေတွေကို Catepillar က လျော်ဖွတ်ပေးနေတယ်လို့ ဖေါ်ပြထားပါသေးတယ်၊

ဦးနေ၀င်းက သူကိုယ်တိုင် အကျင့်စာရိတ္တပျက်စီး၊ ဗိုလ်သန်းရွှေက တပ်မတော်ရဲ့ စာရိတ္တကို ဖျက်ဆီး၊ ဗိုလ်သိန်းစိန်ကတော့ တနိူင်ငံလုံးရဲ့ စာရိတ္တတွေကို ဖျက်ဆီးခဲ့သူတွေ အဖြစ် သမိုင်း စာမျက်နှာများပေါ်မှာ ထင်ကျန်ခဲ့တော့မှာ ဖြစ်ပါတယ်၊

ကံကြမ္မာ ဆိုတဲ့ တရားသူကြီးက မသမာသူတွေရဲ့ လက်အောက်က လွတ်မြောက်ပြီး မြန်မာနိူင်ငံ ရှေ့လျောက် ဖွံ့ဖြိုးတိုးတက် တည်ငြိမ်မှု ရှိမရှိ ဆိုတာကို နိူဝင်ဘာလ ၈ ရက်နေ့မှာ အပြီးသတ် စီရင်ချ ချမှာ ဖြစ်ပါတယ်၊

HSW
BrainWave ဉာဏ်လှိုင်း



ရှမ်းပြည်နယ်အတွင်း ဒေသတချို့မှာ တိုက်ပွဲတွေ ဖြစ်ပွားနေတဲ့အတွက် မြို့နယ် ၄ မြို့နယ်မှာ ရွေးကောက်ပွဲ ကျင်းပမှာမဟုတ်ကြောင်း ပြည်ထောင်စု ရွေးကောက်ပွဲကော်မရှင် ရဲ့ ကြေညာချက်ကို SNLD ရှမ်းတိုင်းရင်းသားများ ဒီမိုကရေစီအဖွဲ့ချုပ်က ကန့်ကွက်လိုက်ပါတယ်။

အဲဒီဒေသတွေမှာ စီစဉ်ထားတဲ့အတိုင်း ရွေးကောက်ပွဲတွေ ကျင်းပပေးဖို့ တရားနည်းလမ်းတကျ တောင်းဆိုလှုပ်ရှားသွားမယ်လို့ SNLD အတွင်းရေးမှူး ဦးစိုင်းလိတ်က ပြောပါတယ်။ အပြည့်အစုံကိုတော့ ကိုဇော်ဝင်းလှိုင်က တင်ပြထားပါတယ်။

ရှမ်းပြည်နယ်အတွင်းက မိုင်းရှူးနဲ့ ကျေးသီးမြို့နယ်တွေမှာ တမြို့နယ်လုံးနဲ့ တန့်ယန်းနဲ့ ဟိုပန်မြို့နယ်တွေမှာ တချို့ဒေသတွေ ရွေးကောက်ပွဲ ကျင်းပတော့မှာမဟုတ်ကြောင်း အောက်တိုဘာလ ၂၇ ရက်နေ့ ရက်စွဲနဲ့ ပြည်ထောင်စု ရွေးကောက်ပွဲ ကော်မရှင်က ကြေညာချက် ထုတ်ပြန်လိုက်တဲ့အပေါ် SNLD ရှမ်းတိုင်းရင်းသားများ ဒီမိုကရေစီအဖွဲ့ချုပ်က နာရီပိုင်းအတွင်း ကန့်ကွက်စာ ထုတ်ပြန်လိုက်တာ ဖြစ်ပါတယ်။

အဲဒီဒေသတွေမှာ အစိုးရနဲ့ ရှမ်းပြည်တိုးတက်ရေးပါတီ - ရှမ်းပြည်တောင်ပိုင်းတပ်မတော် (SSPP/SSA) တို့အကြား လွန်ခဲ့တဲ့ ရက်အနည်းငယ်အတွင်း တိုက်ပွဲတွေ ပြင်းထန်စွာ ဖြစ်ပေါ်နေတာကြောင့် SNDP ရှမ်းတိုင်းရင်းသားများ ဒီမိုကရက်တစ်ပါတီက ရွေးကောက်ပွဲတွေ မကျင်းပဖို့ အောက်တိုဘာလ ၁၉ ရက်နေ့က ရွေးကောက်ပွဲကော်မရှင်ထံ အကြောင်းကြားခဲ့တာကြောင့် ရွေးကောက်ပွဲကော်မရှင်ထံက ဒီဆုံးဖြတ်ချက် ထွက်လာတာလို့ SNLD ပါတီအတွင်းရေးမှူး ဦးစိုင်းလိတ်က ပြောပါတယ်။

“ရွေးကောက်ပွဲမကျင်းပဖို့ ပထမဆုံးစာတင်လိုက်တာကတော့ ကျားဖြူပါတီက တင်လိုက်ပါတယ်။ အကြောင်းပြချက်ကတော့ အဲဒီဒေသတွေမှာ စစ်ပွဲတွေ ဖြစ်နေတာပေါ့နော်။ ကျနော်တို့အနေနဲ့ကတော့ စစ်ပွဲဖြစ်ရတဲ့အကြောင်းရင်းကိုကြည့်ရင် NCA လက်မှတ်ရေးမထိုးလို့ အင်း NCA လက်မှတ်ရေးထိုးဖို့ အဆင်သင့်မဖြစ်သေးလို့ စစ်ရေးနည်းနဲ့ သူတို့ဖိအားပေးတယ်။ တိုက်ပွဲတွေ စတင်တယ်။ ဒါကလည်းပဲ မှားနေတယ်။ နိုင်ငံရေးပြဿနာကို နိုင်ငံရေးနည်းနဲ့ ဖြေရှင်းဖို့ လိုအပ်တယ်။ နောက် ရွေးကောက်ပွဲဆိုတာက ကျနော်တို့နိုင်ငံအတွက် မဖြတ်သန်းလို့မဖြစ်တဲ့ ဒီမိုကရေစီ အသွင်ကူးပြောင်းရေးအတွက် အင်မတန် အရေးကြီးတဲ့ကိစ္စဖြစ်တယ်။ အဲဒါကို ရွေးကောက်ပွဲကို ရွှေ့ဆိုင်းပါ၊ ရပ်ဆိုင်းပါ ဆိုပြီးတော့မှ တောင်းဆိုတာဟာ သဘာဝမကျဘူး။ အစိုးရအနေနဲ့လည်းပဲ ငြိမ်းချမ်းရေးဖြစ်ဖို့ တိုက်ပွဲတွေရပ်ဖို့ဆိုတာ အစိုးရကိုယ်တိုင်က ဖန်တီးတဲ့ကိစ္စတွေ အများကြီးရှိပါတယ်။ ဒါကြောင့်မို့လို့ တိုက်ပွဲရပ်တယ်၊ မရပ်ဘူးဆိုတာ အစိုးရက အမိန့်ပေးရင် တပ်မတော်က ဒီမိုကရေစီအရေးကို လေးစားလိုက်နာမယ်ဆိုရင် ဒါ တိုက်ပွဲ မရပ်စရာ အကြောင်းလည်း မရှိဘူး။ ဒါကြောင့်မို့လို့ ကျနော့်အနေနဲ့ကတော့ UEC ရဲ့ လုပ်ဆောင်ချက်ဟာ တရားမျှတမှု မရှိတဲ့အတွက်ကြောင့်မို့လို့ ကန့်ကွက်လိုက်ရခြင်းလည်း ဖြစ်ပါတယ်။”

ပြည်ထောင်စုရွေးကောက်ပွဲကော်မရှင်အနေနဲ့ ပါတီတခုထဲရဲ့ တင်ပြချက်အပေါ် အခြေမခံဘဲ အစိုးရနဲ့ရော နိုင်ငံရေးပါတီတွေနဲ့ပါ ကင်းရှင်းပြီး ဘက်လိုက်မှုမရှိတဲ့ တသီးပုဂ္ဂလ အဖွဲ့အစည်းတခုခုရဲ့ တင်ပြချက်အပေါ် အခြေခံပြီး စဉ်းစား ဆုံးဖြတ်သင့်တယ်လို့ ဆိုပါတယ်။ ဒါပေမဲ့ ဒီကိစ္စမှာ ကော်မရှင်အနေနဲ့ ဘက်လိုက် ဆုံးဖြတ်တဲ့သဘော သက်ရောက်နေတယ်လို့ ဦးစိုင်းလိတ်က ပြောပါတယ်။

“အဲဒါ နှစ်ဘက်ပါတီရဲ့ ပြဿနာကို သူတို့ ခေါ်ယူကြားနာစစ်ဆေးတာမျိုး မရှိဘူး။ သုံးသပ်တာမျိုး မလုပ်ဘဲနဲ့ တဘက်ပါတီရဲ့အလိုကျ ဆုံးဖြတ်လိုက်တာကတော့ ဒါ သဘောသဘာဝအားဖြင့်တော့ ဒါ လုံးဝကို ဘက်လိုက်တဲ့အနေအထားမျိုး ရောက်ပါတယ်။ ဒါကလည်းပဲ UEC ရဲ့ ဂုဏ်သိက္ခာကို အင်မတန်ကို ထိခိုက်စေတဲ့ လုပ်ရပ်လို့ ကျနော်မြင်ပါတယ်။”

အခု တိုက်ပွဲတွေ ဖြစ်နေတယ်ဆိုတာဟာလည်း NCA အပစ်အခတ်ရပ်စဲရေး သဘောတူညီချက်မှာ လက်မှတ်ထိုးဖို့အတွက် စစ်ရေးအရ ဖိအားပေးတဲ့အနေနဲ့ လုပ်ဆောင်ခြင်းဖြစ်တယ်လို့ သူတို့အနေနဲ့ ယူဆတဲ့အကြောင်း၊ တိုက်ပွဲဖြစ်ပွားနေတာဟာ တပ်မတော်က ထိုးစစ်ဆင်တဲ့အတွက် ဖြစ်တာကြောင့် တိုက်ပွဲတွေရပ်လိုက်ရင် ရွေးကောက်ပွဲ ကျင်းပနိုင်မယ်လို့ ဦးစိုင်းလိတ်က ဆက်ပြောပါတယ်။

“ကျနော်တို့နိုင်ငံရဲ့ အကူးအပြောင်းကို လေးစားတယ်၊ ရွေးကောက်ပွဲကို တန်ဖိုးထားတယ်ဆိုရင် ဒီထိုးစစ်ဆင်တဲ့ကိစ္စက ရပ်ကိုရပ်ရပါမယ်။ သူတို့ရပ်တာနဲ့ တပြိုင်တည်း UEC က ထပြီးတော့မှ ရွေးကောက်ပွဲလုပ်ပေးနိုင်ပါ့မလား။ ဘယ်တော့မှ ပြန်လုပ်ပေးမလဲ၊ အာမခံချက်လည်း မပေးဘဲနဲ့ ဒီလို တဘက်သတ် ကြေညာလိုက်တာကတော့ လုံးဝ သဘောသဘာဝမကျဘူးပေါ့နော်။”

ရွေးကောက်ပွဲ မကျင်းပဖို့ ရွေးကောက်ပွဲကော်မရှင်က ဆုံးဖြတ်ထားတဲ့ မြို့နယ် ၄ မြို့နယ်မှာ ရွေးကောက်ပွဲတွေ ကျင်းပနိုင်ရေးအတွက် သူတို့အနေနဲ့ တရားနည်းလမ်းတကျ ဆက်လက် ဆောင်ရွက်သွားမယ်လို့ ဦးစိုင်းလိတ်က ပြောပါတယ်။

“ကျနော်ကတော့ စာထွက်လိုက်ပြီ။ UEC ကို တိုက်ရိုက်လည်း ပို့ပါတယ်။ ဒိအပြင်ကို ဒေသခံလူထုတွေ ကိုယ်တိုင်က သူတို့ဟာ အခုလာမယ့် ရွေးကောက်ပွဲကို ပါဝင်ဆင်နွှဲချင်တယ်ဆိုတာကို လက်မှတ်လည်း ကောက်ခံထားပြီးပါပြီ။ ရွေးကောက်ပွဲကို မရွှေ့ဆိုင်းဖို့၊ မပိတ်ပင်ဖို့၊ ၀ိုင်းဝန်းကန့်ကွက်တဲ့ လက်မှတ်ရေးထိုးပြီးတော့မှ စာတင်ထားကြတာ၊ တမြို့နယ်ကို အနည်းဆုံး လေး၊ ငါးထောင် ရပြီးပါပြီ။ အဲဒါတွေလည်းပဲ ကျနော်တို့ UEC ကို ပို့မယ်။ ဒိအပြင် လွှတ်တော်ကိုယ်စားလှယ်လောင်းတွေကိုယ်တိုင် ဦးဆောင်တဲ့ တရားနည်းလမ်းတကျ ဆန္ဒပြပွဲတွေလည်းပဲ ဆက်လက် လုပ်ဆောင်သွားဖို့ ရှိပါတယ်။”

ပြီးခဲ့တဲ့ အောက်တိုဘာလ ၁၂ ရက်နေ့ကလည်း နိုဝင်ဘာ ၈ ရက်နေ့မှာ ကျင်းပမယ့် အထွေထွေရွေးကောက်ပွဲအတွင်း ရွေးကောက်ပွဲ မကျင်းပနိုင်တဲ့ ပြည်နယ်နဲ့ တိုင်းဒေသကြီးတွေ အတွင်းက မြို့နယ်နဲ့ ကျေးရွာတွေကို ပြည်ထောင်စု ရွေးကောက်ပွဲ ကော်မရှင်က ကြေညာခဲ့တာမှာ ရှမ်းပြည်နယ်အတွင်း ၀ ကိုယ်ပိုင်အုပ်ချုပ်ခွင့်ရဒေသဖြစ်တဲ့ ပန်ဆန်း အပါအ၀င် ပန်ဝိုင်၊ မိုင်းမော၊ နားဖန်းနဲ့ မိုင်းလားမြို့နယ်တွေမှာ မြို့နယ်တခုလုံးစီနဲ့ မူဆယ်၊ ကုန်းကြမ်း၊ မန်တုံ၊ မိုင်းခတ်၊ မိုင်းယန်း၊ မိုင်းတုံနဲ့ မက်မန်း မြို့နယ်တွေမှာ ကျေးရွာအုပ်စုတချို့တို့ပါဝင်ကြောင်း ဖော်ပြထားပါတယ်။

ရှမ်းပြည်မြောက်ပိုင်းဒေသ ကွတ်ခိုင်နဲ့ မိုင်းရှူး ဒေသတွေမှာ အောက်တိုဘာ လလယ်လောက်ကတည်းက စတင်ခဲ့တဲ့ တိုက်ပွဲတွေဟာ မနေ့ အောက်တိုဘာလ ၂၇ ရက်နေ့အထိ ဆက်လက်ဖြစ်ပွားနေဆဲ ဖြစ်ပါတယ်ခင်ဗျာ။

ကိုဇော်ဝင်းလှိုင်VOA

သာယာဝတီအကျဉ်းထောင်မှာ ဖမ်းဆီးထိန်းသိမ်းခံထားရတဲ့ ဗကသ ကျောင်းသား ခေါင်းဆောင်တစ်ဦးဖြစ်တဲ့ ကိုအောင်မှိုင်းဆန်း ကိုတွေ့ရစဉ်။ Photo: RFA
 နိုင်ငံရေးအကျဉ်းသားတွေကို ရွေးကောက်ပွဲမတိုင်ခင် ပြန်လွှတ်ပေးဖို့အတွက် သာယာဝတီအကျဉ်းထောင်မှာ ဖမ်းဆီးထိန်းသိမ်းခံထားရသူ ၃ ဦးက မနက်ဖြန်ကစပြီး ထောင်တွင်းမှာ အစာငတ်ခံဆန္ဒပြ တောင်းဆိုသွားမယ်လို့ သိရပါတယ်။

ကျောင်းသား ကျောင်းသူနဲ့ ဝန်းရံသူ ၃ ဦးက အစာငတ်ခံဆန္ဒပြမှုမှာ ပါဝင်မှာဖြစ်တယ်လို့ ဗကသ ကျောင်းသား ကိုသန်းထိုက်က ပြောပါတယ်။

"၂၈ ရက်နေ့ မနက်ဖြန်ပေါ့နော် ကိုအောင်မှိုင်းဆန်းနဲ့အတူ ဆန္ဒပြတဲ့တိုက်ပွဲဝင်ဖို့ ၃ ယောက် ပြင်ဆင်ထား တယ်ဗျ၊ ကျနော်ရယ် ကိုမျိုးထက်ပိုင်ရယ်၊ ကိုမျိုးမြတ်စံရယ် ကိုအောင်မှိုင်းဆန်းနဲ့အတူ တိုက်ပွဲဝင်သွာမယ်လို့ ကျနော်တိုပ စီစဉ်ထားတာရှိပါတယ်"

ဗကသ ကျောင်းသား ခေါင်းဆောင်တစ်ဦးဖြစ်တဲ့ ကိုအောင်မှိုင်းဆန်းက နိုင်ငံရေးအကျဉ်းသား အားလုံးကို လွှတ်ပေးဖို့ ပြီးခဲ့တဲ့ အောက်တိုဘာလ ၂၃ ရက်နေ့ကပြီး အစာငတ်ခံဆန္ဒပြနေတဲ့အတွက် ထောင်ထဲမှာ တိုက်ခွဲခံထားရတယ်လို့ သိရပါတယ်။

လက်ပံတန်း ကျောင်းသားသပိတ်စစ်ကြောင်း ဖြိုခွဲခံရပြီးနောက် သာယာဝတီအကျဉ်းထောင်မှာ လက်ရှိဖမ်းဆီးထိန်းသိမ်းခံထားရသူ ၅၄ ဦးရှိပြီး အမှုရင်ဆိုင်နေရသူ ၇ဝ လောက်ရှိပါတယ်။

ကျောင်းသား ကျောင်းသူနဲ့ ဝန်းရံသူတွေကို တရားစွဲဆိုထားတဲ့ အမှုအားလုံးကို ပယ်ဖျက်ပေးဖို့အတွက် ပဲခူးတိုင်းတရားလွှတ်တော်ထံ လျှောက်ထားမှုကို လာမယ့် နိုဝင်ဘာလ ၂ ရက်နေ့မှာ အပြီးသတ်လျှောက်လဲ ချက် ပေးရမှာဖြစ်ပါတယ်။

RFA Burmese
http://www.rfa.org/burmese


 အောက်တိုဘာ ၂၇ ရက် ၂၀၁၅

 သျှမ်းပြည်တောင်ပိုင်း လွယ်လင်ခရိုင် မိုင်းရှူးမြို့နယ် နှင့် ကျေးသီးမြို့နယ်နှစ်ခု လုံး၊ ဟိုပန် နှင့် တန့်ယန်း မြို့နယ် တို့တွင် ရွေးကောက်ပွဲကျင်းပမည် မဟုတ်ေ ကြာင်း ပြည်ထောင်စုရွေးကောက်ပွဲ ကော်မရှင်က အောက်တိုဘာလ ၂၇ ရက်နေ့ရက်စွဲဖြင့်ထုတ်ပြန်လိုက်သည်။

အဆိုပါ ထုတ်ပြန်မှုတွင် မိုင်းရှူးမြို့နယ်တခုလုံး၊ ကျေးသီးမြို့နယ်တခုလုံး၊ တန့် ယန်းမြို့နယ် ၈ အုပ်စု နှင့် ဟိုပန်မြို့နယ် ၄၂ အုပ်စု တို့မှာ လွတ်လပ်ပြီး တရား မျှတသော ရွေးကောက်ပွဲကျင်းပရန် အခြေအနေ မရှိသဖြင့် ရွေးကောက်ပွဲ ကျင်းပခွင့်မပြုဟုဆိုကာ ပြည်ထောင်စုရွေးကောက်ပွဲကော်မရှင် ဥက္ကဌ ကိုယ် တိုင်လက်မှတ်ရေးထိုး ထုတ်ပြန်ထားသည်။

၎င်းနှင့်ပတ်သက်ပြီး SNLD ပါတီ ဥက္ကဌ ခွန်ထွန်းဦး က - ကျနော်တို့ကို NLD နဲ့ ပေါင်းမှာ စိုးပြီး လုပ်လိုက်တယ်လို့ဘဲထင်တယ်။ ဒါကိုကြည့်ခြင်းအားဖြင့်ေ က်ာမရှင်က ဘက်လိုက်နေပြီ။ ရွေးကောက်ပွဲ ဆန့်ကျင်ဖို့ ရှိမရှိကိုတော့ ဗဟို အလုပ်အမှုဆောင်အဖွဲ့နဲ့ တိုင်ပင်ရဦးမယ် - ဟု ပြောသည်။

တောင်ကြီးမြို့ SNLD ပါတီရုံးမှ အတွင်းရေးမှူးလည်းဖြစ်၊ တောင်ကြီးပြည် နယ်လွှတ်တော် ကိုယ်စား လှယ် လောင်းလည်းဖြစ်သည့် နန်းမြဦးကမူ - တောင်ကြီးက သျှမ်းတိုင်းရင်းသားတွေစုပေါင်း ဆန္ဒပြဖို့ စီစဉ်နေပါ တယ်။ ပြည်သူလူထု သဘော မပါပဲ အစိုးရရဲ့ အစွယ်အပွားပါတီ တစ်ခုရဲ့ တင်ပြချက်ပေါ် မူတည်ပြီး ဒီလို ဆုံးဖြတ်လိုက်တာဟာ သျှမ်းလူထုအတွက် နစ်နာတယ်။ ဆန္ဒပြဖို့ရှိပါတယ်။ - ဟု ပြောသည်။

သျှမ်းတိုင်းရင်းသားများဒီမိုကရေစီအဖွဲ့ချုပ်ကလည်း ၄င်းနှင့်ပတ်သက် သည့်ကြေငြာချက်တစောင် ကို အောက်တိုဘာလ ၂၇ ၇က်စွဲဖြင့်ပင် ထုတ်ပြန် ခဲ့သည်။

ကြေငြာချက်တွင်- ယခုကဲ့သို့ သျှမ်းပြည်တွင်း ၄ မြို့နယ် အား ရွေးကောက်ပွဲ ကျင်းပတော့မည် မဟုတ် ကြောင်း ပြည်ထောင် စုရွေးကောက်ပွဲ ကော်မရှင် ၏ကြေငြာမှုသည် လူထုဆန္ဒအစစ်အမှန်ကို ကွင်းဆင်း လေ့လာ စစ်တမ်းေ ကာက်ယူခြင်းမပြုဘဲ တဖက်သတ်လုပ် ဆောင်ခြင်းဖြစ်ကြောင်း၊ ဖွဲ့စည်းပုံ အခြေခံ ဥပဒေ ပြင်ဆင်ရေးကိုပိုမိုနှောင့်နှေး ခက်ခဲစေရန်ကြံရွယ် လုပ်ဆောင် ရာေ ရာက်ကြောင်း၊ ပြည်သူ့ ဆန္ဒအရ ရွေးချယ်တင်မြောက် သည့်အရပ်သား အစိုး ရပေါ်ပေါက်ရေးကို ဟန့်တားရာရောက် ကြောင်း စသည်တို့ပါဝင်သော အချက် ၅ ချက်ပါရှိပါသည်။

မိုင်းရှူးမြို့နယ်၊ ကျေးသီးမြို့နယ် နှင့် တန့်ယန်းမြို့နယ် အချို့အတွင်းအရှိ သျှမ်းပြည်တပ်မတော် SSPP/SSA တပ်စခန်းများ အောက်တိုဘာ ၆ ရက်နေ့ မှ စ၍ အစိုးရတပ်မတော်မှ ထိုးစစ်ဆင်တိုက်ခိုက် နေသည့် ဒေသဖြစ်သည်။ ဟိုပန်မြို့နယ် နမ့်တစ်မြို့ ၄၂ အုပ်စုမှာမူ ၀ ပြည်သွေးစည်းညီညွတ်ရေး တပ်မတော် ချုပ်ကိုင်ထားသည့်ဒေသဖြစ်သည်။

သျှမ်းသံတော်ဆင့်
https://www.facebook.com/Panglong.burmese

လုံခြုံရေးယူထားသည့် KIA စစ်သားတချို့ကို တွေ့မြင်ရစဉ်။ Photo: RFA
 ကချင်ပြည်နယ် ဝိုင်းမော်မြို့နယ် ဝါးရှောင်၊ နမ့်ဝါနဲ့ မုတ်ကျိတ်ရွာအနီးတ၀ိုက်မှာ KIA ကချင်လွတ်မြောက်ရေး တပ်မတော် က မိုင်းတွေထောင်ထားတဲ့အတွက် ဒေသခံတွေကို ဖြတ်သန်းသွားလာမှုမပြုဖို့ တားမြစ်ထားတယ်လို့ သိရပါတယ်။

အဲ့ဒီမိုင်းတွေဟာ အခုမှထောင်ထားတာမဟုတ်ဘဲ အရင်တိုက်ပွဲတွေ ဖြစ်ပွားကတည်းကရှိခဲ့တဲ့ မိုင်းတွေဖြစ်တယ်လို့ မြစ်ကြီးနားမြို့အခြေစိုက် ကေအိုင်အိုနည်းပညာအကြံပေးအဖွဲ့ရဲ့ ပြောရေးဆိုခွင့်ရှိသူ ဦးဒေါင်ခါးက ပြောပါတယ်။

"မိုင်းထောင်တယ်ဆိုတဲ့ဟာက အခုပဲထောင်တာမဟုတ်ဘူးလေ အရင်က စစ်ဖြစ်ကတည်းကထောင်ထား တာလေ၊ အရင်ကတည်းက ထောင်ထားတဲ့ဟာတွေရှိမယ်၊ ပြီးရင် စိုးရစစ်တပ်တွေ သွားလာလှုပ်ရှား တဲ့နေရာတွေဘက်မှာ ရှိကောင်းရှိမယ်၊ မိုင်းထောင်တဲ့အချိန်မှာ လိုက်နာရမယ့် အချက်အလက်တွေ ရှိတယ်လေ၊ ပြည်သူတွေသွားလာတဲ့ နေရာမဟုတ်ရဘူး၊ ပြည်သူတွေ လုပ်စားနေတဲ့နယ်တွေမဟုတ်ရဘူး၊ ဒါကြောင့် လုပ်ထားတဲ့နေရာတွေမှာ ဘယ်လိုသတိပေးအချက်တွေထားရမယ် ပြည်သူတွေကိုဘယ်လို အသိပေးရမယ် ဆိုတဲ့ဟာတွေက အားလုံးရှိတယ်၊ အနီရောင်ဆိုင်းဘုတ်နဲ့ကို ရေးထားတယ်"

ပြီးခဲ့တဲ့ရက်ပိုင်းက ကေအိုင်အိုအဖွဲ့ရဲ့ဝါးရှောင်တိုက်နယ်မှူးဆိုသူက ရွာလူကြီးတစ်ချို့ကို ခေါ်ယူပြီး မိုင်းထောင်ထားတဲ့ နေရာတွေမသွားဖို့ တားမြစ်ခဲ့တာဖြစ်တယ်လို့ သိရပါတယ်။

စပါးရိတ်သိမ်းချိန်ဖြစ်တဲ့ အခုလိုကာလမျိုးမှာ စိုက်ခင်းတွေထဲ သွားလာလို့မရတာကြောင့် ကျေးရွာသားတွေအတွက် အခက်အခဲရှိတယ်လို့ ဝါးရှောင်ရွာသားတစ်ဦးက ပြောပါတယ်။

မိုင်းထောင်ထားတဲ့ နေရာတွေဟာ ရွာနဲ့တစ်မိုင်ကျော်သာကွာဝေးတဲ့ လယ်မြေတွေနဲ့ ထိစပ်နေ တဲ့ တောတောင်တွေထဲမှာဖြစ်ပြီး ရွာသားတွေရဲ့ လိမ္မော်၊ တညင်းစတဲ့ သီးနှံစိုက်ခင်းတွေ အနီးတ၀ိုက်မှာဖြစ်တယ်လို့ သိရပါတယ်။

ကချင်ပြည်နယ်မှာ ပြီးခဲ့တဲ့ ၂၀၁၁ ခုနှစ်ကစပြီး အစိုးရနဲ့ ကေအိုင်အေတပ်တွေရဲ့ နှစ်ဘက်ပစ်ခတ်မှုတွေနဲ့ မိုင်းပေါက်ကွဲမှုတွေကြောင့် ဒေသခံအတော်များများ ထိခိုက်သေဆုံးမှုတွေ ရှိနေပါတယ်။

RFA Burmese
http://www.rfa.org/burmese

 ​အ​ပစ်​ရပ် ​ဆွေး​နွေး​ပွဲ ​တစ်​ခု​မှာ RCSS/ SSA ​ခေါင်း​ဆောင် ​ဆွေး​နွေး​စဉ်
 ​တိုက်​ပွဲ​တွေ ​ဖြစ်​နေ​တဲ့ ​ရှမ်း​ပြည်​နယ် ​အ​တွင်း​မှာ ​ရှမ်း​ပြည် ​တိုး​တက်​ရေး​ပါ​တီ ​ရှမ်း​ပြည် ​တပ်​မ​တော် ​မြောက်​ပိုင်း SSPP/ SSA ​ကို ​တပ်​မ​တော်​ဘက်​က ​ထိုး​စစ်​ဆင် ​နေ​တာ​တွေ ​လျှော့​ချ​ဖို့ RCSS/SSA ​ရှမ်း​ပြည် ​ပြန်​လည် ​ထူ​ထောင်​ရေး ​ကောင်​စီ ​ရှမ်း​ပြည်​တပ်​မ​တော် ​တောင်​ပိုင်း​က ​တိုက်​တွန်း​လိုက်​ပါ​တယ်။

မ​ကြာ​သေး​ခင်​က NCA ​တစ်​နိုင်​ငံ​လုံး ​အ​ပစ်​ရပ် ​လက်​မှတ် ​ရေး​ထိုး​ခဲ့​တဲ့ RCSS/SSA ​က ​နိုင်​ငံ​တော် ​သ​မ္မ​တ​ကို ​စာ​ရေး​သား ​ပေး​ပို့​ခဲ့​တာ ​ဖြစ်​ပါ​တယ်။

ရှမ်း​ပြည်​နယ်​က SSPP/ SSA​ဒေ​သ​မှာ ​တိုက်​ပွဲ​တွေ ​ဖြစ်​နေ​ပြီး ​အ​စိုး​ရ ​တပ်​ဘက်​က ​ထိုး​စစ်​တွေ ​ဆင်​နေ​တာ​ကြောင့် ​အ​ရပ်​သား​တွေ ​အိုး​အိမ်​စွန့်​ထွက်​ပြေး ​နေ​ကြ​ရ​တဲ့ ​အ​တွက် ​အ​ခု​လို ​တိုက်​တွန်း​တာ ​ဖြစ်​တယ်​လို့ RCSS/SSA ​ပြော​ခွင့်​ရ​သူ ​ဗိုလ်​မှူး​ကြီး ​စိုင်း​လ​က ​ပြော​ပါ​တယ်။

တိုက်​ပွဲ​ဖြစ်​အောင် ​ဖန်​တီး​သူ​တွေ​က ​အ​စိုး​ရ ​တပ်​ဘက်​က ​ဖြစ်​တယ်​လို့ ​အ​များ​က ​နား​လည် ​ထား​တဲ့ ​အ​တွက် ​တပ်​မ​တော်​ဘက်​ကို ​တိုက်​တွန်း​ရ​တာ​လို့​လည်း ​သူ​က ​ပြော​ပါ​တယ်။

နိုင်​ငံ​ရေး ​ပြ​ဿ​နာ​တွေ​ကို ​နိုင်​ငံ​ရေး ​နည်း​နဲ့ ​ငြိမ်း​ငြိမ်း​ချမ်း​ချမ်း ​ဖြေ​ရှင်း ​သင့်​တယ်​လို့ ​နိုင်​ငံ​တော် ​သ​မ္မ​တ​က ​ပြော​ထား​တဲ့ ​အ​တိုင်း​တိုက်​ပွဲ​တွေ ​ဆက်​မ​ဖြစ်​အောင် ​အ​ရင် ​ရ​ထား​ပြီး​သား ​နှစ်​ဘက် ​အ​ပစ်​အ​ခတ်​ရပ်​စဲ​ရေး ​သ​ဘော​တူ​ညီ​ချက် ​အ​တိုင်း ​ပြန်​လည် ​ညှိ​နှိုင်း​ကြ​ဖို့​လည်း ​လို​လား​တယ်​လို့ ​ဗိုလ်​မှူး​ကြီး ​စိုင်း​လ​က ​ပြော​ပါ​တယ်။

လာ​မယ့် ​ရက်​ပိုင်း ​အ​တွင်း ​အ​ပစ်​အ​ခတ်​ရပ်​စဲ​ရေး ​စောင့်​ကြည့်​လေ့​လာ​ရေး ​ပူး​တွဲ ​ကော်​မ​တီ​နဲ့ ​တွေ့​ဆုံ​တဲ့ ​အ​ခါ​မှာ​လည်း ​ဒီ​ကိ​စ္စ​ရပ်​ကို ​တင်​ပြ ​ဆွေး​နွေး​သွား​မယ်​လို့ ​သူ​က​ပြော ​ပါ​တယ်။

BBC Burmese
http://www.bbc.com/burmese

စင်္ကာပူနိုင်ငံ မြန်မာသံရုံးမှာ ကြိုတင်မဲပေးဖို့ စောင့်ဆိုင်းနေကြသူတွေကို အောက်တိုဘာ ၁၅ ရက်နေ့က တွေ့ရစဉ်။ Photo: Shwe Naing Facebook
 စင်ကာပူနိုင်ငံရောက် မြန်မာနိုင်ငံသားတွေ ကြိုတင်မဲပေးခဲ့ကြရာမှာ NLD အမျိုးသားဒီမိုကရေစီအဖွဲ့ချုပ်ကို မဲပေးသူ အများဆုံးဖြစ်ကြောင်း စင်ကာပူနိုင်ငံရောက် ၂ဝ၁၅ ရွေးကောက်ပွဲအောင်နိုင်ရေး အထောက်အကူပြုအဖွဲ့က သူတို့ စစ်တမ်းကောက်ယူထားမှု အခြေအနေကို ပြောပါတယ်။

စင်ကာနိုင်ငံမှာ မဲပေးခဲ့သူ ၁၆ဝဝဝ ကျော်မှာ အမျိုးသားဒီမိုကရေစီအဖွဲ့ချုပ်ကို မဲပေးသူ ၁ဝဝဝဝ ကျော်အထိ ရှိခဲ့တယ်လို့ စင်ကာပူနိုင်ငံအခြေစိုက် ၂ဝ၁၅ ရွေးကောက်ပွဲအောင်နိုင်ရေး အထောက်အကူပြုအဖွဲ့က ကိုစိုးထွန်းက ပြောပါတယ်။

"အမျိုးသားလွှတ်တော်မှာဆိုရင် စုစုပေါင်း ၁၄ဝ၂၄ နေရာရှိတယ်၊ မဲပေးသွားတာ NLD က ၁၃၈၉၅ မဲနဲ့ရတယ်၊ ရာခိုင်နှုန်းနဲ့ ၉၉ ဒဿမ ဝ၈ ရတယ်၊ ပြည်သူ့လွှတ်တော်အနေနဲ့ဆိုရင် စပြီးပေးသွားတဲ့လူက ၁၄ဝ၂၄ မှာ ၁၃၈၉၂ ယောက်က NLD ကိုပေးသွားတယ်၊ အဲ့ဒီတော့ ၉၉ ဒဿမ​ ဝ၆ လောက်ရှိတယ်၊ တိုင်းဒေသကြီး အတွက်ကျတော့ ၁၃၉၃၆ ယောက် စပြီင်္းလာပေးသွားတယ်ပေါ့နော်၊ ၁၃၇၆၇ က NLD ကိုပေးတယ်၊ အဲ့ဒီတော့ ၉၈ ဒဿမ ၇၉ ရာခိုင်နှုန်းရှိတယ်"

ပြီးခဲ့တဲ့ အောက်တိုဘာလ ၁၅ ရက်နေ့ကနေ ၂၁ ရက်နေ့အထိ စင်ကာပူနိုင်ငံက မြန်မာသံရုံးမှာ ကြိုတင်မဲပေးခဲ့ကြတာဖြစ်ပြီး မဲပေးခဲ့ကြသူတွေကို မြန်မာသံရုံးရှေ့မှာ ကောက်ခံခဲ့ကြတာလို့ ပြောပါတယ်။

စင်ကာပူနိုင်ငံမှာ မဲပေးခွင့်ရှိသူ ၂ဝဝဝဝ ကျော်ရှိတယ်လို့ မြန်မာသံရုံးက ထုတ်ပြန်ထားတယ်လို့ သိရပါတယ်။ အဲ့ဒီအထဲမှာ ပုံစံ ၁၅ နဲ့ လျှောက်ထားသူတွေဟာ မဲစာရင်းထဲမှာ နာမည်မပါလို့ မဲပေးခွင့်ဆုံးရှုံးရသူတွေရှိသလို မဲပေးခွင့်ရပေမယ့်လည်း မဲလက်မှတ်အပြည့်အစုံ မပေးလိုက်ရတဲ့သူတွေလည်း ရှိကြတယ်လို့ ပြောပါတယ်။

အဲ့ဒီမဲပေးခွင့် မရလိုက်သူတွေက စင်ကာပူသံရုံးမှာ မဲပေးခွင့်ရဖို့ ပြန်လျှောက်သူ တစ်ထောင်ကျော်လောက် ရှိပြီး ပြည်ထောင်စု ရွေးကောက်ပွဲကော်မရှင်ကို တင်ပြပေးမယ်လို့ သံရုံးကပြောပေမယ့် သူတို့ဟာ ခုချိန်ထိ မဲပေးခွင့် မရသေးကြောင်းလည်း ပြောပါတယ်။

RFA Burmese
http://www.rfa.org/burmese

မဲစာရင်းကြည့်ရှု့နေသည့်ပြည်သူများ။
မဲစာရင်းကြည့်ရှု့နေသည့်ပြည်သူများ။

လာမယ့်ရွေးကောက်ပွဲမှာ မဲပေးနိုင်မယ့် လူဦးရေစာရင်းကို နိုဝင်ဘာ ၂ ရက်နေ့မှာ နောက်ဆုံးထား ထုတ်ပြန်ပေးမယ် လို့ ရွေးကောက်ပွဲကော်မရှင် က ပြောဆိုလိုက်ပါတယ်။ ပြီးခဲ့တဲ့လက တနိုင်ငံလုံးအဆင့် မဲဆန္ဒရှင်စာရင်း ထုတ်ပြန်ကြေညာရာမှာ သေဆုံးသူများ၊ မိသားစုဝင် မဟုတ်တဲ့အမည်စာရင်း ပါဝင်နေတာမှာလည်း တာဝန်ခံနိုင်ပါက ပယ်ဖျက်ခွင့် လျှောက်ထားနိုင် တယ်လို့လည်းပြောဆိုလိုက်ပါတယ်။ ဒီအပြင် မဲပေးနိုင်တဲ့ အခွင့်အရေးရရှိသူ တဦးအနေနဲ့ မဲစာရင်းမှာမပါလို့ လျှောက်ထားရာမှာလည်း ထပ်မံမပါတာကို အတိအကျတင်ပြပါက ရပ်ကွက်ကျေးရွာကော်မရှင်အဖွဲ့ကို အရေးယူပေးမယ် လို့လည်း ပြောဆိုလိုက်ပါ တယ်။ သတင်းအပြည့်အစုံ ကို နေပြည်တော်မှာရောက်ရှိနေတဲ့ ဗွီအိုအေ သတင်းထောက် မေခကပေးပို့ထားပါတယ်။

လာမယ့်ရွေးကောက်ပွဲမှာမဲပေးနိုင်မယ့် လူဦးရေစာရင်းကို နိုဝင်ဘာ ၂ ရက်နေ့မှာ နောက်ဆုံးထား ထုတ်ပြန်ပေးမယ် လို့ ရွေးကောက်ပွဲကော်မရှင် က နေပြည်တော်မှာ လုပ်တဲ့ သတင်းစာရှင်းလင်းပွဲမှာ ညွှန်ကြားရေးမှုးချုပ် ဦးတင်ထွန်းက ခုလိုပြောဆိုလိုက်တာပါ။ တပ်နယ်မြေများ အတွင်း မဲပေးခွင့် စာရင်းကိုလည်း သက်ဆိုင်ရာ တပ်များတွင် ကပ်ထားမယ်လို့လည်းပြောပါ တယ်။

“မဲပေးပိုင်ခွင့်ရှိသူစာရင်းကတော့ ကျနော်တို့ ၂ ရက်နေ့ကနေစပြီးတော့ သက်ဆိုင်ရာ ၊ ရပ်ကွက်ကော်မရှင်အဖွဲ့ရုံးတွေမှာ မဲရုံတိုင်းမှာ ကပ်ပေးမယ်။ ၂ ရက် နေ့ကို ကျနော်တို့ မဲစာရင်းတွေက ရပ်ကျေးကနေထုတ်တာ။ ဘာကြောင့်အတိအကျ မပြောနိုင်သလဲဆိုတော့ ကျနော်တို့က ပထမအကြိမ်ကျနော်တို့ ၁၄ ရက်နေ့ကနေ ၂၇ ရက်နေ့ ကြေညာလိုက်တာရှိတယ်။ အဲဒီမှာ ဘာတွေ တိုးလာသလဲဆိုတော့ ကျန်ခဲ့တဲ့လူတွေက ပုံစံ ၃ နဲ့ ထပ်လျှောက်ထားတာရှိတယ်။ နော်တခါ တခြား မဲဆန္ဒနယ်ကနေပြီးတော့မှ ပြောင်းလာတာတွေရှိတယ်။ အဲဒါတွေက ၃ (က) နဲ့ ကျနော်တို့ လက်ခံထားတာရှိတယ်။အခုဒီ ပုံစံ၃ တွေ ၃ (က)တွေ တင်တဲ့ဟာတွေ အားလုံးကို ကျနော်တို့ ပြန်ပြီးတော့ ရိုက်နေပါပြီ။ ဆိုတော့ ၂ ရက်နေ့မှာ ကျနော်တို့ ရပ်ကွက်ကော်မရှင်ရုံးမှာ ကပ်ပါမယ်။ ၆၊၇ မှာတော့ မဲရုံမှာ ကပ်ပေးပါမယ်။”

မဲပေးနိုင်တဲ့ အခွင့်အရေးရရှိသူတဦးအနေနဲ့ မဲစာရင်းမှာမပါလို့လျှောက် ထားရာမှာလည်း ထပ်မံ မပါတာကို အတိအကျ တင်ပြပါက ရပ်ကွက်၊ကျေးရွာကော်မရှင် အဖွဲ့ကို အရေးယူပေးမယ်လို့ ညွန်ကြားရေးမှူး ဦးသောင်းဟန်က ခုလိုပြောပါတယ်။

“မပါလို့ လျှောက်လို့ရှိရင် လျှောက်တဲ့လူကိုလည်း ကျနော်တို့ register လုပ်မှာ ။ အခုနောက်ဆုံးကြေညာလို့ရှိရင်။ ကျနော်တို့ ကော်မရှင်ကလည်း လက်ခံကြောင်း လက်မှတ်ထိုးသလို၊ ကာယကံရှင်ကလည်း လာတင်ကြောင်း လက်မှတ်ထိုးပါမယ်။ အဲဒီတော့မှ ကျနော်တို့ စီစစ်မှာပါ။ စီစစ်တဲ့အခါမှာ enline မဖြစ်တာတွေ မပါနိုင်တော့ပါဘူး။ ကျန်တဲ့လူတွေက ပါမှာပါ။ မပါဘူးဆိုရင် ခုနက ကျနော်တို့ ပြော သလို ရွေးကောက်ပွဲရဲ့ ပြစ်မှုဆိုင်ရာ ၊ အခန်း ၁၄ ရဲ့ မဲပေးပိုင်ခွင့်ရှိတဲ့ နိုင်ငံသား တယောက်ကို မဲပေးပိုင်ခွင့် ဆုံးရုံးအောင် ဘယ်သူကပဲလုပ်လုပ် ၊ ဒါ ရဲအရေးပိုင်တဲ့အမှုဖြစ်တာကြောင့် တရားစွဲဖို့ရှိပါတယ်။ တိတိကျကျ အမည်နဲ့ ဖော်ထုတ်မှာပါ။ သူ့ဖက် ကိုယ့်ဖက် အငြင်းပွားမှာဆိုးလို့။ အဲဒီလို အထောက်အထားတွေနဲ့ တင်ပြပြီးတော့မှ ပါသင့်တာ မပါလို့ရှိရင် ဒါကျနော်တို့ ဆက်ပြီးတော့ action ယူလို့ရပါတယ်။”

ဒီပြင် အိမ်ထောင်စုစာရင်းဝင်၊ မိသားစု မဟုတ်တဲ့ အမည်စာရင်းများ ပါဝင်နေသည်ကို တွေ့ရှိနေရသည်ဟု မဲဆန္ဒရှင်များက ပြောဆိုနေမှုများအပေါ် ညွန်ကြားရေးမှူး ဦးသောင်းဟန်က ခုလိုထပ်မံ ပြောဆိုလိုက်ပါသေးတယ်။

“အဲဒီလူတွေက မရှိတော့ဘူးလို့ သေချာရင် ကျနော်တို့ သက်ဆိုင်ရာ ကော်မရှင် အဖွဲ့ခွဲကို တရားဝင် စာနဲ့ သွားတင်လို့ရပါတယ်။ ဘာနဲ့ သွားတင်လို့ ရသလဲဆိုတော့ ဖြတ်လို့ရတဲ့ ပုံစံလေးနဲ့ သွားတင်လို့ရပါတယ်။ ချက်ချင်း ဖျက်ပေးမယ်။ ကျိတ်တဲ့အဖွဲ့အစည်းကနေ ပါတီတွေတင်လို့ရတယ်။ လူပုဂ္ဂိုလ်အဖွဲ့အစည်းတွေကနေ တင်လို့ရပါတယ်။တင်တဲ့လူကတော့ တာဝန်ယူရမယ်။ ဘာလို့လဲဆိုတော့ ကျနော်တို့က မဲပေးပိုင်ခွင့်ရှိတဲ့လူတယောက်ကို သွားဖျက်မိရင်၊ ဒါသူ့ရဲ့ မဲဆန္ဒရှင်ရဲ့ Right ကို သွားထိခိုက်သွားမယ်။ ခင်ဗျားတို့ခုနက တာဝန်ခံပြီးတော့ ဒီလူတွေ ပါတယ်ဆိုတဲ့ကိုယ်ကြောင်း အထောက်အထားတင်ပြပြီး သွားရှိရင် အထောက်အထားမှာ အခြေပြုပြီးတော့ ပယ်ဖျက်ပေးသွားမှာပါ။ ကော်မရှင် သည် စတိ တာဝန်ယူမှု အဲဒါပါတယ်။ လုပ်လို့ရတယ်။ ဒါ တင်ပြဖို့ပဲလိုတယ်။ ကျနော်တို့ကော်မရှင်ကတော့ ခုနလို entry လုပ်ရတဲ့ စာရင်းက ဒီ ၆၆ ကြောင့် officially ရှိနေတာကို ကျနော်တို့ ဖျက်လို့မရဘူး။”

ပြည်ထောင်စု ရွေးကောက်ပွဲ ကော်မရှင်က စက်တင်ဘာ ၁၄ ရက်မှ ၂၇ ရက်အတွင်း ထုတ်ပြန်ကြေညာခဲ့တဲ့ ဆန္ဒမဲပေးခွင့်ရှိသူ စာရင်းမှာ မပါဝင်သူများက ပုံစံ ၃ ဖြင့် ထပ်မံလျှောက် ထားလာကြတာကြောင့် မဲစာရင်း အရေအတွက်တွေထပ် တိုးမြင့်လာတယ် လို့လည်း ကော်မရှင်ကပြောပါတယ်။

လာမယ့်ရွေးကောက်ပွဲအမတွင်းမှာမြန်မာနိုင်ငံ အနှံ့ရှိ မဲရုံများ ရလဒ် အခြေအနေများကို ထုတ်ပြန် ပေးဖို့ သတင်း အချက်အလက် စင်တာနှစ်ခု ဖွင့်လှစ်သွားမယ်လို့လည်း ညွှန်ကြားရေးမှူးချုပ် ဦးတင်ထွန်းက ပြောပါတယ်။

နောက်ဆုံးရလဒ်ကိုတော့ ရွေးကောက်ပွဲ ကျင်းပပြီးမှာ သက်ဆိုင်ရာ တိုင်းဒေသကြီးနှင့် ပြည်နယ်များက ကြေညာမှာဖြစ်ပြီးအဲဒီ တိုင်းဒေသကြီး နှင့် ပြည်နယ်များက ကြေညာချက်များကို စုစည်း စစ်ဆေးကာ ၂ ပတ် အတွင်း ပြည်ထောင်စု ရွေးကောက်ပွဲ ကော်မရှင်က ရွေးကောက်ပွဲ ရလဒ်ကို ကြေညာပေးမယ်လို့ကော်မရှင်ကပြောပါတယ်။

လာမယ့်ရွေးကောက်ပွဲမှာ ကျခင်ပြည်နယ်က မြို့နယ် ၁၁ ခုက မဲရုံအချို့၊ ကရင်ပြည်နယ်က မြို့နယ် ၇ခုက မဲရုံအချို့၊ ပဲခူးတိုင်း ကမြို့နယ် ၂မြို့နယ်က မဲရုံအချို့၊ မွန်ပြည်နယ်က မြို့နယ် ၁ခုက မဲရုံအချို့နဲ့ ရှမ်းပြည်နယ်က မြို့နယ် ၁၃ခုက မဲရုံအချို့မှာ ရွေးကောက်ပွဲ မကျင်းပနိုင်ကြောင်း ကော်မရှင်က ထုတ်ပြန်ခဲ့ပါတယ်။ ဒီကနေ့မှာလည်း ရှမ်းပြည်နယ် အတွင်းရှိ မိုင်းရှူးမြို့နယ် တစ်ခုလုံး၊ ကျေးသီးမြို့နယ် တစ်ခုလုံး၊ တန့်ယန်းမြို့နယ် ရှိ ကျေးရွာအုပ်စု တချို့ နှင့် ဟိုပန် မြို့နယ်ရှိ ၈ အုပ်စု၊ ဟိုပန်မြို့နယ်မှာ ကျေးရွာအုပ်စုနဲ့ ရပ်ကွက်ပေါင်း ၄၂ ခု တို့မှာ ရွေးကောက်ပွဲမကျင်းပနိုင်ဘူးလို့ ဒီကနေ့မှာ ထပ်မံထုတ်ပြန်လိုက်ပါတယ်။
မေခ/VOA

ရွေးကောက်ပွဲကော်မရှင် ညွှန်ကြားရေးမှုး ဦးတင်ထွန်း။
ရွေးကောက်ပွဲကော်မရှင် ညွှန်ကြားရေးမှုး ဦးတင်ထွန်း။

ပြည်ပရောက် မြန်မာတွေ ကြိုတင်မဲပေးခဲ့ကြရာမှာ မဲပေးလိုသူအားလုံး မဲပေးခွင့် မရခဲ့တာဟာ ကော်မရှင်ရဲ့ အားနည်းချက်ကြောင့်ဖြစ် ပါတယ် လို့ ပြည်ထောင်စုရွေးကောက်ပွဲကော်မရှင်က ၀န်ခံ ပါတယ်။ ပြည်ပရောက်နိုင်ငံသားတွေ မဲပေးမှုနဲ့ပတ်သက်လို့ ရွေးကောက်ပွဲဆိုင်ရာ နည်းဥပဒေ ဒါမှမဟုတ် လုပ်ထုံးလုပ်နည်းတွေကို နောက်ပိုင်းမှာ ပြင်ဆင်ဖြည့်စွတ်ဖို့ လိုအပ်မယ်လို့လည်း ပြောလိုက်ပါတယ်။

ကြိုတင်မဲပေးဖို့ ပြည်ပရောက် မဲဆန္ဒရှင်တွေဖက်က လိပ်စာမပြည့်စုံမှု၊ ရှင်းလင်းစွာ ဖြည့်စွက်ခြင်း မရှိတာတွေကြောင့်လည်း ကော်မရှင်အနေနဲ့ စီစစ်ရာမှာ အခက်အခဲကြုံခဲ့ရတယ်လို့လည်း ပြောပါတယ်။ သတင်းအပြည့်အစုံကိုတော့ ဗွီအိုအေ မြန်မာပိုင်းသတင်း မမေခ နေပြည်တော်ကနေ သတင်းပေးပို့ထားပါတယ်။

ဒီကနေ့ နေပြည်တော်မှာ ရွေးကောက်ပွဲကော်မရှင် ကကျင်းပတဲ့ သတင်းစာ ရှင်းလင်းပွဲမှာ အခုလိုပြောဆိုလိုက်တာပါ။ နောက်နောင် အမှားအယွင်းတွေ နည်းနိုင်သမျှ နည်းအောင်လို့ ပြည်ပရောက် နိုင်ငံသား တွေ မဲပေးတာနဲ့ ပတ်သတ်တဲ့ ရွေးကောက်ပွဲဆိုင်ရာ နည်းဥပဒေ (သို့မဟုတ်) လုပ်ထုံးလုပ် နည်း တွေကို ပြင်ဆင်ဖြည့်စွက်ဖို့ လုပ်ဆောင်မယ်လို့ ရွေးကောက်ပွဲကော်မရှင်က ညွှန်ကြားရေးမှုး ဦးတင်ထွန်းက ခုလိုပြောခဲ့တာပါ။

“ဒီအချိန် ကန့်သက်ချက်အရ ကျနော်တို့ အတတ်နိုင်ဆုံး စွမ်းဆောင်ခဲ့သော်လည်း ကျနော်တို့ ပြည်ပမှာ ရောက်ရှိနေတဲ့ ကျနော်တို့ ရဲ့ နိုင်ငံသားများအားလုံး အပြည့်အ၀ မဲမပေးရတဲ့ အတွက်ကြောင့်မို့လို့ ကျနော်တို့ စိတ်မကောင်းပါဘူး။ ဒီအပေါ်မှာ ကျနော်တို့ ဘယ်လိုလုပ်ကြမလဲပေါ့နော်။ နောင်ဒါမျိုးမဖြစ်အောင်လို့ ကျနော်တို့ ပြန်ပြီး သုံးသပ်ကြပါတယ်။ ပြည်ပ ကြိုတင်မဲပေးတဲ့ လုပ်ငန်းစဉ်လေးတွေကို လုပ်ထုံး လုပ်နည်းလေးတွေကို ကျနော်တို့ နည်းဥပဒေနဲ့သော်လည်းကောင်း ၊ လုပ်ထုံးလုပ်နည်း မှာတောင်ပြင်ဆင်ဖို့ဆိုပြီး ကျနော်တို့ ပြန်သုံးသပ်ပြီးတော့မှာ review လုပ်ပြီးတော့မှ ထွက်လာတဲ့ အဖြေလေးတွေရှိပါတယ်။”

ပြည်ပရောက်မြန်မာတွေကြိုတင်မဲပေးရေးအတွက် မူလက ဇူလိုင်လ ၁၀ ရက်နေ့ ကနေ သြဂုတ်လ ၂၃ရက်နေ့ အထိ ပုံစံ ၁၅ဖြည့် လျှောက်ဖို့ အချိန်ပေးခဲ့ပေမယ့် တသောင်းကျော်ဘဲ ရရှိခဲ့ကြောင်း၊ နည်းနေတဲ့အတွက် အချိန်ထပ်တိုးကာ စက်တင်ဘာ ၂၀ရက် ထိလက်ခံပေးခဲ့ကြောင်း၊ ဒီအတွက် နိုင်ငံအသီးသီးမှ ပုံစံ ၁၅ပေးပို့ခဲ့ ဦးရေ သုံးသောင်းကျော် ထိရှိလာခဲ့ တာဖြစ်ကြောင်း ပြည်ပရောက်မြန်မာတွေကြိုတင် မဲပေးနိုင်ဖို့ လုပ်ဆောင်ခဲ့တာနဲ့ ပတ်သတ်ပြီး ဦးတင်ထွန်းက ခုလိုပြောပြပါတယ်။

“နိုင်ငံမှာရှိတဲ့ မြို့နယ်ပေါင်း ၃၃၀ က နိုင်ငံသား အသီးသီးက နေရာတွေ မှာ ဖြန့်ကျပ်ပြီး ရောက်နေတာဖြစ်တဲ့အတွက်ကြောင့်မို့လို့ ကျနော်တို့ ရွေးကောက်ပွဲကော်မရှင် အနေနဲ့ က ပုံစံ ၁၅ ကို တဦးခြင်းစီ ၊ တမြို့နယ်ခြင်းစီ ကျနော်တို့ ခွဲခြားတယ်။ ခွဲခြားပြီးတော့မှ ကျနော်တို့က သက်ဆိုင်ရာမြို့နယ်ကို ပို့ပါတယ်။ သက်ဆိုင်ရာ မြို့နယ်ကို ရောက်တဲ့အခါမှာ ဒီ သက်ဆိုင်ရာမြို့နယ် ကော်မရှင်အဖွဲ့ခွဲက တာဝန်ရှိတဲ့ ပုဂ္ဂိုလ်တွေကနေပြီးတော့မှ ဒီမဲစရင်းမှာ ပါမပါ၊ မဲပေးပိုင်ခွင့် ရှိမရှိဆိုတာ ကြည့်ပါတယ်။ မဲပေးပိုင်ခွင့်ရှိတယ်ဆိုရင် ပုံစံ ၁(၃) လို့ခေါ်တဲ့ ၊ ဒီ ပြည်ပရောက် ကြိုတင်မဲပေးတဲ့ စာရင်းမှာ ထည့်သွင်းပါတယ်။ ပြီးတော့ နိုင်ငံတွေအလိုက်ကို ကျနော်တို့က နိုင်ငံခြားရေး ဌာနကို ကျနော်တို့က ပြန်ပြီးတော့ လွှဲအပ်ပေးပါတယ်။ နိုင်ငံခြားရေး ဌာနကမှ ကျနော်တို့ လွဲအပ်ပေးတဲ့ မဲလက်မှတ်တွေကို အိတ်တွေနဲ့ထည့်ပြီးတော့မှ သက်ဆိုင်ရာ သံရုံးတွေ အသီးသီးကို ပေးပို့ပါတယ်။”

ကြိုတင်မဲတွေပြန်ပို့တဲ့ နိုင်ငံတွေရဲ့ သံရုံးပေါင်း ၂၅ ရုံးက မဲလက်မှတ်တွေပြန် လည်ရောက်ရှိလာပြီလို့လည်း ရွေးကောက်ပွဲ ကော်မရှင်က ပြောပါတယ်။ မဲပြား မစုံလင်တဲ့အတွက် ရသလောက်ပဲ မဲပေးခဲ့ကြသူတွေနဲ့ မဲစာရင်းနာမည် ပါပေမယ့် မဲပြားမရလို့ မဲမပေးရသူတွေ အတွက် မဲပြားတွေကို စင်ကာပူ၊ ဂျပန်နဲ့ တောင်ကိုရီးယား ၃ နိုင်ငံကို မဲလက်မှတ်တွေ ထပ်ပို့ပေးခဲ့တယ် လို့ ရွေးကောက်ပွဲကော်မရှင်က ပြောပါတယ်။

ပြည်ပနိုင်ငံတွေကနေ ပုံစံ ၁၅လျှောက်ထားတဲ့ ဦးရေ ၃သောင်း ၄ထောင်ကျော် ရရှိခဲ့ပေမယ့် ပြန်လည်ပေးပို့တာမှာ ၃သောင်း ၁ရာကျော် သာပြန်လည် ပေးပို့နိုင် ခဲ့ကြောင်း၊ ၄၀၀၀ကျော်ကို ချန်လှပ်ခဲ့ရတာနဲ့ ပတ်သက်ပြီး ရွေးကောက်ပွဲကော်မရှင် က ညွှန်ကြားရေးမှူး ဦးတင်ထွန်းက ခုလိုပြောပြပါတယ်။

“မဲဆန္ဒရှင်တဦးတည်းကပဲ ပုံစံ ၁၅ ကို ၂ ကြိမ်ကနေပြီးတော့ ၅ ကြိမ်အထိ လျှောက် ထားတာမျိုးသွားတွေ့လာတယ်။ နောက် ဒုတိယအချက် ကတော့ ပြည်တွင်း လိပ်စာ၊ မြန်မာနိုင်ငံမှာ ရှိတဲ့လိပ်စာကို ပြည့်စုံ စွာဖော်ပြထားခြင်း မရှိတဲ့ အတွက်ကြောင့် လျှောက်ထားချက်ကို ကျနော်တို့အနေနဲ့ မဲလက်မှတ် ပို့ပေးလို့မရပါဘူး။ နောက်တခု ကတော့ ပြည်ပလိပ်စာဖော်ပြတဲ့နေရာမှာ တချို့ဆိုရင် ဘာမှ မရေးထားဘူး။ တချို့ကျတော့ ဘာရေးလဲဆိုတော့ ပြည်ပ လို့ပဲရေး လိုက်တယ်။ တချို့ကျတော့ သက်ဆိုင်ရာ နိုင်ငံတွေရဲ့ code လေးတွေပေါ့။ မြို့နယ်ရပ်ကွက် ကျေးရွာအထိ ဆင်းစစ်ရတဲ့အ တွက်ကြောင့် မို့လို့ တော်တော်လေး ခက်ခဲပါတယ်။ ဒါ သာမန်အားဖြင့်တော့ မသိနိုင်ကြပါဘူး။ ဒါနိုင်ငံတွေရဲ့ code ကို ရေးထားတာကြောင့်မို့။ ကျနော်တို့မှာ ပို့ပေးချင်ရဲ့သားနဲ့ ဘယ်နိုင်ငံပေးပို့ရမှာ မသိလို့ ကျန်ခဲ့တာလေးတွေဖြစ်ပါတယ်။”

လက်ရှိမှာပြည်ပရောက်မြန်မာနိုင်ငံသားတွေမဲပေးတာမှာ စင်ကာပူနိုင်ငံက အများဆုံးဖြစ်ပြီး ကြိုတင်မဲပေးသူ ၂သောင်းကျော် ရှိတယ်လို့ကော်မရှင် က ပြောပါတယ်။ ဒီထဲမှာ ဒါကာနိုင်ငံကတော့ အနည်းဆုံးဖြစ်ပြီး ၃၀ကျော်သာ မဲပေးခဲ့တယ်လို့ ပြောပါတယ်။

အခုအချိန်မှာ ရွေးကောက်ပွဲကော်မရှင်ဆီ ပြန်လည်ပေးပို့လာတဲ့မဲတွေကို လုံခြုံရေးအဆင့် တိုးမြှင့်ကာ သိမ်းထားကြောင်း လုံခြုံရေးအရ တိတ်၊ ချိပိ စတာတွေအပြင် တံဆိပ်ပါ ကြိုးပိတ်ကာ သိမ်းထားကြောင်း၊ လုံခြုံရေးဆိုင်ရာအရ မဲမသမာမှု လုံးဝမဖြစ်နိုင်ကြောင်း ကော်မရှင်က ဒီကနေ့အာမခံပြောဆိုခဲ့ပါတယ်။

မေခ/VOA

ကချင်လွတ်လပ်ရေးတပ်ဖွဲ့ KIA စစ်စခန်း။ 
ရှမ်းပြည်နယ်တွင်း SSA မြောက်ပိုင်းတပ်နဲ့ မြန်မာအစိုးရအကြား တိုက်ပွဲတွေ ဆက်ဖြစ်ပွားနေပြီး၊ ဒီအခြေအနေကြောင့် ရှမ်းပြည်နယ်တွင်း နောက်ထပ်မြို့နယ် လေးမြို့နယ်က မဲရုံအချို့မှာ ရွေးကောက်ပွဲကျင်းပနိုင်တော့မှာမဟုတ်ပါဘူး။ လွတ်လပ်မျှတပြီး တရားမျှတသော ရွေးကောက်ပွဲကျင်းပနိုင်ရန် အခြေအနေမရှိတာကြောင့်၊ အဲဒီမဲရုံတွေမှာ ရွေးကောက်ပွဲတွေ ကျင်းပပြုလုပ်နိုင်မှာ မဟုတ်ဘူးလို့ ရွေးကောက်ပွဲကော်မရှင်က ထုတ်ပြန်ခဲ့တာပါ။ ရှမ်းပြည်နယ်တွင်း တိုက်ပွဲအခြေအနေနဲ့ ဒေသတွင်း ရိုက်ခတ်မှုတွေအကြောင်း ဗွီအိုအေ သတင်းထောက်ကိုမိုးဇော်က စုံစမ်းမေးမြန်းပြီး သတင်းပေးပို့ထားတာပါ။

ရှမ်းပြည်နယ်မြောက်ပိုင်းဒေသ ကွတ်ခိုင်ဒေသနဲ့ မိုင်းရှုးဒေသဖက်တွေမှာ အစိုးရတပ်နဲ့ ကချင်၊ ရှမ်း တပ်ဖွဲ့တွေဟာ အောက်တိုဘာလ လယ်လောက်က စတင်ပြီး ဒီကနေ့ထိ တိုက်ပွဲတွေ ဆက်လက်ဖြစ်ပွားနေတာပါ။ ကွတ်ခိုင်ဒေသဖက် မှာတော့ လက်ရှိတိုက်ပွဲဖြစ်ပွားနေတဲ့အခြေအနေကို ကချင်လွတ်လပ်ရေးတပ်ဖွဲ့ KIA တပ်မဟာ ၄ က ဗိုလ်မှုးကြီး ဇော်ဂမ်က အခုလို ပြောပါတယ်။

"အခုဒီ တပ်ရင်း ၉ ဒေသ ဂုတ်ဖြတ်ကျေးရွာမှာတော့ နဲနဲကျင်းကျင်းတော့ရှိတယ်။ ကွတ်ခိုင်နဲ့ နမ့်ဖက်ကာ ဒေသ ကြားထဲမှာပေါ့။ အရှေ့ဖက်ခြမ်းကျတယ်။ အခု ကျိုကြားကျိုကြားဖြစ်တယ်။ အခု ဒီမနက်လည်း သူတို့ဆီက တဖွဲ့ နဲ့ပြန်ဖြစ်တယ်။ အသေးစိတ်ကတော့ မသိရသေးဘူး။ ဒီမှာ အခုဖြစ်နေတာက တပတ်လောက်ရှိပြီ။ ၂၀ ရက်နေ့က ရဟတ်ယာဉ် နှစ်စင်းနဲ့ လာပစ်တယ်။”

လောလောဆည်မှာတော့ ကွတ်ခိုင်ဒေသအတွင်း တိုက်ပွဲဖြစ်ပွားရာဒေသမှာ လူနေကျဲပါးတာကြောင့် ဒုက္ခသည်တွေ တိမ်းရှောင်တာမျိုးမရှိဘူးလို့ ပြောပါတယ်။

တချိန်တည်းမှာပဲ ရှမ်းပြည်တိုးတက်ရေးပါတီ SSPP/SSA မြောက်ပိုင်းတပ်ဖွဲ့ နဲ့ အစိုးရတပ်အကြား မိုင်းရှုးဒေသအတွင်းမှာ တိုက်ပွဲတွေ ဆက်လက်ဖြစ်ပွားနေ တာကြောင့် ဒုက္ခသည် ၂ထောင်ကျော်လောက် တိမ်းရှောင်နေရတယ်လို့ ဒေသခံ တဦးက ပြောပါတယ်။

“အခုဟာက ကျနော်တို့ မိုင်းရူးနားမှာဖြစ်နေတယ်ခင်ဗျာ။ ဒီနေ့မနက်က မိုင်းရူးနားမှာ ဖြစ်နေတယ် ။ မိုင်းရူးနဲ့ ကပ်ရပ်ပဲ ခင်ဗျာ။ မိုင်းရူးနဲ့ ကျနော်တို့ သံတွဲရွာပေါ့။ ၁ မိုင်ကျော်ကျော်လောက်ပဲ ကွာတယ်ခင်ဗျာ။ ဒုက္ခသည်က ဟိုင်းပန်မှာ ၉၀၀ ကျော်ပေါ့။ ၀မ်ဆော့မှာတော့ ၁၀၀၀ ကျော်တယ်ခင်ဗျာ။ မနေ့ကထိ မိုင်းရူးမှာက ၄၀၀ ကျော်ရှိတယ်ခင်ဗျာ။ အားလုံးပေါင်းဆိုရင် ၂၅၀၀ လောက်တော့ ရှိတယ်ခင်ဗျာ။”

ဒီလိုတိုက်ပွဲတွေ ဆက်လက်ဖြစ်ပွားနေတာကြောင့် လွတ်လပ်ပြီး တရားမျှတတဲ့ ရွေးကောက်ပွဲ ကျင်းပနိုင်ဖို့ အခက်အခဲတွေ ရှိလာနေပါတယ်။

ရှမ်းပြည်နယ်မြောက်ပိုင်း ရွေးကောက်ပွဲဆိုင်ရာ တာဝန်ခံ ဦးမြင့်စန်းဦးကတော့ ကွတ်ခိုင်ဒေသမှာ တိုက်ပွဲတွေဖြစ်ပွားနေပေမဲ့ ရွေးကောက်ပွဲကို ဆက်လက် ကျင်းပဖွယ် ရှိကြောင်းပြောပါတယ်။

“ရွေးကောက်ပွဲကို ဘာမှ မထိခိုက်ပါဘူး။ သူဟာသူ တိုက်ပွဲ က တပ်နဲ့ လက်နက်ကိုင် အဖွဲ့တွေနဲ့ ဖြစ်နေတာ။ လက်ရှိရွေးကောက်ပွဲ လုပ်ငန်းစဉ် အတိုင်းပဲ ဆောင်ရွက်နေပါတယ်။

ရှမ်းတပ်ဖွဲ့နဲ့ တိုက်ပွဲဖြစ်ပွားတဲ့ ဒေသဖက်က တန့်ယန်းမြို့နယ် အတွင်း မှာတော့ ကျေးရွာအုပ်စု ၈အုပ်စု ရွေးကောက်ပွဲရွှေ့ဆိုင်း ဒါမှမဟုတ် ပယ်ဖျက်ဖွယ် ရှိနေတယ်လို့ ဆက်ပြောပါတယ်။

“ အဲဒီဖက်မှာ ကျနော်တို့ တမ့်ရန်းမြို့နယ်က ကျေးရွာ ၈ အုပ်စုပဲ၊ တိုက်ပွဲဖြစ်တဲ့ ဖက်ကို ပါနေတာလေ။ ဆိုပါတော့ တိုင်းစစ်ဌာနချုပ်ရဲ့ နယ်မြေမဟုတ်တဲ့ ဟာပေါ့။ ဒီကျနော်တို့ ဒီဖက် တိုင်းစစ်ဌာနချုပ်နယ်မြေထဲမှာ ပါတဲ့ တမ့်ရန်းမြို့နယ် တခုအတွက်ကတော့ မဲပေးမယ့်ဟာကို ဘာမှ အနှောက်အယှက် မရှိပါဘူး။ အထူးသဖြင့်ရွေးကောက်ပွဲလုပ်မယ့်ကာလမှာ သက်ဆိုင်ရာ လုံခြုံရေး အတွက် စစ်ဌာနချုပ်က လုံခြုံရေးဆောင်ရွက်ပေးမယ်ဆိုရင် ဘာမှ အနှောက်အယှက်မရှိပါဘူး။ တကယ်လို့ ဒီအတိုင်းမဟုတ်ပဲ သူတို့ တိုက်ပွဲတွေဖြစ်နေတာနဲ့ ဒီဖက်ကိုလည်း လုပ်ဖို့ နဲနဲအခက်အခဲရှိနေတယ်ဆိုရင်တော့ အဲဒါတွေကို တော့ တန့်ရမ်းမြို့နယ် ကျေးရွာ အုပ်စု ၈ အုပ်စုကတော့ ခဏ ပယ်ဖြတ်မယ့်သတင်းထဲမှာ ပါသွားမယ်ပေါ့နော်။”

ကျားဖြူပါတီလို့ လူသိများတဲ့ ရှမ်းတိုင်းရင်းသားများ ဒီမိုကရက်တစ်ပါတီ SNDP ကတော့ တိုက်ပွဲဖြစ်ပွားနေတဲ့ မိုင်းရှုး၊ ကျေးသီးနဲ့ တန့်ယန်းမြို့နယ် ၃မြို့နယ်မှာ ရွေးကောက်ပွဲယာယီ ရပ်ဆိုင်းဖို့ ပြည်ထောင်စု ရွေးကောက်ပွဲကော်မရှင် ကို တင်ပြထားပါတယ်။ ဒီတင်ပြချက်အပေါ်မှာတော့ ကျားခေါင်းပါတီခေါ် ရှမ်းတိုင်းရင်းသားများ ဒီမိုကရေစီအဖွဲ့ SNLD က ကန့်ကွက်ထားပါတယ်။

ပြည်ထောင်စုရွေးကောက်ပွဲကော်မရှင်ကော်မရှင်က ဒီလ ၁၂ရက်နေ့က ရှမ်းပြည်နယ်အတွင်းက မြို့နယ် ၁၃မြို့နယ်မှာ ရွေးကောက်ပွဲကျင်းပမှာ မဟုတ်ကြောင်း ထုတ်ပြန်ထားရာမှာ လက်ရှိတိုက်ပွဲတွေကြောင့် ရွေးကောက်ပွဲ မကျင်းပနိုင်တဲ့ ဒေသတွေကို ထပ်မံ ကြေညာဖွယ်ရှိနေပါတယ်။

ကိုမိုးဇော် / ဗွီအိုအေ (မြန်မာပိုင်း)
http://burmese.voanews.com

ဒေါင်းထီးလေးနဲ့ အမေအို
ကောင်းချီးပေးလှဲ့ သပြေညို
နေညိုညို မှာကွဲ့ 
ခြေတိုအောင်လျှောက်ပါလို့ 
လမ်းဖေါက်သူကို
လှမ်းထောက်ကူ ကြိုလှည့်ကြ
နွမ်းခြောက်သူ စိုစေလို
ပိုသာပို မလိုစေနဲ့ စိတ်ထား
မောင့်အသဲကြားက မဲတပြားကို
မေ့အသဲဖြားက မဲတအားပို
တသားထဲနှော့ ဂဟေကျို
ဒေါင်းမျိုးသစ်ကျော့ တွန်သံချို
ပြည်တော်ပြန် မခင်ထွေးကိုတဲ့
နန်းတင်မဲ့ အရေးပါဆို
ထီးကလည်းလို မင်းလည်းလို
ခင်ဗျားလည်းလို သူလည်းလို
ရွှေပြည်ရွှေသား အားလုံးလို
ပေါင်းကြစုကြ …. မဲကုသိုလ်။ ။

လေးစားလျှက်
(မင်းကောင်းချစ်)
အောက်တိုဘာ (၂၇ ) ရက် ၂၀၁၅ ခုနှစ်

ခုရက်ပိုင်း မီဒီယာလောကထဲမှာ လူပြောသူပြော များနေတာကတော့ အစိုးရပိုင် မြန်မာ့အလင်း နဲ့ ကြေးမုံသတင်းစာကြီး နှစ်စောင်ကနေ ရွေးကောက်ပွဲဆိုင်ရာ စာနယ်ဇင်းတွေ လိုက်နာ စောင့်ထိန်းရမယ့် ကျင့်ဝတ် ချိုးဖေါက်လိုက်တဲ့ ကိစ္စပါ။ တကယ်တော့ ဒီလို ကျင့်ဝတ် ချိုးဖေါက် တာဟာ အစိုးရက အပြည့် အဝ ထိန်းချုပ်ထားတဲ့ သတင်းစာကြီး နှစ်စောင်တင် မကပါဘူး။ သတင်းဇာတ်ကောင်တွေ ဖြစ်ကြတဲ့ သမ္မ တ ဦးသိန်းစိန်နဲ့ အစိုးရအဖွဲ့၊ ပြည်ခိုင်ဖြိုးပါတီ နှစ်ခု စလုံးကပါ ချိုးဖေါက်တယ်လို့တောင် ဆိုနိုင်ပါတယ်။ ဒီကနေ့ အဲဒီအကြောင်း ဆွေးနွေး တင်ပြသွား ပါ့မယ်။

ပထမ သမ္မတ ဦးသိန်းစိန်နဲ့ ရွေးကောက်ပွဲအကြောင်း အရင် ဆွေးနွေးကြည့်ရအောင်ပါ။ လက်ရှိ ဖွဲ့စည်းပုံ၂၀၀၈ ထဲမှာ သမ္မတနဲ့ အစိုးရအဖွဲ့ ဝန်ကြီးတွေဟာ သူတို့ရဲ့ အစိုးရတာဝန် သက်တမ်းအတွင်း ပါတီနိုင်ငံရေး မဆောင်ရွက်ရဘူးလို့ ပြဌာန်းထားပါတယ်။ အစိုးရ သက်တန်းလို့ ဆိုထားတဲ့အတွက် တာဝန် စထမ်းဆောင်ချိန်က စပြီး တာဝန်ကနေ နှုတ်ထွက်၊ ဒါမှမဟုတ် အနားယူမယ့် အချိန်အထိ အကျုံးဝင်ပါ တယ်။ ဒါပေမယ့် ပြည်ထောင်စု အစိုးရအဖွဲ့ ဥပဒေမှာတော့ ရွေးကောက်ပွဲ မဲဆွယ်ကာလ ရောက်ရင် ရွေးကောက်ပွဲဝင်မယ့် သမ္မတနဲ့ အစိုးရ အဖွဲ့ဝင်တွေဟာ မဲဆွယ်စည်းရုံးရေး လုပ်ငန်းတွေ လုပ်နိုင်တယ် ဆိုပြီး ပြဌာန်းပေးထားပါတယ်။

အဲဒီ ပြဌာန်းချက်နဲ့ ပတ်သက်ပြီး ပြီးခဲ့တဲ့ လွှတ်တော် အစည်းအဝေး ကာလအတွင်း လွှတ်တော် နာယက သူရဦးရွှေမန်းက ပြင်ဆင်ဖို့ ကြိုးစားခဲ့ပါသေးတယ်။ သူက ဥပဒေပါပါတီ စည်းရုံးရေး လုပ်နိုင် တယ်ဆိုတာကို ဖြုတ်ပစ်လိုက် ချင်တာပါ။ သူအဲလို ပြင်ဆင်ချင်တဲ့ အကြောင်းရင်းကတော့ လာမယ့် မဲဆွယ် ရွေးကောက်ပွဲကာလ ပြီးသည်အထိ သမ္မတ ဦးသိန်းစိန်နဲ့ အစိုးရအဖွဲ့ဝင် ဝန်ကြီးတွေ ဘယ်သူ တစ်ဦးတစ်ယောက်မှ ပြည်ခိုင်ဖြိုးပါတီဆီ ပြန်မလာနိုင်အောင်၊ အခြား ဘယ်ပါတီ တစ်ခုခုဆီမှလည်း သွားမရအောင်၊ ပါတီ အသစ်တစ်ခုခုလည်း မထောင်နိုင်အောင် ကြံရွယ်ပြီး လုပ်တာပါ။ သမ္မတနဲ့ အစိုးရ အဖွဲ့ဝင်တွေ ရွေးကောက်ပွဲဝင်ချင်ရင် တစ်သီးပုဂ္ဂလအနေနဲ့ ရွေးကောက်ပွဲ ဝင်ကြလို့ ဆိုလိုတာပါ။ ဒါပေ မယ့်လည်း သူရဦးရွှေမန်းရဲ့ ကြိုးစားမှု မအောင်မြင်ခဲ့သလို ဂိုဏ်းဂဏ တိုက်ပွဲအတွင်း သူကိုယ်တိုင် ပါတီခေါင်းဆောင် အဖြစ်ကနေ ဖယ်ရှားခံခဲ့ရပါတယ်။

ဘယ်လိုပဲဖြစ်ဖြစ် လက်ရှိ တည်ဆဲဥပဒေအရ သမ္မတ ဦးသိန်းစိန်သာ ရွေးကောက်ပွဲ ဝင်မယ်ဆိုရင် ပါတီစည်းရုံးရေး မဲဆွယ်ခွင့်ရှိမှာ ဖြစ်ပါတယ်။ ဒါပေမယ့် ရွေးကောက်ပွဲ မဝင်ဘူးဆိုရင်တော့ မဲဆွယ်စည်း ရုံးခွင့် ရှိမှာ မဟုတ်ပါဘူး။ လက်ရှိ ရွေးကောက်ပွဲဝင်ကြမယ့် ဒုသမ္မတတွေ၊ အစိုးရ အဖွဲ့ဝင် ဝန်ကြီးတွေ အနေနဲ့ မဲဆွယ်စည်းရုံးခွင့် ရှိကြသလို၊ စည်းရုံးမှုတွေကိုလည်း လုပ်နေကြပါပြီ။ တစ်ခုပါပဲ၊ ပါတီ မဲဆွယ် စည်းရုံးရေး လုပ်ငန်းလုပ်ရာမှာ အစိုးရတာဝန်နဲ့ ခွဲခွဲခြားခြား လုပ်ကြဖို့ပါပဲ။ ဒါပေမယ့် ခုဆိုရင် တစ်ချို့ အစိုးရ ဝန်ကြီးတွေ မဲဆွယ်စည်းရုံးရေး လုပ်ရာမှာ အစိုးရ လုပ်ငန်းတာဝန်တွေနဲ့ ခွဲခွဲခြားခြား မရှိဘူး၊ ရောထွေးနေတယ်ဆိုတဲ့ ဝေဖန်မှုတွေလည်း ရှိနေကြပါတယ်။

အခုပြဿနာမှာလည်း ဒီလိုပါပဲ။ သမ္မတ ဦးသိန်းစိန်အနေနဲ့ ရွေးကောက်ပွဲဝင်မယ့်သူ မဟုတ်တော့ မဲဆွယ်စည်းရုံးခွင့် မရှိပါဘူး။ ဒီအတွက် သူသွားသမျှ ခရီးစဉ်တွေဟာ အစိုးရလုပ်ငန်း ဆောင်တာတွေနဲ့ ပတ်သက်တဲ့ ခရီးစဉ်တွေဖြစ်ဖို့လိုပြီး ခရီးသွားလာတဲ့ ပုံစံတွေမှာလည်း အရင်တုန်းကအတိုင်း အစိုးရခရီး စဉ် ပုံစံတွေ ဖြစ်နေဖို့ လိုပါတယ်။ အခု ဝိုင်းဝန်း ဝေဖန်ကြတဲ့ မိတ္တီလာခရီးစဉ်မှာ သမ္မတ ဦးသိန်းစိန်ကို ကြိုဆိုကြတဲ့ သူတွေဟာ ပြည်ခိုင်ဖြိုးပါတီ အလံငယ်လေးတွေ ထောင်ပြီး ကြိုဆိုနေကြတာ တွေ့ရပါတယ်။ တကယ်တော့ ဒီလိုဖြစ်လို့ မရပါဘူး။ ခရီးစဉ်ကို စီစဉ်တဲ့သူတွေဟာ သမ္မတလာမှာကို ကြိုဆိုတဲ့သူတွေထဲ နိုင်ငံရေးပါတီ တစ်ခုခုရဲ့ အလံတွေပါလာရင် မေတ္တာရပ်ခံ တားဆီးပေးထားဖို့ လိုပါတယ်။ ဖြစ်နိုင်ရင် နိုင်ငံ တော်အလံကို ကိုင်ပြီး ကြိုနိုင်အောင် စီစဉ်ပေးရင် ရပါတယ်။ အခု ခရီးစဉ်မှာတော့ ပြည်ခိုင်ဖြိုးပါတီ အလံ တွေဝှေ့ရမ်းပြီး ကြိုဆိုနေပုံကတော့ ရွေးကောက်ပွဲဆိုင်ရာ စည်းမျဉ်းစည်းကမ်းကို မလိုက်နာရာ ကျပါ တယ်။

ပြဿနာကို ပိုပြီး ကြီးထွားစေတာကတော့ အစိုးရ ပြန်ကြားရေး ဝန်ကြီးဌာနက အတိအကျ ကိုင်တွယ်ထားတဲ့ သတင်းစာ ဖော်ပြချက်ပါ။ မျက်နှာဖုံးမှာ မိတ္တီလာမြို့နှင့် မိတ္တီလာလွင်ပြင် တစ်ခုလုံး အစိမ်းရောင်လွင်ပြင် ဖြစ်ရမည်ဆိုတဲ့ ခေါင်းစဉ်ကြီးတွေနဲ့ သတင်းရေးသား ဖော်ပြမှုပါ။ မှန်ပါတယ်။ အတွင်း သတင်းစာသားတွေမှာတော့ သမ္မတ ဦးသိန်းစိန်က မိတ္တီလာ ပတ်ဝန်းကျင်ကို စိမ်းလန်းစိုပြေ စေရမယ်ဆိုပြီး ပြောထားတာပါ။ ဒါပေမယ့် ခေါင်းစဉ်တပ်ပုံ၊ သမ္မတကို ပြည်ခိုင်ဖြိုးပါတီ အလံတွေနဲ့ ကြိုဆိုနေပုံ၊ အစိမ်းရောင်ဆိုတာ ပြည်ခိုင်ဖြိုးပါတီရဲ့ သင်္ကေတအဖြစ် ပါတီခေါင်းဆောင်တွေ ကိုယ်တိုင် တင်စား ပြောဆိုနေမှု စတာတွေ အားလုံးကို ခြုံငုံကြည့်လိုက်ရင်တော့ ဒါဟာ ပါတီမဲဆွယ်မှု အနေအထား ရှိတဲ့ သတင်းဖော်ပြချက် ဖြစ်သွားပါတော့တယ်။
ထုံးစံအတိုင်းပါပဲ။ ဒါနဲ့ ပတ်သက်ပြီး ပြန်ကြားရေးဝန်ကြီး ဦးရဲထွဋ်က သူ့ရဲ့ ဖေ့ဘွတ်ခ် စာမျက်နှာ မှာ အခု သတင်းဖော်ပြချက်နဲ့ ပတ်သက်ပြီး “မြို့ ကြီး ရေလှောင်တမံနဲ့ မိတ္ထီလာကန် ပြီးတော့ မိတ္ထီလာ လွင်ပြင်ထဲက ရေပေးဝေစနစ် ဒါကြောင့် သမ္မတကြီးက မိတ္ထီလာမြို့နဲ့ မိတ္ထီလာ လွင်ပြင်တစ်ခုလုံး အစိမ်း ရောင် လွင်ပြင်ဖြစ်ရမယ်လို့ ပြောတာပေါ့” ဆိုပြီး ဖြေရှင်းပါတယ်။ မိုးကြိုးပစ်တာကို ထန်းလက်နဲ့ ကာသလို ပါပဲ။ ဒီလို ဖြေရှင်းချက်တွေဟာ ဖြေရှင်းချက် အဖြစ်လောက်ပဲ ရှိနေမှာဖြစ်ပြီး အများပြည်သူကတော့ လက်ခံနိုင်မှာ မဟုတ်ပါဘူး။

တကယ်တော့ အစိုးရက အပြည့်အဝ ထိန်းချုပ်ထားတဲ့ သတင်းစာ၊ ရေဒီယို၊ ရုပ်သံချယ်နယ်တွေ အားလုံးမှာ အဓိက အသားပေး ဖော်ပြနေတာတွေဟာ သမ္မတ ဦးသိန်းစိန် ခရီးစဉ်နဲ့ အစိုးရအဖွဲ့ရဲ့ လုပ်ကိုင်ဆောင်ရွက်မှုတွေ ချည်းပါပဲ။ ပြောရရင် ရွေးကောက်ပွဲ မဲဆွယ်ကာလမှာ သမ္မတ ဦးသိန်းစိန်နဲ့ အစိုးရအဖွဲ့ ခရီးစဉ်တွေအကြောင်း ခပ်စိပ်စိပ် ဖော်ပြတာတောင် သွယ်ဝိုက်တဲ့သဘောနဲ့ ပါတီစည်းရုံးရေး အသွင် ဆောင်နေပြီးသားပါ။ အကြောင်းကတော့ သမ္မတ ဦးသိန်းစိန်နဲ့ အစိုးရအဖွဲ့ဝင်တွေ အားလုံးဟာ ပြည်ခိုင်ဖြိုး ပါတီဝင်တွေ ဖြစ်နေပြီးသားမို့ပါ။

အခုအစိုးရ သတင်းစာပါ သမ္မတခရီးစဉ် သတင်းဖော်ပြချက်ကတော့ မလှိမ့်တစ်ပတ် မရိုးမသား လုပ်ထားတဲ့ မဲဆွယ်စည်းရုံးရေး သတင်းပါ။ ဒီလို လုပ်တဲ့အတွက် သမ္မတ၊ ပြည်ခိုင်ဖြိုးပါတီနဲ့ ပြန်ကြားရေး ဝန်ကြီးဌာနကို ဘယ်သူကမှ အရေးယူမှာတော့ မဟုတ်ပါဘူး။ အလားတူ သမ္မတနဲ့ ရင်းနှီးတဲ့ ပြည်ထောင် စု ရွေးကောက်ပွဲ ကော်မရှင်ဥက္ကဋ္ဌကလည်း ဘာမှပြောမှာ မဟုတ်ပါဘူး။ ဒါပေမယ့် သမ္မတ၊ ပြည်ခိုင်ဖြိုးပါ တီ၊ ပြန်ကြားရေး ဝန်ကြီးဌာနနဲ့ အစိုးရ သတင်းစာတွေကိုတော့ ပြည်သူလူထု ပိုပိုပြီး အယုံအကြည်နည်း စေတဲ့ အကျိုးဆက်ပဲ ရမှာဖြစ်ပါကြောင်း သုံးသပ် တင်ပြလိုက်ရပါတယ်။

MIZZIMA


elections-commission-press-620.jpg
နေပြည်တော်က ပြည်ထောင်စု ရွေးကောက်ပွဲကော်မရှင်ရုံးမှာ ကျင်းပတဲ့ သတင်းစာ ရှင်းလင်းပွဲကို အောက်တိုဘာလ ၂၇ ရက်နေ့က တွေ့ရစဉ်
Photo:Win Ko Ko Latt/RFA

နိုဝင်ဘာလ ၈ ရက်နေ့မှာ ဆန္ဒမဲပေးပိုင်ခွင့်ရှိသူစာရင်းကို လာမယ့် နိုဝင်ဘာလ ၂ ရက်နေ့ကနေ ၅ ရက်နေ့အထိ ထုတ်ပြန်ကြေညာမှာဖြစ်ပြီး အဲ့ဒီစာရင်းဟာ နောက်ဆုံးဆန္ဒမဲပေးပိုင်ခွင့်ရှိသူ စာရင်းဖြစ်ကြောင်း၊ အဲ့ဒီစာရင်းမှာ မပါသူတွေ မဲပေးခွင့်ရှိမှာမဟုတ်ကြောင်း ပြည်ထောင်စု ရွေးကောက်ပွဲကော်မရှင်က ပြောပါတယ်။

ဒီနေ့ နေပြည်တော်က ပြည်ထောင်စု ရွေးကောက်ပွဲကော်မရှင်ရုံးမှာ ကျင်းပတဲ့ သတင်းစာ ရှင်းလင်းပွဲမှာ ပြည်ထောင်စုရွေးကောက်ပွဲကော်မရှင် ညွှန်ကြားရေးမှူးချုပ် ဦးတင်ထွန်းက ပြောလိုက်တာ ဖြစ် ပါတယ်။

"မဲဆန္ဒရှင်စာရင်းကတော့ ပါမလာဘူးဆိုတဲ့အတွက်ကြောင့် ဘာမှလုပ်လို့မရတော့ပါဘူး၊ ဘာဖြစ်လို့လဲ ဆိုလို့ရှိရင် ကျနော်တို့က ၁၄ ရက်ကနေ ၁၇ ရက်နေ့အထိ မဲစာရင်းတွေ ကပ်ထားပြီးပြီ၊ အဲ့ဒီမှာ သူတို့မပါတဲ့လူလျှောက်လွှာ မပါသေးတဲ့လူတွေနဲ့ ပတ်သက်လို့ရှိရင် ကျနော်တို့ သေချာအောင်လို့ဆိုပြီးတော့ သက်ဆိုင်ရာမဲစာရင်းတွေကို ကျနော်တို့ အဲ့ဒီမှာကပ်တဲ့အထိ သွားကြည့်ပြီးပြီး မပါနိုင်စရာအကြောင်းတော့ မရှိဘူး"

မဲရုံတစ်ရုံမှာ မဲဆန္ဒရှင်အနည်းဆုံး သုံးရာကနေ သုံးထောင်အထိရှိမှာဖြစ်ပြီး မနက် ၆ နာရီကနေ ညနေ ၄ နာရီအတွင်း မဲပေးခွင့်ရှိမှာဖြစ်ပါတယ်။ မဲပေးမယ့်သူများတဲ့ မဲရုံတွေမှာဆိုရင် သတ်မှတ်ပေးထားတဲ့ မဲပေးချိန်ကာလအတွင်း မဲပေးမှုမပြီးသေးဘူးဆိုရင် မဲရုံပရဝုဏ်အတွင်းမှာရှိသူတွေကို ပြီးဆုံးအောင် မဲပေးခွင့်ပြုမယ်လို့လည်း ပြောပါတယ်။

မြန်မာတစ်နိုင်ငံလုံးမှာ မဲပေးခွင့်ရှိသူ ၃၄ သန်းလောက်ရှိပြီး မဲလက်မှတ်ပေါင်း ၁၂၅ သန်းကျော် ရိုက်နှိပ်နေတယ်လို့ သိရပါတယ်။

ဒီအတောအတွင်း နယ်မြေမတည်ငြိမ်တာကြောင့် ရွေးကောက်ပွဲ မကျင်းပနိုင်တဲ့ နယ်မြေတွေကို ဒီနေ့ညနေပိုင်းမှာ ထုတ်ပြန်ကြေညာလိုက်ပါတယ်။ ရှမ်းပြည်နယ် မိုင်းရှူးမြို့နယ်နဲ့ ကျေးသီးမြို့နယ်တို့မှာ ရွေးကောက်ပွဲ မကျင်းပနိုင်ကြောင်းနဲ့ တန့်ယန်းမြို့နယ်က ကျေးရွာအုပ်စု ၈ အုပ်စုနဲ့ ဟိုပန်မြို့နယ်က ရပ်ကွက် ၅ခု၊ ကျေးရွာအုပ်စု ၃၇ အုပ်စုမှာလည်း ရွေးကောက်ပွဲ မကျင်းပနိုင်ကြောင်း ကြေညာလိုက်တာဖြစ်ပါတယ်။

RFA

ပါလ်​မိုင်​ရာ ​မြို့​ဟောင်း ​ဖျက်​ဆီး​မှု​ကို ​စစ်​ရာ​ဇ​ဝတ်​မှု ​အ​ဖြစ် ​ယူ​နက်​စ​ကို ​ရှုံ့​ချ။
ဆီး​ရီး​ယား ​နိုင်​ငံ​ရဲ့ ​သ​မိုင်း​ဝင် ​မြို့​ဟောင်း ​ပါလ်​မိုင်​ယာ​ကို ​သိမ်း​ပိုက်​ထား​တဲ့ IS ​အ​စ္စ​လာ​မ္မစ် ​နိုင်​ငံ​အ​ဖွဲ့ ​စစ်​သွေး​ကွှေ​တွ​က ​သူ​တို့ ​ဖမ်း​ဆီး​ထား​တဲ့ ​လူ ၃ ​ယောက်​ကို ​မြို့​ဟောင်း​မှာ ​ရှိ​တဲ့ ​တိုင်​လုံး​ကြီး​တွေ​မှာ ​ချည်​နှောင်​ပြီး ​ဖောက်​ခွဲ ​သတ်​ဖြတ် ​ခဲ့​ကြ​တယ်​လို့ ​အ​ခွင့်​အ​ရေး ​လှုပ်​ရှား​သူ​တွေ​က ​ပြော​ပါ​တယ်။

တ​န​င်္ဂ​နွေ​က ​သတ်​ဖြတ် ​ခံ​ခဲ့​ကြ​ရ​တဲ့ ​အဲ​ဒီ ​လူ ၃ ​ဦး​ဟာ ​ဘယ်​သူ ​ဘယ်​ဝါ​တွေ ​ဖြစ်​တယ် ​ဆို​တာ​ကို​တော့ ​မ​သိ​ရ ​သေး​ပါ​ဘူး။

ဒါ​ပေ​မယ့် ​အ​ခု​လို ​တိုင်​လုံး​တွေ​မှာ ​ချည်​နှောင်​ပြီး ​ဖောက်​ခွဲ​တဲ့ ​ပုံ​စံ​နဲ့ ​အ​သတ်​ခံ​ရ ​တာ​က​တော့ ​ပါလ်​မိုင်​ယာ ​မြို့​ဟောင်း​ကို IS ​တွေ ​သိမ်း​ပိုက်​ခဲ့​တဲ့ ​မေ​လ ​နောက်​ပိုင်း​မှာ ​သူ​တို့ ၃ ​ဦး​က ​ပ​ထ​မ​ဆုံး ​ဖြစ်​လိမ့်​မယ်​လို့ ​ယူ​ဆ ​ရ​ပါ​တယ်။

က​မ္ဘာ့ ​ရှေး​ဟောင်း ​ယဉ်​ကျေး​မှု ​အ​မွေ​အ​နှစ် ​စာ​ရင်း​ဝင်၊ ​နှစ် ၂ ​ထောင် ​သက်​တမ်း​ရှိ​တဲ့ ​အဲ​ဒီ ​ပါလ်​မိုင်​ယာ ​မြို့​ဟောင်း​က ​အ​ထင်​က​ရ ​နေ​ရာ​တွေ ​ဖြစ်​တဲ့ ​မီး​သ​င်္ဂြိုဟ်​တဲ့ ​မျှော်​စင်​တွေ​နဲ့ ​အ​မိုး​ခုံး ၁ ​ခု​ကို​လည်း IS ​တွေ​က ​ဖျက်​ဆီး ​ခဲ့​ကြ​ပြီး ​ဖြစ်​ပါ​တယ်။

ကု​လ​သ​မ​ဂ္ဂ​ရဲ့ ​ယူ​နက်​စ​ကို ​အ​ဖွဲ့​က​တော့ ​မြို့​ဟောင်း ​အ​ဆောက်​အ​အုံ​တွေ ​ဖျက်​ဆီး​မှု​ကို ​စစ်​ရာ​ဇ​ဝတ်​မှု ​အ​ဖြစ် ​ရှုံ့​ချ ​ခဲ့​ပါ​တယ်။

BBC Burmese
http://www.bbc.com/burmese

ပါကစ္စတန် နိုင်ငံမှာ ပြင်းအား ၇ ဒသမ ၈ မဂ္ဂနီကျူရှိ ငလျင်လှုပ်ခတ်ခဲ့။
 ပါကစ္စတန် နိုင်ငံမှာ မနေ့ တနလာင်္နေ့က လှုပ်ခတ်ခဲ့တဲ့ ပြင်းအား ၇ ဒသမ ၈ မဂ္ဂနီကျူရှိ ငလျင်ကြောင့် ထိခိုက်ခဲ့ရသူတွေကို အစိုးရဘက်က အစွမ်းကုန် ကူညီလုပ်ဆောင်ပေးသွားမှာ ဖြစ်ပြီး အာဏာပိုင်တို့ဘက်က အလုံးစုံ လေ့လာ ဆန်းစစ်ပြီးနောက်မှာ ကယ်ဆယ်ရေး အစီအစဉ်ကို ကြေညာမယ်လို့ ဒီကနေ့မှာဘဲ ပါကစ္စတန် ၀န်ကြီးချုပ် Nawaz Sharif က ပြောဆိုလိုက်ပါတယ်။

အာဖဂနစ္စတန် မြောက်ပိုင်း လူနေကျဲတဲ့ Badakhshan ခရိုင်မှာ ငလျင် လှုပ်ခတ်ပြီးနောက်ပိုင်း တုံ့ပြန်ကယ်ဆယ်ရေးနဲ့ အပျက်အစီး အခြေအနေတွေကို သိရဖို့ အတွက် ပါကစ္စတန် ၀န်ကြီးချုပ်က အဆင့်မြင့် အရာရှိကြီးများ အစည်းအဝေး ကျင်းပခဲ့တာ ဖြစ်ပါတယ်။ ငလျင်ကြောင့် ပါကစ္စတန်နဲ့ အာဖဂနစ္စတန်တို့မှာ လူပေါင်း ၃၅၀ နီးပါး သေဆုံးပြီး ၂ ထောင်ကျော် ထိခိုက်ဒဏ်ရာရခဲ့ပါတယ်။

ပါကစ္စတန် အနောက်မြောက်ပိုင်းက Khyber Pakhtunkhwa ခရိုင် အတွင်းမှာ ငလျင်ကြောင့် ထိခိုက်သေဆုံးမှု အများဆုံးဖြစ်ပြီး အနည်းဆုံး ၁၈၅ ဦး သေဆုံးပြီး ၁၄၅၀ တို့ ဒဏ်ရာရခဲ့တယ်လို့ တာဝန်ရှိသူတွေက အတည်ပြုထားပါတယ်။ နိုင်ငံရဲ့ လူမျိုးစုဒေသမှာလည်း လူ ၃၀ တို့ သေဆုံးခဲ့ရပါတယ်။

ပါကစ္စတန် စစ်တပ်ဘက်ကရော အရပ်ဘက် အကူအညီပေးရေး အဖွဲ့တွေပါ ငလျင်ဒဏ်သင့်တဲ့ ဒေသတွေကို ရဟတ်ယာဉ်တွေ၊ မိုးကာတဲတွေ၊ စောင်တွေနဲ့ အစားအသောက်တွေကို ဒီကနေ့မှာ ပို့ဆောင်ပေးနေကြပါတယ်။

တာလီဘန် သူပုန်တို့ကလည်း ငလျင်ကယ်ဆယ်ရေး အတွက် အကူအညီပေးရေး အဖွဲ့တွေ အနေနဲ့ ကူညီကယ်ဆယ်ရေး လုပ်ငန်းတွေကို ဆိုင်းငံ့ခြင်း မရှိဘဲ လုပ်ဆောင်ကြဖို့ ကြေညာချက် ထုတ်ပြန် ပြောဆိုသလို တာလီဘန် တိုက်ခိုက်ရေး သမားတွေကလည်း ငလျင်ဒဏ်ခံစားခဲ့ရသူတွေကို အကူအညီတွေ ရောက်ရှိစေရေး ကူညီပေကြဖို့ ညွှန်ကြားထားပါတယ်။

အာဖဂနစ္စတန် မှာတော့ ငလျင်ကြောင့် လူပေါင်း ၇၆ ဦး သေဆုံးပြီး ၂၆၈ ဦးတို့ ထိခိုက်ဒဏ်ရာရခဲ့ပြီး သေဆုံးဒဏ်ရာရမှု အရေအတွက် တိုးလာနိုင်တယ်လို့ အာဖဂန် အစိုးရ အဖွဲ့ အကြီးအကဲ Abdullah Abdullah က ဒီကနေ့မှာဘဲ ပြောဆိုထားပါတယ်။

ဗွီအိုအေ (မြန်မာပိုင်း)
http://burmese.voanews.com

တောင်တရုတ် ပင်လယ်ပြင် အတွင်း ခုတ်မောင်းခဲ့တဲ့ USS Lassen ဖျက်သဘောင်္။
တောင်တရုတ် ပင်လယ်ပြင်အတွင်းက တရုတ်တို့က ပိုင်ဆိုင်တယ်လို့ ပြောဆိုပြီး သိမ်းပိုက်ထားတဲ့ သန္တာကျောက်တန်းနဲ့ ရေမိုင် ၁၂ မိုင် အတွင်း အမေရိကန်တို့ရဲ့ ဖျက်သဘောင်္တစင်း ဒီကနေ့ ခုတ်မောင်းခဲ့တဲ့ အပေါ် တရုတ် အစိုးရက ကန့်ကွက်လိုက်ပါတယ်။ ပြဿနာ တစုံတရာ မရှိဘဲ လုပ်ငန်းစဉ် အောင်မြင်ခဲ့တယ်လို့ အမေရိကန် စစ်တပ် သတင်းရင်းမြစ်က ပြောပါတယ်။

တောင်တရုတ် ပင်လယ်ပြင် အတွင်း ခုတ်မောင်းခဲ့တဲ့ USS Lassen ဖျက်သဘောင်္ နောက်ကို တရုတ်တို့က စောင့်ကြည့်ပြီး နောက်ကခြေရာခံ လိုက်ခဲ့ပြီးနောက်ပိုင်ဆိုင်မှု အငြင်းပွားနေတဲ့ Spratly ကျွန်းစုရဲ့ Subi သန္တာကျောက်တန်းတွေ အနီး တရုတ်တို့ ရေပိုင်နက်ထဲက ထွက်ခွာသွားဖို့ သတိပေးခဲ့တယ်လို့လည်း တရုတ်တို့က ပြောဆိုပါတယ်။

အမေရိကန် ဖျက်သဘောင်္ဟာ နိုင်ငံတကာ ဥပဒေတွေ အရ တောင်တရုတ် ပင်လယ်ပြင်အတွင်း ပုံမှန် လှုပ်ရှားမှု လုပ်ဆောင်ခဲ့တာ ဖြစ်ပြီး ကျွန်းစုတွေရဲ့ အချုပ်အချာ အာဏာပိုင်မှုအပေါ် အငြင်းပွားမှုတွေနဲ့ မပတ်သက်ဘူးဆိုပြီး အမေရိကန် ကာကွယ်ရေးဆိုင်ရာ အရာရှိ တဦးက ပြောပါတယ်။

တရုတ်တို့ဘက်ကတော့ အမေရိကန်တို့ဟာ တရုတ်ရေပိုင်နက်ထဲကို တရားမ၀င် ၀င်ရောက်ခဲ့ပြီး တရုတ်တို့ရဲ့ အချုပ်အခြာအာဏာပိုင်မှုကို ခြိမ်းခြောက်မှု တရပ် ဖြစ်တယ်လို့ တရုတ်နိုင်ငံ့ခြားရေး ၀န်ကြီးဌာန ပြောခွင့်ရ Lu Kang က တုံ့ပြန်လိုက်ပါတယ်။

တောင်တရုတ် ပင်လယ်ပြင် အတွင်းက ထိုင်ဝမ်၊ ဗီယက်နမ်နဲ့ ဖိလစ်ပိုင်နဲ့ တရုတ်တို့ကြား ပိုင်ဆိုင်မှု အငြင်းပွားနေတဲ့ Subi သန္တာကျောက်တန်းတွေနားကို အမေရိကန် ဖျက်သဘောင်္ USS Lassen ချဉ်းကပ်ခုတ်မောင်းမှုမှာတော့ အမေရိကန် ရေတပ် ထောက်လှမ်းလေယာဉ် P-8A နဲ့ P-3 တို့လည်း အတူလိုက်ပါခဲ့ပါတယ်။

တရုတ်နိုင်ငံက ပိုင်ဆိုင်တယ်လို့ပြောထားတဲ့ လူလုပ်ကျွန်းတုတွေရှိရာ ရေပြင်ကို အမေရိကန်ရေတပ်က သင်္ဘောတစင်း စေလွှတ်မယ်လို့ အမေရိကန်တာဝန်ရှိသူတွေက ပြီးခဲ့တဲ့သီတင်းပတ် အတော်ကြာကတည်းက ထုတ်ဖော်ပြောဆိုထားတာပါ။ Subi သန္တာကျောက်တန်းပေါ်မှာ တရုတ် တပ်ဖွဲ့ဝင် ၂၀၀ လောက်လည်း တပ်ချထားတယ်လို့ ယူဆရပါတယ်။

ဗွီအိုအေ (မြန်မာပိုင်း)
http://burmese.voanews.com

[youtube src="rp3t1ro3ejQ"/]
တပ်မတော်ကာကွယ်ရေး ဦးစီးချုပ်ကို လှောင်ပြောင်သည်ဟု စွပ်စွဲခံရကာ
အီလက်ထရောနစ် ဆက်သွယ်ဆောင်ရွက်ရေး ဥပဒေ ပုဒ်မ ၆၆(ဃ)ဖြင့်
တရားစွဲဆို ခံထားရသည့် မချောစန္ဒီထွန်းကို မအူပင်တရားရုံးတွင် အောက်တိုဘာ
၂၇ ရက်က ရုံးထုတ်စစ်ဆေးခဲ့ပြီး အသရေဖျက်မှု ပုဒ်မ ၅၀၀ ကိုပါ ထပ်တိုး စွဲဆိုလိုက်ကြောင်း
 သတင်းရရှိသည်။

တပ်မတော် ကာကွယ်ရေးဦးစီးချုပ် ဗိုလ်ချုပ်မှူးကြီးမင်းအောင်လှိုင် ၀တ်ဆင်ထား
သော ယူနီဖောင်းသည် ဒေါ်အောင်ဆန်းစုကြည် ၀တ်ဆင်ထားသည့်
ထဘီအရောင်နှင့် ဆင်တူသည်ဟု လူမှုကွန်ရက်စာမျက်နှာ (Facebook)ပေါ်တွင်
ရေးသား ဖော်ပြခဲ့ခြင်းကြောင့် မချောစန္ဒီထွန်းကို တပ်မတော်ကိုယ်စား ပုသိမ်
အခြေစိုက် အနောက်တောင်တိုင်း စစ်ဌာနချုပ်မှ ပထမတန်း စစ်ရေးဦးစီးအရာရှိ
ဒုတိယဗိုလ်မှူးကြီး ကျော်ထင်က တရားလိုပြုလုပ် တရားစွဲဆိုထားခြင်း ဖြစ်ပြီး
ဒုတိယမြောက်ရုံးချိန်တွင် အသရေဖျက်မှုကိုပါ ထပ်တိုးစွဲဆိုခဲ့ခြင်း ဖြစ်သည်။

မအူပင်နည်းပညာ တက္ကသိုလ်မှ B.Tech(EC) ဖြင့် ဘွဲ့ရထားသူ
မချောစန္ဒီထွန်းသည် မအူပင်ခရိုင် ကျောင်းသား သမဂ္ဂအဖွဲ့ဝင်ဟောင်း တစ်ဦးဖြစ်ပြီး
ဖေဖော်ဝါရီလအတွင်းက ပေါ်ပေါက်ခဲ့သည့် ကျောင်းသားသပိတ် စစ်ကြောင်းတွင်
လိုက်ပါ၍ အမျိုးသားပညာရေး ဥပဒေကို ဆန့်ကျင်ကန့်ကွက်ခဲ့သူ တစ်ဦးလည်း
ဖြစ်ကြောင်း၊ ယင်းနောက်ပိုင်းတွင် ကျောင်းသားသမဂ္ဂမှ နုတ်ထွက်၍ မအူပင်မြို့နယ်
NLD ပါတီသို့ ၀င်ရောက်ကာ ပါတီအောင်နိုင်ရေး လုပ်ငန်းများ ၀ိုင်းဝန်းကူညီ
ဆောင်ရွက်နေသူလည်း ဖြစ်ကြောင်း သိရသည်။

သတင်း - ဇော်မင်းထွန်း
Photo - နေရောင်နီ
The Ladies News Journal
https://www.facebook.com/News.TheLadies


 ဆော်ဒီအာရေဗျနိုင်ငံအစိုးရသည် လက်ရှိပေါ်လစီများအတိုင်း ဆက်လက်လုပ်ကိုင်နေပါက လာမည့်ငါးနှစ် ကာလအတွင်း အရှေ့အလယ်ပိုင်း၌ အချမ်းသာဆုံးနိုင်ငံဖြစ်သည့် ဆော်ဒီ၏ ငွေကြေးအရင်းအနှီးများ ပြတ်လပ် သွားနိုင်ကြောင်း နိုင်ငံတကာ ငွေကြေးရန်ပုံငွေအဖွဲ့ IMF က သတိပေးလိုက်သည်။

၂၀၁၅ ခုနှစ်တွင် ဆော်ဒီနိုင်ငံ၏ ဘတ်ဂျက်လိုငွေပြမှုမှာ ၂၁ ဒသမ ၆ ရာခိုင်နှုန်းရှိမည်ဟု မျှော်မှန်းထားသည်။ ၂၀၁၆ ခုနှစ်တွင် ၁၉ ဒသမ ၄ ရာခိုင်နှုန်း ရှိလာနိုင်သည်။ ဆော်ဒီသည် ၎င်း၏ ငွေကြေးသုံးစွဲမှုကို ချိန်ငြိရန် လိုအပ်နေကြောင်း IMF က ပြောသည်။ IMF က ထောက်ပြသော အဓိက အကြောင်းရင်းနှစ်ချက်မှာ ဒေသတွင်း ပဋိပက္ခပြစ်မှုများ ကျယ်ပြန့်ဆိုးဝါးလာမှုနှင့် ရေနံဈေးနှုန်းများ ထိုးကျသွားမှုတို့ ဖြစ်သည်။ ဒေသတွင်း ပဋိပက္ခ ဖြစ်ပွားမှုကြောင့် ၁၉၉၀ ပြည့်နှစ် နောက်ပိုင်းတွင် မကြုံစဖူး ထူးကဲစွာဖြင့် အိုးပစ်အိမ်ပစ်စွန့်ခွာထွက်ပြေးရသူများ အရေအတွက်များပြားလာခဲ့သည်။

ရေနံထုတ်လုပ်နေသောနိုင်ငံများတွင် ၂၀၂၀ ပြည့်နှစ်၌ အလုပ်အကိုင် ရှာဖွေ မည့်သူများ ၁၀ သန်းခန့်အတွက် အလုပ်အကိုင် ဖန်တီးပေးမှုကိုထည့်သွင်းစဉ်းစားပါက ကြားခံကာလတွင် ငွေကြေးတည်ငြိမ်အောင် ထိန်းသိမ်း ထားနိုင်မှုသည် စိန်ခေါ်မှုဖြစ်နေကြောင်း အိုင်အမ်အက်ဖ် အရှေ့အလယ်ပိုင်းနှင့် ဗဟိုအာရှ ဒါရိုက်တာ မာဆွတ် အာမက်က ဒူဘိုင်းတွင် သတင်းထောက်များကို ပြောပြခဲ့သည်။ ဒေသ၏ ရေနံအဓိကတင်ပို့သည်နိုင်ငံဖြစ်သော ဆော်ဒီနိုင်ငံ၏ ရေနံဈေးနှုန်းကျဆင်းမှုကြောင့် ၀င်ငွေမှာလည်း ကျဆင်းသွားပြီး ယခုနှစ်အတွင်းမှာပင် ဒေါ်လာ ၃၆၀ ဘီလီ ယံ လျော့နည်းသွားသည်ဟု ဆိုသည်။

ရေနံဈေးနှုန်းကျဆင်းမှုကြောင့် ရေနံထုတ်လုပ်သည့် OPEC နိုင်ငံများဖြစ်သည့် ဆော်ဒီ၊ အီရန်၊ အီရတ်၊ ကူးဝိတ်၊ ကာတာ၊ ယူအေအီး၊ အယ်ဂျီးရီးယားနှင့် လစ်ဗျားနိုင်ငံများတွင်လည်း ၀င်ငွေများ သိသိသာသာ ထိုးဆင်းခဲ့ သည်။ ဆော်ဒီနိုင်ငံသည် ၂၀၀၉ ခုနှစ်မှစ၍ ပထမဦးဆုံးအကြိမ် ဘတ်ဂျက်လိုငွေပြလျက်ရှိသည်။ တိုင်းပြည်၏ ၀င်ငွေ ၈၀ ရာခိုင်နှုန်းမှာ ရေနံမှရငွေများဖြစ်၍ ရေနံဈေးနှုန်းကျဆင်းမှုသည် ဆော်ဒီနိုင်ငံ၏ စီးပွားရေးပေါ်ပို၍ သြဇာကြီးမားခဲ့သည်။ ထို့ကြောင့် အစိုးရ က အသုံးစရိတ်များဖြတ်တောက်ရပြီး စီမံကိန်းများကို ရွှေ့ဆိုင်းကာ ငွေချေးစာချုပ်များထုတ်ရောင်းရသည်။

ဘတ်ဂျက်လိုငွေပြမှုကြောင့် နိုင်ငံ၏ ဆောက်လုပ်ရေးစီမံချက်များ ရပ်ဆိုင်းထားရပြီး ကုမ္ပဏီများကိုလည်း ငွေပေးချေမှု ခြောက်လကြာ ရပ်ဆိုင်းထားရသည်။
ရေနံထုတ်ကုန်လျှော့ချရန် တောင်း ဆိုမှုများ ရှိနေစေကာမူ အိုပီအီးစီက လက်မခံဘဲ ငြင်းဆိုခဲ့ပြီး ဈေးကွက် အစု ရှယ်ယာကို ဆက်လက်ထိန်းထားရန် ကြိုးစားခဲ့သည်။ သို့သော် ပြီးခဲ့သောလကမူ အိုပီအီးစီအဖွဲ့က ရပ်တည်ချက်ပြောင်းကာ ရေနံထွက်ကုန်လျှော့ချရန် အခြားသော OPEC အဖွဲ့ဝင်မဟုတ်သည့် နိုင်ငံများနှင့် ဆွေးနွေးညှိနှိုင်းမည်ဟုဆိုခဲ့သည်။ သို့သော် ရေနံအများဆုံးထုတ်လုပ်သည့် ဆော်ဒီနိုင်ငံ၏ ပေါ်လစီပြောင်းလဲမှု မရှိဘဲနှင့် အိုပီအီးစီ၏ ဆုံးဖြတ်ချက်များမှာ အရေးပါမည်မဟုတ်ကြောင်း ကျွမ်းကျင်သူများက သုံးသပ်ပြော ဆိုကြသည်။

ထွဋ်ဝင်းထွဋ်
Ref; RT
News Watch(စောင့်ကြည့်သတင်းဂျာနယ်)
https://www.facebook.com/NewsWatchJournal


Shine ကုမ္ပဏီဥက္ကဋ္ဌ မောင်တောမြို့နယ် ပြည်သူ့လွှတ်တော် ကိုယ်စားလှယ် ဦးအောင်ဇော်ဝင်းက ဘူးသီးတောင် မြို့နယ် ပြည်ခိုင်ဖြိုးပါတီသည် ပြည်သူ့လွှတ်တော်ကိုယ်စားလှယ် ဦးရွှေမောင်ကို ငွေကြေးလိမ်လည်မှုဖြင့် တရားစွဲဆိုမည်ဟု ပြောကြားသည်။

''ကျွန်တော့်ကုမ္ပဏီကိုလာပြီး အခက်အခဲတွေ အရမ်းရှိလို့ပါ။ အိမ်ရောင်းပြီး ပြန်ဆပ်ပါမယ် ပြောလို့ရယ်၊ လွှတ် တော်ထဲ ဘေးချင်းကပ်ထိုင် ယုံကြည်ရတယ်ထင်လို့ ၁၁-၂-၂၀၁၃ ရက်နေ့က ကျပ် သိန်း ၁၅၀၊ စုစုပေါင်း ငွေကျပ် သိန်း ၃၅၀ ကို Shine Construction Company Ltd ရုံးမှာ ပြန်ဆပ်မယ့်ရက် အတိအကျ လက်မှတ်ရေးထိုးပြီး ချေးပေးခဲ့ပါတယ်''ဟု Shine ကုမ္ပဏီဥက္ကဋ္ဌ မောင်တောမြို့နယ် ပြည်သူ့လွှတ်တော်ကိုယ်စားလှယ် ဦးအောင်ဇော်ဝင်းက News Watch သို့ ပြောကြားသည်။

ပြန်ဆပ်မည့်ရက်၌ ပြန်မဆပ်သည့်အတွက် ကုမ္ပဏီသို့ လာရောက်ပေးဆပ်ရန် ကုမ္ပဏီမန်နေဂျာဦးစိုးနိုင်က အကြောင်းကြားသော်လည်း တိမ်းရှောင်နေကြောင်း ဗိုလ်တထောင်မြို့နယ် (၈) ရပ်ကွက်၊ အုပ်ချုပ်ရေးမှူးရုံးမှ တဆင့် အကြောင်းကြားသော်လည်း လာရောက်ခြင်းမရှိသဖြင့် ဦးရွှေမောင် အမှတ် ၂၂၄/၂၂၆၊ အခန်း ၅၀၂၊ ၅ လွှာ ဗိုလ်အောင်ကျော်တာဝါ၊ ဗိုလ်အောင်ကျော်လမ်း၊ ၈ ရပ်ကွက်၊ ဗိုလ်တထောင်မြို့နယ်အား တည်ဆဲဥပဒေ များအရ အရေးယူသွားမည်ဖြစ်ကြောင်း ဦးအောင်ဇော်ဝင်းက အောက်တိုဘာ ၂၇ ရက်က News Watch ကို ပြောကြားခဲ့ခြင်းဖြစ်သည်။

ထွန်း(နေပြည်တော်)
News Watch(စောင့်ကြည့်သတင်းဂျာနယ်)
https://www.facebook.com/NewsWatchJournal


 နယ်မြေပိုင်နက် အငြင်းပွားနေတဲ့ တောင်တရုတ်ပင်လယ်ပြင်အတွင်း တရုတ်တို့တည်ဆောက်ထားတဲ့ ကျွန်းတုတွေအနားကို အမေရိကန် ရေတပ် စစ်သင်္ဘော သွားရောက်ခဲ့တယ်လို့ အမေရိကန်ကာကွယ်ရေး အရာရှိတွေက ပြောပါတယ်။

အမေရိကန် ဒုံးကျည်ဖျက် စစ်သင်္ဘော USS Lassen ဟာ စပရက်လီ ကျွန်းဆွယ်ရှိ Subi နဲ့ Mischief သန္တာကျောက်တန်းတွေရှိရာ တရုတ်တို့ဘက်က သတ်မှတ်ထားတဲ့ ရေပိုင်နက် ရေမိုင် ၁၂ မိုင်အကွာကို သွားရောက်ခဲ့တာ ဖြစ်ပါတယ်။

အခုလို အမေရိကန်တို့က လွတ်လပ်စွာရေကြောင်း သွားလာမှု လုပ်လိုက်တာဟာ တရုတ်တို့ရဲ့ သူတို့ပိုင်နယ်လို့ ကြေညာမှုအပေါ် ပြင်းထန်တဲ့ စိမ်ခေါ်မှုတရပ် လုပ်ဆောင်လိုက်တာ ဖြစ်ပါတယ်။

အခုလို အမေရိကန်တို့ရဲ့ လှုပ်ရှားမှုကို တရုတ်တို့ဘက်က စစ်ဆေးနေဆဲဖြစ်ပြီး တရုတ်နိုင်ငံခြားရေး ၀န်ကြီး Wang Yi ကတော့ မျက်စိမှိတ်ပြီး ဘာမဟုတ်တာအတွက် ပြသနာမလုပ်ဖို့ အမေရိကန်ဘက်ကို သတိပေးပြောဆိုထားပါတယ်။

တောင်တရုတ် ပင်လယ်ပြင်အတွင်း နေရာအများစုကို တရုတ်တို့က သူတို့ပိုင်တယ်လို့ ကြေညာနေသလို အရှေ့တောင်အာရှရှိ တခြားနိုင်ငံတွေကလည်း Spratly ကျွန်း၊ Paracel ကျွန်းနဲ့ Scarborough ရေတိမ်သောင်တို့ကို သူတို့ပိုင်ဆိုင်တယ်လို့ ပြောဆိုနေကြတာ ဖြစ်ပါတယ်။

ဒီသန္တာကျောက်တန်းတွေပေါ်မှာ တရုတ်တို့က ကျွန်းတုတွေအဖြစ် ၂၀၁၃ ခုနှစ်ကတည်းက စတင် ဆောက်လုပ်နေခဲ့တာ ဖြစ်ပါတယ်။

BBC Burmese
https://www.facebook.com/bbcburmese


 မကွေးတိုင်းဒေသကြီး မင်းဘူးမြို့နယ်တွင် လက်ရှိမယားနှင့် ပေါင်းသင်းနေထိုင်
နေစဉ် နောက်မိန်းမကို ခိုးယူ ပေါင်းသင်းသူအား တစ်လင်တစ်မယား စနစ်
ကျင့်သုံးခြင်း ဆိုင်ရာ ဥပဒေဖြင့် အရေးယူထားကြောင်း မင်းဘူးမြို့ နယ်
စကုနယ်မြေရဲစခန်းမှ သိရှိရသည်။

မင်းဘူးမြို့နယ် ဆင်ခေါင်းကျေးရွာနေသူ ဇော်ဇော်(ခ)ဇော်ကြီးသည်
မန္တလေးတိုင်းဒေသကြီး အောင်မြေသာဇံ မြို့နယ်နေသူ မခင်မေဝင်းဆိုသူအား
အောက်တိုဘာ ၁၇ ရက်နေ့တွင် ပထမမိန်းမဖြင့် ပေါင်းသင်းနေထိုင်သည့်
ဆင်ခေါင်းကျေးရွာရှိအိမ်သို့ ခိုးယူကာ ပေါင်းသင်း နေထိုင်ခဲ့ခြင်းကြောင့် ပထမမိန်းမ
ဖြစ်သူ မမြမြက ခင်ပွန်းဖြစ်သူဇော်ဇော်(ခ)ဇော်ကြီးအား စကုနယ်မြေရဲစခန်းသို့
တိုင်ကြားခဲ့ခြင်းဖြစ်သည်။

“ကျွန်မနဲ့ ဇော်ဇော်က ၂၀၁၁ ခုနှစ်ကတည်းက တရားဝင် လင်မယားအဖြစ်
ပေါင်းသင်း နေထိုင်လာခဲ့တာပါ။ အခုလို တရားမဝင် နောက်အိမ်ထောင်
ပြုသွားတာကို တစ်လင် တစ်မယားစနစ် ဥပဒေနဲ့ အရေးယူလို့ရတယ် ဆိုတာကြောင့်
အခုလို တိုင်တန်းရတာပါ” ဟု မမြမြက ပြောသည်။

အဆိုပါ အမှုနှင့် ပတ်သက်၍ အိမ်ထောင်ရှိပါရက်နှင့် အမျိုးသမီးတစ်ဦးနှင့်
ထပ်မံပေါင်းသင်းခဲ့သော ဇော်ဇော်(ခ) ဇော်ကြီး ၃၀နှစ်အား မင်းဘူးမြို့နယ်
စကုနယ်မြေ ရဲစခန်းက (ပ)၁၂၉/၂၀၁၅၊ တစ်လင်တစ်မယားစနစ် ကျင့်သုံးခြင်း
ဆိုင်ရာ ဥပဒေပုဒ်မ (၁၃) အရ အမှုဖွင့် အရေးယူဆောင်ရွက်ထားကြောင်း
စကုနယ်မြေရဲစခန်းမှ သိရသည်။

သတင်း - MMK
The Ladies News Journal
https://www.facebook.com/News.TheLadies


ဝက်အူချောင်း၊ ​ဝက်ပေါင်ခြောက်၊ ​ဟော့ဒေ့ါ၊ ​အသားခြောက်၊ ​အသားဗူးနဲ့ ​salami ​လို ​ပြုပြင်ထားတဲ့ ​အသားတွေကို ​အစားများရင် ​ကင်ဆာရောဂါ ​ဖြစ်နိုင်တယ်လို့ ​ကမ္ဘာ့ကျန်းမာရေး ​အဖွဲ့ ​WHO ​က ​ပြောပါတယ်။ ​

Processed ​meat ​လို့ ​ခေါ်တဲ့ ​ပြုပြင်ထားတဲ့ ​အသားတွေကို ​နေ့စဉ် ​၅၀ ​ဂရမ် ​ဒါမှမဟုတ် ​၁.၈ ​အောင်စ ​ပုံမှန်စားရင် ​အူမကြီး ​ကင်ဆာဖြစ်ဖို့ ​၁၈% ​ပိုများတယ်လို့ ​ဖော်ပြထားပါတယ်။

ကမ္ဘာတလွှားမှာ ​လေ့လာမှု ​အခုပေါင်း ​၈၀၀ ​လောက် ​ပြုလုပ်ပြီးတဲ့နောက် ​သိပ္ပံနည်းကျကျ ​တွေ့ရှိတာ ​ဖြစ်တယ်လို့ ​ပြောပါတယ်။

ပြုပြင်ထားတဲ့ ​အသားတွေမှာ ​အနံ့ကောင်းမွန်အောင်၊ ​အထားခံအောင်လုပ်ဆောင်ရတဲ့အတွက် ​ဆားနဲ့ ​ဓာတုပစ္စည်း ​တချို့ကို ​အသုံးပြုရတာ ​ဖြစ်ပါတယ်။

အဲဒါကြောင့် ​အမဲသား၊ ​ဝက်သား ​ရိုးရိုးကို ​စားသုံးတာထက် ​ပြုပြင်ထားတဲ့ ​အသားတွေကို ​စားတာက ​ပိုအန္တာရာယ် ​များတယ်လို့ ​ဖော်ပြထားပါတယ်။
အူမကြီးကင်ဆာသာမက ​သရက်ရွက်ကင်ဆာနဲ့ ​ဆီးကျိတ်ကင်ဆာတွေ ​ဖြစ်နိုင်တယ်လို့လည်း ​ဆိုပါတယ်။
အဲဒီလို ​ပြုပြင်ထားတဲ့ ​အသားတွေကြောင့် ​တစ်နှစ်ကို ​ကမ္ဘာတဝှမ်းက ​လူပေါင်း ​ငါးသောင်းလောက် ​သေဆုံးရနိုင်တယ်လို့ ​ပြောပါတယ်။

အသားဟာ ​လူတွေအတွက် ​အရေးကြီးတဲ့ ​အာဟာရ ​ဖြစ်တာကြောင့် ​စားသုံးသင့်ပေမယ့် ​အာဟာရ ​ရရှိမှုနဲ့ ​အန္တာရာယ်ကို ​ချိန်ဆဖို့ ​ကျန်းမာရေးအဖွဲ့က ​တိုက်တွန်းထားပါတယ်။

သြစတြေးလျနိုင်ငံမှာလည်း ​အမျိုးသားတွေက ​အမျိုးသမီးတွေထက် ​အသားစားသုံးနှုန်း ​ပိုများတဲ့အတွက် ​ကိုယ်လက်လေ့ကျင့်ခန်းတွေအပြင် ​အသီး၊ ​အနှံတွေလည်း ​စားသုံးပေးဖို့ ​လိုအပ်တယ်လို့ ​ကျန်းမာရေး ​ပညာရှင်တွေက ​သတိပေးလိုက်ပါတယ်။

ပြုပြင်ထားတဲ့ ​အသားတွေကို ​ထုတ်လုပ်တဲ့ ​ကုမ္ပဏီတွေကတော့ ​ဒီတွေ့ရှိချက်ဟာ ​မဟုတ်မမှန်ဘူးလို့ ​ငြင်းဆိုထားပါတယ်။

ဆေးလိပ်သောက်တာကနေ ​ကင်ဆာရောဂါ ​ဖြစ်နိုင်တဲ့နှုန်းကတော့ ​အသားစားတာထက် ​အဆ ​၂၀ ​ပိုများတယ်လို့လည်း ​သိရပါတယ်။

 ABC Radio Australia
http://www.radioaustralia.net.au/burmese


 အမေရိကန်နိုင်ငံတွင် လူကြည့်အများဆုံး အင်တာဗျူးအစီအစဉ် တစ်ခု ဖြစ် သည့် 60 Minutes မှ အစီအစဉ်တင်ဆက်သူ Bill Whitaker သည် မြန်မာနိုင်ငံသို့ ဒုတိယအကြိမ် ပြန်လည်ရောက်ရှိလာခဲ့ပြီး သမ္မတ ဦးသိန်းစိန်၊ ဒေါ်အောင်ဆန်းစုကြည် နှင့် အခြားနိုင်ငံရေး လူမူရေး ဘာသာရေးနယ်ပယ်မှာ ပုဂ္ဂိုလ်အချိ့ ဖြင့် တွေ့ဆုံမေးမြန်းခဲ့သည်များကို စုစည်းပြီး The NEW Burma ဆိုသည့် ခေါင်းစဉ်ဖြင့် မြန်မာနိုင်ငံ၏ လက်ရှိအခြေအနေ အရပ်ရပ်ကို အောက်တိုဘာလ ၂၅ ရက်နေ့က မိနစ် ၆၀ စာ အမေရိကန်နိုင်ငံတစ်ဝှမ်းသို့ CBS သတင်းအစီအစဉ်မှ ထုတ်လွှင့်ပြသခဲ့သည်။

Bill Whitaker သည် မြန်မာနိုင်ငံသို့ ၁၉၉၀ ခုနှစ်က ပထမအကြိမ် ရောက်ခဲ့ ဖူးပြီး ထိုအချိန်က ကျင်းပတော့မည့် အထွေထွေရွေးကောက်ပွဲ ဆိုင်ရာများကို ရယူနိုင်ရန် သတင်းထောက်အဖြစ် လာရောက်ခဲ့ခြင်း ဖြစ်သည်။

- The NEW Burma -

စစ်အာဏာရှင်ကို ဆန့်ကျင် ရပ်တည်ခဲ့သည့် အတိုက်အခံ ခေါင်းဆောင် ဒေါ်အောင်ဆန်းစုကြည်၏ ဓာတ်ပုံကို ပိုင်ဆိုင်ရုံဖြင့် ဖမ်းဆီး ထိန်းသိမ်း ခဲ့ရခြင်းမျိုး ယခင်နှစ် အနည်းငယ်က ရှိခဲ့သော်လည်း ယခုအခါတွင် သူမ၏ ပုံရိပ်များကို နေရာတကာ တွင် မြင်တွေ့လာရသည်။

ဒေါ်အောင်ဆန်းစုကြည်က “လူတွေက ပျော်ရွှင်စရာ ဇာတ်သိမ်းကို လိုချင်ကြပါတယ်။ သူတို့က မြန်မာနိုင်ငံကို အောင်မြင်မှု နမူနာ ဇာတ်လမ်း ဖြစ်စေချင်ကြပါတယ်။ ဒီနေ့ ကမ္ဘာမှာ အောင်မြင်မှု ဇာတ်လမ်းနဲ့ ပျော်ရွှင်စရာ ဇာတ်သိမ်းတွေ အလွန်နည်းပါတယ်။ တစ်စုံတစ်ခု ကို လိုချင်နေရုံနဲ့ မရနိုင်ဘူးလို့ ကျွန်မ အမြဲပြောပါတယ်။” သူမ၏ အင်တာဗျူး တွင် ထောက်ပြ ပြောဆိုခဲ့သည်။


BW - မြန်မာနိုင်ငံဟာ ယခုအချိန်မှာ ဒီမိုကရေစီ လမ်းကြောင်းပေါ် ရောက်နေတယ်လို့ ယုံကြည်ပါသလား။

DASSK - ဒီမိုကရေစီလမ်းကြောင်း မဟုတ်ပါဘူး။ ကျွန်မတို့က စည်းကမ်းပြည့်ဝတယ်လို့ အယောင်ဆောင်ထားတဲ့ ဒီမိုကရေစီ လမ်းကြောင်းပေါ် ရောက်နေတာကြပါ။

BW - စည်းကမ်းပြည့်ဝတဲ့ ဒီမိုကရေစီဆိုတာ ဘယ်လိုမျိုးလဲ။

DASSK - စစ်အာဏာရှင် ခေါင်းဆောင်တွေ ရှုမြင်တဲ့ ဒီမိုကရေစီပုံစံပါ။

BW - အဲဒါက ခင်ဗျားရဲ့ ဒီမိုကရေစီ အတွေးအခေါ်နဲ့ ကိုက်ညီပါသလား။

DASSK - မကိုက်ညီပါဘူး။

BW - ဒီစနစ်ကို ကိုယ်စားပြုတဲ့ အင်အားတွေကို မြင်တဲ့အခါမှာ ဒါတွေ ကို ပြောင်းလဲနိုင်မယ်လို့ ဘယ်အရာက တွေးမိစေတာပါလဲ။

DASSK - ဒီစနစ်က တိုင်းပြည်ကို ကိုယ်စားပြုတဲ့ ပြည်သူ အများစုကို ကိုယ်စား မပြုပါဘူး။ ဒါက ဘယ်လိုပဲ စိတ်လှုပ်ရှားစရာဖြစ်ဖြစ် ပြည်သူကို အမှန်တကယ် ကိုယ်စားမပြုပါဘူး။

ဒေါ်အောင်ဆန်းစုကြည်နှင့် တွေ့ဆုံသည့်အခါ တည်ငြိမ်အေးချမ်းသည့် အသွင်ဖြင့် မြင်တွေ့ရသည်။ သို့သော် အချိန် အနည်းငယ်ကြာ စကားပြောကြည့်သောအခါ ဆယ်စုနှစ် ၂ ခုမျှ နေအိမ် အကျယ်ချုပ် ကျခံနေရစဉ် ကိုင်စွဲခဲ့သည့် ခိုင်မာသော သန္နိဋ္ဌာန်ကို မြင်တွေ့ရသည်။

BW - ခင်ဗျားက အတော့်ကို စိတ်ဓာတ်ခိုင်မာတဲ့ လူတစ်ယောက်နော် ။

DASSK - ကျွန်မ ကိုယ့်ကိုယ်ကိုယ် သတ္တိကောင်းတယ်လို့ ဘယ်တုန်းကမှ မထင်ခဲ့ပါဘူး။ ငယ်ငယ်က အမှောင်ကို ကြောက်တတ်ပါတယ်။ ကြွက်သေ လိုဟာမျိုးတွေ တွေ့ရင်လည်း အဆင်မပြေပါဘူး။ ဒါပေမဲ့ ရင်ဆိုင်ရမယ့် အရာကိုတော့ ရင်ဆိုင်ပြီး အကောင်းဆုံး လုပ်နိုင်မယ် လို့ မျှော်လင့်ပါတယ်။

BW - ခင်ဗျားကို ဒီမိုကရေစီ အမှတ်လက္ခဏာအဖြစ် ကမ္ဘာအနှံ့က မှတ်ယူ ထားကြပါတယ်။

DASSK - ကျွန်မကို အမှတ်လက္ခဏာတစ်ခုအဖြစ် ၊ စံနမူနာအဖြစ် ခေါ် ဆိုတာ မနှစ်သက်ပါဘူး။ ကျွန်မက အလုပ် အလွန်ကြိုးစားတယ် လို့ပဲ ပြောချင်ပါတယ်။ ဒါကြောင့် အလုပ် ကြိုးစားသူအဖြစ်ပဲ ရှုမြင်ခံ လိုပါတယ်။ အမှတ်လက္ခဏာတွေ၊ စံနမူနာတွေက လက်တွေ့မှာ အလုပ် သိပ်မဖြစ်ဘူးလို့ ထင်ပါတယ်။

BW - ရွေးကောက်ပွဲ နီးလာပြီနော် ။ အရေးကြီးတဲ့ ရွေးကောက်ပွဲပေါ့။ လွတ်လပ်ပြီး တရားမျှတမယ်လို့ ယုံကြည်ပါသလား။

DASSK - ကျွန်မတို့ အခုလိုအပ်နေတာ ယုံကြည်ဖို့ မဟုတ်ဘူးလို့ ထင်ပါတယ်။ အခု လိုအပ်နေတာက လွတ်လပ်ပြီး တရားမျှတ တဲ့ ရွေးကောက်ပွဲဖြစ်ဖို့ အတတ်နိုင်ဆုံး ကြိုးစား ဆောင်ရွက်ဖို့ပါ။ ဒီအချိန်က စိန်ခေါ်မှုတွေ ရင်ဆိုင်နေရချိန်ဖြစ်ပြီး စိန်ခေါ်မှုတွေက အခွင့်အရေးတွေ လည်း ဖြစ်ပါတယ်။

BW - ဟုတ်ပါတယ်။ ခင်ဗျားကို သမ္မတမဖြစ်အောင် ရည်ရွယ် ရေးဆွဲထား တယ်လို့ ထင်ပါသလား။

DASSK - ဟုတ်ပါတယ်။ အချို့ပုဒ်မတွေက ကျွန်မကို ရည်ရွယ်ပြီး ရေးဆွဲ ထားတာလို့ လူသိရှင်ကြား ပြောရဲပါတယ်။

BW - ခင်ဗျား သမ္မတဖြစ်ချင်ပါသလား။

DASSK - ကျွန်မ ဖြစ်စေချင်တာက ပြည်သူတွေအနေနဲ့ အမှန်တကယ် အနိုင်ရတယ်လို့ ခံစားမိပြီး ဒီမိုကရေစီတိုက်ပွဲဝင်ခဲ့ရတဲ့ ရလဒ်တွေ ခံစား ရစေဖို့ပါ။ အစိုးရအခွဲ့ခေါင်းဆောင်ကို ပြည်သူတွေက လွတ်လပ်စွာ ရွေးချယ် ခွင့်ရမယ်ဆိုရင်တော့ ဒါ အဆင်ပြေပါတယ်။

မ.ဘ.သ ဆရာတော် ဦးဝီရသူက အမျိုးသားရေး နှင့် ပတ်သက် လျှင် ဒေါ်အောင်ဆန်းစုကြည်မှာ လုံးဝ အသုံးမကျ ဟု Bill Whitaker အား ပြောကြား ခဲ့သည်။ တစ်ချိန်တည်းမှာပင် ဒေါ်အောင်ဆန်းစုကြည်သည် ဘင်္ဂါလီများအတွက် ရပ်တည်မပေးဟု နိုင်ငံတကာက ဝေဖန်ဖိအားပေးမှုများ ရှိနေခဲ့သည်။

DASSK - အခုအချိန်မှာ ကျွန်မက ဗုဒ္ဓဘာသာတွေကို အပြစ်မတင်ဘူး ဆိုပြီး ပြင်ပကမ္ဘာက ဝေဖန်ကြပါတယ်။ ပြည်တွင်းမှာတော့ မွတ်ဆလင်တွေကို အပြစ်မတင်လို့ဆိုပြီး ဝေဖန်ခံရပါတယ်။ ကျွန်မက လိုက်လျောညီထွေရှိမှုနဲ့ အမျိုးသား ပြန်လည်ရင်ကြားစေ့ရေး ဆိုတဲ့ ရိုးရှင်းတဲ့ အခြေခံပေါ်မှာ ရပ်တည်နေတဲ့အတွက် ဝေဖန်ခံနေရတာပါ။

BW - ခင်ဗျားပြောတာကို ကြားရတာက နိုင်ငံရေးသမားတစ်ယောက် ပုံပေါက်နေပါတယ်။

DASSK - ကျွန်မက အမြဲတမ်း နိုင်ငံရေးသမား တစ်ယောက်ပါပဲ။

BW - ဒီနိုင်ငံက နိုင်ငံရေးသမားတွေကို ဘယ်လိုစုစည်းနိုင်မလဲ။

DASSK - ဒီမေးခွန်းက ရိုးရှင်းပြီး ခက်ခဲတဲ့ မေးခွန်းပါ။ ကျွန်မတို့ ယုံကြည်မှုနဲ့ စုစည်းရမှာပါ။ မတူညီတဲ့ တိုင်းရင်းသား နိုင်ငံသားတွေကြား ယုံကြည်မှု တည်ဆောက်ရပါမယ်။

BW - ခင်ဗျားက အများကြီး စတေးခဲ့တယ်နော်။ နိုင်ငံအတွက် မိသားစု ကိုတောင် စွန့်လွှတ်ခဲ့တယ်။ ဘာကြောင့် လုပ်ခဲ့တာပါလဲ။

DASSK - ကျွန်မက ဒါကိုယုံကြည်ပြီး လုပ်ချင်တဲ့ဆန္ဒရှိတဲ့အတွက် လုပ်ခဲ့တာ ပါ။ ဒါကြောင့် အနစ်နာခံ စတေးတယ်လို့ မထင်ပါဘူး။

BW - ဒါက အနစ်နာခံတာ မဟုတ်ဘူးလို့ ဘာကြောင့် ပြောရတာပါလဲ။

DASSK - တစ်စုံတစ်ခုကို ယုံကြည်တဲ့အတွက် ဆောင်ရွက်ဖို့ ကိုယ်တိုင် ရွေးချယ်ခဲ့တာကို အနစ်နာခံတယ်လို့ ခေါ်နိုင်ပါ့မလား။

သမ္မတဦးသိန်းစိန်က Bill Whitaker နှင့် အင်တာဗျူးစဉ် သူ နှင့် ဒေါ်အောင်ဆန်းစုကြည် ကြားတွင် မည်သည့် ပြဿ      နာမျှ မရှိဟု ပြောကြားခဲ့သည်။


ဦးသိန်းစိန် က “ကျွန်တော်တို့က မိတ်ဖက်တွေ မဟုတ်ပေမယ့် ရန်သူတွေ မဟုတ်ပါဘူး။ ဒေါ်အောင်ဆန်းစုကြည် ဖြစ်ဖြစ်၊ အခြား ဘယ်ပါတီ ဖြစ်ဖြစ် အနိုင်ရသူကို ငြိမ်းချမ်းစွာ အာဏာလွှဲပေးမှာပါ” ဟု ပြောကြားသည်။

KHTun
Ref – CBS NEWS (60 Minutes)
The Ladies News Journal
https://www.facebook.com/News.TheLadies

ရွေး​ကောက်​ပွဲ​ကြို ​ကာ​လ​မှာ ​ပု​ဂ္ဂိုလ်​ရေး ​အ​ပုပ်​ချ ​တိုက်​ခိုက် ​မှု ​တွေ ​ကြုံ​နေ​ရ။
 ​နို​ဝင်​ဘာ ​ရွေး​ကောက်​ပွဲ ​အ​ချိန် ​နီး​ကပ် ​လာ​တာ​နဲ့ ​အ​မျှ ​ကိုယ်​စား​လှယ်​လောင်း​တွေ ​ရဲ့ ​အ​ပြိုင်​အ​ဆိုင် ​မဲ​ဆွယ်​မှု ​တွေ ​လည်း ​အ​ရှိန် ​မြင့်​နေ​ပါ​တယ်။

ရန်​ကုန် ​မြို့ ​ပေါ် ​မှာ​ဆို​ရင် ​အ​ကြိတ်​အ​နယ် ​အ​ရှိ​ဆုံး ​မဲ​ဆ​န္ဒ​နယ် ​ထဲ​မှာ ​ဗ​ဟန်း​မြို့​နယ်​လည်း ​ပါ​ဝင်​ပါ​တယ်။

ရပ်​ကွက်​ပေါင်း ၂၂ ​ရပ်​ကွက် ​ရှိ​တဲ့ ​ဗ​ဟန်း ​ဟာ ​အ​မျိုး​သား ​ဒီ​မို​က​ရေ​စီ ​အ​ဖွဲ့​ချုပ် NLD ​ရဲ့ ​ဌာ​န​ချုပ် ​ရုံး​စိုက်​ရာ ​မြို့​နယ်​လည်း ​ဖြစ်​ပါ​တယ်။

ပြည်​သူ့ ​လွှတ် ​တော် ​နေ​ရာ ​အ​တွက် ​ဗ​ဟန်း ​မြို့​နယ် ​က​နေ ​ဝင်​ပြိုင်​ကြ​မယ့် ​အ​ထဲ​မှာ NLD ​ပါ​တီ ​ကိုယ်​စား​လှယ် ​ဦး​ထွန်း​မြင့် ​နဲ့ NLD ​ပါ​တီ ​က​နေ ​သူ​တို့​ရဲ့ ​ကိုယ်​စား​လှယ် ​အ​ဖြစ် ​မ​ရွေး​ချယ် ​ခဲ့​တဲ့ ​တ​သီး​ပု​ဂ္ဂ​လ ​ဒေါက်​တာ ​ညို​ညို​သင်း ​တို့​ရဲ့ ​အ​ပြိုင် ​မဲ​ဆွယ်​မှု ​တွေ ​အ​ပေါ် ​လူ​တွေ ​စိတ်​ဝင်​တ​စား ​ရှိ​နေ ​ကြ​တယ် ​လို့ ​ဘီ​ဘီ​စီ ​သ​တင်း​ထောက် ​က ​ဆို​ပါ​တယ်။

၂၀၁၀ ​ရွေး​ကောက်​ပွဲ ​က​တည်း​က ​ရန်​ကုန်​တိုင်း ​ဒေ​သ​ကြီး ​လွှတ်​တော် ​နေ​ရာ ​အ​တွက် ​အ​နိုင်​ရ​ရှိ ​ခဲ့​သူ ​ဒေါက်​တာ ​ညို​ညို​သင်း​ဟာ ​လွှတ်​တော် ​သက်​တမ်း ၅ ​နှစ် ​အ​တွင်း​မှာ ​အ​စိုး​ရ ​ရဲ့ ​မြို့​ပြ ​စီ​မံ​ကိန်း ​တွေ ​အ​ပေါ် ​ရဲ​ရဲ​ဝံ့​ဝံ့ ​ထောက်​ပြ ​ဝေ​ဖန် ​ခဲ့​လို့ ​မီ​ဒီ​ယာ ​တွေ ​ပေါ် ​အ​တွေ့ ​များ​လာ​ရ​ပြီး ​လူ​တွေ ​အ​ကြား​မှာ​လည်း ​ထင်​ရှား ​လာ​ခဲ့​သူ ​တစ်​ဦး ​ဖြစ်​ပါ​တယ်။

အ​ခု​လည်း ​လာဘ်​ပေး​လာဘ်​ယူ ​တိုက်​ဖျက်​ရေး၊ ​နိုင်​ငံ​တော် ​စီ​မံ​ကိန်း​တွေ ​အ​ပေါ် ​စမ်း​စစ် ​ရေး​နဲ့ ​ပ​ညာ​ရေး ​စံ​နစ် ​ပြောင်း​လဲ​ရေး ​ကိ​စ္စ​တွေ ​အ​ပေါ် ​အာ​ရုံ​စိုက် ​ဆောင်​ရွက်​မယ့် ​အ​ကြောင်း ​ပြော​ဆို ​ရင်း ​မဲ​ဆွယ် ​စည်း​ရုံး​နေ​တယ် ​လို့ ​ဒေါက်​တာ ​ညို​ညို​သင်း​က ​ဘီ​ဘီ​စီ ​ကို ​ပြော​ပါ​တယ်။

အ​ခု ​ရွေး​ကောက်​ပွဲ​ကြို ​ကာ​လ​မှာ ​ပု​ဂ္ဂိုလ်​ရေး ​အ​ပုပ်​ချ ​တိုက်​ခိုက် ​မှု ​တွေ ​ကြုံ​နေ​ရ​တာ ​မှာ ​စာ​အုပ်​ထုတ် ​ဖြန့်​ချီ​တာ​မျိုး၊ ​တ​အိမ်​တက်​ဆင်း ​မ​ကောင်း​ကြောင်း ​လိုက် ​အ​ပြော​ခံ​ရ​တာ​မျိုး၊ ​ဖေ့စ်​ဘွတ်ခ် ​အွန်​လိုင်း ​က​နေ ​ပြော​ဆို ​ကြ​တာ​မျိုး ​တွေ ​အ​ပြင် ​အ​ရပ်​ထဲ ​အ​သံ​ချဲ့​စက် ​နဲ့​တောင် ​လိုက် ​အော်​ဟစ်​တာ ​မျိုး ​ရှိ​တယ် ​လို့ ​ဒေါက်​တာ ​ညို​ညို​သင်း ​က ​ပြော​ပါ​တယ်။

ဒေါက်​တာ ​ညို​ညို​သင်း​ရဲ့ ​ပြိုင်​ဘက် NLD ​ကိုယ်​စား​လှယ်​လောင်း ​ဦး​ထွန်း​မြင့် ​ကို ​ကြည့်​ပြန်​ရင်​တော့ NLD ​ပါ​တီ​ရဲ့ ​ရန်​ကုန်​တိုင်း ​ဒေ​သ​ကြီး ​အ​တွင်း ​ရေး​မှူး ​ဖြစ်​ပါ​တယ်။

ဗ​ဟန်း ​မြို့​နယ် ​က ​မဲ​ဆ​န္ဒ​ရှင် ​တွေ ​အ​နေ​နဲ့ ​ဒေါက်​တာ ​ညို​ညို​သင်း ​ရဲ့ ​လုပ်​ဆောင်​ချက် ​တွေ ​အ​ပေါ် ​ကြိုက်​နှစ် ​သက်​ပြီး ​ထောက်​ခံ ​အား​ပေး​မှု ​တွေ ​ရှိ​နိုင်​ကောင်း ​မှာ ​မှန်​ပေ​မယ့် ​တ​နိုင်​ငံ​လုံး ​အ​တိုင်း​အ​တာ ​အ​နေ​နဲ့ ​ပြောင်း​လဲ​ဖို့ ​ဆို​ရင် NLD ​ကို ​မဲ​ပေး​ကြ​ဖို့ ​ပြော​ဆို ​စည်း​ရုံး ​နေ​တယ်​လို့ ​ဦး​ထွန်း​မြင့် ​က ​ဆို​ပါ​တယ်။

သူ​တို့ ၂ ​ဦး​နဲ့ ​ပြိုင်​ဘက် ​အာ​ဏာ​ရ ​ကြံ့​ခိုင်​ရေး ​ပါ​တီ ​ရဲ့ ​ကိုယ်​စား​လှယ် ​ဒေါက်​တာ ​ရဲ​အောင် ​က​လည်း ​ဗ​ဟန်း ​မဲ​ဆ​န္ဒ​နယ် ​ဟာ ​သူ​ကျွမ်း​ဝင် ​တဲ့ ​နယ်​မြေ ​ဖြစ်​ပြီး ​သူ့ ​ရဲ့ ​ဆောင်​ရွက် ​ချက်​တွေ ​ကို​လည်း ​မဲ​ဆ​န္ဒ​ရှင် ​သိ​ရှိ ​ထား​ပြီး​သား ​ဖြစ်​တယ် ​လို့ ​ပြော​ပါ​တယ်။

ဗ​ဟန်း ​မြို့​နယ် ​က​နေ ​ပြည်​ထောင်​စု ​လွှတ်​တော် ​အ​ဆင့် ​ဝင်​ရောက် ​ယှဉ်​ပြိုင်​မယ့် ​သူ ​တွေ ​ထဲ​မှာ ​အ​မျိုး​သား ​တိုး​တက်​ရေး ​ပါ​တီ​နဲ့ ​ဒီ​မို​က​ရက်​တစ်​ပါ​တီ ( ​မြန်​မာ ) ​က ​ကိုယ်​စား ​လှယ်​လောင်း​တွေ ​လည်း ​ရှိ​နေ​သ​လို၊ ​တိုင်း​ဒေ​သ​ကြီး ​လွှတ်​တော် ​အ​တွက် ​ဆို​ရင် ​အ​ခု​န ​က ​ပါ​တီ ​တွေ ​အ​ပြင် ​တိုင်း​ရင်း​သား ​စည်း​လုံး ​ညီ​ညွတ်​ရေး ​ပါ​တီ ​နဲ့ ​အ​မျိုး​သား ​ဒီ​မို​က​ရေ​စီ ​ပါ​တီ​သစ် ​တို့​လည်း ​ရှိ​နေ​ပါ​တယ်။

နို​ဝင်​ဘာ ၈ ​ရက် ​ရွေး​ကောက်​ပွဲ​နေ့ ​ကျ​ရင်​တော့ ​ဗ​ဟန်း​က ​ပြည်​သူ​တွေ ​ဟာ ​ဘယ်​သူ​တွေ ​ကို ​ရွေး​ချယ်​မှာ​လည်း ​ဆို​တာ ​အ​ဆုံး​အ​ဖြတ် ​ပေး​တော့​မှာ ​ဖြစ်​ပါ​တယ်။

BBC Burmese
http://www.bbc.com/burmese


 မြန်မာနိုင်ငံမှာ နိုဝင်ဘာလ ၈ ရက်နေ့ ကျင်းပမယ့် အထွေထွေ ရွေးကောက်ပွဲအတွက် မဲဆွယ်စည်းရုံးမှုတွေကို ပါတီအသီးသီးက အရှိန်မြှင့် ဆောင်ရွက် လာနေတာမှာ ရန်ကုန်တိုင်းဒေသကြီးအတွင်းက ကိုကိုးကျွန်းမှာ NLD အမျိုးသားဒီမိုကရေစီအဖွဲ့ချုပ် လွှတ်တော် ကိုယ်စားလှယ်လောင်းတွေအနေနဲ့ မဲဆွယ်စည်းရုံးဖို့ အတားအဆီးအခက်အခဲတွေ ရှိနေတယ်လို့ NLD ပါတီကိုယ်စားလှယ်လောင်း ဦးဝင်းမင်းက ပြောပါတယ်။ ရွေးကောက်ပွဲကော်မရှင်ရဲ့ အဆိုအရ ကိုကိုးကျွန်းမှာ မဲပေးနိုင်သူပေါင်း ၁,၅၇ဝ ရှိတယ်လို့ သိရပါတယ်။ အပြည့်အစုံကိုတော့ ကိုဇော်ဝင်းလှိုင်က တင်ပြပေးထားပါတယ်။

ရွေးကောက်ပွဲကာလ မဲဆွယ်စည်းရုံးဖို့ ပြည်ထောင်စုရွေးကောက်ပွဲ ကော်မရှင်က ရက် ၆၀ သာ သတ်မှတ်ပေးထားတာကြောင့် မဲဆွယ် စည်းရုံးဖို့ ကိုကိုးကျွန်းကိုသွားနိုင်ဖို့ အကြိမ်ကြိမ်ကြိုးစားခဲ့ပြီး အခက်အခဲအမျိုးမျိုးနဲ့ ရင်ဆိုင်ခဲ့ရပြီးတဲ့နောက်မှ NLD အမျိုးသားဒီမိုကရေစီအဖွဲ့ချုပ်ကို ကိုယ်စားပြုပြီး ကိုကိုးကျွန်းမဲဆန္ဒနယ်မြေက ဝင်ရောက်ယှဉ်ပြိုင်ကြမယ့် ကိုယ်စားလှယ်လောင်းတွေ အခု အောက်တိုဘာလ ၂၂ ရက်နေ့မှာ ရောက်ရှိသွားခဲ့ကြတာပါ။

ကိုကိုးကျွန်းရောက်ပြီး မဲဆွယ်စည်းရုံးတဲ့နေရာမှာ ကန့်သတ် တားဆီးမှုတွေနဲ့ ရင်ဆိုင်ခဲ့ရတယ်လို့ NLD ပါတီ ပြည်သူ့လွှတ်တော် ကိုယ်စားလှယ်လောင်း ဦးဝင်းမင်းက ဗွီအိုအေကို ပြောပါတယ်။

“ကိုကိုးကျွန်းမြို့က ရပ်ကွက်က ၂ ခုပဲရှိပါတယ်။ တမြို့နယ်လုံးက- အမှတ် (၁) ရပ်ကွက်နဲ့ အမှတ် (၂) ရပ်ကွက်။ အဲဒီတော့ မြို့ထဲမှာလှည့်လည်ပြီးတော့ မဲဆွယ်စည်းရုံးရေးလုပ်တဲ့အခါမှာ “ကန့်သတ်နယ်မြေ” - ၊ “တာဝန်မှအပ မဝင်ရ” - ဆိုတဲ့ဆိုင်းဘုတ်တွေကို ကျနော်တို့ တွေ့ရပါတယ်။ အဲဒီတော့ ကျနော်တို့က မဝင်ပါဘူး။ မဝင်ဘဲနဲ့ သွားလို့ရတဲ့ရပ်ကွက်ထဲကိုပဲ ကျနော်တို့ မဲဆွယ်စည်းရုံးရေးကို ဆောင်ရွက်ပါတယ်။ အဲဒီတော့ တမြို့နယ်လုံးမှာ ကျနော်တို့ မဲဆွယ်စည်းရုံးရေးဝင်လို့ရတဲ့အိမ်ခြေဟာ ၁၃၀ ကျော်လောက်ရှိပြီး မဲဆန္ဒရှင်က ၃၀၀ ကျော်လောက်ပဲ ကျနော်တို့ မဲဆွယ်စည်းရုံးလို့ရပါတယ်။ အဲဒီ ကန့်သတ်နယ်မြေ၊ မဝင်ရ - ဆိုတဲ့ဆိုင်းဘုတ်တွေကလည်း အောက်တိုဘာ ၁၉ ရက်နေ့ကမှ စတင်ပြီး သူတို့ စိုက်ထူတယ်လို့ ကျနော်တို့သိရပါတယ်။”

ကန့်သတ်နယ်မြေသတ်မှတ်မှုနဲ့ တာဝန်မှအပ မဝင်ရတဲ့ တားမြစ်ပိတ်ပင်မှုတွေ လုပ်ဆောင်ထားတာနဲ့ ပတ်သက်လို့ ကိုကိုးကျွန်းမြို့နယ် ရွေးကောက်ပွဲ ကော်မရှင်ထံ တင်ပြခဲ့တဲ့အကြောင်း ဦးဝင်းမင်းက ပြောပါတယ်။

“အဲဒီတော့ ကျနော်တို့က ဒီကန့်သတ်နယ်မြေကို ဘယ်သူက ကန့်သတ်ထားတာလဲ၊ ဘာ့ကြောင့် ကျနော်တို့မဝင်ရသလဲဆိုတာ ၂၂ ရက်နေ့က မြို့နယ်ရွေးကောက်ပွဲကော်မရှင်နဲ့ ကျနော်တို့ သွားရောက်တွေ့ဆုံ ဆွေးနွေးပါတယ်။ သွားရောက်တွေ့ဆုံဆွေးနွေးပြီးတော့ ကန့်သတ်နယ်မြေအတွင်း မဲဆွယ်စည်းရုံးခွင့်ရရှိဖို့အတွက် သက်ဆိုင်ရာဌာနများနဲ့ ညှိနှိုင်းဆောင်ရွက်ပေးဖို့ ကျနော် မြို့နယ်ကော်မရှင်ကို ၂၄ ရက်နေ့က ကျနော် စာတင်ခဲ့ပါတယ်။ အောက်တိုဘာ ၂၅ ရက်နေ့မှာ မြို့နယ်ကော်မရှင်က ကျနော့်ကို အကြောင်းပြန်ပါတယ်။ ကိုကိုးကျွန်းမြို့နယ်အတွင်းရှိ-ပေါ့နော်- တပ်ပိုင်မြေဖြစ်သည့် စစ်ရေးနဲ့ လုံခြုံရေးအရ သတ်မှတ်ထားတဲ့ ကန့်သတ်နယ်မြေတွေမှာပေါ့နော်- မဲဆွယ်စည်းရုံးရေးလုပ်ငန်းများ ဆောင်ရွက်ခွင့်မပြုကြောင်း- ဆိုပြီးတော့ သူက ကျနော့်ကို အကြောင်းပြန်ပါတယ်ခင်ဗျ။ ကျနော်က ပြောပြပါတယ်။ ရွေးကောက်ပွဲကော်မရှင်ဥပဒေအရ စစ်တပ်ဧရိယာအတွင်း မဲဆွယ်စည်းရုံးခွင့်မရှိဘူးဆိုတာ မပါပါဘူး၊ အဲဒီတော့ ကော်မရှင်က ထုတ်ပြန်ထားတဲ့ ဥပဒေကို ချိုးဖောက်နေတာ ကျနော်တို့မဟုတ်ဘဲနဲ့ တပ်ပိုင်းက ချိုးဖောက်နေတာကို သူတို့ကို ကျနော်တို့က တင်ပြပါတယ်။ အောက်တိုဘာ ၂၅ ရက်နေ့ ညနေ ၄ နာရီလောက်က ကျနော် အမှတ် ၂၇ ၊ ရေတပ်စခန်းတပ်မှူးနဲ့ စခန်းမှူးနဲ့ သွားရောက်တွေ့ဆုံပါတယ်။ ဂိတ်ဝမှာ စခန်းမှူးနဲ့တော့ မတွေ့ရပါဘူး။ စခန်းမှူးက ကျနော်တို့ရဲ့ USDP ပါတီက ပြည်သူ့လွှတ်တော်ကိုယ်စားလှယ်လောင်းအဖြစ်နဲ့ ရေတပ်ကာကွယ်ရေးဦးစီးချုပ် အငြိမ်းစား သူရဦးသက်ဆွေ ရောက်ရှိနေတဲ့အတွက် ကိုကိုးကျွန်းမြို့ပေါ်ကို သွားတယ်လို့ တပ်က ပြောပါတယ်။ အဲဒီက စခန်းမှူး ဒုဗိုလ်မှူးကြီး စိုင်းသက်နိုင်နဲ့ ကျနော် တွေ့ခွင့်မရခဲ့ပါဘူးခင်ဗျ။”

ကိုကိုးကျွန်းမှာ NLD ပါတီနဲ့ အဓိကယှဉ်ပြိုင်မယ့် ပြည်ခိုင်ဖြိုးပါတီကိုယ်စားလှယ်လောင်းတွေရဲ့ မဲဆွယ် စည်းရုံးမှုတွေကတော့ NLD ပါတီ ကိုယ်စားလှယ်လောင်းတွေလောက် အခက်အခဲမရှိခဲ့ဘူးလို့ ဦးဝင်းမင်းက ဆက်ပြောပါတယ်။

“ကျနော်တို့ မရောက်ခင်မှာတော့ ကျနော်တို့ရဲ့ပြိုင်ဘက်ပါတီဖြစ်တဲ့ USDP ပါတီကနေပြီးတော့ အဲဒီနေရာတွေမှာ မဲဆွယ်စည်းရုံးရေးလုပ်ငန်းတွေကို ဆောင်ရွက်တယ်လို့ ဒေသခံတွေရဲ့ပြောကြားချက်အရ ကျနော်တို့ သိရပါတယ်။ ဒေသခံတွေက အဲဒီဝင်းထဲကိုတော့ သူတို့ ဈေးရောင်းတာတို့၊ ထင်းခွေသွားတာတို့၊ အလုပ်သွားလုပ်တာတို့တော့ ရှိတယ်ပေါ့နော်။ အဲဒီမှာ USDP Logo တွေ၊ USDP အင်္ကျီတွေကို မြင်တွေ့ရတယ်လို့ ဒေသခံတွေက ကျနော်တို့ကို ပြန်လည် ပြောပြပါတယ်။”

ကိုကိုးကျွန်းမြို့နယ်မှာ ဝင်ရောက်ယှဉ်ပြိုင်မယ့် NLD ပါတီ ပြည်သူ့လွှတ်တော်ကိုယ်စားလှယ်လောင်း ဦးဝင်းမင်း ပြောပြသွားတာပါ။ ကိုကိုးကျွန်းမှာ NLD ၊ ပြည်ခိုင်ဖြိုးပါတီတို့သာ ပြည်သူ့လွှတ်တော်၊ အမျိုးသားလွှတ်တော်နဲ့ တိုင်းဒေသကြီး စတဲ့ ၃ နေရာစလုံးကို ဝင်ရောက် ယှဉ်ပြိုင်ကြမှာဖြစ်ပြီး အမျိုးသား ဒီမိုကရေစီ ပါတီသစ်ကတော့ တိုင်းဒေသကြီးနေရာ တနေရာအတွက် ဝင်ရောက်ယှဉ်ပြိုင်ဖို့ ရှိနေတာပါ။

ပြည်ခိုင်ဖြိုးပါတီကို ကိုယ်စားပြုပြီး ဝင်ရောက်ယှဉ်ပြိုင်ကြမယ့် ကိုယ်စားလှယ်လောင်းတွေကတော့ - ပြည်သူ့လွှတ်တော်အတွက် တပ်မတော် ကာကွယ်ရေး ဦးစီးချုပ်ရေ အငြိမ်းစားဗိုလ်ချုပ်ကြီး သူရ ဦးသက်ဆွေ၊ တိုင်းဒေသကြီး လွှတ်တော် မဲဆန္ဒနယ် (၁) အတွက် ရန်ကုန်တိုင်းဒေသကြီး နယ်စပ်ရေးရာနဲ့ လုံခြုံရေးဝန်ကြီးအဖြစ် တာဝန်ထမ်းဆောင်ခဲ့သူ ဦးတင်ဝင်း၊ တိုင်းဒေသကြီး မဲဆန္ဒနယ် (၂) အတွက် ဦးအောင်နိုင်တို့က ဝင်ရောက် ယှဉ်ပြိုင်ကြမှာ ဖြစ်ပါတယ်။

အမျိုးသားလွှတ်တော်အတွက်ကတော့ ကိုကိုးကျွန်းဟာ မြို့နယ်အငယ်လေး ဖြစ်တာကြောင့် ရန်ကုန်တိုင်းဒေသကြီးအတွင်းက တွံတေး၊ ကော့မှူး၊ ကွမ်းခြံကုန်းမြို့နယ်တွေနဲ့အတူ ပူးတွဲပေးထားပါတယ်။ ဒါကြောင့်လည်း အမျိုးသားလွှတ်တော် မဲဆန္ဒနယ်မြေ အမှတ် (၈) အတွက် အဲဒီ ဒေသတွေကို လက်ရှိမှာ ကိုယ်စားပြုနေတဲ့ ပြည်ခိုင်ဖြိုးပါတီအမတ် ဇေကမ္ဘာ ဦးခင်ရွှေက ဝင်ရောက် ယှဉ်ပြိုင်သွားမှာ ဖြစ်ပါတယ်။

ကိုကိုးကျွန်း မဲဆန္ဒနယ်မြေမှာ NLD အမျိုးသားဒီမိုကရေစီအဖွဲ့ချုပ်ကိုယ်စား ဝင်ရောက်ယှဉ်ပြိုင်ကြမယ့် ကိုယ်စားလှယ်လောင်းတွေကတော့ ပြည်သူ့ လွှတ်တော်အတွက် ဦးဝင်းမင်း၊ အမျိုးသားလွှတ်တော် မဲဆန္ဒနယ်မြေ အမှတ် (၈) အတွက် ဦးကျော်ထွေး၊ တိုင်းဒေသကြီး (၁) အတွက် ဦးကျော်သူ၊ တိုင်းဒေသကြီး (၂) အတွက် ဦးဝင်းကိုကိုဝင်းတို့ ဖြစ်ပါတယ် ခင်ဗျား။

ကိုဇော်ဝင်းလှိုင် / ဗွီအိုအေ (မြန်မာပိုင်း)
http://burmese.voanews.com

ငလျင်ဒဏ်ကြောင့် ထိခိုက်ဒဏ်ရာရသွားတဲ့ ကလေးတစ်ဦးကို ခေါ်လာစဉ်။ (အောက်တိုဘာ ၂၆၊ ၂၀၁၅)
 အာဖဂန်နစ္စတန်နိုင်ငံအတွင်း တနင်္လာနေ့က အင်အားပြင်းထန်တဲ့ငလျင် လှုပ်သွားခဲ့တာကြောင့် အာဖဂန်နဲ့ အိမ်နီးချင်း ပါကစ္စတန်နိုင်ငံတို့မှာ လူ ၃၀၀ နီးပါး သေဆုံးပြီး ၁,၇၀၀ ကျော် ထိခိုက်ဒဏ်ရာရခဲ့ပါတယ်။

အမေရိကန်ဘူမိဗေဒ တိုင်းတာရေးဌာနရဲ့အဆိုအရ ငလျင်ပြင်းအားဟာ ၇.၅ ရှိခဲ့တယ်လို့ ဆိုပါတယ်။ ငလျင်ဟာ ပါကစ္စတန်၊ Tajikistan နဲ့ တရုတ်နိုင်ငံတို့ နယ်စပ်အနီးမှာရှိတဲ့ အာဖဂန်နိုင်ငံ Badakhshan ခရိုင်အတွင်းက Hindu Kush တောင်တန်းတွေက လူဦးရေ သိပ်မထူထပ်တဲ့ဒေသမှာ ဗဟိုပြု လှုပ်ခတ် သွားခဲ့တာလို့ ဆိုပါတယ်။

ငလျင်ဒဏ် အပြင်းထန်ဆုံးထိခိုက်ခဲ့တဲ့ ဒေသဟာ ပါကစ္စတန်နိုင်ငံ အနောက်မြောက်ပိုင်းဒေသ Khyber Pakhtunkhwa ခရိုင်အတွင်းမှာ ဖြစ်ပြီး အဲဒီ ဒေသမှာ သေဆုံးသူအရေအတွက်ဟာ ၁၄၀ ကျော်နဲ့ ထိခိုက်ဒဏ်ရာရသူ ၁,၀၀၀ ကျော်ရှိတယ်လို့ အာဏာပိုင်တွေက ပြောပါတယ်။

အာဖဂန်နိုင်ငံအတွင်းမှာတော့ အခုချိန်ထိ လူ ၅၉ ဦး သေဆုံးသွားတယ်လို့ ဆိုပါတယ်။ ဒါပေမယ့် အဲဒီအရေအတွက်ဟာ သိသိသာသာ တိုးသွားနိုင်တယ်လို့ အာဖဂန်အစိုးရ အုပ်ချုပ်ရေးအဖွဲ့အကြီးအကဲ Abdullah Abdullah က ပြောပါတယ်။

အာဖဂန်နိုင်ငံအတွင်းသေဆုံးသူတွေထဲ Takhar ခရိုင်အတွင်း လှုပ်ခါနေတဲ့ အဆေက်အဦးအတွင်းက ထွက်ပြေးဖို့ ကြိုးစားတဲ့ ကျောင်းသူ ၁၂ ယောက်လည်း ပါဝင်တယ်လို့ ဆိုပါတယ်။

ဗွီအိုအေ (မြန်မာဌာန)
http://burmese.voanews.com

 ​ဆော်​ဒီ ​ရဲ့ ​ပြည်​တွင်း ​လူ့​အ​ခွင့်​အ​ရေး ​အ​ခြေ​အ​နေ ​တွေ ​အ​ပေါ် ​ဗြိ​တိန် ​ဝေ​ဖန်​ခဲ့။
 ဆော်​ဒီ​အာ​ရေ​ဗျ ​နိုင်​ငံ​ထဲ ​က ​အ​ကျဉ်း​ထောင် ​တွေ ​အ​တွက် ​လို​အပ်​တဲ့ ​အ​ကြံ​ဥာဏ်​နဲ့ ​မွမ်း​မံ ​သင်​တန်း ​တွေ ​ပေး​ဖို့ ​စာ​ချုပ် ​ကို ​ဗြိ​တိန် ​အ​စိုး​ရ ​ဘက် ​က ​ပယ်​ဖျက် ​ခဲ့​တဲ့ ​အ​ပြင် ​ဆော်​ဒီ ​ရဲ့ ​ပြည်​တွင်း ​လူ့​အ​ခွင့်​အ​ရေး ​အ​ခြေ​အ​နေ ​တွေ ​အ​ပေါ် ​ဝေ​ဖန် ​ပြော​ဆို​မှု ​တွေ ​လုပ်​ခဲ့​တာ ​ကြောင့် ၂ ​နိုင်​ငံ ​ဆက်​ဆံ​ရေး ​အ​ပေါ် ​နောက်​ဆက်​တွဲ ​ရိုက်​ခတ်​မှု​တွေ ​ပြင်း​ထန် ​လာ​နိုင်​တယ် ​ဆို​ပြီး ​ဆော်​ဒီ ​ဘက်​က ​သ​တိ​ပေး​လိုက် ​ပါ​တယ်။

ပြီး​ခဲ့​တဲ့ ​သီ​တင်း​ပတ်​တွေ ​အ​တွင်း ​ဗြိ​တိန် ​နိုင်​ငံ​ဘက် ​က ​ဆက်​ဆံ​ပုံ​တွေ ​ဟာ ​သ​တိ​ထား ​မိ​စေ​လောက် ​အောင် ​ပြောင်း​လဲ ​သွား​ခဲ့​ပြီး ​နိုင်​ငံ ​အ​ကြား ​မ​ဟာ ​ဗျူ​ဟာ​မြောက် ​ဆက်​ဆံ​ရေး ​အ​ပေါ် ​ထိ​ခိုက် ​လာ​နိုင် ​လို့ ​လန်​ဒန်​မှာ ​ရှိ​တဲ့ ​ဆော်​ဒီ ​သံ​အ​မတ် ​မင်း​သား Mohammed bin Nawaf bin Abdulaziz ​က ​ပြော​ပါ​တယ်။

ဆော်​ဒီ ​နိုင်​ငံ​ဟာ ​ဘယ်​သူ့​ရဲ့ ​သင်​ပြ ​လမ်း​ညွှန် ​ဆ​ရာ ​လုပ်​မှု ​ကို ​မှ ​လက်​ခံ ​မှာ ​မ​ဟုတ်​ဘူး​လို့ ​သံ​အ​မတ် ​မင်း​သား ​က ​ဆို​သ​လို ​ဗြိ​တိန်​ရဲ့ ​ဒီ​လို ​အ​ပြု​အ​မူ ​ဟာ ၂ ​နိုင်​ငံ​ကြား ​ကုန်​သွယ်​မှု ​အ​ဆက်​အ​ဆံ ​တွေ ​ကို ​ကျိုး​ပျက် ​သွား​စေ ​နိုင်​တယ်​လို့ ​လည်း ​ဆို​ပါ​တယ်။

တ​ခါ၊ ​ဆော်​ဒီ ​နိုင်​ငံ ​ထဲ​မှာ​တော့ ​တောင်​ဘက်​ပိုင်း ​မြို့​ဖြစ်​တဲ့ Najran ​မှာ ​ပ​လီ​ဝတ်​ကျောင်း ​တစ်​လုံး ​အ​သေ​ခံ ​ဗုံး​ခွဲ ​တိုက်​ခိုက် ​ခံ​ရ​လို့ ​လူ ​တစ်​ဦး ​သေ​ဆုံး​ပြီး ​တ​ချို့ ​ဒဏ်​ရာ​ရ ​သွား​ပါ​တယ်။

အ​သေ​ခံ ​ဗုံး​သ​မား ​ပ​လီ​ထဲ ​ဝင်​အ​လာ ​တား​ဆီး​ဖို့ ​ကြိုး​စား​ခဲ့​သူ Ali Ben Ahmad Al Mardama ​ဆို​သူ ​သေ​ဆုံး ​ခဲ့​ရ​တာ ​ဖြစ်​တယ် ​လို့ ​ဒေ​သ​ခံ ​တွေ ​က ​ပြော​ပါ​တယ်။

အဲ​ဒီ့ ​ပ​လီ​ဟာ ​ရှီ​အာ ​မွတ်​ဆ​လင်မ် ​ဂိုဏ်း​ခွဲ ​တစ်​ခု ​ဖြစ်​တဲ့ Ismailis ​တို့ ​ရဲ့ ​ပ​လီ ​ဖြစ်​လို့ ​ပစ်​မှတ်​ထား ​တိုက်​ခိုက် ​ခဲ့​တာ ​ဖြစ်​တယ် ​ဆို​ပြီး ​ဆွန်​နီ ​မွတ်​ဆ​လင်မ် ​လက်​နက်​ကိုင် ​တွေ ​ဖြစ်​တဲ့ ​အ​စ္စ​လာမ်​မစ် ​နိုင်​ငံ ​အ​ဖွဲ့ IS ​က ​ထုတ်​ဖော် ​ကြေ​ညာ ​ပါ​တယ်။

BBC Burmese
http://www.bbc.com/burmese

[youtube src="V4N1M7WTByg"/]

ထိုင်းနိုင်ငံ ဘန်ကောက်မြို့မှာ အောက်တိုဘာ ၂၅ ရက်ကကျင်းပတဲ့ Miss Grand International 2015 ပြိုင်ပွဲမှာ နောက်ဆုံးဆန်ကာတင် အလှမယ် ၅ ယောက်မှာ ရွေးချယ်ခံခဲ့ရတဲ့ ထိုင်းအလှမယ် လတ်တီကွန်း ခွန်းဆုမ်က သူ့ဘ၀မှာ အလွှမ်းမိုးဆုံး ပုဂ္ဂိုလ်ဟာ မြန်မာနိုင်ငံက ဒေါ်အောင်ဆန်းစုကြည်ဖြစ်တယ်လို့ ဖြေကြားသွားပါတယ်။

ဒီဗွီဘီ

ရွေးကောက်ပွဲအတွက် မဲဆွယ်ရာမှာ အာဏာရ ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီက ပစ္စည်းနဲ့ ငွေကြေးပေးပြီး မဲဆွယ်တာ အများဆုံးဖြစ်တယ်လို့ ယုံကြည်ရသောရွေးကောက်ပွဲများ ပေါ်ပေါက်ရေး ပြည်သူများ ပူးပေါင်းလှုပ်ရှားမှုအဖွဲ့က ဒီကနေ့ ထုတ်ဖော်ပြောဆိုလိုက်ပါတယ်။

စက်တင်ဘာ ၈ ရက်ကနေ အောက်တိုဘာ ၁၈ ရက်အထိ နိုင်ငံတ၀န်း မြို့နယ်ပေါင်း ၁၂၉ မြို့နယ်မှာရှိတဲ့ ကိုယ်စားလှယ်တွေနဲ့ အကြိမ် ၂၆၀၀ ကျော် တွေ့ဆုံမှုတွေအပြင် မဲဆွယ်ဟောပြောမှုပေါင်း ၁၆၀၀ ကျော်ကို စောင့်ကြည့်ခဲ့ပြီးနောက် ကနဦး တွေ့ရှိချက်တွေအရ အခုလို ထုတ်ဖော်ပြောဆိုလိုက်တာလို့ အဖွဲ့ရဲ့ အမှုဆောင်ဒါရိုက်တာ ဦးစိုင်းရဲကျော်စွာမြင့်က ပြောပါတယ်။

ဒီလို ငွေပေးပြီး မဲဆွယ်တာတွေ၊ လူမျိုးရေးတိုက်ခိုက်တဲ့ ကိစ္စတွေကို နိုင်ငံရေးပါတီတွေနဲ့ ရွေးကောက်ပွဲကော်မရှင်တို့က အသေးစိတ် စုံစမ်းမှုတွေ ပြုလုပ်ရမှာဖြစ်ပြီး သူတို့အဖွဲ့အနေနဲ့ကတော့ လေ့လာစောင့်ကြည့် တွေ့ရှိခဲ့တာတွေကို တင်ပြတာသာဖြစ်တယ်လို့ ဆိုပါတယ်။

စောင့်ကြည့်လေ့လာတဲ့အခါမှာ ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီ၊ အမျိုးသားဒီမိုကရေစီအဖွဲ့ချုပ်တို့အပြင် အခြားပါတီကြီး ပါတီငယ်နဲ့ တသီးပုဂ္ဂလ ကိုယ်စားလှယ်တွေကိုပါ စောင့်ကြည့်ခဲ့တာပါ။

အမျိုးသားဒီမိုကရေစီအဖွဲ့ချုပ်ဆိုရင် ပါတီကိုယ်စားလှယ်လောင်းတွေ ကိုယ်တိုင်မဲဆွယ်တာထက် ပါတီ ထိပ်ပိုင်းခေါင်းဆောင်တွေက မဲဆွယ်စည်းရုံးတာ တခြားပါတီတွေထက် ပိုများတယ်လို့ ဆိုပါတယ်။

ပါတီတွေက ကိုယ်စားလှယ်လောင်းတွေ အနေနဲ့ မဲဆွယ်ရာမှာ အများစုက လှုံ့ဆော်တိုက်ခိုက်တဲ့ ပြောဆိုတာတွေကို ထိန်းသိမ်းကြပေမယ့် ဘာသာရေး၊ လူမျိုးရေးနဲ့ ကျားမ လိင်တွေနဲ့ ပတ်သက်ပြီး မှတ်ချက်ပေး ပြောဆိုမှုက စောင့်ကြည့်လေ့လာမှု ၁၀၀ မှာ ၂ ခုလောက် တွေ့ရတယ်လို့ သိရပါတယ်။

နိုဝင်ဘာ ၈ ရက်နေ့မှာ ကျင်းပမယ့် ရွေးကောက်ပွဲကို စောင့်ကြည့်လေ့လာဖို့ ပြည်ထောင်စု ရွေးကောက်ပွဲကော်မရှင်က ပြည်တွင်းအဖွဲ့အစည်း ၉ ဖွဲ့နဲ့ ပြည်ပအဖွဲ့အစည်း ၅ ဖွဲ့ကို တရားဝင် ခွင့်ပြုထားပါတယ်။