March 2016

၂၀၁၆ခုနှစ် မတ်လ ၃၁ရက်နေ့ ကြေးမုံသတင်းစာ။

NLD ပါတီဦးဆောင်တဲ့ အစိုးရသစ်တက်လာပြီးနောက် ပထမဆုံးထွက်ပေါ်လာတဲ့ ဒီနေ့ထုတ် နိုင်ငံပိုင်သတင်းစာတွေဟာ အပြင်အဆင်ရော၊ သတင်းဖော်ပြချက်တွေ ပါ ပြောင်းလဲသွားတယ်ဆိုပြီး ပြည်သူတွေအကြားမှာ တအံတသြဖြစ်နေကြပါတယ်။ စာနယ်ဇင်း အသိုင်းအ၀ိုင်းကတော့ ဒီအပြောင်းအလဲကို ကြိုဆိုလိုက်ပြီး နိုင်ငံပိုင် သတင်းစာတွေ အနေနဲ့ ပြည်သူ့ဝန်ဆောင်မှုသတင်းစာစစ်စစ်ဖြစ်ဖို့နဲ့ ပုဂ္ဂလိက သတင်းစာတွေ ဆက်လက် တည်မြဲရေးကိုလည်း တဖက်တလမ်းက အားပေးသင့်တယ် လို့ ရှုမြင်ကြပါတယ်။ ဒီသတင်းကိုတော့ ဗွီအိုအေမြန်မာပိုင်းရဲ့ သတင်းထောက် ကိုမိုးဇော်က တင်ပြထားပါတယ်။

ဒီကနေ့မနက်မိုးလင်းလိုက်တာနဲ့ ပြည်သူတွေအချင်းချင်းကြားမှာရော၊ Facebook အင်တာနက် စာမျက်နှာတွေပေါ်မှာပါ လူအများဆွေးနွေးတဲ့ အကြောင်းအရာ ကတော့အစိုးရပိုင် ကြေးမုံနဲ့ မြန်မာ့အလင်းသတင်းစာတွေရဲ့ အပြောင်းအလဲ ကိစ္စပဲဖြစ်ပါတယ်။

၂၀၁၆ခုနှစ် မတ်လ ၃၁ရက်နေ့ မြန်မာ့အလင်းသတင်းစာ။
ဒါကတော့ အစိုးရပိုင်သတင်းစာတွေမှာ တချိန်က အတိုက်အခံအင်အားစုလို့ ဆိုရမယ့် သူတွေရဲ့ အတွေးအမြင်တွေကို မထင်မှတ်ဘဲ မြန်မြန်ဆန်ဆန် တွေ့မြင် လိုက်ကြရတာပဲဖြစ်ပါတယ်။

ဒီကနေ့ သတင်းစာတွေရဲ့ အပြောင်းအလဲနဲ့ပတ်သက်ပြီး 7day နေ့စဉ်သတင်းစာက ပင်တိုင်ဆောင်းပါးရှင် ကိုဝင်းဇော်လတ်က အခုလို ပြောဆိုပါတယ်။

" ထင်သာမြင်သာရှိတာကတော့ သတင်းစာရဲ့ အပြင်အဆင်ပေါ့။ နောက်တခု ကတော့ ဒေါ်အောင်ဆန်းစုကြည်နဲ့ NLD ရဲ့ အောင်ပွဲပေါ့လေ။ လူထုအောင်ပွဲဆိုတာ သတင်းစာမျက်နှာဖုံးမှာ ဖော်ပြထားတာပေါ့။ နောက်တခုကတော့ ကိုမင်းကိုနိုင် ကဗျာတို့ ဆရာကြည်အောင်တို့ ကဗျာတွေ ဆောင်းပါးတွေ အဲ့တာမျိုးတွေ ပါလာတာပေါ့။ ပြောင်းလဲတဲ့ပြရုပ်ပဲလေ။ သင်္ကေတပဲ။"

သတင်းစာဆရာ ဆရာကျော်ရင်မြင့်ကလည်း သတင်းစာတွေရဲ့ အပြောင်းအလဲ ပတ်သက်ပြီး သူ့ရဲ့မျှော်လင့်ချက်ကိုလည်း အခုလို ဆက်ပြောပါတယ်။

" ပြည်သူလူထုကို ပိုပြီး အကျိုးပြုတဲ့ လမ်းကြောင်းကနေ ထုတ်ဝေလိမ့်မယ် လို့ မျှော်လင့်ပါတယ်။ တချိန်တုန်းက ဆရာဦးဝင်းတင်ရဲ့ စကားပါပဲ ပြည်သူတွေရဲ့ စကားပြန် ဆိုပြီးတော့ ပြည်သူပြောချင်တာကိုလည်း အစိုးရကို သတင်းစာက တဆင့်ပြောမယ်။ အစိုးရပြောချင်တာကိုလည်း ပြည်သူကို သတင်းစာကတဆင့် သတင်းပေးမယ်။ အဲ့ဒီ့လို ကြားထဲက ပေါင်းကူးအဖြစ်နဲ့ အဲ့သလို အသွင်သဏ္ဍာန် ကိုပြောင်းသွားလိမ့်မယ်လို့ မျှော်လင့်ပါတယ်ဗျ။"

သတင်းမီကောင်စီအဖွဲ့ဝင်တဦးဖြစ်တဲ့ ဦးမြင့်ကျော်ကလည်း အစိုးရပိုင် သတင်းစာတွေရဲ့ အပြောင်းအလဲ အပေါ်မှာ အခုလို သုံးသပ်ထားပါတယ်။

" ကျနော့်အမြင်မှာတော့လေ အရင်တုန်းက ဦးသိန်းစိန်အစိုးရကိ အဓိကထားပြီး ဖော်ပြတယ်။ အခုက NLD အစိုးရကို အဓိကထားပြီး ဖော်ပြတယ် ဆိုရင်တော့ အဲ့ဒီ့ဟာက အနှစ်သာရခြင်း မပြောင်းဘူးပေါ့။ အစိုးရပြောင်းလို့ အကြောင်းအရာပြောင်းသွားတဲ့သဘောပဲ ရှိမယ်။ တကယ်တမ်းကျတော့ သတင်းစာက အများပြည်သူဝန်ဆောင်တဲ့ သတင်းစာအဖြစ် အသွင်ပြောင်းချင်ရင်တော့ လူတွေ ရင်ဆိုင်နေရတဲ့ ဟာတွေ အဲ့တာတွေက တခါတလေမှာတော့ အစိုးရတွေရဲ့ ပေါ်လစီကို ဝေဖန်တာ လည်းဖြစ်ရင်ဖြစ်မယ်။ ဖော်ဆောင်မှုတွေကို ဝေဖန်တာလည်းဖြစ်ရင်ဖြစ်မယ်။ အဲ့တာမျိုးတွေကို ဖော်ပြနိုင်မှသာလျှင် တကယ် အနှစ်သာရ အားဖြင့် အများပြည်သူဝန်ဆောင်မှု မီဒီယာအဖြစ် ပြောင်းတာလို့ ယူဆလို့ရပါတယ်။"

အစိုးရပိုင် သတင်းစာတွေဟာ အရင်တည်းက ပုဂ္ဂလိကပိုင် သတင်းစာတွေ ထက် စောင်ရေအရရော၊ ဈေးကွက်အရပါ လွှမ်းမိုးထားရာက အခုလို လူအများ စိတ်ဝင်စားတဲ့ သတင်းအချက်အလက်တွေ ပိုမိုဖော်ပြပေးလာနိုင်မယ် ဆိုရင် စောင်ရေ အရ ပိုမိုတိုးတက်လာပြီး ပုဂ္ဂလိက သတင်းစာတွေအပေါ် ရိုက်ခတ်မှု ရှိလာနိုင်ကြောင်းလည်းလို့လည်း တွက်ဆကြပါတယ်။

ဆရာကျော်ရင်မြင့်ကတော့ ပုဂ္ဂလိက သတင်းစာတွေ ဖွံ့ဖြိုးရေးအတွက်လည်း အားပေးသင့်တယ်လို့ ထောက်ပြထားပါတယ်။

" ပုဂ္ဂလိကသတင်းစာတွေကလည်း ရှင်သန်ဖို့ လိုအပ်ပါတယ်။ ပြီးတော့ ပုဂ္ဂလိက သတင်းစာတွေ ပုံနှိပ်ထုတ်ဝေဖို့လို့အတွက် လိုအပ်မယ့် စက္ကူ ၊ မှင်၊ စက် စတဲ့အပိုင်းတွေမှာ ကောက်တဲ့အခွန်တွေကို လုံးဝ နီးပါး မကောက်ပဲနဲ့ ဆို ဒါတွေဟာ စာပေရေရှည်တည်တံ့ဖို့ အားပေးရာလည်း ကျပါတယ်။ အဲ့လို လုပ်စေချင်ပါတယ်။ အခွန်အကောက်တွေပေါ့နော်။ အစိုးရအနေနဲ့လည်း ပုဂ္ဂလိကဖွံ့ဖြိုးလို့အတွက်လည်း အားပေးဖို့ တာဝန်ရှိတယ်ဆိုတာကိုတော့ မမေ့လျော့စေချင်ပါဘူး။  "

လက်ရှိအစိုးရသစ်မှာ ပြန်ကြားရေးဝန်ကြီးအဖြစ် စာရေးဆရာ၊ သတင်းစာဆရာ ဦးဖေမြင့်က တာဝန်ယူဆောင်ရွက်တာဖြစ်ပါတယ်။ အရင်အစိုးရရဲ့ ပြန်ကြားရေး ၀န်ကြီး ဦးရဲထွဋ်ကတော့ အယ်ဒီတာ မူဝါဒသာ ပိုပြီး လွတ်လပ်ခွင့်ရ ရင်ကြေးမုံနဲ့ မြန်မာ့အလင်းက ၀န်ထမ်းများဟာ ပြောင်းလဲနုိုင်စွမ်းရှိကြောင်းနဲ့ အယ်ဒီတာဆိုင်ရာမူဝါဒသစ်နဲ့ဆိုရင် ကြေးမုံ နဲ့ မြန်မာ့အလင်းဟာ လက်ရှိ အခြေအနေထက် စောင်ရေအရရော၊ စာနယ်ဇင်း အရည်အသွေးအရရော အများကြီးတိုးတက်လာမယ်လို့ ယုံကြည်ကြောင်း သူရဲ့ Facebook စာမျက်နှာမှာ မှတ်ချက်ပေးထားပါတယ်။

မိုးဇော် / ဗွီအိုအေ (မြန်မာပိုင်း)
http://burmese.voanews.com


မိုးလေ၀သနဲ့ ဇလဗေဒဌာနက ဧရာဝတီမြစ်ရေဟာ မြန်မာနိုင်ငံအထက်ပိုင်း ကချင်ပြည်နယ်၊ စစ်ကိုင်းတိုင်းနဲ့မန္တလေးတိုင်းဒေသကြီးတွေမှာရုတ်တရက် မြင့်တက်လာနိုင်တယ်လို့ အောက်ပါအတိုင်း သတိပေးထုတ်ပြန်လိုက်ပါတယ်။

၂၀၁၆ခုနှစ်၊ မတ်လ (၃၁) ရက်၊ (၁၃း၀၀) နာရီအချိန် ထုတ်ပြန်ချက်ကို အောက်ပါအတိုင်း ထုတ်ပြန်ထားပါတယ်...

ဧရာဝတီမြစ်ရေသည် ၂၀၁၆ခုနှစ်၊ မတ်လ (၃၀)ရက်နေ့တွင် မြစ်ကြီးနား မြို့(၁၈)နာရီအတွင်း (၆)ပေခွဲခန့် မြင့်တက်ခဲ့ပြီး (၃၁.၃.၂၀၁၆)ရက်နေ့ (၁၂း၃၀)အချိန်တိုင်းထွာချက်အရ(၂-ပေခန့်) ပြန်လည်ကျဆင်းခဲ့ပြီး ဖြစ်ပါသည်။

အဆိုပါမြစ်ရေသည်ဗန်းမော်မြို့တွင်(၁)ရက်အတွင်း(၂)ပေခန့် မြင့်တက်ခဲ့သည်ကိုတွေ့ရှိရပါသည်။

ဧရာဝတီမြစ်အထက်ပိုင်းတွင် မြင့်တက်ခဲ့သော မြစ်ရေများသည် နောက်(၁) ရက်မှ (၂)ရက် အတွင်း ဗန်းမော်မြို့နှင့် ကသာမြို့တို့တွင် (၂)ပေမှ (၅) ပေခန့်၊ နောက် (၃)ရက်မှ (၆) ရက်အတွင်း မန္တလေးမြို့၊ စစ်ကိုင်းမြို့၊ မြင်းမူမြို့၊ ပခုက္ကူ မြို့နှင့် ညောင်ဦးမြို့တို့တွင် (၂)ပေခွဲမှ (၃)ပေခွဲခန့် လက်ရှိရေမှတ်များ အထက် မြင့်တက်လာနိုင်ပါသည်။

သို့ဖြစ်ပါ၍ မြစ်ကြောင်းများအတွင်း သွားလာနေကြမည့် ရေယာဉ်၊ လှေ၊ သင်္ဘော များအနေ ဖြင့် ဂရုပြုသင့်ပါကြောင်းနှင့် မြစ်ရေနည်းစဉ် သဲသောင်ခုံများတွင်စိုက်ပျိုးနေထိုင်ကြသူများအနေဖြင့်လည်း မြစ်ရေရုတ်တရက် တိုးလာ နိုင်မှုကို ဂရုပြုနေထိုင်သင့်ပါကြောင်း အကြံပြုအပ်ပါသည်။

News Watch(စောင့်ကြည့်သတင်းဂျာနယ်)
https://www.facebook.com/NewsWatchJournal


 ထိုင်းနိုင်ငံရောက် ရွှေ့ပြောင်းမြန်မာ အလုပ်သမားများတွင် နှစ်နိုင်ငံ သဘောတူ စာချုပ်များဖြင့် သွားရောက်အလုပ်လုပ်ကိုင်နေသည့် မြန်မာလုပ်သားများမှာ အလုပ်သမား အခွင့်အရေး ချိုးဖောက်ခံရမှုများရှိနေ
ကြောင်းထိုင်းရောက် ရွှေ့ပြောင်းမြန်မာအခွင့်အရေး ကွန်ရက်မှ သိရှိရသည်။

ထိုင်းလုပ်ငန်းရှင်အများစုသည် စာချုပ်ထဲတွင် ပါဝင်ထားသည့် အလုပ်သမားအခွင့်အရေးများကို လိုက်နာမှု မရှိဘဲ ချိုးဖောက်နေကြောင်း သိရသည်။

"အဓိက ပြသ၁နာက လုပ်ငန်းခွင်မှာ ထိခိုက်ဒဏ်ရာ ရတာတွေရှိခဲ့ရင် လျော်ကြေးငွေမပေးတာတွေ၊ ဆေးရုံဆေး ခန်းတွေမှာ ဆေးကုသခွင့် မပေးတာတွေကလည်း ဒီထိုင်းနိုင်ငံထဲမှာ ထုနဲ့ထည်အများကြီးရှိပါတယ်။ အလုပ်သမားတွေ ကိုယ်တိုင်က ကျွန်တော်တို့အဖွဲ့အစည်းကို တိုင်တန်းလာခဲ့ရင် ထိုင်းလုပ်ငန်းရှင်တွေ
ကို ထိထိရောက်ရောက် အရေးယူဆောင်ရွက်သွားမှာပါ" ဟု ထိုင်းရောက်ရွှေ့ပြောင်း မြန်မာအခွင့်အရေးကွန်ရက်မှ မှုခင်းတာဝန်ခံ ကိုဇော်က ပြောသည်။

မြန်မာနိုင်ငံမှ တရားဝင်အလုပ်လုပ်ကိုင်ခွင့်ဖြင့် ထိုင်းနိုင်ငံသို့ သွားရောက်အလုပ်လုပ်ကိုင်နေသည့် ရွှေ့ပြောင်း မြန်မာများသည်နှစ်နိုင်ငံလူကုန်ကူးသူများ၏ လိမ်လည်လှည့်ဖျားမှုခံနေရပြီး အလုပ်လုပ်ခွင့် ဗီဇာအတုများဖြင့် လိမ်လည်၍ ထိုင်းနိုင်ငံဘက်သို့ ပို့ဆောင်နေမှုများရှိနေကြောင်း ၎င်းက ဆက်ပြောသည်။

"ကျွန်မဆိုရင် MOU စာချုပ်နဲ့လာတာပါ။ ဟိုရောက်တော့ ထိုင်းအလုပ်ရှင်က ဒီစာချုပ်က အတုလို့ ပြောပါတယ်။ ဒါနဲ့ ကျွန်မကို ထိုင်းအလုပ်ရှင်က အလုပ်လုပ်ခွင့် မပေးခဲ့ပါဘူး။ မလာခင်ကဆိုရင် အိမ်မှာရှိတဲ့ လယ်ယာမြေရောင်းလာခဲ့ရတာပါ။ဆယ်သိန်းကျော်လောက်ကုန်ပါတယ်။ မြန်မာဘက်က အေးဂျင့်အတော်များများက လူလိမ်တွေ များပါတယ်"ဟု ထိုင်းနိုင်ငံ တာ့ခ်ခရိုင်၊ မဲဆောက်မြို့တွင် စားပွဲထိုးအလုပ် လုပ်ကိုင်နေသည့် မအေးအေးက ပြောသည်။

ထိုင်းနိုင်ငံတွင် တရားဝင်ဗီဇာဖြင့်နေ ထိုင်သူ ရွှေ့ပြောင်းမြန်မာလေးသန်းကျော် ရှိသည့်အနက် တစ်သန်းကျော်မှာအလုပ်သမား အခွင့်အရေး ချိုးဖောက်ခံနေရကြောင်း ထိုင်းရောက် ရွှေ့ပြောင်းမြန်မာများထံမှ သိရသည်။

သတင်း - MMK
Photo - theguardian
The Ladies News
https://www.facebook.com/News.TheLadies

မန္တလေးတိုင်းဝန်ကြီးချုပ်အသစ် ဒေါက်တာ ဇော်မြင့်မောင် ကို တွေ့ရစဉ်။ Photo: Hset Paing Toe/RFA
ဝန်ကြီးချုပ်ဟောင်း ဦးရဲမြင့် ဦးဆောင်တဲ့ မန္တလေးတိုင်းဒေသကြီး အစိုးရအဖွဲ့က မနေ့က တာဝန်လွှဲပြောင်းပေးဖို့ ရှိရာမှာ ဝန်ကြီးချုပ်အသစ် ဒေါက်တာ ဇော်မြင့်မောင်ကို တာဝန်လွှဲပြောင်းပေးတာ မလုပ်ခဲ့ဘူး လို့ ဒေါက်တာ ဇော်မြင့်မောင်က ပြောပါတယ်။

ဒီကနေ့ မန္တလေးတိုင်းဝန်ကြီးချုပ်အဖြစ် တိုင်းလွှတ်တော်မှာ ကတိသစ္စာပြုပြီးမှာ ဝန်ကြီးချုပ်ဒေါက် တာ ဇော်မြင့်မောင် က ပြောတာဖြစ်ပါတယ်။

"မနက်ဒီ မှာ ၉ နာရီ ကျနော်လာထိုင်တယ်၊ အလုပ်ရှိတယ်၊ အဲ့ဒီအချိန်မှာ ဘယ်လိုလဲ အလွှဲအပြောင်း ရှိတယ်ဆိုတာ ဝန်ကြီးချုပ်မရှိဘူးတဲ့၊ လာမှမဟုတ်ဘူး၊ အလွှဲအပြောင်းမရှိဘူးလို့ ပြောတာ တိုင်းဒေသ ကြီးအဖွဲ့ဝင် အတွင်းရေးမှူး၊ အဲ့ဒါနဲ့ကျနော်တို့ငြိမ်နေတယ်၊ ပြီးတော့ သတင်းဘာထွက်လာသလဲဆိုတော့ ကျနော်တို့ မလာဘူးဆိုတာကိုပြောတယ်၊ အဲ့ဒါမှားတယ်၊ ကျနော်တို့ထိုင်စောင့်နေတယ်၊ အလွှဲအပြောင်း ရှိတယ်ဆိုပြီး ကျနော့်ဆီကို တရားဝင်စာပို့ရင်ပို့ မပို့ရင် ကျနော့်ကို ဖုန်းဆက်ပြီး ပြောလို့ရှိရင်ရတယ်၊ ကျနော်ဒီမှာရှိနေတာ၊ ဒါပေမဲ့ မပြောဘူး၊ အဲ့ဒါကြောင့် အလွှဲအပြောင်းပြီးတဲ့အခါ မနေ့က မနက်ပိုင်းကို လာတယ်၊ ကျနော်တို့ အစည်းအဝေးပြီးတဲ့အချိန် တိုင်းဒေသကြီးအစိုးရအဖွဲ့ အတွင်းရေးမှူး ဦးဝင်းရှိန် လွှဲပြောင်းပြီးသွားပါပြီတဲ့ လာပြီးပြောတယ်၊ အဲ့တော့ ကျနော်သွားပြီးတော့ ရုံးထိုင်တယ်"

မနေ့က ဒေါက်တာဇော်မြင့်မောင်ဟာ မန္တလေးတိုင်း အစိုးရအဖွဲ့ရုံးကို ရောက်ရှိချိန်မှာ နိုင်ငံတော်သမ္မတရုံးက ညွှန်ကြားထားတာ မရှိတဲ့အတွက် တာဝန်လွှဲပြောင်းရေး အခမ်းအနား မရှိဘူးလို့ အစိုးရအဖွဲ့အတွင်းရေးမှူး က ပြောတယ်လို့ ဒေါက်တာ ဇော်မြင့်မောင်က ပြောပါတယ်။

ဒေါက်တာဇော်မြင့်မောင်က ဒီကနေ့ ကတိသစ္စာပြုရာမှာ သူ့အစိုးရအဖွဲ့ကို လွှတ်တော်ကလည်း ထိန်းကျောင်းပေး ဖို့ ပြောခဲ့ပါတယ်။

အလားတူ ရန်ကုန်၊ မန္တလေး၊ ကချင် နဲ့ မွန်ပြည်နယ် လွှတ်တော်တွေမှာလည်း သက်ဆိုင်ရာ အစိုးရအဖွဲ့ ဝန်ကြီးချုပ်တွေ ကတိသစ္စာပြုခဲ့ကြပါတယ်။

တိုင်းဒေသကြီးနဲ့ ပြည်နယ်ဝန်ကြီးချုပ်တွေဟာ ဝန်ကြီးဌာနအရေအတွက်နဲ့ ဝန်ကြီးအမည်စာရင်းတွေကို မကြာမီရက်ပိုင်းအတွင်း သက်ဆိုင်ရာလွှတ်တော်တွေမှာ တင်ပြကြရမှာပါ။

မနေ့က ရခိုင်ပြည်နယ် ဝန်ကြီးချုပ်အဖြစ် အတည်ပြုပြီးဖြစ်တဲ့ ဦးညီပုဟာ မနက် ဖြန်ကျင်းပမယ့် လွှတ်တော်မှာ ကတိသစ္စာပြုမှာ ဖြစ်ပါတယ်။

RFA Burmese
http://www.rfa.org/burmese


မနေ့မတ်လ ၃၀ရက်နေ့ နံနက် ၉နာရီလောက်တွင် ထိုင်းနိုင်ငံ ရနောင်းမြို့ဈေးထဲတွင် မြန်မာအမျိုးသမီးကြီးတစ်ဦး ဒေါ်မြသက် အသက် ၅၉နှစ်ဆိုသူက ၆လအရွယ်ကလေးမလေးကိုချည်ပြီး ကလေးကိုဈေးထဲမှာ ဘတ်ငွေ ၃၀၀၀၀ နဲ့ ထိုင်းဈေးသည်တွေဆီမှာ လိုက်ရောင်းပေးနေပါတယ်။

 ၎င်းကလေးဟာ သူမမြေးမလေးပဲ သူမသား၏သမီးအစစ်ပဲလို့ပြောပါတယ် ထိုင်းနိုင်ငံမှာမွေးထားကြောင်း မွေးစာရင်းလည်းရှိတယ်၊ ကလေးဘ၀တိုးတက်ကောင်းမွန်စေချင်လို့ဆိုပြီးပြောပါတယ်။

 ထိုင်းဈေးသည်အမျိုးသမီးတစ်ဦးက ၀ယ်မည့်အသွင်ဆောင်ပြီး ၁၀၀၀၀ နဲ့ရောင်းမလားလို့ဈေးစစ်ကြည့်တဲ့အခါ မရပါဘူး ၃၀၀၀၀ မှရမယ် ဈေးလျှော့လို့မရဘူးပြောပါတယ်။ ဒီတစ်ယောက်မက ရောင်းစားဖို့ ၂ယောက် ၃ယောက်ကျန်ရှိသေးတယ်လို့လည်းပြောပါတယ်။

 ဒီလိုဈေးကိုင်ပြီးရောင်းချခြင်းကို သုံးသပ်ရမယ်ဆိုရင် ကလေးဘ၀၏ကောင်းစားရေးအတွက်မဟုတ်ပဲ ကလေးလူကုန်ကူးများဖြစ်လေမလားလို့ပတ်ဝန်းကျင်လူတွေကထင်မြင်ယူဆကြသည့်အတွက် ရဲစခန်းသို့တိုင်ကြားလိုက်ပါတယ်။

 ကလေးနဲ့မိခင်စောင့်ရှောက်ရေးအဖွဲ့လည်းလာရောက်စစ်ဆေးမေးမြန်းခဲ့ပါတယ် ဒေါ်မြသက်၏ဖြေကြားချက်ကတော့ ဖြေကြားချက်တစ်ခါနဲ့တခါလွဲမှားတာရှိပြီး သူမမြေး ၂ယောက်ရှိတယ်ပြောလိုက် ၃ယောက်ရှိတယ်ပြောလိုက်နဲ့ မသင်္ကာမှုတွေ ပိုဖြစ်စေတဲ့အတွက် ရနောင်းမြို့တဘက်ကမ်း မြန်မာဘက်ခြမ်း ကော့သောင်းမြို့ရှိ မြန်မာတာဝန်ရှိထံ ဆက်သွယ်အကြောင်းကြား လိုက်ပါတယ်။

 မြန်မာဘက်ကလည်းဤတစ်ရက်နှစ်ရက်အတွင်းမှာ ကော့သောင်းမြို့ဈေးရုံမှာ ကလေးပျောက်ဆုံးနေတယ်လို့ ပြောပါတယ်။ ၎င်းပျောက်ဆုံးသွားသောကလေးနဲ့ ဤဒေါ်မြသက်ရောင်းစားနေသောကလးက တစ်ဦးတည်းဟုတ်မဟုတ်စစ်ဆေးရန် ဒေါ်မြသက်ကိုထိုင်းဘက်ခြမ်းရနှောင်းမြို့မှာချုပ်နှောင်ထားပြီး မြန်မာဘက်ခြမ်းကတာဝန်ရှိတွေ လာရောက်ခေါ်ဆောင်သွားဖို့ စောင့်ဆိုင်းနေပါတယ်။ မြန်မာဘက်ခြမ်းကိုပဲလွဲအပ်ပေးမှာဖြစ်ပြီး မြန်မာနိုင်ငံကဥပဒေအရ အရေးယူဆောင်ရွက်သွားမှာဖြစ်တယ်လို့ သိရပါတယ်။

Thai News Agency
MTF Channel
https://www.facebook.com/mtftv

သို့
နာယက၊ ပြည်ထောင်စုလွှတ်တော်
ဥက္ကဋ္ဌ၊ ပြည်သူ့လွှတ်တော်
ဥက္ကဋ္ဌ၊ အမျိုးသားလွှတ်တော်
အကြောင်းအရာ။ သုံးသပ်အကြံပြုချက်များတင်ပြခြင်း

၁။ ဒုတိယအကြိမ် ပြည်သူ့လွှတ်တော်ကာလအတွင်း ၂၀၁၆ ခုနှစ်၊ဖေဖော်ဝါရီလ ၄ ရက်နေ့တွင် ပြည်သူ့လွှတ်တော်၊ ဥပဒေရေးရာနှင့် အထူးကိစ္စရပ်များ လေ့လာဆန်းစစ် သုံးသပ်ရေး ကော်မရှင်ကို စတင်ဖွဲ့စည်းခဲ့ပြီးနောက် ထိုကော်မရှင်ကို ပြည်သူ့လွှတ်တော်မှ ၂၀၁၆ ခုနှစ်၊ မတ်လ ၁ ရက်နေ့တွင် ရုပ်သိမ်းကာ ပြည်ထောင်စုလွှတ်တော်၊ ဥပဒေ ရေးရာနှင့် အထူးကိစ္စရပ်များ လေ့လာဆန်းစစ် သုံးသပ်ရေးကော်မရှင်ကို ၂၀၁၆ ခုနှစ်၊ မတ်လ ၁ ရက်နေ့တွင် ဆက်လက်ဖွဲ့စည်းခဲ့ပါသည်။

၂။ ကော်မရှင်သည် ဤကာလအတွင်း နိုင်ငံတော်နှင့် နိုင်ငံသားအကျိုးစီးပွား အတွက် ဘာသာရပ်အသီးသီးနှင့် အစိုးရအဖွဲ့အသစ်လက်ထက်တွင် မဖြစ်မနေ ကြုံတွေ့ဖြေရှင်း ဆောင်ရွက်ရမည့် အဓိကကိစ္စရပ်များကို လေ့လာဆန်းစစ်သုံးသပ်၊ ဆွေးနွေးညှိနှိုင်းပြီး ပြည်သူ့လွှတ်တော်ဥက္ကဋ္ဌ၊ အမျိုးသားလွှတ်တော်ဥက္ကဋ္ဌ၊ အမျိုးသား ဒီမိုကရေစီအဖွဲ့ချုပ်ပါတီ ဥက္ကဋ္ဌတို့အား ရှင်းလင်းတင်ပြခဲ့ပြီးနောက် ထိုအဖွဲ့များ၏ ပြန်လည်ဆွေးနွေးချက်များအပေါ် ပြန်လည်စိစစ် ဖြည့်စွက်ဆောင်ရွက်ပြီး ကော်မရှင်၏ နောက်ဆုံးသုံးသပ်အကြံပြုချက်များကို လိုအပ်သလို ဆက်လက်ဆောင်ရွက်နိုင်ပါရန် ကဏ္ဍအလိုက် သုံးသပ်အကြံပြုချက်များနှင့်အတူ ပူးတွဲပေးပို့တင်ပြအပ်ပါသည်-
(က) တည်ဆဲဥပဒေများအနက်မှ ပြင်ဆင်ရန်၊ ပယ်ဖျက်ရန်၊ ရုပ်သိမ်းရန်၊ အသစ် ပြန်လည်ရေးဆွဲရန် လိုအပ်ကြောင်း စိစစ်တွေ့ရှိရသည့် ဥပဒေ ၁၄၂ ခု တွေ့ရှိရပြီးဖြစ်ကာ ဆက်လက် လေ့လာဆောင်ရွက်သွားရန် လိုအပ်မည်ဖြစ်ပါသည်။ တည်ဆဲဥပဒေသာရှိပြီး၊ နည်းဥပဒေမရှိခြင်း၊ နည်းဥပဒေရှိပြီး အမိန့်ကြော်ငြာစာများ မထုတ်ပြန်နိုင်သေးခြင်း၊ ထုတ်ပြန်ပြီးသော အမိန့်ကြော်ငြာစာများမှာလည်း မူလဥပဒေနှင့် ကိုက်ညီမှုမရှိခြင်း၊ လက်တွေ့လုပ်ဆောင်၍မရခြင်း စသော ကိစ္စရပ်များ အပေါ် သုံးသပ်ချက်၊ ပူးတွဲ(က)
(ခ) ၂၀၁၆-၂၀၁၇ ခု ဘဏ္ဍာရေးနှစ် ဘတ်ဂျက်ဥပဒေ၊ စီမံကိန်းဥပဒေများကို ၂၀၁၆ ခုနှစ် ဇန်နဝါရီလ ၂၅ ရက်နေ့တွင် ကျင်းပပြုလုပ်သော ပထမအကြိမ် ပြည်ထောင်စုလွှတ်တော်တွင် ပြဋ္ဌာန်းခဲ့ပြီးဖြစ်သော်လည်း အချိန်လု၍ အချိန်မီ ပြီးစီးအောင် ဆောင်ရွက်ခဲ့ရသောကြောင့် ပြည်သူ့ဘဏ္ဍာငွေများ စနစ်တကျ ထိရောက်မှန်ကန်စွာ အသုံးပြုနိုင်ရန် လက်ရှိ ဒုတိယအကြိမ် ပြည်ထောင်စုလွှတ်တော်သည် အမျိုးသား ဒီမိုကရေစီအဖွဲ့ချုပ်အစိုးရသစ်နှင့် ဆွေးနွေးညှိနှိုင်းပြီး ဆောင်ရွက်သင့်သော လုပ်ငန်းများ၊ စီမံကိန်းများကို စိစစ်နိုင်ရန် အမျိုးသား ဒီမိုကရေစီအဖွဲ့ချုပ်အစိုးရဖွဲ့စည်းပြီးနောက် ဆောလျင်စွာ ပြန်လည် စိစစ် သုံးသပ်ရန်အတွက် အစိုးရနှင့်လွှတ်တော်မှ ဆောင်ရွက်ရန် တင်ပြချက်၊ ပူးတွဲ(ခ)
(ဂ) ပထမအကြိမ်၊ လွှတ်တော်ကာလအတွင်း ထုတ်ပြန်ခဲ့ပြီးဖြစ်သော ၂၀၁၆ ခုနှစ်၊ ပြည်ထောင်စု၏ အခွန်အကောက်ဥပဒေနှင့်စပ်လျဉ်း၍ ကော်မရှင် အဖွဲ့ဝင် များသည် ဘဏ္ဍာရေးဝန်ကြီးဌာနမှ တာဝန်ရှိသူများနှင့် လေးကြိမ်တိုင် တွေ့ဆုံဆွေးနွေး လေ့လာဆန်းစစ် ညှိနှိုင်း အဖြေရှာ သုံးသပ်ခဲ့ပြီး ထိုတွေ့ရှိသုံးသပ် အကြံပြုချက်အတိုင်း ပြင်ဆင်ရန် လိုသော အခွန်ဥပဒေကို ပြည်ထောင်စုအစိုးရအဖွဲ့နှင့် ပြည်ထောင်စု လွှတ်တော်က ပြန်လည်ပြင်ဆင်ခြင်းနှင့် လိုက်နာဆောင်ရွက်ရမည့် ကိစ္စရပ်များကို အခွန်ထမ်းပြည်သူနှင့် အခွန်ဦးစီးဌာနတို့မှနည်းလမ်းတကျ ဆောင်ရွက်ခြင်းဖြင့် နိုင်ငံတော်နှင့် ပြည်သူများအတွက် များစွာ အကျိုးဖြစ်ထွန်းမည် ဖြစ်သည်။ ထိုသို့အခွန်ထမ်းပြည်သူများနှင့် အခွန်ဦးစီးဌာနမှ ဝန်ထမ်းများအနေဖြင့် တိကျစွာ လိုက်နာဆောင်ရွက် နိုင်ရေးအတွက် စံပြုထားသော လုပ်ထုံးလုပ်နည်းများ (Standard Operation Procedure ) များ ထုတ်ပြန်နိုင်ရေးကိစ္စ၊ ပူးတွဲ(ဂ)
(ဃ) အစိုးရအဖွဲ့အသစ်လက်ထက်တွင် မလွှဲမသွေကြုံတွေ့ဆောင်ရွက်ရမည့် တင်ဒါခေါ်ယူခြင်း ကြီးကြပ်ခြင်းဆိုင်ရာ ကိစ္စရပ်များအတွက် ထုတ်ပြန်ထားပြီးဖြစ်သော ဥပဒေ၊ နည်းဥပဒေ၊ အမိန့်ကြော်ငြာစာ၊ ညွှန်ကြားချက်များအတိုင်း တိကျစွာလိုက်နာဆောင်ရွက်နိုင်ရေးနှင့် ထိုသို့ဆောင်ရွက်နိုင်ရေး ကြီးကြပ်ဆောင်ရွက်ပေးရေးကိစ္စများအပေါ်သုံးသပ်ချက်၊ ပူးတွဲ(ဃ)
(င) တောင်သူလယ်သမား အခွင့်အရေးကာကွယ်ရေးနှင့် အကျိုးစီးပွား မြှင့်တင်ရေးဥပဒေ ထုတ်ပြန်ပြီးသော်လည်း သက်ဆိုင်ရာဌာနများမှ နည်းဥပဒေ၊ အမိန့်ကြော်ငြာစာများ ထုတ်ပြန်နိုင်ခြင်း မရှိသေးခြင်း တို့ကြောင့် တောင်သူလယ်သမားများအတွက် ဥပဒေပါအတိုင်း သင့်တင့်မျှတ လုံလောက်သော ၂၀၁၆ ခုနှစ်၊ မိုးရာသီစိုက်ပျိုးစရိတ် အချိန်မီ ထုတ်ချေးနိုင်ရေးနှင့် လိုအပ်သော နည်းပညာပံ့ပိုးပေးရေး၊ ထွက်ရှိသော သီးနှံများကို ဈေးကွက်နှင့် သင့်တင့်မျှတသော ဈေးနှုန်းမရရှိနိုင်ခြင်း၊ သိမ်းဆည်းခံ လယ်ယာမြေများနှင့် ပတ်သက်၍ လည်း ယခုတိုင်ပြီးပြတ်မှုမရှိဘဲ ကြန့်ကြာနေသဖြင့် သက်ဆိုင်ရာ ပြည်ထောင်စုအစိုးရအဖွဲ့ ဌာနဆိုင်ရာများမှ အလေးဂရုပြု၍ ဆောင်ရွက်ပေးပါက အဆင်ပြေနိုင်ကြောင်း သုံးသပ်ချက်များ၊ ပူးတွဲ(င)
(စ) ရုံးဌာနအသီးသီးရှိ အချို့သောရုံးအသုံးစရိတ်များမှာ အမှန်ကုန်ကျငွေများ ကို ခွင့်ပြုပေးထားခြင်း မရှိသည့်အတွက် လုပ်ငန်းဖြစ်မြောက် အဆင်ပြေစေရန်ဝန်ထမ်းများမှ မလျော်မကန်သောနည်းဖြင့် ဆောင်ရွက်လျက်ရှိမှု များကြောင့် ဝန်ထမ်းများ၏ ဂုဏ်သိက္ခာကျဆင်းခြင်း၊ ပြည်သူများ၏ ယုံကြည်မှုကျဆင်း လျော့နည်းလာခြင်းများ ဖြစ်ပေါ်နေပါသည်။ သို့ဖြစ်၍ အမှန်တကယ် ကုန်ကျငွေများကို စိစစ်ပြီးခွင့်ပြုထုတ်ပေးနိုင်ရေး သုံးသပ်၍ လိုအပ်သလို ဆောင်ရွက်သွားရန် ကိစ္စများ။ ပူးတွဲ(စ)

၃။ အထက်အပိုဒ် ၂ အပိုဒ်ခွဲ(က)(ခ)(ဂ)(ဃ)(င)(စ) ပါ ကိစ္စရပ်များမှာ မဖြစ်မနေ ဆောင်ရွက်သင့်သောကိစ္စရပ်များဖြစ်၍ အမျိုးသားဒီမိုကရေစီအဖွဲ့ချုပ်အစိုးရအဖွဲ့အသစ် စတင်တာဝန်ယူရသောအချိန်မှပင် ထိရောက်လျင်မြန်စွာ ဆောင်ရွက်နိုင်မှသာ ပြည်သူများ၏ မျှော်လင့်ထားသောအပြောင်းအလဲနှင့် နိုင်ငံတော်နှင့် နိုင်ငံသားများ အကျိုးစီးပွားရရှိလာနိုင်မည် ဖြစ်ပါသည်။

၎။ သို့ရာတွင် ဆောင်ရွက်ရမည့်လုပ်ငန်းများအားလုံးမှာ အချိန်တိုအတွင်း ပြီးမြောက်အောင် ဆောင်ရွက်နိုင်သောကိစ္စများရှိသလို အချိန်ယူ ဆောင်ရွက်ရမည့် ကိစ္စရပ်များလည်း ရှိသည့်အတွက် ဦးစားပေးအစီအစဉ်များ ချမှတ်၍ စနစ်တကျ ထိရောက်စွာ ဆောင်ရွက်သွားရန် လိုအပ်ကြောင်းသုံးသပ်တင်ပြပါသည်။
ပူးတွဲပါ- ကော်မရှင်၏သုံးသပ်ချက်(၆)စောင်

သူရဦးရွှေမန်း
ဥက္ကဋ္ဌ
မိတ္တူကို
ပြည်ထောင်စုအစိုးရအဖွဲ့ရုံး
ဒေါ်အောင်ဆန်းစုကြည်
ရုံးလက်ခံ

Thura U Shwe Mann
https://www.facebook.com/HEThuraUShweMann





မတ်လ ၃၀ ရက်နေ့ ကြံ့ခိုင်ဖွံ့ဖြိုးရေးအစိုးရဟောင်းနှင့် NLD အစိုးရသစ်တို့ အာဏာလွှဲပြောင်း အခမ်းအနား ကျင်းပကြောင်းကို စကိုင်းနက် ရုပ်သံအစီအစဉ်မှာ ပြသည်။ သမ္မတအိမ်တော်မှာ သမ္မတဟောင်းက သမ္မတ သစ်ကို အာဏာလွှဲပြောင်းမည့် အစီအစဉ်မှာတော့ နောက်ခံတီးလုံးကလည်း တီးထားတော့ ရှေးသီချင်းတပုဒ်၊ နှစ်ပုဒ်ကိုသွားသတိရမိသည်။ တပုဒ်ကတော့ ထိုအထဲကစာသားကို လူအများ မကြာခဏအသုံးပြုနေကြသည့် ယသော်ဓရာပတ်ပျိုး ဖြစ်သည်။ သိဒ္ဓတ္ထမင်းသား တောထွက်ခန်းကို သီဆိုထားသော ပတ်ပျိုးဖြစ်သည်။

''ထွက်တော်မူ . . . နန်းကခွာတယ် . . . မောင် ဖုန်းပျောက်တယ် . . . ဆောင်အုန်းဗွေမြင့်လယ်'' ဆိုသော သီချင်းဖြစ်သည်။ မတ်လ ၃၀ ရက်နေ့က သမ္မတအိမ်တော်တွင် ယခင်အစိုးရအဖွဲ့ဝန်ကြီးဟောင်းများက တဖက်၊ ယခုအသစ်တက်လာမည့် အစိုးရသစ်မှ ၀န်ကြီးများက တဖက်ထိုင်နေကြပါ သည်။ သမ္မတဟောင်း၊ ၀န်ကြီးဟောင်းများအတွက်ကတော့ ယသော်ဓရာပတ်ပျိုးထဲကလို ''ထွက်တော်မူ နန်းကခွာတယ်''ဆိုသော အခမ်းအနား ဖြစ်သည်။ စကိုင်းနက်ရုပ်မြင်အစီအစဉ်က နောက်ခံတီးလုံးကလည်း အလွမ်းသယ်နေသည့် တီးလုံးသံဖြစ်သည်။ ၀န်ကြီးသစ်နှင့် ၀န်ကြီးဟောင်းများတဖက်စီ ထိုင်နေကြစဉ် သမ္မတဟောင်း ဦးသိန်းစိန်နှင့် သမ္မတသစ် ဦးထင်ကျော်တို့ ထွက်အလာကို အချိန်အတော်ကြာစောင့်စားနေကြရသည်မှာ ဇာတ်အဖွဲ့ထဲမှာ နောက်ပိုင်း အဓိကဇာတ်မင်းသားထွက်အလာကို မျှော်ရသလို ဖြစ်နေပါသည်။

''ဘာဖြစ်လို့ ဒီလောက်ကြာနေတာလဲ၊ ဦးသိန်းစိန် ဘာအ၀တ်တွေ လဲနေတာလဲ၊ ဒါမှမဟုတ် ၀မ်းနည်းနေ လို့လား''စသဖြင့် ပရိသတ်ထံမှ ကြားနေရသည်။ ထိုင်နေကြသည့်အချိန်မှာ အစိုးရအဖွဲ့ဟောင်း ပုဂ္ဂိုလ်များ သည် ရင်ထဲမှာ ဘယ်လိုခံစားနေကြသလဲ၊ ဘာတွေ အကြံအစည်ရှိနေ ကြသလဲဆိုသည်ကို သူတို့သာ အသိဆုံး ဖြစ်သည်။

အချိန်အတန်ကြာစောင့်ပြီးမှ သမ္မတဟောင်း ဦးသိန်းစိန်နှင့် သမ္မတသစ် ဦးထင်ကျော်တို့ ထွက်လာကြပါသည်။ တကယ်က ယနေ့အာဏာလွှဲပြောင်း အခမ်းအနားကို တနိုင်ငံလုံး တီဗွီမှကြည့်ကြသည်မှာ လက်ဖက် ရည်ဆိုင်များကအစ ယခင်ဘောလုံးပွဲကြည့်သလို ပရိသတ်များ စုဝေးကာကြည့်ကြသည်။ ၀မ်းသာအားရ လက်ခုပ်လက်ဝါးတီးကြသည်။ ယခုနှစ် သင်္ကြန်ကာလမှာ ပျော်ရွှင်ပွဲသည် ယခုကတည်းက အကြိုပျော်ပွဲ ဖြစ်နေပါသည်။ ပြည်သူတရပ်လုံး ပျော်ကြသည်။ ပြည်သူတရပ်လုံး၏ အပျော်ဆုံ စည်းရာနေ့တနေ့ဖြစ်သည်။

ဒုတိယသမ္မတ(၁)ဦးမြင့်ဆွေကို မျက်နှာထားတင်းတင်းနှင့် တွေ့ရသည်။ သမ္မတဦးထင်ကျော်ကို နေရာသို့ ခြံရံပို့ဆောင်သည့်ပုဂ္ဂိုလ်များထဲတွင် တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီးမင်းအောင်လှိုင် ကိုလည်း တွေ့ရသည်။ ကာချုပ်မင်းအောင်လှိုင်ကတော့ မျက်နှာအပြုံးမပျက်ပါ။ ဒုသမ္မတဟောင်း ဦးဥာဏ်ထွန်းကိုမူ ဂနာမငြိမ်သည့် အမူအရာမျိုး တွေ့ရသည်။ ဒူးနှန့်နေသည်ကို တွေ့ရသည်။

သမ္မတအပြောင်းအလွှဲအခမ်းအနားကို ဒီ့ထက်ခမ်းနားစွာကျင်းပရန် လိုပါသည်။ ဘာကြောင့်လဲဆိုလျှင် မြန်မာ ပြည်သူတရပ်လုံး အာရုံစိုက်သောကြောင့်ဖြစ်သည့်အပြင် ယခင် ကြံ့ဖွံ့အစိုးရ တချိန်လုံးသုံးနှုန်းခဲ့သော နိုင်ငံရေးယဉ်ကျေးမှုအရ ဖြစ်သည်။
သမ္မတဦးထင်ကျော်က ပြည်သူအား မိန့်ခွန်းပြောကြားသလို သမ္မတဟောင်း ဦးသိန်းစိန်ကလည်း ပြည်သူသို့ နှုတ်ဆက်မိန့်ခွန်းပြောကြားသင့်သည်။ ထို့ပြင် ဒုသမ္မတအဟောင်း၊ အသစ်၊ ၀န်ကြီး အဟောင်း၊ အသစ်တို့ မှာလည်း တဦးကိုတဦး သဘောထားကြီးစွာ၊ ကြည်ဖြူစွာ လက်ဆွဲနှုတ်ဆက်ကြရန် လိုသည်။

အစိုးရအဖွဲ့ဟောင်းများအတွက် ''ထွက်တော်မူ နန်းကခွာတယ်'' ဆိုသော ယသော်ဓရာပတ်ပျိုးကို သတိရမိ သော်လည်း အစိုးရအဖွဲ့သစ်အတွက်မူ 'အောင်စေ ပိုင်စေ နိုင်စေ' သီချင်းကို သတိရစေသည်။ ၁၉၉၀ ပြည့်နှစ်တုန်းက NLD ရွေးကောက်ပွဲမှာ အနိုင်ရသည့်အခါ ပြည်ပ အသံလွှင့်ဌာနတခုဖြစ်သော VOA အမေရိကန် မြန်မာသံက လွှင့်ခဲ့သည်မှာ 'အောင်စေ ပိုင်စေ နိုင်စေ ပွဲပေါင်း''ဆိုသော သီချင်းတပုဒ်ဖြစ်သည်။ အလွန် ကျက်သရေမင်္ဂလာရှိသော သီချင်းဖြစ်သည်။
မြန်မာအစိုးရသစ်ကို ပေါ်ပေါက်စေသည့် NLD ပါတီဥက္ကဋ္ဌ ဒေါ်အောင်ဆန်းစုကြည်ကို ယခင် အာဏာရှင် ဟောင်း ဗိုလ်ချုပ်မှူးကြီးသန်းရွှေကလည်း ''ဒေါ်အောင်ဆန်းစုကြည်သည် အနာဂတ် မြန်မာနိုင်ငံ၏ ခေါင်း ဆောင်ဖြစ်မည်''ဟု ပြောကြားထားပါသည်။

ပြီးခဲ့သည့် မတ်လ ၂၇ ရက် (၇၁)နှစ်မြောက် တော်လှန်ရေးနေ့(တပ်မတော်နေ့)ကလည်း ဗိုလ်ချုပ်မှူးကြီးမင်းအောင်လှိုင် (တပ်မတော် ကာကွယ်ရေးဦးစီးချုပ်)ကလည်း ''တပ်မတော်အနေဖြင့် နိုင်ငံတော်နှင့် ပြည်သူလူထုအကျိုးစီးပွားကို ဖြစ်ထွန်းအောင်မြင်အောင် ဖော်ဆောင်နိုင်ရန်အတွက် ပူးပေါင်းဆောင်ရွက်သွားမည်ဖြစ်ကြောင်း''ပြောကြားသွားပါသည်။ ဗိုလ်ချုပ်မှူးကြီးမင်းအောင်လှိုင်က သူတို့တပ်မတော်က ဒီမိုကရေစီကိုဖော်ဆောင်သွားမည်ဟုဆိုခြင်းမဟုတ်ဘဲ 'ပူးပေါင်းဆောင်ရွက်သွားမည်'ဟု ပြောသည်မှာလည်း အဓိပ္ပာယ်ရှိပါသည်။ ပူးပေါင်းသည် ဆိုကတည်းက မည်သူနှင့် ပူးပေါင်းမည်နည်း။ ဒီမိုကရေစီအစိုးရနှင့်သာ ဒီမိုကရေစီကို ပူးပေါင်းဆောင်ရွက်သွားရမည်မဟုတ်ပါလား။ ထို့ကြောင့် သူ၏ 'ပူးပေါင်းဆောင်ရွက်သွားမည်'ဆိုသည့် စကားမှာ ကြိုဆိုရမည့်စကား ဖြစ်ပါသည်။

ဤ NLD အစိုးရ၏ အောင်ပွဲသည် NLD ပါတီတခုတည်း၏ အောင်ပွဲမဟုတ်ပါ။ ၁၉၆၂ ခုနှစ်ကတည်းက စစ်အစိုးရကို နည်းမျိုးစုံနှင့် ကာလကြာရှည်တိုက်ပွဲဝင်ခဲ့ကြသော ခေတ်အဆက်ဆက်က တိုက်ပွဲဝင် သူရဲ ကောင်းတို့၏ ကိုယ်ကျိုးစွန့်မှုတို့ကို မေ့ပစ်၍မရနိုင်ပါ။ လူမျိုး၊ ဘာသာ၊ အယူဝါဒ၊ ခံယူချက်၊ ယုံကြည်ချက် အမျိုးမျိုး ကွဲပြားမှုရှိကောင်းရှိပါလိမ့်မည်။ သို့သော် စစ်အာဏာရှင်စနစ်ကို တော်လှန်ခဲ့ကြရာမှာတော့ တခု တည်းသော ရည်မှန်းချက်ပန်းတိုင်ဖြစ်ပါသည်။
ထို့ပြင် ဒီမိုကရေစီစနစ်ကို ရှောရှောရှူရှူ ငြိမ်းငြိမ်းချမ်းချမ်းပေးခဲ့သည်ဟု စစ်အာဏာရှင် တဖြစ်လဲ ကြံ့ခိုင်ရေးနှင့် ဖွံ့ဖြိုးရေးအစိုးရက မကြာခဏပြောခဲ့သည်။ ဤသို့ ငြိမ်းငြိမ်းချမ်းချမ်းပေးသည်ဆိုခြင်းကို ပြည်သူလူထုက တကယ်ရော ယုံမှတ်နေကြပါသလား။

ဤသို့သော အခြေအနေတရပ် ဖြစ်လာရန်အတွက် နှစ်ပေါင်း ၅၀ ကျော်ကြာ အသေအကျေခံ၊ ထောင်သွင်း အကျဉ်းချခံ၊ တကျွန်းအကျခံကာ တိုက်ပွဲဝင်ခဲ့ကြသူများ ယနေ့ထိ ရှိနေကြဆဲပါ။ အလုပ်သမား၊ လယ်သမား၊ ကျောင်းသား၊ အရပ်သား လူထုလူတန်းစား အသီးသီး၏ စစ်အာဏာရှင်စံနစ်ကို ဆန့်ကျင်ခဲ့ကြသည့် ၁၉၈၈ အရေးတော်ပုံကိုလည်း မမေ့အပ်ပါ။
ထို့ကြောင့် စစ်အာဏာရှင် ဆန့်ကျင်သူများ၊ ကျဆုံးသွားသူများကို စာရင်းဇယားပြုစု၍ အညတြစစ်သည်တော် ဗိမာန်လို ဗိမာန်ဆောက်လုပ်ထားသင့်ပါသည်။ ထို့နောက် ဒုတိယကမ္ဘာစစ်ကာလက ဖက်ဆစ်တို့အောက်တွင် အသက်ပျောက်ခဲ့ရသော စစ်သည်တော်များကို ကမ္ပည်းမော်ကွန်းထိုးကာ အမှတ်တရ မှတ်တမ်းစိုက်ထူထား သော ထောက်ကြန့်ရှိ စစ်သချိုင်္င်းလို ဆောက်လုပ်မှတ်တမ်းတင်ထားရမည်ဖြစ်သည်။

ခေတ်တခေတ်ပြောင်းလဲရန်မှာ လူတဦးတယောက်တည်းက ပြောင်း၍မရ။ လူအများက ပြောင်းလဲရန် လိုလားကာ လှုပ်ရှားရုန်းကန် တိုက်ပွဲဝင်ပါမှ ခေတ်ပြောင်းသွားရခြင်း ဖြစ်သည်။
ခွင့်လွှတ်သင့်သူများကိုတော့ ခွင့်လွှတ်ရမည်ဖြစ်သော်လည်း သမိုင်းဆိုသည်မှာတော့ မေ့ပစ်ရန် မဟုတ်ပါ။ သမိုင်းကတော့ အမှန်အကန် မှတ်တမ်းတင်လိမ့်မည် ဖြစ်သတည်း။

တင်တင်ဦး
News Watch(စောင့်ကြည့်သတင်းဂျာနယ်)
https://www.facebook.com/NewsWatchJournal

ပြည်သူ့လွှတ်တော် ဥက္ကဋ္ဌ ဦးဝင်းမြင့်အားတွေ့ရစဉ် (ဆင်ဟွာ)
    နေပြည်တော် ၊ မတ် ၃၁ ရက် (ဆင်ဟွာ)

    နိုင်ငံတော် သမ္မတ ဦးထင်ကျော်၏ ဇနီးဖြစ်သူ ဒေါ်စုစုလွင် တာဝန်ယူ ဆောင်ရွက်နေသည့်  ပြည်သူ့ လွှတ်တော် နိုင်ငံတကာ ဆက်ဆံရေး ကော်မတီ ဥက္ကဋ္ဌ နေရာအား ယနေ့ မတ်လ ၃၁ ရက် ပြည်သူ့ လွှတ်တော် အစည်းအဝေးတွင် ပြောင်းလဲ ဖွဲ့ စည်းခဲ့သည်။

ယခုအခါတွင် ဒေါ်စုစုလွင်၏ ခင်ပွန်းဖြစ်သူ ဦးထင်ကျော်သည် နိုင်ငံတော် သမ္မတ အဖြစ် ရွေးချယ် တင်မြှောက်ခံခဲ့ရပြီး ကတိသစ္စာပြုပြီးနောက် နိုင်ငံတော် သမ္မတ၏ ဇနီး အဖြစ် ရောက်ရှိလာပြီးနောက်  ၄င်းတာဝန်ယူ ဆောင်ရွက်နေသည့် ပြည်သူ့ လွှတ်တော် နိုင်ငံတကာ ဆက်ဆံရေး ကော်မတီ ဥက္ကဋ္ဌ နေရာအား ဝါးခယ်မ မဲဆန္ဒနယ်မှ ပြည်သူ့ လွှတ်တော် ကိုယ်စားလှယ် ဦးဇော်သိန်း ဖြင့် ပြောင်းလဲ ဖွဲ့ စည်းလိုက်ခြင်းကို ယနေ့ ကျင်းပပြုလုပ်ခဲ့သည့် ပြည်သူ့ လွှတ်တော် အစည်းအဝေးတွင် ပြည်သူ့ လွှတ်တော် ဥက္ကဋ္ဌ ဦးဝင်းမြင့်က ကြေညာပြီးနောက် လွှတ်တော်၏ သဘောတူညီချက်ဖြင့် အတည်ပြုချက် ရယူခဲ့သည်။

ဒေါ်စုစုလွင်သည် အမျိုးသား ဒီမိုကရေစီ အဖွဲ့ ချုပ် (NLD) ကိုယ်စားပြု၍ သုံးခွမဲဆန္ဒနယ်မှ ပြည်သူ့ လွှတ်တော် ကိုယ်စားလှယ်အဖြစ် ၂၀၁၂  နှင့် ၂၀၁၅ ခုနှစ် ပါတီစုံ အထွေထွေ ရွေးကောက်ပွဲများတွင် ရွေးကောက်ခံခဲ့ရသူ တစ်ဦးဖြစ်ပြီး ၄င်းသည် ပညာရေး တက္ကသိုလ် (ရန်ကုန်) သို့ တက်ရောက် ပညာသင်ကြားခဲ့ပြီး မဟာဝိဇ္ဇာဘွဲ့ (အင်္ဂလိပ်စာ) ရရှိထားသူ တစ်ဦး ဖြစ်ကာ Sydney University(Australia) ၌လည်း ပညာသင်ကြားခဲ့ပြီး ၁၉၇၆ မှ ၁၉၈၉ ထိ ရန်ကုန် တက္ကသိုလ် ၊ အင်္ဂလိပ်စာ ဌာနတွင် နည်းပြမှ ကထိက ရာထူးအထိ တာဝန်ထမ်းဆောင်ခဲ့ပြီး ၁၉၉၀ မှ ၂၀၀၅ ထိ Programme Officer(Education) UNICEF Yangon ၊ အလွတ်တန်း ပညာရေး အကြံပေး နှင့် စေတနာ့ ဝန်ထမ်း ၊ ၂၀၀၅ မှ ၂၀၁၂ ထိ ဘ/က ပညာရေး စီမံကိန်း ရေးဆွဲရေး နှင့် နည်းပြ လုပ်ငန်းများ ဆောင်ရွက်ခဲ့သူ တစ်ဦး ဖြစ်သည်။

(Xinhua)
http://www.xinhuamyanmar.com

အမျိုးသားလွှတ်တော် အစည်းအဝေးကျင်းပနေစဉ် (ဆင်ဟွာ)
    နေပြည်တော် ၊ မတ် ၃၁ ရက် (ဆင်ဟွာ)

    အမျိုးသား ဒီမိုကရေစီ အဖွဲ့ ချုပ် ဥက္ကဋ္ဌ ဒေါ်အောင်ဆန်းစုကြည်ကို အတိုင်ပင်ခံ ပုဂ္ဂိုလ် အဖြစ် ပြည်ထောင်စု လွှတ်တော်မှ တာဝန် ပေးအပ်နိုင်ရန် နိုင်ငံတော်၏ အတိုင်ပင်ခံ ပုဂ္ဂိုလ် ဆိုင်ရာ ဥပဒေကြမ်းကို ယနေ့ မတ်လ ၃၁ ရက်တွင် ပြုလုပ်သည့် အမျိုးသား လွှတ်တော် အစည်းအဝေးတွင် မကွေးတိုင်းဒေသကြီး မဲဆန္ဒနယ် အမှတ် (၄) မှ အမျိုးသား လွှတ်တော် ကိုယ်စားလှယ် ဦးအောင်ကြည်ညွှန့် က စတင် တင်သွင်းခဲ့သည်။

ထိုဥပဒေကြမ်းနှင့် စပ်လျဉ်း၍ ချင်းပြည်နယ် မဲဆန္ဒနယ် အမှတ် (၇) မှ လွှတ်တော်ကိုယ်စားလှယ် ဒေါ်ကျိန်ငိုက်မန်က ထောက်ခံ ဆွေးနွေးခဲ့သဖြင့် ဥပဒေကြမ်းအား လက်ခံဆွေးနွေးရန် သင့်၊ မသင့် လွှတ်တော်၏ အဆုံးအဖြတ် ရယူရာတွင် လက်ခံ ဆွေးနွေးရန် ဆုံးဖြတ်ခဲ့သည်။

နိုင်ငံတော်၏ အတိုင်ပင်ခံ ပုဂ္ဂိုလ် ဆိုင်ရာ ဥပဒေ၏ ရည်ရွယ်ချက်များမှာ ပါတီစုံ ဒီမိုကရေစီ စနစ် ထွန်းကားရေး ၊ ဈေးကွက် စီးပွားရေး စနစ် ပီပြင်ရေး ၊ ဖက်ဒရယ် ပြည်ထောင်စု နိုင်ငံတော် တည်ဆောက်ရေး နှင့် ပြည်ထောင်စု ငြိမ်းချမ်းရေး နှင့် ဖွံ့ ဖြိုး တိုးတက်ရေး တို့ ဖြစ်ပြီး အတိုင်ပင်ခံ ပုဂ္ဂိုလ် ဆိုသည်မှာ ယင်းရည်ရွယ်ချက်များ အောင်မြင်စေရန် ဤဥပဒေအရ တာဝန်ပေးအပ်ခြင်း ခံရသူကို ဆိုလိုကြောင်း ဥပဒေကြမ်းတွင် ဖော်ပြပါရှိသည်။


ထို့ ပြင် အတိုင်ပင်ခံ ပုဂ္ဂိုလ်၏ ရာထူး သက်တမ်းသည် နိုင်ငံတော် သမ္မတ၏ ရာထူး သက်တမ်း အတိုင်း ဖြစ်ပြီး ဤ ဥပဒေသည် ဒုတိယ အကြိမ် ပြည်ထောင်စု လွှတ်တော် သက်တမ်း ကာလတွင် တာဝန်ထမ်းဆောင်သည့် နိုင်ငံတော် သမ္မတ၏ သက်တမ်းကာလ အတွက်သာ ဖြစ်စေရမည်ဟု ဥပဒေကြမ်းတွင် ဖော်ပြပါရှိပြီး ပြည်ထောင်စု လွှတ်တော်သည် ဤဥပဒေပါ ပြဋ္ဌာန်းချက်များနှင့် စပ်လျဉ်း၍ လိုအပ်သော နည်းဥပဒေများကို ထုတ်ပြန်နိုင်ကြောင်း ဖော်ပြထားသည်။

အတိုင်ပင်ခံ ပုဂ္ဂိုလ်၏ တာဝန် ၊ လုပ်ပိုင်ခွင့်နှင့် ရပိုင်ခွင့်များမှာ ဖွဲ့ စည်းပုံ အခြေခံ ဥပဒေပါ ပြဋ္ဌာန်းချက်များ နှင့် မဆန့်ကျင် စေဘဲ နိုင်ငံတော်နှင့် နိုင်ငံသားများ၏ အကျိုးစီးပွားများ အတွက် အကြံပြုချက်များ ပေးရခြင်း ၊ အကြံပြုချက်များ ဆောင်ရွက်ချက်များ နှင့် စပ်လျဉ်း၍ ပြည်ထောင်စု လွှတ်တော်သို့ တာဝန်ခံရခြင်း ၊ အတိုင်ပင်ခံ ပုဂ္ဂိုလ်သည် ဤဥပဒေပါ ရည်ရွယ်ချက်များ အောင်မြင်စေရန် အတွက် အစိုးရ အဖွဲ့ ၊ ဌာနဆိုင်ရာများ ၊ အဖွဲ့ အစည်းများ ၊ အသင်းအဖွဲ့ များ ၊ လူပုဂ္ဂိုလ်များ နှင့် ဆက်သွယ် ဆောင်ရွက်နိုင်ခြင်း ၊ အတိုင်ပင်ခံ ပုဂ္ဂိုလ်သည် ရာထူးအလျောက် ရရှိသည့် လစဉ် ချီးမြှင့်ငွေ ၊ စရိတ် ၊ အဆောင်အယောင်နှင့် အခွင့်အရေးများကို ခံစားခွင့် ရှိခြင်း ၊ အတုိုင်ပင်ခံ ပုဂ္ဂိုလ်၏ ချီးမြှင့်ငွေ ၊ စရိတ်နှင့် အဆောင်အယောင်များ အတွက် ပြည်ထောင်စု၏ ဘဏ္ဍာငွေ အရအသုံးဆိုင်ရာ ဥပဒေတွင် ခွဲဝေ သတ်မှတ် ထားရှိရခြင်းများ ပါဝင်ကြောင်း သိရသည်။

 (Xinhua)
http://www.xinhuamyanmar.com

Yun Sun: Fellow, Stimson Center (Source: VOA)
ဒီတပတ် မြန်မာ့မျက်မှောက်ရေးရာ ဆွေးနွေးခန်းအစီအစဉ်မှာ တရုတ်နိုင်ငံဟာ မြန်မာအစိုးရသစ် နဲ့ ဆက်ဆံရေးကောင်းမွန်ဖို့ လိုလားပေမယ့် မြန်မာနိုင်ငံရဲ့မိတ်ဆွေမဆန်တဲ့ လုပ်ရပ်တွေကြေင့် နယ်စပ်အင်အားစုတချို့ ကို ကြိုးကိုင်ကစားဖို့ လိုအပ်တယ်လို့ ယူဆချက်တချို့တရုတ်ဘက်မှာ ရှိနေပါတယ်။ အခက်ကြုံနေရချိန်မှာ အကူအညီပေးတာကို မထောက်ထားတဲ့အပြင် မြန်မာတို့ဘက်က တရုတ်စီမံကိန်းတွေကို ရပ်ဆိုင်းပြီး အနောက်နိုင်ငံတွေဆီ မျက်နှာမူသွားခဲ့တယ်ဆိုပြီး ပြောဆိုသူတချို့  ရှိတယ်လို့ တရုတ်ရေးရာ ကျွမ်းကျင်သူတဦးက ဆိုပါတယ်။ အမေရိကန်အခြေစိုက် Stimson သုတေသနဌာန တရုတ်နိုင်ငံခြားရေးရာ ဆက်ဆံရေးသုတေသီ Yun Sun နဲ့ ဦးကျော်ဇံသာ တို့ ဆွေးနွေးသုံးသပ်ထားပါတယ်။

ဦးကျော်ဇံသာ ။ ။ အခု မြန်မာပြည်မှာ ရပ်ဆိုင်းခဲ့တဲ့ မြစ်ဆုံတာတမံ စီမံကိန်းကို တရုတ်ဘက်က ပြန်ပြီးစတင်ချင်တဲ့ လေသံပြစ်နေတာ တွေ့ရပါတယ်။ ဘယ်လောက် ဖြစ်နိုင်မယ် ထင်ပါသလဲ … ဒီ စီမံကိန်း ပြန်စဖို့အတွက်။

Ms. Yun Sun ။ ။ တရုတ်ဟာ မြစ်ဆုံစီမံကိန်းကို ပြန်စဖို့ စိတ်ဝင်စားတာ သေချာပါတယ်။ တချိန်တည်းမှာပဲ ပြီးခဲ့တဲ့ ရက်သတ္တပတ် အတော်ကြာအတွင်းက တရုတ်သံအမတ်ကြီး ပြောတာကိုကြည့်မယ်ဆိုရင် သတိထားပြီး သုံးနှုန်းသွားတာကို တွေ့ရပါတယ်။ Proper resolution ကောင်းမွန်တဲ့ ပြေလည်မှု လိုချင်တယ်လို့ ဆိုပါတယ်။ ဒီ စီမံကိန်းကို ပြန်စမယ်။ NLD အစိုးရက ပူးပေါင်းဆောင်ရွက်မယ်လို့တော့ မဆိုလိုပါဘူး။ မြန်မာအကြောင်း နုားလည်တဲ့ တရုတ်မူဝါဒ ချမှတ်သူတွေကတော့ မြစ်ဆုံစီမံကိန်း ပြန်စဖို့ သိပ်မဖြစ်နိုင်ဘူးဆိုတာကို ကောင်းကောင်းသဘောပေါက်ကြပါတယ်။ ဆိုတော့ မြန်မာတွေ ဒီလောက် ခါးသီးနေတာကို တရုတ်က ဘာကြောင့်တွန်းနေရသလဲလို့ မေးစရာရှိပါတယ်။ NLD အစိုးရသစ် တက်လာလို့ ဒါကို စူးစမ်းတဲ့သဘော ဖြစ်ပါလိမ့်မယ်။ မဖြစ်နိုင်ဘူးဆိုရင်လဲ တရုတ်တို့ဘက်က လက်ခံဖို့ အဆင်သင့်ပဲလို့ ထင်ပါတယ်။

ဦးကျော်ဇံသာ ။ ။ ဆိုတော့ ဒီ စီမံကိန်း ပြန်စဖို့ မဖြစ်နိုင်ဘူး။ ဒီ စီမံကိန်းကို ရပ်ဆိုင်းလိုက်တော့မယ်လို့ဆိုရင် မြန်မာဘက်က တရုတ်ကို လျော်ကြေး ပေးရမလား။ အဲဒီတော့ လျော်ကြေးက ဘယ်လောက်ပေးရမလဲ။ ဘယ်လို ပေးရမလဲ။ ငွေကြေးနဲ့ ပေးရမလား။ ဒါမှမဟုတ် အစားထိုး စီမံကိန်းတခုခု လုပ်ခွင့်ပေးရမလား။ ဘယ်လို ပုံစံမျိုးနဲ့ ဖြေရှင်းမလဲ။

Ms. Yun Sun ။ ။ ကျမကတော့ ပေးရမယ်လို့ ထင်ပါတယ်။ ၂၀၁၅ မှာ တရုတ် ရင်းနှီးမြှုပ်နှံသူတွေနဲ့ ဦးသိန်းစိန်အစိုးရတို့ သဘောတူညီခဲ့တာ ရှိပါတယ်။ စီမံကိန်းကို ဖျက်သိမ်းမယ်ဆိုရင် အနည်းဆုံး သုံးပြီးသားကုန်ကျစရိတ်တွေကို ပြန်လျော်ပေးရမှာ ဖြစ်ပါတယ်။ ဆိုတော့ တရုတ်ဘက်က ကုန်ကျသမျှ ပြန်ရမယ်ဆိုတာ စိတ်ချပြီးသာပါ။ ဘယ်လောက် သုံးထားပြီလဲဆိုတာတော့ အတိအကျ မသိပါဘူး။ တော်တော်တော့များပါတယ်။ ဒီအတွက် တရုတ် CPI ကုမ္ပဏီဟာ ဘဏ်တွေ တခြားအဖွဲ့အစည်းတွေဆီက ငွေသားနဲ့ယူတာ၊ စိတ်ယန္တရားတွေ ယူတာကိုတော့ ငွေသားနဲ့ အမေရိကန်ဒေါ်လာနဲ့ ပြန်ပေးရလိမ့်မယ်လို့ ထင်ပါတယ်။ မြစ်ဆုံတမံအတွက် သက်သက်ကုန်ကျတာကိုတော့ တခြားစီမံကိန်းတွေထဲ ပြောင်းထည့်နိုင်ပါတယ်။

ဦးကျော်ဇံသာ ။ ။ တခြားစီမံကိန်းတွေဆိုလို့ ကျနော် မေးရအုံးမယ်။ အဲဒီ တခြားစီမံကိန်းတွေဖြစ်ကြတဲ့ လက်ပံတောင်းကြေးနီ စိမံကိန်း။ ရခိုင်ကျောက်ဖြူ ဓါတ်ငွေ့ပိုက်လိုင်းကိစ္စ။ ဒီ စီမံကိန်းတွေနဲ့ ပတ်သက်လို့ မြန်မာပြည်သူတွေက သိပ်ပြီးတော့ ကျေနပ်ကြတာ မဟုတ်ဘူး။ အကုန်လုံး ဒီကိစ္စတွေကလဲ မမျှတဘူးဆိုပြီး ညည်းညူနေကြတယ်လို့ ကြားရပါတယ်။

Ms. Yun Sun ။ ။ မြန်မာပြည်သူတွေလို့ ပြောလိုက်တာကတော့ သိပ်ပြီးတော့ ယေဘုယျဆန်လွန်တယ်လို့ ထင်ပါတယ်။ စစ်အစိုးရကို အားပေးလို့ တရုတ်ကို မြန်မာပြည်သူတွေ မကျေနပ်ကြဘူး။ ခံပြင်းကြတယ်။ ဒါပေမဲ့ တရုတ်နဲ့ ဆက်ဆံရေးကနေ အကျိုးအမြတ် ရရှိနေသူတွေ၊ စီးပွားရေး၊ နိုင်ငံရေး၊ အထက်လွှာတွေလည်း ရှိပါတယ်။ ဆိုတော့ မြန်မာပြည်သူအားလုံး တရုတ်ကို ဆန့်ကျင်တယ်ဆိုတာတော့ ကျမ လက်မခံနိုင်ပါဘူး။ လက်ပံတောင်းကြေးနီစီမံကိန်းကို လူတွေ ကန့်ကွက်ကြတာ မှန်ပါတယ်။ ဒါပေမဲ့ ဒေါ်အောင်ဆန်းစုကြည် ဦးဆောင်စုံစမ်းပြီးတော့ ဆက်လုပ်ဖို့ တင်ပြထားပြီးပါပြီ။ တရုတ်ဘက်ကတော့ အခြေအနေကို သုံးသပ်ပြီး ဆက်လုပ်မယ်။ ပေးနိုင်တာလည်း အများကြီးပါ။ ဆိုတော့ မြန်မာနိုင်ငံဟာ တရုတ်ကို လုံးဝဖယ်ထုတ်ပြစ်ချင်သလား။ ဒါမှမဟုတ် တရုတ်တို့လုပ်ရပ်ကို ထိန်းကွပ်ပြီးတော့ နှစ်ဘက်အကျိုးတူ ဆက်ပြီးတော့ လုပ်ကြမလားဆိုတာ မြန်မာလူထု ဖြေရမယ့် မေးခွန်းပါ။

ဦးကျော်ဇံသာ ။ ။ မြန်မာတွေက တရုတ်ကို ဆန့်ကျင်တယ်။ မြန်မာတွေဟာ တရုတ်ဆန့်ကျင်ရေးစိတ်ဓါတ်နဲ့ ဒီ စီမံကိန်းတွေကို ကန့်ကွက်နေကြတယ်ဆိုတာလဲ မမှားပါဘူး။ ဒါပေမဲ့ ကျနော် ပြောချင်တာက တရုတ်တွေ လုပ်နေတဲ့ စီမံကိန်းတွေ ကိုယ်နှိုက်က သဘာဝပတ်ဝန်းကျင်တွေ ထိခိုက်စေတာ၊ ဒေသခံတွေ ဘဝပျက်ရတာတွေ အများကြီး ရှိနေပါတယ်။ ဆိုတော့ ဒီပြဿနာတွေကို မြန်မာနိုင်ငံမှာ တက်လာမယ့် NLD အစိုးရသစ်နဲ့ တရုတ်တို့ ဘယ်လို ပူးပေါင်းပြီးတော့ ကိုင်တွယ်ကြမလဲ။ ညှိနှိုင်းကြမလဲဆိုတာကို သိချင်ပါတယ်။

Ms. Yun Sun ။ ။ တရုတ်မို့လို့ ဆန့်ကျင်တာတော့ မဟုတ်ပါဘူး။ တရုတ် ရင်းနှီးမြှုပ်နှံတာ လိုချင်တယ်။ ဒါပေမဲ့ စီမံကိန်းမကောင်းလို့ ဆန့်ကျင်တာဆိုရင်တော့ တရုတ်တို့နဲ့ ညှိနှိုင်းရမှာ ဖြစ်ပါတယ်။ Sustainable ဖြစ်စေချင်တဲ့ သဘာဝပတ်ဝန်းကျင် မပျက်ပြုန်းစေချင်ဘူး။ ဒေသဖွံ့ဖြိုးစေချင်တယ်ဆိုတာတွေ ရအောင် တောင်းဆိုရမှာပါ။ ဒါပေမဲ့ စီမံကိန်းက ဘယ်လိုဖြစ်နေနေ၊ တရုတ်မို့လို့ မလိုချင်ဘူးဆိုရင် ညှိနှိုင်းစရာအကြောင်းကို မရှိတော့ပါဘူး။

ဦးကျော်ဇံသာ ။ ။ ဒီနေရာမှာ တရုတ်တွေရဲ့  ရင်းနှီးမြှုပ်နှံမှုက မြန်မာနိုင်ငံအတွက် ဘယ်လောက် အရေးကြီးပါလဲ။ တရုတ်ကိုယ်တိုင်က မြန်မာကို မယုံကြည်တော့လို့။ မရင်းနှီး မမြှုပ်နှံတော့ဘူးဆိုရင် ကျန်ရင်းနှီးမြှုပ်နှံမယ်သူတွေအတွက် လက်တွန့်သွားစရာ ဖြစ်မယ်လို့ သုံးသပ်သူတွေ ရှိကြပါတယ်။

Ms. Yun Sun ။ ။ ပြီးခဲ့တဲ့ ဆယ်စုနှစ်အတွင်းမှာတော့ အားလုံးကို ခြုံပြောရမယ်ဆိုရင် မြန်မာနိုင်ငံမှာ တရုတ်ရဲ့  တိုက်ရိုက်ရင်းနှီးမြှုပ်နှံမှုဟာ (၃၀) ရာခိုင်နှုန်းရှိပြီး၊ အများဆုံး ဖြစ်ပါတယ်။ ဒါပေမဲ့ တနှစ်ချင်းကို ကြည့်မယ်ဆိုရင်တော့ တရုတ်ဟာ ယမန်နှစ်တုန်းက နံပတ် (၆) (၇) နေရာမှာပဲရှိမှာ ထင်ပါတယ်။ နောက်ရောက်နေပါတယ်။ မြစ်ဆုံစီမံကိန်း ရပ်ဆိုင်းထားတာ၊ တခြား စီမံကိန်းတွေ ဆန့်ကျင်မှုတွေနဲ့ ရင်ဆိုင်ရလို့ ဖြစ်ပါတယ်။ တရုတ် စီးပွားရေးလုပ်ငန်းတွေ မြန်မာနိုင်ငံမှာ ရင်းနှီးမြှုပ်နှံရမှာ စိုးရိမ်နေကြပါတယ်။ သူတို့ကို မြန်မာဒေသခံတွေက မကြိုက်ဘူးဆိုတာ သိထားကြပါတယ်။ ဆိုတော့ မြန်မာနိုင်ငံမှာထက် လာအိုနိုင်ငံမှာ လုပ်တာ ကောင်းမယ်လို့ စဉ်းစားကြမှာပါ။ တခြား အရှေ့ တောင်အာရှနိုင်ငံတွေဆီကိုလည်း တရုတ် စီးပွားရေးတွေ သွားနိုင်ပါတယ်။

ဦးကျော်ဇံသာ ။ ။ ကျနော်အနေနဲ့ စီးပွားရေး အကျိုးစီးပွားကို အဓိကထား မေးတယ်ဆိုပေမယ့် ဒီနေရာမှာ မဟာဗျူဟာကိစ္စကိုလည်း မေးပါရစေခင်များ။ ဒေါ်အောင်ဆန်းစုကြည်ဟာ အစကတည်းက အနောက်ဘက်ကို ယိမ်းတယ်။ အခု မြန်မာနိုင်ငံမှာ ဖော်ဆောင်နေတဲ့ နိုင်ငံရေးစနစ်ဟာလဲ အနောက်တိုင်း ဒီမိုကရေစီပုံစံ ဖြစ်တယ်ဆိုပြီး လူတွေ ပြောကြပါတယ်။ မှန်လဲမှန်ပါတယ်။ ဆိုတော့ တရုတ်က ဒါကို လိုလားပါ့မလား။ တနည်းအားဖြင့် တရုတ်ရဲ့  မဟာဗျူဟာ၊ အကျိုးစီးပွားဟာ မြန်မာနိုင်ငံမှာ အနောက်တိုင်းပုံစံ ဒီမိုကရေစီအစိုးရတရပ် ထွန်းကားလာတဲ့အတွက် ထိခိုက်မသွားနိုင်ဘူးလား။

Ms. Yun Sun ။ ။ ဒီကိစ္စမှာ ပြဿနာ တော်တော်များများ အကြုံဝင်နေပါတယ်။ တရုတ်ဟာ NLD အစိုးရနဲ့ ဆက်ဆံရေးကောင်းဖို့ သိပ်ကို လိုလားတယ်ဆိုတာ ဦးစွာ ပြောချင်ပါတယ်။ ဒေါ်အောင်ဆန်းစုကြည်နဲ့လည်း သိပ်ကောင်းမွန်တဲ့ ဆက်ဆံရေးကို လိုလားပါတယ်။ ဒါဟာ အမေရိကန်နဲ့အပြိုင် မြန်မာနိုင်ငံအပေါ် သြဇာညောင်းချင်လို့ချည်း မဟုတ်ပါဘူး။ မဟာဗျူဟာအရ မြန်မာနိုင်ငံ ပါဝင်ပတ်သက်နေလို့လည်း ဖြစ်ပါတယ်။ အိန္ဒိယ သမုဒ္ဒရာ ထိုးဖောက်ရေးဗျူဟာမှာ တရုတ်အတွက် မြန်မာနဲ့ ပါကစ္စတန် နှစ်နိုင်ငံပဲ ရှိပါတယ်။ ပါကစ္စတန်ပြည်တွင်း၊ နိုင်ငံရေးက မတည်မငြိမ်ဘူး။ မြန်မာက ပိုပြီးအဆင်ပြေပါတယ်။ နောက် တရုတ်နိုင်ငံရဲ့  One Belt, One Road ခါးပတ်လမ်း စီမံကိန်းမှာလည်း မြန်မာက အရေးပါပါတယ်။ တောင်တရုတ်ပင်လယ် အငြင်းပွားမှုမှာ မြန်မာဟာ အငြင်းပွားနိုင်ငံတော့ မဟုတ်ပါဘူး။ ဒီအပေါ် မြန်မာအစိုးရသစ်လက်ထက် ရပ်တည်မှု ပြောင်းလဲနိုင်ပါတယ်။

ဦးကျော်ဇံသာ ။ ။ ဒီနေရာမှာ အိန္ဒိယဟာလဲ မြန်မာနိုင်ငံအပေါ်ကို မဟာဗျူဟာအရ စိတ်ဝင်စားမှု ရှိမယ်လို့ ထင်ပါတယ်။ ဆိုတော့ အင်အားကြီးတဲ့ အိန္ဒိယ နဲ့ တရုတ် နိုင်ငံအကြား မြန်မာနိုင်ငံအနေနဲ့ သတိထားလျှောက်လှမ်းရမယ့် အခြေအနေလဲ ဖြစ်နေရမယ်လို့ ဆိုရမှာပေါ့။

Ms. Yun Sun ။ ။ ဟုတ်ပါတယ် .. ဒီကိစ္စမှာတော့ တရုတ်ရှုထောင့် နဲ့ မြန်မာရှုထောင့် အများကြီး ကွာတယ်လို့တော့ ကျမ ထင်ပါတယ်။ မြန်မာဘက်က သူတို့ဟာ အင်အားကြီး နှစ်နိုင်ငံအကြား ညှပ်ပိနေတယ်လို့ မြင်ပါတယ်။ တရုတ်ဘက်ကကြတော့ မြန်မာနိုင်ငံနဲ့ ပတ်သက်ပြီး အိန္ဒိယကို ပြိုင်ဘက်လို့ မမြင်ပါဘူး။ မြန်မာနိုင်ငံအပေါ် တရုတ်ရဲ့  ရင်းနှီးမြှုပ်နှံမှု၊ တရုတ်ရဲ့  လွှမ်းမိုးမှုတွေနဲစာရင် အိန္ဒိယက ဘာမှမဆိုလောက်ပါဘူး။ တရုတ်က အဓိက ပြိုင်ဘက်လို့မြင်တာက အမေရိကန်ပဲ ဖြစ်ပါတယ်။ အိန္ဒိယက အခု အရှေ့ မျှော်ဝါဒ (Look East) မဟုတ်ဘဲနဲ့ အရှေ့ မှာ လှုပ်ရှားရေးဝါဒ (Act East) ဆိုပြီးတော့ ပိုမိုတက်ကြွတဲ့မူဝါဒ ချမှတ်လာပါတယ်။ ကျမတို့ စောင့်ကြည့်နေရအုံးမှာပါ။

ဦးကျော်ဇံသာ ။ ။ နောက်ဆုံး မေးချင်တဲ့ အကြောင်းအရာတခုက တရုတ်က ဘာကြောင့် UWSA တပ်ဖွဲ့၊ ကိုးကန့်တပ်ဖွဲ့တို့ကို အားပေးအားမြှောက် လုပ်နေရသလဲဆိုတာပဲ ဖြစ်ပါတယ်။ ဒါဟာ မြန်မာနိုင်ငံရဲ့  ငြိမ်းချမ်းရေးကို အဟန့်အတား လုပ်နေသလို ဖြစ်မနေဘူးလား။

Ms. Yun Sun ။ ။ သိပ်အရေးကြီးတဲ့ မေးခွန်းပါ။ ဒီသူပုန်တွေနဲ့ တရုတ် ဘာကြောင့် ဆက်ဆံနေလဲဆိုတော့ ဒီ ဆက်ဆံရေးတွေဟာ ဆယ်စုနှစ်နဲ့ချီ ရှိလာခဲ့ပါပြီ။ ဒီသူပုန်တွေဟာ တရုတ်နဲ့ ပုဂ္ဂိုလ်ရေးအရ ရင်းနှီးတဲ့ဆက်ဆံမှု၊ စီးပွားရေး ဆက်နွယ်မှု၊ နိုင်ငံရေးအရ ဆွေးနွေးဆက်ဆံမှုတွေ ရှိနေပါတယ်။ ဒါဟာ အဲဒီဒေသတွေမှာ ဆယ်စုနှစ်တွေနဲ့ချီ ကြာမြင့်လာခဲ့ပါပြီ။ ဒီအခြေအနေကို နောက်ပြန်လှည့်ဖို့ဆိုတာ အဲဒီဒေသအတွင်း အခြေအနေတွေ အပြောင်းအလဲတရပ်ရပ်။ ဒါမှမဟုတ် တရုတ်အကျိုးစီးပွား ဖြစ်ထွန်းနိုင်တဲ့အခြေအနေ၊ အပြောင်းအလဲတရပ်ရပ်၊ တကယ်ဖြစ်ပေါ်လာမှပဲ ပြန်လှည့်နိုင်မယ်လို့ ထင်ပါတယ်။ တချိန်တည်းမှာပဲ တရုတ်နိုင်ငံဘက်မှာ အသံတချို့  ကြားနေရတယ်။ မြန်မာအစိုးရက ငါတို့နဲ့ ပူးပေါင်းဆောင်ရွက်တာ မလိုလားဘူးဆိုရင်တော့ ငါတို့အနေနဲ့ မြန်မာနဲ့ ဆက်ဆံရေး အလျှော့အတင်း လုပ်နိုင်အောင်လို့ ဒီသူပုန်တွေကို ကိုင်ထားရမယ်ဆိုတဲ့ အသံတွေပါ။ မြန်မာကို ထိန်းကွပ်ရာမှာ ဒီအင်အားစုတွေဟာ တကယ်ထိရောက်တဲ့ ကရိယာတွေလို့ တရုတ်ဘက်က တချို့ က ယုံကြည်ထားကြပါတယ်။

ဦးကျော်ဇံသာ ။ ။ ဒါပေမဲ့ တရုတ်ဟာ တချိန်က ဗကပ ဗမာပြည်ကွန်မြူနစ်ပါတီကို ထောက်ခံအားပေးခဲ့ပေမယ့် နောက်ပိုင်းမှာ လုံးဝရပ်ပစ်လိုက်တယ်။ အခုကော မြန်မာနိုင်ငံအပေါ်မှာ တကယ်တမ်း စေတနာရှိတယ်။ မြန်မာနိုင်ငံ ငြိမ်းချမ်းဖွံ့ဖြိုးတိုးတက်စေချင်တယ်ဆိုရင် ဒီသူပုန်တွေကို ထောက်ပံ့အားပေးနေတာကို ဘာကြောင့် မရပ်တန့်နိုင်သလဲ။

Ms. Yun Sun ။ ။ ရှင် ပြောတာနဲ့ ပတ်သက်ပြီးတော့ တရုတ်ဘက်က တုံ့ပြန်ချက်ကတော့ စစ်အစိုးရလက်ထက်တုန်းက ငါတို့ဟာ ဗမာပြည်ကွန်မြူနစ်ပါတီကို ထောက်ခံခဲ့တာကို ရပ်ဆိုင်းပစ်လိုက်တယ်။ ဒါကြောင့် ဗကပ ပြိုကွဲကျဆုံးသွားခဲ့တယ်။ ပြီးတော့ မင်းတို့ကို ငါတို့ နှစ် (၂၀) ကျော် ကူညီထောက်ခံပေးခဲ့တယ်။ ကုလသမဂ္ဂရဲ့  အပြစ်ပေးဒဏ်ခတ်မယ့် ဆုံးဖြတ်ချက်ကိုတောင်မှ ငါတို့က ဗီတို သုံးပြီးတော့ ပယ်ချပေးခဲ့တယ်။ ဒါပေမဲ့ ငါတို့အတွက် ဘာအကျိုးရှိသလဲ။ ငါတို့ စီမံကိန်းတွေကိုတောင် မင်းတို့ ရပ်ဆိုင်းပြစ်ခဲ့တယ်။ မင်းတို့ အမေရိကန်ဘက်ကို မျက်နာလှည့်သွားတယ်။ ဆိုတော့ မြန်မာနိုင်ငံအတွက် ဒီထက်တော့ ငါတို့ ပိုမလုပ်ပေးနိုင်တော့ဘူးလို့ တရုတ်ဘက်က စောဒကတက်ကြမှာ ဖြစ်ပါတယ်။ ဒါကိုကြည့်မယ်ဆိုရင် နယ်စပ်တိုင်းရင်းသားတချို့ ကို အသုံးချပြီးတော့ မြန်မာနိုင်ငံအပေါ် ထိန်းညှိသင့်တယ်လို့ တရုတ်တချို့ ရဲ့  အယူအဆအချက်ကိုလည်း နားလည်နိုင်မယ်လို့ ကျမ ထင်ပါတယ်။

ဦးကျော်ဇံသာ ။ ။ ဒါပေမဲ့ မြန်မာတွေကတော့ တရုတ်တွေကြောင့် သူတို့နိုင်ငံမှာ ဘာမှမကျန်တော့ဘူး။ သယံဇာတတွေ ကုန်ပြီ၊ ကျောက်စိမ်း၊ ရေနံ၊ ကျွန်းသစ် အကုန်လုံး ပြောင်တလင်းခါပြီဆိုပြီး ညည်းညူကြပါတယ်။ ဒါကို မမျှတဘူး။ တရုတ်က တဘက်သတ် အမြတ်ထုတ်သွားကြတယ်လို့ သတ်မှတ်နေကြတာပါ။ ဒီကိစ္စကို တရုတ်က ဘာပြန်ပြောမလဲ။

Ms. Yun Sun ။ ။ တရုတ်တို့ဘက်က ပြန်ပြောမှာကတော့ စစ်အစိုးရလက်အောက်မှာတုန်းက မြန်မာနိုင်ငံဟာ နိုင်ငံတကာရဲ့  ဒဏ်ခတ်အရေးယူမှုကို ခံနေရတာပါ။ မြန်မာနိုင်ငံအနေနဲ့ နိုင်ငံတကာ ထောက်ခံမှုရဖို့ တခြားရွေးချယ်စရာ နည်းလမ်းလည်း မရှိပါဘူး။ တရုတ်ဟာ ကုလသမဂ္ဂ လုံခြုံရေးကောင်စီ အမြဲတမ်းအဖွဲ့ဝင်နိုင်ငံလည်း ဖြစ်ပါတယ်။ မြန်မာနိုင်ငံ အရေးယူခံရမယ့်ကိစ္စကို တရုတ်ကသာ ဗီတိုသုံး ပယ်ချနိုင်ပါတယ်။ အိန္ဒိယ နဲ့ အာဆီယံတို့ မလုပ်နိုင်ပါဘူး။ ဆိုတော့ မြန်မာနိုင်ငံအဖို့ မိတ်ဆွေကင်းမဲ့နေတဲ့အချိန် ငါတို့ ကူညီခဲ့တယ်။ ငါတို့ စီးပွားရေး စီမံကိန်းတွေအတွက်လည်း မင်းတို့ လုပ်ကိုင်ခဲ့တယ်။ ဒါဟာ မျှတတယ်လို့ ပြောကြမှာပါ။ တကယ်ပဲ တရုတ်တွေက ကျမကို ပြောကြပါတယ် ငါတို့မှာ ရွေးစရာ အများကြီး။ မြန်မာမှာ ငါတို့မှတပါး ရွေးစရာ မရှိခဲ့ဘူးလို့ ကျမက တရုတ်နိုင်ငံ ကိုယ်စားပြုပြီးတော့ ပြောနေတာ မဟုတ်ပါဘူး။ သုတေသီတဦးသာ ဖြစ်ပါတယ်။

ဦးကျော်ဇံသာ / ဗွီအိုအေ (မြန်မာပိုင်း)
http://burmese.voanews.com


မြန်မာနိုင်ငံ သမ္မတအဖြစ် မနေ့က ကျမ်းသစ္စာကျိန်ဆိုလိုက်တဲ့ ဦးထင်ကျော်ကို ချီးကျူးဂုဏ်ပြုကြောင်း အမေရိကန်ပြည်ထောင်စု၊ ဗြိတိန်နဲ့ ကုလသမဂ္ဂ အပါအ၀င် နိုင်ငံတကာ အစိုးရတွေက ဆက်တိုက်ဆိုသလို ထုတ်ဖော် ပြောဆိုနေကြပါတယ်။

တချိန်ထဲမှာပဲ မြန်မာနိုင်ငံ ဒီမိုကရေစီ ဖော်ဆောင်လုပ်ငန်းတွေအတွက် အစိုးရသစ်ကို ဆက်လက် ကူညီ ပံ့ပိုးပေးသွားမယ်လို့လည်း ပြောဆိုကြပါတယ်။ အပြည့်အစုံကိုတော့ ကိုဇော်ဝင်းလှိုင်က စုစည်း တင်ပြပေးထားပါတယ်။

မနေ့ မတ်လ ၃၀ ရက်နေ့ မနက်ပိုင်းက ပြည်ထောင်စု လွှတ်တော်မှာ ပြုလုပ်တဲ့ ကျမ်းသစ္စာ ကျိန်ဆိုပွဲအပြီး နိုင်ငံတော်သမ္မတသစ် ဦးထင်ကျော်က တိုင်းပြည်ကို ပထမဆုံးအကြိမ်အဖြစ် မိန့်ခွန်း ပြောကြားခဲ့တာမှာ အစိုးရသစ်အနေနဲ့ အမျိုးသားရင်ကြားစေ့ရေး၊ ပြည်တွင်း ငြိမ်းချမ်းရေး၊ ဒီမိုကရေစီ ဖက်ဒရယ်ပြည်ထောင်စု ပေါ်ပေါက်ရေး စတာတွေကို ဦးစားပေး လုပ်ဆောင်သွားမယ်လို့ ပြောကြားခဲ့ပါတယ်။

"ဒီနေ့ ဒီအချိန်မှာ လေးနက်စွာတင်ပြလိုတဲ့ အချက်တခုရှိပါတယ်။ ဒီအချက်ကတော့ မကြာမီကပဲ ကျနော်ဟာ နိုင်ငံတော်သမ္မအဖြစ် ကတိသစ္စာပြုခဲ့ပြီးဖြစ်ပါတယ်။ အဲဒီကတိသစ္စာကို ထိန်းသိမ်းစာင့်ရှောက်ရမယ့် တာဝန်ရှိကြောင်းကိုလည်း အစဉ်သတိချပ်နေမှာဖြစ်ပါတယ်။ ဒါ့အပြင် နိုင်ငံတော်နဲ့ သင့်တော်မယ့် ဒီမိုကရေစီစံချိန်စံညွန်းများနဲ့ကိုက်ညီတဲ့ ဖွဲ့စည်းပုံအခြေခံ ဥပဒေတရပ် ဖြစ်ပေါ်လာရေးအတွက်လည်း ဆောင်ရွက်ရမယ့် တာဝန်ရှိပါတယ်။ နှစ်ရှည်လများ ပြည်သူလူထုလိုလား တောင်းတနေတဲ့ ဒီနိုင်ငံရေးရည်မှန်းချက် အကောင်အထည် ပေါ်လာရေးအတွက် စိတ်ရှည်သီးခံပြီး ဆောင်ရွက်သွားရမယ် ဆိုတာကိုလည်း သိနားလည်ထားပါတယ်။ နိဂုံးချုပ်အားဖြင့် တင်ပြချင်တာကတော့ ယခု ပေါ်ပေါက်လာတဲ့ ပြည်ထောင်စု အစိုးရအဖွဲ့ဟာ ပြည်သူလူထုရဲ့ မျှော်လင့်ချက်များ၊ ဆန္ဒများ ပြည့်ဝစေရန် မမှိတ်မသုန် ကြိုးပမ်းဆောင်ရွက် သွားမှာဖြစ်ကြောင်း အလေးအနက် ပြောကြားလိုခြင်းဖြစ်ပါတယ်။"

သမ္မတ ဦးထင်ကျော် ဦးဆောင်တဲ့ မြန်မာအစိုးရအဖွဲ့သစ် အစိုးရလုပ်ငန်းတာဝန်တွေ တရားဝင် လွှဲပြောင်းရယူပြီး ပြည်ထောင်စု လွှတ်တော်မှာ ကျမ်းသစ္စာကျိန်ဆိုတဲ့နေ့မှာပဲ အမေရိကန်သမ္မတ Barack Obama က ဦးထင်ကျော်ကို ချီးကျူးဂုဏ်ပြုကြောင်း ပြောကြားလိုက်ပြီး - ဦးထင်ကျော် သမ္မတအဖြစ် ကတိသစ္စာ ပြုလိုက်တာဟာ ဒီမိုကရေစီနည်းကျ ရွေးကောက်တင်မြှောက်တဲ့၊ အရပ်သားဦးဆောင်တဲ့ အစိုးရအဖွဲ့တခုဆီ မြန်မာနိုင်ငံရဲ့ အသွင်ကူးပြောင်းရေးမှာ သမိုင်းမှတ်တိုင် တခုဖြစ်ကြောင်း၊ မြန်မာ့သမိုင်းမှာ အင်မတန်ထူးခြားတဲ့ အခု အချိန်ကာလဟာ လူထု၊ နိုင်ငံတွင်း အဖွဲ့အစည်းတွေ၊ ငြိမ်းချမ်းစွာ အာဏာလွှဲပြောင်းရေး ဖြစ်ပေါ်စေဖို့ အတူတကွ လုပ်ဆောင်ခဲ့ကြတဲ့ ခေါင်းဆောင်တွေရဲ့ ပြယုဂ်သက်သေဖြစ်ကြောင်း၊ ဒါဟာ ၂၀၁၁ ခုနှစ်ကတည်းက လုပ်ဆောင်လာတဲ့ ပြုပြင်ပြောင်းလဲရေးရဲ့ အရေးပါမှုကို ကိုယ်စားပြုကြောင်း သမ္မတ အိုဘားမားက ပြောကြားချက်ကို အိမ်ဖြူတော်က ကြေညာချက် ထုတ်ပြန်ခဲ့ပါတယ်။

တချိန်ထဲမှာပဲ အမေရိကန်နိုင်ငံခြားရေးဌာနကလည်း သမ္မတသစ် ဦးထင်ကျော်ကို ချီးကျူး ဂုဏ်ပြုကြောင်း ကြေညာချက်ထုတ်ပြန်ခဲ့ပါတယ်။ Ana Richey-Allen ဟာ အမေရိကန်နိုင်ငံခြားရေးဌာနက အရှေ့အာရှဆိုင်ရာ အရာရှိတဦးပါ။ သူက အမေရိကန်အစိုးရက သမ္မတသစ်ကို ချီးကျူး ဂုဏ်ပြုကြောင်း နိုင်ငံခြားရေးဌာနက ထုတ်ပြန်တဲ့ ကြေညာချက်ကို အခုလို ဖတ်ကြားပြခဲ့ပါတယ်။

“သမ္မအဖြစ် ကျမ်းသစ္စာကျိန်ဆိုလိုက်တဲ့ ဦးထင်ကျော်ကို အမေရိကန်ပြည်ထောင်စုအနေနဲ့ ချီးကျူး ဂုဏ်ပြုပါတယ်။ ဒါဟာ မြန်မာနိုင်ငံ ဒီမိုကရေစီ ပြုပြင်ပြောင်းလဲရေး လုပ်ငန်းစဉ်အတွက် သမိုင်း မှတ်ကျောက်တင်ရမယ့် အခါသမယ ဖြစ်ပါတယ်။ အရပ်သားဦးဆောင်တဲ့ အစိုးရတစ်ရပ် ဖွဲ့စည်းပြီး အာဏာကို ငြိမ်းချမ်းစွာ လွှဲပြောင်းလိုက်နိုင်တာဟာ မြန်မာနိုင်ငံသမိုင်းမှာ ၀ိသေသ ထူးခြားတဲ့ အချိန်အခါ ဖြစ်ပါတယ်။ မြန်မာနိုင်ငံ ဒီမိုကရေစီ ပြုပြင် ပြောင်းလဲရေးလုပ်ငန်းစဉ်တွေ အပါအ၀င် စီးပွားရေး ဖွံ့ဖြိုးတိုးတက်မှု ဖြစ်စေမယ့် အစီအစဉ်တွေ ချမှတ်နိုင်ရေး၊ လူ့အခွင့်အရေးအခြေအနေ တိုးတက်ကောင်းမွန်ရေး၊ အမျိုးသားပြန်လည် ရင်ကြားစေ့ရေး စတဲ့ ကိစ္စတွေမှာ အစိုးရသစ်နဲ့ လက်တွဲ လုပ်ဆောင်သွားဖို့ အမေရိကန်ပြည်ထောင်စုအနေနဲ့ မျှော်လင့်ပါတယ်။”

ကုလသမဂ္ဂ အတွင်းရေးမှူး ဘန်ကီမွန်းကလည်း နှစ်ပေါင်း ၅၀ ကျော်အတွင်း အရပ်သားသမ္မတအဖြစ် ဦးထင်ကျော်ကို ရွေးချယ် တင်မြောက်လိုက်တာဟာ မြန်မာနိုင်ငံအတွက် အင်မတန် ထူးခြားတဲ့အခါသမယဖြစ်တယ်လို့ယူဆကြောင်း အတွင်းရေးမှူးချုပ် ဘန်ကီမွန်းရဲ့ ပြောခွင့်ရပုဂ္ဂိုလ် Stephane Dujarric က ပြောပါတယ်။

“မြန်မာနိုင်ငံမှာ သမ္မတသစ်ကို ရွေးချယ် တင်မြှောက်လိုက်တာဟာ ဒီမိုကရေစီဖော်ဆောင်ရေး လုပ်ငန်းစဉ်မှာ ထူးခြားတဲ့ အခါသမယဖြစ်တယ်လို့ အတွင်းရေးမှူးချုပ် ဘန်ကီမွန်းက ယူဆပါတယ်။ အခုသမ္မတဟာ မြန်မာနိုင်ငံမှာ နှစ်ပေါင်း ၅၀ ကျော်အတွင်း ပထမဆုံး အရပ်သားသမ္မတဖြစ်တယ်ဆိုတာကို မမေ့သင့်ပါဘူး။ ဒါဟာ ကြီးမားတဲ့ အောင်မြင်မှုတခု ဖြစ်ပါတယ်။ မြန်မာနိုင်ငံမှာ ပြုပြင် ပြောင်းလဲမှုတွေ လုပ်ဆောင်ဖို့ မနှစ် နိုဝင်ဘာ ၈ ရက်နေ့မှာ ကျင်းပခဲ့တဲ့ ရွေးကောက်ပွဲကတဆင့် လူထုက ပြတ်ပြတ်သားသား ဆန္ဒပြုလိုက်တယ်ဆိုတာကို ပြသနေတာလည်း ဖြစ်ပါတယ်။ မြန်မာနိုင်ငံမှာ တိုင်းရင်းသားလူမျိုးစုံနဲ့ မတူညီတဲ့ ဘာသာကိုးကွယ်သူတွေ အားလုံးပါဝင်တဲ့ တက်ကြွ လန်းဆန်းတဲ့ တိုင်းပြည်တခုဖြစ်လာရေးအတွက် မြန်မာနိုင်ငံမှာ ကြီးမားတဲ့ အခွင့်အလန်းတွေ ရှိနေပါတယ်။”

ဒါ့အပြင် တိုင်းပြည်တွင်း လူမှု စီးပွား စတဲ့ ဘက်စုံဖွံ့ဖြိုးတိုးတက်ရေးအတွက် လုပ်ဆောင်နေတဲ့ မြန်မာအစိုးရကို ကုလသမဂ္ဂအနေနဲ့ ဆက်လက် ကူညီ ပံ့ပိုးပေးသွားမှာ ဖြစ်တယ်လို့ အတွင်းရေးမှူးချုပ် ဘန်ကီမွန်းက ပြောကြားခဲ့တယ်လို့ Stephane Dujarric က ပြောပါတယ်။

ဗြိတိန်နိုင်ငံ နိုင်ငံခြားရေးဝန်ကြီး Philip Hammond ကလည်း သမ္မတသစ်အဖြစ် ကျမ်းသစ္စာကျိန်ဆိုလိုက်တဲ့ ဦးထင်ကျော်ကို ကြိုဆိုကြောင်း မတ်လ ၃၀ ရက်နေ့ ရက်စွဲနဲ့ ကြေညာချက် ထုတ်ပြန်ခဲ့ပါတယ်။

ဒါဟာ မြန်မာနိုင်ငံနဲ့ မြန်မာ ပြည်သူ ပြည်သားတွေရဲ့ ဒီမိုကရေစီ ဖြစ်စဉ်အတွက် မှတ်တိုင်တခုဖြစ်ကြောင်း၊ အခုလို အရေးပါတဲ့ အောင်မြင်မှု ရရှိလိုက်တဲ့အတွက် NLD အမျိုးသားဒီမိုကရေစီအဖွဲ့ချုပ်ဥက္ကဋ္ဌ ဒေါ်အောင်ဆန်းစုကြည်ကိုလည်း သူ့အနေနဲ့ ချီးကျူး ဂုဏ်ပြုခဲ့ကြောင်း၊ အခုလို ညင်သာ ချောမွေ့တဲ့ အာဏာလွဲပြောင်းမှု ဖြစ်ပေါ်လာရေးအတွက် မနှစ်က ရွေးကောက်ပွဲ ငြိမ်းချမ်းစွာ ကျင်းပနိုင်ရေးအတွက် လုပ်ဆောင်ပေးခဲ့တဲ့ အရင်အစိုးရရဲ့ လုပ်ရပ်ကိုလည်း အသိအမှတ်ပြုပါကြောင်း နိုင်ငံခြားရေးဝန်ကြီး Philip Hammond ရဲ့ ကြေညာချက်မှာ ဖော်ပြထားပါတယ်။

အလားတူပဲ မြန်မာ့အိမ်နီးချင်း ထိုင်းနိုင်ငံက ဘုရင် ဘူမိဘော အဒူယာဒက်ခ်ျကလည်း ဦးထင်ကျော် သမ္မတအဖြစ် ကျမ်းသစ္စာ ကျိန်ဆိုလိုက်တဲ့အပေါ် ချီးကျူး ဂုဏ်ပြုပါကြောင်းနဲ့ သမ္မတနဲ့အတူ မြန်မာပြည်သူ ပြည်သားတွေလည်း အောင်မြင်မှုတွေ၊ ပျော်ရွှင်မှုတွေ ရရှိစေဖို့အတွက် ဆုတောင်း မေတ္တာ ပို့သပါကြောင်း သ၀ဏ်လွှာ ရေးသား ပေးပို့လိုက်ပါတယ်။

သမ္မတသစ် ဦးထင်ကျော် ကျမ်းသစ္စာ ကျိန်ဆိုတဲ့အခမ်းအနားအတွင်းမှာလည်း အိမ်နီးချင်း နိုင်ငံတွေအပါအ၀င် ကမ္ဘာ့နိုင်ငံအသီးသီးက ခေါင်းဆောင်တွေက ချီးကျူးဂုဏ်ပြုကြောင်း ပေးပို့ကြတဲ့ သ၀ဏ်လွှာတွေကို ဖတ်ကြားပြခဲ့ပါတယ်။

ကိုဇော်ဝင်းလှိုင် / ဗွီအိုအေ (မြန်မာပိုင်း)
http://burmese.voanews.com


မြန်မာနိုင်ငံမှာ သမ္မတ ဦးထင်ကျော် ဦးဆောင်တဲ့ အစိုးရသစ် တက်လာပါပြီ။ တက်လာတဲ့ အစိုးရသစ် အနေနဲ့ လိုအပ်ချက်တွေ အများကြီးရှိနေတဲ့ မြန်မာနိုင်ငံမှာ ရင်ဆိုင်ရနိုင်တဲ့ စိန်ခေါ်မှုတွေနဲ့ ပတ်သက်ပြီး အမေရိကန်နိုင်ငံရောက် မြန်မာနိုင်ငံသားတွေက ဘယ်လို မြင်ကြပါသလဲ။ ဆက်သွယ်မေးမြန်းထားတဲ့ ဒေါ်ခင်မျိုးသက်က တင်ပြထားပါတယ်။

မြန်မာနိုင်ငံမှာ သမ္မတသစ် ဦးထင်ကျော် တက်လာပြီး အပြောင်းအလဲတွေ ဖြစ်လာပြီ ဆိုပေမဲ့ နှစ်ပေါင်းများစွာ အုပ်ချုပ်လာတဲ့ စစ်တပ်ရဲ့ လွှမ်းမိုးမှုတွေ ရှိနေသေးတာမို့ နိုင်ငံတကာမှာလို သမ္မတအနေနဲ့ နိုင်ငံအတွက် သူလုပ်ချင်တာတွေကို အပြည့်အဝ လုပ်ခွင့်ရှိအောင် စစ်တပ်ကို အရပ်ဘက်အုပ်ချုပ်ရေး လက်အောက်မှာ ရှိစေချင်တယ်လို့ ရေဇင်းစိုက်ပျိုးရေး တက္ကသိုလ် ကျောင်းအုပ်ကြီးဟောင်း ဆရာ ဆလိုင်းထွန်းသန်းက ပြောပါတယ်။

“ကျနော်မြင်ချင်တာတော့ နိုင်ငံတကာမှာလိုပဲ စစ်တပ်သည် အရပ်သားအောက်မှာ ရှိစေချင်တယ်။ အဓိပ္ပါယ်ကတော့ သမ္မတသည် အလုံးစုံကိုပိုင်တဲ့ အာဏာပိုင်တယောက် ဖြစ်စေချင်တယ်။ ဒါကတော့ တစ်အချက်။ တရားဥပဒေစိုးမိုးရေးဆိုတာက ပါးစပ်နဲ့ စာပေါ်မှာပဲ ရှိတယ်။ တကယ်မှ မကျင့်ဘဲ။ အဲဒါတော့ ကျင့်စေချင်တယ်။ တရားဥပဒေစိုးမိုးရေးဆိုတဲ့ ဥစ္စာကတော့ ဒါ တော်တော့်ကို လိုအပ်တယ်။ နောက်ဆုံးအချက်က ဒေါ်စုက ပြောတယ်လို့ပြောတယ် အဲဒါတော့ ထောက်ခံတယ်။ အဲဒါ ဘာလဲဆိုတော့ ကျနော်တို့ လူမျိုးရေး ပယ်ရမယ်။ ဘာသာရေး ပယ်ရမယ်။ အရပ်တကာ စွဲလန်းမှုတွေကို ကျနော်တို့ ပယ်ရမယ်။ လူတော်လူကောင်း တက်ဖို့ လိုနေပြီ ကျနော်တို့။ လူတော်လူကောင်းမတက်လို့ ကျနော်တို့ အကုန်လုံး အဖတ်ဆယ်လို့ကို မရတော့ဘူး။ အဲ့သလိုဖြစ်နေတယ်။”

မေး - အခု ဦးထင်ကျော် တက်လာတော့ရော ဆရာ။

ဖြေ - “၀မ်းတော့သာတယ်။ သူ ဘယ်လိုလုပ်မလဲဆိုတာတော့ ကျနော် မသိဘူး။ သို့သော်လည်းပဲ မျှော်တော့မျှော်လင့်တယ်။ ကောင်းတာတွေ သူလုပ်လိမ့်မယ်လို့။ ဘယ်လောက်ပဲ ကောင်းတာတွေ သူလုပ်လိမ့်မယ်လို့ ပြောပေမဲ့လို့ သူ့မှာ အာဏာက အပြည့်မရှိဘူးဆိုတော့ ကျနော်တို့ သိနေပြီးသား ဖြစ်နေပြီ။ အဲဒါတော့ ကျနော် စိုးရိမ်တယ်။”

နှစ်ပေါင်း ၅၀ ကျော် စစ်တပ်အုပ်ချုပ်ရာကနေ အရပ်သားအစိုးရစစ်စစ် တက်လာတာမို့ အပြောင်းအလဲတွေတော့ နေ့ချင်းညချင်း မြင်ရအောင် မျှော်လင့်လို့ မရနိုင်ဘူးလို့ မှတ်ချက်ပေးသူကတော့ အနောက် Illinois တက္ကသိုလ်က ပါမောက္ခ ဒေါက်တာ ရန်နိုင်လွင်ပါ။

“ကြားရတာ တွေ့ရတာတော့ ၀မ်းသာတာပေါ့။ မျှော်မှန်းကြည့်တာပေါ့ ရှေ့ကို ကောင်းလာဖို့အတွက်။ အားလုံးအတွက် ကောင်းလာမယ်လို့ ထင်တာပဲလေ။ ဒါပေမဲ့ အချိန်ကတော့ ယူရမှာပေါ့။ ဘာဖြစ်လို့လဲဆိုတော့ နှစ်ပေါင်း ဒီလောက်အကြာကြီး ဖြစ်ခဲ့ပြီးတော့ အခုကျမှ ပြောင်းရတော့ လုပ်ရမယ့် ဟိုဒင်းတွေက အများကြီးကိုး။ အဲတော့ လူတိုင်းလူတိုင်းက အကုန်လုံး တာဝန်ရှိကြတာပေါ့။ အဲဒါကို ဒီလိုပြောင်းလိုက်တာနဲ့ ချက်ခြင်း နောက်တနေ့ကောင်းသွားမယ်လို့ ဆိုပြီးတော့ တွေးလို့မရဘူး။ နဲနဲ သည်းညည်းခံရမှာပေါ့။”

အခု မြန်မာနိုင်ငံရဲ့ အနေအထားဟာ ပြည်သူတွေ လိုလားတဲ့ အနေအထား အသင့်အတင့် ရောက်နေပြီလို့ အမေရိကန်နိုင်ငံကို ရောက်နေတဲ့ အနုပညာရှင် ကာတွန်း ဝင်းထွန်းက သုံးသပ်ပါတယ်။

“အခု ဗမာပြည်မှာ အာဏာလွှဲပြောင်းမှုပဲ ဆိုဆို၊ သမ္မတ ကျမ်းသစ္စာကျိန်ဆိုပွဲပဲ ပြောပြော၊ ဒုတိယလွတ်လပ်ရေးလို့လည်း ဆိုဆို၊ ကျနော်တို့ ပြည်သူတွေ လိုချင်တဲ့အနေအထား အသင့်အတင့်ရောက်ပြီလို့ ပြောလို့ရပါတယ်။ ဒီအတွက် ၀မ်းသာစရာလည်း ကောင်းပါတယ်။ နှစ်ရှည်လများ စောင့်ခဲ့ရတဲ့ ကိစ္စတခုအတွက် ၀မ်းသာအားရ ဖြစ်မိပါတယ်။ ဒါပေမဲ့လို့ ကိုယ်လိုချင်သလိုတော့ ဖြစ်မလာသေးဘူး။ ဘာဖြစ်လို့လဲဆိုတော့ အနေအထားတွေ အားလုံးကို ပြည်သူတွေလည်း သိပါပြီလေ။ ဘာဖြစ်လို့လဲဆိုတော့ တဘက်ကလည်း လုံးဝဥဿုံ လျှော့ပေးတာမျိုးမှ မဟုတ်ဘဲဟာ။”

ဒီလို အနေထားမှာ တက်လာတဲ့ အစိုးရသစ်အနေနဲ့ လိုအပ်ချက်တွေ အများကြီး ရှိနေတဲ့ မြန်မာနိုင်ငံအတွက် လုပ်စရာတွေ အများကြီး ရှိနေသလို ရင်ဆိုင်ရမယ့် စိန်ခေါ်မှုတွေလည်း အများကြီး ရှိနေတယ်လို့ ထောက်ပြပါတယ်။

“ဆင်းရဲချမ်းသာကွာဟမှုက အရမ်းကို လွန်လွန်းတော့ ငတ်ပြတ်နေတဲ့သူတွေ တပုံကြီးပါပဲ။ အဲတော့ ဒီလူတွေကို ကိုယ်တိုင် ထမင်းမကျွေးနိုင်ရင်တောင် သူတို့ ချောင်လည်နိုင်အောင် ဘာစီစဉ်ပေးနိုင်မလဲ။ နောက်တချက်က သန့်ရှင်းမှုနဲ့ ကျန်းမာရေးပါ။ ဘာဖြစ်လို့လဲဆိုတော့ ဗမာပြည်မှာ ဘာမှမလုပ်ခဲ့တာ နှစ်ပေါင်းများစွာ ကြာတဲ့အတွက် မြို့ကြီးမြို့ငယ်တွေ အားလုံးဟာ လူတွေအတွက် သန့်ရှင်းမှုမရှိဘူး။ ကျန်းမာရေးဟာ ထိခိုက်ပြီးတော့ အရာရာ ချို့ယွင်းနေကြမှာပဲ။ နောက်တခုက အဓိက ပညာရေးပဲ။ ကျနော်တို့ ခေတ်ကတည်းက ရတဲ့ဘွဲ့ဟာ ဘာမှမှ သုံးမရတာပဲ။ အခုလည်း မထူးပါဘူး။ ရရာ အလုပ်ကလေးတွေ နိုင်ငံခြားကပဲ လာလာ၊ ပြည်တွင်းကပဲ ဖွင့်ဖွင့် ကုမ္ပဏီလေးတွေမှာ သင့်ရာသင့်ရာ ၀င်နေကြပြီး ဘာမှ ဒီလောက် အလုပ်မဖြစ်ကြဘူး။ အဓိကကတော့ အတတ်ပညာ အများကြီး လိုအပ်နေတာ။ နောက်တခုက တိုင်းပြည်ပွင့်လင်းလာရင် ၀င်လာကြတော့မယ်။ ၀င်လာကြလို့ရှိရင် ခုနကပြောတဲ့ အတတ်ပညာဟာ မရှိမဖြစ် လိုအပ်လာပြီ။ အဲဒါတွေကို နားလည်ပြီးတော့ နောက်မျိုးဆက်သစ်ဖြစ်ဖြစ်၊ လက်ရှိပဲဖြစ်ဖြစ်၊ ကိုယ်လိုအပ်တာကို ကိုယ်လုပ်ဖို့ပဲ လိုတယ်။ နောက်တခုက အရာရာကို အားကိုးနေလို့ မရဘူး။ အစိုးရက ပွင့်လင်းအောင်၊ လမ်းဖြောင့်အောင် ဖွင့်ပေးရုံပဲ တတ်နိုင်တယ်။ လူတိုင်း ကိုယ့်ဟာကိုယ် လျှောက်ရမှာ။ လူ တော်တော်များများရဲ့အသံက အားကိုးလွန်းတယ်။ မျှော်လင့်လွန်းတယ်။ အဲဒါဟာ အစိုးရအသစ်လည်း ဒုက္ခရောက်မယ်။ လူတွေလည်း ဘာမှဖြစ်မှာမဟုတ်ဘူး။”

အစိုးရသစ်အဖွဲ့ဟာ ဧပြီလ ၁ ရက်နေ့မှာ တာဝန်စတင် ထမ်းဆောင်တော့မှာ ဖြစ်ပါတယ်။

ဒေါ်ခင်မျိုးသက် / ဗွီအိုအေ (မြန်မာပိုင်း)
http://burmese.voanews.com


NLD ပါတီကို ပြန်လည်ဖွဲ့စည်းသွားဖို့ ရှိနေတယ်လို့ ပါတီရဲ့ ဗဟိုအလုပ်မှုဆောင် ဦးဉာဏ်ဝင်းက ပြောဆိုသွားပါတယ်။ ပါတီရဲ့ ပြန်ကြားရေးတာဝန်ခံ ဒေါက်တာ ဇော်မြင့်မောင် ကတော့ ဒေါ်အောင်ဆန်းစုကြည်ဟာ ပါတီဥက္ကဌအနေနဲ့ ဆက်ရှိနေမယ်လို့လည်း ပြောဆိုလိုက်ပါတယ်။

ပါတီနာယကကြီး ဦးတင်ဦးကတော့ အပြောင်းအလဲက ပါတီအပေါ်မှာ အကျိုးသက်ရောက်မှု ကြီးကြီးမားမား ဖြစ်လာမှာမဟုတ်ဘဲ စုစည်းမှုနဲ့ ရှေ့ဆက်မယ်လို့ ပြောပါတယ်။ အပြည်အစုံကို နေပြည်တော်ကနေ ဗွီအိုအေသတင်းထောက် မမေခက ပေးပို့ထားပါတယ်။

နိုင်ငံတော်အာဏာ အလွှဲအပြောင်းမှာ ဝန်ကြီးဌာနတွေကို တာဝန်ယူမယ့် ပြည်ထောင်စုဝန်ကြီး ၁၈ ဦး ကတိသစ္စာပြုခဲ့တာမှာ NLD ပါတီဥက္ကဌ ဒေါ်အောင်ဆန်းစုကြည် က ဝန်ကြီးဌာန ၄ ခုကို တာဝန်ယူခဲ့ပါတယ်။ ပါတီထဲက ဒေါ်အောင်ဆန်းစုကြည် အပါအဝင် လွှတ်တော်ကိုယ်စားလှယ် ၆ ဦးဟာ အစိုးရအဖွဲ့အစည်းထဲမှာ တာဝန်ထမ်းဆောင်သွားမှာပါ။ ဒီပြင် ဒုသမ္မတ ဟင်နရီဗန်တီးယူ အပြင် ဖွဲ့စည်းပုံ အခြေခံဥပဒေ ခုံရုံးမှာလည်း ပါတီဝင် လွှတ်တော်ကိုယ်စားလှယ်တွေ ပါဝင်ထားပါတယ်။ တိုင်းနဲ့ ပြည်နယ် ဝန်ကြီးချုပ်နေရာတွေမှာလည်း ပါတီဝင်တွေ ပါဝင်ထားသလို နောက်ထပ် ခန့်အပ်ဦးမယ့် တိုင်းနဲ့ပြည်နယ်က ဝန်ကြီးဌာနတွေအတွက် ဝန်ကြီးတွေနဲ့ရှေ့နေချုပ် နေရာတွေမှာလည်း NLD ပါတီဝင်တွေ ပါဝင်ဖို့ ရှိနေပါသေးတယ်။ ဒီလိုပါဝင်မှုတွေရှိ လာတာကြောင့် ပါတီကို ပြန်လည်ဖွဲ့စည်းသွားဖို့ စီစဉ်နေတာပါ။ ပြန်လည်ဖွဲ့စည်းမှုနဲ့ ပတ်သတ်ပြီး ဦးဉာဏ်ဝင်းက အခုလို ပြောဆိုလိုက်ပါတယ်။

“ကျနော်တို့ ပြန်လည်ဖွဲ့စည်းရေးလုပ်မှာပါ။ ဒါပေမဲ့ လက်ရှိကတော့ အတွင်းရေးမှူး ၅ ဦးက ဦးဆောင်မှာ။ အချိန်ရတာနဲ့ လုပ်မှာ။ အခု ဒီအချိန်မှာတော့ အန်ကယ်လ် ပြောလို့မရဘူး။ ဒီအချိန် ဘာမှမလုပ်နိုင်ဘူး။”

အရင် သမ္မတဟောင်း ဦးသိန်းစိန် အစိုးရလက်ထက်မှာလည်း ဝန်ကြီးနေရာတွေ တာဝန်ထမ်းဆောင်သူတွေမှာ ကြံ့ခိုင်ရေးပါတီကနေ နှုတ်ထွက်ခဲ့တာ မရှိခဲ့ပါဘူး။ ဒီပြင် သမ္မတဟောင်း ဦးသိန်းစိန် ကိုယ်တိုင်လည်း ပါတီဥက္ကဌ နေရာယူထားသလို သမ္မတတာဝန် ထမ်းဆောင်ခဲ့ပါတယ်။ ဒီအပေါ်မှာ ဝေဖန်မှုတွေ ရှိ်ခဲ့ပါတယ်။ တည်ဆဲ ဖွဲ့စည်းပုံအခြေခံဥပဒေ ပုဒ်မ ၆၄ နဲ့ ၂၃၂ အရ သမ္မတ၊ ဒုသမ္မတတွေနဲ့  ပြည်ထောင်စုဝန်ကြီးတွေဟာ လွှတ်တော်တရပ်ရပ်ရဲ့ ကိုယ်စားလှယ်ဖြစ်ခဲ့ရင် အစိုးရအဖွဲ့အစည်းမှာ တာဝန်ခန့်အပ်တဲ့ နေ့ကစပြီး လွှတ်တော် ကိုယ်စားလှယ်ကနေ နှုတ်ထွက်ရမယ်လို့ ပါဝင်ထားပါတယ်။ ဒီပြင် ရာထူးသက်တမ်းအတွင်း ပါတီအဖွဲ့အစည်း လုပ်ငန်းတွေမှာလည်း ဆောင်ရွက်ခွင့် မရှိစေရလို့ ပါပါတယ်။

ဒေါ်အောင်ဆန်းစုကြည်အနေနဲ့ ပြည်ထောင်စုဝန်ကြီး တာဝန်ယူလိုက်တာ ဖြစ်တာကြောင့် သူ့ရဲ့ အနာဂတ်နဲ့ ပတ်သက်ပြီး ပါတီ ပြန်ကြားရေးတာဝန်ခံ ဒေါက်တာဇော်မြင့်မောင် ကတော့ အခုလို ပြောပါတယ်။

“အဲတော့ ရှေ့ကသွားခဲ့တဲ့ အစိုးရကို ကြည့်လိုက်ပေါ့နော်။ ကျနော်တို့ လွှတ်တော်တွင်းမှာ ဒါကို မေးခွန်းမေးဖူးပါတယ်။ သမ္မတကြီး ဦးသိန်းစိန်က ပါတီမှာ ဘာတာဝန်ရှိသလဲပေ့ါနော် အခု အခြေခံ ဥပဒေအရဆိုရင်။ ဘာပြောလိုက်လဲဆိုတော့ ပါတီရဲ့လုပ်ငန်းတွေကို မဆောင်ရွက်တာပဲ ရှိပါတယ်။ ဥက္ကဌက ဥက္ကဌ ပါပဲဆိုပြီး ဖြေခဲ့တဲ့ ပုဂ္ဂိုလ်ကြီး ရှိပါတယ်။ အဲတော့ ကျနော်တို့ ဥက္ကဌ ဒေါ်အောင်ဆန်းစုကြည်ဟာ ပွင့်ပွင့်လင်းလင်းပြောမယ် NLD ဥက္ကဌပါ။ ပါတီလုပ်ငန်းကို မဆောင်ရွက်တာပဲ ရှိမယ်။ ဒါကြောင့်မို့လို့ အတွင်းရေးမှူး အဖွဲ့ဝင် လုပ်ပေးထားလိုက်တာကို သတိထားမိမှာပေါ့နော်။ အဲတော့ ဒေါ်အောင်ဆန်းစုကြည် ကျနော်တို့ရဲ့ ဥက္ကဌနေရာမှာ ဒေါ်အောင်ဆန်းစုကြည် ရှိနေမယ်။ ပါတီလုပ်ငန်းတော့ မဆောင်ရွက်ဘူးပေါ့လေ။”

NLD ပါတီကို ပြန်လည်ဖွဲ့စည်းသွားဖို့ ရှိနေတဲ့အပေါ်မှာ ပါတီရဲ့ ရှေ့အလားလာနဲ့ ပတ်သက်ပြီး ပါတီနာယကကြီး ဦးတင်ဦးကတော့ အခုလို မှတ်ချက်ပေး ပြောဆိုလိုက်ပါတယ်။

“တာဝန်ကတော့ မကြီးပါဘူး။ အခါတိုင်းလိုပဲ ပူးပေါင်းပြီး လုပ်နေတဲ့အခါကျတော့ ပိုပြီး ကြီးလာတယ် မဟုတ်ပါဘူး။ ဒီလိုပဲ မှန်မှန်ပဲ လုပ်သွားကြတာပေါ့။ အခက်အခဲတခုက နှစ်ပေါင်း ၂၇ ခုနှစ်လုံးလုံး ကျော်လွှားပြီးပြီ။ နောက်ဟာကို ဆက်ပြီးတော့ ကျော်လွှားနိုင်ဖို့အတွက် ဆက်လုပ်နိုင်ဖို့အတွက်ကို လမ်းပွင့်သွားတယ်။ လုပ်နိုင်မယ်လို့ ထင်ပါတယ်။ ပြည်သူပြည်သားတွေကလည်း တပါတည်း ပူးပေါင်းလာပြီးတော့ ကျနော်တို့ချည်း NLD ချည်းပဲ လုပ်လို့မရဘူး။ အားလုံး ခုနက ပြောသလိုပဲ အားလုံးပြန်ပြီးတော့ ပေါင်းပြီး စည်းရုံးသွားပြီး ဆောင်ရွက်ဖို့အတွက် ဖိတ်ခေါ်ထားတဲ့အတွက် အဲဒီအတိုင်း လိုက်ပြီးတော့ အောင်မြင်အောင် လုပ်ဖို့ဆိုတဲ့ဟာ လမ်းပွင့်သွားတယ်။ ၀မ်းသာတယ်။”

ဗုဒ္ဓဟူးနေ့က အာဏာလွှဲပြောင်းပြီးပြီ ဖြစ်တာကြောင့် NLD ပါတီကနေ ရွေးချယ်တင်မြှောက်လိုက်တဲ့ သမ္မတ၊ ဒုသမ္မတ၊ ပြည်ထောင်စုဝန်ကြီးတွေနဲ့ ဖွဲ့စည်းပုံအခြေခံခုံရုံးအဖွဲ့ဝင်နဲ့ ဝန်ကြီးချုပ်တွေဟာ လာမယ့် ဧပြီ ၁ ရက်နေ့မှာ စတင် တာဝန်ထမ်းဆောင်တော့မှာ ဖြစ်ပါတယ်။

မေခ / ဗွီအိုအေ (မြန်မာပိုင်း)
http://burmese.voanews.com

မတ်လ ၃၀ ရက် ၊ ညနေ ၆း ၃၀ နာရီတွင် ပြုလုပ်သော နိုင်ငံတော် သမ္မတ ဦးထင်ကျော်၏ ညစာ စားပွဲ အခမ်းအနားတွင် ၈၈မျိုးဆက် ( ငြိမ်းချမ်းရေးနှင့် ပွင့်လင်းလူ့အဖွဲ့အစည်း ) မှ ဦးမင်းကိုနိုင် တက်ရောက်ပြီး ၀မ်းမြောက်ကြောင်း နှုတ်ခွန်းဆက်ခဲ့သည်။

The 88 Generation Peace and Open Society

[youtube src="F57tXK2t4kk"/]
မတ်လ ၃၀ ရက်နေ့ ပြည်ထောင်စုလွှတ်တော်မှာ ကတိသစ္စာပြုပွဲအခမ်းအနားကျင်းပပြီး သမ္မတသစ် ဦးထင်ကျော်က သမ္မတအိမ်တော်မှာ ညစာ စားပွဲနဲ့ ဧည့်ပရိသတ်တွေကို တည်ခင်းခဲ့ပါတယ်။ အစိုးရအဖွဲ့ဝင်၊ လွှတ်တော်အကြီးအကဲတွေ၊ တပ်ဘက် ခေါင်းဆောင်တွေ၊ သံတမန်တွေနဲ့ အထူးဖိတ်ကြားထားတဲ့ ဧည်သည်တွေ တတ်ရောက်ခဲ့ကြပါတယ်။

VOA Burmese
http://burmese.voanews.com

[youtube src="ZhaphHF-n9U"/]
ရှမ်းပြည်မြောက်ပိုင်း တာမိုးညှဲနဲ့ ကွတ်ခိုင်မြို့နယ်မှာ နေထိုင်ကြတဲ့ "မုန်းဝန်းတရုတ်" လူမျိုးတွေကို "မုန်းဝန်းဗမာ" ဆိုတဲ့အမည်နဲ့ မှတ်ပုံတင်တွေမှာ ဖော်ပြဖို့ လူဝင်မှု ကြီးကြပ်ရေးဌာနက ပြင်ဆင်နေတယ်လို့ သိရပါတယ်။ RFA သတင်းထောက် ကိုကံသာက တင်ပြထားပါတယ်။

RFA Burmese
http://www.rfa.org/burmese

[youtube src="HAHlz576fo4"/]
အမျိုးသားဒီမိုကရေစီအဖွဲ့ချုပ် တာဝန်ယူဆောင်ရွက်မယ့် အန်အယ်လ်ဒီအစိုးရ သက်တမ်းငါးနှစ်အတွင်းမှာ အရေးကြီးတဲ့ဥပဒေတွေကို ပြင်ဖြစ်အောင်ပြင်မယ်လို့ အမျိုးသားဒီမိုကရေစီအဖွဲ့ချုပ်ရဲ့ ဗဟိုအလုပ်အမှုဆောင်အဖွဲ့ဝင် ဦးဥာဏ်ဝင်းက ပြောကြားလိုက်ပါတယ်။ နိုင်ငံအတွက် ဒီမိုကရေစီစံနှုန်းနဲ့ညီတဲ့ ဥပဒေတွေဖြစ်လာဖို့အတွက် အမျိုးသားဒီမိုကရေစီအဖွဲ့ချုပ်မှာ တာဝန်ရှိသလို ပြုပြင်ပြောင်းလဲရေးမှာ တပ်မတော်ဘက်က ပါဝင်လာအောင်လဲ ကြိုးစားသွားမယ်လို့ ဆိုပါတယ်။

DVB TV

[youtube src="Lkuc-8-0ymQ"/]
ဒီမိုကရေစီ စံချိန်စံညွန်းနဲ့ ကိုက်ညီတဲ့ ဖွဲ့စည်းပုံအခြေခံ ဥပဒေတရပ် ဖြစ်ပေါ်လာရေးအတွက် ဆောင်ရွက်သွားမယ်လုို့ သမ္မတသစ် ဦးထင်ကျော်က ပြောကြားလုိုက်ပါတယ်။ ခွန်ဘသာ တင်ဆက်ထားပါတယ်။
DVB TV - 30.03.2016

ရှမ်းတိုင်းရင်းသားများ ဒီမိုကရေစီအဖွဲ့ချုပ် SNLD ၏ ပါတီညီလာခံကို လာမည့် ဧပြီလ ၃ ရက်နေ့မှ စတင်ကာ ရှမ်းပြည်နယ် ကျောက်မဲမြို့တွင် သုံးရက်ကြာ ကျင်းပသွားမည်ဖြစ်ကြောင်း ပါတီပြောခွင့်ရ ဦးစိုင်းလိတ်က The Ladies News သို့ ပြောသည်။

“အခုညီလာခံကနေ ဗဟိုအလုပ်အမှုဆောင် အဖွဲ့အသစ်ပြန်ရွေးမယ်။ ဥက္ကဋ္ဌ ၊ အတွင်းရေးမှူးစတဲ့ ရာထူးတွေ အတွက်လည်း ပြန်ရွေးဖို့ရှိနေတယ်” ဟု ပါတီ၏ တွဲဘက် အထွေထွေ အတွင်းရေးမှူးလည်း ဖြစ်သူ ဦးစိုင်းလိတ်က ပြောသည်။

၂၀၁၅ ရွေးကောက်ပွဲတွင် ရှမ်းပြည်နယ်အတွင်း မဲဆန္ဒနယ် စုစုပေါင်း ၄၁ နေရာ အနိုင်ရရှိခဲ့သည့် ရှမ်းတိုင်းရင်းသားများ ဒီမိုကရေစီအဖွဲ့ချုပ်၏ ယခုညီလာခံမှ ရှမ်းပါတီများ ပေါင်းစည်းရေး ၊ ရှမ်းညီညွတ်ရေး ၊ ဖွဲ့စည်းပုံ အခြေခံ ဥပဒေပြင်ဆင်ရေး ၊ ပြည်တွင်းငြိမ်းချမ်းရေးစသည့် ကိစ္စရပ်များအတွက် ပါတီ၏ လုပ်ငန်းစဉ်နှင့် ပတ်သက်သည့် အခြေပြ လမ်းပြမြေပုံလည်း ပေါ်ထွက်ဖွယ်ရှိနေသည်ဟု ရှမ်းရေးရာ လေ့လာသူများက ဆိုပါသည်။

ရှမ်းတိုင်းရင်းသားများ ဒီမိုကရေစီအဖွဲ့ချုပ်အနေဖြင့် ရှမ်းပြည်နယ် အစိုးရအဖွဲ့တွင် ၀န်ကြီးရာထူးရယူရန် အန်အယ်လ်ဒီ အစိုးရမှ လတ်တလော ကမ်းလှမ်းခဲ့သော်လည်း ပါတီ၏ နိုင်ငံရေး ရည်မှန်းချက်အရ မပါဝင်နိုင်တော့ကြောင်း အကြောင်း ပြန်ကြားထားသည်ဟုလည်း ဦးစိုင်းလိတ်က ပြောသည်။

‘အခြေနေ အရပ်ရပ်ကြောင့်သာ မလုပ်ဖြစ်တာပါ။ ဗဟိုအစိုးရမှာပါဝင်ဖို့ တိုင်းရင်းသားရေးရာ ၀န်ကြီးရာထူးအတွက်လည်း ကမ်းလှမ်းခဲ့တယ် ။ ဒါပေမဲ့ နိုင်ငံရေးရည်မှန်းချက် ၊ နိုင်ငံရေး လုပ်ဆောင်စရာ ကိစ္စရပ်တွေကြောင့် ပြည်ထောင်စုကော ပြည်နယ်မှာပါ မပါတော့ဘူးလို့ အကြောင်းပြန်ခဲ့တာပါ။ လွှတ်တော်ထဲမှာတော့ အန်အယ်လ်ဒီ ကိုယ်စားလှယ်တွေနဲ့ ရှမ်းကိုယ်စားလှယ်တွေ ပူးပေါင်းဆောင်ရွက်ဖို့ ညွှန်ကြားထားပါတယ်” ဟု ဦးစိုင်းလိတ်က ပြောသည်။

ရှမ်းတိုင်းရင်းသားများ ဒီမိုကရေစီအဖွဲ့ချုပ်မှာ ၁၉၉၀ ရွေးကောက်ပွဲ ကာလကတည်းက တည်ထောင်ခဲ့သည့် တိုင်းရင်းသားပါတီဖြစ်ပြီး အဆိုပါ ရွေးကောက်ပွဲတွင် ဒုတိယ နေရာအများဆုံး အနိုင်ရရှိခဲ့သည့်ပါတီဖြစ်ကာ အန်အယ်လ်ဒီ အမျိုးသား ဒိမိုကရေစီအဖွဲ့ချုပ်နှင့် ကာလအတန်ကြာ ကောင်းမွန်သော ဆက်ဆံရေးရှိသည့် တိုင်းရင်းသား အဖွဲ့အစည်းဖြစ်ခဲ့ပါသည်။

ရှမ်းပြည်နယ် ၀န်ကြီးချုပ်ရာထူးနှင့် ပတ်သက်၍ SNLD ပါတီဝင် တဦးအား ပေးရန် ပါတီခေါင်းဆောင် ဦးခွန်ထွန်းဦးက မကြာသေးခင်က ထုတ်ဖော်ပြောဆိုခဲ့ဖူးပြီး အန်အယ်လ်ဒီပါတီမှ ဒေါက်တာလင်းထွဋ်အား ပြည်နယ်ဝန်ကြီးချုပ်အဖြစ် ခန့်အပ်ခဲ့သည်။

The Ladies News Journal

၁၉၈၉ မေလအတွင်း စစ်အစိုးရက ၈၈ ဒီမိုကရေစီ အရေးတော်ပုံနှင့် ဆက်နွှယ်နေသူများကို ရက်စက်စွာ နှိမ်နှင်းစဉ် ပြည်သူအားလုံး ရွံကြောက်ဖြစ်နေသည့် အထူးရဲတပ်ဖွဲ့က ကိုချစ်ဆန်းကို ဖမ်းဆီးလိုက်သည်။ သူ့ကို စစ်တန်းလျား တစ်ခုတွင် ငါးလကြာ ထိန်းသိမ်းထားကာ နှိပ်စက် စစ်ဆေးခဲ့သည်။

စစ်သားဟောင်း တစ်ဦးဖြစ်သူ ကိုချစ်ဆန်းသည် မှောင်မိုက်နေသည့် အခန်းငယ်လေးအတွင်း အရိုက်အနှက်ခံရန် နေ့စဉ် စောင့်ဆိုင်းခဲ့ရသည်။ “ညသန်းခေါင် ရောက်လာပြီဆိုတာနဲ့ မီးလင်းလာပြီး ကျွန်တော့်ကို စစ်ဆေးဖို့ အခန်းထဲ သူတို့ ဝင်လာတော့တာပါပဲ” ဟု ပြောသည်။

သူ့အတွက် နေ့စဉ်အစားအစာမှာ ပိုးမွှားများနှင့် ရောပြွမ်းညစ်ပတ်နေသည့် ဆန်ပြုတ်၊ ရေတစ်ခွက်တို့ပင် ဖြစ်သည်။ နောက်ပိုင်း အင်းစိန်ထောင်သို့ ရောက်သွားပြီး ကျဉ်းကျပ် ညစ်ပေနေသည့် အခန်းများတွင် တစ်သက်တစ်ကျွန်း ပြစ်ဒဏ်ကို ခြောက်နှစ်ကြာ ကျခံခဲ့ရသည်။

“ကျွန်တော် ဒီနေရာကနေ လွတ်ရက်ရှိမှာ မဟုတ်တော့ဘူးလို့ တစ်ချိန်လုံး စဉ်းစားနေခဲ့ပါတယ်။ အပြင်မှာ ကျန်ခဲ့တဲ့ ဇနီးသည်အတွက်ပဲ စိုးရိမ်တာပါ” ဟု သူက မကြာသေးမီက ပြန်ပြောပြသည်။

၁၉၉၆ တွင် လွတ်ငြိမ်းချမ်းသာခွင့်ဖြင့် ကိုချစ်ဆန်း လွတ်မြောက်လာသော်လည်း သူ့ဘဝအတွက် ရုန်းကန်ရမှုက ပြီးဆုံးမသွားပေ။ ထောင်ပေါင်းများစွာသော အခြားနိုင်ငံရေး အကျဉ်းသားဟောင်းများ ကဲ့သို့ပင် စစ်အာဏာရှင် လက်အောက်တွင် စိတ်ပိုင်း၊ ရုပ်ပိုင်း နှိပ်စက်ခံရမှုများကြောင့် သူသည်လည်း စိတ်ကျခြင်း၊ စိတ်ကယောင်ချောက်ချား ဖြစ်မှု၊ ပြင်းထန်စိတ်ဖိစီးမှုဒဏ် သင့်ဝေဒနာ (PSTD) တို့ကို ခံစားခဲ့ရသည်။

မြန်မာစစ်အစိုးရ၏ အခြားအမွေဆိုး တစ်ခုဖြစ်သည့် ပျက်စီးယိုယွင်းသွားသော ကျန်းမာရေးစောင့်ရှောက်မှု စနစ်နှင့်အတူ တွေ့ရသည့် ပြသ၁နာတစ်ခုမှာ ညှဉ်းပန်းနှိပ်စက်ခံရခြင်း ကြောင့်ဖြစ်စေ၊ အခြားအကြောင်းများ ကြောင့်ဖြစ်စေ စိတ်ကျန်းမာရေး ထိခိုက်ခံစားရသူ အများအပြားသည် အစိုးရဆေးရုံများတွင် စိတ်ဝေဒနာအတွက် ကုသမှု မရရှိကြခြင်းပင် ဖြစ်သည်။

စိတ်ဓာတ်ကျဆင်းမှုနှင့် စိုးရိမ်ပူပန်မှု ကဲ့သို့သော အဖြစ်များသည့် စိတ်ကျန်းမာရေး ချို့ယွင်းမှုတို့ကို နားလည်လက်ခံပေးမှု နည်းခြင်းကြောင့် သာမက၊ လူအများကြား အထင်အမြင်မှားမှုတို့ရှိနေသည့် မြန်မာ့လူမှု အသိုင်းအဝိုင်းကြောင့်လည်း စိတ်ဝေဒနာရှင်များ၏ အခြေအနေ ပိုမိုဆိုးရွားလာစေသည်။ ပတ်ဝန်းကျင်က အရူးဟုခေါ်ဆိုမှုကို ခံမည့်အစား သူတို့က ခပ်မဆိတ် နေထိုင်သည့်အခြေအနေကိုသာ ရွေးချယ်ကြတော့သည်။

** စိတ်ပိုင်းဆိုင်ရာ ထိခိုက်မှုနောက်ဆက်တွဲများ **

ကိုချစ်ဆန်း ထောင်မှလွတ်မြောက်လာပြီး နှစ်များတွင် လူ့အသိုင်းအဝိုင်းအတွင်း ပြန်လည်ဝင်ဆန့်ရန် အလွန်ခက်ခဲလှသည်။

“ကျွန်တော် ပုံမှန်အလုပ်မရှိလို့ မိသားစု စားဝတ်နေရေးအတွက် နေ့တိုင်းရုန်းကန်ခဲ့ရပါတယ်” ဟု သူက ပြောသည်။

အတိတ်ကာလက လုပ်ဆောင်ခဲ့သည့် နိုင်ငံရေးကိစ္စများနှင့် မပတ်သက်ချင်တော့သဖြင့် မိတ်ဆွေဟောင်းများနှင့် အဆက်အသွယ် ဖြတ်တောက်လိုက်သည်။ ထောင်ပြင်ပတွင်လည်း ဖိအားများ ရှိလာသောကြောင့် ရန်လိုတတ် လာကာ အသေးအဖွဲကိစ္စလေးများကိုပင် စိတ်မရှည်တော့သလို အိပ်မပျော်သော ညများစွာကိုလည်း ကြုံတွေ့လာရကြောင်း သူကပြောသည်။

ယင်းရောဂါ လက္ခဏာများသည် ဆိုးရွားသည့် စိတ်ပိုင်းနှင့် ရုပ်ပိုင်းဝေဒနာများ ကြုံတွေ့ခံစားထားရသူတို့၏ အခြေအနေများ ဖြစ်သည်။ နာတာရှည်ရောဂါ လက္ခဏာများသည် ဝေဒနာ ခံစားနေရသူတို့၏ လူမှုဆက်ဆံရေး၊ အလုပ်အကိုင်၊ နေထိုင်မှုပုံစံကိုပါ ထိခိုက်စေသည်။ ဆိုးရွားသည့် ဝေဒနာအတွက် အဖြေရှာရင်း တစ်ပူပေါ် နှစ်ပူဆင့်ရပြန်သည်။ ဝေဒနာခံစားရမှု သက်သာစေရန် မူးယစ်ဆေး၊ အရက် စသည်တို့ကို သုံးစွဲလာကြသည်။

“စိတ်ဖိစိးမှုကြောင့်ဖြစ်တဲ့ နောက်ဆက်တွဲ စိတ်ရောဂါဟာ စိတ်ဒဏ်ရာအပေါ် ဇီဝဖြစ်စဉ်အရ တုံ့ပြန်မှုပါ” ဟု ရွှေဝါရောင် တော်လှန်ရေးတွင် ဦးဆောင်ဆန္ဒပြရာမှ ထိန်းသိမ်းခံခဲ့ရသူ ဦးညီညီလွင် ခေါ် ဦးဂမ္ဘီရအား ကုသပေးရာတွင် ပါဝင်ခဲ့သူ စိတ်ကုထုံးနည်းဖြင့်ကုသသူ Rory Magee က ပြောသည်။

ဦးဂမ္ဘီရထောင်ကျစဉ် မကြာခဏ ရိုက်နှက်ခံရခြင်း၊ လုပ်ရိုးလုပ်စဉ် ညှဉ်းပန်းနှိပ်စက်မှု၊ မခံမရပ်နိုင်နာကျင်စေပြီး စိတ်ကယောင်ခြောက်ခြား ဖြစ်စေသည့် အမျိုးအမည်မသိဆေးများထိုးခြင်း ပါဝင်သည့် ဓာတုနည်းဖြင့် ညှဉ်းပန်းနှိပ်စက်မှု တို့ကို ခံခဲ့ရသည်ဟု Rory Magee က ပြောသည်။ Rory Magee သည် ဦးဂမ္ဘီရ၏ စိတ်ဝေဒနာအား ကုသပေးခဲ့သည့် ထိုင်းနိုင်ငံ၊ ချင်းမိုင်မြို့ရှိ The Cabin အမည်ရှိ ပြန်လည်ထူထောင်ရေး ဌာနကို ဦးဆောင်နေသူ ဖြစ်သည်။

အခြား နိုင်ငံရေး အကျဉ်းသားဟောင်း အများအပြားကဲ့သို့ပင် ဦးဂမ္ဘီရသည်လည်း ရုပ်ပိုင်း၊ စိတ်ပိုင်း ထိခိုက်မှုများကြောင့် ဖြစ်ပေါ်သည့် PSTD ထက် ပိုမိုဆိုးရွားသော နောက်ဆက်တွဲ စိတ်ဒဏ်ရာပြသ၁နာကို ခံစားခဲ့သည်။ ယင်းစိတ်ဒဏ်ရာမျိုးသည် တစ်ကြိမ်တစ်ခါ အတွေ့အကြုံကြောင့် ဖြစ်သည့် ဒဏ်ရာမျိုးမဟုတ်ဘဲ အကျဉ်းထောင်များ၊ စစ်ပွဲကာလများစသည့် ရုပ်ပိုင်း၊ စိတ်ခံစားမှုနှင့် စိတ်ပိုင်းဒဏ်ရာ များကြောင့် ကြုံတွေ့ရသည့် စိတ်ရောဂါမျိုး ဖြစ်သည်။

“သူ အချိန်အတော်ကြာကြာ ဆိုးဆိုးရွားရွား နှိပ်စက်ညှဉ်းပန်းခံခဲ့ရပါတယ်” ဟု Rory Magee က ပြောသည်။

ဦးဂမ္ဘီရ ကြုံတွေ့ရသော စိတ်ဒဏ်ရာမျိုးသည် ကုသရန်ပိုခက်ကြောင်း ၎င်းက ပြောသည်။ ယင်းစိတ်ဒဏ်ရာမျိုးသည် တုံ့ပြန်မှုပြင်းထန်လွန်းခြင်း နှင့် လျော့နည်းလွန်းခြင်း အစွန်းနှစ်ဖက်ကို ဖြစ်စေသည်။ ယင်းစိတ်အခြေအနေ မျိုးကို ကြုံတွေ့ရသည့်အခါ ဝေဒနာခံစားရသူသည် နှလုံးခုန်မြန်လာသည့်အပြင် အတိတ်အဖြစ်အပျက်များကို အိပ်မက် မက်၍ လန့်နိုးလာတတ်ပြီး အလွယ်တကူ ထိတ်လန့်တတ်လာသည်။ ခံစားမှုကင်းမဲ့လာခြင်း၊ စိတ်ထိခိုက်ဖွယ်ရာ အဖြစ်အပျက်များ တွင်လည်း စိတ်နှင့်ကိုယ် မကပ်သကဲ့သို့ ဖြစ်လာသည်။

“ဟိုးအဝေးကြီးကို ငေးနေတတ်ပြီး ငူတူတူနဲ့ ဖြစ်နေတတ်ပါတယ်။ အာရုံခံစားမှုစနစ်ဟာလည်း ထုံထိုင်းလေးလံလာသလို၊ ဘာခံစားချက်မှ မရှိသလို ဖြစ်လာပါတယ်” ဟု Rory Magee က ပြောသည်။

ဦးဂမ္ဘီရသည် မကြာသေးခင်က လူဝင်မှုကြီးကြပ် ရေးဥပဒေချိုးဖောက်မှုဖြင့် ပြန်လည်အဖမ်းခံခဲ့ရသည်။ သူအဖမ်းခံရမှုတွင် နိုင်ငံရေးပယောဂ မကင်းကြောင်း လူအများက ယူဆထားသည်။ ယခုအခါ သူသည်ထောင်ထဲတွင် ကူညီ ထောက်ပံ့မှု၊ ဆေးဝါးကုသခွင့်တို့ မရသည့်အပြင် သူ၏ စိတ်ဝေဒနာ အခြေအနေသည်လည်း ပိုမိုဆိုးရွားလာကြောင်း သတင်းများ ထွက်ပေါ်နေသည်။

** ငွေကြေးထောက်ပံ့မှုမရှိခြင်း **

ဦးဂမ္ဘီရ ထိုင်းနိုင်ငံတွင် နေစဉ်က ကူညီထောက်ပံ့မှုရခဲ့သည်။ မြန်မာနိုင်ငံ၏ ကျန်းမာရေး ဘတ်ဂျက်မှာ ဂျီဒီပီ၏ ၁ ဒသမ ၈ ရာခိုင်နှုန်းသာ ရှိသော်လည်း မြန်မာနိုင်ငံထက် ဂျီဒီပီသာသော ထိုင်းနိုင်ငံတွင် ကျန်းမာရေး ဘတ်ဂျက်သည် မြန်မာနိုင်ငံထက် နှစ်ဆကျော် ပိုများသည်။

စိတ်ရောဂါ ဝေဒနာရှင်များအတွက် မြန်မာနိုင်ငံတွင် အစိုးရကမည်မျှ သုံးစွဲနေသည်ကို မသိရပေ။ ကမ္ဘာ့ကျန်းမာရေး အဖွဲ့၏ ဆယ်နှစ်ကြာမြင့်ပြီဖြစ်သော အစီရင်ခံစာတစ်စောင်ကို ကိုးကားသည့် ကျန်းမာရေး ဝန်ထမ်းများ၏ ပြောဆိုချက်အရ ကျန်းမာရေး စောင့်ရှောက်မှု ဘတ်ဂျက်မှ သုည ဒသမ ၃ ရာခိုင်နှုန်းကိုသာ စိတ်ရောဂါ ဝေဒနာရှင်များ အတွက် သုံးစွဲကြောင်း သိရသည်။

အစိုးရက ထိရောက်စွာ မဆောင်ရွက်သောကြောင့် လူမှုရေးအဖွဲ့အစည်းများ၊ ပြည်ပအလှူရှင်များက ဝင်ရောက် ကူညီဆောင်ရွက် ပေးနေရသည်။

နိုင်ငံရေးအကျဉ်းသားများ စောင့်ရှောက်ရေးအသင်း (AAPP) ကဲ့သို့ အဖွဲ့အစည်းများက ပံ့ပိုးမှုများကို ပေးနေရသည်။ AAPP က အမေရိကန်နိုင်ငံ John Hopkins တက္ကသိုလ်မှ ထောက်ပံ့ငွေဖြင့် မြန်မာကဲ့သို့ ကူညီနိုင်မှု အခွင့်အလမ်းနည်းပါးသည့် နိုင်ငံအတွက် ယေဘုယျပုံစံဖြင့် ချဉ်းကပ်ကုသနည်းဟု ခေါ်သည့် စိတ်သရုပ်ခွဲကုသနည်း (Common Elements Treatment Approach) ကို အသုံးပြုနေရသည်။

AAPP ၏ ဆေးခန်းကြီးကြပ်ရေးမှူး၊ နိုင်ငံရေး အကျဉ်းသားဟောင်း စောသက်ထွန်းက ၂ဝ၁၃ ခုနှစ်မှ စတင်ခဲ့သည့် အစီအစဉ်တွင် ကုသမှု ခံယူခဲ့သူ ၉၆၇ ဦးအနက် ၅၂၁ ဦးသည် နိုင်ငံရေး အကျဉ်းသားဟောင်းများဖြစ်ပြီး ၂ဝ၁၅ ခုနှစ်အတွင်း နိုင်ငံရေးနှင့် မသက်ဆိုင်သည့် အကျဉ်းသားများကိုလည်း ကုသပေးခဲ့ကြောင်း ပြောကြားသည်။ ရန်ကုန်တွင် နှစ်သိမ့်ဆွေးနွေးသူ ၁၆ ဦး ထားရှိပြီး တစ်ဦးချင်းစီက စိတ်ဝေဒနာခံစားနေရသူ လူနာ ငါးဦးမှ ခြောက်ဦးအထိကို သုံးလထက်မနည်း ကူညီဆောင်ရွက်ပေးလျက် ရှိသည်။ ယင်းအရေအတွက်သည် လုံလောက်မှု မရှိကြောင်း စောသက်ထွန်းက ပြောသည်။

“စစ်အစိုးရကြောင့် စိတ်ဒဏ်ရာ ခံစားခဲ့ရသူ အများကြီးရှိတဲ့အတွက် ကျွန်တော်တို့ရဲ့ နှစ်သိမ့်ဆွေးနွေးတဲ့အဖွဲ့ ငါး ဖွဲ့နဲ့ မလုံလောက်ပါဘူး။ ဒါကြောင့် လူထုတွေကို ကျွန်တော်တို့ လုပ်ဆောင်တဲ့ နည်းလမ်းတွေ ပြန်လည်သင်တန်းပေးပြီး ပါဝင်ကူညီနိုင်အောင် လုပ်ဆောင်နေပါတယ်” ဟု ၎င်းက ပြောသည်။

“ကျွန်တော်တို့နိုင်ငံမှာ စိတ်ဝေဒနာ ခံစားနေရသူတွေတွက် ဆွေးနွေးနှစ်သိမ့်ပေးမှုတွေ လိုနေပါတယ်။ ဒါပေမဲ့ ဒီလုပ်ငန်းဟာ ဘယ်လောက်အထိ အရေးကြီး တယ်ဆိုတာ မသိလို့ အစိုးရက လျစ်လျူရှုထားပါတယ်”

AAPP ၏ လုပ်ဆောင်မှုများအတွက် အစိုးရအနေဖြင့် အကူအညီပေးရန် ကမ်းလှမ်းခြင်း မရှိသလို စိတ်ဝင်စားမှုလည်း မပြကြောင်း၊ စိတ်ဝေဒနာ ခံစားရသူများကို ဖိနှိပ်ရာတွင် ယခင်အစိုးရအဖွဲ့က တာဝန်ရှိသူများ ပါဝင်ခဲ့ခြင်းသည်လည်း အကြောင်းရင်း တစ်ခုဖြစ်နေကြောင်း ၎င်းက ပြောသည်။

** လူနာပြည့်နေသည့် စိတ်ရောဂါကုဆေးရုံများ **

စိတ်ရောဂါ ဝေဒနာရှင်များအား ကူညီစောင့်ရှောက်သည့် နေရာတို့တွင် လူနာအရေတွက်မှာ လက်ခံနိုင်သည့် ပမာဏထက် ပိုများနေခြင်းကို ရန်ကုန်စိတ်ကျန်းမာရေး ဆေးရုံတွင် တွေ့မြင်နိုင်သည်။

ဆေးရုံနံရံတွင် သုတ်ထားသည့် ဆေးသည် အက်ကြောင်းထနေသလို အဆောင်အသီးသီးတွင် လူနာများ ပြည့်ကျပ်နေပြီး ဝန်ထမ်းအရေအတွက် နည်းပါးနေသည်။ လူနာ ကိုးရာသာ ထားနိုင်သည့် အဆိုပါ ဆေးရုံတွင် လူနာ ၁,၅ဝဝ ထားရပြီး ဆရာဝန် ၂၅ ဦးသာ ရှိသည်။

လူနာနှင့်ဆရာဝန် အချိုးအစား မမျှတသောကြောင့် လူနာတချို့ကို အချိန်ပိုမိုလိုအပ်မည့် စိတ်ကုထုံးဖြင့် ကုသလိုသော်လည်း ဆေးဝါးများဖြင့်သာ ကုသနေရကြောင်း ရန်ကုန်စိတ်ကျန်းမာရေး ဆေးရုံအုပ် ဒေါက်တာတင်ဦးက ပြောသည်။

“ကျွန်တော်တို့ ဝန်ထမ်းအင်အားနဲ့ လူနာ ငါးရာလောက်ကိုပဲ ကုသစောင့်ရှောက်နိုင်ပါတယ်။ ဝန်ထမ်းအရေအတွက် ပိုမို လိုအပ်နေပါတယ်။ ဆရာဝန် အရေအတွက် ပိုထားတာ ဒါမှမဟုတ် လူနာအရေအတွက်ကို လျှော့ပြီး လက်ခံတာမျိုးကို လုပ်ဖို့လိုပါတယ်။ ဒီလူနာအားလုံးကို ဒီမှာရှိတဲ့ ဆရာဝန်တွေက အပြည့်အဝဂရုစိုက်ဖို့ အချိန် မလုံလောက်ပါဘူး” ဟု ၎င်းက ပြောသည်။

** လူထုပညာပေးနည်းဖြင့် စိတ်ဒဏ်ရာကို ဖြေဖျောက်ခြင်း **

နိုင်ငံတော် တာဝန်ရှိသူများက စိတ်ကျန်းမာရေးကဏ္ဍကို ဥပေက္ခာပြုထားခြင်းသည် ယင်းအကြောင်းအရာနှင့် ပတ်သက်၍ မြန်မာနိုင်ငံတွင် ပြည်သူတို့ သတိပြုစိတ်ဝင်စားမှု မရှိခြင်းကို ဖော်ပြလျက်ရှိသည်။ ဝေဒနာ ခံစားရသူများသည် ‘အရူး’ ဟု အခေါ်ခံရမည်ကို စိုးရိမ်ခြင်းကြောင့် သာမန်ဝေဒနာများ အတွက် လိုအပ်နေသည့် အကူအညီကိုပင် မရှာဖွေတော့ပေ။

“စိတ်ဝေဒနာ ခံစားနေရသူတွေဟာ လူ့အသိုင်းအဝိုင်းကနေ ဖယ်ကြဉ်ခံရတာကြောင့် သူတို့ဟာ အရူးလို့ အခေါ်မခံချင်တော့ သလို စိတ်ရောဂါကု ဆရာဝန်တွေနဲ့လည်း မတွေ့ကြတော့ပါဘူး” ဟု ဆေးပညာ ကျင့်ဝတ်ပိုင်းဆိုင်ရာ ဝေဖန်သုံးသပ်သူ ဒေါက်တာမြင့်ဦးက ပြောကြားသည်။

“ကျန်းမာရေး အသိပညာတွေ မြှင့်တင်ပေးဖို့ လိုအပ်နေပါပြီ။ လူတိုင်းဟာ ဘဝမှာ စိတ်ဝေဒနာခံစားဖို့ အခြေအနေတွေ ရှိနေတယ်ဆိုတာ နားလည်ကြဖို့ လိုပါတယ်” ဟု ၎င်းက ပြောကြားသည်။

ဒေါက်တာမြင့်ဦးနှင့် The Danish Institute Against Torture အဖွဲ့က စိတ်ကျန်းမာရေး အပါအဝင် အထွေထွေ ကျန်းမာရေးဆိုင်ရာ စမ်းသပ်စစ်တမ်း ကောက်ယူရာတွင် နိုင်ငံရေး အကျဉ်းသားဟောင်း ၃၃ဝ ကို တစ်နှစ်ကျော် လေ့လာခဲ့သည်။

လေ့လာမှုစစ်တမ်းတွင် ပါဝင်ဖြေဆိုသူများအနက် ၁ ရာခိုင်နှုန်းကသာ စိတ်ထိခိုက်မှု နောက်ဆက်တွဲ ပြသ၁နာများကို ကြုံတွေ့ရသည်ဟု ပြန်လည် ဖြေဆိုခဲ့ကြကြောင်း၊ ယင်းအရေအတွက်သည် ကမ္ဘာ့ပျမ်းမျှနှုန်း ၂၅ ရာခိုင်နှုန်းထက် များစွာနည်းပါးနေရာ စိတ်ပိုင်းဆိုင်ရာ ဝေဒနာသည်တို့ ခံစားချက်ကို ဖုံးကွယ်ထားသည်ဟု ထင်မြင်မိကြောင်း စိတ်ရောဂါကု ဆရာဝန်တစ်ဦးဖြစ်သူ ဒေါက်တာစန်းစန်းဦးက ပြောကြားသည်။

သူသည် နိုင်ငံရေးအကျဉ်းသား အရေအတွက် အနည်းငယ်ကို အသေးစိတ်လေ့လာ စမ်းသပ်ခဲ့ရာ ၅ဝ ရာခိုင်နှုန်းသည် စိတ်ထိခိုက်မှု နောက်ဆက်တွဲ ပြသ၁နာများကို ခံစားနေရကြောင်း တွေ့ရှိခဲ့ရသည်။

“သူတို့အနေနဲ့ စိတ်ပိုင်းဆိုင်ရာ ဝေဒနာခံစားနေတယ် ဆိုတာကို ဘယ်သူ့ကိုမှ မသိစေချင်ဘူး။ သူတို့တွေကို မေးတဲ့ မေးခွန်းတွေကို ပြန်ဖြေတဲ့နေရာမှာ အမှတ်တွေများနေရင် သူတို့ကို စိတ်ဝေဒနာ ခံစားနေရတယ်လို့ သတ်မှတ်ခံရမှာ စိုးရိမ်လို့ အမှတ်နည်းအောင် လုပ်ကြတယ်။ သူတို့တွေဟာ နိုင်ငံအတွက် လူစွမ်းကောင်းတွေပါ။ သူတို့ရဲ့ အားနည်းချက်ကို မဖော်ပြချင်ဘူး။ တကယ်တော့ သူတို့မှာ စိတ်ထိခိုက်မှုဒဏ်ရာခံစားနေရပါတယ်” ဟု ၎င်းက ပြောသည်။

နိုင်ငံရေး အကျဉ်းသားဟောင်း ကိုချစ်ဆန်းက AAPP မှ နှစ်သိမ့်ဆွေးနွေးသူ တစ်ဦးနှင့် ဆွေမျိုးတော်သည့် သူငယ်ချင်းက အကြံပေးလာသည့်အခါမှသာ သူ၏ စိတ်ဝေဒနာ သက်သာရန်အတွက် အကူအညီယူရန် စဉ်းစားခဲ့သည်ဟု ပြောသည်။

သူ့ဇနီးနှင့်သားတို့ကို နှစ်သိမ့်ဆွေးနွေးကုသမှု အကြောင်း ရှင်းပြပြီးနောက် သူတို့ကလည်း ကိုချစ်ဆန်းအား ကုသမှုတွင် ပါဝင်သည့် ဆွေးနွေးခန်း အချိန်များတွင် ပါဝင်နားထောင်ရန် သဘောတူခဲ့ကြသည်။ ကိုချစ်ဆန်းအား ဆွေးနွေးကုသမှု ပြုလုပ်သည်မှာ ခြောက်လ ပြီးဆုံးသွားပြီဖြစ်သလို စိတ်ထိခိုက်မှုမှ ထွက်ပေါ်လာသည့် သက်ရောက်မှုများကို ထိန်းသိမ်းဖြေရှင်းနိုင်ပြီဟု ၎င်းက ပြောသည်။

“နှစ်သိမ့်ဆွေးနွေးကုသမှု အစီအစဉ်ဟာ မြန်မာနိုင်ငံမှာ ထူးဆန်းနေပါသေးတယ်။ အခုဆိုရင် ဒီအစီအစဉ်ကြောင့် ကျွန်တော့် အတွက်ရော၊ ကျွန်တော့် မိသားစုအတွက်ရော နေရထိုင်ရ အဆင်ပြေသွားပါပြီ” ဟု ၎င်းက ပြောသည်။ နိုင်ငံရေး အကျဉ်းသားဟောင်းတို့အတွက် စိတ်ကျန်းမာရေး စောင့်ရှောက်မှုများ တိုးချဲ့ လုပ်ပေးစေလိုကြောင်း ကိုချစ်ဆန်းက ပြောသည်။

Connor Macdonald / Myanmar Now
The Ladies News Journal

butheetaung-620.jpg
 
ဘူးသီးတောင် မြို့အဝင်ဆိုင်းပုဒ်ကို တွေ့ရစဉ်
Photo: Min Thein Aung

ရခိုင်ပြည်နယ် ဘူးသီးတောင်နဲ့ မောင်တောမြို့နယ်မှာ ည ၁၁ နာရီကနေ မနက် ၄ နာရီအထိ ထုတ်ပြန်ထားတဲ့ ပုဒ်မ- ၁၄၄ ညမထွက်ရအမိန့်ကို နောက်ထပ် သက်တမ်း ၂ လ တိုးမြှင့်လိုက်ပါတယ်။

မြို့နယ်အုပ်ချုပ်ရေးမှူးအမိန့်နဲ့ ရပ်ကွက်အသီးသီးမှာ မနေ့ညက ကြေညာခဲ့တာလို့ ဘူးသီးတောင်မြို့ အမှတ်(၇) ရပ်ကွက်အုပ်ချုပ်ရေးမှူး ဦးနိုင်နိုင် က ပြောပါတယ်။

ရခိုင်ပြည်နယ်မှာ လွန်ခဲ့တဲ့ ၂၀၁၂ ခုနှစ် ဇွန်လကဖြစ်ပွားခဲ့တဲ့ ပဋိပက္ခတွေကြောင့် ရခိုင်ပြည်နယ်တစ်ခုလုံးမှာ ပုဒ်မ ၁၄၄ ညမထွက်ရအမိန့်ကို ထုတ်ပြန်ကြေညာခဲ့တာဖြစ်ပါတယ်။

နယ်မြေတည်ငြိမ်မှုအပေါ်မူတည်ပြီး မြို့နယ်အားလုံးနီးပါးမှာ ပြန်လည်ရုပ်သိမ်းခဲ့ပေမယ့် ဘူးသီးတောင် နဲ့ မောင်တောမြို့နယ်နှစ်ခုမှာ ဆက်ရှိနေတာဖြစ်ပါတယ်။

၂၀၁၂ ခုနှစ်က ဖြစ်ပွားခဲ့တဲ့ ပဋိပက္ခတွေကြောင့် ရခိုင်ပြည်နယ် တစ်ခုလုံးမှာ ထုတ်ပြန်ထားတဲ့ အရေးပေါ် အခြေအနေကို ၄နှစ်နီးပါးအကြာမှာ ပြီးခဲ့တဲ့ မတ်လ ၂၈ရက်နေ့က နိုင်ငံတော်သမ္မတက ပြန်လည် ရုပ်သိမ်း ခဲ့ပါတယ်။
RFA

chawsanditun-620.jpg
 
ချစ်သမီး (ခေါ်) မချောစန္ဒီထွန်း ကို မတ်လ ၃ဝ ရက်နေ့က တွေ့ရစဉ်
ဓါတ်ပုံ- ချောစန္ဒီထွန်းဖေ့ဘုတ်

တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင် ဓာတ်ပုံကို ပြုပြင်ပြီး သရော်တဲ့စာသားတွေ နဲ့ ဖေ့စ်ဘွတ်မှာ တင်ခဲ့တာကြောင့် ထောင်ဒဏ် ၆လ ချမှတ်ခံထားရတဲ့ ချစ်သမီး (ခေါ်) မချောစန္ဒီထွန်းဟာ ဒီနေ့ မအူပင်အကျဉ်းထောင်ကနေ ပြစ်ဒဏ်ကာလပြည့်မြောက်ပြီး လွတ်မြောက်လာပါတယ်။

အကျဉ်းကျစဉ်မှာ နှစ်လလောက်က ဖိနှိပ်ချုပ်ချယ်မှုတွေခံခဲ့ရတယ်လို့ မချောစန္ဒီထွန်းက ပြောပါတယ်။

"အခန်းအပြင်ဘက်ထွက်လို့ရတော့ သမီးက အပြင်ထွက်တယ်၊ အပြင်ထွက်ပြီး တခြားအကျဉ်းသူတွေနဲ့ စကားပြောတယ်၊ အဲ့ဒါသူတို့က စကားပြောတာ မကြိုက်ဘူးပေါ့၊ လူ့အချင်းချင်းစကားပြောတာ မကြိုက်ဘူး ဆိုတာက လူ့အခွင့်အရေး ချိုးဖောက်တဲ့ သဘောတွေလည်း တက်ရောက်တယ်ပေါ့၊ နောက်ညီမလှုပ်ရှားသမျှ အကုန်လိုက်ကြည့်နေတယ်၊ သူတို့တွေက သတင်းပို့တယ်၊ အဲ့လိုမျိုးတွေတော့ရှိတယ်၊ နောက်ပိုင်းမှ အဲ့တင်းကြပ် မှုတွေအကုန်လုံး ဖြေလျော့ပေးတာပေါ့၊ ဒီဟာက သူတို့ဘက်က အရေးယူသင့်တယ်ဆိုပြီး အရေးယူတာပေါ့၊ ကိုယ့်ဘက်ကအနေနဲ့ကတော့ ဒီဥစ္စာက အရောင်တူလို့ တူတယ်လို့ ပြောမိလိုက်တာ၊ အမှန်တရားကို ပြောမိ လို့ ထောင်ထဲရောက်တာ၊ စိတ်မကောင်းတော့ မဖြစ်ပါဘူး"

ဆက်သွယ်ရေးဥပဒေ ပုဒ်မ ၆၆(ဃ)နဲ့ တရားစွဲဆိုခံရပြီး အမှုရင်ဆိုင်နေရချိန်မှာ အာမခံမပေးတဲ့အပေါ် မဖြစ်သင့်ကြောင်းလည်း ပြောပါတယ်။

တပ်မတော်ဝတ်စုံ အရောင်ပြောင်းလဲလိုက်တာနဲ့ ပတ်သက်ပြီး ဖေ့စ်ဘွတ်မှာ တင်ခဲ့တဲ့အတွက် မချောစန္ဒီထွန်းကို အနောက်တောင်တိုင်းစစ်ဌာနချုပ် ဒုတိယဗိုလ်မှူးကြီး ကျော်ထင်က တရားလိုလုပ်ပြီး စွဲဆိုခဲ့တာဖြစ်ပါတယ်။

မချောစန္ဒီထွန်းကို ပြီးခဲ့တဲ့နှစ် အောက်တိုဘာလမှာ ဖမ်းဆီးခဲ့ပြီး ဒီဇင်ဘာလကုန်မှာ မအူပင်မြို့နယ်တရားရုံး က ထောင်ဒဏ် ၆ လ ချမှတ်ခဲ့တာဖြစ်ပြီး ဒီနေ့ လွတ်မြောက်လာတာဖြစ်ပါတယ်။
RFA

nyipu-rakhine-minister-620.jpg  
ရခိုင်ပြည်နယ် ဝန်ကြီးချုပ်အသစ် ဦးညီပု ကို မတ်လ ၃ဝ ရက်နေ့က ရခိုင်ပြည်နယ်လွှတ်တော်မှာ တွေ့ရစဉ်
Photo: Min Thein Aung/RFA

ရခိုင်ပြည်နယ်ဝန်ကြီးချုပ်အဖြစ် NLD ပါတီ ဂွမြို့နယ် ပြည်နယ်လွှတ်တော်ကိုယ်စားလှယ် ဦးညီပုကို အဆိုပြုထားတာ ကို ရခိုင်အမျိုးသားပါတီက ကန့်ကွက်ခဲ့ပေမယ့် ပြည်နယ်လွှတ်တော်က ဒီကနေ့ အတည်ပြုခန့်အပ်လိုက်ပါတယ်။

ကန့်ကွက်မှုဟာ ဥပဒေလုပ်ထုံးလုပ်နည်းနဲ့ မညီတာကြောင့် အတည်ပြုခန့်အပ်ကြောင်း လွှတ်တော်ဥက္ကဌ ဦးစံကျော်လှက ကြေညာခဲ့ပါတယ်။

"လွှတ်တော်ကိုယ်စားလှယ် ဦးကျော်လွင်၏ ကန့်ကွက်လွှာမှာ တိုင်းဒေသကြီး သို့မဟုတ် ပြည်နယ်လွှတ်တော် ဝန်ကြီးချုပ်တစ်ဦး၏ သတ်မှတ်ထားသော အရည်အချင်းကို ကန့်ကွက်ခြင်း မဟုတ်ကြောင်း သိရှိရပါသည်၊ သို့ပါ၍ ၄င်းတင်သွင်းမှုမှာ ဥပဒေလုပ်ထုံးလုပ်နည်းနဲ့ မညီကြောင်း သိရှိရပါသဖြင့် ဂွမြို့နယ်မဲဆန္ဒနယ် အမှတ် ၂ မှ ပြည် နယ်လွှတ်တော်ကိုယ်စားလှယ် ဦးညီပုအား ခန့်အပ်ရန် ရခိုင်ပြည်နယ် လွှတတေ်ာက သဘောတူ အတည်ပြုကြောင်း ကြေညာအပ်ပါတယ်"

ဦးညီပုဟာ လာမယ့် ဧပြီလ ၁ရက်နေ့ ကျင်းပမယ့် ပြည်နယ်လွှတ်တော်မှာ ဝန်ကြီးချုပ်အဖြစ် ကျမ်းသစ္စာကျိန်ဆို မှာဖြစ်ပါတယ်။ ရခိုင်ပြည်နယ် ၀န်ကြီးချုပ်တာဝန်ကို ANP က တစ်ဦးဦးကို ခန့်အပ်ဖို့ စစ်တွေ၊ မြောက်ဦး နဲ့ ကျောက်ဖြူမြို့တွေမှာ တောင်းဆိုမှုတွေ ရှိခဲ့သလို၊ တောင်ကုတ်မြို့မှာ ဒေသခံတွေကလည်း ANP ပါတီရဲ့ တောင်းဆိုမှုတွေကို ကန့်ကွက်ကြောင်း ဒီကနေ့ ဆန္ဒပြကြပါတယ်။

အလားတူ ကချင်ပြည်နယ်လွှတ်တော်က ဒေါက်တာခက်အောင်ကို ကန့်ကွက်သူမရှိ အတည်ပြုလိုက် ပါတယ်။ ဒေါက်တာခက်အောင်က အစိုးရသစ်လက်ထက်မှာ ငြိမ်းချမ်းရေးကိစ္စကို ဒေါ်အောင်ဆန်းစုကြည်ရဲ့ ဦးဆောင်မှုနဲ့ ကြိုးပမ်းသွားမယ်လို့ ပြောပါတယ်။

"ကျနော်တုိ့ ကချင်ပြည်နယ်အနေနဲ့ သတ်သတ်ကြီး ငြိမ်းချမ်းရေးကို အကောင်အထည်ဖော်လို့ မရဘူး၊ ဒီတော့ ပြည်ထာင်စုကနေပြီးတော့ ဖော်ဆောင်တဲ့ ငြိမ်းချမ်းရေးအပေါ်မှာပဲ ကချင်ပြည်နယ်ရဲ့ ငြိမ်းချမ်းရေးလည်း မူတည်မှာဖြစ်ပါတယ်၊ ငြိမ်းချမ်းရေးကို ကော်မတီအသစ်တွေ ထပ်ဖွဲ့ပြီးတော့ ကျနော်တို့ရဲ့ဥက္ကဌ ဒေါ်အောင်ဆန်း စုကြည် ကနေ ဦးဆောင်ပြီးတော့ လက်နက်ကိုင်အဖွဲ့အစည်းတွေ အားလုံးပါဝင်လာနိုင်အောင် ဆောင်ရွက် ပြီးတော့ အကောင်အထည်ဖော်သွားမှာဖြစ်ပါတယ်"

ကချင်ပြည်နယ်ဝန်ကြီးချုပ် ဒေါက်တာခက်အောင်က လူမှုရေးရာဝန်ကြီးဌာနကိုလည်း ပူးတွဲတာဝန်ယူသွား မှာဖြစ်ပြီး ပြည်နယ်အစိုးရအဖွဲ့မှာ ၀န်ကြီးဌာန ၅ ခုနဲ့ တိုင်းရင်းသားရေးရာဝန်ကြီး ၄ ဦး ရှိမှာဖြစ်ပါတယ်။

ဒီနေ့ ကချင်ပြည်နယ်လွှတ်တော်ကို မြစ်ကြီးနား၊ မိုးညှင်း၊ မိုးကောင်း၊ နမ္မတီး၊ ဟိုပင်၊ ဝိုင်းမော် စတဲ့ မြို့နယ်တွေက NLD ပါတီဝင် ၉၀ လောက် တက်ရောက်လေ့လာခဲ့ပါတယ်။
RFA

နိုင်ငံတော်သမ္မတအသစ် ဦးထင်ကျော်နဲ့ အစိုးရအဖွဲ့ကို ဂုဏ်ပြုတဲ့ ညစာစားပွဲကို နေပြည်တော် သမ္မတအိမ်တော်က မြက်ခင်းပြင်မှာ ဒီနေ့ညကျင်းပခဲ့ပါတယ်။

Photo: Myo Thant Khaing/RFA
RFA

ဒေါ်အောင်ဆန်းစုကြည်ကို နိုင်ငံတော် အတိုင်ပင်ခံ ပုဂ္ဂိုလ် အဖြစ်ခန့်အပ်မည့် ဥပဒေကြမ်းကို မနက်ဖြန် ( မတ်လ ၃၁) တွင် ကျင်းပမည့် အမျိုးသားလွှတ်တော် အစည်းအဝေးတွင် အမျိုးသားဒီမိုကရေစီအဖွဲ့ ချုပ်မှလွှတ်တော် ကိုယ်စားလှယ်ဖြစ်သူ အမျိုးသားလွှတ် တော် ဥပဒေကြမ်း ကော်မတီဝင် ဦးအောင်ကြည်ညွန့် ကတင်သွင်းမည်ဖြစ်ကြောင်း သတင်းရရှိသည်။

ယင်းဥပဒေ ကြမ်း တင်သွင်းမည့် အစီအစဉ်ကို မနက်ဖြန် တွင် ကျင်းပမည့် အမျိုးသားလွှတ်တော် လျာထား အစီအစဉ်တွင်ပါရှိကြောင်း ရခိုင်အမျိုးသားပါတီအမျိုးသားလွှတ်တော်ကိုယ်စားလှယ် ဦးမြင့်နိုင် ကပြောသည်။

ဓာတ်ပုံ- ဦးဖေသန်း
7Day News Journal

ဖွဲ့စည်းပုံအခြေခံဥပဒေအရ သမ္မတဟာ အထွေထွေလွတ်ငြိမ်းချမ်းသာခွင့်ပေးဖို့ စစ်တပ်ဦးဆောင်တဲ့ ကာကွယ်ရေးနဲ့လုံခြုံရေးကောင်စီရဲ့သဘောတူညီမှု လိုအပ် တာကြောင့် ထိန်းသိမ်းခံကျောင်းသားတွေ လွတ်မြောက်ရေးအတွက် မျှော်လင့်ချက်နည်းပေမယ့် NLD အစိုးရအနေနဲ့ ကျောင်းသားတွေအတွက် တခုခုလုပ်ပေးလိမ့် မယ်လို့ မျှော်လင့်တယ်လို့ ထိန်းသိမ်းခံ ဗကသကျောင်းသူ မဖြိုးဖြိုးအောင်ရဲ့ဖခင် ဦးနေဝင်းကပြောပါတယ်။ ဦးနေဝင်းကို မခက်မာ ဆက်သွယ်မေးမြန်းထားပါတယ်။
RFA

htinkyaw-speech-620.jpg
မြန်မာနိုင်ငံတော်သမ္မတ ဦးထင်ကျော် ပြည်ထောင်စုလွှတ်တော်မှာ မတ်လ ၃ဝ ရက်နေ့က မိန့်ခွန်းပြောကြားစဉ်
.
လွှတ်တော်နာယကကြီး၊ လွှတ်တော်ကိုယ်စားလှယ်များ၊ တက်ရောက်လာကြသော ဂုဏ်သရေရှိဧည့်သည်တော်များ နဲ့ နိုင်ငံသူ၊ နိုင်ငံသားများခင်ဗျာ့း့့ 
ဒီပြည်ထောင်စုလွှတ်တော်ကြီးက ကျွန်တော့်ကို နိုင်ငံတော်သမ္မတအဖြစ် ရွေးချယ်တင်မြှောက်ခံရတာဟာ အထင်ကရ သမိုင်းဝင်ဖြစ်ရပ်ကြီးတစ်ခုဖြစ်တဲ့အတွက် ကျွန်တော် များစွာဂုဏ်ယူဝမ်းမြောက်ကြောင်း ပြောကြား လိုပါတယ်။ နိုင်ငံတော်သမ္မတဖြစ်လာတဲ့အညီ ကျွန်တော်က ပြည်ထောင်စုလွှတ်တော်ကို တာဝန်ခံရမယ့် ပုဂ္ဂိလ်ဖြစ်လာပါတယ်။
presidents-620.jpg
(၂၀၁၅) ခုနှစ်၊ နိုဝင်ဘာလ ရွေးကောက်ပွဲရလဒ်ကြောင့် ဖြစ်ထွန်းလာတဲ့ ဒုတိယအကြိမ်လွှတ်တော်နဲ့ အစိုးရ အဖွဲ့များဟာ ဒေါ်အောင်ဆန်းစုကြည် ခေါင်းဆောင်တဲ့ အမျိုးသားဒီမိုကရေစီအဖွဲ့ချုပ်ရဲ့ မူဝါဒများနဲ့ကိုက်ညီစွာ ဖွဲ့စည်းထားခြင်းဖြစ်ပါတယ်။

ယခုအစိုးရသစ်အနေဖြင့် အောက်မူဝါဒများဖြစ်တဲ့ အမျိုးသားရင်ကြားစေ့ရေး၊ ပြည်တွင်းငြိမ်းချမ်းရေး၊ ဒီမိုကရေစီ ဖက်ဒရယ်ပြည်ထောင်စု ဖြစ်ပေါ်ရေးကို ရှေးရှုတဲ့ ဖွဲ့စည်းပုံအခြေခံဥပဒေတစ်ခု ပေါ်ပေါက်ရေးနဲ့ ပြည်သူလူထု အများစုရဲ့လူနေမှုဘ၀အဆင့်အတန်း တိုးတက်မြင့်မားရေးတို့ကို အကောင်အထည်ဖော်ဆောင်သွားမှာဖြစ် ပါတယ်။
ministers-oath-620.jpg

လွှတ်တော်နာယကြီး၊ လွှတ်တော်ကိုယ်စားလှယ်များ၊ တက်ရောက်လာကြသော ဂုဏ်သရေရှိဧည့်သည်တော် များနဲ့ နိုင်ငံသူနိုင်ငံသားများခင်ဗျာ့း့့ 

ဒီနေ့ဒီအချိန်မှာ လေးနက်စွာတင်ပြလိုတဲ့ အချက်တစ်ခုရှိပါတယ်။ ဒီအချက်ကတော့ မကြာမီကပဲ ကျွန်တော် ဟာ နိုင်ငံတော်သမ္မတအဖြစ် ကတိသစ္စာပြုခဲ့ပြီးဖြစ်ပါတယ်။ အဲဒီကတိသစ္စာကို ထိန်းသိမ်းစောင့်ရှောက်ရမယ့် တာဝန်ရှိကြောင်းကိုလည်း အစဉ်သတိချပ်နေမှာဖြစ်ပါတယ်။ ဒါ့အပြင် နိုင်ငံတော်နဲ့သင့်တော်မယ့် ဒီမိုကရေစီ စံချိန်စံညွှန်းများနဲ့ ကိုက်ညီတဲ့ ဖွဲ့စည်းပုံအခြေခံဥပဒေတစ်ရပ် ဖြစ်ပေါ်လာရေးအတွက်လည်း ဆောင်ရွက်ရမယ့် တာဝန်ရှိပါတယ်။ နှစ်ရှည်လများ ပြည်သူလူထုလိုလားတောင့်တနေတဲ့ ဒီနိုင်ငံရေးရည်မှန်းချက် အကောင် အထည်ပေါ်လာရေးအတွက် စိတ်ရှည်သည်းခံပြီးဆောင်ရွက်သွားရမှာကိုလည်း သိနားလည်ထားပါတယ်။
နိဂုံးချုပ်အားဖြင့် တင်ပြချင်တာကတော့ ယခုပေါ်ပေါက်လာတဲ့ ပြည်ထောင်စုအစိုးရအဖွဲ့ဟာ ပြည်သူလူထု ရဲ့မျှော်လင့်ချက်များ၊ ဆန္ဒများ ပြည့်ဝစေရန် မမှိတ်မသုန် ကြိုးပမ်းဆောင်ရွက်သွားမှာဖြစ်ကြောင်း အလေး အနက် ပြောကြားလိုခြင်းဖြစ်ပါတယ်။ နိုင်ငံသူနိုင်ငံသားအားလုံး ချမ်းမြေ့သာယာစွာနဲ့ မိမိတို့ဘ၀လမ်းကြောင်း ကို ဖြောင့်တန်းစွာ လျှောက်လှမ်းနိုင်ကြပါစေ။           ။


RFA



မြန်မာနိုင်ငံမှာ နှစ်ပေါင်းများစွာအတွင်း သမ္မတဦးထင်ကျော်ဦးဆောင်တဲ့ အရပ်သားအစိုးရသစ် တက်လာခဲ့ပါပြီ၊ ပြည်သူတွေရွေးချယ်ခဲ့တဲ့ NLD အစိုးရလက်ကို တိုင်းပြည်တာဝန်တွေ ကျရောက်လာတဲ့အပေါ် ပြည်သူတွေရဲ့ သဘောထား မျှော်လင့်ချက်တွေ ဘယ်လိုရှိပါသလဲဆိုတာကို တင်ပြထားပါတယ်။

စာရေးဆရာ ချစ်ဦးညို

“သိုသိုသိပ်သိပ်နေတတ်တယ်။ ရိုး ဂုဏ်ရှိတယ်။ စာရေးဆရာ ဖြစ်တယ်။ အရပ်သားဖြစ်တယ် ။ မျိုးရိုးကောင်းတယ်။ စသည် ပြီးတော့ သူ ကျမ်းကျိန်တဲ့ မိန့်ခွန်းထဲမှာပြောသွားတာရှိသေးတယ်။ ဒီမိုကရေစီ စံချိန်စံညွှန်းများနဲ့အညီ ဖြစ်အောင် အခြေခံဥပဒေကို ရေးဆွဲဖို့ရှိပါတယ် ဆိုတာကလည်း အင်မတန်အားကိုးစရာကောင်းတဲ့ စကားပဲ ။ အဲလိုအကြောင်းပေါင်းများစွာ ပြန်ကြည့်တဲ့အခါမှာ ဦးထင်ကျော်သမ္မတဖြစ်ခြင်းဟာ လူသာဓုခေါ်၊ နတ်သာဓုခေါ် အကြောင်းအရာတခုဖြစ်တယ်လို့ပြောချင်ပါတယ်။”

ရန်ကုန်မြို့ခံ ကိုညီ

“ဒီနေ့တော့ အထွေအထူးပြောစရာမလိုဘူး ဘာဖြစ်လို့လဲဆိုတော့ ကိုယ်လိုချင်တဲ့ ရလဒ်တခုကိုရတဲ့အတွက် စိတ်အချမ်းသာဆုံးပဲ အပျော်ရွှင်ဆုံးပဲ ဘ၀မှာ ဒီထက်ပျော်တာ ဘာမှမရှိဘူး။

ဈေးကွက်ဖြန့်ချီရေးတာဝန်ခံ မစုလဲ့ဖြူ

“ပထမဦးဆုံးအနေနဲ့တော့ အမတို့ ၀မ်းသာတာပေါ့နော်။ ဒါ့အပြင် သူ့ဘက်က အမတို့မျှော်လင့်တာက ကြီးမားတဲ့ပြောင်းလဲမှုပေါ့။ ဒါပေမယ့် ကြီးမားတဲ့ပြောင်းလဲမှုဆိုတဲ့နေရာမှာ အဓိကတော့ ဒါအများလည်းသိကြတဲ့အတိုင်းပေါ့ ပညာရေးနဲ့ ကျန်းမာရေး ကဏ္ဍမှာ ကောင်းမွန်တဲ့ပြောင်းလဲမှုတွေလုပ်ဖို့အတွက် အမတို့ကမျှော်လင့်တယ်။ ပြီးတော့ သမ္မတကြီး ဦးထင်ကျော် သမ္မတဖြစ်လာတဲ့အပေါ်မှာလည်း ကြိုဆိုတယ်။ အကောင်းတွေဖြစ်လာမယ်လို့လည်း မျှော်လင့်ထားတယ်ပေါ့။ ပြီးတော့ အမတို့က တောင်သူနဲ့ ပတ်သက်တဲ့ ကဏ္ဍတွေမှာလည်း ပြောင်းလဲလာမယ်လို့မျှော်လင့်တယ်။ ဒါတောင်သူဆိုတာ အမတို့ရဲ့ ကျေးဇူးရင်ပဲလေ။ ဒါကြောင့် တောင်သူတွေရဲ့ အခန်းကဏ္ဍကိုလည်း လစ်လျှူမရှု့ထားစေချင်ဘူး လို့ အမက ထင်တယ်ပေါ့လေ။

အငှားယာဉ်မောင်း ဦးမောင်မောင်လွင်

“ဒီနိုဝင်ဘာလမှာ ကျင်းပခဲ့တဲ့ ရွေးကောက်ပွဲအနိုင်ရတဲ့ NLD ပါတီက တင်မြှောက်ခဲ့တဲ့ အရပ်သားစစ် စစ် သမ္မတတယောက် ။ ကျနော်တို့မျှော်လင့်ခဲ့တဲ့ သမ္မတတယောက်ကို အခုအချိန်မှ ပထမဆုံးတာဝန်ထမ်းဆောင်ရမှာဆိုတော့ ကျနော့်အနေနဲ့ရော၊ မြန်မာပြည်သူတွေအားလုံးအတွက်ရောအများကြီးဝမ်းသာပါတယ်။

အငြိမ်းစားဝန်ထမ်း ဦးထွန်းကျော်

“အရပ်သားအစိုးရ စစ်စစ်ပေါ့ အခု သမ္မတအနေနဲ့ဆိုတော့ ကျနော်တို့ကတော့ ပွင့်လင်း မြင်သာမှုရှိလာမယ်။ နောက်ပြီးတော့ ကျနော်တို့ နိုင်ငံက စီးပွားရေး ကိစ္စမှာလည်း ပွင့်လင်းမြင်သာမှုရှိလာမယ်။ နောက်ပြီးတော့ တခြားနိုင်ငံတွေက ရင်းနှီးမြုပ်နှံလို့ လုပ်တဲ့ အလုပ်တွေရှိတယ်။ ဥပမာ အိမ်နီးနားချင်းနိုင်ငံကပဲ အဲဒီကိစ္စတွေလည်း ပွင့်လင်းလာမယ်။ နောက်ပြီးတော့ တိုင်းနဲ့ပြည်နယ်တွေကလည်း တိုးတက်လာမယ်လို့ အများကြီးယုံကြည်တယ်။

ရန်ကုန်မြို့ခံ ဦးကောက်

“အခုဟာက အစိုးရကိုလည်းပြောလို့မရဘူး။ ကျနော်တို့ပြည်သူတွေကိုလည်း ပြောလို့မရဘူး။ နှစ်ဖက် ကောင်းရမယ်။ မင်းလဲကောင်းရမယ် ပြည်သူတွေလည်းကောင်းရမယ်။ နှစ်ဖက်လုံးက ကောင်းမှ ဒီတိုင်းပြည်က တိုးတက်မှာပါ။ မင်းပဲ ကောင်းလို့မရဘူး။ ပြည်သူတွေပဲကောင်းလို့မရဘူး။ အခုက ပြည်သူတွေကမကောင်းဘူး အခုဒီမင်းက လောလောဆယ် ကျနော်တို့က မဆက်ဆံရသေးတော့ မသိသေးလို့ပါ။ ကောင်းဖို့ကတော့ များပါတယ် ဘာဖြစ်လို့လဲဆိုတော့ သူ့လုပ်ဆောင်ချက်တွေအကုန်လုံးက အများပြည်သူတွေ့အောင် သူလုပ်ပေးသွားတယ်။ အဲဒါကြောင့်ကောင်းဖို့အတွက်က percentage များပါတယ်။ လုံးဝ ယုံကြည်ပါတယ်။”

အငှားယာဉ်မောင်း ဦးလှဝင်းစိုး

“သမ္မတကို ပြည်သူလူထု လက်လုပ်လက်စားတွေပေါ့နော် ၊ အောက်လက်ငယ်သားတွေအဆင်ပြေအောင်လို့ လုပ်ပေးနိုင်အောင်လို့ ကြိုးစားစေချင်ပါတယ်။”

ရန်ကုန်မြို့ခံ ကိုညီ

“အခုဟာက ကျနော်တို့ ပြည်သူပြည်သားတွေဟာ ဒေသတွင်းနိုင်ငံတွေအားလုံးမှာဆိုရင်တော့ အဆင်းရဲဆုံးနိုင်ငံဖြစ်တယ်ပေါ့နော်။ အဲတော့ ပြည်သူတွေဆင်းရဲမှုကနေ တိုးတက်လာတဲ့ ဘ၀လေးဖြစ်အောင်တော့ ဘက်ပေါင်းစုံကနေ စီစဉ်ဆောင်ရွက်ပေးစေချင်တာပေါ့နော်။”

အငြိမ်းစားဝန်ထမ်း ဦးထွန်းကျော်

“ကျနော်ကတော့ အဓိက ပထမဆုံး နိုင်ငံတနိုင်ငံ တိုးတက်ဖို့ဆိုတာကတော့ တိုင်းပြည်တခုလုံးမှာဖြစ်နေတဲ့ လက်နက်ကိုင် ငြိမ်းချမ်းရေးပေါ့လေ။ အဲဒီကိစ္စကို ပထမဆုံးကျနော်တို့က ငြိမ်းငြိမ်းချမ်းချမ်းဖြစ်သွားဖို့အတွက် ဆက်ပြီးတော့ အဲဒါကို အကောင်းဆုံးလုပ်စေချင်တယ်။”

ဗွီအိုအေ (မြန်မာပိုင်း)
http://burmese.voanews.com