12/22/15

သက်တမ်း ၅ နှစ် အတွင်း အားလုံး လက်လှမ်းမှီ တဲ့ မူလတန်း ပညာရေးမျိုး ဖန်တီး ပေးနိုင် ဖို့ လုပ်ဆောင် မယ်။

မြန်မာ နိုင်ငံရဲ့ ပညာရေး ကဏ္ဍ မြှင့်တင် ပြောင်းလဲ နိုင်ဖို့ အတွက် ဆိုရင် အခြေခံ ပညာ က စလို့၊ နည်းပညာနဲ့ အသက် မွေး ဝမ်းကျောင်း ပညာ၊ အဆင့်မြင့် ပညာ စသဖြင့် သက်ဆိုင်ရာ နယ်ပယ် တွေ အတွက် ပညာရေး ဥပဒေ တွေ အသီးသီး ထွက်ပေါ် လာအောင် ရွေးကောက်ပွဲ အနိုင်ရ အမျိုးသား ဒီမိုကရေစီ အဖွဲ့ချုပ် NLD ပါတီ အနေနဲ့ ပြုလုပ် သွားမှာ ဖြစ်တယ် ဆိုပြီး NLD ရဲ့ ရွေးကောက်ခံ အမတ်များရဲ့ ပညာရေး ကော်မတီ ဥက္က ဒေါ်စုစုလွင်က ပြောပါတယ်။

အထူး သဖြင့် နည်းပညာနဲ့ အသက်မွေး ဝမ်းကျောင်း ပညာရပ် တွေကနေ လက်ရှိ အခြေအနေ ထက် အများကြီး အခွင့်အလမ်းတွေ ဖြစ်ထွန်း လာအောင် ဖန်တီး ပေးနိုင်မှသာ ပညာရေး ကဏ္ဍ မြင့်မား လာမှာ ဖြစ်တယ် လို့ လည်း ဒေါ်စုစုလွင် က ဆိုပါတယ်။

NLD အနေနဲ့ ဦးစားပေး လုပ်ဆောင်မယ့် အထဲမှာ ဆရာ/ဆရာမ တွေ ရဲ့ အရည်အသွေးနဲ့ ကျွမ်းကျင်မှု တွေ ပိုမို တိုးတက် ကောင်းမွန် လာအောင် ဆောင်ရွက် ပေးဖို့ လည်း ပါဝင်တယ် လို့ ဒေါ်စုစုလွင်က ဘီဘီစီ ကို ပြောပါတယ်။

ကဏ္ဍ အားလုံးကို တပြိုင်နက်တည်း ချက်ခြင်း ဆိုသလို ပြောင်းလဲ သွားအောင် လုပ်ဆောင် လို့ မရ နိုင်တဲ့ အတွက် ဦးစားပေး အနေနဲ့ လာမယ့် သက်တမ်း ၅ နှစ် အတွင်း အားလုံး လက်လှမ်းမှီ တဲ့ မူလတန်း ပညာရေးမျိုး ဖန်တီး ပေးနိုင် ဖို့ လုပ်ဆောင် မယ် ဆိုပြီး တော့လည်း ကိုယ်တိုင် ရန်ကုန် တက္ကသိုလ် မှာ ကထိက တစ်ဦး အဖြစ်လုပ်ဆောင် ခဲ့ဖူးတဲ့ ဒေါ်စုစုလွင်က ဆိုပါတယ်။

NLD ဦးဆောင်တဲ့ အစိုးရသစ် ပေါ်ပေါက် လာတဲ့ အခါ အစိုးရ ဘတ်ဂျက် ရဲ့ ဘယ်လောက် ရာခိုင်နှုန်း အထိ ပညာရေး အသုံးစရိတ် အဖြစ် လျာထားမယ် ဆိုတဲ့ ကိစ္စ မျိုး ကို လောလောဆယ် အတိတကျ မပြောနိုင် သေးပေမယ့် ပညာရေး ကဏ္ဍ အတွက် ပြည်သူ့ ဘဏ္ဍာ ငွေကြေး တွေ အပါအဝင် နိုင်ငံတကာ အကူအညီ တွေကို လက်တွေ့ကျပြီး ထိရောက်တဲ့ နေရာတွေမှာ သုံးစွဲ သွားမယ်လို့ ဒေါ်စုစုလွင် က ပြောပါတယ်။

BBC Burmese
http://www.bbc.com/burmese

ထိုင်းနိုင်ငံက ပုဇွန် လုပ်ငန်းခွင်။

ရေထွက်ပစ္စည်း ပုဇွန်လုပ်ငန်းခွင်တွေမှာ ကျေးကျွန်သဖွယ်ခိုင်းစေမှု၊ အတင်းအကျပ် အဓမ္မစေခိုင်းမှုတွေကို လစ်လျူရှုထားမှာ မဟုတ်ဘူးလို့ထိုင်းအစိုးရက ဒီကနေ့ ပြောဆို လိုက်ပါတယ်။ ထိုင်းနိုင်ငံ ပုဇွန်လုပ်ငန်းခွင်က စုံစမ်းတွေ့ရှိချက်တွေကို လွန်ခဲ့တဲ့ သီတင်းပါတ်တုန်းက AP သတင်းဌာနက ထုတ်ပြန်ခဲ့ပြီးနောက် အမေရိကန် ဥရောပနဲ့ သြစတေးလျအပါအ၀င် ကမ္ဘာတ၀ှမ်းက ဒီအခြေအနေအပေါ် အံ့အားသင့် တုန်လှုပ်ခဲ့ကြပါတယ်။

ဒီဇင်ဘာ ၁၄ ရက်နေ့အေပီရဲ့သတင်းထုတ်ပြန်ချိန် မတိုင်မှီကတည်းက ထိုင်းအစိုးရ အနေနဲ့ ဒီလုပ်ငန်းခွင်က အခြေအနေတွေကို သိထားပြီးတယ်လို့ ထိုင်း ရဲအရာရှိတွေ၊ ရေတပ် နဲ့ တခြား အရာရှိတွေခြံရံပြီး အစိုးရပြောခွင့်ရ Sansern Kaewkamnerd က ပြောပါတယ်။ အေပီသတင်းဌာနရဲ့ တင်ပြမှုဟာ မှန်ကုန်မှုမရှိဘဲ ဒီလို အခြေအနေတွေကို အစိုးရက အရင်ဆုံး သိခဲ့တာလို့လည်း ဆိုပါတယ်။

နိုင်ငံတကာမှာ ထိုင်းနိုင်ငံဟာ ပုဇွန် အဓိက အများဆုံးတင်ပို့ ရောင်းချတဲ့ နိုင်ငံတွေ မှာ ပါဝင်ပြီးရေထွက်လုပ်ငန်းကနေ နှစ်စဉ် ၇ ဘီလျံလောက် ရရှိနေတယ်လို့ ခန့်မှန်းထားပါတယ်။ အေပီက ထုတ်ပြန်တဲ့ သတင်းမှာ မြန်မာနိုင်ငံက တရားဝင် စာရွက်စာတမ်း မရှိဘဲ ရွှေ့ပြောင်း ၀င်ရောက်လာသူ အတော်များများကို ဒီလုပ်ငန်းတွေမှာ ခိုင်းစေ ထားတယ်ဆိုပြီး ဖေါ်ပြထားပါတယ်။ အလုပ်သမာတွေဟာ လိမ်လည် လှည့်ဖြားခံရပြီး ပုဇွန်အခွံခွါတဲ့လုပ်ငန်းတွေမှာရောင်းချခံခဲ့ရတာပါ။

ဒီလုပ်သားတွေဟာ တရက်ကို ၁၆ နာရီလောက် အလုပ်ခိုင်းစေခံရပြီး အလုပ်နားရက် မရှိသလို လုပ်အားခမရတာ ဒါမှမဟုတ် အနည်းငယ်သာ ရရှိတယ် လို့ အေပီသတင်းမှာ ဖေါ်ပြ ထားပါတယ်။ နောက် အဲဒီထဲက လုပ်သား အများစုဟာ ကုမ္ပဏီကို အကြွေးပြန်ဆပ်ရပါတယ်။ ကုမ္ပဏီက လုပ်သားတွေ ၀ယ်ရတဲ့ငွေကို ဒီလုပ်သားတွေ ရရှိတဲ့ဝင်ငွေထဲကနေ ပြန်ဖြတ်ယူတာပါ။

တချို့လုပ်သားတွေဆိုလျင်လည်း ဖမ်းဆီးချုပ်နှောင်မှုကို ခံထားရသလို အပြင်သွားချင်တဲ့ သူတွေဆိုလျင်လည်း သူတို့ ကလေးတွေ ဇနီးတွေကို နောက်မှာ ချန်ထားခဲ့ရပါတယ်။ ဒီကနေ့ကျင်းပတဲ့ သတင်းစာရှင်းလင်းပွဲမှာတော့ အစိုးရ အရာရှိတွေက အခုလို အတင်းအဓမ္မ စေခိုင်းမှုတွေ ရှိနေတယ်ဆိုတာကို ငြင်းဆန်ခြင်းမရှိပေမယ့် AP သတင်းထဲက ရဲတွေ လာဘ်ယူပြီး ဒီလိုအခြေအနေတွေ ကို မသိကျိုးကျွန်ပြုနေတာ ဆိုတဲ့အချက်တွေကိုတော့ လက်မခံနိုင်ကြောင်း ပြောဆိုပါတယ်။

VOA Burmese
http://burmese.voanews.com


trishaw-nld-620.jpg
NLD ရွေးကောက်ပွဲ အောင်နိုင်ရေး ကူညီခဲ့ကြတဲ့ ဆိုက်ကားသမားတွေကို တွေ့ရစဉ်
Photo: RFA

မဲဆွယ်စည်းရုံးရေးကာလမှာ အမျိုးသားဒီမိုကရေစီအဖွဲ့ချုပ် အောင်နိုင်ရေးအတွက် ပါဝင်ကူညီခဲ့ကြတဲ့ ရန်ကုန် တိုင်းဒေသကြီး မြို့နယ်အသီးသီးက ဆိုက်ကားသမားတွေကို အမျိုးသားဒီမိုကရေစီအဖွဲ့ချုပ် ဥက္ကဋ္ဌ ဒေါ်အောင်ဆန်း စုကြည်က လာမယ့်ဒီဇင်ဘာလ ၂၆ ရက်နေ့မှာ တွေ့ဆုံမှာ ဖြစ်ပါတယ်။

မြို့နယ်တိုင်းက ဆိုက်ကားသမားအကုန်လုံးကို တွေ့ဆုံဖို့ အဆင်မပြေတာကြောင့် မဲနှိုက်ရွေးချယ်ခဲ့တယ် လို့ တောင်ဥက္ကလာပမြို့နယ် ပြည်သူ့လွှတ်တော်ကိုယ်စားလှယ် ဒေါက်တာစောနိုင် က ပြောပါတယ်။

"မဲစနစ်နဲ့ ရွေးချယ်တယ်ဆိုတာက တောင်ဥက္ကလာမှာ အောင်နိုင်ရေးကို တကယ်လိုက်တဲ့ အနှေးယာဉ် လုပ်သားတွေက ၂ဝဝ ကျော်လောက်ရှိတာကိုး၊ မဲစနစ်နဲ့ ရွေးချယ်မှပဲ ပိုပြီးတော့အဆင်လည်းပြေမယ်၊ နောက် ကျနော်တို့ပါတီရဲ့ ညွှန်ကြားချက်လည်း ဖြစ်တယ်ပေါ့နော်၊ အဲ့လိုညွှန်ကြားထားတဲ့အတွက် အဲ့လိုရွေးချယ်တာပါ၊ အန်တီစုနဲ့တွေ့ဖို့ အဲ့လိုရွေးချယ်ခံရတဲ့ ငါးဦးကို မြို့နယ်အလုပ်အမှုဆောင်ကိုယ်စား အကျီင်္နဲ့ ကချင် လုံချည်လေးတွေ ကျနော်တို့က စီစဉ်ပေးမယ်၊ ပြီးရင်သူတို့ကို တော်ဝင်နှင်းဆီကို လိုက်ပို့ပေးမယ်၊ ၁၃ ရပ်ကွက်မှာ အားလုံးပေါက်တာ ၅ ရပ်ကွက်ပေ့ါနော်၊ အဲ့ ၅ ရပ်ကွက်က ပေါက်တဲ့လူတွေကို သေချာပြန်ကြည့် လိုက်တော့ အောင်နိုင်ရေးမှာ တက်တက်ကြွကြွလုပ်ခဲ့တဲ့လူတွေဖြစ်နေတာ တိုက်တိုက်ဆိုင်ဆိုင် တွေ့ရ တယ်ပေါ့နော်"

ရန်ကုန်တိုင်း တောင်ဥက္ကလာပမြို့နယ် ရပ်ကွက်ပေါင်း ၁၃ ရပ်ကွက်က တစ်ရပ်ကွက် တစ်ဦးနှုန်း ရွေးချယ်ပြီး တက်ရောက်မယ့် ၅ ဦးကို မဲနှိုက်ရွေးချယ်ခဲ့ပါတယ်။

အဲဒီလို တွေ့ဆုံဖို့အတွက် မြို့နယ်အသီးသီးက ဆိုက်ကားသမားတွေကို တစ်မြို့နယ် ၅ ဦးနှုန်း နဲ့ မဲနှိုက်ရွေး ချယ် မှာ ဖြစ်ပါတယ်။

တွေ့ဆုံပွဲကိုတော့ လာမယ့် ဒီဇင်ဘာလ ၂၆ ရက်နေ့ ရန်ကုန်တိုင်း ဗဟန်းမြို့နယ် ရွှေဂုံတိုင်မှာရှိတဲ့ တော်ဝင်နှင်းဆီ ခန်းမမှာ တွေ့ဆုံသွားမှာ ဖြစ်တယ်လို့ သိရပါတယ်။

ဒီအတွင်း ဒေါ်အောင်ဆန်းစုကြည်ဟာ လူငယ်စင်တာ အဖွဲ့ဝင်တွေနဲ့ နေပြည်တော် လွှတ်တော်က တရားဥပဒေ စိုးမိုးရေးနဲ့ တည်ငြိမ်အေးချမ်းရေး ကော်မတီအဆောင်မှာ တွေ့ဆုံဆွေးနွေးခဲ့ပါတယ်။

အစိုးရသစ်လက်ထက်မှာ လူငယ်တွေ ပါဝင်ခွင့်ရနိုင်ဖို့ အခန်းကဏ္ဍအပြင် တိုင်းရင်းသားဒေသတွေမှာ ဖွံ့ဖြိုးမှုနောက်ကျနေတဲ့ ကိစ္စတွေနဲ့ ပတ်သက်ပြီးလည်း ဆွေးနွေးခဲ့ကြတယ်လို့ သိရပါတယ်။

RFA

ယခင်က မြန်မာနိုင်ငံတွင် ဘီယာ သောက်သုံးသူများအတွက် များများစားစား ရွေးချယ်စရာမရှိ၊ လမ်းဘေးဘီယာဆိုင်များမှ စည်ဘီယာများကို မတ်ခွက်နှင့်ချင်၍ ၀ယ်သောက်ခဲ့ကြသည်။ သို့သော် ယနေ့ကာလတွင် အခြေအနေပြောင်းသွားသည်။ ဒိန်းမတ်နိုင်ငံမှ Carlsberg နှင့် ယင်း၏ ပြိုင်ဘက် ဒတ်ခ်ျနိုင်ငံမှ Heineken တို့ မြန်မာပြည်ဈေးကွက်ထဲ ၀င်လာကြသည်။ စီးပွားရေးမျက်နှာစာတွင် လမ်းဖွင့်ပေးမှုကြောင့် နိုင်ငံခြားဘီယာကုမ္ပဏီကြီးများက မြန်မာနိုင်ငံတွင် ဘီယာချက်စက်ရုံများ ဖွင့်လှစ်လာနိုင်ကြသည်။

ယနေ့အချိန်တွင် မြန်မာဘရူဝါးလီမိတက် MBL သည် ကမ္ဘာ့ဘီယာလုပ်ငန်းကြီးများနှင့် အကြိတ်အနယ် ယှဉ်ပြိုင်ရတော့မည်။ MBL သည် စစ်ဖက်နှင့်ဆက်နွှယ်နေသော အရက်ချက် လုပ်ငန်းဖြစ်သည်။ မြန်မာဘီယာနှင့် အခြားယမကာများကို ထုတ်လုပ်နေသည်။ အာရှတွင် အနိမ့်ဆုံး ဘီယာသုံးစွဲသူ ရာခိုင်နှုန်းရှိနေသော မြန်မာနိုင်ငံတွင် ဘီယာသောက်သုံးသူ လူငယ်များ တိုးပွားလာ နေသည်။ ထို့ကြောင့် ဈေးကွက်အတွက် ဘီယာကုမ္ပဏီများ အပြိုင်အဆိုင်ဖြစ်လာကြတော့မည်။

Heineken က မြန်မာနိုင်ငံတွင် ထုတ်လုပ်ပြီး လပိုင်းအကြာတွင် ဈေးကွက်တွင် အရောင်းအခြေအနေ ကောင်းနေသည်။ ဟိုင်နင်ကယ်သည် ယင်း၏ ရန်ကုန်စက်ရုံမှ ထုတ်လုပ်မှုစွမ်းအားကို လီတာ ၂၅ သန်း မှ သန်း ၅၀ အထိ တိုးမြင့်ရန် စီစဉ်ထားကြောင်း Heineken ထုတ်လုပ်နေသည့် APB ကုမ္ပဏီ မန်နေဂျင်းဒါရိုက်တာ လက်စ်တာတန်က ပြောပြသည်။ လာမည့် သုံးနှစ်မှ လေးနှစ်တာကာလအတွင်း ကုမ္ပဏီ၏ ထုတ်လုပ်မှုလုပ်ငန်းများ တိုးချဲ့ရန် အစီအစဉ်ရှိသည်ဟု ပြောသည်။

သို့သော်လည်း မြန်မာဘရူဝါရီမှ ထုတ်လုပ်သည့် မြန်မာဘီယာမှာမူ ဈေးကွက်၏ သုံးပုံနှစ်ပုံကို လွှမ်းမိုးထားဆဲ ဖြစ်သည်။ ဘီယာဈေးကွက်သစ်အတွက် သောက်သုံးသူများကို စွဲဆောင်ရန် မြန်မာဘီယာ၏ပုံရိပ်နှင့် အရည်အသွေးကို မြန်မြန်ဆန်ဆန် ပြောင်းလဲခဲ့သည်။ ဈေးကွက်တွင် စိန်ခေါ်မှုများရှိနေကြောင်း ယခုနှစ်တွင် MBL ၏ မန်နေဂျင်းဒါရိုက်တာဖြစ်လာသော ဟီရိုရှီဖူဂျီကာဝါက ပြောခဲ့သည်။ ဂျပန်နိုင်ငံ Kirin ကုမ္ပဏီက မြန်မာဘီယာ၏ ၅၅ ရာခိုင်နှုန်းကို ဒေါ်လာသန်း ၅၀၀ ဖြင့် စင်ကာပူ Fraser & Neave ကုမ္ပဏီထံမှ ၀ယ်ယူခဲ့ပြီးနောက် ဖူဂျီကာဝါသည် MBL ၏ မန်နေဂျင်းဒါရိုက်တာဖြစ်လာခဲ့သည်။ မြန်မာ့စီးပွားရေးဦးပိုင်လီမိတက်သည် ၂၀၁၄ ခုနှစ် ရောင်းချရမှု ဒေါ်လာ ၂၀၁ သန်းအနက်မှ အသားတင် အမြတ်ငွေ ဒေါ်လာ ၅၁ သန်း ရရှိခဲ့သည်။ နိုင်ငံတကာ အဖွဲ့အစည်း၏ ခန့်မှန်းချက်အရ ဒေါ်လာ ၃၇၅ သန်းဖိုးရှိသော မြန်မာ့ဘီယာဈေးကွက်သည် ၂၀၁၈ ခုနှစ်တွင် ဒေါ်လာ ၆၇၅ သန်းအထိ ရှိလာနိုင်ကြောင်း ခန့်မှန်းထားသည်။

တေဇာဝင်း
Ref; Reuters

News Watch(စောင့်ကြည့်သတင်းဂျာနယ်)

Twilight Over Burma ဇာတ်ကား၏ ဇာတ်ဝင်ခန်း တစ်ခု

သီပေါစော်ဘွား စ၀်ကြာဆိုင်၏ ဘ၀ ဖြစ်ရပ်မှန်ကို အခြေခံကာ သြစတြီးယား နိုင်ငံမှ Twilight Over Burma ရုပ်ရှင်ဇာတ်ကားအဖြစ် ရိုက်ကူးထားသည်ဟု သတင်းရရှိသည်။ ယင်းဇာတ်ကားကို ဒါရိုက်တာ Sabine Derflinger က ရိုက်ကူးထားခြင်းဖြစ်ပြီး သီပေါစော်ဘွား စ၀်ကြာဆိုင်အဖြစ် ထိုင်းသရုပ်ဆောင် Daweerit Chullasapy က သရုပ်ဆောင်ထားခြင်းဖြစ်သည်။ မင်းသမီး မဟာဒေ၀ီအဖြစ် သြစတြေးလျ သရုပ်ဆောင် Maria Ehrich က သရုပ်ဆောင်ထားခြင်း ဖြစ်သည်။ အခြား သရုပ်ဆောင်များအဖြစ် Pauline Knof၊ Simon Schwarz နှင့် သရုပ်ဆောင်များစွာ ပါဝင်ထားသည်ဟု သိရသည်။

သီပေါစော်ဘွား စ၀်ကြာဆိုင်နှင့် သြစတြီးယား နိုင်ငံမှ မိန်းကလေးတို့ လက်ထပ်ထိမ်းမြားခဲ့ပြီး ပျော်ရွှင်သော မိသားစုဘ၀အဖြစ် နေထိုင်နေခဲ့ရာမှ တော်လှန်ရေးကောင်စီ အစိုးရလက်ထက်တွင် ရှမ်းစော်ဘွား စ၀်ကြာဆိုင်အား ဖမ်းဆီးခံရကာ မိသားစု တကွဲတပြားစီ ဖြစ်ခဲ့ရပုံကို သီပေါစော်ဘွား၏ မဟာဒေ၀ီ Inge Eberhard ကိုယ်တိုင် ရေးသားထုတ်ဝေထားသည့် Twilight Over Burma: My Life as a Shan Princess ကို အခြေခံကာ ရိုက်ကူး ပုံဖော်ထားခြင်းဖြစ်သည်။

Twilight Over Burma ရုပ်ရှင်ဇာတ်ကား၏ အဓိက ဇာတ်ဆောင်ဖြစ်သည့် သီပေါစော်ဘွား စ၀်ကြာဆိုင်၏ ဇာတ်ကောင် နေရာတွင် သရုပ်ဆောင်ရန် Casting ပါဝင် ရွေးချယ်ခံခဲ့ဖူးသည့် သရုပ်ဆောင် ဇဏ်က “ကျွန်တော်တို့ မုဒြာရဲ့ခေါ်သံ ရုပ်ရှင်ဇာတ်ကားကို ရိုက်ကူးနေတုန်းမှာ မုဒြာရဲ့ခေါ်သံ ထုတ်လုပ်သူက Twilight Over Burma ဇာတ်ကား ရိုက်ကူးဖို့ ရှိတဲ့အကြောင်း ပြောပြလာပါတယ်။ ပြီးတော့ အဲဒီ ဇာတ်ကားရဲ့ အဓိက ဇာတ်ဆောင်နေရာဖြစ်တဲ့ စ၀်ကြာဆိုင် နေရာအတွက် ထိုင်းမှာ Casting ရွေးဖို့ ရှိတယ်။ ၀င်အရွေးခံဖို့ ပြောလာတာကြောင့် ၀င်ရွေးချယ်ခံဖြစ်တာပါ။ မုဒြာရဲ့ခေါ်သံ ဇာတ်ကား ရိုက်ကူးဆဲဖြစ်တာကြောင့် ထိုင်းကိုတော့ မသွားဖြစ်လိုက်ပါဘူး။ မုဒြာရဲ့ခေါ်သံ ဇာတ်ကား ရိုက်ကွင်းမှာပဲ ကင်မရာနဲ့ ရိုက်ပြီး ပေးပို့ခဲ့တာပါ။ သူတို့ အကြောင်းပြန်လာတာကတော့ ရှမ်းစော်ဘွားရုပ်မျိုးနဲ့ ကျွန်တော်နဲ့က သိပ်မလိုက်ဖက်ဘူး။ အခု လက်ရှိ သရုပ်ဆောင်ထားတဲ့ ထိုင်းသရုပ်ဆောင်ကိုလည်း ရွေးချယ်ပြီးသား ဖြစ်နေတယ်လို့ အကြောင်းပြန်လာပါတယ်” ဟု သူ၏ အတွေ့အကြုံအား ရှင်းပြသည်။

Twilight Over Burma ရုပ်ရှင်ဇာတ်ကားတွင် ထိုင်းနိုင်ငံသားများနှင့် ရှမ်းရွှေ့ပြောင်းလုပ်သား အချို့လည်း ပါဝင် သရုပ်ဆောင်ထားကြောင်း သိရသည်။

Eleven Media Group

 Miss Universe (၂၀၁၅) ဆုရှင်နဲ့  မြန်မာအလှမယ် မေဘရဏီသော်။
Miss Universe (၂၀၁၅) ဆုရှင်နဲ့ မြန်မာအလှမယ် မေဘရဏီသော်။

ကမ္ဘာတ၀န်း နိုင်ငံပေါင်း ၈၀ က အလှမယ်တွေ ၀င်ရောက် ယှဉ်ပြိုင်ခဲ့တဲ့ ၆၄ ကြိမ်မြောက် မယ်စကြ၀ဠာပြိုင်ပွဲမှာတော့ ဖိလစ်ပိုင် အလှမယ် Pia Alonzo Wurtzbach က ၂၀၁၅ ခုနှစ် အတွက် မယ်စကြ၀ဠာ သရဖူ ဆောင်း သွားပါတယ်။ သရဖူဆုရှင်ကို ကိုလံဘီယာ အလှမယ် ဆွတ်ခူးရရှိကြောင်း အစီအစဉ်မှူးက မှားယွင်း ကြေညာပြီး နောက်မှာမှ တောင်းပန်စကားဆိုပြီး သရဖူဆုရှင် အစစ်အမှန် ဟာ Miss Philippine ဖြစ်ပါတယ်လို့ ပြန်ပြီး ကြေညာခဲ့တာကြောင့် ပြိုင်ပွဲဝင်တွေကြား မှာရော ကမ္ဘာတလွှားက ပရိသတ်ကြားမှာပါ အံ့သြ မှင်သက်ခဲ့ကြရ ပါတယ်။

အမေရိကန် ပြည်ထောင်စု Las Vegas မြို့ Planet Hollywood ဟိုတယ်မှာ တနင်္ဂနွေနေ့ ညက ကျင်းပခဲ့တဲ့ မယ်စကြဝဠာပြိုင်ပွဲမှာ မယ်စကြ၀ဠာ မြန်မာ မေဘရဏီသော် လည်း ၀င်ရောက်ယှဉ်ပြိုင်ခဲ့တာပါ။ ဆန်ကာတင် စာရင်းမှာ မပါဝင်ခဲ့ပေမယ့် ပွဲစဉ် တလျှောက်လုံးမှာ အများ စိတ်ဝင်စားမှုကို ရရှိခဲ့တဲ့ မြန်မာအလှမယ် မေဘရဏီသော် အနေနဲ့ မယ်စကြ၀ဠာပြိုင်ပွဲကြီး မှာ တွေ့ကြုံခဲ့ရတဲ့ အတွေ့အကြုံတွေ၊ နိုင်ငံတကာ အလှမယ်တွေနဲ့ မြန်မာ အလှမယ်တွေကြား ဘာတွေများ ကွာခြားသလဲ ဆိုတာနဲ့ အခု ပြိုင်ပွဲအတွေ့အကြုံတွေကို မြန်မာပြည်သူတွေနဲ့ ဘာတွေများ မျှဝေချင်ပါသလဲ ဆိုတာကို ပြိုင်ပွဲ အပြီးမှာဘဲ မသိင်္ဂီထိုက်က ဆက်သွယ် မေးမြန်းတဲ့ အခါမှာတော့ ပြိုင်ပွဲ တလျှောက်လုံး စိတ်အလှုပ်ရှားရဆုံးကတော့ သရဖူ ဆုရှင်ကို မှားယွင်းကြေညာခဲ့တဲ့ အခိုက်အတန့်ဘဲ ဖြစ်တယ်လို့ အခုလို စပြီး ဖြေကြားခဲ့ ပါတယ်။

“နောက်ဆုံးပေါ့နော်။ Presenter ကနေပြီးတော့ လှမ်းပြီးကြေညာလိုက်တာ Columbia ဆိုပြီးတော့ ကြေညာလိုက်တယ်။ကြေညာလိုက်တဲ့အချိန်မှာ ညီမတို့တွေက စင်ပေါ်မှာရပ်နေတယ်။ Presenter ဖတ်တဲ့ ဘုတ်ပေါ်မှာ Philippine ဆိုပြီးတော့ ပေါ်လာတယ်။ အဲတော့ ညီမတို့တွေလည်းကြည့်ပြီးတော့ အရမ်းအံ့သြသွားတယ်။ ညီမတို့တွေက လိုက်ဖတ်နေတာကို၊ စင်ပေါ်မှာ လှမ်းမြင်နေရတာကို။ လှမ်းမြင်နေတော့ အံ့သြသွားတော့ နောက် သူတို့ကိုကြည့်လိုက်တော့ သူတို့လည်းအဲဒီကိစ္စနဲ့ ပတ်သက်ပြီးဆွေးနွေးနေတာတွေ့တော့ ဒါ မှားသွားပြီပေါ့ဆိုပြီးတော့ သိသွားတာ။ နောက်မှ သူတို့တွေ Presenter ကိုယ်တိုင်ကိုကပေါ့နော် ထုတ်ဖော်ပြီးတော့ ဒါ သူ့အမှားပါဆိုပြီးတော့ တကယ်ရတာက Philippine မယ်ပါ ဆိုပြီးတော့ Columbia မယ် မဟုတ်ပါဘူး ဆိုပြီးတော့ ပြောလိုက်တာပေါ့လေ။ တော်တော်လေးကို အကုန်လုံးက အံ့သြသွားတာပေါ့နော်။ လူတွေက ဒေါသတွေလည်း ထွက်ကြတာပေါ့။ ဒီ Crowning Moment တောင်မှ ဘယ်လိုဖြစ်လို့ပြီးသွားလဲကို မသိလိုက်ဘူးရှင့်။

မေး။ ။ Philippine မယ် အရွေးခံရတဲ့အပေါ်မှာ ညီမအနေနဲ့ရော ဘာများ ပြောချင်ပါသလဲ။

ဖြေ။ ။ အမှန်အတိုင်းပြောရရင် Philippine က သူတို့ ညီမတို့နဲ့ယှဉ်ရင် ညီမတို့က Miss Universe ကို ၀င်ပြိုင်တာ အခုမှ ၃ နှစ်ပဲရှိသေးတယ်။ Philippine က နှစ်ပေါင်းမနည်းတော့ဘူး။ ၀င်ပြိုင်လာတဲ့ အဖွဲ့အစည်းပေါ့နော်။ ပြီးတော့ သူတို့ရဲ့ ပရိတ်သတ်တွေက အရမ်းကို supporting ကောင်းတယ်၊ Background ကောင်းတယ်။ တော်တော်များများ ပရိတ်သတ်တွေ လာပြီးတော့ အားပေးကြတာကိုတွေ့ရတယ်ပေါ့နော်။ သူတို့ဆီမှာ ဒီ Miss ဆိုတာ အရမ်းကို ပေါ်ပြူလာဖြစ်တယ်ပေါ့နော်။ အရမ်း supporting လည်းကောင်းပြီးတော့ Training တွေလည်းတော်တော်လေးကို ကောင်းတာကိုတွေ့ရတယ်။ Philippine မယ်နဲ့ ညီမနဲ့က Roommate ပါ။ သူနဲ့တွေ့လိုက်တဲ့ အချိန်မှာပေါ့နော် သူဟာတော်တော်ကို Train ထားတယ်ဆိုတာကို သိသာပါတယ်။ အရမ်းလည်း သူ့အတွက် pressure လည်း များတာကို ညီမ တွေ့ရတယ်။

မေး။ ။ အဲတော့ Miss Philippine အကြောင်းလည်း ပြောပါဦးရှင့်။ သူနဲ့မှတ်မှတ်ရရ ဘာတွေများရှိပါလည်း သူကတကယ်ပဲ ဒီဆုနဲ့ ထိုက်တန်ပါရဲ့လား။

ဖြေ။ ။ သူကအရမ်းကို သူ့ကိုယ်သူ control လုပ်တယ်။ ထိန်းတယ်ပေါ့နော်။ စကားပြောတာလည်း တကယ်ကောင်းတယ်။ အပြင်က ကြည့်ရင်တော့ သူ့ကို အရမ်းမာနကြီးတယ်လို့ ထင်ကြတယ်။ ဒါပေမယ့် သူနဲ့တကယ်ပေါင်းဖြစ်ခဲ့တဲ့အခါမှာ သူက အရမ်းကို ခင်ဖို့ကောင်းတဲ့လူတယောက်ပါ။ သူက အမြဲတမ်း ညီမတို့အပေါ်လည်း ခင်ခင်မင်မင်နဲ့ ဆက်ဆံတယ်။ တခါတလေ သူကနေတာ သီချင်းဖွင့်ပြီးတော့။ အရမ်းလည်းပျော်ဖို့ကောင်းတယ်။

မေး။ ။ အဲတော့ ပြိုင်ဖက်တွေအချင်းချင်းပေါ့။ ကိုယ်နဲ့ပြိုင်တဲ့ ပြိုင်ဖက်တွေ တခန်းတည်းမှာ အတူနေနေရတယ်။ နိုင်ငံတကာကနေပြီးတော့ Background မတူတဲ့လူတွေ လာကြတယ်ပေါ့နော်။ ဒီလိုလူတွေကြားမှာ ညီမတို့အနေနဲ့ ပေါင်းသင်းဆက်ဆံရေး နေရထိုင်ရ၊ ဒီအပေါ်မှာရောညီမအနေနဲ့ ဘယ်လိုတွေ့ခဲ့လဲ။ ဒီအပေါ်မှာ တွေ့ခဲ့တဲ့ဟာတွေရော ဘာများမျှဝေချင်ပါသလဲ။

ဖြေ။ ။အမှန်အတိုင်းပြောရရင်တော့ ညီမတို့တွေ အမြဲတမ်း တခုရှိတာပေါ့နော်။ ဒီ Latin ဆိုရင်လည်း Latin တအုပ်စု။ အာရှဆိုရင်လည်း အာရှတအုပ်စု နေကြတာများတယ်ရှင့်။ ညီမတို့အဖွဲ့ထဲဆိုရင် ညီမရယ်၊ Philippine ရယ် ဒီမလေးရှားရယ်၊ China ရယ်ပေါ့နော် အာရှအဖွဲ့ကလူတွေ များသောအားဖြင့် တစုနေကြတာပေါ့နော်။ တယောက်နဲ့တယောက်ကလည်း သိပ်ပြီး ပတ်သက်ကြတာ မဟုတ်ဘူးပေါ့နော်။ တခါတလေတော့လည်း နဲနဲတော့ ထိခိုက်မှုလေးတော့ ရှိတယ်ရှင့်။ နိုင်ငံနဲ့ပတ်သက်ပြီးတော့လေ အဲဒီလိုမျိုးပေါ့နော်။ လူမျိုး ခွဲခြားတာမျိုးတွေ၊ အာရှတိုက်ကလူနဲ့တူလို့ ဆိုပြီးတော့ ပြောတာတွေတောင်ရှိတယ်။ သူတို့ Latin ကလူက ဓါတ်ပုံရိုက်လိုက်လို့ ပုံစံက တခုခုဖြစ်သွားရင် အာရုတိုက်ကလူနဲ့တူသွားပြီ ဆိုပြီးတော့ ညီမတို့ အာရှတိုက်ဘက်ကို ပြောတာမျိုးတွေကိုလည်း တခါတလေ ခံရတယ်ရှင့်။ အဲဒီတော့ပေါ့နော် တခါတလေကတော့ အဲဒီလိုမျိုး အခက်အခဲလေးတွေက အများကြီးပါပဲရှင်။

မေး။ ။ အဲတော့ ဒါနိုင်ငံတကာပေါ့နော် အခုဆိုရင် ၈၁ ယောက်ထဲမှာ ၁ ယောက်က ထွက်သွားတော့ ၈၀ ပေါ့နော်။ ဒီအလှမယ် ၈၀ နဲ့ ညီမ ရင်ဘောင်တန်းပြီးတော့ ပြိုင်ခဲ့တယ်။ ဒီအပေါ်မှာ မြန်မာနိုင်ငံ အလှမယ် တယောက်အနေနဲ့ပေါ့နော် နိုင်ငံတကာ အလှမယ်တွေနဲ့ အဓိက ဘာတွေ ကွာခြားမှုတွေ ရှိနေလဲရှင့်။

ဖြေ။ ။ အတုယူစရာတွေကတော့ သူတို့ကအရမ်းကို ယုံကြည်မှုပြင်းထန်တယ်။ သူတို့ကိုယ်သူတို့ ယုံကြည်တယ်။ မြန်မာလူမျိုးတွေဆိုရင် လူငယ်ကတည်းက မိဘရဲ့အုပ်ထိန်းမှုအောက်မှာ နေလာတော့ အရမ်းကိုပေါ့နော် ကိုယ့်ကို ကြောက်စိတ်တွေရှိတယ်။ ညီမတို့တွေကျတော့ အရမ်းကို ကြောက်တက်တယ်။ ဒီလိုကြီးလာတဲ့အချိန်မှာ လူရှေ့သူရှေ့မှာ ညီမတို့ပြောရဲဆိုရဲဖို့တော်တော်ကို ကျင့်ယူခဲ့ရတယ်ရှင့်။ သူတို့တွေကတော့ အဲဒီလိုမဟုတ်ဘူး ။ အရမ်းကို ကွဲပြားခြားနားတယ်ပေါ့နော်။ တကယ်ကို သူတို့ကိုသူတို့ ဘယ်အရာမဆို မလုပ်ရဲဘူး၊ မလုပ်တတ်ပေမယ့်လဲ သူတို့ စမ်းလုပ်ကြည့်မယ် ဆိုတဲ့ သူတို့ရဲ့စိတ်ဓါတ်တွေက အရမ်းလေးစားဖို့ကောင်းတယ်။ ယုံကြည်မှုပြင်းထန်တယ်ပေါ့နော် သူတို့တွေ။

မေး။ ။ အခုပြိုင်ပွဲမှာ ပြိုင်ခဲ့ရတာ အားရကျေနပ်မှု ရှိပါသလား။

ဖြေ။ ။ ကျေနပ်မှုကတော့ ညီမ ရှိပါတယ် ဘာဖြစ်လို့လဲဆိုတော့ ညီမ အကောင်းဆုံး ယှဉ်ပြိုင်ခဲ့တယ်။ အကောင်းဆုံး ယှဉ်ပြိုင်ခဲ့တဲ့အတွက်လည်း ညီမကိုယ်ညီမလည်းကျေနပ်တယ်။ ရလဒ်တွေတော့ ညီမ မကြည့်ချင်တော့ဘူး။ ညီမ ကိုယ့်ကိုယုံကြည်ပြီးတော့ အကောင်းဆုံးကြိုးစားခဲ့တယ် လို့ ညီမ ယုံကြည်တယ်ပေါ့။ သူတို့ဆီကလည်း ညီမအတွေ့အကြုံတွေ အများကြီးလည်း ရခဲ့ပါတယ်။ သူတို့ဆီက အတွေ့အကြုံတွေကို ညီမ အတုယူနိုင်လို့သာ မြန်မာနိုင်ငံက ပရိတ်သတ်တွေက ညီမကို အားပေးလာတယ်ပေါ့နော်။ ညီမဒီမှာပြိုင်နေတဲ့အချိန်မှာ သူတို့ဆီက အားပေးမှုတွေ အများကြီးရလာတယ်လို့ ညီမယုံကြည်ပါတယ်။”

မြန်မာအလှမယ် မေဘရဏီသော် နဲ့ ဆက်သွယ်မေးမြန်းချက်

မယ်စကြ၀ဠာ မြန်မာ အလှမယ် မေဘရဏီသော်ကတော့ အခု ပြိုင်ပွဲ အပြီး မြန်မာနိုင်ငံ ကို ပြန်လည် ရောက်ရှိချိန်မှာလည်း အလှမယ် တဦး အနေနဲ့ ဆက်လက် ရပ်တည်သွားမှာ ဖြစ်ပြီး နိုင်ငံတကာ အလှမယ် ပြိုင်ပွဲတွေကို ၀င်ရောက် ယှဉ်ပြိုင်လိုသူ မြန်မာ အလှမယ်တွေကိုလည်း အတွေ့အကြုံတွေ ဖလှယ် မျှဝေမယ်လို့ ဗွီအိုအေနဲ့ မေးမြန်းခန်းမှာ ပြောဆိုခဲ့ပါတယ်။

ဆက်ပြီးတော့ ဒါရိုက်တာ မစိုးယုဝေရဲ့ အတွေ့အကြုံကို တင်ပြပေးပါမယ်။

ဖိလစ်ပိုင်၊ အင်ဒိုနီးရှား၊ ထိုင်းနဲ့ ဂျပန်တို့လို အာရှနိုင်ငံတွေက အလှမယ်တွေ ဆန်ခါတင် စာရင်းဝင်ခဲ့ပြီး အာရှတိုက်သူ ဖိလစ်ပိုင် အလှမယ် သရဖူဆောင်းခဲ့တဲ့ Miss Universe ပြိုင်ပွဲကြီးမှာ မြန်မာနိုင်ငံကလည်း နှစ်ပေါင်း ၅၀ ကျော် အတွင်း တတိယ အကြိမ် အဖြစ် ၀င်ရောက်ယှဉ်ပြိုင်ခဲ့ပါတယ်။ မြန်မာ အလှမယ်တွေဟာ နိုင်ငံတကာ အလှမယ်တွေနဲ့ ရင်ပေါင်တန်းနိုင်တဲ့ အနေအထားမှာ ရှိပေမယ့် ဆန်ခါတင် စာရင်းဝင်ပြီး ဆုတွေ ချိတ်ဖို့တော့ ဆက်လက် ကြိုးစားရဦးမှာ ဖြစ်တယ်လို့ မယ်စကြ၀ဠာ မြန်မာ အဖွဲ့အစည်းရဲ့ National Director က ပြောပါတယ်။

မယ်စကြ၀ဠာ မြန်မာ အဖွဲ့အစည်း အနေနဲ့ နောက်လာမယ့် မယ်စကြာဝဠာ ပြိုင်ပွဲတွေမှာ နိုင်ငံတကာ အလှမယ်တွေနဲ့ ယှဉ်ပြိုင်နိုင်ဖို့ မြန်မာ အလှမယ်တွေကို ဘယ်လို လေ့ကျင့် ပျိုးထောင်ပေးသွားမလဲ ဆိုတာနဲ့ အခု ယှဉ်ပြိုင်ခဲ့ရတဲ့ အတွေ့အကြုံတွေကို မသိင်္ဂီထိုက်က ဆက်သွယ်မေးမြန်းတာမှာ National Director မစိုးယုဝေက အခုလို စပြောပါတယ်။
မယ်စကြ၀ဠာ မြန်မာ ရဲ့ National Director မစိုးယုဝေ ဆက်သွယ်မေးမြန်းချက်အပြည့်အစုံ

အမေရိကန် ပြည်ထောင်စု Las Viges မြို့ကို ရောက်ရှိနေတဲ့ မယ်စကြ၀ဠာ မြန်မာ ရဲ့ National Director မစိုးယုဝေကို မသိင်္ဂီထိုက် ဆက်သွယ်မေးမြန်း ခဲ့တာ ဖြစ်ပါတယ်။

VOA
http://burmese.voanews.com/content/iv-with-miss-universe-myanmar/3111640.html


 မြန်မာမယ်စကြာဝဠာ မေဘရဏီသော် (Photo- Miss Universe Organization)
မြန်မာမယ်စကြာဝဠာ မေဘရဏီသော် (Photo- Miss Universe Organization)

ကမ္ဘာ့မယ်စကြာဝဠာသရဖူကိုဆွတ်ခူးမယ့် နောက်ဆုံးပြိုင်ပွဲကြီးကို အမေရိကန်ပြည်ထောင်စု Neveda ပြည်နယ် Las Vegas မြို့မှာ ဒေသစံတော်ချိန်မကြာခင်နာရီပိုင်းအတွင်း စတင်ကျင်းပတော့မှာဖြစ်ပါတယ်။

ပြိုင်ပွဲမစခင် နာရီပိုင်းအလို မြန်မာမယ်စကြာဝဠာမေဘရဏီသော်ကို ဗွီအိုအေက ဆက်သွယ်မေးမြန်းရာမှာ (၈၁)နိုင်ငံက အလှမယ်တွေနဲ့ယှဉ်ပြိုင်ရာမှာ သူ့အတွက် အဓိက စိန်ခေါ်မှုနဲ့ပတ်သက်ပြီး မေဘရဏီသော်က အခုလိုစပြောပါတယ်။

“Rehearsal တိုက်တော့ညီမတို့အဖွဲ့တွေပေါ့နော်။ အဲလိုမျိုး သီချင်းဆိုတာမှာ ကရတယ်လေ ။ အဲဒီအချိန်က ကိုယ့်အတွက် တကယ်နေရထိုင်ရခတ်တာပေါ့နော်။ မြန်မာလူမျိုးတယောက်အနေနဲ့လဲ swimming suit ၀တ်တာရှားတယ်လေ။ အဲလိုအချိန်မှာသူတို့က Swimming suit ၀တ်ပြီးတော့ ကရမယ်ပေါ့နော် အဲလိုမျိုးတွေပြောတော့ ညီမ လက်ခံရဖို့တော့ တော်တော်ကြိုးစားရတယ်။ ညီမမျှော်လင့်ချက်ကတော့ Evening Evening gown own ရယ်၊ National Costume ရယ်ကို ညီမအရမ်းမျှော်လင့်တယ်။ နောက်ပြီးတော့လည်း ဘယ်သူမဆိုတော့ အကောင်းဆုံးမျှော်လင့်တာပေါ့။ ၁၅ ယောက်ရွေးတဲ့အထဲကိုလည်းညီမ အရမ်းဝင်ချင်ပါတယ်။ ဘာဖြစ်လို့လဲဆိုတော့ ညီမကိုလည်း ပရိတ်သတ်တွေက အရမ်းကို မျှော်လင့်နေတာကြောင့်မို့လို့လေ။”

အကြိုပြိုင်ပွဲတွင်း မတော်တဆဖြစ်ရပ်တခုမှာ အိနြေ္ဒမပျက် သတ္တိရှိရှိအကောင်းဆုံးယှဉ်ပြိုင်နိုင်ခဲ့တဲ့အတွက် သူ့အနေနဲ့ နောက်ဆုံးပြိုင်ပွဲကြီးမှာလည်း ရလဒ်ကောင်းတွေထွက်နိုင်အောင် ယုံကြည့်မှုအပြည့်နဲ့နိုင်ငံကိုယ်စားပြု ယှဉ်ပြိုင်သွားမယ်လို့ မေဘရဏီသော်က ပြောပါတယ်။

ဒါ့အပြင် ဒီနှစ်ပြိုင်ပွဲမှာ မြန်မာအလှမယ်အနေနဲ့ အခြား အရှေ့တောင်အာရှနိုင်ငံတွေက အလှမယ်တွေနဲ့ ရင်ဘောင်တန်း အကြိတ်အနယ်ယှဉ်ပြိုင်နိုင်တယ်လို့ Las Vegas မှာကျင်းပနေတဲ့ပြိုင်ပွဲကိုတက်ရောက်နေတဲ့ Miss Universe Myanmar ရဲ့ National Director မစိုးယုဝေက ပြောပါတယ်။

“ဒီနှစ်ကတော့ ပိုပြီးတော့ရင်ခုန်ဖို့ကောင်းတာပေါ့နော်။ စိတ်လှုပ်ရှားဖို့လည်းကောင်းတာပေါ့။ Las Vegas မှာလည်း ပြိုင်ရတာဖြစ်တယ်။ နောက်ပြီးတော့ အမတို့ အတွေ့အကြုံလည်း ၂ နှစ်လောက်ရလာပြီးပြီဆိုတော့ ဒီနှစ်က အရင်နှစ်တွေထက်ပိုပြီးတော့ ပြင်ဆင်လာတယ်ပေါ့နော်။ ပြင်ဆင်လာပြီးတော့ အခုပြိုင်တဲ့အခါမှာလည်း အများသိတဲ့အတိုင်းပဲခြေချော်လက်ချော်ဖြစ်သွားတယ်။ ပရိတ်သတ်ကလည်းအရမ်းအားပေးတယ်။ သူကလည်း အကောင်းဆုံးလုပ်နိုင်တယ်ဆိုတော့လေ ပြိုင်ဆိုင်မှုတွေကလည်းပိုပြီးတော့ ပြင်းထန်လာတယ်။ ဒီအရှေ့တောင်အာရှနိုင်ငံအချင်းချင်းကိုပဲ။ အရင်နှစ်တွေကဆိုရင် Philippine လောက်ကိုပဲ အမတို့က အဓိကထားပြီးပြိုင်ရပေမယ့် နောက်ပိုင်းကျတော့ Vietnam တို့ဘာတို့လည်းပိုကောင်းလာတာပေါ့နော်။”

ဒီနှစ် Miss Universe ပြိုင်ပွဲ ရွေးချယ်မယ့် ဒိုင်လူကြီးတွေထဲမှာနာမည်ကျော်အနုပညာရှင်နဲ့အားကစားသမားတွေလည်းပါဝင်ပါတယ်။ ဟောလီးဝုဒ်ရုပ်ရှင်မင်းသမီး Niecy Nash၊ ၂၀၁၂ခုနှစ် ကမ္ဘာ့မယ်စကြာဝဠာသရဖူကိုဆွတ်ခူးခဲ့သူ Olivia Culpo၊ နာမည်ကျော် အမေရိကန်ဘောလုံးသမား Emmitt Smith နဲ့ နာမည်ကျော် အနုပညာသတင်းတွေကိုတင်ဆက်နေသူ Perez Hilton တို့ဖြစ်ပါတယ်။

အင်ကြင်းနုိုင်/VOA
http://burmese.voanews.com/content/miss-universe-myanmar-may-baranithaw-/3111532.html

pyithu-hluttaw-620.jpg ပြည်သူ့လွှတ်တော် အစည်းအဝေးကျင်းပနေစဉ်

နိုင်ငံတော်သမ္မတ တာဝန်ထမ်းဆောင်ခဲ့သူရဲ့ လုံခြုံရေးဆိုင်ရာ ဥပဒေကြမ်းကို ပြည်သူ့လွှတ်တော်မှာ ပြည်ထဲရေး ၀န်ကြီးဌာနက ဒီကနေ့ တင်သွင်းခဲ့ပါတယ်။

အဲဒီဥပဒေကြမ်းကို ပြည်ထဲရေးဝန်ကြီးဌာနကရေးဆွဲပြီး ပြည်ထဲရေးဝန်ကြီးဌာန ဒုတိယ၀န်ကြီး ဗိုလ်မှူးချုပ် ကျော်ဇံမြင့်က ဒီကနေ့ ပြည်သူ့လွှတ်တော်မှာ တင်သွင်းခဲ့တာဖြစ်ပါတယ်။

"နိုင်ငံတော်သမ္မတ တာဝန်ထမ်းဆောင်ခဲ့သူရဲ့ လုံခြုံရေးဆိုင်ရာ ဥပဒေကြမ်းမှာ အခန်း ၅ ခန်း ပုဒ်မပေါင်း ၁၄ ခုနဲ့ ရေးဆွဲထားခြင်းဖြစ်ပါတယ်၊ နိုင်ငံတော်သမ္မတ တာဝန်ထမ်းဆောင်ခဲ့သူရဲ့ အသက်အန္တရာယ်နဲ့ ကိုယ်ကာယ ကို ထိခိုက်ခြင်းမှ ကြိုတင်ကာကွယ်နိုင်ရေးအတွက်ကို လုံခြုံရေးဆိုင်ရာ ဆောင်ရွက်နိုင်ရန်အတွက် နိုင်ငံတော် သမ္မတ တာဝန်ထမ်းဆောင်ခဲ့သူရဲ့ လုံခြုံရေးဆိုင်ရာ ဥပဒေကြမ်းဟာ ပြည်သူ့လွှတ်တော်မှာ လက်ခံဆွေးနွေးပေး ပါရန် တင်ပြအပ်ပါတယ်"

ဒီဥပဒေကြမ်းမှာ နိုင်ငံတော်သမ္မတ တာဝန်ထမ်းဆောင်ခဲ့သူက အဆိုပြုတဲ့သူကို လုံခြုံရေးအတွက် ကိုယ်ရံတော် တစ်ယောက်ကို ခန့်ထားနိုင်ကြောင်း၊ နေအိမ်နဲ့ ပြင်ပကို သွားလာတဲ့အခါမှာလည်း လုံခြုံ ရေးအဖွဲ့ရဲ့ အစောင့် အရှောက်နဲ့ သွားလာရမယ်လို့ ပြဌာန်းထားပါတယ်။

ဒါ့အပြင် နိုင်ငံတော်သမ္မတ တာဝန်ထမ်းဆောင်ခဲ့သူရဲ့ လုံခြုံရေးအတွက် ကျသင့်တဲ့ဘဏ္ဍာငွေကို သက်ဆိုင်ရာ ၀န်ကြီးဌာနက ကျခံပေးရမယ့်အပြင် ကိုယ်ရံတော်အဖွဲ့ အသုံးပြုဖို့အတွက် သင့်လျော်မယ့် လက်နက်တွေကိုလည်း သတ်မှတ်ချက်နဲ့အညီ တပ်ဆင်ပေးရမယ်လို့ ပါရှိပါတယ်။

နိုင်ငံတော်သမ္မတ တာဝန်ထမ်းဆောင်ခဲ့သူရဲ့ လုံခြုံရေးအတွက် အကာအကွယ်ပေးခြင်းကို ရာထူးသက်တမ်း ကုန်ဆုံးတဲ့နေ့ကစပြီး ရာသက်ပန် ခံစားခွင့်ရှိကြောင်းလည်း ဥပဒေကြမ်းမှာ ပါရှိပါတယ်။

ဥပဒေကြမ်းကို ဆွေးနွေးမယ့် လွှတ်တော်ကိုယ်စားလှယ်တွေအနေနဲ့ ဒီဇင်ဘာလ ၂၃ ရက်နေ့ နောက်ဆုံးထား စာရင်းပေးသွင်းရမှာဖြစ်ပြီး လွှတ်တော်က အတည်ပြုပေးရမှာ ဖြစ်ပါတယ်။

RFA

 shwemann-620.jpg ပြည်ထောင်စုလွှတ်တော် နာယက သူရဦးရွှေမန်းကို ပြည်ထောင်စုလွှတ်တော်မှာ တွေ့ရစဉ်

နိုင်ငံရေးပင်စင်လို့ခေါ်နိုင်တဲ့ တလုံးတခဲတည်းချီးမြှင့်ငွေဟာ လွှတ်တော်ကိုယ်စားလှယ်တွေတင် မဟုတ်ဘဲ ၊ နိုင်ငံတော်သမ္မတ၊ ဒုတိယသမ္မတတွေ၊ ပြည်ထောင်စုအဆင့် ၀န်ကြီးတွေပါ ရယူခံစားကြတာလို့ ပြည်ထောင်စု လွှတ်တော်နာယက သူရဦးရွှေမန်း က ပြောပါတယ်။

ဒီကနေ့ကျင်းပတဲ့ ပြည်ထောင်စုလွှတ်တော် အစည်းအဝေးမှာ ပြည်ထောင်စုလွှတ်တော် နာယက သူရဦးရွှေမန်း က ပြောကြားခဲ့တာဖြစ်ပါတယ်။

"အခုလည်းဒီကိစ္စကို စာပေးနိုင်ဖို့ သက်ဆိုင်ရာဌာနက ပုံစံတွေပေးပို့ပြီး လွှတ်တော်ကိုယ်စားလှယ်တွေက မိမိနဲ့သက်ဆိုင်တဲ့ အချက်အလက်တွေ ဖြည့်ဆည်းပေးဖို့ တောင်းခံဆောင်ရွက်နေတာက ဒီလိုဝေဖန်ပြော ဆိုမှုတွေနဲ့ ရှင်းလင်းရတဲ့ အခြေအနေပေါ်လာတာလို့ ယူဆပါတယ်၊ နောက်ဆုံးရှင်းလင်းချင်တာက လွှတ်တော် ကိုယ်စားလှယ်တွေပဲ မဟုတ်ပါဘူး နိုင်ငံတော်မှာ ပြီးခဲ့တဲ့ငါးနှစ်ကာလအတွင်း အဆင့်ဆင့်တာဝန်ထမ်းဆောင် ခဲ့ကြပြီး တင်ပြခဲ့တဲ့ဥပဒေများမှာ အကျုံးဝင်တဲ့ပုဂ္ဂိုလ်အားလုံး ခံစားခွင့်ရရှိတာဖြစ်ပါကြောင်း လွှတ်တော်အပိုင်းက ရှင်းလင်းသင့်တဲ့ အခြေအနေကို တင်ပြခြင်းဖြစ်ပါတယ်"

ပြီးခဲ့တဲ့ ၂၀၁၁ ခုနှစ်ကနေ ၂၀၁၅ ခုနှစ် ၅ နှစ်အတွင်း တာဝန်ထမ်းဆောင်ခဲ့တဲ့ သမ္မတ၊ ဒုတိယသမ္မတတွေ ၊ ပြည်ထောင်စုအဆင့်အဖွဲ့ဝင်တွေ၊ တိုင်းဒေသကြီးကိုယ်စားလှယ်တွေဟာ လက်ရှိရရှိနေတဲ့ လစာချီးမြှင့်ငွေကို တာဝန်ထမ်းဆောင်ခဲ့တဲ့ လုပ်သက်နှစ်နဲ့ မြှောက်ပြီး ရရှိလာတဲ့ပမာဏကို နိုင်ငံရေးပင်စင် ချီးမြှင့်ငွေအဖြစ် ပေးအပ် မှာဖြစ်ပါ တယ်။

တစ်လချီးမြှင့်ငွေ သိန်း ၃၀ ခံစားရတဲ့ ၀န်ကြီးတစ်ဦးဟာ သိန်း ၁၅၀၊ တစ်လ ၂၅ သိန်းခံစားခွင့်ရ ဒုဝန်ကြီးတစ်ဦး ဟာ ၇၅ သိန်း၊ တစ်လ ၁၀ သိန်းခံစားခွင့်ရ လွှတ်တော်ကိုယ်စားလှယ်တစ်ဦးဟာ သိန်း ၅၀ တစ်လုံးတစ်ခဲတည်းရရှိ မှာ ဖြစ်ပါတယ်။

ပြည်ထောင်စုအဆင့် ပုဂ္ဂိုလ်များရဲ့ ချီးမြှင့်ငွေ၊ စရိတ်နဲ့ အဆောင်အယောာင်များ ဥပဒေအရ ချီးမြှင့်တာဖြစ်ပြီး အဲဒီထဲမှာ တပ်မတော်ကာကွယ်ရေးဦးစီးချုပ်က တိုက်ရိုက်ခန့်အပ်ထားတဲ့ ကာကွယ်ရေးဝန်ကြီး၊ နယ်စပ်ရေးရာ ၀န်ကြီး၊ ပြည်ထဲရေးဝန်ကြီးနဲ့ တပ်မတော်သား လွှတ်တော်ကိုယ်စားလှယ်တွေ မပါဝင်ဘူးလို့ သိရပါတယ်။

RFA


 drug-workshop-taunggyi-620.jpg ရှမ်းပြည်နယ် မူးယစ်ဆေး ပြဿနာအလုပ်ရုံ ဆွေးနွေးပွဲကို ဒီဇင်ဘာလ ၂၁ ရက်နေ့က တောင်ကြီးမြို့ Classic ခန်းမမှာ ကျင်းပနေစဉ်
Photo: Khun Yazar/ RFA

မြန်မာနိုင်ငံ ရှမ်းပြည်နယ်မှာ မူးယစ်ဆေးဝါး ထုတ်လုပ် ရောင်းချမှု ပြဿနာ ကြီးထွားလာတဲ့အတွက် ကိုလံဘီယာနိုင်ငံ အခြေစိုက် Transnational Institute (TNI) အဖွဲ့နဲ့ ပအိုဝ်းလူငယ်အစည်းအရုံး (PYO) တို့ပူးပေါင်းပြီး ငြိမ်းချမ်းရေး ပဋိပက္ခနဲ့ မူးယစ်ဆေးဝါးဆိုတဲ့ ခေါင်းစဉ်နဲ့ အလုပ်ရုံဆွေးနွေးပွဲကို တောင်ကြီးမြို့ Classic ခန်းမမှာ မနေ့က ပြုလုပ် ပါတယ်။

မူးယစ်ဆေးဝါးပြဿနာတွေ ဖြေရှင်းတဲ့အခါမှာ လာမယ့် ပြည်ထောင်စုအစိုးရက ဦးဆောင်ပြီး နိုင်ငံရေးဆွေးနွေးပွဲမှာလည်း ထည့်သွင်းဆွေးနွေးဖို့ အတွက် တောင်းဆိုတယ်လို့ ပအိုဝ်းလူငယ်အစည်းအရုံးအဖွဲ့ဝင် ခွန်ဦးက ပြောပါတယ်။

"ဘိန်းနဲ့ ဆက်နွယ်နေတဲ့ ခရိုနီတွေလည်းရှိပါတယ်၊ သူတို့ မူဝါဒအရ၊ စီးပွားရေးအရ အကြီးအမားကိုင်တဲ့သူတွေကို လည်း ကျနော်တို့ချည်းကပ်ပြီးတော့ အဖြေရှာသွားဖို့လိုအပ်တယ်၊ အဲ့တော့ နိုင်ငံရေးဆွေးနွေးပွဲဖြစ်လာခဲ့သည် ရှိသော် ဒါကိုလည်း ဆွေးနွေးပေးစေချင်တယ်၊ ငြိမ်းချမ်းရေးဖြစ်စဉ်မှာ ဆွေးနွေးဖြစ်မယ်ဆိုရင်လည်း ထည့်ဆွေးနွေးစေချင်တယ်၊ NCA မှာတော့ အားလုံးပါဝင်ရေးမဖြစ်တဲ့အခါလည်း ဆွေးနွေးပါ၊ အားလုံးပါဝင်တဲ့အခါ မှာလည်း ဆွေးနွေးပါ၊ ဒီကိစ္စက တချိန်လုံး တွန်းသွားရမယ့်အလုပ်တစ်ခုပါပဲ"

ဒီ ဆွေးနွေးပွဲမှာ လက်နက်ကိုင် ပဋိပက္ခနဲ့ မူးယစ်ဆေးဝါးပတ်သက်ပုံ၊ မူးယစ် ဆေးဝါးနဲ့ လူထုအတွက် ဆိုးကျိုးတွေနဲ့ မူးယစ်ဆေးဝါးပြဿနာကို ဘယ်လို ကိုင်တွယ် ဖြေရှင်းရမယ်ဆိုတာတွေကို အဓိကဆွေးနွေးကြတာဖြစ်ပါတယ်။

ရှမ်းပြည်နယ်တောင်ပိုင်း ပင်လောင်း၊ ဆီဆိုင်၊ ဟိုပုံး၊ ဖယ်ခုံ၊ တောင်ကြီးမြို့နယ်ရှိ ဒေသခံနဲ့ အရပ်ဘက်လူမှုအဖွဲ့အစည်း ၅၀ ကျော် ဆွေးနွေးပွဲကို တက်ရောက် ဆွေးနွေးခဲ့ကြပါတယ်။

ရှမ်းပြည်နယ်မြောက်ပိုင်း၊ အရှေ့ပိုင်းအတော်များများမှာ ဘိန်းစိုက်ပျိုးလုပ်ကိုင်တာတွေရှိသလို ရှမ်းပြည်နယ် တောင်ပိုင်း ဟိုပုံး၊ ပင်လောင်း၊ ဆီဆိုင်နဲ့ ဖယ်ခုံ မြို့နယ်တွေမှာလည်း ဘိန်းစိုက်ပျိုးမှုတွေ အများဆုံးစိုက်ပျိုးကြတယ်လို့ သိရပါတယ်။

RFA

mawlu-mine-620.jpg

စစ်ကိုင်းတိုင်း ကသာခရိုင်မော်လူးဒေသမှာ သက်ဆိုင်ရာက ကျောက်စိမ်းတူးဖော်ခွင့် တရားဝင်လုပ်ကွက် ၄၇ ကွက် သတ်မှတ်ပေးထားတဲ့အပြင် တရားမဝင် တူးဖော်နေကြတဲ့ ကုမ္ပဏီတွေဟာ နေ့စဉ် နေ့တိုင်း ကျောက် မိုင်းတွေခွဲပြီး စက်ယန္တရားကြီးတွေနဲ့ တူးဖော်နေကြပါတယ်။

သတ္တုတွင်းဝန်ကြီးဌာနက မဟာကြယ်ကျောက်မျက်ကုမ္ပဏီ၊ ကံပွင့်ဦး၊ မြင့်ထက်ဇော်ကုမ္ပဏီ၊ ဝူဘရားသားကုမ္ပဏီ၊ Forever Super Jade ကုမ္ပဏီ ၊ မန်းရတနာထွန်းကုမ္ပဏီ၊ ဓူဝံကြယ် ကုမ္ပဏီ၊ ဇဗ္ဘူသီရိ ကုမ္ပဏီတွေကို လုပ်ကိုင် ခွင့်ပေးထားတာ ဖြစ်တယ်လို့ အဲ့ဒီိ ကျောက်စိမ်းတွင်းဒေသကို ရောက်ရှိခဲ့တဲ့ ကာတွန်းဆရာ ဟာဂျူလီ (ကသာ) က ပြောပါတယ်။

မကြာသေးခင်က တရားဝင်လုပ်ကိုင်တူးဖော်ခွင့်မရှိတဲ့ ကုမ္ပဏီတစ်ခုကို သစ်တောအက်ဥပဒေ ပုဒ်မ ၄၀ဝ(ဂ) နဲ့ သစ်တောမြေထဲ တူးဆွမှုနဲ့ အရေးယူတဲ့အခါ ဒဏ်ငွေ ကျပ် ၅ဝဝဝ ချမှတ်ခဲ့ပါတယ်။ အဲ့ဒီ ကုမ္ပဏီက ဒဏ်ငွေ ကိုပေးဆောင်ပြီး အခုအခါ ဆက်လက်တူးဖော်နေတယ်လို့လည်း သူကပြောပါတယ်။

ပြီးခဲ့တဲ့နှစ်တွေကစပြီး အဲ့ဒီဒေသမှာ ကျောက်မျက်တူးဖော်ရေးကုမ္ပဏီတွေ ဝင်ရောက်လုပ်ကိုင် လာကြတာဖြစ်ပြီး ရက်ပိုင်းအတွင်းမှာ မြေသားထဲကို ပေတစ်ရာ နှစ်ရာ နက်အောင်တူးနေကြပြီး မြေစာပုံတွေကလည်း ပေ ရာနဲ့ချီမြင့်တက် လာတယ်လို့ ဆိုပါတယ်။

RFA



နိုင်ငံတော်မှ ဘိန်းအစားထိုးသီးနှံများချပေးပါက ဘိန်းစိုက်တော့မည်မဟုတ်ကြောင်း ရှမ်းပြည်နယ်တောင်ပိုင်း ဖယ်ခံမြို့နယ် ရီနွဲ့ အုပ်စု ပီကင်းကျေးရွာ အတွင်းရေးမှူး ဦးဖရန်းစစ်က ကန္တာရဝတီတိုင်းမ်သို့ပြောသည်။

“ကျွန်တော်တို့ကို ဘိန်းအစားထိုးသီးနှံ ဝေပေးမယ်ဆိုရင်တော့ ကျွန်တော်တို့ ဘိန်းမစိုက်တော့ပဲ အခြားသီးနှံပဲ စိုက်တော့မှာပါ အစားထိုးသီးနှံ မချပေးမချင်းတော့ ကျွန်တော်တို့ စိုက်ရအုံးမှာပဲ ” ဟု ဦးဖရန်းစစ်ကပြောသည်။

၎င်းဒေသတွင် ဘိန်းနှင့် အခြားသီးနှံများ ဖြစ်သည့် စပါး၊ ပြောင်းဖူး တို့ကို ပါစိုက်ပျိုးကြသော်လည်း မိသားစု စားဝတ်နေရေးအတွက် တနှစ်ပတ်လုံး ဖူလုံမှုမရှိပဲ အခက်ခဲရှိနေကြဆဲဖြစ်ကြောင်း ရွာသားများကဆိုသည်။

ပီကင်းကျေးရွာတွင်းနေထိုင်သူတောင်သူများအားလုံး ဘိန်းစိုက်ပျိုးခြင်းလုပ်ငန်းကို လုပ်ကိုင်နေကြကြောင်းသိရသည်။

“ကျွန်တော်တို့ ဒီဘက်မှာရှိနေတဲ့ ရွာသားတွေအကုန်လုံးက ဘိန်းတွေစိုက်ပျိုးကြတယ် မစိုက်ရင် ဘာသွားစားမလဲ ဘိန်းစိုက်တာနဲ့လည်း မိသားစုအတွက် မလုံလောက်ပါဘူး ” ဟု ပီကင်းကျေးရွာမှ ဦးဂျိုးဇက်ကပြောသည်။

၎င်းပီကင်းကျေးရွာတွင် ယခင်က နိုင်ငံတော်အစိုးရမှ တောင်သူများအား ဘိန်းစိုက်ပျိုးခွင့်ကို ပိတ်ပင်ခဲ့သော်လည်း စိုက်ပျိုးရန် သီးနှံမျိုးများ မရှိသည့်အတွက် တောင်သူများက ဘိန်းကိုသာ ဆက်လက်ပြီးစိုက်ပျိုးခဲ့ကြကြောင်း ရွာသားများကိဆိုသည်။

ဒေသခံများအဆိုကအရ ဘိန်းအစားထိုးစိုက်ပျိုးရန် သီးနှံများကို ရှာဖွေခဲ့သော်လည်း ဒေသ နှင့်မကိုက်ညီသည့်အတွက် မအောင်မြင်ပဲ ဘိန်းကိုသာ ဆက်လက်စိုက်ပျိုးကြကြောင်းသိရသည်။

နိုင်ငံတော်မှ ဘိန်းအစားထိုးသီးနှံများ ချပေးပါက ဒေသ နှင့်ကိုက်ညီသော သီးနှံမျိုးများ အပြင် ရိတ်သိမ်းပြီးလျှင် ပြန်လည် ရောင်းချရန် ဈေးကွက်စနစ်ကိုလည်း လုပ်ဆောင်ပေးစေလိုကြောင်းရွာသားများကဆိုသည်။

( Kantarawaddy Times )
https://www.facebook.com/kantarawaddytimes



သမ္မတ ဦးသိန်းစိန်အစိုးရလက်ထက်တွင် တိုင်းရင်းသား လက်နက် ကိုင်များနှင့် အစိုးရတို့အကြား အပစ်ခတ်ရပ်စဲရေး ပြည်တွင်းငြိမ်းချမ်းရေး လုပ်ငန်းစဉ်များတွင် ကြားဝင်ဆောင်ရွက်ပေး ခဲ့သော မြန်မာငြိမ်းချမ်းရေးနှင့် ပြန်လည်ထူထောင်ရေး ဗဟိုဌာန ( အရပ်အခေါ် MPC မြန်မာငြိမ်းချမ်းရေးစင်တာ ) အား အန်အယ်လ်ဒီ အစိုးရလက်ထက်တွင် ဖျက်သိမ်းမည် မဟုတ်ကြောင်း ဒေါ်အောင်ဆန်းစုကြည် က တိုင်းရင်းသား လက်နက်ကိုင် အဖွဲ့များနှင့် တွေ့ဆုံရာတွင်ပြောကြားကြောင်း တိုင်းရင်းသား လက်နက်ကိုင် အဖွဲ့အစည်းများထံမှ သိရသည်။

ဒီဇင်ဘာလ ၁၇ ရက်နေ့က ကျန်တော်တို့ နိုင်ငံလုံးဆိုင်ရာ အပစ်ခတ် ရပ်စဲရေး လုပ်ထားသည့် တိုင်းရင်းသား လက်နက်ကိုင်အဖွဲ့ ၈ ဖွဲ့နဲ့ ဒေါ်အောင်ဆန်းစုကြည်တို့ နေပြည်တော်မှာတွေ့တုန်းက ဒေါ်စုကပြောတယ် အစိုးရအဖွဲ့ပြောင်းတယ်ဆိုပေမဲ့တခြား လိုအပ်တာတွေလည်း ဆက်ထား ရဦးမှာပေါ့တဲ့ အဲဒီထဲမှာ MPC လည်း ပါတယ်ပေါ့လေ။ မဖျက်သိမ်းပါဘူးလို့ ပြောသွားတယ် ဟု ဒေါ်အောင်ဆန်းစုကြည်နှင့် တွေ့ဆုံ ခဲ့သည့် တိုင်းရင်းသား လက်နက်ကိုင်အဖွဲ့ ၈ ဖွဲ့တွင် တဖွဲ့ အပါဝင်ဖြစ်သော ရှမ်းပြည်ပြန်လည်ထူထောင်ရေး ကောင်စီ RCSS/SSA မှ ပြောခွင့်ရ ဗိုလ်မှူးကြီးစိုင်းလှက ပြောသည်။

ဒေါ်အောင်ဆန်းစုကြည်အနေဖြင့် မြန်မာငြိမ်းချမ်းရေးစင်တာကို မဖျက်သိမ်းကြောင်း ကတိပြုထားသည့်အပြင် မြန်မာငြိမ်းချမ်းရေးစင်တာကို ဦးဆောင်နေသည့် ပုဂ္ဂိုလ်များဖြစ်သည့် ၀န်ကြီး ဦးအောင်မင်းနှင့် အကြံပေးအဖွဲ့ခေါင်းဆောင်ဖြစ်သည့် ဦးလှမောင်ရွှေတို့အား အန်အယ်လ်ဒီအစိုးရနှင့် ပူးပေါင်းပါဝင်ရန် ယခင်ကတည်းက ကမ်းလှမ်းထားကြောင်းလည်း မြန်မာငြိမ်းချမ်းရေးစင်တာ တာဝန်ရှိသူများနှင့် ၀န်ကြိး ဦးအောင်မင်းနှင့် နီးစပ်သူများထံမှ သိရသည်။

"ဦးအောင်မင်းကို ကမ်းလှမ်းတာလည်း ဟုတ်တယ်၊ ငြိမ်းစင်တာ ဆက် ထားမယ် ဆိုတာလည်း မှန်ပါတယ်၊ လက်မှတ်ထိုးတဲ့ အဖွဲ့ ၈ ဖွဲ့နဲ့ တွေ့ တုန်းကလည်း ပြောလိုက်တယ်အမှန်တော့ မူလက ဒီကနေ့ ဒီဇင်ဘာလ ၂၀ ရက်နေ့မှာ တွေ့ဖို့တောင် စီစဉ်ထားတာ " ဟု ဦးလှမောင်ရွှေ က ဖြေကြားခဲ့သည်။

မြန်မာငြိမ်းချမ်းရေးနှင့် ပြန်လည်ထူထောင်ရေး ဗဟိုဌာန MPC မှာ အီးယူ ၊ နော်ဝေ ၊ နီပွန်ဖောင်ဒေးရှင်း အစရှိသော အဖွဲ့အစည်းများနှင့် နိုင်ငံများမှ ထောက်ပံ့ငွေဖြင့် ရပ်တည်နေသော အဖွဲ့အစည်း ငြိမ်းချမ်းရေးလုပ်ငန်းစဉ်တွင် ပါဝင်ဆောင်ရွက်နေသည့် အဖွဲ့အစည်းလည်း ဖြစ်သည်။

( The Ladies News Journal )
https://www.facebook.com/News.TheLadies



ပြီးခဲ့သည့် နိုဝင်ဘာ ၂၇ ရက်က ရှမ်းပြည်နယ် မြောက်ပိုင်း နမ့်ခမ်း မြို့နယ်အတွင်း ဒေသခံ ၂၃ ဦးအား လက်နက်ကိုင်တပ်ဖွဲ့ မှ ခေါ်ဆောင်သွားမှုနှင့် ပတ်သက်၍ တအာင်းတပ်မတော် TNLA က ၎င်းးတို့အနေဖြင့် ဖမ်းဆီးထားခြင်း လုံးဝမရှိကြောင်း ဒီဇင်ဘာ ၂၁ ရက်တွင် ငြင်းဆိုပြောကြားလိုက်သည်။

“ကျွန်တော်တို့ ဖမ်းဆီးထားခြင်း လုံးဝမရှိကြောင်း ပြောချင်ပါတယ်၊ အရင်ကလည်း ဖမ်းဆီးထားခြင်း မရှိဖူး၊ အခုလည်း မရှိဖူးဗျာ့။ ဒါကသက်သက်စွပ်စွဲချက်ပါ။ မိတ်ဆွေအနေနဲ့ အဲဒီသတင်းကို မြေပြင်မှာဆင်းပြီး လိုက်လေ့လာရင် အမှန်တရား တွေ့ရပါမယ်” ဟု တအာင်းတပ်မတော်(TNLA)မှ ပြန်ကြားရေး တာဝန်ခံ တာအိုက်ကျော်က The Ladies သို့ပြောသည်။

ရှမ်းတိုင်းရင်းသား လက်နက်ကိုင် အဖွဲ့ဖြစ်သည့် RCSS / SSA နှင့် TNLA တို့ အကြား ဖြစ်ပွားခဲ့သည့် တိုက်ပွဲများကြောင့် ဒေသခံအချို့မှာ နေရပ်စွန့်ခွာ ထွက်ပြေးခဲ့ရပြီး ရှမ်းရွာသားအချို့ ဖမ်းဆီးခံရမှုများ ရှိခဲ့ကြောင်း နမ့်ခမ်းဒေသခံ များက ပြောသည်။

နမ့်ခမ်းမြို့နယ်မှ ခေါ်ဆောင်သွားသည့် ဒေသခံ အချို့သည် လက်နက်ကိုင် တပ်အဖွဲ့အတွင်း ရောက်ရှိနေပြီး ဖမ်းဆီးချုပ်နှောင် ထားခြင်းမျိုး မရှိကြောင်း ပြန်လည် ထွက်ပြေးလွတ်မြောက်လာသည့် ဒေသခံများက ပြောဆိုကြောင်း စစ်ဘေးရှောင် ဒုက္ခသည်များအား သွားရောက် ကူညီပေးနေသည့်ကျားခေါင်းပါတီမှ တာဝန်ရှိသူတစ်ဦးက The Ladies သို့ပြောသည်။

“မနေ့က မိုင်းဝီးကျေးရွာကိုသွားတော့ မိုင်းဝီးအဖမ်းခံရပြီး ပြန်လွတ်လာတဲ့ နှစ်ယောက်က ရှမ်းမိသားစုနဲ့ လာတွေ့တယ်။ အဖမ်းခံရတဲ့ ပလောင်လူမျိုး တွေလည်း ရှိတယ်။ သူတို့က ထွက်ပြေး လွတ်လာပြီးတော့ ဖမ်းခံရတဲ့ ရှမ်းမိသားစုကို သူတို့ပြန်ပြောပြတယ်။ အစ်မယောင်္ကျားကို တွေ့တယ် ။ လက်နက်ကိုင်အဖွဲ့တွေနဲ့ပဲ ရှိနေတယ်။ ဖမ်းဆီး ချုပ်နှောင်ထားခြင်းတော့ မရှိဘူး။သူတို့နဲ့အတူ နေနေရတယ် ဆိုတာကိုပြောတယ်” ဟု ကျားခေါင်းပါတီမှ တာဝန်ရှိသူက ဆိုသည်။

ပြန်လည် လွတ်မြောက်လာသူ နှစ်ဦး၏ ပြောကြားချက်အရ ဒေသခံများအား ခေါ်ဆောင်သွားသည့် တပ်ဖွဲ့မှာ ပလောင်လက်နက်ကိုင်တပ်ဖွဲ့ ဖြစ်သည်ဟု ပြောဆိုသော်လည်း တပ်အဖွဲ့အမည်ကို အတိအကျ ပြောဆိုနိုင်ခြင်း မရှိဟုလည်း အဆိုပါ ကျားခေါင်းပါတီမှ တာဝန်ရှိသူက ဆက်လက်ပြောကြားခဲ့သည်။လတ်တလော ကာလအတွင်းမှာပင် အစိုးရ တပ်မတော်နှင့် TNLA / PSLF တို့အကြားတွင်လည်း တိုက်ပွဲများ ပြင်းထန်စွာ ဖြစ်ပွားနေပြီး မိုင်းဝီးဒေသရှိ ကျေးရွာအချို့မှ ဒေသခံများမှာ ဘေးလွတ်ရာကို ထွက်ပြေး ပုန်းရှောင်နေရကာ စစ်ဘေးရှောင် ဒုက္ခသည် ၃၄၁ ယောက် ရှိနေပြီဖြစ်ကြောင်းလည်းသိရသည်။

( The Ladies News )

https://www.facebook.com/News.TheLadies/

သတင်းမီဒီယာ လောက အတွက် စိန်ခေါ်မှု တစ်ရပ် ဖြစ်လာ နိုင်

မြန်မာ နိုင်ငံ အပြောင်းအလဲ အတွက် အခြား ကဏ္ဍတွေလိုပဲ အရေးပါတဲ့ မီဒီယာ ကဏ္ဍမှာ မကြာခင် အပြောင်းအလဲ ကြုံတွေ့ရမှာတွေနဲ့ ပါတ်သက်လို့ ရန်ကုန် သတင်းစာ ပညာကျောင်း က ဒါရိုက်တာ ဦးရဲနိုင်မိုး ကို ဆက်သွယ် မေးမြန်း ထားပါတယ်။

အရင် အစိုးရခေတ် ကလို မဟုတ်တော့ဘဲ လူကြိုက်များတဲ့ အစိုးရ တက်လာမှာ ဖြစ်တဲ့ အတွက် သတင်းမီဒီယာ လောက အတွက် စိန်ခေါ်မှု တစ်ရပ် ဖြစ်လာ နိုင်တယ်လို့ ဆိုပါတယ်။

တစ်ချိန်လုံး ဒီမိုကရေစီကို တောင်းဆို လာခဲ့တဲ့ နောက်တက်လာမဲ့ အစိုးရ အနေနဲ့ သတင်းမီဒီယာ လွတ်လပ်ခွင့် ပြုမယ်လို့ မျှော်လင့်ကြောင်း ဦးရဲနိုင်မိုး က ဘီဘီစီ ကို ပြောပါတယ်။

ပြန်ကြားရေး ဝန်ကြီးဌာနကို အစိုးရ အသစ် အနေနဲ့ ဘယ်လို ကိုင်တွယ်မလဲ ဆိုတာ စိတ်ဝင်စားဖို့ ကောင်းပြီး ဒီမိုကရေစီ နိုင်ငံတွေမှာ ဆိုရင် ပြန်ကြာရေး ဝန်ကြီးဌာန ဆိုတာ မရှိဘူးလို့လည်း သူက ဆက်ပြောပါတယ်။

နေ့စဉ် သတင်းစာတွေကို ပုဂ္ဂလိကပိုင် ဖြစ်အောင် လုပ်နိုင်မလား ဒါ့အပြင် ရုပ်မြင် သံကြား လုပ်ငန်းတွေကို လူထု ဝန်ဆောင်မှု လုပ်ငန်းတွေ အနေနဲ့ လုပ်ကိုင်မလား ဆိုတာတွေကိုလည်း စောင့်ကြည့်ရမယ်လို့ ဆိုပါတယ်။

ရေဒီယို နဲ့ ပုံနှိပ်မီဒီယာ လုပ်ငန်းတွေ မှန်မှန်ကန်ကန် ဖွံ့ဖြိုးဖို့ အတွက် လုပ်ဆောင်ရမှာ ဖြစ်ပြီး ကျေးလက် ဒေသက တိုင်းရင်းသား ဘာသာ စကားနဲ့ ထုတ်လွှင့်မယ့် community radio တွေ အထိ ဖန်တီး ပေးဖို့လည်း လိုတယ်လို့ ပြောပါတယ်။

တပ်မတော် နဲ့ အစိုးရ အကြား ထိပ်တိုက် တွေ့ဖို့ ဖြစ်လာ နိုင်တဲ့ သတင်းတွေ ရေးသား ရာမှာ သတင်းမီဒီယာ တွေ ဘက်က အထောက်အထားတွေ သတင်း အရင်းအမြစ်တွေကို အသေအချာ လေ့လာပြီး မှ ရေးကြဖို့လည်း လိုမယ်လို့ ပြောပါတယ်။

သတင်းမီဒီယာ ကောင်စီဟာ လိုအပ်ရင် ပြန်ကြားရေး ဝန်ကြီးဌာန နဲ့ ညှိနှိုင်း ဆွေးနွေး ရမယ်လို့ နည်း ဥပဒေမှာ ပါရှိနေတာဟာ သတင်း မီဒီယာ ကောင်စီ နဲ့ သိပ်ပြီး လွတ်လပ်မှု မရှိဘူး ဖြစ်နေတဲ့ အတွက် အစိုးရသစ် အနေနဲ့ ပြင်ဆင် ရမယ့် အချက် တစ်ခု ဖြစ်တယ်လို့ ဦးရဲနိုင်မိုးက ပြောကြား သွားပါတယ်။

BBC Burmese
http://www.bbc.com/burmese

တရုတ်နိုင်ငံတောင်ပိုင်းက စက်မှုဇုန်မှာ အကြီးအကျယ် မြေပြို

တရုတ်နိုင်ငံတောင်ပိုင်းက စက်မှုဇုန်မှာ အကြီးအကျယ် မြေပြိုကျပြီး အလုပ်သမားတွေနေထိုင်ရာ အဆောင် ၂ ခုအပါအဝင် အဆောက်အအုံပေါင်း ၂၂ လုံးမြေမြုပ်သွားခဲ့ပြီးတဲ့နောက် လူပေါင်း ၅၉ ဦး ပျောက်ဆုံးနေဆဲဖြစ်ကြောင်း တရုတ်အစိုးရပိုင်သတင်းက ဖော်ပြထားပါတယ်။

အပျက်အစီးတွေကြားကနေ လူ ၄ ဦးကို ကယ်တင်နိုင်ခဲ့ပြီး အဲဒီထဲက ၃ ယောက်မှာ မပြင်းထန်တဲ့ ဒဏ်ရာတွေ ရထားကြတယ်လို့ တာဝန်ရှိသူတွေက ပြောပါတယ်။

ဂွမ်းဒေါင်းပြည်နယ်အတွင်းက ရှန်ဇန်း ဒေသမှာ တနင်္ဂနွေနေ့မနက်ပိုင်းက မြေပြိုကျခဲ့ပြီး အဲဒီအရပ်မှာ ရွှံ့ပြင်ကြီးဖုံးလွှမ်းသွားခဲ့သလို အဲဒီနားက ဓာတ်ငွေ့ပိုက်လိုင်းတခု ပေါက်ကွဲသွားခဲ့ကြောင်း ရှင်ဟွာသတင်းဌာနက ပြောပါတယ်။

အသက်ရှင်ကျန်ရစ်သူတွေကို ရှာဖွေဖို့ ကယ်ဆယ်ရေး အလုပ်သမားပေါင်း ၁၅၀၀ ကို စေလွှတ်ထားပါတယ်။ အခုလို မြေပြိုမှုမဖြစ်ခင် လူပေါင်း ၉၀၀ လောက်ကို နေရာရွှေ့ပြောင်းပေးခဲ့တာပါ။ တရုတ်သမ္မတ ရှီကျင့်ပင်နဲ့ ဝန်ကြီးချုပ် လီ ကီကျင်း တို့က ကယ်ဆယ်ရေးလုပ်ငန်းတွေအတွက် အရာရှိတွေစေလွှတ်ဖို့ ဗဟိုအာဏာပိုင်တွေကို ညွှန်ကြားခဲ့ပါတယ်။

ဘာကြောင့် အခုလို မြေပြိုကျခဲ့ရသလဲဆိုတာ သဲသဲကွဲကွဲမသိရသေးပေမယ့် အဲဒီအရပ်ဒေသမှာ မကြာသေးခင်နှစ်တွေအတွင်း ဆောက်လုပ်ရေးလုပ်ငန်းတွေ အတော်များများ လုပ်ခဲ့ပါတယ်။

VOA Burmese
http://burmese.voanews.com

Idlib မြို့ အပျက်အစီး

ဆီးရီးယား သူပုန်တွေ ထိန်းချုပ်ထားတဲ့ နိုင်ငံ အနောက်မြောက်ဖက် ရှိ Idlib မြို့ ဟာ လေကြောင်း တိုက်ခိုက်မှုကြောင့် လူပေါင်း အနည်းဆုံး ၆၀ နီးပါး သေဆုံးတဲ့ အကြောင်း ကယ်ဆယ်ရေး လူပ်သားတွေ က ပြောကြပါတယ်။ သေဆုံးသူ စာရင်းဟာ ပိုပြီး တိုးလာ ဘွယ်လည်း ရှိပါတယ်။ ဒဏ်ရာ ရသူတွေ လည်း အမြောက် အမြား ရှိနေ လို့ ဖြစ်ပါတယ်။

အထူးသဖြင့် လူသူ ထူထပ်တဲ့ ဈေးတွေ၊ လူနေအိမ်တွေ နဲ့ အစိုးရ ရုံးတွေ ရှိရာ နေရာ တွေ ကို ဗုံးကြဲ ခံရလို့ပဲ ဖြစ်ပါတယ်။ ကယ်ဆယ်ရေးလုပ်သားတွေ အနေနဲ့ လည်း အဆောက်အအုံ အပြိုအပျက်တွေ ကြားက အသက်ရှင် ကျန်ရစ်နိုင်ဘွယ် ရှိသူတွေ ကို ကြိုးစားရှာဖွေ ကြပါတယ်။

ဒေသခံတွေ ကတော့ ဒီလေကြောင်း တိုက်ခိုက်မှု ကို ရုရှ တိုက်လေယာဉ် တွေ လက်ချက် လို့ ဆိုပေမဲ့ အတည်ပြု လို့ တော့ မရသေးပါဘူး။ ဆီးရီးယား လူ့အခွင့်အရေး စောင့်ကြည့် လေ့လာ တဲ့ အဖွဲ့ကတော့ အဆိုပါ ရှောင်တခင် လေကြောင်း တိုက်ခိုက်မှု ဟာ ဆိုရင် ဒီနှစ်ဆန်းပိုင်း က သူပုန်အုပ်စုတွေ ကနေ ဆီးရီးယား အစိုးရ လက်ထဲက သိမ်းယူထားတဲ့ Idlib မြို့ ဘက် အခြမ်း ကို ပစ်မှတ်ထား တိုက်ခိုက်တဲ့ အတွက် ဖြစ်ကြောင်း ဘီဘီစီ ကို ပြောပါတယ်။ သေဆုံးသူ အများစု ဟာလည်း သူပုန် တပ်ဖွဲ့ဝင်တွေ က များပြီး အရပ်သား တွေလည်း သေကျေ ဒဏ်ရာရသူတွေ ထဲပါဝင်ကြပါတယ်။

တဖက်မှာလည်း ကုလသမဂ္ဂ လုံခြုံရေး ကောင်စီ ရဲ့ ဆုံးဖြတ်ချက် အရ ဆီးရီးယား မှာ အပစ်အခတ်တွေ ရပ်ဆဲရေး အစီအစဉ် ကိုလည်း ပုပ်ရဟန်းမင်းကြီး ဖရန့်စစ် က ကြိုဆို လိုက် ပါတယ်။ ဆီးရီးယား အရေး တွေးမိ လိုက်တဲ့ အခါမှာ နိုင်ငံတကာ အသိုင်းအဝိုင်း အနေနဲ့ သဘောတူညီချက် ရသွားတာကို လှိုက်လှိုက်လှဲလှဲ ကျေးဇူးတင်မိသလို ဝမ်းမြောက်ဝမ်းသာ လည်း ဖြစ်မိတဲ့ အကြောင်း အဲဒီ အတွက် ငြိမ်းချမ်းရေး ရတဲ့ အဆင့် အထိ စေ့စပ်ဆွေးနွေး နိုင်ရေးကို လည်း ဝိုင်းဝန်း ကြိုးပမ်းပေးကြဖို့ ပုပ်ရဟန်းမင်းကြီး ဖရန့်စစ် က မှာကြား လိုက်တာပါ။

BBC Burmese
http://www.bbc.com