ရခိုင်ပြည်နယ်က ကလေးတွေ အတွက် UNICEF ရဲ့ အစီအစဉ်


unicef-rakhine-children-620.jpg
UNICEF ရဲ့ ရခိုင်ပြည်နယ်က ကလေးတွေအတွက် ပြည်နယ်အဆင့်လုပ်ငန်းစီမံချက်(၂ဝ၁၆-၂ဝ၁၇) မိတ်ဆက်တင်ပြခြင်း အခမ်းအနားကို ဇူလိုင်လ ၁၅ ရက်နေ့က စစ်တွေမြို့မှာ ကျင်းပစဉ်
Photo: Min Thein Aung/RFA

ရခိုင်ပြည်နယ်က ကလေးသူငယ်တွေအတွက် ၂၀၁၆-၁၇ ခုနှစ်အတွင်း အမေရိကန်ဒေါ်လာ ၁၉ သန်းလောက် သုံးစွဲပြီး အကူအညီတွေပေးသွားမယ်လို့ ကုလသမဂ္ဂကလေးများ ရန်ပုံငွေအဖွဲ့ UNICEF က ဒီနေ့ ပြောပါတယ်။

ရခိုင်ပြည်နယ်မှာဆောင်ရွက်မယ့် လုပ်ငန်းစီမံချက်နဲ့ပတ်သက်ပြီး စစ်တွေမြို့မှာ ဒီနေ့ပြုလုပ်တဲ့ ရှင်းလင်းပွဲမှာ UNICEF မြန်မာရဲ့ ကွင်းဆင်းရေးရာဌာနအကြီးအကဲ Mr Rajen Kumar Sharma က အကူအညီအကြောင်း အခုလိုပြောပါတယ်။

"UNICEF ရဲ့ အကူအညီမှာ ရခိုင်ပြည်နယ်က သန်းနဲ့ချီတဲ့ သဘာဝဘေး ၊ ပဋိပက္ခ နဲ့ ဆင်းရဲနွမ်းပါး မှုကြောင့် ဒုက္ခရောက်ရသူတွေ အားလုံးကို ခွဲခြားမှုမရှိဘဲ အကူအညီပေးသွားမယ်" လို့ Mr. Sharma က ပြောသွားတာဖြစ်ပါတယ်။

ကလေးသူငယ်ကာကွယ်စောင့်ရှောက်ရေး၊ ပညာရေး၊ ကျန်းမာရေး၊ ရေ၊ ပတ်ဝန်းကျင်သန့်ရှင်းရေးနဲ့ တစ်ကိုယ်ရေ သန့်ရှင်းရေး စတဲ့ကဏ္ဍတွေအတွက် ရခိုင်ပြည်နယ် ၁၇ မြို့နယ်မှာ ကျန်းမာရေး၊ ပညာရေး၊ လူမှုဝန်ထမ်း ၊ ကျေးလက်ဒေသဖွံ့ဖြိုးရေး စတဲ့ဌာနတွေနဲ့ ပူးပေါင်းဆောင်ရွက်မှာဖြစ်တယ်လို့ ပြောပါတယ်။

ရခိုင်ပြည်နယ်မှာ လူဦးရေ ၃.၇ သန်းရှိတဲ့အနက် ကလေးဦးရေဟာ ၁.၄ သန်းလောက်ရှိပြီး အဲ့ဒီအထဲက ကလေး ၃ ယောက်မှာ တစ်ယောက်နှုန်း ကျောင်းမနေနိုင်ကြဘူးလို့လည်း Mr Rajen Kumar Sharma က ပြောပါတယ်။

ဒါ့အပြင် ကလေး ၄ ဦးမှာ တစ်ဦးနှုန်းလောက် မွေးစာရင်းမရှိကြသလို ဘူးသီးတောင်၊ မောင်တောဒေသဘက်က ကလေး ၅ ဦးမှာ တစ်ဦးနှုန်းဟာ အဟာရချို့မှုကို ခံစားနေရတယ်လို့လည်း ပြောပါတယ်။

UNICEF အနေနဲ့ ပြီးခဲ့တဲ့ ၂၀၁၅-၁၆ ခုနှစ် စီမံချက်ကို ရခိုင်ပြည်နယ် မြို့နယ် ၆ ခုလောက်သာ ဆောင်ရွက်နိုင်ခဲ့ပေ မယ့် အခု ၂၀၁၆-၁၇ ခုနှစ်ကစပြီး မြို့နယ် ၁၇ ခုစလုံးကို တိုးချဲ့ဆောင်ရွက်မှာဖြစ်တယ်လို့လည်း ပြောပါတယ်။
RFA
Labels:

Post a Comment

မြန်မာ့ဒီမိုကရေစီရေးလှုပ်ရှားမှုကို အထောက်အကူဖြစ်စေမည့် ထောက်ပြ ဝေဖန် သုံးသပ်ချက်များကို လာရောက် ရေးသားရင်ဖွင့်နိုင်ပါသည်။ လွတ်လပ်စွာ ရေးသားခွင့်ကို အလွဲသုံးစားပြု၍ ရင့်သီးရိုင်းစိုင်း ရုန့်ရင်းကြမ်းတမ်းစွာ ရေးသားခြင်း၊ ညစ်ညမ်းစွာ ဆဲဆိုရေးသားခြင်း၊ ပုဂ္ဂိုလ်ရေး ထိခိုက်နစ်နာမှုရှိစေရန် တိုက်ခိုက်ရေးသားခြင်း၊ အများပြည်သူ ဖတ် ကြည့် နားဆင်ရန် မသင့်လျော်သည့် link များ လာထည့်ခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် အရေးအသားများ ရေးသားခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် link များ လာထည့်ခြင်းများကို လုံးဝ ခွင့်မပြုပါ။ ..Face book button လေးနှိ်ပ်ပြီးလည်း ရေးနိုင်ပါတယ်

[blogger][facebook]

Author Name

Contact Form

Name

Email *

Message *

Powered by Blogger.