11/16/15

 အစာအငတ်ခံဆန္ဒပြပြီး ရန်ကုန်ပြည်သူ့ဆေးရုံကြီးမှာ ရောက်နေတဲ့ ဗကသ အဖွဲ့ဝင် ကိုအောင်မှိုင်းဆန်းကို နိုဝင်ဘာလ ၁၅ ရက်နေ့က တွေ့ရစဉ်

၁၉၇၄-၇၅နဲ့ ၇၆ ခုနှစ်တွေမှာ နိုင်ငံရေးလှုပ်ရှားခဲ့ကြတဲ့ အင်အားစုတွေက ရွေးကောက်ပွဲမှာ NLD က ပြတ်ပြတ်သားသား အနိုင်ရခဲ့တာကို ဂုဏ်ပြုကြောင်း ဒီကနေ့ ကြေညာချက်တစ်စောင် ထုတ်ပြန်ပြောကြား လိုက်ပါတယ်။

၁၉၇၅ နိုင်ငံရေးအကျဉ်းသားဟောင်း ဦးထင်အောင်က NLD ရဲ့အောင်ပွဲဟာ ပြည်သူအားလုံးရဲ့ သမိုင်းဝင် အောင်ပွဲဖြစ်တယ်လို့ RFA ကို ပြောပါတယ်။

"အမျိုးသားဒီမိုကရေစီအဖွဲ့ချုပ် အနိုင်ရရေးသည် တနည်းအားဖြင့် ဒီမိုကရေစီစနစ် လိုလားထောက်ခံသော တိုင်းရင်းသားပြည်သူတစ်ရပ်လုံး မိမိတို့ ၇၄၊ ၇၅၊ ၇၆ နိုင်ငံရေးအင်အားစုမှ မှတ်ယူပါတယ်"

ဒ့ါအပြင် ၇၄၊ ၇၅၊ ၇၆ နိုင်ငံရေးအင်အားစုက လက်ရှိအစာငတ်ခံဆန္ဒပြနေတဲ့ ကျောင်းသားတွေကို တိုက်ပွဲ ပုံသဏ္ဏန် ပြန်လည်သုံးသပ်ဖို့ မေတ္တာရပ်ခံတဲ့ကြေညာချက်တစ်စောင်ကိုလည်း ဒီကနေ့ ထုတ်ပြန်ခဲ့ပါတယ်။

လက်ရှိ အစာငတ်ခံ ဆန္ဒပြနေသူ ၉ ဦးရှိတဲ့အနက် ၆ ဦးက သာယာဝတီထောင်မှာဖြစ်ပြီး ကျန်းမာရေး ဆိုးဝါးနေသူ ၃ ဦးကို ရန်ကုန်ဆေးရုံကြီးကို ပို့ဆောင်ထားပါတယ်။

၁၉၇၅ ခုနှစ် နိုင်ငံရေးအကျဉ်းသားဟောင်း ဦးတင်ဝင်း က ဒီကျောင်းသားတွေရဲ့ အသက်တွေကို အဆုံးရှုံး မခံနိုင်တဲ့အတွက် အစာငတ်ခံမှုကို ယာယီဖြစ်စေ ရပ်ဆိုင်းထားဖို့ မိမိတို့ မေတ္တာရပ်ခံရတာ ဖြစ်တယ် လို့ ပြောပါတယ်။

"သူတို့တွေ တောင်းဆိုချက်ကိုလည်း ကျနော်တို့ ကန့်ကွက်စရာမလိုပါဘူး၊ သို့သော် ကျနော်တို့ ပြောင်းလဲလာ တဲ့ နိုင်ငံရဲ့အခြေအနေအောက်မှာ သူတို့ရဲ့တန်ဖိုးရှိတဲ့ဘဝတွေ တန်ဖိုးရှိတဲ့စွမ်းအားတွေနဲ့အတူတူ ပါဝင်နိုင်ဖို့အခြေအနေတွေ ကျနော်တို့က ပိုပြီးတော့မျှော်လင့်ပါတယ်၊ ဒါကြောင်မို့လို့ သူတို့ကို ကျနော်တို့ က မေတ္တာရပ်ခံခြင်းပဲဖြစ်ပါတယ်"

အဲ့ဒီ ၇၄၊ ၇၅၊ ၇၆ နိုင်ငံရေးအင်အားစုက အကျဉ်းသားဟောင်းတချို့ဟာ ဒီကနေ့ ညနေက ရန်ကုန် ဆေးရုံကြီးကို သွားရောက်ပြီး အစာငတ်ခံဆန္ဒပြနေသူတွေကို ကြည့်ရှုအားပေးကာ သူတို့ရဲ့အကြံပေး မေတ္တာရပ်ခံလွှာ အကြောင်း ရှင်းလင်းပြောကြားခဲ့တယ်လို့ သိရပါတယ်။

အစာငတ်ခံဆန္ဒပြနေတဲ့ ဗကသကျောင်းသားတွေအနေနဲ့ အစာအငတ်ခံဆန္ဒပြနေတာကို စဉ်းစား သုံးသပ်သွားမယ်လို့ အစာငတ်ခံဆန္ဒပြပြီး အားနည်းတာကြောင့် ဆေးကုသမှုခံယူနေတဲ့ ဗကသ အဖွဲ့ဝင် ကိုအောင်မှိုင်းဆန်းက ပြောပါတယ်။

ကျန်းမာရေး အခြေအနေစိုးရိမ်ရတဲ့အတွက် ရန်ကုန်ပြည်သူ့ဆေးရုံကြီးမှာ ရောက်နေတဲ့ ဗကသ ကျောင်းသားတွေ အနေနဲ့ အစာအငတ်ခံဆန္ဒပြတာကို ရပ်တန့်ပေးဖို့ ဒေါ်အောင်ဆန်းစုကြည်ရဲ့ မေတ္တာရပ်ခံချက်ကို မနေ့က အမျိုးသားဒီမိုကရေစီအဖွဲ့ချုပ် ဗဟိုအလုပ်အမှုဆောင် ဦးဝင်းထိန်က လာရောက် ပြောကြားသွားတာ ဖြစ်ပါ တယ်။

RFA
http://www.rfa.org/burmese/news/nld-wins-politica-notic-11152015134003.html

 luhtu-daw-amar-620.jpg  
သတင်းစာဆရာမကြီး လူထုဒေါ်အမာ ပုံ

သတင်းစာဆရာမကြီး လူထုဒေါ်အမာရဲ့ နှစ် ၁ဝဝ ပြည့် မွေးနေ့အထိမ်းအမှတ်ပွဲကို လာမယ့် နိုဝင်ဘာလ ၂၆ ရက်နေ့ကနေ ၂၉ ရက်နေ့အထိ မန္တလေးမြို့မှာ ၄ ရက်ကြာ ကျင်းပသွားမှာ ဖြစ်ပါတယ်။

နိုဝင်ဘာလ ၂၆ ရက်နေ့မှာ မန္တလေးမြို့ ဓမ္မပါလခန်းမမှာ စတင်ကျင်းပမှာဖြစ်ပြီး ၂၉ ရက်နေ့မှာတော့ အမရပူရမြို့နယ် တောင်လေးလုံးကျောင်းတိုက်မှာ ဆွမ်းကျွေးအလှူပြုလုပ်မှာ ဖြစ်တယ်လို့ လူထုဒေါ်အမာရဲ့ သားဖြစ်သူ ဦးညီပုလေးက ပြောပါတယ်။

"နိုဝင်ဘာ ၂၆ ရက်နေ့ မနက် ၉ နာရီက စပါမယ်ခင်ဗျ၊ အဲ့ဒါကတော့ မန္တလေးမြို့ ၈၄ လမ်းနဲ့ ၃၁ လမ်းထောင့်မှာရှိတဲ့ ဓမ္မပါလခန်းမမှာ စတင်ကျင်းပပါမယ်၊ မနက် ၉ နာရီမှာ ဖွင့်ပါမယ်ခင်ဗျ၊ နေ့လည်မှာတော့ စာတမ်းဖတ်ပွဲရှိပါမယ်၊ ဓမ္မပါလခန်းမမှာ ဓါတ်ပုံတွေပြထားမယ်၊ အမေရေးတဲ့စာအုပ်တွေပြမယ်၊ ပြီးတော့ အမေ့စာအုပ်တွေကို အထူးနှုန်းနဲ့ ရောင်းပါ့မယ်ဗျာ၊ ၂၇ ရက်နေ့မှာ နေ့လည် ၁ နာရီကနေ ၃ နာရီ ဓမ္မပါလခန်းမမှာ ဓါတ်ပုံပြပွဲ ခုနက စာအုပ်ပြပွဲနဲ့အတူ စာတမ်းဖတ်မယ်၊ ၂၈ ရက်လည်း ဖတ်ပါမယ်၊ ၂၉ ရက်နေ့ကျတော့ နှစ်စဉ်ကျင်းပမြဲဖြစ်တဲ့ အမရပူရ တောင်လေးလုံးကျောင်းမှာ ဆရာတော် ဦးပညာရဲ့ကျောင်းမှာ နေ့ဆွမ်းကပ်ပါမယ်"

လူထုဒေါ်အမာရဲ့ ရာပြည့်အခမ်းအနားတွေမှာ စာတမ်းဖတ်ပွဲ ၊ ကဗျာရွတ်ပွဲတွေနဲ့အတူ လူထုဒေါ်အမာရဲ့ စာအုပ်တွေကိုလည်း ရောင်းချမှာဖြစ်တယ်လို့ ပြောပါတယ်။

လွန်ခဲ့တဲ့ ၁၉၁၅ ခုနှစ် နိုဝင်ဘာလ ၂၉ ရက်နေ့မှာ လူထုဒေါ်အမာကို မန္တလေးမြို့၊ ဂုန္တန်ရပ်မှာမွေးဖွားခဲ့ပြီး ၂ဝဝ၈ ခုနှစ် ဧပြီလ (၇) ရက်နေ့ မန္တလေးဆေးရုံကြီးမှာ နှလုံးရောဂါနဲ့ ကွယ်လွန်သွားခဲ့တာဖြစ်ပါတယ်။

ဆရာမကြီး ရေးသားခဲ့တဲ့ စာအုပ်စာပေတွေထဲက ထင်ရှားတဲ့ စာအုပ်တွေဟာ ပြည်သူချစ်သော အနုပညာ သည်များ၊ မြန်မာပြည်တွင် စစ်ဆေးခဲ့သော အမှုအခင်းများ ၊ စန္ဒမာလာ၊ ဘဝချင်း မတူသည့် တရုတ်ပြည် ၊ အောင်ဗလ ဖိုးစိန် စိန်ကတုံး ၊ ဆရာကြီး သခင်ကိုယ်တော်မှိုင်း ၊ အာဖရိကဝတ္ထုတိုများ ၊ မန္တလေးသူ မန္တလေး သား များ ၊ အမေ့ရှေးစကား စတဲ့ စာအုပ်အများအပြားရှိခဲ့ပြီး အဲဒီအထဲက အမေ့ရှေးစကားလို့ခေါ်တဲ့ စာအုပ် ၃ အုပ် တွဲဟာ အရောင်းရကောင်းဆုံးစာရင်းဝင်တယ်လို့ သိရပါတယ်။

RFA
http://www.rfa.org/burmese/news/luhtu-dawahmar-100birthday-11152015123930.html


UWSA ဝပြည်သွေးစည်းညီညွတ်ရေးအဖွဲ့အနေနဲ့ NLD ပါတီဖွဲ့စည်းမယ့် အစိုးရဟာ စစ်မှန်တဲ့ငြိမ်းချမ်းရေး ရရှိရေးနဲ့ တိုင်းရင်းသားတွေ မျှော်မှန်းနေတဲ့ ဖယ်ဒရယ်ပြည်ထောင်စု တည်ထောင်နိုင်ရေးအတွက် ဆောင်ရွက်နိုင် လိမ့်မယ်လို့ မျှော်လင့်ထားပေမဲ့ ရလဒ်တွေကို စောင့်ကြည့်ရဦးမှာဖြစ်တယ်လို့ UWSA ပြန်ကြားရေး တာဝန်ခံက RFA ကို ပြောပါတယ်။

လက်နက်ကိုင် တိုင်းရင်းသားအများစုက ရွေးကောက်ပွဲမတိုင်ခင် NLD ပါတီကထုတ်ပြန်ထားတဲ့ ရွေးကောက် ပွဲ ကြေငြာစာတမ်းပါ ဖက်ဒရယ်ပြည်ထောင်စု တည်ဆောက်ရေးကို ဦးတည်မယ်ဆိုတဲ့ ခံယူချက်ကို အားရကျေနပ် ကြကြောင်း၊ အခုရွေးကောက်ပွဲအပြီး အနိုင်ရရှိတဲ့ NLD ပါတီဟာ အစိုးရဖွဲ့ပြီးနောက် ကြေငြာစာတမ်းပါ အတိုင်း ဆောင်ရွက်နိုင်လိမ့်မယ်လို့ မျှော်လင့်ကြောင်း UWSA ဝပြည်သွေးစည်းရေးအဖွဲ့က ပြန်ကြားရေး တာဝန်ခံ ဦးကျောက်ကော်ရန်း က စကားပြန်ကတဆင့် RFAကို ပြောပါတယ်။

"သူတို့ဘက်ကတော့ သဘောထားကတော့ အထွေထွေရွေးကောက်ပွဲကို လေးစားပါတယ်၊ တကယ်လို့ ပြည်သူ လူထုတွေ ရွေးချယ်လာတဲ့ဟာတွေဆိုရင် ကျနော်တို့လည်း လေးစားပါတယ်၊ ကျနော်တို့လည်း စောင်ကြည့်နေ ရမှာပေါ့၊ ကျနော်တို့လည်း မျှော်တော့မျှော်လင့်ပါတယ် ဒါပေမဲ့တော့ ဘယ်လိုဖြစ်သွားမှာလဲတော့ ကျနော်တို့ လည်း အခုလောလောဆယ်တော့ ပြောလို့မရသေးပါဘူး၊ စောင့်ပဲ စောင့်ကြည်ရုံပဲ"

UWSA အနေနဲ့ တခြားတိုင်းရင်းသားများနည်းတူ ငြိမ်းချမ်းရေးကိုလိုလားပြီး ကိုယ့်ကြမ္မာကိုယ်ဖန်တီးခွင့်ရှိတဲ့ ဖက်ဒရယ်ပြည်ထောင်စု ဖြစ်ပေါ်လာရေးကို အားလုံးနဲ့ လက်တွဲပါဝင်သွားမှာ ဖြစ်တယ်လို့ပြောပါတယ်။

ရှမ်းပြည်နယ်တောင်ပိုင်း မိုင်းရှုးမြို့နယ်ထဲက ဝမ်ဆော့ရွာအနီးတစ်ဝိုက်မှာလည်း အစိုးရတပ်နဲ့ SSPP/SSA ရှမ်းပြည် တပ်မတော်တို့ တိုက်ပွဲတွေ နေ့စဉ်လိုလိုဖြစ်နေတာကြောင့် မိုင်းရှုးမြို့ပေါ်ကို ထွက်ပြေးလာကြတဲ့ ဒုက္ခသည်တွေ တစ်နေ့တစ်ခြား ပိုများလာနေတယ်လို့ မိုင်းရှုးမြို့ဒေသခံတွေက ပြောပါတယ်။

မိုင်းရှုးမြို့ပေါ်မှာ ဒုက္ခသည်ဦးရေ ခုနှစ်ရာကျော်ထိရှိနေပြီဖြစ်ကြောင်း မိုင်းရှုးမြို့နယ် ရှမ်းတိုင်းရင်းသားများ ဒီမိုကရေစီအဖွဲ့ချုပ် SNLD ပါတီက ဒေါ်နန်းကောင်ခမ်းက ပြောပါတယ်။

"တိုက်ပွဲအခြေအနေတော့ ဒီနေ့လည်း လက်နက်ကြီးအသံ ထပ်ကြားနေရပါတယ်၊ ၁၂ နာရီလောက်ပေါ့ ကြားနေရတယ် တစ်ချက် တစ်ချက် အဲ့လိုပေါ့၊ ဒုက္ခသည်ကတော့ နေ့တိုင်းတိုးလာပါတယ်၊ ဒီမှာဆို ၇ဝဝ ကျော်လောက်တော့ရှိပြီ၊ ဒုက္ခသည်တွေတော့ တစ်နေ့တခြား များလာတယ်၊ အရင် ယင်းပေါင်ကျောင်းမှာလည်းရှိတယ် ယင်းပေါင်ကျောင်းရဲ့ အနောက်ဘက် ကွင်းပြင်မှာပေါ့၊ အဲ့ဒီမှာ တန်းလျားလေးတွေ ဆောက်ပေးတယ်၊အဲ့ဒီမှာလည်းထားတယ် နောက်ပြီးတော့ ဆင်မရောင်ခြည်ကျောင်းမှာလည်းရှိတယ်၊ အောင်ရတနာကျောင်းမှာလည်းရှိတယ်၊ ကျောင်းကတော့ ၃ ကျောင်းလောက်ရှိပြီ၊ နောက်ပြီးတော့ သူ့အမျိုး ကိုယ့်အမျိုးအိမ်ဆိုတာလည်း အများကြီးပေါ့ လာနေကြတာ၊ အဲ့ဒီအခါကျတော့ ရှမ်းတွေပိုများပါတယ်"

မိုင်းနောင်မြို့မှာဆိုရင်လည်း လက်နက်ကြီးပစ်ခတ်တာတွေ နေ့တိုင်းလိုလိုဖြစ်နေတာကြောင့် ဒေသခံအများစုဟာ မြို့ပေါ်မှာမနေရဲကြတော့ဘူးလို့လည်း ပြောပါတယ်။

ဒီအတွင်း ရှမ်းပြည်အလယ်ပိုင်းမှာဖြစ်ပွားနေတဲ့ စစ်ပွဲတွေ အမြန်ဆုံးရပ်တန့်ပေးဖို့အတွက် ပြည်ပရောက် ရှမ်းလူမှုအဖွဲ့အစည်း ၃၂ ဖွဲ့က တိုက်တွန်းတောင်းဆိုတဲ့ စာတစ်စောင်ထုတ်ပြန်ခဲ့ပြီး ထိုင်းနိုင်ငံ ဘန်ကောက်မြို့မှာ ဒီကနေ့နေ့လည်က သတင်းစာရှင်းလင်းပွဲ ကျင်းပခဲ့ပါတယ်။

ဘန်ကောက်မြို့ အခြေစိုက် အပြည်ပြည်ဆိုင်ရာ ကမ္ဘာ့ကုလသမဂ္ဂအဖွဲ့အနေနဲ့လည်း အစိုးရကို ဖိအားပေး တိုက်တွန်းပေးဖို့ အိတ်ဖွင့်ပေးစာတစ်စောင် ပေးပို့ ခဲ့တယ်လို့ သိရပါတယ်။

RFA
http://www.rfa.org/burmese/news/peace-nld-uwsa-11152015120401.html

 paris-ygn-620.jpg ပဲရစ်မြို့မှာ အကြမ်းဖက်သမားတွေက ပစ်ခတ်တိုက်ခိုက်ခဲ့တာကြောင့် သေဆုံးသွားသူတွေအတွက် ဝမ်းနည်းကြောင်း နိုဝင်ဘာလ ၁၅ ရက်နေ့က ရန်ကုန်မြို့ ပြင်သစ်သံရုံးရှေ့မှာ ဆုတောင်းပွဲ ပြုလုပ်ကြစဉ်
Photo: Kyaw Zaw Win/ RFA

နိုဝင်ဘာလ ၁၃ ရက်နေ့ သောင်္ကြာနေ့ညက ပြင်သစ်နိုင်ငံ ပဲရစ်မြို့မှာ အကြမ်းဖက်သမားတွေက ပစ်ခတ်တိုက်ခိုက်ခဲ့တာကြောင့် သေဆုံးသွားသူတွေအတွက် ဝမ်းနည်းကြောင်း အထိမ်းအမှတ် အခမ်းအနားကို ဒီကနေ့ညနေက ရန်ကုန်မြို့ ပြင်သစ်သံရုံးရှေ့မှာ ကျင်းပခဲ့ပါတယ်။

မြန်မာနိုင်ငံက လူငယ်တွေစုပေါင်းပြီး ရန်ကုန်မြို့ ၊ ပြည်ထောင်စုရိပ်သာလမ်းက ပြင်သစ်သံရုံးရှေ့မှာ ပန်းစည်းတွေချပြီး ဆုတောင်းပွဲပြုလုပ်ခဲ့ပါတယ်။

အကြမ်းဖက်မှုမှန်သမျှကို လက်မခံနိုင်ကြောင်း ပြင်သစ်မှာ ဖြစ်ပွားခဲ့တဲ့ အကြမ်းဖက်မှုကို ရှုတ်ချကြောင်း ဆုတောင်းပွဲမှာပါဝင်တဲ့ မဂျုဂျုသန်းက ပြောပါတယ်။

"အကြမ်းဖက်တယ်ဆိုတာကတော့ ဘယ်ဘာသာ၊ ဘယ်ယဉ်ကျေးမှု၊ ဘယ်နိုင်ငံ၊ ဘယ်လူမျိုးမှာမှ လက်သင့်မခံနိုင်တဲ့ အကြောင်းအရာပဲပေါ့နော်၊ ညီမတို့ အကြမ်းဖက်တာကို လက်မခံနိုင်ပါဘူး ရှုတ်ချပါတယ်၊ ဘာသာတရားကို တကယ်သိပြီး တကယ်ယုံကြည်ပြီး တကယ်ကျင့်သုံးခဲ့မယ်ဆိုရင်က အထွေအထူးပြောစရာ မလိုဘူးပေါ့နော်၊ ဘာသာတရားတွေကို လေ့လာကြည့်လိုက်လို့ရှိရင် ဘယ်ဘာသာမှ အကြမ်းဖက်မှု မသွန်သင်ဘူး မဆုံးမထားပါဘူးပေါ့"

ဒီနေ့ဆုတောင်းပွဲကို ရန်ကုန်မြို့က လူငယ်တွေစုပေါင်းပြီးပြုလုပ်တာပါ။ နှင်းဆီပန်းတွေ သံရုံးရှေ့မှာချပြီး ဖယောင်းတိုင်တွေထွန်းပြီး ဆုတောင်းခဲ့ကြတာဖြစ်ပါတယ်။

ပြင်သစ်သံရုံးရှေ့ဆုတောင်းပွဲကို လူငယ် ၂၀ ကျော် ပါဝင်ခဲ့ပါတယ်။

RFA
http://www.rfa.org/burmese/news/paris-violence-myanmar-youth-condemned-11152015125801.html

ရွေးကောက်ပွဲရလဒ် ကြေညာသည်ကို NLD ရုံးချုပ်ရှေ့တွင် စုဝေးပြီး စောင့်ဆိုင်းနားထောင်နေသူများ။
 မဲဆန္ဒရှင်ပြည်သူတွေရဲ့ တခဲနက် ရွေးချယ်မှုနဲ့ NLD အမျိုးသားဒီမိုကရေစီအဖွဲ့ချုပ်က ဆန္ဒမဲရလဒ် အများဆုံးနဲ့ အစိုးရဖွဲ့စည်းနိုင်တဲ့အထိ အနိုင်ရသွားပြီဖြစ်ပေမယ့် နောင်တက်လာမယ့် အစိုးရသစ်နဲ့ အုပ်ချုပ်ရေးအပြောင်းအလဲအပေါ် ပြည်သူလူထုဘက်က မျှော်လင့်ချက်အတိုင်းဖြစ်လာပါ့မလားဆိုတဲ့ စိုးရိမ်မှုတွေလည်းရှိနေပါတယ်။ လူထုကြား စိုးရိမ်စိတ်တွေနဲ့ သဘောထားအမြင်တချို့ကို မဆုမွန်က စုစည်းတင်ပြထားပါတယ်။

အခုဆိုရင် ပြည်ထောင်စုရွေးကောက်ပွဲကော်မရှင်ရဲ့ တရားဝင် ထုတ်ပြန်ကြေညာ ချက်အရ အဓိက နိုင်ငံရေးပါတီကြီးဖြစ်တဲ့ အမျိုးသား ဒီမိုကရေစီအဖွဲ့ချုပ် (NLD) ပါတီက အစိုးရတရပ်ဖွဲ့စည်းနိုင်မယ့်အထိ မဲအပြတ်အသတ်နဲ့ အနိုင်ရရှိသွားပါတယ်။ အတိုက်အခံပါတီခေါင်းဆောင်ဒေါ်အောင်ဆန်းစုကြည်ရဲ့ ဦးဆောင်မှုနဲ့ တိုင်းပြည်ရဲ့အစိုးရသစ် အုပ်ချုပ်ရေးအပြောင်းအလဲအပေါ် တခဲနက်မဲပေးခဲ့ကြတဲ့ မဲဆန္ဒရှင်ပြည်သူတွေရဲ့ မျှော်လင့်ချက်ကလည်း အတော်လေးကို ကြီးမားနေပါတယ်။

ဒါပေမဲ့ ရန်ကုန်မြ်ို့ တာမွေမြို့နယ်နေ ရန်ကုန်မြို့ခံတစ်ဦးဖြစ်တဲ့ ကိုရဲကတော့ ပြည်သူတွေရဲ့ ကြီးမားတဲ့ မျှော်လင့်ချက်အတိုင်း အမှန်တကယ်ဖြစ်လာနိုင်ပါ့မလားဆိုတဲ့ စိုးရိမ်ချက်ရှိပါတယ်။

“အခုကျနော်တို့ ဝန်းကျင်မှာပြောနေဆိုနေ ကြားနေရသလောက်ကတော့ အများစုက NLD ကို မဲထည့်ပြီးတဲ့နောက်မှာ အခု အပြတ်အသတ်လည်း နိုင်သွားပြီ ။ နိုင်တော့ NLD ဥက္ကဋ္ဌလည်းတက်လာရင် တိုင်းပြည်က အကောင်းဖက်ကို ပြောင်းလာမယ်ပေါ့နော်။ အများကြီး မျှော်လင့်နေကြတာ ဥပမာဆိုရင် ကျနော်တို့ ကျန်းမာရေးနဲ့ပက်သက်ရင် တချို့ ကျန်းမာရေးနဲ့ ပက်သက်ပြီးတော့ အလုပ်လုပ်နေတဲ့ လူတွေမှာ အများကြီး အပြောင်းအလဲတွေ ဖြစ်တော့မယ်။ ကောင်းတဲ့ဖက်ကိုဦးတည်ပြီးပြောင်းတော့မယ်။ ဒါမျိုးတွေ မျှော်လင့်နေကြတယ်ပေါ့။ လက်လုပ်လက်စားလူတန်းစားဆိုရင် သူတို့ခေါ်နေကြအတိုင်း ပေါ့၊ အမေစုက အမေစုတက်ရင် အားလုံးကကောင်းလာတော့မှာပေါ့နော်။ ဘာဖြစ်လို့လဲဆိုတော့ ကောင်းတဲ့မျှော်လင့် ချက်တွေရှိတယ်လို့ မျှော်လင့်နေကြတယ်။ တချို့ကျတော့ နဲနဲတောင်မှ သူတို့ မျှော်လင့်တာ အရမ်းများနေလားပေါ့ ။ မျှော်လင့်ချက် အရမ်းကြီးနေတာတွေ ထင်တယ်ပေါ့နော်။ ဘာဖြစ်လို့လဲဆိုတော့ တချို့ကိစ္စတွေကျတော့ နေ့ချင်းညချင်းလည်း ပြောင်းနိုင်မှာ မဟုတ်ဘူး။ ၂ဝဝ၈ ဖွဲ့စည်းပုံ အခြေခံ ဥပဒေအရကော စစ်တပ်ကနေပြီးတော့ ဝင်ပြီးတော့ နေရာယူထားတဲ့အပိုင်းအရကော ပေ့ါနော်။ ဒီဟာတွေက အပေးအယူတွေ၊အလျှော့အတင်းတွေ အများကြီးပဲ လုပ်ရအုန်းမှာပေါ့နော်။ ဒီအပြောင်းအလဲတွေ ဖြစ်တော့ဖြစ်လာလိမ့်မယ်။ ဒါပေမယ့် ချက်ချင်းကြီး သူတို့ မျှော်လင့်နေသလောက်ကြီးတော့ မြန်မြန်ဆန်ဆန်ကြီး ပြောင်းလဲလာမှာ မဟုတ်ဘူးပေါ့ ကျနော်ကထင်တာပေါ့။”

ခေတ်အဆက်ဆက် စစ်အစိုးရအုပ်ချုပ်မှု စနစ်ဆိုးအောက် နှစ်ရှည်လများ အသားကျနေတဲ့ အုပ်ချုပ်ရေးအပြောင်းအလဲအောက်မှာ အစိုးရသစ်အနေနဲ့ အကောင်းဆုံးဖြစ်အောင် စွမ်းဆောင်နိုင်ဖို့ ယုံကြည်ပါတယ်လို့ မန္တလေးတိုင်း ချမ်းအေးသာဇံမြို့နယ်က မပိုးနုဖြူက ယုံကြည်မျှော်လင့်ပါတယ်။

“ကျမက အချိန်အတိုင်းအတာ တခုကို ယူရအုန်းမယ်လို့ထင်တယ် နောက်အစိုးရ အနေနဲ့ကပေါ့နော်။ ရှေ့အစိုးရကလုပ်ခဲ့တဲ့ ပြဿနာပေါင်း သောင်း ခြောက်ထောင်ကို သူ ဖြေရှင်းရအုန်းမယ်။ ချက်ချင်းကြီးတော့ ကျမတို့ ပြုပြင်ပြောင်းလဲသွားမယ်လို့တော့ မထင်ဘူးရှင့်။”

မကွေးတိုင်း သရက်မြို့နယ်က ဦးလှမြင့်ကတော့ ပြည်သူလူထုက မျှော်လင့်ချက်အပြည့်နဲ့ တခဲနက်မဲပေးခဲ့တဲ့အတွက် အတိုက်အခံပါတီ အနိုင်ရခဲ့ပေမဲ့လို့ တရားဝင်လွှတ်တော်တွင်း လွှတ်တော်ကိုယ်စားလှယ်တွေရဲ့ စွမ်းဆောင်ရည်၊ အုပ်ချုပ်သူအစိုးရသစ်ရဲ့ စွမ်းဆောင်ရည်ရှိမှုအပေါ်တော့ စောင့်ကြည့်ရဦးမယ်လို့ဆိုပါတယ်။

“အခုနောက်တက်လာမယ့် အစိုးရသစ်ရဲ့ စွမ်းဆောင်မှုအပေါ်လည်း မှုတည်တယ်လေ။ လောလောဆယ်ကတော့ သူတို့ဖွဲ့မယ့် cabinet အဖွဲ့အစည်း၊ cabinet ပဲဆိုပါတော့။ အစိုးရအဖွဲ့မှာ တကယ် စွမ်းရည်ပြည့်စုံတဲ့ လူတွေနဲ့ ဖွဲ့နိုင်ရင်ကောင်းတာပေါ့နော်။ ကိုယ့်လူရင်းတွေပဲ အားကိုးနေရင် မဟုတ်သေးဘူးပဲ။ အဲဒါ တခုတော့ရှိတယ်လေ။”

အစိုးရသစ်ကို ဦးဆောင်မယ့် NLD ပါတီအနေနဲ့ မြန်မာ့နိုင်ငံရေးမှာ သြဇာ လွှမ်းမိုးနေတဲ့ စစ်တပ်နဲ့ ဆက်ဆံရမယ့် ကိစ္စအပါအ၀င် တိုင်းရင်းသားအရေး ငြိမ်းချမ်းရေးဖော်ဆောင်နိုင်မှု၊ ကျမ်းမာရေး၊ ပညာရေး၊ စီးပွားရေးစတဲ့ ပြုပြင်ပြောင်းလဲရေး အုပ်ချုပ်မှုအသစ်မှ ရင်ဆိုင်ရမယ့် စိန်ခေါ်မှုတွေကလည်း ရှိနေပါတယ်။

မဆုမွန် / ဗွီအိုအေ (မြန်မာပိုင်း)
http://burmese.voanews.com

APEC အစည်းအဝေးအတွက် လုံခြုံရေး အထူးအဆင့် တိုးမြှင့်ထား။
ဖိလစ်ပိုင် နိုင်ငံမှာ ဒီသတင်းပတ်ထဲ ကျင်းပမယ့် အာရှ ပစိဖိတ် စီးပွားရေး ပူးပေါင်းဆောင်ရွက်မှု APEC ထိပ်သီး ညီလာခံအတွက် အာဏာပိုင်တို့ လုံခြုံရေး အစီအမံတွေကို တင်းတင်းကျပ်ကျပ် ပြင်ဆင် ဆောက်ရွက်နေကြသလို အရင် စီစဉ်ထားတဲ့ ရက်မတိုင်ခင် တရက်အလိုမှာ နိုင်ငံတ၀န်းကိုလည်း သတိပေး တပ်လှန့်ထားပါတယ်။

ပြင်သစ်နိုင်ငံ ပဲရစ်မြို့တော် သွေးထွက်သံယို တိုက်ခိုက်ခံရပြီးနောက်မှာတော့ မူလက တနင်္ဂနွေနေ့မှာ လုံခြုံရေး အစီအမံတွေ စတင်ဖို့ ရှိရာကနေ တရက်စောပြီး စနေနေ့မှာ လုံခြုံရေးကို စတင်လိုက်တာ ဖြစ်ပါတယ်။

မြို့တော် မနီလာမှာ ကျင်းပမယ့် အာရှပစိဖိတ် စီးပွားရေး ပူးပေါင်းဆောင်ရွက်မှု APEC ထိပ်သီးညီလာခံမှာတော့ နိုင်ငံ ၂၁ နိုင်ငံတို့က ထိပ်သီးတွေ တက်ရောက်ကြမယ့် အထဲမှာ အမေရိကန်၊ တရုတ်၊ ဂျပန်နိုင်နဲ့ တခြား နိုင်ငံပေါင်း ၁၈ နိုင်ငံတို့က ခေါင်းဆောင်တွေ တက်ရောက်ကြမှာ ဖြစ်ပါတယ်။

နိုဝင်ဘာလ ၁၈ နဲ့ ၁၉ ရက်နေ့တို့မှာ ထိပ်သီး ညီလာခံ ကျင်းပမှာ ဖြစ်ပေမယ့်လည်း ရာနဲ့ချီတဲ့ နိုင်ငံတကာက စီးပွားရေး ခေါင်းဆောင်တွေကတော့ စည်းဝေးပွဲတွေကို ဒီသတင်းပတ်ကုန်မှာ စတင်နေကြပြီ ဖြစ်ပါတယ်။

လုံခြုံရေး အတွက် ရဲအင်အား ဘယ်လောက် ချထားသလဲ ဆိုတာကိုတော့ မနီလာ မြို့တော်ဝန်က ထုတ်ဖော် မပြောပါဘူး။ ဒါပေမယ့်လည်း လုံခြုံရေး အတွက် အပြည့်အ၀ တပ်လှန့်ထားတယ်ဆိုတာမှာ ရဲဌာနတွေ အားလုံးနဲ့ ဌာနချုပ်တို့မှာ ၂၄ နာရီ အလုပ်လုပ်နေပြီး အကြမ်းဖက် နှိမ်နင်းရေး အဖွဲ့နဲ့ တခြား အထူးတပ်ဖွဲ့တွေကိုလည်း အဆင်သင့်ချထားတာကို ဆိုလိုပါတယ်လို့လည်း မနီလာ မြို့တော်ဝန်က ပြောဆိုထားပါတယ်။

APEC အစည်းအဝေးတွေ ကျင်းပနေတဲ့ နိုဝင်ဘာလ ၁၇ ရက် ကနေ ၂၀ ရက်နေ့ အထိ ကျောင်းသားတွေနဲ့ အစိုးရ ၀န်ထမ်းတွေကို အထူး အားလပ်ရက် အဖြစ် အစိုးရက သတ်မှတ်ထားပါတယ်။ ပုဂ္ဂလိက လုပ်ငန်းတွေကတော့ နိုဝင်ဘာလ ၁၈ ရက်နဲ့ ၁၉ ရက်နေ့တို့ကို အလုပ်ပိတ်ရက် အဖြစ် ကြေညာထားပါတယ်။

ဗွီအိုအေ (မြန်မာပိုင်း)
http://burmese.voanews.com

ပဲရစ်မြို့တော်တိုက်ခိုက်မှုအပြီး လုံခြုံရေးတင်းကျပ်။
 သောကြာနေ့က ပြင်သစ်နိုင်ငံ ပဲရစ်မြို့တော်မှာတိုက်ခိုက်မှုတွေလုပ် ခဲ့တဲ့ အကြမ်းဖက်သမားတွေထဲက သေနတ်သမား ၁ ယောက်နဲ့ နီးစပ်တဲ့ လူ ၆ ယောက်ကို ပြင်သစ်ရဲတပ်ဖွဲ့က ဖမ်းဆီးလိုက်ပါတယ်၊ ဖမ်းလိုက်တဲ့လူတွေထဲမှာ အကြမ်းဖက်သမား Omar Ismail Mostefai ရဲ့အဖေ၊ အကို နဲ့ ခယ်မတို့ပါတယ်လို့ ရဲတပ်ဖွဲ့တာဝန်ရှိသူတွေက ပြောဆိုပါတယ်။

Mostefai ဟာ ပဲရစ်မြို့တော်တလွှားမှာ ဆက်တိုက်ဖြစ်ပွားခဲ့တဲ့ တိုက်ခိုက်မှုတွေအတွင်းသေဆုံးခဲ့သူ အကြမ်းဖက်သမား ၇ ယောက်ထဲက ၁ ယောက်ဖြစ်ပါတယ်။
Mostefai ဟာ အသေးစား ရာဇ၀တ်မှုတွေကို ကျူးလွန်ဖူးသူအဖြစ်ပဲ ရဲတပ်ဖွဲ့ကသိထားပေမဲ့ စုံစမ်းစစ်ဆေးမှု တခုခု ဒါမှမဟုတ် အကြမ်းဖက်အဖွဲ့နဲ့ ဆက်စပ်တယ်ဆိုတာမျိုး သိမထားဘူးလို့ ပြင်သစ်အစိုးရရှေ့နေတဦး ဖြစ်တဲ့ Francois Molins ကပြောပါတယ်။

အကြမ်းဖက်သမား ၁ ယောက်ရဲ့ အလောင်းနားမှာ သိမ်းဆည်းရမိတဲ့ ဆီးရီးယားနိုင်ငံကူးလက်မှတ် ကြောင့် အဲဒီအကြမ်းဖက်သမားဟာ ဆီးရီးယား ပြည်တွင်းစစ်ကြောင့် ဥရောပကို အလုံးအရင်းနဲ့ ပြောင်းရွှေ့ဝင်ရောက်လာသူတွေထဲက ဖြစ်နိုင်တယ်ဆိုတဲ့သံသယပိုများလာတယ်လို့ ပြင်သစ် အစိုးရ တာဝန်ရှိပုဂ္ဂိုလ်တွေက ပြောဆိုပါတယ်။

ဒီဆီးရီးယား နိုင်ငံကူးလက်မှတ်ပိုင်ရှင် ဟာ ဥရောပသမ္မဂ္ဂစည်းမျဉ်းသတ်မှတ်ချက်အရ October လ ၃ ရက်နေ့က Leros ရဲ့ ဂရိကျွန်းနိုင်ငံ ကိုဖြတ်ပြီး ၀င်ရောက်သူဖြစ်တယ်လို့ အတည်ပြုနိုင်တဲ့ အကြောင်း နိုင်ငံသားအကာအကွယ်ပေးရေးဆိုင်ရာဂရိဝန်ကြီး Nikos Toskas ကပြောဆိုပါတယ်။

ဗွီအိုအေ (မြန်မာပိုင်း)
http://burmese.voanews.com

ပါရီ တိုက်ခိုက်မှု ပြင်သစ် နိုင်ငံသား တစ်ဦး ပါဝင်
ပဲရစ်မြို့တွင်းက စားသောက်ဆိုင် မှာ ထိုင်နေတဲ့သူတွေ၊ တေးဂီတ ဖြေဖျော်ပွဲရုံအတွင်း ကြည့်ရှု နေသူတွေ လမ်းမတွေမှာ ရှိနေတဲ့သူတွေ ကို သေနတ်တွေ နဲ့ ပစ်ခတ် သတ်ဖြတ် ခဲ့တဲ့သူတွေထဲ က တချို့က အခုထိ လွတ်မြောက်နေသေးတယ်လို့ အခုနောက်ဆုံး သတင်းတွေ အရ သိရပါတယ်။

ပဲရစ်ရဲ့ ဆင်ခြေဖုံးအရှေ့ပိုင်း က မွန်တာအီ အရပ်မှာ စွန့်ပစ်သွားခဲ့တဲ့ အနက်ရောက် မော်တော်ကားတစင်းဟာ သောကြာနေ့ည ကအကြမ်းဖက် သမားတွေ သုံးခဲ့တယ်လို့ ယူဆ ရပြီး အဲဒီကားထဲမှာ AK47 မောင်းပြန် သေနတ်တွေကို တွေ့ခဲ့ရတဲ့အကြောင်း ပြင်သစ်တရားရေးဌာန က အရာရှိတွေ က ပြောပါတယ်။

ဒီတိုက်ခိုက်မှု အတွင်း အကြမ်းဖက် သမား ၇ ယောက် သေပြီး ကျန်ရစ်တဲ့အထဲ ကတယောက် ကတော့ အစ္စမေးလ် မော့တာဖိုင် ဖြစ်ပြီး တော့ သူ က ပြင်သစ်နိုင်ငံသား တစ်ယောက် ဖြစ်ပါတယ်။

သူနဲ့ နီနီးကပ်ကပ်သိသူ ၆ ယောက် အဲဒီထဲမှာ သူ့ ဆွေမျိုးတွေကို လည်း ထိန်းသိမ်း စစ်ဆေးနေတယ်လို့ ပြင်သစ် တာဝန်ရှိသူတွေ က ပြောပါတယ်။

တိုက်ခိုက်မှု ကို အဖွဲ့ ၃ ဖွဲ့ ဖွဲ့ပြီး လုပ်တာ လို့ သက်ဆိုင်ရာတာဝန်ရှိသူတွေ ကယူဆထားကြပြီး တော့ ဘယ်လဂျီယံ က လူတွေနဲ့ လည်း အဆက်အသွယ်ရှိမယ်လို့ ခန့်မှန်းနေကြပါတယ်။

အခု အေကေ မောင်းပြန်သေနတ်တွေ တွေ့ရတဲ့ကား ဟာ စားသောက်ဆိုင်တွေမှာ ရှိနေတဲ့ လူတွေ ကို ပစ်ခတ်သတ်ဖြတ်ခဲ့သူတွေ သုံးခဲ့တာ လို့ ယူဆထားကြပြီး ၊ ဒီ ပစ်ခတ်တိုက်ခိုက်သူ အချို့ဟာ တခြားကားတစင်း နဲ့ မြောက်ပိုင်း ကို ထွက်ခွာနိုင်ခဲ့ပြီး ဘယ်လဂျီယံ ကို ရောက်သွားနိုင်တယ် လို့ တွက်ဆ ထားပါတယ်။

Stade de France အားကစားကွင်း နားက တိုက်ခိုက်မှု မှာ သေပြီးကျန်ရစ်တဲ့ တိုက်ခိုက်သူ အကြမ်းဖက်သမား တယောက် ရဲ့အလောင်းနားမှာ ဆီးရီးယား ပတ်စပို့ တခု ကျကျန်နေတာ ကိုလည်း ရဲတွေ က တွေ့ရှိခဲ့ပါတယ်။

BBC Burmese
http://www.bbc.com/burmese

ကွယ်လွန်သူတွေကို ပန်းစည်းချ အလေးပြု
လူ ၁၂၉ ယောက် ထိ သေဆုံးပြီး လူ ၁ဝဝ လောက် အသည်းအသန် စိုးရိမ်ရတဲ့ အခြေအနေ ဖြစ်ခဲ့ရတဲ့ ပါရီမြို့ တိုက်ခိုက်မှုတွေ အတွက် မြို့ခံ တွေ ရဲ့ စိတ်ထဲမှာ ထိတ်လန့် တုန်လှုပ်နေကြဆဲ ဖြစ်ပါတယ်။

ပါရီ ဘုရားကျောင်း တခုမှာ လာပြီး ဝတ်ပြု ဆုတောင်းတဲ့ အမျိုးသား တယောက်က ဒီတိုက်ခိုက်မှုကြောင့် မြို့သူမြို့သား တွေရဲ့ စိတ်ကို ဘယ်လို ထိခိုက်စေတယ် ဆိုတာ ပြောပါတယ်။ စစ်ဖြစ်နေတာ ကျနော်တို့ သိကြပါတယ်။ ဒါပေမဲ့ ခု ခဏပိုင်းမှာတော့ စစ်ကို မေ့ထားနိုင်ကြပါတယ်။ ခုတော့ စစ်က မြို့ထဲကို ရောက်လာပါပြီ။ ဒါကြောင့် အကြောက်တရားက ပိုများလာပါတယ်။ ဒါကို ထိန်းချုပ်နိုင်ဖို့ ကြိုးစား ရအုန်းမှာပါလို့ ပြောသွားပါတယ်။

ဝမ်းနည်းခြင်း အထိမ်းအမှတ် ၃ ရက် ကြေညာ ထားပေမယ့် တိုက်ခိုက်မှုတွေ ဖြစ်ပွားခဲ့တဲ့ နားက ရီပတ်ဘလစ် ရင်ပြင်မှာ လာပြီး ပန်းစည်းချ ဆုတောင်းသူ တွေမှာ ထိတ်လန့် စိုးရိမ်မှုတွေ ရှိနေပါသေးတယ်။

ဒီလို ပန်းစည်း လာချ သူ အမျိုးသမီး တယောက် ကတော့ သတ်ဖြတ်မှု တွေကို ရပ်သွားစေချင်ပါတယ်။ ဒါပေမဲ့ စိတ်ထဲမှာ ကြောက်ရွံ့စိုးရိမ်မှု တွေ ရှိနေပြီး လူတိုင်း သူ့လို ဖြစ်နေကြတယ်လို့ ပြောသွားပါတယ်။

ပါရီမှာ လူတွေဟာ ကွယ်လွန်သူတွေကို အလေးပြုဖို့ ပန်းတွေကို စီတန်း ဝယ်ကြရ ပါတယ်။

ပန်းတွေက များလွန်းတဲ့ အတွက် တချို့ နေရာတွေမှာ ပန်းခင်းကြီးလို ဖြစ်နေတာ တွေ့ရပါတယ်။

တနင်္ဂနွေနေ့ ပြင်သစ် စံတော်ချိန် ညနေခင်းပိုင်း မှာလည်း ပါရီမြို့ နော်ထရာဒမ်း ဘုရားကျောင်းကြီးမှာ ကွယ်လွန်သူတွေ အတွက် အောက်မေ့ဖွယ် ဆုတောင်းပွဲ ကျင်းပဖို့ ရှိပါတယ်။

BBC Burmese
http://www.bbc.com/burmese

အမေရိကန် သမ္မတ အိုဘားမားနဲ့ တူရကီ သမ္မတ Recep Tayyip Erdogan တို့ G-20 ထိပ်သီးဆွေးနွေးပွဲ အစ ဒီကနေ့မှာ တွေ့ဆုံ။
ပြင်သစ်နိုင်ငံ ပဲရစ်မြို့တော်ကို သောကြာနေ့က တိုက်ခိုက်ခဲ့သူတွေကို ကူညီ ဖော်ထုတ်ချေမှုန်းဖို့ အမေရိကန် သမ္မတ ဘရက်ခ် အိုဘားမားက ကတိပြုပြောဆိုလိုက်ပြီး အာရေဗစ် ဘာသာစကားနဲ့ Daesh လို့ ခေါ်ကြတဲ့ အစ္စလာမ္မစ် အစွန်းရောက် IS အဖွဲ့ကို ချေမှုန်းရေးကို ပိုပြီး တိုးမြှင့်ဖို့ စီစဉ်နေတယ်လို့လည်း ပြောဆိုလိုက်ပါတယ်။

တူရကီနိုင်ငံ Antalya မြေထဲပင်လယ် အပန်းဖြေမြို့မှာ ကျင်းပနေတဲ့ G-20 ထိပ်သီးဆွေးနွေးပွဲ အစ ဒီကနေ့ တနင်္ဂနွေနေ့မှာ တူရကီ သမ္မတ Recep Tayyip Erdogan နဲ့ အမေရိကန် သမ္မတ တို့ တွေ့ဆုံပြီးနောက်မှာ သမ္မတ အိုဘားမားက ပြောဆိုလိုက်တာ ဖြစ်ပါတယ်။

ဆီးရီးယားနိုင်ငံမှာ ငြိမ်းချမ်းတဲ့ အသွင်ကူးပြောင်းရေးကို ဖော်ဆောင်နိုင်ဖို့ အတွက် တခြား အဖွဲ့ဝင်နိုင်ငံတွေနဲ့ ပူးပေါင်းပြီး ဆောင်ရွက်ချက်တွေကို တိုးမြှင့်လုပ်ဆောင်သွားမှာ ဖြစ်သလို ပြင်သစ်၊ တူရကီနဲ့ တခြားဒေသက လူတွေကို အတိ ဒုက္ခပေးနေတဲ့ လက်နက်ကိုင် အဖွဲ့တခု အဖြစ် Daesh လို့ ခေါ်တဲ့ အစ္စလာမ္မစ် အစွန်းရောက် IS တို့ကို ဆထက်တပိုး တိုးပြီး ချေမှုန်းသွားမယ်လို့ အမေရိကန် သမ္မတ အိုဘားမားက ပြောဆိုခဲ့ပါတယ်။ ပြင်သစ်နိုင်ငံ မြို့တော် ပဲရစ်မှာ သောကြာနေ့ညက တိုက်ခိုက်မှုကို ရှုတ်ချပြီး ပြင်သစ်နိုင်ငံနဲ့ စည်းလုံးညီညွတ်စွာ ရှိမယ်လို့လည်း အမေရိကန် သမ္မတ အိုဘားမားက ပြောဆိုခဲ့ပါတယ်။

မူမမှန်တဲ့ အတွေးအခေါ်တွေနဲ့ အပြစ်မဲ့တဲ့ ပြည်သူတွေကို သတ်ဖြတ်နေတာတွေက ပြင်သစ်နိုင်ငံ တခုတည်းတင် တူရကီ နိုင်ငံ တခုတည်းတင် မဟုတ်ပါဘူး၊ ဒီ တိုက်ခိုက်မှုဟာ ကမ္ဘာ့ ပြည်သူတွေကို တိုက်ခိုက်မှု ဖြစ်ပါတယ်လို့လည်း အမေရိကန် သမ္မတ အိုဘားမားက ပြောဆိုခဲ့ပါတယ်။ ပြီးခဲ့တဲ့ လက တူရကီနိုင်ငံ မြို့တော် အန်ကာရာက လက်ဝဲ၀ါဒီတို့ရဲ့ချီတက်ပွဲမှာ ဗုံး ၂ လုံးပေါက်ကွဲပြီး လူ ၁၀၀ ကျော် သေဆုံးခဲ့ရမှုကို ရည်ညွှန်းပြီး သမ္မတ အိုဘားမား ပြောဆိုခဲ့တာ ဖြစ်ပါတယ်။ ပဲရစ်မြို့တော်နဲ့ အန်ကာရာမြို့တို့က တိုက်ခိုက်မှုတွေကို လုပ်ခဲ့တယ်လို့ အစ္စလာမ္မစ် အစွန်းရောက် IS တို့က ပြောဆိုထားတာပါ။ စက်မှု ထိပ်သီး နိုင်ငံ ၂၀ ရဲ့ G- 20ထိပ်သီးဆွေးနွေးပွဲမှာတော့ ပြီးခဲ့တဲ့ သောကြာနေ့ ပြင်သစ်နိုင်ငံ တိုက်ခိုက်ခံရမှုကို အဓိကထားပြီး ဆွေးနွေးကြဖို့လည်း ရှိနေပါတယ်။

ပြင်သစ် သမ္မတ Francois Hollande ကတော့ သောကြာနေ့မှာ ပဲရစ်မြို့တော် တိုက်ခိုက်ခံရမှု အပြီးမှာဘဲ အစည်းအဝေး တက်ရောက်မယ့် အစီအစဉ်ကို ပယ်ဖျက်ခဲ့ပါတယ်။G- 20 ထိပ်သီးအစည်းအဝေး အတွက် တူရကီ အပန်းဖြေစခန်းမြို့ Antalya မှာ လုံခြုံရေးကို အထူးတင်းကြပ်ထားပါတယ်။ G- 20 နိုင်ငံတွေနဲ့ တခြားနိုင်ငံတွေက ထိပ်သီးခေါင်းဆောင်တွေ၊ ထိပ်တန်း အစိုးရ အရာရှိတွေ၊ သတင်းထောက် ၃၀၀၀ ကျော်တို့ ရောက်ရှိနေကြတဲ့ Antalya မြို့ တ၀ိုက်မှာတော့ တူရကီ စစ်သား နဲ့ ရဲ ၁ သောင်း ၂ ထောင် အစောင့်ချထားပြီး လုံခြုံရေး တိုးမြှင့်ထားပါတယ်။ ၂ ရက်ကြာ ထိပ်သီးအစည်းအဝေးပွဲ ကျင်းပရာ ဒေသရဲ့ ဝေဟင်မှာလည်း ၂၄ နာရီ လေကြောင်းရန် ကာကွယ်ရေး စနစ်ကို တပ်ဆင်ထားတယ်လို့လည်း တူရကီ စစ်တပ် အရာရှိတို့က ပြောဆိုထားပါတယ်။

သောကြာနေ့က ပြင်သစ်နိုင်ငံ ပဲရစ်မြို့တော်မှာတိုက်ခိုက်မှုတွေလုပ် ခဲ့တဲ့ အကြမ်းဖက်သမားတွေထဲက သေနတ်သမား ၁ ယောက်နဲ့ နီးစပ်တဲ့ လူ ၆ ယောက်ကို ပြင်သစ်ရဲတပ်ဖွဲ့က ဖမ်းဆီးလိုက်ပါတယ်၊ ဖမ်းလိုက်တဲ့လူတွေထဲမှာ အကြမ်းဖက်သမား Omar Ismail Mostefai ရဲ အဖေ၊ အကို နဲ့ ခယ်မတို့ပါတယ်လို့ ရဲတပ်ဖွဲ့တာဝန်ရှိသူတွေက ပြောဆိုပါတယ်။

Mostefai ဟာ ပဲရစ်မြို့တော်တလွှားမှာ ဆက်တိုက်ဖြစ်ပွားခဲ့တဲ့ တိုက်ခိုက်မှုတွေအတွင်းသေဆုံးခဲ့သူ အကြမ်းဖက်သမား ၇ ယောက်ထဲက ၁ ယောက်ဖြစ်ပါတယ်။

Mostefai ဟာ အသေးစား ရာဇ၀တ်မှုတွေကို ကျူးလွန်ဖူးသူအဖြစ်ပဲ ရဲတပ်ဖွဲ့ကသိထားပေမဲ့ စုံစမ်းစစ်ဆေးမှု တခုခု ဒါမှမဟုတ် အကြမ်းဖက်အဖွဲ့နဲ့ ဆက်စပ်တယ်ဆိုတာမျိုး သိမထားဘူးလို့ ပြင်သစ်အစိုးရရှေ့နေတဦး ဖြစ်တဲ့ Francois Molins ကပြောပါတယ်။

အကြမ်းဖက်သမား ၁ ယောက်ရဲ့ အလောင်းနားမှာ သိမ်းဆည်းရမိတဲ့ ဆီးရီးယားနိုင်ငံကူးလက်မှတ် ကြောင့် အဲဒီအကြမ်းဖက်သမားဟာ ဆီးရီးယား ပြည်တွင်းစစ်ကြောင့် ဥရောပကို အလုံးအရင်းနဲ့ ပြောင်းရွှေ့ဝင်ရောက်လာသူတွေထဲက ဖြစ်နိုင်တယ်ဆိုတဲ့သံသယပိုများလာတယ်လို့ ပြင်သစ် အစိုးရ တာဝန်ရှိပုဂ္ဂိုလ်တွေက ပြောဆိုပါတယ်။

ဒီဆီးရီးယား နိုင်ငံကူးလက်မှတ်ပိုင်ရှင် ဟာ ဥရောပသမ္မဂ္ဂစည်းမျဉ်းသတ်မှတ်ချက်အရ October လ ၃ ရက်နေ့က Leros ရဲ့ ဂရိကျွန်းနိုင်ငံ ကိုဖြတ်ပြီး ၀င်ရောက်သူဖြစ်တယ်လို့ အတည်ပြုနိုင်တဲ့ အကြောင်း နိုင်ငံသားအကာအကွယ်ပေးရေးဆိုင်ရာဂရိဝန်ကြီး Nikos Toskas ကပြောဆိုပါတယ်။

ဗွီအိုအေ (မြန်မာပိုင်း)
http://burmese.voanews.com

ပြည်ထောင်စုရွေးကောက်ပွဲ ကော်မရှင်ရဲ့ နိုဝင်ဘာ ၁၄ ရက်အထိ အတည်ပြုချက်အရ အမျိုးသားဒီမိုကရေစီ အဖွဲ့ချုပ် (NLD) က ၂၀၁၅ ခုနှစ် ရွေးကောက်ပွဲမှာ လွှတ်တော် နှစ်ရပ်ပေါင်း ၃၈၇ နေရာ နိုင်ထားပါတယ်။ ဒါဟာ အစိုးရ ဖွဲ့ဖို့ လိုအပ်တဲ့ ပမာဏ ၃၂၉ နေရာထက် ၅၈ နေရာ ကျော်လွန်ပြီး ရရှိခဲ့တာပါ။

၂၀၁၅ ခုနှစ် NLD ရဲ့ အောင်နိုင်မှုဟာ ၁၉၉၀ ပြည့်နှစ်ကလိုပဲ သောင်ပြို ကမ်းပြို ဖြစ်ပါတယ်။ ၂၀၁၅ ခုနှစ်ဟာ ၁၉၉၀ ပြည့်နှစ် မဟုတ်တာကြောင့် NLD ဟာ သောင်ပြို ကမ်းပြို နိုင်မှာ မဟုတ်ဘူးလို့ ခန့်မှန်းထားတဲ့ အာဏာရ ပြည်ခိုင်ဖြိုး ပါတီနဲ့ နိုင်ငံရေး ပရောဟိတ်တွေရဲ့ ခန့်မှန်းချက် လွဲပါတယ်။

၁၉၉၀ ပြည့်နှစ် ရွေးကောက်ပွဲမှာလည်း နိုင်ငံရေး ပါတီ ၉၃ ပါတီ ၀င်ပြိုင်ပါတယ်။ မဲဆန္ဒနယ် ၄၈၅ နေရာမှာ NLD က ၃၉၂ နေရာ နိုင်ပါတယ်။ ရာခိုင်နှုန်းအားဖြင့် ၈၀ ဒသမ ၈၂ ရာခိုင်နှုန်း နိုင်ခဲ့တာပါ။ အခုလည်း NLD က ရာခိုင်နှုန်း ၈၀ ကျော် နိုင်မှာပါပဲ။

၁၉၉၀ ပြည့်နှစ်မှာ NLD အနိုင်ရပေမယ့် အာဏာလွှဲပြောင်းပေးမှု မရှိခဲ့ပါဘူး။ ရွေးကောက်ပွဲဟာ ဖွဲ့စည်းပုံအခြေခံ ဥပဒေ ရေးဆွဲဖို့ ဆိုတဲ့ အကြောင်းပြချက်နဲ့ ကတိ ဖျက်ပါတယ်။

ဒီတစ်ကြိမ်မှာ မရတော့ပါဘူး။ ဖွဲ့စည်းပုံ အခြေခံ ဥပဒေ အပါအ၀င် လွှတ်တော်ဆိုင်ရာ ဥပဒေများအရ အာဏာလွှဲပေးရမှာ ဖြစ်ပြီး အာဏာ မလွှဲခဲ့ရင် ဥပဒေ ချိုးဖောက်မှု ဖြစ်ပါတယ်။

■ ၉၀ သမိုင်း တစ်ပတ် ပြန်မလည်စေဖို့

၂၀၁၅ ခုနှစ် ရွေးကောက်ပွဲမှာ NLD အပြတ်အသတ် နိုင်ခဲ့ပေမယ့် ပွဲမပြီးသေးပါဘူး။ အာဏာ လွှဲပြောင်းရေး လုပ်ငန်းစဉ် ပြီးဆုံးမှ ပွဲပြီးတယ်လို့ သတ်မှတ်နိုင်မှာပါ။

၁၉၉၀ ပြည့်နှစ် ရွေးကောက်ပွဲကို မေ ၂၇ ရက်မှာ လုပ်ပါတယ်။ အာဏာ လွှဲပေးမှာပဲလို့ အနိုင်ရ လွှတ်တော်အမတ်တွေ၊ ပြည်သူတွေနဲ့ နိုင်ငံတကာ မီဒီယာတွေပါ ထင်ခဲ့ပါတယ်။

မေ ၂၇ ရက် ရွေးကောက်ပွဲအပြီး နှစ်လကြာချိန် ဇူလိုင် ၂၇ ရက်မှာ အာဏာသိမ်း စစ်ခေါင်းဆောင် ဦးခင်ညွန့်က ၁/၉၀ ကြေညာချက် ထုတ်ပြန်ပြီး အာဏာလွှဲပေးမှာ မဟုတ်ဘူးလို့ ထုတ်ပြောပါတယ်။ ဒီမတိုင်ခင် အချိန်မှာရော၊ ဒီနောက်မှာပါ လူဖမ်းပွဲ စတင်ပြီး အနိုင်ရ လွှတ်တော်ကိုယ်စားလှယ်တွေကို ဖမ်းဆီး ထောင်ချတာ၊ ဖိအားပေးပြီး နုတ်ထွက်စေတာတွေ လုပ်ပါတယ်။

ဒါ့အပြင် NLD ကို ပစ်မှတ်ထားပြီး နိုင်ငံရေး ပါတီတွေကို အမှည့်ခြွေ ခြွေခဲ့ကြပါတယ်။ ဒီလို လုပ်ဆောင်မှုကို ၁၉၉၀ ပြည့်နှစ် ရွေးကောက်ပွဲ အပြီးကနေ ၁၉၉၂ ခုနှစ် အချိန်အထိ စစ်အာဏာရှင်တွေက ဆက်တိုက် လုပ်ခဲ့တာပါ။ ၁၉၉၃ ခုနှစ် ရောက်ချိန်မှာတော့ ရွေးကောက်ပွဲ အနိုင်ရ လွှတ်တော်ကိုယ်စားလှယ် ၄၈၅ ယောက်ထဲက ကျန်နေတဲ့ ကိုယ်စားလှယ် ၁၀၀ နဲ့ စစ်အာဏာရှင်တွေ စိတ်ကြိုက် ရွေးချယ်ထားတဲ့ လူ ၆၀၀ ကျော်နဲ့ အမျိုးသား ညီလာခံ လုပ်ခဲ့ပါတယ်။

မြန်မာ့အရေး ကျွမ်းကျင်သူ ဆွီဒင် သတင်းစာဆရာ ဘာတေးလ်လစ်တနာကတော့ ၉၀ ပြည့်နှစ် သမိုင်းကို ထောက်ပြပြီး အခု ဖြစ်နေတဲ့ အခြေအနေတွေကို သတိထားဖို့ ပြောထားပါတယ်။ ဧရာဝတီ သတင်းဋ္ဌာန အင်္ဂလိပ်ပိုင်း အစီအစဉ်မှာ ဖော်ပြခဲ့တဲ့ အင်တာဗျူးက တစ်ဆင့် ဘာတေးလ်လစ်တနာက ပြောခဲ့တာပါ။

“၁၉၉၀ ပြည့်နှစ်တုန်းကလည်း ဒီလိုပါပဲ။ မေ ၂၇ ရက်မှာ အောင်ပွဲခံမှုတွေ လုပ်ခဲ့တယ်။ အပြောင်းအလဲအတွက် တကယ် သွားလို့ရပြီ၊ ကျော်လွှားနိုင်ပြီလို့ လူတွေက ထင်ခဲ့ကြတယ်။ နှစ်လလောက်လည်း ကြာရော နိုင်ငံတော် ငြိမ်ဝပ်ပိပြားမှု တည်ဆောက်ရေးအဖွဲ့ (SLORC) က အမိန့်ထုတ်တော့တာပဲ။ အခြေခံ အားဖြင့်တော့ ပါတီ တစ်ခုတည်းကို အာဏာ လွှဲမပေးနိုင်ဘူး။ တခြား ပါတီတွေ အများကြီး ရှိသေးတယ်။ တခြား ထည့်သွင်း စဉ်းစားရမယ့် အရာတွေလည်း ပြောဖို့ လိုသေးတယ် ဆိုပြီးတော့ပေါ့” လို့ ဘာတေးလ်လစ်တနာက ပြောပါတယ်။

ဒါကြောင့် လက်ရှိ အနေအထားနဲ့ ပတ်သက်ပြီး သတိကြီးကြီး ထားရမယ်လို့ ဘာတေးလ်လစ်တနာက သတိပေးထားပါတယ်။

“ရွေးကောက်ပွဲ ရလဒ်ကို သူတို့ ဘယ်လို ကိုင်တွယ်မလဲ ဆိုတာ စောင့်ကြည့်ရဦးမယ်။ ဒီဇင်ဘာ အကုန် ဒါမှမဟုတ် ဇန်န၀ါရီလလောက်အထိ မသိနိုင်သေးဘူး။ အဲဒီအချိန်ကျရင် နိုင်ငံတကာ သတင်းထောက်တွေ ပြန်ကုန်ကြပြီ။ တခြား သတင်း အသစ်တွေကို သူတို့ အာရုံစိုက်နေပြီ။ လူတိုင်းက မြန်မာနိုင်ငံမှာ ဒီမိုကရက်တစ် လမ်းစဉ်ကို လွတ်လပ်စွာနဲ့ လျှောက်လှမ်းနေပြီလို့ ကောက်ချက် ဆွဲကြလိမ့်မယ်။ အဲဒီအချိန်မှာ ဘာဖြစ်မလဲ ဆိုတာကို ကျွန်တော်တို့ သတိထားပြီး စောင့်ကြည့်ရမယ်” လို့ ဘာတေးလ်လစ်တနာက ဧရာဝတီ သတင်းဋ္ဌာနကို ပြောခဲ့ပါတယ်။

၁၉၉၀ ပြည့်နှစ်မှာ ဥပဒေ အားနည်းချက်ကြောင့် NLD အပါအ၀င် အနိုင်ရ လွှတ်တော်ကိုယ်စားလှယ်တွေ အငိုက် မိခဲ့ပါတယ်။

၂၀၁၅ ခုနှစ်မှာတော့ ၂၀၀၈ ခုနှစ် ဖွဲ့စည်းပုံ အခြေခံဥပဒေရော၊ သက်ဆိုင်ရာ လွှတ်တော် ဥပဒေတွေပါ ရှိပါတယ်။ ဒီအတွက် ၁၉၉၀ ပြည့်နှစ်လို လက်လွတ်စပယ် လုပ်လို့ မရတော့ပါဘူး။ ဒါပေမဲ့ သတိထားရမယ့် ကိစ္စတွေတော့ ရှိနေပါတယ်။


အာဏာ လွှဲပြောင်းရေး

၂၀၀၈ ခုနှစ် ဖွဲ့စည်းပုံ အခြေခံ ဥပဒေနဲ့ အခြားသော လွှတ်တော်ဆိုင်ရာ ဥပဒေတွေအရ ရွေးကောက်ပွဲ ပြီးတာနဲ့ အာဏာ လွှဲပြောင်းမှု ချက်ချင်း ဖြစ်လာမှာ မဟုတ်ပါဘူး။ အာဏာ လွှဲပြောင်းရေး လုပ်ငန်းစဉ်တွေက ၂၀၁၆ ခုနှစ် ဖေဖော်ဝါရီ နောက်ပိုင်းမှ အသက်ဝင်လာမှာ ဖြစ်ပါတယ်။

ဒါကြောင့် အခုချိန်ကစပြီး ဒီဇင်ဘာ၊ ဇန်န၀ါရီ ကာလတွေဟာ သတိထားရမယ့် အချိန်တွေ ဖြစ်လာပါတယ်။

လွှတ်တော် ရွေးကောက်ပွဲ ဥပဒေအရ ရဲအရေးပိုင်တဲ့ ရွေးကောက်ပွဲ တရားစွဲဆိုမှု ဆိုင်ရာ ကိစ္စတွေကို ရွေးကောက်ပွဲပြီးလို့ ၁၅ ရက်အတွင်း လုပ်ရပါမယ်။ ရွေးကောက် တင်မြှောက်ခံရမှုကို ကန့်ကွက်မယ်ဆိုရင် ရွေးကောက်ပွဲပြီးလို့ ၄၅ ရက်အတွင်း ပြည်ထောင်စုရွေးကောက်ပွဲ ကော်မရှင်ကို တင်ပြပိုင်ခွင့် ရှိပါတယ်။ ရွေးကောက်ပွဲ အပြီး ၄၅ ရက် အကြာမှာ ပြည်ထောင်စုရွေးကောက်ပွဲ ကော်မရှင်က အစီရင်ခံစာ ထုတ်ပြန်ရပါမယ်။ ဒီလို ထုတ်ပြန်ပြီးချိန်မှာ ပြည်ထောင်စုရွေးကောက်ပွဲ ကော်မရှင်ရဲ့ လုပ်ငန်းတာဝန် ပြီးဆုံးမှာ ဖြစ်ပါတယ်။

အခု လက်ရှိမှာ ရွေးကောက်ပွဲနဲ့ ပတ်သက်ပြီး တရားစွဲဆိုမှု၊ ကန့်ကွက်မှုတွေက ပြောပလောက်တဲ့ ပမာဏ မရှိသေးပါဘူး။ ရွေးကောက်ပွဲ လုပ်ပြီးလို့ ခြောက်ရက် ကြာတဲ့အထိ ပြည်ထောင်စု ရွေးကောက်ပွဲ ကော်မရှင်ကို ကန့်ကွက်လွှာ တင်သွင်းမှု မရှိသေးဘူးလို့လည်း သိရပါတယ်။

လက်ရှိ NLD အနိုင်ရထားတဲ့ နေရာတွေကို လျှော့ချချင်တဲ့အတွက် ရွေးကောက်ပွဲဆိုင်ရာ ဥပဒေနဲ့ တရားစွဲဆိုမှု၊ ကန့်ကွက်လွှာ တင်သွင်းမှု နည်းတွေနဲ့ လုပ်ဆောင်လာတာတွေ ရှိနိုင်ပါတယ်။ ဒါပေမဲ့ ဒီလိုနည်းနဲ့ NLD အနိုင်ရထားတဲ့ နေရာတွေကို လျှော့ချဖို့ မဖြစ်နိုင်ပါဘူး။ ဒီလို နည်းလမ်းနဲ့ လုပ်ခဲ့မယ်ဆိုရင် အာဏာရ ပြည်ခိုင်ဖြိုး ပါတီဘက်က အနိုင်ရထားတဲ့ နေရာတွေ၊ ၀င်ပြိုင်ခဲ့တဲ့ နေရာတွေမှာလည်း ရွေးကောက်ပွဲ ဥပဒေနဲ့ မညီတာတွေ၊ တရားမဲ့ ပြုကျင့်မှုနဲ့ ငြိစွန်းနေတဲ့ အချက်တွေ အများကြီး ဖြစ်ထားပါတယ်။ ဒီကိစ္စအတွက် သက်သေ အထောက်အထားတွေလည်း ပြည်သူတွေ လက်ထဲမှာ ရှိထားပြီ ဖြစ်တဲ့အတွက် သက်ဆိုင်ရာ မဲဆန္ဒနယ်က လွှတ်တော် ကိုယ်စားလှယ်လောင်းတွေ သာမက မဲဆန္ဒရှင် ပြည်သူတွေကပါ တိုင်ကြားခဲ့ပြီ ဆိုရင် အရေးယူရမှာ ဖြစ်ပါတယ်။ ဒီအတွက် ကြိုတင် ပြင်ဆင်ထားသူတွေလည်း ရှိနေပါပြီ။

အာဏာ လွှဲပြောင်းရေး အတွက်ကတော့ လွှတ်တော် သက်တမ်းကို အရင်ဆုံး ပိုင်းဖြတ်ရမယ်။

ဖွဲ့စည်းပုံ အခြေခံဥပဒေ ပုဒ်မ ၁၁၉ အရ ပြည်သူ့လွှတ်တော်ရဲ့ သက်တမ်းဟာ အဲဒီ လွှတ်တော်ရဲ့ သက်တမ်း ပထမအကြိမ် အစည်းအဝေး စတင်ကျင်းပတဲ့နေ့ကစပြီး ငါးနှစ် ဖြစ်ပါတယ်။ ဒီအတွက် ၂၀၁၆ ခုနှစ် ဇန်န၀ါရီ ၃၁ ရက်မှာ လွှတ်တော်သက်တမ်း ကုန်ဆုံးပါမယ်။ အမျိုးသား လွှတ်တော်လည်း ဇန်န၀ါရီ ၃၁ ရက်မှာ သက်တမ်းကုန်ပါမယ်။

ဖွဲ့စည်းပုံ အခြေခံ ဥပဒေ ပုဒ်မ ၁၂၃ အရ ပြည်သူ့လွှတ်တော် အစည်းအဝေး ကျင်းပခြင်းကို “ပြည်သူ့လွှတ်တော်၏ သက်တမ်းတစ်ရပ် စတင်သော ပထမအကြိမ် ပုံမှန် အစည်းအဝေးကို အထွေထွေ ရွေးကောက်ပွဲ စတင် ကျင်းပသည့် နေ့ရက်မှ ရက်ပေါင်း ၉၀ အတွင်း ကျင်းပရမည်” လို့ ဖွင့်ဆိုပါတယ်။

ဒါကြောင့် အနိုင်ရ ကိုယ်စားလှယ်တွေရဲ့ လွှတ်တော်သစ်ကို အစောဆုံး ဇန်န၀ါရီလ အတွင်းနဲ့ နောက်အကျဆုံး ဖေဖော်ဝါရီ လဆန်းမှာ အခုလက်ရှိ ပြည်ထောင်စုလွှတ်တော် နာယက သူရဦးရွှေမန်းက ခေါ်ယူပေးရပါမယ်။

ပြီးတဲ့အခါ ပြည်ထောင်စုလွှတ်တော် ဥပဒေအရ ပြည်သူ့လွှတ်တော်နဲ့ အမျိုးသားလွှတ်တော် ခေါ်ယူပြီး ၁၅ ရက် အတွင်းမှာ ပြည်ထောင်စု လွှတ်တော်ကို ခေါ်ယူရမှာပါ။

ပြည်ထောင်စုလွှတ်တော် ခေါ်ယူပြီးရင် သမ္မတ ရွေးချယ်ရေး လုပ်ငန်းစဉ်တွေကို အရင် လုပ်ရပါမယ်။ ဒီ လုပ်ငန်းစဉ်တွေ ပြီးလို့ သမ္မတ ရွေးချယ်ပြီးတာနဲ့ သမ္မတက တင်သွင်းတဲ့ အစိုးရ ၀န်ကြီးအဖွဲ့ စာရင်းကို ပြည်ထောင်စု လွှတ်တော်က အတည်ပြုပေးရမှာ ဖြစ်ပါတယ်။

ဒါကြောင့် သမ္မတ အသစ်နဲ့ အစိုးရ အဖွဲ့သစ်ဟာ နောက်အကျဆုံး ဖေဖော်ဝါရီလ အတွင်းမှာ ထွက်ပေါ်လာရမှာ ဖြစ်ပြီး အာဏာ လွှဲပြောင်းရေးကို အဆင့်ဆင့် ဆောင်ရွက်ရမှာ ဖြစ်ပါတယ်။

အကယ်၍ အာဏာ မလွှဲဘူး ဆိုရင်တော့ ၂၀၀၈ ခုနှစ် ဖွဲ့စည်းပုံ အခြေခံ ဥပဒေနဲ့ တခြား လွှတ်တော်ဆိုင်ရာ ဥပဒေတွေ၊ တည်ဆဲ ဥပဒေတွေကို ပြောင်ပြောင်တင်းတင်း ချိုးဖောက် လုပ်ဆောင်မှသာ လုပ်လို့ ရပါမယ်။

၂၀၁၀ ပြည့်နှစ် ရွေးကောက်ပွဲမှာတော့ ၂၀၁၁ ခုနှစ် ဇန်န၀ါရီမှာ လွှတ်တော် ခေါ်ယူခဲ့ပါတယ်။ သမ္မတ ရွေးချယ်မှုနဲ့ အစိုးရအဖွဲ့ ရွေးချယ်မှုကို ဖေဖော်ဝါရီမှာ လုပ်ပါတယ်။ မတ်လမှာ ကျမ်းသစ္စာ ကျိန်ဆိုကြပြီး အစိုးရ အဖွဲ့ကို တာဝန်ယူကြပါတယ်။

၂၀၁၁ ခုနှစ် မတ် ၃၀ ရက်မှာ နိုင်ငံတော် အေးချမ်းသာယာရေးနှင့် ဖွံ့ဖြိုးရေးကောင်စီ ဥက္ကဋ္ဌ ဗိုလ်ချုပ်မှူးကြီး သန်းရွှေ လက်မှတ်ထိုးပြီး နိုင်ငံတော် အေးချမ်းသာယာရေးနဲ့ ဖွံ့ဖြိုးရေး ကောင်စီကို ဖျက်သိမ်းကြောင်း ကြေညာချက် ၇/၂၀၁၁ ထုတ်ပြန်ပါတယ်။

တစ်ဆက်တည်းမှာပဲ လွှတ်တော်ရဲ့ သဘောတူညီချက်နဲ့ ပေါ်ပေါက်လာတဲ့ ပြည်ထောင်စု အဆင့် ပုဂ္ဂိုလ်တွေကို ဥပဒေပြုရေး၊ အုပ်ချုပ်ရေးနဲ့ တရားစီရင်ရေး ဆိုင်ရာ အာဏာများ လွှဲပြောင်းလိုက်ကြောင်း တရားဝင် ထုတ်ပြန်ပါတယ်။

၂၀၁၀ ပြည့်နှစ် ရွေးကောက်ပွဲ ရလဒ်အရ အာဏာလွှဲပြောင်းပုံ အဆင့်ဆင့် အချိန်ဇယားအတိုင်း ဆိုရင် လာမယ့် မတ်လထက် နောက်မကျစေဘဲ သမ္မတ ဦးသိန်းစိန် အစိုးရ အဖွဲ့က အာဏာ လွှဲပြောင်းပေးရမှာ ဖြစ်ပါတယ်။


သတိထား စောင့်ကြည့်ရမည့် အခြေအနေများ

အခုချိန် မှာတော့ NLD က သမ္မတ အပါအ၀င် အစိုးရ ဖွဲ့နိုင်ဖို့အထိ အုပ်စီးမိနေပါပြီ။ နိုဝင်ဘာ ၁၄ ရက် ပြည်ထောင်စု ရွေးကောက်ပွဲ ကော်မရှင်ရဲ့ ထုတ်ပြန်ချက်တွေအရ NLD က လွှတ်တော် နှစ်ရပ်စလုံးမှာ ၇၅ ရာခိုင်နှုန်းအထက် အနိုင် ရရှိထားပါတယ်။ ၁၉၉၀ ပြည့်နှစ် ရွေးကောက်ပွဲလိုပဲ ရာခိုင်နှုန်း ၈၀ အထက် အသာရမယ့် အခြေအနေ ရှိပါတယ်။ ဒီ အခြေအနေဟာ ဘယ်သူနဲ့မှ ညှိနှိုင်းစရာ မလိုဘဲ အစိုးရ ဖွဲ့စည်းနိုင်တဲ့ အခြေအနေ ဖြစ်ပါတယ်။

ဒါပေမဲ့ ဒေါ်အောင်ဆန်းစုကြည်က အမျိုးသား ပြန်လည်သင့်မြတ်ရေး သဘောထားကို အခြေခံပြီး တွေ့ဆုံဆွေးနွေးလိုကြောင်း နိုဝင်ဘာ ၁၀ ရက်မှာ သမ္မတ ဦးသိန်းစိန်၊ တပ်မတော် ကာကွယ်ရေး ဦးစီးချုပ် ဗိုလ်ချုပ်မှူးကြီး မင်းအောင်လှိုင်၊ ပြည်ထောင်စုလွှတ်တော် နာယက သူရဦးရွှေမန်းတို့ကို စာပေးပို့ ထားပါတယ်။

သမ္မတ ဦးသိန်းစိန်နဲ့ ဗိုလ်ချုပ်မှူးကြီး မင်းအောင်လှိုင်တို့က ရွေးကောက်ပွဲ ကော်မရှင်ရဲ့ လုပ်ငန်းစဉ် ပြီးဆုံးရင် တွေ့ဆုံမယ်လို့ အကြောင်း ပြန်ခဲ့ပါတယ်။

ရွေးကောက်ပွဲ လုပ်ငန်းစဉ် ပြီးဆုံးမှုဟာ ရွေးကောက်ပွဲ ပြီးလို့ ၄၅ ရက်အကြာ အစီရင်ခံစာ တင်သွင်းပြီးမှ အပြီးသတ်မှာ ဖြစ်ပါတယ်။ ဒါကြောင့် ဒေါ်အောင်ဆန်းစုကြည် ကမ်းလှမ်းထားတဲ့ တွေ့ဆုံဆွေးနွေးရေး တောင်းဆိုမှုဟာ နောက်အကျဆုံး ဒီဇင်ဘာ နောက်ဆုံးပတ်မှာ ဖြစ်လာနိုင်ပါတယ်။

အခုချိန်မှာ ဒေါ်အောင်ဆန်းစုကြည်ရဲ့ တွေ့ဆုံဆွေးနွေးရေး ကမ်းလှမ်းချက်ကို ရွေးကောက်ပွဲ လုပ်ငန်းစဉ် ပြီးမှလို့ သမ္မတ ဦးသိန်းစိန်က ပြောပါတယ်။ ဒါပေမဲ့ နိုဝင်ဘာ ၁၅ ရက်မှာ သမ္မတ ဦးသိန်းစိန်က နိုင်ငံရေး ပါတီ ၉၂ ပါတီကို ခေါ်ယူပြီး ရန်ကုန်မှာ တွေ့ဆုံခဲ့ပါတယ်။ ဒါဟာ ဒေါ်အောင်ဆန်းစုကြည်ဘက်က လေးပွင့်ဆိုင် တွေ့ဆုံဖို့ ကမ်းလှမ်းတုန်းက ပယ်ချပြီး အခြားပါတီ၊ အင်အားစုတွေနဲ့ တွေ့ဆုံလိုက်တဲ့ ပုံစံနဲ့ အတူတူပါပဲ။ ဒီလုပ်ဆောင်မှု နောက်ကွယ်မှာ ဘယ်လို အကြောင်းတွေ ရှိမယ်ဆိုတာ မသိနိုင်ပါဘူး။

တပ်မတော် ကာကွယ်ရေး ဦးစီးချုပ် ဗိုလ်ချုပ်မှူးကြီး မင်းအောင်လှိုင်က ပြည်တွင်း ပြည်ပ သတင်းမီဒီယာတွေနဲ့ အင်တာဗျူးမှာ ပြောကြားချက်တွေအရ ရွေးကောက်ပွဲမှာ ဘယ်သူ အနိုင်ရသည် ဖြစ်စေ တရားနည်းလမ်း ကျစွာနဲ့ ရတဲ့ Result ကို အကုန် လက်ခံမယ်လို့ ပြောထားသလို တပ်မတော် အနေနဲ့ အာဏာသိမ်းဖို့ အစီအစဉ် လုံးဝ မရှိကြောင်းလည်း အတိအလင်း ပြောထားပါတယ်။

တပ်မတော် ကာကွယ်ရေး ဦးစီးချုပ်က ဒီလို ပြောထားပေမယ့် ၂၀၀၈ ခုနှစ် ဖွဲ့စည်းပုံ အခြေခံဥပဒေမှာ ဘယ်နိုင်ငံမှာမှ မရှိတဲ့ ဖွဲ့စည်းပုံ အခြေခံဥပဒေအရ အာဏာသိမ်းခြင်းကို ခွင့်ပြုထားတယ် ဆိုတာ သတိထားဖို့ လိုပါတယ်။ ဒီအချက်တွေကို ဖွဲ့စည်းပုံ အခြေခံဥပဒေ အရေးပေါ် ကာလဆိုင်ရာ ပြဋ္ဌာန်းချက်တွေမှာ ဖွင့်ဆိုထားပါတယ်။

ဖွဲ့စည်းပုံ အခြေခံ ဥပဒေအရ အာဏာသိမ်းဖို့ မလုပ်နိုင်အောင်ကို ဒေါ်အောင်ဆန်းစုကြည်က သတိပေးထားပါတယ်။

ရွေးကောက်ပွဲ ကိစ္စရပ်တွေ မပြီးသေးတဲ့အတွက် လာမယ့် လတွေမှာ ပြည်သူတွေ အနေနဲ့ ကိုယ့်စိတ်ကိုယ်နိုင်အောင် ထိန်းပြီး ဆူပူ လှုံ့ဆော်မှုတွေကို သတိထားဖို့ နိုဝင်ဘာ ၁၂ ရက်မှာ RFA သတင်းဋ္ဌာနရဲ့ အပတ်စဉ် ကဏ္ဍဖြစ်တဲ့ “ဒီမိုကရေစီ ခရီးကြမ်းနဲ့ ဒေါ်အောင်ဆန်းစုကြည်” အစီအစဉ်မှာ သတိပေး ပြောခဲ့တာ ဖြစ်ပါတယ်။

“...ပြည်သူတွေကြောင့် ဒီရွေးကောက်ပွဲ ဖြစ်မြောက်သွားတာ ကျေးဇူးတင်တယ်။ တကယ့်ကိုလည်း အားတက်တယ်။ လေးစားတယ်။ ပြည်သူတွေကို တန်ဖိုးထားတယ်။ ဒါပေမဲ့ တစ်ခု သတိပေးချင်တယ်။ ဒီကိစ္စက မပြီးသေးဘူး။ အခု လာမယ့် အပတ်တွေ နှစ်လ၊ သုံးလလောက် အတွင်းမှာ ပြည်သူတွေဟာ ကိုယ့်စိတ်ကိုယ် နိုင်ရမယ်။ ဆူပူအောင် လှုံ့ဆော်မှုတွေကို သတိထားပါ။ ကိုယ့်လမ်း ကိုယ်လျှောက်တဲ့ အခါမှာ ဘေးကနေ အဖျက်တွေ၊ ရန်တွေ ဖြစ်နိုင်တယ်။ ဒါပေမဲ့ အစ်မတို့ အားလုံးဟာ ညီညီညွတ်ညွတ်နဲ့ တစ်ယောက်အပေါ် တစ်ယောက် ယုံကြည်မှု ထားပြီးတော့၊ နားလည်မှု ထားပြီးတော့ အားလုံး လိုချင်တဲ့ ပန်းတိုင်ကို ရောက်တဲ့အထိ တည်တည်ငြိမ်ငြိမ်နဲ့ ဖြစ်သွားဖို့ အင်မတန်မှ အရေးကြီးပါတယ်” လို့ ဒေါ်အောင်ဆန်းစုကြည်က သတိပေးပါတယ်။

ရွေးကောက်ပွဲအပြီး ကြားကာလ တည်ငြိမ်အေးချမ်းရေး ဖြစ်ဖို့အတွက် သမ္မတ ဦးသိန်းစိန် အစိုးရမှာပဲ တာဝန်ရှိပါတယ်။ မင်းမဲ့စရိုက် ဆူပူ အကြမ်းဖက်မှုတွေ မဖြစ်အောင် ပြည်ထဲရေး ၀န်ကြီးဋ္ဌာနက တာဝန်ယူရမှာပါ။ အကယ်၍ ပြည်ထဲရေး ၀န်ကြီးဌာနက မင်းမဲ့စရိုက် ဆူပူ အကြမ်းဖက်မှုတွေနဲ့ တရားဥပဒေ စိုးမိုးရေးကို မျက်ကွယ်ပြုမယ်၊ ဥပဒေမဲ့ ပြုကျင့်တာတွေ၊ မတရား ဖမ်းဆီး အရေးယူမှုတွေ လုပ်မယ်ဆိုရင် မတည်ငြိမ်မှုတွေ ဖြစ်လာနိုင်ပါတယ်။

ရွေးကောက်ပွဲ မတိုင်ခင် ကာလမှာ ဖြစ်ခဲ့တဲ့ တရားဥပဒေ စိုးမိုးမှု ကင်းမဲ့စေတဲ့ လုပ်ရပ်တွေ၊ မင်းမဲ့စရိုက် အပြုအမူတွေကို ပြည်ထဲရေး ၀န်ကြီးဋ္ဌာနက အချိန်မီ ထိရောက်တဲ့ တားဆီးမှု မလုပ်နိုင်ခဲ့တာတွေ ရှိပါတယ်။ ဒါပေမဲ့ ရွေးကောက်ပွဲ ကာလ တည်ငြိမ်မှု ရှိအောင် ပြည်သူတွေ စောင့်ထိန်းခဲ့ပါတယ်။

အကယ်၍ အာဏာ လွှဲပြောင်းရေး ကြားကာလမှာ တရားဥပဒေ စိုးမိုးမှု ကင်းမဲ့တာ၊ မင်းမဲ့စရိုက် ဥပဒေမဲ့ ပြုကျင့်မှုတွေနဲ့ ဆူပူ အကြမ်းဖက်မှု မီးစတွေ ဖြစ်လာရင်တော့ ဒါတွေကို နိုင်နင်းအောင် ပြည်ထဲရေး ၀န်ကြီးဋ္ဌာနက တာဝန် မယူခဲ့ရင် ပြည်ထဲရေး ၀န်ကြီးဌာန အပြင် ဒါတွေကို လုပ်ဆောင်တဲ့ ဘယ်သူမဆို တည်ဆဲ ဥပဒေတွေ အပြင် နိုင်ငံတော် ပုန်ကန်မှု အထိ အရေးယူ ခံရနိုင်ပါတယ်။

၁၉၉၀ ပြည့်နှစ် ရွေးကောက်ပွဲမှာတော့ စစ်အာဏာရှင်တွေဟာ သူတို့ရဲ့ ပြိုကွဲသွားတဲ့ အင်အားကို နှစ်လအတွင်း ပြန်လည် စုစည်းပြီး တန်ပြန်တိုက်ခိုက်မှုတွေ လုပ်ဖို့ အချိန် အလုံအလောက် ရသွားခဲ့တယ်လို့ ဘာတေးလ်လစ်တနာက သုံးသပ် ထားပါတယ်။

အခုချိန်မှာ အဲလို မဖြစ်နိုင်ပါဘူး။ ဒါပေမဲ့ ၂၀၀၈ ခုနှစ် ဖွဲ့စည်းပုံ အခြေခံ ဥပဒေအရ ပြည်ထဲရေး ၀န်ကြီးဌာန၊ ကာကွယ်ရေး ၀န်ကြီးဌာနနဲ့ နယ်စပ်ရေးရာ ၀န်ကြီးဌာနတို့က တပ်မတော်ရဲ့ လက်ထဲမှာပဲ ရှိနေတာကို သတိပေး ပြောဆိုမှုတွေ ရှိပါတယ်။

ဖွဲ့စည်းပုံ အခြေခံဥပဒေ ပုဒ်မ ၂၃၂ (ခ)၊ ပုဒ်မခွဲ (၂) အရ ကာကွယ်ရေး ၀န်ကြီးဌာန၊ နယ်စပ်ရေးရာ ၀န်ကြီးဌာန၊ ပြည်ထဲရေး ၀န်ကြီးဋ္ဌာနတွေရဲ့ ၀န်ကြီးနေရာအတွက် အမည်စာရင်းကို တပ်မတော် ကာကွယ်ရေး ဦးစီးချုပ်ဆီကနေ ယူရမှာ ဖြစ်ပါတယ်။ တစ်နည်းအားဖြင့် အဲဒီ ၀န်ကြီးဋ္ဌာန သုံးခုအတွက် ၀န်ကြီးတွေကို တပ်မတော် ကာကွယ်ရေး ဦးစီးချုပ်က ခန့်အပ်ပိုင်ခွင့် ရှိပါတယ်။

ဒါပေမဲ့ သူတို့ကို တပ်မတော် ကာကွယ်ရေး ဦးစီးချုပ်က ခန့်အပ်ပိုင်ခွင့်သာ ရှိပြီး ဖွဲ့စည်းပုံ အခြေခံ ဥပဒေ ပုဒ်မ ၂၃၂ (ဇ) အရ သူတို့ဟာ သမ္မတကို တာဝန်ခံရမှာ ဖြစ်ပါတယ်။

NLD အစိုးရ ဖြစ်လာခဲ့ပြီ ဆိုရင်လည်း ကာကွယ်ရေး၊ နယ်စပ်ရေးရာနဲ့ ပြည်ထဲရေး ၀န်ကြီးတွေကို တပ်မတော်ကာကွယ်ရေး ဦးစီးချုပ်က ခန့်အပ်ပိုင်ခွင့်ပဲ ရှိမှာဖြစ်ပြီး သူတို့က သမ္မတကို တာဝန်ခံရမှာ ဖြစ်တဲ့အတွက် သူတို့ရဲ့ လုပ်ဆောင်ချက်တွေကို သမ္မတက မကြိုက်ဘူး၊ သူတို့ရဲ့ လုပ်ဆောင်ချက်တွေ လုပ်ထုံးလုပ်နည်းနဲ့ မညီဘူး ဆိုရင် သမ္မတက အချိန်မရွေး ဖယ်ရှား အစားထိုး ပြောင်းလဲ တာဝန်ပေးလို့ ရပါတယ်။

အခုချိန်မှာ NLD က အစိုးရ ဖွဲ့နိုင်တဲ့အထိ အုပ်စီးမိနေပြီ ဖြစ်ပေမယ့် အမျိုးသား ပြန်လည်သင့်မြတ်ရေးအတွက် ရှေးရှုပြီး ညှိနှိုင်းဆွေးနွေးဖို့ ကမ်းလှမ်းထားပါတယ်။ ဒါဟာ လိုတာထက် ပိုတဲ့ သဘောထားကြီးမှု တစ်ခု ဖြစ်ပါတယ်။


တပ်မတော်ရဲ့ သဘောထား

ဘယ်သူပဲ အနိုင်ရသည် ဖြစ်စေ၊ ရွေးကောက်ပွဲ ရလဒ်ကို လက်ခံမယ် ဆိုတဲ့ ကတိစကား ပြောဆိုမှုကို တပ်မတော်ကာကွယ်ရေး ဦးစီးချုပ် ဗိုလ်ချုပ်မှူးကြီး မင်းအောင်လှိုင်က အကြိမ်ကြိမ် ပြောထားပါတယ်။

နိုဝင်ဘာ ၈ ရက် ရွေးကောက်ပွဲနေ့ မဲပေးချိန်မှာ ပြည်သူ အားကိုးတဲ့ ပါတီပဲ အနိုင်ရမယ်လို့ မျှော်လင့်ထားတယ်၊ ပြည်သူက ရွေးချယ်တာ ဖြစ်တဲ့အတွက် အနိုင်ရရှိတဲ့ ရလဒ်အပေါ် လက်မခံနိုင်စရာ မရှိဘူး၊ ပြည်ထောင်စု ရွေးကောက်ပွဲ ကော်မရှင်က ရွေးကောက်ပွဲရလဒ် ကြေညာပြီးတာနဲ့ ဘယ်သူဖြစ်ဖြစ် လက်ခံမယ်၊ ရွေးကောက်ပွဲ ရလဒ်က ထွက်ပေါ်လာတဲ့ အစိုးရကို အာဏာ လွှဲပြောင်းဖို့ ဖွဲ့စည်းပုံ အခြေခံ ဥပဒေမှာ ပါပြီးသား ဖြစ်တယ်ဆိုတဲ့ အချက်တွေကို ဗိုလ်ချုပ်မှူးကြီး မင်းအောင်လှိုင်က ပြောခဲ့ပါတယ်။

ဒီအတိုင်းပဲ စက်တင်ဘာ ၂၁ ရက်က မီဒီယာတွေနဲ့ တွေ့ဆုံချိန်မှာလည်း အာဏာ ပြန်သိမ်းဖို့ အစီအစဉ် လုံးဝ မရှိဘူးလို့ ဗိုလ်ချုပ်မှူးကြီး မင်းအောင်လှိုင်က ပြောပါတယ်။

“... ဒီလို အစီအစဉ်လည်း ကျွန်တော့်မှာ လုံးဝ မရှိဘူးဆိုတာ ကျွန်တော်တင် မဟုတ်ဘူး၊ တပ်မတော်မှာလည်း လုံးဝ အစီအစဉ် မရှိဘူးလို့ ကျွန်တော် ပြောပါရစေ” လို့ ဗိုလ်ချုပ်မှူးကြီး မင်းအောင်လှိုင်က ဆိုပါတယ်။

“တပ်မတော်ရဲ့ ဆန္ဒအရ အာဏာသိမ်းတာမျိုးကို ကျွန်တော်တို့ မလိုလားပါဘူး။ ကျွန်တော်တို့ ဒီဆန္ဒ တကယ် အမှန်ပါ။ ဒီကိစ္စကို မကြိုက်ပါဘူ... တပ်မတော်ဆိုတာ စည်းနဲ့ ကမ်းနဲ့ ဖွဲ့စည်းထားတဲ့ အဖွဲ့အစည်းအပြင် စည်းကမ်းကို အခြေခံပြီး လုပ်ဆောင်ရတဲ့ အဖွဲ့လည်း ဖြစ်ပါတယ်။ အင်မတန် ကြီးမားတဲ့ institution ဖြစ်ပါတယ်။ ဒါကြောင့် စည်းကမ်းနဲ့ အညီပဲ ကျွန်တော်တို့ သွားချင်ပါတယ်။ သွားဖို့ လိုလားပါတယ်” လို့ သူက ဆက်ပြောပါတယ်။

ဒါ့အပြင် ဖွဲ့စည်းပုံ အခြေခံဥပဒေပါ ပြဋ္ဌာန်းချက်တွေအတိုင်း သွားမှာဖြစ်ပြီး ကျော်လွန်လို့ မရကြောင်း ပြောပါတယ်။

စက်တင်ဘာ ၂၁ ရက် မီဒီယာ တွေ့ဆုံမှုမှာလည်း နိုဝင်ဘာ ရွေးကောက်ပွဲမှာ အတိုက်အခံ ပါတီကြီး တစ်ခု အနိုင်ရခဲ့ရင် တပ်မတော် အနေနဲ့ အမျိုးသား ရင်ကြားစေ့ရေးကို ဘယ်အခန်းကဏ္ဍက ပါဝင်မလဲ ဆိုတဲ့ အမေးကို ဗိုလ်ချုပ်မှူးကြီး မင်းအောင်လှိုင်က ပြန်ဖြေတဲ့ အခါ “ရွေးကောက်ပွဲမှာ ဘယ်ပါတီပဲနိုင်နိုင် လက်ခံမှာပါ။ ကျွန်တော် ပြောထားတယ်လေ။ ရွေးကောက်ပွဲက လွတ်လပ်ပြီး တရားမျှတမယ်ဆို လက်ခံမယ်ဆိုတာ ပြောပြီးသားပဲ။ သူ့မှာလည်း ဖွဲ့စည်းပုံက ပြဋ္ဌာန်းထားတဲ့ အတိုင်းပဲ ဆောင်ရွက်ရမှာပါ။ ဖွဲ့စည်းပုံကို ကျော်လွန်ပြီး လုပ်လို့ မရပါဘူး။ ... ဘယ်သူမှတော့ ဥပဒေကို ကျော်လွန်လို့ မရပါဘူး။ ဒီလိုပြောလို့ တပ်ချုပ်ကြီးက ဥပဒေသမားကြီး။ အဲဒီလိုလည်း မဟုတ်ပါဘူး။ တိုင်းပြည်လည်း တိုးတက်အောင် ဥပဒေနဲ့အညီ လုပ်တာက အကောင်းဆုံးပါပဲ။ ဒီလိုမျိုး သွားမယ်ဆိုရင် အမျိုးသား ရင်ကြားစေ့ရေးကလည်း အဆင်ပြေမှာပါ။ ကျွန်တော်တို့ အနေနဲ့ အပြုသဘောဆောင်ပြီး တိုင်းပြည်ကောင်းအောင် လုပ်သွားမှာပါ” လို့ ပြောခဲ့ပါတယ်။

တပ်မတော် ကာကွယ်ရေး ဦးစီးချုပ်ရဲ့ ပြောစကားတွေကို ကြည့်ရင် အာဏာ လွှဲပြောင်းမှု အပိုင်းမှာ တပ်မတော်က ဖွဲ့စည်းပုံ အခြေခံ ဥပဒေအတိုင်း လုပ်ဆောင်မယ်၊ အာဏာသိမ်းဖို့လည်း လုပ်မှာ မဟုတ်ဆိုတဲ့ အချက်ကို အခိုင်အမာ တွေ့ရပါတယ်။


ဖွဲ့စည်းပုံ အခြေခံ ဥပဒေကို ချိုးဖောက်ရင်

ဖွဲ့စည်းပုံ ဆိုင်ရာ ပြဋ္ဌာန်းချက်တွေကို နိုင်ငံသားတိုင်း လိုက်နာ စောင့်ထိန်းရမယ်လို့ ဖွဲ့စည်းပုံ အခြေခံ ဥပဒေပုဒ်မ ၃၈၄ မှာ ပြဋ္ဌာန်းထားပါတယ်။

ဒါကြောင့် ၂၀၀၈ ဖွဲ့စည်းပုံ အခြေခံ ဥပဒေကို သမ္မတ၊ တပ်မတော် ကာကွယ်ရေး ဦးစီးချုပ်တင် မကဘဲ ဘယ်သူမဆို လိုက်နာ စောင့်ထိန်းရမှာ ဖြစ်ပါတယ်။

အာဏာ လွှဲပြောင်းမှု အပိုင်းမှာ ဖွဲ့စည်းပုံ အခြေခံ ဥပဒေအရ ဆိုရင် ရွေးကောက်ပွဲ ပြီးလို့ ရက် ၉၀ မှာ လွှတ်တော် ခေါ်ယူရမယ်။ အဲဒီက တစ်ဆင့် သမ္မတကို ရွေးချယ်၊ အစိုးရ အဖွဲ့ဝင် ၀န်ကြီးတွေ ရွေးချယ်ပြီး အာဏာ လွှဲပြောင်းပေးရမှာ ဖြစ်ပါတယ်။ ဒါကြောင့် အာဏာ လွှဲပြောင်းမှုဟာ နောက်အကျဆုံး မတ် ၃၁ ရက်မှာ ဖြစ်ရပါမယ်။

ဒီလို မဟုတ်ဘဲ အာဏာ လွှဲပြောင်းရေးအတွက် လွှတ်တော် ခေါ်ယူမှုကို နှောင့်နှေးနေမယ်၊ အာဏာ လွှဲပြောင်းရေးကို အချိန်ဆွဲမယ် ဆိုရင် ဒီလိုလုပ်တဲ့ ဘယ်သူမဆို ဖွဲ့စည်းပုံ အခြေခံ ဥပဒေပါ ပြဋ္ဌာန်းချက်ကို ချိုးဖောက်တာ ဖြစ်ပြီး ဒီလို ချိုးဖောက်မှုအတွက် တည်ဆဲ ဥပဒေတွေအပြင် သေဒဏ် ချမှတ်လို့ ရတဲ့အထိ သက်ရောက်မှုရှိတဲ့ ရာဇသတ်ကြီး ဥပဒေပုဒ်မ ၁၂၁၊ ပုဒ်မ ၁၂၄၊ နိုင်ငံတော် ပုန်ကန်မှုနဲ့ပါ အရေးယူ ခံရနိုင်ပါတယ်။

ဒီအတိုင်းပဲ အာဏာ မလွှဲသေးခင် ကြားကာလမှာ အာဏာ လွှဲပြောင်းမှုကို နှောင့်နှေးအောင် လုပ်မယ်၊ ဆူပူ အကြမ်းဖက်မှုတွေ ဖန်တီးမယ်၊ မင်းမဲ့စရိုက် လှုပ်ရှားမှုတွေနဲ့ နိုင်ငံ တည်ငြိမ်မှုကို ပျက်ပြားအောင် လုပ်မယ် ဆိုရင်လည်း ဒီလိုလုပ်တဲ့ ဘယ်သူကိုမဆို တည်ဆဲ ဥပဒေအရရော၊ နိုင်ငံတော် ပုန်ကန်မှု ပုဒ်မတွေနဲ့ပါ အရေးယူခံရမှာ ဖြစ်ပါတယ်။

ပြည်သူတွေ အနေနဲ့ကတော့ ၁၉၉၀ ပြည့်နှစ် သမိုင်းသင်ခန်းစာ ရှိထားပြီး ဖြစ်တဲ့အတွက် အခုချိန်ဟာ ခါးတောင်းကျိုက် ဖြုတ်ရမယ့် အချိန် မဟုတ်သေးပါဘူး။ ရွေးကောက်ပွဲ မသမာမှု စွပ်စွဲချက်တွေကို ခုတုံးလုပ်ပြီး အနိုင်ရ လွှတ်တော် ကိုယ်စားလှယ်တွေကို ဖြုတ်ချဖို့ ကြိုးစားလာကြမယ် ဆိုရင်လည်း ကိုယ့်မှာ ရှိထားပြီးဖြစ်တဲ့ အထောက်အထားတွေနဲ့ ဥပဒေကြောင်းအရ တန်ပြန် တရားစွဲဆိုလို့ ရပါတယ်။ ဒီအတွက် ဖွဲ့စည်းပုံ အခြေခံ ဥပဒေ အပါအ၀င် ရွေးကောက်ပွဲ ဆိုင်ရာ ဥပဒေ၊ လွှတ်တော်ဆိုင်ရာ ဥပဒေတွေကို လေ့လာထားရပါမယ်။

တစ်ဖက်မှာလည်း ဖွဲ့စည်းပုံ အခြေခံ ဥပဒေပါ ပြဋ္ဌာန်းချက်တွေ၊ လွှတ်တော်ဆိုင်ရာ ဥပဒေ ပြဋ္ဌာန်းချက်တွေကို ချိုးဖောက်ပြီး အာဏာ လွှဲမပေးဘူး၊ အာဏာလွှဲပေးဖို့ နှောင့်နှေးနေမယ် ဆိုရင် အဲဒီလူတွေရဲ့ ဇာတ်သိမ်း ကောင်းမှာ မဟုတ်ဘူး ဆိုတာကို သိထားရပါလိမ့်မယ်။

Writer:
နေထွန်းနိုင်
Eleven Media Group[full-post]

ရွေးကောက်ပွဲ အနိုင်အရှုံး ရလဒ် ကြေညာပြီးချိန် သတင်းစာ ရှင်းလင်းပွဲ၌ ပြည်ထောင်စု ရွေးကောက်ပွဲ ကော်မရှင်ကို ပြည်ထောင်စု ကြံ့ခိုင်ရေးဟု ကော်မရှင် ဥက္ကဋ္ဌ ဦးတင်အေးက မှားယွင်း ပြောဆိုမိခဲ့ကြောင်း သိရသည်။

ပြည်ထောင်စု ရွေးကောက်ပွဲ ကော်မရှင်က နိုဝင်ဘာ ၁၅ ရက် (ယနေ့) ညနေ ၄ နာရီ၌ ရွေးကောက်ပွဲ မဲရလဒ် နောက်ဆုံး စာရင်းများကို ကြေညာခဲ့ပြီး ရွေးကောက်ပွဲဆိုင်ရာ ရလဒ် အနှစ်ချုပ်များကို ကြေညာပြီးချိန် သတင်းစာ ရှင်းလင်းပွဲတွင် ထိုသို့မှားယွင်းပြောဆိုမှု ဖြစ်ပေါ်ခဲ့ခြင်း ဖြစ်သည်။

"... အဲ့တော့ ဒါတွေကို ကျွန်တော်တို့ ဘယ်လို လုပ်ခဲ့တယ်။ ဒီလို ကြေညာနိုင်အောင် ကျွန်တော်တို့ ပြည်ထောင်စုကြံ့ခိုင်ရေး .... ( ထို့နောက် ပြည်ထောင်စု ရွေးကောက်ပွဲ ကော်မရှင် အနေနဲ့ဟု ပြောင်းပြောကာ) ဘယ်လိုများ လုပ်သလဲလို့ ခင်ဗျားတို့ သိချင်မှာပဲ။ ဒါကတော့ ထုံးစံအတိုင်းပါပဲ။ မဲရုံမှာ မဲပေးရမယ်။ မဲရုံ ပရ၀ုဏ်ထဲမှာ ရှိနေရင် မဲပေးခွင့်ရမယ်။ ပြီးရင်တော့ ရလဒ်တွေ ထုတ်ပြန်မယ်။ ပုံစံ(၁၆)၊ ပုံစံ(၁၈)ကနေ ပုံစံ(၁၉)ထုတ်ပါတယ်” ဟု ဦးတင်အေးက ပြောဆိုရာတွင် ပြည်ထောင်စု ရွေးကောက်ပွဲ ကော်မရှင်နေရာ၌ ပြည်ထောင်စု ကြံ့ခိုင်ရေးဟု မှားယွင်း ပြောဆိုခဲ့ခြင်း ဖြစ်ပါသည်။

အဆိုပါ သတင်းစာ ရှင်းလင်းပွဲမှာပင် အာဏာလွှဲပြောင်းမှုအတွက် ငြိမ်းချမ်းစွာ ဖြစ်စေလိုကြောင်း၊ အာဏာလွှဲပြောင်းမှုအတွက် အပေးအယူ မျှတစေလိုကြောင်း၊ လက်ခုပ်တီးသကဲ့သို့ပင် ဖြစ်ကြောင်းကိုလည်း ဦးတင်အေးက ပြောကြားခဲ့ပါသည်။

"... ဘာခေါ်မလဲ။ ဆင်ခြင်တုံတရား မနည်းဘူးလို့ ကျွန်တော် ထင်ပါတယ်။ အပြောင်းအလဲကာလ အေးအေးချမ်းချမ်းလေးပဲ ကျွန်တော် မျှော်လည်း မျှော်လင့်ပါတယ်။ ဒါကတော့ ပြောလို့တော့ အေးချမ်းချင်ပါတယ်ဆိုတာ ဒီလိုပါပဲ။ (လက်ခုပ်တီးပြ) ၊ (ထို့နောက် လက်တစ်ဖက်တည်းဖြင့် လက်ခုပ်တီးဟန်ပြ) ဒီလိုဆိုရင်တော့ မမြည်တော့ဘူး။ (လက်ခုပ်ပြန် တီးပြ) ဒီလိုဆိုရင်တော့ မြည်သွားပါလိမ့်မယ်။ ဒါလေးပါပဲ။ (လက်ခုပ်ပြန်တီး) အပေးအယူလေး လုပ်ကြပါ။ ညှိညှိနှိုင်းနှိုင်း လုပ်ကြပါ။ ဒီလိုပဲ ပြောချင်ပါတယ်" ဟု ဦးတင်အေးက ပြောကြားခဲ့သည်။

ထို့အပြင် ရွေးကောက်ပွဲ အနိုင်ရလဒ် ကြေညာပြီးသည့် နောက်ပိုင်းတွင် ကန့်ကွက် တိုင်ကြားမှုများ ရှိလာပါက ခုံရုံးထိုင် စစ်ဆေးမည်ဖြစ်ကြောင်း၊ ယင်းကဲ့သို့ စစ်ဆေးမှုများ ရှိခဲ့ပါက သက်ဆိုင်ရာ တိုင်းဒေသကြီးနှင့် ပြည်နယ်များတွင် စစ်ဆေးမည်ဖြစ်ကြောင်း၊ စစ်ဆေးမှုများအား ပွင့်လင်းမြင်သာစွာ ဆောင်ရွက်မည်ဖြစ်ပြီး မည်သူမဆို လာရောက် နားထောင်နိုင်မည်ဖြစ်ကြောင်း ဦးတင်အေးက ပြောကြားခဲ့သည်။

ယခု ကျင်းပသည့် ရွေးကောက်ပွဲတွင် အားနည်းချက် အားသာချက်များကို ပြန်လည် သုံးသပ်မည်ဖြစ်ကြောင်း၊ နောင်လာမည့် ရွေးကောက်ပွဲများအတွက် အကောင်းဆုံးဖြစ်ရန် ဆောင်ရွက်မည်ဖြစ်ကြောင်း၊ မဲပေးသည့် စနစ်အား ယခု စနစ်ထက် ကောင်းသည့် စနစ်ဖြစ်ရန် လေ့လာမည်ဖြစ်ကြောင်းနှင့် ၂၀၂၀ ပြည့်နှစ် ရွေးကောက်ပွဲ အတွက်မူ နောက်လာမည့် ကော်မရှင် ဥက္ကဋ္ဌက ဆုံးဖြတ်လိမ့်မည်ဖြစ်ကြောင်း ဆက်လက်ပြောကြားခဲ့သည်။

ထို့အပြင် ပြည်လုံးကျွတ် ဆန္ဒခံယူပွဲအား လွှတ်တော်က ကျင်းပခိုင်းမှသာ ကျင်းပမည်ဖြစ်ကြောင်း၊ လွှတ်တော်မှ စေခိုင်းခြင်း မရှိပါက ပြုလုပ်ရန် မရှိကြောင်း၊ ကြားဖြတ်ရွေးကောက်ပွဲ အတွက်မူ အစိုးရသစ် ဖွဲ့စည်းပြီးချိန်တွင် လစ်လပ်လာမည့် လွှတ်တော်ကိုယ်စားလှယ်များ အပေါ်တွင် မူတည်ပြီး အစိုးရသစ် ဖွဲ့စည်းပြီးမှသာ သိရှိနိုင်မည်ဖြစ်ကြောင်း ဦးတင်အေးက ပြောကြားခဲ့သည်။

နိုဝင်ဘာ ၁၅ ရက် ညနေ ၄ နာရီ ထုတ်ပြန်ချက်အရ ပြည်ထောင်စု ရွေးကောက်ပွဲ ကော်မရှင် အနေဖြင့် ရွေးကောက်ပွဲ ရလဒ်များအား ကြေညာရာတွင် လွှတ်တော် အရပ်ရပ်အတွက် ၉၉ ရာခိုင်နှုန်းကျော် ကြေညာပြီးစီးပြီးဖြစ်ကာ ကျန်ရှိနေသေးသည့် နေရာများအတွက် နိုဝင်ဘာလ ၂၀ ရက်တွင် အပြီးသတ် ကြေညာနိုင်မည်ဟု ခန့်မှန်းထားကြောင်း ဦးတင်အေးက ဆိုပါသည်။

ပြည်ထောင်စု ရွေးကောက်ပွဲ ကော်မရှင် ဥက္ကဋ္ဌ ဦးတင်အေးသည် ၂၀၁၀ ပြည့်နှစ် ရွေးကောက်ပွဲတွင် ပြည်ထောင်စု ကြံ့ခိုင်ရေးနှင့် ဖွံ့ဖြိုးရေးပါတီ(ပြည်ခိုင်ဖြိုး) ကိုယ်စားပြုအဖြစ် မန္တလေးတိုင်းဒေသကြီး၊ တံတားဦး မဲဆန္ဒနယ်၌ ၀င်ပြိုင်ခဲ့ပြီး အနိုင်ရခဲ့သူ ဖြစ်သည်။

ထို့နောက် ပြည်ခိုင်ဖြိုးပါတီ ဥက္ကဋ္ဌ လက်ရှိ သမ္မတ ဦးသိန်းစိန်၏ အမည်စာရင်း တင်သွင်းမှုဖြင့် ပြည်ထောင်စု ရွေးကောက်ပွဲ ကော်မရှင် ဥက္ကဋ္ဌ တာဝန် ရရှိခဲ့ပြီး ၂၀၁၂ ခုနှစ် ကြားဖြတ် ရွေးကောက်ပွဲနှင့် ယခု ၂၀၁၅ ရွေးကောက်ပွဲတို့ကို ကော်မရှင် ဥက္ကဋ္ဌ အဖြစ် တာဝန်ယူ ပြုလုပ်ပေးခဲ့ခြင်း ဖြစ်သည်။ ဦးတင်အေး အနေဖြင့် ၂၀၁၀ ပြည့်နှစ် ရွေးကောက်ပွဲတွင် ပြည်ခိုင်ဖြိုး ပါတီဝင်အဖြစ် ၀င်ပြိုင်ပြီး အနိုင်ရခဲ့သော်လည်း ပြည်ခိုင်ဖြိုး ဘာဆိုတာနှင့် ပြည်ခိုင်ဖြိုး ဥက္ကဋ္ဌ မည်သူ ဆိုသည်ကို မသိရှိကြောင်း ပြောဆိုခဲ့ဖူးသည်။

"... ဟိုးတုန်းကလည်း ကြံ့ခိုင်ရေးအကြောင်း ကျွန်တော် ဘာမှကို သိတာ မဟုတ်ဘူး။ ဥက္ကဋ္ဌ ဘယ်သူဆိုတာ မသိဘူး။ ၂၀၁၀ ရွေးကောက်ပွဲ ၀င်ရမယ်ဆိုတော့ သြဂုတ်လမှာ ပါတီဝင် ဖြစ်သွားတာ။ ပြောကြေးဆိုရင် ပါတီသက်တမ်း ခုနစ်လပဲ ရှိသေးတယ်.. " ဟု ဦးတင်အေးက ဇွန်လ ၈ ရက်ထုတ် မြန်မာတိုင်းမ် ဂျာနယ် အင်တာဗျူးတွင် ပြောကြားခဲ့ဖူးပါသည်။

၂၀၁၅ ခုနှစ်ရွေးကောက်ပွဲနှင့် ပတ်သက်ပြီး မဲစာရင်းအမှားများနှင့် ကော်မရှင်၏ တာဝန်ယူမှု၊ တာဝန်ခံမှုအပေါ် မေးခွန်းထုတ်မှု များစွာ ဖြစ်ပေါ်ခဲ့ပြီး ရွေးကောက်ပွဲပြီးနောက် အနိုင်ရ လွှတ်တော်ကိုယ်စားလှယ်များ ကြေညာရာတွင်လည်း နိုဝင်ဘာ ၉ ရက်မှ ၁၅ ရက်အထိ အချိန်ကြာမြင့်စွာ ကြေညာခဲ့ခြင်းနှင့် ပတ်သက်၍လည်း ဝေဖန်မှုများ ရှိခဲ့ပါသည်။

Eleven Media Group

Author Name

Contact Form

Name

Email *

Message *