ပြည်တက္ကသိုလ် ကထိကဆရာမတစ်ဦးကို ပါးရိုက်သည့် ကျောင်းသားအား ပညာသင်ကြားခွင့် ငါး နှစ်ရပ်ဆိုင်း



ဓာတ်ပုံ - ပြည်တက္ကသိုလ်အဝေးသင်ကျောင်းသား/သူများ  (facebook)
ပြည်တက္ကသိုလ်မှ ကထိကဆရာမတစ်ဦးအား ကိုယ်ထိလက်ရောက်ပါးရိုက်ခဲ့သည့် ဒုတိယနှစ် ဂုဏ်ထူးတန်း ကျောင်းသားတစ်ဦးအား ပညာသင်ကြားခွင့် ငါး နှစ်ရပ်ဆိုင်းလိုက်ကြောင်း ပြည်တက္ကသိုလ်ရှိ တာဝန်ရှိသူတစ်ဦး ထံမှ သိရှိရသည်။

 ဖြစ်စဉ်မှာ ဇွန်လ လယ်ခန့်ကဖြစ်ပွားခဲ့ခြင်းဖြစ်ပြီး ပြည်တက္ကသိုလ် ဒဿနိကဗေဒဘာသာရပ် ကထိက ဆရာမတစ်ဦးမှာ ဌာနအခန်းတွင်းထိုင်နေစဉ် ၎င်း၏ ဒဿနိကဗေဒဂုဏ်ထူးတန်းမှ ဒုတိယနှစ် ကျောင်းသားတစ်ဦးက ကိုယ်ထိလက်ရောက်ပြုမူခဲ့ခြင်းကြောင့် ဌာနတွင်းခုံရုံးဖွဲ့ စစ်ဆေးကာ ဇူလိုင်လဆန်းတွင် ပြစ်ဒဏ်ချမှတ်လိုက် ခြင်းဖြစ်ကြောင်း သိရသည်။
“စစ်ဆေးချက်တွေအရတော့ ဆရာမရဲ့ပြောဆိုဆုံးမမှုတွေ က ပုံမှန်သဘောလောက်ပဲရှိတယ်။ တပည့်ရဲ့ စိတ်ခံ ယူမှုကတော့ ဘယ်လိုရှိသွားတယ်တော့မသိဘူး။ ဒီလိုအဖြစ်မျိုးလည်း တစ်ခါမှမတွေ့ဖူး၊ မကြုံဖူးဘူး။ ကျောင်း သားကိုတော့ ယခုနှစ်စာသင်နှစ် အပါအဝင် နောက်လေးနှစ်စုစုပေါင်း ငါးနှစ်ပညာသင်ခွင့် ရပ်ဆိုင်းလိုက်ပါ တယ်။”ဟု ပြည်တက္ကသိုလ်မှဒုတိယပါ မောက္ခချုပ် ဒေါက်တာနီလာမြင့်ကပြော သည်။

အဆိုပါကိစ္စနှင့်ပတ်သက်၍ ကိုယ်ထိလက်ရောက်ပြုမူခံရသော ဆရာမ၏ ဂုဏ်သိက္ခာကျဆင်းစေမည့် ကောလဟလများမှာ ပြည်မြို့အသိုင်းအဝိုင်း လူမှုကွန်ယက် စာမျက်နှာများတွင်ပျံနှံ့လျှက်ရှိပြီး ထိုသို့သတင်းမှားဖြန့်သည့် လုပ်ရပ်များကို ကန့်ကွက်ရှုတ်ချကြောင်း ပြည်တက္ကသိုလ်ကျောင်းသားများသမဂ္ဂမှ သဘောထားကြေငြာချက် ထုတ်၍ ကန့်ကွက်မှုများပြုလုပ်ထားသည်။

အ ဆိုပါကျောင်းသားမှာဂုဏ်ထူးတန်းဖြစ်သည့်အတွက်စာမေးပွဲကျခွင့်မ ရှိသောကြောင့်ယခုကဲ့သို့ ပြစ်ဒဏ်ပေးလိုက်ခြင်းအားဖြင့် ပြစ်ဒဏ်ငါး နှစ်ပြည့်ပြီးနောက် ကျောင်းပြန်တက်ခွင့်လျှောက်ထားရာတွင် ရိုးရိုးအတန်းတွင် သာ ပြန်လည်တက်ခွင့်ရတော့မည်ဖြစ်ကြောင်း သိရသည်။

ရတနာပုံ သတင်းစာ
https://www.facebook.com/yadanabonnewspaper
Labels:

Post a Comment

မြန်မာ့ဒီမိုကရေစီရေးလှုပ်ရှားမှုကို အထောက်အကူဖြစ်စေမည့် ထောက်ပြ ဝေဖန် သုံးသပ်ချက်များကို လာရောက် ရေးသားရင်ဖွင့်နိုင်ပါသည်။ လွတ်လပ်စွာ ရေးသားခွင့်ကို အလွဲသုံးစားပြု၍ ရင့်သီးရိုင်းစိုင်း ရုန့်ရင်းကြမ်းတမ်းစွာ ရေးသားခြင်း၊ ညစ်ညမ်းစွာ ဆဲဆိုရေးသားခြင်း၊ ပုဂ္ဂိုလ်ရေး ထိခိုက်နစ်နာမှုရှိစေရန် တိုက်ခိုက်ရေးသားခြင်း၊ အများပြည်သူ ဖတ် ကြည့် နားဆင်ရန် မသင့်လျော်သည့် link များ လာထည့်ခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် အရေးအသားများ ရေးသားခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် link များ လာထည့်ခြင်းများကို လုံးဝ ခွင့်မပြုပါ။ ..Face book button လေးနှိ်ပ်ပြီးလည်း ရေးနိုင်ပါတယ်

[blogger][facebook]

Author Name

Contact Form

Name

Email *

Message *

Powered by Blogger.