အင်းဝမြို့ဟောင်းနဲ့ တံတားဦးမြို့နယ်အတွင်း ကျေးရွာတချို့ ရေနစ်မြုပ်



(မတ္တရာမြို့နယ် စောက်ခြုံပေါက်ကျေးရွာက ကျောင်းဆရာ၊ ဆရာမတွေ လိုက်ပါလာတဲ့ စက်လှေတစ်စီး ဧရာဝတီမြစ်အတွင်းမှာ ဇူလိုင်လ ၂၉ ရက်နေ့က တိမ်းမှောက်စဉ်) Photo: Than Htay
ဧရာဝတီမြစ်ရေ မြင့်တက်မှုကြောင့် မန္တလေးတိုင်းဒေသကြီး တံတားဦးမြို့နယ်က အင်းဝမြို့ဟောင်းနဲ့ ကျေးရွာ ၁၁ ရွာမှာ ရေကြီးနစ်မြုပ်နေပြီး စာသင်ကျောင်း ၉ ကျောင်း ယာယီပိတ်ထားရပါတယ်။

ကယ်ဆယ်ရေးလုပ်ငန်းတွေ ဆောင်ရွက်နေပြီး ရေကင်းတွေလည်း ချထားပေးတယ်လို့ တံတားဦးမြို့နယ် တိုင်းဒေသကြီး လွှတ်တော်ကိုယ်စားလှယ် ဦးဝဏ္ဏအောင် က ပြောပါတယ်။

မနေ့ကစပြီး လူနေအိမ်တွေထဲကို ရေဝင်လာတာဖြစ်ပြီး လက်ရှိ ရေကြီးနစ်မြုပ်တဲ့ ကျေးရွာတွေအနီးက ကုန်းမြင့်ပိုင်းတွေမှာ ကယ်ဆယ်ရေးစခန်း ၃ ခု ဖွင့်လှစ်ထားပါတယ်။

တံတားမြို့နယ်အတွင်းက ဧရာဝတီမြစ်ကမ်းအနီးမှာရှိတဲ့ ကျေးရွာတွေမှာ ရေနစ်မြုပ်နေတဲ့အတွက် သွားလာရေးခက်ခဲနေပြီး လှေတွေနဲ့ သွားလာနေရပါတယ်။

မနေ့က မတ္တရာမြို့နယ် စောက်ခြုံပေါက်ကျေးရွာက ကျောင်းဆရာ၊ ဆရာမတွေ လိုက်ပါလာတဲ့ စက်လှေတစ်စီး ဧရာဝတီမြစ်အတွင်းမှာ တိမ်းမှောက်ခဲ့ပြီး ကျောင်းဆရာတစ်ဦး ဆရာမတစ်ဦးနဲ့ ဒေသခံတစ်ဦး ပျောက်ဆုံးနေဆဲဖြစ်ပါတယ်။

ဧရာဝတီမြစ်ရေဟာ ဟသာင်္တမြို့နယ်နဲ့ ဇလွန်မြို့တွေမှာလည်း စိုးရိမ်ရေမှတ်ထက်ကျော်လွန်နေတာ ၂ ပတ်ခန့်ကြာမြင့်နေပြီဖြစ်ပြီး လက်ရှိအခြေအနေမှာ ရေကင်းစောင့်ကြည့်နေရတယ်လို့ ဒေသခံတွေက ပြောပါတယ်။

RFA Burmese
https://www.facebook.com/rfaburmese
Labels:

Post a Comment

မြန်မာ့ဒီမိုကရေစီရေးလှုပ်ရှားမှုကို အထောက်အကူဖြစ်စေမည့် ထောက်ပြ ဝေဖန် သုံးသပ်ချက်များကို လာရောက် ရေးသားရင်ဖွင့်နိုင်ပါသည်။ လွတ်လပ်စွာ ရေးသားခွင့်ကို အလွဲသုံးစားပြု၍ ရင့်သီးရိုင်းစိုင်း ရုန့်ရင်းကြမ်းတမ်းစွာ ရေးသားခြင်း၊ ညစ်ညမ်းစွာ ဆဲဆိုရေးသားခြင်း၊ ပုဂ္ဂိုလ်ရေး ထိခိုက်နစ်နာမှုရှိစေရန် တိုက်ခိုက်ရေးသားခြင်း၊ အများပြည်သူ ဖတ် ကြည့် နားဆင်ရန် မသင့်လျော်သည့် link များ လာထည့်ခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် အရေးအသားများ ရေးသားခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် link များ လာထည့်ခြင်းများကို လုံးဝ ခွင့်မပြုပါ။ ..Face book button လေးနှိ်ပ်ပြီးလည်း ရေးနိုင်ပါတယ်

[blogger][facebook]

Author Name

Contact Form

Name

Email *

Message *

Powered by Blogger.