ဒက္ကာမြို့ စီးနှင်းမှု တစ်ခုအတွင်း စစ်သွေးကြွ ၉ ဦးသေဆုံး


နိရဉ္စရာ၊ ဇူလှိုင် ၂၆

ဘင်္ဂလာဒေ့ရ်ှနိုင်ငံ ဒက္ကားမြို့တော်တွင် ယနေ့နံနက်က ပြုလုပ်သော အထူး လုံခြုံရေး တပ်ဖွဲ့ဝင်များ၏ စီးနှင်းတိုက်ခိုက်မှု တစ်ခု အတွင်း စစ်သွေးကြွ ၉ ဦး သေဆုံးသွားကြောင်း ဘင်္ဂလာဒေ့ရှ့်က လာသော သတင်းများတွင် ဖော်ပြသည်။

လုံခြုံရေးတပ်ဖွဲ့များ (ရဲ၊ RAB ခေါ် အထူးမှုခင်းနှိမ်နှင်းရေး တပ်ဖွဲ့၊ စပါယ်ရှယ်ရဲတပ်ဖွဲ့) စုပေါင်းထားသော SWAT အဖွဲ့မှ Operation Storm 26 ဟု အမည်ပေးထားသော စစ်ဆင်ရေးတစ်ခုကို ဒက္ကားမြို့တော်၏ Kalyanpur အရပ်တွင် ပြုလုပ်စဉ် အတွင်း စစ်သွေးကြွ ၉ ဦးကို ဘင်္ဂလာဒေ့ရှ် လုံခြုံရေးတပ်ဖွဲ့က သုတ်သင်နိုင်ခဲ့သည်ဟု ဆိုသည်။

နောက်ထပ် တစ်ဦးကိုမူ သေနတ် ဒဏ်ရာဖြင့် အရှင် ဖမ်းဆီးရမိပြီး ဆေးရုံတင်ထားရကာ သူ့ကိုယ်သူ IS အဖွဲ့ဝင်ဟု ထုတ်ဖော်ပြောဆိုသည်ဟု ဆိုသည်။

နံနက် ၅ နာရီ ၅၁ မိနစ်အချိန်တွင် စစ်ဆင်ရေးကို စတင်ခဲ့ပြီး တစ်နာရီ ကြာမြှင့်ခဲ့သည်ဟု သိရသည်။

ဘင်္ဂလာဒေ့ရှ် ရဲတပ်ဖွဲ့နှင့် အထူး မူခင်းနှိမ်နှင်းရေး တပ်ဖွဲ့တို့မှ Kalyanpur ရပ်ကွက် အမှတ် ၅ ရှိ “Jahaj Building” အဆောက်အအုံအား မနက် အစောကြီး ၁၂ နာရီ ၄၅ မိနစ်မှ စတင် ၀ိုင်းထားခဲ့ပြီး စစ်သွေးကြွများက လက်လုပ်ဗုံးများဖြင့် ပြန်လည် တိုက်ခိုက်ခဲ့သည်။ နံနက် ၅ နာရီ ၅၁ မိနစ်တွင် ၎င်းအဆောက်အအုံအား SWAT တပ်ဖွဲ့ဝင်များက ၀င်ရောက် စီးနှင်းတိုက်ခိုက်ခဲ့သည်။

ဒက္ကားမြို့ ဂူလ်ရှန် သံတမန် ရပ်ကွက်အတွင်းရှိ ကဖေးဆိုင်တစ်ခုအား ၀င်ရောက် စီးနှင်းတိုက်ခိုက်မှု ဇူလှိုင်လ ၁ ရက်နေ့ ဖြစ်ပွားခဲ့ပြီး နိုင်ငံခြားသားများ အပါအ၀င် လူ ၂၀ သေဆုံးခဲ့သည်။

ယင်းနောက်ပိုင်းတွင် ဘင်္ဂလာဒေ့ရ်ှနိုင်ငံတွင် အကြမ်းဖက်အဖွဲ့များအား နှိမ်နှင်းမှု စစ်ဆင်ရေးကို အကြီးအကျယ် တိုးမြင့် ပြုလုပ်လာခဲ့ရာ ယခု အကြိမ်သည် လုံခြုံရေး တပ်ဖွဲ့ဝင်များ၏ လက်ချက်ဖြင့် စစ်သွေးကြွ အဖွဲ့ဝင် အရေအတွက် အများဆုံးသေဆုံးခဲ့သော စီးနှင်းတိုက်ခိုက်မှု ဖြစ်သည်။

နိရဉ္စရာ
http://www.narinjara.com/
Labels:

Post a Comment

မြန်မာ့ဒီမိုကရေစီရေးလှုပ်ရှားမှုကို အထောက်အကူဖြစ်စေမည့် ထောက်ပြ ဝေဖန် သုံးသပ်ချက်များကို လာရောက် ရေးသားရင်ဖွင့်နိုင်ပါသည်။ လွတ်လပ်စွာ ရေးသားခွင့်ကို အလွဲသုံးစားပြု၍ ရင့်သီးရိုင်းစိုင်း ရုန့်ရင်းကြမ်းတမ်းစွာ ရေးသားခြင်း၊ ညစ်ညမ်းစွာ ဆဲဆိုရေးသားခြင်း၊ ပုဂ္ဂိုလ်ရေး ထိခိုက်နစ်နာမှုရှိစေရန် တိုက်ခိုက်ရေးသားခြင်း၊ အများပြည်သူ ဖတ် ကြည့် နားဆင်ရန် မသင့်လျော်သည့် link များ လာထည့်ခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် အရေးအသားများ ရေးသားခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် link များ လာထည့်ခြင်းများကို လုံးဝ ခွင့်မပြုပါ။ ..Face book button လေးနှိ်ပ်ပြီးလည်း ရေးနိုင်ပါတယ်

[blogger][facebook]

Author Name

Contact Form

Name

Email *

Message *

Powered by Blogger.