မြစ်ရေကြီး၍ င၀က်စွယ်ကျေးရွာ စာသင်ကျောင်းရေနစ်မြုပ်


နိရဉ္စရာ၊ ဇူလှိုင် ၄ ရက်

ရခိုင်ပြည်နယ် ပေါက်တောမြို့င၀က်စွယ်ကျေးရွာရှိ အလယ်တန်း(ခွဲ)ကျောင်းမှာ မြစ်ရေကြီးမှုကြောင့် ရေနစ်နေပြီး ကလေးသူ ငယ်များ ကျောင်း မတက်ရဘဲ ဖြစ်နေကြာင်း သိရသည်။

ယင်းင၀စွယ်ကျေးရွာ အလယ်တန်း(ခွဲ)တွင် အလယ်တန်းပြအဖြစ် တာဝန်ထမ်းဆောင်နေသည့် ဆရာဦးဇော်လွင်မောင်အား ဆက်သွယ်မေးမြန်းရာ သူက “ ခုလိုမိုးရာသီဆိုတော့ မိုးကလည်းကြီး မြစ်ရေကလည်းကြီးတော့ ကျောင်းသွားလမ်းတွေနစ်မြုပ်တယ်။ ကျောင်းစာ သင်ခန်းကိုပါ ရေ၀င် ပါတယ်။ ခုလိုအချိန်ဆို ကျွန်တော်တို့ စာသင်ဖို့အတွက် အခက်အခဲဖြစ်လေ့ရှိပါတယ်။ ကျောင်းသားတွေ အတွက်ကလည်း သွားလာရအဆင်မပြေဘူး” ဟုနိရဉ္စရာသို့ ပြောသည်။

င၀က်စွယ်ကျေးရွာမှ ဒေသခံဆရာမ ဒေါ်စိုးစိုးဝင်းကလည်း “ ကျွန်မတို့ကျောင်းက ရေပေါ်ကျောင်းလို ဖြစ်နေပါတယ်။ မြစ်ရေကြီးရင် ကျောင်းတက်လို့မရတော့ဘူး။ ကလေးတွေအ ခက်အခက်ဖြစ်ပါတယ်။ ရွာထဲလည်း ရေ၀င်တော့ ပိုဆိုးတာပေါ့” ဟု ပြောသည်။

င၀က်စွယ်ကျေးရွာမှ ကျောင်းသားမိဘတစ်ဦးဖြစ်သူ ဦးထွန်းအေးကျော်က “ကျွန်တော်တို့ အဓိက ကျောင်းသွားလမ်းမှာ ချောင်းနဲ့ နီးတယ်။ လမ်းကို ကျောက်ချောလေးတွေနဲ့ ဆယ်ထားတဲ့ သဘော ရှိပြီးတော့ အနိမ့်အမြင့် မညီဘူး အန္တရာယ်များပါတယ်။ ဒီလိုရေကြီးတဲ့ အချိန်ဆို သူငယ်တန်းကနေ ၄ တန်းအထိ ကလေးတွေအတွက်အဆင် မပြေပါဘူး။ အစိုးရတွေအနေနဲ့လည်း ကြည့်ရှုလုပ်ပေးရင် ပိုအဆင်ပြေမှာပါ” ဟု ပြောသည်။

င၀က်စွယ်ကျေးရွာဟာ အိမ်ခြေ ၄၀၀ နီးပါးရှိပြီးတော့ အလယ်တန်းကျောင်း(ခွဲ)တွင် ကျောင်းသား အင်အား ၄၀၀ ကျော်ရှိကြောင်း မြစ်ရေကြီး ချိန်တွင် ကျောင်ခန်းထိ ရေ၀င်လေ့ရှိကြောင်း သိရသည်။

ယခုလိုရေကြီးပြီး ကျောင်းခန်းထဲရေ၀င်သည်မှာ လွန်ခဲ့တဲ့နှစ်နှစ်လောက်ပင် စပြီး ကျောင်း ဆောင်ကိုမြင့်တင်ဖို့ လိုကြောင်းဆရာ ဦးဇော်လွင်ဦးမှ ဆက်ပြောသည်။

ရွှေရအောင်(တောင်ကုတ်)
ဓာတ်ပုံ- ဇော်လွင်မောင်
Narinjara
https://www.facebook.com/Narinjara
Labels:

Post a Comment

မြန်မာ့ဒီမိုကရေစီရေးလှုပ်ရှားမှုကို အထောက်အကူဖြစ်စေမည့် ထောက်ပြ ဝေဖန် သုံးသပ်ချက်များကို လာရောက် ရေးသားရင်ဖွင့်နိုင်ပါသည်။ လွတ်လပ်စွာ ရေးသားခွင့်ကို အလွဲသုံးစားပြု၍ ရင့်သီးရိုင်းစိုင်း ရုန့်ရင်းကြမ်းတမ်းစွာ ရေးသားခြင်း၊ ညစ်ညမ်းစွာ ဆဲဆိုရေးသားခြင်း၊ ပုဂ္ဂိုလ်ရေး ထိခိုက်နစ်နာမှုရှိစေရန် တိုက်ခိုက်ရေးသားခြင်း၊ အများပြည်သူ ဖတ် ကြည့် နားဆင်ရန် မသင့်လျော်သည့် link များ လာထည့်ခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် အရေးအသားများ ရေးသားခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် link များ လာထည့်ခြင်းများကို လုံးဝ ခွင့်မပြုပါ။ ..Face book button လေးနှိ်ပ်ပြီးလည်း ရေးနိုင်ပါတယ်

[blogger][facebook]

Author Name

Contact Form

Name

Email *

Message *

Powered by Blogger.