အရှင် ဝီရသူကို သာသနာ အကြည်ညိုပျက်စေမှုနဲ့ တိုင်ကြား



ပြည်တွင်းသက်တော်စောင့် ဥက္ကဌ ဦးဝင်းအောင် ကို တွေ့ရစဉ်။ Photo: ပြည်တွင်းသက်တော်စောင့်
အမျိုးဘာသာ သာသနာ စောင့်လျောက်ရေးအဖွဲ့က ဦးဆောင်ဆရာတော်တစ်ပါးဖြစ်တဲ့ ဦးဝီရသူ ကို သာသနာတော် ကို အကြည်ညိုပျက်စေတဲ့ ပြောဆိုဟောပြောမှုအတွက် တာမွေရဲစခန်းမှာ ရန်ကုန်မြို့နဲ့ နေပြည်တော်မှာ နေထိုင်သူ ဦးဝင်းအောင် က အမူဖွင့်တိုင်ကြားခဲ့တယ်လို့ RFA ကို ပြောပါတယ်။

ဦးဝင်းအောင်က ဇူလိုင်လ ၁၁ ရက်နေ့ ညနေပိုင်းက အမူဖွင့်ခဲ့တာဖြစ်တယ်လို့ ပြောပါတယ်။

"တာမွေမှာ ၁၁ ရက်နေ့ ၅ နာရီခွဲက သံဃာ့ဝတ်နည်းနဲ့ မညီတဲ့ဟာ သူကတရားပွဲမှာ ဖာသည်မ လို့ ဆဲတဲ့ဟာကို ကျနော်က တိုင်တဲ့သဘော တရားလိုလုပ်ပြီး အမှုဖွင့်လိုက်တာပေါ့၊ စခန်းအနေနဲ့က သံဃာ့အကြီးအကဲကို တင်ပြပြီးတော့မှ တရားစွဲတဲ့ပုဒ်မတွေ ပြန်ရမှာပေါ့"

ခုလိုတိုင်ကြားခြင်းဟာ ၂၀၁၅ခုနှစ် ဇန်န၀ါရီလက တာမွေမြို့နယ်မှာ ကျင်းပပြုလုပ်တဲ့ တရားပွဲမှာ  ဦးဝီရသူ က ကုလသမဂ္ဂ လူ့အခွင့်အရေး ကိုယ်စားလှယ်ကို ကြမ်းကြမ်းတမ်းတမ်း ပြောဆိုခဲ့တာကြောင့် ဖြစ်တယ်လို့ ဦးဝင်းအောင် က ပြောပါတယ်။  ဒါပေမဲ့ ၂၀၁၅ခုနှစ်က ဟောပြောချက်ကို အခုမှ ဘာကြောင့် တိုင်ကြားရပါသလဲ လို့ မေးမြန်းရာမှာ အရင်ကကြောက်လန့်တာကြောင့်ဖြစ်ပြီး အခုအချိန်မှာ လိုအပ်လို့ဖြစ်တယ်လို့ ဖြေပါတယ်။

တာမွေရဲစခန်းက တိုင်ကြားချက်ကို လက်ခံခဲ့ပေမဲ့ အမူမဖွင့်သေးဘဲ သံဃာ့နာယက အဖွဲ့ကိုတင်ပြပြီးနောက် ဆက်လက်ဆောင်ရွက်မယ်လို့ ဦးဝင်းအောင် ကပြောပါတယ်။  RFAက တာမွေမြို့နယ်ရဲစခန်းကို ဆက်သွယ်ရာမှာ အဆက်အသွယ်လုပ်လို့ မရပါဘူး။

ဒီအမူကို  တိုင်ကြားသူ ဦးဝင်းအောင်ဟာ ရန်ကုန်၊ နေပြည်တော်၊ ကော့သောင်းနဲ့ မြိတ်မြို့တွေမှာ ပြည်တွင်း သက်တော်စောင့် ဆိုတဲ့ လူမှုရေးအဖွဲ့တွေကို တည်ထောင်ထားသူဖြစ်တယ်လို့ သိရပါတယ်။

RFA Burmese
http://www.rfa.org/burmese
Labels:

Post a Comment

မြန်မာ့ဒီမိုကရေစီရေးလှုပ်ရှားမှုကို အထောက်အကူဖြစ်စေမည့် ထောက်ပြ ဝေဖန် သုံးသပ်ချက်များကို လာရောက် ရေးသားရင်ဖွင့်နိုင်ပါသည်။ လွတ်လပ်စွာ ရေးသားခွင့်ကို အလွဲသုံးစားပြု၍ ရင့်သီးရိုင်းစိုင်း ရုန့်ရင်းကြမ်းတမ်းစွာ ရေးသားခြင်း၊ ညစ်ညမ်းစွာ ဆဲဆိုရေးသားခြင်း၊ ပုဂ္ဂိုလ်ရေး ထိခိုက်နစ်နာမှုရှိစေရန် တိုက်ခိုက်ရေးသားခြင်း၊ အများပြည်သူ ဖတ် ကြည့် နားဆင်ရန် မသင့်လျော်သည့် link များ လာထည့်ခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် အရေးအသားများ ရေးသားခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် link များ လာထည့်ခြင်းများကို လုံးဝ ခွင့်မပြုပါ။ ..Face book button လေးနှိ်ပ်ပြီးလည်း ရေးနိုင်ပါတယ်

[blogger][facebook]

Author Name

Contact Form

Name

Email *

Message *

Powered by Blogger.