12/25/15

မသန်စွမ်း ကလေးငယ် အရေအတွက် ရဲ့ ထက်ဝက် ကျော် ဟာလည်း ကျောင်း ပညာရေး ကို မရ ရှိနိုင် ဖြစ်နေရ။

မြန်မာနိုင်ငံ မှာ မသန်စွမ်း ဥပေဒ ဆိုပြီး အခု နှစ်ထဲမှာပဲ ထွက်ပေါ် လာခဲ့ ပေမယ့် မသန်စွမ်း ပုဂ္ဂိုလ်တွေ ရဲ့ အခွင့်အရေး ကို ကာကွယ် စောင့်ရှောက် နိုင်ရေး အတွက် လက်တွေ့ ကျင့်သုံးဖို့ရာ နည်းဥပဒေ တွေ ဆက်လက် ထွက်ပေါ် လာဖို့ လိုအပ် နေ သေးတယ် ဆိုပြီး မသန်စွမ်း အခွင့်အရေး အတွက် လှုပ်ရှား နေသူတွေ က ပြောပါတယ်။

နည်းဥပဒေ တွေ နဲ့ တကွ ဥပဒေ တစ်ရပ် အဖြစ် ခိုင်ခိုင်မာမာ အသက်ဝင် လာမှလည်း မသန်စွမ်း ပုဂ္ဂိုလ် တွေ အနေနဲ့ ခွဲခြား ဆက်ဆံ ခံနေရတာ တွေ၊ ဘေးဖယ် ခံနေရတာ တွေ ကို ဖြေရှင်း ကျော်လွှား နိုင်မှာ ဖြစ်တယ် လို့ မြန်မာ နိုင်ငံ မသန်စွမ်းသူများ ရှေ့ဆောင်အဖွဲ့ က ပရိုဂရမ် ဒါရိုက်တာ ကိုနေလင်းစိုး က ဘီဘီစီ ကို ပြောပါတယ်။

ဒါပေမယ့် အခု ဆယ်စုနှစ် အတွင်းမှာတော့ မသန်စွမ်းသူ တွေ ရဲ့ လှုပ်ရှားမှု တွေ ဖွံ့ဖြိုး လာပြီး အနှစ်သာရ အရလည်း သနား ကရုဏာနဲ့ အထောက်အပံ့ ရရှိဖို့ မဟုတ်တော့ပဲ အခွင့်အရေး ရရှိဖို့ အတွက် ရည်ရွယ် အခြေပြု လှုပ်ရှား လာကြတယ် လို့ ကိုနေလင်းစိုး က ပြောပါတယ်။

အမျိုးသား ပညာရေး ဥပဒေ ထဲမှာလည်း မသန်စွမ်းသူတွေ အခွင့်အရေး အတွက် အတိတကျ ထည့်သွင်း ထားပြီး မသန်စွမ်း ဥပဒေ အရလည်း ဒုသမ္မတ တစ်ယောက် ဦးဆောင်တဲ့ မသန်စွမ်းသူတွေ အခွင့်အရေး ကို အကောင်အထည် ဖော်မယ့် နိုင်ငံတော် အဆင့် ကော်မတီ တစ်ရပ် ဖွဲ့ဖို့ အရေး တွေ ပါဝင် နေတာကြောင့် အစိုးရသစ် လက်ထက်မှာ မသန်စွမ်း သူတွေဟာ ဥပဒေရဲ့ အကာအကွယ် ပိုမို ရရှိနိုင်မယ် လို့ မျှော်လင့်ရတယ် ဆိုပြီးတော့လည်း ကိုနေလင်းစိုး က ပြောပါတယ်။

မြန်မာနိုင်ငံ ဟာ လက်ရှိ အခြေအနေ မှာတော့ အာဆီယံ နိုင်ငံတွေထဲ မသန်စွမ်းတွေရဲ အခွင့်ရေး အနည်းဆုံး နိုင်ငံ သုံးနိုင်ငံ ထဲမှာ ပါဝင် နေပြီး မသန်စွမ်း ကလေးငယ် အရေအတွက် ရဲ့ ထက်ဝက် ကျော် ဟာလည်း ကျောင်း ပညာရေး ကို မရ ရှိနိုင် ဖြစ်နေရတယ် လို့ အခွင့်အရေး လှုပ်ရှားသူ တွေက ဆိုပါတယ်။

BBC Burmese
http://www.bbc.com/burmese

NLD ပါတီ ဗဟိုအလုပ်မှုဆောင်ကော်မတီဝင် ဦးဝင်းထိန် ကို ဒီဇင်ဘာလ ၁ ရက်နေ့က ရန်ကုန်မြို့မှာတွေ့ရစဉ်
Photo: Myo Zaw Ko/RFA

အစိုးရသစ် စတင်ချိန်မှာ၂ဝဝ၈ ဖွဲ့စည်းပုံအခြေခံဥပဒေခုံရုံးအဖွဲ့ဝင်တွေ၊ ပြည်ထောင်စုအဆင့် တရားသူကြီးတွေ အပါအဝင် တိုင်းနဲ့ပြည်နယ်အသီးသီးက တရားသူကြီးစုစုပေါင်း ၆ဝ လောက်ကို အစားထိုးခန့်အပ်နိုင်ဖို့အတွက် အမျိုးသားဒီမိုကရေစီအဖွဲ့ချုပ်က ပြင်ဆင်ဆောင်ရွက်နေပြီလို့ သိရပါတယ်။

ဒါဟာ အစိုးရသစ်ပြင်ဆင်ဖွဲ့စည်းရေးမှာ ထည့်သွင်းဆောင်ရွက်ရမယ့်အချက်ဖြစ်တာကြောင့် ဥပဒေနဲ့အညီ လုပ်ဆောင်သွားမှာဖြစ်တယ်လို့ အမျိုးသားဒီမိုကရေစီအဖွဲ့ချုပ်ရဲ့ ဗဟိုအလုပ်မှုဆောင်ကော်မတီဝင် ဦးဝင်းထိန်က ပြောပါတယ်။

"လွှတ်တော်သက်တမ်း သမ္မတသက်တမ်း အတူတူပဲလေ၊ သမ္မတ သက်တမ်းပြည်တာနဲ့ သူတို့သက်တမ်း ကပြည့်ပြီ၊ ထုံးစံအတိုင်း ဘယ်အစိုးရမဆို ပြန်အစားထိုးရမှာပဲ၊ နောင်အစိုးရအတွက် ပြင်ဆင်တာ အဲ့တာတွေ အကျုံးဝင်တာပေါ့၊ တရားရေးတို့၊ ရှေ့နေတို့၊ ဥပဒေတို့ ဘာတို့ဆိုလို့ရှိရင် ဥပဒေအဖွဲ့ကတင်မကဘူး သူ့နယ်ပယ်မှာ လူရိုသေရှင်ရိုသေဖြစ်တဲ့လူတွေလိုမှာပဲ ဒါတွေက ထွေထွေထူးထူး ပြောစရာမလိုဘူးလေ"

ဖွဲ့စည်းပုံအခြေခံဥပဒေခုံးရုံး အဖွဲ့ဝင်တွေ၊ ပြည်ထောင်စုအဆင့် တရားသူကြီးတွေနဲ့ တိုင်းနဲ့ပြည်နယ် တရားသူကြီးတွေကို နိုင်ငံတော်သမ္မတက တိုက်ရိုက်ခန့်အပ်ရတာဖြစ်ပါတယ်။

ခရိုင်နဲ့ မြို့နယ်တရားသူကြီးတွေကိုတော့ ပြည်ထောင်စုတရားလွှတ်တော်ချုပ်က ခန့်အပ်တာဖြစ်ပြီး အစိုးရသစ် အပြောင်းအလဲမှာ ခရိုင်နဲ့မြို့နယ်အဆင့် တရားသူကြီးတွေက ဒီအတိုင်း ဆက်ရှိနေမှာဖြစ်ပြီး ပြောင်းလဲသွားဖို့ မရှိဘူးလို့သိရပါတယ်။

ပြည်ထောင်စုအဆင့် တိုင်းနဲ့ပြည်နယ်အဆင့် တရားသူကြီးတွေကို ပြောင်းလဲခန့်အပ်ရာမှာ ရှေ့နေနဲ့ တရားသူကြီးဟောင်းတွေထဲက အရည်အချင်း ပြည့်မှီသူတွေကို ဦးစာပေးအစားထိုး ခန့််အပ်သွားဖို့ စီစဉ်ထားတယ်လို့ သိရပါတယ်။

RFA Burmese
http://www.rfa.org/burmese

Photo- U TAY ZA Facebook

NLD ပါတီက ရွေးကောက်ပွဲအနိုင်ရ ကိုယ်စားလှယ်တွေကို နေပြည်တော်မှာ သင်တန်းပေးရာမှာ ထူးကုမ္ပဏီ ဦးတေဇ ရဲ့ ရွှေစံအိမ်ဟိုတယ်ကို အသုံးပြုခွင့်ပြုခဲ့တဲ့ကိစ္စ၊ အဲ့ဒီနောက် သင်တန်းကို တခြားနေရာရွှေ့ပြောင်းခဲ့တဲ့ ကိစ္စတွေနဲ့ ပတ်သက်ပြီး၊ ဦးတေဇက ထူးကုမ္ပဏီဝန်ထမ်းတွေကို ရှင်းလင်းတဲ့ စာတစ်စောင်ကို ဒီဇင်ဘာ ၂၁ ရက်နေ့ နေ့စွဲနဲ့ ထုတ်ပြန်ခဲ့ပါတယ်။

အဲ့ဒီထုတ်ပြန်တဲ့စာမှာ ကိုယ်စားလှယ်တွေ သင်တန်းပေးရေးအတွက် NLD က အကူအညီတောင်းခံခဲ့တဲ့အတွက် ဦးတေဇက ဗိုလိချုပ်မှူးကြီးဟောင်း ဦးသန်းရွှေ၊ ဒု ဗိုလ်ချုပ်မှူးကြီးဟောင်း ဦးအေးနဲ့ သမ္မတ ဦးသိန်းစိန်တို့ထံ ဦးဆုံးတင်ပြခဲ့ရာမှာ၊ ကန့်ကွက်သူမရှိလို့ ရွှေစံအိမ်ဟိုတယ်ကို အသုံးပြုခွင့်ပြုပေးခဲ့ကြောင်း၊ ဒီဇင်ဘာလ ၁၈ ရက်နေ့ကတော့ သမတရုံးအတွင်းဝန် ဦးဇော်သန်းသင်းက သင်တန်းကို ရွှေ့ပြောင်းဖို့ ဖုန်းနဲ့အကြောင်းကြားပြီး၊ ၂၁ ရက်နေ့ကလည်း ဟိုတယ်ခရီးသွားဝန်ကြီး ဦးဇေယျာအောင်က သင်တန်းကို ရွှေ့ခိုင်းခဲ့တယ်လို့ ဆိုပါတယ်။

အခုလို အာဏာပိုင်တွေက သင်တန်းကို ရွေ့ခိုင်းလာတာကို ငြင်းပယ်ခဲ့တယ်လို့ ဦးတေဇရဲ့ သဘောထား မှတ်ချက်စာမှာ ဖေါ်ပြထားပါတယ်။ ဒီသင်တန်းဟာ တိုင်းပြည်အကျိုးပြု သင်တန်းဖြစ်တယ်လို့ နားလည်တာကြောင့် လက်ခံကူညီတာဖြစ်တယ်လို့ ဆိုပါတယ်။

NLD ကိုယ်စားလှယ်တွေကို သင်တန်းပေးနေတဲ့ တရားရုံးချုပ်ရှေ့နေ ဦးကိုနီကတော့ ဒီကိစ္စနဲ့ပတ်သက်ပြီး မိမိတို့ မသိရှိကြောင်း ပြောပါတယ်။

"ဘယ်သူ့ကိုမှ ကျနော်တို့ မတားပါဘူး၊ နေပြည်တော်မှာ ကျနော်တို့ ၆ ရက်တောင် သင်တန်းပေးခဲ့ပြီးပါပြီ၊ အထက်ဗမာပြည်တောင် ပြီးသလောက်ရှိနေပါပြီ၊ ယေဘုယျ လွှတ်တော်အမတ် လုပ်မယ့်လူတွေနဲ့ဆိုင်တဲ့ အကြောင်းအရာလေးတွေ၊ သိထားသင့်တဲ့အကြောင်းအရာလေးတွေ အဲ့ဒီတော့ ဘယ်သူ့မှ ဘာမှလည်း မထိခိုက်ပါဘူးဗျ၊ အတော်ကောင်းတဲ့အလုပ်ပဲ တိုင်းပြည်အကျိုးသယ်ပိုးမယ့်လူတွေကို အရည်အချင်းရှိအောင် ပညာသင်ကြားပို့ချပေးတယ်"

ဦးတေဇရဲ့ ထူးကုမ္ပဏီဝန်ထမ်းတွေကို ရှင်းလင်းတဲ့စာမှာ ထူးကုမ္ပဏီအပေါ် အစိုးရက အကန့်အသတ်တွေ ချမှတ်ခဲ့ပြီး တချို့လုပ်ငန်းတွေ လုပ်ကိုင်ခွင့်မရပဲဖြစ်နေတာကြောင့် ပြည်တွင်းဒဏ်ခတ်အရေးယူမှုနဲ့ ရင်ဆိုင်နေရတယ်လို့လည်း ဖေါ်ပြထားပါတယ်။

RFA Burmese
http://www.rfa.org/burmese


လွန်ခဲ့တဲ့ ၇ လ က IS စစ်သွေးကြွအဖွဲ့လက်ထဲ ကျရောက်သွားခဲ့တဲ့ Ramadi မြို့ကို ပြန်လည်သိမ်းပိုက်ဖို့နဲ့ IS တွေရဲ့ Caliphate အစ္စလာမ္မစ် နိုင်ငံတော် ကျုံ့သွားအောင် လုပ်ဖို့ကြိုးပမ်းရာမှာ အီရတ်တပ်ဖွဲ့တွေက မြို့ရဲ့အလယ်ရှိ IS တွေကို ဗုဒ္ဓဟူးနေ့က ၀ိုင်းထားလု အခြေအနေ ရှိနေပါတယ်။

အီရတ်အကြမ်းဖက်မှု တန်ပြန်နှိမ်နင်းရေး အထူးတပ်ဖွဲ့က ဦးဆောင်တဲ့ ထိုးစစ်အဖြစ် အန်ဘာခရိုင်ရဲ့မြို့တော် ရာမာဒီ က အစိုးရရုံးဝန်းကို ဦးတည်ပြီး ဒုတိယမြောက်နေ့ တိုက်ခိုက်နေတာပါ။ IS စစ်သွေးကြွ တိုက်ခိုက်ရေးသမား ရာပေါင်းများစွာ အဲဒီမြို့လယ်ခေါင်မှာ အကာအကွယ်ယူပြီး နေနေကြတယ်လို့ ယူဆထားပါတယ်။

အီရတ်တပ်တွေအနေနဲ့ အစိုးရအဆောက်အဦးတွေကို သိမ်းပိုက်ဖို့ မြို့တွင်းကို ဖြည်းဖြည်းချင်း ၀င်ရောက်နေတယ်လို့ အီရတ် ဒုတိယဗိုလ်ချုပ်ကြီး Anwar Hama Amin က ပြောပါတယ်။ IS တွေ ထောင်ထားတဲ့ ဗုံးတွေ အများအပြား ရှိနေတဲ့အတွက် မြို့ကိုပြန်သိမ်းဖို့ ကြိုးပမ်းမှုက နှေးကွေးနေပေမဲ့ အစိုးရ အဆောက်အဦးတွေ ရှိတဲ့နေရာကို ထိန်းချုပ်နိုင်ပြီဆိုရင် Ramadi မြို့ရဲ့ ကျန်နေရာတွေကို ပြန်သိမ်းဖို့ လွယ်သွားမှာ ဖြစ်တယ်လို့ သူက ဆိုပါတယ်။

ဒေသခံသတင်းထောက် Raad Khashi ကတော့ IS အဖွဲ့ တိုက်ခိုက်ရေးသမားတွေဟာ အရပ်သားတွေကို လူသားဒိုင်းတွေအဖြစ် အသုံးပြုပြီး အကာအကွယ်ယူနေကြတယ်လို့ ပြောပါတယ်။

လူတော်တော်များများကတော့ ထွက်ပြေး လွတ်မြောက်ကြပေမဲ့ ထွက်မပြေးနိုင်သူတွေကိုတော့ IS တွေက Ramadi မြို့တွင်းမှာရှိတဲ့ သူတို့ ပစ်မှတ်တွေကို အီရတ်တပ်ဖွဲ့တွေနဲ့ နိုင်ငံတကာ ညွန့်ပေါင်းတပ်တွေရဲ့ လေကြောင်း တိုက်ခိုက်မှုတွေ မလုပ်နိုင်အောင် အကာအကွယ်အဖြစ် အသုံးပြုထားတယ်လို့ သူက ပြောပါတယ်။

VOA Burmese
http://burmese.voanews.com

ဘယ်လ်ဂျီယံရဲတပ်ဖွဲ့ လုံခြုံရေးတင်းကျပ်။ (ဒီဇင်ဘာ ၂၀၊ ၂၀၁၅)

ပြင်သစ်နိုင်ငံ ပါရီမြို့တော်မှာ နိုဝင်ဘာလ ၁၃ ရက် အကြမ်းဖက်တိုက်ခိုက်မှုမှာ ပါဝင် ပတ်သက်သူလို့ သံယသရှိထားတဲ့ ၉ ယောက်မြောက် အမျိုးသားကို ဘယ်လ်ဂျီယံ အစိုးရအရာရှိတွေက ဖမ်းဆီးလိုက်ပါတယ်။ သူ့ကို ဘရက်ဆဲလ်မြို့မှာ ဒီသီတင်းပတ် အစောပိုင်း ကတည်းက ဖမ်းဆီးလိုက်တာဖြစ်ပေမဲ့ သူနဲ့ပူးပေါင်းကြံစည်သူတွေကို သတိပေးလိုက်တာမျိုး ဖြစ်မှာစိုးတဲ့အတွက် ဖမ်းဆီးမှုကို လျှို့ဝှက်ထားခဲ့တာလို့ ဖက်ဒရယ် အစိုးရရှေ့နေရုံး ပြောခွင့်ရတဦးက ပြောပါတယ်။
 နောက်ထပ် အသေးစိတ် အချက်အလက်တွေ မကြာခင် ထပ်သိရဖို့လည်း မျှော်လင့်ရပါတယ်။

အခုသံသယနဲ့ဖမ်းဆီးလိုက်သူဟာ ပါရီမြို့ တိုက်ခိုက်မှုကို စီစဉ်ခဲ့သူအဖြစ် သံသယရှိထားတဲ့ Abdelhamin Abaaoud ရဲ့ ၀မ်းကွဲတယောက်နဲ့ တယ်လီဖုန်း ကနေ အဆက်အသွယ် ရှိတယ်လို့ ယုံကြည်ရပါတယ်။ Abaaoud နဲ့ သူ့ရဲ့ ၀မ်းကွဲညီအစ်ကို Hasna Ait Boulahcen တို့ကတော့ ပါရီမြို့ တိုက်ခိုက်မှုတွေ အပြီး Saint Denis မြို့မှာ ရဲတပ်ဖွဲ့က ၀င်ရောက်ရှာဖွေ ဖမ်းဆီးမှုတွေ တွင်း သေဆုံးခဲ့တာပါ။

အခုသံသယရှိသူကို အင်္ဂါနေ့က ဖမ်းဆီးလိုက်တာဖြစ်တဲ့အကြောင်း ဘယ်လ်ဂျီယံ DH သတင်းစာမှာ ဖော်ပြထားပါတယ်။ ဖမ်းဆီးခံရသူရဲ့ နံမည်ကိုတော့ မဖော်ပြထားပါဘူး။

တနင်္လာနေ့တုန်းကလည်း ပါရီမြို့ တိုက်ခိုက်မှုနဲ့ ဆက်စပ်တဲ့ စီးနင်းရှာဖွေမှုတွေတွင်း ညီအစ်ကိုနှစ်ဦး အပါအ၀င် သံသယရှိသူ ၅ ဦးကို ဘယ်လ်ဂျီယံ ရဲတပ်ဖွဲ့က ဖမ်းဆီး ခဲ့ပါတယ်။ ဘယ်သူဘယ်ဝါတွေ ဖြစ်တယ်ဆိုတာကိုတော့ ထုတ်မပြောပါဘူး။ ဒီစီးနင်းရှာဖွေမှုတွေတွင်း ဖောက်ခွဲပစ္စည်းတွေ ဒါမှမဟုတ် လက်နက်တွေ ရှာတွေ့ တာလည်း မရှိပါဘူး။

နိုဝင်ဘာလ ၁၃ ရက်နေ့က ပါရီမြို့တော်မှာဖြစ်ခဲ့တဲ့ အကြမ်းဖက် တိုက်ခိုက်မှုတွေ တွင်းမှာတော့ လူ ၁၃၀ သေဆုံးပြီး ၃၀၀ ကျော် ဒဏ်ရာ ရရှိခဲ့တာဖြစ်ပါတယ်။

VOA Burmese
http://burmese.voanews.com

ကချင်ပြည်နယ်က ဒုက္ခသည်တွေ နေရပ် မပြန် နိုင်သေး
  
စစ်ပြေး စစ်ရှောင် ဒုက္ခသည်တွေ အတွက် တစ်ယောက်ကို ကျပ်ငွေ တစ်ထောင်တန် ခရစ္စမတ် ထမင်းတစ်နပ်ကျွေးနိုင်ဖို့ ကချင် ငြိမ်းချမ်းရေး ကွန်ရက် အဖွဲ့ဝင်တွေက အလှူငွေ ကောက်ခံ လှူဒါန်းခဲ့ကြ ပါတယ်။

ခရစ်ယာန် ဘာသာဝင်တွေ အတွက် အရေးကြီးတဲ့ ခရစ္စမတ်အချိန်မှာ ဒုက္ခသည်စခန်းမှာ ခိုလှုံနေကြရသူတွေ အတွက် တစ်နပ်စာကို မပူမပင် စားနိုင်အောင်၊ အပြင်ထွက် အလုပ်မလုပ်ဘဲ မိသားစု အတူ နေနိုင်အောင်နဲ့ ဒုက္ခသည် စခန်းက လူတွေ အချင်းချင်း ဆုံတွေ့နိုင်ကြအောင် ဆိုတဲ့ ရည်ရွယ်ချက်နဲ့ဒီအစီအစဉ်ကို လုပ်ဖြစ်တာလို့ ကချင် ငြိမ်းချမ်းရေး ကွန်ရက် က ဒေါ်ခွန်ဂျာက ပြောပါတယ်။

အမျိုးသားတွေက ငွေရဖို့ စခန်းပြင်ထွက်ပြီး အလုပ်ရှာရတဲ့ အဖြစ်မျိုး မဖြစ်ရအောင် မိခင်တွေ အနေနဲ့ ကလေးတွေကို ထားပြီး အပြင်ထွက် အလုပ်မလုပ်ကြရဘဲ အနည်းဆုံးတော့ တစ်ရက်တာ ရယ်မော ပျော်ရွှင်နိုင်ကြရစေဖို့ ဖြစ်တယ်လို့ သူက ပြောပါတယ်။

ဒုက္ခသည် စခန်းမှာ ငါးကြိမ်မြောက် ခရစ္စမတ် ကာလကို ကြုံကြရတဲ့ တချို့ စခန်းတွေက ဒုက္ခသည်တွေဟာ စားစရာမရှိ ရိက္ခာ မရှိဖြစ်နေကြတဲ့ အတွက် ဘုရားကျောင်းသွားပြီး ဘုရားမရှိခိုးနိုင် ဖြစ်နေကြတယ်လို့လည်း ဒေါ်ခွန်ဂျာက ပြောပါတယ်။

ပြည်တွင်းပြည်ပက အလှူရှင်တွေရဲ့ လှူဒါန်းမှုအရ လောလောဆယ် ဒုက္ခသည် လေးသောင်းနီးပါးစာလောက် ရထားပြီလို့လည်း သူက ပြောပါတယ်။

ကချင်ပြည်နယ် အတွင်း ကေအိုင်အို ကချင် လွတ်လပ်ရေးအဖွဲ့ ထိန်းချုပ်တဲ့ နယ်မြေမှာ ဒုက္ခသည် စုစုပေါင်း ငါးသောင်းလောက် အတွက် နဲ့ ရှမ်းပြည်နယ် ဝမ်ဟိုင်းနဲ့ ကျေးသီး ဘက်က ဒုက္ခသည် တွေ အတွက် ထမင်း တစ်နပ်စာ လှူဒါန်းမှာ ဖြစ်ပြီး အခု လောလောဆယ် လူ သုံးသောင်းနီးပါးစာလောက်ကို စခန်းတွေဆီ ငွေလွှဲ ပေးထားပြီး ဖြစ်တယ်လို့ လည်း ဒေါ်ခွန်ဂျာက ပြောပါတယ်။

ထမင်းတစ်နပ် ကျွေးမယ့် အစီအစဉ်ကတော့ သက်ဆိုင်ရာ စခန်းတွေရဲ့ အစီအစဉ် အရ လုပ်မှာ ဖြစ်တယ်လို့ ဆိုပါတယ်။

BBC Burmese
http://www.bbc.com/burmese

ပထမဆုံး ဓာတ်ပေါင်းဖို နှစ်ရုံ တည်ဆောက်ရေး အတွက် ပြင်ဆင်မှု တွေ ပြုလုပ် နေပြီ။

လာမယ့် အနှစ် ၂၀ ကာလ အတွင်း အိန္ဒိယ နိုင်ငံ ထဲမှာ ရုရှား ကနေ နျူကလီယာ ဓာတ်ပေါင်းဖို တွေ တည်ဆောက် သွားမယ် ဆိုပြီး ရုရှား သမ္မတ ပူတင် က ကြေညာ လိုက်ပါတယ်။

ပထမဆုံး ဓာတ်ပေါင်းဖို နှစ်ရုံ တည်ဆောက်ရေး အတွက် ပြင်ဆင်မှု တွေ ပြုလုပ် နေပြီ ဆိုပြီးတော့လည်း မစ္စတာ ပူတင် က ဆိုပါတယ်။

နျူကလီယာ ဓာတ်ပေါင်းဖို တွေ အတွက် လိုအပ်တဲ့ အစိတ်အပိုင်းတွေ အတော် များများ ကို အိန္ဒိယ နိုင်ငံ ထဲမှာတင် ထုတ်လုပ် တာ ဖြစ်ပါတယ်။

ရုရှား ကို အလည်အပတ် ခရီး ရောက်ရှိနေတဲ့ အိန္ဒိယ ဝန်ကြီးချုပ် နရိန္ဒြာ မိုဒီ နဲ့ ပူးတွဲ ပြုလုပ် ခဲ့တဲ့ သတင်းစာ ရှင်းလင်း ပွဲမှာ သမ္မတ ပူတင် က နှစ် နိုင်ငံ ပူးတွဲ လုပ်ဆောင် ကြမယ့် နျူကလီယာ ဓာတ်ပေါင်းဖို တွေ တည်ဆောက် ရေး အစီအစဉ်ကို ကြေညာ ခဲ့တာ ဖြစ်ပါတယ်။

အိန္ဒိယ နဲ့ ရုရှား နှစ် နိုင်ငံကြား မဟာဗျူဟာ မြောက် ပူးပေါင်း ဆက်ဆံရေး ဟာ နက်ရှိုင်း တယ် ဆိုပြီး အိန္ဒိယ ဝန်ကြီးချုပ် မိုဒီကလည်း ပြောခဲ့ ပါတယ်။

BBC Burmese
http://www.bbc.com

ခရစ္စမတ်အကြို ဘေဂျင်းမြို့တော်မှာ လုံခြုံရေးတင်းကျပ်

တရုတ်နိုင်ငံ၊ ဘေဂျင်းမြို့တော် Sanlitun အရပ်မှာ ခရစ္စမတ်စ်နေ့နဲ့ ပတ်ဝန်းကျင်ကာလတွေအတွင်း အနောက်နိုင်ငံသားတွေကို တိုက်ခိုက်လာနိုင်ခြေ ရှိတဲ့အပေါ် ဘေဂျင်းမြို့တော်မှာရှိတဲ့ အမေရိကန်သံရုံးက သတိပေးချက် ထုတ်ပြန်လိုက်ပါတယ်။

အဲဒီနေရာဟာ လူသွားများတဲ့ ညဘက် အပန်းဖြေ စားသောက် ပျော်ပါးတဲ့နေရာတွေနဲ့ နိုင်ငံတကာကုန်တိုက်ကြီးတွေ ရှိတဲ့နေရာ ပါ။ အသေးစိတ်အချက်အလက်တွေကို မသိရသေးပေမဲ့လည်း ရဲတပ်ဖွဲ့ဝင်အင်အား သိသိသာသာ တိုးချထားတာကိုတော့ တွေ့ရပါတယ်။ အမေရိကန်နိုင်ငံသားတွေ အထူးသတိထားကြဖို့ အမေရိကန်သံရုံးက တိုက်တွန်းပါတယ်။

ဒါ့အပြင် ဗြိတိန်၊ ပြင်သစ်နဲ့ တခြားသံရုံးတွေကလည်း အလားတူသတိပေးချက်တွေကို ထုတ်ပြန်ထားတာပါ။

လမ်းပေါ်မှာသွားလာနေကြတဲ့ နိုင်ငံခြားသားတွေကို မေးမြန်းတာမှာတော့ ပတ်ဝန်းကျင်အနေအထားက အတော်လေး ဘေးကင်း ရန်ကင်းရှိတယ်လို့ ခံစားရတဲ့အကြောင်းနဲ့ လုံခြုံရေးတိုးချထားတာကြောင့် သူတို့အတွက် ပိုပြီး သက်တောင့်သက်သာ ဖြစ်စေ တယ်လို့ ပြောကြပါတယ်။

ခရစ္စမတ်စ်ပွဲတော်ကာလအတွင်း ဘေးကင်းလုံခြုံစေဖို့အတွက် လုံခြုံရေးကို အ၀ါရောင်အဆင့် တိုးမြှင့်သတ်မှတ်ထားတယ်လို့ ဘေဂျင်းမြို့တော်ရဲတပ်ဖွဲ့ကလည်း ဒီကနေ့မှာပဲ ကြေညာထားပါတယ်။

ဘေဂျင်းမြို့တော်ရဲ့ လုံခြုံရေးဆိုင်ရာသတ်မှတ်ချက်တွေအရ အ၀ါရောင်အဆင့်ဟာ သုံးဆင့်ပါသတ်မှတ်ချက်မှာ အနိမ့်ဆုံးပါ။ ဘေးကင်းလုံခြုံရေးဆိုင်ရာ ခြိမ်းခြောက်တာတွေ ရှိတဲ့အချိန်၊ ဖောက်ခွဲရေးပစ္စည်းလို့ သံသယရှိတာတွေကို တွေ့ရတဲ့အချိန်တွေမှာ ဒီလိုသတိပေးချက်မျိုး ထုတ်ပြန်လေ့ရှိပါတယ်။

VOA Burmese
http://burmese.voanews.com

 koh-tao-sentence-620.jpg ကိုဇော်လင်းရဲ့ မိခင် တရားရုံးတွင်တွေ့ရစဉ်။

ထိုင်းနိုင်ငံတောင်ပိုင်း လိပ်ကျွန်းမှာ ဗြိတိန်နိုင်ငံသားနှစ်ဦး အသတ်ခံရတာနဲ့ ပတ်သက်ပြီး တရားစွဲဆိုခံထားရ တဲ့ မြန်မာနိုင်ငံသား ၂ ဦးကို ထိုင်းနိုင်ငံကော့စမွီခရိုင်တရားရုံးက ဒီနေ့ သေဒဏ်ချမှတ်လိုက်တဲ့အပေါ် မြန်မာသံရုံး အထူးအဖွဲ့က တစ်လအတွင်း အယူခံဝင်သွားမယ်လို့ သိရပါတယ်။

တရားရုံးရဲ့ သေဒဏ်အမိန့်နဲ့ ပတ်သက်ပြီး မြန်မာနိုင်ငံသား ၂ ဦးအတွက် အဆင့်ဆင့် အယူခံဝင်သွားမယ်လို့ အမှုကိုလိုက်ပါဆောင်ရွက်ပေးနေတဲ့ မြန်မာသံရုံး အထူးကိုယ်စားလှယ်အဖွဲ့က ရှေ့နေ ဦးအောင်မျိုးသန့် က ပြောပါတယ်။

"ဒီဟာကို အခု ကျနော်တို့ အယူခံတက်မှာပါ၊ အယူခံဆိုတာ ၁ လအတွင်း တက်လို့ရပါတယ်၊ ၁ လအတွင်း တက်ဖို့အတွက်ကို ကျနော်တို့ အမိန့်တွေကူးပါပြီ၊ ကူးပြီးလို့ရှိရင် ကျနော်တို့ ၁ လအတွင်းမှာ ဘန်ကောက်မှာ ရှိတဲ့ အယူခံရုံးကို ကျနော်တို့ တင်ထားမယ်၊ ဒါအတွက်ကိုလည်း ရှေ့နေများကောင်စီကလည်း အခု ၁၁ ရက်နေ့မှာ ဒီအမှုကို လိုက်ပါဆောင်ရွက်ပေးတဲ့အဖွဲ့တွေ အစည်းအဝေးထိုင်မယ်၊ ပြီးလို့ရှိရင် မြန်မာ သံအမတ်ကြီးနဲ့ ကျနော်တို့ သံရုံးနဲ့မှ ဒီအမှုနဲ့ပတ်သက်လို့ တင်ပြချက်တွေကို ပြန်လည်ဆွေးနွေးပြီးလို့ရှိရင် အယူခံကို ကျနော်တို့ အောင်မြင်အောင်လုပ်မှာပါ"

လာမယ့် ဇန်နဝါရီလ ၁၁ ရက်နေ့မှာ ထိုင်းရှေ့နေများကောင်စီအဖွဲ့က အယူခံတက်ဖို့အတွက် ဘန်ကောက်မြို့ မှာ အစည်းအဝေးလုပ်သွားမှာဖြစ်သလို မြန်မာသံရုံးအဖွဲ့ကလည်း အယူခံအောင်မြင်အောင် ကြိုးစားသွားမှာဖြစ် တယ်လို့ ပြောပါတယ်။

ဗြိတိန်နိုင်ငံသားနှစ်ဦးတို့ဟာ ပြီးခဲ့တဲ့ ၂ဝ၁၄ ခုနှစ် စက်တင်ဘာလအတွင်း ထိုင်းနိုင်ငံ လိပ်ကျွန်းမှာ အသတ်ခံရတာဖြစ်ပါတယ်။

လိပ်ကျွန်းမှာ အလုပ်လုပ်ကိုင်နေကြတဲ့ မြန်မာနိုင်ငံသား ကိုဝင်းဇော်ထွန်းနဲ့ ကိုဇော်လင်းတို့ကို အဲ့ဒီအမှုမှာ ပါဝင်ပတ်သတ်တယ်ဆိုပြီး လူသတ်မူ၊ မုဒိန်းမှု၊ ထိုင်းနိုင်ငံအတွင်းတရားမဝင် ခိုးဝင်နေထိုင်မှု စတဲ့ပြစ်မှု ၇ ခုနဲ့ ထိုင်း ရဲတပ်ဖွဲ့က တရားစွဲဆိုပြီး ပြစ်ဒဏ်ချမှတ်ခဲ့တာ ဖြစ်ပါတယ်။

ထိုင်းနိုင်ငံ ကော့စမွေကျွန်းလူသတ်မှုနဲ့ ပတ်သက်ပြီး မြန်မာနိုင်ငံသား နှစ်ဦးကို သေဒဏ်ချမှတ်လိုက်တဲ့အတွက် ရန်ကုန်မြို့ရှိ ထိုင်းသံရုံးရှေ့မှာ မြန်မာနိုင်ငံသားတွေက ဆန္ဒပြခဲ့ကြပါတယ်။

မြန်မာနိုင်ငံသားနှစ်ဦးကို အသက်ကိုကယ်တင်ဖို့ အရေးကြီးတာကြောင့် ပြည်သူတွေလုပ်နိုင်တာကို လုပ်တာဖြစ်ပြီး အစိုးရအနေနဲ့လည်း လုပ်သင့်လုပ်ထိုက်တာလုပ်ဖို့လိုတယ်လို့ ဆန္ဒပြရာမှာပါဝင်တဲ့ ကိုနောင်တော်လေး က ပြောပါတယ်။

"ပြန်လည်စစ်ဆေးတဲ့အခါ နှစ်နိုင်ငံစစ်ဆေးဆောင်ရွက်ပြီးတဲ့အခါမှာ သူတို့ ဒီအန်အေမဟုတ်ဘူးဆိုတာ စစ်ဆေးပေါ်ပေါက်ပြီးဆိုတာကို ကျနော်တို့လည်း လေ့လာသိရှိရတယ်၊ ဒီနေ့ ကွင်းလုံးကျွတ်လွတ်လိမ့်မယ်လို့ ကျနော်တို့ မျှော်လင့်ထားတယ်၊ ကျနော်တို့ မျှော်လင့်ထားတာနဲ့ လုံးဝသွေဖီဆန့်ကျင်ပြီးတော့ သေဒဏ် ဆိုတဲ့ပြစ်ဒဏ်ကြီးက ထိုင်းအစိုးရရဲ့ ယုတ်မာမှုကိုဖော်ပြလိုက်လို့ ချစ်ကြည်ရင်းနှီးမှုဆိုတာလည်း ကျနော်တို့ မြန်မာနိုင်ငံသား ၂ ယောက်ကို ရက်ရက်စက်စက် သတ်မယ့်အရေးကိစ္စကို ကျနော်တို့ ပြည်သူတွေ ကငြိမ်ခံနေရမှာလား၊ ကျနော်တို့ တက်နိုင်တဲ့အပိုင်းကို ကျနော်တို့လုပ်ရမယ်၊ အစိုးရပိုင်းကလည်း အစိုးရအနေနဲ့ တာဝန်ရှိတဲ့အနေနဲ့ တာဝန်ရှိသလောက်ကို ဆောင်ရွက်ပေးပါ၊ ကျနော်တို့ မြန်မာနိုင်ငံသား ၂ ယောက်ရဲ့အသက်ကို ကယ်တင်နိုင်ဖို့အရေးကြီးတယ်၊ ကျနော်တို့ နှစ်နိုင်ငံ ချစ်ကြည်ရင်းနှီးမှုကို မပျက်စီးလိုဘူး၊ အဲ့ဒီအတွက် ကျနော်တို့ လုပ်နိုင်စွမ်းအရ ကျနော်တို့ဆန္ဒပါ"

ထိုင်းနိုင်ငံမှာ အလုပ်လုပ်ကြတဲ့ မြန်မာနိုင်ငံသား ကိုဝင်းဇော်ထွန်းနဲ့ ကိုဇော်လင်းတို့ကို ချမှတ်လိုက်တဲ့ ပြစ်ဒဏ်ဟာ မတရားကြောင်း၊ ထိုင်းအစိုးရအနေနဲ့ လွှတ်ပေးဖို့ကိုလည်း ဆန္ဒပြသူတွေက တောင်းဆိုခဲ့ကြပါတယ်။

ဒီလို မြန်မာနိုင်ငံသား နှစ်ဦးကို သေဒဏ်ပေးလိုက်တာကို ကန့်ကွက်ကြောင်းနဲ့ အမှုနဲ့ အပြစ်ဒဏ်ကို ပြန်လည် စစ်ဆေးသုံးသပ်ပေးဖို့ ၈၈မျိုးဆက်ငြိမ်းချမ်းရေးနဲ့ ပွင့်လင်းလူ့အဖွ့အစည်းက ထိုင်းနိုင်ငံအစိုးရကို ဒီနေ့ စာပေးပို့လိုက်ပါတယ်။

မြန်မာနိုင်ငံသား ၂ ဦးရဲ့ အခြေအနေနဲ့ ပတ်သက်ပြီး အမှုကို လိုက်ပါဆောင်ရွက်ပေးနေတဲ့ မြန်မာသံရုံးအထူးအဖွဲ့ က ရှေ့နေ ဦးအောင်မျိုးသန့်ကို RFA သတင်းထောက် ကိုဘုန်းမြတ်က ဆက်သွယ်မေးမြန်းထားပါတယ်။

အမှုဖြစ်စဉ် တစ်လျှောက်လုံး လိုက်ပါကူညီဆောင်ရွက်ပေးခဲ့တဲ့ ထိုင်းနုိုင်ငံ အခြေစိုက် ရွှေ့ပြောင်း အလုပ်သမား အခွင့်အရေးကွန်ရက် MWRN အဖွဲ့ ဥက္ကဌ ဦးစိန်ဌေးစန်း ကို RFA သတင်းထောက် ဦးအောင်မုိုးမြင့်က အမိန့်ချမှတ်ပြီးချိန်မှာ ဆက်သွယ်မေးမြန်းခဲ့ပါတယ်။

သေဒဏ်ချမှတ်လိုက်တဲ့ လိပ်ကျွန်းအမှုအပေါ် ပြစ်ဒဏ်လျှော့ပေါ့ဖို့ မြန်မာနိုင်ငံအစိုးရက သံတမန်ရေးရာ အရ ဆောင်ရွက်မယ်လို့ သိရပါတယ်။ သမ္မတရုံး ညွှန်ကြားရေးမှုး ဦးဇော်ဌေးကို RFA သတင်းထောက် မဇာဏီထွဏ်း က ဆက်သွယ်မေး မြန်းထားပါတယ်။

ထိုင်းနိုင်ငံမှာ မြန်မာနိုင်ငံသား ၂ ဦး သေဒဏ်ချမှတ်ခံရတဲ့ အပေါ် ၈၈ မျိုးဆက်ငြိမ်းချမ်းရေးနဲ့ ပွင့်လင်းလူ့အဖွဲ့ အစည်းက ကန့်ကွက်ကြောင်း ထိုင်းဝန်ကြီးချုပ်ထံ စာပေးပို့လိုက်ပါတယ်။ ကိုမင်းကိုနိုင်ကို RFA သတင်းထောက် ကိုမျိုးဇော်ကို က တွေ့ဆုံမေးမြန်းထားပါတယ်။
[soundcloud src="238937682"/]
RFA


ဗြိတိန်နိုင်ငံသား ကမ္ဘာလှည့်ခရီးသွား ၂ ဦး အသတ်ခံရတဲ့အမှုမှာ အပြစ်ရှိတယ် ဆိုပြီး မြန်မာနိုင်ငံသား အလုပ်သမား ၂ ဦးကို ထိုင်းတရားရုံးက သေဒဏ် စီရင်ချက် ကို အယူခံဝင်ရာမှာ ကူညီ သွားမှာဖြစ်ကြောင်း မြန်မာနိုင်ငံခြားရေး ဝန်ကြီးဌာန က ပြောပါတယ်။ မြန်မာနိုင်ငံသား ၂ ဦးပေါ် သေဒဏ်ချမှတ်ခဲ့တဲ့ ထိုင်းတရားရုံးရဲ့ ဆုံးဖြတ်ချက်နဲ့ ပတ်သက်ပြီး ကန့်ကွက်ဝေဖန်မှုတွေလည်း ထွက်ပေါ်နေပါတယ်။ ဆက်သွယ်မေးမြန်း ထားတဲ့ ကိုဉာဏ်ဝင်းအောင်က တင်ပြပါမယ်။

ထိုင်းနိုင်ငံတောင်ပိုင်း ကော့တောင်ကျွန်းလို့ခေါ်တဲ့ လိပ်ကျွန်းမှာ ဗြိတိန် ကမ္ဘာလှည့် ခရီးသွား ၂ဦးဖြစ်တဲ့ David Miller နဲ့ Hannah Witheridge တို့ အသတ်ခံရတဲ့ အမှုနဲ့ပတ်သက်လို့ သေဒဏ်အပြစ်ပေးခဲ့တဲ့အပေါ် စိုးရိမ်တဲ့ အကြောင်း မြန်မာနိုင်ငံခြားရေး ၀န်ကြီးဌာန အဆင့်မြင့် အရာရှိ တဦးက ပြောကြားခဲ့ တာပါ။ တနှစ်ကျော်ကြာ စစ်ဆေးခဲ့ပြီးနောက် မြန်မာလူငယ် ၂ ဦးဖြစ်တဲ့ ကိုဇော်လင်းနဲ့ ကိုဝင်းဇော်ထွန်း တို့အပေါ် စွပ်စွဲထားတဲ့ အမှု ၇ မှု အတွက် ကောစမွေ တရားရုံးက အမြင့်ဆုံးပြစ်ဒဏ်အဖြစ် သေဒဏ်စီရင်ချက် ချခဲ့တာဖြစ်ပါတယ်။

ထိုင်းတရားရုံးက ချမှတ်တဲ့ ပြစ်ဒဏ် ဟာ ပြင်းထန်တယ်လို့ မြန်မာနိုင်ငံခြားရေး ဝန်ကြီးဌာန ဒုဝန်ကြီး ဦးသန့်ကျော်က ပြောပါတယ်။ သေဒဏ် အပြစ်ပေးခံရသူ မြန်မာ လူငယ် ၂ ဦးအမှုအတွက် တပတ်အတွင်းမှာ အယူခံ တင်သွားဖို့ မြန်မာနိုင်ငံခြားရေးဝန်ကြီးဌာနက ဆက်လက် ကူညီ လုပ်ဆောင်ပေးသွားမယ်လို့ ဒုဝန်ကြီး ဦးသန့်ကျော်က ပြောပါတယ်။

“ဘာပဲပြောပြော ကျနော်တို့လည်း စိတ်ပူတာပေါ့လေ။ မနက်ကတည်းကလည်း ကျနော်တို့လည်းလေ့လာနေတယ်။ အဲဒါ အခုဒါဖြစ်တဲ့အတွက် ဒါ ကျနော်နည်းနည်းတော့ အံ့သြတာပေါ့လေ။ အဲတော့ ကျနော်တို့က အခုထပ်ပြီးတော့ ညွှန်ကြား ထားတာကတော့ ဒီအယူခံဝင်ဖို့ကိစ္စမှာ ကျနော်တို့ သံရုံးအနေနဲ့ ဒီမှာ ကူညီနေတဲ့အဖွဲ့နဲ့ ထပ်ပြီးတော့ ပူးပေါင်းဆောင်ရွက်ပြီးတော့ ဆောင်ရွက်ပေးဖို့ဆိုပြီး ကျနော်တို့ ဒီနေ့လုပ်ထားပြီးပါပြီ။

ဒီပြစ်ဒဏ်ချမှတ်တဲ့အပေါ်မှာ ကျနော်တို့က ဆက်ပြီးတော့ လေ့လာနေပြီးတော့ ဒီရှေ့နေများအဖွဲ့နဲ့ပေါ့လေ ဆက်ပြီးတော့ အနီးကပ်ညှိနိုင်းပြီးတော့ ဒီဟာနဲ့ပတ်သက်ပြီး ၇ ရက်အတွင်းမှာ ကျနော်တို့က အယူခံဝင်ဖို့အတွက် ကျနော်တို့က လုပ်နေပါတယ်။ စီရင်ချက်ချတာကတော့ သူတို့ဘက်က ဒါ စီရင်ချက် ချတာ။

ကျနော်တို့ မြန်မာသံရုံးအနေနဲ့ကတော့ သံအမတ်ကြီးကိုလည်း ကျနော်တို့ ဒီဥစ္စာကို ဆက်ပြီးတော့ ကူညီပေးဖို့ အမြန်ဆုံး တပတ်အတွင်းမှာ ကျနော်တို့ အယူခံတင်ဖို့ရယ် ၊ အခုဒီဥစ္စာကို တင်လို့ရှိရင် အဆင့်မြင့်တရားရုံးကိုရောက်မယ်။ ရောက်ရင် လိုအပ်တာတွေ ဆက်ပြီး ပံ့ပိုးပေးဖို့ရယ် ဆက်ပြီး ကူညီပေးဖို့ ကျနော်တို့ လုပ်နေပါတယ်။”

သေဒဏ်ချမှတ်တဲ့ အမှုနဲ့ ပတ်သက်ပြီး လက်ရှိမြန်မာအစိုးရက ထိရောက်အောင်ဆောင်ရွက်နိုင် လိမ့်မယ်လို့ မျှော်လင့် မိကြောင်း ရွေးကောက်ပွဲအနိုင်ရ NLD ပြောခွင့်ရပုဂ္ဂိုလ် ဦးဥာဏ်ဝင်းကပြောပါတယ်။

“ပြောရင်တော့ NLD က အစိုးရ လည်းမဟုတ်ဘူးလေ။ ဘာမှ ပါဝင်နိုင်ဖို့ အခွင့်အရေး မရှိသေးပါဘူး။ ကျနော်တို့ လူသားချင်း၊ နိုင်ငံသားအနေနဲ့ ကိုယ်ချင်းစာ ပါတယ်။ အဓိကတာဝန်က နိုင်ငံခြားရေးအောက်က သံရုံးတွေ၊ ယိုးဒယားသံရုံး က သူတို့က ကူညီပေးတယ်ဆိုရင် ထိရောက်မှုရှိပါလိမ့်မယ်။”

ထိုင်းနိုင်ငံ တရားရုံးက မြန်မာအလုပ်သမားနှစ်ဦးကို သေဒဏ်ချမှတ်လိုက်ကြောင်း သတင်းတွေ ထွက်ပေါ်ပြီးနောက် ပြည်တွင်း၊ ပြည်ပမှာ ရှိတဲ့ မြန်မာနိုင်ငံသားတွေကြား ကန့်ကွက်ဝေဖန်မှုတွေ ထွက်ပေါ်ခဲ့ပါတယ်။ ၈၈မျိုးဆက် အဖွဲ့ကတော့ ဒီအမှုကိစ္စကို မှန်မှန်ကန်ကန် စိစစ်ဆောင်ရွက်ပေးဖို့ ထိုင်းဝန်ကြီးချုပ်ထံ စာရေးသား တောင်းဆိုကြောင်း ၈၈မျိုးဆက် ခေါင်းဆောင် တစ်ဦးဖြစ်သူ ဦးကိုကိုကြီးကပြောပါတယ်။

“ ကျနော်တို့က တရားမျှတမှုကို တောင်းဆိုတာ။ ဘာဖြစ်လို့လဲဆိုတော့ ကျနော်တို့ နိုင်ငံသားတွေဟာ ပြည်တွင်းမှာပဲဖြစ်ဖြစ် ပြည်ပမှာပဲဖြစ်ဖြစ် ဂုဏ်သိက္ခာရှိရှိ တရားမျှမျှတတ ဆက်ဆံခံရဖို့ အရေးကြီးတယ်။ အခု ဒီအမှုမှာက ကျနော်တို့ DNA ကိုက်ညီမှု မရှိဘူး။

သက်သေ အထောက်အထားတွေနဲ့ ပတ်သက်လို့လည်း အငြင်းပွားစရာ၊ အားနည်းချက်တွေ အများကြီး ရှိနေတဲ့ အခြေအနေမျိုးမှာ အခုလို သေဒဏ်ချလိုက်တဲ့ ဆိုတဲ့ဟာကို ကျနော်တို့ တော်တော်များများ က စိတ်မကောင်းဖြစ်တယ်။ ဒါနဲ့ပတ်သက်ပြီးတော့လည်း အမှုမှန်အတိုင်း မျှမျှတတ တရားစီရင်ရေးတွေ ကျနော်တို့က ဖြစ်စေချင်တယ်။

မြန်မာရွှေ့ပြောင်းအလုပ်သမား ခန့်မှန်းခြေ ၄,၀၀၀ လောက် အလုပ်လုပ်ကိုင်နေတဲ့ လိပ်ကျွန်းမှာ ၂၀၁၄ ခုနှစ် စက်တင်ဘာ ၁၅ ရက်နေ့က လူသတ်မှုဖြစ်ပွားပြီး ရက်ပိုင်းအတွင်းမှာပဲ ဖမ်းဆီးခံခဲ့ရတဲ့ မြန်မာလူငယ် ၂ ယောက်ကတော့ သတ်ဖြတ်မှု ကျုးလွန်ကြောင်း အစောပိုင်းမှာတော့ ၀န်ခံပြောဆိုခဲ့ပေမဲ့ နောက်ပိုင်းမှာတော့ ရဲတွေရဲ့ နှိပ်စက်မှုကြောင့် ဖြောင့်ချက်ပေးခဲ့တာ ဖြစ်တဲ့အကြောင်း တရားရုံးမှာ ထွက်ဆိုခဲ့တာပါ။

၂၀၁၄ ခုနှစ် စက်တင်ဘာလ ကုန်ပိုင်းမှာ လူသတ်မူနဲ့ တရားစွဲဆိုခံ ခဲ့ရတဲ့ မြန်မာလူငယ် ၂ ဦးကတော့ တနှစ်ကျော်ကြာ ထိုင်းနိုင်ငံကော့စမွေ အကျဉ်းထောင်မှာ ဖမ်းဆီးထားပြီး အခုနောက်ဆုံး တရားရုံးကသေဒဏ်ချမှတ်ခဲ့တာလည်း ဖြစ်ပါတယ်။

ကိုဉာဏ်ဝင်းအောင်/VOA
http://burmese.voanews.com/content/article/3117132.html

[youtube src="jZ5I02FEyNw"/]
င်းနိုင်ငံတောင်ပိုင်း Kho Samuei ခေါ် လိပ်ကျွန်း လူသတ်မှုနဲ့ ပက်သက်ပြီး မြန်မာနိုင်ငံသားနှစ်ဦးကို ထိုင်းနိုင်ငံ Kho Samuei တရားရုံးက ဒီနေ့ သေဒဏ်ချမှတ်လိုက်တဲ့အတွက် ရန်ကုန်မြို့ ထိုင်းသံရုံးရှေ့မှာ ဒီကနေ့ ညနေက မြန်မာနိုင်ငံသားတစ်ချို့က ဆန္ဒပြကြပါတယ်။ RFA သတင်းထောက် ကိုကျော်ဇောဝင်း တင်ပြထားပါတယ်။

ရိုက်ကူး - ကျော်ဇောဝင်း၊ ကျော်လွင်ဦး

 hrw-phil-robertson-620.jpg HRW အဖွဲ့ အာရှဒေသ လက်ထောက်ညွှန်ကြားရေးမှူး Phil Robertson ကိုတွေ့ရစဉ်
Photo: RFA

သမ္မတဟောင်းတစ်ယောက်ကို သူတာဝန်ထမ်းဆောင်ခဲ့တဲ့အချိန်က ဆောင်ရွက်ချက်တွေနဲ့ ပတ်သက်လို့ တရားစွဲ အရေးယူတာမရှိစေရဆိုတဲ့ ဥပဒေကို မြန်မာ့လွှတ်တော်တွေအနေနဲ့ လက်မခံပယ်ချသင့်တယ်လို့ Human Rights Watch ခေါ် လူ့အခွင့်အရေးစောင့်ကြည့်အဖွဲ့က မနေ့က ပြောလိုက်ပါတယ်။

ဒီဥပဒေဟာ သမ္မတတစ်ယောက်က ရာဇဝတ်မှုကျူးလွန်မယ်ဆိုရင် လွတ်ငြိမ်းချမ်းသာခွင့်ရဖို့ ကြိုးစားတာဖြစ်တဲ့ အတွက် ရှက်စရာကောင်းပါတယ်လို့ HRW အဖွဲ့ရဲ့ အာရှတိုက်ဆိုင်ရာ လက်ထောက် ညွှန်ကြားရေးမှူး Phil Robertson ကပြောပါတယ်။

အရင်စစ်အစိုးရအဖွဲ့ဝင်ဟောင်းတွေကို တရားဝင် အကာအကွယ်ပေးထားပြီးဖြစ်သလို နောက်ထပ်အကာ အကွယ်ပေးမယ့်အစား နိုင်ငံသားအားလုံး ဘယ်သူမဆို ဥပဒေတစ်ခုတည်းအောက်မှာ တန်းတူ အကာအကွယ်ရအောင် လွှတ်တော်က ဆောင်ရွက် သင့်တယ်လို့လည်း သူကထပ်လောင်းပြောဆိုပါတယ်။

ဒါကြောင့် သမ္မတဦးသိန်းစိန်ရော နောက်လာမယ့် သမ္မတတွေပါ ဘယ်သူမဆို ရာဇဝတ်မှုကျူးလွန်မယ်ဆိုရင် တာဝန်ယူရမှာဖြစ်တဲ့အတွက် အခုတင်သွင်းထားတဲ့ဥပဒေကြမ်းကို ပယ်ချသင့်တယ်လို့ ထောက်ပြပါတယ်။

အလားတူ ဒီဥပဒေကြမ်းကို နိုင်ငံရေးနဲ့ လူမှုရေးအဖွဲ့အစည်းတွေကလည်း ပြစ်တင်ဝေဖန်လိုက်ကြပါတယ်။

သမ္မတတစ်ယောက်ဟာ မိမိတို့လို နိုင်ငံသားတစ်ယောက်ဖြစ်သလို၊ အတိတ်မှာလုပ်ဆောင်ခဲ့တဲ့ သူ့အမှားတွေကို သူပြန်ပြီးတာဝန်ယူရမယ်လို့ ရှမ်းတိုင်းရင်းသားများ ဒီမိုကရေစီအဖွဲ့ချုပ် ဥက္ကဌ ဦးခွန်ထွန်းဦးက ပြောပါတယ်။

ရှေ့နေကွန်ရက် အဖွဲ့ခေါင်းဆောင်တစ်ဦးဖြစ်တဲ့ တရားလွှတ်တော်ရှေ့နေ ဦးအောင်သိန်းကလည်း သမ္မတ တစ်ယောက်ရဲ့လုပ်ရပ်တွေဟာ ပြည်သူ့အကျိုးအတွက်ပဲဖြစ်ရမယ်၊ ပြည်သူ့အကျိုးကို ထိခိုက်ဆန့်ကျင်တဲ့ လုပ်ရပ်တွေရှိခဲ့ရင်တော့ တရားဥပဒေကနေ ကင်းလွတ်ခွင့်မရသင့်ဘူးလို့ ပြောပါတယ်။

RFA


မြန်မာ အလုပ်သမားနှစ်ဦး သေဒဏ်ချမှု ရန်ကုန်မြို့ ထိုင်းသံရုံးရှေ့ ဆန္ဒပြ (သတင်းဓာတ်ပုံများ)

ထိုင်းနိုင်ငံတောင်ပိုင်းမှာ ဗြိတိန်နိုင်ငံသား ကမ္ဘာလှည့်ခရီးသွား ၂ ဦး သတ်ဖြတ်ခံရမှုမှာ အပြစ်ရှိကြောင်း ဆုံးဖြတ်ပြီး မြန်မာနိုင်ငံသား ၂ ဦးကို ထိုင်းတရားရုံးက သေဒဏ်ချမှတ်လိုက်တဲ့အတွက် ကန့်ကွက်ဆန္ဒပြမှုတွေလည်း ထွက်ပေါ်လာပါတယ်။ မြန်မာရွှေ့ပြောင်းအလုပ်သမား လူငယ် ၂ ဦးအပေါ် အမြင့်ဆုံးပြစ်ဒဏ် စီရင်လိုက်တဲ့အပေါ် မြန်မာအစိုးရ တာဝန်ရှိသူတွေဘက်က စိုးရိမ်မကင်းတဲ့ သဘောထားတွေလည်း ထွက်ပေါ်လာခဲ့တာပါ။ အကြောင်းစုံ ကိုတော့ ဗွီအိုအေမြန်မာပိုင်း သတင်းထောက် ကိုမိုးဇော်က ရန်ကုန်ကနေ သတင်းပေးပို့ ထားပါတယ်။

Koh Tao (ခေါ်) လိပ်ကျွန်းမှာ ဗြိတိန် ကမ္ဘာလှည့်ခရီးသွား ၂ ဦး အသတ်ခံရမှုနဲ့ စွပ်စွဲခံထားရတဲ့ ကိုဇော်လင်းနဲ့ ကိုဝင်းဇော်ထွန်းတို့ကို သေဒဏ်ချမှတ်ခဲ့တာနဲ့ ပတ်သက်ပြီး ဒီကနေ့ နေ့ခင်း ၃နာရီလောက်မှာ သံဃာတော်တွေအပါအ၀င် လူ ၁၀ ဦးလောက်ဟာ နှစ်နိုင်ငံ ချစ်ကြည်ရေးကို ရှေ့ရှုဖို့ဆိုတဲ့ စာတမ်းတွေ ကိုင်ဆောင်ပြီး ၁၅ မိနစ်လောက် ထိုင်းသံရုံးရှေ့မှာ ဆန္ဒထုတ်ဖော်ခဲ့ပါတယ်။ အမှုစစ်ဆေးခဲ့ တာတွေကို စောင့်ကြည့်လေ့လာခဲ့တဲ့ ရန်ကုန်မြို့က ကိုအေးဆေးကတော့ သူ့အမြင်ကို အခုလို ပြောပါတယ်။

“ဒါ တရားမမျှတဘူးလို့မြင်ပါတယ်။ ဘာဖြစ်လို့လဲဆိုတော့ သက်သေခံ အထောက်အထားတွေမှာလည်း DNA အထောက်အထားတွေက မတိုက်ဆိုင်ဘူး ဆိုတာ ထိုင်းက မှုခင်းဆရာဝန်မကြီး ကိုယ်တိုင်က ပြောထားတယ်။ ပြီးတော့ ကျွန်းသူကြီးသားကို DNA ယူတဲ့ကိစ္စတွေလည်း နောက်ကျတယ်။ ပြီးတော့ ဒီလူငယ်လေး ၂ ယောက်ကို အတင်းအဓမ္မ ၀န်ခံခိုင်းတယ်လို့လည်း နောက်ပိုင်းမှာ ထွက်ဆိုထားတာတွေလည်းရှိတယ်။ နောက်ပြီးတော့ ဒီလိုအချိန်ဆွဲတာမျိုး လုပ်ပြီးတော့မှ ဒီလိုဝရုန်းသုန်းကား သေဒဏ်ပေးလိုက်တာက ကျနော့်အနေနဲ့ တရားမျှတမှုမရှိဘူးလို့ မြင်ပါတယ်။ ထိုင်းမှာရှိတဲ့ မြန်မာရွှေ့ပြောင်း အလုပ်သမားတွေရဲ့ လူ့အခွင့်အရေး ချိုးဖောက်ခံရတယ်လို့ ကျနော်မြင်ပါတယ်။”

ဒီလို သေဒဏ်ပေးတာနဲ့ပတ်သက်ပြီး ရန်ကုန်မြို့က ထိုင်းသံရုံးရှေ့မှာ ဒီလ ၂၅ ရက်နေ့မှာ ဆန္ဒပြဖုိ့ ပြင်ဆင်နေကြသလို မြန်မာအာဏာပိုင်တွေကလည်း ထိုင်းသံရုံးရှေ့မှာ လုံခြုံရေးချထားတာတွေ ရှိနေပါတယ်။ ကိုဇော်လင်းနဲ့ ကိုဝင်းဇော်ထွန်း တို့ကို အမှုစစ်ဆေးချိန်မှာ ကူညီဆောင်ရွက်ခဲ့တဲ့ မြန်မာအထူးအဖွဲ့ တာဝန်ခံ ဦးထူးချစ်ကတော့ လူမျိုးရေးအမုန်းပွားတာမျိုးတွေ မဖြစ်စေဖို့ လိုအပ်မယ်လို့ ပြောပါတယ်။

“အဓိကတော့ဗျာ လူမျိုးရေးအနေနဲ့ အမုန်းပွားမှုတွေ ကျနော်တို့အနေနဲ့ မဖြစ်သင့်ဘူးပေါ့။ ကျနော်တို့ကိုလဲ အခုလိုက် အကူအညီပေးတဲ့ အချိန်မှာ ထိုင်းလူမျိုးတွေရော၊ ထိုင်းလူ့အခွင့်အရေး ကော်မရှင်၊ ထိုင်းရှေ့နေကောင်စီတို့လည်း ပါတယ်။ ဒါက ကျနော်တို့ရဲ့ ထိုင်းနိုင်ငံရဲ့ တရားဥပဒေစိုးမိုးရေး အပေါ်မှာပဲ မူတည်တယ်။ ထိုင်းအစိုးရဘက်မှာပဲ မူတည်ပါတယ်။ ကျနော်တို့ကလည်း ဘာပဲပြောပြော ကျနော်တို့ဒီမှာ သန်းပေါင်းများစွာ ရွှေ့ပြောင်းသူတွေ လာပြီးတော့ ထိုင်းနိုင်ငံမှာ နေကြတယ်လေ။ ဆိုတော့ အဲဒီလိုမျိုးရဲ့ ရိုက်ခတ်မှုဟာ ကျနော်တို့ ရွှေ့ပြောင်းလုပ်သားတွေ အပေါ်မှာ သွားပြီးတော့ တိုက်ရိုက်သော်လည်းကောင်း၊ သွယ်ဝိုက်သော်လည်းကောင်း ထိခိုက်မယ် ဆိုလို့ရှိရင်တော့ ဒါကတော့ ကောင်းတဲ့အလားအလာ မဟုတ်ပါဘူး။ ဒါကြောင့်မို့လို့ ကျနော့်အနေနဲ့ကတော့ လူမျိုးရေးပုံစံမျိုးဖြစ်တဲ့ ဆန္ဒပြမှုတွေ လူမျိုးရေး အသွင်ဆောင်တဲ့ လှုံ့ဆော်မှုတွေ မဖြစ်သင့်ဘူးလို့ ကျနော်ထင်ပါတယ်။”

ဒီအမှုကို ရက်ပေါင်း ၃၀ အတွင်းမှာ ခရိုင်အဆင့် အယူခံဝင်ဖို့ ရှိနေပြီး၊ နောက်တဆင့် အနေနဲ့လည်း ဗဟိုအဆင့်ထိ အယူခံဝင်ဖို့ လည်း ပြင်ဆင်နေတယ်လို့ ပြောပါတယ်။ လူအခွင့်အရေး ကိစ္စတွေကို အလေးပေး ဆောင်ရွက်နေတဲ့ တရားလွှတ်တော်ရှေ့နေ ဦးရောဘတ်စန်းအောင်ကတော့ သေဒဏ်ကျခံထားရတဲ့ မြန်မာပြည်သား လူငယ်နှစ်ဦး အတွက် အခုလို တိုက်တွန်းပါတယ်။

“ကျနော်တို့က နိုင်ငံရေးအရ ကြည့်မယ်ဆိုရင် ကျနော်တို့ရဲ့ နိုင်ငံသား ၂ ယောက် အခုလို သေဒဏ်ပေးတယ် ဆိုတာကတော့ အင်မတန်မှ မြင့်လွန်းတဲ့ ပြစ်ဒဏ်ကြီး ချပြီးတော့ ဆုံးရှုံးစေတယ်။ အဲဒီတော့ ဒါကို နိုင်ငံတော်အစိုးရကလည်း အမြန်ဆုံး ကန့်ကွက်ဖို့လိုတယ်။ နောက်ပြီးတော့ ဒါဟာနဲ့ ပတ်သက်ပြီးတော့ မြန်မာနိုင်ငံရှေ့နေချုပ် က ကိုယ်တိုင်သွားပြီးတော့ အယူခံကိစ္စတွေကို သူဆောင်ရွက်သင့်တယ်။ ပြီးတော့ ပါတီတွေ၊ NGO အဖွဲ့အစည်းတွေကလည်း ဒါနဲ့ ပတ်သက်ပြီးတော့ စုပေါင်းလက်မှတ်ရေးထိုးပြီးတော့ ကန့်ကွက်မယ်ဆိုရင် ပိုပြီးတော့ ကောင်းပါတယ်။”

မြန်မာနိုင်ငံတော် သမ္မတရုံး ညွှန်ကြားရေးမှူး ဦးဇော်ဌေးက သူ့ရဲ့ facebook စာမျက်နှာမှာ နိုင်ငံတော်အစိုးရ အနေနဲ့ ဒီအမှုနဲ့ပတ်သက်ပြီး ထိုင်းရှေ့နေကောင်စီ၊ ထိုင်းနိုင်ငံရှိ မြန်မာလူမှုအဖွဲ့အစည်းတွေနဲ့ပူးပေါင်းပြီး ထိုင်းနိုင်ငံရဲ့ အချုပ်အခြာ အာဏာပိုင်မှု၊ လွတ်လပ်တဲ့ တရားစီရင်မှု၊ နှစ်နိုင်ငံ အစိုးရနဲ့ နှစ်နိုင်ငံပြည်သူတွေရဲ့ ချစ်ကြည်ရင်းနှီးမှုကို မထိခိုက်စေဘဲ သံခင်းတမန်ခင်းအရလည်း ထိထိရောက်ရောက် လုပ်နိုင်သမျှ၊ လုပ်လို့ရသမျှ ဆက်လက် ကြိုးပမ်းဆောင်ရွက် သွားမှာဖြစ်ကြောင်း ဖော်ပြထားပါတယ်။

အမှုစစ်ဆေးချိန်မှာ မြန်မာနိုင်ငံ နိုင်ငံတော် သမ္မတအပါအ၀င် အမျိူးသား လွတ်တော် ဥက္ကဋ္ဌ နဲ့ မြန်မာ့တပ်မတော်ကာကွယ်ရေး ဦးစီးချုပ်တို့ကိုယ်တိုင် တရားဥပဒေကြောင်း အရ မှန်မှန်ကန်ကန် ဆောင်ရွက်ပေးဖို့ ထိုင်းအာဏာပိုင်တွေ ကို မေတ္တာရပ်ခံ ပြောကြား တာတွေ ရှိခဲ့ပါတယ်။

မိုးဇော်/VOA
http://burmese.voanews.com/content/protest-in-front-of-thai-embassy-in-myanmar-/3116833.html


လိပ်ကျွန်းလူသတ်မှုအတွက် သေဒဏ်ချမှတ်ခံရတဲ့ မြန်မာလူငယ် ၂ ဦး။
လိပ်ကျွန်းလူသတ်မှုအတွက် သေဒဏ်ချမှတ်ခံရတဲ့ မြန်မာလူငယ် ၂ ဦး။

ထိုင်းနိုင်ငံမှာ ဗြိတိန်နိုင်ငံက ကမ္ဘာလှည့်ခရီးသွား ၂ ဦး အသတ်ခံခဲ့ရတဲ့ အမှုအတွက် အပြစ်ရှိကြောင်း ဆုံးဖြတ်ပြီး မြန်မာနိုင်ငံသား အလုပ်သမား ၂ ဦးကို ထိုင်းတရားရုံးက ဒီကနေ့ပဲ သေဒဏ်ချမှတ်လိုက်ပါတယ်။

တရားရုံးဆုံးဖြတ်ချက်ကိုတော့ အကျိုးဆောင် ရှေ့နေတွေက အယူခံပြန်ဝင်ဖို့လည်း စီစဉ်နေကြပါတယ်။ အကြောင်းစုံကိုတော့ ဗွီအိုအေ မြန်မာပိုင်းရဲ့ ထိုင်းအခြေစိုက်သတင်းထောက် မအေးအေးမာ က သတင်းပေးပို့ ထားပါတယ်။

ထိုင်းနိုင်ငံ တောင်ပိုင်းက ကော့တောင်ကျွန်းလို့ခေါ်တဲ့ လိပ်ကျွန်းမှာ ဗြိတိန်ကမ္ဘာလှည့်ခရီးသွား ၂ဦး ဖြစ်တဲ့ David Miller နဲ့ Hannah Witheridge တို့ အသတ်ခံရတဲ့ အမှုနဲ့ပတ်သက်လို့ တနှစ်ကျော်ကြာ စစ်ဆေးခဲ့ပြီးနောက် အခုနောက်ဆုံး တရားရုံးက အပြစ်ရှိကြောင်း ဆုံးဖြတ်ပြီး သေဒဏ်အပြစ်ပေးလိုက်တာပါ။ မြန်မာလူငယ် ၂ ဦးဖြစ်တဲ့ ကိုဇော်လင်းနဲ့ ကိုဝင်းဇော်ထွန်း တို့အပေါ် စွပ်စွဲထားတဲ့ အမှု ၇ မှု အတွက် ကော့စမွေတရားရုံးက ပြစ်ဒဏ်ချမှတ်ခဲ့ရာမှာ အမြင့်ဆုံးပြစ်ဒဏ် သေဒဏ်စီရင်ချက် ချခဲ့တာလို့လည်း အကျိုးဆောင်ရှေ့နေဖြစ်တဲ့ ဦးအောင်မျိုးသန့်ကပြောပါတယ်။

“ပုဒ်မတွေအတိုင်းကို ပြစ်ဒဏ်တွေကိုဖတ်ပြတယ်။အဲဒီ ပြစ်ဒဏ်တွေကိုပဲပေးတယ်ပေါ့ ။ အဲဒီထဲက အမြင့်ဆုံးဖြစ်တဲ့သေဒဏ်ကို ခံစားစေဆိုတာမျိုးပေါ့။ ကော့စမွေတရားရုံးအနေနဲ့က သေဒဏ်ပေးတဲ့သဘောပေါ့။အဲဒီအမိန့်စာ စာရွက်ရဖို့ အန်ကယ်တို့ အခုစောင့်နေပါတယ်။”

အခုလို သေဒဏ်ချမှတ်လိုက်တဲ့ တရားရုံး ဆုံးဖြတ်ချက်အတွက် အထက်တရားရုံးကို အယူခံဆက်တက်မယ်လို့လည်း အကျိုးဆောင်ရှေ့နေ ဦးအောင်မျိုးသန့်က ပြောပါတယ်။

“အန်ကယ်တို့က အယူခံတက်ရမှာပါ။ သာမန်ဆိုရင်တော့အယူခံရက်က အထက်တရားရုံးကိုတလအတွင်းတက်ရမှာပါ။ဒါပေမဲ့အခုက သေဒဏ်ဖြစ်တဲ့အတွက် ကာလစည်းကမ်းအရအမြန်ဆုံးတပတ်အတွင်းတက်ရမယ်လို့ ယူဆရပါတယ်။ အန်ကယ်တို့ကတော့ အောက်ရုံးက အခုလို လုပ်တယ်ဆိုရင် အထက်ရုံးကိုအယူခံဆက်တက်ရမှာပဲ။”

မြန်မာရွှေ့ပြောင်းအလုပ်သမား ခန့်မှန်းချေ ၄,၀၀၀ လောက် အလုပ်လုပ်ကိုင်နေတဲ့ လိပ်ကျွန်းမှာ ၂၀၁၄ ခုနှစ် စက်တင်ဘာ ၁၅ ရက်နေ့က လူသတ်မှုဖြစ်ပွားပြီး ရက်ပိုင်းအတွင်းမှာပဲ ဖမ်းဆီးခံခဲ့ရတဲ့ မြန်မာလူငယ် ၂ ယောက်ကတော့ သတ်ဖြတ်မှု ကျုးလွန်ကြောင်း အစောပိုင်းမှာတော့ ၀န်ခံပြောဆိုခဲ့ပေမဲ့ နောက်ပိုင်းမှာတော့ ရဲတွေရဲ့ နှိပ်စက်မှုကြောင့် ဖြောင့်ချက်ပေးခဲ့တာ ဖြစ်တဲ့အကြောင်း တရားရုံးမှာ ထွက်ဆိုခဲ့တာပါ။၂၀၁၄ ခုနှစ် စက်တင်ဘာလကုန်ပိုင်းမှာ လူသတ်မူနဲ့ တရားစွဲဆိုခံခဲ့ရတဲ့ မြန်မာလူငယ် ၂ ဦးကတော့ တနှစ်ကျော်ကြာ ထိုင်းနိုင်ငံ ကော့စမွေ အကျဉ်းထောင်မှာ ဖမ်းဆီးထားပြီး အခုနောက်ဆုံး တရားရုံးကနေ သေဒဏ်ချမှတ်ခဲ့တာလည်း ဖြစ်ပါတယ်။

မအေးအေးမာ/VOA
http://burmese.voanews.com/content/myanmar-thai-verdict-murder-case/3116787.html



တောင်ကိုရီးယားအစိုးရရဲ့ ဒုက္ခသည် ရွှေ့ပြောင်းအခြေချရေး အစီအစဉ်သစ်အရ ပထမဆုံး အကျိုးခံစားရသူတွေအဖြစ် မြန်မာနိုင်ငံက ကရင်တိုင်းရင်းသား ဒုက္ခသည် ၂၂ ယောက်ဟာ တောင်ကိုရီးယားနိုင်ငံကို ဆိုက်ရောက်လာကြတယ်လို့ တောင်ကိုရီးယားအစိုးရ တာဝန်ရှိသူတွေက ဗုဒ္ဓဟူးနေ့မှာ ပြောပါတယ်။

ဒီကရင်တိုင်းရင်းသားမိသားစု ၄ စုဟာ တောင်ကိုရီးယားနိုင်ငံကို အခုလို လေကြောင်းခရီးနဲ့ ဆိုက်ရောက် မလာခင် မြန်မာနိုင်ငံအတွင်း ဖိနှိပ်မှုတွေကြောင့် ထွက်ပြေးတိမ်းရှောင်ရာမှာ ထိုင်းနိုင်ငံတွင်းရှိ ဒုက္ခသည်စခန်းမှာ ခိုလှုံနေထိုင်ခဲ့ကြသူတွေ ဖြစ်ပါတယ်။

အခုလို ပြန်လည်အခြေချဖို့ တတိယနိုင်ငံကို ရွေးချယ်တဲ့ အကြောင်းအရင်းများအနက် ပညာရေးကို ဦးစားပေးပြီး တောင်ကိုရီးယားကို ရွေးချယ်ခဲ့တာဖြစ်တယ်လို့ ဒုက္ခသည်တွေက ပြောပါတယ်။ ဒီဒုက္ခသည်တွေကို F-2 အမျိုးအစား အခြေချနေထိုင်ခွင့်ဗီဇာ ထုတ်ပေးလိုက်တယ်လို့ တောင်ကိုရီးယား တရားရေးဝန်ကြီးဌာန အရာရှိတွေက ပြောပါတယ်။

တောင်ကိုရီးယားနိုင်ငံမှာ အခုနှစ်ဆန်းပိုင်းက စတင်ခဲ့တဲ့ ဒုက္ခသည် အစီအစဉ်အရ နှစ်စဉ် မြန်မာနိုင်ငံသား ဒုက္ခသည် ၃၀ အထိကို ၂၀၁၇ အထိ အစမ်းသဘော လက်ခံမှာ ဖြစ်ပါတယ်။ အခြေအနေတွေကို အနီးကပ် စောင့်ကြည့်လေ့လာပြီး ဒီဒုက္ခသည်အစီအစဉ် ဆက်လက် ထားရှိ သင့် မသင့် ဆုံးဖြတ်ဖို့ စီစဉ်ထားတယ်လို့ ဆိုပါတယ်။

နိုင်ငံရပ်ခြားမှာရှိနေတဲ့ ဒုက္ခသည်စခန်းတွေက ဒုက္ခသည်တွေ ရွှေ့ပြောင်း အခြေချနေထိုင်ခွင့် ပြုရေးအတွက် တောင်ကိုရီးယား အစိုးရနဲ့ ကုလသမဂ္ဂ ဒုက္ခသည်များဆိုင်ရာ မဟာမင်းကြီးရုံး UNHCR တို့ကြား သဘောတူညီမှု လက်မှတ်ရေးထိုးခဲ့ပြီး ၅ လ အကြာမှာ အခုလို စတင် လုပ်ဆောင်ခဲ့တာ ဖြစ်ပါတယ်။

VOA
http://burmese.voanews.com/content/south-korea-karen-refugee/3116667.html


ကော့စမွီခရိုင်တရားရုံးက မြန်မာလူငယ်နှစ်ဦးကို သေဒဏ်ချမှတ်လိုက်တဲ့ တရားစီရင်မှုအပေါ် လက်မခံနိုင်ကြောင်း စွပ်စွဲခံ လူငယ်နှစ်ဦးဘက်က လိုက်ပါဆောင်ရွက်ပေးနေတဲ့ ထိုင်းရှေ့နေများကောင်စီ ဥက္ကဋ္ဌ ခွန်ဆုဝစ် ချွေးအုဘွန်း က ပြောကြားလိုက်ပါတယ်။

မနှစ် နှစ်ကုန်ပိုင်းက ထိုင်းတောင်ပိုင်းမှာ ဗြိတိသျှလူငယ်နှစ်ဦး အသတ်ခံရမှုနဲ့ အမှုရင်ဆိုင်ခဲ့ကြရတဲ့ စွပ်စွဲဖမ်းဆီးခံ ဇော်လင်းနဲ့ ဝေဖြိုး (ခေါ်) ၀င်းဇော်ထွန်းတို့ကို ထိုင်းနိုင်ငံတောင်ပိုင်း ကော့စမွီခရိုင် တရားရုံးက ဒီနေ့ သေဒဏ်ချမှတ်လိုက်တာ ဖြစ်ပါတယ်။

ကောစမွီခရိုင်တရားရုံးက သေဒဏ်ချမှတ်လိုက်တဲ့ တရားစီရင်မှုအပေါ် လက်မခံနိုင်ကြောင်း ထိုင်းရှေ့နေများကောင်စီဥက္ကဋ္ဌက သတင်းထောက်တွေကို ပြောပါတယ်။

“ဒီတရားစီရင်ချက်အပေါ် ကျနော် လက်မခံနိုင်ဘူး၊ သဘောမတူနိုင်ဘူး။ အစကတည်းက ကျနော်တို့က လက်မခံနိုင်ဘူး။ လက်မခံနိုင်လို့ပဲ တောက်လျှောက် ရင်ဆိုင်လာခဲ့တာပေါ့။ ရှေ့ဆက်လည်း ဆက်ပြီးတော့ ရင်ဆိုင်သွားမယ်။”

မြန်မာလူငယ်နှစ်ဦးရဲ့ အမှုနဲ့ ပတ်သက်ပြီး တလအတွင်း အယူခံဝင်သွားမယ်လို့လည်း ထိုင်းရှေ့နေများကောင်စီဥက္ကဋ္ဌက ပြောပါတယ်။

မြန်မာလူငယ် ၂ ဦး လွတ်မြောက်ရေးအတွက် လူ့အခွင့်အရေးဘက်ကနေ ကူညီဆောင်ရွက်ပေးနေသူ မြန်မာရွှေ့ပြောင်းအလုပ်သမားများ အခွင့်အရေး ကွန်ရက်အဖွဲ့ရဲ့ အတိုင်ပင်ခံ မစ္စတာ အန်ဒီဟောကလည်း တရားသူကြီးရဲ့ ဆုံးဖြတ်ချက်အပေါ်မှာ အခုလို ဝေဖန်ပြောကြားပါတယ်။

“လူငယ် ၂ ယောက်ကို သေဒဏ်ထိ အပြစ်ပေးလိုက်တယ်ဆိုတာ ကြားကြားချင်း ကျနော်တို့ အံ့သြထိတ်လန့်သွားတယ်။ တရားသူကြီးအနေနဲ့ ကလေး ၂ ယောက်ဟာ တကယ်ပဲ ကျူးလွန်သလားဆိုတာကို သံသယမထားဘူး ဆန်းစစ်မှုမပြုဘူးလို့ဘဲ ပြောချင်တယ်။ ဒါပေမယ့် ကျနော်တို့ ဆက်ပြီး အယူခံဝင်သွားပါမယ်။ ကလေး ၂ ယောက်ဘက်ကနေပြီး တရားမျှတမှု အတွက် အစွမ်းကုန် ကြိုးစားသွားမယ်။”

ဗြိတိန်နိုင်ငံသား ဒေးဗစ် မေလာ ၂၄ နှစ်နဲ့ ဟန်နာ ၀စ်သ်သာ ၂၃ နှစ်တို့ ၂ ဦးဟာ ထိုင်းတောင်ပိုင်း ဆူရတ်ဌာနီခရိုင် ကော့ဖငန်းမြို့နယ် ခိုတောင်ကျွန်းကို အလည်လာရင်း မနှစ် စက်တင်ဘာလ ၁၅ ရက်နေ့က အသတ်ခံခဲ့ရတာ ဖြစ်ပါတယ်။

By ဒီဗွီဘီ
http://burmese.dvb.no/archives/128205


နိရဉ္စရာ၊ ဒီဇင်ဘာ ၂၃

မွတ်ဆလင် ညီအစ်ကိုတော်များလို့ အမည်တပ်ခေါ်နိုင်တဲ့ Muslim Brotherhood အဖွဲ့ကို ဗြိတိန်အစိုးရက အကြမ်းဖက် အဖွဲ့အဖြစ် ကျေညာလိုက်ပြီ ဖြစ်ပါတယ်။

ဗြိတိန်ဝန်ကြီးချုပ် ဒေးဗစ်ကန်မရွန်းရဲ့ ညွှန်ကြားချက်အရ ၁၈ လကြာ လေ့လာ စိစစ်ပြီးတဲ့ နောက် ဒီအဖွဲ့ကို အကြမ်းဖက် အဖွဲ့ အဖြစ် ဗြိတိန်က ကျေညာလိုက်တာ ဖြစ်ပါတယ်။

ခုလို ကျေညာတာကို အမေရိကန် သမ္မတ အိုဘားမား ဦးဆောင်တဲ့ အုပ်ချုပ်ရေး အဖွဲ့ကတော့ ပယ်ချလိုက်ပြီး Muslim Brotherhood အဖွဲ့ဟာ အကြမ်းမဖက်တဲ့ အစ္စလာမ်မစ် အဖွဲ့ တစ်ခု ဖြစ်တယ်လို့ ပြောဆိုပါတယ်။

အခုအခါ ဒီကိစ္စနဲ့ ပတ်သက်ပြီး ဗြိတိန်နဲ့ အမေရိကန် အကြားမှာ အမြင်မတူမှုတွေ ပေါ်ပေါက်နေတယ်လို့လည်း သိရပါတယ်။

ဗြိတိန်ဝန်ကြီးချုပ်က လွန်ခဲ့တဲ့ ကြာသပတေးနေ့က ဒီအစီရင်ခံစာကို အောက်လွှတ်တော်မှာ တင်သွင်းရာမှာ ဒီ Muslim Brotherhood အဖွဲ့ဟာ ဒီမိုကရက်တစ်ကို ဆန့်ကျင်တဲ့ အဖွဲ့ ဖြစ်သလို အကြမ်းဖက်မှုကို ပွင့်ပွင့်လင်းလင်း ထောက်ခံမှု ပေးနေတဲ့ အဖွဲ့အဖြစ် ဖော်ပြပါတယ်။

ဒါ့အပြင် Muslim Brotherhood အနေနဲ့ အစ္စလာမ်မစ် အစိုးရတစ်ရပ် ဖြစ်ပေါ်ရေး အတွက် ဦးတည် လူပ်ရှားနေတဲ့ အဖွဲ့ဖြစ်ပြီး ဗြိတိန်နိုင်ငံ၏ တရားဥပဒေစိုးမိုးမှုကို ဆန့်ကျင်နေသည်သာမက လူတစ်ဦးချင်းစီ လွတ်လပ်မှုနှင့် တန်းတူရှိမှု အပေါ်မှာလည်း ဆန့်ကျင်နေတယ်လို့ ဖော်ပြထားပါတယ်။

ဗြိတိန်ဝန်ကြီးချုပ်က ဆက်လက်ပြောဆိုရာမှာ ဒီအစ္စလာမ် အဖွဲ့ရဲ့ အတွေးအခေါ်နဲ့ လှုပ်ရှားမှုကို ရှုထောင့်ပေါင်းစုံက သုံးသပ်ကြည့်ရင် ဗြိတိန်နိုင်ငံရဲ့ ဒီမိုကရေစီ တန်ဖိုးတွေကို တိုက်ရိုက်ဆန့်ကျင်နေသလို ဘာသာရေးနဲ့ ယုံကြည်မှု မတူသူများရဲ့ အချင်းချင်း အပြန်အလှန်လေးစားမှုနဲ့ သဟဇာတ ဖြစ်မှုတွေ အပေါ်မှာလည်း ဆန့်ကျင်မှုတွေ ပြုလုပ်နေတယ်လို့ ပြောဆိုပါတယ်။


(Arakan State)

https://www.facebook.com/NarinjaraNews


မြန်မာနိုင်ငံဆိုင်ရာ ထိုင်းသံရုံးရှေ့တွင် လုံခြုံရေးဆက်လက်တိုးမြှင့်ထားပြီး ယခုအချိန်တွင် သံဆူးကြိုးတပ် ဘယ်ရီဂိတ်များ ချထားကြောင်း သိရသည်။ နေ့လယ် ၂ နာရီခွဲအချိန်ခန့်တွင် ဆန္ဒပြမည်ဆိုသော ကောလဟလများလည်း ထွက်ပေါ်နေသည်။

ကနဦးက သံဃာတော်အချို့ ရောက်ရှိလာပြီး ပြန်လည်ထွက်ခွာသွားပြီဖြစ်ကြောင်း သတင်းပေးပို့သည်။ လက်ရှိတွင် ထိုင်းသံရုံးရှေ့၌ လုံခြုံရေးရဲတပ်ဖွဲ့ဝင်များနှင့် သတင်းထောက်များက အခြေအနေကို စောင့်ကြည့်လျက်ရှိသည်။

လိပ်ကျွန်းလူသတ်မှုနှင့်ပတ်သက်၍ စွပ်စွဲခံမြန်မာ ၂ ဦးကို ယနေ့ သေဒဏ်ချမှတ်လိုက်ပြီးနောက် လူမှုကွန်ရက်ပေါ်တွင် အပြင်းအထန် ဝေဖန်မှုများဖြင့် သောသောညံနေပြီး မနက်ဖြန် ဒီဇင်ဘာ ၂၅ ရက်တွင် ထိုင်းသံရုံးရှေ့၌ ဆန္ဒပြရန် စုစည်းလှုံဆော်မှုများလည်း ရှိနေသည်။






(News Watch)

https://www.facebook.com/NewsWatchJournal


ကမ္ဘာတစ်ဝန်းက စိတ်ဝင်စားနေသည့် ထိုင်း၊ မြန်မာနှင့် ဗြိတိန်သုံးနိုင်ငံနှင့် သက်ဆိုင်သည့် ကမ္ဘာကျော်ကော့တောင် (လိပ်ကျွန်း) လူသတ်မှု နှင့်ပတ်သက်၍ စွပ်စွဲခံရသူ မြန်မာနှစ်ဦးကို သေဒဏ်ချမှတ်ခဲ့ခြင်းသည် ထိုင်းအစိုးရအနေဖြင့် မြန်မာအစိုးရကို စိန်ခေါ်လိုက်သကဲ့သို့ ခံစားရကြောင်း စွပ်စွဲခံရသူ မြန်မာအမျိုးသားနှစ်ဦးဘက်မှ လိုက်ပါ ဆောင်ရွက်ပေးနေသူ တစ်ဦးဖြစ်သည့် ဦးထူးချစ်က ဒီဇင်ဘာ ၂၄ ရက်တွင် The Ladies သို့ပြောသည်။

“ထိုင်းအစိုးရအနေနဲ့တော့ ဒါမြန်မာအစိုးရကို စိန်ခေါ်လိုက်သလို ခံစားရတယ် ။ တစ်ချိန်တည်းမှာပဲ ထိုင်းနိုင်ငံမှာ သန်းပေါင်းများစွာရှိတဲ့ မြန်မာရွှေ့ပြောင်း အလုပ်သမားတွေအတွက် အင်မတန်မှ စိုးရိမ်စရာကောင်းတယ်၊ အမိန့်ချတဲ့ အချိန်မှာ အမှု ခုနစ်မှုနဲ့စွဲထားတဲ့ အချိန်မှာ ကလေးတွေကို အမြင့်ဆုံးအမှု အနေနဲ့ သေဒဏ်ချလိုက်ပါတယ်” ဟု ဦးထူးချစ်ကပြောသည်။

လိပ်ကျွန်းလူသတ်မှု နှင့် ပတ်သက်၍ ဖမ်းဆီးခံ မြန်မာအလုပ်သမားနှစ်ဦးကို လူသတ်မှု ကျူးလွန်သည်ဟုဆိုကာ ထိုင်းတရားသူကြီးက သေဒဏ်ပြစ်ဒဏ် အပါအ၀င် ပြစ်မှု ခုနစ်မှုလုံးကို သီးခြားပြစ်ဒဏ်များ ချမှတ်ခဲ့ခြင်း ဖြစ်သည်။

ယင်းအမှုကို အောက်တိုဘာ ၁၁ ရက်က အပြီးသတ် စစ်ဆေးပြီးစီးခဲ့ပြီး ဒီဇင်ဘာ၂၄ ရက်တွင် အပြီးသတ်အမိန့် ချမှတ်ခဲ့သည်။ ထိုင်းနိုင်ငံတောင်ပိုင်း ကော့တောင်ကျွန်းခေါ် ( လိပ်ကျွန်း ) တွင် ဖြစ်ပွားခဲ့သည့် လူသတ်မှုမှာ ၂၀၁၄ စက်တင်ဘာလ ၁၅ ရက်နေ့ နံနက်ပိုင်းအချိန်တွင် ဖြစ်ပွားခဲ့ခြင်းဖြစ်ပြီး ဗြိတိန်နိုင်ငံသား နှစ်ဦးဖြစ်သည့် ဟန်နာဝစ်ထာရစ်ခ်ျ ၂၃ နှစ်နှင့် ဒေးဗစ်မီလ်လာ ၂၄ နှစ် တို့နှစ်ဦးသည် အသတ်ခံခဲ့ရခြင်း ဖြစ်သည်။

၂၀၁၄ ခုနှစ် အောက်တိုဘာ ၂ ရက်တွင် ထိုင်းရဲတပ်ဖွဲ့က အသက် ၂၂ နှစ် အရွယ်ရှိ မြန်မာနိုင်ငံသား ရွှေ့ပြောင်းလုပ်သား နှစ်ဦးကို တရားခံအဖြစ် စွပ်စွဲကာ ဖမ်းဆီး၍ ပြစ်မှုခုနစ်မှုဖြင့် တရားစွဲဆိုခဲ့ခြင်းဖြစ်သည်။ အဆိုပါအမှုကို စစ်ဆေးရာတွင် နှစ်ဖက်သက်သေ ၃၄ ဦး က ရုံးချိန်းစုစုပေါင်း ၂၁ ကြိမ်တိုင် ထွက်ဆိုချက်ပေးခဲ့ပြီး ၂၀၁၅ ခုနှစ် အောက်တိုဘာ ၁၁ ရက် တွင် ရုံးချိန်းများ အပြီးသတ်ခဲ့ကာ စွပ်စွဲခံရသူ နှစ်ဦးဘက်မှ ထိုင်းရှေ့နေအဖွဲ့သည် တရားသူကြီး စီရင်ချက်ချရာတွင် ထည့်သွင်းစဉ်းစားနိုင်မည့် သက်သေခံစာရွက် ထောင်ပေါင်းများစွာကို တရားရုံးတွင် သွင်းခဲ့ကြသည်။ ၂၀၁၅ ခုနှစ် ဒီဇင်ဘာ ၂၄ ရက် (ယနေ့) တွင် လိပ်ကျွန်းလူသတ်မှုအား အပြီးသတ် အမိန့်ချမှတ်ခဲ့ခြင်း ဖြစ်သည်။

ထိုသို့ အမိန့်ချမှတ်ခဲ့သည့်အပေါ် ဦးထူးချစ်က “အယူခံဆက်တက်ပါမယ် ။ အယူခံက နှစ်ဆင့်တက်ရပါမယ် ။ ပထမတစ်ဆင့်ကတော့ ခရိုင်အဆင့်မှာ အယူခံတစ်ခု တက်မယ် ။ လိုအပ်လို့ရှိရင်တော့ ဗဟိုအစိုးရကို အယူခံတက်ပါမယ် ။ အယူခံနှစ်ခုတက်ဖို့ အစီအစဉ်ရှိပါတယ်” ဟု ပြောဆိုသည်။

လိပ်ကျွန်းလူသတ်မှုကို စစ်ဆေးရာတွင် ထိုင်နိုင်ငံ မှ DNA ပညာရှင်များက DNA မတူညီကြောင်း ထုတ်ပြန်ခဲ့သည်။ “ထိုင်းကရှိတဲ့ DNA ပညာရှင်တွေကအစ ပြောထားတဲ့ ကိစ္စဖြစ်တယ် ။ နောက်တစ်ခု သူကလည်း သက်သေအတိအကျ မပေးနိုင်ဘဲ အခုလိုမျိုး အမိန့်ချတယ်ဆိုတော့ မတရားသဖြင့် ကိုယ်တွေ နိုင်ငံသားတွေကို အမိန့်ချတယ်လို့ ခံစားရတယ်” ဟု ဦးထူးချစ်ကပြောသည်။

ထိုင်းနိုင်ငံတွင်ရှိသည့် မြန်မာလုပ်သားနှစ်ဦး၏ အမှုသာ မဟုတ်ဘဲ မြန်မာရွှေ့ပြောင်း အလုပ်သမားများအတွက် အကာအကွယ်ပေးရန်မှာ လက်ရှိ မြန်မာအစိုးရအနေဖြင့် သာမက နောင်တက်လာမည့် အစိုးရ၊ အဓိကအားဖြင့် မြန်မာ့တပ်မတော်အနေဖြင့် တတ်နိုင်သည့်ဘက်က စနစ်တကျ ပူးပေါင်းဆောင်ရွက်ပြီး အကာအကွယ်ပေးရန် အချိန်ရောက်ပြီဟု ပြောကြားချင်ကြောင်း အလုပ်သမားအရေး ဆောင်ရွက်ပေးသူဖြစ်သည့် ဦးထူးချစ်က ဆက်လက် ပြောကြားခဲ့သည်။


(The Ladies News)

https://www.facebook.com/News.TheLadies/


ဒဂုံမြို့နယ်၊ မနော်ဟရီလမ်းပေါ်ရှိ မြန်မာနိုင်ငံဆိုင်ရာ ထိုင်းသံရုံးရှေ့တွင် ယနေ့ မနက် ၁၁ နာရီခန့်မှစ၍ လုံခြုံရေး တိုးမြှင့်ချထားကြောင်း သိရသည်။

လိပ်ကျွန်းလူသတ်မှုနှင့်ပတ်သက်၍ စွပ်စွဲခံမြန်မာ ၂ ဦးကို ယနေ့ သေဒဏ်ချမှတ်လိုက်ပြီးနောက် လူမှုကွန်ရက်ပေါ်တွင် အပြင်းအထန် ဝေဖန်မှုများဖြင့် သောသောညံနေပြီး မနက်ဖြန် ဒီဇင်ဘာ ၂၅ ရက်တွင် ထိုင်းသံရုံးရှေ့၌ ဆန္ဒပြရန် စုစည်းလှုံဆော်မှုများလည်း ရှိနေသည်။

ထိုင်းနိုင်ငံ ခိုတောင်(လိပ်ကျွန်း)ကျွန်းတွင် ၂၀၁၄ စက်တင်ဘာ ၁၅ ရက်က ဗြိတိန်နိုင်ငံသား ၂ ဦး အသတ်ခံရမှုဖြင့် စွပ်စွဲခံထားရသော မြန်မာ ၂ ဦးဖြစ်သော ကိုဝေဖြိုးနှင့် ကိုဇော်လင်းတို့အား ယနေ့ ဒီဇင်ဘာ ၂၄ ရက်တွင် ကော့စမွီခရိုင်တရားရုံးက ပြစ်မှုထင်ရှားသည်ဟုဆိုကာ သေဒဏ်ချမှတ်လိုက်သည်။ 

အဆိုပါ လူသတ်မှုတွင် စွပ်စွဲခံမြန်မာ ၂ ဦးကို စစ်ဆေးရာတွင် မှုခင်းစစ်ဆေးမှုလုပ်ထုံးများစွာကို ချိုးဖောက်ခဲ့ခြင်း၊ အဓ္ဓမနှိပ်စက်ဝန်ခံခိုင်းခြင်း စသည်တို့ကြောင့် အဆိုပါ အမှုသည် ထိုင်း တရားရုံများ၊ ထိုင်း တရားစီရင်ရေးစနစ်၏ ယုံကြည်စိတ်ချရမှုအပေါ် နိုင်ငံတကာမှ စောင့်ကြည့်အာရုံစိုက်နေကြသော အမှုတခုလည်း ဖြစ်သည်။

ယခု သေဒဏ်ချမှတ်လိုက်ခြင်းနှင့်ပတ်သက်၍ တရားခံရှေ့နေအဖွဲ့မှ အဆင့်ဆင့် အယူခံဝင်သွားမည်ဖြစ်ကြောင်းလည်း သိရသည်။

(The News Watch) 

https://www.facebook.com/NewsWatchJournal

အဆိုပါအမှုကို လိုက်ပါ ဆောင်ရွက်နေသူ အများစုက အဆိုပါ ဆုံးဖြတ်ချက်မှာ တရားမျှတမှု မရှိဟု ယုံကြည်နေကြပြီး ၇ ရက်အတွင်း အယူခံတင်မည် ဖြစ်ကြောင်း အမှုကို လိုက်ပါ ဆောင်ရွက်ပေးနေသူများက ဆိုသည်။

ထိုင်းရဲတပ်ဖွဲ့မှ တရားရုံးသို့ တင်သွင်းသည့် သက်သေခံ DNA စစ်ဆေးချက်နှင့် ပတ်သက်၍ လူသတ်လက်နက်ဟု ယုံကြည်ထားသည့် ပေါက်ပြားတွင် တွေ့ရသည့် DNA နှင့် စွပ်စွဲခံရသူ နှစ်ဦး၏ DNA မှာ တူညီခြင်း မရှိကြောင်း နာမည်ကျော် ထိုင်းမှုခင်းဆေးပညာဆိုင်ရာ ကျွမ်းကျင်သူ အမျိုးသမီး ဒေါက်တာ ပွန်းထစ်ရိုကျနာစူလန်က ထွက်ဆိုခဲ့ပြီး ဖြစ်သည့်ပြင် စွပ်စွဲခံရသူနှစ်ဦးမှာလည်း မတရား နှိပ်စက်မှုကြောင့် ၀န်ခံရခြင်း ဖြစ်ကြောင်း ထွက်ဆိုခဲ့ပြီးဖြစ်သည်ဟု သိရသည်။

(The Ladies News)

https://www.facebook.com/News.TheLadies/




မြန်မာရွှေ့ပြောင်းလုပ်သား နှစ်ဦးဖြစ်သည့် ဇော်လင်းနှင့် ၀င်းဇော်ထွန်းတို့အား လူသတ်မှု၊ မုဒိမ်းမှုအပါဝင်အခြားပုဒ်မများဖြင့် ကော့စမွီခရိုင်တရားရုံးတွင် စွဲချက်တင်ထားခြင်းဖြစ်ပြီး ထိုအမှုကို တစ်နှစ်ကျော်ကြာ စစ်ဆေးခဲ့ပြီးနောက် ၂၀၁၅ ဒီဇင်ဘာ ၂၄ရက်တွင်သေဒဏ် အမိန့်ချလိုက်ကြောင်းသတင်းရရှိသည်။

မနက်၉နာရီမှာ စီရင်ချက်ကို စတင်ဖတ်ကြားပြီးအပြစ်ရှိကြောင်းဆုံးဖြတ်တယ်။ အကျဉ်းချုပ်အနေနဲ့ ရဲတွေဘက်က ဒီအန်အေစစ်ချက်ကိုအတည်ယူတယ်။ပုဒ်မတစ်ခုချင်းစီအတွက် ပြစ်ဒဏ်တွေချမှတ်တယ်။အဲ့ဒီထဲမှာသေဒဏ်ပါပြီ
သားဖြစ်တဲ့အတွက်သေဒဏ်ကျခံရမယ်လို့ဆုံးဖြတ်လိုက်ပါတယ်။ ရှေ့နေတွေက အယူခံဆက်တက်မှာဖြစ်ပါတယ် ဟု ရွေ့ပြောင်းအလုပ်သမားကွန်ရက် ဥက္ကဋ္ဌ ဦးစိန်ဌေးက ပြောကြားသည်။

(News Watch)

https://www.facebook.com/NewsWatchJournal