12/30/15

မြန်မာနိုင်ငံ တဝန်းမှာ ရပ်ကွက် ကျေးရွာ အုပ်ချုပ် ရေးမှူး ရွေးကောက် ပွဲတွေ စတင် ကျင်းပဖို့ ပြင်ဆင် နေပါပြီ။

ရွေးကောက်ပွဲ အကြို လိုအပ်တဲ့ ကြီးကြပ်ရေး အဖွဲ့တွေကို မြို့နယ် အထွေထွေအုပ် ချုပ်ရေးမှူးတွေက စတင် ဖွဲ့စည်းပေးနေပါပြီ။

အမျိုးသား ဒီမိုကရေစီ အဖွဲ့ချုပ်ကတော့ ဦးသိန်းစိန်ရဲ့ အရင်အစိုးရဟာ သူတို့ အာဏာ မလွှဲပြောင်းခင်မှာ အခုလို ရပ်ကျေး အုပ်ချုပ်ရေးမှူးတွေ ပြောင်းလဲ ခန့်ထားဖို့ ကြိုးစား လုပ်ဆောင်နေတာဟာ သဘာဝမကျတဲ့ လုပ်ရပ် ဖြစ်လို့ ကန့်ကွက်တယ်လို့ ဆိုပါတယ်။

ရပ်ကွက်၊ ကျေးရွာ အုပ်ချုပ်ရေးမှူး ရွေးကောက်ပွဲကို ၂၀၁၂ ခုနှစ် ဖေဖော်ဝါရီလမှာ ပြဋ္ဌာန်းခဲ့တဲ့ ရပ်ကွက် သို့မဟုတ် ကျေးရွာအုပ်စု အုပ်ချုပ်ရေး ဥပဒေအရ ပြုလုပ်ကျင်းပတာဖြစ်ပါတယ်။

ဒါပေမယ့် ဥပဒေ ပုဒ်မ အပိုဒ် ၉ မှာ ရပ်ကွက်၊ ကျေးရွာ အုပ်စု အုပ်ချုပ်ရေးမှူးရဲ့ သက်တမ်းဟာ ပြည်သူ့လွှတ်တော်ရဲ့ သက်တမ်းနဲ့ အညီဖြစ်ရမယ်လို့ အတိအလင်း ပြဋ္ဌာန်း ဖော်ပြထား ပါတယ်။

ဒါ့ကြောင့် အခုလို လွှတ်တော် သက်တမ်း မကုန်ခင်မှာ အသစ် ပြောင်းလဲခန့်ထားတာဟာ ဥပဒေကို ချိုးဖောက်ဆန့်ကျင်တာ ဖြစ်တယ်လို့ တရားလွှတ်တော် ရှေ့နေ ဦးခင်မောင်ဇော်က ဘီဘီစီကို ပြောပါတယ်။

အမျိုးသား ဒီမိုကရေစီ အဖွဲ့ချုပ်ရဲ့ ဗဟို အလုပ်အမှုဆောင် အဖွဲ့ဝင် ဦးဝင်းထိန်ကတော့ အခုလို ဥပဒေနဲ့ မညီတဲ့ ဆောင်ရွက်ချက်ကြောင့် ကြံ့ခိုင်ရေးပါတီနဲ့ နီးစပ်သူတွေကို အုပ်ချုပ်ရေးမှူး ခန့်ထားချင်လို့ လုပ်သလားဆိုတာ သံသယဝင်စရာ ဖြစ်တယ်လို့ ဆိုပါတယ်။ ဒါပေမယ့် အမျိုးသား ဒီမိုကရေစီ အဖွဲ့ချုပ်အနေနဲ့ အမျိုးသား ပြန်လည်သင့်မြတ်ရေးကို ထောက်ထားပြီး အခုကိစ္စ အပေါ်မှာ ကန့်ကွက်ဦးမှာ မဟုတ်ဘူးလို့ ဆိုပါတယ်။

ရပ်ကွက်၊ ကျေးရွာ အုပ်ချုပ်ရေးမှူး ရွေးကောက်ရာမှာ ဆယ်အိမ်မှူးတွေထဲကနေ လျှို့ဝှက်မဲပေး ရွေးချယ်ရတာဖြစ်လို့ ဒီမိုကရေစီနည်းကျလို့ ယူဆဖွယ်ရှိပေမယ့် အရွေးချယ်ခံရသူတွေကို မြို့နယ် အုပ်ချုပ်ရေးမှူးက အကြောင်းအမျိုးမျိုး ပြပြီး ပယ်ချလို့ ရနေတယ်လို့ ရှေ့နေ ဦးခင်မောင်ဇော်က ဆိုပါတယ်။ လွန်ခဲ့တဲ့ ၂၀၁၂ ခုနှစ်မှာ အဲသလိုလုပ်ခဲ့တဲ့ အစဉ်အလာလည်း ရှိတယ်လို့ ထောက်ပြပါတယ်။
ဒါ့ကြောင် ရပ်ကွက် ကျေးရွာ အုပ်ချုပ်ရေးမှူး ရွေးကောက်ပွဲမှာ ဒီမိုကရေစီဟာ ဟန်ပြလောက်သာရှိပြီး၊ ဗဟိုချုပ်ကိုင်မှုကသာ အနှစ်သာရဖြစ်တယ်လို့ ဆိုပါတယ်။

BBC



ထိုင်းနိုင်ငံမှာ သေဒဏ်ချမှတ်ခံလိုက်ရတဲ့ မြန်မာအလုပ်သမား ၂ ဦး လွတ်မြောက်ရေးအတွက် လက်မှတ်ရေးထိုး တောင်းဆိုမှုတွေ လုပ်ဆောင်လာနေသလို၊ ထိုင်းဆန့်ကျင်ရေး ဆန္ဒပြပွဲတွေလည်း ဖြစ်လာနေပါတယ်။ အမှုမှန်ပေါ်ပေါက်ဖို့နဲ့ တရားမျှတမှု ရရှိဖို့အတွက် အဓိက ရည်ရွယ်ပြီး အစောပိုင်းက တောင်းဆိုခဲ့ကြပေမဲ့ နောက်ပိုင်းမှာ ထိုင်းဆန့်ကျင်ရေးအသွင်ဆောင်တဲ့ ဆန္ဒပြပွဲတွေ ဖြစ်လာတဲ့အတွက် အမှုအပေါ်မှာ ထိခိုက်လာနိုင်ချေ ရှိတယ်လို့ ပြောဆိုတာတွေလည်း ရှိနေပါတယ်။ ဒီအခြေအနေ အပြည့်အစုံကို ဆက်သွယ်စုံစမ်းထားတဲ့ ကိုရန်နိုင်က တင်ပြထားပါတယ်။

ထိုင်းနိုင်ငံမှာ ဗြိတိန်နိုင်ငံသား ၂ ဦး သေဆုံးခဲ့တဲ့ လိပ်ကျွန်းလူသတ်မှုနဲ့ ပတ်သက်ပြီး မြန်မာအလုပ်သမား ၂ ဦးကို ထိုင်းတရားရုံးက ပြီးခဲ့တဲ့ သီတင်းပတ်အတွင်း သေဒဏ် ချမှတ်လိုက်ပြီးတဲ့နောက်၊ သူတို့ ၂ ဦး သေဒဏ်ကနေ လွတ်မြောက်ရေး တောင်းဆိုတဲ့ လှုပ်ရှားမှုတွေ မြန်မာနိုင်ငံတွင်းမှာ ဖြစ်လာနေပါတယ်။ ရန်ကုန်၊ မန္တလေး၊ တောင်ကြီး အပါအ၀င် ပြည်နယ်နဲ့ တိုင်း မြို့ကြီး ၁၀ မြို့လောက်မှာ ဒီဇင်ဘာ ၂၅ ရက်နေ့ကစတင်ပြီး အမှုမှန် ပေါ်ပေါက်ဖို့အတွက် လက်မှတ်ရေးထိုး တောင်းဆိုမှုတွေ အရပ်ဘက် လူမှုအဖွဲ့အစည်းတချို့က လုပ်ဆောင်ခဲ့ကြပါတယ်။ ဒီလှုပ်ရှားမှုကို ဦးဆောင်ခဲ့သူတဦးဖြစ်တဲ့ လူငယ်နဲ့လူမှု သဟဇာတဖြစ်ရေးအဖွဲ့ ဒါရိုက်တာ ကိုသက်ဆွေဝင်းကတော့ သူတို့ရဲ့ အဓိကရည်ရွယ်ချက်ကို အခုလို ပြောပါတယ်။

“အဓိကကတော့ လိပ်ကျွန်းလူသတ်မှု အမှုမှန်ပေါ်ပေါက်ဖို့အတွက်ရယ်၊ တရားမျှတမှု ပေါ်ပေါက်ဖို့အတွက် အဲဒီ ၂ ခုအတွက် ကျနော်တို့ အဓိကထားပါတယ်။ ၅ ရက်နေ့ကို နောက်ဆုံးထားပြီးတော့ ကျနော်တို့ ထိုင်းသံရုံးကနေတဆင့် ထိုင်းအစိုးရကို ဒီလက်မှတ်တွေ တင်ပါတယ်။ ပြီးလို့ရှိရင် ကျနော်တို့ ကောက်ခံရရှိထားတဲ့ လက်မှတ်တွေနဲ့ တခြားသော အရပ်ဘက် အဖွဲ့အစည်းတွေကနေပြီးတော့ မှတ်ပုံတင်နဲ့ အရပ်ဘက်အဖွဲ့အစည်းတွေရဲ့ လက်မှတ်တွေ ကျနော်တို့ ယူပါမယ်။ ပြီးရင်တော့ အရပ်ဘက်အဖွဲ့အစည်းတွေ စုပြီးတော့ တောင်းခံလွှာတစောင် ရေးပြီးလို့ရှိရင်တော့ သံရုံးကို သွားပြီးတော့ ပေးပါမယ်။”

ထိုင်းတရားရုံးက မြန်မာအလုပ်သမား ၂ ဦးကို အခုလို သေဒဏ် ချမှတ်လိုက်တဲ့ အမိန့်ကို မကျေနပ်တဲ့အတွက် ရန်ကုန်မြို့က ထိုင်းသံရုံး အပါအ၀င် နိုင်ငံတ၀ှမ်းက တခြားမြို့တွေမှာလည်း ဆန္ဒပြတာတွေ အခုရက်ပိုင်းတွေအတွင်း ဆက်တိုက် ဖြစ်လာနေပါတယ်။ တချို့နေရာတွေမှာ ဆိုရင်လည်း ထိုင်းဆန့်ကျင်ရေး အသွင်ဆောင်တဲ့ ဆန္ဒပြပွဲတွေပါ ဖြစ်လာနေပါတယ်။ အခုလို အမျိုးသားရေး အသွင်ဆောင်တဲ့ ထိုင်းဆန့်ကျင်ရေး လှုပ်ရှားမှုတွေနဲ့ ပတ်သက်ပြီး သူက အခုလို ပြောပါတယ်။

“အဓိကကတော့ ထိုင်းတနိုင်ငံလုံးနဲ့ ကျနော်တို့ ဖြစ်တဲ့ ပြဿနာ မဟုတ်ပါဘူး။ ထိုင်းနိုင်ငံ တရားစီရင်ရေးနဲ့ ဖြစ်တဲ့ ပြဿနာပါ။ သူတို့ရဲ့ တရားစီရင်ရေးမှာ မျှတမှုရှိအောင် ကျနော်တို့ တောင်းဆိုရမှာပါ။ ထိုင်းရှေ့နေအဖွဲ့ကလည်း မြန်မာနိုင်ငံသား ၂ ယောက် လွတ်ဖို့အတွက်ကို အများကြီး လိုက်ကူညီကြတယ်။ ထိုင်းနိုင်ငံမှာရှိတဲ့ အရပ်ဘက် အဖွဲ့အစည်းတွေကလည်း အများကြီးပဲ တရားမျှတမှုအတွက်ကို တောင်းဆိုနေကြတာ ရှိပါတယ်။ ထိုင်းပြည်သူတွေကလည်း ဒါကို လက်မခံဘူးဆိုတာကို ကျနော်တို့ မိတ်ဆွေက လှမ်းလှမ်းပြီး ပြောတာတွေလည်း ရှိပါတယ်။ အဲတော့ ဒီဟာက ထိုင်းဆန့်ကျင်ရေး လုပ်ဖို့အတွက်တော့ မဟုတ်ဘူးပေါ့။ မဖြစ်သင့်ပါဘူး တကယ်တမ်းက။ ကျနော်တို့အနေနဲ့ တရားမျှတမှုကို တောင်းမှာလား။ ဒါမှမဟုတ်လို့ရှိရင် ထိုင်းနိုင်ငံကို ဆန့်ကျင်ဖို့အတွက်ကို ကျနော်တို့က လုပ်မှာလား ဆိုတာကိုတော့ ကွဲကွဲပြားပြား ရှိနေဖို့ လိုပါလိမ့်မယ်။”

ဒါ့အပြင် အမျိုးသားရေး အစွန်းရောက်တဲ့ ဆန္ဒပြပွဲတွေက အမှုအတွက်လည်း ထိခိုက်လာနိုင်ဖွယ် ရှိတယ်လို့ အလုပ်သမား ၂ ဦးအတွက် အကူအညီပေးနေတဲ့ မြန်မာသံရုံးအထူးအဖွဲ့က ဦးထူးချစ်က ပြောပါတယ်။

“ဆန္ဒပြမှုတွေမှာ တချို့ကိစ္စတွေက အမျိုးသားရေးအစွန်းရောက်ပြီးတော့ အကြမ်းဖက်မှု အသွင်ဆောင်နေတဲ့ ပုံစံမျိုးတွေ ရှိတယ်။ အဲဒီအတွက်ကတော့ ဒီ လိပ်ကျွန်းလူသတ်မှု ကိစ္စနဲ့ ပတ်သက်လို့တော့ သိပ်အလားအလာ မကောင်းဘူးလို့ ကျနော် ထင်တယ်။ တကယ်လို့ ငြိမ်းငြိမ်းချမ်းချမ်းနဲ့ ကျနော်တို့ ထိုင်းလူမျိုးတွေရဲ့ ကရုဏာ၊ ထိုင်းလူမျိုးတွေရဲ့ ကူညီပံ့ပိုးမှု ပိုရအောင် ရည်ရွယ်ချက်နဲ့ ဆန္ဒပြသင့်တယ်လို့ ကျနော်ကတော့ မြင်တယ်။ အခုလိုမျိုး အမျိုးသားရေး အစွန်းရောက်တဲ့ ပုံစံမျိုးတွေ၊ အကြမ်းဖက်မှု ပုံစံမျိုးတွေ ဖြစ်လာမယ်ဆိုရင်တော့ ကလေးတွေအတွက် အလားအလာ မကောင်းဘူးလို့ ကျနော်ထင်တယ်။”

မြန်မာနိုင်ငံ ဒီမိုကရက်တစ် အင်အားစုရဲ့ ပြည်တွင်းလုပ်ငန်း တာဝန်ခံ ဒေါက်တာနိုင်အောင်ကလည်း အခုလို မြန်မာအလုပ်သမား ၂ ဦးကို သေဒဏ်ချမှတ်လိုက်တာကို ကန့်ကွက်ပြီး၊ အမှုမှန် ပေါ်ပေါက်ဖို့ လိုလားပေမဲ့ တဘက်မှာလည်း ထိုင်းရှေ့နေကောင်စီ အပါအ၀င် လူ့အခွင့်အရေးအဖွဲ့တွေကလည်း ဒီအမှုနဲ့ပတ်သက်ပြီး ကူညီနေတာတွေ အများကြီးရှိတယ်လို့ ပြောပါတယ်။ အခုလို ထိုင်းဆန့်ကျင်ရေး ဆန္ဒပြပွဲတွေ ဖြစ်နေတာနဲ့ ပတ်သက်ပြီး ဒေါက်တာနိုင်အောင်က အခုလို ပြောပါတယ်။

“အခုနောက်ပိုင်းကိစ္စတွေမှာ ကြည့်ရတာတော့ တကယ်ကိုပဲ သွေးရိုးသားရိုး မဟုတ်တဲ့သူတွေရဲ့ အစိတ်အပိုင်းတွေ ပါနေတာတွေရှိတယ်။ အာဏာပိုင်တွေကလည်း ငြိမ်း၊ စု၊ စည်း ဥပဒေတွေနဲ့ အရေးယူတာတွေ၊ အဲ့လိုဟာမျိုးတွေလည်း မရှိတဲ့အခါကျတော့ ဒါ တမင်သက်သက်များ ဖန်တီးနေတယ်ဆိုတဲ့ ဥစ္စာမျိုးတွေ တွေ့လာရတာတွေ ရှိတယ်။ ဒီလို အာဏာလွှဲပြောင်း ငြိမ်းချမ်းရေးကိစ္စတွေ စတင်နေတဲ့ အချိန်မှာ တိုင်းပြည်ကို ဖျက်လိုဖျက်ဆီး ကြံစည်နေတဲ့ သူတွေပေါ့။ ဆိုတော့ အဲ့လိုကိစ္စမျိုးတွေကတော့ ရှိနေတယ်လို့ ကျနော်တို့ ကြိမ်သေပေါက် ခန့်မှန်းလို့ ရပါတယ်ခင်ဗျ။”

ပြစ်ဒဏ်နဲ့ ပတ်သက်ပြီး တရားမျှတမှုရှိဖို့ တောင်းဆိုတာကနေ ထိုင်းဆန့်ကျင်ရေးလှုပ်ရှားမှုအသွင် ဖြစ်လာတာတွေကြောင့် သူတို့ရဲ့ လှုပ်ရှားမှုကို ထိခိုက်လာနိုင်တယ်လို့လည်း ကိုသက်ဆွေဝင်းက ပြောပါတယ်။

“ဒီကနေ့လုပ်တဲ့ ဆန္ဒပြပွဲလိုဟာတွေ၊ ဟိုတနေ့က ဒေါ်အောင်ဆန်းစုကြည်အိမ်ရှေ့ကို သွားကြတယ်ဆိုတဲ့ဟာတွေက ကျနော်တို့တွေရဲ့ လှုပ်ရှားမှုကို သူတို့တွေနဲ့ အတူတူပါပဲလားဆိုပြီးတော့ မြင်တဲ့ပုံစံမျိုး ကျနော်တို့ကို အခု အွန်လိုင်းတွေမှာ ရေးကြတာတွေရှိတယ်။ တကယ်တမ်းကတော့ ကျနော်တို့က တရားမျှတမှုအတွက်ကိုပဲ ကျနော်တို့က ဒီလှုပ်ရှားမှု စကတည်းကကို တရားမျှတမှုအတွက်ကို သီးသန့်လှုပ်ရှားနေတဲ့ဟာမို့လို့ ဒါပေမဲ့ တချို့ မသိတဲ့သူတွေကတော့ အမြင်စောင်းတာမျိုးတွေ၊ တလွဲမြင်တာမျိုးလေးတွေတော့ ရှိတယ်။ ကျနော်တို့ဆိုလည်း တော်တော်လေး ထိခိုက်ပါတယ်။”

မြန်မာအလုပ်သမား ၂ ဦး လွတ်မြောက်ဖို့အတွက် လက်မှတ်တွေ ကောက်ခံနေတာမှာ အခုလောလောဆယ် ၁ သောင်းကျော် ရထားပြီး၊ အဆိုပါလက်မှတ်တွေ ပါဝင်တဲ့ တောင်းဆိုချက်ကို ထိုင်းသံရုံးအပြင်၊ ဗြိတိန်သံရုံးနဲ့ မြန်မာအစိုးရတို့ဆီကိုပါ ပူးတွဲ ပို့ဆောင်သွားမှာ ဖြစ်တယ်လို့ ပြောပါတယ်။

ကိုရန်နိုင်/VOA
http://burmese.voanews.com/content/burmese-people-protest-in-thai-embassy/3123382.html

ayetharaung-620.jpg
(UNA ) စည်းလုံးညီညွတ်သော တိုင်းရင်းသားလူမျိုးများ မဟာမိတ်အဖွဲ့က ခေါင်းဆောင်တစ်ဦးဖြစ်တဲ့ ဦးအေးသာအောင်ကို တွေ့ရစဉ်
Photo: RFA

နိုင်ငံရေးပါတီ ၈ ပါတီနဲ့ ဖွဲ့စည်းထားတဲ့ ညီညွှတ်သောတိုင်းရင်းသားလူမျိုးများ မဟာမိတ် UNA အဖွဲ့ဝင်တွေဟာ ပြီးခဲ့တဲ့ အထွေထွေရွေးကောက်ပွဲမှာ အစိုးရဖွဲ့နိုင် တဲ့အထိ အနိုင်ရရှိခဲ့တဲ့ အမျိုးသားဒီမိုကရေစီအဖွဲ့ချုပ်နဲ့ ပူးပေါင်းဆောင်ရွက်မယ့် နည်းလမ်းတွေကို ဆွေးနွေးခဲ့ကြပါတယ်။

ဒီကနေ့ ရန်ကုန်မြို့ ၉ မိုင်မှာရှိတဲ့ ရှမ်းတိုင်းရင်းသားများဒီမိုကရေစီအဖွဲ့ချုပ် ရုံးခန်းမှာ ဆွေးနွေးခဲ့ကြတာဖြစ်ပါတယ်။

မကြာခင်မှာ အမျိုးသားဒီမိုကရေစီအဖွဲ့ချုပ်နဲ့တွေ့ဆုံဆွေးနွေးနိုင်ဖွယ်ရှိကြောင်းနဲ့ တွေ့ဆုံတဲ့အခါ ဆွေးနွေးမယ့် အကြောင်းအရာတွေကို အဖွဲ့ဝင်တွေက အကြံပြုကြတာဖြစ်တယ်လို့ UNA နာယက ဦးအေးသာအောင်က ပြောပါတယ်။

"NLD ကအစိုးရဖြစ်လာမယ်၊ လွှတ်တော်မှာလည်းဘာပဲဖြစ်ဖြစ် အင်နဲ့အားနဲ့ လွှတ်တော်ကိုယ်စားလှယ်တွေလျာထားတယ်၊ နောက်ဒီမိုကရေစီအရေး၊ တိုင်းရင်းသားအရေး၊ ပြည်တွင်းငြိမ်းချမ်းရေး၊ ပြီးတော့ပြည်တွင်းစစ်ရပ်ဖို့ကိစ္စ၊ ဖက်ဒရယ်ပြည်ထောင်စု ဖော်ဆောင်ဖို့ကိစ္စ၊ ၂ဝဝ၈ ဖွဲ့စည်းပုံပြင်ဖို့စတဲ့ကိစ္စတွေကို လွှတ်တော်တွင်း၊ လွှတ်တော်ပြင်ပမှာ NLD နဲ့ ဘယ်လိုဆက်ဆံဆောင်ရွက်နိုင်မလဲ ဆိုတာတွေကိုဆွေးနွေးကြတယ်၊ မကြာခင်တော့ တွေ့ဆုံဆွေးနွေး လာကောင်းမျှော်လင့်ပါတယ်"

ဆွေးနွေးပွဲကို နှစ်ရက်ကြာ ကျင်းပမှာဖြစ်ပြီး UNA ရဲ့ ဖွဲ့စည်းပုံပြင်ဆင်ဖို့နဲ့ အဖွဲ့ဝင်အဖြစ် အသစ်ဝင်ရောက်ဖို့ လျှောက်ထားတဲ့ ပါတီတွေကိစ္စကိုလည်း ဆွေးနွေးခဲ့ ကြတယ်လို့ သိရပါတယ်။

UNA မှာ ရခိုင်အမျိုးသားပါတီ၊ ရှမ်းတိုင်းရင်းသားများဒီမိုကရေစီအဖွဲ့ချုပ်၊ ဇိုမီးဒီမိုကရေစီအဖွဲ့ချုပ်၊ မွန်အမျိုးသားပါတီ၊ ကရင်အမျိုးသားပါတီ၊ ကယန်းအမျိုးသားပါတီ၊ ရှမ်းပြည်ကိုးကန့်ဒီမိုကရက်တစ်ပါတီ၊ ကချင်အမျိုးသားများဒီမိုကရေစီကွန်ဂရက် စတဲ့ ပါတီ ၈ခု ပါဝင်ပြီး UNA အဖွဲ့ဝင်အဖြစ် ပါဝင်ခွင့်ရဖို့ လျှောက်ထား တဲ့ နောက်ထပ် နိုင်ငံရေးပါတီ ၆ ခု ရှိတယ်လို့ သိရပါတယ်။

ပြီးခဲ့တဲ့ ရွေးကောက်ပွဲထဲမှာ UNA အဖွဲ့ဝင် ၈ ပါတီထဲက ရခိုင်အမျိုးသားပါတီ၊ ရှမ်းတိုင်းရင်းသားများဒီမိုကရေစီအဖွဲ့ချုပ်၊ မွန်အမျိုးသားပါတီ နဲ့ ဇိုမီးဒီမိုကရေစီ အဖွဲ့ချုပ်တို့က လွှတ်တော် ၃ရပ်အတွက် ကိုယ်စားလှယ် ၁၀၀ နီးပါး အနိုင်ရရှိထားပါတယ်။

အမျိုးသားဒီမိုကရေစီအဖွဲ့ချုပ်က ပြီးခဲ့တဲ့ ရွေးကောက်ပွဲမှာ လွှတ်တော်အသီးသီးအတွက် ကိုယ်စားလှယ် ၈၈၆ ဦး အနိုင်ရရှိထားတာဖြစ်ပါတယ်။

RFA

pyitaungsu-hluttaw-620
ပြည်ထောင်စုလွှတ်တော် အစည်းအဝေး ကျင်းပနေပုံ
Photo: RFA

အမေရိကန်ဒေါ်လာ ၇ ဘီလျံ ရင်းနှီးမြှုပ်နှံပြီး ရခိုင်ပြည်နယ် ကျောက်ဖြူမြို့နယ်မှာ တည်ဆောက်မယ့် ကျောက်ဖြူ အထူးစီးပွားရေးဇုန်ကိုနယ်နိမိတ် သတ်မှတ် ထုတ်ပြန်ဖို့ကို ပြည်ထောင်စုလွှတ်တော်မှာ လွှတ်တော်ကိုယ်စားလှယ် ၁၁ ဦး နှစ်ရက်ကြာ ဆွေးနွေးပြီးနောက် ဒီနေ့ မဲခွဲဆုံးဖြတ်ပြီး အတည်ပြုလိုက်ပါတယ်။

အထူးစီးပွားရေးဇုန်နယ်နိမိတ်ကို သတ်မှတ်ပြီးနောက် ရင်းနှီးမြှုပ်နှံမယ့်သူကို ရွေးချယ်ကြေညာတာ၊ မူဘောင်သဘော တူညီချက်၊ ရင်းနှီးမြှုပ်နှံမှု သဘော တူညီချက် နဲ့ မြေယာငှားရမ်းမှု သဘောတူညီချက်တို့ကို ဆက်လက်ဆောင်ရွက်သွား မှာ ဖြစ်တယ်လို့ အမျိုးသားစီမံကိန်းနဲ့ စီးပွားရေးဖွံ့ဖြိုးတိုးတက်မှုဝန်ကြီးဌာန ဝန်ကြီး ဒေါက်တာကံဇော်က နောက်ဆက်တွဲ လုပ်ငန်းစဉ်တွေကို ပြည်ထောင်စုလွှတ်တော်မှာ ရှင်းလင်းတင်ပြခဲ့ပါတယ်။

"ရင်းနှီးတည်ဆောက်သူကိုရွေးချယ်နိုင်ဖို့အတွက် ကျနော်တို့အနေနဲ့ တင်ဒါအောင်မြင်ကြောင်းကို ကြေညာဆောင် ရွက်ခြင်းသာဖြစ်ပါတယ်၊ ဒါကိုဆောင်ရွက် ပြီးတဲ့အခါမှာ ဆက်လက်ဆောင်ရွက်သွားရမှာကတော့ နံပါတ် ၁ မူဘောင်သဘောတူညီချက်ကိုလက်မှတ်ရေးထိုးဖို့အတွက် ညှိနှိုင်းရမှာဖြစ်ပါတယ်၊ အဲ့ဒါပြီးတော့မှ ရင်းနှီးမြှုပ်နှံမှု သဘောတူညီချက်ကိုချုပ်ဆိုကြရမှာဖြစ်ပါတယ်၊ မြေယာငှားတဲ့သဘောတူညီချက်တွေကို ချုပ်ဆိုကြရမှာဖြစ်ပါတယ်၊ အဲ့ဒါပြီးတော့နောက်ဆုံးပိတ်မှ တည်ဆောက်ခြင်းသဘောတူညီချက်ကို တည်ဆောက်ရမှာဖြစ်ပါတယ်"

အထူးစီးပွားရေးဇုန် စီမံကိန်းကို မြေဧက ၄ထောင်ကျော်မှာ ကုန်ကျငွေ အမေရိကန် ဒေါ်လာ ၇ ဘီလီယံကျော်နဲ့ အကောင်အထည်ဖော် မှာဖြစ်ပြီး ကျောက်ဖြူရေနက် ဆိပ်ကမ်းစီမံကိန်း၊ စက်မှုဇုန်စီမံကိန်း၊ အဆင့်မြင့်အိမ်ရာ စီမံကိန်းတွေပါဝင်တယ်လို့ သိရပါတယ်။

ကျောက်ဖြူရေနက်ဆိပ်ကမ်းစီမံကိန်းမှာ ရှယ်ယာအကျိုးအမြတ်ခွဲဝေမှုအရ မြန်မာဘက်က ၁၅ ရာခိုင်နှုန်း၊ နိုင်ငံခြား ကုမ္ပဏီဘက်က ၈၅ ရာခိုင်နှုန်း ရယူဖို့ သတ်မှတ်ထားတဲ့အပေါ် ကိုယ်စားလှယ်တွေက မကျေနပ်ကြောင်း လည်း ဆွေးနွေးခဲ့ကြပါတယ်။

လက်ရှိမှာ ရွှေ့ပြောင်းပေးရမယ့် ကျေးရွာတွေ ရှိနေတဲ့အတွက် လျော်ကြေးနဲ့ ပတ်သက်ပြီး ရှင်းလင်းတာ မရှိသေးဘူး လို့ ဒေသခံတွေကပြောပါတယ်။ ဒီဇင်ဘာလ ၂၇ ရက်နေ့က ကျောက်ဖြူမြို့မှာ ရွှေ့ပြောင်းပေးရမယ့်ကျေးရွာတွေ က ဒေသခံတွေက ဇုန်နယ်နိမိတ်သတ်မှတ်တာကို အချိန်ယူစဉ်းစားပေးဖို့ နဲ့ ပြောင်းရမယ်ဆိုရင်လည်း အလုပ်အကိုင် အခွင့်အလမ်းအတွက် စဉ်းစားပေးဖို့ တောင်းဆိုခဲ့ကြပြီး လွှတ်တော်ဥက္ကဌ သူရဦးရွှေမန်းထံ စာရေးသား ပေးပို့ခဲ့တယ် လို့ သိရပါတယ်။

RFA

Belgiumရဲတွေ လုံခြုံရေးတင်းကျပ်နေပုံ။ (နိုဝင်ဘာ ၂၀၁၅)
Belgiumရဲတွေ လုံခြုံရေးတင်းကျပ်နေပုံ။ (နိုဝင်ဘာ ၂၀၁၅)

ဘယ်လ်ဂျီယံနိုင်ငံမှာ လူနှစ်ဦးကို လွန်ခဲ့တဲ့ တနင်္ဂနွေနဲ့ တနင်္လာနေ့တွေမှာ ဖမ်းဆီးခဲ့ပါတယ်။ ဘယ်လ်ဂျီယံနိုင်ငံရဲ့အထင်ကရနေရာတွေကို နှစ်သစ်ကူး အကြိုနေ့မှာ တိုက်ခိုက်ဖို့စီစဉ်တယ်ဆိုတဲ့ သံသယနဲ့ အဲဒီလူနှစ်ဦးကို ဖမ်းဆီးတာဖြစ်တယ်လို့ အစိုးရရှေ့နေတွေက ပြောပါတယ်။

နေအိမ်တွေကို ရှာဖွေမှုပြုလုပ်ရာမှာလည်း စစ်ဖက်သုံးဝတ်စုံနဲ့ IS အကြမ်းဖက်စစ်သွေးကြွတွေရဲ့ ၀ါဒဖြန့်ချီရေးနဲ့ဆိုင်တဲ့ပစ္စည်းတွေကို တွေ့ရပေမယ့် လက်နက်တွေ ပေါက်ကွဲစေတတ်တဲ့ပစ္စည်းတွေကိုတော့ မတွေ့ရဘူးလို့ ဒီကနေ့မှာ အဲဒီရှေ့နေတွေကပြောပါတယ်။

ဘရပ်ဆဲလ်က နေအိမ်တွေကို ရှာဖွေမှုပြုပြီးနောက် လူ ၆ ဦးကို ခေါ်ယူစစ်ဆေး မေးမြန်းပြီး လေးဦးကို စစ်ဆေးမေးမြန်း ပြီးနောက် ပြန်လွှတ်ပေးခဲ့တယ်လို့လည်းအစိုးရအမှုလိုက် ရှေ့နေတွေက ပြောပါတယ်။ နိုဝင်ဘာ ၁၃ ရက်နေ့က လူပေါင်း ၁၃၀ သေဆုံးခဲ့တဲ့ ပြင်သစ်နိုင်ငံ ပါရီမြို့က အကြမ်းဖက် တိုက်ခိုက်မှုမှာပါဝင်သူ အသေခံဗုံးခွဲသမား Brahim Abdeslam နဲ့ Bilal Hadfi တို့ဟာ ဘယ်လ်ဂျီယံနိုင်ငံမှာ နေထိုင်ခဲ့တာကြောင့် စုံစမ်းစစ်ဆေးမှုတွေ ဘယ်လ်ဂျီယံမှာ အဓိကထားလုပ်ဆောင်နေတာပါ။

ပါရီမြို့တိုက်ခိုက်မှုနဲ့ဆက်နွယ်ပြီး လူ ကိုးဦးကို ဘယ်လ်ဂျီယံရဲတွေက ဖမ်းဆီးထားပေမယ့်လည်း ဒီကနေ့ ဖမ်းဆီးမှုနဲ့တော့ ဆက်စပ်မှု မရှိဘူးလို့ အစိုးရရှေ့နေတွေကပြောပါတယ်။

VOA
http://burmese.voanews.com/content/belgium-arrest-/3122799.html

CPJ အဖွဲ့ရဲ့ ၂၀၁၅ ထုတ်ပြန်တဲ့ အစီအရင်ခံစာ
CPJ အဖွဲ့ရဲ့ ၂၀၁၅ ထုတ်ပြန်တဲ့ အစီအရင်ခံစာ

၂၀၁၅ ခုနှစ်အတွင်းမှာ အသတ်ခံရတဲ့ သတင်းထောက် ၆၉ ဦး ရှိခဲ့တယ်လို့ သတင်းထောက်များ ကာကွယ်စောင့်ရှောက်ရေး ကော်မတီ CPJ အဖွဲ့ရဲ့ ထုတ်ပြန်တဲ့ အစီအရင်ခံစာမှာဖော်ပြထားပါတယ်။

သတ်ဖြတ်ခံရတဲ့ သတင်းထောက် ၄၀ ခိုင်နှုန်းဟာ အစ္စလာမစ် စစ်သွေးကြွ အဖွဲ့တွေဖြစ်တဲ့ Al-Qaeda နဲ့ အိုင်အက်စ် အဖွဲ့တွေရဲ့လက်ချက်ကြောင့် ဖြစ်တယ်လို့ ဆိုပါတယ်။

ဒီနှစ်အတွင်းမှာပဲ အစ္စလာမစ် စစ်သွေးကြွအဖွဲ့တွေဖြစ်တဲ့ Al-Qaeda နဲ့ အိုင်အက်စ် အဖွဲ့တွေရဲ့ လက်ချက်ကြောင့် ကမ္ဘာတ၀ှမ်းက သတင်းထောက် အယောက်ပေါင်း ၂၈ ဦး သေဆုံးခဲ့ရကြောင်း၊ သတ်ဖြတ်ခံခဲ့ရတဲ့ သတင်းထောက် ၄၀ ရာခိုင်နှုန်းဟာ သတင်းထောက် တာဝန်ထမ်းဆောင်ချိန်မှာ သတ်ဖြတ်ခံခဲ့ရတာဖြစ်တယ်လို့ သတင်းထောက်များ ကာကွယ်စောင့်ရှောက်ရေး ကော်မတီ CPJ အဖွဲ့က ဆိုပါတယ်။

ကျန် သတ်ဖြတ်ခံရတဲ့ သတင်းထောက် ၂၆ ဦးဟာ သူတို့ရဲ့ အလုပ်နဲ့ ဆက်စပ်မှုရှိမရှိဆိုတာကတော့ CPJ က စုံစမ်း စစ်ဆေးနေဆဲဖြစ်ပါတယ်။

အသတ်ခံရတဲ့ သတင်းထောက်တွေထဲက ၉ ဦးဟာ ပြင်သစ်နိုင်ငံမှာ အသတ်ခံခဲ့ရတာဖြစ်ပါတယ်။၂၀၁၅ ခုနှစ်အတွင်းမှာ ဆီးရီးယား နိုင်ငံဟာ သတင်းထောက်တွေအတွက် အန္တရာယ် အရှိဆုံး နိုင်ငံဖြစ်ပါတယ်။

လွန်ခဲ့တဲ့ သုံးနှစ်ကနဲ့ ယှဉ်ရင် အီရတ်၊ ဘရာဇီးလ်၊ ဘင်္ဂလားဒေ့ရှ်၊ တောင်ဆူဒန်နဲ့ ရေမန်နိုင်ငံတွေမှာ သတင်းထောက်တွေပိုမို သတ်ဖြတ်ခံခဲ့ရပြီး တနိုင်ငံမှာ သတင်းထောက် အနည်းဆုံး ၅ ဦး သတ်ဖြတ်ခံခဲ့ရပါတယ်။

၂၀၁၅ ခုနှစ် ဇန်န၀ါရီလ ၁ ရက်နေ့ကနေ ဒီဇင်ဘာလ ၂၃ ရက်နေ့အထိ သတ်ဖြတ်ခံရတဲ့ သတင်းထောက် ဦးရေဟာ ပြီးခဲ့တဲ့၂၀၁၄ ခုနှစ်တုန်းကထက် များတယ်လို့ CPJ ကပြောပါတယ်။ ၂၀၁၄ ခုနှစ်အတွင်း သတ်ဖြတ်ခံခဲ့ရတဲ့ သတင်းထောက် ဦးရေ ၆၁ ဦးရှိခဲ့ပါတယ်။

VOA
http://burmese.voanews.com/content/cpj-2015-record-of-journalists-killed-/3122793.html


ဂရိနိုင်ငံ အေသင်မြို့နားက Piraeus ဆိပ်ကမ်းကို ရွှေ့ပြောင်းဒုက္ခသည် တထောင်ကျော် အင်္ဂါနေ့ ဒီကနေ့မှာ ရောက်ရှိလာပါတယ်။
ဂရိနိုင်ငံ အေသင်မြို့နားက Piraeus ဆိပ်ကမ်းကို ရွှေ့ပြောင်းဒုက္ခသည် တထောင်ကျော် အင်္ဂါနေ့ ဒီကနေ့မှာ ရောက်ရှိလာပါတယ်။

ဂရိနိုင်ငံ အေသင်မြို့နားက Piraeus ဆိပ်ကမ်းကို ရွှေ့ပြောင်းဒုက္ခသည် တထောင်ကျော် အင်္ဂါနေ့ ဒီကနေ့မှာ ရောက်ရှိလာကြပါတယ်။

ဒုက္ခသည်အများအပြားက Syria နဲ့ Afghanistan နိုင်ငံတို့က ဖြစ်ပြီး အခုဆိပ်ကမ်းကိုတော့ ဂရိကျွန်းတွေဖြစ်ကြတဲ့ Chios နဲ့ Lesbos တို့ကနေလာကြတာဖြစ်ပါတယ်။

ကုလသမဂ္ဂဒုက္ခသည်များ အေဂျင်စီ UNHCR ရဲ့ အပြောအရဆိုရင် ဒီဇင်ဘာလအတွင်း ဂရိနိုင်ငံကို ရောက်ရှိတဲ့ ဒုက္ခသည်အရေအတွက်က အရင်ကထက်နည်းသွားပါတယ်။ အရင်လက ရောက်ရှိတဲ့ ဒုက္ခသည်အရေအတွက်က တသိန်းခွဲကျော်ပြီး အခုလမှာ ၉ သောင်းကျော်ပဲရှိပါတယ်။

ဒီနှစ်အစောပိုင်းကစပြီး ဂရိနိုင်ငံကို ရောက်ရှိတဲ့ ဒုက္ခသည်စုစုပေါင်း ၈ သိန်း ခွဲ လောက်ရှိသွားပါပြီ။ Italy နိုင်ငံမှာတော့ Sicily ရေလက်ကြားကို ရော်ဘာလှေလေးတွေနဲ့ ကူးဖြတ်လာကြတဲ့ ရွှေ့ပြောင်းဒုက္ခသည်တွေ ရေပြင်မှာ အခက်အခဲကြုံကြရလို့ အီတလီကမ်းခြေစောင့်တပ်က ကယ်ယူခဲ့ရပါတယ်။

ခရစ္စမတ်သီတင်းပတ်အတွင်းမှာ ကယ်ယူမှုပေါင်း ၂၈ ခု ပြုလုပ်ခဲ့ရပြီး ဒုက္ခသည်ပေါင်း ၃၀၀၀ ကို ကယ်တင်နိုင်ခဲ့ပါတယ်။ဒီဇင်ဘာ ၂၈ ရက်နေ့ ကတော့ ဒုက္ခသည် ၁၀၀၀ နီးပါးကို Libya ကမ်းရိုးတန်းကနေ နော်ဝေးသင်္ဘောက ကယ်တင်လာခဲ့ပါတယ်။ သူတို့ကိုလည်း ခရစ္စမတ်ရက်ပိုင်းအတွင်းမှာ ၄ ခေါက်ခွဲပြီး ကယ်တင်လာခဲ့တာဖြစ်တယ်လို့ ကူညီကယ်ဆယ်ရေးလုပ်သားက ပြောပါတယ်။

VOA
http://burmese.voanews.com/content/greece-migrant-arrive-to-piraeus/3122661.html

ဒီစာက ဒေါ်အောင်ဆန်းစုကြည်ကို ကြိုက်သည်ဖြစ်စေ... ဦးသိန်းစိန်ကို ကြိုက်သည်ဖြစ်စေ ဖတ်ကြည့်စေချင်တယ်။

ကဲဆိုကြပါစို့.... စာဖတ်သူက ဦးသိန်းစိန်ကို မကြိုက်ဘူးဘဲ ထားပါတော့။

ဦးသိန်းစိန်ကိုတော့ ကြိုက်ချင်မှ ကြိုက်မယ်... အေး... ဒါပေမယ့် နိုင်ငံကိုတော့လာမထိနဲ့ မီးပွင့်မသွားမယ်ဆိုတဲ့ သူချည်းပါဘဲ။

ဒီလိုပါဘဲ... သူခိုးလဲ သူ့အမေဆဲရင် မကြိုက်ဘူး...၊ ဓားပြလဲ သူ့အမေဆဲရင် မကြိုက်ဘူး... ဆိုလိုတာက ငါလုပ်တာတော့ ကောင်းချင်မှ ကောင်းနေလိမ့်မယ်။ ငါ့ မိသားစု ငါ့လူမျိုး ငါ့နိုင်ငံတော့ ဘယ်သူမှ စော်ကားတာ မကြိုက်ပါဘူး။ ဒီသဘောတရားကတော့ လူရယ်လို့ဖြစ်လာရင် အကုန်တူတူပါဘဲ။

ကဲ.... ဒီလိုဆိုရင်... တိတိကျကျတော့ မမှတ်မိပါဘူး လွန်ခဲ့တဲ့ နှစ်အနည်းငယ်ကပေါ့ရှင်...
ပုဂံမှာ ဂျပန်ခရီးသွားတစ်ယောက်ကို ဆိုင်ကယ်သမားတစ်ယောက်က မုဒိန်းကျင့် သတ်လိုက်တာ မှတ်မိဦးမှာပါ။ အဲ့ဒါကို ဂျပန်တွေက မကျေနပ်လို့ မြန်မာနိုင်ငံအလံကြီးမှာ Fuck ဆိုပြီးတပ်ပြီး ဆဲပါပြီတဲ့။ နိုင်ငံတော် အလံကြီးမှာ အမှားခြစ်ကြီး ခြစ်ပါပြီတဲ့။

မင်းတို့ မြန်မာဆိုတာ ငါတို့ တစ်ပတ်လောက်နဲ့ တစ်နိုင်ငံလုံးသိမ်းခဲ့တဲ့ နိုင်ငံပါကွာ.... မင်းတို့ မြန်မာဆိုတာ ငါတို့ ဂျပန်စစ်သားတွေ အပျော်ရှာခဲ့ နေရာပါကွာ.... မင်းတို့ မြန်မာ ဘယ်နေရာအသုံးကျလဲ ငါတို့နိုင်ငံ ကျွန်ခံနေရတာပါကွာ... အဲ့လိုတွေပြောပါပြီတဲ့... ဘယ့်နဲ့ လုပ်ကြမတုန်း...??? ကျွန်မတောင်ရေးရင်း အတော် ဒေါသထွက်မိတယ်ရှင်.... ကဲ.... ဘယ့်နဲ့လုပ်ကြမတုန်း....?? ဂျပန်ကို စစ်သွားတိုက်ပစ်မလား? ဒါမှ မပာုတ် ပြန်ဆဲပစ်မလား? ဂျပန်ပစ္စည်းတွေ လုံးဝ မသုံးတော့ဘဲ ထားမလား? တစ်ခုခုလုပ်ချင်တာ လုပ်မိမယ်... ဒါပေမယ့် သေချာတာ တစ်ခုကတော့ ကိုယ့်ရှေ့ ဂျပန်ပေါ်မလာနဲ့ အဲ့ကောင် နာမယ်သာ ကြံထားဆိုတာမျိုးချည်း ဖြစ်မှာပါ။

ကဲ... အဓိကအပိုင်းလေး သွားကြစို့ရဲ့.... ထိုင်းနိုင်ငံမှာ မြန်မာနိုင်ငံသား တရားဝင် အလုပ်သမားရော တရားမဝင်အလုပ်သမားရော စာသွားသင်နေတဲ့ ကျောင်းသားရော ဆေးသွားကုနေတဲ့ သူတွေရော ဈေးဝယ်ထွက်နေတဲ့ သူတွေရော သိပ်များတဲ့ နိုင်ငံရှင့် .... ။ ဘန်ကောက်တစ်မြို့လုံးဆို ကြိုက်တဲ့ မြန်မာအစားအစာပြော အကုန်ရတယ်။ အဲ့လောက်အထိ မြန်မာ ပေါပါတယ်။

ကျွန်မတို့က ဒီကနေ သူတို့ကိုဆဲလို့ သူတို့က ဒေါသထွက်ပါပြီတဲ့ရှင်။ အဲ့ဒီရောက်နေတဲ့ ဝမ်းစာအရေးသွားရှာနေသူတွေ ကျောင်းသားတွေ ဘယ်နဲ့လုပ်ကြပါ့ .... ၊ အို... ဘာပြောကောင်းလိမ့်မလဲ... မျိုးစုံ လှိမ့်နေအောင် ခံရမှာပေါ့ရှင် ... ။

ကျွန်မတို့က ဒီကနေ ထိုင်းနိုင်ငံ အလံကြီးပြောင်း ကြက်ခြေခတ်ကြီးခတ်လို့ရော အဲ့ဒီ သေဒဏ်က လွတ်သွားမှာလား? ကျွန်မတို့က အလောင်းမင်းတရားကြီးပုံတွေတင် စာတွေရေး နှိမ်လို့ရော သူတို့က လွတ်ငြိမ်းခွင့်ရသွားမှာလား? ကျွန်မတို့က ဒီကနေ ထိုင်ဆဲနေလို့ရော အဲ့ဒီအပြစ်ဒဏ်လျှော့သွားမှာလား? ကျွန်မတို့ရေးတာ သူတို့ မသိဘူးတော့ မထင်လိုက်ပါနဲ့နော်... မြန်မာစာသင်နေတဲ့ ထိုင်းကျောင်းတွေအများကြီးရှင့်..... ။

လုပ်လိုက်ကြစမ်းပါ ရွှေတိဂုံဘုရားမှာ ဆုတောင်းပွဲတွေ ... လုပ်လိုက်ကြစမ်းပါ ငြိမ်းချမ်းစွာ ဆုတောင်းပွဲတွေ ... သူတို့ မိဘတွေဆီ အားပေးစာတွေ ပို့ကြစမ်းပါ ... ။

အမေစုက သွားပြောလို့လဲ မရဘူး ...တရားဥပဒေက တရားဥပဒေဘဲ ... ။ ဦးသိန်းစိန်ကသွားပြောလို့လဲ မရဘူး ... တရားဥပဒေက တရားဥပဒေဘဲ ... ။ ဒါပေမယ့် အခု NLD ကရော ၈၈ ကရော သံရုံးအဖွဲ့တွေကရော တရားအောင်လုပ်ပါလို့ ဖိအားပေးတယ်။
အဲ့ဒီတော့ နောက်ထပ် အယူခံဝင်ခွင့် ၂ ခါ ကျန်သေးတဲ့အတွက် ... သူတို့တရားစီရင်ရေးတွေက ဖြစ်သလိုလွယ်လွယ် မလုပ်နိုင်တော့ဘူး ဆိုတာလေးလဲ သိစေချင်ပါတယ်။

facebook တက် ၂ ရက် ၃ ရက်လောက် ဆဲပြီး ထိုင်းနိုင်ငံရောက် မြန်မာနိုင်ငံသားတွေကို online ကနေ သတ်တဲ့အဖြစ်မျိုးနဲ့ ကိုယ့်ပေါင်ကို လှန်မထောင်းမိပါစေနဲ့လို့ ဆုတောင်းရင်း ... ။

ရေးသားသူ - April K Theri။

နေပြည်တော်တွင် ကျင်းပသည့် (၇၀) ကြိမ်မြောက် တပ်မတော်နေ့ အခမ်းအနားတွင် ဗိုလ်ချုပ်မှူးကြီး မင်းအောင်လှိုင်ကို မတ်လ ၂၇၊ ၂၀၁၅ ခုနှစ်က တွေ့ရစဉ်။ (ဓာတ်ပုံ - လင်းဘိုဘို၊ အီးပီအေ)

ပြည်သူအများစုကြီး ၂၀၁၅ ခုနှစ်ကို ပျော်ပျော်ရွှင်ရွှင် ဖြတ်သန်းပြီး ၂၀၁၆ ထဲကို ရွှင်ရွှင်လန်းလန်းနဲ့ ၀င်ရောက်ဖို့ ကြံရွယ်နေကြချိန်မှာပဲ စိုးရိမ်စရာ သတင်းတစ်ပုဒ် ထွက်ပေါ်လာပါတယ်။ အဲဒါကတော့ “အမျိုးသား ကာကွယ်ရေးနဲ့ လုံခြုံရေးကောင်စီ ဥပဒေကြမ်း” ပြဌာန်းဖို့ ကြိုးစားမှုပါ။ ဒီ ဥပဒေကို ဘယ်သူ၊ ဘယ်အဖွဲ့အစည်းက ပြဌာန်းဖို့ ကြိုးစားတယ်ဆိုတာ မသိရသေးပေမယ့် အမျိုးသားလွှတ်တော် ဥပဒေကြမ်းကော်မတီဆီကို ရောက်ရှိနေပြီဖြစ်သလို၊ အမျိုးသားလွှတ်တော် အမတ်တွေ လက်ထဲကိုလည်း ရောက်နေပါပြီ။ ပိုင်းခြားဝေဖန်သူ တစ်ချို့ကတော့ ဒီဥပဒေကြမ်းဟာ လာမယ့် ဒေါ်အောင်ဆန်းစုကြည် ဦးဆောင်တဲ့ အင်န်အယ်လ်ဒီ အရပ်သား အစိုးရအဖွဲ့ကို တပ်မတော်ဘက်က လွှမ်းမိုးနိုင်အောင် ကြံရွယ် ပြဌာန်းတဲ့ ဥပဒေကြမ်း တစ်ခုအဖြစ် စွပ်စွဲ ပြောဆိုနေကြပါတယ်။ အဲဒီ စွပ်စွဲ ပြောဆိုချက်ဟာ အမှန်ပဲလား၊ ဥပဒေကြမ်းထဲမှာ ဘာတွေပါသလဲ၊ အဲဒီ ဥပဒေကြမ်း ပြဌာန်းလိုက်ရင် လာမယ့် အစိုးရသစ်ကို ခြိမ်းခြောက်ရာ ရောက်မလားဆိုတာ ဒီကနေ့ ဆွေးနွေး တင်ပြသွားပါ့မယ်။

အခုလို ပထမအကြိမ် လွှတ်တော် သက်တမ်း ကုန်ကာနီးကျမှ ဒီဥပဒေကြမ်းကို ဘာလို့ အတည်ပြုဖို့ ကြိုးစားရသလဲဆိုတာက ပထမဦးဆုံး မေးရမယ့် မေးခွန်းပါ။ ၂၀၁၁ ကစ အာဏာရလာတဲ့ အစိုးရ၊ လွှတ်တော်နဲ့ တပ်မတော် အင်အားစုအားလုံးဟာ တစ်ဖွဲ့ထဲသားတွေပါ။ အားလုံးကို အရင် စစ်အာဏာရှင် ဗိုလ်ချုပ်မှူးကြီး သန်းရွှေက နေရာချပေးသွားတဲ့ စစ်ဗိုလ်ချုပ်တွေနဲ့ စစ်ဗိုလ်ချုပ်ဟောင်းတွေက ဦးဆောင်ကြပါတယ်။ သူတို့ အုပ်ချုပ်တဲ့ ၅ နှစ်တာနီးပါး ကာလမှာ အခု ဥပဒေ ပြဌာန်းဖို့ လုပ်တဲ့ အမျိုးသား ကာကွယ်ရေးနဲ့ လုံခြုံရေးကောင်စီအကြောင်း ပြည်သူတွေ သိပ် သိခွင့်မရကြပါဘူး။ သူရဦးရွှေမန်းလို ပုဂ္ဂိုလ်မျိုးက တစ်ခါတစ်ရံ သတင်းစာရှင်းလင်းပွဲမှာ ထုတ်ဖော်ပြောဆိုတာမျိုးလောက်က လွဲရင် အခြား ဘာသတင်းအချက်အလက်မှ မသိကြရပါဘူး။ ကာလုံ အစည်းအဝေးကို ဘယ်နှစ်ရက်မှာ တစ်ခါ လုပ်တယ်၊ အကြောင်းအရာတွေကို ဘယ်လို ဆွေးနွေးကြပြီး ဘယ်လိုနည်း ဘယ်လိုပုံနဲ့ ဆုံးဖြတ်ကြတယ်ဆိုတာ ပြည်သူတွေ မသိရပါဘူး။ ယုတ်စွအဆုံး ဘယ်လို အကြောင်းအရာတွေကို ဆွေးနွေးကြတယ်ဆိုတာမျိုးလည်း မသိကြရပါဘူး။ အခုတော့ ပြည်သူတွေ ဘာမှ မသိရတဲ့ ကာလုံအဖွဲ့အစည်းနဲ့ ပတ်သက်တဲ့ ဥပဒေ တစ်ခု တင်သွင်း အတည်ပြုဖို့ ကြိုးစားကြပါတော့မယ်။

ဥပဒေ တစ်ခု ပြုတော့မယ်ဆိုရင် အဲဒီဥပဒေ ဘယ်လောက် အတိုင်းအတာအထိ အကျိုးသက်ရောက်မှု ရှိမလဲဆိုတာ ဖွဲ့စည်းပုံ အခြေခံဥပဒေကို အရင်ဆုံး ကြည့်ဖို့ လိုပါတယ်။ ဖွဲ့စည်းပုံ အခြေခံဥပဒေ ပုဒ်မ ၂၀၁ မှာ ခုလို ဖော်ပြထားပါတယ်။ “ဖွဲ့စည်းပုံ အခြေခံဥပဒေအရ သော်လည်းကောင်း၊ ဥပဒေ တစ်ရပ်ရပ်အရ သော်လည်းကောင်း၊ ပေးအပ်လာသည့် တာဝန်များကို ထမ်းဆောင်နိုင်ရန် နိုင်ငံတော် သမ္မတ ဦးဆောင်သည့် အမျိုးသား ကာကွယ်ရေးနှင့် လုံခြုံရေးကောင်စီကို အောက်ပါ ပုဂ္ဂိုလ်များနှင့် ဖွဲ့စည်းသည်။ (က) နိုင်ငံတော် သမ္မတ၊ (ခ) ဒုတိယ သမ္မတ၊ (ဂ) ဒုတိယ သမ္မတ၊ (ဃ) ပြည်သူ့လွှတ်တော် ဥက္ကဌ၊ (င) အမျိုးသားလွှတ်တော် ဥက္ကဌ၊ (စ) တပ်မတော်ကာကွယ်ရေး ဦးစီးချုပ်၊ (ဆ) ဒုချုပ်၊ (ဇ) ကာကွယ်ရေး ၀န်ကြီး၊ (ဈ) နိုင်ငံခြားရေး ၀န်ကြီး၊ (ည) ပြည်ထဲရေးဝန်ကြီး၊ (ဋ) နယ်စပ်ရေးရာ ၀န်ကြီး ဆိုပြီး စုစုပေါင်း ၁၁ ဦးဖြစ်ပါတယ်။”

ဒီ ပြဌာန်းချက်နဲ့ ပတ်သက်ပြီး ဥပဒေပြဌာန်းရမယ်လို့ သီးခြား ရေးသားထားတာတော့ မတွေ့ရပါဘူး။ ဖွဲ့စည်းပုံပါ ပြဌာန်းချက်အရ ကာလုံ အဖွဲ့ရဲ့ အဓိကကျတဲ့ ဆုံးဖြတ်ပိုင်ခွင့် (၄) ခုလောက် ရှိတာ တွေ့ရပါတယ်။ ပထမ တစ်ခုကတော့ တပ်မတော်ကာကွယ်ရေး ဦးစီးချုပ် ခန့်အပ်ရေးပါ။ ဒုတိယ စစ်မက်ရေးရာ ကိစ္စ အဆုံးအဖြတ်ပေးတာ၊ တတိယ လွတ်ငြိမ်းခွင့်ပေးတာနဲ့ စတုတ္တ အရေးပေါ်ကာလဆိုင်ရာ အခြေအနေအတွက် အဆုံးအဖြတ် ပေးတာ ဖြစ်ပါတယ်။ ဥပဒေပြုတယ်ဆိုရင် အဲဒီ အချက်တွေ အပေါ်မူတည်ပြီးတော့ပဲ ဥပဒေပြုလို့ ရပါတယ်။

ပထမ တစ်ခုကတော့ တပ်မတော်ကာကွယ်ရေး ဦးစီးချုပ် ခန့်အပ်မှု ဖြစ်ပါတယ်။ ဒီ အချက်တစ်ခုတည်းကသာ ကာလုံအဖွဲ့ရဲ့ သြဇာနဲ့ ဆုံးဖြတ်ပိုင်ခွင့်ဟာ သမ္မတအပေါ် လွှမ်းမိုးတာ ဖြစ်ပါတယ်။ အကြောင်းကတော့ ဖွဲ့စည်းပုံ ဥပဒေ ၃၄၂ အရ တပ်မတော်ကာကွယ်ရေး ဦးစီးချုပ် ခန့်အပ်ဖို့ ကာလုံက အဆိုပြု ထောက်ခံပေးရမှာ ဖြစ်ပြီး သမ္မတက အဲဒါကို ခန့်ပေးလိုက်ရုံပါပဲ။ လက်ရှိ တပ်မတော် ဖွဲ့စည်းပုံ အခြေအနေ၊ ကာလုံ ဖွဲ့စည်းပုံ အခြေအနေအရ တပ်မတော် ကာကွယ်ရေးဦးစီးချုပ် တစ်ယောက်ကပဲ နောက်တစ်ယောက်ကို ခန့်အပ်နိုင်မယ့် သဘောဖြစ်ပြီး၊ အဲဒါကို သမ္မတက ခန့်ပေးရမှာပါ။ ဒါကို ဥပဒေတစ်ခု ပြုလိုက်ရင်လည်း သိပ်ပြီး ထူးထူးခြားခြား ပြောင်းမသွားပါဘူး။

နောက်ထပ် ကျန်တဲ့ လွတ်ငြိမ်းခွင့်ပေးမယ့်ကိစ္စ၊ စစ်မက်ကိစ္စ၊ အရေးပေါ်ကာလ ကြေငြာဖို့ ကိစ္စ အားလုံးကို သမ္မတကသာလျင် အဆိုပြုရမှာဖြစ်ပြီး သမ္မတကသာ အခရာပါ။ ဒါကို အဆုံးအဖြတ် ပေးတဲ့ နေရာမှာသာလျင် ကာလုံက အဓိက ကျပါတယ်။ ပြောရရင် ဖွဲ့စည်းပုံပါ အချက်အတိုင်း ဥပဒေတစ်ခု ပြဌာန်းလိုက်တယ်ဆိုရင်တောင် နောင်တက်လာမယ့် အင်န်အယ်လ်ဒီ သမ္မတနဲ့ အစိုးရအဖွဲ့အတွက် ဘယ်လို ခြိမ်းခြောက်မှုမျိုးမှ မဖြစ်စေပါဘူး။

ဒါပေမယ့် အခု ပြဌာန်းမယ့် ဥပဒေကြမ်းထဲမှာတော့ ကာလုံနဲ့ ပတ်သက်ပြီး လုပ်နည်း လုပ်ဟန်တွေ ပါဝင်လာတာ တွေ့ရပါတယ်။ အခန်း(၄) ကောင်စီ အစည်းအဝေးများ ဆိုတဲ့ အခန်းမှာဖြစ်ပါတယ်။ အဲဒီမှာ ဖော်ပြချက်အရ ကောင်စီ အစည်းအဝေးကို တစ်လမှာ အနည်းဆုံး နှစ်ကြိမ် လုပ်ရမယ်၊ ကောင်စီဝင် ဦးရေ ၃၀ ရာခိုင်နှုန်းက တောင်းဆိုရင် အစည်းအဝေး ခေါ်ရမယ်၊ နောက် လူဦးရေ ဘယ်လောက် တက်ရင် အစည်းအဝေး အထမြောက်တယ် စတာတွေ ဖော်ပြထားပါတယ်။ ဝေဖန်သူတွေ အဓိက ထောက်ပြတာက ကောင်စီရဲ့ ဆုံးဖြတ်ချက် ချပုံဖြစ်ပါတယ်။ ဖြစ်နိုင်ရင် အားလုံး သဘောတူညီချက်နဲ့ ဆုံးဖြတ်ရမှာ ဖြစ်ပေမယ့် လိုအပ်ရင် မဲခွဲမယ်၊ မဲခွဲရင် သမ္မတက မဲမပေးရဘူး၊ မဲချင်းတူနေမှ မဲပေးရမယ်၊ များရာ ဆန္ဒကို အတည်ယူပြီး အကောင်အထည် ဖော်ရမယ် ဆိုတဲ့ အချက်တွေပါပဲ။ မှန်ပါတယ်။ ဒီ အခန်းပါ အချက်တွေအတိုင်းသာ ပြဌာန်းလိုက်ရင် တပ်မတော်ဟာ သမ္မတ ဦးဆောင်တဲ့ အရပ်သား အစိုးရကို လွှမ်းမိုးလို့ ရသွားနိုင်ချေ ရှိပါတယ်။

ဒါပေမယ့် ဒီကိစ္စ ပူစရာ မလိုပါဘူး။ အခု လွှတ်တော် သက်တမ်းမှာကိုပဲ အဲဒီ အချက်တွေ ပါဝင်တဲ့ ဥပဒေ တစ်ခု အတည်ပြုဖို့ မလွယ်ကူပါဘူး။ တကယ်လို့ ဇွတ် အတည်ပြုလိုက်ရင်တောင် သိပ်မကြာခင် ခေါ်ယူတော့မယ့် ဒုတိယအကြိမ် လွှတ်တော်မှာ အင်န်အယ်လ်ဒီ ပါတီဟာ အလွယ်တကူ ပြင်ဆင်မှုတွေ လုပ်လို့ ရနေပါတယ်။

တကယ်တော့ လာမယ့် အချိန် တိုင်းပြည်ကို အုပ်ချုပ်ကြမှာဟာ တပ်မတော် ခေါင်းဆောင် တစ်ယောက်နဲ့ ပြည်သူလူထုက ရွေးချယ်တင်မြှောက်လိုက်တဲ့ လူထု ခေါင်းဆောင် တစ်ယောက်က ပူးတွဲ အုပ်ချုပ်ကြမယ့် အခင်းအကျင်းမျိုးပါ။ ဒီလို အခြေအနေမှာ တစ်ဖက်က တစ်ဖက်ကို လွှမ်းမိုးဖို့ အတင်းအကြပ် ကြိုးစားတာမျိုး မလုပ်သင့်ပါဘူး။ ကာလုံထဲမှာလည်း အလားတူပါပဲ။ စစ်ဗိုလ်ချုပ်တွေနဲ့ အရပ်သားတွေ အတူတကွ လက်တွဲ အလုပ်လုပ်ကြဖို့ လိုပါတယ်။ အဲဒီလို အတူတကွ လက်တွဲ လုပ်ကိုင်၊ တစ်ဖက်ကို တစ်ဖက် စည်းရုံးကြရင်း နောင် အနာဂတ် မြန်မာပြည်ကို ဒီမိုကရေစီ ဖက်ဒရယ် ပြည်ထောင်စုအဖြစ် ပုံဖော်သွားကြရမှာသာ ဖြစ်ပါတယ်။ ဒါကြောင့် လက်ရှိ ဖြန့်ဝေထားပြီးသား ကာလုံ ဥပဒေကြမ်းဟာလည်း လာမယ့် အစိုးရသစ်ကို ဘယ်လိုမှ ခြိမ်းခြောက်မှု ဖြစ်စေမှာ မဟုတ်ပါကြောင်း သုံးသပ်တင်ပြလိုက်ရပါတယ်။

စည်သူအောင်မြင့်
MIZZIMA

လိပ်ကျွန်းအရေး ဆန္ဒပြနေသော မိမိတို့ ဘုန်းကြီးများ အနေဖြင့် လိုအပ်ပါက
သင်္ကန်းချွတ်၍ သေနတ်ကိုင်ရဲကြောင်း မဘသ ဆရာတော် ဦးပါမောက္ခက မိန့်ကြားသည်။

“ဘုန်းကြီးတို့အရေးကြုံလာလို့ သေနတ်တောင် မဖြုတ်တတ် မတပ်တတ်
မထည့်တတ်ဘူး ဆိုရင် မိမိတို့နိုင်ငံသူ နိုင်ငံသားတွေအတွက် အန္တရာယ်နဲ့
ရင်ဆိုင် မရနိုင်ဘူးလား၊ အဲ့ဒီလိုဆိုရင် နိုင်ငံသားတိုင်း စစ်မှုထမ်းတယ် ဆိုတဲ့
ဥပဒေ ကိုလည်းပဲ ပြဋ္ဌာန်းသင့်တယ်လို့ထင်တယ်" ဟု ဒီဇင်ဘာလ ၂၉ ရက်နေ့က
ရန်ကုန်မြို့ ဗိုလ်စိန်မှန်ကွင်းတွင် ပြုလုပ်ကျင်းပသော လိပ်ကျွန်းလူသတ်မှုနှင့်
ပတ်သက်၍ သေဒဏ် ချမှတ်ခံရသော မြန်မာနှစ်ဦး လွတ်မြောက်ရေး
ဆန္ဒဖော်ထုတ်ပွဲတွင် ဆရာတော်ဦးပါမောက္ခက မိန့်ကြားသည်။

"အခုလိုကိစ္စမျိုးမှာ
နောက်ထပ် လေးလလောက်ထိအောင် စစ်ဆေးဦးမှာ။ ယခုကနေပြီးတော့
နိုင်ငံသားတွေ အားလုံး စစ်မှုထမ်းမယ်ဆိုရင် စစ်ထဲ ၀င်နိုင်တယ် မဟုတ်ဘူးလား။
ဘုန်းကြီးတို့က ယခုလည်းပဲ သင်္ကန်းကိုချွတ်ပြီးတော့ သေနတ်ကို ကိုင်ရဲတယ်
ဆိုတာ ဒီနေရာကနေ ရဲရဲဝံ့ဝံ့ပြောရဲပါတယ်” ဟု ဆရာတော်ဦးပါမောက္ခက ဆိုသည်။

ထိုကဲ့သို့မိန့်ကြားခဲ့မှုနှင့် ပတ်သက်၍ စာရေးဆရာ စည်သူအောင်မြင့်က ‘ အခုပဲ
သင်္ကန်းချွတ်ပြီးတော့ တပ်ထဲကိုသွားဝင်လို့ ရပါတယ်လို့ ။ ၀င်ပြီးရင် နယ်စပ်မှာ
တာဝန် ထမ်းဆောင်ချင်ကြောင်း အဲ့ဒီမှာပြောပြီးတော့ သွားပါလို့ ။
စည်သူအောင်မြင့် က အဲ့လိုပဲပြောတယ်လို့ရေးလိုက်ပါ”
ဟု The Ladies သို့
ပြောသည်။

ရန်ကုန်မြို့တွင် ပြုလုပ်ခဲ့သည့် နှစ်နာရီခန့် ကြာမြင့်သော အဆိုပါဆန္ဒပြပွဲမှာ
မဘသ ရဟန်းအချို့ ( ပါဝင်သူများကတော့ မဘသ နှင့် မသက်ဆိုင်ကြောင်း ပြောဆိုထား ) နှင့် ဦးနေမျိုးဝေကဲ့သို့ အမျိုးသားရေးဝါဒီများ
ပူးပေါင်း ပြုလုပ်ခြင်းဖြစ်ပြီး လိပ်ကျွန်း လူသတ်မှု စီရင်ချက်ချမှတ်သည့် ကနဦး
ရက်များကဲ့သို့ ဆန္ဒပြပွဲတွင် လူထု အများအပြား ပါဝင်ခြင်း မရှိပေ။ ဆန္ဒပြသူများ
သည် ဗိုလ်စိန်မှန်ကွင်းမှ တစ်ဆင့် ပြည်လမ်းရှိ ထိုင်းသံရုံးကို ချီတက်ခဲ့ကြပြီး
အိတ်ဖွင့်ပေးစာ တစ်စောင်လည်း ပေးပို့ခဲ့ကြသည်ဟု သိရသည်။

ယမန်နေ့ ဒီဇင်ဘာလ ၂၈ ရက်နေ့ ညပိုင်းက မဘသ သံဃာတော်အချို့မှ
ဦးဆောင် ပြုလုပ်ခဲ့သည့် မန္တလေးမြို့မှ ဆန္ဒပြပွဲတွင် ထိုင်းစားသောက်ဆိုင်
အချို့ရှေ့သို့ သွားရောက် ဆန္ဒပြမှုများ ပေါ်ပေါက်ခဲ့ပြီး ထိုင်းလူမျိုးများ ထွက်သွားရန်
တောင်းဆိုခဲ့သည့် အတွက် ဝေဖန်မှုများလည်း လတ်တလောတွင် မြင့်တက် လာသည်။

“ဆန္ဒပြပွဲတွေက အစပိုင်းမှာ လူတွေ စိတ်ဝင်စားတယ်။ ရုံးပိတ်တွေလည်းဖြစ်တော့
စည်ကားတယ် ။ ဒါပေမဲ့ မဘသတွေ ပါလာတော့ လူတွေက သိပ်မ၀င်စားတော့ဘူး ။
လမ်းချော်မှာလည်း ကြောက်နေကြတယ်” ဟု အင်းစိန်မြို့နယ်နေ ကိုသန့်စင်က
ပြောသည်။

သတင်း - ဇော်မင်းထွန်း

The Ladies News Journal

မြန်မာနိုင်ငံသားနှစ်ဦးကို သေဒဏ်ချမှတ်တာနဲ့ ပတ်သတ်ပြီး ဒေါ်အောင်ဆန်းစုကြည်အိမ်ရှေ့မှာ ပြင်းပြင်းထန်ထန် ပြောဆိုနေတဲ့ ကိုယ်တော်နဲ့ပတ်သတ်ပြီး ပြောပြချင်ပါတယ်။

ဦးဇင်းအပါအဝင် လူဦးရေ ၂၀၀၀ေ ကျော်ခန့် ထိုင်းသံရုံးရှေ့ကို ၂၅ရက်နေ့က ဆန္ဒပြဖို့ သွားရောက်ခဲ့ကြပါတယ်။ သံရုံးရှေ့ကလမ်းကို ရဲတွေက သံဆူးကြိုးတွေနဲ့ ပိတ်ကာထားလို့ လမ်းထဲတောင် ဝင်ခွင့်မရဖြစ်ကာ ပြည်လမ်းမကြီးပေါ်မှာပဲ ဆန္ဒပြနေကြရပါတယ်။

ဒီကိစ္စက ထိုင်းနိုင်ငံနဲ့ တိုက်ရိုက်ပတ်သတ်တာမို့ ထိုင်းသံရုံးရှေ့ဆန္ဒပြတာဟာ ထိုင်းနိင်ငံကို ဆန္ဒပြတာ ဖြစ်ပါတယ်။ ဒီလောက်အရေးကြီးတဲ့နေ့မှာ ဒီကိုယ်တော်တွေကို ဦးဇင်း မတွေ့မိဘူး။ တကယ်လို့ ဒီကိုယ်တော်တွေ ပါခဲ့မယ်ဆိုရင်လဲ ဒီကိုယ်တော်တွေက ရဲတွေ လမ်းဖွင့်ပေးဖို့ အပြင်းအထန်မပြောခဲ့ပဲ ဘာကြောင့် ဒေါ်အောင်ဆန်းစုကြည်ကိုကျမှ အပြင်းအထန် ပြောဆိုနေရတာလဲ။

ရဲတွေကလဲ တကယ် ကိုယ့်နိုင်ငံသားတွေအတွက် အရေးကြီးတဲ့ ထိုင်းသံရုံးရှေ့မှာ ဆန္ဒပြခွင့်ကို မပေးပဲ လူထုခေါင်းဆောင်ဒေါ်အောင်ဆန်းစုကြည်အိမ်ရှေ့ကျတော့ ဘာမှ မတားမြစ်ပဲ ဘာလို့ အလွယ်တကူခွင့်ပြုသလဲဆိုတာကို သေချာစဉ်းစားစေချင်ပါတယ်။

ဒကာကြီး ဦးဝင်းထိန်က လက်အုပ်ချီကာ ပြေပြေလည်လည် လျှောက်ကြားနေပါလျက် ဘာကြောင့် အပြင်းအထန် ဒေါကြီးမောကြီးနဲ့ ပြောဆိုနေရပါသလဲ ....။ အဖြေက ရှင်းပါသည်။ တာဝန်အရှိဆုံးဖြစ်သော အစိုးရကိုကျတော့ မပြောရဲပဲ ဒေါ်အောင်ဆန်းစုကြည်ကိုသာ ပြင်းပြင်းထန်ထန် ဒေါသကြီးစွာ ရန်တွေ့နေခြင်းသည် အစိုးရ ခိုင်းတာလုပ်နေရသော လက်ကိုင်ဒုတ်များဖြစ်နေခြင်းကြောင့်ပင် ဖြစ်ပေသည်။

အစိုးလက်ကိုင်ဒုတ်များ ခြေရှုပ်နေကြခြင်း အကောက်ကြံနေကြခြင်းနောက်သို့ မလိုက်ပါကြပါရန် အသိပေးနိုးဆော်အပ်ပါသည်။

မေတ္တာဖြင့် ...

ဆရာတော် မင်းသုည (ဗုဒ္ဓတက္ကသိုလ်)။


အမျိုးသားလွှတ်တော်
အမျိုးသားလွှတ်တော်

အမျိုးသားကာကွယ်ရေးနဲ့ လုံခြုံရေးကောင်စီဥပဒေကြမ်းဟာ အခုချိန်ထိ အမျိုးသား လွှတ်တော်မှာ တရားဝင် တင်သွင်းထားခြင်းမရှိသေးတာကြောင့် လွှတ်တော် ၂ ရပ်လုံးမှာ ဆွေးနွေးအတည်ပြုဖို့ အချိန်လုံလောက်မှု မရှိဘူးလို့ အမျိုးသားလွှတ်တော် ဥပဒေကြမ်းကော်မတီ အတွင်းရေးမှူး ဒေါက်တာမြတ်ဉာဏစိုး က ပြောဆို လိုက်ပါတယ်။ အပြည့်အစုံကို VOA သတင်းထောက် မသိင်္ဂီလင်းက ပြောပြပေး ပါမယ်။

လတ်တလော ဝေဖန်မှုတွေရှိနေတဲ့ အမျိုးသားကာကွယ်ရေးနဲ့ လုံခြုံရေးကောင်စီ ဥပဒေကြမ်းဟာ အခုချိန်ထိ အမျိုးသားလွှတ်တော်မှာ တရားဝင် အဆို တင်သွင်းထားခြင်း မရှိသလို လွှတ်တော်တွင်းမှာ အဆင့်ဆင့်ဆွေးနွေး ရဦးမှာဖြစ်တာကြောင့် ဒီလွှတ်တော်သက်တမ်းမှာ အတည်ပြုဖို့ ဖြစ်နုိုင်မှာ မဟုတ်ဘူးလို့ အမျိုးသားလွှတ်တော် ဥပဒေကြမ်းကော်မတီ အတွင်းရေးမှူး ဒေါက်တာမြတ်ဉာဏစိုးက အခုလို ရှင်းပြပါတယ်။

“တရားဝင်အားဖြင့် summit လုံးဝမလုပ်ရသေးပါဘူးခင်ဗျာ။ တရားဝင်တင်တယ် ဆိုရင်တောင်မှ လွှတ်တော်က လက်ခံရဦးမယ်။လွှတ်တော်က လက်ခံတယ်ဆိုတာ အတည်ပြုဖို့ မဟုတ်ဘူးနော်။ ဆွေးနွေးဖို့လက်ခံတယ်ဆိုတဲ့အခါကျတော့မှ ဥပဒေကြမ်းကော်မတီကိုရောက်လာမယ်။ ရောက်လာတဲ့အခါကျတော့မှ ဥပဒေကြမ်းကော်မတီက လေ့လာသုံးသပ်ချက်နဲ့ သဘောထားမှတ်ချက်ကို လွှတ်တော်ကို တင်မယ်။ ပြီးရင် ဆွေးနွေးမယ့်လွှတ်တော်ကိုယ်စားလှယ်တွေကို ဖိတ်ခေါ်ဦးမယ်။ ဆွေးနွေးမယ့်လွှတ်တော်ကိုယ်စားလှယ် တွေကလည်း ရှိမှာပဲလေ။ ဒီဥပဒေမျိုးဆိုတာက အဲဒါဆွေးနွေးကြဦးမယ်။ ဆွေးနွေးပြီးတော့မှ အဲဒါကိုမှ တခါ ပြန်ပြီးတော့ ဥပဒေကြမ်းကော်မတီအနေနဲ့ ကြားနာရမယ်။ လွှတ်တော်ကို အစီရင်ခံစာ ထပ်တင်ရမယ်။ အဲတော့ စဉ်းစားကြည့်လေ။ ဒီ ရက် ၂၀ လောက်ကျန်တဲ့ကာလမှာ ပြီးနိုင်မပြီးနိုင်ဆိုတာ ဆုံးဖြတ်ကြည့်ပေါ့။ ဟုတ်လား။ အဲတော့ အမျိုးသား လွှတ်တော်ကနေပြီးတော့ ဘယ်လိုပဲအတည်ပြုလိုက်တယ်ပဲ ထားထား၊ ပြည်သူ့လွှတ်တော်ကျန်သေးတယ်။ လွှတ်တော် ၂ ရပ် သဘောထားကွဲတယ်ဆိုတာဖြစ်နိုင်သေးတယ်။ ဒါကြောင့်မို့လို့ ကျနော် တွက်ပြတာက logically စဉ်းစားကြည့်ရင် ဘယ်လိုမှကို မမှီနိုင်ဘူး အချိန်ကာလအားဖြင့်တွက်ရင်။”

ဒီဥပဒေကြမ်းကို ပြည်ထောင်စုအဆင့်အဖွဲ့က တင်သွင်းတာမဟုတ်ဘဲ စစ်ကိုင်းတုိုင်းဒေသကြီး အမျိုးသားလွှတ်တော် ကိုယ်စားလှယ် ဦးတင်မြက ပုဂ္ဂလိကအဆိုအနေနဲ့ တင်သွင်းဖို့ တင်ပြထားတာပါ။ အဆုိုတင်သွင်းထားတဲ့ ဦးတင်မြကလည်း အခုအချိန်မှာ ကျန်းမာရေးအခြေအနေအရ ခွင့်ရက်ရှည် ယူထားတာကြောင့် တရားဝင် အဆို မတင်သွင်းရသေး တာလည်းဖြစ်ပါတယ်။

ပုဂ္ဂလိကအဆိုအနေနဲ့တင်သွင်းဖို့ ပြင်ဆင်ထားတဲ့ ဒီ အမျိုးသားကာကွယ်ရေးနဲ့ လုံခြုံရေးကောင်စီဥပဒေကြမ်းဟာ ပြည်ထဲရေးဝန်ကြီးဌာနကတင်သွင်းထားတဲ့ သမ္မတတာဝန်ထမ်းဆောင်သူကို ကာကွယ်ပေးမယ့် ဥပဒေကြမ်းနဲ့ယှဉ်ရင် လွှတ်တော်တွင်းမှာ ဆွေးနွေးဖို့ ဒုတိယဦးစားပေးအဆင့်မှာပဲ ရှိနေတယ်လို့ ဒေါက်တာမြတ်ဉာဏစိုးက ဆက်ပြောပြပါတယ်။

“အဲတော့ ဘာနဲ့သွားပြီးတော့ လူတွေကမှားနေသလဲဆိုတော့ ဒီနိုင်ငံတော် သမ္မတရဲ့လုံခြုံရေးကို ကာကွယ်စောင့်ရှောက်တဲ့ ဥပဒေ ၊ အဲဒါ က ပြည်ထဲရေးဝန်ကြီးဌာနက တင်လာတာ။ အဲတော့ ဥပဒေကို တင်သွင်းတဲ့အခါမှာလည်း အဆင့်တွေရှိတယ်။ Priority ပေါ့။ First Priority က ဘာကိုပေးထားတာလဲဆိုတော့ ပြည်ထောင်စုအဆင့် ၀န်ကြီးဌာန ကတင်သွင်းလာတဲ့ ဥပဒေများကို ဆွေးနွေးရမယ် ဆိုတာပါတယ် ၊ ဦးစားပေးပြီးတော့။ အဲတော့ ဒါက Second Priority ပဲ။”

ပြည်သူ့လွှတ်တော်ဘက်မှာလည်း ဘက်ဂျက်ကိစ္စကို အပူတပြင်း ဆွေးနွေးနေရတယ် လို့ ပြည်သူ့လွှတ်တော် ကိုယ်စားလှယ်တစ်ဦးဖြစ်တဲ့ ဦးသိန်းထွန်းဦးက အခုလို ပြောပါတယ်။

“Daily ဘက်ဂျက် ကို ကျနော်တို့လုပ်နေရတဲ့ဟာက ကျနော်တို့ဒီလွှတ်တော် ဒီ သက်တမ်းမှာ အပြီးလုပ်သွားရမှာ အရေးတကြီးရှိတယ်။”

အမျိုးသားလွှတ်တော်တွင်းမှာ အမတ်တွေ လေ့လာဖို့ဆိုပြီး ဖြန့်ဝေထားတဲ့ ဒီအမျိုးသား ကာကွယ်ရေးနဲ့ လုံခြုံရေးကောင်စီဥပဒေကြမ်းဟာ နိုင်ငံတော်လုံခြုံရေးနဲ့ ပတ်သက်ရင် သမ္မတရဲ့ အာဏာကို လျော့ကျစေတယ်ဆိုပြီး ဥပဒေကျွမ်းကျင် သူတွေ၊ နုိုင်ငံရေးကျွမ်းကျင်တွေက ဝေဖန်နေတာလည်းဖြစ်ပါတယ်။

သိင်္ဂီလင်း/VOA
http://burmese.voanews.com/content/defence-and-security-draft-law-myanmar-/3122883.html

မြန်မာတပ်မတော် စစ်ကြောင်း (နိုဝင်ဘာ ၂၀၀၅)
မြန်မာတပ်မတော် စစ်ကြောင်း (နိုဝင်ဘာ ၂၀၀၅)

၈ လ နီးပါး တိုက်ပွဲရပ်တန့်နေတဲ့ ရခိုင်တပ်မတော် AA နဲ့ မြန်မာတပ်မတော်တို့အကြား ရခိုင်ပြည်နယ် ကျောက် တော်မြို့နယ်ဘက်မှာ ဒီကနေ့ပါဆို (၃)ရက်ဆက်တိုက် တိုက်ပွဲပြင်းထန်စွာဖြစ်ပွားခဲ့ပါတယ်။

ဒီလိုဖြစ်တဲ့တိုက်ပွဲတွေမှာ နှစ်ဖက်တပ်ဖွဲ့တွေထိခိုက်မှုများပြားနေတယ်လို့ ရခိုင်တပ်မတော်ခေါင်းဆောင်တွေကပြောပါတယ်။လက်ရှိငြိမ်းချမ်း ရေးဖေါ်ဆောင်နေဆဲကာလအတွင်း မြန်မာတပ်မတော်နဲ့တိုင်းရင်းသားလက်နက်ကိုင်အဖွဲ့တွေအကြားမှာ တိုက်ပွဲတွေရှိနေသေးပေမဲ့ နောင်တက်လာမဲ့အစိုးရသစ်လက်ထက်မှာ ကျယ်ပြန့်တဲ့ငြိမ်းချမ်းရေးဖြစ်လာနိုင်မယ်လို့ ပြည်ထောင်စုငြိမ်းချမ်းရေးဆွေးနွေးမှုပူးတွဲကော်မတီ UPDJC ခေါင်းဆောင်တွေကနေသုံးသပ်ထားပါတယ်။ ဒီအခြေအနေ ကိုတော့ ဗွီအိုအေထိုင်းအခြေစိုက်သတင်းထောက် နိုင်ကွန်းအိန် ကနေ ဆက်သွယ်မေးမြန်းထားပြီး အခုလိုသတင်းပေးပို့ထားပါတယ်။

မြန်မာအစိုးရကနေ NCA အပစ်ရပ်စာချုပ်လက်မှတ်ရေးထိုးဖို့ ငြင်းဆန်ထားတဲ့ ရခိုင်တပ်မတော် AA နဲ့ မြန်မာတပ်မတော် တို့အကြား ရခိုင်ပြည်နယ် ကျေက်တော်မြို့နယ် ဘက်မှာ ဒီဇင်ဘာ(၂၇)ရက်ကနေ ဒီကနေ့မနက်အထိ(၃)ရက်ဆက် တိုက်ပွဲဖြစ်ပွားနေခဲ့ပါတယ်။

နှစ်ဖက်တပ်ဖွဲ့တွေအကြား(၃)ရက်ဆက်တိုက် တိုက်ပွဲဖြစ်ပွားမှုအခြေအနေကိုတော့ ရခိုင်တပ်မတော်ရဲ့ ဒုတိယစစ်ဦးစီး ချုပ် ဗိုလ်မှူးကြီး ဒေါက်တာညိုထွန်းအောင် ကအခုလိုပြောပါတယ်။

“ကျောက်တော်မှာဆိုရင် ရွှေပြည်သာစည်ရဲ့ အရှေ့ဘက်ပေါ့။ အဲဒီ ရွှေပြည်သာစည်ရဲ့ အရှေ့ဘက်နားမှာ ဖြစ်တယ်။ မနေ့ကလည်း အဲဒီတ၀ိုက်မှာပါပဲ။ ကျနော်တို့ ရခိုင့်တပ်မတော်ရဲ့ လှုပ်ရှားစစ်ကြောင်းနဲ့ ဒီမြန်မာ့တပ်မတော်ရဲ့ပေါ့နော်၊ ဆကစ (၉) လက်အောက်ခံ ၃၇၅ ကတော့ ဒီကျောက်တော်အခြေစိုက်ပေါ့။ သူတို့နဲ့ ထိတွေ့ပြီးတော့ ကျနော်တို့ တိုက်ပွဲတွေလည်းဖြစ်တယ်။ ဆိုတော့ အဲဒီ ပထမတရက်မှာ သူတို့ နဲနဲ အထိခိုက်များပြီးတော့ ဆုတ်သွားတယ်။ ၂၈ ရက်နေ့မှာ သူတို့ပြန်တက်လာတယ်။ မနေ့ကပေါ့ ၂၈ ရက်နေ့ ဆိုတော့ အဲဒီနေ့ကတော့ ၈ နာရီလောက်ကတည်းက စပြီးတော့ တိုက်ပွဲကြီး၊ တိုက်ပွဲငယ်ကတော့ ၁၀ ကြိမ်အထက်မှာရှိတယ်။ ပြီးရင် ဒီကနေ့မနက်ပဲ သူတို့ တချို့ ပြန်ပြီးတော့ အင်အားတွေထက်တိုးပြီးတော့ ထက်တက်လာတော့ ဒီကနေ့မနက် ၇ နာရီမှာ တိုက်ပွဲတွေ စပြီးတော့ ပြန်ဖြစ်နေတယ်ခင်ဗျ။”

(၃)ရက်တာကာလအတွင်း (၁၀) ကြိမ်ထက်မနည်း ဖြစ်ပွားခဲ့တဲ့တိုက်ပွဲအတွင်း ထိခိုက်ကျဆုံးမှုအခြေအနေကိုတော့ ဗိုလ်မှူးကြီးဒေါက်တာညိုထွန်းအောင်က အခုလိုဆက်ပြောပါတယ်။

“မြေပြင်တပ်မှူးတွေရဲ့ သတင်းပေးချက်အရ သူတို့ မျက်မြင်ကိုယ်တွေ့တွေ့တာတောင်မှ မြန်မာတပ်မတော်ဖက်က အလောင်းပေါင်း ၂၀ နဲ့ ၁ လောင်းပေါ့နော် သူတို့တွေ့တယ်။ အလောင်း ၅ လောင်းကတော့ သူတို့ယူမသွားဘူး။ ဒဏ်ရာရတာကတော့ သူတို့ဖက်ကတော့ ၃၅ ယောက်လောက်ရှိတယ်။ ကျနော်တို့ကတော့ အဲလိုမျိုး ၂ ယောက်- ၃ ယောက်လောက်တော့ ဒဏ်ရာရတယ်။”

အခုလိုဖြစ်ပွားခဲ့တဲ့တိုက်ပွဲမှာ မြန်မာစစ်တပ်ဘက်က ထိခိုက် ကျဆုံးမှုများပြားတယ်လို့ ရခိုင်တပ်မတော်ဘက်ကပြော ဆိုခဲ့ပေမဲ့လည်း သီးခြားအတည်ပြုချက်မရရှိသေးပါဘူး။

လက်ရှိမှာတော့ တိုက်ပွဲဖြစ်ပွားရာကျောက်တော်မြို့နယ်နဲ့မြောက်ဦးမြို့နယ်ဘက်မှာ စစ်တပ်အပါအ၀င် ရဲတပ်ဖွဲ့ဝင် တွေကိုပါ အင်အားဖြည့်တင်းထားပြီး လုံခြုံရေးတိုးမြင့်ထားတယ်လို့ ဒေသခံတွေကပြောပါတယ်။

ရခိုင်တပ်မတော်ဟာ KIO ကချင်လွတ်လပ်ရေးအဖွဲ့ဌာနချုပ်လိုင်ဇာမှာအခြေပြုပြီး ၂၀၁၄ ခုနှစ်လောက်မှာ ရခိုင်ပြည်နယ်ဒေသအတွင်းကို ၀င်ရောက်လှုပ်ရှားလာခဲ့သလို ပြီးခဲ့တဲ့ မတ်လနဲ့ဧပြီလမှာ ရခိုင်တပ်မတော်နဲ့ မြန်မာ့တပ်မတော် တို့အကြား တိုက်ပွဲဖြစ်ပွါးခဲ့အပြီး (၈)လတာတိုက်ပွဲ ရပ်တန့်နေရာကနေ အခုလိုတိုက်ပွဲပြင်းထန်စွာ ဖြစ်ပွါးခဲ့တာ လဲဖြစ်ပါတယ်။

မြန်မာနိုင်ငံမှာ သမ္မတဦးသိန်းစိန် ဦးဆောင်တဲ့အစိုးရ တက်လာပြီးနောက်ပိုင်း ပြည်ထောင်စြုငိမ်းချမ်းရေးဖော်ဆောင်ရေး လုပ်ငန်းကော်မီတီကိုဖွဲ့စည်းခဲ့ပြီး တိုက်ရင်းသားလက်နက်ကိုင်အဖွဲ့တွေနဲ့ အပစ်အခတ်ရပ်စဲနိုင်ရေးအတွက် တွေ့ဆုံ ဆွေးနွေးမှုတွေလုပ်ဆောင်နေခဲ့ပေမဲ့ ရခိုင်တပ်မတော်အဖွဲ့နဲ့တော့ တွေ့ဆုံဆွေးနွေးခဲ့ခြင်းမရှိသေးပါဘူး။

ဒါ့အပြင် NCAခေါ် တပြည်လုံးပစ်ခတ်တိုက်ခိုက်မှုရပ်စဲရေးသဘောတူစာချုပ် လက်မှတ်ရေးထိုးနိုင်ဖို့ တွေ့ဆုံဆွေးနွေး ရာမှာလဲ ရခိုင်တပ်မတော် ကိုးကန့်တပ်ဖွဲ့နဲ့ တအာင်ပလောင်တပ်ဖွဲ့တို့ကို ချန်လှပ်ထားခဲ့ပါတယ်။

မြန်မာအစိုးရအနေနဲ့ တိုင်းရင်းသားလက်နက်ကိုင်အဖွဲ့အားလုံးပါဝင်တဲ့ တွေ့ဆုံမှုလုပ်ဆောင်ခြင်းမရှိတာဟာ ငြိမ်းချမ်းရေးနဲ့ပက်သက်ပြီးရိုးသားမှုမရှိဘူးလို့ ရခိုင်တပ်မတော်ရဲ့ ဒုတိယစစ်ဦးစီးချုပ် ဗိုလ်မှူးကြီး ဒေါက်တာညိုထွန်းအောင်က အခုလိုပြောပါတယ်။

“သူတို့ရဲ့ ကျနော်တို့ ရခိုင်တပ်မတော်ပေါ်မှာ သဘောထားကတော့ နိုင်ငံရေးအရ ချန်ထားလိုမှုတွေကို သူတို့ရဲ့ပြောစကားအရကော၊ လက်တွေ့လုပ်ဆောင်ချက် အရကော ကျနော်တို့တွေ့ရတယ်ဆိုတော့ ဒါ ငြိမ်းချမ်းရေးနဲ့ပတ်သက်ပြီးတော့ သူတို့ ဘက်ကတော့ ဒီကနေ့အချိန်အထိတော့ ရိုးသားမှုမရှိဘူးလို့ပြောလို့ရတယ်။”

NCA ခေါ် တပြည်လုံးပစ်ခတ်တိုက်ခိုက်မှုရပ်စဲရေးသဘောတူစာချုပ် လက်မှတ်ရေးထိုးခဲ့တဲ့ လက်နက်ကိုင်(၈)ဖွဲ့ အပါ အ၀င် တပ်မတော်ကိုယ်စားလှယ် အစိုးရနဲ့လွှတ်တော်ကိုယ်စားလှယ် နိုင်ငံရေးပါတီကိုယ်စားလှယ်တွေနဲ့စုဖွဲ့ ထားတဲ့ ပြည်ထောင်စုငြိမ်းချမ်းရေးဆွေးနွေးမှုပူးတွဲကော်မတီ UPDJC ကနေ လာမဲ့နှစ်သစ် ဇန်န၀ါရီ (၁၂)ရက်နေ့မှာ ပြည်ထောင်စု ငြိမ်းချမ်းရေးညီလာခံကျင်းပသွားမှာဖြစ်ပါတယ်။

ညီလာခံတက်ရောက်ဖို့အတွက် ရခိုင်တပ်မတော်နဲ့ ကိုးကန့်တပ်ဖွဲ့တို့ကို ဖိတ်ကြားခြင်းမရှိသလို ၀တပ်ဖွဲ့UWSAနဲ့ မိုင်းလားတပ်ဖွဲနဲ့ UNFC ခေါ် ညီညွတ်သောတိုင်းရင်းသားလူမျိုးများ ဖက်ဒရယ်ကောင်စီအဖွဲ့ဝင်တွေ အနေနဲ့လည်း ညီလာခံ တက်မတက်ကိုတော့ မဆုံးဖြတ်ရသေးတဲ့အခြေအနေမှာ ရှိနေပါတယ်။

နိုင်ကွန်းအိမ်/VOA
http://burmese.voanews.com/content/araken-army-and-burmese-troops-renew-clashes/3122771.html

 koh-tao-monk-protest-620.jpg လိပ်ကျွန်းလူသတ်မှုတွင် သေဒဏ်ချမှတ်ခံရတာနဲ့ ပတ်သက်ပြီး ဒီဇင်ဘာလ ၂၉ ရက်နေ့က ရန်ကုန်မြို့ ဗိုလ်စိန်မှန်ကွင်းမှာ သံဃာတော်တွေ ဆန္ဒပြတောင်းဆိုနေစဉ်
Photo: Aung Thain Kha/ RFA

မြန်မာနိုင်ငံသား ကိုဇော်လင်းနဲ့ ကိုဝင်းဇော်ထွန်းတို့ကို သေဒဏ်ချမှတ်ခံထားရတာနဲ့ ပတ်သက်ပြီး ထိုင်းနိုင်ငံက တစ်စုံတစ်ရာ ဆောင်ရွက်ပေးသည်အထိ ဆန္ဒပြတောင်းဆို သွားမယ်လို့ ရန်ကုန်မြို့ ဗိုလ်စိန်မှန်ကွင်းမှာ ဆန္ဒပြတောင်းဆိုခဲ့တဲ့ သံဃာတော်တွေက မိန့်ကြားလိုက်ပါတယ်။

ဒီကနေ့ ၆ ရက်မြောက်နေ့အဖြစ် ဆန္ဒပြတောင်းဆိုပွဲမှာ ဆရာတော် ဦးအင်္ဂုရက မိန့်ကြားခဲ့တာဖြစ်ပါတယ်။

"အခုလုပ်ရမယ့်အနေအထားက အဆင့်ဆင့်ရှိပါတယ်၊ တစ်နေ့က ရွှေတိဂုံဘုရားမှာ ဆုတောင်းပွဲလုပ်တယ်၊ အခုဆန္ဒထုတ်ဖော်တယ်၊ ဆန္ဒထုတ်ဖော်ပွဲကိုလည်း ဆက်တိုက်လုပ်ပြီးမှ တစ်နိုင်ငံလုံးအတိုင်းအတာအနေနဲ့ လုပ်ဖို့ အနေအထားတွေလဲ ဆက်လှမ်းရပါမယ်၊ အခုလို ကိုဇော်လင်းနဲ့ ကိုဝင်းဇော်ထွန်း ခံနေရတဲ့အချိန်ဟာ စက္ကန့်နဲ့ မိနစ်နဲ့အမျှ အရေးကြီးနေတဲ့အချိန်ဖြစ်ပါတယ်၊ အရေးကြီးနေတဲ့ အချိန်ဖြစ်ပါတယ်၊ ဒါကြောင့်ဦးဇင်းတို့အချင်းချင်း ဘယ်လက်နာလဲ ကိုယ့်လက်ပါပဲ၊ ညာလက်နာလဲကိုယ့်လက်ပါပဲ"

ဆန္ဒထုတ်ဖော်ပွဲကို ရဟန်းသံဃာတော်တွေနဲ့ လူပရိသတ် ၂၀၀ လောက် တက်ရောက် ခဲ့ကြပြီး ကိုဇော်လင်းနဲ့ ကိုဝင်းဇော်ထွန်းတို့ကို လွှတ်ပေးဖို့ စာတမ်းပါတဲ့ ပိုစတာတွေ ဗီနိုင်းတွေကိုင်ဆောင်ခဲ့ကြပါတယ်။

ထိုင်းသံရုံးကို အိပ်ဖွင့်ပေးစာပေးဖို့အတွက် ဆရာတော် ဦးပါမောက္ခဦးဆောင်ကာ ရဟန်းသံဃာတွေနဲ့ လူအင်အား ၂၀၀ လောက်ဟာ ဆန္ဒထုတ်ဖော်ပွဲ ကျင်းပခဲ့တဲ့ ဗိုလ်စိန်မှန်ကွင်းကနေ ထိုင်းသံရုံးကို ဆက်လက်ချီတက်ခဲ့ကြပါတယ်။

RFA


arakhine-army-620.jpg
Arakan Army AA ခေါ် ရက္ခိုင့်တပ်မတော် တပ်ဖွဲ့ဝင် တချို့ကို တွေ့ရစဉ်
Photo: Arakan Army

ရခိုင်ပြည်နယ် ကျောက်တော်မြို့နယ်အရှေ့ဘက် ရမ်းချောင်းတောင်အနီးတစ်ဝိုက်မှာ အစိုးရတပ်မတော်နဲ့ ရက္ခိုင့် တပ်မတော်(AA) တို့ ပြီးခဲ့တဲ့ ဒီဇင်ဘာ ၂၇ ရက်နေ့ကနေ ဒီနေ့အထိ ၃ ရက်ဆက်တိုက် တိုက်ပွဲတွေဖြစ်ပွားနေပါတယ်။

တိုက်ပွဲတွေကြောင့် အစိုးရတပ်မတော်ဘက်က ၃ ဦးဒဏ်ရာရရှိခဲ့ပြီး ရက္ခိုင့် တပ်မတော် (AA) ဘက်က အဖွဲ့ဝင်တစ်ဦး ရဲ့ရုပ်အလောင်းကို ဒီနေ့ သိမ်းဆည်း ရမိခဲ့တယ်လို့ အမည်မဖော်လိုတဲ့ တပ်မတော်အရာရှိတစ်ဦးက ပြောပါတယ်။

အစိုးရတပ်မတော်ဘက်က ဒဏ်ရာရရှိခဲ့တဲ့ တပ်မတော်သား ၃ ဦးကို စစ်တွေမြို့ တပ်နယ်ဆေးရုံကို ဒီနေ့မနက်က ပို့ဆောင်ထားပြီး ရက္ခိုင့်တပ်မတော် (AA) ရဲ့ လက်နက်တချို့ကို အစိုးရတပ်မတော်ဘက်က သိမ်းဆည်းရမိခဲ့တယ်လို့ သိရပါတယ်။

ပြီးခဲ့တဲ့နှစ်ရက်ကဖြစ်ပွားခဲ့တဲ့တိုက်ပွဲတွေဟာ မနက်ကနေ ညအထိ ကြာမြင့်ပြီး အစိုးရတပ်မတော်ဘက်က အရာရှိတွေအပါအဝင် ၂၁ ဦးကျဆုံးခဲ့ပြီး ၃၀ ကျော်လောက် ထိခိုက်ဒဏ်ရာရရှိခဲ့ကြတယ်လို့ ရက္ခိုင့်တပ်မတော် (AA) ရဲ့ ဖေ့စ်ဘုတ်စာမျက်နှာမှာ ဒီနေ့ ရေးသားထားပါတယ်။

နှစ်ဘက်တိုက်ပွဲဖြစ်ပွားနေတဲ့နေရာဟာ ကျောက်တော်မြို့နယ် မဟာမြတ်မုနိဘုရားကြီး ရဲ့ အရှေ့မြောက်ဘက် ၄ မိုင်လောက်အကွာမှာဖြစ်တယ်လို့လည်း သိရပါတယ်။

အစိုးရတပ်မတော်က စစ်တွေ၊ ကျောက်တော်၊ မြောက်ဦး၊ မင်းပြား၊ အမ်း စတဲ့ မြို့နယ်တွေက တပ်ရင်းပေါင်း ၂၀ လောက်နဲ့ အင်အားသုံးတိုက်ခိုက် နေတာဖြစ်တဲ့ အတွက် နှစ်ဘက်တိုက်ပွဲတွေ ဆက်လက်ပြင်းထန်လာနိုင်ဖွယ် ရှိတယ်လို့လည်း ရေးသားထားပါတယ်။

ဒီအတောအတွင်း ရှမ်းပြည်နယ်မြောက်ပိုင်း ကျောက်မဲမြို့နယ် ပန်စံကျေးရွာနဲ့ ပိန်းစင့်ရွာအ၀င်လမ်းခွဲမှာ ရှမ်းပြည်တောင်ပိုင်း တပ်မတော် RCSS/SSA တပ်တွေနဲ့  တအာင်း (တအန်း) အမျိုးသား လွတ်မြောက်ရေး တပ်မတော် TNLAတပ်တွေ ဒီနေ့ တိုက်ပွဲဖြစ်ပွားခဲ့ပါတယ်။

တိုက်ပွဲကြောင့် နှစ်ဖက်ကျဆုံးမှုရှိတယ်လို့ တအာင်းအမျိုးသား လွတ်မြောက်ရေး တပ်မတော် TNLA သတင်းနဲ့ ပြန် ကြားရေးတာဝန်ခံ ဗိုလ်ကြီး မိုင်းအိုက်ကျော် က ပြောပါတယ်။

"တစ်ဦးတော့ကျဆုံးသွားတယ်၊ ရန်သူနဲ့ ပစ်ခတ်မှုတော့ရှိတယ်၊ တိုက်ပွဲတွေ ဆက်ဖြစ်နိုင်တဲ့ အနေအထားရှိတယ်"

အဲဒီတိုက်ပွဲကြောင့် မိုးကုတ်-ကျောက်မဲလမ်းပိုင်းကို ယာယီပိတ်ထားခဲ့ရတယ်လို့ ကျောက်မဲဒေသခံတွေက ပြောပါတယ်။

ပြီးခဲ့တဲ့နိုဝင်ဘာလက နမ့်ခမ်းမြို့ နယ်အတွင်း RCSS/SSA နဲ့ TNLA တို့ တိုက်ပွဲတွေကြောင့် နေရပ်စွန့်ခွာ ထွက်ပြေးနေရသူ ၄၀၀ နီးပါး ရှိခဲ့ပြီး ဒီဇင်ဘာလ ၁၆ရက်နဲ့ ၁၉ရက်နေ့က ကျောက်မဲမြို့နယ် ညောင်ပန်လှကျေးရွာနားမှာ တိုက်ပွဲဖြစ်ပွားခဲ့ပါတယ်။

တိုက်ပွဲတွေ ရပ်ဆိုင်းနိုင်ရေးအတွက် နှစ်ဖက်ခေါင်းဆောင်တွေ တွေ့ဆုံဆွေးနွေးသွား မယ်လို့ RCSS/SSA အဖွဲ့ဥက္ကဌ ဒုတိယ ဗိုလ်ချုပ်ကြီး ယွက်ဆစ်က ပြီးခဲ့တဲ့ ဒီဇင်ဘာလ ၁၅ရက်နေ့ က ထိုင်းနိုင်ငံ ချင်းမိုင်မြို့မှာ ကျင်းပတဲ့ အစည်းအဝေးမှာ ပြောကြားခဲ့ ပါတယ်။

RFA

 
ပြီးခဲ့တဲ့ရက်ပိုင်းအတွင်း အမျိုးသားလွှတ်တော်အမတ်တွေလေ့လာဖို့ ဖြန့်ဝေခဲ့တဲ့ ကာလုံဥပဒေကြမ်းသစ်ဟာ နိုင်ငံတော်လုံခြုံရေးနဲ့ပတ်သက်ရင် နောက်တက်လာမယ့် သမ္မတရဲ့လုပ်ပိုင်ခွင့်ကို ကန့်သတ်ဖို့ ရည်ရွယ်လုပ်ဆောင်တာဖြစ်တယ်လို့ ပြည်ပရောက် မြန်မာ့အရေးကျွမ်းကျင်သူတွေက ဝေဖန်လိုက်ပါတယ်။
လက်ရှိလွှတ်တော်သက်တမ်းကုန်ဆုံးခါနီး ဒီဥပဒေကြမ်းအသစ်ကို အမျိုးသားလွှတ်တော်ကနေ ရုတ်တရက် ဖြန့်ဝေလာတဲ့အပေါ်မှာ လွှတ်တော်တွင်း ဝေဖန်ပြောဆိုမှုတွေရှိနေကြတာပါ။ မအင်ကြင်းနိုင်က အကြောင်းစုံကို တင်ပြမှာပါ။

ဒီဇင်ဘာလ (၂၁)ရက်နေ့ရက်စွဲနဲ့ အမျိုးသားလွှတ်တော်မှာ ဖြန့်ဝေခဲ့တဲ့ အမျိုးသားကာကွယ်ရေးနဲ့ လုံခြုံရေးကောင်စီ (ကာ/လုံ) ဥပဒေမူကြမ်းဟာ အမျိုးသားလုံခြုံရေးကိစ္စတွေနဲ့ပတ်သက်လာရင် သမ္မတရဲ့ဆုံးဖြတ်ခွင့်အာဏာကို ကန့်သတ်လိုက်တာဖြစ်တယ်လို့ဒီဥပဒေမူကြမ်းကိုလေ့လာထားတဲ့ AHRC အာရှလူ့အခွင့်အရေးကော်မရှင်ရဲ့ မြန်မာနိုင်ငံဆိုင်ရာတာဝန်ခံရှေ့နေဦးမင်းလွင်ဦးက ပြောပါတယ်။

“ကာကွယ်ရေးဦးစီးချုပ် လုပ်ချင်တာလုပ်၊ ပြီးရင် သမ္မတကခေါင်းခံဆိုတဲ့ သဘောမျိုးသက်ရောက်နေတာမျိုး ကျနော်တို့တွေ့ရတယ်။ အမျိုးသားလုံခြုံရေးကိစ္စနဲ့ပတ်သက်လို့ မဲခွဲဆုံးဖြတ်ကျတဲ့အခါမှာ သမ္မတက မဲပေးခွင့်မရှိဘူး။ အရင်ဖွဲ့စည်းပုံအခြေခံဥပဒေမှာ အဲဒီလိုမပါဘူး။ အခုကျတော့ သဘာပတိအနေအထားမှာနေရမယ်၊ မဲပေးလို့မရတဲ့အတွက် နောက်ဆုံး မဲအရေတွက် (၅)မဲဆီသွားတူနေရင်တောင်မှ သမ္မတရဲ့အကြံပြုချက်ကို သူတို့ကမှတ်တမ်းပဲယူပြီးတော့ထားမှာ၊ လိုက်နာပြီးကျင့်သုံးမှာမဟုတ်ဘူး။အဲတော့စစ်တပ်ကသမ္မတရဲ့အမိန့်အာဏာကိုကျော်လွန်ပြီး
လုပ်ပိုင်ခွင့်ရအောင် စီမံပြီးရေးဆွဲတဲ့ဥပဒေဖြစ်တယ်။”

အရင်၂၀၀၈ ဖွဲ့စည်းပုံအခြေခံဥပဒေမှာပြဌာန်းထားတဲ့ အမျိုးသားကာကွယ်ရေးနဲ့ လုံခြုံရေးကောင်စီ (ကာ/လုံ) ဥပဒေအရ ဆိုရင် ဒီကောင်စီမှာပါဝင်တဲ့ စစ်ဘက်က (၆)ဦး၊ အရပ်ဘက်က (၅)ဦးမှာအမျိုးသားလုံခြုံရေးနဲ့
ပတ်သက်ရင် သမ္မတမှာ ဆုံးဖြတ်ပိုင်ခွင့်အာဏာရှိနေတာပါ။ ဒါပေမဲ့ ဒီဥပဒေကြမ်းမှာ သမ္မတရဲ့အမိန့်ကို ကျော်လွန်ပြီး ကာကွယ်ရေးဦးစီးချုပ်ကလုပ်ပိုင်ခွင့်ရရှိစေဖို့နဲ့စစ်တပ်ကလိုအပ်ရင်တိုင်းပြည်အာဏာသိမ်းပိုင်ခွင့်
ကိုပိုပြီး လုပ်ပိုင်ခွင့်ပေးထားတာတွေ့ရတယ်လို့ ဦးမင်းလွင်ဦးကသုံးသပ်ပါတယ်။

“အရေးပေါ်အခြေအနေတွေပေါ်ပေါက်လို့ နောက်ဆုံးကာကွယ်ရေးဦးစီးချုပ်ကိုအာဏာလွှဲရပြီဆိုရင်တောင် (၆)လသက်တမ်း၊ မလုံလောက်ဘူးဆိုရင် နောက်တကြိမ်၊ တနှစ်အထိသက်တမ်းတိုးပြီးတောင်းနိုင်တယ်။ သို့သော်လည်းပဲ ကာကွယ်ရေးဦးစီးချုပ်ကနေပြီးတော့ ရွေးကောက်ပွဲတွေ ကျင်းပပြီးလို့ ပြည်ထောင်စုအပါအ၀င် ပြည်နယ်နဲ့တိုင်း အစိုးရအဖွဲ့အသီးသီးကိုအားလုံးတာဝန် လွှဲပြောင်းပေးအပ်တာ တွေပြီးတဲ့အချိန်မှ သူ့လုပ်ငန်းတာဝန်ပြီးဆုံးမယ်ဆိုတဲ့

 ပြဌာန်းချက်တွေပါနေတာရှိတယ်။ အဲတော့တပ်မတော်က လိုအပ်ရင် သူအာဏာ သိမ်းချင်သလောက်သိမ်းထားနိုင်တဲ့အခြေအနေမျိုးဖြစ်တယ်ဆိုတာကို ဒီဥပဒေကြမ်းမှာတွေ့ရတယ်။”

ဒီဥပဒေမူကြမ်းကို လွန်ခဲ့တဲ့ တနှစ်ကျော်ကတည်းက ကြံခိုင်ဖွံဖြိုးရေးပါတီ အမျိုးသားလွှတ်တော်အမတ် ဦးတင်မြက အမျိုးသားလွှတ်တော်ဥက္ကဌ ဦးခင်အောင်မြင့်ကိုပေးပို့ထားတာဖြစ်တယ်လို့ ပြည်တွင်းအခြေစိုက်သတင်းဌာနတချို့မှာဖေါ်ပြထားပါတယ်။ ဒါပေမဲ့ ဦးတင်မြက လက်ရှိဆေးခွင့်ယူထားပြီး အမျိုးသားလွှတ်တော်မှာ ကိုယ်တိုင်တင်သွင်းနိုင်ခြင်းလည်းမရှိသေးတဲ့အချိန်မှာ အမျိုးသားလွှတ်တော်ရုံးကနေ ဒီဥပဒေမူကြမ်းကို လွှတ်တော်အမတ်တွေလေ့လာဖို့ဆိုပြီး ရုတ်တရက်ဖြန့်ဝေခဲ့တဲ့အပေါ် ဝေဖန်မှုတွေထွက်ပေါ်လာတာဖြစ်ပါတယ်။ ဒီဥပဒေမူကြမ်းမှာပါတဲ့အချက်တွေကိုကြည့်ရင် နောက်တက်လာမယ့်အစိုးရသစ်ကို ဦးဆောင်မယ့် ဒေါ်အောင်ဆန်းစုကြည်ရဲ့ လုပ်ပိုင်ခွင့်အာဏာကို ရည်ရွယ်ကန့်သတ်ထားတာမျိုးတွေ့ရတယ်လို့ ၁၉၉၀ ပြည့် ရွေးကောက်ပွဲမှာ အမျိုးသားဒီမိုကရေစီအဖွဲ့ချုပ် အနိုင်ရ လွှတ်တော်ကိုယ်စားလှယ်တယောက်ဖြစ်ပြီး အခု အမေရိကန်ပြည်ထောင်စု၊ အင်ဒီးယားနားပြည်နယ်မှာ နေထိုင်နေတဲ့ ဒေါက်တာတင့်ဆွေကပြောပါတယ်။

“လက်ရှိလွှတ်တော်က မကြာခင်ပဲ သက်တမ်းကုန်တော့မယ့်အချိန်မှာ အခုလို ပြည်သူလူထုတစ်ခုလုံး မျက်ပြူးဆန်ပြာ ဖြစ်ရလောက်အောင် အဆိုပြုချက်- လို့ ပြောရမယ်ပေါ့နော်-

 ဖြန့်ဝေမှုအဆင့်ကို ရောက်လာတာကတော့ တိုက်ဆိုင်မှု မဟုတ်ဘဲ တမင်တကာ လုပ်သလားလို့ ကျနော် သံသယရှိပါတယ်။ ဘာကြောင့်လဲဆိုတော့ ၂၀၀၈ ဖွဲ့စည်းပုံအပြီး နောက်ထပ်လွှတ်တော်မပေါ်ခင် - နောက်ထပ် ဦးသိန်းစိန်သမ္မတမတက်ခင် ဗိုလ်ချုပ်မှူးကြီးသန်းရွှေ မဆင်းခင်မှာ အဲသလိုပဲ အရေးပေါ် ကြေညာချက်၊ အရေးပေါ်ဥပဒေဆိုတာကြီးတွေ လက်မှတ်ထိုးပြီး ထုတ်သွားခဲ့တယ်ဗျ။ သူတို့ ဖြန့်ဝေတဲ့စာအရ နောက်လာမယ့် သမ္မတ၊ သမ္မတတွေဟာ မဲပေးပိုင်ခွင့်မရှိဘူး၊ တနည်းအားဖြင့် သမ္မတကို ကန့်သတ်ချုပ်ခြယ်တဲ့ ဥပဒေတစ်ရပ်ဖြစ်တယ်။ အဲဒီတော့ကာ အခု လက်ရှိသမ္မတမဟုတ်ဘဲနဲ့ နောက်သမ္မတကလည်း ဘာပဲပြောပြော NLD က လာမယ့် သမ္မတဖြစ်မယ်၊ တနည်းအားဖြင့် ဒေါ်အောင်ဆန်းစုကြည် မဖြစ်သေးတောင်မှ ဖြစ်စရာအလားအလာတွေ ဖြစ်တဲ့အခါမှာ ဒေါ်အောင်ဆန်းစုကြည်ကို ကန့်သတ်တဲ့ ဥပဒေတစ်ခုလို့ မြင်တယ်။”

ဥပဒေကြမ်းမှာပါတဲ့ ကာ/လုံကောင်စီမှာ ပါဝင်မယ့် ၁၁ဦးတို့ကတော့ စစ်ဘက်ကတပ်မတော်ကာကွယ်ရေးဦးစီးချုပ်၊ ဒုတိယ တပ်မတော်ကာကွယ်ရေးဦးစီးချုပ်၊ တပ်မတော်ကာကွယ်ရေးဦးစီးချုပ်က တိုက်ရိုက်ခန့်အပ်တဲ့ နယ်စပ်ရေးရာဝန်ကြီး၊ ပြည်ထဲရေးဝန်ကြီး၊ ကာကွယ်ရေးဝန်ကြီးနဲ့ တပ်မတော်သားအမတ်တို့ အဆိုပြုထားတဲ့ ဒုသမ္မတတစ်ဦးတို့ဖြစ်ပြီး အရပ်ဘက်ကတော့ သမ္မတ၊ ပြည်သူ့လွှတ်တော်ဥက္ကဌ၊ အမျိုးသားလွှတ်တော်ဥက္ကဌ၊ နိုင်ငံခြားရေးဝန်ကြီးနဲ့ လွှတ်တော်က ရွေးချယ်တဲ့ ဒုသမ္မတတစ်ဦးတို့ ဖြစ်ပါတယ်။


အင်ကြင်းနိုင် / ဗွီအိုအေ (မြန်မာပိုင်း)
http://burmese.voanews.com


ပဲခူးတိုင်း၊ သာယာဝတီထောင်မှာ ဖမ်းဆီးချုပ်နှောင်ခံထားရတဲ့ အမျိုးသားပညာရေး ဥပဒေ ပြင်ဆင်ရေး သပိတ်မှောက်ကျောင်းသားခေါင်းဆောင် ကိုအောင်မှိုင်းဆန်းမှာ အသည်းရောင် စီပိုး စွဲကပ်နေပြီလို့ ဆေးစစ်ချက်အရ သိရပါတယ်။

ရန်ကုန်ဆေးရုံကြီးမှာတက်ရောက်ကုသချိန်မှာ ဆေးစစ်ထားပြီး ဇနီးဖြစ်သူ မလဲ့လဲ့နွယ်က ဆေးစစ်ချက်အဖြေကို သွားရောက်ထုတ်ယူချိန်မှာ သိလိုက်ရတာလို့ အမျိုးသားပညာရေးဥပဒေ ပြင်ဆင်ရေး သပိတ်မှောက်ကျောင်းသားများ ၀န်းရံရေး ကော်မတီဝင် ဦးဇော်ရမ်းက မနေ့က ပြောပါတယ်။

"ကိုအောင်မှိုင်းဆန်းက စီပိုးရှိတယ်ဆိုပြီးတော့ ဓာတ်ခွဲခန်းမှာအဖြေထွက်တယ်၊ သူ့မိန်းမသွားယူတော့ ရန်ကုန်ဆေးရုံကြီး အသည်းပါရဂူ ကပြောပြတာ၊ စီပိုးထဲ မှာ ကြောက်စရာအကောင်းဆုံးပဲတဲ့၊ ဒီပိုးကအန္တရာယ်သိပ် ကြီးတယ်တဲ့"

ABFSU ဗမာနိုင်ငံလုံးဆိုင်ရာ ကျောင်းသားသမဂ္ဂများ အဖွဲ့ချုပ်ဝင် ကိုအောင်မှိုင်းဆန်းဟာ လက်ပံတန်းကျောင်းသား သပိတ်မှာပါဝင်ပတ်သက်မှုနဲ့ ဒီနှစ် မတ်လမှာ ဖမ်းဆီးခံရတာပါ။

ဖမ်းဆီးခံကျောင်းသားတွေကို ရွေးကောက်ပွဲ မတိုင်ခင် ပြန်လွှတ်ပေးဖို့ အောက်တိုဘာလ ၂၃ က စပြီး အစာငတ်ခံဆန္ဒပြရာက ကျန်းမာရေး အရ နိုဝင်ဘာ ၁၁ ရက်မှာ သူ့ကို ရန်ကုန်ဆေးရုံကြီးကို ပို့ဆောင်ပါတယ်။

နိုဝင်ဘာ ၁၇ ရက်မှာ အစာငတ်ခံဆန္ဒပြတာ ရပ်နားလိုက် ပြီးတဲ့နောက် နေပြည်တော် ကလာတဲ့ အမိန့်အရ ကိုအောင်မှိုင်းဆန်းနဲ့ ကျောင်းသား ၆ ယောက်ကို ဒီဇင်ဘာ ၁၄ ရက်မှာ သာယာဝတီထောင် ပြန့်ပို့လိုက်ပါတယ်။

ဒီမတိုင်မီ ဒီဇင်ဘာ ၄ ရက်နေ့မှာ အသည်းရောင် ဘီကာကွယ်ဆေးထိုးချိန်မှာ အထူးကုဆရာဝန်ကြီးက စီပိုးကောင်ရေ စစ်ဖို့ အကြံပေးတဲ့အတိုင်း ကိုအောင်မှိုင်းဆန်း ဆေးစစ်တာပါ။

ကိုအောင်မှိုင်းဆန်းဟာ မန္တလေးမှာ ကျောင်းသားသမဂ္ဂအရေးလှုပ်ရှားမှုနဲ့ ၁၉၈၉ က ဖမ်းဆီးခံရပြီး ထောက်ဒဏ် ၅ နှစ်ကျခံခဲ့ရဖူးပါတယ်။

၂၀၁၂ ဒီဇင်ဘာလမှာ လက်ပံတောင်းတောင် လယ်သမားအရေးပါဝင်ဆောင်ရွက်မှုနဲ့ ထောင်ဒဏ် တစ်လ ကျခံရပါသေးတယ်။

ရန်ကုန်ပြည်သူ့ဆေးရုံကြီးမှာ ဆေးဝါးကုသခံယူနေရသူတွေနဲ့ သွားရောက်တွေ့ဆုံခဲ့တဲ့ သပိတ်မှောက်ကျောင်းသားများ ၀န်းရံရေး ကော်မတီအဖွဲ့ဝင် ဦးဇော်ရမ်း ကို ဒေါ်စမ်းစမ်းတင်က ဆက်သွယ်မေးမြန်းထားပါတယ်။

(RFA)
http://www.rfa.org/burmese/

ဒေါ်အောင်ဆန်းစုကြည်ကို အမေရိကန်အောက်လွှတ်တော်ဥက္ကဌက အမေရိကန်လွှတ်တော်ရဲ့ Congressional Gold Medal ဆုကိုချီးမြှင့်ပေးအပ်နေစဉ် (၂၀၁၂ခုနှစ်)

၂၀၁၅ခုနှစ်အတွက် ကမ္ဘာပေါ်မှာ အနှစ်သက်ဆုံးအမျိုးသမီးနဲ့အမျိုးသားတွေစာရင်းကို Gallup Poll စစ်တမ်းက ကောက်ခံရာမှာ အမေရိကန်သမ္မတ Barack Obama နဲ့ ဒီမိုကရက်တစ် သမ္မတလောင်းအဖြစ် ရွေးချယ်ခံရနိုင်ဖို့ မျှော်လင့်ထားတဲ့ Hillary Clinton တို့ဟာ ထိပ်ဆုံးနေရာတွေမှာ ရှိနေပါတယ်။ အမေရိကန်နိုင်ငံသား ၁၇% က အိုဘားမားကို အနှစ်သက်ဆုံး အမျိုးသားအဖြစ် ရွေးချယ်ခဲ့ကြပြီး ၁၃% က ဟယ်လာရီ ကလင်တန်ကို ရွေးချယ်ခဲ့ကြပါတယ်။ ဟယ်လာရီကလင်တန်ဟာ ထိပ်ဆုံးမှာ အကြိမ်၂၀ မြောက် ရွေးချယ်ခံခဲ့ရတာဖြစ်ပြီး သမ္မတ Obama ကတော့ ခုတကြိမ်ဟာ ၈ ကြိမ်မြောက် အရွေးခံရတာဖြစ်ပါတယ်။

အနှစ်သက်ဆုံး အမျိုးသမီးတွေစာရင်းဝင် (၁၂)ယောက်ထဲမှာ မြန်မာနိုင်ငံက ဒေါ်အောင်ဆန်းစုကြည်ဟာ နံပတ် ၈ နေရာမှာရှိပါတယ်။ ပါကစ္စတန်နိုင်ငံသူ နိုဘယ်ငြိမ်းချမ်းရေးဆုရှင် Malala Yousafzai က နံပတ် ၂၊ Oprah Winfrey က နံပတ် ၃၊ သမ္မတကတော် Michelle Obama က နံပတ် ၄ ဖြစ်ပါတယ်။ စာရင်းမှာပါတဲ့ တခြားထင်ရှားတဲ့သူတွေထဲမှာ Queen Elizabeth II, ဂျာမနီဝန်ကြီးချုပ် Angela Merkel တို့လည်း ပါဝင်ပါတယ်။

အနှစ်သက်ဆုံး အမျိုးသားစာရင်းဝင် (၁၀) ယောက်အနက် သမ္မတ အိုဘားမားအပြီး နောက်ထပ်အမျိုးသားတွေထဲမှာ Pope Francis နဲ့ ရီပါဘလစ်ကင်ပါတီကနေ သမ္မတလောင်း အဖြစ်ဝင်ရောက်ယှဉ်ပြိုင်ဖို့ ကြိုးစားနေတဲ့ Donald Trump တို့ပါဝင်ပါတယ်။  တခြားထင်ရှားတဲ့ပုဂ္ဂိုလ်တွေထဲမှာ Microsoft ကုဋေကြွယ်သူဌေးကြီး Bill Gates, တိဘက်ဘုန်းတော်ကြီး Dalai Lama, သမ္မတဟောင်းတွေဖြစ်တဲ့ George W Bush နဲ့ Bill Clinton တို့ ပါဝင်ကြပါတယ်။

ဒီ Gallup Poll စစ်တမ်းကောက်ခံချက်ဟာ ၂၀၁၅ ဒီဇင်ဘာ (၂)ရက်ကနေ (၆)ရက်အထိ အမေရိကန်ပြည်နယ် (၅၀)အပြင် ၀ါရှင်တန်ဒီစီမှာနေထိုင်တဲ့ အသက် (၁၈)နှစ်အထက် လူ (၈၂၄)ယောက်ကို တယ်လီဖုန်းနဲ့ဆက်သွယ်မေးမြန်းပြီး ကောက်ခံခဲ့တာဖြစ်ပါတယ်။  အနှစ်သက်ဆုံးပုဂ္ဂိုလ်အဖြစ် (၁၂)ကြိမ်မြောက် အများဆုံးအရွေးခံခဲ့ရသူကတော့ ၁၉၅၃ခုနှစ်ကနေ ၁၉၆၁ခုနှစ်ထိ အမေရိကန်သမ္မတအဖြစ်ထမ်းဆောင်ခဲ့တဲ့ Dwight D. Eisenhower ဖြစ်ပါတယ်။

VOA Burmese
http://burmese.voanews.com

ကချင်ဒုက္ခသည်စခန်းတစ်ခုမြင်ကွင်း

ကချင်ပြည်နယ်အတွင်း အစိုးရနဲ့ ကချင်လက်နက်ကိုင်တပ်တို့ကြား တိုက်ပွဲတွေပြန်ဖြစ်ခဲ့ချိန် ၂၀၁၂ ခုနှစ်က - တရားမဝင်အဖွဲ့နဲ့ ဆက်သွယ်မှု၊ ဖောက်ခွဲမှု ပုဒ်မတွေနဲ့ ဖမ်းဆီးခံထားရတဲ့ ဦးဘရန်ရုန်းကို တရားသေ ပြန်လွှတ်လိုက်ပါပြီ။ ဦးဘရန်ရုန်းဟာ ဒုက္ခသည်စခမ်းမှာ ခိုလှုံနေသူ တစ်ဦးဖြစ်ခဲ့ပြီး လုပ်အားခယူပြီး နွားကျောင်းအငှားလိုက်ချိန်မှာ ဖမ်းဆီးခံခဲ့ရတာဖြစ်ပါတယ်။ ထောင်ဒဏ်နှစ် ၂၀ ကျော် ချမှတ်ခံရပြီးတဲ့ နောက် အယူခံအဆင့်ဆင့် တက်ခဲ့ပြီးမှ အခုလို တရားသေလွတ်လာခဲ့ပုံကို ဆက်သွယ်စုံစမ်းထားတဲ့ ထိုင်းအခြေစိုက် ဗွီအိုအေသတင်းထောက် မအေးအေးမာက သတင်းပေးပို့ထားပါတယ်။

ကချင်တိုင်းရင်းသားတစ်ဦးဖြစ်တဲ့ ဦးဘရန်ရုန်းကို တရားမဝင်အဖွဲ့အစည်းနဲ့ဆက်သွယ်မှု၊ ဖောက်ခွဲမှုပုဒ်မတွေအပါအဝင် ပုဒ်မပေါင်း ၆ ခုနဲ့ တရားစွဲဆိုပြီး မြို့နယ်၊ ခရိုင်နဲ့ ပြည်နယ်တရားရုံးတွေက ထောင်ဒဏ် ၂၁ နှစ် ပြစ်ဒဏ်ချမှတ်ခဲ့တာဖြစ်ပါတယ်။

၂၀၁၂ ခုနှစ်ကတည်းက KIO ကချင်လွတ်မြောက်ရေးတပ်မတော်နဲ့ ဆက်သွယ်မှု၊ ဖောက်ခွဲမှုတွေနဲ့ ဖမ်းဆီးပြီး ထောင်ဒဏ်နှစ်ရှည် ချမှတ်ခဲ့ရာမှာ အပြစ်မရှိကြောင်း အယူခံအဆင့်ဆင့်တက်ခဲ့ရာက နေပြည်တော်တရားလွှတ်တော် ရုံးချုပ်ကနေ သူ့ကို တရားသေ လွှတ်ပေးခဲ့တာဖြစ်ကြောင်း ဦးဘရန်ရုန်းရဲ့အကျိုးဆောင်ရှေ့နေ ဦးမာခါးက ပြောပါတယ်။

“တရားသေလွှတ်တာပါ။ အခုက ဒီလိုပေါ့။ အောက်ရုံးကနေ သူ့ကိုထောင်ဒဏ်တွေချထားတဲ့ အမှုတွေကို အဆင့်ဆင့် အယူခံတက်တာပေါ့နော်။ အဲဒီအယူခံတက်တော့ နေပြည်တော် တရားလွှတ်တော်ချုပ်ကို ရောက်သွားတယ်။ အဲဒီ နေပြည်တော် တရားလွှတ်တော်ချုပ်ကနေ အောက်ရုံးကချမှတ်ထားတဲ့ ပြစ်ဒဏ်တွေဟာ မှားယွင်းတယ်ဆိုတဲ့အကြောင်းနဲ့ အပြစ်မရှိ ပြန်လွှတ်လိုက်တာပေါ့။ နေပြည်တော်တရားလွှတ်တော်ချုပ်ကနေ အပြစ်မရှိ လွှတ်ပေးပြီ ဆိုပြီးမှ ဝရန်းပါမှ-တဲ့ဆိုပြီး မလွှတ်သေးတာပေါ့။ ဒီနေ့မှ လွတ်တာပေါ့နော်။ နို့မို့ဆို ဒီထဲမှာတောင်မှ သူ အကြာကြီး မနေခဲ့ရဘူး။ သူနဲ့အတူ အဖမ်းခံရတဲ့တစ်ယောက် လဖိုင်ဂမ်- ဆိုတာ ရှိတယ်။ သူတို့နှစ်ယောက် အတူတူပဲ။ အဲဒီလဖိုင်ဂမ်ကျတော့ ဒီနေ့အထိ မလွှတ်သေးဘူး။ ဘရန်ရုန်းကတော့ ဒီနေ့မှ လွတ်လာတယ်။ လဖိုင်ဂမ်ကျတော့ အခု ထောင်ထဲမှာ ရှိနေတုန်းပဲ။”

သူ့ကိုဖမ်းဆီးချိန်မှာ နှိပ်စက်ညှင်းပမ်းမှုနဲ့ လူ့အခွင့်အရေးချိုးဖောက်မှုတွေ ရှိခဲ့တယ်လို့ အကျိုးဆောင်ရှေ့နေက ပြောပါတယ်။

“အကျဉ်းထောင်မှာတော့ သုံးနှစ်ကျော်လောက် သူ့ကို ဆွဲထားတဲ့အမှု (၆) မှုရှိတယ်။ ဒီဟာမှာ သူကတော့ နှစ်ပိုင်းပေါ့နော-တပိုင်းကတော့ သူ့ကို ဖမ်းဆီးချုပ်နှောင်ထားတဲ့အချိန်မှာ သူ့ကို တကယ့်ကို ရက်ရက်စက်စက်ပေါ့နော်၊ လူမဆန်စွာ နှိပ်စက်ညှင်းပမ်းမှုအပိုင်းရှိတယ်။ နောက်တပိုင်းကတော့ သူ့ကို ဒီလို ထောင်ဒဏ်ချမှတ်တာဟာ လုံးဝ အပြစ်မဲ့မှန်း နဂိုရ်ထဲက သူတို့သိတာပေါ့နော်။ ဒီလို စရဖ - တို့၊ ရဲတို့ဆိုတာ နဂိုရ်ကတည်းက သိတယ်။ သူတို့ တမင်တကာပေါ့နော်၊ အပြစ်မရှိတဲ့ဟာကို အပြစ်ရှိတယ်ဆိုပြီးမှ လုပ်ကြံဖန်တီးပြီးမှ တရားစွဲဆိုပြီးမှ ထောင်ချတဲ့ ကိစ္စဖြစ်တဲ့အခါကျတော့ လုံးဝ လူ့အခွင့်အရေးကို အကြီးအကျယ်ချိုးဖောက်တဲ့ ကိစ္စပေါ့နော်။ အဲဒါကြောင့် သုံးနှစ်ကျော်လည်း ထပ်ပြီး ထောင်ထဲမှာနေရတယ်-ဆိုတဲ့ဟာ သူက အများကြီး နစ်နာတာပေါ့။”

ဦးဘရန်ရုန်းနဲ့အတူ အဖမ်းခံထားရတဲ့ အမှုတွဲ အမျိုးသားတစ်ဦးကိုလည်း မြစ်ကြီးနားအကျဉ်းထောင်မှာပဲ ထောင်ဒဏ် နှစ် (၂၀) ချထာပြီး သူ့ကိုတော့ ပြန်လွှတ်ပေးခြင်းမရှိသေးကြောင်း အကျိုးဆောင်ရှေ့နေ ဦးမာခါးက ဆက်ပြောပြပါတယ်။

“လဖိုင်ဂမ်ကိုကျတော့ သူတို့ စရဖ-တွေ၊ ရဲတွေ- လုပ်ရှုပ်ထားတာပေါ့နော်။ လဖိုင်ဂမ်ကတော့ တရားရုံးမှာ ဖြောင့်ချက်ယူတယ်-ဆိုတဲ့ပုံစံနဲ့ လုပ်ထားတဲ့ကိစ္စ ရှိတယ်။ လဖိုင်ဂမ်ကတော့ အဲလို ဖြောင့်ချက်ပေးတာမျိုး လုံးဝ မရှိခဲ့ဘူးပေ့ါနော၊ အဲဒီဟာကို သူတို့က ဖြောင့်ချက် ယူထားတာ ရှိတယ်ဆိုပြီးတော့မှ တရားရုံးမှာ အဲလို ယူထားတယ်ဆိုပြီးမှ နှစ်မှုအတွက် အဲလိုလုပ်ထားတဲ့အခါကျ အဲဒီနှစ်မှုအတွက် မလွတ်ဘူးဖြစ်တာပေါ့။”

ဦးဘရန်ရုန်းဟာ ကချင်လွတ်မြောက်ရေးတပ်မတော်နဲ့ မြန်မာတပ်မတော်တို့ တိုက်ပွဲတွေ ဖြစ်ခဲ့တဲ့ ၂၀၁၁ ခုနှစ်မှာ နေရပ်ရင်းကို စွန့်ခွာခဲ့ပြီး ရွှေစက် ဒုက္ခသည်စခန်းမှာ ခိုလှုံနေထိုင်လာခဲ့တာပါ။ ဒုက္ခသည်စခန်းမှာနေထိုင်းရင်း အခကြေးငွေနဲ့ နွားကျောင်းထွက်ရင်း ဖမ်းဆီးခံခဲ့ရပြီး နွားပိုင်ရှင်တွေကိုတော့ ပြန်လွှတ်ပေးခဲ့ပါတယ်။ ဦးဘရန်ရုန်းနဲ့ အမှုတွဲဖြစ်သူတို့ကိုသာ တရားမဝင်အသင်းနဲ့ ဆက်သွယ်မှု၊ ဖောက်ခွဲမှု ပုဒ်မတွေနဲ့ နှစ်ရှည်ထောင်ဒဏ်တွေ ချမှတ်ခဲ့တာဖြစ်ပါတယ်။


မအေးအေးမာ / ဗွီအိုအေ (မြန်မာပိုင်း)
http://burmese.voanews.com

မြန်မာနိုင်ငံဆိုင်ရာ တရုတ်သံအမတ် Hong Liang က နှစ်နိုင်ငံ နယ်စပ် အေးချမ်းတည်ငြိမ်ရေး ရှေ့ရှုပြီး ရှမ်းတိုင်းရင်းသားပါတီ SNLD -ရုံးချုပ်ကို လာရောက်စဉ်။ (ဒီဇင်ဘာ ၂၇၊ ၂၀၁၅) ဓာတ်ပုံ SNLD

တရုတ်နိုင်ငံအနေနဲ့ အိမ်နီးချင်းမြန်မာနိုင်ငံအတွင်းက နယ်မြေချင်းထိဆက်နေတဲ့ ရှမ်းပြည်နယ်ရဲ့ အေးချမ်းတည်ငြိမ်ရေးကို လိုလားပြီး ရှမ်းပြည်နယ် ဖွံ့ဖြိုးရေး အတွက်လည်း အကူအညီပေးဖို့ စိတ်အားထက်သန်နေကြောင်း မြန်မာနိုင်ငံဆိုင်ရာ တရုတ်သံအမတ်ကြီး Hong Liang (ဟုန်လျန်) က ပြောပါတယ်။ ရွေးကောက်ပွဲ အပြီး ၂ လနီးပါးအကြာမှာ SNLD ဗဟိုရုံးချုပ်ကိုလာရောက်ပြီး ရှမ်းတိုင်းရင်း သား ခေါင်းဆောင်တွေနဲ့ ပထမဦးဆုံးအကြိမ် တွေ့ဆုံစဉ် အခုလိုပြောသွားခဲ့တာပါ။ အကြောင်းစုံကို ဆက်သွယ်စုံစမ်းထားတဲ့ ကိုဉာဏ်ဝင်းအောင်က စုံစမ်းတင်ပြပေး ထားပါတယ်။

အရင်တုန်းက မြန်မာနိုင်ငံက နိုင်ငံရေးပါတီတွေကို သီးခြားတွေ့ဆုံလေ့ မရှိတဲ့ မြန်မာနိုင်ငံဆိုင်ရာ တရုတ်သံရုံးဟာ ရွေးကောက်ပွဲအပြီးမှာ ချဉ်းကပ်မှု အသစ်တွေ လုပ်လာတာတွေ့ရပါတယ်။ဒီဇင်ဘာလ ၂၈ ရက် တနင်္လာနေ့ မနက်ပိုင်း ၁၀ နာရီခွဲလောက်က ရန်ကုန်မြို့မှာရှိတဲ့ ရှမ်းတိုင်းရင်းသားများဒီမိုကရေစီအဖွဲ့ချုပ် ဗဟိုဋ္ဌာနချုပ်ရုံးမှာ SNLD ဥက္ကဋ္ဌ ဦးခွန်ထွန်းဦးကို မြန်မာနိုင်ငံဆိုင်ရာ တရုတ်သံ အမတ်ကြီး မစ္စတာ ဟုန်လျန်က လာရောက်တွေ့ဆုံခဲ့ပါတယ်။ တွေ့ဆုံ ဆွေးနွေးမှု အတွင်း ရှမ်းပြည်နယ်ဖွံ့ဖြိုးတိုးတက်ရေးအတွက် တရုတ်နိုင်ငံက ကူညီ လိုကြောင်း တရုတ်သံအမတ်ကြီးက ပြောတယ်လို့ အဲဒီတွေ့ဆုံပွဲမှာ ကိုယ်တိုင်ပါဝင်ခဲ့တဲ့ SNLD ဒုဥက္ကဋ္ဌဦးစိုင်းစောအောင်က VOA ကိုပြော ပါတယ်။

“အဓိက ဒီလိုပြောတာကတော့ ကျနော်တို့ဗမာပြည်နဲ့ တရုတ်ပြည်ဟာ အိမ်နီးချင်း မိတ်ဆွေနိုင်ငံဖြစ်တယ်။ ရှမ်းပြည် နယ်နိမိတ်နဲ့ တရုတ်ပြည် နယ်နိမိတ်က ထိစပ်တာ အများကြီးရှိတယ်။ အဲတော့ကာ ညီရင်းအကိုတွေလည်းဖြစ်တယ်။ အဲဒါကြောင့် ဖွံ့ဖြိုးရေးအတွက် အကူအညီ ပေးချင်တာ- ဆိုပြီးတော့ စစချင်း မိတ်ဆက် ပြောပါတယ်။ ဖွံ့ဖြိုးတိုးတက်ဖို့အတွက် တရုတ်ပြည်က နည်းပညာလည်း ရှိတယ်။ လူလည်း ရှိတယ်။ ပိုက်ဆံလည်းရှိတယ်။ အဲဒါမို့ ဖွံ့ဖြိုးတိုးတက်ဖို့အတွက် ကူညီချင်တယ်။”

မေး။ ။ “အဲဒီတော့လေ အရင်တုန်းက တိုင်းရင်းသားပါတီတွေ တိုင်းရင်းသား အဖွဲ့ အစည်းတွေကို ချဉ်းကပ်တာမျိုးမရှိတဲ့ တရုတ်အစိုးရ အာဏာပိုင်တွေက ရှမ်း တိုင်းရင်းသားဒေသမှာ ဖွံ့ဖြိုးတိုးတက်မှုတွေ လုပ်ချင်ပါတယ်လို့ သူတို့ဘက်ကနေ ချည်းကပ်လာတဲ့ ထူးခြားချက်က ဘယ်လို အကြောင်းထူးတွေ ရှိတာမို့လို့ ခန်းမှန်းမိပါသလဲ။”

ဖြေ။ ။ “အခုလာတဲ့ တရုတ်သံအမတ်ကိုလည်း ကျနော်တို့လည်း ပြောလိုက်ပါတယ်၊ အရင်က တစ်ခါမှ တွေ့ဆုံတာ မရှိဘူး။ သူတို့လည်း ဘာပြောလဲဆိုတော့ ‘ဟုတ် ပါတယ်၊ အခုကလည်းပဲ သူတို့ မူတွေ ပြောင်းနေပြီပေါ့။ အဲဒါကြောင့်မို့လို့ ဒီ နှစ်နိုင်ငံ ချစ်ကြည်ရေးမှာ သူတို့ ထဲထဲဝင်ဝင်ပေါ့ - အစိုးရအပြင် အရင်က မလုပ်ခဲ့တဲ့ ပြည် တွင်း အဖွဲ့အစည်း နိုင်ငံရေးပါတီတွေနဲ့ အခု တွေ့ဆုံတယ်’- လို့ဆိုပြီး ပြောပါတယ်။”

မြန်မာ့တပ်မတော်နဲ့ တိုင်းရင်းသားလက်နက်ကိုင်တပ်တွေဟာ ရှမ်းပြည်နယ်တွင်းမှာ အခုအချိန်ထိ တိုက်ပွဲဖြစ်ပွားနေဆဲ ဖြစ်ပါတယ်။ တရုတ် နဲ့ နယ်စပ်ထိစပ်နေတဲ့ ရှမ်းပြည်နယ် တည်ငြိမ်အေးချမ်းရေးကို တရုတ်နိုင်ငံက လိုလားကြောင်း တရုတ် သံအမတ်ကြီး ဟုန်လျန်က ပြောဆို သွားတယ်လို့ ဦးစိုင်းစောအောင်ကပြောပါတယ်။

“အဲတော့ သူတချက်ပြောတာက ဘာလဲဆိုတော့ ဗမာပြည်ရဲ့မြောက်ပိုင်း၊ နယ်စပ် ချင်းထိတဲ့ ရှမ်းပြည်နယ်-ပေါ့။ အဲဒီ နယ်စပ်တလျှောက်မှာ တော့ တည်တည် ငြိမ်ငြိမ်နဲ့ အေးအေးချမ်းချမ်း ဖြစ်ချင်တယ်-ဆိုတဲ့ သဘောထားလည်း ပြောပါတယ်။ ကျနော်ထင်တာကတော့ သူတို့ ဒီ တရုတ်ပြည်ရဲ့ နယ်နိမိတ်တလျှောက်မှာ တိုက်ပွဲဖြစ်တာ၊ မတည်မငြိမ်ဖြစ်တာတော့ သူတို့ စိုးရိမ်တယ်လို့ ကျနော်ထင်တာပဲ။”

မေး ။ ။ နောက်တခုက NLD ပါတီအစိုးရဖွဲ့ပြီး နောက်ပိုင်းမှာ အရင်စစ်အစိုးရလက်ထက် သဘောတူချုပ်ထားတဲ့ တရုတ်ရဲ့ ရင်းနှီးမြှုပ်နှံမှု စီးပွားရေး စီမံကိန်းတွေ အပြောင်းလဲဖြစ်လာမှာတို့ ၊ အကန့်သတ်ခံရမှာတို့နဲ့ ပတ်သက်ပြီးတော့ တရုတ်ဘက်က စိုးရိမ်မှုရှိနေတာကိုရော မြင်ရလား ခင်ဗျ။

“ဒီကနေ့ ကျနော်တို့ ဆွေးနွေးတဲ့အချက်ထဲမှာတော့ ဒီဟာ စိုးရိမ်တယ်လို့တော့ တလုံးတပါဒဖွင့်တဲ့ အရိပ်အခြည် မတွေ့ရပါဘူးခင်ဗျ။ ”

တရုတ်သံအမတ်ကြီး ဟုန်လျန်ဟာ SNLD ဥက္ကဋ္ဌ ဦးခွန်ထွန်းဦးနဲ့ (၁) နာရီကျော် ကြာ တွေ့ဆုံခဲ့ပြီး ဒီတွေ့ဆုံမှုအတွင်း ရွေးကောက်ပွဲကိစ္စ၊ လက်ရှိ နိုင်ငံရေး အခြေအနေနဲ့ ငြိမ်းချမ်းရေးကိစ္စ၊ ရှမ်းပြည်နယ်နဲ့ ထိစပ်နေတဲ့ နယ်စပ်ကိစ္စတွေ ကို ဆွေးနွေးခဲ့တယ်လို့ SNLD ဖေ့စ်ဘွတ်ခ် စာမျက်နှာမှာ ရေးထား ပါတယ်။ မြန် မာပြည်ရဲ့ နိုင်ငံရေး အသွင်ကူးပြောင်းမှုဟာ လွယ်ကူပျော့ပျောင်းလိမ့်မယ် လို့ မျှော်လင့်ကြောင်း တရုတ် သံအမတ်ကြီးက ဆွေးနွေးခဲ့တယ်လို့ သိရပါတယ်။


ကိုဉာဏ်ဝင်းအောင် / ဗွီအိုအေ (မြန်မာပိုင်း)
http://burmese.voanews.com

ဇူလိုင်လတုန်းက အီရန်အရေး ဆွေးနွေးပွဲ
  
အီရန်ဟာ နျူကလီးယားနဲ့ပတ်သက်တဲ့ သူ့ရဲ့ကတိကဝတ်တွေကို အကောင်အထည်ဖော်လိုက်နာမယ့် ခြေလှမ်းသစ် စလှမ်းနေပြီလို့ အမေရိကန်နိုင်ငံခြားရေးဝန်ကြီး ဂျွန်ကယ်ရီက ပြောလိုက်ပါတယ်။

အီရန်ဟာ ယူရေနီယံသတ္တု ပမာဏအများအပြားကို ပြည်ပကို ပို့ပေးခဲ့တဲ့အတွက် ဖြစ်ပါတယ်။

ရုရှားနိုင်ငံကို ကောင်းကောင်း မသန့်စင်ရသေးတဲ့ ယူရေနီယံသတ္တု ၁၁ တန်ကျော် ပို့ခဲ့ပါတယ်။

ဇူလိုင်လတုန်းက ကမ္ဘာ့အင်အားကြီး ၆ နိုင်ငံနဲ့ သဘောတူညီမှုမှာ အီရန်ဟာ ကောင်းကောင်းမသန့်စင်ရသေးတဲ့ ယူရေနီယံ ကီလိုဂရမ် ၃၀၀ ထက် ကျော်ပြီး လက်ဝယ် မထားဘူးလို့ ကတိပေးခဲ့ပါတယ်။

နောက်ပြီး အဲဒီတုန်းက အီရန်ဟာ ယူရေနီယံသန့်စင်ရာမှာ အသုံးပြုတဲ့ စက်အရေအတွက်ကိုလည်း သိသိသာသာ လျော့ချဖို့ နဲ့ ဓာတ်ပေါင်းဖိုကို ပြင်ဆင်ပြီးနောက် ပလူတိုနီယံထုတ်လုပ်မှု လျှော့ချဖို့ပါ သဘောတူခဲ့ပါတယ်။

BBC Burmese
http://www.bbc.com/burmese/world

ရာမာဒီ မြို့ထဲ ဝင်လာတဲ့ အီရတ်တပ်ဖွဲ့

အီရတ် အစိုးရ တပ်ဖွဲ့တွေ ဟာ အမေရိကန် ဦးဆောင်တဲ့ မဟာမိတ် တပ်ဖွဲ့တွေ ရဲ့ လေကြောင်း စစ်ဆင်မှု တွေ နဲ့ အတူ ရာမာဒီ မြို့သိမ်းတိုက်ပွဲ ထိုးစစ် ဆင်ရာမှာ မြို့နေရာ အတော်များများ ကို သိမ်းပိုက် နိုင်ပြီ ဖြစ်လို့ အစိုးရ အဆောက်အဦး တွေ မှာ အိုင်အက်စ် အစ္စလမ်မစ် နိုင်ငံ တပ်ဖွဲ့ လွှင့်ထူ ခဲ့တဲ့ အလံတွေ ကို ဖြုတ်ချ ပြီး အီရတ် နိုင်ငံတော် အလံ ပြန်လည် လွှင့်ထူ နိုင်ခဲ့ပါပြီ။

အဲဒီအတွက် အီရတ် ဝန်ကြီးချုပ် ဟိုက်ဒါ အယ်လ် အဘာဒီ က ရှေ့နှစ်ဆန်း ထဲဝင်တာနဲ့ အိုင်အက်စ် တွေ ကို အီရတ်နိုင်ငံ ထဲကနေ အပြီးအပြတ် တိုက်ထုတ် နိုင်မယ့် အကြောင်း ပြည်သူ ကို ရုပ်သံ သတင်း ကနေ မိန့်ခွန်းပြောကြားလိုက်ပါတယ်။

၂၀၁၅ ခုနှစ် ကို လွတ်မြောက်ခြင်းနှစ် လို့ တင်စားရင် ၂၀၁၆ ခုနှစ်ကတော့ အိုင်အက်စ် တွေ အပေါ် ကြီးမားတဲ့ အောင်ပွဲ နဲ့ အတူ နောက်ဆုံးရတဲ့ အောင်ပွဲ နှစ် လို့ သတ်မှတ်နိုင်ပါပြီ။ ဒီအောင်ပွဲ ပြီးရင် မိုဆူးလ်မြို့ ကို သူတို့ လက်ထဲက ပြန်သိမ်းဦးမှာပါ။ ပြည်သူတွေ ရဲ့ ညီညွတ်မှု အင်အားကြောင့် အိုင်အက်စ် တွေ ကျဆုံးရမှာပါ လို့ ပြောသွားတာပါ။

အမေရိကန် နိုင်ငံခြားရေး ဝန်ကြီး ဂျွန်ကယ်ရီ ကလည်း အီရတ်စစ်တပ် ရဲ့ ရွပ်ရွပ်ချွံချွံ ထိုးစစ်ဆင်နိုင်မှု ကို လက်တွေ့ မြင်တွေ့ ရပြီဖြစ်လို့ အားရ မိကြောင်း ချီးကျူး ဂုဏ်ပြု လိုက်ပါတယ်။

နောက်ဆုံးဝင်လာတဲ့ သတင်းတွေ အရ ရာမာဒီမြို့ တချို့နေရာ တွေ မှာတော့ ပစ်ခတ်မှု တွေ ရှိနေပေမဲ့ အီရတ်စစ်တပ်ရဲ့ တိုက်ခိုက်မှု အောင်ပွဲ ဟာ အရေးပါတဲ့ ရှေ့ပြေး ခြေလှမ်း ဖြစ်တဲ့ အကြောင်း ဒီဒေသ ကိုကျွမ်းဝင်တဲ့ အမေရိကန် အထူးတပ်ဖွဲ့ မှ အငြိမ်းစား စစ်ဘက်ဆိုင်ရာ အရာရှိ ဒေါက်တာ ကာလက်ဖ် ဆက်ပ် က ပြောပါတယ်။

ပြီးခဲ့တဲ့ မေလ က ဆိုရင် အီရတ်စစ်တပ် ဟာ ပျက်လုနီးပါး ဖြစ်သွားတာပါ။ သူတို့ဟာ အိုက်အက်စ်တပ်တွေ ရဲ့ ထိုးစစ် ကို လုံးဝ မခံနိုင်တော့ တဲ့ အတွက် ရာမာဒီ မြို့ ကို လက်လွှတ် လိုက်ရ ပါတယ်။ အခုတော သူတို့ ကို အမေရိကန် စစ်သင်တန်း နည်းပြဆရာ တွေ က ခေတ်မီ စစ်သင်တန်းတွေ ပြန်ပေး၊ နောက်ဆုံးပေါ် လက်နက်တွေ တပ်ဆင် ပေးတဲ့ အခါမှာ စိတ်အားပါ တက်ကြွလာကြပြီး ရန်သူ အိုက်အက်စ်တွေ ကို ပြန်လည်ခြေမှုန်းနိုင်တဲ့ အဆင့် ရောက်လာပြီ လို့ အငြိမ်းစား စစ်ဘက်ဆိုင်ရာ အရာရှိ ဒေါက်တာ ကာလက်ဖ် ဆက်ပ် က သုံးသပ်ပြပါတယ်။

BBC Burmese
http://www.bbc.com/burmese/world

ဂျပန်နိုင်ငံခြားရေးဝန်ကြီးက ဝန်ချတောင်းပန်ခဲ့

တောင်ကိုရီးယားနဲ့ ဂျပန်နိုင်ငံ အကြား ဆယ်စုနှစ်နဲ့ ချီပြီး မပြေလည် ခဲ့တဲ့ ဒုတိယ ကမ္ဘာစစ် အတွင်း ကိုရီးယား အမျိုးသမီး တွေကို လိင်ကျွန် အဖြစ် အသုံးချ ခဲ့တဲ့ ကိစ္စကို ဖြေရှင်းဖို့ နှစ်ဖက် သဘောတူညီ မှု တခု ရခဲ့ ပါတယ်။

ဆိုးလ်မြို့မှာ ကျင်းပ ခဲ့တဲ့ အစည်းဝေး တခုမှာ ဂျပန်နိုင်ငံခြားရေး ဝန်ကြီး ဖူမီယို ကီရှီဒါက ဂျပန် စစ်တပ် ပြည့်တန်ဆာရုံ တွေမှာ အဓမ္မ စေခိုင်း ခံခဲ့ရတဲ့ အမျိုးသမီး တွေ အတိုင်းအဆ မရှိ နာကျင် ခံစားခဲ့ရ တဲ့အတွက် ဝန်ချ တောင်းပန် တဲ့ အကြောင်း ပြောခဲ့ ပါတယ်။

အဲဒီအတွက် ဒေါ်လာ ၉ သန်း လောက် တန်ဖိုးရှိတဲ့ လျော်ကြေး ရံပုံငွေ တရပ် ကိုလည်း ထူထောင်ဖို့ ဂျပန်နိုင်ငံ က သဘောတူ ခဲ့ပါတယ်။

တောင်ကိုရီးယား နိုင်ငံခြားရေး ဝန်ကြီးက ဒီ သဘောတူညီချက် ဟာ အပြီးသတ် ဖြစ်ပြီး နောက်ပြန် လှည့်လို့ မရဘူး လို့ ဆိုပါတယ်။

ဒါပေမယ့် အဲဒီ သဘောတူညီ ချက်ကို တကယ် ဒုက္ခ ခံစား ခဲ့ရပြီး အသက်ရှင် နေသေး သူတွေ က ကျေနပ်ကြ မှာလား ဆိုတာ ရှင်းရှင်းလင်းလင်း မသိရဘူး လို့ ဘီဘီစီ သတင်းထောက် တဦးက ဆိုပါတယ်။

BBC Burmese
http://www.bbc.com/burmese/world

ခိုထောင်းကျွန်း လူသတ်မှုနဲ့ သေဒဏ်ချခံရတဲ့ ကိုဇော်လင်းရဲ့မိခင်(အလယ်)ကို ဒီဇင်ဘာလ ၂၄ ရက်နေ့က တွေ့ရစဉ်။
Photo: AFP

ထိုင်းနိုင်ငံတောင်ပိုင်း ခိုထောင်းကျွန်း လူသတ်မှုမှာ မြန်မာအလုပ်သမားနှစ်ဦး သေဒဏ်ချမှတ်ခံရတာနဲ့ ပတ်သက်ပြီး အယူခံဝင်တဲ့ကာလအတွင်း လူ့အခွင့်အရေးအရ ကာကွယ်စောင့်ရှောက်ပေးဖို့
 မြန်မာအမျိုးသား လူ့အခွင့် အရေးကော်မရှင်က ထိုင်းအမျိုးသား လူ့အခွင့်အရေးကော်မရှင်ကို ပန်ကြားလိုက်ပါတယ်။

ထိုင်းအမျိုးသား လူ့အခွင့်အရေးကော်မရှင် ဥက္ကဌ ဆီ ဒီကနေ့ရက်စွဲနဲ့ မေတ္တာရပ်ခံစာ ပေးပို့လိုက်ကြောင်း
 မြန်မာ အမျိုးသား လူ့အခွင့်အရေးကော်မရှင် အဖွဲ့ဝင် ဒေါက်တာဥာဏ်ဇော် က ပြောပါတယ်။

"ထောင်ထဲမှာ ညှင်းပမ်းနှိပ်စက်မှု မဖြစ်အောင် ပြောတာပေ့ါနော်၊ ဆေးပညာကလည်း အခိုင်အမာ မပြနိုင်ဘူး ဆိုတာသိတယ်၊ မျက်မြင်သက်သေလည်းမရှိဘူး၊ ရဲကလည်း ညှင်းပမ်းနှိပ်စက်တယ်ဆိုတဲ့ သတင်းတွေလည်း ရတယ်၊ ကျနော်တို့ မြို့တွေမှာလည်း ဆန္ဒပြတယ်ဆိုတဲ့အကြောင်း၊ သူတို့လွတ်မြောက်ရေးကို တောင်းဆိုနေကြ တာရှိတော့လေ၊ ဒီကိစ္စနဲ့ပတ်သက်ပြီးတော့ တရားမျှမျှတတဖြစ်ဖို့ အယူခံဝင်တဲ့ကာလမှာလည်း ရသင့်ရထိုက်တဲ့ လူ့အခွင့်အရေးတွေခံစားဖို့၊ ဥပဒေရဲ့ ကာကွယ်စောင့်ရှောက်မှုကို ထိုင်းအမျိုးသား လူ့အခွင့်အရေးကော်မရှင် ဥက္ကဌကို ဒီနေ့ပဲ ပို့လိုက်တာပေါ့နော်"

အယူခံဝင်တဲ့အခါမှာ သူတို့နှစ်ဦးရသင့်ရထိုက်တဲ့ အခွင့်အရေးတွေခံစားခွင့်ရဖို့၊ ထိုင်းတရားရုံးဘက်က တရားမျှတစွာနဲ့ စီရင်ဆုံးဖြတ်ဖို့၊ ဥပဒေအရ ကာကွယ်စောင့်ရှောက်မှုမှာ ခွဲခြားဆက်ဆံတာတွေ မလုပ်ဖို့ တောင်းဆိုလိုက်တာဖြစ်တယ်လို့ ပြောပါတယ်။

ဒီအတွင်း မြန်မာနိုင်ငံသားနှစ်ဦးအပေါ် စီရင်ချက်နဲ့ ပတ်သက်ပြီး မကျေနပ်တဲ့ မြန်မာနိုင်ငံသား ၁၀၀ ကျော်က ထိုင်း မြန်မာနယ်စပ် ဘုရားသုံးဆူဂိတ်မှာ ဒီနေ့ ဒုတိယအကြိမ် ဆန္ဒပြခဲ့ကြပြီး၊ ဒီအမှုကို ပြန်လည် သုံးသပ်ပေးဖို့ မေတ္တာရပ်ခံစာကို ထိုင်းနိုင်ငံ ကန်ချနပူရီမြို့ လက်ထောက်မြို့ပိုင်ထံ ပေးအပ်ခဲ့ပါတယ်။ ထိုင်းနိုင်ငံဘက်က စက်ရုံတချို့လည်း မနေ့ကစပြီး ရက်ရှည်ပိတ်လိုက်တယ်လို့ သိရပါတယ်။ အလားတူ စစ်ကိုင်းတိုင်းဒေသကြီး ကလေးမြို့မှာလည်း မြို့ခံတွေက ဒီနေ့ ဆန္ဒပြတောင်းဆိုခဲ့ကြပါတယ်။

မလေးရှားနိုင်ငံမှာတော့ ဒီအမှု စီရင်ချင်နဲ့ ပတ်သက်ပြီး ထိုင်းသံရုံးရှေ့မှာ ဒီနေ့ ကန့်ကွက်ဆန္ဒပြခဲ့ တဲ့ မြန်မာနိုင်ငံသားတွေထဲက ဦးဆောင်သူနှစ်ဦးကို မလေးရှားရဲတပ်ဖွဲ့က ဖမ်းဆီးလိုက်ပါတယ်။

ဆန္ဒပြဖို့အတွက် ခွင့်ပြုမိန့်ရထားပြီးဖြစ်ပေမဲ့၊ ခွင့်ပြုထားတဲ့ လူဦးရေထက် ပိုမိုများပြားလာတဲ့အတွက် ဖမ်းဆီးသွားတာဖြစ်တယ်လို့ ဆန္ဒပြရာမှာပါဝင်တဲ့ မြန်မာရွှေ့ပြောင်းအလုပ်သမားများ ကူညီရေးအဖွဲ့က ကိုကျော်သိန်းနိုင် က ပြောပါတယ်။

"ပထမဆုံး ရဲမှူးတွေရောက်လာပြီး သူတို့ခွင့်မပြုဘူးလို့ပြောတယ်၊ ငါတို့က ခွင့်ပြုစာတင်ထားပါတယ်၊ သူတို့က လုံးဝခွင့်မပြုဘူး လူနှစ်ယောက်ပဲ ထိုင်းသံရုံးထဲ ဝင်လို့ရမယ်လို့ ပြောတယ်ခင်ဗျ၊ ကျနော်တို့က ဖြေးဖြေးရှင်းညှိရင်း နဲ့ ညှိလို့မရဘူးဖြစ်နေတယ်၊ လူတွေကလည်း တဖြည်းဖြည်းများလာတယ်၊ လူတွေက ဒီအတိုင်းတော့ မပြန်ဘူးဆိုပြီး အားလုံးက
 အော်ဟစ်သွားကြတာပေါ့၊ ရဲတွေက ခေါင်းဆောင်နှစ်ယောက်ကို ခေါ်သွားတယ်၊ သူတို့က
 မလေးရှားဥပဒေနဲ့ မလွတ်ဘူးလို့ပြောပါတယ်၊ နိုင်ငံခြားသားတွေက ဆန္ဒပြလို့မရဘူးလို့ပြောတယ်"

ဆန္ဒပြပွဲကို ဦးဆောင်သူတွေဖြစ်တဲ့ မြန်မာရွေ့ပြောင်းအလုပ်သမား ကူညီရေးအဖွဲ့က ဦးချစ်ကောင်းနဲ့ ကပုန်းနာရေးကူညီမှုအသင်း ဥက္ကဌ ကိုသန်းဝင်းတို့ကို ဖမ်းဆီးခဲ့တာ ဖြစ်ပါတယ်။

အဲဒီဆန္ဒပြပွဲကို မလေးရှားနိုင်ငံ ရောက်ရှိနေတဲ့ စက်ရုံ၊ အလုပ်ရုံ၊ စားသောက်ဆိုင် စတာတွေမှာ အလုပ်လုပ်နေကြတဲ့ မြန်မာနိုင်ငံသား ၅၀၀ ၀န်းကျင် ပါဝင်ခဲ့ကြတယ်လို့ သိရပါတယ်။

ဒီအတွင်း ခိုထောင်းကျွန်းလူသတ်မှုမှာ သေဒဏ်ချမှတ်ခံထားရတဲ့ ကိုဇော်လင်းနဲ့ ကိုဝင်းဇော်ထွန်း ခေါ် ကိုဝေဖြိုးတို့ ဟာ ထောင်ပြောင်းအပြီး၊ သူတို့ရဲ့မိခင်တွေနဲ့ ဒီနေ့ စကားပြောဆိုခွင့် ရရှိခဲ့ပါတယ်။

သူတို့ကို ဒီဇင်ဘာ ၂၄ရက်နေ့က သေဒဏ်အမိန့်ချမှတ်ခဲ့ပြီးတဲ့နောက်၊ ကော့စမွေထောင်ကနေ၊ လုံခြုံရေးပိုတင်းကြပ်တဲ့ နခွန်စီတာမရားထောင်ကို ပြောင်းရွေ့ခဲ့ပါတယ်။

အဲဒီထောင်မှာ မိသားစုထောင်ဝင်စာ တွေ့ခွင့်ရတဲ့နေ့ဟာ အင်္ဂါနေ့နဲ့ ကြာသပတေးနေ့ဖြစ်တာကြောင့် လူကိုယ်တိုင်တွေ့ခွင့်မရဘဲ၊ ကွန်ပြူတာကတဆင့်သာ စကားပြောခွင့်ရခဲ့တယ်လို့ သိရပါတယ်။ ကိုဝေဖြိုးရဲ့ မိခင်ဒေါ်ခင်သိန်းက ပြောပါတယ်။

ဒေါ်ခင်သိန်းက သူ့သားကို ကျန်းကျန်းမာမာ ပျော်ပျော်ရွင်ရွင်တွေ့ခဲ့ရကြောင်း၊ ဒါပေမဲ့ ၂၄နာရီ ခြေချင်းခတ် ထားတာတွေ့ရပြီး၊ ထိုင်းနိုင်ငံဥပဒေအရ တစ်လတိတိ ထောင်ထဲမှာ ခြေချင်းခတ်ခံရမယ်လို့ သိရကြောင်း ပြောပါတယ်။

ကိုဇော်လင်းနဲ့  ကိုဝေဖြိုး တို့အနေနဲ့ ထောင်ပြောင်းလိုက်ချိန်မှာ   စိုးရိမ်မှုတွေရှိနေပေမဲ့  ထောင်ဝန်ထမ်းတွေနဲ့ အကျဉ်းသားတွေက  ကောင်းကောင်းမွန်မွန်ဆက်ဆံပြီး အားပေးစကားပြောကြားကြကြောင်း၊  နေရေးထိုင်ရေး လည်း အရင်ထောင်ထက် ပိုမိုကောင်းမွန်ကြောင်းပြောပြတယ်လို့  ကိုဝေဖြိုးရဲ့မိခင် ဒေါ်ခင်သိန်း က ပြောပါ တယ်။

ဒေါ်ခင်သိန်း ကို ဦးတင်အောင်ခိုင် ဆက်သွယ်မေးမြန်းခဲ့တာ နားဆင်နိုင်ပါတယ်။


RFA Burmese
http://www.rfa.org/burmese

ပြည်ထောင်စု ရွေးကောက်ပွဲကော်မရှင် ဥက္ကဌ ဦးတင်အေးနဲ့ အဖွဲ့ဝင်တွေ စက်တင်ဘာလ ၃ ရက်နေ့က ရန်ကုန်မြို့ ရွှေလီလမ်းရှိ ရွေးကောက်ပွဲ အချက်အလက်စင်တာမှာ သတင်းမီဒီယာသမားတွေနဲ့ တွေ့ဆုံရှင်းလင်းစဉ်
Photo: RFA

ပြီးခဲ့တဲ့ရွေးကောက်ပွဲမှာ အနိုင်ရခဲ့တဲ့ ကိုယ်စားလှယ်တွေအပေါ် ကန့်ကွက်လွှာတင်တဲ့ အမှုတွေကို ပြည်ထောင်စု ရွေးကောက်ပွဲကော်မရှင်က ဒီနေ့ နောက်ဆုံးထားလက်ခံမှာဖြစ်ပြီး မနေ့ကအထိ အမှုပေါင်း ၃၃ မှု ရှိတယ်လို့ သိရပါတယ်။

ကန့်ကွက်လွှာအမှုတွေကို စစ်ဆေးနေဆဲဖြစ်ပြီး စစ်ဆေးမှုဟာ နောက်ထပ် ၆လလောက်အထိ ကြာနိုင်တယ်လို့ ပြည်ထောင်စု ရွေးကောက်ပွဲကော်ရှင်ခုံရုံးအဖွဲ့ဝင် တစ်ဦးက ပြောပါတယ်။

ကော်မရှင်ထံ တင်ထားတဲ့ ကန့်ကွက်လွှာတွေဟာ ရှမ်းပြည်နယ်၊ ကချင်ပြည်နယ်၊ ကရင်ပြည်နယ်နဲ့ မန္တလေးတိုင်းဒေသကြီးတို့က အနိုင်ရကိုယ်စားလှယ်တွေကို ကန့်ကွက်တဲ့ အမှုတွေဖြစ်ပါတယ်။

ကန့်ကွက်ခံရတဲ့ ကိုယ်စားလှယ်တွေထဲမှာ အမျိုးသားဒီမိုကရေစီအဖွဲ့ချုပ်၊ တအာင်းအမျိုးသားပါတီ၊ ရှမ်းတိုင်းရင်းသားများ ဒီမိုကရေစီအဖွဲ့ချုပ်၊ ကြံ့ခိုင်ဖံွ့ဖြိုးရေးပါတီ နဲ့ တသီးပုဂ္ဂလကိုယ်စားလှယ်တချို့ ပါဝင်ပါတယ်။

ကချင်ပြည်နယ် အမျိုးသားလွှတ်တော်မဲဆန္ဒနယ် အမှတ် ၅မှာ အနိုင်ရတဲ့ တစ်သီးပုဂ္ဂလကိုယ်စားလှယ် ဦးဇခုန်တိန့်ယိန်းကို အန်အယ်လ်ဒီပါတီ ပြည်နယ်လွှတ်တော် ကိုယ်စားလှယ် ဦးစံဝေခေါင်လွမ်းက ကန့်ကွက် တဲ့အမှုကို ဒီနေ့ ပြည်ထောင်စု ရွေးကောက်ပွဲကော်မရှင်မှာ နှစ်ဘက်ရှေ့နေတွေက ထုချေလွှာတင်ကြတယ်လို့ သိရပါတယ်။

ရွေးကောက်ပွဲဥပဒေအရ မဲစာရင်းရလဒ်ကြေညာပြီးနောက် ၄၅ ရက်အတွင်း အနိုင်ရကိုယ်စားလှယ်တွေကို ကန့်ကွက်နိုင်တာဖြစ်ပြီး ကန့်ကွက်လွှာတင်သွင်းသူဟာ အမှုစစ်ဆေးဖို့အတွက် ကုန်ကျစရိတ်အဖြစ် ငွေကျပ် ၅သိန်းကို ပြည်ထောင်စုရွေးကောက်ပွဲ ကော်မရှင်ထံ ပေးသွင်းရတာဖြစ်ပါတယ်။


RFA Burmese
http://www.rfa.org/burmese

ကော့တောင်ကျွန်းအမှုစီရင်ချက်ကိုဆန့်ကျင်ဆန္ဒပြမှုတွေမြန်မာနိုင်ငံမှာဆက်တိုက်ဖြစ်ခဲ့

ဗြိတိန်နိုင်ငံသား ၂ ဦးကို သတ်မှုနဲ့ မြန်မာနိုင်ငံသား ဝင်းဇော်ထွန်းနဲ့ ဇော်လင်းတို့ ကို အောက်ခြေ တရားရုံးက သေဒဏ် အပြစ်ပေး ခဲ့တာနဲ့ ပတ်သက်ပြီး ထိုင်း ဥပဒေအတိုင်း ပဲ လုပ်သွားရမှာဖြစ်တယ်လို့ ထိုင်းဝန်ကြီးချုပ် ပရာ့ယွတ် ကျန်းအိုးချား က ပြောကြားခဲ့ပါတယ်။

မြန်မာ ရွှေ့ပြောင်း အလုပ်သမား နှစ်ဦးကို သေဒဏ် အမိန့်ချ ထားတဲ့ အပေါ် ထိုင်းအစိုးရက ပြန်လည် သုံးသပ် ပေးဖို့ မြန်မာ အစိုးရ ဘက်က တာဝန်ရှိသူ တွေနဲ့ အများ ပြည်သူက တောင်းဆို နေကြ ပါတယ်။

ဒီအကြောင်း ထိုင်းဝန်ကြီးချုပ်ကို သတင်းထောက်တွေကမေးမြန်းတော့ သူက

"တရားရုံးက ဆုံးဖြတ်ပြီးရင် အယူခံရုံးနဲ့ တရားရုံးချုပ် တို့ကို ဆက်ပြီး တင်နိုင်တယ် မဟုတ်လား။ မြန်မာ ဘက်ကိုလည်း ရှင်းပြ လို့ ရပါတယ်။ မြန်မာ ဘက်က တောင်းဆို တာက တရား ဥပဒေ အတိုင်း မျှမျှတတဆောင်ရွက် ပေးဖို့ ဖြစ်တယ်။ အမှုကို လုံးဝ ရုပ်သိမ်း လိုက်လို့ ရမလား။ မရဘူး ဆိုရင် မရတဲ့ အကြောင်း ရှင်းပြ လိုက်ပေါ့။ အယူခံ ဝင်ခွင့် ပေးထား တယ် မဟုတ်လား။ ကမ္ဘာ့ ဥပဒေ တွေလည်း ဒီလိုပဲ ရှိတယ် မဟုတ်လား။ ထိုင်းမှာ အယူခံ စရာ မလိုဘူးလား၊ ဖိအားပေး တာနဲ့ အမှုကို ရုတ်သိမ်းလိုက် တာမျိုး လုပ်လို့ ရပါမလား" လို့ပြောခဲ့ ပါတယ်။

ဒီအမှုကို တရားမျှမျှ တတ ဆောင်ရွက် ပေးဖို့ ဗိုလ်ချုပ်မှူးကြီး မင်းအောင်လှိုင်က ထိုင်း ဒုတိယဝန်ကြီးချုပ် လည်းဖြစ် ကာကွယ်ရေး ဝန်ကြီးလည်း ဖြစ်တဲ့ ပရာ့ဝစ် ဝုံးစူဝမ်း နဲ့ ကာကွယ်ရေး ဦးစီးချုပ် ဗိုလ်ချုပ်ကြီး စုမ်မိုင် ကောင်းထီရာ့ ကို သဝဏ်လွှာ ပေးပို့ ခဲ့ပါတယ်။

ဒါကို ပြန်လည် ရှင်းပြဖို့ ဗိုလ်ချုပ်ကြီး စုမ်မိုင် ကောင်းထီရာ့ကို ဒုဝန်ကြီးချုပ် ပရာ့ဝစ် ဝုံးစူဝမ်းက တာဝန်ပေး လိုက်ပါတယ်။

ဝင်းဇော်ထွန်းနဲ့ ဇော်လင်းတို့ ရဲ့အမှုကို အခမဲ့ အကျိုးဆောင် ပေးနေတဲ့ ထိုင်းရှေ့နေများ ကောင်စီက အယူခံဝင်မယ့်အကြောင်း သူတို့ရဲ့ မိခင်တွေကို ဒီဇင်ဘာ ၃၀ ရက်နေ့မှာ ရှင်းပြပြီး သတင်းစာ ရှင်းလင်းပွဲ ပြုမယ်လို့ ကြေညာချက် ထုတ်ပြန် ထားပါတယ်။

ထိုင်းတရားရုံး ရဲ့ဆုံးဖြတ်ချက်ကို ရက်ပေါင်း ၃၀ အတွင်း အယူခံ ဝင်ရမှာ ဖြစ်ပါတယ်။

အယူခံ တရားရုံးမှာ အောက်ခြေ တရားရုံးနဲ့ ကွဲလွဲပြီး အနိုင်ပေးတဲ့ အမှုတွေ အများအပြား ရှိခဲ့ဘူးတယ်လို့ မြန်မာ နှစ်ဦး ရဲ့ ရှေ့နေ အဖွဲ့ အကြံပေး စူရာ့ဖုန်း ကောင်းကျန်းထွတ်ခ် က ရှင်းပြပါတယ်။

ထိုင်းနိုင်ငံမှာ သေဒဏ် အမိန့်ချမှတ် ပေမယ့် သေဒဏ် ပေးတာတော့ မရှိတော့ဘူး လို့ ရှေ့နေ စူရာ့ဖုန်း ကောင်းကျန်းထွတ်ခ် က ပြောပါတယ်။

BBC Burmese
http://www.bbc.com/burmese