11/03/15

အမျိုးသားဒီမိုကရေစီအဖွဲ့ချုပ် (NLD) ပါတီ အောင်နိုင်ရေးဖျော်ဖြေပွဲနှင့် အနုပညာရှင်များမှမဲဆွယ်စည်းရုံးရေအစီစဉ်ကို နိုဝင်ဘာ ၃ ရက် ယနေ့ ညနေ ၄ နာရီမှစတင်၍ ထားဝယ်မြို့ ရွှေဝယ်သီရိအားကစားကွင်း၌စတင် ကျင်းပလျက်ရှိကြောင်း သိရသည်။

ပွဲကျင်းပမည့် ရွှေဝယ်သီရိ အားကစားကွင်းအတွင်း၌ ထားဝယ်ခရိုင် ၄ မြို့နယ်မှ NLD ထောက်ခံအားပေးသူဒေသခံ တစ်သိန်းကျော်ခန့့် ရောက်ရှိနေပြီဖြစ်ပြီး ဖျော်ဖြေပွဲ၌ အဆိုတော်များဖြစ်သည့် Rဇာနည်၊ ထွန်းအိန္ဒြ္ဘာဗိုလ်၊နီနီခင်ဇော်၊ ဝိုင်စုခိုင်သိန်း၊ချစ်ဆုဝေ၊ခင်စုစုနိုင်၊ ချစ်သုဝေ အစရှိသည့် အနုပညာရှင် ၁၆ ဦးတို့ မှစတင်ဖျော်ဖြေနေပြီဖြစ်သည်။

ဓာတ်ပုံ - ဖြိုးဇင်(ထားဝယ်)
Eleven Media Group

ဗွီ ဒီ ယို ရှော့တ် ကြီး လို့ ပြော အုံး မှာ လား ဟင် ။ R ကြီးတို့ အဖွဲ့တဲ့ .. အရမ်းကို ကဲနေကြတာ ။

Posted by U Naing Win on Tuesday, November 3, 2015

မဲလက်မှတ်စက္ကူ အမျိုးအစားမှာ အဝါရောင် ဖြစ်နေခြင်းကြောင့် နိုင်ငံရေးပါတီများနှင့်
တစ်သီးပုဂ္ဂလများ၏ ပါတီအမှတ်တံဆိပ်များတွင် ပါသည့် အဖြူရောင်မှာ အဝါရောင်
သန်းနေမည်ဖြစ်ကာ မဲဆန္ဒရှင်များအနေဖြင့် အမှတ်တံဆိပ်များကို သတိပြုကာ
ဆန္ဒပြုကြရန် ပြည်ထောင်စု ရွေးကောက်ပွဲကော်မရှင်က နိုဝင်ဘာ (၃)ရက် တွင်
ထုတ်ပြန်ချက်အရ သိရှိရသည်။

နိုင်ငံရေးပါတီများနှင့် တစ်သီးပုဂ္ဂလ လွှတ်တော်ကိုယ်စားလှယ်လောင်းများ
အနေဖြင့်လည်း ပါတီအမှတ်တံဆိပ် အဖြူရောင်ရှိမည်ဆိုက အဝါရောင်ဖြစ်နေမည်
ဖြစ်ခြင်းကြောင့် မဲဆန္ဒ ရှင်များကို အသိပေးရန် ကော်မရှင်က ထုတ်ပြန်ထားသည်။

“ကျွန်တော်တို့ဘက်ကလည်း အသိပေးနေပါတယ်။ လက်ရှိမှာတော့ ပါတီတွေ
ဘက်ကလည်း အတတ်နိုင်ဆုံး ကြိုးစားပေးဖို့ လိုအပ်ပါတယ်။”ဟု ရွေးကောက်ပွဲ
ကော်မရှင်မှ အဖွဲ့ဝင်ဦးကျော်က ပြောသည်။

၂၀၁၅ ခုနှစ် နိုဝင်ဘာလ(၈)ရက်တွင် ကျင်းပမည့် အထွေထွေ ရွေးကောက်ပွဲတွင်
ဆန္ဒမဲ လက်မှတ်များ အတုမပြုလုပ်နိုင်ရန်နှင့် မလိုလားအပ်သည့် စွပ်စွဲပစ်တင်မှုများ
မဖြစ်စေရန်အတွက် အင်ဒိုနီးရှားနိုင်ငံမှ လုံခြုံရေးပါ အဝါရောင် စက္ကူစာရွက်များကို
မှာယူခဲ့ခြင်းဖြစ်ကြောင်း ရွေးကောက်ပွဲ ကော်မရှင်မှ သိရသည်။

“အစကတည်းက ပါတီနဲ့ ကော်မရှင်က ပူးပေါင်းလုပ်သင့်တယ်လေ။ လရှည်ရက်များ
လုပ်ပြီးမှ အခုလို ဖြစ်တယ်ဆိုတာတော့ မကောင်းဘူး။ ရွေးကောက်ပွဲ ကျင်းပဖို့
ကလည်း ၃ ရက်လောက်ပဲ လိုတော့တယ်။ ဒါကို ကျွန်တော်တို့က ဘယ်လို
ရှင်းပြရမှာလဲ” ဟု လူ့ဘောင်သစ် ဒီမိုကရက်တစ်ပါတီမှ အထွေထွေ အတွင်းရေးမှူး
ဦးအောင်မိုးဇော်က ဆိုသည်။

မဲလက်မှတ်များ ရိုက်နှိပ်သည့် စက္ကူတွင်ပါရှိသည့် လုံခြုံရေး ရေစာအမှတ်အသားမှာ
ပြည်ထောင်စုရွေး ကောက်ပွဲကော်မရှင် တံဆိပ်ကို စက္ကူသားတွင် ထည့်သွင်း
ပုံနှိပ်ထားပြီး အလင်းရောင်တွင် ထောင်ကြည့်ပါ က တွေ့မြင်နိုင်ကြောင်း
ရွေးကောက်ပွဲ ကော်မရှင်က ထုတ်ပြန်ထားသည်။

ထို့အပြင် ဆန္ဒမဲလက်မှတ်တွင် လွှတ်တော်ကိုယ်စားလှယ်လောင်း တစ်ဦးနှင့် ပတ်
သတ်ပြီး လက်ဝဲဘက် အကွက်တွင် လွှတ်တော်ကိုယ်စားလှယ်လောင်း အမည်နှင့်
သက်ဆိုင်ရာ နိုင်ငံရေးပါတီအမည် သို့မဟုတ် တစ်သီးပုဂ္ဂလ အမည်ကို ထင်ရှား စွာ
ဖော်ပြထားမည်ဖြစ်ပြီး လက်ယာဘက် ထောင့်ကွက်တွင် မဲဆန္ဒရှင်များ အနေဖြင့်
ဆန္ဒပြုကြရန် ရွေးကောက်ပွဲ ကော်မရှင်က ထုတ်ပြန်ထားသည်။

သတင်း - MMK
The Ladies News Journal
[ads-post]

[youtube src="XESlUbz_sGA"/]
YAT Group (www.f.......com/YatGroup/) မှ အမျိုးသားဒီမိုကရေစီအဖွဲ့ချုပ်အောင်နိုင်ရေး သီချင်း ခွပ်ဒေါင်းမာန်ချီ ကို ပြန်လည် ရိုက်ကူးတင်ဆက်

သမ္မတ ဦးသိန်းစိန် ၂၀၁၂ ကြားဖြတ်ရွေးကောက်ပွဲမှာ မဲပေးနေပုံ။ 
 လာမယ့် တနင်္ဂနွေနေ့မှာ ကျင်းပတော့မယ့် အထွေထွေရွေးကောက်ပွဲကို ရာနှုန်းပြည့် ပြီးပြည့်စုံစေဖို့ အခက်အခဲတွေရှိပေမယ့်လည်း သမ္မတဦးသိန်းစိန်အစိုးရအနေနဲ့ အတတ်နိုင်ဆုံး သန့်ရှင်းလွတ်လပ်တဲ့ ရွေးကောက်ပွဲဖြစ်အောင် ကြိုးစားထားတယ်လို့ လစဉ် ရေဒီယို မိန့်ခွန်းမှာ ပြောဆိုလိုက်ပါတယ်။ ဒါ့အပြင် တစ်နိုင်ငံလုံး ပစ်ခတ် တိုက်ခိုက်မှု ရပ်စဲရေးစာချုပ် NCA မှာ ပါဝင်လက်မှတ်ရေးထိုးဖို့ ကျန်ရှိနေသေးတဲ့ အဖွဲ့အစည်းတွေနဲ့လည်း လက်မှတ်ထိုးဖို့ ဆောင်ရွက် သွားမယ်လို့ ပြောဆို ထားပါတယ်။အပြည့်အစုံကို VOA သတင်းထောက် မသိင်္ဂီလင်းကပြောပြပါမယ်။

ဒီမိုကရေစီ အတွေ့အကြုံ နုနယ်သေးတာကြောင့် လာမယ့်ရွေးကောက်ပွဲကို ရာနှုန်းပြည့် ပြီးပြည့်စုံအောင် ဆောင်ရွက်ဖို့ ခက်ခဲပေမယ့် သမ္မတဦးသိန်းစိန် အစိုးရ အနေနဲ့ သန့်ရှင်းလွတ်လပ်တဲ့ ရွေးကောက်ပွဲဖြစ်အောင် အတတ်နိုင်ဆုံး ကြိုးပမ်းထားတယ်လို့ ဒီကနေ့ လစဉ်ရေဒီယို မိန့်ခွန်းမှာ အခုလိုပြောဆိုလိုက်ပါတယ်။

““ကျန်တော်တို့နိုင်ငံမှာ ဒီမိုကရေစီတည်ဆောက်ရေးနဲ့ ပတ်သက်တဲ့ အတွေ့အကြုံတွေ၊ နိုင်ငံ တည်ဆောက်ရေးဆိုင်ရာ  Institutions တွေ အားကောင်းမောင်းသန် မဖြစ်သေးတာဟာ အရှိတရား ပဲဖြစ်ပါတယ်။ ဒီလို အခက်အခဲတွေ ရှိနေတဲ့ အတွက် ရာနှုန်းပြည့် ပြီးပြည့်စုံတဲ့ ရွေးကောက်ပွဲ ဆိုတာတွေကို ကျင်းပဖို့ အခက်အခဲများ ရှိနေတာကိုလည်း ကျွန်တော့်အနေနဲ့ နားလည် လက်ခံထားပါတယ်။ သို့သော်လည်းပဲ ကျန်တော်တို့ အစိုးရအဖွဲ့ အနေနဲ့ သန့်ရှင်း လွတ်လပ်တဲ့ ရွေးကောက်ပွဲများကို ငြိမ်းချမ်းစွာ ကျင်းပနိုင်ဖို့ အတွက် ရာနှုန်းပြည့် ကြိုးစား လုပ်ဆောင်ထားကြောင်း အသိပေးပြောကြားလိုပါတယ်။

ဒါပေမယ့်လည်း အတိုက်အခံပါတီဖြစ်တဲ့ အမျိုးသားဒီမိုကရေစီအဖွဲ့ချုပ်က ဦးဝင်းထိန် ကတော့ သမ္မတရဲ့ ပြောစကားကို မယုံကြည်နိုင်ဘူးလို့ အခုလို တုံ့ပြန်လိုက်ပါတယ်။

“ဘာကြောင့်လဲဆိုတော့ အထောက်အထားတွေ အများကြီးရှိတယ်။ မနေ့ကဆို အမျိုးသား ဒီမိုကရေစီအဖွဲ့ချုပ်အနေနဲ့ ဦးသိန်းစိန် ရဲ့ ပြုမှုဆောင်ရွက်ချက်တွေဟာ သမ္မတ လုပ်ငန်းကော၊ ပါတီဥက္ကဋ္ဌလုပ်ငန်းကော ရောပြီးလုပ်တဲ့အတွက်ကြောင့်မို့လို့ အဲဒီဖြစ်စဉ်တွေကို ပြည်ထောင်စုရွေးကောက်ပွဲကော်မရှင်ကို တင်ပြပြီးပြီ။ ရွေးကောက်ပွဲကော်မရှင်က အရေးယူ၊ မယူတာ သူတို့အလုပ်။ ကျနော်တို့ကတော့ တရားမဲ့ ဥပဒေမဲ့ လုပ်နေတာကို တင်ပြဖို့က ကျနော်တို့အလုပ် ဒါကြောင့်မို့လို့ သူ-ဘာပြောပြော ကျနော်မယုံဘူးလို့ ပြောလိုက်ပါ။”

ပြီးခဲ့တဲ့ အောက်တိုဘာလ ၁၅ ရက်နေ့က လက်မှတ်ရေးထိုးခဲ့တဲ့ တစ်နိုင်ငံလုံး ပစ်ခတ် တိုက်ခိုက်မှု ရပ်စဲရေးစာချုပ် NCA မှာလက်မှတ်မထိုးရသေးတဲ့ တိုင်းရင်းသား လက်နက်ကိုင်အဖွဲ့တွေလည်း ပါဝင်လက်မှတ်ရေးထိုးဖို့ ဆက်လက်ကြိုးစား သွားမယ် လို့ သမ္မတ ဦးသိန်းစိန်ကပြောပါတယ်။

“လက်ရှိ အချိန်မှာ စာချုပ်မှာ ပါဝင်လက်မှတ်ရေးထိုးခြင်း မပြုရသေးတဲ့ ကျန်ရှိနေသေးတဲ့ အဖွဲ့အစည်းများ ပါဝင် လက်မှတ်ရေးထိုးနိုင်ရေးအတွက် လမ်းဖွင့်ထားပြီး ဆက်လက်ညှိနှိုင်း ဆောင်ရွက်လျက်ရှိပါတယ်။ ဒီကိစ္စတွေဟာ လွယ်ကူမှု မရှိသလို ခက်ခဲတဲ့ အနေအထားတွေနဲ့ ပဋိပက္ခအချို့ ဆက်လက် ရှိနေသေးတာကိုလည်း တွေ့မြင်နေရပါတယ်။ သို့သော်လည်းပဲ တစ်နိုင်ငံလုံး အတိုင်းအတာနဲ့ ပစ်ခတ်တိုက်ခိုက်မှုတွေ ချုပ်ငြိမ်းသွားပြီး အားလုံး ပါဝင်တဲ့ နိုင်ငံရေးဆွေးနွေးပွဲများ စတင်ကျင်းပဖို့ ကြိုးပမ်း ဆောင်ရွက် သွားကြရမှာပဲဖြစ်ပါတယ်။ ဒီစာချုပ်ကို ကောင်းမွန်စွာ အကောင်အထည်ဖော်နေ ရမယ့် နည်းတူ ပဋိပက္ခ ဒဏ်ခံ ဒေသများမှ ပြည်သူများ ကိုလည်း ငြိမ်းချမ်းရေးရဲ့ လက်ငင်း အကျိုးရလဒ်တွေ မြန်နိုင်သမျှမြန်မြန် ခံစားရရှိစေဖို့ ဆောင်ရွက် သွားကြ ရမှာလည်း ဖြစ်ပါတယ်။”

ပြီးခဲ့တဲ့ သီတင်းပတ်အတွင်း ဝ ကိုယ်ပိုင် အုပ်ချုပ်ခွင့်ရဒေသ၊ ပန်ဆမ်းမြို့တော်မှာ NCA လက်မှတ်ရေးမထိုးရသေးတဲ့ တိုင်းရင်းသားလက်နက်ကိုင်အဖွဲ့တွေကလည်း စည်းဝေးခဲ့တာကြောင့် အားလုံးပါဝင် လက်မှတ်ရေးထိုးရေး အတွက် အခက်အခဲ ရှိနိုင်တယ်လို့ သတင်းစာဆရာ ဦးစည်သူအောင်မြင့်က သုံးသပ်ပါတယ်။

“ပထမတချက်ကတော့ အခုလက်မှတ်ထိုးပြီးသားအဖွဲ့တွေနဲ့ အစိုးရနဲ့ လက်မှတ်ထိုးပြီး တဲ့နောက်မှာ သူတို့စာချုပ်ပါအချက်တွေကို အကောင်အထည်ဖော်နေ ကြတာရှိတယ်။ အဲဒါက ဘယ်လောက်ထိ အကောင်အထည်ဖော်နိုင် သလဲဆိုတာမှာ မှုတည်နေတယ်။ သူတို့ အကောင်အထည်ဖော်တာ အောင်မြင်လို့ ကောင်းလို့ ပဋိပက္ခတွေလျှော့နည်း လာတယ်။ တိုက်ပွဲတွေ လျှော့နည်းတယ်။ နောက်ဒေသခံ တိုင်းရင်းသားတွေရဲ့ စီးပွားရေးတွေ၊ အကျိုးစီးပွားတွေကို လုပ်ကိုင်လာနိုင်တယ်ဆိုရင်တော့ ဒါဟာ အခြားသော အဖွဲ့အစည်းတွေအတွက် စံပြနမူနာဖြစ်မှာပေါ့။ အဲဒီအချက်ပေါ် မူတည်မယ်။ နောက်ဒုတိယတချက်က အခုဒီ လက်မှတ်မထိုးတဲ့ အဖွဲ့တွေ အကုန်လုံးကို အခု ၀ တွေက ပန်ဆမ်းမှာ ခေါ်စုပြီးတော့ အစည်းအဝေးတွေ လုပ်နေတယ်။ ဒီတဖက်ကလည်း မထိုးတဲ့လူတွေကို အင်အားစုပြီးတော့မှ ဟိုဘယ်လိုလဲ ရင်ဆိုင်ဖို့ပေါ့နော် ၊ အဲလိုလုပ်လာတဲ့ အခြေအနေပေါ်မှာ ဒါကလည်း ဟို သူ သမ္မတ ပြောသလိုမျိုး ဒီလူတွေက ဘက်တဖက်ကို ရောက် သွားပြီဆိုတဲ့အခါကျတော့ လုပ်ရကိုင်ရတာက ခက်လာလိမ့်မယ်။”

ဒီကနေ့ နိုင်ငံတော်သမ္မတပြောဆိုတဲ့ မိန့်ခွန်းထဲမှာတော့ ပြည်သူလူထုအနေနဲ့ မိမိတို့ရဲ့ ဆန္ဒသဘောထားအတိုင်း ရွေးကောက်ပွဲမှာ လွတ်လပ်စွာ ဆန္ဒမဲပေးရွေးချယ်ကြဖို့လည်း တိုက်တွန်းထားပါတယ်။

သိင်္ဂီလင်း / ဗွီအိုအေ (မြန်မာပိုင်း)
http://burmese.voanews.com

ရန်ကုန်တိုင်းတွင်းက ရပ်ကျေး အဆင့်ရွေးကောက်ပွဲကော်မရှင် ရုံးခွဲ။ (အောက်တိုဘာ ၃၀၊ ၂၀၁၅) 
 နိုဝင်ဘာလ ၈ ရက်နေ့ လွှတ်တော် ရွေးကောက်ပွဲတွေ အတွက် နိုင်ငံတ၀န်းမှာ မဲရုံတွေ ဖွင့်ဖို့ မဲလက်မှတ်တွေ ဖြန့်ဝေဖို့ အပါအ၀င် မဲရုံလုံခြုံရေး စောင့်ကြည့်ရေး စတဲ့ လုပ်ငန်းစဉ်တွေကို ပြင်ဆင်နေကြပြီ ဖြစ်ပါတယ်။ မဲဆန္ဒရှင် သက်သေခံ လက်မှတ်တွေကိုလည်း စတင်ထုတ်ပေးနေသလို မဲဆန္ဒရှင်တွေဘက်ကလည်း မဲပေးဖို့ စိတ်အားထက်သန်နေကြပါတယ်။ မသိဂီ င်္ထိုက် စုစည်း တင်ပြပေးထားပါတယ်။

ရွေးကောက်ပွဲ ကျင်းပဖို့ ရက်ပိုင်း အလိုမှာ နိုင်ငံတ၀န်း မဲရုံတွေ ဖွင့်လှစ်ဖို့၊ မဲလက်မှတ်တွေ ဖြန့်ဝေဖို့ သက်ဆိုင်ရာ ပြည်နယ်နဲ့ တိုင်းဒေသကြီး ရွေးကောက်ပွဲ ကော်မရှင်တွေ ပြင်ဆင်နေကြပါပြီ။ အခုအချိန်ထိတော့ ကြိုတင်မဲပေးမှု လုပ်ငန်းစဉ်၊ မဲရုံဖွင့်ရေး၊ မဲလက်မှတ်ဖြန့်ဝေရေးနဲ့ လက်ရှိ မဲဆန္ဒရှင် သက်သေခံ လက်မှတ် ထုတ်ပေးမှု လုပ်ငန်းစဉ် တွေမှာ အဆင်ပြေ ချောမွေ့တယ်လို့ စစ်ကိုင်းတိုင်း ရွေးကောက်ပွဲ ကော်မရှင် ဥက္ကဌ ဦးတင်ဦးက ပြောပါတယ်။

“မဲရုံတွေကတော့ ကျောင်းတွေမှာ လုပ်မှာဆိုတော့ ကြိုတော့ကြည့်ထားပြီးပြီပေါ့လေ။ မဲရုံဖွဲ့စည်းပုံအရ ဘယ်လိုလုပ်မယ်၊ ဘာညာဆိုတာ အားလုံး။ မြို့နယ်အဆင့်ကလည်း စစ်ဆေးခွင့်ပြုထားပြီးပြီ။ ရပ်ကျေးတွေနဲ့ အတူညှိပြီးတော့ ကြည့်နေကြပါတယ်။ အဲ့တော့ သူတို့လုပ်ထားတာတွေလည်း ကျနော်တို့ ဒီက တိုင်းအဆင့်ကော၊ ခရိုင်အဆင့်ကော၊ မြို့နယ်အဆင့်ကော ကွင်းဆင်းပြီးတော့ ကြီးကျပ်နေကြ တာပေါ့နော်။ ကျနော်တို့က နဂိုကတည်းက ကျောင်း အဆောက်အဦး ထဲမှာကို ကျောင်းတွေရဲ့ Assembly အခန်းတွေ ဘာတွေကိုပေါ့ဗျာ။ နောက်တခါ စာသင်ခန်းတွေမှာ လုပ်မှာဆိုတော့ သိပ်ပြဿနာကြီး မရှိပါဘူး။”

ရေဘေးဒဏ်သင့်ခဲ့တဲ့ စစ်ကိုင်းတိုင်း အတွင်းက ကလေး၊ ကောလင်း အပါအ၀င် ဘေးဒဏ်သင့်တဲ့ ဒေသတွေမှာလည်း ရွေးကောက်ပွဲ လုပ်ငန်းစဉ်တွေ ပုံမှန် အတိုင်းလုပ်ကိုင်နိုင်တဲ့ အခြေအနေမျိုး ရှိတဲ့ အကြောင်း တိုင်းကော်မရှင် ဥက္ကဋ္ဌက ပြောပါတယ်။

စစ်ကိုင်းတိုင်းအတွင်း ရွေးကောက်ပွဲတွေမှာတော့ နိုင်ငံတကာ နဲ့ ဒေသ တွင်း စောင့်ကြည့် သူတွေကို ခွင့်ပြုထားပါတယ်။ ဒါ့အပြင် မဲလက်မှတ်တွေ ဖြန့်ဝေရေး ပြင်ဆင် ထားတဲ့ အခြေအနေနဲ့ ပတ်သက်လို့ကတော့ တိုင်းကော်မရှင်ရဲ့ ဥက္ကဋ္ဌက အခုလို ပြောပါတယ်။

“ကျနော်တို့ကတော့ ၃ ရက် အကြိုပဲလေ။ ကြိုတင်မဲ၂ ရက်ပေးနိုင်ဖို့ နဲ့ နောက် သူ့လက်ထဲမှာ ၁ ရက်ကြိုရောက်ဖို့ဆိုတော့ ၅ ရက်နေ့လောက် သူတို့ဆီရောက်ဖို့ပေါ့လေ။ အဲလိုချိန်ပြီးတော့မှ ခွင့်ပြုထားတယ်။ ဒါပေမယ့် ဟို တချို့ရပ်ကျေးတွေကတော့ ရွေးကောက်ပွဲနီးတဲ့နေ့မှပေါ့နော်။ နီးရက်ကျမှ ၆ ရက်နေ့ လောက်မှ ကြို ပေးဖို့ရှိတယ်။ တချို့လည်း ၇ ရက်နေ့လောက် မှ ပေးမှာပေါ့နော်။ မြို့ပေါ်ရက်ကွက်တွေကတော့ ၇ ရက်နေ့ လောက်ပေးနိုင်တယ်။ ကြိုတင်မဲအတွက်ကတော့ သူတို့ လိုသလောက်လေးတော့ စပြီးတော့ ထုတ်ပေးထားတာ ရှိတယ်။ ကျန်တာတွေကတော့ အခု မြို့ပေါ်ရပ်ကွက်တွေမှာ ဆိုလို့ရှိရင်တော့ ကျနော်တို့က ၁ ရက်ကြိုလေးပဲပေါ့။ သူကလည်း နောက် ၁ ရက်ဆို မဲရုံမှူးတွေ ထုတ်ပေးလို့ရအောင် အဲလိုအဆင်သင့်လေးတော့ လုပ်ထားတယ်။ ဒါလည်ြး ပဿနာမရှိပါဘူး။ ကျနော်တို့က စကတည်းက မဲကိုပြန်ပြီးတော့ မဲလက်မှတ်တွေကို ပြန်စစ်တဲ့အချိန်မှာပဲ ရပ်ကွက်လိုက် ထုတ်ပေးရမှာတွေ ကို သေချာစစ်ပြီးတော့မှ သံသတ္တာတွေထဲမှာ ထည့်ထားတာလေ။ ထည့်ထားပြီးသား ဆိုတော့ ပေးတဲ့နေ့ကျရင် တခါတည်း ထုတ်ပေးလိုက်ရုံပါပဲ။ ဟို အရေအတွက်နဲ့တုန်းကလည်း ကိုက်ထားပြီးတော့ဆိုတော့ ပြဿနာတော့မရှိပါဘူး။”

စစ်ကိုင်းတိုင်း အတွင်းမှာတော့ အခုနောက်ဆုံး ထုတ်ပြန်တဲ့ မဲဆန္ဒရှင် စာရင်းအရ မဲပေးခွင့်ရှိသူ ၃၇ သိန်း ၈ သောင်းနီးပါး ရှိနေပြီး အခု နောက်ဆုံးထုတ်ပြန်တဲ့ စာရင်းမှာ မဲပေးခွင့်ရသူ အနည်းငယ် တိုးလာတယ် လို့လည်း တိုင်းကော်မရှင် ဥက္ကဋ္ဌ က ပြောပါတယ်။

လတ်တလောမှာတော့ နိုင်ငံတ၀န်းက ရွေးကောက်ပွဲ ကော်မရှင် အသီးသီးကနေ မဲဆန္ဒရှင် သက်သေခံ လက်မှတ်တွေ ထုတ်ပေးနေပြီ ဖြစ်ပါတယ်။

ရန်ကုန်မြို့ ရွှေတောင်ကြား ရပ်ကွက် ၁ ရွေးကောက်ပွဲ ကော်မရှင်ကတော့ မဲဆန္ဒရှင် ၄ ထောင်ကျော် ရှိပြီး မြန်မာ့ အတိုက်အခံ ခေါင်းဆောင် ဒေါ်အောင်ဆန်းစုကြည် အပါအ၀င် မဲလက်မှတ် ထုတ်ယူသူ ၁၇၀၀ နီးပါး ရှိနေတဲ့ အကြောင်း ရပ်ကွက် ရွေးကောက်ပွဲ ကော်မရှင် ၀န်ထမ်း ဦးဖုန်းစံ က ပြောပါတယ်။

“ကြိုတင်မဲပေးဖို့လည်း အဆင်သင့် ဦးတို့ဖက်ကလည်းရှိတယ်။ ဘာမှ သိပ်ပြဿနာမရှိဘူး။ အခက်အခဲ မရှိပါဘူး။ လောလောဆယ်တော့ ဘာမှ အခက်အခဲ မရှိပါဘူး။ အားလုံး အဆင်သင့်ပါပဲ။ ၄၀၀၀ လောက်ဆိုတော့ နဲနဲများတော့ ရေ ရတာများတာ၊ အချိန်ကြာတာပေါ့နော်။ အဲဒီတခုပဲ။ ကျန်တာဘာမှ ပြဿနာမရှိပါဘူး။”

မြန်မာ့နိုင်ငံရေး အပြောင်းအလဲကို ဖော်ဆောင်နိုင်လေမလားဆိုတဲ့ မျှော်လင့်ချက်နဲ့ ရက်ပိုင်းဘဲ လိုတော့တဲ့ မြန်မာ့ လွှတ်တော် ရွေးကောက်ပွဲတွေ အတွက် မဲပေးကြဖို့ မဲဆန္ဒရှင်တွေလည်း စိတ်အားထက်သန်နေကြပါတယ်။ ရွှေတောင်ကြား ရပ်ကွက် (၁) က မဲဆန္ဒရှင် ဦးကျော်ဝင်းကတော့ အခုလို ပြောပါတယ်။

“အခုလိုကျနော် မဲဆန္ဒပေးဖို့ ပြင်းပြတာ ဘာလဲဆိုတော့ ပြည်သူ့ဆန္ဒ အတိုင်း ပြုပြင်ပြောင်းလဲမှုတွေ ကို အမြန်ဖြစ်ပေါ်ဖို့အတွက် ဘာဖြစ်လို့လဲဆိုတော့ ပြီးခဲ့တဲ့ ၅ နှစ် မှာ ဒီမိုကရေစီ အစိုးရ ဆိုပေမယ့်လို့ ပြည်သူ့ဆန္ဒ အတိုင်း ပြုပြင်ပြောင်းလဲမလာဘူး။ မပြည့်စုံဘူးပေါ့။ အပြည့်အစုံ ပြုပြင်ပြောင်းလဲမှု မရှိခဲ့ဘူးပေါ့။”

သန်း ၅၀ ကျော်ရှိတဲ့ မြန်မာနိုင်ငံမှာ မဲပေးခွင့်ရှိသူက ၃၂ သန်းကျော် လောက် ရှိမယ်လို့လည်း ခန့်မှန်းထားကြပါတယ်။ ဒါပေမယ့် တနိုင်ငံလုံး မဲဆန္ဒရှင် အရေအတွက် အတိအကျကိုတော့ ပြည်ထောင်စု ရွေးကောက်ပွဲ ကော်မရှင်က တရားဝင် ထုတ်ပြန် ကြေညာထားတာတော့ မရှိသေးပါဘူး။

သိင်္ဂီထိုက် / ဗွီအိုအေ (မြန်မာပိုင်း)
http://burmese.voanews.com

  ​လေ​ယာဉ် ​အ​ပျက်​အ​စီး ​အ​ပိုင်း​အ​စ​တွေ ​တစ်​စ​စီ ​ပြန့်​ကျဲ​နေ။
 ​ဆိုင်​နိုင်း ​ကျွန်း​ဆွယ်​မှာ ​ပျက်​ကျ​ခဲ့​တဲ့ ​ရု​ရှား ​ခ​ရီး​သည်​တင် ​လေ​ယာဉ်​ကို IS ​အ​ဖွဲ့​နဲ့ ​ဆက်​စပ်​တဲ့ ​စစ်​သွေး​ကွှေ​တွ​က ​ပစ်​ချ​ခဲ့​တာ ​ဆို​တဲ့ ​ပြော​ဆို​မှု​တွေ​ဟာ ​ဝါ​ဒ​ဖြန့်​မှု​တွေ​သာ ​ဖြစ်​တယ်​လို့ ​အီ​ဂျစ် ​သ​မ္မ​တ ​ဖာ​တာ ​အယ် ​စီ​စီ​က ​ပြော​လိုက်​ပါ​တယ်။

ဘာ​ကြောင့် ​ပျက်​ကျ​ခဲ့​သ​လဲ ​ဆို​တာ​ကို ​ပြော​ဖို့ ​စော​လွန်း ​နေ​သေး​တယ်​လို့ ​သူ​က ​ဘီ​ဘီ​စီ​ကို ​ပြော​ပါ​တယ်။

စ​နေ​နေ့​က ​ရု​ရှား ​ခ​ရီး​သည်​တင် ​လေ​ယာဉ် Airbus 321 ​ဟာ ​ဆိုင်​နိုင်း ​ကျွန်း​ဆွယ်​မှာ ​လေ​ထဲ​မှာ​တင် ​ပေါက်​ကွဲ ​ခဲ့​တယ်​လို့ ​ယူ​ဆ​ရ​ပြီး ​လေ​ယာဉ်​ပေါ် ​ပါ​သွား​တဲ့ ၂၂၄ ​ယောက်​စ​လုံး ​သေ​ဆုံး ​ခဲ့​ပါ​တယ်။

Kogalymavia ​လေ​ကြောင်း ​လိုင်း​က​တော့ ​သူ့​လေ​ယာဉ် ​ပျက်​ကျ​မှု​ဟာ ​ပြင်​ပ ​အ​ကြောင်း ​တ​စုံ​တ​ရာ​ကြောင့် ​ဖြစ်​တယ်​လို့ ​တ​န​င်္လာ​နေ့​က ​ပြော​ခဲ့​ပါ​တယ်။

ဒါ​ပေ​မယ့် ​ရု​ရှား ​ဗ​ဟို ​လေ​ကြောင်း ​အေ​ဂျင်​စီ ​အ​ကြီး​အ​ကဲ ​က​တော့ ​အဲ​ဒီ ​စ​ကား​ဟာ ​အ​ချက်​အ​လက်​တွေ​ပေါ် ​အ​ခြေ​ခံ​တဲ့ ​ပြော​ဆို​မှု ​မ​ဟုတ်​ဘူး​လို့ ​ပြော​ပါ​တယ်။

လေ​ယာဉ် ​ပျံ​သန်း​မှု ​မှတ်​တမ်း​တင် ​ကိ​ရိ​ယာ ​ဘ​လက်​ဘောက်စ် ​နှစ်​ခု​စ​လုံး​ကို ​ရှာ​တွေ့​ခဲ့​ပြီး ​အ​ချက်​အ​လက်​တွေ​ကို ​စိ​စစ် ​စုံ​စမ်း​နေ​ဆဲ ​ဖြစ်​ပါ​တယ်။

BBC Burmese
http://www.bbc.com/burmese

(ရခိုင်ပြည်နယ်မှ ကြံ့ခိုင်ရေး မဲဆွယ်ပွဲ တစ်ခု)
 စစ်တွေ၊ နိုဝင်ဘာ ၃

 ရခိုင်ပြည်နယ် မင်းပြားမြို့နယ်တွင် ပြည်ခိုင်ဖြိုး ပါတီဝင် အချို့သည် မဲထည့်ခြင်းနှင့် ပတ်သက်ပြီး ပညာပေး ဟောပြောမှု ပြုလုပ်စဉ် သူတို့ ပါတီအား ထောက်ခံသူများဖြစ်ကြောင်း လက်မှတ်များ စုဆောင်း ကောက်ခံနေကြောင်း ရခိုင်အမျိုးသားပါတီ မင်းပြား မြို့နယ် ပြန်ကြားရေးတာဝန်ခံ ဦးသိန်းဇံက နိရဉ္စရာသတင်းဌာနသို့ ပြောသည်။

“ဇီးပင်ကြီးလို့ခေါ်တဲ့ ကျေးရွာက ရွာသားတွေ ကျွန်တော်တို့ရုံးမှာ လာတိုင်တာကတော့ ပြည်ထောင်စု ကြံ့ခိုင်ရေး နဲ့ ဖွံ့ဖြိုးရေးပါတီကလူတွေဟာ မဲထည့်ပုံထည့်နည်း စနစ်တွေကို ပြတဲ့ပုံစံမျိုးနဲ့ ရွာထဲကို ၀င်ရောက်လာပြီး ကြံ့ခိုင်ရေး ထောက်ခံသူတွေ ဖြစ်ကြောင်း အတင်းလက်မှတ် ထိုးခိုင်းတယ်လို့ ပြောပါတယ်” ဟု သူက ပြောသည်။

ယင်းကဲ့သို့ လုပ်ဆောင်သည့်အတွက် ပြည်ခိုင်ဖြိုးပါတီဝင်များနှင့် ရွာသားများ အကြား အချေအတင် စကားများမှုများလည်း ပေါ်ပေါက်နေသည်ဟု သိရသည်။

“ကျွန်တော်တို့ရွာမှာ တည်ငြိမ်နေတာကို အတင်းလက်မှတ် လာထိုးခိုင်းတယ်။ ပြီးတော့ ဒီမှာထည့်ရမယ် ဆိုပြီးတော့ လာပြောကြပါတယ်။ အဲ့ဒီလိုမျိုး တစ်အိမ်တက် တစ်အိမ်ဆင်း လုပ်နေပါတယ်။ တစ်ချို့ အိမ်တွေမှာဆိုရင် သူ့ယောက်ျားက အလုပ်သွားနေတုန်း အိမ်ကမိန်းမက လက်မှတ် ထိုးလိုက်ပြီ၊ သူ့ယောက်ျားပြန်လာတော့ ဘာကြောင့် ထိုးရမလဲဆိုပြီးတော့ လင်မယား စကားများကြတာတွေလည်း ရှိပါတယ်” ဟု ရွာသားတစ်ဦးကပြောသည်။

ပြည်ခိုင်ဖြိုးပါတီမှ မဲနှင့် ပတ်သက်ပြီး ပညာပေးမှု ပြုလုပ်မည်ဟု အကြောင်းပြပြီး လက်မှတ်ထိုးခိုင်းနေသည့် ကျေးရွာများမှာ ဇီးပင်ကြီး၊ ကေသလာ၊ ပြင်ဝနှင့် ချောင်းဝ ကျေးရွာများ ဖြစ်ကြသည်။

“ဦးဇင်းသိသလောက်ကို ပြောရမယ်ဆိုရင် သူတို့တွေက အိမ်တိုင်လာရောက်ပြီး မဲကို လက်မှတ် ရိုက်ခိုင်း ပါတယ်။ နာမည်တွေယူတယ်။ ရွာသားတွေက တိတိကျကျမသိကြတော့ အဖြစ်အပျက်တွေကို ဦးဇင်းကို လာပြောကြတယ်။ အဲ့ဒီကိစ္စနဲ့ ပတ်သက်ပြီးတော့ မြို့နယ်နဲ့ ခရိုင်ကော်မရှင်တွေကို တိုင်ထားပါတယ်” ဟု ကေသလာကျေးရွာမှ ကျောင်းထိုင်ဆရာတော်က နိရဉ္စရာသို့ ပြောသည်။

အဆိုပါကိစ္စနှင့်ပတ်သက်၍ မင်းပြားမြို့နယ် ရွေးကောက်ပွဲကော်မရှင် ဥက္ကဋ္ဌကို မေးမြန်းရာ ကျေးရွာသားများက တိုင်ကြားခြင်း တစ်စုံတရာမရှိကြောင်း၊ ပြည်ခိုင်ဖြိုးပါတီက မဲပေးပညာပေးများကို ပြုလုပ်နေသည်ဟုသာ ကြားသိ နေရသည် ဟု နိရဉ္စရာသို့ပြောသည်။

ကျေးရွာသားများအား တိုင်ကြားထားသည်ဟု နိရဉ္စရာသို့ အကြောင်းကြားထားသဖြင့် တိုင်ကြားခြင်း ဟုတ်မဟုတ် ထပ်မံ မေးမြန်းရာ မြို့နယ် ရွေးကောက်ပွဲ ကော်မရှင် ဥက္ကဋ္ဌမှ ဖုန်းဆက် တိုင်ကြား ထားခြင်းသာဖြစ်ပြီး၊ စာရေးပြီး တရားဝင်တိုင်ကြားထားခြင်းမရှိဟု သိရသည်။

ပြည်ထောင်စု ကြံ့ခိုင်ရေးနှင့် ဖွံ့ဖြိုးရေးပါတီ ရခိုင်ပြည်နယ် အတွင်းရေးမှူး ဒေါက်တာစန်းရွှေအား နိရဉ္စရာသတင်းဌာနမှ ဆက်သွယ် မေးမြန်းရာ သူက “တစ်အိမ်တက်၊ တစ်အိမ်ဆင်း မဲထည့်ပုံကို ပညာပေးလုပ်နေတာမှန်ပါတယ်။ လက်မှတ်တော့ မထိုးခိုင်းပါဘူး။ နောက်ပြီးတော့ ပြည်ခိုင်ဖြိုးကို ထောက်ခံတဲ့ အိမ်တွေကိုပဲ မဲပညာပေးပြုလုပ်တယ်လို့ စုံးစမ်းသိရှိရပါတယ်”ဟု ပြောသည်။

စံမောင်သန်း
Arakan State
https://www.facebook.com/NarinjaraNews


 “အန္တိမရည်မှန်းချက်ပြည့်ဝဖို့ ပြည်သူလူထုအနေနဲ့ ပထမ ဆုံးလုပ်ရမှာက မိမိနှင့် မိမိရဲ့မိသားစုဝင်အားလုံး မပျက်မကွက် မဲပေးကြ ရမှာဖြစ်ပါတယ်။ ဒါပေမဲ့ မဲပေးပြီးပြီ ငါ့တာဝန်ကျေပွန်ပြီလို့ မယူဆသင့်ပါဘူး။ မိမိနေထိုင်ရာအရပ်ရှိ မဲရုံမှာ မဲမသမာမှုတွေရှိမရှိ အကဲခတ် စောင့်ကြည့်သင့်ပါတယ်”
------ ------ ----- -----
မြန်မာ့နိုင်ငံရေးအတွက် အရေးကြီးတဲ့ ရွေးကောက်ပွဲကျင်းပရန် ရက်သတ္တနှစ်ပတ်မျှသာလိုပါတော့တယ်။ အထွေထွေ ရွေးကောက်ပွဲကို နိုဝင်ဘာ ၈ ရက်တွင် ကျင်းပမည်ဟု ရွေးကောက်ပွဲကော်မရှင်က ကြေညာစဉ်က ပြည်သူအများ သာမန်မျှသာ စိတ်ဝင်စားကြပါတယ်။ မဲစာရင်းများကြေညာခြင်း၊ လွှတ်တော်ကိုယ် စားလှယ်လောင်းများ မဲဆွယ်စည်းရုံးရေးဆင်းခြင်းနှင့်အတူ ပြည်သူများရဲ့ စိတ်ဝင်စားမှု ဒီရေမြင့်တက်လာပါတယ်။ ဒီကြားထဲမှာ မဲဆန္ဒရှင်စာရင်းများ အမှားအယွင်းအမြောက်အမြားရှိနေခြင်း၊ ရွေးကောက်ပွဲဒိုင်လူကြီးလုပ်တဲ့ ကော်မရှင်ဥက္ကဋ္ဌက မိခင်ရင်းပါတီကို ဘက်လိုက်တဲ့ အပြောအဆိုများ ကြားနေရခြင်း၊ အာဏာရပါတီကိုယ်စားလှယ်လောင်းအချို့ရဲ့ ဘာသာရေး၊ လူမျိုးရေးဗန်းပြပြီး မဲဆွယ်စည်းရုံးမှုများအပြင် ''နိုင်ရင်လည်း နိုင်ရမယ်၊ ရှုံးရင်လည်း နိုင်ရမယ်'' သဘောမျိုး မထော်မနန်း အပြော စကားများကို ကြားရခြင်းများကြောင့် နိုဝင်ဘာ ၈ ရက် ရွေးကောက်ပွဲဟာ လွတ်လပ်ပြီး တရားမျှတပါ့မလားဆိုတာ ပြည်တွင်းရော ပြည်ပမှာပါ စိုးရိမ်ပူပန်နေကြပါတယ်။

ရွေးကောက်ပွဲနီးလာတာနဲ့အမျှ နိုင်ငံရေးပါတီခေါင်းဆောင်အချို့ရဲ့ ပညာဥာဏ်အမြော်အမြင်ကြီးမှု၊ ဖြူစင်မှု၊ ကိုယ်ကျင့်တရားမြဲမြံမှု၊ အများပြည်သူအပေါ်မှာ မေတ္တာ၊ စေတနာထားမှုတို့ကို ပိုမိုသိမြင်သဘောပေါက် လာရသလို လူတွေရဲ့ သဘောထားမှန်ကန်မှု၊ အမှန်တရားကို မြတ်နိုးမှု၊ ဒီမိုကရေစီ၊ လွတ်လပ်ရေး၊ ငြိမ်းချမ်းရေးတို့ကို ငတ်မွတ်တောင့်တမှုတို့ကို ပေါ်ပေါ်လွင်လွင် တွေ့မြင်လာပါတယ်။ အခြားတဖက်မှာလည်း နိုင်ငံရေး ပါတီခေါင်းဆောင်အချို့ရဲ့ ဥာဏ်ပညာနည်းပါးမှု၊ ညံ့ဖျင်းမှု၊ အတ္တကြီးမှု၊ အလိုလောဘ အတောမသတ်နိုင်မှု၊ အာဏာကိုဖက်တွယ်ထားလိုစိတ် ကြီးမားမှု၊ လိမ်ညာကောက်ကျစ်ယုတ်မာမှုတို့ မဖုံးနိုင်၊ မဖိနိုင် ပေါ်ထွက်လာပါတော့တယ်။

အီးယူ ရွေးကောက်ပွဲစောင့်ကြည့်ရေး မစ်ရှင်အကြီးအကဲက မိမိတို့ဟာ ရွေးကောက်ပွဲလုပ်ငန်းစဉ်မှာ ၀င်ရောက်စွက်ဖက်မှာ မဟုတ်ဘူး။ ဒါပေမဲ့ နိုဝင်ဘာ ၈ ရက် ရွေးကောက်ပွဲဟာ ဂုဏ်သိက္ခာရှိတဲ့ ရွေးကောက်ပွဲ ဖြစ်ရမယ်။ ပွင့်လင်းမြင်သာမှုရှိတဲ့ ရွေးကောက်ပွဲဖြစ်ရမယ်ဆိုပြီး ပြောပါတယ်။
ရွေးကောက်ပွဲရလဒ်ကို အာဏာပိုင်များအနေနဲ့ လေးစားလိုက်နာမှုမရှိရင် အမေရိကန်အစိုးရအနေနဲ့ မြန်မာနိုင်ငံဆိုင်ရာ မူဝါဒများကို ပြန်လည် ဆန်းစစ်ဆုံးဖြတ်သွားမည်ဖြစ်ကြောင်း မြန်မာနိုင်ငံကို ရောက်ရှိနေတဲ့ အမေရိကန် ဒုတိယအမျုိုးသားအကြံပေး ဘန်ရုဒ်က အောက်တိုဘာ ၂၁ တွင် ပြောပါတယ်။ သမ္မတဦးသိန်းစိန်၊ တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီးမင်းအောင်လှိုင်၊ ပြည်ထောင်စုရွေးကောက်ပွဲကော်မရှင် ဥက္ကဋ္ဌဦးတင်အေးတို့နဲ့တွေ့ဆုံအပြီးမှာ ဘန်ရုဒ်က နိုဝင်ဘာ ၈ ရက် ရွေးကောက်ပွဲမှာ ထွက်ပေါ်လာမည့်ရလဒ်ကို လေးစားလိုက်နာဖို့ အဓိက ပြောကြားခဲ့ကြောင်း သိရပါတယ်။
''ရွေးကောက်ပွဲရလဒ်ကို မလေးစားဘူးဆိုရင် ဘယ်လိုပုံစံဖြစ်မယ်လို့ အတိအကျမပြောနိုင်ပေမယ့် ရလဒ်ကို မလေးစားတာက နောက်ကြောင်းပြန်ခြေတလှမ်းအဖြစ် ကိုယ်စားပြုမယ်။ အဲဒီဟာမျိုးကို တုံ့ပြန်တဲ့အနေနဲ့ ကျွန်တော်တို့ရဲ့ မူဝါဒတွေအနေနဲ့ သဘောထားတွေကို အကဲဖြတ်ဆန်းစစ်ဆုံးဖြတ်မှု လုပ်ရပါမယ်''ဆိုပြီး ဘန်ရုဒ်က ပြောပါတယ်။

ဆိုလိုတဲ့အဓိပ္ပာယ်က နိုဝင်ဘာ ၈ ရက် ရွေးကောက်ပွဲဟာ လွတ်လပ်၊ တရားမျှတမယ်။ ဂုဏ်သိက္ခာရှိပြီး ပွင့်လင်းမြင်သာမှုရှိခဲ့ရင် အမေရိကန်အစိုးရက မြန်မာနိုင်ငံအပေါ် ပြဋ္ဌာန်းထားတဲ့ လက်ကျန်အရေးယူ ပိတ်ဆို့မှုတွေ ထပ်မံလျှော့ချမယ်။ နောက်ဆုံး အပြီးတိုင် ရုပ်သိမ်းမယ်။ အမေရိကန်စီးပွားရေးကုမ္ပဏီတွေ မြန်မာနိုင်ငံမှာ ပိုပြီးရင်းနှီးမြှုပ်နှံမယ်။ ဒါမှမဟုတ်ရင်တော့ အမေရိကန်စီးပွားရေးကုမ္ပဏီတွေ မြန်မာနိုင်ငံမှာ ထပ်မံပြီး ရင်းနှီးမြှပ်နှံလာကြမှာမဟုတ်သလို အရေးယူပိတ်ဆို့မှုများကို ပိုမို တင်းကျပ်ကြမှာ သေချာပါတယ်ဆိုတဲ့သဘောပါ။
လာမည့် ရွေးကောက်ပွဲကြီးအပေါ် လွှမ်းမိုးထားတဲ့ အင်အားစုကြီး သုံးရပ်ရှိပါတယ်။ ပထမအမျိုးအစားမှာ လက်ရှိအစိုးရ၊ အာဏာရပါတီနဲ့ တပ်မတော်ပါဝင်ပါတယ်။ ဒုတိယအမျိုးအစားတွင် အမျိုးသားဒီမိုကရေစီ အဖွဲ့ချုပ်ပါတီ (NLD) အဓိကပါဝင်တဲ့ အတိုက်အခံအင်အားစုများဖြစ်ပြီး တတိယအင်အားစုမှာတော့ အပြောင်းအလဲတရပ်ကို ဆာလောင်ပြင်းပြနေတဲ့ မဲဆန္ဒရှင် ပြည်သူလူထုအများစုကြီး ဖြစ်ပါတယ်။
လက်ရှိအစိုးရနှင့် အာဏာရပါတီက ဒီမိုကရေစီ စတင်ဖော်ဆောင်တာ ပြည်ခိုင်ဖြိုး၊ ဖက်ဒရယ်ပြည်ထောင်စုစနစ်ကို ဆက်လက်ဖော်ဆောင်မှာ ပြည်ခိုင်ဖြိုး၊ ပြည်တွင်းငြိမ်းချမ်းရေးရရှိအောင် ကြိုးပမ်းနေတာ သမ္မတကြီး ဦးသိန်းစိန်၊ အမျိုးဘာသာသာသနာကို ကာကွယ်စောင့်ရှောက်သွားမှာ လက်ရှိအစိုးရ၊ လက်ရှိအစိုးရနဲ့ အာဏာရပြည်ခိုင်ဖြိုးပါတီဟာ အပြောင်းအလဲကို စတင်ခဲ့တယ်။ ဆက်လက်ပြီး ပြောင်းလဲမှုကို ဖော်ဆောင်နေတယ်။ ဒါကြောင့် ပြည်ခိုင်ဖြိုးပါတီကို မဲပေးကြဆိုပြီး စည်းရုံးပြောဆိုပါတယ်။

အစိုးရ၊ အာဏာရပါတီနဲ့ တပ်မတော်ဟာ တိုင်းပြည်အာဏာကို ဆက်လက်ထိန်းချုပ်ထားဖို့ မဟာဗျုဟာ နည်းဗျုဟာပေါင်းစုံဖြင့် ပါတီငယ်များခွဲကာ ကစားနေပါတယ်။ မိမိတို့ရဲ့လူများကို တသီးပုဂ္ဂလကိုယ်စား လှယ်လောင်းများအဖြစ် ရွေးကောက်ပွဲဝင်စေပါတယ်။ ပြီးတော့ တိုင်းရင်းသားတွေထဲမှာ အစိုးရနဲ့ တပ်မတော်အပေါ် ထောက်ခံကြတဲ့ တိုင်းရင်းသား ပါတီငယ်လေးတွေမွေးထားပါတယ်။
ဒါ့ပြင် နိုင်ငံတော်သမ္မတက ခန့်အပ်ထားတဲ့ ဥက္ကဋ္ဌဦးတင်အေးဦးဆောင်တဲ့ ရွေးကောက်ပွဲကော်မရှင် အဆင့်ဆင့်ရှိပါတယ်။ ပထမအုပ်စုအနေနဲ့ အာဏာလက်မလွှတ်ရေးအတွက် နည်းမျိုးစုံဖြင့် အစွမ်းကုန်ကြိုးပမ်းမှာ သေချာပါတယ်။ သူတို့မှတိုင်းပြည်ကို ဆက်မအုပ်ချုပ်လျှင် ပြည်ထောင်စု မြန်မာနိုင်ငံကြီးဟာ တည်ငြိမ်မှုပျက်သွားပြီး နောက်ဆုံးတိုင်းပြည် ချောက်ကမ်းပါးအတွင်း ကျရောက်သွားမယ်ဆိုပြီးလည်း ယုံကြည်နေကြပါတယ်။ ဒုတိယအင်အားစုမှာ အဓိကကျတဲ့ NLD ပါတီက ပြောင်းလဲချိန် တန်ပါပြီ။ အမှန်တကယ်ပြောင်းလဲဖို့ NLD ကို မဲပေးစို့ကြွေးကြော်သံနဲ့ မဲဆွယ်စည်းရုံးပါတယ်။ NLD ခေါင်းဆောင် ဒေါ်အောင်ဆန်းစုကြည်က မိမိတို့ပါတီဟာ တိုင်းပြည်တာဝန် ထမ်းဆောင်ချင်တဲ့အတွက် ပြည်သူ့ထံမှ အာဏာတောင်းနေခြင်းဖြစ်တယ်။ NLD ဟာ အာဏာကို ဖက်တွယ်မထားဘူး။ ပြည်သူမလိုလားတဲ့အချိန်မှာ အာဏာမှ ဆင်းပေးမယ်။ ပြည်သူမပေး တဲ့အာဏာကို ကိုင်ထားခြင်းဟာ အမျိုးသားနိုင်ငံရေးနဲ့ မဆိုင်ဘူးလို့ ပြောပါတယ်။ ဒေါ်အောင်ဆန်းစုကြည်က NLD သာ ရွေးကောက်ပွဲမှာအနိုင် ရရင် တပ်မတော်နဲ့ ပူးပေါင်းဆောင်ရွက်သွားမယ်ဆိုပြီး ကမ်းလှမ်းပါတယ်။ သူမသွားလေရာ မြန်မာနိုင်ငံတ၀န်း မဲဆွယ်စည်းရုံးမှုတွင် လူထုအင်အား သောင်းချီတက်ရောက်နေခြင်း၊ ကိုယ်ပိုင်ကားများ၊ တက္ကစီများ၊ အနှေး ယာဉ်ဆိုက်ကားများ၊ နေအိမ်များအပေါ်မှာ အောက်ခံအနီရဲရဲပေါ်ခွပ်ဒေါင်း နှင့်ကြယ်ဖြူပါ NLD လိုဂိုပါအလံများတလွင့်လွင့်မြင်ရခြင်းဟာ ဒေါ်အောင် ဆန်းစုကြည်နဲ့ NLD အပေါ်ထားရှိတဲ့ လူထုရဲ့မေတ္တာကို ဖော်ပြရာရောက် ပါတယ်။

တတိယအင်အားစုကြီးဖြစ်တဲ့ မဲဆန္ဒရှင်ပြည်သူလူထုကြီးကရော ဘယ်လိုသဘောထားရှိပါသလဲ။ ပြည်သူလူထုအများစုကြီးဟာ တသွေး တသံတမိန့်နဲ့ အုပ်ချုပ်တဲ့ စစ်အာဏာရှင်စနစ်အောက်မှာ နှစ်ပေါင်း ၅၀ ကျော်ကြာ မွန်းကျပ်စွာနေခဲ့ရတဲ့ဘ၀ကို စိတ်ကုန်ခန်းနေကြပါတယ်။ ကိုယ့်တိုင်းပြည် ဆင်းရဲကြောင်း၊ မွဲကြောင်း၊ အသုံးမကျကြောင်း၊ နိုင်ငံပေါင်း ၁၉၀ ၀န်းကျင်ရှိတဲ့ ကမ္ဘာကြီးမှာ တဦးချင်းဝင်ငွေအရ စာရင်းချ ကြည့်တော့ မိမိတို့က ဟိုးနောက်ဆုံးအောက်ဆုံးပိုင်းမှာ ပါဝင်နေတယ်။ အဂတိလိုက်စားမှု အနည်းအများအရ စာရင်းချကြည့်တော့ အများဆုံး တန်းထဲရောက်နေတယ်။ ကျန်းမာရေးအဆင့်တန်းကျတော့ ဟိုးအောက် ဆုံးထိ ထိုးကျသွားပြန်ပါတယ်။ ပြည်သူလူထုဟာ ကိုယ့်တိုင်းပြည်မကောင်း ကြောင်းတွေ ပြောနေကြားနေရတာကို ငြီးငွေ့စိတ်ပျက်လှပြီဖြစ်ပါတယ်။ တကမ္ဘာလုံးတွင် ကိုယ်သာအောက်ဆုံးဆိုတဲ့ဘ၀မှာ လွတ်မြောက်လိုလှ ပြီဖြစ်ပါတယ်။ စင်ကာပူနိုင်ငံရောက် မြန်မာနိုင်ငံသားတွေ ပလက်ဖောင်း ခေါင်းခုအိပ်ပြီး မဲပေးဖို့တန်းစီခြင်း၊ မြန်မာပြည်သူလူထုက နိုဝင်ဘာ ၈ ရက်တွင် မဲပေးဖို့ အာသာဆန္ဒပြင်းပြနေခြင်းများက ပြည်သူလူထုအနေနဲ့ အဂတိကင်းရှင်းတဲ့၊ တာဝန်ယူမှုရှိတဲ့ ပွင့်လင်းမြင်သာမှုရှိတဲ့ ပြည်သူကို အလုပ်အကျွေးပြုမယ့် အစိုးရတရပ်ကို လိုချင်တဲ့အတွက် ဖြစ်ပါတယ်။

အထက်ပါ အန္တိမရည်မှန်းချက်ပြည့်ဝဖို့ ပြည်သူလူထုအနေနဲ့ ပထမ ဆုံးလုပ်ရမှာက မိမိနှင့် မိမိရဲ့မိသားစုဝင်အားလုံး မပျက်မကွက် မဲပေးကြ ရမှာဖြစ်ပါတယ်။ ဒါပေမဲ့ မဲပေးပြီးပြီ ငါ့တာဝန်ကျေပွန်ပြီလို့ မယူဆသင့်ပါဘူး။ မိမိနေထိုင်ရာအရပ်ရှိ မဲရုံမှာ မဲမသမာမှုတွေရှိမရှိ အကဲခတ် စောင့်ကြည့်သင့်ပါတယ်။ အခြေခံမဲစာရင်းမှာမပါတဲ့ မျက်နှာစိမ်းတွေ လာရောက်မဲပေးသလား သတိထားသင့်သလို မဲရုံပိတ်သိမ်းပြီး မဲရေတွက် ချိန်မှာလည်း စိတ်ဝင်တစား အစမှအဆုံး လေ့လာစောင့်ကြည့်သင့်ကြပါ တယ်။ နောက်ဆုံး ရွေးကောက်ပွဲမှ ပေါ်ထွက်လာတဲ့ အရှုံးအနိုင်ရလဒ်ကို ကာကွယ်ဖို့ လုပ်ရပါမယ်။
အာဏာဆိုတာက လူတိုင်းတပ်မက်မောကြပါတယ်။ အထူးသဖြင့် အာဏာလက်ရှိပုဂ္ဂိုလ်များဟာ အာဏာကို ပိုပြီးမက်မောကြပါတယ်။ အာဏာဆက်လက်ဖက်တွယ်ထားနိုင်ဖို့ နည်းလမ်းပေါင်းစုံနဲ့ ကြိုးပမ်းတတ် ကြပါတယ်။ ''မဲပေးလည်း ဘာမှထူးမှာမှ မဟုတ်တာ။ မဲမပေးဘူးဆိုတဲ့ စိတ်သဘောထား၊ ငါ့အတွက် မဲပေးပြီးပြီ။ ကျန်တာ မဲရုံမှာ ဘာပဲလုပ်နေ နေဆိုတဲ့ စိတ်သဘောထားများဟာ အာဏာရှင်များရဲ့အကြိုက်ပဲ ဖြစ်ပါတယ်။ ဒါကြောင့် မြန်မာနိုင်ငံရဲ့ အနာဂတ်အတွက်၊ နောင်မျိုးဆက်များအတွက် ကောင်းကျိုးလိုလားသူမှန်သမျှအနေနဲ့ ရွေးကောက်ပွဲလုပ်ငန်းစဉ် တရပ်လုံးအပေါ် စိတ်ဝင်တစားရှိဖို့လိုပါတယ်။

မြန်မာ့နိုင်ငံရေး လေ့လာသူ အီဂေါဗလာဇီဗစ်က ''ရွေးကောက်ပွဲ ရလဒ်ကို လေးစားဖို့၊ ရှုံးနိမ့်သူနောက်မှာရပ်ပြီး သူ့ရဲ့ ၂၅ ရာခိုင်နှုန်းသော တပ်မတော်သား ကိုယ်စားလှယ်တွေရဲ့ အဆုံးအဖြတ်မဲ အားကိုးနဲ့ ရှင်းရှင်းလင်းလင်း အနိုင်ရပြီးသားသူကို ပရိယာယ်နဲ့ အနိုင်ယူရေး မကြိုးစားဖို့ ဆိုတာဟာ မြန်မာ့တပ်မတော်ရဲ့ ရေရှည်အကျိုးစီးပွားလည်း ဖြစ်ပါတယ်။ မြန်မာ့တပ်မတော်ဟာ ရွေးကောက်ပွဲအနိုင်ရသူတွေကို ထောက်ခံသင့်ပြီး ရွေးကောက်ပွဲအနိုင်ရသူက အမျိုးသားပြန်လည်ရင်ကြားစေ့ရေး အစိုးရကို ဖန်တီးသင့်ပါတယ်။ ဒီအစိုးရဟာ အားလုံးပါဝင်သင့်ပါတယ်။ အဲဒါက တိုင်းရင်းသားလူမျိုးစုတွေရဲ့ ကိုယ်စားလှယ်တွေ ပါဝင်သင့်ပါတယ်လို့ ဆိုလိုတာပါ။ ဒါပေမဲ့အခွင့်အာဏာရှိပြီး ပြုပြင်ပြောင်းလဲလိုစိတ်ရှိကြတဲ့ တပ်မတော်အဆင့်မြင့်အရာရှိဟောင်းတချို့လည်း ပါဝင်သင့်ပါတယ်။ ဒါဟာ မြန်မာ့နိုင်ငံရေးဇာတ်ဝင်ခန်းမှာ အဓိကသရုပ်ဆောင်တွေအားလုံးအတွက် သူလည်းနိုင်၊ ကိုယ်လည်းနိုင်ဇာတ်ညွှန်းပဲ ဖြစ်ပါတယ်။ နောက်ပြီး ဒါဟာမြန်မာပြည်သူလူထုအတွက် အကောင်းဆုံး မျှော်လင့်ချက် ဖြစ်ပါတယ်''လို့ ပြောပါတယ်။ မြန်မာပြည်သူလူထုအများကြီးရဲ့ မျှော်လင့်ချက် တကယ့်ဆန္ဒအစစ်အမှန် အပြောင်းအလဲတရပ်ကို ငတ်မွတ်တောင်းတနေ ကြပါတယ်။ ဒီဆန္ဒအမှန်တကယ် ပြည့်မြောက်ဖို့ နိုဝင်ဘာ ၈ ရက် ရွေးကောက်ပွဲ တရားမျှတလွတ်လပ်ဖို့လိုပါတယ်။ ဂုဏ်သိက္ခာရှိပြီး ပွင့်လင်းမြင်သာတဲ့ ရွေးကောက်ပွဲဖြစ်ရပါမယ်။ ရွေးကောက်ပွဲရလဒ်အရ အနိုင်ရပါတီကို တိုင်းပြည်အာဏာ လွှဲပြောင်းပေးရမှာ ဖြစ်ပါတယ်။ နိုင်ငံ့လွတ်လပ်ရေး ရချိန်ကစပြီး လူမျိုးရေး၊ အယူအဆရေးအရ နက်နက်ရှိုင်းရှိုင်း ကွဲပြားခဲ့တဲ့ မြန်မာနိုင်ငံအတွက် အင်အားစုအားလုံးပါဝင်တဲ့ အမျိုးသားရင်ကြားစေ့ရေး အစိုးရတရပ်'' ပေါ်ပေါက်လို့ လိုအပ်ပါတယ်။

ပြည်သူလူထုကြီးအနေနဲ့ နေရာတကာမှာ ငါတို့လူမျိုး၊ ငါတို့တိုင်းပြည်ဟာ အောက်ဆုံးကပဲဆိုတဲ့ အနိမ့်စိတ်ဝင်နေတဲ့ဘ၀မှ လွတ်မြောက်ချင်ပါပြီ။ ကမ္ဘာ့ဘယ်နေရာကိုသွားသွား၊ မြန်မာဟေ့ဆိုပြီး ရင်ကော့ခေါင်း မော့နိုင်တဲ့ဘ၀မျိုးရောက်ချင်ပါပြီ၊ ဒီအတွက် ရွေးကောက်ပွဲကြီး အောင်အောင်မြင်မြင်၊ အေးအေးချမ်းချမ်း ပြီးစီးသွားဖို့ မြန်မာပြည်သူလူထုကြီးကတော့ အကောင်းဆုံးကို မျှော်လင့်နေကြပါတယ်။ ဖြစ်လာပါစေလို့လည်း ဆုတောင်းနေကြပါတယ်။ ဒါပေမဲ့ လက်ရှိ မြန်မာနိုင်ငံရဲ့ အခြေအနေက ဘာမဆို ဖြစ်လာနိုင်တာမို့ အမျိုးသားခေါင်းဆောင်ကြီး ဗိုလ်ချုပ်အောင်ဆန်းပြောသလို အကောင်းဆုံးကို မျှော်လင့်ပြီး အဆိုးဆုံးဖြစ်ပေါ်လာနိုင်မှုအတွက် ကြိုတင်ပြင်ဆင်ထားကြဖို့ နှိုးဆော်အပ်ကြောင်းပါဗျာ။

ဝိုင်းတော်သားတဦး
News Watch(စောင့်ကြည့်သတင်းဂျာနယ်)
https://www.facebook.com/NewsWatchJournal/


 အကြမ်းဖက် တိုက်ခိုက်ခံခဲ့ရသည့် သာကေတမြို့နယ် ရန်ကုန်တိုင်းဒေသကြီးလွှတ်တော် NLD ပါတီ ကိုယ်စာလှယ်လောင်း ဦးနိုင်ငံလင်းသည် နိုဝင်ဘာလ ၄ ရက်နေ့တွင်ပြုလုပ်မည့် သာကေတမြို့နယ် ဆိုက်ကား Campaign တွင် ပြန်လည် ပါဝင် မည်ဖြစ်ကြောင်း ဦးနှိုင်ငံလင်း က News Watch ဂျာနယ်သို့ ၎င်းကပြောသည်။

“လက်ရှိ ကျန်မားရေးကတော့ ကောင်းနေပါပြီ။ မနက်ဖြန်ဆင်းရမယ် အတော်ပဲ။ ဆင်းပြီးတာနဲ့ဆိုက်ကား Campaign လုပ်မယ်။ အကုန်လုံး မဲဆွယ်စည်းရုံးမှုက ၅ ရက်နေ့မှာ ရပ်နားရတော့မှာဆိုတော့ အခု မဲဆွယ်စည်းရုံးမှုက နောက်ဆုံး ဖြစ်မှာပါ။ ကျွန်တော် ဆိုက်ကား Campaign မှာ ပြန်ပါဝင်မှာဖြစ်ပါတယ်။” ဟု ဆိုသည်။

အဆိုပါ ဆိုက်ကားကမ်ပိန်းအား သာကေတမြို့နယ်တွင် နေ့လည် ၁၂ နာရီတွင် ပြုလုပ်မည်ဖြစ်ပြီး ဆိုက်ကား အစီးရေ နှစ်ရာခန့် ပါဝင်မည်ဖြစ်ကြောင်း သိရသည်။

“ကျွန်တော်ကတော့ လွှတ်တော်ကိုယ်စာလှယ်လေ။ ပြည်သူရဲ့ အသက်အိုးအိမ်စည်းစိမ်ကို ကာကွယ်ရမှာလေနော်။ ကျွန်တော့်ကို လုံခြုံရေးကလေးတွေက ခေါ်သွားတော့ လိုက်သွားလို့ရတာပဲလေ။ ကျွန်တော်က ခုတ်တဲ့လူငယ်တွေ ကိုလည်း မနစ်နာစေချင်ဘူး။ ကိုယ်ဘက်က လူတွေကိုလည်း မနစ်နာစေချင်ဘူး။ ဒါကြောင့် သူ့ကို အတက်နိုင်ဆုံးတားမယ်ပေါ့နော်။ ပြောမယ်ဆိုမယ်ပေါ့။ သူ ဓါးနဲ့ခုတ်တဲ့အချိန်မှာ ၀င်ပြီးတော့ ခံလိုက်တဲ့သဘောပေ့ါ။ တကယ်တော့ အခြေအနေကိုကြည့်ရင်တော့ ကျွန်တော်က ကျေနပ်စရာပေ့ါ။ အများကြီး မနစ်နာဘူးပေါ့လေ။ ဘာပဲဖြစ်ဖြစ် ဓါးရှည်တချောင်းနဲ့ ခုတ်တယ်ဆိုတာ အနည်းဆုံး သုံး၊လေးယောက်လောက်တော့ သွားမှာပဲလေ။ အခုကတော့ ဘယ်သူမှတော့ မနစ်နာဘူး။ ခုတ်တဲ့ သူလဲမနစ်နာဘူး။ ဒီဘက်လည်း မနစ်နာဘူးဆိုတော့ ကျွန်တော် ကျေနပ်တယ်။ ဒါပဲပြောချင်ေတယ်။”ဟု ဦးနှိုင်ငံလင်းကဆိုသည်။

NLD ပါတီ မှ တိုင်းဒေသကြီးလွှတ်တော်ကိုယ်စာလှယ်လောင်း ဦးနိုင်ငံလင်းနှင့်အဖွဲ့သည် မဲဆွယ်စည်းရုံးမှု ဆင်းနေချိန်တွင် အောက်တိုဘာ ၂၉ ရက် ည ၉ နာရီခန့်၌ သာကေတမြို့နယ်ရှိ လူငယ်တစုက ဓါးရှည်များဖြင့် ၀င်ခုတ်ခဲ့ခြင်းကြောင့် ဦးနိုင်ငံလင်းတွင် နဖူး၊ လက်ဝဲ၊ လက်ယာတို့တွင် ပြက်ရှဒဏ်ရာများရရှိကာ ရန်ကုန်ပြည်သူ့ဆေးရုံကြီးသို့ တက်ရောက်ကုသခဲ့ရခြင်းဖြစ်ပြီး လက်ရှိ နိုဝင်ဘာ ၃ ရက်နေ့တွင် ဦးနိုင်ငံလင်း၏ ကျန်းမာရေး အခြေအနေမှာ ပြန်လည်ကောင်းမွန်လာသည့်အတွက် နိုဝင်ဘာ ၄ ရက်နေ့တွင် စည်းရုံးရေး ပြန်ဆင်းသွားမည်ဖြစ်ကြောင်း သိရသည်။

အဆိုပါ ဖြစ်စဉ်နှင့်ပတ်သတ်၍ ကျူးလွန်ခဲ့သူများအနက်အား သုံးဦးအား ဖမ်းဆီးရရှိမိခဲ့ပြီး အမှုကို ရွေးကောက်ပွဲပြီးမှ ဆက်လက် စစ်ဆေးဖော်ထုတ်သွားမည်ဖြစ်ကြောင်း သိရသည်။

နေမင်းခ
News Watch(စောင့်ကြည့်သတင်းဂျာနယ်)
https://www.facebook.com/NewsWatchJournal/

မဲပေးဖို့အတွက် သက်သေခံလက်မှတ်တွေထုတ်တာတောင်
အကုန်သောက်တလွဲ လုပ်ချင်သလို လုပ်နေကြပါတယ်…

လှိုင်သာယာမြို့နယ်မှာ သက်သေခံလက်မှတ်တွေကို လူတယောက် ၂ရွက်စီ ထုတ်ပေးနေပါတယ်…
ဘာအတွက်လဲဆိုတာမေးတော့ မဖြေပါဘူးတဲ့!

တချို့မြို့နယ်တွေမှာကျတော့ သက်သေခံလက်မှတ်က တဝက်ပဲ ချပေးလို့ဆိုပြီး အကြောင်းပြချက်ပေးလို့ လက်မှတ်ထုတ်မရပါဘူး…
အဲ့လိုခပ်ပေါ့ပေါ့ လုပ်ပစ်တာပါ…
သတ်မှတ်ချက်တခုအောက်မှာ တိတိကျကျ လုပ်နေခြင်းမဟုတ်ဘဲ တနေရာမှာ တမျိုး
နောက်တနေရာမှာတမျိုး ဖြစ်နေတာပါ…

သက်သေခံလက်မှတ်မရှိလည်း မှတ်ပုံတင်ပြရင် မဲပေးလို့ရတယ်ဆိုပေမဲ့
အဲ့ဒီလက်မှတ်မှာ ‪#‎မဲရုံအမှတ်နဲ့‬ ‪#‎မဲစာရင်းအမှတ်စဉ်‬ ထည့်ပေးထားလို့
မဲပေးမဲ့နေကျရင် လက်မှတ်မရှိတဲ့သူတွေက အနောက်မှာကျန်ခဲ့မဲ့ သဘောပါ…
လက်မှတ်ရှိပြီးသားသူတွေက အရင်ဆုံးမဲပေးရမဲ့ သဘောဖြစ်မှာပါ…

သက်သေခံလက်မှတ်မရှိရင် ရပ်ကွက်လူကြီးထောက်ခံချက်ယူရတယ်လို့လည်း ပြောကြပါတယ်…
ဒါဆို ပိုအလုပ်မရှုပ်ဘူးလား!
မှတ်ပုံတင်ပြရုံနဲ့ မဲပေးလို့ရတယ်ဆိုရင် ဘာလို့ များ သက်သေခံလက်မှတ်တွေဘာတွေထုတ်ခိုင်းပြီး လူတွေကို စိတ်ပျက်အောင် လုပ်နေရတာလဲ!

ဒီသက်သေခံလက်မှတ်ကိုင်ထားရုံနဲ့ မဲပေးခွင့်ရှိနေခြင်းဟာ မရိုးသားဘူး…
အသက်မပြည့်သေးတဲ့သူတွေ သက်သေခံလက်မှတ်ရှိနေရင်တောင် မဲပေးလို့ရနေတဲ့အနေအထားဖြစ်နေတယ်!
လူတယောက် သက်သေခံလက်မှတ် ၂ခု ပေးခြင်းဟာလည်း
လုံးဝမဖြစ်သင့်တဲ့ကိစ္စ!

ဇင်ဘာဘွေနိုင်ငံက မဲလိမ်မှုကြီးထက်
ပိုပြီး ဇယားရှုပ်လွန်းတဲ့ မြန်မာ့အာဏာရှင်တွေရဲ့မဲလိမ်မှုကြီး!
ဇင်ဘာဘွေသမ္မတမျောက်အိုကြီးထက် မြန်မာအာဏာရှင်ဖွတ်အိုကြီးတွေက
ပိုဆရာကျလွန်းလို့
ဖအေလှမ်းတော်ချင်စိတ် ပေါက်နေမှာ!
colonthree emoticon

__

သက်နှင်း သုန္ဒရီ

ရွေးကောက်ပွဲကာလ နီးကပ်လာသည်နှင့် အမျှ ကယားပြည်နယ် ဖားဆောင်းမြို့နယ် မော်ချီး သတ္တုတွင်းဒေသတွင် လုံခြုံရေးကို အကြောင်းပြ၍ မဲရုံပယ်ဖျက်မည်ကို ဒေသခံများ စိုးရိမ်လျက်ရှိကြောင်း သိရသည်။

“အခု ကြားတာက ကြံ့ခိုင်ရေးက မော်ချီးမှာ မဲရုံပယ်ဖျက်ပေးဖို့ ရွေးကောက်ပွဲ ကော်မရှင်ကို စာတင်တယ်လို့ ကြားတယ်။ အဲဒါ သက်သက် ညစ်တာ။ သူတို့ ရှုံးမယ်ဆိုတာသိလို့ ညစ်တာ။ မော်ချီးမှာ မလုံခြုံအောင် ဘယ် သူလုပ်နေလို့လဲ။ သူတို့ လူတွေပဲ လုပ်မှာ။ ဒီမှာ တိုင်းရင်းသား လက်နက်ကိုင် အဖွဲ့အစည်း လေးဖွဲ့ရှိတယ်။ ဒါ တို့ဒေသခံတွေ ချည်းပဲ။ တောင်ပေါ်က မြန်မာစစ်တပ်ကလည်း ငါတို့ သိတဲ့လူတွေပဲ။ မော်ချီးသမိုင်းမှာ ဒေသခံက ကဖျက်ယဖျက် လုပ်တာမရှိဘူး။ ကုမ္ပဏီက ခဲမှောင်ခိုဖမ်းလို့ ကုမ္ပဏီနဲ့ လက်နက်ကိုင်အဖွဲ့တွေ စကားများ၊ သေနတ်နဲ့ ချိန်ခြိမ်းခြောက် တာပဲရှိတယ်။ တစ်ချက်မှ မပစ်ရသေးဘူး။ ငါတို့က မဲထည့်ချင်လို့ စောင့်နေတာ။ လုံခြုံရေး အကြောင်းပြမယ် ဆိုရင်တော့ သက်သက်ညစ်ပတ်တာ” ဟု လိုခါးလိုကျေးရွာရှိ လူငယ် အဖွဲ့ခေါင်းဆောင် တစ်ဦးက ပြောကြားသည်။

မော်ချီး သတ္တုတွင်းဒေသသည် အောက်တိုဘာ ၁၁ ရက်က မိုးအဆက်မပြတ် ရွာသွန်းပြီး မြေပြိုမှုများကြောင့် ရွှေ့ပြောင်းလုပ်သားနှင့် ဒေသခံ ၂၈ ဦး သေဆုံးကာ ခဲတူးဖော်မှုအား ဒီဇင်ဘာလအထိ တရားဝင် ပိတ်ထားသဖြင့် ရွှေ့ပြောင်းလုပ်သား ၃၀၀၀ နီးပါးခန့်မှာ ဇာတိရပ်ရွာများသို့ ပြန်သွားကြကြောင်း သိရသည်။

“ကြံ့ခိုင်ရေးက ရွှေ့ပြောင်းလုပ်သားနဲ့ ကိုင်ချင်တာ။ အခု ဒီလူတွေ မရှိတော့ သူတို့ ပျားတုပ်တာပဲလေ။ ဒီ ရွှေ့ပြောင်းလုပ်သားတွေကို အနိုင်ကျင့် အကျပ်ကိုင် ချင်နေတာ။ ရွှေ့ပြောင်းလုပ်သား အများစုက NLDကို သဘောကျတယ်။ အများအားဖြင့် အညာသားတွေလေ။ မဲရုံလုံခြုံရေး မယူနိုင်ရင် ကျွန်တော်တို့ ယူမှာပေါ့။ မဲရုံဆောက်မယ့်နေရာ ကြိုက်တဲ့နေရာထား။ ငါတို့ သွားထည့်မယ်။ မော်ချီးသားတွေ မိုးလင်းကတည်းက တောင်တက် ဆင်းနေတာ။ သွားနိုင်တယ်”ဟု ၁၃ ကုန်းရှိသော သီခိုလူငယ်ခေါင်းဆောင် တစ်ဦးက ပြောကြားသည်။

ဖားဆောင်းမြို့နယ်သည် ဆန္ဒမဲပေးပိုင် ခွင့်ရှိသူ တစ်သောင်းတစ်ထောင် ကျော်ခန့်သာ ရှိပြီး မော်ချီး သတ္တုတွင်းဒေသသည် ရွှေ့ပြောင်းလုပ်သားနှင့် ဒေသခံများ အပါအ၀င် မြို့နယ်အတွင်း လူဦးရေ အများဆုံး နေထိုင်ရာ ဒေသဖြစ်ပြီး လ၀က ဒုဝန်ကြီး ဦးဝင်းမြင့်က ကြံ့ခိုင်ရေးပါတီအတွက် ပြည်နယ်လွှတ်တော် ကိုယ်စားလှယ်လောင်းအဖြစ် ၀င်ရောက်ယှဉ်ပြိုင်မည့် မြို့နယ်ဖြစ်ကြောင်း သိရသည်။

“အောက်တိုဘာ ၂၀ ရက်ကတော့ ပြည်နယ် ရွေးကောက်ပွဲကော်မရှင်က ကျွန်တော်တို့ကို ခေါ်တွေ့ပါတယ်။ ကြံ့ခိုင်ရေးက မော်ချီးမြေပြိုပြီး သုံးရက်မြောက်နေ့မှာ လုံခြုံရေးကို အကြောင်းပြပြီး မော်ချီး မဲရုံမဆောက်ဖို့ စာတင်တယ်လို့ သိရတယ်။ ပါတီတွေ သိရသလောက်ကတော့ ကျွန်တော်တို့ရယ်၊ NLD၊ ကယားလူမျိုးစု၊ တစည ဒီပါတီတွေကန့်ကွက်တယ်။ မဲရုံဆောက်ပေးဖို့ပေါ့။ ကန့်ကွက်စာလည်း အဆင်သင့် ရေးထားတယ်။ အခုတော့ ပါတီတွေ ကန့်ကွက်လို့ မဲရုံ ပြန်ဆောက်မယ်လို့ ပြောတယ်။ အနီးအနားကပ်မှ တစ်ယောက် ယောက်က ဆူဆူပူပူလုပ်မှာပဲ စိုးရိမ်တယ်” ဟု လူမျိုးပေါင်းစုံ ဒီမိုကရေစီပါတီ (ကယား ပြည်) မှ ဥက္ကဋ္ဌ ခူးဖိုးရယ်က ဆိုသည်။
Writer:
မခိုင်
Eleven Media Group

ရွေးကောက်ပွဲကော်မတီ
လုပ်သမျှ ရှုပ်ထွေးအောင်ကြံစည်
ဟိုမှာလဲပလီ ဒီမှာလဲမညီ
တခါစီထွက်လာ တခါထွက်တစ်မျိုးပါ
စောင့်ကြည့်သူ ယောင်ချာချာ
စစ်ဆေးရမလွယ်ပါ တမင်တကာကြံဆောင်
ဟိုယောင်လို့မှား ဒိုင်ကစား
ဒီယောင်လို့မှားလဲ ဒိုင်ကစားပဲ
ပယ်မဲနဲ့ အလွယ်သား ပယ်ကာရှား
တော်တော်ဥာဏ်တွေများ
ရှုပ်သွားအောင်ပျိုး ကုလားဖန်ထိုး
ဥာဏ်အမျိုးမျိုးနဲ့ ရိုးသားတဲ့ပြည်သူ
အသက်ရှူမှားအောင်လုပ်
ခေါင်းရှုပ်လို့ မဲဆန္ဒ
ပေးမလာကြအောင်ဖန်တီး
အကြံကြီး ဥာဏ်ကြီး ခံတီးချင်လောက်အောင်
မျက်နှာထားတွေကပြောင်
အိမ်ထောင်စုစာရင်းအရလဲမထုတ်
အက္ခရာစဉ်နဲ့ လာရှုပ်လိုက်တော့
အရူးလုပ်ခံလိုက်ရသလို မိသားစုများ
ကစဥ့်ကလျား ဖြစ်သွားပြီး
ဦးနှောက်စားသွားတာပေါ့ဗျာ…။

ထုတ်ပြန်တဲ့စာရင်းထဲမှာ
သေသွားတဲ့သူလဲပါလာ တစ်ဝက်သာသာ
နာမည်တွေထပ်ခါထပ်ခါပါလာတော့
ဒီလူတွေရဲ့မဲပြား သူတို့မဲပုန်းကြားထဲ
သူခိုးငတက်ပြားအသွင်နဲ့ ၀င်သွားပါရောလား
စကားလာမများနဲ့ ဒိုင်လူကြီးက
သူတို့ဘက်တော်သား မှတ်ကရောလား…။

ငရုတ်သီးနဲ့ ကျည်ပွေ့ ထောင်းပြီးတွေ့ကြတော့
နှခေါင်းကြီးကွေ့ပြီး အသက်ရှူကြလော့…။

လွတ်လပ်ပြီး
တရားမျှတတဲ့ရွေးကောက်ပွဲဖြစ်ပါစေ…။

တက္ကသိုလ်ဘုန်းကြွယ်(နိုဝင်ဘာ ၂ ၁၅)

[youtube src="rPtgNEpbj4Q"/]
Aljazeera သတင်းဌာနက မဘသမှာအလုပ်အကျွေးပြုခဲ့ဖူးတဲ့ ရဟန်းတပါးနဲ့ အင်တာဗြူးထားတာလေးပါ၊ဦးဝီရသူ ဦဆောင်တဲ့ မဘသမှာ အလုပ် လုပ်လျှင်မြန်မာငွေ၁၀သိန်းရပါတယ်၊ခေါင်းဆောင်ပိုင်းတွေကိုပေးထားတာပါ ၊ဘုမသိဘမသိမျိုးချစ်နောက်လိုက်တွေသိစေချင်ပါတယ်၊ဘယ်အဖွဲ့အစည်းက မဘသကို ကြိုးကိုင်ခိုင်းစေနေတာလဲဆိုတာကိုပါ အတိအကျဖော်ထုပ်ပြောဆိုထားပါတယ်၊

မျိုးစောင့်ဥပဒေများ အတည်ပြုပြဋ္ဌာန်းနိုင်ရန် အစိုးရက တွန်းအားပေး ဆောင်ရွက်ခဲ့သဖြင့် မဘသ က လာမည့် ရွေးကောက်ပွဲတွင် အာဏာရပါတီ အနိုင်ရရန် ကူညီနေခြင်းဖြစ်သည်ဟု မဘသ ပူးတွဲ တည်ထောင်သူ တစ်ဦးဖြစ်သော ဦးပါမောက္ခက ရိုက်တာသို့ ပြောကြား လိုက်သည်။

မဘသအဖွဲ့သည် ရွေးကောက်ပွဲမတိုင်မီ ဟောပြောလှုပ်ရှားမှုများ အများအပြား ပြုလုပ်နေပြီး နောင်တက်မည့် အစိုးရ၏ ပုံစံအပေါ် သက်ရောက်မှု ရှိနိုင်သည်ဟု ခံယူထားသည်။

မဘသအဖွဲ့ ၂၀၁၃ တွင် တည်ထောင်စဉ်က ပါဝင်ခဲ့သူ ဘုန်းတော်ကြီး ဦးပါမောက္ခ၏ ပြောကြားချက်မှာ မျိုးစောင့်ဥပဒေများ ပြဋ္ဌာန်းနိုင်ရေးအတွက် အာဏာရပါတီ အစိုးရနှင့် မဘသအဖွဲ့တို့၏ တံခါးပိတ် ဆွေးနွေးပွဲများ အကြောင်း အသေးစိတ် အချက်အလက်အချို့ကို ပထမဆုံး အကြိမ် အဖြစ် ပြောကြားခြင်းဖြစ်သည်။

ရွေးကောက်ပွဲတွင် မဲရရန် မဘသက ကူညီနိုင်သည်ဟု ယုံကြည်သောကြောင့် အာဏာရပါတီက လွှတ်တော်အတွင်း အမတ်နေရာ အများစု ရရှိထားမှုကို အသုံးချကာ မျိုးစောင့်ဥပဒေများ ပြဋ္ဌာန်းနိုင်ရေး တွန်းအားပေးခဲ့ခြင်း ဖြစ်သည်ဟု ဦးပါမောက္ခက ဆိုသည်။ ဘုန်းကြီးတို့က အင်အားတောင့်တင်းတဲ့ အဖွဲ့အစည်းဆိုတာ သူတို့ သိတယ်လေ” ဟု ဦးပါမောက္ခက ပြောကြားခဲ့သည်။

ကြံ့ခိုင်ရေးပါတီ၏ အကြီးတန်းအရာရှိတစ်ဦးဖြစ်သူ ဦးသာဝင်းကမူ ပါတီ သည် မဘသအဖွဲ့နှင့် မည်သည့် ဆက်နွယ်မှုမျှ မရှိဟု ငြင်းဆိုခဲ့သည်။ “ကျွန်တော်တို့က နိုင်ငံရေးကိုပဲ ဆောင်ရွက်တာပါ။ ပါတီစည်းမျဉ်းအရ ဘာသာရေး လုပ်ငန်းတွေ လုပ်ဖို့ ခွင့်မပြုပါဘူး” ဟု ဦးသာဝင်းက ဆိုသည်။

ဦးပါမောက္ခ၏ ပြောကြားချက်ကို မဘသအဖွဲ့၏ ပြောခွင့်ရပုဂ္ဂိုလ် ဦးသူရိန်စိုး ကလည်း ငြင်းဆိုခဲ့သည်။ မျိုးစောင့်ဥပဒေများ ပြဋ္ဌာန်းနိုင်ရန် ကြံ့ခိုင်ရေး ပါတီ၏ ကူညီမှုကို ကျေးဇူးတင်သော်လည်း ရွေးကောက်ပွဲ အတွက် မည်သည့် ပါတီကိုမျှ ထောက်ခံအားပေးခြင်း မရှိဟု ဦးသူရိန်စိုးက ဆိုသည်။

ယင်းက “ကျွန်တော်တို့ မျိုးစောင့်ဥပဒေ ၄ မျိုးကို ပြဋ္ဌာန်းနိုင်ဖို့ လိုအပ်ပါတယ်။ အဲသည်တော့အစိုးရကို တောင်းဆိုဖို့ လိုလာပါတယ်။ ဒါက ပုံမှန် လုပ်ရိုး လုပ်စဉ်ပါ။ သမ္မတကြီးနဲ့ လွှတ်တော်ကို ကျေးဇူး တင်ပါတယ်။ ဒါပေမဲ့ ရွေးကောက်ပွဲအတွက် ပါတီကို ထောက်ခံအားပေးတာတော့ မလုပ်ပါဘူး” ဟု ပြောကြားခဲ့သည်။

ဗုဒ္ဓဘာသာဝင် အများစု နေထိုင်သည့် မြန်မာနိုင်ငံတွင် မဘသ၏ လွှမ်းမိုးနိုင် စွမ်းက ဒေါ်အောင်ဆန်းစုကြည်၏ NLD ပါတီအား လွှတ်တော်တွင် နေရာ အများစု အနိုင်ရခြင်းမရှိအောင် တားဆီးနိုင်ပြီး ရွေးကောက်ပွဲတွင် ကြံ့ခိုင်ရေး ပါတီ အရှက်တကွဲ ရှုံးနိမ့်ခြင်း မကြုံရန် ကယ်တင်နိုင် မည်ဟု ပြည်ခိုင်ဖြိုးပါတီက ယူဆထားခဲ့သည်ဟု ဦးပါမောက္ခက ဆိုသည်။

အစွန်းရောက် အမျိုးသားရေးဝါဒီ ဘုန်းတော်ကြီးများ ဦးဆောင်သည့် ၉၆၉ လှုပ်ရှားမှုမှ မဘသအဖွဲ့ ပေါ်ထွက်လာခြင်းဖြစ်သည်။ ၉၆၉ လှုပ်ရှားမှုတွင် ဘာသာခြား ထိမ်းမြားလက်ထပ်ခြင်း တားမြစ်ရန်၊ မွတ်ဆလင် စီးပွားရေးလုပ်ငန်းများကို သပိတ်မှောက်ရန် တို့ ပါဝင်သည်။

မဘသအဖွဲ့သည် မျိုးစောင့်ဥပဒေများ ပြဋ္ဌာန်းနိုင်ရေးအတွက် အစိုးရနှင့် နီးကပ်စွာ ပူးပေါင်း ဆောင်ရွက်ခဲ့ပြီး ၂၀၁၄ နှင့် ၂၀၁၅ တွင် ဆွေးနွေးပွဲများ အကြိမ်ကြိမ် ပြုလုပ်ခဲ့သည်ဟု ဦးပါမောက္ခက ပြောကြားသည်။ ၂၀၁၄ မေလ တွင် နေပြည်တော်၌ ပြုလုပ်သည့် အစည်းအဝေးသို့ သာသနာရေး ၀န်ကြီးဌာန၊ လူဝင်မှုကြီးကြပ်ရေးနှင့် ပြည်ထဲရေးဝန်ကြီးဌာနတို့မှ အရာရှိများ ၊ သမ္မတအကြံပေးများ တက်ရောက်ခဲ့သည်ဟု ဆိုသည်။

မျိုးစောင့်ဥပဒေများနှင့် ပတ်သက်၍ ဆွေးနွေးရန် ၂၀၁၄ မေလ ဆွေးနွေးပွဲ သို့ တက်ရောက်ခဲ့ကြောင်း အခြားမဘသ ထိပ်တန်း ဘုန်းတော်ကြီး ၃ ပါးက ရိုက်တာသို့ အတည်ပြု ပြောကြားသည်။ ထို တံခါးပိတ် ဆွေးနွေးပွဲအကြောင်း ယခင်က လူသိရှင်ကြား ပြောကြားခြင်းမရှိပေ။ ၂၀၁၅ မတ်လတွင် ပြုလုပ် ခဲ့သည့် အခြားဆွေးနွေးပွဲတစ်ခုတွင် အစိုးရက မျိုးစောင့်ဥပဒေများ ပြဋ္ဌာန်း အတည်ပြုပေးမည်ဟု ညွှန်ချုပ်အဆင့်ရှိ ကြံ့ခိုင်ရေးပါတီဝင် အရာရှိကြီး တစ်ဦး က ပြောကြားသည်ဟု ဦးပါမောက္ခက ဆိုသည်။

ရွေးကောက်ပွဲတွင် NLD က ကြံ့ခိုင်ရေးပါတီကို ပြတ်ပြတ်သားသား အနိုင် ရမည်ဟု ဖော်ပြထားသော ကြံ့ခိုင်ရေးပါတီတွင်း လျှို့ဝှက် စစ်တမ်းတစ်ခု ထွက်ရှိ လာပြီး ရက်သတ္တပတ် အနည်းငယ်အကြာတွင် ထိုအစည်းအဝေး ကို ပြုလုပ်ခဲ့ခြင်းဖြစ်သည်။

သို့သော် မဘသအဖွဲ့မှ ခေါင်းဆောင်များနှင့် အစိုးရအရာရှိများ ၂၀၁၄ နှင့် ၂၀၁၅ တွင် ဆွေးနွေးခဲ့ခြင်းမရှိဟု ဦးသူရိန်စိုးက ငြင်းဆိုခဲ့သည်။ မျိုးစောင့် ဥပဒေများ ပြဋ္ဌာန်းရန် ဘုန်းတော်ကြီးများ ဦးဆောင်သည့် တောင်းဆိုမှုက တွန်းအားဖြစ်စေခဲ့သည်ဟု သမ္မတရုံးဝန်ကြီးဌာနမှ ညွှန်မှုး ဦးဇော်ဌေးက ဆိုသည်။

မျိုးစောင့်ဥပဒေများ ပြဋ္ဌာန်းပေးရန် တောင်းဆိုသည့် လှုပ်ရှားမှုတွင် လက်မှတ်ပေါင်း ၂ သန်းကျော် ရရှိခဲ့ပြီး ထိုတောင်းဆိုချက်ကို တုံ့ပြန်သည့် အနေဖြင့် နိုင်ငံတော် သမ္မတရုံးက ဥပဒေကြမ်း ရေးဆွဲခဲ့ခြင်း ဖြစ်သည်ဟု ဦးဇော်ဌေးက ဆိုသည်။

“ဒီနိုင်ငံမှာ ဗုဒ္ဓဘာသာ ဘုန်းတော်ကြီးတွေနဲ့ နိုင်ငံရေး ကို ခွဲခြားဖို့ အလွန် ခက်ခဲပါတယ်” ဟု ဦးဇော်ဌေးက ပြောကြားခဲ့သည်။

မဘသ ခေါင်းဆောင်များသည် ကြံ့ခိုင်ရေးပါတီကို ထောက်ခံကြောင်း လူသိရှင်ကြား ပြောကြားထားပြီး ဒေါ်အောင်ဆန်းစုကြည်ကို ဝေဖန် တိုက်ခိုက်လျက် ရှိသည်။ မဘသ ခေါင်းဆောင် တစ်ဦးဖြစ်သူ ဦးဝီရသူက သမ္မတ ဦးသိန်းစိန်ကို ထောက်ခံကြောင်း ပြောကြား ခဲ့ပြီး ဒေါ်အောင်ဆန်းစုကြည်နှင့် NLD ပါတီမှာ အောက်ခြေ လွတ်နေပြီး ရွေးကောက်ပွဲ အနိုင်ရမည်မဟုတ်ဟု တိုက်ခိုက်ပြောကြား ခဲ့သည်။

မဘသ တည်ထောင်ရာတွင် ကူညီပါဝင်ခဲ့သူတစ်ဦးဖြစ်သည့် ဦးဝိမလဗုဒ္ဓိ ကလည်း ကြံ့ခိုင်ရေးပါတီခေါင်းဆောင်များမှာ စစ်ဘက်မှဖြစ်သဖြင့် NLD မှ နိုင်ငံရေး သမား အရပ်သားများထက် တိုင်းပြည်အကြောင်း ပိုသိသည် ဟု ပြေကြားခဲ့သည်။

မဘသအဖွဲ့၏ ထိုဝေဖန်မှုများအပေါ် မည်သို့ သဘောထားကြောင့် NLD ခေါင်းဆောင်တစ်ဦးဖြစ်သူ ဦးဝင်းထိန်အား မေးမြန်းသည့်အခါ “ဘုရားဟောအရဆိုရင် ဘုန်းကြီးတွေက နိုင်ငံရေး မလုပ်သင့်ပါဘူး၊ ကြားနေသင့်ပါတယ်” ဟု ပြောကြားခဲ့သည်။ မျိုးစောင့်ဥပဒေများကို NLD က မထောက်ခံသဖြင့် ပစ်မှတ်ထား တိုက်ခိုက်နေခြင်းဖြစ်သည်ဟု ဦးဝင်းထိန်က ပြောကြားခဲ့သည်။

မဘသ၏ ခြိမ်းခြောက်မှု ကြုံတွေ့လာမည်ကို စိုးရိမ်သဖြင့် NLD သည် ရွေးကောက်ပွဲအတွက် ကိုယ်စားလှယ်လောင်း ရွေးချယ်ရာတွင် မွတ်ဆလင် ကိုယ်စားလှယ်လောင်းများကို ချန်လှပ်ထားခဲ့ရသည်ဟု ၄င်းက ရိုက်တာသတင်းဌာနသို့ ပြောကြားခဲ့သည်။

KHTun
The Ladies News Journal

လာမယ့် ရွေးကောက်ပွဲမှာ ဘယ်သူဘယ်ဝါ အနိုင်ရရ စီးပွားရေးလုပ်ငန်းကြီးတွေဖြစ်တဲ့ ဟိုတယ်လုပ်ငန်း၊ ဆိပ်ကမ်းလုပ်ငန်း ဒါမှမဟုတ် သတ္တုတွင်း လုပ်ငန်းတွေကို စစ်တပ်နဲ့ ဆက်စပ်တဲ့ လုပ်ငန်းရှင်ကြီးတွေကပဲ ဆက်လက် ချုပ်ကိုင်ထားမယ်လို့ AFP သတင်း တစ်ရပ်က မနေ့က ဖော်ပြလိုက်ပါတယ်။

မြန်မာ့စီးပွားရေးဟာ ကမ္ဘာမှာ စတုတ္ထမြောက် အမြန် တိုးတက်လာတယ်လို့ ကမ္ဘာ့ဘဏ် အဖွဲ့က ပြောနေပေမဲ့ နိုင်ငံတကာရင်းနှီးမြှုပ်နှံသူတွေ ကျေနပ်လက်ခံနိုင် တဲ့ အနေအထားမှာ မရှိဘူးလို့လည်း ဆိုပါတယ်။

ဒါနဲ့ ပတ်သက်လို့ မြန်မာစီးပွားရေးသုတေသီ ဦးစိန်ဌေးကတော့ စည်းမျဉ်းစည်းကမ်း လိုအပ်ချက်လို့ ပြောပါတယ်။

"ဒီတိုင်းပဲ ဒီစနစ်နဲ့သွားရင်တော့ သူတို့ကအသာရနေမှာပဲ၊ တကယ်လို့ အဲ့လိုမဟုတ်ဘူး၊ တကယ့်ဒီမိုကရေစီတွေမှာ ကျင့်သုံးတဲ့ဈေးကွက်စီးပွားရေးစနစ်နဲ့ သွားရင်တော့ ကျနော်တို့မှာ စည်းမျဉ်း၊ စည်းကမ်းတွေရှိတယ်၊ ဒီတိုင်းသွားရမယ်၊ သူတို့ကို နှိပ်ကွက်ပြီး မတရားမလုပ်ဖို့မဟုတ်ဘူး၊ စည်းမျဉ်းစည်းကမ်းဘောင်ထဲ ကသွားရင်တော့ တစ်ဖက်က တိုင်းပြည်အကျိုးရှိမယ်၊ တစ်ဖက်ကလည်းသူတို့က စည်းနဲ့ကမ်းနဲ့ သွားတဲ့ဟာမျိုးကိုမြင်တယ်"

ဒါပေမဲ့ ခရိုနီတွေကို အစိုးရက အထူးအခွင့်အရေးပေးထားတယ်လို့ AFP က ဖော်ပြပါတယ်။ သူတို့ဟာ လုပ်ငန်းကြီးတွေကို ချုပ်ကိုင်ထားနိုင်တဲ့အပြင် စီးပွားရေးယှဉ်ပြိုင်မှုတွေမှာ အစိုးရက အကာအကွယ်ပေးထားတာမို့ အသာစီးရမြဲရနေတယ်လို့ မြန်မာ့စီးပွားရေးဆိုင်ရာ ပညာရှင် Sean Turnell ကပြောပါတယ်။

အာဏာသိမ်းဖို့ကြံရွယ်မှုနဲ့ အကျဉ်းကျခံရပြီး ပြန်လွှတ်လာတဲ့အခါ ဦးနေ၀င်းရဲ့ မြေး ဦးအေးနေ၀င်းဟာ ဆောက်လုပ်ရေး၊ ဟိုတယ်နဲ့ ဘဏ်လုပ်ငန်းတွေ လုပ်ကိုင်နေပြီး တော့ ၊ ဘိန်းဘုရင်လော်စစ်ဟန်ရဲ့သား Steven Law ဟာ Asia World ကုမ္ပဏီ ထူထောင်ထားပြီး ခရီးသွားလုပ်ငန်း၊ သင်္ဘောလုပ်ငန်း နဲ့ ဆောက်လုပ်ရေးလုပ်ငန်းတွေ အပြင် ရန်ကုန်နိုင်ငံတကာ လေဆိပ်အဆင့်မြှင့်ရေး စီမံကိန်းအတွက် အစိုးရဆီက ကန်ထရိုက်ရထားတယ်လို့ ဖေါ်ပြထား ပါတယ်။

မြန်မာနိုင်ငံမှာ အပြောင်းအလဲရှိမယ့် အရိပ်လက္ခဏာ ပြလာတာနဲ့ နိုဝင်ဘာ ၈ ရက် ကျင်းပမယ့်ရွေးကောက်ပွဲဟာ လွတ်လပ်ပြီး တရားမျှတမယ်ဆိုရင် အနိုင်ရ မယ့် အလားအလာရှိတဲ့ NLD အမျိုးသားဒီမိုကရေစီ အဖွဲ့ချုပ်ကို တချို့ လုပ်ငန်းရှင်ကြီးတွေ က ချဉ်းကပ်လာတာရှိတယ်လို့ ပြောပါတယ်။

Max Myanmar ဦးဇော်ဇော်၊ ထူးကုမ္ပဏီ ဦးတေဇ၊ Skynet မီဒီယာ ဦးကျော်ဝင်းတို့ဟာ NLD ကို ငွေကြေး အများအပြား လှူဒါန်းထားတာတွေရှိတယ်လို့လည်း သတင်းမှာ ဖော်ပြထားပါတယ်။

Button Text

ရွေးကောက်ပွဲမတိုင်မီ ရွေးကောက်ပွဲ ဥပဒေချိုးဖောက်မှုများအနက် နေပြည်တော် ကောင်စီဥက္ကဋ္ဌ၊ သမ္မတရုံး ပြည်ထောင်စုဝန်ကြီး ဦးသိန်းညွန့် ၀င်ပြိုင်မည့် မအူပင်မြို့နယ်မှာ အဆိုးရွားဆုံးမြို့နယ် ဖြစ်ကြောင်း သိရသည်။

ဧရာဝတီတိုင်းဒေသကြီး မအူပင်မြို့နယ် မဲဆန္ဒနယ်၌ ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီ (ပြည်ခိုင်ဖြိုး) ကိုယ်စားလှယ်လောင်းအဖြစ် ဦးသိန်းညွန့်က ပြည်သူ့လွှတ်တော်အတွက် ၀င်ပြိုင်မည်ဖြစ်ပြီး ၎င်းကိုယ်တိုင်က နိုင်ငံသားဖြစ်မှု အတွက် တိုင်ကြားခံရခြင်း အပါအ၀င် မအူပင်မြို့နယ်၌ ရွေးကောက်ပွဲဥပဒေ ချိုးဖောက်မှု ၁၅ ခုထက် မနည်း ပေါ်ပေါက်ခဲ့ခြင်း ဖြစ်သည်။

■ ဦးသိန်းညွန့်၏ မိဘများ နိုင်ငံသားဖြစ်မှု၊ မဖြစ်မှု

မအူပင်မြို့နယ်၌ ရွေးကောက်ပွဲဥပဒေ ချိုးဖောက်မှုများအနက် သမ္မတရုံးဝန်ကြီး ဦးသိန်းညွန့်၏ မိဘများ နိုင်ငံသားဖြစ်မှု၊ မဖြစ်မှုက မေးခွန်းထုတ်စရာအဖြစ် ရှိနေဆဲ ဖြစ်သည်။

ပြီးခဲ့သည့် စက်တင်ဘာ ၂ ရက်တွင် ဦးသိန်းညွန့်၏ ပြိုင်ဘက်ကိုယ်စားလှယ်လောင်း ဖြစ်သူ ဦးစိန်ဝင်း (အမျိုးသား ဒီမိုကရေစီအဖွဲ့ချုပ် (NLD) ပါတီ၏ မအူပင်မြို့နယ် မဲဆန္ဒနယ် ပြည်သူ့လွှတ်တော် ကိုယ်စားလှယ်လောင်းနှင့် လက်ရှိ ပြည်သူ့လွှတ်တော် ကိုယ်စားလှယ်) က မအူပင်ခရိုင် ရွေးကောက်ပွဲ ကော်မရှင်သို့ တိုင်ကြားစာတစ်စောင် ပေးပို့ခဲ့ပါသည်။

အဆိုပါ တိုင်ကြားစာမှာ ပြည်ခိုင်ဖြိုးပါတီ ကိုယ်စားပြု၍ မအူပင်မြို့နယ် ပြည်သူ့လွှတ်တော် ကိုယ်စားလှယ်လောင်းအဖြစ် ၀င်ပြိုင်မည့် ဦးသိန်းညွန့်မှာ တရုတ်လူမျိုး မိဘနှစ်ပါးမှ မွေးဖွားလာသူဖြစ်ပြီး ဦးသိန်းညွန့်အား မွေးဖွားချိန်တွင် မိဘနှစ်ပါးစလုံး နိုင်ငံသားအဖြစ် မရရှိသေးကြောင်း၊ ဦးသိန်းညွန့်၏ မိဘနှစ်ပါးမှာ ဦးအုံဝှက်နှင့် ဒေါ်ဂျင်းယင်တို့ဖြစ်ပြီး ဖခင်ဦးအုံဝှက်သည် ၁၉၅၂ ခုနှစ်တွင် ကွယ်လွန်ခဲ့သည့် အတွက် ကွယ်လွန်ချိန်အထိ နိုင်ငံသားအဖြစ် မရရှိသေးကြောင်း တွေ့ရှိချက်ကို အခြေပြု၍ ဦးစိန်ဝင်းက တိုင်ကြားခဲ့ခြင်း ဖြစ်သည်။

ဦးစိန်ဝင်း၏ တွေ့ရှိချက်အရ ဦးသိန်းညွန့်သည် ကိုယ်စားလှယ်လောင်း အရည်အချင်းနှင့် ကိုက်ညီမှုမရှိဘဲ ပြည်သူ့လွှတ်တော် ရွေးကောက်ပွဲ ဥပဒေပုဒ်မ ၁၀ (င) နှင့် ငြိစွန်းသူ ဖြစ်ခဲ့ပါသည်။

ပြည်သူ့လွှတ်တော် ရွေးကောက်ပွဲ ဥပဒေ ပုဒ်မ ၁၀ (င) ၌ ရွေးကောက်တင်မြှောက်ခံ ပိုင်ခွင့်ရှိသူသည် “မွေးဖွားစဉ်က နိုင်ငံသား မဖြစ်သေးသော မိဘတစ်ပါးပါးမှ ဖြစ်စေ၊ နှစ်ပါးလုံးမှဖြစ်စေ မွေးဖွားသည့် နိုင်ငံသား” ကို ရွေးကောက်ပွဲတွင် ရွေးချယ်တင်မြှောက်ခံပိုင်ခွင့် မရှိစေရဟု ပြဋ္ဌာန်းထားသည်။

ထို့နောက် ပြည်သူ့လွှတ်တော် ရွေးကောက်ပွဲ ဥပဒေပုဒ်မ ၁၂ ၌ “ရွေးကောက် တင်မြှောက်ခံရသူ တစ်ဦးသည် ပုဒ်မ ၈ နှင့် ပုဒ်မ ၁၀ ပါ ပြဋ္ဌာန်းချက် တစ်ရပ်ရပ်နှင့် ငြိစွန်းကြောင်း တိုင်ကြားချက်ရရှိလျှင် ကော်မရှင်သည် ယင်းတိုင်ကြားချက်ကို ရွေးကောက်ပွဲခုံ အဖွဲ့ဖွဲ့၍ ဆက်လက် ရပ်တည်ပိုင်ခွင့် ရှိ၊ မရှိ ဆုံးဖြတ်စေနိုင်သည်” ဟု ဆက်လက်ပြဋ္ဌာန်း ခဲ့ပါသည်။

ဦးသိန်းညွန့်နှင့် ပတ်သက်ပြီး ဦးစိန်ဝင်းက တိုင်ကြားခဲ့သော်လည်း အဆိုပါ တိုင်ကြားချက်ကို ပြည်ထောင်စု ရွေးကောက်ပွဲ ကော်မရှင်က စစ်ဆေးပြီးနောက် ပယ်ချခဲ့ပါသည်။

ပယ်ချက်ရသည့် အကြောင်းရင်းများထဲတွင် ကိုယ်စားလှယ်လောင်း စိစစ်သည့်နေ့ရက် ကျော်လွန်ပြီးမှ တိုင်ကြားကန့်ကွက်ချက် ပေးခဲ့ခြင်း၊ ဦးသိန်းညွန့်သည် ၁၉၄၈ ခုနှစ်တွင် မွေးဖွားခဲ့သူ ဖြစ်သောကြောင့် ၎င်း၏မိဘများသည် ၁၉၄၇ ခုနှစ် ဥပဒေအရ နိုင်ငံသားဖြစ်ခြင်း တို့ကြောင့် ဖြစ်ကြောင်း ဧရာဝတီတိုင်းဒေသကြီး ရွေးကောက်ပွဲကော်မရှင် ဥက္ကဋ္ဌ ဦးအောင်မြင့်က အောက်တိုဘာလအတွင်း ပြောကြားသည်။

“၁၉၄၇ မှာ နိုင်ငံသား ဖြစ်တယ်ဆိုတဲ့ ဥပဒေမရှိဘူး။ ၁၉၅၆ ခုနှစ်ပဲ နိုင်ငံသားဖြစ်မှု ရှိတယ်။ လွတ်လပ်ရေး ရပြီးကာလ အချိန်မှာ ဘယ်နိုင်ငံသားပြုမှုမှ မရှိဘူး။ ၁၉၄၇ မှာ လွတ်လပ်ရေးရတယ်။ ၁၉၄၈ မှာ သူမွေးတယ်။ နိုင်ငံသား ဖြစ်ခွင့်ရလည်း အများဆုံးက ၁၉၅၆။ အဲဒီတစ်ချက် မှားတယ်ထားဦး။ နိုင်ငံသားပြုခွင့်ရတယ် ဆိုရင်တော့ နိုင်ငံသား ပြုခွင့်ရတဲ့ အထောက်အထား ရှိနေရမယ်။ အခုမပြနိုင်ဘူး။ အန်ကယ့်ဆီကို တိုင်းကော်မရှင်က ပို့တဲ့စာမှာ ရေးထားတာက “ယှဉ်ပြိုင် ရွေးကောက်ခံသည့် ကိုယ်စားလှယ်တစ်ဦးက လုံလောက်သော အထောက်အထားများ တင်ပြရန် သတ်မှတ်ထားသည့်အတိုင်း ကန့်ကွက်ခြင်း မဟုတ်သဖြင့် အရေးယူ ဆောင်ရွက်ပေးရန် မရှိပါ” လို့ရေးထားတယ်။ သူတို့ ရေးထားတာက အန်ကယ်က သတ်မှတ်ထားတဲ့ အထောက်အထားတွေ မတင်ပြနိုင်လို့ အရေးမယူတာ။ ဦးသိန်းညွန့်မှာ အပြစ်မရှိလို့ မဟုတ်ဘူး” ဟု NLD ပါတီ၏ မအူပင်မြို့နယ် ပြည်သူ့လွှတ်တော် ကိုယ်စားလှယ်လောင်း ဦးစိန်ဝင်းက ပြောကြားပါသည်။

■ ဆိုင်းဘုတ်များ ဖျက်ဆီးခံရမှု

မဲဆွယ်စည်းရုံးရေး ကာလအတွင်း ရွေးကောက်ပွဲဝင် ပါတီကိုယ်စားလှယ်လောင်းများ၏ ဆိုင်းဘုတ်များ ဖျက်ဆီးခံရမှုမှာလည်း မအူပင်မြို့နယ်တွင် ဆက်တိုက် ဖြစ်ပေါ်ခဲ့သည်။

ထိုသို့ ဖျက်ဆီးခံရမှု၌ NLD ပါတီ ကိုယ်စားလှယ်လောင်းများ၏ ဆိုင်းဘုတ်များသာ ဖျက်ဆီးခံခဲ့ရခြင်း ဖြစ်ပါသည်။

အနီးစပ်ဆုံး ဥပမာအဖြစ် ပြီးခဲ့သည့် စက်တင်ဘာလ အတွင်းက မအူပင်မြို့နယ် ညောင်ပင်ဂရက် ကျေးရွာအုပ်စု၊ ညောင်ပင်ဂရက် ကျေးရွာတွင် NLD ပါတီ ကိုယ်စားလှယ် လောင်းများ၏ ဗီနိုင်းနှင့် NLD ပါတီဥက္ကဋ္ဌ ဒေါ်အောင်ဆန်းစုကြည် ပုံတို့အား ဖျက်ဆီးမှုရှိခဲ့ပြီး အင်းမအုပ်စု တာပါတ်ကျေးရွာအ၀င် လမ်းထိပ်အနီးတွင် စိုက်ထူထားသော NLD ပါတီ ကိုယ်စားလှယ်လောင်းများ၏ ဆိုင်းဘုတ်များလည်း ဖျက်ဆီးခံခဲ့ရသည်။

ထိုသို့ ဆိုင်းဘုတ်များ ဖျက်ဆီးခံရမှုကို NLD ပါတီ ကိုယ်စားလှယ်လောင်းများက ခရိုင်ရွေးကောက်ပွဲ ကော်မရှင်သို့ တိုင်ကြားခဲ့သော်လည်း ထူးခြားမှု မရှိသေးကြောင်း သိရသည်။

မဲဆွယ်စည်းရုံးရေး ကာလအတွင်း ရွေးကောက်ပွဲဝင် ကိုယ်စားလှယ်လောင်းများ၏ ကြော်ငြာဆိုင်းဘုတ်များ ဖျက်ဆီးခံရမှုသည် ရွေးကောက်ပွဲ ဥပဒေဆိုင်ရာ ပြစ်မှုများကို ကျူးလွန်ရာ ရောက်သည့်အပြင် ရွေးကောက်ပွဲ တရားမဲ့ ပြုကျင့်မှုများ သတ်မှတ်ချက်နှင့်လည်း ငြိစွန်းနေပါသည်။

မအူပင်မြို့နယ်အတွင်း NLD မဲဆွယ် ဆိုင်းဘုတ်များ ဖျက်ဆီးခံရချိန်တွင် ပြည်ခိုင်ဖြိုးပါတီ၏ မဲဆွယ်ဆိုင်းဘုတ်များက လိုက်နာရမည့် စည်းကမ်းများကို ချိုးဖောက်ပြီး စိုက်ထူခြင်းများ ရှိခဲ့ကြောင်း သိရသည်။

ထိုကိစ္စရပ်ကိုလည်း မအူပင်မြို့နယ် NLD ပါတီက အောက်တိုဘာ ၁၅ ရက်တွင် ခရိုင်ရွေးကောက်ပွဲ ကော်မရှင်ထံသို့ တိုင်ကြားစာ ပေးပို့ခဲ့ပါသည်။

တိုင်ကြားရသည့် အကြောင်းမှာ မအူပင်မြို့နယ်တွင် ၀င်ပြိုင်မည့် ပြည်ခိုင်ဖြိုးပါတီ ကိုယ်စားလှယ်လောင်း လေးဦးပုံ ပါဝင်သည့် မဲဆွယ်ဆိုင်းဘုတ်အား မအူပင်မြို့နယ် အခြံကျေးရွာအုပ်စု သာယာဝဲကျေးရွာအ၀င် ရေဆိပ်ရှိ အများပြည်သူ သွားလာနေသည့် လမ်းမအပေါ် တည့်တည့်၌ စိုက်ထူထားကာ ထိုသို့ စိုက်ထူထားခြင်းသည် သတ်မှတ်ထားသည့် စည်းကမ်းများကို ချိုးဖောက်ထားသဖြင့် ဖြစ်ကြောင်း သိရသည်။


■ ရွှေ့ပြောင်းလုပ်သားများကို မဲစာရင်းထည့်ခြင်း

မဲဆန္ဒနယ်တွင် နေထိုင်ခြင်း မရှိသော ရွှေ့ပြောင်းလုပ်သားများကို သတ်မှတ်ချက်နှင့် ကိုက်ညီခြင်းမရှိဘဲ မဲစာရင်း၌ ထည့်သွင်းရန် ကြိုးပမ်းမှုမှာလည်း မအူပင်မြို့နယ်၌ ပေါ်ပေါက်ခဲ့သည်။

အောက်တိုဘာ လဆန်းပိုင်းက မအူပင်မြို့နယ်၊ ထနီးကျေးရွာတွင် အမှန်တကယ် နေထိုင်ခြင်း မရှိသော လုပ်သား ၄၀၀ ခန့်ကို ထနီးကျေးရွာ မဲစာရင်း၌ ထည့်သွင်းပေးရန် လျှောက်ထားမှု ရှိခဲ့ပြီး NLD ပါတီက မြို့နယ် ရွေးကောက်ပွဲ ကော်မရှင်သို့ တင်ပြကန့်ကွက် ခဲ့ရသည်။ အဆိုပါ လုပ်သားများမှာ ၀ါဝါ၀င်း ကုမ္ပဏီမှ လုပ်သားများ ဖြစ်ကြပြီး ၎င်းတို့သည် ထနီးကျေးရွာတွင် နေထိုင်ခြင်းမရှိဘဲ ထနီးကျေးရွာနှင့် နယ်မြေချင်း နီးစပ်သည့် ညောင်တုန်းမြို့နယ် အတွင်း နေထိုင်ကြသူများ ဖြစ်ကြသည်။

ထို့အတူ ၀ါဝါ၀င်းကုမ္ပဏီမှ လုပ်သား ၂၇၂ ဦးကို ထနီးကျေးရွာအုပ်စု၊ အလန်းကျေးရွာ မဲရုံအမှတ် ၁၁ စာရင်းတွင် ထပ်မံဖြည့်စွက် ဖော်ပြထားကြောင်း တွေ့ရှိချက်တစ်ခုလည်း ပေါ်ပေါက်ခဲ့ပါသည်။

ထိုကိစ္စအတွက် ထနီးကျေးရွာအုပ်ချုပ်ရေးမှူး ဦးဇော်ဇော်က အကြောင်းပြရာ၌ ၂၀၁၄ ခုနှစ် ဖေဖော်ဝါရီ ၁၁ ရက်က တိုင်ကြားခဲ့သည်ဆိုသော ဧည့်စာရင်းမိတ္တူစာရွက်ကို ပြခဲ့သော်လည်း ထိုစာရွက်တွင် ရက်စွဲပါဝင်ခဲ့ခြင်း မရှိကြောင်း သိရသည်။

ထို့အတွက် ယင်းကိစ္စကို အရေးယူ ဆောင်ရွက်နိုင်ရန် NLD ပြည်သူ့လွှတ်တော် ကိုယ်စားလှယ် ဦးစိန်ဝင်းက အောက်တိုဘာ ၃၁ ရက်တွင် ခရိုင်ရွေးကောက်ပွဲ ကော်မရှင်သို့ တိုင်ကြားခဲ့ပါသည်။

ဝါ၀ါဝင်း ကုမ္ပဏီသည် ပြီးခဲ့သည့် နှစ်များအတွင်း မြေသိမ်းဆည်းမှုများနှင့် ပတ်သက် ပြီး မြေသိမ်းခံများ၊ လယ်သမားများနှင့် အငြင်းပွားမှု၊ ထိပ်တိုက်တွေ့ဆုံမှုများ ဖြစ်ခဲ့သော ကုမ္ပဏီများအနက် တစ်ခုဖြစ်ကာ ဧရာဝတီတိုင်း မအူပင်၊ ညောင်တုန်းနှင့် ထိစပ်သော ကျေးရွာများမှ လယ်မြေများကို ၁၉၉၆ ခုနှစ်က ပြုလုပ်သည့် ရေနက်ကွင်း ဖော်ထုတ်မှုစီမံကိန်း အကြောင်းပြချက်ဖြင့် သိမ်းယူခဲ့သော ကုမ္ပဏီများထဲတွင် ၀ါဝါ၀င်းကုမ္ပဏီလည်း တစ်ခုအပါအ၀င် ဖြစ်ကြောင်း လယ်ယာမြေအရေး ကူညီဆောင်ရွက်ပေးသူများက ပြောကြားထားပါသည်။

အဆိုပါ ပြောဆိုမှုများ ရှိနေချိန်မှာပင် ၂၀၁၄ ခုနှစ် ဒီဇင်ဘာလ အတွင်းက လှိုင်သာယာမြို့နယ်အတွင်းရှိ ၀ါဝါ၀င်း ကုမ္ပဏီပိုင်မြေနှင့် မြစိမ်းရောင်အိမ်ရာ စီမံကိန်းမြေ နေရာများတွင် နေထိုင်နေသော ကျူးကျော်တဲ ၂၀၀၀ ကျော်ကို ဖယ်ရှားရာ၌ လူမိုက်များ ပါဝင်သော လူ ၃၀၀ ခန့်ကို ၀ါဝါ၀င်းကုမ္ပဏီက ငှားရမ်းပြီး အကြမ်းဖက် ဖြိုခွင်းခဲ့သည် ဆိုသော သတင်းများ ရှိခဲ့သည်။

၂၀၁၄ ခုနှစ်မှာပင် လှိုင်သာယာမြို့နယ် အတွင်းရှိ အနော်ရထာ စက်မှုဇုန်စီမံကိန်း အကောင်အထည် ဖော်ရာ၌ ၁၉၈၉ ခုနှစ်က သိမ်းယူခံခဲ့ရသော လယ်ယာမြေများနှင့် ပတ်သက်ပြီး ၀ါဝါ၀င်းကုမ္ပဏီနှင့် လယ်မြေသိမ်းဆည်းခံ များအကြား ထိပ်တိုက်တွေ့ဆုံမှု ရှိခဲ့ခြင်း ဖြစ်သည်။

၂၀၁၃ ခုနှစ် အတွင်းကလည်း ဗိုလ်တထောင်မြို့နယ် အတွင်းရှိ BOD၊ COD ၀င်းများအတွင်း အဆောက်အအုံ ဆောက်လုပ်ခြင်းနှင့် ပတ်သက်ပြီး ဆန္ဒပြခံရသည့် ကုမ္ပဏီများထဲတွင် ၀ါဝါ၀င်းကုမ္ပဏီ ပါဝင်ခဲ့သည်။ ဆန္ဒပြခဲ့သူများ၏ အဆိုအရ ၎င်းတို့ပိုင်ဆိုင်သော နှစ် ၉၀ ဂရမ်မြေများကို ကာကွယ်ရေးနှင့် ကုန်သွယ်ရေး ၀န်ကြီးဌာနများက ငွေကြေးဖြင့် ငှားရမ်းခဲ့ကြောင်း၊ ၁၉၉၄ ခုနှစ် ခုနှစ်တွင် မြို့ရွာနှင့် အိုးအိမ်ဖွံ့ဖြိုးရေး ဦးစီးဌာနက စီမံကိန်းများ ပြုလုပ်ရန် မူလမြေပိုင်ရှင်များနှင့် ညှိနှိုင်းခြင်း၊ လျော်ကြေးပေးမှုမရှိဘဲ သိမ်းယူခဲ့ပြီး ယုဇနဆောက်လုပ်ရေး ကုမ္ပဏီအပါအ၀င် ၀ါဝါ၀င်း၊ ဧဒင်နှင့် ပတ္တမြားနဂါး အစရှိသော ကုမ္ပဏီများသို့ လုပ်ကိုင်ခွင့် ပေးခဲ့ကြောင်း သိရသည်။

သို့သော်အဆိုပါ ဆောက်လုပ်ရေး ကုမ္ပဏီများနှင့် မြို့ရွာနှင့် အိုးအိမ်ဖွံ့ဖြိုးရေး ဦးစီးဌာန တို့အကြား လုပ်ငန်းဆောင်ရွက်ခွင့် စာချုပ်မှာ ၂၀၀၉ ခုနှစ်တွင် ကုန်ဆုံးခဲ့ပြီး ဖြစ်သော်လည်း ယုဇနနှင့် ၀ါဝါ၀င်း ကုမ္ပဏီတို့မှာ စာချုပ်ပြန်လည် ချုပ်ဆိုခြင်း မရှိဘဲ တရားမ၀င် ဆက်လက် တည်ဆောက်မှုများ ပြုလုပ်ခဲ့သည်ဟု ထိုအချိန်က ဆန္ဒပြသူများ၏ ပြောကြားချက်အရ သိရှိရသည်။

ထိုဖြစ်စဉ်များနှင့်အတူ ယခင်အစိုးရ လက်ထက် သိမ်းယူခဲ့သော လယ်မြေများတွင် လုပ်ပိုင်ခွင့်များ ရရှိခဲ့သည့် ၀ါဝါ၀င်း ကုမ္ပဏီက ယခင်အစိုးရ လက်ထက်ကတည်းက ၀န်ကြီးဖြစ်ခဲ့သော သမ္မတရုံးဝန်ကြီး ဦးသိန်းညွန့် ၀င်ပြိုင်မည့် မအူပင် မဲဆန္ဒနယ်တွင် အဆိုပါ ကုမ္ပဏီမှ လုပ်သားများ မဲစာရင်း ထည့်သွင်းခဲ့ခြင်းက သံသယဖြစ်ဖွယ် အချက်တစ်ခု ဖြစ်နေပါသည်။

■ ဒေသဖွံ့ဖြိုးရေးကို အကြောင်းပြုမဲဆွယ်

မအူပင်မြို့နယ်၌ ဦးသိန်းညွန့်က ဒေသဖွံ့ဖြိုးရေးကို အကြောင်းပြုပြီး မဲဆွယ်နေခြင်း များမှာလည်း မေးခွန်းထုတ်စရာများ ရှိနေပါသည်။

အထူးသဖြင့် မအူပင်မြို့နယ် အတွင်းရှိ ကျေးရွာ အချို့တွင် ကျေးလက်ဒေသ မီးလင်းရေးကို အကြောင်းပြု၍ ဦးသိန်းညွန့်ကို မဲထည့်ရန် ပြောဆိုမှုများ ရှိနေကြောင်း သိရပါသည်။

ဥပမာအနေဖြင့် ထနီးကျေးရွာအုပ်စု၊ ကတုံးကျေးရွာတွင် လျှပ်စစ်မီး ရရှိရန်အတွက် ကျေးလက်ဒေသ မီးပေးရေး ကော်မတီအား ဒေသခံများက တစ်အိမ်ငွေကျပ် ၅၅၀၀၀၀ ပေးခဲ့ရသော်လည်း မီးပေးရေး အလှူရှင် အမည်ကို ဦးသိန်းညွန့်ဟု အမည်တပ်ခဲ့ပြီး ထိုသို့ မီးရရှိရေး ဆောင်ရွက်ခဲ့ခြင်း အတွက် ဦးသိန်းညွန့်အား မဲပေးရမည်ဟု ပြောဆိုမှုများ ရှိခဲ့ကြောင်း ဒေသခံများက ဆိုပါသည်။

မအူပင်မြို့မှ အဆိုပါ ကျေးရွာများသို့ သွားရောက်သည့် လမ်းတလျှောက်ရှိ ဓာတ်တိုင်များတွင် “ပြည်ထောင်စုဝန်ကြီး၊ နေပြည်တော် မြို့တော်ဝန် ဦးသိန်းညွန့် ဦးဆောင်၍ နေပြည်တော် စည်ပင်သာယာရေး ဘဏ်လီမိတက်မှ လှူဒါန်းပါသည်” ဆိုသော ဆိုင်းဘုတ်ငယ်များ ကပ်ထားပြီး ထိုလုပ်ဆောင်ချက်က ရွေးကောက်ပွဲ မဲဆွယ်စည်းရုံးချိန်နှင့် တိုက်ဆိုင်စွာ ထွက်ပေါ်ခဲ့သဖြင့် ရွေးကောက်ပွဲဥပဒေ ချိုးဖောက်ရာ ရောက်နေပါသည်။

အောက်တိုဘာ ၁၇ ရက်လည်း မအူပင်မြို့နယ်၊ မီးသွေးချောင်း ကျေးရွာအုပ်စု၊ တံခွန်တိုင်ကျေးရွာသို့ ဦးသိန်းညွန့် သွားရောက် မဲဆွယ်ခဲ့ပြီး တံခွန်တိုင်ကျေးရွာရှိ မူလတန်းကျောင်းကို ရက်ပိုင်းအတွင်း အလယ်တန်း ကျောင်းခွဲအဖြစ် ဆိုင်းဘုတ်တပ်ခဲ့သည့် ဖြစ်စဉ် ပေါ်ပေါက်ခဲ့ကြောင်း သိရသည်။

ပုံမှန်အားဖြင့် မူလတန်းကျောင်းကို ရက်ပိုင်းအတွင်း အလယ်တန်းကျောင်းခွဲ အဖြစ် ဆိုင်းဘုတ်တပ် ပြောင်းလဲခြင်းမှာ လွယ်ကူသော ကိစ္စရပ် မဟုတ်ဘဲ မအူပင်မြို့နယ် ပညာရေးမှူးရုံးကလည်း အဆိုပါ မူလတန်းကျောင်းကို အလယ်တန်း ကျောင်းခွဲအဖြစ် အဆင့်မြှင့်တင်ရန် မပြုလုပ်ရသေးသဖြင့် ထိုလုပ်ရပ်ကလည်း ဥပဒေနှင့် ကိုက်ညီမှု မရှိကြောင်း ဝေဖန်မှုများ ထွက်ပေါ်ခဲ့သည်။

■ အစိုးရဌာနပိုင်ယာဉ်များ အသုံးပြုမဲဆွယ်ခြင်း

မအူပင်မြို့နယ်၌ ဖြစ်ပေါ်ခဲ့သော ရွေးကောက်ပွဲ ဥပဒေ ချိုးဖောက်မှုများအနက် အဆိုးဝါးဆုံးမှာ အစိုးရဋ္ဌာနပိုင် ယာဉ်များကို အသုံးပြုပြီး ပြည်ခိုင်ဖြိုးပါတီက မဲဆွယ်စည်းရုံးမှု ပြုလုပ်ခဲ့ခြင်း ဖြစ်ပါသည်။

အောက်တိုဘာ ၂၀ ရက်က မအူပင်မြို့နယ် ပြည်ခိုင်ဖြိုးပါတီ၏ အင်အားပြ လှည့်လည်ပွဲတွင် နယ်စပ်ဒေသနှင့် တိုင်းရင်းသား လူမျိုးများ ဖွံ့ဖြိုးတိုးတက်ရေး ဦးစီးဌာန တံဆိပ်ကပ်ထားသော ယာဉ်များ၊ ဆောက်လုပ်ရေး ၀န်ကြီးဌာန တံဆိပ်များ တပ်ဆင်ထားသော ယာဉ်များကို ထည့်သွင်း အသုံးပြုခဲ့ခြင်းမှာ ရွေးကောက်ပွဲဥပဒေကို ချိုးဖောက်ခဲ့ခြင်း ဖြစ်ပါသည်။

အဆိုပါ ဌာနဆိုင်ရာ ယာဉ်များကို အသုံးပြုရာ၌ တံဆိပ်များပေါ်တွင် စတစ်ကာ အ၀ါများကပ်၍ ဖျောက်ဖျက် ခဲ့သော်လည်း စတေကာ အရောင်များမှာ မှိန်နေသဖြင့် ဌာနဆိုင်ရာ တံဆိပ်များ မြင်တွေ့ခဲ့ရခြင်း ဖြစ်သည့်အတွက် ထိုလုပ်ရပ်သည် ရွေးကောက်ပွဲဥပဒေကို သိလျက်နှင့်ပင် ချိုးဖောက်ခဲ့ခြင်း ဖြစ်သည်ဟု ယူဆနိုင်ပါသည်။

ထိုကိစ္စရပ်ကိုလည်း မအူပင်မြို့နယ် NLD က အောက်တိုဘာ ၂၆ ရက်တွင် ရွေးကောက်ပွဲ ကော်မရှင်သို့ တိုင်ကြားခဲ့သည်။

ပြည်ထောင်စု ရွေးကောက်ပွဲ ဥပဒေ ပုဒ်မ ၁၀ (ဌ) တွင် နိုင်ငံတော်ပိုင်ငွေကြေး၊ မြေ၊ အိမ်၊ အဆောက်အအုံ၊ ယာဉ်၊ ပစ္စည်း စသည်တို့ကို တိုက်ရိုက်ဖြစ်စေ၊ သွယ်ဝိုက်သော နည်းဖြင့်ဖြစ်စေ ရယူသုံးစွဲသူ သို့မဟုတ် ယင်းသို့ရယူ သုံးစွဲသည့် အဖွဲ့အစည်းဝင် ဖြစ်သူသည် ရွေးကောက်ပွဲတွင် ရွေးကောက် တင်မြှောက်ခံပိုင်ခွင့် မရှိကြောင်း ဖော်ပြထားသည်။

■ တားဆီးခြိမ်းခြောက်ခြင်းနှင့် ရိုက်နှက်ခြင်း

ရွေးကောက်ပွဲဥပဒေကို ဖောက်ဖျက်နေသည့် တားဆီးခြိမ်းခြောက်မှုနှင့် ကိုယ်ထိ လက်ရောက် ရိုက်နှက်မှု များမှာလည်း မအူပင်မြို့နယ်၌ ပြီးခဲ့သည့် ရက်ပိုင်းအတွင်း ဆက်တိုက်ဖြစ်ပေါ်ခဲ့သည်။

အဆိုပါ ကိစ္စရပ်အတွက် ထင်ရှားသော ဖြစ်စဉ်နှစ်ခုမှာ အောက်တိုဘာ ၂၂ ရက် ညနေပိုင်းက မအူပင်မြို့နယ် ရေလဲကလေး ကျေးရွာ၌ ကျေးရွာဖွံ့ဖြိုးရေးနှင့် အထောက်အကူပြု ကော်မတီဥက္ကဋ္ဌ ဦးစိန်လှိုင်က NLD ပါတီ အောင်နိုင်ရေးဥက္ကဋ္ဌ ဒေါက်တာ သန့်ဇင်လတ်အား “မင်းလားကွ NLD” ဟု မေးကာ ရိုက်နှက်ခဲ့သည့် ဖြစ်စဉ်နှင့် အောက်တိုဘာ ၂၃ ရက်က မအူပင်မြို့နယ် သားငါးဈေးအတွင်း NLD ပါတီ အပါအ၀င် အခြားပါတီအလံများ မထောင်ရန်၊ မဲဆွယ်စည်းရုံးမှုများ မလုပ်ရန်၊ စတစ်ကာများ မကပ်ရန် ဈေးသူဈေးသားများအား စည်ပင်မှခေါ်ယူ တားမြစ် လက်မှတ်ရေးထိုး ခိုင်းသည့် ဖြစ်စဉ်တို့ ဖြစ်ပါသည်။

ဒေါက်တာသန့်ဇင်လတ်၏ ဖြစ်စဉ်၌ အခင်းဖြစ်ပွားပြီးနောက် ရဲစခန်းသို့ သွားရောက် တိုင်ကြားခဲ့သော်လည်း အမှုဖွင့်လက်ခံ ဆောင်ရွက်ပေးခဲ့ခြင်း မရှိဘဲ နောက်တစ်နေ့ ရောက်ရှိမှသာ လက်ခံခဲ့ပါသည်။

ရွေးကောက်ပွဲ ဥပဒေများအရ “မည်သူမဆို ရွေးကောက်ပွဲများတွင် ပုဂ္ဂိုလ်တစ်ဦး၏ ဆန္ဒမဲပေးပိုင်ခွင့်နှင့် ရွေးကောက် တင်မြှောက်ခံပိုင်ခွင့်တို့ကို ကျင့်သုံးခြင်း မပြုနိုင်စေရန် အကြမ်းဖက်ခြင်း၊ ခြိမ်းခြောက်ခြင်း၊ မလျော်သြဇာသုံးခြင်း၊ လိမ်လည်လှည့်ဖြားခြင်း၊ လာဘ်ပေးခြင်း သို့မဟုတ် လာဘ်ယူခြင်းများ မပြုလုပ်ရန်” တားမြစ်ထားပြီး အဆိုပါ တားမြစ်ချက်ကို ချိုးဖောက်သည် ဆိုပါက ထောင်တစ်နှစ် ဖြစ်စေ၊ ငွေကျပ် တစ်သိန်းဖြစ်စေ၊ နှစ်ရပ်လုံးဖြစ်စေ ပြစ်ဒဏ်ချမည်ဟု ဖော်ပြထားသည်။

■ ဦးသိန်းညွန့် ဘယ်သူလဲ

သမ္မတရုံးဝန်ကြီး၊ နေပြည်တော်ကောင်စီဥက္ကဋ္ဌ ဦးသိန်းညွန့်သည် ၂၀၁၀ ပြည့်နှစ် ရွေးကောက်ပွဲ၌ မအူပင်မြို့နယ် မဲဆန္ဒနယ်၊ ပြည်သူ့လွှတ်တော်တွင် ပြည်ခိုင်ဖြိုးပါတီ ကိုယ်စားပြုအဖြစ် ၀င်ပြိုင်ပြီး ထည့်ဝင်မဲ ၁၁၁၉၀၉ မဲ၊ ကြိုတင်မဲ ၁၁၉၁၅ မဲတို့ဖြင့် အနိုင်ယူခဲ့သူ ဖြစ်ပါသည်။

ဦးသိန်းညွန့်သည် ၁၉၉၇ ခုနှစ်မှ ၂၀၁၁ ခု နှစ်အထိ နယ်စပ်ဒေသနှင့် တိုင်းရင်းသား လူမျိုးများ ဖွံ့ဖြိုးတိုးတက်ရေးနှင့် စည်ပင်သာယာရေး ၀န်ကြီးဋ္ဌာန၏ ၀န်ကြီးအဖြစ် တာဝန်ထမ်းဆောင်ခဲ့ပြီး ၂၀၁၁ ခုနှစ်မှ လက်ရှိအချိန်အထိ သမ္မတရုံးဝန်ကြီးအဖြစ် တာဝန်ယူခဲ့သဖြင့် ၁၈ နှစ်ကြာ သက်တမ်းအရှည်ကြာဆုံး တာဝန်ပေးခြင်း ခံရသည့် ၀န်ကြီးတစ်ဦး ဖြစ်ပါသည်။

ထို့အပြင် ဦးသိန်းညွန့်သည် ၂၀၀၄ ခုနှစ်မှ စတင်ပြီး နေပြည်တော် တည်ဆောက်ရေး၌ တာဝန်ရှိခဲ့သူ ဖြစ်သည်။ ၂၀၀၅ ခုနှစ်တွင် အစိုးရ၀န်ကြီးဌာနများ နေပြည်တော်သို့ တရားဝင် ပြောင်းရွှေ့ပြီးချိန်တွင် နေပြည်တော် စည်ပင်သာယာရေး ကော်မတီကို ဖွဲ့စည်းခဲ့ပြီး ဦးသိန်းညွန့်ကို မြို့တော်ဝန်အဖြစ် တာဝန်ပေးခဲ့သည်။ ၂၀၀၉ ခုနှစ် ဒီဇင်ဘာ၌ နေပြည်တော် စည်ပင်သာယာရေး ဥပဒေကို အတည်ပြု ပြဋ္ဌာန်းခဲ့ပြီးနောက် နေပြည်တော် တည်ဆောက်ရေး လုပ်ပိုင်ခွင့်များ ဦးသိန်းညွန့်က တရားဝင် ရရှိခဲ့သည်။

နေပြည်တော် တည်ဆောက်ရေးသည် တိုင်းပြည်၏ ဘဏ္ဍာငွေ အမြောက်အမြားကို သုံးစွဲပြီး တည်ဆောက် ခဲ့ခြင်းဖြစ်ကာ အဆိုပါ တည်ဆောက်မှုတွင် ဆောက်လုပ်ရေး ကုမ္ပဏီများအကြား မသမာမှုများ အများဆုံး ရှိခဲ့ကြောင်း သတင်းများ ရှိခဲ့သည်။

ထိုကဲ့သို့ သတင်းများ ရှိနေချိန်၌ နေပြည်တော် တည်ဆောက်ရေးတွင် တာဝန်ရှိသူသာမက သက်တမ်း အရှည်ဆုံး ၀န်ကြီးဖြစ်သော ဦးသိန်းညွန့်ကလည်း ၎င်း၏ ပိုင်ဆိုင်မှုများကို လက်ရှိအချိန်ထိ ထုတ်ဖော် ရှင်းလင်းထားခြင်း မရှိကြောင်း သိရသည်။

မအူပင် မဲဆန္ဒနယ်တွင် ဦးသိန်းညွန့်နှင့်အတူ ပြည်ခိုင်ဖြိုးပါတီ ကိုယ်စားလှယ်အဖြစ် အမျိုးသား လွှတ်တော် အတွက် ၀င်ရောက် ယှဉ်ပြိုင်မည့် ဦးရန်ဝင်းမှာ အေ၀မ်း ဆောက်လုပ်ရေး ကုမ္ပဏီ၏ ဥက္ကဋ္ဌဖြစ်ပြီး အေ၀မ်း ကုမ္ပဏီမှာလည်း နေပြည်တော် တည်ဆောက်ရေး၌ အကျိုးအမြတ်များစွာ ရရှိခဲ့သည့် ကုမ္ပဏီဖြစ်ကြောင်း သတင်းများ ရှိပါသည်။

Eleven Media Group

ပြည်မြို့၊ ဆံတော်နယ်မြေကော်မရှင်ခွဲမဲရုံတွင် ကြိုတင်မဲပေးနေသည့် မီးရထားရဲဝန်ထမ်းအချို့ကိုတွေ့ရစဉ်

ပဲခူးတိုင်းအနောက်ပိုင်း ဒေသကြီး ပြည်ခရိုင်အတွင်း နောက်ဆုံးအကြိမ်အဖြစ် ရွေးကောက်ပွဲ မဲစာရင်းများ ထုတ်ပြန်ကြေညာရာ မဲဆန္ဒရှင် ခုနစ်ထောင်နီးပါး တိုးလာကြောင်း သတင်းရရှိသည်။

ခရိုင်အတွင်း ပထမအကြိမ် ကြေညာသော မဲဆန္ဒရှင် စာရင်းမှာ ၆၄၂၈၅၈ ဦးဖြစ်ပြီး ဒုတိယအကြိမ် ကြေညာသော စာရင်းတွင် ၆၇၆၃၂၆ ဦးနှင့် ယခု နောက်ဆုံးစာရင်းတွင် ၆၈၃၁၀၆ အထိ တိုးလာခြင်းဖြစ်သည်။

“ယခုမဲစာရင်းက အတည်ပါ။ ဒီမဲစာရင်းထဲမှာ မပါတဲ့သူက မဲပေးလို့ မရပါဘူး။ ဒါပေမဲ့ အရင်တစ်ခေါက်က မပါလို့ လျှောက်ထားပြီး ယခုမဲစာရင်းမှာလည်း မပါလာဘူး ဆိုရင်တော့ သက်ဆိုင်ရာ ရပ်ကျေးရုံးတွေမှာ သွားရောက်တင်ပြီး ကွန်ပျူတာနဲ့ မဟုတ်ရင်တောင် လက်ရေးနဲ့ မဲစာရင်းထဲမှာ ထပ်တိုးတာတွေ လုပ်လို့ ရပါတယ်” ပြည်ခရိုင် ရွေးကောက်ပွဲ ကော်မရှင်ဥက္ကဋ္ဌ ဦးကျော်ညွှန့်က ပြောကြားသည်။

ယခုမဲစာရင်းတွင် တိုး၍ပါဝင်လာသူများမှာ ယခင်ကြေညာစဉ်က မိမိအမည်စာရင်း မပါလာ၍ ပုံစံ (၃) ဖြင့် ပြန်လည် လျှောက်ထားသူများနှင့် နယ်မြေအတွင်း ရွှေ့ပြောင်းနေထိုင်သော ရက်ပေါင်း ၁၈၀ ပြည့်ပြီးသူများက ပုံစံ (၃) (က) ဖြင့် လျှောက်ထားသူများ တိုး၍ပါဝင်လာခြင်း ဖြစ်ကြောင်း သိရသည်။

နောက်ဆုံးအကြိမ် မဲစာရင်းများထုတ် ပြန်ကြေညာရာ၌ ပြည်မြို့ပေါ်ရပ်ကွက်၊ ရပ်ကျေးကော်မရှင် ရုံးများတွင် နေ့လယ်အထိ မဲစာရင်းများကို ကပ်ထားနိုင်ခြင်း မရှိသေးဘဲ အချို့ရပ်ကွက်များတွင်လည်း မဲဆန္ဒရှင် သက်သေခံ လက်မှတ်များကို လိုက်လံဝေငှပေးခြင်း မရှိသေးကြောင်း မြို့ခံများထံမှ သိရသည်။

ပြည်ခရိုင်တွင်းတွင် ပြည်သူ့လွှတ်တော်အတွက် ခြောက်နေရာ၊ တိုင်းဒေသကြီး လွှတ်တော်အတွက် ၁၂ နေရာ၊ အမျိုးသား လွှတ်တော်အတွက် နှစ်နေရာ၊ စုစုပေါင်း နေရာ ၂၀ ရှိပြီး ထိုနေရာများတွင် ၀င်ရောက်ယှဉ်ပြိုင်ရန် ပါတီပေါင်းစုံမှ ကိုယ်စားလှယ်လောင်း ၉၅ ဦး နှင့် တစ်သီးပုဂ္ဂလ ကိုယ်စားလှယ်လောင်း တစ်ဦး၊ စုစုပေါင်း ကိုယ်စားလှယ်လောင်း ၉၆ ဦး ၀င်ရောက်ယှဉ်ပြိုင် သွားမည်ဖြစ်ကြောင်း သိရသည်။
Writer:
ဝေလင်း (ပြည်)
Eleven Media Group

  • ၀က်လက်မြို့နယ်အတွင်း ၀င်ရောက်ယှဉ်ပြိုင်မည့် ပြည်ခိုင်ဖြိုးပါတီ ဒုဥက္ကဌ သူရဦးအေးမြင့်နှင့် လွှတ်တော်ကိုယ်စားလှယ်များ ဆိုင်းဘုတ်အား တွေ့ရစဉ်

ပြည်ခိုင်ဖြိုးပါတီ၏ ဒုတိယဥက္ကဋ္ဌဖြစ်သူ သူရဦးအေးမြင့် ၀င်ရောက်ယှဉ်ပြိုင်မည့် စစ်ကိုင်းတိုင်းဒေသကြီး ရွှေဘိုခရိုင် ၀က်လက်မြို့ နယ် မဲဆန္ဒနယ်အတွင်းရှိ ကျေးရွာများတွင် ဒေါ်အောင်ဆန်းစုကြည်နှင့် NLD ပါတီအား ဘာသာရေးအရ ထင်ယောင်ထင်မှား ဖြစ်စေမည့် စာရွက်နှင့် အခွေများ ဖြန့်ဝေမှုများ ရှိနေပြီး စာရွက်ဖြန့်ဝေမှုနှင့် ပတ်သက်၍ မြို့နယ် ရွေးကောက်ပွဲ ကော်မရှင်ထံသို့ ၀က်လက်မြို့နယ် အမျိုးသားဒီမိုကရေစီ အဖွဲ့ချုပ်က အကြောင်းကြားထားကြောင်း သတင်းရရှိသည်။

ဝက်လက်မြို့နယ် မဲဆန္ဒနယ်မြေ အတွင်း၌ NLD ပါတီအား ဘာသာရေးအရ ထင်ယောင်ထင်မှား ဖြစ်စေရန် ဖြန့်ဝေထားသည့် စာရွက်များတွင် မဘသ တံဆိပ်ဖော်ပြထားပြီး “အမျိုးဘာသာ သာသနာချစ်သူ ရဟန်းရှင်လူ ပြည်သူများသို့” ဟု ခေါင်းစဉ်တပ်ထား၍ မဘသအဖွဲ့၏ သဘောထားများအား ဖော်ပြထားပြီး စာသားများတွင် ထိုပါတီကြီးက လူ့အခွင့်အရေးကိုသာကြည့်ပြီး အမျိုးသားရေး မရှိသူ၊ အမျိုးသားရေး ဦးစားပေးသူများအား အဓိက မဲပေးရွေးချယ်ကြရန်၊ ဗိုလ်ချုပ်က ၀ံသာနုရက္ခိတ တရားကိုမြတ်နိုး၍ အစပျိုးပေးခဲ့သူဖြစ်ပြီး သမီးဖြစ်သူ ဒေါ်အောင်ဆန်းစုကြည်က ၀ံသာနုရက္ခိတ တရားကို လက်မခံဘဲ ငြင်းဆန်သူဖြစ်ကြောင်း၊ ဒေါ်အောင်ဆန်းစုကြည်နှင့် သူ၏ပါတီမှာ အမျိုးစောင့်ဥပဒေကို တစိုက်မတ်မတ် ကန့်ကွက်ခဲ့ကြောင်း၊ အမျိုးသားရေးကို လက်မခံနိုင်သော ပုဂ္ဂိုလ်၊ အဖွဲ့အစည်း၊ အသံလွှင့်ဌာန၊ ဂျာနယ်၊ မဂ္ဂဇင်း စသည်တို့က ကြံ့ခိုင်ရေး လက်ကိုင်တုတ်၊ အစိုးရခိုင်းဘက်၊ နိုင်ငံရေးမှာ ၀င်ရှုပ်သည်ဟု အော်ဟစ်နေကြကြောင်း၊ မဘသအဖွဲ့ကြီးမှာ ယင်းသို့ မဟုတ်ဘဲ လုပ်သင့်လုပ်ထိုက်သည့် အမျိုးသားရေးကို လုပ်နေခြင်းဖြစ်၍ ထိုသို့ဝိုင်းအော်ဟစ်နေမှုကို ဂရုပြုမည် မဟုတ်ကြောင်း အစရှိသည့် အများပြည်သူ ထင်ယောင်ထင်မှား ဖြစ်စေနိုင်သည့် စာရွက်များအား ကျေးရွာများသို့ ဖြန့်ဝေမှုများ ဆက်တိုက်ရှိနေကြောင်း အဆိုပါ မဲဆန္ဒနယ် အတွင်းရှိ ဒေသခံများထံမှ စုံစမ်းသိရှိရသည်။

“ကျွန်တော်တို့ရွာကို ကြံ့ခိုင်ရေးက စည်းရုံးရေး လာဆင်းတယ်။ သူတို့စည်းရုံးရေး ဆင်းတာကို လိုက်တဲ့သူတွေကို ထမင်း၊ ငွေနဲ့ ဆီလည်း ဖြည့်ပေးတယ်။ သူတို့ပြန်သွားတော့ စာရွက်တွေ ဝေသွားတယ်။ သူတို့ကိုယ်တိုင်လား၊ တခြားသူကို ပေးတာလားတော့ မသိဘူး။ စာရွက်ကို ဖတ်ကြည့်လိုက်တော့ NLD ပါတီနဲ့ ဒေါ်အောင်ဆန်းစုကြည်ကို ရှုတ်ချထားတဲ့ စာသားတွေ ဖြစ်နေတယ်။ နောက်တစ်ခုက စာရွက်တွေ လိုက်ဖြန့်တဲ့အပြင် ဘယ်ဆရာတော် ဟောထားတဲ့ အခွေလည်းတော့ မသိဘူး။ ဒေါ်အောင်ဆန်းစုကြည်ကို ဆိုးဆိုးရွားရွား ဆဲဆိုဝေဖန်ထားတဲ့ အခွေကလည်း ကျွန်တော်တို့ ဒေသမှာ ပြန့်နေတယ်။ အခွေဖွင့်နေတဲ့ အိမ်ကလည်း ပြည်ခိုင်ဖြိုးပါတီဝင်အိမ်။ ဒါတွေကို ဘယ်သူကမှ အရေးယူတာ မရှိပါဘူး” ဟု ၀က်လက်မြို့နယ် သခွတ္တောကျေးရွာမှ ဒေသခံများက ဆိုသည်။

“စာရွက်တွေ ဖြန့်ဝေတာနဲ့ ပတ်သက်ပြီး ဒေသခံတွေက ပါတီရုံးကို စာရွက်တွေ လာပေးကြတယ်။ စာရွက်ကတော့ ပါတီဥက္ကဋ္ဌနဲ့ ပါတီကို မဟုတ်မမှန် လုပ်ကြံရေးသားထားတဲ့ စာသားတွေပါ။ ဗဟိုကိုလည်း တင်ပြထားပါတယ်။ မြို့နယ်ကော်မရှင်ကိုလည်း အသိပေး အကြောင်းကြား ထားပါတယ်။ နောက်မလုပ်အောင် ပြောပေးဖို့။ ဒါပေမဲ့လည်း စာရွက်တွေကတော့ ဆက်ပြန့်နေတာပါပဲ။ ၀က်လက်မြို့နယ် အတွင်းမှာ ကျွန်တော်တို့ ပါတီကို ပြည်သူလူထု ထောက်ခံမှုကတော့ အပြည့်အ၀ ရှိပါတယ်” ဟု ၀က်လက်မြို့နယ် အမျိုးသားဒီမိုကရေစီ အဖွဲ့ချုပ်မှ ပြည်သူ့လွှတ်တော် ကိုယ်စားလှယ်လောင်း ဦးမြင့်သိန်းက ပြောကြားသည်။

ဝက်လက်မြို့နယ် မဲဆန္ဒနယ်မြေ အတွင်း၌ NLD ပါတီနှင့် ဒေါ်အောင်ဆန်းစုကြည်အား ဘာသာရေးအရ ထင်ယောင်ထင်မှား ဖြစ်စေရန် ဖြန့်ဝေထားသည့် စာရွက်များအပြင် အမည်မသိ ဆရာတော်တစ်ပါးဟု ယူဆရသော ဟောပြောမှုအခွေလည်း ပျံ့နှံ့လျက်ရှိပြီး အဆိုပါအခွေတွင် ဒေါ်အောင်ဆန်းစုကြည်အား ဝေဖန်တိုက်ခိုက်မှုများ ပါဝင်နေသည့်အပြင် ကျေးရွာအချို့တွင် ပြည်ခိုင်ဖြိုး ပါတီဝင်များက အဆိုပါ အခွေအား နေ့စဉ်ဖွင့်နေကြကြောင်း ဒေသခံများက ဆိုသည်။

ပြည်ခိုင်ဖြိုးပါတီ၏ ဒုတိယဥက္ကဋ္ဌဖြစ်သူ သူရဦးအေးမြင့် ၀င်ရောက် ယှဉ်ပြိုင်အရွေးခံသွားမည့် ၀က်လက်မြို့နယ်တွင် ပြည်ထောင်စု ကြံ့ခိုင်ရေးနှင့် ဖွံ့ဖြိုးရေးပါတီ၊ အမျိုးသား ဒီမိုကရေစီအဖွဲ့ချုပ်၊ တိုင်းရင်းသား စည်းလုံးညီညွတ်ရေးပါတီ၊ အမျိုးသား တိုးတက်ရေးပါတီနှင့် တောင်သူလယ်သမား ဖွံ့ဖြိုးတိုးတက်ရေး ပါတီတို့ဖြစ်ပြီး ဆန္ဒမဲပေးပိုင်ခွင့်ရှိသူ ၁၇၅၅၁၉ ဦးရှိကာ ရပ်ကွက်ကြီး သုံးရပ်ကွက်၊ ကျေးရွာအုပ်စု ၇၂ အုပ်စု၊ မဲရုံပေါင်း ၁၂၉ ရုံရှိကြောင်း ၀က်လက်မြို့နယ် ရွေးကောက်ပွဲကော်မရှင် အဖွဲ့ခွဲထံမှ စုံစမ်းသိရှိရသည်။

Eleven Media Group

စစ်ကိုင်းတိုင်း ဒေသကြီး ရွှေဘိုခရိုင် ခင်ဦးမြို့နယ် မဲဆန္ဒနယ်မြေတွင် သိမ်းဆည်းခံ ယာမြေများနှင့် ပတ်သက်၍ ကံသစ်ကျေးရွာ ဒေသခံများက မြို့နယ်ပြည်ခိုင်ဖြိုး ပါတီ ဥက္ကဋ္ဌအား အလိုမရှိကြောင်း နိုဝင်ဘာ ၃ ရက်၌ ဆန္ဒ ထုတ်ဖော်သွားရန် စီစဉ်ထားမှုအား ကနဦး အနေဖြင့် မြို့နယ် ရဲတပ်ဖွဲ့မှူးက ခွင့်ပြုချက် ချထားပေးခဲ့ပြီး ဖြစ်သော်လည်း ဆန္ဒထုတ်ဖော်မည့်ရက်မှာ ရွေးကောက်ပွဲ ရက်နှင့် နီးကပ်နေခြင်းကြောင့် မြို့နယ်အတွင်း၌ မလိုလားအပ်သည့် ပြဿနာများ ဖြစ်ပွားလာနိုင်သည်ဟုဆိုကာ ရွေးကောက်ပွဲ အလွန် နိုဝင်ဘာ ၁၀ ရက်သို့ ပြောင်းရွှေ့ပေးရန် အတွက် သက်ဆိုင်ရာဌာန အသီးသီးမှ ပြောကြားလာခဲ့ခြင်းကြောင့် ယင်းသို့ ဆန္ဒထုတ်ဖော်ရန် စီစဉ်ထားမှုကို ရက်ရွှေ့ဆိုင်းပေးခဲ့ရကြောင်း ဦးဆောင် ဆန္ဒထုတ်ဖော်မည့် ကံသစ်ကျေးရွာမှ တောင်သူ ဦးတင်ကိုက ပြောကြားသည်။

ဖြစ်စဉ်မှာ စစ်ကိုင်းတိုင်း ဒေသကြီး ခင်ဦးမြို့နယ် ကံသစ်ကျေးရွာတွင် ဘက်စုံစိုက်ပျိုး မွေးမြူရေးမှ စီမံကိန်း လုပ်ဆောင်ရန် အတွက် ကွင်းအမှတ် (၂၄၀၈) ရှိ လယ်ယာမြေဧက ၄၃ ဧကအား မဆလ အစိုးရလက်ထက် ၁၉၈၃ ခုနှစ်က သိမ်းဆည်းသွားခဲ့ကြောင်း ယင်းနောက် ၁၉၉၆ ခုနှစ်တွင် မြို့နယ် ငြိမ်ဝပ်ပိပြားရေး ဥက္ကဋ္ဌက မြို့နယ်ကြံ့ခိုင် ဖွံ့ဖြိုးရေး အသင်းသို့ လွှဲပြောင်းပေးခဲ့ကြောင်း၊ လက်ရှိအချိန်တွင် ပြည်ခိုင်ဖြိုး ပါတီမှ နီးစပ်ရာ လူများအား တစ်ဧကလျှင် စပါး ၂၅ တင်းနှုန်းဖြင့် သီးစားချ ငှားရမ်းလုပ်ကိုင် ခွင့်ပြုထားကြောင်း၊ လက်ရှိအချိန်တွင် ခင်ဦးမြို့နယ် ပြည်ခိုင်ဖြိုးပါတီ ဥက္ကဋ္ဌမှ လယ်ယာမြေ လုပ်ပိုင်ခွင့် လျှောက်လွှာ ပုံစံ (၁) ကို ဦအောင်မျိုးငြိမ်း ပြည်ခိုင်ဖြိုးဟု လျှောာက်ထားလာမှုအား မြို့နယ်မြေစာရင်း ဦးစီးဌာနမှ ယင်းသို့ လျှောက်ထားလာမှုကို ကန့်ကွက်လိုသူများက ကန့်ကွက်နိုင်ရန်အတွက် ထုတ်ဖော် ကြေညာစာ ပုစံ (၂) ကို ထုတ်ပြန် ကြေညာခဲ့ကြောင်း၊ ဒေသခံ တောင်သူများက ၂၀၁၃ ခုနှစ် ဇူလိုင်လတွင် လယ်ယာမြေ စီမံခန့်ခွဲမှု အဖွဲ့၊ မြို့နယ်လယ်ယာမြေ စီမံခန့်ခွဲ မှု အဖွဲ့များထံသို့ ကန့်ကွက်လွှာများ တင်၍ ကန့်ကွက်ခဲ့ကြကြောင်း၊ ၂၀၁၄ ခုနှစ် အောက်တိုဘာလတွင် ကျေးရွာလယ်ယာမြေ စီမံခန့် ခွဲမှု အဖွဲ့မှ သိမ်းဆည်းခံရသည့် လယ်ယာမြေများနှင့် ပတ်သက်၍ နည်းပဥပဒေများနှင့် ကိုက်ညီမှု မရှိကြောင်းကို ထွက်ဆို စစ်ဆေးခဲ့ပြီး ယနေ့အချိန်အထိ မည့်သည့် ဆုံးဖြတ်ချက် တစ်စုံတရာမျှ မရှိသေးဘဲ ဒေသခံ တောင်သူများမှာ ယာမြေများ သိမ်းဆည်ခံ ထားရခြင်းကြောင့် အခက်အခဲ မျိုးစုံတို့ဖြင့် ရင်ဆိုင်နေရပါကြောင်း စသည့် လယ်ဆည် ၀န်ကြီးဌာန၊ လယ်ယာမြေနှင့် အခြားမြေများ သိမ်းဆည်းခံရမှု စုံစမ်းရေး ကော်မရှင်၊ အမျိုးသား လွှတ်တော်၊ ပြည်သူ့လွှတ်တော်၊ တိုင်းဒေသကြီး ၀န်ကြီးချုပ်တို့သို့ တိုင်ကြားထားသည့် အထောက်အထားများအရ သိရသည်။

“ကျွန်တော်တို့ ယာမြေတွေ ပြန်ရဖို့အတွက် ဆန္ဒထုတ်ဖော်တာပါ။ ဘယ်ပါတီ ဘာအရောင်မှလည်း မပါပါဘူး။ အခု ယာမြေတွေကို ပြည်ခိုင်ဖြိုးပါတီ ဥက္ကဋ္ဌက ယာမြေတွေကို ပိုင်ဆိုင်ဖို့အတွက် ကြိုးပမ်းနေတာကို ကန့်ကွက်ဆန္ဒ ထုတ်ဖော်ကြတာပါ။ ဆန္ဒထုတ်ဖော်မှာက ခင်ဦးမြို့နယ် ပြည်ခိုင်ဖြိုးပါတီ ဥက္ကဋ္ဌတို့ကို ဆန္ဒထုတ်ဖော်ဖို့ စီစဉ်ထားတာပါ။ ခွင့်ပြုချက်က နိုဝင်ဘာ ၃ ရက် ရပြီးသားကို မြို့နယ် ရဲတပ်ဖွဲ့မှူး၊ မြို့နယ်တရား ဥပဒေအရာရှိ၊ မြို့နယ်ကော်မရှင် ဥက္ကဋ္ဌ၊ မြို့နယ် အုပ်ချုပ်ရေးမှူးတွေက နိုဝင်ဘာ ၁ ရက်က ကျွန်တော့်ကို ဆန္ဒပြမယ့်ရက်ကို ရွှေ့ဆိုင်းပေးဖို့ ပြောပါတယ်” ဟု ဦးတင်ကိုက ဆိုသည်။
Writer:
ဌေးလှအောင်
Eleven Media Group

နေပြည်တော်၊ ဇဗ္ဗူသီရိမြို့နယ်မဲဆန္ဒရှင်များ မိမိတို့အမည် စာရင်းမှာ ပါမပါ လာရောက်စစ်ဆေးကြည့်ရှုစဉ်။ (နိုဝင်ဘာ ၂၊ ၂၀၁၅)
 ရွေးကောက်ပွဲကျင်းပဖို့ ရက်ပိုင်းပဲလိုတော့တဲ့အချိန်မှာ မဲစာရင်းထဲ လူပိုအမည်စာရင်းတွေပါနေဆဲဖြစ်တာကြောင့် မဲဖေါင်းပွပြီး မဲ-မသမာမှုတွေဖြစ်မှာကို စိုးရိမ်မိကြောင်း NLD ပါတီက ပြောပါတယ်။ ဒါ့အပြင် လွှတ်တော်ကိုယ်စားလှယ်လောင်းတွေအတွက် မဲရုံမှာစောင့်ကြည့်ပေးမယ့် မဲရုံကိုယ်စားလှယ် အရေအတွက်ကို တချို့မြို့နယ်တွေမှာ ကန့်သတ်နေတာကလည်း သံသယဝင်စရာဖြစ်တယ်လို့ ပြောဆိုတာပါ။ အပြည့်အစုံကို ကိုဉာဏ်ဝင်းအောင်က တင်ပြထားပါတယ်။

ရွေးကောက်ပွဲကျင်းပဖို့ တပတ်တောင် မလိုတော့တဲ့အချိန်မှာ မဲစာရင်းထဲ လူပိုအမည်စာရင်းတွေပါနေဆဲဖြစ်ပါတယ်။ ပြည်နယ်နဲ့တိုင်းတချို့မှာ ၂ဝ% ကနေ ၄ဝ% အထိ လူပိုမဲစာရင်းတွေ ဖြစ်နေပေမယ့် ရွေးကောက်ပွဲကော်မရှင်က အခုချိန်ထိ ပြန်လည်စိစစ်လုပ်ဆောင်ပေးနိုင်ခြင်း မရှိသေးဘူးလို့NLD ပါတီ ပြောခွင့်ရပုဂ္ဂိုလ် ဦးဝင်းထိန်က ပြောပါတယ်။

“အခု ကျနော်တို့ ရန်ကုန်မှာရော၊ မန္တလေးမှာရောတွေ့တာက တချို့ မြို့နယ်တွေမှာ မြို့နယ်မှာ တကယ်နေတဲ့လူဦးရေရဲ့ ၂၀ %၊ တချို့နေရာတွေမှာ ၄၀ % ပိုနေတယ်။ အဲဒါကို ကျနော် ပြီးခဲ့တဲ့အပတ်က ပြည်ထောင်စုရွေးကောက်ပွဲကော်မရှင်မှာ ကျနော်ပြောတော့ သူတို့ဆီက ဝန်ခံတယ်။ ဘာပြောလဲဆိုတော့ အဲဒီပုဂ္ဂိုလ်တွေက ပိုနေပါတယ်။ ပိုနေတဲ့ဥစ္စာက အဲဒီဒေသမှာ အရင်ကနေသွားတဲ့လူတွေလို့ သူတို့က ပြောတယ်။ ဒါပေမယ့် အဲဒီလူတွေ ဘယ်မှာနေတယ်၊ ဘယ်မှာရောက်နေတယ်ဆိုတာကို သူတို့က မပြောဘူး။ ဆိုတော့ ဒီလိပ်စာမှာ ဒီလူ မနေပါဘူးဆိုတာ မိသားစုကလည်းပြောတယ်၊ ရပ်ကွက်ကောင်စီကလည်းပြောတယ်။ အဲဒါကို မြို့နယ်ကော်မရှင်က လုပ်မပေးဘူး။ ဗဟိုကလည်း လုပ်ပေးဖို့မပြောဘူး။ ပြန်ပြင်ပေးမယ်လို့ မပြောဘူး။ ဒီအတိုင်းပဲထားတယ်။”

မဲစာရင်းထဲ လူပိုနာမည်တွေရှိနေတာကြောင့် မဲ-မသမာမှုတွေ ဖြစ်မှာကို စိုးရိမ်မိကြောင်း ဦးဝင်းထိန်က ပြောပါတယ်။

“အခု မဲပေးခွင့်လက်မှတ်တွေ ထုတ်ပေးနေပြီ။ မဲပေးခွင့်လက်မှတ်က မဲစာရင်းမှာပါတဲ့လူတွေအတိုင်း ထုတ်ပေးတာ။ ..ဆိုရင် ပိုနေတဲ့လူတွေရဲ့ မဲစာရင်းလည်း ထုတ်ပေးမှာပဲ။ အဲလိုဖြစ်နေတာဆိုတော့ ကျနော်တို့က မဲစာရင်းအပိုတွေဟာ မဲအပိုတွေ ဖြစ်လာနိုင်တယ်လို့ ကျနော်တို့ ယူဆတယ်။ တခြား သူတို့- ပါတီပေါ့ဗျာ- နာမည်ကတော့ မပြောတော့ပါဘူး။ တခြား သူတို့ပေးချင်တဲ့ပါတီကိုပေးမယ့် မဲတွေ ဖြစ်ဖို့များတယ်လို့ ကျနော် သုံးသပ်မိတယ်။”

ရွေးကောက်ပွဲနေ့ကျရင် လွှတ်တော်ကိုယ်စားလှယ်လောင်း တစ်ဦးအတွက် မဲရုံမှာစောင့်ကြည့်မယ့် မဲရုံကိုယ်စားလှယ် ၂ ဦးစီ ထားခွင့်ရထားပြီး ပါတီတစ်ခုအတွက်ဆိုရင် မဲရုံကိုယ်စားလှယ် ၈ ဦးအထိ ထားခွင့်ရထားပေမယ့် အခုတော့ ရန်ကုန်တိုင်းမြို့နယ်တချို့မှာ မဲရုံကိုယ်စားလှယ် ၂ ဦးတည်းသာ စောင့်ကြည့်ခွင့်ရတော့မယ်ဆိုတဲ့ကိစ္စဟာ သံသယဝင်စရာဖြစ်လာကြောင်း ဦးဝင်းထိန်က ထောက်ပြပါတယ်။

“မဲရုံစောင့်တွေနဲ့ပတ်သက်လို့ အခု ရန်ကုန်မှာ ကျနော်တို့ တော်တော် စကား အခြေအတင် ပြောနေရတယ်။ ဥပဒေအရဆိုလို့ရှိရင် ကိုယ်စားလှယ်လောင်း တစ်ယောက်ဟာ မဲရုံမှာထားဖို့အတွက် ၂ ယောက် ထားခွင့်ရှိတယ်။ အဲဒီတော့ တမြို့နယ်ဆိုရင် အမျိုးသား၊ ပြည်သူ့၊ တိုင်းဒေသကြီး၊ - ဆိုတော့ အားလုံး လေးယောက်ရှိတယ်။ ၄ ယောက်ဆိုတော့ ၈ ယောက် ထားခွင့်ရှိတယ်။ အဲဒါကို ကျနော်တို့ အစည်းအဝေးမှာ ညှိလိုက်တဲ့အခါကျတော့ ၈ ယောက်ဆိုရင် သိပ်တော့များတယ်။ နောက်တခုက မဲရုံကကျဉ်းတော့ ဆန့်ချင်မှလည်းဆန့်မယ်။ အဲဒီတော့ အနည်းဆုံး သုံးယောက်နဲ့ လေးယောက်ထားရင် လုံလောက်ပြီ။ အဲလိုဆုံးဖြတ်ပြီးတော့ ကျနော်တို့ သုံးယောက်နဲ့ လေးယောက်ထားဖို့ ဆုံးဖြတ်ခဲ့တယ်။ အခု ရန်ကုန်တိုင်း တချို့မြို့နယ်တွေမှာ ၂ ယောက်ပဲထားခွင့်ပြုမယ်။ အဲဒီ ၂ ယောက်တောင်မှ မဲရုံထဲမှာတစ်ယောက်၊ အပြင်မှာတစ်ယောက်၊ ဒါက ဥပဒေနဲ့မညီတဲ့ဟာတွေကို သူတို့လုပ်နေတာ။ မဲရုံစောင့်ထားတဲ့ရည်ရွယ်ချက်က မဲပေးတာမှာ ပုံမှန်ဟုတ်မဟုတ်ရယ်။ တရားဝင်ဟုတ်မဟုတ်ရယ်၊ မသမာတာတွေ ကာကွယ်နိုင်ဖို့ထားတာ။ ဒီလူတွေကို မဲစာရင်း ...ပိတ်.ပြီးတော့ ထိုင်ခိုင်းတဲ့ကိစ္စ၊ ဘယ်လိုလုပ် check လုပ်လို့ရမလဲ။ အကုန်လုံးက သူလုပ်ချင်သလို လုပ်သွားမှာ။”

အခုဆိုရင် ရွေးကောက်ပွဲကော်မရှင်က ရိုက်ထားတဲ့မဲလက်မှတ်တွေဟာ နဂိုရ်မူလအရောင်နဲ့ လွဲနေတာကြောင့် ဒီအချက်ဟာ မဲပေးမယ့်ပြည်သူတွေကို ထင်ယောင်ထင်မှား လွဲမှားစေနိုင်တယ်လို့ NLD ပါတီ ပြောခွင့်ရ ဦးဝင်းထိန်က ထောက်ပြပါတယ်။

"နောက်တခုက ပြဿနာတက်နေတာတစ်ခုရှိတယ်။ ကျနော်တို့ပါတီရဲ့logo က အနီရောင်ရယ်၊ ခွပ်ဒေါင်းရယ်၊ ကြယ်အဖြူရယ်။ အခုဟာက မဲစာရင်းတွေ နမူနာရတဲ့အခါမှာ အနီရောင်ရယ်၊ ခွပ်ဒေါင်းရယ်၊ ကြယ်ဖြူမဟုတ်တော့ဘူး၊ ကြယ်ဝါတွေဖြစ်နေတယ်။ သူတို့ အင်ဒိုနီးရှားကမှာတဲ့စက္ကူတွေက အဝါရောင်တွေ။ အဲဒီနေရာမှာ blank ပုံနှိပ်တဲ့အခါကျတော့ စက္ကူအဖြူရောင်မဟုတ်တော့ဘဲနဲ့ အဝါရောင်တွေဖြစ်နေတယ်။ ကြယ်ဖြူမဟုတ်တော့ဘူး၊ ကြယ်ဝါတွေဖြစ်နေတယ်။ အဲဒါက တော်တော်ကို ရှုပ်ရှုပ်ထွေးထွေးဖြစ်မယ့်ကိစ္စ။ တောသူတောင်သားတွေရှိတယ်။ တိုင်းရင်းသားတွေရှိတယ်။ သူတို့ကို ခွပ်ဒေါင်း၊ ကြယ်ဖြူ  - ခွပ်ဒေါင်း၊ ကြယ်ဖြူ - အဲဒါကို သင်ထားပေးတာ။ ခွပ်ဒေါင်း-ကြယ်ဖြူမဟုတ်ဘဲ ခွပ်ဒေါင်း- ကြယ်ဝါဆို ရှုပ်ထွေးကုန်မှာပေါ့။ မဲဆန္ဒရှင်တွေ အထူးသဖြင့် တောသူတောင်သားတွေက ပြဿနာတက်မှာပေါ့။"

ရွေးကောက်ပွဲကော်မရှင်က နိုဝင်ဘာ ၂ ရက်နေ့မှာ တတိယအကြိမ် အပြီးသတ်မဲစာရင်း ထုတ်ပြန်ခဲ့ပေမယ့် မဲရုံတစ်ခုချင်းစီရဲ့ မဲဆန္ဒရှင်စာရင်းကို ခွဲပြီးကပ်တာကြောင့် စိစစ်ဖို့ ပိုပြီးခက်သွားတယ်ဆိုတဲ့ ဝေဖန်မှုတွေလည်း ထွက်ပေါ်နေပါတယ်။

ကိုဉာဏ်ဝင်းအောင် / ဗွီအိုအေ (မြန်မာပိုင်း)
http://burmese.voanews.com


 လက်ရှိ ဆော်ဒီ အာရေး ဗီးယားနိုင်ငံမှာ နေထိုင်နေကြတဲ့ မြန်မာနိုင်ငံသား ၂၅၀,၀၀၀ ကျော်ထဲက တဝက်ဖြစ်တဲ့ ၁၂၅,၀၀၀ ကျော်ကို ဆော်ဒီအစိုးရက ဒုက္ခသည်တွေ အဖြစ် ၄ နှစ်ကြာ နေထိုင်ခွင့်ပြုမယ့် ခွင့်ပြုချက်ထုတ်ပေးလိုက်ပြီ ဖြစ်တဲ့အတွက် အဲဒီလူတွေရဲ့ နေထိုင်ခွင့် အခြေအနေကို အတိအကျ သတ်မှတ်ပေးလိုက်ရာ ရောက်ပါတယ်။

အဲဒီ နေထိုင်ခွင့်ပါမစ်တွေကို Makkah မြို့ နိုင်ငံကူးလက်မှတ်ဌာနက ထုတ်ပေးလိုက်တာဖြစ်ပြီး ကျန်ဒုက္ခသည်တွေရဲ့ကိစ္စကိုလည်း ဆက်လက် ဆောင်ရွက်နေတယ်လို့ ဆိုပါတယ်။

မြန်မာနိုင်ငံက ဒုက္ခသည်တွေအတွက် တရားဝင်နေထိုင်ခွင့်ကိစ္စကို ဆော်ဒီအစိုးရက လွန်ခဲ့တဲ့ ၂ နှစ်လောက်ကတည်းက စတင် ဆောင်ရွက်လာတာဖြစ်ပြီး အဲဒီလို လုပ်ဆောင်တာ ဒါပထမဆုံးအကြိမ်ဖြစ်တဲ့အတွက် ကုလသမဂ္ဂက ဆော်ဒီအစိုးရရဲ့ ဆောင်ရွက်မှုကို ကြိုဆိုလိုက်ပါတယ်။

မြန်မာနိုင်ငံက ဒုက္ခသည်တွေကို လူသားချင်းနာထောက်ထားတဲ့အနေနဲ့ လူမျိုး၊ ဘာသာနဲ့ ပြောဆိုတဲ့ ဘာသာစကားမရွေး အခမဲ့နေထိုင်ခွင့်ပါမစ်တွေ ထုတ်ပေးခဲ့ခြင်းဖြစ်တယ်လို့ ဆော်ဒီအစိုးရက ပြောပါတယ်။

နေထိုင်ခွင့်ပါမစ်ရရှိသူတွေအနေနဲ့ အခမဲ့ ကျန်းမာရေးစောင့်ရှောက်မှု၊ အခမဲ့ပညာသင်ကြားခွင့်နဲ့ အလုပ်လုပ်ခွင့်တွေပါ ရရှိမှာဖြစ်တယ်လို့ ဆိုပါတယ်။

ဒုက္ခသည်တွေ နေထိုင်ခွင့်ပါမစ်ထုတ်ပေးရေး ဆော်ဒီအစိုးရရဲ့ ဆောင်ရွက်ချက်တွေကိုသိရှိခွင့်ရအောင် UNHCR ကုလသမဂ္ဂ ဒုက္ခသည်များဆိုင်ရာ မဟာမင်းကြီးရုံးက ကိုယ်စားလှယ်တွေ မကြာသေးခင်က ဆော်ဒီအာရေးဗီးယားနိုင်ငံကို သွားရောက်လေ့လာခဲ့ကြတာ ဖြစ်ပါတယ်။

ဗွီအိုအေ (မြန်မာဌာန)
http://burmese.voanews.com

မြန်မာနိုင်ငံဆိုင်ရာ အမေရိကန်သံအမတ်ကြီး Derek Mitchell
 ဒီမိုကရေစီစနစ်နဲ့အညီ ကျင်းပတဲ့ရွေးကောက်ပွဲတွေမှာ မဲဆန္ဒရှင်တွေဟာ အရေးအပါဆုံးဖြစ်တဲ့အတွက် မြန်မာနိုင်ငံမှာ နိုဝင်ဘာလ ၈ ရက်နေ့ ကျင်းပမယ့် သမိုင်းဝင်ရွေးကောက်ပွဲမှာ တိုင်းပြည်မှာ ဘယ်သူ့ကို ခေါင်းဆောင်သင့်တယ်ဆိုတာ မြန်မာပြည်သူတွေအနေနဲ့ မဲပေးရွေးချယ်ကြဖို့ အမေရိကန် သံအမတ်ကြီး Derek Mitchell က တိုက်တွန်း ပြောကြားလိုက်ပါတယ်။ အမေရိကန်ပြည်ထောင်စုအနေနဲ့လည်း ဒီ အရေးပါတဲ့ရွေးကောက်ပွဲအတွက် မြန်မာနိုင်ငံသားတွေကို အတတ်နိုင်ဆုံး ကူညီပံ့ပိုးပေးနေတယ်လို့ ပြောပါတယ်။ အပြည့်အစုံကိုတော့ ကိုဇော်ဝင်းလှိုင်က တင်ပြပေးထားပါတယ်။

မြန်မာနိုင်ငံမှာ နိုဝင်ဘာလ ၈ ရက်နေ့ ကျင်းမယ့် အထွေထွေရွေးကောက်ပွဲအတွက် အမေရိကန်အစိုးရက နိုင်ငံရေးပါတီတွေနဲ့ အရပ်ဘက် လူမှု အဖွဲ့အစည်းတွေကတဆင့် ရွေးကောက်ပွဲဆိုင်ရာ ကူညီပံ့ပိုးမှုတွေ ပေးနေခဲ့တာပါ။
[youtube src="r0TSw8D4IcQ"/]
အခုလည်းရွေးကောက်ပွဲကျင်းပဖို့ သီတင်းပတ် တပတ်တောင်မလိုတော့တဲ့အချိန်မှာ ဒီရွေးကောက်ပွဲဟာ မြန်မာ့သမိုင်းမှာ အရေးပါတဲ့ ရွေးကောက်ပွဲ ဖြစ်ကြောင်း၊ တိုင်းပြည်ကို ဘယ်သူက ဦးဆောင်မလဲဆိုတာကို ရွေးချယ်ကြရမှာဖြစ်တဲ့အတွက် ရွေးကောက်ပွဲမှာအရေးအပါဆုံးဖြစ်တဲ့ မဲဆန္ဒရှင်ပြည်သူ ပြည်သားတွေအနေနဲ့ မဲပေးကြဖို့ မြန်မာနိုင်ငံဆိုင်ရာ အမေရိကန်သံအမတ်ကြီး Derek Mitchell က Skynet ရုပ်သံအစီအစဉ်ကတဆင့် တိုက်တွန်း ပြောကြားလိုက်တာပါ။

“ဒီရွေးကောက်ပွဲဟာ ကျနော်တို့အတွက် မဟုတ်ပါဘူး၊ ဒီရွေးကောက်ပွဲဟာ မြန်မာနိုင်ငံသားတွေရဲ့ ရွေးကောက်ပွဲ ဖြစ်ပါတယ်။ လာမယ့် ၅ နှစ်အတွင်း တိုင်းပြည်ကို ဘယ်သူက ဦးဆောင်စေချင်သလဲဆိုတာကို တိုင်းသူ ပြည်သားတွေအနေနဲ့ မဲပေး ရွေးချယ်ခွင့် ရကြမှာ ဖြစ်ပါတယ်။ ဒါဟာ မြန်မာ့သမိုင်းမှာ အင်မတန် အရေးကြီးတဲ့ အခါသမယ ဖြစ်ပါတယ်။”

ဒီမိုကရေစီစနစ်မှာ အရေးအပါဆုံးပုဂ္ဂိုလ်ဟာ သမ္မတမဟုတ်သလို နိုင်ငံရေးသမားတွေလည်းမဟုတ်တဲ့အကြောင်း၊ ဒီမိုကရေစီစနစ်မှာ အရေးအပါဆုံးက တိုင်းသူ ပြည်သားတွေသာဖြစ်တဲ့အကြောင်း ၂ဝ၁၂ ခုနှစ်၊ နိုဝင်ဘာလအတွင်း သမ္မတ Barack Obama မြန်မာနိုင်ငံကိုလာသွားတုန်းက ဒီမိုကရေစီ စနစ်မှာ အရေးအပါဆုံးက ဘယ်သူလဲဆိုတာနဲ့ပတ်သက်လို့ ပြောကြားသွားတာကို သံအမတ်ကြီး Derek Mitchell က ပြန်လည် ကိုးကား ပြောဆိုသွားပါတယ်။

ဒါကြောင့် အခု မြန်မာနိုင်ငံသားတွေအနေနဲ့ အဲဒီအခွင့်အရေးအတိုင်း ကိုယ့်တိုင်းပြည်ကို ဘယ်သူ ဦးဆောင်မယ်ဆိုတာကို မဲပေးရွေးချယ်ခွင့် ရကြတော့မယ်လို့ သံအမတ်ကြီး Derek Mitchell က ဆက်ပြောပါတယ်။

“ကိုယ့်ကို ဘယ်သူ ဦးဆောင်စေချင်သလဲဆိုတာနဲ့ပတ်သက်လို့ ဒီနိုင်ငံက တိုင်းသူ ပြည်သားတွေအနေနဲ့ ရွေးချယ်ခွင့် ရကြတော့မှာပါ။ ကိုးကွယ်ရာ လူမျိုး၊ ဘာသာ၊ မျိုးနွယ်စုမရွေး လူတစ်ဦးချင်း တစ်ယောက်ချင်းစီအနေနဲ့ ကိုယ့်ကို ဘယ်သူက ဦးဆောင်မှုပေးစေချင်သလဲဆိုတာကို ရွေးကောက်ပွဲနေ့မှာ တန်းတူ အခွင့်အရေးရှိပြီး မဲပေးခွင့်ရဖို့အတွက် ကျနော် ဆိုလိုတာ ဖြစ်ပါတယ်။ ဒါဟာ အင်မတန် အရေးကြီးတဲ့အချက်ပါ။”

အမေရိကန်ပြည်ထောင်စုက ရွေးကောက်ပွဲနဲ့ပတ်သက်လို့ ကူညီ ပံ့ပိုးပေးနေတာတွေနဲ့ ပတ်သက်လို့လည်း သံအမတ်ကြီး Derek Mitchell က အခုလို ဆက်ပြောပါတယ်။

“ဒီရွေးကောက်ပွဲဖြစ်စဉ်ကို အမေရိကန်ပြည်ထောင်စုအနေနဲ့ ကူညီ ထောက်ပံ့ပေးသွားမှာပါ။ ကျနော်တို့အနေနဲ့ အကူအညီလည်း ပေးနေပြီးဖြစ်ပါတယ်။ ရွေးကောက်ပွဲနေ့ကျရင် မဲရုံတွေမှာ စောင့်ကြည့်နိုင်အောင် နိုင်ငံရေးပါတီတွေကို ကျနော်တို့ အကူအညီ ပေးခဲ့ပြီးဖြစ်ပါတယ်။ ရွေးကောက်ပွဲနေ့မှာ စောင့်ကြည့်နိုင်ဖို့အတွက် လူထုအခြေပြု လူမှုအဖွဲ့အစည်းတွေကိုလည်း ကျနော်တို့ သင်တန်းတွေ ပို့ချပေးထားပါတယ်။ ရွေးကောက်ပွဲနေ့မှာ ဖြစ်ပျက်ခဲ့တာတွေကို နိုင်ငံတကာက စောင့်ကြည့်သူတွေ လေ့လာစောင်ကြည့်မှုကိုလည်း ကျနော်တို့ ကူညီ အားပေးနေပါတယ်။”

ရွေးကောက်ပွဲမှာ ဘယ်သူ အနိုင်ရမယ်ဆိုတဲ့အချက်အပေါ် အမေရိကန်ပြည်ထောင်စုအနေနဲ့ စိတ်ဝင်စားမှုမရှိပေမယ့်လည်း ရွေးကောက်ပွဲရလဒ်ဟာ မဲဆန္ဒရှင်တွေရဲ့ သဘောထားကို ထင်ဟပ်တယ်ဆိုတဲ့ မဲဆန္ဒရှင်တွေရဲ့ ယုံကြည်မှု ရှိတာကို အမေရိကန်ပြည်ထောင်စုအနေနဲ့ လိုလားကြောင်း သံအမတ်ကြီး Derek Mitchell က ပြောပါတယ်။ ဒါကြောင့်လည်း ဒီရွေးကောက်ပွဲဟာ မဲပေးပြီးယုံနဲ့ ပြီးဆုံးသွားတာမဟုတ်ပဲ နောက်လုပ်စရာတွေ အများကြီး ကျန်နေပါသေးတယ်လို့ ဆိုပါတယ်။

“ရွေးကောက်ပွဲနေ့မှာ မဲပေးပြီးယုံနဲ့ ဒီကိစ္စဟာ ပြီးဆုံးသွားတာ မဟုတ်ပါဘူး။ ဒါကြောင့်လည်း ပြည်သူလူထုအပါအဝင် နိုင်ငံရေးပါတီ ခေါင်းဆောင်တွေ၊ လူမှုအသိုင်းအဝိုင်းက ခေါင်းဆောင်တွေ အတူလက်တွဲပြီး လာမယ့် ဧပြီလမှာ ပြုလုပ်မယ့် အာဏာလွဲပြောင်းမှု အဆင်ပြေချောမွေ့စေအောင် ရွေးကောက်ပွဲပြီးတဲ့နောက် သီတင်းပတ်တွေနဲ့ချီပြီး ရက်ပေါင်းများစွာ ကြာတဲ့အထိ ညှိနှိုင်း ဆွေးနွေးမှုတွေ လုပ်ဆောင်ကြပြီး တိုင်းပြည်အတွက် ဒီမိုကရေစီအသွင်ကူးပြောင်းရေးကို ဆက်လက် အကောင်အထည် ဖော်သွားကြရမှာ ဖြစ်ပါတယ်။”

ဒီဖြစ်စဉ်တခုလုံးကို အမေရိကန်ပြည်ထောင်စုအနေနဲ့ အနီးကပ်စောင့်ကြည့်နေမှာ ဖြစ်သလို ပံ့ပိုး ကူညီပေးသွားမယ်လို့ သံအမတ်ကြီး Derek Mitchell က ပြောကြားသွားပါတယ်။

တချိန်တည်းမှာပဲ ကုလသမဂ္ဂအတွင်းရေးမှူးချူပ် ဘန်ကီမွန်းကလည်း မကြာခင် ကျင်းပတော့မယ့် အထွေထွေရွေးကောက်ပွဲအတွင်း ဘာသာရေး၊ လူမျိုးရေးအရ မုန်းတီးမှုတွေ ဖြစ်ပေါ်စေမယ့် အသုံးအနှုန်းတွေကို ရှောင်ကျဉ်းကြဖို့ နိုဝင်ဘာလ ၁ ရက်နေ့ ရက်စွဲနဲ့ ကြေညာချက်ထုတ်ပြန် တိုက်တွန်း လိုက်တဲ့အကြောင်း အတွင်းရေးမှူးချုပ်ရဲ့ ပြောခွင့်ရပုဂ္ဂိုလ် Stephane Dujarric က နိုဝင်ဘာလ ၂ ရက်နေ့က ကုလသမဂ္ဂဌာနချုပ်မှာ ပြုလုပ်တဲ့ နေ့စဉ် သတင်းစာရှင်းလင်းပွဲအတွင်း ထည့်သွင်း ပြောကြားသွားပါတယ်။

“မြန်မာနိုင်ငံမှာ ရွေးကောက်ပွဲကျင်းပဖို့ တဖြည်းဖြည်း နီးကပ်လာတာနဲ့အမျှ - လူမှုအသိုင်းအဝိုင်းတွေကြား မပြေမလည်ဖြစ်စေမယ့် အမုန်းစကား ပြောဆိုမှုတွေ ဆက်လုပ်နေတာနဲ့ လူအများစု အသိုင်းဝိုင်းကြားက အစွန်းရောက်တွေက ဘာသာရေးကို နိုင်ငံရေးရည်ရွယ်ချက်နဲ့ အသုံးချနေတာတွေ တွေ့နေရတာမို့ မကြာခင် ကျင်းပတော့မယ့် ရွေးကောက်ပွဲအတွက် အထူးစိုးရိမ်မိကြောင်း အတွင်းရေးမှူးချုပ်ဘန်ကီမွန်းက တိုက်တွန်း ပြောကြားပါတယ်။”

ရွေးကောက်ပွဲအတွက် မဲဆွယ် စည်းရုံးမှုတွေကို နိုဝင်ဘာလ ၆ ရက်နေ့ နောက်ဆုံထား ပြုလုပ်ကြရမှာ ဖြစ်ပါတယ်။

ပြည်ထောင်စုရွေးကောက်ပွဲကော်မရှင်က ရွေးကောက်ပွဲမှာ မဲပေးခွင့်ရှိသူတွေရဲ့ အမည်စာရင်းတွေကို ထုန်ပြန်နေတာမှာ တတိယအကြိမ်နဲ့ အပြီးသတ် မဲစာရင်းဆိုပြီး တနင်္လာနေ့က ထုတ်ပြန်ခဲ့ပြီးတဲ့နောက် မဲစာရင်းမှန်မမှန် စစ်ဆေးဖို့ ပိုခက်သွားစေတယ်လို့ အတိုက်အခံပါတီတွေက ထောက်ပြ ပြောဆိုနေကြပါတယ် ခင်ဗျား။

ကိုဇော်ဝင်းလှိုင် / ဗွီအိုအေ (မြန်မာပိုင်း)
http://burmese.voanews.com

လေ့​လာ​ခဲ့​တဲ့ ၃၉ ​မြို့​နယ်​ထဲ​က ၁ ​မြို့​နယ်​ထဲ ​မှာ​သာ ​မ​သန်​စွမ်း ​ကိုယ်​စား​လှယ် ​လောင်း ​တစ်​ဦး ​ရှိ​နေ။ 
 ရွေးကောက်ပွဲဝင်မယ့် လွှတ်တော် ကိုယ်စားလှယ်လောင်း တွေထဲမှာ အမျိုးသမီးတွေ ပါဝင် မှု အလွန်နည်းပြီး မသန်စွမ်း သူတွေ ပါဝင်မှု ကတော့ မရှိ သလောက်ပဲ လို့ ရွေးကောက်ပွဲ စောင့်ကြည့် လေ့လာရေး အဖွဲ့ တစ်ခု ဖြစ်တဲ့ ဒါနရှေ့ဆောင်-မြန်မာ အဖွဲ့ က ပြောပါတယ်။

မဲဆွယ် စည်းရုံးတာတွေ အပြိုင် လုပ်ဆောင် နေကြတဲ့ နိုင်ငံရေး ပါတီကြီး တွေ အနေနဲ့လည်း မသန်စွမ်း သူတွေ အတွက် သီးသန့် ဦးတည်ပြီး ဘာတွေ လုပ်ဆောင် ပေးမယ် ဆိုတဲ့ ရွေးကောက်ပွဲ ကတိကဝတ် တွေ ပေးတာ မျိုး မတွေ့ရဘူး လို့ ဒါနရှေ့ဆောင်-မြန်မာ အဖွဲ့ ရဲ့ ဥက္ကဌ ဦးချမ်းငြိမ်းအောင် က ဘီဘီစီ ကို ပြောပါတယ်။

ဒါ့အပြင် မသန်စွမ်း သူတွေ အတွက် ရည်ရွယ်ပြီး ရွေးကောက်ပွဲ နေ့ မှာ မဲလာ ထည့် နိုင်ရေး အတွက် အသိ ပညာပေး တာတွေ နဲ့ လိုအပ်တာ တွေ ကို ပြင်ဆင် ပေးတာ မျိုးတွေကိုလည်း အရပ်ဖက် အဖွဲ့အစည်းတွေ အနေနဲ့ လုပ်ဆောင်မှု အားနည်းတယ် လို့လည်း ဦးချမ်းငြိမ်းအောင် က ဆိုပါတယ်။

ဒါနရှေ့ဆောင်-မြန်မာ အဖွဲ့ အနေနဲ့ တနိုင်ငံလုံး အနှံ့ မြို့နယ် ၃၉ မြို့နယ် ထဲမှာ စက်တင်ဘာလ ကနေ အောက်တိုဘာ လကုန် အထိ စောင့်ကြည့် ခဲ့တာ ဖြစ်ပါတယ်။

အဲဒီ့ မြို့နယ်တွေထဲ က တစ်မြို့နယ်ထဲ မှာသာ မသန်စွမ်း ကိုယ်စားလှယ် လောင်း တစ်ဦး ရှိနေပြီး မသန်စွမ်း အခွင့်အရေး အကြောင်း ပြောဆိုတာမျိုး ရှိတယ်လို့ ဦးချမ်းငြိမ်းအောင် က ပြောပါတယ်။

BBC Burmese
http://www.bbc.com/burmese

ပျက်ကျသွားတဲ့ ရုရှားခရီးသည်တင် လေယာဉ်ပေါ် ပါသွားသူတွေအတွက် လွမ်းသူ့ပန်းစည်းများကို တွေ့ရစဉ်။ (နိုဝင်ဘာ ၁၊ ၂၀၁၅)
 အီဂျစ်နိုင်ငံမှာ စနေနေ့က ပျက်ကျသွားခဲ့တဲ့ ရုရှားခရီးသည်တင် ဂျက်လေယာဉ်က မှတ်တမ်းစက်ကို ပြန်လည်တွေ့ရှိခဲ့ပြီး အဲဒီစက်ဟာ အနည်းငယ်သာ ချို့ယွင်းမှုရှိပြီး ကနဦး စစ်ဆေးမှုတွေကို စတင် လုပ်ဆောင်နေပြီလို့ ရုရှားပို့ဆောင်ရေးအရာရှိတွေက ပြောပါတယ်။ လေယာဉ်ပေါ်ပါသွားသူ ၂၂၄ ဦးစလုံး သေဆုံးခဲ့ပါတယ်။

မှတ်တမ်းစက်ထဲမှာရှိနေတဲ့ အချက်အလက်တွေကို ထုတ်ယူစစ်ဆေးပြီးတာနဲ့ မကြာခင်မှာ အဖြေထွက်လာမယ်လို့ ရုရှား ပို့ဆောင်ရေးဝန်ကြီးဌာနက တနင်္လာနေ့မှာ ထုတ်ပြန်တဲ့ ကြေညာချက်မှာ ဖော်ပြထားပါတယ်။

အီဂျစ်နိုင်ငံမှာပျက်ကျခဲ့တဲ့ Airbur ခရီးသည်တင် အငှားလောယာဉ်ဖြစ်တဲ့ Metrojet ရဲ့ ထိပ်တန်းအရာရှိတွေက လေကြောင်းအနေနဲ့ စက်ချို့ယွင်းမှု၊ ဒါမှမဟုတ် လူတွေရဲ့အမှားကြောင့် အခုလို လေယာဉ်ပျက်ကျရခြင်း မဟုတ်ကြောင်း ငြင်းဆိုလိုက်ပြီး မကြာခင်မှာပဲ ပို့ဆောင်ရေးဝန်ကြီးဌာနရဲ့ ကြေညာချက် ထွက်ပေါ်လာတာပါ။

သူတို့အနေနဲ့ အဲဒီလို ဘာကြောင့်ပြောတယ်ဆိုတဲ့အပေါ် သက်သေအထောက်အထားတော့ Metrojet လေကြောင်းလိုင်းက ထုတ်ဖော် ပြသခဲ့ခြင်း မရှိပါဘူး။ Metrojet ရဲ့ အဲဒီလို ပြောဆိုမှုဟာ စောလွန်းနေပြီး တကယ့် အချက်အလက်တွေအပေါ် အခြေခံထားခြင်းမဟုတ်ဘူးလို့ ရုရှား လေကြောင်းဝန်ကြီးဌာနက ပြောပါတယ်။

ရုရှားသမ္မတ Vladimir Putin ကလည်း လေယာဉ်ပျက်ကျမှုကို အသေးစိတ် စုံစမ်းဖို့ တောင်းဆိုထားပါတယ်။

ဗွီအိုအေ (မြန်မာဌာန)
http://burmese.voanews.com


 ကိုကိုကျွန်းမြို့နယ်အတွင်းရှိ ပြည်သူများ အကြောက်တရားကင်းစွာဖြင့် မဲဆန္ဒပြုနိုင်ရန် ရွေးကောက်ပွဲဆိုင်ရာအသိပညာပေးခြင်းကို အမျိုးသားဒီမိုကရေစီအဖွဲ့ချုပ်ဥက္ကဌ ဒေါ်အောင်ဆန်းစု ကြည်က နိုဝင်ဘာ ၃ ရက် ညနေ ၅ နာရီတွင် အသံဖြင့် တိုက်ရိုက်ဟောပြောမည်ဖြစ်ကြောင်း ကိုကိုးကျွန်းမြို့နယ် ပြည်သူ့လွှတ်တော်ကိုယ်စားလှယ်လောင်း ဦးဝင်းမင်းက နိုဝင်ဘာ၂ ရက်တွင် The Ladies သို့ပြောသည်။

“အန်တီက လူကိုယ်တိုင် မလာနိုင်တဲ့အတွက် ဖုန်းနဲ့တိုက်ရိုက်ပြောမှာပါ လူကိုယ်တိုင်ဟောပြောတဲ့ဟောပြောပွဲတွေမှာလိုပဲ အန်တီပြောမှာပါ ပြီးရင် လာနားထောင်တဲ့သူတွေထဲက မေးခွန်းတွေမေးမြန်းချင်လဲမေးမြန်းလို့ရပါတယ်၊ လူကိုယ်တိုင် လုပ်တဲ့ဟောပြောပွဲတွေလိုပဲ မေးခွန်း မေးမြန်းလို့ ရမှာပါ” ဟု ဦးဝင်းမင်းက The Ladies သို့ပြောသည်။

အဆိုပါအသံဖြင့် တိုက်ရိုက်ဟောပြောခြင်းကို ကိုကိုးကျွန်းမြို့နယ် အမျိုးသားဒီမိုကရေစီအဖွဲ့ချုပ် ရုံးတွင် ပြုလုပ်မည်ဖြစ်သည်ဟုလည်း ၎င်းကဆိုသည်။

ကိုကိုကျွန်းမြို့နယ်တွင် မဲဆန္ဒရှင် ၁၅၇၁ ဦးရှိပြီး ရပ်ကွပ်နှစ်ခုသာ ရှိကြောင်း၊ ကိုကိုးကျွန်းသည် ဧက ၃၀၀၀ ခန့် ကျယ်ဝန်းပြီး မြို့မြေက ဧက ၅၀၀ ရှိ၍ တပ်ပိုင်မြေ ဧက ၂၅၀၀ ကျော်ရှိကြောင်း ၊ တားမြစ်နယ်မြေများ တွင် မဲဆွယ်စည်းရုံးခွင့်ရရှိရန်အတွက် ရွေးကောက်ပွဲကော်မရှင်ထံ စာတင် ခဲ့သော်လဲ စစ်ဘက်ဆိုင်ရာ လုံခြုံရေးအရ ကန့်သတ်ထားခြင်းဖြစ် သည် ဟု အကြောင်းပြန်ခဲ့ကြောင်း လည်း ၎င်းကဆိုသည်။

ကိုကိုးကျွန်းမြို့နယ် တွင်မြို့ပေါ် အိမ်ခြေ ၁၃ဝ ခန့်ရှိပြီး မဲပေးနိုင်သူဦးရေ ၃၀၀ခန့်သာရှိကြောင်း ကန့်သတ်နယ်မြေများတွင် မဲပေးနိုင်သူ ဦးရေ တစ်ထောင်ကျော်ရှိကြောင်းသိရသည်။

ကိုကိုကျွန်းမြို့နယ် ပြည်သူ့လွှတ်တော်နှင့် တိုင်းဒေသကြီးလွှတ်တော် တို့တွင် ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီမှ မကြာသေးခင် လပိုင်းကမှ တပ်မတော်မှ အငြိမ်းစားယူပြီး ရွေးကောက်ပွဲ ၀င်သော ကာကွယ်ရေးဦးစီးချုပ် (ရေ) ဦးသူရသက်ဆွေနှင့် ရန်ကုန်တိုင်း နယ်လုံဝန်ကြီး (ငြိမ်း) ဦးတင်ဝင်း တို့က ၀င်ရောက် ယှဉ်ပြိုင်ကြ မည် ဖြစ်သည်။

ဇော်မင်းထွန်း
The Ladies News Journal
https://www.facebook.com/News.TheLadies