11/10/15


ပြည်သူ့လွှတ်တော်
------------------------------------
ရခိုင်အမျိုးသားပါတီ 67030 မဲ
ပြည်ထောင်စု ကြံ့ခိုင်ရေးနဲ့ ဖွံ့ဖြိုးရေးပါတီ 6924 မဲ
အမျိုးသားဒီမိုကရေစီအဖွဲ့ချုပ် 3384 မဲ

အမျိုးသားလွှတ်တော်
------------------------------------
ရခိုင်အမျိုးသားပါတီ 63677 မဲ
ပြည်ထောင်စု ကြံ့ခိုင်ရေးနဲ့ ဖွံ့ဖြိုးရေးပါတီ 10536 မဲ
အမျိုးသားဒီမိုကရေစီအဖွဲ့ချုပ် 2097 မဲ

ပြည်နယ်လွှတ်တော် အမှတ်(၁)
------------------------------------
ရခိုင်အမျိုးသားပါတီ 37234 မဲ
ပြည်ထောင်စု ကြံ့ခိုင်ရေးနဲ့ ဖွံ့ဖြိုးရေးပါတီ 6922 မဲ
အမျိုးသားဒီမိုကရေစီအဖွဲ့ချုပ် 2309 မဲ

ပြည်နယ်လွှတ်တော် အမှတ် (၂)
------------------------------------
ရခိုင်အမျိုးသားပါတီ 30754 မဲ
ပြည်ထောင်စု ကြံ့ခိုင်ရေးနဲ့ ဖွံ့ဖြိုးရေးပါတီ 5477 မဲ
အမျိုးသားဒီမိုကရေစီအဖွဲ့ချုပ် 2193 မဲ

RFA Burmese
https://www.facebook.com/RFA-Burmese


ပြည်သူ့လွှတ်တော်

အမျိုးသားဒီမိုကရေစီအဖွဲ့ချုပ် ၁၀၁၈၂၁ မဲ
ပြည်ထောင်စု ကြံခိုင်ရေးနဲ့ ဖွံ့ဖြိုးရေးပါတီ ၃၅၁၅၆ မဲ
ဇိုမီးဒီမိုကရေစီအဖွဲ့ချုပ်ပါတီ ၇၉၄၇ မဲ
မြန်မာနိုင်ငံ တောင်သူလယ်သမားဖွံ့ဖြိုးတိုးတက်ရေးပါတီ ၂၉၉၈ မဲ
တိုင်းရင်းသားစည်းလုံးညီညွှတ်ရေးပါတီ ၄၃၄၈ မဲ

အမျိုးသားလွှတ်တော်
---------------------
အမျိုးသားဒီမိုကရေစီအဖွဲ့ချုပ် ၁၁၂၁၇၃ မဲ
ပြည်ထောင်စု ကြံခိုင်ရေးနဲ့ ဖွံ့ဖြိုးရေးပါတီ ၃၄၉၈၀ မဲ
တိုင်းရင်းသားစည်းလုံးညီညွှတ်ရေးပါတီ ၇၉၀၃ မဲ

တိုင်းဒေသကြီး မဲဆန္ဒနယ် အမှတ် (၁)
---------------------------
အမျိုးသားဒီမိုကရေစီအဖွဲ့ချုပ် ၆၂၄၅၉ မဲ
ပြည်ထောင်စု ကြံခိုင်ရေးနဲ့ ဖွံ့ဖြိုးရေးပါတီ ၁၈၁၁၇ မဲ
ချင်းတိုးတက်ရေးပါတီ ၁၆၄၂ မဲ
တိုင်းရင်းသားစည်းလုံးညီညွှတ်ရေးပါတီ ၃၆၉၂ မဲ

တိုင်းဒေသကြီး မဲဆန္ဒနယ် (၂)
------------------------------
အမျိုးသားဒီမိုကရေစီအဖွဲ့ချုပ် ၄၅၄၄၂ မဲ
တိုင်းရင်းသားစည်းလုံးညီညွှတ်ရေးပါတီ ၁၈၃၉ မဲ
ပြည်ထောင်စု ကြံခိုင်ရေးနဲ့ ဖွံ့ဖြိုးရေးပါတီ ၃၄၇၈၈ မဲ
ချင်းတိုးတက်ရေးပါတီ ၇၈၆၄ မဲ
ဇိုတိုင်းရင်းသားဒေသဖွံ့ဖြိုးရေးပါတီ ၈၃၀ မဲ

ဓါတ်ပုံ - ငယ်ထွေး၊ RFA
RFA Burmese
https://www.facebook.com/RFA-Burmese


 ရှမ်းပြည်နယ်တွင်း လက်ရှိ ရေတွက်ပြီးသလောက် မဲရလဒ်တွေ အရတော့ ရှမ်းတိုင်းရင်းသားများ ဒီမိုကရေစီ အဖွဲ့ချုပ် SNLD က မဲအများစုနဲ့ ဦးဆောင် နေပြီး အမျိုးသားဒီမိုကရေစီ အဖွဲ့ချုပ်ကလည်း အနိုင်ရနေတယ်လို့ SNLD ပါတီက ပြောပါတယ်။ ရှမ်းပြည်နယ်တွင်း တချို့မြို့နယ်တွေမှာလည်း ကြိုတင်မဲ ကိစ္စ၊ မဲပုံးတွေလုံခြုံမှုနဲ့ ပတ်သက်ပြီး အငြင်းပွားမှုတွေကြောင့် မဲရေတွက်လို့ မရနိုင်သေးတဲ့ မြို့နယ်တွေလည်း ရှိနေတာပါ။ ရှမ်းပြည်နယ်တွင်းက ရွေးကောက်ပွဲမဲပေးခဲ့မှု အခြေအနေတွေ ဘယ်အတိုင်းအတာထိ လွတ်လပ်မျှတမှု ရှိခဲ့ပါသလဲဆိုတာကို ရှမ်းအမျိုးသားများ ဒီမိုကရေစီအဖွဲ့ချုပ် SNLD ရဲ့ ပြောခွင့်ရ ဦးစိုင်းလိတ်ကို မသိင်္ဂီထိုက်က ဆက်သွယ်မေးမြန်းတင်ပြထားပါတယ်။

သိင်္ဂီထိုက်။ ။ ဆရာတို့ SNLD ဘက်က ပြတ်ပြတ်သားသား မဲအသာရနေတဲ့ မြို့နယ် နာမည်လေးတွေများသိရမလားရှင့်။

ဦးစိုင်းလိတ်။ ။ ရှမ်းပြည်နယ်မြောက်ပိုင်း မူဆယ်၊ သိန္နီ၊ ကျောက်မဲ၊ သီပေါ၊ မိုင်းယယ် - အဲဒီမြို့နယ်တွေကတော့ အပြတ်အသတ်နိုင်ထားပါတယ်ခင်ဗျ။ လွှတ်တော် သုံးနေရာလုံးကို နိုင်ထားတယ်။ ရှမ်းပြည်နယ်တောင်ပိုင်းမှာ လဲချား၊ မိုင်းကိုင်၊ ကွန်ဟိန်း၊ မိုးနည်း၊ လင်းခေး - အဲဒီနေရာတွေမှာလည်း အပြတ်အသတ်နိုင်ထားပါတယ်။

သိင်္ဂီထိုက်။ ။ ဟုတ်ကဲ့။ အဲဒီတော့ ရှမ်းပြည်နယ်ထဲမှာ ဆရာတို့ ရလဒ်မသိသေးတဲ့ မြို့နယ်တွေက ဘယ်နှစ်မြို့နယ်ကျန်ပါသေးလဲရှင့်။

ဦးစိုင်းလိတ်။ ။ အခုလောလောဆယ် တန့်ယန်းမှာ မဲရေနေတုန်းပေါ့နော်။ နောက် နန့်ခမ်းမှာလည်း မသိသေးပါဘူး။ နောက် ဒီနားတဝိုက်က မြို့နယ် ၂ ခု၊ သုံးခု ကျန်ပါသေးတယ်၊ ဒီတောင်ပိုင်းမှာ။ နောက်တခါ ကျနော်တို့ဝင်ပြိုင်တဲ့ မန္တလေးတိုင်းထဲက မိုးကုတ်၊ အဲဒါလည်း အခုထက်ထိကို အဆင်မပြေသေးပါဘူး။

သိင်္ဂီထိုက်။ ။ အဲဒီတော့ ဆရာ ရှမ်းပြည်နယ်အတွင်း ရွေးကောက်ပွဲအခြေအနေတွေ ဘယ်လိုသုံးသပ်ပါသလဲ၊ ဘယ်ပါတီတွေက ဦးဆောင်နေပါလဲရှင့်။ NLD တို့ SNDP တို့ အနေအထားပေါ့နော်။ ဆရာတို့ရဲ့ပြိုင်ဘက်ပါတီအနေအထားတွေရော ဘယ်လိုရှိပါလဲ။

ဦးစိုင်းလိတ်။ ။ ကျနော်တို့စပြီး ရွေးကောက်ပွဲဝင်ပြိုင်ကတည်းက အဓိကပြိုင်ဘက်ရယ်လို့ USDP ကိုပဲ အဓိကထားပါတယ်။ အခုလက်ရှိ အနိုင်ရ နေတာကို ကြည့်မယ်ဆိုရင် ရှမ်းပြည်မှာ ကျနော်တို့ SNLD ပြီးရင် NLD က ဦးဆောင်နေပါတယ်ခင်ဗျ။ ဒါပေမယ့် မဲရရှိမှုအနေအထားကြည့်မယ် ဆိုရင်တော့ SNLD က ထိပ်ဆုံးက ပြေးပါတယ်။ ကျားဖြူပါတီကတော့ လောလောဆယ်အထိ တစ်နေရာပဲ ရပါသေးတယ်ခင်ဗျ။

သိင်္ဂီထိုက်။ ။ အဲဒီတော့ ဆရာတို့ အခု ဒီမိုင်းပြင်းမှာ ဒုတိယ COMPLAIN- ရွေးကောက်ပွဲကော်မရှင်က ဘယ်လိုဖြေရှင်းပါလဲရှင့်။

ဦးစိုင်းလိတ်။ ။ ရှမ်းပြည်နယ်အရှေ့ပိုင်း မိုင်ပြင်းမှာ မုံဖူးလုံဆိုတဲ့ရွာကလာတာ။ မနေ့ကတည်းကပို့ထားတယ်။ ဒါပေမယ့် လာပို့တုန်းကအနေအထားနဲ့ အခုတွေ့တဲ့အနေအထားက လုံးဝကွဲပြားနေတယ်။ ဒါကြောင့်မို့လို့ ဟိုဘက်ကလည်း မသင်္ကာလို့ COMPLAINတွေ တက်နေကြတာ။ အဲဒါကို မြို့နယ်ကော်မရှင်ရဲ့ဖြေရှင်းချက်ကိုစောင့်ကြည့်နေတယ်။ သမာသမတ်မရှိဘူးဆိုရင်တော့ ပြည်နယ်ကော်မရှင်ကိုဆက်ပြီး အကြောင်းကြားရပါလိမ့်မယ်ခင်ဗျ။ အနည်းဆုံးတော့ ထွက်လာတဲ့မဲရလဒ်ကို ကျနော်တို့ ကိုယ်စားလှယ်တွေက လက်မှတ်မထိုးပေးဘဲနဲ့ တရားမျှတမှုရှိအောင် အရေးဆိုသွားမှာပါ။

သိင်္ဂီထိုက်။ ။ ဟုတ်ကဲ့၊ ရွေးကောက်ပွဲကော်မရှင်က ဘယ်လို ဖြေရှင်းပါသလဲရှင့်။

ဦးစိုင်းလိတ်။ ။ အဲဒါကို သူတို့ကလည်း ဘူးခံပြီး ငြင်းနေပါတယ်။ ဒီလက်ရာပျက်နေတာမဟုတ်ဘူး၊ နဂိုရ်ကတည်းက ဒီပုံစံအတိုင်းပဲဖြစ်တယ်ပေါ့နော်။ ဒါပေမယ့် NLD ဘက်က ပုဂ္ဂိုလ်တစ်ယောက်က ပြောတာလေ။ ဒီဥစ္စာ ရိုးရိုးသားသားဖြစ်နေတာမဟုတ်ဘူး၊ ဖောက်ဖျက်ထားတဲ့ပုံစံမျိုးပေါ့နော်- ခြေရာလက်ရာပျက်နေတယ်ပေါ့- အဲလိုစွပ်စွဲမှုတွေရှိနေတော့ ရှေ့ဆက်လည်းသွားမရဘူး၊ မဲစာရင်းကိုလည်း ဆက်ရေလို့မရဘူးဖြစ်နေတယ်။

သိင်္ဂီထိုက်။ ။ မဲဆန္ဒရှင်အရေအတွက်ကရော အနိုင်အရှုံးကို အဆုံးအဖြတ်ပေးနိုင်လောက်တဲ့အထိများ များပါသလားရှင်-့ ဆရာ။

ဦးစိုင်းလိတ်။ ။ လုံးဝကို အနိုင်အရှုံးပေးနိုင်တဲ့အထိ အနေအထားမျိုးပါ။ အင်မတန်ကြီးတဲ့ ကျေးရွာအုပ်စုတစ်ခုကပါ။ လူဦးရေ ထောင်ချီရှိပါတယ်ခင်ဗျ။ အခုစပြီးရေတွက်မယ်လုပ်တော့ အဲဒီမဲပုံးက ခြေရာလက်ရာပျက်နေတဲ့အခါကျတော့ အားလုံးက COMPLAINတက်နေတော့ အဲဒီအဆင့်ကိုလည်း ကျော်မရဘူးဖြစ်နေတယ်။ စပြီးရေတွက်လို့ မဖြစ်ဘူး ဖြစ်နေတယ်။

သိင်္ဂီထိုက်။ ။ လားရှိုးကိစ္စမှာလည်း ဆရာတို့ COMPLAINလုပ်ပါတယ်။ မနေ့က သတင်းစာရှင်းလင်းပွဲတောင် လုပ်လိုက်ရတော့ လားရှိုးအခြေအနေရော ဘာထပ်ထူးပါလဲရှင့်။

ဦးစိုင်းလိတ်။ ။ လာရှိုးကတော့ နောက်ကျမဲ- ကြိုတင်မဲပေါ့နော် အဲဒါကြီးကို ပယ်ဖျက်လိုက်ပြီလို့ ပြောပါတယ်။

သိင်္ဂီထိုက်။ ။ အဲဒီတော့ အနိုင်အရှုံး ပြတ်ပြတ်သားသားထွက်ပြီလားရှင့် ဆရာ။

ဦးစိုင်းလိတ်။ ။ ဒါလည်းပဲမသိသေးဘူးခင်ဗျ။ ဘာလို့လဲဆိုတော့ သူက လားရှိုးက ခရိုင်မြို့တော်ဖြစ်တယ်၊ အမျိုးသားလွှတ်တော်အတွက်ပါ ထည့်တွက်ရတော့ ဥပမာ တန့်ယန်းမပြီးတော့သူလည်း ဘယ်လိုမှ မပြီးပါဘူးခင်ဗျ။

သိင်္ဂီထိုက်။ ။ တကယ်တန်း ကြိုတင်မဲတွေကို စာရင်းနဲ့ရော ပြန်စစ်လို့ရလားရှင့်။

ဦးစိုင်းလိတ်။ ။ မရပါဘူးခင်ဗျ။ မနေ့ညကပဲ တောင်ကြီးမှာ ကြိုတင်မဲတွေကို တညလုံးထိုင်စောင့်ပါတယ်။ အဲဒီကြိုတင်မဲတွေအကုန်လုံးက USDP မဲတွေချည့်ပါပဲ။ ဒါပေမယ့် အဲဒီမဲအရေအတွက်ကို ဘယ် ဝှိုက်ဘုတ်မှာမှ သွားကြည့်ကြည့်တော့မှ ကြည့်စရာစာရင်းမရှိပါဘူးခင်ဗျ။

သိင်္ဂီထိုက်။ ။ အဲဒီတော့ ဆရာတို့ပါတီတွေကို ပုံစံ ၁၉ ပေါ့နော် - မဲလက်မှတ်တွေကို လက်မှတ်ထိုးမှရတဲ့ဟာတွေမှာရော ကြိုတင်မဲတွေ ဘယ်သူတွေပေးထားပါတယ်ဆိုတဲ့ စာရင်း ဆရာတို့ရပါလားရှင့်။

ဦးစိုင်းလိတ်။ ။ နောက်ဆုံးလက်မှတ်ထိုးမယ်ဆိုရင်တော့ ပေးပါတယ်ခင်ဗျ။ ပြရတာပေါ့။ ဒီစာရင်းကိုတော့ပြတယ်။ ဒါပေမယ့် ဒါလည်း အတည်ပြုချင်လို့ ပြုရတာမျိုးမဟုတ်ဘဲနဲ့ နောက်ဆုံး သိပ်မမျှမတကြီး ကွာဟနေတဲ့အခါကျတော့ COMPLAINမတက်ချင်တော့လို့ လက်မှတ်ထိုးလိုက်ရတဲ့အနေအထားမျိုးပဲ ရှိပါတယ်။ ဒါပေမယ့် စိတ်ထဲမှာတော့ ဒါ တရားမျှတမှုမရှိဘူးဆိုတာ အားလုံးက သိနေ၊ ခံစားနေကြရပါတယ်။

သိင်္ဂီထိုက်။ ။ အဲဒီတော့ ဆရာတို့ရှမ်းပြည်နယ်အတွင်း ဆရာတို့ဝင်ပြိုင်တဲ့နေရာတွေမှာ ရွေးကောက်ပွဲနဲ့ပတ်သက်ပြီးတော့ လွတ်လပ် တရားမျှတမှု အနေအထားပေါ်မှာ ဆရာ ဘယ်လိုများ မှတ်ချက်ပေးချင်ပါလဲ။

ဦးစိုင်းလိတ်။ ။ လွတ်လပ်တရားမျှတမှုဆိုတာကတော့ မရှိသလောက်ပါပဲခင်ဗျ။ လွတ်လွတ်လပ်လပ် မဲပေးရအောင်ဆိုတာကလည်း အခုလောလောဆယ် နမ့်ခမ်းမှာ မဲစာရင်းတွေ ရေနေတယ်။ ပြည်သူ့စစ်အဖွဲ့တစ်ဖွဲ့ကနေပြီးမှ သူ့ရဲ့ ရဲဘော်တွေကို ခေါ်လာပြီးတော့မှ လက်နက်နဲ့တကွ ကော်မရှင်ရုံးကိုဝိုင်းထားတယ်။ အပြင်လူ ဝင်လို့ရဘူး။ အဲဒါ အထူးရဲတွေရှိရဲ့နဲ့၊ တာဝန်ကျ လုံခြုံရေးတွေရှိရဲ့နဲ့ ပြည်သူ့စစ်အဖွဲ့ကဝင်ပြီးတော့မှ တဘက်လှည့်နဲ့ ခြိမ်းခြောက်တဲ့ပုံစံမျိုး လုပ်နေတာ တွေ့ရတယ်။ နောက်တခါ တခြားမြို့နယ်တွေမှာကျတော့လည်း မဲလိမ်မဲခိုးတဲ့ကိစ္စတွေကိုတမင်လုပ်တဲ့ပုံစံ မဟုတ်တောင်မှ ကျောင်းဆရာမတွေပေါ့နော်၊ တာဝန်ကျဆရာမတွေက မသိမသာလုပ်နေတာတွေလည်း ကျနော်တို့ အများကြီးတွေ့ရှိရပါတယ်။ နောက် မဲစာရင်း၊ မဲစာရွက်ကိစ္စ။ ဒါကလည်း မလိုလားအပ်ဘဲနဲ့ သပ်သပ်ယပ်ယပ်ကလေး ကြိုတင်မဲပြောပြီးတော့မှ ထပ်ခါ ထပ်ခါ စီထားတဲ့အနေအထားမျိုးလည်းတွေ့ရတယ်။ ဒါတွေအားလုံး ခြုံကြည့်မယ်ဆိုရင်တော့ တရားမျှတမှုဆိုတာတော့ မရှိသလောက် တွေ့ရပါတယ်။

ရှမ်းပြည်နယ်တွင်းက မြို့နယ် ၅၅ မြို့နယ်ထဲက ပန်ဆန်း၊ ပန်ဝိုင်၊ မိုင်းမော၊ နားဖန်းနဲ့ မိုင်းလားမြို့နယ် ၅ မြို့နယ်တို့မှာ ရွေးကောက်ပွဲ လုံးဝ ကျင်းပနိုင်ခဲ့ ခြင်းမရှိသလို တခြား မြို့နယ် မြို့နယ် ၈ ခုတို့က မဲဆန္ဒနယ်တချို့မှာလည်း ဒေသအခြေအနေကြောင့် ပြည်ထောင်စုရွေးကောက်ပွဲ ကော်မရှင်က ရွေးကောက်ပွဲတွေ ကျင်းပနိုင်ခဲ့ခြင်း မရှိပါဘူး။

သိင်္ဂီထိုက် / ဗွီအိုအေ (မြန်မာပိုင်း)
http://burmese.voanews.com

အမေရိကန် အစိုးရ ကတော့ သမိုင်းဝင် ရွေးကောက်ပွဲ အနေနဲ့ ချီးကျူး။
တနင်္ဂနွေ ရွေးကောက်ပွဲ နေ့ တုန်းက ဒေသတချို့မှာ မဲရုံ ပိတ်ချိန်မှ ရောက်လာ ခဲ့တဲ့ ကြိုတင်မဲ တွေ ရှိခဲ့တာ ကြောင့် ရွေးကောက်ပွဲ ဟာ တရား မျှမျှတတ ကျင်းပ နိုင်ခဲ့သလား ဆိုတဲ့ အပေါ် ပြောဖို့ရာ စောနေ သေးတယ် လို့ နိုင်ငံတကာ လူ့အခွင့်အရေး ဆိုင်ရာ စောင့်ကြည့်ရေး အဖွဲ့ HRW က ဆိုပါတယ်။

အမေရိကန် အစိုးရ က မြန်မာ နိုင်ငံ ရွေးကောက်ပွဲ ကို ငြိမ်းငြိမ်းချမ်းချမ်း ပြုလုပ် နိုင်ခဲ့တဲ့ သမိုင်းဝင် ရွေးကောက်ပွဲ အနေနဲ့ ချီးကျူး စကား ပြော နေ ချိန်မှာပဲ HRW အဖွဲ့ ကတော့ စိုးရိမ်မှု တွေ ရှိနေကြောင်း ပြောလာတာပါ။

ကြိုတင်မဲပုံး တွေ မဲရုံ ပိတ်ချိန် ရောက်လာခဲ့တဲ့ ဖြစ်ရပ် တွေကြောင့် ပွင့်လင်းမြင်သာ မှု ရှိ ခဲ့တဲ့ ရွေးကောက်ပွဲ ဆိုပြီး ပြောလို့ မရနိုင် ဘူးလို့ HRW ရဲ့ အာရှရေးရာ ဒုတိယ ညွှန်ကြားရေးမှုး Phil Robertson က ဆိုပါတယ်။

ဒီအချိန်မှာပဲ အမေရိကန် အစိုးရ အိမ်ဖြူတော် ရဲ့ ပြောခွင့်ရ Josh Earnest က တော့ ဖြည်းဖြည်းချင်းစီ ထွက်ပေါ် လာနေတဲ့ ရွေးကောက်ပွဲ ရလာဒ်တွေ ကို မြန်မာ ပြည်သူတွေ အနေနဲ့ တင်ကြို ဝေဖန် တာတွေ မလုပ်ပဲ စိတ်ရှည် ရှည် ထား စောင့်ကြပါ ဆိုပြီး တိုက်တွန်း ပါတယ်။

အစိုးရ တစ်ရပ် ဖွဲ့စည်း နိုင်ဖို့ ဆိုရင် နိုင်ငံရေး ခေါင်းဆောင်တွေ အားလုံး အတူ လက်တွဲ လုပ်ဆောင် ဖို့ အရေးကြီး သလို၊ အခြေအနေ အေးအေးဆေးဆေး တည်တည် ငြိမ်ငြိမ် ရှိစေဖို့ နဲ့ အမျိုးသား ရင်ကြားစေ့ရေး အတွက် ဆိုရင် နိုင်ငံရေး မှာ ပါဝင် ပတ်သက် နေသူတွေ အားလုံး ဝိုင်းဝန်း ကူညီ ကြ ရမှာ ဖြစ်တယ် ဆိုပြီးတော့လည်း မစ္စတာ အားနက်စ် က ပြောပါတယ်။

BBC Burmese
http://www.bbc.com/burmese

khinmamamyo-com-620.jpg ဒါနရှေ့ဆောင် (မြန်မာ) အဖွဲ့က ဒေါ်ခင်မမမျိုးကို နိုဝင်ဘာလ ၉ ရက်နေ့က တွေ့ရစဉ်

နိုဝင်ဘာလ ၈ ရက်နေ့ အထွေထွေရွေးကောက်ပွဲမှာ မဲရုံပေါင်း ၄၀၀ ကျော်ကို စောင့်ကြည့်လေ့လာခဲ့ရာမှာ အဲဒီအထဲက မဲရုံ ၂၅ ရာခိုင်းနှုန်းဟာ မဲပေးပိုင်ခွင့် ရှိသူတွေရဲ့ စာရင်းကို ကပ်ထားဖို့ပျက်ကွက်ခဲ့တယ်လို့ ရွေးကောက်ပွဲ စောင့်ကြည့်လေ့လာခဲ့တဲ့ ဒါနရှေ့ဆောင် (မြန်မာ) အဖွဲ့က ပြောပါတယ်။

ရန်ကုန်မြို့ Orchid ဟိုတယ်မှာ ဒီကနေ့ ကျင်းပတဲ့ သတင်းစာ ရှင်းလင်းပွဲမှာ ပြောကြားခဲ့တာပါ။

မဲရုံတချို့မှာ မဲလာထည့်သူတွေရဲ့လက်တွေကို အဝတ်စနဲ့ သုတ်သင်သန့်ရှင်းရေး စီစဉ်မထားလို့ တချို့မဲတွေ ပယ်မဲဖြစ်မယ့်အနေအထားမျိုး တွေ့ရှိခဲ့ သလို၊ လေ့လာသူ တွေအနေနဲ့ မဲထည့်သူစာရင်း သိရှိအောင် ဆောင်ရွက်ဖို့ပျက်ကွက်ခဲ့တယ်လို့ ဒါနရှေ့ဆောင် (မြန်မာ) အဖွဲ့က ဒေါ်ခင်မမမျိုး က ပြောပါတယ်။

"၂၂ ရာခိုင်နှုန်းသော မဲရုံတွေမှာတော့ စာမတတ်သူဆိုရင် လက်ဗွေနှိပ်ရတဲ့အခါမျိုးမှာ အဲ့ဒီလက်ကိုပြန်သုတ်ဖို့၊ အဝတ်ပေါ့နော်၊ ဒါမျိုးတွေပျောက်ဆုံးနေတာ ရှိပါတယ်၊ လက်ကိုမဟုတ်ဘဲနဲ့ မဲစာရွက်ကို ကိုင်လိုက်ရင် ပယ်မဲဖြစ်သွားတဲ့ အနေအထားမျိုး လေးရှိတာပေါ့လေ၊ ဒီလိုမျိုးအခြေအနေလေးတချို့ကို ကျမတို့တွေတွေ့ ရတယ်ပေါ့နော်၊ နောက်တစ်ချက်ကတော့ မဲဆန္ဒရှင် စာရင်းကပ်ထားခြင်းဖြစ်ပါတယ်၊ အဲ့အနေအထားမှာ ဆိုရင်လည်း၊ ကျမတို့စောင့်ကြည့်တဲ့မဲရုံများရဲ့ ၂၅ ရာခိုင်နှုန်းမှာဆိုရင် ကပ်ထားခြင်း မရှိတာတွေကို ကျမတို့တွေတွေ့ရတယ်ပေါ့နော်၊ အဲ့အနေအထားလေးတွေရှိပါတယ်"

ရွေးကောက်ပွဲနေ့က ဒါနရှေ့ဆောင်မြန်မာအဖွဲ့ဟာ ရန်ကုန်၊ ပဲခူး၊ မန္တလေး၊ မကွေး၊ ကချင်၊ ကယား၊ ကရင်၊ ရခိုင် စတဲ့ ပြည်နယ် နဲ့ တိုင်းတွေမှာ ရှိတဲ့ မဲရုံပေါင်း ၄၀၀ ကို စောင့်ကြည့်လေ့လာခဲ့တာဖြစ်ပါတယ်။

လာမယ့် ဒီဇင်ဘာလမှာ ကြိုတင်မဲကိစ္စနဲ့ ပတ်သက်ပြီး နောက်ဆုံးအစီရင်ခံစာ အဖြစ် ထုတ်ပြန်သွား မယ်လို့လည်း ပြောပါတယ်။

RFA
http://www.rfa.org/burmese/news/polling-stations-absent-voter-list-11092015133025.html


 အကြိတ်အနယ် နေရာတစ်ခု ဖြစ်ခဲ့တဲ့ ဗိုလ်ချုပ်မှူးကြီး သန်းရွှေရဲ့ ဇာတိ ကျောက်ဆည်မှာ နောက်ဆုံးရလဒ်အရ NLD ပါတီကပဲ အနိုင်ရသွားတယ်လို့ မဲရုံ စောင့်ကြည့်လေ့လာသူ ဦးခင်မောင်မြင့်က ဘီဘီစီကို ပြောပါတယ်။
---------------------
ချင်းပြည်နယ် အမျိုးသား လွှတ်တော်အတွက် အမတ်နေရာအား အားလုံးမှာ NLD က အနိုင်ရတယ်လို့ ချင်းဝေါလ် သတင်းထောက်ချုပ် ဆလိုင်း ကျော်မိုးက ပြောပါတယ်။
---------------------
ကြံ့ခိုင်ဖွံ့ဖြိုးရေး ပါတီက လောလောဆယ် အနိုင်ရနေတဲ့ နေရာတွေလည်း ရှိနေတာ သိရပါတယ်။

မွန်ပြည်နယ် မုဒုံ မြောက်ပိုင်း မဲဆန္ဒနယ်မှာ ကြံ့ခိုင်ရေး ပါတီက ဦးအုန်းမြင့်က NLD ကိုယ်စားလှယ် ဒေါ်မြသင်္ဂီကို မဲအသာစီးနဲ့ ဦးဆောင်နေပါတယ်။ မဲတွေ အားလုံးတော့ ရေတွက်လို့ မပြီးသေးဘူးလို့ မုဒုံက အငြိမ်းစား ကျောင်းဆရာ တစ်ယောက်က ပြောပါတယ်။
---------------------
ကရင်ပြည်နယ် ဖာပွန်မြို့မှာလည်း လွှတ်တော် ၃ ရပ်စလုံးအတွက် ကြံ့ခိုင်ရေး ပါတီက အနိုင်ရရှိသွားတယ်လို့ သိရပါတယ်။
---------------------
ကော့ကရိတ်မှာပြိုင်တဲ့ ကြံ့ခိုင်ရေးပါတီက ဗိုလ်မှူးကြီးဟောင်း ဦးသူရိန်ဇော်ကတော့ ရှုံးနေတယ်လို့ သိရပါတယ်။
---------------------
ဖားအံဘက်မှာ လွှတ်တော် ၃ ရပ်စလုံးမှာ NLD က နိုင်နေရာမှာ ဖလုံ စဝေါ် ပါတီက နာမည်ကြီး နန်းစေးအွား က NLD ကို ရှုံးတယ်လို့ သိရပါတယ်။
---------------------
တနင်္သာရီတိုင်း မှာလည်း နေရာအားလုံးမှာ အဲန်အယ်လ်ဒီက အနိုင်ရသွားတယ်လို့ ထားဝယ် Watch သတင်းထောက်က ပြောပါတယ်။ ပြည်သူ့လွှတ် ၁၀ ဦး၊ အမျိုးသားလွှတ်တော် ၁၂ ဦးနဲ့ တိုင်းလွှတ်တော် ၂၀ တို့ဖြစ်ပါတယ်။

BBC Burmese
https://www.facebook.com/bbcburmese/

ဧရာဝတီတိုင်း၊ ဟင်္သာတ ခရိုင်မှာ ကြံ့ခိုင်ရေး ပါတီက နေရာ အားလုံးနီးပါး ရှုံးတယ်လို့ ဆို။ 
 ရွေးကောက်ပွဲ မဲရလဒ်တွေကို ဒီကနေ့ နိုဝင်ဘာ ၉ ရက်က စပြီး ပြည်ထောင်စု ရွေးကောက်ပွဲ ကော်မရှင်က ထုတ်ပြန် ကြေညာပေး နေပေမယ့် ဧရာဝတီတိုင်း အတွက် မဲရလဒ်တွေကိုတော့ နောက်ထပ် ၂ ရက်လောက် အကြာ နိုဝင်ဘာလ ၁၁ ရက်နေ့မှသာ ထုတ်ပြန် နိုင်လိမ့်မယ်လို့ တိုင်းဒေသကြီး ရွေးကောက်ပွဲ ကော်မရှင် ဥက္ကဌ ဦးအောင်မြင့်က ပြောပါတယ်။

လမ်းပမ်း ဆက်သွယ်ရေး ခက်ခဲလို့ ထုတ်ပြန်တာ နောက်ကျ နိုင်တာ ဖြစ်တယ်လို့လည်း သူက ပြောပါတယ်။

ဧရာဝတီတိုင်း ဟင်္သာတ ခရိုင်ထဲမှာ ကြံ့ခိုင်ဖွံ့ဖြိုးရေး ပါတီက အားလုံးနီးပါး ရှုံးတယ်လို့ ပါတီ ပူးတွဲ ဥက္ကဋ္ဌ ဦးဌေးဦးက ဝန်ခံ ခဲ့ပါတယ်။

ဧရာဝတီတိုင်း တစ်တိုင်းလုံး အနေနဲ့လည်း ကြံ့ခိုင်ဖွံ့ဖြိုးရေး ပါတီ ရှုံးနိုင်တယ် လို့ ဦးဌေးဦးက ဘီဘီစီကို ပြောပါတယ်။

ဖြူးမြို့နယ် ပြည်သူ့လွှတ်တော် ကိုယ်စားလှယ် နေရာမှာ ဝင်ပြိုင်ခဲ့တဲ့ ပြည်ထောင်စု လွှတ်တော် နာယက သူရ ဦးရွှေမန်းကလည်း သူ့ အရှုံးကို ဝန်ခံပြီး အနိုင်ရသွားတဲ့ အန်အယ်လ်ဒီ ကိုယ်စားလှယ် ဦးသန်းညွန့်ကို ကိုယ်တိုင် ချီးကျူးစကား ဆိုပြီးပြီလို့ သူ့ရဲ့ ဖေ့စ်ဘွတ် စာမျက်နှာမှာ ဖော်ပြထားပါတယ်။

BBC Burmese
http://www.bbc.com/burmese

တစ်နိုင်ငံလုံး အတိုင်းအတာနဲ့ ၈၀ ရာခိုင်နှုန်း နိုင်နိုင်တယ်လို့ NLD ပြော
နိုဝင်ဘာလ ၈ ရက် နေ့က ကျင်းပခဲ့တဲ့ မြန်မာနိုင်ငံ အထွေထွေ ရွေးကောက်ပွဲရဲ့ ရလဒ်တချို့ကို ပြည်ထောင်စု ရွေးကောက်ပွဲ ကော်မရှင် UEC က ဒီကနေ့ နိုဝင်ဘာ ၉ ရက် ညနေပိုင်းမှာ စတင် ကြေညာခဲ့ရာမှာ အတိုက်အခံ ပါတီ ဖြစ်တဲ့ အမျိုးသား ဒီမိုကရေစီ အဖွဲ့ချုပ် ပါတီ NLD က အပြတ်အသတ် အနိုင်ရနေပါတယ်။

လောလောဆယ်မှာတော့ ညနေ ၆ နာရီအထိ ရန်ကုန်တိုင်းက အနိုင်ရ ကိုယ်စားလှယ် စုစုပေါင်း ၃၆ ယောက်ရဲ့ စာရင်းတွေကိုပဲ ရွေးကောက်ပွဲ ကော်မရှင်က ကြေညာ ထားပါ သေးတယ်။

ပြည်သူ့လွှတ်တော် နေရာအတွက် ရန်ကုန်တိုင်း ၁၂ မြို့နယ်မှာ NLD အမျိုးသား ဒီမိုကရေစီ အဖွဲ့ချုပ်က ကိုယ်စားလှယ်တွေ အားလုံး အနိုင်ရပြီး ရန်ကုန်တိုင်းဒေသကြီး လွှတ်တော် ၂၄ နေရာမှာတော့ ကြံ့ခိုင်ဖွံဖြိုးရေး ပါတီက တစ်နေရာ အနိုင်ရတယ်လို့ UEC က ကြေညာပါတယ်။

ရွေးကောက်ပွဲ စောင့်ကြည့်သူတွေနဲ့ မဲရေတွက်တာကို စောင့်ကြည့်သူတွေဆီက လောလောဆယ် သိရတဲ့ မဲရလဒ်တွေ အရ NLD က နေရာ အများအပြားမှာ အနိုင်ရနေတာကို ပြသနေပါတယ်။

NLD ကတော့ သူတို့ အနေနဲ့ တိုင်းဒေသကြီး ၇ တိုင်းစလုံးမှာ ၉၀ ရာခိုင်နှုန်း အနိုင်ရထားပြီး ပြည်နယ်တွေမှာ တိုင်းရင်းသား ပါတီတွေကို ရှုံးတာကြောင့် ၇၀ ရာခိုင်နှုန်း အနိုင်ရတယ်လို့ ပြောပါတယ်။ ဒါကြောင့် တစ်နိုင်ငံလုံး အတိုင်းအတာနဲ့ ၈၀ ရာခိုင်နှုန်း နိုင်တယ်လို့ ပြောပါတယ်။

ဒီကနေ့ စောစောပိုင်းက NLD ပါတီ ဥက္ကဌ ဒေါ်အောင်ဆန်း စုကြည်က ပါတီရုံးချုပ် ရှေ့မှာ လာရောက် စုရုံးနေကြတဲ့ ထောက်ခံသူ ပြည်သူတွေကို စကားပြောခဲ့ရာမှာ မဲရလဒ်တွေကို တရားဝင် မကြေညာသေးပေမယ့် ဘယ်လို ရလဒ် အဖြေ ထွက်လာမယ် ဆိုတာတော့ လူတိုင်း မှန်းဆနိုင်မယ် ထင်ပါတယ်လို့ ပြောခဲ့ပါတယ်။

BBC Burmese
http://www.bbc.com/burmese


 ဒီကနေ့ည ၉ နာရီမှာ ပြည်သူ့လွှတ်တော်ကိုယ်စားလှယ် ရွေးကောက်ပွဲအနိုင်ရ ရလဒ်တွေကို ကြေညာထုတ်ပြန်တာမှာ အမျိုးသားဒီမိုကရေစီအဖွဲ့ချုပ် NLD က အများစု အနိုင်ရရှိထားပါတယ်။

ပဲခူးတိုင်း ရွှေတောင်မြို့နယ် NLD ပါတီ ကိုယ်စားလှယ် ဒေါ်မြခွာညိုဦး၊ မန္တလေးတိုင်း အမရပူရမြို့နယ်က ဦးစိုးမြင့် (ခ) ဦးအောင်ဇော်မြင့်-NLD ပါတီ၊ မတ္တရာမြို့နယ်အတွက် ဦးဇော်မင်းလွင် NLD ပါတီ၊ စဥ့်ကူးမြို့နယ် ဒေါက်တာဇော်ဝင်းမြင့် NLD ပါတီ၊ ကျောက်ဆည်မြို့နယ် ဒေါက်တာတင်အောင် NLD ပါတီ၊

ရွေးကောက်ပွဲကော်မရှင်က ထုတ်ပြန်တဲ့ အနိုင်ရ လွှတ်တော်ကိုယ်စားလှယ်များ အမည်စာရင်း။ (ဓာတ်ပုံ-ဗွီအိုအေ-မြန်မာပိုင်း)
မိတ္ထီလာမြို့နယ် ဒေါက်တာမောင်သင်း ပြည်ထောင်စု ကြံ့ခိုင်ရေးနဲ့ ဖွံ့ဖြိုးရေး ပါတီ၊ မလှိုင်မြို့နယ် ဦးလှထွန်းအောင် NLD ပါတီ၊ မင်္ဂလာဒုံမြို့နယ် ဦးအောင်လှိုင်ဝင်း NLD ပါတီ၊ သုံးခွမြို့နယ် ဒေါ်စုစုလွင် NLD ပါတီ၊ ဒလမြို့နယ် ဒေါက်တာ စိန်လှအေး NLD ပါတီ၊ ကျောက်တံတားမြို့နယ် ဦးနေမျိုးထက် NLD ပါတီ၊ ကြည့်မြင်တိုင်မြို့နယ် ဦးဇော်ဝင်း NLD ပါတီ၊ လှိုင်မြို့နယ် ဦးအောင်ကျော်ကျော်ဦး NLD ပါတီ၊ ရှမ်းပြည်နယ် ဟိုပန်မြို့နယ် ဦးကျင်ဝမ်း- ဝ ဒီမိုကရက်တစ်ပါတီ၊ မိုင်းယန်းမြို့နယ် ဦးစိုင်းဆမ် ပြည်ထောင်စုကြံ့ခိုင်ရေးနဲ့ ဖွံ့ဖြိုးရေးပါတီ၊ ဧရာဝတီတိုင်း ညောင်တုန်းမြို့နယ် ဦးအုန်းလွင် NLD ပါတီတို့ အနိုင်ရခဲ့တယ်လို့ ပြည်ထောင်စု ရွေးကောက်ပွဲကော်မရှင်ဥက္ကဋ္ဌ ဦးတင်အေးက ည ၉ နာရီမှာ တရားဝင် ကြေညာသွားပါတယ်။

ပြည်သူ့လွှတ်တော် ကိုယ်စားလှယ် ၁၆ နေရာက အနိုင်ရသူတွေကို ကြေညာတာမှာ ၁၃ ဦးက အမျိုးသား ဒီမိုကရေစီအဖွဲ့ချုပ် NLD ကိုယ်စားလှယ်တွေ ဖြစ်ပြီး ပြည်ထောင်စုကြံ့ခိုင်ရေးနဲ့ ဖွံ့ဖြိုးရေးပါတီက ကိုယ်စားလှယ်နှစ်ဦးနဲ့ ဝဒီမိုကရက်တစ်ပါတီက တစ်ဦးတို့ အနိုင်ရရှိသွားပါတယ်။

ဗွီအိုအေ (မြန်မာဌာန)
http://burmese.voanews.com

 နေပြည်တော်က ပြည်ထောင်စု ရွေးကောက်ပွဲ ကော်မရှင် ရုံးမှာ နိုဝင်ဘာလ ၉ ရက်နေ့က ကော်မရှင် ဥက္ကဌ ဦးတင်အေး ရွေးကောက်ပွဲ မဲရလဒ်တွေကို ကြေငြာနေစဉ်။ Photo: Win Ko Ko Latt/ RFA
ပြည်ထောင်စုရွေးကောက်ပွဲကော်မရှင်က ရွေးကောက်ပွဲမဲရလဒ်တွေကို ဒီကနေ့ စတင်ကြေညာရာမှာ ရန်ကုန်တိုင်းဒေ သကြီးအတွင်းက ပြည်သူ့လွှတ်တော် အတွက် မြို့နယ်ပေါင်း ၁၂ မြို့နယ်နဲ့ ရန်ကုန်တိုင်းဒေသကြီးအတွက် ၂၄ နေရာ အားလုံးမှာ အမျိုးသားဒီမိုကရေစီအဖွဲ့ချုပ်က အနိုင်ရတယ်လို့ ပြောပါတယ်။

နေပြည်တော်နဲ့ ရန်ကုန်မှာ ရွေးကောက်ပွဲရလာဒ်တွေ ကြေငြာပေးမယ့် မီဒီယာစင်တာ တွေ ဖွင့်ပွဲမှာ ကော်မရှင် ဥက္ကဌ ဦးတင်အေးက အနိုင်ရ ကိုယ်စား လှယ်လောင်းတွေကို ကြေညာပေးခဲ့တာ ဖြစ်ပါတယ်။

အဲဒီကိုယ်စားလှယ်တွေထဲမှာ ပြည်သူ့လွှတ်တော်အတွက် ဒေါက်တာ ဒေါ်သက်သက်ခိုင်၊ ဒေါ်စန္ဒာမင်း ၊ ဦးဝင်းမြင့်၊ ဦးပြုံးချို၊ ဒေါက်တာဝေဖြိုးအောင်၊ ဒေါ်ဇင်မာအောင် စတဲ့ ကိုယ်စားလှယ်တွေ ပါဝင်ပြီး၊ တိုင်းဒေသကြီး အတွက် ဦးနိုင်ငံလင်း၊ ဦးသာအောင်၊ ဦးဝေဖြိုးဟန်၊ ဦးသိန်းဇော်၊ ဒေါ်သက်ထားနွယ်ဝင်း စတဲ့ ကိုယ်စားလှယ်တွေ ပါဝင်ပါတယ်။

ရွေးကောက်ပွဲကာလအတွင်း ပေါ်ပေါက်ခဲ့တဲ့ အမှုပေါင်း ၄၈ မှု ရှိတယ်လို့ ကော်မရှင်က ပြောပါတယ်။ ဒါပေမဲ့ ကြိုတင် မဲ ပြဿနာတွေနဲ့ ပတ်သက်လို့တော့ ထည့်သွင်း မပြောဆိုခဲ့ပါဘူး။

ပြည်ထောင်စုရွေးကောက်ပွဲကော်မရှင်ဟာ ရွေးကောက်ပွဲရလာဒ်တွေကို နိုဝင်ဘာလ ၉ ရက်နေ့ကနေ ၁၅ ရက်နေ့ အထိ နေ့စဉ် ၅ ကြိမ် ကြေငြာပေးမှာ ဖြစ်ပါတယ်။

အမျိုးသားဒီမိုကရေစီအဖွဲ့ချုပ် ဥက္ကဌ ဒေါ်အောင်ဆန်းစုကြည်ဟာ ရွေးကောက်ပွဲအပြီး ပထမဦးဆုံးအကြိမ် အဖြစ် ရွှေဂုံတိုင်လမ်း ဌာနချုပ်မှာ လူထုကို ဒီကနေ့ မိန့်ခွန်း ပြောကြားခဲ့ပါတယ်။

RFA Burmese
http://www.rfa.org/burmese


ပြည်ထောင်စု လွှတ်တော် - အမတ် ၆၆၄ ရှိရာမှာ
ပြည်သူ့ လွှတ်တော် အမတ် - ၃၃၀
အမျိုးသားလွှတ်တော် အမတ် - ၁၆၈ နဲ့
တပ်မတော်သား အမတ် - ၁၆၆ ဦး ပါဝင်ပါတယ်
=================
တပ်မတော်သား အမတ်တွေဟာ ပြည်ခိုင်ဖြိုး ပါတီဘက်က တင် မြောက်မဲ့ သမ္မတလောင်း ကိုသာ ထောက်ခံမယ် လို့ယူဆရင်
ပြည်ခိုင်ဖြိုးဟာ ကိုယ်တင်တဲ့ သမ္မတလောင်း အောင်နိုင်ဖို့ အတွက် လွှတ်တော် နှစ်ရပ်မှာ
အရပ်သား အမတ်နေရာ ၃၅% သို့မဟုတ် စုစုပေါင်း ၁၇၄ ဦး (ပြည်သူ ၁၁၆ + အမျိုးသား ၅၉) နေရာ နိုင်ဖို့လိုတယ် သို့မဟုတ် စည်းရုံးထားဖို့ လိုတယ်။
ဒါဆို တပ်မတော် အမတ် ၂၅% နဲ့ ပေါင်းရင် လွှတ်တော် နှစ်ရပ်မှာ ၅၁% ထောက်ခံမဲ နဲ့ သမ္မတ တင်မြောက် အစိုးရ ဖွဲ့ နိုင်မယ်
=====================
ဒီချုပ်ကတော့ အစိတ်သားကို အားကိုးလို့ မရနိုင်ဘူးဆိုတော့
ဒီချုပ်သည် သမ္မတလောင်း အဆိုအောင်နိုင်ပြီး လွတ်လွတ်ကျွတ်ကျွတ် အစိုးရ ဖွဲ့နိုင်ဖို့
အရပ်သား အမတ်နေရာ ၆၈% သို့မဟုတ် စုစုပေါင်း ၃၃၉ ဦး (ပြည်သူ ၂၂၄ + အမျိုးသား ၁၁၄) နေရာ နိုင်ဖို့ သို့မဟုတ် စည်းရုံးနိုင်ဖို့ လိုတယ်
ဒါဆို လွှတ်တော် နှစ်ရပ် အမတ်ဦးရေတွေရဲ့ ၅၁% ကို ရရှိပြီး လွတ်လွတ်ကျွတ်ကျွတ် သမ္မတလောင်း ရွေးချယ် အစိုးရ ဖွဲ့နိုင်မယ်
==================
ဆိုတော့ ဒီချုပ်သည် ပြည်သူ့လွှတ်တော် အမတ် နေရာ ၂၂၄ နေရာ နဲ့ အမျိုးသား လွှတ်တော် အမတ် နေရာ ၁၁၄ နေရာ အနိုင်ရရှိပြီ ဆိုရင် နိုင်ပါပြီ
ပြည်ခိုင်ဖြိုးသည် ပြည်သူ့လွှတ်တော် အမတ် နေရာ ၁၁၆ နေရာ နဲ့ အမျိုးသား လွှတ်တော် အမတ် နေရာ ၅၉ နေရာ ရရှိပြီ ဆိုရင် နိုင်ပါပြီ
================
ဆိုတော့ကာ ရွေးကောက်ပွဲ ကော်မရှင်က တရားဝင် ထုတ်ပြန် ကြေငြာသော ရလာဒ်များကိုသာ စောင့်မျှော် ပေါင်းနုတ်ပြီးမှ ပျော်ခြင်း အော်ခြင်း များကို လုပ်ကြ ရအောင် သူတော်ကောင်းတို့ရေ။

မှတ်ထားနော် ဘယ်ဘက်က ဖြစ်ဖြစ် တောင်ပြို ကမ်းပြိုချင်ရင်
ဒီချုပ် ၃၃၉ (၂၂၄+၁၁၄)
ပခဖ ၁၇၄ (၁၁၆+၅၉)
နိုင်မှသာ ရမည်

ပြည်ထောင်စု ရွေးကောက်ပွဲကော်မရှင်က မဲရလဒ်တွေကို တခြား နိုင်ငံတွေထက် မြန်အောင် ၂ပတ်အတွင်း အပြီး ကြေညာမယ်လို့ ပြောပါတယ်။

ရွေးကောက်ပွဲ စည်းမျဉ်း စည်းကမ်းတွေကို ချိုးဖောက်တဲ့ ဖြစ်စဉ်တွေကို ၁၅ ရက်အတွင်း တိုင်ကြားရင် စုံစမ်း စစ်ဆေးမယ်လို့လည်း သတင်းမီဒီယာတွေကို ပြောခဲ့ပါတယ်။

ဒီရွေးကောက်ပွဲမှာ တရားမဝင် မဲဆွယ်တာ၊ မဲရုံမှူး လက်မှတ် မပါဘဲ မဲပေးတာ၊ မဲစာရင်းမှာ မပါဘဲ မဲပေးတာ အပါအဝင် တခြား ဖြစ်စဉ် အားလုံးဟာ ၀.၁၁၉ ပမာဏပဲ ရှိတဲ့အတွက် မဲရုံ ၁၀၀၀ မှာ ၁ ရုံပဲ ဖြစ်တာမို့ တရားမျှတတဲ့ ရွေးကောက်ပွဲ ဖြစ်တယ်လို့ ရွေးကောက်ပွဲ ကော်မရှင် ဥက္ကဋ္ဌ ဦးတင်အေးက သတင်းစာ ရှင်းလင်းပွဲမှာ ပြောခဲ့ ပါတယ်။

ဒုတိယ သမ္မတ စိုင်းမောက်ခမ်း ယှဉ်ပြိုင်တဲ့ လားရှိုးမြို့နယ် ပြည်သူ့ လွှတ်တော် ကိုယ်စားလှယ် နေရာ အတွက် ကြံ့ခိုင်ဖွံ့ဖြိုးရေး ပါတီကို ထောက်ခံတဲ့ ကြိုတင်မဲတွေ ထပ်ရောက် လာခဲ့တာနဲ့ ပတ်သက်သက်လို့ NLD ပါတီနဲ့ ကျားခေါင်း ပါတီလို့ ခေါ်တဲ့ SNLD ရှမ်းတိုင်းရင်းသားများ ဒီမိုကရေစီ အဖွဲ့ချုပ် ပါတီတို့က ကန့်ကွက်ခဲ့ ပါတယ်။

ဒါပေမယ့် ရှမ်းပြည် မြောက်ပိုင်း ရွေးကောက်ပွဲ ကော်မရှင် တာဝန်ခံ ဦးနှစ်ဆန်းဦးကတော့ လားရှိုး အခြေစိုက် တပ်ရင်း တပ်ဖွဲ့တွေနဲ့ မိသားစုတွေက ထည့်တဲ့ ကြိုတင်မဲတွေဟာ လုပ်ထုံးလုပ်နည်း ဥပဒေအရ မှားယွင်းမှု မတွေ့ရဘူးလို့ ဘီဘီစီကို ပြောပါတယ်။

တပ်မတော် တပ်ရင်းတပ်ဖွဲ့တွေက ပေးပို့လာတဲ့ ကြိုတင်မဲ ၄၀၀၀ လောက်ရှိပြီး ၃၅၀၀ ကျော် ဟာ ပြည်ထောင်စု ကြံခိုင်ရေးနဲ့ ဖွံဖြိုးရေးပါတီကို ပေးထားတာ ဖြစ်ပါတယ်။

ကြိုတင်မဲပုံးတွေကို အစုလိုက် အပြုံလိုက် လာပို့တာဟာ ကြိုတင် ကြံစည်ထားတဲ့ပုံစံ မျိုး ဖြစ်နေတယ်လို့ ထင်မြင်တဲ့အကြောင်း SNLD ပါတီက ပြောပါတယ်။

BBC

[soundcloud src="232272946"/]
သိရသလောက် သတင်းတွေအရ အမျိုးသား ဒီမိုကရေစီ အဖွဲ့ချုပ် NLD က အပြတ်အသတ် အနိုင်ရနေတဲ့အတွက် NLD အနေနဲ့ တစ်ပါတီတည်း လွတ်လွတ်ကျွတ်ကျွတ် အစိုးရဖွဲ့နိုင်မယ့် အလားအလာ ရှိနေပါပြီလား။ ဘီဘီစီ အကြီးတန်းသတင်းထောက် ကိုမင်းထက်က သတင်းစာ ဆရာ ဦးစည်သူအောင်မြင့်နဲ့ အတူ တိုက်ရိုက် ဆွေးနွေး တင်ဆက်ထားပါတယ်။

ဘီဘီစီ


ရွေးကောက်ပွဲ မဲစာရင်းရလဒ်ကို စောင့်မျှော်နေတဲ့ အမျိုးသားဒီမိုကရေစီအဖွဲ့ချုပ်ကို ထောက်ခံသူများ။ (နိုဝင်ဘာ ၈၊ ၂၀၁၅)
ရွေးကောက်ပွဲ မဲစာရင်းရလဒ်ကို စောင့်မျှော်နေတဲ့ အမျိုးသားဒီမိုကရေစီအဖွဲ့ချုပ်ကို ထောက်ခံသူများ။ (နိုဝင်ဘာ ၈၊ ၂၀၁၅)

တနိုင်ငံလုံး ရွေးကောက်ပွဲရလဒ်တွေကို ကော်မရှင်က ကြေညာနိုင်ခြင်းမရှိသေးပေမယ့်လို့ အမျိုးသားဒီမိုကရေစီအဖွဲ့ချုပ် NLD အနေနဲ့ တိုင်းနဲ့ပြည်နယ်ရုံးတွေကတဆင့် တနိုင်ငံလုံး မဲရုံအသီးသီးက စုဆောင်းကောက်ခံရတဲ့ စာရင်းအရဆိုရင် အန်အယ်ဒီအနေနဲ့ အနည်းဆုံး ၇၀ % အနိုင်ရရှိထားပြီလို့ သိရပါတယ်။ ရန်ကန်မြို့ အမျိုးသားဒီမိုကရေစီရေးရုံးချုပ်ရှေ့ သတင်သွားယူခဲ့တဲ့ ကိုသားညွန့်ဦး က သတင်းပေးပို့ထားပါတယ်။

အမျိုးသားဒီမိုကရေစီ အဖွဲ့ချုပ်ရုံးချုပ်ရှေ့မှာ သူကိုထောက်ခံတဲ့ ဒီလူထုပရိတ်သတ် စုဝေးနေကြပါတယ်။ အမျိုးသားဒီမိုကရေစီ အဖွဲ့ချုပ် ရုံးချုပ်ထဲမှာဆိုရင် မီဒီယာ center တွေ ၊ လူကြီးပိုင်းတွေ ရုံးထိုင်ပါတယ်။

ရုံးထိုင်ပြီးတော့ ဒီအောင်နိုင်ရေးအချက်အလက်တွေကို စုဆောင်းပြီးတော့ လူထုကိုထုတ်ပြန်ပေးဖို့ ဆောင်ရွက်နေတယ်လို့ သိရပါတယ်။ ဆိုတော့ တာဝန်ရှိသူတဦးကို မေးကြည့်ရသလောက် အမျိုးသားဒီမိုကရေစီအဖွဲ့ချုပ်အနေနဲ့ လက်ရှိရထားတဲ့အခြေအနေအရကို ဒီအောင်နိုင်တဲ့အနေအထားက တနိုင်ငံလုံးအတိုင်းအတာနဲ့ဆိုရင် ၇၀ % ကျော်၊ ၈၀ % အထိကို အောင်နိုင်ထားပြီလို့ သိရပါတယ်။

“အမျိုးသားဒီမိုကရေစီ အဖွဲ့ချုပ်ရမဲက ၇၂၆ မဲ”
အဖွဲ့ချုပ်ရုံးရှေ့မှာ အနိုင်အရှုံးသိလိုကြတဲ့ ထောက်ခံသူတွေ စုဝေးရောက်ရှိစောင့်ဆိုင်းနေစဉ်။ (နိုဝင်ဘာ ၉၊ ၂၀၁၅)
အဖွဲ့ချုပ်ရုံးရှေ့မှာ အနိုင်အရှုံးသိလိုကြတဲ့ ထောက်ခံသူတွေ စုဝေးရောက်ရှိစောင့်ဆိုင်းနေစဉ်။ (နိုဝင်ဘာ ၉၊ ၂၀၁၅)
အမျိုးသားဒီမိုကရေစီအဖွဲ့ချုပ်အနေနဲ့ သက်ဆိုင်ရာ တိုင်းနဲပြည်နယ်အလိုက်ရရှိထားတဲ့ မဲစာရင်းတွေကို သီးခြားပြုစုနေပါတယ်။ ပြည်ထောင်စုရွေးကောက်ပွဲကော်မရှင်က ရန်ကုန်တိုင်းအတွင်းမှာရှိတဲ့မဲနိုင်စာရင်းကို ဒီကနေ့ ကြေညာခဲ့ပေမယ့် အမျိုးသားဒီမိုကရေစီ အဖွဲ့ချုပ်အနေနဲ့ တိုင်းနဲ့ပြည်နယ်အတော်များများမှာရှိတဲ့ မဲစာရင်းတွေကို ရရှိပြုစုထားပြီဖြစ်ပါတယ်။

အငြင်းပွားဖွယ်ဖြစ်နိုင်တဲ့နေရာတွေ အထူးသဖြင့် ကြိုတင်မဲကိစ္စတွေကြောင့် ကော်မရှင်ကို စောဒကတက်ထားတဲ့ မြို့နယ် သုံး-လေးမြို့နယ်ရှိနေပြီးတော့ တချို့ ဝေးလံခေါင်နေတဲ့နေရာတွေမှာတော့ မဲရုံတွေက စာရင်းတွေကိုရရှိဖို့အတွက် စောင့်ဆိုင်းနေဆဲဖြစ်ပါတယ်။ ရရှိထားတဲ့ မဲစာရင်း အနေအထားအရဆိုရင်တော့ သူတို့အနေနဲ့ ၇၀ % ကျော်အနိုင်ရရှိထားပြီလို့ NLD ခေါင်းဆောင်တဦးက ပြောပါတယ်။

အမျိုးသားဒီမိုကရေစီ အဖွဲ့ချုပ်ရုံးချုပ်ရှေ့ကို စုဝေးခဲ့တဲ့ လူထုပရိတ်သတ်ကိုလည်း NLD ဥက္ကဋ္ဌ ဒေါ်အောင်ဆန်းစုကြည်က မိန့်ခွန်းတို ပြောပါတယ်။ လူထုရဲ့ ထောက်ခံမှုကို ကျေးဇူးတင်တဲ့အကြောင်းနဲ့ ဒီအောင်မြင်မှုကို NLD အတွက်သာမဟုတ်ဘဲနဲ့ တနိုင်ငံလုံးအတွက် ဖြစ်စေရမယ်လို့ ဒေါ်အောင်ဆန်းစုကြည်က ပြောဆိုသွားပါတယ်။
အဖွဲ့ချုပ်ရုံးရှေ့က လူထုကို နှုတ်ဆက်နေတဲ့ ဒေါ်အောင်ဆန်းစုကြည်နဲ့ ဦးတင်ဦး။ (နိုဝင်ဘာ ၉၊ ၂၀၁၅)
အဖွဲ့ချုပ်ရုံးရှေ့ကလူထုကို နှုတ်ဆက်နေတဲ့ ဒေါ်အောင်ဆန်းစုကြည်နဲ့ ဦးတင်ဦး။ (နိုဝင်ဘာ ၉၊ ၂၀၁၅)

“ဒီကနေ့ အောင်နိုင်ရေးဟာ တနိုင်ငံလုံးအတွက် ဖြစ်စေရမယ်။ ဘယ်အဖွဲ့အစည်း၊ ဘယ်ပုဂ္ဂိုလ်တွေအတွက် မဖြစ်စေရပါဘူး။ ဒါကြောင့် တနိုင်ငံလုံးအတွက် ဖြစ်တဲ့ အောင်နိုင်မှုရလောက်တဲ့ ကျမတို့အားလုံးအတူတူ ကြိုးစားသွားကြပါလို့ မေတ္တာရပ်ခံရင်းနဲ့ ကြေညာချက် ထုတ်ပါတယ်။ ရွေးကောက်ပွဲရလဒ်များကို တရားဝင် တိတိကျကျ သိရတဲ့အခါကျမှ ကျမတို့ပြောသင့်ပြောထိုက်တာတွေကို ထပ်မံပြီးတော့ ပြောမှာဖြစ်ပါတယ်။ အားလုံးကို ကျေးဇူးတင်ပါတယ်။”

NLD က အခု ခန့်မှန်းထားတဲ့ မဲအနိုင်စာရင်းအရဆိုရင်တော့ NLD အနေနဲ့ အစိုးရဖွဲ့နိုင်တဲ့ အခြေအနေရှိပါတယ်။ သူတို့အနေနဲ့ အမျိုးသား ရင်ကြားစေ့အစိုးရဖြစ်စေရမယ်ဆိုပြီးတော့ ဒေါ်အောင်ဆန်းစုကြည်က ပြောထားပါတယ်။ အမျိုးသားဒီမိုကရေစီ အဖွဲ့ချုပ်ရုံးချုပ်ရှေ့မှာတော့ မနေ့ညနေပိုင်းကလိုပဲ ဒီကနေ့မနက်ပိုင်းကစပြီး စုဝေးအောင်ပွဲခံကြပါတယ်။ NLD ကိုထောက်ခံတဲ့လူထုအနေနဲ့ ရွေးကောက်ပွဲရလဒ်တွေ အပေါ်မှာ တည်တည်ငြိမ်ငြိမ်နဲ့ရင်ဆိုကြဖို့ကိုလည်း NLD ပါတီက တိုက်တွန်းထားပါတယ်ခင်ဗျာ။

ကိုသားညွှန့်ဦး/VOA
http://burmese.voanews.com/content/nld-hope-to-win-election-/3049847.html

[youtube src="2LP0FLG3MgI"/]
၂၀၁၅ အထွေထွေ ရွေးကောက်ပွဲနှင့် ပတ်သက်ပြီး ပြည်ထောင်စုရွေး ကောက်ပွဲ ကော်မရှင်က
နိုဝင်ဘာလ ၉ ရက်နေ့ညနေပိုင်းက နေပြည်တော်မှာ သတင်းစာရှင်းလင်းပွဲ တစ်ရပ် ပြုလုပ်ခဲ့ရာ ညနေ ၄ နာရီနောက်ပိုင်းမှရောက်ရှိလာတဲ့ ကြိုတင် မဲတွေဟာ ပယ်မဲဖြစ်တယ်လို့ ရွေးကောက်ပွဲ ကော်ရှင်အဖွဲ့ဝင် ဦးမြင့်နိုင်က ပြောကြားခဲ့ပါတယ်။
ပြီးခဲ့တဲ့ ရွေးကောက်ပွဲ ကျင်းပတဲ့ နိုဝင်ဘာလ၈ရက်နေ့မှာ ညနက်ပိုင်းမှ ရောက်လာတဲ့ ကြိုတင်မဲတွေကြောင့် အငြင်းပွား ဖွယ်ရာတွေ ဖြစ်ပေါ်ခဲ့ပြီး ဒုတိယ သမ္မတ ဒေါက်တာ စိုင်းမောက်ခမ်း ၀င်ပြိုင်တဲ့ လာရှိုးမဲဆန္ဒနယ်တွင် ကြိုတင် မဲမသမာမှုကိစ္စနဲ့ပတ်သက်ပြီး NLD နဲ့SNLD ပါတီတို့က ပြည်ထောင်စု ရွေးကောက်ပွဲ ကော်မရှင်ထံ
ကန့်ကွက်စာ ပို့ခဲ့တာဖြစ်ပါတယ်။

Eleven Media Group

Author Name

Contact Form

Name

Email *

Message *

Powered by Blogger.