12/03/15

လက်ရှိအစိုးရ၀န်ကြီးဌာနများမှ လွှဲပြောင်းပေးမည့် စာရွက်စာတမ်းများအား ထုတ်ပြန်ကြေညာမှု ရှိ မရှိသည် နောက်လာမည့်အစိုးရ၊ ၀န်ကြီးများအပေါ်တွင် မူတည်ဟု သမ္မတ၏ ပြောရေးဆိုခွင့်ရှိသူ ပြည်ထောင်စုဝန်ကြီး ဦးရဲထွဋ်က ဒီဇင်ဘာ ၂ ရက်တွင် မီဒီယာများအား ပြောကြားသည်။

ဒီဇင်ဘာ ၂ ရက်တွင် သမ္မတဦးသိန်းစိန်နှင့် ဒေါ်အောင်ဆန်းစုကြည်တို့ တွေ့ဆုံဆွေးနွေးမှုအပြီးတွင် ပြုလုပ်သည့် သတင်းစာရှင်းလင်းပွဲတွင် သတင်းထောက်တစ်ဦး၏ အစိုးရအလွှဲအပြောင်းတွင် ပွင့်လင်းမြင်သာစွာ ဆောင်ရွက်မည့် အခြေအနေအပေါ် မေးမြန်းချက်အား ထိုကဲ့သို့ ပြန်လည်ဖြေကြားခဲ့ခြင်း ဖြစ်သည်။

ဦးရဲထွဋ်က “ပွင့်လင်းမြင်သာစွာကတော့ဗျာ ၀န်ကြီးဌာနအလိုက် စတင်ပြင်ဆင်နေပြီ။ လွန်ခဲ့တဲ့ တစ်နှစ်လောက်က အမြဲတမ်းအတွင်းဝန်တွေ ခန့်ခဲ့တယ်။ ပြီးခဲ့တဲ့ရွေးကောက်ပွဲ မတိုင်ခင်ကစလို့ ဌာနဆိုင်ရာတွေအလိုက် မပြီးပြတ်သေးတဲ့ ငွေစာရင်း ရှင်းလင်းရမယ့်ကိစ္စတွေကို အပြီးပြတ် ရှင်းလင်းတာရှိတယ်။ ဌာနတွင်း စာရင်းစစ်တွေနဲ့ စစ်ဆေးပြင်ဆင်တာတွေ ရှိတယ်။ အဲဒါပြီးရင် ဟိုဘက်က တာဝန်လွှဲပြောင်းမယ့်သူကို စာရွက်စာတမ်းတွေနဲ့အတိအကျ လွှဲပြောင်းပေးလိုက်မှာပေါ့။ လွှဲပြောင်းလက်ခံတဲ့ဟာကို ဆက်ပြီး ထုတ်ပြန်ကြေညာမလား။ မကြေညာဘူးလား ဆိုတာကတော့ နောက်အစိုးရ၊ တာဝန်ယူမယ့် ၀န်ကြီးတွေအပေါ်မှာ မူတည်တာပေါ့။ တချို့ဟာတွေကျတော့လည်း ကိုယ့်ဝန်ကြီးဌာနထဲမှာလည်း ထိန်းသိမ်းရမယ့်ဟာတွေ ရှိတော့ အားလုံးကိုတော့ ထုတ်ပြောနိုင်မှာ မဟုတ်ဘူး”ဟု ပြောကြားသည်။

လက်ရှိ အစိုးရသက်တမ်းတွင် လုပ်ဆောင်ခဲ့သည့် မြစ်ဆုံစီမံကိန်းလို စီမံကိန်းများနှင့် ပတ်သက်ပြီး ဆွေးနွေးခဲ့မှုများ ရှိပါသလားဟု သတင်းထောက်တစ်ဦးက မေးမြန်းခဲ့သည်။

အဆိုပါ မေးမြန်းမှုအား ဦးရဲထွဋ်က “စီမံကိန်းဆိုတဲ့ စီမံကိန်းနဲ့ ပတ်သက်တဲ့ စာချုပ်စာတမ်းတွေ ရှိမယ်။ အချက်အလက်တွေ ရှိမယ်။ ထုတ်လုပ်တယ်ဆိုလည်း ထုတ်လုပ်တဲ့ ကိန်းဂဏန်းတွေ ရှိမှာပေါ့။ နောက် နှစ်ဖက်သဘောတူထားတဲ့ အချက်တွေ ရှိမှာပေါ့။ ဒါတွေအားလုံးကို ကျွန်တော်တို့ လွှဲရမှာပေါ့။ ဘယ်စီမံကိန်းမဆို ဒီလိုပဲ လွှဲရမှာပဲ။ ကျွန်တော့်ဝန်ကြီးဌာနအနေနဲ့ဆိုရင် ကျွန်တော်တို့က လက်ရှိလုပ်နေတဲ့ ဟာတွေပေါ်မှာ ငွေဘယ်လောက် သုံးထားတယ်။ နောက် ငါးနှစ်စီမံကိန်း ဘာတွေလျာထားတယ်ဆိုတာ အပြည့်အစုံ လွှဲပေးရမှာပေါ့”ဟု ဖြေကြားသည်။

သမ္မတဦးသိန်းစိန်နှင့် ဒေါ်အောင်ဆန်းစုကြည်တို့၏ တွေ့ဆုံဆွေးနွေးမှုအား “သတင်းမီဒီယာများ ဓာတ်ပုံရိုက်ခွင့် မရသည့်အပေါ်တွင် တစ်ဖက်ဖက်က တားထားလို့လား။ ဘယ်လို အခက်အခဲကြောင့်လဲ”ဟု သတင်းထောက်တစ်ဦးက မေးမြန်းခဲ့သည်။

“ဘာကြောင့် ရိုက်ခွင့်မရလဲဆိုတော့ သမ္မတအိမ်တော်မှာ အဆောင်သုံးဆောင် ရှိတယ်။ အဆောင်အေက နိုင်ငံခြားဧည့်သည်တွေ လက်ခံတဲ့ ပတ်ဗလစ် ဧရိယာဖြစ်တယ်။ အဲဒီမှာလုပ်တဲ့ဟာဆိုရင် ကျွန်တော်တို့က ဖိတ်တာ။ သမ္မတအိမ်တော်မှာ သတင်းရယူတဲ့ သတင်းထောက်တွေ သတင်းရယူခွင့် ရှိတယ်။ အဆောင်ဘီကတော့ သမ္မတရဲ့သီးခြားရုံးခန်းတွေ ဖြစ်တဲ့အတွက်ကြောင့်မို့လို့ ကျွန်တော်တို့ သက်တမ်းတစ်လျှောက်လုံးမှာ အဆောင်ဘီ လုပ်တဲ့ ဘယ်အစည်းအဝေးမဆို ပြင်ပမီဒီယာတွေကို မခေါ်ပါဘူး။ ကျွန်တော်တို့ နိုင်ငံပိုင်မီဒီယာတွေပဲ ၀င်ရိုက်တယ်။ သူတို့တွေလည်း မနေရပါဘူး။ ပြီးရင် ချက်ချင်းထွက် အဲဒီအစဉ်အလာနဲ့ပဲ တစ်ဖက်ဖက်က ကန့်ကွက်လို့ မဟုတ်ပါဘူး”ဟု ပြန်လည်ဖြေကြားသည်။

ယနေ့တွေ့ဆုံမှုတွင် NCA နှင့် ပတ်သက်ပြီး ဆွေးနွေးခဲ့မှု ရှိပါသလားဟု မေးမြန်းချက်အပေါ်တွင် ဦးရဲထွဋ်က NCA နှင့် ပတ်သက်ပြီး သီးခြားဆွေးနွေးခဲ့ခြင်း မရှိကြောင်း၊ ယခုဆွေးနွေးမှုသည် ရွေးကောက်ပွဲပြီးသည့်နေ့နှင့်
အစိုးရသက်တမ်း ကုန်၍ လွှဲမည့်ကြားတွင် ဘယ်လို အေးအေးချမ်းချမ်း လုပ်နိုင်မလဲ၊ တည်ငြိမ်မှုကို ဘယ်လိုထိန်းသိမ်းထားမလဲ၊ အဲဒီကိစ္စများကို ဆွေးနွေးခြင်းဖြစ်ကြောင်း၊ နောက်ပိုင်းမှာ လုပ်မည့် ပေါ်လစီ issue များကို အသေးစိတ်ဆွေးနွေးခဲ့ခြင်း မရှိကြောင်း၊ ယေဘုယျအားဖြင့် ပူးပေါင်းဆောင်ရွက်မည်ဆိုသည်ကို ပြောမှုများရှိကြောင်း ၎င်းက ဆက်လက်ပြောကြားသည်။

“သမ္မတကြီးဘက်ကလည်း ပူးပေါင်းဆောင်ရွက်မယ်။ ဟိုဘက်ကလည်း သူတို့နိုင်ပေမယ့် အားလုံး နဲ့ပူးပေါင်းဆောင်ရွက်မယ်ဆိုတာ ဒေါ်အောင်ဆန်းစုကြည် အကြိမ်ကြိမ် ပြောထားတာ ရှိတယ်။ အဲဒါမျိုး ပြောတာပေါ့။ခင်ဗျားတို့ပြောသလို ပေါ်လစီတစ်ခုချင်းကို နောင် ဘယ်လိုလုပ်မလဲဆိုတာကို ဆွေးနွေးတာတော့ အခုဆွေးနွေးပွဲမှာ မရှိဘူး”ဟု ဦးရဲထွဋ်က မီဒီယာများအား ပြောကြားသည်။

“ရွေးကောက်ပွဲပြီးတဲ့နောက်မှာ ပြည်သူတွေက ရွေးကောက်ပွဲရလဒ် ထွက်လာပြီး နောက်ပိုင်း အသွင်ကူးပြောင်းရေးကာလ အဆင်ပြေချောမွေ့ မှုရှိပါ့မလား။ အခု ဒေါ်အောင်ဆန်းစုကြည်နဲ့ သမ္မတနဲ့ တွေ့ပြီဆိုတော့
ပြည်သူတွေ ပျော်လို့ရပြီလားခင်ဗျာ¨ ဟု သတင်းထောက်တစ်ဦးက မေးမြန်းခဲ့သည်။

ဦးရဲထွဋ်က “ကျွန်တော်သိသလောက်ကတော့ ပြည်သူတွေက ၈ ရက်နေ့ ညကတည်းက ပျော်နေတာပဲလေ။ ကျွန်တော်သိသလောက်ကတော့ ဘယ်မှာ ကြည့်လိုက်ကြည့်လိုက် လူတွေအားလုံးက မျှော်လင့်ချက်အသစ်တွေနဲ့ ၈ ရက်နေ့ ညကတည်းက ပျော်နေတာကို ခင်ဗျားမေးတာက ကျွန်တော်ဖြေစရာတောင် မလိုဘူးထင်တယ်။ လူတိုင်းကလည်း ဒါကို အေးအေးချမ်းချမ်းလုပ်မယ်လို့ ကတိပြုထားတယ်။ တပ်မတော်ဘက်ကလည်း ကတိပြုထားတယ်”ဟု ပြန်လည်ဖြေကြားသည်။

နိုင်ငံတော်သမ္မတက ရွေးကောက်ပွဲလုပ်ငန်းစဉ်များပြီးမှ ဒေါ်အောင်ဆန်းစုကြည်နှင့် တွေ့ဆုံမည်ဟု ပြောကြားထားကြောင်း၊ စော၍ တွေ့ဆုံခဲ့သည့်အပေါ် မှတ်ချက်ပြုပေးရန် မီဒီယာတစ်ခု၏ မေးမြန်းချက်အပေါ်တွင်
“ခင်ဗျားတို့ ဘာသာခင်ဗျားတို့ အဓိပ္ပာယ်ဖွင့်နေကြတာ။ ၄၅ ရက်တို့ ၂၁ ရက်တို့ ၃၆ ရက် တို့ဆိုတာက ခင်ဗျားတို့ဘာသာ အဓိပ္ပာယ်ကောက်နေကြတာ။ ကျွန်တော်ပြောတဲ့ ရွေးကောက်ပွဲလုပ်ငန်းစဉ်ဆိုတာက ရွေးကောက်ပွဲကော်မရှင်က ဟိုတစ်နေ့က နောက်ဆုံး စာရင်းချုပ် ထွက်လာပြီလေ။ ပြီးရင် ရွေးကောက်ပွဲကော်မရှင်က သူကြေညာမယ့် ငွေစာရင်းကိစ္စလုပ်ပါ။ တိုင်ကြားပါ။ ဒီဟာမျိုးတွေလုပ်နေတဲ့ဟာပေါ် မူတည်ပြီးတော့ ကျွန်တော်ကတွေ့တာ။ ကျွန်တော်က ရွေးကောက်ပွဲ လုပ်ငန်းစဉ် လို့ ပြောလိုက်တော့မှ ဂဏန်းတွက်တာက ခင်ဗျားတို့ဘာသာ ခင်ဗျားတို့ တွက်နေတာ။ကျွန်တော်က စောတွေ့တာလည်း မဟုတ်ဘူး နောက်ကျတွေ့တာလည်း မဟုတ်ဘူး။ ကျွန်တော်တို့ဟာ ကျွန်တော်တို့ ရွေးကောက်ပွဲလုပ်ငန်းပေါ် မူတည်ပြီးတော့ တွေ့လိုက်တာ”ဟု ၎င်းက ဖြေကြားခဲ့သည်။

ဆက်လက်၍ “သမ္မတကြီး၏ မိသားစုနဲ့တော့ သီးသန့်တွေ့တာ မရှိပါဘူး။ သို့သော်လည်း ဒေါ်အောင်ဆန်းစုကြည်ကတော့ သမ္မတကြီးကတော်ကို နှုတ်ဆက်တဲ့အကြောင်း ပြောတာရှိသလို သမ္မတကြီးရဲ့ဇနီးကလည်း ဒေါ်အောင်ဆန်းစုကြည်ကို ချီးကျူးဂုဏ်ပြု တယ်ဆိုတာကို ထည့်သွင်းပြောတာရှိတာပေါ့။ မိသားစုနဲ့ သီးခြားတွေ့တာ မရှိပါဘူး”ဟု ၎င်းက ပြောကြားသည်။

အစိုးရအဖွဲ့နှင့် NLD ပူးပေါင်းပြီး ပူးတွဲကြေညာချက် ထုတ်ရန် အစီအစဉ်မရှိကြောင်း၊ အစည်းအဝေးပြီးချိန်တွင် သမ္မတကြီးနှင့် ဒေါ်အောင်ဆန်းစုကြည်ကို မီဒီယာများနှင့် တွေ့ဆုံမည်ဖြစ်သည့်အတွက် မည်သည့်အကြောင်းအရာများကို ရှင်းပြစေချင်လည်းဟု မေးမြန်းခဲ့ကြောင်း၊ နှစ်ဦးစလုံး၏ ပြောစေချင်သည့်အကြောင်းအရာများကို လာရောက်ရှင်းလင်းခြင်းဖြစ်ကြောင်း ဦးရဲထွဋ်က မီဒီယာများအား ပြောကြားသည်။

တွေ့ဆုံဆွေးနွေးမှုတွင် ငြိမ်းချမ်းစွာ တာဝန်လွှဲပြောင်းနိုင်ရန်အတွက် မည်သည့်လုပ်ငန်းများ လုပ်မည်ဆိုသည်ကို လူကြီးနှစ်ယောက် သဘောတူခဲ့ကြောင်း၊ အဲဒီသဘောတူခဲ့သည့် အပေါ်တွင် မူတည်ပြီးနောက် အချိန်ကာလများတွင် အကောင်အထည်ဖော်မှုများ ပေါ်လာမည်ဖြစ်ကြောင်း၊ အကောင်အထည်ဖော်သည့်အခါတွင် မဆွေးနွေးဖြစ်ခဲ့သည့် ကိစ္စအသစ်များလည်း ပေါ်လာကောင်းပေါ်လာနိုင်ကြောင်း၊ ပေါ်လာသည့်ကိစ္စအသစ်၏ အတိုင်းအတာပေါ်တွင် မူတည်ပြီး ကိုင်တွယ်ဖြေရှင်းမည်ဖြစ်ကြောင်း၊ သေချာသည်မှာ နှစ်ဖက်ကြားတွင် ဆက်သွယ်ရေးလမ်းကြောင်းကတော့ အမြဲတမ်းပွင့်နေပြီဖြစ်ကာ ထိတွေ့ဆက်ဆံနေမည်ဖြစ်ကြောင်း ဦးရဲထွဋ်က ရှင်းလင်းခဲ့သည်။

Writer:
နေရိုင်း၊ စိုးမင်းထိုက်၊မျိုးမင်းထက်
Eleven Media Group

[youtube src="x0cvjDMi7K8"/]

အမျိုးသားပြန်လည်ရင်ကြားစေ့ရေးအတွက် နိုဝင်ဘာ ၈ရက်နေ့ ရွေးကောက်ပွဲမှာ အပြတ်အသတ် အနိုင်ရရှိခဲ့တဲ့ အမျိုးသားဒီမိုကရေစီအဖွဲ့ချုပ်ရဲ့ခေါင်းဆောင် ဒေါ်အောင်ဆန်းစုကြည်ဟာ ဒီဇင်ဘာ ၂ရက်နေ့မှာ မြန်မာ့တပ်မတော်ရဲ့ အကြီးအကဲနဲ့ ရာထူးကနေ အနားယူရတော့မယ့် သမ္မတဦးသိန်းစိန်တို့နဲ့ သီးခြားစီတွေ့ဆုံခဲ့ပါတယ်။

Kamayut Media


ဗိုလ်ချုပ်မှူးကြီးမင်းအောင်လှိုင်နှင့် ဒေါ်အောင်ဆန်းစုကြည်။
ဗိုလ်ချုပ်မှူးကြီးမင်းအောင်လှိုင်နှင့် ဒေါ်အောင်ဆန်းစုကြည်။

အမျိုးသားဒီမိုကရေစီအဖွဲ့ချုပ်ဥက္ကဋ္ဌ ဒေါ်အောင်ဆန်းစုကြည် နဲ့ သမ္မတဦးသိန်းစိန် ၊ ကာကွယ်ရေးဦးစီးချုပ် ဗိုလ်ချုပ်မှူးကြီးမင်းအောင်လှိုင်တို့ ဒီကနေ့ တွေ့ဆုံဆွေးနွေးခဲ့တဲ့အပေါ်မှာ ၈၈ မျိုးဆက်အပါအ၀င် ပြည်တွင်းက အရပ်ဖက်လူမှုအဖွဲ့အစည်းတွေက ကြိုဆိုလိုက်ပါတယ်။ ဒါပေမဲ့ အမျိုးသားပြန်လည်သင့်မြတ်ရေးအတွက် ၂ ဘက်အပေးအယူလုပ်တာအပါအ၀င် လက်တွေ့အကောင်အထည်ဖော်ဆောင်ရွက်မယ့် အပိုင်းတွေကိုတော့ စောင့်ကြည့်သွားရမှာ ဖြစ်တယ်လို့ ပြောလိုက်ပါတယ်။ ဒီအကြောင်းနဲ့ ပတ်သက်ပြီး အပြည့်အစုံကို ဆက်သွယ်စုံစမ်းထားတဲ့ ကိုရန်နိုင်က ပြောပြပေးမှာဖြစ်ပါတယ်။

အမျိုးသားဒီမိုကရေစီအဖွဲ့ချုပ် NLD ပါတီ ဥက္ကဋ္ဌ ဒေါ်အောင်ဆန်းစုကြည်ဟာ သမ္မတဦးသိန်းစိန် ၊ တပ်မတော်ကာကွယ်ရေးဦးစီးချုပ်တို့နဲ့ နေပြည်တော်မှာ ဒီကနေ့ သီးခြားတွေ့ဆုံဆွေးနွေးခဲ့ကြပါတယ်။ ဒီတွေ့ဆုံမှုနဲ့ ပတ်သက်ပြီး ကာကွယ်ရေးဝန်ကြီးဌာန ပြောခွင့်ရပုဂ္ဂိုလ် ဗိုလ်ချုပ်အောင်ရဲဝင်းက ဗွီအိုအေကို အခုလိုပြောပါတယ်။

“ဗိုလ်ချုပ်မှူးကြီးနှုတ်က ပြောသွားတဲ့စကားအရတော့ ဒါ ကောင်းမွန်တဲ့ရလဒ်တခုတော့ ကျနော်တို့ ရပါတယ်။”

ဒေါ်အောင်ဆန်းစုကြည် နဲ့ ဗိုလ်ချုပ်မှူးကြီးမင်းအောင်လှိုင်တို့ကြား အခုတကြိမ် တွေ့ဆုံမှုဟာ ပထမဆုံးအကြိမ် သီးခြားတွေ့ဆုံမှုဖြစ်ပါတယ်။

ဒီတွေ့ဆုံဆွေးနွေးမှုကနေ တိုင်းပြည်အတွက် အကျိုးရှိမယ့် ပူးပေါင်းဆောင်ရွက်မှုတွေကို သဘောတူညီခဲ့တယ်လို့ တွေ့ဆုံဆွေးနွေးမှုအပြီး သတင်းထောက်တွေက မေးမြန်းခဲ့စဉ်မှာ ဗိုလ်ချုပ်မှူးကြီးမင်းအောင်လှိုင်က ပြောကြားခဲ့ပါတယ်။ ပြီးခဲ့တဲ့ နိုဝင်ဘာ ရွေးကောက်ပွဲမှာ အတိုက်အခံ NLD က အပြတ်အသတ် အနိုင်ရပြီးတဲ့နောက် ဒေါ်အောင်ဆန်းစုကြည်က အမျိုးသားပြန်လည်သင့်မြတ်ရေးကို ဦးတည်တဲ့ တွေ့ဆုံဆွေးနွေးမှုတွေလုပ်ဖို့ နိုင်ငံတော်သမ္မတ၊ လွှတ်တော်ဥက္ကဋ္ဌ နဲ့ တပ်မတော်ကာကွယ်ရေးဦးစီးချုပ်တို့ကို တောင်းဆိုခဲ့ပြီးတဲ့နောက်၊ အခုလို တွေ့ဆုံဆွေးနွေးမှုတွေဖြစ်ပေါ်လာခဲ့တာဖြစ်ပါတယ်။ ဒီကနေ့တွေ့ဆုံဆွေးနွေးမှုအပေါ်မှာ ၈၈ မျိုးဆက်အဖွဲ့အနေနဲ့ ကြိုဆိုတယ်လို့ ၈၈ မျိုးဆက်ခေါင်းဆောင်တဦးဖြစ်တဲ့ ကိုမြအေးက ပြောပါတယ်။

“ အခုဒီနေ့မှာ သမ္မတကြီးကော၊ ခုနကပြောသလို ကာချုပ်ကရော တွေ့တယ်ဆိုတာ ကျနော်တို့က အဲဒီတွေ့ဆုံဆွေးနွေးမှုကို ကျနော်တို့က ကြိုဆိုတယ်လေ။ နဂိုကတည်းက ကျနော်တို့က ပြဿနာ ရပ်တွေကို တွေ့ဆုံဆွေးနွေးအဖြေရှာခြင်းဟာ ကောင်းတယ်လို့ ခံယူထားတဲ့လူတွေဖြစ်တဲ့အတွက်ကြောင့်မို့လို့ ကျနော်တို့ ကြိုဆိုတယ်။ နောက်တခုက ဒီကနေ့တွေ့တဲ့အခါမှာ ဒီ ပြန်ကြားရေးဝန်ကြီးဌာန ၀န်ကြီး ဦးရဲထွဋ်ရဲ့ပြောကြားချက်အရဆိုရင် သတင်းထုတ်ပြန်ချက် ပုံစံအရဆိုရင် အာဏာကို ငြင်သာချောမွေ့စွာလွှဲပြောင်းနိုင်ဖို့အစဉ်အလာတခုအဖြစ်တဲ့အနေအထားမျိုး ပြောသွားတာမျိုးကျနော်တို့တွေ့တယ်လေ။ အဲ့ဒါကလည်း ကောင်းတဲ့ အလားသဏ္ဍာန်တခုပါပဲ၊ အဲ့လောက်ပဲကျနော်တို့ သုံးသပ်လို့ရဦးမယ်။ ကျန်တဲ့အချက်အလက်တွေကတော့ ဘာမှ သေချာ ဂဃနဏ မသိသေးတဲ့အခါကျတော့ ပြောဖို့ခက်ပါတယ်ခင်ဗျာ။

မေး။ ။ ဟုတ်ကဲ့ ကိုမြအေး။ အခုက ဒီကနေ့တွေ့ဆုံတဲ့အခါမှာ ဗိုလ်ချုပ်မှူးကြီးမင်းအောင်လှိုင် နဲ့ ဒေါ်အောင်ဆန်းစုကြည်တို့တွေ့ဆုံတယ်။ ဒါသူတို့နှစ်ယောက် သီးခြားတွေ့ဆုံတာဟာ ပထမဆုံးအကြိမ်လို့လဲပြောလို့ရမှာပေါ့နော်။ ဒီလိုမျိုး ဗိုလ်ချုပ်မှူးကြီးမင်းအောင်လှိုင် နဲ့ ဒေါ်အောင်ဆန်းစုကြည်တို့တွေ့ဆုံတဲ့ဥစ္စာက တပ်မတော်နဲ့ပြည်သူ၊ တပ်မတော်နဲ့ အတိုက်အခံ အင်အားစု ကြားမှာ အမျိုးသားပြန်လည်သင့်မြတ်ရေးအတွက် ဘယ်လောက်အထိအလားအလာကောင်းနေပြီလို့ပြောလို့ရမလဲ။

ဖြေ။ ။ အခုတွေ့တာကတော့ဗျာ၊ ဒါက အနိုင်ရပါတီရဲ့ ခေါင်းဆောင်တယောက်၊ တနည်းအားဖြင့်ပြောမယ်ဆိုရင် လူထုရွေးချယ်တင်မြှောက်ထားတဲ့ပါတီကြီးတရပ်ရဲ့ လူထုခေါင်းဆောင်ဆိုလည်း မမှားတဲ့ ဒေါ်အောင်ဆန်းစုကြည်နဲ့ ဒီဖက်ကလည်း ဖွဲ့စည်းအုပ်ချုပ်ပုံအခြေခံဥပဒေအရ နိုင်ငံရေးရာမှာ အရေးပါတဲ့အခန်းကဏ္ဍမှာရှိနေတဲ့ တပ်မတော်ရဲ့ ခေါင်းဆောင် တယောက်တွေ့ဆုံဆွေးနွေးမှုက အလွန်ကောင်းပါတယ်။ ကျနော်မြင်တာကတော့ ဒါပထမဦးဆုံးအကြိမ်တွေ့ပေမယ့်လည်း ဒီတွေ့ဆုံဆွေးနွေးမှုရဲ့ ရလဒ်တွေ ဘာဖြစ်မလဲဆိုတာ ကျနော်လည်းမသိဘူးလေ။ အဲဒီပေါ်မှာ ကျနော် ကြိုတင်ပြီးပြောဖို့ခက်တယ်။ သို့သော်ဒီလိုတွေ့ဆုံလိုက်ခြင်းအားဖြင့် အမျိုးသားပြန်လည်သင့်မြတ်ရေးကို ရှေးရှုတဲ့ဆွေးနွေးချက်တွေပဲဖြစ်မယ်လို့ ကျနော်ယုံကြည်တယ်။ နှစ်ဖက်စလုံးကိုကျနော်ယုံကြည်ပါတယ်။ တခုရှိတယ်ဗျ၊ အမျိုးသားပြန်လည်သင့်မြတ်ရေးဆိုတဲ့ ကိစ္စမှာ ဆွေးနွေးနေရုံ သက်သက်နဲ့တော့ မပြီးဘူးခင်ဗျ၊ လက်တွေ့အကောင်အထည်ဖော်ဖို့ ဘာတွေ ဆက်လုပ်သွားမလဲ၊ ဘယ်လိုလုပ်မလဲဆိုတဲ့ ဒါ အရပ်စကားပြောရရင်တော့ အပေးအယူကိစ္စတွေကို တင်းတင်ရင်းရင်း တခါတည်းပြတ်ပြတ်သားသား၊ ရှင်းရှင်းလင်းလင်းပြောနိုင်ဆိုနိုင်ဖို့တော့ လိုတယ်။"

အခုလိုတွေ့ဆုံဆွေးနွေးကြတဲ့အပေါ်မှာ ကြိုဆိုပေမယ့် အမျိုးသားပြန်လည်သင့်မြတ်ရေးအတွက် လုပ်ဆောင်စရာတွေ အများကြီးကျန်ရှိနေပြီး လက်တွေ့အကောင်အထည်ဖော် ဆောင်ရွက်သွားမယ့်အပိုင်းတွေကို စောင့်ကြည့်သွားဖို့လိုတယ်လို့ ကျား-မ ရေးရာ တန်းတူညီမျှရေးကွန်ရက်အဖွဲ့က မမေစံပယ်ဖြူက ပြောပါတယ်။

“တွေ့ဖြစ်တာကတော့ ကောင်းပါတယ်။ ဒီတွေ့ဆုံမှုဟာ ဘယ်လောက်အထိ အဓိပ္ပါယ်ရှိရှိနဲ့ ရှေ့ဆက်ပူးပေါင်းလုပ်ဆောင်သွားနိုင်မှုတွေကို မျက်ဝါးထင်ထင် ကျမတို့မြင်ရမလဲဆိုတဲ့အပေါ်မှာ မှုတည်ပြီးတော့မှ ပြောရင်တော့ ပိုပြီး အဓိပ္ပါယ်ရှိလိမ့်မယ်လို့ ကျမထင်တယ်။ အမျိုးသားပြန်လည်သင့်မြတ်ရေး၊ အမျိုးသားပြန်လည်ရင်ကြားစေ့ရေးဆိုတဲ့ စကားလုံးကို ကျမတို့ဒီရွေးကောက်ပွဲပြီးကတည်းက ကျယ်ကျယ်ပြန့်ပြန့်ကြားနေရပါပြီ။ ကျမနားလည်တဲ့ အမျိုးသားပြန်လည်သင့်မြတ်ရေး၊ အမျိုးသားပြန်လည်ရင်ကြားစေ့ရေးဆိုတာ စစ်တပ်နဲ့ အနိုင်ရပါတီနဲ့ ၊ ဒါမှမဟုတ်ရင်လည်း လက်ရှိအာဏာရထားတဲ့ပါတီနဲ့ ရွေးကောက်ပွဲအနိုင်ရပါတီနဲ့ပဲ လုပ်တဲ့ပြန်လည်သင့်မြတ်ရေးမျိုး၊ ရင်ကြားစေ့ရေးမျိုးမဖြစ်သင့်ဘူးလို့ ကျမထင်တယ်။ အမျိုးသားပြန်လည်သင့်မြတ်ရေး၊ အမျိုးသားပြန်လည်ရင်ကြားစေ့ရေးလို့ပြောတဲ့အခါမှာ လက်ရှိဖြစ်ပေါ်နေတဲ့ တိုင်းရင်းသားဒေသတွေမှာ ဖြစ်နေတဲ့ ပြည်တွင်းစစ် ပဋိပက္ခတွေနဲ့ ပြည်တွင်းငြိမ်းချမ်းရေးပေါ့နော်၊ ပြည်တွင်းငြိမ်းချမ်းရေးကို ရှေ့တန်းတင်ပြီးတော့ priority ထားဆွေးနွေးသင့်တယ်လို့ ကျမကတော့ အဲဒီလိုယူဆပါတယ်ရှင့်။”

ဒေါ်အောင်ဆန်းစုကြည်ဟာ သမ္မတဦးသိန်းစိန် နဲ့ ဒီကနေ့မနက် ၉ နာရီက သမ္မတ အိမ်တော်မှာ တွေ့ဆုံခဲ့တာဖြစ်ပြီး အဲဒီနောက် ကာကွယ်ရေးဦးစီးချုပ် ဗိုလ်ချုပ်မှူးကြီးမင်းအောင်လှိုင် နဲ့ ဘုရင့်နောင်ရိပ်သာမှာ နေ့လည် ၂ နာရီမှာတွေ့ဆုံခဲ့တာဖြစ်ပါတယ်ခင်ဗျာ။

ကိုရန်နိုင်/VOA
http://burmese.voanews.com/content/daw-aung-san-suu-kyi-will-meet-president-and-general-min-aung-hlaing-feed-back/3084472.html

[youtube src="O2qtmPpuVrE"/]
ဒီကနေ့ ဒီဇင်ဘာ ၂ ရက်နေ့မှာ ရွေးကောက်ပွဲ အနိုင်ရ အမျိုးသားဒီမိုကရေစီအဖွဲ့ချုပ် ဥက္ကဌ ဒေါ်အောင်ဆန်းစုကြည်ဟာ သမ္မတ ဦးသိန်းစိန်၊ ကာကွယ်ရေး ဦးစီးချုပ် ဗိုလ်ချုပ်မှူးကြီး မင်းအောင်လှိုင်တို့နဲ့ နေပြည်တော်မှာ သီးခြားစီ တွေ့ဆုံခဲ့ပါတယ်။ မနက်ပိုင်းမှာ ဒေါ်အောင်ဆန်းစုကြည်က သမတနဲ့ တွေ့ဆုံပြီး နေ့လည်ပိုင်းမှာ ကာချုပ်နဲ့ တွေ့ဆုံ ဆွေးနွေးခဲ့ပါတယ်။ အဲဒီ တွေ့ဆုံမှုတွေကနေ ဘယ်လို ရလဒ်တွေ ထွက်ပေါ်လာနိုင်ပြီး တိုင်းပြည်အတွက် အလားအလာကောင်းတွေ ဖြစ်ပေါ်လာနိုင်သလား ဆိုတာကို သိနိုင်ဖို့ နိုင်ငံရေး လေ့လာသုံးသပ်သူ သတင်းစာဆရာ ဦးစည်သူအောင်မြင့်ကို တိုက်ရိုက်မေးမြန်းထားပါတယ်။
DVB TV –

ယခုနှစ် ကမ္ဘာ့အကောင်းဆုံး ဘောလုံးသမားဆုအတွက် နောက်ဆုံးဆန်ခါတင်
သုံးဦးစာရင်းကို ထုတ်ပြန်ကြေညာခဲ့ရာ အဆိုပါ စာရင်းထဲတွင် ဘာစီလိုနာအသင်း
တိုက်စစ်မှူး နေမာ၊ မက်ဆီ နှင့် ရီးရဲမက်ဒရစ်တိုက်စစ်မှူး စီရော်နယ်ဒိုတို့
သုံးဦးအပြိုင် ဖြစ်လျက်ရှိနေကြောင်း သိရသည်။ မက်ဆီ နှင့် စီရော်နယ်ဒိုတို့မှာ
အဆိုပါ နောက်ဆုံးဆန်ခါတင် သုံးဦး စာရင်းထဲတွင် နောက်ဆုံး ရှစ်နှစ်ဆက်တိုက်
ပါဝင်လာခြင်းလည်း ဖြစ်သည်။ ကမ္ဘာ့အကောင်းဆုံး ရရှိသူကို လာမည့်နှစ် ဇန်န၀ါရီ
၁၁ ရက် နေ့တွင် မဲပေးရွေးချယ်မှုများ ပြုလုပ်မည်ဖြစ်ကြောင်း သိရသည်။

ရီးရဲမက်ရစ်တိုက်စစ်မှူး စီရော်နယ်ဒိုမှာ ပြီးခဲ့သော နှစ်နှစ်ဆက်တိုက် ကမ္ဘာ့
အကောင်းဆုံးဆု ရရှိခဲ့ဖူးသလို မက်ဆီမှာလည်း ကမ္ဘာ့အကောင်းဆုံးဆု လေး ကြိမ်
ရယူနိုင်ခဲ့ဖူးသည်။ ကမ္ဘာ့အကောင်းဆုံး နောက်ဆုံးဆန်ခါတင် စာရင်းကို ပဏာမ ၂၃
ဦးစာရင်းထဲမှ ရွေးချယ်ခဲ့ခြင်းဖြစ်ရာ အဆိုပါ ကစားသမား သုံး ဦးကို ရွေးချယ်ခဲ့ခြင်း
ဖြစ်သည်။ နေမာမှာမူ ယခုအကြိမ်ကျမှ နောက်ဆုံး ဆန်ခါတင် စာရင်းအတွင်း
ပါဝင်လာခဲ့ခြင်းဖြစ်ကြောင်း သိရသည်။ ထို့အပြင် တိုက်စစ်မှူး မက်ဆီမှာ ကမ္ဘာ့
အကောင်းဆုံး သွင်းဂိုး ပွတ်ကရှ် ဆုအတွက်လည်း ဆန်ခါတင်စာရင်းအတွင်း
ပါဝင်လျက်ရှိနေသည်။

တိုက်စစ်မှူး မက်ဆီမှာ ၂၀၁၅ ခုနှစ်တွင် ဒဏ်ရာကြောင့် နှစ်လခန့် နားခဲ့ရသော်
လည်း ဂိုပေါင်း ၄၈ ဂိုး သွင်းယူထားကြောင်း သိရသည်။ ရီးရဲမက်ဒရစ်တိုက်စစ်မှူး
စီရော်နယ်ဒိုမှာ ယခုနှစ်တွင် ရီးရဲမက်ဒရစ်အသင်းအတွက် ဂိုးပေါင်း ၄၈ ဂိုး သွင်းယူ
ထားကြောင်းသိရသည်။

ထို့အပြင် ကမ္ဘာ့အကောင်းဆုံးနည်းပြဆုအတွက် ဆန်ခါတင် စာရင်းကိုလည်း
ထုတ်ပြန်ခဲ့ရာ ဘာစီလိုနာနည်းပြ အင်းနရစ်၊ ဘိုင်ယန်မြူးနစ်အသင်းနည်းပြ
ဂွါဒီယိုလာနှင့် ချီလီအသင်းနည်းပြ ဆမ်ပါအိုလီ တို့ ပါဝင်ခဲ့ကြောင်းသိရသည်။

နည်းပြ အင်းနရစ်မှာ ဘာစီလိုနာအသင်းကို လာလီဂါ၊ ချန်ပီယံလိဂ် နှင့် စပိန်
ဘုရင့်ဖလား ပြိုင်ပွဲများ၌ ချန်ပီယံဆုများ ရအောင်စွမ်းဆောင်နိုင်ခဲ့သဖြင့်
အကောင်းဆုံး ဆန်ခါတင်စာရင်းအတွင်း ပါဝင်ခဲ့ခြင်းဖြစ်သလို ဂွါဒီယိုလာမှာ
ဘိုင်ယန်မြူးနစ်ကို ပြီးခဲ့သောနှစ်တွင် ဂျာမနီအမှတ်ပေးချန်ပီယံဆု ရအောင်
စွမ်းဆောင်ပေးနိုင်ခဲ့သဖြင့် စာရင်းအတွင်း ပါဝင်လာခြင်းဖြစ်သည်။ ထို့အပြင်
ဆန်ပါအိုလီမှာ ချီလီအသင်းကို ကိုပါအမေရိကဖလား ချန်ပီယံဆုကို ပထမဆုံး
အကြိမ် ရယူနိုင်အောင် စွမ်းဆောင်ပေးနိုင်သဖြင့် ဆန်ခါတင်စာရင်းအတွင်း
ပါဝင်လာခြင်းဖြစ်ကြောင်းသိရသည်။

သတင်း - ဇော်မင်းဦး
The Ladies News Journal

သမ္မတ နဲ့ ဒေါ်အောင်ဆန်းစုကြည် တွေ့ဆုံစဉ်။(ဒီဇင်ဘာလ ၂ ရက်၊ ၂၀၁၅)
သမ္မတ နဲ့ ဒေါ်အောင်ဆန်းစုကြည် တွေ့ဆုံစဉ်။(ဒီဇင်ဘာလ ၂ ရက်၊ ၂၀၁၅)

လက်ရှိအစိုးရအဖွဲ့ခေါင်းဆောင် နိုင်ငံတော်သမ္မတ၊ တပ်မတော်ကာကွယ်ရေး ဦးစီးချုပ် တို့နဲ့ ရွေးကောက်ပွဲအနိုင်ရ ပါတီခေါင်းဆောင် ဒေါ်အောင်ဆန်းစုကြည်တို့ နေပြည်တော်မှာ သီးခြားစီ တွေ့ဆုံဆွေးနွေးမှုဟာ အာဏာလွှဲပြောင်းရေးဖြစ်စဉ်ကို တည်တည်ငြိမ်ငြိမ်းစတင်စေပြီး စိုးရိမ်ချက်တွေကို ကျော်လွှားနိုင်မယ်လို့ ယူဆကြောင်း မြန်မာနိုင်ငံရေးလေ့လာသူတွေက သုံးသပ်ကြပါတယ်။ ဒီကနေ့ တွေ့ဆုံပွဲနဲ့ပတ်သက်တဲ့ သဘောထားအမြင်တချို့ကို ဗွီအိုအေ မြန်မာပိုင်းရဲ့သတင်းထောက် ကိုမိုးဇော်က တင်ပြထားပါတယ်။

နိုင်ငံတော်သမ္မတ ဦးသိန်းစိန်နဲ့ အမျိုးသားဒီမိုကရေစီအဖွဲ့ချုပ်ပါတီ ဥက္ကဌ ဒေါ်အောင်ဆန်းစုကြည် တို့ဟာ နေပြည်တော်က သမ္မတအိမ်တော်မှာ နံနက် ၉ နာရီမှ ၉း၄၅ နာရီအထိ တွေ့ဆုံခဲ့ကြပါတယ်။ ဒီတွေ့ဆုံပွဲအပြီးမှာ နောက်အစိုးရကို ချောချောမွေ့မွေ့ တာဝန်လွှဲပြောင်းဖို့၊ ပြည်သူတွေ စိုးရိမ်မှုမရှိစေရေးအတွက် နှစ်ဖက် ပူးပေါင်းဆောင်ရွက်ဖို့နဲ့မြန်မာနိုင်ငံ ဒီမိုကရေစီအသွင် ကူးပြောင်းရေးမှာ နိုင်ငံတော်အကြီးအကဲ တာဝန်တွေကို စနစ်တကျ လွှဲပြောင်းပေးရေး အစဉ်အလာကောင်းတစ်ခုကို ထူထောင်ဖို့ ဆိုတာတွေ ဆွေးနွေးခဲ့တယ်လို့ နိုင်ငံတော် သမ္မတရုံးက သတင်းထုတ်ပြန်ပါတယ်။

ဒီတွေ့ဆုံပွဲဟာ အစိုးရသစ်ကို တာဝန်လွှဲပြောင်းရေးဖြစ်စဉ်ရဲ့ အစခြေလှမ်းအဖြစ် မြန်မာ့နိုင်ငံရေးသုံးသပ်သူ သင့်ဘ၀ မဂ္ဂဇင်းအယ်ဒီတာဟောင်း ဦးတင်မောင်သန်းက သုံးသပ်ပါတယ်။

“အစိုးရတဖွဲ့ကနေ တဖွဲ့ကို ပြောင်းလို့ရှိရင် အဲဒီလိုပဲအကူးအပြောင်းပေါ့နော်။ သူတို့လုပ်ထားတဲ့အလုပ်တွေ ရှင်းပြတာ ၊ လွှဲတာ ဒါတွေအကုန်လုံး လုပ်တတ်ကြတယ်ပေါ့နော်။ အခု ဒါသဘောတူညီချက်ရတယ်ပေါ့နော်။ ဥပမာအားဖြင့် ကျနော်သိတာဆိုရင် လွှတ်တော်ဖက်ပိုင်းမှာ ဆိုရင် ဒါတော်တော့်ကိုလုပ်ပြီးနေပြီ။ ဒါကြောင့်မို့လို့လဲ ဒေါ်အောင်ဆန်းစုကြည်နဲ့ ဦးရွှေမန်း ၅ ကြိမ်မြှောက်တွေ့ဆုံတာအထိ ဖြစ်တယ်ဆိုတာက အမှန် အဲဒီလွဲပြောင်းရေးအတွက်လုပ်နေလို့ တွေ့တာလို့ ကျနော်တို့သိရတယ်။ ဒီ ဖက်မှာက လွှတ်တော်အပိုင်းနဲ့စာရင် နဲနဲလေးနောက်ကျနေခဲ့တယ်ပေါ့နော်။ အခုတော့ စပြီးတော့ ဒီဖြစ်စဉ်ကနေပြီးတော့ သွားတော့မှာပေါ့နော်။ အခမ်းအနားတွေအနေနဲ့လုပ်မယ်ဆိုရင်လည်း မြန်မာနိုင်ငံ ရဲ့ အတွေ့အကြုံအရဆိုရင်တော့ ကောင်းတယ်လို့ပြောရမှာပေါ့။ ဘာကြောင့်လဲဆိုရင် ဒါဟာပထမဦးဆုံး ငြိမ်းငြိမ်းချမ်းချမ်းနဲ့ချောချောမွေ့မွေ့ အာဏာလွှဲပြောင်းတာဖြစ်တယ်။ တခုတော့ရှိတာပေါ့ဗျာ။ ၂၀၀၈ ဖွဲ့စည်းပုံအတွင်းကလွဲတာတော့ ဖြစ်နေသေးတာပေါ့။ ဒါလေးကတော့ မပြီးပြတ်သေးဘူးပေါ့။”

အာဏာလွှဲပြောင်းရေးအတွက် ထပ်မံတွေ့ဆုံကြမယ်ဆိုရင် ဆွေးနွေးမယ့် အကြောင်းအရာတွေ ပိုမိုကျယ်ပြန့်လာမယ်လို့ မျှော်လင့်ကြောင်းလည်း ပြောပါတယ်။

နေ့ခင်း ၂ နာရီမှာတော့ တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီးမင်းအောင်လှိုင်နဲ့ ဒေါ်အောင်ဆန်းစုကြည်တို့ နေပြည်တော် ဘုရင့်နောင်ရိပ်သာဧည့်ခန်းမဆောင်မှာ တွေ့ဆုံကြပါတယ်။ တနာရီကြာ တွေ့ဆုံပွဲအပြီးမှာ ပြည်သူလူထု၏ဆန္ဒကို အလေးထားပြီး တည်ငြိမ်အေးချမ်းရေးနဲ့ တရားဥပဒေစိုးမိုးရေး၊ စည်းလုံးညီညွတ်ရေးနဲ့ နိုင်ငံဖွံ့ဖြိုး တိုးတက်ရေးတို့အတွက် နှစ်ဖက်ညှိနှိုင်း ပူးပေါင်းဆောင်ရွက်ကြဖို့ သဘောတူညီကြောင်း တပ်မတော်ပိုင် မြ၀တီသတင်းဌာနက ထုတ်ပြန်ပါတယ်။

ဗိုလ်ချုပ်မှူးကြီးမင်းအောင်လှိုင်နဲ့ ဒေါ်အောင်ဆန်းစုကြည်တို့ဆွေးနွေးပွဲအပေါ်မှာတော့ ဦးတင်မောင်သန်းက အခုလို သုံးသပ်ထားပါတယ်။

“ယေဘူယျ အားဖြင့်တော့ စိုးရိမ်ချက်တွေကို တဦးနဲ့တဦးတွေ့ဆုံကြခြင်းအားဖြင့် ကျော်လွှားတာပေါ့။ အဲတော့ အခုအဆင့်မှာတော့ အခုတွေ့နေကြတဲ့အဆင့်မှာတော့ တဦးနဲ့တဦး စိုးရိမ်ချက်တွေ ကျော်လွှားနိုင်မယ်။ နောက်ပြီးတော့ တဦးပေါ်တဦး ထင်မြင်ချက်လွဲနေတာလေးတွေ ပြန်တည့်နိုင်မယ်။ အကုန်လုံးတော့ ဟုတ်ချင်မှာ ဟုတ်အုန်းမှာပေါ့ဗျာ။ တခါတည်းနဲ့တွေ့တာ ။ သို့သော်လည်း အဲဒီလိုမျိုးနှစ်ဦး နှစ်ဖက် အပြန်အလှန် ယုံကြည်နိုင်မယ့် လမ်းကြောင်းပေါ်တော့ ရောက်လိမ့်မယ်လို့ ကျနော်ထင်တယ်။ လာမယ့်နိုင်ငံရေး ကာလတခုလုံးကအရပ်ဖက်၊ စစ်ဖက် ဆက်ဆံရေး ဆွေးနွေးပွဲ ကာလကြီးဖြစ်လိမ့်မယ်လို့ ကျနော်ထင်တယ်ဗျ။ ဘာကြောင့်လဲဆိုတော့ ၂၀၀၈ ဖွဲ့စည်းပုံရဲ့ သဘောကိုက အမျိုးသားဒီမိုကရေစီအဖွဲ့ချုပ်သာ အစိုးရဖြစ်ခဲ့သည်ရှိသော် ဆိုတဲ့ယူဆချက်ပေါ်မှာ စိုးရိမ်ချက်တွေနဲ့ ကာထားတာကို။”

နှစ်ဖက် အချိန်ပေးဆွေးနွေးသွားရင်တော့ ငြိမ်းငြိမ်းချမ်းချမ်းနဲ့ ဖြေရှင်းနိုင်မယ်လို့ ယုံကြည်ကြောင်း ပြောပါတယ်။

နိုင်ငံရေးသုံးသပ်သူတဦးဖြစ်တဲ့ ဒေါက်တာရန်မျိုးသိမ်းကတော့ ဒီကနေ့ တွေ့ဆုံဆွေးနွေးပွဲတွေအပေါ် သူအမြင်သဘောထားကို အခုလို ပြောပါတယ်။

“ဒီ တွေ့ဆုံမှု နှစ်ခုလုံးဟာ မြန်မာပြည်နိုင်ငံရေးအပြောင်းအလဲနဲ့ အမျိုးသားပြန်လည်သင့်မြတ်ရေးအတွက်အရေးပါတဲ့ တွေ့ဆုံမှုဆိုပြီးတော့ ယေဘူယျ သုံးသပ်လို့ရတယ်။ ဒါပေမယ့် ဒီတွေ့ဆုံမှုအပြီးမှာ ထွက်ပေါ်လာတဲ့ သတင်းထုတ်ပြန်ချက်တွေမှာ ပါတဲ့အချက်တွေကို ကြည့်တဲ့အခါကျတော့ အတော့ကို ယေဘူယျ ဆန်လွန်းတာကို တွေ့ရတယ်။ နောက် ပြည်သူလူထုတွေ မျှော်လင့်စောင့်စားနေတဲ့ ဆွေးနွေးမှုတွေ ပြောဆိုမှုတွေ သဘောထားတွေကနေလည်း ကင်းလွှတ်နေတာကို တွေ့ရတယ်။ အဲဒီအခါကျတော့ ဒီတွေ့ဆုံဆွေးနွေးပွဲအပြီး သတင်းထုတ်ပြန်ချက်တွေအရ ကြည့်မယ်ဆိုရင်လည်း လက်ရှိမြန်မာနိုင်ငံရဲ့ နိုင်ငံရေးအပြောင်းအလဲဟာ ရေရာသေချာတဲ့ လမ်းကြောင်းတခုပေါ်ကို ရောက်ပြီလို့ ပြောဖို့ စောလွန်းသေးတယ်လို့မြင်တယ်။ အခုလိုအခြေအနေမှာပြောင်းလဲပြီးတော့ ပြည်သူလူထုကို အသိပေးသင့်တဲ့ သဘောတူညီချက်တွေ အသိပေးသင့်တဲ့ အမြင်သဘောထားတွေကို တရားဝင်ထုတ်ပြန်လာနိုင်ဖို့ လိုအပ်တယ်လို့ ကျနော်ကတော့ မြင်ပါတယ်။”

လောလောဆည်မှာတော့ နိုင်ငံတော်သမ္မတရုံးနဲ့ တပ်မတော်ကာကွယ်ရေးဦးစီးချုပ်ရုံးကသာသတင်းထုတ်ပြန်ထားပြီး လူထုက ရွေးကောက်တင်မြှောက်ထားတဲ့ အမျိုးသားဒီမိုကရေစီအဖွဲ့ချုပ်အနေနဲ့လည်း တိကျတဲ့သတင်းအချက်အလက်တွေကို ထုတ်ပြန်သင့်ကြောင်း ထောက်ပြပါတယ်။

ရွေးကောက်ပွဲကျင်းပပြီး ၂ရက်အကြာမှာ ဒေါ်အောင်ဆန်းစုကြည်ဟာ နိုင်ငံတော်သမ္မတ၊ တပ်မတော်ကာကွယ်ရေးဦးစီးချုပ် နဲ့ ပြည်ထောင်စုလွှတ်တော် နာယက တို့ကို တွေ့ဆုံဆွေးနွေးဖို့ ကမ်းလှမ်းခဲ့တာဖြစ်ပါတယ်။ ပြည်ထောင်စုလွှတ်တော် နာယက သူရဦးရွှေမန်းကတော့ ကမ်းလှမ်းပြီး တပတ်ကျော်အကြာမှာ တွေ့ဆုံခဲ့ပါတယ်။

ကိုမိုးဇော်/VOA
http://burmese.voanews.com/content/daw-aung-san-suu-kyi-will-meet-president-and-general-min-aung-hlaing-/3084294.html


dassk-minaunghlaing-620.jpg
တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်နဲ့ အမျိုးသားဒီမိုကရေစီအဖွဲ့ချုပ် ဥက္ကဋ္ဌ ဒေါ်အောင်ဆန်းစုကြည် တို့ ဒီဇင်ဘာလ ၂ ရက်နေ့ နေ့လယ် ၂ နာရီက နေပြည်တော်ရှိ ဘုရင့်နောင်ရိပ်သာ ဧည့်ခန်းမဆောင်မှာ တွေ့ဆုံကြစဉ်
Photo: Myo Thant Khaing/RFA

ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်နဲ့ ရွေးကောက်ပွဲအနိုင်ရ အမျိုးသားဒီမိုကရေစီအဖွဲ့ချုပ် ဥက္ကဌ ဒေါ်အောင်ဆန်းစုကြည်တို့ဟာ ဒီနေ့နေ့လည် ၂ နာရီက နေပြည်တော်က တပ်မတော်ကာကွယ်ရေးဦးစီးချုပ်ရုံး ဘုရင့်နောင်ရိပ်သာမှာ သီးသန့်တံခါးပိတ် တွေ့ဆုံဆွေးနွေးခဲ့ပါတယ်။

ဆွေးနွေးပွဲဟာ တစ်နာရီလောက်ကြာခဲ့ပြီး ကောင်းမွန်တဲ့ဆွေးနွေးပွဲဖြစ်ခဲ့ကြောင်း၊ တိုင်းပြည်အတွက် အကျိုးရှိမယ့်ကိစ္စတွေမှာ ပူးပေါင်းဆောင်ရွက်ဖို့ သဘောတူခဲ့ကြောင်း ဆွေးနွေးအပြီးမှာ ဗိုလ်ချုပ်မှူးကြီး မင်းအောင်လှိုင်က သတင်းထောက်တွေကို ပြောကြားခဲ့ပါတယ်။

"တိုင်းပြည်အတွက် ပူးပေါင်းဆောင်ရွက်ဖို့ သဘောတူပါတယ်၊ ကောင်းမွန်တဲ့ဆွေးနွေးမှုရပါတယ်"

တပ်မတော်ကာကွယ်ရေးဦးစီးချုပ်ရုံးက သတင်းထုတ်ပြန်ချက်မှာတော့ ဒီနေ့ ဆွေးနွေးပွဲမှာ ပြည်သူလူထုရဲ့ဆန္ဒကို အလေးထားပြီး တည်ငြိမ်အေးချမ်းရေးနဲ့ တရားဥပဒေစိုးမိုးရေး၊ နိုင်ငံဖံွ့ဖြိုး တိုးတက်ရေးတို့အတွက် နှစ်ဘက်ညှိနှိုင်း ပူးပေါင်းဆောင်ရွက်ကြဖို့ သဘောတူညီခဲ့ကြတဲ့အကြောင်း ဖော်ပြထားပါတယ်။

ဗိုလ်ချုပ်မှူးကြီး မင်းအောင်လှိုင်နဲ့ ဒေါ်အောင်ဆန်းစုကြည်တို့ ဒီနေ့ သီးသန့်တွေ့ဆုံဆွေးနွေးတာဟာ ပထမဆုံးအကြိမ် လည်း ဖြစ်ပါတယ်။

RFA

white-ribbon-movement-620.jpg အမျိုးသမီးတွေကို အကြမ်းဖက်မှု ပပျောက်ဖို့အတွက် တောင်ကြီးမြို့ ဗိုလ်ချုပ်ကြေးရုပ်မှာ ဒီဇင်ဘာလ ၂ ရက်နေ့က အမျိုးသမီးအဖွဲ့အစည်းတွေ ငြိမ်းချမ်းရေးဆုတောင်းကြစဉ်
Photo: Khun Yarzar/RFA

 နိုင်ငံတကာ အမျိုးသမီးများအပေါ် အကြမ်းဖက်မှု ပပျောက်ရေးနေ့ အထိမ်းအမှတ်အဖြစ် ရှမ်းပြည်နယ် တောင်ကြီးမြို့ မှာ အမျိုးသမီး ၇၀ လောက်က ဖဲကြိုးဖြူတွေ ၀တ်ဆင်ပြီး လမ်းလျှောက်ဆုတောင်းခဲ့ကြပါတယ်။

အမျိုးသမီးတွေနဲ့ ကလေးငယ်တွေအပေါ် အကြမ်းဖက်မှုတွေဟာ အခုနောက်ပိုင်းမှာ ပိုများလာတဲ့အတွက် ဒီနေ့ လမ်းလျှောက်လှုပ်ရှားမှုမှာ ပါဝင်တာဖြစ်တယ်လို့ ရှမ်းအမျိုးသမီးကြီးအဖွဲ့က ဒေါ်စ၀်မျိုးကြည်က ပြောပါတယ်။

"ကျမအရင်က ဆရာမလုပ်တော့ လူမှုရေးတွေလည်း စိတ်ဝင်စားတယ်၊ အခုကြားရတဲ့ မိန်းကလေးတွေကို အကြမ်းဖက်တာတို့ နောက်ကလေးငယ်တွေ မိန်းကလေးငယ်တွေအပေါ်မှာ အကြမ်းဖက်တာတို့ နောက် ပြီးသွေးဆောင်ဖြားယောင်းပြီး နိုင်ငံရပ်ခြားခေါ်သွားရောင်းစားတာတို့ ဘာတို့ကြားတဲ့အခါတော့ ကျမလည်း သူတို့ကိုသနားတယ်ပေါ့၊ ကျမတို့ခေတ်က ဒါတွေသိပ်မကြားဖူးဘူး၊ ကျမထင်တာကတော့ အရက်သေ စာသောက်စားတာတို့ နောက်စီးပွားရေးနိမ့်ကျတာကြောင့် ဖြစ်နိုင်တာလို့ထင်တယ်"

ပြီးခဲ့တဲ့ နိုဝင်ဘာလ ၂၅ရက်နေ့ဟာ နိုင်ငံတကာ အမျိုးသမီးများအပေါ် အကြမ်းဖက်မှု ပပျောက်ရေးနေ့ဖြစ်ပြီး အဲဒီနေ့ အထိမ်းအမှတ်အဖြစ် နိုဝင်ဘာလ ၂၅ရက်နေ့ကနေ ဒီဇင်ဘာလ ၁၀ရက်နေ့အထိ နိုင်ငံတကာမှာ ၁၆ ရက်ကြာ အမျိုးသမီးအဖွဲ့တွေက အကြမ်းဖက်မှု ပပျောက်ရေးလှုပ်ရှားမှုတွေ လုပ်ဆောင်နေကြတာဖြစ်ပါတယ်။
ဒီကနေ့ တောင်ကြီးမြို့မှာ အမျိုးသမီးတွေက ဖဲကြိုးဖြူဝတ်ဆင်ပြီး နှင်းဆီပန်း အဖြူတစ်ပွင့်စီ ကိုင်ဆောင်ပြီး စိန့်ဂျိုးဇက်ဘုရားကျောင်းကနေ တောင်ကြီးမြို့လယ်က ဗိုလ်ချုပ်ကြေးရုပ်ရှေ့အထိ လမ်းလျှောက်ဆုတောင်း ကြတာဖြစ်ပါတယ်။

ရှမ်းပြည်နယ်မှာ တိုက်ပွဲတွေကြောင့် ထွက်ပြေးနေကြသူတွေထဲမှာ အမျိုးသမီးနဲ့ ကလေးငယ်တွေ အများဆုံးဖြစ်ပြီး သူတို့အပေါ် အကြမ်းဖက်မှုတွေ မရှိစေဖို့အတွက်လည်း ဆုတောင်းကြပါတယ်။
အဲဒီလှုပ်ရှားမှုမှာ ပအိုဝ်းအမျိုးသမီးသမဂ္ဂ၊ ရှမ်းအမျိုးသမီးကြီးအဖွဲ့၊ ရှမ်းအမျိုးသမီးရေးရာလှုပ်ရှားမှုအဖွဲ့၊ ရှမ်းတောင်လူငယ်ကွန်ရက်၊ စာပေနဲ့ယဉ်ကျေးမှုအဖွဲ့တွေ ပါဝင်ခဲ့ကြပါတယ်။

RFA

 bangladesh-boat-refugees-620.jpg ဘင်္ဂလားဒေ့ရ်ှနိုင်ငံသား လှေစီးဒုက္ခသည် ၁၂၅ ယောက်ကို သြဂုတ်လ ၂၅ ရက်နေ့က နယ်စပ်မှာရှိတဲ့ ချစ်ကြည်ရေးတံတားကနေ တရားဝင်လွှဲပြောင်းပေးခဲ့စဉ်
Photo: MOI

ရခိုင်ပြည်နယ် တောင်ပြိုလက်ဝဲမြို့နယ်မှာ ယာယီကယ်တင်ထားတဲ့ ဘင်္ဂလားဒေ့ရ်ှနိုင်ငံသား လှေစီးရွှေ့ပြောင်း သွားလာသူ ၄၈ ဦးကို မြန်မာအစိုးရက ဘင်္ဂလားဒေ့ရ်ှနိုင်ငံထံ ဒီနေ့ လွှဲပြောင်းပေးလိုက်ပါတယ်။

နှစ်နိုင်ငံအလံတင် အခမ်းအနားကျင်းပပြီး လွှဲပြောင်းပေးလိုက်တာလို့ မောင်တောခရိုင် လူဝင်မှုကြီးကြပ်ရေးနဲ့ အမျိုးသားမှတ်ပုံတင်ရေးဦးစီးဌာန လက်ထောက်ညွှန်ကြားရေးမှူး ဦးစောနိုင်က ပြောပါတယ်။

"၄၈ ယောက်ကို ဒီနေ့နေ့လယ်မှာပဲ လွှဲပေးလိုက်ပါတယ်၊ တောင်ပြိုလက်ဝဲမြို့ အုပ်ချုပ်ရေးမှူး အစည်းအဝေးခန်းမမှာပဲ အစည်းအဝေးပြုလုပ်ပြီး တောင်ပြိုလက်ဝဲမြို့မှာရှိတဲ့ မြန်မာ-ဘင်္ဂလားဒေ့ရှ် ချစ်ကြည်ရေးတံတားမှာပဲ ၄၈ လွှဲပြောင်းလက်ခံမှုတွေ ဆောင်ရွက်ခဲ့ပါတယ်"

ပြီးခဲ့တဲ့ မေလက ရခိုင်ပြည်နယ်နဲ့ ဧရာဝတီတိုင်းဒေသကြီး ပင်လယ်ပြင်မှာတွေ့ရှိခဲ့တဲ့ လှေစီးရွှေ့ပြောင်းသွားလာ သူတွေနဲ့ ဇူလိုင်လဆန်းလောက်က ကော့သောင်းဘက်မှာ တွေ့ရှိခဲ့တဲ့ လှေစီးရွှေ့ပြောင်းသွားလာသူတွေ ကို တောင်ပြိုလက်ဝဲမြို့နယ်မှာ ယာယီစခန်းတွေ ဆောက်လုပ်ပြီး နေရာချထားတာဖြစ်ပါတယ်။

သူတို့ကို ဘင်္ဂလားဒေ့ရ်ှနိုင်ငံထံ အသုတ်လိုက် လွှဲပြောင်းပေးရာမှာ အခုအကြိမ်ဟာ ၇ ကြိမ်မြောက်ဖြစ်ပြီး လူပေါင်း ၈၀၀ နီးပါးကို လွှဲပြောင်းခဲ့ပါတယ်။

တောင်ပြိုလက်ဝဲမြို့နယ်မှာ လွှဲပြောင်းပေးဖို့ နောက်ထပ် ၂၆ ယောက်သာ ကျန်ရှိနေပြီး အဲဒီ ၂၆ ဦးကိုလည်း စီစစ်နေတယ်လို့ သိရပါတယ်။

RFA


myaaung-rakhine-pm-620.jpg
ရခိုင်ပြည်နယ် ယာယီဝန်ကြီးချုပ် ဦးမြအောင် ကို ဒီဇင်ဘာလ ၂ ရက်နေ့က ရခိုင်ပြည်နယ် လွှတ်တော်အစည်းအဝေးမှာ တွေ့ရစဉ်
Photo: Min Thein Aung/RFA

ရခိုင်ပြည်နယ်မှာ ပြီးခဲ့တဲ့ ၂၀၁၂ ခုနှစ်ကဖြစ်ပွားခဲ့တဲ့ ပဋိပက္ခတွေကြောင့် ဖွံ့ဖြိုးတိုးတက်ရေး လုပ်ငန်းတွေ မှာ နှောင့်နှေးခဲ့တယ်လို့ ရခိုင်ပြည်နယ် ယာယီဝန်ကြီးချုပ် ဦးမြအောင်က ဒီနေ့ကျင်းပတဲ့ ရခိုင်ပြည်နယ် လွှတ်တော်အစည်းအဝေးမှာ ပြောပါတယ်။

လက်ရှိအစိုးရသက်တမ်း ၅ နှစ်တာကာလအတွင်း ရခိုင်ပြည်နယ်ရဲ့ ဖွံ့ဖြိုးတိုးတက်ရေးဆောင်ရွက်ချက်တွေနဲ့ ပတ်သက်ပြီး ရှင်းပြရာမှာ ပြောခဲ့တာဖြစ်ပါတယ်။

ရခိုင်ပြည်နယ်မှာ ၂ဝ၁၂ ဇွန်လအတွင်းမှာဖြစ်ခဲ့တဲ့ ပဋိပက္ခကြောင့် ကျနော်တို့ ရခိုင်ပြည်နယ်ရဲ့ ဖွံ့ဖြိုးတိုးတက်မှု ကို ထိခိုက်စေခဲ့တယ်ဆိုတာလည်း သိရှိမှာဖြစ်ပါတယ်၊ လုပ်ငန်းတွေလုပ်ချင်တယ်၊ နိုင်ငံတကာက အဖွဲ့ အစည်းတွေ ဝင်လာတယ်၊ ဝင်လာပေမယ့်လည်း ဒီပြဿနာတွေက မပြီးသေးတဲ့အတွက် အဆုံးမသတ်နိုင်တဲ့ အတွက် လုပ်ငန်းများကို ကုမ္ပဏီများ လုပ်ငန်းရှင်များအနေနဲ့ နောက်ဆုတ်သွားတဲ့ အနေအထားမျိုး အများကြီး ကြုံခဲ့တဲ့အတွက် ရခိုင်ပြည်နယ် ဖွံ့ဖြိုးတိုးတက်မှုအပိုင်းမှာ တော်တော်များများ နောက်ကျခဲ့တယ်ဆိုတာကိုလည်း လွှတ်တော်ကိုယ်စားလှယ်များ အသိပဲဖြစ်ပါတယ်

အလုပ်အကိုင်အခွင့်အလမ်း ရရှိရေးအတွက် ပုဏ္ဏားကျွန်း စက်မှုဇုန်စီမံကိန်းကို စတင်အကောင်အထည်ဖော်နေပြီး လူပေါင်း ၅ သောင်းလောက် အလုပ်အကိုင်အခွင့်အလမ်းတွေ ရရှိလာမှာဖြစ်တယ်လို့လည်း ပြောပါတယ်။

ဒါ့အပြင် မြောက်ဦးမြို့က မြေဧက ၆၀၀ လောက်မှာ ဟိုတယ်ဇုန်စီမံကိန်းတစ်ခုလည်း စတင်အကောင် အထည်ဖော်နေပြီဖြစ်တာကြောင့် ဒေသတွင်းစီးပွားရေးလုပ်ငန်းတွေ ဖွံ့ဖြိုးလာဖို့ မျှော်လင့်ထားတယ်လို့ လည်း ပြောခဲ့ပါတယ်။

ရခိုင်ပြည်နယ် လွှတ်တော် ဥက္ကဌ ဦးထိန်လင်းကလည်း ဖွဲ့စည်းပုံအခြေခံဥပဒေအရ ပြည်ထောင်စုအစိုးရအဖွဲ့က အကန့်အသတ်နဲ့ ချထားပေးတဲ့ ရန်ပုံငွေကို ပြည်နယ်အစိုးရက ခွဲဝေသုံးစွဲရတာဖြစ်တဲ့အတွက် ဖွံ့ဖြိုးရေးလုပ်ငန်းတွေကိုလည်း အကန့်အသတ်နဲ့သာ ဆောင်ရွက်နိုင်ခဲ့တယ်လို့ လွှတ်တော်မှာ ပြောခဲ့ပါတယ်။

လက်ရှိအစိုးရအဖွဲ့ သက်တမ်း ၅ နှစ်တာကာလအတွင်းမှာ ရခိုင်ပြည်နယ် ဝန်ကြီးချုပ်နေရာကို ၃ ယောက်အထိ လွှဲပြောင်းပေးခဲ့ရသလို ဖွဲ့စည်းပုံအခြေခံဥပဒေအရ ကန့်သတ်ထားတာတွေရှိတဲ့အတွက် အစိုးရအဖွဲ့ရဲ့ဆန္ဒ၊ လုပ်ပိုင်ခွင့်တွေနဲ့ ပြည်နယ်လွှတ်တော်ကိုယ်စားလှယ်တွေရဲ့ ဆန္ဒတွေဟာ တစ်ထပ်တည်းမကျနိုင်ခဲ့ဘူးလို့ လည်း ပြည်နယ်လွှတ်တော်ဥက္ကဌ ဦးထိန်လင်းက ပြောပါတယ်။

ရခိုင်ပြည်နယ် လွှတ်တော်အစည်းအဝေးကို ၅နှစ်တာကာလအတွင်း ၁၃ ကြိမ်ကျင်းပခဲ့ပြီး ဒီတစ်ကြိမ် ဟာ နောက်ဆုံးအကြိမ် အစည်းအဝေးဖြစ်ပါတယ်။

RFA

သမ္မတဦးသိန်းစိန်နဲ့ ဒေါ်အောင်ဆန်းစုကြည် တို့ ဒီဇင်ဘာလ ၂ ရက်နေ့ မနက် ၉ နာရီမှာ နေပြည်တော်၊ သမ္မတအိမ်တော် မှာ တွေ့ဆုံကြစဉ်။ Photo: Myanmar President Office
 နိုင်ငံတော်သမ္မတ ဦးသိန်းစိန်က တိုင်းပြည်တာဝန်တွေကို အေးချမ်းစွာအာဏာလွှဲပြောင်းပေးမယ်ဆိုတာကို ကမ္ဘာသိအသိပေးထားပြီဖြစ်ကြောင်းနဲ့ မြန်မာနိုင်ငံသမိုင်းမှာ တခါမှမရှိခဲ့ဘူးသေးတဲ့ အေးချမ်းစွာအာဏာ လွှဲပြောင်းရေးဖြစ်ကြောင်း ဒါဟာ နိုင်ငံတော်သမ္မတ ဦးသိန်းစိန်ရဲ့ ပြုပြင်ပြောင်းလဲရေး အဆုံးသတ်အောင် ပွဲဖြစ်ကြောင်း ပြည်ထောင်စုဝန်ကြီး ဦးရဲထွဋ်က ပြောပါတယ်။

ဒီကနေ့ နေပြည်တော်မှာ နိုင်ငံတော်သမ္မတ ဦးသိန်းစိန်နဲ့ အမျိုးသားဒီမိုကရေစီအဖွဲ့ချုပ်ဥက္ကဌ ဒေါ်အောင်ဆန်းစုကြည် တို့ ၄၅ မိနစ်ကြာတွေ့ဆုံဆွေးနွေးအပြီး ဝန်ကြီးဦးရဲထွဋ်က နှစ်ဖက်ဆွေးနွေးမှုတွေထဲက တချို့ကို သတင်း မီဒီယာတွေကို ရှင်းပြခဲ့တာဖြစ်ပါတယ်။

"နိုင်ငံတော်သမ္မတကြီးက သူ့ရဲ့မိန့်ခွန်းထဲမှာရော နိုင်ငံရေးပါတီတွေနဲ့ တွေ့ဆုံတဲ့အချိန်မှာရော နိုင်ငံတကာ ကို အာဆီယံအစည်းအဝေးမှာရောပြောခဲ့တယ်၊ ကျနော်တို့နိုင်ငံမှာ ၁၉၄၈ ခုနှစ် လွတ်လပ်ရေးရကတည်း က ရွေးကောက်ပွဲတစ်ခုကနေ အနိုင်ရလာနိုင်အစိုးရတစ်ခုက နောင်အနိုင်ရတဲ့အစိုးရတစ်ရပ် ကို ချောချောမွေ့မွေ့ အေးအေးချမ်းချမ်း လွှဲပေးတဲ့အစဉ်အလာလုံးဝမရှိဘူး၊ ဒါဟာကျနော်တို့ရဲ့ ပြုပြင်ပြောင်း လဲရေး အဆုံးသတ်အောင်ပွဲလည်းဖြစ်တယ်၊ နှစ်ယောက်စလုံးကလည်း ဒီအချက်ကိုသဘောတူတယ်၊ သမ္မတကြီးကလည်း ကတိပြုသလို ဒေါ်အောင်ဆန်းစုကြည်ကလည်း ဒီလိုအစဉ်အလာကောင်းမျိုး ကျနော်တို့နိုင်ငံအတွက်လိုတယ်၊ ဒီမိုကရေစီနုနယ်တဲ့အချိန်မှာ ဒီလိုအစဉ်အလာကောင်းမျိုးကို ကျနော်တို့ ဝိုင်းပြီးတော့ တည်ဆောက်ဖို့လိုတယ်၊ ကျနော့်အနေနဲ့ ပုဂ္ဂိုလ်ရေးအရလည်း အာမခံတယ်၊ ကျနော်တို့ အစိုးရအဖွဲ့အနေနဲ့လည်း အာမခံတယ်၊ ဒေါ်အောင်ဆန်းစုကြည်အနေနဲ့လည်း ဒီအစဉ်အလာမျိုးကို လုပ်ဖို့ဆိုပြီး သဘောတူထားတယ်"

တွေ့ဆုံပွဲမှာ နိုင်ငံတော်သမ္မတနဲ့အတူ ဝန်ကြီးဦးရဲထွဋ် တက်ရောက်ခဲ့သလို ဒေါ်အောင်ဆန်းစုကြည်နဲ့အတူ လွှတ်တော်ကိုယ်စားလှယ် ဦးဝင်းမြင့် တက်ရောက်ခဲ့ပါတယ်။

အမျိုးသားဒီမိုကရေစီအဖွဲ့ချုပ် ဥက္ကဌ ဒေါ်အောင်ဆန်းစုကြည်ဟာ တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်နဲ့ နေ့လည် ၂ နာရီမှာ တွေ့ဆုံဆွေးနွေးမှာဖြစ်ပါတယ်။

ရွေးကောက်ပွဲမှာ အနိုင်ရပြီး ရက်ပိုင်းအတွင်း ဒေါ်အောင်ဆန်းစုကြည်က နိုင်ငံတော်သမ္မတ၊ တပ်မတော် ကာကွယ်ရေးဦးစီးချုပ်၊ ပြည်သူ့လွှတ်တော်ဥက္ကဌတို့နဲ့ တွေ့ဆုံဆွေးနွေးလိုကြောင်း မေတ္တာရပ်ခံခဲ့တာဖြစ်ပါတယ်။

RFA Burmese
http://www.rfa.org/burmese


 သမ္မတဦးသိန်းစိန်နဲ့ အမျိုးသားဒီမိုကရေစီအဖွဲ့ချုပ် NLD ပါတီဥက္ကဌ ဒေါ်အောင်ဆန်းစုကြည်တို့ ဒီကနေ့ တွေ့ဆုံပြီး နိုင်ငံတော်အကြီးအကဲတာဝန် စနစ်တကျ လွှဲပြောင်းပေးရေးအပါအ၀င် ဆွေးနွေးကြတယ်လို့ ပြန်ကြားရေးဝန်ကြီး ဦးရဲထွဋ်က သတင်းထောက်တွေကိုပြောပါတယ်။

“ဒေါ်အောင်ဆန်းစုကြည်ကတော့ ၂၀၁၂ ခုနှစ်မှာ အမျိုးသားဒီမိုကရေစီအဖွဲ့ချုပ်အနေနဲ့ လွှတ်တော်နိုင်ငံရေး ပြန်လုပ်နိုင်အောင် သမ္မတကြီးက လိုအပ်တဲ့ ပြုပြင်ပြောင်းလဲရေးတွေလုပ်ခဲ့ပြီးတော့မှ ၂၀၁၂ ကနေ ၂၀၁၅ အထိ ပူးပေါင်းဆောင်ရွက်ခဲ့တဲ့အပေါ်မှာ ရော၊ ကတိပေးထားတဲ့အတိုင်း ၂၀၁၅ ခုနှစ် ရွေးကောက်ပွဲကို လွတ်လပ်ပြီး တရားမျှတစွာ ကျင်းပပေးခဲ့တဲ့အတွက်ကြောင့် ကျေးဇူးတင်တဲ့အကြောင်း ပြောပါတယ်။

“ဆက်ပြီးတော့ ဆွေးနွေးတဲ့အခါမှာတော့ ပထမဆုံး အဓိကထားပြီးတော့ ဆွေးနွေးတာက နောင်ပေါ်ပေါက်လာမယ့်အစိုးရကို အေးချမ်း ငြင်သာ ချောမွေ့စွာ တာဝန်လွှဲပြောင်းနိုင်ဖို့ ပြည်သူတွေအနေနဲ့ စိုးရိမ်ပူပန်မှုတွေ မရှိစေဖို့ နှစ်ဘက် ပူးပေါင်းဆောင်ရွက် မယ့်ကိစ္စတွေကို ပွင့်ပွင့်လင်းလင်းနဲ့ ဆွေးနွေးခဲ့ပါတယ်။

“ဒုတိယပိုင်းမှာ ကျနော်တို့နိုင်ငံဟာ ဒီမိုကရေစီ အသွင်ကူးပြောင်းရေးကာလမှာ အရင်တုန်းက အစဉ်အလာမရှိခဲ့သေးတဲ့ နိုင်ငံ တော်အကြီးအကဲ တာဝန်တွေကို စနစ်တကျ လွှဲပြောင်းပေးတဲ့ အစဉ်အလာကောင်းတခုကို ထူထောင်ဖို့အတွက် ဆိုပြီးတော့မှ ဆွေးနွေးခဲ့ပါတယ်။

“ခေါင်းဆောင်နှစ်ယောက် သဘောထားဖလှယ်တဲ့အခါမှာလည်း နှစ်ယောက်လုံးက ဒီအချက်ကို သဘောတူတယ်၊ သမ္မတကြီးက လည်း ကတိပြုသလို ဒေါ်အောင်ဆန်းစုကြည်ကလည်း ဒီလိုအစဉ်အလာကောင်းမျိုးဟာ ကျနော်တို့နိုင်ငံအတွက် လိုတယ်၊ ဒီမိုကရေစီနုနယ်တဲ့နိုင်ငံတခုမှာ ဒီလိုအစဉ်အလာကောင်းကို ကျနော်တို့ ၀ိုင်းပြီးတော့မှ တည်ဆောက်ဖို့ လိုတယ်ဆိုတာကို ဆွေးနွေးခဲ့တယ်၊ ကျနော့်အနေနဲ့ ပုဂ္ဂိုလ်ရေးအရလည်း အာမခံတယ်၊ ကျနော်တို့အစိုးရအဖွဲ့အနေနဲ့လည်း အာမခံတယ်၊ ဒေါ်အောင်ဆန်းစုကြည်အနေနဲ့ကလည်း ဒီအစဉ်အလာမျိုးကို လုပ်ဖို့ဆိုပြီးတော့ ကျနော်တို့ ဒီနေ့ သဘောတူတယ်။”
ဗိုလ်ချုပ်မှူးကြီးမင်းအောင်လှိုင်နှင့် ဒေါ်အောင်ဆန်းစုကြည်။
နေ့လည်ပိုင်းမှာ တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီးမင်းအောင်လှိုင်နဲ့ ဒေါ်အောင်ဆန်းစုကြည်တို့ ၁ နာရီကြာ တွေ့ဆုံ ဆွေးနွေးပါတယ်။ “တိုင်းပြည်အတွက် အကျိုးရှိတဲ့ဟာကို ပူးပေါင်းဆောင်ရွက်ဖို့ သဘောတူတယ်” လို့ ဆွေးနွေးပွဲအပြီး ဗိုလ်ချုပ်မှူးကြီး မင်းအောင်လှိုင်က သတင်းထောက်တွေကိုပြောပါတယ်။ အသေးစိတ်တွေကိုတော့ နာရီပိုင်းအတွင်း ကြေညာချက်ထုတ်မယ်လို့ လည်းပြောပါတယ်။

ဗွီအိုအေ (မြန်မာဌာန)
http://burmese.voanews.com

 ဒေါ်စုနဲ့ မင်းအောင်လှိုင် တရက်ထဲ တွေ့ဆုံ
 ရွေးကောက်ပွဲ အပြတ်အသတ် အနိုင်ပြီး ၃ ပတ် အကြာမှာ အမျိုး သား ဒီမိုကရေစီ အဖွဲ့ချုပ် ဥက္ကဋ္ဌ ဒေါ်အောင်ဆန်း စုကြည် နဲ့ သမ္မတ ဦးသိန်းစိန် တို့ ဗုဒ္ဓဟူးနေ့ မနက် က အာဏာ လွှဲပြောင်းရေး အတွက် ၄၅ မိနစ်ကြာ သမ္မတ အိမ်တော်မှာ တွေ့ဆုံခဲ့ပါတယ်။

ဒီတွေ့ဆုံမှုဟာ နွေးထွေး ပွင့်လင်းမှုတွေ ရှိတယ်လို့ သမ္မတ ပြောရေး ဆိုခွင့်ရ ဦးရဲထွဋ် က ပြောပါတယ်။

မြန်မာ နိုင်ငံရဲ့ ပထမဆုံး ငြိမ်းချမ်းစွာ အာဏာ လွှဲပြောင်းရေးကို ပြီးဆုံးအောင် ဆောင်ရွက်သွားဖို့ နှစ်ဦးလုံးက ပိုင်းဖြတ်ထားကြတယ် လို့လည်း ပြောပါတယ်။

ဒီလို တွေ့ဆုံ ရာမှာ မကြာခင် ပေါ်ပေါက် လာမယ့် အစိုးရ အဖွဲ့ကို အေးချမ်း တည်ငြိမ်စွာ တာဝန် လွှဲပြောင်း နိုင်ဖို့၊ ပြည်သူတွေ စိုးရိမ် ပူပန်မှု မရှိစေဖို့ အတွက် နှစ်ဘက် ပူးပေါင်း ဆောင်ရွက်ဖို့၊ ဒီမိုကရေစီ အသွင် ကူးပြောင်း ရေး မှာ ယခင်က မရှိ ခဲ့တဲ့ နိုင်ငံတော် အကြီးအကဲ တာဝန် တွေကို စနစ်တကျ လွှဲပြောင်းရေး အစဉ်အလာ တခု ကို ထူထောင်ဖို့ ကိစ္စ တွေ ကို ဆွေးနွေးခဲ့တယ် လို့ ဦးရဲထွဋ် က တွေ့ဆုံပွဲ အပြီး သတင်းစာ ရှင်းလင်းပွဲ မှာ ပြောကြား ခဲ့ပါတယ်။

ဒါပေမဲ့ ဖွဲ့စည်းပုံ ပြင်ဆင်ရေး ကိစ္စနဲ့ ပတ်သက် ပြီး ဆွေးနွေးတာ မရှိသလို ပြည်တွင်း ငြိမ်းချမ်းရေး ကိစ္စကို သီးခြား ဆွေးနွေး တာ မရှိဘူး လို့ ဦးရဲထွဋ်က ပြောပါတယ်။

နေ့လယ် မှာလည်း ဒေါ်အောင်ဆန်း စုကြည်နဲ့ ကာကွယ်ရေး ဦးစီးချုပ် ဗိုလ်ချုပ်မှူးကြီး မင်းအောင်လှိုင် တို့ ကာကွယ်ရေး ဦးစီးချုပ်ရုံး ဘုရင့်နောင် ရိပ်သာမှာ ဆွေးနွေး ခဲ့ပြီး ကောင်းမွန်တဲ့ တွေ့ဆုံမှု ရလဒ် ကို ရတယ်၊ တိုင်းပြည် အတွက် ပူးပေါင်း ဆောင်ရွက်ဖို့ နှစ်ဦး သဘောတူ ခဲ့တယ်လို့ ကာကွယ်ရေး ဦးစီးချုပ် က ပြောပါတယ်။

BBC Burmese
http://www.bbc.com/burmese


 ဒီမိုကရေစီအသွင်ကူးပြောင်းရေးမှာ အရင်က အစဉ်အလာမရှိခဲ့သေးတဲ့ နို်င်ငံတော်အကြီး အကဲတာဝန်တွေကို စနစ်တကျလွှဲပြောင်းပေးတဲ့ အစဉ်အလာကောင်းတစ်ခုကို ထူထောင်ဖို့ နိုင်ငံတော်သမ္မတဦးသိန်းစိန် နဲ့ အမျိုးသားဒီမိုကရေစီအဖွဲ့ချုပ်ဥက္ကဌ ဒေါ်အောင်ဆန်းစုကြည်တို့ရဲ့ ဆွေးနွေးပွဲမှာ ပါဝင်ကြောင်း နိုင်ငံတော်သမ္မတရုံးက ဒီကနေ့ သတင်းထုတ်ပြန်လိုက်ပါတယ်။

နိုင်ငံတော်သမ္မတ ဦးသိန်းစိန် နဲ့ အမျိုးသားဒီမိုကရေစီအဖွဲ့ချုပ် ဥက္ကဌဒေါ်အောင်ဆန်းစုကြည်တို့ဟာ ဒီကနေ့မနက် ၉ နာရီကနေ ၉ နာရီ ၄၅မိနစ်အထိ၄၅မိနစ်ကြာ နေပြည်တော်သမ္မတအိမ်တော်မှာ တွေ့ဆုံဆွေးနွေးခဲ့ကြတာ ဖြစ်ပါတယ်။

ဒ့ါအပြင် နောင်ပေါ်ပေါက်လာမယ့် အစိုးရကို အေးချမ်းတည်ငြိမ်ချောမွေ့စွာ တာဝန်လွှဲပြောင်းနိုင်ရေး၊ ပြည်သူတွေအနေနဲ့ စိုးရိမ်ပူပန်မှုတွေ မရှိစေရေး နှစ်ဖက် ပူးပေါင်းဆောင်ရွက်မည့် ကိစ္စရပ်များကို ပွင့်ပွင့်လင်းလင်း ဆွေးနွေးခဲ့ကြကြောင်းလည်း ထုတ်ပြန်ချက်မှာ ပါရှိပါတယ်။

ဒေါ်အောင်ဆန်းစုကြည်က ၂၀၁၅ ပါတီစုံအထွေထွေရွေးကောက်ပွဲကို လွတ်လပ်တရားမျှတစွာကျင်းပပေးခဲ့တဲ့အတွက်နိုင်ငံတော်သမ္မတကို ကျေးဇူးတင်ကြောင်း နဲ့ ၂၀၁၂ ခုနှစ်မှာ အမျိုးသားဒီမိုကရေစီအဖွဲ့ချုပ်အနေနဲ့ လွှတ်တော်နိုင်ငံရေးကို ဆောင်ရွက်နိုင်ရန် သမ္မတကြီးက လိုအပ်သည့် ဥပဒေပြုပြင်ပြောင်းလဲရေး လုပ်ခဲ့ပြီး ၂၀၁၂ ခုနှစ်မှ ၂၀၁၅ ခုနှစ်အထိ ပူးပေါင်းဆောင်ရွက်ခဲ့ခြင်းအတွက်လည်း ကျေးဇူးတင်ကြောင်း ပြောကြားခဲ့တယ်လို့ ပါရှိပါတယ်။

ဒေါ်အောင်ဆန်းစုကြည်ဟာ တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်နဲ့ဒီကနေ့ နေ့လည်၂နာရီမှာ တွေ့ဆုံဆွေးနွေးမှာဖြစ်ပါတယ်။

(နိုင်ငံတော်သမ္မတရုံးထုတ်ပြန်ချက်)

RFA Burmese
https://www.facebook.com/RFA-Burmese

 အမေရိကန် ဒုတိယလက်ထောက် နိုင်ငံခြားရေးဝန်ကြီးဖြစ်ပြီး Scot Marciel ကို တွေ့ရစဉ်။ Photo: US State Department
 မြန်မာနိုင်ငံမှာ သမိုင်းဝင် ရွေးကောက်ပွဲတစ်ရပ် အောင်အောင်မြင်မြင် ပြီးဆုံးသွားခဲ့ပေမယ့်  အမေရိကန်အစိုးရက ချမှတ်ထားတဲ့ ပိတ်ဆို့ဒဏ်ခတ်မှုတွေကတော့ ကြီးကြီးကျယ်ကျယ်ပြောင်းလဲသွားဘွယ် မမြင်ဘူးလို့ ရှေ့နှစ်ခန့် အပ်မယ့် မြန်မာနိုင်ငံဆိုင်ရာ အမေရိကန် သံအမတ်ကြီးအဖြစ် သမ္မတ အိုဘားမားက ရွေးချယ်ထားသူ  Mr Scot Marciel   က ပြောကြားလိုက်ပါတယ်။

သူဟာ လောလောဆယ်မှာ ဒုတိယလက်ထောက် နိုင်ငံခြားရေးဝန်ကြီးဖြစ်ပြီး အင်ဒိုနီးရှားနိုင်ငံဆိုင်ရာ သံအမတ်ကြီးအဖြစ်လည်း တာဝန်ထမ်းခဲ့ဘူးသူဖြစ်ပါတယ်။

မြန်မာနိုင်ငံအပေါ် ဒဏ်ခတ်မှုတွေနဲ့ ပတ်သက်လို့ သူ့အနေနဲ့ ဘာမှအပြောင်းအလဲ မမျှော်လင့်သလို ပြောင်း လဲပေးဖို့ ထောက်ခံတင်ပြစရာလည်း မမြင်မိသေးဘူးလို့  ပြောပါတယ်။ ပိတ်ဆို့ဒဏ်ခတ်မှုတွေဆိုတာ ရည်မှန်းမျှော်လင့်ထားတဲ့ အပြောင်းအလဲတွေ ပေါ်ထွက်လာရေးအတွက် အထောက်အကူ အင်မတန်ဖြစ် တယ်လို့လည်း သူကပြောသွားပါတယ်။

RFA Burmese
http://www.rfa.org/burmese


အမေရိကန်အထူးတပ်ဖွဲ့ဝင်တွေဟာ IS အကြမ်းဖက်အုပ်စုရဲ့ အချက်အခြာ ပစ်မှတ်ကို တိုက်ခိုက်ဖို့ ရည်ရွယ်ချက်နဲ့ ရတ်သတ္တပတ် အနည်းငယ် အတွင်းမှာပဲ နေရာယူကြတော့မှာ ဖြစ်ပါတယ်။ ဒါဟာ ကမ္ဘာကြီးအတွက် ကြီးထွားလာနေတဲ့ ခြိမ်းခြောက်မှုတရပ်လို့ အများက ယူဆနေကြတဲ့ ကိစ္စကို ချေမှုန်းဖို့ အင်အားပိုမိုဖြည့်တင်းမှု တရပ်လည်း ဖြစ်ပါတယ်။

ပစ်မှတ်စူးစမ်းရေး အထူးတပ်ဖွဲ့လို့ခေါ်တဲ့ ဒီအဖွဲ့ထဲမှာ - အထူးတပ်ဖွဲ့ဝင်တွေ ၂၀၀ ခန့် ပါဝင်မှာဖြစ်ပြီး၊ မကြာခင် ရက်သတ္တပတ်အတွင်း အီရတ်နိုင်ငံမှာ နေရာယူကြတော့မယ်လို့ ဒီအစီအစဉ်တွေကို သိရှိထားတဲ့ အရာရှိတွေက ပြောကြားလိုက်ပါတယ်။ ဒီတပ်ဖွဲ့တွေရဲ့ ရည်ရွယ်ချက်ကတော့ အီရတ်နဲ့ ဆီးရီးယား နှစ်နိုင်ငံစလုံးမှာရှိတဲ့ IS တို့ရဲ့ အဓိကသော့ချက်ကျတဲ့ ခေါင်းဆောင်မှုနဲ့ ထိန်းချုပ်ကွပ်ကဲမှုအပေါ် အချိန်တိုအတွင်း ထောက်လှမ်းပြီး အခွင့်ကောင်းယူ တိုက်ခိုက်နိုင်ဖို့အတွက်ပဲ ဖြစ်တယ်လို့ အမည်မဖော်လိုတဲ့ အမေရိကန်အရာရှိတဦးက ဗွီအိုအေကို ပြောကြားခဲ့ပါတယ်။

အမေရိကန်ကာကွယ်ရေးဝန်ကြီး Ash Carter က အင်္ဂါနေ့က အောက်လွှတ်တော် လက်နက်ကိုင်တပ်ဖွဲ့များ ရေးရာကော်မတီ ရှေ့မှောက် ထွက်ဆိုရာမှာ - တပ်ဖွဲ့သစ် စေလွှတ်ချထားမယ့်အကြောင်းကို ကြေညာခဲ့ပြီး၊ IS အဖွဲ့ကို တိုက်ခိုက်ရာမှာ အီရတ်နဲ့ ကာဒ့်လက်နက် ကိုင်တပ်ဖွဲ့တွေကို ဒီအထူးတပ်ဖွဲ့က ကူညီသွားမှာ ဖြစ်သလို၊ အီရတ်အစိုးရနဲ့ ပူးပေါင်းဆောင်ရွက်ပြီး တပ်တွေစေလွှတ်သွားမှာ ဖြစ်တယ်လို့လည်း ပြောပါတယ်။

အထူးတပ်ဖွဲ့ဝင်တွေဟာ - နောက်ပိုင်းမှာ စီးနင်းတိုက်ခိုက်မှုတွေလုပ်ဆောင်ဖို့၊ ဓားစာခံတွေ ကယ်တင်ဖို့၊ ထောက်လှမ်းရေး အချက်အလက်တွေ စုဆောင်းဖို့နဲ့ IS စစ်သွေးကြွခေါင်းဆောင်တွေကို ဖမ်းဆီးဖို့တွေ လုပ်ဆောင်နိုင်မှာဖြစ်သလို၊ ဆီးရီးယားနိုင်ငံတွင်းကို ၀င်ရောက်ပြီး သီးခြား စစ်ဆင်ရေးတွေ ဆောင်ရွက်နိုင်မှာဖြစ်တယ်လို့လည်း ပြောဆိုသွားခဲ့ပါတယ်။

ဗွီအိုအေ (မြန်မာပိုင်း)
http://burmese.voanews.com

(ဓာတ်ပုံ - အမျိုးသားလွှတ်တော် Facebook)
 အမျိုးသားလွှတ်တော် အခြေခံပညာရေး ဥပဒေကြမ်းကို အင်္ဂါနေ့က အတည်ပြုလိုက်ပါတယ်။ ဒီဥပဒေကြမ်းကို တင်သွင်းအတည်ပြုပေမဲ့ ဥပဒေကြမ်းရေးဆွဲတာမှာ ပြင်ပလွတ်လပ်တဲ့ ပညာရေးဝန်ထမ်းတွေ ပါဝင် အကြံပေးခြင်းမရှိဘဲ ရေးဆွဲလိုက်တဲ့အပေါ်မှာ ဝေဖန်မှုတွေ ရှိနေပါတယ်။ အပြည့်အစုံကို ဗွီအိုအေမြန်မာပိုင်း သတင်းထောက် မမေခက သတင်းပေးပို့ထားပါတယ်။

အခြေခံပညာရေးဥပဒေကြမ်းကို အမျိုးသားလွှတ်တော်မှာ ဆွေးနွေးဖို့ ပညာရေးဝန်ကြီးဌာနက ဇူလိုင် ၂၃ ရက်က အဆိုတင်သွင်းခဲ့တာပါ။ ဒီဥပဒေကို အင်္ဂါနေ့က အမျိုးသားလွှတ်တော်မှာ ဆွေးနွေး အတည်ပြုခဲ့တာပါ။ ဒီဥပဒေထဲမှာ မသင်မနေရ ပညာရေးစနစ်တွေ ပါဝင်သလို အကြောင်းကြောင်းကြောင့် ပညာမသင်ခဲ့ရသူတွေကို အထူး အခွင့်အရေးအနေနဲ့ ပညာသင်ကြားပေးရေး စတဲ့အချက်တွေပါ ပါဝင်ထားပါတယ်။ ဒီလိုတင်ပြထားရာမှာ မိဘ သို့မဟုတ် အုပ်ထိန်းသူဟာ ကျောင်းနေအရွယ် ကလေးများကို နိုင်ငံတော်က သတ်မှတ်ထားတဲ့  အခမဲ့ မသင်မနေရ ပညာရေးကို သင်ကြားပေးရေးအတွက် သက်ဆိုင်ရာကျောင်းတွေကို မဖြစ်မနေ ကျောင်းအပ်ဖို့နဲ့ ပညာရေးအဆင့် ပြီးမြောက်တဲ့ထိ သင်ယူစေရန် တာဝန်ရှိတယ်ဆိုတဲ့ အချက်တွေလည်း ပါဝင်ပါတယ်။ အတည်ပြုတဲ့ အခြေခံပညာရေး ဥပဒေကြမ်းမှာ ပါဝင်တဲ့ အချက်အချို့ကို ဥပဒေကြမ်းကော်မတီက အမျိုးသားလွှတ်တော် ကိုယ်စားလှယ် ဒေါက်တာမြတ်ဉာဏစိုးက အခုလို လွှတ်တော်မှာ ဖတ်ကြားခဲ့ပါတယ်။

“မတတ်စွမ်းသူ နိုင်ငံသားများအပါအ၀င် အကြောင်းအမျိုးမျိုးကြောင့် ပညာသင်ယူနိုင်ခဲ့ခြင်း မရှိသူများကို အခြေခံပညာရေး အဆင့်တိုင်းတွင် လူတိုင်းအကျုံးဝင် ပညာရေးအစီအစဉ်၊ အထူး ပညာရေး အစီအစဉ်နှင့် ပညာရေး အထူး ၀န်ဆောင်မှု အစီအစဉ်များအရ ကျောင်းပညာရေး သို့မဟုတ် ကျောင်းပြင်ပ ပညာရေး တခုခုတွင် အခြေခံပညာ သင်ယူနိုင်ခွင့် ရရှိရေး၊ အခမဲ့ မသင်မနေရ မူလတန်းပညာရေးကို ဦးတည် အကောင်အထည်ဖော်ပြီး အဆင့်ဆင့် တိုးချဲ့ဆောင်ရွက်ရေး၊ ပညာလေ့လာသင်ယူရာတွင် သင်ယူသူ၏ လူမျိုး၊ ဇာတိ၊ ကိုးကွယ်ရာဘာသာ၊ အဆင့်အတန်း၊ ယဉ်ကျေးမှု၊ အမျိုးသား၊ အမျိုးသမီး၊ ဆင်းရဲချမ်းသာ၊ မသန်စွမ်းမှု အပါအ၀င် မည်သည့်ခွဲခြားမှုမျှ မရှိစေ။ မြန်မာဘာသာစကားသည် ရုံးသုံးဘာသာစကားဖြစ်သဖြင့် အခြေခံပညာအဆင့်တွင် သင်ကြားမှု ဘာသာစကားဖြစ်ရေးနှင့် လိုအပ်လျှင် သက်ဆိုင်ရာ တိုင်းရင်းသား ဘာသာစကားကို မြန်မာဘာသာစကားနဲ့အတူ စာသင်ခန်းသုံး ဘာသာစကားဖြင့် တွဲဘက် အသုံးပြုနိုင်ရေး”

အခြေခံပညာရေးဥပဒေကြမ်းမှာ အခြေခံပညာ ဆရာ၊ ဆရာမတွေကို ကျွမ်းကျင်မှုနဲ့ စွမ်းဆောင်ရည်အလိုက် အဆင့်တိုးမြှင့်ခြင်း၊ လစာငွေတိုးမြှင့်ခြင်းနဲ့ ချီးမြှင့်ငွေတွေ ချီးမြှင့်ဖို့  စတဲ့အချက်တွေ ပါဝင်တဲ့အပြင် မူကြိုပညာရေး၊ မသန်စွမ်းတွေနဲ့ ပညာမသင်ကြားခဲ့ရသူတွေအတွက် အထူးပညာရေး စတဲ့ ပညာရေးတွေကို အစိုးရကျောင်းတွေမှာ တိကျစွာ ဖော်ထုတ်ရမယ်ဆိုတဲ့ အချက်တွေ ပါဝင်ပါတယ်။ ဒါပေမဲ့ ဒီပညာရေးဥပဒေကို ရေးဆွဲစဉ်မှာ လက်ရှိ ပြင်ပလွတ်လပ်တဲ့ ပညာရေးဝန်ထမ်းတွေ ပါဝင်အကြံပေးနိုင်ခြင်းမရှိဘဲ ရေးဆွဲလိုက်တဲ့အပေါ်မှာ ဝေဖန်မှုတွေတော့ ရှိနေပါတယ်။ မြန်မာနိုင်ငံ ပညာရေးစနစ် ပြုပြင်ပြောင်းလဲရေး နိုင်ငံလုံးဆိုင်ရာ ကွန်ရက် (NNER) က ဒေါက်တာညိုညိုသင်းက ဒီဥပဒေနဲ့ပတ်သတ်ပြီး အခုလို ပြောပါတယ်။

“ပညာရေးဥပဒေဆိုတာက အဲ့လို မြန်မြန်ဆန်ဆန် လုပ်လို့ရတဲ့ကိစ္စ မဟုတ်ဘူးလေ။ နောက်ပြီးတော့ အမျိုးသားပညာရေးဥပဒေမှာက ပါပြီးသား။ အမျိုးသားပညာရေးဥပဒေ ပြင်ဆင်တဲ့ဥပဒေတွေမှာလည်း ပါပြီးသား၊ ဒီလို ပညာရေးဥပဒေတွေ လုပ်လို့ရှိရင် သက်ဆိုင်ရာ ပညာရေးအဖွဲ့အစည်းတွေကို ညှိနှိုင်းတိုင်ပင်ပြီးတော့မှ ကြားနာပွဲတွေ လုပ်ပြီးတော့မှ လုပ်ရမယ်လို့ ပြောထားပြီးသားလေ။ အဲဒါကို အဲ့လိုမျိုး မြန်မြန်ဆန်ဆန်ကြီး၊ ပြည်သူလူထုကိုလည်း ချမပြဘဲနဲ့ လုပ်လိုက်တာကတော့ မကောင်းဘူးပေါ့ကွယ်။ ဥပဒေက လူထုကြားထဲက လာတဲ့ဥပဒေ ဘယ်ဟုတ်တော့မလဲနော်။ ပညာရေးဆိုတာ ဒီမိုကရေစီပညာရေးစနစ်မှာ ဒီလို လုပ်လို့ မရဘူးလေ။”

NNER အဖွဲ့ဟာ ၂၀၁၂ ခုနှစ်၊ အောက်တိုဘာလက စတင်ဖွဲ့စည်းခဲ့တဲ့ ပညာရေးအဖွဲ့ဖြစ်ပြီး ဒီထဲမှာ အမျိုးသား ဒီမိုကရေစီ အဖွဲ့ချုပ်ရဲ့ ပညာရေးကွန်ယက်၊ ၈၈ မျိုးဆက် ငြိမ်းချမ်းရေးနှင့် ပွင့်လင်းလူ့အဖွဲ့အစည်း၊ တက္ကသိုလ် ဆရာ၊ ဆရာမများအသင်း၊ ကျောင်းသားသမဂ္ဂများ၊ တိုင်းရင်းသားပညာရေး စာပေနဲ့ ယဉ်ကျေးမှုအဖွဲ့များ ပါဝင်ကာ ပညာရေးစနစ် ပြုပြင်ပြောင်းလဲရေးအတွက် အစိုးရကို အကြံဥာဏ်ပေးဖို့ စုပေါင်းဖွဲ့စည်းထားသော အဖွဲ့တခု ဖြစ်ပါတယ်။ မြန်မာနိုင်ငံ ဆရာ၊ ဆရာမများအသင်းက အထွေထွေအတွင်းရေးမှူး ဦအာကာမိုးသူ ကလည်း ဒီဥပဒေကို အခုလို သုံးသပ်ပါတယ်။

“အခြေခံလည်း ကျနော်တို့ သိခွင့်မရဘူး။ အခြေခံလို့ ခေါ်တာလည်း မရှိဘူး။ ပြောရမယ်ဆိုရင် လက်ညှိုးထောင်၊ ခေါင်းညိတ်ပေါ့ အစည်းအဝေးပြီးအောင်ပဲ ဗန်းပြတဲ့ပုံစံမျိုး လုပ်သွားတယ်လို့ပဲ ကျနော်တို့က သုံးသပ်တယ်။ private sector ဘုန်းတော်ကြီးကျောင်း ပညာသင်ကြားရေးက လူတွေရော၊ စစ်ဘေးဒုက္ခသည်မှာ လုပ်နေတဲ့သူတွေရော၊ ရွှေ့ပြောင်းအလုပ်သမားတွေကို ပညာသင်ကြားနေတဲ့သူတွေရော ခေါ်ပြီးတော့မှ အခက်အခဲတွေ၊ တိုင်းရင်းသားတွေမှာရှိတဲ့ စာပေယဉ်ကျေးမှုကော်မတီကိုရော ခေါ်ပြီးတော့မှ ကျနော်တို့က digest လုပ်ရမယ်လို့ ထင်တယ်။ အဲဒီ digest မလုပ်ဘဲနဲ့ လုပ်တဲ့အချက်တွေက နောက်ပိုင်းမှာ ဘာဖြစ်တယ်ဆိုရင် အစိုးရတက်လာတိုင်း တက်လာတိုင်းက ပြန်လည် ပြင်ဆင်ရေးဟာတွေကို လုပ်ရင်းနဲ့ပဲ အချိန်ကုန်သွားလိမ့်မယ်နဲ့ တူတယ်။ ဥပမာ ပြည်သူလူထုအတွက်ကို နှစ်ပေါင်းများစွာ ဖြစ်နေတဲ့ဟာကနေပြီးတော့မှ ကယ်တင်ဖို့ မူဝါဒဖြစ်ကိုဖြစ်ရမယ်။ နီးစပ်ရာလူတွေနဲ့ချည်းပဲ အကောင်အထည်ဖော်ပြီးတော့မှ အတည်ပြုလိုက်တဲ့ဟာကကျတော့ ဘယ်သူတွေ နစ်နာသလဲဆိုရင် ပြည်သူလူထု နစ်နာတယ်။”

ဒီ အခြေခံပညာရေးဥပဒေကြမ်းဟာ အမျိုးသားလွှတ်တော်က အတည်ပြုလိုက်တာကြောင့် ပြည်သူ့လွှတ်တော်ကို ဆက်လက်တင်ပြသွားမှာပါ။ ဒီမှာကွဲလွဲချက်ရှိရင် ပြည်ထောင်စုလွှတ်တော်မှာ ဆွေးနွေးရမှာပါ။ ကွဲလွဲချက်မရှိရင်တော့ သမ္မတဆီ တင်ပြပြီး အတည်ဖြစ်မှာ ဖြစ်ပါတယ်။

မေခ / ဗွီအိုအေ (မြန်မာပိုင်း)
http://burmese.voanews.com


 ကြံ့ခိုင်ရေးပါတီမှ ထိပ်တန်းခေါင်းဆောင်များသည် ဒီမိုကရေစီ၏ အခက်ခဲဆုံး အပိုင်းဖြစ်သော ရှုံးနိမ့်မှုကို လက်ခံခဲ့ပြီ ဖြစ်သည်။ ဧရာဝတီတိုင်းတွင် ပြည်သူ့လွှတ်တော် ကိုယ်စားလှယ်နေရာအတွက် ယှဉ်ပြိုင်ခဲ့ပြီး ပြိုင်ဘက် NLD ပါတီ ကိုယ်စားလှယ်လောင်းကို ရှုံးနိမ့်ခဲ့သည့် ကြံ့ခိုင်ရေးပါတီ ပူးတွဲဥက္ကဋ္ဌ ဦးဌေးဦးက “ ဒီမိုကရေစီစနစ်မှ လူထုက ဆုံးဖြတ်ချက် ချပါတယ်။ ဒီဆုံးဖြတ်ချက် မှန် မမှန် ကိုတော့ အချိန်က ပြောသွားမှာ ဖြစ်ပါတယ်” ဟု AFP သို့ ပြောကြားခဲ့သည်။

NLD သည် လာမည့် နှစ်မတိုင်ခင် တရားဝင်အစိုးရဖွဲ့မည် မဟုတ်ဘဲ လနှင့်ချီ၍ စိတ်လှုပ်ရှားစွာ စောင့်ဆိုင်းနေရမည် ဖြစ်သည်။ စစ်အစိုးရ ရေးဆွဲခဲ့သည့် အခြေခံဥပဒေက ဒေါ်အောင်ဆန်းစုကြည်ကို သမ္မတ ဖြစ်ခွင့် ပိတ်ပင်ထားသည့်အပြင် ရွေးကောက်ပွဲနှင့် အာဏာလွှဲပြောင်းမှုကြားတွင် အချိန်ကြာသဖြင့် လက်ရှိ လွှတ်တော်မှာ အနည်းဆုံး ဇန်န၀ါရီလအထိ ရှိနေမည်ဖြစ်သည်။

ထို့ကြောင့် ကြားကာလတွင် နိုင်ငံရေး မတည်ငြိမ်မှုများ ၊ မတိုးသာ မဆုတ်သာ အခြေအနေများ ရှုံးနိမ့်သူအမတ်များ၏ မလျော်ကန်သော အပြုအမူများ ပေါ်ပေါက်လာမည်ကို စိုးရိမ်လျက်ရှိသည်။ ရှုံးနိမ့်သူ ကြံ့ခိုင်ရေးအမတ်များအနေဖြင့် အကယ်၍ လက်စားချေလိုစိတ် ရှိပါက ထုတ်ဖော်ပြသမည် မဟုတ်ပေ။ လက်ရှိ လွှတ်တော်သည် လာမည့်နှစ်အတွက် ဘတ်ဂျက် သတ်မှတ်ခြင်းအပါအ၀င် ဥပဒေများ ပြဋ္ဌာန်းရန်ရှိနေပြီး ယင်းတို့၏ နိုင်ငံရေးပြိုင်ဘက်များ အဓိကပါဝင်သည့် လွှတ်တော်သစ်က ထိုဆုံးဖြတ်ချက်များကို ဆက်ခံရမည်ဖြစ်သည်။

ရွေးကောက်ပွဲတွင် NLD က အမတ်နေရာ ၈၀ % ခန့်အထိ အနိုင်ရခဲ့ခြင်းကလည်း အံ့အားသင့်ဖွယ် ဖြစ်ခဲ့သည်။ စစ်အစိုးရ တည်ဆောက်ခဲ့သည့် မြို့တော်သစ် နေပြည်တော်ရှိ မဲဆန္ဒနယ်များတွင်ပါ ကြံ့ခိုင်ရေးပါတီ ရှုံးနိမ့်ခဲ့ခြင်းဖြစ်သည်။ နေပြည်တော်မှ အမည်မဖော်လိုသူ ၀န်ထမ်းတစ်ဦးက “ဒီမှာ ကြံ့ခိုင်ရေးပါတီရှုံးနိမ့်တာ အံ့သြမိပါတယ်။ ဒါပေမဲ့ ကျွန်တော့်လို ၀န်ထမ်းအများအပြားက NLD ကို မဲပေးခဲ့ပါတယ်။ ကျွန်တော်တို့လည်း ပြောင်းလဲချင်ပါတယ်” ဟု ပြောကြားခဲ့သည်။

ဒေါ်အောင်ဆန်းစုကြည်အတွက် စိန်ခေါ်မှုမှာ လူထု၏ လွတ်လပ်မှုနှင့် ကြွယ်ဝရေး မျှော်လင့်ချက်များကို ဖြည့်ဆည်းပေးနိုင်ရန် ဖြစ်သည်။ သို့သော် စစ်တပ်က အာဏာပြန်လည်ရယူခြင်းမှ တားဆီးရန်၊ ကွဲပြားမှု များပြား သော တိုင်းပြည်ကို စုစည်းနိုင်ရန် လိုအပ်သည်ဟု လေ့လာသူများက ဆိုသည်။

ရွေးကောက်ပွဲ ရှုံးနိမ့်ခဲ့သည့် ကြံ့ခိုင်ရေးပါတီက လက်ရှိတွင် ပြင်ဆင်ဖွဲ့စည်းနေသည်ဟု ဆိုသည်။ ပါတီသည် ရွေးကောက်ပွဲ ဆိုးဆိုးဝါးဝါး ရှုံးနိမ့်မှုနှင့် ပတ်သက်၍ ပြန်လည်သုံးသပ်မှု ပြုလုပ်ခဲ့သည်ဟု ရွေးကောက်ပွဲ ရှုံးနိမ့်ခဲ့သည့် ထိပ်တန်းပါတီဝင်တစ်ဦးဖြစ်သူ ဗိုလ်ချုပ်ဟောင်း ဦးမောင်ဦးက ပြောကြားသည်။ “ကျွန်တော်တို့ လာမယ့် ၅ နှစ်မှာ နောက်ရွေးကောက်ပွဲအတွက် အသင့်ဖြစ်ဖို့ ပါတီကို အဆင့်တိုင်းမှာ ပြုပြင်တည်ဆောက်သွားမှာပါ” ဟု ပြောကြားခဲ့သည်။

KHTun
Ref - AFP
The Ladies News Journal
https://www.facebook.com/News.TheLadies/


 ထိုင်းနိုင်ငံအနေနဲ့ နိုင်ငံအတွင်းမှာ နှစ်ပေါင်း ရှည်ကြာ နေထိုင်ခဲ့ကြ တဲ့ နိုင်ငံမဲ့ ပြည်သူ ၁,၈၀၀၀ ကျော်ကို နိုင်ငံသားအဖြစ် လက်ခံခဲ့တယ်ဆိုတဲ့ ကြေညာချက်အပေါ် ကုလသမဂ္ဂ ဒုက္ခသည်များ အေဂျင်စီက ဒီလုပ်ရပ်ဟာ နိုင်ငံမဲ့ဖြစ်နေသူ မရှိစေရေး ကမ္ဘာတ၀ှမ်း လှုပ်ရှားမှုကို ပိုပြီးအရှိန်မြင့်လာစေအောင် အရေးကြီးတဲ့ ခြေလှမ်း ဖြစ်တယ်ဆိုပြီးတော့ ချီးကျူးလိုက်ပါတယ်။

ထိုင်းဘုရင့်အစိုးရက နိုင်ငံမဲ့ဖြစ်နေသူ ၁,၈၀၀၀ ကျော်ကို ထိုင်းနိုင်ငံသားအဖြစ် ပြီးခဲ့တဲ့ သုံးနှစ်အတွင်း လက်ခံခဲ့တယ်ဆိုတဲ့ ကြေညာချက်အပေါ် ကုလသမဂ္ဂ ဒုက္ခသည်များဆိုင်ရာ မဟာမင်းကြီးရုံး UNHCR က ကြိုဆိုပါတယ်၊ ကမ္ဘာပေါ်မှာ နိုင်ငံမဲ့ဖြစ်နေတဲ့ လူပေါင်း ၁၀ သန်းကျော် ရှိနေတယ်လို့ ယုံကြည်ရပြီး၊ UNHCR ကို သတင်းပို့ထားသူက ၃.၅ သန်း ရှိပါတယ်၊ ဒီအထဲက ၄၀% ဟာ အာရှတိုက်က ဖြစ်ပါတယ်။ ၂၀၂၄ ခုနှစ်အရောက် နိုင်ငံမဲ့ဖြစ်နေသူ မရှိစေရေး ကမ္ဘာတ၀ှမ်း လှုပ်ရှားမှုအတွက် အရေးပါတဲ့ ခြေလှမ်းဖြစ်ပါတယ်” - လို့ မနေ့က ဂျနီဗာမှာကျင်းပတဲ့ သတင်းစာရှင်းလင်းပွဲမှာ UNHCR ပြောခွင့်ရသူ William Spindler က ပြောသွားတာ ဖြစ်ပါတယ်။

နိုင်ငံမဲ့ လူသားတွေအတွက် လူ့အခွင့်အရေးခံစားရဖို့ ဆိုတာ မလွယ်သလို၊ ပညာရေး၊ ကျန်းမာရေး စောင့်ရှောက်မှုလို အခြေခံကျတဲ့ ၀န်ဆောင်မှုတွေ ရရှိဖို့ ခက်ခဲသလို၊ အလုပ်အကိုင် လုပ်နိုင်ဖို့ ဆိုတဲ့ နေရာမှာလည်း အကန့်သတ်တွေ အများကြီးရှိတယ်လို့ UNHCR က အသစ်ထုတ်ပြန်လိုက်တဲ့ ကြေညာချက်မှာ ဖော်ပြထားပါတယ်။

ထိုင်းနိုင်ငံအတွင်း နိုင်ငံမဲ့ဖြစ်နေသူတွေဟာ ထိုင်းနိုင်ငံမှာ ရောက်ရှိနေပြီး ထိုင်းနိုင်ငံသားအဖြစ် မှတ်ပုံတင်ခြင်းမရှိသလို သူတို့ရဲ့ မူလနေထိုင်ရာ တိုင်းပြည်နဲ့လည်း အဆက်ပြတ်နေကြသူတွေ ဖြစ်ပါတယ်။ နယ်စပ်တောင်ပေါ်ဒေသတွေမှာ နေထိုင်ကြသူတွေ ဖြစ်ကြသလို၊ အခုလို နိုင်ငံသားအဖြစ် လက်ခံပေးတဲ့ ထိုင်းနိုင်ငံရဲ့လုပ်ဆောင်မှုဟာ ဒေသတွင်းမှာရှိတဲ့ တခြားတိုင်းပြည်တွေအတွက် အပေါင်းလက္ခဏာဆောင်တဲ့ စံနမူနာတခု ဖြစ်နိုင်ကြောင်း UNHCR ကြေညာချက်မှာ ဖော်ပြထားပါတယ်။

ဗွီအိုအေ (မြန်မာပိုင်း)
http://burmese.voanews.com

Crew members inspect bags containing bodies believed to be victims of AirAsia Flight 8501 on the deck of Indonesian Navy ship KRI Banda Aceh, on the Java Sea, Indonesia, Friday, Jan. 23, 2015.

 လျှပ်စစ်စက်ပိုင်းဆိုင်ရာ ချို့ယွင်းမှုက စလိုက်ရာက နောက်ပိုင်းမှာ လေယာဉ်မှူးက အမှား လုပ်မိတဲ့ အဖြစ်အပျက်တွေနဲ့ ကြုံခဲ့ရပြီးနောက် - ၂၀၁၄ ဒီဇင်ဘာမှာ Air Asia 8501 လေယာဉ် ပျက်ကျခဲ့တာ ဖြစ်တဲ့အကြောင်း အင်ဒိုနီးရှား စုံစမ်းစစ်ဆေးရေးမှူးတွေက ပြောပါတယ်။ အင်ဒိုနီးရှားနိုင်ငံ ဆူရာဘာယာ ကနေ စင်္ကာပူနိုင်ငံကို ပျံသန်းမယ့်ခရီးစဉ်မှာ ၁ နာရီတောင် မကြာခင်မှာပဲ ဂျာဗားပင်လယ်ထဲမှာ ပျက်ကျခဲ့ရာက လေယာဉ်ပေါ် လိုက်ပါလာသူ ၁၆၂ ဦးစလုံး သေဆုံးခဲ့ရတာပါ။

စုံစမ်းစစ်ဆေးမှုအတွင်း လေယာဉ်ရဲ့ပဲ့ထိန်းစနစ်က သေးငယ်တဲ့ လျှပ်စစ်အပိုင်းတခုက အက်ကွဲနေတာကို တွေ့ရှိခဲ့ရတယ်လို့ အင်ဒိုနိုင်ငံရဲ့ အမျိုးသား သယ်ယူပို့ဆောင်မှု ဘေးကင်းလုံခြုံရေး ကော်မတီ ကနေ ပြောဆိုခဲ့ပါတယ်။ လေယာဉ်ဟာ မနှစ်တနှစ်ထဲမှာတင် စက်ချို့ယွင်းမှု ၂၃ ကြိမ် ကြုံခဲ့ရပြီး၊ အခုနောက်ဆုံး ခရီးစဉ်မှာလည်း ၄ ကြိမ်လောက် ချို့ယွင်းမှုနဲ့ ကြုံခဲ့ရပါတယ်။

လက်ရှိ လေယာဉ်ကို မွမ်းမံထိန်းသိမ်းမှု လုပ်ငန်းတွေက လေယာဉ်ခရီးစဉ်အတွင်း ၄ ကြိမ် စက်ချို့ယွင်းမှု အပါအ၀င် ထပ်တလဲလဲ ကြုံနေရတဲ့ ပြဿနာ ဘာကြောင့်ဖြစ်နေရသလဲ ဆိုတာကို မဆန်းစစ်နိုင်ခဲ့ဘူးလို့လည်း ကော်မတီတာဝန်ရှိသူက ပြောဆိုခဲ့ပါတယ်။

လေယာဉ်မှူးက အရင်တုန်းက လုပ်နေကျအတိုင်း ပဲ့ထိန်းစနစ်က လျှပ်စစ်စက်ပိုင်းဆိုင်ရာ ချို့ယွင်းမှုကို ပြင်ဆင်ခဲ့ပါတယ်။ ဒါပေမဲ့လည်း ဒီလိုလုပ်လိုက်တဲ့အတွက် လေယာဉ်ကို အလိုအလျောက် မောင်းနှင်တဲ့စနစ် ရပ်ဆိုင်းသွားပြီး လူကိုယ်တိုင် မောင်းနှင်ရတဲ့ အချိန်မှာ လေယာဉ်မှူးတွေ မထိန်းချုပ်နိုင်တော့ဘဲ - ပင်လယ်ထဲကို ထိုးကျသွားခဲ့ရတာ ဖြစ်ပါတယ်။

ဗွီအိုအေ (မြန်မာပိုင်း)
http://burmese.voanews.com