12/17/15


ရှမ်းပြည်နယ် တောင်ကြီး၊ တာချီလိတ်နဲ့ ပင်လောင်းမြို့နယ်တွေမှာ ငွေကျပ်သိန်းပေါင်း တစ်သိန်း နှစ်သောင်း နီးပါး တန်ဖိုးရှိတဲ့ မူးယစ်ဆေးဝါး ဖမ်းဆီးရမိမှုမှာ အထူးစုံစမ်း စစ်ဆေးရေး (စ သုံးလုံး) အဖွဲ့က အရာရှိတချို့ ပါဝင်နေပြီး အဲဒီအမှုမှာ အဓိက ပါဝင်ပတ်သက်သူတွေ လွတ်မြောက်နေဆဲဖြစ်တယ်လို့ နေပြည်တော် မူးယစ်ဆေးဝါး တားဆီးနှိမ်နင်းရေးဌာန တာဝန်ရှိသူက ပြောပါတယ်။

အဲဒီအမှုနဲ့ပတ်သက်သူ ၇ဦးကို ဖမ်းဆီး စစ်ဆေးနေတယ်လို့ မြန်မာနိုင်ငံရဲတပ်ဖွဲ့က မူးယစ်ဆေးဝါး တားဆီးနှိမ်နှင်းရေး ဌာနမှူး ရဲမှူးကြီး ရွှေညာမောင်က ပြောပါတယ်။

"ကျနော်တို့ အရေးယူထားတာ အနည်းဆုံး ၇ ယောက်ရှိပြီပေါ့နော်၊ ပိုင်ရှင်ရဲ့ တာချီလိတ်က သူ့နေအိမ်ကို ဝင်ရောက်ရှာဖွေတာရှိတယ်၊ မူးယစ်ဆေးဝါးနဲ့ ပတ်သက်လို့ ဘိန်းဖြူဘလောက်တုံး တစ်တုံးရယ် နောက်ကျန်တဲ့ မူးယစ်ဆေးဝါးရောင်းချပြီးတော့ ရတယ်လို့ယူဆရတဲ့ ဘတ်ငွေ ၂၅ သိန်းရယ်၊ ကျန်တဲ့ဆက်စပ်ပစ္စည်းတွေ ကျနော်တို့ သိမ်းထားပါတယ်၊ လူကထွက်ပြေးတိမ်းရှောင်နေပါတယ်"

ဒါ့အပြင် အမှုနဲ့ အဓိကပတ်သက်တဲ့ ထွက်ပြေးလွတ်မြောက်နေသူဟာ လက်နက်ကိုင်အဖွဲ့အစည်းတစ်ခု ကဖြစ်ကြောင်း ဖမ်းဆီးရမိထားသူတွေက ထွက်ဆိုထားတယ်လို့လည်း ရဲမှူးကြီး ရွှေညာမောင်က ပြောပါတယ်။

လက်ရှိ ဖမ်းဆီးခံထားရသူ ၇ဦးထဲမှာ ရှမ်းပြည်နယ်နဲ့ နေပြည်တော်က စသုံးလုံး အရာရှိ ၂ ယောက် ပါဝင်ပါတယ်။

ပြီးခဲ့တဲ့ နိုဝင်ဘာလ ၂၁ ရက်နေ့က ရှမ်းပြည်နယ် မူးယစ်တပ်ဖွဲ့စု (၂၆) ပင်လောင်း တပ်ဖွဲ့က စသုံးလုံးအရာရှိ သူရ၀င်း မောင်းနှင်းလာတဲ့ မော်တော်ကားကို ရှာဖွေရာမှာ ဘိန်းညိုမှုန့် ၄၈၂ ကီလို၊ ပွိုင့် ၂၂ ပစ္စတိုသေနတ် တစ်လက်နဲ့ ကျည် ထောင့် ၁၃ ထောင့်တို့ကို ဖမ်းဆီးရမိခဲ့တာ ဖြစ်ပါတယ်။

ပြီးခဲ့တဲ့ရက်ပိုင်းက ကုလသမဂ္ဂ မူးယစ်ဆေးဝါးနဲ့ ရာဇဝတ်မှု တိုက်ဖျက်ရေးဌာန UNODC က ထုတ်ပြန်တဲ့ ဘိန်းစိုက်ပျိုးထုတ်လုပ်မှုစစ်တမ်းမှာ မြန်မာနိုင်ငံဟာ ဘိန်းထုတ်လုပ်မှု ဒုတိယ အများဆုံးဖြစ်တယ် လို့ ဖော်ပြထားပါတယ်။

maungmagan-beach-620.jpg
မောင်းမကန် ကမ်းခြေပုံ
Photo: photoblog.com

တနသာင်္ရီတိုင်းဒေသကြီး ထားဝယ်ခရိုင် လောင်းလုံမြို့နယ်က မောင်းမကန်ကမ်းခြေအနီးမှာရှိတဲ့ မြေလွတ်မြေ ရိုင်းတွေကို ထားဝယ်ဖွံ့ဖြိုးတိုးတက်ရေး အများပိုင်ကုမ္ပဏီ DDPC က မြေကွက်ရိုက်ပြီး ရောင်းချနေတာကို ဒေသခံ ၃၀၀ ကျော်က ဒီနေ့ ကန့်ကွက်ဆန္ဒပြကြပါတယ်။

DDPC ကုမ္ပဏီက မြေလွတ်မြေရိုင်း ဧက ၂၅၀ ကျော်ကို လုပ်ပိုင်ခွင့်မရဘဲ မြေကွက်ရိုက်ပြီး ရောင်းချနေ တာ ဖြစ်တယ်လို့ ဆန္ဒပြရာမှာ ပါဝင်တဲ့ မောင်းမကန်ကျေးရွာသား ကိုနိုင်နိုင်ဝင်းက ပြောပါတယ်။

"ဒေသခံတွေက အကြိမ်ကြိမ်လက်မှတ်ထိုးပြီး ကန့်ကွက်ထားတာများကြီးရှိတယ်၊ ကန့်ကွက်ထားတာလည်း အပိုပဲ၊ ၂၅၄ ဧက လုပ်ပိုင်ခွင့်မရဘဲ အဲ့အကွက်တွေ ရောင်းနေတာပေါ့နော်"

အဲဒီမြေလွတ်မြေရိုင်းတွေမှာ မောင်းမကန်ရွာခံတွေက အုန်းခြံ၊ ရာဘာခြံနဲ့ သီဟိုဠ်ခြံတွေ စိုက်ပျိုးလုပ်ကိုင်နေ တာဖြစ်တယ်လို့လည်း သိရပါတယ်။

ဆန္ဒပြသူတွေဟာ မောင်းမကန်ကမ်းခြေအနီးမှာရှိတဲ့ DDPC ကုမ္ပဏီရှေ့မှာ တရားဝင်မြေယာ လုပ်ပိုင်ခွင့်ရရှိဖို့၊ ဒေသအတွက် အကျိုးမပြုတဲ့ ကုမ္ပဏီတွေကို အလိုမရှိကြောင်း စာသားပါ ပိုစတာတွေ ကိုင်ဆောင်ပြီး ဆန္ဒပြတောင်းဆိုခဲ့တာဖြစ်ပါတယ်။

RFA

tinoo-nld-620.jpg အမျိုးသားဒီမိုကရေစီအဖွဲ့ချုပ် နာယက သူရဦးတင်ဦး ကို ဒီဇင်ဘာလ ၁၆ ရက်နေ့က နေပြည်တော်ရှိ ရွှေစံအိမ်ဟိုတယ်မှာ ကျင်းပတဲ့ အနိုင်ရကိုယ်စားလှယ်တွေကို သင်တန်းပေးတဲ့ အခမ်းအနားတွင် တွေ့ရစဉ်
Photo: Win Ko Ko Latt/RFA

ပြီးခဲ့တဲ့ ရွေးကောက်ပွဲမှာ အနိုင်ရခဲ့တဲ့ အမျိုးသားဒီမိုကရေစီအဖွဲ့ချုပ် ကိုယ်စားလှယ်တွေအနေနဲ့ လွှတ်တော်ရေး ရာကော်မတီတွေမှာ တာဝန်ထမ်းဆောင်တဲ့အခါ ပါတီရဲ့ဂုဏ်သိက္ခာကို မထိခိုက်အောင် ပြောဆိုဆွေးနွေး လုပ်ကိုင်နိုင်ဖို့ လိုအပ်ကြောင်း ပါတီရဲ့ နာယက သူရဦးတင်ဦးက ပြောပါတယ်။

အန်အယ်လ်ဒီပါတီ အနိုင်ရ လွှတ်တော်ကိုယ်စားလှယ်တွေအတွက် စွမ်းရည်မြင့်သင်တန်းကို နေပြည်တော် က ရွှေစံအိမ်ဟိုတယ်မှာ ဒီနေ့ စတင်ကျင်းပရာ သင်တန်းဖွင့်ပွဲအခမ်းအနားမှာ သူရ ဦးတင်ဦးက ပြောတာဖြစ် ပါတယ်။

"လွှတ်တော်ထဲမှာကျရင် အသီးသီးသော အဖွဲ့တွေထဲမှာပါကြရမယ်၊ ပညာရေး၊ ကျန်းမာရေး၊ လူမှုရေး၊ ယဉ်ကျေးမှု၊ တိုင်းရင်းသားရေးရာ၊ ကာကွယ်ရေးရာ၊ ဥပဒေရေးရာ အများကြီးပဲ၊ အဲ့အထဲမှာ ပါဝင်ဆောင်ရွက် ကြရမယ်၊ အဖွဲ့ရဲ့ဆောင်ရွက်ခဲ့တဲ့ ဂုဏ်သိက္ခာတွေကို မထိခိုက်နိုင်အောင်ပြောနိုင်ရမယ်"

ပါတီရဲ့ ဗဟိုအလုပ်အမှုဆောင်ကော်မတီဝင် ဦးဝင်းထိန်က တိုင်းဒေသကြီး/ပြည်နယ် လွှတ်တော်ကိုယ်စားလှယ်တွေ အနေနဲ့ ဒေသဖံွ့ဖြိုးရေးအတွက် အဓိကထား ဆောင်ရွက်ကြရမှာဖြစ်ပြီး ပြည်ထောင်စု လွှတ်တော် ကိုယ်စားလှယ်တွေဟာ ဥပဒေပြုရေးကို အာရုံစိုက်ကြဖို့ တိုက်တွန်းခဲ့ပါတယ်။

ဒီသင်တန်းမှာ မန္တလေးတိုင်း၊ နေပြည်တော်၊ ကချင်ပြည်နယ် နဲ့ ရှမ်းပြည်နယ်တို့က အန်အယ်လ်ဒီပါတီ အနိုင်ရ ကိုယ်စားလှယ် ၁၇၀ ကျော်ကို ဖွဲ့စည်းပုံအခြေခံဥပဒေဆိုင်ရာကိစ္စရပ်တွေ၊ လွှတ်တော်လုပ်ငန်းဆောင်ရွက် ပုံတွေ၊ နိုင်ငံတကာဆက်ဆံရေးနဲ့ ဘဏ္ဍာရေးဆိုင်ရာကိစ္စတွေကို ရှေ့နေ ဦးကိုနီ၊ ဦးအောင်ကြည်ညွန့်နဲ့ ဦးမျိုးရန်နောင်သိန်းတို့က သင်ကြားပေးမှာဖြစ်ပါတယ်။

အန်အယ်လ်ဒီပါတီဟာ ပြီးခဲ့တဲ့ရွေးကောက်ပွဲမှာ လွှတ်တော်အသီးသီးအတွက် ကိုယ်စားလှယ် ၈၀၀ ကျော် အနိုင်ရရှိခဲ့ပြီး လာမယ့်နှစ် ဖေဖော်ဝါရီလမှာ ကျင်းပမယ့် လွှတ်တော်အသစ် မစတင်ခင် အန်အယ်လ်ဒီ ကိုယ်စားလှယ်တွေအတွက် စွမ်းရည်မြင့်သင်တန်းတွေကို ဒေသအသီးသီးမှာ ပို့ချပေးသွားမှာဖြစ်တယ်လို့ သိရပါတယ်။

RFA

boukjar-kachin-govt-620.jpg ကချင်ပြည်နယ် လူမှုရေးဝန်ကြီး ဒေါ်ဘောက်ဂျာ ကို တွေ့ရစဉ်

ကချင်ပြည်နယ်က အစိုးရအုပ်ချုပ်ရေးနယ်မြေအတွင်းမှာ ခိုလှုံနေတဲ့ စစ်ဘေးဒုက္ခသည်တွေကို အစိုးရ နဲ့ ပြည်တွင်း ပြည်ပအဖွဲ့အစည်းတွေက ဒီကနေ့အထိ ငွေကျပ်သိန်းပေါင်း တစ်သိန်း ခုနှစ်သောင်း (ကျပ်သန်းပေါင်း ကုဋေ ၁၇ဝဝ) ကျော်ဖိုး ထောက်ပံ့ပေးခဲ့တယ်လို့ ကချင်ပြည်နယ် လူမှုရေးဝန်ကြီး ဒေါ်ဘောက်ဂျာက ပြောပါတယ်။

အဲဒီလှူဒါန်းမှုမှာ နိုင်ငံတော်သမ္မတ၊ လွှတ်တော်ဥက္ကဋ္ဌတွေ၊ ပြည်ထောင်စုအဆင့်ဝန်ကြီးဋ္ဌာနတွေ၊ လူမှုအဖွဲ့အစည်းတွေ၊ ကချင်ပြည်နယ်အစိုးရအဖွဲ့ ၊ ကုလသမဂ္ဂ နဲ့ နိုင်ငံတကာမိတ်ဖက်အဖွဲ့တွေ အားလုံးရဲ့ ထောက်ပံ့မှုဖြစ်တယ်လို့ ကချင်ပြည်နယ် လူမှုရေးရာဝန်ကြီး ဒေါ်ဘောက်ဂျာက ပြောပါတယ်။

"၂ဝ၁၁ စဖြစ်ကတည်းက အခု ၂ဝ၁၅ နိုဝင်ဘာအထိ အဖွဲ့အသီးသီးကနေပြီးမှ ထောက်ပံ့တဲ့ပစ္စည်း နဲ့ ငွေသားတန်ဖိုးဟာ ၁၇, ၃၅၈,၂၇၃, ၂၄၂ ဖြစ်တယ်၊ ကိုယ့်နေရာကိုပဲ ပြန်သွားချင်တာ အများစုဖြစ်ပါတယ်၊ လူဆိုတာက ကိုယ့်နေရာကို သံယောဇဉ်ရှိတာပေါ့နော်"

ဒုက္ခသည်စခန်းတွေမှာ လေးနှစ်ကျော်ခိုလှုံနေရတဲ့ စစ်ဘေးဒုက္ခသည်တွေအတွက် ပြည်တွင်းပြည်ပ အဖွဲ့အစည်းပေါင်းစုံရဲ့ ငွေကြေး၊ ဆေးဝါး၊ အစားအသောက်နဲ့ အခြေခံလူသုံးကုန်ပစ္စည်း စတာတွေအားလုံးကို ထည့်သွင်းတွက်ချက်ထားတာဖြစ်တယ်လို့ သိရပါတယ်။

ကချင်ပြည်နယ်အစိုးရအဖွဲ့ဟာ စစ်ဘေးဒုက္ခသည်တွေရဲ့ ပညာရေးနဲ့ ကျန်းမာရေးကို အဓိကထား ဆောင်ရွက်ခဲ့ သလို စားဝတ်နေရေးနဲ့ တခြားလိုအပ်ချက်တွေကိုလည်း ကူညီခဲ့တယ်လို့ သိရပါတယ်။

ကမ္ဘာ့စားနပ်ရိက္ခာအစီအစဉ် WFP က စစ်ဘေးဒုက္ခသည်တွေအတွက် ဆန်၊ ဆီ၊ ဆား စတဲ့အခြေခံ စားသောက် ကုန်တွေကို အဓိက အကူအညီပေးခဲ့ပြီး ပြည်တွင်းနဲ့ နိုင်ငံတကာအဖွဲ့အစည်းတွေကလည်း ပြန်လည် ထူထောင်ရေး နဲ့ အခြားအခြေခံလိုအပ်ချက်တွေကို ထောက်ပံ့ခဲ့တယ်လို့သိရပါတယ်။

အစိုးရအုပ်ချုပ်ရေးနယ်မြေအတွင်း ကယ်ဆယ်ရေးစခန်းတစ်ရာနီးပါးမှာ လာရောက်ခိုလှုံနေသူ လေးသောင်းကျော် ရှိပြီး တစ်ပြည်နယ်လုံးမှာဆို တစ်သိန်းဝန်းကျင်ရှိတယ်လို့ ခန့်မှန်းထားပါတယ်။

RFA

ဖားကန့်မြို့နယ်အတွင်း မကြာသေးခင်ရက်ပိုင်းကစလို့ ကျောက်စိမ်းတူးဖေါ်ရေးကုမ္ပဏီတွေက အင်အားအလုံးအရင်းသုံးပြီး တူးဖေါ်ရေး လုပ်လာတဲ့အတွက် ဒေသခံတွေ ဆန္ဒပြခဲ့ကြပါတယ်။ ကျောက်စိမ်းတူးဖေါ်ရေး လုပ်ငန်းတွေကြောင့် မြေစာပုံပိပြီး သေဆုံးမှုအပါအဝင် မတော်တဆ သေဆုံးမှုတွေ ဆက်တိုက်ဖြစ်လာပြီးနောက်ပိုင်း ဒေသခံတွေ အခုလို ဆန္ဒပြလာကြတာပါ။ဆက်သွယ်စုံစမ်းထားတဲ့ကိုဉာဏ်ဝင်းအောင်က တင်ပြပါတယ်။

ကျောက်စိမ်းတူးဖေါ်ရေးကုမ္ပဏီတွေက မြေစာသယ်တဲ့ ထရပ်ကားကြီးတွေသုံးပြီး အခုရက်ပိုင်းအတွင်းမှာ နေ့မအား ညမအား ကျောက်စိမ်း တူးဖေါ်ရေးတွေ လုပ်နေကြတာပါ။ ကျောက်စိမ်းတွင်းရှိရာ မှော်တွေနဲ့ မြေစာပုံတဲ့ နေရာကြားက ရွာတွေကို ယန္တရားစက်တွေနဲ့ မြေသယ် ထရပ်ကားကြီးတွေ ဖြတ်မောင်းနေတာကြောင့် ဒေသခံတွေအတွက် ဆိုးကျိုးဖြစ်လာတဲ့အပေါ် ဖားကန့်မြို့နဲ့ လုံးခင်းမြို့နယ်ကြား ရွာတချို့မှာ ဒေသခံရွာသား အနည်းဆုံး ၄၀ လောက် ဒီကနေ့ ဆန္ဒပြခဲ့ကြတယ်လို့ ဖားကန့်မြို့ခံ ကိုဇော်မိုးထက်က ပြောပါတယ်။

“မြေစာပစ်တဲ့ကားတွေက ရွာတွေထဲကို ၂၄ နာရီသွားနေတာကိုး၊ နေ့ဆိုင်း ညဆိုင်းနဲ့ကိုး။ အဲလိုမျိုးသွားနေတော့ ရွာထဲလမ်းကနေ မဖြတ်နဲ့ ဆိုပြီးတော့ ဆန္ဒဖေါ်ထုတ်တာပေါ့နော်၊ ဒီရွာထဲ လမ်းတွေက သွားခြင်းအားဖြင့် ဒေသခံပြည်သူတွေအတွက် ၂၄ နာရီ ဖုံတွေနဲ့ပဲ နေနေရတယ် ဗျာ။ နောက်တချက်က အိပ်ရေး၀၀ မအိပ်ရဘူး၊ နောက်တခါ ဆိုင်ကယ်တွေကြိတ်ပြီး သေသွား လူတွေကြိတ်ပြီးသေသွား အဲဒါနေ့စဉ်နဲ့အမျှလို ဖြစ်နေတာ … တမှော်လုံးအတိုင်းအတာပေါ့နော်။ အဲဒီရှုထောင့်ကနေ တားတာပေါ့နော် ”

အခုလို ဆန္ဒပြတာကြောင့် လုံခြုံရေး ယူပေးခဲ့ရတယ်လို့ ဖားကန့် မြို့နယ်ရဲစခန်း တာဝန်ကျ ရဲအရာရှိတဦးက VOA ကိုပြောပါတယ်။

“ဖားကန့်နဲ့ လုံးခင်းဖက်ကြား ဖြစ်တာပါ။ အဲဒီတော့ ကျနော်တို့ ဒီမြို့မကနေ သွားပြီးတော့ ဒီနယ်ထိန်း ဆိုက်ကနေ သွားပြီးတော့မှ လုံခြုံရေး သွားပေးရတာပါ”

‘မြေစာသယ်တဲ့ကားတွေ ရွာထဲကို ဖြတ်သန်းခွင့်မပြု’ ၊ ‘လူသတ်နေတဲ့ ကျောက်စိမ်းတူးဖေါ်ရေး ကုမ္ပဏီတွေ ဖားကန့်မြို့နယ်က ထွက်သွား’ စတဲ့ဆိုင်းဘုတ်တွေ ကိုင်ဆောင်ပြီး ဆန္ဒပြခဲ့ကြတယ်လို့ ဆိုပါတယ်။ လုံးခင်းမြို့နယ်အုပ်စု ၀ိုင်းတောင် ကုဋေရွာ စတဲ့ဒေသတွေမှာ ဆန္ဒပြခဲ့ ကြတာပါ။ ဒေသခံတွေ အခုလို ဆန္ဒပြရတဲ့အခြေအနေကို သူ့အနေနဲ့ ကိုယ်ချင်းစာနားလည်မိကြောင်း NLD ပါတီ ကချင်ပြည်နယ်လွှတ်တော် ကိုယ်စားလှယ်အဖြစ် အရွေးချယ်ခံရတဲ့ ဦးဒါရှီလာဆိုင်းက ပြောပါတယ်။

“နိုင်ငံတော် အကျိုးတူဆိုတဲ့ ကုမ္ပဏီအတော်များများဟာ - ဒီ အဖွဲ့အစည်းပိုင်ပေါ့နော်။ အဲဒီကုမ္ပဏီ တော်တော်များများဟာ ဒေသခံတွေရဲ့ အကျိုးကို မကြည့်တဲ့ ကုမ္ပဏီက များတဲ့အတွက်ကြောင့်မို့၊ နောက်ပြီးတော့ သဘာဝပတ်ဝန်းကျင် ပျက်စီးယိုယွင်းတဲ့ အပိုင်းကလဲ တော်တော်လေး များတဲ့ အနေထားတွေပေါ်မှာ ပြည်သူလူထုက ဆန္ဒပြတယ်လို့ ကျနော်ကတော့ ဒီလိုမြင်တယ်လေ နော့”

ကျောက်စိမ်းတူးဖေါ်ရေး ကုမ္ပဏီတွေအနေနဲ့ ၂၀၁၆ မှာတက်လာမယ့် အစိုးရသစ်လက်ထက် မတိုင်ခင် တူးဖေါ်ရေးလုပ်ငန်းတွေကို အလျှင်စလို လုပ်မယ့်သဘော ရှိတယ်လို့ ကိုဇော်မိုးထက်က သုံးသပ်ပါတယ်။

“ဒီ ၂၀၁၀ စတက်ကတည်းက ဒီလက်ရှိအစိုးရသက်တမ်းမှာ အကုန်တူးမှာတဲ့။ ဟို အကုန်တူးမယ်ဆိုတာက ရသလောက်တူးမှာပေါ့ဗျာ။ ကျနော်ထင်ပါတယ် သူတို့နောက်ကွယ်က ငြိမ်းချမ်းရေးအဖွဲ့အစည်းတွေပါမယ်၊ နောက်တခုက ခရိုနီအုပ်စုရှိမယ်။ နောက်တခုကကျတော့ ဒီစစ်ဗိုလ်ချုပ် အသိုင်းအဝိုင်းနဲ့ ပတ်သက်တဲ့ ကုမ္ပဏီတွေရှိမယ်။ အဲဒီနောက်မှာ ဒါတွေပဲရှိမှာ”

ရာကျော်တဲ့ ကျောက်စိမ်းတူးဖေါ်ရေး ကုမ္ပဏီတွေထဲမှာ တိုင်းရင်းသား လက်နက်ကိုင်အဖွဲ့တွေနဲ့ အပစ်ရပ် ငြိမ်းချမ်းရေးယူထားတဲ့ အဖွဲ့တွေ ပါဝင်ပြီး၊ NDAK ဦးစခုန်တိမ့်ရိမ်းရဲ့ကချင်အဖွဲ့ ၊ KDN ဦးမထုနော်ရဲ့အဖွဲ့နဲ့ ပအို့ဝ်လက်နက်ကိုင် အဖွဲ့တွေဖြစ်တဲ့ PLA/ PNO အဖွဲ့တွေ၊ UWSA ၀တပ်ဖွဲ့ရဲ့ ရာဇဌာနေ၊ မြန်မာတကောင်း စတဲ့ကုမ္ပဏီတွေက ကျောက်စိမ်းတူးဖေါ်နေကြပြီး ဒေသခံတွေအကျိုးကို ဘာမှ လုပ်ဆောင်ပေးခြင်း မရှိဘူးလို့ ဦးဒါရှီလာဆိုင်းက ပြောပါတယ်။ အဲဒီကုမ္ပဏီတွေဟာ ပွင့်လင်းမြင်သာမှုရှိရှိ လုပ်ဆောင်မယ့် နောင်တက်လာမယ့် NLD အစိုးရ လက်ထက်မတိုင်ခင်မှာ အခုလို အလျှင်စလို လုပ်နေကြတာလို့ဦးဒါရှီလာဆိုင်းက သုံးသပ်ပါတယ်။

“ကျနော်တို့ ဒီ အများပြည်သူလူထုက ထောက်ခံတဲ့ အစိုးရသစ်တရပ်က မကြာခင်ပေါ့နော်၊ ၃-၄-၅ လအတောတွင်း ပေါ်ပေါက်လာတော့မယ် ဆိုတဲ့အချိန်မှာ သူတို့အနေနဲ့ဒီလို ပြည်သူလူထုဖက်ကနေ ရပ်တည်မယ့် အစိုးရပေါ်ပေါက်ခဲ့ရင် ဒီလုပ်ငန်းတွေကို သူတို့ ကောင်းကောင်း မွန်မွန် လုပ်ခွင့်ရတော့မှာ မဟုတ်ဘူးဆိုတဲ့ အတွေးနဲ့ အခုလက်ရှိကာလမှာ မကျန်တော့တဲ့ကာလ ၃လ ၄ လအတောတွင်းမှာပေါ့နော် လက်ငုတ်လက်ကျန် လေးတွေကို အပြီးပြတ် သူတို့အနေနဲ့ လုပ်ဆောင်ချင်တဲ့ အနေအထားကြောင့်လို့ပဲ ကျနော့်အမြင်ရော အများပြည်သူရဲ့ အမြင်မှာလဲ အဲလိုပဲ မြင်နေကြတာပေါ့နော်။ တကယ်လဲ ကျနော်တို့လဲ အဲလိုပဲ သုံးသပ်တယ်”

ဒီဇင်ဘာလ ၁၅ ရက်နေ့တုန်းကလဲ ဖားကန့်မှာ မြေစာပုံပြိုပြီး အနည်းဆုံးလူ ၅ ဦးသေဆုံးခဲ့ရပေမယ့် သက်ဆိုင်ရာ ကျောက်စိမ်းတူးဖေါ်ရေး ကုမ္ပဏီက တာဝန်ယူ ပြန်လည်ဖေါ်ထုတ်ပေးတာမျိုး မရှိခဲ့ပါဘူး။

ကိုဉာဏ်ဝင်းအောင်/VOA
http://burmese.voanews.com/content/hpa-kant-protest-/3105469.html

မြောက်ကိုရီးယား တရားရုံးချုပ် မိနစ် ၉၀ ကြာ ကြားနာပြီးနောက် သူ့ကို ပြစ်ဒဏ် ချမှတ်ခဲ့။

မြောက်ကိုရီးယား နိုင်ငံရဲ့ အမြင့်ဆုံး တရားရုံးချုပ်က ကနေဒါ နိုင်ငံသား သင်းအုပ်ဆရာ တစ်ဦးကို နိုင်ငံတော် အပေါ် ကျူးလွန်တဲ့ ရာဇဝတ်မှုတွေ အတွက် လို့ဆိုတဲ့ စွဲချက်တွေနဲ့ အလုပ်ကြမ်းနဲ့ ထောင်ဒဏ် တစ်သက် ချမှတ် လိုက်ပါတယ်။

အသက် ၆၀ အရွယ် Hyeon Soo Lim ဆိုသူကို ပြီးခဲ့တဲ့ ဇန်နဝါရီလက ပြုံယမ်း မြို့မှာ လူသားချင်း ကူညီတဲ့ အလုပ်တွေ လုပ်ဆောင်နေစဉ် ဖမ်းဆီးခဲ့တာ ဖြစ်ပါတယ်။

သူဟာ တောင်ကိုရီးယား နွယ်ဖွား ဖြစ်ပြီး ကနေဒါ နိုင်ငံ၊ တိုရွန်တိုမြို့ အခြေစိုက်တဲ့ သင်းအုပ်ဆရာ တစ်ဦး ဖြစ်ပါတယ်။ သူက အစိုးရကို ဖြုတ်ချဖို့၊ ဘာသာတရားနဲ့ နိုင်ငံတော် တစ်ခု ထူထောင်ဖို့ ကြံစည်ခဲ့တယ် ဆိုပြီး အပြစ် ဝန်ခံခဲ့တာကို အစောပိုင်းက သတင်းမှာ ထုတ်လွှင့် ပြသခဲ့ပါတယ်။

မြောက်ကိုရီးယားမှာ ဘာသာရေးနဲ့ ဆက်နွယ်တဲ့ လုပ်ဆောင်မှုတွေကို ပိတ်ပင် ထားပါတယ်။

ဘာသာရေးဆိုင်ရာ သာသနာပြု လုပ်ငန်းတွေ လာလုပ်ကြတဲ့ နိုင်ငံခြားသား တွေကို မြောက်ကိုရီးယား အစိုးရက အခါအားလျော်စွာ ဖမ်းဆီးလေ့ ရှိပြီး အဖမ်းခံရသူတွေ အပြစ် ဝန်ခံတာကိုလည်း လူသိရှင်ကြား ဖော်ပြလေ့ ရှိပါတယ်။

BBC Burmese
https://www.facebook.com/bbcburmese/?fref=nf

ဂျပန် မိသားစု အတော်များများက လင်ယောက်ျားရဲ့ မိသားစု အမည်ကိုသာ ယူသုံးနေခဲ့ကြ။

ဂျပန် နိုင်ငံမှာ လက်ထပ်ပြီးသား ဇနီးမောင်နှံတွေ မိသားစုအမည် (surname) တစ်ခုတည်း အတူတူ သုံးရမယ် ဆိုတဲ့ ဥပဒေကို ဆက်လက် ထားရှိဖို့ ဂျပန် တရားရုံးချုပ်က ဆုံးဖြတ် လိုက်ပါတယ်။

စည်းရုံး လှုပ်ရှားသူတွေ ကတော့ ဇနီးမောင်နှံတွေ အနေနဲ့ လင်ယောက်ျားရဲ့ မိသားစု အမည်ကို ယူသုံးဖို့ ဒီဥပဒေက တွန်းပို့ ခဲ့တဲ့အတွက် အဲဒီ ဥပဒေဟာ ကျားမ ခွဲခြားတဲ့ မညီမျှတဲ့ ဥပဒေ ဖြစ်တယ်လို့ ပြောပါတယ်။

ဂျပန် တရားရုံးချုပ်ကတော့ ဒီဥပဒေဟာ အခြေခံ ဥပဒေကို ဖောက်ဖျက်ခြင်း မရှိဘူးလို့ ဆုံးဖြတ်ကြောင်း NHK သတင်းဌာနက ဖော်ပြပါတယ်။

ဒါပေမယ့် နောက်ထပ် ဥပဒေ တစ်ခု ဖြစ်တဲ့ အမျိုးသမီးတွေ ကွာရှင်းပြီး ၆ လအတွင်း နောက်အိမ်ထောင် မပြုရဘူး ဆိုတဲ့ ဥပဒေကိုတော့ အခြေခံ ဥပဒေနဲ့ မညီဘူးလို့ တရားရုံးချုပ်က သီးခြား ဖြစ်ရပ်တစ်ခုမှာ ဆုံးဖြတ် ပေးခဲ့ပါတယ်။

အဲဒီ ဥပဒေ ၂ ခုစလုံးဟာ ဂျပန်ရဲ့ ၁၉ ရာစု မေဂျီ ခေတ်ကတည်းက ပြဋ္ဌာန်းခဲ့တဲ့ ဥပဒေတွေ ဖြစ်ပါတယ်။

မိသားစုအမည် အတူတူ သုံးဖို့ ဥပဒေ ပယ်ဖျက်ပေးဖို့ ကိစ္စကို အမျိုးသမီး ၃ ယောက်နဲ့ စုံတွဲ တစ်တွဲ တို့က တင်သွင်း ခဲ့တာပါ။ ဒီ ဥပဒေဟာ အခြေခံ ဥပဒေနဲ့ မညီဘဲ ခွဲခြားမှု ရှိတဲ့၊ ရှေးကျတဲ့ ဥပဒေ ဖြစ်တယ်လို့ သူတို့က ထောက်ပြ ခဲ့ကြတာ ဖြစ်ပါတယ်။

BBC
https://www.facebook.com/bbcburmese/?fref=nf


thura-aungko-620.jpg
ပြည်သူ့လွှတ်တော် ကိုယ်စားလှယ် သူရဦးအောင်ကို ကိုတွေ့ရစဉ်
Photo: RFA

ဒေါ်အောင်ဆန်းစုကြည် သမ္မတ မဖြစ်အောင် တားဆီးထားတဲ့ ပုဒ်မ ၅၉- စ ကို ယာယီဆိုင်းငံ့ပြီး ဒေါ်အောင်ဆန်းစုကြည် သမ္မတဖြစ်လာမယ်လို့ ရာနှုန်းပြည့် မျှော်လင့်တဲ့အကြောင်း ကြံ့ခိုင်ဖံွ့ဖြိုးရေးပါတီ ပြည်သူ့လွှတ်တော် ကိုယ်စားလှယ် သူရဦးအောင်ကိုက ဒီနေ့ ပြောလိုက်ပါတယ်။

ဒီကနေ့ ပြည်သူ့လွှတ်တော် အစည်းအဝေးကို တက်ရောက်လာတဲ့ သူရဦးအောင်ကိုက သတင်းထောက်တွေကို အခုလို ပြောခဲ့တာပါ။ ပုဒ်မ ၅၉- စ ကို ပြင်ဆင်ဖို့ မဖြစ်နိုင်သေးပေမယ့်၊ လက်ရှိလွှတ်တော် ဒါမှမဟုတ် လာမယ့်လွှတ်တော်အသစ် စတင်ချိန်မှာ အဆိုတင်နိုင်ပြီး ဒီပုဒ်မကို ယာယီဆိုင်းငံ့ဖို့ ဖြစ်လာလိမ့်မယ်လို့ မျှော်လင့်တဲ့အကြောင်း ဦးအောင်ကိုက ပြောပါတယ်။

"ယခင်နိုင်ငံတော်အကြီးအကဲနဲ့လည်း တွေ့လိုက်တယ်၊ သူနဲ့တွေ့လိုက်ကတည်းက ပွဲကပြီးနေပါပြီ၊ နိုင်ငံရဲ့အနာဂတ်ချောမွေ့ဖို့ ရာခိုင်နှုန်းအပြည့်နီးပါး သေချာသွားပြီ၊ အဲဒီ့အပေါ်မူတည်ပြီးတော့မှ သမ္မတကြီးတို့ တပ်ချုပ်တို့က ဆက်လှုပ်ရှားကြရမှာဖြစ်ပါတယ်၊ ၅၉-စ ကို ပြင်ဆင်တာမဟုတ်ဘူး ဆိုင်းငံ့တာ၊ ဆိုင်းငံ့မယ်ဆိုရင် ဒီလွှတ်တော် သို့မဟုတ် လာမယ့်လွှတ်တော်အသစ်မှာ ဒီဟာကိုကျုပ်ကအဆိုတင် ဆိုင်းငံ့ဖို့အတွက်ကိုဆွေးနွေးမယ်၊ ပြီးရင်မဲခွဲမယ်၊ ထက်ဝက်ကျော်ထောက်ခံမဲရရင် ဆိုင်းငံ့တာအတည်ဖြစ်သွားမယ်"

ဒေါ်အောင်ဆန်းစုကြည်ဟာ ပြီးခဲ့တဲ့ ဒီဇင်ဘာလ ၄ ရက်နေ့က ဗိုလ်ချုပ်မှူးကြီးဟောင်း ဦးသန်းရွှေနဲ့ တွေ့ဆုံခဲ့ပါတယ်။ အခြေခံဥပဒေ ပြင်ဆင်ရေးပုဒ်မဖြစ်တဲ့ “ပုဒ်မ ၄၃၆” တစ်ခုလုံးကို ဆိုင်းငံလို့ မရပေမယ့် “သမ္မတအရည်အချင်း သတ်မှတ်ချက်တွေထဲက ပုဒ်မ ၅၉-စ ကို ယာယီဆိုင်းငံ့လို့ ရတဲ့အကြောင်း သူရ ဦးအောင်ကိုက ပြောဆိုသွားပါတယ်။

၂၀၀၈ ဖွဲ့စည်းပုံ အခြေခံဥပဒေမှာပါတဲ့ နိုင်ငံတော်သမ္မတ အရည်အချင်းသတ်မှတ်ချက်တွေထဲက ပုဒ်မ ၅၉ (စ) ကို ယာယီဆိုင်းငံ့လို့ရပေမယ့် ဖွဲ့စည်းပုံအခြေခံဥပဒေ ပြင်ဆင်ရေးပုဒ်မဖြစ်တဲ့ ပုဒ်မ ၄၃၆ တစ်ခုလုံးကို ဆိုင်းငံ့လို့ မရကြောင်း သူရ ဦးအောင်ကိုက ပြောပါတယ်။

RFA

theinsein-updjc-620.jpg နိုင်ငံရေးဆွေးနွေးမှုဆိုင်ရာ မူဘောင်မူကြမ်းပေးအပ်ပွဲကို နေပြည်တော် MICC ခန်းမမှာ ဒီဇင်ဘာလ ၁၆ ရက်နေ့က ကျင်းပစဉ်
Photo: Myanmar President Office

လက်နက်ကိုင်ပဋိပက္ခတွေ ချုပ်ငြိမ်းနိုင်ဖို့ အမျိုးသားအဆင့် နိုင်ငံရေးဆွေးနွေးပွဲတွေနဲ့ ပြည်ထောင်စု ငြိမ်းချမ်းရေး ညီလာခံတွေမှာ ယုံကြည်မှုနဲ့ စိတ်ရှည်သည်းခံပြီး ဆွေးနွေးကြဖို့ သမ္မတ ဦးသိန်းစိန်က ဒီနေ့ ပြောကြားလိုက် ပါတယ်။

နေပြည်တော်က မြန်မာအပြည်ပြည်ဆိုင်ရာ ကွန်ဗင်းရှင်းဗဟိုဌာန MICC မှာ ကျင်းပတဲ့ နိုင်ငံရေး ဆွေးနွေးမှုဆိုင်ရာ မူဘောင်မူကြမ်းပေးအပ်ပွဲမှာ နိုင်ငံတော်သမ္မတ ဦးသိန်းစိန်က ပြောတာ ဖြစ်ပါတယ်။
"လက်နက်ကိုင်ပဋိပက္ခများနဲ့ နိုင်ငံရေးပဋိပက္ခတွေဟာ ကျနော်တို့ ပြည်သူပေါင်းမြောက်များစွာ နာကျင်ခံစား ခဲ့ရပါတယ်၊ တိုင်းပြည်ရဲ့ ကောင်းမွန်တဲ့ အနာဂတ်တွေ ပျောက်ဆုံးခဲ့ကြရပါတယ်၊ တိုင်းပြည်မှာဖြစ်နေတဲ့ လက်နက်ကိုင်ပဋိပက္ခတွေ၊ နိုင်ငံရေးပဋိပက္ခတွေကို ချုပ်ငြိမ်းဖို့ ကြိုးပမ်းအားထုတ်ခြင်းဆိုတဲ့ကိစ္စကို မဖြစ်မနေ လုပ်ဆောင်ကြရမှာဖြစ်ပါတယ်၊ နိုင်ငံရေးဆွေးနွေးပွဲများနဲ့ ပြည်ထောင်စု ငြိမ်းချမ်းရေး ညီလာခံများမှာလည်း စိတ်ရှည်သည်းခံပြီး အပြန်အလှန်နားလည်မှုဆိုတဲ့ တန်ဖိုးများကို အခြေခံပြီး ကြိုးပမ်းသွားကြဖို့ တိုက်တွန်းရင်း နိဂုံးချုပ်အပ်ပါတယ်"

အစိုးရ၊ တပ်မတော်၊ တိုင်းရင်းသား လက်နက်ကိုင်အဖွဲ့တွေ နဲ့ နိုင်ငံရေးပါတီက ကိုယ်စားလှယ်တွေ ပါဝင် တဲ့ ပြည်ထောင်စု ငြိမ်းချမ်းရေးဆွေးနွေးမှု ပူးတွဲကော်မတီ UPDJC ဟာ နေပြည်တော်မှာ နှစ်ရက်ကြာဆွေးနွေး ပြီးနောက် နိုင်ငံရေးဆွေးနွေးမှုဆိုင်ရာ မူဘောင်မူကြမ်းကို အတည်ပြုခဲ့တာဖြစ်ပါတယ်။

အဲဒီမူကြမ်းကို နိုင်ငံတော်သမ္မတထံ ပေးအပ်ပြီး လာမယ့်နှစ် ဇန်န၀ါရီလ ၁၅ရက်နေ့ မတိုင်ခင် နိုင်ငံရေးဆွေးနွေး ပွဲတွေ စတင်ရမှာဖြစ်ပါတယ်။

ဒီနေ့ အခမ်းအနားကို နိုင်ငံတော်သမ္မတ၊ ဒုတိယသမ္မတ အပါအ၀င် အစိုးရအဖွဲ့၊ တပ်မတော်နဲ့ လွှတ်တော်တာဝန်ရှိ သူတွေ၊ အပစ်ရပ်လက်မှတ်ရေးထိုးထားတဲ့ တိုင်းရင်းသား လက်နက်ကိုင်အဖွဲ့ ခေါင်းဆောင်တွေ၊ နိုင်ငံရေး ပါတီ ခေါင်းဆောင်တွေနဲ့ မြန်မာနိုင်ငံ ငြိမ်းချမ်းရေး ပြန်လည်ထူထောင်ရေး လုပ်ငန်းဗဟိုဌာန MPC က တာဝန်ရှိသူတွေ တက်ရောက်ခဲ့ပါတယ်။

RFA

၁၉၈၀ ပြည့်လွန် အလယ်ပိုင်းနှစ်များက ဒေါ်အောင်ဆန်းစုကြည် ဂျပန်နိုင်ငံ၌ စာတမ်းပြုစုခဲ့စဉ် နေထိုင်ခဲ့သည့် ရုံးခန်းအား ပထမဆုံး အကြိမ် အဖြစ် ဒီဇင်ဘာ ၁၈ တွင် အများပြည်သူကို ဖွင့်လှစ်ပြသမည်ဟု ကျိုတိုတက္ကသိုလ် အရှေ့တောင်အာရှ စင်တာက ကြေညာခဲ့သည်။

မြန်မာ့ဒီမိုကရေစီ ခေါင်းဆောင်အား ၁၉၉၁ တွင် ငြိမ်းချမ်းရေး နိုဘယ်လ်ဆု ချီးမြှင့်ခံရသည့် အခါ ဂုဏ်ပြုသည့်အနေဖြင့် ထိုအခန်းကို “အောင်ဆန်းစုကြည်အခန်း” ဟု အမည်ပေးခဲ့သည်။

NLD ပါတီဥက္ကဋ္ဌ ဒေါ်အောင်ဆန်းစုကြည်သည် ၁၉၈၅ အောက်တိုဘာမှ ၁၉၈၆ ဇွန်အထိ ကျိုတိုတက္ကသိုလ်တွင် ဧည့်သုတေတီအဖြစ် ဆောင်ရွက် ခဲ့သည်။

ဖွင့်လှစ် ပြသသည့်နေ့တွင် ဒေါ်အောင်ဆန်းစုကြည်၏ ဓာတ်ပုံများ၊ စင်တာ တွင် နေထိုင်ခဲ့စဉ်က အသုံးပြုခဲ့သည့် ပစ္စည်းကိရိယာများနှင့် ဧည့်မှတ်တမ်း စာအုပ်များ ပြသထားမည်ဖြစ်သည်။

ဒီဇင်ဘာ ၁၁ မှ ၁၈ အထိ အာဆီယံ ရက်သတ္တပတ်အဖြစ် ကျိုတို တက္ကသိုလ်က သတ်မှတ်ထားသည်။ ထိုရက်သတ္တပတ်အတွင်း ကမ္ဘာတစ်ဝန်း မှ ထင်ရှားသော အရှေ့တောင်အာရှဆိုင်ရာ ပညာရှင်များ ပါဝင်သည့် ဆွေးနွေးပွဲများ စာတမ်းဖတ်ပွဲများနှင့် အခြားအစီအစဉ်များ၏ အစိတ်အပိုင်း အဖြစ် ဒေါ်အောင်ဆန်းစုကြည်အခန်းကို ဖွင့်လှစ်ပြသခြင်း ဖြစ်သည်။

ကျိုတိုတက္ကသိုလ် အီနာမိုရီ ဖောင်ဒေးရှင်း အမှတ်တရ ခန်းမတွင် လည်း ဒေါ်အောင်ဆန်းစုကြည် ဓာတ်ပုံပြပွဲကို ဒီဇင်ဘာ ၁၈ နှင့် ၁၉ တွင် ပြုလုပ်မည်ဖြစ်ပြီး ကြိုတင် စာရင်းပေးရန် မလိုဘဲ အခမဲ့ ကြည့်ရှုနိုင်မည် ဟု ဆိုသည်။

KHTun

Ref - Asahi Shinbum

The Ladies News Journal

* (၁) *

ယခုတလော ရွေးကောက်ပွဲအနိုင်ရ NLD ပါတီက ဦးဆောင်ပြီး အမှိုက်ကောက်
နေကြသည်။ ထိုအမှိုက်ကောက်ခြင်းကို ဒေါ်အောင်ဆန်းစုကြည် ဦးဆောင်လျက်
ရှိသည်။ ထိုအကြောင်းနှင့် ပတ်သက်၍ အသံအမျိုးမျိုး ကြားနေရသည်။ အဓိက
ကတော့ နိုင်ငံရေး အမြတ်ထုတ်တာပဲလား ဟု စိုးရိမ်နေကြသူတွေ အများကြီး
ရှိသည်။ မြန်မာပြည်သည် အမှိုက်နှင့်ပတ်သက်၍ ရှက်စရာ အနေအထားကို
ရောက်ရှိနေသော နိုင်ငံဟုဆိုလျှင် မှားမည်တော့ မဟုတ်ပေ။

လမ်းပေါ်က အမှိုက်၊ လမ်းဘေးက အမှိုက် ၊ မြောင်းထဲက အမှိုက် စသဖြင့်
ကျွန်တော်တ်ို့ ၀န်းကျင်တွင် အမှိုက်ပေါင်းများစွာ လွှမ်းမိုးနေသည်။ လတ်တလော
အမှိုက်နှင့် ပတ်သက်ပြီး လူလေးမျိုးကို တွေ့နေရသည်။

- အမှိုက်ကောက်သူ
- အမှိုက်ပစ်သူ
- အမှိုက်ကောက်သူကိုအပြစ်ပြောသူ
- အမှိုက်ကောက်သူကိုချီးမွမ်းသူ ဟူ၍ ဖြစ်သည်။

ကဲ့ရဲ့သူများ၊ ချီးမွမ်းသူများ ဘယ်လိုရှိရှိ အမှိုက်ကတော့ လူမှုဝန်းကျင်ကို ဖျက်ဆီး
နေသည်။ အမှိုက်သည် ကျွန်တောတ်ို့ နိုင်ငံကို အရုပ်ဆိုး အကျည်းတန်စေသကဲ့သို့
ကျန်းမာရေးကို ထိခိုက်စေသည်။ တစ်ဖက်လည်း အမျိုးသားရေး ဂုဏ်သိက္ခာကို
ညစ်နွမ်းစေသည်။ “တို့နိုင်ငံက အမှိုက်တွေ ကင်းစင်တဲ့နိုင်ငံကွ” ဟု ခေါင်းမော့
လမ်းလျှောက်လိုသူ လူငယ်အများ ရှိကြပါသည်။ ထိုကြောင့် အမှိုက်နှင့် ပတ်သက်၍
ဆွေးနွေးလိုပါသည်။

* (၂) *

ကိုဘသစ်ပြောပြတာကို သတိရနေသည်။ “ဒီလိုအချိန်တွေမှာ ကျွန်တော် မန္တလေးကို
သွားတတ်ပါတယ်။ အထူးသဖြင့် နိုဝင်ဘာ ၂၉ မှာ ကျရောက်တဲ့ လူထုဒေါ်အမာ
မွေးနေ့ကို သွားတတ်တယ်။ စာရေးဆရာ အများစုက အဝေးပြေးကားတွေနဲ့
သွားကြတယ်။ အချို့လည်း လေယာဉ်နဲ့ သွားပါတယ်။ ကျွန်တော်ကတော့
မောင်စွမ်းရည်တို့ မောင်ဝံသတို့နဲ့အတူ ရထားနဲ့ သွားလေ့ရှိတယ်”

“အင်း၊ ဆရာမောင်ဝံသတောင် မရှိတော့ဘူး” ဟု သူ့ကို ကျွန်တော် ပြောမိသည်။

“ဟုတ်ပါတယ်။ ဆရာမောင်စွမ်းရည်လည်း အမေရိကားကို ရောက်နေပြီပဲ၊
တစ်ခေါက်က ရထားပေါ်မှာ ဂျပန်တွေပါလာတဲ့ အကြောင်း ပြောချင်တယ်။
သူတို့ဟာ ရထားပေါ်က လူတွေကို ကြည့်ပြီး လိုက်လာတယ်။ ဒိုက်ဦးကို
ရောက်တော့ ရထား ရပ်တယ်။ ရထားပေါ်က လူတွေ ဖရဲသီးဝယ်တာတွေ့တော့
သူတို့လည်း ၀ယ်ကြတယ်။ အဲဒီလူတွေက ဖရဲသီး ခွဲစားတာကို တွေ့တော့
သူတို့လည်း စားချင်ကြတာပေါ့”

“ဂျပန်တွေ ဖရဲသီးကြိုက်ကြတယ်”

“ဒီတော့ သူတို့က ငါတို့ ဘယ်လိုခွဲစားကြရင် ကောင်းမလဲလို့ တိုင်ပင်တယ်”

“ကိုဘသစ် ဂျပန်လို တတ်တာကိုး”

“မှန်ပါတယ်။ ဂျပန်မှာ သုံးနှစ်လောက် နေဖူးတော့ ထမင်းစားရေသောက်တော့
တတ်တာပေါ့။ သူတို့ထဲက တစ်ယောက်က ပြောတယ်။ ပြတင်းပေါက်မှာ
ဖိခွဲလိုက်ရင် ရတယ်တဲ့။ တစ်ယောက်ကတော့ ရေတွေ ကျကုန်မှာပေါ့လို့ ပြောတယ်။
ဒါပေမဲ့ တစ်ယောက်က ကိစ္စမရှိပါဘူး။ မြန်မာတွေလည်း ဒီလိုပဲခွဲတယ်လို့
ပြောတယ်”

ကိုဘစ်ပြောတာ စိတ်ဝင်စားဖို့ ကောင်းပါသည်။ ကိုဘသစ် ဆက်ပြောသည်။

“သူတို့ ဖရဲသီးကိုကိုင်ပြီး ပြတင်းပေါက် ဘောင်ပေါ် ဖိထုလိုက်တော့ ဖရဲသီး
ကွဲသွားတယ်။ ကျန်တဲ့ ဂျပန်တွေက လက်ခုပ်တီးကြတယ်။ ဘယ်လိုစားမလဲလို့
တစ်ယောက်မေးတယ်။ သူတို့ဟာ မြန်မာတွေလို လက်နဲ့ပဲစားတာပေါ့ လို့ ပြောပြီး
လက်နဲ့ပဲခွဲကာ ကိုင်ကာ စားကြတယ်”

“ဒါလည်း အဆင်ပြေတာပဲပေါ့”

“အဆင်ပြေပါတယ်။ စားပြီးတော့ ဂျပန်တစ်ယောက်က မေးတယ်။ ‘ဘယ်မှာ
ပစ်ရမလဲ၊ အမှိုက်ပုံးလည်း မတွေ့ဘူး’ ဆိုတော့ နောက် ဂျပန်တစ်ယောက်
ပြောတယ်။ ‘ မြန်မာတွေက လမ်းဘေးပစ်လိုက်တာပဲ၊ ငါတွေ့တယ်၊ ပြတင်းပေါက်က
ပစ်ကြတာပေါ့ ’ လို့ ပြောတယ်။ သူတို့အားလုံးဟာ ဖရဲခွံတွေကို ပြတင်းပေါက်ကနေ
ပြိုင်တူပစ်ချတယ်။ ပြီးတော့ ပါးစပ်ကလည်း ‘ဟေး’ ခနဲ ပြိုင်တူအော်ကြတယ်။

“သူတို့ ဘာလို့အော်ကြတာလဲ”

“သူတို့ဆီမှာ တစ်ခါမှ ဒီလို မပစ်ဖူးကြဘူးလေ၊ သူတို့ပျော်နေကြတာပေါ့” တဲ့။

* (၃) *

“မြန်မာပြည်မှာ အမှိုက်ပစ်တဲ့အလေ့ ဘာကြောင့် မထွန်းကားရတာလဲ” ဆိုသော
မေးခွန်းကို ကြားဖူးပါသည်။ အဖြေများစွာ ရှိပေမည်။ ရှေးအစဉ်အဆက်က
မြန်မာပြည်တွင် လူဦးရေ အင်မတန်နည်းသည်။ တောနေ လူဦးရေသာ များသည်။
အမှိုက်များသည် အော်ဂဲနစ်ပစ္စည်းများသာ ဖြစ်သည်။ ဘုရားကျောင်းကန်များတွင်
အမှိုက်လှည်းကာ ကုသိုလ်ယူသူ အများ ရှိကြသည်။

သူတို့သည် သစ်ပင်ပေါ်ကကျသော သစ်ရွက်များကို အဓိကထား လှည်းကြသည်။
ဒီဘက်ခေတ် နောက်ပိုင်း ရောက်လာသည်အထိ မြန်မာပြည်တွင် စက္ကူရှားသည်။
ပလတ်စတစ် ရှားသည်။ ထို့ကြောင့် အများစုသည် စက္ကူနှင့်ပလတ်စတစ်များကို
ဟော့ဟော့ရမ်းရမ်း လွှင့်ပစ်လေ့ မရှိကြပါ။ အမှိုက်ကောက်သူများ ပလတ်စတစ်
ကောက်သူများသည် Rcycle ပြုလုပ်သည့် စက်များကို ရောင်းချရ၍ အဆင်ပြေ
ကြသည်။ ယနေ့ အမှိုက်ကောက်သူ တဖြည်းဖြည်း နည်းသွားကြသည်။
တစ်ဖက်ကလည်း စည်းမဲ့ကမ်းမဲ့ အမှိုက်ပစ်သူတွေ အရမ်းများလာသည်။ ယခုနှစ်
နိုဝင်ဘာလအကုန်က လမ်းထဲက မိတ်ဆွေတစ်ယောက်နှင့် တွေ့သည်။

“ရွေးကောက်ပွဲ နိုင်ပြီဆိုတော့ ဒီမိုကရေစီ နီးစပ်ပြီပေါ့” ဟု သူ့ကို ပြောမိရာ သူက
“ဝေးပါသေးတယ်” ဟု ပြန်ပြောသည်။

“ဘာလို့ ဝေးသေးတာလဲ”

“ခင်ဗျားပဲ စဉ်းစားကြည့် ၊ ကျွန်တော်တ်ို့တစ်တွေ လမ်းတွေပေါ်မှာ ကွမ်းသွေးတွေ
စည်းမဲ့ကမ်းမဲ့ ထွေးတယ်။ အမှိုက်တွေ စည်းမဲ့ကမ်းမဲ့ ပစ်တယ်။ ဒီလူတွေ
ဒီမိုကရေစီနဲ့ ထိုက်တန်ရဲ့လား” တဲ့။

သူပြောတော့ ကျွန်တော် အတော်လေး စိတ်မကောင်း ဖြစ်သွားသည်။ ဒီစကားကို
သူဘယ်နှစ်ယောက်ကို ပြောပြီးပြီလဲ၊ ကျွန်တော်တို့ ခေတ်ကိုပြောင်းတော့မယ်
မဟုတ်ပါလား။ mind-set ကို ပြောင်းရမည် မဟုတ်ပါလား။ ထိုကြောင့် သူ့ကို
ကျွန်တော်ပြန်ပြောမိသည်။

“ဒါကတော့ဗျာ။ ဒီလူတွေ ဒီမိုကရေစီနဲ့ ထိုက်တန်၊ မထိုက်တန် ကျွန်တော်တို့
ခင်ဗျားတို့ ဆုံးဖြတ်စရာ မလိုဘူး။ ဒီမြန်မာပြည်က လူတွေပဲ နှစ်နာရီ၊ သုံးနာရီ
လောက် လေယာဉ်စီးသွားပြီး စင်ကာပူနိုင်ငံ ရောက်တဲ့အခါ သူတို့ လေယာဉ်
ပေါ်ကနေ ဆင်းပြီးတာနဲ့ အမှိုက်ကို နေရာတကာ ပစ်ရဲလို့လား။ သူတို့
ကွမ်းသွေးကိုကော လမ်းပေါ်မှာ ထွေးရဲလို့လား”

သူ့ကို ကျွန်တော် မေးခွန်းထုတ်ပါသည်။ တကယ်တော့ အမှိုက်ကိစ္စ mind-set ကို
ပြောင်းရမခက်လှပါ။ ကျွန်တော်တို့ အားလုံးသည် ယဉ်ကျေးသော လူသားတွေပါ။
ဆိုဆုံးမ လွယ်ကြပါသည်။

* (၄) *

ကျွန်တော့်မိတ်ဆွေ အင်ဂျင်နီယာ ကိုစိန်ထွန်း ပြောကြားခဲ့သည်ကိုလည်း
တင်ပြလိုပါသည်။ ကိုစိန်ထွန်းသည် နိုင်ငံခြားဖက်စပ် ကုမ္ပဏီတစ်ခုတွင်
အင်ဂျင်နီယာမှူးကြီး အဖြစ် အလုပ်ဝင်ခဲ့ပါသည်။ သူတို့ကုမ္ပဏီမှ တာဝန်ပေးချက်
အရ ကေဘယ်ဝါယာကြိုးများ ချသည့်ကိစ္စနှင့် ပတ်သက်၍ သံတောင်မြို့ကို
တောင်ငူကနေ သွားရပါသည်။ သူတို့ ကားနှစ်စီးဖြင့် သွားရသည်။ တစ်စီးမှာ
မြန်မာများဖြစ်၍ နောက်ကားအငယ်မှာ ဂျပန်များ လိုက်ပါ လာကြသည်။ သံတောင်
မရောက်မီ လမ်းခွဲတစ်ခုကို ရောက်လျှင် သူတို့က တောထဲကို ဆယ်မိုင်ခန့်
မောင်းဝင်သွားရသည်။

သူတို့နောက်တွင် ဂျပန်အင်ဂျင်နီယာများ တင်ထားသော ကား ပါလာသည်။
သူတို့မောင်းသွားပြီး အတန်ကြာမှာ ဂျပန်အင်ဂျင်နီယာကားက လိုက်လာပါသည်။
အဓိကကတော့ ဖုန်ထူသော တောလမ်းဖြစ်၍ နောက်ကားကို ခွာထားခြင်း ဖြစ်သည်။
ခရီးအဆုံး ယာယီရုံးသို့ ရောက်လျှင် သူတို့ အစည်းဝေးခန်းထဲ ၀င်ရသည်။
လူမများလှပါ။ မြန်မာက ၁၈ ယောက် လောက်ရှိပြီး ဂျပန် ငါးယောက်သာ ပါသည်။
ဂျပန်အကြီးအကဲက ပလတ်စတစ်အိတ် အထုပ်တစ်ထုပ်ကို အင်ဂျင်နီယာမှူးကြီး
ကိုစိန်ထွန်းအား ပေးသည်။ ကိုစိန်ထွန်းက မေးသည်။

“ဘာတွေလဲ”

“ခင်ဗျားတို့ ကားက ပစ်ချသွားတဲ့ အမှိုက်တွေပါ။ တစ်လမ်းလုံး ပွနေလို့ ကျွန်တော်
တ်ို့ ကောက်ခဲ့တာပါ” တဲ့။

* (၅) *

ယနေ့ ပလတ်စတစ် အမှိုက်များသည် ရေမြောင်းများကို ပိတ်ဆို့စေသည်။
ဂေဟစနစ် (Ecology) ကိုလည်း ပျက်စီးစေသည်။ ပလတ်စတစ်တစ်သည်
မြေကြီးထဲ ရောက်သွားလျှင် အောက်ဆီဂျင်တွေ မ၀င်လာအောင် ပိတ်ဆို့နိုင်စွမ်း
ရှိကာ မြေအောက်နေ ပိုးမွှားများ တီကောင်များကို သေစေနိုင်သည်။

မြောင်းတွေပိတ်ဆို့ကာ ခြင်တွေယင်တွေ ပွားတာကို သတိထားကြည့်လျှင်
သိနိုင်ပါသည်။ သွေးလွန်တုပ်ကွေးကအစ ရောဂါတွေ ထူလှပါသည်။ ကျွန်တော်တို့
စိုက်ပျိုးတာကို ကျွန်တောတ်ို့ ရိတ်သိမ်းနေရပါသည်။ ၁၉၆၀ ပြည့်နှစ်က
အိမ်စောင့်အစိုးရ အာဏာရယူထားစဉ် ဗိုလ်မှူးကြီးထွန်းစိန်သည် မြူမင်းကြီး
(မြို့တော်ဝန်) အဖြစ် တာဝန် ထမ်းဆောင်ကာ ကိုယ်တိုင် အမှိုက်လှည်းရာတွင်
ပါဝင်သည်။ ပြည်သူတွေ သဘောကျကြပါသည်။ တကယ်တော့ အမှိုက်ကောက်
တာဟာ ခြေတစ်လှမ်းပါပဲ။

လပေါ်ကို ပထမဦးဆုံး ရောက်ခဲ့သူ နီးလ်အန်းစထရောင်း (Neil Armstrong) ၏
စကားကို သတိရနေမိသည်။ သူသည် ၁၉၆၉ ခုနှစ် ဇူလိုင်၂၀ ရက်နေ့က လပေါ်
ပထမဆုံး ခြေတစ်လှမ်းချစဉ် အောက်ပါအတိုင်း ပြောခဲ့ပါသည်။

“လူတစ်ယောက်ရဲ့ ခြေလှမ်းသေးသေးလေး တစ်လှမ်းဟာ လူသားမျိုးနွယ်စုအတွက်
ကြီးမားတဲ့ တိုးတက်မှုရဲ့ အစပါပဲ” တဲ့

('That's one small step for man, one giant leap for mankind.' )

နိဂုံးချုပ်ပါတော့မည်။

မိုင်တစ်ထောင် ခရီးကို သွားသည့်အခါ ခြေတစ်လှမ်းက စရပါသည်။ ထိုခြေလှမ်း
သည် အရေးပါသည်။ အမှိုက်ကောက်သော ခြေလှမ်းသည် မြန်မာလူထုအတွက်
ကြီးမားသည့် ဒီမိုကရေစီခြေလှမ်းပါ။ မြန်မာတို့၏ ဒီမိုကရေစီကို ဤခြေတစ်လှမ်း
ဖြင့်ပင် စကြပါစို့။

ဒေါက်တာခင်မောင်ညို

The Ladies News Journal

လက်ရှိ လွှတ်တော်ထဲမှာရှိနေကြတဲ့ ကိုယ်စားလှယ်အများစုဟာ ပြည်ခိုင်ဖြိုးကပါ။
သူတို့အားလုံးနီးပါးဟာ တပ်မတော်က အငြိမ်းစားယူထားပြီး လစဉ် တပ်မတော် ပင်စင်ခံစားခွင့်ရထားကြသူတွေလို့ ယူဆပါတယ်။

တပ်မတော်မှာ တာဝန်ထမ်းဆောင်စဉ်တုန်းက (သို့မဟုတ်) အစိုးရဌာနတွေမှာ တာဝန်ထမ်းဆောင်စဉ်တုန်းကလည်း အများစုနီးပါးက တိုင်းပြည်ဘဏ္ဍာတွေကို အလွဲသုံးစားလုပ်ခဲ့ကြပါတယ်။

တချို့ဆိုရင် တပ်မတော်က အငြိမ်းစားယူထားလို့ ရတဲ့ ပင်စင် အပြင် အစိုးရဌာနတွေကပါ ပင်စင်တွေပါ ခံစားရယူနေသူတွေရှိကြောင်း သူငယ်ချင်းတစ်ယောက်က ပြောတာကို ကြားဖူးမိရပါတယ်။ (သူတို့ကို ပြည်သူ့ဘဏ္ဍာ နှစ်သီးစား/သုံးသီးစားလို့တောင် ခေါ်ကြပါတယ်။ ဒါတွေကို တိတိကျကျ စစ်ဆေးဖော်ထုတ်ပြီး ပြည်သူ့ဘဏ္ဍာကို အချည်းနှီး မပွန်းပဲ့စေရအောင် နောက်အစိုးရလက်ထက်မှာ ဆောင်ရွက်သင့်ပါတယ်။)

ထိုသူများဟာ လွှတ်တော်ကိုယ်စားလှယ်ဖြစ်ပြီး တိုင်းပြည်ရဲ့ တကယ်တမ်းပြောရရင် ပြည်သူ့ဘဏ္ဍာကို ထပ်မံရယူတဲ့အပြင် ခုတဖန် နိုင်ငံရေးပင်စင်ဆိုပြီး တလုံးတခဲတည်း ပြည်သူ့ဘဏ္ဍာကို ထပ်ယူဦးမယ်ဆိုတဲ့သတင်းကို ဖတ်မိရတော့ ကျွန်တော်ဟာ အတော့်ကို မယုံမကြည်နိုင်အောင် ထိတ်လန့် အံ့သြမိရပါတော့တယ်။

ဒါဟာ လက်ရှိလွှတ်တော်သက်တမ်းမှာ ရှိနေကြတဲ့ လွှတ်တော်ကိုယ်စားလှယ်တွေအများစုက နောက်လွှတ်တော်သက်တမ်းမှာ ပါဝင်ခွင့်မရတော့တာနဲ့ ပြည်သူ့ဘဏ္ဍာကို ကိုယ့်စိတ်ကြိုက် မတရားသဖြင့် ပေါ်တင် ခွဲဝေစားသုံးတဲ့ သဘောပါပဲ။

လက်ရှိလွှတ်တော်မှာ ကိုယ်စားလှယ်အဖြစ်ရှိနေကြသူ အများစုဟာ နောက်အစိုးရလက်ထက်မှာ လွှတ်တော် ကိုယ်စားလှယ်အဖြစ် တာဝန်ထမ်းဆောင်ခွင့် မရှိကြတော့ပါဘူး။

ဆိုတော့ လွှတ်တော်ကိုယ်စားလှယ်အဖြစ်ကနေ တာဝန်ပြီးဆုံးခါနီးမှာ ပြည်သူ့ဘဏ္ဍာကို နိုင်ငံရေးပင်စင်လို့ နာမည်တပ်ပြီး ထပ်ယူဦးမယ်ဆိုတာ အတော့်ကို အရှက်မဲ့ရဲတဲ့ စိတ်ထားမျိုးရှိမှသာ ဖြစ်ပါလိမ့်မယ်။

လွှတ်တော်ထဲ ငါးနှစ်သွားအိပ်နေတာ အတော် တွက်ချေကိုက်တဲ့ အလုပ်ဖြစ်ပေသကိုးဗျ။

ကျွန်တော်တို့တွေ ကျွန်တော်တို့ လုပ်အားနဲ့ တိုင်းပြည်ကို အခွန်ပေးထားတာဟာ ခုလိုမျိုး ပေါက်တကရ ဥပဒေတွေ ပြဋ္ဌာန်းဖို့နဲ့ ပြည်သူ့ဘဏ္ဍာကို ခပ်တည်တည် အိတ်ကပ်ထဲကောက်ထည့်နေကြဖို့ မဟုတ်ပါဘူး။

လွှတ်တော်ကိုယ်စားလှယ်အဖြစ် ငါးနှစ်တာဝန်ထမ်းဆောင်တာကြောင့် နိုင်ငံရေးပင်စင်ဆိုပြီး တလုံးတခဲတည်း ခံစားခွင့် အဆိုကို အခွန်ထမ်းနိုင်ငံသားတစ်ဦးဖြစ်တဲ့ ကျွန်တော့်အနေနဲ့ ကန့်ကွက်ပါတယ်။

ဒီအဆိုကို အတည်ပြုချင်ရင်လည်း နောက်အစိုးရလက်ထက်မှာ နောက်လွှတ်တော်သက်တမ်းအတွင်းမှာမှ ဆက်လက် ဆွေးနွေးကြပါရန် တောင်းဆိုအပ်ပါတယ်။

ကျွန်တော်တို့ပြည်သူတွေဟာ အလုပ်ရှင်ပါ။
ဒီလိုမျိုး ငါးနှစ်လောက်တာဝန်ထမ်းဆောင်တာနဲ့ လွှတ်တော် bonus ဆိုပြီး မပေးနိုင်ပါဘူး။ ပေးဖို့လည်း မထိုက်တန်ဘူးလို့ ယုံကြည်ပါတယ်။

လက်ရှိလွှတ်တော်ကိုယ်စားလှယ်အများစုဟာ ပြည်သူ့ဘဏ္ဍာကို ပြောင်ပြောင်တင်းတင်း ဓားပြတိုက်နေခြင်းလေလား။ ။

(( ဟိန်းထိုက်ဈာန် ))


ပြီးခဲ့သည့် ရက်ပိုင်းအတွင်းက ရွေးကောက်ပွဲ အနိုင်ရ ဒီချုပ်ပါတီခေါင်းဆောင် ဒေါ်အောင်ဆန်းစုကြည်နှင့် အငြိမ်းစား ဗိုလ်ချုပ်မှူးကြီး သန်းရွှေတို့ တွေ့ဆုံခဲ့သည့်အပေါ် မြန်မာ့နိုင်ငံရေး လေ့လာသုံးသပ်သူများက အနာဂတ် နိုင်ငံရေး အလားအလာနှင့် ပတ်သက်၍ အဓိပ္ပါယ်အမျိုးမျိုး ဖွင့်ဆိုခဲ့ကြသည်။ အငြိမ်းစား ဗိုလ်ချုပ်မှူးကြီး သန်းရွှေမှာ ဒီမိုကရေစီ နိုင်ငံတော် တစ်ခု တည်ဆောက်ရာတွင် အငြင်းပွားရဆုံးဖြစ်သည့် ဥပဒေများ ပါဝင်သော ၂၀၀၈ ဖွဲ့စည်းပုံ အခြေခံ ဥပဒေ ရေးဆွဲခဲ့သူများအနက် အဓိက တာဝန်ရှိသူ တစ်ဦးဖြစ်သည်။ သူသည် ၂၀၁၀ခုနှစ်တွင် အေးအေးဆေးဆေး အနားယူသွားပြီးသည့်နောက် ယခုအချိန်အထိ မြန်မာ့နိုင်ငံရေးနှင့် ပတ်သက်ပြီး ငြိမ်သက်တိတ်ဆိတ်နေသူ ဖြစ်သည်။

သို့သော် ရွေးကောက်ပွဲအပြီး တစ်လအကြာတွင် အနိုင်ရ ပါတီခေါင်းဆောင် ဒေါ်အောင်ဆန်းစုကြည်အား တွေ့ဆုံခဲ့ခြင်းအတွက် မည်သည့်ခြေလှမ်းကို လှမ်းလိုပါသလဲဆိုသည့် မေးခွန်းပေါ်လာသည်။ ထို့နောက် ပြည်တွင်းပြည်ပ မီဒီယာ အသီးသီးသည် လက်ရှိ တပ်မတော် ကာကွယ်ရေး ဦးစီးချုပ်နှင့် နိုင်ငံတော် အစိုးရတို့၏ သဘောထားအပေါ် စောင့်ကြည့်နေခဲ့သည်။ ဒေါ်အောင်ဆန်းစုကြည်နှင့် ဦးသန်းရွှေ တွေ့ဆုံမှုအပေါ်တွင် နိုင်ငံတော် အစိုးရနှင့် အစိုးရပိုင် မီဒီယာများက ဥပေက္ခာပြုခဲ့ပြီး တပ်မတော်ဘက်မှလည်း ယင်းတွေ့ဆုံမှုကို လုံးဝ မသိရှိကြောင်း ပြောဆိုခဲ့ပြန်သည်။ ဒေါ်အောင်ဆန်းစုကြည်နှင့် ဦးသန်းရွှေ တွေ့ဆုံနေစဉ် တပ်မတော် ကာကွယ်ရေး ဦးစီးချုပ်မှာ ပြင်ဦးလွင်တွင် ဂေါက်ရိုက်နေသည်ဟု သိရှိရသည်။ တွေ့ဆုံမှုအပြီး ရက်အနည်းငယ် အကြာတွင် တပ်မတော်နှင့် ရင်းနှီးသူ ထောက်လှမ်းရေးဟောင်း ရဲမိုးဆိုသူမှ ဒေါ်အောင်ဆန်းစုကြည်နှင့် ဦးသန်းရွှေ တွေ့ဆုံမှုတွင် အစိုးရနှင့်တပ်ကို ကွက်ကျော်ရိုက်ခဲ့သည့် အသွင်ဆောင်နေကြောင်း သူ၏ လူမှုစာမျက်နှာတွင် ဒီဇင်ဘာ ၇ရက်က ရေးသားခဲ့သည်။ အထူးသဖြင့် အငြိမ်းစား ဗိုလ်ချုပ်မှူးကြီး အပေါ်တွင် လက်ရှိ တပ်မတော် ခေါင်းဆောင်များက ဂါရ၀တရားရှိသော်လည်း သူဖြစ်စေချင်သည်များကို အမိန့်ပေးစေခိုင်း၍ မရနိုင်သည့် အဓိပ္ပါယ်ကို ဖော်ပြခဲ့သည်။ အထူးသဖြင့် ဦးသန်းရွှေ မိသားစု၏ လုပ်ရပ်များမှာ ပြည်သူလူထုအတွက် မနှစ်မြို့စရာ ဖြစ်ခဲ့ကြောင်းနှင့် တပ်မတော်ကို ပြည်သူက အထင်အမြင် လွဲမှားရာတွင် ဦးသန်းရွှေ မိသားစုမှာသာ အဓိက တာဝန်ရှိကြောင်း ဝေဖန်ခဲ့သည်။

ထိုဝေဖန်မှုကြောင့် နေရွှေသွေးအောင်က တပ်မတော်ကို ခြေကုပ်ယူ၍ သွေးထိုးလှုံ့ဆော်မှုများ ပြုလုပ်နေသည်ဟု ၄င်း၏ လူမှုကွန်ယက် စာမျက်နှာမှ ပြန်လည်တုံ့ပြန်ခဲ့သည်။ ထိုသို့ တုံ့ပြန်ပြီး မကြာခင် ရဲမိုးဆိုသူကလည်း သူနှင့် တပ်မတော် သတင်းအမှန် ထုတ်ပြန်ရေး အဖွဲ့ခေါင်းဆောင် ကကပြည် ညွှန်ကြားရေးမှူး ဗိုလ်ချုပ် အောင်ရဲဝင်းနှင့် ဆက်သွယ်မေးမြန်းထားတဲ့ အသံဖိုင်ကို လူမှုကွန်ရက် စာမျက်နှာတွင် ဆက်တင်ခဲ့ပြန်သည်။ ထိုအသံဖိုင်ထဲတွင် တပ်မတော် ခေါင်းဆောင် ဗိုလ်ချုပ်မှူးကြီး မင်းအောင်လှိုင် အနေဖြင့် ဦးသန်းရွှေအား အခါအားလျော်စွာ ဂါရ၀ပြုရန် နေ့ကြီးရက်ကြီးများတွင် ဆုံတွေ့သည်မှလွဲ၍ အခြားမည်သည့် အကြောင်းတရားမှ မရှိကြောင်း ဖြေဆိုထားသည်ကို တွေ့ရသည်။ ဆိုလိုသည်မှာ တပ်မတော် အနေဖြင့် လက်ရှိအနိုင်ရ ပါတီခေါင်းဆောင် ဒေါ်အောင်ဆန်းစုကြည်နှင့် ပူးပေါင်းဆောင်ရွက်ခဲ့လျှင်တောင် အငြိမ်းစား ဗိုလ်ချုပ်မှူးကြီး သန်းရွှေ၏ သြဇာလွှမ်းမိုးမှု မပါကြောင်း အဓိပ္ပါယ်ကောက်ယူ၍ ရနိုင်သည်။ တပ်မတော်နှင့် နီးစပ်သူ ရဲမိုး၏ အာဘော်နည်းတူ လက်ရှိအစိုးရအဖွဲ့ ပြောရေးဆိုခွင့်ရှိသူ ပြန်ကြားရေးဝန်ကြီး ဦးရဲထွဋ်ကလည်း ယင်းတွေ့ဆုံမှုသည် အာဏာလွဲပြောင်းရေး အတွက် သြဇာမသက်ရောက်ကြောင်း ငြင်းဆိုခဲ့ပြန်သည်။ ထို့ကြောင့် အငြိမ်းစား ဗိုလ်ချုပ်မှူးကြီးနှင့် ဒေါ်အောင်ဆန်းစုကြည်တို့ တွေ့ဆုံမှု အပေါ်တွင် တပ်မတော်နှင့် အစိုးရက ဟက်ဟက်ပက်ပက် မရှိသည်မှာ ပေါ်လွင်ထင်ရှားလျက်ရှိသည်။

ထိုသို့ ဘာကြောင့်ဖြစ်ရသနည်း။

ပြန်လည်လေ့လာ သုံးသပ်ကြည့်ပါက ဦးသန်းရွှေနှင့် ဒေါ်အောင်ဆန်းစုကြည် တွေ့ဆုံမှုတွင် ယခုအစိုးရ သက်တမ်းအတွင်း တစ်သားတည်း ရပ်နေသော တပ်မတော်၊ အစိုးရနှင့် ဆက်ဆံရေး အဖုအထစ် ဖြစ်နေသော သူရဦးရွှေမန်း ပါဝင်နေခြင်းကြောင့်လော၊ သို့တည်းမဟုတ် ဦးသန်းရွှေ အနေဖြင့် ပြည်ထောင်စု ကြံ့ခိုင်ရေးနှင့် ဖွံ့ဖြိုးရေးပါတီက ခေါင်းဆောင်မှုပြုရန် ငြင်းပယ်ခြင်း ခံရသော သူရဦးရွှေမန်းကို ပြန်လည် အသုံးပြု၍ပေလော စဉ်းစားစရာ ဖြစ်လာသည်။ အမှန်တကယ်တွင်လည်း အငြိမ်းစား ဗိုလ်ချုပ်မှူးကြီး၏ ခြေလှမ်းများကို လေ့လာကြည့်ပါက ဗိုလ်ချုပ်မှူးကြီး စောမောင်အား ၁၉၉၁တွင် ကျန်းမာရေး အကြောင်းပြ၍ အငြိမ်းစားပေးပြီးသည့်နောက် တိုင်းပြည်ကို ၂၀၁၀ခုနှစ်အထိ စိတ်တိုင်းကျ အုပ်ချုပ်ခဲ့သည်။ ယင်းအုပ်ချုပ်ခဲ့သည့် နှစ်၂၀ သက်တမ်းအတွင်း ဗိုလ်ချုပ်မှူးကြီးဟောင်း၏ မိသားစုမှာလည်း တိုင်းပြည် စီးပွားရေးကို နောက်လိုက်နောက်ပါများဖြင့် စိတ်တိုင်းကျ ကြီးစိုးချယ်လှယ်ခဲ့သည်။ ၂၀၁၀ခုနှစ်တွင် တိုင်းပြည် ချွတ်ခြုံကျသွားပြီးနောက် ၂၀၀၈ ဖွဲ့စည်းပုံ အခြေခံ ဥပဒေဖြင့် ဒီမိုကရေစီဆန်သော လွတ်လပ်မှုများကို ချုပ်နှောင်ထားခဲ့ပြန်သည်။ သူတည်ထောင်ခဲ့သည့် ပြည်ထောင်စု ကြံ့ခိုင်ရေးနှင့် ဖွံ့ဖြိုးရေး အသင်းကြီးကိုလည်း တိုင်းပြည်ကို နှစ်ပေါင်းကြာရှည် ဆက်လက်စိုးမိုး အုပ်ချုပ်နိုင်ရန် ပါတီအသွင်ပြောင်းပြီး ရန်ပုံငွေ အမြောက်အမြား ပေးထားခဲ့သည်။ သို့သော် နှစ်ပေါင်းများစွာ အမိန့်ပေးစနစ်အောက်၌ အသားကျပြီး အခြေခံ ပြည်သူလူထုနှင့် ဝေးကွာသော စစ်ဗျူရိုကရက် အရာရှိကြီးများမှာ ပြည်ထောင်စု ကြံ့ခိုင်ရေးနှင့် ဖွံ့ဖြိုးရေးပါတီကို လူထုထောက်ခံရန် မဆောင်ရွက်တတ်ပေ။ လူထုသည် တံတားဆောက်၊ လမ်းဖောက်၊ လျှပ်စစ်မီး သွယ်တန်းပေးလျှင် သူတို့အား ထောက်ခံမည်ဟု အပေါစား လောဂျစ်များဖြင့် ကိုယ့်ကိုယ်ကို ပိုတွက်ပြီး နိုင်ငံရေးကို ဖြတ်သန်းခဲ့ကြသည်။ ပြည်သူလူထု ငတ်မွတ်နေသော တရားမျှတမှုနှင့် အမှန်တရား ထွန်းကားမှုကို မသိမမြင်ခဲ့ကြပေ။ ယခုလည်း ထိုစစ်ဗျူရိုကရက်ကြီးများ နည်းတူ ဦးသန်းရွှေသည် အမျိုးသား ပြန်လည်သင့်မြတ်ရေးဟူသည့် ခေါင်းစဉ်အောက်တွင် သူ၏ ကျဆင်းနေသည့် ဂုဏ်သိက္ခာကို သမိုင်းတွင် အဖတ်တင် ကျန်ရစ်စေရန် ကြိုးပမ်းလာသည်။ ထိုသို့ ကြိုးပမ်းရာတွင် သူပြုလုပ်နေကျ ကစားကွက်အတိုင်း ဆောင်ရွက်လာပါသည်။

ဦးသန်းရွှေသည် ၂၀၁၀ခုနှစ်တွင် ပေါ်ထွက်လာမည့် အစိုးရနှင့် လွှတ်တော်အား ဦးဆောင်မည့်သူများကို အများထင်ထားသည်နှင့် ပြောင်းပြန်ပြုလုပ်ခဲ့သည်။ တပ်မတော်တွင် အဆင့် (၃)နေရာရှိသော ဗိုလ်ချုပ်ကြီး သူရရွှေမန်းအား သမ္မတရာထူး မပေးဘဲ လွှတ်တော်ဥက္ကဋ္ဌ ရာထူးသာ ပေးခဲ့သည်။ အေးဆေးသည့် ဗိုလ်ချုပ်ကြီး သိန်းစိန်ကို သမ္မတ တင်လိုက်သည်။ တပ်မတော်တွင် စီနီယာ၊ ဂျူနီယာအတိုင်း ဆိုပါက စစ်ရေးချုပ် ဒုတိယ ဗိုလ်ချုပ်ကြီး သူရမြင့်အောင်အား ကာကွယ်ရေး ဦးစီးချုပ်အဖြစ် ခန့်အပ်ထားခဲ့ရမည် ဖြစ်သော်လည်း အများထင်မထားသည့် ဒုဗိုလ်ချုပ်ကြီး မင်းအောင်လှိုင်ကို ကာကွယ်ရေး ဦးစီးချုပ်အဖြစ် ခန့်အပ်ထားခဲ့သည်။ ဒုတိယ ဗိုလ်ချုပ်ကြီး သူရမြင့်အောင်သည် DSA အပတ်စဉ် (၁၈) ဆင်းဖြစ်ပြီး ဗိုလ်ချုပ်မှူးကြီး မင်းအောင်လှိုင်ထက် စီနီယာကျသူ ဖြစ်သည်။ ဒုတိယ ဗိုလ်ချုပ်ကြီး သူရမြင့်အောင်အား နှုတ်ဖြင့် ကာကွယ်ရေး ဦးစီးချုပ် ပေးမည်ဟု ပြောပြီးမှ ပြောင်းပြန်ဖြစ်သွားခဲ့သည့် အတွက် သူရမြင့်အောင်က တပ်မတော်မှ ချက်ချင်း အငြိမ်းစား ယူသွားခဲ့သည်။ ယခုအခါ နိုင်ငံရေး၌လည်း သူထင်သလို ဖြစ်မလာသောကြောင့် မိသားစု၏ အနာဂတ်ရေး အတွက် စိုးရိမ်ပူပန်မှု ဖြစ်ကောင်းဖြစ်နေလိမ့်မည်။ ထို့ကြောင့် ယခု နိုင်ငံရေး ကစားကွက် အခင်းအကျင်းတွင် ရွေးကောက်ပွဲ၌ ရှုံးနိမ့်ခဲ့ရသော ပြည်ခိုင်ဖြိုးပါတီ ခေါင်းဆောင် ဦးသိန်းစိန်အား ခေါက်ထားပြီး ဦးရွှေမန်းကို တစ်ဖန်ပြန်လည် ပွဲထုတ်ခဲ့ခြင်းဖြစ်သည်။

အဘယ့်ကြောင့်ဆိုသော် ဦးရွှေမန်းသည် ဒေါ်အောင်ဆန်းစုကြည်နှင့် ရင်းနှီးသော ဆက်ဆံရေး ရှိရုံသာမက လာမည့် အစိုးရအဖွဲ့တွင် အရေးပါသည့် ရာထူးတစ်နေရာ ရမည်ဆိုသည့် သတင်းကို ဒီချုပ်က အတည်ပြုထားပြီး ဖြစ်သည်။ ထို့ကြောင့် မိသားစု လုံခြုံစိတ်ချရေးနှင့် မိမိ၏နာမည် ပြန်လည် အဖတ်ဆယ်ရန် အတွက် ဒေါ်အောင်ဆန်းစုကြည်အား တွေ့ဆုံပြီး အနာဂတ် ခေါင်းဆောင်အဖြစ် လက်ခံရမည်မှာ အမှန်တရားဟု သတင်းထုတ်ပြန်ခဲ့ခြင်း ဖြစ်သည်။ သို့သော် ယင်းထုတ်ပြန်ချက်၏ နောက်ကွယ်တွင် သူ၏ အကျိုးစီးပွားများ ပတ်သက်နေလိမ့်မည်ဟု လက်စောင်းထက် ယုံကြည်နေမိပါသည်။

လက်စောင်းထက်
Tomorrow News Journal
http://tomorrow.com.mm/?q=articles%2F2210

အာဏာလွှဲပြောင်းရေး ဒေါ်စုနဲ့ အစိုးရတာဝန်ရှိသူတွေဒီကနေ့ ဆွေးနွေးခဲ့ကြ (သတင်းဓါတ်ပုံ- ဦးရဲထွဋ် facebook)
အာဏာလွှဲပြောင်းရေး ဒေါ်စုနဲ့ အစိုးရတာဝန်ရှိသူတွေဒီကနေ့ ဆွေးနွေးခဲ့ကြ (သတင်းဓါတ်ပုံ- ဦးရဲထွဋ် facebook)

နိုင်ငံတော်အကြီးအကဲတာဝန်နဲ့ အစိုးရအဖွဲ့တာဝန်တွေကို စနစ်တကျ လွှဲပြောင်းရေးဆိုင်ရာ ညှိနှိုင်းအစည်းအဝေးကို ဒေါ်အောင်ဆန်းစုကြည် ဦးစီးပြီး ဒီကနေ့လုပ်ခဲ့တယ်လို့ ပြန်ကြားရေးဝန်ကြီးဦးရဲထွဋ်ရဲ့ တရားဝင် ဖေ့စ်ဘုတ်စာမျက်နှာမှာ ရေး ထားပါတယ်။

အစည်းအဝေးကို အစိုးရအဖွဲ့ဘက်က ၀န်ကြီးဦးရဲထွဋ်၊ ဆောက်လုပ်ရေးဝန်ကြီးဌာန ဒုတိယညွှန်ကြားရေးမှူးချုပ် ဦးမောင်မောင်အုန်း၊ သမ္မတရုံး ညွှန်ကြားရေးမှူး ဦးဇော်ဌေးတို့ တက်ရောက်ပြီး အမျိုးသားဒီမိုကရေစီအဖွဲ့ချုပ် NLD ပါတီဘက်က ဒေါ်အောင်ဆန်းစုကြည်နဲ့အတူ ဦးဝင်းထိန်၊ ဒေါက်တာမျိုးအောင်နဲ့ ဒေါက်တာအောင်သူတို့ တက်ရောက်တယ်လို့လည်း ပြောထားပါတယ်။

တာဝန်လွှဲပြောင်းတာ အဆင်ပြေ ချောမွေ့စေဖို့တွက် နှစ်ဘက်ပူးပေါင်းဆောင်ရွက်ရမယ့် လုပ်ငန်းတွေကို အစည်းအဝေးမှာ အသေးစိတ်ဆွေးနွေးကြတယ်လို့လည်း ၀န်ကြီးဦးရဲထွဋ်က ရေးထားပါတယ်။

အစိုးရအဖွဲ့တာဝန်တွေကို စနစ်တကျ တာဝန်လွှဲပြောင်းရေးအတွက် အစိုးရအဖွဲ့ဘက်နဲ့ NLD ပါတီဘက်မှာ နှစ်ဘက် ပူးပေါင်း ဆောင်ရွက်ရေးကော်မတီတွေကို အသီးသီးဖွဲ့စည်းပြီးတဲ့နောက်ပိုင်း ဒေါ်အောင်ဆန်းစုကြည်ကိုယ်တိုင်ဦးစီးပြီး အခုလို အစည်း အဝေးမျိုး လုပ်တယ်လို့သိရတာ ဒါ ပထမဆုံးအကြိမ်ပါပဲ။

အစိုးရဖက်က ဖွဲ့ထားတဲ့ နိုင်ငံတော်အကြီးအကဲ တာဝန်လွှဲပြောင်းမှု အထောက်အကူပြုကော်မတီမှာ ပြည်ထောင်စုဝန်ကြီး ဦးလှထွန်းက ဥက္ကဋ္ဌအဖြစ် တာဝန်ယူဆောင်ရွက်ပြီး ပြည်ထောင်စုဝန်ကြီး ဦးရဲထွဋ်၊ နိုင်ငံတော်သမ္မတရုံး ညွှန်ကြားရေးမှူးချုပ် ဦးလှထွန်း၊ ဆောက်လုပ်ရေးဝန်ကြီးဌာနမှ ဒုတိယ ညွှန်ကြားရေးမှူးချုပ် ဦးမောင်မောင်အုန်း၊ နိုင်ငံတော်သမ္မတရုံး ညွှန်ကြားရေးမှူး ဦးဇော်ဌေးတို့ ပါဝင်ကြောင်း နိုင်ငံတော်သမ္မတရုံးက သတင်းထုတ်ပြန် ထားပါတယ်။

NLD ပါတီဘက်က အသွင်ကူးပြောင်းရေးဆိုင်ရာ အဖွဲ့ထဲမှာတော့ ဦးဝင်းထိန်၊ ဒေါက်တာမျိုးအောင်၊ ဒေါက်တာ အောင်သူနဲ့ လွှတ်တော်ကိုယ်စားလှယ် သုံးဦးပါမယ်လို့ ဦးဝင်းထိန်က ပြောထားပါတယ်။

VOA
http://burmese.voanews.com/content/aung-san-suu-kyi-host-a-meeting-for-smooth-transfer/3105100.html


ရှမ်းပြည်နယ်တောင်ပိုင်း မိုင်းရှူးမြို့နယ်အတွင်းရှိ စစ်ဘေးရှောင်စခန်းများမှ ဒုက္ခသည်များမှာ နေရပ်ပြန်လို သော်လည်း ကျေးရွာအနီးတွင် တပ်နေရာချထားမှုနှင့် မြေမြှုပ်မိုင်းများကြောင့် မပြန်နိုင်သေးကြောင်း စစ်ဘေးရှောင် ဒုက္ခသည်များထံမှ သိရှိရသည်။

“စပါးတို့ ပြောင်းတို့စိုက်ပြီး ပစ်ထားခဲ့ရတာ။ ပြန်ချင်တာပေါ့။ ဒါပေမဲ့ တပ်တွေရွာနားမှာရှိတော့ မပြန်ရဲဘူး။ ပြန်တဲ့ လူတော့ရှိတယ်။ တချို့က သေနတ်နဲ့ ပစ်ခံရလို့ ပြန်လာကြတယ်။ အိမ်မှာ နွားတို့ကြက်တို့လည်း မရှိတော့ဘူး” ဟု ဟိုက်ပါ စစ်ဘေးရှောင်စခန်းတွင် နေထိုင်နေရသည့် တာဆန်ဖူးကျေးရွာမှ စစ်ဘေးဘေးရှောင် နန်းဆိုင်ဖောင်းက ပြောသည်။

တာဆန်ဖူး၊ ကုန်းနန်း၊ နောင်ခတ်ကျေးရွာများမှ ရွာသားသုံးရာဝန်းကျင်မှာ မိုင်းရှူးမြို့ ရပ်ကွက် ၄ ရှိ စစ်ဘေးရှောင်စခန်းတွင် ခိုလှုံနေရပြီး ဒီဇင်ဘာ ၁၂ ရက်တွင် ရှမ်းနှစ်သစ်ကူးနေ့အတွက် နေရပ်ပြန်လိုသော်လည်း တပ်မတော် ထိန်းချုပ်နယ်မြေ ဖြစ်သည့်အတွက် ပြန်နိုင်ခြင်း မရှိခဲ့ကြောင်း သိရသည်။

“လမ်းမကြီးနဲ့ဝေးတဲ့ ဟိုက်ပါမှာ လာခိုလှုံနေတဲ့ ပလောင်ရွာတွေက ဒုက္ခသည်တွေက ကျွန်မတို့ပစ္စည်းတွေ သွားလှူတိုင်း အိမ်ပြန်ချင်နေပြီ၊ အိမ်ပြန်နိုင်အောင် လုပ်ပေးပါ လို့ တောင်းဆိုကြတယ်။ သူတို့ရွာတွေက စစ်ဖြစ်တဲ့နေ ရာတွေမှာမို့ ပြေးလာချိန်မှာ အဝတ်တစ်ထည်၊ ကိုယ်တစ်ခုနဲ့ ဘာမှမပါလာဘူး။ ဒါကြောင့် ပြန်ချင်နေကြတာပါ” ဟု စစ်ဘေးဒုက္ခသည်များကို သွားရောက် ကူညီနေသူ ကျားခေါင်းပါတီမှ နန်းကောင်ခမ်းက ပြောသည်။

ရှမ်းပြည်နယ် တောင်ပိုင်းတွင် ဒီဇင်ဘာလဆန်းပိုင်းအတွင်း စစ်ပွဲများ ရပ်တန့်သွားခဲ့ပြီးနောက် စစ်ဘေးရှောင်ဒုက္ခ သည်အများစုမှာ နှစ်ဖက် စစ်တပ် နေရာချထားမှု မပြီးဆုံးသေးခြင်းနှင့် မြေမြှုပ်မိုင်း အန္တရာယ်များကြောင့် နေရပ်
မပြန်နိုင်ခြင်း ဖြစ်သည်။


(The Ladies News)

The Ladies News Journal


အမေရိကန်နိုင်ငံ ​နယူးယောက်မြို့မှာ ​သောကြာနေ့ကျရင် ​ကျင်းပမယ့် ​ဆီးရီးယားအရေး ​ဆွေးနွေးပွဲကို ​ရုရှား ​လည်း ​တက်ရောက်ဖို့ ​အမေရိကန်နဲ့ ​ရုရှားတို့ ​သဘောတူခဲ့ကြပါတယ်။

အမေရိကန် ​နိုင်ငံခြားရေး ​ဝန်ကြီး ​ဂျွန်ကယ်ရီက ​ရုရှားနိုင်ငံခြားရေး ​ဝန်ကြီးနဲ့ ​တွေ့ဆုံခဲ့ပြီး ​မကြာခင်မှာပဲ ​ရုရှားသမ္မတ ​ဘလာဒီမီယာ ​ပူတင်နဲ့ ​ရုရှားနိုင်ငံမှာ ​တွေ့ဆုံတာ ​ဖြစ်ပါတယ်။

စစ်အေးကာလတုန်းက ​အမေရိကန်နဲ့ ​ရုရှားက ​ရန်ဘက်ဖြစ်ကြပေမယ့် ​IS ​အစ္စလာမ်မစ် ​အဖွဲ့နဲ့ ​ပတ်သက်လာရင် ​နှစ်နိုင်ငံအကြား ​ညီညွတ်မှု ​ရှိတယ်လို့ ​ဂျွန်ကယ်ရီက ​ပြောပါတယ်။

IS ​အဖွဲ့ဟာ ​ရိုးရာယဉ်ကျေးမှုကို ​ဖျက်ဆီးသူတွေ၊ ​သမိုင်းကို ​ဖျက်ဆီးသူတွေ ​ဖြစ်ပြီး ​အဆိုးဆုံး ​အကြမ်းဖက် ​သမားတွေ ​ဖြစ်တာကြောင့် ​အဲဒီISကို ​လူ့ယဉ်ကျေးမှု ​သိတဲ့ ​နိုင်ငံတွေ ​ပူးပေါင်းပြီး ​ဖျက်ဆီးချေမှုန်းရမယ်လို့ ​ပြောသွားခဲ့ပါတယ်။ ​

ရုရှား ​သမ္မတနဲ့ ​တွေ့ဆုံမှုအတွင်း ​ဆီးရီးယား ​ကိစ္စကို ​ဆွေးနွေးခဲ့ကြပြီး ​အကြမ်းဖက် ​အဖွဲ့အစည်းတွေကို ​ချေမှုန်းဖို့ ​သဘောတူကြပေမယ့် ​ဆီးရီးယား ​သမ္မတ ​Bashar ​al-Assad ​ကို ​ရာထူးကနေ ​ဆင်းခိုင်းဖို့ ​သင့်မသင့် ​ဆိုတဲ့ ​ကိစ္စမှာတော့ ​အမြင်မတူမှုတွေ ​ရှိနေဆဲ ​ဖြစ်ပါတယ်။

ဒါပေမဲ့ ​ဒီတွေ့ဆုံမှုက ​ဆီးရီးယားနိုင်ငံရဲ့ ​နိုင်ငံရေး ​အသွင်းကူးပြောင်းမှုကိုသာ ​ရည်ရွယ်တာ ​ဖြစ်လို့ ​တူညီတဲ့ ​အချက်ကိုပဲ ​ဆွေးနွေးတာများတယ်လို့ ​ဂျွန်ကယ်ရီက ​ဆိုပါတယ်။

ဒါ့အပြင် ​ဆီးရီးယား ​ပြဿနာ ​ဖြေရှင်းဖို့အတွက် ​နိုင်ငံတကာက ​တတိယအကြိမ်မြောက် ​ဆွေးနွေးဖို့ရှိနေပြီး ​အဲဒီဆွေးနွေးပွဲကို ​ရုရှားကလည်း ​တက်ရောက်မယ်လို့ ​အတည်ပြုချက် ​ရရှိထားပါတယ်။

အမေရိကန်မှာ ​အဲဒီ ​ဆွေးနွေးပွဲကို ​ဒီဇင်ဘာ ​၁၈ ​ရက်၊ ​သောကြာနေ့မှာ ​ပြုလုပ်မှာ ​ဖြစ်ပါတယ်။


(Radio Australia)

http://www.radioaustralia.net.au/burmese/


လက်ရှိ လွှတ်တော်သက်တမ်း ကုန်ဆုံးတဲ့အခါမှာ လွှတ်တော်ကိုယ်စားလှယ်တွေကို နိုင်ငံရေးပင်စင်ကဲ့သို့ တလုံးတခဲတည်း ချီးမြှင့်ငွေပေးဖို့ ပြည်ထောင်စုလွှတ်တော်က စီစဉ်နေတယ်လို့ လွှတ်တော်က်ိုယ်စားလှယ်တွေက ပြောပါတယ်။

အခုလို နိုင်ငံရေးပင်စင်ပေးတာဟာ ဥပဒေအရ လုပ်တာဖြစ်ပေမဲ့လို့ တိုင်းပြည်ဘဏ္ဍာ အခက်အခဲ ကြုံတွေ့နိုင်တာကြောင့် အခုလိုမျိုး ချီးမြှင့်ငွေ မပေးသင့်ဘူးလို့ နိုင်ငံရေး လေ့လာသုံးသပ်သူတွေက ထောက်ပြ ပြောဆိုကြပါတယ်။ အပြည့်အစုံကိုတော့ ဗွီအိုအေမြန်မာပိုင်း သတင်းထောက် ကိုထက်အောင်က သတင်းပေးပို့ထားပါတယ်။

ဇန်န၀ါရီလ ၃၀ ရက်နေ့မှာ ကုန်ဆုံးမယ့် လွှတ်တော်သက်တမ်းမှာ တာဝန်ထမ်းဆောင်ခဲ့တဲ့ လွှတ်တော်ကိုယ်စားလှယ်တွေကို အငြိမ်းစားလစာအဖြစ် နိုင်ငံရေးပင်စင်သဘောမျိုး ချီးမြှင့်ငွေပေးဖို့ ပြည်ထောင်စုလွှတ်တော်က စီစဉ်နေပါတယ်။ လွှတ်တော်ကိုယ်စားလှယ်ရဲ့ လက်ရှိရနေတဲ့ တစ်လစာပမာဏကို တစ်နှစ်အတွက် အငြိမ်းစားငွေအဖြစ် သတ်မှတ်ပြီး တာဝန်ထမ်းဆောင်ခဲ့တဲ့ နှစ်ကာလအလိုက် တလုံးတခဲတည်း ပေးဖို့ စီစဉ်နေတာဖြစ်တယ်လို့ ပြည်သူလွှတ်တော် ပြည်သူ့ငွေစာရင်း ပူးပေါင်းကော်မတီ ဒုဥက္ကဌ ဦးသူရိန်ဇော်က ပြောဆိုထားတာကို အင်္ဂါနေ့ထုတ် 7 days သတင်းစာမှာ ဖော်ပြထားပါတယ်။ အခုလို နှုန်းထားအရဆိုရင် လွှတ်တော်သက်တမ်း ၅ နှစ် တာဝန်ထမ်းဆောင်ခဲ့တဲ့သူတွေက ငွေကျပ် သိန်း ၅၀ ရမှာ ဖြစ်ပြီးတော့ ကြားဖြတ် ရွှေးကောက်ပွဲကျမှ ၀င်ရောက်လာတဲ့ ကိုယ်စားလှယ်တွေကတော့ ကျပ်သိန်း ၃၀ ခန့် ရရှိမှာလည်း ဖြစ်ပါတယ်။

ဒီကိစ္စနဲ့ပတ်သတ်လို့ အသေးစိတ် အချက်အလက် သိရအောင် ဗွီအိုအေမြန်မာပိုင်းက ဖုန်းနဲ့ ဆက်သွယ်ခဲ့ပေမဲ့လည်း ဒီကော်မတီတာဝန်ရှိသူတွေက လက်ခံဖြေကြားခဲ့ခြင်း မရှိခဲ့ပါဘူး။ အခုလို လွှတ်တော်ကိုယ်စားလှယ်တွေကို နိုင်ငံရေးပင်စင်သဘောမျိုး ချီးမြှင့်ငွေပေးဖို့ စီစဉ်နေတဲ့အပေါ်မှာ ပြည်သူ့လွှတ်တော် ကိုယ်စားလှယ်တဦးဖြစ်တဲ့ ဦးခိုင်မောင်ရည်က အခုလို သုံးသပ်ပါတယ်။

“လွှတ်တော်ကိုယ်စားလှယ်တွေ နိုင်ငံရေးခံစားခွင့်ကတော့ ဥပဒေပါ ပြဌာန်းချက်အတိုင်း ခံစားသင့်ပါတယ်။ ခံစားထိုက်ပါတယ်။ ဒါပေမဲ့ နိုင်ငံ့ရဲ့ စီးပွားရေးအခြေအနေအရ တဘက်က ပြန်ကြည့်မယ်ဆိုရင်တော့ လွှတ်တော်ကိုယ်စားလှယ်တွေက မိမိရတဲ့ ငွေကြေးနဲ့ တ၀က်သော်လည်းကောင်း ယူရင်တော့ ဒါ သင့်တယ်လို့ မြင်ရတာပေ့ါနော်။”

ဒီလို တလုံးတခဲတည်း ချီးမြှင့်ငွေပေးတာဟာ နောက်လွှတ်တော်သက်တမ်းမှာ မပါတဲ့သူတွေအတွက်သာ ရည်ရွယ်ပြီးတော့ နောက်လွှတ်တော်သက်တမ်းမှာ ဆက်လက် ထမ်းဆောင်မယ် ကိုယ်စားလှယ်တွေကတော့ နောက်လွှတ်တော်သက်တမ်းမှာ နောက်ဆုံးရရှိခဲ့တဲ့ လစာနဲ့ မြှောက်ပြီး ရရှိမှာဖြစ်တယ်လို့ လွှတ်တော်ကိုယ်စားလှယ်တွေက ပြောပါတယ်။ ဒါပေမဲ့ လက်ရှိ နိုင်ငံရေးပင်စင် သဘောအဖြစ်နဲ့ အငြိမ်းစားယူမယ့်သူတွေဟာ ကြားဖြတ်ရွေးကောက်ပွဲတွေမှာ နောက်ရွေးကောက်ပွဲတွေမှာ ကိုယ်စားလှယ်လောင်းအဖြစ် ရွေးချယ်ခံချင်ရင် ၀င်ရောက် အရွေးချယ်ခံနိုင်ပါတယ်။ အဲဒါနဲ့ ပတ်သက်လို့ ဦးခိုင်မောင်ရည်ရဲ့အမြင်က -

“နောက်တကြိမ် လွှတ်တော်ကိုယ်စားလှယ် ဆက်မလုပ်ရ ဆိုတာမျိုးက သတ်မှတ်ထားတာ မရှိတဲ့အတွက် ဒုတိယအကြိမ် လွှတ်တော်မှာ ပထမဆုံး ၀န်ကြီးတွေခန့်တဲ့အခါမှာ လုပ်တဲ့ ကြားဖြတ်ရွေးကောက်ပွဲက သိပ်မကြာဘဲနဲ့ ဥပဒေ အခု ပြင်လိုက်တာဖြစ်တဲ့အတွက် ဥပဒေပြင်ရင် ဥပဒေက ၃ လအတွင်းမှာ လစ်လပ်တဲ့နေရာကို ပြန်ကျင်းပရမယ်ဆိုရင် လွှတ်တော် စစချင်းမှာပဲ လစ်လပ်တဲ့နေရာတွေ ပေါ်လာရင် စပြီး မကြာခင်မှာပဲ ရွေးကောက်ပွဲ ပြန်ကျင်းပတဲ့အခါမှာဆိုရင် သူက တစ်နှစ်မပြည့်သေးခင်မှာပဲ နိုင်ငံရေးပင်စင် ရပြီးသား တစ်နှစ်မပြည့်သေးခင်မှာပဲ လွှတ်တော် ကိုယ်စားလှယ်ဖြစ်သွားရင် သူက ပြန်ပြီးတော့မှ လွှတ်တော် နိုင်ငံရေး လစာငွေ၊ လွှတ်တော် ကိုယ်စားလှယ် လစာငွေ ပြန်ရမှာဆိုတော့ သူက အဲဒါကျတော့ နှစ်သီးစားလို ပုံစံ ဖြစ်သွားတယ်ပေါ့နော်။ အဲဒါမျိုးလည်း ဖြစ်သွားနိုင်တဲ့အတွက် နိုင်ငံရေးပင်စင်ယူတယ်ဆိုရင် နောင်တကြိမ် နိုင်ငံရေးလွှတ်တော်ကိုယ်စားလှယ် မလုပ်ဖူးဆိုရင်တော့ ဒါ သင့်တယ်လို့ ပြောရမှာပေါ့။”

အခုလိုမျိုး လွှတ်တော်ကိုယ်စားလှယ်တွေကို နိုင်ငံရေး ပင်စင်သဘောမျိုးပေးဖို့ စီစဉ်တာဟာ တိုင်းပြည်အတွက် ငွေကြေးဖောင်းပွမှုတွေ ဖြစ်သွားနိုင်တယ်လို့ နိုင်ငံရေး သုံးသပ်သူတွေက စိုးရိမ်ကြပါတယ်။ ဒါနဲ့ ပတ်သက်လို့ ဦးစည်သူအောင်မြင့်က ပြောတာက -

“အဲဒါက မကောင်းဘူး။ ဘာလို့မကောင်းဘူးလဲဆိုတော့ ကိုယ့်အတွက် အခွင့်အရေးကို ကိုယ့်ဘာသာကိုယ် ပြဌာန်းပြီးတော့ ယူတဲ့ဟာ မကောင်းဘူး။ အဲတော့ ငွေကို တွက်ကြည့်လိုက်တော့လည်း သူတို့ယူမယ့်ငွေက အားလုံးပေါင်းလိုက်ရင် ပြည်ထောင်စုလွှတ်တော်နဲ့ တိုင်းနဲ့ပြည်နယ်လွှတ်တော်နဲ့ ပေါင်းလိုက်ရင် ကျပ်ငွေ ၄ ဘီလီယံလောက်ရှိတယ်။ တကယ်လို့သာ တပ်မတော်သားတွေကိုပါ ပေးမယ်ဆိုရင် ၅ ဘီလီယံလောက် သွားရှိလိမ့်မယ်။ ဆိုတော့ အများကြီးဖြစ်နေတယ်။ ဆိုတော့ ဒီဥစ္စာက ပေးလည်း မပေးသင့်ဘူးပေါ့။ သူတို့က အဲ့လိုမျိုး ၅ မျိုးလောက် လုပ်ရုံနဲ့ ဒီလိုမျိုး တလုံးတခဲတည်း ချီးမြှင့်ငွေတွေ ပေးတဲ့ အလေ့အထ ဖြစ်သွားမယ်ဆိုရင် မကောင်းဘူးပေါ့ ဒါက။”

ဒီကိစ္စအတွက် သတ်မှတ်ထားတဲ့ ပုံစံဖြည့်ပေးဖို့ တောင်းခံလာတာကြောင့် ဖြည့်စွက်ထားပေမယ့်လို့ ဘယ်လိုပုံစံနဲ့ ငွေကြေးပမာဏ ဘယ်လောက်ပေးမယ်ဆိုတာကို မသိရှိရသေးဘူးလို့ လွှတ်တော်ကိုယ်စားလှယ်တွေက ဆိုပါတယ်။ အခုလိုမျိုး နိုင်ငံရေးပင်စင် ချီးမြှင့်ငွေကြောင့် နောက်အစိုးရသက်တမ်းမှာ ဘဏ္ဍငွေအခက်အခဲနဲ့ ကြုံတွေ့နိုင်တယ်လို့ ဦးခိုင်မောင်ရည်က ပြောပါတယ်။

“လွှတ်တော်ကိုယ်စားလှယ် တလုံးတည်းတခဲတည်း ပေးရမယ်ဆိုတဲ့ မူအရ ပြီးတော့ နောက်အစိုးရမတက်ခင်လေးမှာ ပေးမယ့်သဘောမျိုး ဒီလွှတ်တော်ကိုယ်စားလှယ်တွေ တာဝန်ကုန်ဆုံးတာနဲ့ ချက်ခြင်းပေးမယ့် သဘောမျိုးဖြစ်တဲ့အတွက် ထင်ပါတယ် ဇန်န၀ါရီလကုန်နဲ့ ဖေဖော်ဝါရီလဆန်းကို ပေးလိမ့်မယ်လို့ ထင်ပါတယ်။ အဲဒီအတွက် အဲဒီနောက်မှာ တခါတည်း ငွေကြေးက တပြိုင်နက်တည်းနဲ့ ထုတ်သုံးစွဲသလို ဖြစ်လိမ့်မယ်။ နောက်အစိုးရ တက်တဲ့အချိန်မှာ နိုင်ငံတော်ဆီမှာ ဘဏ္ဍာ ဗဟိုဘဏ်မှာပေါ့နော် ငွေကြေးအရ လိုငွေတွေ ပြနေတယ်ဆိုတော့ ပိုက်ဆံနည်းသွားနိုင်တယ်လို့တော့ ကျနော်က အဲ့လို တွေးမိပါတယ်ခင်ဗျ။”

လက်ရှိ ပြည်ထောင်စုလွှတ်တော်မှာ တပ်မတော်သား လွှတ်တော်ကိုယ်းစားလှယ်တွေ မပါဝင်ဘဲ အရပ်သား လွှတ်တော်ကိုယ်စားလှယ် ၄၀၀ နီးပါးဟာ ဒီနိုင်ငံရေးပင်စင် ခံစားခွင့်ရမှာ ဖြစ်ပါတယ်။ ဒါ့အပြင် နောက်လွှတ်တော်သက်တမ်းမှာ တာဝန်မထမ်းဆောင်တော့မယ့် တိုင်းဒေသကြီး ကိုယ်စားလှယ်တွေလည်း ဒီခံစားခွင့်ကို ရရှိမှာ ဖြစ်ပါတယ်ခင်ဗျာ။


ထက်အောင် / ဗွီအိုအေ (မြန်မာပိုင်း)
http://burmese.voanews.com

ပုဒ်မ ၅၉(စ)ကို ဆိုင်းငံ့သင့် မသင့် လွှတ်တော်မှာ အဆိုတင်ပြီး မဲခွဲလို့ ၅၀ရာနှုန်းကျော် ထောက်ခံမဲ ရရင် ဆိုင်းငံ့လို့ ရမယ်လို့ သူရ ဦးအောင်ကို ပြော
   
ဒေါ်အောင်ဆန်းစုကြည် သမ္မတ ဖြစ်ဖို့ အဟန့်အတား ဖြစ်နေတဲ့ ပုဒ်မတွေကို ချွင်းချက်နဲ့ကျော်လွှားနိုင်ဖို့ လွှတ်တော် သက်တမ်း တခုခုမှာ ဆောင်ရွက်သွားမယ်လို ပြည်သူ့လွှတ်တော် ကိုယ်စားလှယ် သူရ ဦးအောင်ကိုက ဘီဘီစီကို ပြောပါတယ်။

အခြေခံ ဥပဒေ ပုဒ်မ ၅၉( စ )ကို ၅နှစ် ဆိုင်းငံ့လိုက်မယ် ဆိုရင် တိုင်းရင်းသားတွေ၊ မြန်မာ ပြည်သူတွေ အများစု မျှော်လင့်နေ သလို ဒေါ်အောင်ဆန်းစုကြည် သမ္မတ ဖြစ်ဖို့ လမ်းပွင့်သွားမှာ ဖြစ်တယ်လို့ သူရ ဦးအောင်ကိုက ပြောပါတယ်။

၂၀၀၈ ဖွဲ့စည်းပုံ အခြေခံ ဥပဒေမှာ ပုဒ်မ ၅၉( စ )ကိုဖြစ်စေ၊ တခြား ပုဒ်မ တခုခုကို ဖြစ်စေ ဆိုင်းငံ့နိုင်တယ်လို့ မပြောထားသလို မဆိုင်းငံ့ရဘူးလို့လည်း မတားမြစ်ထားကြောင်း၊ ဒါ့ကြောင့် ဆိုင်းငံ့လို့ ရတယ်လို့ သူ့အနေနဲ့ ယူဆကြောင်း သူရ ဦးအောင်ကိုက ပြောပါတယ်။

ပုဒ်မ ၅၉( စ )ကို ဆိုင်းငံ့သင့် မသင့် လွှတ်တော်မှာ ဆွေးနွေးပြီးတဲ့အခါ အဆိုတခု တင်ပြီး မဲခွဲလိုက်ရင် ၅၀ရာခိုင်နှုန်းကျော် ထောက်ခံမဲ ရရင် ဆိုင်းငံ့လို့ ရမယ်လို့ သူယုံကြည်တယ်လို့ ဆိုပါတယ်။

နိုင်ငံတော် သမ္မတ၊ ကာကွယ်ရေး ဦးစီးချုပ်အပြင် အငြိမ်းစား ဗိုလ်ချုပ်မှူးကြီး သန်းရွှေနဲ့ပါ ဒေါ်အောင်ဆန်းစုကြည် တွေ့ဆုံခဲ့အပြီး ရလဒ်အဖြစ် ပုဒ်မ ၅၉ (စ)ကို ဆိုင်းငံ့တာမျိုး ဖြစ်လာနိုင်တယ်လို့ သူရဦးအောင်ကို က ပြောပါတယ်။

ဖွဲ့စည်းပုံ အခြေခံ ဥပဒေကို အခုလို ချွင်းချက်နဲ့ ပြင်လို့ ရမရ ဆိုတာနဲ့ ပတ်သက်ပြီး ဥပဒေ ပညာရှင်တွေအကြား ဆွေးနွေး ငြင်းခုံနေကြတယ်လို့လည်း ဆိုပါတယ်။

ဥပဒေ ပညာရှင်တဉီး ဖြစ်တဲ့ ပြည်သူ့ လွှတ်တော် ကိုယ်စားလှယ် ရှေ့နေကြီး ဦးသိန်းညွန့် ကတော့ ဒီကိစ္စနဲ့ ပတ်သက်လို့ ၂၀၀၈ ဖွဲ့စည်းပုံ အခြေခံ ဥပဒေအရ လွှတ်တော် ဥက္ကဋ္ဌ အပါအဝင် လူ၆ယောက်က အခြေခံ ဥပဒေခုံရုံးကို ကိုယ်ပြောလိုတာကို အဓိပ္ပါယ် ဖွင့်ဆိုဖို့ တင်ပြတာ အကောင်းဆုံးပဲလို့ ပြောပါတယ်။

ပုဒ်မ ၅၉ ( စ )ကို ဆိုင်းငံရေးနဲ့ ပတ်သက်လို့ လက်ရှိ အစိုးရ အုပ်ချုပ်ရေးပိုင်းက တာဝန်ရှိသူတွေနဲ့ ပြည်ထောင်စု ကြံ့ခိုင်ရေးနဲ့ ဖွံ့ဖြိုးရေး ပါတီရဲ့ သဘောထားအပေါ် မူတည်ပြီး သူတို့သာ သဘောတူပါက လက်ရှိ ကျင်းပနေတဲ့ လွှတ်တော်မှာတင် ဆောင်ရွက်လို့ ရတယ်လို့ သူရ ဦးအောင်ကိုက ပြောပါတယ်။

BBC Burmese
http://www.bbc.com/burmese


ဆီးရီးယားနိုင်ငံရဲ့ နိုင်ငံရေး အသွင်ကူးပြောင်းမှုနဲ့ ပတ်သက်ပြီး နယူးယောက်မြို့မှာ တတိယအကြိမ် ဆွေးနွေးဖို့ အစီအစဉ်အပေါ် ရုရှားအစိုးရက အသိအမှတ်ပြု လက်ခံလိုက်တဲ့အတွက် စစ်ဘေးဒဏ် သင့်နေတဲ့ ဆီးရီးယားနိုင်ငံ အရေးအပေါ် အမေရိကန် ပြည်ထောင်စုနဲ့ ရုရှားနိုင်ငံတို့အကြား မတူကွဲပြားနေမှုတွေ ကို ပေါင်းကူး ဆက်စပ်နိုင်မယ့် အရိပ်လက္ခဏာတွေ တွေ့လာနေရပါတယ်။

အမေရိကန် နိုင်ငံခြားရေးဝန်ကြီး John Kerry က ရုရှားသမ္မတ Vladimir Putin နိုင်ငံခြားရေးဝန်ကြီး Sergei Lavrov တို့နဲ့ မော်စကိုမြို့တော်မှာ တွေ့ ဆုံပြီးတဲ့နောက် ဒီအစီအစဉ်နဲ့ ပတ်သက်ပြီး ထောက်ခံကြောင်း ရုရှားအစိုးရက အင်္ဂါနေ့မှာ ကြေညာလိုက်ပါတယ်။

ဆီးရီးယားနိုင်ငံအရေးနဲ့ ပတ်သက်ပြီး အမေရိကန်နဲ့ ရုရှား နှစ်နိုင်ငံကြား အချက်တိုင်းမှာ အမြင်မတူညီမှုတွေ ရှိကြပေမဲ့ အခြေခံအားဖြင့်တော့ တူညီတဲ့ သဘောထားရှိကြတယ်လို့ Mr. Kerry က ပြောပါတယ်။ အမေရိကန် ပြည်ထောင်စုနဲ့ ရုရှားနိုင်ငံတို့မှာ အသွင်သဏ္ဍန် တူညီတဲ့ စိန်ခေါ်မှုတွေ အန္တရာယ်တွေ ရင်ဆိုင်နေရသလို၊ နှစ်နိုင်ငံစလုံးရဲ့ လိုလားချက်ကလည်း အတူတူပဲဖြစ်တယ်လို့ သူက ပြောပါတယ်။

အကြမ်းဖက်မှု နှိမ်နင်းရေးကိစ္စတွေမှာ အရှိန်မြှင့်ပြီး လုပ်ဆောင်ဖို့ အမေရိကန်နဲ့ ရုရှားအစိုးရတို့ကြား တူညီတဲ့ သဘောထားရှိကြတယ်လို့ ရုရှား နိုင်ငံခြားရေးဝန်ကြီး Sergei Lavrov က ပြောပါတယ်။ ဆီးရီးယားနိုင်ငံအတွင်းမှာရှိတဲ့ အကြမ်းဖက်သမားတွေကို ဆက်လက် စာရင်းပြုစုကြဖို့နဲ့ စစ်ဘက်ရေးရာ အရေးယူ ဆောင်ရွက်ချက်တွေကို အနီးကပ် ပူးပေါင်း ညှိနှိုင်း လုပ်ဆောင်ကြဖို့  ရှိတယ်လို့ ပြောပါတယ်။

သောကြာနေ့ နယူးယောက်မြို့မှာ ကျင်းပမယ့် အစည်းအဝေးပြီးရင် ISGG လို့ အတိုကောက် အမည်ပေးထားတဲ့ နိုင်ငံတကာ ဆီးရီးယား ထောက်ခံမှု ပေးရေးအဖွဲ့ကနေ ဆီးရီးယားနိုင်ငံ အသွင်ကူးပြောင်းရေးနဲ့ ပတ်သက်ပြီး ဆုံးဖြတ်ချက် မူကြမ်းကို ကုလသမဂ္ဂထံ တင်သွင်းနိုင်ဖို့ မျှော်လင့်ထားကြောင်း Mr. Lavrov က ပြောပါတယ်။


VOA Burmese
http://burmese.voanews.com

Los Angeles မြို့က အထက်တန်းကျောင်းတကျောင်း။
အမေရိကန် ပြည်ထောင်စု အနောက်ဘက်ခြမ်း ကယ်လီဖိုးနီးယား ပြည်နယ်  Los Angeles မြို့ က အစိုးရကျောင်းမှာ ဗုံးဖောက်ခွဲ တိုက်ခိုက်မယ်လို့ ခြိမ်းခြောက်မှု တခု ရရှိလို့ အစိုးရကျောင်းတွေ အားလုံးကို ပိတ်ထားပါတယ်။ လတ်တလော ဘာဖြစ်ခဲ့သလဲ အရင်တုန်းက ဘာဖြစ်ခဲ့သလဲ ဆိုတာကို အခြေခံပြီး ကြိုတင်ကာကွယ်ထားဖို့ အရေးကြီးပါတယ် လို့  Los Angeles မြို့ရဲ့ အစိုးရကျောင်းများ အုပ်ချုပ်ရေးမှူး Ramon Cortines က ပြောပါတယ်။

ဒီကိစ္စနဲ့ ပတ်သက်ပြီးတော့ ပြည်ထောင်စု စုံစမ်းစစ်ဆေးရေး ဗျူရို FBI ကို အသိပေးထားပြီး ဖြစ်သလို ဒီခြိမ်းခြောက်မှုကိုလည်း သုံးသပ်စစ်ဆေး နေတယ် လို့လည်း သူက ပြောပါတယ်။ ဒီကနေ့ အင်္ဂါနေ့ မနက် ကျောင်းကို ရောက် ရှိနေကြတဲ့ ကျောင်းသူ ကျောင်းသား အားလုံးကိုလည်း အိမ်ကို ပြန်လွှတ်တယ်လို့ အာဏာပိုင်တို့က ပြောပါတယ်။ ဒီကနေ့ Los Angeles တမြို့လုံးရဲ့ ပူးပေါင်းဆောင်ရွက်မှု လိုပါတယ်လို့ ကျောင်း ဘုတ် အဖွဲ့ရဲ့ အကြီးအကဲ Steve Zimmer က ပြောပါတယ် ။

ကျောင်းတွေ လုံခြုံရေး အတွက် မိသားစုတွေရော အိမ်နီးချင်းတွေရော ပူးပေါင်းဆောင်ရွက်ကြဖို့ကိုလည်း နှိုးဆော်ထားပါတယ်။  Los Angelesမြို့ က အစိုးရ ကျောင်းပေါင်း ၉၀၀ ကျော်မှာ တက်ရောက်နေတဲ့ သူငယ်တန်းကနေ ၁၂ တန်း အထိ ပညာသင်ယူနေတဲ့ ကျောင်းသား ကျောင်းသူ ပေါင်း ၆ သိန်း ၄ သောင်း ကျော် ရှိနေတာ ဖြစ်ပါတယ်။


VOA Burmese
http://burmese.voanews.com


ကုလသမဂ္ဂ မူးယစ်ဆေးဝါး နဲ့ ရာဇဝတ်မှု တိုက်ဖျက်ရေးဌာန (UNODC) ရဲ့ နောက်ဆုံး ဆန်းစစ်ချက်တွေအရ မြန်မာနိုင်ငံရဲ့ ဘိန်းထုတ်လုပ်မှုဟာ အရင်ကနှစ်တွေအတိုင်းပဲ ဆက်ရှိနေဆဲဖြစ်တယ်လို့ ဆိုပါတယ်။့

ပြီးခဲ့တဲ့ ရွေးကောက်ပွဲမှာ အနိုင်ရခဲ့တဲ့ ပါတီခေါင်းဆောင် ဒေါ်အောင်ဆန်းစုကြည် ရဲ့အစိုးရ နောက်နှစ်တက်လာတဲ့အခါ ဘိန်းထုတ်လုပ်မှုကို သက်ရောက်မှုရှိစေမယ့် မူဝါဒတွေ ချမှတ်ဖို့ ကြိုးစားရာမှာ စိန်ခေါ်မှုတွေ အများကြီး ကြုံရမှာဖြစ်တယ်လို့ UNODC က ပြောပါတယ်။ ဗွီအိုအေ သတင်းထောက် Ron Corben ဘန်ကောက်မြို့က ပေးပို့ထားတဲ့ သတင်းကို ကိုရဲခေါင်က တင်ပြထားပါတယ်။

ကုလသမဂ္ဂ မူးယစ်ဆေးဝါးနဲ့ ရာဇဝတ်မှု တိုက်ဖျက်ရေးဌာန (UNODC) ဟာ မြန်မာနဲ့ လာအိုနိုင်ငံတွေရဲ့ ဘိန်းစိုက်ပျိုးထုတ်လုပ်မှုအတွက် နောက်ဆုံးထုတ် စစ်တမ်းကို အင်္ဂါနေ့က ထုတ်ပြန်လိုက်တာပါ။ အာဖဂန်နစ္စတန်ပြီးရင် ကမ္ဘာပေါ်မှာ ဘိန်းစိုက်ပျိုးမှု ဒုတိယအများဆုံးဖြစ်တဲ့ မြန်မာနိုင်ငံမှာ ဆင်းရဲမွဲတေမှုနဲ့ ပဋိပက္ခတွေဟာ ဘိန်းစိုက်ပျိုးမှုရဲ့ နောက်ကွယ်က တွန်းအားတွေဖြစ်တယ်လို့ အစီရင်ခံစာမှာ ဖော်ပြထားပါတယ်။

UNODC ရဲ့ အစီရင်ခံစာအရ ပြီးခဲ့တဲ့နှစ်တွေအတွင်းမှာ အရှေ့တောင်အာရှရဲ့ ဘိန်းထုတ်လုပ်မှုဟာ တဖြည်းဖြည်း တိုးလာနေပြီး၊ ၂၀၀၆ ခုနှစ်က ထုတ်လုပ်ခဲ့တဲ့ ပမာဏထက် သုံးဆကျော်လောက်အထိ ထုတ်လုပ်နေတယ်လို့ ဆိုပါတယ်။ အရှေ့တောင်အာရှမှာ ဘိန်းထုတ်လုပ်မှု အားလုံးရဲ့ ၉၀ ရာခိုင်နှုန်းဟာ မြန်မာနိုင်ငံက၊ အထူးသဖြင့် ရှမ်းပြည်နယ်မြောက်ပိုင်းက ထုတ်လုပ်နေတာ ဖြစ်တယ်လို့လည်း ဆိုပါတယ်။

UNODC ရဲ့ အရှေ့တောင်အာရှ ကိုယ်စားလှယ် Jeremy Douglas က အချို့ဒေသတွေမှာ ဘိန်းစိုက်ပျိုးမှု တိုးနေရတဲ့ အကြောင်းရင်းကို ခုလို ပြောပြပါတယ်။

“စီးပွားရေးအခြေအနေကြောင့် ခုလို ဖြစ်ရတာပါ။  လူမှု-စီးပွားရေး စစ်တမ်းတွေအရ ဘိန်းစိုက်လို့ ၀င်ငွေ ပိုရတာရယ်၊ ဆင်းရဲမွဲတေမှုရယ် ဒီအခြေအနေ နှစ်ခုက အဓိက တွန်းအားဖြစ်နေတယ်လို့ သိရပါတယ်။ ဒါက သိပ်တော့ အံ့သြစရာ မဟုတ်ပါဘူး။ ဆင်းရဲပြီး အခြားဝင်ငွေရှာစရာ နည်းလမ်းမရှိတဲ့ အခြေအနေမှာ ဘိန်းစိုက်တာကနေ မြင့်မားတဲ့ ၀င်ငွေတွေ ရနေကြတာပါ။ သူတို့ဟာ သူတို့ရဲ့ မိသားစုတွေကို ထောက်ပံ့ဖို့အတွက် တရားဝင်တဲ့ နည်းလမ်းနဲ့ ၀င်ငွေရှာနိုင်တဲ့ အခြေအနေ မရှိပါဘူး။ ဒါကြောင့် ဘိန်းစိုက်ပျိုးဖြစ်ဖို့ တွန်းအားပေးနေတဲ့ အကြောင်းရင်းက မိသားစု စားဝတ်နေရေးအတွက်ပါ။”

UNODC ရဲ့ စစ်တမ်း အစီရင်ခံစာအရ ၂၀၁၃ ခုနှစ်က မြန်မာတနိုင်ငံလုံးမှာ ဘိန်းစိုက်ပျိုးမှု ဟက်တာ ၅၇၈၀၀ ရှိပြီး၊ ၂၀၁၄ ခုနှစ်မှာ ဟက်တာ ၅၇၆၀၀ ရှိခဲ့ပါတယ်။ ၂၀၁၅ ခုနှစ်မှာတော့ ဘိန်းစိုက်ပျိုးမှု ၄ ရာခိုင်နှုန်းကျဆင်းသွားပြီး၊ ဟက်တာ ၅၅၅၀၀ ရှိနေပါတယ်။ မြန်မာတစ်နိုင်ငံလုံး ဘိန်းစိုက်ပျိုးမှု အားလုံးရဲ့ ၉၁ရာခိုင်နှုန်းဟာ ရှမ်းပြည်နယ်မှာ ရှိပြီး၊ ပြည်နယ် တောင်ပိုင်းမှာ ၄၂ ရာခိုင်နှုန်း၊ ပြည်နယ်အရှေ့ပိုင်းမှာ ၃၁ ရာခိုင်နှုန်းနဲ့ ပြည်နယ်မြောက်ပိုင်းမှာ ၁၇ ရာခိုင်နှုန်းရှိနေတာပါ။ အစီရင်ခံစာအရ ရှမ်းပြည်နယ်မှာ ဘိန်းစိုက်ပျိုးမှု ကျဆင်းသွားတာ မရှိပဲ၊ ကျန် ကချင်၊ ကယားနဲ့ ချင်းပြည်နယ်တွေမှာ ကျဆင်းသွားတာတွေ့ရတယ်လို့ ဆိုပါတယ်။

လာအိုနိုင်ငံမှာတော့ ဘိန်းကို နိုင်ငံမြောက်ပိုင်း Phong Sali နယ်မှာ အများဆုံး စိုက်ပျိုးပြီး ဟက်တာ ၆၀၀၀ အောက်မှာပဲ ရှိတယ်လို့ အစီရင်ခံစာမှာ ပါရှိပါတယ်။ မြန်မာနဲ့ လာအို နှစ်နိုင်ငံပေါင်း ထုတ်လုပ်မှုက တစ်ကမ္ဘာလုံး ဘိန်းထုတ်လုပ်မှုရဲ့ ၂၅ ရာခိုင်နှုန်းရှိနေပြီး၊ ကျန်အများစုကိုတော့ အာဖဂန်နစ္စတန်ကနေ ထုတ်လုပ်နေတာပါ။

မြန်မာနိုင်ငံထဲက ရှမ်းပြည်နယ် မြောက်ပိုင်းမှာတော့ မြန်မာစစ်တပ်နဲ့ ရှမ်းတိုင်းရင်းသား လက်နက်ကိုင်တပ်ဖွဲ့တွေ တိုက်ပွဲဖြစ်နေတဲ့ အချိန်အတွင်းမှာ ဘိန်းစိုက်ပျိုးမှု ၁၄ ရာခိုင်နှုန်းအထိ တိုးတက်လာခဲ့ပါတယ်။ ပြီးခဲ့တဲ့ငါးနှစ်အတွင်းမှာ ခုလို ပဋိပက္ခဖြစ်နေတဲ့ အခြေအနေကြောင့် အချို့ဒေသတွေမှာ ဘိန်းထုတ်လုပ်မှု နှစ်ဆတိုးလာတယ်လို့ ဒေါက်ကလပ်က ပြောပါတယ်။

ပြီးခဲ့တဲ့ အောက်တိုဘာလ ၁၅ ရက်က မြန်မာအစိုးရနဲ့ တိုင်းရင်းသား လက်နက်ကိုင်အဖွဲ့ ရှစ်ဖွဲ့ဟာ အပစ်အခတ် အတိုက်အခိုက်ရပ်စဲရေး သဘောတူညီချက်တွေကို လက်မှတ်ထိုးခဲ့ကြပြီး၊ ပြီးခဲ့တဲ့အပတ်က မြန်မာ့ လွှတ်တော်က အတည်ပြုပေးလိုက်ပါတယ်။ ဒါပေမဲ့ ရှမ်းပြည်နယ် တိုးတက်ရေးပါတီနဲ့ ရှမ်းပြည်တပ်မတော် (SSA) တို့ဟာ ပါဝင်လက်မှတ်ထိုးထားခြင်း မရှိပါဘူး။

ဘိန်းနဲ့ မူးယစ်ဆေးဝါး ရောင်းဝယ်မှုနဲ့ ဆက်စပ်နေတဲ့ ပြဿနာတွေကို ဖြေရှင်းနိုင်ဖို့ နည်းလမ်းတွေကို မြန်မာနိုင်ငံမှာ ရွေးကောက်ပွဲ အနိုင်ရထားတဲ့ အမျိုးသားဒီမိုကရေစီ အဖွဲ့ချုပ်ပါတီနဲ့ ခေါင်းဆောင် ဒေါ်အောင်ဆန်းစုကြည်တို့က ရှာဖွေနေတယ်လို့လည်း သူက ပြောပါတယ်။

ဒါပေမဲ့ စိန်ခေါ်မှုတွေ အများကြီးရှိနေဆဲဖြစ်ပြီး၊ အထူးသဖြင့် မြန်မာနိုင်ငံရဲ့ မူးယစ်ဆေးဝါး တိုက်ဖျက်ရေး မူဝါဒတွေနဲ့ ပတ်သက်လို့ လုပ်ဆောင်နေတဲ့ အဓိက အစိုးရဌာနတွေဟာ နိုင်ငံထဲမှာ သြဇာအာဏာရှိဆဲဖြစ်တဲ့ စစ်တပ်ရဲ့ ထိန်းချုပ်မှုအောက်မှာ ရှိနေဆဲဖြစ်ပါတယ်။

“ဒေါ်အောင်ဆန်းစုကြည်အတွက် စိန်ခေါ်မှုတွေ ရှိနေမှာပါ။ မြန်မာနိုင်ငံ အစိုးရထဲက ပြုပြင်ပြောင်းလဲရေး ဖော်ဆောင်သူတွေအနေနဲ့ စဉ်းစားရမှာက မူးယစ်ဆေးဝါး တိုက်ဖျက်ရေးနဲ့ ပတ်သက်ရင် တာဝန်ယူထားတဲ့ ရဲတပ်ဖွဲ့နဲ့ အခြား အစိုးရဌာနတွေမှာ သူမကို ဘယ်လိုပုံစံနဲ့ ပါဝင်ခွင့်ပေးမလဲ ဆိုတာကိုပါ။”

ဒေသတွင်းမှာ ဘိန်းနဲ့ ဟီးရိုးအင်း ရောင်းဝယ်တဲ့ ဈေးကွက်ဟာ ဒေါ်လာ ၂၀ ဘီလီယံလောက်အထိ တန်ဖိုးရှိပြီး၊ တရုတ်နိုင်ငံနဲ့ ဟောင်ကောင်က ၀ယ်လိုအားကို အမှီပြုနေတာ ဖြစ်ပါတယ်။ အခုအချိန်မှာ ကုလသမဂ္ဂနဲ့ အလှူရှင်နိုင်ငံတွေဟာ ဘိန်းစိုက်တောင်သူတွေအတွက် အခြားဝင်ငွေရှာနိုင်မယ့် နည်းလမ်းတွေ ဖန်တီးပေးဖို့ ကြိုးစားနေစဉ်မှာပဲ၊ မက်သာဖက်တမင်းနဲ့ အခြား ဓာတုဗေဒနည်းနဲ့ ချက်လုပ်တဲ့  စိတ်ကြွရူးသွပ်ဆေး သုံးစွဲတာလိုမျိုး နောက်ထပ် စိန်ခေါ်မှုအသစ်တွေ ပေါ်ထွက်လာနေတယ်လို့ UNODC အဖွဲ့က ဒေါက်ကလပ်က ပြောပြခဲ့ပါတယ်။


ရဲခေါင် / ဗွီအိုအေ (မြန်မာပိုင်း)
http://burmese.voanews.com

RCSS/SSA ဘက်က နယ်ကျော် လာလို့ တိုက်ပွဲတွေ စ ဖြစ်တာလို့ PSLF/TNLA ဘက်ကပြော

UNFC ညီညွှတ်သော တိုင်းရင်းသားများ ဖယ်ဒရယ် ကောင်စီ တာဝန်ရှိသူတွေနဲ့ RCSS/SSA ရှမ်းပြည် တပ်မတော် တောင်ပိုင်း ဥက္ကဌ ဒုဗိုလ်ချူပ်ကြီး ယွက်ဆစ် ဦးဆောင်တဲ့ ကိုယ်စားလှယ်တွေ ဒီဇင်ဘာလ ၁၅ရက်နေ့က ထိုင်းနိုင်ငံ ချင်းမိုင်မြို့မှာ တွေ့ဆုံ ခဲ့ကြပြီး RCSS/SSA ရှမ်းပြည် တပ်မတော် တောင်ပိုင်း တပ်ဖွဲ့နဲ့ PSLF/ TNLA တအာင်း ပလောင်တပ်ဖွဲ့ တို့အကြား တိုက်ပွဲတွေ ရပ်စဲနိုင်ရေးကို အဓိကထား ဆွေးနွေးခဲ့ကြပါတယ်။

ရှမ်းပြည်မြောက်ပိုင်းမှာ RCSS/SSA နဲ့ PSLF/TNLA အကြား တိုက်ပွဲတွေ ရပ်စဲနိုင်ရေး အတွက် UNFC အဖွဲ့က ကြားဝင် ညှိနှိုင်း ဆွေးနွေးခဲ့တာ ဖြစ်ပါတယ်။

RCSS/SSA ကိုယ်စားလှယ် အဖွဲ့ကို ဥက္ကဌ ဒုဗိုလ်ချူပ်ကြီး ယွက်ဆစ် ဦးဆောင်ခဲ့ပြီး UNFC ဘက်ကတော့ ဗိုလ်ချူပ် ဘီထူး၊ ဦးထွန်းဇော် နဲ့ နိုင်ရွန်တိန်း တို့ ပါဝင်ဆွေးနွေးခဲ့ကြပါတယ်။

နှစ်ဘက်အကြား ပဋိပက္ခတွေကို ငြိမ်းချမ်းတဲ့နည်းနဲ့ ဖြေရှင်းကြဖို့နဲ့ သင့်တော်တဲ့ အချိန် တခုခုမှာ PSLF/TNLA ကိုယ်စားလှယ်တွေနဲ့ RCSS/SSA ကိုယ်စားလှယ်တွေ တွေ့ဆုံကြ ဖို့ကို ဆွေးနွေး သဘောတူခဲ့ကြတယ်လို့ RCSS/SSA အဖွဲ့ ပြောရေးဆိုခွင့်ရှိသူ ဒုတိယ ဗိုလ်မှူးကြီး စိုင်းငင်းက ဘီဘီစီကို ပြောပါတယ်။

TNLA တပ်ဖွဲ့ ဖမ်းသွားတဲ့ ရှမ်းလူမျိုးတွေကို အမြန်ဆုံး ပြန်လွှတ်ပေးဖို့ကိုလည်း UNFC ကိုယ်စားလှယ်တွေကနေတဆင့် ပြောခဲ့တယ်လို့ သူက ပြောပါတယ်။

အခုအခါ နှစ်ဘက် တပ်ဖွဲ့ ကိုယ်စားလှယ်တွေ အမြန်ဆုံး တွေ့ဆုံ ဆွေးနွေးနိုင်ဖို့ တအာင်း ပလောင်တပ်ဖွဲ့ဘက်ကိုလည်း အကြောင်းကြားလိုက်ပြီလို့ UNFC ကိုယ်စားလှယ်အဖြစ် ဝင်ရောက် ဆွေးနွေးခဲ့တဲ့ ဦးထွန်းဇော်က ပြောပါတယ်။

RCSS /SSA ဘက်ကတော့ မြန်မြန်တွေ့လေ၊ ကောင်းလေလေ ဆိုတဲ့ သဘောထား ရှိနေပြီး PSLF/TNLA ဘက်က တုန့်ပြန်ချက် သဘောထား ရရင်တော့ နှစ်ဘက် တွေ့ဆုံတဲ့ အခင်းအကျင်း ဖြစ်လာမယ်လို့ ထင်ကြောင်း ဦးထွန်းဇော်က ပြောပါတယ်။

အဲဒီ ဆွေးနွေးပွဲမှာ တိုက်ပွဲတွေ ရပ်ဆိုင်းဖို့အပြင် တိုင်းရင်းသား စည်းလုံး ညီညွှတ်ရေးနဲ့ တစ်နိုင်ငံလုံး အပစ်အခတ် ရပ်စဲရေး စာချုပ်မှာ လက်မှတ်ထိုးဖို့ ကျန်နေသေးတဲ့ တိုင်းရင်းသားအဖွဲ့တွေ အားလုံး ပါဝင်နိုင်ရေးအတွက် နည်းလမ်း ရှာဖို့ကိုလည်း ဆွေးနွေးခဲ့ကြပါတယ်။

BBC Burmese
http://www.bbc.com/burmese

RCSS/SSA ဘက်က နယ်ကျော် လာလို့ တိုက်ပွဲတွေ စ ဖြစ်တာလို့ PSLF/TNLA ဘက်ကပြော

UNFC ညီညွှတ်သော တိုင်းရင်းသားများ ဖယ်ဒရယ် ကောင်စီ တာဝန်ရှိသူတွေနဲ့ RCSS/SSA ရှမ်းပြည် တပ်မတော် တောင်ပိုင်း ဥက္ကဌ ဒုဗိုလ်ချူပ်ကြီး ယွက်ဆစ် ဦးဆောင်တဲ့ ကိုယ်စားလှယ်တွေ ဒီဇင်ဘာလ ၁၅ရက်နေ့က ထိုင်းနိုင်ငံ ချင်းမိုင်မြို့မှာ တွေ့ဆုံ ခဲ့ကြပြီး RCSS/SSA ရှမ်းပြည် တပ်မတော် တောင်ပိုင်း တပ်ဖွဲ့နဲ့ PSLF/ TNLA တအာင်း ပလောင်တပ်ဖွဲ့ တို့အကြား တိုက်ပွဲတွေ ရပ်စဲနိုင်ရေးကို အဓိကထား ဆွေးနွေးခဲ့ကြပါတယ်။

ရှမ်းပြည်မြောက်ပိုင်းမှာ RCSS/SSA နဲ့ PSLF/TNLA အကြား တိုက်ပွဲတွေ ရပ်စဲနိုင်ရေး အတွက် UNFC အဖွဲ့က ကြားဝင် ညှိနှိုင်း ဆွေးနွေးခဲ့တာ ဖြစ်ပါတယ်။

RCSS/SSA ကိုယ်စားလှယ် အဖွဲ့ကို ဥက္ကဌ ဒုဗိုလ်ချူပ်ကြီး ယွက်ဆစ် ဦးဆောင်ခဲ့ပြီး UNFC ဘက်ကတော့ ဗိုလ်ချူပ် ဘီထူး၊ ဦးထွန်းဇော် နဲ့ နိုင်ရွန်တိန်း တို့ ပါဝင်ဆွေးနွေးခဲ့ကြပါတယ်။

နှစ်ဘက်အကြား ပဋိပက္ခတွေကို ငြိမ်းချမ်းတဲ့နည်းနဲ့ ဖြေရှင်းကြဖို့နဲ့ သင့်တော်တဲ့ အချိန် တခုခုမှာ PSLF/TNLA ကိုယ်စားလှယ်တွေနဲ့ RCSS/SSA ကိုယ်စားလှယ်တွေ တွေ့ဆုံကြ ဖို့ကို ဆွေးနွေး သဘောတူခဲ့ကြတယ်လို့ RCSS/SSA အဖွဲ့ ပြောရေးဆိုခွင့်ရှိသူ ဒုတိယ ဗိုလ်မှူးကြီး စိုင်းငင်းက ဘီဘီစီကို ပြောပါတယ်။

TNLA တပ်ဖွဲ့ ဖမ်းသွားတဲ့ ရှမ်းလူမျိုးတွေကို အမြန်ဆုံး ပြန်လွှတ်ပေးဖို့ကိုလည်း UNFC ကိုယ်စားလှယ်တွေကနေတဆင့် ပြောခဲ့တယ်လို့ သူက ပြောပါတယ်။

အခုအခါ နှစ်ဘက် တပ်ဖွဲ့ ကိုယ်စားလှယ်တွေ အမြန်ဆုံး တွေ့ဆုံ ဆွေးနွေးနိုင်ဖို့ တအာင်း ပလောင်တပ်ဖွဲ့ဘက်ကိုလည်း အကြောင်းကြားလိုက်ပြီလို့ UNFC ကိုယ်စားလှယ်အဖြစ် ဝင်ရောက် ဆွေးနွေးခဲ့တဲ့ ဦးထွန်းဇော်က ပြောပါတယ်။

RCSS /SSA ဘက်ကတော့ မြန်မြန်တွေ့လေ၊ ကောင်းလေလေ ဆိုတဲ့ သဘောထား ရှိနေပြီး PSLF/TNLA ဘက်က တုန့်ပြန်ချက် သဘောထား ရရင်တော့ နှစ်ဘက် တွေ့ဆုံတဲ့ အခင်းအကျင်း ဖြစ်လာမယ်လို့ ထင်ကြောင်း ဦးထွန်းဇော်က ပြောပါတယ်။

အဲဒီ ဆွေးနွေးပွဲမှာ တိုက်ပွဲတွေ ရပ်ဆိုင်းဖို့အပြင် တိုင်းရင်းသား စည်းလုံး ညီညွှတ်ရေးနဲ့ တစ်နိုင်ငံလုံး အပစ်အခတ် ရပ်စဲရေး စာချုပ်မှာ လက်မှတ်ထိုးဖို့ ကျန်နေသေးတဲ့ တိုင်းရင်းသားအဖွဲ့တွေ အားလုံး ပါဝင်နိုင်ရေးအတွက် နည်းလမ်း ရှာဖို့ကိုလည်း ဆွေးနွေးခဲ့ကြပါတယ်။

BBC Burmese
http://www.bbc.com/burmese

စစ်မဟာမိတ် အဖွဲ့ကို ဖွဲ့စည်းကြောင်း ဆော်ဒီ ကာကွယ်ရေး ဝန်ကြီး မိုဟာမက် ဘင် ဆယ်လ်မန်က ကြေညာ။
ဆော်ဒီ အာရေဗျ နိုင်ငံဟာ အကြမ်းဖက်မှုကို တိုက်ဖျက်မယ့် စစ်မဟာမိတ် အဖွဲ့သစ် တစ်ခုကို ဖွဲ့စည်းကြောင်း ကြေညာလိုက်ပြီး အဲဒီ အဖွဲ့ထဲမှာ မွတ်ဆလင် အများစုရှိတဲ့ နိုင်ငံပေါင်း ၃၄ နိုင်ငံ ပူးပေါင်း ပါဝင်တယ်လို့ ပြောပါတယ်။

ဆော်ဒီ မြို့တော် ရီယတ်တ်မှာ အဲဒီ အဖွဲ့ရဲ့ ပူးပေါင်း စစ်ဆင်ရေး ဌာနချုပ်ကို ဖွင့်လှစ် ထားရှိမှာ ဖြစ်တယ်လို့ ဆော်ဒီ နိုင်ငံပိုင် သတင်းဌာနက ဆိုပါတယ်။

အဲဒီ စစ်မဟာမိတ် အဖွဲ့ထဲမှာ အာရှ၊ အာဖရိကနဲ့ အာရပ် နိုင်ငံတွေ ပါဝင်ပြီး ဆော်ဒီရဲ့ အဓိက ပြိုင်ဖက် ဖြစ်တဲ့ အီရန် ကတော့ ပါဝင်ခြင်း မရှိပါဘူး။

IS အစ္စလာမ္မစ် နိုင်ငံအဖွဲ့ကို တိုက်ခိုက်ရာမှာ ပိုမို ပါဝင်ကြဖို့ ပင်လယ်ကွေ့ ဒေသက အာရပ် နိုင်ငံတွေ အပေါ် နိုင်ငံတကာက ဖိအားတွေ ပေးနေချိန်မှာ အခုလို မဟာမိတ် အဖွဲ့ ဖွဲ့စည်းတဲ့ သတင်း ထွက်ပေါ် လာတာ ဖြစ်ပါတယ်။

ဆော်ဒီ ကာကွယ်ရေး ဝန်ကြီး မိုဟာမက် ဘင် ဆယ်လ်မန်က အခု ဖွဲ့စည်းလိုက်တဲ့ စစ်မဟာမိတ် အဖွဲ့ဟာ အီရတ်၊ ဆီးရီးယား၊ လစ်ဗျား၊ အီဂျစ်နဲ့ အာဖဂန် နစ္စတန် နိုင်ငံတွေမှာ ရှိတဲ့ အစွန်းရောက် အကြမ်းဖက် သမားတွေကို တိုက်ခိုက်ရာမှာ ပူးပေါင်း ဆောင်ရွက်သွားမှာ ဖြစ်တယ်လို့ ပြောပါတယ်။

ဒီအဖွဲ့ထဲမှာ အီရန် အစိုးရနဲ့ ရင်းနှီးတဲ့ အီရတ်၊ ဆီးရီးယား တို့ မပါဝင်သလို အာဖဂန် နစ္စတန်လည်း ပါဝင်ခြင်း မရှိပါဘူး။

BBC Burmese
http://www.bbc.com

နိုဝင်ဘာ ၁၃ ရက် ပဲရစ် တိုက်ခိုက်မှုကြောင့် လူ ၁၃၀ သေဆုံးခဲ့ရ။
နိုဝင်ဘာ ၁၃ ရက် ပဲရစ် တိုက်ခိုက်မှုနဲ့ ပတ်သက်ပြီး ရှာဖွေ စစ်ဆေးမှုတွေ ပြုလုပ်နေရာမှာ သံသယရှိသူ တစ်ဦးကို ပဲရစ်မြို့ တဝိုက်မှာ ဖမ်းဆီး လိုက်တယ်လို့ ပြင်သစ် ရဲတပ်ဖွဲ့က ပြောပါတယ်။

ပဲရစ် တိုက်ခိုက်မှု ဖြစ်ပွားခဲ့ပြီး နောက်ပိုင်းမှာ ရဲတပ်ဖွဲ့က ရှာဖွေစီးနင်းမှု အကြိမ်ပေါင်း ၂,၇၀၀ လောက် ပြုလုပ်ခဲ့ပြီး ပြင်သစ် နိုင်ငံအနှံ့က လူပေါင်း ၃၆၀ ကို နေအိမ် အကျယ်ချုပ် ချထားခဲ့တယ်လို့ သတင်းတွေက ဆိုပါတယ်။

ပြီးခဲ့တဲ့ ဇန်နဝါရီလ တိုက်ခိုက်မှုနဲ့ ပတ်သက်တဲ့ လူ ၂ ယောက်ကိုလည်း ပြင်သစ် မြောက်ပိုင်းမှာ ဖမ်းဆီးခဲ့ပါတယ်။ ဇန်နဝါရီလ တုန်းက တိုက်ခိုက်ခဲ့တဲ့ သေနတ်သမား တွေကို လက်နက် ထောက်ပံ့ခဲ့တယ် ဆိုတဲ့ သံသယနဲ့ ဖမ်းဆီးခဲ့တာ ဖြစ်ပါတယ်။

ဒီကနေ့ အင်္ဂါနေ့မှာ ဖမ်းဆီးခဲ့တဲ့ ၂၉ နှစ်အရွယ် အမျိုးသား ကတော့ ဆီးရီးယားကို သွားရောက်ဖို့ စီစဉ် နေတယ်လို့ ပြင်သစ် သတင်းမီဒီယာက ပြောပါတယ်။

တချိန်တည်းမှာ ဂျာမနီ နိုင်ငံမှာလည်း ထင်ရှားတဲ့ အစ္စလာမ္မစ် တရားဟောဆရာ တစ်ယောက် ဖြစ်သူ Sven Lau ဆိုသူကို ဖမ်းဆီး ခဲ့ပါတယ်။ အဲဒီလူဟာ နဲ့ IS အဖွဲ့နဲ့ အဆက်အစပ် ရှိတဲ့ အုပ်စုတစ်ခုကို ထောက်ပံ့မှု၊ လူစုဆောင်းပေးမှု တွေအတွက် သံသယရှိတာ ဖြစ်ပါတယ်။

BBC Burmese
http://www.bbc.com