တရားရုံးမှအထွက် တရားစွဲခံရသူ အမျိုးသားက တရားလိုဇနီးသည်အား ဓါးဖြင့်ထိုးသတ်


ဒလမြို့တွင် တရားစွဲခံထားရသည့်အမျိုးသားက ၎င်းကို တရားစွဲထားသည့်ဇနီးသည်အား တရားရင်ဆိုင်အပြီး ဓါးဖြင့်ထိုးသတ်သဖြင့် နေရာတွင်ပင်သေဆုံးမှု ယနေ့(ဇူလိုင် ၅) မွန်းလွဲပိုင်း ၃ နာရီခန့်က ဖြစ်ပွားခဲ့သည်။

ဖြစ်စဉ်မှာ ဇူလိုင် ၅ ရက် မွန်းလွဲပိုင်းက ဒလမြို့နယ်တရားရုံး၌ ဒေါ်အေးသန္တာ (အသက် ၄၂)က ခင်ပွန်းဖြစ်သူ ဦးတင်မောင်ဝင်း (ခ) ထွန်းရွှေ (ခ) ပိုက်တင် (အသက် ၄၆) အား လင်မယားချင်း နှိပ်စက်သဖြင့် တရားစွဲဆိုထားသည့်အမှု ရုံးချိန်းအပြီး တရားရုံးတဘက်လမ်းရှိ လက်ဖက်ရည်ဆိုင်တွင် တရားခံ ဦးတင်မောင်ဝင်း (ခ) ထွန်းရွှေ (ခ) ပိုက်တင် က ဇနီး ဒေါ်အေးသန္တာအား ဓါးဖြင့် လည်းပင်းကို ထိုးသတ်ခဲ့ခြင်းဖြစ်ကြောင်း သိရသည်။

ယင်းဖြစ်စဉ်နှင့်ပတ်သက်ပြီး“အမျိုးသားနဲ့အမျိုးသမီးက တရားရင်ဆိုင်နေရတာ။ ဖြစ်စဉ်က အမျိုးသမီးကို အမျိုးသားကနှိပ်စက်လို့ တိုင်ထားတာကို တရားရင်ဆိုင်နေရတယ်။ ဒီနေ့ ရုံးချိန်းအပြီး တရားရုံအပြင်ဘက်လမ်းအကျော် လက်ဖက်ရည်ဆိုင်မှ အမျိုးသမီးက ထိုင်နေတုန်း အမျိုးသားက ဓါးနဲ့ထိုးလိုက်တာ။ သူတို့က တရားရင်မဆိုင်ခင်ကတည်းက လင်မယားမပေါင်းဘူးလို့လည်း သိရတယ်။ ဓါးနဲ့ ထိုးသူကိုလည်း ဖမ်းမိထားပါပြီ။ ဓါးကိုလည်း သိမ်းထားပြီး လူသတ်မှုနဲ့ အမှုဖွင့်ထားပါတယ်”ဟု ဒလမြို့မရဲစခန်းမှ ရဲမှူး ရဲမြင့်က ပြောသည်။

လူသတ်မှုနှင့်ပတ်သက်၍ ဒလမြို့နယ်ရဲစခန်း၌ ပြစ်မှုပုဒ်မ (ပ)၃၀၇/၁၆ ရာဇသတ်ကြီးပုဒ်မ ၃၀၂ ဖြင့် အမှုဖွင့်အရေးယူထားကြောင်း သိရသည်။

News Watch(စောင့်ကြည့်သတင်းဂျာနယ်)
https://www.facebook.com/NewsWatchJournal
Labels:

Post a Comment

မြန်မာ့ဒီမိုကရေစီရေးလှုပ်ရှားမှုကို အထောက်အကူဖြစ်စေမည့် ထောက်ပြ ဝေဖန် သုံးသပ်ချက်များကို လာရောက် ရေးသားရင်ဖွင့်နိုင်ပါသည်။ လွတ်လပ်စွာ ရေးသားခွင့်ကို အလွဲသုံးစားပြု၍ ရင့်သီးရိုင်းစိုင်း ရုန့်ရင်းကြမ်းတမ်းစွာ ရေးသားခြင်း၊ ညစ်ညမ်းစွာ ဆဲဆိုရေးသားခြင်း၊ ပုဂ္ဂိုလ်ရေး ထိခိုက်နစ်နာမှုရှိစေရန် တိုက်ခိုက်ရေးသားခြင်း၊ အများပြည်သူ ဖတ် ကြည့် နားဆင်ရန် မသင့်လျော်သည့် link များ လာထည့်ခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် အရေးအသားများ ရေးသားခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် link များ လာထည့်ခြင်းများကို လုံးဝ ခွင့်မပြုပါ။ ..Face book button လေးနှိ်ပ်ပြီးလည်း ရေးနိုင်ပါတယ်

[blogger][facebook]

Author Name

Contact Form

Name

Email *

Message *

Powered by Blogger.