လေပြင်းတိုက်၍ ပြိုကျသည့် ရမ်းဗြဲမြို့နယ်က မူလတန်းကျောင်း ပြန်မပြင်ရာမှ စာသင်ရန်ခက်ခဲ


နိရဉ္စရာ၊ ဇူလိုင် ၂၄

လေပြင်းတိုက်ခတ်မှုကြောင့် ပျက်စီးခဲ့ရသည့် ရခိုင်ပြည်နယ် ရမ်းဗြဲမြို့နယ်၊ လေးတောင်တိုက်နယ်၊ စပါးတုံကျေးရွာအုပ်စု၊ တောလယ်ကျေးရွာ မူလတန်း စာသင်ကျောင်းဆောင်ကို နှစ်လခန့် ကြာမြင့် နေပြီဖြစ်သော်လည်း သက်ဆိုင်ရာမှ ပြန်လည် ပြုပြင်ပေးခြင်းမရှိသေးသဖြင့် ကလေးငယ်များ စာသင်ရန် အခက်ခဲ ဖြစ်နေကြောင်း သတင်းရရှိသည်။

တောလယ်ကျေးရွာ အမက စာသင်ကျောင်းသည် ယခုနှစ် မေလ ၂၀ရက်နေ့က လေပြင်းတိုက်ခတ်မှုကြောင့် ပေ ၆၀ ခန့် ခေါင်းမိုးပွင့်ထွက်သွားပြီး ပြန်လည်ပြုပြင်ပေးခြင်းမရှိသေး၍ ကျောင်းသူကျောင်းသားများ စာသင်ရ အခက်အခဲဖြစ်နေကြောင်း ကျေးရွာလူကြီးတစ်ဦးဖြစ်သူ ဦးမောင်မောင်ကြီး ကပြောသည်။

“ကျောင်းက လေပြင်းတိုက်ခတ်လို့ တစ်ဝက်လောက်ပျက်စီးသွားပါတယ်။ ပြန်လည် ပြုပြင်ပေးဖို့ ပြည်နယ် ၀န်ကြီးချုပ်နဲ့ လွှတ်တော်ကိုယ်စားလှယ်တွေကို စာနဲ့တင်ပြပြီးပါပြီ။ ဒါပေမယ့် ထူးခြားမလာဘူး။ စာသင်နေရတဲ့ ကလေးတွေဟာ  မပျက်စီးဘဲကျန်ခဲ့တဲ့ ထောင့်မှာ ကပ်ပြီး စာသင်နေရပါတယ်။ အမြန်ဆုံး ပြုပြင်ပေးစေချင်ပါတယ်“ဟု ၎င်းက ဆက်လက် ပြောသည်။

တောလယ်ကျေးရွာ အမက စာသင်ကျောင်းသည် အလျား ၁၂၀ ပေ အနံ ၃၀ ပေရှိကြောင်း၊ ပေ ၆၀ ခန့် ခေါင်မိုး မရှိဘဲ ဖြစ်နေကြောင်း၊ အချိန်မီ မပြုပြင်ပါက ကျန် အဆောက်အအုံပါ ပျက်စီးသွားနိုင်ကြောင်း  ဦးမောင်မောင်ကြီးက ဆိုသည်။


၎င်းစာသင်ကျောင်းတွင် ကျောင်းသူကျောင်းသား ၃၀ ယောက်တက်ရောက်နေပြီး စာသင်ကျောင်းမှာ ထက်ဝက်ခန့်ပျက်စီးသွား၍ စာသင်ရာတွင် အခက်အခဲရှိနေကြောင်း တောလယ်ကျေးရွာ အမက ကျောင်းအုပ်ဆရာကြီး ဦးကျော်လွင် ကပြောသည်။

“ ကျောင်းတစ်ကျောင်းမှာ တစ်ဝက်လောက်ပျက်စီးသွားတော့ ကျန်တဲ့ တစ်ဝက်မှာပဲ စုပြီးစာသင်နေရတယ်။ အခုလို ကျန်တဲ့ တစ်ဘက်မှာ စုပြီးစာသင်နေရတယ်ဆိုတော့ ကျပ်ကျပ်တည်းတည်းဖြစ်တယ်။ မိုးတွေလည်း ပက်တယ်” ဟု ကျောင်းအုပ်ဆရာကြီး ဦးကျော်လွင် ကပြောသည်။

ရမ်းဗြဲမြို့နယ်သည် လက်ရှိ ရခိုင်ပြည်နယ် အစိုးရအဖွဲ့ဝင် စိုက်ပျိုးရေး၊ မွေးမြူရေးနှင့် သတ္တုတွင်း ၀န်ကြီး ဦးကျော်လွှင် အနိုင်ရရှိခဲ့သော မြို့နယ် ဖြစ်သည်။

ကျော်ဝင်း(ကျောက်ဖြူ)
နိရဉ္စရာ
http://www.narinjara.com/
Labels:

Post a Comment

မြန်မာ့ဒီမိုကရေစီရေးလှုပ်ရှားမှုကို အထောက်အကူဖြစ်စေမည့် ထောက်ပြ ဝေဖန် သုံးသပ်ချက်များကို လာရောက် ရေးသားရင်ဖွင့်နိုင်ပါသည်။ လွတ်လပ်စွာ ရေးသားခွင့်ကို အလွဲသုံးစားပြု၍ ရင့်သီးရိုင်းစိုင်း ရုန့်ရင်းကြမ်းတမ်းစွာ ရေးသားခြင်း၊ ညစ်ညမ်းစွာ ဆဲဆိုရေးသားခြင်း၊ ပုဂ္ဂိုလ်ရေး ထိခိုက်နစ်နာမှုရှိစေရန် တိုက်ခိုက်ရေးသားခြင်း၊ အများပြည်သူ ဖတ် ကြည့် နားဆင်ရန် မသင့်လျော်သည့် link များ လာထည့်ခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် အရေးအသားများ ရေးသားခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် link များ လာထည့်ခြင်းများကို လုံးဝ ခွင့်မပြုပါ။ ..Face book button လေးနှိ်ပ်ပြီးလည်း ရေးနိုင်ပါတယ်

[blogger][facebook]

Author Name

Contact Form

Name

Email *

Message *

Powered by Blogger.