12/05/15


အချို့က ဖယ်ဒရယ်ဟု ခေါ်သည်။ နိုင်ငံခြားသားများကတော့ ဖက်ဒရယ်လ်ဟု ခေါ်သည်။ အချို့က ဖယ်ဒရယ်မူဟု ခေါ်သည်။ အချို့က ဖယ်ဒရယ်စနစ်ဟုခေါ်သည်။ မည်သို့ပင်ရှိစေ သူ့ မူရင်းကတော့ Federalism ဟူသော အင်္ဂလိပ်စာလုံးမှ လာသည်။ ဖက်ဒရယ်သည် ကတိစကားဟူသော လက်တင်ဘာသာ (Foedus) မှ ဆင်းသက်လာသည်။ အဘယ်ကတိစကားနည်းဟူမူ ပြည်ထောင်စုအစိုးရနှင့် ပြည်နယ်များ အကြား အတူတကွ ပူးပေါင်းနေထိုင်ရန် သဘောတူညီချက်ကတိစကား ဖြစ်သည်။ ဖယ်ဒရယ်၏ မူလအစမှာ ပြည်နယ်ကလေးများသည် သီးခြားစီနေထိုင်လျှင် အင်အားနည်းသဖြင့် အခြားအင်အားကြီးသူများမှ ၀င်ရောက်သိမ်းပိုက်ခြယ်လှယ်မည်ကို စိုးရိမ်သဖြင့် ပြည်နယ်များစုစည်းပြီး ပို၍ကြီးသော နိုင်ငံတခုအဖြစ် ထူထောင်လိုက်သည်။ သို့သော် ပြည်နယ်တခုချင်းစီ၏ အာဏာနှင့်လုပ်ပိုင်ခွင့်များကိုလည်း ဆက်လက်ကိုင်စွဲ ထားနိုင်ရန် အခြေခံဥပဒေ (အချို့နိုင်ငံများတွင် Basic Law ဟု ခေါ်ကြသည်)ကို ရေးစွဲကာ ထိုဥပဒေအရ ဗဟို အစိုးရနှင့် ပြည်နယ်အစိုးရဟူ၍ အာဏာခွဲဝေအုပ်ချုပ်ကြသည်။ အခြေခံဥပဒေထဲတွင် ပြည်နယ်အစိုးရ၏ လုပ်ပိုင်ခွင့်နှင့် ဗဟိုအစိုးရ (ဖယ် ဒရယ်အစိုးရဟုလည်း ခေါ်သည်၊ အမျိုးသားအစိုးရဟုလည်း ခေါ်သည်၊ ပြည်ထောင်စုအစိုးရဟုလည်းခေါ်သည်)၏ လုပ်ပိုင်ခွင့်တို့ကို ပိုင်းခြားသတ်မှတ်ထားသည်။ ဘယ်အရာသည် ပြည်ထောင်စုအစိုးရ၏ လုပ်ပိုင်ခွင့်၊ ဘယ်အရာသည် ပြည်နယ်အစိုးရ၏ လုပ်ပိုင်ခွင့်ဟူ၍ ဖွဲ့စည်းပုံအခြေခံ ဥပဒေတွင် ထည့်ရေးဆွဲထားကြသည်။ ထိုအတိုင်း အပြန်အလှန်အာဏာ ခွဲဝေကျင့်သုံးကြသည်။ ဒါသည် ဖယ်ဒရယ်၏ ကနဦးအစဖြစ်သည်။ ထို့ကြောင့် ဖယ်ဒရယ်ဟူသည်မှာ ခွဲထွက်ရေးကို ဦးတည်သောစနစ်တခု မဟုတ်။ အစကနဦးကတည်းက သီးခြားစီရှိနေသော နိုင်ငံငယ်များ (သို့မဟုတ်) ပြည်နယ်များသည် ပိုမို အင်အားကြီးမားသော ပြည်ထောင်စု အဖြစ် စာချုပ်ချုပ်ဆိုပေါင်းစည်းလိုက်ကြခြင်းကို ဖယ်ဒရယ်ဟုခေါ်သည်။ မြန်မာနိုင်ငံဝယ် အာဏာရှင်ဦးနေ၀င်းနှင့် စစ်အစိုးရအဆက်ဆက် ၀ါဒဖြန့်နိုင်ငံရေးမှိုင်းတိုက်မှုကြောင့် ဖယ်ဒရယ်ကို ပြည်ထောင်စု ပြို-ကွဲစေ မည့် ခွဲထွက်မည့်စနစ်တခုဟု ပြည်သူလူထုက အထင်မှားခဲ့သည်။ ဖယ်ဒရယ်သည်ခွဲထွက်ရေးမဟုတ်။ ပိုမိုအင်အားကြီးအောင် ပေါင်းစပ်သော စနစ်ဖြစ်သည်။ ဝေလ၊ စကော့တလန်၊ မြောက်ပိုင်းအိုင်ယာလန်၊ အင်္ဂလန်တို့ ဖယ်ဒရယ်စနစ်ဖြင့် ပေါင်းစပ်လိုက်သောအခါ ယူနိုက်တက်ကင်းဒမ်း (UK) နိုင်ငံကြီး ဖြစ်လာပေသည်။ တသီးတခြားစီ ရပ်တည်လာခဲ့သော ပြည်နယ်ငါးဆယ်ကို ပေါင်းစည်းညီညာလိုက်သောအခါ အမေရိကန်ပြည်ထောင်စု (United States of America) ဖြစ်လာပါသည်။ မြန်မာနိုင်ငံတွင်လည်း ရှေးအခါက ရှမ်းတို့သည် ရှမ်းစော်ဘွားတို့ဖြင့် ကိုယ့်မင်း ကိုယ့်ချင်း ကိုယ်ပိုင်နိုင်ငံအဖြစ် နေထိုင်ခဲ့ကြသည်။ ရခိုင်တို့သည်လည်း ရခိုင်ပြည် ရခိုင်မင်းဆက်ဖြင့် နိုင်ငံသပ်သပ်ရှိခဲ့သည်။ မွန်တို့သည်လည်း မွန်မင်းဆက်ဖြင့် မွန်နိုင်ငံရှိခဲ့ကြသည်။ အခြား တိုင်းရင်းသားများသည်လည်း မိမိပိုင်နက်နယ်မြေ၊ မိမိလူမျိုး၊ မိမိအကြီးအကဲဖြင့် နေလာခဲ့သည်ချည်း ဖြစ်ခဲ့ကြသည်။ သို့သော် အားကောင်းသော မင်းများလက်ထက်တွင် ပြည်ထောင်စုပုံစံဖြင့် မင်းတပါးတည်းလက်အောက်တွင် နေထိုင်ကြ ရသည်။ အားနည်းသောမင်းများလက်ထက်တွင် သူတလူငါတမင်း မိမိဘာသာ သီးခြားနေထိုင်ကြသည်။ ပထမမြန်မာနိုင်ငံတော်၊ ဒုတိယမြန်မာနိုင်ငံတော်၊ တတိယမြန်မာနိုင်ငံတော်တို့ ထူထောင်ခဲ့ရာတွင် ပြည်ထောင်စုစနစ်ဖြင့် တစည်းတလုံးနေထိုင်ခဲ့ကြသည်။ ထိုခေတ် ထိုအချိန်က ဖယ်ဒရယ်ဟူသောစနစ်ဖြင့် အာဏာခွဲဝေနေထိုင်အုပ်ချုပ်သောစနစ်တော့ မြန်မာနိုင်ငံမှာ မပေါ်ပေါက်သေးပါ။ လွတ်လပ်ရေးရပြီးခါစ ပါလီမန် ဒီမိုကရေစီစနစ်တွင် ဖယ်ဒရယ်ပြည်ထောင်စုပုံစံလေး အနည်းငယ်ပေါ် ထွက်လာသည်။ ဖယ်ဒရယ်ကို ပိုမိုပီပြင်စေရန် တိုင်းရင်းသားတို့ကို ရန်ကုန်သို့ ၀န်ကြီးချုပ် ဦးနုကဖိတ်ခေါ်ပြီး ဖယ်ဒရယ်စနစ်ကို ဆွေးနွေးစေသည်။ ရှမ်းတိုင်းရင်းသားခေါင်းဆောင်များက ရှမ်းဖယ်ဒရယ်မူ ကို တင်ပြကြသည်။ ဦးနုက ၀မ်းသာအားရကြိုဆိုသည်။ နောက်နေ့တွင် ထပ်ဆွေးနွေးမည်ပြောသည်။ ထိုနေ့ည ၁၉၆၂ မတ်လ ၂၇ ရက်တွင် တပ်မတော် ကာကွယ်ရေးဦးစီးချုပ် ဗိုလ်ချုပ်နေ၀င်းက အာဏာသိမ်းလိုက်သည်။ အကြောင်းပြသည်ကတော့ တိုင်းပြည်ချောက်ထဲကျဖို့ လက်နှစ်လုံးသာလိုတော့သဖြင့် ကယ်တင်လိုက်ခြင်းဟု ဆို၏။ ကျောင်းသင်ခန်းစာများတွင် ဖယ်ဒရယ်ကို ကြောက်မက်ဖွယ်စနစ်ဆိုးဖြစ်အောင် ကလေးတို့ ခေါင်းထဲရိုက်သွင်းလိုက်သည်။ ယခုအခါတော့ တိုင်းရင်းသားတို့ကြားတွင် ဖယ်ဒရယ်စကားသံ ပြန်လည် ကြားလာရသည်။ ၂၀၀၈ ဖွဲ့စည်းပုံအခြေခံဥပဒေတွင် ပြည်ထောင်စုနှင့်ပြည်နယ်များ၊ တိုင်းဒေသကြီး များကြားတွင် အာဏာခွဲဝေမှု၊ လုပ်ပိုင်ခွင့်ခွဲဝေမှုတို့ကိုဇယားဖြင့် ထည့်သွင်းဖော်ပြဖော် ရလာသည်။ သို့သော် ထိုအချက်များသည် ဖယ်ဒရယ်အစစ်မဟုတ်သေးဟု နိုင်ငံရေးသုတေသီတို့က ဆိုကြသည်။ အနာဂတ် မြန်မာနိုင်ငံတွင် ဖယ်ဒရယ်စနစ်ကို ကျင့်သုံးမည်ဟု ဆိုသူက ဆိုကြသည်။ NLD ကလည်း တိုင်းရင်းသားတို့ ရပိုင်ခွင့်ကို လေးစားသည်ဟု ရွေးကောက်ပွဲ မဲဆွယ်စဉ် ထည့်သွင်းပြောလာသည်။ တိုင်းရင်းသားတို့နှင့်အပစ်အခတ် ရပ်စဲရေးလက်မှတ်ထိုးရာတွင်လည်း နိုင်ငံရေးဆွေးနွေးပွဲများကို ရှေ့ဆက်ဆွေးနွေးသွားမည်ဟု ဦးသိန်းစိန်အစိုးရနှင့် တပ်မတော်ခေါင်း ဆောင်များမှကတိပြုသည်။ တိုင်းရင်းသားတို့က စစ်မှန်သောဖယ်ဒရယ်စနစ်ကို လိုလားသည်။ အချို့ပြည်ပမှ ကျွမ်းကျင်ပညာရှင်များက ပြောသည်မှာ မြန်မာနိုင်ငံသည် ဖယ်ဒရယ်စနစ်ကို သွားချင်သည်ဟုသာ ပြောသည်။ ဘယ်ဖယ်ဒရယ်စနစ်မျိုးကို လိုချင်သည်ဟူ၍ကား တိတိကျကျ မပြောနိုင်ကြဟု ဆိုသည်။ ထိုအခါ ဖယ်ဒရယ်စနစ်အမျိုးမျိုးကို အကျဉ်းချုပ်သိကြဖို့ လိုအပ်ပေမည်။ အောက်ပါ ဖယ်ဒရယ်စနစ်များမှာ ကမ္ဘာပေါ်တွင်ပေါ်ပေါက်ခဲ့သော၊ ကျင့်သုံးနေကြသော ဖယ်ဒရယ်စနစ် များဖြစ်ပါသည်။

၁။ Dual Federalism (နှစ်ဖက်ခွဲ ဖယ်ဒရယ်စနစ်)
ထိုစနစ်မှာ ၁၇၉၀ မှ ၁၉၃၀ ပြည့်နှစ်များအတွင်း အနောက်တိုင်းနှင့် အမေရိကန်ပြည်ထောင်စုအတွင်း ကျင့်သုံးခဲ့သောစနစ်ဖြစ်သည်။ ထိုစနစ်မှာ ရှင်းသည်။ တိုင်းပြည်အာဏာကို နှစ်ပိုင်းပိုင်းလိုက်သည်။ ဗဟိုအစိုးရ လက်ထဲသို့ တိုင်းပြည်ကာကွယ်ရေးနှင့် နိုင်ငံခြားရေးကိုသာ အပ်နှင်းလိုက်ပြီး ကျန်အာဏာအားလုံးကို ပြည်နယ် အစိုးရများက ကျင့်သုံးသည်။ ဆိုလိုသည်မှာ တရားစီရင်ရေး၊ ဥပဒေပြုရေး၊ အုပ်ချုပ်ရေး၊ စီးပွားရေး၊ လူမှုရေး၊ ယဉ်ကျေးမှု၊ အကောက်ခွန် စသောကိစ္စအားလုံးတွင် ပြည်ထောင်စု အစိုးရ(ဗဟိုအစိုးရ)သည် ၀င်ရောက်စွက်ဖက်ခွင့်မရှိဘဲ၊ ပြည်နယ်အစိုးရတွင် လုံးဝအာဏာရှိသည့်စနစ်ဖြစ်သည်။ ယူနိုက်တက်ကင်းဒမ်း (UK) နိုင်ငံ၏လက်အောက်ခံ စကော့တလန်နိုင်ငံသည် ထိုစနစ်မျိုးကို ကျင့်သုံးသည်။ စကော့တလန်သို့ ကျွန်တော်ရောက်ဖူးစဉ်က ဈေးဝယ်သောအခါ ပြန်အမ်းသောပိုက်ဆံမှာ ကျွန်တော်မြင်ဖူးနေကျ အင်္ဂလိပ်ပိုက်ဆံ စတာလင်ပေါင်မဟုတ်ဘဲ တမျိုးဖြစ်နေသည်။ ထိုအခါ ကျွန်တော့်မိတ်ဆွေ စကော့လူမျိုးက ''ဒီပိုက်ဆံက တရားဝင်ပိုက်ဆံပဲကွ စတာလင် ပေါင်နဲ့တန်ဖိုးအတူတူပဲ။ ဒါပေမဲ့ စကော့တလန်မှာပဲ သုံးလို့ရတယ်၊ အလွန်ဆုံး ယူကေနိုင်ငံကြီးအတွင်းမှာ သုံးလို့ရတယ်၊ မင်းအတွက်တော့ သုံးရတာခက်လိမ့်မယ်၊ ပေးပေး စတာလင်ပေါင်နဲ့ ငါလဲပေးမယ်''ဟု ဆိုကာ ကျွန်တော့်လက်ထဲမှ စကော့တလန်ပိုက်ဆံကို အင်္ဂလိပ်ပိုက်ဆံ နှင့်လဲပေးပါသည်။ စကော့တလန်ပိုက်ဆံမှာ ငွေစက္ကူပေါ်တွင် သူတို့ စကော့တလန် ပါလီမန် အဆောက်အအုံပုံကြီးကို ဂုဏ်ယူစွာ ပုံနှိပ်ဖော်ပြထားပါသည်။ ဆိုလိုရင်းမှာ စကော့တလန်သည် ယူကေ နိုင်ငံအောက်တွင် နှစ်ဖက်ခွဲဖယ်ဒရယ်စနစ် (Dual Federalism) အရ နေထိုင်ခြင်းဖြစ်ပြီး နိုင်ငံခြားရေးနှင့် ကာကွယ်ရေးကို ယူကေ၏ စီမံခန့်ခွဲခံယူပြီး ကျန်အရေးအရာ အားလုံးကို သူတို့ဘာသာ ကိုင်တွယ် ဆောင်ရွက်နေခြင်းဖြစ်သဖြင့် သူတို့ကိုယ်ပိုင် ပါလီမန်လည်း ရှိသည်။ ငွေစက္ကူကိုပင် သူတို့ကိုယ်ပိုင်ရိုက်နှိပ် သုံးလိုက်သေးသည်။ အခြားပညာရေးမူဝါဒ၊ ဓာတ်သတ္တုတူးဖော်ရေး၊ ဘဏ္ဍာအခွန်စသည်တို့ကိုလည်း သူတို့ဘာသာ လွတ်လပ်စွာလုပ်သည်။ ဘောလုံးအသင်းဖွဲ့စည်းရာတွင်ပင် အင်္ဂလန်က သက်သက်၊ စကော့တလန်ကသက်သက် ကမ္ဘာ့ဘောလုံးအဖွဲ့ချုပ်သို့ ၀င်သည်။ အင်္ဂလန်တွင် ပရီးမီးယားလိဂ်ရှိသလို ဝေးလ်၊ စကော့တလန်တို့တွင် ပြည်တွင်းလိဂ်များရှိသည်။ ထိုစနစ်မျိုးကို ယခုအခါအမေရိကန် ပြည်ထောင်စု မှာပင် မသုံးတော့။ မြန်မာပြည်မှာလည်း သုံး၍ဖြစ်မည် မထင် ၁၉ ရာစုနှောင်းပိုင်း၊ ၂၀ ရာစု အစောပိုင်း ကာလများက အမျိုးသားရေး စိတ်ဓာတ်အလွန်တက်ကြွနေသော နိုင်ငံများကျင့်သုံးသည့်စနစ်မျိုး ဖြစ်သည်။ မြန်မာနိုင်ငံနှင့် မကိုက်သောစနစ် ဖြစ်သည်။

၂။ ပူးပေါင်းဆောင်ရွက်ရေးဖယ်ဒရယ်စနစ်(Cooperative Federalism)

၁၉၃၀ နှင့် ၁၉၆၀ ကြားကာလများတွင် ခေတ်စားခဲ့သည်။ ဤစနစ်ကို မာဘယ်လ်ကိတ်ဖယ်ဒရယ်မူဟု ခေါ်သည်။ မာဘယ်လ်ကိတ်မုန့်မှာ အကန့်အကန့်နှင့်မတည်ရှိဘဲ အလွှာနှစ်လွှာမှာ တွန့်လိမ်ရောယှက် နေသဖြင့် ဤဖယ်ဒရယ်မူမှာ ပြည်ထောင်စုအစိုးရနှင့် ပြည်နယ်အစိုးရ၏လုပ်ပိုင်ခွင့်အာဏာမှာ ရောယှက် နေသည်။ သူ့မှာလည်း လုပ်ပိုင်ခွင့်ရှိ၊ ကိုယ့်မှာလည်းလုပ်ပိုင်ခွင့်ရှိပြီး အရေးအရာပေါ်ပါက ပေါင်းစပ်ညှိနှိုင်း ဆောင်ရွက်ကြသော စနစ်မျိုးဖြစ်သည်။ ဗဟိုအစိုးရ၏ ညွှန်ကြားချက်ကို ပြည်နယ်အစိုးရက လိုက်လုပ်ရပြီး ပြည်နယ် အစိုးရတောင်းဆိုချက်ကိုလည်း ဗဟိုအစိုးရက ဖြည့်ဆည်းပေးရသည်။ အပြန်အလှန်ညှိနှိုင်းဆောင်ရွက်ရသောစနစ်မျိုးဖြစ်သည်။ ဒုတိယကမ္ဘာစစ်ကာလအတွင်းနှင့် စစ်ပြီး ခေတ်၊ စစ်အေးခေတ်များတွင် ခေတ် စားခဲ့သော်လည်း ပြည်နယ်အစိုးရနှင့် ပြည်ထောင်စုအစိုးရ ကြားပိုင်းခြား ထားသော အာဏာနှင့်လုပ်ပိုင်ခွင့်မှာ ရှင်းလင်းပြတ်သားမှုမရှိတော့သဖြင့် ယခုအခါမကျင့်သုံးကြတော့ပေ။

၃။ ပေးတာယူ ကျွေးတာစား ဖယ်ဒရယ်စနစ် (Creative Federalism)

၁၉၆၀ နှင့် ၁၉၈၀ ကြားကာလများတွင် ခေတ်စားခဲ့သည်။ Picket Fence Federalism ဟုလည်း ခေါ်သည်။ ဗဟိုက ချုပ်ကိုင်သော ဖယ်ဒရယ်စနစ်ဖြစ်သည်။ ပြည်နယ်များ ဘာလိုသည်ဆိုခြင်းကို ဗဟိုအစိုးရ (ပြည်ထောင်စုအစိုးရ)က ဆုံးဖြတ်ပြီး ထောက်ပံ့မှုများ လုပ်သည်။ ပြည်နယ်တွေ၏ လိုအပ်ချက်ကို ဗဟိုက ဖြည့်ဆည်း (Create) ပေးသော ၀ါဒဖြစ်သည်။ ပြည်နယ်များတွင် ဟန်ပြပါဝါသာရှိသည်။ အားလုံးနီးပါးကို ဗဟိုမှချုပ်ကိုင်ထားသည်။ ပြည်နယ်များ၏ ဘဏ္ဍာရေးအသုံးစရိတ်များကိုလည်း ဗဟိုမှကိုင်ထားသည်။ မြန်မာနိုင်ငံတွင် ၂၀၀၈ ဖွဲ့စည်းပုံ အရခွင့်ပြုထားသော ပြည်နယ်အစိုးရနှင့် တိုင်းဒေသကြီးအစိုးရ၏ လုပ်ပိုင်ခွင့် များမှာ ဤဒီမိုကရေစီပုံစံမျိုး ဖြစ်သည်။ အရာရာကိုဗဟိုအစိုးရမှ ချုပ်ကိုင်သည်။ ၂၀၀၈ မြန်မာဖွဲ့စည်းပုံ အခြေခံဥပဒေ ဇယား ၁ ပြည်ထောင်စု ဥပဒေပြုစာရင်းတွင် နိုင်ငံတော်ကာကွယ်ရေးနှင့် လုံခြုံရေးကဏ္ဍတွင် ရဲတပ်ဖွဲ့အပါအ၀င် (၇ ချက်)။ နိုင်ငံခြားရေးကဏ္ဍတွင်(၇ ချက်)၊ ဘဏ္ဍာရေးနှင့်စီမံကိန်းကဏ္ဍတွင်(အချက်၂၀)၊ စီးပွားရေးကဏ္ဍတွင်(၇ ချက်)၊ စိုက်ပျိုးရေးနှင့်မွေးမြူရေးကဏ္ဍတွင်(၁၂ ချက်)၊ စွမ်းအင်၊ လျှပ်စစ်၊ သစ်တော ကဏ္ဍတွင်(၇ ချက်)၊ စက်မှုလက်မှုကဏ္ဍတွင်(၆ ချက်)၊ ပို့ဆောင်ရေး၊ ဆက်သွယ်ရေးနှင့် ဆောက်လုပ်ရေး ကဏ္ဍတွင်(၁၄ ချက်)၊ လူမှုရေးကဏ္ဍတွင်(၂၁ ချက်)၊ စီမံခန့်ခွဲရေးကဏ္ဍတွင်(၁၁ ချက်)၊ တရားစီရင်ရေး ကဏ္ဍတွင်(၁၁ ချက်)တို့ကို ပြည်ထောင်စုအစိုးရ၏ လုပ်ပိုင်ခွင့်အောက်သို့ သွတ်သွင်းထားသဖြင့် ပြည်နယ် အစိုးရနှင့် တိုင်းဒေသကြီး အစိုးရတို့မှာ ဖယ်ဒရယ်စနစ်ရှုထောင့်မှကြည့်လျှင် တုတ်တုတ်မှလှုပ်၍ မရတော့ပေ။ ဥပမာ ပြည်နယ်အစိုးရသည် သူ့ပြည်နယ်အတွင်း အခွန်ဘဏ္ဍာရရှိစေရန် အောင်ဘာလေထီဖွင့်ခွင့်ပင်မရှိ၊ စာချုပ်စာတမ်းမှတ်ပုံတင်ခွင့်မရှိ၊ ပင်လယ်ငါးဖမ်းလုပ်ငန်းလုပ်ခွင့်မရှိ၊ ဓာတ်မြေသြဇာနှင့် ပိုးသတ်ဆေး ထုတ်လုပ်ခွင့်မရှိ၊ မီးသတ်တပ်ဖွဲ့ကိုပင် စိတ်ကြိုက်စီမံခန့်ခွဲခွင့်မရှိစသည်ဖြင့် မလုပ်ရဟု တားမြစ်ထားသော အချက်ပေါင်း ၁၂၃ ချက်ရှိ သည်။ ထို့ကြောင့် ၂၀၀၈ အခြေခံဥပဒေက ခွင့်ပြုထားသောစနစ်မှာ ဖယ်ဒရယ်ဟု ပင် မခေါ်ထိုက်ပါ။ ခေါ်မည်ဆိုလျှင်လည်း ကမ္ဘာတွင် ၁၉၈၀ မှစကာ ဘယ်သူမှမသုံးတော့သော ပေးတာယူ ကျွေးတာစား ဖယ်ဒရယ်စနစ်သာ ဖြစ်မည်။ သူများနိုင်ငံတွင် မသုံးတော့တာ (၃၅)နှစ်ရှိပြီ ဖြစ်သော ဖယ်ဒရယ် စနစ်တခုကို ဆက်သုံးခြင်းအားဖြင့် မြန်မာနိုင်ငံသည် ကမ္ဘာထက် (၃၅)နှစ် အမြဲတမ်းနောက်ကျ နေမည်ဖြစ်သည်။

၎။ ဖယ်ဒရယ်စနစ်သစ် (New Federalism)

၁၉၈၀ မှ ၂၀၀၁ ကာလအတွင်း ထွန်းကားခဲ့သည်မှာ ဖယ်ဒရယ် စနစ်သစ်ဖြစ်သည်။ နံပါတ် (၃)တွင် ဖော်ပြခဲ့သော ဗဟိုချုပ်ကိုင်မှုများလွန်းသည့်ပုံစံကို ပြင်ဆင်ရာမှ ဤစနစ်ပေါ်ပေါက်လာသည်။ ဗဟို ချုပ်ကိုင်ထားသော လုပ်ပိုင်ခွင့်အတော်များများကို ပြည်နယ်များသို့ ပြန်လည်ခွင့်ပြုလုပ်ပိုင်ခွင့်ပေးသည့် စနစ်ဖြစ်သည်။ ထူးခြားချက်မှာ ဖွဲ့စည်းပုံ အခြေခံဥပဒေတွင် ဖော်ပြမထားသော (ကြွင်းကျန်သောလုပ်ငန်း) အားလုံးကို ပြည်နယ်အစိုးရများ၏အာဏာဟု သတ်မှတ်ခြင်းဖြစ်သည်။ ဖွဲ့စည်းပုံ တွင်ပါလျှင်ပါ၊ မပါလျှင် ပြည်နယ်အစိုးရနှင့်သာ ဆိုင်သည်ဟူသည့် သဘောဖြစ်သည်။

၅။ ဂျော့ဘုရှ် ဖယ်ဒရယ်စနစ် (Bush Federalism)

၂၀၀၁ မှ ၂၀၀၈ အထိ ကျင့်သုံးခဲ့သည်။ ဖယ်ဒရယ်စနစ်၏ အခြေခံမူကို မထိခိုက်စေဘဲ၊ ပြည်နယ်များ၏ ရပိုင်ခွင့်ကိုမထိခိုက်စေဘဲ တဖက်တွင် FBI စသော ပြည်ထောင်စုရဲတပ်ဖွဲ့၏ လုပ်ပိုင်ခွင့်ကို ချဲ့ထွင် ခြင်းဖြစ်သည်။ ၂၀၀၁ တွင် သမ္မတဂျော့ဘုရ်ှပြဋ္ဌာန်းလိုက်သော မျိုးချစ် ဥပဒေအရ အမေရိကန် FBI ရဲများမှာ ပြည်သူလူထု လုံခြုံရေးကိစ္စများ၌ အမေရိကန်တ၀န်း မည်သည့်ပြည်နယ်မဆို မသင်္ကာသူတဦးတယောက်၏ စာကြည့်တိုက် မှတ်တမ်းများကို တောင်းယူစစ်ဆေးကြည့်ရှုပိုင်ခွင့် (ဘယ်သူ ဘာစာအုပ်တွေဖတ်ထားသည်ဆိုတာကို စုံစမ်းခွင့်) ကို ပြဋ္ဌာန်းခဲ့သည်။ ထို့ကြောင့် ပြည်နယ်များသည် မည်သည့်ဥပဒေကို ပြဋ္ဌာန်းထားစေကာမူ ဘုရှ် ဥပဒေအရ ပြည်ထောင်စုရဲကို ကြည့်ရှုပိုင်ခွင့်ပေးရတော့မည် ဖြစ်သည်။ သူတို့နိုင်ငံတွင် ပြည်နယ်တခုချင်းစီတွင် ကိုယ်ပိုင်စီမံခန့်ခွဲနိုင်သော ရဲတပ်ဖွဲ့များရှိသည်။ နယူးယောက်ရဲတပ်ဖွဲ့ (NYPD))၊ လော့စ် အိန်ဂျလီ ရဲတပ်ဖွဲ့ (LAPD) စသည်ဖြင့်ရှိသည်။ ပြည်နယ်အစိုးရက ကွပ်ကဲသည်။ သို့သော် တနိုင်ငံလုံးနှင့်ဆိုင်သော အမှုကိစ္စများတွင် ဖယ်ဒရယ် စုံစမ်းထောက်လှမ်းရေးဗျူရို (FBI) က ကိုင်တွယ်သည်။

၆။တိုးတက်သောဖယ်ဒရယ်စနစ် (Progressive Federalism)

၂၀၀၉ မှ ယခုအချိန်အထိ အမေရိကန်ပြည်ထောင်စုတွင် အသုံးပြုနေသည်။ သမ္မတအိုဘားမား အသုံးပြုသောစနစ်ဖြစ်သည်။ ယခင်က ဗဟိုအစိုးရချုပ်ကိုင်ထားသောလုပ်ပိုင်ခွင့်များကို ပြည်နယ်အစိုးရများသို့ ပိုမိုလုပ်ကိုင်ခွင့်ပြုခြင်းဖြစ်သည်။ ဥပမာအားဖြင့် သဘာဝပတ်ဝန်းကျင် ထိန်းသိမ်းရေးနှင့်ပတ်သက်သော ကိစ္စများ၊ စားသုံးသူအခွင့်အရေး ကာကွယ်ရေးကိစ္စများတွင် ပြည်နယ်အစိုးရသည် လွတ်လပ်စွာစီမံခန့်ခွဲနိုင် သည်။ ဗဟိုကို အမိန့်ခံနေစရာမလို။ သူတို့ပြည်နယ်ဥပဒေကို စိတ်ကြိုက်ဆွဲခွင့်ရလာသဖြင့် ဥပမာ မော်တော် ယာဉ်များမှ မီးခိုးထွက်ရှိမှု ကြပ်မတ်ရေးဥပဒေတွင် ကယ်လီဖိုးနီးယားပြည်နယ်သည် အခြား တနိုင်ငံလုံးထက် တင်းကျပ်စွာ ကိုင်တွယ်နိုင်ခဲ့သည်။

၇။ အပြိုင်အဆိုင်ဖယ်ဒရယ်စနစ် (Competitive Federalism)

ပြည်နယ်တခုနှင့်တခု မတူကွဲပြားသောဥပဒေများကို ပြဋ္ဌာန်းကြပြီး နိုင်ငံသားများသည် မိမိကြိုက်သည့်ပြည်နယ်တွင် သွားရောက်အခြေချနေထိုင်ကြခြင်းဖြစ်သည်။ အမေရိကန်ပြည်ထောင်စုတွင် ပြည်နယ်အားလုံးသည် အစိုးရကိုအခွန်နှစ်မျိုးပေးရ၏။ ပြည်ထောင်စုအစိုးရ(အစိုးရကြီး) ကို ပေးရသောအခွန်နှင့် ပြည်နယ်အစိုးရ(အစိုးရလေး)ကို ပေးရသော အခွန်ဖြစ်သည်။ ၀င်ငွေ၏ ၃၀ မှ ၄၀ ရာခိုင်နှုန်းမှာ အခွန်ပေးရတာနှင့်ပြောင်လေ၏။ အစိုးရဘက်က ထိုငွေများကို ပြည်သူလူထုကျန်းမာရေး၊ ပညာရေး၊ လူမှုဖူလုံရေး၊ အခြေခံအဆောက်အအုံလုပ်ငန်းများတွင် သုံးသည်။ နီဗားဒါးသဲကန္တာရထဲတွင်ရှိသော လောင်းကစားမြို့တော် လပ်စ်ဗီးဂတ်ရှိရာ နီဗားဒါးပြည်နယ်တွင်တော့ ပြည်နယ်အခွန်လုံးဝပေး စရာမလိုပါ။ ပြည်နယ်အခွန်မကောက်ဟု ဥပဒေပြုထားသဖြင့် အချို့လူများသည် အငြိမ်းစားယူပြီးသောအခါ နီဗားဒါး ပြည်နယ်တွင် သွားနေကြပါသည်။ အမေရိကန်ပြည်ထောင်စုရှိ အခိျု့ပြည်နယ်များသည် သေဒဏ်ပေးခြင်းကို ဆန့်ကျင်သည်။ အချို့က သေဒဏ်စီရင်ချက်ကို ကျင့်သုံးသည်။ အချို့ပြည်နယ်က အရင်အိမ်ထောင်ကို ကွာရှင်းပြီးမှ လက်ထပ်ခွင့်ပြုသည်။ အချို့ပြည်နယ်က ယခင်အိမ်ထောင်ကိုမကွာလည်း တရားသူကြီးရှေ့တွင် လက်ထပ်က တရားဝင်သည်။ တိုင်းသူပြည်သားများသည် ကိုယ် ကြိုက်နှစ်သက်ရာဥပဒေတွေရှိသော ပြည်နယ်မှာသွားရောက်အခြေချနေ ထိုင်ကြသည်။ ပြည်နယ်တို့သည် ဥပဒေပြုရာတွင် အလွန်လွတ်လပ်သည်။ ဒါကို အပြိုင်အဆိုင်ဖယ်ဒရယ်စနစ်ဟု ခေါ်သည်။ မြန်မာသည် ဒါလောက်တော့ကျင့်သုံး၍ မရသေးဟုထင် သည်။ အချို့ကိစ္စတွေမှာတော့ ပြည်နယ်အစိုးရကို လွတ်လပ်စွာ ဥပဒေပြုခွင့်ပေးသင့်သည်။

အထက်ပါရေးသားချက်များမှာ ကမ္ဘာက လက်ခံကျင့်သုံးသော ဖယ်ဒရယ်စနစ်အနှစ်ချုပ်ဖြစ်သည်။ အသေးစိတ်လေ့လာပါက များစွာကျန်ဦးမည် ဖြစ်သည်။ အနာဂတ်မြန်မာနိုင်ငံတွင် ပြည်သူလူထုကလိုလား သော ဒီမိုကရေစီအစိုးရလည်း တက်လာတော့မည်ဖြစ်ရာ တိုင်းရင်းသားတို့သည် မိမိလိုလားသော ဖယ်ဒရယ် စနစ်မျိုးကို ကြိုတင်လေ့လာပြင်ဆင် တောင်းဆိုဆွေးနွေးကြဖို့လိုသလို၊ ရွေးကောက်ခံလွှတ်တော်အမတ်များ၊ တပ်မတော်သားလွှတ်တော်အမတ်များသည်လည်း ဖယ်ဒရယ်မူဆိုတာ ဘာကိုခေါ်သည်ဟု သိထားကြ ရမည်ဖြစ်သည်။ တိုင်းရင်းသားတွေဘက်က ဘယ်လိုဖယ်ဒရယ်ကိုလိုချင်သည်၊ ပြည်ထောင်စုလွှတ်တော်နှင့် တပ်မတော်ဘက်က ဘယ်လိုဖယ်ဒရယ်မျိုးကို ပေးနိုင်သည်ဆိုတာမျိုးကတော့ မဖြစ်မနေ ကြိုတင်ပြင်ဆင်ထား ရမည်ဖြစ်သည်။ ပြည်နယ်ဟုပြောရာ၌ တိုင်းဒေသကြီးများသည်လည်း အကျုံးဝင်ပါသည်။ အမှန်တော့ ပြည်ထောင်စု မြန်မာနိုင်ငံဆိုသောစနစ်တွင် တိုင်းနှင့်ပြည်နယ်သည် အဆင့်တူ ဖြစ်သဖြင့် တိုင်းရယ်၊ ပြည်နယ်ရယ် ခွဲခြားခေါ်နေမည့်အစား အားလုံးကို ပြည်နယ် (State) ဟုခေါ်ပါက ပိုရှင်းသွားမည်ဖြစ်သည်။ မြန်မာနိုင်ငံတွင် ပြည်နယ် ၁၄ ခုရှိသည်ဟုပြင်လိုက်က ပို၍ရှင်းပေမည်။ ရန်ကုန်တိုင်းဒေသကြီးသည် ရန်ကုန်ပြည်နယ် (Yangon state) ဖြစ်သွား၍လည်း ဘာမှနစ်နာစရာမရှိပေ။ တိုင်းလိုလို၊ ပြည်နယ်လိုလို၊ ဖယ်ဒရယ်လိုလို၊ စစ်အစိုးရလိုလိုနှင့် မရှုပ်မရှင်းလုပ်ထားသော ၂၀၀၈ အခြေခံဥပဒေပါ ရပိုင်ခွင့်များကိုသာ ပြင်ဆင်နိုင်ဖို့လိုပါကြောင်း။

သရ၀ဏ်(ပြည်)

News Watch(စောင့်ကြည့်သတင်းဂျာနယ်)

"ကျွန်တော်တို့ ရှေ့ဆက်လုပ်ရမယ့် လုပ်ငန်းတွေဟာ အရင်တုန်းကလို ပေါ့ပေါ့တန်တန် စိတ်ဓာတ်တွေနဲ့၊ ပေါ့ပေါ့တန်တန် လုံ့လတွေနဲ့ ပေါ့ပေါ့တန်တန် ဆောင်ရွက်တာတွေနဲ့ မဖြစ်တော့ဘူးဆိုတာကို လေးနက်စေချင်လို့ ကျွန်တော်ဒီနေ့ပြောတာ
ဖြစ်ပါတယ်" (ဦးတင်ဦး၊ NLDနာယက)

အမျိုးသားဒီမိုကရေစီအဖွဲ့ချုပ်နာယကသူရဦးတင်ဦးက```အခုလည်းပဲတွေ့သင့်တွေ့ထိုက်တဲ့ ပုဂ္ဂိုလ်တွေနဲ့ တွေ့နေတယ်ဆိုတာ ခင်ဗျားတို့အားလုံးအသိပါ
အဲ့လိုတွေ့ရတဲ့အခြေအနေဟာ အခုကျွန်တော်တို့ ဘာမှမသိရငြားသော်လည်းပဲ သိလာတဲ့လေထုဟာရှေ့ကိုချောမောပြေပြစ်စွာ သွားနိုင်မယ့်လေထု ၊တည်ငြိမ်တဲ့လေထု၊အေးချမ်းတဲ့လေထုဖြစ်လာနိုင်ဖွယ်ရှိတယ်လို့ကျွန်တော်တို့ တွက်ဆနေကြတဲ့အတွက်ပြည်သူတွေဟာဝမ်းသာနေကြပါတယ်´´
လို့နေပြည်တော်မှာပြုလုပ်တဲ့အထက်မြန်မာပြည်ကအနိုင်ရကိုယ်စားလှယ်တွေနဲ့တွေ့ဆုံပွဲမှာပြောပါတယ်။
အမျိုးသားဒီမိုကရစီအဖွဲ့ချုပ်ပါတီဥက္ကဌ ဒေါ်အောင်ဆန်းစုကြည်ဟာ အာဏာအလွှဲအပြောင်းအတွက် လက်ရှိသမ္မတ၊ကာချုပ်နဲ့ လွှတ်တော်နာယက တို့နဲ့ယခုအပတ်အတွင်းတွေ့ဆုံဆွေးနွေးခဲ့ကြပါတယ်။

ပေါ့ပေါ့တန်တန် စိတ်ဓာတ်၊ လုံ့လတွေနဲ့ နေလို့မရတော့ဘူးလို့ အနိုင်ရအမတ်တွေကို ဦးတင်ဦး သတိပေး(ရုပ်/သံ)"ကျွန်တော်တို့ ရှေ့ဆက်လုပ်ရမယ့် လုပ်ငန်းတွေဟာ အရင်တုန်းကလို ပေါ့ပေါ့တန်တန် စိတ်ဓာတ်တွေနဲ့၊ ပေါ့ပေါ့တန်တန် လုံ့လတွေနဲ့ ပေါ့ပေါ့တန်တန် ဆောင်ရွက်တာတွေနဲ့ မဖြစ်တော့ဘူးဆိုတာကို လေးနက်စေချင်လို့ ကျွန်တော်ဒီနေ့ပြောတာ ဖြစ်ပါတယ်" (ဦးတင်ဦး၊ NLDနာယက)(ရိုက်ကူး၊ တည်းဖြတ် - မင်းမင်း/မဇ္ဈိမသတင်းဌာန)

Posted by Mizzima - News in Burmese on Friday, December 4, 2015
Autho/photo - ဖေသက်ထက်ခင်
(ရိုက်ကူး၊ တည်းဖြတ် - မင်းမင်း/မဇ္ဈိမသတင်းဌာန),Kumudra

[youtube src="fTViSKMYnQg"/]
ရှမ်းပြည်နယ်က စစ်ပြေးဒုက္ခသည်စခန်းတွေမှာ ရောက်နေတဲ့ ကလေးငယ်တွေ ကို စိတ်ဓာတ်ရေးရာ အားပေးနိုင်ဖို့အတွက် "ယုံကြည်သော အနာဂတ်" ဆိုတဲ့ ခေါင်းစဉ်နဲ့ ရန်ပုံငွေပွဲကို ရန်ကုန်မြို့ ကရဝိတ်ဥယျာဉ်မှာ ဒီဇင်ဘာလ ၄ ရက်နေ့ကျင်းပခဲ့ပါတယ်။ ဒီအခမ်းအနားကို ၈၈ မျိုးဆက်အဖွဲ့က ခေါင်းဆောင်တွေ၊ ကယ်ဆယ် ကူညီရေး ဆောင်ရွက်နေ သူတွေနဲ့ အနုပညာရှင်တွေ တက်ရောက်ခဲ့ကြပါတယ်။
RFA

ပုဂံ နေဝင်ချိန်အလှကို ရှု့စားနေတဲ့ ခရီးသွားဧည့်သည်များ။
 ရွေးကောက်ပွဲမှာ NLD ပါတီ အနိုင်ရ လာပြီးနောက်ပိုင်း မြန်မာနိုင်ငံ ကို နိုင်ငံခြား ခရီးသွားတွေ ပိုပြီးလာရောက် လည်ပတ်ကြ လိမ့်မယ်လို့ မျှော်လင့် မိကြောင်း ခရီးသွားလုပ်ငန်းရှင်တွေက ပြောပါတယ်။ တဖက်မှာ မြန်မာနိုင်ငံ ခရီးသွားလုပ်ငန်း ဖွံ့ဖြိုးတိုးတက်လာဖို့ ဆိုရင် နိုင်ငံရေး တည်ငြိမ်မှုရှိဖို့ လိုအပ်သလို ၊ နိုင်ငံခြား ခရီးသွား ဧည့်သည်တွေ မြန်မာနိုင်ငံကို အလွယ်တကူ လာရောက်လာအောင် အစိုးရသစ်က မူဝါဒ ရေးဆွဲပြဋ္ဌာန်းဖို့ လိုမယ်လို့ တိုက်တွန်းလိုက်ကြပါတယ်။ ကိုဉာဏ်ဝင်းအောင် က တင်ပြထားပါတယ်။

မြန်မာနိုင်ငံရဲ့ ခရီးသွားလုပ်ငန်းကို နိုင်ငံရဲ့စီးပွားရေးအတွက် မောင်းနှင်အားအဖြစ် ဦးသိန်းစိန်အစိုးရက မူဝါဒပြောင်းလဲ ချမှတ်ခဲ့တာကြောင့် ခရီးသွားလုပ်ငန်း တိုးတက်မှုတွေရှိခဲ့တာကိုလုပ်ငန်းရှင်တွေကကြိုဆိုခဲ့ကြပါတယ်။ မြန်မာနိုင်ငံရဲ့ ခရီးသွား လုပ်ငန်းမှာ ၀န်ဆောင်မှုပေးနေတဲ့ ၀န်ထမ်းတွေအနေနဲ့ ခရီးသွား ဧည့်သည်တွေကို စိတ်ကျေနပ်မှု ပေးနိုင်နေတယ်လို့ မြန်မာနိုင်ငံ ခရီးသွား လုပ်ငန်း ဈေးကွက်မြှင့်တင်ရေးဥက္ကဋ္ဌ ဦးဖြိုးဝေရာဇာက ပြောပါတယ်။

"အကြမ်းဖျင်းအာြး့ဖင့် ပြောရမယ်ဆိုရင် ခရီးသွားဧည့်သည်တွေက မြန်မာနိုင်ငံကို လာတဲ့အခါမှာ သူတို့ရဲ့ ကျေနပ်နှစ်သိမ့်မှုက အိမ်နီးနားချင်းနိုင်ငံတွေထက် မနိမ့်ဘူးလို့တော့ ကျနော် အကြမ်းဖျင်း ပြောလို့ရပါတယ်။ မြန်မာနိုင်ငံကို လာလို့ရှိရင် ကျေနပ်နှစ်သိမ့်မှု ရတယ်ဆိုတဲ့ဟာရယ်။ ကျနော်တို့ ဝန်ထမ်းတွေရဲ့ ဝန်ဆောင်မှုတွေဟာ ဒေသတွင်းမှာ ရှိတဲ့ အခြားနိုင်ငံမှာရှိတဲ့ ဝန်ထမ်းတွေထက် အမြဲတမ်း အပေါ်မှာ ရှိတယ်ဆိုတာမျိုး မှတ်ချက်တွေ ကျနော်တို့ရပါတယ်။ "

ဒါပေမယ့် လက်တွေ့မှာ ခရီးသွားဧည့်သည်တွေ စိတ်ကျေနပ်မှုရအောင် တာဝန်ယူမှုအပိုင်းမှာ အားနည်းနေသေးတယ်လို့ မြန်မာနိုင်ငံခရီးသွား လုပ်ငန်းရှင်များ အသင်း အထွေထွေ အတွင်းရေးမှူး ဒေါ်သတိုးသူဇာအောင် က ထောက်ပြပါတယ်။

" ကျမတို့မှာ မလုံလောက်တဲ့ အချက်အလက်တွေက အများကြီး ရှိနေတဲ့ အတွက်ကြောင့် ဧည့်သည်တွေရဲ့ စိတ်ကျေနပ်မှုက လုံလောက်အောင် မရဘူး။ တခြားအရှေ့တောင်အာရှ နိုင်ငံတွေနဲ့ ယှဉ်လိုက်ရင်။ အဲ့တခုကတော့ ကျမတို့တိုင်းပြည်မှာ တော်တော်ကြီးကို လိုအပ်နေတဲ့ အချက်တချက်ပဲ။ အရေးအကြီးဆုံးက တဦးနဲ့တဦး ပူးပေါင်းဆောင်ရွက်ရမယ် ခရီးသွားလုပ်ငန်းမှာ တာဝန်ယူမှု၊ တာဝန်သိမှု သိပ်ကို အရေးကြီးပါတယ်။ အဲ့တော့ တာဝန်ယူမှု၊ တာဝန်သိမှု တော်တော်လေးကို ကျမတို့ တိုင်းပြည်မှာ အားနည်းနေတယ်။ ဒါပေမဲ့ ကျမတို့မြင်ချင်တဲ့သဘောက ဒိုးဆက်ကလေးတွေလိုမျိုး ဒိုးဆက်လေးတခု လဲရင် ကျန်တဲ့သူတွေ ဆက်တိုက်လဲတဲ့ ပုံစံမျိုး ရှိတယ်။ အဲ့ဒီ့အခါကျတော့ တစုံတယောက်က သူ့ရဲ့ တာဝန်ကို မယူလိုက်ဘူး။ မယူလိုက်တဲ့အခါမှာ ခရီးသွားတွေက စိတ်အနှောင့်အယှက်ဖြစ်သွားခဲ့ရင်  နောက်ပိုင်း နောက်ပိုင်း Effects တွေက ကျန်တဲ့သူကိုပါ ထိခိုက်သွားတယ်။ "

၂၀၁၅ ရွေးကောက်ပွဲမှာ အများက လိုလားတဲ့ NLD ပါတီ အနိုင်ရလိုက်တဲ့ အချက် ကလဲ မြန်မာနိုင်ငံကို နိုင်ငံခြားခရီးသွားတွေ ပိုတိုးလာစေ တယ့်  မျှော်လင့်မိကြောင်း ဦးဖြိုးဝေရာဇာက ပြောပါတယ်။

"အားလုံးသိတဲ့အတိုင်းပဲ NLD အနေနဲ့ Landslide အောင်မြင်မှုအပေါ်မှာ မူတည်ပြီးတော့ နိုင်ငံတကာကနေပြီးတော့ အာရုံစိုက်မှုက မြန်မာနိုင်ငံအပေါ် ပိုပြီးတော့ များလာတဲ့အတွက် ဒါ လုံးဝ ငြင်းလို့မရတဲ့ အချက်တချက်ပါပဲ။ အဲ့တော့ အပြောင်းအလဲကို မျှော်လင့်နေကြတာ ပြည်တွင်းကရော ပြည်ပကရော အဲ့တော့ အပြောင်းအလဲဖြစ်တဲ့ ဥစ္စာကို ကိုယ်တိုင် လက်တွေ့ လာပြီးတော့ ကြည့်ကြမယ့် စိတ်မျိုး ရှိကြလိမ့်မယ်လို့လဲ ထင်တယ်။ အရေးကြီးတာက အဲ့လိုမျိုးဖြစ်နေ တဲ့ မြန်မာနိုင်ငံ ကို လာချင်စိတ်ရှိတဲ့ ဧည့်သည်တွေရဲ့ လာချင်နေတဲ့ ဆန္ဒကို ကျနော်တို့က အမိအရ ဖမ်းပြီးတော့ သူတို့အတွက် လွယ်ကူစွာ လာရောက် လည်ပတ်လို့ရတယ်ဆိုတဲ့ သတင်းမျိုးကို မြန်မြန် လွှင့်ပေးနိုင်ဖို့ လိုပါတယ်။"

မြန်မာနိုင်ငံမှာ နိုင်ငံရေး အပြောင်းအလဲတွေ ဖြစ်လာတယ် ဆိုပေမယ့် နိုင်ငံရေး တည်ငြိမ်မှု ရှိမှသာ ခရီးသွားလုပ်ငန်း ပိုအောင်မြင်လိမ့်မယ် လို့ ဒေါ်သတိုးသူဇာအောင် က သုံးသပ်ပါတယ်။

"ကျမတို့ ဦးသိန်းစိန် အစိုးရ တက်လာတဲ့အချိန်ပေါ့နော်။ ၂၀၁၂ နောက်ပိုင်း ခရီးသွား လုပ်ငန်းဟာ တကယ်ပဲ ဖွံ့ဖြိုးလာပါတယ်။ ဒါပေမဲ့ ဖွံ့ဖြိုးလာတယ်ဆိုပေမဲ့ ကျမတို့ ဆိုလိုတဲ့သဘောက နိုင်ငံရေးတည်ငြိမ်တယ်ဆိုရင် ကျမတို့ ခရီးသွားလုပ်ငန်း ဟာ အောင်မြင်မယ်။ ဒုတိယတချက်က နိုင်ငံရေးတည်ငြိမ်မှု။ သူက နိုင်ငံရေး ဘယ်လောက်ပဲ အပြောင်းအလဲ လုပ်နေနေ နိုင်ငံရေးတည်ငြိမ်မှု မရှိဘူးဆိုရင် ကျမတို့ တိုင်းပြည်မှာ ကျမတို့ တိုင်းပြည်မှ မဟုတ်ဘူး။ မည်သည့်တိုင်းပြည်မှ ခရီးသွားလုပ်ငန်း တိုးတက်လာမှာ မဟုတ်ဘူး။ နိုင်ငံရေးနဲ့ အများကြီး ဆက်စပ်နေပါတယ်။"

ဒါ့အပြင် နောင်တက်လာမယ့် NLD ပါတီ အစိုးရ အနေနဲ့ ခရီးသွားလုပ်ငန်းဆိုင်ရာ မူဝါဒကို အသေအချာ ရေးဆွဲဖို့လိုတယ်လို့ ဦးဖြိုးဝေရာဇာက အကြံပြုပါတယ်။

"လက်ရှိမြန်မာနိုင်ငံရဲ့ ခရီးသွား ခရီးစဉ်တွေက ဈေးနှုန်းအရဆိုရင်တော့ နည်းနည်းမြင့်နေတဲ့ဘက်မှာ ရှိနေတယ်။ အဓိက ကတော့ အစိုးရ တရပ် အနေနဲ့ကတော့ ဈေးနှုန်းကို သွားပြီး ထိန်းချုပ်လို့မရဘူး။ သို့သော်လည်းပဲ ခရီးသွားလုပ်ငန်းကို ပိုပြီးတော့ တိုးတက်အောင် လုပ်ဖို့ဆိုရင် ဝင်ငွေတိုးအောင် အရင်လုပ်မှာလား ဒါမှမဟုတ် ဧည့်သည်အရင် လာအောင် ဆွဲဆောင်မှာလား အဲ့ဒီ့လိုမျိုး မူဝါဒနဲ့ပတ်သက်ပြီးတော့ အရေးကြီးတဲ့ ဟာလေးတွေလည်း ထည့်ပြီးတော့ အစိုးရသစ်တရပ်အနေနဲ့ စဉ်းစားဖို့ လိုအပ်ပါမယ်။"

မြန်မာနိုင်ငံ ခရီးသွားလုပ်ငန်း ၀န်ကြီးရဲ့ တလောက ပြောဆိုချက်အရ ၂၀၁၅ ဇန္န၀ါရီလကနေ အောက်တိုဘာလအထိ နိုင်ငံခြားခရီးသွား ဧည့်သည် ၃ သန်း နီးပါး မြန်မာနိုင်ငံကို လာရောက်ခဲ့တယ်လို့ ပြောပေမယ့် ဒီအရေအတွက်ထက် နည်းနိုင်တယ်လို့ ခရီးသွားလုပ်ငန်းရှင် တွေက ခန့်မှန်းနေကြပါတယ်။


ကိုဉာဏ်ဝင်းအောင်/ ဗွီအိုအေ (မြန်မာပိုင်း)
http://burmese.voanews.com

အနိုင်ရပါတီခေါင်းဆောင်ဒေါ်အောင် ဆန်းစုကြည်သည်အငြိမ်းစားဗိုလ်ချုပ်မှူး ကြီး၏ မြေးဖြစ်သူနေရွှေသွေးအောင်နှင့် နိုဝင်ဘာလ ၁၉ ရက်တွင် တွေ့ဆုံခဲ့ပြီး နောက် ၁၅ရက်အကြာ ဒီဇင်ဘာ ၄ ရက် နေ့လယ်ပိုင်းက အငြိမ်းစားဗိုလ်ချုပ်မှူး ကြီးသန်းရွှေနှင့် သီးသန့်တွေ့ဆုံခဲ့ ကြောင်း သတင်းရရှိသည်။

ယင်းကဲ့သို့ နှစ်ဦး သီးသန့်တွေ့  ဆုံမှုအတွက်လက်ရှိ ပြည်ထောင်စု
လွှတ်တော်နာယက သူရဦးရွှေမန်းက ကြားဝင် တိုက်တွန်းခဲ့ခြင်းဖြစ်ပြီး ဦးသန်းရွှေ၏မြေး ဖြစ်သူကိုနေရွှေသွေးအောင်နှင့် ဒေါ်အောင်ဆန်းစုကြည်
တို့တွေ့ဆုံခဲ့မှု၏နောက်ဆက်တွဲ ပြောစရာစကားများကို ဆွေးနွေးကြ ခြင်းဖြစ်
နိုင်ကြောင်း ပြည်မြန်မာက စုံစမ်း သိရှိရသည်။ သို့သော်လည်းအဆိုပါတွေ့ ဆုံမှုကို NLD ပါတီမှ ထိပ်ပိုင်းခေါင်း ဆောင်တစ်ဦးဖြစ်သူ ဦးဝင်းမြင့်နှင့် ဒေါ်အောင်ဆန်းစုကြည်၏ အနီးတွင် အမြဲလိုလို ရှိနေတတ်သော လွှတ်တော်အမတ် ဦးဖြိုးဇေယျာသော်တို့က အခြားသော အစည်းအဝေးများ တက်နေရသည့်အတွက် မသိရှိကြောင်း ပြည်မြန်မာသို့ ယခုလ ၄ ရက် ည ၉ နာရီခန့်ကပြောသည်။ ““ကျွန်တော် ဘီဘီစီကို နားထောင်ပြီးပါပြီ၊ ကျွန်တော် မသိပါဘူး”” ဟု အဆိုပါ သတင်းနှင့် ပတ်သက်၍ ဘီဘီစီက ၄- ၁၂-၂၀၁၅ ရက် ညပိုင်း ရေဒီယိုအစီ အစဉ်တွင် ထုတ်လွှင့်သွားခဲ့ခြင်းအပေါ် ဦးဝင်းမြင့်က ပြည်မြန်မာသို့  ပြောသည်။

စစ်ဘက်ဆိုင်ရာမှ ပြည်မြန်မာ၏ သတင်းရင်းမြစ်က အဆိုပါတစ်နာရီကျော် ကြာသည့် သမိုင်းဝင်တွေ့ဆုံမှုကို အတည် ပြုခဲ့ပြီး တပ်မတော်ကာကွယ်ရေးဦးစီးချုပ် ရုံး၌ တွေ့ဆုံခြင်းဖြစ်ကြောင်း ဆိုသည်။ ၎င်းတို့ တွေ့ဆုံမှုအတွက် သူရဦးရွှေမန်းက ကြားဝင်စီစဉ်ပေးသူအဖြစ် ပါဝင်တွေ့ဆုံ ခဲ့ကြခြင်းဖြစ်ကြောင်း သိရသည်။

ဦးသန်းရွှေနှင့်တွေ့ဆုံရန် သူရဦးရွှေမန်းက ဒေါ်အောင်ဆန်းစုကြည်အား မကြာ ခဏတိုက်တွန်းခဲ့ဖူးပြီး ဒီဇင်ဘာ ၄ ရက်က တွေ့ ဆုံမှုအတွက် အကြိုအဖြစ် သူရဦး ရွှေမန်းနှင့် ဒေါ်အောင်ဆန်းစုကြည်တို့  လွှတ်တော်တွင်း၌ ၃-၁၂-၂၀၁၅ ရက်က သီးသန့်ထပ်မံတွေ့ ဆုံခဲ့ကြကြောင်းလည်း သိရသည်။

ဦးသန်းရွှေနှင့် ဒေါ်အောင်ဆန်းစုကြည်တို့၏ တွေ့ ဆုံမှုတွင် မည်သည့်အကြောင်းအရာများကို ဦးတည်ဆွေးနွေးကြ သည်ကို မည်သည့်ဘက်ကမှ ထုတ်ဖော် ပြောကြားခြင်းမရှိသော်လည်း ယခင်အ တိတ်ကဖြစ်ရပ်များကို မေ့ဖျောက်ပစ်ကာ အနာဂတ်မြန်မာနိုင်ငံကို ဒေါ်အောင်ဆန်း စုကြည်က စနစ်တကျ ညင်ညင်သာသာ တည်တည်ငြိမ်ငြိမ်ဖြင့် ဦးဆောင်သွားရန် ဦးသန်းရွှေဘက်က တိုက်တွန်းခဲ့ဖွယ်ရှိ ကြောင်း စုံစမ်းသိရှိရသည်။

အငြိမ်းစားဗိုလ်ချုပ်မှူးကြီးဦးသန်းရွှေနှင့် ဒေါ်အောင်ဆန်းစုကြည်တို့သည် တပ်မတော်အစိုးရလက်ထက် ၁၉၉၄ ခုနှစ်နှင့် ၂၀၀၀ ပြည့်နှစ်တို့က နှစ် ကြိမ် ထက် မနည်းတွေ့ဆုံခဲ့ဖူးကြပြီး၂၀၀၃ ခုနှစ်ကလည်း ထပ်မံတွေ့ဆုံခဲ့ကြကြောင်း သတင်းအချို့တွင် တွေ့ရသည်။
iris

( ၅-၁၂-၂၀၁၅ ) ရက်ထုတ် ပြည်မြန်မာသတင်းစာ


ဒေါ်စုနှင့်ဗိုလ်ချုပ်မှူးကြီးဟောင်း ဦးသန်းရွှေ ယခင်တွေ့ဆုံခဲ့စဉ်က ဒေါ်စုနှင့်ဗိုလ်ချုပ်မှူးကြီးဟောင်း ဦးသန်းရွှေ ယခင်တွေ့ဆုံခဲ့စဉ်က

အငြိမ်းစား ဗိုလ်ချုပ်မှူးကြီးဟောင်း ဦးသန်းရွှေနဲ့ အမျိုးသားဒီမိုကရေစီအဖွဲ့ချုပ် ဥက္ကဋ္ဌ ဒေါ်အောင်ဆန်းစုကြည်တို့ ဒီဇင်ဘာ ၄ ရက်နေ့ မွန်းလွဲပိုင်းက နေပြည်တော် စစ်ဦးစီးဌာနချုပ် ရုံးမှာ တွေ့ဆုံခဲ့ကြောင်း သတင်းတွေ ထွက်နေပါတယ်။

ဒီဇင်ဘာ ၂ ရက်နေ့က ဒေါ်အောင်ဆန်းစုကြည်က သမ္မတ ဦးသိန်းစိန်၊ တပ်မတော် ကာကွယ်ရေး ဦးစီးချုပ် ဗိုလ်ချုပ်မှူးကြီး မင်းအောင်လှုိုင်တို့နဲ့ တွေ့ဆုံမှုအပြီးမှာ ဒီသတင်းထွက်ပေါ်လာတာပါ။

ဦးသန်းရွှေဟာ လက်ရှိ အစိုးရနဲ့ တပ်မတော်အပေါ် သြဇာ လွှမ်းမိုးထားဆဲပဲလို့ ယူဆကြတဲ့အတွက် ဒါဟာ ရွေးကောက်ပွဲအလွန် နောက်ထပ် အရေးကြီးတဲ့ နိုင်ငံရေး တွေ့ဆုံမှု ဖြစ်ဖွယ်ရှိပါတယ်။

ဒီလို တွေ့ဆုံဖြစ်အောင် စစ်အစိုးရခေတ်က နံပါတ် ၃ ခေါင်းဆောင်ဖြစ်ခဲ့တဲ့ လက်ရှိ ပြည်ထေင်စု လွှတ်တော် နာယက ဦးရွှေမန်းက ကြားဝင် စီစဉ်ပေးခဲ့တယ်ဆိုပြီး သတင်းတွေမှာ ခန့်မှန်းဖော်ပြပါတယ်။

ဒီသတင်းနဲ့ ပတ်သက်လို့ သီးခြား အတည်မပြုနိုင်ပေမယ့် ပြည်ထောင်စုလွှတ်တော် နာယက သူရ ဦးရွှေမန်းရဲ့ ဖေ့စ်ဘွတ်ခ် စာမျက်နှာမှာတော့ ဒီဇင်ဘာ ၂၊ ၃၊ ၄ တွေ့ဆုံပွဲတွေကို ရည်ညွှန်းပြီး အသိပေး မေတ္တာရပ်ခံစာ တစောင်ကို ထုတ်ပြန်ထားပါတယ်။

အဲဒီ စာထဲမှာ လက်ရှိအချိန်မှာ လူတစုအကျိုး၊ တပါတီ အကျိုးထက် ပြည်ထောင်စု အကျိုးစီးပွားကို ကြည့်ပြီး ဆောင်ရွက်နေသူတွေ ရှိနေပြီ၊ ဒီလိုလူတွေကို ပြည်သူတွေက အားပေး ချီးမြှောက်ပေးပါဆိုပြီး တိုက်တွန်းထားပါတယ်။

နိုဝင်ဘာလ နှောင်းပိုင်းက ဒေါ်အောင်ဆန်းစုကြည်နဲ့ လျှို့ဝှက်တွေ့ဆုံခဲ့တဲ့ ဦးသန်းရွှေရဲ့ မြေးဖြစ်သူ ကိုနေရွှေသွေးအောင်ကလည်း သူ့အနေနဲ့ တတ်နိုင်တဲ့ဘက်က အကောင်းဆုံးဖြစ်အောင် တိုင်းပြည်အကျိုး သယ်ပိုးထမ်းရွက်ပါမယ့်အကြောင်း ဒီဇင်ဘာလ ၁ ရက်နေ့က သူ့ရဲ့  ဖေ့ဘွတ်ခ်စာမျက်နှာမှာ ရေးသားခဲ့ပါတယ်။

By ဒီဗွီဘီ
http://burmese.dvb.no/archives/125602

 children-painting-620.jpg စစ်ပြေးဒုက္ခသည်စခန်းက ကလေးငယ်တွေကို လက်ဆောင်ပေးဖို့အတွက် ရန်ကုန်မြို့ ကန်တော်ကြီး မျှော်စင်ကျွန်းမှာ ဒီဇင်ဘာလ ၄ ရက်နေ့က ကလေးတွေစုပေါင်းပြီး ပန်းချီရေးဆွဲခဲ့ကြစဉ်
Photo: Htet Arkar/RFA

ရှမ်းပြည်နယ်မှာ တိုက်ပွဲတွေကြောင့် ထွက်ပြေးတိမ်းရှောင်နေရတဲ့ စစ်ဘေးဒုက္ခသည် စခန်းတွေက ကလေးငယ်တွေကို လက်ဆောင်ပေးဖို့အတွက် ရန်ကုန်မြို့ ကန်တော်ကြီး မျှော်စင်ကျွန်းမှာ ရန်ကုန်မြို့က ကလေးတွေစုပေါင်းပြီး ပန်းချီရေးဆွဲခဲ့ကြပါတယ်။

အဲဒီပန်းချီရေးဆွဲတဲ့ပွဲကို ယုံကြည်သော အနာဂတ်လို့ အမည်ပေးထားပြီး ၈၈မျိုးဆက် ငြိမ်းချမ်းရေးနဲ့ ပွင့်လင်းလူ့အဖွဲ့အစည်းနဲ့ ပန်းရဲ့လမ်း ၊ ကာတွန်းဆရာတွေနဲ့ ကျောင်းသားတွေက စုပေါင်းကျင်းပခဲ့တာဖြစ်ပါတယ်။ ၈၈ မျိုးဆက် ငြိမ်းချမ်းရေးနဲ့ ပွင့်လင်းလူ့အဖွဲ့အစည်းက ကိုမင်းကိုနိုင်က ဒီကနေ့ပွဲရဲ့ ရည်ရွယ်ချက်ကို အခုလို ပြောပါတယ်။

“လူကြီးတွေ ငြိမ်းချမ်းရေး ကြိုးပမ်းတာလည်း ကြာပြီဗျာ၊ တခါတရံကျရင် လူကြီးတွေ မမှီချင်ယောင်ဆောင်နေတဲ့ အရာကို ကလေးတွေလက်နဲ့ ရအောင်မီအောင်ယူနိုင်တယ်လို့ ကျနော်ယုံကြည်နေတယ်ပေါ့၊ ကျနော်ယုံတာက ကလေးတွေရဲ့ စွမ်းအားကိုယုံတယ်၊ ကလေးတွေရဲ့ အနာဂတ်ကို ကျနော်ယုံတယ်၊ အဲဒါက စစ်ကိုရပ်ဆိုင်းဖို့ ကလေးတွေဝိုင်းပြီးတော့ တောင်းဆိုတာလည်းပါတယ်၊ နောက်တစ်ခုက ဒီမှာအရုပ်တွေ ပို့တာတွေ့လိမ့်မယ်၊ ဒါပေမဲ့ တကယ်တော့ အဲဒါအရုပ်တွေတင်မကဘူးဗျ၊ ကလေးတွေရဲ့ မေတ္တာတရားနဲ့ စာနာမှုကိုလည်း ကျနော်တို့ပို့ကြမှာ၊ အဲဒီ့ကလေးတွေက အပြန်အလှန်လိပ်စာတွေ ဖလှယ်ကြလိမ့်မယ်”

ရန်ကုန်မြို့က ကျောင်းသားကျောင်းသူ​​ ကလေးတွေရဲ့ ပုံတူတွေကို ကာတွန်းဆရာ​တွေက ပန်းချီတွေ​ရေးဆွဲ​ပေးခဲ့ပြီး ကလေးတွေရဲ့ နာမည်​​တွေ​ရေးထိုးကာ ရှမ်းပြည်​က စစ်ဘေးဒုက္ခသည်စခန်းတွေက ကလေးငယ်​​တွေထံ ပေးပို့ မှာ ဖြစ်ပါတယ်။

တိုက်ပွဲ​တွေ​ကြောင့်​ ထွက်​ပြေးနေတဲ့ ပုံ​တွေ စစ်​​ဘေးဒုက္ခသည် ​စခန်းမှာကလေးတွေ ​နေထိုင်​ရတဲ့ပုံတွေကို ပြသ တာ​တွေရှိသလို စက္ကူအရုပ်​​ခေါက်​တာ​တွေ စတာတွေကို ဒုက္ခသည်စခန်းတွေဆီ ပို့​ပေးမယ်​လို့ သိရပါတယ်။

RFA

မြန်မာနိုင်ငံလူ့အခွင့်အရေးကော်မရှင် သတင်းစာရှင်းလင်းပွဲ။
မြန်မာနိုင်ငံလူ့အခွင့်အရေးကော်မရှင် သတင်းစာရှင်းလင်းပွဲ။

မြန်မာနိုင်ငံမှာ ဖြစ်ပေါ်နေတဲ့ စစ်တပ်ရဲ့ လူ့အခွင့်အရေးချိုးဖောက်မှုတွေဟာ ရည်ရွယ်ချက် ရှိရှိနဲ့ လုပ်ဆောင်တာ မဟုတ်ဘူးလို့ မြန်မာနိုင်ငံ အမျိုးသား လူ့အခွင့်အရေး ကော်မရှင်ရဲ့ ပြောဆိုချက်ဟာ ဘက်လိုက်လွန်းပြီး - အစီရင်ခံစာ ရေးသားနိုင်ယုံ ဖွဲ့စည်းထားတဲ့ အဖွဲ့တခုဖြစ်တယ်လို့ AHRC လို့ခေါ်တဲ့ အာရှလူ့အခွင့်အရေးကော်မရှင်က ဝေဖန်လိုက်ပါတယ်။ ဒါ့အပြင် လူ့အခွင့်အရေးချိုးဖောက်ခံနေရတဲ့ နိုင်ငံသားတွေအတွက်ကိုလည်း မြန်မာနိုင်ငံ အမျိုးသား လူ့အခွင့်အရေး ကော်မရှင်အနေနဲ့ ရပ်တည်ဆောင်ရွက်ပေးနိုင်ခြင်း မရှိဘူးလို့လည်း ပြောဆိုခဲ့တာပါ။ အပြည့်အစုံကိုတော့ AHRC ကို ဆက်သွယ်မေးမြန်းထားတဲ့ မနန္ဒာချမ်း က ပြောပြပါမယ်။

ဒီဇင်ဘာလ ၄ ရက် သောကြာနေ့က ပြုလုပ်တဲ့ မြန်မာနိုင်ငံ အမျိုးသား လူ့အခွင့်အရေးကော်မရှင် ရဲ့ သတင်းစာရှင်းလင်းပွဲအတွင်း ကော်မရှင်အဖွဲ့ဝင် တဦးဖြစ်တဲ့ ဦးယုလွင်အောင် က - စစ်တပ်ရဲ့ လူ့အခွင့်အရေး ချိုးဖောက်မှုတွေနဲ့ ပတ်သက်ပြီး အခုလို ကာကွယ်ပြောကြားခဲ့တာပါ။

“လူ့အခွင့်အရေးချိုးဖောက်မှုတွေကို တပ်မတော်က ရည်ရွယ်ချက်ရှိရှိ လုပ်နေတယ်လို့ ကျနော်တို့ ပြောလို့မရပါဘူး။ အရင်တုန်းက မသိခဲ့လို့လည်း ဖြစ်ပါတယ်။”

ဒီပြောကြားချက်နဲ့ပတ်သက်ပြီး - မြန်မာနိုင်ငံ အမျိုးသား လူ့အခွင့်အရေး ကော်မရှင်ဟာ အစိုးရက ဖွဲ့စည်း ထားတဲ့ ရုပ်သေးအဖွဲ့တခု ဖြစ်သလို၊ သူတို့ရဲ့ ပြောဆိုဆောင်ရွက်ချက်တွေဟာလည်း ဘက်လိုက်မှု ရှိတာကို တွေ့ရတယ်လို့ - AHRC အာရှလူ့အခွင့်အရေးကော်မရှင်ရဲ့ မြန်မာနိုင်ငံဆိုင်ရာ ရှေ့နေ ဦးမင်းလွင်ဦး က ဝေဖန်ခဲ့ပါတယ်။

“မြန်မာနိုင်ငံ အမျိုးသား လူ့အခွင့်အရေးကော်မရှင်ရဲ့ ရပ်တည်မှု ကတော့ နိုင်ငံတော် သမ္မတကနေ ဖွဲ့စည်းပေးထားတာဖြစ်တယ်။ လွတ်လပ်တဲ့ အဖွဲ့အစည်း မဟုတ်ဘူးဆိုတာကို ကျနော်တို့ သိရတယ်။ အဲတော့ တပ်မတော်ရယ်လို့ မဟုတ်ဘူး။ အစိုးရဘက်က ကျူးလွန်တဲ့ လူ့အခွင့်အရေး ချိုးဖောက်မှုဆိုတာက အာဏာပိုင်တွေက ကျူးလွန်ကြတာ များတာကိုး။ အဲတော့ အဲဒီလိုမျိုး ကျူးလွန်တဲ့ ကိစ္စရပ်တွေမှာ ကျနော်တို့ နိုင်ငံတကာ တွေကို အစီရင်ခံနိုင်ဖို့အတွက် မြန်မာနိုင်ငံ လူ့အခွင့်အရေးကော်မရှင်ကနေပြီးတော့ အစီရင်ခံစာ ကောင်းကောင်းရေးနိုင်အောင်ပဲ ဟန်ပြလုပ်ဆောင် နေတဲ့ လုပ်ရပ်မျိုး ဖြစ်တယ်လို့ပဲ ကျနော်တို့ မြင်တယ်။ ဘက်လိုက်မှုကင်းတဲ့ ဆောင်ရွက်မှုမျိုး ရှိတယ်ဆိုတာကို ကျနော်တို့ လုံးဝ မတွေ့ရသေးဘူး ဖြစ်တယ်။”

မြန်မာနိုင်ငံ အမျိုးသား လူ့အခွင့်အရေးကော်မရှင်မှာ ချမှတ်ထားတဲ့ မူ ၃ ရပ်ရှိပြီး၊ ဒီအထဲမှာ တရားရုံးကနေ စစ်ဆေးစီရင်တဲ့ အမှုတွေမှာ ၀င်ရောက် စွက်ဖက်ခြင်းမပြုဖို့၊ တရားရုံးမှာ အမှုစွဲတင်နေတဲ့ ကိစ္စရပ်မျိုးတွေနဲ့ ပတ်သက်လို့ သူတို့ ၀င်ရောက် စွက်ဖက်ခြင်းမပြုဖို့နဲ့ တရားရုံးကနေ စစ်ဆေးဆုံး ဖြတ်လိုက်တဲ့ ဆုံးဖြတ်ချက်တွေ မှန်ကန်မှု၊ မှားယွင်းမှု ရှိတယ် - မရှိဘူး ဆိုတဲ့အပေါ်မှာ သူတို့ ၀င်ရောက် စွက်ဖက်မှု မရှိဘူး - ဆိုတဲ့ မူ ၃ ရပ် ဖြစ်ပါ တယ်။

ဒါကြောင့်လည်း အရင်က ဖြစ်ခဲ့တဲ့ သတင်းထောက် ကိုပါကြီး အသတ်ခံရမှုကိစ္စ၊ လက်ပံတောင်းတောင် ကြေးနီစီမံကိန်းလှုပ်ရှားမှုအတွင်း ဒေါ်ခင်ဝင်း သေဆုံးမှုကိစ္စ၊ ကချင်ပြည်နယ်မှာ ဆရာမနှစ်ဦး အဓမ္မပြုကျင့် သတ်ဖြတ်ခံရမှု ကိစ္စတွေမှာ မြန်မာနိုင်ငံ အမျိုးသား လူ့အခွင့်အရေး ကော်မရှင်က သွားရောက် စစ်ဆေးတာရှိခဲ့ပေမဲ့ - နိုင်ငံသားတွေရဲ့ လူ့အခွင့်အရေးနဲ့ ပတ်သက်လို့ ကာကွယ်ပေးနိုင်ခဲ့ခြင်း မရှိဘူးလို့လည်း အခုလို ထောက်ပြခဲ့ပါတယ်။

“အမှန်ကတော့ ကျနော်တို့ နိုင်ငံတကာမှာရှိတဲ့ အမျိုးသား လူ့အခွင့်အရေး ကော်မရှင်တွေအနေနဲ့ ဘက်လိုက်မှုကင်းပြီးတော့ လူ့အခွင့်အရေး ချိုးဖောက်မှုတွေ ကြုံလာတယ်ဆိုရင် နစ်နာတဲ့သူဘက်ကနေပြီး လိုက်လံ အကာအကွယ်ပေးပြီး ဆောင်ရွက်ရမှာ ဖြစ်တယ်။ ထိုက်သင့်တဲ့ တရားမျှတမှုကို ရှာဖွေပေးရမှာ ဖြစ်တယ်။ ဒါပေမဲ့ ကျနော်တို့ မြန်မာနိုင်ငံမှာ အခု ဖွဲ့စည်းထားတဲ့ လူ့အခွင့်အရေး ကော်မရှင်က လုပ်ဆောင်မယ့် မူ ၃ ရပ် ချထားတာ တွေ့တယ်။ အဲတော့ မြန်မာနိုင်ငံ လူ့အခွင့်အရေး ကော်မရှင်အနေနဲ့ နစ်နာတဲ့ နိုင်ငံသားတွေ အတွက် လုပ်ဆောင်ပေးနိုင်တဲ့ အခွင့်အရေး တစုံတရာ ဘာမှကို မရှိတဲ့ အခြေအနေမျိုး ဖြစ်နေတယ်ဆိုတာကို ကျနော်တို့ တွေ့ရတယ်။ ဒါကတော့ လုံးဝကို မကောင်းတဲ့ ကျနော်တို့ မြန်မာနိုင်ငံရဲ့ အလားအလာဖြစ်တယ် လို့ပဲ ပြောချင်ပါတယ်။”

တကယ်တမ်းမှာ မြန်မာနိုင်ငံ အမျိုးသား လူ့အခွင့်အရေး ကော်မရှင်အနေနဲ့ အာဏာပိုင်တွေကို ကာကွယ်မယ့်အစား နိုင်ငံသားတွေရဲ့ အခွင့်အရေးကို ကာကွယ်စောင့်ရှောက်ပြီး၊ နစ်နာသူတွေဘက်က ရပ်တည် ဖြေရှင်းပေးသင့် တယ်လို့လည်း သူက ထောက်ပြခဲ့ပါတယ်။

“MNHRC အနေနဲ့ကတော့ ကျနော်တို့ ဖွဲ့စည်းပုံ အခြေခံ ဥပဒေမှာ ပါတဲ့ နိုင်ငံသားတွေရဲ့ အခွင့်အရေး နစ်နာ ဆုံးရှုံးမယ်၊ နိုင်ငံသားတွေ အတွက် ပေးထားတဲ့ ဥပဒေဆိုင်ရာ အခွင့်အရေး နစ်နာဆုံးရှုံးမယ် ဆိုလို့ရှိရင် နိုင်ငံသားတွေကိုယ်စား သက်ဆိုင်ရာ အာဏာပိုင် အဖွဲ့အစည်းတွေကို ကြပ်မတ် လမ်းညွှန်ဖို့အတွက် ဆောင်ရွက်သင့်တယ်။ တရားစွဲတင်တယ်ဆိုရင်လည်း တရားစွဲရမယ်။ နောက်ပြီးတော့တခါ တရားရုံးတွေကနေ မှားယွင်းပြီးတော့ ဆုံးဖြတ်တဲ့ စီရင်ချက်မျိုး ရှိတယ်ဆိုရင်လည်း နိုင်ငံသားတွေရဲ့ နစ်နာမှုအတွက် တရားမျှတမှုရအောင် နစ်နာကြေးရဖို့အတွက် ဆောင်ရွက်ပေးသင့် တယ်လို့ ကျနော်တို့ကတော့ မြင်ပါတယ်။”

၂၀၁၄ စက်တင်ဘာမှာ မြန်မာနိုင်ငံ အမျိုးသား လူ့အခွင့်အရေး ကော်မရှင်ကို အသစ်ပြန်လည် ဖွဲ့စည်းလိုက်ပြီးနောက်ပိုင်းမှာ ပြည်တွင်းပြည်ပကနေ လူ့အခွင့်အရေး ချိုးဖောက်မှုတွေနဲ့ ပတ်သက်ပြီး တိုင်ကြားမှု စုစုပေါင်း ၃၆၀၀ ကျော် ရှိခဲ့ပေမဲ့ အပြည့်အ၀ ကိုင်တွယ် ဆောင်ရွက်နိုင်ခြင်း မရှိသေးပါဘူး။

နန္ဒာချမ်း/VOA
http://burmese.voanews.com/content/human-rights-commission-in-myanmar/3088445.html

 မြန်မာနိုင်ငံ အမျိုးသား လူ့အခွင့်အရေး ကော်မရှင် သတင်းစာရှင်းလင်းပွဲ။ ဒီဇင်ဘာ ၄၊ ၂၀၁၅။
မြန်မာနိုင်ငံ အမျိုးသား လူ့အခွင့်အရေး ကော်မရှင် သတင်းစာရှင်းလင်းပွဲ။ ဒီဇင်ဘာ ၄၊ ၂၀၁၅။

ပဋိပက္ခဖြစ်ပွားနေတဲ့ ဒေသတွေမှာ မြန်မာ စစ်တပ်က ကျူးလွန်တဲ့ လူ့အခွင့်အရေး ချိုးဖောက်မှုတွေဟာ ရည် ရွယ်ချက်ရှိရှိ လုပ်ဆောင်တာမျိုး မဟုတ်ဘူးလို့ မြန်မာနိုင်ငံ အမျိုးသား လူ့အခွင့်အရေး ကော်မရှင်က ပြောဆိုလိုက်ပါတယ်။ အရင်က တပ်မတော် အနေနဲ့ လူ့အခွင့်အရေးဆိုတာကို နားမလည်ပေမယ့် အခုနောက်ပိုင်း လူ့အခွင့်အရေးနဲ့ ပတ်သက်လို့ စိတ်ပါဝင်စားမှု မြင့်လာတယ်လို့လည်း မြန်မာနိုင်ငံ အမျိုးသား လူ့အခွင့်အရေး ကော်မရှင်ရဲ့ တာဝန်ရှိသူက ဆိုပါတယ်။ သတင်း အပြည့်အစုံကိုတော့ ဗွီအိုအေ သတင်းထောက် မမြင့်မြင့်ခိုင် က တင်ပြပေးပါမယ်။

မြန်မာနိုင်ငံ အမျိုးသား လူ့အခွင့်အရေးကော်မရှင်အနေနဲ့ တပ်မတော်ရဲ့ အဆင့်မြင့် အရာရှိတွေကို မွေးထုတ် ပေးတဲ့ နိုင်ငံတော် ကာကွယ်ရေး တက္ကသိုလ်မှာ လူ့အခွင့်အရေး နဲ့ ပတ်သက်လို့ သွားရောက် သင်ကြားပို့ချဖို့ ရှိ သလို စစ်ဦးစီး အရာရှိတွေကိုလည်း လူ့အခွင့်အရေးသင်တန်းတွေပေးဖို့ တပ်မတော်နဲ့ ပူးပေါင်း စီစဉ်နေတယ်လို့ လူ့အခွင့်အရေးမြှင့်တင်ကာကွယ်ရေးလုပ်ငန်းများနဲ့ ပတ်သက်တဲ့ သတင်းစာရှင်းလင်းပွဲမှာ မြန်မာနိုင်ငံ အမျိုး သား လူ့အခွင့်အရေးကော်မရှင် အဖွဲ့ဝင် ဦးယုလွင်အောင်က ပြောပါတယ်။

"အဆင့်မြင့် အရာရှိပေါ့။ နိုင်ငံတော် နောင် အနာဂတ်မှာ တပ်မတော် ခေါင်းဆောင်ဖြစ်နိုင် တဲ့ နိုင်ငံတော်ကာကွယ်ရေး တက္ကသိုလ်မှာ သင်တန်းမျိုးကို လာပြီး ပို့ချပေးပါလို့ ဖိတ်ခေါ်ခြင်းဟာ တပ်မတော်က လူ့အခွင့်အရေး ကို အတော်ကို စိတ်ဝင်စားနေတဲ့ သဘောရှိပါတယ်။ တပ်ရင်းမှူးအဆင့်ကနေမှ အထက် အဆင့်ဖြစ်တဲ့ ဗျူဟာမှူး၊ အရာရှိကြီးတွေအတွက်ကိုလည်း စစ်ဦးစီး တက္ကသိုလ်တွေမှာ ပို့ချဖို့ အခု တပ်မတော်က စီစဉ်နေပါတယ်။ ကျနော်တို့နဲ့ ပူးပေါင်းပြီး စီစဉ်နေပါတယ်။

ဆိုတဲ့အခါမှာ တပ်မတော်ရဲ့ ပူးပေါင်းဆောင်ရွက်မှုနဲ့ လူ့အခွင့်အရေးအပေါ် စိတ်ပါဝင်စားမှု ဟာ အင်မတန်ကိုပဲ တိုးတက်လာတယ်ဆိုတာကို တွေ့ရပါတယ်။ အဲ့တော့ လူ့အခွင့်အရေးချိုးဖောက်မှုတွေကို တပ်မတော်က ရည်ရွယ်ချက်ရှိရှိ လုပ်နေ တယ် လို့ ကျနော်တို့ ပြောလို့မရပါဘူးနော်။ အရင်တုန်းက မသိခဲ့လို့လဲ ဖြစ်တယ်။ "

မြန်မာနိုင်ငံ အမျိုးသား လူ့အခွင့်အရေးကော်မရှင်က အစိုးရဌာနတွေကို လူ့အခွင့်အရေးနဲ့ ပတ်သက်ပြီး ဟောပြောမှုတွေလုပ်တဲ့အခါ ကာကွယ်ရေး ဝန်ကြီးဌာနက စိတ်ဝင်စားမှု အများဆုံးဖြစ်တယ်လို့ သူက ဆက်ပြောပါ တယ်။

"တော်တော်အံ့သြသင့်ဖို့ရာက ကာကွယ်ရေးဝန်ကြီးဌာနဟာ ၂၀၀ တက်ပါ လို့ ပြောသော်လည်းပဲ ၅၃၀ကျော် တက်တာ ကျနော်တို့ တွေ့ရပါတယ်။ အလွှာပေါင်းစုံ တက်ပါတယ်။ ဗိုလ်ချုပ်တွေလည်း တက်ပါတယ်။ ဗိုလ်မှူးကြီးတွေ လည်း တက်ပါတယ်။ အရာရှိကြီးပဲ နှစ်ရာကျော် တက်ပါတယ်။ အဲ့တော့ ကာကွယ်ရေးဝန်ကြီးဌာနဟာ လူ့အခွင့်အရေးနဲ့ပတ်သက်လို့ အရမ်း စိတ်ဝင်စားနေတယ်။ လေးစားဖို့ သူတို့ကြိုးစားနေတယ်။ ပြင်ဆင်နေတယ် ဆိုတာကို ကျနော်တို့ အလေးတယူပြုနေတယ်ဆိုတာကို တွေ့ရပါကြောင်း ဒီနေရာမှာ ကျနော် တင်ပြလိုပါတယ်။"

ပဋိပက္ခတွေရှိနေသေးရင် လူ့အခွင့်အရေးချိုးဖောက်မှုတွေက ရှိနေအုံးမှာဖြစ်သလို အရင်က ကျူးလွန်ခဲ့တဲ့ အမှားတွေကြောင့် မြန်မာစစ်တပ်အပေါ် လူ့အခွင့်အရေး ချိုးဖောက်တယ် ဆိုတဲ့ စွပ်စွဲမှုတွေက ချက်ချင်း ပျောက် သွားမှာ မဟုတ်ဘူး လို့ မြန်မာနိုင်ငံ အမျိုးသားလူ့အခွင့်အရေးကော်မရှင် ဥက္ကဋ္ဌ ဦးဝင်းမြ က ပြောပါတယ်။

"ကျနော်တို့ တပ်ပိုင်းနဲ့ပတ်သက်လို့လည်း အရင်တုန်းက ဒီလိုချိုးဖောက်မှုတွေ ရှိခဲ့တယ်။ ဒါတွေကို အခုအချိန်မှာ ဆက်လက်ပြီးတော့ စွပ်စွဲဝေဖန် တာလေးတွေ လည်း ရှိနိုင်ပါတယ်။ ဒါကြောင့် ကျနော်တို့ရဲ့ လုပ်ဆောင်ချက် တခုမှာ ငြိမ်းချမ်းရေး အပစ်အခတ်ရပ်စဲရေးကို ဆိုင်းထိုးပြီ ဆို ကျနော်တို့က သတင်းထုတ်ပြန်ချက် ထုတ်ပြီးတဲ့အခါမှာ အားပေးထောက်ခံတယ်။ ဘာကြောင့်လဲ ဆိုတဲ့အခါမှာ အပစ်အခတ်ရပ်စဲရေးဖြစ်မယ်။ ငြိမ်းချမ်းရေး ရလာမယ်ဆိုလို့ရှိရင် လုံခြုံမှု အခြေအနေတွေ ကောင်းလာရင် လူ့အခွင့်အရေးအခြေအနေတွေလည်း တိုးတက်ကောင်းမွန်လာမယ့်ဟာကို ကျနော်တို့ရည်မှန်းပြီးတော့ သဘောတူညီမှုလေးတွေကို ကြိုဆိုကြောင်း ကျနော်တို့ပြောတာဖြစ်ပါတယ်။"

၂၀၁၄ မတ်လမှာ ပြဌာန်းခဲ့တဲ့ မြန်မာနိုင်ငံ အမျိုးသား လူ့အခွင့်အရေးကော်မရှင် ဥပဒေအရ လူ့အခွင့်အရေး ချိုးဖောက်မှု တိုင်ကြားစာတွေနဲ့ ပတ်သက်လို့ လူ့အခွင့်အရေးကော်မရှင်ရဲ့ အကြံပြုချက်တွေကို သက်ဆိုင်ရာ ဝန်ကြီးဌာနတွေက ရက်ပေါင်း ၃၀ အတွင်း အကြောင်းပြန်ရမှာဖြစ်ပေမယ့်လည်း မလုပ်နိုင်ကြသေးဘူး လို့ ဦးဝင်းမြက ပြောပါတယ်။

"ရက်ပေါင်း ၃၀အတွင်း ပြန်နိုင်တဲ့ ဝန်ကြီးဌာနတွေဟာ ဒီအချိန်မှာ နည်း ပါသေးတယ်။ ဒါကြောင့် ကျနော်တို့က စိတ်ပျက်နေလို့လည်း မရဘူး။ အပြစ်တင်နေလို့လဲ မရဘူး။ ကျနော်တို့ လိုချင်တာ ရလဒ်ကို လိုချင်တာဖြစ်ပါတယ်။ ဒါကြောင့် ရက်ပေါင်း ၃၀အတွင်း မရလို့ရှိရင် ၃၀အတွင်း ရအောင် သတိပေးစာလေးပို့ပေးတယ်။ အစတုန်းက လုံးဝ မပြန်ဘူးနော်။ အဲ့လိုမပြန်တဲ့သူက ရက်ပေါင်း ၃၀မှာ ချက်ခြင်းပြန်ဖို့တော့ မလွယ်ဘူး။"

မြန်မာနိုင်ငံ အမျိုးသား လူ့အခွင့်အရေးကော်မရှင်ကို ၂၀၁၄ စက်တင်ဘာမှာ အသစ် ပြန်လည်ဖွဲ့စည်းလိုက်ပြီး နောက်ပိုင်း ပြည်တွင်းပြည်ပက လူ့အခွင့်အရေးချိုးဖောက်မှု တိုင်ကြားစာပေါင်း ၃၆၀၀ကျော်ရရှိထားပြီး အပြည့် အဝ ကိုင်တွယ်နိုင်ခြင်းမရှိသေးပါဘူး။

မြင့်မြင့်ခိုင်/VOA
http://burmese.voanews.com/content/humanrights-in-myanmar/3087822.html

thibaw-620.jpg စုဖုရားလတ်၊ စုဖုရားကြီးနဲ့ သီပေါမင်း တို့ကို တွေ့ရစဉ်
Photo: wikipedia
သီပေါမင်း ပါတော်မူနေ့ နှစ် ၁၃၀ ပြည့် အခမ်းအနားကို သီပေါမင်း တည်ထားကိုးကွယ်ခဲ့တဲ့ မန္တလေးမြို့ ချမ်းအေးသာစံမြို့နယ်က ဝါခင်းကုန်းမာန်အောင်ရတနာစေတီမှာ သီပေါမင်းနဲ့ စုဖုရားလတ်တို့ရဲ့ ဆွေမျိုးတွေက ဒီကနေ့ ကျင်းပခဲ့ပါတယ်။

ပါတော်မူနေ့ဟာ တစ်နိုင်ငံလုံးနဲ့ ဆိုင်တဲ့ကိစ္စဖြစ်တယ်လို့ သီပေါမင်းရဲ့ မြစ်တော်စပ်သူ ဦးစိုးဝင်းက ပြောပါတယ်။

“တကယ့်တကယ်တော့ တစ်နိုင်ငံလုံးနဲ့ ဆိုင်တာပေါ့၊ ဒါပေမဲ့ အခြေအနေအရပေါ့လေ၊ ပါတော်မူနေ့ဆိုတာ ပါသွားတဲ့အရှင်နှစ်ပါးရဲ့ အနွယ်တော်တွေပဲ ဆိုင်သလို့ပေါ့လေ ဖြစ်နေတာပေါ့၊ သမိုင်းပေးတာဝန်အရ ဒီနေ့မှာ ကိုယ့်ရဲ့ဘိုးတော်ဘွားတော်တွေ ကြက်ကလေးဖမ်းသလို ခေါ်သွားတာကို ပြန်ပြီးတော့ စိတ်မကောင်းကြီးစွာနဲ့ အလှူတော်လုပ်တာပေါ့လေ၊ အရှင်နှစ်ပါးတို့ ကောင်းရာမွန်ရာလားပါစေဆိုတဲ့ ရည်ရွယ်ချက်နဲ့ပေါ့လေ၊ အဓိကကတော့ တစ်နိုင်ငံလုံးနဲ့ ဆိုင်တဲ့နေ့လို့ ပြောလို့ရပါတယ်၊ ဘာမှရည်ရွယ်ချက်ရယ်လို့ မဟုတ်ပါဘူး၊ ဒါလုပ်ရမယ့်အလုပ်ကို လုပ်တဲ့သဘောပါပဲ”

သီပေါမင်းနဲ့ စုဖုရားလတ်တို့ရဲ့ ဆွေမျိုးတော်စပ်သူတွေက သံဃာအပါး ၁၃၀ ကို နေ့ဆွမ်းကပ်လှူခဲ့ကြတာဖြစ်ပြီး မင်းတုန်းမင်း နဲ့ ကနောင်မင်းသားတို့ရဲ့ ဆွေမျိုးတွေလည်း တက်ရောက်ခဲ့ပါတယ်။

၁၈၈၅ခုနှစ် နိုဝင်ဘာလ ၂၉ ရက်နေ့က အင်္ဂလိပ်နယ်ချဲ့အစိုးရက သီပေါမင်း ၊ စုဖုရားလတ်နဲ့ နန်းတွင်းဝန်ထမ်းတွေကို အိန္ဒိယနိုင်ငံ ရတနာဂီရိကို ဖမ်းဆီးခေါ်ဆောင်သွားခဲ့တာဖြစ်ပါတယ်။

RFA
http://www.rfa.org/burmese/news/king-thibaw-send-india-12042015112805.html


[youtube src="x_lWtOHxNOk"/]
ရုပ်ရှင်သရုပ်ဆောင် ချစ်သုဝေဟာ ရှမ်းပြည်နယ်တောင်ပိုင်းက ဝမ့်ဝနဲ့  ဟိုက်ပါ ဒုက္ခသည်စခန်းတွေ မှာ ခိုလှုံနေတဲ့ စစ်ပြေးဒုက္ခသည်တွေကို ဒီဇင်ဘာလ ၃ ရက်၊ မနေ့က သွားရောက်အားပေးခဲ့ပါတယ်။
[ads-post]

popo-620.jpg
သံလျင်နည်းပညာတက္ကသိုလ်ကျောင်းသူ မပိုပိုနဲ့ ကိုဝင်းကျော့မှူး တို့ကို ဧပြီလ ၁၀ ရက်နေ့က ကမာရွတ်မြို့နယ်တရားရုံးမှာ ရုံးထုတ်စဉ်
Photo: RFA

အမျိုးသားပညာရေးဥပဒေ ပြင်ဆင်ပေးဖို့ သပိတ်မှောက်တောင်းဆိုမှုနဲ့ တရားစွဲခံနေရတဲ့ ကျောင်းသားတွေရဲ့ အမှုမှာ ပြည်ထောင်စုဝန်ကြီး ဦးလှထွန်းကိုလည်း နောက်တိုးတရားခံအဖြစ် ထည့်သွင်းပေးဖို့ ကျောင်းသားတွေ ရဲ့ရှေ့နေက ကမာရွတ်တရားရုံးမှာ လျှောက်ထားတာကို တရားသူကြီးက ဒီနေ့ပယ်ချလိုက်ပါတယ်။
အစိုးရ၊ လွှတ်တော်၊ ကျောင်းသားနဲ့ ပညာရေးကွန်ရက်တို့ရဲ့ လေးပွင့်ဆိုင်ဆွေးနွေးပွဲအရ သပိတ်မှောက်ကျောင်းသား နဲ့ ပြည်သူတွေကို အရေးမယူဘူးလို့ သဘောတူညီချက်ကို၊ ဝန်ကြီး ဦးလှထွန်းက အစိုးရကိုယ်စားလှယ်အဖြစ် တာဝန်ခံ လက်မှတ်ထိုးထားတဲ့အတွက် သပိတ်ကိုအားပေးရာရောက်နေလို့ ကျောင်းသားတွေကို တရားစွဲမယ်ဆိုရင် သူ့ကိုလည်း တရားစွဲသင့်ကြောင်း လျှောက်ထားချက်ကို ပယ်ချခံရတာလို့ ဖမ်းဆီးခံကျောင်းသား ကိုနန္ဒာစစ်အောင်ရဲ့ ဖခင်လည်းဖြစ်၊ ကျောင်းသားတွေရဲ့ရှေ့နေလည်းဖြစ်တဲ့ ဦးဌေးက RFA ပြောပါတယ်။

“၁၁.၂.၂ဝ၁၅ ရက်က လေးပွင့်ဆိုင်သဘောတူညီချက်ထဲမှာ ဒီမိုကရေစီပညာရေး သပိတ်စစ်ကြောင်းကနေ ပြီးတော့ ဆန္ဒထုတ်ဖော်တာတွေကို အရေးမယူပါဘူးဆိုတာပါတယ်၊ အခု ကျောင်းသားတွေ သပိတ်ကိစ္စဆောင် ရွက်ရင်းနဲ့ အရေးယူတာဖြစ်တဲ့အတွက် အဲ့လိုအရေးမယူရလို့ သဘောတူညီချက်ပေးတဲ့ အစိုးရကိုယ်စားလှယ်ဖြစ် တဲ့ သမ္မတရုံးပြည်ထောင်စုဝန်ကြီး ဦးလှထွန်းကိုပါ နောက်တိုးတရားခံအဖြစ် အရေးယူပေးဖို့ လျှောက်တာပါ၊ တရားရုံးက ဦးလှထွန်းအနေနဲ့ အခင်းဖြစ်တဲ့နေရာမှာ မရှိတဲ့အတွက်ဆိုပြီး အမိန့်ချမှတ်တာပေါ့နော်”

မတ်လ ၁၀ ရက်နေ့က လက်ပံတန်းဆန္ဒပြမှုနဲ့ တစ်ရက်တည်း လှည်းတန်းမှာ ဆန္ဒပြခဲ့တဲ့အမှုအတွက် ဗမာနိုင်ငံလုံး ဆိုင်ရာ ကျောင်းသားသမဂ္ဂများအဖွဲ့ချုပ်ဥက္ကဌ ကိုကျော်ကိုကို၊ ဒုဥက္ကဌ ကိုလင်းထက်နိုင်၊ ဗဟိုလုပ်ငန်းကော်မတီဝင် ကိုနန္ဒာစစ်အောင်၊ အရှေ့ပိုင်းခရိုင်အမှုဆောင် မပိုပိုနဲ့ ကူညီပံ့ပိုးသူ ကိုဝင်းကျော့မှူးတို့ကို ကမာရွတ်မြို့နယ် တရားရုံးမှာ ဒီနေ့ ရုံးချိန်းခေါ်ထုတ်ခဲ့တာပါ။
ကိုကျော်ကိုကို ကို နောက်သတင်းပတ် တနင်္လာနေ့မှာ ရန်ကုန် အင်းစိန်ထောင်ကနေ သာယာဝတီထောင် ကိုခေါ်သွားပြီး လက်ပံတန်းကအမှုကိစ္စကိုလဲ စစ်ဆေးမယ်လို့ သက်ဆိုင်ရာပြောလိုက်ကြောင်း ရှေ့နေ ကပြောပါတယ်။

ဒါ့အပြင် သပိတ်မှောက်ကျောင်းသားတွေရဲ့အမှုကို စစ်ဆေးနေတာ ၉ လနီးပါးကြာနေပြီဖြစ်သလို၊ တရားစီရင်ရေး ဟာ လွတ်လပ်မှုမရှိဘဲ အုပ်ချုပ်ရေးပိုင်းရဲ့ စွက်ဖက်မှုတွေ့နေရကြောင်းနဲ့ ဒီကိစ္စဟာ အမျိုးသားပညာရေး ဥပဒေ ပြင်ဆင်ဖို့လှုပ်ရှားမှုဖြစ်ပြီး လွှတ်တော်မှာလည်း ပြင်ဆင်ခဲ့တာတွေရှိတဲ့အတွက် ကျောင်းသားတွေကို လွှတ်ပေးသင့်ပြီလို့ ဦးဌေးက ပြောပါတယ်။

RFA

 violence-against-women-day-620.jpg နိုင်ငံတကာ အမျိုးသမီးများအပေါ် အကြမ်းဖက်မှု ပပျောက်ရေးနေ့ အခမ်းအနားကို ဒီဇင်ဘာလ ၄ ရက်နေ့က ကယားပြည်နယ် လွိုင်ကော်မြို့ရှိ ကရင်နီပြည်လူမျိုးပေါင်းစုံ ပြည်သူ့လွတ်မြောက်ရေးတပ်ဦးရုံးဝင်းမှာ ကျင်းပစဉ်
Photo: Nay Thwae/RFA

နိုင်ငံတကာ အမျိုးသမီးများအပေါ် အကြမ်းဖက်မှု ပပျောက်ရေးနေ့ အထိမ်းအမှတ်အခမ်းအနားကို ကယားပြည်နယ် လွိုင်ကော်မြို့ ပန်ကန်းရပ်ကွက်မှာရှိတဲ့ ကရင်နီပြည်လူမျိုးပေါင်းစုံ ပြည်သူ့လွတ်မြောက်ရေးတပ်ဦးရုံးဝင်းမှာ ကျင်းပခဲ့ပါတယ်။

အမျိုးသမီးတွေအပေါ် အကြမ်းဖက်မှုတွေကို အရေးယူနိုင်မယ့် ဥပဒေပိုင်းဆိုင်ရာ အကာအကွယ်ပေးမှု အားနည်းနေတယ်လို့ ကရင်နီပြည်လူမျိုးပေါင်းစုံ ပြည်သူ့လွတ်မြောက်ရေးတပ်ဦး (က.လ.လ.တ) လူငယ်အဖွဲ့ဝင် နော်ဖောဝါးက ပြောပါတယ်။

"၅ နှစ်တာကာလအတွင်းမှာ အမျိုးသမီး အကြမ်းဖက်မှုတွေနဲ့ ပတ်သက်ပြီး တော်တော်များများက အသံထွက် လာရဲတယ်ပေါနေ့ာ်၊ အရင်တုန်းကရှိတာတောင် လူတွေကသိမှာမဟုတ်ဘူး၊ အခုကျတော့ သူတို့တွေ ခံစားနေ ရတဲ့ဟာတွေ တိုင်တာတို့ပေါ့နော် ဒါကတော့ တစ်စုံတရာ တိုးတက်မှုပေါ့နော်၊ ဥပဒေအရ အကာအကွယ်ပေးနိုင် သလားဆိုတော့ ကျမတော့ တိုးတက်မှုမရှိသေးဘူးလို့ မြင်တယ်ပေါ့နော်၊ ဥပဒေနည်းလမ်းနဲ့သွားရမှာကို သိပ်မသိသေးဘူး၊ ဒါပေမဲ့ သူတို့ဒီလိုကြုံတွေ့နေရရင် တိုင်ရမယ် သူတို့မှာအခွင့်အရေးရှိတယ်ဆိုတာကို သိလာတယ်၊ ဥပဒေအရလုပ်ငန်းစဉ်က ဘယ်မှာပဲဖြစ်ဖြစ်ကြည့်လိုက်ရင် ရှုပ်တဲ့အခါ သူတို့တွေက ဥပဒေနဲ့ ရင်ဆိုင်ရမယ့်နေရာကျရင် နောက်တွန့်သွားတာတွေရှိတယ်"

အခမ်းအနားမှာ အမျိုးသမီးတွေ အကြမ်းဖက်ခံရမှုနဲ့ အမျိုးသမီးတွေရဲ့ အခွင့်အရေးတွေနဲ့ ပတ်သက်တဲ့ အသိပညာပေးဇာတ်လမ်းတိုတွေကို ပြသခဲ့ပြီး တက်ရောက်လာသူတွေကို ဖဲကြိုးဖြူတွေ လိုက်လံဝတ်ဆင်ပေးခဲ့ပါတယ်။

နိုဝင်ဘာလ ၂၅ ရက်နေ့ကို ကမ္ဘာ့ကုလသမဂ္ဂက အမျိုးသမီးတွေအပေါ် အကြမ်းဖက်မှု ပပျောက်ရေးနေ့အဖြစ် သတ်မှတ်ထားတာဖြစ်ပြီး မြန်မာနိုင်ငံမှာ ၁၆ ရက်ကြာ အမျိုးသမီးအဖွဲ့တွေက အသိပညာပေးလုပ်ငန်းတွေ လုပ်ဆောင်နေပါတယ်။

လွိုင်ကော်မြို့က အခမ်းအနားကို ကရင်နီပြည် အမျိုးသမီးကွန်ရက်က ဦးဆောင်ကျင်းပတာဖြစ်ပြီး ကရင်နီအမျိုးသမီး အစည်းအရုံး ၊ ကယန်းအမျိုးသမီးအစည်းအရုံး၊ ကရင်နီပြည် လူမျိုးပေါင်းစုံ ပြည်သူ့လွတ်မြောက်ရေးတပ်ဦး (က.လ.လ.တ) ၊ ကယားပြည်နယ် အမျိုးသမီးများအစည်းအရုံး၊ ကရင်နီပြည်လူငယ်များသမဂ္ဂ စတဲ့ အရပ်ဘက်အဖွဲ့တွေနဲ့ ဒေသခံတွေ ၁၅၀ ကျော် တက်ရောက်ခဲ့ပါတယ်။

RFA

အငြိမ်းစားဗိုလ်ချုပ်မှူးကြီး ဦးသန်းရွှေနှင့် ရွေးကောက်ပွဲအနိုင်ရ အမျိုးသား ဒီမိုကရေစီအဖွဲ့ချုပ် ဥက္ကဋ္ဌ ဒေါ်အောင်ဆန်းစုကြည်တို့ ဒီဇင်ဘာ ၄ ရက်က တွေ့ဆုံဆွေးနွေးခဲ့တယ်လို့ ဘီဘီစီ (မြန်မာပိုင်း အစီအစဉ်) က ညနေပိုင်းသတင်း အစီအစဉ်မှာ ကြေညာသွားပါတယ်။ နေပြည်တော် စစ်ဦးစီး ဌာနချုပ်ရုံးမှာ တွေ့ခဲ့တာဖြစ်ပြီး ဘာအကြောင်းတွေ ဆွေးနွေးတယ်ဆိုတာတော့ မသိရပါဘူး။

အလားတူ အမျိုးသား ဒီမိုကရေစီအဖွဲ့ချုပ် ဥက္ကဋ္ဌ ဒေါ်အောင်ဆန်းစုကြည်ဟာ ဦးရွှေမန်းနဲ့လည်း ဒီဇင်ဘာ ၄ ရက်မှာ တွေ့ဆုံဆွေးနွေး ခဲ့ပါသေးတယ်။ တွေ့ဆုံ ဆွေးနွေးမှု အသေးစိတ်ကိုတော့ နှစ်ဘက်လုံးက ထုတ်ပြန်ခြင်း မရှိပါဘူး။

သူရဦးရွှေမန်းရဲ့ လူမှုကွန်ယက် ဖေ့ဘုဘ်စ် စာမျက်နှာမှာတော့ ဒီဇင်ဘာ ၂၊ ၃၊ ၄ ရက်များရဲ့ တွေ့ဆုံဆွေးနွေးမှုများကို ရည်ညွှန်း ဖေါ်ပြထားတာတွေ့ရပါတယ်။ ဖေါ်ပြချက်မှာတော့ နိုင်ငံအတွက် စေတနာမှန်နဲ့ ဆောင်ရွက်နေကြတယ်လို့ ဆိုထားပြီး ဒီလူတွေဟာ နိုင်ငံကို တကယ်ချစ်ပြီး တကယ်သစ္စာရှိတဲ့လူတွေလို့ ဖေါ်ပြထားတာ တွေ့ရပါတယ်။

ဒါ့အပြင် လူတစ်စုအကျိုး၊ ပါတီအကျိုးထက် နိုင်ငံ့အကျိုးကို ဆောင်ရွက်ရမယ့် အချိန်ရောက်ပြီလို့ထားပြီး ပြည်သူတွေ ပူးပေါင်းပါဝင်ကြဖို့လည်း ရေးသားထားတာ တွေ့ရပါတယ်။

အမျိုးသား ဒီမိုကရေစီအဖွဲ့ချုပ် ဥက္ကဋ္ဌ ဒေါ်အောင်ဆန်းစုကြည်ဟာလည်း ဗိုလ်ချုပ်မှူးကြီး (ငြိမ်း) ဦးသန်းရွှေရဲ့မြေး ဖိုးလပြည့်ခေါ် နေရွှေသွေးအောင်နဲ့လည်း ဒီလထဲမှာ တွေ့ဆုံခဲ့ပါသေးတယ်။

Mizzima



ဂျာမနီ ဖရီးဂိတ် စစ်သင်္ဘော Sachsen ကို ပို့လွှတ်မယ်လို့ မျှော်လင့်ရ။

ဂျာမနီက ဆီးရီးယားမှာ ရှိတဲ့ IS အစ္စလာမ္မစ် နိုင်ငံအဖွဲ့ကို တိုက်နေတဲ့ အမေရိကန် ဦးဆောင်တဲ့ မဟာမိတ်တွေကို စစ်ရေး အထောက်အပံ့တွေ ပေးသွားဖို့ ဂျာမနီ ပါလီမန်က ခွင့်ပြု ပေးလိုက်ပါတယ်။

ရင်ဆိုင် တိုက်ပွဲတွေမှာ ပါဝင်မှာ မဟုတ်တဲ့ စစ်ရေး ထောက်ပံ့ဖို့ အစီအစဉ်ကို ဂျာမနီ ပါလီမန် အမတ် အများစုက ထောက်ခံခဲ့တာ ဖြစ်ပြီး ကန့်ကွက်မဲ ၁၄၆ မဲနဲ့ ထောက်ခံမဲ့ ၄၄၅ မဲ ရခဲ့ပါတယ်။

ဂျာမနီက ကင်းထောက်ရာမှာ သုံးဖို့ တိုနေးဒိုး လေယာဉ်တွေ၊ ဖရီးဂိတ် စစ်သင်္ဘော တစ်စီးနဲ့ စစ်သား တစ်ထောင့် နှစ်ရာ ပေးပို့ သွားမှာ ဖြစ်ပါတယ်။

ပဲရစ်မြို့ တိုက်ခိုက်မှု ဖြစ်ပွား ခဲ့ပြီးနောက် ပြင်သစ်ရဲ့ တောင်းဆိုချက် အရ ဂျာမနီ ပါလီမန်မှာ ခုလို မဲခွဲ ဆုံးဖြတ်ခဲ့တာ ဖြစ်ပါတယ်။ အခုတော့ ဂျာမနီဟာလည်း IS ရဲ့ ပစ်မှတ် ဖြစ်လာပြီလို့ အမတ်တွေက ယူဆကြပါတယ်။

ဗြိတိန်ကလည်း ဆီးရီးယားမှာ စစ်ရေး ဆောင်ရွက်ဖို့ ပါလီမန်ရဲ့ ခွင့်ပြုချက် ရခဲ့ပြီးနောက် ကြာသပတေးနေ့မှာ ဆီးရီးယားထဲက IS ပစ်မှတ်တွေကို ပထမဆုံး အကြိမ် လေကြောင်း တိုက်ခိုက်မှုတွေ ပြုလုပ် ခဲ့ပါတယ်။



ဒေါ်အောင်ဆန်းစုကြည်နဲ့ အငြိမ်းစား ဗိုလ်ချုပ်မှူးကြီးဟောင်း သန်းရွှေတို့ ဒီကနေ့ သောကြာနေ့ နေ့လယ် ၁ နာရီ ပတ်ဝန်းကျင်က နေပြည်တော် စစ်ဦးစီး ဌာနချုပ် ရုံးမှာ တွေ့ဆုံခဲ့ကြောင်း သတင်းတွေ ထွက်ပေါ် နေပါတယ်။

ဒေါ်အောင်ဆန်းစုကြည်နဲ့ မတွေ့ဆုံခင် ရက်ပိုင်းအတွင်းက ဗိုလ်ချုပ်မှူးကြီးဟောင်း သန်းရွှေနဲ့ ပြည်ထောင်စု လွှတ်တော် နာယက သူရ ဦးရွှေမန်းတို့ တွေ့ဆုံခဲ့တယ်လို့လည်း သတင်း ထွက်ပေါ်ပါတယ်။

အမျိုးသား ဒီမိုကရေစီ အဖွဲ့ချုပ် ထိပ်တန်း ခေါင်းဆောင်ပိုင်း တချို့ကို ဘီဘီစီက မေးမြန်းရာမှာ တွေ့ဆုံတဲ့ သတင်းကို ငြင်းဆိုခြင်း မရှိကြပေမယ့် အတည်ပြု ပြောခွင့် မရှိဘူးလို့ ဆိုပါတယ်။

သူရ ဦးရွှေမန်းရဲ့ ဖေ့စ်ဘွတ် စာမျက်နှာမှာတော့ ဒီဇင်ဘာ ၂ရက် ၃ ရက် ၄ ရက် တွေ့ဆုံမှုတွေ အရ ဒီနေ့ အချိန်ဟာ ကိုယ့်ပါတီ အကျိုးထက် အမျိုးသား အကျိုးစီးပွားကို ကြည့်ပြီး လုပ်ရမယ့် အချိန်တွေ ဖြစ်နေပြီလို့ ရေးသား ထားပါတယ်။

ဗိုလ်ချုပ်မှူးကြီး သန်းရွှေနဲ့ ဒေါ်အောင်ဆန်းစုကြည် တို့ရဲ့ တွေ့ဆုံမှုဟာ လက်ရှိ မြန်မာ့နိုင်ငံရေး အသွင်ကူးပြောင်းရေး ဖြစ်စဉ်အတွက် အဓိကကျတဲ့ လိုအပ်ချက် တခု ဖြစ်တယ်လို့ နိုင်ငံရေး လေ့လာသုံးသပ်သူ အများက ရှုမြင်နေကြပါတယ်။

BBC Burmese

ရန်ကုန်မြို့၊ ကန်တော်ကြီး ကရဝိတ်ဥယျာဉ် Mini Zoo ဧရိယာတွင် “ယုံကြည်သော အနာဂတ်” ဆိုသော ခေါင်းစဉ်ဖြင့် စစ်ဘေးဒဏ်သင့် ကလေးငယ်များအတွက် ရည်ရွယ်ကာ ငြိမ်းချမ်းရေး ကဗျာရွတ်ခြင်း၊ ကာတွန်းပန်းချီများ ရေးဆွဲခြင်း၊ စစ်ဘေးဒဏ်နှင့် ပတ်သက်၍ သရုပ်ဖော် တင်ဆက်ခြင်း၊ ငြိမ်းချမ်းရေး သစ်ပင်စိုက်ခြင်းများကို အနုပညာရှင်များ၊ လူမှုကူညီရေး ဦးဆောင်သူများ၊ ကလေးငယ်များ၊ ငြိမ်းချမ်းရေး လိုလားသူများဖြင့် ယနေ့ (ဒီဇင်ဘာ ၄ ရက်) ညနေ ၄ နာရီမှ စတင်ကာ ညနေ ၉ နာရီအချိန်ထိ ကျင်းပပြုလုပ်လျက်ရှိကြောင်း သိရသည်။

■ ဓာတ်ပုံ - ထက်ရှိုင်း


ငြိမ်းချမ်းရေးအတွက် ယနေ့ကျင်းပသော `` ယုံကြည်သော အနာဂတ် ´´ ပွဲ . . . ။ (4-12-2015) အပိုင်း - (၂)
Posted by Nai Ko Thu on Friday, December 4, 2015
Eleven Media Group

ဒီဇင်ဘာ ၄ ရက်က ဘန်ကောက်ရှိ ရဲတပ်ဖွဲ့ရုံးချုပ်၌ သတင်းစာရှင်းလင်းပွဲ ပြုလုပ်နေသော ထိုင်းရဲတပ်ဖွဲ့ ပြောခွင့်ရပုဂ္ဂိုလ်ကို တွေ့ရစဉ်

ရုရှားထိပ်တန်း ထောက်လှမ်းရေး အေဂျင်စီက IS အဖွဲ့နှင့် ဆက်နွှယ်နေသော ဆီးရီးယား နိုင်ငံသား ၁၀ ဦးသည် ရုရှားနိုင်ငံသားများကို ပစ်မှတ်ထား တိုက်ခိုက်ရန် ထိုင်းနိုင်ငံ အတွင်းသို့ ၀င်ရောက်လာကြောင်း သတိပေးခဲ့သည်ဟု ထိုင်းရဲတပ်ဖွဲ့က ဒီဇင်ဘာ ၄ ရက်တွင် ပြောကြားခဲ့သည်။

“ထိပ်တန်း လျှို့ဝှက်” နှင့် “အလျင် အမြန်” ဟု တံဆိပ်နှိပ်ကာ ထိုင်းအထူး စုံစမ်းရေးတပ်ဖွဲ့ ဒုတိယ အကြီးအကဲက လက်မှတ်ရေးထိုးထားသော စာတစ်စောင်သည် ပြင်ပသို့ ပေါက်ကြားကာ ယင်းကို ဒီဇင်ဘာ ၃ ရက် အနှောင်းပိုင်းတွင် ဒေသခံ မီဒီယာများက ကျယ်ကျယ်ပြန့်ပြန့် ဖော်ပြခဲ့ကြသည်။

ယင်းစာအရ ရုရှားနိုင်ငံ၏ ဖက်ဒရယ် လုံခြုံရေးဌာန (FSB) က အောက်တိုဘာ ၁၅ ရက်မှ ၃၁ ရက်အတွင်း ထိုင်းနိုင်ငံအတွင်းသို့ ဆီးရီးယား နိုင်ငံသား အဖွဲ့တစ်ဖွဲ့ ၀င်ရောက်လာကြောင်းနှင့် ရုရှားနိုင်ငံသားများကို ပစ်မှတ်ထား တိုက်ခိုက်ဖွယ် ရှိကြောင်း ထိုင်းရဲတပ်ဖွဲ့ကို သတိပေးခဲ့သည်ဟု သိရ သည်။

“သူတို့ (ဆီးရီးယားနိုင်ငံသားတွေ) သီးခြားစီ လာကြတာပါ။ လေးဦးက ပတ္တယားကို ၀င်တယ်။ နှစ်ဦးက ဖူးခက်ကို ၀င်တယ်။ နှစ်ဦးက ဘန်ကောက်ကို ၀င်ပြီး ကျန်တဲ့နှစ်ဦး ၀င်တဲ့နေရာကို မသိရသေးပါဘူး” ဟု ယင်းစာတွင် FSB ၏ သတင်းပေးမှုကို ကိုးကား ဖော်ပြထားသည်။

“သူတို့ရဲ့ ရည်ရွယ်ချက်က ရုရှားနိုင်ငံသားတွေနဲ့ ရုရှားနဲ့ထိုင်း မဟာမိတ် ပြုမှုကို ထိခိုက်အောင် ဆိုးရွားတဲ့ ဖြစ်ရပ်တွေ ဖန်တီးဖို့ပါပဲ” ဟု စာတွင် ပြောကြားထားသည်။ သို့ သော် မသင်္ကာဖွယ် လူများကို မည်သူမည်ဝါ များဖြစ်ကြောင်း ဖော်ပြထားခြင်း မရှိပေ။

၂၀၁၄ ခုနှစ်အတွင်း ထိုင်းနိုင်ငံသို့ ရုရှား နိုင်ငံသား ကမ္ဘာလှည့် ခရီးသည် ၁ ဒသမ ၆ သန်းကျော် လာရောက်ခဲ့ပြီး ဥရောပနိုင်ငံများက အများဆုံး ဖြစ်သည်။ ရုရှားနိုင်ငံသားများ ထိုင်းနိုင်ငံသို့ လာရောက်မှုသည် ခရစ်စမတ်နှင့် နှစ်သစ်ကူး ကာလများ၌ အများဆုံးဖြစ်သည်။

ဘန်ကောက်မြို့ရှိ ရုရှားသံရုံးက ဖော်ပြပါစာနှင့် ပတ်သက်၍ ချက်ချင်း မှတ်ချက်ပေး ပြောကြားခဲ့ခြင်း မရှိပေ။ သို့သော် ထိုင်းအမျိုးသား ရဲတပ်ဖွဲ့ အကြီးအကဲ ယက်သစ်ချေ ယင်ဒါက အဆိုပါစာသည် အမှန်တကယ်ပင် ဖြစ်ကြောင်း သတင်းထောက်များအား
ပြောကြားခဲ့သည်။

Ref : AFP
Eleven Media Group

[youtube src="wYll1AxsPzo"/]
ပုဒ်မ ၅ ခုနဲ့ တရားစွဲဆိုခံထားရတဲ့ ဗကသကျောင်းသားတွေရဲ့
ဥပဒေအကျိုးဆောင်ရှေ့နေဦးဌေးက
သမ္မတရုံးဝန်ကြီးဦးလှထွန်းကိုပါတရားထည့်သွင်းစွဲဆိုသင့်ကြောင်းဒီဇင်ဘာလ၄ရက်နေ့က
လျှောက်လဲတင်ပြခဲ့ပေမယ့် ကမာရွတ် မြို့နယ် တရားရုံးကပယ်ချခဲ့ပါတယ်။
လေးပွင့်ဆိုင်တွေ့ဆုံဆွေးနွေးမှုကတိက၀တ်အရ အမျိုးသားပညာရေးဥပဒေကို
ဆန္ဒပြတဲ့ကျောင်းသားတွေကိုမဖမ်းဆီးပါလို့ ကတိက၀တ်ပြုလက်မှတ်ရေးထိုးခဲ့တဲ့
သမ္မတရုံးဝန်ကြီးဦးလှထွန်းကိုပါ တရားစွဲဆိုသင့်တယ်လို့ လျှောက်ထားခဲ့တာဖြစ်ပါတယ်။

Eleven Media Group


ရွှေ့ပြောင်းသူများဟုယူဆရသူများရဲ့ ရုပ်အလောင်းများ မြုပ်နှံထားတဲ့မြေပုံများ။
ရွှေ့ပြောင်းသူများဟုယူဆရသူများရဲ့ ရုပ်အလောင်းများ မြုပ်နှံထားတဲ့မြေပုံများ။

မြန်မာနိုင်ငံ အပါအ၀င် အရှေ့တောင် အာရှ ဒေသက ရွှေ့ပြောင်းနေထိုင်သူတွေ အရေး ဖြေရှင်းဖို့ အခြေခံ လုပ်ငန်းစဉ်တရပ် ချမှတ်နိုင်ရေး ထိုင်းနိုင်ငံ ဘန်ကောက်မြို့ မှာ ဆွေးနွေးနေကြပါတယ်။ ထိုင်းနိုင်ငံက လူမှောင်ခို ဂိုဏ်းတွေကို နှိမ်နင်းမှုတွေ စတင် လာရာက ရွှေ့ပြောင်းနေထိုင်သူတွေ အရေး ဒေသတွင်းမှာ ပူးပေါင်းဖြေရှင်းသွားဖို့ တိုက်တွန်းမှုတွေလည်း ထွက်ပေါ်လာခဲ့တာပါ။

ဒီနှစ်ဆန်းပိုင်းမှာပဲ မလေးရှားနိုင်ငံနဲ့နယ်စပ် ထိုင်းနိုင်ငံ တောတွင်းမှာ လူမှောင်ခို သူတွေ ရဲ့ စခန်းတွေလို့ သံသယရှိတဲ့ နေရာတွေ မှာ ရွှေ့ပြောင်းနေထိုင် သူတွေလို့ ယူဆရသူ စုပြုံမြှုပ်နှံထားတဲ့ အလောင်းတွေကို တွေ့ရှိခဲ့ရပြီးနောက် ထိုင်းအာဏာ ပိုင်တွေ ဖမ်းဆီးနှိမ်နင်းလာရာက ရာနဲ့ချီတဲ့ ရွှေ့ပြောင်းသွားလာသူတွေ အိန္ဒိယ သမုဒ္ဒရာထဲမှာ စက်လှေတွေနဲ့ စွန့်ပစ်ခံခဲ့ရတဲ့ အခြေအနေမျိုးတွေနဲ့လည်း ကြုံခဲ့ရပါတယ်။

အန္တရာယ်များတဲ့ ပင်လယ်ပြင်မှာ စက်လှေတွေနဲ့ ထွက်ပြေးသူတွေ၊ စွန့်ပစ်ခံရသူ လူပေါင်းထောင်ပေါင်း များစွာထဲမှာတော့ မြန်မာနိုင်ငံက ဖိနှိပ်မှုတွေကြောင့် ထွက်ပြေးလာကြတယ်လို့ဆိုတဲ့ ရိုဟင်ဂျာ မူဆလင်တွေ ပါဝင်တယ်လို့လည်း လူ့အခွင့်အရေး လှုပ်ရှားသူတွေနဲ့ ဒေသတွင်းနိုင်ငံတွေက တာဝန်ရှိသူ တချို့က ပြောဆိုထားကြတာပါ။

ဝေဖန်မှုတွေ ခံခဲ့ရတဲ့ မြန်မာအစိုးရကတော့ ဒီနှစ်ထဲမှာပဲ ပင်လယ်ပြင်မှာ စက်လှေနဲ့ ထွက်ပြေးသူတွေကို ကယ်တင်တဲ့ အစီအစဉ်တွေ လုပ်ဆောင်ခဲ့တာ ဖြစ်ပါတယ်။ ထိုင်းနိုင်ငံခြားရေးဝန်ကြီး Don Pramudwinai ကတော့ ကတိတွေ ပေးရမယ့် အချိန်မဟုတ်တော့ပဲ လက်တွေ့လုပ်ကြရမယ့် အချိန်တန်နေပြီလို့ ဘန်ကောက်မြို့က ဒီကနေ့ ညီလာခံအတွင်း တိုက်တွန်းခဲ့တာပါ။

ဗွီအိုအေ (မြန်မာပိုင်း)
http://burmese.voanews.com/content/southeast-asia-migrants-meeting-in-thailand/3087688.html

(၁) ငြိမ်းချမ်းရေး

လူမျိုးကို ထိခိုက်ပြီး မပြောသင့်ပါ။ အဖွဲ့ကိုတော့ ရှောင်လွဲလို့ မရပါ။ မိမိက အတန်ကြာကတည်းကပဲ ရေးခဲ့ပါတယ်။ RCSS နဲ့ KNU တို့ဟာ နယ်မြေချဲ့ထွင်ဖို့အတွက် အစိုးရတပ်နဲ့ ပေါင်းခဲ့တာ ဖြစ်တယ်ဆိုတဲ့ အချက်ကိုပါ။ အခု RCSS က ပလောင်နယ်မြေကို ဝင်ပြီး လှုပ်ရှားနေတယ်လို့ ဆိုပါတယ်။ တိုက်ပွဲဖြစ်နေတာလည်း (၄)ရက်မြောက်နေ့ပါ။ RCSS ဘက်က မြန်မာ့တပ်မတော်ဘက်ကနေ ပစ်ကူပေးတယ်လို့ ဆိုပါတယ်။ ဒါဟာ စစ်ရေးအရ အမြတ်ထုတ်ပြီး နယ်မြေအသာစီးကို ရယူခြင်းလို့ ယုံကြည်ရပါတယ်။ RCSS က မြန်မာ့တပ်မတော်နဲ့ နေရာချထားရေးကိစ္စကို ဆွေးနွေးရတော့မှာ ဖြစ်လို့ပါ။ တကယ်လို့ KNU ကလည်း မွန် (NMSP) နဲ့ ကရင်နီ (KNPP) တို့ဘက်ကို မြန်မာ့တပ်မတော်အကူနဲ့ နယ်ချဲ့ခဲ့ရင် ဒါဟာ ငြိမ်းချမ်းရေးအတွက် လုံးဝအခြေအနေကောင်းလှတာ မဟုတ်ပါ။ ဒီနှစ်ဖွဲ့ဟာ ရခိုင် (ALP)၊ ချင်း (CNF) နဲ့ ပအိုဝ်း (PNLO)တို့နဲ့ ပေါင်းပြီး အများအားနဲ့ ကြိုးစားခဲ့ရတဲ့ NCA ကို ပြန်ပေးဆွဲသွားသလို အခု UPDJC အမည်နဲ့ အားလုံးကို ကိုယ်စားမပြုနိုင်ဘဲ နိုင်ငံရေးမူဆွေးနွေးပွဲအတွက် မူဘောင်တွေကို ရေးဆွဲလို့ နေပါပြီ။ NCA လက်မှတ်ထိုးသွားတဲ့အဖွဲ့အချို့ဟာ တိုင်းရင်းသားစိတ်ဓာတ် နည်းနည်းပျောက်စ ပြုနေပြီလို့ ဆိုချင်ပါတယ်။ သူတို့က စစ်တပ်၊ အခုအစိုးရ၊ မလိုအပ်တဲ့နိုင်ငံရေးပါတီတွေနဲ့ UPDJC ကို ဖွဲ့စည်းထားပြီး သူတို့အဖွဲ့ထဲမှာ NLD ဝင်လာဖို့ တံခါးဖွင့်ပေးလိုရုံလေးပဲ ရှိတာပါ။ ကရင်နဲ့ချင်းခေါင်းဆောင်တွေ ပြောတဲ့စကားကို ကြည့်ရင် သိနိုင်ပါတယ်။ NLD က ဦးဝင်းထိန်ကတော့ ငြိမ်းချမ်းရေးနဲ့ ဖွဲ့စည်းပုံပြင်ရေးဟာ အတူတူသွားမှာ ဖြစ်ပြီး တစ်ခါထဲ လုပ်သွားမဲ့ကိစ္စလို့ ပြောကြားခြင်းမှာ NCA ကို လက်မှတ်ထိုးပြီး စစ်တပ်နဲ့ အနေနီးကပ်နေတဲ့ အဖွဲ့များကြောင့် စစ်ရေးအရ ခြိမ်းခြောက်မှုကို ခံနေရတဲ့ UNFC အဖွဲ့အနေနဲ့ စိတ်သက်သာရာရခဲ့ပါတယ်။ ဒီအရေးကို လာမဲ့ ဒီဇင်ဘာလ (၅)ရက်နေ့ UNFC ညီလာခံမှာ အကျေအလည် ဆွေးနွေးပြီး မူဝါဒကောင်းများကို ချမှတ်ရတော့မှာ ဖြစ်တယ်။ မြန်မာအစိုးရနဲ့ RCSS တို့က စစ်ရေးအရ ဘယ်လောက်ပဲ အနှောင့်အယှက်ပေးနေကြပါစေ လိုအပ်တဲ့ မဟာဗျူဟာချမှတ်မှုများကို ဆွေးနွေးအတည်ပြုရမှာ ဖြစ်တယ်။ နိုင်ငံရေးအရ တွေ့ဆုံဆွေးနွေးဖို့ အဖြေရှာရင်း စစ်ရေးအရ မိမိကိုယ်ကို ကာကွယ်ဖို့အတွက်လည်း မပေါ့ဆသင့်ပါ။

(၂) ဖွဲ့စည်းပုံပြင်ရေး

၂၀၀၈ ခုနှစ် နာဂစ်ဖွဲ့စည်းပုံကို ပြန်ရေးမလား၊ ပြင်ရေးမလားဆိုပြီး လူထုဆန္ဒခံယူပွဲ လုပ်ခဲ့ကြပါတယ်။ တိုင်းရင်းသားတွေက ပြန်ရေးဖို့ အာသီသရှိခဲ့ကြပြီး ပြည်မက လူတွေကတော့ ပြင်ရေးဖို့ သဘောတူညီခဲ့ကြတာပါ။ ဒါကို မှတ်မိကြပါလိမ့်မယ်။ အထူးသဖြင့် NLD က ဖွဲ့စည်းပုံပြင်ဖို့ လက်မှတ်(၅)သန်းကို စုစည်းပြီး လွှတ်တော်ကို တင်ခဲ့ပါတယ်။ အကြောင်းမထူးပါ။ အခု NLD က ရာခိုင်နှုန်း(၈၀)နီးပါး မဲနိုင်ခြင်းမှာ ဖွဲ့စည်းပုံပြင်ဖို့ကိစ္စက ထိပ်ဆုံးက ရှိနေခဲ့ပါတယ်။ လက်မှတ် (၅)သန်းဆိုတာ သန်း(၆၀)ထဲက ရာခိုင်နှုန်းနည်းနည်းပါးပါးပဲ ရှိတာပါလို့ စစ်အုပ်စုမြီးဆွဲ မဘသတို့၊ ပါတီအချို့တို့က ပြက်ရယ်ပြုခဲ့ကြပါတယ်။ ဖွဲ့စည်းပုံကို မပြင်သင့်ကြောင်း ပြည်ခိုင်ဖြိုးနောက်မြီးဆွဲပါတီတွေက ကြွေးကြော်ပြီး မဲဆွယ်ခဲ့ရာ အကြီးအကျယ် ရှုံးခဲ့ပါတယ်။ မျိုးစောင့်ဥပဒေအားကိုးနဲ့ ပွဲထွက်လာတဲ့ ပါတီအချို့ကလည်း တွက်ခြေမကိုက်ဘဲ ရှိနေခဲ့ကြောင်း သိရှိပြီဖြစ်ပါတယ်။ ဒီတော့ NLD က ၂၀၁၅ ခုနှစ်မှာ အစိုးရမဖွဲ့နိုင်မှာစိုးလို့ ပြည်သူများရော တိုင်းရင်းသားများပါ မဲကို ထည့်ပေးကြပါတယ်။ အဲဒီလို မဲထည့်ပေးခြင်းမှာ ငဲ့ညှာမဲ၊ မျှော်လင့်မဲများလည်း ပါဝင်ပါတယ်။ အရေးကြီးဆုံးမှာ လက်မှတ်(၅)သန်းကို ပြက်ရယ်ပြုခဲ့တဲ့ အဖွဲ့များကို မဲပြားနဲ့ အတိအလင်း စိန်ခေါ်လိုက်ခြင်းပဲ ဖြစ်တော့တယ်။

ဒီတစ်ခါမှာလည်း စစ်အုပ်စုတို့က ဖွဲ့စည်းပုံပြင်ဖို့ ငြင်းဆန်အုံးမယ်ဆိုရင် မြန်မာပြည်မှာ ကမောက်ကမ နည်းနည်းမက အများကြီး ဖြစ်သွားနိုင်ပါတယ်။ စစ်အုပ်စုတို့အနေနဲ့ အပြင်စည်းအနေနဲ့ ဖွဲ့စည်းပုံကို မပြင်နိုင်ဖို့ NLD ကို ဟန့်တားခဲ့ပါတယ်။ မဘသ စတဲ့ အပြင်စည်းကို ထိုးဖောက်ပြီး အခု အတွင်းစည်းမှာ ပုန်းအောင်းနေတဲ့ ကာကွယ်ရေးဦးစီးချုပ်အထိ အရေးဆိုဖို့ အောင်မြင်ခဲ့ပါတယ်။ ဒါဟာ NLD နဲ့ ပြည်သူတို့က စိတ်ရှည်ရှည်နဲ့ တစ်ဆင့်ပြီးတစ်ဆင့် ထိုးဖောက်နိုင်ခဲ့လို့ ဖြစ်တယ်။ မနေ့က သိန်းစိန်နဲ့ရော မအလနဲ့ပါ ဒေါ်စုက သွားရောက်တွေ့ဆုံခဲ့ခြင်းမှာ လွယ်လွယ်ကူကူနဲ့တော့ မဟုတ်ပါ။ အရင်က အကြောင်းအမျိုးမျိုးပြပြီး ရှောင်ထွက်ခဲ့သလို မတွေ့မဖြစ် တွေ့ရတော့မယ်ဆိုရင်လည်း အပေါင်းအပါပါတီတွေနဲ့ အတွေ့ခံခဲ့ကြပါတယ်။ မအလဟာ မကြာခင်မှာ NLD နဲ့အတူ အလုပ်လုပ်ရတော့မှာပါ။ သူတို့မွေးထုတ်ခဲ့တဲ့ ပြည်ခိုင်ဖြိုးအစိုးရနဲ့ မတူကြောင်း၊ အုပ်ချုပ်ရေးမှာ ပိုပြီးတော့ အဆင်ပြေလာမှာဖြစ်ကြောင်းကို သက်သေပြနိုင်ဖို့ မအလအနေနဲ့ ပြည်ထဲရေးကို NLD လက်ထဲ ထည့်ပေးဖို့ လိုပါ့မယ်။ ဒီလိုအခြေအနေမှာတောင် ပုဒ်မ ၅၉ (စ)နဲ့ ပုဒ်မ ၄၃၆ ကို မပြင်ဖို့ ဟန့်တားအုံးမယ်ဆိုခဲ့ရင် နောက်ထပ်အဆင့်တစ်ခုကို ရောက်ဖို့ NLD နဲ့ ပြည်သူတို့မှာ အဆင်သင့်ဖြစ်နေပြီလို့ပဲ ဆိုချင်ပါတယ်။

(၃) တိုင်းပြည်ရဲ့ အနာဂတ်

ပြည်တွင်းငြိမ်းချမ်းရေးနဲ့ တိုင်းပြည်ဖွံ့ဖြိုးတိုးတက်ရေးဟာ မရှိမဖြစ် ရှိရမဲ့ အချက်(၂)ချက် ဖြစ်တယ်။ ကာကွယ်ရေးဦးစီးချုပ်မင်းအောင်လှိုင်အနေနဲ့ ဒါကို အလေးအနက်ထားပြီး စဉ်းစားပေးရမှာ ဖြစ်တယ်။ UNFC အဖွဲ့ကြီးအနေနဲ့ NLD အစိုးရဆီက အများကြီး မျှော်လင့်ထားပါတယ်။ အနည်းဆုံး ညှိုနှိုင်းရတာ ပိုလွယ်ကူတယ်လို့ ယူဆထားကြပါတယ်။ NLD အစိုးရကလည်း မြန်မာ့တပ်မတော်အပါအဝင် ရှိရှိသမျှ လက်နက်ကိုင်အင်အားစုအားလုံးကို အရပ်သားအစိုးရလက်အောက်မှာ သွတ်သွင်းနိုင်မဲ့အစီအစဉ်ကို မဆုတ်မနစ် လုပ်ဆောင်နိုင်ဖို့ အရေးကြီးပါတယ်။ တိုင်းရင်းသားတွေကြားမှာလည်း သိပ်ပြီးတော့ နိုင်ငံရေးသိပ်မကစားဖို့ အရေးကြီးပါတယ်။ ဒါဟာ တိုင်းပြည်အနာဂတ်အတွက် အရေးကြီးပါတယ်။ သေနတ်သံဆိတ်အောင် မလုပ်နိုင်ရင် ဒီမိုကရေစီထွန်းကားမှုလည်း ရှိမှာမဟုတ်ပါ။ လက်ရှိအနေအထားအရ နိုင်ငံရေးနဲ့စစ်ရေးက သိပ်ကို သိမ်မွေ့သွားပြီ။ အထိအရှ မခံနိုင်တော့ပါ။ ဒါကြောင့် မိမိအနေနဲ့ ထပ်မံပြီးတော့ အကြံပြုချင်တာ ရှိတယ်။

၁။ ဖက်ဒရယ်မူကို အကောင်အထည်ဖော်ပါ။ အတုအယောင် မလုပ်ပါနဲ့။
၂။ စစ်မှန်တဲ့ ဒီမိုကရေစီစနစ်ကို အကောင်အထည်ဖော်ပါ။ ဆေးဆိုးပန်းရိုက် မလိုချင်ပါ။
၃။ လူ့အခွင့်အရေးကို ကာကွယ်စောင့်ရှောက်ပါ။ ပြစ်မှုကျူးလွန်သူများကို တရားစွဲဆိုပါ။

ဒီအချက်ကို အမှန်တကယ် လုပ်မှ တိုင်းပြည်ရဲ့ အနာဂတ်အတွက် မျှော်လင့်ချက်တွေ ရှိနေနိုင်မှာပါ။ ဒီမျှော်လင့်ချက်တွေကို NLD ဥက္ကဋ္ဌ ဒေါ်အောင်ဆန်းစုကြည်နဲ့ တပ်မတော်ကာကွယ်ရေးဦးစီးချုပ်မင်းအောင်လှိုင်တို့ အတူတကွ ဖော်ဆောင်နိုင်ကြပါစေ။\

U Ravika



မြန်မာ၊ ဟွန်ဒူးရပ်စ်နဲ့ ဟေတီနိုင်ငံတွေဟာ ရာသီဥတုဒဏ် အပြင်းထန်ဆုံးကြုံရတဲ့ ထိပ်ဆုံးနိုင်ငံတွေစာရင်းမှာ ပါရှိတယ်လို့ ဂျာမနီနိုင်ငံ ဘွန်းမြို့အခြေစိုက် ဖွံ့ဖြိုးရေးနဲ့ သဘာဝပတ်ဝန်းကျင်ရေးရာ အဖွဲ့တစ်ဖွဲ့ဖြစ်တဲ့ Germanwatch က ပြောကြားလိုက်ပါတယ်။

၂၁၀၁၆ ခုနှစ်အတွက် ကမ္ဘာ့ရာသီဥတုဆိုင်ရာ အန္တရယ်ညွှန်းကိန်းမှာ ဖော်ပြထားတာဖြစ်ပြီး အနှစ်နှစ်ဆယ်အတွင်း မုန်တိုင်းတွေတိုက်၊ ရေတွေကြီး၊ မြေတွေပြို၊ မိုးခေါင်ရေရှားတဲ့အတွက် ဒီနိုင်ငံတွေမှာ လူငါးသိန်းကျော်နီးပါး သေဆုံးရတယ်လို့ ရာသီဥတုရေးရာ လေ့လာသူတွေက ပြောကြားလိုက်တာပါ။

ကမ္ဘာမြေကြီး အပူလွန်နေတာကို မထိန်းနိုင်ရင် သဘာဝဘေးအန္တရာယ်တွေ ဒီ့ထက်မက ပိုဖြစ်ပွားလာမယ်လို့လည်း သတိပေးပါတယ်။

မြန်မာ၊ ဟွန်ဒူးရပ်စ်နဲ့ ဟေတီနိုင်ငံတွေပြီးရင် ဖိလစ်ပိုင်၊ နီကာဂွာရား၊ ဘင်္ဂလားဒေ့ရှ်၊ ဗီယက်နမ်။ ပါကစ္စတန်၊ ထိုင်းနဲ့ ဂွာတီမာလာနိုင်ငံတွေဟာ ရာသီဥတု အဆိုးဝါးဆုံးကြုံတွေ့ရတယ်လို့ ဖော်ပြပါတယ်။

( RFA )

RFA



ဘေရွတ် ၊ ၄-၁၂-၂ဝ၁၅

ဆီးရီးယားနိုင်ငံရှိ ISIS အစ္စလာမ်မစ် စစ်သွေးကြွ အဖွဲ့သည် အာရတ်ကာ ပြည်နယ်မှ ရုရှားသူလျှို တစ်ဦးအား ခေါင်းဖြတ် သတ်ထားသော ဗီဒီယိုဖိုင်ကို ဒီဇင်ဘာ ၂ ရက်က ၄င်းတို့၏ လူမှုကွန်ရက် စာမျက်နှာတွင် ဖော်ပြ ခဲ့ကြောင်း ZEE News သတင်းတစ်ရပ် အရ သိရသည်။

ရုရှားနိုင်ငံသည် ဆီးရီးယား အစိုးရကို ထောက်ခံသော အားဖြင့် စက်တင်ဘာ ၃ဝ ရက်မှစ၍ ဆီးရီးယား နိုင်ငံအတွင်းရှိ ISIS အစ္စလာမ်မစ် စစ်သွေးကြွ များကို လေကြောင်းမှ တိုက်ခိုက်မှုများ ပြုလုပ်ခဲ့သည်။ အဆိုပါ ဗီဒီယိုဖိုင် သည် ရုရှား၏ လေကြောင်း တိုက်ခိုက်မှုများ စတင် လုပ်ဆောင်ချိန် မှစ၍ ပထမဆုံး  ရုရှားနိုင်ငံသားတစ်ဦးအား ISIS အစ္စလာမ်မစ် စစ်သွေးကြွ အဖွဲ့က ခေါင်းဖြတ် သတ်မှုကို ဖော်ပြထားသော ဗီဒီယိုဖိုင် ဖြစ်သည်။

အဆိုပါ ရုရှားသူလျှိုသည် ယခင် ဓားစာခံများ အတိုင်း လိမ္မော်ရောင် ဝတ်စုံကို ဝတ်ဆင်ထားပြီး ၄င်းသည် ရုရှား ထောက်လှမ်းရေး အဖွဲ့အတွက် ISIS အဖွဲ့နှင့် ပတ်သက်သော သတင်း အချက်အလက် များကို ရယူပေးခဲ့ သည်ဟု ဝန်ခံခဲ့ကြောင်း စစ်သွေးကြွ တစ်ဦးက ရုရှားဘာသာ စကားဖြင့် ၄င်း ဗီဒီယိုဖိုင်တွင် ပြောကြား ထားသည်။

ထို့အပြင် ရုရှားတပ်ဖွဲ့ဝင် များကို ဆက်လက် တိုက်ခိုက် သွားမည်ဟု အဆိုပါ စစ်သွေးကြွ က ရုရှား အစိုးရအား တိုက်ရိုက် စိန်ခေါ်ပြောကြား ခဲ့ကြောင်း သိရသည်။

( Pyi Chit Thar )

http://www.pyichitthar.com/



ဘဲလ်ဂရိတ် ၊ ၄-၁၂-၂ဝ၁၅

ISIS အစ္စလာမ်မစ် စစ်သွေးကြွ အဖွဲ့အပေါ် လေကြောင်း တိုက်ခိုက်မှု တစ်ခုတည်းဖြင့် ချေမှုန်းနိုင်မည် မဟုတ်ကြောင်း၊ ထို့ကြောင့် ဆီးရီးယား နှင့် အာရပ်မြေပြင် တပ်ဖွဲ့ဝင်များ အနေဖြင့် ISIS အစ္စလာမ်မစ် စစ်သွေးကြွ  များကို မြေပြင် စစ်ဆင်ရေးဖြင့် တိုက်ခိုက်ရာတွင် ပါဝင် သင့်ကြောင်း အမေရိကန် နိုင်ငံခြားရေး ဝန်ကြီး ဂျွန်ကယ်ရီ က ဒီဇင်ဘာ ၃ ရက်တွင် သတိပေး ပြောကြား ထားသည်။

ပဲရစ်မြို့တွင် လူပေါင်း ၁၃ဝ သေဆုံး စေခဲ့သည့် ISIS အစ္စလာမ်မစ် စစ်သွေးကြွ တို့၏ အကြမ်းဖက် တိုက်ခိုက်မှု ပြီးနောက် ရက်သတ္တ သုံးပတ်ခန့် အကြာတွင် ပြုလုပ်သည့် ဗြိတိန်၏ လေကြောင်း တိုက်ခိုက်မှုများ စတင်ပြီးနောက် နာရီအနည်းငယ် အကြာတွင် ဂျွန်ကယ်ရီ က ပြောကြားခဲ့ခြင်း ဖြစ်သည်။

ထို့ပြင် ဆီးရီးယားနိုင်ငံရှိ ISIS အစ္စလာမ်မစ် စစ်သွေးကြွ များကို ပြည်ပ လေကြောင်း တိုက်ခိုက်မှု အကူအညီ ရယူလျက် မြေပြင် စစ်ဆင်ရေးများ ဆင်နွှဲနိုင်မည့် လေ့ကျင့်သား ပြည့်ဝသော ဆီးရီးယား အတိုက်အခံ တပ်ဖွဲ့ဝင် ၇ဝဝဝဝ ခန့်ရှိကြောင်း ဗြိတိန် ဝန်ကြီးချုပ် ဒေးဗစ် ကင်မရွန်း က ပြောကြား ထားသည်။

အမေရိကန်နိုင်ငံ အနေဖြင့် ဆီးရီးယား အတိုက်အခံ တပ်ဖွဲ့ဝင် များနှင့် ပူးပေါင်း၍ ISIS အစ္စလာမ်မစ် စစ်သွေးကြွ တို့အပေါ် မြေပြင် စစ်ဆင်ရေး လုပ်ဆောင်ရန် အထူးတပ်ဖွဲ့ဝင် များကို စေလွှတ်တပ်ဖြန့် သွားမည် ဖြစ်ကြောင်း အောက်တိုဘာ ၃ဝ ရက်တွင် ထုတ်ဖော် ပြောကြား ခဲ့သည်ဟု သိရသည်။

( Pyi Chit Thar )
http://www.pyichitthar.com/

HIV ပိုး ကူးစက်ခံရပြီး ခုခံအား ကျဆင်းနေတဲ့ ဝေဒနာရှင် တစ်ဦး ဆေးကုသမှုခံယူနေစဉ်။
 ကုလသမဂ္ဂ အေအိုင်ဒီအက်စ် ရောဂါ တိုက်ဖျက်ရေးအဖွဲ့ UN AIDS အဖွဲ့ရဲ့ ထုတ်ပြန်ကြေညာချက်အရ မြန်မာနိုင်ငံမှာ ပြီးခဲ့တဲ့ သုံးနှစ်အတွင်း အစိုးရရဲ့ ဦးဆောင်မှုကြောင့် HIV နဲ့ဆိုင်တဲ့ ပြုစုကုသမှုတွေ ရှစ်ဆအထိ တိုးတက် လာခဲ့ပေမယ့်၊ ရောဂါကာကွယ်ရေးအပိုင်းမှာတော့ ရည်မှန်းထားတဲ့ အတိုင်းအတာ မရောက်သေးဘူးလို့ သိရပါတယ်။ မြန်မာနိုင်ငံအနေနဲ့ HIV/AIDS ရောဂါ ကုသရေးနဲ့ ကာကွယ်ရေးနှစ်ပိုင်းလုံး အောင်မြင်ဖို့ အလားအလာ ဘယ်လို ရှိသလဲ၊ ဘာတွေ လုပ်ဖို့လိုမလဲ ဆိုတာကို မြန်မာနိုင်ငံထဲမှာ သုတေသနလုပ်ငန်းတွေ ကျယ်ကျယ်ပြန့်ပြန့် လုပ်ဆောင်နေတဲ့ အမေရိကန် သုတေသီ တစ်ဦးနဲ့ ဆက်သွယ်မေးမြန်းထားတဲ့ ကိုရဲခေါင်က ပြောပြပါမယ်။

ဒီဇင်လဘာလ ၁ရက်နေ့က ထုတ်ပြန်လိုက်တဲ့ UN AIDS အစီရင်ခံစာ အရ မြန်မာနိုင်ငံဟာ ပြီးခဲ့တဲ့ သုံးနှစ်အတွင်း အစိုးရရဲ့ ဦးဆောင်မှုကြောင့် HIV နဲ့ဆိုင်တဲ့ ပြုစု ကုသမှုတွေ ရှစ်ဆအထိ တိုးလာပြီး၊ အခုနှစ်စက်တင်ဘာလမှာ ARV ဆေးပေးပြီး ကုသပေးနိုင်တဲ့ HIV ဝေဒနာရှင် အရေအတွက် ၁၀၁၀၀၀ အထိ ရှိလာခဲ့တယ်လို့ သိရပါတယ်။ ရောဂါကာကွယ်ရေးအပိုင်းမှာတော့ ရည်မှန်းထားတဲ့ အတိုင်းအတာ မရောက်သေးဘူးလို့ သိရပါတယ်။

လူတစ်ဦးချင် ၀င်အငွေအရ ကမ္ဘာပေါ်မှာ ကျန်းမာရေးကဏ္ဍအတွက် ဘဏ္ဍာငွေ အသုံးပြုမှု အနည်းဆုံး နိုင်ငံတစ်နိုင်ငံဖြစ်တဲ့ မြန်မာနိုင်ငံ အခုလို အစိုးရဘက်က ထောက်ပံ့မှု တိုးလာတာ အားရစရာ ကောင်းပေမယ့် ဒီပုံအတိုင်း စဉ်ဆက်မပြတ် ထောက်ပံ့ပေးသွားဖို့ လိုတယ် လို့ မြန်မာနိုင်ငံမှာ HIV/ AIDS သုတေသန လုပ်ငန်းတွေ လုပ်ဆောင်နေတဲ့ အမေရိကန် နိုင်ငံ John Hopkin တက္ကသလိုလ် ပြည်သူ့ကျန်းမာရေး ဌာနက ညွှန်ကြားရေးမှုး Chris Beyes က ပြောပါတယ်။

”မြန်မာနိုင်ငံမှာ HIV ရောဂါပိုးရှိနေတဲ့ သူအားလုံးရဲ့ ၅၀ရာခိုင်နှုန်းလောက် အထိဟာ ဆေးကုသမှု မရရှိကြဘူးလို့ သိထားပါတယ်။ ပြီးခဲ့တဲ့ ဒီဇင်ဘာလ ၁ရက်နေ့မှာ ကျရောက်တဲ့ နိုင်ငံတကာ HIV/AIDS နေ့မှာ ကမ္ဘာ့ ကျန်းမာရေးအဖွဲ့ကနေ ထုတ်ပြန်လိုက်တဲ့ လမ်းညွှန်ချက်အသစ်အရ HIV ပိုးရှိတဲ့ သူတိုင်းကို CD4 count ဘယ်လောက်ပဲရှိရှိ ပြုစုကုသစောင့်ရှောက်မှု ပေးရမယ်လို့ လမ်းညွှန်ထားပါတယ်။ အဲဒီ လမ်းညွှန်ချက်အတိုင်း လိုက်နာနိုင်ဖို့ဆိုရင် မြန်မာနိုင်ငံ အနေနဲ့ ပြုစုကုသမှုကို အခုထက် နှစ်ဆတိုးပြီး လုပ်ရမှာပါ။ ပြုစုကုသပေးတဲ့ အပိုင်းအပြင်၊ ရောဂါပိုးမပြန့်အောင် ကာကွယ်တဲ့အပိုင်းဆိုရင် အခုထက်ထိ အသစ်အဆန်းလိုပဲ ရှိနေပါသေးတယ်။

ကျွန်တော်တို့အနေနဲ့ ကချင်ပြည်နယ်လို ဒေသတွေမှာ မူးယစ်ဆေးထိုး သွင်းတဲ့ ဆေးထိုးအပ်ကနေ တဆင့် ရောဂါပိုး ကူးစက်မှုက စိုးရိမ်စရာ အခြေအနေရှိနေပါသေးတယ်။ ဒါ့အပြင် အခြားအရှေ့တောင် အာရှ နိုင်ငံတွေမှာ လိုပဲ လိင်တူချင်း ဆက်ဆံတဲ့ လူငယ်အမျိုးသားတွေနဲ့ လိင်ပြောင်းလဲနေထိုင်တဲ့ အမျိုးသားတွေလိုမျိုး လူအုပ်စုတွေမှာ ရောဂါပိုး ကူးစက်ခံရမှု အထူးမြင့်မားနေ ဆဲ ဖြစ်ပါတယ်။ အဲဒီအတွက်ကြောင့် ပြုစုကုသရေးအပိုင်းမှာ တိုးမြှင့်သလို၊ ရောဂါကာကွယ်ရေးအပိုင်းမှာလည်း ပို အာရုံစိုက်လုပ်ဖို့ လိုပါတယ်။”

ကမ္ဘာ့ ကျန်းမာရေးအဖွဲ့ကနေ ထုတ်ပြန်လိုက်တဲ့ လမ်းညွှန်ချက်အသစ်အရ ကိုယ်ခံအားကျဆင်းမှု အခြေအနေကို မကြည့်တော့ပဲ HIV ပိုးရှိတဲ့ သူတိုင်းကို ပြုစုကုသမှု ပေးရမှာဖြစ်လို့ မြန်မာနိုင်ငံအခြေအနေနဲ့ လက်တွေ့လုပ်ဖို့ ဖြစ်နိုင်မလားဆိုတာနဲ့ ပက်သက်လို့လည်း သူက ခုလို ပြောပါတယ်။

”ဒါက ဖြစ်နိုင်ပါတယ်။ ကျန်းမာရေး ၀န်ကြီးဌာနကို ချထားပေးမယ့် ငွေအရင်း အမြစ်တွေ တင်မကပဲ၊ အလှူရှင်တွေဆီက ၀င်လာမယ့် အရင်းအမြစ်တွေလည်း တိုးလာပါတယ်။ အခုနောက်ပိုင်း Global Fund, 3MD Fund၊ US AID၊ DFAID၊ EU နဲ့ UK စတဲ့ အလှုရှင် အဖွဲ့အစည်းတွေက ရန်ပုံငွေ တိုးမြှင့်ပေးနေ ပါတယ်။

နောက်ပြီးတော့ မြန်မာနိုင်ငံရဲ့ ရောဂါပျံ့နှံ့မှု ကိန်းဂဏန်းက အလွန်အကျွံ ဖြစ်တဲ့ အခြေအနေမဟုတ်သေးတာလဲ ပါပါတယ်။ အချို့အာဖရိကနိုင်ငံတွေမှာ အရွယ်ရောက်ပြီးသူ အားလုံးရဲ့ ငါးရာခိုင်နှုန်းကနေ ဆယ်ရာခိုင်နှုန်းလောက် ထိ ရောဂါပိုးရှိနေတဲ့ အခြေအနေနဲ့ယှဉ်ရင် မြန်မာနိုင်ငံရဲ့ ၀န်ထုပ်ဝန်ပိုးက မကြီးလှတဲ့အတွက် အောင်မြင်နိုင်ပါတယ်။ လာမယ့် တစ်နှစ်နှစ်နှစ်အတွင်း မဖြစ်နိုင်သေးပေမယ့်၊ ဆယ်စုနှစ်အတွင်းတော့ ရောဂါပိုးရှိသူ အားလုံးကို ပြုစုကုသပေးနိုင်မယ့် အခြေအနေ ရောက်လာနိုင်ပါတယ်။

အဲဒီအတွက် ရောဂါပိုးရှိမရှိ စစ်ဆေးတဲ့အပိုင်းကို ဒီထက်မက ကျယ်ကျယ်ပြန့်ပြန့်လုပ်ဖို့လိုပါတယ်။ ဒါမှ ရောဂါပိုးရှိသူတာကို သိပြီး ကုသမှုခံနိုင်မှာပါ။ အဲဒီလို စစ်ဆေးခံနိုင်ဖို့ ဆိုရင် မြန်မာနိုင်ငံ အနေနဲ့ ရောဂါပိုးရှိနိုင်သူတွေကို ကြောက်ရွံ့မှုတွေ၊ ခွဲခြားဆက်ဆံမှုတွေ ကျယ်ကျယ်ပြန့်ပြန့် ရှိနေတာကို တိုက်ဖျက်သွားဖို့ လိုပါတယ်။ လက်ရှိမှာ လိင်တူ ဆက်ဆံသူတွေ၊ လိင်ပြောင်းထားသူတွေ၊ အမျိုးသမီး လိင်အလုပ်သမားတွေနဲ့ မူးယစ်ဆေးသုံးသူတွေလို ရောဂါပိုးကူးစက်နိုင်ခြေမြင့်တဲ့ သူတွေကို ခွဲခြားဆက်ဆံမှုတွေ ကျယ်ကျယ်ပြန့်ပြန့်ရှိနေပါတယ်။

ဒါ့အပြင် မြန်မာနိုင်ငံရဲ့ ကျေးလက်နဲ့ ဝေးလံတဲ့ နယ်စပ်ဒေသတွေ၊ အထူးသဖြင့် ရောဂါဖြစ်ပွားမှုများတဲ့ ကချင်နဲ့ ရှမ်းမြောက်လို့ ဒေသတွေမှာ ကျန်းမာရေး စောင့်ရှောက်မှု တိုးပေးဖို့ဆိုတာ တကယ့်ကို စိန်ခေါ်မှုတစ်ခုအနေနဲ့ ရှိနေဆဲ ဖြစ်ပါတယ်။”

မြန်မာနိုင်ငံအတွက် အသစ် ချမှတ်ထားတဲ့ HIV မဟာဗျူဟာ စီမံချက်မှာ အဓိက လူဦးရေရဲ့ ၉၀ ရာခိုင်နှုန်းဟာ ရောဂါ ကာကွယ်ရေး ၀န်ဆောင်မှုတွေရဖို့၊ HIV ပိုးရှိတဲ့ သူအားလုံးရဲ့ ၉၀ ရာခိုင်နှုန်းဟာ သူတို့မှာ ပိုးရှိမရှိ သိနေစေဖို့၊ HIV ပိုးရှိပြီး၊ ပိုးရှိမရှိ သိထားတဲ့ သူအားလုံးရဲ့ ၉၀ ရာခိုင်နှုန်းဟာ ပြုစု ကုသမှု ခံယူနိုင်ဖို့၊ ရောဂါ ပြုစု ကုသမှု ခံယူသူ အားလုံးရဲ့ ၉၀ ရာခိုင်နှုန်းဟာ ရောဂါပိုး နှိမ်နှင်းတာ အောင်မြင်ဖို့နဲ့ ပိုးရှိသူတွေနဲ့ ဆက်စပ်နေသူတွေ အပေါ် ခွဲခြားဆက်ဆံမှု မရှိစေဖို့ စတဲ့ ရည်မှန်းချက်တွေ ပါဝင်နေပါတယ်။

ရဲခေါင် / ဗွီအိုအေ (မြန်မာပိုင်း)
http://burmese.voanews.com

ကျောက်ဖြူကနေ တရုတ်ပြည်ထိ သဘာဝ ဓာတ်ငွေ့တွေ တင်ပို့နေတဲ့ ပိုက်လိုင်းလည်း ရှိနေ။
 ရခိုင်ပြည်နယ် ထဲမှာ ကျောက်ဖြူ အထူး စီပွားရေး ဇုံ အဖြစ် သတ်မှတ်ပေးဖို့ ဒီဇင်ဘာ ၃ ရက် နေ့ ကပဲ သမ္မတ ဦးသိန်းစိန် ကနေ ပြည်ထောင်စု လွှတ်တော် နာယက သူရ ဦးရွှေမန်း ဆီကို စာရေးသား ပေးပို့ ခဲ့ ပါတယ်။

အစိုးရ သက်တမ်း ၃ လ ကျော်ပဲ ကျန်တော့ တဲ့ အချိန်မှာ အခုလို ကျောက်ဖြူ အထူး စီးပွားရေးဇုံ အဖြစ် လွှတ်တော် ကနေ တရားဝင် သတ်မှတ် တာကို အစိုးရ က လိုလား နေတာ ဖြစ်ပါတယ်။

အထူး စီးပွားရေးဇုံ ရဲ့ မြေနေရာ အကျယ်အဝန်းကို တိတိကျကျ သတ်မှတ် နိုင်ရင် သိမ်းထားတဲ့ မြေယာ တွေ အတွက် လျော်ကြေး ပေးတဲ့ ကိစ္စတွေ အပါအဝင် လိုအပ်တဲ့ ဘတ်ဂျက်ငွေ တွေ တောင်းခံ နိုင်အောင် အခုလို အစိုးရ ဘက်က လွှတ်တော် ကို တိုက်တွန်းတာ ဖြစ်နိုင်တယ် ဆိုပြီး ကြံခိုင်ရေး ပါတီရဲ့ ပြည်သူ့ လွှတ်တော် ကိုယ်စားလှယ် ဦးဝင်းဦး က ဘီဘီစီ ကို ပြောပါတယ်။

ကျောက်ဖြူ အထူး စီးပွားရေးဇုံ ထဲမှာ ရေနက် ဆိပ်ကမ်း စီမံကိန်း ၂ခု၊ စက်မှုဇုံ စီမံကိန်း နဲ့ အဆင့်မြင့် အိမ်ရာ စီမံကိန်း တွေ ပါဝင်ပြီး မြေဧကစုစုပေါင်း ၄ ထောင့် ၂ရာ ကျော် ကျယ်ဝန်း မှာ ဖြစ်ပါတယ်။

ဒီ အထူး စီးပွားရေးဇုံ အကောင်အထည် ဖော်ဖို့ လုပ်ငန်း တင်ဒါတွေ ခေါ်ယူမှု လည်း ပြီးစီး နေပြီ ဖြစ်ပြီး အသေးစိတ် ညှိနှိုင်း ဆောင်ရွက် ဖို့သာ ကျန်တော့တယ် လို့ ကျောက်ဖြူ အထူး စီးပွားရေးဇုံ ဥက္ကဌ ဦးမြင့်သိန်းက ပြောပါတယ်။

တင်ဒါ ခေါ်ယူ မှုတွေ နဲ့ ပတ်သက်ပြီး ပိုပြီး ပွင့်လင်း မြင်သာမှု ရှိဖို့ ရခိုင် တိုင်းရင်းသား စီးပွားရေး လုပ်ငန်းရှင် တွေ လိုလားကြ ပေမယ့် ကျောက်ဖြူ အထူး စီးပွားရေးဇုံ ဟာ ဒေသတွင်း နိုင်ငံတွေ အကြား အချက်အခြာ ကျကာ အင်မတန် အောင်မြင် လာနိုင်တယ် လို့ မျှော်လင့် နေကြ ပါတယ်။

ကျောက်ဖြူကနေ တရုတ်ပြည်ထိ သဘာဝ ဓာတ်ငွေ့တွေ တင်ပို့နေတဲ့ ပိုက်လိုင်းလည်း ရှိနေသလို၊ ကျောက်ဖြူကနေ ယူနန်ပြည်နယ် ကူမင်း အထိ ရထားလမ်း ဖောက်မယ့် စီမံကိန်းလည်း ရှိနေပါတယ်။

BBC Burmese
http://www.bbc.com/burmese

စစ်ပြေး ဒုက္ခသည်တွေ ကတော့ နေရပ်ရင်း ကို ပြန်ဖို့ ကြောက်ရွံ့နေကြ ဆဲ။
 ရှမ်း လူ့အခွင့်အရေး ဖောင်ဒေးရှင်း က နေ အစီရင်ခံစာ ထုတ်ပြီး စွပ်စွဲ ထားတဲ့ ရှမ်းပြည်နယ် ထဲ အစိုးရ စစ်တပ် ရဲ့ ကျူးလွန် မှု တွေ ကို မြန်မာ အစိုးရ အနေနဲ့ လွတ်လပ်တဲ့ စုံစမ်း စစ်ဆေးမှု တွေ ပြုလုပ် ပါ ဆိုပြီး အမေရိကန် က တောင်းဆို လိုက်ပါတယ်။

အစိုးရ စစ်တပ်ဟာ စာသင်ကျောင်းတွေ နဲ့ ဗုဒ္ဓဘာသာ ဘုန်းကြီးကျောင်းတွေ ရှိရာ နေရာ တွေ ကို ပါ ဗုံးကြဲ ခဲ့ပြီး၊ အရပ်သား တွေ ကို ပစ်မှတ်ထား ပစ်ခတ်တာတွေ၊ မုဒိန်းကျင့် တာတွေ လုပ်ဆောင် ခဲ့တယ် လို့ ရှမ်း လူ့အခွင့်အရေး ဖောင်ဒေးရှင်း က စွပ်စွဲ ထားတာ ဖြစ်ပါတယ်။

အဲဒီ့ စွပ်စွဲမှုတွေ မှန်ကန်မှု ရှိ မရှိကို စုံစမ်းပြီး အပြစ်ရှိသူတွေ ကို အရေးယူပေးဖို့ တောင်းဆိုတယ် လို့ အမေရိကန် နိုင်ငံခြားရေး ဌာနရဲ့ ပြောခွင့်ရ ကထီးနား အဒမ်စ် က ပြောပါတယ်။

မြန်မာ အစိုးရ ဘက်ကတော့ အဲဒီ့ တောင်းဆိုမှု အပေါ် မတုံ့ပြန် သေးပါဘူး။

တခါ၊ အစိုးရတပ်နဲ့ ရှမ်းပြည် တိုးတက်ရေး ပါတီ SSPP/SSA အကြား အပြင်းအထန် တိုက်ပွဲ တစ်လ ကျော် ဖြစ်ခဲ့တဲ့ အတွက် မိုင်းရှူးနဲ့ ကျေးသီး မြို့နယ် ထဲမှာ ဒုက္ခသည် ထောင်ကျော် သောင်တင် နေရဆဲ ဖြစ်တယ်လို့ ဒုက္ခသည် အရေး ကူညီ ဆောင်ရွက် နေသူတွေ က ပြောပါတယ်။

မြို့ပေါ်မှာ စာသင်ကျောင်းတွေ ပုံမှန် ပြန်ဖွင့် နိုင်ပြီး ဖြစ်ပေမယ့် စစ်ပြေး ဒုက္ခသည်တွေ ကတော့ နေရပ်ရင်း ကို ပြန်ဖို့ ကြောက်ရွံ့နေကြ ဆဲ ဖြစ်တဲ့ အတွက် ကျေးရွာ တွေ မှာတော့ ကျောင်းတွေ ပိတ်ထား ရဆဲ ဖြစ်တယ် ဆိုပြီး တော့လည်း ဒုက္ခသည်တွေ ကို ကူညီနေတဲ့ မိုင်းရှုးမြို့ခံ နန်းဟိန်စန်း က ဆိုပါတယ်။

ပြီးခဲ့တဲ့ လ နိုဝင်ဘာ ၂၃ ရက်နဲ့ ၂၄ ရက် နေ့ တုန်းက အစိုးရ နဲ့ SSPP ကိုယ်စားလှယ် တွေ တွေ့ဆုံ ပြီး ၅ ရက် အတွင်း အကော်အထည် ဖော်ဖို့ မူအားဖြင့် သဘောတူ ထားတဲ့ အချက် ၆ ချက် ရှိ ပါတယ်။

အခုဆိုရင် ဆွေးနွေးပွဲ ပြီး ခဲ့တာ သီတင်း တစ်ပတ် ကျော် ကြာ ခဲ့ပြီ ဖြစ်ပေမယ့် နှစ်ဘက်တပ်တွေ ကြား ထိတွေ့ ပစ်ခတ်မှု ရပ်နေတာ က လွဲပြီး ဒေသခံတွေ နေရပ်ရင်း ပြန်နိုင်ရေး နဲ့ ပိတ်ထားရတဲ့ စာသင်ကျောင်းတွေ ပြန်ဖွင့်နိုင်ရေး ကိစ္စတွေ ကို အကောင်အထည် ဖော်တာ မတွေ့ရပါဘူး။

ဒါ့အပြင် ဆိုင်ထားတဲ့ နှစ်ဘက်တပ်တွေ နောက်ပြန်ဆုတ်ပြီး တပ်နေရာ ချ ထားရေး ကိစ္စ အပေါ် တိကျတဲ့ အဖြေ ထွက် မလာ သေးဘူး လို့ SSPP/SSA ရဲ့ တာဝန်ခံ ဗိုလ်မှုးကြီး စပ်ပိန်ဖ က ပြောပါတယ်။

ဒါ့ကြောင့် လုံခြုံရေး အာမခံချက် မရှိပဲ နဲ့တော့ စစ်ပြေး ဒုက္ခသည်တွေ နေရပ်ရင်း ပြန်နိုင်ဖို့ မဖြစ်နိုင် သေးဘူး လို့လည်း ဗိုလ်မှုးကြီး စပ်ပိန်ဖ က ဆိုပါတယ်။

လတ်တလော မိုင်းရှူးနဲ့ ကျေးသီး မြို့နယ်တွေက ယာယီ ဒုက္ခသည် စခန်းတွေမှာ စစ်ဘေး ရှောင်နေရသူ ဦးရေ ၆ထောင်ထက် မနည်းရှိပြီး လက်ရှိ အနေအထား မှာတော့ သူတို့ အတွက် ရိက္ခာ တလစာ လောက်တော့ အဆင်ပြေ နိုင် ပေမယ့် ရေရှည်မှာတော့ အကူအညီ အများကြီးလိုအပ်မယ် လို့ ဒုက္ခသည် အရေး ကူညီ ဆောင်ရွက် နေသူတွေ က စိုးရိမ် နေကြပါတယ်။

BBC Burmese
http://www.bbc.com/burmese