11/04/15



စမ်းချောင်းမြို့နယ် ကျွန်းတောတောင် ရပ်ကွက် အတွင်းရှိ မဲရုံအမှတ် ( ၃ ) တွင် ယနေ့ ၃ - ၁၁ - ၁၅ နံနက် ပိုင်းတွင် ကြိူတင်မဲများ စတင်ပေးနေပြီ ဖြစ်ပါသည် ။

အဆိုပါမဲရုံသို့ တိုင်းဒေသကြီး စမ်းချောင်း မဲဆန္ဒနယ်အမှတ် ၂ အဖွဲ့ချုပ်ကိုယ်စားလှယ် ဦးသော်တာအောင် နေ့လည် ၁၂ နာရီခန့်တွင် ရောက်ရှိ သွားသောအခါ ကြိုတင်မဲပုံးသည် ပလပ်စတစ်ကြိုး နှင့်ပိတ်ထားခြင်းမရှိကြောင်း တွေ့ရှိရပါသည် ။

သက်ဆိုင်ရာ ရပ်ကွက်ကော်မရှင်အဖွဲ့ခွဲ အား ဦးသော်တာအောင် မှ အဆိုပါ ကိစ္စရပ်မှာ မဖြစ်သင့်ကြောင်းပြောသောအခါ ပလပ်စတစ်ကြိုးဖြင့် ချည်နှောင်ပိတ်ပေးခဲ့ပါသည်။

စမ်းချောင်းမြို့နယ် အမျိုးသား ဒီမိုကရေစီ အဖွဲ့ချုပ်မှ မြို့နယ်ရွေးကောက်ပွဲ ကော်မရှင်အဖွဲ့ခွဲသို့ အချိန်နှင့်တပြေးညီတည်း အကြောင်းကြား ကန့်ကွက်ခဲ့ပါသည်။ ဖေါ် ပြပါ ပုံအတိုင်း မှတ်တမ်း တင်နိုင်ခဲ့ပါသည် ။

Sanchaung NLD (FB)

ရှမ်းပြည်နယ်မြောက်ပိုင်း၊ တာချီလိတ်မြို့အနီးရှိ ထိုင်း-မြန်မာနယ်စပ် လွယ်တော်ခမ်း ဂိတ်တံခါးကို တွေ့ရစဉ်။ Photo: RFA
 မြန်မာနိုင်ငံမှာ ရွေးကောက်ပွဲမတိုင်ခင် ထိုင်းနယ်စပ် တပ်ခရိုင်အတွင်းက မဲဆောက်၊ ဖုတ်ဖရ၊ မယ် ရမတ်၊ သာဆောင်ရမ်း စီရင်စု တွေမှာရှိတဲ့ သောင်ရင်းမြစ်တလျှောက်က ယာယီကုန်သွယ်ရေးဂိတ်တွေနဲ့ စစ်ဆေးရေးဂိတ်တွေကို နိုဝင်ဘာ ၃ ရက်နေ့ကစပြီး ပိတ်ထားလိုက်တယ်လို့ ဘန်ကောက်ပို့စ်သတင်း ကဖေါ်ပြပါတယ်။

မဲဆောက်နဲ့ မြဝတီကြား ချစ်ကြည်ရေးတံတားမှာရှိတဲ့ တရားဝင်နယ်စပ်ဂိတ်ကိုသာ ဖွင့်ထားတယ်လို့ သိရပါတယ်။ အကျိုးဆက်အနေနဲ့ ချစ်ကြည်ရေးတံတားမှာ အသွားအလာပြည့်ကြပ်သွားပါတယ်။

သောင်ရင်းမြစ်တလျှောက် ယာယီဂိတ်ပေါင်း ၂၀ ၀န်းကျင်ရှိတယ်လို့ ဆိုပါတယ်။

အခုလို ယာယီဂိတ်တွေ ပိတ်လိုက်တာဟာ ရွေးကောက်ပွဲကို တိုင်းရင်းသားလက်နက်ကိုင်အဖွဲ့တချို့က အနှောင့်အယှက်ပြုမှာ စိုးလို့ဖြစ်တယ်လို့ သိရကြောင်း ဘန်ကောက်ပို့စ်က ပြောပါတယ်။

RFA Burmese
http://www.rfa.org/burmese


 အရှေ့တောင်တိုင်း စစ်ဌာနချုပ် အခြေစိုက်တဲ့ မွန်ပြည်နယ်မှာ  တပ်မတော်သားတွေ ပေးရမယ့် ကြိုတင်မဲ ကိစ္စနဲ့ ပတ်သက်လို့ ထင်သာမြင်သာ မရှိတာဟာ  လာမယ့်ရက်ပိုင်းအတွင်း ကျင်းပမယ့် ရွေးကောက်ပွဲ ရလဒ်အတွက် စိုးရိမ်စရာ ဖြစ်နေတယ်လို့  ရွေးကောက်ပွဲ ၀င်ပြိုင်ကြမယ့် နိုင်ငံရေးပါတီ အသီသီးရဲ့ လွှတ်တော်ကိုယ်စားလှယ်လောင်းတွေက ပြောဆိုပါတယ်။

ရွေးကောက်ပွဲကော်မရှင်က နောက်ဆုံးအကြိမ် မဲစာရင်း ထုတ်ပြန်လိုက်တယ်ဆိုပေမဲ့ နာမည်တူ လူပိုစာရင်းတွေ ပါနေတာကြောင့် ရွေးကောက်ပွဲရလဒ်နဲ့ ပတ်သက်လို့ နိုင်ငံရေးပါတီတွေက စိုးရိမ်နေကြပါတယ်။  ဒီအခြေနေကို  ကိုဥာဏ်ဝင်းအောင်က တင်ပြထားပါတယ်။

အရှေ့တောင်တိုင်း စစ်ဌာနချုပ်ရှိတဲ့ မော်လမြိုင်မြို့မှာ မဲပေးပိုင်ခွင့်ရှိတဲ့ အစိုးရတပ်နဲ့ ရဲတပ်ဖွဲ့ဝင်အင်အား ၅,၃၀၀ ကျော်ရှိပြီး လောလောဆယ် ကြိုတင်မဲပေးထားတဲ့ တပ်သားအင်အား ၉၀၀ ကျော် ရှိနေပါတယ်။ ဒီအရေအတွက်ဟာ လက်တွေ့နဲ့ ယှဉ်ကြည့်ရင် သံသယ၀င်စရာတွေ ဖြစ်နေတယ်လို့  ရွေးကောက်ပွဲကော်မရှင်ရုံးမှာ မဲပေးခွင့်ရှိသူ အရေအတွက်ကို သွားရောက်စစ်ဆေးခဲ့တဲ့ NLD ပါတီ မော်လမြိုင်မြို့နယ် မဲဆန္ဒ (၂) အမျိုးသားလွှတ်တော်ကိုယ်စားလှယ် ဒေါ်နွယ်နွယ်အောင်က ဗွီအိုအေကို ရှင်းပြပါတယ်။

“မော်လမြိုင်မှာဆိုရင် နယ်မြေ (၂) မှာပဲ တပ်ကရှိတာကိုး။ အဲတော့ (၂) မှာပဲ တပ်နဲ့ရဲက များပါတယ်။ များတဲ့အခါကျတော့ ကျမရဲ့ မဲစာရင်းအရဆိုရင် ဆန္ဒမဲပေးမယ့်သူစာရင်းပေါ့နော် စုစုပေါင်း ၅၃၃၁ မဲ ရှိပါတယ်။ အဲဒီမှာက ကြိုတင်မဲပေးတဲ့သူက ၉၁၇ မဲရှိတယ် တပ်က။ ဆိုတော့ နည်းနည်းတော့ များနေတယ်လို့ ကျမ အဲ့လိုတွက်တယ်။ အဲဒီမှာ ခရီးသွားတွေ၊ နောက် သင်တန်းသွားတက်တယ်ဆိုရင် အဲလောက် မများလောက်ဘူးလို့ ကျမကတော့ တွက်ထားတယ်ပေါ့နော်။ နောက်တခုက တပ်မှာကလည်း ဒီလူဟာ တကယ်ရှိတယ်၊ မရှိဘူး၊ တကယ်ပဲ ခရီးထွက်သွားတယ်၊ မထွက်သွားဘူးဆိုတာ ကျမတို့ ၀င်စစ်ခွင့်မရှိဘူး။”

မွန်ပြည်နယ် ရေးမြို့မှာ မဲရုံပေါင်း ၅၈ ရုံရှိပြီး အဲဒီထဲက တပ်တွင်းမဲရုံတချို့မှာ တပ်မတော်သားတွေ မဲပေးကြရမှာပါ။ ဒါပေမဲ့ ဘယ်မဲရုံမှာ ဘယ် တပ်မတော်သားတွေ မဲလာပေးရမလဲဆိုတဲ့ စာရင်းကို ရွေးကောက်ပွဲကော်မရှင်က နောက်ဆုံးထုတ်ပြန်တဲ့ မဲစာရင်းထဲမှာ ဖော်ပြထားတာ မရှိဘူးလို့ မွန်အမျိုးသားပါတီရဲ့ ရေးမြို့နယ် မဲဆန္ဒနယ် (၁) ပြည်နယ်လွှတ်တော်ကိုယ်စားလှယ်လောင်း ဒေါက်တာမင်းစိုးလင်းက ပြောပါတယ်။

“မနေ့က ရေးကော်မရှင်အဖွဲ့ခွဲကနေ စီဒီတခွေ ကျနော်ရလာတယ်။ တပ်တွေရဲ့ မဲပေးပိုင်ခွင့်နေရာတွေက မပါလာဘူး။ ကျနော်တို့ဆီမှာ တပ်မကနေ တပ်ရင်း ၁၀ ရင်းလောက်ရှိတယ်။ သူတို့ မဲ ဘယ်လောက် ပေးပိုင်ခွင့် ရှိတယ်ဆိုတာ အဲဒီစီဒီခွေထဲမှာ မပါဘူး။ ပါ မလာတဲ့အခါကျတော့ ကြိုတင်မဲလား၊ မဲပေးမယ့်မဲလား ဘယ်လောက်တက်လာမလဲလို့ ကျနော်တို့ စိုးရိမ်စရာ ဖြစ်နေပါတယ်။ ဒီနေ့ ကျနော်တို့ ကော်မရှင်ကို ထပ်မေးဖို့ အစီအစဉ်ရှိပါတယ်။”

မော်လမြိုင်မြို့က မဲစာရင်းတွေမှာ အခုချိန်ထိ နာမည်တူ လူပိုစာရင်းတွေ ပါနေတာကြောင့် ရွေးကောက်ပွဲရလဒ်အတွက် စိုးရိမ်မိတယ်လို့ NLD ပါတီရဲ့ ဒေါ်နွယ်နွယ်အောင်က ပြောပါတယ်။

“၅-၁ မဲရုံ ၁ ကို ရှာတဲ့အခါကျတော့ အဲဒီမှာ လူ ၁၈၀၀ ကျော် မဲပေးဖို့ရှိတဲ့အနက်မှာ အနည်းဆုံး ၂၅ ယောက်လောက်က ကျမတို့ နာမည်ထပ်တွေ ပါလာတယ်။ အဖေနာမည်တူတယ်၊ အမေနာမည် မတူဘူး။ မွေးသက္ကရာဇ်တူတယ်။ မှတ်ပုံတင်မှာကျတော့ အရှေ့တလုံး၊ အနောက်တလုံး အဲ့လို လွဲတာတွေရှိတယ်။ ဒါပေမဲ့ မဲရုံ ၂ ကျတဲ့အခါကျတော့ အက္ခရာစဉ်မဟုတ်တော့ဘဲနဲ့ သူက ရောကောသောကော လုပ်လိုက်တယ်။ အိမ်အလိုက်လည်းမဟုတ်ဘူး။ အိမ်ထောင်စုလိုက်လည်း မဟုတ်ဘူး။ အက္ခရာစဉ်လိုက်လည်း မဟုတ်ဘူး။ နာမည်တွေကိုလည်း အကုန်လုံး ရောမွှေထားတော့ ကျမတို့ မဲရုံ ၂ ကျတော့ တော်တော်ရှာရခက်နေတယ်။ အဲ့လို အနေအထားရှိတယ်။”

မွန်အမျိုးသားပါတီ MNP ရဲ့ အမှတ်သင်္ကေတဟာ အနီရောင်နောက်ခံမှာ ကြယ်ဖြူနဲ့ ပျံသန်းနေတဲ့ ဟင်္သာအ၀ါရောင် ဖြစ်ပေမဲ့ ရွေးကောက်ပွဲကော်မရှင်က ရိုက်ထားတဲ့ မဲလက်မှတ်မှာ ကြယ်ဝါတွေ ဖြစ်နေတာကြောင့် မဲပေးမယ့်ဒေသခံတွေကို ရှုပ်ထွေးမှုဖြစ်ကြောင်း ဒေါက်တာမင်း စိုးလင်းက ပြောပါတယ်။

“ကျနော်တို့က တောက်လျှောက် မဲဆွယ်စည်းရုံးတဲ့ကာလတွေမှာ ကျနော်တို့ရဲ့ logo ကျနော်တို့ရဲ့ အမှတ်တံဆိပ်ပေါ့နော် အဲဒါ ဟင်္သာ ကြယ်ဖြူလို့ တောက်လျှောက် ပညာပေးခဲ့ပါတယ်။ အခု ဒီရက်ပိုင်းအတွင်းမှာ အဲဒီ ကြယ်ဖြူနေရာမှာ ကြယ်က မဖြူတော့ဘဲနဲ့ အ၀ါဖြစ်လာတယ်။ အဲဒါ ကျနော်တို့မှာ အများကြီး အနှောင့်အယှက်ဖြစ်ပါတယ်။ ကျနော်တို့ ဒေသမှာရှိတဲ့ ပြည်သူအများစုက သူတို့က မျက်စိမကောင်းတာတို့၊ စာမတတ်တာတို့ အဲဒါမျိုး အခက်အခဲရှိတယ်။ အခက်အခဲရှိတဲ့အခါကျတော့ ကျနော်တို့ရဲ့ ဟင်္သာကြယ်ဖြူက ဟင်္သာကြယ်အ၀ါ ဖြစ်တဲ့အခါကျတော့ နည်းနည်းတော့ အနည်းနဲ့အများတော့ တွေဝေတာပေါ့နော်။ ကျနော်တို့ ဟင်္သာကလည်း ကျနော်တို့ ပေးထားတဲ့အတိုင်း မဟုတ်ဘဲနဲ့ အ၀ါရောင် ပိုပြီးတော့ သန်းလာတယ်။”

မွန်ပြည်နယ်မှာ NLD ပါတီနဲ့ ပြည်ခိုင်ဖြိုးပါတီက လွှတ်တော်ကိုယ်စားလှယ်လောင်း အရေအတွက် အများဆုံး ၀င်ပြိုင်ကြပြီး မွန်အမျိုးသားပါတီက ၀င်ရောက်ယှဉ်ပြိုင်သူဦးရေ တတိယနေရာမှာ ရှိတယ်လို့ သိရပါတယ်။

ကိုဉာဏ်ဝင်းအောင် / ဗွီအိုအေ (မြန်မာပိုင်း)
http://burmese.voanews.com

 ​ကျေး​ရွာ​ပေါင်း ၁၅၀​နီး​ပါး​က ​ပြည်​သူ​တွေ ၂၀၁၅ ​ရွေး​ကောက်​ပွဲ​မှာ ​မဲ​ပေး​ခွင့် ​မ​ရ​ကြ​တော့
KNU ​အ​ပါ​အ​ဝင် ​က​ရင် ​လက်​နက်​ကိုင် ​အ​ဖွဲ့​တွေ NCA ​တ​နိုင်​ငံ​လုံး ​အ​ပစ်​အ​ခတ် ​ရပ်​စဲ​ရေး ​လက်​မှတ် ​ရေး​ထိုး​တာ ​အ​ချိန် ​နည်း​နည်း ​နောက်​ကျ​သွား​တဲ့​အ​တွက် ​က​ရင်​ပြည်​နယ်၊ ​ကော့​က​ရိတ် ​ခ​ရိုင်​ရဲ့ ​မြို့ ​နယ် ၂​ခု ​အ​တွင်း​က ​ရွာ​ပေါင်း ၁၅၀ ​နီး​ပါး​က ​ပြည်​သူ​တွေ ​အ​ခု​ရွေး​ကောက်​ပွဲ​မှာ ​မဲ​ပေး​ခွင့် ​မ​ရ​ကြ​တော့​ဘူး​လို့ ​သိ​ရ​ပါ​တယ်။

မဲ​ပေး​ခွင့် ​မ​ရ​လိုက်​တဲ့ ​ကျေး​ရွာ​တွေ​က​တော့ ​ကော့​က​ရိတ်​ခ​ရိုင် ​ကော့​က​ရိတ် ​မြို့​နယ်​က ​ကျေး​ရွာ​အုပ်​စု ၇ ​စု​နဲ့ ​ကြာ​အင်း​ဆိပ်​ကြီး ​မြို့​နယ်​ထဲ​က ​ကျေး​ရွာ​အုပ်​စု ၃၈ ​စု ​အောက်​က ​ကျေး​ရွာ ၁၅၀ ​နီး​ပါး​မှာ ​ဖြစ်​တယ်​လို့ ​ကော့​က​ရိတ် ​ခ​ရိုင်​ရွေး​ကောက်​ပွဲ ​ကျင်း​ပ​ရေး ​ကော်​မ​ရှင်​က ​ပြော​ပါ​တယ်။

အဲ​ဒီ​ဒေ​သ​တွေ​မှာ ​ရွေး​ကောက်​ပွဲ ​ကျင်း​ပ​ဖို့​အ​တွက် ​လုံ​ခြုံ​ရေး​အ​ရ ​မ​ဖြစ်​နိုင်​သေး​ဘူး​လို့ ​က​ရင် ​လက်​နက်​ကိုင် ​အ​ဖွဲ့​အ​စည်း​တွေ ​ကိုယ်​တိုင်​က ​အ​စော​ပိုင်း​က ​ပြော​ခဲ့​တဲ့​အ​ကြောင်း​နဲ့ NCA ​တ​နိုင်​ငံ​လုံး ​အ​ပစ်​အ​ခတ် ​ရပ်​စဲ​ရေး ​လက်​မှတ် ​ရေး​ထိုး​ပြီး​တဲ့ ​နောက်​ပိုင်း​မှာ ​က​ရင် ​လက်​နက်​ကိုင် ​အ​ဖွဲ့​အ​စည်း​တွေ​က ​အဲ​ဒီ ​နှစ်​မြို့ ​နယ်​က ​ကျေး​ရွာ​အုပ်​စု ၄၅ ​စု​မှာ ​ရွေး​ကောက်​ပွဲ ​ကျင်း​ပ​လို​တယ်​လို့ ​ပြော​လာ​ပေ​မယ့် ​အ​ချိန် ​နောက်​ကျ​သွား ​ပြီ​ဖြစ်​ကြောင်း ​ကော့​က​ရိတ် ​ခ​ရိုင်​ရွေး​ကောက်​ပွဲ ​ကော်​မ​ရှင် ​ဥ​က္က​ဋ္ဌ ​ဦး​ခင်​မောင်​က ​ဘီ​ဘီ​စီ​ကို ​ပြော​ပါ​တယ်။

နှစ်​ပေါင်း ၆၀ ​ကျော် ​ကြာ​ခဲ့​ပြီ ​ဖြစ်​တဲ့ ​ပြည်​တွင်း​စစ်​ကို KNU ​ခေါင်း​ဆောင်​ပိုင်း ​အ​တော်​များ​များ​က ​အ​ဆုံး​သတ်​ချင် ​နေ​ကြ​ပေ​မယ့် ​တ​ချိန်​ထဲ​မှာ​ပဲ ​အ​ပစ်​ရပ်​ရေး ​လက်​မှတ်​ရေး​ထိုး​တာ​အ​ပေါ် ​သ​ဘော​ထား ​အ​မြင် ​မ​တူ​သူ​တွေ​လည်း ​ရှိ​နေ​တယ်​လို့ KNU ​က ​ဗိုလ်​မှူး​ကြီး​ဖေါ​ဒို့​က ​ပြော​ပါ​တယ်။

လော​လော​ဆယ်​မှာ​တော့ ​က​ရင်​ပြည်​နယ် ​အ​တွင်း ​စစ်​ဖြစ်​နေ​တဲ့ ​ဒေ​သ​က ​က​ရင်​လူ​ထု​တွေ​ဟာ ​အ​ပစ်​အ​ခတ် ​ရပ်​စဲ​ရေး ​လက်​မှတ်​ထိုး​နိုင်​တဲ့ ​အ​ထိမ်း​အ​မှတ် ​အောင်​ပွဲ​တွေ​ကို ​ကျင်း​ပ​နေ​ကြ​ပါ​တယ်။

BBC Burmese
http://www.bbc.com/burmese


ဗမာနိုင်ငံလုံးဆိုင်ရာ ကျောင်းသားသမဂ္ဂများ အဖွဲ့ချုပ်မှ ကျောင်းသားခေါင်းဆောင်တစ်ဦးဖြစ်သည့် ဂျိမ်း(ခေါ်) ကိုလင်းထက်နိုင်အား ယနေ့ (နိုဝင်ဘာ ၃ ရက်) မွန်းလွဲ ၃နာရီကျော်ခန့်က ရွှေပြည်သာမြို့နယ်သို့ သွားသည့် ၄၈ယာဉ်ပေါ်တွင် ရဲတပ်ဖွဲ့က ဖမ်းဆီး ခေါ်ဆောင်သွားကြောင်း သိရသည်။

ကိုလင်းထက်နိုင် ဖမ်းဆီးခံခဲ့ရခြင်းကို ဗကသများ အဖွဲ့ချုပ် (ဗဟိုလုပ်ငန်းကော်မတီ) သတင်းနှင့် ပြန်ကြားရေးက ယနေ့ ညပိုင်းတွင် အတည်ပြု ပြောကြားခဲ့ပါသည်။

ကိုလင်းထက်နိုင်သည် ဗကသများ အဖွဲ့ချုပ် အထွေထွေအတွင်းရေးမှူး မဖြိုးဖြိုးအောင်၏ ခင်ပွန်းဖြစ်ပြီး ဖမ်းဝရမ်းထုတ်ခံထားရသော ကျောင်းသားခေါင်းဆောင်တစ်ဦးလည်း ဖြစ်ပါသည်။

ထိုကဲ့သို့ ဖမ်းဆီးခံရခြင်းကိစ္စနှင့် ပတ်သက်၍ ၄င်း၏ မိခင်ဖြစ်သူအား ဆက်သွယ်မေးမြန်းခဲ့ရာတွင် ညနေ ၃နာရီအထိ အဆက်အသွယ်ရရှိခဲ့ကြောင်းနှင့် ယင်းအချိန်နောက်တွင် အဆက်အသွယ်မရရှိတော့ဟု ဆိုပါသည်။

ထို့ကြောင့် နိုဝင်ဘာ ၃ရက် (ယနေ့) ည ၁၀နာရီ မိနစ် ၅၀ခန့်က ရွှေပြည်သာမြို့မရဲစခန်းမှ ရဲမှူး သိန်းဝင်းအား ဆက်သွယ်မေးမြန်းခဲ့သော်လည်း အစည်းအဝေးလုပ်နေသဖြင့် စခန်းသို့ ဆက်သွယ်ရန် ပြန်လည်ဖြေကြားခဲ့သည်။

ထို့နောက် ရွှေပြည်သာမြို့မရဲစခန်းသို့ ဆက်သွယ်မေးမြန်းရာတွင် တာဝန်မှူးဖြစ်သူကို မေးမြန်းပေးမည်ဟု ပြန်လည်ပြောဆိုခဲ့ပြီး ထပ်မံဆက်သွယ်ရာတွင် အဆက်အသွယ် မရရှိတော့ပေ။ ထို့အပြင် အခြားသက်ဆိုင်ရာ ရဲတပ်ဖွဲ့များသို့ မေးမြန်းသော်လည်း အတည်ပြုနိုင်ခြင်း မရှိဘဲ ကိုလင်းထက်နိုင်အား မည်သည့်နေရာသို့ ခေါ်ဆောင်သွားသည်ကို မသိရှိရသေးပါ။

အမျိုးသား ပညာရေး ဥပဒေပြင်ဆင်ရေး ဒီမိုကရေစီ ပညာရေး ပင်မကျောင်းသား သပိတ်စစ်ကြောင်းနှင့် ပတ်သက်ပြီး ရန်ကုန်တွင် ကိုကျော်ကိုကို၊ ကိုရဲရင့်ကျော်(ခ) ကိုကျော်စိုးမိုးနှင့် ကိုမြတ်သူ (ခ) ကိုမြတ်သူအောင် မန္တလေးတွင် ကိုအောင်မျိုးလှိုင်၊ ကိုရဲရင့်ပိုင်မှူး၊ မိထ္ထီလာတွင် ကိုမြတ်မင်းသူ၊ မြင်းခြံတွင် ကိုမိုးစက်၊ ကိုဇော်လင်းအောင် တို့ကို တရားခံပြေး အဖြစ် သတ်မှတ်ထားကြောင်းသိရှိရပါသည်။

ထိုသို့ ဖမ်းဝရမ်း ထုတ်ခံခဲ့ရ သူများအနက် ပြီးခဲ့သည့် အောက်တိုဘာ ၂၉ရက်တွင် ဗကသများ အဖွဲ့ချုပ် (ဗဟိုလုပ်ငန်းကော်မတီ) ဥက္ကဋ္ဌ ကိုကျော်ကိုကိုအား ဖမ်းဆီးလိုက်ပြီး ကိုလင်းထက်နိုင်မှာ ဒုတိယမြောက်ဖမ်းဆီးခံရသူ ဖြစ်ပါသည်။

ကိုလင်းထက်နိုင်၏ ဇနီး မဖြိုးဖြိုးအောင်သည် မတ်လ ၁၀ရက်က လက်ပံတန်းတွင် ဒီမိုကရေစီပညာရေး ပင်မသပိတ်စစ်ကြောင်း ဖြိုခွင်းခံခဲ့ရမှု၌ ဖမ်းဆီး ထိန်းသိမ်းခံခဲ့ရသူ တစ်ဦး ဖြစ်ကာ လက်ရှိအချိန်တွင် သာယာဝတီ အကျဉ်းထောင်၌ ထိန်းသိမ်းခံထားရပြီး တရားရင်ဆိုင်နေရဆဲဖြစ်သည်။

ကိုလင်းထက်နိုင်နှင့် မဖြိုးဖြိုးအောင်တို့သည် ၂၀၁၅ ခုနှစ် ဇန်န၀ါရီလက လက်ထပ်ခဲ့ပြီး နှစ်လကျော်အကြာတွင် ဒီမိုကရေစီ ပညာရေး တောင်းဆို လှုပ်ရှားမှုဖြင့် မဖြိုးဖြိုးအောင်က ဖမ်းဆီးခံခဲ့ရခြင်း ဖြစ်ကာ ဆယ်လကျော်အကြာတွင် ကိုလင်းထက်နိုင် ဖမ်းဆီးခံခဲ့ရခြင်း ဖြစ်ပါသည်။

(Photo Credit to Lin Htet Naing Facebook)
Eleven Media Group

wa-map-620.jpg
 ရှမ်းပြည်နယ်အရှေ့မြောက်ပိုင်း ဝ အထူးဒေသရဲ့ မြို့တော် ပန်ဆန်းရဲ့ တည်နေရာကိုတွေ့ရစဉ်

အပစ်အခတ်ရပ်စဲရေး သဘောတူစာချုပ် (NCA) မှာ လက်မှတ်ရေးထိုးဖို့ ကျန်နေတဲ့ တိုင်းရင်းသားလက်နက်ကိုင် အဖွဲ့ (၁၁) ဖွဲ့ရဲ့ ထိပ်သီးခေါင်းဆောင်များ အစည်းအဝေးကို ရှမ်းပြည်နယ်အရှေ့မြောက်ပိုင်း ဝ အထူးဒေသရဲ့ မြို့တော် ပန်ဆန်းမှာ နိုဝင်ဘာလ (၁) ရက်နေ့ကနေ (၃) ရက်နေ့ထိ ပြုလုပ်ခဲ့ပါတယ်။

ဆွေးနွေးပွဲရဲ့ ဒီကနေ့ နောက်ဆုံးနေ့မှာတော့ တက်ရောက်လာကြတဲ့ တိုင်းရင်းသား လက်နက်ကိုင် အဖွဲ့ခေါင်းဆောင်တွေက အချက်(၇) ချက်ပါတဲ့ ကြေညာချက်တစောင်ကို ထုတ်ပြန်တောင်းဆိုလိုက်ပါတယ်။

၂ဝ၁၅ အထွေထွေရွေးကောက်ပွဲကြီးကို ကုလသမဂ္ဂအပါအဝင် နိုင်ငံတကာအဖွဲ့အစည်းများရဲ့ ကြီးကြပ်မှုအောက် မှာ ပွင့်လင်းမြင်သာပြီး တရားမျှတမှုရှိစွာနဲ့ တရားမျှတမှုရှိစွာ ကျင်းပဖို့ တိုက်တွန်းကြောင်းအပါဝင် အစိုးရစစ် တပ်တွေရဲ့ ထိုးစစ်တွေ ရပ်တန့်ပေးဖို့ တောင်းဆိုကြောင်း ကြေညာချက်မှာ ဖော်ပြထားပါတယ်။

ပဋိပက္ခတွေကို လက်နက်အင်အားအသုံးပြု ဖြေရှင်နေတာကို ကန့်ကွက်ကြောင်း၊ နိုင်ငံရေးနည်းလမ်းနဲ့ ဖြေရှင်း သွားသင့်ကြောင်း၊ အထွေထွေရွေးကောက်ပွဲပြီးနောက် ပေါ်ထွက်လာမယ့် အစိုးရသစ်နဲ့ ပူးပေါင်းပါဝင် ပြီး နိုင်ငံလုံးဆိုင်ရာ နိုင်ငံရေးဆွေးနွေးပွဲကြီးကို အမြန်ဆုံးဖော်ဆောင်ဖို့ ဆန္ဒရှိကြောင်း၊ တန်းတူရေးနဲ့ ကိုယ်ပိုင်ပြဌာန်းခွင့်ကို အခြေခံတဲ့ ဖယ်ဒရယ်ပြည်ထောင်စု တည်ဆောက်ရေးကို မဖြစ်မနေဖော်ဆောင်သွားရေး တိုက်တွန်းကြောင်း ရေးသားထားပါတယ်။

ဒါ့အပြင်မြန်မာနိုင်ငံ မြောက်ပိုင်းနဲ့ အရှေ့မြောက်ပိုင်းမှာ ဖြစ်ပွားနေတဲ့ စစ်ရေးပဋိပက္ခကို ဖြေရှင်းဖို့၊ တရုတ်-မြန်မာနယ်စပ်တလျှောက် ငြိမ်းချမ်းရေးနဲ့ တည်ငြိမ်ရေး ပြန်လည်ရရှိစေရေးအတွက် အမြန်ဆုံးဖော်ဆောင်သွားသင့်ကြောင်း၊၂ဝဝ၈ ဖွဲ့စည်းပုံအခြေခံ ဥပဒေပြင်ဆင်ရေးကို မဖြစ်မနေ ဆက်လက်လုပ်ဆောင်သွားဖို့လိုအပ်ကြောင်း စတဲ့အချက်တွေကိုလည်း တောင်းဆိုထားပါတယ်။

UWSA ဝ တပ်ဖွဲ့ထိန်းချုပ်ရာ ပန်ဆန်းမြို့မှာ ၃ ရက်ကြာ ကျင်းပခဲ့တဲ့ ညီလာခံကို ကချင် လွတ်မြောက်ရေးအဖွဲ့ KIO၊ ရှမ်းပြည်တိုးတက်ရေးပါတီ၊ ရှမ်းပြည်တပ်မတော်(မြောက်ပိုင်း) SSPP/SSA၊ မွန်ပြည်သစ်ပါတီ NMSP၊ ကရင်နီ အမျိုးသားတိုး တက်ရေးပါတီ KNPP၊ အမျိုးသားဒီမိုကရက်တစ် မဟာမိတ်တပ်ပေါင်းစု NDAA၊ မြန်မာအမျိုးသား ဒီမိုကရေစီ မဟာမိတ်တပ်မတော် MNDAA ကိုးကန့်တပ်ဖွဲ့၊ ပလောင် (တအာင်း) အမျိုးသားလွတ်မြောက်ရေး တပ်မတော် TNLA၊ ရက္ခိုင့်တပ်မတော် AA၊ ကရင်အမျိုးသား ကာကွယ်ရေးအဖွဲ့ KNDO နဲ့ ကယန်းပြည်သစ်ပါတီ KNLP အဖွဲ့ ခေါင်းဆောင်တွေ တက်ရောက်ခဲ့ကြပါတယ်။

RFA

 students-aungsanmhine-620.jpg သာယာဝတီအကျဉ်းထောင်မှာ ဖမ်းဆီးခံထားရတဲ့ ကျောင်းသားကျောင်းသူနဲ့ ဝန်းရံသူတွေကို နိုဝင်ဘာလ ၃ ရက်နေ့က တွေ့ရစဉ်-
Photo: Kyaw Zaw Win/ RFA

သာယာဝတီအကျဉ်းထောင်မှာ ဖမ်းဆီးခံထားရတဲ့ ကျောင်းသားကျောင်းသူနဲ့ ဝန်းရံသူ စုစုပေါင်း ၅၄ ဦးကို ဒီနေ့ သာယာဝတီခရိုင်တရားရုံးမှာ ရုံးထုတ်ပြီး ဖမ်းဆီးခံထားရတဲ့ ကျောင်းသား ကိုအောင်စည်သူကို အာမခံပေး လိုက်ပါတယ်။

ကျန်းမာရေးမကောင်းတဲ့အတွက် ဆေးရုံရဲ့ ထောက်ခံချက်တင်ပြပြီး ငွေကျပ် သိန်းငါးဆယ်နဲ့ အာမခံရရှိခဲ့ တာဖြစ်တယ်လို့ ဗကသ ကျောင်းသား ကိုအောင်စည်သူက ပြောပါတယ်။

"ကျန်မာရေးကြောင့်ပေါ့နော် ကျန်မာရေးကိုမှဘယ်လိုပြောရမလဲ၊ ဆေးရုံရဲ့ထောက်ခံချက်နဲ့ပေါ့ နောက် အပတ်မှာလည်း ၆ ရက်နေ့မှာလည်း ပြရမှာဖြစ်တဲ့အတွက် ဒီလိုပေးတယ်ပေါ့၊ ဟိုအပတ်က ၂ဝ ရက်နေ့ရုံးချိန်းတုန်းက အပေါ့သွားတာ အိမ်သာခန်းထဲမှာ လျော်လဲတုန်းက မျက်နှာနဲ့ သမံတလင်းနဲ့ ရိုက်မိတယ်၊ အခုအပတ်ထဲမှာ ကျနော်တစ်ယောက်တည်း ရတယ်ဆိုပြီးတော့ပေါ့နော် ကျန်တဲ့အထဲက လူတွေကိုလည်း အချုပ်လွတ်မှုရင်ဆိုင်ခွင့် ကျနော်တို့ကို ပေးသင့်တယ်ပေါ့ အာမခံနဲ့"

ဒီနေ့ ရုံးထုတ်မှာ အမှုကို စစ်ဆေးခြင်းမရှိဘဲ လာမယ့် နိုဝင်ဘာလ ၁၁ ရက်နေ့ကို ရုံးချိန်းသတ်မှတ်ပေး လိုက်ပါတယ်။

အခုဆိုရင် သာယာဝတီအကျဉ်းထောင်ထဲမှာ နိုင်ငံရေးအကျဉ်းသားတွေကို လွှတ်ပေးဖို့အတွက် အစာငတ်ခံ ဆန္ဒပြနေတဲ့ ကျောင်းသားနဲ့ ဝန်းရံသူ စုစုပေါင်း ၇ ဦးအထိ ရှိပြီဖြစ်ပါတယ်။

ပြီးခဲ့တဲ့ မတ်လ ၁ဝ ရက်နေ့က လက်ပံတန်းကျောင်းသားသပိတ်စစ်ကြောင်း အကြမ်းဖက်ဖြိုခွဲခံရ ပြီးနောက် ကျောင်းသားကျောင်းသူနဲ့ ဝန်းရံသူ ၁၂၇ ဦး ဖမ်းဆီးခဲ့ပြီးနောက် အာမခံနဲ့ လွတ်မြောက် လာသူတွေရှိတဲ့အတွက် လက်ရှိ သာယာဝတီအကျဉ်းထောင်မှာ ၅၃ ဦး ကျန်နေပါတယ်။

နိုင်ငံတော်အကြည်ညိုပျက်စေမှု၊ ဥပဒေမဲ့အစုအဖွဲ့မှာပါဝင်မှု စတဲ့ ပုဒ်မ ၅ ခုနဲ့ အမှုရင်ဆိုင်နေရသူ ၇ဝ ရှိပြီး သူတို့အားလုံကို စွဲဆိုထားတဲ့ အမှုတွေကို ပယ်ဖျက်ပေးဖို့အတွက် သူတို့ရဲ့ရှေ့နေက ပဲခူးတိုင်းတရားလွှတ်တော်ထံ တင်ပြထားပါတယ်
RFA
http://www.rfa.org/burmese/news/students-under-hunker-strikes-prison-11032015115726.html

maungtaw-singboard-620.jpg
ရခိုင်ပြည်နယ် မောင်တောမြို့ ကိုတွေ့ရစဉ်
Photo:Min Thein Aung/RFA

ရခိုင်ပြည်နယ် မောင်တောမြို့နယ်ကနေ ပြည်နယ်လွှတ်တော် ကိုယ်စားလှယ်လောင်းအဖြစ် ဝင်ရောက်ယှဉ်ပြိုင် မယ့် ဦးခင်ဇော်မြင့်ကို ကိုယ်စားလှယ်လောင်းအဖြစ်ကနေ ပယ်ဖျက်ပေးဖို့အတွက် မောင်တောမြို့ ဒေသခံ ၂ဝဝ လောက်က ဒီနေ့ ဆန္ဒပြတောင်းဆိုကြပါတယ်။

ဦးခင်ဇော်မြင့် ကိုင်ဆောင်ထားတဲ့ နိုင်ငံသားမှတ်ပုံတင်ထဲမှာ ကမန်လူမျိုးလို့ ပါရှိပေမယ့် သူ့ရဲ့မိဘတွေနဲ့ သူ့ရဲ့အိမ်ထောင်စုစာရင်းကို စစ်ကြည့်ရာမှာ ကမန်လူမျိုးမဟုတ်တာကို တွေ့ရတဲ့အတွက် ကန့်ကွက်တာ လို့ မောင်တောမြို့နယ် ရခိုင်လူမှုကွန်ရက်အဖွဲ့ဝင် ဦးစိန်လှဖြူက ပြောပါတယ်။

"ကမန်လွှတ်တော်အမတ်ကို ကျနော်တို့ကနေပြီးတော့ ဟုတ် မဟုတ်ဆိုပြီး သူတို့ မွေးရာဇာတိ၊ သူ့ရဲ့ အိမ်ထောင်စုစာရင်းကို လိုက်ကြည့်တဲ့အချိန်ခါ ကုလားအဖြစ် ဖြစ်နေတဲ့အချိန်မှာ ပြည်ထောင်စုအစုအစိုးရက အမြန်ဆုံးဖြေရှင်းပေးပါဆိုပြီး ကျနော်တို့ တောင်းဆိုတယ်"

ဦးခင်ဇော်မြင့်ဟာ အစ္စလာမ်ဘာသာဝင်အများစုနဲ့ ဖွဲ့စည်းထားတဲ့ ဒီမိုကရေစီနဲ့ လူ့အခွင့်အရေးပါတီရဲ့ ပြည်နယ် လွှတ်တော် ကိုယ်စားလှယ်လောင်းဖြစ်ပြီး အဲ့ဒီပါတီက ကိုယ်စားလှယ်လောင်း ၁၈ ယောက်တင်ရာမှာ ကော်မရှင် က ၃ ယောက်ကို ခွင့်ပြုခဲ့တာဖြစ်ပါတယ်။

ဦးခင်ဇော်မြင့်ကတော့ သူ့ကို ကမန်တိုင်းရင်းသား ဟုတ်၊ မဟုတ်ဆိုတာ ပြည်ထောင်စု ရွေးကောက်ပွဲကော်မရှင်က အသေအချာစိစစ်ပြီးမှ ခွင့်ပြုပေးခဲ့တာဖြစ်တယ်လို့ ပြောပါတယ်။

"ရွေးကောက်ပွဲမရှင်ကပဲ ကျနော်ကို ခွင့်ပြုပြီးထားပြီးသားပဲခင်ဗျ၊ ဒါတွေအားလုံးက စိစစ်ပြီးတော့မှပဲကိစ္စ ခွင့်ပြုထားတာဖြစ်တဲ့အတွက် ကန့်ကွက်မှုတွေကတော့ ဘယ်လိုပဲဖြစ်ဖြစ် ရှိမှာပဲပေါ့လေ၊ ကျနော် ခရိုင်ကော်မရှင်မှာကတည်းကလည်း ဒီလိုပဲ ကန့်ကွက်ခဲ့တာရှိတယ်လေ၊ ခရိုင်ကော်မရှင်မှာအတိုင်း အဲ့ဒီမှာ ကန့်ကွက်ထားတာရှိတယ်၊ ကန့်ကွက်ထားတဲ့ဟာကို ကျနော်အနေနဲ့ ပြန်ပြီးတော့ ပြည်နယ်တွေကို အယူခံတင်တယ်၊ တင်တဲ့အခါကျတော့ ပြည်နယ်ကလည်း အဲ့ဒီလိုမျိုး အယူခံတင်တာကို ပယ်ချထားတယ် ၊ နောက်ပြီးတော့မှ ကျနော်အနေနဲ့ ပြည်ထောင်စုရွေးကောက်ပွဲကော်မရှင်ကို ပြန်ပြီးတော့တင်တဲ့အခါကျတော့ ခွင့်ပြုပေးထားတာပါ"

ရခိုင်ပြည်နယ် စစ်တွေ၊ ဘူးသီးတောင်၊ မောင်တော စတဲ့မြို့နယ်တွေမှာ ဝင်ရောက်ယှဉ်ပြိုင်မယ့် ဒီမိုကရေစီနဲ့ လူ့အခွင့်အရေးပါတီ လွှတ်တော်ကိုယ်စားလှယ်လောင်းတွေကို မြို့နယ်၊ ခရိုင်ရွေးကောက်ပွဲကော်မရှင် အဖွဲ့တွေက ပယ်ချခဲ့တာကြောင့် အယူခံဝင်ခဲ့တဲ့အတွက် မောင်တောမြို့နယ်က ဦးခင်ဇော်မြင့် တစ်ဦးတည်းကို ပြည်ထောင် စုရွေးကောက်ပွဲကော်မရှင်က ခွင့်ပြုပေးခဲ့တာဖြစ်ပါတယ်။

ဦးခင်ဇော်မြင့်ဟာ ကမန်လူမျိုးမဟုတ်ဘူးဆိုပြီး ကမန်အမျိုးသား တိုးတက်ရေးပါတီကလည်း ရွေးကောက်ပွဲကော် မရှင်ထံ ကိုယ်စားလှယ်လောင်းအဖြစ်ကနေ ပယ်ဖျက်ပေးဖို့ တင်ပြထားတယ်လို့ သိရပါတယ်။
RFA
http://www.rfa.org/burmese/news/maungtaw-candidate-khinzawmyint-protest-11032015113025.html

ရန်ကုန်မြို့  ပြည်သူ့ ဆေးရုံကြီးမှာ တက်ရောက် ကုသနေတဲ့ NLD အမတ်ဦးနိုင်ငံလင်းရဲ့ လူနာခန်းကို နိုဝင်ဘာလ ၃ ရက်နေ့  နံနက် ၅ နာရီ ၃၀ မိနစ်ခန့် က လူစိမ်းတဦး ၀င်ရောက်လာပါတယ်။

လူနာစောင့် တစ်ဦးရဲ့ အော်ဟစ် သတိပေးမှုကြောင့် အဆိုပါလူစိမ်းမှာ ထွက်ပြေးသွားကြောင်း၊ လိုက်လံဖမ်းဆီးသော်လည်း ဖမ်းဆီးရမိခြင်း မရှိကြောင်း အမျိုးသား ဒီမိုကရေစီ အဖွဲ့ ချုပ်က သတင်းထုတ်ပြန်ထားပါတယ်။



ရွေးကောက်ပွဲတွင် အသုံးပြုမည့် မဲပြားများကို အဝါရောင် အသုံးပြုထားခြင်းကြောင့် ပါတီများ၏ အမှတ်တံဆိပ်တွင် အဖြူရောင် ပါရှိလာမည်ဆိုပါက အဆိုပါ အဖြူရောင်သည် အဝါရောင် ဖြစ်နေမည်ဖြစ်ကြောင်း မဲဆန္ဒရှင်များသို့ အသိပေးကြပါရန် ပြည်ထောင်စု ရွေးကောက်ပွဲ ကော်မရှင်က အောက်တိုဘာ ၃ ရက်တွင် ကြေညာလိုက်သည်။

“မိမိတို့၏ အမှတ်တံဆိပ်တွင် အဖြူရောင် ပါရှိမည် ဆိုပါက အဝါရောင် ဖြစ်နေမည်ဖြစ်ကြောင်း မဲဆန္ဒရှင်များအား ရှင်းလင်းအသိပေးသွားရန်” ဟု ကြေညာချက်တွင်ပါရှိသည်။

မဲပြားတွင် အသုံးပြုထားသည့် မူရင်းစက္ကူ၏ အရောင်သည် အဝါရောင်ဖြစ်ခြင်းကြောင့် ပါတီအမှတ်တံဆိပ်တွင် ပါသည့် အဖြူရောင်မှာ အဝါရောင်သို့ ဖြစ်နေမည်ဟု ကော်မရှင်က ရှင်းလင်းထားပြီး စက္ကူအမျိုးအစားကြောင့်ဟု ဖြေရှင်းချက်ပေးထားသည်။

မဲဆန္ဒ လက်မှတ်များကို အတုမလုပ်နိုင်ရန်၊ စွပ်စွဲပြစ်တင်မှုများ မလုပ်နိုင်အောင် “အင်ဒိုနီးရှား PT Pura စက်ရုံမှ တင်သွင်းသည့် လုံခြုံရေး အမှတ်အသားပါ Light Yellow W / F Paper (80 gsm) အမျိုးအစား အဝါရောင် စက္ကူကို မှာယူတင်သွင်းပြီး ဆန္ဒမဲလက်မှတ်များ ရိုက်နှိပ်ခဲပါသည်” ဟုလည်း ကြေညာချက်တွင် ပါရှိသည်။

နိုဝင်ဘာ ၈ ရက်ရွေးကောက်ပွဲတွင် မဲဆန္ဒနယ် အများဆုံး ဝင်ရောက်ယှဉ်ပြိုင်သည့် အမျိုးသား ဒီမိုကရေစီအဖွဲ့ချုပ်၏ ပါတီအမှတ်အသားမှာ အဝါရောင် ခွပ်ဒေါင်းနှင့် အဖြူရောင် ကြယ်ကို အသုံးပြုထားသည်ဖြစ်ရာ ယခု အသုံးပြုထားသည့် စက္ကူဝါကြောင့် ကြယ်ဖြူမှာ ကြယ်ဝါ အဖြစ်သို့ ပြောင်းလဲသွားတော့သည်။

Mizzima

အမျိုးသားဒီမိုကရေစီအဖွဲ့ချုပ် ဥက္ကဌ နိုဗယ်ငြိမ်းချမ်းရေး ဆုရှင် လူထုခေါင်းဆောင် ဒေါ်အောင်ဆန်းစုကြည်ဟာ နိုဝင်ဘာလ(၈)ရက်နေ့မှာ ကျင်းပမယ့် ရွေးကောက်ပွဲ မှာ ပထမဦးဆုံးအကြိမ်အဖြစ်မဲပေးမယ်လို့ NLD ပြန်ကြားရေးက ဒီနေ့သတင်းထုတ်ပြန်ပါတယ်။ဒေါ်အောင်ဆန်းစုကြည် ဟာ ရန်ကုန်တိုင်းဒေသကြီး အနောက်ပိုင်းခရိုင် ဗဟန်းမြို့နယ် ရွှေတောင်ကြား(၂)ရပ်ကွက် အခြေခံပညာမူလတန်းကျောင်း(၃) မဲရုံမှာ နိုဝင်ဘာ(၈)ရက်နေ့ နံနက်(၇)နာရီခွဲမှာ သွားရောက် မဲပေးမယ်လို့ ထုတ်ပြန်ချက်မှာပါဝင်ပါတယ်။
ဒေါ်အောင်ဆန်းစုကြည်မြန်မာပြည်ကို ပြန်လာရောက်ခဲ့ပြီး ကျင်းပတဲ့ရွေးကောက်ပွဲတွေမှာ ဒီ(၂၀၁၅)ရွေးကောက်ပွဲဟာ ဒေါ်အောင်ဆန်းစုကြည် ပထမဆုံးမဲပေးခွင့်ရတဲ့ရွေးကောက်ပွဲပါ။
(၁၉၉၀)ခုနှစ်နဲ့ (၂၀၁၀)ခုနှစ်တွေတုန်းက ရွေးကောက်ပွဲတွေကျင်းပခဲ့ပေမယ့် ဒေါ်အောင်ဆန်းစုကြည်ကိုနေအိမ်အကျယ်ချုပ်အဖြစ် ချုပ်နှောင်ထားခဲ့တာကြောင့် မဲပေးခွင့်မရခဲ့ပါဘူး။
ဒေါ်အောင်ဆန်းစုကြည် နေအိမ်အကျယ်ချုပ်က လွှတ်ပြီး နောက်NLD ပါတီက မဲအပြတ်အသတ်နိုင်ခဲ့တဲ့ (၂၀၁၂)ခုနှစ်ကြားဖြတ်ရွေးကောက်ပွဲမှာတော့ သူမနေထိုင်တဲ့ ဗဟန်းမြို့နယ်ဟာ လစ်လပ်မဲဆန္ဒနယ်မြေထဲမပါဝင်တာကြောင့် ဒေါ်အောင်ဆန်းစုကြည်မဲပေးခွင့်မရှိခဲ့ပါဘူး။
Credit: Saw Phoe Kwar

[youtube src="p4OSzspamDM"/]
အမျိုးသားပညာရေး ဥပဒေ ပြင်ဆင်ပေးဖို့ ဆန္ဒပြတဲ့အတွက် သာယာဝတီ အကျဉ်းထောင်မှာ ဖမ်းဆီးထိန်းသိမ်းခံထားရတဲ့ ကျောင်းသားကျောင်းသူနဲ့ ဝန်းရံသူ စုစုပေါင်း ၅၄ ဦးကို နိုဝင်ဘာလ (၃) ရက်နေ့က သာယာဝတီခရိုင် တရားရုံးမှာ ရုံးထုတ်ခဲ့ပေမယ့် အမှုစစ်ဆေးတာ မရှိခဲ့ပါဘူး။

မဲဆန္ဒရှင်စာရင်း ထုတ်ပြန်။ (နိုဝင်ဘာ ၂၊ ၂၀၁၅)
မဲဆန္ဒရှင်စာရင်း ထုတ်ပြန်။ (နိုဝင်ဘာ ၂၊ ၂၀၁၅)

နိုဝင်ဘာလ ၈ ရက်နေ့မှာ ကျင်းပမယ့် ရွေးကောက်ပွဲမှာ မဲပေးခွင့်ရမယ့်သူ အရေအတွက် ဟာ ရန်ကုန်တိုင်းအတွင်းမှာ ၈သိန်း ကျော် တိုးလာတယ်လို့ ရန်ကုန်တိုင်းဒေသကြီး ရွေးကောက်ပွဲကော်မရှင် ဥက္ကဋ္ဌက ပြောပါတယ်။ ဒါပေမဲ့လည်း ရန်ကုန်တိုင်း အပါအ၀င် တိုင်းနဲ့ပြည်နယ် ဒေသတချို့မှာ နိုဝင်ဘာ ၂ ရက်နေ့ နောက်ဆုံးထုတ်ပြန်ဖို့ စီစဉ်ထားတဲ့ မဲဆန္ဒရှင်စာရင်းတွေကို အပြည့် အစုံမကြေညာနိုင်သေးပါဘူး။ ရွေးကောက်ပွဲ ကျင်းပဖို့ ရက်ပိုင်းသာ ကျန်တော့တဲ့ အချိန်မှာပဲ မဲဆန္ဒရှင်စာရင်း အတိအကျ မထွက် နိုင်သေးပဲ ဖြစ်နေရတဲ့ အခြေအနေကိုတော့ ဗွီအိုအေမြန်မာပိုင်းက မေခက သတင်းပေးပို့ထားပါတယ်။

ပြီးခဲ့တဲ့အောက်တိုဘာလက နောက်ဆုံးမဲစာရင်းထုတ်ပြန်တာမှာ မဲပေးခွင့်ရှိပေမယ့် မပါဝင်သေးတဲ့သူတွေ၊ ရွှေ့ပြောင်း နေထိုင် သူတွေနဲ့ ဧည့်စာရင်းနဲ့နေထိုင် သူတွေကိုမဲပေးနိုင်ဖို့ ကော်မရှင်က ထပ်မံလျှောက်ခွင့်ပေးခဲ့ပါတယ်။ ဒီလိုပေးခဲ့ပြီးနောက် အခုချိန် မှာ တကယ်မဲပေးနိုင်မယ့်မဲဆန္ဒရှင်စာရင်းကို အတိအလင်း ထုတ်ပြန်လိုက်တာဖြစ်ပါတယ်။ ဒီမှာ ရန်ကုန်တိုင်းဒေသကြီး အတွင်း မဲပေးနိုင်မယ့်မဲဆန္ဒရှင်စာရင်းဟာ ၈သိန်းကျော်တိုးလာတယ်လို့ ရန်ကုန်တိုင်းဒေသကြီး ရွေးကောက်ပွဲ ကော်မရှင် ဥက္ကဋ္ဌ ဦးကိုကို က ဗွီအိုအေကိုပြောပါတယ်။

“ကျနော်တို့ ရန်ကုန်တိုင်းက ၂ ရက်နေ့ မကပ်ဖြစ်ပါဘူး။ ကပ်ဖြစ်မှာကတော့ အန်ကယ်လ်တို့က ၅ ရက်၊ ၆ ရက်လောက်မှ ကပ်ဖြစ်မှာလေ။ အန်ကယ်တို့ ရန်ကုန်တိုင်းက မဲစာရင်းထဲမှာ ထပ်ပြီးတော့ add လုပ်ရမယ့် မဲဆန္ဒရှင် ဦးရေက တော်တော်များတယ်။ UEC က ချပေးတဲ့ timetable နဲ့ မလုံလောက်ဘူး။ နိုဝင်ဘာလ၅ ရက်၊ ၆ ရက်လောက်မှ ရပ်ကွက်ကျေးရွာအုပ်စုမှာ အပြီးသတ် မဲဆန္ဒရှင် စာရင်းတွေ ရောက်မယ်။ နောက်ဆုံး အပြီးသတ် မဲစာရင်း ကြေညာလိုက်တာက အောက်တိုဘာလ ၁၄ ရက်ကနေ ၂၇ ရက်နေ့အထိ အဲဒီမှာ အန်ကယ်တို့က နောက်ဆုံးမဲစာရင်းကို ကြေညာလိုက်တယ်။ စုစုပေါင်း ၄၁ သိန်း ရှစ် သောင်း ခုနျှစ်ရာနဲ့ ငါး ယောက် ။ အန်ကယ်တို့ ဒီနောက်ဆုံးပိတ် final voter က ဘယ်လောက်ရသလဲဆိုတော့ ၄၉ သိန်း ၆ သောင်း ကျော်ရတယ်။ ရန်ကုန်တိုင်းမဲဆန္ဒရှင် စာရင်းက ၈ သိန်းလောက်တိုးလာတယ်။”

ဒီတခေါက်ထပ်ကပ်မယ့် မဲပေးနိုင်မယ့်မဲဆန္ဒရှင်စာရင်းမှာ ကိုယ့်နာမည်မပါခဲ့ရင်တော့ မဲပေးနိုင်ဖို့ပြန်လည် လျှောက်ထားလို့လဲမရ တော့သလို မဲပေးခွင့်လည်း မရှိတော့ပါဘူး။ ရှေ့ပိုင်းထုတ်ပြန်ခဲ့တဲ့ မဲစာရင်းတွေမှာ နာမည် မပါသူတွေ နဲ့ ရွှေ့ပြောင်း နေထိုင်သူတွေနဲ့ ဧည့်စာရင်းနဲ့နေထိုင်သူတွေ မပါဝင်ခဲ့ တာကြောင့် လျှောက်ထားမှုတွေ ရှိပေမယ့် သတ်မှတ်ဥပဒေတွေနဲ့ မကိုက်ညီ တာကြောင့်ပယ်ခံရတာ တွေလည်းရှိတယ်လို့ ဦးကိုကိုက ခုလိုပြောပါတယ်။

“အန်ကယ်တို့က form 3, form 3 (a) လျှောက်ရင် အန်ကယ်တို့ က လျှောက်တိုင်းပေးတာ မဟုတ်ဘူးလေ။ တချို့ form တွေက ရပ်ကွက် အုပ်ချုပ်ရေးမှူးက ထောက်ခံရမယ်။ သူဒီမှာ ရက်ပေါင်း ၁၈၀ ပြည့်အောင် ဆိုရင် ထောက်ခံ မထားဘူး။ ရက်မပြည့်လို့ ဖြစ်ရင်ဖြစ်မယ်လေ။ သူက form အနေနဲ့ကတော့ အန်ကယ်တို့ဆီမှာ entry ၀င်လာတော့ number of forms ထဲမှာတော့ သူက ပါတာပေါ့။ ဒါပေမယ့် တကယ် စိစစ်ပြီး ပြန်ပြီး မဲစာရင်းထည့်တော့ သူက ကျန်ရစ်ခဲ့မယ်။ နောက်တခါ တချို့ကျတော့ ဥပဒေ ၆ အရ ဥပဒေ ၇ အရ အန်ကယ်တို့က စိစစ်တယ်လေ။ အဲဒါမျိုးနဲ့ ငြိစွန်းတာမျိုးရှိရင် အန်ကယ်တို့က ဖယ် ထားခဲ့တယ်။နောက် form လာမတင်တာက ကျတာလည်းရှိရင် ရှိနိုင်တယ်။ လာကြည့်လို့ မပါရင်တော့ ဒီအချိန်မှာတော့ ဘာမှ လုပ်လို့မရတော့ဘူး။”

လာမယ့်ရွေးကောက်ပွဲမှာ ရန်ကုန်တိုင်းဒေသကြီးအတွင်းမှာ မဲရုံပေါင်း ၅၀၀၀ကျော် ရှိပြီး ဒီမဲရုံလုံခြုံရေးအတွက် အထူးရဲ ၅၄၀၀ကျော် နဲ့ ရဲတပ်ဖွဲ့အင်အား ၃၀၀၀နီးပါး အသုံးပြုမယ်လို့ ရန်ကုန်တိုင်းဒေသကြီး ရဲတပ်ဖွဲ့က ဗွီအိုအေကိုပြောပါတယ်။

ဒီမှာရွေးကောက်ပွဲ ကော်မရှင်ဘက်ကလည်း မဲရုံလုံခြုံရေးပိုင်းနဲ့ မဲလက်မှတ် လုံခြုံရေး ပိုင်း လုပ်ဆောင်မယ့် အစီအစဉ်တွေရှိတယ်လို့ ဦးကိုကိုက ခုလိုပြော ပါတယ်။

“မဲရုံနဲ့ မဲရုံအတွင်းမှာ အန်ကယ်တို့ဆီမှာ ရပ်ကွက်နဲ့ ကျေးရွာအုပ်စု ကော်မရှင်အဖွဲ့ဝင် တယောက်၊ တယောက်ရှိမယ်။ နောက် မဲရုံလုံခြုံရေးဆိုတာ တယောက်ရှိမယ်။ အဲဒီမဲရုံလုံခြုံရေး ဆိုတာ ကော်မရှင်က ခန့်ထားတဲ့ မဲရုံအဖွဲ့ဝင်ထဲကတယောက်။ ဒီမဲစာရင်းထဲမှာ ပါတဲ့လူထဲက တယောက်ကိုပဲ၊ အန်ကယ်တို့က မဲရုံလုံခြုံရေး ဆိုပြီးတော့ တာဝန်ပေးထားတာ။ သူ့အလုပ်က မဲလာပေးတဲ့လူတွေကို ကြိုစီ ဖို့ပြောမယ်လေ။ အထဲမှာ လျှို့ဝှက်မဲပေးနေတာကို သူ ကြည့်မယ်။ စည်းကမ်း တကျ ရှိမရှိပေါ့လေ။”

ရခိုင်အမျိုးသားပါတီက ကိုယ်စားလှယ်လောင်း ဦးဇော်အေးမောင်ကတော့ မဲဆန္ဒရှင် စာရင်းနဲ့ ပတ်သတ်ပြီး အခုလို မှတ်ချက်ပေးပါတယ်။

“ကျနော်တို့ ရခိုင်တိုင်းရင်းသားတွေ အများကြီး အုပ်စုလိုက် ကျန်ခဲ့တာတွေရှိတယ်။ တပ်မတော် အစိုးရ လက်ထက်တုန်းက ဧည့်စာရင်းတိုင်ကြတယ်။ နောက် ၂၀၁၀ နောက်ပိုင်း မှာ ဧည့်စာရင်း တိုင်စရာ မလိုတော့ဘူး ဆိုပြီးတော့ မတိုင်ကြဘူး။ တချို့ကလည်း။ အဲတော့ တပ်မတော် အစိုးရလက်ထက်တုန်းက တိုင်ပြီးနေတဲ့ ဧည့်စာရင်း အဟောင်းနဲ့ပေါင်းပြီးတော့ အုပ်ချုပ်ရေးမှူးတွေကို သွားပြတော့ အုပ်ချုပ်ရေးမှူးတွေက ထောက်ခံ မပေးဘူး။ ထောက်ခံ မပေးလို့ ပုံစုံ ၃(က)နဲ့ မတင်လိုက်ရတဲ့လူတွေ အုပ်စုလိုက် အများကြီး ကျန်လိုက်ပါတယ်။ ဒါသည် ကျနော်တို့ မဲစာရင်း ထွက်လာပြီးတော့ မဲစာရင်း မပါပဲ ရက်ကျော်သွားတဲ့အတွက် ဘာမှ လုပ်လို့မရတော့ဘူး။ အဲလိုဖြစ်သွားပါပြီ။”

အခုနောက်ဆုံးအပြီးသတ် မဲပေးနိုင်မယ့် မဲဆန္ဒရှင် စာရင်းတွေ ထုတ်ပြန်လိုက် ချိန်မှာတော့ မဲရုံတစ်ခုချင်းစီရဲ့ မဲဆန္ဒရှင်စာရင်းကို ခွဲပြီးကပ်တာကြောင့် မဲဆန္ဒရှင် စာရင်းကို စိစစ်ဖို့ ပိုပြီးခက်သွားတယ် လို့ နိုင်ငံရေး ပါတီတွေ ဘက်ကတော့ ဝေဖန်မှုတွေ ရှိနေပါတယ်။

VOA

အမေရိကန်သမ္မတဟောင်း Jimmy Carter ၊ ၂၀၁၃ စက်တင်ဘာလ ရန်ကုန်မြို့တွင် ရောက်ရှိစဉ်။
အမေရိကန်သမ္မတဟောင်း Jimmy Carter ၊ ၂၀၁၃ စက်တင်ဘာလ ရန်ကုန်မြို့တွင် ရောက်ရှိစဉ်။

မြန်မာနိုင်ငံ ရွေးကောက်ပွဲကို စောင့်ကြည့်လေ့လာသူအဖြစ် သွားရောက်ဖို့ ရှိနေတဲ့ အမေရိကန် သမ္မတဟောင်း ဂျင်မီကာတာဟာ ကျန်းမာရေး အခြေအနေကြောင့် ခရီးစဉ်ကို ဖျက်ခဲ့ရပါတယ်။ ဒါပေမဲ့လည်း သူ့ကိုယ်စား မြေးဖြစ်သူ မြန်မာနိုင်ငံကို သွားမှာ ဖြစ်တယ်လို့လည်း သမ္မတဟောင်းက မကြာသေးခင်ကပဲ AP သတင်းဌာနနဲ့ တွေ့ဆုံရာမှာ ပြောဆိုခဲ့တာပါ။

နိုဝင်ဘာ ဒုတိယပတ်မှာ ကျင်းပမယ့် ရွေးကောက်ပွဲ အတွက် မြန်မာပြည် ကို မြေးဖြစ်သူ Jason သွားမှာဖြစ်ပြီး၊ မူလတုန်းက သူသွားဖို့ စီစဉ်ထားပေမဲ့ တချို့ကိစ္စတွေမှာ ၀င်မပါတော့တာတွေ ရှိနေတဲ့အကြောင်း၊ ဒါပေမဲ့လည်း တတ်နိုင်သမျှ အချိန်အလဟသ မဖြစ်အောင်နေထိုင်ပြီး ကျန်းမာရေး လည်း ကောင်းနေပါတယ်လို့ သမ္မတဟောင်း ကာတာက ပြောဆိုခဲ့တာပါ။

သမ္မတဟောင်း ကာတာဟာ အသည်းခွဲစိတ်ကုသမှုလုပ်ခဲ့ရာကနေ သူ့မှာ ကင်ဆာရောဂါဖြစ်နေပြီဆိုတာကို ပြီးခဲ့တဲ့ သြဂုတ်လက တွေ့ရှိခဲ့ပြီး၊ အဲဒီနောက် စမ်းသပ်မှုတွေအရ ကင်ဆာဆဲလ်တွေဟာ ဦးနှောက်ကို ပျံနှံ့နေခဲ့တယ်ဆိုတာကို သိရှိခဲ့ရတာဖြစ်ပါတယ်။

ကင်ဆာရောဂါအတွက် ဆေးကုသမှု ၄ ကြိမ် ခံယူပြီးတဲ့နောက် ကင်ဆာ ဆဲလ်တွေကို တိုက်နိုင်ဖို့အတွက် ကိုယ်ခံအားကောင်းစေ တဲ့ ဆေးတွေကို ဆက်ပြီးတော့ အသုံးပြုနေရတယ်လို့ မစ္စတာ ကာတာ က ပြောပါတယ်။

အမေရိကန်သမ္မတဟောင်း ဂျင်မီကာတာ-တည်ထောင်ခဲ့တဲ့ ကာတာစင်တာဟာ - ကမ္ဘာတ၀ှမ်း လူ့အခွင့်အရေး ဒီမိုကရေစီရေး နဲ့ လူမှုဖွံ့ဖြိုးတိုးတက်ရေးလုပ်ငန်းတွေကို လုပ်ဆောင်နေတာဖြစ်ပြီး၊မြန်မာနိုင်ငံမှာ အခုရက်ပိုင်းအတွင်းကျင်းပမယ့် ၂၀၁၅ အထွေထွေရွေးကောက်ပွဲကို လေ့လာစောင့်ကြည့်မှုတွေ လုပ်ဆောင် သွားမှာဖြစ်ပါတယ်။
VOA

 ရန်ကုန်မြို့၊ အင်းစိန်ထောင် အဝင်ဝကို တွေ့ရစဉ်။ Photo: RFA
 နိုင်ငံရေးအကျဉ်းသားတွေအားလုံး အမြန်ဆုံးလွှတ်ပေးဖို့အတွက် အင်းစိန်ထောင်မှာ အစာငတ်ခံဆန္ဒပြနေတဲ့ ကိုတင်ထွဋ်ပိုင်နဲ့ ကိုနိုင်ဇော်ကြည်ဝင်းတို့ကို ထောင်တွင်းပြစ်ဒဏ်ပေးတဲ့ စစ်ခွေးတိုက်ကို ဒီနေ့ ပို့လိုက်တယ်လို့ သိရပါတယ်။

သာယာဝတီထောင်မှာ ဗကသ ကျောင်းသားခေါင်းဆောင် ၇ ယောက် အစာငတ်ခံတိုက်ပွဲဝင်နေတဲ့အတွက် အင်းစိန်ထောင်က နိုင်ငံရေးအကျဉ်းသားတွေဖြစ်တဲ့ ကိုတင်ထွဋ်ပိုင်နဲ့ ကိုနိုင်ဇော်ကြည်ဝင်းတို့လည်း ပါဝင်လာတာလို့ သိရပါတယ်။

သူတို့ကို စစ်ခွေးတိုက်ဆီ ပို့လိုက်တယ်လို့ သိရတဲ့အကြောင်း ကိုနိုင်ဇော်ကြည်ဝင်းရဲ့ မိခင် ဒေါ်ခင်ကြည်က RFA ကိုပြောပါတယ်။

"ကိုတင်ထွဋ်ပိုင်က ၂ ရက်နေ့ အရင်စဝင်တယ်၊ အင်းစိန်ထောင်က စစ်ခွေးတိုက်ကို ခေါ်သွားတယ်တဲ့၊ ဒီနေ့မနက် ၇ နာရီမှာ ကျမသားအငယ်ကောင် နိုင်ဇော်ကြည်ဝင်းကို ခေါ်သွားတယ်၊ ဒီအတိုင်းကြီးပေါ့နော် ခါးဝတ်ခါးစားနဲ့ပဲ သူတို့နေတဲ့တိုင်ကနေပြီးတော့ အဲ့ဒီ စစ်ခွေးတိုက်ကို မနက်က ၇ နာရီက ခေါ်သွား တယ်ပေါ့နော်"

ကိုတင်ထွဋ်ပိုင်ဟာ လက်ပံတောင်းတောင် ကြေးနီးစီမံကိန်းဒေသမှာ တောင်သူဒေါ်ခင်ဝင်းကို ရဲတပ်ဖွဲ့ က သေနတ်နဲ့ပစ်လို့ သေဆုံးသွားရတဲ့ကိစ္စအတွက် အမှုမှန်ဖော်ထုတ်အရေးယူပေးဖို့ တောင်းဆိုဆန္ဒပြတဲ့ အတွက် နှစ်ရှည်ထောင် ချခံထားရတာဖြစ်ပါတယ်။

ကိုနိုင်ဇော်ကြည်ဝင်းက အလုပ်သမားတွေ လုပ်ခလစာတိုးတောင်းတဲ့ ဆန္ဒပြတာတွေမှာ ကူညီခဲ့တဲ့အတွက် တရားစွဲခံနေရတာ ဖြစ်ပါတယ်။

သာယာဝတီထောင်မှာ အစာငတ်ခံတိုက်ပွဲဝင်နေတဲ့ ဗကသများအဖွဲ့ချုပ်ဝင်တွေကတော့ ကိုအောင်မှိုင်းဆန်း၊ ကိုသန်းထိုက်၊ ကိုမျိုးမြတ်စံ၊ ကိုဖြိုးဓန၊ ကိုဆွေလင်းထွန်း၊ ကိုမာနော်၊ ကိုကျော်စွာလင်းတို့ ဖြစ်ပါတယ်။ သူတို့ကိုလည်း တစ်ယောက်တစ်နေရာစီ သီးခြားခွဲထားတယ်လို့ သိရပါတယ်။

RFA Burmese
http://www.rfa.org/burmese

 အမျိုးသားဒီမိုကရေစီအဖွဲ့ချုပ် ဥက္ကဋ္ဌ ဒေါ်အောင်ဆန်းစုကြည်က မဲဆန္ဒရှင်ပြည်သူများကို မဲအသိပညာပေးခြင်းနဲ့ မဲပေးပုံပေးနည်း ကို ပြသနေစဉ်။ Photo: National League for Democracy Facebook
 အမျိုးသားဒီမိုကရေစီအဖွဲ့ချုပ် ဥက္ကဌ ဒေါ်အောင်ဆန်းစုကြည်ဟာ လာမယ့် နိုဝင်ဘာလ ၈ ရက်နေ့မှာ ဗဟန်းမြို့နယ်က ရွှေတောင်ကြားရပ်ကွက်က မဲရုံမှာ ဆန္ဒမဲပေးမှာဖြစ်တယ်လို့ သိရပါတယ်။

ရွှေတောင်ကြားရပ်ကွက်က အခြေခံပညာမူလတန်းကျောင်း အမက ၃ မဲရုံမှာ မနက် ၇ နာရီခွဲမှာ ဆန္ဒမဲပေးပြီးနောက် သူ့ရဲ့မဲဆန္ဒနယ်မြေ ကော့မှူးမြို့နယ်ကို သွားရောက်မှာဖြစ်ပါတယ်။

ဒေါ်အောင်ဆန်းစုကြည် မဲပေးမယ့် ဗဟန်းမြို့နယ်မှာ အန်အယ်လ်ဒီပါတီက ပြည်သူ့လွှတ်တော် ကိုယ်စားလှယ်လောင်း ဦးထွန်းမြင့်၊ တိုင်းဒေသကြီး လွှတ်တော်မဲဆန္ဒနယ် အမှတ် ၂ ကိုယ်စားလှယ်လောင်း ဦးသောင်းထွဋ်၊ အမျိုးသားလွှတ်တော် ကိုယ်စားလှယ်လောင်း ဦးဘမျိုးသိန်းတို့ ဝင်ရောက်ယှဉ်ပြိုင်တာ ဖြစ်ပါတယ်။

ဗဟန်းမြို့နယ်မှာ တစ်သီးပုဂ္ဂလ ကိုယ်စားလှယ်လောင်း ၂ ဦး၊ ကြံ့ခိုင်ဖွံ့ဖြိုးရေးပါတီ၊ အမျိုးသားတိုးတက်ရေးပါတီနဲ့ ဒီမိုကရက်တစ်ပါတီ(မြန်မာ)တို့လည်း ဝင်ရောက်ယှဉ်ပြိုင်မှာ ဖြစ်ပါတယ်။

လွှတ်တော်ကိုယ်စားလှယ်လောင်းတွေဟာ သူတို့နေထိုင်တဲ့ မြို့နယ်မှာ ဆန္ဒမဲပေးနိုင်သလို သူတို့ဝင်ရောက်ရွေး ချယ်ခံမယ့် မြို့နယ်ကို အိမ်ထောင်စုစာရင်း ရွှေ့ပြောင်းပြီးလည်း ဆန္ဒမဲပေးခွင့်ရှိပါတယ်။

RFA Burmese
http://www.rfa.org/burmese

ကိုကိုးကျွန်းသို့ ဖုန်းဖြင့် တိုက်ရိုက် ဆက်သွယ်ပြီး ဒေသခံများကို မဲဆွယ်ဟောပြောရန် ဒေါ်အောင်ဆန်းစုကြည်က စီစဉ်ခဲ့သော်လည်း ဖုန်းခေါ်ဆိုမှုအခက်အခဲများ ရှိခဲ့သဖြင့် ဒေသခံများနှင့် ဆက်သွယ်မှုရနိုင်ရန် ဆက်လက် ကြိုးစားမည်ဟု သိရပါသည်။

ဒေါ်အောင်ဆန်းစုကြည်သည် ယနေ့ (နိုဝင်ဘာ ၃ ရက်) ညနေ ၅ နာရီ အချိန်တွင် ကိုကိုးကျွန်း ဒေသခံများအား ဖုန်းမှ တစ်ဆင့် ဟောပြောနိုင်ရန် ကြိုးစားခဲ့ပြီး ညနေ ၅ နာရီမှ စတင်ကာ အကြိမ်ကြိမ် ဖုန်းခေါ်ဆိုခဲ့သော်လည်း ဆက်သွယ်မှု မရခဲ့ခြင်း ဖြစ်ပါသည်။

"ကျွန်တော်တို့ ၅ နာရီနဲ့ ၆ နာရီကြားမှာ အကြိမ် ၃၀ လောက် ဆက်တယ်။ အခုနောက်ပိုင်း ဆက်တာတော့ လုံးဝကို ဆက်လို့ မရတော့ဘူး။ ကျွန်တော်တို့ ကတော့ ရသလို ကြိုးစားနေမှာပဲ။ ဒီနေ့ မရဘူး ဆိုရင်လည်း မနက်ဖြန်ကျရင် ဆက်ပြီး ကြိုးစားမှာပဲ"ဟု NLD ပါတီ ဗဟို အလုပ်အမှုဆောင် ဦးဝင်းထိန်က ည ၇ နာရီခန့် အချိန်က ပြောကြားခဲ့ပါသည်။

ကိုကိုကျွန်းမြို့နယ်၌ ယှဉ်ပြိုင်မည့် NLD ကိုယ်စားလှယ်လောင်းများသည် ကိုကိုးကျွန်းသို့ သွားရောက် မဲဆွယ်စည်းရုံးရန် အခက်အခဲများစွာကြုံခဲ့ရပြီး အောက်တိုဘာ ၂၀ ရက်ရောက်မှ သွားရောက်ခွင့် ရခဲ့ပြီး အောက်တိုဘာ ၂၂ ရက်တွင် ကိုကိုကျွန်းသို့ ရောက်ရှိခဲ့သည်။

ထိုသို့ ရောက်ရှိချိန်တွင်လည်း ကိုကိုကျွန်းတွင် ရှိသော မဲဆန္ဒရှင်အားလုံးကို မဲဆွယ်စည်းရုံးခွင့်မရခဲ့ကြောင်း သိရသည်။ အထူးသဖြင့် ကိုကိုးကျွန်းရှိ
တပ်မတော် အမှတ် (၁) ဆောက်လုပ်ရေး အင်ဂျင်နီယာတပ်မှ ငှားရမ်းထားသော အလုပ်သမားများ နေထိုင်သည့် နေအိမ်ခြံဝင်းရှေ့များတွင် တာဝန်မှအပ
မဝင်ရဟူသည့် အနီရောင် ဆိုင်းဘုတ်များ ထားရှိမှုကြောင့်
ရွှေ့ပြောင်းလုပ်သားများအား မဲဆွယ်ခွင့် မရခဲ့ခြင်း ဖြစ်ကြောင်း သိရပါသည်။

အဆိုပါ ရွှေ့ပြောင်းအလုပ်သမားကို မဲဆွယ်ခွင့်ရရှိရန်အတွက် တပ်မတော် အမှတ် (၁) ဆောက်လုပ်ရေး အင်ဂျင်နီယာတပ်မှ တာဝန်ရှိသူများအား NLD ကိုယ်စားလှယ် လောင်းများက တရားဝင် ခွင့်ပြုချက် တောင်းခံစာ တင်ရန် သွားရောက်ခဲ့သော်လည်း တွေ့ဆုံရန် ငြင်းပယ်ခြင်း ခံခဲ့ရပါသည်။ သို့သော်
အဆိုပါ ပြောင်းရွှေ့လုပ်သားများကို ပြည်ခိုင်ဖြိုးပါတီက မဲဆွယ်စည်းရုံး ပြီးစီးပြီ ဖြစ်ကြောင်း သိရသည်။ ကိုကိုကျွန်းတွင် တပ်မတော် အမှတ်(၁) ဆောက်လုပ်ရေး အင်ဂျင်နီယာတပ်မှ ငှားရမ်းထားသော ရွှေ့ပြောင်း အလုပ်သမား ၆၀၀ ခန့် ရှိကြောင်း သိရသည်။

ကိုကိုးကျွန်း မဲဆန္ဒနယ်တွင် အခြေချနေထိုင်သူ ၉၉၀ ဦးသာရှိပြီး မဲပေးပိုင်ခွင့်ရှိသူ ၁၅၇၁ ဦးရှိကာ ၎င်းတို့ထဲတွင် တပ်မတော်သားများနှင့် မိသားစုဝင် ၇၀၀ ကျော် ပါဝင်ကြောင်း ကိုကိုးကျွန်းမြို့နယ် ရွေးကောက်ပွဲ ကော်မရှင်မှ ရရှိသော သတင်းအချက်အလက်များအရ သိရှိရပါသည်။

ကိုကိုကျွန်းမြို့နယ်တွင် ဖုန်းလိုင်းအားလုံး မမိဘဲ ၀၉ ၃၀ xxx ၊ ၀၉ ၃၂ xxx ဖုန်းများသာ အသုံးပြုနိုင်ပြီး အဆိုပါ နံပါတ်များဖြင့် စသော ဖုန်း ခြောက်လုံးထက်
မနည်းကို ယခင်ရက်များက ဆက်သွယ်မှုရရှိခဲ့သော်လည်း ယနေ့ညနေပိုင်းမှ စတင်ကာ ဆက်သွယ်မှု မရရှိတော့ခြင်း ဖြစ်ပါသည်။

ပုံစာ- ကိုကိုးကျွန်မြို့နယ်ရှိ အမျိုးသားဒီမိုကရေစီအဖွဲ့ချုပ်ရုံးအား တွေ့ရစဉ်
(ဓာတ်ပုံ- မင်းသိန်းနိုင်)
Eleven Media Group

[youtube src="xFSC-IM8iIE"/]
ကြိုတင်မဲပေးရာမှာ အမှန်ခြစ်သည်ဖြစ်စေ၊ တံဆိပ်တုံးထုသည်ဖြစ်စေ အတည်မဲအဖြစ်သတ်မှတ်မယ် လို့ ပြည်ထောင်စုရွေးကောက်ပွဲကော်မရှင်၊ ရွေးကောက်ပွဲဌာန ညွှန်ကြားရေးမှူး ဦးစိုင်းကျော်သူက အတည်ပြု ပြောကြားလိုက်ပါတယ်။ လက်ရှိ ကြိုတင်မဲပေးရာမှာ တချို့မြို့နယ်တွေမှာ ဘောပင်နဲ့အမှန်ခြစ်မဲပေးရပြီး တချို့မြို့နယ်တွေမှာ တံဆိပ်တုံးထု မဲပေးရတာမျိုးတွေရှိနေတာကြောင့် မဲဆန္ဒရှင်တွေကြားမှာ ကွဲလွဲမှုတွေ ဖြစ်ပေါ်လျက်ရှိပါတယ်။

ရွေးကောက်ပွဲဌာန ညွှန်ကြားရေးမှူး ဦးစိုင်းကျော်သူက “တချို့ရပ်ကျေးတွေမှာ ဘော့ပင်နဲ့အမှန်ခြစ်ပြီးတော့ လက်ခံလိုက်တဲ့ မဲတွေရှိပါတယ်။ အချို့ရပ်/ကျေးတွေက နားလည်မှုလွဲသွားတဲ့ သဘောပါ။အဲ့ဒီလိုမျိုးဖြစ်တယ်ဆိုရင် ဘောလ်ပင်နဲ့ပဲခြစ်ခြစ်၊ တံဆိပ်တုံးပဲထုထု သူ့သတ်မှတ်ချက်နဲ့ ညီရင်တော့ အတည်ပြုမဲ သတ်မှတ်မှာပါ။ ဒီလိုသတ်မှတ်ဖို့လည်း နိုဝင်ဘာလ ၁ ရက်နေ့ကစပြီး တိုင်းဒေသကြီး နဲ့ပြည်နယ်ရွေး ကောက်ပွဲကော်မရှင် အဖွဲ့ခွဲအားလုံးကို ညွှန်ကြားလိုက် ပါတယ်။ညွှန်ကြားချက် ကိုဆန္ဒမဲ ပေးမယ့်နေ့မဲရုံမှာ ကပ်ထားမှာဖြစ်ပါတယ်။ မဲဖွင့်ပြီးရေတဲ့အခါ တံဆိပ်တုံးထုတာရော ၊ဘောလ်ပင်ခြစ်တာ တွေကိုပါ တွေ့ရရင်မီဒီယာတို့၊ ရွေးကောက်ပွဲ စောင့်ကြည့်လေ့လာရေးအဖွဲ့တွေက complain ဖြစ်လာနိုင်လို့ပါ။ အဲ့ဒါကြောင့် ကပ်ထားမှာ ဖြစ်ပါတယ်”လို့ပြောပါတယ်။

Eleven Media Group

[youtube src="F63X37zD92k"/]
အမျိုးသားဒီမိုကရေစီအဖွဲ့ချုပ်ပါတီ ရွေးကောက်ပွဲအောင်နိုင်ရေးအတွက် နိုင်ငံအနှံ့အပြားမှာ မဲဆွယ်စည်းရုံးမှုတွေပြုလုပ်နေရာ နိုဝင်ဘာ ၃ရက် မွန်းလွဲပိုင်းက သင်္ဃန်းကျွန်းမြို့နယ်မှာ အနှေးယာဉ်လုပ်သား တွေက ဆိုက်ကားအစီးရေ သုံးရာကျော်နဲ့ စည်းရုံးလှုံ့ဆော်မှုပြုလုပ်ခဲ့ပါတယ်။

စည်းရုံးလှုံ့ဆော်ရာမှာ “သင်္ဃန်းကျွန်းသမိုင်း မရိုင်းစေရဘူး” ဆိုင်းဘုတ်ချိတ်ဆွဲပြီး လှည့်လည်ခဲ့သလို ဗိုလ်ချုပ်အောင်ဆန်း၊ ဒေါ်အောင်ဆန်းစုကြည်တို့ရဲ့ ရုပ်ပုံကားချပ်တွေပါချိတ်ဆွဲပြီး လှည့်လည်ခဲ့တာပါ။
Eleven Media Group

Author Name

Contact Form

Name

Email *

Message *

Powered by Blogger.