ပြည်ထောင်စုဝန်ကြီး ဒေါ်အောင်ဆန်းစုကြည် (၄၉) ကြိမ်မြောက် အာဆီယံနိုင်ငံခြားရေး ၀န်ကြီးများ အစည်းအဝေး ဖွင့်ပွဲ အခမ်းအနားသို့ တက်ရောက်


ဗီယင်ကျန်း ဇူလိုင် ၂၄

(၄၉) ကြိမ်မြောက် အာဆီယံနိုင်ငံခြားရေးဝန်ကြီးများ အစည်းအဝေးဖွင့်ပွဲ အခမ်းအနားကို လာအိုပြည်သူ့ ဒီမိုကရက်တစ် သမ္မတနိုင်ငံ ဗီယင်ကျန်းမြို့ရှိ Don Chan Palace Hotel ၌ ယနေ့ ဒေသစံတော်ချိန် နံနက် ၈ နာရီခွဲတွင် ကျင်းပသည်။

အခမ်းအနားသို့ နိုင်ငံခြားရေးဝန်ကြီးဌာန ပြည်ထောင်စုဝန်ကြီး ဒေါ်အောင်ဆန်းစုကြည်နှင့် အာဆီယံ နိုင်ငံများမှ နိုင်ငံခြားရေးဝန်ကြီးများ၊ ပါပူးဝါးနယူးဂီနီ၊ တီမော လက်စ်တေနှင့် နော်ဝေနိုင်ငံတို့မှ နိုင်ငံခြားရေး ၀န်ကြီးများ၊ အာဆီယံ အတွင်းရေးမှူးချုပ်၊ အာဆီယံအဆင့်မြင့် အရာရှိကြီးများ၊ အာဆီယံဆိုင်ရာ အမြဲတမ်း ကိုယ်စားလှယ်များ၊ အာဆီယံအစိုးရချင်းဆိုင်ရာ လူ့အခွင့် အရေး ကော်မရှင်ကိုယ်စားလှယ်များ၊ ဖိတ်ကြား ထားသည့် ဧည့်သည်တော် များနှင့် ပြည်တွင်းပြည်ပ သတင်းမီဒီယာများ တက်ရောက်ကြသည်။

အခမ်းအနားတွင် လာအိုနိုင်ငံခြားရေးဝန်ကြီး Mr. Saleumxay Kommasith က ကြိုဆိုနှုတ်ခွန်းဆက်စကား ပြောကြားပြီး လာအိုနိုင်ငံ ၀န်ကြီးချုပ် Mr. Thongloun SISOULITH က အဖွင့်အမှာစကား ပြောကြားသည်။
လာအိုနိုင်ငံ ၀န်ကြီးချုပ်က အနာဂတ်အတွက် ပူးပေါင်းဆောင်ရွက်ကြမည့် အာဆီယံ၏ စိတ်ဓာတ်ကို အခြေခံလျက် ၂၀၁၆ ခုနှစ် ဖေဖော်ဝါရီလက ဗီယင်ကျန်းမြို့တွင် ကျင်းပသော အဆီယံ နိုင်ငံခြားရေး ၀န်ကြီးများ၏ သီးသန့်အစည်းအဝေးနှင့် ချမှတ်ခဲ့သော အာဆီယံသဘာပတိ ၂၀၁၆ ၏ ရည်မှန်းချက်အဖြစ် Turning Vision into Reality for a Dynamic ASEAN Community ဟူသောရည်မှန်းချက်နှင့် ဦးစားပေး အချက် ရှစ်ချက်ကို လာအိုပြည်သူ့ သမ္မတနိုင်ငံက အဆိုပြုကမ်းလှမ်းခဲ့ပါကြောင်း။

ထို့အပြင် IAI Work Plan III နှင့် Master Plan for ASEAN Connectivity 2025 ဟူသော အရေးကြီးသည့် မှတ်တမ်းမှတ်ရာ နှစ်ခုကိုလည်း အာဆီယံအသိုက် အ၀န်း ရည်မှန်းချက် ၂၀၂၅ ၏ အရေးကြီးသော အစိတ်အပိုင်းများအဖြစ် တည်ရှိနေရန် ၂၀၁၆ ခုနှစ် စက်တင်ဘာလတွင် အာဆီယံ ခေါင်းဆောင်များက ရွေးချယ်ချမှတ်လိမ့် မည် ဖြစ်ကြောင်း၊
၄၉ ကြိမ်မြောက် အာဆီယံနိုင်ငံခြားရေး ၀န်ကြီးများ အစည်းအဝေးနှင့် ဆက်စပ် အစည်းအဝေးများတွင် အာဆီယံအဖွဲ့က အာဆီယံအသိုက်အ၀န်း ရည်မှန်းချက် ၂၀၂၅ အကောင်အထည်ဖော်နေမှု၊ ပြည်ပ မိတ်ဖက်နိုင်ငံများနှင့် ပူးပေါင်းဆောင်ရွက်ရေး မြှင့်တင်မှု အပေါ် အာရုံစိုက်လုပ်ဆောင်နေချိန်ဖြစ်သည့် အထူး အရေးကြီးသော အချိန်ကာလတွင် ကျင်းပလိုက်သော အစည်းအဝေးများဖြစ်ကြောင်း၊

တစ်ချိန်တည်းမှာပင် အခွင့်အလမ်းနှင့် စိန်ခေါ်မှု နှစ်မျိုးစလုံးကို ပေးစွမ်းနိုင် သည့် မြန်ဆန်သော ပြောင်းလဲမှု များကို ဒေသတွင်းနှင့် နိုင်ငံတကာတို့က ဆက်လက်ရင်ဆိုင်နေရချိန်ဖြစ်ကြောင်း၊ ကမ္ဘာ့နိုင်ငံများအနေဖြင့် ပိုင်နက်အငြင်းပွားမှု၊ အစွန်းရောက်မှုနှင့် အကြမ်းဖက်မှု၊ သဘာဝဘေး အန္တရာယ်၊ ရာသီဥတုပြောင်းလဲမှု၊ ဒုက္ခသည်များပြဿနာ၊ တရား မ၀င် ရွှေ့ပြောင်းသွားလာမှု၊ လူမှောင်ခိုကုန်ကူးမှု ကဲ့သို့သော သမားရိုးကျနှင့် သမားရိုးကျ မဟုတ်သော လုံခြုံရေးဆိုင်ရာ စိန်ခေါ်မှုနှင့် ရင်ဆိုင်နေ ရကြောင်း၊ ထို့အပြင် မကြာသေးမီ က ဖြစ်ပွားသည့် ဥရောပသမဂ္ဂမှ ဗြိတိန်နိုင်ငံခွဲထွက်မှု အပါအ၀င် ကမ္ဘာအနှံ့တွင် ဖြစ်ပွားနေသော ဖြစ်ရပ် အချို့နှင့် ပတ်သက်ပြိး မိမိတို့ သေချာစွာ သဘောပေါက် နားလည်ရန် လိုအပ်ကြောင်း၊

အာဆီယံ နိုင်ငံခြားရေး ၀န်ကြီးများနှင့် ပြင်ပမိတ်ဖက်များ အနေဖြင့် ၂၀၁၆ ခုနှစ် စက်တင်ဘာလ အစောပိုင်းတွင် ဗီယင်ကျန်းမြို့၌ ကျင်းပမည့် ၂၈ ကြိမ်မြောက် အာဆီယံ ထိပ်သီးအစည်းအဝေး၊ ၂၉ ကြိမ်မြောက်အာဆီယံ ထိပ်သီး အစည်းအဝေးနှင့် ဆက်စပ်အစည်းအဝေးများ အောင်မြင်စွာ ကျင်းပနိုင်ရေးအတွက် ပြင်ဆင်ရန်နှင့် ဒေသတွင်းနှင့် ကမ္ဘာအရပ်ရပ်ရှိ တည်ငြိမ်အေးချမ်းရေးနှင့် သာယာဝပြော ရေးမြှင့်တင်ရန် ပွင့်လင်းပြီး အပြုသဘောဆောင်သော ဆွေးနွေးမှုများ လုပ်ဆောင်ကြ လိမ့်မည် ဟု မျှော်လင့်ပါကြောင်း၊

နိဂုံးချုပ်အားဖြင့် လွန်ခဲ့သော လေးဆယ့်ကိုးနှစ်တာ ကာလအတွင်း အာဆီယံအဖွဲ့ ရရှိခဲ့သည့် သိသာ ထင်ရှားသော အောင်မြင်မှုများကို မိမိတို့အားလုံးအသိ အမှတ်ပြုသည် ဟု ယုံကြည်ပါကြောင်း၊ ထိုကာလ အတွင်း မိမိတို့အနေဖြင့် ကွဲပြားခြားနားသော အဖွဲ့ဝင် ဆယ်နိုင်ငံပါဝင်သော အာာဆီယံ အသိုက်အ၀န်းအား ထူထောင်ခဲ့ပြီး အဖွဲ့ဝင်နိုင်ငံ အချင်းချင်း အကြားတွင် ထိရောက်သော ပူးပေါင်း ဆောင်ရွက်မှုများ ကိုလည်း ဖေါ်ဆောင်နိုိင်ခဲ့ကြောင်း၊

မိမိတို့အနေဖြင့် ပြင်ပမိတ်ဖက်များနှင့်လည်း ပူးပေါင်းဆောင် ရွက်မှုများ မြှင့်တင်နိုင်ခဲ့ကြောင်း။

ထို့အပြင်ဒေသအတွင်းနှင့် နိုင်ငံတကာ မျက်နှာစာတွင် အာဆီယံ၏ အခန်းကဏ္ဍ နှင့်ပုံရိပ်ကို မြှင့်တင်နိုင်ခဲ့ကြောင်း၊ ယင်းအောင်မြင်မှုများသည် အာဆီယံ၏ ရည်မှန်းချက်နှင့် အခြေခံမူများကို မိမိတို့ အမြဲတစေ လိုက်လံကျင့်သုံးခဲ့သည့်အတွက် ရရှိခဲ့ခြင်းဖြစ်ကြောင်း၊ ထို့အပြင် ဒေသတွင်းရှိ အာဆီယံ၏ အခန်းကဏ္ဍကို ထိန်းသိမ်း မြှင့်တင်ခြင်းဖြင့် အာဆီယံ အား ဒေသဆိုင်ရာနှင့် နိုင်ငံတကာ ပူးပေါင်း ဆောင်ရွက်မှု မူဘောင်များ အတွင်း ဆက်လက် တည်ရှိရန် အထောက်အကူပြုမည်ဟု ပြောကြား လိုကြောင်းဖြင့် ပြောကြားသည်။

ယင်းနောက် အခမ်းအနားသို့ တက်ရောက်လာကြသည့် အာဆီယံနိုင်ငံခြားရေး ၀န်ကြီး များနှင့် အာဆီယံ အတွင်းရေးမှူးချုပ်တို့သည် လာအိုနိုင်ငံ ၀န်ကြီးချုပ်နှင့်အတူ စုပေါင်း၍ မှတ်တမ်းတင် ဓါတ်ပုံရိုက်သည်။
ထို့နောက် အာဆီယံနိုင်ငံခြားရေး ၀န်ကြီးများနှင့် အာဆီယံ အတွင်းရေးမှူးချုပ် တို့အား လာအိုနိုင်ငံ ၀န်ကြီးချုပ်က ရင်းရင်းနှီးနှီး နှုတ်ဆက်သည်။

(၄၉) ကြိမ်မြောက် အာဆီယံနိုင်ငံခြားရေး ၀န်ကြီးများ မျက်နှာစုံညီ အစည်းအဝေးကို အမျိုးသား ကွန်ဗင်းရှင်း ဗဟိုဌာန၌ ဒေသစံတော်ချိန် နံနက် ၁၁ နာရီတွင် ကျင်းပရာ အာဆီယံ နိုင်ငံခြားရေးဝန်ကြီးများ၊ အာဆီယံအတွင်းရေးမှူးချုပ်နှင့် အဖွဲ့ဝင်ကိုယ်စားလှယ်များ တက်ရောက်ကြသည်။

အစည်းအဝေးတွင် အာဆီယံအသိုက်အ၀န်း မျှော်မှန်းချက် ၂၀၂၅ အား အကောင် အထည်ဖော်မှုနှင့် တိုးတက်မှု၊ အထူးသဖြင့် အာဆီယံနိုင်ငံရေး၊ လုံခြုံရေး အသိုက်အ၀န်း အပြီးသတ်စီမံကိန်း ၂၀၂၅ အား အကောင် အထည်ဖော်မှုတွင် တိုးတက်မှုတို့ကို ဆွေးနွေး ခဲ့ကြသည်။

ထို့ပြင် အာဆီယံ အစိုးရများအကြား လူ့အခွင့်အရေး ကော်မရှင် (AICHR) ၂၀၁၇ ၏ ဦးစားပေး အစီအစဉ်များနှင့် လှုပ်ရှား ဆောင်ရွက်မှုများကို အတည်ပြုခဲ့ပြီး အရှေ့တောင်အာရှ ၌ ချစ်ကြည်ရေးနှင့် ပူးပေါင်းဆောင် ရွက်ရေးစာချုပ် (TAC) ၏ နှစ် ၄၀ မြောက် အခါသမယ အပေါ် အာဆီယံနိုင်ငံခြားရေး ၀န်ကြီးများ၏ ကြေညာချက်ကို ချမှတ်ခဲ့သည်။

အစည်းအဝေးက ချီလီ၊ အီဂျစ်၊ အီရန်နှင့် မော်ရိုကို နိုင်ငံတို့က TAC သို့ ၀င်ရောက်ရေး မေတ္တာ ရပ်ခံချက်ကိုလည်း သဘောတူခဲ့သည်။
အာဆီယံနိုင်ငံခြားရေး ၀န်ကြီးများသည် အာဆီယံ၏ ပြည်ပဆက်ဆံရေးကို တိုးမြှင့်ရေး နှင့် အာဆီယံက ဦးဆောင်သော ယန္တရားများအတွင်း အာဆီယံ၏ အဓိက ကျမှုတို့ကိုလည်း ဆွေးနွေးခဲ့ကြသည်။ ၎င်းအပြင် ၀န်ကြီးများသည် အကြမ်းဖက်ဝါဒ၊ လူကုန်ကူးမှု၊ တရားမ၀င် မူးယစ်ဆေးဝါးရောင်းဝယ်မှု၊ သဘာဝဘေး အန္တရာယ်များ၊ ပုံမှန်မဟုတ်သော ကူးပြောင်းဝင် ရောက်မှုနှင့် အရှေ့အလယ်ပိုင်း၊ ကိုရီးယားကျွန်းဆွယ်နှင့် တောင်တရုတ် ပင်လယ်တို့၌ ဖြစ်ပေါ် တိုးတက်ပြောင်းလဲမှုများအား ရင်းနှီးပွင့်လင်းပြီး အပြုသဘောဖြင့် အမြင်ချင်း ဖလှယ်ခဲ့ကြသည်။

အာဆီယံနိုင်ငံခြားရေး ၀န်ကြီးများ၏ သီးသန့် အစည်းအဝေး ကို ဒေသစံတော်ချိန် မွန်းလွဲ ၂ နာရီတွင် ကျင်းပရာ အာဆီယံဒေသ တွင်း နိုင်ငံရေး၊ စီးပွားရေးနှင့် လူမှုရေး ဆိုင်ရာဖြစ်ပေါ်တိုးတက်မှုများ၊ အာဆီယံ ပြင်ပ ဆက်ဆံရေးနှင့် ဒေသတွင်းနှင့် နိုင်ငံတကာ ကိစ္စရပ်များကို အမြင်ချင်း ဖလှယ်ဆွေးနွေးကြသည်။

ထို့နောက် ပြည်ထောင်စုဝန်ကြီး ဒေါ်အောင်ဆန်းစုကြည်သည် (၇) ကြိမ်မြာက် မဲခေါင်- ဂင်္ဂါ ပူးပေါင်း ဆောင်ရွက်ရေးဆိုင်ရာ အစည်းအဝေးနှင့် (၆) ကြိမ်မြောက် မဲခေါင် - ကိုရီးယား နိုင်ငံခြားရေး ၀န်ကြီးများ အစည်းအဝေးသို့ တက်ရောက်သည်။

(၇) ကြိမ်မြာက် မဲခေါင်- ဂင်္ဂါ ပူးပေါင်းဆောင်ရွက်ရေးဆိုင်ရာ အစည်းအဝေးတွင် မဲခေါင်- ဂင်္ဂါ ခရီးသွား လာရေး၊ ပညာရေး၊ ပို့ဆောင်ရေးနှင့် ယဉ်ကျေးမှုကဏ္ဍများ၌ ပူးပေါင်း ဆောင်ရွက်မှုမြှင့် တင်ရေးတို့ကို ဆွေးနွေးကြသည်။

မဲခေါင်- ဂင်္ဂါ ပူးပေါင်းဆောင်ရွက်မှုကို အဖွဲ့ဝင်နိုင်ငံများဖြစ်သည့် မြန်မာ-လာအို-ကမ္ဘောဒီယား-ထိုင်း-အိန္ဒိယနှင့် ဗီယက်နမ်နိုင်ငံတို့က ၂၀၀၀ ပြည့်နှစ် နိုဝင်ဘာ ၁၁ ရက်တွင် လာအိုနိုင်ငံတွင် ကျင်းပသည့် ပထမအကြိမ် မဲခေါင်- ဂင်္ဂါ ပူးပေါင်းဆောင်ရွက်မှု ၀န်ကြီးအဆင့် အစည်းအဝေးတွင် စတင်ဖွဲ့စည်းခဲ့ကြောင်း သိရသည်။

(၆) ကြိမ်မြောက် မဲခေါင် - ကိုရီးယားသမ္မတနိုင်ငံ နိုင်ငံခြားရေးဝန်ကြီးများ အစည်းအဝေးတွင် မဲခေါင်- ကိုရီးယားသမ္မတနိုင်ငံ ပူးပေါင်းဆောင်ရွက်မှု၏ ဖြစ်ပေါ် တိုးတက်မှု အခြေအနေများနှင့် အနာဂါတ်ပူးပေါင်း ဆောင်ရွက်မှု အစီအစဉ်များကို ဆွေးနွေးကြသည်။

MOI Webportal Myanmar
https://www.facebook.com/MOIWebportalMyanmar/

COMMENTS

Name

art,1,article,1317,cartoon variety,22,crime,68,culture,1,documentary,8,Entertainment,8,health,33,history,2,international,7580,interview,221,knowledge,8,Live,8,LocalNews,16132,news,2842,opinion,767,photos,203,poem,116,satires,39,song,12,speech,12,sports,151,statement,59,technic,58,translate,34,video,1068,voice,76,
ltr
item
dawnmanhon: ပြည်ထောင်စုဝန်ကြီး ဒေါ်အောင်ဆန်းစုကြည် (၄၉) ကြိမ်မြောက် အာဆီယံနိုင်ငံခြားရေး ၀န်ကြီးများ အစည်းအဝေး ဖွင့်ပွဲ အခမ်းအနားသို့ တက်ရောက်
ပြည်ထောင်စုဝန်ကြီး ဒေါ်အောင်ဆန်းစုကြည် (၄၉) ကြိမ်မြောက် အာဆီယံနိုင်ငံခြားရေး ၀န်ကြီးများ အစည်းအဝေး ဖွင့်ပွဲ အခမ်းအနားသို့ တက်ရောက်
https://3.bp.blogspot.com/-_emMEUNvoa0/V5TRcDbHqdI/AAAAAAAArek/_50IKcwuElIatfYAzZ7wnQkrlxTk4PY4ACLcB/s400/1.jpg
https://3.bp.blogspot.com/-_emMEUNvoa0/V5TRcDbHqdI/AAAAAAAArek/_50IKcwuElIatfYAzZ7wnQkrlxTk4PY4ACLcB/s72-c/1.jpg
dawnmanhon
http://www.dawnmanhon.com/2016/07/blog-post_332.html
http://www.dawnmanhon.com/
http://www.dawnmanhon.com/
http://www.dawnmanhon.com/2016/07/blog-post_332.html
true
4976479704313592870
UTF-8
Loaded All Posts Not found any posts VIEW ALL Readmore Reply Cancel reply Delete By Home PAGES POSTS View All RECOMMENDED FOR YOU LABEL ARCHIVE SEARCH ALL POSTS Not found any post match with your request Back Home Sunday Monday Tuesday Wednesday Thursday Friday Saturday Sun Mon Tue Wed Thu Fri Sat January February March April May June July August September October November December Jan Feb Mar Apr May Jun Jul Aug Sep Oct Nov Dec just now 1 minute ago $$1$$ minutes ago 1 hour ago $$1$$ hours ago Yesterday $$1$$ days ago $$1$$ weeks ago more than 5 weeks ago Followers Follow THIS PREMIUM CONTENT IS LOCKED STEP 1: Share. STEP 2: Click the link you shared to unlock Copy All Code Select All Code All codes were copied to your clipboard Can not copy the codes / texts, please press [CTRL]+[C] (or CMD+C with Mac) to copy