ပဲခူးရိုးမ သစ်ထုတ်လုပ်မှုတွေကို ၁ဝ နှစ်ကြာ ရပ်ဆိုင်းမည်

 logging-620.jpg ခုတ်ယူထားသော သစ်လုံးများပုံ
Photo: RFA

ပဲခူးရိုးမမှာ သစ်ထုတ်လုပ်မှုတွေကို ဆယ်နှစ်ကြာ ရပ်ဆိုင်းပြီး ပြန်လည်ပြုပြင်ထိန်းသိမ်းမှုတွေ ပြုလုပ်သွားမယ်လို့ သယံဇာတနဲ့ သဘာဝပတ်ဝန်းကျင်ထိန်းသိမ်းရေးဝန်ကြီးဌာန ပြောရေးဆိုခွင့်ရှိသူတွေက ပြောပါတယ်။

ပဲခူးရိုးမမှာ အရင်ကသစ်ထုတ်လုပ်မှုတွေများခဲ့သလို တရားမ၀င် သစ်ထုတ်နေတာတွေလည်းရှိနေ တာကြောင့် ပြန်လည်ထိန်းသိမ်းဖို့အတွက် ဆယ်နှစ်ရပ်ဆိုင်းဖို့ ဆုံးဖြတ်လိုက်တာဖြစ်တယ်လို့ သယံဇာတနဲ့ သဘာဝပတ်ဝန်းကျင်ထိန်းသိမ်းရေး ၀န်ကြီးဌာနက ပြောရေးဆိုခွင့်ရှိသူ မြန်မာ့သစ်လုပ်ငန်း ဒုတိယ အထွေထွေ မန်နေဂျာ ဦးအေးချိုသောင်း က ပြောပါတယ်။

ပဲခူးရိုးမမှာ ကျွန်းနဲ့ ပျဉ်းကတိုးတွေ အများဆုံးပေါက်ရောက်ပြီး သစ်ရာ၊ အင်ကြင်း၊ ကညင် နဲ့ ပိတောက် စတဲ့ သစ်အမျိုးအစားတွေလည်း ရှိပါတယ်။ အရင်က ပဲခူးရိုးမကနေ သစ်ထုတ်လုပ်မှု အများဆုံးဖြစ်ပြီး အခုနောက်ပိုင်း မှာ စစ်ကိုင်းတိုင်းအထက်ပိုင်းမှာရှိတဲ့ သစ်တောကြိုးဝိုင်းတွေကနေ သစ်တွေကို ပိုမိုထုတ်ယူနေတာတွေလည်း ရှိနေတယ်လို့ ဦးအေးချိုသောင်း က ပြောပါတယ်။

ပြီးခဲ့တဲ့ ၅ နှစ်အတွင်း တစ်နိုင်ငံလုံးအတိုင်းအတာနဲ့ နှစ်စဉ် ကျွန်းတန်ချိန် ၃ သိန်းဝန်းကျင် နဲ့ သစ်မာတန်ချိန် ၁၅ သိန်းဝန်းကျင်လောက်အထိ ထုတ်လုပ်ခဲ့ပေမယ့် လာမယ့်နှစ်ကစပြီး ကျွန်းတန်ချိန် ၁ သောင်းခွဲ နဲ့ သစ်မာ တန်ချိန် ၃ သိန်းခွဲဝန်းကျင်လောက်သာ ခုတ်ယူခွင့်ပြုမှာဖြစ်ကြောင်းလည်း ပြောပါတယ်။

ဒါ့အပြင် တစ်နိုင်ငံလုံး အတိုင်းအတာနဲ့ သစ်ထုတ်လုပ်မှုကို တစ်နှစ်ရပ်ဆိုင်းသွားမှာ ဖြစ်ပြီး လာမယ့် ၂၀၁၇-၂၀၁၈ ခုနှစ်မှသာ ပဲခူးရိုးမကလွဲပြီး ကျန်တဲ့နေရာတွေမှာ သစ်ထုတ်လုပ်မှုတွေ ပြန်လည်ခွင့်ပြုသွားမှာ ဖြစ်ပါတယ်။

၂၀၁၄ ခုနှစ် မတ်လကုန်ကစပြီး နိုင်ငံခြားကို သစ်အလုံးလိုက်တင်ပို့တာတွေ ရပ်နားလိုက်ပြီး ပရိဘောဂတွေနဲ့ အထပ်သား စတဲ့ သစ်အချောထည်တွေကိုသာ နိုင်ငံခြားကို လက်ရှိ တင်ပို့နေတာ ဖြစ်ပါတယ်။
RFA
Labels:

Post a Comment

[blogger][facebook]

Author Name

Contact Form

Name

Email *

Message *

Powered by Blogger.