မြောက်ကိုးရီးယား အမေရိကန်နဲ့ သံတမန် အဆက်အသွယ်ဖြတ်



မြောက်ကိုရီးယားခေါင်းဆောင် Kim Jong Un
လူ့အခွင့်အရေး ချိုးဖောက်မှုတွေအတွက် မြောက်ကိုရီးယားခေါင်းဆောင် Kim Jong Un အပေါ် အမေရိကန်က ပိတ်ဆို့ဒဏ်ခတ် အရေးယူလိုက်တဲ့အပေါ် တုံ့ပြန်တဲ့ အနေနဲ့၊ အမေရိကန်နဲ့ နောက်ဆုံးကျန်နေသေးတဲ့ အဆက်အသွယ်တွေကို ပါ ဖြတ်တောက်လိုက်ပြီ ဖြစ်တဲ့အကြောင်း မြောက်ကိုရီးယားက ကြေညာလိုက်ပါတယ်။

နယူးယောက် ကုလသမဂ္ဂရုံးကတဆင့် ဆက်သွယ်နေတဲ့ အမေရိကန်နဲ့ သံတမန် အဆက်အဆံ အားလုံးကို စတင်ဖြတ်တောက်လိုက်ပြီ ဖြစ်တဲ့အကြောင်း အမေရိကန်ကို အကြောင်းကြားလိုက်ပြီလို့ ဒီကနေ့ပဲ မြောက်ကိုရီးယား က ပြောဆိုခဲ့တာပါ။

နျုကလီးယားလက်နက် အစီအစဉ်တွေကြောင့် မြောက်ကိုရီးယားအပေါ် ပ်ိတ်ဆို့ဒဏ်ခတ်မှုတွေ ချမှတ်ထားတဲ့ အမေရိကန် ပြည်ထောင်စု က မြောက်ကိုရီးယားခေါင်းဆောင်နဲ့ တခြားအစိုးရ တာဝန်ရှိသူ တော်တော်များများ အပေါ် ပြီးခဲ့တဲ့ သီတင်းပတ်ထဲမှာပဲ အရေးယူဒဏ်ခတ်မှုတွေ ထပ်မံချမှတ်ခဲ့တာ ဖြစ်ပါတယ်။ တောင်ကိုရီးယားမှာ အဆင့်မြင့် ဒုံးလက်နက် ကာကွယ်ရေးစနစ် ချထားဖို့ အမေရိကန်နဲ့ တောင်ကိုရီးယားတို့က ကြေညာထားတဲ့ အပေါ်မှာလည်း၊ လက်တွေ့ တုံ့ပြန်သွားမယ့် အကြောင်း ဒီကနေ့အစောပိုင်းမှာပဲ မြောက်ကိုရီးယားက သတိပေးခဲ့တာပါ။

မြောက်ကိုရီးယားက ပဲ့ထိန်းတပ်ဒုံးတွေနဲ့ နျူကလီးယား စမ်းသပ်မှုတွေ ဆက်တိုက်ဆိုသလို လုပ်ဆောင်လာတဲ့အတွက် THAAD (TAD) လို့ ခေါ်တဲ့ ဒုံးခွင်းဒုံးစနစ်တခု ကိုရီးယားကျွန်းဆွယ်မှာ ချထားရေး အမေရိကန်နဲ့ တောင်ကိုရီးယားတို့ ပူးတွဲကြေညာ ခဲ့ပြီး နောက်မှာ ပဲ မြောက်ကိုရီးယားက ခြိမ်းခြောက်မှုတွေ ဆက်တိုက်လုပ်ဆောင် လာခဲ့တာ ဖြစ်ပါတယ်။ ဒုံးခွင်းဒုံးစနစ် ချထားမယ့် နေရာနဲ့ အချိန်ကာလကိုတော့ မကြေညာသေးပါဘူး။

 ဗွီအိုအေ (မြန်မာပိုင်း)
http://burmese.voanews.com
Labels:

Post a Comment

မြန်မာ့ဒီမိုကရေစီရေးလှုပ်ရှားမှုကို အထောက်အကူဖြစ်စေမည့် ထောက်ပြ ဝေဖန် သုံးသပ်ချက်များကို လာရောက် ရေးသားရင်ဖွင့်နိုင်ပါသည်။ လွတ်လပ်စွာ ရေးသားခွင့်ကို အလွဲသုံးစားပြု၍ ရင့်သီးရိုင်းစိုင်း ရုန့်ရင်းကြမ်းတမ်းစွာ ရေးသားခြင်း၊ ညစ်ညမ်းစွာ ဆဲဆိုရေးသားခြင်း၊ ပုဂ္ဂိုလ်ရေး ထိခိုက်နစ်နာမှုရှိစေရန် တိုက်ခိုက်ရေးသားခြင်း၊ အများပြည်သူ ဖတ် ကြည့် နားဆင်ရန် မသင့်လျော်သည့် link များ လာထည့်ခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် အရေးအသားများ ရေးသားခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် link များ လာထည့်ခြင်းများကို လုံးဝ ခွင့်မပြုပါ။ ..Face book button လေးနှိ်ပ်ပြီးလည်း ရေးနိုင်ပါတယ်

[blogger][facebook]

Author Name

Contact Form

Name

Email *

Message *

Powered by Blogger.