11/24/15

ပြည်သူ့ရင်ထဲက သမ္မတ

၂၀၀၈ခြေ/ဥထဲက
၅၉-စဆိုတဲ့ လေအုနဲ့
ဒေါ်စုကိုသမ္မတမဖြစ်အောင်
အသေထုထားပေမယ့်
ပြည်သူ့နှလုံးသားထဲက သမ္မတဟာ
ဒေါ်အောင်ဆန်းစုကြည်ပါ…။

အာဏာရှင်သက်ဆိုးရှည်ရေး မျှော်တွေးပြီး
အချိန်ပေးကာ ကလေးကလား
ဆွဲသွားတဲ့ ၂၀၀၈ အခြေခံဥပဒေဟာ
ခုချိန်မှာ Out of Date ချိန်ခါမဟုတ်လို့
အမြန်ဖြုတ်ရပါတော့မယ်…။
ပြည်သူ့အသက်အိုးအိမ် စည်းစိမ်တွေကို
မလိမ်မကောက် ဖြောင့်ဖြောင့်တန်းတန်း
ပြဌါန်းပေးမယ့် တရားစိုးမိုးရေးဥပဒေကို
ခုမသွေ အခြေနေအရ
အမြန်ထုတ်ဖေါ်ရပါမယ်…။

ဥပဒေအထက် ဘယ်အာဏာစက်မှမရှိစေရ
ပြည်သူက အစ သမ္မတအဆုံး
အားလုံးလိုက်နာရပါမယ် သမ္မတအပြစ်ကျူးလဲ
အထူးအခွင့်ရေးမရှိ
ပြည်သူတယောက်လိုဒဏ်ခတ်ခံထိရမယ်
တိတိကျကျ ပြတ်ပြတ်သားသား အရေးယူသွားမှ
တရားဥပဒေဟာ ဓါးလိုစင်း မြှားလိုခွင်းနိုင်မယ်
သန့်ရှင်းမျှတတဲ့တရားဥပဒေစိုးမိုးရေး
မနှေးအမှန်ပေါ်ထွန်းလာနိုင်ပါစေ…။

တက္ကသိုလ်ဘုန်းကြွယ်(နိုဝင်ဘာ ၂၃ ၁၅)

 ပါတီခေါင်းဆောင် ဆိုတဲ့ စစ်ဗိုလ်ချုပ်ဟောင်းတွေ ကလည်း ပါတီကို နိုင်ငံရေးအရ တည်ဆောက်ဖို့ နိုင်ငံရေးအလုပ် လုံးဝ မလုပ်ပဲ စစ်တပ်ပုံစံ အထက်ကအမိန့် အောက်က နာခံ ဆိုတာ တစ်ခုတည်း လုပ်ခဲ့ကြတာပါ။ ပြည်ခိုင်ဖြိုးပါတီ ပက်ပက်စက်စက် ရှုံးနိမ့်ခဲ့ရတာမှာ အဲဒီ အချက်က အဓိကပါ။



ပြီးခဲ့တဲ့ နိုဝင်ဘာ ၂၀ ရက်နေ့က ပြည်ထောင်စု ရွေးကောက်ပွဲ ကော်မရှင်ဟာ ရွေးကောက်ပွဲ ရလာဒ်တွေကို အပြီးသတ် ကြေငြာ ပြီးစီးခဲ့ပါပြီ။ အင်န်အယ်လ်ဒီ အမျိုးသား ဒီမိုကရေစီ အဖွဲ့ချုပ်က အပြတ်အသတ် အနိုင်ရခဲ့တယ်လို့ ပြောနိုင်သလို၊ တပ်မတော် ကျောထောက်နောက်ခံ ပြည်ခိုင်ဖြိုးပါတီကတော့ အပြတ်အသတ် ရှုံးနိမ့်မှုနဲ့ ကြုံခဲ့ရပါတယ်။ တိုင်းပြည်အတွက် အရေးကြီးတဲ့ ပြည်ထောင်စု အဆင့်အတွက် မဲဆန္ဒနယ်မြေ ၄၉၁ နေရာမှာ ပြည်ခိုင်ဖြိုးပါတီက ၄၂ နေရာပဲ အနိုင်ရပါတယ်။ အဲဒီထဲမှာ သေခြာပေါက် အနိုင်ရဖို့ အဖက်ဖက်က ပြင်ဆင်ပြီးမှ ၀င်တဲ့ မဲဆန္ဒနယ်မြေ တစ်ချို့ ပါနေတာမို့ တကယ့် ပြည်သူလူထု ဆန္ဒနဲ့ နင်လားငါလား ပြိုင်ဆိုင် ရရင် ဒီထက်တောင် အခြေအနေ ဆိုးနိုင်ပါသေးတယ်။ ပြည်ခိုင်ဖြိုးပါတီ ဘာကြောင့် ရှုံးတာလဲ၊ လက်ရှိ ပြည်ခိုင်ဖြိုးပါတီရဲ့ ရပ်တည်မှု အနေအထားကြောင့် တိုင်းပြည် ဘယ်လောက် ထိခိုက်နစ်နာနေရသလဲ၊ ရှေ့အနာဂတ် ပြည်ခိုင်ဖြိုးပါတီ ဘယ်လို ဆက်ပြီး ရပ်တည်သင့်သလဲ ဆိုတာ ဒီတစ်ပါတ် ဆွေးနွေး တင်ပြသွားပါ့မယ်။

          လက်ရှိ ပြည်ခိုင်ဖြိုးပါတီ အနိုင်ရရှိမှုဟာ ၈ ဒသမ ၅ ရာခိုင်နှုန်းပဲ ရှိပါတယ်။ အာဏာရပါတီ မဆိုထားနဲ့ အတိုက်အခံ ပါတီလို့တောင် မခေါ်နိုင်သည် အထိ မဆိုစလောက်လေးပဲ အနိုင်ရခဲ့တာပါ။ ဒါကို တစ်ခွန်းထဲ ပြောရရင် ပြည်သူတွေက မကြိုက်လို့၊ မဲမပေးလို့ ရှုံးရတာ ဖြစ်ပါတယ်။ အခု ရလာဒ်နဲ့ ပတ်သက်ပြီး ပြည်ခိုင်ဖြိုးပါတီ ခေါင်းဆောင်တွေ ကိုယ်တိုင် အံ့သြ တုန်လှုပ်ကြတယ်၊ တကယ်လို့သာ ခုလို ရလာဒ်မျိုး ထွက်ပေါ်လာမယ် ဆိုတာ ကြိုတင်မှန်းဆနိုင်ရင် ရွေးကောက်ပွဲတောင် လုပ်ပေးဖွယ် မရှိဘူးလို့ ဝေဖန်သုံးသပ်မှုတွေလည်း ရှိနေပါတယ်။ ဒါဆိုရင် ပြည်ခိုင်ဖြိုးခေါင်းဆောင်တွေ မမျှော်မှန်းနိုင်လောက်တဲ့ အနေအထား အထိ ဘာကြောင့် အရှုံးကြီး ရှုံးရတာပါလဲ။

ပြည်ခိုင်ဖြိုးပါတီနဲ့ တပ်မတော်


ပြည်ခိုင်ဖြိုးပါတီ အပြတ်အသတ် ရှုံးနိမ့်ရခြင်းမှာ အကြောင်းအချက် များစွာ ပါဝင်နိုင်ပါတယ်။ တိတိကျကျနဲ့ အသေးစိတ် သိလိုရင် ပါတီကိုယ်တိုင်က ကောင်းကောင်းမွန်မွန် သုတေသန လုပ် အဖြေရှာမှ ဖြစ်နိုင်မှာပါ။ အဓိက အကျဆုံး အချက်ကတော့ ပါတီကို ရိုးရိုး နိုင်ငံရေးပါတီ တစ်ရပ်အဖြစ် စနစ် တကျ မတည်ဆောက်ခဲ့တာပါ။ လုံးဝ မတည်ဆောက်ခဲ့ ဖူးလို့တောင် ပြောနိုင်ပါတယ်။ ဒီမိုကရေစီ စနစ်မှာ ပါတီတစ်ခုက အမတ်တစ်ယောက် ရွေးချယ်ခံရဖို့ ဆိုရင် ပြည်သူလူထု က မဲပေးမှ ဖြစ်မှာပါ။ ပြည်သူလူထုက ထောက်ခံမှ ဖြစ်မှာပါ။ အတင်းအကြပ် ဖိအားပေးလို့ အကြောက်တရားနဲ့ မဲပေးရတယ် ဆိုတာမျိုးဟာ အာဏာရှင်ခေတ်မှာ ဖြစ်နိုင်ပေမယ့် လွတ်လပ်တဲ့ ရွေးကောက်ပွဲနဲ့ ဒီမိုကရေစီခေတ်မှာ မဖြစ်နိုင်ပါဘူး။

          ပြည်ခိုင်ဖြိုးပါတီ တည်ထောင်သူတွေဟာ အဲဒီအချက်ကို လုံးဝ နားလည်ပုံ မရသလို၊ အဲဒီနည်းနဲ့လည်း ပါတီကို လုံးဝ မတည်ဆောက်ခဲ့ပါဘူး။ ကိုယ့်ပါတီကို ဘယ်လို လူတန်းစား၊ လယ်လို လူမျိုးတွေက ထောက်ခံနိုင်မလဲ၊ သူတို့ ထောက်ခံမှုရအောင် ပါတီက ဘာတွေ လုပ်ပေးမလဲ အစရှိသဖြင့် မူဝါဒ လမ်းစဉ်ချ စည်းရုံးတာတွေ လုံးဝ မရှိခဲ့ပါဘူး။ ပါတီ တည်ဆောက်ရေးနဲ့ ပတ်သက်ရင်လည်း ပြည်သူတွေ ပါတီကို ၀င်ရင် ဘာတွေ အကျိုးအမြတ် ရနိုင်မလဲ၊ တစ်နေ့ ပါတီ ထိပ်တန်း ခေါင်းဆောင်ဖြစ်လာမလား၊ အမတ် ဖြစ်မလား၊ ပါတီ အနိုင်ရရင် ဗဟိုအစိုးရ၊ တိုင်းနဲ့ ပြည်နယ် အစိုးရအဖွဲ့မှာ နေရာရမလား၊ ပြည်သူတွေကို ဘာတွေ လုပ်ပေးခွင့်ရှိမလဲ စတာတွေနဲ့ ပတ်သက်ပြီးတော့လည်း သာမန်ပါတီတွေမှာ ရှိတဲ့ မျှော်လင့်ချက်လောက်တောင် အောက်ခြေ ပြည်ခိုင်ဖြိုးပါတီဝင်တွေမှာ ရှိမနေပါဘူး။

          ပြည်ခိုင်ဖြိုးထဲ ၀င်ရင် ခိုင်းတာလုပ်၊ အောက်ခြေမှာ အခွင့်အရေး နည်းနည်းပါးပါးပဲရမယ်၊ ကျန်တာ ဘာမှ မမျှော်လင့်နဲ့ ပါတီဆိုတာဟာ စစ်ဗိုလ်ချုပ်ဟောင်းတွေ အတွက်ပဲ၊ မင်းတို့အတွက် ဘာမှ မရှိဘူး ဆိုတဲ့ ပုံစံမျိုးနဲ့ပါ။ ဒီလိုနည်းနဲ့ ဖွဲ့စည်းထားတဲ့ အတွက် ပြည်ခိုင်ဖြိုးပါတီ ဆိုတာ အဖွဲ့ဝင် ဘယ်နှစ်သန်း ရှိတယ် ကြွေးကြော်ထားပေမယ့် တကယ့်တကယ် ပါတီဝင် စစ်စစ် သိန်းဂဏန်းတောင် မရှိလောက်ပါဘူး။ မဲပေး ထောက်ခံမယ့် ပြည်သူ ဆိုတာကတော့ ဝေလာဝေး ဆိုတဲ့ သဘော တွေ့ရမှာ ဖြစ်ပါတယ်။ တဆက်တည်း ပါတီခေါင်းဆောင် ဆိုတဲ့ စစ်ဗိုလ်ချုပ်ဟောင်းတွေ ကလည်း ပါတီကို နိုင်ငံရေးအရ တည်ဆောက်ဖို့ နိုင်ငံရေးအလုပ် လုံးဝ မလုပ်ပဲ စစ်တပ်ပုံစံ အထက်ကအမိန့် အောက်က နာခံ ဆိုတာ တစ်ခုတည်း လုပ်ခဲ့ကြတာပါ။ ပြည်ခိုင်ဖြိုးပါတီ ပက်ပက်စက်စက် ရှုံးနိမ့်ခဲ့ရတာမှာ အဲဒီ အချက်က အဓိကပါ။

          အဲဒါတွေ အပြင် အခြားအချက်တွေလည်း ရှိနိုင်ပါသေးတယ်။ စစ်ဗိုလ်ချုပ်ဟောင်းတွေရဲ့ ပါတီ ဖြစ်တယ်၊ စစ်ခေါင်းဆောင်တွေဆိုတာ သူတို့ကိုယ် သူတို့ ကြီးပွားချမ်းသာစေပြီး တိုင်းပြည်နဲ့ ပြည်သူကို ဆင်းရဲတွင်းထဲ ဆွဲချခဲ့သူတွေဖြစ်တယ်၊ စတဲ့ တစ်သက်လုံး ရှိလာတဲ့ အမုန်းတရားတွေနဲ့ မဲမပေးခဲ့တာမျိုး ပါနိုင်သလို၊ ပြည်ခိုိင်ဖြိုး ခေါင်းဆောင်ပိုင်းရဲ့ အလွန်ကြီးမားတဲ့ ဂိုဏ်းဂဏ အကွဲအပြဲလို ကိစ္စမျိုးတွေကလည်း ခုလို ရှုံးနိမ့်မှုမျိုးဆီ ခေါ်ဆောင်သွားတာ ဖြစ်နိုင်ပါတယ်။ အခြား အချက်တွေလည်း ရှိနိုင်သေးသလို ဒီထက် ပိုအရေးကြီးတာက ဒီ အရှုံးဟာ ပြည်ခိုင်ဖြိုးပါတီ တစ်ခုတည်းရဲ့ အရှုံးမဟုတ်ပဲ တပ်မတော်အတွက်ပါ အရှုံး ဖြစ်စေခဲ့တဲ့ ကိစ္စပါ။

          အားလုံးသိကြပြီဖြစ်တဲ့အတိုင်း ပြည်ခိုင်ဖြိုးပါတီကို အရင် စစ်အာဏာရှင်တွေက ဖန်တီးပေးထားတာ ဖြစ်ပါတယ်။ စစ်အာဏာရှင်တွေဟာ သူတို့ကို ဆက်ခံတဲ့ တပ်မတော် စစ်ခေါင်းဆောင်တွေကို ဖွဲ့စည်းပုံအရ တိုင်းပြည်ကို အုပ်ချုပ်မယ့် သမ္မတ တစ်ယောက် ရွေးချယ်ရာမှာ ကာကွယ်ရေးဦးစီးချုပ်က ၂၅ ရာခိုင်နှုန်း မဲကို ရပြီးသား၊ ဒါကြောင့် ပြည်ခိုင်ဖြိုးပါတီအတွက် ရွေးကောက်ပွဲမှာ နောက်ထပ် ၂၆ ရာခိုင်နှုန်းလောက် ရအောင် ကြိုးစားပေး၊ အဲဒါမျိုး လုပ်နိုင်ရင် မင်းတို့တွေ နောင်နှစ်ပေါင်းများစွာ တိုင်အောင် တိုင်းပြည်ကို ရာခိုင်နှုန်းပြည့် စိုးမိုးအုပ်ချုပ်သွားနိုင်မယ် ဆိုတဲ့ မှားယွင်းတဲ့ အတွေးအခေါ်တွေကို သွတ်သွင်းပေးထားခဲ့ပါတယ်။ တပ်မတော်ခေါင်းဆောင်တွေဟာ အဲဒီ အတွေးအခေါ်တွေကို ဆုတ်ကိုင်ပြီး ရွေးကောက်ပွဲမှာ ပြည်ခိုင်ဖြိုးပါတီ အနိုင်ရဖို့ နည်းပေါင်းစုံနဲ့ ကြိုးစားပေးခဲ့ပါတယ်။ အရည်အချင်းရှိတဲ့ တပ်မှူးတွေကို တပ်က အတင်းအကြပ် အနားယူခိုင်းပြီး ပြည်ခိုင်ဖြိုးအမတ်တွေအဖြစ် ၀င်ပြိုင်ခိုင်းသလို တပ်မတော်သားတွေ ပြည်ခိုိင်ဖြိုးကို မဲပေးအောင်လည်း နည်းအမျိုးမျိုး လုပ်ခဲ့ကြတာ ဖြစ်ပါတယ်။

နောက်ဆုံး ဒါတွေမအောင်မြင်သလို တပ်မတော်ဘက်ကလည်း အရပ်ဘက် ရောက်သွားတဲ့ တပ်မှူးအများအပြား ဆုံးရှုံးခဲ့ပါတယ်။ အထူးသဖြင့် တပ်မတော်ခေါင်းဆောင်တွေ အနေနဲ့ နိုင်ငံရေးဘက်ကို အာရုံရောက် ခြေလှမ်းကျွံပြီး အခြား တပ်တည်ဆောက်ရေး၊ စွမ်းရည် မြှင့်တင်ရေး၊ အချုပ်အခြာ အာဏာ တည်တံ့ခိုင်မြဲရေး လုပ်ကိုင်ရာမှာ လစ်ဟင်းမှုတွေ ဖြစ်စေပါတယ်။ ဒီအတွက် အကောင်းဆုံး အဖြေကတော့ တပ်မတော်အနေနဲ့ ပြည်ခိုင်ဖြိုးပါတီနဲ့ လုံးဝ အဆက်အသွယ် ဖြတ်ရေးပါပဲ။ ပြည်ခိုင်ဖြိုးပါတီ အနေနဲ့လည်း ဆက်ပြီး ရှင်သန်ချင်တယ် ဆိုရင် တပ်မတော်နဲ့ အဆက်ဖြတ်၊ နိုင်ငံရေးပါတီ တစ်ရပ်အဖြစ် ပြန်လည် တည်ဆောက်ပြီး ပြည်သူကို ရိုးရိုးသားသား စည်းရုံးဖို့ပဲ ဖြစ်ပါကြောင်း သုံးသပ်တင်ပြလိုက်ရပါတယ်။

 ဗွီအိုအေ (မြန်မာပိုင်း)
http://burmese.voanews.com

 ပြည်သူ့ လွှတ်တော် ဥက္ကဋ္ဌ ဦးရွှေမန်း
 ကာကွယ်ရေး ဝန်ကြီးဌာန ပြည်ထောင်စု ဝန်ကြီး ဒုတိယ ဗိုလ်ချုပ်ကြီး စိန်ဝင်း ဟာ ပြည်သူ့ လွှတ်တော် ဥက္ကဋ္ဌ ဦးရွှေမန်း ကို တနင်္လာ နေ့က တနာရီ နီးပါး လာတွေ့ခဲ့ပါတယ် ။

ကာကွယ်ရေး ဝန်ကြီးနဲ့ မတွေ့ခင် အမျိုးသား ဒီမိုကရေစီ အဖွဲ့ချုပ် ဥက္ကဋ္ဌ ဒေါ်အောင်ဆန်း စုကြည်နဲ့ ဦးရွှေမန်းတို့ ဦးရွှေမန်းရုံး မှာ တနာရီ လောက် တွေ့ခဲ့ ကြပါတယ် ။

ဦးရွှေမန်း ကို ကြံ့ခိုင်ရေး ပါတီ ဥက္ကဋ္ဌ ရာထူး က ဖယ်ရှားပြီးတဲ့ နောက်ပိုင်း ဒုတိယ ဗိုလ်ချုပ်ကြီး တဦး ပထမဆုံး လာတွေ့တာ ဖြစ်ပါတယ် ။

အခု လွှတ်တော် အစည်းအဝေး မှာ ဖြည့်စွက် ဘက်ဂျက်နဲ့ ပတ်သက်ပြီး ဆွေးနွေး နေကြသလို ကာကွယ် ရေး ဝန်ကြီး ဌာန က ဖြည့်စွက် ဘက်ဂျက် မှာ ထပ်မံ တောင်းဆို ထားပါတယ် ။

တနင်္လာ နေ့ လွှတ်တော် မှာ ရှမ်းပြည် မြောက်ပိုင်း တိုက်ပွဲတွေ ကြောင့် ထွက်ပြေး လာကြတဲ့ စစ်ရှောင် ဒုက္ခသည် တွေ ပြန်လည် ထူထောင်ရေး နဲ့ ပတ်သက်လို့ လွှတ်တော် ကိုယ်စားလှယ် တဦးက အရေးကြီး အဆို တင်ခဲ့ ပါတယ် ။

ဒါနဲ့ ပတ်သက်လို့ ကာကွယ်ရေးနဲ့ ပြည်ထဲရေး ဌာန က ဒုတိယ ဝန်ကြီးတွေ လာရှင်းခဲ့ပါတယ် ။

ဒါ့အပြင် ဦးရွှေမန်းနဲ့ ဒေါ်အောင်ဆန်းစုကြည် တို့ တပတ် အတွင်းမှာ လေး ကြိမ်လောက် တွေ့ဆုံ ခဲ့ကြပါတယ် ။

ရွေးကောက်ပွဲ ကျင်းပပြီး နှစ်ရက် အကြာမှာပဲ ဒေါ်အောင်ဆန်း စုကြည်က သမ္မတ၊ ကာကွယ်ရေး ဦးစီးချုပ်နဲ့ ပြည်ထောင်စု လွှတ်တော် နာယက တို့နဲ့ တွေ့ဆုံဖို့ တောင်းဆို ခဲ့ပေမယ့် လွှတ်တော် နာယက တဦး သာ တွေ့ဆုံ နိုင်ပါ သေးတယ် ။

သမ္မတနဲ့ တပ်ချုပ်တို့ ဘက်က တော့ ရွေးကောက်ပွဲ လုပ်ငန်းစဉ် တွေ ပြီးဆုံးမှ တွေ့ဆုံမယ် လို့ အကြောင်းပြန် ထားပါတယ် ။

BBC Burmese
http://www.bbc.com/burmese

ပြည်သူ့လွှတ်တော် အစည်းအဝေး နေပြည်တော်မှာ ကျင်းပစဉ်။ Photo: RFA
 အဂတိလိုက်စားမှု တိုက်ဖျက်ရေးကော်မရှင်ဟာ တစ်နှစ်ကျော်အတွင်း အဂတိလိုက်စားတဲ့ အစိုးရ၀န်ထမ်း တစ်ရာကျော်ကို ဖော်ထုတ်အရေးယူခဲ့ပြီး နိုင်ငံတော်အစိုးရထံ ငွေကျပ်သိန်းပေါင်း ၂၀၀ ကျော်ကို ပြန်လည် အပ်နှံခဲ့ကြောင်း ကော်မရှင် ဥက္ကဌ ဦးမြ၀င်းက ဒီနေ့ ပြည်သူ့လွှတ်တော်မှာ ပြောကြားခဲ့ပါတယ်။

အဂတိလိုက်စားမှု တိုက်ဖျက်ရေးကော်မရှင်အနေနဲ့ ဘယ်လိုပုံစံမျိုးနဲ့ အရေးယူမှုတွေ ပြုလုပ်နေပြီး ကော်မ ရှင်ရဲ့ ဆောင်ရွက်ချက်တွေ အောင်မြင်မှု ရှိ၊ မရှိကို ပြည်သူ့လွှတ်တော်ကိုယ်စားလှယ် ဦးတင်မောင်ဦး က မေးမြန်းရာမှာ အဂတိလိုက်စားမှု တိုက်ဖျက်ရေးကော်မရှင် ဥက္ကဌ ဦးမြ၀င်းက ပြန်လည်ဖြေကြား ခဲ့တာဖြစ်ပါတယ်။

"အဂတိလိုက်စားမှု တိုက်ဖျက်ရေးကော်မရှင် စတင်ဖွဲ့စည်းသည့်နေ့မှ ယနေ့အထိ တရားစွဲဆို အရေးယူခဲ့တဲ့ ပုဂ္ဂိုလ် ၉ ဦးရှိပါတယ်၊ ဝန်ထမ်းစည်းကမ်းစည်းမျဉ်းအရ အရေးယူခဲ့တဲ့ပုဂ္ဂိုလ် ၁၂၅ ဦးရှိပြီးတော့ လက်ရှိစုံစမ်း စစ်ဆေးနေဆဲကိစ္စရပ် ၃ ဦးရှိပါတယ်၊ နိုင်ငံတော်ကို ပြန်လည်သွင်းငွေပေါင်းဟာ ကျပ်နှစ်ရာခြောက်သိန်း ရှစ်သောင်းငါးထောင် ရှိကြောင်းတင်ပြအပ်ပါတယ်၊ တိုင်စာများကို ကျနော်တို့ကော်မရှင်က တိုက်ရိုက်စစ်ဆေး တရားစွဲဆိုအရေးယူခြင်းနဲ့ အုပ်ချုပ်ရေးပိုင်းဆိုင်ရာကိစ္စရပ်များကို သက်ဆိုင်ရာပြည်နယ်နဲ့ တိုင်းအစိုးရအဖွဲ့များနဲ့ ၄င်း၊ ဌာနဆိုင်ရာကိစ္စရပ်များကို သက်ဆိုင်ရာဝန်ကြီးဌာနများနဲ့၎င်း ညှိနှိုင်းဆောင်ရွက်ခဲ့ပါတယ်"

အဂတိလိုက်စားမှုတိုက်ဖျက်ရေး ဥပဒေကို စတင်အကောင်အထည်ဖော်နေချိန်ဖြစ်တဲ့အတွက် လတ်တလောမှာ အခြေခိုင်အောင်ဆောင်ရွက်နေဆဲဖြစ်ကြောင်း ဦးမြ၀င်းက ပြောခဲ့ပါတယ်။

အဂတိလိုက်စားမှု တိုက်ဖျက်ရေးကော်မရှင်ကို ပြီးခဲ့တဲ့နှစ် မတ်လ ၁၀ ရက်နေ့က စတင်ဖွဲ့စည်းခဲ့တာဖြစ်ပါတယ်။

RFA Burmese
http://www.rfa.org/burmese

 လက်နက်ကိုင် တချို့နဲ့ အပစ်ရပ် လက်မှတ်ထိုးခဲ့
 တနိုင်ငံလုံး အပစ်ခတ် ရပ်စဲရေး စာချုပ် အရ နိုင်ငံရေး ဆွေးနွေးပွဲ မူဘောင် တရပ် ပေါ်ပေါက်ဖို့ UPDJC ပြည်ထောင်စု ငြိမ်းချမ်းရေး ဆွေးနွေးမှု ပူးတွဲ ကော်မတီ က အင်္ဂါနေ့ မှာ စတင် ဆွေးနွေး မှာ ဖြစ် ပါတယ်။

ပူးတွဲ ကော်မတီ ကို အစိုးရ-စစ်တပ်-လွှတ်တော် တို့ ဘက်က ကိုယ်စားလှယ် ၁၆ ယောက်၊ လက်နက်ကိုင် တိုင်းရင်းသား အဖွဲ့ တွေ က ၁၆ ယောက် နဲ့ နိုင်ငံရေး ပါတီ ကိုယ်စားပြု ၁၆ ယောက် တို့နဲ့ ဖွဲ့စည်း ထား တာ ဖြစ်ပါ တယ်။

NLD ၊ UNA တိုင်းရင်းသား ပါတီ တွေ၊ ပါတီ ၅၆ ဖွဲ့၊ တိုင်းရင်းသား လက်နက်ကိုင် အဖွဲ့ တွေ နဲ့ အစိုးရ အဖွဲ့ အစည်း အသီးသီး က ရေးဆွဲ ထားတဲ့ မူဘောင် ၅ ခု ကို စုစည်းပြီး အားလုံး အချုပ် မူဘောင် တခု ကို တင်သွင်းမယ် လို့ နိုင်ငံရေး ပါတီ အစု အဖွဲ့ က ကိုယ်စားလှယ် စောသန်းမြင့် က ပြောပါတယ်။

ဒီမူတွေ ထဲက နိုင်ငံရေး၊ စီးပွားရေး၊ လူမှုရေး၊ ကာကွယ်ရေး ဆိုင်ရာ အချက် တွေ ကို စုစည်း သွားမှာ ဖြစ်ပြီး အခြေခံ ဥပဒေကို အကောင်းဆုံး ဖြစ်အောင် လုပ်မယ်၊ ဖက်ဒရယ် ဒီမိုကရေစီ စနစ် ကို တည်ဆောက် သွားမယ် ဆိုတဲ့ မူတွေ ပေါ် အခြေခံ ရေးဆွဲ သွားမယ် လို့ ဆိုပါတယ်။

တပ်မတော် ဟာ ဒီ ဖက်ဒရယ် ပြည်ထောင်စု နဲ့ ကိုက်ညီအောင် တည်ဆောက် သွားဖို့ ဖြစ်တယ် လို့လည်း သိရပါတယ်။

အသေးစိတ် ကို ဆက်လက် ဆွေးနွေးသွား မှာ ဖြစ်ပြီး နောက်ဆုံး နိုင်ငံရေး ဆွေးနွေးပွဲ တွေ ကမှ ဒီမူကို အတည်ပြုရမှာ လို့လည်း ပြောပါတယ်။

BBC Burmese
http://www.bbc.com/burmese

အမေရိကန် ဒေါ်လာနှင့် မြန်မာ ကျပ်ငွေအား တွေ့ရစဉ် (ဆင်ဟွာ)
    ရန်ကုန်၊ နိုဝင်ဘာ ၂၃ ရက် (ဆင်ဟွာ)

    နိုဝင်ဘာလ ၂၃ ရက် ညနေတွင် ဗဟိုဘဏ်မှ ဖွင့်ဈေး အမေရိကန် တစ်ဒေါ်လာကို ကျပ် ၁,၂၉၉ ကျပ် ရှိခဲ့ပြီး၊  ညနေ ၄ နာရီ် ပြင်ပ ဈေးကွက်တွင် အမေရိကန် တစ်ဒေါ်လာကို ကျပ် ၁,၃၀၂ ကျပ် နှင့် အရောင်း အဝယ် ဖြစ်နေကြောင်း ဒေါ်လာ ဈေးကွက်ကို စောင့်ကြည့် လေ့လာသူ ဦးစန်းဝင်းက ဆင်ဟွာကို ယနေ့ ပြောသည်။

ဦးစန်းဝင်းက “ ဗဟိုဘဏ်ကလည်း ဖွင့်ဈေးက နေ့တိုင်းမြင့်လာတယ်။ ၁,၂၈၀ လောက်ကနေ ဆက်တိုက် မြင့်တာ ဒီနေ့ ဆိုရင် မနက်က အမေရိကန် တစ်ဒေါ်လာ ၁,၂၉၄ နဲ့ ဖွင့်ခဲ့ပြီး အခု ညနေ ဘက်မှာ အမေရိကန် တစ်ဒေါ်လာကို ၁,၂၉၉  နဲ့  ဗဟိုဘဏ် ကဈေးပိတ်တယ်’’ ဟု ပြောသည်။
အမေရိကန် တစ်ဒေါ်လာကို ကျပ် ၁,၂၇၅ မှ ယနေ့ ၁,၃၀၂ ကျပ် အထိ တစ်လ အတွင်း တအိအိ တက်လာခဲ့ခြင်း ဖြစ်သည်။

အမေရိကန် ဒေါ်လာ ဈေးမြင့် တက်ရသည့် အကြောင်းတွင် ကမ္ဘာ့ ရွှေဈေး ကျဆင်းရခြင်းကလည်း အချက်တစ်ချက် အဖြစ် ပါဝင်ကြောင်း ၎င်းက ဆိုသည်။

၂၉ လမ်း အောက်ဘလောက်ရှိ ကောင်းစံ ရွှေဆိုင်ရှင် ဦးမျိုးကျော်ကျော်က “ အမေရိကန်နိုင်ငံက အတိုးနှုန်း တိုးမယ် ဆိုတာကြောင့် ကမ္ဘာ့ရွှေဈေးက ဆက်တိုက်ကျတယ်။ တစ်အောင်စကို ၁,၁၇၃ ဒေါ်လာ ကနေ တစ်အောင်စကို ၁,၀၇၁ ဒေါ်အထိ တစ်လ အတွင်း တအိအိ ကျလာတယ်။ ကမ္ဘာမှာလည်း ရွှေဈေးကျလို့ ဒေါ်လာဈေးက မြင့်လာတယ်’’ ဟုပြောသည်။

အမေရိကန် နိုင်ငံမှ အတိုးနှုန်းမြင့်တက်မည်ဟု ကြေညာလိုက်လျှင် ကမ္ဘာ့ရွှေဈေးက ယခုထက် ပိုကျနိုင်ပြီး ဒေါ်လာဈေးက ဆက်လက် မြင့်တက် နိုင်ကြောင်း စီးပွားရေး ပညာရှင်တစ်ဦးက သုံးသပ်သည်။

နိုဝင်ဘာလ ၂၃ ရက် ညနေ ၄ နာရီတွင် ကမ္ဘာ့ ရွှေဈေးက တစ်အောင်စကို ၁,၀၇၁၊ မြန်မာ့ ရွှေဈေး တစ်ကျပ်သားကို ကျပ် ၇၄၉,၀၀၀ ၊ တစ်ဒေါ်လာကို ၁,၃၀၂ ကျပ်ဖြင့် ဈေးပိတ်ခဲ့သည်။

(Xinhua)  
http://www.xinhuamyanmar.com

၃ ရက်မြောက်နေ့ အဖြစ် လုံခြုံရေး အမြင့်ဆုံးအဆင့် တပ်လှန့်ထား။

လုံခြုံရေး အမြင့်ဆုံးအဆင့် တပ်လှန့်ထားတဲ့ ဘယ်လ်ဂျီယံ နိုင်ငံမှာ အကြမ်းဖက် သမားတွေလို့ သံသယရှိတဲ့ လူတွေကို ရှာဖွေဖို့ ဘရပ်ဆဲလ်စ် မြို့နဲ့ လိဂ်ျ မြို့တွေမှာ စီးနင်းမှုတွေ ပြုလုပ်ခဲ့ပြီး ဒီကနေ့ တနင်္လာနေ့မှာ လူ ၅ ဦးကို ထပ်မံ ဖမ်းဆီး ခဲ့တယ်လို့ ဘယ်လ်ဂျီယံ ရဲတပ်ဖွဲ့က ပြောပါတယ်။

ဘယ်လ်ဂျီယံမှာ လုံခြုံရေး အမြင့်ဆုံး အဆင့် တပ်လှန့်မှုကို ၃ ရက်မြောက်နေ့ အဖြစ် ဆက်လက် ထားရှိတာ ဖြစ်ပြီး တနင်္ဂနွေနေ့ကနေ စတင်ပြီး အခုချိန်အထိ စုစုပေါင်း လူ ၂၁ ယောက်ကို ဖမ်းဆီးပြီး ဖြစ်တယ်လို့ ဆိုပါတယ်။

ဒါပေမယ့် ပဲရစ်မြို့ တိုက်ခိုက်မှုမှာ ပါဝင်ခဲ့တယ်လို့ သံသယရှိတဲ့ ဆာလာ အက်ဘ်ဒီဆလမ် Salah Abdeslam ကိုတော့ ဖမ်းမိခြင်း မရှိသေးပါဘူး။

အကြမ်းဖက် တိုက်ခိုက်မှုတွေ ရှိလာနိုင်တယ် ဆိုတဲ့ သတိပေးချက် အသစ်တွေ ထွက်လာခဲ့ပြီးနောက် ဘယ်လ်ဂျီယံ မြို့တော် ဘရပ်ဆဲလ်စ်မှာ ဈေးဆိုင်တွေ၊ ကျောင်းတွေနဲ့ အများသုံး ပို့ဆောင်ရေး စနစ်တွေကို ပိတ်ထားဆဲ ဖြစ်ပါတယ်။ ဘယ်လ်ဂျီယံ စစ်သားတွေက လမ်းတွေပေါ်မှာ လှည့်လည် စောင့်ကြပ် နေပါတယ်။

ဘယ်လ်ဂျီယံ ဝန်ကြီးချုပ် ချားလ်စ် မိုက်ကယ်ကတော့ မြို့တော်ကို ပုံမှန် အခြေအနေ အမြန်ဆုံး ပြန်ရောက်ဖို့ လုပ်ဆောင်နေတယ်လို့ ဆိုပါတယ်။ ဒါပေမယ့် ပဲရစ်မြို့ တိုက်ခိုက်မှုလိုမျိုး နောက်ထပ် တိုက်ခိုက်မှုတစ်ခု ဖြစ်လာမှာကို အာဏာပိုင်တွေက ထိတ်လန့် နေကြပါတယ်။

BBC
http://www.bbc.com/burmese/world/2015/11/151123_belgium_alert

vote-paper-620.jpg မဲလက်မှတ်တချို့ကို တွေ့ရစဉ်
ရှမ်းပြည်နယ်မှာ လတ်တလောဖြစ်ပွားနေတဲ့ တိုက်ပွဲတွေကြောင့် ထွက်ပြေးနေကြရတဲ့ စစ်ဘေးဒုက္ခသည်တွေကို ထိထိရောက်ရောက် တာဝန်ယူကူညီပေးဖို့ ပြည်ထောင်စုအစိုးရကို တိုက်တွန်းကြောင်း အရေးကြီးအဆို ကို ပြည်သူ့လွှတ်တော်မှာ ဒီနေ့ တင်သွင်းရာ လွှတ်တော်က မှတ်တမ်းတင်စောင့်ကြည့်ဖို့ အတည်ပြုလိုက်ပါတယ်။

တိုက်ပွဲတွေကြောင့် ထွက်ပြေးနေကြတဲ့ ဒုက္ခသည်တွေရဲ့ စားဝတ်နေရေး နဲ့ ကျန်းမာရေးစောင့်ရှောက်မှု လိုအပ်ချက်တွေရှိနေတဲ့အတွက် အစိုးရအနေနဲ့ တာဝန်ယူ ကူညီစောင့်ရှောက်ပေးဖို့ ရှမ်းပြည်နယ် ကျေးသီးမြို့နယ် မဲဆန္ဒနယ် ပြည်သူ့လွှတ်တော်ကိုယ်စားလှယ် ဦးစိုင်းအွမ်ဆိုင်မိုင်းက တိုက်တွန်းကြောင်း တင်သွင်းခဲ့ပါတယ်။

"စစ်ပြေးရှောင်များရဲ့ ကျန်းမာရေး၊ ပညာရေး၊ စိုက်ပျိုးရေး၊ မွေးမြူရေး၊ စားဝတ်နေရေး စတဲ့ လူမှုကိစ္စအဝဝကို လတ်တလောဖြည့်ဆည်းပေးရန် လိုအပ်လျှက်ရှိနေပါသဖြင့် နိုင်ငံတော်အစိုးရမှ တာဝန်ယူဆောင်ရွက်ပေးနိုင် ပါရန် ပြန်လည်ထူထောင်ပေးရေးလုပ်ငန်းများလည်း ထိထိရောက်ရောက် အမြန်ဆုံးအကောင်အထည်ဖော် ပံ့ပိုးကူညီဖြေရှင်းဆောင်ရွက်ပေးနိုင်ပါရန် တိုက်တွန်းကြောင်း အရေးကြီးအဆိုအား လေးစားစွာတင်ပြအပ် ပါတယ်"

လတ်တလောဖြစ်ပွားနေတဲ့ တိုက်ပွဲတွေကြောင့် ဒုက္ခရောက်နေတဲ့ ပြည်သူတွေကို တပ်မတော်အနေနဲ့ ကာကွယ်စောင့်ရှောက်ပေးနေကြောင်း ကာကွယ်ရေးဝန်ကြီးဌာန ဒုတိယ၀န်ကြီး ဗိုလ်မှူးချုပ်အောင်သော်က လွှတ်တော်မှာ ပြန်လည်ဖြေကြားခဲ့ပါတယ်။

"တပ်မတော်အနေနဲ့ တစ်နိုင်ငံလုံး ပစ်ခတ်တိုက်ခိုက်မှုရပ်စဲရေး စာချုပ်ပါ လိုက်နာရမည့်အချက်များအတိုင်း စီမံဆောင်ရွက်လျှက်ရှိသည်၊ ပြည်သူလူထုရဲ့ အသက်အိုးအိမ်စည်းစိမ် ကာကွယ်စောင့်ရှောက်ရေး၊ နယ်မြေလုံခြုံရေးနဲ့ တည်ငြိမ်အေးချမ်းရေးအတွက် ဆောင်ရွက်ရမည့်ကိစ္စရပ်များကို ဆောင်ရွက်လျှက် ရှိပါကြောင်းနဲ့ တချိန်တည်းမှာလည်း ပြည်သူလူထုကိုလည်း စောင့်ရှောက်ကူညီမှုများ ပြုလုပ်ပေးနေပါကြောင်း ရှင်းလင်းအပ်ပါတယ်ခင်ဗျာ"

ဦးစိုင်းအွမ်ဆိုင်မိုင်း တင်သွင်းတဲ့ အရေးကြီးအဆိုကို လွှတ်တော်ကိုယ်စားလှယ် ၄ဦးက ထောက်ခံဆွေးနွေးခဲ့ပြီး တပ်မတော်နဲ့ အစိုးရက ကူညီပေးမှုတွေ ရှိနေပြီဖြစ်တဲ့အတွက် အဲဒီအရေးကြီးအဆိုကို ပြည်သူ့လွှတ်တော်မှာ မှတ်တမ်းတင်လိုက်ပါတယ်။

ပြီးခဲ့တဲ့ အောက်တိုဘာလ ၆ ရက်ကစပြီး အစိုးရတပ်မတော်နဲ့ ရှမ်းပြည်တိုးတက်ရေး ပါတီ/ရှမ်းပြည်တပ်မတော် SSPP/SSA ၀မ်ဟိုင်းအဖွဲ့တို့ တိုက်ပွဲ ၁၀၃ ကြိမ်ဖြစ်ပွားခဲ့ကြောင်းနဲ့ ထွက်ပြေးတိမ်းရှောင်နေကြတဲ့ ဒေသခံ ၉ထောင်နီးပါးရှိတယ်လို့လည်း သိရပါတယ်။

RFA
http://www.rfa.org/burmese/news/snld-objects-elections-result-11232015102024.html

အစိုးရတပ်နဲ့ SSPP/SSA တပ် တိုက်ပွဲတွေကြောင့် ထွက်ပြေးလာတဲ့ စစ်ပြေးဒုက္ခသည်တွေ ရှမ်းပြည်နယ် မိုင်းနောင်မြို့ ကျောင်းခမ်းဘုန်းကြီးကျောင်းမှာ ခိုလှုံနေစဉ်။ Photo:Khun Yarzar/RFA
 ရှမ်းပြည်နယ်မှာ လတ်တလောဖြစ်ပွားနေတဲ့ တိုက်ပွဲတွေကြောင့် ထွက်ပြေးနေကြရတဲ့ စစ်ဘေးဒုက္ခသည်တွေကို ထိထိရောက်ရောက် တာဝန်ယူကူညီပေးဖို့ ပြည်ထောင်စုအစိုးရကို တိုက်တွန်းကြောင်း အရေးကြီးအဆိုကို ပြည်သူ့လွှတ်တော်မှာ ဒီနေ့ တင်သွင်းရာ လွှတ်တော်က မှတ်တမ်းတင်စောင့်ကြည့်ဖို့ အတည်ပြုလိုက်ပါတယ်။

တိုက်ပွဲတွေကြောင့် ထွက်ပြေးနေကြတဲ့ ဒုက္ခသည်တွေရဲ့ စားဝတ်နေရေး နဲ့ ကျန်းမာရေးစောင့်ရှောက်မှု လိုအပ်ချက်တွေရှိနေတဲ့အတွက် အစိုးရအနေနဲ့ တာဝန်ယူ ကူညီစောင့်ရှောက်ပေးဖို့ ရှမ်းပြည်နယ် ကျေးသီးမြို့နယ် မဲဆန္ဒနယ် ပြည်သူ့လွှတ်တော်ကိုယ်စားလှယ် ဦးစိုင်းအွမ်ဆိုင်မိုင်းက တိုက်တွန်းကြောင်း တင်သွင်းခဲ့ပါတယ်။

"စစ်ပြေးရှောင်များရဲ့ ကျန်းမာရေး၊ ပညာရေး၊ စိုက်ပျိုးရေး၊ မွေးမြူရေး၊ စားဝတ်နေရေး စတဲ့ လူမှုကိစ္စအဝဝကို လတ်တလောဖြည့်ဆည်းပေးရန် လိုအပ်လျှက်ရှိနေပါသဖြင့် နိုင်ငံတော်အစိုးရမှ တာဝန်ယူဆောင်ရွက်ပေးနိုင်ပါရန် ပြန်လည်ထူထောင်ပေးရေးလုပ်ငန်းများလည်း ထိထိရောက်ရောက် အမြန်ဆုံးအကောင်အထည်ဖော် ပံ့ပိုးကူညီဖြေရှင်းဆောင်ရွက်ပေးနိုင်ပါရန် တိုက်တွန်းကြောင်း အရေးကြီးအဆိုအား လေးစားစွာတင်ပြအပ်ပါတယ်"

လတ်တလောဖြစ်ပွားနေတဲ့ တိုက်ပွဲတွေကြောင့် ဒုက္ခရောက်နေတဲ့ ပြည်သူတွေကို တပ်မတော်အနေနဲ့ ကာကွယ်စောင့်ရှောက်ပေးနေကြောင်း ကာကွယ်ရေးဝန်ကြီးဌာန ဒုတိယ၀န်ကြီး ဗိုလ်မှူးချုပ်အောင်သော်က လွှတ်တော်မှာ ပြန်လည်ဖြေကြားခဲ့ပါတယ်။

"တပ်မတော်အနေနဲ့ တစ်နိုင်ငံလုံး ပစ်ခတ်တိုက်ခိုက်မှုရပ်စဲရေး စာချုပ်ပါ လိုက်နာရမည့်အချက်များအတိုင်း စီမံဆောင်ရွက်လျှက်ရှိသည်၊ ပြည်သူလူထုရဲ့ အသက်အိုးအိမ်စည်းစိမ် ကာကွယ်စောင့်ရှောက်ရေး၊ နယ်မြေလုံခြုံရေးနဲ့ တည်ငြိမ်အေးချမ်းရေးအတွက် ဆောင်ရွက်ရမည့်ကိစ္စရပ်များကို ဆောင်ရွက်လျှက်ရှိပါကြောင်းနဲ့ တချိန်တည်းမှာလည်း ပြည်သူလူထုကိုလည်း စောင့်ရှောက်ကူညီမှုများ ပြုလုပ်ပေးနေပါကြောင်း ရှင်းလင်းအပ်ပါတယ်ခင်ဗျာ"

ဦးစိုင်းအွမ်ဆိုင်မိုင်း တင်သွင်းတဲ့ အရေးကြီးအဆိုကို လွှတ်တော်ကိုယ်စားလှယ် ၄ဦးက ထောက်ခံဆွေးနွေးခဲ့ပြီး တပ်မတော်နဲ့ အစိုးရက ကူညီပေးမှုတွေ ရှိနေပြီဖြစ်တဲ့အတွက် အဲဒီအရေးကြီးအဆိုကို ပြည်သူ့လွှတ်တော်မှာ မှတ်တမ်းတင်လိုက်ပါတယ်။

ပြီးခဲ့တဲ့ အောက်တိုဘာလ ၆ ရက်ကစပြီး အစိုးရတပ်မတော်နဲ့ ရှမ်းပြည်တိုးတက်ရေး ပါတီ/ရှမ်းပြည်တပ်မတော် SSPP/SSA ၀မ်ဟိုင်းအဖွဲ့တို့ တိုက်ပွဲ ၁၀၃ ကြိမ်ဖြစ်ပွားခဲ့ကြောင်းနဲ့ ထွက်ပြေးတိမ်းရှောင်နေကြတဲ့ ဒေသခံ ၉ထောင်နီးပါးရှိတယ်လို့လည်း သိရပါတယ်။

RFA Burmese
http://www.rfa.org/burmese

နိူဝင်ဘာ ၂၃ ရက်နေ့တွင် ရန်ကုန်မြို့ရှိ Junction Square ဈေးဝယ်စင်တာ၌ မီးလောင်ကျွမ်းမှု ဖြစ်ပွား ခဲ့သည် ကို မြင်တွေ့ခဲ့ရစဉ်(ဆင်ဟွာ)
    ရန်ကုန်၊ နိုဝင်ဘာ ၂၃ ရက် (ဆင်ဟွာ)

    ကမာရွတ်မြို့နယ် ပြည်လမ်းပေါ်ရှိ Junction Square ဈေးဝယ်စင်တာအတွင်း ယနေ့ ည ၈နာရီအချိန်တွင် လေးပေမီးချောင်း ဝါယာရှော့ခ်ဖြစ်ကာ မီးလောင်ကျွမ်းမှုဖြစ်ပွားခဲ့ကြောင်း မီးသတ်ဦးစီးဌာနထံမှ သိရသည်။

Junction Square  ဈေးဝယ်စင်တာတွင် လောင်ကျွမ်းခဲ့သောမီးမှာ တတိယထပ်ရှိ YKKO ကြေးအိုးဆိုင် မျက်နှာကျက်ရှိ လေးပေမီးချောင်း ဝါယာရှော့ခ်ဖြစ်ကာ ပြုတ်ကျရာမှ မီးလောင်မှု စတင်ခဲ့ခြင်းဖြစ်ကြောင်း မီးသတ်ဦးစီးဌာနမှ သတင်းထုတ်ပြန်သည်။

အဆိုပါ မီးလောင်မှုသည် မိနစ်ပိုင်းသာ ကြာမြင့်ခဲ့သော်လည်း ငြှိမ်းသတ်သည့် 50Kg မီးသတ်ဆေးဗူးများမှ ထွက်သော ပေါင်ဒါမှုန့်များကြောင့် မီးခိုးအူများ အဆက်မပြတ်ထွက်သကဲ့သို့ ဖြစ်ခဲ့ပြီး ထွက်လာသော အနံ့မှာလည်း ထိုအနံ့များသာဖြစ်ကြောင်း မီးသတ်ဦးစီးဌာနမှ တာဝန်ရှိသူတစ်ဦးကပြောကြားသည်။ မီးခိုး အလွန်များပြားသောကြောင့် ခက်ခဲစွာ ငြှိမ်းသက်ခဲ့ရကြောင်း ၎င်းက ဆိုသည်။

"မီးလောင်တယ်ဆိုတော့ ရုပ်ရှင်ရုံထဲကနေ ထွက်ပေါက်မနည်းရှာ ထွက်လာရတာ၊မီးခိုးလုံးကြားထဲမှာ အသက်ရူကြပ်ပြီး မနည်းထွက်လာရတာ"ဟု မီးလောင်ကျွမ်းစဉ် ဈေးဝယ်စင်တာတွင် ရုပ်ရှင် လာကြည့်သူ တစ်ဦးက ဆိုသည်။

ယင်းမီးလောင်မှုကို level 2 သတ်မှတ်ထားပြီး မီးသတ်ကား အစီး ၂၀ ကျော်ခန့်ဖြင့် ငြှိမ်းသတ်ခဲ့ပြီး လက်ရှိအချိန်တွင် မီးလောင်မှုအား ငြှိမ်းသတ်နိုင်ခဲ့ပြီဖြစ်သည်။

(Xinhua)
http://www.xinhuamyanmar.com

ဒီမိုကရေစီအတွက် ဆယ်စုနှစ်ပေါင်းများစွာ တိုက်ပွဲဝင်ခဲ့ပြီး ၁၅ နှစ်ကြာ အကျဉ်းချ ခံရပြီးနောက် ဒေါ်အောင်ဆန်းစုကြည်ဟာ နိုင်ငံရေးအာဏာ ရယူဖို့ အသင့်စောင့်နေပြီ ဖြစ်ပါတယ်။

သူမရဲ့ အန်အယ်လ်ဒီပါတီဟာ ၂၀၁၅ ခုနှစ် ရွေးကောက်ပွဲမှာ မဲအပြတ်အသတ်အနိုင်ရရှိခဲ့ပြီး တစ်ပါတီတည်းနဲ့ မြန်မာနိုင်ငံရဲ့ အစိုးရသစ် ဖွဲ့နိုင်ဖို့ သေချာနေပြီ ဖြစ်ပါတယ်။ လက်ရှိအခြေခံဥပဒေအရ ဒေါ်အောင်ဆန်းစုကြည် သမ္မတ မဖြစ်နိုင်အောင် တားမြစ်ထားပေမယ့် အန်အယ်လ်ဒီ အနိုင်ရလို့ အစိုးရဖွဲ့နိုင်ရင် သမ္မတအထက်မှာ သူရှိမယ်လို့ ဒေါ်အောင်ဆန်းစုကြည်က ပြောကြားခဲ့ပါတယ်။ ဒါပေမယ့် အစိုးရဖြစ်လာရင် ဘယ်လို ပုံစံနဲ့ ဦးဆောင်မယ်ဆိုတာ မသိရသေးပါဘူး။

ဒီမိုကရေစီရေး တိုက်ပွဲဝင်ရာမှာ အောင်မြင်ခဲ့ပြီး အာဏာရရှိခဲ့သူတွေရဲ့ သမိုင်းဖြစ်စဉ်တွေထဲက ခေါင်းဆောင် ၆ ဦးကို ဥပမာအနေနဲ့ တင်ပြလိုက်ပါတယ်။


ဂန္ဒီ - ကျနော့်ရဲ့စိတ်ကို ခင်ဗျား ဘယ်တော့မှ ချုပ်နှောင်လို့မရ
နာမည်ရင်း Mohandas Karamchand Gandhi ဖြစ်ပေမယ့် နိုင်ငံ့ခေါင်းဆောင် ဖခင်ကြီးလို့ လူသိများတဲ့ မဟတ္တမ ဂန္ဒီ ဟာ ဗြိတိသျှလက်အောက်က အိန္ဒိယနိုင်ငံ လွတ်လပ်ရေးရဖို့ နဲ့ ဆင်းရဲနွမ်းပါးတဲ့ အိန္ဒိယနိုင်ငံသားတွေရဲ့ အခွင့်အရေးအတွက် တိုက်ပွဲဝင်ရာမှာ စွမ်းရည် အင်မတန် ထက်မြက်သူ တစ်ဦးဖြစ်ပါတယ်။

ဂန္ဒီ ဟာ ဗြိတိသျှတွေ ဖမ်းဆီးတာ အကြိမ်ကြိမ်ခံခဲ့ရပြီး သူပြန်မလွတ်မြောက်ခင်မှာ သူ့ဇနီးဖြစ်သူဟာ အကျဉ်းထောင်ထဲမှာ သေဆုံးခဲ့ပါတယ်။

သူ့ရဲ့ လွတ်လပ်ရေးတိုက်ပွဲဟာ နောက်ဆုံးမှာ အောင်မြင်ခဲ့ပေမယ့် အိန္ဒိယနိုင်ငံ တလုံးတစည်းတည်း ဖြစ်ရေးဆိုတဲ့ သူ့မျှော်မှန်းချက်နဲ့ ဝေးခဲ့ရပါတယ်။ ဟိန္ဒူနဲ့ မွတ်စလင် ဘာသာရေး ကွဲပြားမှုတွေကြောင့် အိန္ဒိယနဲ့ ပါကစ္စတန် နှစ်နိုင်ငံ ကွဲခဲ့ရပါတယ်။

ဒီလို ဘာသာရေးမတူ ကွဲလွဲမှုတွေကြောင့် အပြန်အလှန် သတ်ဖြတ်မှုတွေ ဖြစ်ပေါ်ခဲ့ပြီး လူ ၁၀ သန်းလောက်ဟာ ကစဉ့်ကလျားနဲ့ နေရာအပြောင်းအရွှေ့တွေ လုပ်ခဲ့ကြပါတယ်။

ဒိနောက်ပိုင်း အိန္ဒိယမှာ ကျန်ရစ်တဲ့ မွတ်စလင်တွေရဲ့ အခွင့်အရေးကို အကာအကွယ်ပေးခဲ့တာကြောင့် ဂန္ဒီအပေါ် မကျေနပ်သူတွေ များလာခဲ့ပါတယ်။ အိန္ဒိယနိုင်ငံလွတ်လပ်ရေး ရပြီး လအနည်းငယ်အတွင်းမှာတော့ ဟိန္ဒူအစွန်းယောက်တစ်ဦးက ပစ်ခတ်လုပ်ကြံခဲ့တဲ့အတွက် မဟတ္တမ ဂန္ဒီ သေဆုံးခဲ့ရပါတယ်။

သူ့ရဲ့ ဈာပနအခမ်းအနား ကျင်းပရာ လမ်းတလျောက်မှာ အိန္ဒိယ ပြည်သူပေါင်း တစ်သန်းခန့် တန်းစီ တက်ရောက်ခဲ့ကြပြီး ကမ္ဘာတဝန်းရှိ နိုင်ငံတွေကလည်း အိန္ဒိယ လွတ်လပ်ရေးဖခင်၊ ကမ္ဘာ့ငြိမ်းချမ်းရေးခေါင်းဆောင် တစ်ဦး သေဆုံးခဲ့မှုအပေါ် ဝမ်းနည်းကြေကွဲ ဖြစ်ခဲ့ကြပါတယ်။ သူ့အိပ်မက်ဖြစ်တဲ့ အိန္ဒိယနိုင်ငံပေါင်းစည်းရေး ကိုတော့ သူမြင်တွေ့ မသွားခဲ့ရပါဘူး။

ရောဘတ် မူဂါဘီ - ကျနော့်ကို ဘုရားသခင်ကပဲ ဖယ်ရှားနိုင်မယ်
ဘရင်ဂျီဘာသာရေးဂိုဏ်းဝင် ကျောင်းဆရာဟောင်းတစ်ဦးဖြစ်တဲ့ ရောဘတ် မူဂါဘီ ဟာ တချိန်က ရိုဒီးရှားလို့ ခေါ်ဝေါ်ခဲ့တဲ့ ဇင်ဘာဘွေနိုင်ငံမှာ လူဖြူလူနည်းစု အုပ်ချုပ်မှုကို ဖြုတ်ချဖို့ အာဖရိက ပြောက်ကျားစစ်မှာ ပါဝင်ခဲ့ပြီး ၁၉၆၄ ခုနှစ်မှာ ရိုဒီးရှန်းအစိုးရရဲ့ ဖမ်းဆီးထိန်းသိမ်းတာခံရကာ ၁၀ နှစ်ကြာ အကျဉ်းထောင်ထဲမှာ နေခဲ့ရပါတယ်။

အင်္ဂလိပ်တို့ထံမှ လွတ်လပ်ရေး စတင်ရရှိချိန် ၁၉၈၀ ခုနှစ်မှာတော့ မစ္စတာ မူဂါဘီဟာ တော်လှန်ရေးသူရဲကောင်း အဖြစ်နဲ့ ဇင်ဘာဘွေနိုင်ငံရဲ့ဝန်ကြီးချုပ် ဖြစ်လာခဲ့ပါတယ်။ ဒါကြောင့်လည်း အာဖရိကရှိ တခြားခေါင်းဆောင်တွေက သူ့ကို ဝေဖန်ဖို့ ငြင်းဆန်ခဲ့ကြတာ ဖြစ်ပါတယ်။

ဝေဖန်သူတွေက သူဟာ ဇင်ဘာဘွေနိုင်ငံကို ဖျက်ဆီးနေသူလို့ စွပ်စွဲပြောဆိုကြပါတယ်။ မူဂါဘီကတော့ ဇင်ဘာတွေဟာ ဘယ်တော့မှ စီးပွားရေး ချွတ်ခြုံကျတဲ့ နိုင်ငံဖြစ်မှာမဟုတ်ဘူးလို့ ပြောဆိုခဲ့ပါတယ်။ နိုင်ငံတွင်းမှာတော့ မတန်တဆ ငွေကြေးဖောင်းပွမှုတွေ ဖြစ်နေပြီး ၂၀၀၈ ခုနှစ်မှာ ၁၀၀ ရာခိုင်နှုန်းအထိ ရှိခဲ့ပါတယ်။ အသက် ၉၁ နှစ်ရှိပြီဖြစ်တဲ့ မစ္စတာ မူဂါဘီဟာ အခုအချိန်အထိ ဇင်ဘာဘွေ သမ္မတအဖြစ် ရပ်တည်နေဆဲ ဖြစ်ပါတယ်။

ကိုရာဇွန် အကွီနို - လူထု စွမ်းအား
Maria Corazon Sumulong Cojuangco (Cory Aquino) ကိုရာဇွန် အကွီနိုဟာ ချမ်းသာတဲ့ ဖိလစ်ပိုင် မိသားစုက ပေါက်ဖွားလာတာဖြစ်ပြီး အောင်မြင်နေတဲ့ နိုင်ငံရေးသမား တစ်ဦးဖြစ်တဲ့ ဘန်နီနို အကွီနိုနဲ့ လက်ထပ်ခဲ့ပါတယ်။ ဘန်နီနိုဟာ ဖိလစ်ပိုင်နိုင်ငံမှာ မြို့တော်ဝန်၊ ပြည်နယ်အုပ်ချုပ်ရေးမှူးနဲ့ အထက်လွှတ်တော်အမတ် စတဲ့နေရာတွေမှာ အရွေးခံရတဲ့ အသက်အငယ်ဆုံး နိုင်ငံရေးသမားဖြစ်ပါတယ်။

ဖိလစ်ပိုင် သမ္မတ မာကို့စ်က စစ်အုပ်ချုပ်ရေးအမိန့် ထုတ်ပြန်ခဲ့ပြီးတဲ့နောက် ၁၉၇၃ ခုနှစ်မှာ မစ္စတာ အကွီနို ဖမ်းဆီးခံရပြီး၊ နောက် ၁၀ နှစ်အကြာမှာ ပြုလုပ်မယ့် သမ္မတရွေးကောက်ပွဲအတွက် ပြင်ဆင်နေချိန်မှာ လုပ်ကြံ သတ်ဖြတ်ခံရပါတယ်။

ဒါကြောင့် ကိုရာဇွန် အကွီနိုက ခင်ပွန်းဖြစ်သူ ဘန်နီနို အကွီနိုရဲ့ ဈာပန အခမ်းအနား တက်ရောက်လာကြတဲ့ တစ်သန်းကျော် လူအုပ်ကြီးကို ဦးဆောင်ပြီး သမ္မတ မားကို့စ် ရာထူးက နုတ်ထွက်ပေးဖို့ တောင်းဆိုခဲ့ပါတယ်။ အတိုက်အခံတွေနဲ့ ပူးပေါင်းပြီး ငြိမ်းချမ်းစွာကန့်ကွက် လှုပ်ရှားမှုအဖြစ် လူထုလှုပ်ရှားမှုကြီးကို ဦးဆောင်ခဲ့ပါတယ်။ ၁၉၈၆ ခုနှစ်မှာတော့ ကြားဖြတ်ရွေးကောက်ပွဲမှာ မစ္စ အကွီနို အနိုင်ရရှိပြီး သမ္မတ တင်မြှောက်ခံရပါတယ်။ သမ္မတဟောင်း မားကို့စ်ကတော့ တိုင်းပြည်က ထွက်ပြေးတိမ်းရှောင်ခဲ့ပါတယ်။

သမ္မတဟောင်း မားကို့စ်အပေါ် သစ္စာစောင့်သိသူတွေနဲ့ မကျေနပ်တဲ့ စစ်တပ်အရာရှိတွေက အစိုးရသစ်အပေါ် အာဏာသိမ်းဖို့ အကြိမ်ကြိမ် ကြိုးစားခဲ့မှုတွေ ရှိခဲ့ပေမယ့် မစ္စ အကွီနိုဟာ သမ္မတအဖြစ် အုပ်ချုပ်နေစဉ်အတွင်း ပုဂ္ဂိုလ်ရေးအရ ထင်ရှားကျော်ကြားသူ ဖြစ်ပါတယ်။

၁၉၉၂ ခုနှစ်မှာ မစ္စ အကွီနို သမ္မတရာထူးက ဆင်းပေးခဲ့ပေမယ့် နိုင်ငံရေးမှာ ဆက်လက် ပါဝင်လှုပ်ရှားခဲ့ပြီး ၂၀၀၁ ခုနှစ်၊ သမ္မတ ဂျိုးဆက်ဖ် အက်ထရာဒါကို ဖြုတ်ချပြီး ဂလိုရီယို အာရိုယိုကို အစားထိုးဖို့ စည်းရုံးလှုပ်ရှားခဲ့မှုမှာ အဓိက နေရာက ပါဝင်ခဲ့ပါတယ်။

၁၉၈၆ ခုနှစ်မှာ နိုဘယ်လ် ငြိမ်းချမ်းရေးဆုအတွက် အမည်စာရင်း တင်သွင်းခံရသလို ဒီမိုကရေစီနဲ့ လူ့အခွင့်အရေး အတွက် ရပ်တည်ကာကွယ်ပေးခဲ့တာကြောင့် ဆုတွေ ချီးမြှင့်ခံရသူလည်း ဖြစ်ပါတယ်။

ဘနာဇီယာ ဘူတို - သေရမှာ မကြောက်
ဘနာဇီယာ ဘူတိုရဲ့ ဖခင်ဖြစ်သူ ဇူလ်ဖီကာ အလီဘူတိုဟာ ၁၉၇၀ ပြည့်လွန်နှစ်တွေအတွင်းမှာ ပါကစ္စတန်နိုင်ငံရဲ့ သမ္မတ နဲ့ ဝန်ကြီးချုပ် ဖြစ်ခဲ့သူတစ်ဦး ဖြစ်ပါတယ်။ ဒါပေမယ့် စစ်တပ် အာဏာသိမ်းပြီးနောက် ၁၉၇၉ ခုနှစ်မှာတော့ မစ္စတာ အလီဘူတိုဟာ ကြိုးပေးကွပ်မျက်တာ ခံခဲ့ရပါတယ်။ ဘနာဇီယာရဲ့ မောင်နှစ်ဦးဟာလည်း နိုင်ငံရေးလှုပ်ရှားမှုအတွင်းမှာ သေဆုံးခဲ့ကြပါတယ်။

ဘနာဇီယာ ဟာ သူ့ဖခင်ခြေရာနင်းပြီး နိုင်ငံရေးထဲ ခြေစုံပစ် ဝင်ရောက်ခဲ့ပါတယ်။ သူ့ဖခင် မသေခင်မှာတော့ အဖမ်းခံရပြီး နေအိမ်အကျယ်ချုပ် ၅ နှစ် ချထားခံခဲ့ရပါတယ်။

ဒိနောက် ကျန်းမာရေး ဆေးကုသဖို့အတွက် အကျဉ်းကျနေရာက ပြန်လွတ်မြောက်ပြီး တဲ့နောက်မှာတော့ ဗိုလ်ချုပ်ကြီး မိုဟာမက် ဇီယာ အူဟတ် ဦးဆောင်တဲ့ စစ်အစိုးရကို လန်ဒန်မြို့ကနေ ပြည်ပ နိုင်ငံရေးလှုပ်ရှားမှု စတင်လုပ်ဆောင်ခဲ့ပါတယ်။ ၁၉၈၆ ခုနှစ်မှာ ပါကစ္စတန်ကို ပြန်လာခဲ့ပြီး လူထု စည်းရုံးဟောပြောပွဲတွေ လုပ်ဆောင်ခဲ့ပါတယ်။

ဗိုလ်ချုပ်ကြီး ဇီယာ လေယာဉ်ပျံပေါ်မှာ ပေါက်ကွဲမှုဖြစ် သေဆုံးခဲ့ပြီးနောက်ပိုင်း ၁၉၈၈ ခုနှစ်မှာ ဘနာဇီယာ ဘူတို ဝန်ကြီးချုပ် ဖြစ်လာခဲ့ပါတယ်။ သူမဟာ ၁၉၈၈ မှာတစ်ကြိမ်၊ ၁၉၉၃ ခုနှစ်မှာတစ်ကြိမ်၊ ဝန်ကြီးချုပ် ၂ ကြိမ်ဖြစ်ခဲ့ပြီး ၂ ကြိမ်စလုံးမှာ လာဘ်ပေးလာဘ်ယူမှုတွေနဲ့ သမ္မတက ရာထူးကနေ ဖယ်ရှားခဲ့ပါတယ်။

ဒိနောက်ပိုင်း ပြည်ပမှာ ၈ နှစ်နေထိုင်ခဲ့ပြီး နောက်ထပ်စစ်တပ် အမာခံ ဗိုလ်ချုပ်ကြီး ပါဗက်ဇ် မူရှာရတ်ဖ် က လာဘ်စားမှု ကိစ္စတွေနဲ့ ပတ်သက်ပြီး လွတ်ငြိမ်းခွင့်ပေးတဲ့အတွက် ၂၀၀၇ ခုနှစ်မှာ ပါကစ္စတန်ကို ပြန်လာခဲ့ပါတယ်။ စစ်အစိုးရနဲ့ ညှိနှိုင်းခဲ့မှုအပေါ် ပါကစ္စတန်ရှိ လူတချို့က သစ္စာဖောက်အဖြစ် ရှုမြင်ခဲ့ကြပါတယ်။

၂၀၀၇ ခုနှစ်မှာတော့ နောက်ထပ်ရွေးကောက်ပွဲ ဝင်ရောက်ယှဉ်ပြိုင်ဖို့ တစ်လအလိုမှာ ဘနာဇီယာ ဘူတိုဟာ သေနတ်သမားတစ်ဦးရဲ့ ပစ်ခတ် ဖောက်ခွဲတာ ခံရပြီး သေဆုံးခဲ့ပါတယ်။

Lech Walesa - ကျနော့်တာဝန် ပြီးဆုံးပါပြီ
Lech Walesa ဟာ ၁၉၈၀ ခုနှစ် သင်္ဘောကျင်း သပိတ်မှောက်မှုကြီးအတွင်းမှာ ကွန်မြူနစ် အစိုးရကို ယှဉ်ပြိုင်စိမ်ခေါ်ခဲ့တဲ့ ပိုလန်နိုင်ငံ သွေးစည်းခိုင်မာမှုအဖွဲ့ရဲ့ အလုပ်သမားသမဂ္ဂ ဖွဲ့စည်းရေး လှုပ်ရှားမှုမှာ ဦးဆောင်ပါဝင်သူ တစ်ဦးဖြစ်ပြီး ဆိုဗီယက်အုပ်စု ပြိုကွဲစေခဲ့တဲ့ နိုင်ငံရေး လှုပ်ရှားမှုကြီးရဲ့ အဓိကရ ပုဂ္ဂိုလ်တစ်ဦးလည်း ဖြစ်ပါတယ်။

အလုပ်သမားအရေး သပိတ်မှောက်မှုတွေမှာ ခေါင်းဆောင်ခဲ့တဲ့အတွက် အကြိမ်ကြိမ် ဖမ်းဆီးခံခဲ့ရပါတယ်။ ဒီလို ဖမ်းဆီးမှုတွေကို ကြောက်လန့် တုန်လှုပ်မိသလားလို့ သူ့ကို မေးတဲ့အခါ ကျနော်က ကံတရားကို ယုံတယ်၊ ဘုရားသခင်ကိုပဲ ကြောက်တာပါ၊ တခါတလေတော့လည်း ကျနော့် ဇနီးကိုပေါ့လို့ Lech Walesa က ဖြေကြားခဲ့ပါတယ်။

Lech Walesa ဟာ ၁၉၈၃ ခုနှစ်မှာ နိုဘယ်လ်ငြိမ်းချမ်းရေးဆု ချီးမြှင့်ခံရပြီး ပိုလန်နိုင်ငံ တစ်ပါတီ ကွန်မြူနစ် စနစ်ကနေ ဒီမိုကရေစီစနစ်ကို အသွင်ကူးပြောင်းတဲ့ ၁၉၉၀ ခုနှစ်မှာ ပထမဆုံး သမ္မတ ဖြစ်လာခဲ့ပါတယ်။

ဒါပေမယ့် သူ့ရဲ့ ထိပ်တိုက်ရင်ဆိုင် ပြောဆိုတတ်တဲ့ အပြုအမူကြောင့် ထောက်ခံသူတွေနဲ့ ကွာဟာမှုတွေ ရှိခဲ့ပြီး ပါးပါးနပ်နပ်မရှိသူလို့ စွပ်စွဲပြောဆိုခံခဲ့ရပါတယ်။

၁၉၉၅ ခုနှစ်မှာတော့ သမ္မတ ဒုတိယသက်တမ်း အရွေးခံရာမှာ ကွန်မြူနစ်ပါတီဝင်ဟောင်း တစ်ဦးကို ရှုံးနိမ့်ခဲ့ပါတယ်။ ဒါပေမယ့် Lech Walesa ဟာ ကွန်မြူနစ် ဆန့်ကျင် တိုက်ပွဲဝင်ခဲ့တဲ့ သူရဲကောင်းအဖြစ် သတ်မှတ်ခံခဲ့ရပြီး ၂၀၀၄ ခုနှစ်မှာ ပိုလန်နိုင်ငံ နိုင်ငံတကာလေဆိပ်ကို သူ့အမည်နဲ့ ဂုဏ်ပြု ခေါ်ဝေါ်ခဲ့ပါတယ်။

နယ်လ်ဆင် မင်ဒဲလား - နိုင်ငံ့ဖခင်ကြီး
မွေးချင်း ၁၃ ယောက်ရှိတဲ့ နယ်လ်ဆင် မင်ဒဲလားဟာ ငယ်စဉ်ကျောင်းသားဘဝမှာ ကတည်းက လုံ့လဝီရိယရှိ ကြိုးစားသူ တစ်ဦးဖြစ်ပေမယ့် ၁၉၄၀ ခုနှစ်မှာ နိုင်ငံရေး အပြောင်းအလဲဖြစ်ဖို့ လှုပ်ရှားခဲ့တဲ့အတွက် တက္ကသိုလ်က အထုတ်ခံခဲ့ရပါတယ်။

လူမျိုးအလိုက် နိုင်ငံရေး၊ လူမှုရေး အခွင့်အလမ်းတွေကို တခြားစီ ခွဲခြားထားပြီး လူဖြူတွေသာ မဲပေးနိုင်ခွင့်ရှိတဲ့ တောင်အာဖရိကရဲ့လူမျိုးရေးခွဲခြားတဲ့ နိုင်ငံရေး စနစ်ကို ဆန့်ကျင်ပြီး မြေအောက် တော်လှန်ရေးကာလမှာ တောင်အာဖရိက အမျိုးသားကွန်ဂရက်ကို မင်ဒဲလား က ဦးဆောင်ခဲ့ပါတယ်။ ဒါကြောင့် ၁၉၅၆ ခုနှစ်မှာ နိုင်ငံတော် သစ္စာဖောက်မှုနဲ့ စွဲချက်တင် အဖမ်းခံရပါတယ်။ ၅ နှစ်ကြာ အမှုကို ကြားနာစစ်ဆေးခဲ့ပြီးနောက် သူ့ကို တရားသေ လွှတ်ပေးလိုက်ပေမယ့် ၁၉၆၄ ခုနှစ်မှာ အဖျက်လုပ်ငန်း လုပ်ဆောင်တယ်ဆိုပြီး စွပ်စွဲခံရကာ ထောင်တသက်တကျွန်း ချမှတ်ခံခဲ့ရပါတယ်။

တောင်အာဖရိကရဲ့ နာမည်ဆိုးနဲ့ကျော်ကြားတဲ့ ရော်ဘင်ကျွန်းမှာ ၁၈ နှစ် အပါအဝင် အကျဉ်းထောင်ထဲမှာ ၂၇ နှစ်ကြာ နေထိုင်ခဲ့ရပါတယ်။ ထောင်ထဲနေရစဉ် ကာလအတွင်း အစားထိုးကုသလို့မရအောင် မျက်စိအမြင်အာရုံ ထိခိုက်ပျက်စီးခဲ့ပြီး တီဘီအဆုတ်နာ ရောဂါလည်း ကူးစက်ခံစားခဲ့ရပါတယ်။

၁၉၉၀ ခုနှစ်မှာတော့ နယ်လ်ဆင် မင်ဒဲလား ထောင်က လွှတ်မြောက်ခဲ့ပြီး နိုဘယ်လ်ငြိမ်းချမ်းရေးဆု ချီးမြှင့်ပေးအပ်တာ ခံခဲ့ရပြီး ၁၉၉၄ ခုနှစ်မှာ တောင်အာဖရိကရဲ့ ပထမဆုံး လူမည်းသမ္မတ ဖြစ်လာခဲ့ပါတယ်။ အမျိုးသား ပြန်လည်သင့်မြတ်ရေးကို ထောက်ခံအားပေးခဲ့တဲ့အတွက် နိုင်ငံတကာရဲ့ လေးစားမှုကိုလည်း ရရှိခဲ့ပါတယ်။ ဒါ့အပြင် သူဟာ လူဖြူတွေရဲ့ အဓိက အားကစားအဖြစ် သတ်မှတ်ခံရတဲ့ Springboks အမျိုးသား rugby ဘောလုံးအသင်းကိုလည်း အားပေးကြဖို့ တောင်အာဖရိက လူမည်းတွေကို တိုက်တွန်းခဲ့သူ ဖြစ်ပါတယ်။

၁၉၉၉ ခုနှစ်မှာတော့ နယ်လ်ဆင် မင်ဒဲလားဟာ သမ္မတရာထူးက ဆင်းပေးခဲ့ပြီး နိုင်ငံရေးမှ အနားယူကာ ၂၀၁၃ ခုနှစ် အသက် ၉၅ နှစ်အရွယ်တွင် ကွယ်လွန်ခဲ့ပါတယ်။

တောင်အာဖရိကနိုင်ငံ ပရီတိုးရီးယားမြို့မှာ သမ္မတ မင်ဒဲလားရဲ့ ရုပ်အလောင်းကို ကြည့်ရှုသူပေါင်း အနည်းဆုံး တစ်သိန်းခန့်ရှိပြီး အများပြည်သူအတွက် ဖွင့်လှစ်ပေးထားတဲ့ အာဖရိက နိုင်ငံ့ခေါင်းဆောင်ကြီးရဲ့ အောက်မေ့ဖွယ် အခမ်းအနားကို လူထောင်ပေါင်းများစွာ တက်ရောက် ဂါရ၀ပြုခဲ့ကြပါတယ်။

BBC Burmese
http://www.bbc.com/burmese

အမေရိကန် လက်ထောက် နိုင်ငံခြားရေးဝန်ကြီး Daniel Russel နဲ့ ၈၈မျိုးဆက်ခေါင်းဆောင်တွေ တွေ့ဆုံ။ သတင်းဓာတ်ပုံ- ၈၈မျိုးဆက် ပွင့်လင်းအဖွဲ့။ 
 မြန်မာနိုင်ငံမှာ ရွေးကောက်ပွဲ အနိုင်ရခဲ့တဲ့ အမျိုးသားဒီမိုကရေစီ အဖွဲ့ချုပ် ခေါင်းဆောင် ဒေါ်အောင်ဆန်းစုကြည် သမ္မတ ဦးသိန်းစိန်တို့အပြင် အစိုးရ တာဝန်ရှိသူတွေ၊ အရပ်ဘက်အဖွဲ့အစည်းတွေနဲ့ပါ တွေ့ဆုံဖို့ အမေရိကန် လက်ထောက် နိုင်ငံခြားရေးဝန်ကြီး Daniel Russel မြန်မာနိုင်ငံကို ဒီကနေ့ပဲ ရောက်ရှိ သွားပါတယ်။ ဒီကနေ့ ရန်ကုန်မြို့မှာ တက်ကြွလှုပ်ရှားသူတွေ နဲ့ တွေ့ဆုံရာ မှာတော့ ရွေးကောက်ပွဲ လွန်ကာလ အသွင်ကူးပြောင်းရေးအတွက် လိုအပ်ချက်တွေကို အပြန်အလှန် ဆွေးနွေး ဖလှယ်ခဲ့တာပါ။ အပြည့်အစုံကိုတော့ ဆက်သွယ် စုံစမ်းထားတဲ့ မအင်ကြင်းနိုင်က တင်ပြထားပါတယ်။

နိုဝင်ဘာ ၈ ရက်နေ့ မှာ ကျင်းပခဲ့တဲ့ သမိုင်းဝင်ရွေးကောက်ပွဲမှာ ပါဝင် မဲပေးခဲ့ကြတဲ့ မြန်မာပြည်သူတွေနဲ့ သက်ဆိုင်သူအားလုံးကို အမေရိကန် ပြည်ထောင်စု က ချီးကျူးဂုဏ်ပြုတဲ့အနေနဲ့ လက်ထောက်နိုင်ငံခြားရေး ၀န်ကြီး ဒန်နီလ် ရပ်ဆယ်လ် ဟာ မြန်မာနိုင်ငံ ကို ရောက်ရှိလာတာဖြစ်တယ်လို့ ရန်ကုန် အမေရိကန်သံရုံးရဲ့ပြောခွင့်ရပုဂ္ဂိုလ် က ဗွီအိုအေကို ပြောပါတယ်။

"မြန်မာပြည်သူတွေရဲ့ဆန္ဒကို ထင်ဟပ်စေမယ့် အားလုံးပါဝင်တဲ့ အစိုးရတရပ် ဖွဲ့စည်းနိုင်ရေး အတွက် ညီညွတ်တဲ့ စိတ်ဓါတ်နဲ့ အတူတကွ လက်တွဲ ဆောင်ရွက်ကြဖို့ သူ့အနေနဲ့ တွေ့ဆုံဆွေးနွေးတဲ့သူတွေတိုင်းကို တိုက်တွန်း သွားမှာဖြစ်ပါတယ်။ လက်ထောက်နိုင်ငံခြားရေးဝန်ကြီး ဒန်နီရပ်ဆယ်လ် ဟာ သမ္မတဦးသိန်းစိန်နဲ့ အစိုးရ ထိပ်ပိုင်း တာဝန်ရှိသူတွေ၊ ဒေါ်အောင်ဆန်းစုကြည်၊ အရပ်ဘက် အဖွဲ့အစည်း ကိုယ်စားလှယ်တွေနဲ့ ပြည်တွင်းမှာရှိတဲ့ ပါဝင်ပတ်သက်သူ အားလုံးကို တွေ့ဆုံဖို့ နိုဝင်ဘာ ၂၃ရက် ကနေ ၂၄ ရက် အထိ ရန်ကုန် နဲ့ နေပြည်တော်ကို သွားရောက်မှာဖြစ်ပါတယ်။ "

တနင်္လာနေ့ ဒီကနေ့မှာ Daniel Russel ဟာ အရပ်ဖက် လူမှုအဖွဲ့ အစည်း ကိုယ်စားလှယ်တွေနဲ့ တွေ့ဆုံခဲ့ပါတယ်။ ရွေးကောက်ပွဲအလွန်ကာလ အခြေအနေတွေ ပတ်သက်ပြီး အမြင်ချင်းဖလှယ်ခဲ့ကြကြောင်း ဆွေးနွေးပွဲကို ကိုယ်တိုင် တက်ရောက်ခဲ့တဲ့ ၈၈ မျိုးဆက်ငြိမ်းချမ်းရေးနဲ့ ပွင့်လင်း လူ့အဖွဲ့အစည်း ခေါင်းဆောင် ဦးကိုကိုကြီးက ဗွီအိုအေကိုပြောပါတယ်။

" အဓိက ကတော့ ရွေးကောက်ပွဲ အလွန် နိုင်ငံရေး အခင်းအကျင်းနဲ့ ပက်သက်ပြီးတော့ ကျနော်တို့ အမြင်ချင်း ဖလှယ်ဖြစ်ပါတယ်။ ကျနော်တို့ကလည်း ဒါ အမေရိကန်နိုင်ငံ အစိုးရကိုရော ပြည်သူကိုရော၊ ကျနော်တို့ ဒီမိုကရေစီရေး လှူပ်ရှားမှုမှာ အားပေးခဲ့တဲ့အတွက်၊ ကျနော်တို့က ကျေးဇူးတင်တယ်။ တချိန်တည်းမှာပဲ ကျနော်တို့ အကူးအပြောင်းကာလမှာ ဟို အကဲဆတ်တဲ့ ကိစ္စတွေပေါ့လေ၊ အဲဒါတွေနဲ့ ပတ်သက်ပြီး ကျနော်တို့အပေါ်မှာ နားလည်မှု ရှိစေချင်တယ်။ အထူးသဖြင့် စစ်ဖက် ၊ အရပ်ဖက် ဆက်ဆံရေး ၊ communal riot တွေပေါ့၊ ကျနော်တို့ ဒီမှာရှိတဲ့ လူမျိုးရေး၊ ဘာသာရေး အသွင်ဆောင်တဲ့ ကိစ္စတွေမှာလည်း နိုင်ငံတကာက သုံးသပ်တာတွေ မြင်တာတွေနဲ့ လက်တွေ့ ဒီမှာဖြစ်နေတဲ့ အခြေအနေတွေနဲ့ ကြားထဲမှာ ဘယ်လောက် သိမ်သိမ်မွေ့မွေ့ ကိုင်တွယ်ဖို့ လိုအပ်တယ်ဆိုတဲ့ ကိစ္စတွေပေါ့လေ။ အဲဒါတွေ ကျနော်တို့ပြောဖြစ်ပါတယ်။ ဆွေးနွေးဖြစ်ပါတယ်။"

ရွေးကောက်ပွဲအပြီး အနိုင်ရပါတီဖြစ်တဲ့ NLD ကို အာဏာ လွှဲပြောင်းရေး ချောမွေ့စေရေး သဘောထားအမြင်နဲ့ ပတ်သက်ပြီးတော့လည်း Daniel Russel နဲ့ တွေ့ဆုံတဲ့ပွဲမှာ ဆွေးနွေးခဲ့တယ်လို့လည်း ဦးကိုကိုကြီးကပြောပါတယ်။

"ကျနော်တို့က လူထုရဲ့ ရွေးချယ်မှုပေါ့၊ လူထုရဲ့ ဆုံးဖြတ်မှုကို ကျနော်တို့က ဒါ ဂုဏ်ပြုရမယ်၊ လေးစားရမယ်၊ ဒါကြောင့်မို့လို့ အခုကျနော်တို့ လွှတ်တော် နာယကကြီးနဲ့ တွေ့ပြီးတဲ့နောက်ပိုင်းမှာ ဒီဖက်က နိုင်ငံတော်သမ္မတနဲ့ရော တပ်မတော် ကာကွယ်ရေး ဦးစီးချုပ်နဲ့ရော ဆက်လက်တွေ့ဆုံဆွေးနွေးပြီးတော့ တိုင်းပြည်ရဲ့ အရေးပါတဲ့ အကြောင်းအရာတွေနဲ့ပတ်သက်လို့ နက်နက်ရှိုင်းရှိုင်းလည်း ဆွေးနွေးဖို့ လိုတယ်ဆိုတာကို ကျနော်တို့ပြောဖြစ် ပါတယ်။ နောက်တခုကတော့ နိုင်ငံရဲ့အပြောင်းအလဲမှာ နိုင်ငံခြားဆက်ဆံရေးနဲ့ပက်သက်ပြီး၊ နိုင်ငံတကာ ဆက်ဆံရေးနဲ့ပက်သက်တဲ့ အမြင်တွေလည်း ပြောဖြစ်ပါတယ်ခင်ဗျာ။ "

လက်ထောက်နိုင်ငံခြားရေးဝန်ကြီး လက်ဘက်ရည်ဆိုင်ထိုင်
မြန်မာနိုင်ငံကိုရောက်ရှိနေတဲ့ လက်ထောက် နိုင်ငံခြားရေးဝန်ကြီး ဒန်နီရပ်ဆယ်လ် ဟာ တနင်္လာနေ့က ရန်ကုန်မြို့ သုခ စည်းစိမ် လက်ဖက်ရည်ဆိုင်ကို သွားရောက် ခဲ့ပြီး ရွေးကောက်ပွဲနဲ့ အနာဂတ်ဆိုင်ရာအမြင်တွေကို လာရောက် စားသောက်နေကြ သူတွေကို မေးမြန်းခဲ့ပါတယ်။

အမေရိကန်သံရုံးရဲ့ ဖေ့စ်ဘုတ်ခ်မှာတော့ လက်ရှိအစိုးအနေနှင့် အစိုးရ အသစ်ကို အေးချမ်းစွာအာဏာလွှဲပေးရန်မျှော်လင့်ကြောင်း  နဲ့ အစိုးရသစ် လက်ထက်တွင် အမေရိကန် နဲ့ မြန်မာဆက်ဆံရေး တိုးတက် ခိုင်မာအောင်လုပ်ရန် မျှော်လင့်ကြောင်း လက်ဖက်ရည်ဆိုင်မှာ လာရောက် စားသောက်ကြသူတွေ က လက်ထောက် နိုင်ငံခြားရေးဝန်ကြီး ရပ်ဆယ်လ် ကိုပြောပြကြောင်း ဖေါ်ပြထားပါတယ်။

အင်ကြင်းနိုင် / ဗွီအိုအေ (မြန်မာပိုင်း)
http://burmese.voanews.com

အရှေ့တောင် အာရှနိုင်ငံများအဖွဲ့ ASEAN ထိပ်သီး အစည်းအဝေး။ (နိုဝင်ဘာ ၂၂၊ ၂၀၁၅)
 မလေးရှားနိုင်ငံ၊ ကွာလာလမ်ပူမြို့တော်မှာ တနင်္ဂနွေနေ့ကပြီးဆုံးသွားတဲ့ နှစ်ရက်ကြာ အရှေ့တောင်အာရှနိုင်ငံများ အဖွဲ့ ASEAN ထိပ်သီးအစည်းအဝေး အဆုံးသတ်နေ့မှာ အာဆီယံ အလှည့်ကျ ဥက္ကဋ္ဌ တာဝန်ကို မလေးရှားက လာအိုနိုင်ငံကို လွှဲပြောင်းပေး လိုက်ပါတယ်။

၂၀၁၅ ခုနှစ် ထိပ်သီးအစည်းအဝေးကို အိမ်ရှင်နိုင်ငံအဖြစ် လက်ခံကျင်းပတဲ့ မလေးရှားနိုင်ငံမှာ အမေရိကန်၊ တရုတ်၊ အိန္ဒိယ၊ ရုရှား၊ ဂျပန်နဲ့ အရှေ့တောင် အာရှနိုင်ငံတွေက ခေါင်းဆောင်တွေအပါအ၀င် နိုင်ငံပေါင်း ၁၈ နိုင်ငံက ခေါင်းဆောင်တွေ စုဝေး တက်ရောက်ခဲ့ကြတာပါ။

ပြင်သစ်နိုင်ငံ ပါရီမြို့တော်၊ မာလီနိုင်ငံနဲ့ လက်ဘနွန်နိုင်ငံတွေမှာ မကြာသေးခင်က အကြမ်းဖက် တိုက်ခိုက်ခံရပြီးတဲ့နောက် အကြမ်းဖက်ဝါဒနှိမ်နင်းရေး ပိုပြီးတော့ အပြင်းအထန်လုပ်သွားကြဖို့ ခေါင်းဆောင်တွေ နှိုးဆော်ခဲ့ပါ တယ်။

အစည်းအဝေးတွေမှာ ပါဝင်တက်ရောက်တဲ့ ကုလသမဂ္ဂအတွင်းရေးမှူးချုပ် ဘန် ကီမွန်းကလည်း အကြမ်းဖက်ဝါဒကို အမြစ်ပြတ်ချေမှုန်းရေး ရုရှားနဲ့ အမေရိကန်ပြည်ထောင်စုတို့ ပူးပေါင်းဆောင်ရွက်ကြဖို့ တိုက်တွန်းပါတယ်။ အစွန်းရောက် ၀ါဒနဲ့ အကြမ်းဖက်မှုတွေကို တိုက်ဖျက်ရေးဆိုင်ရာ ပြီးပြည့်စုံတဲ့ အစီအစဉ်တခုကို နောက်နှစ်အစောပိုင်းမှာ သူ ချပြမယ်လို့လည်း ကုလ အတွင်းရေးမှူးချုပ်ကပြောပါတယ်။

အာဆီယံနိုင်ငံတွေနဲ့ တရုတ်နိုင်ငံအကြား တောင်တရုတ်ပင်လယ် ရေပြင်နယ်နိမိတ်ပိုင်ဆိုင်မှုဆိုင်ရာ အငြင်းပွားနေတာအပါအ၀င် ဒေသတွင်းဆိုင်ရာ တခြားကိစ္စတွေကိုလည်း ဆွေးနွေးကြပါတယ်။ လူဦးရေပေါင်း ၆၂၅ သန်းရှိပြီး စီးပွားရေး ထုတ်လုပ်မှု စုစုပေါင်းတန်ဖိုး အမေရိကန်ဒေါ်လာ ၂.၆ ထရီလီယံရှိတဲ့ဒေသတ၀ိုက် ကုန်သွယ်ရေးနဲ့ ရင်းနှီးမြှုပ်နှံမှုဆိုင်ရာ ပိုပြီးလွတ်လွတ်လပ် လပ် လုပ်ဆောင်နိုင်မယ့် အာဆီယံအ၀န်းအ၀ိုင်းထူထောင်ရေးဆိုင်ရာ သဘောတူညီချက်တရပ်ကိုလည်း အခု ထိပ်သီးအစည်း အဝေးမှာ အာဆီယံခေါင်းဆောင်တွေ လက်မှတ်ရေးထိုးခဲ့ကြပါတယ်။

ဗွီအိုအေ (မြန်မာပိုင်း)
http://burmese.voanews.com

 ပြင်သစ် လေယာဉ်တင်သင်္ဘော ချားလ်စ်ဒီဂေါကို တနင်္လာနေ့ကစပြီး လေကြောင်း တိုက်ခိုက်မှုတွေမှာ သုံးသွားမယ်
ဆီးရီးယားနဲ့ အီရတ်မှာ ရှိတဲ့ IS အစ္စလာမ္မစ် နိုင်ငံအဖွဲ့ စစ်သွေးကြွတွေ အပေါ် လေကြောင်း တိုက်ခိုက်မှုတွေကို ပြင်သစ် နိုင်ငံက ပြင်းပြင်းထန်ထန် တိုးမြှင့် ပြုလုပ်သွားမယ်လို့ သမ္မတ ဖရန်ဆွာ ဟော်လန်းဒ်က ပြောပါတယ်။

တိုက်ခိုက်မှုတွေမှာ ပြင်သစ် လေယာဉ်တင် သင်္ဘော ချားလ်စ် ဒီဂေါလ် ပါဝင် ဆောင်ရွက်မယ် လို့လည်း မစ္စတာ ဟော်လန်းဒ်က ယူကေ ဝန်ကြီးချုပ် ဒေးဗစ် ကင်မရွန်းနဲ့ တွေ့ဆုံ ဆွေးနွေးပြီးနောက် ပဲရစ်မြို့မှာ ပြောပါတယ်။

ဘယ်လ်ဂျီယံ နိုင်ငံ၊ ဘရပ်ဆဲလ် မြို့တော်မှာတော့ အကြမ်းဖက် အန္တရာယ်အတွက် လုံခြုံရေးသတိ အမြင့်ဆုံးအဆင့် တပ်လှန့်ထားတာ ၃ ရက်မြောက် ရှိသွားပြီ ဖြစ်ပါတယ်။ ပဲရစ်မြို့ တိုက်ခိုက်မှုမှာ ပါဝင်ခဲ့တယ်လို့ သံသယရှိတဲ့ သေနတ်သမား ဆာလာ အက်ဒီဆလမ်ကို ရှာဖွေနေကြဆဲ ဖြစ်ပါတယ်။

ပြင်သစ်နဲ့ ယူကေ နှစ်နိုင်ငံ ခေါင်းဆောင် နှစ်ဦးက အကြမ်းဖက်မှု တိုက်ဖျက်ရေး အတွက် သတင်း အချက်အလက်တွေ ဖလှယ်ဖို့ အပါအဝင် ပူးပေါင်း ဆောင်ရွက်မှုတွေ လုပ်ကြဖို့ သဘောတူ ခဲ့ကြပါတယ်။

လူ ၁၃၀ သေဆုံးခဲ့တဲ့ ပဲရစ်မြို့ တိုက်ခိုက်မှုကို IS အစ္စလာမ္မစ် နိုင်ငံအဖွဲ့က သူတို့ လက်ချက် ဖြစ်တယ်လို့ ပြောထားပါတယ်။

BBC Burmese
http://www.bbc.com/burmese

တခြားနိုင်ငံများ၌ ပဋိပက္ခများနှင့် သွေးထွက်သံယိုမှုများ ဖြစ်ပွားနေသည့်အချိန်မှာ မြန်မာနိုင်ငံက ငြိမ်းငြိမ်းချမ်းချမ်းနှင့် ကူးပြောင်းလာသည့် အတွက် မြန်မာပြည်သူများ၏ ဒီမိုကရေစီအရေး ဆောင်ရွက်ချက်ကို မြန်မာနိုင်ငံက ကက်သလစ်ဘုန်းတော်ကြီး ဘိုက ကျေးဇူးတင် ဂုဏ်ပြုစကား ဆိုလိုက်သည်။

ဘုန်းတော်ကြီးဘိုက လွတ်လပ်ပြီး တရားမျှတသော ရွေးကောက်ပွဲအတွက် ရွေးကောက်ပွဲ ကော်မရှင်ကို ချီးကျူးသလို တိုင်းပြည်ဖွံ့ ဖြိုး တိုးတက်ရေးနှင့် ဒီမိုကရေစီအတွက် ရွေးကောက်ပွဲရလဒ်ကို အသိအမှတ်ပြုခဲ့သော သမ္မတဦးသိန်းစိန်နှင့် ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်တို့ကိုလည်း ကျေးဇူးတင်စကား ဆိုခဲ့သည်။

“ဆင်းရဲ၊ ချမ်းသာ အသက် ကြီးကြီးငယ်ငယ် ကျွန်တော်တို့ နိုင်ငံသား ၈၀ ရာခိုင်နှုန်းလောက်က တိုင်းပြည်ခေါင်းဆောင်မှု ငြိမ်းချမ်းစွာ ပြောင်းလဲဖို့အတွက် သူတို့ ရဲ့ ကတိစကားတွေကို ဆောင်ရွက် ပြသခဲ့ပြီးပါပြီ။ ကျွန်တော်တို့ နိုင်ငံသားတွေကို ကမ္ဘာကလည်း လေးစား အားကျနေပါတယ်။ ကျွန်တော်တို့ လူမျိုးတွေဟာ အသံတိတ် ခေတ်ပြောင်းတော်လှန်ရေးကို ဦးဆောင် ဆင်နွှဲလိုက်တာပါပဲ” ဟု နိုဝင်ဘာလ ၈ ရက်နေ့  ရွေးကောက်ပွဲ ရလဒ်အဖြေ အားလုံးထွက်ရှိချိန်တွင် ဘုန်းတော်ကြီးဘိုက ကြေညာချက် ထုတ်ပြန်ပြောဆိုလိုက်သည်။

၁၉၉၀ ခုနှစ် ပြီးကတည်းက မြန်မာနိုင်ငံတွင် ပထမဆုံးအကြိမ် လွတ်လွတ်လပ်လပ် ကျင်းပခဲ့သည့် ရွေးကောက်ပွဲတွင် ဒေါ်အောင်ဆန်းစုကြည် ဦးဆောင် သော အမျိုးသားဒီမိုကရေစီအဖွဲ့ချုပ်က အပြတ်အသတ် အနိုင်ရခဲ့သည်။

ဒေါ်အောင်ဆန်းစုကြည်၏ အောင်မြင်မှုကို “၂၁ ရာစု မင်ဒဲလား၏ အခါသမယ” ဟု သူက ခေါ်ဆိုခဲ့ပြီး ဒေါ်အောင်ဆနိးစုကြည်ကို အကြမ်းမဖက်ဘဲ တိုက်ပွဲဝင်ခဲ့သူများ ဖြစ်သည့် အိန္ဒိယက မဟတမ္မဂန္ဒီ။ အမေရိကန်က မာတင်လူသာကင်း နှင့် တောင်အာဖရိက သမ္မတ နယ်လ်ဆင်မင်ဒဲလားတို့ နှင့် တင်စားပြီး ဘုန်းတော်ကြီးဘိုက မိန့်ကြားခဲ့သည်။

“စစ်ပွဲတွေ ၊ အမုန်းတရားတွေနဲ့  ပျက်စီးနေတဲ့ သည်ကမ္ဘာကြီးမှာ ဒေါ်အောင်ဆန်းစုကြည်ဟာ လူ့ စိတ်ဓာတ် ခွန်အားရဲ့  တစ်ခုတည်းသော သင်္ကေတပါ။ အလွှာမျိုးစုံ ၊ လူမျိုးပေါင်းစုံ ၊ ဘာသာပေါင်းစုံ မခွဲခြားဘဲ မြန်မာပြည်သားတွေက သူတို့ မျှော်လင့်တဲ့ ခေါင်းဆောင်အဖြစ် သူ့ ကို ရွေးချယ်ခဲ့ပါတယ်။ သူဟာ လူသန်းပေါင်းများစွာရဲ့  မျှော်လင့်ချက်ပါ။ မြန်မာနိုင်ငံဟာ မျှော်လင့်ချက် တံခါးဝမှာ ရောက်နေပါပြီ။”

ဒေါ်အောင်ဆန်းစုကြည် မတိုင်ခင်က မြန်မာနိုင်ငံသည် အခက်အခဲမျိုးစုံနှင့် ရင်ဆိုင်ခဲ့ရသည်ဟု ဘုန်းတော်ကြီးဘိုက မိန့်ကြားခဲ့သည်။

အလွန်အမင်း ဆင်းရဲမွဲတေမှု၊ စစ်ပွဲများနှင့် တိမ်းရှောင် ထွက်ပြေးရမှုများ၊ လူ့ အခွင့်အရေးများ အဆုံးရှုံးခံရမှု၊ ဘာသာရေး အစွန်းရောက်ဝါဒများ ပေါ်ပေါက်လာမှု ၊ ဆယ်စုနှစ်ကြာ ပဋိပက္ခများနှင့် တိုင်းရင်းသား လူနည်းစုများအပေါ် ဖိနှိပ်မှု ၊ လူငယ်များ သန်းနှင့်ချီပြီး အိမ်နှီးနားချင်း နိုင်ငံများတွင် အလုပ်လုပ်နေရခြင်း၊ မူးယစ်ဆေးဝါးနှင့် လူကုန်ကုးခြင်း နှင့် အစိုးရနှင့်ပေါင်းစားသည့် ခရိုနီစီးပွားရေးသမားများ ပေါ်ပေါက်လာမှု စသည့် မြန်မာနိုင်ငံ၏ ပြသ၁နာ အမျိုးမျိုးကို သူက ဖော်ထုတ်မိန့် ကြားခဲ့သည်။

မြန်မာနိုင်ငံကို တရားမျှတမှု၊ ငြိမ်းချမ်းရေးနှင့် အတူလက်တွဲ လုပ်ဆောင်မှုများ ရလာအောင် ဒေါ်အောင်ဆန်းစုကြည်နှင့် သူ၏ပါတီက လုပ်ဆောင်နေသည့် လုပ်ငန်းစဉ်ကို မြန်မာ ကာသိုလိပ် ဘုရားကျောင်းကလည်း အားပေးထောက်ခံ ဆုတောင်းမေတ္တာ ပို့သပါသည်ဟု ကက်သလစ်ဂိုဏ်းချုပ် ဘုန်းတော်ကြီးက မိန့်ကြားပြောဆိုခဲ့သည်။

လင်းလင်း

The Ladies News Journal


 နိုဝင်ဘာ ၂၃ ရက် ၂၀၁၅

 ငြိမ်းချမ်းရေးတွက် ပြည်ထောင်စုငြိမ်းချမ်းရေးဖေါ်ဆောင်ရေး ကော်မတီဝင် ပြည်ထောင်စု ဝန်ကြီး ဦးခင်မောင်စိုး ဖိတ်ကြားချက်ဖြင့် SSPP/SSA ကိုယ် စားလှယ်များ ရန်ကုန်မြို့၌ အစိုးရနှင့် သွားရောက်ဆွေးနွေးစဉ် ယနေ့ နံနက်ပိုင်းမှ စ၍ ယခု(မွန်းတည့်)ချိန်ထိ မိုင်းရှူးမြို့နယ်အတွင်း တိုက်ပွဲ အပြင်းအထန် ဖြစ်ပွားနေ သည်ဟု သိရသည်။

နိုဝင်ဘာ ၂၃ ရက် နံနက် ၈ နာရီမှ စ၍ သျှမ်းပြည်တောင်ပိုင်း လွယ်လင်ခရိုင် မိုင်းရှူးမြို့နယ် ဝမ့်လွေ မိုင်းအတ် ကျေးရွာ အနီးရှိ သျှမ်းပြည်တပ်မတော် တပ်စခန်းများအား အစိုးရ တပ်မတော်မှ အင်အား အလုံးအရင်းဖြင့် တိုက် ခိုက်နေကြောင်း၊ ထို့အပြင် ပန်ဝိုး၊ လွယ်ယူ ၊ ကျူမောက်ခေါဝ် မှလည်း လက်နက် ကြီးများဖြင့် လေးဘက်လေးတန် ပစ်ခတ် နေကြောင်း ရှေ့တန်းေ ရာက် တပ်မှူးတဦး ကပြောသည်။

“ရန်ကုန်မှာ က အပစ်ရပ်ဖို့၊ ငြိမ်းချမ်းရေးပြန်လုပ်ဖို့ဆိုပြီး ဦးခင်မောင်စိုး ဖိတ်ကြားချက်နဲ့ သွားရောက် ဆွေးနွေးနေတယ်။ နံနက် ရှစ်ခွဲက စပြီး။ တချက်နားနယ်။ ပြန်ဆွေးနွေးနေ တယ် လို့ကြားတယ်။ ဒါပေမယ့် ဒီဘက်ေ တာ့ မနားသေးဘူး။ ပစ်နေတုန်း။ ဘယ်တပ် လဲတော့မသိဘူး။ စုပေါင်းရော ရာလာကြတာ။ သိထားတာတော့ စကခ ၂၊ စကခ ၁၇ နဲ့ ရပခ တိုင်း လက်ေ အာက်ခံတပ်တွေ ပြောတယ်၊ အပြင်း အထန် လာတိုက်နေ တယ်။ လေ ယာဉ်နဲ့တော့မတွေ့သေးဘူး” - ဟု ရှေ့တန်းတပ်မှူး ဒု ဗိုလ် စိုင်းမိဏ်း က ပြောသည်။

ရန်ကုန်မြို့တွင် သျှမ်းပြည်တပ်မတော် SSPP/SSA အတွင်းရေးမှူး ၂ စဝ် ခမ်းတီ ၊ စဝ်ခေးမောဝ်း၊ စဝ်နော်လိတ်၊ စဝ်စိုင်းဆု တို့က ပြည်ထောင် စုငြိမ်း ချမ်းရေး လုပ်ငန်း ဖေါ် ဆောင်ရေးကော်မတီဝင် ဦးခင်မောင်စိုးတို့ တွေ့ ဆုံ ကြခြင်းဖြစ် သည်။

အောက်တိုဘာ ၆ ရက်နေ့မှ စ၍ ယနေ့အထိ မြန်မာအစိုးရမှ သျှမ်းပြည်တိုး တက်ရေးပါတီ သျှမ်းပြည် တပ်မတော် SSPP/SSA တပ်စခန်းများအား စတင်တိုက်ခိုက်ရာမှာ ရွေးကောက် ပွဲ ကာလ နိုဝင်ဘာ ၈ ရက် တရက် နှင့် နိုဝင်ဘာ ၁၉ မှ ၂၂ ရက် အထိ တကြိမ် သာ နားပြီး ယနေ့ တိုက်ခိုက် မှု ပြန်လည် စတင် ခြင်းဖြစ်သည်။

နှစ်လ နီးပါး တိုက်ခိုက်လာသော တိုက်ပွဲတွင် အစိုးရတပ်မတော်မှ တိုက်လေ ယဉ် ဖြင့် ၈ ကြိမ် (ရှစ်ရက်တိတိ) ၊ ကြည်းတပ်ဖြင့် အကြိမ်ပေါင်း ၄၀ ကျော် တိုက်ခိုက်သည်ဟု ပြန်ကြားရေး အရာရှိက သျှမ်းသံတော်ဆင့်သို့ အတည်ပြု သည်။

မြန်မာအစိုးရတပ်မတော်သည် သျှမ်းပြည်တပ်မတော်အား တဘက်က အစိုးရ ဝန်ကြီးများနှင့် ငြိမ်းချမ်းရေးဆွေးနွေးစေကာ တဘက်ကလည်း စစ်အင်အား အလုံးအရင်းဖြင့် ထိုးစစ်ဆင်တိုက်ခိုက်နေပါသည်။

သျှမ်းသံတော်ဆင့်
https://www.facebook.com/Panglong.burmese/


 ဖားကန့်ဒေသမှာ မြေစာပုံပြိုကျမယ့် အခြေအနေတွေ ဆက်လက်တည်ရှိနေပြီး ဒီလို မြေစာပုံပြိုကျတာကြောင့် လူတွေ ထိခိုက်သေဆုံးမှု မရှိအောင် ဆိုရင် ပြည်သူ၊ ကျောက် တူးဖော်ရေးကုမ္ပဏီနဲ့ အာဏာပိုင်တွေ ပူးပေါင်းဆောင်ရွက်ဖို့ လိုအပ်ကြောင်းနဲ့ သဘာဝပတ်ဝန်းကျင်ကို ထိခိုက်စေတဲ့ စက်ယန္တရားကြီးတွေနဲ့ တူးဖော်တာကိုလည်း ရပ်တန့်သင့်ပြီဖြစ်ကြောင်း လက်ရှိရွေးကောက်ခံ လွှတ်တော်ကိုယ်စားလှယ်က ပြောဆိုလိုက်ပါတယ်။ ဒီသတင်းကိုတော့ ဗွီအိုအေ မြန်မာပိုင်းရဲ့သတင်းထောက် ကိုမိုးဇော်က တင်ပြထားပါတယ်။

ကချင်ပြည်နယ် ဖားကန့်ဒေသမှာ ကျောက်စိမ်းတူးဖော်ရာက ထွက်ရှိတဲ့ စွန့်ပစ်မြေစာပုံတွေပြိုကျလို့ လူတွေ ထိခိုက်သေဆုံးတာဟာ ဒီနှစ်အတွင်းမှာ အနည်းဆုံး ၅ ကြိမ်ဖြစ်ပွားခဲ့ပြီဖြစ်ပါတယ်။ အရင် ၄ကြိမ်ဖြစ်ပွားရာမှာတော့ အာဏာပိုင်တွေက ၁၆ယောက်လောက် သေဆုံးကြောင်း သတင်း ထုတ်ပြန်ခဲ့ပေမဲ့ ဒေသခံတွေကတော့ ၆၀ကျော်လောက်ရှိမယ်လို့ ခန့်မှန်းခဲ့ကြတာပါ။

ပြီးခဲ့တဲ့ စနေနေ့ မနက်အစောပိုင်းက ဖြစ်ပွားတဲ့ မြေစာပုံပြိုကျမှုကို ရှင်းလင်းရာ မှာတော့ ဒီကနေ့ထိ သေဆုံးသူ ရုပ်အလောင်း ၁၁၀ကျော်တွေ့ရှိ ထားပြီဖြစ်တာကြောင့် ဒါဟာ ဖားကန့်ဒေသမှာ အဆိုးဝါးဆုံးမြေစာပုံပြိုကျမှု တခုလည်း ဖြစ်ပြီး လောလောဆယ်မှာ ထပ်မံပြိုကျနိုင်တဲ့ မြေစာပုံတွေ ရှိနေသေးတယ်လို့ ဖားကန့်မြို့နယ်က လက်ရှိ ရွေးကောက်ခံ ပြည်သူ့လွှတ်တော် ကိုယ်စားလှယ် ဦးတင်စိုးက ပြောပါတယ်။

“ မနေ့က ရှာဖွေမှု သိမ်းတဲ့အချိန်ထိကို ၁၀၅ လောင်းပေါ့ ၂ ရက်ရှာတာ။ ဒီကနေ့ ၈ လောင်း ပေါင်းတယ်ဆိုရင် ၁၁၃ ဦးဖြစ်သွားပြီပေါ့ဗျာ။ အလောင်း ရှာဖွေတူးဖော်မှု ကတော့ အများဆုံးပေါ့ဗျာ။ ဒါက အချိန်နဲ့အမျှ ဆက်ပြီးတိုးဖို့ အလားအလာတွေ အများကြီးရှိသေးတယ်။ ခန့်မှန်းခြေပေါ့ဗျာနော်၊ ၁၅၀ လောက်တော့ သူကတိုးလာနိုင်မယ့် အနေအထားရှိတယ်ဗျ။ အခုဖြစ်သွားတဲ့နေရာက လျှိုဘေးမှာဖြစ်တာ။ မြေစာပုံက အဲဒီပြိုကျတဲ့အောက်မှာ ကို မြေစာပုံ နောက်ထပ်တပုံ ရှိသေးတယ်။အခုပြိုတဲ့ မြေစာပုံလောက်တော့ မမြင့်ဘူး။ အလားအလာပေါ့ နောက်ထပ်ပြိုရင် အဲဒီအောက်မှာရှိတဲ့ရွာ အဲဒီ အခုဖြစ်တဲ့နေရာနဲ့ တဆက်တည်း ရှိတဲ့အိမ်တွေ ထပ်ပြီးပါနိုင်တဲ့အနေအထားရှိတယ်။”

နောက်ထပ် မြေစာပုံပြိုကျပြီး လူတွေ ထိခိုက်သေဆုံးမှု မရှိအောင်ဆောင်ရွက်သင့်တာတွေကို ဦးတင်စိုးက အခုလို ဆက်လက်ပြောပါတယ်။

“ဒီလိုမျိုးတွေကို မဖြစ်အောင် ဆိုလို့ရှိရင် အားလုံးဝိုင်းဝန်းပြီးတော့ သက်ဆိုင်ရာ ကျနော်တို့ အာဏာပိုင်အဖွဲ့အစည်းတွေရော ကုမ္ပဏီ တွေရော ၊ ပြည်သူလူထုရော၊ ရပ်မိရပ်ဖတွေ နားလည်တက်ကျွမ်းတဲ့လူတွေ အားလုံး ပူးပေါင်း ပါဝင်ပြီးတော့ နေရာချ ထားပေးဖို့ နောက် ရေမဆေးတွေ ရှာရင်လည်း သူတို့တွေ အန္တရာယ်ကင်းအောင် ဘယ်လိုလုပ်မလဲ ဆိုလို့ရှိရင် အားလုံး ပူးပေါင်းဆောင်ရွက်ရင်တော့ ဒီလိုမျိုးအဖြစ်တွေ နည်းသွားမယ်လို့ ကျနော် ထင်တယ်ဗျာ။ အဓိကတော့ ပြည်သူလူထု ပူးပေါင်းဆောင်ရွက်မှ ရမယ်။ သက်ဆိုင်ရာ အာဏာပိုင်အဖွဲ့အစည်းနဲ့ ကုမ္ပဏီ တွေက တခါတလေ စေတနာလေး နဲ့ သူတို့ပြောတာတွေအပေါ်မှာလည်း ဒါတွေကို နားလည် လက်ခံပေးရမယ့် အနေအထားမျိုးရှိတယ်။

ဖားကန့်ဒေသ သဘာဝပတ်ဝန်းကျင်ပျက်ဆီးတာကို ကာကွယ်ဖို့အတွက် စက်ယန္တရားကြီးတွေနဲ့ထုတ်လုပ်တာကို ရပ်ဆိုင်းသင့်ပြီလို့လည်း ပြောဆိုပါတယ်။

“အခုမြေစာပုံတွေ ပစ်ထားတာတွေက သဘာဝ ရေ၀င်၊ ရေလဲ တွေပေါ့ဗျာ ။ စသဖြင့် တောတောင် လျှိမြောင်တွေမှာ ပစ်ထားတာဖြစ်တဲ့အတွက် အဲဒီ့တောတောင် လျှိုမြောင်တွေက နဂိုထွက်တဲ့ရေ ထွက်တွေအားလုံး ခမ်းကုန်ပြီ၊ မြေစာတွေကို စည်းမဲ့ကမ်းမဲ့ပစ်တဲ့အခါကျတော့ ရေစီးတွေနဲ့ မျှောပြီးတော့ ဥရုချောင်းထဲမှာ ရောက်လာတယ်။ ဥရုချောင်းကြမ်းပြင် အနည်းဆုံး ၁၀ ပေနဲ့အထက် မြင့်တက်သွားတယ်။ ရေကြီးရေလျှံမှုတွေ အကြီးအကျယ်ဖြစ်တယ်။ တခါဘူးမှ ဘယ်သူ့မှ မကြုံဖူးတဲ့ ရေကြီးမှုတွေဖြစ်တယ်။ သစ်တောကြီးတွေ မရှိတော့ဘူး။ သဘာဝ တောရိုင်းတိရစ္ဆာန်တွေမရှိတော့ဘူး။ အကြီးအကျယ်သဘာဝ ပတ်ဝန်းကျင် ပျက်စီးဆုံးရုံးသွားခဲ့ပြီ။ အဲတော့ ဒီလို စက်ယန္တရားတွေနဲ့ အကြီးအကျယ် ထုတ်လုပ်တဲ့ စနစ်မျိုးတွေကို ကျနော်တို့တားဆီးသင့်ပြီလို့ ကျနော် အဲဒီလိုပဲမြင်တယ်။”

ဒီကနေ့ ထပ်မံ တူးဖော်တွေ့ရှိတဲ့ ရုပ်အလောင်းကတော့ ၈လောင်းသာ ရှိတယ်လို့လည်း ဖားကန့်မြို့နယ်ရဲစခန်းက တာဝန်ရှိသူတဦးကပြောပါတယ်။

“ အခု ဒီမနက် ၈ နာရီကနေပြီးတော့ စပြီးတော့တူးတာ ဒီဟိုဟာအထိတော့ ၈ လောင်းရပြီ၊ အခုအချိန်အထိတော့။ အားလုံးပေါင်းက ၁၀၀ ကျော်သွားပြီပေါ့ဗျာ။”

ဖားကန့်ဒေသမှာ ကျောက်စိမ်းတူးဖော်နေတဲ့ ကုမ္ပဏီပေါင်း ၅၀ကျော် ရှိသလို ကျောက်စိမ်းနဲ့ ရွှေလုပ်ငန်း လုပ်ကိုင်သူပေါင်းကတော့ သိန်းချီ ရှိနေပြီး မြေစာပုံပြိုကျတာကတော့ ဒီနှစ် ဇန်န၀ါရီလ ၇ ရက်နေ့ကတကြိမ်၊ မတ်လ ၆ရက်နေ့က တကြိမ်နဲ့ မတ်လ ၃၀ရက်နေ့က တကြိမ်နဲ့ စက်တင်ဘာလ ၂ရက်နေ့က တကြိမ် ဖြစ်ပွားခဲ့ပါတယ်။

မိုးဇော် / ဗွီအိုအေ (မြန်မာပိုင်း)
http://burmese.voanews.com