12/10/15

စလုံး ၊ နေပြည်တော် ၊ ဒီဇင်ဘာ ၈ ရက်

တစ်နိုင်ငံလုံးပစ်ခတ်တိုက်ခိုက်မှုရပ်စဲရေးသဘောတူစာချုပ် (NCA) သည် တစ်နိုင်ငံလုံးလွှမ်းခြုံမှုမရှိခြင်း ၊ နားလည်မှုလွှဲမှားနိုင်ခြင်း ၊ လက်မှမထိုးသည့်အဖွဲ့ များအပေါ်ဖိအားဖြစ်လာနိုင်ခြင်း တို့ ကြောင့်လက်မှတ်မထိုးခြင်းဖြစ်ကြောင်း NLD လွှတ်တော်ကိုယ်စားလှယ် ဒေါက်တာဒေါ်မေ၀င်းမြင့်ကပြောသည်။

တစ်နိုင်ငံလုံးပစ်ခတ်တိုက်ခိုက်မှုရပ်စဲရေး သဘောတူစာချုပ် (NCA) ကို ပြည်ထောင်စုလွှတ်တော်မှအတည်ပြုပေးရန်နိုင်ငံတော် သမ္မတက ပြည်ထောင်စုလွှတ်တော်သို့ ပေးပို့ ခဲ့သည့် သ၀ဏ်လွှာနှင့် ပက်သက်၍ ဒီဇင်ဘာလ ၇ ရက်နေ့ ကကျင်းပခဲ့သည့် ပြည်ထောင်စုလွှတ်တော်အစည်းအဝေးတွင် ဒေါက်တာဒေါ်မေ၀င်းမြင့်က ပြောကြားခဲ့ခြင်းဖြစ်သည်။

“အန်လ်စီအေစာချုပ်ကို အန်န်အယ်ဒီအဖွဲ့ချုပ်ဥက္ကဌအနေဖြင့် ပါဝင်လက်မှတ်ထိုးထားခြင်းမရှိပါဘူး။အကြောင်းအရင်းကတော့ တစ်နိုင်ငံလုံးလွှမ်းခြုံမှုမရှိဘဲ တစ်စိတ်တစ်ပိုင်းသဘောသာဖြစ်ခြင်း၊ ပါဝင်လက်မှတ်ရေးထိုးလိုက်ပါက စာချုပ်တွင်လက်မှတ်ရေးထိုးသော တိုင်းရင်းသားလက်နက်ကိုင်အဖွဲ့များနှင့် လက်မှတ်ရေးထိုးခြင်းမပြုသော တိုင်းရင်းသားလက်နက်ကိုင်အဖွဲကများအကြားနားလည်မှုလွှဲမှားနိုင်ခြင်း၊ ယခုစာချုပ်တွင် လက်မှတ်ရေးထိုးခြင်းမပြုသော တိုင်းရင်းသားလက်နက်ကိုင်များအပေါ်တွင် ဖိအားပေးလာနိုင်ခြင်းတို့ကြောင့် ဖြစ်ပါတယ်။ ” ဒေါက်တာဒေါ်မေ၀င်းမြင့်က ပြောသည်။

လက်မှတ်ရေးထိုးရန်ဖိတ်ကြားခြင်းမခံရသည့်အဖွဲ့ အစည်းများရှိနေခြင်း ၊ လက်မှတ်ရေးထိုးရာတွင်မပါဝင်ခဲ့သည့်တိုင်းရင်းသားအဖွဲ့ အစည်းများကျန်ရှိနေပြီး (NCA) စာချုပ်သည် တစ်နိုင်ငံလုံးကိုလွှမ်းခြံသည်ဟုမဆိုနိုင်ဟု ဆိုသည်။

တစ်နိုင်ငံလုံးပစ်ခတ်တိုက်ခတ်မှုရပ်စဲရေး စာချုပ်ဖြစ်ပေးလာစေရန်အတွက် ကြိုးပမ်းခဲ့ကြသည့် တပ်မတော် ၊ အစိုးရ ၊ တိုင်းရင်းသားလက်နက်ကိုင် အဖွဲ့ အစည်းအားလုံး နှင့် ကြားခံပုဂ္ဂိုလ်အဖွဲ့ အစည်းများအားလုံးကို ကျေးဇူးတင် အသိအမှတ်ပြုကြောင်း ၎င်းကဆိုသည်။

ပြည်ထောင်စုစိတ်ဓတ်ခိုင်မြဲမှုတို့ ကိုဦးတည်ကာ အစိုးရ နှင့်တပ်မတော်တို့ အနေဖြင့် တိုင်းရင်းသားလက်နက်ကိုင်အဖွဲ့ များ၏ တော်လှန်ရေးကို အခြေခံသည့် နိုင်ငံရေးဆန္ဒကိုနားလည်ခြင်း နှင့် အန်လ်စီအေစာချုပ်တွင်ပါဝင်လက်မှတ်ရေးထိုးထားခြင်း မရှိသေးသောအဖွဲ့ များကို သဘောထားကြီးစွာလက်ကမ်းကြိုဆိုသင့်ကြောင်း ၎င်းကပြောသည်။

တိုင်း၇င်းသာလက်နက်ကိုင် အဖွဲ့ အစည်း (၈) ဖွဲ့ နှင့် အစိုးရ တို့ သည့်ပြီးခဲ့သည် အောက်တိုဘာလ ၁၅ ရက်နေ့ ကနေပြည်တော်ရှိ မြန်မာမပြည်ပြည်ဆိုင်ရာကွန်ဗန်းရှင်းစင်တာ ( MICC-2) တွင် လက်မှတ်ရေးထိုးခဲ့ကြပြီး ပြည်သူ့ လွှတ်တော် ဥက္ကဌ သူရဦးရွှေမန်း နှင့် အမျိုးသားလွှတ်တော်ဥက္ကဌ ဦးခင်အောင်မြင့် အပါအ၀င် ပြည်တွင်း၊ ပြည်ပ သက်သေများကလည်းပါဝင်လက်မှတ်ရေးထိုးခဲ့ကြသည်။

တစ်နိုင်ငံလုံး ပစ်ခတ်တိုက်ခိုက်မှုရပ်စဲရေး (NCA) စာချုပ်အား ဒီဇင်ဘာလ (၇) ရက် နှင့် (၈) ရက် တို့ တွင်ကျင်းပခဲ့သည့် ပြည်ထောင်စုလွှတ်တော်အစည်းအဝေးတွင် လွှတ်တော်ကိုယ်စားလှယ် (၁၅) ဦးကဆွေးနွေးခဲ့ပြီး စာချုပ်ကိုပြည်ထောင်စုလွှတ်တော်က အတည်ပြုပေးခဲ့သည်။

The Street View

NLD ခေါင်းဆောင်လို့ ခေါ်ရတာ နုပ်ပါတယ်ဗျာ။ သူ့ကို NLD တစ်ဖွဲ့တည်း ပိုင်တာဆိုင်တာမှ မဟုတ်တာ။ ဒါကြောင့် ကျွန်တော် အမြဲ သုံးစွဲခဲ့တဲ့ နာမ်စား “လူထုခေါင်းဆောင်” ပဲ ကောင်းပါတယ်။ ဒါက ယေဘုယျ မဆန်ဘူးလား။ ကျေနပ်ကြတယ် မဟုတ်လား။

NLD က တောင်ပြိုကမ်းပြို နိုင်သွားပြီဆိုတာ သိရပြီးတဲ့ နောက်တစ်နေ့။ ကျွန်တော့် ဇနီးက မနက် စောစောစီးစီး ပြောရှာတယ်။ “ဒေါ်အောင်ဆန်းစုကြည် အမှိုက်ပြဿနာက စရင် ကောင်းမယ်နော်” တဲ့။ ကျွန်တော်က ပြန်ပြောမိတယ်။ “ဒီထက် အရေးကြီးတဲ့ ပြဿနာတွေက သောင်းခြောက်ထောင်လေ” လို့။ ပြောပြီးမှ ကျွန်တော် မှားသွားမှန်းသိတယ်။ ကျွန်တော့် အတွေးက တိမ်သွားခဲ့တာ ကလား။ ကျွန်တော့် ဇနီးကတော့ ကျွန်တော့်ကို ရယ်ကျဲကျဲနဲ့ လှမ်းကြည့်တယ်။ သူ့အကြည့်က သူ့အပြုံးက “မြန်မာပြည်မှာ ဒီလောက် ညံ့တဲ့ လူကလည်း စာရေးဆရာ ဖြစ်တာပဲလား” ဆိုတဲ့ အဓိပ္ပာယ်။

အဲဒီ အခိုက်အတန့်မှာ ကျွန်တော့်စိတ်က သိမ်ငယ် သွားတယ်။ ကျန်တဲ့စာရေးဆရာတွေပါ သိက္ခာကျမှာ စိုးတဲ့ အတွက် ကျွန်တော် ကပျာကယာ ကာပြီး ပြောလိုက်ရတယ်။
“နက်နက်ရှိုင်းရှိုင်း တွေးကြမယ် ဆိုရင်တော့ ဟုတ်တယ်ဟေ့၊ အမှိုက် ပြဿနာက စသင့်တယ်” လို့။

အံသြစရာပဲဗျာ။ တိုက်တိုက်ဆိုင်ဆိုင် ဒေါ်အောင်ဆန်း စုကြည်က သူ့ရဲ့ NLD လွှတ်တော် ကိုယ်စားလှယ်တွေကို ပထမဆုံး တိုက်တွန်းလိုက်တာကတော့ “အမှိုက်ကောက်ကြပါ” တဲ့။
တကယ်တော့ လူထု ခေါင်းဆောင်က နှိုးဆော် လိုက်တာက “အမှိုက်ကိစ္စ” ဆိုတာထက် “အမှိုက်ထဲက ရွှေ” သို့မဟုတ် ရွှေလို့ တင်စားထားတဲ့ မြန်မာတွေရဲ့ စိတ်ဓာတ်တွေကို နှိုးပေးလိုက်တာ ဖြစ်တယ်ဗျာ။

လူထုခေါင်းဆောင် ဒေါ်အောင်ဆန်းစုကြည်ဟာ အင်ဂျင်နီယာ တစ်ယောက်ဆိုလည်း ဟုတ်တယ်ဗျာ။ ပြည်သူတွေရဲ့ စိတ်ပိုင်းဆိုင်ရာ မက္ကနစ်ပေါ့။ ဘယ်နေရာမှာ ပျက်နေလဲ။ ဘယ်နေရာမှာ သံချေးကိုက်နေပြီး ဘယ်ပစ္စည်း လဲရမလဲ။ ဘယ်နေရာမှာ ဆီထိုးဖို့ လိုနေလဲ သူသိတယ်ဗျာ။
အမှိုက်ဆိုတဲ့ အရာကို လူတွေ နှစ်ခါ ပြန်မကြည့် ချင်ကြဘူး။ တချို့က နှာခေါင်းပိတ်ထားကြတယ်။ လက်နဲ့ ကိုင်ဖို့ဆို ဝေးရော။ ဒါပေမဲ့ အမှိုက်ဆိုတဲ့ ကောင်က ဆရာကြီး ခင်ဗျ။ သူ့ကို သွားပြီး မထီမဲ့မြင် သွားမလုပ်နဲ့ ပြဿနာ တက်သွားမယ်။ လူမျိုး တစ်မျိုးရဲ့ သိက္ခာကိုလည်း တစ်ပြားမှ မတန်အောင် သူ တတ်နိုင်တယ်။ အစိုးရ ဆိုတာတော့ သူ့ကြောင့် နှစ်ပြားမတန်အောင် ဖြစ်သွားနိုင်တယ်။ ဒါပေမဲ့ သူက လူမိုက်။ လူမိုက်ဆိုတော့ အဖော်အပေါင်းရှိမှ မိုက်တဲ့ ကောင်တွေ။ သူ့လို အမှိုက်တွေ ပေါတဲ့ နေရာမှာတော့ ဒီကောင်တွေက ထောင်ထောင် ထောင်ထောင်နဲ့၊ ဟိုလူ့ လက်ထဲက ခုန်ချလာလိုက်၊ ဒီလူ့လက်ထဲက ဆင်းချလာ လိုက်။ တစ်ခါတလေ တစ်မျိုးလုံး တစ်ဆွေလုံး အိတ်နဲ့အပြည့်။ ပုပ်သိုးပြီး ဟောင်နေတဲ့ အောက်တန်းစား အမှိုက်တွေက ပါသေး။

အဖော်အပေါင်း မရှိဘဲ သန့်ရှင်း ပြောင်ရောင်နေတဲ့ နေရာမျိုးကျတော့ ဒီကောင်တွေ ဘယ်သူ့လက်ထဲကမှ ဆင်းမလာရဲဘူး။ လူတွေကလည်းဗျာ သန့်ရှင်းတဲ့ နေရာမျိုး ကျတော့ အမှိုက်ပစ်ချရမှာ တွန့်နေတတ်တယ်။ ဆိုက်ကိုလို့ ခေါ်ရမလားဘဲ။ ဥပမာဗျာ၊ ကလေး လူကြီးကအစ လူအားလုံး ကိုယ်လုံးတီးနဲ့ နေကြတဲ့ ရွာတစ်ရွာမှာ ရောက်လာတဲ့ ဧည့်သည်လည်း အ၀တ်မပါဘဲ နေဖို့က သိပ်မခက်ဘူး။ ချွတ်ခါစ ငါးမိနစ်လောက်ပဲ မနေတတ် မထိုင်တတ် ဖြစ်မှာ။ ပြီးရင်တော့ နေသားကျသွားမှာပေါ့။ ဒါပေမဲ့ အဲဒီ ဧည့်သည်ကို ရန်ကုန်မြို့ ဆူးလေဘုရားနားက ဘတ်စကား မှတ်တိုင် တစ်ခုမှာ အ၀တ် မပါဘဲ သွားစမ်းဆိုရင် သူ ဘယ်သွားရဲမလဲ။
စင်ကာပူတို့၊ ဥရောပတို့ကို ရောက်ဖူးသူတွေ သိကြမှာ ပေါ့။ သန့်ရှင်း သပ်ရပ်နေတော့ ကျွန်တော်တို့ လက်တွေများ ယဉ်ကျေးလိုက်တာ၊ စည်းကမ်းရှိလိုက်ပါဘိ။ စက္ကူစလေး တောင် မချရဲဘူး။ ကိုယ့်အိတ်ကပ်ထဲကို အသာ ပြန်ထည့်ထား တယ်။ အမှိုက်ပုံးတွေ့မှ ထည့်မယ်ပေါ့။ အလွန် အဆင့်မြင့်တဲ့ လက်တွေပဲ။ မထင်ပါနဲ့။ မြောက်ဥက္ကလာ၊ မေဓာဝီ ဈေးနား ရောက်သွားတော့ အဲဒီ လက်တွေပါပဲ၊ အမှိုက်ကို တွေ့ကရာ ပစ်၊ တံတွေး သလိပ်တွေ ကြုံသလိုထွေး။ ပြည့်တန်ဆာ လက်လောက်တောင် အဆင့်မရှိတော့တာ တွေ့ရလိမ့်မယ်။

ဥရောပ၊ ဂျာမနီမှာ ရှိစဉ်က လူစည်တဲ့ နေရာတစ်ခုမှာ လမ်းလျှောက်အသွား ရှေ့က လူငယ်တစ်ယောက်က စက္ကူစ ကလေး မသိမသာ ပစ်ချလိုက်တယ်။ အဲဒီ လူငယ် ဘယ်နိုင်ငံကလဲ သိလား။ အဲ - ခင်ဗျား ထင်တဲ့ နိုင်ငံကပါပဲ။ သူ့နောက်က ကပ်ပါလာတဲ့ ဂျာမန် အဘွားအို တစ်ယောက်က လှမ်းခေါ် လိုက်ပြီး သူ ပစ်ချတဲ့ အမှိုက် ကောက်ပြီး သူ့ကို ပြန်ပေးတယ်။ နောက်ပြီး အဲဒီလူငယ်ကို ဆဲတာ ရိုက်တာထက် နာစရာကောင်းတဲ့ စကားတစ်ခွန်း ပြောသွားတာ နားနဲ့ဆတ်ဆတ် ကြားလိုက်ရတယ်။ အဘွားကြီး ပြုံးပြီး ယဉ်ယဉ်ကျေးကျေးလေး ပြောသွားတာက 'Das ist Deutschland' တဲ့။ ဂျာမန်လို ပြောတာ။ “ဒါ ဂျာမနီပါ” ဆိုပေမယ့် နောက်ဆက်တွဲ အဓိပ္ပာယ်က “မင်းတို့ဆီမှာလို အောက်တန်းကျတဲ့ အပြုအမူ မလုပ်ပါနဲ့” လို့ ဆိုလိုတာ။ အဲဒီကောင် သူ့တစ်သက် ဂျာမနီမြေမှာ စည်းကမ်းမဲ့ အမှိုက် ဘယ်ချရဲတော့မလဲ။ မြန်မာ ပြည် ပြန်ရောက်ရင်တော့ မပြောတတ်ဘူးပေါ့။
အဲလိုဗျ။ သူတို့ဆီမှာ ပြည်သူချင်းလည်း ထိန်း တယ်။ ကိုယ်နဲ့ မဆိုင်သလို မနေကြဘူး။ ဒီလို စည်းကမ်းရှိတာရဲ့ အရင်းအမြစ်ကို လိုက်ကြည့်တော့ စိတ်ဓာတ်ဗျ။ စိတ်ဓာတ်ကြောင့် ကိုယ်ကိုယ်တိုင် သန့်ရှင်း အောင် နေသလို ပတ်ဝန်းကျင် သန့်ှရှင်းအောင်လည်း အားစိုက်တယ်။ ကိုယ်တိုင် အမှိုက်ကို တွေ့ကရာ မချသလို၊ တွေ့ကရာ ချတဲ့သူကို မြင်ရင်လည်း ယဉ်ယဉ်ကျေးကျေး တားတယ်။ စိတ်ဓာတ်ဆိုတာ စိတ်နဲ့ဆိုင်တယ်။ စိတ်ဆိုတာ အလွန် ဆန်းကြယ်တယ်လို့ ဘုရား ရဟန္တာတွေလည်း ဟောတယ်။ ကိုယ်တိုင်လည်း ကြုံဖူးကြမှာပဲ။
စိတ်ဟာ အခြေအနေနဲ့ ပတ်ဝန်းကျင် သက်ရောက်တာ ခံရစမြဲပဲ။ ခွေးတစ်ကောင်ကို နေ့တိုင်း ကြိုးနဲ့ချည်ထား။ ကြာလာရင် ဘာဖြစ်မလဲ။ ရိုင်းစိုင်းလာမယ်။ သူ့ကို သွားပြီး စည်းကမ်းအကြောင်းတွေ ယဉ်ကျေးမှု အကြောင်းတွေ သွားပြောရင် ဘာဖြစ်မယ်ထင်လဲ။ ကိုက်လွှတ်မှာပေါ့။

မြန်မာလူမျိုးတွေ စည်းကမ်း မရှိတာ မှန်ဦးတော့၊ အပြစ်တော့ သွားမတင်နဲ့၊ ကြိုးနဲ့ အချည်ခံထားရတာ နှစ်ပေါင်း ၅၀ ကျော်ပြီ။ ကိုက်မလွှတ်ရင် ကံကောင်း။ သေနတ်တွေကြည့်ပြီး ဘယ်သူ့စိတ်တိုရမှန်း မသိဘူး။ သေနတ်ထွင်တဲ့ကောင်ကိုပဲ စိတ်ဆိုးရမလား။ သေနတ် မရှိလည်း ဓားနဲ့ လာခြိမ်းခြောက်ဦးမှာပဲ။ ဒီလိုနဲ့ ထွက်ပေါက် မရှိတဲ့ ဒေါသဟာ အမှိုက်ဆီ ရောက်သွားတယ်။
“အမှိုက်မပစ်ရ၊ ဒဏ်ငွေ တစ်သောင်းကျပ်” ဆိုတဲ့ ဆိုင်းဘုတ်အောက်တည့်တည့်မှာ အမှိုက်ကို အသံမြည်အောင် ဒေါသတကြီး ပစ်ချတယ်။ ဆိုင်းဘုတ်ကို မျက်ထောင့်နီကြီးနဲ့ ကြည့်ပြီး “အမှိုက်မပစ်ရတဲ့၊ ဟားဟားဟား ပစ်တယ်ကွာ၊ ပစ်တော့ ဖီးဖြစ်လား”။ ဟုတ်ကဲ့ ဖီး- feel အစစ်ပါခင်ဗျ။ အဓိပ္ပာယ်က “ပစ်တော့ ငါ့ကို စိတ်ကွက်လား” တဲ့။ မရိုင်းပါဘူးနော်။ အဲ၊ မိန်းကလေးတွေကတော့ အဲလို မပြောကြဘူးပေါ့ဗျာ။ သူတို့ ဘယ်လို ပြောကြလဲ သိချင်လို့လား။ နောက်မှ ပြောပြမယ်။

ဟေ့လူတွေ၊ အဲဒါက ကြိုးနဲ့ ချည်ခံထားရတဲ့ အချိန်က ကိစ္စ။ အခု ကြိုးချည်ထားတာ ဖြည်ပြီးသွားပြီ။ ၂၀၁၅ ရွေးကောက်ပွဲမှာ။ ဘယ်သူ ဖြည်ပေးတာလည်း ဟုတ်လား။ တော်တော်လည်း အတဲ့လူတွေ။ ခင်ဗျားတို့ရဲ့ ဘယ်ဘက် လက်က လက်သန်းလည်း ငုံ့ကြည့်လိုက်ပါဦး။ ခင်ဗျားတို့ ကိုယ်တိုင် မဲတွေထည့်ပြီး ဖြည်ခဲ့တာလေ။ လူထုခေါင်းဆောင် ကတော့ အကျိုးအကြောင်း ပြောပြီး လမ်းပြရုံပဲလေ။ ကိုယ် အ ရင်တော့ ကိုယ်ခံရုံပဲ။ တော်သေးတာပေါ့။ ထင်သလောက် မအကြလို့။ နို့မို့ဆိုရင်တော့ ခုထိ ကြိုးတန်းလန်းနဲ့ နေမှာ။

အဲဒီတော့ ဘာလုပ်ရမလဲ ဟုတ်လား။ အခု ခင်ဗျားတို့ ကိုယ့်ကိုယ်ကိုယ် ပိုင်သွားပြီလေ။ ဘယ်သူ့မှ အပြစ်တင်စရာ မရှိတော့ဘူး။ ကိုယ့်ကိုယ်ကိုယ် တန်ဖိုးရှိအောင် ဒီနေ့ကစပြီး လုပ်ပေတော့။
နိုင်ငံကို ဆက်ခံမယ့် မျိုးဆက်သစ်တွေကို အားနာရင် ငဲ့ညှာရင် တန်ဖိုးရှိတဲ့ လူမျိုး၊ အဆင့်မြင့်တဲ့ နိုင်ငံဖြစ်အောင် ဒီနေ့က စပြီး ကြိုးစားပေတော့။ မဟုတ်ရင်တော့ နောက်မျိုးဆက်တွေက ကျိန်ဆဲလိမ့်မယ်။
အာဏာရှင် စနစ်အောက်မှာ ကလန်ကဆန် လုပ်တာတွေ၊ စည်းကမ်းမဲ့တာတွေ၊ ပရမ်းပတာ၊ ပေါက်လွှတ် ပဲစား လုပ်ရပ်တွေအပေါ်မှာ နားလည်ပါတယ်။ ဒါပေမဲ့ အခု နှောင်ကြိုးမဲ့ချိန်မှာ ဒါမျိုး ဆက်လုပ်နေရင်တော့ ကိုယ်ပဲ ခံရမှာ။
လူထုခေါင်းဆောင်က နှိုးဆော်လိုက်ပြီ။ “အမှိုက် ကောက်ကြပါ” တဲ့။

အဲဒါ ခင်ဗျားတို့ ကျုပ်တို့ကို စိန်ခေါ်တာပဲ။ ကျုပ်တို့ရဲ့ စိတ်ဓာတ်တွေကို အပြောင်းခိုင်းလိုက်တာပဲ။ ဒီမိုကရေစီနဲ့ ထိုက်တန်ကြောင်း ပြလိုက်ကြပေတော့။ ကျုပ်တို့ အသုံးမကျရင် အာဏာရှင်တွေ ပြန်ခေါင်းထောင် လာမှာပဲ။
အာဏာရှင် တချို့က လေသံပစ်တယ်။ မြန်မာပြည်ကို စင်ကာပူလို လုပ်ပေးမယ်တဲ့။ ၂၀၁၅ ခုနှစ် အရယ်ရဆုံး ဟာသ။ သူတစ်ယောက်တည်း လုပ်ပေးလို့ ဘယ်ရလိမ့်မလဲ။ ခင်ဗျားတို့ ကျုပ်တို့ကိုယ်တိုင် လုပ်မှ ရမယ့်အလုပ်။
စင်ကာပူလို မိုးမျှော်တိုက်ကြီးတွေကို သွားမမြင်ပါနဲ့။ စင်ကာပူလိုဖြစ်အောင် ပြည်သူတွေ ညီရင် တစ်ပတ်အတွင်း လည်း ဖြစ်တယ်။
သူတို့ စင်ကာပူ နိုင်ငံသားတွေထက် စိတ်ဓာတ်သာဖို့၊ အမှိုက်ကင်းစင်ဖို့၊ စည်းကမ်းရှိဖို့၊ လူမျိုးရဲ့ ဂုဏ်သိက္ခာနဲ့ မာနထားတတ်ဖို့၊ ညီညွတ်ဖို့ပဲ လိုတယ်။ ပိုက်ဆံ မလိုဘူး။ အခုပဲ စလိုက်ကြစို့။

အမှိုက် ကင်းစင်ပြီး သန့်ရှင်း သပ်ရပ်နေရင် ဆင်းရဲပေမယ့် လူလေးစား သူလေးစား၊ တခြားလူမျိုးတွေ လေးစားတာ ခံရမယ်။ မဟုတ်ရင်တော့ လူမလေး ခွေးမခန့် အဆင့်နိမ့်ကျမြဲ နိမ့်ကျနေလိမ့်မယ်။ ကဲ၊ ဘယ်လိုလဲ၊ အာဏာရှင်တွေကို တိုက်ထုတ်ခဲ့သလို အမှိုက်တွေကိုလည်း တစ်စ မကျန်အောင် ရှင်းပစ်လိုက်ကြစို့လား။
__________________________________

https://m.facebook.com/story.php…

ပြည်သူ့အရေးဂျာနယ်၊ အတွဲ - ၂၊ အမှတ် - ၆၃၊ ကောင်းဆက်နိုင် ဆောင်းပါး။

နော်ဝေနိုင်ငံ၊ အော်စလိုမြို့တွင် ဒီဇင်ဘာလ ၁၀ ရက်၌ ကျင်းပပြုလုပ်မည့်
ငြိမ်းချမ်းရေးနိုဘယ်ဆုပေးပွဲ အခမ်းအနားသို့ ဧည့်သည်အဖြစ် တက်ရောက်ရန်အတွက် ၈၈ မျိုးဆက် ( ငြိမ်းချမ်းရေးနှင့် ပွင့်လင်းလူ့အဖွဲ့အစည်း ) မှ ဦးကိုကိုကြီးသည် ယနေ့ ဒီဇင်ဘာလ ၉ ရက် ၊ ည ၇း ၅၀ အချိန်က ရန်ကုန် မင်္ဂလာဒုံ လေဆိပ်မှ နော်ဝေနိုင်ငံ၊ အော်စလိုမြို့သို့ ထွက်ခွာသွားသည်။

ထိုခရီးစဉ်အတွင်း ဒီဇင်ဘာလ၊ ၁၂ ရက် အော်စလိုမြို့၌ ပြုလုပ်မည့် " ရွေးကောက်ပွဲအလွန် အခွင့်အလမ်းများနှင့် စိမ်ခေါ်မှုများ " ခေါင်းစဉ်ဖြင့် ဆွေးနွေးပွဲကိုလည်း ဦးကိုကိုကြီးမှ ပါဝင် တက်ရောက် ဆွေးနွေးသွားမည်ဖြစ်သည်။

The 88 Generation Peace and Open Society

သမ္မတ၊ ကာချုပ်တို့နဲ့ တွေ့ဆုံအပြီး ဒေါ်စုက ဦးသန်းရွှေနဲ့ တွေ့တာ နိုင်ငံရေး ရည်ရွယ်ချက်ကြောင့်လို့ဆို
ဗိုလ်ချုပ်မှူးကြီးဟောင်း ဦးသန်းရွှေရဲ့မြေး ကိုနေရွှေသွေးအောင်ရဲ့ ဖေ့စ်ဘွတ် စာမျက်နှာမှာ တင်ထားတဲ့ ၅၀၀၀ ကျပ်တန် ငွေစက္ကူပေါ်က လက်မှတ်ကို သမ္မတ ဦးသိန်းစိန် ရေးထိုးထားတာ မဟုတ်ဘူးလို့ သမ္မတရုံး ညွှန်ကြားရေးမှူးနဲ့ မေးမြန်း ထားတာကို ကိုးကားပြီး Myanmar Review ဂျာနယ်မှာ ဖေါ်ပြထား ပါတယ်။

ဒါ့အပြင် ဒေါ်အောင်ဆန်း စုကြည်နဲ့ ဗိုလ်ချုပ်မှူးကြီးဟောင်း ဦးသန်းရွှေတို့ တွေ့ဆုံခဲ့တာကိုလည်း သမ္မတ ဦးသိန်းစိန်နဲ့ တပ်မတော် ဘက်က ကြိုတင် မသိဘူးလို့ သမ္မတရုံး ညွှန်ကြားရေးမှူးက ပြောကြောင်း Myanmar Review ဂျာနယ်အယ်ဒီတာ ဦးရဲမိုးက ပြောပါတယ်။

အသိမပေးဘဲ ဒီလို တွေ့ဆုံကြတာဟာ သမ္မတနဲ့ တပ်မတော်ကို ကျော်ပြီး လုပ်တာလို့ ဦးရဲမိုးက ပြောပါတယ်။

သူကိုယ်တိုင်က တပ်မတော် တာဝန်ထမ်းဆောင်ဖူးပြီး လက်ရှိလည်း တပ်နဲ့ နီးစပ်သူ ဖြစ်လို့ လူအများစုက ယူဆထားကြသလို တပ်မတော်တစ်ခုလုံးကို ဗိုလ်ချုပ်မှူး ကြီးဟောင်း ဦးသန်းရွှေကပဲ ချုပ်ကိုင် ထားတယ် ဆိုတာ မဟုတ်မမှန်ဘူး လို့လည်း ဦးရဲမိုးက ပြောပါတယ်။

ဒါပေမဲ့ အခုလို NLD အနိုင်ရပြီး အသွင်ကူးပြောင်းရေး ဆောင်ရွက်မယ့် ကာလမှာ ဒေါ်အောင်ဆန်း စုကြည်က ဦးသန်းရွှေနဲ့ တွေ့ဆုံတာက ပုဂ္ဂိုလ်ရေး မဖြစ်နိုင်ဘဲ နိုင်ငံရေး ဆွေးနွေးဖို့သာ ဖြစ်နိုင်တယ်လို့ သူက ဆိုပါတယ်။

တကယ်တန်း အသွင်ကူးပြောင်းရေး ချောမွေ့စေဖို့ ဆိုရင် ဒေါ်အောင်ဆန်း စုကြည် အနေနဲ့ ဦးသန်းရွှေနဲ့ ဆွေးနွေးတာထက် သမ္မတ၊ ကာကွယ်ရေး ဦးစီးချုပ်တို့နဲ့သာ ညှိနှိုင်း သင့်တယ် လို့လည်း ဦးရဲမိုးက ပြောပါတယ်။

BBC Burmese
http://www.bbc.com/burmese

မြန်မာနိုင်ငံက အထည်ချုပ်အလုပ်သမားများ။
မြန်မာနိုင်ငံက အထည်ချုပ်အလုပ်သမား ထက်ဝက်လောက်ဟာ လုပ်ခလစာ မလုံလောက်မှုကြောင့် ကြွေးမြီ ပြ ဿနာနဲ့ ရင်ဆိုင်နေကြရတယ်လို့ နိုင်ငံတကာလူမှုကူညီရေးအဖွဲ့ Oxfam နဲ့ အလုပ်သမားအခွင့်အရေးဆိုင်ရာ အဖွဲ့အစည်းတွေက ပြောလိုက်ပါတယ်။

အထည်ချုပ် အလုပ်သမားတွေဟာ တစ်ပတ်မှာ ၆ ရက်၊ တစ်ရက်မှာ ၁၁ နာရီနှုန်းနဲ့ အလုပ်လုပ်ကြပေမယ့်လည်း ဆင်းရဲတွင်းနက်နေဆဲပဲလို့ ဆိုပါတယ်။ သတင်း အပြည့်အစုံကို တော့ ဗွီအိုအေသတင်းထောက် မမြင့်မြင့်ခိုင်က တင်ပြပေးပါမယ်။

Oxfam နဲ့ အလုပ်သမား အခွင့်အရေးဆိုင်ရာ အဖွဲ့အစည်းတွေပူးပေါင်းပြီး မြန်မာပြည်က အထည်ချုပ် အလုပ် သမားတွေ ရင်ဆိုင်ကြုံတွေ့နေရတဲ့ ပြဿနာတွေကို စစ်တမ်းကောက်ယူထားတဲ့ "Made in Myanmar" ဆိုတဲ့ သုတေသန အစီရင်ခံစာကို ဒီကနေ့ ထုတ်ပြန်လိုက်ပါတယ်။
Oxfam နဲ့ အလုပ်သမား အခွင့်အရေးဆိုင်ရာလှုပ်ရှားသူ တို့ပူးပေါင်းပြီး အစီရင်ခံစာထုတ်ပြန်Oxfam နဲ့ အလုပ်သမား အခွင့်အရေးဆိုင်ရာလှုပ်ရှားသူ တို့ပူးပေါင်းပြီး အစီရင်ခံစာထုတ်ပြန်

အထည်ချုပ် အလုပ်သမားအများစုဟာ အချိန်ပိုလုပ်ခနဲ့ ဆုကြေးအပါအဝင် ပျှမ်းမျှလုပ်ခလစာ ၁၂၂၀၀၀ ကျပ် ရရှိပေမယ့်လည်း သူတို့ရဲ့ အခြေခံကုန်ကျစရိတ်ကို မကာမိသလို ၄၃%သော အထည်ချုပ် အလုပ်သမားတွေ မှာ ပျှမ်းမျှ အကြွေး ၅သောင်း ၇ထောင်ကျော် ရှိတယ်လို့ Oxfam အဖွဲ့ရဲ့မူဝါဒ ဆိုင်ရာ အကြံပေး Ms. Daisy Gardener က အထည်ချုပ်အလုပ်သမားများ အခြေအနေကို ဖော်ပြထားတဲ့ အစီရင်ခံစာနဲ့ပတ်သက်တဲ့ သတင်း စာရှင်းလင်းပွဲမှာ ပြောဆိုလိုက်ပါတယ်။

"ဒီအစီရင်ခံစာမှာ ဖော်ပြထားတဲ့ အပိုဆုကြေးအပါအဝင် ပျှမ်းမျှလစာ ၁၂၂၀၀၀ ကျပ်ဆိုတဲ့ ပမာဏက သူတို့ရဲ့ အခြေခံ အသုံးစရိတ် တွေကို မကာမိဘူးလို့ အထည်ချုပ်အလုပ်သမားတွေက ပြောပြပါတယ်။ သူတို့တွေထဲက တစ်ဝက်လောက်ကလည်း ကြွေးမြီပြဿနာနဲ့ ရင်ဆိုင်နေကြရတာပါ။ အစိုးရက အနည်းဆုံးလုပ်ခလစာ မသတ် မှတ်ခင်ကတည်းက စစ်တမ်းကောက်ထားတဲ့ ၁၂၂၀၀၀ ကျပ်ဆိုတဲ့ ပမာဏက လက်ရှိအခြေအနေအထိ အကျုံး ဝင်နေပါသေးတယ်။ ဘာလို့လဲဆိုတော့ အစိုးရက သတ်မှတ်ထားတဲ့ အနည်းဆုံး လုပ်ခလစာက တစ်လကို ၁၀၈၀၀၀ ကျပ်ဖြစ်ပါတယ်။ ကျွန်မတို့ စစ်တမ်းက တွေ့တဲ့ ၁၂၂၀၀၀ ဆိုတဲ့ ပမာဏကို ကြည့်ခြင်းအားဖြင့် လက်ရှိ အထည်ချုပ် အလုပ်သမားတွေကြုံတွေ့နေရတဲ့ လူနေမှုစရိတ်ပေါ်အခြေခံပြီး အနည်းဆုံးလုပ်ခ လစာ ပမာဏကို ထပ်ပြီးညှိနှိုင်းစရာမလိုတော့ပါဘူး။"

အထည်ချုပ်အလုပ်သမား တွေရဲ့ ၄၀% ကျော်ဟာ လုပ်ငန်းခွင်မှာ လုံခြုံမှု မခံစားရသလို ဖိနှိပ်ခံရတဲ့ လုပ်ငန်းခွင်ပတ်ဝန်းကျင်မှာ လုပ်ကိုင်နေကြရတယ်လို့လည်း ဒီအစီရင်ခံစာမှာ ဖော်ပြထားပြီး ၂၀၁၅ စက်တင်ဘာမှာ အနိမ့်ဆုံးလုပ်ခလစာ တစ်ရက်ကို ၃၆၀၀ နှုန်း အစိုးရကသတ်မှတ်လိုက်ပေမယ့်လည်း အဲ့ဒီ ပမာဏက အထည် ချုပ် အလုပ်သမားတွေ အတွက် လုံလောက်မှုမရှိသေးဘူးလို့ ဆိုပါတယ်။

လုပ်ငန်းခွင်လုံခြုံမှုလို့ဆိုတဲ့နေရာ အထည်ချုပ်အလုပ်သမားတွေအနေနဲ့ အလုပ်သမားအခွင့်အရေး တောင်းဆို ရင် အလုပ်ဖြုတ်ခံရမှာကို စိုးရိမ်နေကြရတယ်လို့ ၈၈ မျိုးဆက် ငြိမ်းချမ်းရေးနဲ့ ပွင့်လင်းလူ့အဖွဲ့အစည်း အလုပ်သမားရေး ဌာနက မသက်သက်အောင်က ပြောပါတယ်။

“သိပ်အရေးကြီးတဲ့အချက်တချက်ကိုပြောချင်ပါတယ်။ အဲဒါဘာလဲဆိုတော့ အလုပ်သမားတွေ အလုပ်ဖြုတ်ခံနေရတာပါ။ Union ၀င်ဖို့အတွက်တောင်မှ အလုပ်သမားတွေက စိုးရိမ်နေတယ်။ သူတို့အလုပ်သမားတွေဟာ သူတို့အခွင့်အရေးကို သူတို့တောင်းဆိုတာနဲ့ သူတို့မှာ အလုပ်ဖြုတ်ခံရဖို့အတွက် ခြိမ်းခြောက်ခံနေရပြီလို့ သူတို့က alarm မြည်နေပြီ။ ဟုတ်ပါတယ် ဘာကြောင့်လဲဆိုတော့ ဒါဟာတကယ်ဖြစ်နေတာပါ။ တကယ်ဖြစ်နေလို့လည်း တကယ်ကြောက်ကြရတာပါ။ အဲတော့ ဒီကိစ္စကို ဘယ်လိုဖြေရှင်းနိုင်သလဲဆိုလို့ရှိရင် တိုင်ကြားမှု ယန္တရားတွေကို သေသေချာချာလုပ်ဖို့လိုအပ်ပါတယ်။ ပြီးတဲ့အခါကျတော့ တိုင်ကြားလာတဲ့အခါမှာလည်းပဲ ဒီ ထိရောက်တဲ့ဖြေရှင်းမှုမျိုးတွေကိုလုပ်ပေးဖို့လိုအပ်ပါတယ်။ ဆိုတော့ မြန်မာနိုင်ငံမှာ Freedom of Association ဖြစ်နေပြီလို့ပြောသော်လည်းပဲ တကယ့်တကယ်ကျတော့ အလုပ်သမားသမဂ္ဂခေါင်းဆောင်တွေကို ရွေးပြီးတော့ အလုပ်ဖြုတ်နေခြင်းသည် ဒါဟာ Freedom of Association ဖြစ်ရဲ့လားဆိုတဲ့ မေးခွန်းကိုတော့ ပြန်ပြီးသုံးသပ်ရမယ်လို့ ကျမအနေနဲ့ ထင်ပါတယ်။”

၂၀၁၅ ဇွန်လနဲ့ ဇူလိုင်လအတွင်း အထည်ချုပ်အလုပ်သမားတွေရဲ့ အခြေအနေနဲ့ ပတ်သက်ပြီး လေ့လာထားတဲ့ Oxfam ရဲ့ ဒီသုတေသနအစီရင်ခံစာဟာ ရန်ကုန်မြို့ အနီး စက်မှုဇုံတွေက စက်ရုံ ၂၂ ရုံက အမျိုးသမီး အထည် ချုပ် အလုပ်သမားတွေကို အဓိကထား စစ်တမ်းကောက်ထားတာဖြစ်ပြီး မြန်မာနိုင်ငံ စက်ရုံတွေအတွင်းက ညံ့ ဖျင်းတဲ့ အခြေအနေတွေ၊ တရားဥပဒေစိုးမိုးမှု အားနည်းတာတွေနဲ့ အခြေခံ အလုပ်သမားအခွင့်အရေးတွေကို အလေးထားမှုကင်းမဲ့တာတွေကို နိုင်ငံတကာကုမ္ပဏီတွေအနေနဲ့ အခွင့်ကောင်းယူပြီး မြန်မာနိုင်ငံက အထည် ချုပ်လုပ်ငန်းမှာ ရင်းနှီးမြှုပ်နှံမှု မလုပ်ကြဖို့လည်း ဒီအစီရင်ခံစာက အကြံပြုထားပါတယ်။

မြင့်မြင့်ခိုင် / ဗွီအိုအေ (မြန်မာပိုင်း)
http://burmese.voanews.com

မြောက်ကိုရီးယား ခေါင်းဆောင် ကင်မ်ဂျုံအွန်း။
 မြောက်ကိုရီးယားရဲ့ လက်နက်ခဲယမ်းဆိုင်ရာ လုပ်ဆောင်ချက်တွေနဲ့ အချိတ်အဆက်ရှိတဲ့ လူပုဂ္ဂိုလ်ခြောက်ဦးနဲ့ အဖွဲ့အစည်း အများအပြားကို အမေရိကန်ပြည်ထောင်စုက ဘဏ္ဍာငွေကြေးဆိုင်ရာ ဒဏ်ခတ်အရေးယူလိုက်ပါတယ်။

ဒဏ်ခတ်အရေးယူတဲ့ထဲမှာ လက်နက်အရောင်းအ၀ယ်နဲ့ ပတ်သက်တယ်လို့ စွပ်စွဲထားတဲ့ မြောက်ကိုရီးယား မဟာဗျူဟာ ဒုံးကျည်တပ်ဖွဲ့၊ ဘဏ်နှစ်ခုနဲ့ သင်္ဘောလိုင်းကုမ္ပဏီသုံးခု ပါတယ်လို့ အမေရိကန်ဘဏ္ဍာရေးဝန်ကြီးဌာနက အင်္ဂါနေ့မှာ ကြေညာပါ တယ်။

စာရင်းထဲမှာပါတဲ့ လူပုဂ္ဂိုလ် အဖွဲ့အစည်းတွေနဲ့ ချိတ်ဆက် လုပ်ဆောင်တာတွေမှာ မပတ်သက်ဖို့ အခုလို ဒဏ်ခတ် အရေးယူမှုမျိုး ကနေ အမေရိကန်နိုင်ငံသားတွေကို ပိတ်ပင်တားမြစ်ပါတယ်။

ဦးတည်ချက်ထား အရေးယူတဲ့ အဖွဲ့အစည်းတခုကတော့ ကိုရီးယား သတ္တုတွင်းနဲ့ ဖွံ့ဖြိုးတိုးတက်မှုကုန်သွယ်ရေးဆိုင်ရာ ကော်ပို ရေးရှင်းရဲ့ ဘဏ္ဍာရေးဆိုင်ရာလက်ခွဲ Tanchon ကူးသန်းရောင်းဝယ်ရေးဘဏ်ဖြစ်ပါတယ်။

ဒီဘဏ်ဟာ မြောက်ကိုရီးယားက လက်နက်ခဲယမ်းတွေ တင်ပို့တဲ့ကိစ္စ လုပ်ပေးနေတာပါ။ ဘဏ်ကိုယ်စားလှယ် ခြောက်ယောက်လည်း ဒဏ်ခတ် အရေးယူခံရတဲ့ စာရင်းထဲမှာ ပါပါတယ်။ အဲဒီထဲကနှစ်ယောက်ဟာ ဆီးရီးယားမှာရောက်နေပြီး နှစ်ယောက်ကတော့ ဗီယက်နမ်မှာပါ။

မြောက်ကိုရီးယားရဲ့ မဟာဗျူဟာ ဒုံးကျည်တပ်ဖွဲ့ဟာ ဒိနှစ်အတွင်း ပဲ့ထိန်းဒုံးကျည်စမ်းသပ်မှု အတော်များများ လုပ်ခဲ့တယ်လို့ ဘဏ္ဍာရေးဝန်ကြီးဌာနက စွပ်စွဲထားပါတယ်။ ဒဏ်ခတ်အရေးယူလိုက်တဲ့ သင်္ဘောကုမ္ပဏီ ၃ ခုဟာ လက်နက်ခဲယမ်းတွေကို သယ်ပို့ပေးခဲ့တယ်လို့လည်း ပြောပါတယ်။

VOA Burmese
http://burmese.voanews.com

( အသံဖိုင် အမေးအဖြေအား တင်ပေးခြင်းသာဖြစ်ပြီး ....
သတင်းအပြည့်အစုံအား ...
မနက်ဖြန်ထွက်ရှိမည့် မြန်မာရီဗျူး ဂျာနယ်တွင် ...
ဆက်လက်ဖတ်ရူပါရန် )

ရဲမိုး ။ ဟဲလို ... ကိုဇော်ဌေးပါလား ခင်ဗျာ ။
ကိုဇော်ဌေး ။ ဟုတ်ကဲ့  ... ။

ရဲမိုး ။ အကိုကြီး ကျွန်တော် ရဲမိုးပါ ခင်ဗျ ။
မြန်မာရီဗျူးဂျာနယ်က အယ်ဒီတာပါ ခင်ဗျ ။
ကိုဇော်ဌေး ။ အော် ... ပြော ... ညီလေး ... ပြော .... ။

ရဲမိုး ။ အစ်ကိုကြီးခင်ဗျ ...
သတင်းလေးတစ်ချို့  လူမှုကွန်ယက်စာမျက်နှာမှာ
ပြန့် နှံ့ နေတာနဲ့  ပတ်သက်လို့ 
အကိုကြီးတို့ သမ္မတရုံးကို
အတည်ပြုချက်လေး လှမ်းလုပ်တာပါ ခင်ဗျ ။
ကိုဇော်ဌေး ။ ဘယ်ဟာလဲ မသိဘူး ။

ရဲမိုး ။ ပြီးခဲ့တဲ့ ရက်ပိုင်းက ဦးသန်းရွှေ နဲ့  ဒေါ်အောင်ဆန်းစုကြည်တို့ 
ဦးသန်းရွှေ နေအိမ်မှာတွေ့ တယ်ဆိုပြီး သတင်းတွေ ထွက်လာပါတယ် ။
အဲဒီတော့ သူ့ မြေးရဲ့  ဖိုးလပြည့်ရဲ့  လူမှုကွန်ယက်စာမျက်နှာကလဲ
ဒါကို ဒီတွေ့ ဆုံတယ်ဆိုတဲ့  သတင်းထုတ်ပြန်ချက်ကို
သမ္မတကြီး လက်မှတ်ထိုးထားတဲ့ ငွေစက္ကူနဲ့ ပေါ့နော်
ပူးတွဲပြီးတော့ ဖော်ပြခဲ့တယ် ခင်ဗျ ။

ပြီးခဲ့တဲ့  တစ်ရက်နှစ်ရက်မှာ ဒီတွေ့ ဆုံမှုကို
အစိုးရဘက်က ဒီသမ္မတကြီးတို့ ရော တပ်ဘက်က တပ်ချုပ်တို့ ရော
သူတို့ ကြိုတင်အကြောင်းကြားထားတယ် ....
သူတို့ သိပြီးသားဆိုတဲ့  သတင်းတွေ
ထပ်ပြီးတော့ ထွက်ပေါ်လာပါတယ် ။

အဲဒီတော့ ကျွန်တော်တို့ မြန်မာရီဗျူးဂျာနယ်က
မနက်ကတော့ တပ်မတော်သတင်းမှန်ထုတ်ပြန်ရေးအဖွဲ့ ကို
ဆက်သွယ်ပြီးတော့ ဒီသတင်းကို အတည်ပြုတဲ့ အခါမှာ
တပ်ဘက်က သူတို့ မသိဘူး ။
ကြိုသိမထားဘူးလို့ ငြင်းပါတယ် ခင်ဗျ ။
အဲဒီတော့ အစိုးရအဖွဲ့ ရဲ့ သဘောထားလေး
ဒီဟာနဲ့  ပတ်သက်လို့ များ အတည်ပြုချက်လေး
ကျွန်တော်တို့ လှမ်းပြီးတော့ ယူတာပါ ခင်ဗျ အကိုကြီး ။

ကိုဇော်ဌေး ။ အော် ... အဲဒါနဲ့ ပတ်သက်လို့ 
ပြောရမယ်ဆိုရင်တော့ နှစ်ပိုင်းပေါ့နော်
ခုနက ငွေစက္ကူပေါ်မှာ လက်မှတ်ထိုးတယ်ဆိုတဲ့  အပိုင်း ...
ဒါလဲ သတင်းစာတွေမှာပါတယ် ...
ဖေ့စ်ဘုတ်ပေါ်မှာတွေ့ လို့  မေးကြည့်တယ်ပေါ့နော် ...
မေးကြည့်တော့ သူ သမ္မတကြီးပြောတာကတော့
သူတစ်ခါမှ ငွေစက္ကူငါးထောင်တန်ပေါ်မှာ
လက်မှတ်မထိုးဖူးဘူးလို့ ပြောတယ် ။

ဘာကြောင့် လက်မှတ်မထိုးလဲဆိုတော့
ငွေစက္ကူပေါ်မှာ လက်မှတ်ထိုးရင်
လက်မှတ်ထိုးတာတို့ ကျန်တဲ့  အင်းဆွဲတာတို့ ဘာတို့ 
ကျန်တဲ့ ဟာတွေ လုပ်ရင် ဗဟိုဘဏ်ဥပဒေပုဒ်မ ၉၉ထင်တယ် ....
သူနဲ့  အရေးယူလို့ ရတယ် ။
ထောင် နှစ်နှစ်အထိ ချလို့ ရတယ် ။

နောက် ဒုတိယအချက်က
ခုနကပြောတဲ့  တွေ့ ဆုံမှု နဲ့ ပတ်သက်လို့ ပေါ့နော် ....
တွေ့ ဆုံမှုနဲ့ ပတ်သက်လို့ ပြောရရင်တော့
သမ္မတကြီးလဲ ကြို မသိထားဘူးလို့ ပြောတယ် ။
သူ့ ကို ကြိုတင် အသိပေးထားတာ မရှိဘူးလို့ ပြောတယ် ။

နောက် တတိယအပိုင်းအနေနဲ့ ဖြည့်စွက်ပြောချင်တာကတော့
ဒါကတော့ သူတွေ့ တာကတော့
သူရဲ့ ပုဂ္ဂလိက လွှတ်လပ်ခွင့်ပေါ့နော် ...
သူ့ အနေနဲ့  ဒေါ်စု မကလို့ 
ဘယ်သူနဲ့ ပဲ တွေ့ တွေ့  တွေ့ ပိုင်ခွင့်ရှိတယ် ။
အဲဒါကို အစိုးရအနေနဲ့  ပတ်သက်ခြင်း မရှိဘူးပေါ့နော် ။

ရဲမိုး ။ အော် ... ဟုတ်ကဲ့ ခင်ဗျ ...
အဲဒါဆိုရင် အကိုကြီး ဒါ ကျွန်တော့်အနေနဲ့  ရှင်းရှင်းလင်းလင်းပေါ့နော် ...
သေချာအောင် ထပ်မေးတာ သမ္မတကြီးအနေနဲ့ 
ဒီတွေ့ ဆုံဆွေးနွေးမှု ကို သူတို့ လုံးဝကြိုပြီး သိခဲ့ခြင်း မရှိဘူး ။
နောက်တစ်ချက်က ဖိုးလပြည့် ပူးတွဲဖော်ပြခဲ့တဲ့ 
ငါးထောင်တန်ပေါ်က လက်မှတ်ဟာ
သမ္မတကြီးထိုးထားတာ မဟုတ်ဘူးပေါ့နော် ...
ဒါမှန်ပါသလား ခင်ဗျ ။

ကိုဇော်ဌေး ။ မှန်တယ် ... မှန်တယ် ...
နံပါတ် တစ် တွေ့ တာ မသိဘူး ...
နံပါတ် နှစ် ငါးထောင်တန်ပေါ် လက်မှတ်မထိုးဘူး ...

ရဲမိုး ။ အော် ... ဟုတ်ကဲ့ ပါ ခင်ဗျ ...
အကိုကြီး ကျေးဇူးတင်ပါတယ် ခင်ဗျာ ...
သတင်းကို အတည်ပြုပေးတဲ့ အတွက် ... ။

ကိုဇော်ဌေး ။ ဟုတ်ကဲ့ ခင်ဗျ ... ကျေးဇူးပါ ။

Posted by Htay Tint.
https://www.facebook.com/htayt/posts/10205674473765268

ရွေးကောက်ခံ အတိုက်အခံပါတီခေါင်းဆောင်တစ်ယောက်က
လက်ရှိအစိုးရကို နောက်ကွယ်က ကြိုးကိုင်တယ်လို့ နာမည်ကြီးနေတဲ့
ကာချုပ်ဟောင်း အာဏာရှင်ဟောင်းနဲ့

တွေ့ဆုံတဲ့သတင်းဟာ လက်ရှိ တာဝန်ထမ်းဆောင်နေတဲ့

အစိုးရနဲ့ တပ်မတော်အရာရှိတွေအတွက် ကြိုသိသည်ဖြစ်စေ

ကြိုမသိသည်ဖြစ်စေ လက်ရှိ ဒီမိုကရေစီဖော်ဆောင်နေတဲ့ အခင်းအကျင်းတစ်ခုမှာ

မည်သို့မျှ ဝင်ရောက်စွက်ဖက်စရာအကြောင်းမရှိသလို

ဝင်ရောက်စွက်ဖက်မယ်လို့လည်း မယုံကြည်ပါဘူး။

တပ်မတော်နဲ့ အစိုးရကို ကျော်လုပ်တယ် ဆိုတဲ့ကောက်ချက်ချမှုမျိုးကတော့
ပိုလို့တောင် ယူဆဖို့မဖြစ်နိုင်တာပါပဲ။

ဘာ့ကြောင့်လဲဆိုရင်

အာဏာရှင်ဟောင်းဟာ အငြိမ်းစား ကာချုပ်ဖြစ်နေပြီး
လက်ရှိမှာ တရားဝင် ဘာတာဝန်မှ ထမ်းဆောင်ထားတာမရှိပါဘူး။

ထို့အတူ ရွေကောက်ခံ အနိုင်ရပါတီခေါင်းဆောင် အမျိုးသမီးဟာ
သာမန်အရပ်သား တစ်ယောက်ပါပဲ။

အဲဒီအတွက် သူမ ချမှတ်ခဲ့တဲ့ အမျိုးသားပြန်လည်သင့်မြတ်ရေးဆိုတဲ့
ခေါင်းစဉ်အောက်မှာ သူမ တွေ့သင့်တဲ့သူ မည်သူကိုမဆို သူမတွေ့ဆုံမှာဖြစ်ပါတယ်။
မည်သူ့ကိုမှ အကြောင်းကြားအသိပေးခြင်းမရှိပဲ လွတ်လပ်စွာတွေ့ခွင့်ရှိပါတယ်။

အဲဒီမှာ ပြသနာရှိလာတာက
တပ်မတော်ကိုအသိမပေးဘူး။ ‪#‎ကျော်လုပ်တယ်လို့‬ အဓိပ္ပာယ်ရတဲ့ သုံးသပ်ချက်နဲ့ ယူဆမှုပါ။
အဲဒီစကားဟာ စစ်တပ်ကို အယူအဆ ၂ ပိုင်းကွဲစေတဲ့
အန္တရာယ်ရှိတဲ့စကားပါပဲ။

ဘာ့ကြောင့်လဲဆိုရင် ကာကွယ်ရေးဦးစီးချုပ်ရဲ့ မိန့်ခွန်းတွေထဲမှာ
ယခင် ကာချုပ်ဟောင်းကြီးရဲ့လမ်းညွှန်ချက်တွေအတိုင်း
ခေတ်မီတပ်မတော်အဖြစ် တည်ဆောက်မယ်ဆိုတာ
ခဏခဏ ပါသလို

၂၀၀၈ ဖွဲ့စည်းပုံအခြေခံဥပဒေ ပုဒ်မ ၄၄၅ မှာလည်း
လက်ရှိအာဏာရအစိုးရဟာ နိုင်ငံတော်အေးချမ်းသာယာရေးနဲ့ဖွံ့ဖြိုးရေးကောင်စီရဲ့
တာဝန်နဲ့ ဆောင်ရွက်ချက်တွေကို အမွေဆက်ခံတယ် ဆိူတဲ့ အချက်ကို
မည်သူကမှ ဖြုတ်ပယ်ထားခြင်းမရှိပါဘူး။

အဲဒါကြောင့်

ဦးသန်းရွှေနဲ့ တွေ့ဆုံတာကို တပ်မတော်ကို ကျော်လုပ်တယ်လို့
ယူဆသူတွေအနေနဲ့ ၂၀၀၈ ဖွဲ့စည်းပုံအခြေခံဥပဒေပါ အခန်ကဏ္ဏတွေကို
အရင်ပြင်ဖို့ အကြံပေးချင်ပါတယ်။

တပ်မတော်ဟာ အမျိုးသားရေးကို အစဉ်တစိုက် ဦးတည်တယ်ဆိုရင်

ဦးသန်းရွှေနဲ့ ဒေါ်အောင်ဆန်းစုကြည်တွေ့ဆုံရာမှာ

တပ်မတော်ဟာ သိသည်ဖြစ်စေ မသိသည်ဖြစ်စေ

ဝင်ပါမှာမဟုတ်ဘူးလို့ ယုံကြည်ပါတယ်။

ဒါပေမဲ့

တပ်မတော်ကို ကျော်လုပ်တယ်ဆိုပြီး

လက်ရှိ တပ်မတော်သားတွေကို Mindset ရိုက်သွင်းတွေ့ရပါတယ်။

သွေးခွဲဖို့ကြိုးစားနေသူတွေကို

အားလုံးသတိရှိကြဖို့

သတိပေးချင်ပါတယ်။

ထပ်ပြောချင်တာက

အဲဒီလို ကျော်လုပ်တယ်လို့ သတ်မှတ်ခြင်းနဲ့

တပ်မတော်ဖက်က တာဝန်ရှိသူကို

စုံစမ်းမေးမြန်းစေတာဟာ

ရုတ်တရက်ကြည့်ရင် ဟုတ်သလိုလိုနဲ့

တပ်မတော်နဲ့အစိုးရရဲ့နောက်ကွယ်မှာ

အာဏာရှင်ရှိနေတယ်လို့

တပ်မတော်ကို

တရားဝင်ကြေညာခိုင်းတာနဲ့အတူတူပါပဲ။
(ငရဲသား)
Yan Aung Fb

 khunoakkar-620.jpg ပအိုဝ်းအမျိုးသားအဖွဲ့ချုပ် PNLO က ဗိုလ်မှူးကြီး ခွန်ဥက္ကာ ကို တွေ့ရစဉ်

လာမယ့် အန်အယ်လ်ဒီပါတီ အစိုးရသစ်လက်ထက်မှာ အပစ်ခတ်ရပ်စဲရေးစာချုပ်မှာ လက်မှတ်မရေးထိုးထားတဲ့ လက်နက်ကိုင်အဖွဲ့တွေ ပါဝင်လက်မှတ်ရေးထိုးလာမယ်လို့ ယုံကြည်ကြောင်း လက်ရှိအစိုးရနဲ့ အပစ်ရပ်လက်မှတ်ထိုးထားတဲ့ ပအိုဝ်းအမျိုးသားအဖွဲ့ချုပ် PNLO က ဗိုလ်မှူးကြီး ခွန်ဥက္ကာ က ပြောပါတယ်။

လက်ရှိအခြေအနေအရ ဒေါ်အောင်ဆန်းစုကြည်နဲ့ တပ်မတော်တို့ ပူးပေါင်းဆောင်ရွက်မှုဟာ အပစ်အခတ်ရပ်စဲရေး လက်မှတ်ရေးထိုးဖို့ ဖိတ်ကြားခံရတဲ့ အဖွဲ့တွေအပြင် ဖိတ်ကြားမခံရတဲ့အဖွဲ့တွေအတွက်ပါ အလားအလာကောင်း မွန်နိုင်တယ်လို့ ဗိုလ်မှူးကြီးခွန်ဥက္ကာက ပြောပါတယ်။

"ဒေါ်အောင်ဆန်းစုကြည်က လက်ရှိအစိုးရ မပြီးပြတ်သေးတဲ့ဟာတွေကို ဆက်လက်ဆောင်ရွက်သွားမယ်လို့ ကျနော် မျှော်လင့်တာပေါ့၊ ဖြစ်စဉ်မှာမပါဝင်နိုင်ခဲ့တဲ့ အဖွဲ့အစည်းတွေက ဒေါ်အောင်ဆန်းစုကြည် ဦးဆောင်မှုနဲ့ အမြန်ဆုံးပါဝင်လာမယ်လို့ ကျနော်မျှော်လင့်တယ်၊ အစိုးရသစ်ဖြစ်မယ့် ပါတီကလည်းပဲ အခုလက်ရှိအစိုးရနဲ့ ပူးပေါင်းဆောင်ရွက်နေတာတွေ့ရတယ်၊ အဲ့ဒါအင်မတန်အားကောင်းတဲ့ အချက်ဖြစ်တယ်၊ အထူးသဖြင့်တော့ အစိုးရသစ်နဲ့ တပ်မတော်ရဲ့ ပူးပေါင်းဆောင်ရွက်မှုဟာ ကျနော်တို့ ဖိတ်ထားတာရော မဖိတ်ရသေးတဲ့ အဖွဲ့တွေအတွက်ရော အနာဂါတ်မှာအလားအလာကောင်းနေတယ်"

ဒါ့အပြင် ပြည်ထောင်စုလွှတ်တော်မှာ တစ်နိုင်ငံလုံး အပစ်အခတ်ရပ်စဲရေး သဘောတူစာချုပ်ကို မနေ့က ကန့်ကွက် သူမရှိတဲ့အတွက် အတည်ပြုလိုက်တာကြောင့် NCA စာချုပ်မှာပါတဲ့အတိုင်း ပူးတွဲစောင့်ကြည့်ရေး ကော်မတီ ဖွဲ့စည်းရေးနဲ့ နိုင်ငံရေးဆွေးနွေးပွဲတွေ စတင်နိုင်ရေးကို မြန်မြန်ဆန်ဆန် ဆက်လက်ဆောင်ရွက်နိုင်မှာဖြစ်တယ်လို့ ဗိုလ်မှူးကြီး ခွန်ဥက္ကာ က ပြောပါတယ်။

ပါဝင်လက်မှတ်ရေးထိုးဖို့အတွက် အစိုးရက ကမ်းလှမ်းထားတဲ့ တိုင်းရင်းသားလက်နက်ကိုင်အဖွဲ့ ၁၄ ဖွဲ့ထဲမှာ ၈ဖွဲ့ကသာ အပစ်ရပ်လက်မှတ်ရေးထိုးထားတာဖြစ်ပြီး ၆ဖွဲ့ လက်မှတ်ရေးထိုးဖို့ ကျန်နေပါတယ်။

အပစ်ခတ်ရပ်စဲရေး လက်မှတ်ရေးထိုးပြီးနောက် ၃လ အတွင်း နိုင်ငံရေးဆွေးနွေးပွဲတွေ စတင်ရမှာဖြစ်တဲ့ အတွက် နိုင်ငံရေးဆွေးနွေးပွဲ မူဘောင်တွေကို ရေးဆွဲပြီးဖြစ်တယ်လို့ သိရပါတယ်။

RFA

 pyidu-hluttaw-620.jpg ပြည်သူ့လွှတ်တော် အစည်းအဝေး နေပြည်တော်မှာ ကျင်းပစဉ်
Photo: RFA

လွှတ်တော်အစည်းအဝေးတွေ တက်ရောက်ဖို့အတွက် နေပြည်တော် စည်ပင်ဧည့်ရိပ်သာမှာ တည်းခိုနေကြတဲ့ လွှတ်တော်ကိုယ်စားလှယ်တွေရဲ့ တည်းခိုခန်းခကို တစ်ရက် ကျပ် ၂ထောင်ကနေ ၅ထောင်အထိ တိုးမြှင့်ကောက်ခံ မှာဖြစ်သလို ဒီနှစ် ဇန်န၀ါရီလကစပြီး တည်းခိုခဲ့တာကို တွက်ချက်ပြီး ပြန်ပေးရမယ်လို့ စည်ပင်ဧည့်ရိပ်သာက စာထုတ်ထားတဲ့အတွက် လွှတ်တော်ကိုယ်စားလှယ်တွေက သဘောမတူကြောင်း ဒီနေ့ ပြည်သူ့လွှတ်တော်မှာ တင်ပြခဲ့ပါတယ်။

စည်ပင်ဧည့်ရိပ်သာမှာ နေထိုင်နေတဲ့ ကိုယ်စားလှယ်တွေရဲ့တည်းခိုစရိတ်ကို နောက်ကြောင်းပြန်ပြီး ပြန်ပေးရမယ် ဆိုတာကို သဘောမတူကြောင်း ကျောက်တော်မြို့နယ် ပြည်သူ့လွှတ်တော်ကိုယ်စားလှယ် ဦးသာစိန်က တင်ပြခဲ့ပါတယ်။

"လောလောဆယ်ကတော့ စည်ပင်တန်းလျားမှာနေရတဲ့ တိုင်းရင်းသား ကိုယ်စားလှယ်တွေဟာ ယနေ့အချိန်မှာ မအိပ်နိုင်မစားနိုင် ရင်ထုမနာ သောကပြဿနာတစ်ခုဖြစ်နေပါတယ်၊ အဲ့ဒါကတော့ ၂ဝ၁၅ ခုနှစ် လွှတ်တော်တက် အစကစပြီး တန်းလျားမှာနေတဲ့ အခန်းခကို ငါးထောင်ကျပ်စီ နောက်ကြောင်းပြန်ပြီး ပေးရမယ်လို့ စည်ပင်က အမိန့်ထုတ်ထားပါတယ်၊ နောက်ကြောင်းပြန်ပေးရင် ကျပ် ၁ဝ သိန်းလောက် ပြန်ပေးရပါမယ်၊ အဲဒါဥပဒေနဲ့လည်း မညီပါ၊ တိုင်းရင်းသားကိုယ်စားလှယ်တွေအတွက် ခက်ခဲပြီး မကျေနပ်ဖြစ်နေပါတယ်၊ အဲဒီ့အမိန့်အတိုင်း လိုက်နာဖို့ခက်ခဲပါတယ်"

တည်းခိုစရိတ်ဟာ အရင်က တစ်ရက်ကို ကျပ်နှစ်ထောင် ပေးသွင်းရတာဖြစ်ပြီး ပြီးခဲ့တဲ့ ရက်ပိုင်းက သုံးထောင်ထပ်တိုးပြီး တစ်ရက်ကို ငါးထောင်ကျပ်နှုန်းနဲ့ ပေးသွင်းရမှာဖြစ်တယ်လို့ စည်ပင်ဧည့်ရိပ်သာက စာထုတ်ခဲ့တာဖြစ်ပါတယ်။

ဒါ့အပြင် ပြီးခဲ့တဲ့ ဇန်န၀ါရီလကစပြီး နေထိုင်တဲ့စရိတ်ကိုပါ တွက်ချက်ပြီး သွင်းရမှာဖြစ်တဲ့အတွက် ကိုယ်စားလှယ်တစ်ဦးဟာ အနည်းဆုံး ငွေကျပ် ၅သိန်းကျော် ပြန်လည်ပေးသွင်းရမှာ ဖြစ်ပါတယ်။

စည်ပင်ဧည့်ရိပ်သာမှာ အမျိုးသားဒီမိုကရေစီအဖွဲ့ချုပ်နဲ့ တိုင်းရင်းသားလွှတ်တော်ကိုယ်စားလှယ်တွေ ၁၀၀ ကျော် နေထိုင်နေတာဖြစ်ပါတယ်။

RFA


oxfam-workers-report-620.jpg
Oxfam အဖွဲ့ရဲ့ "မြန်မာနိုင်ငံတွင် ပြုလုပ်သည်... အထည်ချုပ်အလုပ်သမားများအတွက် ဆင်းရဲတွင်း၌ အမြစ်တွယ်စေခြင်းလား သို့မဟုတ် သင့်တင့်လျောက်ပတ်သော လုပ်ငန်းများလား" အစီရင်ခံစာထုတ်ပြန်ပွဲကို ဒီဇင်ဘာလ ၉ ရက်နေ့က ရန်ကုန်မြို့ Green Hill ဟိုတယ်မှာပြုလုပ်စဉ်
Photo: RFA

အစိုးရက အနည်းဆုံးလုပ်ခလစာကျပ် ၃၆၀၀ သတ်မှတ်ပေးထားပေမယ့် တခြားခံစားခွင့်တွေကို လျော့ချလိုက်တဲ့ အတွက် အလုပ်သမားတွေဟာ အရင်ထက်ပိုတိုးပြီး လစာတိုးမြင့်ခံစားခွင့်မရကြကြောင်း နိုင်ငံတကာအဖွဲ့ အစည်းဖြစ်တဲ့ Oxfam နဲ့ အလုပ်သမားအရေး လှုပ်ရှားနေတဲ့အဖွဲ့တွေက ပြောပါတယ်။

Oxfam အဖွဲ့ရဲ့ "မြန်မာနိုင်ငံတွင်ပြုလုပ်သည်... အထည်ချုပ်အလုပ်သမားများအတွက် ဆင်းရဲတွင်း၌ အမြစ်တွယ်စေခြင်းလား သို့မဟုတ် သင့်တင့်လျောက်ပတ်သော လုပ်ငန်းများလား" အစီရင်ခံစာထုတ်ပြန်ပွဲကို ဒီကနေ့ ရန်ကုန်မြို့ Green Hill ဟိုတယ်မှာ ကျင်းပခဲ့တာဖြစ်ပါတယ်။

စစ်တမ်းကောက်ယူရာမှာ ပါဝင်ခဲ့တဲ့ ၈၈ မျိုးဆက်ငြိမ်းချမ်းရေးနဲ့ ပွင့်လင်းလူ့အဖွဲ့အစည်းရဲ့ အလုပ်သမားရေးရာဌာနက မသက်သက်အောင်က အလုပ်သမားတွေရဲ့ ဘ၀ကို အခုလို ပြောပါတယ်။

"သူတို့ရဲ့ စားစရိတ်တွေ၊ အဆောင်တွေ၊ နေစရိတ်တွေပေါ့နော် အစစအရာရာကို အလုပ်ရှင်တွေက အကုန်ဖြုတ် ပစ်လိုက်ပြီ၊ ဖြုတ်လိုက်တော့ ဒီ ၃၆ဝဝ ထဲက ပြန်သုံးရတယ်၊ အရင်တုန်းကကျတော့ အချိန်ပိုတွေနဲ့ နောက်တစ်ခု က အချိန်ပိုတွေက မခေါ်တော့ဘူးလို့ပြောတယ်၊ အချိန်ပိုတွေ တော်တော်လျော့လိုက်ပြီ၊ နောက်တစ်ခုက အလုပ်ရှင်ဘက်က ဘာလုပ်လိုက်သလဲဆိုတော့ စံချိန်စံညွှန်းတွေနဲ့ အမှီရအောင်လုပ်ခိုင်းတယ်၊ အရင်တုန်းက အထည် ၆ဝဝ ချုပ်ခိုင်းရင် အခုအချိန်မှာ အထည် ၈ဝဝ ကို စံချိန်ချုပ်ခိုင်းပါတယ်၊ ဒီအထည် ၈ဝဝ မပြီးမချင်း ဒီအထည်ချုပ်အလုပ်သမားက ချုပ်ပေရော့ပဲ၊ အထည် ၈ဝဝ မပြီးမချင်းချုပ်လို့ ကိုယ့်အလုပ်ချိန် ၈ နာရီကျော်သွားရင် အချိန်ပိုရလားဆို မရပါဘူး"

အလုပ်သမားအများစုရတဲ့ လစာဟာ နည်းလွန်းပြီး၊ လုပ်ငန်းခွင်လုံခြုံမှု မရှိတဲ့အပြင် အတင်းအဓမ္မ အချိန်ပိုစေခိုင်း တာတွေခံနေရပြီး အချိန်ပိုကြေးမရဘူးလို့လည်း အစီရင်ခံစာမှာပါရှိပါတယ်။

အလုပ်သမားတစ်ဦးက အချိန်ပိုလုပ်ခနဲ့ ဆုကြေးအပါအ၀င်တစ်လ ပျှမ်းမျှလုပ်ခ တစ်သိန်းနှစ်သောင်းကျော် ရရှိပေမယ့် အစားအသောက်၊ ဆေးဝါးနဲ့ သွားလာရေးကုန်ကျစရိတ်တွေကြောင့် ကြွေးမှီးတင်နေတဲ့ အလုပ်သမားတွေက များတယ်လို့ ပါရှိပါတယ်။

အစီရင်ခံစာကို Oxfam အဖွဲ့နဲ့ အလုပ်သမားသမဂ္ဂများ ပူးပေါင်းဆောင်ရွက်ရေးကော်မတီ (CCTU) ၊၈၈ ငြိမ်းချမ်းရေးနဲ့ ပွင့်လင်းလူ့အဖွဲ့အစည်း၊ Action Labour Right(ALR) ၊ အလုပ်သမားအခွင့်အရေး မြှင့်တင်ရေးနဲ့ ကာကွယ်စောင့်ရှောက်ရေးအဖွဲ့တို့ ပူးပေါင်းပြီး ပြုလုပ်ခဲ့တာဖြစ်ပါတယ်။

အစီရင်ခံစာကို ရန်ကုန်တိုင်းဒေသကြီးအတွင်းက ဒဂုံမြို့နယ်၊ ရွှေလင်ဗန်း၊ မင်္ဂလာဒုံ၊ ပဲခူး၊သီလ၀ါနဲ့ လှိုင်သာယာမြို့နယ်တွေက စက်ရုံ ၂၂ ရုံက အမျိုးသမီး အထည်ချုပ်အလုပ်သမားတွေကို အဓိကထားမေးမြန်းကောက်ခံခဲ့တာ ဖြစ်ပါတယ်။


RFA

 victoria-mart-protest-620.jpg ဗစ်တိုးရီးယား ကုန်တိုက်ရှေ့မှာဆန္ဒပြနေတဲ့ ဝန်ထမ်းတွေကို အောက်တိုဘာလ ၇ ရက်နေ့က တွေ့ရစဉ်
Photo: Bhone Myat/ RFA

ရန်ကုန်တိုင်းဒေသကြီး၊ လှိုင်သာယာမြို့နယ်မှာရှိတဲ့ Victoria ကုန်တိုက်မှာ အလုပ်သမား ၂ဝဝ ကျော်ကို လုပ်သက်အလိုက် အလုပ်ပိတ်နစ်နာကြေးတွေ ဒီနေ့ ထုတ်ပေးပြီး ကုန်တိုက်ကို ပိတ်လိုက်ပါတယ်။

လုပ်သက် ၆လမပြည့်သေးတဲ့ အလုပ်သမား ၂၈ဦးကလွဲပြီး ကျန်တဲ့အလုပ်သမားအားလုံး အလုပ်ပိတ်နစ် နာကြေးတွေ ရရှိတယ်လို့ အဲဒီကုန်တိုက်က အလုပ်သမား ကိုအောင်ဝေယံဦးက ပြောပါတယ်။

"၂၄၅ ယောက်တော့ရှိတယ်ပေါ့ဗျာ၊ ၂၈ ယောက်က ၆ လ သမားတွေဖြစ်တဲ့အတွက် လုံးဝမပေးနိုင်ဘူးလို့ သူတို့တွေကပြောပါတယ်၊ ကျနော်တို့လည်း ဝန်ထမ်းတွေဆီက အကုန်လုံးအလှူခံပြီးတော့ ၂၈ ယောက်စာ အတွက် ခွဲဝေပေးလိုက်ပါတယ်၊ ကျန်တဲ့လူတွေကတော့ နှစ်လိုက်ရသွားတာပေါ့"

အဲဒီကုန်တိုက်မှာ အလုပ်သမား ၂၄၅ ဦးရှိပြီး ဥပဒေအရ လုပ်သက် ၆လ မပြည့်သေးတဲ့ အလုပ်သမားတွေကို နစ်နာကြေး ပေးစရာမလိုဘဲ လုပ်သက်အလိုက် ၆လကနေ တစ်နှစ်ကြားရှိတဲ့ အလုပ်သမားတွေက လတ၀က်စာ၊ ၁နှစ်ကနေ ၂နှစ် လုပ်သက်ရှိသူတွေက တစ်လစာ၊ ၂နှစ်ကနေ ၃နှစ်ရှိသူတွေက တစ်လခွဲစာ၊ ၃နှစ်ကနေ ၄နှစ်က ၃လစာ၊ ၄နှစ်ကနေ ၆နှစ်က ၄လစာ အလုပ်ပိတ်နစ်နာကြေးတွေ အသီးသီးရရှိခဲ့ကြတယ်လို့ သိရပါတယ်။

ပြီးခဲ့တဲ့ အောက်တိုဘာလ ၇ ရက်နေ့မှာ အလုပ်သမား ၁ဝဝ ကျော်လောက်က အနည်းဆုံးလုပ်ခလစာ တစ်ရက် ၃၆ဝဝ ကျပ် မရလို့ဆိုပြီး ကုန်တိုက်ရှေ့မှာ ဆန္ဒပြမှုဖြစ်ပွားပြီးနောက် အဲဒီကုန်တိုက်ကို ပိတ်တော့မှာဖြစ်ကြောင်း အလုပ်ရှင်က အလုပ်သမားတွေကို တစ်လကြိုတင်အသိပေးခဲ့တာဖြစ်ပါတယ်။

အဲဒီကုန်တိုက်ကို ပြီးခဲ့တဲ့ ၂ဝဝ၈ ခုနှစ်မှာ စတင်ဖွင့်လှစ်ခဲ့တာဖြစ်ပြီး အလုပ်သမားအများစုဟာ ဧရာဝတီတိုင်းနဲ့ ပဲခူးတိုင်းတို့က လာရောက်လုပ်ကိုင်ကြတာဖြစ်ပါတယ်။

ရန်ကုန်မြို့မှာ Victoria ကုန်တိုက်နာမည်နဲ့ ဖွင့်ထားတာ ဆိုင်ခွဲ ၃ဆိုင်ရှိပြီး အခြားနာမည်တွေနဲ့ ကုန်တိုက်တွေ ဖွင့်လှစ်ထားတာရှိတယ်လို့ သိရပါတယ်။

RFA

စင်ကာပူ အစုိုးရမှ Facebook အသုံးပြုနေကြသော user တို့ရဲ့ Data အချက်အလက်များကို မြောက်မြားစွာသော အကြိမ်အရေအတွက် များဖြင့် တောင်းခံခဲ့ကြောင်း စင်ကာပူ နိုင်ငံရဲ့ Social Media အသုံးပြုသည့် အဖွဲ့အစည်းတစ်ခုမှ Global Government သို့ ကြောင်းကြားတင်ပြခဲ့ပါတယ်။ စင်ကာပူ အစိုးရဟာ စင်ကာပူ နုိုင်ငံမှာ ရှိတဲ့ Facebook အသုံးပြုသူတို့ရဲ့ အချက်အလက်များကို ၂၀၁၅ ခုနှစ်ရဲ့ ပထမခြောက်လအတွင်းမှာ ၁၉၈ ကြိမ်တောင်းခံခဲ့ပါတယ်။ ယခု အကြိမ်အရေအတွက်ဟာ မနှစ်က ဂျူလိုင်လမှ ဒီဇင်ဘာလအထိ တောင်းခံခဲ့တဲ့ အကြိမ်အရေအတွက်အထက် ၁၁.၉ ရာခုိုင်နှုန်း မြှင့်တက်လာပါတယ်။

ယခုရရှိထားတဲ့ Facebook အသုံးပြုသူ ၂၁၃ ယောက်ရဲ့ သို့မဟုတ် ၂၁၃ အကောင့်တို့ဟာ စင်ကာပူအစိုးရရဲ့ ပစ်မှတ်ထား စောင့်ကြည့်ခြင်းကို ခံနေရပါတယ်။ အဆိုပါ ၂၁၃ ယောက်ဟာ ၂၀၁၅ ခုနှစ် ဇန်နဝါရီလမှ ဇွန်လအထိ တောင်ခံထားတဲ့ အကောင့်များဖြစ်ပြီး ၂၀၁၄ ခုနှစ်က ခြောက်လအတွင်း တောင်းခံထားတဲ့ Facebook အကောင့်များဖြစ်တဲ့ ၁၉၄ အကောင့်ထက် ၉.၈ ရာခုိုင်နှုန်းများပြားလာပါတယ်။

ကမ္ဘာတစ်ဝှမ်းအတုိုင်းအတာနဲ့ပြောရမယ်ဆိုရင်တော့ တစ်ကမ္ဘာလုံးမှာ ရှိတဲ့ အစိုးရတာဝန်ရှိသူတွေဟာ Facebook အသုံးပြုသူတို့ရဲ့ အချက်အလက်များကို တောင်းခံနေတယ်လို့ Facebook မှ ထုတ်ပြန်ကြေငြာထားပါတယ်။ တစ်ကမ္ဘာလုံးအတိုင်းအတာအရ ၃၅၀၅၁ အကြိမ်အရေအတွက်မှ ၄၁၂၁၄ အကြိမ်အရေအတွက်ထိ တိုးတက်လာပြီး ၁၈ ရာခိုင်နှုန်းခန့် တိုးတက်လာတယ်လို့ ပြောကြားထားပါတယ်။

၂၀၁၅ ခုနှစ်ရဲ့ ပထမ ခြောက်လအတွင်းမှာတောင်းခံထားတဲ့ အချက်အလက်ခိုင်လုံတဲ့ တောင်းခံမှုတွေကတော့ ၇၄.၆၂ ရာခိုင်နှုန်းရှိပြီး Facebook မှ ထုတ်ပေးခဲ့တဲ့ အချက်အလက်များမှာ ဥပဒေအရ အကြောင်းအရင်းခိုင်လှုံပြီး ပြစ်မှုကျူးလွန်သူတို့ရဲ့ အချက်အလက်တွေကိုသာ ထုတ်ပေးခဲ့ပါတယ်။ Facebook ကို လာရောက် တောင်းခံတဲ့ Facebook အသုံးပြုသူတို့ရဲ့ အချက်အလက်များကို တစ်ခုချင်းစီ သေချာစွာ စစ်ဆေးပြီး တရားဥပဒေအရ ငြိစွန်းနေတဲ့အသုံးပြုသူတို့ရဲ့ တောင်းခံမှုတွေကိုသာ လက်ခံထုတ်ပြန်ပေးသွားတာဖြစ်ပါတယ်။

ပွင့်လင်းမြင်သာမှု ရှိစေရန် တင်ပြခြင်း

Social Media အသုံးပြုသည့် အဖွဲ့အစည်းတစ်ခုမှ Global Government သို့ ကြောင်းကြားတင်ပြခြင်းက အစိုးရ အဖွဲ့ အစည်းများအနေဖြင့် Facebook အသုံးပြုသူများရဲ့ အချက်အလက်များ အပေါ် စိစစ်နေခြင်းကို ပွင့်လင်းမြင်သာမှု ရှိစေရန် ရည်ရွယ်ပါတယ်။

ယခုလို ထုတ်ပြန်ချက်များကို ၂၀၁၃ ခုနှစ်ကတည်းက ထုတ်ပြန်ကြေငြာခဲ့ခြင်းဖြစ်ပြီး အစိုးရ အဖွဲ့ အစည်းများအနေဖြင့် Facebook အသုံးပြုသူများရဲ့ ကိုယ်ရေး အချက်အလက်များကို စောင့်ကြည့်နေခြင်း များကို ကမ္ဘာတစ်ဝှမ်းမှာ ရှိတဲ့ နိုင်ငံ အသီးသီးမှ Facebook အသုံးပြုသူတို့အပေါ် ပွင့်လင်းမြင်သာမှုရှိစေရန်အတွက် ဦးစားပေး ရည်ရွယ်ထားပါတယ်။

၂၀၁၅ ခုနှစ် ဇန်နဝါရီလမှ ဇွန်လအထိ ထုတ်ပြန်ထားတဲ့ ထုတ်ပြန်ချက်များအရ Facebook အသုံးပြုသူတို့ရဲ့ သတင်းအချက်အလက်များကို အမေရိကန် အစိုးရဟာ ၁၇၅၇၇ ကြိမ် ၊ အိန္ဒိယနိုင်ငံကတော့ ၅၁၁၅ ကြိမ် တောင်းခံခဲ့ ပြီး United Kingdom ကတော့ ၃၃၈၄ ကြိမ် တောင်းခံခဲ့ပါတယ်။ ဒါကြောင့် စင်ကာပူနိုင်ငံဟာ Facebook ဆီမှ အသုံးပြုသူတို့ရဲ့ သတင်းအချက်အလက်များကို တောင်းခံတဲ့ နိုင်ငံပေါင်း ၉၂ နိုင်ငံထဲမှ အဆင့် ၂၀ မြောက် နိုင်ငံတစ်နိုင်ငံဖြစ်ပါတယ်။

Facebook ရဲ့ ထုတ်ပြန်ချက်အရတော့ Facebook အသုံးပြုသူတို့ရဲ့ သတင်းအချက်အလက်များကို အိန္ဒိယ အစိုးရဟာ အရေအတွက်အမြင့်မားဆုံးအကြိမ်အရေအတွက်ဖြစ်တဲ့ ၁၅၁၅၅ အကြိမ်အရေအတွက်ကိုလည်း တောင်းခံထားပြီး သူ့အနောက်မှာ တူရကီက ၄၄၉၆ ကြိမ် ၊ ပြင်သစ်က ၂၉၅ ကြိမ်တို့ Facebook မှ တောင်းခံခဲ့ကြောင်း ထုတ်ပြန်ထားပါတယ်။

ဆက်လက်တိုးမြှင့်လာအုံးမဲ့ အစိုးရရဲ့ တောင်းခံမှုများနဲ့ အသုံးပြုသူတို့ရဲ့ ဥပဒေဆုိုင်ရာ အချက်အလက်များ

ယခုကဲ့သို့ ကမ္ဘာ့ နိုင်ငံအသီးသီးမှ အစိုးရ အဖွဲ့အစည်းများအနေဖြင့် တရားဥပဒေဆိုင်ရာ အချက်အလက်များကို Facebook ဆီမှ ဆက်လက် တောင်းခံသွားမဲ့ အခြေအနေမှာရှိကြောင်း Facebook မှ ထုတ်ပြန်ထားပါတယ်။ ၂၀၁၄ ခုနှစ်ရဲ့ဒုတိယ လဝက်မှာရှိတဲ့ တရားဥပဒေဆိုင်ရာနှင့် ငြိစွန်းနေတဲ့ Facebook အသုံးပြုသူတို့ရဲ့ သတင်းအချက်အလက်များကို တောင်းခံထားတဲ့အရေအတွက်ဟာ ယခုနှစ်မှာ ၁၁၂ ရာခိုင်နှုန်းခန့် ပိုမို များပြားလာပါတယ်။ တူညီတဲ့ အချိန်အတိုင်းအတာ အတွင်းမှာပဲ ကမ္ဘာအနှံ့အပြားရှိ နိုင်ငံ အသီးသီးမှာရှိတဲ့ အစိုးရအဖွဲ့အစည်းများဟာ မနှစ်ကထက် ဒီနှစ်မှာ ၁၈ ရာခိုင်နှုန်းခန့် တိုးမြှင့်ကာ တောင်းခံထားပါတယ်။

ယခုကဲ့သို့ တောင်းခံမှုများပြုလုပ်သွားပေမဲ့လည်း Facebook အနေနဲ့ အသုံးပြုသူတို့ရဲ့ သတင်းအချက်အလက်များကို ထုတ်ပြန်ပေးသွားခြင်းမရှိပါဘူး။ အမေရိကန် နှင့် ဥရောပ နိုင်ငံ ကြီးများအပြင် အခြား နုိုင်ငံ အသီးသီးရဲ့ ဘယ်လောက်ကြီးတဲ့ နို်င်ငံ ဖြစ်နေပါစေ Facebook သို့ လာရောက်တောင်းခံသည့် သတင်းအချက်အလက်များကို ဥပဒေအရ ခိုင်လုံတဲ့ အကြောင်းပြချက်မရှိပဲနဲ့ ဘယ်တော့မှ ထုတ်ပေးမှာမဟုတ်ပဲ အကယ်၍ အချက်အလက် ခုိုင်လုံမှု မရှိပဲ အတင်းတောင်းခံလာပါက Facebook အသုံးပြုသူတို့ဘက်မှ တရားရင်ဆိုင်ပေးသွားမှာဖြစ်ကြောင်းလည်း Facebook မှ ပြောရေးဆိုခွင့်ရှိသူ Chris Sonderby က ပြောဆိုခဲ့ပါတယ်။

Ref : channelnewsasia
Aung Ko Htet (MMA)

မြန်မာနိုင်ငံမှာ ကျင်းပခဲ့တဲ့ ရွေးကောက်ပွဲမှာ အတိုက်အခံ NLD ပါတီ အပြတ်အသတ် အနိုင်ရသွားခဲ့အပြီး အာရှ ပစိဖိတ် ဒေသဆိုင်ရာ အမေရိကန် ဗိုလ်ချုပ်ကြီး Vince Brooks က အမေရိကန် မြန်မာ နှစ်နိုင်ငံ အကြား စစ်ဘက်ဆိုင်ရာ ရင်းနှီးတဲ့ ဆက်ဆံရေး ထားရှိဖို့ သူ့အနေနဲ့ စိတ်အားထက်သန်နေတယ်လို့ ပြောပါတယ်။
ဒါပေမယ့်လည်း အမေရိကန် အစိုးရရဲ့ မူဝါဒပိုင်းဆိုင်ရာ ဆုံးဖြတ်ချက်ကို စောင့်ရအုံးမှာ ဖြစ်တယ်လို့ ဆိုပါတယ်။

အမေရိကန်နဲ့ မြန်မာ အကြား ထိတွေ့ ဆက်ဆံမှုတွေ လုပ်ဖို့ကို အာဆီယံ အဖွဲ့ဝင်နိုင်ငံတွေက စစ်ခေါင်းဆောင်တွေကလည်း စိတ်အားထက်သန်နေကြတယ်လို့ ဝါရှင်တန်မြို့မှာ ကျင်းပတဲ့ ကာကွယ်ရေးဆိုင်ရာ စာရေးဆရာများ မျက်နှာစုံညီ ဆွေးနွေးပွဲ တခုမှာ ဗိုလ်ချုပ်ကြီး Vince Brooks က ပြောသွားပါတယ်။

အခုအခါ ဒေါ်အောင်ဆန်းစုကြည်ရဲ့ NLD အစိုးရကို အားပေးတဲ့အနေနဲ့ မြန်မာနိုင်ငံအပေါ် ထားရှိတဲ့ ဒဏ်ခတ်ပိတ်ဆို့မှုတွေကို ယာယီ လျှော့ချမယ်လို့ အမေရိကန် အစိုးရ တာဝန်ရှိပုဂ္ဂိုလ် တဉီးက ပြီးခဲ့တဲ့ တနင်္လာနေ့တုန်းက ပြောပါတယ်။

BBC Burmese

၂၀၁၅ ရွေးကောက်ပွဲဟာ မြန်မာပြည်ရဲ့ ခေတ်သစ်ကာလအစ တခု ဖြစ်လာနိုင်တယ် ဆိုတဲ့ အစီရင်ခံစာ တခုကို နယ်သာလန် အခြေစိုက် TNI Transnational Institute က ထုတ်ပြန်လိုက်ပါတယ်။

မြန်မာနိုင်ငံမှာ လွတ်လပ်ရေး ရပြီးကတည်းက ပြည်သူလူထု အများစု ဟာ နိုင်ငံရေးမှာ ပါဝင် ဆုံးဖြတ်ခွင့် မရခဲ့ကြကြောင်း၊ ဒီအောင်ပွဲကနေ အားလုံး ပါဝင်နိုင်မယ့် နိုင်ငံရေး အခြေအနေ တခုကို NLD က ဖော်ဆောင်နိုင်တော့မယ်လို့ မျှော်လင့် ကြောင်းနဲ့ လူထု ထောက်ခံမှု အဟုန်ကို NLD အနေနဲ့ ဘယ်လို တည်ဆောက်သွားမယ် ဆိုတာက စိန်ခေါ်မှု ဖြစ်လာနိုင်ကြောင်း ဖေါ်ပြထားပါတယ်။

မြန်မာနိုင်ငံမှာ ပြုပြင်ရေးတွေ ဖော်ဆောင်သွားဖို့ ရွေးကောက်ပွဲအပြီး တက်လာမယ့် NLD အစိုးရသစ်ကို ပြည်သူတွေက လိုလားကြပေမယ့် အစိုးရယန္တရားနဲ့ နိုင်ငံရေးမှာ စစ်တပ်က ဆက်ကြီးစိုးနေတဲ့ အနေအထားတွေ ရှိနေသေးတယ်လို့ အဲဒီ အစီရင်ခံစာထဲမှာ ဖေါ်ပြထားပါတယ်။

မြန်မာ စစ်တပ်ဟာ အရပ်သား အုပ်ချုပ်ရေးနဲ့ စင်ပြိုင် အုပ်ချုပ်မှု ရှိနေတဲ့အတွက် နေရာ အတော်များများမှာ အုပ်ချုပ်ရေးကို စစ်တပ်နဲ့ NLD တို့ ဘယ်လို ခွဲဝေကြမယ် ဆိုတာက စိန်ခေါ်စရာ ဖြစ်လာမယ်လို့ TNI ရဲ့ အကြံပေး ပုဂ္ဂိုလ်လည်း ဖြစ်၊ တိုင်းရင်းသား လူမျိုးတွေအကြောင်း စာအုပ်တွေ ပြုစုခဲ့တဲ့ ဗြိတိသျှ သတင်းစာဆရာလည်း ဖြစ်တဲ့ Martin Smith က ဘီဘီစီကို ပြောပါတယ်။

ဒါ့အပြင် မြန်မာနိုင်ငံမှာ လက်နက်ကိုင် ပဋိပက္ခတွေလည်း ရှိနေပြီး ဗဟို အစိုးရမှာသာမက အောက်ခြေမှာပါ ဒီအစိုးရသစ်က ဘယ်လို အုပ်ချုပ်မှာလဲ ဆိုတာဟာလည်း NLD အစိုးရအတွက် စိန်ခေါ်စရာ အချက်တချက် ဖြစ်လာနိုင်တယ်လို့ သူက ပြောပါတယ်။

မြန်မာနိုင်ငံမှာ လွတ်လပ်ရေး ရပြီးကတည်းက ပြည်မက မြန်မာ အစိုးရနဲ့ စစ်တပ်က တိုင်းရင်းသား နယ်မြေ တချို့ကို အာရုံမထားနိုင်ဘဲ မြို့ပေါ်က နိုင်ငံရေးမှာတင် အချိန်ကုန်နေတာမို့ လျစ်လျူရှု ခံရတာတွေ ရှိခဲ့ကြောင်း၊ ဒီအတွက် တိုင်းရင်းသား အခွင့်အရေးတွေနဲ့ ဖွဲ့စည်းပုံ ပြင်ဆင်ရေးတွေကို မျှော်လင့်ခဲ့တဲ့ တိုင်းရင်းသား တွေအတွက် မျှော်လင့်ထားသလို ဖြစ်မလာခဲ့ပဲ စစ်ပွဲတွေနဲ့သာ ရင်ဆိုင်ခဲ့ရကြောင်း၊ အခုလည်း မြေပြန့်မှာ NLD နဲ့ စစ်တပ် အဆင်ပြေပြီး ဒီမိုကရေစီ အခွင့်အရေးတွေ ရနိုင်ပေမယ့် တိုင်းရင်းသား ပြည်နယ်တွေမှာ စစ်ပွဲသံတွေ မစဲဖြစ်နေမှာကို တိုင်းရင်းသားတွေက စိတ်ပူနေကြကြောင်း ပြောပါတယ်။

ဒီနှစ်ပိုင်းအတွင်းမှာ မြန်မာ့နိုင်ငံရေးနဲ့ လူမှုရေး၊ ပတ်ဝန်းကျင်ရေး ကိစ္စတွေမှာ ပြည်သူတွေ တက်တက်ကြွကြွ ပါဝင်လာကြတာ တွေ့ရပြီး ဒါတွေကြောင့်ပဲ ပြုပြင်ရေးတွေ လုပ်ဖို့ NLD ကို မဲပေးကြတဲ့အထိ ဖြစ်ခဲ့တာလို့ ဆိုပါတယ်။

နိုင်ငံရဲ့ လက်ရှိ စီးပွားရေး၊ လူမှုရေး အခြေအနေတွေမှာ ယိုယွင်းမှုတွေ များလွန်းတာကို တွေ့ဆုံဆွေးနွေး အဖြေရှာသွားကြဖို့နဲ့ ငြိမ်းချမ်းရေးနဲ့ ပြုပြင်ပြောင်းလဲရေးတွေကို တိုင်းရင်းသားတွေနဲ့ ပြည်မ ခေါင်းဆောင်တွေ အတူ ယှဉ်တွဲ လုပ်ဆောင် သွားကြဖို့ အရေးကြီးတယ်လို့ Martin Smith က ပြောသွားပါတယ်

BBC Burmese

Foued Mohamed-Aggad ဟာ ဆီးရီးယားကို ၂၀၁၃ ခုနှစ်က သွားရောက်ခဲ့တယ်လို့ ယုံကြည်ရ။


ပဲရစ်မြို့ တိုက်ခိုက်မှုအတွင်း ဘတ္တာကလန် ဂီတပွဲရုံမှာ တိုက်ခိုက်ခဲ့သူ ၃ ဦးအနက် တတိယမြောက် တစ်ဦးကိုလည်း ဘယ်သူဘယ်ဝါ ဖြစ်တယ် ဆိုတာ ပြင်သစ် ရဲတွေက ဖော်ထုတ် နိုင်ပြီလို့ ပြင်သစ် ဝန်ကြီးချုပ်က ပြောပါတယ်။

သူဟာ ၂၃ နှစ် အရွယ် ပြင်သစ် နိုင်ငံသား Foued Mohamed-Aggad ဆိုသူ ဖြစ်ပြီး လွန်ခဲ့တဲ့ ၂ နှစ်က IS အဖွဲ့ထဲ ဝင်ရောက်ဖို့ ဆီးရီးယားကို သွားခဲ့သူ ဖြစ်တယ်လို့ ယုံကြည်ရ ပါတယ်။

ဘတ္တာကလန် ဂီတပွဲရုံ တိုက်ခိုက်မှုမှာ လူအယောက် ၉၀ သေဆုံး ခဲ့ပါတယ်။ အဲဒီ ဂီတပွဲရုံကို တိုက်ခိုက်သူ ၃ ဦးစလုံးဟာ ပြင်သစ် နိုင်ငံသားတွေ ဖြစ်ကြပြီး ကိုယ်မှာ ပတ်ထားတဲ့ ဗုံးတွေနဲ့ အသေခံ ဗုံးခွဲခဲ့ကြသူတွေ ဖြစ်ပါတယ်။

နိုဝင်ဘာ ၁၃ ရက်နေ့က စုစုပေါင်း လူ ၁၃၀ သေဆုံးခဲ့တဲ့ ပဲရစ်မြို့ တိုက်ခိုက်မှုမှာ ပါဝင်ခဲ့တဲ့ တခြား သေနတ်သမားတွေ ဟာလည်း ပြင်သစ်မှာ ကြီးပြင်းခဲ့ကြတဲ့ ပြင်သစ်နိုင်ငံသားတွေနဲ့ ဘယ်လ်ဂျီယံ နိုင်ငံသားတွေ ဖြစ်တယ်လို့ ထုတ်ဖော် နိုင်ခဲ့ပြီး ဖြစ်ပါတယ်။

Strasbourg မြို့သား Mohamed-Aggad ဟာ ယုံကြည်ချက် ပုံသွင်းခံရတဲ့ လူငယ် အဖွဲ့တစ်ခုထဲ အပါအဝင် ဖြစ်ပြီး ၂၀၁၃ ခုနှစ်က သူ့ ညီနဲ့ အတူ ဆီးရီးယားကို သွားရောက် ခဲ့တယ်လို့ သတင်းတွေက ဆိုပါတယ်။

မနှစ်တုန်းကတော့ အဲဒီ အဖွဲ့ဝင် အချို့ ပြင်သစ်ကို ပြန်ဝင်လာချိန်မှာ ဖမ်းဆီးမိခဲ့ပေမယ့် Mohamed-Aggad ကတော့ ဆီးရီးယားမှာ နေရစ်ခဲ့တယ်လို့ ယုံကြည်ရပါတယ်။

ဘတ္တာကလန် ဂီတပွဲရုံမှာ တိုက်ခိုက်ပြီး သတ်သေသွားတဲ့ တခြား ၂ ယောက်ကတော့ ပြင်သစ် နိုင်ငံသား ၂၉ နှစ် အရွယ် Omar Ismail Mostefai နဲ့ ၂၈ နှစ်အရွယ် Samy Amimour တို့ ဖြစ်ကြပါတယ်။

BBC Burmese

အမေရိကန်ကြည်းတပ် ပစိဖိတ်ဒေသဆိုင်ရာ တပ်မှူး Vincent Brooks
အမေရိကန်ကြည်းတပ် ပစိဖိတ်ဒေသဆိုင်ရာ တပ်မှူး Vincent Brooks

အမေရိကန်ကြည်းတပ်ရဲ့ ပစိဖိတ်ဒေသဆိုင်ရာ တပ်မှူးက သူ့အနေနဲ့ မြန်မာစစ်ဘက်နဲ့ ပိုပြီးအနီးကပ်ဆက်ဆံဖို့ စိတ်အားထက်သန် နေတယ်လို့ အင်္ဂါနေ့က ပြောတဲ့အကြောင်း ရိုက်တာသတင်းတပုဒ်မှာ ဖော်ပြထားပါတယ်။

ဒါပေမဲ့လည်း အမေရိကန်အစိုးရရဲ့ မူဝါဒပိုင်းဆိုင်ရာ ဆုံးဖြတ်ချက်ကို စောင့်ရမယ်လို့တော့ပြောပါတယ်။

မြန်မာနိုင်ငံရဲ့ မိတ်ဖက်နိုင်ငံတွေဖြစ်တဲ့ အရှေ့တောင်အာရှနိုင်ငံများအဖွဲ့ ASEAN နိုင်ငံတွေက စစ်ဘက်ခေါင်းဆောင်တွေက လည်း အမေရိကန်နဲ့မြန်မာအကြား အဲဒီလို ဆက်ဆံမှုမျိုးကို မြင်တွေ့ချင်နေကြတယ်လို့ ၀ါရှင်တန်မြို့တော်မှာလုပ်တဲ့ ကာကွယ် ရေးဆိုင်ရာ သတင်းဆောင်းပါးရေးသားသူတွေရဲ့ ဆွေးနွေးပွဲအတွင်း ဗိုလ်ချုပ်ကြီး Vincent Brooks ကပြောသွားတာပါ။

၂၀၁၄ ခုနှစ်ကလုပ်တဲ့ အာဆီယံကာကွယ်ရေးဝန်ကြီးတွေရဲ့ အစည်းအဝေးတခုအကြောင်းကို ဗိုလ်ချုပ်ကြီး Brooks က ပြန်ပြော ပြပါသေးတယ်။ အစည်းအဝေးမှာ တခြားစစ်ဘက်ခေါင်းဆောင်တွေက သူ့လက်ကိုဆွဲပြီး အဲဒီမှာရှိနေတဲ့ မြန်မာစစ်ဗိုလ်ချုပ်တဦးစီ ကို ခေါ်သွားခဲ့ကြတယ်လို့ဆိုပါတယ်။

အမေရိကန်ပြည်ထောင်စုက မြန်မာနိုင်ငံနဲ့ ထိတွေ့ဆက်ဆံပြီး ရှေ့ဆက်သွားနိုင်ရေး ကူညီ လုပ်ဆောင်ပေးဖို့ ဒေသတွင်းမှာ တကယ့်ကိုပဲ လိုလားနေကြတယ်လို့ ဗိုလ်ချုပ်ကြီး Brooks ကပြောပါတယ်။ အခုဆိုရင် ခွင့်ပြု ထားသလောက်အဆင့်နဲ့ ဆက်လုပ်ရတော့မယ်လို့လည်း သူကဆိုပါတယ်။

ပြီးခဲ့တဲ့လ ရွေးကောက်ပွဲမှာ ဒေါ်အောင်ဆန်းစုကြည်ဦးဆောင်တဲ့ အမျိုးသားဒီမိုကရေစီအဖွဲ့ချုပ်က အပြတ်အသတ်အနိုင်ရသွား တာကြောင့် ရှေ့ဆက်လုပ်ဆောင်ဖို့ရာ အသင့်ရှိနေဖို့ ဖြစ်သွားစေတယ်လို့ ဗိုလ်ချုပ်ကြီး Brooks ကပြောပါတယ်။

အခုချိန်ထိက တော့ သိပ်မြန်မြန်ကြီး ရှေ့မရောက်သေးကြောင်း၊ အလားအလာကောင်းရှိနေတယ်လို့ သူ့အနေနဲ့ယူဆပြီး မူဝါဒပိုင်း လမ်းညွှန် ချက်တွေကို စောင့်ရမယ်လို့ပြောပါတယ်။ အုပ်ချုပ်ရေးပိုင်း၊ သတင်းမီဒီယာ၊ ပြည်သူလူထု၊ အရပ်သားအစိုးရနဲ့ ဆက်ဆံမှုပိုင်းတွေ မှာ အမေရိကန်စစ်ဘက်ရဲ့ ကျွမ်းကျင်မှုကို မျှဝေဖို့ရာ အခွင့်အလန်းတခုအဖြစ် အမေရိကန်ပြည်ထောင်စုက မြင်ထားတယ်လို့ ဗိုလ်ချုပ်ကြီး Vincent Broooks ကပြောသွားပါတယ်။

VOA
http://burmese.voanews.com/content/us-army-vincent-brooks-would-like-to-closely-work-with-myanmar-military/3094795.html

မြန်မာနိုင်ငံရဲ့ ပထမဆုံး ရန်ကုန်စတော့အိတ်ချိန်း အစုရှယ်ယာဈေးကွက်ဖွင့်လှစ်
မြန်မာနိုင်ငံရဲ့ ပထမဆုံး ရန်ကုန်စတော့အိတ်ချိန်း အစုရှယ်ယာဈေးကွက်ဖွင့်လှစ်

မြန်မာနိုင်ငံရဲ့ ပထမဆုံး ရန်ကုန်စတော့အိတ်ချိန်း အစုရှယ်ယာဈေးကွက်ကို ကုမ္ပဏီ ၆ ခုနဲ့ စတင်ဖွင့်လှစ်လိုက်ပြီဖြစ်ပါတယ်။ မတည်ငွေ ကျပ်သန်းပေါင်း ၃ သောင်း ၂ ထောင်နဲ့ ဒီအစုရှယ်ယာ ဈေးကွက်ကို စတင်တည်ထောင်ထားတာပါ။ ဆယ်စုနှစ်နဲ့ချီ အစိုးရထိန်းချုပ်ခဲ့တဲ့ စီးပွားရေးနဲ့ ဘဏ္ဍာရေးလုပ်ငန်းတွေကို ပြုပြင်ပြောင်းလဲမှုတွေ လုပ်လာခဲ့ပြီးနောက်မှာ အခုလို အစုရှယ်ယာဈေးကွက်ကို မြန်မာနိုင်ငံမှာ ပထမဆုံး ဖွင့်လှစ်တာဖြစ်ပြီး နိုင်ငံခြားပိုင်ကုမ္ပဏီတွေကိုတော့ ဥပဒေအချို့ပြင်ဆင်ပြီးမှပဲ လက်ခံသွားမယ်လို့ ဘဏ္ဍာရေး ဒုတိယဝန်ကြီး ဦးမောင်မောင်သိမ်းကပြောပါတယ်။ ဒီသတင်းအပြည့်အစုံကို ဗွီအိုအေမြန်မာပိုင်းက မေခကပေးပို့ထားပါတယ်။

ဒီကနေ့မှာ မြန်မာနိုင်ငံရဲ့ ပထမဆုံး အစုရှယ်ယာဈေးကွက်ကို ကုမ္ပဏီ ၆ ခုနဲ့ စတင်ဖွင့်လှစ်လိုက်ပြီဖြစ်ပါတယ်။ ဒီဈေးကွက်ကိုဝင်ရောက်လာတဲ့ ကုမ္ပဏီ ၆ခုရဲ့ ရှယ်ယာရောင်းဝယ်တာတွေကိုတော့ တရားဝင်အနေနဲ့ နောက်နှစ် ဖေဖော်ဝါရီ ဒါမှမဟုတ် မတ်လ အ စော ပိုင်းမှာစမယ်လို့ ဘဏ္ဍာရေးဝန်ကြီးဌာန ဒုတိယ ၀န်ကြီး ဒေါက်တာ မောင်မောင်သိမ်းက ဒီကနေ့ ရန်ကုန်စတော့အိတ်ချိန်း အစု ရှယ်ယာ ဈေးကွက် ဖွင့်ပွဲမှာပြောဆိုခဲ့ပါတယ်။ဒီစတော့အိတ်ချိန်းနဲ့ပတ်သတ်ပြီး ဦးမောင်မောင်သိမ်းက ခုလိုပြောပါတယ်။

“စတော့အိတ်ချိန်းဆိုတာ နိုင်ငံတနိုင်ငံရဲ့ စီးပွားရေး ဖွံ့ဖြိုးတိုးတက်ဖို့အတွက် မရှိမဖြစ်တဲ့ ကဏ္ဍတခုပဲဖြစ်ပါတယ်။”

စတော့ဈေးကွက်လို့ခေါ်တဲ့ ဒီအစုရှယ်ယာဈေးကွက် ဆိုတာဟာ အများပိုင် ကုမ္ပဏီတွေက သူတို့ပိုင်တဲ့ အစုရှယ်ယာများကို ရင်းနှီးမြှုပ်နှံလိုသူ ၀ယ်ယူလိုသူ ပြည်သူများ ကို ရောင်းချသွားတာကို ခေါ်ပါတယ်။ လက်ရှိမှာ ရန်ကုန်စတော့အိတ်ချိန်းမှာ ရှယ်ယာ အရောင်းအ၀ယ် ပြုလုပ်ဖို့ စာရင်းသွင်းထားတဲ့ အများပိုင် ကုမ္ပဏီ ၆ ခုမှာ FMI ကုမ္ပဏီ၊ မြန်မာ့လယ်ယာစီးပွားအများပိုင်ကုမ္ပဏီ MAPCO၊ ပထမပုဂ္ဂလိကဘဏ်၊ မြန်မာ သီလ၀ါ အထူးစီးပွားရေးဇုန်၊ ဟိုးလ်ဒင်း အများပိုင်ကုမ္ပဏီ၊ မြန်မာနိုင်ငံသားများ ဘဏ်နဲ့ Great Horkham ကုမ္ပဏီတို့ ဖြစ်ပါတယ်။ ဒီလိုအများပိုင်ကုမ္ပဏီတွေကနေ သူတို့ပိုင်တဲ့ အစုရှယ်ယာတွေကို ရင်းနှီးလိုသူတွေကိုရောင်းချတာမှာ ၀ယ်ယူရင်းနှီး မြှုပ်နှံသူနဲ့အစုရှယ်ယာ ရောင်းချသူ ကုမ္ပဏီများကြား ၀န်ဆောင်မှု အဖြစ် ဆောင်ရွက်ပေးမည့် ၀န်ဆောင်မှု ကုမ္ပဏီများလည်း လိုအပ်ပါတယ်။

လက်ရှိမှာ ဒီလိုဝန်ဆောင်မှုပေးမယ့် ကုမ္ပဏီတွေနဲ့ပတ်သတ်ပြီး ဘဏ္ဍာရေးဝန်ကြီးဌာန ဒုတိယ ၀န်ကြီး ဒေါက်တာ မောင်မောင်သိမ်းကတော့ လိုင်စင်ချပေးရန် လျာထား တဲ့ပမာဏမှ ၁၀ ခုအထိ ရှိနေပြီး၊ လက်တွေ့မှာတော့ ကမ္ဘောဇ ကုမ္ပဏီတခုတည်းကိုသာ လိုင်စင်ချပေးထားတဲ့အကြောင်းနဲ့၊ မကြာခင်မှာ ဘဏ္ဍာရေးဝန်ကြီးဌာနက ၀န်ဆောင်မှု ကုမ္ပဏီလိုင်စင်များ ဆက်တိုက်ချပေးမည်ဖြစ်ကြောင်း ဒီကနေ့ ရန်ကုန်စတော့အိတ်ချိန်း အစုရှယ်ယာဈေးကွက်ဖွင့်ပွဲမှာပြောဆိုခဲ့ပါတယ်။

ဒီရန်ကုန် စတော့အိတ်ချိန်းကို မြန်မာ့စီးပွားရေးဘဏ်က ၅၁ ရာခိုင်နှုန်း၊ တိုကျို စတော့အိပ်ချိန်း က ၁၈ရာခိုင်နှုန်းကျော်နဲ့ ဂျပန်ဒိုင်ဝါသုတေသနက ရာခိုင်နှုန်း ၃၀ ကျော် ထည့်ဝင်အကောင် အထည်ဖော်ခဲ့ကြခြင်းဖြစ်ပါတယ်။ လက်ရှိမှာ ဝန်ဆောင်မှုကုမ္ပဏီအနေနဲ့တာဝန်ယူထားတဲ့ ကမ္ဘောဇ ကုမ္ပဏီက အကြီးတန်း ဦးဆောင်ညွှန်ကြားရေးမှူး ဦးညိုမြင့်က ဝန်ဆောင်မှုလုပ်ဆောင် ပေးမယ့်အပေါ်အခုလိုပြောပါတယ်။

“ရောင်းတဲ့လူတွေနဲ့ ၀ယ်တဲ့လူတွေ အားလုံး real time နဲ့ ရောင်းကြ၀ယ်ကြ ဖို့လိုပါတယ်။ အဲလိုမှမဟုတ်လို့ရှိရင် ရှယ်ယာဈေးက သိတဲ့အတိုင်းပဲ အချိန်မရွေး အတက်အကျရှိနေတဲ့အခါကျတော့ အငြင်းပွားမှုမဖြစ်အောင် real time နဲ့ transition လုပ်နိုင်မှပါ၊ရောင်းတာဝယ်တာငွေချေပေးတဲ့ ဘဏ်ကိုရွေးချယ်ထားပါတယ်။ အဲဒါကတော့ ကျနော်တို့ ကမ္ဘောဇ ဘဏ်ပါပဲ။”

Asia Precious Jewel Construction ကုမ္ပဏီက ကိုအောင်ထွဋ်ဦးကတော့ စတော့ဈေးကွက် အပေါ်အခုလိုသုံးသပ်ပါတယ်။

“ကမ္ဘာမှာလည်း ဒီလိုကုမ္ပဏီကြီးတွေက စတော့ပေါ်မှာအကုန်တင်ထားတာလေ။ စတော့ပေါ်တင်ထားပြီဆိုရင်တော့ ဒီကုမ္ပဏီက ခိုင်မာတယ်၊ ခိုင်ခိုင်မာမာရပ်တည်နိုင်တယ်လို့ တကမ္ဘာလုံးအနေအထားနဲ့ သက်မှတ်ထားတယ်လို့ထင်တာပဲလေ။ အဲလိုမျိုးဖြစ်မယ်ထင်တယ်။ မြန်မာနိုင်ငံမှာ ထင်သလောက်အောင်မြင်မှုရနိုင်သလားဆိုတာကတော့ ဒီမှာ သူတို့ စတော့အိတ်ချိန်းကို လုပ်ပုံလုပ်နည်း ဘယ်လိုသတ်မှတ်ထားသလဲ၊ နောက် register ၀င်တဲ့ကုမ္ပဏီက မြန်မာနိုင်ငံအနေနဲ့ ၀င်တဲ့ ကုမ္ပဏီတွေက ဘယ်လောက်အထိဝင်လာမလဲ။ ဟိုနည်းနည်းလေးပဲဖြစ်နေရင်တော့ သိပ်မထူးဘူးလေ။ နောက်ခိုင်မာတဲ့ ကုမ္ပဏီတွေ၊ ငွေကြေးလည်းရှိတဲ့ ကုမ္ပဏီတွေတဖြည်းဖြည်းနဲ့ ဒီအပေါ်ကိုတင်လာ တင်လာရင်တော့ ၊ စတော့ပေါ်မှာများလာပြီဆိုရင်တော့ မြန်မာပြည်က စတော့က အောင်မြင်လာမယ်လို့ထင်ပါတယ်။”

ဒီလိုရန်ကုန်စတော့အိတ်ချိန်းမှာ အစုရှယ်ယာတွေ အများပြည်သူကို ထုတ်ရောင်းခွင့် ရရှိဖို့အတွက် မြန်မာနိုင်ငံသားပိုင် အများပိုင်ကုမ္ပဏီတွေအနေနဲ့ ၂ နှစ် အမြတ်အစွန်းရရှိကြောင်း၊ အခွန်ငွေ မှန်မှန်ပေး ဆောင်နေကြောင်း သက်သေပြဖို့ လိုအပ်မယ့်အပြင်၊ ကုမ္ပဏီမှာ အစုရှယ်ယာပေါင်း ၁၀၀ ရှိဖို့ လိုအပ်တယ်လို့ သိရပါတယ်။

မေခ/VOA
http://burmese.voanews.com/content/myanmar-yangon-stock-exchange/3094789.html




သျှမ်းပြည်နယ်အတွင်းဖြစ်ပွားလျှက်ရှိသောစစ်ပွဲများရပ်တန့်ရေး၊ ရေရှည်တည်တံ့၍ ခိုင်မာသော ငြိမ်းချမ်းရေးရရှိနိုင်ရေး အတွက် “ စစ်ပွဲများရပ်တန့်ရေး မှသည်ပြည် တွင်းငြိမ်း ချမ်းရေးဆီသို့ ” ငြိ်မ်းချမ်းရေးဆိုင်ရာနှီးနှော ဖလှယ်ပွဲ တစ်ရပ် ကို သျှမ်းပြည်နယ် (တောင်ပိုင်း) လူငယ်ကွန်ယက်အဖွဲ့မှ ဦးဆောင် ၍ တောင်ကြီးမြို့ ဟုတ်ကြန့်ခန်းမ၌ ကျင်းပခဲ့ ကြောင်း သိရသည်။

ပြည်သူတစ်ရပ်လုံးပူးပေါင်းပါဝင် နိုင်သော ငြိမ်းချမ်းရေးလုပ်ငန်းစဉ်များ ချမှတ် နိုင်ရေးနှင့် ပတ်သက်၍ ဒီဇင်ဘာ ၈ ရက်နှင့် ၉ ရက်က အဆိုပါ ငြိမ်း ချမ်းရေးနှီးနှောပွဲကျင်းပခဲ့ခြင်းဖြစ်သည်။
“အရပ်ဖက်အဖွဲ့အစည်းတွေနဲ့ပြည်သူတွေ ငြိမ်းချမ်းရေးလုပ်ငန်းစဉ်မှာ ပါဝင် ခွင့်ရဖို့ကျနော်တို့ တောင်းဆိုခဲ့ တာကြာ ပါပြီ ။ တကယ်တမ်း ဒုက္ခခံနေရ တာ ပြည်သူတွေပါ ဒါပေမဲ့ ပြည်သူတွေအနေနဲ့ဒီငြိမ်းချမ်းရေးဖြစ်စဉ်တွေမှာ တစ်စုံတစ်ခု ပါဝင်ခွင့် မရခဲ့ဘူး ။ ကျနော်တို့အနေနဲ့ပြည်သူတွေ ပါဝင်ခွင့် ရအောင် ၊ ပြည်သူတွေအနေနဲ့ လည်းပိုပြီးတော့ ပါဝင်လာနိုင်အောင် ဘယ်လိုလုပ်သင့်လဲ ၊ ဘယ်လိုရှေ့ဆက်ကြမလဲ ဆိုတာကို ဒီပွဲမှာဆွေးနွေး သွားမှာဖြစ်ပါတယ် ” ဟု သျှမ်းပြည်နယ်(တောင်ပိုင်း) လူငယ်ကွန်ယက်အဖွဲ့ မှ တာဝန်ခံတစ်ဦးဖြစ်သော ၀င့်ထည်ကောင်းမြတ်က ရှင်းပြသည်။

“စစ်ဘေးသင့် ဒေသခံပြည်သူတွေရဲ့ခံစားချက်တွေ ကို လူတွေသိစေချင်လို့၊ ဒီအခန်းအနားကို လာတက်တာပါ ။ အစိုးရတပ်နဲ့ SSPP စစ်ပွဲတွေဖြစ် တာ နှစ်လကျော်ပြီ ဒီကြားထဲနှစ်ဖက်စစ်မဖြစ်တာ ၁၀ ရက်ပေါ့ တစ်ချို့က သူတို့ အိမ်ကိုပြန်သွားကြည့်ကြတယ် ဒါပေမဲ့ မိုင်းရှူးမြို့နယ် ၊ တာ့ဆမ်ပူးမှာ အိမ်ပြန်လာတဲ့ပြည်သူတွေကို အစိုးရတပ်က သေနတ်မိုးပေါ်ထောင်ပြီး ပစ်ပြတော့ လူထုတွေက ကြောက်လန့်ပြီးပြန် ပြေးလာကြတယ် ။ ဟိုင်းပါ ဒုက္ခသည်စခန်းမှာ အရင်က ၁၃၀၀ ကျော်ပဲရှိ တယ် အခု ၁၆၀၀ ကျော်ေ လာက် ပြန်ရောက်နေပြီ ” ဟု စစ်ဘေးဒုက္ခသည် အရေးလိုက်လံ ဆောင်ရွ က်ေ နသူမိုင်းရှူးဒေသခံ ဒေါ်နန်းကောင်ခမ်း ကပြောသည်။

သျှမ်းပြည်နယ်(တောင်ပိုင်း)လူငယ်ကွန်ယက်အဖွဲ့မှ ဦးဆောင်၍ သျှမ်းပြည် နယ်အတွင်းရှိ (၁၅)မြို့နယ်နှင့် စင်င်္ကာပူ ၊ ဂျပန်တို့နိုင်ငံတို့တွင် စစ်ပွဲများ ရပ်တန့်ရေး စုပေါင်းလက်မှတ် ရေးထိုးတောင်းဆိုခြင်း လှုပ်ရှားမှု အား နိုဝင်ဘာလ(၁၁) ရက်နေ့မှစ၍ လက်မှတ်ကောက်ခံခဲ့ရာ လက်မှတ် ပေါင်း တစ်သောင်းကျော်ရရှိပြီး နိုင်ငံတော်သမ္မတ ၊ ကာချုပ် ၊ဒေါ်အောင် ဆန်းစုကြည်နှင့် UNFC ထံ တင်ပြသွားရန်ရှိသည်ဟု သိရပါသည်။

မြန်မာနိုင်ငံအနှံ့အပြားတွင်ဖြစ်ပွားလျှက်ရှိသောစစ်ပွဲများအနက် သျှမ်းပြည် နယ်တောင်ပိုင်းတွင်ဖြစ်ပွားခဲ့သော စစ်ပွဲ များကြောင့် စစ်ဘေးရှောင် ပြည်သူ တစ်သောင်းကျော်အထိရှိခဲ့ပြီး စစ်ပွဲကြောင့် မူလတန်း/ အလယ် တန်းေ ကျာင်း ၁၇ ကျောင်းပိတ်ခဲ့ရသည်။ စစ်ပွဲအတွင်းအချို့အိမ်ယာများပျက် စီးခဲ့ရပြီး စစ်ရှောင်စခန်းများ တွင်မှီတင်း နေထိုင်နေရဆဲဖြစ်သည် ။

(PangLong Burmese)

https://www.facebook.com/Panglong.burmese



သျှမ်းပြည်တောင်ပိုင်း လွယ်လင်ခရိုင် မိုင်းရှူးမြို့နယ် နှင့် ကျေးသီးမြို့နယ် အတွင်း ဖြစ်ပွားနေသည့် အစိုးရတပ်နှင့်သျှမ်းပြည်တပ်မတော် SSPP/SSA တပ်တို့အကြား စစ်ရေးပဋိပက္ခများဖြေရှင်းနိုင်ရေး အတွက် မိုင်းရှူး - မိုင်းနောင် ကားလမ်းတောင်ဘက်ခြမ်းအတွင်းရှိသည့် တပ်များဆုတ်ဖို့ နှစ်ဘက်သဘောတူမှုရရှိခဲ့သည်ဟု သိရှိရပါသည်။

သျှမ်းပြည်တပ်မတော် SSPP/SSA နှင့် အစိုးရကိုယ်စားလှယ်တို့ ဒီဇင်ဘာ ၇ - ၈ ရက် နေပြည်တော်၌ နှစ်ရက်ကြာတွေ့ဆုံရာ မိုင်းရှူး - မိုင်းနောင် ကား လမ်းတောင်ဘက်ခြမ်းရှိနှစ်ဘက်တပ်များ ဆုတ်ဖို့ ၊ မိုင်းနောင်မြို့တွင် ဆက်ဆံရေးရုံးဖွင့်လှစ်ဖို့၊ သဘောတူကြသည်ဟု ဌာနချုပ်အရာရှိ တစ်ဦးကပြောသည်။

“နိုဝင်ဘာ ၂၃-၂၄ တွေ့ဆုံတုန်းက မူအရ သဘောတူထားတဲ့ အချက် ၆ က အမှတ် ၂ (ဂ) က ကျနော် တို့တပ်တွေ မြောက်ဘက်ခြမ်းကို ရွှေ့ရမယ်။ အစိုး ရ တပ်ကတော့ တပ်တွေ နေရာ ပြန်ချမယ် ဆိုတာ တော့ မဟုတ်ဘူးလေ။ ဆုတ်မယ် ဆိုရင် နှစ်ဘက်လုံးဆုတ်မယ်ပေါ့။ ကျနော်တို့ တပ်တွေ အဲဒီ့ ဘက်မှာ မရှိရင် သူတို့တပ်တွေလဲ ရှိစရာအကြောင်းမရှိဘူးပေါ့။ ကျနော်တို့ ဆုတ်မယ်ဆိုရင် သူတို့လဲဆုတ်မယ်လို့သဘောတူလိုက်တာ” - ဟု ဌာနချုပ်ပြန်ကြားရေး အရာရှိတဦးကပြောသည်။

တောင်ကြီး - လွယ်လင် - လဲချား - မိုင်းနောင် - မိုင်းရှူး - တန့်ယန်း ၊ တောင်ကြီး - လွယ်လင် - ခိုလမ် - မိုင်းနောင် - မိုင်းရှူး - တန့်ယန်း လမ်း သည် မြန်မာနိုင်ငံ အရှေ့ပိုင်းစစ်ရေးမဟာဗျူဟာ လမ်းဖြစ်သောကြောင့် တိုင်းရင်းသားလက်နက်ကိုင်တပ်ဖွဲ့များအား မဖြစ်မနေရှင်းလင်းရမည်ဟု တပ်မတော် အရာရှိ ကြီး တဦးကလည်းပြောဆိုခဲ့ဖူးသည်။

မိုင်းနောင် - မိုင်းရှူး ကားလမ်းတောင်ဘက်ခြမ်းရှိ သျှမ်းပြည်တပ်မတော် SSPP/SSA တပ်စခန်းများ အား အောက်တိုဘာ ၆ ရက်နေ့မှ နိုဝင်ဘာ လနှောင်းပိုင်းအထိ အစိုးရတပ်မတော် မှ ထိုးစစ်ဆင် တိုက်သောကြောင့် ဒေ သခံ ၁၀၀၀ ကျော် နေရပ်မှ စွန့်ခွါခဲ့ရသည်။

သျှမ်းပြည်တပ်မတော် SSPP/SSA နှင့် မြန်မာအစိုးရ တို့သည် ၂၀၁၂ ခု နှစ် ဦးပိုင်းက တောင်ကြီးမြို့၌ ပြည်ထောင်စုအဆင့် အပစ်ရပ် စာချုပ် လက် မှတ်ရေးထိုးကာ ငြိမ်းချမ်းရေးတည်ဆောက် ထားကြပြီး ဖြစ်သည်။

(PangLong Burmese)

https://www.facebook.com/Panglong.burmese



မြန်မာနိုင်ငံ ဟိုတယ်စီမံကိန်းလုပ်ငန်းများတွင် ၂၀၁၅-၂၀၁၆ ဘဏ္ဍာရေးနှစ်အထိ ဂျပန်နိုင်ငံက အမေရိကန် ဒေါ်လာ ၆၂ သန်း ရင်းနှီးမြှုပ်နှံထားကြောင်း ဟိုတယ်နှင့် ခရီးသွားလာရေး လုပ်ငန်းဝန်ကြီးဌာနမှ သိရှိရသည်။

၂၀၁၅-၂၀၁၆ ဘဏ္ဍာရေးနှစ်အထိ ဂျပန်နိုင်ငံက ဟိုတယ်စီမံကိန်းသုံးခု ဆောက်လုပ်ထားပြီး ယင်းဟိုတယ် စီမံကိန်းများအတွက် ကန်ဒေါ်လာ ၆၂ သန်း ရင်းနှီးမြှုပ်နှံထားခြင်းဖြစ်သည်။

“ဂျပန်နိုင်ငံက ရင်းနှီးမြှုပ်နှံထားတဲ့ ဟိုတယ်စီမံကိန်းသုံးခုက ရန်ကုန်နဲ့ ပုဂံဒေသ တွေမှာပဲ ဖြစ်ပါတယ်။ အဲဒီ ဟိုတယ်စီမံကိန်းသုံးခုကလွဲလို့ ဟိုတယ် စီမံကိန်း နဲ့ပတ်သက်ပြီး ဂျပန်နိုင်ငံက ရင်းနှီးမြှုပ်နှံမှုတွေ လတ်တလောမှာတော့ မရှိသေး ပါဘူး။ မြန်မာ့ရင်းနှီးမြှုပ်နှံမှု ကော်မရှင်မှာတော့ တခြားအပိုင်းနဲ့ ရင်းနှီး မြှုပ်နှံထား တာတော့ ရှိကောင်းရှိန်ိုင်ပေမယ့် ဟိုတယ်စီမံကိန်းနဲ့ ပတ်သက်ပြီးတော့ လတ်တလောမှာ မရှိသေးပါဘူး” ဟု ဟိုတယ်နှင့် ခရီးသွားလာရေးလုပ်ငန်း ၀န်ကြီးဌာန၊ ပရောဂျက်ဌာနမှ ဒုတိယညွှန်ကြားရေးမှူး ဒေါ်စန္ဒာကြည်က ပြောသည်။

မြန်မာနိုင်ငံရှိ ဟိုတယ်စီမံကိန်း လုပ်ငန်းများတွင် ဂျပန်အပါအ၀င် စင်ကာပူ၊ ဗီယက်နမ်၊ ထိုင်း၊ ဟောင်ကောင်၊ မလေးရှား၊ ဗြိတိန်၊ ကိုရီးယား၊ လူဇင်ဘတ်နှင့် ယူအေအီးနိုင်ငံများက ရင်းနှီးမြှုပ်နှံထားကြောင်း ဟိုတယ်နှင့် ခရီးသွားလာရေး လုပ်ငန်းဝန်ကြီးဌာနမှ သိရသည်။“ဂျပန်နိုင်ငံက မြန်မာနိုင်ငံကို လာရောက် လည်ပတ်မှုတွေ လေ့လာမှုတွေ ရှိနေတယ်။ ဂျပန်တွေက ဒီမှာ စီးပွားရေးအပိုင်းတွေမှာ ရင်းနှီးမြှုပ်နှံမှုတွေရှိနေတော့ အလည်အပတ် သက်သက်လာတာ ရှိသလို စီးပွားရေး အတွက် လာတာတွေလည်း ရှိပါတယ်” ဟု ဂျပန်ဧည့်လမ်းညွှန်တစ်ဦးဖြစ်သူ မသော်တာဝေက ပြောသည်။

မြန်မာနိုင်ငံသို့ ခရီးသွားဝင်ရောက်မှု အခြေအနေအရ ဂျပန်နိုင်ငံမှ ခရီးသွား ၀င်ရောက်မှုမှာ ထိုင်းနှင့် တရုတ် ပြီးနောက်တတိယအများဆုံးဖြစ်ပြီးလက်ရှိဂျပန်ဧည့်လမ်းညွှန်မှာလည်း လေးရာနီးပါးခန့်ရှိကြောင်း ဟိုတယ်နှင့် ခရီးသွားလာ ရေးညွှန်ကြားမှု ဦးစီးဌာနထံမှ သိရသည်။“မြန်မာနိုင်ငံမှာ နိုင်ငံခြားက ရင်းနှီးမြှုပ်နှံထားတဲ့ ဟိုတယ်စီမံကိန်း ၄၇ ခုရှိပြီးတော့ ရင်းနှီးမြှုပ်နှံမှု တန်ဖိုးက ကန်ဒေါ်လာ ၂၆၄၁.၃၀၀ သန်းအထိတိုးမြင့်လာပါတယ်။ လက်ရှိမှာ ဟိုတယ်စီမံကိန်း ၃၃ ခု ပြီးသွားပါပြီ။ ၁၄ ခုကတော့ ဆောက်လုပ်ဆဲပါပဲ” ဟု ဒုတိယညွှန်ကြားရေးမှူး ဒေါ်စန္ဒာကြည်က ပြောသည်။ ယင်းဟိုတယ်စီမံကိန်း ၃၃ ခု၏ ရင်နှီးမြှုပ်နှံမှု တန်ဖိုးသည် ကန်ဒေါ်လာ ၁၃၀၄. ၉၉၂ သန်းဖြစ်ပြီး ဟိုတယ် အခန်းပေါင်း ၅,၉၂၁ ခန်း ပါဝင်ကြောင်း သိရသည်။

(The Ladies News Journal)

https://www.facebook.com/News.TheLadies/

knu vice chairperson

မြန်မာပြည်သူလူထုများ လိုလားတောင်းတသည့် နိုင်ငံရေးအပြောင်းအလဲအတွက် မကြာခင်အစိုးရသစ် ဖြစ်လာမည့် အမျိုးသားဒီမိုကရေစီအဖွဲ့(NLD)ပါတီနှင့် ပူးပေါင်းလုပ်ဆောင်ရန် နိုင်ငံရေးအဖွဲ့အစည်းနှင့် တိုင်းရင်းသားလက်နက်ကိုင်အဖွဲ့အစည်းများအား ကရင်အမျိုးသားအစည်းရုံး(KNU) ဒုဥက္ကဋ္ဌ ပဒိုနော်စီဖိုးရာစိန်က ဒီဇင်ဘာ ၇ရက်နေ့တွင် တိုက်တွန်းပြောဆိုလိုက်သည်။

၎င်းက “နိုင်ငံရေးအဖွဲ့အစည်းဖြစ်စေ၊ နိုင်ငံရေးပါတီဖြစ်စေ၊ တိုင်းရင်းသား လက်နက်ကိုင်အဖွဲ့အစည်းဖြစ်စေ၊ ပြည်သူတွေ မျှော်လင့်တောင်းတတဲ့ ဒီနိုင်ငံရေး အခြေအနေကို ပြောင်းလဲဖို့အတွက် အခုတက်လာမယ့် အစိုးရသစ်နဲ့ပူးပေါင်းပြီး လုပ်ဆောင်ကြရမယ်။ ပြည်သူတွေကတော့ တိကျမှန်ကန်တဲ့ ဆုံးဖြတ်ချက်ကို ဆုံးဖြတ်ခဲ့ပြီ။ ဒါတွေကို ကျမတို့ မြင်တတ်ဖို့ လိုပါတယ်။״ဟု ကေအိုင်စီသို့ သီးသန့်ပြောဆိုသည်။

လက်ရှိအုပ်ချုပ်နေသည့် အစိုးရအနေဖြင့်လည်း ပြည်သူများ လိုလားတောင်းတသည့်ဆန္ဒအတိုင်း အစိုးရသစ် ဖြစ်လာမည့် NLD ပါတီထံ အာဏာလွှဲပြောင်းပေးမှုကို ချောချောမွေ့မွေ့ လုပ်ဆောင်ရန် လိုအပ်သည့်အပြင် အုပ်ချုပ်ရေးပိုင်းနှင့် ဖွဲ့စည်းပုံအခြေခံဥပဒေ ပြုပြင်ပြောင်းလဲရေးအတွက် အစိုးရသစ်နှင့်ပူးပေါင်းလုပ်ဆောင်ရန် လိုအပ်ကြောင်း ပဒိုနော်စီဖိုးရာစိန်က ဖြည့်စွက်ပြောဆိုသည်။

၎င်းအပြင် ရွေးကောက်ပွဲ၌ ရှုံးနိမ့်ခဲ့သော နိုင်ငံရေးပါတီနှင့် တိုင်းရင်းသားလက်နက်ကိုင်အဖွဲ့အချို့က NLD အနိုင်ရရှိခဲ့မှုအပေါ် လွှတ်တော်အတွင်း တိုင်းရင်းသားအရေး ပြောဆိုဆွေးနွေးမှုများ အားနည်းသွားမည်ကို စိုးရိမ်မှုများရှိသော်လည်း NLD အနိုင်ရရှိမှုသည် စစ်အာဏာရှင် ကျဆုံးရေးအတွက် ကြီးမားသည့် အပြောင်းအလဲတစ်ခုဖြစ်ကြောင်းကို ဦးစွာ မြင်တတ်ရန် လိုအပ်သည်ဟု ပဒိုနော်စီဖိုးရာစိန်က ထပ်လောင်းပြောဆိုသည်။

ထိုကဲ့သို့ တိုက်တွန်းခြင်းအပေါ် ဖလုံ-စဝေါ်ဒီမိုကရက်တစ်ပါတီ ဒု-ဥက္ကဋ္ဌ မန်းအောင်ပြည်စိုးက “သူတို့(NLD)က အာဏာရလာတဲ့အတွက် တို့ကို ပါခွင့်ပေးပါလို့ ဘယ်လိုနည်းနဲ့မှ သွားပြောခွင့် မရှိဘူးလေ။ ဖလုံ-စဝေါ်ပါတီက လာရောက်ပြီးတော့ နိုင်ငံတော်ကို စီမံခန့်ခွဲတဲ့ နေရာမှာ၊ ပြုပြင်ဖန်တီးတဲ့နေရာမှာ ၀ိုင်းဝန်းကူညီပါလို့ ဖိတ်ခေါ် ရင်တော့ အဆင်သင့်ပဲ။ အမျိုးသား ရင်ကြားစေ့ရေးရယ်၊ တိုင်းရင်းသားအရေးကိုလည်း မေ့ထားလို့ မဖြစ်ဘူး ဆိုတဲ့ဟာပေါ့လေ။ အဲဒီအမြင်ကို ဒေါ်အောင်ဆန်းစုကြည်ကလည်း မြင်တယ်လေ။ မောင်ကျော်(ဦး)တို့ တိုင်းရင်းသားအနေနဲ့က အဲဒီ အယူအဆကို ထောက်ခံတယ်။״ဟု ပြောသည်။

နိုဝင်ဘာ ၈ရက်နေ့က ကျင်းပသည့် ၂၀၁၅ရွေးကောက်ပွဲတွင် အမျိုးသားဒီမိုကရေစီအဖွဲ့ချုပ်က ပြည်သူ့ လွှတ်တော်၂၅၅နေရာ၊ အမျိုးသားလွှတ်တော် ၁၃၅နေရာ၊ ပြည်နယ်/တိုင်းဒေသကြီးလွှတ်တော် ၄၇၆ နေရာနှင့် တိုင်းရင်းသား လူမျိုးစုလွှတ်တော် ၂၁နေရာ စုစုပေါင်းအမတ်နေရာ ၈၈၇ နေရာအနိုင်ရရှိ၍ အစိုးရဖွဲ့နိုင်ခြင်း ဖြစ်သည်။ လက်ရှိ အစိုးရ သက်တမ်းကို လာမည့်နှစ် ၂၀၁၆ ဇန်န၀ါရီလ ၃၁ရက်နေ့တွင် သက်တမ်းကုန်ဆုံး မည်ဖြစ်ကာ NLD အနေဖြင့် လာမည့် ဖေဖော်ဝါရီ ၁ရက်နေ့တွင် အစိုးရသစ်ဖြစ်လာမည်ဖြစ်သည်။

KNU ဒုဥက္ကဋ္ဌ ပဒိုနော်စီဖိုးရာစိန်သည် ၂၀၁၅ရွေးကောက်ပွဲတွင် အစိုးရဖွဲ့နိုင်သည့်အထိ တပြည်လုံးအတိုင်း အတာဖြင့် အမတ်နေရာအများဆုံး အနိုင်ရရှိသည့်အပေါ် အမျိုးသားဒီမိုးကရေစီအဖွဲ့ချုပ်(NLD)ပါတီဥက္ကဌ ဒေါ်အောင်ဆန်းစုကြည်ထံ ၀မ်းမြောက်ကြောင်း စာတစ်စောင်ကို ယခင်လ နိုဝင်ဘာလ ၁၂ရက်နေ့က ပေးပို့ခဲ့သေးသည်။

(KIC News)

www.kicnews.org

burma road

၂၀၁၆ ​ခုနှစ်ကစပြီး ​မြန်မာနိုင်ငံထဲကို ​တင်သွင်းလာတဲ့ ​ကားတွေဟာ ​ဘယ်မောင်းတဲ့ ​ကားတွေပဲ ​ဖြစ်ရမယ်လို့ ​ကုန်းလမ်းပို့ဆောင်ရေး ​ညွန်ကြားမှု ​ဦးစီးဌာနက ​ပြောတယ်လို့ ​7 ​Day ​သတင်းမှာ ​ပါရှိပါတယ်။

ယာဉ်အို ​ယာဉ်ဟောင်းကို ​အစားထိုးမယ့် ​ယာဉ်တွေကိုတော့ ​ဘယ်မောင်း ​ဖြစ်ဖြစ် ​ညာမောင်း ​ဖြစ်ဖြစ် ​တင်သွင်းခွင့်ရမှာ ​ဖြစ်ပေမယ့် ​တခြား ​ကားတွေအားလုံးကတော့ ​ဘယ်မောင်း ​တစ်မျိုးတည်းပဲ ​ဖြစ်ရမယ်လို့ ​သတ်မှတ်လိုက်တာ ​ဖြစ်ပါတယ်။

မြန်မာနိုင်ငံမှာ ​ကားကို ​ညာဘက်ကနေ ​မောင်းချိန်မှာ ​ကားက ​ဘယ်မောင်း ​ဖြစ်ရပေမယ့် ​ကားအများစုက ​ညာမောင်း ​ဖြစ်နေပါတယ်။

အဲဒီအတွက် ​အရှေ့ကားကို ​ကျော်တက်ဖို့ ​မမြင်ရတာတွေ ​ဖြစ်လေ့ရှိပြီး ​အန္တာရာယ်များတဲ့အတွက် ​အခုလို ​ဘယ်မောင်းကားတွေကိုသာ ​တင်သွင်းဖို့ ​ညွှန်ကြားလိုက်တာ ​ဖြစ်ပါတယ်။

(Radio Australia)

#http://www.radioaustralia.net.au/


ဆီးရီးယားနိုင်ငံ အတွင်းရှိ အစ္စလာမ္မစ် နိုင်ငံ အကြမ်းဖက်အုပ်စု ISIS ပစ်မှတ်များကို ရုရှားစစ်ဘက်က ယမန်နေ့တွင် လေကြောင်း ထိုးစစ်များ ၊ ဒုံးကျည် ပစ်လွှတ် တိုက်ခိုက်မှုများ လုပ်ဆောင်ခဲ့ရာ အရှေ့ မြေထဲပင်လယ် ဒေသသို့ ရောက်ရှိနေသည့် ရုရှားရေငုပ်သင်္ဘော တစ်စီးကလည်း ပထမဆုံးအကြိမ်ဖြစ် ခရုစ်ဒုံးကျည် များဖြင့် ပစ်ခတ် တိုက်ခိုက်ခဲ့ကြောင်း စကိုင်းနယူးစ် သတင်းဌာန က ဖော်ပြခဲ့ကြောင်း သိရသည်။

အရှေ့မြေထဲပင်လယ် ဒေသအတွင်း ရောက်ရှိနေသော ရော့စတော့ဗ်အွန်ဒွန် အမျိုးအစား ကိုယ်ပျောက် ရေငုပ်သင်္ဘောသည် ယမန်နေ့တွင် ဆီးရီးယားနိုင်ငံ အတွင်းရှိ ISIS စစ်သွေးကြွ ပစ်မှတ်များကို ကာလီဗာ ခရုစ်ဒုံးကျည် များဖြင့် ပစ်ခတ် တိုက်ခိုက်ခဲ့ရာ အောင်မြင်စွာ ချေမှုန်းနိုင်ခဲ့ကြောင်း ရုရှား ကာကွယ်ရေးဝန်ကြီး ဌာနက သတင်းထုတ်ပြန် ခဲ့သည်။

ရေဒါ ထောက်လှမ်းမှုကို ကိုယ်ယောင်ဖျောက် စစ်ကစားနိုင်စွမ်း ရှိသည့် ရော့စတော့ဗ်အွန်ဒွန် ကိုယ်ပျောက် ရေငုပ်သင်္ဘောသည် ကာလီဗာ အမျိုးအစား ခရုစ်ဒုံးကျည် များဖြင့် ဆီးရီးယား ISIS စစ်သွေးကြွ ပစ်မှတ်များကို ပစ်ခတ်ချေမှုန်း နိုင်ခဲ့ကြောင်း ရုရှား ကာကွယ်ရေး ဝန်ကြီးက သမ္မတ ဗလာဒီမာပူတင် ထံသို့ ယမန်နေ့တွင် တင်ပြခဲ့သည်။

ပြီးခဲ့သည့် သုံးရက်တာ အတွင်း ပြုလုပ်ခဲ့သော ISIS စစ်သွေးကြွ ချေမှုန်းရေး လေကြောင်း ထိုးစစ်များတွင် ရုရှားလေတပ်မှ တီယူ-၂၂ ဗုံးကြဲလေယာဉ် များလည်း ပါဝင်ခဲ့ ကြသည်။

ကတ်စပီယန် ပင်လယ်နှင့် မြေထဲပင်လယ် အခြေစိုက် ရုရှားစစ်ဘက် များသည် ယခုလအတွင်း ဆီးရီးယား ISIS စစ်သွေးကြွ ပစ်မှတ်များကို ခရုစ်ဒုံးကျည် များဖြင့် ပစ်ခတ်တိုက်ခိုက် ခဲ့သော်လည်း ရေငုပ်သင်္ဘောမှ တစ်ဆင့် ခရုစ်ဒုံးကျည် ပစ်လွှတ် တိုက်ခိုက်မှုမှာ ပထမဆုံးအကြိမ် ဖြစ်ကြောင်း သိရသည်။


(Pyi Chit Thar)
http://www.pyichitthar.com/