January 2016



လက်ရှိမြန်မာနိုင်ငံစီးပွားရေးဦးပိုင်လီမီတက် (သို့ ) မြန်မာစီးပွားရေးကော်ပိုရေးရှင်း (Myanmar Economic Corporation) ဆိုတဲ့အဖွဲ့ ကြီးကို ပြည်သူပြည်သားတွေမြင်သာထင်သာအောင် ဥပမာပေးရရင် ….
ရေခံမြေခံအလွန်ကောင်းတဲ့အရပ်ဒေသတခုမှာ မှီတင်းနေထိုင်နေတဲ့ ဘိုးစဉ်ဘောင်ဆက်ချမ်းသာကြွယ်ဝတဲ့ မိသားစုကြီးတခုမှာ အိမ်ထောင်ဦးစီးတာဝန်ကို ဘယ်သူကမှတာဝန်မပေးဘဲ ဇွတ်ယူထားတဲ့ ပထွေးဆိုး အရက်သမားက ဗလကြီးပြီး ဥာဏ်ပညာနဲ့ စာရိတ္တချို့ယွင်းနေတဲ့ သားအကြီးကောင်တချို့ကို အရက်သရေစာ ကစလို့ အခွင့်ထူးခံခွင့်တွေအပါအ၀င် လုပ်ပိုင်ခွင်အာဏာပေးပြီး မိသားစုပိုင်ဘိုးဘွားပိုင်အမွေဥစ္စာတွေကို မောင်ပိုင်စီးထားသလိုပါဘဲ။

သူတို့ ဟာ အမေ့ထဘီကိုပေါင်နှံစားပြီး အရက်သောက်ဖဲရိုက်ပစ်တဲ့သားဆိုးတွေလို၊ အဖိုးထိုက်တဲ့သိင်္ဂီရွှေခွက် က်ို ပဲလှော်ထန်းလျက်နဲ့ လဲစားနေသူတွေလိုပါဘဲ။ သူတို့ မတော်တရားလုပ်တာကို လက်မခံတဲ့မိသားစုဝင်တွေ ကို ဗလအားကိုး လုပ်ပိုင်ခွင့်အာဏာကိုအသုံးချပြီး အနိုင်ကျင့်ရိုက်ပုတ်ကန်ကျောက် နှိပ်စက်ကြခဲ့တာပေါ့။
ပထွေးဆိုးနဲ့ သားဆိုးတွေ သောက်စားမူးယစ် အဆီရစ်နေချိန်မှာ ကျန်တဲ့မိသားစုဝင်တွေကတော့ ငတ်မွတ်ကန်းမွဲပိပြား အစားရမဲ့အသောက်ရမဲ့ မျက်ရေနဲ့ မျက်ခွက်ပြတ်တဲ့ရက်တောင်မရှိရှာသလို အမိမဲ့သားရေနည်းငါးတွေလိုဖြစ်ခဲ့ရတာမဟုတ်လား။

အခုအခါမှာတော့ မြန်မာနိုင်ငံမှာ မိခင်အရင်း အမေအရင်းက အိမ်ကိုပြန်ရောက်လာပြီ၊ ပထွေးဆိုးနဲ့ သားဆိုး တွေကို ပညာပေးဆုံးမနေပြီ။ ငိုကြွေးနေတဲ့ သားသမီးတွေကို မျက်ရေသုတ်ပေးနေပြီ။ ဒါပေမဲ့လည်း ပြည်သူတွေဟာ လက်သည်ကိုဘဲအားကိုးနေလို့ မဖြစ်ပါဘူး၊ ကိုယ်တိုင်လည်းညှစ်ပေး အားထုတ်ပေးကြရမှာပါ။

ဒီတော့ ပြောင်းလဲချိန်တန်ပြီးဆိုတာ ပြည်သူမပိုင်တဲ့ ဦးပိုင်လီမီတက် (သို့ ) မြန်မာစီးပွားရေးကော်ပိုရေးရှင်း (Myanmar Economic Corporation) ကိုဘယ်လိုပြုပြင်ပြောင်းလဲကြမလဲ။ ပြည်သူ့ ဘဏ္ဍာအရင်းအနှီးတွေ၊ နိုင်ငံပိုင်သဘာဝသယံဇာတတွေ၊ တိုင်းပြည်ရဲ့မြေယာအိုးအိမ်အဆောက်အဦးတွေကို လူနည်းစုအကျိုးအတွက်အသုံးပြုနေတာကို ရပ်တန့် ပစ်ဖို့ အချိန်ရောက်လာပါပြီ။ ဦးပိုင်ကို တိုင်းပြည်အတွက်တကယ်အကျိုးရှိအောင် တိုင်းရင်းသားမိဘပြည်သူလူများစုကို ဆင်းရဲတွင်းကလွတ်မြောက်အောင် ကယ်တင်ရာမှာ ထိထိရောက်ရောက်အသုံးချနိုင်ဖို့ ပြောင်းလဲရာမှာ နိုင်ငံသားတိုင်းဝိုင်းဝန်းကူညီ ပူးပေါင်းပါ။

လေးစားစွာဖြင့်
(မင်းကောင်းချစ်)




(၁)
ကျွန်တော်နှင့်သူ လူချင်း မရင်းနှီးကြပါ။ သူ့ကိုကျွန်တော် ကသိပြီး သူက ကျွန်တော့်ကိုမသိပါ။ မေမြို့(ပြင်ဦးလွင်)ကန် တော်ကြီးဘေးတွင်လမ်းလျှောက် ရင်းသူနှင့် တခါကြုံဖူးသည်။ စကားမပြောဖြစ်ခဲ့။ နှုတ်မဆက် ဖြစ်ခဲ့ပါ။ သူနှင့် မရင်းနှီးသော် လည်း သူ့စိတ်ဓာတ်ကို ကျွန်တော်လေးစားမိသည်။ သူကြိုးစားမှုကို သတိပြုမိခဲ့သည်။ သူ့ 'သတ္တိ'ကို အသိအမှတ်ပြုခဲ့ပါ သည်။ သူ့ပညာနှင့် သူ့အောင် မြင်မှုတွေကို ကျွန်တော် ဂုဏ် ယူမိပါသည်။ 'ဓူဝံကြယ်'သည် မြောက်အရပ်မှာသာ အမြဲရှိနေခဲ့သည်။ သူလည်း အမှန်တရား ဘက်က အမြဲ ရဲရဲဝံ့ဝံ့ရပ်တည်ခဲ့ သူဖြစ်သည်။ ပွင့်လင်းသည်၊ ရိုးသားသည်၊ ရှင်းရှင်းလင်းလင်း ရှိသည်။ 'သူ'ဆိုသူက တခြားမဟုတ်၊ လူငယ်ဒါရိုက်တာ အကယ်ဒမီ '၀ိုင်း' ဖြစ်သည်။

(၂)
'၀ိုင်း'သည်အစက ရုပ်ရှင်သရုပ်ဆောင်တဦးသာဖြစ်သည်။ များသောအားဖြင့် ဗီလိန်ဆန်ဆန်အခန်းများကပါဝင်သရုပ်ဆောင်ခဲ့သည်။ မြန်မာဇာတ်ကားတွေရဲ့ ခေါက်ရိုးကျိုး အစဉ်အလာအတိုင်း '၀ိုင်း' ကို ပရိသတ်ကလည်း 'ဗီလိန်'အဖြစ်နှင့်သာ ဖြစ်ခဲ့ကြသည်။

အခြေအနေကို ရိပ်စားမိသော '၀ိုင်း'က သရုပ်ဆောင်အလုပ်ကို စွန့်လွှတ်ခဲ့သည်။ အတွေ့အကြုံများကိုအခြေခံပြီး သရုပ်ဆောင်လိုင်းကနေ ဒါရိုက်တာလိုင်းကို ပြောင်းခဲ့သည်။ ရဲရဲဝံ့ဝံ့လုပ်သည်။ ထူးခြားသော တင်ပြမှုများ၊ ပီပြင်သော ဇာတ်ကောင်များနှင့်အတူ ဇာတ်အိမ်ခိုင်မာသော ဇာတ်လမ်းများကိုသာ ရွေးချယ်ရိုက်ကူးခဲ့သည်။

သို့ဖြင့် ဒါရိုက်တာ '၀ိုင်း'အဖြစ် နာမည်ရလာခဲ့သည်။ သူရိုက်ကူး သောဇာတ်ကားများအား အကယ်ဒမီ 'တစ်'ပေးခံခဲ့ရသည်။ သူ့ကိုလည်း ဒါရိုက်တာ'၀ိုင်း'အဖြစ် ပရိသတ်၏အားပေးခြင်းကို အကြိမ်ကြိမ်ခံခဲ့ရ သည်။ သူ ဒါရိုက်တာဖြစ်ပြီ၊ သို့ပေမယ့် 'အကယ်ဒမီ'ဆုနှင့်'၀ိုင်းလွဲခဲ့ ရသည်ကလည်း အကြိမ်ကြိမ်။
သူရှုံးခဲ့သည် . . . ။

သို့သော် ဇွဲက မလျှော့၊ သူ့အလုပ်ကို သူဆက်လုပ်သွားသည်။ တစိုက်မတ်မတ် လုပ်ခဲ့သည်။ အရှုံးနှင့် အနိုင်နှစ်ခုသာရှိသော လောကဓံ တရားကို သူသိပါသည်။ ဇွဲလုံ့လက မလျှော့။
အနုပညာဖန်တီးရာတွင်လည်း အခက်အခဲတွေက အများသား၊ အကြောင်းအရာမျိုးစုံသည်။ ဒီမိုကရေစီနှင့် စစ်အာဏာရှင်တို့၏ ကြားကာလကို သူဖြတ်သန်းရသည်။ ဟိုစဉ်က ရိုက်သမျှ ဆင်ဆာနှင့်တိုးနေ သည်။ ရည်မှန်းချက်မပြည့်၊ လိုရာခရီးကိုမရောက်၊ ဒီတော့ ဇာတ်လမ်း အရသာက ပျက်သည်။ ရုပ်ရှင်သမားတိုင်း ခံစားကြရသည်။

စာရေးသူတို့က ရုပ်ရှင်ခေတ်မှာ လူဖြစ်လာကြသူတွေဟုပြောလို့ ရပါသည်။ ၁၉၇၄ ခုနှစ်က စာရေးသူ၏ 'ဒိုင်ယာရီ' စာအုပ်ကလေးကို ဖွင့်ကြည့်မိသည်။ စာရေးသူကြည့်ခဲ့ရသော ရုပ်ရှင်ဇာတ်ကားများက မနည်းပါ။ (အားလုံးအဖြူ အမည်းကားများသာ ဖြစ်ပါသည်) ဇာခန်းစည်း နောက်ကွယ်မှာ၊ အချစ်ရူး၊ အင်းယားလှလှဖြစ်ရပ်ပွေပွေ၊ သစ္စာရှင်မလေး နှင့်သူ၊ မုန်းသင့်မှမုန်း၊ အချစ်တပွဲစစ်ပွဲတရာ၊ ကုဋေကုဋာသဲကိုးဖြာ၊ မမုန်းလေနဲ့ ငပလီ၊ ဖက်ဖူးရောင်၊ ပ၀ါဖြူ၊ ဆူးနှစ်ဆူး၊ မုန်းပါတယ် မောင့်ကို၊ စိန်သို့ မဟုတ် စိမ်၊ ဦးပေါင်းစင်းနဲ့ မြင်းညိုရှင်၊ နော်ကူးမ'' အလို လေးမနည်းပါလား။ ဒါတောင် နိုင်ငံခြားဇာတ်ကားများမပါသေး။ မြန်မာ့ ရုပ်ရှင်ရွှေခေတ်ဟု ခေါ်ရပါမည်။

၁၉၈၀ ပြည့်နှစ်ရောက်မှ မြန်မာပြည်မှာ တီဗွီဆိုတာမြင်ကြရသည်၊ သူများနိုင်ငံတွေထက် နှစ်ပေါင်း ၄၀ ကျော်မက နောက်ကျပြီး တီဗွီကို ကြည့်ကြရသူတွေဖြစ်သည်။ နိုင်ငံက အစစအရာရာ နောက်ကျခဲ့သည်။
၁၉၆၀ ပြည့်နှစ်ဝန်းကျင်က ရုပ်ရှင်ဇာတ်ကားတချို့ကို စာရေးသူ သတိရနေမိသည်။ 'ဖူးစာနှစ်ခိုင်' ဇာတ်ကားကို ဥပမာပြောပါရစေ။

မင်းသားကျော်ဆွေ(နှစ်ကိုယ်ခွဲ)နှင့် မင်းသမီး'မေသစ်' ဖြစ်သည်။ စော် ဘွားကြီး (ကျော်ဆွေ)အားကျွေးမည့် 'ပန်းသီး'အား မြေကြီးပေါ်ချပြီး ရှုးဖိနပ်နှင့် နင်းချေပစ်ပုံ ဓားမြှောင်ကို ပါးစပ်နှင့်ကိုက်ပြီး စော်ဘွားအစစ် ကို ကယ်တင်ရန် စော်ဘွားအတု(ကျော်ဆွေ) ရေကူးပုံ စသည့်စသည့် သရုပ်ပီပြင်လှသော ဇာတ်ဝင်ခန်းများကို နှစ်ပေါင်း ၅၀ ကျော်တဲ့အထိ မြင်ယောင်နေမိသည်။

„'ဤ လူ့ဘောင်တွင်' ဇာတ်ကား၌ ထွက်ပြေးသွားသည့် 'ရှမ်းက လေး'အားနောက်မှ ရိုင်ဖယ်သေနတ်နှင့်ပစ်သတ်သည့် အခန်းကိုလည်း မမေ့ ပီပြင်လှသည်။

မင်းသားကျော်ဆွေတို့၊ ရွှေဘတို့ခေတ်က ခြောက် လုံးပြူးသေနတ်(အစစ်)ကိုသာ ကိုင်ခဲ့သည်။ နိုင်ငံတော်အပိုင်းကလည်း အားပေးခဲ့သည်။ ချုပ်ချယ်ကန့်သတ်မှုမရှိခဲ့။
ဒီကနေ့တော့ 'သေနတ်'ဟူ၍ လေသေနတ်ပင် မကိုင်ကြရ။ လိုင် စင်ဥပဒေမှာမပါသည့် လေသေနတ်ကိုပင် ကိုင်ဆောင်လျှင် လက်နက် ဥပဒေပုဒ်မ ၁၉(စ)နှင့် အရေးယူနေသည်။

ရုပ်ရှင်မှာ အချုပ်ခန်းအတုကို မြင်ရသည်။ ဆေးရုံအတုကို ကြည့်ရသည်။ တရုတ်ကလာတဲ့ပလတ်စတစ်သေနတ်ကို တွေ့ကြရသည်။ ကျောင်းသားတွေ အမှန်တကယ် မတက်ရသော တက္ကသိုလ်နယ်မြေတွေ ကို ရိုက်ပြကြသည်။ ရုပ်ရှင်၊ ဗီဒီယိုတွေမှာ ဆင်ဆာစည်းကမ်းသတ်မှတ် ချက်တွေ (အရင် အစိုးရလက်ထက်က) တင်းကျပ်ခဲ့သည်။

ဒီတင်းကျပ်မှု တွေရဲ့ နောက်ဆက်တွဲကြောင့် ဇာတ်ကားတွေကိုလည်း ဖြစ်သလို ရိုက်ခဲ့ကြသည်။
သေနတ်အတုနှင့်ပတ်သက်ပြီး မောင်မျိုးမင်း (ရင်တွင်းဖြစ်)ကလည်း သူ့အတွေ့အကြုံကို ဖွင့်ပြခဲ့သေးသည်။ အခြားနိုင်ငံ (စင်ကာပူလား၊ ထိုင်းလား မမှတ်မိပါ)က တရားဝင်ခွင့်ပြုလိုက်သော 'သေနတ်' အား ရုပ်ရှင်မှာ အသုံးပြုဖို့ ၀ယ်လာခဲ့သည်။ ရန်ကုန်လေဆိပ် (အကောက်ခွန်) က ခွင့်မပြု၊ သေနတ်က အစစ်နှင့်ခွဲမရအောင်တူနေသဖြင့် ခွင့်မပြုခြင်း ဖြစ်သည်၊ ရစ်နေသည်။ ဒီကိစ္စကို မောင်မျိုးမင်းကလည်း ရင်ဖွင့်ရေးခဲ့ ဖူးပါသည်။

(၃)
'ဆင်ဆာ'နှင့်ပတ်သက်ပြီး '၀ိုင်း'က ဒေါ်အောင်ဆန်းစုကြည်၏ လွတ်လပ်ခြင်းအနုပညာပွဲမှာ 'ဒီအခန်းဖြတ်'နှင့် ပထမဆုရခဲ့ဖူးသည်။ အရှိကိုအရှိအတိုင်း တင်ပြခဲ့သည်။ ဇာတ်လမ်းတိုလေးဆိုပေမယ့် အား လုံးက အမှန်တရားတွေချည်းဖြစ်သည်။ ကြည့်ရတာ အရသာရှိသည်။ ထိမိပြီး အနုပညာရသမြောက်သည်။ ထို့ကြောင့်လားမသိ၊ ၂၀၁၂ ခုနှစ် အကယ်ဒမီနှင့် '၀ိုင်း' လွဲခဲ့ရသည်။

ထိုစဉ်က 'ဆင်ဆာ'မှာလည်း အာဏာရှင်တွေသာ ပါဝင်ခဲ့ပြီး ပညာရှင်တွေမပါဘဲ ဖြစ်ခဲ့ရသည်။ ထို့ကြောင့်လည်း ပြည်သူတွေမျှော် လင့်ထားတာကတကား၊ အကယ်ဒမီရတာကတကား တခြားစီဖြစ်ခဲ့ ရသည်။ ဘယ်လိုမှ ရင်မခုန်ခဲ့ရပါ။

'၀ိုင်း'က ကုမ္ပဏီအကြိုက် (ထုတ်လုပ်သူအကြိုက်)၀င်ငွေသေချာ ပေါက်ရမည့် ပေါ့ရွှတ်ရွှတ်ဟာသကားမျိုးကိုလည်း သူရိုက်ဖို့ စိတ်ကူးမရှိ ခဲ့၊ အရင်က နာမည်ကျော်ဒရာမာသမားကြီးတချို့ပင် ဟာသလိုင်းဘက် ကို ကူးသွားခဲ့ကြသေးသည်။ ဒါရိုက်တာ '၀ိုင်း'က ခံယူချက်ပြင်းသူ ဖြစ်သည်။ သူလျှောက်ရမည့် လမ်းကို ယနေ့တိုင် ရဲရဲဝံ့ဝံ့ လျှောက်လှမ်း နေသည်။

(၄)
တကယ်တော့ ဒါရိုက်တာ'၀ိုင်း'မှာ ၂၀၁၂ ခုနှစ် မြန်မာ့ရုပ်ရှင် အကယ်ဒမီဆုပေးပွဲကတည်းကပင် ရသင့်ရထိုက်သူဖြစ်ခဲ့သည်။ ထိုနှစ်က မြန်မာနိုင်ငံ ရုပ်ရှင်အစည်းအရုံးဥက္ကဋ္ဌ အကယ်ဒမီလူမင်းပြောကြားခဲ့သည့် စကားကလည်း ရုပ်ရှင်လောကသားများအတွက် အားတက်စရာကောင်း ပါသည်။

အဓိက အကြောင်းရင်းကရုပ်ရှင်စည်းမျဉ်းဥပဒေပေါ်ပေါက် ရေးပင် ဖြစ်သည်။
ထိုနှစ်က ရုပ်ရှင်အစည်းအရုံးဥက္ကဋ္ဌ ပြောကြားသောစကားတွင် ကိုယ်မလုပ်နိုင်ဘဲ သူများလုပ်တာကို ဘေးကနေပြီး ဝေဖန်ချင်သူ၊ ကဲ့ရဲ့ ချင်သူတွေ၊ ရုပ်ရှင်လောကသား အချင်းချင်းမညီညွတ်ဘဲ အတိုက်အခံ လုပ်နေကြသည်များကိုလည်း 'ကိုယ့်ပေါင် ကိုယ်လှန်ထောင်း' ဟူသော စကားနှင့် ဥပမာပေးပြောကြားခဲ့သည်။

ထိုနှစ်က ထူးခြားစွာ နှစ်ပေါင်းများစွာမပေးဘဲ ချန်လှပ်ထားခဲ့သော ကလေးသရုပ်ဆောင်ဆုကို ယွန်းယွန်းအားပေးခဲ့သည်။ ယွန်းယွန်း၏ စကားပြောလိမ္မာပါးနပ်မှုကို ပရိသတ်ကြီးက ကျေနပ်ခဲ့ကြသည်။
အမျိုးသားသရုပ်ဆောင်ဆုတွင် မင်းသား 'ပြေတီဦး' က 'လက်ပံ' ဇာတ်ကားဖြင့် ရရှိခဲ့သည်။ မင်းသမီး 'ချောရတနာ'က 'ဥ' ဇာတ်ကား တွင် ဇာတ်ပို့သရုပ်ဆောင်ဆုကို ရခဲ့သည်။

တက်သစ်စမင်းသမီးချောလေး 'ဖွေးဖွေး'ကလည်း တတောင့်ပစ် တချက်ထိဆိုသောစကားကို ပထမဦးဆုံးရိုက်ကူးသော ရုပ်ရှင်ဇာတ်ကား ကြီးမှာပင် အကယ်ဒမီမင်းသမီးဖြစ်ခဲ့သည်။ (မြန်မာ့ရုပ်ရှင်တွင် ဇာတ်ကား တကားတည်းနှင့် အကယ်ဒမီရခဲ့သော မင်းသမီးမှာ ခင်မိုးမိုးဖြစ်သည်။ ရှုမ၀ဦးကျော် ရိုက်ကူးသော 'အပယ်ရတနာ'ဇာတ်ကားဖြစ်ပါသည်။

ဆုအားလုံးပေးပြီး ဒါရိုက်တာဆုကိုပေးချိန်မှာ ပရိသတ်က အံ့သြခဲ့ ကြရသည်။ ထိုနှစ်က '၀ိုင်း'မှာ အကယ်ဒမီ တစ်ပေးခံခဲ့ရသော်လည်း အကယ်ဒမီနှင့်လွဲခဲ့ရသည်။ ဒါပေမဲ့ သံမဏိ '၀ိုင်း'ကစိတ်ဓာတ်မကျ၊ အားမလျှော့ခဲ့ပါ။ အကယ်ဒမီလိုချင်၍ အာဏာရှင်အကြိုက် လိုက်မရိုက်ခဲ့ ပါ။
၂၀၁၂ ခုနှစ်မတိုင်မီ အရင်နှစ်တွေကလည်း '၀ိုင်း'မှာ အာဒံရယ်၊ ဧ၀ရယ်၊ ဒဿရယ်'ဇာတ်ကားဖြင့် အကယ်ဒမီ တစ်ပြေးခဲ့သူဖြစ်သည်။

သို့သော်လည်း 'လက်ပံ'မှာလည်း '၀ိုင်း'တယောက်လွဲမြဲလွဲခဲ့ရသည်။
'ဖွေးဖွေး'အကယ်ဒမီရသည့် ထိုနှစ်က အကယ်ဒမီပေးပွဲမစမီ ဒါရိုက်တာ'၀ိုင်း'၏ စကားတခွန်းကလည်း သတိရစရာဖြစ်နေသေးသည်။
'ဖွေးဖွေး အကယ်ဒမီမရရင် ကျွန်တော်ညံ့လို့ပေါ့''ဟူသော စကား ပင် ထိုနှစ်က ဖွေးဖွေး အကယ်ဒမီရခဲ့သည်။ '၀ိုင်း'အကယ်ဒမီမရခြင်း အကြောင်းရင်းနှင့်ပတ်သက်ပြီး ပရိသတ်တွေ စိတ်မကောင်းဖြစ်ခဲ့ကြရ သည်။

တကယ်တော့ 'လက်ပံ'သည်လည်း အနှောင့်အယှက်အမျိုးမျိုး အတားအဆီး အခက်အခဲမျိုးစုံကြားက ရုန်းထွက်ခဲ့ရသည့် ဇာတ်ကား တကားသာ ဖြစ်ပါသည်။
(၅)
လူငယ်ဒါရိုက်တာ '၀ိုင်း'ဟူသည်
ထူးခြားထက်မြက်သော အတွေးရှိသူတဦး -
ရဲရင်သောတင်ပြမှုများနှင့် ဒေါ်အောင်ဆန်းစုကြည်၏ လွတ်လပ် ခြင်း အနုပညာဖန်တီးမှုတွင် ပါဝင်လှုပ်ရှားခဲ့ပြီး 'ပထမ'ဆုရရှိခဲ့သူတဦး၊ ရုပ်ရှင်လောကသားများ၏ အခက်အခဲများ၊ နစ်နာမှုများအား အရှိအတိုင်း မီးမောင်းထိုးပြခဲ့သူတဦးသာ ဖြစ်သည်။

စစ်အာဏာရှင်တို့လက်ထက်က 'ဆင်ဆာ'ဟူသောလမ်းကြိတ်စက် ကြီးဖြင့် ရုပ်ရှင်လောကသားတို့၏ အနုပညာသည်ဖန်တီးမှုများအား ပြားပြား ၀ပ်အောင် နင်းချေခံခဲ့ရပုံများအားလည်းကောင်း၊ ပညာရှင်မဟုတ်သူတို့ နေရာယူထားကြပုံများကိုလည်းကောင်း ရဲရဲဝံ့ဝံ့ဖြင့် ပြည်သူသိအောင် ရိုက်ကူးတင်ပြခဲ့သူ လူငယ်တဦးဖြစ်ပါသည်။
ခုတော့ ၂၀၁၃ ခုနှစ်အတွက် အကောင်းဆုံးရုပ်ရှင်ဒါရိုက်တာဆု အတွက် 'စေတန်ရဲ့ ကချေသည်'ဇာတ်ကားဖြင့် 'အကယ်ဒမီ'ဆုကို ဒါရိုက်တာဝိုင်းတယောက် ရရှိခဲ့ပြီဖြစ်သည်။

၂၀၁၅ ခုနှစ် ဒီဇင်ဘာ ၂၂ ရက်၌ ၀ိုင်း(ခ)မောင်ထွန်းဇော်ဝင်းနှင့် မအိသန္တာရှိန် (ခ)အိချိုတို့၏ မင်္ဂလာပွဲကို ရန်ကုန်မြို့ နိုဗိုတယ်မက်(စ်)ဟိုတယ် ကြီးတွင် ခမ်းခမ်းနားနား ကျင်းပခဲ့သည်။

အနုပညာသံယောဇဉ်ကြီးမားသော ၀ိုင်း တယောက် လက်ထပ်ပြီး စ 'ဟန်းနီးမွန်း'ခရီးထွက်ဖို့ပင် အချိန်မပေးနိုင်ခဲ့ပါ။

မြတ်လင်းသူ
News Watch(စောင့်ကြည့်သတင်းဂျာနယ်)

ထိုင်းနိုင်ငံ ဖူးခက်ဆိပ်ကမ်းရှိ ဂိုထောင်အတွင်းမှ မြန်မာနိုင်ငံသားအလုပ်သမား ၃၂ ဦးကို မြန်မာနိုင်ငံ လူကုန်ကူးမှုတားဆီးနှိမ်နင်းရေး ရဲတပ်ဖွဲ့စိတ်(မြ၀တီ)၊ ထိုင်းနိုင်ငံရောက် မြန်မာနိုင်ငံသားများ အဖွဲ့(MAT)၊ အလုပ်သမားကာကွယ်စောင့်ရှောက်ရေးကွန်ရက် (LPM)၊ မြန်မာသံရုံးတို့နှင့် ချိတ်ဆက်ကယ်တင် နိုင်ခဲ့ကြောင်း သိရှိရသည်။

ဖြစ်စဉ်မှာဇန်န၀ါရီ၂၃ရက်နေ့တွင်လူကုန်ကူးမှုတားဆီးရဲတပ်ဖွဲ့စိတ်(မြ၀တီ)သို့ မြ၀တီမြို့နေ အမျိုးသမီး တဦးရောက်ရှိလာပြီး ၄င်း၏တူတော်စပ်သူသည် လွန်ခဲ့သောတလကျော်ခန့်ကထိုင်းနိုင်ငံသိုပအလုပ်သွား ရောက်လုပ်ကိုင်ရာမှ ငါးဖမ်းစက်လှေတစင်းပေါ်သို့ ရောင်းစားခံရကြောင်း လှေပေါ်တွင် အလုပ်မလုပ်နိုင်ပါက ရိုက်နှက်၍ခိုင်းစေကြောင်းကို တူဖြစ်သူက ၄င်းထံဖုန်းဆက်အကြောင်းကြားလာသဖြင့် ကူညီကယ်တင်ပေးရန် အကူအညီတောင်းခံလာပြီး တပ်ဖွဲ့စိတ်(မြ၀တီ)သို့ တူဖြစ်သူကိုယ်တိုင် ဖုန်းဆက်သွယ်နိုင်ရန် ဖုန်းနံပါတ်များ ပေးခဲ့သည်။

ယင်းနောက် ဇန်န၀ါရီလ ၂၆ ရက်တွင် စက်လှေနံပါတ် (၁၈) တွဲလှေ (၁၉) သည် ဖူးခက်ဆိပ်ကမ်းတွင် ရောက် ရှိနေကြောင်း စက်လှေပေါ်တွင် ၄င်းနှင့်အတူ အခြားမြို့မှ အလုပ်သမားသုံးဦးပါရှိကြောင်း တပ်ဖွဲ့စိတ်(မြ၀တီ) သို့ ထိုင်းဖုန်းဖြင့် တူဖြစ်သူက ဆက်သွယ်လာသည့်အတွက် လူကုန်ကူးမှုတားဆီးနှိမ်နင်းရေး ရဲတပ်ဖွဲ့စိတ် (မြ၀တီ)မှ တပ်ဖွဲ့ဝင်များသည် ထိုင်းရဲတပ်ဖွဲ့ ထိုင်းနိုင်ငံရောက် မြန်မာနိုင်ငံသားများအဖွဲ့(MAT)၊ အလုပ်သမား ကာကွယ်စောင့်ရှောက်ရေးကွန်ရက်(LPM)၊ မြန်မာသံရုံးတို့နှင့် ချိတ်ဆက်ဆောင်ရွက်ခဲ့ကြပြီး စက်လှေပေါ်ပါ မြန်မာနိုင်ငံသား လေးဦးအား ၂၈ ရက် ဇန်န၀ါရီ မွန်းတည့် ၁၂ နာရီနှင့် ကယ်တင်နိုင်ခဲ့သည်။

၎င်းတို့ လေးဦး၏ ထွက်ဆိုချက်များအရ ဖူးခက်ကမ်းခြေဆိပ်ကမ်းရှိ ဂိုထောင်အတွင်း ပိတ်လှောင်ခြင်းခံထားရသော မြန်မာအလုပ် သမား ၂၈ ဦး စုစုပေါင်း ၃၂ ဦးတို့ကို ထပ်မံကယ်နိုင်ခဲ့ကြောင်း သိရှိရသည်။

ယင်းဖြစ်စဉ်နှင့်ပတ်သက်၍ မြန်မာနိုင်ငံလူကုန်ကူးမှု တားဆီးနှိမ်နှင်းရေးဌာနမှ ရဲမှူးဒေါ်အေးအေးမြင့်က ယခု အခါတွင် ထိုင်းနိုင်ငံသို့ တရားဝင်သွားရောက်နိုင်သည့် လမ်းကြောင်းများရှိနေပြီဖြစ်၍ တရားမ၀င်လမ်းကြောင်းမှသွားရောက်ခြင်းမပြုရန်အသိပညာပေးရေးသားဖော်ပြကြဖို့ မီဒီယာများအား မေတ္တာရပ်ခံခဲ့သည်။

ထွန်း(နေပြည်တော်)
News Watch(စောင့်ကြည့်သတင်းဂျာနယ်)

မီးဒဏ်နှစ်ကြိမ်သင့်ခံထားရသောမင်္ဂလာဈေးကြီးကို ပြန်လည်မွမ်းမံတည်ဆောက်မည်ဆိုပါကအန္တရာယ်ကြီးမားသည့်အတွက်မီးဘေးသင့်ဈေးသူဈေးသားများမှ ပြန်လည်မွမ်းမံတည်ဆောက်ခြင်းကို ကန့်ကွက်ပြီး အသစ်ပြန်လည်တည်ဆောက်ရန်သဘောတူလက်မှတ် ကောက်ခံရာတွင် ဈေးသူဈေးသား၁၂၀၀ခန့်သဘောတူလက်မှတ်ရေးထိုးထားကြောင်း ဈေးသူဈေးသားများ၏ ပြောပြချက်အရ သိရသည်။

`အမ နာမည်ကတော့ ဒေါ်အေးမွန်ပါ။ ဆိုင်ခန်းနာမည်ကတော့ `နိုင်မြန်မာ` ပါ။ အမတို့မှာ ကိုယ်ပိုင်ဆိုင်ခန်းက ၁၃ ခန်းရှိပါတယ်။ ငှားထားတဲ့အခန်းနဲ့ဆို ၁၉ ခန်းလောက်မီးထဲမှာ ပါသွားပါတယ်။

အခုအမတို့အနေနဲ့ကတော့ ဈေးကို ပြန်ပြီးအသစ်တည်ဆောက်စေချင်ပါတယ်၊အကယ်၍ မွမ်းမံပြီး ဆောက်လို့ပြန်ဖြစ်သွားမှာကိုအရမ်းကြောက်ပါတယ်။

အကုန်လုံးရဲ့ဘ၀တွေအတွက် ဈေးကိုလုံးဝအစကနေအသစ်ပြန်ဆောက်ပေးစေချင်ပါ တယ်`ဟု ဒေါ်အေးမွန်က ပြောကြားခဲ့သည်။

မင်္ဂလာဈေးကို အသစ်ပြန်လည်တည်ဆောက်ရန် သတင်းစာရှင်းလင်းပွဲကို ပုဇွန်တောင်မြို့နယ်တွင် ပြုလုပ်ခဲ့ပြီး မီးဘေးသင့် ဆိုင်ခန်းပေါင်း ၁၆၃၆ ခန်းမှ ဆိုင်ရှင် ၁၂၀၀ ခန့်တို့က သဘောတူလက်မှတ်ရေးထိုးထားပြီး လိုအပ် လာပါက အမျိုးသာီးမိုကရေစီအဖွဲ့ချုပ် ဥက္ကဋ္ဌ ဒေါ်အောင်ဆန်းစုကြည်ထံ တင်ပြမည်ဖြစ်ကြောင်း သိရသည်။

အောင်သူ
News Watch(စောင့်ကြည့်သတင်းဂျာနယ်)

ရာစုနှစ် ထက်ဝက်ကျော် စစ်တပ်ကကြီးစိုးခဲ့တဲ့ မြန်မာနိုင်ငံမှာ အားလုံးပါဝင်ပြီး လွတ်လပ်တဲ့ ရွေးကောက်ပွဲကနေ ရွေးချယ်ခံရတဲ့ ပြည်သူ့ကိုယ်စားလှယ်တွေ လွှတ်တော်ကို တနင်္လာနေ့မှာ စတင်ဖို့ ပြင်ဆင်နေပြီး အဲဒီနေ့ဟာ နိုင်ငံရဲ့ သမိုင်းဝင်နေ့တစ်နေ့ ဖြစ်လာပါလိမ့်မယ်။

၁၉၆၂ ခုနှစ်မှာ စစ်တပ်ကနေ ပါလီမန် ဒီမိုကရေစီအစိုးရဆီက အာဏာသိမ်းပြီး ပြည်သူတွေရဲ့ လွတ်လပ်ခွင့်တွေကို ဖိနှိပ်ချုပ်ချယ်လာခဲ့ရာကနေ အငြင်းပွားစရာ ၂ဝ၁ဝ ရွေးကောက်ပွဲအပြီး အရပ်သားအစိုးရအဖြစ် ပြောင်းလဲရာမှာလည်း စစ်တပ် ကျောထောက်နောက်ခံ ပြုထားတဲ့ ပါတီကြီးက လွှတ်တော်ကို လွှမ်းမိုးခဲ့ပါတယ်။

ပြီးခဲ့တဲ့ ရွေးကောက်ပွဲမှာတော့ စစ်အစိုးရကို နှစ်ပေါင်း ၂ဝ ကျော် အန်တုခဲ့တဲ့ အမျိုးသား ဒီမိုကရေစီအဖွဲ့ချုပ် NLD က အပြတ်အသတ် နိုင်တဲ့အတွက် ဒီမိုကရေစီ အင်အားစုတွေ လွှတ်တော်ကို အားကောင်းမောင်းသန်နဲ့ မောင်းနှင်နိုင်တော့မှာပါ။

လွှတ်တော်အမတ်နေရာ ၄၄ဝ သတ်မှတ်ထားတဲ့ ပြည်သူ့လွှတ်တော် အတွက် ၂၅၅ နေရာ၊ ၂၂၄ နေရာ သတ်မှတ်ထားတဲ့ အမျိုးသား လွှတ်တော် အတွက်လည်း ၁၃၅ နေရာ အနိုင်ရခဲ့တာကြောင့် ဒေါ်အောင်ဆန်းစုကြည် ခေါင်းဆောင်တဲ့ NLD ပါတီဟာ အစိုးရအဖွဲ့သစ် ဖွဲ့တော့မှာပါ။

* သမ္မတဘယ်သူဖြစ်မလဲမှန်းဆခြင်း *

ဒေါ်အောင်ဆန်းစုကြည်ဟာ သားနှစ်ဦး ဗြိတိန်နိုင်ငံသားတွေ ဖြစ်တယ်ဆိုတဲ့ အချက်ကြောင့် အခြေခံဥပဒေအရ သမ္မတတာဝန် ထမ်းဆောင်ခွင့် မရှိပါဘူး။ ဒါပေမဲ့ သူက သမ္မတတာဝန် ထမ်းဆောင်ခွင့် မရရင်တောင် ပေါ်ပေါက်လာမယ့် သမ္မတအထက်ကနေ တိုင်းပြည်ကို ဦးဆောင်သွားမယ်လို့ လူသိထင်ရှား ပြောပြခဲ့ဖူးပါတယ်။

NLD က ဘယ်သူ့ကို သမ္မတအဖြစ် တင်မြှောက်မလဲဆိုတာက လူထုကြားမှာ အသိချင်ဆုံးကိစ္စ ဖြစ်နေပါတယ်။ သူသမ္မတဖြစ်ခွင့်ကို အဟန့်အတား ဖြစ်စေတဲ့ ဖွဲ့စည်းပုံ အခြေခံဥပဒေပုဒ်မ ၅၉ (စ) ကို ငါးနှစ်တာ ဆိုင်းငံ့နိုင်ခဲ့ရင် ဒေါ်အောင်ဆန်းစုကြည် သမ္မတတာဝန် ယူနိုင်လိမ့်မယ်လို့ သုံးသပ်သူတွေလည်း ရှိနေပါတယ်။

၂ဝဝ၈ ဖွဲ့စည်းပုံ အခြေခံဥပဒေအရ ပြည်သူ့လွှတ်တော်၊ အမျိုးသား လွှတ်တော်၊ တိုင်းဒေသကြီးနဲ့ ပြည်နယ် လွှတ်တော် စတဲ့ လွှတ်တော် အသီးသီးရဲ့ ကိုယ်စားလှယ် ၂၅ ရာခိုင်နှုန်းကို တပ်မတော်က ပိုင်ဆိုင်ထားတာပါ။

အခုလို သမိုင်းတွင်တဲ့ အပြောင်းအလဲ တစ်ခုဖြစ်လာပေမယ့် ဖွဲ့စည်းပုံ အခြေခံဥပဒေပါ အချက်တစ်ခုခုကို ပြင်ဆင်မယ် ဆိုရင်တောင် လွှတ်တော် ကိုယ်စားလှယ် အားလုံးရဲ့ ၇၅ ရာခိုင်နှုန်းကျော် ထောက်ခံမှသာ ပြင်ဆင်ခွင့်ရှိမှာ ဖြစ်တဲ့အတွက် စစ်တပ်ဟာ လွှတ်တော်အတွင်းမှာ ဗီတိုအာဏာကို ဆက်လက် ဆွဲကိုင်ထားနိုင်သလို ဖြစ်နေပါတယ်။

NLD ပါတီရဲ့ ကြွေးကြော်ထားတဲ့ ပြည်တွင်း ငြိမ်းချမ်းရေး၊ တရားဥပဒေ စိုးမိုးရေး၊ ဖက်ဒရယ်စနစ် စတဲ့ ဟာတွေရဲ့ အချုပ် ဖြစ်တဲ့ ဖွဲ့စည်းပုံ အခြေခံဥပဒေ ပြင်ဆင်ရေးမှာ စစ်တပ်နဲ့ ညှိနှိုင်းပူးပေါင်း ဆောက်ရွက်ရဦးမှာ ဖြစ်ပါတယ်။

အစိုးရအဖွဲ့ရဲ့ အဓိကဌာနတွေဖြစ်တဲ့ ကာကွယ်ရေး၊ ပြည်ထဲရေးနဲ့ နယ်စပ်ရေးရာတွေကိုလည်း စစ်တပ်ရဲ့ လက်အောက်မှာ ရှိနေသလို တိုင်းပြည်ရဲ့ အရေးကြီးဆုံး နေရာဖြစ်တဲ့ ကာကွယ်ရေးနဲ့ လုံခြုံရေးကောင်စီရဲ့ နေရာမှာ အဖွဲ့ဝင် ၁၁ နေရာမှာ စစ်တပ်က ၆ နေရာအထိ ပိုင်ဆိုင်ထားခဲ့တာကလည်း လာမယ့်အစိုးရအတွက် အဓိကစိန်ခေါ်မှု ဖြစ်နေဆဲပါ။

လွှတ်တော် ကိုယ်စားလှယ်သစ်တွေက လွှတ်တော်အဖွင့်အတွက် သဘာပတိတစ်ဦးကို လွှတ်တော် ကိုယ်စားလှယ်တွေထဲက ရွေးချယ်ပြီး သူကပဲ လွှတ်တော်ဥက္ကဋ္ဌ၊ ပြည်ထောင်စု လွှတ်တော် နာယကတွေကို ရွေးချယ်ရေးအဆင့်ကို ပြုလုပ်ပေးရမှာပါ။

NLD က လွှတ်တော်ကြီးနှစ်ရပ် ဥက္ကဋ္ဌတွေအဖြစ် ပါတီဝင်အမတ်တွေကိုပဲ တာဝန်ပေးမယ်၊ ပြည်သူ့လွှတ်တော် အတွက် ရှေ့နေဦးဝင်းမြင့်၊ အမျိုးသားလွှတ်တော် အတွက် ဦးမန်းဝင်းခိုင်သန်းတို့ ဖြစ်တယ်လို့ သတင်းတွေ ထွက်ထားရာကနေ ကြာသပတေးနေ့မှာတော့ ဒေါ်အောင်ဆန်းစုကြည်က အဲဒီသတင်းကို အတည်ပြု ကြေညာလိုက်ပါတယ်။ ဦးမန်းဝင်းခိုင်သန်းက မြန်မာ့လွတ်လပ်ရေး အာဇာနည်တစ်ဦးဖြစ်တဲ့ မန်းဘခိုင်ရဲ့ မြေးဖြစ်ပါတယ်။

ဒုဥက္ကဋ္ဌတွေအဖြစ် ပြည်သူ့လွှတ်တော်အတွက် ပြည်ခိုင်ဖြိုးပါတီဝင်က ချင်တိုင်းရင်းသား လွှတ်တော်အမတ် ဦးတီခွန်မြတ်၊ အမျိုးသားလွှတ်တော်အတွက် ရခိုင်အမျိုးသားပါတီမှ ဦးအေးသာအောင်တို့ကို လျာထားတယ်လို့ ပြောလိုက်ပါတယ်။

၂ဝ၁၁ ခုနှစ်က စတင်ခဲ့တဲ့ လွှတ်တော်ဟာ စစ်တပ်သြဇာ လွှမ်းမိုးတာကြောင့် လွှတ်တော် အစပိုင်းမှာ အသက်များစွာ မဝင်ခဲ့ပေမယ့် ၂ဝ၁၂ ခုနှစ် ကြားဖြတ်ရွေးကောက်ပွဲ အပြီး NLD ပါတီက ကိုယ်စားလှယ်တွေ ဝင်ရောက် လာချိန်ကစပြီး လွှတ်တော်ရဲ့ အင်္ဂါရပ်နဲ့ တဖြည်းဖြည်း နီးစပ်ခဲ့ပါတယ်။

အဲဒီနောက်ပိုင်း လွှတ်တော်ရဲ့ ဆောင်ရွက်ချက်တွေဟာ အစိုးရအဖွဲ့ကို ပြန်လှန် ထိန်းကျောင်းနေရင် လွှတ်တော် နာယကနဲ့ အစိုးရတို့ကြားမှာ ပွတ်တိုက်မှုတွေတောင် ဖြစ်ပျက်ခဲ့ပါတယ်။

ဒါပေမဲ့ ပြီးခဲ့တဲ့ လွှတ်တော်ရဲ့ ဥပဒေပြုရေး ဆောင်ရွက်ချက်တွေကို ပြန်ကြည့်လိုက်မယ် ဆိုရင် လွှတ်တော် ကိုယ်စားလှယ်က တင်သွင်းတဲ့ ဥပဒေတွေ၊ ဥပဒေ ပြင်ဆင်ချက်တွေ၊ ဖြည့်စွက်ချက်တွေဟာ အားနည်းခဲ့ပြီးတော့ အစိုးရဌာနတွေက တင်ပြတာကိုပဲ ကိုယ်စားလှယ်တွေက အပြန်အလှန် ဆွေးနွေးနိုင်ခဲ့ပါတယ်။ ဒါကြောင့် ပြည်သူတွေအတွက် အကျိုးပိုဖြစ်ထွန်းမယ့် ဥပဒေမျိုးတွေ ထွက်ပေါ်လာတာ နည်းခဲ့ပြီး အစိုးရကို ပိုအကျိုးဖြစ်ထွန်းစေမယ့် ဥပဒေတွေ များပြားခဲ့တယ်၊ နောင်မှာတော့ လွှတ်တော်က ပိုမိုမြိုင်ဆိုင်လာနိုင်မှာ ဖြစ်သလို အဲဒီလိုဖြစ်လာဖို့လည်း မျှော်လင့်တယ်လို့ Tampadipa Institute မှ နိုင်ငံရေး အကဲခတ် ဦးခင်ဇော်ဝင်းက သုံးသပ်ပါတယ်။

“တစ်ဖက်မှာ ဒီမိုကရေစီက ပိုအားကောင်း လာနိုင်ပါတယ်။ တစ်ဖက်မှာတော့ ဗဟိုစနစ်က အားနည်းသွားတယ်။ ဒီမိုကရေစီစနစ်တစ်ခုမှာ ပါတီတစ်ခုက အားကောင်းကောင်းနဲ့ လွှမ်းမိုးတာကလည်း အန္တရာယ်များပါတယ်။ ကောင်းတာလည်း ဖြစ်နိုင်သလို ဆိုးတာလည်း ဖြစ်နိုင်တယ်” လို့ သူက ပြောပြတယ်။

“ဒါပေမဲ့ ကျွန်တော့်အနေနဲ့ စိတ်ပူတယ်။ လွှတ်တော်ရော အစိုးရကို လူတစ်ယောက်တည်းက ထိန်းချုပ်ထားတာ။ သူကထိုင်ဆိုထိုင်၊ ထဆိုထ လုပ်နေရတဲ့ သူတွေက သူမကြိုက်တာကို ပြောရဲပါ့မလား”

ပြည်သူတချို့ကတော့ အရင်အစိုးရ အဆက်ဆက်ရဲ့ လုပ်ဆောင်ချက်တွေ၊ စစ်တပ်အာဏာကို မလျှော့ချနိုင်သေးတာ တွေကြောင့် NLD ပါတီဟာ တိုင်းပြည် ပြုပြင်ပြောင်းလဲရေးကို အများကြီး ဆောင်ရွက်နိုင်မှာ မဟုတ်သေးဘူးလို့ သုံးသပ်ကြပါတယ်။

“ကျွန်တော်တို့ ပြည်သူတွေကတော့ အပြောင်းအလဲကို မျှော်လင့်တာပေါ့ဗျာ။ ပြည်တွင်း ငြိမ်းချမ်းရေးက စပြီးတော့ ပြည်သူတွေရဲ့ ပညာရေး၊ အလုပ်အကိုင်တွေ အဆုံးပေါ့” လို့ ဓာတုဗေဒဘွဲ့ရ လူငယ်တစ်ဦးဖြစ်တဲ့ ကိုဇေယျာလင်းက ပြောပါတယ်။

“NLD ဟာ သူ့ပါတီတွင်း ပြုပြင်ရေးတွေ လုပ်ရမှာဖြစ်သလို အစိုးရဌာနတွေရဲ့ စီမံခန့်ခွဲမှုတွေ၊ တိုင်းပြည်ရဲ့ ငွေကြေး ဖောင်းပွမှုတွေ အများကြီးကို လုပ်ရဦးမှာဆိုတော့ ကျွန်တော်တို့ မျှော်လင့်သလောက် လုပ်နိုင်မယ်တော့ မထင်ဘူး။ အရင်အစိုးရ လက်ထက်ကထက် ၃ဝ ရာခိုင်နှုန်းလောက် လုပ်နိုင်ရင်ကို NLD အနေနဲ့ အောင်မြင်တယ်လို့ ယူဆရမယ်”

ထက်ခေါင်လင်း/Myanmar Now
News Watch(စောင့်ကြည့်သတင်းဂျာနယ်)

(ဓာတ်ပုံ-အေးအေးမာ ဗွီအိုအေမြန်မာပိုင်း)
ထိုင်းနိုင်ငံအတွင်းမှာ အချိန်ကြာမြင့်စွာ နေထိုင်နေကြတဲ့ မြန်မာပြည်သားတွေအနေနဲ့ ယာဉ်ဝယ်ခွင့်နဲ့ ယာဉ်မောင်းလိုင်စင်ကိုင်ဆောင်ခွင့်ဆိုင်ရာ ဥပဒေတရပ်ဟာ အခုရက်ပိုင်းအတွင်းမှာပဲ စတင် အသက်ဝင်ခဲ့ပါပြီ။

ဒီဥပဒေနဲ့ အကျုံးဝင်တဲ့ ထိုင်းနိုင်ငံရောက် မြန်မာနိုင်ငံသားတွေဟာ ထိုင်းနိုင်ငံသားတွေလိုပဲ အစိုးရဆေးရုံတွေမှာ အခမဲ့ ဆေးကုသခွင့်နဲ့ ကျောင်းတွေမှာ အခမဲ့ပညာသင်ကြားခွင့်တွေ ရရှိကြမှာ ဖြစ်ပါတယ်။ ဒီဥပဒေမှာ ဘယ်လိုအချက်အလက်တွေက အကျုံးဝင်သလဲဆိုတာကို ထိုင်းအခြေစိုက် ဗွီအိုအေသတင်းထောက် မအေးအေးမာ ဆက်သွယ်စုံစမ်းထားချက်တွေကို မခွာညိုက တင်ပြထားပါတယ်။

ဇန်နဝါရီလ ၁၂ ရက်နေ့က ချမှတ်ခဲ့တဲ့ ဥပဒေအရ ထိုင်းနိုင်ငံမှာအနေကြာပြီး ၁၀ နှစ်ခံကဒ်လို့ လူသိများတဲ့ တရားဝင်နေထိုင်ခွင့် အထောက်အထား ၁၀ နှစ် သက်တမ်းပေးထားတဲ့ကဒ် ကိုင်ဆောင်ထားသူတွေနဲ့ နိုင်ငံကူးလက်မှတ်ရှိတဲ့ ရွှေ့ပြောင်းအလုပ်သမားတွေ၊ ထိုင်းအစိုးရက ထုတ်ပေးထားတဲ့ အလုပ်လုပ်ခွင့် ပန်းရောင်ကဒ် ကိုင်ဆောင်ထားသူတွေဟာ ယာဉ်ပစ္စည်းတွေနဲ့ ယာဉ်ဝယ်ယူခွင့်အပြင် ယာဉ်မောင်း လိုင်စင်လည်း ရယူနိုင်တော့မှာ ဖြစ်ပါတယ်။ အခု ရက်ပိုင်းအတွင်း စတင် အသက်ဝင်လာပြီဖြစ်တဲ့ ဒီဥပဒေနဲ့ ပတ်သက်လို့ ထိုင်းလုပ်ငန်းရှင်တစ်ဦးက အခုလို ပြောပြပါတယ်။

“ပတ်စ်ပို့သမားတွေက သူဌေးနော် စာ အလုပ်လုပ်ခွင့်ပါမစ်ပါ ပါရမယ်။ သူဌေးအိမ်ထောင်စုစာရင်း၊ မှတ်ပုံတင် အဲ့လိုပေါ့ ဖြေတဲ့အခါကျရင်ပေါ့ အဲ့လိုနော်။ တကယ်လို့ အရောင်းအ၀ယ်လည်း သူဌေးဥစ္စာလည်း ပါရမယ်။ ပတ်စ်ပို့သမားတွေပေ့ါနော်။ ၁၀ နှစ်ခံကဒ် ကိုင်ဆောင်ထားသူတွေကတော့ သူဌေးမလိုဘူး။ အလုပ်လုပ်ခွင့် ပါမစ်လည်း မလိုဘူး။ ပန်းရောင်ကဒ်လည်း လုပ်ပေးတယ်။ လုပ်ပေးတဲ့သူက သူဌေး အိမ်ထောင်စုစာရင်းရော၊ ဘာရော အကုန်ပါရမယ်။ သူက တခြားနယ်ကျော်ပြီးတော့ သွားလုပ်လို့မရဘူး။ ကိုယ်နေတဲ့နေရာပဲ လုပ်ရတယ်။ အရောင်းအ၀ယ်လုပ်ရတယ်။”

၁၀ နှစ်ခံကဒ်မှာ ထိုင်းနိုင်ငံအတွင်း အနေကြာပေမယ့် အထောက်အထားပြနိုင်ခြင်းမရှိတဲ့ မြန်မာနိုင်ငံသားတွေကို ထုတ်ပေးတဲ့ကဒ်ကိုတော့ နှစ်မျိုးခွဲထားပါတယ်။  ကဒ် နှစ်မျိုးစလုံးမှာ   မဂဏန်း ၁၃ လုံးပါပြီး-   သုည - နဲ့စပြီး ဂဏန်း ၆ လုံးမြောက်နဲ့ ၇ လုံးမြောက်မှာ ၈ နဲ့ ၉ ပါတဲ့ ကဒ်တွေသာ အခုထုတ်ပြန်တဲ့ ဥပဒေနဲ့ အကျုံး ဝင်မှာဖြစ်ပြီး ၈ နဲ့ ၉ ဂဏန်းမပါတဲ့ကဒ် ကိုင်ဆောင်သူတွေက ဒီဥပဒေပါ အခွင့်အရေး ရမှာ မဟုတ်ပါဘူး။

“သုည အရှေ့ပေါ့နော် နောက်ပြီးရင် ၈၊ ၉ ဖြစ်ရမယ်။ အဲ့လိုလူတွေက ရတယ်။ အရှေ့မှာလည်း သုည၊ အနောက်မှာလည်း သုည ဆိုရင် အဲ့လိုကတော့ မရဘူး။ အားလုံး သုညဖြစ်တဲ့သူတွေက မရဘူးပေါ့။”

ဂဏန်း ၈ နဲ့ ၉ ပါတဲ့အဓိပ္ပာယ်က သူတို့နေထိုင်ရာ ထိုင်းနိုင်ငံအတွင်းက ကျေးရွာတွေမှာ သန်းခေါင်စာရင်း ရရှိထားသူတွေဖြစ်ပြီး ရှေ့က သုည နဲ့စပြီး ဂဏန်း ၆ လုံး မြောက်နဲ့ ၇ လုံးမြောက်မှာ သုည - တွေပဲ ပါနေရင်တော့ အဲဒီကဒ် ကိုင်ဆောင်သူတွေဟာ နေထိုင်ရာ အတည် တကျ မရှိသေးသူတွေလို့ သတ်မှတ်ပါတယ်။

သန်းခေါင်စာရင်းရထားတဲ့ အလယ်မှာ ၈ နဲ့ ၉ ပါတဲ့ ဆယ်နှစ်ခံ ကဒ် ကိုင်ဆိုင်သူတွေဟာ ထိုင်းနိုင်ငံသားတွေနည်းတူ သက်ဆိုင်ရာ အစိုးရ ဆေးရုံ တွေမှာ အခမဲ့ ကျန်းမာရေး စောင့်ရှောက်ခွင့်၊ ကလေးတွေ အခမဲ့ပညာသင်ကြားခွင့်တွေကိုလည်း တပါတည်း ရရှိမှာဖြစ်ပါတယ်။ ဒါ့အပြင် သက်ဆိုင်ရာ မြို့နယ် အုပ်ချုပ်ရေးမှူးရဲ့ ခွင့်ပြုချက်နဲ့ ထိုင်းနိုင်ငံအနှံ့ ခရီးသွားခွင့်လည်း ရမှာဖြစ်ပါတယ်။

ထိုင်းနိုင်ငံမှာ တစ်နှစ်တစ်ကြိမ်သက်တမ်းတိုးရတဲ့ ဘတ် - လို့ခေါ်တဲ့ နေထိုင်ခွင့်ကဒ် ကိုင်ဆောင်ထားသူတွေအတွက်တော့  အလုပ်လုပ်ခွင့် ကဒ် ရှိရင်တောင် တမြို့ထဲ မှာ ဒီဘက်ရပ်ကွက်ကနေ ဟိုဘက်ရပ်ကွက်ကို ကူးသန်းခွင့်သလို အလုပ်ပြောင်းရွှေ့ လုပ်ကိုင်ခွင့်လည်း မရှိကြပါဘူး။

ထိုင်းနိုင်ငံက တရားဝင်ထုတ်ပေးတဲ့ ဆယ်နှစ်ခံလက်မှတ်ကိုင်ဆောင်ထားနိုင်တဲ့ မြန်မာနိုင်ငံသားတွေ အပါအဝင် နိုင်ငံခြားသားတွေ၊ ရွှေ့ပြောင်း အလုပ်သမားတွေအတွက် ယာဉ်ဝယ်ယူခွင့်နဲ့ လိုင်စင်လုပ်ခွင့်ဆိုတာကလည်း ဒါဟာ ပထမဆုံးရတဲ့ အခွင့်အရေးဖြစ်ပါတယ်။ လွန်ခဲ့တဲ့ ၆ နှစ်က ယာဉ်မောင်းလိုင်စင်လုပ်ခွင့်ဥပဒေ ပြဌာန်းပေးခဲ့တာရှိခဲ့ပြီး အခုထုတ်ပြန်တဲ့ ဥပဒေသစ်အရ ဥပဒေဟောင်းကို ဖျက်သိမ်း လိုက်တဲ့အတွက်လည်း အရင်ဥပဒေအရ ထုတ်ပေးထားတဲ့ လိုင်စင်ဟောင်းကိုင်ဆောင်သူတွေလည်း လိုင်စင်သစ်ပြန်လုပ်ရမှာ ဖြစ်ပါတယ်။

ဒီဥပဒေအတည်မပြုခင်အချိန်အထိ ဒီလက်မှတ်ကိုင်ဆောင်ထားသူတွေဟာ ယာဉ်မောင်းခွင့်မရှိတဲ့အတွက် မကြာခဏ ဖမ်းဆီးခံရတာ ဒဏ်ငွေ ပေးဆောင်ရတာတွေ ရှိနေခဲ့တာပါ။  ယာဉ်မောင်းသူတွေလိုက်နာရမယ့်စည်းကမ်း အတော်များများ ထပ်တိုးလာတဲ့အတွက် ယာဉ် မောင်းခွင့် လိုင်စင်ဖြေဆိုရာမှာလည်း အရင်က ထက် ပိုခက်ခဲလာမှာဖြစ်ပါတယ်။ ယာဉ်မောင်းခွင့်လိုင်စင် စာမေးပွဲကို အင်္ဂလိပ်၊ ထိုင်း နှစ်ဘာသာအနက် နှစ်သက်ရာ ဘာသာနဲ့ ဖြေဆို နိုင်ကြပါတယ်။ မြန်မာနိုင်ငံသား အများစုက ဒီဥပဒေဟာ အခွင့်အလမ်းကောင်းတရပ်အဖြစ် ရှုမြင်ကြတာ ဖြစ်ပါတယ်။

မအေးအေးမာ, မခွာညို / ဗွီအိုအေ (မြန်မာပိုင်း)
http://burmese.voanews.com


လွတ်လပ်စွာ ရေကြောင်းသွားလာခွင့်အရ လုပ်ဆောင်ခြင်းလို့ဆိုတဲ့ အစီအစဉ်အရ တရုတ်နိုင်ငံက ပိုင်ဆိုင်ကြောင်း ပြောဆိုထားတဲ့ တောင်တရုတ်ပင်လယ်ထဲကို အမေရိကန်ရေတပ်သင်္ဘောတစင်း စနေနေ့က ဖြတ်သွားခဲ့ပါတယ်။ ဒီလုပ်ရပ်ဟာ ကြီးမားတဲ့ လုပ်ရပ်မှား ဖြစ်တယ်လို့ တရုတ်တို့က ပြောကြားလိုက်ပါတယ်။

USS Curtis Wilbur ပဲ့ထိန်းတပ် ဒုံးကျည်တင် ဖျက်သင်္ဘော အဲဒီလို ဖြတ်မောင်းသွားတာဟာ အရေးပါတဲ့ နိုင်ငံတကာ ရေကြောင်းလိုင်းတွေမှာ လွတ်လပ်စွာ သွားခွင့်ရှိတယ်ဆိုတာကို ပြသဖို့အတွက် ရည်ရွယ်ကြောင်း အမေရိကန် စစ်ဌာနချုပ် ပင်တဂွန် ပြောခွင့်ရ Jeff Davis က ပြောပါတယ်။

တရုတ်နိုင်ငံ အပါအ၀င် ဗီယက်နမ်နဲ့ ထိုင်ဝမ် တို့ကပါ ပိုင်ဆိုင်ကြောင်း ပြောဆိုနေကြတဲ့ Paracel ကျွန်းစုတွေထဲက Triton ကျွန်းအနီး ရေမိုင် ၁၂ မိုင်အကွာလောက်ကနေ အမေရိကန်စစ်သင်္ဘော ခုတ်မောင်းသွားခဲ့တာ ဖြစ်ပါတယ်။

အဲဒီလို အမေရိကန်စစ်သင်္ဘော ခုတ်မောင်းသွားလိုက်ခြင်းအားဖြင့် တောင်တရုတ်ပင်လယ်ပြင်အတွင်း ငြိမ်းချမ်းရေးနဲ့ တည်ငြိမ်မှုကို ထိခိုက်စေတယ်လို့ တရုတ်ကာကွယ်ရေးဌာန ပြောခွင့်ရကလည်း ဘေဂျင်းမြို့မှာ ပြောကြားလိုက်ပါတယ်။ ဒါဟာ အောက်တိုဘာလကစလို့ အမေရိကန်စစ်သင်္ဘော ဒုတိယအကြိမ်မြောက် ခုတ်မောင်းသွားခြင်းလည်း ဖြစ်ပါတယ်။

အဲဒီလို ဖြတ်သန်းသွားလာမှုအပေါ် တရုတ်နိုင်ငံအနေနဲ့ ကန့်ကွက်ကြောင်း၊ အမေရိကန်ဘက်က ရန်စတဲ့သေဘာနဲ့ ပြုလုပ်တဲ့ အရာမှန်သမျှအပေါ် တရုတ်စစ်တပ်အနေနဲ့ လုပ်သင့်တာ အားလုံးကို လုပ်ဆောင်သွားမယ်လို့ တရုတ်ကာကွယ်ရေးဌာန ပြောခွင့်ရ Yang Yujun က ပြောပါတယ်။

ဗွီအိုအေ (မြန်မာပိုင်း)
http://burmese.voanews.com


ကချင်ပြည်နယ် ဝိုင်းမော်မြို့ နယ်နေ ဖခင်ဖြစ်သူသည် မြစ်ကြီးနား လူကုန်ကူးမှု တားဆီးနှိမ်နင်းရေး ရဲတပ်ဖွဲ့တပ်ဖွဲ့စု(၁၈)သို့ ယခုလ ၂၆ရက်တွင် ရောက်ရှိလာပြီး ၄င်း ၏သမီး အသက် ၁၈ နှစ်အရွယ်ရှိ တက္ကသိုလ်ဝင်တန်း ကျောင်းသူအား ၂ဝ၁၅ ခုနှစ် စက်တင်ဘာလခန့်က တရုတ် နိုင်ငံသားနှင့် အိမ်ထောင် ကျနေသူမခါးပါ(ခ) ခမ်းမာခါးပါက တရုတ်နိုင်ငံ ရွှေလီမြို့ရှိ အထည် ဆိုင်တွင် အလုပ်အကိုင်ရရှိမည်ဖြစ် ကြောင်း စည်းရုံးခေါ်ဆောင်သွား ပြီး တရုတ်အမျိုးသား တစ်ဦးထံ တရုတ်ယွမ်ငွေ၁၅ဝဝဝဖြင့် ရောင်း စားခဲ့ကြောင်း သိရှိရသဖြင့် ကူညီ ဆောင်ရွက်ပေးပါရန်နှင့် အဆိုပါ မခါးပါ(ခ)ခမ်းမာခါးပါသည်ယခု လည်း အမျိုးသမီးများကို ခေါ် ဆောင်ရန် မြစ်ကြီးနားသို့ ရောက်ရှိ နေကြောင်းသတင်းပေးလာခဲ့သည်။

သို့ဖြစ်၍ မြစ်ကြီးနားမှ တပ်ဖွဲ့ စု(၁၂)တပ်ဖွဲ့ဝင်များသည် မခါးပါ (ခ)ခမ်းမာခါးပါရောက်ရှိတည် ခို နေသည့် တည်းခိုခန်းသို့ သွား ရောက်၍ မခါးပါ(ခ)ခမ်းမာခါးပါ အား တပ်ဖွဲ့စုရုံးသို့ခေါ်ဆောင်ခဲ့ပြီး ကချင်ပြည်နယ်အမျိုးသမီးရေးရာ အဖွဲ့ဝင်များ၏ရှေ့တွင် စစ်ဆေး မေးမြန်းခဲ့ကြောင်း သိရသည်။

စစ်ဆေးမေးမြန်းချက်များအရ မခါးပါသည် လွန်ခဲ့သောခြောက် နှစ်ခန့်က တရုတ်နိုင်ငံသားတစ်ဦး နှင့် အိမ်ထောင်ကျကာ တရုတ် နိုင်ငံ ရုယန်ရှင်းမြို့တွင် အခြေချ နေထိုင်ခဲ့ကြောင်း၊ ၂ဝ၁၅ ခုနှစ် စက်တင်ဘာလအတွင်း မြစ်ကြီး နားမြို့နေ အသက် ၁၈နှစ်အရွယ် မ---အား တရုတ်နိုင်ငံ ရွှေလီ မြို့ရှိ အထည်ဆိုင်တွင် အလုပ် လုပ်ပါက တစ်လလျှင် တရုတ် ယွမ်ငွေ ၁ဝဝဝ မှ ၁၅ဝဝ အထိ ရရှိမည်ဖြစ်ကြောင်း၊ လမ်းစရိတ် များကိုလည်း မိမိကုန်ကျခံမည်ဖြစ် ကြောင်း စည်းရုံးပြောဆိုပြီးနောက် ရွှေလီမြို့သို့ လာရောက်နိုင်ရေး လိုင်းကား စီစဉ်ပေးခဲ့ကြောင်း၊ အသက် ၁၈ နှစ်အရွယ် မ--- သည် အဒေါ်နှင့်အတူ (တူအရီး နှစ်ဦး) ရွှေလီမြို့သို့ လိုက်သွား ခဲ့ကြောင်း၊ ရွှေလီမြို့သို့ရောက် သောအခါ အဒေါ်ဖြစ်သူအား မခါးပါက ယုံကြည်အောင်ပြောဆို သဖြင့် အဒေါ်ဖြစ်သူမှာ မ--- အား မခါးပါထံအပ်နှံခဲ့ပြီး မြစ်ကြီး နားသို့ပြန်သွားခဲ့ကြောင်း၊ အဒေါ် ဖြစ်သူပြန်သွားသောအခါ မခါးပါ သည် မ---အား ဟိုနန်ပြည်နယ် လုယန်မြို့နယ် ရုယန်ရှင်းမြို့သို့ခေါ် ဆောင်သွားပြီး တရုတ်အမျိုးသား တစ်ဦးနှင့် လက်ထပ်ရန်အတွက် တရုတ်ယွမ်ငွေ ၁၅ဝဝဝ ဖြင့် ရောင်းစားခဲ့ကြောင်း စစ်ဆေး သိရသည်။

သို့ဖြစ်ပါ၍ ၁၈ နှစ်အရွယ် မ---အား တရုတ်နိုင်ငံ ရွှေလီမြို့ ရှိ အထည်ဆိုင်တွင် တစ်လလျှင် တရုတ်ယွမ်ငွေ ၁ဝဝဝ မှ ၁၅ဝဝ အထိရရှိမည့် အလုပ်ရမည်ဟု လိမ်လည်ပြောဆိုကာ တရုတ်နိုင်ငံ သို့ ခေါ်ဆောင်သွားပြီး တရုတ် အမျိုးသားတစ်ဦးနှင့် လက်ထပ်ရန် ယွမ်ငွေ ၁၅ဝဝဝ ဖြင့် ရောင်းစား ခဲ့သူအား အရေးယူပေးပါရန် ယခု လ၂၇ရက်တွင် ဖခင်ဖြစ်သူက တရားလိုပြုလုပ်တိုင်ကြားသဖြင့် မြစ်ကြီးနားမြို့မရဲစခန်းက (ပ) အမှတ် ၂၃/၂ဝ၁၆၊ လူကုန်ကူးမှု တားဆီးကာကွယ်ရေး ဥပဒေပုဒ်မ ၂၄ ဖြင့် အမှုဖွင့်ဆောင်ရွက်ခဲ့ပြီး ပြစ်မှုကျုးလွန်သူ မခါးပါအား အမှု ဖြင့် ဖမ်းဆီးစစ်ဆေးလျက်ရှိသည်။

လူကုန်ကူးခံရသူ မ---အား ပြန်လည်ကယ်တင်နိုင်ရေးအတွက် မြန်မာ-တရုတ်နှစ်နိုင်ငံ နယ်စပ် ဆက်ဆံရေးအရာရှိရုံး(လွယ်ဂျယ်- ကျန်းဖုန်း)ဖြင့် ညှိနှိုင်းဆောင်ရွက် လျက်ရှိကြောင်း သိရသည်။

မင်းနိုင်(လူကုန်တား)
The Union Daily
http://uniondaily.net

အလုပ်အကိုင် မက်လုံး ပေးပြီး တရုတ် နိုင်ငံထဲ ခေါ် သွားကာ တရုတ် အမျိုးသား တွေ နဲ့ အဓမ္မ လက်ထပ် ခိုင်းတာ မျိုး အဖြစ်အများဆုံး။
မြန်မာ နိုင်ငံရဲတပ်ဖွဲ့က ထုတ်ပြန်တဲ့ စာရင်းအရ ပြီးခဲ့တဲ့ ၂၀၁၅ ခုနှစ် အတွင်း လူကုန်ကူး ခံရမှု ပေါင်း ၁၃၀ ရှိပြီး အများစု ဟာ အမျိုးသမီး တွေ ဖြစ်တယ် လို့ ဆိုပါတယ်။

အသက် ၂၀ နဲ့ ၃၀ ကြား အမျိုးသမီး တွေကို အလုပ်အကိုင် မက်လုံး ပေးပြီး တရုတ် နိုင်ငံထဲ ခေါ် သွားကာ တရုတ် အမျိုးသား တွေ နဲ့ အဓမ္မ လက်ထပ် ခိုင်းတာ မျိုး အဖြစ်အများဆုံး ပဲလို့ မြန်မာနိုင်ငံ လူကုန် ကူးမှု တိုက်ဖျက်ရေး တပ်ဖွဲ့က ထိပ်တန်း ရဲ အရာရှိ တစ်ဦး က ဘီဘီစီ ကို ပြောပါတယ်။

ထိုင်း ငါးဖမ်း လှေ တွေ ပေါ်မှာ ရောင်းစား ခံရသူတွေ ကို ကယ်တင် ခဲ့ရတာ တွေ လည်း ရှိတယ်လို့ လည်း အဲဒီ့ ရဲ အရာရှိ က ဆိုပါတယ်။

ရဲတပ်ဖွဲ့ က သိရှိ ခဲ့သမျှ အမှု ပေါင်း ၁၃၀ ဟာ၂၀၁၅ အတွင်း တရုတ် နဲ့ ထိုင်း နိုင်ငံတွေ ဘက် လူမှောင်ခို သမားတွေ ခေါ် ဆောင် သွားတာ ခံခဲ့ ရသမျှ လူ ဦးရေ ရဲ့ တကယ့် ပမာဏ ကို ထင်ဟပ် ရဲ့လား ဆိုတာ ကတော့ မေးခွန်း ထုတ် စရာ ဖြစ်နေပါတယ်။

ပြီးခဲ့တဲ့ ရက်တွေ တုန်း က အင်တာနက် လူမှု ကွန်ရက် စာမျက်နှာတွေ ထက် ပြန့်နှံ့ ခဲ့တဲ့ ကလေး ခိုးမှု တွေ မြန်မာ နိုင်ငံ ထဲမှာ ကျယ်ကျယ် ပြန့်ပြန့် ဖြစ်ပေါ် နေတယ် ဆိုတာ နဲ့ ပတ်သက်ပြီး လို့တော့ ဒုတိယ ရဲမှုးကြီး သက်နောက် က ငြင်းဆို ခဲ့ပြီး အများစု ဟာ ကောလဟာလ တွေ ဖြစ်တယ် လို့ ဆိုပါတယ်။

ရဲတပ်ဖွဲ့ရဲ့ စိစစ် စုံစမ်းမှု အရ ကလေး ခိုးမှု လို့ ဖြစ်နိုင်ခြေ ရှိသယောင်ယောင် ၂ မှု ပဲ တွေ့ ထားရတယ် လို့ လည်း ပြောပါတယ်။

BBC Burmese
http://www.bbc.com/burmese


သြစတြေးလျနိုင်ငံ မဲလ်ဘုန်းမြို့မှာ ကျင်းပနေတဲ့ Australian Open တင်းနစ် အမျိုးသမီးတဦးချင်းပြိုင်ပွဲမှာ ဂျာမနီက အန်ဂျလိကာဘာ (Angelique Kerber) က အနိုင်ရပြီး ချန်ပီယံဖြစ်သွားပါတယ်။ လက်ရှိချန်ပီယံ အမေရိကန်က ကမ္ဘာ့အဆင့် ၁ ဆရီနာဝီလီယံ နဲ့ ဂျာမနီက ကမ္ဘာ့အဆင့် ၇ ကာဘာ (Angelique Kerber) တို့Rod Laver ကွင်းကြီးမှာ ဒီကနေ့ စနေနေ့မှာ အကြိတ်အနယ်ကစားခဲ့ကြပြီး၊ နောက်ဆုံးမှာ ကာဘာက ဆရီနာကို ၆-၄၊ ၃-၆၊ ၆-၄ နဲ့ အနိုင်ရပြီး ချန်ပီယံဖြစ်သွားပါတယ်။ ကာဘာအတွက်တော့ ဒါဟာ ပထမဆုံးအကြိမ် ဂရန်းစလမ်းဖလားကို ရတာဖြစ်ပါတယ်။

ကာဘာကတော့ - “အခုလို သြစတြေးလျအိုးပင်းကို အနိုင်ရလိုက်တဲ့ အတွက်သူ့ရဲ့အိပ်မက်တွေ အမှန်တကယ် ဖြစ်လာခဲ့တာ ဖြစ်တယ်လို့” ပြောပါတယ်။ ဒီပွဲမှာ ရှုံးနိမ့်သွားတဲ့ ဆရီနာဝီလီယံကတော့ - “ကာဘာဟာ ဒီပွဲမှာအကောင်းဆုံးကစားသွားနိုင်ခဲ့ပြီး၊ အရင်ကထက်လည်း အများကြီးပိုကောင်းလာကြောင်း၊ အထူးသဖြင့် သူ့ရဲ့ လှုပ်ရှားမှုတွေ၊ နဲ့ အနိုင်မခံ အရှုံးမပေးဘဲ မလျှော့တမ်းရိုက်သွားတာကြောင့်၊ ကာဘာနိုင်သွားတာ ထိုက်တန်ပြီး၊ သူ့အတွက်လည်း ၀မ်းသာပါတယ်လို့” ချီးကျူးပြောဆိုသွားပါတယ်။

ဆရီနာဟာ ဒီပွဲမှာ စိတ်လှုပ်ရှားပြီး အမှားများခဲ့သလို၊ ကာဘာကလည်း ဆရီနာရဲ့ ရိုက်ချက်တွေကို အကောင်းဆုံး ခုခံပြီး တန်ပြန်ကစားသွားနိုင်ခဲ့ပါတယ်။ ဆရီနာဟာ ဒီပွဲရှုံးသွားတဲ့အတွက် ဂရန်းစလမ်းဖလားကို ၂၂ ကြိမ်မြောက် အနိုင်ရဖို့ အခွင့်အလမ်းဆုံးရှုံးသွားခဲ့ပါတယ်။ အန်ဂျလိ ကာဘာဟာ ဒီပွဲနိုင်လိုက်တာကြောင့် ကမ္ဘာ့အဆင့် ၂ နေရာကိုရောက်လာခဲ့ပြီး၊ Steffi Graf နောက်ပိုင်း ဂျာမနီနိုင်ငံသူတွေထဲမှာ ပထမဆုံးအကြိမ် သြစတြေးလျအိုးပင်းကို ပထမဆုံး အနိုင်ရတာဖြစ်ပါတယ်။

ဗွီအိုအေ (မြန်မာပိုင်း)
http://burmese.voanews.com

ကချင်ပြည်နယ် ဝိုင်းမော်မြို့နယ် မိုင်းနားကျေးရွာ ကချင်နှစ်ခြင်းအသင်းတော် KBC ကယ်ဆယ်ရေးစခန်းမှာ ကမ္ဘာ့စားနပ်ရိက္ခာ အစီအစဉ် WFP က ၂ဝ၁၆ ခုနှစ် ဇန်နဝါရီလ ၃ဝ ရက်နေ့က ရိက္ခာအစား ငွေကြေးနဲ့ ပြောင်းလဲထောက်ပံ့လှူဒါန်းနေစဉ် Photo:Kyaw Myo Min/RFA
ကချင်ပြည်နယ်က စစ်ဘေးဒုက္ခသည်တွေကို ကမ္ဘာ့စားနပ်ရိက္ခာအစီအစဉ် WFP ဟာ  အရင်က လှူဒါန်းနေတဲ့ အခြေခံစားကုန်တွေအစား ဒုက္ခသည်တစ်ဦးစီကို ငွေကြေးနဲ့ ပြောင်းလဲထောက်ပံ့လိုက်ပါတယ်။

ကမ္ဘာ့စားနပ်ရိက္ခာအစီအစဉ် WFP အနေနဲ့ မိမိတို့ကို ဆက်လက်ထောက်ပံ့ပေးဖို့ စစ်ဘေးသင့်ပြည် သူတွေက လိုလားနေကြတယ်လို့ ဝိုင်းမော်မြို့နယ် မိုင်းနား စိန့်ဂျိုးဇက် ကက်သလစ်အသင်းတော် ကယ်ဆယ်ရေးစခန်းရဲ့ စာနပ်ရိက္ခာစီမံခန့်ခွဲရေးကော်မတီ ဥက္ကဋ္ဌ ဒေါ်ဇယ်နော က ပြောပါတယ်။

"အခု ကယ်ဆယ်ရေးလုပ်ငန်းတွေပေါ့နော် လုပ်နေရတဲ့နေရာတွေလည်း အများကြီးရှိတယ်တဲ့ ဒါကြောင့်မို့ လို့ သူတို့ပိုပြီးမှခက်ခဲတဲ့လူတွေကို ကူညီနိုင်ဖို့ပေါ့နော် အဲ့ဒီလိုမျိုးလည်း ဖြစ်တယ်လို့ပြောတယ်၊ ဒီမှာကတော့ အခုက လေးငါးခြောက်နှစ် ရှိလာပြီနော်၊ ဒါကြောင်မို့ ပိုပြီးမှခက်ခဲနေတဲ့လူတွေကို ပြန် ကယ်နိုင်ဖို့ပေါ့၊ မိသားစုမှာ အဖိုး၊ အဖွား၊ အဖေ၊ အမေ မရှိတဲ့ မိဖမဲ့ကလေးကိုပြုစုစောင့်ရှောက်တာတို့၊ ပိုက်ဆံရှာထွက်လို့မရတဲ့လူတွေကို တစ်ရာ ရာခိုင်နှုန်းပေးတယ်၊ ဒါပေမယ့် အိမ်ထောင်မှာ တစ်ယောက်ယောက် လုပ်အားနဲ့ ရှာကျွေးနိုင်တဲ့လူကတော့ ခုနှစ်ဆယ် ရာခိုင်နှုန်းပေါ့"

ရိက္ခာအစား ငွေကြေးအဖြစ် ပြောင်းလဲထောက်ပံ့လိုက်တဲ့ အစီအစဉ်အရ အလုပ်လုပ်ကိုင်နိုင်ခြင်းမရှိတဲ့ မိသားစုတွေဟာ တစ်ဦးကို တစ်လ တစ်သောင်းသုံးထောင်ကျပ်နဲ့ တစ်ရာရာခိုင်နှုန်း ရရှိမှာဖြစ်ပြီး အလုပ်လုပ်နိုင်တဲ့ မိသားစုတွေကတော့ တစ်လ ခုနှစ်ဆယ်ရာခိုင်နှုန်းအဖြစ် ကိုးထောင်ကျပ် ရရှိမှာဖြစ်ပါတယ်။

WFPရဲ့ လှူဒါန်းမှုကို World Vision က ဖြန့်ဝေပေးနေတဲ့ အဲ့ဒီအစီအစဉ်အရ ကိုယ်ဝန်ဆောင်၊ နို့တိုက်မိခင်နဲ့၊ ကလေးငယ်တွေအတွက်ကိုတော့ အာဟာရမှုန့် တစ်လကို ၃ ကီလိုဂရမ်ရရှိမှာ ဖြစ်တယ်လို့ဆိုပါတယ်။

WFP ရဲ့ လှူဒါန်းမှုကို World Vision က ဖြန့်ဝေပေးနေတဲ့ အဲဒီအစီအစဉ်အရ ကိုယ်ဝန်ဆောင်၊ နို့တိုက်မိခင်နဲ့၊ ကလေးငယ်တွေအတွက်ကိုတော့ အာဟာရမှုန့် တစ်လကို ၃ ကီလိုဂရမ်ရရှိမှာ ဖြစ်ပါတယ်။

မနေ့က မြစ်ကြီးနားနဲ့ ဝိုင်းမော်မြို့နယ်အတွင်းက ကယ်ဆယ်ရေးစခန်းတစ်ချို့ကိုထောက်ပံ့ခဲ့ပြီး ဒီကနေ့မှာ ဝိုင်းမော်မြို့နယ်အတွင်း သာဂရ သရက်တော ဗုဒ္ဓဘာသာဘုန်းတော်ကြီးကျောင်းနဲ့ မိုင်းနား KBC ကချင်နှစ်ခြင်း ခရစ်ယာန်အသင်းတော်စတဲ့ ကယ်ဆယ်ရေးစခန်းတွေမှာ ထောက်ပံ့ငွေ လှူဒါန်းခဲ့ပါတယ်။

ကျန်ရှိနေသေးတဲ့ ကယ်ဆယ်ရေးစခန်းတွေကိုလည်း ဆက်လက်ထောက်ပံ့သွားမှာလို့ဆိုပါတယ်။

အစိုးရအုပ်ချုပ်ရေးနယ်မြေအတွင်း ကယ်ဆယ်ရေးစခန်းတစ်ရာနီးပါးမှာ လာရောက်ခိုလှုံနေသူ လေးသောင်းကျော်ရှိပြီး ကချင်ပြည်နယ်တစ်ခုလုံးမှာဆို ဒုက္ခသည်တစ်သိန်းဝန်းကျင်ရှိတယ်လို့ ခန့်မှန်းထားပါတယ်။

BBC Burmese
http://www.rfa.org/burmese

နိုဝင်ဘာ လတုန်းက ဆီးရီးယား နဲ့ နယ်စပ် အနီး တူရကီ ဝေဟင်ထဲ ဝင်လာလို့ ဆိုပြီး ရုရှား တိုက်လေယာဉ် တစ်စင်း ကို တူရကီ ဘက်က ပစ်ချ ခဲ့။
တူရကီ နိုင်ငံရဲ့ ဝေဟင် ပိုင်နက် ထဲကို ရုရှား တိုက်လေယာဉ် တစ်စင်း ကျူးကျော် ဝင်ရောက် ခဲ့ပြန်တယ် လို့ တူရကီ အာဏာပိုင် တွေ က ပြောဆို နေပါတယ်။

ဒီ အပြုအမူ အတွက် ရုရှားဟာ နောက်ဆက်တွဲ ဆိုးကျိုး တွေ နဲ့ တွေ့ကြုံ ရလိမ့်မယ် ဆိုပြီး တူရကီ သမ္မတ ရာဂျိ(ပ)တိုင်ရစ်ပ် အဒိုအန် က သတိပေး လိုက်ပါတယ်။

ပြီးခဲ့တဲ့ သောကြာ နေ့က ရုရှား တိုက်လေယာဉ် တူရကီ ဝေဟင် ထဲ ဝင်လာတာ ဖြစ်ပြီး တူရကီ ဘက်က အင်္ဂလိပ် လိုရော ရုရှ ဘာသာစကား နဲ့ပါ သတိပေး ပြောဆိုတာ တွေ ပြုလုပ် ခဲ့တယ် လို့ တူရကီ အာဏာပိုင် တွေ က ပြောပါတယ်။

ရုရှား ဘက်ကတော့ တူရကီ ရဲ့ စွပ်စွဲမှု ကို ငြင်းဆိုလိုက်ပြီး အခြေအမြစ် မရှိတဲ့ ဝါဒဖြန့် ပြောဆိုမှု သက်သက် ဖြစ်တယ် လို့ ဆိုပါတယ်။

တူရကီ နိုင်ငံ အဖွဲ့ဝင် အဖြစ် ပါဝင်တဲ့ နေးတိုး စစ်ရေး မဟာမိတ် အဖွဲ့ကတော့ ရုရှား အစိုးရ ကို နေးတိုး အဖွဲ့ဝင် နိုင်ငံတွေ အားလုံးရဲ့ ဝေဟင် ပိုင်နက် ကို လေးစား ပါ ဆိုပြီး ပြောဆို ပါတယ်။

ပြီးခဲ့တဲ့ နှစ် နိုဝင်ဘာ လတုန်းက ဆီးရီးယား နဲ့ နယ်စပ် အနီး တူရကီ ဝေဟင်ထဲ ဝင်လာလို့ ဆိုပြီး ရုရှား တိုက်လေယာဉ် တစ်စင်း ကို တူရကီ ဘက်က ပစ်ချ ခဲ့ပြီးတဲ့ နောက် နှစ်နိုင်ငံ ကြား သံတမန် ဆက်ဆံရေး တင်းမာ မှု တွေ ဖြစ်ပေါ် ခဲ့ကာ ရုရှား က တူရကီ အပေါ် စီးပွားရေး ပိတ်ဆို့ ကန့်သတ်မှု တွေ ပြုလုပ် ခဲ့ပါတယ်။

BBC Burmese
http://www.bbc.com/burmese

 ဆီးရီးယားက မာဒါယာမြို့မှာ လူ၁၆ယောက်ထက်မနည်း သေဆုံးခဲ့တယ်လို့ MSF နယ်စည်းမခြား ဆရာဝန်များအဖွဲ့ က ပြောပါတယ်။
ဆီးရီးယားက အစိုးရစစ်တပ်ဝိုင်းထားတဲ့ မာဒါယာမြို့မှာ ဒီလအစောပိုင်းက အကူအညီပေးရေး ယာဉ်တန်း ဝင်ရောက်ဖို့ ခွင့်ပြုခဲ့ပြီး ချိန်နောက်ပိုင်းမှာတောင် လူ၁၆ယောက်ထက်မနည်း သေဆုံးခဲ့တယ်လို့ MSF နယ်စည်းမခြား ဆရာဝန်များအဖွဲ့ က ပြောပါတယ်။

အဲဒီမြို့မှာ အစာရေစာငတ်မွတ်မှုကို ခံစားနေရတဲ့ လူပေါင်း ၃၀၀ပကျော်ရှိပြီး အနည်းဆုံးလူ ၃၀လောက်ဟာ အသက်အန္တရယ်နဲ့ ရင်ဆိုင်နေရတယ်လို့ ဆိုပါတယ်။

မာဒါယာမြို့ကို စစ်တပ်ဝိုင်းရံထားတာ လအတော်ကြာရှိခဲ့ပါပြီ။ ဒီကိစ္စနဲ့ပတ်သက်လို့ သောကြာနေ့က ဂျနီဗာမြို့မှာ မနေ့ကစတင်ကျင်းပတဲ့ ကုလသမဂ္ဂက အစည်းအဝေးမှာ ထည့်သွင်းဆွေးနွေးမှာ ဖြစ်ပါတယ်။ ဆီးရီးယား အတိုက်အခံဘက်က ပြောခွင့်ရ Farrah el-Atassi က တော့ အတိုက်အခံတွေဘက် စိုးရိမ်ပူပန်မှုတွေကို အနောက်နိုင်ငံတွေက ထည့်သွင်းဆွေးနွေးမယ်ဆိုတာ အာမခံချက်ရခဲ့ပြီးဖြစ်တယ်လို့ ပြောပါတယ်။

လူသားချင်းစာနာမှုဆိုင်ရအကူအညီပေးရေးနဲ့ နိုင်ငံရေးအကျဉ်းသားတွေအရေးကို အဲဒီညီလာခံမှာ အဓိကထားရမယ့် အချက်တွေဖြစ်တယ်လို့ ပြောခဲ့ပါတယ်။

BBC Burmese
http://www.bbc.com/burmese

အိမ်၂၈လုံးက လူတွေ ယာယီစခန်းတွေမှာ နေထိုင်နေရ။
မန္တလေးတိုင်း၊ ပြင်ဦးလွင်မြို့ ရပ်ကွက်ကြီး(၁၄)ညောင်နီရွာမှာ က စစ်တပ်က ရွာက လူတွေကို အိမ်ထဲကနေထွက်ခိုင်းပြီး အိမ်တွေကို ဖျက် ဆီးဖို့ ပြင်ဆင်နေပါတယ်။

အဲဒီက အိမ်ပိုင်ရှင် တွေနဲ့ အင်ဂျီနီယာ တပ်ခွဲ (၉၅၈) တို့ ပိုင်ဆိုင်မှု တရား ယှဉ်ပြိုင်နေတုန်းမှာ အခုလိုစစ်တပ်ဘက်က လုပ်ဆောင်တာပါ။

စစ်တပ်ကနေ အိမ်ပိုင်ရှင်တွေကို အပြောင်းအရွှေ့စရိတ် တစ်ဧကကို တစ်သိန်းနှုံးနဲ့ အိမ် ၂၈လုံးအတွက် စုစုပေါင်း လျော်ကြေး ၁၃သိန်းကျော်ပဲ ပေးခဲ့တယ်လို့ အိမ်ပိုင်ရှင် ဦးကြည်မောင်က ပြောပါတယ်။

အဲဒီမြေတွေကို အရင် ၂၀၀၆ခုနှစ်ကတည်းက စစ်တပ်က လာသိမ်းဖို့ ကြိုးစားခဲ့ပြီး မြေနေရာ အစားရှာပေးမယ်လို့ ကတိပြုခဲ့ပါတယ်။

အခုဆို အသက် ၆၀ရှိပြီဖြစ်တဲ့ ဦးကြည်မောင်က ဒီမြေတွေပေါ်မှာ သူ့မိဘတွေလက်ထက်ကတည်းကနေ အခုအချိန်အထိ နှစ်ပေါင်းများစွာ နေထိုင်ခဲ့တာလို့ ပြောပါတယ်။

အိမ်ပိုင်ရှင်တွေဟာ သူတို့ရဲ့အိမ်တွေထဲကို ဝင်ခွင့်မရတဲ့အတွက် ယာယီစခန်းဖွင့်ပြီးနေထိုင်နေကြတယ်လို့လည်း သူကပြောပါတယ်။

နောက်ပြီးသူတို့ကို ကျူးကျော်မှု ပုဒ်မ ၄၄၇ နဲ့ တရားစွဲထားတယ်လို့ ဦးကြည်မောင်က ပြောပါတယ်။

RFA Burmese
http://www.bbc.com/burmese

အမြင်အာရုံ ဖွံ့ဖြိုးမှု အားနည်းနေသော ကလေးတစ်ဦးနှင့် ဘမိခင်တို့ကို ဘရာဇီးနိုင်ငံ ပြန်လည်ထူထောင်ရေး စင်တာတွင် တွေ့ရစဉ်။ 
ဇီကာဗိုင်းရပ်စ်ပိုးပြန့်နှံ့မှုကို နှိမ်နှင်းဖို့ ပူးပေါင်းဆောင်ရွက်ရေးဟာ သိပ်ကိုအရေးကြီးတယ်ဆိုတာကို ဘရာဇီးလ်နဲ့အမေရိကန်နှစ်နိုင်ငံ သမ္မတွေက သောကြာနေ့ကသဘောတူခဲ့ကြပါတယ်။

အသိပညာတွေပိုလေးနက်လာဖို့၊ သုသေသန လုပ်ငန်းတွေ နောက်ထပ်အဆင့်မြင့်လာဖို့နဲ့ ပိုကောင်းတဲ့ ကာကွယ်ဆေးတွေ ခပ်မြန်မြန် ထုတ်လုပ်နိုင်ဖို့အပြင် တခြား နည်းပညာတွေနဲ့ ရောဂါပိုးကို ထိန်းချုပ်နိုင်ဖို့အတွက် နှစ်နိုင်ငံကြား သိသာထင်ရှားစွာ ပူးပေါင်းဆောင်ရွက်သွားဖို့လိုတယ်ဆိုတာကို ဘရက်ခ် အိုဘားမားနဲ့ Dilma Rouseff တို့ သတိပြုလက်ခံကြတယ်လို့လည်း အိမ်ဖြူတော်ရဲ့ ထုတ်ပြန်ချက်တရပ်မှာ ဖော်ပြထားပါတယ်။ နှစ်နိုင်ငံခေါင်းဆောင်တို့ သောကြာနေ့က တွေ့ဆုံအပြီးမှာ အခုလိုထုတ်ပြန်ချက်ထွက်ပေါ်လာတာလည်းဖြစ်ပါတယ်။

အမေရိကတိုက်မှာ ဇီကာဗိုင်းရပ်ပိုး လျှင်လျှင်မြန်မြန်ပျံ့နှံ့နေတဲ့အပြင် လူပေါင်း လေးသန်းလောက်ရောဂါပိုးကူးစက်ခံရမယ့် အလားအလာရှိနေတယ်လို့လည်း ကမ္ဘာ့ကျန်းမာရေးအဖွဲ့အစည်း WHO ကသတိပေးထားပါတယ်။ ဒါ့အပြင်ဘရာဇီးလ်နိုင်ငံမှာ ဒီရောဂါပိုးနဲ့ ဆက်စပ်နေသူလို့သံသယရှိသူပေါင်း ၄ထောင်လောက်ရှိနေပါတယ်။ ဒီလိုသံသယရှိခံထားရတဲ့ အမျိုးသမီးတွေဆီ ကနေမွေးလာတဲ့ကလေးတွေဟာ ပုံမှန်ထက်သေးငယ်တဲ့ ဦးခေါင်း ရှိကြပြီးအဲ့ဒီကလေးတွေရဲ့  ဦးနှောက်တွေလည်း ပုံမှန်ထက်သေးငယ်နေကြတာပါ။ ဒီဗိုင်းရပ်စ်ပိုးအတွက် ကုသနိုင်တဲ့ ဆေးမပေါ်သေးပါဘူး။

ဗွီအိုအေ (မြန်မာပိုင်း)
http://burmese.voanews.com


နအဖစစ်အစိုးရကဖန်တီးခဲ့တဲ့ ပထမအကြိမ်လွှတ်တော်ငါးနှစ်သက်တမ်းဟာ ဇန်န၀ါရီလ (၂၈)ရက်နေ့က ပြီးဆုံးသွားခဲ့ပါပြီ။ အခု ဖေဖေါ်ဝါရီလ (၁)ရက်နေ့မှာ ဒုတိယအကြိမ်လွှတ်တမ်းသက်တမ်းကိုစတင်တော့မှာပါ။ ဒီတကြိမ်မှာတော့ ဒေါ်အောင်ဆန်းစုကြည်ဦးဆောင်တဲ့ NLD က ၂၀၁၅ရွေးကောက်ပွဲမှာ မဲအပြတ်အသတ်အနိုင်ရခဲ့တဲ့ ပါတီကြီး အနေနဲ့ လွှတ်တော်နေရာအများစုကိုရရှိထားတာကြောင့် အစိုးရသစ်ဖွဲ့စည်းဖို့လည်း ပြင်ဆင်နေပါပြီ။ မကြာခင်ပေါ်လာတဲ့ ဒေါ်အောင်ဆန်းစုကြည်ဦးဆောင်မယ့် အစိုးရသစ် အပေါ် ပြည်သူအများက ဘယ်လိုမျှော်လင့်ထားကြပါသလဲ။ AFPနဲ့ Reuters သတင်းတွေကို အခြေခံပြီးမအင်ကြင်းနိုင်က စုစည်းတင်ပြမှာပါ။

၂၀၀၈ဖွဲ့စည်းပုံအခြေခံဥပဒေအရ လွှတ်တော်မှာ အလိုအလျောက်နေရာယူထားတဲ့ ၂၅% စစ်တပ်ကိုယ်စားလှယ်တွေကို ဖယ်လိုက်ရင် လွှတ်တော်နေရာပေါင်း ၈၀%နီးပါး အနိုင်ရထားတဲ့ NLD လွှတ်တော်ကိုယ်စားလှယ်တွေဟာ အခုဆိုရင် နေပြည်တော်ပြည်ထောင်စုလွှတ်တော်ကို ရောက်ရှိနေကြပါပြီ။ အခုလိုလွှတ်တော်သက်တမ်း လက်ပြောင်းလက်လွှဲ ကိစ္စ ချောမွေ့အောင်ဆောင်ရွက်ခဲ့တာတွေနဲ့ပတ်သက်လို့ ပြည်ထောင်စုလွှတ်တော်ကိုတာဝန်ယူခဲ့ကြတဲ့ သူရဦးရွှေမန်းနဲ့ ဦးခင်အောင်မြင့်တို့ကလည်း ဇန်န၀ါရီလ (၂၈)ရက်နဲ့ ၂၉ ရက်နေ့တွေကကျင်းပခဲ့တဲ့ လွှတ်တော်နှတ်ဆက်ပွဲ အခမ်းအနားတွေမှာ ထုတ်ဖေါ်ပြောဆိုခဲ့ကြပါတယ်။

အလားတူ ဒေါ်အောင်ဆန်းစုကြည်ကလည်း လွှတ်တော်ကိုယ်စားလှယ်ဟောင်း တွေရဲ့ဆောင်ရွက်ချက်တွေကြောင့် ကိုယ်စားလှယ်သစ်တွေအတွက် လမ်းဟာ ပိုပြီးပွင့်လင်းလာတယ်လို့ သူ့ရဲ့မိန့်ခွန်းမှာ ဂုဏ်ပြုပြောဆိုခဲ့သလို ဒီမိုကရေစီနိုင်ငံဖြစ်လာဖို့ ၀ိုင်းဝန်းပူးပေါင်းလုပ်ဆောင်ကြဖို့ လည်း အခုလိုတိုက်တွန်းသွားပါတယ်။

”ကျွန်မတို့ နိုင်ငံရေးမှာ ဒီမိုကရေစီ စနစ် ထွန်းကားအမြစ်တွယ်ရုံမကပဲ၊ ကျွန်မတို့ နိုင်ငံသူ နိုင်ငံသားများဟာ ချမ်းသာ ကြွယ်ဝပြီးတော့ ငြိမ်းချမ်းတဲ့ ပြည်ထောင်စုကြီးမှာ ဆက်လက်ပြီးတော့ ရှင်သန်သွားနိုင်မယ် လို့ ကျွန်မ ယုံကြည်ပါတယ်။”

NLD က နေရာအများစုကိုရထားတဲ့ အခုလွှတ်တော်သက်တမ်းအသစ်မှာ ပါတီခေါင်းဆောင်ဖြစ်တဲ့ဒေါ်အောင်ဆန်းစုကြည်ဟာ အစိုးရနဲ့လွှတ်တော်ကို ထိန်းချုပ်မယ့်လက္ခဏာတွေ့ရပြီး ဒါကိုလည်း စစ်တပ်ကအသိအမှတ်ပြုပုံ ရှိတယ်လို့ မြန်မာနိုင်ငံရေးသုံးသပ်သူ ဒေါက်တာခင်ဇော်ဝင်းကမြင်ပါတယ်။

”ဒီအများစုကြီးကို သူကထိန်းကျောင်းမှာပါ။ ခင်ဗျားလည်းသိပါတယ်။ အစိုးရ၊ ဥပဒေပြုလွှတ်တော်တွေ ဒါတွေကို သူက ထိန်းချုပ်ပဲ့ကိုင်ရမယ့် အင်မတန်အရေးပါတဲ့နေရာပါ။ စစ်တပ်ကလည်း ဒါကို အသိအမှတ်ပြုထားပါတယ်။”

ဒေါ်အောင်ဆန်းစုကြည်ကိုယ်တိုင်ကလည်း သူဟာ အစိုးရသစ်ရဲ့သမ္မတအထက်မှာ ရှိနေမှာဖြစ်ပြီးအဲဒီအတွက်လည်း စီစဉ်ထားပြီးပြီလို့ ရွေးကောက်ပွဲအပြီးပြုလုပ်တဲ့ သတင်းစာရှင်းလင်းပွဲမှာ ပြောဆိုခဲ့တာပါ။ ဒါကြောင့် လာမယ့်အစိုးရသစ်ဖွဲ့စည်းချိန် သမ္မတနေရာမှာ ဘယ်သူကိုထားမလဲဆိုတာ အများက စိတ်ဝင်တစား ဖြစ်နေကြပါတယ်။ ဒါပေမဲ့ ဒီသမ္မတနေရာကို ဒေါ်အောင်ဆန်းစုကြည်ကိုယ်တိုင်ပဲယူလိမ့်မယ်လို့မြင်ကြောင်း ဒေါက်တာခင်ဇော်ဝင်းကဆိုပါတယ်။

”သူဘယ်သူ့ကိုရွေးမလဲဆိုတာက သိပ်ကို အရေးမကြီးပါဘူး။ ဘာလို့လည်းဆိုတော့ ဒါဟာဟန်ပြဖြစ်ပြီး အားလုံးသိတိုင်းအတိုင်း သူက တယောက်ယောက် ကို ရွေးချယ်ပြီးနောက် အဲဒီနေရာမှာ အချိန်ကာလ တခုထား ထားမှာပါ။ ဒီနောက် အားလုံးဆောင်ရွက်ပြီးချိန်ကျရင် စီစဉ်ထားတဲ့အတိုင်း သူကအဲဒီနေရာကိုယူမယ်လို့ ကျနော်ထင်ပါတယ်။”

၂၀၀၈ဖွဲ့စည်းပုံအခြေခံဥပဒေအရ စစ်တပ်ဟာ အရေးပါတဲ့ ကာကွယ်ရေး၊ ပြည်ထဲရေးနဲ့ နယ်စပ်ရေးရာဝန်ကြီးဌာနသုံးခုကို ထိန်းချုပ်ထားမယ် ဆိုပေမယ့်လည်း အခု တနင်္လာနေ့မှာ စတင်မယ့် လွှတ်တော်သက်တမ်းအသစ်မှာ အများပြည်သူမဲဆန္ဒနဲ့ရွေးကောက်တင်မြှောက်ခံရတဲ့ NLD လွှတ်တော် ကိုယ်စားလှယ်တွေအများစုရှိနေတာကြောင့် ပြည်သူအများကတော့ အပြောင်းအလဲတွေဖြစ်ဖို့ မျှော်လင့်ချက်တွေရှိနေကြပါတယ်။

”တရားဥပဒေ စိုးမိုးရေးပါပဲ။ တရားဥပဒေ စိုးမိုးမှ တည်ငြိမ်မှ ကျွန်တော်တို့ တိုင်းပြည် အေးချမ်းသာယာမှာလေ။ တရားဥပဒေ စိုးမိုးမှု မရှိတရင် တိုင်းပြည် အေးချမ်းသာယာမှာ မဟုတ်တဲ့အတွက် တရားဥပဒေ စိုးမိုးမှုကို အဓိက ပိုပြီးတော့ သဘောကျပါတယ်။ အဲဒါမှ ကျန်တဲ့ဟာအားလုံးက အဆင်ပြေမယ်လို့ ယုံကြည်တယ်။”

ဒါကတော့ ရန်ကုန်မြို့မှာ ၀က်သားထုတ်ထိုးရောင်းတဲ့ ကိုနိုင်ကြီးက ပြောသွားတာပါ။

အခုလို NLD အနေနဲ့ အစိုးရဖွဲ့နိုင်ဖို့ အရင်ကတည်းက မျှော်လင့်ခဲ့ကြောင်း လူငယ် သွားဆရာဝန် ကိုကျော်ထက် ကလည်း ပြောပါတယ်။

”ကျွန်တော်တို့လည်း အရင်ကတည်းက မျှော်လင့်တယ်ပေါ့။ ဒီ NLD အစိုးရတက်လာဖို့ကို ပေါ့။ အခု တက်လာတော့ ကျေနပ်တယ်။ ကျေနပ်တယ်ပေါ့။ အားရတယ်ပေါ့။ ဒီလိုဖြစ်စေချင်တာက ကြာပြီ။”

အစိုးရသစ်အနေနဲ့ ပညာရေးပိုင်းကို ဦးစားပေး လုပ်ဆောင်လိမ့်မယ်လို့ မြင်သူကတော့ စီးပွားရေး တက္ကသိုလ် ကျောင်းသူ မအေးမြတ်မွန်ဖြစ်ပါတယ်။

”ဒေါ်အောင်ဆန်းစုကြည် အစိုးရတက်လာလို့ရှိရင် ပညာရေးပိုင်းကို ပိုပြီးတော့ ဦးစားပေးလုပ်ဆောင်သွားမယ်လို့ြ့မင်တယ်။ ပြီးတော့ ပိုပြီးတော့လည်း ကောင်းလာလိမ့်မယ်လို့ မြင်တယ်။”

ဖေဖေါ်ဝါရီလ (၁)ရက်နေ့မှာစတင်မယ့် ဒုတိယအကြိမ် လွှတ်တော် သက်တမ်းအတွက် အသစ်ရွေးချယ်ထားတဲ့ စစ်တပ်ကိုယ်စားလှယ် ၂၅%လည်း ၂၀၁၅ ရွေးကောက်ပွဲမှာအနိုင်ရခဲ့တဲ့ လွှတ်တော်ကိုယ်စားလှယ်တွေနဲ့အတူ တက်ရောက်မှာဖြစ်ပါတယ်။ မတ်လနှောင်းပိုင်းမှာတော့ NLD ဦးဆောင်မယ့် အစိုးရသစ်ကို လက်ရှိအစိုးရက အာဏာလွှဲပြောင်းပေးမှာဖြစ်ပါတယ်။

အင်ကြင်းနိုင် / ဗွီအိုအေ (မြန်မာပိုင်း)
http://burmese.voanews.com

ရှမ်းပြည်တောင်ပိုင်းတပ်မတော် RCSS/SSAမှ တပ်သားတချို့ကိုတွေ့ရစဉ် Photo: RFA
ရှမ်းပြည်နယ်မြောက်ပိုင်း ကျောက်မဲနဲ့ နမ့်ခမ်းမြို့နယ်တွေမှာ တအာင်းလွတ်မြောက်ရေးတပ်မတော် (TNLA) နဲ့ ရှမ်းပြည်ပြန်လည်ထူထောင်ရေးကောင်စီ (RCSS/SSA) တပ်တွေအကြား တိုက်ပွဲတွေ မကြာခဏဖြစ်နေပေမယ့် ညှိနှိုင်းဆွေးနွေးမှု မရှိသေးဘူးလို့ နှစ်ဘက်ခေါင်းဆောင်တွေက ပြောပါတယ်။

တိုက်ပွဲတွေနဲ့ ပတ်သက်လို့ နှစ်ဖက်ခေါင်းဆောင်တွေ တွေ့ဆုံဖို့အစီစဉ် မရှိသေးဘူးလို့ ရှမ်းပြည်ပြန် လည်ထူထောင်ရေးကောင်စီ RCSS/SSA ရဲ့ ပြောခွင့်ရပုဂ္ဂိုလ် ဗိုလ်မှူးကြီး စိုင်းလှက ပြောပါတယ်။

"အဲ့ဒီကိစ္စတော့ ကျနော်လည်း အတပ်မပြောနိုင်သေးပါဘူး၊ သူတို့ဘက်ကလည်း ဘာမှညှိနှိုင်းထားတာတွေ မရှိသေးပါဘူးခင်ဗျ၊ အခုဖြစ်နေတဲ့ကိစ္စက TNLA ဘက်က စတိုက်တဲ့အတွက်ကြောင့် ရှေ့တန်းတပ်မှူးတွေ အချင်းချင်း ညှိနှိုင်းရင်လည်းရပါတယ်၊ တိုက်ပွဲမဖြစ်စေချင်ဘူးဆိုရင် TNLA ဘက်က မတိုက်ဘူးဆိုရင်လည်း တိုက်ပွဲကဖြစ်စရာအကြောင်း မရှိဘူးပါဘူး"

RCSS/SSA က တစ်နိုင်ငံလုံး အပစ်အခတ်ရပ်စဲရေး သဘောတူစာချုပ် လက်မှတ်ရေးထိုးပြီးနောက် ရှမ်းပြည်နယ်မြောက်ပိုင်းအတွင်းက နမ့်ခမ်းနဲ့ ကျောက်မဲမြို့နယ်တွေမှာ တပ်တွေအခြေချလာတာ ဖြစ်သလို တအာင်းလွတ်မြောက်ရေး တပ်မတော်ဘက်ကလည်း အဲ့ဒီဒေသတွေဟာ တအာင်းဒေသလို့ သတ်မှတ်ထား တာဖြစ်တဲ့အတွက် နှစ်ဖက်တိုက်ပွဲတွေ မကြာခဏဖြစ်နေတာပါ။

မနေ့ညနေက နမ့်ခမ်းမြို့နယ် ပန်ကနိုင်းကျေးရွာနဲ့ လုံအဘလကျေးရွာကြားမှာ တိုက်ပွဲဖြစ်ပွားခဲ့တယ်လို့ PSLF/TNLA ရဲ့ ပြန်ကြားရေးတာဝန်ခံ ဗိုလ်ကြီးတာအိုက်ကျော်က ပြောပါတယ်။

"မနေ့ကညနေ ၄ နာရီလောက်ကနေစပြီးမှ ညမိုးချုပ်တဲ့အထိ ကျနော်တို့အဖွဲ့နဲ့ RCSS တိုက်ပွဲက နမ့်ခမ်းမြို့နယ် ပန်ကနိုင်းကျေးရွာနဲ့ လုံအဘလ ခေါ်တယ်ပေါ့နော် အဲ့ဒီဘက်မှာ ထိတွေ့မှုဖြစ်တယ်၊ ညှိနှိုင်းမှုကိစ္စကတော့ ဘာကြောင့်မို့ ချိတ်ဆက်မှုမရတာလဲဆိုတာက ကိုယ့်ဘက်က ပြန်ကြည့်မယ် ဆိုရင်တော့ တစ်မြေတည်းတိုက်ရတာက တိုက်ပွဲမဖြစ်ဖြစ်အောင် လာပြီးရန်ရှာတာပေါ့နော်၊ သူတို့ NCA လက်မှတ်ထိုးပြီးမှ ကျနော်တို့ဒီဘက်ကို ကျူးကျော်ပြီးမှ ဝင်ရောက်လာတာဖြစ်တယ်"

ပြီးခဲ့တဲ့နှစ် နိုဝင်ဘာလကစတင်ပြီး ရှမ်းပြည်နယ်တောင်ပိုင်းမှာ တအာင်းလွတ်မြောက်ရေး တပ်မတော်နဲ့ ရှမ်းပြည်ထူထောင်ရေးကောင်စီတို့ကြား တိုက်ပွဲတွေဖြစ်ပွားနေတာ အကြိမ် ၂ဝ ခန့် ရှိနေပြီလို့ သိရပါတယ်။

အဲ့ဒီအဖွဲ့တွေအကြား တိုက်ပွဲတွေ ရပ်တန့်ရေးအတွက် ပြီးခဲ့တဲ့နှစ် ဒီဇင်ဘာလအတွင်း UNFC ညီညွတ်သော တိုင်းရင်းသားလူမျိုးများ မဟာမိတ်အဖွဲ့က တာဝန်ရှိသူတွေဟာ RCSS က တာဝန်ရှိသူတွေနဲ့တွေ့ဆုံပြီး ကြားဝင် ညှိနှိုင်းခဲ့ပေမယ့် ပြေလည်မှု မရရှိခဲ့ပါဘူး။

RFA Burmese
http://www.rfa.org/burmese

အမျိုးသား ဒီမိုကရေစီ အဖွဲ့ချုပ်ပါတီ အနိုင်ရ ကိုယ်စားလှယ်တွေကို ဇန်နဝါရီလ ၃ဝ ရက်နေ့က ပြည်သူ့လွှတ်တော် အစည်းအဝေး ခန်းမမှာ လွှတ်တော်ဆိုင်ရာ သင်တန်းပေးနေစဉ်။ Photo:Win Ko Ko Latt/RFA
ဖေဖော်ဝါရီလ ၁ ရက်နေ့မှာ စတင်ကျင်းပမယ့် လွှတ်တော် အစည်းအဝေးတွေမှာ လွှတ်တော်ဥက္ကဌနဲ့ ဒုတိယဥက္ကဌတွေ ရွေးချယ်နိုင်ဖို့အတွက် လွှတ်တော် ကိုယ်စားလှယ် အသစ်တွေက ဒီနေ့ပြည်သူ့ လွှတ်တော် အစည်းအဝေးခန်းမမှာ အစမ်းလေ့ကျင့်ခဲ့ကြပါတယ်။

လွှတ်တော်ရုံးဝန်ထမ်းတွေက အမျိုးသားလွှတ်တော်နဲ့ ပြည်သူ့လွှတ်တော် ကိုယ်စားလှယ်တွေကို ဖိတ်ကြားပြီး အစမ်းလေ့ကျင့်ပေးခဲ့တာဖြစ်တယ်လို့ အမျိုးသားဒီမိုကရေစီအဖွဲ့ချုပ်က ပြည်သူ့လွှတ်တော်ကိုယ်စားလှယ် ဒေါက်တာ ခင်ဆောင်က ပြောပါတယ်။

"ကိုယ်စားလှယ်တွေကို ဖိတ်လိုက်တယ်၊ ဖိတ်ပြီးတော့ အဲ့ဒီမှာ လွှတ်တော်ရုံးဝန်ထမ်းတွေကနေပြီးတော့ ကျနော်တို့ကို သဘာပတိရွေးတာ၊ ပြည်သူ့လွှတ်တော် ဥက္ကဌ ရွေးတာ၊ ဒု-ဥက္ကဌတွေရွေးတာ၊ မဲပေးတဲ့ပုံစံ မဲပုံနှိုက်တာကအစ အကုန်လုံး သူတို့က အသေးစိတ်ရှင်းပြတာပေါ့"

လာမယ့် ဖေဖော်ဝါရီလ ၁ ရက်နေ့မှာ ပြည်သူ့လွှတ်တော်အစည်းအဝေးကို စတင်ကျင်းပမှာဖြစ်ပြီး အမျိုးသားလွှတ်တော်အစည်းအဝေးကို ဖေဖော်ဝါရီလ ၂ ရက်နေ့မှာ ကျင်းပသွားမှာဖြစ်ပါတယ်။

လွှတ်တော်အစည်းအဝေးစတင်ကျင်းပမယ့်ရက်မှာ လွှတ်တော်ကျင်းပနိုင်ရေးအတွက် သဘာပတိတစ်ဦးကို ကိုယ်စားလှယ်တွေက ရွေးချယ်ရပါတယ်။

သဘာပတိရွေးချယ်ပြီးနောက်မှာ လွှတ်တော် ဥက္ကဌနဲ့ ဒုတိယဥက္ကဌ အဖြစ်ခန့်အပ်လိုသူတွေကို လွှတ်တော်ကိုယ်စားလှယ်တွေက အမည်စာရင်းတင်သွင်းခွင့်ရှိပြီး အမည်ကွဲလွဲမှုတွေရှိလာမယ်ဆိုရင် မဲစနစ်နဲ့ရွေးချယ်ရမှာဖြစ်ပါတယ်။

လွှတ်တော်အတွင်း ကိုယ်စားလှယ်အများစုအနိုင်ရထားတဲ့ အမျိုးသားဒီမိုကရေစီအဖွဲ့ချုပ်အနေနဲ့ ပြည်သူ့လွှတ်တော်ဥက္ကဌအဖြစ် ဦးဝင်းမြင့်၊ ဒုတိယဥက္ကဌအဖြစ် ဦးတီခွန်မြတ်၊ အမျိုးသားလွှတ်တော် ဥက္ကဌအဖြစ် ဦးမန်းဝင်းခိုင်သန်း၊ ဒုတိယဥက္ကဌအဖြစ် ဦးအေးသာအောင် တို့ကိုလျာထားပြီးဖြစ်တယ်လို့ ပါတီဥက္ကဌ ဒေါ်အောင်ဆန်းစုကြည်က ထုတ်ဖော်ပြောကြားထားပါတယ်။

ဒီနေ့ပြည်သူ့လွှတ်တော်မှာ ကျင်းပတဲ့လွှတ်တော်အစမ်းလေ့ကျင့်တဲ့ပွဲကို အမျိုးသားဒီမိုကရေစီအဖွဲ့ချုပ်ဥက္ကဌ ဒေါ်အောင်ဆန်းစုကြည် မတက်ရောက်ခဲ့ပေမယ့် အနိုင်ရလွှတ်တော်ကိုယ်စားလှယ်တွေနဲ့ နေပြည်တော်စည်ပင်ဧည့်ရိပ်သာမှာ တွေ့ဆုံခဲ့တယ်လို့ သိရပါတယ်။

RFA Burmese
http://www.rfa.org/burmese


ရန်ကုန် အထက်တန်းကျောင်း နှစ်ကျောင်းက ကျောင်းသားတွေ တစ်ဖက်နဲ့တစ်ဖက် အုပ်စုဖွဲ့ခိုက်ရန်ဖြစ်ရာ ကျောင်းသားတစ်ဦး သေဆုံးသွားလို့ လက်ရှိမှာ ကျောင်းသား ၁၁ ဦးကို လူသတ်မှုနဲ့  စစ်ဆေးနေတယ်လို့ ကမာရွတ်မြို့နယ် ရဲစခန်းမှူးက အတည်ပြုပြော ကြားပါတယ်။ ဖြစ်စဉ်မှာ ကမာရွတ်မြို့နယ် အ.ထ.က (၃) ကိုးတန်းကျောင်းသား (၆) ဦးနဲ့ အ.ထ.က (၅) က ကိုးတန်းကျောင်းသား (၇)ဦးအပါအ၀င် ဆယ်တန်းအပြင်ဖြေ ၂ဦးနဲ့ အပြင်လူ (၂) ဦး စုစုပေါင်း (၁၁) ဦး တို့ ဇန်န၀ါရီ (၂၄) ရက် ညနေပိုင်းမှာ ခိုက်ရန်ဖြစ်ပွားခဲ့တယ်လို့ ရဲမှတ်တမ်းမှာပါရှိပါတယ်။

အုပ်စုလိုက် ခိုက်ရန်ဖြစ်ပွားမှုဟာ ကမာရွတ်မြို့နယ်၊ ဗဟိုလမ်းရှိ နာနတ်တောခုံးကျော် တံတားအောက်မှာ ဖြစ်ပွားခဲ့တာပါ။ ဒီလိုခိုက်ရန်ဖြစ်ပွားရာမှာ ကျောင်းသားနှစ်ဦး ဦးခေါင်းဒဏ်ရာတွေ ရရှိခဲ့ပြီး အ.ထ.က (၃) က ကိုးတန်းကျောင်းသားတစ်ဦးဟာ နောက်နေ့ မွန်းလွဲပိုင်းလောက်အရောက်မှာ ရန်ကုန်ဆေးရုံ ကြီးမှာပဲ သေဆုံးသွားတယ်လို့ သိရပါတယ်။ ဒါကြောင့် လက်ရှိမှာ အ.ထ.(၃) ကျောင်းသားတစ်ဦး သေဆုံးမှုနဲ့ မိဘများက တိုင်ကြား တဲ့အတွက် အ.ထ.က(၅) က ကျောင်းသား (၁၁) ဦးကို လူသတ်မှု ပုဒ်မ (၃၀၂) နဲ့ ပြောင်းလဲစစ်ဆေး နေတယ်လို့ စခန်းမှူးက ပြောပါတယ်။

စုံစမ်းစစ်ဆေးချက်တွေအရ ဒီကျောင်းသားတွေဟာ အရင်ကရန်ငြိုးရန်စရှိခဲ့တယ်လို့ ရဲအရာရှိက ပြောဆိုထားပါတယ်။ ခိုက်ရန်ဖြစ်ပွားပြီးစမှာဘဲ နာကျင်စေမှုများ ပြုခဲ့တဲ့အတွက် ပြစ်မှုပုဒ်မ (၃၂၅) နဲ့ နှစ်ဖက် ကျောင်းသားမိဘတွေက အပြန်အလှန် တိုင်တန်းခဲ့တယ်လို့လည်း သူက ဆက်ပြောပါတယ်။ဒါပေမဲ့ အ.ထ.က (၃) ဘက်က မိဘတွေကတော့ သေဆုံးသွားတဲ့ ကျောင်းသားအတွက် ပုဒ်မ (၃၀၂) နဲ့ ပြောင်းလဲလိုက်တာလည်းဖြစ်ပါတယ်။ အ.ထ.က (၅) ကျောင်းသား (၁၁) ဦးထဲက တစ်ဦးဟာလည်း ဦးခေါင်းထိခိုက်ဒဏ်ရာနဲ့ ဆေးရုံမှာ ဆေးကုသခံနေရာကနေ ဒဏ်ရာသက်သာလို့ ဆေးရုံက ဆင်းလာခဲ့တယ်ဆိုပေမယ့် ဒီကနေ့ နံနက်မှာတော့ ဒဏ်ရာမသက်သာတဲ့အတွက် ဆေးရုံပြန်လည်တက်ရောက် နေရတယ် လို့လည်း ကမာရွတ်စခန်းမှူးက ပြောဆိုထားပါတယ်။

For Info News
https://www.facebook.com/forinfo/


IS များအနေဖြင့် ဆီးရီးယား တွင် အခြေမလှဘဲ အလုံးအရင်း ကျဆုံးပြီး ဆုတ်ခွာနေကြသည့် အတွက် တစ်ဖက်တွင် လစ်ဗျား နိုင်ငံ၏ ရေနံဆိပ်ကမ်းမြို့ဖြစ်သည့် ရာ့စ်လန်နပ်ဖ် (Ras Lanouf) ကို ဝင်ရောက်တိုက်ခိုက်နေသည်။လစ် ဗျားစစ်တပ်နှင့် IS စစ်သွေးကြွ များ အပြန်အလှန်ပစ်ခတ်ရာမှ လက်နက်ကြီးများထိမှန်ကာ ရေနံ လှောင်ကန်များလည်း မီးလောင် ခဲ့သည်။ လစ်ဗျားတပ်များမှာ ရေနံ ပိုက်လိုင်းထိန်းချုပ်ရေးစခန်းများ ကို အဓိကထားကာကွယ်နေပြီး ယခုထိ တစ်ဖက်နှင့်တစ်ဖက်အပြန် အလှန် ပစ်ခတ်နေကြောင်း သိ ရသည်။

IS စစ်သွေးကြွများအနေဖြင့် တူရကီ၏ အထောက်အပံ့များကို အလုံးအရင်းရရှိထားပြီး စစ်လက် နက်များဖြည့်တင်းခြင်း၊ တပ်သား သစ်များ၊ ပညာရှင်များကို ငွေဖြင့် မက်လုံးပေးထောက်ပံ့ကာဆွဲဆောင် သိမ်းသွင်းနိုင်သည့်အတွက် ဆီးရီး ယားတွင် အထိနာနေသော်လည်း တစ်ဖက်တွင် တိုက်ခိုက်ရှိန်မြင့် တက်လာခြင်းဖြစ်ကြောင်း ဆီးရီး ယားအစိုးရမှ ဝေဖန်ထားသည်။ လက်ရှိအချိန်ထိ လစ်ဗျားစစ်တပ်မှ တပ်သားနှစ်ဦး လက်နက်ထိမှန် သေဆုံးခဲ့သည်။ လစ်ဗျားနိုင်ငံ သည် နိုင်ငံဝင်ငွေ ၉၅ ရာခိုင် နှုန်းခန့်ကို ရေနံတင်ပို့ရောင်းချခြင်း မှ ရရှိသည်။ှု စစ်သွေးကြွများ လက်ချက်ကြောင့် ယခုမီးလောင် နေသည့် ရေနံသိုလှောင်ကန်တွင် ရေနံစည်ပေါင်း ၄၂ဝ,ဝဝဝ သို လှောင်ထားရှိကြောင်း သိရသည်။

ညိုချော
Source:theguardian
The Union Daily
http://uniondaily.net


ဇန်န၀ါရီ ၃၀ ရက် ၂၀၁၆

ထိုင်းနိုင်ငံ ချွန်ဘူရီ ပြည်နယ်Pattaya ပတ္တရား ပင်လယ်ကမ်းစပ်မြိုမှာဖွင့်လှစ်ထားတဲ့ Bali Hai နိုက်ကလပ် ကပွဲရုံ အား ယနေ့ မနက် (၆) နာရီမှာ (သောကြာနေ့ ပါတီမှာ မနက်မိုးလင်းအထိ ကခုံကြသည်) ရဲတပ်ဖွဲ့ ဝင်တွေ ၀င်ရောက် စစ်ဆေးခဲ့ပါတယ်။

ကလပ်အတွင်း မှာ ကျောင်းဝတ်စုံတွေနဲ့  ကခုံနေကြတဲ့ လူငယ် ၂၀၀ ကျော် တွေ့ ရပါတယ်။
ရဲတွေက မီးတွေဖွင့်ခိုင်းလိုက်ပြီး ကနေသူအားလုံးကို ရပ်ခိုင်းလိုက်ပါတယ်။ ကလပ် အတွင်းမှ အမျိုးသမီး အမျိုးသားများ အားလုံးအား အုပ်စု နှစ်စုခွဲပြီး မှတ်ပုံတင်နဲ့  ဆီးစစ်ဆေး မှုတွေ ပြုလုပ်ခဲ့တဲ့အခါမှာ အယောက် (၃၀)ကျော်ဟာ မူးယစ်ဆေး ၀ါးသုံးစွဲထားတာတွေ့ ရပြီး မိန်းခလေး (၇)ယောက်က အသက်မပြည့်သေးတဲ့ ၁၈ နှစ်အောက် ကျောင်းသူတွေပါ။


ဆိုင်မန်နေဂျနဲ့  ပိုင်ရှင်ကိုတော့ ရဲစခန်းမှာ အမှုဖွင့်ခဲ့ပါတယ်၊ ယခင်က လည်း တစ်ကြိမ် ၀င်ရောက်ဖမ်းဆီးခဲ့ဘူးပြီး ဆိုင်ဖွင့်ခွင့် ငါးနှစ်ပိတ်ပင်ထားရာမှ တလအကြာ နံမည်တမျိုးပြောင်းပြီး ထပ်ဖွင့်ခဲ့တာပါ။

ယခုဝင်ရောက်ဖမ်းဆီးခဲ့တဲ့ နိုက်ကလပ်မှာ ကျောင်းသူလေးတွေ ပြည်တန်ဆာ အဖြစ် လုပ်ကိုင်နေတာကို ကြိုတင် သတင်းပေးခဲ့လို့  ရဲတပ်ဖွဲ့ ဝင် ၅၀ က ၀င်ရောက်ရှာဖွေ ဖမ်း ဆီးခဲ့ခြင်းဖြစ်ကြောင်း သိရပါတယ်။
ဆေးသုံးဆွဲထားတဲ့ လူငယ်တွေကိုတော့ လူငယ်ပြုပြင်ရေး စခန်းဆီပို့ မှာဖြစ်ကြောင်း သိရပါတယ်။

Social Action for Women - SAW
https://www.facebook.com/Social-Action-for-Women-SAW

[youtube src="DEqgCui14os"/]
လာမယ့် အစိုးရသစ် လက်ထက်မှာ ရာထူးတာဝန်ပေးဖို့ ရွေးကောက်ပွဲ အနိုင်ရ အမျိုးသားဒီမိုကရေစီ အဖွဲ့ချုပ်မှ ကမ်းလှမ်းထားမှု မရှိသေးဘူးလို့ သူရဦးရွှေမန်းက ပြောပါတယ်။

ဇန်န၀ါရီလ ၂၉ ရက်နေ့က ပြုလုပ်ခဲ့တဲ့ ပထမအကြိမ် ပြည်ထောင်စုလွှတ်တော် အစည်းအဝေး နောက်ဆုံးနေ့အပြီး ညနေပိုင်းမှာ လွှတ်တော်ဝန်း အတွင်းရှိ ဇဗ္မူသီရိဆောင်မှာ ပြုလုပ်တဲ့ သတင်းစာရှင်းလင်းပွဲမှာ သတင်းမီဒီယာ တစ်ဦးက NLD ဘက်က ဘယ်လိုရာထူး နေရာတွေအတွက် ကမ်းလှမ်းထားမှု ရှိလဲဆိုတဲ့ မေးခွန်းကို အခုလို ဖြေကြားထားတာပါ။

အဲ့ဒီနောက် သတင်းမီဒီယာတစ်ဦးက အာဏာလွှဲပြောင်းရေးဟာ ချောချောမွေ့မွေ့ ဖြစ်နိုင်မယ်လို့ ယုံကြည်ပါသလား မေးခွန်းနဲ့ ပတ်သက်ပြီး မေးမြန်းမှုကိုတော့ သမ္မတဦးသိန်းစိန် အစိုးရဟာ ၂၀၀၈ ဖွဲ့စည်းပုံအခြေခံဥပဒေနဲ့ ပေါ်လာတဲ့ အစိုးရဖြစ်တာကြောင့် သူ့သက်တမ်းကုန်ရင် ဆင်းသွားရမှာ ဖြစ်တာကြောင့် မစိုးရိမ်ဖို့ ပြန်လည် ဖြေကြားခဲ့ပါတယ်။

ဒါ့အပြင် လာမည့်လွှတ်တော် အသစ်မှာ ပုဒ်မ ၅၉ (စ) ကိုဆိုင်းငံ့၊ ပြင်ဆင်နိုင်မယ် ထင်ပါသလားဆိုတဲ့ မေးခွန်းကိုတော့ ၅၉ စ မှာခက်ခဲနက်နဲ သိမ်မွေ့ပြီး ချဉ်းကပ်မှု နည်းလမ်းနဲ့ ဆောင်ရွက်မှု နည်းလမ်းမှန်ပြီး ကောင်းမွန်ရင်တော့ ဖြစ်သွားမယ်လို့ သုံးသပ်ဖြေကြား ခဲ့ပါတယ်။
Eleven Media Group

ကရင်ငါးပါတီ တပါတီတစ်ခုတည်း ပေါင်းစည်းရေး ကော်မတီ ဖွဲ့စည်းရေး အစည်းအဝေး- သတင်းဓာတ်ပုံ Credit to KPP.
ကရင်ငါးပါတီ တပါတီတစ်ခုတည်း ပေါင်းစည်းရေး ကော်မတီ ဖွဲ့စည်းရေး အစည်းအဝေး- သတင်းဓာတ်ပုံ Credit to KPP.

၂၀၁၅ခုနှစ် ရွေးကောက်ပွဲဝင်ခဲ့တဲ့ ကရင်နိုင်ငံရေးပါတီ(၅)ပါတီကနေ တပါတီတည်း အဖြစ် ပေါင်းစည်းသွားဖို့ သဘောတူညီချက် ရရှိခဲ့ပြီးပြီလို့ ကရင် ပါတီ ခေါင်းဆောင်တွေ က ပြောပါတယ်။ လက်ရှိမှာ ပေါင်းစည်းရေးကော်မတီ (၃၀) ဦးကို ဖွဲ့စည်းထားပြီး လာမယ့် ဖေဖေါ်ဝါရီလလောက် မှာ ပေါင်းစည်းရေး လုပ်ငန်းစဉ်တွေ ကို ပြန်လည် ဆွေးနွေး သွားမယ်လို့လည်း ဆိုပါတယ်။ ဒီအခြေအနေတွေကိုတော့ VOA ထိုင်းအခြေစိုက် သတင်းထောက် နိုင်ကွန်းအိန် ကနေ အခုလို သတင်းပေးပို့ထားပါတယ်။

မတူကွဲပြားစွာ ရပ်တည်နေတဲ့ ကရင်နိုင်ငံရေးပါတီ(၅)ခုကို ဒီနှစ်တောအတွင်း တပါတီတည်းအဖြစ် ပေါင်းစည်းသွားဖို့ သဘောတူညီချက်ရရှိခဲ့ပြီးလို့ ကရင် အမျိုးသားပါတီ ရဲ့ အထွေထွေ အတွင်းရေးမှူး မန်းကျော်ငြိမ်းက အခုလို ပြောပါ တယ်။

" အားလုံးကတော့ ပေါင်းကြဖို့ သဘောတူကြပြီ။ တူကြပြီ ဆိုတဲ့အခါကျတော့ တပါတီကို ခြောက်ယောက်ပေါ့နော်။ ငါးပါတီဆိုတော့ အယောက်သုံးဆယ်နဲ့ ဖွဲ့စည်းဖို့ လုပ်ထားတယ်။ ကျနော်တို့ အဲ့ဒီ့အဖွဲ့ကနေပြီးတော့ ပါတီပေါင်းစည်းရေး အတွက် မူဝါဒ ရေးဆွဲမယ်။ အကုန်လုံး အဲ့တာကို ဆောင်ရွက်ဖို့အတွက်လေ။"

ပါတီ တစ်ခုတည်း ပေါင်းစည်းရေး ကော်မတီ(၃၀)ဦးကို ပြီးခဲ့တဲ့ အင်္ဂါနေ့ အစည်းအဝေး ကနေ ဖွဲ့စည်းပြီး နိုင်ငံရေးပါတီ တစ်ခု အဖြစ် ဖွဲ့စည်းဖို့ သဘောတူ လိုက်တာဖြစ်ပါတယ်။ ပေါင်းစည်းရေးကော်မတီတွေအနေနဲ့ လာမယ့် ဖေဖေါ်ဝါရီလလောက်မှာ ပေါင်းစည်းရေး လုပ်ငန်း စဉ်တွေ ကို ပြန်လည် ဆွေးနွေးသွားမယ်လို့ မန်းကျော်ငြိမ်းကဆက်ပြောပါတယ်။

" ပါတီရဲ့ မူဝါဒတွေကို တယောက်နဲ့ တယောက်တော့ ပြန်ညှိရမှာပေ့ါ။ မူဝါဒပိုင်းဆိုင်ရာ ကတော့ ကျနော်တို့ ဒီဖက်ဒရယ်ပြည်ထောင်စုကို သွားဖို့ အတွက်တော့ ဘယ်လို ဖက်ဒရယ်မျိုးကို နှစ်သက်သလဲ ဆိုတဲ့ပုံစံနဲ့ စပြီးတော့ ညှိတော့ ညှိကြရမှာပေါ့။ ပါတီရဲ့ မူဝါဒရေးဆွဲမယ်။ စည်းမျဉ်းစည်းကမ်းတွေပေါ့။ အကုန်လုံးညှိရမှာပေါ့နော်။ "

ကရင်နိုင်ငံရေးပါတီတွေ ပူးပေါင်းရတာဟာ ကရင်ပြည်သူတွေ ရဲ့ တောင်းဆိုချက် အရ နဲ့ ကရင်အမျိုးသားစည်းလုံး ညီညွတ်ရေးကိုရှေးရှုတယ်လို့လဲ သူကဆိုပါတယ်။

ပြီးခဲ့တဲ့(၂၀၁၅)ရွေးကောက်ပွဲမှာ ကရင်နိုင်ငံရေးပါတီကွဲပြားနေမှုကြောင့် ကရင်ပြည်နယ် သံတော်မြို့နယ်မှာ ကရင်ပြည်သူ့ပါတီ ကနေ ပြည်နယ် လွှတ်တော် ကိုယ်စားလှယ်တဦးသာ အနိုင်ရပြီးကျန်တဲ့(၄)ပါတီကတော့ ကိုယ် စားလှယ်နေရာ အနိုင်ရတာ မရှိခဲ့ပါဘူး။

ကရင်ပြည်သူ့ပါတီ၊ ကရင်ဒီမိုကရက်တစ်ပါတီ၊ ကရင်အမျိုးသားပါတီ၊ ကရင်ပြည်နယ် ဒီမိုကရေစီနဲ့ ဖွံ့ဖြိုးရေးပါတီနဲ့ ဖလုံ-စဝေါ်ဒီမိုကရက်တစ်ပါတီ စတဲ့ ပါတီ ၅ပါတီကနေ နိုင်ငံရေးပါတီတစ်ခုတည်း ဖြစ်အောင်ပူးပေါင်းဖို့အတွက် မတူညီတဲ့ ပါတီမူဝါဒတွေရှိနေပေမဲ့လဲ တူညီတဲ့အပိုင်းကနေ စတင်ပူးပေါင်း လုပ်ဆောင်သွာမယ်လို့ ဖလုံ-စဝေါ် ဒီမိုကရက်တစ်ပါတီ ဒုတိယဥက္ကဋ္ဌ မန်းအောင်ပြည်စိုးက ပြောပါတယ်။

" ကျနော်တို့ တပါတီတည်းဖြစ်အောင် ပူးပေါင်းမယ်။ မူဝါဒမတူတာတွေကို ချန်ထားရမှာပေါ့ဗျာ။ ဒါပဲပေါ့။"

၂၀၁၅ရွေးကောက်ပွဲမှာ နေရာအများဆုံး အနိုင်ရခဲ့တဲ့ အမျိုးသားဒီမိုကရေစီ အဖွဲ့ချုပ်ကနေ လွှတ်တော် ဥက္ကဋ္ဌနဲ့ ဒုတိယ ဥက္ကဋ္ဌ နေရာ ၄ နေရာမှာ တိုင်းရင်းသားတွေကို ၃ နေရာပေးလိုက်တဲ့လုပ်ဆောင်ချက်အပေါ်ကြိုဆိုပေမဲ့ တိုင်းရင်းသားတွေ လိုလားတဲ့ စစ်မှန်တဲ့ ဖက်ဒရယ်ပြည်ထောင်စု တည်ဆောက်ဖို့ နဲ့ ငြိမ်းချမ်းရေးတည်ဆောက်ရေး အပိုင်းမှာ NLDအစိုးရရဲ့ လုပ်ဆောင်ချက်တွေ ကိုစောင့်ကြည့်သွားရမယ်လို့ ဖလုံ-စဝေါ် ဒီမိုကရက်တစ်ပါတီ ဒုတိယ ဥက္ကဋ္ဌ မန်းအောင်ပြည်စိုးက ပြောပါတယ်။

"ကျနော်တို့ ကြိုဆိုပါတယ်။ တိတိကျကျနဲ့ အဖြေမှန်ထွက်ဖို့ကိုပဲ ကျနော်တို့က မျှော်လင့် တယ်။ ဖြစ်နိုင်ရင်တောင် သမ္မတ နေရာမှာ ကျနော်တို့ တိုင်းရင်းသားတွေကို ပေးမယ်ဆိုရင် ကျနော်တို့က ပိုဝမ်းသာတာပေါ့ဗျာ။ NLD အစိုးရကိုတော့ ကျနော်တို့က မျှော်လင့်ချင်တယ်ပေါ့ဗျာ။ ကျနော်တို့ လိုချင်တဲ့ ဖက်ဒရယ်တို့၊ စစ်မှန်တဲ့ ဒီမိုကရေစီတို့၊ ငြိမ်းချမ်းရေးတို့ကို သူက အကောင်အထည်ဖော်ပေးမယ်လို့တော့ သူကပြောပါတယ်။ သို့သော် လက်တွေ့ ဘယ်လောက်အထိ ဖြစ်မလဲဆိုတာကတော့ စောင့်ကြည့်ရမယ့် အနေအထားရှိမယ်။"

၂၀၁၅ ရွေးကောက်ပွဲတုန်းက ကရင်နိုင်ငံရေးပါတီတွေဖြစ်တဲ့ ကရင်ပြည်သူ့ပါတီ၊ ကရင်ဒီမိုကရက်တစ်ပါတီ၊ ကရင် အမျိုးသားပါတီ၊ ကရင်ပြည်နယ်ဒီမိုကရေစီနဲ့ ဖွံ့ဖြိုးရေးပါတီနဲ့ ဖလုံ-စဝေါ်ဒီမိုကရက်တစ်ပါတီ စတဲ့ ပါတီ ၅ပါတီ ကနေ ကရင်ပြည်နယ် မွန်ပြည်နယ် ပဲခူးတိုင်း ဧရာဝတီတိုင်းဒေသကြီး ရန်ကုန်တိုင်းဒေသကြီးတွေမှာ ၀င်ရောက် ယှဉ်ပြိုင်အရွေးခံခဲ့ပေမဲ့ ထိုက်သင့်တဲ့ အောင်မြင်မှု မရရှိခဲ့ပါဘူး။

နောင်လာမယ့် ရွေးကောက်ပွဲတွေမှာ ကရင်လူမျိုးတွေကို ကိုယ်စားပြုနိုင်မဲ့ ကရင်နိုင်ငံရေးပါတီ တခုတည်းဖြစ်ဖို့ အတွက် ပါတီချင်းပေါင်းစည်းဖို့ ကြိုးပမ်းနေတာလဲဖြစ်ပါတယ်။

ကရင်နိုင်ငံရေးပါတီ ၅ပါတီ ပူးပေါင်းပြီး ဒီနှစ်အတွင်း ပါတီတစ်ခုတည်းဖြစ်အောင် ဖွဲ့စည်းသွားမယ်လို့ ဇန်နဝါရီလ (၂၇) ရက်စွဲနဲ့ သဘောထား ကြေညာချက်ကိုလဲ တရားဝင်ထုတ်ပြန်ခဲ့ပါတယ်။

ကိုနိုင်ကွန်းအိမ်/VOA
http://burmese.voanews.com/content/karen-political-parties-merge/3168935.html

ကိုထက်ခေါင်လင်းကို EU ဥရောပသမဂ္ဂ မှ ပေးအပ် ချီးမြှင့်တဲ့ "EU Lorenzo Natali Prize"  မီဒီယာဆု ရရှိမှု အတွက် ဂုဏ်ပြု။ ( Photo Credit to- European Union Delegation to Myanmar)
ကိုထက်ခေါင်လင်းကို EU ဥရောပသမဂ္ဂ မှ ပေးအပ် ချီးမြှင့်တဲ့ "EU Lorenzo Natali Prize" မီဒီယာဆု ရရှိမှု အတွက် ဂုဏ်ပြု။ ( Photo Credit to- European Union Delegation to Myanmar)

EU ဥရောပသမဂ္ဂက ဂုဏ်ပြုချီးမြင့်တဲ့ ၂၀၁၅ ခုနှစ်အတွက် Lorenzo Natali ဆုတဆုကို မြန်မာနိုင်ငံက သတင်းထောက်တဦး ပထမဆုံးအကြိမ် ရရှိသွားပါတယ်။ ရန်ကုန်မြို့မှာ ပြည့်တန်ဆာအဖြစ် ရှင်သန်ရပ်တည်ခဲ့တဲ့ မိန်းကလေးငယ် တယောက်ရဲ့ အကြောင်းကို အခြေခံပြီး လက်ရှိ မြန်မာနိုင်ငံမှာ ကြုံနေရတဲ့ ဆင်းရဲမွဲတေမှုနဲ့ အသက် ၁၈ နှစ်အောက် ကလေးပြည့်တန်ဆာတွေအကြောင်းကို Myanmar Now အကြီးတန်း သတင်းထောက် ကိုထက်ခေါင်လင်းက သတင်းဆောင်းပါးရေးသားခဲ့ပြီး အခုလို Lorenzo Natali နိုင်ငံတကာဆုကို ရရှိလိုက်တာပါ။

ဒီဆောင်းပါးကို Myanmar Now အင်တာနက်အော်လိုင်း သတင်းမှာ ၂၀၁၅ ခုနှစ် သြဂုတ်လ ၁၃ ရက်နေ့က Poverty drives Myanmar girls into underage sex work ဆင်းရဲမွဲတေမှုကြောင့် အသက်မပြည့်တဲ့ မြန်မာ မိန်းကလေးတွေ ပြည့်တန်ဆာ လုပ်ငန်းထဲရောက်ရတယ် ဆိုပြီး ရေးသားခဲ့တာပါ။
သတင်းသမားတွေနဲ့တွေ့ဆုံသတင်းသမားတွေနဲ့တွေ့ဆုံ

ဒီကနေ့ ရန်ကုန်မြို့ ဥရောပသမဂ္ဂရုံးမှာ သတင်းထောက်တချို့နဲ့ တွေ့ဆုံခဲ့တဲ့ ကိုထက်ခေါင်လင်းက မြန်မာနိုင်ငံက သတင်းထောက်တွေကို နိုင်ငံတကာ ပြိုင်ပွဲတွေမှာ ယှဉ်ပြိုင်ကြဖို့ တိုက်တွန်းခဲ့သလို၊ နောက်တတ်လာမယ့် အစိုးရလက်ထက်မှာ ပြည့်တန်ဆာအလုပ်နဲ့ အသက်မွေးဝမ်းကြောင်းနေရတဲ့ သူတွေအတွက် အလုပ်အကိုင် အခွင့်အရေး များများ ဖန်တီးပေးသင့်တယ်လို့ တိုက်တွန်း ပြောဆိုသွားပါတယ်။
သတင်းသမားတွေနဲ့တွေ့ဆုံ
သတင်းသမားတွေနဲ့တွေ့ဆုံ
ဥရောပသမဂ္ဂက ချီးမြင့်တဲ့ Lorenzo Natali ဆုဟာ အာဖရိက၊ အာရပ်ကမ္ဘာနဲ့ အရှေ့အလယ်ပိုင်း၊ အာရှပစိဖိတ်ဒေသတွေ အပါအ၀င် ဥရောပနဲ့ လက်တင် အမေရိကား နိုင်ငံတွေမှာရှိတဲ့ သတင်းထောက်တွေရဲ့ သတင်းဆောင်းပါးတွေထဲကနေ ဒေသတခုချင်းအတွက် ပရောဖက်ရှင်နယ်ဆုနဲ့ အပျော်တမ်းဆု ၂ ဆုစီ ပေးအပ် ချီးမြှင့်တာပါ။

ဒီအထဲမှာ ကိုထက်ခေါင်လင်းကတော့ အာရှနဲ့ ပစိဖိတ်ဒေသအတွက် ပရောဖက်ရှင်နယ် ဆုကို မြန်မာသတင်းထောက် တယောက်အနေနဲ့ ပထမဆုံး ရရှိခဲ့တာဖြစ်ပါတယ်။ Lorenzo Natali ဆုရသူတွေကို ဒီလ အစောပိုင်းက ဘယ်လ်ဂျီယံနိုင်ငံ ဘရက်ဆဲလ်မြို့ကို ဖိတ်ခေါ် ချီးမြှင့်ခဲ့ပြီး၊ ဆုကြေးငွေကတော့ ယူရို ငါးထောင်စီဖြစ်ပါတယ်။

VOA
http://burmese.voanews.com/content/myanmar-journalist-htet-khaung-linn-winning-eu-lorenzo-natali-prize/3168313.html

ပါတီ ဖွဲ့စည်းပုံ စည်းမျဉ်းတွေ နဲ့ မညီပဲ အာဏာရှင် ဆန်ဆန် လုပ်ရပ် တွေ ကြံ့ခိုင်ရေး ပါတီတွင်း ဖြစ်ပေါ် ခဲ့။
ပြီးခဲ့တဲ့ လွှတ်တော် သက်တမ်း မှာ ပြည်ထောင်စု ကြံ့ခိုင်ရေး နဲ့ ဖွံ့ဖြိုးရေး ပါတီ က လွှတ် တော် အမတ် တွေ အနေနဲ့ တစ်ဦး ချင်းစီ သဘောထား အတိုင်း လွတ်လွတ် လပ်လပ် လွှတ်တော် တွင်း အဆိုတင် တာမျိုး ပြုလုပ် လို့ မရခဲ့ ဘူး ဆိုပြီး ကြံ့ခိုင်ရေး ပါတီ မှာ ထိပ်တန်း ခေါင်းဆောင် တစ်ဦး ဖြစ်ခဲ့ ဖူး သူ တစ်ဦး က ထုတ်ဖော် ပြောဆို လာပါတယ်။

ကြံ့ခိုင်ရေး ပါတီ ဗဟို အလုပ်အမှု ဆောင် ကော်မတီ ဝင် စီအီးစီ တွေ နဲ့ ဖွဲ့စည်း ထားတဲ့ ဆင်ဆာ အဖွဲ့ ရဲ့ စိစစ် အတည်ပြု မှု ကို အရင် ခံယူ ပြီး မှ လွှတ်တော် အတွင်း အဆိုပြု တင်ပြ ရတာ မျိုး ဖြစ်တယ် လို့ ကိုယ် တိုင်လည်း ပါတီ စီအီးစီ တစ်ဦး ဖြစ်ခဲ့ ဖူးတဲ့ သူရ ဦးအောင်ကို က ဘီဘီစီ နဲ့ မေးမြန်းခန်း မှာ ပြောပါတယ်။

ဇန်နဝါရီလ ၂၉ ရက် သောကြာ နေ့ ကပဲ ကြံ့ခိုင်ရေး ပါတီ လွှမ်းမိုး ထားတဲ့ လွှတ်တော် ရဲ့ နောက်ဆုံး ရက် အဖြစ် ကျင်းပ ခဲ့ ပြီး နောက် သူရ ဦးအောင်ကို က သူ့ အနေနဲ့ ကြံ့ခိုင်ရေး ပါတီ နဲ့ ကြား လမ်းခွဲ လိုက် ပြီ လို့ ပြောကြား လာပါတယ်။

ပါတီ ဖွဲ့စည်းပုံ စည်းမျဉ်းတွေ နဲ့ မညီပဲ အာဏာရှင် ဆန်ဆန် လုပ်ရပ် တွေ ပါတီတွင်း ဖြစ်ပေါ် ခဲ့တယ် ဆိုပြီးတော့လည်း သူရ ဦးအောင်ကိုက ဝေဖန် ခဲ့တာ မှာ ပြီးခဲ့တဲ့ နှစ် ဩဂုတ် လက ကြံခိုင်ရေး ပါတီ ရဲ့ ဥက္ကဌ နေရာ ကနေ သူရ ဦးရွှေမန်း ကို အင်အားသုံး ဖယ်ရှား ခဲ့တဲ့ ဖြစ်ရပ် ကို ဥပမာ ပေး ပြောဆို ခဲ့ ပါတယ်။

ကြံ့ခိုင်ရေး ပါတီတွင်း ဦးသိန်းစိန် နဲ့ ဦးရွှေမန်း တို့ အကြား အာဏာလွန်ဆွဲ ပွဲ အပြီး မှာ သူရ ဦးရွှေမန်း နဲ့ နီးစပ်သူ တစ်ဦး အဖြစ် ယူဆရတဲ့ သူရ ဦးအောင် လည်း အဲဒီ့ ပါတီ ရဲ့ စီးအီးစီ အဖြစ် ကနေ ဖယ်ရှား ခံခဲ့ ရပါတယ်။

သူ့ရဲ့ အနာဂတ် နိုင်ငံရေး နဲ့ ပတ်သက်ပြီး ဘီဘီစီ က မေးမြန်း ရာမှာတော့ သူရ ဦးအောင်ကို က သူဟာ အမျိုးသား ဒီမို ကရေစီ အဖွဲ့ချုပ် NLD ပါတီ ရဲ့ ဥက္ကဌ ဒေါ်အောင်ဆန်းစုကြည် နဲ့ လူပုဂ္ဂိုလ် ချင်း ခင်မင် ရင်းနှီး သူ တစ်ဦး ဖြစ်ပြီး တိုင်းပြည် အတွက် အတူ ဝိုင်းဝန်း ကူညီ ဖို့ အဖွဲ့ချုပ် ဥက္ကဌ က မကြခဏ ပြောဆို ဖူး တယ် လို့ ဆိုပါတယ်။

ဒါပေမယ့် တိတိကျကျ ဘယ်လို ရာထူး တာဝန် နေရာ မျိုး မှာ ဝင်ပြီး ဆောင်ရွက်ဖို့ ကိုတော့ ပြောဆို ညှိနှိုင်း ထားတာ မရှိဘူး လို့ သူရ ဦးအောင်ကို က ဆိုပါတယ်။

BBC Burmese
http://www.bbc.com/burmese

Burma Politics - Last Parliament Session held in Naypyidaw- MOI
ခုဆိုရင် အရင် စစ်အစိုးရက ဖန်တီးပေးခဲ့တဲ့ ပထမ အကြိမ် လွှတ်တော်တွေ သက်တမ်း ကုန်ဆုံးသွားခဲ့ပါပြီ။ ဇန်န၀ါရီ(၂၈) နဲ့ (၂၉ )ရက်နေ့ မှာတော့ ပြည်သူ့လွှတ်တော်၊ အမျိုးသားလွှတ်တော် နဲ့ ပြည်ထောင်စု လွှတ်တော်တွေမှာ နှုတ်ဆက်ပွဲတွေ ကျင်းပကြပါတယ်။ အားလုံးလိုလိုသော အမတ်တွေက သူတို့ လွှတ်တော်ကို သူတို့ ချီးမွမ်းခန်းတွေ ဖွင့်ပြီး လွှတ်တော် မှတ်တမ်းထဲ ၀င်အောင် ပြောဆိုကြပါတယ်။ အဓိက ပြောကြ ဆိုကြတာက နှစ်ပေါင်း ၂၀ ကျော်အတွင်း လွှတ်တော်တွေ ပြန်ပေါ်ပေါက်လာပြီး သူတို့တွေက အသက်သွင်းခဲ့တယ် ဆိုတာမျိုး၊ လွှတ်တော်တွင်းမှာ ပါတီစွဲ လူမျိုးစွဲ မထားပဲ တိုင်းပြည်ကောင်းရာ ကောင်းကျိုး လုပ်ခဲ့ကြတယ် ဆိုတာမျိုး၊ ပြည်သူ့အသံ လွှတ်တော် အသံ ဆိုပြီး ပြည်သူတွေ အကျိုးအတွက် လုပ်ကိုင်ဆောင်ရွက်ခဲ့ကြတယ်ဆိုတာမျိုး၊ ဘယ်လောက် ပင်ပန်းဆင်းရဲခြင်းကြီးစွာနဲ့ ဒုက္ခခံပြီး လုပ်ခဲ့ကိုင်ခဲ့ကြတယ် ဆိုတာမျိုးတွေပါ။ ကုန်ဆုံးသွားပြီဖြစ်တဲ့ ပြည်ထောင်စု အဆင့် လွှတ်တော်တွေဟာ ဘယ်လို လွှတ်တော်တွေ ဖြစ်ခဲ့သလဲ ဆိုတာ ဒီတစ်ပါတ် ဆွေးနွေး တင်ပြသွားပါ့မယ်။

သူရဦးရွှေမန်းနဲ့ ဦးခင်အောင်မြင့် စစ်ဗိုလ်ချုပ်နှစ်ယောက်ကို တာဝန်ပေးခဲ့တဲ့ ပြည်ထောင်စု အဆင့် လွှတ်တော်တွေကို ပြန်ကြည့်ရင် တကယ့် လွှတ်တော်တွေအလား ပီပီပြင်ပြင် အသက်ဝင်အောင် လုပ်ခဲ့တာကိုတော့ ချီးကျူးရမှာ ဖြစ်ပါတယ်။ အကြောင်းကတော့ တိုင်းနဲ့ ပြည်နယ် ၁၄ ခုက ၁၄ ခုသော လွှတ်တော်တွေအားလုံး တစ်ခုမှ ပြည်ထောင်စု အဆင့် လွှတ်တော်လို အသက် မ၀င်ခဲ့လို့ ဖြစ်ပါတယ်။ လွှတ်တော် သက်တန်းကာလ အတွင်း ခေတ်စနစ်နဲ့ လျော်ညီခြင်း မရှိတဲ့ ဥပဒေ တွေကို ဖျက်သိမ်းတာ၊ ပြင်ဆင်တာ၊ အသစ် လိုအပ်တဲ့ ဥပဒေတွေကို ရေးဆွဲ ပြဌာန်းတာတွေကိုတော့ လုပ်ခဲ့ကြပါတယ်။ ဒါပေမယ့် ဒီ ပြဌာန်းလိုက်တဲ့ ဥပဒေတွေဟာ တကယ့် ပြည်သူလူထု အကျိုးအတွက် ဖြစ်ရဲ့လား၊ အာဏာရှင်တွေရဲ့ ဖိနှိပ်မှုတွေကို ဖယ်ရှားပေးထားတဲ့ ဥပဒေတွေ ဖြစ်ရဲ့လား ဆိုတာကတော့ ဆွေးနွေးစရာ အများကြီး ရှိနေပါတယ်။

နမူနာအားဖြင့် ရပ်ကျေး အုပ်ချုပ်ရေးမှူး ရွေးချယ်တင်မြှောက်ခြင်း ဆိုင်ရာ ဥပဒေ ဆိုရင် ဒီမိုကရေစီလည်း မကျ၊ ရှုတ်လည်း ရှုတ်ထွေး အခြေအနေမျိုး ဖြစ်အောင် ပြဌာန်းထားတာ တွေ့ရမယ် ဖြစ်ပါတယ်။ အဲလို ရှုတ်ထွေးတဲ့ ဥပဒေကြောင့်ပဲ အရင် အာဏာရှင် ခေတ်က အတိုင်း ပြည်သူလူထုကို ဆန့်ကျင်သူတွေ၊ ကိုယ်ကျိုးသမားတွေ အောက်ခြေ ရပ်ကျေး အုပ်ချုပ်ရေးမှူး နေရာတွေကို ဆက်ပြီး ရယူထားနိုင်သေးတာ တွေ့ရပါတယ်။ နောက် တစ်ခုက ငြိမ်းချမ်းစွာ စုရုံး စီတန်း ဆန္ဒပြခွင့် ဆိုင်ရာ ဥပဒေ ဖြစ်ပါတယ်။ လွှတ်တော်က ပြဌာန်းလိုက်တဲ့ အဲဒီ ဥပဒေကို အကြောင်းပြုပြီးတော့ပဲ ကျောင်းသားနဲ့ လူပေါင်းများစွာ ဖမ်းဆီး၊ တရားရုံး တင်ပို့ခံရ၊ အကျဉ်းချ ခံနေရတာ ဖြစ်ပါတယ်။ နောက်တစ်ခုကတော့ မျိုးစောင့် ဥပဒေတွေ ဖြစ်ပါတယ်။ နိုင်ငံနဲ့ တိုင်းရင်းသားပြည်သူတွေ အတွက် အကျိုးရှိစေမယ့် ဥပဒေတွေလို့ သတ်မှတ်ဖို့ အလွန်ခက်ခဲပါတယ်။ ဒါတွေက နမူနာ သဘောလောက်ပါ။ လက်ရှိ လွှတ်တော်ဟာ အဲလို ဥပဒေ အများကြီး ပြဌာန်းခဲ့ပါတယ်။

နောက်တစ်ချက် လွှတ်တော်ဟာ သမ္မတ နဲ့ အစိုးရ အဖွဲ့ကို ထိန်းကျောင်းတယ်၊ ထိန်းညှိတယ် ဆိုတဲ့ ကိစ္စပါ။ တကယ့်တကယ်ကျတော့ အဲဒီကိစ္စတွေထဲမှာ အကျိုးစီးပွားဆိုင်ရာ ကိစ္စတွေ၊ ဂိုဏ်းဂဏ တိုက်ပွဲ ပြသနာတွေ အများကြီး ပါဝင်နေတာ တွေ့နိုင်ပါတယ်။ စစ်အစိုးရ ခေတ်လွန်ကို ပြန်ကြည့်ရင် လွှတ်တော်ထဲကို အမတ်ဖြစ်ပြီး ရောက်သွားသူတွေထဲမှာ အရင် အခွင့်ထူးရခဲ့တဲ့ ၀န်ကြီးဟောင်းတွေနဲ့ ခရိုနီတွေ ပါသွားကြပါတယ်။ လွှတ်တော်ကို သူတို့ ကြီးစိုး လွှမ်းမိုးထားပါတယ်။

တစ်ဖက်မှာ အစိုးရ အာဏာရလာတဲ့ သမ္မတ ဦးသိန်းစိန် ဘက်မှာလည်း သူတို့ အုပ်စုနဲ့ သူတို့ ရှိကြပါတယ်။ သမ္မတ ဦးသိန်းစိန် ဘက်မှာ တန်ခိုးကြီးလာတဲ့ ၀န်ကြီး ဦးစိုးသိန်းနဲ့ အုပ်စုဟာ လွှတ်တော်ထဲ ရောက်သွားတဲ့ ၀န်ကြီးဟောင်းတွေနဲ့ ခရိုနီ အုပ်စုတွေကို အရင်ခေတ်တုန်းကလို အခွင့်ထူးတွေ မပေးတော့ပါဘူး။ ပုံစံ အသစ်၊ လူအသစ်တွေနဲ့ လုပ်ပါတယ်။ ဒီလိုနည်းနဲ့ အခွင့်ထူးမရတော့တဲ့ လွှတ်တော်ဘက်က ခရိုနီ အသိုင်းအ၀ိုင်း အုပ်စု အစိုးရဘက်ကို အမျက်တော်ရှပါတယ်။ နောက်ပိုင်း အစိုးရဘက်က လုပ်ရပ်တွေ အထူးသဖြင့် စီးပွားရေး ဆိုင်ရာ လုပ်ရပ်တွေကို စေ့စေ့စပ်စပ် ကြည့်ရှု ဝေဖန်ပါတော့တယ်။ ဒါဟာ အစိုးရနဲ့ လွှတ်တော် ပုံမှန် Check and Balance လုပ်တာမျိုး မဟုတ်ပါဘူး။ ဥပမာအားဖြင့် မိုဘိုင်းဖုန်း ဆက်သွယ်ရေး လုပ်ငန်းမှာ နိုင်ငံခြား အော်ပရေတာတွေကို လုပ်ကိုင်ခွင့်ပြုတဲ့ ကိစ္စ၊ နိုင်ငံခြား ဘဏ်တွေကို ၀င်ရောက် ရင်းနှီးမြှုပ်နှံခွင့်ပေးတဲ့ ကိစ္စတွေမှာဆိုရင် လွှတ်တော် ဘက်က အသည်းအသန် ကန့်ကွက်တာမျိုး လုပ်ခဲ့တာ ဖြစ်ပါတယ်။

လွှတ်တော်ဘက်က မအောင်မမြင် ဇာတ်မျောဖြစ်အောင် လုပ်လိုက်တဲ့ ပြသနာကြီးတစ်ခုလည်း ရှိပါသေးတယ်။ အဲဒါကတော့ သိမ်းဆည်းထားတဲ့ မြေယာတွေ ပြည်သူတွေ လက်ထဲ ပြန်ရောက်ရေး ကိစ္စပါ။ တကယ်တော့ အရင် စစ်အစိုးရ လက်ထက်က လယ်သိမ်းယာသိမ်း ပြသနာဟာ အတော့်ကို နက်ရှိုင်းကျယ်ပြန့်ပါတယ်။ သိမ်းသူတွေကလည်း မျိုးစုံပါတယ်။ တပ်မတော်၊ ဌာနဆိုင်ရာ၊ စစ်ဗိုလ် နဲ့ ခရိုနီသူဌေး စုံနေအောင် ပါပါတယ်။ လယ်သိမ်းယာသိမ်း လုပ်ခဲ့တဲ့သူတွေ အများကြီးကလည်း လွှတ်တော်ထဲ အမတ်ဖြစ်နေတာတွေလည်း ရှိနေပါတယ်။ နောက်ဆုံး အဲဒီ လယ်ယာမြေ သိမ်းဆည်းခံရမှု ကိစ္စတွေ ကိုင်တွယ်ဖြေရှင်းပေးတဲ့ လွှတ်တော်ဘက်ကလည်း ပြသနာကို ရှင်းလင်းတဲ့အထိ မကိုင်တွယ်ပဲ ဇာတ်မျောအဖြစ် လုပ်ကိုင်ခဲ့တာ တွေ့နိုင်ပါတယ်။

လွှတ်တော်ရဲ့ အရေးအကြီးဆုံးသော ပြသနာ တစ်ခုကတော့ ဖွဲ့စည်းပုံပြင်ရေးကို ကောင်းကောင်းမွန်မွန် မလုပ်ခဲ့တာပါ။ ရွေးကောက်ခံ နဲ့ တပ်တော်သားတွေ ညှိနှိုင်းပြီး ဖွဲ့စည်းပုံကို ဖြစ်သင့်ဖြစ်ထိုက်တဲ့ အနေအထား ပြင်ဖို့ ကြိုးစားရမှာကို ဖွဲ့စည်းပုံပြင်ရေးကော်မတီ ထဲကနေ တပ်မတော်သားတွေကိုရော အခြားပါတီဝင်တွေကိုပါ ထုတ်ပယ်၊ သူရဦးရွှေမန်း သဘောကျတာကိုပဲ ပြင်ဖုိ့ ပြည်ခိုင်ဖြိုးပါတီက လုပ်ခဲ့တာပါ။ နောက်ဆုံး တပ်မတော်ဘက်က ပယ်ချခဲ့ပြီး ဘာတစ်ခုမှ အရာမထင်ခဲ့ပါဘူး။

လွှတ်တော် နောက်ဆုံးနေ့ ဇန်န၀ါရီ ၂၈ ရက်နေ့မှာ သမ္မတ ဦးသိန်းစိန်ရော သူရဦးရွှေမန်းပါ စကားပြောကြပါတယ်။ သမ္မတ ဦးသိန်းစိန်က “ ထိပ်တိုက်ရင်ဆိုင်မှုများ ကြုံတွေ့ရသော်လည်း ပုဂ္ဂိုလ်ရေး ထိခိုက်နာကျင်မှုများကို မေ့ပျောက်၍ သည်းခံဆောင်ရွက်ခဲ့တယ်”ဆိုပြီး ပြောခဲ့သလို သူရဦးရွှေမန်းကလည်း “ကြိုးစားရင်း ကြိုးစားရင်းနဲ့ ကျွန်တော့်မှာလည်း ဒါဏ်ရာ ဒါဏ်ချက်တွေ အများကြီးရပါတယ်။ ဒီလိုပဲ ကျွန်တော်နဲ့ နီးစပ်သူတွေလည်း ဒါဏ်ရာ ဒါဏ်ချက်တွေ အများကြီး ရပါတယ်။” လို့ ပြောဆိုခဲ့ပါတယ်။ ဒါဟာ လွှတ်တော်နဲ့ အစိုးရအဖွဲ့ ဖြစ်ပွားခဲ့တဲ့ ဂိုဏ်းဂဏ တိုက်ပွဲကို ထင်ဟပ်စေတဲ့ စကားလုံးတွေ ဖြစ်ပါတယ်။ အားလုံးကို ခြုံငုံသုံးသပ်လိုက်ရင် ကုန်လွန်ခဲ့တဲ့ လွှတ်တော် သက်တန်းဟာ ပြည်သူ့ဆန္ဒ လွှတ်တော် ဆန္ဒ ဆိုတာထက် ကိုယ်ကျိုးစီးပွားနဲ့ ဂိုဏ်းဂဏ တိုက်ပွဲတွေ ပိုပြီး လွှမ်းမိုးခဲ့တဲ့ လွှတ်တော်လို့ သတ်မှတ်ရင် ပို နီးစပ်မှာ ဖြစ်ပါကြောင်း သုံးသပ်တင်ပြလိုက်ရပါတယ်။

ဦးစည်သူအောင်မြင့် / ဗွီအိုအေ (မြန်မာပိုင်း)
http://burmese.voanews.com


ဂျပန်ဗဟိုဘဏ်ဟာ အတိုးနှုန်းကို အနှုတ် သုည ဒဿမ ၁% သတ်မှတ်ဖို့ ကို မျှော်လင့်မထားဘဲ ဆုံးဖြတ်လိုက်ပါတယ်။ ဒီဆုံးဖြတ်ချက်ဟာ ဘဏ် အပ်ငွေတွေပေါ် အတိုးနှုန်းကို အရင်က သုည ဒဿမ ၁% နဲ့ နည်းနည်းလေးပဲ ပေးထားတဲ့ ဗဟိုဘဏ်မှာ - လက်ရှိ ငွေအပ်ထားတဲ့ ဘဏ်လုပ်ငန်း တွေအပေါ် သက်ရောက်မှု ရှိစေမှာပါ ဖြစ်ပါတယ်။

ရေနံဈေးနှုန်း နောက်ထပ်ကျဆင်းမယ့် အလားအလာ၊ တရုတ် အပါအ၀င် ထွန်းသစ်စ စီးပွားရေးနိုင်ငံတွေမှာ မရေမရာ အခြေအနေ၊ စီးပွားရေးဆိုင်ရာ ယုံကြည်မှု နဲ့ လူတွေရဲ့ ကျဆင်းနေတဲ့ စိတ်အခံ ပျောက်သွားအောင် လုပ်ဖို့ နှောင့်နှေးသွားစေနိုင်တဲ့ ကမ္ဘာလုံး ဆိုင်ရာဈေးကွက် မတည်မငြိမ်ဖြစ်နေတာ စတဲ့ အန္တရာယ်တွေရှိနေတယ်လို့ ဂျပန်ဗဟိုဘဏ်အုပ်ချုပ်ရေးမှူး ဟရုဟိကို့ ကုရိုဒါ (Haruhiko Kuroda) က တိုကျိုမြို့တော်မှာ သတင်းထောက်တွေ ကိုပြောပါတယ်။

လိုအပ်တယ်လို့ ဆုံးဖြတ်တယ်ဆိုရင် အတိုးနှုန်းကို အနှုတ်ရာခိုင်နှုန်း ထပ်ပြီး လျှော့ချမယ်လို့ ဗဟိုဘဏ်အဖွဲ့ဝင်တွေ ၅ မဲ ၄ မဲနဲ့ ဒီကနေ့ မဲခွဲ ဆုံးဖြတ်ပြီးတဲ့နောက် ထုတ်ပြန်ချက်ထဲမှာ သတိပေးထားပါတယ်။

အခုလို ဂျပန်ဗဟိုဘဏ်ကနေ အတိုးနှုန်းကို အနှုတ်ရာခိုင်နှုန်း သတ်မှတ်မယ်လို့ မမျှော်လင့်ဘဲ ရုတ်တရက် ကြေညာလိုက်ပြီးတဲ့နောက် အာရှဒေသ အစုရှယ်ယာဈေးတွေ သောကြာနေ့က သိသိသာသာ တက်သွားပါတယ်။ ဂျပန်ဗဟိုဘဏ် ရဲ့ အခုကြေညာချက်ကြောင့် ကမ္ဘာ့ တတိယအကြီးဆုံး စီးပွားရေးနိုင်ငံဖြစ်တဲ့ ဂျပန်မှာ ငွေထုတ်ချေးတာတွေ အရှိန်အဟုန် နဲ့ ဖြစ်လာမယ့်သဘော ရှိပါတယ်။

တိုကျိုမြို့ Nikkei အစုရှယ်ယာအညွှန်းကိန်းဟာ တက်လိုက် ကျလိုက်နဲ့ ဖြစ်နေပြီးတဲ့နောက် ၂.၈% အတက်နဲ့ ဈေးပိတ်နိုင်ခဲ့သလို၊ ဟောင်ကောင် Hang Seng အစုရှယ်ယာအညွှန်းကိန်းဟာလည်း ၂.၅% အတက်ပြခဲ့ပြီး၊ ရှန်ဟဲ စုပေါင်းအညွှန်းကိန်းဟာလည်း ၃.၁% အတက်နဲ့ ဈေးပိတ်သွားခဲ့ပါတယ်။

ဆစ်ဒနီ၊ စင်္ကာပူ၊ မနီလာနဲ့ တိုင်ပေ ဈေးကွက်တွေမှာလည်း ၂% စီလောက် အတက်နဲ့ ဈေးပိတ်ပါတယ်။ ဥရောပဈေးကွက်မှာလည်း သောကြာနေ့ မနက်ပိုင်းက အာရှဈေးကွက် အတိုင်းပဲ အတက်ပြနေခဲ့ပါတယ်။

ဗွီအိုအေ (မြန်မာပိုင်း)
http://burmese.voanews.com

 အရပ်သား တွေ နေထိုင်တဲ့ အရပ် တွေ မှာပါ ဗုံးကြဲ တိုက်ခိုက် နေတာ တွေ ရပ်ဖို့ အတိုက်အခံတွေ တောင်းဆို။
ဆီးရီးယား ပြည်တွင်းစစ် အဆုံးသတ်ရေး အတွက် ရည်ရွယ် ပြီး ကုလသမဂ္ဂ အစီအစဉ် နဲ့ ကျင်းပတဲ့ ငြိမ်းချမ်းရေး စကားပြောပွဲ တွေကို တက်ရောက်မယ် လို့ ဆီးရီးယား ရဲ့ အဓိက အတိုက်အခံ ညွန့်ပေါင်း အဖွဲ့ က ပြောပါတယ်။

အဆင့်မြင့် ညှိနှိုင်းရေး ကော်မတီ အဖွဲ့ ဆိုပြီး နာမည် ပေးထားတဲ့ ဆီးရီးယား အတိုက်အခံ အင်အားစု က ဆွေးနွေးပွဲ လာပြီး တက်မယ့် အကြောင်း ကုလသမဂ္ဂရဲ့ ဆီးရီးယား နိုင်ငံ ဆိုင်ရာ ကိုယ်စားလှယ် စတယ်ဖန် ဒီ မစ္စတူရာ ထံ ကို အတည်ပြု ပြောကြား လာတာ ဖြစ်ပါတယ်။

ဒါပေမယ့် သူတို့ အဖွဲ့ အနေနဲ့ ဆီးရီးယား အစိုးရနဲ့ ညှိနှိုင်းမှု တွေ ပြုလုပ် မှာ မဟုတ်ဘူး လို့လည်း ဆိုပါတယ်။

ဆီးရီးယား နိုင်ငံ ထဲ အရပ်သား တွေ နေထိုင်တဲ့ အရပ် တွေ မှာပါ ဗုံးကြဲ တိုက်ခိုက် နေတာ တွေ မရပ်မချင်း ဂျီနီဗာ အစည်းအဝေး ကို မတက်ရောက် နိုင်ဘူး ဆိုပြီး အဲဒီ့ အဖွဲ့ က အစောပိုင်းတုန်းက ငြင်းဆန် နေခဲ့ကြ တာ ဖြစ်ပါတယ်။

မူလ က စီစဉ် ထားတဲ့ အတိုင်း ဇန်နဝါရီ ၂၉ ရက် သောကြာ နေ့ က စလို့ ဂျနီဗာ မြို့မှာ ဆီးရီးယား ငြိမ်းချမ်းရေး ဆွေးနွေးပွဲ ကို အစပျိုး ခဲ့ ကြတာမှာ ကုလသမဂ္ဂ သံတမန် မစ္စတာ ဒီ မစ္စတူရာ နဲ့ သမ္မတ အာဆတ် အစိုးရ ရဲ့ ကိုယ်စားလှယ် အဖွဲ့ တို့ တွေ့ဆုံ ခဲ့ကြပါတယ်။

ဒီအချိန် မှာပဲ နယ်သာလန် အစိုးရ က သူတို့ရဲ့ စစ်လေယာဉ် တွေ ဟာ ဆီးရီးယား နိုင်ငံ ထဲက အစ္စလာမ်မစ် နိုင်ငံ အဖွဲ့ IS ကို ပစ်မှတ် ထားပြီး စတင် တိုက်ခိုက် တော့မယ် ဆိုပြီး ပြောလာ ပါတယ်။

အီရတ် နိုင်ငံ ထဲမှာတော့ IS ပစ်မှတ် တွေ ကို နယ်သာလန် စစ်လေယာဉ် တွေ တိုက်ခိုက် နှင့် ခဲ့ကြပြီး ဖြစ်ပါတယ်။

ပြီးခဲ့တဲ့ နှစ် နိုဝင်ဘာ လ တုန်းက ပဲရစ် မြို့တော် အတိုက်ခိုက် ခံခဲ့ရပြီး နောက်ပိုင်း ပြင်သစ် နဲ့ အမေရိကန် တို့ က နယ်သာလန် အစိုးရ ကို လေကြောင်း တိုက်ခိုက်မှု တွေကို ဆီးရီးယား ထဲမှာ ပါ တိုးချဲ့ လုပ်ဆောင်ဖို့ တောင်းဆို ထားကြတာ ဖြစ်ပါတယ်။

BBC Burmese
http://www.bbc.com/burmese

ဆော်ဒီက ဗလီ ကို ဗုံးခွဲ တိုက်ခိုက်မှုတခု မြင်ကွင်း (မေ ၂၂၊ ၂၀၁၅)
အီရန်နိုင်ငံကို ခရီးသွားလာမှုအတွက် အမေရိကန် အစိုးရ နိုင်ငံခြားရေးဌာန က သောကြာနေ့မှာပဲ သတိပေးချက် ထုတ်ပြန်လိုက် ပါတယ်။ အထူးသဖြင့် အီရန်နွယ်ဖွါး အမေရိကန် နိုင်ငံသားတွေကို သတိပေးထားတာပါ။ ဒါဟာ ၂၀၁၅ ခုနှစ် သြဂုတ်လ ကတည်းက အကျုံးဝင်တဲ့ သတိပေးချက်နေရာမှာ အစားထိုး ထုတ်ပြန်လိုက်တာဖြစ်ပြီး အထူးသဖြင့် အမေရိကန်နဲ့ အီရန် ၂ နိုင်ငံစလုံးအတွက် နိုင်ငံသားခံယူထားသူတွေ အနေနဲ့ အီရန်မှာ အဖမ်းခံရနိုင်တဲ့ အန္တရာယ်ရှိတာကို ထပ်မံ သတိပေးထားတာပါ။

အီရန်နဲ့ အမေရိကန်တို့ကြား သံတမန် ဆက်သွယ်ရေး မရှိတဲ့အတွက် အရေးပေါ် တစုံတရာ ဖြစ်ခဲ့ရင် အမေရိကန်က သူ့နိုင်ငံသားတွေကို အကူညီပေးဖို့ အကန့်အသတ်တွေ ရှိနေတာကြောင့်ဖြစ်ပါတယ်။ ဆော်ဒီအာရေဗျနိုင်ငံမှာတော့ အရှေ့ပိုင်းက ရှီယာပလီဝတ်ကျောင်း တခုမှာ သောကြာနေ့ ဝတ်ပြုဆုတောင်းပွဲ ကျင်းပနေတုန်း သေနတ်သမား တွေက ပစ်ခတ်ခဲ့တဲ့အတွက် အနဲဆုံး ၂ ဦးသေဆုံးပြီး ၇ ဦး ဒဏ်ရာတွေ ရခဲ့ပါတယ်။

Al-Ahsa မြို့က Mahasen အရပ်မှာ ရှိတဲ့ Imam Reza ဗလီမှာ ပစ်ခတ်မှု ဖြစ်ပွါးခဲ့ တာပါ။ ဝင်ရောက်တိုက်ခိုက်သူ တဦးက သူ့ရဲ့ ဖေါက်ခွဲရေး ပစ္စည်းတွေကို ဖေါက်ခွဲနေ တုန်း တခြားလူတွေက သေနတ်နဲ့ ပစ်ခတ်ခဲ့တယ် လို့ ဆော်ဒီအာရေဗျ ပြည်ထဲရေးဝန်ကြီးဌာနရဲ့ ကြေညာချက်ကိုအစိုးရ သတင်းမှာ ဖေါ်ပြထားပါတယ်။ တိုက်ခိုက်သူတယောက် အသေခံဗုံး ဖေါက်ခွဲဖို့ လုပ်နေတာကိုတော့ ဟန့်တားနိုင်ခဲ့တယ် လို့လည်း ပြောပါတယ်။

အခုတိုက်ခိုက်မှုကို ဘယ်အဖွဲ့အစည်းက လုပ်ဆောင်တယ် ဆိုတာတော့ ချက်ချင်း မသိရသေးပါဘူး။ Mahasen ဟာ ကမ္ဘာ့အကြီးဆုံး ရေနံစက်ရုံဖြစ်တဲ့ အစိုးရပိုင် ဆော်ဒီအာရေဗျ ရေနံကုမ္ပဏီက ရှီယာ အလုပ်သမား အများအပြား နေထိုင်တဲ့ နေရာဖြစ်ပါတယ်။

ဆူနီဘုရင် အုပ်ချုပ်တဲ့ ဆော်ဒီအာရေဗျနိုင်ငံမှာ ရှီယာလူဦးရေက တနိုင်ငံလုံးရဲ့ ၁၀ ရာခိုင်နှုံးကနေ ၁၅ ရာခိုင်နှုံးလောက် ရှိနေတာပါ။ ရှီယာ လူနည်းစုတွေဟာ အရင်ကလည်း အိုင်အက်စ် အစွန်းရောက်တွေရဲ့ ပစ်မှတ်ထား တိုက်ခိုက်တာတွေ ခံခဲ့ရပါတယ်။

ဗွီအိုအေ (မြန်မာပိုင်း)
http://burmese.voanews.com


 မြောက်ကိုရီးယားနိုင်ငံဟာ နောက်သီတင်းပတ်အတွင်းမှာ ဒုံးကျည်ပစ်လွှတ် စမ်းသပ်ဖို့ ပြင်ဆင်နေတယ်လို့ ယုံကြည်တဲ့ အကြောင်း အမေရိကန် နဲ့ တောင်ကိုရီးယား တာဝန်ရှိသူတွေက တိတ်တဆိတ် ပြောဆိုနေကြပါတယ်။ ဒုံးကျည် ပစ်လွှတ်ဖို့ ပြင်ဆင်နေတယ်လို့ ယူဆနိုင်တဲ့ လှုပ်ရှားမှု မျိုးတွေ မြောက်ကိုရီးယား က လုပ်နေတာကို တွေ့ထားတယ်လို့ အမည်မဖော်တဲ့ အမေရိကန် တာဝန်ရှိသူတဦးက ရိုက်တာသတင်းဌာနကို ပြောပါတယ်။

အဲ့ဒီလိုပစ်လွှတ်မှုမျိုးအတွက် ကြိုတင်ပြင်ဆင်တဲ့အနေနဲ့ ဒုံးကျည် ကြားဖြတ်စနစ်ကို အသင့်ပြင်ထားဖို့ ဂျပန်အစိုးရက ဒီကနေ့ ညွှန်ကြားချက် ထုတ်ထား ပါတယ်။ မြောက်ကိုရီးယားနိုင်ငံ အနောက်ပိုင်း၊ Tongchang-ri စခန်းကနေ တာဝေး ပဲ့ထိန်းဒုံးကျည်တစင်းကို ပစ်လွှတ်ဖို့ ပြင်ဆင်နေပုံရ တာကို ဂြိုဟ်တုက ရိုက်ယူထားတဲ့ ရုပ်ပုံတွေက ပြနေတယ်လို့ ဂျပန်သတင်းဌာနတွေက အစောပိုင်းမှာ ဖော်ပြပါတယ်။

အဲ့ဒီစခန်းကနေ ကီလိုမီတာ ၁ သောင်းကျော်ထိရောက်နိုင်တဲ့ ပဲ့ထိန်းဒုံးကျည်တွေကို စမ်းသပ်ပစ်လွှတ်ခဲ့ဖူးပါတယ်။ ဒုံးကျည်တွေ ဟာ အာကာသထဲကို ဂြိုဟ်တုတွေ လွှတ်တင်ဖို့အတွက် သုံးတဲ့ ရော့ကက် ဒုံးယာဉ်တွေဖြစ်တယ် လို့ မြောက်ကိုရီးယားက ပြောပါ တယ်။ ဒါပေမဲ့လည်း မြောက်ကိုရီးယားဟာ ဂျပန်နဲ့ အမေရိကန်ကို တိုက်ခိုက်တာမှာ အသုံးပြုနိုင်တဲ့ ဒုံးကျည်တွေကို ထုတ်လုပ်ဖို့ စမ်းသပ်နေတယ်လို့ တောင်ကိုရီးယား၊ အမေရိကန်နဲ့ တခြားနိုင်ငံတွေက သံသယရှိနေတာပါ။

ဗွီအိုအေ (မြန်မာပိုင်း)
http://burmese.voanews.com


ပြည်ထောင်စုကြံ့ခိုင်ရေးနဲ့ဖွံ့ဖြိုးရေးပါတီက အကြီးတန်းခေါင်းဆောင်တဦးဖြစ်ခဲ့တဲ့ သူရဦးအောင်ကိုဟာ တသီးပုဂ္ဂလ နိုင်ငံရေးသမားတဦးအနေနဲ့ ဆက်လက် ရပ်တည်ပြီး၊ တိုင်းပြည်နဲ့လူထု အကျိုးစီးပွား အတွက် ဒေါ်အောင်ဆန်းစုကြည် အပါအ၀င် မည်သည့်ပုဂ္ဂိုလ် မည်သည့်ပါတီနဲ့မဆို လက်တွဲလုပ်သွားမယ်လို့ ဗွီအိုအေ မြန်မာပိုင်းကို ပြောပါတယ်။ နေပြည်တော်က ဒီနေ့ လွှတ်တော်ဟောင်း နောက်ဆုံးနေ့ မှာ ရောက်ရှိလာတဲ့ သူရဦးအောင်ကို ကို မမေခက တွေ့ဆုံမေးမြန်းထားတာပါ။

မေခ။  ။ ချိတ်ဆက်ပြီးတော့ ညှိနှိုင်းလာတာမျိုးတွေရော ရှိပါသလား။ ဘာဖြစ်လို့လဲဆိုတော့ သတင်းတွေက တော်တော်များများ ထွက်နေတာပါ။ ဝန်ကြီးတနေရာမှာ အန်ကယ်လ်ကို ပေးမယ်ဆိုတဲ့ အသံတွေ တော်တော်လေး ထွက်နေလို့ပါ။

သူရဦးအောင်ကို။    ။ ဦးက အခုထက်ထိ အစ်မက အန်တီစုက ပြောတာဆိုတာ မရှိသေးပါဘူး။ မတွေ့သေးပါဘူး။ ဒါပေမဲ့ပေါ့လေ လိုအပ်ရင် ဝိုင်းကူပါဆိုတဲ့ စကားတော့ မကြာခဏ ပြောပါတယ်။ လိုအပ်ရင် တိုင်းပြည်အတွက် ဝိုင်းကူပါလို့ပြောတာပဲ အဲ့လောက်ပဲ ပြောလို့ရပါတယ်။ တော်လျောက် ရပ်တည်မှုကိုက ပြည်သူ့ဘက်က ရပ်တည်တာပဲလေ။ တိုင်းပြည်နဲ့ လူမျိုးဘက်က ရပ်တည်တာ မည်သည့်ပုဂ္ဂိုလ် အဖွဲ့အစည်းဘက်ကမှ ရပ်တည်တာမဟုတ်ဘူး။ ထို့ကြောင့် တိုင်းပြည်နဲ့ လူမျိုးအတွက်ဆိုရင် နိုင်ငံနဲ့လူမျိုးအတွက်ဆိုရင် အဆင်သင့်ရှိပါတယ်။

မေခ။    ။ အဲ့တော့ NLD နဲ့ ပူးပေါင်းလုပ်ဆောင်တဲ့အခါမှာ ပါတီနဲ့ရော သဘောထား ကွဲလွဲတာ ရှိမလားရှင့်။

သူရဦးအောင်ကို။   ။ အခုဟာက အန်ကယ်လ်မှာက ပြည်ခိုင်ဖြိုးပါတီရဲ့ တာဝန်လည်း မရှိတော့ပါဘူး။ မရှိလို့မို့လို့ ဘာမှ သဘောထားကွဲလွဲစရာလည်း ရှိမှာမဟုတ်ပါဘူး။

မေခ ။    ။ ဘာကြောင့် ပြည်ခိုင်ဖြိုးပါတီက တာဝန်မရှိတာလဲ။ အန်ကယ်လ်က ပြည်ခိုင်ဖြိုး ပါတီဝင်တယောက်အနေနဲ့ ပဲ နေတာမဟုတ်ဘူးလား။

သူရဦးအောင်ကို။    ။ ပြီးခဲ့တဲ့ သြဂုတ်လ ၁၂ရက်နေ့ ညပိုင်း CEC အဖြစ်ကနေ ဖယ်ရှားခြင်း ခံရတဲ့အချိန်က စပြီးတော့မှ ပါတီတာဝန်မရှိတော့ပါဘူး။

မေခ။   ။ ပါတီဝင်အနေနဲ့ရော ဆက်လက်ရှိနေပါသေးလားရှင့်။

သူရဦးအောင်ကို။   ။ ပါတီဝင်အနေနဲ့တော့ ဆက်လက်ရှိနေပါတယ်။ ပါတီဝင်ဆိုတာ သာမန်ပဲလေ။ သာမန်ပါတီဝင်အဖြစ် ရှိမှာပါ။

မေခ။   ။ အကယ်လို့ NLD ပါတီ ရဲ့ ဖွဲ့စည်းပုံထဲမှာ မပါဝင်ဘူးဆိုခဲ့ရင် အန်ကယ်လ် အနေနဲ့ တသီးပုဂ္ဂလအနေနဲ့ နိုင်ငံရေးထဲမှာ ဆက်ပြီးတော့ ဆက်သွားဖို့များ စီစဉ်ထားပါလဲရှင့်။

သူရဦးအောင်ကို။   ။ ပြည်ခိုင်ဖြိုးပါတီ အနေနဲ့တော့ ပါဝင်လှုပ်ရှားဖို့ အကြောင်း မရှိတော့ပါဘူး။ မရှိတော့ပေါ့လေ။ တသီးပုဂ္ဂလ အနေနဲ့ပဲ နိုင်ငံတော် နဲ့ နိုင်ငံသားတွေရဲ့ အကျိုးစီးပွားကို မည်သူ့ပုဂ္ဂိုလ် မည်သည့်အဖွဲ့အစည်းနဲ့မဆို လက်တွဲဖို့အတွက်ကို အဆင်သင့်ရှိမှာပါ။ ထင်ပါတယ်။ နုတ်ထွက်ဖို့အတွက်တော့ တင်ဖို့မလိုဘူးထင်ပါတယ်။

သူရဦးအောင်ကိုဟာ ပြည်သူ့လွှတ်တော် ကိုယ်စားလှယ်တဦးအဖြစ်နဲ့ ပြီးခဲ့တဲ့ လွှတ်တော်သက်တမ်း တလျှောက်လုံးမှာ ဒေါ်အောင်ဆန်းစုကြည်နဲ့ နီးကပ်စွာ ဆက်ဆံခဲ့တဲ့ ဗိုလ်ချုပ်ဟောင်းတဦးအဖြစ်နဲ့ အများက သိကြပါတယ်။ ဒါကြောင့်လည်း ကြံ့ခိုင်ရေးပါတီတွင်းမှာ အခြားခေါင်းဆောင်ပိုင်းတွေနဲ့ သဘောကွဲလွဲခဲ့မှုတွေရှိခဲ့ပါတယ်။၊ အခုလာမယ့် အန်အယ်ဒီအစိုးရအဖွဲ့မှာလည်း ပါဝင်လာနိုင်တယ်လို့လည်း ခန့်မှန်းတွက်ဆမှုတွေ ရှိနေပါတယ်။

မေခ / ဗွီအိုအေ (မြန်မာပိုင်း)
http://burmese.voanews.com

လာမယ့် လွှတ်တော်သစ်မှာ အမျိုးသား ဒီမိုကရေစီ ပါတီသစ် ဥက္ကဌ ဦးသိန်းညွန့် မပါတော့
ပြီးခဲ့တဲ့ ပါလီမန်ဟာ မြန်မာနိုင်ငံ ဒီမိုကရေစီ အသွင် ကူးပြောင်းရေး အတွက် လွှတ်တော်နိုင်ငံရေးကို စတင်ခဲ့တာ ဖြစ်တယ်လို့ ဇန်နဝါရီ ၂၉ ရက်နေ့က ပြီးဆုံးခဲ့တဲ့ ၅ နှစ်ကြာ ပါလီမန်သက်တမ်းမှာ သင်္ဃန်းကျွန်း မြို့နယ် ပြည်သူ့လွှတ်တော် ကိုယ်စားလှယ် ဖြစ်ခဲ့သူ အမျိုးသား ဒီမိုကရေစီ ပါတီသစ် ဥက္ကဌ ဦးသိန်းညွန့်က ပြောပါတယ်။

၂၀၁၀ ခုနှစ် ရွေးကောက်ပွဲ ကနေ ပေါက်ဖွား လာခဲ့တဲ့ ပြီးခဲ့တဲ့ လွှတ်တော် သက်တမ်း ငါးနှစ် အတွင်းမှာ အများ ပြည်သူ အတွက် လိုအပ်တဲ့ အဂတိလိုက်စားမှု တိုက်ဖျက်ရေး ဥပဒေ၊ ရင်းနှီး မြှုပ်နှံမှု ဆိုင်ရာ ဥပဒေနဲ့ လယ်ယာမြေ ဥပဒေ စတာတွေ အပါအဝင် ဥပဒေပေါင်း ၂၂၉ ခုကို ပြဌာန်းနိုင်ခဲ့တယ်လို့ သူက ပြောပါတယ်။

ပြီးခဲတဲ့ လွှတ်တော် သက်တမ်းမှာ အစိုးရကို ထိန်းကျောင်းနိုင်တဲ့ ကိစ္စမှာ ၁၀၀ ရာခိုင်နှုန်း မဟုတ်ရင်တောင် လမ်းသစ်ဖောက်နိုင်တဲ့ အုတ်မြစ် ချပေးနိုင်ခဲ့တယ်လို့ ဦးသိန်းညွန့်က ပြောပါတယ်။

လူထုနဲ့ နိုင်ငံအတွက် အကျိုးမရှိတဲ့ ဘတ်ဂျက်တွေကို လွှတ်တော်က ဖြတ်တောက် ပေးခဲ့တာမျိုး၊ ဖွဲ့စည်း အုပ်ချုပ်ပုံ အခြေခံ ဥပဒေခုံရုံးကိုတောင် လွှတ်တော်က အပြောင်းအလဲ လုပ်ခဲ့တာ မျိုး ဆောင်ရွက်ခဲ့တာတွေ ရှိခဲ့တယ်လို့ သူက ဆိုပါတယ်။

လွှတ်တော် အနေနဲ့ လုပ်ဆောင်နိုင်ခဲ့ခြင်း မရှိတဲ့ အပိုင်းမှာတော့ လူ့အခွင့် အရေးအရရော၊ တရားမျှတမှုပိုင်းမှာပါ ပြင်ဆင်တာ အသစ်ပြဌာန်းတာတွေ မလုပ်နိုင်ခဲ့တဲ့ ဥပဒေတွေလည်း ရှိကြောင်းနဲ့ အကျဉ်းထောင် ဥပဒေ၊ ၁၉၅၀ ပြည့် အရေးပေါ် စီမံမှု ဥပဒေကို ပြင်ဆင်တဲ့ ဥပဒေတွေကို မလုပ်နိုင်ခဲ့ဘူးလို့ ဦးသိန်းညွန့်က ပြောပါတယ်။

လွှတ်တော်ကြီး တစ်ခုလုံးကိုလည်း တခြားဒီမိုကရေစီ နိုင်ငံတွေမှာလို အကြိတ်အနယ် ဆွေးနွေးကြတဲ့ လွှတ်တော်ကြီး အဖြစ် မပြောင်းလဲ နိုင်ခဲ့ဘူးလို့လည်း ပြောပါတယ်။

တပ်မတော်ရဲ့ အခန်းကဏ္ဍကို လျှော့ဖို့ ဆိုရင် အမျိုးသား ပြန်လည် သင့်မြတ်ရေး အရှိန်အဟုန်ကို မြှင့်ဖို့ လိုတယ်၊ နိုင်ငံရေး သမားတွေအပေါ် တပ်မတော်က ယုံကြည်မှု ရှိလာတဲ့ အခါ လွှတ်တော်တွင်းက တဖြည်းဖြည်း ဆုတ်ခွာသွားမယ်လို့ ကာကွယ်ရေး ဦးစီးချုပ်က ပြောထားပြီး ဖြစ်ကြောင်းလည်း ဦးသိန်းညွန့်က ပြောပါတယ်။

အခြေခံ ဥပဒေကို ပြင်ဖို့ ကိစ္စမှာ တပ်မတော်ရဲ့ ယုံကြည်မှု ရအောင် ဆွဲဆောင်တဲ့နည်းနဲ့သာ ဆောင်ရွက်လို့ ရမယ်ဆိုတာ ပြီးခဲ့တဲ့ ပထမ အကြိမ် ပြည်သူ့လွှတ်တော်သက်တမ်းက ပြခဲ့ပြီလို့ သူက ပြောပါတယ်။

BBC Burmese
http://www.bbc.com/burmese

လွှတ်တော် သစ် အတွက် အကြံပြုချက်တွေကိုလည်း ကိုယ်စားလှယ်တွေက ပြောကြား
ဇန်နဝါရီလ ၂၉ ရက်နေ့မှာ ပထမအကြိမ် လွှတ်တော် ရဲ့ နောက်ဆုံး ဆွေးနွေး ပွဲတွေကို ကျင်းပ ခဲ့ပြီး ဥပဒေ ရေးရာတွေ ပြောဆို ဆွေးနွေးခြင်း မလုပ်ဘဲ လွှတ်တော် ကိုယ်စားလှယ်တွေဟာ နှုတ်ဆက်စကား ပြောကြားခဲ့ကြပါတယ်။

ပထမ အကြိမ် လွှတ်တော် ကို ပြန်လည် သုံးသပ်ချက်တွေ ပါသလို လွှတ်တော် သစ် အတွက် အကြံပြုချက်တွေကိုလည်း ကိုယ်စားလှယ်တွေက ပြောကြား ခဲ့ကြပါတယ်။

အကြပြုချက်ထဲမှာတော့ ပြည်နယ် နဲ့ တိုင်းဒေသကြီး လွှတ်တော် တွေမှာ ဝန်ထမ်းမလုံ မလောက် ဖြစ်နေတာကိုခန့်အပ်ပေးဖို့၊ ကော်မတီတွေ ဖွဲ့စည်းတဲ့အခါ လုပ်ငန်းကျွမ်းကျင်သူများနဲ့ ဖွဲ့စည်းဖို့ လူနည်းစုပါတီများ ကို တူညီတဲ့ တန်းတူအခွင့်အရေးတွေပေးဖို့အကြံပြု ခဲ့ကြပါတယ်။

တပ်မတော်သား ကိုယ်စားလှယ်တွေကတော့ ပါတီစွဲ ပုဂ္ဂိုလ်စွဲမထားဘဲ အမျိုးသား နိုင်ငံရေးကို ဆောင်ရွက်သွားမယ်လို ပြောကြားခဲ့ပါတယ်။

ပထမကြိမ်လွှတ်တော် ၅ နှစ်သက်တမ်းမှာ ဥပဒေပေါင်း ၂၂၉ ခုပြဌာန်းနိုင်ခဲ့ပြီး၊ ပြည်သူ့လွှတ်တော်မှာ မေးခွန်းပေါင်း တစ်သောင်းကျော်မေးမြန်းနိုင်ခဲ့တယ်လို့သူရဦးရွှေမန်းကပြောပါတယ်။

လွှတ်တော်အစည်းအဝေးပြီးမှာတော စုပေါင်းနေလည်စာ စားခဲ့ကြပြီး လွှတ်တော်ကိုယ်စားလှယ်အချို့က သီဆို ကပြဖျော်ဖြေကြပါတယ်။

နဂါးနီသီးချင်းကိုသီဆိုသွားသူကတော့ အမျိုးသားလွှတ်တော်ဥက္ကဌ ဦးမြငြိမ်း ဖြစ်ပြီး တပ်မတော်သား ကိုယ်စားလှယ် တစ်ဦးကတော့ လူခွန်လူကောင်းသီးချင်းကိုသီဆိုခဲ့ပါတယ်။

မနောမြေအလှသီးချင်းကို လွှတ်တော် ကိုယ်စားလှယ် အားလုံးက သီဆို ကပြ ခဲ့ပြီးဆုတော်ငွေများစွာလဲ ရရှိခဲ့ပါတယ်။

သီဆိုဖျော်ဖြေမူ့အပြီးမှာတော့ ပြည်ထောင်စု လွှတ်တော် နာယက သူရဦးရွှေမန်းက နှုတ် ဆက် စကားပြောကြားခဲ့ပြီး ငါးနှစ်အတွင်း သူ့မှာ ဒဏ်ရာဒဏ်ချက်တွေရခဲ့ပေမယ့် ကျေနပ်တယ်လို့ ပြော သွားခဲ့ပါတယ်။

နှုတ်ဆက်မိန့်ခွန်းပြောအပြီးမှာတော့ ကိုယ်စားလှယ်တွေကတောင်းဆိုတဲ့အတွက်ဦးရွှေမန်းကိုယ်တိုင် သီးချင်းတစ်ပုဒ်သီဆိုခဲ့ပြီးအခမ်း အနားကိုပျော်ရွင်စွာပဲအဆုံးသတ်ခဲ့ပါတယ်။

၂၀၁၆ ဖေဖော်ဝါရီ ၁ ရက်နေ့မှာဆို ရင် တော့ ရွေးကောက်ပွဲ မှာ အနိုင် ရရှိခဲ့တဲ့ အမျိုးသား ဒီမိုကရေစီ အဖွဲ့ချုပ်က ဦးဆောင်ပြီး ဒုတိယအကြိမ်လွှတ်တော်သက်တမ်းကိုစတင်တော့မှာဖြစ်ပါတယ်။

BBC Burmese
http://www.bbc.com/burmese