12/14/15

Burma ACT ကွန်ယက်အဖွဲ့က ကမကထလုပ်ပြီး အမျိုးသမီးနဲ့ ကလေးသူငယ်များကို လူကုန် ကူးမှုတိုက်ဖျက်ရေးနေ့အဖြစ် အခမ်းအနားကျင်းပ။
Burma ACT ကွန်ယက်အဖွဲ့က ကမကထလုပ်ပြီး အမျိုးသမီးနဲ့ ကလေးသူငယ်များကို လူကုန် ကူးမှုတိုက်ဖျက်ရေးနေ့အဖြစ် အခမ်းအနားကျင်းပ။

ထိုင်း-မြန်မာနယ်စပ်မှာ ကလေးသူငယ်တွေကို အရောင်းအ၀ယ်လုပ်တာတွေ ပုံစံအမျိုးမျိုးနဲ့ ရှိနေတုန်းပဲလို့ ဒီကိစ္စ ပပျောက်ရေးအတွက်လုပ်နေတဲ့ အဖွဲ့ ၁၂ ဖွဲ့ပါ ကွန်ယက်တခုက ပြောလိုက်ပါတယ်။ အမျိုးသမီးနဲ့ ကလေးသူငယ်များကို လူကုန် ကူးမှုတိုက်ဖျက်ရေးနေ့အဖြစ် အရှေ့တောင်အာရှဒေသ ASEAN နိုင်ငံတချို့မှာ ဒီဇင်ဘာလ ၁၂ ရက် ဒီနေ့ကို သတ်မှတ်ထားတာ ပါ။ ဒီ အထိမ်းအမှတ်နေ့ကို မြန်မာနိုင်ငံ ကလေးသူငယ် အရောင်းအ၀ယ်လုပ်မှု တိုက်ဖျက်ရေး ကွန်ယက်အဖွဲ့ (Burma ACT) က ကမကထလုပ်ပြီး ထိုင်း-မြန်မာနယ်စပ်မှာ ဒီကနေ့ ကျင်းပကြပါတယ်။ အပြည့်အစုံကို ဗွီအိုအေသတင်းထောက် မအေးမာက သတင်းပေးပို့ထားပါတယ်။

ထိုင်းနိုင်ငံတွင်းမှာ အလုပ်အကိုင်ရှာဖွေဖို့  လာကြသူတွေထဲမှာ အသက်မပြည်သေးတဲ့ကလေးသူငယ်တွေလည်းပါဝင်ကြတာပါ။ သူတို့တွေဟာ ထိုင်းနယ်စပ်ကနေ နည်းအမျိုးမျိုးနဲ့ လူကုန်ကူးခံနေရတယ်လို့ ကလေးအခွင်ရေးလှုပ်ရှားသူတွေက ဆိုပါတယ်။ အဖွဲ့ ၁၂ ဖွဲ့ ပါဝင်တဲ့ ကလေးကူးသန်းရောင်းဝယ်မူ ပပျောက်ရေး လုပ်ဆောင်နေတဲ့ ကွန်ယက်က တာဝန်ခံတဦးဖြစ်တဲ့ ကိုမင်းမင်းက မြန်မာနိုင်ငံကလာကြတဲ့ ကလေးတွေဟာ ထိုင်းနယ်စပ်မှာ ပုံစံအမျိုးမျိုးနဲ့ ရောင်းစားခံရမူတွေ ရှိနေစဲဖြစ်တယ်လို့ဆိုပါတယ်။

“ဒီဖက် နယ်စပ်မှာကတော့ ကလေးကူးသန်းရောင်းဝယ်မှုက ပုံစံအမျိုးမျိုးရှိတယ်။ ဒီ Phut Pra ဖက်မှာဆိုရင် ကျနော်တို့ မွေးကင်းစကလေးတွေ ၊ မွေးကင်းစကလေးတွေက အရောင်းခံနေရတယ်။ ရောင်းတဲ့ကိုယ်တိုင်က မိဘတွေကိုယ်တိုင်တချို့ကဖြစ်တယ်။ တချို့က သွေးသားတော်စပ်တဲ့သူတွေ ဦးလေးအဒေါ်တို့ရောင်းကြတယ်။ ရောင်းတဲ့လူတွေနဲ့ ပြန့်နေတယ်ပေါ့နော်။ ကလေးတယောက်ကို ၅၀၀၀ နဲ့ဝယ်ကြတယ်။ ၀ယ်ပြီးလို့ရှိရင်သူတို့က သူတို့ရဲ့ ကိုယ်ပိုင်စိုက်ခင်းတွေ သူတို့ရဲ့ စီးပွားရေး မှာအသုံးပြုကြတယ်။ ဒါက ရှိနေပြီပေါ။ ဒါက မဲဆောက်တပ်ခရိုင်မှာ။ နောက်တခုက ဘန်ကောက် ကိုကျတော့ သူတို့ အစုလိုက်အပြုံလိုက်ဝယ်ကြတာ သူတို့ ကလေးတွေကို ၀ယ်ကြတယ်။ ဘန်ကောက် မှာပို့ပြီးတော့ ပန်းရောင်းခိုင်းတဲ့ဟာတွေ ၊ ဘုရားပွဲတွေမှာ တောင်းခိုင်းတဲ့ဟာတွေ ၊ လမ်းမတွေမှာတောင်းခိုင်းတဲ့ဟာတွေ သူတို့လုပ်ကြတယ်။ ဘန်ကောက်မှာဆိုရင် သူတို့ ပြန်ပြီးတော့ စီးပွားရေးအဖြစ် ပေါ့နော်။”

ကလေးကူးသန်းရောင်းဝယ်မူ ပပျောက်ရေးလုပ်ဆောင်နေတဲ့ကွန်ယက်အနေနဲ့ ကလေးတွေဦးဆောင်ပြီး ကလေးကူသန်းရောင်းဝယ်မှုနဲ့ ပတ်သက်လို့ ပညာပေးလုပ်ငန်းတွေကို လွန်ခဲ့တဲ့ ၉ နှစ်ခန့် က စတင်လုပ်ဆောင်ခဲ့တာတွေရှိသလို နှစ်စဉ်ကလေးကူသန်းရောင်းဝယ်မူ ပပျောက်ရေးနေ့ ကိုလည်းအထိမ်းအမှတ်ပွဲတွေ ချီတက်လမ်းလျှောက်ပွဲတွေ ကိုလည်းလုပ်ခဲ့ကြတာပါ။

Burma ACT ကွန်ယက်အဖွဲ့က ကမကထလုပ်ပြီး အမျိုးသမီးနဲ့ ကလေးသူငယ်များကို လူကုန် ကူးမှုတိုက်ဖျက်ရေးနေ့အဖြစ် အခမ်းအနားကျင်းပ။
Burma ACT ကွန်ယက်အဖွဲ့က ကမကထလုပ်ပြီး အမျိုးသမီးနဲ့ ကလေးသူငယ်များကို လူကုန် ကူးမှုတိုက်ဖျက်ရေးနေ့အဖြစ် အခမ်းအနားကျင်းပ။ကလေးတွေဟာ မြန်မာပြည်အတွင်းပိုင်းကနေလာကြပြီး တနေရာကနေ တနေရာ ရွှေ့ပြောင်းသွားလာရင်းကနေ ကလေးကူးသန်းရောင်းဝယ်မူတွေဖြစ်လာရတာလို့လည်း ဆိုပါတယ်။ ဒီအတွက်ပညာပေးလုပ်ငန်းတွေကို လုပ်ဆောင်ရတာဖြစ်တယ်လို့လည်းပြောပါတယ်။


“အဓိက ကတော့ ဒီကလေးကူးသန်းရောင်းဝယ်မှုက မြန်မာပြည်အတွင်းကနေ ဒီနယ်စပ်ဒေသဖြစ်တဲ့ ကရင်ပြည်နယ် မဲဆောက်ကနေဖြတ်ပြီးတော့ ဒီထိုင်းနိုင်ငံအတွင်းပိုင်းအထိကို သွားကြတာများတယ်။ ဆိုတော့ နှစ်စဉ် ကလေး ကူးသန်းရောင်းဝယ်ရေးနဲ့ပတ်သက်ပြီးတော့ အချက်အလက်တွေ ၊ သတင်းတွေ နောက်ပြီးတော့ case တွေကို ကျနော်တို့ စုရတာပေါ့နော်။ ဒါကြောင့်မို့ ကျနော်တို့ ကလေးကူးသန်းရောင်းဝယ်ရေးနဲ့ ပတ်သက်အဖွဲ့အစည်းတွေကနေ စုပေါင်းပြီးတော့ ဒီ Network တွေ ဖွဲ့ပြီးတော့ နှစ်စဉ် အခမ်းအနားတွေ အစီအစဉ်တွေလုပ်ကြတာပေါ့။”

ထိုင်း-မြန်မာနယ်စပ်မှာတော့ မွေးကင်းစကလေး အရွယ်ကနေ အသက် ၁၈ နှစ်အရွယ်ကလေးတွေဟာ အခကြေးငွေနဲ့ ရောင်းစားနေကြတဲ့ဖြစ်ရပ်တွေရှိနေတာပါ။ ဆယ်ကျော်သက်ရွယ်အများစုကတော့ လုပ်ငန်းခွင်တွေ၊ ငါးဖမ်းလှေတွေပေါ်မှာကလေးလုပ်သားတွေအဖြစ် ရောင်းစားခံရမူတွေ လည်းရှိနေပါတယ်။ ပြီးခဲ့တဲ့လတွေတုန်းက ထိုင်းနိုင်ငံ တောင်းပိုင်းက ငါးဖမ်းလှေတွေပေါ်ကနေ လူကုန်ကူခံရသူတွေကို ထိုင်းနိုင်ငံရောက်မြန်မာနိုင်ငံသားများအဖွဲ့က ကယ်ဆယ်ခဲ့ရာမှာ အသက် မပြည့်သေးတဲ့ ကလေးသူငယ်တွေလည်း ပါဝင်တာတွေ့ ရပါတယ်။

ဒီနှစ်မှတော့ ကလေးကူသန်းရောင်းဝယ်မူပပျောက်ရေးနေ့ကို ထိုင်းနယ်စပ်မှာ အခမ်းနားလုပ်ပြီး ကျင်းပခဲ့ရာမှာ ထိုင်းနယ်ခြားစောင့်တပ်၊ထိုင်းလူဝင်မူကြီးကြပ်ရေးဌာန၊ လူမှုဖူလုံရေးဌာန၊မဲဆောက်အခြေစိုက် လူထုအခြေပြုအဖွဲ့အစည်းများ၊ကရင်ပြည်နယ် မြ၀တီခရိုင်NLD ဗဟိုအလုပ်အမှုဆောင် အဖွဲ့ဝင်များ၊ တာခ်ခရိုင်တွင်းမှာရှိတဲ့ရွှေ့ပြောင်းစာသင်ကျောင်းများ က ကျောင်းသူ၊ကျောင်းသား များနဲ့ ဆရာ၊ ဆရာမများ အစိုရမဟုတ်တဲ့ NGOs အဖွဲ့အစည်းများ ပူးပေါင်းပါဝင်ခဲ့ကြပါတယ်။ ထိုင်းအုပ်ချုပ်ရေးဌာနဆိုင်ရာ အဖွဲ့တွေကတော့ ကလေးသူငယ်တွေ လူကုန်ခံရရင် သူတို့ကိုတိုင်ကြားဖို့ နဲ့ အကူညီပေးမဲ့အကြောင်း ပြောဆိုသွားကြပါတယ်။

VOA
http://burmese.voanews.com/content/child-trafficking-still-happening-in-thai-burma-border/3101027.html

shan-refugees-620.jpg
ရှမ်းပြည်နယ်မှာ တိုက်ပွဲတွေဖြစ်ပွားနေတဲ့အတွက် နေရပ်စွန့်ခွာထွက်ပြေးလာတဲ့ ဒုက္ခသည်တချို့ကို နိုဝင်ဘာလ ၂ ရက်နေ့တွင် တွေ့ရစဉ်
Photo: Kan Thar/ RFA

ရှမ်းပြည်နယ် ၊ မိုင်းရှုးမြို့နယ်၊ ကုန်းနိမ်ကျေးရွာနဲ့ နမ့်ပါမုန်း ကျေးရွာက စစ်ဘေး ဒုက္ခသည် ဦးရေ ၁၉၀ နီးပါးအတွက် ဟိုက်ပါကျေးရွာဘေးမှာ မြေနေရာပေးဖို့ စီစဉ်နေပါတယ်။

အဲဒီကျေးရွာ ၂ ရွာမှာ နယ်မြေအေးချမ်းမှု မရှိတာကြောင့် နေရပ်ပြန်နိုင်ဖို့ အချိန်ကြာမြင့်မှာဖြစ်တဲ့အတွက် အခုလို နေထိုင်ဖို့ စီစဉ်နေတာဖြစ်တယ်လို့ အဲဒီဒုက္ခသည်စခန်းကို ကူညီပေးနေတဲ့ ဒေါ်နန်းကျန့်ဟိန်း က ပြောပါတယ်။

"ကုန်းနိမ်ရွာတို့၊ နမ့်ပါမုန်းရွာတို့ ဆိုရင်တော့လုံးဝမပြန်နိုင်သေးဘူးပေါ့၊ သူတို့အတွက်က ဒီမှာနည်းနည်းပိုကြာလိမ့်မယ်၊ သူတို့အတွက်နေရာ နည်းနည်းလေး ကောင်းအောင်လုပ်ဖို့ စဉ်းစားထားတယ်၊ နေရာအသစ်ထပ်ပေးမယ်လို့တော့ ပြောထားတယ်၊ ဒီနေ့သူတို့ကို အိမ်တွေသွားဆောက်ပေး ဖို့ ပြောနေကြပြီ"

စစ်ဘေးသင့် ဒုက္ခသည် မိသားစုတစ်စုကို ပေ ၃၀× ၅၀ မြေကွက်တစ်ကွက် စီပေးထားပါတယ်။ အိမ်ဆောက်ဖို့ အတွက် ဟိုင်းပါဘုန်းတော်ကြီးက ၀ါးတွေ ထောက်ပံ့ပေးထားပြီး၊ ကိုယ့်အစီအစဉ်နဲ့ကိုယ် နေအိမ်တွေ ဆောက်လုပ်ရမှာ ဖြစ်ပါတယ်။

ဟိုင်းပါ ဒုက္ခသည်စခန်းမှာ နမ့်ပါမုန်း ( ပလောင်)၊ နမ့်ပါမုန်း ( လီဆူး) ၊ ကုန်းနိမ်၊ တာဆာမ်ပူး၊ ဟိုနမ့်၊ နောင်ခေတ်၊ လွယ်ဖွဲ့၊ ဟိုင်းတောင်နဲ့ နားပေ ကျေးရွာတွေက စစ်ဘေးရှောင်ဒုက္ခသည် တစ်ထောင်ဝန်းကျင် မှီခိုနေ ရတာဖြစ်ပါတယ်။

ရှမ်းပြည်နယ်၊ မိုင်းရှုးမြို့နဲ့ ကျေးသီးမြို့နယ်တွေမှာ အစိုးရတပ် နဲ့ SSPP/ SSA တပ်တို့ အကြား တိုက်ပွဲတွေ ကြောင့် ဒေသခံ တစ်သောင်းလောက် နေရပ်စွန့်ခွာထွက်ပြေး ရနေတာဖြစ်ပါတယ်။

ဒီအတွင်း ရှမ်းပြည်နယ်နဲ့ ကချင်ပြည်နယ်က စစ်ဘေးဒုက္ခသည်တွေကို ကူညီရေးအတွက် အလွှာအသီးသီးက လူငယ်တွေ စုပေါင်းပြီး ရံပုံငွေ ရှာဖွေပွဲတွေ ကျင်းပကြဖို့ စီစဉ်နေပါတယ်။ ငြိမ်းချမ်းရေရှိုက်သံ အမည်နဲ့ နေပြည်တော်အပါအ၀င် ပြည်နယ်နဲ့ တိုင်းဒေသကြီး မြို့နယ်တွေမှာ တေးဂီတ နဲ့ သီဆိုဖျော်ဖြေ အလှူငွေ ကောက်ခံမယ့် အစီအစဉ် စတင်ဆောင်ရွက်မယ်လို့ သိရပါတယ်။

လှိုင်မြို့နယ် Myself ရုံးခန်းမှာ ပြုလုပ်တဲ့ သတင်းစာရှင်းလင်းပွဲမှာ ဦးဆောင်သူ တစ်ဦးဖြစ်တဲ့ ကိုဝဏ္ဏဆွေ က အခုလို ပြောပါတယ်။

"အဓိကသူတို့လိုအပ်တဲ့ဟာတွေကိုလှူဒါန်းမယ်၊ ဆေးဝါးလိုရင် ဆေးဝါးလှူမယ်၊ စားစရာလိုရင်၊ စားစရာပေါ့၊ အဓိကကတော့ ငွေလှူမယ်၊ သူတို့ဘာသာ သုံးချင်တာသုံးဖို့"

ဒီဇင်ဘာငြိမ်းချမ်းရေးခရီးစဉ်လို့ အမည်ရတဲ့ အဲဒီခရီးစဉ်ကို အလွှာအသီးသီးက လူငယ်တွေစုပေါင်းလုပ် ဆောင်ကြတာဖြစ်ပြီး၊ နေပြည်တော်၊ တောင်ကြီး၊ ပခုက္ကူ၊ ရွှေဘို၊ မေမြို့၊ လားရှိုး၊ အောင်ပန်း၊ ဟဲဟိုး၊ ညောင်ရွှေ ၊ ကလောစတဲ့ မြို့ကြီးတွေဆီ သွားရောက်ဖျော်ဖြေကြမှာ ဖြစ်တယ်လို့ သိရပါတယ်။

RFA
http://www.rfa.org/burmese/news/shan-refugees-land-displaced-12132015113318.html

 aunghimesan-620.jpg အစာအငတ်ခံဆန္ဒပြပြီး ရန်ကုန်ပြည်သူ့ဆေးရုံကြီးမှာ ရောက်နေတဲ့ ဗကသ အဖွဲ့ဝင် ကိုအောင်မှိုင်းဆန်းကို နိုဝင်ဘာလ ၁၅ ရက်နေ့က တွေ့ရစဉ်
ဓါတ်ပုံ - အောင်သိင်္ခ/RFA

ရန်ကုန်ဆေးရုံကြီးမှာ ဆေးကုသမှုခံယူနေတဲ့ သာယာဝတီအကျဉ်းထောင်မှာ ဖမ်းဆီးခံထားရတဲ့ အမျိုးသား ပညာရေးဥပဒေပြင်ဆင်ရေး သပိတ်မှောက် ကျောင်းသားတွေကို ရှမ်းပြည်နယ် တောင်ကြီး မြို့ရှစ်လေးလုံး ရဟန်းပျိုများသမဂ္ဂ ဥက္ကဌ ဆရာတော်ဦးခေမာနန္ဒ က ဒီကနေ့ သွားရောက် ငွေလှူဒါန်း လိုက်ပါတယ်။

အခုလိုငွေလှူဒါန်းရတာဟာ ပညာရေးဥပဒေကိုပြင်ဆင်တဲ့ကျောင်းသားတွေကို ထောက်ခံအားပေးတာကြောင့် ဖြစ်တယ်လို့ ဆရာတော် ဦးခေမာနန္ဒက RFA ကို မိန့်ပါတယ်။

"ပညာတက်မှသာလျှင် တိုင်းပြည်ကအစစ ဖက်စုံဖွံ့ဖြိုးတိုးတက်မယ်၊ ပညာမဲ့တွေ အုပ်ချုပ်နေရင် တိုင်းပြည်ကအဖက်ဖက်က ယိုယွင်းနေမယ်၊ ခလေးတွေ ပညာရေး ပြောင်းလဲရေးလုပ်တာကို ဦးဇင်းတို့ကထောက်ခံတယ်"

ကျောင်းသားတွေဟာ သာယာဝတီအကျဉ်းထောင်ထဲမှာ အစာငတ်ခံဆန္ဒပြကြသူတွေနဲ့ ကျန်းမာရေး မကောင်းတဲ့သူတွေ ရန်ကုန်ဆေးရုံကြီးမှာ ဆေးကုသ ခံယူနေရတာပါ။

ဆရာတော်ဟာ ဗမာနိုင်ငံလုံးဆိုင်ရာကျောင်းသားသမဂ္ဂများအဖွဲ့ချုပ်က ကိုမင်းသွေးသစ် အပါအဝင် ဆေးကုသမှုခံယူနေတဲ့ ဖမ်းဆီးခံပညာရေး သပိတ် စစ်ကြောင်းက ပါဝင်ခဲ့သူတွေကို တစ်ဦးကို ငွေကျပ် ၂ သိန်းစီ လှူဒါန်းခဲ့တာဖြစ်ပါတယ်။

အမျိုးသားပညာရေးဥပဒေပြင်ဆင်ရေးကြောင့် ဖမ်းဆီးခံထားရတဲ့ ကျောင်းသားတွေနဲ့ ၀န်းရံပြည်သူ တွေကို တောင်ကြီးမြို့ ရှစ်လေးလုံးရဟန်းပျိုများ သမဂ္ဂက ထောက်ခံ အားပေးတဲ့အတွက် ၀မ်းသာမိတယ်လို့ ကျောင်းသား ခေါင်းဆောင် ကိုမင်းသွေးသစ် က ပြောပါတယ်။

ဆရာတော် ဦးခေမာနန္ဒဟာ အကျဉ်းထောင်တွေထဲမှာ ဖမ်းဆီးခံထားရတဲ့ ကျောင်းသား တွေနဲ့ ၀န်းရံသူတွေကိုလည်း ငွေကြေးထောက်ပံဖို့တွေ ဆက်လက်ဆောင်ရွက်သွားမယ်လို့လည်း သိရပါတယ်။

RFA
http://www.rfa.org/burmese/news/young-monks-union-12132015105025.html

Author Name

Contact Form

Name

Email *

Message *

Powered by Blogger.