11/08/15

အမျိုးသား ဒီမိုကရေစီ အဖွဲ့ချုပ် (NLD) ရုံးရှေ့တွင် ရောက်ရှိနေသော မဲဆန္ဒရှင် ပြည်သူများ အား မြင်တွေ့ရစဉ် (ဆင်ဟွာ)
    ရန်ကုန်၊ နိုဝင်ဘာ ၈ ရက် (ဆင်ဟွာ)

    အမျိုးသား ဒီမိုကရေစီ အဖွဲ့ချုပ် (NLD) ရုံးရှေ့တွင် မဲဆန္ဒရှင် ပြည်သူများ အနေဖြင့် အောင်ပွဲခံရန် ရောက်လာခြင်းကို အထူး ကျေးဇူး တင်ကြောင်း၊ မဲစာရင်း ရေတွက် မပြီးသေးပါသဖြင့် မိမိတို့ နေအိမ်မှသာ မဲစာရင်း ရလဒ်ကို စောင့်မျှော် လက်ခံကြရန် အမျိုးသား ဒီမိုကရေစီ အဖွဲ့ချုပ် နာယက ဦးတင်ဦးက အဆိုပါ ပန်ကြားချက်ကို ပြည်သူများအား ဖတ်ကြား ပြခဲ့သည်။

ဦးတင်ဦးက “ကျွန်တော်အနေနဲ့ ဒေါ်အောင်ဆန်းစုကြည် ကိုယ်စား ပါတီဝင်နဲ့ ပြည်သူလူထုကို ဖတ်ကြားပြတာပါ။  ကြားဖြတ် ရွေးကောက်ပွဲတုန်းက ၄၃ နေရာတည်းရှိတော့  တစ် ညတည်း ကြေညာနိုင်တယ်။ အခုကတော့ ထောင်ချီရှိတော့ ချက်ချင်း မပြီးနိုင်သေးလို့ပါ ’’ ဟု ပြောသည်။

အမျိုးသား ဒီမိုကရေစီ အဖွဲ့ချုပ်ရုံးရှေ့တွင် လမ်းအပြည့်နီးပါး လာရောက် စောင့်မျှော်နေကြသည့် ပြည်သူတွေဟာ NLD ရုံးကို မွန်းလွဲ ၃ နာရီ ဝန်းကျင်လောက် ကစ၍ စောင့်နေကြသည်မှာ ယခုအချိန်တွင် လမ်းအပြည့် နီးပါး ရှိနေပြီး၊ NLD ရုံးရှေ့တွင် ဖွင့်ပြထားသည့် Sky Net ၏ Up to Date ကြည့်ရင်း မဲအဖြေ ထွက်သလောက်ကို စောင့်မျှော်နေကြကြောင်း တွေ့ရသည်။

(Xinhua)
http://www.xinhuamyanmar.com

[youtube src="HhOkQF1wiAc"/]
ဟသာင်္တမြို့ တာငါးဆယ် တောင်ရပ်ကွက်နေ ဒေါ်ဝင်းကြည်က စာမဖတ်တတ်ပေမယ့် သူမဲပေးခဲ့တဲ့ပါတီ အကြောင်းကို အခုလို ပြောပြပါတယ်။
ရိုက်ကူးသူ/ စရာဇာအောင်
Kumudra


 နိုဝင်ဘာ ၈ ရက် ၂၀၁၅

 သျှမ်းပြည်တောင်ပိုင်း နမ့်ဇန်မြို့နယ် အခြေစိုက် နားရိုင်း ပြည်သူ့စစ်တပ်ဖွဲ့က ၎င်းထိန်းချုပ်ထားသည့် ကျေးရွာ ၉ ရွာအား ပြည်ထောင်စုကြံ့ခိုင်ဖွံ့ဖြိုးရေး ပါတီကိုသာ မဲပေးရန် ညွှန်ကြားထားသည့် ဟုသိရသည်။

နမ့်ဇန်မြို့နယ် နားရိုင်းပြည်သူ့စစ် ထိန်းချုပ်ထားသည့် ကန့်ခမ်း၊ ဝမ့်မိုင်၊ တွန့်မုန့်၊ ခိုင်းနား လေး၊ ခိုင်းနားလုံ၊ မတ်လန်းခမ်း၊ ဟွေ့ဝွန် ကျေးရွာ အတွင်းနေ မဲဆန္ဒရှင် ၁၀၀၀ ကျော်အား ပြည်ထောင်စု ကြုံခိုင်ရေးနှင့် ဖွံ့ဖြိုးရေးပါတီကိုသာ မဲပေးရန် ပြည်သူ့စစ်ခေါင်းဆောင် ဦးကျိုးဆန်းက ညွှန်ကြား နိုဝင်ဘာ ၅ ရက်နေ့ ကတည်းက ညွှန်ကြားထားသည်ဟု ဒေသခံ အကြီးအကဲ ဦးစိုင်းနွန် က ပြောသည်။

“ရွာသားတွေက ကြောက်တယ်လေ။ ခြင်္သေ့ရုပ်နေရာဘဲ ထုရတာပေါ့။ တချို့ ပညာတတ် တွေတော့ မလုပ်ဘူး။ သူတို့ကြိုက်တဲ့ဟာ သူတို့ မဲပေးတယ်ပြော တယ်။ အများအားဖြင့် တော့ဒီမှာက ပြည်ခိုင်ဖြိုးဘဲ။ အဖွဲ့အစည်းအတွက်ေ ကာင်း ကျိုးပေးတယ်ဆိုတော့ ခြင်္သေ့ပဲ ထဲ့ရတယ်” - ဟု သျှမ်းသံတော်ဆင့် သို့ပြောသည်။

ကျားဖြူပါတီအမတ်လောင်း စိုင်းသန်းစိန် က - “ကျနော်တို့ သိရတာက မတ်ကျိုင်း၊ နားရိုင်း၊ အက်စ်သုံးလုံး ၊ နမ့်ဟူး (မန်ပန်) ပြည်သူ့စစ်တွေက သူတို့ တပ်ထဲမှာဘဲ မဲပုံးထောင်တယ်။ သူတို့က ပြည်ထောင်စုကြံ့ခိုင်ရေးကိုပဲ မပေးမနေရဘဲ။ သူတို့ဒေသထဲက လူထုကိုလဲ ပြည်ခိုင်ဖြိုးကိုပဲ မဲပေးခိုင်းတယ်လို့ကြားတယ်။ ဒါပေမယ့် လူထုတော့ သူတို့ ကြိုက်တာ မဲပေးသွားတယ်လို့သိရတယ်” - ဟု သျှမ်းသံတော်ဆင့်သို့ပြောသည်။

နမ့်စန်မြို့နယ်အတွင်း ပြည်သူ့စစ်တပ်ဖွဲ့များက မိမိတပ်တွင်း မဲရုံထောင်ကာ မဲပေးပိုင်ခွင့်ရှိ သော်လည်း SSA တပ်ထွက် ကာလိဌာနေ ပြည်သူ့စစ် တပ်ဖွဲ့ ကမူ မဲပေးပိုင်ခွင့် မရ ဟုသိရသည်။

သျှမ်းပြည်တောင်ပိုင်း နမ့်ဇန်မြို့နယ် တွင် မဲရုံပေါင်း ၁၀၀ ကျော်၊ မဲပေးပိုင်ခွင့် ရှိသူ ၈၀၀၀၀ ကျော်ရှိသည်။ ဝင်ရောက်ယှဉ်ပြိုင်သည့် ပါတီများက ကျားဖြူ၊ ကျားခေါင်း၊ ပြည်ခိုင်ဖြိုး နှင့် အမျိုးသားဒီမိုကရေစီအဖွဲ့ချုပ် တို့ ဖြစ်သည် ဟုသိရသည်။

သျှမ်းသံတော်ဆင့်
https://www.facebook.com/Panglong.burmese

ကော့မှူးမြို့နယ် ပြည်သူ့လွှတ်တော်နေရာက ၀င်ပြိုင်တဲ့ ဒေါ်အောင်ဆန်းစုကြည်က ထောက်ခံမဲ ၁၆၅မဲရရှိပြီး အနိုင်ရရှိပြီဟု အမျိုးသားဒီမိုကရေစီအဖွဲ့ချုပ် ဗဟိုပြန်ကြားရေးက မဇ္ဈိမကိုဖြေကြားသည်။

ကော့မှူးမြို့နယ် ပြည်သူ့လွှတ်တော်နေရအပြင် ယင်းမြို့နယ်ပါဝင်သည့် အမျိုးသားလွှတ်တော်နေရာလည်း အနိုင်ရရှိသည်ဟု ဗဟိုပြန်ကြားရေးမှသိရသည်။

ယင်းသို့အနိုင်ရရှိသည့် သတင်းကို အဖွဲ့ချုပ်၏ အောင်နိုင်ရေး လူမှုကွန်ယက်စာမျက်နှာမှ ပေးပို့အသိပေးခြင်းဖြစ်သည်ဟုလည်း ဆိုသည်။

NLD က ကော့မှူးမြို့နယ်ပါဝင်သည့် အမျိုးသားလွှတ်တော်အတွက် ထောက်ခံမဲ ၁၆၇မဲ၊ ပြည်ခိုင်ဖြိုးက ၉၄မဲနှင့် ပြည်သူ့လွှတ်တော်နေရာအတွက် NLD က ထောက်ခံမဲ ၁၆၅မဲနှင့် ပြည်ခိုင်ဖြိုးက ၉၉ မဲရရှိကာ အနိုင်ရခဲ့ပြီး တိုင်းလွှတ်တေ်ာအတွက်ကိုမူ အတိအကျမသိရသေးပေ။

ဒေါ်အောင်ဆန်းစုကြည်က နိုဝင်ဘာ ၈ရက်၊ ကော့မှူးမြို့နယ်အတွင်းရှိ မဲရုံများကို လိုက်လံကြည့်ရှုစဉ်။ ဓါတ်ပုံ ဟောင်ဆာ(ရာမည)

Mizzima - News in Burmese

ဘုတလင်မြို့နယ်၊မောင်းထောင်ကျေးရွာတွင် မဲပေးပိုင်ခွင့်ရှိသူ သုံးထောင်ငါးဆယ်ခန့်ရှိသော်လည်း မဲရုံတစ်ရုံသာ ထားရှိခြင်းကြောင့် မွန်းလွဲနှစ်နာရီ အချိန်ခန့်အထိ မဲပေးပြီးသူ ၁၆၀၀ခန့်သာ ရှိနေသေးကြောင်း သတင်းရရှိသည်။ မဲရုံနှင့် မဲပေးသူ မမျှတခြင်းကြောင့်
မဲပေးရာတွင် ရုန်းရင်းဆန်ခတ်မှုများ ဖြစ်ပေါ်နေပြီး မဲရုံဝန်ထမ်းများ အနေဖြင့် အဆိုပါ အနေအထားကို ထိန်းချုင်္ပရန် ခက်ခဲနေကြောင်း ပြောကြားသည်။

“ကျွန်မတို့တံခါးကို ပိတ်ထားရတယ်။မဲပေးမယ့် လူတန်းကြီးက အတင်းဝင်တိုးနေတယ်။မဲရုံထဲမှာ
မဲပေးတာလည်း သေချာ မကြီးကြပ်နိုင်တော့ဘူး။ ကော်မရှင်ကို မတိုင်ခင်က အခြေအနေ တင်ပြခဲ့ပေမယ့် မစီစဉ်ပေးခဲ့လို့ ဒီလိုဖြစ်နေရတာပါ“ ဟု မောင်းထောင်ကျေးရွာ မဲရုံမှူးက ဆိုသည်။

ထို့ပြင် မောင်းထောင်ကျေးရွာ၌ မဲပေးပိုင်ခွင့်အတွက် အထောက်အထား အပြည့်အစုံ ရှိသော်လည်း မဲပေးခွင့်မရသူ ရာချီကာ ရှိနေပြီး ၄င်းတို့သည် ရွေးကောက်ပွဲ ကျင်းပနေစဉ်အချိန်ထိ မဲပေးခွင့်ရရှိရန် ကြိုးစားနေကြသည်ကို တွေ့ရသည်။

“ပထမအကြိမ်နဲ့ဒုတိယအကြိမ်မှာပါပြီး နောက်ဆုံးအကြိမ် ထုတ်ပြန်မှုမှာ မပါတဲ့သူတွေကိုလည်း မဲပေးခွင့်မပြုဘူး။ဒုတိယအကြိမ် မဲပေးခွင့်မပါလို့ ပုံစံ ၃ နဲ့တရားဝင် လျှောက်တဲ့သူတွေလည်း နောက်ဆုံးမဲစာရင်းမှာ ပါမလာလို့ မဲပေးခွင့်မရဘူး။တစ်ခါ မဲဆန္ဒရှင် သက်သေခံလက်မှတ် ထုတ်ပေးပြီးတာတောင်အချက်အလက်မှားလို့ဆိုပြီး မဲပေးခွင့် မပြုဘူး။အဲဒီအချက်အလက်မှားတွေက သူတို့ရေးပေးတာ။ မိသားစုလိုက် မဲစာရင်းမှာပျောက်တဲ့သူတွေလည်း အများကြီးပဲ။ ကျွန်တော်တို့ မပါတဲ့သူတွေ အကုန်လုံးက အမျိုးသား ဒီမိုကရေစီ အဖွဲ့ချုပ်ကို မဲပေးမယ့် သူတွေချည်းပဲ။ ပေးပိုင်ခွင့်ရှိရက်နဲ့ ပယ်ချခံရတဲ့ထဲမှာ ပြည်ခိုင်ဖြိုးပါတီက လူတစ်ဦးမှ မတွေ့မိဘူး“ ဟု မောင်းထောင် ကျေးရွာဒေသခံ ဦးသိန်းလွင်က ပြောသည်။

မဲပေးပိုင်ခွင့် ရှိသူများ၊ပုံစံ ၃ ဖြင့် လျှောက်ထားခဲ့သူများ မဲပေးခွင့်မရခြင်းမှာ မြို့နယ်ကော်မရှင်ကြောင့်သာ ဖြစ်ကြောင်းနှင့် အခြေအနေကိုတင်ပြခဲ့သော်လည်း ၂၀၂၀မှသာ မဲပေးကြရန်
မြို့နယ်ကော်မရှင်က ပြန်လည်ပြောကြားခဲ့ကြောင်း မောင်းထောင်ရပ်ကျေး ကော်မရှင် တာဝန်ရှိသူကပြောကြားသည်။ ဘုတလင်မြို့နယ်တွင် နေ့လည်နှစ်နာရီ အချိန်ထိ မဲရုံအများစုတွင် လူနည်းပါးသွားခြင်းမရှိသေးပဲ အချို့နေရာများတွင် လူဦးရေအခြေအနေအရ ညဥ့်နက်သည်အထိ ကြာမြင့်နိုင်ဖွယ်ရှိနေကြောင်းသိရသည်။

မနက်ခင်းပိုင်းတွင်ပြည်ခိုင်ဖြိုးပါတီတံဆိပ်များကို နေရာအချို့၌ကပ်ထားဆဲဖြစ်သည်ကိုတွေ့မြင်ခဲ့ရပြီး ပြည်ခိုင်ဖြိုးပါတီတံဆိပ်ပါဝင်သော ဦးထုပ်၊အင်္ကျီ တို့ကို မဲရုံပရ၀ုဏ်အတွင်းဝတ်ဆင်မှုများလည်းရှိခဲ့ကြောင်းစုံစမ်းသိရသည်။
ထို့ပြင်ကြိုတင်မဲများနှင့်ပတ်သက်၍လည်းမဲပေးပိုင်ခွင့်ရှိသူအများအပြားကျန်နေရစ်ခဲ့ကြောင်း၊မဲရုံမှူးးအချို့သည် ရွေးကောက်ပွဲဥပဒေ၊နည်းဥပဒေများကို သိရှိနားလည်မှုနည်းပါးနေကြောင်းမြင်တွေ့ရသည်။
မောင်းထောင်ကျေးရွာမဲရုံမှ မဲပေးပြီးသွားသောဒေသခံဦးရေငါးဆယ်ခန့်ကို မဲရုံထွက်စစ်တမ်းကောက်ယူကြည့်ရာ အားလုံးက အမျိုးသားဒီမိုကရေစီ အဖွဲ့ချုပ်ကိုမဲပေးခဲ့ကြောင်းဖြေကြားသည်။

“ကျွန်တော်တို့ရွာမှာ လူလေးငါးယောက်ကလွဲပြီး အားလုံးအမေစုပဲ။အခုတန်းစီနေတဲ့သူတွေ
အကုန်လုံးလည်း အမေစုကိုပဲမဲပေးကြမှာ“ဟု မဲပေးပြီးသူတစ်ဦးက ဆိုသည်။

Eleven Media Group

ကရင်ပြည်နယ် သံတောင်မြို့သစ်မှာ မဲစာရင်း နောက်ဆုံးကြေညာမှုထဲ မဲစာရင်းမပါလို့ မဲပေးခွင့် ဆုံးရှုံးနေသလို တချို့လူတွေက မဲလာမပေးရဲဘဲ ကြောက်နေကြတယ်လို့ ကရင်ပြည်နယ် အမျိုးသားလွှတ်တော် မဲဆန္ဒနယ် အမှတ် ၇ က အန်အယ်လ်ဒီပါတီ ကိုယ်စားလှယ်လောင်း ဒေါ်နော်ခရစ်ထွန်းက ပြောပါတယ်။

“အပေါ်ကုန်းကလူတွေက မဆင်းလာလို့ လှမ်းခေါ်ရသေးတယ်။ မဲသွားပေးဖို့ လှမ်းခေါ်တာကို ဟိုမှာ စကားလည်း မပြောရဘူး။ မေးလည်း မပေးရဘူး ပြောလို့တဲ့။ မေးရင်၊ စကားပြောရင် ထောင်ဒဏ် ၁ နှစ်၊ ငွေ ၁ သိန်းဆိုပြီးတော့ ကြောက်နေကြတယ်။ ဘာမှမကြောက်နဲ့ ဆင်းသွားလို့ သွားပြောမှပဲ ဆင်းသွားကြတယ်။ အမှန်က အဲလို ပြောတဲ့လူရှိလို့ သူတို့က ကြောက်နေကြတယ်။”

ဒါ့အပြင် ဒုတိယတခေါက် မဲစာရင်းကြေညာတုန်းက ပါသူတွေက နောက်ဆုံးအခေါက်မှာ မပါတာတွေလည်း အများကြီး ရှိနေပါတယ်။ သူတို့တွေ မဲပေးခွင့်ရဖို့ ကော်မရှင်နဲ့ သွားညှိတဲ့အခါမှာလည်း ပေးခွင့်မရဘူးလို့ ပြန်လည်ပြောဆိုခဲ့ကြောင်းလည်း ပြောပါတယ်။

“အစ်မအရှေ့မှာပဲ ရပ်ကွက် ၃ က သင်းအုပ်ဆရာမိသားစု အိမ်ထောင်စုစာရင်းလည်း ရှိတယ်၊ မှတ်ပုံတင်လည်း ရှိတယ်။ အဲဒါ အကုန်မောင်းထုတ်တယ်။ မဲစာရင်းထဲမှာ နာမည်မပါလို့တဲ့။ အခု ကော်မရှင်ကို ညှိတယ်လေ။ မဲပေးခွင့်ပြန်ပေးဖို့ ပြေပြေလည်လည်ပေါ့နော်။ ဒီမှာ ဒေသခံတွေပဲ၊ ဒီမှာပဲ အတူကြီးပြင်းပြီး မဲပေးခွင့် မရဘူးဆိုတော့ ဒါ သူ့အခွင့်အရေး ဆုံးရှုံးတာလေ။ အဲဒါကို အချိန်မီ ပြန်ပေးလို့ မရဘူးလားလို့ မေးတာ။ အဲလိုမေးတာကို မြို့နယ်ကော်မရှင်က အတွင်းရေးမှူး ဦးဝင်းသီဟဇော်က သူက ခွင့်မပြုနိုင်ဘူးတဲ့။ မဲစာရင်း မပါရင်တော့ မဲပေးခွင့် လုံးဝခွင့်မပြုနိုင်ဘူးတဲ့။”

ဆန္ဒမဲပေးပိုင်ခွင့်ရှိသူ တော်တော်များများ ရှိနေတဲ့အတွက် အခုချိန်မှာတော့ မဲရုံတွေ ပိတ်သလောက် ရှိနေပြီလို့လည်း နော်ခရစ်စထွန်းက ဒီဗွီဘီကို ပြောပါတယ်။

By ဒီဗွီဘီ
http://burmese.dvb.no/archives/121364

minaunghlaing-vote-620.jpg
နေပြည်တော် ဇေယျာသီရိမြို့နယ်က အနော်ရထာမဲရုံ အမှတ် ၁ မှာ နိုဝင်ဘာလ ၈ ရက်နေ့က တပ်မတော် ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင် မဲထည့်နေစဉ်

ပြည်သူတွေ ရွေးချယ်တဲ့ ရွေးကောက်ပွဲရလဒ်အတိုင်း လက်ခံမယ်လို့ တပ်မတော် ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်က ပြောပါတယ်။

ကာကွယ်ရေးဦးစီးချုပ် (ကြည်း) ရုံးရှိတဲ့ နေပြည်တော် ဇေယျာသီရိမြို့နယ်က အနော်ရထာမဲရုံ အမှတ် ၁ မှာ လာရောက် မဲပေးစဉ် သတင်းထောက်တစ်ဦးက ရွေးကောက်ပွဲမှာ အတိုက်အခံပါတီဖြစ်တဲ့ အန်အယ်လ်ဒီပါတီ အနိုင်ရရှိမယ်ဆိုရင် ဘယ်လိုသဘောထားမလဲလို့ မေးမြန်းရာ ဗိုလ်ချုပ်မှူးကြီး မင်းအေင်လှိုင် က ဖြေကြားခဲ့တာဖြစ်ပါတယ်။

"ပြည်သူကရွေးချယ်တာပဲ၊ ကျနော်တို့ဘာမှလက်မခံနိုင်စရာအကြောင်းမရှိဘူးလေ၊ သူတို့အားကိုးရတဲ့လူတွေ၊ အဖွဲ့ အစည်းတွေ၊ ပါတီတွေ ဒီလိုမျိုးအောင်မြင်မှုရတာ ကျနော်တို့လိုလားတာပေါ့၊ ပြည်သူအားမကိုးရတဲ့လူနိုင်သွားရင် ဘာလုပ်မှာလဲ၊ ပြည်သူအားကိုးတဲ့သူဖြစ်ဖို့လိုတာပေါ့၊ ဟုတ်ဘူးလား"

ရွေးကောက်ပွဲအပြီး ကျင်းပမယ့် လွှတ်တော်အစည်းအဝေးတွေမှာ ဒုတိယ သမ္မတလောင်းတွေကို တင်သွင်းရမှာဖြစ်ရာ တပ်မတော်သား ၂၅ ရာခိုင်နှုန်းဘက်က တင်မြှောက်မယ့် ဒုတိယသမ္မတလောင်းနဲ့ပတ်သက်ပြီး မေးမြန်းရာ မှာတော့ ပြောဖို့စောသေးတယ်လို့ ဖြေကြားခဲ့ပါတယ်။

အဲဒီမဲရုံမှာ ဒုတိယတပ်မတော်ကာကွယ်ရေးဦးစီးချုပ် ဒုတိယဗိုလ်ချုပ်မှူးကြီး စိုးဝင်း၊ တပ်မတော်(ကြည်း၊ ရေ၊ လေ) ညှိနှိုင်းကွပ်ကဲရေးမှူး ဗိုလ်ချုပ်ကြီးခင်အောင်မြင့် နဲ့ တပ်မတော်ထိပ်ပိုင်းခေါင်းဆောင်တွေ မဲပေးခဲ့ကြတာဖြစ်ပါတယ်။

ကာကွယ်ရေးဦးစီးချုပ် (ကြည်း) ရုံးအတွင်းမှာ တပ်မဲရုံ ၆ ရုံရှိပြီး မဲပေးပိုင်ခွင့်ရှိသူ တစ်သောင်းနှစ်ထောင်ခန့် ရှိတယ်လို့ သိရပါတယ်။

ဇေယျာသီရိမြို့နယ် တစ်ခုလုံးမှာ မဲပေးပိုင်ခွင့်ရှိသူ ၇ သောင်းကျော်ရှိပြီး မဲရုံပေါင်း ၇၆ ရုံရှိပါတယ်။

RFA
http://www.rfa.org/burmese/news/minaunghlaing-accept-elections-result-11082015020227.html

[youtube src="hMPXRzF3QzE"/]
ထားဝယ်မြို့နယ် ဆန်းချီရပ်ကွက်ရှိ မဲဆန္ဒရှင် ၃၀၀၀ ကျော်မဲပေးရမည့် မဲရုံတွင် ၅ နာရီကျော်ကြာ မဲပေးပြီးချိန်တွင် လူ ၅၀၀ ကျော်သာ မဲပေးရသေး

 taunggyi-voters-620.jpg တောင်ကြီးမြို့ ကန်သာရပ်ကွက်မဲရုံမှာ လာရောက်မဲထည့်ကြသူတွေကို အောက်တိုဘာလ ၈ ရက်နေ့က တွေ့ရစဉ်

ရှမ်းပြည်နယ်မှာ ကချင်တိုင်းရင်းသားရေးရာ ဝန်ကြီးနေရာအတွက် ဝင်ရောက်ယှဉ်ပြိုင်တဲ့ ကိုယ်စား လှယ်လောင်းတွေကို မဲပေးခွင့်ရရှိတဲ့ ကချင်တိုင်းရင်းသား ၇ သောင်းသာ ရှိတယ်လို့ ကော်မရှင်က စာရင်းထုတ်ပြန်ထားတဲ့အတွက် မဲပေးခွင့်ဆုံးရှုံးသူတွေ အမြောက်အများ ရှိနေတယ်လို့ သိရပါတယ်။

ကချင်တိုင်းရင်းသားရေးရာ ဝန်ကြီးနေရာအတွက် မဲပေးခွင့်ရှိသူစာရင်းကို ထုတ်ပြန်ရာမှာ နာမည်ကျန်ခဲ့တဲ့ ကချင်တိုင်းရင်းသားတွေစာရင်းကို စုစည်းပေးဖို့ ရှမ်းပြည်နယ် ရွေးကောက်ပွဲကော်မရှင်က အကြောင်းပြန် ထားတယ်လို့ ကချင်တိုင်းရင်းသား ကိုဇော်နော်က ပြောပါတယ်။

"ကျနော်တို့ ရပ်ကွက် ၁ ရုံးမှာသွားကြည့်တယ်၊ ကျနော်စာရင်းက အဲ့လိုပဲ ရှေ့က ပြည်သူ့လွှတ်တော်၊ အမျိုးသား လွှတ်တော်၊ ပြည်နယ်လွှတ်တော်မှာပါနေပြီး ကချင်ရေးရာဝန်ကြီး မဲစာရင်းမှာမပါဘူး ဖြစ်နေ တယ်ပေါ့နော်၊ အဲ့ဒီကိစ္စနဲ့ပတ်သက်ပြီး ကျနော်တို့ ပြည်နယ်ခွဲ ရွေးကောက်ပွဲကော်မရှင် ဥက္ကဌနဲ့ သွားတွေ့တယ်၊ သူကတော့ စာရင်းတွေအမြန်ကောက်ပြီးတော့ တင်လိုက်ပါပေါ့၊ ဒါကိုသူတို့အမြန်ဆုံး ပြန် လုပ်ပေးမယ်လို့တော့ပြောတယ်၊ ဒါပေမဲ့ ဒီရှမ်းပြည်တစ်ခုလုံးမှာ ဒီလိုအမှားအယွင်းမျိုးက နေရာတကာ မှာရှိနိုင်တယ်"

ရှမ်းပြည်နယ်မြောက်ပိုင်းမှာ ကချင်တိုင်းရင်းသား နှစ်သိန်းလောက်နေထိုင်နေတာဖြစ်ပြီး ကော်မရှင်က ထုတ်ပြန်တဲ့စာရင်းအရ မဲပေးခွင့်ရရှိ်သူ ၇ သောင်းသာရှိတယ်လို့ သိရပါတယ်။

တိုင်းရင်းသားရေးရာ ဝန်ကြီးနေရာအတွက် မဲပေးပိုင်ခွင့်ရှိသူစာရင်းမှာ နာမည်ကျန်ခဲ့တာတွေနဲ့ ပတ်သက်ပြီး ရှမ်းပြည်နယ်ရွေးကောက်ပွဲကော်မရှင်အဖွဲ့ခွဲ တာဝန်ခံ ဦးနှစ်ဆန်းဦးက အခုလိုပြောပါတယ်။

"ဒီမဲစာရင်း စပြုစုတုန်းက ပုံစံ ၁ ၊ ပုံစံ ၆၆/၆ နဲ့ စကောက်တဲ့အချိန်မှာ ဒီပုံစံ ၁ မှာကျတော့ တိုင်းရင်းသားနဲ့ လူမျိုးဘာသာ ဆိုတဲ့အကွက်က သူပုံစံချပေးထားတဲ့ ပါမလာတော့ ဒုတိယနောက်တစ်ကြိမ် ကျနော်တို့ တိုင်းရင်းသားမဲစာရင်တွေ ပြုစုပါဆိုတဲ့အချိန်မှာ သေချာထပ်ပြီးကောက်တယ်၊ ပုံစံ ၃ (က)နဲ့ ထပ်ပြီးတော့မှ တိုင်းရင်းသားအဖွဲ့တွေကို ပြန်ပြီးတော့ တိုင်းရင်းသားလူမျိုးအတွက် တိုင်းရင်းသားရေးရာ ဝန်ကြီးတွေရွေး ချယ်ပေးဖို့ တိုင်းရင်းသားမဲစာရင်းတွေ တောင်းတဲ့အချိန်မှာ တချို့ပြည်သူတွေ မဲဆန္ဒရှင်တွေက တိုင်းရင်းသားအကွက်မှာဖြည့်ဖို့ ကျန်သွားတဲ့အတွက် သက်ဆိုင်ရာမဲစာရင်းပြုစုတဲ့ မြို့နယ်ကော်မရှင်က ဒီအကွက်မှာ တိုင်းရင်းသားအတွက် မပါသွားလို့ လွှတ်တော် ၃ ရပ်အတွက်ပဲ ပါသွားတာတွေ အဲ့ဒါလေးတွေ အားနည်းချက်တွေ့ပါတယ်"

ရှမ်းပြည်နယ်မှာ ဗမာ၊ ကချင်၊ လီဆူ၊ လားဟူ၊ အာခါ၊ အင်းသားနဲ့ ကယန်း(ပဒေါင်)စတဲ့ တိုင်းရင်းသားတွေနေ ထိုင်ပြီး အဲ့ဒီတိုင်းရင်းသားတွေအတွက် လူမျိုးစုတိုင်းရင်းသားရေးရာ ဝန်ကြီးနေရာတွေ ရရှိထားပါတယ်။

RFA
http://www.rfa.org/burmese/news/not-permit-vote-kachin-nation-11082015010901.html

ဒီနေ့ဒီရက် ဒီတစ်သက်
စောင့်လျက်မျှော်လာ နှစ်များကြာ
ခုခါမနှေး မဲတွေပေး
ပေးခဲ့ပြီးကြောင်း လက်တစ်ချောင်း
မိုးကောင်းကင်ပေါ်ထောင်
ခရမ်းပြာရောင် မြူမှောင်တိမ်ကင်း
စိတ်ဝယ်လင်းလို့
ဆင်းရမှာပေါ့အာဏာရှင်
ဝင်းရပါပေါ့ NLD-ပါတီဝင်
ပြည်တခွင် ရွှင်ကြည်စွာနွှဲ…။
ခွပ်ဒေါင်းတွေ လွန်ပျော်မြူး
တွန်ကျူး မယ့်ပွဲ…။

တက္ကသိုလ်ဘုန်းကြွယ်(နိုဝင်ဘာ ၈ ၁၅)




၂၀၁၅ ရွေးကောက်ပွဲသည် တစ်နိုင်ငံလုံးရှိ ပြည်သူအားလုံး လှည်းနေလှေအောင်းမြင်းဇောင်းမကျန် ပါဝင်ခဲ့သည့် သမိုင်းမှတ်တိုင်သစ်ဖြစ်ခဲ့သည့်နေ့တစ်ရက်ပင်ဖြစ်သည်ဟုဆိုနိုင်ပေသည် ။

နိုဝင်ဘာ ၈ရက်နေ့တွင်ကျေရာက်ခဲ့သည့် ၂၀၁၅ရွေးကောက်ပွဲနေ့တွင် မနက် ဝေလီဝေလင်းအချိန် ၅နာရီကပင် မဲရုံရှေ့ ရောက်သူ ဦးရေ ၁၀၀ကျော်အထက်ရှိနေခဲ့သည်ကိုတွေ့ရပြီး မဲပေးလိုသူများ စိတ်အားထက် သန်စွာဖြင့်စောင့်ဆိုင်းနေကြသည်။

အချို့မြို့နယ်များတွင် မဲရုံများ ၆နာရီထိုး မဖွင့်နိုင်သည့်မဲရုံများ လည်းရှိနေကြခြင်းကြောင့် ပြည်သူအချို့ စိတ်မရှည်စွာ တီးတိုးပြောဆိုခြင်းများ ကိုလည်း ပြည်သူအချင်းချင်း ကပင် ဖြေသိမ့်ပေးနေသည်ကို တွေ့ရသည်။

မဲစာရွက်ပေါ်တွင် မဲမစွန်းစေရေး၊ မဲလက်မှတ်ပယ်မဲမဖြစ်စေရေး ကိုလည်း ပြည်သူအချင်းချင်းတီးတိုးသတိပေးသည်ကိုလည်း သိရှိရပြီး၊ ပြည်သူ့လွတ်တော်ကို သတိထား ရန် ပြောဆိုကြ သည်ကို တွေ့ရသည်။

ထူးခြားချက်အနေဖြင့် ပြည်သူတစ်ဦးလျင် အနည်းဆုံးမဲပေးရန် ကြာချိန် တစ်နာရီကျော် မတ်တပ်ရပ်တန်းစီစောင့်ဆိုင်းနေရသော်လည်း အပြုံမျက်နှာများဖြင့် အချင်းချင်းရယ်မောပျော်ရွှင်လျက် စိတ်ရှည်သည်းခံစွာစောင့်ဆိုင်းနေကြပြီး အချင်းချင်း ကြားဖြတ်ကျော် တက်ခြင်းမရှိကြပဲ ဒီမိုကရေစီဆိုတာ စည်းကမ်းရှိရမှာမို့ စည်းကမ်းနဲ့စောင့်ကြမယ်ဟု ပြောဆိုကြ သည်ကိုလည်းကြားသိရသည်။

မဲရုံများဆန္ဒမဲပေးသူပြီး ထွက်လာသူများက ၄င်းတို့လိုလားသည့် လွတ်တော်ကိုယ်စားလှယ်သည် ဆန္ဒမဲ လက်မှတ်၏ အကွက် အတန်းဘယ်လောက်တွင် ရှိကြောင်း ယောင်ဝါးမျက်စိမလည်စေရန် ကြိုတင်သတိပေးပြောကြသူများကိုလည်းတွေ့ရသည်။

မဲရုံပတ်ဝန်းကျင်တွင် အချင်းချင်းဓာတ်ပုံရိုက်ပေးသူများ၊ မဲရုံမှ မင်တို့ခံပြီးထွက်လာသူများက လက်သန်းများကို စုပေါင်းထောင်ကြလျက် ဓာတ်ပုံရိုက်ကြသည်ကိုလည်းတွေ့ရသည်။

တန်းစီစောင့်ဆိုင်းနေသူများက ၄င်းတို့၏ နယ်မှဆွေမျိုးများ မိတ်ဆွေများ ကိုအိပ်ရာမှ မြန်မြန်ထကာ မဲသွားပေးရန်၊ အပြောင်းအလဲအတွက် ၀ိရိယ စိုက်ထုတ်ရန် ၊ အနာဂတ်ကို တန်ဖိုးထားရန် ၊ နိုင်ငံသားတာဝန်ကျေပွန်ရန် ဖုန်းဖြင့်ပြော ဆိုနေကြသည်ကိုလည်းတွေ့ရသည်။

ရန်ကုန်နှင့် အနီးတစ်ဝှိက် မြို့နယ်များတွင် မနက် ၁၁နာရီ ခွဲအထိ ပြသာနာတစ်စုံ တစ်ရာ မရှိပဲ၊ ပျော်ရွှင် ရယ်မောနေသော အပြုံးမျက်နှာ နှင့် ပြည်သူများကို လမ်းပေါ်နှင့် ဖေ့ဘုတ်စာမျက်နှာများ တွင်တွေ့မြင်နေရသည်။

သတင်း - မောင်နိုး
The Ladies News Journal

[youtube src="EyLY3W009bE"/]
လသာမြို့နယ်၊ အမှတ်(၅) နဲ့ (၇)ရပ်ကွက်များတွင် မဲရုံနေရာ ကျဉ်းမှုကြောင့် အလှည့်ကျ အသုတ်လိုက် ၀င်ရောက် မဲပေးနေရပါတယ်။ လသာ မဲဆန္ဒနယ်အတွင်းက မဲရုံပြုလုပ်ထားတဲ့ စာသင်ကျောင်းတွေ ကျဉ်းမြောင်းမှုကြောင့် မဲပေးသူများ အလှည့်ကျဝင်နေရပြီး အချိန်ကြန့်ကြာမှုတွေ ရှိနေပါတယ်။
Eleven Media Group

[youtube src="8U2f0T7arq0"/]
ရေဆင်း စိုက်ပျိုးရေး တက္ကသိုလ်ဝန်းအတွင်းရှိ ဇေယျသီရိမြို့နယ် မဲရုံအမှတ်(၆)မှာ မဲရုံဖွင့်ချိန် နောက်ကျပြီး ကြိုတင် မဲစာရင်းများ ကပ်ပေးထားနိုင်မှု မရှိခဲ့ကြောင်း သတင်းရရှိပါတယ်။ အဲဒီမဲရုံမှာ မဲပေးပိုင်ခွင့်ရှိသူ ၂၂၁၀ဦး ရှိပြီး ကြိုတင်မဲတွေကို ညနေပိုင်းမှသာ လက်ရှိပေးတဲ့ စာရင်းနဲ့ပေါင်းပြီးထုတ်ပြန်ပေးနိုင်မယ်လို့သတင်းရရှိပါတယ်။

Eleven Media Group


 နိုဝင်ဘာလ ၈ ရက် ၂၀၁၅

 သျှမ်းမြောက် ၊ နမ့်ခမ်းမြို့နယ်၊ ပန်းဆေးဒေသအတွင်းရှိ စံကားရွာ(မန့်စပ်ေ ကျးရွာ အုပ်စု) ၌ SNDP မဲရုံကိုယ်စားလှယ်များအား ပန်းဆေးပြည်သူ့စစ် အဖွဲ့များက လက်နက်ဖြင့်ခြိမ်းခြောက်ပြီး မောင်းထုတ်မှုဖြစ်ပေါ်ကြောင်း သျှမ်းသံတော်ဆင့် မှ သတင်းရရှိသည်။

မဲရုံစောင့်ကြည့်ဖို့အ တွက် စံကား ကျေးရွာကို နိုဝင်ဘာလ(၇)ရက်နေ့ က သွားရောက်ခဲ့ပြီး ၄င်း ကျေးရွာရှိ ဘုန်းကြီးကျောင်း၌ ညအိပ် ခဲ့ကြောင်း၊ည (၁၀း၀၀)နာရီအချိန် ၌ ၄င်းရွာ၏ အုပ်ချုပ်ရေးမှူး သားက အခြေအ နေ မကောင်းကြောင်း လာရောက်သတိပေးပြောဆို ပြီး (၁၅) မိနစ် အကြာ သေ နတ် ပစ်ဖေါက်ခြိမ်းခြောက်ခံရ ကြောင်း ၊ ပန်းဆေး ပြည်သူ့စစ်အဖွဲ့ဝင်များက ဘုန်းကြီးကျောင်း တံခါး မဖွင့်မချင်း တံခါးခေါက်ပြီး မဲရုံစောင့်ကြည့်ရေး ကိုယ်စားလှယ်များအား မောင်း ထုတ် ကြောင်း SNDP ကျားဖြူပါတီ မဲရုံကိုယ်စားလှယ် စိုင်းမောင်နိုင်ကဆိုသည်။

“ပန်းဆေးပြည်သူ့စစ်အဖွဲ့များက စစ်လက်နက်အပြည့်အစုံနဲ့ ကျနော်တို့ ညအိပ်တဲ့ဘုန်းကြီး ကျောင်းကိုရောက်လာပြီး ငါတို့ ရွာမှာ သူစိမ်း လက် ညမခံဘူး၊ အခုကားနဲ့မြန်မြန်ထွက်သွားတော့ လို့ မောင်း ထုတ်ကြိမ်းေ မာင်းခံရတယ် ၊ အခု မနက်ပိုင်းနမ့်ခမ်းမှာပြန်ရောက်လာတော့ မြို့နယ်ေ က်ာမရှင် ထံတိုင်ကြားထားတယ်” ဟု ၄င်းက သျှမ်းသံတော် ဆင့် အားပြော သည်။

ထို့အတူ ပန်းဆေးဒေသတစ်ခုလုံးရှိ မဲရုံထားရှိသော ရွာများတွင် ယခုသ တင်းေ ရး သားနေသည့် အချိန် နိုဝင်ဘာ လ (၈) ရက်နေ့ မနက် (၁၀း၀၀) နာရီအချိန်အထိ တာကွန့်ကျေးရွာ၊ ဆိုခရယ်ရွာ၊ မန့်မိုင်ရွာနှင့် လွယ် လွမ် ကျေးရွာ အုပ်စု ၁၃မိုင်စုစည်းရွာ များတွင် မဲရုံကိုယ်စားလှယ် များအား ပန်းဆေးပြည် သူ့စစ်လက်နက်ကိုင် တပ်ဖွဲ့ဝင်များက လက်နက်ဖြင့်ခြိမ်းေ ခြာက်နေပြီး မဲပေးသည့်နေရာတွင် ၀င်ရောက် ကြည့်ရှုခွင့်မပြုကြောင်း နမ့်ခမ်းမြို့နယ် SNDP ကျားဖြူပါတီ တာဝန်ရှိသူတစ်ဦးကဆိုသည်။

ပန်းဆေးဒေသ၌ ၂၀၁၀ ရွေးကောက်ပွဲကာလတွင်လည်း အလားတူ ယခု လိုပြဿနာမျိုး လည်းဖြစ်ဖူး လာခဲ့ ကြောင်း ဒေသတွင်းမဲရုံစောင့်ကြည့်သူ များထံမှသိရသည်။

သျှမ်းသံတော်ဆင့်
https://www.facebook.com/Panglong.burmese

ကြာအင်းဆိပ်ကြီးမြို့နယ်မှ မဲဆန္ဒရှင်အချို့၏ အသံ။ ဓါတ်ပုံ - ကေအိုင်စီ - ကရင်သတင်းဌာန
 နိုဝင်ဘာ ၈ရက်၊ ၂၀၁၅ခုနှစ်။ မနက် ၁၀နာရီ (စောမြဦးသာ)

 ကြာအင်းဆိပ်ကြီးမြို့နယ်၊ ခလယ်ကျေးရွာ၌ မဲရုံတစ်ခုတည်းတွင် ရပ်ကွက်ပေါင်းများစွာမှ မဲဆန္ဒရှင်များ လာရောက်မဲပေးရသည့် အတွက် တိုးကြိတ်နေရသည့်သူများနှင့် သက်ကြီးရွယ်အို မဲဆန္ဒရှင်များမှာ နေအိမ်ပြန်သွားကြသည်ဟု သိရသည်။

မဲထည့်ပြီးသူ ခလယ်ရွာသား စောကိုးတုက “မဲထည့်တာ တော်တော် ကြပ်တည်းတယ်။ တိုးနေရတာပေါ့။ ရပ်ကွက်က လေး ငါးရပ်ကွက် ရှိတယ်ဆိုတော့ ရပ်ကွက်အလိုက်နေရာမခွဲထားဘဲ တစ်စုတည်းဆိုတော့ တော်တော်တိုးရတာပေါ့။ တချို့ကျတော့ လည်း မနက်ပိုင်းလာပြီးတော့ စောင့်မနိုင်ဘဲ ပြန်သွားတဲ့သူလည်း ရှိတယ်။ ညနေပိုင်း လာချင်မှလာမယ်။ ဘယ်အချိန်ပြီးမလဲ မသိဘူး။”ဟု ဆိုသည်။

၎င်းအပြင် မဲပြားပေါ်၌ မိမိမဲထည့်လိုသည့် အကွက်တွင် စည်းတံဆိပ်ထုရန် လူအမည် မပါ၍ ရွေးချယ်မဲထည့်မတတ်သူများ လည်း ရှိကြောင်း သူက ဆက်ပြောသည်။

ရန်ကုန်မြို့သို့ အလုပ်သွားလုပ်ရာမှ ဇာတိ ခလယ်ရွာတွင် မဲပြန်လာပေးသူ စောလာယှူ့ဖေါင်က “ရွာကသူငယ်ချင်းက မဲစာရင်း ကြည့်ပေးထားတယ်။ ပါတော့ ပြန်လာမဲထည့်တယ်။ ဒီမှာနေပူတော့ တချို့တွေက အဖွားကြီးတွေလေ မစောင့်နိုင်တော့ ပြန်သွား တယ်။ လာချင်မှလည်းလာတော့မယ်လေ။ နောက်ပြီး ကလေးမိခင်ကလည်း ရှိသေးတယ်။ ကျနော့်အထင်တော့ မဲပေးတာတွေ အများကြီး ဆုံးရှုံးသွားမှာပေါ့။”ဟု ကေအိုင်စီသို့ ပြောသည်။

ကေအိုင်စီ - KIC
http://kicnews.org


 မန္တလေး န⁠န်းတွင်း အမှတ် ၁၆၁ တပ်ထိန်းတပ် စခန်းစိုက်ရာ အောင်မြေသာဇံ မြို့နယ် ဥပုသ်တော် ရပ်ကွက် မှာ ရှိတဲ့ မဲရုံ အမှတ် ၁၄ မှာ တော့ မဲပေးပိုင်ခွင့် ရှိသူ ၁၇⁠၇ ယောက် စာရင်းပေါက် ပြီး ၁⁠၁၉ ယောက် လာရောက်မဲပေး ခဲ့ကြလို့ မဲရေတွက် ပြီးခဲ့ပါပြီ။

အဲဒီ့ မဲရုံ တစ်ခုတည်း အနေနဲ့ ကတော့ တသီး ပုဂ္ဂလ ကိုယ်စားလှယ် အနေနဲ့ ၀င်ပြိုင်တဲ့ မန္တလေး မြို့တော်ဝန် ဟောင်း လည်း ဖြစ်၊ ဗိုလ်မှုးချုပ် ဟောင်းလည်း ဖြစ်တဲ့ ဦးဖုန်းဇော်ဟန် က ၁⁠၁၄ မဲ ရပြီး၊ ကြံ့ခိုင်ရေး နဲ့ NLD ပါတီ ကိုယ်စားလှယ်တွေ ကတော့ ၂ မဲ စီ ရရှိ ခဲ့ပါတယ်။

အဲဒီ့ မဲရုံကနေ ဘီ⁠ဘီစီ သတင်းထောက် ကိုနေလင်းက သတင်းပေးပို့ ထားပြီး ဘန်ကောက် ဘီ⁠ဘီစီ စတူဒီယို ကနေ ဦးဝင်းမြင့် က မေးမြန်း ထားပါတယ်။

BBC Burmese
https://www.facebook.com/bbcburmese

[soundcloud src="232067787"/]


နိုဝင်ဘာ ၈ရက်၊ ၂၀၁၅ခုနှစ်။

ယနေ့ ပြုလုပ်နေသည့် ၂၀၁၅ အထွေထွေရွေးကောက်ပွဲ မဲရုံတွင် ကရင်တိုင်းရင်းသားရေးရာအတွက် မဲပုံးမရှိသဖြင့် ကရင်မဲဆန္ဒ ရှင်တချို့ ကရင့်ရေးရာမဲပေးခွင့်မရ ဖြစ်နေသည်ဟု ရန်ကုန်တိုင်းဒေသကြီး၊ မြောက်ဥက္ကလာပမြို့နယ်၊ နွယ်နီ (၁၂)လမ်းတွင် နေထိုင်သူ စောလားကပေါ်က ကေအိုင်စီသို့ ပြောသည်။

“အခု ကရင်တိုင်းရင်းသားမဲကို ပေးခွင့်မရဘူး။ ကျနော်တို့မဲရုံမှာ ကရင်တိုင်းရင်းသားရေးရာမဲပုံးကို မထားတာ။ မဲစာရင်းလည်း မရှိဘူးလို့ ပြောတယ်။ ပြီးခဲ့တဲ့ ၂၀၁၀ ရွေးကောက်ပွဲတုန်းက အတီးတို့ ကရင်ရေးရာ မဲပေးခဲ့ရသေးတယ်။ အခု မရဘူးဆိုတော့ ဘယ်လိုပြောရမှန်းမသိတော့ဘူး”ဟု စောလားကပေါ်က ကေအိုင်စီသို့ ပြောသည်။

အဆိုပါကိစ္စနှင့်ပတ်သက်၍ ရန်ကုန်တိုင်းဒေသကြီး ရွေးကောက်ပွဲကော်မရှင်အဖွဲ့ခွဲဥက္ကဌ ဦးကိုကိုထံ ဆက်သွယ်မေးမြန်းသော် လည်း စုံစမ်းပေးမည်ဟုသာ ပြန်လည်ပြောကြားခဲ့သလို ရေးရာမဲပေးခွင့်ရမရကို တိကျသေချာသည့် အဖြေမရရှိခဲ့ဟု သိရသည်။

အလားတူ ဧရာဝတီတိုင်းဒေသကြီး၊ ပန်းတနော်မြို့နယ်၌လည်း ကရင်တိုင်းရင်းသားရေးရာ မဲစာရင်းတွင် မပါဝင်သည့်အတွက် မဲပေးခွင့်မရသည့် ကရင်တိုင်းရင်းသားများရှိနေကြောင်း ပန်းတနော်ကရင်လူငယ်ကွန်ရက်မှ စရဲသူရိန်က အတည်ပြုပြောသည်။

ကရင်ပြည်သူ့ပါတီမှ မှော်ဘီမြို့နယ် ပြည်သူ့လွှတ်တော်ကိုယ်စားလှယ်လောင်း စောမောင်တုတ်က “မနက်က မဲသွားပေးတော့ ရေးရာမဲစာရင်းမှာ မပါဘူးလို့ ပြောတယ်။ အဲ့ဒါနဲ့ တခြားမဲတွေပေးပြီး မဲရုံတွေလိုက်ကြည့်တယ်။ နောက်တော့ မဲရုံက ဖုန်းပြန် ဆက်လာပါတယ်။ စာရင်းမှားသွားလို့တဲ့။ အခု ရေးရာမဲစာရင်းမပါတာတွေ အများကြီးတွေ့ထားတယ်”ဟု ပြောသည်။

ပြည်ထောင်စုရွေးကောက်ပွဲကော်မရှင်က ပထမအကြိမ်၊ ဒုတိယအကြိမ် အခြေခံမဲစာရင်းများ ထုတ်ပြန်ခဲ့ရာ တိုင်းရင်းရေးရာ မဲစာရင်းကို သီးခြားထုတ်ပြန်ခြင်းမရှိခဲ့သော်လည်း ပြီးခဲ့သည့် စက်တင်ဘာ ဒုတိယအပတ်တွင် ထုတ်ပြန်သည့် တတိယအကြိမ် အခြေခံမဲစာရင်းတွင် တိုင်းရင်းသားရေးရာမဲစာရင်း ထုတ်ပြန်ပေးခဲ့သည်။

ထိုသို့ ထုတ်ပြန်ပေးရာတွင် အချို့နေရာများတွင် တစ်ရွာလုံး ရေးရာမဲစာရင်းတွင် မပါဝင်သည်များရှိသလို အချို့နေရာများတွင် လက်ရေးဖြင့်သာ ထုတ်ပြန်ပေးခြင်း၊ အချို့နေရာများတွင် တိုင်းရင်းသားရေးရာမဲစာရင်းကို ထုတ်ပြန်ပေးခြင်းမရှိခဲ့ကြောင်း ကရင် ပြည်သူ့ပါတီ အထွေထွေအတွင်းရေးမှူး စောစေားဝါးက စက်တင်ဘာလအတွင်းက ကေအိုင်စီသို့ ပြောခဲ့သည်။

 စောထွန်းလင်း
ကေအိုင်စီ - KIC
http://kicnews.org


လွိုင်ကော်မြို့နယ် နွားလဝိုးကျေးရွာအုပ်စုတွင် ကြိုတင်မဲပေးတာ ၆ ပုံး ရှိတယ် အမှတ် ၄ ပုံးက နာရီဝက်တွင် ရောက်ရှိလာသည်ဟု သိရသည်ဟု စောင့်ကြည့်ရေးအဖွဲ့ထံမှ သိရသည်။

"သတ်မှတ်ချိန်ထက် ၆ နာရီခွဲမှ ရောက်လာတယ်။ မင်္သကာ စရာဖြစ်နေတယ်။" ဟု ၎င်းမဲရုံများတွင် စောင့်ကြည့်သူ နိုင်ငံရေးပါတီကိုယ်စားလှယ်လောင်းတစ်ဦးက ပြောသည်။


နွားလဘိုးအုပ်စုမှ ပဒါးညေကျေးရွာမှ မဲလာထည့်သည့် ပအိုဝ်အမျိုးသမီးများသည် ယခင်နေ့ရက်က ကြံ့ခိုင်ရေးပါတီ တိုက်တွန်းနိုးဆော်ထားသည့် စာရွက်ကို ကိုင်ဆောင်လာကြသည်ဟု သိရသည်။

" ဘယ်ပါတီမှာပေးရမလဲဆိုတာမသိဘူး။ ပါတီတိုက်တွန်းနိုးဆော်ချက်တွေပေးထားတဲ့ ဒီစာစောင်အတိုင်းထည့်မလားလို့ဘဲ။" ဟု မဲလာထည့်သည့် ပအိုဝ်အမျိုးသမီးက ပြောသည်။


ပြီးခဲ့သည့်လအတွင်းတွင် ကြံ့ခိုင်ရေးမှ မိမိတို့ပါတီကို ထောက်ခံရန် ကျေးရွာအတွင်းရှိ ယခင် ၂၀၁၀ မတိုင်မှီက ပါတီဝင်အဖြစ်သတ်မှတ်ခဲ့သူများထံ တိုက်တွန်းစာပေးပို့ခဲ့ခြင်းဖြစ်သည်။


မည်သည့်ပါတီမဲပေးရမည်ကို မသိသူများက ၎င်းစာရွက်ကို မဲရုံသို့ ယူလာနေကြခြင်းကို တွေ့ခဲ့ရသည်။

ကယန်းကြပ်ခူ ပဒါးညေးကျေးရွာ မဲရုံ ၁၀၃၀ ဦးရောက် အမျိုးသမီး ၅၂၆ အမျိုးသား ၅၁၃ ဦးရှိသည်။

နွားလဝိုးကျေးရွာအုပ်စုအတွင်းတွင် မဲလာထည့်ကြသည့် သူများကို မြင်တွေ့ရစဉ်ဖြစ်သည်။

ဓါတ်ပုံ ၊ ဖြိုးဝေအောင်

ဝီလျံရှိန်း
Kantarawaddy Times
https://www.facebook.com/kantarawaddytimes/


ဒီနေ့ နိုဝင်ဘာလ (၈) ရက်နေ့ ရှမ်းပြည်နယ်ရဲ့မြို့တော် တောင်ကြီးမှာ မဲဆန္ဒပေးနေကြတဲ့ အခြေအနေကို မနန္ဒာချမ်းက ဆက်သွယ်မေးမြန်းထားပါတယ်။

နန္ဒာချမ်း ။ တောင်ကြီးဘက် မဲရုံတွေရော အခြေအနေဘယ်လိုရှိပါသလဲ။

ဦးစိုင်းလိတ် ။ မဲရုံတွေတော့ အကုန်လုံးဖွင့်ပြီးပါပြီ။ မဲလည်းစတင်ပေးနေကြပါပြီ။ ဒါပေမဲ့ ပြဿနာတခုက မှတ်ပုံတင်ပါတယ်။ မဲပေးဖို့တိုကင်ပြားမရှိတဲ့အတွက်ကြောင့်မို့လို့ မဲစာရင်းမှာမပါဘူးဆိုပြီး ငြင်းပယ်ခံနေရတဲ့ပုဂ္ဂိုလ်တွေ အတော်များများပါတယ်ခင်ဗျာ။ နောက်တခုက လွိုင်လင်ဘက်မှာကျတော့ ကြိုတင်မဲကိစ္စပါ။ ကြိုတင်မဲကို မနေ့ကသွားထည့်တော့ မဲပေးလည်းပေးပြီးရော အိတ်ထဲကိုထည့်တယ်။ အဲဒီအိတ်ပေါ်မှာ မဲထည့်တဲ့လူရဲ့ နာမည်ကိုရေးပါတယ်။ အဲဒါကို ကျနော်တို့ SNLD ပါတီရော ၊ NLD က ပုဂ္ဂိုလ်တွေ ၀ိုင်းကန့်ကွက်ပါတယ်။ အဲဒါကို သူတို့က အထက်က ညွှန်ကြားချက်အရပါဆိုတော့ ဘယ်ကညွန်ကြားချက်လည်းမေးတော့ UEC ဆီကလို့ပြောပါတယ်။ ပြီးတော့ စာအုပ်ထုတ်ပြတယ် အစိမ်းရောင်စာအုပ်ပါ။ အဲဒီစာအုပ်ကို ဘာဖြစ်လို့ နိုင်ငံရေးပါတီတွေကို မဝေလဲဆိုတော့ မလုံလောက်လို့ပါဆိုပြီး အကြောင်းပြပါတယ်။ အဲဒီလိုကိစ္စလေးတွေရှိပါတယ်။ တောင်ကြီးမြို့ပေါ်မှာတော့ တချို့ဆို မိသားစုတခုလုံး မဲစာရင်းထဲ မပါတာတွေရှိတယ်။ အဲဒါတွေကို ကျနော်တို့ အရေးဆိုနေရတုန်းပါခင်ဗျာ။

နန္ဒာချမ်း ။ ဟုတ်ကဲ့ စောစောက ဦးစိုင်းလိတ်ပြောသွားတဲ့အထဲမှာ တိုကင်ပြားမပါလာလို့ မဲပေးလို့မရဘူးဖြစ်နေတယ်ဆိုတာက ဒီလူတွေက တိုကင်ပြားလုံးဝမရှိတာလား ဒါမှမဟုတ် မပါလာတာမျိုးလား တကယ်လို့မပါလာတာမျိုးဆိုရင်ရော မဲရုံမပိတ်ခင်မှာ သူတို့အနေနဲ့ ပြန်သွားပြီးတော့ မဲပေးခွင့်ရှိလားရှင့်။

ဦးစိုင်းလိတ် ။ မပါလာတာမဟုတ်ဘူးဗျ။ တိုကင်ပြားကို လာမဝေတာ၊ အဲဒီတော့ မှတ်ပုံတင်ရှိတယ်ဆိုပြီး စိတ်ချလက်ချနေနေတယ်။ မဲစာရင်းထဲမှာလည်း သူတို့ အမည်စာရင်းပါလောက်တယ်လို့ ယူဆပြီးတော့မှ ခရီးဝေးကနေ ပြန်ရောက်ရောက်ချင်း သူတို့မှတ်ပုံတင်ယူပြီး မဲသွားထည့်တာပါ။

နန္ဒာချမ်း ။ ဟုတ်ကဲ့ ဒီလူတွေနဲ့ ပတ်သက်လို့ မဲရုံက ဘာတာဝန်ယူပေးမလဲ၊ ဘယ်လိုဖြေရှင်းပေးမယ်လို့ ပြောလဲရှင့်

ဦးစိုင်းလိတ် ။ အခုလုံးဝတာဝန်ယူမှုမရှိဘဲနဲ့ ၊ စောစောကတည်းကလာပြီး စာရင်းမပေးလို့ပါ။ မဲအမည်စာရင်းမပါတာကို လာပြီး အကြောင်းမကြားလို့ပါဆိုပြီး ငြင်းလွှတ်တာမျိုးလည်းရှိပါတယ်။ ဘာမှတာဝန်ယူမယ်ဆိုတာကို လုံးဝမပြောပါဘူး။

နန္ဒာချမ်း ။ ဟုတ်ကဲ့ လူထုကရော ဘာပြောသံကြားမိလဲ သူတို့ရဲ့ ကျေနပ်မှု မကျေနပ်မှုနဲ့ ပတ်သက်ပြီးတော့။

ဦးစိုင်းလိတ် ။ အခုတော့ မိသားစု ၄ ၊ ၅ ခုလောက်စုပြီးတော့မှ ပင်စင်ရွာပေါ့နော် ၊ အဲဒီမှာ သွားပြီးတော့မှာ လူစုပြီးဘယ်လိုဆက်လုပ်ရင်ကောင်းမလဲ အဲဒါကို စုရုံးစုရုံးလုပ်နေတာတော့ တွေ့ခဲ့ရပါတယ်။

နန္ဒာချမ်း ။ လုံခြုံရေးကျတော့ရော မဲရုံတ၀ိုက်မှာ ဘယ်လိုအခြေအနေရှိလဲရှင့်။

ဦးစိုင်းလိတ် ။ သက်ဆိုင်ရာရဲတွေပေါ့နော်၊ ရွေးကောက်ပွဲအတွက် တာဝန်ယူတဲ့ရဲတွေကတော့ မဲရုံနဲ့ ခပ်လှမ်းလှမ်းမှာပဲ စောင့်နေကြပါတယ်။ အနှောက်အယှက်ဖြစ်စရာအကြောင်းလည်းမရှိပါဘူး အခုချိန်ထိတော့ အေးအေးဆေးဆေးပါပဲ။

နန္ဒာချမ်း ။ ဆိုတော့ ဦးစိုင်းလိတ်ပြောတဲ့မဲရုံမှာ ဒီနေ့ တနေကုန်မဲပေးရမယ့် လူဦးရေက ဘယ်လောက်လောက်ရှိသလဲ။ ဒီအထဲမှာ တိုကင်ပြားမပါတဲ့သူက ဘယ်လောက်လောက်ရှိနိုင်သလဲ

ဦးစိုင်းလိတ် ။ လောလောဆယ် မိသားစု ၆ ခုသာတွေ့ပါတယ်ခင်ဗျာ။ မိသားစု တခုဆိုလိုရှိလျှင် တအိမ်ထောင်စုလုံး လုံးဝမပါဘူး တချို့အိမ်တွေက ၂ ယောက် ၃ ယောက် အဲဒီလိုမျိုးရှိပါတယ်။ စုစုပေါင်းဆိုရင် ၁၈ ယောက်ကနေ ၂၀ လောက်ရှိပါတယ်။ အခုလောလောဆယ်တွေ့နေ့ရတာ နောက်တခါမိုင်းကိုင်းကလည်း ခုနကပဲ ဖုန်းဝင်ပါတယ်။ ရှမ်းပြည်နယ်တောင်ပိုင်းမိုိင်းကိုင်က အဲဒါလည်း မဲစာရင်မပါဘူးဆိုပြီး လုပ်နေပါတယ်ခင်ဗျ။

နန္ဒာချမ်း ။ အခုမဲရုံစဖွင့်တဲ့အချိန်ကနေ၊ အခုချိန်ထိဆိုရင် မဲရုံရှေ့မှာ လူတွေ မဲပေးဖို့ တန်းစီနေတာ တော်တော်များလားရှင့်

ဦးစိုင်းလိတ် ။ များပါတယ်ခင်ဗျ။ တော်တော်ကြီးကို များပါတယ်။ လူတန်းရှည်ကြီးကို ဖြစ်နေပါတယ်။

နန္ဒာချမ်း ။ ဟုတ်ကဲ့ရှင်။ ဦးစိုင်းလိတ်ကျေးဇူးတင်ပါတယ်ရှင်။

နန္ဒာချမ်း / ဗွီအိုအေ (မြန်မာပိုင်း)
http://burmese.voanews.com


 တပ်မိသားစုဝင်တွေ ကြိုတင်မဲပေးတဲ့အခါ တပ်တွင်းအရာရှိတွေက မဲပြားပေါ်မှာ အမိန့်အာဏာနဲ့ ကြံခိုင်ရေးပါတီရဲ့ ကိုယ်စားလှယ်တွေကို မဲထည့်ခိုင်းနေတယ်ဆိုပြီး ကိုယ်တွေ့ကြုံခဲ့ရသူတွေက ဘီဘီစီကို ပြောလာပါတယ်။

မကွေးတိုင်း ရေစကြိုမြို့နယ်ထဲက ဖူလုံဆိုတဲ့ ရွာအနီး တပ်ချထားတဲ့ ခြေလျင်တပ်ရင်း ၂၅၇ မှာဆိုရင် ကာယကံရှင် မဟုတ်ဘဲ ကိုယ်စားမဲပေးခိုင်းတာတွေ ပြုလုပ်ခဲ့သလို မဲပေးတဲ့အခါမှာလည်း စစ်မှုထမ်းတဦးကနေ မဲလာပေးသူတွေရဲ့ လက်ကိုကိုင်ပြီး မဲဆန္ဒကပ်ပြားပေါ်က ကြံ့ခိုင်ရေးကိုယ်စားလှယ်နေရာကို ထုခိုင်းတာဖြစ်တယ်လို့ ကိုယ်တိုင်ကြုံတွေ့ခဲ့ရတဲ့ စစ်မှုထမ်းတဦးရဲ့ ဇနီးဖြစ်သူက ဘီဘီစီကို ပြောပါတယ်။

ဒါပေမယ့် သမ္မတဦးသိန်းစိန်ရဲ့ ရွေးကောက်ပွဲအတွက် ပြောခဲ့တဲ့ ပြီးခဲ့တဲ့ ရက်ပိုင်းထဲက မိန့်ခွန်းမှာတော့ ရွေးကောက်ပွဲဟာ လွတ်လပ်ပြီး တရားမျှတဖို့ အများပြည်သူဆန္ဒကို ထင်ဟပ်ဖို့ သူ့အနေနဲ့ ယုံကြည်တယ်လို့ ပြောထားပါတယ်။ ဒါ့အပြင် ရွေးကောက်ပွဲကနေ ထွက်ပေါ်လာမယ့် ရလဒ်တွေအပေါ်မှာ လေးစားလိုက်နာမယ်ဆိုပြီးတော့လည်း သူဦးဆောင်မယ့် အစိုးရအတွက်သာ မကဘဲ စစ်တပ်အတွက်သာ တာဝန်ခံပြီး ကတိပြုပြောဆိုထားပါတယ်။

အတိုက်အခံခေါင်းဆောင် ဒေါ်အောင်ဆန်းစုကြည် ကလည်း ရွေးကောက်ပွဲအလွန်ကာလ အစိုးရ အပြောင်းအလဲဖြစ်လာတဲ့အခါ ဘယ်သူအပေါ်မှာမှ အာဃာတ ထားမှာမဟုတ်ဘူးလို့ အခုလို ပြောထားပါတယ်။

ကျမတို့ အမျိုးသား ဒီမိုကရေစီအဖွဲ့ချုပ် အစိုးရဖွဲ့လို့ရှိရင် ကျမတို့ ဘယ်သူ့ကိုမှ ဂလဲ့စားချေဖို့ ကျမတို့မှာ ရည်ရွယ်ချက် မရှိဘူး။ အမျိုးသား ရင်ကြားစေ့ရေးကို ရှေ့တန်းတင်ပြီးတော့ အားလုံး ညီညီညွတ်ညွတ်နဲ့ အေးအေးချမ်းချမ်း နေနိုင်ဖို့ကိုသာ ကျမတို့က ဦးတည်မှာပါ။

ဒါ့အပြင် စစ်ဗိုလ်ချုပ်ဟောင်း ဘယ်သူဘယ်ဝါကိုမှာ နောက်ကြောင်းပြန် အရေးယူ ဆောင်ရွက်တာမျိုးတွေ ပြုလုပ်မှာမဟုတ်ဘူးလို့လည်း
ဒေါ်အောင်ဆန်းစုကြည်က အာမခံပြောဆိုထားပါတယ်။

ရွေးကောက်ပွဲနေ့ လုံခြုံရေးအခြေအနေကို ကြည့်ရင်တော့ လုံခြုံရေးတွေ တိုးပြီး ချထားတယ်။ ပုံမှန် ကင်းလှည့်တာတွေ လုပ်ဆောင်နေတယ်။ အခြေအနေဟာ အေးအေးဆေးဆေး ရှိတယ်ဆိုပြီး ရန်ကုန်တိုင်းဒေသကြီး ရဲတပ်ဖွဲ့ရဲ့ ပြောခွင့်ရပုဂ္ဂိုလ်က ဆိုပါတယ်။

ဆန္ဒမဲလာပေးသူတွေကို ရဲတပ်ဖွဲ့အနေနဲ့ ထွေထွေထူးထူး ရှာဖွေစစ်ဆေးတာတွေ လုပ်ဆောင်မှာမဟုတ်ဘဲ မဲရုံးမှူးက အကူအညီတောင်းခံလာမှသာ ရဲက ကူညီမှာဖြစ်တယ်လို့ ဆိုပါတယ်။

ရခိုင်ပြည်နယ်မှာတော့ ကျောက်ဖြူမြို့ ပညာရေးကောလိပ်က ကျောင်းသားအများစုဖြစ်တဲ့ အယောက် ၃၀၀ ကျော် မဲထည့်ခွင့် ဆုံးရှုံးခဲ့ရပါတယ်။ သက်ဆိုင်ရာ မြို့နယ်တွေထဲမှာ မဲစာရင်းတွေ အချိန်မီ ရောက်မလာခဲ့ဘူးဆိုပြီး ကျောက်ဖြူပညာရေး ကောလိပ်ကျောင်းအုပ် ဦးကျော်ရွှေက ဘီဘီစီကို ပြောပါတယ်။

BBC Burmese
https://www.facebook.com/bbcburmese/






အဖွဲ့ချုပ်ဥက္ကဋ္ဌ ဒေါ်အောင်ဆန်းစုကြည် ဗဟန်းမြို့နယ် အမှတ် (၃) အခြေခံပညာ မူလတန်းလွန်ကျောင်းတွင် သွားရောက်မဲပေးခဲ့စဉ်

Posted by National League for Democracy on Saturday, November 7, 2015
အဖွဲ့ချုပ်ဥက္ကဋ္ဌ လူထုခေါင်းဆောင် ဒေါ်အောင်ဆန်းစုကြည်သည် နိုင်ဝင်ဘာလ ၈ ရက်နေ့ယနေ့နနက် ၉ နာရီက ဗဟန်းမြို့နယ် အမှတ် (၃) အခြေခံပညာမူလတန်းလွန်ကျောင်းသို့ သွားရောက်၍ အမှန်တစ်ကယ်ပြောင်းလဲဖို့အတွက် အသဲကြားက မဲပြားကိုသွားရောက်ပေးခဲ့သည်။

NLD

 မဲပေးပြီး ပြုံးပျော် နေကြသူတွေ
 မြန်မာ့ နိုင်ငံရေး အလှည့် အပြောင်း အတွက် သမိုင်းဝင် ရွေးကောက်ပွဲ ကြီး ဆိုပြီး လက်ရှိ အာဏာ ပိုင် တွေ ကရော၊ အတိုက်အခံ တွေ အပြင် နိုင်ငံ တကာကလည်း ရည်ညွှန်း နေကြတဲ့ ပါတီစုံ အထွေထွေ ရွေးကောက်ပွဲ ကြီး စတင် နေပြီ ဖြစ်ပါတယ်။

မဲ ပေးကြဖို့ အတွက် လူတွေ ဟာ စိတ် အား ထက် သန်စွာ နဲ့ မနက် အစောကြီး ကတည်း က ထ ပြီး မဲရုံ တွေ ရှေ့ တန်းစီ စောင့် နေကြတယ် ဆိုပြီး ရွေးကောက်ပွဲ သတင်းကို ယူဖို့ မြန်မာ နိုင်ငံ တဝှမ်း က အရေးကြီးတဲ့ မဲဆန္ဒနယ် တွေ မှာ ရောက် နေကြတဲ့ ဘီဘီစီ သတင်းထောက် တွေ က ပြောပါတယ်။

အင်မတန် စိုးရိမ်

ဒီ အချိန်မှာပဲ အခု ရွေးကောက်ပွဲ ကို ပြည်ထောင်စု ရွေးကောက်ပွဲ ကော်မရှင် အနေနဲ့ လွတ်လပ်ပြီး တရားမျှတ မှု ရှိရှိ ကျင်းပ ပေးဖို့ရာ စိတ်အား ထက်သန်မှု မရှိ ဖြစ်နေတဲ့ အပေါ် အင်မတန် စိုးရိမ် တယ် ဆိုပြီး နိုင်ငံတကာ လူ့ အခွင့်အရေး စောင့်ကြည့်ရေး အဖွဲ့ ဖြစ်တဲ့ Human Rights Watch HRW က ဝေဖန် လိုက်ပါတယ်။

ရွေးကောက်ပွဲ ဥပဒေ စည်းမျည်းတွေကို နိုင်ငံရေး ပါတီ တချို့ လူပုဂ္ဂိုလ် တချို့ က ချိုး ဖောက် ခဲ့ တဲ့ ဖြစ်ရပ် တွေ ကို ရွေးကောက်ပွဲ ကော်မရှင် ဆီကို NLD ပါတီ အနေနဲ့ အကြိမ်ကြိမ် တိုင်ကြားမှု တွေ ပြုလုပ် ခဲ့ပေမယ့် ကော်မရှင် ဘက် က အရေးယူ ဆောင်ရွက် မှု တွေ အင်မတန် နည်း ပါးတယ် ဆိုပြီး ဒေါ် အောင်ဆန်း စုကြည် ရဲ့ ပြောစကား ကို HRW က ကိုးကား ထား ပါတယ်။

ပြီးခဲ့တဲ့ မတ်လ ၂၇ ရက် တပ်မတော် နေ့ စစ်ရေးပြ အခမ်းအနား ကို ထိပ်တန်း စစ်ဗိုလ်ချုပ် ဟောင်း ဖြစ်တဲ့ လက်ရှိ ရွေးကောက်ပွဲ ကော်မရှင် ဥက္ကဋ္ဌ ဦးတင် အေး က စစ်ဝတ်စုံပြည့် ဝတ်ပြီး တက်ခဲ့တဲ့ ဖြစ်ရပ် ကို HRW အဖွဲ့က ထောက်ပြ ခဲ့ ပါတယ်။

ဒါ့အပြင် ဦးတင် အေး ဟာ အာဏာရ ကြံ့ခိုင်ရေး ပါတီ ရဲ့ ထိပ်တန်း ခေါင်းဆောင် အဖြစ် ကနေ ရွေးကောက်ပွဲ ကော်မရှင် ကို ဦးဆောင် လာရသူ ဖြစ်တာ ကြောင့် ကော်မရှင် ဟာ ဘက်လိုက် မှု တွေ ကျူးလွန် တယ် ဆိုတာ အံ့ဩစရာ မကောင်းဘူး လို့လည်း HRW အဖွဲ့ က ပြင်းပြင်း ထန်ထန် ဝေဖန် ထား ပါတယ်။

လုံခြုံရေး အခြေ အနေ

ရွေးကောက်ပွဲ နေ့ လုံခြုံရေး အခြေ အနေ ကို တော့ လုံခြုံရေး တွေ တိုးပြီး ချ ထားတယ် ၊ ပုံမှန် ကင်းလှည့် တာတွေ လုပ်ဆောင် နေတယ်၊ အခြေ အနေ ဟာ အေးအေး ဆေးဆေး ရှိတယ် ဆိုပြီး ရန်ကုန် တိုင်း ဒေသကြီး ရဲ တပ်ဖွဲ့ရဲ့ ပြောခွင့်ရ ပုဂ္ဂို လ် က ဆိုပါတယ်။

ဆန္ဒမဲ လာပေးသူတွေ ကို ရဲ တပ်ဖွဲ့ အနေနဲ့ ထွေထွေ ထူးထူး ရှာဖွေ စစ်ဆေး တာတွေ လုပ်ဆောင် မှာ မဟုတ်ဘဲ မဲရုံမှုး က အကူအညီ တောင်းခံ လာမှ ရဲ က ကူညီ မှာ ဖြစ်တယ် လို့ ဆိုပါတယ်။

BBC Burmese
http://www.bbc.com/burmese

ဒီနေ့ဟာ
သူရဲကောင်းတို့အရိုးတွေ
အိုးဝေ လို့ ထတွန်တဲ့နေ့

တရားဖက်က
ထူသမျှအလံတိုင်းဟာ
ဂုဏ်သိက္ခာသမိုင်းနဲ့

ဆန့်ကျင်ဖက်တွေ
ကြိုက်တဲ့အလံတက်ခဲ့
ကြိုက်တဲ့အသံထွက်လှည့်

ဒီနေ့ဟာ
သူရဲကောင်းတို့အရိုးတွေ
အိုးဝေ လို့ ထတွန်တဲ့နေ့

‪#‎မင်းကိုနိုင်‬ ၈ ၁၁ ၂၀၁၅


 အခု ကျနော်ရောက်နေတာက ကော့မှူးမြို့နယ် အဖျောက်ကျေးရွာက မဲရုံအမှတ် ၁ ပေါ့နော်။ ရောက်ရောက်ချင်းပဲ ကြည့်လိုက်တော့ မဲပေးဖို့အတွက် တန်းစီနေတဲ့သူ တော်တော်များများ တွေ့တယ်ဗျ။ အပြည့်ပါပဲ။ သူတို့ကို မေးကြည့်တဲ့အခါကျတော့ ၅ နာရီခွဲလောက်ကတည်းက မဲရုံမှာ တန်းစီနေကြတာပေါ့နော်။ မဲလာပေးမယ့်သူတွေကို အဲ့လောက်အထိ ဘာလို့ အစောကြီး လာပြီး တန်းစီသလဲ ကျနော်မေးကြည့်တော့ တော်တော်များများက စိုးရိမ်ကြတယ်။ သူတို့ပြောတာက မဲပေးရမယ့် လူဦးရေနဲ့ အချိန်နဲ့ သူတို့ မမျှဘူး။ မပေးလိုက်ရမှာစိုးလို့ ဆိုပြီးတော့ တန်းစီကြတယ်။ မဲရုံမှူးကိုလည်း ကျနော် မေးကြည့်တယ်။ မေးကြည့်တော့ အခုက ၄ နာရီ ပိတ်ရမယ်ဆိုတော့ ပိတ်ရမယ့် အခြေအနေနဲ့ ပတ်သက်လို့ မှီပါ့မလား မေးတော့ မဲရုံမှူးကလည်း မမှီနိုင်ဘူးတဲ့။ မမှီပေမဲ့ သူတို့က သူတို့ရဲ့ ပရ၀ုဏ်ထဲကို ၄ နာရီအတွင်းမှာ ၄ နာရီပြည့်ပေမဲ့လည်း မဲရုံ မပိတ်ပါဘူးတဲ့။ ပရ၀ုဏ်ထဲ ရောက်လာတဲ့သူတွေအားလုံးကို မဲပေးခွင့်ရအောင် သူတို့ လုပ်ပေးမယ်။ သူတို့ ခန့်မှန်းချက်အရဆိုရင် ည ၁၀ နာရီမှတောင် ပြီးမယ်လို့ ပြောတယ်။

မေး - ဒါဆိုရင် လူတွေက တော်တော်လေးကို တက်တက်ကြွကြွ မဲလာပေးကြတဲ့ သဘောပေါ့နော်။ ဆိုတော့ စည်းကမ်းလိုက်နာမှုပိုင်းမှာရော ဘယ်လိုရှိလဲ။

ဖြေ - အားလုံးက အေးအေးဆေးဆေးပါပဲ။ သူတို့ သတ်မှတ်ထားတဲ့ အတိုင်းပါပဲ။ မဲရုံပတ်ဝန်းကျင်တွေမှာ လုံခြုံရေး ရဲတွေဘာတွေလည်း ချထားတာ တွေ့ရတယ်။ စိတ်ချရပါတယ်။ ကျနော် မဲရုံတ၀ိုက်ကို ကြည့်လိုက်တဲ့အခါမှာ မဲရုံ လုံခြုံရေးအတွက်ပေါ့နော် အထူးရဲတွေကို ချထားတယ်။ အထူးရဲ ၂ ယောက်တွေ့တယ်။ ပြီးတော့ ဘေးမှာဆိုရင်လည်း ရပ်မိရပ်ဖ မဲရုံစောင့်တဲ့သူတွေလည်းရှိပါတယ်။ အားလုံးက အေးအေးချမ်းချမ်းပါပဲ။ လူကတော့ တော်တော်များများတယ် ဒီမဲရုံမှာကတော့။ ဒေါ်အောင်ဆန်းစုကြည်ကလည်း ဒီမဲရုံကို လာမယ်ဆိုတော့ သတင်းထောက်တွေကလည်း တော်တော်များများ ဒီမှာ လာစောင့်နေတာတွေ့ရတယ်။

မေး - မဲပေးပြီးတော့ ပြန်ထွက်လာကြတဲ့ လူတွေဆီကရော ဘာပြောသံကြားရလဲ။ သူတို့ရဲ့ကျေနပ်မှု အနေအထား။

ဖြေ - ကျနော် ခုနက ထွက်လာတဲ့တယောက်ကို မေးကြည့်တယ်။ မေးကြည့်တဲ့အခါကျတော့ ဒါ ပထမဦးဆုံး မဲပေးတာလား ဆိုတော့ - လူငယ်တဦးပါပဲ - သူက မဟုတ်ပါဘူးတဲ့ ၂၀၁၀ ကတည်းက မဲပေးပါတယ်တဲ့။ အဲတော့ ၂၀၁၀ တုန်းက မဲပေးတာနဲ့ အခု မဲပေးတာနဲ့ သူ ဘယ်လိုခံစားမိလဲဆိုတော့ ဒီတခေါက်မှာတော့ သူ ပိုပြီး တက်ကြွတယ်တဲ့။ ပိုပြီးတော့ ပေးချင်တယ်တဲ့။ ဘာဖြစ်လို့လဲဆိုတော့ သူ အပြောင်းအလဲ လိုချင်လို့ပါတဲ့။ အဲ့လိုပြောပါတယ်။ ဘယ်ကို မေးပေးသလဲဆိုတာတော့ ကျနော်လည်း မမေးပါဘူး။ သူလည်း မပြောပါဘူး။

မနန္ဒာချမ်း, ကိုသားညွန့်ဦး / ဗွီအိုအေ (မြန်မာပိုင်း)
http://burmese.voanews.com


ဒီနေ့ဟာဆိုရင် နိုဝင်ဘာလ (၈) ရက် သမိုင်းဝင်ရွေးကောက်ပွဲကြီးကို ကျင်းပဖို့ မြန်မာနိုင်ငံတဝန်းက မဲရုံတွေ ဖွင့်လှစ်ပြီးတော့ စတင်မဲပေးနေကြပါပြီ။ ဒါကြောင့် အခုကနေစပြီးတော့ အတတ်နိုင်ဆုံး မြန်မာပြည်ကို ဖုန်းတွေနဲ့ တိုက်ရိုက်ဆက်သွယ်ပြီးတော့ မဲရုံဖွင့်တဲ့အခြေအနေတွေ၊ မဲပေးသူတွေရဲ့တက်ကြွမှု၊ မဲပေးရတဲ့ အနေအထား၊ တခါ မဲရုံလုံခြုံရေးစတာတွေအပြင် ရွေးကောက်ပွဲ စောင့်ကြည့်သူတွေ ဘယ်လို အနေအထားရှိသလဲ၊ သတင်းသမားတွေကရော ဘယ်လိုသတင်းယူကြသလဲ စတဲ့အခြေအနေတွေကို သိနိုင်ဖို့ အတတ်နိုင်ဆုံး ဖုန်းတွေဆက်ပြီးတော့ မနန္ဒချမ်းနဲ့ ဦးကျော်ဇံသာတို့က တိုက်ရိုက်အလျှင်းသင့်သလို တင်ဆက်ပေးထားပါတယ်။

အရင်ဆုံးအနေနဲ့ ဗွီအိုအေမြန်မာပိုင်းရဲ့ ရန်ကုန်ရုံးရဲ့အကြီးအကဲ ဒေါ်ခင်စိုးဝင်းကို ဒေါ်အောင်ဆန်းစုကြည် မဲသွားပေးမယ့် ဗဟန်းမြို့နယ်တွင်းက အခြေအနေနဲ့ပတ်သက်လို့ မေးမြန်းထားပါတယ်။

နန္ဒာချမ်း။ ။ ဒေါ်ခင်စိုးဝင်း ကြားရပါလား။

ဒေါ်ခင်စိုးဝင်း။ ။ ကြားရပါတယ် နန္ဒာရေ။

နန္ဒာချမ်း။ ။ အန်တီက ဗဟန်းမြို့နယ်အတွင်းက မဲရုံကို ရောက်နေပြီဆိုတော့ အခုလောလောဆယ် မဲရုံရှေ့က မြင်ကွင်းအခြေအနေ သိပါရစေရှင့်။

ဒေါ်ခင်စိုးဝင်း။ ။ မဲရုံကတော့လေ။ မနက် (၅) နာရီလောက်ကတည်းက တန်းစီနေကြရတာပေါ့နော်။ အလယ်တန်းကျောင်းလေးပါ။ ဗဟန်းမြို့နယ် ရွှေတောင်ကြား (၁) ရပ်ကွက်က အလယ်တန်းကျောင်းလေးမှာ လုပ်တာပါ။ အဲဒီတော့ ဒီ မဲရုံမှာ မဲလာပေးမယ့် မဲဆန္ဒရှင်ပေါင်း အားလုံးက ၄၁၀၀ ကျော်ရှိပါတယ်။ အဲဒီ ၄၁၀၀ ကျော်အနက် မနက်က တန်းစီနေတာ အန်တီတွေ့ရသလောက်က ၃၀၀ လောက်ရှိပါတယ်။ ဒါပေမယ့် သတင်းထောက်တွေကိုက ၂၀၀ လောက်ရှိတယ်ဆိုတော့ အထဲဝင်ဖို့ကို တော်တော်လေး ကြိုးစားခဲ့ရတာပါ။ အားလုံးလည်း တက်ကြွနေကြပါတယ်။

နန္ဒာချမ်း။ ။ ဟုတ်ကဲ့ရှင့်။ ဒေါ်အောင်ဆန်းစုကြည်ရောမဲလာပေးပြီလား။ သူဘယ်အချိန်လာပေးမယ်လို့ သိရလဲရှင့်။

ဒေါ်ခင်စိုးဝင်း။။ အခု မဲရုံတာဝန်ခံတွေ ပြောတာကတော့ ဒေါ်အောင်ဆန်းစုကြည်က မနက် ၇ နာရီခွဲမှ လာမဲပေးမှာပါတဲ့။ အဲဒီတော့ အန်တီကလည်း မေးလိုက်ပါတယ်။ ဒေါ်အောင်ဆန်းစုကြည်လာတဲ့အခါမှာ သာမန်မဲဆန္ဒရှင်ပြည်သူတွေနဲ့အတူ တန်းစီမလား၊ ဒါမှမဟုတ် ကော့မှူးကိုသွားရမှာဖြစ်တဲ့အတွက် ဦးစားပေးမလားဆိုတော့ သူတို့ အဲဒါမဖြေနိုင်ပါဘူး၊ သူတို့လည်း မသိပါဘူးလို့ ပြောတယ်။ ဒါပေမယ့်လည်း ဒေါ်အောင်ဆန်းစုကြည် ကိုယ်တိုင် မဲပေးမယ့်နေရာဖြစ်တဲ့အတွက်ကြောင့်မို့လို့ တော်တော်လေးကို စည်စည်ကားကား အားလုံးကလည်း တက်ကြွနေကြပါတယ်။

နန္ဒာချမ်း။ ။ ဆိုတော့ အခု မဲပေးပြီး ထွက်လာတဲ့သူတွေရော ရှိပြီလားရှင့်။

ဒေါ်ခင်စိုးဝင်း။ ။ အခုမှ စပေးနေတာ၊ တန်းစီနေတာ process က နည်းနည်းလေးကြာပါတယ်။ ထွက်ထာတာ တစ်ယောက်ပဲတွေ့သေးတယ်။ ဒီဘက်ကို မဲပေးဖို့ တန်းစီတဲ့လူက ၃၀၀ လောက်ရှိတယ်။ မဲရုံထဲမှာအသီးသီး ဝင်ပေးနေကြပြီ။ ထွက်လာတဲ့လူက မရှိသလောက်ပဲ၊ တစ်ယောက်ပဲထွက်လာသေးတယ်။ အရှေ့ကပဲဖြတ်သွားပါတယ်။

နန္ဒာချမ်း။ ။ ဟုတ်ကဲ့။ သူက မဲပေးပြီးပြန်ထွက်လာတော့ ဘာပြောသံကြားသေးလဲ။ မဲပေးတဲ့အခြေအနေမှာ ကျေနပ်မှုရှိတာတွေ့ရလား။ ဘယ်ပါတီကိုပေးသလဲဆိုတာ။

ဒေါ်ခင်စိုးဝင်း။ ။ ဘာစကားမှ ပြောမသွားဘူးရှင့်။ ဘာဖြစ်လို့လဲဆိုတော့ သတင်းစာထဲမှာ ပြီးခဲ့တဲ့ရက်ပိုင်းမှာပဲ အစိုးရက ကြေညာထားတယ်။ မဲပေးတဲ့သူတွေ မဲပေးပြီးလို့ရှိရင် ဘယ်သူ့ကိုမှ စကားမပြောပါနဲ့တဲ့။ မေးလို့ရှိရင်လည်းမဖြေပါနဲ့တဲ့။ exit poll ဆိုတဲ့ နိုင်ငံတကာမှာ မဲပေးပြီးတဲ့လူတိုင်းကို ကောက်ယူတဲ့ဥစ္စာမှာ ဒီမှာကောက်ယူဖို့ အခက်အခဲဖြစ်နေတာပေါ့နော်။ ဒါပေမယ့်လို့ မဲဆန္ဒရှင်တွေကတော့ မဲပေးတဲ့နေရာမှာ မဲရုံအပြင်ရောက်သွားလို့ရှိရင်တော့ ပြောဖို့ ရှိကြပါတယ်။ ဒါပေမယ့် မဲရုံထဲမှာ .....လာမေးလို့ရှိရင် မဖြေကြပါနဲ့လို့ကို ညွှန်ကြားထားတာ။ သတင်းစာထဲမှာ အတိအလင်း ရွေးကောက်ပွဲကော်မရှင်ကနေ ညွန်ကြားထားတာ။ အဲဒီအခါကျ နည်းနည်းလေး ခက်ခဲတာပေါ့နော်။ ဒီနိုင်ငံရဲ့စနစ်က တခြား နိုင်ငံတကာရဲ့စံနှုန်းတွေနဲ့ မညီဘူးဆိုတာ ဒီတချက်တည်းနဲ့ အရင်ပြောလို့ရနေပါပြီ။

နန္ဒာချမ်း။ ။ ညကဆိုရင် တချို့မြို့နယ်တွေမှာ ရဲကင်းတွေလှည့်နေတာ တွေ့ရတယ်ဆိုတော့ မဲရုံတဝိုက် လုံခြုံရေးအခြေအနေရော ဘယ်လို တွေ့ရလဲရှင့်။

ဒေါ်ခင်စိုးဝင်း။ ။ အခု ကျမသိရသလောက် လုံခြုံရေးက မဲဆန္ဒရှင် ၄၁၀၀ မဲလာပေးမယ့်မဲရုံမှာ လုံခြုံရေးအင်အား ၁၂ ယောက် ချထားပါတယ်-တဲ့။ အဲဒီ ၁၂ ယောက်ကလည်း ကျမ မမြင်ရပါဘူး။ လုံခြုံရေးဆိုလို့ ကျမတို့သတင်းသမားတွေကိုထုတ်ပေးထားတဲ့ ကဒ်ပြားတွေ ရှိပါတယ်။ ဒါပေမယ့် အဲဒီကဒ်ပြားကို ဘယ်သူကမှလည်း လာပြီးမစစ်ပါဘူး။ ဂိတ်ဖွင့်တာနဲ့တပြိုင်တည်း အကုန်လုံး တိုးဝှေ့ပြီး ဝင်လာကြတော့ ဘယ်သူ ဘယ်ဝါမှန်းတောင် မသိဘူး။ ဥပမာ Observer လား၊ မဲရုံအကဲခတ်ပုဂ္ဂိုလ်လား။ မဲရုံကိုယ်စားလှယ်လား၊ တစ်ယောက်နဲ့တစ်ယောက် ဘယ်လိုမှ ခွဲခြားလို့ မသိနိုင်လောက်အောင် ရှုပ်ယှက်ခတ်နေပါတယ်။ ကျမတို့သတင်းသမားဆိုလို့ရှိရင် ဒီနေ့ မနက် ၂၀၀ လောက်ရှိတယ်။ အဲဒီ ၂၀၀ ကလည်း ကိုယ့်လည်ပင်းမှာကိုယ် ဆွဲစရာရှိတဲ့ကဒ်ပြားဆွဲပြီးတော့ ဝင်လာကြတာ။ ဘယ်သူမှလည်း မစစ်ဆေးပါဘူးရှင့်။

နန္ဒာချမ်း။ ။ ဟုတ်ကဲ့ နောက်ပိုင်းမှာလည်း အခြေအနေလေးတွေ ထပ်ပြီးတော့ ဆက်သွယ်မေးမြန်းပါ့မယ်ရှင့်။ ကျေးဇူးတင်ပါတယ်။

ဒေါ်ခင်စိုးဝင်း, မနန္ဒာချမ်း/VOA
http://burmese.voanews.com/content/myanmar-elecgtion-2015-/3048625.html

ဗဟန်းမြို့နယ် မဟာစည်သာသနာ့ရိပ်သာလမ်းရှိ ဘုန်းကြီးကျောင်းတွင် မဲပေးရန် စောင့်ဆိုင်းနေသည့် အကယ်ဒမီ အိန္ဒြာကျော်ဇင် ။ထွန်းအိန္ဒြာဗိုလ်
သျှီ
၉၀ရွေးကောက်ပွဲနဲ့၂၀၁၀ရွေးကောက်ပွဲတွေမှာထောင်ထဲရောက်နေလို့မဲတစ်ခါမှမပေးခဲ့ဘူးတဲ့ဇာဂနာခုမဲပေးပြီ။

အဆိုတော် Rဇာနည်
`မဲပေးဖို့ မနက်အစောကြီးထဲက လာတန်းစီခဲ့တာပါ။ NLDကို မဲပေးခဲ့တယ်´
မော်ဒယ်လ် ဝမ်း (Rဇာနည် ၏ ဇနီး)
အစ်မတို့ ဒီကိုရောက်ရောက်ချင်း အစောကြီးထဲက လူအရမ်းများနေတယ်။ မဲပေးတဲ့လူများပြီး တစ်ယောက်မဲပေးရင်လည်း ၅မိနစ်လောက် အချိန်က ကြာနေတော့ ညနေ ၄နာရီအမီ
အားလုံးမဲပေးနိုင်ပါ့မလားလို့ စိတ်ပူမိတယ်။ အစ်မတို့ကတော့ NLDပဲ မဲပေးတယ်။ ကိုယ်နိုင်စေချင်တဲ့ ပါတီကို မဲပေးခဲ့ရတဲ့အတွက်လည်း အတိုင်းမသိဝမ်းသာတယ်´

မရမ်းကုန်း ၁၀ရပ်ကွက် မဲရုံအမှတ် -၂ တွင် မဲပေးခဲ့ခြင်းဖြစ်သည်။ (Eleven media group)
အောင် ပြီနော် အမှန်တရားပဲလိုတယ်

ချစ်သုဝေ

"NLD ကို မဲပေးခဲ့ပါတယ်။ ကျန်ခဲ့တဲ့ ငါးနှစ်တာကာလအတွင်းမှာ မပြောင်းလဲတဲ့ ဒီမိုကရေစီလို့ မြင်ပါတယ်။ တရားဥပဒေစိုးမိုးမှုမရှိတဲ့ တိုင်းပြည်မှာ ပြည်သူတွေ ငြိမ်းငြိမ်းချမ်းချမ်းနဲ့ နေထိုင်နိုင်မှာမဟုတ်ပါဘူး။ စားဝတ်နေရေး၊ ပညာရေး၊ ကျန်းမာရေး၊ အလုပ်အကိုင်အခွင့် အလမ်းစတဲ့ ရရှိသင့်တဲ့ အခွင့်အရေးတွေကိုလည်း မရရှိကြဘူး။ မရိုးနိုင်တဲ့ ခေါက်ရိုးကျိုးအကြောင်းအရာတွေ၊ အခြေအနေတွေကြားမှာ နေထိုင်ခဲ့ရတာ နှစ်တွေကြာနေပြီ။ အခု Election က ဒီမိုကရေစီကိုပြောင်းလဲမယ်ဆိုတဲ့ လက်ရှိအစိုးရကနေ ပြည်သူကရွေးချယ်တင်မြောက်တဲ့ အစိုးရတစ်ရပ်ကို ဖွဲ့စည်းနိုင်မယ်လို့ ယုံကြည်တဲ့အတွက် မဲလာပေးတာပါ။ တရားမျှတမှုရှိမယ်လို့လည်း မျှော်လင့်ပါတယ်။ ပြည်သူတစ်ယောက်အနေနဲ့ တာဝန်ကျေချင်တယ်။ ဒါက ထရီဇာတို့ နောက်မျိုးဆက်အတွက် ပေးနိုင်မယ့် အမွေပါ။ ထရီဇာတို့မျှော်လင့်ချက်က အမေစုတစ်ယောက်တည်း အပေါ်မှာ ရှိပါတယ်။ အဲဒါကြောင့် အမေစုဦးဆောင်မယ့် NLD ပါတီကို ယုံယုံကြည်ကြည်နဲ့ မဲပေးဖြစ်တာပါ"
ကျွန်တော်တို့ အားလုံး ချစ်ကြတဲ့ ဦးကျော်သူနဲ့  ဒေါ်ရွှေဇီးကွက်တို့ လည်း မဲပေးနေကြပြီ။
ပြည်သူလူထုအတွက် မားမားမတ်မတ် ရပ်တည်ပြနေတဲ့ ဦးလူမင်းလည်း မဲပေးနေပါပြီ။
ဒါရိုက်တာ ၀ိုင်း လဲတာဝန်ကျေခဲ့ပြီ
မဲပေးဖို့တန်းစီနေပါပီ....ရင်ထဲကပါတီပဲမဲထည့်မှာ...ပေါက်တယ်နော်
တဲ့  သူရဲ့ ဖေ့ဘုတ်မှာ ရေးထားတာတင်ပြလိုက်တယ်
မဲပေးရန် ကြိုတင်စောင့်ဆိုင်းသူများ နံနက် ၆ နာရီ မထိုးမီ အချိန်ကတည်းက မဲရုံများရှေ့တွင် စတင် ရောက်ရှိနေပြီ ဖြစ်ကြောင်း သိရသည်။ ထိုကဲ့သို့ ရောက်ရှိမှုများသည်
မြန်မာနိုင်ငံ ရွေးကောက်ပွဲ သမိုင်းတွင် တစ်ကြိမ်မျှ မရှိခဲ့ပဲ ပထမဆုံး ဖြစ်ပါသည်။
မဲရုံများကို နံနက် ၆ နာရီတွင် စတင်ဖွင့်လှစ်မည် ဖြစ်သော်လည်း မဲမပေးရမည်ကို စိုးရိမ်သဖြင့် မဲရုံမဖွင့်မီ နံနက် ၄ နာရီ ၀န်းကျင်ကပင် စတင် စောင့်ဆိုင်းနေကြခြင်း ဖြစ်ပါသည်။ ထိုသို့ စောင့်ဆိုင်းကြရာသူ လူငယ်များသာမက အသက် ၈၀ အရွယ် သက်ကြီး ရွယ်အိုများပါ နံနက် အစောပိုင်းကတည်းက ကြိုတင် စောင့်ဆိုင်း နေကြခြင်း ဖြစ်ပါသည်။

NLD ပါတီ ပြည်သူ့လွှတ်တော် ကိုယ်စားလှယ်လောင်း ဦးဖြိုးဇေယျာသော် ကို နိုဝင်ဘာလ ၇ ရက်နေ့က တွေ့ရစဉ်။ Photo: Win Ko Ko Latt/RFA
နေပြည်တော် ဇမ္ဗူသီရိမြို့နယ်မှာ ကြိုတင်မဲပေးသူ တစ်သောင်းကျော်ရှိတဲ့အတွက် ကြိုတင်မဲတွေ ဖောင်းပွနေတယ်လို့ ဇမ္ဗူသီရိမြို့နယ် အန်အယ်လ်ဒီပါတီ ပြည်သူ့လွှတ်တော် ကိုယ်စားလှယ်လောင်းက ပြောပါတယ်။

ဇမ္ဗူသီရိမြို့နယ်က ဇေယျသိဒ္ဓိရပ်ကွက်မှာ ကြိုတင်မဲပေးတာအများဆုံးဖြစ်ပြီး ဘယ်သူမဆို ကြိုတင်မဲပေး ခွင့်ရှိတယ်ဆိုလို့ လိုက်လံနှိုးဆော်နေတဲ့အတွက် အခုလိုဖောင်းပွနေတာဖြစ်တယ်လို့ လွှတ်တော်ကိုယ်စား လှယ်လောင်း ဦးဖြိုးဇေယျာသော်က ပြောပါတယ်။

"မနေ့က ၆ ရက်နေ့နဲ့ ၇ ရက်နေ့မှာ အရပ်သူအရပ်သားတွေ စပြီးကြိုတင်မဲပေးနိုင်တယ် ဆိုတဲ့အခါမှာ ကြိုတင်မဲတွေ လာထည့်လိုက်ကြတာ ဇေယျသိဒ္ဓိရပ်ကွက်မှာဆိုရင် မဲပုံးပြည့်သွားလို့ နောက်တစ်ပုံးတောင် ထပ်ပြီးလဲရတဲ့အဆင့်ဖြစ်သွားတယ်၊ အဲဒါဟာရဲ့ အကြောင်းရင်းကို လိုက်ကြည့်လိုက်တဲ့အခါ သက်ဆိုင်ရာအုပ်ချုပ်ရေးအပိုင်းက လူတွေက ရွေးကောက်ပွဲနဲ့ မသက်ဆိုင်ဘဲနဲ့ ကော်မရှင်အဖွဲ့ခွဲတွေကို ကြိုတင်မဲပေးချင်တဲ့သူတွေ ပေးခွင့်ရှိပါတယ်ဆိုတဲ့ပုံစံမျိုးကို လိုက်ပြီးတော့ ကြေညာတာခင်ဗျ၊ အဲဒါကြောင့်မို့ မလိုလားအပ်ဘဲနဲ့ ကြိုတင်မဲတွေ ဖောင်းပွနေတယ်လို့ ကျနော်တို့မြင်တယ်"

ရွေးကောက်ပွဲကော်မရှင် ဥပဒေတွေအရ ရွေးကောက်ပွဲနေ့မှာ မဲဆန္ဒနယ်ပြင်ပကို သွားရောက်ရမယ့် အစိုးရ၀န်ထမ်းတွေ၊ တပ်မတော်သားတွေ၊ ရဲတပ်ဖွဲ့ဝင်တွေ၊ နာမကျန်းသူတွေ၊ သက်ကြီးရွယ်အိုတွေနဲ့ ခရီးသွားလာရမယ့်သူတွေ ဆန္ဒမဲပေးခွင့်ရှိတာဖြစ်ပါတယ်။ ကြိုတင်မဲပေးကို ပြီးခဲ့တဲ့ နိုဝင်ဘာလ ၁ရက်နေ့ကနေ ၇ရက်နေ့ ဒီနေ့အထိ သက်ဆိုင်ရာရပ်ကွက် ကျေးရွာကော်မရှင်ရုံးခွဲတွေမှာ ကောက်ယူနေတာဖြစ်ပါတယ်။

ဇမ္ဗူသီရိမြို့နယ်မှာ ကြံ့ခိုင်ဖွံ့ဖြိုးရေးပါတီက ဆက်သွယ်ရေးနဲ့ နည်းပညာအချက်အလက်ဌာန ၀န်ကြီးဟောင်း ဦးမြတ်ဟိန်းနဲ့ တိုင်းရင်းသား စည်းလုံးညီညွတ်ရေးပါတီက ဦးကျော်အေးတို့ ယှဉ်ပြိုင်မှာ ဖြစ်ပါတယ်။ ဇမ္ဗူသီရိမြို့နယ်မှာ မဲရုံ ၃၃ ရုံရှိပြီး မဲပေးခွင့်ရှိသူ ၆သောင်းနီးပါး ရှိပါတယ်။

RFA Burmese

မဲစာရင်း နဲ့ ပတ်သက်တဲ့ ဝေဖန်မှုတွေ ရှိနေ
 ရွေးကောက်ပွဲ ကျင်းပတဲ့ ပုံစံအရ အဓိက ယှဉ်ပြိုင်မယ့် ပြည်ထောင်စု ကြံ့ခိုင်ဖွံ့ဖြိုးရေးနဲ့ အမျိုးသားဒီမိုကရေစီ အဖွဲ့ချုပ် ပါတီ နှစ်ခုလုံးအတွက် အနိုင်အရှုံး အဆုံးအဖြတ် ပေးနိုင် လောက်တဲ့ မဲဆန္ဒနယ် မျိုး မရှိဘူးလို့ သတင်းစာ ဆရာဦးစည်သူအောင်မြင့် က ပြောပါတယ်။

ဒါပေမယ့် ဖြူး မဲဆန္ဒနယ်မှာ ၀င်ပြိုင်မယ့် ကြံ့ခိုင်ရေးပါတီ ဥက္ကဋ္ဌနေရာက ဖယ်ရှား ခံရတဲ့ သူရ ဦးရွှေမန်းအနိုင် ရခဲ့ရင်တော့ လွှတ်တော် ထဲမှာ သူ့ကိုထောက်ခံတဲ့ အုပ်စုပေါ်လာနိုင်တယ် လို့ သူကသုံးသပ် ပါတယ်။

အနိုင်ရအောင် အသေအချာ တွက်ချက်ပြီး ဝင်ပြိုင်တဲ့ နယ်မြေတွေမှာ စစ်ဗိုလ်ချုပ် တွေအနိုင်မရဘူး ဆိုရင်လည်း ဆုံးရှုံးမှုအဖြစ် သူတို့ပါတီက တွက်ကောင်း တွက်လိမ့်မယ်လို့ ဆိုပါတယ်။

အဲဒီလို ပြင်ဆင်ထားတဲ့ ကိုကိုးကျွန်းလို မဲဆန္ဒ နယ်မြေမျိုးမှာ ရေတပ်ဦးစီးချုပ်ဟောင်း ၀င်ပြိုင်မှာဖြစ်လို့ အနိုင်ရအောင် ပုံစံအမျိုးမျိုးလုပ်ထား ပေမယ့် တကယ်တမ်း အနိုင်ရမယ်လို့ တော့ မပြော နိုင်ဘူး လို့ ဦးစည်သူအောင်မြင့်က သုံးသပ်ပါတယ်။

BBC Burmese
http://www.bbc.com/burmese

မဲပေးနိုင်သူ ၃၃ သန်းကျော်ထဲက ၈၀ ရာခိုင်နှုန်း မဲလာပေးမယ်လို့ ကော်မရှင် ခန့်မှန်း
၂၀၁၅ ခုနှစ် အထွေထွေ ရွေးကောက်ပွဲမှာ နိုင်ငံရေး ပါတီပေါင်း ၉၂ ပါတီက ဝင်ရောက် ယှဉ်ပြိုင်ကြမှာ ဖြစ်ပါတယ်။

တစ်နိုင်ငံလုံး က နေရာပေါင်း ၁၀၀၀ ကျော် အတွက် ကိုယ်စားလှယ်ပေါင်း ၆၀၀၀ ကျော် ယှဉ်ပြိုင်ကြမှာ ဖြစ်ပါတယ်။

မြန်မာ တစ်နိုင်ငံလုံး မဲပေးနိုင်သူ ဦးရေ ၃၃ သန်းကျော် ရှိတဲ့ အထဲက ၈၀ ရာခိုင်နှုန်း လောက် မဲ လာပေးလိမ့်မယ် လို့ကော်မရှင် ပြည်ထောင်စု ရွေးကောက်ပွဲ ကော်မရှင်က အရာရှိ တစ်ဦး က ပြောပါတယ်။

မြန်မာ တစ်နိုင်ငံ လုံးမှာ မဲ ရုံပေါင်း လေးသောင်း တစ်ထောင်ကျော် ဖွင့်လှစ်ထားပြီး ရန်ကုန် တိုင်းဒေသ ကြီးမှာ မဲရုံပေါင်း ငါးထောင်ကျော် ဖွင့်ထားကြောင်း ပြည်ထောင်စု ရွေးကောက်ပွဲ ကော်မရှင် က လက်ထောက် ညွန်ကြားရေးမှူး ဦးသန့်စင်အောင် ကပြောပါတယ်။

မန္တလေးမြို့ပေါ်မှာ မဲရုံပေါင်း ၆၆၅ ရုံရှိပြီး မဲရုံတွေကို နယ်မြေခံရဲနဲ့ ပူးပေါင်းပြီး ရွေးကောက်ပွဲ အတွက် ခန့်ထားတဲ့ အထူးရဲ တွေက တစ်ရုံကို တယောက်နှုန်း အနည်းဆုံး လုံခြုံရေး ချထားပါတယ်။

ရွေးကောက်ပွဲ ကျင်းပဖို့ နာရီပိုင်းသာ လိုတော့တဲ့ အချိန်မှာ ရခိုင်ပြည်နယ် မင်းပြားမြို့နယ် ရင်းဘွေ ကျေးရွာက လူ ၂၇ ယောက်ဟာ ပထမအကြိမ် မဲစာရင်းနဲ့ ဒုတိယ အကြိမ် မဲစာရင်းမှာ ပါရှိ ခဲ့ပေမဲ့ နောက်ဆုံး အကြိမ် ထုတ်ပြန်တဲ့ မဲစာရင်းတွေမှာ မပါရှိကြောင်း သိရှိရတဲ့ အတွက် မကျေနပ်မှုတွေ ဖြစ်ပေါ် နေပါတယ်။

ကျေးရွာ ရွေးကောက်ပွဲ ကော်မရှင်ကို မဲစာရင်း မပါလို့ သွားရောက် တိုင်ကြား ခဲ့တဲ့ အပေါ်မှာ ကော်မရှင် အနေနဲ့ ဘာမှ မတတ်နိုင်တဲ့ အကြောင်း ပြန်လည် ဖြေကြား ခဲ့တယ်လို့ ရွာသား တစ်ဦးက ဘီဘီစီကို ပြောပါတယ်။

ရခိုင်ပြည်နယ် စစ်တွေမြို့မှာတော့ မဲရုံပြင်ဆင်မှု ၉၀ ရာခိုင်နှုန်း ပြီးစီးနေပြီ ဖြစ်ကြောင်း စစ်တွေ မြို့မှာ ရောက်နေတဲ့ ဘီဘီစီ သတင်းထောက်က ပြောပါတယ်။

မနက်ဖန်မှာ ကျင်းပမဲ့ ရွေးကောက်ပွဲ အတွက် လာရှိုးမြို့မှာလည်း ကြိုတင် ပြင်ဆင်မှုတွေ ပြုလုပ် နေပါတယ်။

နိုဝင်ဘာ(၇) ရက် နေ့ မနက် ၆ နာရီ ကတည်းက သက်ဆိုင်ရာ ကော်မရှင် ရုံးတွေမှာ ဆန္ဒမဲ ပေးမဲ့ သူတွေဟာ မဲပေးခွင့် လက်မှတ် ထုတ်ဖို့ တန်းစီ နေကြပါတယ်။

မဲလက်မှတ် ထုတ်ယူမှု အဆင်မပြေမှုတွေ ကြုံတွေ့ နေရကြောင်းနဲ့ မနက်ဖန် ရွေးကောက်ပွဲ မှာ မဲမပေးလိုက်ရမှာ စိုးရိမ်မိကြောင်း ဒေသခံ တစ်ဦးက ဘီဘီစီကို ပြောကြားပါတယ်။

BBC Burmese
http://www.bbc.com/burmese


 နေပြည်တော် ပုဗ္ဗသီရိမြို့နယ်မှာ နောက်ဆုံးမဲဆန္ဒရှင်စာရင်း ထုတ်ပြန်ရာမှာ လူဦးရေ ၁၀,၀၀၀ သောင်းတိုးလာပြီး နေရပ်လိပ်စာအတိအကျ မသိရတဲ့အတွက် မဲစာရင်း မှန်မမှန်စစ်ဆေးဖို့ အခက်အခဲရှိနေပါတယ်။ တိုးလာတဲ့လူဦးရေ ၁ သောင်းဟာ ပုဗ္ဗသီရိမြို့နယ်မဲဆန္ဒရှင်စာရင်းရဲ့ ၂ဝ % ကို ကိုယ်စားပြုနေပြီး ရွေးကောက်ပွဲအနိုင်အရှုံးကို အဆုံးအဖြတ်ပေးနိုင်မယ့်အခြေအနေ ရှိနေတာဖြစ်ပါတယ်။ ဒီသတင်းကိုတော့ ဗွီအိုအေမြန်မာပိုင်းရဲ့ သတင်းထောက် ကိုမိုးဇော်က တင်ပြထားပါတယ်။

ပုဗ္ဗသီရိမြို့နယ်မှာ ဒုတိယအကြိမ်မဲစာရင်း ထုတ်ပြန်ချိန်က မဲဆန္ဒရှင်စာရင်းဟာ ၆ သောင်းနီးပါးလောက်ရှိခဲ့ရာက အခုလ အစောပိုင်း နောက်ဆုံး အကြိမ် ထုတ်ပြန်ချိန်မှာတော့ မဲဆန္ဒရှင်စာရင်းဟာ ၁ သောင်းလောက် တိုးလာခဲ့တာဖြစ်ပါတယ်။ ဒီလိုတိုးလာတဲ့မဲဆန္ဒရှင်စာရင်းဟာ နေရပ်လိပ်စာ ဖော်ပြထားတာ မရှိတဲ့အတွက် မှန်- မမှန်စစ်ဆေးဖို့ အခက်အခဲရှိနေတယ်လို့ အမျိုးသားဒီမိုကရေစီ အဖွဲ့ချုပ် NLD ပါတီက ပြည်သူ့လွှတ်တော် ကိုယ်စားလှယ်လောင်း ဦးရည်မွန်ခေါ် မောင်တင်သစ်က ပြောပါတယ်။

“အခု နောက်ဆုံးမဲစာရင်းမှာ မဲ (၁၀,၀၀၀) ကျော် တိုးလာတယ်ပေါ့ဗျာ။ ပထမအကြိမ်မဲစာရင်း၊ ဒုတိယအကြိမ် မဲစာရင်းအထိ ကျနော်တို့က မဲစာရင်းကို အထိုက်အလျှောက် စစ်ဆေးလို့ ရသေးတယ်လို့ ပြောလို့ရတယ်။ ဘာကြောင့်လဲဆိုတော့ မဲပေးခွင့်ရှိသူတွေရဲ့ နေရပ်လိပ်စာလေ။ ပထမအကြိမ်တုန်းက ဆိုလို့ရှိရင် နေရပ်လိပ်စာတွေကို ကျနော်တို့ ပြန်ကောက်ယူလို့ရတယ်ပေါ့ဗျာ။ ဒုတိယအကြိမ်ကလည်း ပထမစာရင်းပေါ်မှာ အခြေခံထားတယ်ဆိုတော့ အထိုက်အလျှောက်တော့ ကျနော်တို့ ပြန်စစ်လို့ရသေးတယ်။ အခု နောက်ဆုံးတိုးတဲ့ (၁၀,၀၀၀) ဆိုတာကျတော့ ဘာလိပ်စာမှ မပါတော့ဘူးပေါ့ဗျာ။ လိပ်စာမပါဘဲ လူနာမည်၊ မှတ်ပုံတင် - ဒီလောက်နဲ့ ဒီလူတွေဟာ အပြင်မှာ တကယ်ရှိမရှိဆိုတာ ဘယ်လိုမှ ကျနော်တို့ စစ်လို့မရနိုင်တော့ဘူး။”

လိပ်စာမပါဝင်တာကြောင့် သက်ဆိုင်ရာကော်မရှင်ကို တင်ပြရာမှာလည်း တိတိကျကျတဲ့အဖြေမရကြောင်း ဆက်ပြောပါတယ်။

“ကျနော်တို့ မြို့နယ်ကော်မရှင်ကို တင်ပြတယ်။ အဲဒီလို တင်ပြရာမှာ အဓိက-ကတော့ တိုးလာတဲ့ လူဦးရေ ၁၀,၀၀၀ ကျော်ပေ့ါနော်၊ နေရပ်လိပ်စာတွေကိုပါ ကျနော်တို့ရချင်တယ်လို့ မြို့နယ်ကော်မရှင်ကိုပို့တယ်။ ပို့တဲ့အခါကျတော့ မြို့နယ်ကော်မရှင်က ညွှန်ကြားချက်မရှိလို့ လိပ်စာပေးလို့မရပါဘူးဆိုတဲ့ ပြောဆိုချက် ကျနော်တို့ ရတယ်ပေါ့ဗျာ။ အဲဒါနဲ့ နောက်ဆုံး ပြည်ထောင်စုနယ်မြေ ရွေးကောက်ပွဲကော်မရှင်အဖွဲ့ခွဲပေါ့-အဲဒီကို ကျနော်တို့က မိတ္တူပေးတာပေါ့ဗျာ။ မိတ္တူပေးတော့ ပြည်ထောင်စုနယ်မြေ ရွေးကောက်ပွဲကော်မရှင်အဖွဲ့ခွဲကတော့ သက်ဆိုင်တဲ့ ရပ်ကျေးကော်မရှင်တွေနဲ့ ညှိနှိုင်းပြီး အဲဒီလိပ်စာယူပါ-လို့ ဆိုတယ်။ အဲဒီမှာ ကျနော်တို့ ရပ်ကျေးကော်မရှင်တွေကို ပြန်ဆက်သွယ်ပြန်တဲ့အခါကျတော့လည်း စာရင်းအားလုံး မြို့နယ်ကို ပို့လိုက်ပြီ ဆိုပြီးတော့ ပြောဆိုချက်ပဲရတယ်။ မြို့နယ်ရုံးကို ပြန်သွားပြန်တဲ့အခါကျတော့ တစ်ဦးချင်းရဲ့နေရပ်လိပ်စာနဲ့ စနစ်တကျ ပြုစုထားတာမျိုး အဆင်သင့်မရှိဘူးပေါ့ဗျာ၊ မရှိဘူးဆိုတော့ ကျနော်တို့ပြောရရင် လမ်းစပျောက်သွားတဲ့သဘောပေါ့။”

စိစစ်လို့ မရတဲ့ မဲဆန္ဒရှင် ဦးရေ ၁ သောင်းဟာ ရွေးကောက်ပွဲအနိုင်အရှုံးကို အဆုံးအဖြတ်ပေးနိုင်မယ့် အခြေအနေအထိဖြစ်နိုင်ကြောင်းလည်း ဦးရည်မွန်က ဆက်ပြောပါတယ်။

“အဲဒါက ရာခိုင်နှုန်းနဲ့ပြောရရင် ၂၀ % တောင်ရှိတယ်ဗျ။ ၂၀ % ဆိုတာက အဆုံးအဖြတ်ပေးနိုင်တဲ့ ပမာဏတစ်ခု ဖြစ်နေတော့ ရွေးကောက်ပွဲအပေါ် သက်ရောက်မှု အများကြီးရှိနိုင်တယ်လို့ပဲ ပြောရမှာပေါ့နော်။”

ပုဗ္ဗသီရိမဲဆန္ဒနယ်က ပြည်သူ့လွှတ်တော်ကိုယ်စားလှယ်လောင်းအဖြစ် NLD ပါတီက ဦးရည်မွန်၊ ပြည်ထောင်စုကြံ့ခိုင်ရေးနဲ့ ဖွံ့ဖြိုးရေးပါတီက ကာကွယ်ရေး ဝန်ကြီးဌာန ပြည်ထောင်စုဝန်ကြီးအဖြစ်တာဝန်ယူခဲ့သူ အငြိမ်းစား ဒုတိယဗိုလ်ချုပ်ကြီး ဦးဝေလွင်နဲ့ တသီးပုဂ္ဂလကိုယ်စားလှယ် ဦးမြင့်လွင်သန်းတို့ ယှဉ်ပြိုင်မှာ ဖြစ်ပါတယ်။

ပြည်ခိုင်ဖြိုးကိုယ်စားလှယ် ဦးဝေလွင်ကတော့ နောက်ဆုံးမဲဆွယ်ပွဲမှာ သူ့ကို ထောက်ခံသူ ၇ဝ % ရှိတယ်လို့ ထုတ်ဖော်ပြောဆိုထားပါတယ်။

ဒီရက်ပိုင်းအတွင်း မန္တလေးတိုင်းဒေသကြီး ပြင်ဦးလွင်မြို့နယ်မှာ ကြိုတင်မဲပေးရာမှာ သတ်မှတ်ချိန် ကျော်လွန်မဲပေးတာတွေရှိနေတယ်လို့ NLD ပါတီ ပြင်ဦးလွင် မဲဆန္ဒနယ် (၁) က လွှတ်တော်ကိုယ်စားလှယ်လောင်း ဦးအောင်မင်းက ပြောပါတယ်။

“၆ ရက်နေ့က ကြိုတင်မဲတွေ ဘယ်လောက်ရလဲလို့ စာရင်းဝင်တောင်းတဲ့အချိန်ကျမှ ၈ ခွဲအထိ ကြိုတင်မဲတွေပေးနေတော့ ကျနော်က အဲဒါကို ဝင်ပြီးတော့ ကန့်ကွက်လိုက်တာ။ သတ်မှတ်ထားတဲ့ညွှန်ကြားချက်က ကြိုတင်မဲက ၆ နာရီအထိပဲရမယ်။ ချက်ခြင်းပဲ မြို့နယ်ကော်မရှင်ရုံးက ဥက္ကဋ္ဌတွေရော၊ သက်ဆိုင်တဲ့လူတွေကိုခေါ်ပြီးတော့ သူတို့ကို အရေးယူဆောင်ရွက်ပေးဖို့ ကန့်ကွက်တာ။”

ဒီကိစ္စနဲ့ပတ်သက်လို့ ရွေးကောက်ပွဲကော်မရှင်ရုံးမှာ (၇) ရက်နေ့မှာ ညှိနှိုင်းဖြေရှင်းခဲ့ကြောင်းနဲ့ ဒီမဲရုံအမှတ် (၁) မှာပဲ သက်သေခံလက်မှတ် (၁၀၀) ကျော် ပျောက်ဆုံးတာလည်းရှိခဲ့ကြောင်း ဦးအောင်မင်းက ပြောပါတယ်။

ရန်ကုန်တိုင်းဒေသကြီး လှိုင်သာယာမြို့နယ်မှာတော့ မိသားစုတခုတည်းမှာတင် မဲပေးခွင့်သက်သေခံလက်မှတ် (၃၈) စောင် လက်ခံထားတာကို တွေ့ရှိရကြောင်းလည်း NLD ပါတီ ဗဟိုအလုပ်အမှုဆောင်အဖွဲ့ဝင် ဦးဝင်းထိန်ကပြောပါတယ်။ လာမယ့်ရွေးကောက်ပွဲအတွက် မဲစာရင်းပြုစုရာမှာ ပါဝင်သင့်သူတွေ မပါဝင်တာရှိသလို စာရင်းပိုတာတွေရှိတယ်လို့ နိုင်ငံရေးပါတီတွေနဲ့ ရွေးကောက်ပွဲ လေ့လာစောင့်ကြည့်သူတွေက ဝေဖန်တာတွေ ရှိနေပြီး ရန်ကုန်တိုင်းဒေသကြီး တောင်ဥက္ကလာမြို့နယ်မှာ လူ ၉ သောင်းကျော်လောက် စာရင်းပိုနေတယ်လို့ ထောက်ပြတာတွေလည်း ရှိပါတယ်။

ကိုမိုးဇော် / ဗွီအိုအေ (မြန်မာပိုင်း)
http://burmese.voanews.com

ရန်ကုန်တိုင်းဒေသကြီးတွင်းက မြို့နယ်တချို့မှာ သက်သေခံလက်မှတ်အပိုတွေ ဖောင်းပွနေတာနဲ့ပတ်သက်လို့ တချို့ရပ်ကွက်တွေမှာ ရပ်ကွက်တခုတည်းမှာတင် မဲလက်မှတ်အပို ၁၀၀ ခန့် ရှိပြီး အိမ်ထောင်စုတစုတည်းမှာတင် အပိုလက်မှတ် ၃၈ ခုအထိ ထုတ်ပေးတာမျိုး ဆိုးဆိုးရွားရွား အခြေအနေတွေ ရှိနေတာဟာ ရိုးဖြောင့်တဲ့လုပ်ရပ်မဟုတ်ဘူးလို့ ယူဆကြောင်း အမျိုးသားဒီမိုကရေစီအဖွဲ့ချုပ် NLD ပါတီကပြောဆိုလိုက်ပါတယ်။ ဒီကနေ့ နေ့စွဲနဲ့ ထုတ်ပြန်တဲ့ အရေးပေါ်ကြေညာချက်မှာ ခုလို ဖော်ပြထားတာပါ။ ဒီအခြေအနေကြောင့် မဲပေးမှုတွေတွင်း မသမာမှုတွေ ဖြစ်နိုင်ပြီး ရွေးကောက်ပွဲ ရလဒ်ကို အပြောင်းအလဲ ဖြစ်စေနိုင်တယ်လို့ ဆိုပါတယ်။ ဒါကြောင့် ပြည်သူတွေ အနေနဲ့ သူတို့ရရှိထားတဲ့ လက်မှတ်အပိုတွေကို အနီးကပ်ဆုံး ကိုယ်စားလှယ်လောင်းတွေကို ပေးအပ်ဖို့ NLD အနေနဲ့လည်း ညွှန်ကြားထားကြောင်း ကြေညာချက်မှာ ဖော်ပြထားပါတယ်။

VOA

 vote-paper-620.jpg မဲလက်မှတ်တချို့ကို တွေ့ရစဉ်

စစ်ကိုင်းတိုင်းဒေသကြီး ကလေးမြို့နယ်က မဲလက်မှတ်တွေမှာ ကိုယ်စားလှယ်လောင်းအဖြစ်ကနေ ပယ်ချခံထားရတဲ့ ချင်းတိုးတက်ရေးပါတီက တိုင်းဒေသကြီး လွှတ်တော်ကိုယ်စားလှယ်လောင်း နာမည်နဲ့ ပါတီတံဆိပ် ပါဝင်နေတယ်လို့ သိရပါတယ်။

ပယ်ချခံထားရတဲ့ ကိုယ်စားလှယ်လောင်းကို ဆန္ဒမဲပေးသူတွေ ရှိလာမယ်ဆိုရင် အဲဒီဆန္ဒမဲတွေကို မှတ်တမ်းတင်ထားရမှာဖြစ်တယ်လို့ ကလေးခရိုင်ရွေးကောက်ပွဲ ကော်မရှင်ဥက္ကဌ ဦးဂင်ခန့်ပေါင်က ပြောပါတယ်။

"အမည်စာရင်း ပယ်ဖျက်ပေးဖို့တော့ တင်ထားပြီးပြီ၊ တိုင်းကော်မရှင်ကို တင်ထားတယ်၊ ဒီအတိုင်းပဲ မဲလက်မှတ်ပါသွားပါတယ်၊ စာရွက်မှာပဲဖြစ်နေတာပေါ့နော်၊ သူကိုယ်တိုင်ကတော့ မစည်းရုံးမလှုပ်ရှားတော့ဘူး၊ ကိုယ်စားလှယ်လောင်း မပြိုင်ရဘူးလို့ပြေားထားတဲ့အတွက် သူ့သဘောပဲဖြစ်ပါတယ်၊ ရရှိတဲ့မဲကို မှတ်တမ်းတင်ဖို့ပဲရှိပါတယ်"

ကိုယ်စားလှယ်လောင်းအဖြစ်ကနေ ပယ်ချခံထားရတယ်ဆိုတာကို မဲဆန္ဒရှင်တွေက မသိတဲ့အတွက် မဲပေးမိရင် အလဟဿဖြစ်မှာစိုးတာကြောင့် နီးစပ်ရာဒေသခံတွေကို လိုက်လံရှင်းပြနေရတယ်လို့ အန်အယ်လ်ဒီပါတီ ကိုယ်စားလှယ်လောင်း ဒေါ်သန့်ဝေကျော်က ပြောပါတယ်။

"ဆန္ဒမဲလက်မှတ် ထွက်လာတဲ့အခါကျတော့ သူ့နာမည်ပါလာတယ်၊ ခရိုင်ကော်မရှင်ကို မေးတဲ့အခါကျတော့ သူတို့ဖက်စ်ပို့ခဲ့ပါတယ်တဲ့၊ ပို့တော့ တိုင်းကဒီဟာကို မပယ်ဖျက်ပေးလိုက်ဘဲနဲ့ ထည့်ပေးလိုက်တယ်လို့ ကျမတို့ကိုရှင်းပြတယ်၊ အခုဆို ဒီမဲလက်မှတ်နဲ့ပဲ သွားမယ့်ပုံစံပဲ၊ ကျမတို့ နီးစပ်ရာကိုတော့ အသိပေးပါတယ်၊ ဒါပေမဲ့ အကုန်လုံးကို အသိပေးနိုင်ဖို့ အချိန်မမှီဘူးရှင့်"

ချင်းတိုးတက်ရေးပါတီရဲ့ ကလေးမြို့နယ် မဲဆန္ဒနယ်အမှတ် ၁ လွှတ်တော်ကိုယ်စားလှယ်လောင်း ဦးဗန်ဘွဲ့လျံခုမ်းဟာ အသက် ၂၅နှစ် မပြည့်သေးတဲ့အတွက် ကိုယ်စားလှယ်လောင်းအရည်အချင်းနဲ့ မညီဘူးဆိုပြီး ပယ်ချခံထားရတာဖြစ်ပါတယ်။ ဦးဗန်ဘွဲ့လျံခုမ်းဟာ ကိုယ်စားလှယ်လောင်းအဖြစ်ကနေ ပယ်ချခံထားရတဲ့အတွက် မဲဆွယ်စည်းရုံးဟောပြောပွဲတွေ လုပ်ဆောင်ခဲ့တာမရှိဘူးလို့လည်း သိရပါတယ်။

ကလေးမြို့နယ် မဲဆန္ဒနယ် အမှတ် ၁မှာ အမျိုးသားဒီမိုကရေစီအဖွဲ့ချုပ်၊ ကြံ့ခိုင်ဖံွ့ဖြိုးရေးပါတီနဲ့ တိုင်းရင်းသား စည်းလုံးညီညွတ်ရေးပါတီတို့ ယှဉ်ပြိုင်မှာဖြစ်ပါတယ်။ အဲဒီမဲဆန္ဒနယ်မြေမှာ မဲပေးပိုင်ခွင့်ရှိသူ ၁သိန်း၁သောင်းခန့်ရှိပြီး မဲရုံ ၉၅ ရုံရှိတယ်လို့ သိရပါတယ်။

RFA