အစိုးရရဲ့ အသုံးအနှုန်းကို ရခိုင် မြို့နယ် ၁၅ ခု ကန့်ကွက်


အစိုးရရဲ့ "ရခိုင်ပြည်နယ်က မွတ်စလင်အသိုင်းအဝိုင်း"ဆိုတဲ့ အသုံးအနှုန်းကို ကန့်ကွက်ကြောင်း စစ်တွေမြို့မှာ ဇူလိုင်လ ၃ ရက်နေ့က ဆန္ဒပြကန့်ကွက်ကြစဉ်။ Photo: Min Thein Aung/RFA
အစိုးရရဲ့ "ရခိုင်ပြည်နယ်က မွတ်စလင်အသိုင်းအဝိုင်း"ဆိုတဲ့ အသုံးအနှုန်းကို ကန့်ကွက်ကြောင်း ဒေသ ခံတွေ ထောင်နဲ့ချီပြီး  ရခိုင်ပြည်နယ် မြို့နယ် ၁၅ ခုမှာ ဒီနေ့ တပြိုင်တည်း ဆန္ဒပြကန့်ကွက်ကြပါတယ်။

စစ်တွေ၊ ဘူးသီးတောင်၊ မောင်တော၊ မြောက်ဦး၊ ကျောက်ဖြူ၊ မြေပုံ၊ အမ်း၊ ရမ်းဗြဲ၊ သံတွဲ စတဲ့ မြို့တွေမှာ ဆန္ဒပြပွဲတွေလုပ်ကြတာဖြစ်ပြီး အစိုးရရဲ့ အသုံးအနှုန်းသစ်ကို လက်မခံကြောင်းနဲ့ ကန့်ကွက်မှုတွေ ဆက်လက်ပြု လုပ်သွားမှာဖြစ်ကြောင်း စစ်တွေမြို့က ဆန္ဒပြပွဲကို ဦးဆောင်သူတစ်ဦးဖြစ်တဲ့ ဦးအောင်ဌေးက ပြောပါတယ်။

"ရခိုင်ပြည်နယ်မှာ ဘင်္ဂလီက ဘင်္ဂလီ၊ ရခိုင်က ရခိုင်လို့ ရှိပါလျှက်ကယ်နဲ့ အဲ့လိုမျိုး ရခိုင်ပြည်မှ အစ္စလာမ် ဘာသာ ကိုးကွယ်သူများ၊ ရခိုင်ပြည်နယ်မှ ဗုဒ္ဓဘာသာကိုးကွယ်သူများလို့သာ ဆက်လက်သုံးစွဲလာ ခဲ့မယ်ဆိုရင် ပြည်ထောင်စုအစိုးရဟာ ရခိုင်ပြည်သူပြည်သားတွေကို လုံးဝမလေးစားရာ ရောက်တဲ့ အတွက်ကြောင့် နောက်နောင်ဖြစ်လာမယ့် အခြေအနေတွေဟာ ပြည်သူတွေနဲ့မဆိုင်တော့ပဲ အစိုးရနဲ့ပဲ သက်ဆိုင်သွားမယ်၊ ဒီစကားကိုတော့ လုံးဝလက်မခံတော့နိုင်ဘူးဆိုပြီးတော့ ပြတ်ပြတ်သားသား ပြင်းပြင်း ထန်ထန် အခုလည်းကန့်ကွက်တယ်၊ နောက်နောင်လည်း ကန့်ကွက်သွားမယ့်အစီအစဉ်တွေ အများကြီး ရှိပါတယ်ခင်ဗျ"

ပြီးခဲ့တဲ့ ဇွန်လ ၁၇ ရက်နေ့က ကျင်းပခဲ့တဲ့ ၃၂ ကြိမ်မြောက် လူ့အခွင့်အရေးကောင်စီညီလာခံမှာ မြန်မာ ကိုယ်စားလှယ်က "ရခိုင်ပြည်နယ်က မွတ်စလင်အသိုင်းအဝိုင်း"လို့ သုံးနှုန်းဖို့ တင်ပြခဲ့တာအပြင် ပြန်ကြားရေး ဝန်ကြီးဌာနကလည်း " ရခိုင်ပြည်နယ်ရှိ အစ္စလာမ်ဘာသာ ကိုးကွယ်သူများ" "ရခိုင်ပြည်နယ်ရှိ ဗုဒ္ဓဘာသာ ကိုးကွယ်သူများ"လို့ သုံးနှုန်းဖို့ အစိုးရပိုင်မီဒီယာတွေကို ညွှန်ကြားခဲ့တာဖြစ်ပါတယ်။

အစိုးရရဲ့ လုပ်ဆောင်ချက်တွေဟာ ရခိုင်လူမျိုးတွေရဲ့ အမည်ကို ရည်ရွယ်ချက်ရှိရှိ ဖျောက်ဖျက်ရာရောက်သလို ဘင်္ဂါလီလူမျိုးတွေရဲ့ လာရာဇာတိကို ဖုံးကွယ်ပစ်ရာရောက်တယ်လို့လည်း ဆန္ဒပြပွဲ ဦးဆောင်သူတွေကပြော ပါတယ်။

အစိုးရအနေနဲ့ ရခိုင်ပြည်နယ်အတွင်းမှာနေထိုင်တဲ့ မွတ်စလင်တွေကို ဘင်္ဂါလီလူမျိုးတွေလို့ ခေါ်ဝေါ်သုံးနှုန်းဖို့ ဆန္ဒပြသူတွေက တောင်းဆိုကြပါတယ်။

ရခိုင်ပြည်နယ် မြို့နယ် ၁၇ ခုထဲက ရသေ့တောင်မြို့နယ်နဲ့ ဂွမြို့နယ်တွေမှာ လာမယ့် ဇွန်လ ၅ ရက်နေ့မှာ အလားတူ ဆန္ဒပြပွဲတွေ ပြုလုပ်သွားဖို့ ပြင်ဆင်နေကြတယ်လို့လည်း ဒေသခံတွေက ပြောကြပါတယ်။

RFA Burmese
http://www.rfa.org/burmese
Labels:

Post a Comment

မြန်မာ့ဒီမိုကရေစီရေးလှုပ်ရှားမှုကို အထောက်အကူဖြစ်စေမည့် ထောက်ပြ ဝေဖန် သုံးသပ်ချက်များကို လာရောက် ရေးသားရင်ဖွင့်နိုင်ပါသည်။ လွတ်လပ်စွာ ရေးသားခွင့်ကို အလွဲသုံးစားပြု၍ ရင့်သီးရိုင်းစိုင်း ရုန့်ရင်းကြမ်းတမ်းစွာ ရေးသားခြင်း၊ ညစ်ညမ်းစွာ ဆဲဆိုရေးသားခြင်း၊ ပုဂ္ဂိုလ်ရေး ထိခိုက်နစ်နာမှုရှိစေရန် တိုက်ခိုက်ရေးသားခြင်း၊ အများပြည်သူ ဖတ် ကြည့် နားဆင်ရန် မသင့်လျော်သည့် link များ လာထည့်ခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် အရေးအသားများ ရေးသားခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် link များ လာထည့်ခြင်းများကို လုံးဝ ခွင့်မပြုပါ။ ..Face book button လေးနှိ်ပ်ပြီးလည်း ရေးနိုင်ပါတယ်

[blogger][facebook]

Author Name

Contact Form

Name

Email *

Message *

Powered by Blogger.