June 2016


Posted on 30June2016

ထိုင်းနိုင်ငံမှာတော့ လုပ်စားတာများလို့  ထိုင်းပြည်သူတွေ သိကုန်ကြပါပြီ၊ ထိုင်းနိုင်ငံအရှေ့ ပိုင်းနဲ့  မြောက်ပိုင်း ပြည်နယ်တွေမှာ ရှေးဟောင်းဘုရား ရုပ်ပွားတော် ပုံစံတွေ နတ်ရုပ်တွေ၊ ရုပ်ဘိုးတော်ရုပ်- စတာတွေကိုမြေကြီးထဲ မှာ လူမသိအောင် အရင်မြုပ်ထားပြီး အထက်ဘိုးတွေ အိမ်မက်ပေး လို့  ဖေါ်ကြည့် ရာကနေတွေတဲ့ ပုံမျိုး ဒါမဟုတ် ရေကန်နဲ့  မြစ်မှာအလိုလိုပေါ်လာတဲ့ ပုံစံမျိုး လုပ်ကြပါတယ်။


တချို့ လည်း နတ်တွေ အစောင့်တွေက၀င်ပူးပြီး ရွာထိတ်က ဘယ်နေရာတူးကြည့်စတာတွေနဲ့  ပုံစံမျိုးစုံ လိမ်ကြတာပါ။ ခုလိုလိမ်တဲ့နည်းတွေဟာ တကယ့်ရှေးဟောင်း သုတေသနပညာရှင်တွေ လာရောက် စစ်တဲ့အခါ ရုပ်ထုပြလိမ်တဲ့သူတွေ ထွက်ပြေးသွားတတ် ပါတယ်။


လူမှုကွန်ရက်မှာ ခုလို ပေါ်တော်မူ တွေ ထူးဆန်းသတင်းမှာ ပါလာတော့ လာကြည့်ကြသူတွေ များလာ ပါတယ်၊ ပြီးရင် နတ်ကွန်းနဲ့  ဘာသာရေးနေရာ ဟာ လှူကြတမ်းကြ တဲ့ သူတွေ နဲ့  စည်ကားအောင်လုပ်နည်း ဖြစ်ပါတယ်။

မြန်မာနိုင်ငံက ပြည်သူတွေ အယုံမလွယ်အောင် သတိပေးဖေါ်ပြတာပါ။

Social Action for Women - SAW



ကယားပြည်နယ် ဖားဆောင်းမြို့နယ် မော်ချီးဒေသကို ၂ဝ၁၅ ခုနှစ် အောက်တိုဘာလ ၂ဝ ရက်နေ့က တွေ့ရစဉ်။ Photo: Nay Thwae/RFA
ကယားပြည်နယ် ဖားဆောင်းမြို့ နယ် မော်ချီးမှာ မြေပြိုနိုင်တဲ့အန္တရာယ်တွေကြောင့် ဒေသခံ ၅ဝဝ ကျော် ပြောင်းရွှေ့နေထိုင်ဖို့ ပြည်နယ်အစိုးရက ဒီနေ့ ပေ ၆ဝ ပတ်လည်ရှိတဲ့ မြေကွက် ၁၅ဝ ကျော် လွှဲပြောင်းပေးအပ်ခဲ့ပါတယ်။

ကယားပြည်နယ် ဖားဆောင်းမြို့ မြို့တော်ခန်းမမှာ အခမ်းအနားပြုလုပ်ခဲ့တာဖြစ်ပြီး မော်ချီးဒေသ လေးထပ်ကွေ့ ဆိုတဲ့နေရာမှာ မြေကွက်တွေကို ပေးလိုက်တာဖြစ်တယ်လို့ ကယားပြည်နယ် သယံဇာတနဲ့ သဘာဝပတ်ဝန်းကျင် ထိန်းသိမ်းရေး ဝန်ကြီး ဦးတီရယ်က ပြောပါတယ်။

မော်ချီးဒေသမှာ ပြီးခဲတဲ့၂ဝ၁၅ ခုနှစ် အောက်တိုဘာလက မြေပြိုကျခဲ့ပြီး လူအယောက် သုံးဆယ် လောက် သေဆုံး ခဲ့ပါတယ်။

ဘူမိဗေဒပညာရှင်တွေရဲ့ တိုင်းတာချက်အရ မော်ချီးဒေသ ရတနာအောင်မြေ ၊ ၁၅ ရပ်ကွက်၊ ဇီးပင်ကွေ့  ၊ အောင်ချမ်းသာ၊ ၁၃ ကုန်း စတဲ့ရပ်ကွက်တွေနဲ့ KB1 ခဲသတ္တုတူးဖော်ရေး လုပ်ကွက်သွားတဲ့ လမ်းနေရာတွေကို အန္တရာယ်ရှိတဲ့ နေရာတွေအဖြစ် သတ်မှတ်ထားပါတယ်။

ဒီကနေ့ အခမ်းအနားကို ကယားပြည်နယ် စီမံကိန်းနဲ့ ဘဏ္ဍာရေးဝန်ကြီး ဦးမော်မော် ဦးဆောင်တဲ့ ကယားပြည် နယ်အစိုးရအဖွဲ့ ၊ ဖားဆောင်းမြို့ နယ်က ဌာနဆိုင်ရာတာဝန်ရှိသူတွေနဲ့ မော်ချီးဒေသက မြေပြိုမှုအန္တရာယ်ဇုံ မှာကျရောက်နေတဲ့ ဒေသခံ ၁ဝဝ လောက် တက်ရောက်ခဲ့ပါတယ်။

မော်ချီးဒေသ ခဲသတ္တုလုပ်ကွက်ကို မြန်မာ့စီးပွားရေးဦးပိုင်လီမိတက်နဲ့ ရဲထွဋ်ကျော် သတ္တုတူးဖော်ရေး ကုမ္ပဏီတွေ က အဓိကလုပ်ကိုင်နေတာဖြစ်ပြီး တိုင်းရင်းသားလက်နက်ကိုင်အဖွဲ့နဲ့ ပုဂ္ဂလိက ကုမ္ပဏီ တချို့ လည်း လုပ်ကိုင်နေ တာ ဖြစ်ပါတယ်။

RFA Burmese
http://www.rfa.org/burmese


ရှမ်းပြည်နယ်အတွင်း သက်ဆိုင်ရာမြို့နယ်/ မြို့များ၏ ဒေသခံအများစု ဆန္ဒအလျောက် မြို့ဝင်ဆိုင်းဘုတ်တစ်ခု၏ အရွယ်အစားနှင့် ကိုက်ညီနိုင်မည့် မြန်မာစာနှင့် တိုင်းရင်းသားစာ အရေအတွက်ကို ဆုံးဖြတ်ကာ ထည့်သွင်း ထွင်းထုနိုင်ကြောင်း ရှမ်းပြည်နယ်အစိုးရအဖွဲ့က ဖွန်လ ၃၀ ရက်နေ့ နေ့စွဲဖြင့် ထုတ်ပြန်သည်။

ရှမ်းပြည်နယ်အတွင်းရှိ မြို့နယ်/မြို့များ၏ ဆိုင်းဘုတ်များတွင် အသုံးပြုမည့် ဘာသာစကားများကို အများသုံး၊ ရုံးသုံးဖြစ်သည့် မြန်မာဘာသာ စကားအပြင် မည်သည့် တိုင်းရင်းသားလူမျိုးတို့၏ ဘာသာစကားကိုမဆို ထည့်သွင်းရန်အတွက် ကန့်သတ်ညွှန်ကြားထားခြင်းကို ပြီးခဲ့သည့် ဇွန်လ ၂၀ ရက်နေ့တွင် ပြုလုပ်သော ရှမ်းပြည်နယ် အစိုးရအဖွဲ့ ပြည်နယ်ဝန်ကြီးများ ပုံမှန်အစည်းအဝေးအရ ရှမ်းပြည်နယ်အတွင်း သက်ဆိုင်ရာမြို့နယ်/ မြို့များ၏ ဒေသခံအများစု ဆန္ဒအလျောက် မြို့ဝင်ဆိုင်းဘုတ်တစ်ခု၏ အရွယ်အစားနှင့် ကိုက်ညီနိုင်မည့် မြန်မာစာနှင့် တိုင်းရင်းသားစာ အရေအတွက်ကို ဆုံးဖြတ်ကာထည့်သွင်း ထွင်းထုနိုင်ကြောင်း ဆုံးဖြတ်ခဲ့ကြောင်း သိရသည်။

“တိုင်းရင်းသား ဘာသာစာပေများ မြို့အ၀င်ဆိုင်းဘုတ်မှာ ထွင်းထုနိုင်ရေးကိစ္စကို ပြီးခဲ့တဲ့ဇွန်လ ၂၃ ရက်နေ့က လွှတ်တော်မှာ တင်ခဲ့တာပါ။ အတည်ပြု ဆုံးဖြတ်တာကတော့ ဒီနေ့ရက်စွဲနဲ့ ထွက်လာပါတယ် အထူးသဖြင့် တိုင်းရင်းသား အားလုံးနားလည်နိုင် သဘောပေါက်နိုင်မယ့် ဘာသာစကားတွေ ရေးထိုးခွင့်ရတော့ ကောင်းပါတယ်။ တိုင်းရင်းသား ဘာသာတွေ မြို့အ၀င်ဆိုင်းဘုတ်မှာ မရေးရင်တော့ နောက်ဆက်တွဲ ပြသ၁နာတွေ ဖြစ်လာနိုင်ပါတယ်” ဟု ရှမ်းပြည်နယ် မိုင်းပန်မဲဆန္ဒနယ် အမှတ် ၁ မှ လွှတ်တော် ကိုယ်စားလှယ် ဦးစိုင်းနောင့် က The Ladies သို့ ပြောကြားသည်။

အဆိုပါ ကိစ္စနှင့် စပ်လျဉ်း၍ ရှမ်းပြည်နယ် အတွင်းရှိ မြို့နယ်/မြို့များ၏ ဆိုင်းဘုတ်များတွင် အသုံးပြုမည့် ဘာသာစကားများကို အများသုံး၊ ရုံးသုံးဖြစ်သည့် မြန်မာဘာသာစကားအပြင် မည်သည့် တိုင်းရင်းသားလူမျိုးတို့၏ ဘာသာစကားကိုမဆို ထည့်သွင်းရန်အတွက် ကန့်သတ် ညွှန်ကြားထားခြင်းကို လည်းကောင်း၊ မည်သည့် ဘာသာစကားအား ထည့်သွင်းခွင့်မပြုဟု တားမြစ်ပိတ်ပင်ခြင်းကိုလည်း ပြုလုပ်မည်မဟုတ်ကြောင်း သိရသည်။

လွန်ခဲ့တဲ့သည့် ရက်သတ္တပတ်များအတွင်းက ရှမ်းပြည်နယ်အတွင်းရှိ မြန်မာ ရှမ်း နှစ်ဘာသာဖြင့် ရေးထိုးထားသော မြို့ဆိုင်းဘုတ်များရှိ ရှမ်းစာများကို ပြန်လည် ဖျက်ပစ်ခဲ့မှုကြောင့် ဒေသခံလူထုအကြား ဝေဖန်မှုများ ကျယ်ကျယ်ပြန့်ပြန့် ပေါ်ပေါက်လာခဲ့ရပါသည်။

ဝသန်
Photo - တရုတ်သျှမ်း ကချင်ဘာသာများဖြင့် မြို့ဆိုင်းဘုတ်ကို တရုတ်နိုင်ငံ မံစီ မိဏ်းခွန် ရှမ်းကချင် အုပ်ချုပ်ခွင့်ရဒေသတွင်တွေ့ရစဉ်
The Ladies News
https://www.facebook.com/News.TheLadies


butheetaung-620.jpg
ဘူးသီးတောင် မြို့အဝင်ဆိုင်းပုဒ်ကို တွေ့ရစဉ်
Photo: Min Thein Aung

ရခိုင်ပြည်နယ်အစိုးရက ဖွဲ့စည်းထားတဲ့ နိုင်ငံသား သို့မဟုတ် နိုင်ငံသားပြုခွင့်ရသူဆိုင်ရာ စုံစမ်းစစ်ဆေးရေးအဖွဲ့ မှာ ဒေသခံတွေ ပါဝင်ခွင့်မရတဲ့အတွက် ကန့်ကွက်ကြောင်း ဘူးသီးတောင်မြို့နယ်မှာ ဒေသခံတွေက စုပေါင်း လက်မှတ်ရေးထိုးကြပါတယ်။

အဲ့ဒီအဖွဲ့ထဲမှာ ဒေသခံတွေကိုထည့်သွင်းပေးဖို့အတွက် မြို့နယ်အဆင့် စုံစမ်းစစ်ဆေးရေးအဖွဲ့နဲ့ ပြည်နယ်အစိုးရ ကို တောင်းဆိုသွားမှာဖြစ်တယ်လို့ လက်မှတ်ရေးထိုးလှုပ်ရှားမှုမှာပါဝင်တဲ့ ဘူးသီးတောင်မြို့ခံ ဦးဇော်ဝင်း က ပြောပါတယ်။

"ဌာနဆိုတာက ဌာနတစ်ခုကိုပဲ ကိုယ်စားပြုတယ်၊ အများပြည်သူကို ကိုယ်စားမပြုဘူး၊ ဘူးသီးတောင်မြို့မှာ အဲ့နေရာမှာ ရွေးလိုက်တဲ့လူနှစ်ယောက်ကလည်း ဌာနဆိုင်ရာအရာရှိဖြစ်နေတယ်၊ ဒီဟာကို ကျနော်တို့က သံသယဖြစ်ပါတယ်ခင်ဗျ၊ အများပြည်သူ ယုံကြည်ကိုးစားရတဲ့ ပုဂ္ဂိုလ်နှစ်ဦးကို အစားထိုးစေချင်တယ်၊ ဥပဒေနဲ့ ညီညွှတ်တဲ့လူအကုန်လုံးကို ဥပဒေအတိုင်းပဲ နိုင်ငံသားဖြစ်စေချင်တယ်၊ ပြုနိုင်ငံသားဖြစ်စေချင်တယ်၊ ဒါပေမဲ့ ဒီဟာကို မူဝါဒတစ်ရပ်အနေနဲ့ မဖြစ်နိုင်တဲ့လူတွေကို အတင်းဖြစ်အောင်လုပ်တဲ့ဟာကို စိုးရိမ်တာပါ"

ရခိုင်ပြည်နယ်က မွတ်စလင်တွေကို ၁၉၈၂ ခုနှစ် မြန်မာနိုင်ငံသားဥပဒေနဲ့ စီစစ်နိုင်ဖို့အတွက် ပြည်နယ်အဆင့်၊ မြို့နယ်အဆင့် နိုင်ငံသား၊ နိုင်ငံသားပြုခွင့်ရသူဆိုင်ရာ စုံစမ်းစစ်ဆေးရေးအဖွဲ့ကို ရခိုင်ပြည်နယ်အစိုးရက ပြီးခဲ့တဲ့ဇွန်လ ၁၅ ရက်နေ့က ဖွဲ့စည်းခဲ့တာဖြစ်ပါတယ်။

အဲ့ဒီအဖွဲ့ဟာ ၁၉၈၂ ခုနှစ် မြန်မာနိုင်ငံသားဥပဒေအရ ရခိုင်ပြည်နယ်အတွင်းက မွတ်စလင်တွေကို နိုင်ငံသား၊ နိုင်ငံ သားပြုခွင့်ရသူ ဟုတ်မဟုတ် ဆိုတာနဲ့ပတ်သက်ပြီး ဗဟိုအဖွဲ့ကို တင်ပြပြီး အဆုံးအဖြတ်ရယူဖို့အတွက် စိစစ်ရ မှာဖြစ်ပါတယ်။

ဒီနေ့ စုပေါင်းလက်မှတ်ရေးထိုးတဲ့လှုပ်ရှားမှုကို ဘူးသီးတောင်မြို့ပေါ်ရပ်ကွက် ၆ ခုမှာ ဆောင်ရွက်ခဲ့တာဖြစ်ပြီး အဲဒီလက်မှတ်တွေနဲ့ ကန့်ကွက်စာကို မနက်ဖြန် အစိုးရထံ ပေးပို့မှာဖြစ်ပါတယ်။

ပြီးခဲ့တဲ့အစိုးရလက်ထက်မှာလည်း အခုလိုအဖွဲ့မျိုးဖွဲ့စည်းခဲ့ပြီး အဲဒီအဖွဲ့ထဲမှာ ဒေသခံ ရခိုင်တိုင်းရင်းသား ရပ်မိရပ်ဖတွေ ပါဝင်ခွင့်ရခဲ့ပေမယ့် အစိုးရသစ်လက်ထက်မှာ ပြန်လည်ဖွဲ့စည်းတဲ့အခါ ဒေသခံတွေကို ချန်လှပ်ပြီး ဌာနဆိုင်ရာဝန်ထမ်းတွေသက်သက်နဲ့ ဖွဲ့စည်းထားတာကို သံသယဖြစ်ကြောင်း ဘူးသီးတောင်မြို့ခံတွေ က ပြောပါတယ်။

ဒါ့အပြင် စစ်တွေမြို့နယ် ကိုယ်စားပြု လွှတ်တော်ကိုယ်စားလှယ်တွေကလည်း အဲဒီအဖွဲ့တွေထဲမှာ အရပ်ဘက် တိုင်းရင်းသားကိုယ်စားလှယ်တွေ မပါဝင်တာကို ကန့်ကွက်ကြောင်းနဲ့ ဒေသခံတိုင်းရင်းသားတွေကို ထည့်သွင်းဖွဲ့စည်းပေးဖို့ တိုက်တွန်းကြောင်း ရခိုင်ပြည်နယ်ဝန်ကြီးချုပ်ထံ ဒီနေ့ စာပေးပို့လိုက်ပါတယ်။
RFA

dassk-thai-pm-620.jpg နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်နဲ့ ထိုင်းနိုင်ငံ ဒုတိယ၀န်ကြီးချုပ်တို့ နေပြည်တော်မှာ ဇွန်လ ၂၉ ရက်နေ့က တွေ့ဆုံစဉ်

နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ရဲ့ ထိုင်းနိုင်ငံခရီးစဉ်အပြီး ထိုင်းအရာရှိ ၂၃ ဦး ရာထူးကနေ ယာယီဖယ်ရှားခံရတာဟာ လူကုန်ကူးမှုတွေမှာ ပါဝင်ပတ်သက်နေတာကြောင့်ဖြစ်ပြီး ဒေါ်အောင်ဆန်းစုကြည်ရဲ့ ခရီးစဉ်နဲ့ပတ်သက်မှု မရှိကြောင်း ထိုင်းနိုင်ငံ ဒုတိယ၀န်ကြီးချုပ်လည်းဖြစ် ကာကွယ်ရေး ၀န်ကြီးလည်းဖြစ်တဲ့ General Prawit Wongsuwon က ပြောပါတယ်။

ဒီနေ့ နေပြည်တော်မှာ ထိုင်းနိုင်ငံ ဒုတိယ၀န်ကြီးချုပ်နဲ့ တွေ့ဆုံစဉ် နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်း စုကြည်က သူ့ကြောင့် ထိုင်းအရာရှိတွေ ရာထူးကနေ ဖယ်ရှားခံရတာကို မဖြစ်စေချင်ကြောင်း သူ့အနေနဲ့ စိတ်မကောင်းကြောင်း ပြောရာမှာ ဒုတိယ၀န်ကြီးချုပ်က ပြန်လည်ရှင်းပြခဲ့တာဖြစ်တယ်လို့ နိုင်ငံတော်သမ္မတရုံး ၀န်ကြီးဌာန ပြောရေးဆိုခွင့်ရှိသူ ဦးဇော်ဌေး က ပြောပါတယ်။

"ထိုင်းနိုင်ငံကိုသွားခဲ့တဲ့ ဒေါ်အောင်ဆန်းစုကြည်ရဲ့ ခရီးစဉ်အပြီးမှာ ထိုင်းဘက်က အရာရှိတွေကို ရာထူးကနေ ထုတ်လိုက်ကိစ္စဖြစ်ပါတယ်၊ ဒီကိစ္စနဲ့ပတ်သက်လို့ နိုင်ငံတော်အတိုင်ပင်ခံ ခရီးစဉ်ကြောင့် သူသွားလို့ ဒီအရာရှိတွေ အလုပ်ပြုတ်ရတယ် ဆိုတဲ့ဟာမျိုးလေး ဒေါ်အောင်ဆန်းစုကြည်က မလိုလားပါဘူး၊ သူ့ကြောင့် သူတို့တွေ ဒုက္ခရောက်တယ်ဆိုတာ မဖြစ်စေချင်ဘူး၊ အဲ့ဒါအတွက် စိတ်မကောင်းဖြစ်ရတယ် ဆိုတဲ့အကြောင်း ပြောတဲ့အခါ ထိုင်းဘက်ကပြန်ရှင်းပါတယ်၊ သူတို့က လူကုန်ကူးမှုနဲ့ ပါဝင်ပတ်သက်နေတဲ့ အရာရှိတွေဖြစ်ပါတယ်၊ အဲ့ဒါတွေကို ထိုင်းနိုင်ငံရဲ့ဥပဒေနဲ့ စုံစမ်းစစ်ဆေးနေတာရှိပါတယ်၊ အဲ့စုံစမ်းစစ်ဆေးတဲ့ဟာတွေ ပေါ်လွင်လာတဲ့အခါမှာ သူတို့ကို တည်ဆဲဥပဒေအရ ထုတ်ပယ်လိုက်တာဖြစ်ပါတယ်၊ ဒေါ်အောင်ဆန်းစုကြည် ခရီးစဉ်ကြောင့် မဟုတ်ပါဘူးလို့ သူကပြန်ရှင်းပြပါတယ်"

နိုင်ငံတော်အတိုင်ပင်ခံပုဂ္ဂိုလ်နဲ့ တွေ့ဆုံရာမှာ ထားဝယ်အထူးစီးပွားရေးဇုန် တည်ဆောက်မှုကို အရှိန် အဟုန်မြှင့်ဆောင်ရွက်ဖို့၊ နှစ်နိုင်ငံရဲတပ်ဖွဲ့တွေ အပြန်အလှန်ပူးပေါင်းဆောင်ရွက်ဖို့၊ နယ်နိမိတ်တိုင်းတာ ရေးကိစ္စတွေ နဲ့ ထိုင်းနိုင်ငံကနေ မြန်မာဒုက္ခသည် ၂၀၀ နီးပါးကို ပြန်လည်ခေါ်ယူမယ့် အစီအစဉ်တွေကို ဆွေးနွေးခဲ့ကြပါတယ်။

ထိုင်းဒုတိယ၀န်ကြီးချုပ်ဟာ နိုင်ငံတော်သမ္မတ ဦးထင်ကျော်နဲ့ တွေ့ဆုံရာမှာ ထိုင်းရောက် မြန်မာ အလုပ်သမားတွေကို ဥပဒေနဲ့အညီ ကာကွယ်စောင့်ရှောက်ပေး ဖို့၊ အလုပ်သမားတွေဘက်က မှားယွင်းမှုတွေ ဖြစ်ခဲ့ရင် နားလည်ပေးဖို့၊ သူ့ဘက်ကလည်း မြန်မာအလုပ်သမားတွေကို တည်ဆဲဥပဒေ စည်းမျဉ်းစည်းကမ်းတွေကို လိုက်နာအောင် တည့်မတ်ပေးမှာဖြစ်ကြောင်း ထိုင်းဒုတိယ၀န်ကြီးချုပ်ကို မေတ္တာရပ်ခံခဲ့တယ်လို့လည်း ဦးဇော်ဌေး က ပြောပါတယ်။

အဲဒီကိစ္စနဲ့ပတ်သက်ပြီး ထိုင်းဒုတိယ၀န်ကြီးချုပ်က စိုးရိမ်ဖို့ မလိုကြောင်း နဲ့ ထိုင်းဝန်ကြီးချုပ်အနေနဲ့ တည်ဆဲ ဥပဒေတွေကို လိုအပ်တာတွေ ပြင် ဆင်ပေးနေကြောင်း၊ လာမယ့် ၂၀၁၇ ခုနှစ်မှာ နှစ်နိုင်ငံ ကုန်သွယ်မှုပမာဏ အမေရိကန်ဒေါ်လာ ဘီလီယံ ၂၀အထိ တိုးမြှင့်လာစေဖို့ကိစ္စတွေကို ဆွေးနွေးခဲ့ပါတယ်။
RFA


အပေါ်ပိုင်းဗလာချွတ် အမျိုးသမီးတဦးကို ၀ိုင်းဝန်းရိုက်နှက်နေတဲ့ ရုပ်သံဖိုင်ဟာ တရုတ်လူမှုရေး ကွန်ရက် ဝေဘိုပေါ်မှာ အမျိုးမျိုး ဝေဖန်နေကြပါတယ်။

တရုတ်နိုင်ငံ ဘိုဇူးမှာ ဖြစ်ပွားခဲ့ပြီး ၀ိုင်းရိုက်ခံရတဲ့ အမျိုးသမီးဟာ အိမ်ထောင်ရေး ဖောက်ပြန်လို့ အမျိုးသမီး ၃ ဦးက ၀ိုင်းရိုက်ခဲ့တာလို့ စီစီတီဗွီ သတင်းမှာ ဖော်ပြပါတယ်။

ဇွန် ၂၆ ရက်က ဖြစ်ပွားခဲ့တဲ့ ဖြစ်ရပ်ကို မျက်မြင်သက်သေတဦးက မှတ်တမ်းတင်ကာ အမျိုးသမီး ၃ ဦးက ဆဲဆိုရေရွတ်ဝိုင်းရိုက်နေတာကို အနီးနားမှာ လူ ၂၀ လောက်က ကြည့်ရှုခဲ့တယ်လို့ ဆိုပါတယ်။

အမျိုးသမီးတွေဟာ ဘယ်သူဘယ်ဝါ ဖြစ်တယ်ဆိုတာကိုတော့ တစုံတရာ ဖော်ပြထားခဲ့ခြင်း မရှိပါဘူး။

ဒီရုပ်သံဖိုင်ကို ကြည့်ရှုသူအများစုက ရိုက်နှက်တဲ့ အမျိုးသမီး ၃ ဦးကို ဝေဖန် ပြစ်တင်ပြောဆိုခဲ့ကြပါတယ်။

“မယားငယ်ဖြစ်နေတာဟာ စာရိတ္တပိုင်းဆိုင်ရာ ပြဿနာဖြစ်ပေမယ့် လူတဦးကို ရိုက်ပြီး အ၀တ်အစားတွေကို ဆွဲဖြဲတာကတော့ ဥပဒေကို ချိုးဖောက်တာဖြစ်တယ်” လို့ ဝေဘို အသုံးပြုသူ တဦးက ရေးပါတယ်။

တချို့ကလည်း ကိုယ့်ယောက်ျားကို ဆုံးမရမှာ ဖြစ်ပြီး တခြားသူကို သွားမရိုက်သင့်ဘူးလို့ မှတ်ချက်ရေးပါတယ်။

ဒီလိုရိုက်နှက်တာဟာ ထိုက်တန်တယ်လို့ မှတ်ချက်ရေးသားတာတွေလည်း ရှိနေတယ်လို့ သတင်းတွေမှာ ဖော်ပြပါတယ်။

ဒါ့အပြင် ဘေးကနေ ၀ိုင်းကြည့်နေတဲ့သူတွေကို ၀ိုင်းဝန်းအပြစ်တင်ကြ ဝေဖန်မှတ်ချက်ရေးသားတဲ့ သူတွေကလည်း အများအပြားရှိနေပါတယ်။
DVB TV News


မက်ဆီကို အာဂျင်တီးနားလက်ရွေးစင်အဖြစ်ကနေ အနားမယူဖို့ ဗြူနိုအေးရိစ်မြို့မှာ သူရဲ့ ရုပ်တုကို ဖွင့်လှစ်ပြီး ပရိသတ်တွေက လှုပ်ရှားနေပါတယ်။

ကိုပါအမေရိကဖလားဖိုင်နယ်မှာ ချီလီကို ပင်နယ်တီနဲ့ ရှုံးနိမ့်ခဲ့ပြီးတဲ့နောက် နိုင်ငံလက်ရွေးစင်ကနေ အနားယူမယ်လို့ မက်ဆီက ကြေညာခဲ့ပါတယ်။

မက်ဆီရဲ့ နိုင်ငံအသင်းကနေ အနားယူမယ်ဆိုတဲ့ ကြေညာချက်ဟာ အာဂျင်တီနားဘောလုံး ပရိသတ်တွေအတွက် ထိတ်လန့်စရာ သတင်းဖြစ်ခဲ့ပါတယ်။

ဇွန် ၂၈ ရက်က အသင်းမှာ ဆက်ကစားပေးဖို့ မက်ဆီအတွက် လက်ဆောင်အနေနဲ့ ကြေး ရုပ်တုကို ဗြူနိုအေးရီစ် မြို့တော်ဝန်က ဖွင့်လှစ်ပေးခဲ့ပါတယ်။

ဒါ့အပြင် မက်ဆီက အသင်းကနေ မထွက်ခွာပါနဲ့ဆိုတဲ့ လှုပ်ရှားမှုကိုလည်း စတင်ခဲ့ပါတယ်။

အာဂျင်တီးနားသမ္မတကလည်း လာမယ့်အပတ်မှာ မက်ဆီနဲ့တွေ့ပြီး အာဂျင်တီးနားအတွက် ဆက်လက်ကစားပေးဖို့ ပြောဆိုမယ်လို့ ပြောပါတယ်။

မက်ဆီနဲ့တော့ တယ်လီဖုန်းကနေ တဆင့်ပြောဆိုခဲ့ပြီး ဖြစ်တယ်လို့ သမ္မတက ပြောပါတယ်။

ဒါ့အပြင် အာဂျင်တီးနား ဂန္တ၀င်ဘောလုံးသမား မာရာဒိုနာနဲ့ နိုင်ငံရေးသမားတွေကလည်း အာဂျင်တီးနားအသင်းမှာ မက်ဆီကို ဆက်ကစားပေးဖို့ တောင်းဆိုထားပါတယ်။
DVB TV News

[youtube src="vw6KcoY863o"/]
အမေရိကန်ပြည်ထောင်စုက အိမ်ဖြူတော်ရှေ့မှာ သေနတ်ကိုင်ထားတဲ့ လူတဦးကို သေနတ် ချပေးဖို့ တောင်းဆိုတာကို မလိုက်နာတဲ့ အတွက် လုံခြုံရေး တပ်ဖွဲ့တွေက ပစ်ခတ်ခဲ့ပါတယ်။

မေ ၂၀ ရက်က ဂျက်ဆီ အိုလီဗီရီကို ပစ်ခတ်လိုက်တာ ဖြစ်ပြီး ဒီရုပ်သံဖိုင်ကို Liveleak ၀က်ဆိုဒ်က ဇွန် ၂၈ ရက်နေ့က ဖော်ပြခဲ့ပါတယ်။

အန္တရာယ်များတဲ့ သေနတ်ကိုင်ဆောင်ပြီး တာဝန်ရှိသူတွေကို ဆန့်ကျင်ခဲ့တဲ့ အိုလီဗီရီဟာ အမှုရင်ဆိုင်နေရပြီး ထောင်ဒဏ် နှစ် ၂၀ လောက် ကျခံဖွယ်ရှိနေပါတယ်။

သူရဲ့ ရှေ့နေကတော့ အိုလီဗာရီဟာ စိတ်ပိုင်းဆိုင်ရာ ကုထုံးကို ခံယူနေပြီး သေနတ်နဲ့ ချိန်ရွယ်ခဲ့ခြင်း မရှိဘူးလို့ ပြောပါတယ်။ ဒါပေမယ့် တရားသူကြီးတွေကတော့ သူဟာ လူထုကို ခြိမ်းခြောက်မှုတခုလို့ ပြောပါတယ်။

ပစ်ခတ်ခံရပြီးတဲ့နောက် အိုလီဗီရီကို ဂျော့ဝါရှင်တန်တက္ကသိုလ် ဆေးရုံကို တင်ပို့ခဲ့ပြီး လုံခြုံရေးတပ်ဖွဲ့က အိမ်ဖြူတော် ဘာကြောင့်သွားသလဲဆိုတဲ့ အမေးကို အိုလီဗီရီက လူတွေကိုပစ်ခတ်ဖို့ ဖြစ်တယ်လို့ ဖြေဆိုခဲ့တယ်လို့ ဆိုပါတယ်။
DVB TV News

အိန္ဒိယနိုင်ငံအခြေစိုက် Ringing Bell နည်းပညာကုမ္ပဏီကပေါင်ငွေအားဖြင့်
သုံးပေါင်၊ ဒေါ်လာအားဖြင့် လေးဒေါ်လာသာပေးဝယ်ရမည့်ကမ္ဘာ့ဈေးအပေါဆုံးစမတ်ဖုန်းကိုအောင်မြင်စွာထုတ်လုပ်လိုက်ပြီးပထမဆုံးဖုန်းဟန်းဆက် နှစ် သိန်းကိုဈေးကွက်တွင်ရောင်းချသွားရန် အသင့်ဖြစ်နေကြောင်းသိရသည်။

စမတ်ဖုန်းတစ်လုံးကို သုံးပေါင်နဲ့ ရမယ်လို့ ကြားလိုက်တာနဲ့ တပြိုင်နက် မဖြစ်နိုင်ဘူး၊တစ်ခုခုတော့လွဲနေပြီလို့  လူတိုင်းမှတ်ယူကြမှာပါ။ ဒါပေမယ့် အဲဒီကမ္ဘာ့ဈေးအပေါဆုံးဖုန်းကိုကိုင်တွယ်ခွင့်ရဖို့ ကလည်းသိပ်တော့ မလွယ်လှ ပါဘူး။ အမည်အားဖြင့် Freedom 251 လို့ ပေးထားပါတယ်။ Android ဖုန်းပါ။ ရူပီးငွေနဲ့ ဆိုရင်လည်း ၂၅၁ ရူပီးပဲကျသင့်ပါတယ်။ လက်ထဲမှာAppleiPhone5ကိုကိုင်ရတဲ့အတိုင်းစီးပိုင်သပ်ရပ်ကျစ်လျစ်ပါတယ် ဟု Ringing Bell မှ တာဝန်ရှိသူတစ်ဦးက ရှင်းပြသည်။

ဈေးနှုန်းသက်သာတယ်ဆိုပေမယ့် စမတ်ဖုန်းတစ်လုံးမှာပါသင့်ပါထိုက်တာတွေအားလုံး ပါဝင်ပါတယ်။ ကင်မရာအရှေ့ နဲ့ အနောက် နှစ်မျိုးပါပါတယ်။ အရွယ်အစားက ၄ လက်မ ပါ။ Ram 1GB ပါဝင်ပါတယ်။ Internal Storage 8GB ဖြစ်ပြီး 32GB အထိထပ်စိုက်နိုင်ပါတယ်။ ပရိုဆက်ဆာကို Quad-core အသုံးပြုထားပြီးမလိုတဲ့အချိန်မှာ Quad-core အပြည့်မသုံးခြင်းဖြင့် ဘက်ထရီအားကိုသက်သာစေနိုင်ပါတယ်။ မော်ဒယ်နှစ်မျိုးထုတ်ထားပါတယ်။အဖြူနဲ့ အမည်းပါ။စမတ်ဖုန်းတစ်လုံးအတိုင်းကောင်းကောင်းသုံးလို့ ရပါတယ်ဟု ၄င်းက ဆက်လက်ရှင်းပြသည်။

အဆိုပါစမတ်ဖုန်းဖြင့် ဂဏန်းတွက်စက်ကိုအသုံးပြုခြင်း၊ music player ဖြင့် သီချင်းနားထောင်ခြင်း၊ အင်တာနက်ကို browser ဖြင့် အသုံးပြုခြင်း၊ အီးမေးလ်ပို့ ခြင်းများကိုအဆင်ပြေလွယ်ကူစွာ ပြုလုပ်နိုင်မည်ဖြစ်ကြောင်း၊ ဇွန်၃၀ရက်တွင် စတင်ရောင်းချသွားရန် ရည်ရွယ်ထားသော်လည်းဇူလိုင် ၇ တွင် စတင်ရောင်းချရန် နေ့ ရက်ကို ပြင် ဆင်သတ်မှတ်ထားကြောင်းသိရသည်။
ရတနာပုံ သတင်းစာ


maela-refugees-620.jpg
ထိုင်းနိုင်ငံ မယ်လဒုက္ခသည်စခန်းက မြန်မာဒုက္ခသည်တွေကို တွေ့ရစဉ်
Photo: 法師山崎

ထိုင်းနိုင်ငံနယ်စပ်က ဒုက္ခသည်စခန်းတွေမှာ ရောက်ရှိနေတဲ့ မြန်မာတွေကို နေရပ်ကိုပြန်လည် ခေါ်ဆောင်နိုင် ဖို့အတွက် နှစ်နိုင်ငံအစိုးရအချင်းချင်း ပူးပေါင်းဆောင်ရွက်သွားမယ်လို့ နိုင်ငံခြားရေး ၀န်ကြီးဌာနက ဒီကနေ့ သတင်းထုတ်ပြန်လိုက်ပါတယ်။

ဒုက္ခသည်တွေကို ပြည်တွင်းကို ပြန်လည်ခေါ်ဆောင်တဲ့အခါ အရင်ဆုံး အလုပ်အကိုင် အခွင့် အလမ်းတွေ ပေးနိုင်ဖို့ ဖန်တီးပေးသွားမှာဖြစ်တယ်လို့ နိုင်ငံခြားရေး ဝန်ကြီးဌာန၊ ဒုတိယ ညွှန်ကြားရေးမှူးချုပ် ဒေါ်အေးအေးစိုး က ပြောပါတယ်။

"ကိုယ့်လူတွေကို ဒီဘက်ကို ပြန်ခေါ်မယ်ဆိုလို့ရှိရင် နယ်စပ်ဘက်မှာလည်း အလုပ်လုပ်ကိုင်နိုင်အောင် လုပ်ပေး ရမယ်၊ ကျောင်းတွေတည်ဆောက်ပေးရမယ်၊ ဆေးရုံတွေတည်ဆောက်ပေးရမယ်၊ နေထိုင်ဖို့ လိုအပ်တဲ့အခြေ ခံတွေ အားလုံးတည်ဆောက်ပေးမှသာ ကိုယ့်လူတွေက ပြန်ခေါ်ရင် ဒီဘက်မှာ လုပ်ကိုင်စားသောက်လို့ရ မှာပေါ့၊ ရေရှည်မှာအဆင်မပြေရင်လည်း ဟိုဘက်ပြန်သွားမှာပဲ၊ ကိုယ့်ဘက်က စီးပွားရေးဖွံ့ဖြိုးတိုးတက်မှုနဲ့ ဆိုင်တဲ့ လုပ်ငန်းမှန်သမျှ လုပ်ပေးရမယ်ဆိုတာ အမတို့ရဲ့ ခံယူချက် ရပ်တည်ချက်၊ အဲ့ဒါဆိုတော့ အမတို့မှာ ဝန်ကြီးဌာနတွေနဲ့ညှိပြီး တကယ်ဆောင်ရွက်ရမယ်ဆိုရင်လည်း နယ်စပ်ဒေသဖွံ့ဖြိုးရေးကိုင်မယ်၊ ပညာရေး ဝန်ကြီးဌာနပါမယ်၊ ကျန်းမာရေးပါမယ်၊ လောလောဆယ်အထိတော့ စီမံချက်ကြီးလိုတော့ မရှိသေးဘူး၊ လုပ်မှာကတော့ အဲ့ဒီဟာပဲ အမတို့ရည်မှန်းထားတာ"

နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ရဲ့ ၃ ရက်ကြာ ထိုင်းခရီးစဉ်နဲ့ ပတ်သက်ပြီး ဆက်လက်ဆောင် ရွက်မယ့် လုပ်ငန်းစဉ်တွေကို နိုင်ငံခြားရေးဝန်ကြီးဌာနက အခုလိုထုတ်ပြန်ကြေညာခဲ့တာဖြစ်ပါတယ်။ ဒေါ်အောင် ဆန်းစုကြည် က ထိုင်းဝန်ကြီးချုပ် ပရာယွတ်နဲ့ ဘန်ကောက်မြို့က ပူးတွဲသတင်းစာရှင်းလင်းပွဲမှာ ဒုက္ခသည်အားလုံး တချိန်ချိန်မှာ ပြန်လာရမှာဖြစ်ကြောင်း သူတို့ပြန်လာနိုင်ဖို့ဆိုရင် အလုပ်အကိုင် နေရာထိုင်ခင်း စတာတွေ အဆင်သင့်ဖြစ်ဖို့ လိုအပ်ကြောင်း သင့်တော်တဲ့အချိန်မှာ ပြန်ခေါ်မှာဖြစ်ကြောင်း ပြောပါတယ်။

လတ်တလောမှာ နေရပ်ပြန်လိုကြောင်းကို ထိုင်းနိုင်ငံဆိုင်ရာ မြန်မာသံရုံးနဲ့ ကုလသမဂ္ဂဒုက္ခသည်များဆိုင်ရာ မဟာမင်းကြီးရုံးတွေထံ ဆန္ဒပြုထားတဲ့ မြန်မာဒုက္ခသည် ၂၀၀ နီးပါးရှိပြီး သူတို့ကို နေရပ်ပြန်လည်ခေါ်ဆောင်ဖို့ အတွက် မြန်မာအစိုးရဘက်က ကိုယ်စားလှယ်အဖွဲ့စေလွှတ်ပြီး နိုင်ငံသားစိစစ်ရေးလုပ်ငန်းတွေကို ဆောင်ရွက် သွားမယ်လို့ ပြောပါတယ်။

ဒုက္ခသည်တွေအရေးအပြင် ထိုင်း၊ မြန်မာ နှစ်နိုင်ငံနယ်နမိတ်ကို ပြန်လည်တိုင်းတာဖို့နဲ့ ထိုင်းနိုင်ငံက ငါးဖမ်း လုပ်ငန်းတွေမှာ လုပ်ကိုင်နေတဲ့ တရားမဝင်မြန်မာ လုပ်သားတွေ လူကုန်ကူးခံရမှုတွေ၊ နှိပ်စက်ခံရမှုတွေကနေ ကာကွယ်ပေးနိုင်ဖို့အတွက် တရားဝင်အလုပ်လုပ်ကိုင်ခွင့် စာရွက်စာတမ်း ရရှိရေးတွေအတွက်လည်း ဆောင်ရွက် သွားမယ်လို့ ကြေညာချက်မှာ ထည့်သွင်းထားပါတယ်။
RFA

ပြည်ခိုင်ဖြိုးပါတီရဲ့ သတင်းထုတ်ပြန် ကြေငြာချက်ကိုခြုံငုံသုံးသပ်ကြည့်ရင် အင်န်အယ်လ်ဒီ ပါတီ အစိုးရကို နိုင်ငံရေးအရ ထိုးနှက်ချက် တစ်ခု လုပ်လိုက်တယ်လို့လည်း ရှုမြင်နိုင်ပါတယ်။

၂၀၁၅ ခုနှစ် ရွေးကောက်ပွဲမှာ ရှုံးနိမ့်မှု အကြီးအကျယ် ကြုံခဲ့ရပြီးတဲ့နောက် ပါတီတွင်း အကွဲအပြဲ ပြသနာတွေကို ဖြေရှင်းလို့ မဆုံးနိုင် ဖြစ်နေသေးတဲ့ ပြည်ခိုင်ဖြိုးပါတီဟာ ပြီးခဲ့တဲ့ ဇွန်လ ၂၃ ရက်နေ့မှာတော့ နိုင်ငံ့အရေးနဲ့ ပတ်သက်တဲ့ ကြေငြာချက် တစ်စောင် ထုတ်ပြန်လာတာ တွေ့ရပါတယ်။ အဓိကကတော့ ရခိုင်ပြည်နယ်တွင်းက ပဋိပက္ခ ပြသနာတွေ ပြေလည်စေရေး ဒေါ်အောင်ဆန်းစုကြည် ဦးဆောင်တဲ့ အင်န်အယ်လ်ဒီ အစိုးရက ခေါ်ဝေါ်အသုံးပြုမယ် ဆိုတဲ့ “ ရခိုင်ပြည်နယ်က မူဆလင် အသိုင်းအ၀ိုင်း” ဆိုတဲ့ အသုံးအနှုန်းကို လက်မခံ၊ ဝေဖန်သမှု ပြုထားတာပါ။ ပြည်ခိုင်ဖြိုးပါတီကြီးရဲ့ အဲလို သဘောထားရပ်တည်ချက်ဟာ ရခိုင်ပြည်နယ်အတွင်း ပဋိပက္ခ ပြသနာတွေကို ဖြေရှင်းမယ့်၊ ဒေသဖွံ့ဖြိုးတိုးတက်ရေး ရအောင် ဆောင်ကျဉ်းပေးမယ့် အင်န်အယ်လ်ဒီ အစိုးရအပေါ် ဘယ်လို ဂယက်ရိုက်ခတ်မှု ရှိစေမလဲ၊ ရခိုင်ပြည်နယ်အရေး အကောင်းဆုံး ချဉ်းကပ်ဆောင်ရွက်မှုဟာ ဘာဖြစ်နိုင်မလဲ ဆိုတာ ဒီတစ်ပတ် ဆွေးနွေးတင်ပြသွားပါ့မယ်။

ပြည်ခိုင်ဖြိုးပါတီရဲ့ ကြေငြာချက်ထဲမှာ အင်န်အယ်လ်ဒီ အစိုးရအနေနဲ့ အငြင်းပွားနေကြတဲ့ ဘင်္ဂါလီ၊ ရိုဟင်ဂျာ လို့ မသုံးနှုန်းပဲ “ ရခိုင်ပြည်နယ်က မူဆလင် အသိုင်းအ၀ိုင်း” လို့ သုံးနှုန်းတာကို တိုက်ရိုက် ဆန့်ကျင် ကန့်ကွက်တာမျိုးတော့ လုပ်မထားပါဘူး။ ဒါပေမယ့် ရခိုင်အမျိုးသားပါတီ ANP က ကန့်ကွက်ထားတာကို ထောက်ခံရင်း အစိုးရ အနေနဲ့ အဲလို ခေါ်ဝေါ် သုံးနှုန်းချင်တယ် ဆိုရင် ရခိုင်ပြည်နယ်ထဲက ပြည်သူတွေနဲ့ ဒေသခံ နိုင်ငံရေးပါတီတွေရဲ့ သဘောထား ရယူသင့်တယ် ဆိုပြီး ဖော်ပြထားပါတယ်။ ပြောရရင် အင်န်အယ်လ်ဒီ အစိုးရရဲ့ အဲဒီ အသုံးအနှုန်းနဲ့ ပတ်သက်ပြီး ပြည်ခိုင်ဖြိုးပါတီက တိုက်ရိုက် မကန့် ကွက်ပေမယ့် သွယ်ဝိုက်ပြီးတော့ ကန့်ကွက်လိုက်တဲ့ သဘောပါပဲ။ ဒါကို ကြေငြာချက်ထဲမှာ တွေ့နိုင်ပါတယ်။

ကြေငြာချက်ထဲမှာ ပြည်ခိုင်ဖြိုးပါတီ အနေနဲ့ အစိုးရတာဝန် ရယူထားခဲ့စဉ် အချိန်တုန်းက မြန်မာနိုင်ငံ တိုင်းရင်းသား လူမျိုးစု ၁၃၅ မျိုးမှာ ရိုဟင်ဂျာ ဆိုတဲ့ လူမျိုး မပါဝင်ဘူး၊ မြန်မာနိုင်ငံမှာ ရိုဟင်ဂျာ လူမျိုး လုံးဝ မရှိဘူးလို့ ကြေငြာထားခဲ့ပြီ ဖြစ်တယ်လို့ ဆိုပါတယ်။ တစ်ဆက်တည်း ကြေငြာချက်ထဲမှာ ရခိုင်ပြည်နယ်က ဘင်္ဂါလီ ပြသနာ ဆိုပြီး ဘင်္ဂါလီ ဆိုတဲ့ အခေါ်အဝေါ်ကို ဆက်ပြီး သုံးစွဲထားတာ တွေ့နိုင်ပါတယ်။ ဒါ့အပြင် အင်န်အယ်လ်ဒီ အစိုးရရဲ့ အခေါ်အဝေါ် အသုံးအနှုန်းဟာ ဖွဲ့စည်းပုံ အခြေခံဥပဒေ ပုဒ်မ ၃၆၄ နဲ့ ညီညွတ်မှု မရှိတဲ့ သဘော ဖော်ပြထားပြန်ပါတယ်။ ဖွဲ့စည်းပုံ အခြေခံဥပဒေ ပုဒ်မ ၃၆၄ မှာ “ နိုင်ငံရေး ကိစ္စ အလို့ငှာ ဘာသာ သာသနာကို အလွဲသုံးစား မပြုရ” ဆိုပြီး ဖော်ပြထားပါတယ်။ ပြည်ခိုင်ဖြိုးပါတီရဲ့ သတင်းထုတ်ပြန် ကြေငြာချက်ကိုခြုံငုံသုံးသပ်ကြည့်ရင် အင်န်အယ်လ်ဒီ ပါတီ အစိုးရကို နိုင်ငံရေးအရ ထိုးနှက်ချက် တစ်ခု လုပ်လိုက်တယ်လို့လည်း ရှုမြင်နိုင်ပါတယ်။

တကယ်တော့ ရခိုင်ပြည်နယ်ထဲက မူဆလင် အသိုင်းအ၀ိုင်း ပြသနာရဲ့ မူလရင်းမြစ် တရားခံဟာ အရင် စစ်အာဏာရှင် အဆက်ဆက် ဖြစ်ပါတယ်။ အာဏာရှင် ဦးနေ၀င်း လက်ထက်တုန်းကလည်း ၁၉၈၂ နိုင်ငံသား ဥပဒေ ပြဌာန်းခဲ့ပေမယ့် အဲဒီ ဥပဒေနဲ့အညီ ပြသနာကို တိတိကျကျ ဖြေရှင်းတာမျိုး မလုပ်နိုင်ခဲ့ပါဘူး။ ၁၉၈၂ ဥပဒေ ကျင့်သုံးဖြေရှင်းလို့ အခက်အခဲ ရှိခဲ့တယ် ဆိုရင်လည်း အဲဒီ ဥပဒေကို ပြင်ဆင်ဖို့ မလုပ်ခဲ့ကြပြန်ပါဘူး။ နောက်တော့ ဥပဒေအရ ယာယီပဲ ခွင့်ပြုလို့ရတဲ့ White Card တွေ ထုတ်ပေးထားပြီး ပြသနာကို ဆယ်စုနှစ်နဲ့ချီ အချိန်ဆွဲထားခဲ့တာ တွေ့နိုင်ပါတယ်။ ဒါပေမယ့် ပြသနာကို ဒီအတိုင်းထားတာတော့ မဟုတ်ပါဘူး။ လိုအပ်ရင် နိုင်ငံရေးအရ အမြတ်ထုတ်တာမျိုးတော့ လုပ်ခဲ့ပါတယ်။

သိမီသူများ မှတ်မိကြပါလိမ့်ဦးမယ်။ ပြည်သူလူထု တစ်ရပ်လုံးရဲ့ ၁၉၈၈ ဒီမိုကရေစီ တောင်းဆို ဆန္ဒပြတဲ့ အရေးတော်ပုံကြီးကို စစ်အာဏာသိမ်းအဖွဲ့က ဖြိုခွင်း နှိမ်နင်းလို့အပြီး ၁၉၉၀ ခုနှစ်မှာ ကျင်းပပေးတဲ့ ပါတီစုံ ဒီမိုကရေစီ အထွေထွေ ရွေးကောက်ပွဲမှာ အဲဒီ White Card ကိုင်ဆောင်ထားသူတွေကို မဲပေးခွင့် ပေးခဲ့ပါတယ်။ အလားတူပါပဲ။ ၂၀၁၀ ပြည့်နှစ်မှာ ရွေးကောက်ပွဲ လုပ်တော့မယ် ဆိုတဲ့အခါ စစ်အစိုးရဟာ ရခိုင်ပြည်နယ်ထဲက မူဆလင်တွေကို White Card ထုတ်ပေးပြီး ပြည်ခိုင်ဖြိုးပါတီကို မဲပေးစေခဲ့တာ တွေ့နိုင်ပါတယ်။ နောက်ပိုင်း ရခိုင်တိုင်းရင်းသား အမတ် အများအပြား လွှတ်တော်ထဲ ရောက်လာတဲ့အခါ အဲဒီ ကိစ္စ လွှတ်တော်ထဲ ပြသနာ အကြီးအကျယ် တက်ခဲ့ပါတယ်။

သမ္မတ ဦးသိန်းစိန်ကတော့ White Card ကိုင်ဆောင်သူတွေကို မဲပေးခွင့်ပြုတာဟာ ဖွဲ့စည်းပုံ အခြေခံဥပဒေနဲ့ အညီ၊ ၁၉၈၂ နိုင်ငံသား ဥပဒေနဲ့ အညီ လုပ်ကိုင်ခဲ့တာဖြစ်တယ်လို့ တစ်ဖက်က ကြေငြာပြီး အခြား တစ်ဖက်ကနေ White Card အားလုံး ပြန်ရုပ်သိမ်းခဲ့ပါတယ်။ ပြောရရင် ရခိုင်ပြည်နယ်ထဲက အဲဒီ မူဆလင် အသိုင်းအ၀ိုင်းနဲ့ ပတ်သက်တဲ့ ပြသနာတွေကို အရင် စစ်အာဏာရှင် အဆက်ဆက်က ဖန်တီးခဲ့တာဖြစ်ပြီး သမ္မတ ဦးသိန်းစိန် အစိုးရလက်ထက်အထိ ကောင်းကောင်း မဖြေရှင်းပဲ အချိန်ဆွဲ၊ လိုအပ်ရင် နိုင်ငံရေးအရ အမြတ်ထုတ်ဖို့ ကြိုးစားခဲ့တာမျိုးပါ။ ဒီထက် ပိုဆိုးတာကတော့ သမ္မတ ဦးသိန်းစိန်ရဲ့ ပြည်ခိုင်ဖြိုး အစိုးရလက်ထက်မှာပဲ ရခိုင်ပြည်နယ်အတွင်း ဘာသာရေး လူမျိုးရေးကို အခြေခံတဲ့ အကြမ်းဖက်မှုတွေ အကြီးအကျယ် ဖြစ်ပွားခဲ့တာပါ။ ရာနဲ့ချီတဲ့ လူတွေသေ၊ ဒါဏ်ရာရ၊ ထောင်နဲ့ချီတဲ့ အိမ်ယာတွေ မီးရှို့ဖျက်ဆီးခံရ၊ သိန်းနဲ့ချီတဲ့လူတွေ ဒုက္ခသည်တွေစခန်း သွားရောက် ခိုလှုံရ ဆိုတဲ့ အနေအထားအထိ ရောက်ခဲ့တာ တွေ့နိုင်ပါတယ်။ ဒီလောက်လား ဆိုတော့ မကသေးပါဘူး။ အဲလို ဘာသာရေး လူမျိုးရေးဆန်တဲ့ ပဋိပက္ခတွေဟာ မြန်မာနိုင်ငံ မိတ္တီလာ၊ ပဲခူးတိုင်း၊ ရှမ်းပြည်နယ်၊ ရန်ကုန်တိုင်း နဲ့ မန္တလေးအထိ ကူးစက်ဖြစ်ပွားခဲ့ပါသေးတယ်။

ဒီပြသနာတွေနဲ့ ပတ်သက်ပြီး ပြည်ခိုင်ဖြိုး အစိုးရဟာ ကောင်းကောင်းမွန်မွန် ကိုင်တွယ်ဖြေရှင်းနိုင်ခြင်း မရှိခဲ့ပါဘူး။ ရခိုင်ပြည်နယ်မှာဆို သိန်းနဲ့ချီရှိတဲ့ လူတွေ ဒုက္ခသည်စခန်းတွေမှာ နေထိုင်နေရတုန်းပါ။ စစ်တွေမြို့မှာဆိုရင် မူဆလင်တွေဟာ မြို့မဈေးက သူတို့ဈေးဆိုင်ခန်းတွေမှာတောင် သူတို့ ဈေးပြန်မရောင်းနိုင်ကြသေးပါဘူး။ မိတ္တီလာမြို့မှာလည်း အလားတူပါပဲ။ နိုင်ငံနဲ့အ၀ှမ်းမှာလည်း အမုန်းတရား ဖြန့်ဖြူးနေတာတွေကို ထိထိရောက်ရောက် တားဆီးတာမျိုး မရှိသေးတော့ ဘာသာရေးလူမျိုးရေးဆန်တဲ့ ပဋိပက္ခတွေဆိုတာဟာ ဘယ်အချိန် ဘယ်နေရာမှာမဆို ဖြစ်ပွားနိုင်တာပါပဲ။ အကြောင်းကတော့ ပြည်ခိုင်ဖြိုးပါတီ အစိုးရဟာ ရခိုင်ပြည်နယ်ထဲက မူဆလင် အသိုင်းအ၀ိုင်း ပြသနာကိုရော၊ နိုင်ငံတွင်းက ဘာသာရေး လူမျိုးရေးဆန်တဲ့ ပြသနာတွေကိုပါ မှန်မှန်ကန်ကန် ကိုင်တွယ်ဖြေရှင်းဖို့ အရည်အချင်း မရှိခဲ့လို့ပါ။

ဘယ်လိုပဲဖြစ်ဖြစ် ခုဆိုရင် ဒေါ်အောင်ဆန်းစုကြည်နဲ့ အင်န်အယ်လ်ဒီ အစိုးရဟာ အရင် အာဏာရှင် အဆက်ဆက်က ဖန်တီး ထားရစ်ခဲ့တဲ့ ပြသနာအမွေဆိုးကြီးကို ဖြေရှင်းဖို့ တာဝန်ယူထားရပါပြီ။ ဒီအတွက် ရခိုင်တိုင်းရင်းသားတွေနဲ့ ရခိုင်နိုင်ငံရေးပါတီတွေကလည်း အင်န်အယ်လ်ဒီ အစိုးရနဲ့ ပူးပေါင်းပြီး ပြသနာ ပြေလည်ရာပြေလည်ကြောင်း၊ ရခိုင်ပြည်နယ် ဖွံ့ဖြိုးတိုးတက်ရာ တိုးတက်ကြောင်း ပူးပေါင်းဆောင်ရွက်ကြဖို့ လိုပါတယ်။ အရင် စစ်အာဏာရှင်တွေ ထားရစ်ခဲ့တဲ့ မူဆလင် အသိုင်းအ၀ိုင်း ပြသနာကို ခိုးဝင်တွေ၊ ဘင်္ဂါလီတွေ ဆိုပြီး ပြောဆိုနေရုံနဲ့ ပြသနာတွေ ပြေလည်သွားမှာတော့ မဟုတ်ပါဘူး။ အလားတူ ပြည်ခိုင်ဖြိုးပါတီကြီး အနေနဲ့လည်း အရင်က မှားခဲ့တဲ့ အယူအဆ အမှား၊ လုပ်ရပ် အမှားတွေကို ပြန်သုံးသပ်ပြီး ရခိုင်ပြည်နယ်ထဲက ပဋိပက္ခကို နိုင်ငံရေး အသုံးချစရာ တစ်ခုလို့ မသတ်မှတ်သင့်တော့ပဲ တိုင်းပြည် ကောင်းရာကောင်းကြောင်း အတွက် အင်န်အယ်လ်ဒီ အစိုးရနဲ့ ပူးပေါင်းဆောင်ရွက်သင့်ပါကြောင်း သုံးသပ်တင်ပြလိုက်ရပါတယ်။

စည်သူအောင်မြင့်။
http://burmese.voanews.com/a/3392835.html

လွတ်လပ်စွာထုတ်ဖော်ပြောဆိုခွင့်နဲ့ စုဝေးခွင့်ကို ဖိနှိပ်ထားတဲ့ ဥပဒေတွေအပေါ် လေ့လာသုံးသပ်ထားတဲ့ HRW အစီရင်ခံစာ သတင်းစာရှင်းလင်းပွဲ
လွတ်လပ်စွာထုတ်ဖော်ပြောဆိုခွင့်နဲ့ စုဝေးခွင့်ကို ဖိနှိပ်ထားတဲ့ ဥပဒေတွေအပေါ် လေ့လာသုံးသပ်ထားတဲ့ HRW အစီရင်ခံစာ သတင်းစာရှင်းလင်းပွဲ

အမျိုးသားဒီမိုကရေစီအဖွဲ့ချုပ် (NLD) ပါတီ ဦးဆောင်တဲ့ အစိုးရသစ်အနေနဲ့ လွတ်လပ်စွာ ထုတ်ဖော်ပြောဆိုခွင့်တွေကို ကန့်သတ်ထိန်းချုပ်ထားတဲ့ ဥပဒေဟောင်းတွေကို ဖျက်သိမ်းပစ်ဖို့ နိုင်ငံတကာ လူ့အခွင့်အရေး စောင့်ကြည့် အကဲခတ် အဖွဲ့ဖြစ်တဲ့ Human Rights Watch က တိုက်တွန်း လိုက်ပါတယ်။ မြန်မာနိုင်ငံအတွင်း လွတ်လပ်စွာ ထုတ်ဖော်ပြောဆိုခွင့်နဲ့ စုဝေးခွင့်ကို ဖိနှိပ်ထားတဲ့ ဥပဒေ တွေအပေါ် လေ့လာသုံးသပ်ထားတဲ့ အစီရင်ခံစာတစောင်ကို ဒီကနေ့ ထုတ်ပြန်ရာမှာ HRW အဖွဲ့က ပြောဆိုလိုက်တာပါ။ အပြည့်အစုံကိုတော့ HRW အဖွဲ့ရဲ့ ရန်ကုန်မြို့က သတင်းစာရှင်းလင်းပွဲကို ကိုယ်တိုင်သွားရောက် သတင်းယူထားတဲ့ ဗွီအိုအေ မြန်မာပိုင်းသတင်းထောက် မမြင့်မြင့်ခိုင်က တင်ပြပေးမှာဖြစ်ပါတယ်။

လွတ်လပ်စွာ ထုတ်ဖော်ပြောဆိုခွင့်နဲ့ ငြိမ်းချမ်းစွာ စုဝေးခွင့်ဆိုင်ရာ အခွင့်အရေးတွေကို အာမခံနိုင်အောင် NLD အစိုးရသစ်အနေနဲ့ အမြန်ဆုံးဆောင်ရွက်ဖို့ နိုင်ငံတကာက လူ့အခွင့်အရေး အခြေအနေတွေကိုစောင့်ကြည့် အကဲခတ်နေတဲ့ HRW က တိုက်တွန်းလိုက်တာပါ။ အခြေခံ လူ့အခွင့်အရေးတွေကို ချိုးဖောက်ပြီး အတိုက်အခံတွေ၊ တက်ကြွလှုပ်ရှားသူတွေကို ဖိနှိပ်ခဲ့တဲ့ ဥပဒေတွေကို အဓိက လေ့လာ သုံးသပ်ထားတဲ့ အစီရင်ခံစာတစောင်ကို ဒီကနေ့ ဇူလိုင်လ ၂၉ ရက်နေ့မှာ ထုတ်ပြန်ချိန်မှာပဲ ခေတ်နဲ့မလျော်ညီတော့တဲ့ ဥပဒေဟောင်းတွေကို ပြင်ဆင်တာ၊ ရုပ်သိမ်းတာတွေလုပ်ဖို့ တိုက်တွန်းလိုက်တာဖြစ်ပါတယ်။ ဒါမှသာ စစ်မှန်တဲ့အပြောင်းအလဲကို ဖော်ဆောင်ရာရောက်တယ်လို့လည်း HRW အဖွဲ့ရဲ့ ဥပဒေရေးရာ အကြံပေး Linda Lakhdhir က ပြောဆိုလိုက်ပါတယ်။

"မြန်မာပြည်ရဲ့ အပြောင်းအလဲကာလမှာ နိုင်ငံသားတိုင်းရဲ့ လူ့အခွင့်အရေးကို လေးစားပေးရမှာဖြစ်ပါတယ်။ လွတ်လပ်စွာ ပြောဆိုခွင့်ကို အသုံးချပြီး အစိုးရရဲ့ အုပ်ချုပ်ရေး၊ ဥပဒေပြုရေးစတဲ့ မဏ္ဍိုင်အသီးသီးရဲ့ လုပ် ကိုင်ဆောင်ရွက်မှုတွေအပေါ် ဝေဖန်ထောက်ပြတာတွေကို လက်ခံပေးရမှာဖြစ်ပါတယ်။ လွတ်လပ်စွာ ထုတ်ဖော် ပြောဆိုခွင့်ကို ကျင့်သုံးတဲ့နေရာမှာ ရာဇဝတ်မှုတွေကို ကြောက်စရာမလိုဘဲ လွတ်လပ်စွာ ပြောဆိုခွင့်ရှိစေရ မှာဖြစ်ပါတယ်။ အမျိုးသားဒီမိုကရေစီအဖွဲ့ချုပ်အနေနဲ့ မတရားတဲ့ ဥပဒေကို ပြင်ဆင်ပြဌာန်းတဲ့ဖို့ လွှတ်တော် တွင်း အများစုနေရာရထားသလို တချိန်တည်းမှာပဲ အဲ့ဒီဥပဒေကို ပြင်ဆင်ဖို့ ပြည်သူလူထုရဲ့ ထောက်ခံမှုရထား ပြီးသားဖြစ်ပါတယ်။ အခုလွှတ်တော်တွင်းမှာရှိနေတဲ့ လွှတ်တော်ကိုယ်စားလှယ်တွေလည်း အဲဒီမတရားတဲ့ ဥပဒေတွေရဲ့ ဒဏ်ကို ခံခဲ့ရတာဖြစ်တဲ့အတွက် အဲ့ဒီဥပဒေတွေကို ပြင်ဆင်ပြောင်းလဲခြင်းဟာ တကယ့် စစ်မှန်တဲ့ အပြောင်း အလဲတွေ ဖြစ်လာပြီဆိုတာ ပြသရာရောက်မှာလည်းဖြစ်ပါတယ်။ "

HRW က ထုတ်ပြန်လိုက်တဲ့ "သင့်ကို အချိန်မရွေးဖမ်းနိုင်သည်" ဆိုတဲ့ အစီရင်ခံစာမှာ လွတ်လပ်စွာ ပြောဆို ခွင့်နဲ့ ငြိမ်းချမ်းစွာ ဆန္ဒထုတ်ဖော်မှုကို ရာဇဝတ်ပုဒ်မတွေတပ်ပြီး ပြစ်ဒဏ်ပေးနိုင်တဲ့ ငြိမ်းချမ်းစွာ စီတန်းလှည့် လည် ခြင်းဆိုင်ရာ ဥပဒေ၊ ဆက်သွယ်ရေးဥပဒေ၊ သတင်းမီဒီယာဥပဒေ စတဲ့ ဥပဒေတွေကို သေချာလေ့လာသုံး သပ်ထားတာ ဖြစ်ပြီး အစိုးရသစ်အနေနဲ့ ဒီဖိနှိပ်တဲ့ ဥပဒေတွေ ပယ်ဖျက်ဖို့အတွက် အကြံပြုချက်တွေ ဖော်ပြထားတာဖြစ် ပါတယ်။

NLD အစိုးရသစ်စတင်တာဝန်ပြီး မေလကုန်ပိုင်းက ငြိမ်းစုစီ ဥပဒေအသစ်ကို အမျိုးသားလွှတ်တော်က ပြင်ဆင် အတည်ပြုခဲ့ပြီး သိသာတဲ့ တိုးတက်မှုရှိပေမယ့် ဥပဒေအဟောင်းက အားနည်းချက်တွေ ပါဝင်နေဆဲဖြစ်တယ်လို့ လူ့အခွင့်အရေးစောင့်ကြည့်အဖွဲ့ HRW က ထောက်ပြပါတယ်။

ငြိမ်းစုစီ ဥပဒေကို နောက်တကြိမ် လွှတ်တော်အစည်းအဝေး ပြန်စချိန်မှာ ပြည်သူ့လွှတ်တော်မှာ ဆွေးနွေးမှာ ဖြစ်တာမို့ ဒီဖြစ်စဉ်ကို သေချာလေ့လာ စောင့်ကြည့်သွားမှာဖြစ်တယ်လို့ HRW ရဲ့ ဥပဒေရေးရာ အကြံပေး Linda Lakhdhir က အခုလိုပြောပါတယ်။

"မကြာသေးခင်က အမျိုးသားလွှတ်တော်မှာ အတည်ပြုထားပြီးဖြစ်တဲ့ ငြိမ်းစုစီဥပဒေ အသစ်ကို ပြည်သူ့ လွှတ် တော်မှာလည်း ဆွေးနွေးဖို့ ရှိတဲ့အတွက် နောက်တကြိမ် လွှတ်တော်အစည်းအဝေးတွေပြန်စရင် ဒီဥပဒေနဲ့ ပတ်သက်တဲ့ ဆွေးနွေးမှုတွေကို HRW အနေနဲ့ သေချာအနီးကပ်စောင့်ကြည့် သွားမှာဖြစ်ပါတယ်။ ပြီးတော့ HRW ရဲ့ အကြံပြုချက်တွေကို ပေးပို့သွားမှာဖြစ်ပါတယ်။ လူတိုင်း လူတိုင်းရဲ့ လွတ်လပ်စွာ ထုတ်ဖော်ပြောဆို ခွင့်နဲ့ ငြိမ်းချမ်းစွာ ပြည့်ပြည့်ဝဝ အကာအကွယ်ပေးတဲ့ ဥပဒေတွေကို ပြဌာန်းနိုင်လိမ့်မယ်လို့လည်း မျှော်လင့် ပါ တယ်"

အမျိုးသားဒီမိုကရေစီအဖွဲ့ချုပ် ဦးဆောင်တဲ့ အစိုးရအဖွဲ့ကို စတင်တာဝန်ယူပြီး မကြာခင်ကာလမှာ နိုင်ငံရေး အကျဉ်းသားတွေကို လွတ်ပေးခဲ့သလို ပုဒ်မ (၁၀) လို့လူသိများတဲ့ နိုင်ငံတော်အား နှောင့်ယှက်ဖျက်ဆီး လိုသူ များ၏ ဘေးအန္တရာယ်မှ ကာကွယ် စောင့်ရှောက် သည့် ဥပဒေနဲ့ နိုင်ငံရေးတက်ကြွသူတွေကို ဖမ်းဆီးထောင်ချခဲ့ တဲ့ အရေးပေါ်စီမံချက် အက်ဥပဒေတွေ ကိုလည်း ဖျက်သိမ်းလိုက်ပါတယ်။ ဒါပေမယ့် လက်ရှိမြန်မာပြည်ရဲ့ ၂၀၀၈ ဖွဲ့စည်းပုံအခြေခံဥပဒေအရ ရဲတပ်ဖွဲ့ကို တပ်မတော်က ထိန်းချုပ်ထားဆဲမို့ မတရားတဲ့ ဥပဒေတွေနဲ့ ဖမ်း ဆီးမှုတွေ ဆက်ပြီးပေါ်ပေါက်နေတာဖြစ်တယ်လို့ HRW က ထောက်ပြနေတာလည်းဖြစ်ပါတယ်။

မမြင့်မြင့်ခိုင်
VOA Burmese News


မြန်မာနိုင်ငံမှာ လူကုန်ကူးမှုအခြေအနေတွေ ရှိနေတာနဲ့ ပတ်သက်လို့ ဒေါ်လှလှသန်းက စုစည်းတင်ပြထားပါတယ်။

အမေရိကန်နိုင်ငံခြားရေးဌာနက အခုလာမယ့် ကြာသပတေးနေ့မှာ ထုတ်ပြန်ဖို့ရှိတဲ့ ၂၀၁၆ နိုင်ငံတကာ လူကုန်ကူးမှု နှစ်ပတ်လည်အစီရင်ခံစာမှာ မြန်မာနိုင်ငံအနေနဲ့ အနိမ့်ဆုံး Tier-3 အဆင့်ကို ပြန်ချခံထားရတယ်ဆိုတဲ့ သတင်းတွေထွက်ပေါ်မှုနဲ့ ပတ်သက်လို့ မြန်မာနိုင်ငံခြားရေးဝန်ကြီးဌာန အမြဲတမ်းအတွင်းဝန် ဦးအောင်ဝင်း က စိတ်ပျက်မိတယ်လို့ အခုလို ဗွီအိုအေကို ပြောခဲ့ပါတယ်။

“အစီရင်ခံစာ ထွက်မယ်လို့ပဲ ကျနော်တို့ သိရသေးပါတယ်။ ဒါပေမဲ့ အခု သတင်းတွေ ထွက်ပေါ်တာကို အခြေခံမယ်ဆိုရင် ကျနော်တို့ ဒီဥစ္စာနဲ့ ပတ်သက်ပြီးတော့ တော်တော်ကို စိတ်ပျက်မိပါတယ်။ ဘာဖြစ်လို့လဲဆိုတဲ့အခါကျတော့ ကျနော်တို့က လူကုန်ကူးမှုတိုက်ဖျက်ရေးကို ကျနော်တို့ နိုင်ငံတကာနဲ့ ပူးပေါင်းဆောင်ရွက်နေတယ်။ အထူးသဖြင့် အမေရိကန်ပြည်ထောင်စုနဲ့လည်း ပူးပေါင်း ဆောင်ရွက်နေတယ်။ အမေရိကန်ပြည်ထောင်စုဟာ ဒီအစီရင်ခံစာ မထွက်ခင်ကတည်းက ကျနော်တို့ကို အသိပေးတာရှိတယ်။ ဒီဥစ္စာနဲ့ ပတ်သက်ပြီးတော့ ပြုပြင်ဖို့ လိုအပ်တယ်ဆိုတာကို။ ဒါပေမဲ့ သူတို့ဘက်က ပြုပြင်ဖို့ လိုအပ်တယ် ဆိုတဲ့ဟာမှာ ဘာတွေ ပြုပြင်ဖို့ လိုအပ်တယ် ဆိုတာမျိုးလေးကိုတော့ ကျနော်တို့ကိုတော့ အတိအကျ ပြောဖို့ လိုအပ်ပါတယ်။ အဲဒါမှပဲ သူတို့ ဘာတွေ လိုအပ်တယ်ဆိုတဲ့ဟာကို ကျနော်တို့ အတူတူ လုပ်ကိုင်ဖို့ အဆင်သင့် ရှိနေပါတယ်။”

မြန်မာနိုင်ငံရဲ့ လူကုန်ကူးမှု အခြေအနေနဲ့ ပတ်သက်လို့ ၀ါရှင်တန်နဲ့ ဘန်ကောက်ရှိ သတင်းရပ်ကွက်တွေကို ကိုးကားပြီး ရိုက်တာသတင်းဌာနရဲ့ အင်္ဂါနေ့က ထုတ်ပြန်တဲ့သတင်းမှာ မြန်မာနိုင်ငံမှာ ကလေးစစ်သားများနဲ့ အတင်းအဓမ္မ လုပ်အားပေး ခိုင်းစေမှု လျှော့ချနိုင်ရေးအတွက် အစိုးရအနေနဲ့ လက်ရှိထက်ပိုပြီး လုပ်ဆောင်စေဖို့ ဖိအားပေးလိုတဲ့ သဘောရောက်စေဖို့ အခုလို အဆင့် ချခဲ့တာဖြစ်တယ်လို့ ကိုးကား ဖော်ပြထားပါတယ်။ ပြီးခဲ့တဲ့နှစ်တွေက သမ္မတဦးသိန်းစိန် အစိုးရလက်ထက်မှာ မြန်မာနိုင်ငံမှာ ကလေးစစ်သားများ အသုံးပြုမှု ပပျောက်ရေးအတွက် ကုလသမဂ္ဂ အထူးကိုယ်စားလှယ် မစ် Leila Zerrougui နဲ့ ပူးပေါင်းဆောင်ရွက်ခဲ့ပြီး action plan တွေ ချမှတ်ကာ ကလေးစစ်သားတချို့ကိုလည်း မိဘတွေထံ ပြန်အပ်ပေးခဲ့တဲ့ သတင်းတွေ ထွက်ပေါ်ခဲ့တာ ရှိပါတယ်။

ဒါပေမဲ့လို့ ကလေးစစ်သားများ ပပျောက်ရေးနဲ့ ပတ်သက်လို့ ၂၀၁၆ ဧပြီလက ထုတ်ပြန်ခဲ့တဲ့ မစ် Zerrougui ရဲ့ အစီရင်ခံစာမှာတော့ မြန်မာအစိုးရအနေနဲ့ ကလေးစစ်သားများ အသုံးပြုမှု လျှော့ချရေးနဲ့ ပတ်သက်လို့ တိုးတက်မှုတွေ ရရှိခဲ့ပေမဲ့လို့လည်း တပ်မတော်အတွင်းမှာ ကလေးစစ်သားများ အသုံးပြုဆဲရှိတာ တွေ့ရတဲ့အတွက် ကလေးစစ်သားများ စုဆောင်းခြင်း မပြုဖို့နဲ့ ထွက်ပြေးဖို့ ကြိုးစားကြတဲ့ ကလေးတွေကို ပြန်ဖမ်းခြင်းမပြုဖို့ တိုက်တွန်းထားပြီး ကလေးစစ်သားများ ပပျောက်ရေးအတွက် ချမှတ်တဲ့ ခြေလှမ်းတွေကိုလည်း အမြဲတစေ စောင့်ကြည့်လေ့လာဖို့ တိုက်တွန်းထားပါတယ်။

မြန်မာနိုင်ငံအနေနဲ့ လူကုန်ကူးခံရသူတွေ ထွက်တဲ့နိုင်ငံလည်း ဖြစ်ပါတယ်။ အိမ်နီးချင်း ထိုင်း၊ တရုတ်နဲ့ တခြား အာရှအပြင် အရှေ့အလယ်ပိုင်း ဒေသတွေမှာ ရောင်းစားခံကြရတဲ့ မြန်မာနိုင်ငံက အမျိုးသား၊ အမျိုးသမီးနဲ့ ကလေးငယ်တွေအနေနဲ့ ငါးဖမ်းလုပ်ငန်းတွေ၊ ပြည့်တန်ဆာလုပ်ငန်းတွေ ကုန်ထုတ်လုပ်ငန်းတွေ၊ စိုက်ပျိုးရေးလုပ်ငန်းတွေ၊ ဆောက်လုပ်ရေးလုပ်ငန်းတွေ စသဖြင့်တို့မှာ အတင်းအဓမ္မ ခိုင်းစေခံကြရတာ ဖြစ်ပါတယ်။ ထိုင်း ငါးဖမ်းလှေတွေမှာ လူကုန်ကူးခံရတဲ့ မြန်မာလုပ်သားအချို့ကို ကယ်တင်မှုမှာ သတင်းယူခဲ့တဲ့ Pulitzer ဆုရှင်တဦးဖြစ်တဲ့ အေပီသတင်းထောက် အက်စတာ ထုဆန် ပြောပြခဲ့တာကတော့ -

“လူကုန်ကူးတဲ့လူတွေက တအားဆင်းရဲတဲ့ ဧရာဝတီတိုင်းတို့၊ ရခိုင်ပြည်နယ်တို့က လူကုန်ကူးခံရတဲ့ အများစုကို ကြည့်လိုက်မယ်ဆိုရင် အဲဒီရွာတွေက လူတွေကို သူတို့က သွားပြီးတော့မှ အလုပ်အကိုင် အခွင့်အလမ်းတွေကို သွားပြောပြတာပေါ့။ ထိုင်းနိုင်ငံမှာ အလုပ်တွေ လုပ်ရမယ်။ စက်ရုံတွေမှာပဲ လုပ်ရမှာ။ သူတို့ လိမ်ညာခေါ်သွားပြီးတော့မှ ထိုင်းနိုင်ငံကိုရောက်တာနဲ့ တခါတည်း သူတို့က သင်္ဘောဆိပ်ကို ခေါ်သွားတယ်။ ထိုင်းနိုင်ငံ သင်္ဘောဆိပ် အဓိက နှစ်နေရာရှိတယ်။ မဲခေါင်ဆိပ်ကမ်းနဲ့ ဒီ မဟာချိုင်ဆိပ်ကမ်းဆိုတာ ရှိတယ်။ အဲ့ကိုရောက်တာနဲ့ တခါတည်း ဆိပ်ကမ်းကို ခေါ်သွားပြီးတော့မှ တခါတည်းကို ငါးဖမ်းလှေပေါ်မှာ ရောင်းစားပစ်လိုက်တာ။ ပါသွားတဲ့သူတွေက သိကို မသိလိုက်တာ။”

ဒါ့အပြင် ရခိုင်ပြည်နယ်မှာ ရိုဟင်ဂျာမူဆလင်တွေအပေါ် နှိပ်ကွပ်မှုတွေ ကျယ်ကျယ်ပြန့်ပြန့် ဖြစ်ပွားနေတဲ့အတွက်လည်း ပြီးခဲ့တဲ့နှစ်အတွင်းက လှေနဲ့ထွက်ပြေးဖို့ ကြိုးစားခဲ့ကြတဲ့ ရိုဟင်ဂျာတွေဟာ လူကုန်ကူးပွဲစားတွေရဲ့ ခေါင်းပုံဖြတ်မှုတွေကို ခံခဲ့ကြရတာဖြစ်ပါတယ်။ ပြီးခဲ့တဲ့နှစ် ၂၀၁၅ နိုင်ငံတကာ လူကုန်ကူးမှု အစီရင်ခံစာမှာတော့ မြန်မာနိုင်ငံဟာ Tier-2 အဆင့်နဲ့ စောင့်ကြည့်ခံနိုင်ငံ အဆင့်ဖြင့် သတ်မှတ်ခံခဲ့ရတာ ဖြစ်ပါတယ်။ ဒီအဆင့်မှာ သတ်မှတ်ခြင်းခံရတဲ့ နိုင်ငံတွေအနေနဲ့ လူကုန်ကူးမှု တိုက်ဖျက်ရေးလုပ်ဆောင်ရာမှာ အနိမ့်ဆုံး သတ်မှတ်ချက်တွေကို အပြည့်အ၀ လိုက်နာခြင်းမရှိပေမဲ့ ကြိုးပမ်းလုပ်ဆောင်ဖို့ ခြေလှမ်းတွေယူခဲ့တဲ့ နိုင်ငံဖြစ်ပါတယ်။

အခုအနိမ့်ဆုံး Tier-3 အဆင့်ကတော့ လူကုန်ကူးမှုတိုက်ဖျက်ရေးမှာ လုံးဝ ပူးပေါင်း ဆောင်ရွက်မှုမရှိတဲ့ နိုင်ငံအဆင့်ပဲ ဖြစ်ပါတယ်။ ဒါကြောင့်လည်း ဒီအဆင့်မှာ သတ်မှတ်ခြင်းခံရရင် ဖွံ့ဖြိုးရေးဆိုင်ရာ အထောက်အကူတွေ အပါအ၀င် တခြားဒဏ်ခတ်ပိတ်ဆို့မှုတွေကို ရင်ဆိုင်ရဖွယ်ရှိပါတယ်။ အမေရိကန်နိုင်ငံခြားရေးဌာနက နှစ်ပတ်လည် လူကုန်ကူးမှု အစီရင်ခံစာကို ၂၀၀၁ ခုနှစ်က စတင်ထုတ်ပြန်ခဲ့ရာမှာ စစ်အစိုးရခေတ် အဆက်ဆက် လက်ထက် မြန်မာနိုင်ငံဟာ Tier-3 အဆင့်မှာ သတ်မှတ်ခြင်း ခံခဲ့ရတာဖြစ်ပါတယ်။ ဒီနောက် သမ္မတ ဦးသိန်းစိန် တက်လာပြီး ပြုပြင်ပြောင်းလဲရေး စတင်ခဲ့ပြီးတဲ့နောက်ပိုင်း ၂၀၁၂ ခုနှစ်မှာ အဆင့်-၂ Tier-2 စောင့်ကြည့်ခံအဆင့်မှာ တိုးမြှင့်သတ်မှတ်ခြင်း ခံခဲ့ရပြီး အခုတခါ အဆင့်ပြန်ချခြင်း ခံရတာဖြစ်ပါတယ်။

အခု ဒီသီတင်းပတ်ထုတ်ပြန်မယ့် ၂၀၁၆ နိုင်ငံတကာ လူကုန်ကူးမှု အစီရင်ခံစာကတော့ ပြီးခဲ့တဲ့ ၂၀၁၅ ခုနှစ်က အခြေအနေပေါ် သုံးသပ်ထားတဲ့ အတွက်ကြောင့်လည်း ယခင်သမ္မတ ဦးသိန်းစိန် အစိုးရလက်ထက်က ဖြစ်ခဲ့တဲ့အခြေအနေအပေါ် အဓိက မူတည်တာဖြစ်ပြီး၊ လက်ရှိ ဒေါ်အောင်ဆန်းစုကြည် ဦးဆောင်တဲ့ NLD အစိုးရရဲ့ လုပ်ဆောင်ချက်နဲ့ ပတ်သက်ခြင်းမရှိဘဲ စစ်တပ်ကြီးစိုးတဲ့ အရပ်ဘက် အစိုးရကိုသာ ရည်ရွယ်ခြင်းဖြစ်တယ်လို့ လူ့အခွင့်အရေးအဖွဲ့တွေက ထောက်ပြကြပါတယ်။

ဒေါ်လှလှသန်း
VOA Burmese News

နေပြည်တော်မှာ ကျင်းပတဲ့ နိုင်ငံတော်အတိုင်ပင်ခံပုဂ္ဂိုလ် ဦးဆောင်တဲ့ ငြိမ်းချမ်းရေး ဆွေးနွေးပွဲ။ (မေ ၂၇၊ ၂၀၁၆)
နေပြည်တော်မှာ ကျင်းပတဲ့ နိုင်ငံတော်အတိုင်ပင်ခံပုဂ္ဂိုလ် ဦးဆောင်တဲ့ ငြိမ်းချမ်းရေး ဆွေးနွေးပွဲ။ (မေ ၂၇၊ ၂၀၁၆)

အစိုးရသစ်လက်ထက်မှာ ကျင်းပဖို့ စီစဉ်နေတဲ့ ငြိမ်းချမ်းရေး ညီလာခံအတွက် အပစ်အခတ်ရပ်စဲရေး လက်မှတ်ရေးထိုး မထားတဲ့ လက်နက်ကိုင်အဖွဲ့ ၁၀ ဖွဲ့ဟာ ဒီသီတင်းပတ်ထဲမှာပဲ အစိုးရကိုယ်စားလှယ်တွေနဲ့ တွေ့ဆုံဖို့ ရှိနေပါတယ်။ တနိုင်ငံလုံး ပစ်ခတ်တိုက်ခိုက်မှု ရပ်စဲရေးစာချုပ် NCA ကို ပါဝင်လက်မှတ်မရေးထိုးသေးတဲ့ တိုင်းရင်းသား လက်နက်ကိုင်အဖွဲ့ ၉ဖွဲရဲ့ ကိုယ်စားလှယ်အဖွဲ့ နဲ့ နာဂလက်နက်ကိုင် အဖွဲ့က ကိုယ်စားလှယ်တွေဟာ လာမယ့်သောကြာနေ့ကစပြီး ရန်ကုန်မြို့မှာ အစိုးရ ကိုယ်စားလှယ်တွေနဲ့ တွေ့ဆုံပြီး ပြည်ထောင်စု ငြိမ်းချမ်းရေးညီလာခံ (ခေါ်) ၂၁ ရာစုပင်လုံနဲ့ ပတ်သက်လို့ အပြန်အလှန်ဆွေးနွေး ညှိနှိုင်းကြမှာဖြစ်ပါတယ်။ အကြောင်းစုံကိုတော့ ဗွီအိုအေမြန်မာပိုင်း သတင်းထောက် ကိုမိုးဇော်က တင်ပြထားပါတယ်။

ပြည်ထောင်စုငြိမ်းချမ်းရေး ညီလာခံ-၂၁ရာစုပင်လုံအကြိုပြင်ဆင်ရေးကော်မတီ NCA ကို လက်မှတ်မရေးထိုးသေးတဲ့ တိုင်းရင်းသားလက်နက်ကိုင်အဖွဲ့တွေရဲ့ ကိုယ်စားလှယ်အဖွဲ့ကို ရန်ကုန်မှာ တွေ့ဆုံဆွေးနွေးဖို့အတွက် ဖိတ်ကြားခဲ့တာဖြစ်ပါတယ်။

NCA ကို လက်မှတ်မရေးထိုးသေးတဲ့ တိုင်းရင်းသားလက်နက်ကိုင်အဖွဲ့တွေရဲ့ DPN ခေါ် နိုင်ငံရေးဆိုင်ရာ ညှိနှိုင်းဆွေးနွေးရေးကိုယ်စားလှယ်အဖွဲ့ခေါင်းဆောင် ခူးဦးရယ်က တွေ့ဆုံဆွေးနွေးမယ့်ရက်ကို အခုလို ပြောပါတယ်။

“အကြမ်းဖျင်းအားဖြင့်တော့ ကျနော်တို့ဇူလိုင်လ ၁ ရက်နေ့တွေ့ဖို့ သဘောတူထားပါတယ်။”

NCA ကို လက်မှတ်မရေးထိုးသေးတဲ့ တိုင်းရင်းသားလက်နက်ကိုင်အဖွဲ့ ၉ဖွဲ့ဟာ ညီညွတ်သောတိုင်းရင်းသားလူမျိုးများ ဖက်ဒရယ်ကောင်စီ UNFC အမည်နဲ့ တပ်ပေါင်းစု ဖွဲ့စည်းထားတာဖြစ်ပြီး ငြိမ်းချမ်းရေးနဲ့ နိုင်ငံရေးကိစ္စရပ်တွေ ဆွေးနွေးဖို့အတွက် DPN အဖွဲ့တာဝန်ပေးအပ်ထားတာဖြစ်ပါတယ်။

အဓိက ဆွေးနွေးဖြစ်မယ့်အချက်တွေကိုတော့ ခူးဦးရယ်က အခုလို ဆက်ပြောပါတယ်။

“အဓိကအားဖြင့်တော့ ကျနော်တို့ ဒီငြိမ်းချမ်းရေးဖြစ်စဉ်ရှေ့ဆက် ညှိနှိုင်းဆွေးနွေးကိစ္စတွေလုပ်ဖို့ကတော့ အဓိကပေါ့နော်။ အရင်တုန်းကလည်း ကျနော်တို့ဒီ ချင်းမိုင်မှာ အလွတ်သဘောတွေ့ဆုံမှုတွေလုပ်ခဲ့ကြတာလေ။ အလွတ်သဘောတွေ့ဆုံတဲ့အချိန်အခါတုန်းက ကျနော်တို့ဘက်ကလည်း ဖြစ်ချင်တဲ့အကြောင်းအရာလေးတွေကို အစိုးရဘက်ကလည်း ကျနော်တို့ကို တရားဝင် အသိပေးပြန်ကြားဖို့အတွက် ရှိပါတယ်။ အဲဒီဟာတွေလည်း ကျနော်တို့ နားထောင်ရင်းပေါ့နော်၊ နောက်ပြီးတော့ အစိုးရဘက်ကနေပြီးတော့ ကျနော်တို့ UNFC ခေါင်းဆောင်တွေကိုလည်း နိုင်ငံတော်အတိုင်ပင်ခံပုဂ္ဂိုလ်နဲ့ တွေ့ဆုံပေးဖို့အတွက်လည်း ဖိတ်ခေါ်ထားတာရှိပါတယ်။ ဆိုတော့ ဒီ တွေ့ဆုံနိုင်ရေးအတွက်လည်း ကျနော်တို့ ကြိုတင်ပြင်ဆင်တဲ့သဘောနဲ့ တွေ့ဆုံဖို့လည်းပါပါတယ်။”

ဒါ့အပြင် နောက်ပိုင်းတွေ့ဆုံဆွေးနွေးပွဲတွေမှာ ဘယ်လိုစီစဉ်ဆောင်ရွက်ကြမယ်ဆိုတာကိုလည်း အစိုးရကိုယ်စားလှယ်တွေနဲ့ ညှိနှိုင်းဖို့ရှိကြောင်း ပြောပါတယ်။

ထိုင်း-မြန်မာနယ်စပ်ကို အခြေပြုဖွဲ့စည်းထားတဲ့ UNFC တပ်ပေါင်းစုမှာ မပါဝင်တဲ့ NSCN-K ခေါ် နာဂအမျိုးသားဆိုရှယ်လစ်ကောင်စီ အဖွဲ့နဲ့ကတော့ ဇူလိုင်လ ၂ရက်နေ့မှာတွေ့ဆုံဖို့ရှိကြောင်း နာဂအဖွဲ့ရဲ့ ငြိမ်းချမ်းရေးအဖွဲ့ကိုယ်စားလှယ်တဦးဖြစ်တဲ့ ဦးကျော်ဝမ်းစိန်က ပြောပါတယ်။

“ဇူလိုင်လ ၂ ရက်နေ့ညနေပိုင်းလောက်တွေ့ဖြစ်မယ်လို့တော့ အကြမ်းဖျင်းအားဖြင့် အဲဒီလိုအစီအစဉ်ရှိတယ်ခင်ဗျ။ အဲဒီဆွေးနွေးပွဲမှာတော့ ၂၁ ရာစုပင်လုံညီလာခံကို ဖြစ်မြောက်ဖို့ ဖော်ဆောင်ရေးကော်မတီကနေပြီးတော့မှ အကျိုးအကြောင်းအရင်းကို သူတို့ကနေပြီးတော့မှ ဘယ်လိုဆောင်ရွက်သွားမယ်၊ ဘယ်လိုလုပ်နေပါတယ်ဆိုတဲ့ အကြောင်းအရင်းကို ကျနော်တို့ NSCN ငြိမ်းချမ်းရေးအဖွဲ့ တွေကို ချပြသွားမှာဖြစ်ပါတယ်။”

နာဂငြိမ်းချမ်းရေးကိုယ်စားလှယ်အဖွဲ့ကိုတော့ ဦးအန်ကန့်က ဦးဆောင်မှာဖြစ်ပါတယ်။ NSCN-K အဖွဲ့ဟာ အိန္ဒိယနဲ့ မြန်မာပြည်က နာဂအမျိုးသားတွေအတွက် ဆောင်ရွက်နေတာဖြစ်တာကြောင့် မြန်မာအစိုးရနဲ့ အပစ်အခတ်ရပ်စဲပြီး ဒေသဖွံ့ဖြိုးရေးလုပ်ငန်းတွေဆောင်ရွက်ဖို့ အဓိက ဆောင်ရွက်နေတာဖြစ်ပါတယ်။ ဒီအဖွဲ့ဟာ တိုင်းဒေသကြီးအဆင့်နဲ့ အပစ်အခတ်ရပ်စဲရေးသဘောတူထားပေမဲ့ NCA ကိုတော့ ပါဝင်လက်မှတ်ရေးထိုးတာမရှိပါဘူး။

UNFC အဖွဲ့ဟာ ၂၁ရာစုပင်လုံမှာ ဆွေးနွေးမယ့် အမြင်သဘောထားတွေကို စုစည်းနိုင်ဖို့အတွက် တိုင်းရင်းသားလက်နက်ကိုင်အဖွဲ့တွေ အားလုံးပါဝင်တဲ့ ထိပ်သီးညီလာခံ တခုကို ကချင်ပြည်နယ် မိုင်ဂျာယန်မှာ ကျင်းပဖို့ ဆောင်ရွက်နေပါတယ်။ ဒီညီလာခံကိုတော့ ဇူလိုင်လအတွင်းမှာ ကျင်းပဖို့ စီစဉ်နေကြောင်း ခူးဦးရယ်က အခုလို ပြောပါတယ်။

“ကျနော်တို့အကြမ်းဖျင်းကတော့ ဇူလိုင်ထဲမှာပဲ ဖြစ်ဖို့များပါတယ်။ လက်နက်ကိုင်တော်လှန်ရေး အဖွဲ့အားလုံးကို ကျနော်တို့ ဖိတ်ကြားမှာပါ။”

ဒီလ ၂၈ရက်နေ့က နိုင်ငံတေ်ာ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် ဦးဆောင်တဲ့ ကိုယ်စားလှယ်အဖွဲ့နဲ့ NCA လက်မှတ်ရေးထိုးထားတဲံ တိုင်းရင်းသားလက်နက်ကိုင်အဖွဲ့ ၈ဖွဲ့က ကိုယ်စားလှယ်တွေ နေပြည်တော် မှာ တွေ့ဆုံဆွေးနွေး ခဲ့ကြရာမှာ ၂၁ရာစုပင်လုံကို သြဂုတ်လနောက်ဆုံး ပတ်ထက် နောက်မကျဘဲ ကျင်းပဖို့ သဘောတူခဲ့ကြသလို တိုင်းရင်းသားလက်နက်ကိုင်အဖွဲ့တွေ အားလုံးပါဝင်ရေးကိုလည်း အလေးထား ဆွေးနွေးခဲ့ကြပါတယ်။
VOA Burmese News


7 Day Daily သတင်းစာက တပ်မတော်ကိုတောင်းပန်ကြောင်း ရေးသားထားချက်ကို မြန်မာ့အလင်းသတင်းစာမှာ ဖေါ်ပြထားစဉ် (ဇွန်လ ၂၉ ရက်)
7 Day Daily သတင်းစာက တပ်မတော်ကိုတောင်းပန်ကြောင်း ရေးသားထားချက်ကို မြန်မာ့အလင်းသတင်းစာမှာ ဖေါ်ပြထားစဉ် (ဇွန်လ ၂၉ ရက်)

ပြည်တွင်း ပုဂ္ဂလိက သတင်းစာတစောင်ဖြစ်တဲ့ ဆဲဗင်းဒေးနေ့စဉ်သတင်းစာကနေ သူရဦးရွှေမန်းနဲ့ပတ်သက်တဲ့သတင်းကိုဖေါ်ပြမိတဲ့အတွက် တပ်မတော် ကို တောင်းပန်ကြောင်း ရေးသားထားတဲ့ ပန်ကြားလွှာကို ဒီကနေ့ ဗုဒ္ဓဟူးနေ့ထုတ် အစိုးရပိုင်သတင်းစာတွေမှာ ဖေါ်ပြထား ပါတယ်။ မြန်မာစစ်တပ်ကနေ သူတို့စွဲထားတဲ့ ပုဒ်မ (၁၃၁) အမှုကို တရားရုံးပြင်ပ နှစ်ဘက် ညှိုနှိုင်းချက်တွေအရ ဇွန်လ (၂၇)ရက်နေ့က ရုပ်သိမ်း ကျေအေးလိုက်ပြီးနောက် အခုလို ဆဲဗင်းဒေးသတင်းစာက တောင်းပန်ကြောင်းကြေညာချက် ထုတ်ပြန်လိုက်တာပါ။

အခုလိုစစ်တပ်ရဲ့ သတင်းမီဒီယာအပေါ်ဖိအားပေးမှုမျိုးဟာ မြန်မာ့သတင်းမီဒီယာ အနာဂတ်အပေါ် ဘယ်လိုရိုက်ခတ်မှုတွေရှိလားနိုင်မလဲ။ မအင်ကြင်းနိုင်က အကြောင်းစုံကိုတင်ပြမှာပါ။

ဆဲဗင်းဒေးသတင်းစာကနေ တပ်မတော်ကို တောင်းပန်ထားတဲ့စာမှာတော့ သူရဦးရွှေမန်းက စစ်တက္ကသိုလ်ဆင်းညီနောင်တွေနဲ့ပတ်သက်လို့ တိုက်တွန်းထားတဲ့သတင်းကို သူတို့အနေနဲ့ မည်သည့်ရည်ရွယ်ချက်မျှမပါပဲ ရိုးရိုးသားသားဖေါ်ပြခဲ့ကြောင်း၊ နိုင်ငံတော်နဲ့ တပ်မတော်အပေါ်မှာ နားလည် မှုလွဲမှားအောင် သွေးထိုးလှုံဆော်တာမျိုးမဟုတ်ကြောင်း၊ နောင်မှာ တပ်မတော် နဲ့ပတ်သက်လို့ သတင်းဖေါ်ပြရာမှာ စနစ်တကျတည်းဖြတ်ဆောင်ရွက် သွားမှာဖြစ်ကြောင်းနဲ့ အခုလိုနားလည်မှုလွဲမှားစေခဲ့ တဲ့ ရေးသားဖေါ်ပြချက် အတွက် တောင်းပန်အပ်ပါကြောင်း ဖေါ်ပြထားပါတယ်။ ဒါနဲ့ပတ် သက်လို့ ပြည်ပ အခြေစိုက် BMA ခေါ် မြန်မာသတင်းသမဂ္ဂရဲ့ ဥက္ကဌ ဦးမောင်မောင်မြင့်ကတော့ သူရဲ့အမြင်ကိုအခုလိုပြောပါတယ်။

“7 Day သတင်းစာကနေပြီးတော့ နားလည်မှုလွဲမှားလို့ပါဆိုတဲ့ သဘောမျိုး နဲ့ ပြောလိုက်တာဟာ အမှန်တကယ် ပြောမယ်ဆိုလို့ရှိရင်တော့ လုပ်ကို မလုပ်သင့် ဘူး။ သို့သော်လည်းပဲ ဒီလိုမျိုး လုပ်ခြင်းအားဖြင့် ပြဿနာပြေလည်သွားမယ်၊ တပ်မတော်ကလည်း ကျေအေးတယ်ဆိုလို့ရှိရင်တော့ ပြီးသွားတဲ့ အနေအထားမျိုးမှာ ရှိပါတယ်။ ဒါပေမယ့် ဘာပဲ ပြောပြော၊ ဒါဟာ အစွန်းအထင်း တခုအနေနဲ့တော့ ကျန်ခဲ့တာ အမှန်ပါပဲ။ တပ်မတော်ကနေပြီးတော့ ဒီ သတင်းစာတစောင်ကို အခုလိုမျိုးကိစ္စနဲ့ တရားစွဲတယ် ဆိုတဲ့ သဘောဟာ မသင့်တော်တဲ့ အနေအထားမှာ ရှိပါတယ်။ ဘာ့ကြောင့်လဲဆိုတော့ ဒါမျိုးဟာ နိုင်ငံတကာမှာ လွတ်လပ်တဲ့၊ ဒီမိုကရေစီ စံနစ် ကျင့်သုံးနေတဲ့ နိုင်ငံတွေမှာ မြင်ရလေ့ရှိတဲ့ သဘာဝမျိုး မဟုတ်ပါဘူး။ တကယ်တန်းက ဒီဖြစ်ရပ်ဟာ ဦးသိန်းစိန်နဲ့၊ ဦးရွှေမန်းဆိုတဲ့ အရင်တုန်းက ကြံ့ခိုင်ဖွံ့ဖြိုးရေး ခေါင်းဆောင်တွေ၊ ဦးသိန်းစိန်ကတော့ အခုချိန်ထိ ခေါင်းဆောင်နေတုန်းပေါ့၊ သူတို့ တပ်တွင်း ခေါင်းဆောင်တွေရဲ့ အကွဲအပြဲ၊ မညီညွတ်မှုကို အကြောင်းပြုပြီးတော့ ဒီ 7 Day သတင်းစာကနေ ကြားကနေ ၀င်ပြီးတော့ တန်ဆာခံလိုက်ရတဲ့ သဘောမှာရှိတယ်လို့ ကျနော်မြင်ပါတယ်။”

မေး။ အဲဒီတော့ နောက်ပိုင်း မြန်မာနိုင်ငံမှာ၊ ဒီလိုသတင်းမီဒီယာတွေက စစ်တပ်နဲ့ပတ်သက်လာရင် သူတို့ဘက်က ကြောက်သွားမလား၊ စစ်တပ်က ဒီလို ဖိအားပေးထားတဲ့အတွက် နောက်ပိုင်း ဂယက်ရိုက်မှုပေါ့နော်၊ ဒီဖြစ်ရပ်ရဲ့ ဂယက်ရိုက်မှုရော ဘယ်လိုသုံးသပ်လဲရှင့်။

“အမှန်တကယ် ပြောရမယ်ဆိုလို့ရှိရင်တော့ စစ်တပ်အနေနဲ့ ဒီ သတင်းစာတစောင် ကို အခုလိုမျိုး တရားစွဲလိုက်တယ် ဆိုတဲ့ကိစ္စဟာ သူတို့လက်ထဲ မှာ အာဏာတွေ အတိုင်းအတာ တစုံတခုအထိ ရှိနေတုန်းပဲ၊ သူတို့ မထင်ရင် မထင်သလို အနှောက်အယှက် ပေးလို့ရတယ်၊ တရားဥပဒေဆိုတာကို လည်းပဲ သူတို့က သိပ်ဂရုစိုက်လှတာမဟုတ်ဘူး ဆိုတဲ့သဘောမျိုးနဲ့ ပြလိုက်တဲ့ သဘော။ တနည်းပြောမယ်ဆိုရင်တော့ အစွယ်ထုတ်ပြတဲ့သဘောတော့ ရှိပါတယ်။ အဲ… သို့သော်လည်းပဲ၊ အခုချိန်ကတော့ ဟိုအရင်ခေတ်ကနဲ့ မတူတော့ဘူးပေါ့နော်။ အနဲနဲ့ အများတော့ နိုင်ငံရေးသ မားတွေကလည်းပဲ စစ်တပ်ကိုကြောက်ရတဲ့ကိစ္စက အနဲနဲ့အများ လျော့ပါးလာတယ်။ အလားတူပဲ သတင်းစာတွေကလည်းပဲ ဒီစစ်တပ်ကို ကြောက်ရတယ်ဆိုတဲ့ကိစ္စဟာ အနဲနဲ့အများ လျော့ပါးလာတယ်။ အဲဒီလို အနေအထားမျိုးမှာ၊ အခုလိုမျိုးသွားပြီးတော့ ဖိအားပေးတာဟာ မတော် ဖိအားပေးမှုမျိုးတွေ၊ မတော်အင်အားသုံးမှုမျိုးတွေ ရှိတာဟာ၊ ဒီအနေအထား မျိုးမှာတော့ ကျနော်ထင်တယ် အခုလိုမျိုး ၃-၄ ခါ နောက်ထပ် အရေးယူပြလိုက်တယ် ဆိုလို့ရှိရင်တော့ သတင်းစာတွေကလည်းပဲ ကိုယ့်သတင်းကို ကိုယ်ပြန်ပြီးတော့ ဆင်ဆာဖြတ်ရမယ့် အနေအထားမျိုး ပြန်ပြီးတော့ ရောက် လာနိုင်ပါတယ်။ ပြောရ မယ်ဆိုလို့ရှိရင်တော့ အနဲဆုံး ဦးသိန်းစိန်လက်ထက်တုန်းကလောက် အဲသလောက် အနေအထားကို ပြန်ပြီးတော့ ရောက်သွားနိုင်ပါတယ်။ အဲဒါကတော့ စိုးရိမ် စရာကောင်းပါတယ်။ ပြောမယ်ဆိုလို့ရှိရင်တော့ တရားဥပဒေနဲ့ ပတ်သက်လို့ရော၊ မီဒီယာနဲ့ ပတ်သက်လို့ရော နောက်တလှမ်းကို ပြန်ဆုတ်သွားတဲ့ အနေအထားမှာ ရှိပါတယ်။”

ပြင်သစ်အခြေစိုက် RSF နယ်စည်းမခြား သတင်းထောက်များအဖွဲ့က အာရှရေးရာတာဝန်ခံ Benjamin Ismail ကလည်း မြန်မာနိုင်ငံမှာ သတင်းမီဒီယာလွတ်လပ်ခွင့်ဟာ လွန်ခဲ့တဲ့ နှစ်နှစ်က မြင့်တက်ခဲ့ပေမဲ့ ၂၀၁၅ခုနှစ် စစ်တမ်းကောက်ယူချက်အရ ဒီအခြေအနေကနေ ကျဆင်းသွားတယ်လို့ အခုလို ထောက်ပြခဲ့ပါတယ်။

“ကံမကောင်းစွာပဲ ၂၀၁၅ခုနှစ် နိုင်ငံတကာ သတင်းမီဒီယာ လွတ်လပ်ခွင့် စစ်တမ်း ထုတ်ပြန်ရာမှာ မြန်မာနိုင်ငံရဲ့အဆင့်ဟာ လွန်ခဲ့တဲ့နှစ်နှစ်ကထက်စာရင် ပိုပြီး ဆိုးရွား နေကြောင်း ဖေါ်ပြထားတာပါ။ ဒီရလာဒ်ဟာ မြန်မာနိုင်ငံရဲ့ ဒီမိုကရေ စီပြုပြင်ပြောင်းလဲရေးမှာ အကန့်အသတ်တွေရှိခဲ့ တယ်ဆိုတာအပါအ၀င် ဥပဒေဆိုင်ရာပြုပြင်ပြောင်းလဲရေးနဲ့ သတင်းမီဒီယာလွတ်လပ်ခွင့်တွေ အတွက် ထိန်းချုပ်၊ ကန့်သတ်မှုတွေရှိနေတယ်ဆိုတာ ပြသခဲ့ပါတယ်။”

ဒါပေမဲ့လည်း လက်ရှိ NLD အစိုးရသစ်လက်ထက်မှာ သတင်းမီဒီယာ လွတ်လပ် ခွင့်တွေရှိလာဖို့ မျှော်လင့်ချက်တွေရှိနေကြောင်း Benjamin Ismail ကတော့ ဆိုပါတယ်။

မနေ့ကထုတ်ဝေတဲ့ ဆဲဗင်းဒေးသတင်းစာမှာတော့ “ပြည်သူများသို့ အသိပေး တင်ပြခြင်း” ခေါင်းစဉ်နဲ့ သူရဦးရွှေမန်းနဲ့ပတ်သက်လို့ ဖေါ်ပြခဲ့တဲ့သတင်းဟာ နားလည်မှုလွှဲမှားတာသာဖြစ်ပြီး မည်သည့်ရည်ရွယ်ချက်မှမပါဝင်ကြောင်း ရှင်းလင်းတင်ပြထားပါတယ်။

သူရဦးရွှေမန်းရဲ့ Facebook မှာ ဧပြီလ (၂၃)ရက်နေ့ကရေးသားထားရာမှာ သူတက်ခဲ့တဲ့ စစ်တက္ကသိုလ်ဗိုလ်လောင်းသင်တန်းအမှတ်စဉ် (၁၁) ကျောင်းဆင်းပွဲ (၄၇)နှစ်မြောက်အထိမ်းအမှတ်အဖြစ် ညီနောင်တွေ အနေနဲ့ နိုင်ငံနဲ့ ပြည်သူတွေ အကျိုးကို မေတ္တာ၊ သစ္စာဖြင့် အုပ်ချုပ်မယ့်သူတွေကို မုဒိတာနဲ့ ပါဝင်ကူညီဆောင် ရွက်ဖို့ တိုက်တွန်းထားပါတယ်။ ပြည်သူတွေရွေးချယ်ထားတဲ့ အစိုးရတက်လာ ပြီဖြစ်တဲ့အတွက် ညီနောင်တွေအနေနဲ့ မုဒိတာတရားနဲ့ ပူးပေါင်းဆောင်ရွက်ဖို့ အချိန်အခါကောင်းဖြစ်တယ်လို့ လည်း ရေးသားထားပါတယ်။
VOA Burmese News


7Day Daily news မှာ ဖော်ပြထားသော သူရဦးရွှေမန်း၏ လူမှုကွန်ယက်စာမျက်နှာ သတင်း (credit to 7Day Daily)
7Day Daily news မှာ ဖော်ပြထားသော သူရဦးရွှေမန်း၏ လူမှုကွန်ယက်စာမျက်နှာ သတင်း (credit to 7Day Daily)

7 Day သတင်းစာ အယ်ဒီတာချုပ် နဲ့ သတင်းထောက်ကို တပ်မတော်က ကမာရွတ်မြို့နယ်ရဲစခန်းမှာ တရားစွဲဆိုထားတာကို တရားစွဲဆိုသူ ဒုတိယဗိုလ်မှူးကြီး လင်းထွန်းက ဒီနေ့ ပြန်လည် ရုပ်သိမ်းလိုက်ပါတယ်။

7Day Daily သတင်းစာက သဘောရိုးနဲ့ရေးသားခဲ့တာဖြစ်ကြောင်း တောင်းပန်တဲ့အတွက် အမှုကို တပ်မတော်ဘက်က ပြန်လည်ရုပ်သိမ်းခဲ့တာဖြစ်တယ်လို့ ကမာရွတ်မြို့နယ်ရဲစခန်းက စခန်းမှူး ဒုရဲမှူး သိန်းဟန်က ပြောပါတယ်။

ပြီးခဲ့တဲ့ ဧပြီလက "စစ်တက္ကသိုလ်ဆင်းညီနောင်များအား လက်ရှိအစိုးရနဲ့ပူးပေါင်းဆောင်ရွက်ရန် သူရဦးရွှေမန်း တိုက်တွန်း"ဆိုတဲ့ ခေါင်းစဉ်နဲ့ သတင်းကို ဖော်ပြခဲ့ရာမှာ တပ်တွင်းစည်းလုံးညီညွတ်မှုကို ပျက်ပြားအောင် သတင်းဖော်ပြခဲ့တယ်ဆိုပြီး ပြီးခဲ့တဲ့ ဇွန်လ ၂၅ရက်နေ့က ကမာရွတ်မြို့နယ်ရဲစခန်း မှာ ရာဇသတ်ကြီး ဥပဒေပုဒ်မ ၁၃၁ နဲ့ အမှုဖွင့်တိုင်ကြားခဲ့ပါတယ်။

အမှုဖွင့်ပြီးနောက် 7Day သတင်းစာနဲ့ တပ်မတော်တာဝန်ရှိသူတွေကြား ညှိနှိုင်းဆောင်ရွက်ခဲ့ပြီး 7 Day သတင်းစာ က ဒီနေ့ တပ်မတော်သို့ ပန်ကြားလွှာ ထုတ်ပြန်ပြီး တောင်းပန်ခဲ့တာဖြစ်ပါတယ်။

နိုင်ငံတော်နဲ့တပ်မတော်အပေါ် သစ္စာစောင့်သိမှု မရှိဖို့နဲ့ တာဝန်ဝတ္တရားတွေကို မဆောင်ရွက်ဖို့ သွေးထိုးလှုံဆော်တဲ့ သဘောနဲ့ သတင်းရေးသား ခဲ့တာမဟုတ်ကြောင်းနဲ့ နောင်တပ်မတော်နဲ့ ပတ်သက်တဲ့ သတင်းတွေကို ဖော်ပြရာမှာ စနစ်တကျတည်းဖြတ်သွားမှာဖြစ်ကြောင်း ဒီနေ့ထုတ် 7 Day Daily သတင်းစာ နဲ့ နိုင်ငံပိုင်သတင်းစာတွေမှာ ဖော်ပြခဲ့တာဖြစ်ပါတယ်။
RFA



ဗိုလ်ချုပ်မှူးကြီး မင်းအောင်လှိုင်နဲ့ PPST ငြိမ်းချမ်းရေးလုပ်ငန်းစဉ် ဦးဆောင်အဖွဲ့တို့ ဇွန်လ ၂၉ ရက်နေ့က နေပြည်တော်ရှိ ဘုရင့်နောင်ရိပ်သာ ဧည့်ခန်းမဆောင်မှာ တွေ့ဆုံဆွေးနွေးနေစဉ်။ Photo: Senior General Min Aung Hlaing/ FacebooK
လာမယ့် သြဂုတ်လမှာကျင်းပမယ့် ၂၁ ရာစု ပင်လုံညီလာခံအောင်မြင်စွာ ကျင်းပနိုင်ရေးအတွက် တပ်မတော်ဖက်က အတတ်နိုင်ဆုံးပူးပေါင်းပါဝင်မယ်လို့ ကာကွယ်ရေးဦးစီးချုပ် ဗိုလ်ချုပ်မှုးကြီး မင်းအောင်လှိုင်က ပြောပါတယ်။

ဒီနေ့ အပစ်အခတ်ရပ်စဲရေးစာချုပ် NCA မှာ လက်မှတ်ထိုးထားတဲ့ တိုင်းရင်းသားလက်နက်ကိုင်အဖွဲ့ ၈ ဖွဲ့က ခေါင်းဆောင်တွေနဲ့ ကာကွယ်ရေးဦးစီးချုပ် တို့ နေပြည်တော်မှာတွေ့ဆုံစဉ် ပြောလိုက်တာလို့ ရခိုင်လွတ်မြောက်ရေးပါတီ ALP ခေါင်းဆောင် ဒေါ်စောမြရာဇာလင်းက ပြောပါတယ်။

NCA မှာ လက်မှတ်မထိုးရသေးတဲ့ တိုင်းရင်းသားလက်နက်ကိုင်အဖွဲ့တွေလည်း ပင်လုံညီလာခံမှာ ပါ ဝင်လာနိုင်ဖို့အတွက် တင်ပြခဲ့ရာမှာ ကာကွယ်ရေးဦးစီးချုပ်က NCA လက်မှတ်ထိုးမယ်ဆိုရင်တော့ ကြို ဆိုတယ်လို့ ပြောခဲ့ကြောင်း ပြောပါတယ်။

လာမယ့်ဇူလိုင်လဆန်းပိုင်းအတွင်း NCA လက်မှတ်မထိုးရသေးတဲ့ UNFC ညီညွတ်သောတိုင်းရင်းသား လူမျိုးများဖက်ဒရယ်ကောင်စီက ခေါင်းဆောင်တွေဟာ အစိုးရနဲ့ လာရောက်တွေ့ဆုံဖို့ ရှိတယ်လို့ သိရပါတယ်။

RFA Burmese
http://www.rfa.org/burmese


ရန်ကုန် ဇွန် ၂၉

လိူင်သာယာမြို့နယ် ရွှေလင်ဗန်းစက်မှုဇုန်ရှိ ယူနီပိုလာအထည်ချူပ်စက်ရုံတွင် အလုပ်သမားများ၏ လုပ်ခလစာအား မပေးဘဲပိုင်ရှင်တိမ်းရှောင်သွားသဖြင့် စက်ရုံမှပစ္စည်းများကို လေလံတင်ရောင်းချခဲ့ရာတွင် ဇွန်၂၉ရက်က ကျပ်၅၆၇သိန်းဖြင့် လေလံတင်ရောင်းချနိုင်ခဲ့ကြောင်းသိရသည်။

''အခုလေလံအောင်ပြီးသုံးရက်အတွင်း လေလံအောင်တဲ့သူတို့ဘက်ကပိုက်ဆံသွင်းရမယ်။ အလုပ်သမား တွေကိုပိုက်ဆံသွင်းပြီး ငါးရက်အတွင်းလစာနဲ့နစ်နာကြေးတွေပေးသွားမယ်''ဟု အလုပ်ရုံနှင့် အလုပ်သမားဥပဒေစစ်ဆေးရေးဦးစီးဌာန တိုင်းဦးစီးမှုးဦးကျော်ကျော်ထွန်းကပြောကြားသည်။


ယင်းစက်ရုံမှအလုပ်သမား၁၇၈ဦးအတွက် မေလလုပ်ခလစာအဖြစ် ၂၀၉၂၄၀၉၅ကျပ်နှင့် အလုပ်ထုတ်နစ်နာကြေးအတွက် ၃၅၀၉၇၉၅၆ကျပ်စုစုပေါင်း ၅၆၀၂၂၀၅၁ကျပ်တို့ပေးချေရ မည်ဖြစ်ကြောင်းသိရသည်။

ယင်းစက်ရုံတွင်အလုပ်သမား၁၇၈ဦးရှိပြီး ၄င်းအလုပ်သမားများကို မေလအတွက်ရရှိသင့်သော လစာမပေးဘဲ စက်ရုံပိုင်ရှင်မှ တိမ်းရှောင်သွားသော ကြောင့်  အလုပ်ရုံနှင့်အလုပ်သမား ဥပဒေစစ်ဆေးရေးဦးစီးဌာနမှ စက်ရုံပိုင်ပစ္စည်းများလေလံတင်ရောင်းချပြီး လုပ်သားများရသင့်သောလုပ်ခလစာနှင့်နစ်နာကြေးပေးသွားမည်ဖြစ်ကြောင်းသိရသည်။

ဖြိုးဝေအောင်
china.com Myanmar
https://www.facebook.com/china.com.mm/



နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်နဲ့ ထိုင်းနိုင်ငံ ဒုတိယ၀န်ကြီးချုပ်တို့ နေပြည်တော်မှာ ဇွန်လ ၂၉ ရက်နေ့က တွေ့ဆုံနေစဉ်။ Photo: Pool
နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ရဲ့ ထိုင်းနိုင်ငံခရီးစဉ်အပြီး ထိုင်းအရာရှိ ၂၃ ဦး ရာထူးကနေ ယာယီဖယ်ရှားခံရတာဟာ လူကုန်ကူးမှုတွေမှာ ပါဝင်ပတ်သက်နေတာကြောင့်ဖြစ်ပြီး ဒေါ်အောင်ဆန်းစုကြည်ရဲ့ ခရီးစဉ်နဲ့ပတ်သက်မှုမရှိကြောင်း ထိုင်းနိုင်ငံ ဒုတိယ၀န်ကြီးချုပ်လည်းဖြစ် ကာကွယ်ရေး ၀န်ကြီးလည်းဖြစ်တဲ့ General Prawit Wongsuwon က ပြောပါတယ်။

ဒီနေ့ နေပြည်တော်မှာ ထိုင်းနိုင်ငံ ဒုတိယ၀န်ကြီးချုပ် နဲ့ တွေ့ဆုံစဉ် နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် က သူ့ကြောင့် ထိုင်းအရာရှိတွေ ရာထူးကနေ ဖယ်ရှားခံရတာကို မဖြစ်စေ ချင်ကြောင်း သူ့အနေနဲ့ စိတ်မကောင်းကြောင်း ပြောရာမှာ ဒုတိယ၀န်ကြီးချုပ် က ပြန်လည်ရှင်းပြ ခဲ့တာဖြစ်တယ် လို့ နိုင်ငံတော်သမ္မတရုံးဝန်ကြီးဌာန ပြောရေးဆိုခွင့်ရှိသူ ဦးဇော်ဌေး က ပြောပါတယ်။

နိုင်ငံတော်အတိုင်ပင်ခံပုဂ္ဂိုလ် နဲ့ တွေ့ဆုံရာမှာ ထားဝယ်အထူးစီးပွားရေးဇုန် တည်ဆောက်မှုကို အရှိန် အဟုန်မြှင့်ဆောင်ရွက်ဖို့၊ နှစ်နိုင်ငံရဲတပ်ဖွဲ့တွေ အပြန်အလှန်ပူးပေါင်းဆောင်ရွက်ဖို့၊ နယ်နိမိတ်တိုင်းတာ ရေးကိစ္စတွေနဲ့ ထိုင်းနိုင်ငံကနေ မြန်မာဒုက္ခသည် ၂၀၀ နီးပါးကို ပြန်လည်ခေါ်ယူမယ့် အစီအစဉ်တွေကို ဆွေးနွေးခဲ့ကြပါတယ်။

ထိုင်းဒုတိယ၀န်ကြီးချုပ်ဟာ နိုင်ငံတော်သမ္မတ ဦးထင်ကျော်နဲ့ တွေ့ဆုံရာမှာ ထိုင်းရောက် မြန်မာ အလုပ်သမားတွေကို ဥပဒေနဲ့အညီ ကာကွယ်စောင့်ရှောက်ပေး ဖို့၊ အလုပ်သမားတွေဖက်က မှားယွင်းမှုတွေ ဖြစ်ခဲ့ရင် နားလည်ပေးဖို့၊ သူ့ဖက်ကလည်း မြန်မာအလုပ်သမားတွေကို တည်ဆဲဥပဒေ စည်းမျဉ်းစည်းကမ်းတွေကို လိုက်နာအောင် တည့်မတ်ပေးမှာဖြစ်ကြောင်း ထိုင်းဒုတိယ၀န်ကြီးချုပ်ကို မေတ္တာရပ်ခံခဲ့တယ်လို့လည်း ဦးဇော်ဌေး က ပြောပါတယ်။

အဲဒီကိစ္စနဲ့ပတ်သက်ပြီး ထိုင်းဒုတိယ၀န်ကြီးချုပ်က စိုးရိမ်ဖို့ မလိုကြောင်း နဲ့ ထိုင်းဝန်ကြီးချုပ်အနေနဲ့ တည်ဆဲဥပဒေတွေကို လိုအပ်တာတွေ ပြင် ဆင်ပေးနေကြောင်း၊ လာမယ့် ၂၀၁၇ ခုနှစ်မှာ နှစ်နိုင်ငံ ကုန်သွယ်မှုပမာဏ အမေရိကန်ဒေါ်လာ ဘီလီယံ ၂၀အထိ တိုးမြှင့်လာစေဖို့ကိစ္စတွေကို ဆွေးနွေး ခဲ့ပါတယ်။

RFA Burmese
http://www.rfa.org/burmese


၁။ ပြည်ထောင်စုသမ္မတမြန်မာနိုင်ငံတော် နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်သည် ထိုင်းနိုင်ငံဝန်ကြီးချုပ် ဗိုလ်ချုပ်ကြီးပရာယုဒ် ချန်အိုချာ (ငြိမ်း)၏ ဖိတ်ကြားချက်အရ ၂ဝ၁၆ ခုနှစ်၊ ဇွန်လ ၂၃ ရက်နေ့မှ ၂၅ ရက်နေ့ အထိ ထိုင်းနိုင်ငံသို့တရားဝင်ချစ်ကြည်ရေးခရီးသွားရောက်ခဲ့ပါသည်။ ခရီးစဉ် အတွင်းထိုင်းနိုင်ငံဝန်ကြီးချုပ်နှင့်နှစ်နိုင်ငံတွေ့ဆုံဆွေးနွေးပွဲကျင်းပခဲ့ပြီး ထိုင်းနိုင် ငံရောက် မြန်မာရွှေ့ပြောင်းအလုပ်သမားများကိစ္စ၊ နှစ်နိုင်ငံနယ်စပ်ရှိဒုက္ခသည်စခန်းများမှ မြန်မာနိုင်ငံသားများအား နေရပ်သို့ ပြန်လည်ပို့ဆောင်ရေးကိစ္စ၊ နှစ်နိုင်ငံအကြား နယ်နိမိတ်ပြန်လည်တိုင်းတာရေး ကိစ္စများ အပါအဝင် နှစ်နိုင်ငံ အကျိုးတူပူးပေါင်းဆောင်ရွက်ရေးကိစ္စများကို ဆွေးနွေးခဲ့ကြပါသည်။

၂။ ထို့ပြင်ခရီးစဉ်အတွင်း ပြည်ထောင်စုသမ္မတမြန်မာနိုင်ငံတော်အစိုးရနှင့် ထိုင်းဘုရင့်နိုင်ငံအစိုးရတို့အကြား အလုပ်သမားရေးရာပူးပေါင်းဆောင်ရွက်ခြင်း နားလည်မှုစာချွန်လွှာ၊ အလုပ်သမားများအလုပ်ခန့်ထားရေး ဆိုင်ရာ သဘောတူညီချက် စာချုပ်၊ ပြည်ထောင်စုသမ္မတမြန်မာနိုင်ငံတော် အစိုးရနှင့် ထိုင်းဘုရင့်နိုင်ငံအစိုးရတို့၏ နှစ်နိုင်ငံအကြားနယ်စပ်ဖြတ်သန်းသွားလာရေးဆိုင်ရာသဘောတူစာချုပ်တို့ကို လက်မှတ်ရေးထိုးခဲ့ကြပါသည်။

၃။ နှစ်နိုင်ငံနယ်နိမိတ်တိုင်းတာရေးကိစ္စအား ယခင်အစိုးရအဆက်ဆက် လက်ထက်ကပြန်လည်စတင်နိုင်ခဲ့ခြင်းမရှိဘဲ အစဉ် တစိုက် ရွှေ့ဆိုင်း ထားခဲ့ရာမှ ယခုခရီးစဉ် အတွင်း နောင်မျိုးဆက်သစ်များအ တွက် ကောင်းမွန် သည့် အနာဂတ်ကိုထားရှိနိုင်ရန် ရည်ရွယ်ချက်ဖြင့် နှစ်နိုင်ငံအကြားနယ်နိမိတ် တိုင်းတာရေးလုပ်ငန်းများကိုပြန်လည်စတင်သွားကြရန် နှစ်ဖက်ဆွေးနွေး သဘောတူညီမှုရရှိခဲ့ပါသည်။ ထို့ကြောင့်မြန်မာအစိုးရအနေဖြင့် နယ်နိမိတ် တိုင်းတာရေးလုပ်ငန်းစဉ်များ စတင်ဆောင်ရွက်နိုင်ရန် ပူးတွဲ နယ်နိမိတ်
ကော်မတီ အစည်းအဝေး (Joint Boundary Committee- JBC) ကို မြန်မာနိုင်ငံတွင် ခေါ်ယူကျင်းပနိုင်ရေးအတွက် ထိုင်းနိုင်ငံဘက်သို့ သံတမန်လမ်းကြောင်းမှတစ်ဆင့် ညှိနှိုင်းဆောင်ရွက်သွားမည်ဖြစ်ပါသည်။

၎။ အလုပ်သမားရေးရာသဘောတူညီချက်များအရ ဗီဇာသက်တမ်း၂ နှစ် မကျန်တော့ သည့် ယာယီနိုင်ငံကူးလက်မှတ် ကိုင်ဆောင် ထားသော မြန် မာရွှေ့ပြောင်း အလုပ်သမားများ၊ ထိုင်းနိုင်ငံအစိုးရမှ ထုတ်ပေး ထားသောယာယီ နေထိုင်အလုပ်လုပ်ကိုင်ခွင့်လက်မှတ်(TR-38/Pink Card) ကိုင်ဆောင် ထားသည့် အထောက်အထားမဲ့ မြန်မာအလုပ်သမားများအား မည်သူမည်ဝါ ဖြစ်ကြောင်းသက်သေခံလက်မှတ်(C of I) များကို ထုတ်ပေးသွားနိုင်မည်ဖြစ်ပါသည်။ နိုင်ငံသားစိစစ်မှုလုပ်ငန်းစဉ်များဆောင် ရွက်ပြီးစီးချိန်တွင် သာမန်နိုင်ငံကူး လက်မှတ်သို့ ပြောင်းလဲ ထုတ်ပေးသွား မည်ဖြစ်ရာ ရွှေ့ပြောင်းအလုပ် သမားများ၏ လူမှုဘဝလုံခြုံရေး၊ ကျန်းမာရေးနှင့် ဘဝအာမခံချက်အကျိုး ခံစားခွင့်များပိုမိုရရှိလာမည်ဖြစ်ပါ သည်။ ရွှေ့ပြောင်း အလုပ်သမားများအရေး နှင့်စပ်လျဉ်း၍ နှစ်နိုင်ငံသက်ဆိုင်ရာအာဏာပိုင်များ အကြား ပူးပေါင်းဆောင် ရွက်မှုတိုးမြှင့်ခြင်းဖြင့် အလုပ်သမားများအား မလိုလားအပ်သောနစ်နာ ဆုံးရှုံးမှုများမှ ကာကွယ်တားဆီးပေးနိုင်ရေးအတွက် ညှိနှိုင်းဆောင်ရွက်သွားနိုင်မည်ဖြစ်ပါသည်။

၅။ ထို့ပြင် အလုပ်သမားများခန့်ထားခြင်းဆိုင်ရာ သဘောတူ စာချုပ် အရ ရွှေ့ပြောင်း အလုပ်သမားများအား ဥပဒေအရ အကာအကွယ်နှင့် အကျိုးခံ စားခွင့်များ ပြည့်ဝစွာရရှိခံစားနိုင်စေမည်ဖြစ်ပြီး အလုပ်သမားများအား လုပ်ငန်းခွင်သို့ စေလွှတ်ခြင်းမပြုမီ အသိပညာပေးမှုများ၊ အကြိုလုပ်ငန်းခွင် သင်တန်း ပေးခြင်းများကို ပြုလုပ်သွားမည်ဖြစ်ပါသည်။ ထို့ပြင် အလုပ်ခန့် ထားခြင်းအတွက် လက်ခံသည့်နိုင်ငံ၏ နယ်မြေအတွင်းဝင်ရောက်လာသည့် အလုပ်သမားများသည် ယင်းနိုင်ငံသားများကဲ့သို့ တန်းတူ အခွင့်အရေး ရရှိစေမည်ဖြစ်ပြီး အလုပ်သမားများစေလွှတ်ခြင်းနှင့် လက်ခံခြင်းများကို စနစ်တကျ ဆောင်ရွက်သွားနိုင်မည်ဖြစ်ပါသည်။

အလုပ်သမားများနေထိုင်ခွင့်ဗီဇာ၊ အလုပ်အကိုင်ခွင့်ပြုချက်များ အချိန်မီရရှိစေရေး၊ ကျန်းမာရေးစောင့်ရှောက်မှု များရရှိစေရေး၊ အလုပ်ရှင်-အလုပ်သမား အငြင်းပွားမှုများဖြစ်ပွားပါက ထိရောက်စွာဖြေ ရှင်းပေးနိုင်ရေး၊ နေရပ်ပြန်လည်ပို့ဆောင်သည့် အလုပ်သမားများ ကို နှစ်နိုင်ငံအကြား တရားဝင်လမ်းကြောင်းမှ လွှဲပြောင်းပေးနိုင်ရေး လုပ်ငန်းများကို ဆောင်ရွက်သွားနိုင်မည်ဖြစ်ပါသည်။ ထိုင်းနိုင်ငံ ငါးဖမ်းလုပ်ငန်းများတွင် ရောက်ရှိအလုပ်လုပ်ကိုင်နေကြသော အထောက်အထားမဲ့ မြန်မာအလုပ်သမားများ လူကုန်ကူးခံ ရခြင်း၊ နှိပ်စက်ခံရခြင်း၊ လုပ်ခလစာ ခေါင်းပုံဖြတ်ခံရခြင်းများမှ ကာကွယ်တား ဆီးနိုင်စေရေးနှင့် တရားဝင်အလုပ် သမားများဖြစ်စေရေးအတွက် အထောက်အထားစာရွက်စာတမ်းများ ရရှိစေရန် လည်း ဆောင်ရွက်ပေး သွားမည်ဖြစ်ပါသည်။

၆။ နှစ်နိုင်ငံအကြား နယ်စပ်ဖြတ်သန်းသွားလာရေးဆိုင်ရာသဘောတူ စာချုပ်အရ မြန်မာ-ထိုင်းနယ်စပ်ဂိတ်များဖြစ်သော တာချီလိတ်-မယ်ဆိုင်၊ မြဝတီ-မဲဆောက်၊ ကော့သောင်း- ရနောင်းတို့အပြင် ထီခီး-ဖူနာရွန်နယ်စပ် ဂိတ်ကို တရားဝင်တိုးချဲ့ဖွင့်လှစ်မည်ဖြစ်ပြီး ယင်းနယ်စပ်ဂိတ်များမှ နေ့စဉ် (သို့မဟုတ်) ရာသီအလိုက် အလုပ်သမားများ သွားရောက်အလုပ်လုပ်ကိုင် နိုင်ကြမည့်အပြင် နယ်စပ်ဖြတ်သန်းခွင့် လက်မှတ်ကိုင်ဆောင်သူများသည် နယ်စပ်ဒေသအတွင်း တစ်ကြိမ်လျှင် ရက် ၃ဝ အထိ နေထိုင်ခွင့်ရရှိကြမည်ဖြစ် ပါသည်။

၇။ ထို့ပြင် ရွှေ့ပြောင်းအလုပ်သမားများ၏ သားသမီးများအား မွေးစာရင်းများ ထုတ်ပေးနိုင်ရေး၊ သားသမီးများ၏ အတန်းပညာရေး ထိခိုက်နစ်နာမှုမ ရှိစေရန် ပြည်ပစာစစ်ဌာနများတွင် စာမေးပွဲဖြေဆိုခွင့်ရရှိရေး၊ ထိုင်းနိုင်ငံ အကျဉ်းထောင်များတွင် အကြောင်းအမျိုးမျိုးကြောင့် အကျဉ်းကျခံနေကြ ရသည့် မြန်မာနိုင်ငံသားများအား ဥပဒေဘောင်အတွင်းမှ လိုအပ်သည့် ကူညီစောင့် ရှောက်မှုများ ပေးအပ်သွားရေးအတွက် မြန်မာနိုင်ငံသံရုံးအနေဖြင့် သက်ဆိုင်ရာအာဏာပိုင်အဖွဲ့အစည်းများ၊ မြန်မာနိုင်ငံသားများအကျိုး ဆောင်ရွက်လျက်ရှိသည့် လူမှုရေးအဖွဲ့အစည်းများနှင့် ပိုမိုတိုးမြှင့်ပူးပေါင်းဆောင်ရွက် သွားစေမည်ဖြစ်ပါသည်။ ရွှေ့ပြောင်းအလုပ်သမားရေးရာကိစ္စ ရပ်များ ပိုမိုအလေးပေးဆောင်ရွက်နိုင်ရေးအတွက် မြန်မာနိုင်ငံသံရုံး၏စွမ်းဆောင် ရည်မြှင့်တင်ရေးနှင့် ဝန်ထမ်းအင်အားတိုးချဲ့ တာဝန်ပေးအပ်ရေး တို့ကိုလည်း ဆောင်ရွက်သွားမည်ဖြစ်ပါသည်။

၈။ ထိုင်းနိုင်ငံနယ်စပ်ရှိ ဒုက္ခသည်စခန်းများတွင် ရောက်ရှိနေသည့် ဒုက္ခသည်များအား မူရင်းနေရပ်သို့ ခေါ်ဆောင်ရေးအတွက် နှစ်နိုင်ငံအစိုးရ များအချင်းချင်း ပူးပေါင်းဆောင်ရွက်သွားရန်နှင့် ၎င်းတို့၏မူရင်းနေရပ်တွင် အလုပ်အကိုင်အခွင့်အလမ်းများ၊ ပညာရေး၊ လူမှုရေး၊ ကျန်းမာရေးဝန်ဆောင်မှု အခြေအနေကောင်းများကို စီစဉ်ဆောင်ရွက်ပေးနိုင်သည့် အချိန်မှ သာ ပြန်လည် ပို့ဆောင်ရေးလုပ်ငန်းများကို စတင်သွားရန် သဘောတူညီခဲ့ကြပါသည်။

လတ်တလောအခြေအနေတွင် နေရပ်သို့ပြန်လာလိုကြောင်း ဆန္ဒ ပြုထားကြသူ ၁၉၆ ဦးအား မူရင်းနေရပ်သို့ပြန်လည်ခေါ်ယူနိုင်ရန် မြန်မာနိုင်ငံအစိုးရမှ ကိုယ်စားလှယ်အဖွဲ့တစ်ဖွဲ့အားစေလွှတ်၍ နိုင်ငံသားစိစစ်ရေး လုပ်ငန်း စဉ်များ ဆောလျင်စွာဆောင်ရွက်ပြီး ၎င်းတို့၏ မူရင်းနေရပ်များသို့ ပြန်လည် ပို့ဆောင်ရေးနှင့် ပြန်လည်နေရာချထားရေးကိစ္စရပ်များကို သက်ဆိုင်ရာ ဝန်ကြီးဌာနများ ပေါင်းစပ်ညှိနှိုင်းဆောင်ရွက်ပေးသွားမည် ဖြစ်ပါသည်။ ကျန်ရှိနေသည့် ထိုင်းနိုင်ငံရောက် မြန်မာနိုင်ငံမှ ဒုက္ခသည်များအား စိစစ်၍ နေရပ်သို့ပြန်ခေါ်နိုင်ရေးအတွက် နိုင်ငံတော်၏ အမျိုးသား ပြန်လည် သင့်မြတ်ရေးနှင့် ငြိမ်းချမ်းရေးလုပ်ငန်းစဉ်၏ လုပ်ငန်းစဉ်တစ်ရပ်အဖြစ် ကာလတို၊ ကာလရှည်အစီအမံများချမှတ်ကာ ကြိုးပမ်းဆောင်ရွက် သွားမည်ဖြစ်ပါသည်။

နိုင်ငံခြားရေးဝန်ကြီးဌာန၊

ရက်စွဲ၊ ၂ဝ၁၆ ခုနှစ်၊ ဇွန်လ ၂၉ ရက် ။
Myanmar State Counsellor Office
https://www.facebook.com/state.counsellor/



လားရှိုးမြို့မှာ စားသုံးသူရေးရာဦးစီးဌာနက စားသုံးဆီတွေကို လိုက်လံစစ်ဆေးစဉ်။ ဓါတ်ပုံ - စားသုံးသူရေးရာ လားရှိုး - Facebook
စက်မှုထုတ်လုပ်ခွင့်လိုင်စင်နဲ့ စည်ပင်ခွင့်ပြုချက်လိုင်စင် မရှိဘဲ ဈေးကွက်ထဲမှာ စားသုံးဆီ ရောင်းချနေသူတွေကို စည်ပင်ဥပဒေ၊ စားသုံးသူကာကွယ်ရေး ဥပဒေတွေနဲ့ အရေးယူသွားမယ်လို့ မြန်မာနိုင်ငံ အစားအသောက်နဲ့ ဆေး ၀ါးကွပ်ကဲရေး ဦးစီးဌာန FDA က ပြောပါတယ်။

မကြာခင် တစ်နိုင်ငံလုံးအတိုင်းအတာနဲ့ စစ်ဆေးသွားမှာဖြစ်ပြီး ပြည်တွင်းတင်မကဘဲ ပြည်ပကနေတင်သွင်းတဲ့ ဆီတွေကိုလည်း စစ်ဆေးသွားမှာ ဖြစ်တယ်လို့ အစားအသောက်နဲ့ ဆေးဝါးကွပ်ကဲရေးဦးစီးဌာန လက်ထောက် ညွှန်ကြားရေးမှူး ဒေါက်တာဥက္ကာဖြိုး က ပြောပါတယ်။

ဈေးကွက်ထဲမှာ FDA ထောက်ခံချက်မရှိဘဲ ပုံးလိုက်တင်သွင်းလာတဲ့ ဆီတွေကို ရောနှောပြီး ပြန်လည်ရောင်းချနေ တာတွေရှိတဲ့အတွက် စားသုံးသူတွေ ကျန်းမာရေးထိခိုက်မှုတွေ ရှိနိုင်တယ်လို့ ဒေါက်တာဥက္ကာဖြိုးက ပြောပါတယ်။

လက်ရှိအချိန်ထိ အစားအသောက်နဲ့ ဆေးဝါးကွပ်ကဲရေးဦးစီးဌာနရဲ့ အစားအသောက်ထုတ်လုပ်ခြင်း ထောက်ခံချက် ရရှိထားတဲ့ စားသုံးဆီလုပ်ငန်း ၂၇ ခုသာ ရှိပါတယ်။

ဈေးကွက်ထဲမှာ ရောင်းချနေတဲ့ စားသုံးဆီတွေကို လိုက်လံစစ်ဆေးတဲ့အခါ FDA အဖွဲ့အပြင် သက်ဆိုင်ရာမြို့နယ် အလိုက် ရဲတပ်ဖွဲ့ဝင်တွေ၊ အထွေထွေ အုပ်ချုပ်ရေးဦးစီးဌာန၊ စည်ပင်သာယာရေး ကော်မတီဝင်တွေ၊ စားသုံးသူရေး ရာဦးစီးဌာန၊ စားသုံးသူ သမဂ္ဂတို့နဲ့ ပူးပေါင်းစစ်ဆေးသွား မှာဖြစ်ပါတယ်။

၂၀၁၄ မတ်လ ၁၄ ရက်နေ့မှာ ထုတ်ပြန်လိုက်တဲ့ စားသုံးသူကာကွယ်ရေးဥပဒေအရ သတိပေး တာ၊ လျော်ကြေး ကောက်ခံတာ၊ ကုန်စည်ကိုကာလ အကန့်အသတ်နဲ့ ရောင်းချခွင့်ပိတ်ပင်တာနဲ့ ဈေးကွက် အတွင်းက ပြန်လည် သိမ်းဆည်းတာ၊ သိမ်းဆည်းထားတဲ့ကုန်စည်တွေကိုဖျက်ဆီးတာ၊ ထုတ်လုပ် ခွင့်လိုင်စင်တွေ ကို ပိတ်သိမ်းတာစတဲ့ အဆင့်ဆင့်အရေးယူမှုတွေ ပြုလုပ်နိုင်ပြီး ထောင်ဒဏ် ၃ နှစ် ကနေ အများဆုံး ဒဏ်ငွေ ကျပ်သိန်း ၅၀ အထိ ချမှတ်နိုင်တယ်လို့လည်း ပါရှိပါတယ်။

ပြီးခဲ့တဲ့ရက်ပိုင်းက ရှမ်းပြည်နယ်မြောက်ပိုင်း လားရှိုးမြို့မှာ ဆီစက်ရုံတွေက ရောနှောဆီတွေနဲ့ မသန့်တဲ့ စားသုံးဆီတွေကို ထုတ်လုပ်ရောင်းချနေတာကို လားရှိုးမြို့စားသုံးသူရေးရာဦးစီးဌာနက စစ်ဆေးတွေ့ရှိခဲ့ပါတယ်။

RFA Burmese
http://www.rfa.org/burmese



ဖမ်းဆီးခံအလုပ်သမားတွေကို ဇွန်လ ၂၉ ရက်နေ့က ရုံးထုတ်ရာတွင် ရဲတပ်ဖွဲ့ဝင်တွေက အလုပ်သမားမိသားစုတွေ၊ ၀န်းရံကျောင်း သားတွေကို တရားရုံးတွင်း မ၀င်နိုင်စေရန် တားဆီးထားစဉ်။ Photo: Win Ko Ko Latt/ RFA
စစ်ကိုင်းမြို့က Myanmar Veneer သစ်အချောထည်စက်ရုံက ဖမ်းဆီးခံထားရသူ ၁၂ ဦးကို နေပြည်တော် တပ် ကုန်းမြို့နယ်တရားရုံးထုတ်မှာ လက်ထိပ်ခတ် မခံတဲ့အတွက်ဆိုပြီး ရဲတပ်ဖွဲ့နဲ့ ထောင်ဝန်ထမ်းတွေက ရိုက်နှက် တယ်လို့ အလုပ်သမားတွေက ပြောပါတယ်။

ဒီကနေ့ ရုံးထုတ်မှာ လက်ထိပ်ခတ်တာကို ငြင်းဆန်လို့ဆိုပြီး အကြမ်းဖက်ရိုက်နှက်တာကြောင့် ထိခိုက်ဒဏ်ရာ ရတာတွေရှိတယ်လို့ ဖမ်းဆီးခံထားရတဲ့ အလုပ်သမား ကိုခိုင်မင်း က ပြောပါတယ်။

လက်ထိပ်ခတ်တာ မခံတဲ့အတွက် ရုန်းကန်ရင်း ထိခိုက်မိတာဖြစ်တယ်လို့ နေပြည်တော်တိုင်းရဲတပ်ဖွဲ့ တပ်ဖွဲ့မှူး ရဲမှူးကြီးကိုကိုအောင်က ပြောပါတယ်။

ဖမ်းဆီးခံထားရတဲ့ အလုပ်သမားတွေနဲ့ ၀န်းရံကျောင်းသားတွေက တရားရုံးကို သပိတ်မှောက်တဲ့အတွက် စစ်ဆေးနိုင်ခြင်းမရှိဘဲ လာမယ့် ဇူလိုင်လ ၁၃ ရက်နေ့ကို ရုံးချိန်းရွှေ့ဆိုင်းလိုက်ပါတယ်။

ရုံးချိန်းမှာ ရဲတပ်ဖွဲ့ဝင် ၅၀ လောက်က တရားရုံးအနီးမှာ လုံခြုံရေးတာဝန်ယူထားပြီး ဖမ်းဆီးခံ ထားရသူတွေရဲ့ မိသားစုဝင်တွေ၊ အားပေးတဲ့ ကျောင်းသားတွေ လာရောက်ခဲ့ကြပါတယ်။

စစ်ကိုင်းအလုပ်သမားသပိတ် ဖြိုခွဲမခံရခင် ကြားဝင်ညှိနှိုင်းဖြန်ဖြေပေးခဲ့တဲ့ နေပြည်တော်က လွှတ်တော်ကိုယ်စား လှယ် ၅ ဦးအနေနဲ့ အလုပ်သမားတွေကို ကတိပေးထားတာတွေကို အကောင် အထည်ဖော်ပေးဖို့ ဖမ်းဆီးခံထားရ သူတွေကိုယ်စား ရှေ့နေ ဦးအောင်သူရိန်ထွန်းက ကိုယ်စားလှယ် တွေထံ ပြီးခဲ့တဲ့ ဇွန်လ ၂၁ ရက်နေ့က စာပေးပို့ခဲ့ ပါတယ်။

နေပြည်တော်က ကိုယ်စားလှယ် ၅ ဦးက ပြည်သူ့လွှတ်တော်မှာ အလုပ်သမားအရေးနဲ့ပတ်သက်ပြီး အရေးကြီး အဆိုတင်သွင်းပေးမှာဖြစ်ကြောင်း၊ အလုပ် သမားတွေ ပါဝင်တဲ့ ကြားနာပွဲပြုလုပ် ပေးနိုင်အောင် စီစဉ်ပေး မှာဖြစ်ကြောင်းတို့ကို ကတိပေးခဲ့တာဖြစ်ကြောင်းနဲ့ ကတိပေးထားတာတွေကို အကောင်အထည် မဖော်ပေးရင် တရားစွဲဆိုသွားမယ်လို့ ဦးအောင်သူရိန်ထွန်းက ပြောပါတယ်။

RFA Burmese
http://www.rfa.org/burmese



ဗြိတိန်နိုင်ငံ ပြတိုက်၌ ပြသထားသော မံမီတစ်ခုအား တွေ့ရစဉ် (ဓာတ်ပုံ- အင်တာနက်)
    ဆစ်ဒနီ၊ ဇွန် ၂၉ ရက် (ဆင်ဟွာ)

    ဗြိတိန်နိုင်ငံရှိ ရှေးဟောင်း အီဂျစ် မံမီ ခြောက်ခုသည် သြစတြေးလျနိုင်ငံသို့ လာရောက်ပြသမည် ဖြစ်ကြောင်း သြစတြေးလျနိုင်ငံ နယူးဆောက်ဝေး ပြည်နယ် (NSW) အစိုးရက ဇွန်လ ၂၈ ရက်၌ ကြေညာလိုက်သည်။

ဗြိတိန်နိုင်ငံရှိ အဆိုပါ မံမီများသည် သြစတြေးလျနိုင်ငံ ဆစ်ဒနီမြို့တွင် ပြုလုပ်မည့် Egyptian Mummies: Exploring Ancient Lives” ပြပွဲ၌ ပြသသွားမည် ဖြစ်သည်။

ယင်း ပြပွဲတွင် အီဂျစ်နိုင်ငံ ပြင်ပတွင် အကြီးဆုံးနှင့် အပြည့်စုံဆုံး မံမီစုစည်းမှု ဖြစ်သည့် ဗြိတိန်နိုင်ငံ ပြတိုက်၏ Egyption Collection မှ ပစ္စည်းများအား ပြသသွားမည် ဖြစ်ကြောင်း၊  အီဂျစ်တွင် လွန်ခဲ့သော နှစ်ပေါင်း ၁၈၀၀ မှ ၃၀၀၀ ကြား အသက်ရှင်ခဲ့၊ သေဆုံးခဲ့သော မံမီ ၆ ခုနှင့်အတူ သမိုင်းကြောင်းရှိ ချမ်းသာ ကြွယ်ဝသည့် ကာလက ဈာပန အခမ်းအ နားနှင့် နေ့စဉ်ဘဝများ အပါအဝင် အကြောင်းအရာ ၂၀၀ နီးပါး စုစည်း ကာ ခင်းကျင်းပြသမည် ဖြစ်ကြောင်း နယူးဆောက်သ်ဝေး ပြည်နယ် ယဉ်ကျေး မှု ဝန်ကြီး Troy Grant က ပြောသည်။

ထို့ပြင် နယူးဆောက်သ်ဝေး ပြည်နယ် ဟိုတယ်နှင့် ခရီးသွားလာရေး ဝန်ကြီး Suart Ayres ကလည်း ယင်းပြပွဲ သည် ဆစ်ဒနီသို့ လာရောက်မည့် ပြည်ပ ခရီးသွားများအတွက် အဓိက ဆွဲဆောင်မှု တစ်ခုလည်း ဖြစ်ကြောင်း ၊ အီဂျစ် မံမီများအနေဖြင့် ပထမဆုံးအကြိမ် သြစတြေးလျသို့ လာရောက်ခြင်း ဖြစ်သလို မံမီများအကြောင်း လေ့လာလိုသော ခရီးသွား ဧည့်သည်များအတွက် ရည်မှန်းချက် အသစ် ဖြစ်လာစေမည် ဖြစ်ကြောင်း ပြောကြား ခဲ့သည်။

ထို ပြပွဲအား ၂၀၁၆ ခုနှစ် ဒီဇင်ဘာလ ၁၀ ရက်မှ ၂၀၁၇ ခုနှစ် ဧပြီလ ၃၀ ရက်အထိ ပြသသွားမည် ဖြစ်ပြီး ညအိပ် ခရီးသွားဧည့်သည်များ အနေဖြင့်  သြစတြေးလျ ဒေါ်လာ ၃ သန်း (အမေရိကန်ဒေါ်လာ ၂.၂၂ သန်း) သုံးစွဲကြမည်ဟု မျှော်လင့်ထားသည်။

(Xinhua)
http://www.xinhuamyanmar.com



ဓာတ်ပုံ- ပြင်ဦးလွင်မြို့မရဲစခန်း
ဧရာဝတီတိုင်းဒေသကြီး ဖျာပုံမြို့ကနေ မိန်းကလေး(၅)ဦးကို လူကုန်ကူးဖို့ခေါ်လာတဲ့ အမျိုးသမီးကို ဖမ်းဆီးရမိရေး အတွက် ဆောင်ရွက်နေဆဲဖြစ်တယ်လို့ ပြင်ဦးလွင်မြို့မရဲစခန်းမှ စခန်းမှူး ဒုရဲမှူးကျော်ဝင်းက 5 Plus ကိုပြောပါတယ်။ လူကုန်ကူးခံရတဲ့ မိန်းကလေး(၅)ဦးရဲ့ ပြောပြချက်အရ အဲဒီအမျိုးသမီးဟာ သူ့ရဲ့ နာမည်နဲ့ ဆက်သွယ်ရမယ့်ဖုန်းနံပါတ်ကို မပေးခဲ့တာကြောင့် အဲဒီအမျိုးသမီးရဲ့ ပုံပန်းသဏ္ဌာန်ကို အနီးစပ်ဆုံးရေးဆွဲပြီး ကားဂိတ်တွေမှာ လိုက်လံစုံစမ်းနေပေမယ့် လက်ရှိအချိန်ထိတော့ မတွေ့သေးဘူးလို့ ဆိုပါတယ်။

 ဖြစ်စဉ်ကတော့ ဖျာပုံမြို့မှာ နေထိုင်တဲ့ (၈)တန်းကျောင်းသူ မိန်းကလေး(၅)ဦးဟာ ဇွန်လ(၂၅)ရက်ညနေပိုင်းက ကျူရှင်ကပြန်လာစဉ် လမ်းမှာတွေ့တဲ့ အသက်(၄၀)ကျော်အရွယ် အမျိုးသမီးတစ်ဦးဟာ သူတို့ကို တစ်လကိုလစာ(၅)သိန်းရမယ့်အလုပ်အကြောင်း ပြောဆိုကာ စည်းရုံးခဲ့တယ်လို့ လူကုန်ကူးခံရတဲ့ မိန်းကလေးတွေရဲ့ ပြောပြချက်ကို ဒုရဲမှူးကျော်ဝင်းက ပြန်လည်ပြောပြခဲ့ပါတယ်။

 အဲဒီအမျိုးသမီးပြောပြောချင်း မိန်းကလေးတွေဟာ ချက်ချင်းအကြောင်းမပြန်ခဲ့ဘဲ နောက်တစ်နေ့ ဇွန်လ(၂၆)ရက် မနက်(၁၁)နာရီမှ နေအိမ်ကနေ ထွက်လာပြီး အဲဒီအမျိုးသမီးချိန်းတဲ့ ဒလကို လာခဲ့တယ်လို့ ဆိုပါတယ်။ ဒလကတစ်ဆင့် ရန်ကုန်ဘက်ကို စက်လှေနဲ့ကူးပြီး ရန်ကုန်ကတစ်ဆင့် ပြင်ဦးလွင်ကို သွားခဲ့တယ်လို့ ဆိုပါတယ်။ ဒါပေမယ့် လူကုန်ကူးမယ့်အမျိုးသမီးကတော့ မိန်းကလေးတွေနဲ့ အတူမလိုက်ဘဲ ပြင်ဦးလွင်ရောက်မှ ဆုံမယ်ဆိုပြီး သူတို့ကို နယူးမန္တလာထွန်းအဝေးပြေးယာဉ်နဲ့ တင်ပေးလိုက်တာဖြစ်တယ်လို့ ဆိုပါတယ်။

 ပြင်ဦးလွင်ကားဂိတ်ရောက်တော့လည်း အဲဒီအမျိုးသမီးကို မတွေ့ခဲ့ရဘူးလို့ သိရပါတယ်။ မိန်းကလေးတွေရဲ့ အုပ်ထိန်းသူတွေကလည်း အဲဒီမိန်းကလေး(၅)ဦး ပျောက်ဆုံးခဲ့တဲ့နေ့မှာပဲ ဖျာပုံမြို့မရဲစခန်းကို အကြောင်းကြားခဲ့ပြီး အဲဒီကမှတစ်ဆင့် သက်ဆိုင်ရာရဲစခန်းတွေကို ကူညီစုံစမ်းရှာဖွေပေးဖို့ ဆက်သွယ်ခဲ့ပါတယ်။ ဒါကြောင့် ဇွန်လ(၂၇)ရက်မှာ ပြင်ဦးလွင်ခရိုင် ရဲတပ်ဖွဲ့မှူးရုံးမှ တပ်ဖွဲ့ဝင်တွေက ပြင်ဦးလွင်ရပ်ကွက်ကြီး (၁၀) ရာအိမ်မှူးနဲ့အတူ သီရိပဒေသာ ကားကြီးဝင်းက ယာဉ်တွေဆိုက်ရောက်ချိန်ကို လိုက်လံစုံစမ်းခဲ့ရာ မိန်းကလေး(၅)ဦးရဲ့ အမည်စာရင်းကိုတွေ့ရှိခဲ့ရတဲ့အတွက် ရှာဖွေခဲ့ရာ ည(၇)နာရီအချိန်မှာပဲ ပြင်ဦးလွင်မြို့ ရပ်ကွက်ကြီး(၁)က “စံပြ”ထမင်းဆိုင် အနီးမှာတွေ့ရှိခဲ့ပြီးခေါ်ယူထိန်းသိမ်းခဲ့တယ်လို့ သိရပါတယ်။

 ဒါကြောင့် ပြင်ဦးလွင်မြို့မရဲစခန်းက မိန်းကလေး(၅)ဦးရဲ့ အုပ်ထိန်းသူတွေကို အကြောင်းကြားခဲ့ပြီး ဇွန်လ(၂၈)ရက်မှာတော့ ပြင်ဦးလွင်မြို့မရဲစခန်းမှာပဲ သက်သေတွေရှေ့ ပြန်လည် အပ်နှံခဲ့တယ်လို့ သိရပါတယ်။

5 Plus News
https://www.facebook.com/5plusnews



ကုလသမဂ္ဂ အထွေထွေညီလာခံ၌ လုံခြုံရေး ကောင်စီအဖွဲ့ ဝင် နိုင်ငံ မဲခွဲရွေးချယ်ပွဲတွင် နယ်သာလန် ကိုယ်စားလှယ်များအား တွေ့ ရစဉ် (ဆင်ဟွာ)
    ကုလသမဂ္ဂ ၊ ဇွန် ၂၉ ရက် (ဆင်ဟွာ)

    ကုလသမဂ္ဂ အထွေထွေ ညီလာခံ၌ ဇွန်လ ၂၈ ရက်က ပြုလုပ်သော ၂ဝ၁၇ - ၂ဝ၁၈ ခုနှစ် အတွက် လုံခြုံရေးကောင်စီ အဖွဲ့ ဝင်နိုင်ငံ မဲခွဲ ရွေးချယ်ပွဲတွင် ဘိုလီးဗီးယား ၊ အီသီယိုပီးယား ၊ ကာဇက်စတန် နှင့် ဆွီဒင်တို့ အရွေးခံရကြောင်း နှင့် နယ်သာလန် နိုင်ငံ နှင့် အီတလီ နိုင်ငံတို့ အကြား မည်သည့်နိုင်ငံက အရွေးချယ်ခံရမည်ကို တရားဝင် ဆုံးဖြတ်နိုင်ခြင်း မရှိသေးကြောင်း သိရသည်။

အဆိုပါ နှစ်နိုင်ငံသည် အနောက်ဥရောပ နှင့် အခြားအုပ်စုအဖွဲ့ဝင်နိုင်ငံများ (WEOG) အတွက် ရရှိထားသော ခွဲတမ်း နှစ်နေရာအနက် တစ်နေရာအတွက် အပြိုင်ဖြစ်နေကြောင်းနှင့် ၄င်းနှစ်နိုင်ငံက နှစ်နှစ်သက်တမ်းကို ခွဲဝေယူကြရန် နှင့် လျှို့ဝှက် မဲရလဒ်များကို ဇွန်လ ၂၈ ရက် ညနေ ၅ နာရီ နောက်ပိုင်းမှ စတင်ပြီး အခြား ထုတ်ပြန်ချက် တစ်စုံတစ်ရာ ထုတ်ပြန်ခြင်း မပြုမီ ဆိုင်းငံ့ထားရန် သဘော တူညီခဲ့ကြသည်။

 ဆွီဒင်နိုင်ငံက အခြား WEOG နိုင်ငံများကို ကိုယ်စားပြုသော တစ်နေရာအတွက် ပြတ်ပြတ်သားသား အနိုင်ရ ခဲ့သည်။

အရွေးချယ်ခံထားရသော ၅ နိုင်ငံသည် လာမည့် ၂ဝ၁၇ ခုနှစ် ဇန်နဝါရီလ ၁ ရက်မှ စတင်ကာ ကုလသမဂ္ဂ လုံခြုံရေးကောင်စီ အမြဲတမ်းအဖွဲ့ ဝင် ၅ နိုင်ငံနှင့်အတူ လုံခြုံရေးကောင်စီအဖွဲ့ ဝင် ၁၅ နိုင်ငံဖြင့် တွဲဖက် လုပ်ကိုင်ရမည် ဖြစ်သည်။ ဗြိတိန် ၊ တရုတ် ၊ ပြင်သစ် ၊ ရုရှား နှင့် အမေရိကန် ပြည်ထောင်စု တို့သည် ၂ဝ၁၅ - ၂ဝ၁၆ ခုနှစ် အတွက် အမြဲတမ်း မဟုတ်သော ( အလှည့်ကျ) လုံခြုံရေးကောင်စီ အဖွဲ့ ဝင် ၅ နိုင်ငံကို ၂ဝ၁၄ ခုနှစ်တွင် ရွေးချယ်ခဲ့ကြသည်။ အဆိုပါ နိုင်ငံများမှာ အင်ဂိုလာ ၊ မလေးရှား ၊နယူးဇီလန် ၊ စပိန် နှင့် ဗင်နီဇွဲလား တို့ ဖြစ်ပြီး ၄င်းတို့ ၏ နှစ်နှစ် သက်တမ်းမှာ ဒီဇင်ဘာလ ၃၁ ရက်တွင် ကုန်ဆုံးမည် ဖြစ်သည်။

၂ဝ၁၄ ခုနှစ်တွင် ပြုလုပ်ခဲ့သည့် အထွေထွေ ညီလာခံ၌ အဖွဲ့ ဝင် ၁၉၃ နိုင်ငံသည် ၂ဝ၁၆ ခုနှစ်မှ စတင်ကာ အမြဲတမ်း မဟုတ်သော လုံခြုံရေးကောင်စီ အဖွဲ့ ဝင် နိုင်ငံများ အဖြစ် အရွေးချယ်ခံရသော နိုင်ငံများအတွက် ၄င်းတို့ ၏ လုပ်ငန်းတာဝန်များကို ကြိုတင်ပြင်ဆင်ခွင့် ရနိုင်ရန် ၊ လက်ရှိတာဝန် ထမ်းဆောင်နေသော နိုင်ငံများ အနေဖြင့် သက်တမ်း မကုန်ဆုံးမီ ၆ လစော၍ အဖွဲ့ ဝင်နိုင်ငံသစ် ရွေးချယ်ပွဲ ပြုလုပ်သွားရန် ဆုံးဖြတ်ခဲ့ကြသည်။ ယခင်က မဲခွဲရွေးချယ်ပွဲကို အောက်တိုဘာလတွင် ပုံမှန်ကျင်းပခဲ့သည်။

ဆွေးနွေးပွဲကို ရွှေ့ဆိုင်းကြောင်း မထုတ်ပြန်မီ WEOG နိုင်ငံများအဖွဲ့ ဥက္ကဋ္ဌ နော်ဝေ နိုင်ငံက အဆိုပြုမှုအပေါ် ၄င်းတို့ အုပ်စု၏ သဘောတူညီမှု ရရှိရေးအတွက် အုပ်စုအတွင်း ဆွေးနွေးပွဲ ပြုလုပ်ရန် နှင့် အထွေထွေ ညီလာခံတွင် ထောက်ခံမဲ သုံးပုံနှစ်ပုံဖြင့် အတည်ပြုရန် ကြေညာခဲ့သည်။

အီတလီ နှင့် နယ်သာလန်တို့ တွင် မည်သည့်နိုင်ငံက အခြား အလှည့်ကျ လုံခြုံရေးအဖွဲ့ ဝင် ၅ နိုင်ငံနှင့်အတူ ၂ဝ၁၇ ခုနှစ် ဒီဇင်ဘာလ ၃၁ ရက်တွင် ၂ နှစ်သက်တမ်း ကုန်ဆုံးတော့မည့် အီဂျစ် ၊ ဂျပန် ၊ ဆီနီဂေါ ၊ ယူကရိန်း နှင့် ဥရုဂွေး နိုင်ငံများ နေရာ၌ အစားထိုး ဝင်ရောက်ခွင့် ရမည်ကို ၅ ကြိမ်တိတိ လျှို့ဝှက် မဲခွဲခဲ့ရာ ၉၅-၉၅ ဖြင့် အပြိုင် ရပ်တည်နေကြောင်း သိရသည်။

(Xinhua)
http://www.xinhuamyanmar.com


ဝါရှင်တန် ၊ ၂၉-၆-၂၀၁၆

မြောက်ကိုရီးယား နိုင်ငံက လွန်ခဲ့သည့် ရက်သတ္တပတ် တွင် ပြုလုပ်ခဲ့သည့် ခြောက်ကြိမ်မြောက် ဒုံးကျည် စမ်းသပ်မှု၌ Musudan ( Hwasong-10 ) တာလတ်ပစ် ပဲ့ထိန်းဒုံးကျည် သည် အာကာသ အတွင်းသို့ ဝင်ရောက် ခဲ့ပြီးနောက် ကမ္ဘာ့ လေထုအတွင်း ပြန်လည် ရောက်ရှိ ခဲ့ကြောင်း အမေရိကန် ကာကွယ်ရေး ဆိုင်ရာ တာဝန်ရှိသူ တစ်ဦးက ဇွန် ၂၇ ရက်တွင်အတည်ပြု ပြောကြားခဲ့ သည်ဟု Yonhap သတင်းတစ်ရပ် အရ သိရသည်။


မိမိတို့ အနေဖြင့် အဆိုပါ ဒုံးကျည် လွှတ်တင်မှုကို တွေ့ရှိခဲ့ကြောင်း၊ ၄င်း ဒုံးကျည်သည် အာကာသ အတွင်းသို့ ရောက်ရှိ ခဲ့ပြီးနောက် ဂျပန်ပင်လယ် ၏ မိုင် ၂၅ဝ အကွာသို့ ကျရောက် ခဲ့ကြောင်း ပင်တဂွန် စစ်ဌာနချုပ် ပြောရေးဆိုခွင့် ရှိသူ ရေတပ် ဗိုလ်မှူးကြီး ဂျက်ဖ်ဒေးဗီးစ် က သတင်းထောက် များအား ပြောကြား ခဲ့သည်။

အမေရိကန် နိုင်ငံပိုင် ဂူအမ်ကျွန်းသို့ ရောက်ရှိနိုင်စွမ်း ရှိသည်ဟု ယူဆထားသော ဒုံးကျည် စမ်းသပ် ပစ်ခတ်မှုကို ဇွန် ၂၂ ရက်က လုပ်ဆောင် ခဲ့ပြီးနောက် တစ်ရက် အကြာတွင် မြောက်ကိုရီးယား နိုင်ငံက အဆိုပါ ဒုံးကျည် သည် ကမ္ဘာ့လေထု အတွင်းသို့ ပြန်လည် မဝင်ရောက်မီ အာကာသ အတွင်းသို့ ရောက်ရှိခဲ့ ကြောင်းနှင့် အကွာအဝေး ၄ဝဝ ကီလိုမီတာ ရှိ ပစ်မှတ် ရေပိုင်နက် အတွင်းသို့ ကျရောက်ခဲ့ကြောင်း အခိုင်အမာ ပြောကြား ထားသည်။

အမေရိကန်နိုင်ငံ အနေဖြင့် မြောက်ကိုရီးယား နိုင်ငံထက် သာလွန်စေရန် အမြဲတမ်း ကြိုးပမ်းလျက် ရှိသောကြောင့် အဆိုပါ ခြိမ်းခြောက်မှု များအား တုံ့ပြန်နိုင်ရန် အသင့်ရှိ နေကြောင်း ဒေးဗီးစ် က ပြောကြား ခဲ့သည်ဟု သိရသည်။

PyiChitThar
http://www.pyichitthar.com


မလေးရှား 29June2016

အီန္ဒိယ နွယ်ဖွား အသက် (၂၅)နှစ် အမျိုးသမီးတဦး ကွာလမ်လမ်ပူမြို့ က GAS ဓါတ်ငွေ့ ဖြည့်နေစဉ် ကားတွင်းမှာဖုန်းပြောနေခဲ့လို့  ကားတွင်းပေါက်ကွဲမှု ဖြစ်ပွားခဲ့ကြောင်း မလေးရှာ ပြည်တွင်းသတင်းတွေမှာ ဖေါ်ပြထားပါတယ်။

မီးက ဟုန်းကနဲ့  ပေါက်ကွဲမီးလောင်ပြီး ကားတွင်းမှ ဖုန်းပြောနေသူ အမျိုးသမီးရဲ့  ကိုယ်အစိတ်အပိုင်း (၆၀)ရာခိုင်နှုန်း မီးလောင်သွားခဲ့ပါတယ်။


ကားတွင်းမှာ အငွေ့ ပျံလာတဲ့ GAS ဓါတ်ငွေ့ က ဖုန်းဖွင့် စကားပြောနေတဲ့ သူရဲ့  ဖုန်းအတွင်းက အားသွင်း ဘက်ထရီ(Battery) နဲ့ ထိပြီး ၀ါယာလျော့ဖြစ်ရာက စတင် မီးလောင် ပေါက် ကွဲတတ်ပါတယ်။
ဓါတ်ဆီကားဆိုရင် တကားလုံး မီးလောင်တတ်ပါတယ်။

Social Action for Women - SAW



Istanbul လေဆိပ်မှာ ပစ်ခတ်ဖေါက်ခွဲမှုဖြစ်ပွား
ဇွန်လ၂ဂ ရက် ညနေပိုင်း က တူရကီနိုင်ငံ အစ္စတန်ဘူးလ်မြို့တော်ရဲ့ အာ့တာတခ် အပြည်ပြည်ဆိုင်ရာ လေဆိပ်မှာ ဗုံးခွဲတိုက်ခိုက်မှု နဲ့ ပစ်ခတ်မှု ဖြစ်ပွားတဲ့ အတွက် လူပေါင်း အနည်းဆုံး ၃၆ ဦးသေဆုံးပြီး အများအပြား ဒဏ်ရာ ရကြ ပါတယ်။ အသေခံ ဗုံးခွဲသမားတွေရဲ့ လက်ချက် လို့ ပြောကြပါတယ်။ ရဲ အဖွဲ့ဝင်တွေ ဘက်ကလည်း မသင်္ကာဖွယ် သေနတ်သမား တွေ ထွက်ပေါက် အဖြစ်ယူဆတဲ့ အဝင်ပေါက်ဝတွေ ကို ပစ်ခတ်မှု တွေ ပြုတဲ့ အတွက် လေဆိပ်မှာ သေနတ်သံတွေ ဖုံးလွှမ်းကုန်တဲ့ အကြောင်း ခရီးသည်တွေ က ပြောပါတယ်။ ဒဏ်ရာရသူ တွေ ကို သူနာတင်ကား ကိုပင် မစောင့် နိုင်ကြ ပဲ လေဆိပ်ရှိ တက်ဆီ အငှားကားတွေ နဲ့ အလျင်အမြန် ပို့ကြ ပါတယ်။ နောက် မှ သူနာတင် ယာဉ်တွေ ရောက်လာပါတယ်။

အခုလို အပြည်ပြည်ဆိုင်ရာ လေဆိပ် ကို ဝင်ပြီး ဖေါက်ခွဲ တိုက်ခိုက်တယ် ဆိုကတည်း က လုံခြုံရေး စည်းပေါက်တယ် လို့ သတင်းမီဒီယာ တွေ က ဖေါ်ပြ နေကြ ပါတယ်။ ခရီးသည်တွေ ဟာ လည်း ကဆင့်ကလျား ပြေးလွှားကြယင်း လေဆိပ်ထဲမှာ ဘေးလွတ်ရာ ရှာဖွေ ပုန်းအောင်း ကြတဲ့ အကြောင်း၊ ထွက်ပေါ်လာတဲ့ သတင်းတွေ အရ အသေခံ ဖေါက်ခွဲရေး သမားသုံးဦး လို့ ယူဆကြပြီး ရုရှလုပ် ကလက်ရ်ှနီကောဗ် ရိုင်ဖယ် နဲ့ အဆက်မပြတ် ပစ်ခတ်ကြောင်း သိရပါတယ်။ လေယာဉ်အတက်အဆင်း တွေ လည်းချက်ချင်း ရပ်ဆိုင်း လိုက်ပါတယ်။

တရားရေးဝန်ကြီး ဘက်ကီယား ဘော့စ်ဒါ ကတော့ သူကြားရတဲ့ သတင်းအရ အကြမ်းဖက်သမားတွေ ဟာ လေဆိပ် ခရီးသည် ဝင်ပေါက် က ဝင်လာပြီး ရိုင်ဖယ်သေနတ်နဲ့ လည်း ဝှေ့ယမ်း ပစ်ခတ်ပြီး သူတို့ကိုယ် သူတို့ပါ အသေခံ ဗုံးဖေါက်ခွဲလိုက်တဲ့ အကြောင်း ပြောပါတယ်။

ဒီဖေါက်ခွဲ အကြမ်းဖက်မှုနဲ့ ပတ်သက်လို့ ဘယ်အဖွဲ့ ရဲ့ လက်ချက်ပါ ဆိုပါ ဆိုတာ ကို ထုတ်မပြောကြသေး ပါဘူး။ အစ္စတန်ဘူးလ်မြို့တော်မှာ နေထိုင်တဲ့ လေ့လာအကဲခတ် စာရေးဆရာ ဂဲရက်သ် ဂျဲန်းကင်းစ် ကတော့ ဘယ်သူဘယ်ဝါ့ လက်ချက် လို့ ထုတ်မပြောကြ သေးပေမဲ့ ဖြစ်နိုင်ခြေ မသင်္ကာဖွယ် အုပ်စု ကတော့ အိုင်စစ် နဲ့ ပီကေကေ ကားဒစ်ရှ် ခွဲထွက်ရေးအုပ်စု ပဲ လို့ ဆိုနိုင်တယ် လို့ ပြောပါတယ်။ တိုက်ခိုက်ပုံ ကို ကြည့်မယ် ဆိုရင် ပီကေကေ ဖြစ်ဖို့ထက် IS အစ္စလာမစ်နိုင်ငံအဖွဲ့ လက်ချက် နဲ့ ပိုပြီး နီးစပ်တဲ့ အကြောင်း၊ ဒါပေမဲ့ နောက်ထပ် အတည်ပြုချက် မရမချင်း ဘယ်အဖွဲ့ ဆိုတာ ကို တပ်အပ် ပြောလို့ မရသေးပါဘူး လို့ ပြောပါတယ်။

တကယ်တော့ ဒီလေဆိပ်ဟာ လုံခြုံရေး အထပ်ထပ် စစ်ပြီးမှာ လေဆိပ် အတွင်းပိုင်းဆီ ကို ခရီးသည်တွေ ဝင်ခွင့်ရတာပါ။ ခရီးသည်တွေ ရဲ့ သေတ္တာ တွေ ခရီးဆောင်အိတ်တွေ ကိုလည်း အခါခါ စစ်ဆေးမှု ပြုတာပါ။ ဒါကြောင့်မို့လည်း အကြမ်းဖက်သမားတွေ ဟာ လေဆိပ် အတွင်းပိုင်း ကို ဝင်ဖို့ ခဲယဉ်းတဲ့ အတွက် ဝင်ပေါက် အနီးမှာတင် ပစ်ခတ် တိုက်ခိုက်မှု ပြုပုံ ရတဲ့ အကြောင်း ဘီဘီစီ သတင်းထောက် က ပြောပါတယ်။

BBC Burmese
http://www.bbc.com/burmese



Istanbul မြို့က Ataturk လေဆိပ် တိုက်ခိုက်ခံရမှုတွင် ထိခိုက်ဒဏ်ရာရသူတွေကို အရေးပေါ်ကားနဲ့ သယ်ယူနေစဉ်။
တူရကီနိုင်ငံ Istanbul မြို့မှာရှိတဲ့ Ataturk လေဆိပ်မှာ အသေခံ တိုက်ခိုက်ရေးသမား ၃ ဦးက အင်္ဂါနေ့နှောင်းပိုင်းက ဗုံးခွဲ တိုက်ခိုက်ခဲ့တဲ့အတွက် လူ ၃၁ ထက်မနဲ သေဆုံးပြီး အများအပြား ထိခိုက် ဒဏ်ရာရသွားတယ်လို့ Istanbul အုပ်ချုပ်ရေးမှူး Vasip Sahin က ပြောပါတယ်။

ပေါက်ကွဲမှုတခုကတော့ နိုင်ငံတကာလေကြောင်းလိုင်း ဆိုက်ရောက်ဂိတ် အ၀င်ဝနားမှာ ဖြစ်သွားခဲ့တာလို့ အစိုးရပိုင် ရုပ်သံ သတင်းတွေမှာ ဖော်ပြထားပါတယ်။ Kalashnikov မောင်းပြန်ရိုင်ဖယ်နဲ့ ပစ်ခတ်နေတဲ့ အကြမ်းဖက် တိုက်ခိုက်ရေးသမားတဦးကို ရဲတပ်ဖွဲ့က ပစ်သတ်လိုက်တယ်လို့ မျက်မြင်သက်သေတွေက ပြောပါတယ်။ လေဆိပ်အနီးက လမ်းပေါ်မှာ ပိုင်ရှင်မဲ့ အဲဒီ သေနတ်တလက်ရဲ့ပုံကို နောက်ပိုင်း ပြသတဲ့ ဗွီဒီယိုတွေထဲမှာ တွေ့မြင်ကြရပါတယ်။

ဒီတိုက်ခိုက်မှုကို ဘယ်သူ ပြုလုပ်တယ်ဆိုတဲ့ ထုတ်ဖော်ပြောဆိုသူတော့ ရုတ်တရက် ထွက်မလာသေးပါဘူး။

တူရကီနိုင်ငံရဲ့ အကြီးဆုံးလေဆိပ်လည်းဖြစ်၊ ကမ္ဘာမှာ ခရီးသွား အရေအတွက် အများဆုံး လေဆိပ်တွေထဲက တခုလည်းဖြစ်တဲ့ အဲဒီ လေဆိပ်အတွင်း လူတွေ ကြောက်လန့်တကြား ပြေးလွှားနေတဲ့ပုံတွေကို ရုပ်မြင်သံကြားမှာ ပြသနေပါတယ်။ ရဲတပ်ဖွဲ့က လေဆိပ်အတွင်း လိုက်လံ စစ်ဆေးပြီးတဲ့နောက် အစောပိုင်းက သေဆုံးသူ ၁၀ ယောက်သာ ရှိခဲ့တယ်လို့ ပြောဆိုနေရာက သေဆုံးသူ အရေအတွက်ဟာ တဖြည်းဖြည်းများလာခဲ့တာလည်း ဖြစ်ပါတယ်။

ပေါက်ကွဲမှု အသေးလေး ၂ ခုဖြစ်သွားပြီးတဲ့နောက် ကြီးမားတဲ့ ပေါက်ကွဲမှုကြီး ဖြစ်သွားခဲ့တယ်လို့ မျက်မြင်သက်သေတဦးက ဗွီအိုအေ တူရကီဌာနကို ပြောကြားခဲ့ပါတယ်။

 ဗွီအိုအေ (မြန်မာဌာန)
http://burmese.voanews.com


ယနေ့(၂၉/၀၆/၂၀၁၆) စင်္ကာပူစံတော်ချိန် မနက် ၃ နာရီ ခန့် ( တူရကီစံတော်ချိန် ၂၈/၀၆/၂၀၁၆ ည ၁၀ နာရီခန့်) တွင် တူရကီနိုင်ငံ မြို့တော် Istanbul ရှိ အကြီးဆုံး အပြည်ပြည်ဆိုင်ရာလေဆိပ် ဖြစ်သော Ataturk လေဆိပ်ကြီးတွင် အသေခံဗုံးခွဲ တိုက်ခိုက်မှုတစ်ခု ဖြစ်ပွားခဲ့ပါတယ်။


အသေခံဗုံးခွဲသူများမှာ ၃ ဦးဖြစ်တယ်လို့ တူရကီရဲတပ်ဖွဲ့နဲ့မျက်မြင်သက်သေများကပြောပါတယ်။

ယခုသတင်းရေးချိန်အထိ သေဆုံးသူ ၃၂ ဦးထိရှိနေပြီး ဒဏ်ရာရသူ ၈၀ ကျော်ရှိတယ်လို့သိရပါတယ်။

ယခုဖြစ်စဉ်ကြောင့် Istanbul မှ စင်္ကာပူသို့ပျံသန်းထွက်ခွာမည့် ခရီးစဉ်အမှတ် TK54 ကို ဖျက်သိမ်းလိုက်ပါတယ်။

စလုံး Page

www.facebook.com/SaloneCollection
Photo Credit : Today Newspaper


သထုံ ဇွန် ၂၈

မွန်ပြည်နယ် သထုံမြို့နယ် ဒူးရင်းဆိပ်ကျေးရွာအုပ်စု ကြာပန်းကျေးရွာအနီး တိုးဂိတ်တွင် ဇွန် ၂၇ ရက်က လက်နက်သယ်ဆောင်လာသည်ဟု သတင်းအရ ကားများအား ပိတ်ဆို့ စစ်ဆေးစဉ် သေနတ်များ ဖမ်းဆီးရမိကြောင်း သိရသည်။

ဖြစ်စဉ်တွင် သုဓမ္မဝတီနယ်မြေရဲစခန်းမှ တပ်ဖွဲ့ဝင်များသည် ကြားပန်းကျေးရွာ အနီး တိုးဂိတ်တွင် ကားများကို ပိတ်ဆို့စစ်ဆေးရှာဖွေစဉ် ဘားအံဘက်မှ သထုံ ဘက်သို့ ယာဉ်မောင်း စောမြင့်ဝင်း (၄၉နှစ်) မောင်းနှင်ပြီး ဘေးမှ စောထွန်းရီ (၄၈နှစ်) လိုက်ပါလာသော ယာဉ်အမှတ် YGN-D/----- ပါဂျဲရိုး ခဲရောင် ယာဉ်အား ရပ်တန့် စစ်ဆေးရာ စောမြင့်ဝင်း လွယ်ထားသော အညိုရောင် ဘေးလွယ် အိတ်အတွင်းမှ တရုတ်နိုင်ငံလုပ် ငွေရောင် ၉ မမ ပစ္စတို တစ်လက်၊ ၉ မမ ကျည် ငါးထောင့် (ကျည်အိမ်တစ်ခု) စောထွန်းရီ လွယ် ထားသော စစ်ရောင်ဘေးလွယ်အိတ်အတွင်းမှ ပွိုင့် ၂၂ ငွေရောင် ပစ္စတို တစ်လက် တို့အား ရှာဖွေတွေ့ရှိသဖြင့် ဖမ်းဆီးခဲ့ကြောင်း သိရသည်။

ဖြစ်စဉ်နှင့်ပတ်သက်၍ တရားမဝင် လက်နက် ကိုင်ဆောင်သူ စောမြင့်ဝင်းနှင့် စောထွန်းရီ တို့အား သုဓမ္မဝတီ နယ်မြေ ရဲစခန်းက အမှုဖွင့် အရေးယူဆောင်ရွက်လျက်ရှိကြောင်း သိရသည်။

သက်ဦး(သထုံ)
MOI Webportal Myanmar
https://www.facebook.com/MOIWebportalMyanmar

ကွန်လွန်သွားပြီဖြစ်သော နာမည်ကျော်အဆိုတော်နှင့် ဂီတပညာရှင် ထူးအိမ်သင် ကိုယ်တိုင်ရေးသား သီဆိုခဲ့သော သီချင်းများကို သီချင်းစာအုပ်အဖြစ် ထုတ်ဝေမည်ဖြစ်ကြောင်း ထူးအိမ်သင်နှင့်နီးစပ်သော အသိုင်းဝိုင်းထံမှ သိရသည်။

ယခင် ၁၉၉၀ ပြည့်နှစ်ကျော်ကာလများက ထူးအိမ်သင်တေးပေါင်းချူပ်အမည်ဖြင့် သီချင်းစာအုပ်များထွက်ရှိခဲ့ဖူးသော်လည်း ပြည့်စုံမှုမရှိခြင်းနှင့် သမိုင်းမှတ်တမ်းတရပ်အနေဖြင့် သီးခြား ပေါ်ထွက်လာစေရန် ရည်ရွယ်၍ ထုတ်ဝေရန် စီစဉ်နေခြင်းဖြစ်သည်ဟု ထူးအိမ်သင်နှင့်နီးစပ်သူ ဒီဇိုင်းမျိုးဆွေသန်းက ၄င်း၏ ဖေ့ဘုပ်လူမှုကွန်ယက်စာမျက်နှာတွင် ရေးသားထားသည်။

ဒီဇိုင်းအဆင်အပြင်ကို ၄င်းကိုယ်တိုင် တာဝန်ယူဆောင်ရွက်မည်ဖြစ်ပြီး ထူးအိမ်သင်နှင့် ပတ်သက်သော ဓါတ်ပုံမှတ်တမ်း ၊ ပန်းချီမှတ်တမ်းများ မူရင်းသီချင်းစာသားလက်ရေးများကိုလည်း စုဆောင်းနေသည်ဟု သိရသည်။

' ကိုငှက်ကို ချစ်ခင်တဲ့သူတွေက ကိုငှက်နဲ့ ပါတ်သက်တဲ့ ပုံလေးတွေ ရေးဆွဲထားတာကို ထည့်သွင်းပုံနှိပ်ပေးမယ်လို့ ကျွန်တော်ကြေငြာပေးတဲ့အခါ ကိုငှက်ကို ချစ်ခင်တဲ့သူတွေက ပုံတွေ
ပေးပို့ကြပါတယ်၊ အဲဒါတွေအားလုံးကို ရောင်စုံပုံနှိပ်ပြီး သီချင်းစာအုပ်
အတွင်းမှာ ထည့်သွင်းပေးပါမယ်။အဲဒီတုန်းက ကျွန်တော်ကြေငြာပေးတဲ့အခါ၊ အသုံးပြုမယ် မပြုဖူးဆိုတာ ကျွန်တော်တစ်ဦးတည်းရဲ့ ဆုံးဖြတ်ချက်သာဖြစ်ပါတယ်။
ပြီးတော့ ကိုငှက်က ကျွန်တော်တို့အတွက် ထားခဲ့တာအများကြီးပါလားလို့ခံစားရရင် သူပြောခဲ့သလိုပဲ ချစ်ခြင်းအားဖြင့်သာ ပေးပါ၊ အခကြေးငွေ ချီးမြှင့်မှာ မဟုတ်သလို မိသားစုကထုတ်ဝေတာဖြစ်လို့ စာအုပ်တစ်အုပ်မှ မရခဲ့လျင်လည်း နားလည်ပေးကြပါ၊ ချစ်ခြင်းအားဖြင့်သာလို့ ပြောခဲ့တာ
အခုလည်း အဲဒီအတိုင်းပါပဲ။ ' ဟု ဒီဇိုင်းမျိုးဆွေသန်းက ဆိုသည်။

၁၉၈၆ ခုနစ်က ထုတ်ဝေခဲ့သည့် နာရီပေါ်က မျက်ရည်စက်များ တေးစီးရီးဖြင့် စတင်ကျော်ကြားလာခဲ့သူ အဆိုတော် ထူးအိမ်သင်မှာ ၂၀၀၄ ခုနစ်က ကွယ်လွန်သွားခဲ့ခြင်းဖြစ်ပြီး ကွယ်လွန်သည်မှာ ၁၀ နှစ်ကျော်ကြာမြင့်ပြီဖြစ်သော်လည်း ယနေ့အချိန်အထိ ထူးအိမ်သင်၏ တေးသီချင်းများမှာ လူထုအကြား နားဆင်ခံစားနေကြဆဲဖြစ်ကြောင်းလည်း သိရသည်။
The Ladies News Journal

အသက် ၇ဝ အရွယ် ကချင်အမျိုးသားကြီးက မဖိတ်ခေါ်ဘဲ ရုတ်တရက်ရောက်လာတဲ့ သတင်းထောက်ကို မီးခိုးတလူလူထွက်နေတဲ့ မီးဖိုဘေးမှာ ဧည့်ခံစကားပြောပါတယ်။ အနွေးဓာတ်ပေးထားတဲ့ ရေနွေးကြမ်းကို လက်ဖက်ရည် ချိုးကပ်နေတဲ့ ခွက်လေးထဲ ထည့်ပြီး ကမ်းပေးပါတယ်။

တရုတ်မြန်မာနယ်စပ် တောခေါင်တောင်ထူတဲ့ ဒုက္ခသည်စခန်းမှာ ခိုလှုံနေရတာ ငါးနှစ်ငါးမိုးကြာပြီဖြစ်တဲ့ ကချင်အမျိုးသားကြီးက ဧည့်သည်ကို ဒီထက်ပိုပြီး ဧည့်ခံဖို့ အခြေအနေ မပေးပါဘူး။

သူ့နာမည်က ဦးဇခေါင် ဖြစ်ပါတယ်။ သူတို့လင်မယားမှာ သားသုံးဦး ထွန်းကားခဲ့ပေမယ့် တစ်ဦးမှ အဖတ်မတင်ခဲ့ပါဘူး။ စခန်းထဲမှာတော့ သူတို့က ဆွေမျိုးတွေ အများကြီးပါပဲ။ ဘာကြောင့်လဲဆိုတော့ ဇနီးသည် အရင်အိမ်ထောင်နဲ့ရတဲ့ သားတွေက သူတို့မိသားစုတွေနဲ့အတူ ခိုလှုံနေကြလို့ပါပဲ။ ဦးဇခေါင်က သူ့ထက် အသက်အများကြီးငယ်တဲ့ သူနဲ့ တွေ့နေရပေမယ့် “ငါ” ဆိုတဲ့ အသုံးအနှုန်းအစား “ကျွန်တော်” ဆိုတဲ့ နာမ်စားကိုသုံးပြီး တစ်ဖက်သားကို လေးစားမှုပြတဲ့သူပါ။ နေရပ်ရင်း ဝိုင်းမော်မြို့နယ်၊ မန်တောင်ရွာမှာ တောင်ယာလုပ်ကိုင်တဲ့ ဦးဇခေါင် အတွက်တော့ ဘာမှ လုပ်ကိုင်စရာမရှိတဲ့ အန်ခေါင်းပါ ဒုက္ခသည်စခန်းဟာ အကျဉ်းထောင်တစ်ခုလို ဖြစ်ပါပဲ။ ဝိုင်းဖွဲ့ စကားပြောမိပြီး တဖြည်းဖြည်း အရှိန်ရလာတော့ ရေစိုခံရာဘာဖိနပ်၊ ကချင်ပုဆိုး၊ တီရှပ်နက်ပြာရောင် တို့ကို ဝတ်ဆင်ထားတဲ့ ဦးဇခေါင်က မြန်မာပြည် အလယ်ပိုင်းဒေသထွက် ဆေးပေါ့လိပ်တစ်လိပ်ကို မီးဖိုမီးနဲ့ညှိ၊ တစ်ချက် ဖွာရှိုက်ပြီး “ကျွန်တော် ဒီမှာ မနေချင်တော့ဘူး” လို့ လေးလေးပင်ပင် ညည်းတွားလိုက်ပါတယ်။

သူခိုလှုံနေတဲ့ စခန်းဟာ ကျောက်တုံးတွေများတဲ့၊ မိုးရိပ်ဆင်တာနဲ့ တောင်ခိုးတွေဝေလာတဲ့ တောင်ပေါ်ဒေသမှာ တည်ရှိတာကြောင့် လူနေတဲအိမ်တွေကို တစ်စုတစ်ဝေးတည်း မတွေ့ရပါဘူး။ တဲတန်းကလေးကို ဟိုနားတစ်စု၊ ဒီနားတစ်စုနဲ့စုဖွဲ့ ဆောက်လုပ်ထားပါတယ်။ ဦးဇခေါင်တို့ မိသားစု နေရာရတာကတော့ အိမ်ထောင်စု ငါးစုအတွက် အခန်းဖွဲ့ဆောက်ထားတဲ့ တဲတန်းကလေးမှာပါ။ ဒီစခန်းမှာ ဝိုင်းမော်၊ မိုးကောင်းမြို့နယ်တွေထဲက ကျေးရွာ ၁၅ ရွာဝန်းကျင်ကနေ စစ်ဘေးရှောင်လာသူ ၁,၇ဝ၈ ဦး နေထိုင်ကြတာပါ။ ဒီလဆန်းပိုင်း စခန်းထဲ ရောက်သွားချိန်မှာတော့ အမျိုးသမီးတွေ၊ ကလေးငယ်တွေ၊ ဦးဇခေါင်တို့လို အသက်အရွယ်ကြီးသူတွေကိုသာ အများစုတွေ့ရပါတယ်။ လူငယ်၊ လူလတ်ပိုင်း အရွယ်တွေကတော့ ဒီစခန်းနဲ့ ချောင်းကလေးသာခြားတဲ့ တရုတ်နိုင်ငံထဲက စိုက်ခင်းတွေမှာ အလုပ်သွားလုပ်နေကြတယ်လို့ စခန်းတာဝန်ခံတွေက ပြောကြပါတယ်။ ဒီစခန်းက KIA နယ်မြေတွေဖြစ်တဲ့ မိုင်ဂျာယန်- လိုင်ဇာတို့ကို ဆက်သွယ်ထားတဲ့ တောတွင်းလမ်းပေါ်မှာ ရှိတာပါ။ တပ်မတော်နဲ့ KIA တို့ကြား အပစ်ရပ်စဲမှုက မြစ်ဆုံရေကာတာစီမံကိန်း အငြင်းပွားမှု ပေါ်ပေါက်လာတဲ့ ၂ဝ၁၁ အထိ ၁၇ နှစ်ကြာခဲ့ပါတယ်။ ကချင်တိုင်းရင်းသားတို့ရဲ့ ဒေသမှာ တိုက်ပွဲများ ပြန်လည်အစပြုတဲ့နောက်ပိုင်း အရပ်သား အများအပြား နေရပ်စွန့်ခွာ ထွက်ပြေးရပြီး ဒုက္ခသည် စခန်းတွေက မြန်မာပြည် မြောက်ပိုင်းမှာ နေရာအနှံ့ ပေါ်ပေါက်လာပါတော့တယ်။

ဦးဇခေါင်တို့ လင်မယား ရောက်နေတဲ့ စခန်းအပါအဝင် အရွယ်အစား စုံလင်တဲ့ စခန်း ၂၉ ခုကတော့ တောတောင်တွေကြားထဲ KIA ထိန်းချုပ်ရာ နယ်မြေမှာ ရှိတာပါ။ ဒုက္ခသည်စခန်းကနေ ၆ နာရီကျော်ကျော် လျှောက်ရင် ရောက်တဲ့ သူတို့ရွာထဲမှာ KIA တပ်တွေက နေရာယူထားသလို ရွာအောက်ဘက်မှာက တပ်မတော်က နေရာယူထား တယ်လို့ ဦးဇခေါင်က ပြောပြတယ်။ နှစ်ဖက် ထိပ်တိုက်တွေ့နေတဲ့ သူတို့ရွာရှိတဲ့နေရာကို ပြန်ဆင်းဖို့ မဖြစ်နိုင်သေးပါဘူး။ ပြီးခဲ့တဲ့ ငါးနှစ်တာကာလ ဒီစခန်းထဲမှာရှိတဲ့ စစ်ရှောင်တွေ အားလုံးဟာ ကူညီကယ်ဆယ်ရေး အဖွဲ့အစည်းတွေရဲ့ ထောက်ပံ့မှုနဲ့ ရှင်သန်ခဲ့ရတာပါ။ ဦးဇခေါင်က ဒီလိုနေရတာ စိတ်ပျက် အားငယ်နေပြီ၊ ကိုယ့်ရပ်ကိုယ့်ရွာမှာ တောင်ယာလေးလုပ်ပြီး နေခွင့်ရရင် ပိုပြီး သက်ရှည်ကျန်းမာမယ်၊ ကိုယ့်ခြေထောက်ပေါ်ကိုယ် ရပ်တည်ရတဲ့အတွက် ပျော်ရွှင်စရာလည်း ပိုကောင်းမယ်လို့ ဆေးပေါ့လိပ်ငွေ့ မှုတ်ထုတ်ရင်း ပြောပြပါတယ်။

စခန်းထဲမှာလည်း အသီးအရွက်တွေကိုသာ အဓိကမှီဝဲနေရပြီးတော့ အသား၊ ငါး စားနိုင်တဲ့အခြေအနေ မရှိပါဘူး။ မကြာသေးခင်က ရှားရှားပါးပါး ဝေစုရထားတဲ့ ဝက်သား သုံးမျှင်လောက်ကို ကျပ်တင်ထားတယ်လို့ မီးဖိုဘက် လက်ညှိုးထိုးပြီး ပြောပါတယ်။ ထင်းရှာ၊ အသီးအရွက်ရှာဖို့ တောထဲ မသွားရဲဘူး၊ တပ်မတော်နဲ့တိုးရင် သူတို့ကို KIA လက်နက်ကိုင် အဖွဲ့ဝင်တွေပဲလို့ ထင်တတ်ကြတဲ့အတွက် အန္တရာယ်ရှိတယ်လို့ သူက ဆက်ပြောပြတယ်။

လားရှိုးမြို့ဘက်က ခရစ်ယာန် ဓမ္မဆရာမလည်းဖြစ်တဲ့ သူနာပြု ဆရာမတစ်ဦးက ဒီစခန်းထဲမှာ ဆေးပေးခန်း ဖွင့်ထားပါတယ်။ အနည်းငယ် ဖျားနာတာ၊ ထိခိုက်တာတွေအတွက် ဒီဆေးပေးခန်းကို အားကိုးနိုင်တယ်၊ အဲဒီအခြေအနေထက် ကျော်လွန်သွားရင်တော့ KIA နယ်မြေထဲက မိုင်ဂျာယန် ဆေးရုံ၊ ရှမ်းပြည်နယ်ထဲက မူဆယ်မြို့နယ် ဆေးရုံတို့အထိ သွားပြီး ကုသမှု ခံယူရတယ်၊ တရုတ်နိုင်ငံထဲက ဆေးရုံကိုလည်း သွားကြတယ်လို့ ဆိုတယ်။

နေထိုင်ရေး၊ ကျန်းမာရေး အင်မတန် ခက်ခဲတဲ့ဘဝကနေ အမြန်ဆုံး လွန်မြောက်ကြရေးက အခုအစိုးရသစ် လက်ထက်မှာ စစ်ပွဲတွေရပ်ပြီး ဒုက္ခသည်တွေ နေရပ်ရင်း ပြန်ခွင့်ရချိန်မှ ဖြစ်လာမယ်လို့ ဦးဇခေါင်က ဆိုပါတယ်။

လက်ရှိအစိုးရက ဗိုလ်ချုပ်အောင်ဆန်းရဲ့ သမီး၊ ဒေါ်အောင်ဆန်းစုကြည် ဦးဆောင်တဲ့အစိုးရ၊ ပြည်သူတွေ ဝိုင်းဝန်း ရွေးချယ်တင်မြှောက်လိုက်တဲ့ အစိုးရ ဖြစ်တဲ့အတွက် ဝမ်းသာကြရပေမယ့် သူနားထောင်ရတဲ့ ရေဒီယို သတင်းတွေအရဆိုရင် ငြိမ်းချမ်းရေးရဖို့လမ်းက ဝေးနေသေးတယ်လို့ ဦးဇခေါင်က မြေကြီးကို ငုံ့ကြည့်နေရင်းနဲ့ ပြောပါတယ်။
The Ladies News Journal

“ကြားရတာတွေက မဖြစ်နိုင်သလိုလို ဘာလိုလိုနဲ့၊ ခက်ခဲနေတယ်တို့နဲ့၊ နေ့တိုင်း နေ့တိုင်းလည်း တိုက်ပွဲသတင်းတွေကို ကြားကြားနေရတယ်” လို့ သူက စိတ်ပျက်လက်ပျက် ဆိုပါတယ်။ စခန်းအပြင်ဘက်မှာ အရပ်သားတွေ နှိပ်စက်ခံရတယ်ဆိုတဲ့ သတင်းတွေ ဝင်လာတိုင်း ဒီစခန်းထဲက အရဲစွန့်ထွက်ချင်တဲ့ စိတ်တွေ ပျောက်သွားရတယ်လို့လည်း သူက ညည်းတွားလိုက်ပါတယ်။ ဒီသတင်းတွေ တကယ်မှန်လား၊ မမှန်လားဆိုတာ မသိရပေမယ့် သူထပ်ပြီး မကြားချင်တော့ပါဘူး၊ စခန်းအပြင်ထွက်ရေးက အကန့်အသတ် ကြီးမားလာတဲ့အတွက် သူရောက်နေတဲ့နေရာဟာ အကျဉ်းစခန်းနဲ့ ပိုတူလာပါတယ်။ သူ့အတွက်တော့ အသက် ၇၀ ဆိုတာ ဘဝနေဝင်ချိန်ကာလ ဖြစ်တဲ့အတွက် နေရပ်ရင်းမှာသာ ခေါင်းပြန်ချလိုတယ်လို့ သူက ပြောပါတယ်။

“ဒီမှာ နေ့တိုင်း၊ ညတိုင်း စိတ်ညစ်နေရတယ်” လို့ တိမ်ခိုးတွေနဲ့ ပြည့်နေတဲ့ ကချင်ပြည်နယ်က တောင်တန်းတွေကို ဝါးထရံကာ မီးဖိုဆောင် အပေါက်ဝကနေ လှမ်းမျှော်ကြည့်ရင်း သူ့အသံတိုးတိုးလေးနဲ့ ဖြည်းဖြည်းချင်း ပြောလိုက်ပါတယ်။

“ဒီမှာ မနေချင်တော့ဘူး။ ကျွန်တော်နေခဲ့တဲ့ နေရာကို ဘယ်တော့မှ ဆင်းရပါ့မလဲ”

ထက်ခေါင်လင်း / Myanmar Now