11/28/15

ခေါင်းဆောင်ကောင်းတို့ မည်သည် ဆန်ရင်း နာနာ ဖွတ်ကြလေ၏...

အာဏာ ပါဝါ လုပ်ပိုင်ခွင့် တို့ ထက် ပြည်သူအတွက် အကောင်းဆုံး အလုပ်အကျွေးပြုရန်သာ နည်းလမ်းရှာဖွေ လမ်းညွန်မှုပေးကြလေ၏...

မြန်မာပြည်သူတွေ.. မိုးတိမ်ကင်းစင် မြူမုန်မခတဲ့ အာရုံဦးနံနက်ခင်းနဲ့ အတူ မကြာမှီ တောက်ပလာမည့် လင်းရောင်ခြည်အောက် လှပ ကြည်လင်တဲ့ အနာဂတ်တွေ ပိုင်ဆိုင်ရပေတော့မည်...
--------------------------------

"လူထုကိုကျေးဇူးဆပ်တဲ့အနေနဲ့ဒီနေ့ကစပြီးကိုယ်စားလှယ်များအလုပ်လုပ်ကြပါ...

အမတ်လစာထဲကလည်းဖြတ်တောက်ပါမယ်...ပြည်သူအတွက်အသုံးပြုပါမယ်...

ကိုယ်စားလှယ်များအတွက်သင်တန်းများလည်းအမြန်ဆုံးစတင်ပါမယ်...

စာမေးပွဲအတွက်လည်းရေးဖြေဖြေကြရပါမယ်...စာကျက်ထားကြပါ...

တိုင်းရင်းသားကိုယ်စားလှယ်များအတွက်သင်တန်းများကိုပထမဆုံးနဲ့အမြန်ဆုံး
စတင်ပါမယ်...

လွှတ်တော်ထဲမှာအချိန်နဲ့အချက်အလက်နဲ့မေးတတ်မြန်းတတ်အောင်ပြင်ဆင်
လေ့ကျင့်ထားကြပါ...

ခိုင်မာတဲ့ယုံကြည်ချက်ခြင်းတူညီတဲ့ရဲဘော်ရဲဘက်အခြင်းခြင်းလက်တွဲလုပ်ကြပါ...

နောက်ဆုံးအနေနဲ့ပြောလိုတာကအဖွဲ့ချုပ်လွှတ်တော်ကိုယ်စားလှယ်များကို
တင်းတင်းကျပ်ကျပ်ကိုင်တွယ်ပါမယ်..

အဖွဲ့ချုပ်လူဟောင်းများကိုလူသစ်များကတိုင်ပင်ပါ..ဆွေးနွေးပါ...

ဒီလှိုင်းကိုလည်းကြိုးစားဖတ်ကြပါ...

တင်းတင်းကျပ်ကျပ်ကိုင်တွယ်မယ်ဆိုတဲ့အတွက်လည်းစိတ်ဓာတ်မကျပါနဲ့...

အရည်အချင်းတိုးတက်မှုရှိအောင်လေ့ကျင့်ပေးတယ်လို့မှတ်ပါ...

ကိုယ်စားလှယ်များအနေနဲ့အခက်အခဲရှိရင်လည်းလူကြီးတွေကိုပွင့်ပွင့်လင်းလင်း
တိုင်ပင်လို့ရပါတယ်...ဒါပေမဲ့အမှားကိုတော့အမှန်မလုပ်ခိုင်းပါနဲ့...

အဖွဲ့ချုပ်လွှတ်တော်ကိုယ်စားလှယ်တစ်ယောက်ယောက်အလွဲသုံးစားပြုလုပ်လို့
ဥပဒေအရအရေးယူခံရမယ်ဆိုရင်လည်းထောင်ဝင်စာတွေ့ဖို့တော့
လူလွှတ်ပေးပါမယ်..."

(အနိုင်ရ NLD လွတ်တော် ကိုယ်စားလှယ်များနှင့် တွေ့ ဆုံပွဲမှ...)

ဒေါ်အောင်ဆန်းစုကြည်
တော်ဝင်နှင်းဆီ
၂၈-၁၁-၂၀၁၅
Khun Thuya

NLD အနိုင်ရလွှတ်တော်ကိုယ်စားလှယ်တွေ အနေနဲ့ အနိုင်ရခြင်းအပေါ် မှေးလိုက်ခြင်းမျိုးမလုပ်ဘဲ နိုင်ငံအတွက် ၀ိုင်းဝန်းကြိုးစားသွားဖို့ ပါတီနာယက ဦးတင်ဦးက ဒီနေ့ပြုလုပ်တဲ့ NLD အနိင်ရလွှတ်တော်ကိုယ်စားလှယ်များနှင့်တွေ့ဆုံပွဲမှာ သတိပေးပြောကြားသွားပါတယ်။

်ရွေးကောက်ပွဲမကျင်းပခင်က NLD ပါတီရဲ့စည်းကမ်းထိန်းသိမ်းရေးပိုင်းမှာ ပေါ့လျော့ခဲ့တာတွေရှိခဲ့တဲ့အတွက် တစ်ချို့အောက်ခြေတွေမှာ ပေါ့ပေါ့တန်တန်လုပ်နေကြတာတွေကိုတွေ့ရှိရကြောင်း ဒါကြောင့် စည်းကမ်းထိန်းသိမ်းရေးပိုင်းကို ပိုမိုတင်းတင်းကြပ်ကြပ်ကိုင်တွယ်သွားတော့မယ့်အကြောင်းကိုလည်း ဦးတင်ဦးက သတိပေးပြောဆိုသွားပါတယ်။

"အမျိုးသားဒီမိုကရေစီအဖွဲ့ချုပ်နဲ့ ဥက္ကဌ ဒေါ်အောင်ဆန်းစုကြည်ရဲ့ နိုင်ငံရေး ဂုဏ်သိက္ခာကို သိလုိ့သာ မဲပေးလိုက်တယ်ဆိုတာကိုသိတယ်။ ဒီအပေါ်မှာလည်း မှေးလိုက်မနေဘဲတိုင်းပြည်အတွက် ၀ိုင်းဝန်ကြိုးစားကြပါ။ စည်းကမ်းထိန်းသိမ်းရေးပိုင်းမှာလည်း ပေါ့လျော့တာတွေရှိခဲ့တယ်။ အခုတော့မရတော့ဘူး။ တင်းတင်းကြပ်ကြပ် တိတိကျကျ၊ သေသေချာချာ တိုင်တွယ်သွားမယ်။ လျော့ရဲနေတာတွေကို တရားဥပဒေအရ စည်းမျဉ်းစည်းကမ်းနဲ့အညီဆောင်ရွက်သွားမယ်" လို့ သူကဆက်ပြောခဲ့ပါတယ်။

ဒီနေ့တော်ဝင်နှင်းဆီမှာ ပြုလုပ်တဲ့ NLD အနိုင်ရလွှတ်တော်ကိုယ်စားလှယ်များနဲ့တွေ့ဆုံပွဲဟာ် ရွေးကောက်ပွဲအပြီးကာလမှာ ပထမဆုံးပြုလုပ်တဲ့တွေ့ဆုံပွဲဖြစ်ပြီး လာမယ့် ဒီဇင်ဘာလ ၅ ရက်နေ့မှာ လည်း အထက်မြန်မာပြည် က NLD အနိုင်ရလွှတ်တော်ကိုယ်စားလှယ်များနဲ့ တွေ့ဆုံပွဲကို ပြုလုပ်သွားမှာဖြစ်ပါတယ်။

ဒီနေ့ပြုလုပ်တဲ့ပွဲကို ရန်ကုန်မြို့ တော်ဝင်နှင်းဆီ ခန်းမ မှာမနက် ၉ နာရီက စတင်ပြုလုပ်ပြီး ဥက္ကဌ ဒေါ်အောင်ဆန်းစုကြည်နဲ့ အနိုင်ရကိုယ်စားလှယ်များတွေ့ဆုံမှုကို မနက်ပိုင်း ၊ နေ့လည်ပိုင်း နှစ်ပိုင်းခွဲပြီး ပြုလုပ်နေတာဖြစ်ပါတယ် ။

ရဲလွင်
ဓါတ်ပုံ- အောင်နိုင်စိုး(ကစ္ဆပ)

Popular News Journal


dassk-ygn-candidates-meets1-620.jpg
အမျိုးသားဒီမိုကရေစီအဖွဲ့ချုပ် ဥက္ကဌ ဒေါ်အောင်ဆန်းစုကြည်ဟာ ရွေးကောက်ပွဲအနိုင်ရ NLD ကိုယ်စားလှယ်တွေနဲ့ နိုဝင်ဘာလ ၂၈ ရက်နေ့က ရန်ကုန်မြို့ တော်ဝင်နှင်းဆီခန်းမမှာ တွေ့ဆုံစဉ်
Photo: Kyaw Zaw Win,Thiha Tun/RFA

အမျိုးသားဒီမိုကရေစီအဖွဲ့ချုပ် ဥက္ကဌ ဒေါ်အောင်ဆန်းစုကြည်ဟာ ရွေးကောက်ပွဲမှာအနိုင်ရရှိခဲ့တဲ့ ရန်ကုန်တိုင်းဒေသကြီး၊ တနင်္သာရီတိုင်းဒေသကြီး၊ မွန်ပြည်နယ်က NLD လွှတ်တော်ကိုယ်စားလှယ်တွေနဲ့ ပထမဆုံးအကြိမ် တွေ့ဆုံခဲ့ပါတယ်။
ဒီတွေ့ဆုံပွဲကို ရန်ကုန်မြို့ ရွှေဂုံတိုင်က တော်ဝင်နှင်းဆီခန်းမမှာ ဒီနေ့မနက်ပိုင်းက ကျင်းပခဲ့ပြီး နေ့လည်ပိုင်းမှာ တခြားတိုင်းနဲ့ပြည်နယ် အသီးသီးကကိုယ်စားလှယ်တွေနဲ့ ထပ်မံတွေ့ဆုံသွားမှာဖြစ်ပါတယ်။

အမျိုးသား ဒီမိုကရေစီအဖွဲ့ချုပ် ဗဟိုအောင်နိုင်ရေးအဖွဲ့ ဥက္ကဋ္ဌ ဦးတင်ဦးက  NLD ပါတီရဲ့ "ပြောင်းလဲဖို့အချိန်တန်ပြီ " ဆိုတဲ့ ကြွေးကြော်သံကို ပြည်သူတွေက ရင်ထဲအသဲထဲက ယုံကြည်ပြီး  ထောက်ခံအားပေးခဲ့တာဖြစ်တဲ့အတွက် ရွေးချယ်ခံ ကိုယ်စားလှယ်တွေအနေနဲ့ မာန်မာနကိုနှိမ့်ချပြီး ကြိုးစားဖို့လိုတယ်လို့ ပြောပါတယ်။
"ပြည်သူလူထုတွေက ဘယ်လောက်အပြောင်းအလဲကို လိုချင်နေကြပြီလဲဆိုတာ အလေးအနက် ပြသတာဖြစ်ပါတယ်၊ ဒီတော့ ပြည်သူတွေဆီက ဘာသံထွက်လာမလဲဆိုတော့ ကျုပ်တို့ကတော့ ခင်ဗျားတို့အားလုံး အနိုင်ရအောင်လို့ ကြွေးကြော်သံအတိုင်းမဲပေးလိုက်ပြီ၊ ဘာတွေပြောင်းလဲ ပေးမှာလည်းဆိုတဲ့ အမေးဟာ လာပါလိမ့်မယ်၊ ဒီတော့ ခင်ဗျားတို့ ကျွန်တော်တို့ဟာ အများကြီး ကြိုးစားရမှာဖြစ်ပါတယ်"

ဒါ့အပြင်ဦးတင်ဦးက ပြည်တွင်းမှာသာမက နိုင်ငံတကာကပါ လေးစားတန်ဖိုးထားရတဲ့ ဒေါ်အောင်ဆန်းစုကြည်ရဲ့ ကြိုးစားအားထုတ်မူနဲ့ နိုင်ငံရေးဂုဏ်သိက္ခာကိုအကြောင်းပြုပြီး အားလုံးရဲ့ဝိုင်းဝန်းကြိုးပမ်းမူနဲ့ ရွေးကောက်ပွဲမှာ အနိုင်ရရှိခဲ့တာဖြစ်တာလို့ ပြောပါတယ်၊ဒါ့ကြောင့် အောင်မြင်မူကို မာန်မာနမတက်ပဲ ဆင်ခြင်တုံတရားရှိဖို့လိုအပ်သလို ရှုံးနိမ့်သူတွေကိုလည်း လေးစားသမူပြုဖို့လိုတယ်လို့ ပြောပါတယ်။
တိုင်းရင်းသား ပြည်သူတစ်ရပ်လုံးက အမျိုးသားဒီမိုကရေစီအဖွဲ့ချုပ်ရဲ့ မူဝါဒဖြစ်တဲ့ ဒီမိုကရေစီ ဖက်ဒရယ်ပြည်ထောင်စု မြန်မာနိုင်ငံတည်ဆောက်ရေးကို အကောင်အထည်ဖော်ဖို့ တိုက်တွန်းလာမှာဖြစ်တဲ့အတွက် ၂ဝဝ၈ ဖွဲ့စည်းပုံပြင်ဆင်ရေးနဲ့ တိုင်းရင်းသားတွေနဲ့ ငြိမ်းချမ်းစွာ အတူတကွ လက်တွဲသွားဖို့ဆိုတဲ့ ကိစ္စဟာ အရေးပါလာမှာဖြစ်တယ်လို့ ဦးတင်ဦးက ပြောပါတယ်။

အလားတူ လက်ရှိအချိန်ကအစပြုပြီး  အမျိုးသားဒီမိုကရေစီအဖွဲ့ချုပ် ခိုင်မာစွာရပ်တည်နိုင်ရေးအတွက် လျော့ရဲနေတဲ့ စည်းမျဉ်းစည်းကမ်းတွေကို အသေအချာ ကြပ်မတ်ထိန်းသိမ်းသွားမှာဖြစ်တယ်လို့ ပြောပါတယ်။

အမျိုးသားဒီမိုကရေစီအဖွဲ့ချုပ် ဥက္ကဌ ဒေါ်အောင်ဆန်းစုကြည်ဟာ ရွေးကောက်ပွဲမှာအနိုင်ရရှိခဲ့တဲ့ ရန်ကုန်တိုင်းဒေသကြီး၊ တနင်္သာရီတိုင်းဒေသကြီးနဲ့ မွန်ပြည်နယ်က NLD လွှတ်တော်ကိုယ်စားလှယ်တွေနဲ့ ပထမဆုံးအကြိမ် တွေ့ဆုံခဲ့ပါတယ်။ဒီတွေ့ဆုံပွဲကို ရန်ကုန်မြို့ ရွှေဂုံတိုင်က တော်ဝင်နှင်းဆီခန်းမမှာ ဒီနေ့မနက်ပိုင်းက ကျင်းပခဲ့ပြီး နေ့လည်ပိုင်းမှာ တခြားတိုင်းနဲ့ပြည်နယ် အသီးသီးကကိုယ်စားလှယ်တွေနဲ့ ထပ်မံတွေ့ဆုံသွားမှာဖြစ်ပါတယ်။အမျိုးသား ဒီမိုကရေစီအဖွဲ့ချုပ် ဗဟိုအောင်နိုင်ရေးအဖွဲ့ ဥက္ကဋ္ဌ ဦးတင်ဦးက NLD ပါတီရဲ့ "ပြောင်းလဲဖို့အချိန်တန်ပြီ " ဆိုတဲ့ ကြွေးကြော်သံကို ပြည်သူတွေက ရင်ထဲအသဲထဲက ယုံကြည်ပြီး ထောက်ခံအားပေးခဲ့တာဖြစ်တဲ့အတွက် ရွေးချယ်ခံ ကိုယ်စားလှယ်တွေအနေနဲ့ မာန်မာနကိုနှိမ့်ချပြီး ကြိုးစားဖို့လိုတယ်လို့ ပြောပါတယ်။ရိုက်ကူး - သီဟထွန်း၊ ကျော်ဇောဝင်း/RFA

Posted by RFA Burmese on Friday, November 27, 2015
RFA
http://www.rfa.org/burmese/news/dassk-meets-ygn-candidates-11272015232448.html

“ ပြည်သူ့ အစေခံ ဂေါ့ဒက်စ်”


တရားဥပဒေအထက် မည်သူမမျှမတက်စေရ
ခွေးတကောင် ကြောင်တမြီး သော်မှ ။

သမ္မတအထက်တော့ ဂေါ့ဒက်စ် ရှိမယ်
အစိုးရဇက်ပေါ် ဂေါ့ဒက်စ် ၀ဲမယ် ။

သွားတုံးလုံး လူတုံးလုံး
နိုင်ငံမမယ် တုံးလုံးလေးအတွက် ဂေါ့ဒက်စ် စောင့်မယ်။

မိဘပြည်သူ့ရဲ့အမွေခံ အစေခံ ဂေါ့ဒက်စ်
ပြည်သူ ကြည်ဖြူတဲ့ ဂေါ့ဒက်စ်
သမ္မတအထက်နေနေ … အစိုးရအထက်ရှိရှိ
ကန့် ကွက်စရာနဟိ … မင်္ဂလာရှိပါတယ်။

သမ္မတအထက်မှာတဲ့လား …ပစ်လိုက်တဲ့စကား
ရဲလိုက်တဲ့မြှား … စူးစူးစားစား စိုက်ဝင်သွား။

လွှတ်တော်တွင်း … လွှတ်တော်ပြင်ပ တောနက်ကြီးထဲက
ကျားစဉ်းလဲတွေ မရိုးမရွ … ခုန်ဆွခုန်ဆွ ..ဘရိတ်ဒန့် (စ်) က

သမ္မတလား .. သူကကျွန်မဘေးမှာတဲ့ …
ပါးလိုက်တဲ့စကား … ကမ္ဘာကျော်တဲ့စကား
အားရလိုက်ထာ။

အလို .. ဟိုးကောင်းကင်ထက်မှာ ကြယ်တလုံး
မိန့် မိန့် ကြီး ပြုံးလို့ …. ခေါင်းတငြိမ့်ငြိမ့်ပြုံးလို့ 
ဘယ်သူများမှတ်တယ် … အဖိုးအောင်ဆန်းရယ် ။ ။

(မင်းကောင်းချစ်)
နိုဝင်ဘာ (၂၈) ရက် ခရစ်သက္ကရာဇ် ၂၀၁၅ ခုနှစ်

"လူထုကိုကျေးဇူးဆပ်တဲ့အနေနဲ့ဒီနေ့ကစပြီးကိုယ်စားလှယ်များအလုပ်လုပ်ကြပါ...အမတ်လစာထဲကလည်းဖြတ်တောက်ပါမယ်...ပြည်သူအတွက်အသုံးပြုပါမယ်...ကိုယ်စားလှယ်များအတွက်သင်တန်းများလည်းအမြန်ဆုံးစတင်ပါမယ်...စာမေးပွဲအတွက်လည်းရေးဖြေဖြေကြရပါမယ်...စာကျက်ထားကြပါ...

တိုင်းရင်းသားကိုယ်စားလှယ်များအတွက်သင်တန်းများကိုပထမဆုံးနဲ့အမြန်ဆုံးစတင်ပါမယ်...လွှတ်တော်ထဲမှာအချိန်နဲ့အချက်အလက်နဲ့မေးတတ်မြန်းတတ်အောင်ပြင်ဆင်လေ့ကျင့်ထားကြပါ...ခိုင်မာတဲ့ယုံကြည်ချက်ခြင်းတူညီတဲ့ရဲဘော်ရဲဘက်အချင်းချင်းလက်တွဲလုပ်ကြပါ..

နောက်ဆုံးအနေနဲ့ပြောလိုတာကအဖွဲ့ချုပ်လွှတ်တော်ကိုယ်စားလှယ်များကို
တင်းတင်းကျပ်ကျပ်ကိုင်တွယ်ပါမယ်.

အဖွဲ့ချုပ်လူဟောင်းများကိုလူသစ်များကတိုင်ပင်ပါ..ဆွေးနွေးပါ...ဒီလှိုင်းကို
လည်းကြိုးစားဖတ်ကြပါ...တင်းတင်းကျပ်ကျပ်ကိုင်တွယ်မယ်ဆိုတဲ့အတွကိ
လည်းစိတ်ဓာတ်မကျပါနဲ့...အရည်အချင်းတိုးတက်မှုရှိအောင်လေ့ကျင့်ပေးတယ်လို့မှတ်ပါ...ကိုယ်စားလှယ်များအနေနဲ့အခက်အခဲရှိရင်လည်းလူကြီးတွေကိုပွင့်ပွင့်လင်းလင်းတိုင်ပင်လို့ရပါတယ်...ဒါပေမဲ့အမှားကိုတော့အမှန်မလုပ်ခိုင်းပါနဲ့...

အဖွဲ့ချုပ်လွှတ်တော်ကိုယ်စားလှယ်တစ်ယောက်ယောက်အလွဲသုံးစားပြုလုပ်လို့ဥပဒေအရအရေးယူခံရမယ်ဆိုရင်လည်းထောင်ဝင်စာတွေ့ဖို့တော့
လူလွှတ်ပေးပါမယ်"

ဒေါ်အောင်ဆန်းစုကြည်
(၂၈.၁၁.၂၀၁၅ အဖွဲ့ချုပ် ကိုယ်စားလှယ်များနှင့် တွေ့ဆုံပွဲ)

Credits: Soe Jul
ဒေါ်အောင်ဆန်းစုကြည်
တော်ဝင်နှင်းဆီ
၂၈-၁၁-၂၀၁၅
အမျိုးသားဒီမိုကရေစီအဖွဲ့ချုပ်ဥက္ကဋ္ဌ ဒေါ်အောင်ဆန်းစုကြည်သည် ရွေးကောက်ပွဲအနိုင်ရ NLD ပါတီကိုယ်စားလှယ်များနှင့် နိုဝင်ဘာ ၂၈ ရက် နံနက် ၉ နာရီအချိန်ခန့်တွင် ရန်ကုန်မြို့ရှိ တော်ဝင်နှင်းဆီစားသောက်ဆိုင်တွင် စတင်တွေ့ဆုံလျက်ရှိသည်။

အမျိုးသားဒီမိုကရေစီအဖွဲ့ချုပ်ဥက္ကဌ ဒေါ်အောင်ဆန်းစုကြည်နှင့် အနုိုင်ရကုိုယ်စားလှယ်များ နုိုဝင်ဘာ ၂၈ရက်နေ့က ပထမဆုံးအကြိမ် တွေ့ဆုံရာတွင် ဗဟိုအောင်နိုင်ရေးအဖွဲ့ဥက္ကဌ ဦးတင်ဦးက စည်းကမ်းပိုင်းကို ပုိုမုိုတင်းကြပ်သွားမည်ဖြစ်ကြောင်း သတိပေးပြောကြားလုိုက်သည်။

ယနေ့ နံနက်ပိုင်းတွင် ရန်ကုန်တိုင်းဒေသကြီး၊ တနင်္သာရီတိုင်းဒေသကြီးနှင့် မွန်ပြည်နယ်တို့မှ အနိုင်ရကိုယ်စားလှယ်များနှင့် တွေ့ဆုံခြင်းဖြစ်ပြီး နေ့လည်ပိုင်းတွင် ရခိုင်ပြည်နယ်၊ ကရင်ပြည်နယ်၊ပဲခူးတိုင်းဒေသကြီးနှင့် ဧရာဝတီတိုင်းဒေသကြီးတို့မှ အနိုင်ရ ကိုယ်စားလှယ်များနှင့် ဆက်လက်တွေ့ဆုံမည်ဖြစ်သည်။

(ဓါတ်ပုံ-မျိုးမင်းထက်၊ဇာလီမြင့်ဦး)
Eleven Media Group

ရေးမြို့နယ်တွင် ဆောင်ရွက်မည့် အံဒင် ကျောက်မီးသွေးသုံး လျှပ်စစ် ဓာတ်အားပေး စက်ရုံ စီမံကိန်းအား ဒေသခံများ ကန့်ကွက် ဆန္ဒပြနေစဉ်

မြန်မာနိုင်ငံအတွင်း ကျောက်မီးသွေးသုံး ဓာတ်အားပေး စက်ရုံ တည်ဆောက်ခြင်းကို ငွေကြေး ထောက်ပံ့မှု၊ ထောက်ခံမှုများ မပြုလုပ်ရန် ဂျပန်နိုင်ငံသို့ မြန်မာ့ ဒေသခံ ကိုယ်စားပြု အဖွဲ့များမှ တောင်းဆိုစာကို နိုဝင်ဘာ ၂၇ ရက်က မြန်မာနိုင်ငံဆိုင်ရာ ဂျပန်သံရုံးသို့ ပေးပို့ခဲ့ကြောင်း သိရသည်။

မြန်မာနိုင်ငံ အတွင်းတွင် ပြဿနာများကို ဖြစ်ပေါ်စေသော၊ ညစ်ညမ်းစေသော ကျောက်မီးသွေးသုံး ဓာတ်အားပေး စက်ရုံများ တည်ဆောက်ခြင်းကို ဂျပန်ဘဏ်များ ဖြစ်ကြသော Japan Bank for International Coo-peration (JBIC) နှင့် Japan International Cooperation Agency(JICA) တို့အနေဖြင့် ငွေကြေး ထောက်ပံ့ခြင်း သို့မဟုတ် ထောက်ခံ အားပေးခြင်းများ မပြုလုပ်ရန် ရည်ရွယ်ပြီး မြန်မာနိုင်ငံမှ ဒေသကိုယ်စားပြု ဒေသခံ သုံးဦးမှ ဂျပန်သံရုံးသို့ စာတစ်စောင် ပေးပို့ခဲ့ခြင်း ဖြစ်ကြောင်း သိရသည်။

အဆိုပါ တောင်းဆိုစာသည် ဒေသခံ လူထုအပြင် အရပ်ဘက် အဖွဲ့အစည်းများနှင့် ဆွေးနွေး ညှိနှိုင်းမှုများ ပြုလုပ်ပြီး မြန်မာနိုင်ငံ၏ စွမ်းအင် လိုအပ်ချက်အပေါ် ယုံကြည် စိတ်ချလက်ခံနိုင်သော ရေရှည်တည်တံ့သော အဖြေတစ်ခုကို ဂျပန်တို့ အနေဖြင့် ၎င်းတို့၏ ကျွမ်းကျင်မှုများနှင့်အတူ ကူညီလုပ်ဆောင်ရန်သင့်ကြောင်း မြန်မာနိုင်ငံမှ အရပ်ဘက် လူမှုအဖွဲ့အစည်း ၇၂ ဖွဲ့မှ ထောက်ခံ အတည်ပြုထားသော စာတစ်စောင် ဖြစ်ကြောင်း သိရသည်။

“JBIC အနေနဲ့ ကျွန်မတို့ အံဒင် ဒေသလို သဘာဝ အရင်းအမြစ်တွေ ချမ်းသာကြွယ်ဝပြီးသား နေရာတွေမှာ ကျောက်မီးသွေး စက်ရုံ လာဆောက်တာဟာ ကျွန်မတို့ ဘ၀တွေကို ဖျက်ဆီးရာ ရောက်နေတယ်။ ကျွန်မတို့ဒေသ သဘာဝ အရင်းအမြစ်၊ သန့်ရှင်းသော လေ၊ ရေ၊ အစားအစာ၊ ကျန်းမာရေး၊ စီးပွားရေး၊ လူမှုရေး၊ အစစအရာရာ ဖူလုံပြီးသား။ ဖွံ့ဖြိုးတိုးတက်စေချင်လို့ ကျောက်မီးသွေး စက်ရုံ လာတည်ဆောက်တယ်ဆိုတာ စစ်မှန်တဲ့ ဖွံ့ဖြိုးတိုးတက်ရေး မဟုတ်ပါဘူး။ စီမံကိန်း အကောင်အထည် မဖော်ခင် ကတည်းက ကျွန်မတို့ရဲ့ လူမှုရေး၊ စီးပွားရေးကို ထိခိုက်နေပြီ။ ဒီထက်ပိုပြီး ကျန်းမာရေးနဲ့ သဘာဝ ပတ်ဝန်းကျင်တို့ကိုပါ မထိခိုက်စေချင်တော့ဘူး။ စားဝတ်နေရေး ဖူလုံပြီး အေးချမ်းနေတဲ့ ကျွန်မတို့ ဒေသကို JBIC အနေနဲ့ လာမဖျက်ဆီးဖို့ ပြောချင်ပါတယ်။ JBIC အပါအ၀င် တခြား စီမံကိန်းကို အကောင်အထည် ဖော်မယ့်သူ အနေနဲ့လည်း ဒေသခံတွေရဲ့ အသံကို နားထောင်သင့်ပါတယ်” ဟု မွန်ပြည်နယ် ရေးမြို့နယ် အံဒင် လူငယ်အဖွဲ့မှ မသီရိဦးက ဆိုသည်။

“ကျွန်တော်တို့ ဒီနေ့ စာတင်ပြီးပြီ။ သူတို့ ဘယ်လို အကြောင်းပြန်မလဲဆိုတာ နားထောင် ကြည့်မယ်။ ဒီစာတင်ဖြစ်တဲ့ အကြောင်းအရင်းက ကျွန်တော်တို့ ဒေသက ရေရှားတယ်။ကုန်းမြေက ကျဉ်းတယ်။ ငါးသယံဇာတ ရှိတယ်။ သန္တာကျောက်တန်း ရှိတယ်။ သူတို့စက်ရုံတွေ ဆောက်ရင် သူတို့လိုချင်တဲ့ ရေ မပေးနိုင်ဘူး။ ကျွန်တော်တို့ ဒေသက တောင်တန်းနဲ့ မြေပြန့်ဒေသ။ အဲဒီမြေပြန့်မှာ သဘာဝဘေး အန္တရာယ် ရောက်လာလို့ရှိရင် ဒီတောင်တန်းတွေ ရှိလို့ နေလို့ရတာ။ မုန်တိုင်းကျလာပြီ
သို့မဟုတ် ရေတက်လာပြီဆိုရင် ဒီတောင်ပေါ် ပြေးတက်ကြတာ။ ဒီစက်မှုဇုန် ဧရိယာတွေ ဖြစ်လာပြီဆိုရင် ဒီတောင်တန်းတွေ အားလုံး ဖြိုချကြမှာ။ အဲဒီတော့ ဒီမှာရှိတဲ့ လူတွေ ရှင်သန်မှုနဲ့ နေထိုင်မှုက အားလုံး ပျက်စီးသွားမှာ။ အဲဒါတွေကြောင့် ကျောက်မီးသွေးစက်ရုံ စီမံကိန်းတွေကို လုံးဝ လက်မခံနိုင်ပါဘူး” ဟု ဧရာဝတီတိုင်း ဒေသကြီး ငပုတောမြို့နယ် ငရုတ်ကောင်း ဒေသမှ ဒေသခံ ဦးကံကြီးက ပြောကြားသည်။

“ကမ္ဘာ့ဘဏ်လို နိုင်ငံတကာ ငွေကြေးဆိုင်ရာ ရန်ပုံငွေ အဖွဲ့တွေနဲ့ အစိုးရ ငွေကြေးဆိုင်ရာ အဖွဲ့တွေ အနေနနဲ့ ကျောက်မီးသွေး စက်ရုံတွေကို ငွေကြေး ထောက်ပံ့မှုတွေကို လျှော့ချနေကြပြီ။ ကျောက်မီးသွေး စက်ရုံနဲ့ ပတ်သက်ပြီးJBIC၊ JICA တို့အနေနဲ့ ရင်းနှီးမြှုပ်နှံမှုဟာ သူတို့ ဂုဏ်သိက္ခာနဲ့ရင်းပြီး အရဲစွန့်ရာ ရောက်တယ်။ ကျောက်မီးသွေးသုံး ဓာတ်အားပေး စက်ရုံကြောင့် ဖြစ်ပေါ်နိုင်တဲ့ လူမှုရေး အကျိုးသက်ရောက်မှုများနဲ့ သဘာဝ ပတ်ဝန်းကျင် ဆိုးကျိုးတွေကို ဒေသခံ လူထုအပေါ် သက်ရောက်စေသလို ရာသီဥတု ပြောင်းလဲမှုကိုလည်း ဖြစ်စေတယ်” ဟု ထားဝယ် ဖွံ့ဖြိုးရေးအဖွဲ့ (DDA) မှ တာဝန်ခံ ကိုသန့်ဇင်က ပြောကြားသည်။

ဲJBIC နှင့် JICA တို့ထံ ပေးပို့သော အဆိုပါစာတွင် မည်သည့် ကျောက်မီးသွေး စက်ရုံကိုမဆို ဒေသခံ လူထုများနှင့် တွေ့ဆုံပြီးမှသာလျှင် အကောင်အထည်ဖော်ရန် သင့်ကြောင်း၊ အကယ်၍ ဒေသခံ လူထု၏ သဘောတူညီမှု မပါဘဲ မည်သည့် စီမံကိန်းကိုမဆို ဆက်လက်၍ အကောင်အထည်ဖော် ဆောင်ရွက်ခဲ့လျှင် သဘာဝ ပတ်ဝန်းကျင်နှင့် ပတ်သက်သော၊ လူမှုရေးနှင့် ပတ်သက်သော ၎င်းတို့၏ ကိုယ်ပိုင် လမ်းညွှန်ချက်များကို ၎င်းတို့ ကိုယ်တိုင် ချိုးဖောက်ရာ ရောက်ကြောင်း သတင်းထုတ်ပြန်ချက်တွင် ဖော်ပြထားသည်။
Writer:
နီလာ
Eleven Media Group

တစ်ကျပ်တန်ပစ္စည်းကို
တစ်မတ်နဲ့ရောင်းစား
ရောင်းထားတဲ့ပစ္စည်းကို
လိုချင်တဲ့သူက ရောင်းသူအိတ်ထဲ
မဖိတ်မစင်ဘဲ ကြိတ်ကာပင်တိုးတိုးတိတ်
ထိုးသိပ်လို့ရွှင်ဆေး
ငွေထိုးပေးလိုက်တော့တာပဲ…။
ဘယ်သူသေသေ ငတေမာရင်ပြီးရော
ငါတကော ကောတဲ့အုပ်ချုပ်သူတွေကြောင့်
တိုင်းပြည်ကြီးငါပါးမှောက်
ကျောက်ပဲတူးတူး ရွှေပဲဖေါ်ဖေါ်
တိုင်းပြည်ရဲ့ဘဏ္ဍာတော်ထဲ
ငွေလဲဝင်မလာ
လိုရာအခွန်ကောက်လဲမရောက်
တိုင်းပြည်သာ ဗိုက်မှောက်ပြီး
သူတို့တတွေဗိုက်ခေါက်ကြီးနေကြတော့ပေ…။

တိုင်းသူပြည်သား လူအများမှာ
ဘယ်လိုစားလို့ ဘယ်လိုသွားနေရ
သူတို့မမှုကြ ပြည်သူ့ဒုက္ခ ပြည်သူ့ဆန္ဒ
ပြည်သူ့ဘ၀ ၀ကွက်ပြီးချန်ထားကြ
သူတို့သာ-၀သထက်ဝအောင်ပေါင်းစားကြ
အကြောင်းကံမလှလို့
နောက်ကြောင်းပြန်မရတော့တဲ့အဆုံး
တရုံးရုံး တ၀ုန်းဝုန်းနဲ့
ကျောက်စိမ်းတွေအားလုံး
ပြုန်းအောင် တုံးအောင်
ငုံးကောင်တွေပေါက်လာသလို
အမြန်ဆုံးသားဖေါက်နေကြပြီ
ဒါတွေကို မဖိစီး မတာစီးခဲ့ပါရင်
ရင်နှစ်သည်းချာ ကျောက်စိမ်းတွေဟာ
ကုန်ဆုံးသွားတော့မှာ…။

တက္ကသိုလ်ဘုန်းကြွယ်( ၂၇ ၁၁ ၁၅)

ဖားကန့်မြို့ရှိ ကျောက်စိမ်းတူးသူတရုတ်ကုမ္ပဏီများက
ဒီအစိုးရသက်တမ်းမကုန်ဆုံးမီကျောက်စိမ်းများကို
ဖိဖိစီးစီးတူးဖေါ်နေသောသတင်းရရှိ၍
ဒီကဗျာကိုရေးလိုက်ရပါတယ်…။

အောက်ပါလင့်ကိုကလစ်ပြီး ဗွီဒီယိုကိုကြည့်ပါ

https://www.facebook.com/DVBTVNews/videos/2618785403452/?pnref=story

ကချင်ပြည်နယ် ဖားကန့် ကျောက်စိမ်းတွင်းတွေမှာ တရုတ် ကုမ္ပဏီတွေကနေ အစိုးရသက်တမ်း မကုန်မီ ကျောက် တူးဖော်မှုတွေကို အဆပေါင်းများစွာ တိုးမြှင့်လုပ်ဆောင်နေကြပါတယ်။

(တစ်)

ကျုပ်စကားပြောရင်၊ စာရေးရင် အညာသားပီပီ ကြားဖူးနားဝပုံတိုပတ်စ၊ ဥပမာ ဥပမေယျလေးထည့်ပြောရမှ ပြည့်စုံတယ်လို့အောက်မေ့တာကလား။

ဟုတ်တယ်ဗျ။ အထူးသဖြင့် အာဏာရှင်မျိုးဆက်အစိုးရမင်းများအကြောင်း
စဉ်းစားမိရင်ကျုပ်ခေါင်းထဲမှာ ပုံတိုပတ်စတွေအစီအရီပေါ်လာ တတ်လေရဲ့။

ပြီးခဲ့တဲ့ရွေးကောက်ပွဲမှာ လူထုအကြီးအကျယ်ထောက်ခံတဲ့ အတိုက်အခံပါတီကြီး အနိုင်ရပြီဟေ့ဆိုတဲ့သတင်းလည်း ကြားရော၊ ကျုပ်ခေါင်းထဲကိုဒိုင်းကနဲ ဝင်ဆောင့်လာတာကတော့ ဖိုးသူတော်ပုံပြင်တစ်ပုဒ်ပဲဗျ။

တခါတုန်းက သီလကြောင်ဖိုးသူတော်တယောက်ဟာ၊ ကျောင်းနဲ့
မလှမ်းမကမ်းမှာရှိတဲ့ လယ်ကွင်းထဲက၊ လယ်ပုဇွန်လုံးတွေကိုမြင်တော့ ချက်စားလိုက်မဟဲ့ဆိုတဲ့ရည်ရွယ်ချက်နဲ့၊ လယ်ကွက်ထဲဆင်း၊ ပုဇွန်လုံးတွေကိုဖမ်း၊ ခါးပိုက်ထောင်ထဲထည့်ပြီး၊ ကျောင်းကိုပြန်လာသတဲ့။ ကျောင်းနားကန်နားမှာ မှီခိုရတဲ့ဖိုးသူတော်ဆိုတော့၊ သူတစ်ပါးအသက်ကိုသတ်ခြင်းဟာ ကံငါးပါးထဲက ပါဏာတိပါတာကံထိုက်မှာကို ရှောင်လွှဲတဲ့အနေနဲ့ အဲဒီပုဇွန်လုံးတွေကို ဝိနည်းလွတ်ချက်စားနိုင်ဖို့ ဥာဏ်နီဥာဏ်နက်ထုတ်သတဲ့။

အဲဒီဖိုးသူတော် ရွှေဥာဏ်တော်စူးရောက်လိုက်ပုံက၊ မီးဖိုပေါ်မှာရေနွေးအိုး
ကျိုက်ကျိုက်ဆူအောင်တည်ပြီး၊ အဲဒီရေနွေးအိုး ဟိုဘက်ဒီဘက်အိုးနှုတ်ခမ်းပေါ်ကို တုတ်တိုတစ်ချောင်းဖြတ်တင်ပြီး၊ လယ်ပုဇွန်လုံးတွေကိုဖြတ်လျှောက်စေသတဲ့။ ပြီးတော့ သူကပုဇွန်လုံးတွေကို ပြောလိုက်သေးတယ်။

မင်းတို့ဟိုဖက်အိုးနှုတ်ခမ်းကိုရောက်အောင် ဖြတ်လျှောက်နိုင်ရင်၊ ဇီဝိတဒါနအဖြစ် မင်းတို့အသက်ကိုလွှတ်ပါသကွာ။ တကယ်လို့ဟိုဖက်နှုတ်ခမ်းမရောက်ခင် အိုးထဲပြုတ်ကျရင်တော့ မင်းတို့ထိုက်နဲ့မင်းတို့ကံပေပဲ…တဲ့။

(နှစ်)

ဒီလောက်ကျိုက်ကျိုက်ဆူပြီး အငွေ့တထောင်းထောင်းထနေတဲ့ အပူငွေ့တွေကြားမှာ၊ ခနော်ခနဲ့တုတ်ချောင်းပေါ်ကို ဘယ်ပုဇွန်လုံးက ဖြတ်လျှောက်နိုင်မတုန်းဗျာ။ ရေနွေးအိုးထဲတဖြုတ်ဖြုတ်ပြုတ်ကျပြီး မာလကီးယားကုန်ကြရတာပေါ့။ ဖြစ်ချင်တော့အဲဒီလယ်ပုဇွန်လုံးတွေထဲက အကြီးဆုံးပုဇွန်လုံးတစ်ကောင်ဟာ၊ ဖိုးသူတော်ရဲ့ကလိမ်စေ့ငြမ်းဆင်တဲ့ စိန်ခေါ်ချက်ကိုရင်ဆိုင်၊၊ ရေနွေးငွေ့အပူရှိန်ကြားကနေ တုတ်ချောင်းပေါ်ဖြတ်လျှောက်ပြီး၊ အိုးဟိုဘက်နှုတ်ခမ်းအထိအောင်မြင်စွာ ကူးသွားနိုင်ခဲ့သတဲ့။

ဒီမှာတင်အကြီးဆုံးပုဇွန်လုံးကို စားချင်ဇောနဲ့သားရေကျနေတဲ့ ဖိုးသူတော်နောက်ထပ်ထုတ်လိုက်တဲ့ဥပဒေကတော့…၊ မင်းက အကောင်ကြီးတယ်။ နောက်တစ်ခေါက်ထပ်လျှောက်တဲ့ဗျာ။

တိုတိုပြောရရင် နောက်တစ်ခေါက်ထပ်လျှောက်တော့ အဲဒီပုဇွန်လုံးကြီးလည် သေရရှာတာပေါ့။

အဲဒီပုံပြင်နဲ့တစ်ထပ်တည်းပါပဲဗျာ။ ဟိုးလွန်ခဲ့တဲ့(၂၅)နှစ်(၁၉၉၀)တုန်းက၊ နိုင်ငံနဲ့အဝှမ်းရွေးကောက်ပွဲကြီးခြိမ့်ခြိမ့်သဲသဲကျင်းပပြီး၊ အတိုက်အခံ ပါတီကြီးလည်းအနိုင်ရရော….၊ ရွေးကောက်ပွဲလုပ်တာဟာ၊ အာဏာလွှဲပေးဖို့မဟုတ်ဘူး။ ဖွဲ့စည်းပုံအခြေခံဥပဒေရေးဆွဲဖို့သာဖြစ်တယ်လို့၊ အခုလက်ရှိအာဏာရအစိုးရမင်းများရဲ့ ခေါင်းကိုင်ဖခင်ကြီးများက နှစ်ခေါက်ပြန်လျှောက်ခိုင်းခဲ့ဖူးတယ်လေ။

ဒါတင်ဘယ်ကဦးမတုန်း။(၂၀၀၃)ခုနှစ်တုန်းက၊ ဒီပဲယင်းမှာ အတိုက်အခံပါတီခေါင်းဆောင်ကို မသေမချင်း၊ရိုက်သတ်ဖို့လမ်းညွန်ခဲ့သူဟာ၊ အခုစာဖတ်နေပါတယ်ဆိုတဲ့ ဂိုဏ်းချုပ်ကြီးပဲလို့၊ သူတို့ဂိုဏ်းဝင် အချင်းချင်းပြန်ဖော်နေကြလေရဲ့။

(သုံး)

အမှန်တော့သူတို့ဟာ၊ သူတို့ဘေးလောင်းတော်ဘိုးလောင်းတော်၊ (၁၉၆၂)ခုနှစ်တော်လှန်ရေးကောင်စီဥက္ကဋ္ဌကြီးရဲ့ ခြေရာကိုပုံတူ လိုက်နင်းတာပေါ့ဗျာ။ ဒီမောင်တွေရဲ့ညစ်လုံးတွေကိုဇာတ်စုံခင်းရရင် တစ်ထောင်တစ်ညပုံပြင်လိုဖြစ်တော့မှာမို့ လိုတိုရှင်းပဲပြောပါရစေတော့။ ဒင်းတို့ဟာဘမျိုးဘိုးတူရာဇဝင်လေးနဲ့ခင်ဗျ။

ဟုတ်တယ်လေ။ အဲဒီဥက္ကဋ္ဌကြီးခေါင်းဆောင်တဲ့ အိမ်စောင့်အစိုးရဟာ တော်လှန်ရေးကောင်စီဖြစ်လာတယ်။ တော်လှန်ရေးကာင်စီကနေ မြန်မာ့ဆိုရှယ်လစ်လမ်းစဉ်ပါတီကို၊ အာဏာရပါတီကြီးဖြစ်လာအောင် ရွက်ဖျဉ်တဲထဲ၊ သစ်ကုလားအုပ်ဝင်သလိုမျိုး၊ တစ်ဆင့်ပြီးတစ်ဆင့် ကလိမ်ကကျစ်ကျခဲ့တာပါပဲ။

(၁၉၆၂)နဲ့(၁၉၈၈)ခုနှစ်တွေမှာ အာဏာသိမ်းတော့လည်းတောင်သူလယ်သမား ကျောမွဲလူတန်းစားတွေကောင်းစားဖို့၊ တိုင်းပြည်ငြိမ်ဝပ်ပိပြားဖို့ ဆိုတဲ့လေသံပစ်တာချင်းလည်း တစ်ထပ်တည်းတူညီတယ်ခင်ဗျ။ ရဟန်းသံဃာ၊ တောင်သူလယ်သမား ကျောင်းသားနဲ့ပြည်သူတွေကို ရက်ရက်စက်စက်ပစ်ခတ်နှိမ နှင်းတဲ့နေရာမှာလည်းခြေရာတူလိုက်နင်းခဲ့တာပါပဲ။

မြန်မာ့ဆိုရှယ်လစ်လမ်းစဉ်ပါတီကိုအမြုတေပါတီကနေ၊ ပြည်သူ့ပါတီအဖြစ် ကူးပြောင်းတာနဲ့ပုံစံတူ တိုင်းပြည်ဘဏ္ဍာငွေတွေနဲ့တည်ထောင်ထားတဲ့၊ ကြံ့ခိုင်ဖွံ့ဖြိုးရေးလူမှုရေးအသင်းကြီးကိုလည်း နိုင်ငံရေးပါတီအဖြစ်၊ ဇွတ်အတင်းကူလီကူမာနည်းနဲ့ အသွင်ပြောင်းခဲ့တာလည်းတစ်ပုံစံတည်းပါပဲဗျာ။

(၂၀၀၈) ခုနှစ်တုန်းက၊ နာဂစ်မုန်တိုင်းဒဏ်ကြောင့်မြန်မာတပြည်လုံး မသာအိမ်လိုဖြစ်နေတဲ့အချိန်မှာ၊ ဒင်းတို့စိတ်တိုင်းကျ၊ တစ်ဖက်သတ်ရေးဆွဲထားတဲ့ဖွဲ့စည်းပုံအခြေခံဥပဒေကြီးကိုအတည်ပြုခဲ့တာ၊ မှတ်မိကြဦးမှာပါ။

အဲဒီ လုပ်ရပ်ဟာ (၁၉၈၈)ခုနှစ် တစ်တိုင်းပြည်လုံးခြွတ်ခြုံကျပြီး ကမ္ဘာ့အဆင်ရဲဆုံးနိုင်ငံစာရင်းဝင်နေချိန်မှာ ငွေစက္ကူတွေကို တရားမဝင်ကြောင်းကြေညာခဲ့တာ၊ မဆလခေတ်(၁၉၇၄)တုန်းက ဖွဲ့စည်းပုံအခြေခံဥပဒေကိုအတည်ပြုတုန်းကလည်းမဲမသမာမှုတွေ လုပ်ခဲ့တာတွေကို ပြန်ပြောင်းသတိရစရာပါပဲ။

နောက်တစ်ချက်က သူတို့အာဏာရနေစဉ်ကာလတစ်လျှောက်လုံးမှာ လုပ်ခဲ့သမျှဆန္ဒခံယူပွဲ၊ ရွေးကောက်ပွဲမှန်သမျှ၊ အကြံအဖန်လုပ်ပွဲတွေချည်းဖြစ်နေတာမို့၊ တစ်သွေမတိမ်းတူညီနေတာလည်း ထူးလျက်နဲ့မဆန်းတဲ့အချက်ပဲဗျာ။

ဟော၊ ပြီးခဲ့တဲ့(၂၀၁၅)ရွေးကောက်မှာလည်း၊ အဲဒီပါတီဟာ၊ မသမာနည်းမျိုးစုံ သုံးပြီးမဲဆွယ်မဲခိုးလုပ်ခဲ့ကြတာ၊ လူတကာသိနေတဲ့ကိစ္စ။ အေးလေ။ သင်းတို့ဟာ အဲသလောက်သမိုင်းကြောင်းမကောင်းခဲ့လို့၊ အခုရွေးကောက်ပွဲရလာဒ်သတင်းတွေလည်းထွက်လာရော စောစောကပြောတဲ့၊ သီလကြောင်ဖိုးသူတော်နဲ့ ပုဇွန်လုံးပုံပြင်ကိုကျုပ်ပြေးသတိရမိတာပေါ့။

(လေး)

အခု(၂၀၁၅)ရွေးကောက်ပွဲရလာဒ်ကတော့ ဒင်းတို့ကံဆိုးလွန်းတယ်၊ ထင်တိုင်းမပေါက်ဘူးဆိုရမယ်ဗျ။ ဒင်းတို့ကိုယ်ဒင်းတို့ဟုတ်လှပြီထင်၊ ပြည်သူလူထုကိုနလဗိန်းတုံးတွေလို့နှလုံးသွင်းပြီး (၂၆%)လောက်တော့ ရလောက်ရဲ့လို့တွေးမိတဲ့ ကိုယ်တော်ချောများခမျာ၊ ပြိုင်လေရာနေရာတိုင်းလိုလို ဟက်တက်ကွဲပြီးရှုံးပါရောလားဗျာ။ တကယ်တော့သူတို့ရဲ့နိုင်ငံရေးဘဝဟာ သေဆုံးသွားခဲ့ပြီ၊ သူတို့ကိုပြည်သူလူထုတစ်ရပ်လုံးကအယုံအကြည် မရှိတော့သလို၊ နိုင်ငံတကာကလည်း မထောက်ခံတော့ဘူးဆိုတာ ငမိုက်သားခမျာမရိပ်စားမိကြရှာဘူးဗျ။

ဒီမှာတင် သမ္မတကြီးနဲ့ ကာကွယ်ရေးဦးစီးချုပ်တို့လည်း မျက်ကလဲဆန်ပြာဖြစ်ပြီး၊ လူထုဆန္ဒကိုလေးစားပါ့မယ်။ အာဏာကိုအသာတကြည်အေးချမ်းစွာ လွှဲပြောင်းပေးပါ့မယ်ဆိုတဲ့ လေသံတွေထွက်လာတော့တာပါပဲ။

အင်း၊ အဲဒီအသံတွေဟာလူကြားလို့တော့ကောင်းပါရဲ့။ မင်္ဂလာရှိတာလည်း
မှန်ပါရဲ့။ သို့ပေသည့်….၊

နောက်ဆက်တွဲသတင်းတွေအရ၊ မဲရှုံးတဲ့ပါတီကြီးဘက်ကနေတိုင်စာတွေ ပလူပျံအောင်တက်မယ်ဆိုတဲ့ အပေါက်မျိုးချိုးလာတယ်။

သမ္မတကြီးကိုယ်တိုင်က၊ အနိုင်ရပါတီရဲ့ တွေ့ဆုံဆွေးနွေးရေးကမ်းလှမ်းချက်ကို၊ သောင်မတင်ရေမကျအကြောင်းပြန်ပြီး၊ ဘာအဓိပ္ပါယ်မှမရှိတဲ့ပါတီ
ကိုးဆယ်ကျော်ကိုခေါ်ယူတွေ့ဆုံတယ်။ အဲဒီပွဲမှာဘဲဥမကွဲတဲ့ ကချွတ်ကချောက်ပါတီဥက္ကဋ္ဌတွေက၊ အနိုင်ရပါတီဥက္ကဋ္ဌကိုအရေးယူဖို့၊ စစ်တပ်ကအာဏာသိမ်းဖို့လေသံပစ်တယ်။ ကာကွယ်ရေးဦးစီးချုပ် ကလည်းတွေ့ဆုံညှိနှိုင်းရေးကို ထိုနည်းလည်းကောင်း၊ ပြန်ကြားပြီး၊ မိုးညှင်းဘက်မှာ တိုက်ပွဲတွေအရှိန်မြှင့်လာတယ်။

ကျုပ်စိတ်ထဲမှာတော့ အာဏာလွှဲပြောင်းရေးမချောမွေ့အောင်၊ အချိန်ကြန့်ကြာအောင် ပြသနာမျိုးစုံကို ဆီလိုအပေါက်ရှာနေကြတယ်လို့ ထင်မိတာပါပဲ။ ဒီတော့ကျုပ်စိတ်ထဲမှာ အီစွပ်ပုံပြင်ထဲက ဝံပုလွေနဲ့သိုးငယ်ဇာတ်လမ်းလေးကို ပြေးသတိရမိပြန်တယ်။

တခါတုန်းက၊ ဝံပုလွေတစ်ကောင်ဟာ၊ ချောင်းစပ်ကိုရေဆင်းသောက်ရင်း သိုးငယ်တစ်ကောင်ကိုတွေ့တော့ စားလိုက်မဟဲ့ဆိုတဲ့ကြံရွယ်ချက်နဲ့၊ ခုန်အုပ်ပြီးဖမ်းလိုက်သတဲ့။ ဒီမှာတင်သိုးငယ်ဟာကြောက်လန့်တကြားနဲ့..၊

ကျွန်တော့်မှာဘာအပြစ်ရှိလို့၊ ခင်ဗျားကကိုက်သတ်စားမှာလဲခင်ဗျာလို့လည်းမေးလိုက်ရော၊ ဝံပုလွေရဲ့အကြောင်းပြချက်ကတော့၊ လွန်ခဲ့တဲ့တစ်နှစ်လောက်တုန်းက၊ ငါဒီချောင်းထဲမှာရေသောက်နေတုန်း၊ မလှမ်းမကမ်းကနေ၊ မင်းဖြတ်ပြေးသွားခဲ့လို့ရေတွေ နောက်ကုန်တယ်လေ။ ငါရေနောက်တွေသောက်ခဲ့ရတာမင်းကြောင့်၊ မင်းမှာအပြစ်ရှိတာပေါ့လို့ဆိုသတဲ့။

ဒီမှာတင်သိုးကယ်က..၊ ဟာ၊ဒါဆိုရင်ခင်ဗျား၊သိုးချင်းမှားနေပြီဗျ။ ကျွန်တော့်အသက်က အခုမှခြောက်လပဲရှိသေးတာလို့လည်းဆိုရော၊ ဝံပုလွေက..၊ အဲဒီအကောင်ဟာမင်းမဟုတ်ရင်၊ မင်းအဖေပဲဖြစ်ရမယ်ဆိုပြီး၊ သိုးငယ်ကိုသတ်စားလိုက်တာပါပဲတဲ့ဗျာ။

(ငါး)

ဟုတ်တယ်ဗျ။ အဲဒီပုံပြင်ဥပမာတွေကို ထောက်ရှုဆင်ခြင်ကြည့်ရင်၊ အာဏာရှင်စိတ်ဓာတ်မပျောက်ချင်သေးတဲ့၊ ဒီမိုကရေစီနွားကန်မနာသေးတဲ့၊ ဒီမိုကရေစီထမ်းပိုးမကျင့်ရသေးတဲ့၊ ရွှေကိုယ်တော်များဟာ၊ ပြဿနာမျိုးစုံကိုဖန်တီးမီးမွှေးဖို့၊ ကျားချောင်းချောင်းနေမှာသေချာတယ်။ အာဏာကိုမလွတ်စတမ်း ကျားပိန်တွယ်တွယ်ထားဖို့၊ စိတ်ကူး ဖဲရိုက်နေကြမှာသေချာတယ်။

ဒီအချက်တွေကို၊ အနိုင်ရပါတီခေါင်းဆောင်အနေနဲ့ ကောင်းကောင်းကြီး နားလည်သဘောပေါက်နေပုံရတယ်ဗျ။ ပြည်သူလူထုကိုအောင်ပွဲမခံကြဖို့ ဆုံးမဆော်သြတယ်။ ကြီးသုံးကြီးကိုတွေ့ဆုံဆွေးနွေးဖို့ ကမ်းလှမ်းတယ်။

နိုင်ငံတကာသံတမန်ငါးဆယ်ကျော်ကို လက်ခံတွေ့ဆုံတယ်။ သူရှေ့ဆက် လုပ်သွားမဲ့လုပ်ငန်းစဉ်တွေကို နိုင်ငံတကာသတင်းဌာနတွေကတစ်ဆင့်၊ တစ်ခုချင်း တစ်ဆင့်ချင်းဖွင့်ဟသတင်းပေးတယ်။ အတော့်ကို အကွက်စေ့စေ့ထောင့်စေ့စေ့ ကိုင်တွယ်ဆောင်ရွက်နေတယ်ဆိုတာ အများမြင်သာပါတယ်။

သူမက ခေါင်းအေးအေးနဲ့ပညာသားပါပါ တစ်ကွက်ချင်းရွေ့လေ၊ ဟိုမောင်တွေခမျာမျောက်မီးခဲကိုင်မိသလို၊ ထိုင်မရထမရဖြစ်နေကြမှာသေချာတယ်ဗျာ။

နောက်ဆုံးရသတင်းတွေအရ၊ ဘာအကွက်ဆန်းများထွင်ကြဦးမလဲတော့ တပ်အပ်မဆိုနိုင်ဘူး။ အငြိမ်းစားဗိုလ်ချုပ်မှူးကြီးရဲ့မြေးတော်လေးက၊ အနိုင်ရပါတီခေါင်းဆောင်ဆီကို တွေ့ခွင့်လာတောင်းလို့တွေ့ခွင့်ပြုလိုက်သတဲ့။

ဘယ်လိုပဲဖြစ်ဖြစ်၊ သင်းတို့ဟာမဟုတ်တာမှန်သမျှ၊ နောက်မဆုတ်စတမ်း လက်ရဲဇက်ရဲပြုမူဖို့အသင့်ရှိနေတဲ့၊ လူစားတွေဆိုတာကတော့၊ မေ့ထားလို့မဖြစ်ဘူးလေ။ သူမဟာရန်စွယ်ကြားကလှဥမ္မာ၊ မီးလျှံထဲကကြာဖြူ၊ ဘဲအုပ်တွေကြားကဗေဒါဘဝမို့၊ ကျုပ်တို့ပြည်သူလူထုတစ်ရပ်လုံးက၊ သတိမပြတ်ပဲ ဆက်လက်ဝန်းရံပေးကြဖို့လိုတယ်ဗျ။

ရွေးကောက်ပွဲအကြိုနဲ့ ရွေးကောက်ပွဲနေ့ရက်တွေတုန်းကလိုပဲ၊ ပြည်သူတစ်ရပ်လုံး၊ နိုင်ငံရေးအသိစိတ်ဓာတ်နိုးကြားနေကြဖို့လိုတယ်။ လူဖျင်းလုံ့လတခဏဆိုသလို၊ ကောက်ရိုးမီးလိုဟုန်းကနဲထထောက်ပြီး ဟုတ်ကနဲငြိမ်းသွားလို့မဖြစ်ဘူးလေဗျာ။

(ခြောက်)

အဲဒီတော့ကာ၊ ခင်ဗျားတို့ကျုပ်တို့အနေနဲ့ ဒီမိုကရေစီအရသာကိုခံစားစံစားနိုင်ဖို့ ကြိုးပမ်းနေကြရပါဦးမယ်။ ခင်ဗျားတို့ကျုပ်တို့သဘောဆန္ဒအတိုင်း
တညီတညွတ်တည်းရွေးကောက်တင်မြောက်ထားတဲ့အနိုင်ရပါတီခေါင်းဆောင်ရဲ့ ဦးဆောင်မှုနောက်ကို အရှိန်ဟုန်မပျက် ယုံယုံကြည်ကြည်ဆက်လက်လိုက်ပါကြဖို့ အရေးကြီးပါတယ်။

ဟုတ်ပါ့ဗျာ။ ဒီမောင်တွေရဲ့လက်ထဲကနေအာဏာကို အေးအေးချမ်းချမ်းလွှဲယူနိုင်ပြီး၊ ဒင်းတို့ရဲ့အမြီးနဲ့ဖုန်လုံး၊ လုံးလုံးကြီးမမြင်ရတော့တဲ့အချိန်မှာတောင်၊ အဖက်ဖက်ကယိုယွင်းပြီး ပျက်စီးခြင်းငါးပါးဆိုက်နေတဲ့ တိုင်းပြည်ကြီးကိုပြန်လည် ထူထောင်ဖို့အတွက်၊ သူများနိုင်ငံတွေခြေလှမ်း၊ လေးငါးလှမ်းလှမ်းရင်၊
ကျုပ်တို့ကခြေလှမ်းအလှမ်းနှစ်ဆယ်တန်သည် သုံးဆယ်တန်သည်လှမ်းနိုင်မှ
တန်ကာကျမှာ၊

ကျုပ်တို့အရိုးစွဲနေတဲ့ ခေတ်ဟောင်းကအကျင့်ဟောင်းတွေ အကျင့်ဆိုးတွေ သောက်ကျင့်တွေကို ပြင်နိုင်မှဖြစ်မှာမဟုတ်လား။ ဒီမိုကရေစီရပြီဆိုတာနဲ့ ပဒေသာပင်မြေကနေချက်ခြင်းပေါက်လာမှာ မဟုတ်ဘူးလေ။ ကျုပ်တို့တစ်တွေကုန်းရုန်းပြီလုပ်နိုင်ပါမှ၊ ပြဲနေအောင်လုပ်နိုင်ပါမှ တန်ကာကျမှာဗျ။ အဲဒါကြောင့် ကျုပ်တို့အမျိုးသားခေါင်းဆောင်ကြီး ပြောခဲ့တာပေါ့။

တောကြီးမျက်မည်းထဲက မထွက်နိုင်ခင်မှာ လွတ်ပြီလို့ မအော်ကြပါနဲ့ ဆိုတာလေဗျာ။

မင်းဒင်။

maungmaungthein-620.jpg န်ကုန်တိုင်းဒေသကြီး အင်းစိန်မြို့နယ်မှာရှိတဲ့ မြန်မာနိုင်ငံငါးလုပ်ငန်းအဖွဲ့ချုပ်ရုံးမှာ မွေးမြူရေးနဲ့ ရေလုပ်ငန်းဝန်ကြီးဟောင်း ဦးမောင်မောင်သိမ်းကို နိုဝင်ဘာလ ၂၇ ရက်နေ့က တွေ့ရစဉ်

ဗြိတိန်နိုင်ငံ အခြေစိုက် Global Witness အဖွဲ့က ထုတ်ပြန်တဲ့ အစီရင်ခံစာမှာ စွပ်စွဲထားသလို ကျောက်စိမ်းလုပ်ငန်း လုပ်နေတဲ့ မျိုးနွယ်ကျောက်မျက်ကုမ္ပဏီ၊ မြတ်ယမုံကျောက်မျက်ကုမ္ပဏီနဲ့ သက်ဆိုင်မှုမရှိကြောင်း အစွပ်စွဲခံရ တဲ့ မွေးမြူရေးနဲ့ ရေလုပ်ငန်းဝန်ကြီးဟောင်း ဦးမောင်မောင်သိမ်းက ငြင်းဆိုလိုက်ပါတယ်။

ရန်ကုန်တိုင်းဒေသကြီး အင်းစိန်မြို့နယ်မှာရှိတဲ့ မြန်မာနိုင်ငံငါးလုပ်ငန်းအဖွဲ့ချုပ်ရုံးမှာ မနေ့က ကျင်းပတဲ့ သတင်းစာရှင်းလင်းပွဲမှာ ဦးမောင်မောင်သိမ်းက ပြောသွားတာဖြစ်ပါတယ်။

"သူ့ရဲ့စွပ်စွဲချက်ထဲမှာ ဦးနေအောင်ဟာ ကျနော့်သား မှန်ပါတယ်၊ မြတ်ယမုံကျောက်မျက် ကုမ္ပဏီပိုင်ရှင်၏ တူဖြစ်သူ ဦးခင်မောင်မြင့်နဲ့ ကျနော်သား ဦးနေအောင်တို့ဟာ ကျောင်းနေဘက် ဦးခင်မောင်မြင့် ဖွဲ့စည်း တည်ထောင်တဲ့ မျိုးနွယ်ကျောက်မျတ်ကုမ္ပဏီမှာ ဦးနေအောင်ဟာ ငွေကြေးထည့်ဝင် ရင်းနှီးမှုမပါပဲနဲ့ သူငယ်ချင်းဖြစ်သူရဲ့အစီအစဉ်ဖြင့် ဒါရိုက်တာအဖြစ်နဲ့ ပါဝင်လာခဲ့ခြင်းဖြစ်ပါတယ်၊ မျိုးနွယ်ကျောက်မျက် ကုမ္ပဏီ၊ မြတ်ယမုံကျောက်မျက်ကုမ္ပဏီတို့၏ လုပ်ငန်းဆောင်ရွက်မှုများ၊ အောင်မြင်မှုများ၊ ဆုံးရှုံးမှုများကို ကျနော်နဲ့သက်ဆိုင်မှုမရှိတဲ့အတွက် ကျနော်အနေနဲ့ ဘာမှမသိပါဘူး၊ အကျိုးအမြတ်ပိုင်ဆိုင်မှုများလည်း မိမိနဲ့ လုံးဝသက်ဆိုင်မှုမရှိပါဘူး"

Global Witness အဖွဲ့က ဖားကန့်ဒေသမှာ တစ်နှစ်ကျော်ကြာ လေ့လာပြီးနောက် ပြီးခဲ့တဲ့ အောက်တိုဘာလ ၂၅ ရက်နေ့က မြန်မာနိုင်ငံရဲ့ ကြီးမားတဲ့ နိုင်ငံတော်လျှို့ဝှက်ချက်ဆိုတဲ့ အစီရင်ခံစာကို ထုတ်ပြန်ခဲ့တာဖြစ်ပါတယ်။

အစီရင်ခံစာမှာ ဦးမောင်မောင်သိမ်းရဲ့ အရှိန်အဝါကိုသုံးပြီး လုပ်ငန်းလိုင်စင်ရယူထားတာတွေ ရှိတယ်ဆိုတာကို လည်း ဦးမောင်မောင်သိမ်းက ငြင်းဆိုပါတယ်။ ပြီးခဲ့တဲ့ ဧပြီလအတွင်း မြတ်ယမုံ ကုမ္ပဏီပိုင် မိုင်းတွင်းမှာ မတော်တဆမှုဖြစ်ပွားခဲ့ပြီး လူပေါင်း ၄ဝ ကျော် သေဆုံးခဲ့ရကြောင်း ရေးသားထားတာကိုတော့ ငြင်းဆိုခြင်း မရှိခဲ့ပါဘူး။

အဲ့ဒီအစီရင်ခံစာမထွက်ခင် Global Witness အဖွဲ့က ဦးမောင်မောင်သိမ်းထံ ကျောက်စိမ်းလုပ်ငန်းနဲ့ပတ်သက်ပြီး အကြောင်းကြားစာ နှစ်ကြိမ်ပေးပို့ခဲ့ရာ အဲ့ဒီစာဟာ ခြိမ်းခြောက်တဲ့သဘောရှိနေပြီး သက်သေအထောက်အထား မရှိတဲ့ စွပ်စွဲချက်တွေဖြစ်တယ်လို့လည်း ပြောပါတယ်။

အဲ့ဒီအစီရင်ခံစာမှာ ကချင်ပြည်နယ်က ကျောက်စိမ်းတူးဖော်ရေး လုပ်ငန်းတွေကနေ ပြီးခဲ့တဲ့နှစ်အတွင်းရရှိတဲ့ တန်ဖိုးငွေ အမေရိကန်ဒေါ်လာ ၃၁ ဘီလီယံအထိရှိပြီး ဗိုလ်ချုပ်မှူးကြီးဟောင်း ဦးသန်းရွှေနဲ့ မိသားစုပိုင်ကုမ္ပဏီ၊ လက်ရှိ ပြည်ထောင်စုဝန်ကြီး ဦးအုန်းမြင့်ပိုင် ကုမ္ပဏီနဲ့ ဦးပိုင်ကုမ္ပဏီလီမိတက်တို့က ချုပ်ကိုင်ထားတယ်လို့ လည်း ပါရှိပါတယ်။ ဒါ့အပြင် ဝပြည်သွေးစည်းညီညွတ်ရေးအဖွဲ့နဲ့ ပတ်သက်နေတဲ့ အရင်က ဘိန်းဘုရင်လို့ နာမည်ကြီးတဲ့ Wei Hsueh Kang နဲ့ Ever Winner ကုမ္ပဏီပိုင်ရှင် ဦးအိုက်ထွေးတို့ ပါဝင်နေတယ်လို့လည်း ဖော်ပြထားပါတယ်။

RFA
http://www.rfa.org/burmese/news/global-witness-jade-report-maungmaungthein-press-11272015220448.html

မြန်မာစစ်တပ် စစ်ရေးပြအခမ်းအနား။
မြန်မာစစ်တပ် စစ်ရေးပြအခမ်းအနား။

တိုင်းရင်းသားတွေ လက်နက်ကိုင်အဖွဲ့တွေနဲ့ ငြိမ်းချမ်းရေးရဖို့ လုပ်ငန်းစဉ်တွေ မှာ ဒေါ်အောင်ဆန်းစုကြည် ကိုယ်တိုင် ဦးဆောင်သွားမယ်ဆိုပေမဲ့ - ကာလုံ လို့ခေါ်တဲ့ အမျိုးသား ကာကွယ်ရေးနဲ့ လုံခြုံရေး အဖွဲ့အစည်းကြီးကို အရင်ဆုံး ပြုပြင်ပြောင်းလဲနိုင်မှ ငြိမ်းချမ်းရေး လုပ်ငန်းစဉ် အောင်မြင် မယ်လို့ မြန်မာ့ အရေး သုံးသပ်သူတဦးက ပြောဆိုလိုက်ပါတယ်။ တချိန်က တပ်မတော်သားဟောင်းတဦးလည်းဖြစ်၊ နိုင်ငံရေးအကျဉ်းသားဟောင်းတဦး လည်းဖြစ်တဲ့ ဦးမျိုးမြင့်ကို မနန္ဒာချမ်းက ဆက်သွယ်မေးမြန်းတဲ့အခါမှာ - ရွေးကောက်ပွဲအနိုင်ရ NLD အမျိုးသားဒီမိုကရေစီအဖွဲ့ချုပ်အနေနဲ့ အစိုးရတရပ် ဖွဲ့စည်းနိုင်ရုံနဲ့ ပြည်တွင်းငြိမ်းချမ်းရေး ဖြစ်လာအောင် လုပ်နိုင်ဖို့မှာ အခက်အခဲတွေ အများကြီး ရှိတယ်လို့ သူက အခုလို စ ဖြေခဲ့ပါတယ်။

"ကျနော့်အမြင်ပြောရရင်တော့ဗျာ။ ပြည်တွင်းငြိမ်းချမ်းရေးဆိုတဲ့ကိစ္စက အမျိုးသား လုံခြုံရေး နဲ့ ဆိုင်တဲ့ ကိစ္စဗျ။ အဲ့တော့ အမျိုးသားလုံခြုံရေးနဲ့ဆိုင်တဲ့ ကိစ္စလို့ ပြောတဲ့နေရာမှာ ဗမာပြည်မှာ အမျိုးသားလုံခြုံရေးနဲ့ဆိုင်တဲ့ ကိစ္စကို ဆုံးဖြတ်တဲ့ နေရာမှာ ကာလုံ လို့ခေါ်တဲ့ အမျိုးသား ကာကွယ်ရေးနဲ့ လုံခြုံရေး အဖွဲ့အစည်း ၁၁ဦး ပါတဲ့ အဖွဲ့အစည်းကြီးက ဆုံးဖြတ်တာဗျ။ အဲ့ဒီ့ကာလုံအဖွဲ့ ၁၁ ဦးထဲမှာက ခြောက်ဦးက ကာကွယ်ရေးဦးစီးချုပ်ရဲ့ လူတွေဗျ။ အဲ့တော့ NLD က အစိုးရ ဖွဲ့စည်းနိုင်ပြီ ဆိုရင် အဲ့ဒီ့ ကာလုံထဲက ဆုံးဖြတ်တဲ့နေရာတွေမှာ မဲ အများစုနဲ့ စစ်တပ်ကို အသာစီးရဖို့ NLD က ဘယ်နှစ်နေရာ ရမလဲဆိုတဲ့ ပြဿနာ ရှိတယ်။ အဲ့တော့ အစိုးရ အဖွဲ့ကို ဖွဲ့ လိုက် နိုင်ရုံနဲ့ ငြိမ်းချမ်းရေး Process တွေကိုပေါ့ဗျာ ကိုယ့်စိတ်တိုင်းကျပေါ့ဗျာ။ တကယ့် ငြိမ်းချမ်းရေး ရအောင် လုပ်ဖို့ ဆိုတာကတော့ အခက်အခဲ နည်းနည်း ရှိတယ်ဗျ။
တပ်မတော်သားဟောင်းဦးမျိုးမြင့်

နောက်တချက်က ဥပမာဗျာ ကာလုံထဲမှာ ပါနေတဲ့သူတွေ က အရပ်သားတွေလည်း ပါတယ်။ စစ်သားတွေလည်း ပါတယ် ပြောကြပေမဲ့ ဒီနေရာမှာ ကျနော်က အရပ်သား စစ်သား ခွဲတာထက်ပေါ့ဗျာ လူထုဘက်ကလူနဲ့ စစ်တပ်ဘက်က လူ ဘယ်နှစ်ယောက် ပါကြလဲ ဆိုတာ ကျနော်က ခွဲကြည့်ချင်တယ်။ အဲ့တော့ NLD အနေနဲ့ ဒေါ်အောင်ဆန်းစုကြည်အနေနဲ့ NLD အနေနဲ့က လွတ်လွတ်ကျွတ်ကျွတ် အစိုးရလည်း ဖွဲ့ခွင့်ရပြီ။ အခုနကလို နိုင်ငံတော်လုံခြုံရေးဆိုင်ရာ ကိစ္စလည်း ဖြစ်တယ်။ ငြိမ်းချမ်းရေး ကိစ္စကိုလည်း လုပ်ခွင့်ရပြီ ဆိုဦးတောင်မှ ကျနော်တို့ က ကာလုံလို့ခေါ်တဲ့ အမျိုးသား ကာကွယ်ရေးနဲ့ လုံခြုံရေး အဖွဲ့အစည်းကြီး ကို ဘယ်လောက်အထိ သြဇာသက်ရောက် နိုင်လိမ့်မလဲ၊ ဘယ်လောက်အထိ သြဇာလွှမ်းမိုးနိုင်မလဲ ဆိုတဲ့ အခြေအနေအပေါ်မှာ မူတည်တယ်ဗျ။

အဲ့တော့ ကျနော်တို့က ဒေါ်အောင်ဆန်းစုကြည်က လွတ်လွတ်ကျွတ်ကျွတ် အစိုးရ ဖွဲ့ခွင့်လည်း ရပြီ။ ငြိမ်းချမ်းရေး Process မှာလည်း ပါတော့မယ် ဆိုလို့ရှိရင် ကာလုံလို့ခေါ်တဲ့ အမျိုးသား ကာကွယ်ရေးနဲ့ လုံခြုံရေး အဖွဲ့အစည်းကြီး ဆိုတဲ့ ဟာကြီးကို အရင်ဆုံး ပြုပြင်ပြောင်းလဲ ဖို့ လိုမယ်ဗျ။ အဲ့တာကြီးကို မပြောင်းလဲနိုင်ပဲ နဲ့တော့ စစ်တပ်ကို သိမ်းသွင်းဖို့ သို့မဟုတ် ဖြောင်းဖြဖို့ သို့မဟုတ် နားချဖို့ ငြိမ်းချမ်းရေး Process ထဲမှာ ပါဝင်လာဖို့ပေါ့ဗျာ။ ဘာမှ လုပ်မရဘူးလို့ ကျနော် ထင်တယ်ဗျာ။

မနန္ဒာချမ်း။ ။ ငြိမ်းချမ်းရေးလုပ်ငန်းစဉ်တွေကိုလုပ်နေတဲ့ တလျောက်လုံးမှာ တဘက်မှာ ငြိမ်းချမ်းရေး ဆွေးနွေးတယ်။ တဘက်မှာလည်း တိုက်ပွဲတွေ ဖြစ်တယ် ဒီအပေါ်မှာ ပြောတော့ သမ္မတ ဦးသိန်းစိန် ကိုယ်တိုင်က တိုက်ပွဲတွေ ရပ်ဖို့ ဆိုပြီး ပြောလိုက်တာ ရှိပါတယ်။ ဒါပေမဲ့လည်း တပ်မတော်က သူ့ဘာသာ ဆက်တိုက်နေတာပဲ ဆိုတော့ NLD အစိုးရ တက်လာတဲ့အခါကျရင်ရော တပ်မတော်ကို ပြောဆိုတဲ့ အခါတွေမှာ တပ်မတော်က နားထောင်မှာ မဟုတ်ဘူး။ သြဇာညောင်းမှာ မဟုတ်ဘူးလို့ ဆိုလိုတဲ့ သဘောလားရှင့်။

ဦးမျိုးမြင့်။ ။ အဲ့ အခုနက ကျနော်ပြောသလိုပေါ့ဗျာ။ ဒီမိုကရေစီနိုင်ငံတွေမှာလို စစ်တပ်သည် အရပ်သားအစိုးရကို နာခံရမယ်ဆိုတဲ့ မူ အတိုင်းပေါ့ဗျာ။ အဲ့ဒီ့အတိုင်း ဖွဲ့စည်း အုပ်ချုပ်ပုံမှာ ရှိတယ်ဆိုလို့ရှိရင်တော့ စစ်တပ်က မဖြစ်မနေ နာကို နာခံရမှာပဲဗျ။ အခုက ဖြစ်နေတာက ၂၀၀၈ ဖွဲ့စည်းအုပ်ချုပ်ပုံ အခြေခံဥပဒေအရကို စစ်တပ်သည် လက်ရှိတက်နေတဲ့ ဘယ်အစိုးရဖြစ်ဖြစ်ပေါ့။ စစ်တပ်က မနာခံလို့ရတယ်ဆိုတဲ့ အဓိပ္ပါယ်မျိုး တွေရှိနေတယ်။ အဲ့တော့ ဆိုလိုတာက ဘယ်အစိုးရပဲ တက်တက် တက်ချင်တဲ့ အစိုးရ တက်ပေါ့ဗျာ။ ၂၀၀၈ ဖွဲ့စည်းအုပ်ချုပ်ပုံ အခြေခံ ဥပဒေမှာ စစ်တပ်သည်လူထုကရွေးချယ်တင်မြှောက်ထားတဲ့ ဒီမိုကရေစီ အစိုးရတရပ်ကို နာကိုနာခံရမယ်ဆိုတာမျိုး မပြုပြင် မပြောင်းလဲနိုင်သရွေ့ ဟိုဘက်ပိုင်းမှာ ဒီပြဿနာတွေက ဆက်ရှိနေမှာပဲလို့ ကျနော် ထင်တယ်ဗျ။

မနန္ဒာချမ်း။ ။ ဟုတ်ကဲ့ရှင့်။ နောက်ဆုံးတခု အနေနဲ့က တကယ်လို့ ထားပါတော့ ဒီငြိမ်းချမ်းရေးကိစ္စတွေကို စားပွဲပေါ်မှာ ထိုင်ကြပြီ။ ပြောကြပြီ ဆိုခဲ့ရင် အဓိက တိုက်ပွဲတွေ ဖြစ်နေတဲ့ ကချင်ဘက်မှာ ကချင်ဒေသက ကျောက်စိမ်း နယ်မြေဖြစ်တယ်။ သဘာဝ သယံဇာတ တွေ စစ်တပ်နဲ့ ပတ်သက်တဲ့ ခရိုနီတွေ ဖြစ်စေ စစ်တပ်ပဲဖြစ်ပစေ အကျိုးအမြတ်တွေ အများကြီး ရနေတာတွေ ရှိတော့ ဒီသယံဇာတ ခွဲဝေယူရေး ကိစ္စ မပါပဲနဲ့ရော ဒီငြိမ်းချမ်းရေးက ဖြစ်နိုင်ပါ့မလား။

ဦးမျိုးမြင့်။ ။ သယံဇာတ ခွဲဝေယူရေးဆိုတဲ့အပိုင်းမှာလည်း အဲ့ကိစ္စကလည်း ဖွဲ့စည်းအုပ်ချုပ်ပုံ အခြေခံဥပဒေအရ NLD က ပြောထားတဲ့ ဖက်ဒရယ်မှုကို ဘယ်လိုကျင့်သုံးမလဲ ပေါ့လေ။ အုပ်ချုပ်ရေး အာဏာ၊ တရားစီရင်ရေးအာဏာ ၊ တရားဥပဒေပြုရေး အာဏာ တွေမှာ အဲ့ဒီ့လို ပြည်နယ်တွေ အလိုက် ထွက်ရှိတဲ့ သယံဇာတ တွေကို ဘယ်လိုခွဲဝေ ကြမလဲဆိုတဲ့အပိုင်းကလဲ အခုနကပြောသလို စားပွဲဝိုင်းမှာပဲ ဆွေးနွေးရမှာဗျ။ ကျနော်ထင်တာ မဟုတ်ပါဘူး။ ကျနော် ယုံပါတယ်။ အခု တိုင်းရင်းသားလူမျိုးစုတွေ အားလုံးဟာ သူတို့ဒေသအသီးသီးမှာ ထွက်နေတဲ့ သယံဇာတ ခွဲဝေရေး ကိစ္စတွေကိုလည်းပဲ ပြည်တွင်းငြိမ်းချမ်းရေး ကိစ္စမှာ ဒေါ်အောင်ဆန်းစုကြည်နဲ့ ဆွေးနွေးကြမှာပါ။ ဆွေးနွေးကြလို့ရှိရင်လည်း ပြေလည်ဖို့ အလားအလာတွေလည်း အများကြီး ရှိတယ်လို့ ကျနော်ယုံကြည်ပါတယ်ခင်ဗျ။

တပ်မတော်သားဟောင်းတဦးလည်းဖြစ်၊ နိုင်ငံရေးအကျဉ်းသားဟောင်းတဦး လည်းဖြစ်တဲ့ ဦးမျိုးမြင့်ကို မနန္ဒာချမ်းက ဆက်သွယ်မေးမြန်းခဲ့တာ ဖြစ်ပါတယ်။


လူထုဒေါ်အမာ နှစ်(၁၀၀) ပြည့် မွေးနေ့ ဖိတ်ကြားလွှာ
လူထုဒေါ်အမာ နှစ်(၁၀၀) ပြည့် မွေးနေ့ ဖိတ်ကြားလွှာ

၂၀၀၈ ခုနှစ်က ကွယ်လွန်သွားခဲ့တဲ့ မန္တလေးမြို့က စာရေးဆရာ၊ သတင်းစာ ဆရာမကြီး လူထုဒေါ်အမာရဲ့ နှစ် ၁၀၀ ပြည့်မွေးနေ့ အခမ်းအနား မန္တလေးမြို့မှာ ကျင်းပနေပါတယ်။ ဒီလို မွေးနေ့ ရာပြည့် အခမ်းအနား ကျင်းပနေချိန်ဟာ လူထုဒေါ်အမာ နှစ်ပေါင်းများစွာ စောင့်စားခဲ့တဲ့ အပြာင်းအလဲနဲ့ ငြိမ်းချမ်းရေး ရည်မှန်းချက် လက်တွေ့ အကောင်အထည်ပေါ်တော့ မလား ဆိုတဲ့ မျှော်လင့်ချက်တွေ မြင့်မားနေချိန်နဲ့လည်း တိုက်ဆိုင်နေပါတယ်။ လူထုဒေါ်အမာ မကွယ်လွန်ခင် လပိုင်းအလို၊ တယ်လီဖုံးနဲ့ ဆက်သွယ် မေးမြန်းခဲ့တဲ့ ပြောကြားချက်တချို့ကို စုစည်းပြီး ကိုသိန်းထိုက်ဦး တင်ပြထားပါတယ်။

"အမေ့မွေးနေ့က နက်ဖြန်ခါ ၉၂ နှစ်ပြည့်မှာကွ၊ ဘာမှ ခမ်းခမ်းနားနားလုပ်တာ မရှိပါဘူးကွာ၊ နှစ်တိုင်းလိုပါပဲ၊ ဘုန်းကြီးကျောင်းမှာ ဆွမ်းကျွေးမှာပါ။"

၂၀၀၇ ခုနှစ် နိုင်ဝင်ဘာလ ၂ဂ ရက်နေ့၊လူထုဒေါ်အမာရဲ့ ၉၂ နှစ်ပြည့် မွေးနေ့ မတိုင်ခင်တရက်အလို၊ သူနဲ့ ဆက်သွယ် စကားပြောဖြစ်တဲ့ အချိန်က နောက်နေ့ ကျရောက်မယ့် သူ့မွေးနေ့အကြောင်းကို ပြောသွား ခဲ့တာပါ။ အဲဒီ မွေးနေ့ အခမ်းအနားဟာ လူထုဒေါ်အမာ ထင်ရှိထင်ရှား ရှိနေခဲ့တဲ့ နောက်ဆုံး မွေးနေ့ အခမ်းအနားလည်း ဖြစ်ခဲ့ပါတယ်။

သူ့မွေးနေ့ဆိုရင် သူကိုချစ်တဲ့၊ သူ့စာတွေကို တန်ဘိုးထားတဲ့စာပေ အပေါင်းအသင်းတွေ မန္တလေးမှာ ဆုံတွေ့လေ့ရှိတဲ့ အစဉ်အလာကြောင့် ဧည့်သည်တွေရော စုံနေပြီလားလို့ မေးဖြစ်ခဲ့ပါတယ်။

"ဧည့်သည်တွေ ရောက်တယ်တော့။ ရန်ကုန်က မိတ်ဆွေတွေလေ၊ အမေကလေ အများ မေတ္တာ စေတနာနဲ့ အခုလို အသက်ရှည်တယ်ဆိုပြီး ၀မ်းသာပြီး သာဓုခေါ်နေပါတယ်။"

၁၉၁၅ ခုနှစ် နိုဝင်ဘာလ ၂၉ ရက်နေ့က မွေးဖွားခဲ့သူ၊ မွေးချင်း ၁၂ ယောက်ထဲက စတုထ္ထသမီး ငယ်နာမည် အမာ၊ လူထုဒေါ်အမာ ဟာ ဗုဒ္ဓသာသာနာ့၊ နဂ္ဂဟကျောင်း၊ အမျိုးသမီးနေရှင်နယ်ကျောင်း၊ ABM (American Baptist Mission School)၊ မန္တလေး ဗဟို အမျိုးသားကျောင်းနဲ့ မန္တလေး ဥပစာကောလိပ်တွေမှာ ငယ်စဉ်က ပညာဆည်းပူးခဲ့သူပါ။

၁၉၃၆ ခုနှစ် ရန်ကုန်တက္ကသိုလ်မှာ ကျောင်းတက်တဲ့ အချိန်၊ ဒုတိယကျောင်းသား သပိတ်ကြီးမှာ ပါဝင်ရင်း၊ နယ်ချဲ့ဆန့်ကျင်ရေး အမျိုးသားလွတ်မြောက်ရေး တိုက်ပွဲတွေကြား အင်းယျားဆောင် သဟာရနဲ့ စာဖတ်အသင်း၊ အတွင်းရေးမှူး အမာ၊သိပိတ်မှောက်ကျောင်းသူ အမာရယ်လို့ လူသိများခဲ့တာပါ။ ဒေါ်အမာနဲ့ ပတ်သက်လို့ ၂၀၁၃ ခုနှစ်က ကွယ်လွန်ခဲ့တဲ့ စာရေးဆရာ၊ ကဗျာဆရာကြီး ဒဂုန်တာရာ အခုလို ပြောခဲ့ဘူးပါတယ်။

“၁၉၃၅-၃၆ ကျောင်းသား သပိတ်မှာ စပြီး ဒေါ်အမာကို ကျနော် မြင်ဖူးတာပါ။ အဲဒီ
အချိန်တုန်း က ကျနော် ဆယ်တန်းကျောင်းသားပဲ ရှိပါသေးတယ်။ ဂျူဗလီဟောမှာ
ကျင်းပတဲ့ ဗမာနိုင်ငံလုံး ဆိုင်ရာ ကျောင်းသားများသမဂ္ဂ ဖွဲ့စည်းရေးညီလာခံမှာ
ဒေါ်အမာ အဆိုတရပ်တင်တယ်။ အဲဒီကစပြီး သူ့ကို တွေ့ဖူးတာပဲ။”

၁၉၃၈ ခုနှစ်မှာ Maurice Collis ရေးတဲ့ Trials in Burma ကို မြန်မာပြည်တွင် စစ်ဆေးခဲ့သော မှုခင်းများဆိုတဲ့ ခေါင်းစဉ်နဲ့ ဒေါ်အမာ ဘာသာပြန်ခဲ့ပါတယ်။ ၁၉၃၉ ခုနှစ်မှာ ကြီးပွားရေး လူထုဦးလှနဲ့ လက်ထပ်ခဲ့ပြီးတဲ့ နောက် ၁၉၄၅ ခုနှစ်၊ လူထုဂျာနယ်၊ ထုတ်ဝေတဲ့အခါ လက်ထောက် အယ်ဒီတာ၊ နောက် ၁၉၄၆ လူထုသတင်းစာ ထုတ်ဝေတဲ့အခါ အယ်ဒီတာ အဖွဲ့ဝင် ဖြစ်လာခဲ့ပါတယ်။

သတင်းစာဆရာ၊ စာရေးဆရာ တယောက်အနေနဲ့ အစိုးရအုပ်ချုပ်သူ အဆက်
ဆက်ရဲ့ အငြိုအငြင်တွေကိုလည်း ခံခဲ့ရသလို၊ မိသားစုတွေ အကွဲကွဲအပြားပြားဖြစ်၊ ခင်ပွန်းဖြစ်သူ လူထုဦးလှ ပုဒ်မ ၅ နဲ့ အဖမ်းခံခဲ့ရတဲ့ အချိန်တွေမှလည်း လူထု သတင်းစာခေါင်းကြီးတွေကို တာဝန်ယူရေးသားခဲ့ပါတယ်။

"အမေတို့ခေတ်တုန်းကလေ ပြည်သူတွေဘက်က ရပ်တည်တဲ့ သတင်းစာမှန်ရင် ပြည်သူတွေမှာ ဘာဖြစ်နေသလဲ၊ ဘာတွေလိုအပ်နေသလဲ၊ ဘာတွေ ခံစားနေရသလဲ အဲဒါတွေကို အကုန်လုံးဖေါ်ထုတ်ရေးသားခွင့်ရှိတယ်။ ပြီးတော့ ဘယ်လိုလုပ်ပေးမှာ၊ ဘယ်လိုဆောင်ရွက်ပေးပါ ဆိုတာလည်း အကြံဥာဏ်ပေးခွင့်ရှိတယ်။ အခု ဒါမျိုးတွေ ရေးလို့မှ မရဘဲ။"

လူထု သတင်းစာတိုက်ရဲ့ သမိုင်းကြောင်းတွေကပဲ လူထုဒေါ်အမာတို့ မိသားစုရဲ့ သမိုင်း၊ မန္တလေးရဲ့ သတင်းစာနဲ့ အမျိုးသားလွတ်မြောက်ရေး၊ ငြိမ်းချမ်းရေး လှုပ်ရှားမှု သမိုင်းလို့ ခိုင်းနိုင်းပြော ပြသူတွေ ရှိပါတယ်။ ၁၉၄၉ ခုနှစ်ကဆိုရင် လူထုသတင်းစာနဲ့ ကြီးပွားရေးပုံနှိပ်စက်တွေ ရှိတဲ့ အဆောက်အအုံ ကို ဖေါက်ခွဲ တိုက်ခိုက် ခံခဲ့ရဘူးပါတယ်။

ခင်ပွန်းဖြစ်သူအပြင်၊ သူကိုယ်တိုင်လည်း အထိမ်းသိမ်းခံရတာတွေ ရှိသလို၊ နောက်ပိုင်း သတင်စာတိုက် ချိပ်ပိတ်ခံရတာ၊ နောက် သားဖြစ်သူ ဗဟာပြည်ကွန်မြူနစ်ပါတီကို တောခိုခဲ့တဲ့ အကြီးဆုံးသား ကိုစိုးဝင်း တောထဲမှာပဲ ကွန်လွန်သွားခဲ့တဲ့ သမိုင်းတွေလည်း ရှိခဲ့ပါတယ်။ မြန်မာပြည် လွတ်လပ်ရေးရပြီး ခရီးကြမ်းမှာ ခံနိုင်ရည်အပြည့်နဲ့ မားမားမတ်မတ်ရပ်ခဲ့သူ အဖြစ် ဂုဏ်ပြုပြောခံရတဲ့ စာရေးဆရာ၊ သတင်းစာ ဆရာ၊ အမျိုးသမီးကြီးကို သူ့ဘ၀မှာ ဘယ်အချိန်တွေ ပျော်ခဲ့ဘူးသလဲလို့ မေးကြည့်မိပါတယ်။

"ဟင်းဟင်း၊ အမေပြန်စဉ်းစားကြည့်တော့လေ၊ ဟို သတင်းစာထုတ်နေတဲ့ ကာလကပဲ စိတ်ချမ်းသာ သလား မပြောတတ်ဘူး။"

၁၉၆၄ ခုနှစ်မှာ ပြည်သူချစ်သော အနုပညာသည်များစာအုပ်နဲ့ စာပေဗိမာန် အနုပညာစာပေဆု ရရှိခဲ့ပါတယ်။ သတင်းစာဆရာမတဦးအနေနဲ့ ဆိုဗီယက် ရုရှား၊ ချက်ကိုစလို ဗက်ကီးယာ၊ အရှေ့ဂျာမဏီ၊ တရုတ်နိုင်ငံတွေကို သွားရောက်လေ့လာခဲ့ပါတယ်။ ဆိုရှယ်လစ်တိုင်းပြည်များသို့ ဆိုတဲ့စာအုပ်မျိုးအပြင်၊ Edgar Snow ရေးတဲ့ The Other Side of the River ကို ဘ၀ချင်းမတူသည့် တရုပ်ပြည်ဆိုပြီး သဘာသာပြန်ခဲ့တာ၊ ရွှေဒေါင်းတောင်ဆောင်းပါးတွေနဲ့ ဆရာကြီး သခင်ကိုယ်တော်မှိုင်း စာအုပ်ထုတ်ဝေခဲ့တာ၊ နောက်ပိုင်း ရတပုံ မန္တလေး၊ ကျမတို့ မန္တလေး ဆိုတဲ့ စာအုပ်တွေ၊ ထိုင်းဝထ္ထုတိုတွေ၊ နိုင်ငံတကာ ဆောင်းပါးတွေ အများအပြား ရေးသားခဲ့သူပါ။

ဒေါ်အမာဟာ သတင်းစာဆရာမကြီး တယောက်အနေနဲ့ တိုးတက်တဲ့ နိုင်ငံရေးအယူဆရှိသူ၊ လူထုဘက်က ရပ်တည်ပြီး အတိုက်အခံအဖြစ် အမြဲတစေရပ်တည်ခဲ့သူလို့ သူနဲ့ နီးစပ်သူတွေ ပြောလေ့ရှိပါတယ်။ ၁၉၇၈ ခုနှစ်ကဆိုရင် ခင်ပွန်းဖြစ်သူ လူထုဦးလှ၊ သား ကိုငြိမ်းချမ်းတို့နဲ့အတူ သူကိုယ်တိုင် အထိမ်းသိမ်းခံခဲ့ရဘူးပါတယ်။ အာဏာပိုင်တွေ ဘက်က မလိုမကျခဲ့တဲ့အတွက် သူ့စာတွေ ပိတ်ပင်ခံခဲ့ရတာ၊ ဖြတ်တောက်ခံခဲ့ရတာတွေလည်း အများကြီးရှိခဲ့ပါတယ်။

သူမကွယ်လွန်ခင် လပိုင်းအလို၊ ၂၀၀၇ ခုနှစ် နိုဝင်ဘာလ ၀န်းကျင်က မြန်မာနိုင်ငံ အစိုးရထုတ် သတင်းစာတွေမှာ သူ့ကို ဝေဖန်၊ ထိုးနှက်တဲ့ ဆောင်းပါးတချို့ ဖေါ်ပြနေခဲ့ပါတယ်။ အဲဒီအချိန် စစ်အစိုးရကို ဖေ၀န်သူတွေ နှစ်ရှည် ထောင်ဒဏ်တွေ ကျခံနေရတဲ့အချိန်မို့ ထပ်ပြီး အထိန်းသိမ်းခံရမှာကို မစိုးရိမ်ဘူးလားလို့ မေးဖြစ်ခဲ့ပါတယ်။

"မပြောနိုင်ဘူး ဘာမှတော့ ဒါပေမယ်လို့ အမေက အသက်ကကြီးလှပြီ ဟုတ်လား၊ လူကလည်း ကောင်းကောင်း သွားနိုင် လာနိုင်တာမှ မရှိတော့ဘဲ၊ ဒါကြောင့် မဖမ်းတာ ထင်တာပဲ။"

ကဗျာဆရာ မောင်သင်းခိုင်ကတော့ အမေဟာ ပင်လယ်ပါ၊ လူထုကတော့ လှော်ခတ်နေတဲ့ လှေတွေပါလို့ ပြည်သူချစ်သော သူရဲကောင်း ကဗျာမှာ တင်စားခဲ့ဘူးပါတယ်။ သားသေ လင်ဆုံးပေမယ့်၊ဘ၀ကို အရှုံးမပေးခဲ့သူ၊ ယုံကြည်ရာကို ခိုင်ခိုင်မာမာ ရပ်တည်သူတယောက် အဖြစ် တခြား ကဗျာဆရာ၊ စာရေးဆရာတွေ ဒေါ်အမာကို ဂုဏ်ပြုခဲ့ပါတယ်။

ဒါပေမယ့်လည်း မိသားစုတွေ တကွဲတပြားဖြစ်၊ နှစ်ရှည်ထောင်ဒဏ်တွေ နဲ့ ပေးဆပ်မှုတွေသက်သက် နှစ်ပေါင်းများစွာ ဖြတ်သန်းခဲ့တဲ့ ဒီမိုကရေစီ ခရီးမှာ၊ တိုင်းပြည်အတွက် အကောင်းမြင် မျှော်လင့်ချက် ရှိပါသေး သလားဆိုပြီး သူမကွယ်လွန်ခင် လပိုင်းအလိုက မေးဖြစ်ခဲ့ပါတယ်။

"အကောင်းဘက်ကတော့ အမေက မျှော်လင့်တယ်။ အမေတို့ တခုခု အပြောင်းအလဲတော့ ဖြစ်ခါနီးပြီလို့လေ။ ဒါပေမယ့် ဒီအတိုင်းကြီးတော့ ဖြစ်လာမှ မဟုတ်ဘူး သားရဲ့၊ လုပ်ကြရဦးမှာပဲ။ တို့ ဗမာတွေ အချင်းချင်း နားလည်မှုနဲ့ လက်တွဲပြီးတော့ တယောက်တယောက် သည်းညည်းခံပြီးတော့ သွားကြရမှာပဲလို့ အမေက အောက်မေ့တာပဲ။"

တခါက လူထုဒေါ်အမာ ပြောခဲ့ဘူးတဲ့ စကားတွေပါ။၂ဝဝ၈ ခု ဧပြီ ၇ ရက် အသက် ၉၃ နှစ်အရွယ်မှာ လူထုဒေါ်အမာ ကွယ်လွန်ခဲ့ပါတယ်။ သူချစ်တဲ့ မန္တလေး၊ သူတန်ဘိုး ထားတဲ့ စာပေ၊ သူမျှော်လင့်တဲ့ မြန်မာပြည် အနာဂတ် အားလုံးကို စွန့်ထားခဲ့ပါတယ်။ မန္တလေးရဲ့ ယာဉ်ကျေးမှုနဲ့ မဟာတံတိုင်းကြီး တချပ် ပြိုကျခဲ့တဲ့ အချိန်လို့တောင် ကဗျာဆရာတချို့ ခိုင်းနိုင်း တင်စားခဲ့ပါတယ်။ အခု သူ့မွေးနေ့ နှစ်တရာပြည့် အခမ်းအနားတွေ ကျင်းပနေချိန် ဟာ မြန်မာပြည်မှာ နှစ်ပေါင်းများစွာ စောင့်ခဲ့ကြတဲ့ အပြောင်းအလဲတွေ အမှန်တကယ် ပေါ်လာတော့မလား မျှော်လင့်ချက်တွေ မြင့်မားနေချိန်နဲ့လည်း တိုက်ဆိုင်နေပါတယ်။

ဦးသိန်းထိုက်ဦး /VOA
http://burmese.voanews.com/content/centennial-commemoration-of-the-late-renowned-and-journalist-ludu-daw-amar/3077536.html

Laura Bush နှင့် ဒေါ်အောင်ဆန်းစုကြည်တို့အား ၂၀၁၂ ခုနှစ်အတွင်း တွေ့ဆုံကြစဉ် Photo : bushcenter

ရွေးကောက်ပွဲတွင် အနိုင်ရသော အစိုးရအသစ် ရင်ဆိုရမည့် အရေးကြီးသည့် ကာလအတွင်း အမေရိကန် ပြည်ထောင်စုနှင့် အခြားနိုင်ငံများ အနေဖြင့် မြန်မာနိုင်ငံ၏ ဒီမိုကရေစီ ကူးပြောင်းမှုကို ဆက်လက် ကူညီပံ့ပိုးရန် လိုအပ်ကြောင်း အမေရိကန် သမ္မတဟောင်း George W. Bush ၏ ဇနီးဖြစ်သူ Laura Bush က ပြောကြားခဲ့သည်။

နိုဝင်ဘာ ၈ ရက်က မြန်မာနိုင်ငံတွင် ကျင်းပခဲ့သော ရွေးကောက်ပွဲသည် ဆယ်စုနှစ်ပေါင်းများစွာ တပ်မတော် အုပ်ချုပ်မှုစနစ်မှ ပြောင်းလဲရန် အရေးကြီးသော ခြေလှမ်းတစ်ခုဖြစ်ပြီး မြန်မာနိုင်ငံတွင် လွတ်လပ်ပွင့်လင်းမှု အပြည့်အဝ ရရှိရန် လုပ်ဆောင်စရာ များစွာ ကျန်ရှိနေသေးကြောင်း နိုဝင်ဘာ ၂၅ရက်တွင် Laura Bush က ပြောကြားခဲ့ခြင်း ဖြစ်သည်။

"နိုဘယ်ဆုရှင် ဒေါ်အောင်ဆန်းစုကြည်ဟာ မြန်မာနိုင်ငံမှာ လွတ်လပ်မှု အပြည့်အဝ ရရှိဖို့အတွက် ခိုင်ခိုင်မာမာ ရပ်တည်ခဲ့ပါတယ်။ ဒီအတွက် တခြားသူတွေကိုလည်း ပေးဆပ်ခဲ့ရတာတွေ ရှိပါတယ်။ ၁၅နှစ်ကြာ နေအိမ်အကျယ်ချုပ် ခံထားရပြီး ပုဂ္ဂိုလ်ရေးအရ ဆုံးရှုံးမှုတွေလည်း ရှိခဲ့ပါတယ်။ ဒီလိုဖိနှိပ်မှုတွေ ရှိပေမယ့်လည်း အလျှော့မပေးခဲ့ပါဘူး။ နိုဝင်ဘာ ၈ ရက် ရွေးကောက်ပွဲမှာ သူမရဲ့ အမျိုးသား ဒီမိုကရေစီ အဖွဲ့ချုပ် ပါတီက နိုင်ငံအနှံ့ အပြတ်အသတ် အနိုင်ရခဲ့ပါတယ်။ လက်ရှိ အစိုးရနဲ့ တပ်မတော်က NLD အနိုင်ရတာကို အသိအမှတ်ပြုပြီး ငြိမ်းငြိမ်းချမ်းချမ်း အာဏာလွှဲပြောင်းပေးဖို့ ကတိပေးထားပါတယ်။ အမေရိကန် ပြည်ထောင်စုနဲ့ တခြားလွတ်လပ်တဲ့ နိုင်ငံ၊ အသိုင်းအဝိုင်းတွေ အနေနဲ့ ရှေ့ဆက် မြန်မာနိုင်ငံက အစိုးရသစ် ကြုံတွေ့ရမယ့် အရေးကြီးတဲ့ ကာလတွေမှာ ကူညီပံ့ပိုးမှုတွေ လုပ်ဆောင်ပေးရပါမယ်" ဟု First Lady ဟောင်း Laura Bush က ပြောကြားခဲ့သည်။

ထို့ပြင် Bush Insitute မှ ကျောင်းသားနှစ်ဦးဖြစ်သည့် မဖြိုးဖြိုးအောင်နှင့် ကိုလင်းထက်နိုင်တို့ အပါအဝင် မြန်မာနိုင်ငံတွင် နိုင်ငံရေး အကျဉ်းသားများ ရှိနေသေးကြောင်းနှင့် မြန်မာနိုင်ငံတွင် နိုင်ငံရေး အကျဉ်းသား အားလုံးကို လွှတ်ပေးရန် လိုအပ်ကြောင်း၊ အမေရိကန် ပြည်ထောင်စုသည် လွတ်လပ်မှုကို ကာကွယ်သူ ဖြစ်သည့်အတွက် မြန်မာနိုင်ငံသူ နိုင်ငံသားများနှင့်အတူ ရပ်တည်ရန် တာဝန်ရှိကြောင်း၊ အမေရိကန် လက်ရှိအစိုးရနှင့် နောက်တက်မည့် အစိုးရ အနေဖြင့် မြန်မာနိုင်ငံ၏ ပြုပြင်ပြောင်းလဲရေးကို ကူညီပံ့ပိုးရန် အဓိကထား လုပ်ဆောင်ရမည် ဖြစ်ကြောင်းနှင့် မြန်မာနိုင်ငံတွင် လွတ်လပ် ပွင့်လင်းမှု အပြည့်အဝရရှိရန် အမေရိကန် ပြည်ထောင်စုမှ လိုလားကြောင်း ၎င်းက ဆက်လက် ပြောကြားခဲ့သည်။
Eleven Media Group

မြန်မာနိုင်ငံငြိမ်းချမ်းရေးနဲ့ ပြည်သူလူထုတိုးတက်ဖွံ့ဖြိုးရေးအတွက် အမျိုးသားဒီမိုကရေစီအဖွဲ့ချုပ် (အန်အယ်လ်ဒီ) က အစိုးရဖွဲ့စည်း ဆောင်ရွက်တဲ့အခါ ဂျပန်နိုင်ငံက အစွမ်းကုန်ပံ့ပိုးကူညီမယ်လို့ ဂျပန်နိုင်ငံခြားရေး ၀န်ကြီး ဖူမီအိုခီရှိဒစံက ကတိပြုပြောကြားပါတယ်။

ဂျပန်အစိုးရရဲ့ ဖိတ်ကြားချက်အရ ဂျပန်နိုင်ငံရောက်ရှိတဲ့ အမျိုးသားဒီမိုကရေစီအဖွဲ့ချုပ် ဗဟိုအလုပ်အမှုဆောင်ကော်မတီဝင် ဦးဉာဏ်ဝင်းနဲ့ ဒီနေ့မနက် တွေ့ဆုံရာမှာ ပြောဆိုခဲ့ တာဖြစ်ပါတယ်။

အန်အယ်လ်ဒီအနေနဲ့ မြန်မာပြည်သူလူထုရဲ့ ယုံကြည်အားပေးထောက်ခံမှုကိုရရှိပြီး ရွေးကောက်ပွဲမှာ အနိုင်ရခဲ့တဲ့အတွက် ၀မ်းမြောက်ဂုဏ်ယူကြောင်းနဲ့ အန်အယ်လ်ဒီနဲ့ ဂျပန်နိုင်ငံအကြား ပိုမိုနီးကပ်စွာဆက်ဆံပြီး ချစ်ကြည်ယုံကြည်မှု ပိုမိုအားကောင်းအောင်တည်ဆောက်ကြမယ့်အကြောင်း သူက ပြောပါတယ်။

ပါတီဥက္ကဋ္ဌ ဒေါ်အောင်ဆန်းစုကြည်ကိုလည်း ဂျပန်နိုင်ငံကို ထပ်မံလာရောက်ဖို့ ဂျပန်နိုင်ငံခြားရေးဝန်ကြီးက ဖိတ်ကြားပါတယ်။

ဦးဉာဏ်ဝင်းက ဒေါ်အောင်ဆန်းစုကြည်ကိုဖိတ်ကြားတဲ့အပေါ် ၀မ်းမြောက်ဂုဏ်ယူကြောင်းနဲ့ ဒေါ်အောင်ဆန်းစုကြည်ကလည်း ဂျပန်ပြည်သူတွေနဲ့ ဂျပန်အစိုးရရဲ့ ကူညီထောက်ပံ့ခဲ့တာတွေကို အထူးလေးစားတန်ဖိုးထားကြောင်း ပြန်လည်ပြောဆိုပါတယ်။

အန်အယ်လ်ဒီဟာ အစိုးရသစ်တရပ်အနေနဲ့ နိုင်ငံကို တိုးတက်ဖွံ့ဖြိုးအောင်တည်ဆောက်ရာမှာ စိမ်ခေါ်မှုတွေ အများကြီးရှိနေပြီး ဂျပန်နိုင်ငံရဲ့ အကူအညီအများကြီး လိုအပ်ကြောင်း၊ အန်အယ်လ်ဒီက အစိုးရတရပ်အနေနဲ့ ကိုင်တွယ်တဲ့အခါ နိုင်ငံတော်ဖွံ့ဖြိုးတိုးတက်ရေးမှာ အဓိကကျတဲ့ စီးပွားရေးရင်းနှီးမြှုပ်နှံမှုတွေကို ယုံကြည်စိတ်ချရဖို့အတွက် နည်းလမ်းကောင်းတွေ လေ့လာနေပါတယ်လို့ ဦးဉာဏ်ဝင်းက ပြောဆိုပါတယ်။

ဦးဉာဏ်ဝင်းဟာ ခရီးစဉ်အတွင်း ဂျပန်အစိုးရပိုင်း တာဝန်ရှိသူတွေ၊ ဂျပန်နိုင်ငံစီးပွားရေး ပိုင်းဆိုင်ရာ တာဝန်ရှိသူတွေနဲ့ပါ တွေ့ဆုံဆွေးနွေးမှာဖြစ်ပါတယ်။

u nyan win1နိုဝင်ဘာ ၂၇ ရက်ကနေ ဒီဇင်ဘာ ၃ ရက်နေ့ထိ ကြာမြင့်မယ့် ဦးဉာဏ်ဝင်းရဲ့ ဂျပန်နိုင်ငံခရီးစဉ်နဲ့ပတ်သက်လို့ ဂျပန်အစိုးရက အကြိုထုတ်ပြန်ချက်မှာ နိုဝင်ဘာ ၈ ရက် ရွေးကောက်ပွဲမှာ အပြတ်အသတ်အနိုင်ရရှိခဲ့တဲ့ ဒေါ်အောင်ဆန်းစုကြည်ဦးဆောင်တဲ့ အမျိုးသားဒီမိုကရေစီအဖွဲ့ချုပ်နဲ့ ဆက်ဆံရေး ခိုင်မာအားကောင်းမှုကနေ ဂျပန်နိုင်ငံရဲ့ မြန်မာနိုင်ငံနဲ့ မိတ်ဆွေဖြစ်မှုနဲ့ ပူးပေါင်းဆောင်ရွက်တဲ့ ဆက်ဆံရေးကို ထပ်မံတိုးမြှင့်ဖို့ ရည်ရွယ်ဖိတ်ကြားတာဖြစ်တယ်လို့ ဆိုပါတယ်။

တွေ့ဆုံဆွေးနွေးမှုတွေကနေ မြန်မာနိုင်ငံက တိုးတက်မှုဆီ ချောချောမွေ့မွေ့ရောက်ရှိလိမ့်မယ်လို့ မျှော်လင့်ကြောင်းနဲ့ တည်ငြိမ်တဲ့အုပ်ချုပ်မှုအောက်မှာ ဒီမိုကရေစီဖော်ဆောင်ရေးနဲ့ ပြုပြင်ပြောင်းလဲမှုအထွေထွေကို ဆတက်ထမ်းပိုး ဆောင်ရွက်နိုင်လိမ့်မယ်လို့ မျှော်လင့်ကြောင်းဆိုပါတယ်။

ဂျပန်အစိုးရအနေနဲ့ မြန်မာနိုင်ငံရဲ့ ဖွံ့ဖြိုးတိုးတက်ရေးနဲ့ သာယာဝပြောရေးအတွက် ဆက်လက်ထောက်ပံ့သွားမယ်လို့ ဆိုပါတယ်။

ဂျပန်အစိုးရဟာ လူ့အခွင့်အရေးနဲ့ပတ်သက်ပြီး နိုင်ငံတကာရဲ့ ဝေဖန်မှုကို ခံနေရတဲ့ မြန်မာစစ်အစိုးရ လက်ထက်မှာ မြန်မာနိုင်ငံအထီးကျန်ပြီး တရုတ်အစိုးရနဲ့ ပိုမိုနီးကပ်မှာစိုးရိမ်ပြီး အနောက်နိုင်ငံတွေ ကျင့်သုံးခဲ့တဲ့ စီးပွားရေးပိတ်ဆို့ မှု မူဝါဒကို ရှောင်ရှားကျင့်သုံးခဲ့ပါတယ်။

By ဇော်ဇော်လှိုင်
27 November 2015
မူရင်း ဒီဗွီဘီ သတင်း

တအာင်းအမျိုးသား လွတ်မြောက်ရေးတပ်မတော် TNLA တပ်ဖွဲ့ဝင်တချို့ကို တွေ့ရစဉ်။ Photo: Kan Thar/RFA
ရှမ်းပြည်နယ် နမ့်ဆန်မြို့နယ် ပန်ရာရွေးကျေးရွာအနီးမှာ အစိုးရတပ်မ ၇၇ နဲ့ တအာင်းအမျိုးသား လွတ်မြောက်ရေးတပ်မတော် TNLA တပ်ရင်း ၄၃၄ တို့ ဒီနေ့ တိုက်ပွဲဖြစ်ပွားနေတယ်လို့ သိရပါတယ်။

နယ်မြေပိုင်းခြားထားတာမရှိတဲ့အတွက် ဖြတ်သန်းသွားလာတဲ့အခါ နယ်မြေကျူးကျော်တယ်ဆိုပြီး အပြန်အလှန်ပစ်ခတ်ကြတာဖြစ်တယ်လို့ TLNA ရဲ့ ပြန်ကြားရေးတာဝန်ခံဗိုလ်ကြီး မိုင်းအိုက်ကျော်က ပြောပါတယ်။

နမ့်ဆန်အနီးတ၀ိုက်မှာ တပ်မတော်ဘက်က တပ်မ ၁၁၊ တပ်မ ၇၇၊ တပ်မ ၈၈ နဲ့ တပ်မ ၉၉ စတဲ့ တပ်မ ၄ခုကို အင်အားတိုးချထားတဲ့အတွက် နှစ်ဘက်တိုက်ပွဲတွေ မကြာခဏဖြစ်လာနိုင်တယ်လို့လည်း ဗိုလ်ကြီး မိုင်းအိုက်ကျော်က ပြောပါတယ်။

ဒီလအတွင်း အစိုးရတပ်မတော်နဲ့ တအာင်းအမျိုးသား လွတ်မြောက်ရေး တပ်မတော်တို့အကြား တိုက်ပွဲဖြစ်ပွားမှု ၁၈ ကြိမ်ခန့်ရှိပြီး မန်တုံနဲ့ကျောက်မဲမြို့နယ်တွေမှာ တိုက်ပွဲဖြစ်ပွားမှုများတယ်လို့ သိရပါတယ်။

အစိုးရတပ်မတော်ဟာ အပစ်ခတ်ရပ်စဲရေး လက်မှတ်မရေးထိုးထားတဲ့ SSPP/SSA ရှမ်းပြည်တိုးတက်ရေး ပါတီ/ရှမ်းပြည်တပ်မတော်၊ KIA ကချင်လွတ်မြောက်ရေးတပ်မတော်နဲ့လည်း တိုက်ပွဲတွေ မကြာခဏဖြစ် ပွားနေပါတယ်။

RFA Burmese
http://www.rfa.org/burmese

ဦးဉာဏ်ဝင်း ဂျပန်နိုင်ငံခြားရေး ဝန်ကြီးနဲ့တွေ့ဆုံ- သတင်းဓာတ်ပုံ -ဂျပန်နိုင်ငံခြားရေးဝန်ကြီးဌာန။ (http://www.mofa.go.jp)
 ရွေးကောက်ပွဲအနိုင်ရ NLD ပါတီခေါင်းဆောင် ဒေါ်အောင်ဆန်းစုကြည်အနေနဲ့ ဂျပန်နိုင်ငံကို လာရောက်လည်ပတ်ဖို့ ဂျပန်နိုင်ငံခြားရေးဝန်ကြီး Fumio Kishida က တိုကျိုမြို့ကိုရောက်နေတဲ့ NLD ခေါင်းဆောင် ဦးဉာဏ်ဝင်းကတဆင့် ထပ်မံ ဖိတ်ကြားလိုက်ပြီး NLD အစိုးရသစ် လက်ထက်မှာ ဂျပန်နိုင်ငံရဲ့အကူအညီတွေ ဆက်ပေးသွားမယ်လို့လဲ ဂျပန်နိုင်ငံခြားရေးဝန်ကြီးက ပြောဆိုလိုက်ပါတယ်။ တချိန်ထဲမှာပဲ မြန်မာနိုင်ငံရဲ့ စီးပွားရေးပြုပြင်ပြောင်းလဲရေးနဲ့ ပတ်သက်တဲ့ မူဘောင်ကိစ္စတွေ ဆွေးနွေးဖို့ ဂျပန်သံရုံးတာဝန်ရှိသူတွေက NLD ပါတီ ခေါင်းဆောင်တွေနဲ့ ရန်ကုန်မြို့မှာ တွေ့ဆုံဆွေးနွေးခဲ့ကြပါတယ်။

ဂျပန်နိုင်ငံခြားရေးဝန်ကြီးရဲ့ ဖိတ်ကြားချက်အရ တိုကျိုမြိုIကို ရောက်နေတဲ့ NLD ပါတီခေါင်းဆောင်တဦးဖြစ်သူ ဦးဉာဏ်ဝင်းဟာ ဒီကနေ့မနက်ပိုင်းက ဂျပန်နိုင်ငံခြားရေးဝန်ကြီး Fumio Kishida နဲ့ နိုင်ငံခြားရေးဝန်ကြီးဌာနမှာ တွေ့ဆုံခဲ့ပြီး ဂျပန်နိုင်ငံက မြန်မာနိုင်ငံကို အကူအညီတွေ ဆက်ပေး သွားမှာဖြစ် သလို ရွေးကောက်ပွဲအနိုင်ရ NLD ပါတီခေါင်းဆောင် ဒေါ်အောင်ဆန်းစုကြည် ကိုယ်တိုင် ဂျပန်နိုင်ငံကို လာရောက်ဖို့လဲ ထပ်မံဖိတ်ကြားခဲ့တာ ဖြစ်တယ်လို့ NLD ပါတီပြောခွင့်ရသူ ဦးဉာဏ်ဝင်းက ပြောပါတယ်။

“ရွေးကောက်ပွဲကို အောင်အောင်မြင်မြင် ကျင်းပတယ်၊ NLD နိုင်တယ် .. ဒါတွေအတွက် ဂုဏ်ပြုတယ်လို့ ပြောပါတယ်။ ဂျပန်ကတော့ (မြန်မာပြည်က) လယ်သမားတွေရဲ့ တိုးတက်ရေးအတွက် ကူညီပံ့ပိုးတာတွေကို လုပ်နေတယ်၊ ဒါမျိုးတွေ သူတို့ဆက်ကူညီမယ်။ နောက် ထားဝယ်ရေနက်ဆိပ်ကမ်းတို့ ဒီလုပ်ငန်းတွေ လုပ်နေတာကိုလည်း သူက ရှင်းပြပါတယ်”

NLD ပါတီခေါင်းဆောင် ဦးဉာဏ်ဝင်း ဂျပန်နိုင်ငံကို အခုလို လာရောက် လည်ပတ်တာဟာ NLD ပါတီက ရွေးကောက်ပွဲ အနိုင်ရပြီးနောက်ပိုင်း နိုင်ငံခြား တိုင်းပြည်တခုကို ပထမဦးဆုံးအကြိမ် သွားရောက် လည်ပတ်တာလဲဖြစ်ပါတယ်။ ဂျပန်ဝန်ကြီးချုပ် Shinzo Abe ကလဲ ဒေါ်အောင်ဆန်းစုကြည် ဂျပန်နိုင်ငံကို လာရောက် လည်ပတ်ဖို့ ပြီးခဲ့တဲ့ သီတင်းပတ်ထဲမှာ စာရေးသား ဖိတ်ကြားခဲ့ပါတယ်။

ဦးဉာဏ်ဝင်း ခုလို ဂျပန်ကိုရောက်နေချိန်မှာ Japan Foundation ဥက္ကဌ မစ္စတာဆာဆာကာဝါနဲ့ တွေ့ဆုံခွင့်ရခဲ့ပြီးမြန်မာနိုင်ငံရဲ့အပစ်ရပ် ငြိမ်းချမ်းရေး ကိစ္စမှာရော ဆင်းရဲ နွမ်းပါးနေတဲ့ တိုင်းရင်းသားဒေသတွေကိုပါ အကူအညီတွေ ဆက်ပေးသွားမယ်လို့ ကတိပေးပြောဆိုကြောင်း ဦးဉာဏ်ဝင်းက VOA ကိုပြောပါတယ်။

သောကြာနေ့ ညနေပိုင်းတုန်းကလဲ ဦးဉာဏ်ဝင်းဟာ ဂျပန်ဆက်သွယ်ရေး ဒုဝန်ကြီးနဲ့ တွေ့ဆုံခဲ့ပြီး ဘယ်လိုအကြောင်းတွေ ဆွေးနွေးခဲ့တယ် ဆိုတာနဲ့ ပတ်သက်လို့ ဦးဥာဏ်ဝင်းက ရှင်းပြပါတယ်။

“ကျနော်တို့ကတော့ ရွေးကောက်ပွဲအောင်နိုင်ရေးနဲ့ ပတ်သက်ပြီး ၀မ်းသာကြောင်း ပြောပါတယ်။ နောက် မြန်မာနိုင်ငံ စာတိုက် ဆက်သွယ်ရေး နဲ့ သူတို့ကူညီနေတဲ့ အကြောင်းတွေ ရှင်းပြပါတယ်။ နေပြည်တော် မန္တလေး ရန်ကုန် သုံးနေရာမှာ စာတိုက်နဲ့ပတ်သက်လို့ သူတို့ Training ပေးနေတဲ့ အကြောင်းတွေ ဘာတွေ ရှင်းပြပါတယ်။ လုပ်ငန်းတွေကို ရှင်းပြတာပါ”

မေး - “တခုကလေ ဒေသတွင်းကိစ္စကို စဉ်းစားမယ်ဆိုရင် ဒီဂျပန်နိုင်ငံက စီးပွားရေးအရ တရုတ်နဲ့ ချိန်ခွင်ရှာ ညှိဖို့အတွက်ကို အမြဲတမ်း တွေးလေ့ ရှိပါတယ်၊ အဲဒီတော့ ဂျပန်နိုင်ငံကို ဦးဉာဏ်ဝင်းအခုလို သွားရောက်လည်ပတ်တဲ့ကိစ္စဟာ တရုတ်နိုင်ငံအတွက် စိတ်ပူစရာတွေ ဖြစ်စေသလား ခင်ဗျ”

ဦးဉာဏ်ဝင်း - “ကျနော်ကတော့ ဘာမှ ဖြစ်စရာအကြောင်း မရှိဘူးထင်တယ်၊ ကျနော့်ခရီးစဉ်ကလဲ နိုင်ငံရေးအရ တစုံတခုရဖို့ ဂျပန်ကို သွားတာ မဟုတ်ပါဘူးဗျ”

မေး - “အဲဒီတော့ ဂျပန်-မြန်မာဆက်ဆံရေးနဲ့ ပတ်သက်ပြီးတော့ ဆရာဦးဉာဏ်ဝင်းတို့ ဘယ်လိုမျှော်လင့်ပါလဲ”

ဦးဉာဏ်ဝင်း - “ဆက်ဆံရေး ပိုမိုကောင်းမွန်လာမယ်လို့ပဲ မျှော်လင့်ပါတယ်”

ဒီကနေ့ တနေ့ထဲမှာပဲ ရန်ကုန်မှာရှိတဲ့ ဂျပန်သံရုံး အဆင့်မြင့်တာဝန်ရှိသူတွေနဲ့ JICA လို့ခေါ်တဲ့ ဂျပန်နိုင်ငံတကာ ပူးပေါင်းဆောင်ရွက်ရေး အေဂျင်စီ အရာရှိတွေဟာ NLD ပါတီ ထိပ်တန်းခေါင်းဆောင်တွေဖြစ်တဲ့ ဦးဟန်သာမြင့် ဦးစိုးဝင်းတို့ နဲ့တွေ့ဆုံပြီး မြန်မာနိုင်ငံရဲ့စီးပွားရေး ပြုပြင် ပြောင်းလဲမှုအတွက် လုပ်ဆောင်သင့် တာတွေကို ဆွေးနွေးခဲ့ကြပါတယ်။ ဂျပန်သံရုံးရဲ့ အကြီးတန်းကောင်စစ်ဝန် Ichiro Maruyama က ဆွေးနွေးပွဲ အကြောင်းရာနဲ့ ပတ်သက်လို့ ပြောဆိုရာမှာ -

“မြန်မာနိုင်ငံရဲ့ စီးပွားရေးပြုပြင်ပြောင်းလဲမှုနဲ့ ပတ်သက်လို့ ဂျပန်အနေနဲ့ အကူအညီတွေ ပေးသွားမှာဖြစ်ကြောင်း၊ မြန်မာနိုင်ငံရဲ့ ဘဏ္ဍာရေး ဆိုင်ရာမူဝါဒ ကိစ္စတွေအပါအဝင်၊ ဗဟိုဘဏ် ပြုပြင်ပြောင်းလဲရေးကိစ္စနဲ့ စီးပွားရေး စီမံကိန်းကိစ္စတွေကို ၂နာရီကြာ ဆွေးနွေးခဲ့ကြောင်း” ပြော သွားတာပါ။ နိုင်ငံသစ်တည်ဆောက်ရေးကိစ္စမှာ ဂျပန်ရဲ့စီပွားရေးအကူညီတွေနဲ့ ရင်းနှီးမြှုပ်နှံမှု အသစ်တွေ ပိုရလာဖို့ကို NLD ခေါင်းဆောင် တွေဖက် က မျှော်လင့်နေကြပါတယ်။

ကိုဉာဏ်ဝင်းအောင် (ဗွီအိုအေ မြန်မာပိုင်း)
http://burmese.voanews.com

ဂျပန်နိုင်ငံခြားရေးဝန်ကြီး Fumio Kishida နဲ့ အမျိုးသားဒီမိုကရေစီအဖွဲ့ချုပ် ဗဟိုအလုပ်အမှုဆောင်ကော်မတီဝင် ဦးဉာဏ်ဝင်း တို့ နိုဝင်ဘာလ ၂၇ ရက်နေ့က တိုကျိုမြို့က ဂျပန်နိုင်ငံခြားရေးဝန်ကြီးဌာနရုံးမှာ တွေ့ဆုံကြစဉ်။ Photo: Ministry of Foreign Affairs of Japan Website
ဂျပန်နိုင်ငံခြားရေးဝန်ကြီး Fumio Kishida ဟာ အမျိုးသားဒီမိုကရေစီအဖွဲ့ချုပ် ဗဟိုအလုပ်အမှုဆောင်ကော်မတီဝင် ဦးဉာဏ်ဝင်းကို တိုကျိုမြို့က ဂျပန်နိုင်ငံခြားရေးဝန်ကြီးဌာနရုံးမှာ လက်ခံတွေ့ဆုံခဲ့ပါတယ်။

NLD အစိုးရဖွဲ့ပြီးရင် ပါတီခေါင်းဆောင် ဒေါ်အောင်ဆန်းစုကြည်အနေနဲ့ ဂျပန်ကို အရင်ဆုံးလာနိုင်ဖို့ သူတို့အနေ နဲ့ မျှော်လင့်နေတဲ့ကြောင်း၊ အာဏာလွှဲပြောင်းရေးချောမွေ့အောင် ဆက်လက်ပံ့ပိုးကူညီသွားမှာဖြစ်ကြောင်း ဂျပန်နိုင်ငံခြားရေးဝန်ကြီးက ပြောဆိုပါတယ်။

ဦးဉာဏ်ဝင်းကလည်း အနာဂတ် မြန်မာနိုင်ငံ ပြန်လည်ထူထောင်ရေးမှာ ဂျပန်ရဲ့ရင်းနှီးမြှုပ်နှံမှုနဲ့ နည်းပညာတွေ အထူးအရေးပါကြောင်း ပြောဆိုခဲ့ပါတယ်။ ဦးဉာဏ်ဝင်းဟာ ဂျပန်နိုင်ငံခြားရေးဝန်ကြီးရဲ့ တရားဝင်ဖိတ်ကြားချက်အရ မနေ့ကလို့ တိုကျိုမြို့မှာ ရောက်ရှိနေတာဖြစ်ပါတယ်။

RFA Burmese
http://www.rfa.org/burmese


|| Opinion ||
မြန်မာနိုင်ငံ၏ နိုင်ငံရေးမြင်ကွင်းမှာ လုံးဝ ပြောင်းလဲသွားခဲ့ပြီဟု ချင်းမိုင်တက္ကသိုလ်မှ မြန်မာ့အရေး ကျွမ်းကျင်သူ အက်ရှလေဆောင် က ဆိုသည်။ “ဘယ်အရာမှ မတူနိုင်တော့ပါဘူး” ဟု အက်ရှလေက ပြောကြားသည်။ အထင်ရှားဆုံး ပြောင်းလဲမှုတစ်ခုမှာ တစ်ချိန်က အင်အားကြီးခဲ့သော ကြံ့ခိုင်ရေးပါတီသည် နိုဝင်ဘာ ၈ ရွေးကောက်ပွဲရလဒ်အရ ပြိုဆင်းသွားခဲ့ပြီး နိုင်ငံရေးပုံစံသစ် ထွက်ပေါ်လာခြင်းဖြစ်သည်။

ကြံ့ခိုင်ရေးပါတီမှ ကိုယ်စားလှယ်လောင်းများ ရွေးကောက်ပွဲ ရှုံးနိမ့်ခဲ့ရာတွင် ပါတီပူးတွဲဥက္ကဋ္ဌ ဦးဌေးဦးလည်း ပါဝင်ခဲ့သည်။ ပြည်ခိုင်ဖြိုးပါတီ၏ ဒုဥက္ကဌများ အတွင်းရေးမှုများ ဗဟိုကော်မတီဝင်များ အားလုံးနီးပါး ရှုံးနိမ့်ခဲ့ကြသည်။ သမ္မတ ဦးသိန်းစိန်၏ အစိုးရအဖွဲ့မှ ပြည်ထောင်စု ၀န်ကြီး ၁၈ ဦး ၀င်ရောက် ယှဉ်ပြိုင်ရာတွင် ၂ ဦးသာ အနိုင်ရရှိခဲ့သည်။ တပ်မှ အငြိမ်းစားယူပြီး ရွေးကောက်ပွဲ ၀င်ခဲ့ကြသည့် ဗိုလ်ချုပ်ကြီးများ ဗိုလ်ချုပ်များ စစ်တပ်အရာရှိများ အများစုလည်း ရှုံးနိမ့်ခဲ့ကြသည်။

ထိုကြောင့် ကြံ့ခိုင်ရေးပါတီအတွင်းမှ ပြုပြင်ပြောင်းလဲရေး စိတ်ဓာတ်ရှိသည့် ခေါင်းဆောင်များက ပါတီကို ဖွဲ့စည်းပုံဟောင်းမှနေ၍ “တတိယ” ပါတီအဖြစ် အသစ် ပြန်လည်တည်ဆောက်ရန် ကြိုးပမ်းကြမည်မှာ သေချာသည်ဟု အက်ရှလေက ဆိုသည်။ ထိုသို့ ပြန်လည်တည်ဆောက်ရန်အတွက် ပါတီဝင်အဆင့်ဆင့်မှ အရည်အချင်းရှိသူများ ရွေးချယ်ရန်၊ ပါတီအမည်နှင့် အမှတ်တံဆိပ်များ ပြောင်းလဲရန်နှင့် ၂၀၂၀ ရွေးကောက်ပွဲအတွက် ပြင်ဆင်ရန် တို့ကို စတင်ဆွေးနွေးနေပြီဟု ဆိုသည်။

ရွေးကောက်ပွဲ မတိုင်မီ အင်အားသုံး ဖြုတ်ချခံခဲ့ရသည့် သူရဦးရွှေမန်း လက်ထက်တွင် တိတ်တဆိတ် ကောက်ခံခဲ့သည့် စစ်တမ်းအတိုင်း ရွေးကောက်ပွဲ ရလဒ် ထွက်လာခဲ့မှုကြောင့် သူရဦးရွှေမန်းသည် အမြော်အမြင်ရှိသည် ပါတီအတွက် အမှန်တကယ် အလုပ်လုပ်ခဲ့သူ အရည်အချင်းရှိသူအဖြစ် အောက်ခြေပါတီဝင်များကြား ထောက်ခံမှုများ ပိုမိုများပြားလာသည်။

ထို့ပြင် သမ္မတ ဦးသိန်းစိန်၏ စေခိုင်းမှုဖြင့် တစ်သီးပုဂ္ဂလအဖြစ် ၀င်ရောက်မဲပြိုင်ခဲ့သည့် လူယုံများကြောင့် ပြည်ခိုင်ဖြိုး၏ မဲကို ကွဲပြားသွားစေသည်ဟု ဗဟိုကော်မတီဝင် တစ်ဦးက The Nation သတင်းစာသို့ ပြောကြားခဲ့သည်။

ဝင်ရောက်ယှဉ်ပြိုင်သူ အရေအတွက်အရ တတိယအကြီးဆုံး ဖြစ်ခဲ့သော်လည်း တစ်နေရာမျှ အနိုင်မရခဲ့သည့် အမျိုးသားဖွံ့ဖြိုးရေးပါတီတို့ ပါဝင်သည်။ အဆိုပါ ပါတီကို သမ္မတအကြံပေးဖြစ်သူ ဦးနေဇင်လတ်က ရွေးကောက်ပွဲ ၆ လအလိုလောက်တွင် ဦးဆောင်ဖွဲ့စည့်ခဲ့ပြီး ဒေါ်လာ သန်းချီ အကုန်ကျခံကာ တစ်နိုင်ငံလုံး အတိုင်းအတာဖြင့် ရုံးခန်းများဖွင့်ခြင်း၊ ကိုယ်စားလှယ်လောင်းများ ရှာဖွေခြင်း၊ သင်တန်းပေးခြင်း၊ မဲဆွယ်စရိတ် အလုံးစုံထုတ်ပေးခြင်းများ ပြုလုပ်ခဲ့သည် ဟု ပြည်တွင်းသတင်းများအရ သိရသည်။

အဆိုပါ ပါတီ၏ ထူးခြားချက်မှာ မ.ဘ.သ အောင်ပွဲအခမ်းအနားများကို တက်ရောက်ပြီး ၄င်းတို့ လွှတ်တော်ထဲ ရောက်ပါက သဃာံများကို မဲပေးခွင့်ရအောင် ကြိုးပမ်းပေးမည်ဟုသည့် ကတိစကားပင်ဖြစ်သည်။ အမျိုးသားဖွံ့ဖြိုးရေးပါတီမှာ အမျိုးသားလွှတ်တော်အတွက် ကချင်ပြည်နယ်ရှိ မဲဆန္ဒနယ် တစ်ခုတည်း အတွက်သာ အနိုင်ရရှိခဲ့သဖြင့် အဆိုပါ ကတိစကားကို တည်နိုင်ဖို့ရန် ခက်ခဲမည်ဖြစ်သည်။ အဘယ်ကြောင့်ဆိုသော် NLD ပါတီက အမျိုးသားလွှတ်တော်၏ ၇၉% ကို လွှမ်းမိုးထားပြီး ဖြစ်သောကြောင့် ဖြစ်သည်။

ရန်ကုန်မြို့ နေ ထိပ်တန်းစီးပွားရေးလုပ်ငန်းရှင် တစ်ဦးကမူ "ဦးသိန်းစိန်က ပါတီခွဲ လူခွဲ ယှဉ်ပြိုင်ခြင်းဖြင့် လိုအပ်သည့် မဲရရှိနိုင်မည်ဟု အပိုင်တွက်ထားခဲ့ပုံပေါ်တယ်" ဟု ပြောကြားခဲ့သည်။
"အားလုံးပေါင်း ၂၀% ရရင်တောင် စစ်တပ်ရဲ့ ၂၅% နဲ့ပေါင်းရင် ၄၅% ဖြစ်နေပြီလေ၊ နောက် တိုင်းရင်းသားပါတီတွေကိုလည်း ၁၅% လောက် လွမ်းမိုးနိုင်မယ်လို့ တွက်ထားတော့ NLD က ၄၀% လောက်ပဲ ကျန်မှာပေါ့၊ ညွှန့်ပေါင်းလို သွားနိုင်မယ်၊ ဦးသိန်းစိန်လည်း သမ္မတဆက်လုပ်ရမယ်၊ ဒါကို အမေရိကန်နဲ့ အီးယူကလည်း ဆက်လက်ပြီး ထောက်ခံမှု ပေးနေမယ်လို့ သမ္မတရဲ့ အကြံပေးများက တွက်ချက်ခဲ့ပါတယ်" ဟု ၄င်းက ဆက်လက်၍ ရှင်းပြခဲ့သည်။

သို့သော် နောက်ဆုံး ရလဒ်တွင် ပြည်ခိုင်ဖြိုးက ၈% သာ ပြည်ထောင်စုလွှတ်တော်တွင် နေရာရခဲ့ပြီး NLD က ၇၇% ကျော် သိမ်းဆည်းသွားခြင်းကြောင့် ကြောင်စီစီဖြင့် ရွေးကောက်ပွဲလွန်ကာလတွင် ဦးသိန်းစိန်အစိုးရမှာ ဟန်ချက်ပျက် ငြိမ်သက်နေခြင်း ဖြစ်သည်ဟု အက်ရှလေက သုံးသပ်ရေးသားခဲ့သည်။

ပြောင်းလဲလာသည့် နိုင်ငံရေးမြင်ကွင်းတွင် လိုက်ပါပြုပြင်ပြောင်းလဲရန် ဖိအားရှိနေသူမှာ ကြံ့ခိုင်ရေးပါတီ တစ်ဦးတည်း မဟုတ်ပေ။ လူနည်းစု တိုင်းရင်းသားများ နေထိုင်ရာ ဒေသများတွင် NLD အနိုင်ရခဲ့ခြင်းက တိုင်းရင်းသားပါတီများအား ၄င်းတို့၏ အင်အားကို ပြန်လည်သုံးသပ်ရန် ဖိအားဖြစ်စေခဲ့ပြီး မဲဆန္ဒရှင်များ၏ အမှန်တကယ် လိုလားသည့် ဆန္ဒများကို ပြန်လည်သုံးသပ်ရမည်ဖြစ်သည်။

လက်ရှိ အခြေအနေအရ လွှတ်တော်တွင် စစ်တပ်က တင်သွင်းမည့် သမ္မတလောင်းမှာ ယခင် ထင်မှတ်ထားသကဲ့သို့ လက်ရှိသမ္မတ ဦးသိန်းစိန် ဖြစ်ဖွယ်မရှိတော့ဘဲ လက်ရှိ အုပ်ချုပ်ရေး နှင့် နိုင်ငံရေးတွင် ပါဝင်နေသူ အငြိမ်းစား ဗိုလ်ချုပ်တစ်ဦးဦး ဖြစ်ဖွယ်ရှိသည်။

နောက်ဆုံး သေချာသည့် အချက်တစ်ခုမှာ မြန်မာနိုင်ငံရေး၏ အနာဂတ်သည် စစ်တပ်နှင့် NLD တို့ သဘောတူညီမှု ရရှိနိုင်ခြင်းရှိမရှိအပေါ်တွင် မူတည်နေခြင်း ဖြစ်သည်။

နိုဝင်ဘာ ၈ ရွေးကောက်ပွဲတွင် တောင်ပြိုကမ်းပြို အနိုင်ရခဲ့သဖြင့် ဒေါ်အောင်ဆန်းစုကြည် နှင့် NLD ပါတီမှာ စေ့စပ်ညှိနှိုင်းရာတွင် အလွန်အားကောင်းသည့် အနေအထားကို ရရှိခဲ့သော်လည်း တည်ဆဲအခြေခံဥပဒေ၊ ပြည်တွင်းစစ်နှင့် ယခင်စစ်အစိုးရလက်ထက် စီးပွားရေးအရ ခြေကုပ်သိမ်းပိုက်ထားမှုများကြောင့် စစ်တပ်နှင့် ပူးပေါင်းဆောင်ရွက်မှသာ NLD အနေဖြင့် အစိုးရဖွဲ့ပြီး တိုင်းပြည်ကို ထိရောက်စွာ ပြောင်းလဲ နိုင်မည်ဖြစ်သည်။

မောင်နိုး
The Ladies News Journal
https://www.facebook.com/News.TheLadies

ဖမ်းဆီးခံ ကျောင်းသားများနှင့် ၀န်းရံသူများအား ပုဒ်မများထပ်တိုး တရားစွဲဆိုနေခြင်းသည် ပြဿနာများ ပိုမိုကြီးထွားစေကြောင်း ဗမာနိုင်ငံလုံးဆိုင်ရာ ကျောင်းသား သမဂ္ဂများ အဖွဲ့ချုပ်(ဗကသ) ဥက္ကဋ္ဌ ကိုကျော်ကိုကိုက ပြောကြားလိုက်သည်။

ကိုကျော်ကိုကို အပါအ၀င် ဒီမိုကရေစီ ပညာရေး လှုပ်ရှားမှု၌ ပါဝင်သည့် ကျောင်းသားများနှင့် ၀န်းရံပြည်သူများ အား ထပ်တိုးပုဒ်မ ပုဒ်မ(၁၈)ဖြင့် ကမာရွတ်မြို့နယ် တရားရုံး၌ အမှုဖွင့်ထားမှုကို စတင် ရုံးထုတ်စဉ် ကိုကျော်ကိုကိုက ပြောကြားခဲ့ခြင်း ဖြစ်သည်။

" ကျောင်းသားတွေရဲ့ ဒီမိုကရေစီ ပညာရေး တောင်းဆိုမှုတွေကို မျက်ကွယ်ပြုပြီး လေးပွင့်ဆိုင် ကတိက၀တ်တွေကို ချိုးဖောက်ပြီးတော့ ကျွန်တော်တို့ ကျောင်းသားတွေကို ထပ်မံဖမ်းဆီး နေတဲ့အပြင် ဖမ်းမိထားတဲ့ ကျောင်းသားတွေကို အမှုတွေ တစ်ခုပြီးတစ်ခု ထပ်တိုးတရားစွဲဆို နေတာဟာ မီးတောက်ထဲကို ဓာတ်ဆီထပ် လောင်းထည့်နေသလိုပဲ ပြဿနာတွေကို ပိုမိုကြီးထွားစေပါတယ်" ဟု ကိုကျော်ကိုကိုက ပြောသည်။

ကိုကျော်ကိုကို အပါအ၀င် ဒီမိုကရေစီ ပညာရေးလှုပ်ရှားမှု ဦးဆောင်ကော်မတီမှ ကိုနန္ဒာစစ်အောင်၊ ဗကသ အဖွဲ့ဝင် ကိုဂျိမ်း၊ မပိုပိုနှင့် ၀န်းရံသူ ကိုဝင်းကျော့မှူး တို့အား ပုဒ်မ (၁၄၃)၊(၁၄၅)၊(၁၄၇)၊(၅၀၅)(ခ)တို့ဖြင့် တရားစွဲဆိုထားရာမှ ကမာရွတ်မြို့နယ်မှူး ဒုရဲမှူးဇော်ဝင်းက တရားလို ပြုလုပ်ကာပုဒ်မ(၁၈)ဖြင့် ထပ်တိုးတရားစွဲ ခဲ့ခြင်းဖြစ်သည်။

"ဒါကတော့ဗျာ တရားမျှတတဲ့ တရားဥပဒေ စိုးမိုးမှု မရှိလို့ပေါ့။ ဘာဖြစ်လို့လဲ ဆိုတော့ အကြောင်းအရာ တစ်ခုတည်းကို ပုဒ်မတွေ အမျိုးမျိုး ခွဲနေတယ်။မလိုအပ်ပဲနဲ့ လုပ်နေတာ။ ဒါတွေကတော့ ပြောင်းလဲဖို့ လိုအပ်တယ်"ဟု ဖမ်းဆီးခံ ကျောင်းသားများ၏ ရှေ့နေအဖြစ် ဆောင်ရွက်ပေးနေသူ တရားလွှတ်တော် ရှေ့နေ ဦးရောဘတ်ဆန်းအောင်က ပြောသည်။

ကျောင်းသား ၅ဦးအား နိုဝင်ဘာလ(၁၉)ရက်နေ့က ကမာရွတ်မြို့နယ်မှူး ဒုရဲမှူးဇော်ဝင်းက တရားလို ပြုလုပ်ကာ ပုဒ် မ(၁၈)ဖြင့် တရားစွဲဆိုခဲ့ခြင်း ဖြစ်ပြီး နိုဝင်ဘာလ(၂၇)ရက်နေ့ နေ့လည်(၁၂)နာရီတွင် ကမာရွတ်မြို့နယ် တရားရုံး၌ တရားလို ဒုရဲမှူး ဇော်ဝင်းအား စတင် စစ်ဆေးခဲ့ခြင်း ဖြစ်သည်။

ယင်းအမှုအား ထပ်မံစစ်ဆေးရန် ကမာရွတ်မြို့နယ် တရားသူကြီးက ဒီဇင်ဘာလ(၄)ရက်နေ့သို့ ထပ်မံချိန်းဆို လိုက်ကြောင်း ဖမ်းဆီးခံ ကျောင်းသားများထံမှ သိရသည်။

Mizzima

ဝါရှင်တန်၊ နိုဝင်ဘာ ၂၇ ။ ။ အမေရိကန်သည် ၄င်း၏မြေပြင်တပ်ဖွဲ့ဝင် ဒါဇင်ပေါင်းများစွာကို ဆီးရီးယားတွင် ချထားလိုက်ပြီး အိုင်အက်စ်အကြမ်းဖက်သမားများကို တိုက်ခိုက်နေသော ကာ့ဒ် တပ်ဖွဲ့ဝင်များကို ကူညီရန်ဖြစ်သည်ဟု ပြောကြားလိုက်သည်။

လွန်ခဲ့သည့်နှစ်ရက်အတွင်းက အမေရိကန်စစ်သား ၃၀သည် ဆီးရီးယားမြောက်ပိုင်းရှိ ကိုဘိန်းမြို့သို့ ရောက်ရှိခဲ့သည်ဟု ဆီးရီးယားလူ့အခွင့်အရေးစောင့်ကြည့်အဖွဲ့က နိုဝင်ဘာ ၂၆တွင် ပြောကြား ခဲ့သည်ဟု အေအက်ဖ်ပီက အစီရင်ခံခဲ့သည်။ ၄င်းတပ်ဖွဲ့ဝင်များသည် ဆီးရီးယားမြို့နှစ်မြို့ဖြစ်သည့် ဂျာရက်ဘလပ်စ်နှင့် ရာကာတို့တွင် အိုင်အက်စ်တို့ကို တိုက်ခိုက်ရာတွင် ကူညီမည်ဟု ဆိုသည်။

အမေရိကန်တပ်ဖွဲ့ဝင် ၂၀ခန့်သည် ဆီးရီးယားအရှေ့ပိုင်းရှိ ဟာဆာကက်ပြည်နယ်သို့ ရောက်ရှိခဲ့သည်ဟု ကာ့ဒ်သတင်းရင်းမြစ်များကလည်း ကြေညာခဲ့သည်။ အိုင်အက်စ်တို့ကို တိုက်ခိုက်နေသော စစ်သွေးကြွများကို လေ့ကျင့်ပေးရန်၊ အကြံပေးရန်နှင့် ကူညီရန် ဆီးရီးယားသို့ အမေရိကန်အထူးတပ်ဖွဲ့ဝင် ၅၀ခန့် ၀ါရှင်တန်က စေလွှတ်မည်ဖြစ်ကြောင်း အိုဘားမားအစိုးရအဖွဲ့မှ အကြီးတန်းအရာရှိ များက အောက်တိုဘာ ၃၀က ပြောကြားထားသည်။

ယင်းသို့ မြေပြင်တပ်ဖွဲ့ဝင်များစေလွှတ်ခြင်းက အမေရိကန်၏ မဟာဗျူဟာကို ပြောင်းလဲခြင်းမဟုတ်ဘဲ စစ်ဆင်ရေးအရှိန်မြင့်လာသည့်သဘောဖြစ်သည်ဟု ထိပ်တန်းအရာရှိတစ်ဦးက ဘီဘီစီသို့ ပြော ကြားခဲ့သည်။ ဆီးရီးယားတွင် အမေရိကန်တပ်ဖွဲ့ဝင်များရှိနေခြင်းက ဆီးရီးယားအစိုးရ၏ ခွင့်ပြုချက်လိုနေသည်။ ယင်းသို့တပ်ဖွဲ့ဝင်များရှိနေခြင်းက ၄င်း၏အချုပ်အခြာအာဏာကို ချိုးဖောက်ခြင်းဖြစ် သည်ဟု ဒမတ်စကပ်က ပြောသည်။

MIZZIMA

ဒီနေ့ (၂၆၊ ၁၁၊ ၂၀၁၅) The Daily Eleven သတင်းစာကို ဖတ်တော့ ဉာဏ်လှိုင်းပရိသတ်ကို စဉ်းစားလို့ မရတဲ့ အကြောင်းအရာတစ်ခုအကြောင်းကို ပြောပြချင်ပါတယ်။ အဲဒါက ရဲတပ်ဖွဲ့ဝင်နှစ်ဦးကို ဓားဖြင့် ထိုးသတ်ခဲ့တဲ့ တင်မြင့်အကြောင်း။

ဒီလူက ဒုစရိုက်မှုများစွာကို ကျူးလွန်ခဲ့သော လူသတ်သမား။ သူ ကျူးလွန်ခဲ့သော အမှုများကို သတင်းစာမှာ ဖော်ပြထားတာ ဖတ်ရပြီး ဒီလိုလူမျိုး အပြင်မှာ ရှိနေခဲ့တာကို အံ့သြမိတယ်။

သတင်းစာအရ ဖော်ပြရရင် အမျိုးသားတစ်ဦးကို ဓားဖြင့် ထိုးပြီး ထွက်ပြေးတိမ်းရှောင်၊ လိုက်ဖမ်းတဲ့ ရဲတပ်ဖွဲ့ဝင်ကို ဓားဖြင့် ထိုးသတ်၊ ပဲခူးစစ်ခုံရုံးက ထောင်ဒဏ် တစ်သက်တစ်ကျွန်း ချမှတ်။ အမိန့်ချခံရပြီး တရားရုံး၌ ရုံးထုတ်စစ်ဆေးစဉ် သံခြေချင်းအား ဖြုတ်ကာ အစောင့်ရဲအား ရိုက်နှက်ထွက်ပြေး။ ပြန်ဖမ်းမိ၊ ထောင်ကျ။ ၂၀၀၈ ခုနှစ်မှာ လွတ်ငြိမ်းချမ်းသာခွင့်ဖြင့် ပြန်လွတ်။

ပြန်လွတ်ပြီး မယားပါသမီးဖြစ်သူအား အဓမ္မပြုကျင့်ရန် ကြိုးစား၊ မြို့နယ် ၃ မြို့နယ်တွင် လုယက်မှုများ ထပ်မံ ကျူးလွန်။ လက်နက်ကိုင်ဆောင်မှုဖြင့် ဖမ်းမိပြီး ထောင်ဒဏ် နှစ် ၂၀ ကျော် ကျ။ ထောင်ကျနေစဉ် သံခြေချင်းအား ဖျက်ဆီးကာ ထွက်ပြေးရန်ကြံစီ။ ထောင်ဒဏ် ၄ လ ထပ်မံတိုးမြှင့်။

၂၀၁၄ ခုနှစ်တွင် နိုင်ငံတော်သမ္မတ ဦးသိန်းစိန်၏ လွတ်ငြိမ်းချမ်းသာခွင့်ဖြင့် ပြန်လည် လွတ်မြောက်လာ။

လွတ်ငြိမ်းချမ်းသာခွင့်ရပြီး ၂၀၁၄ နိုဝင်ဘာလတွင် အမျိုးသားတစ်ဦးအား ဓားဖြင့် ထိုး။ ပြီးတော့ လာရောက်ဖမ်းဆီးသည့် ရဲတပ်ဖွဲ့ဝင်နှစ်ဦးကို ဓားဖြင့်ထိုးသတ်။

ဒီလောက်ရာဇ၀တ်မှုများစွာကို ကျူးလွန်ခဲ့သည့် ရာဇ၀တ်သားကိုတောင် အစိုးရအနေဖြင့် လွတ်ငြိမ်းချမ်းသာခွင့် အကြိမ်ကြိမ် ပေးနိုင်ခဲ့သေးတယ်၊ အခုထိ အဖမ်းခံနေရတဲ့ ကျောင်းသားကျောင်းသူလေးတွေက သူတစ်ပါးကို မလုယက်၊ ဓားဖြင့်လည်း မထိုး၊ လူလည်း မသတ်ဘဲနဲ့ ငြိမ်းချမ်းစွာ ဆန္ဒထုတ်ဖော်ခဲ့ကြတာကိုတော့ ဦးသိန်းစိန်အစိုးရအနေဖြင့် ဘာ့အတွက်ကြောင့် ခွင့်မလွတ်နိုင်၊ လွတ်ငြိမ်းချမ်းသာခွင့် မပေးနိုင်ရတာကို စဉ်းစားလို့ မရဘူး ဖြစ်နေပါတယ်။

Gecko

BrainWave ဉာဏ်လှိုင်း

[soundcloud src="234967080"/]
အမျိုးသားဒီမိုကရေစီအဖွဲ့ချုပ် အစိုးရဖွဲ့စည်းပြီးနောက်ဆောင်ရွက်မယ့် ငြိမ်းချမ်းရေးကိစ္စရပ်တွေ လုပ်ငန်းစဉ်တွေနဲ့ ပတ်သက်ပြီး အပစ်ရပ်လက်မှတ်ထိုးထားတဲ့ တိုင်းရင်းသားလက်နက်ကိုင်အဖွဲ့ ၈ ဖွဲ့က ကိုယ်စားလှယ်တွေ နဲ့ NLD ဗဟိုအလုပ် အမှုဆောင်အဖွဲ့ဝင်တွေ နိုဝင်ဘာ၂၆ ရက်နေ့ မနေ့က တွေ့ဆုံခဲ့ကြပါတယ်။

RFA

နိုဝင်ဘာ ၂၅ ရက်က ရုရှားနိုင်ငံ ယူရဲတောင်တန်း နီဇနီတာဂယ်မြို့ရှိ ယူရဲဗာဂွန်ဇာဗော့ စက်ရုံသို့ အလည်အပတ် သွားစဉ်အတွင်း ပူတင်ကို တွေ့ရစဉ်

ဆီးရီးယား နယ်စပ်တွင် ပစ်ချခံခဲ့ရသော ရုရှား လေယာဉ်၏ ပျံသန်းမှုလမ်းကြောင်းနှင့် ပတ်သက်သော အချက်အလက်များကို ရုရှားက အမေရိကန်ထံ ကြိုတင်ပေးထားပြီး ဖြစ်ကြောင်း ရုရှား သမ္မတ ဗလာဒီမာပူတင်က နိုဝင်ဘာ ၂၆ ရက်တွင် ပြောကြားခဲ့သည်။

တူရကီ ပါဝင်သော ညွန့်ပေါင်းကို ဦးဆောင်နေသည့် အမေရိကန်သည် ရုရှား လေယာဉ် ပျံသန်းမည့် လမ်းကြောင်းနှင့် အချိန်တို့ကို သိရှိထားကြောင်း၊ ရုရှား လေယာဉ်သည် ယင်းလမ်းကြောင်းနှင့် အချိန်တို့တွင် အတိအကျ ပစ်ချခံခဲ့ရကြောင်း ပူတင်က ကရင်မလင်တွင် ပြင်သစ် သမ္မတ ဖရန်ဆွာအော်လွန်းနှင့် ပူးတွဲ သတင်းစာ ရှင်းလင်းပွဲ ပြုလုပ်စဉ် ပြောကြားခဲ့သည်။

အော်လွန်းနှင့် မတွေ့ဆုံမီ ပူတင်နှင့် တူရကီ သမ္မတ ရီဆပ်တေယစ်အာဒိုဂန်တို့သည် မခံချိမခံသာ စကားများ အပြန်အလှန် ပြောကြားခဲ့ကြသည်။ ရုရှား လေယာဉ် ပစ်ချခံခဲ့ရမှုနှင့် ပတ်သက်၍ ပူတင်က သူသည် တောင်းပန်မှု ရရှိရန် စောင်ဆိုင်းနေကြောင်း ပြောကြားခဲ့သည်။ အာဒိုဂန်ကမူ မည်သည့် တောင်းပန်မှုမျှ လုပ်ဆောင်မည် မဟုတ်ဟု ပယ်ချခဲ့သည်။

ယင်းဂျက်လေယာဉ်ကို ရုရှား လေယာဉ်မှန်း သိလျှင် ပစ်ချမည် မဟုတ်ဟု တူရကီ၏ ပြောကြားမှုကို မဟုတ်တရုတ် ပြောကြားခြင်း ဖြစ်သည်ဟု ပူတင်က နိုဝင်ဘာ ၂၆ ရက်တွင် ပြင်းပြင်းထန်ထန် ဝေဖန်ခဲ့သည်။

မိမိတို့ ရုရှား လေယာဉ်များတွင် မည်သည့် လေယာဉ်များဖြစ်ကြောင်း ခွဲခြားသိနိုင်သော အမှတ်လက္ခဏာများ ရှိကြောင်းကို ရှင်းရှင်းလင်းလင်း မြင်တွေ့နိုင်ကြောင်း ပူတင်က ပြောကြားခဲ့သည်။ ယင်းကဲ့သို့ ဖြစ်စဉ် ထပ်မံမဖြစ်စေရဟု အာမခံချက် ပေးရမည့်အစား တောင်းပန်မှု မပါဝင်သည့် ပါးနပ်မှုမရှိသော ရှင်းလင်းချက်များနှင့် ကြေညာချက်များကိုသာ ကြားသိနေရကြောင်း ပူတင်က ဝေဖန်ခဲ့သည်။

ရေနံ ရောင်းချမှုမှ ရသောဝင်ငွေများကို အကြီးအကျယ် မှီခိုနေရသည့် IS အဖွဲ့ထံမှ ရေနံများကို တူရကီက ၀ယ်ယူနေကြောင်းလည်း ပူတင်က စွပ်စွဲခဲ့သည်။ ဆီးရီးယားရှိ အကြမ်းဖက်သမားများ ထိန်းချုပ်ထားသော နယ်မြေမှ ရေနံများသည် နယ်စပ်ဖြတ်၍ တူရကီထဲသို့ ရောက်ရှိသွားကြောင်းကို သံသယ ရှိစရာ မလိုကြောင်း ပူတင်က ပြောကြားခဲ့သည်။ “ရေနံတင်ကားတွေ သွားနေကြတာကို ကျွန်တော်တို့တွေ ဝေဟင်ကနေ မြင်နေရတာပဲ။ အဲဒီယာဉ်တွေက တူရကီထဲကို နေ့ရောညပါ ၀င်ရောက်နေတယ်” ဟု ပူတင်က ပြောကြားခဲ့သည်။

ယင်းစည်များတွင် ရေနံများ သာမက မိမိတို့ နိုင်ငံသားများ၏ သွေးများလည်း စွန်းထင်းနေခဲ့ကြောင်း၊ အဘယ်ကြောင့်ဆိုသော် ယင်းရေနံများ ရောင်းချမှုမှရသော ငွေများဖြင့် အကြမ်းဖက်သမားများက လက်နက်များ ၀ယ်ယူပြီး သွေးစွန်းသော တိုက်ခိုက်မှုများကို ပြုလုပ်ခဲ့၍ဖြစ်ကြောင်း ပူတင်က ပြောကြားခဲ့သည်။

Ref : AFP
Eleven Media Group

သိပ်မကြာမီ ရက်ပိုင်းလောက်က လမ်းမတော်မြို့နယ်မှာနေတဲ့ ကိုးတန်းကျောင်းသားလေး တစ်ယောက် ကျူရှင်ကနေ အိမ်ကို အပြန်လမ်းမှာ ဖုန်းလုခံရတဲ့ သတင်းတစ်ပုဒ်ကို ဖတ်လိုက်ရတယ်။ လမ်းသွားရင်း ဖုန်းသုံးနေတဲ့ ကျောင်းသားလေး နောက်ကနေ လူနှစ်ယောက်က နောက်ယောင်ခံ လိုက်လာရင်း လူရှင်းတဲ့ နေရာတစ်ခု အရောက်မှာ အဲ့ဒီကျောင်းသားလေးကို ဒူးထောက် ထိုင်ခိုင်းလိုက်တယ်။ ပြီးတော့ တစ်ယောက်က ဖုန်းကိုလု၊ ကျန်တစ်ယောက်က အဲ့ဒီကျောင်းသားလေးကို လက်သီးနဲ့ လေး၊ငါးချက်လောက် ထိုးပြီး ဖုန်းကိုလုပြီး ထွက်ပြေးသွားသတဲ့။ အလုခံရတဲ့ ဖုန်းက Samsung Note 2 ဖုန်းဖြစ်ပြီး၊ အခုတော့ အဲဒီ ဖုန်းလု ထွက်ပြေးတဲ့ လူနှစ်ယောက်ကို ဖမ်းမိသွားပြီလို့လည်း သိရတယ်။

တကယ်တော့ ဒီလိုမျိုး ဖုန်းလုခံရတာ၊ ပိုက်ဆံအိတ် အလုခံရတာ၊ လူကိုရိုက်ပြီး ပစ္စည်းလုပြေးတာ၊ ငွေလုတာမျိုး ကိစ္စတွေက အမြဲတမ်းလို ကြားသိနေရလို့ မထူးဆန်းတော့တဲ့ ကိစ္စတစ်ခုလို ဖြစ်နေပါပြီ။ လူတွေက ငွေကြေး အဆင်မပြေတဲ့အခါ၊ တကယ်တမ်း ငတ်ပြတ်လာကြတဲ့အခါ၊ ဘယ်လောက်မှ အဖိုးမတန်တဲ့ ငွေလေးသောင်း ဂဏန်းလောက် တန်ဖိုးရှိတဲ့ ပစ္စည်းမျိုးကိုတောင် လူသတ်ပြီး ရယူဖို့ ၀န်မလေးတဲ့အထိ အသိစိတ် ကင်းမဲ့စွာ လုပ်ဆောင်ရက်ကြတဲ့ အဖြစ်အပျက်တွေကိုလည်း ကျွန်မတို့ မကြာခဏဆိုသလို ကြားသိနေရတာပဲ မဟုတ်ပါလား။ ဒါပေမဲ့လည်း ဒီလိုတွေ မဖြစ်အောင် ကိုယ့်ဘက်ကရော ဘယ်လိုဆင်ခြင် နေထိုင်ရမလဲဆိုတာကိုလည်း ကျွန်မတို့တွေ မေ့မေ့လျော့လျော့ နေကြတာပဲ မဟုတ်ပါလား။ တကယ်တော့ အဖြစ်အပျက်တစ်ခု ဖြစ်လာရင် လူအများက ပြုသူဘက်ကိုပဲ ကြည့်ပြီး အပြစ်ပြော ဝေဖန်တတ်ကြတာ များပါတယ်။ ကျွန်မတို့ကိုယ်တိုင်လည်း တစ်ခုခု ဖြစ်ပြီဆိုရင် ‘ကိုယ်ချင်းမစာ လုပ်ရက်လိုက်ကြတာ။ ဒီငွေလေး တစ်ပဲခြေက်ပြားလောက်နဲ့ ဒီလိုလုစရာလား’ ‘လူတွေများ တကယ်တမ်း ငတ်ပြတ်လာရင် စဉ်းစား ဆင်ခြင်ဥာဏ်ကို မရှိကြတော့တာပါလား။ ဒီလောက် ပစ္စည်းလေးအတွက်နဲ့ လူလူချင်း ကိုယ်ချင်းမစာနာ ရိုက်နှက်လုကြပါလား’ စသဖြင့် ကိစ္စတစ်ခုကို ကြားကြားချင်း၊ သိသိချင်းအချိန်မှာပဲ ပြုလုပ်တဲ့ သူဘက်ကို စိတ်ဆိုးဒေါသဖြစ်လို့ ပြောဆိုတတ်ကြပါတယ်။ ကြာတာတော့လည်း ဒီကိစ္စတစ်ခုကို မေ့မေ့ပျောက်ပျောက် ဖြစ်သွားကြပြန်လေရော။ တစ်စုံတစ်ခု ဖြစ်လာရင် အဲဒီအဖြစ်အပျက်ကနေ သင်ခန်းစာယူစရာတွေ အများကြီး ရှိပါတယ်။ ဒါပေမဲ့ ကျွန်မတို့ အဲဒါကိုတော့ မစဉ်းစားမိကြဘူး။ တစ်နေ့မှာ ငါလည်း အဲဒီလို အဖြစ်အပျက်မျိုး ကြုံရနိုင်တာပဲလို့တော့ မတွေးကြဘဲ ငါတော့မဖြစ်နိုင်ပါ ဘူးလို့ ခပ်ပေါ့ပေါ့ တွေးတတ်ကြပါတယ်။ ကိုယ်တိုင်ကြုံတွေ့မှ နောင်တရတာထက် သူများ အဖြစ်အပျက်တွေကနေ ဆင်ခြင်ပြီး သင်ခန်းစာယူတတ်ဖို့၊ ကိုယ့်အလှည့်မှာ အဲဒီလို အဖြစ်မျိုးမကြုံရဖို့ ဆင်ခြင်နေထိုင်တတ်ဖို့ လိုအပ်ပါတယ်။

အခုခေတ်မှာ လူတွေကအခက်အခဲ၊ အကျပ်အတည်းတွေနဲ့ ဆင်းရဲမှုကို ရင်ဆိုင်နေကြရတယ်။ ရုပ်ပိုင်းဆိုင်ရာ တိုးတက် ပြောင်းလဲမှုနောက်ကို လိုက်ရင်းစိတ်ပိုင်းဆိုင်ရာတွေ လျော့ကျ ပျက်စီးနေကြတယ်။ အငတ်ဘေးကြုံတဲ့အခါ၊ ရွေးချယ်စရာတွေ မရှိတော့လောက်အောင် ဘေးကျပ်နံကျပ် အခက်အခဲတွေ ကြုံလာရတဲ့အခါ၊ ထွက်ပေါက်မဲ့လာတဲ့ အခါ ဥာဏ်ပညာ မဲ့တဲ့သူတွေက စဉ်းစားတွေးခေါ်မှုနဲ့ ဆင်ခြင်တုံတရား ဆိုတာတွေထက် လုပ်သင့်တာ၊ မလုပ်သင့်တာတွေထက် တဒင်္ဂဖြစ်ပေါ်လာတဲ့ စိတ်အတိုင်း စိတ်ထင်ရာ လုပ်မိတတ်ကြပါတယ်။အဲဒီလိုအချိန်မျိုးမှာ တခြားသူဆီက ငွေကြေး၊ ပစ္စည်းဥစ္စာကို အလွယ်တကူ လုယူဖို့၊ ခိုးယူဖို့ ၀န်မလေးကြတော့ဘူး။ ဒါဟာ ဒီနေ့ခေတ်မှာ ဖြစ်ပျက်နေတဲ့ လက်တွေ့အဖြစ်အပျက်တွေပဲ။

ဒီလို သူများဆီက ငွေကြေး၊ ဥစ္စာပစ္စည်းတွေကို လုယူတဲ့သူ၊ ခိုးယူတဲ့သူတွေအတွက် ဥပဒေကပေးတဲ့ အပြစ်ဒဏ်ကို သူတို့ခံရတဲ့ အချိန်က နောက်မှ ဖြစ်တဲ့ကိစ္စပါ။ အရင်ဆုံး အဲဒီလို ကိုယ့်ငွေ၊ ကိုယ့်ပစ္စည်းဥစ္စာကို လုယူခံရတဲ့အခါ ကိုယ်ခံစားရတဲ့ စိတ်သောကက ဘယ်လောက်ထိ ကြီးမားလိုက်မလဲ။ ငွေကြေးဥစ္စာကို အသာတကြည် ယူသွားရင်ဖြင့် တော်သေးရဲ့။ တကယ်လို့များ ကိုယ့်ကို ထိခိုက်ဒဏ်ရာရအောင် ထိုးကြိတ်မယ်၊ ကိုယ့်အသက်အန္တရာယ်ကိုတောင် ထိခိုက်လာမယ်ဆိုရင် ဘယ်လိုလုပ်မလဲ။ ကိုယ်ကဘယ်လောက်ပဲ ခုခံကာကွယ်ပါစေ၊ ကြိုတင်ကြံစည်ထားတဲ့ သူတွေဆိုတာ လက်နက်တစ်စုံတစ်ရာ မပါဘူးလို့လည်း ပြောလို့ရတာမှမဟုတ်တာ၊ သူတို့က သူများပစ္စည်းဥစ္စာကိုတောင် အလွယ်တကူ မဆင်မခြင် ယူရဲသေးတာပဲ။ တခြားအရာတွေကို လူ့အသိစိတ်နဲ့ ထိန်းချုပ်နိုင်ပါ လိမ့်မယ်လို့လည်း ဘယ်လို ယုံကြည်လို့ရပါ့မလဲ။ ဘာမဟုတ်တဲ့ ငွေကြေးတန်ဖိုးလောက် အတွက် သူတို့က လူ့အသက်တစ်ချောင်းကို တန်ဖိုးမထားစွာ လုပ်ရက်ကြရင်တောင် လူဆိုတာကတော့ ကိုယ့်အသက်အန္တရာယ်ကို ထိခိုက်လာတော့မယ့် အချိန်မှ ခုခံကာကွယ်တာထက် ဒီလိုမျိုးတွေ မဖြစ်လာခင်ကတည်းက တတ်နိုင်သမျှ ဆင်ခြင်နေထိုင်နေတာ အကောင်းဆုံး ဖြစ်ပါလိမ့်မယ်။ ဟိုတစ်လောတုန်းကလည်း အသက်လေးနှစ်အရွယ် ကလေးတစ်ယောက်ရဲ့ နားကပ်ကို အသက် ၈ နှစ်အ ရွယ်ကလေးနဲ့ ၁၀ နှစ်အရွယ်တို့က လုယူရင်း လေးနှစ်အရွယ် ကလေးကို သတ်ပစ်လိုက်တဲ့ ကိစ္စတစ်ခု ဖြစ်ပွားတုန်းကလည်း ကလေးအရွယ် သာသာလေးတွေကတောင် ဘာမဟုတ်တဲ့ နားကပ် သေးသေးလေး တစ်ခုအတွက်နဲ့ လူသတ်တဲ့အထိ လုပ်တတ်နေကြပြီလားဆိုပြီး လူအများက ပြောဆို ဝေဖန်ခဲ့ကြပါတယ်။ ဟုတ်ပါတယ်။ လူကြီးတွေသာမကဘဲ ကလေးတွေကအစ ရုပ်ပိုင်းဆိုင်ရာ တိုးတက်ပြောင်းလဲမှုတွေ နောက်ကိုလိုက်ရင်း အသိစိတ်တွေ ပျောက်နေကြကုန်ပါပြီ။ လူတစ်ယောက်ကို ပုရွက်ဆိတ်လေး၊ ခြင်လေးတစ်ကောင် သတ်သလောက် ပုံစံနဲ့ အလွယ်တကူ သတ်ရဲလာကြတာက အကြီးမားဆုံး ဆုတ်ယုတ်မှုကြီး တစ်ခုပါ။ သူတို့ကို အပြစ်ပေးတာကနောက်ပါ။ သေတဲ့လူက အရွယ်မတိုင်ခင်မှာ ဘာမဟုတ်တဲ့ ရွှေနားကပ်လေး တစ်စုံအတွက်နဲ့ မရှုမလှ သေဆုံးခဲ့ရပါတယ်။ ဒီကလေးအရွယ်လေးကို ရွှေမဆင်ပေးတော့ရော ဘာဖြစ်သွားမှာမို့လို့လဲ။ ကလေးငယ်လေးကို ရွှေငွေလက်ဝတ် ရတနာတွေ ဆင်ပေးလို့လည်း ပိုမလှသွားပါဘူး။ ငွေကြေးဥစ္စာရှိတာပဲ ဆိုပြီးလည်း လူပိုအထင် မကြီးလာပါဘူး။လူကြီးမိဘတွေ အနေနဲ့လည်း ဆင်ခြင်သင့်ပါတယ်။

အခုလည်း ကိုးတန်းကျောင်းသားလေးရဲ့ သုံးသိန်းခွဲလောက်သာ တန်တဲ့ ဖုန်းတစ်လုံးအတွက် သူများအထိုးအကြိတ်ခံရ၊ အလုခံရနဲ့။ အသက်အန္တရာယ် မပေးသွားတာဘဲ ကံကောင်းလှပြီ ဆိုရမယ်ထင်ရဲ့။ ကျောင်းသား တစ်ယောက်နဲ့ ဒီဖုန်းက ဘာဆိုင်သလဲ။ နိုင်ငံတကာမှာလည်း ကျောင်းသားအရွယ်တွေ ဖုန်းကိုင်ကြတာပဲ၊ ဒီလိုပဲ လမ်းသွားရင်းလည်း သုံးနေကြတာပဲလို့ ပြောစရာရှိလိမ့်မယ်။ ဒါပေမဲ့ သူတို့က ဖွံ့ဖြိုးပြီးတိုင်းပြည်တွေ၊ ကိုယ်တွေက အခုမှ ဖွံ့ဖြိုးဆဲတိုင်းပြည်။ သူတို့က ဒီလို အသုံးအဆောင်တွေနဲ့ အသားကျနေတဲ့သူတွေ၊ ကိုယ်တွေက မကြာသေးမီကမှ ဆင်းမ်ကတ်တွေကို ဈေးပေါပေါနဲ့ ချပေးလို့ နည်းပညာကို ဘယ်လို အသုံးပြုရမယ်ဆိုတာတွေနဲ့ လည်း အကျွမ်းမ၀င်သေးဘဲ ခေတ်နဲ့အမီဆိုပြီး ကလေးတွေကလည်း သူများတွေ ဟန်းဖုန်းကိုင်တော့ ကိုယ်လည်းကိုင်ချင်တယ်။ ဖုန်းဝယ်ပေးရင်လည်း သာမန် Key Pad ဖုန်းလောက် မပြောနဲ့ Touch တောင်မှ ဘာ Touch မှ ညာ Touch မှ၊ နောက်ဆုံးပေါ် Brand မှ ဆိုတာမျိုး။ သားသမီးတွေ ပူဆာသမျှကို မိဘတွေကလည်း သူများနဲ့ တန်းတူဖြစ်အောင်၊ သားသမီးမျက်နှာ မငယ်အောင် ဆိုပြီး ၀ယ်ပေးကြတယ်။ တကယ်တော့ ဒါတွေဟာ ကိုယ့်သားသမီးကို လိုအပ်တာထက် ပိုအလိုလိုက်ခြင်းပဲ ဖြစ်သလို၊ ကလေးကို ချစ်တာထက် ကလေးအတွက် အန္တရာယ်ကို ဖိတ်ခေါ်ပေးသလို ဖြစ်စေတယ်ဆိုတာကို လူကြီး မိဘတွေအနေနဲ့လည်း နားလည်ထားဖို့ လိုအပ်ပါတယ်။ အခုခေတ်မှာက ကိုယ့်မှာရှိတိုင်းလည်း ကြွားချင်ရုံသက်သက်နဲ့ ထုတ်ဝတ်ချင်တိုင်း ၀တ်လို့ ရတာမဟုတ်။ ကိုယ်က လိုင်းကားစီးရတဲ့ လူတစ်ယောက်ဖြစ်ပြီး ရွှေငွေ လက်ဝတ်လက်စားတွေကို လူရှိန်အောင်ပဲ ဖြစ်ဖြစ်၊ ကိုယ်တိုင်က ကြိုက်လို့ ၀တ်တာပဲဖြစ်ဖြစ် လိုအပ်တာထက်ပိုပြီး ၀တ်စားထားရင်း ကိုယ့်သေတွင်း ကိုယ်ဖိတ်ခေါ်နေသလို ဖြစ်နေမယ် ဆိုတာကိုတော့ ဆင်ခြင်သင့်ပါတယ်။

ဒီလိုပါပဲ။ ကျောင်းသား အရွယ်မှာ ကိုယ့်ပညာရေးကို သူများထက် ထူးချွန်အောင် ကြိုးစားပြီး ကိုယ့်အရည်အချင်းကို ထုတ်ဖော်နိုင်ဖို့ပဲ အရေးကြီးတာပါ။ ဘာမဟုတ်တဲ့ အပေါ်ယံ ဂုဏ်တုဂုဏ်ပြိုင် ကိစ္စတွေ၊ ရွှေငွေ လက်ဝတ် လက်စားတွေ ၀တ်ဆင်လို့ ဘယ်သူက ဘယ်သူ့ထက် ပိုချမ်းသာလဲ ပြိုင်တဲ့ကိစ္စ တွေ၊ ငါကတော့ဖြင့် ဘယ်ဖုန်းအမျိုးအစားကိုင်တာ၊ ငါကတော့ဖြင့် ဘယ်လိုတန်ဖိုးကြီး အသုံးအဆောင်မှ သုံးတာဆိုပြီး ကြွားဝါဖို့ သက်သက်၊ ဟန်လုပ်ဖို့ သက်သက်အတွက်နဲ့တော့ ကိုယ့်အသက်အန္တရာယ် ကိုယ်မဖိတ် ခေါ်ကြပါနဲ့။ ကိုယ့်မိဘက ငွေပိုငွေလျှံနေလို့၊ သုံးနိုင်ဖြုန်းနိုင်လို့ ကိုယ်ကသုံးမယ်ဆိုရင်တောင် ကိုယ့်အတွက် တကယ်လိုအပ်လို့လား၊ ကိုယ့်အသက်အရွယ် ကိုယ့်အနေအထားနဲ့ ဒီပစ္စည်းမျိုးတော့ သုံးဖို့လိုအပ်ပြီလားလို့ ဆင်ခြင်ပြီးမှ တကယ်သုံးသင့်တယ်၊ တကယ် ကိုယ့်အလုပ်အတွက် မရှိမဖြစ်လိုအပ်တယ်ဆိုမှ သုံးတာမျိုး ဖြစ်သင့်ပါတယ်။ ဒါ့ကြောင့် ကိုယ့်အသက်အရွယ်၊ ကိုယ့်အနေအထားနဲ့ သုံးဖို့ မသင့်တော်သေးတဲ့ အသုံးအဆောင် ပစ္စည်းတစ်ခု၊ အခြေအနေ အချိန်အခါကို မကြည့်ဘဲ အလှအပတစ်ခုအတွက်၊ ဂုဏ်တုဂုဏ်ပြိုင်ရုံ သက်သက်အတွက် တန်ဆာဆင်ရတဲ့ ပစ္စည်း အသုံးအဆောင်တွေကလည်း ကိုယ့်အသက်အန္တရာယ်ကို ကိုယ်တိုင်ဖိတ်ခေါ်နေသလိုမျိုး ဖြစ်စေတာမို့ အထူးသတိချပ် ဆင်ခြင် အသုံးပြုသင့်ပါတယ်ဆိုတာ ပြောကြားရင်း.....။
Writer:
သဲသီရိကျော်
Eleven Media Group

ရွှေပြည်သာမြို့နယ် တရားရုံး၌ ကဗျာဆရာ မောင်ဆောင်းခအား တွေ့ရစဉ်

‘‘သမ္မတကြီး’’ စာသားပါ ကဗျာအား ရေးသားပြီး Facebook တွင် တင်ခဲ့မိသဖြင့် ဆက်သွယ်ရေးပုဒ်မ ၆၆ (ဃ) ဖြင့် တရားစွဲဆို ခံထားရသည့် ကဗျာဆရာ မောင်ဆောင်းခ၏ အမှုအား တရားသူကြီး ပြောင်းလဲ စစ်ဆေးပေးပါရန် ၎င်း၏ရှေ့နေမှ ရွှေပြည်သာမြို့နယ် တရားသူကြီးအား နိုဝင်ဘာ ၂၇ ရက်က လျှောက်ထားခဲ့ကြောင်း သိရသည်။

အဆိုပါအမှုတွင် မောင်ဆောင်းခ ရး သားသည့် ကဗျာစာသားများသည် အမှုအား စစ်သည့် အမျိုးသမီး တရားသူကြီးနှင့် မသင့်လျော်သည့်အတွက် တရားသူကြီး ပြောင်းလဲ စစ်ဆေးပေးပါရန် တရားစွဲ ခံထားရသည့် မောင်ဆောင်းခ၏ရှေ့နေ ဦးရောဘတ်စန်းအောင်က လျှောက်ထားခဲ့ခြင်း ဖြစ်သည်။

‘‘ဒီကနေ့ရုံးချိန်းမှာ ကျွန်တော်တို့က တရားခွင် ပြောင်းဖို့ လျှောက်တယ်။ အမှုအဖြစ်အပျက် အကြောင်းအချင်းအရာအရ အမျိုးသမီး တရားသူကြီးနဲ့ စစ်ဆေးဖို့ မသင့်လျော်ဘူး။ မသင့်လျော်တဲ့အတွက် အမျိုးသား တရားသူကြီးကို ပြောင်းပေးပါလို့ ကျွန်တော်က လျှောက်တယ်။ မေးရမယ့် မေးခွန်း အနေအထားနဲ့ တရားသူကြီးကို အားနာတယ်။ အမျိုးသမီး တရားသူကြီးက ငယ်လည်းငယ်တယ်။ အပျိုကြီးလည်း ဖြစ်တဲ့အတွက် အဲဒီကဗျာထဲမှာပါတဲ့ စာကြောင်း တစ်ကြောင်း နှစ်ကြောင်းအရ မေးရရင် ကျွန်တော်တို့က မျက်နှာပူတယ်။ မြန်မာနိုင်ငံရဲ့ ယဉ်ကျေးမှုအရလည်း မသင့်တော်ဘူး။ သူ့အတွက်လည်း နားထောင်ရတာ အဆင်မပြေ ဖြစ်နိုင်တယ်။ အဲဒါကြောင့် တရားသူကြီး ပြောင်းစစ်ပေးပါလို့ လျှောက်လိုက်တာပါ’’ဟု ဦးရောဘတ်စန်းအောင်က ပြောကြားသည်။

ယင်းအမှုအား ရွှေပြည်သာ တရားရုံးတွင် ရုံးထုတ်ရာ၌ စစ်ဆေးခြင်းမရှိဘဲ ဒီဇင်ဘာ ၄ ရက်သို့ ပြန်လည် ချိန်းဆိုခဲ့သည်။

ရုံးထုတ်လာစဉ် ကဗျာဆရာ မောင်ဆောင်းခက ’’၆၆ (ဃ) က သာမန်အကျဉ်းသားတွေရဲ့ ပုဒ်မပဲ နိုင်ငံရေး အကျဉ်းသား မဟုတ်ဘူးလို့ ပြောတယ်။ ပုဒ်မ ၁၈ တို့ ၅၀၅ (ခ) တို့ကိုသာ နိုင်ငံရေးပုဒ်မလို့ သူတို့က သဘောထားတယ်။ တကယ်က နိုင်ငံရေး ပယောဂ တစ်ခုခုကြောင့် ဖမ်းဆီး ချုပ်နှောင် ခံရတယ်ဆိုရင် နိုင်ငံရေး အကျဉ်းသားအဖြစ် သတ်မှတ်ရမှာပါ။ အဲဒီလိုမျိုး စည်းမျဉ်း စည်းကမ်းတွေကို သေချာတွက်ချက်ပြီး နိုင်ငံရေး အကျဉ်းသားတွေ ထားတဲ့ အဆောင်ထဲမှာ ထားသင့်တယ်လို့ ကျွန်တော်ထင်တယ်’’ဟု ပြောကြားသည်။

ပြီးခဲ့သည့် အောက်တိုဘာ ၈ ရက်တွင် လူငယ် ကဗျာဆရာ မောင်ဆောင်းခသည် ၎င်း၏ Facebook အကောင့်မှ ‘ ပုံရိပ်’ ခေါင်းစဉ်ဖြင့် ကဗျာတစ်ပုဒ် ရေးသားဖော်ပြခဲ့သည်။ အဆိုပါ ကဗျာထဲတွင် ပါရှိသော စာသားအပေါ် သမ္မတရုံး ညွှန်ကြားရေးမှူး ဦးဇော်ဌေး၏ Facebook အကောင့်ဖြစ်သော မှူးဇော်အကောင့်မှနေ၍ ဥပဒေအရ အရေးယူမည်ဟု ပြန်လည် ရေးသားခဲ့သည်။

ယင်းနောက် နိုဝင်ဘာ ၅ ရက် မွန်းလွဲပိုင်း၌ ဗကသ ကျောင်းသားခေါင်းဆောင် နှစ်ဦးကို ရုံးထုတ်စဉ် မောင်ဆောင်းခက ကမာရွတ်မြို့နယ် တရားရုံးသို့ လာရောက်ခဲ့ရာ ရဲတပ်ဖွဲ့ဝင်များက ဖမ်းဆီးကာ ရွှေပြည်သာမြို့နယ် ရဲတပ်ဖွဲ့မှူးက တရားလိုပြုလုပ်ပြီး အမှုဖွင့်ထားခြင်း ဖြစ်ကြောင်း သိရသည်။

ဆက်သွယ်ရေး ဥပပဒေ ပုဒ်မ ၆၆ (ဃ) ၏ အဓိပ္ပာယ်မှာ ဆက်သွယ်ရေး ကွန်ရက်တစ်ခုခုကို အသုံးပြု၍ ပုဂ္ဂိုလ်တစ်ဦးဦးအား ခြောက်လှန့်တောင်းယူခြင်း၊ အနိုင်အထက်ပြုခြင်း၊ မတရား တားဆီး ကန့်ကွက်ခြင်း၊ အသရေဖျက်ခြင်း၊ နှောင့်ယှက်ခြင်း၊ မလျော်သြဇာသုံးခြင်း သို့မဟုတ် ခြိမ်းခြောက်ခြင်း ဟူ၍ ဖြစ်သည်။
Writer:
ရှိုင်းလင်းအောင်
Eleven Media Group


pado-kawhtoowin-620.jpg
ပဒိုစောကွယ်ထူးဝင်းကို နိုဝင်ဘာလ ၁၇ ရက်နေ့က နေပြည်တော်မှာ တွေ့ရစဉ်
Photo: Myo Thant Khaing/ RFA

ရွေးကောက်ပွဲမှာ အနိုင်ရရှိခဲ့တဲ့ အမျိုးသားဒီမိုကရေစီအဖွဲ့ချုပ်အနေနဲ့ ၂၀၀၈ဖွဲ့စည်းပုံပြင်ဆင်ရေးနဲ့ တိုင်းရင်း သားတွေနဲ့ ငြိမ်းချမ်းရေးတည်ဆောက်မူကို ဦးစားပေးသွားမယ်လို့ ကတိပြုတာကြောင့် အတူပူးပေါင်းလုပ်ဆောင် သွားမယ်လို့ KNU ကရင်အမျိုးသားအစည်းအရုံး အထွေထွေအတွင်းရေးမှူး ပဒိုစောကွယ်ထူးဝင်းက ပြောပါတယ်။

တစ်နိုင်ငံလုံး အပစ်အခတ်ရပ်စဲရေးစာချုပ်မှာ လက်မှတ်ရေးထိုးခဲ့တဲ့ တိုင်းရင်းသား လက်နက်ကိုင်အဖွဲ့၅ ဖွဲ့က ခေါင်းဆောင်တွေနဲ့ NLD ဗဟိုကော်မတီဝင်တွေ မနေ့က ရန်ကုန်မြို့မှာ တွေ့ဆုံပြီး ငြိမ်းချမ်းရေးဖြစ်စဉ်တွေမှာ ပူးပေါင်းဆောင်ရွက်ဖို့ ဆွေးနွေးခဲ့တယ်လို့ KNU အထွေထွေအတွင်းရေးမှူး ပဒိုစောကွယ်ထူးဝင်းက ပြောပါတယ်။

"ကျနော်တို့တင်ပြတဲ့ NCA ကို သူတို့အသိအမှတ်ပြုတယ်၊ သူတို့တာဝန်ယူရတဲ့အချိန်ကျတော့ သူတို့ရဲ့ မူလသဘောထားဖြစ်တဲ့ ဖွဲ့စည်းပုံပြင်ဆင်ရေးနဲ့ တိုင်းရင်းသားအရေးနဲ့ ပတ်သက်တဲ့ ငြိမ်းချမ်းရေးကို သူတို့ဦးစားပေးအနေနဲ့ ဆောင်ရွက်မှာဖြစ်ပါတယ်၊ ဦးစားပေးဆောင်ရွက်မယ့်အချက်တွေထဲမှာ ဒီအချက်တွေ ပါဝင်တဲ့အတွက်ကြောင့် ကျနော်တို့စိုးရိမ်မှုကို အစပျောက်စေတာပေါ့နော် "

ဒါ့အပြင် NLD ပါတီ ဥက္ကဋ္ဌ ဒေါ်အောင်ဆန်းစုကြည် ကိုယ်တိုင် ငြိမ်းချမ်းရေးဆွေးနွေးပွဲတွေကို ဦးဆောင်သွားမှာဖြစ်သလို တစ်နိုင်ငံလုံး အပစ်အခတ်ရပ်စဲရေးစာချုပ် NCA အပေါ်မှာ အခြေခံပြီး လိုအပ်တဲ့အချက်တွေကို ပြုပြင်ဆောင်ရွက်သွားမယ်လို့ NLD ဗဟိုကော်မတီဝင်တွေက ပြောခဲ့တယ်လို့ သိရပါတယ်။

အဲဒီဆွေးနွေးပွဲကို အမျိုးသားဒီမိုကရေစီအဖွဲ့ချုပ်က ဦးဝင်းထိန်၊ ဦးဟံသာမြင့်၊ KNU ကရင်အမျိုးသားအစည်းအရုံးက ပဒိုစောကွယ်ထူးဝင်း၊ ABSDF မြန်မာနိုင်ငံလုံးဆိုင်ရာ ကျောင်းသားများ ဒီမိုကရက်တစ်တပ်ဦးက ဦးမျိုးဝင်း၊ ပအိုဝ်းအမျိုးသား လွတ်မြောက်ရေးအဖွဲ့ချုပ် ဥက္ကဋ္ဌ ဦးခွန်မြင့်ထွန်း၊ချင်းအမျိုးသားတပ်ဦးက ဦးနန်လင်းထန်နဲ့ ALP ရခိုင်ပြည်လွတ်မြောက်ရေးပါတီက ဒေါ်စောမြရာဇာလင်းတို့ တက်ရောက်ကြပါတယ်။

RFA
http://www.rfa.org/burmese/news/nld-meets-ethnic-armed-organiations-11272015095839.html

ဒေါ်အောင်ဆန်းစုကြည် ကချင်ပြည်နယ် ခရီးစဉ်။
 လက်နက်ကိုင် တိုင်းရင်းသားအဖွဲ့တွေနဲ့ ငြိမ်းချမ်းရေး ဆွေးနွေးပွဲကို NLD အမျိူးသား ဒီမိုကရေစီ အဖွဲ့ချုပ်အနေနဲ့ အစိုးရ ဖွဲ့စည်းပြီးချိန်မှာ ဥက္ကဋ္ဌ ဒေါ်အောင်ဆန်းစုကြည် ကိုယ်တိုင် ဦးဆောင်သွားမယ်လို့ ပါတီထိပ်ပိုင်းခေါင်းဆောင်တဦးကပြောပါတယ်။ ဒါအပြင် အသွင်ကူးပြောင်းရေး ညင်သာချောမွေ့မှာသာ ငြိမ်းချမ်းရေး ကိစ္စကို ဆောင်ရွက်နိုင် မှာဖြစ်တယ်လို့လည်း သူကဆိုပါတယ်။ ဆက်သွယ်မေးမြန်း ထားတဲ့ မအင်ကြင်းနိုင်က အပြည့်အစုံပြောပြမှာပါ။

လက်ရှိမြန်မာအစိုးရက သူတို့ ချမှတ်ထားတဲ့ ငြိမ်းချမ်းရေး လုပ်ငန်းစဉ်တွေ အတိုင်း အဆင့်ဆင့် အကောင်အထည်ဖေါ် ဆောင်ရွက်နေရာ မှာ နိုင်ငံရေးဆွေးနွေးပွဲ အဆင့်ရောက်ဖို့ NCA မှာ လက်မှတ်ရေးထိုး ထားတဲ့ တိုင်းရင်းသား လက်နက်ကိုင် အဖွဲ့ (၈)ဖွဲ့ နဲ့ နိုင်ငံရေးပါတီတွေဘက်က ကိုယ်စားလှယ်တွေပါဝင်တဲ့ သုံးပွင့်ဆိုင်ဆွေးနွေးနေတာပါ။

လက်ရှိ အစိုးရ ကိုယ်စားလှယ်ဖြစ်တဲ့ MPC မြန်မာငြိမ်းချမ်းရေး စင်တာ က ဆောင်ရွက်နေတာတွေကို အသိအမှတ်ပြုသလို NLD အစိုးရ ဖွဲ့စည်းပြီးချိန်မှာ လက်နက်ကိုင် တိုင်းရင်းသား အဖွဲ့တွေနဲ့ ငြိမ်းချမ်းရေး ဆွေးနွေးပွဲတွေ ကို ဒေါ်အောင်ဆန်းစုကြည် ကိုယ်တိုင် ဦးဆောင်သွားမှာဖြစ်တယ်လို့ NLD ပါတီပြောခွင့်ရ ပုဂ္ဂိုလ် ဦးဝင်းထိန်က ဗွီအိုအေကိုပြောပါတယ်။

" အစိုးရ တရားဝင် ဖွဲ့ပြီးတော့မှ ဒေါ်အောင်ဆန်းစုကြည်က ခေါင်းဆောင်မှာ။ အခုလက်ရှိ လုပ်နေတာက သူတို့က လုပ်ပါစေ  ကျနော်တို့က Observer အနေနဲ့ တက်မယ်။ သူတို့လုပ်နေတာတွေကို ကျနော်တို့က Honor လုပ်မယ်။ သူတို့လုပ်လို့ ပယ်မယ် ဆိုတာတွေ မရှိဘူး။ သူတို့လုပ်တာတွေကို ကျနော်တို့ ဂုဏ်ပြုပြီးမှ အသိအမှတ်ပြုပြီးမှ ဒေါ်အောင်ဆန်းစုကြည် အစိုးရအဖွဲ့ဖြစ်လာရင် ငြိမ်းချမ်းရေး ထူထောင်နိုင်ဖို့ ဒေါ်အောင်ဆန်းစုကြည် ခေါင်းဆောင်သွားမှာ။"

နောင် တက်လာမယ့် အစိုးရသစ်အနေနဲ့ လက်ရှိဆွေးနွေးသဘောတူညီချက်တွေကို ဆက်လက် သယ်ဆောင်ပြီး ဆောင်ရွက်ပေးဖို့ ဆန္ဒရှိကြောင်း KNU ကရင်အမျိုးသား အစည်းအရုံးရဲ့ အထွေထွေအတွင်းရေးမှူး ဖဒိုစောကွယ်ထူးဝင်းက ဗွီအိုအေကိုပြောပါတယ်။

ဒေါ်အောင်ဆန်းစုကြည် ဦးဆောင်မယ့် အနာဂတ်ငြိမ်းချမ်းရေးဆွေးနွေးပွဲတွေမှာ တိုင်းရင်းသား လက်နက်ကိုင်အဖွဲ့အားလုံးကို ဖိတ်ခေါ်မှာဖြစ်တယ်လို့လည်း ဦးဝင်းထိန်က ဆိုပါတယ်။

"ဒီကိစ္စနဲ့ပတ်သက်လို့ ကျနော် ဟိုတုန်းကလည်း ပြောဖူးပါတယ်။ ရွေးကောက်ပွဲ မတိုင်ခင်ကလည်း ပြောဖူးတယ်။ တနိုင်ငံလုံး ပစ်ခတ်တိုက်ခိုက်မှု ရပ်စဲရေး စာချုပ်ချုပ်တဲ့အခါမှာ ဒေါ်အောင်ဆန်းစုကြည် လက်မှတ်မထိုးဘူး။ လက်မှတ်မထိုးရတဲ့ အဓိက အကြောင်းက သူ လက်မှတ်ထိုးလိုက်လို့ရှိရင် လက်မှတ်ထိုးလိုက်တဲ့သူတွေနဲ့ လက်မှတ်မထိုးတဲ့ အဖွဲ့အစည်းတွေကြားထဲမှာ နားလည်မှု လွဲသွားမယ်။ တစ်အချက်၊ နှစ်အချက်က လက်မှတ်ထိုးတဲ့ အဖွဲ့အစည့်းတွေ အနေနဲ့တော့ တရားဝင် အသိအမှတ်ပြုပြီး လက်မှတ်မထိုးတဲ့ အဖွဲ့အစည်းတွေကို ပိုပြီးတော့ ဖိအားပေးမှာကို စိုးရိမ်တယ်။ အဲ့လို ဟိုတုန်းကလည်း ပြောခဲ့ဖူးတယ်။ အခု ကျနော်တို့ စိုးရိမ်တဲ့အတိုင်း ဖြစ်တာပဲလေ။ လက်မှတ်မထိုးတဲ့ ဒီ KIA တို့ ဖိတိုက်နေတာဟာ မဖြစ်သင့်တဲ့ကိစ္စလေ။ ဒါကြောင့်မို့လို့ ဒေါ်အောင်ဆန်းစုကြည်က ဆက်ပြီးတော့ ဦးဆောင်သွားမယ်ဆိုတာ အထူးသဖြင့် လက်နက်ကိုင်အဖွဲ့အစည်းတွေနဲ့ပတ်သက်တဲ့ ကိစ္စတွေကို အားလုံးကို ဖိတ်ခေါ်ပြီးတော့မှ ငြိမ်းချမ်းရေးအတွက် ဆွေးနွေးရမှာပါ။"

မေး။    ။ ဒေါ်အောင်ဆန်းစုကြည်က ကာချုပ်တို့ သမ္မတတို့နဲ့ ဖိတ်ထားတယ်။ ဟိုဘက်ကလည်း ဒီဇင်ဘာလောက်အတွင်း ဖြစ်နိုင်တယ်လို့ သတင်းဌာနတွေကို ပြောလာတယ်။ အဲ့တော့ ဒီလက်နက်ကိုင်အဖွဲ့တွေ၊ တိုင်းရင်းသားအဖွဲ့တွေနဲ့ တွေ့ဖို့ကျတော့ အန်ကယ်လ်တို့ ဘယ်လိုအစီအစဉ် ရှိမလဲရှင့်။

" အခုဟာက transition ကာလ ဖြူးဖြူးဖြောင့်ဖြောင့် ဖြစ်ဖို့ ပိုအရေးကြီးတာက အဓိက အရေးကြီးဆုံးက transition အကူးအပြောင်းကို ညင်ညင်သာသာ နဲ့ ချောချောမွေ့မွေ့ဖြစ်ဖို့က အဓိက ကျတယ်။ အဲ့တာတွေ ဖြစ်တော့မှသာလျင် ငြိမ်းချမ်းရေးကိစ္စတွေ ဘာတွေက ကျနော်တို့က ကိုင်နိုင်မှာ။"

ငြိမ်းချမ်းရေး ဆွေးနွေးပွဲအတွက် နိုင်ငံရေးပါတီစုစုပေါင်း (၉၀)ကျော်ထဲက ကိုယ်စားလှယ် (၁၆)ဦးကို နိုဝင်ဘာလ (၂၁)ရက်နေ့က ရွေးချယ်ရာမှာ ပါတီ အားလုံးကို ကိုယ်စားမပြုတာကြောင့် ပါတီငယ်တွေဘက်က မကျေမနပ်ဖြစ်ခဲ့ကြပါတယ်။

ဒါနဲ့ပတ်သက်လို့ ဦးဝင်းထိန်ကို မေးကြည့်တော့

"အဲ့ဒီ့နိုင်ငံရေး ပါတီတွေက ဘယ်သူတွေလဲ ဆိုတာ အဲ့တာ ဆန်းစစ်ကြည့်လေ။ ကျနော်တို့ ဟိုတုန်းကတည်းက ပြောထားဖူးတယ်။ ဒီရွေးကောက်ပွဲ မတိုင်ခင်ကတည်းက All-inclusive ဆိုပြီးတော့ နိုင်ငံရေးပါတီတွေ အားလုံး ပါဝင်တဲ့ ဆွေးနွေးပွဲ လုပ်မယ်ဆိုရင် နိုင်ငံရေးပါတီ ၉၂ ခုဆိုတာ သဘာဝမကျဘူး။ ပါတီတခု တယောက်ဆိုရင်တောင် ပုံစံမကျဘူး။ နောက်ပြီးတော့ ဆယ်ခု တဖွဲ့ လုပ်မယ်ဆိုတာလည်း သဘာဝ မကျဘူး။ ပြည်သူလူထု ထောက်ခံမှု အရ ရွေးကောက်ပွဲမှာ ပြည်သူလူထု ထောက်ခံလို့ ကျန်တဲ့ ပါတီတွေ ဘာတွေ ပြည်သူလူထုကို ကိုယ်စားပြုတဲ့ပါတီမို့လို့ ကျနော်တို့က အခုထက်ထိ ဆယ်ယောက် ဖွဲ့မယ်ဟာတွေကို လက်မခံဘူးလို့ ပြောထားတာ။"

နိုဝင်ဘာလ (၂၇)ရက်နေ့ နေပြည်တော်မှာကျင်းပတဲ့ သုံးပွင့်ဆိုင်ဆွေးနွေးပွဲအတွက် ပါတီရဲ့ ကိုယ်စားလှယ်အဖြစ် ပြည်သူ့လွှတ်တော်ကိုယ်စားလှယ် ဦးနိုင်ငံလင်းကို NLD က ခန့်အပ်ခဲ့ပါတယ်။ အပစ်အခတ်ရပ်စဲရေး သဘောတူညီချက် စာချုပ် NCA မှာ ပါဝင်တဲ့ အတိုင်း နိုင်ငံရေးဆွေးနွေးပွဲကို လာမယ့်နှစ် ဇန်န၀ါရီလ (၁၄)ရက်နေ့ မှာ စတင်နိုင်ဖို့ ကြိုးစားဆောင်ရွက်နေကြောင်း MPC ခေါင်းဆောင် ပြည်ထောင်စုဝန်ကြီး ဦးအောင်မင်းကပြောဆိုထားပါတယ်။

အင်ကြင်းနိုင် (ဗွီအိုအေ မြန်မာပိုင်း)
http://burmese.voanews.com