ပိုကီမွန်ဂိုး ဂိမ်းက စစ်စခန်းတွေရဲ့နေရာကို ဖော်ပြမှာ တရုတ်မှာ စိုးရိမ်နေ

ဘေဂျင်း ။ ပြီးခဲ့တဲ့တစ်ပတ်ခန့်က အကန့်အသတ်နဲ့ထုတ်လုပ်လိုက်ပြီး ကမ္ဘာတစ်ဝန်းမှာ ခေတ်စားလာတဲ့ မိုဘိုင်းဂိမ်း ပိုကီမွန်ဂိုး ကို လူတိုင်းတော့ မကြိုက်ပါဘူး။
ဖုန်းမျက်နှာပြင်မှာပေါ်လာမယ့် ပုံရိပ်ယောင်ကာတွန်းဇာတ်ကောင်လေးတွေကို ရှာဖွေဖမ်းဆီးဖို့ တကယ့်အပြင်လောက ပတ်ဝန်းကျင်ကို လမ်းလျှောက်ရှာဖွေရတဲ့ သည်အစစ်အမှန်ဂိမ်းကြောင့် အမေရိကန်ပြည်ထောင်စုမှာ အာရုံထွေပြားနေတဲ့ သည်ဂိမ်းကစားသူတွေ လုယက်ခံရတာနဲ့ ယာဉ်တိုက်မှုဖြစ်တာတွေ ဖြစ်နေပါတယ်။
အမေရိကန်လွှတ်တော်အမတ်တစ်ဦးကလည်း သည်ဂိမ်းရေးဆွဲတဲ့ ပရိုဂရမ်မာတွေကို အချက်အလက်သီးသန့်ထားရှိခွင့်ကို ဘယ်လိုကာကွယ်ပေးထားသလဲဆိုတာ ရှင်းလင်းဖော်ပြဖို့ တောင်းဆိုထားပါတယ်။

သည်ဂိမ်းဟာ ကမ္ဘာ့အကြီးဆုံး စမတ်ဖုန်းနဲ့အွန်လိုင်းဂိမ်းဈေးကွက်ကြီးဖြစ်တဲ့ တရုတ်မှာတော့ ကစားလို့မရသေးပေ မယ့် အဲသည့်က လူအချို့က သည်ဂိမ်းဟာ အမေရိကန်ပြည်ထောင်စုနဲ့ဂျပန်တို့ လာရောက် တိုက်စစ်ဆင်ဖို့အတွက် ထရိုဂျန်မြင်းတစ်ကောင်လို ဖြစ်လာမှာကို စိုးရိမ်ပူပန်နေကြပါတယ်။

‘ ပိုကီမွန်ဂိုး ကို မကစားကြပါနဲ့။ ဒီဂိမ်းကြောင့် အမေရိကန်ပြည်ထောင်စုနဲ့ဂျပန်ဟာ တရုတ်ရဲ့လျှို့ဝှက်စခန်းတွေကို ရှာတွေ့သွားလိမ့်မယ်’ လို့ တရုတ်ဝီဘိုဝက်ဆိုဒ်အသုံးပြုတဲ့ ပီတောင်ရန်ကျီးကပြောပါတယ်။

သဘောကတော့ ပိုကီမွန်ကိုတစ်စိတ်တစ်ပိုင်း ပိုင်ဆိုင်ထားတဲ့ ဂျပန်က နီတန်းဒိုးကုမ္ပဏီနဲ့ အမေရိကရဲ့ဂူဂဲလ် တို့ဟာ ဂိမ်းကစားသူတွေ ပိုကီမွန်ဇာတ်ကောင်လေးတွေ ဖမ်းဆီးခွင့်မရှိတဲ့နေရာတွေကို ကြည့်ပြီးတော့ တရုတ်စစ်စခန်းတွေကို ရှာဖွေနိုင်လိမ့်မယ်ဆိုတဲ့ သဘောဖြစ်ပါတယ်။ သည်ဂိမ်းဟာ မြေပုံလိုမျိုး ဂူဂဲလ်ကပေးတဲ့ ၀န်ဆောင်မှုတွေအပေါ်မှာ မူတည်ပါတယ်။

တကယ်လို့ နီတန်းဒိုးကုမ္ပဏီဟာ ရှားပါးတဲ့ပိုကီမွန်ဇာတ်ရုပ်လေးတွေထားတဲ့ နေရာတွေကို ဂိမ်းကစားသူတွေ သွားခွင့် မရှိတာကို သိလိုက်မယ်ဆိုရင် သည်နေရာဟာ ကန့်သတ်နယ်မြေတစ်ခုဖြစ်ပြီး စစ်တပ်ဇုန် တစ်ခုဖြစ်နိုင်တယ်လို့ အဖြေထုတ်နိုင်မှာဖြစ်ပါတယ်။

‘အဲဒီနောက် စစ်တွေဖြစ်လာပြီဆိုရင် ဂျပန်နဲ့အမေရိကန်ဟာ သူတို့ရဲ့ပဲ့ထိန်းဒုံးတွေနဲ့ အလွယ်တကူပစ်မှတ်ထား တိုက်ခိုက် နိုင်ပြီး တရုတ်ကိုလည်း ဂျပန်-အမေရိကန်ဂိမ်းကြောင့် အလွယ်တကူဖျက်ဆီးလို့ရသွားမှာပါ’ လို့ ၀ီဘိုက ဆိုရှယ်မီဒီယာ ပို့စ်တစ်ခုမှာ ဖော်ပြထားပါတယ်။
တရုတ်နိုင်ငံခြားရေးဝန်ကြီးဌာနပြောခွင့်ရ လုကန်းကတော့ သည်ဂိမ်းဟာ လုံခြုံရေးအတွက်အန္တရာယ်ရှိတယ်ဆိုတဲ့သတင်း တွေကို သတိမထားမိသလို သူ့မှာ သည်လိုဟာတွေကို ကစားဖို့လည်းအချိန်မရှိဘူးလို့ပဲပြောပြီး နောက်ထပ် အသေးစိတ် ထပ်မပြောတော့ပါဘူး။

တရုတ်နိုင်ငံမှာအခုချိန်ထိအသုံးပြုလို့တောင်မရသေးတဲ့ သည်ဂိမ်းကို သပိတ်မှောက်ကြဖို့ တောင်းဆိုမှုတွေဟာ အားပေးသူပရိတ်သတ်တွေကို မဟန့်တားနိုင်ပါဘူး။
‘ ဒီဂိမ်းကို ပထမဆုံးစပြီးကြေညာတည်းက ကစားဖို့ စောင့်စားနေတာ။ ကလေးဘ၀တည်းက ကျွန်မ ဒီဂိမ်းကို တကယ် ကြိုက်ခဲ့တာပါ’ လို့ အသက် ၂၂ နှစ်အရွယ် တက္ကသိုလ်ကျောင်းသား ကန်တျန်းကပြောပါတယ်။ သူဟာ သည်ဂိမ်း ကစားလို့ရတဲ့ အခြားနိုင်ငံတွေက မြေပုံအတုတွေပါတဲ့ တရားမ၀င်ဗားရှင်းရှိတဲ့ သည်ဂိမ်းကို ကစားနေပါတယ်။
ဒါပေမဲ့ တရုတ်ရဲ့နေရာအတော်များများမှာတော့ သည်ဂိမ်းကစားဖို့ဟာ စိန်ခေါ်မှုတွေနဲ့ရင်ဆိုင်ရမှာပါ။ ဘာကြောင့်လဲ ဆိုရင် တရုတ်အက်ပလီကေးရှင်းစတိုးမှာ သည်ဂိမ်းမရနိုင်သလို ဂူဂဲလ်ဝန်ဆောင်မှုတွေကိုလည်း တရုတ်မှာပိတ်ပင်ထားလို့ပဲ ဖြစ်ပါတယ်။

နီတန်းဒိုးကလည်း တရုတ်နိုင်ငံမှာ သည်ပိုကီမွန်ဂိုး ကို ထုတ်လုပ်ပေးမလား ဒါမှမဟုတ် ဘယ်အချိန်ထုတ်ပေးမလဲဆိုတာကို ညွှန်ပြမထားပါဘူး။

ချိုလေးငယ်
Ref:Reuters ( July 15, 2016 )
Kumudra
Labels:

Post a Comment

မြန်မာ့ဒီမိုကရေစီရေးလှုပ်ရှားမှုကို အထောက်အကူဖြစ်စေမည့် ထောက်ပြ ဝေဖန် သုံးသပ်ချက်များကို လာရောက် ရေးသားရင်ဖွင့်နိုင်ပါသည်။ လွတ်လပ်စွာ ရေးသားခွင့်ကို အလွဲသုံးစားပြု၍ ရင့်သီးရိုင်းစိုင်း ရုန့်ရင်းကြမ်းတမ်းစွာ ရေးသားခြင်း၊ ညစ်ညမ်းစွာ ဆဲဆိုရေးသားခြင်း၊ ပုဂ္ဂိုလ်ရေး ထိခိုက်နစ်နာမှုရှိစေရန် တိုက်ခိုက်ရေးသားခြင်း၊ အများပြည်သူ ဖတ် ကြည့် နားဆင်ရန် မသင့်လျော်သည့် link များ လာထည့်ခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် အရေးအသားများ ရေးသားခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် link များ လာထည့်ခြင်းများကို လုံးဝ ခွင့်မပြုပါ။ ..Face book button လေးနှိ်ပ်ပြီးလည်း ရေးနိုင်ပါတယ်

[blogger][facebook]

Author Name

Contact Form

Name

Email *

Message *

Powered by Blogger.