လားရှိုး၌ ၀က်သားတုတ်ထိုးဆိုင်တွင် စားသောက်နေသူများအား အုပ်စုဖြင့်ရိုက်နှက်မှုဖြစ်ပွား


(လားရှိုး၊ ဇူလိုင် ၅)

ရှမ်းပြည်နယ် လားရှိုးမြို့ ၊ ရပ်ကွက်(၅)၊ နယ်မြေ(၁၅)၊ ခိုင်ရွှေဝါလမ်းနှင့် (၁၉)လမ်းထောင့်၊ ကိုကာကိုလာစားသောက်ဆိုင်အနီး၊ ညနေခင်းဖွင့်လှစ်သောစားသောက်ဆိုင်တန်း၌ ၀က်သားတုတ်ထိုး
ဆိုင်တွင်စားသောက်နေသူအချို့ အား ခေါက်ဆွဲဆိုင်တွင်စားသောက်နေသူ (၈)ဦးခန့် က ဇူလိုင်လ (၅)ရက်ညပိုင်းက တုတ်၊ ခဲများဖြင့် ၀င်ရောက်ရိုက်နှက်မှုဖြစ်ပွားခဲ့သဖြင့် အနီးရှိနယ်မြေရဲကင်းမှ လုံခြုံရေး ရဲတပ်ဖွဲ့ ဝင်များက ၀င်ရောက်ဟန့် တားကာ ဖမ်းဆီးအရေးယူခဲ့ရကြောင်း လားရှိုးမြို့ မရဲစခန်းမှ တာဝန်ရှိသူတစ်ဦးက ပြောကြားသည်။

အဆိုပါအချိန်က လားရှိုးမြို့ မရဲစခန်းမှ ရပ်ကွက်(၅)နယ်ထိန်း ရဲတပ်ကြပ်ကြီး ကျော်ဇေယျ သည် အထက်မန်အိုင် ကျေးရွာမှ ရပ်မိရပ်ဖများလိုက်ပါလျက် မန်အိုင်ကျေးရွာအတွင်း နယ်မြေသတင်းစုံစမ်းစဉ် ဖော်ပြပါကိုကာကိုလာ ဆိုင်အနီးသို့ အရောက်တွင် ခေါက်ဆွဲဆိုင်တစ်ဆိုင်မှ အင်အား(၈)ဦးခန့် ပါဝင်သောလူငယ်များမှ ၀က်သားတုတ်ထိုးဆိုင်တွင်စားသောက်လျက်ရှိသော အမည်မသိလူငယ်များအား တုတ်၊ခဲများဖြင့် ၀င်ရောက်ထု၊ရိုက်နှက်လျက်ရှိပြီး လူတစ်ဦးမှာ လဲကျသွားပြီးပြန်လည်ထမလာနိုင်တော့သည်ကိုတွေ့ ရှိသဖြင့် ပြစ်မှုကျူးလွန်နေသူများအား ၀င်ရောက် တားဆီးရာ အဆိုပါလူငယ် (၈)ဦးခန့် က ပြန်လည်ရန်ပြုရိုက်နှက်ကြသဖြင့် ရဲတပ်ကြပ်ကြီးကျော်ဇေယျ တွင် ဦးခေါင်းဖူးယောင်၊ ခေါင်းမူးဒဏ်ရာများရရှိခဲ့ကြောင်း၊ သို့ ဖြစ်၍ အနီးရှိအမှတ်(၃) နယ်မြေရဲကင်းမှ တပ်ဖွဲ့ ဝင်များ၊ အရန်မီးသတ်တပ်ဖွဲ့ ဝင်များအားကူညီခေါ်ယူကာ ပြစ်မှုကျူးလွန်သူများအား လိုက်လံဖမ်းဆီးခဲ့ကြောင်း သိရသည်။


ထိုသို့ လိုက်လံဖမ်းဆီးရာတွင် အဆိုပါ လူငယ်များက အသာတကြည်အဖမ်းခံခြင်းမရှိဘဲ ပြန်လည်ရိုက်နှက်ကြ သဖြင့် ရဲတပ်ဖွဲ့ ဝင်များနှင့် အရန်မီးသတ်တပ်ဖွဲ့ ဝင်များမှ ခုခံဖမ်းဆီးရာ ပြစ်မှုကျူးလွန်သူ (၂)ဦးအား ဖမ်းဆီးရမိခဲ့ပြီး ကျန်လူငယ်များမှာ ထွက်ပြေးလွတ်မြောက်သွားခဲ့၍ လိုက်လံဖမ်းဆီးခဲ့ကြောင်း၊ ၄င်းတို့အဖွဲ့မှာ တစ်ဦးသည် ရပ်ကွက်(၅)၊ နယ်မြေ(၁၀) (၃၇)လမ်း၌ (၂၀)လမ်း ဘက်မှ (၁၉)လမ်းဘက်သို့ ထွက်ပြေးစဉ် ကတ္တရာလမ်းပေါ်၌လဲကျပြီး ဆက်လက်ထွက်ပြေးရာ (၃၇)လမ်းနှင့် (၁၉) လမ်းထောင့်ရှိ အနက်(၆)ပေခန့် ရှိသော လမ်းဘေးကွန်ကရစ်ရေမြောင်းအတွင်းသို့  ပြုတ်ကျခဲ့သဖြင့် ဖမ်းဆီးရမိခဲ့ကြောင်း သိရသည်။

ဖြစ်စဉ်တွင် ၀က်သားတုတ်ထိုးဆိုင်၌ ၀ိုင်းဝန်းရိုက်နှက်ခြင်းခံရသူ မောင် ---- (၃၇)နှစ်၊ (ဘ) ဦး --- ၊ ဗမာ/ဗုဒ္ဓ၊ သမ၀ါယမစာရေး၌ နဖူး၊ ၀ဲပါး၊ နူတ်ခမ်းအပေါ်ယာဘက်တို့ တွင် ဖူးယောင် ပွန်းပဲ့ပေါက်ပြဲဒဏ်ရာများရရှိခဲ့ပြီး ထိုစဉ်က ၄င်းနှင့်အတူစားသောက်နေခဲ့သောသူတွင်လည်း ပွန်းပဲ့ ဒဏ်ရာများ ရရှိခဲ့ကြောင်း သိရသည်။

သို့ ဖြစ်၍ ၀က်သားတုတ်ထိုးဆိုင်တွင်စားသောက်နေစဉ် အကြောင်းမဲ့ ၀ိုင်းဝန်းထိုးကြိတ်ရိုက်နှက်ခဲ့ကြသည့် ပြစ်မှုကျူးလွန်သူ လူငယ် (၈)ဦးအား လားရှိုးမြို့ မရဲစခန်း၌ (ပ)၂၇၂/၁၆၊ ရာဇသတ်ကြီး ပုဒ်မ ၃၂၅/၁၁၄ ဖြင့် အမှုဖွင့်လှစ်အရေးယူဆောင်ရွက်လျက်ရှိကြောင်း သိရသည်။


ကိုးတောင်ဝင့်
ကမ္ဘောဇတိုင်းသတင်းဂျာနယ်
https://www.facebook.com/kanbawzatai/
Labels:

Post a Comment

မြန်မာ့ဒီမိုကရေစီရေးလှုပ်ရှားမှုကို အထောက်အကူဖြစ်စေမည့် ထောက်ပြ ဝေဖန် သုံးသပ်ချက်များကို လာရောက် ရေးသားရင်ဖွင့်နိုင်ပါသည်။ လွတ်လပ်စွာ ရေးသားခွင့်ကို အလွဲသုံးစားပြု၍ ရင့်သီးရိုင်းစိုင်း ရုန့်ရင်းကြမ်းတမ်းစွာ ရေးသားခြင်း၊ ညစ်ညမ်းစွာ ဆဲဆိုရေးသားခြင်း၊ ပုဂ္ဂိုလ်ရေး ထိခိုက်နစ်နာမှုရှိစေရန် တိုက်ခိုက်ရေးသားခြင်း၊ အများပြည်သူ ဖတ် ကြည့် နားဆင်ရန် မသင့်လျော်သည့် link များ လာထည့်ခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် အရေးအသားများ ရေးသားခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် link များ လာထည့်ခြင်းများကို လုံးဝ ခွင့်မပြုပါ။ ..Face book button လေးနှိ်ပ်ပြီးလည်း ရေးနိုင်ပါတယ်

[blogger][facebook]

Author Name

Contact Form

Name

Email *

Message *

Powered by Blogger.