ဒေါ် အောင် ဆန်း စု ကြည် ဘာလဲ ဘယ်လဲ ဟု တရုတ် က မေးပြီ


ဒေါ်အောင်ဆန်းစုကြည် ရဲ့ တရုတ် ခရီးစဉ် နဲ့ ပါတ်သက်ပြီး မြန်မာ့ မီဒီယာတွေမှာ ထူးထူးခြားခြား ရေးသားတာ မရှိပေမယ့် တရုတ် အစိုးရ အာဘော် သတင်းစာ တွေကတော့ အမျိုးမျိုး ချီးကြူး ဝေဖန်နေကြတာ နေ့စဉ်လို ဖြစ်နေပါတယ်။ ဒါ ကို ကြည့်ရင် ဒေါ်အောင်ဆန်းစုကြည်ရဲ့ လက်တွေကျသော တွေးခေါ်မြှော်မြင်မှု ကို တရုတ် တို့ မြင်တွေ့ လိုက်ရပြီးနောက် အနောက်အုပ်စု ထဲ လုံးလုံး ရောက်မသွားစေရေး ရအောင် ဆွဲ တော့မယ့် သဘော တွေ့ နေရပါပြီ။ အနည်းဆုံး ယခု လို ဘိုနေမြဲ ကျားနေမြဲ အနေအထား ရှိနေရင်ပင် ကျေနပ်နေမယ့် လက္ခဏတွေ ပြလာနေပါတယ်။

သံခင်း တမန်ခင်းကို ကောင်းစွာ နားလည်ထားတဲ့ ဒေါ်အောင်ဆန်းစုကြည်က တရုတ် နဲ့ အမေရိကန် ကို ဘယ်သူမှ ဦးစားပေး ဆက်ဆံတာ မရှိသေးပဲ အာဆီယံ အဖွဲ့ ကျောထောက်နောက်ခံ ပြုတဲ့ နိူင်ငံခြားရေး မူဝါဒ ကို ကျင့်သုံးနေပါတယ်။

ဒေါ်အောင်ဆန်းစုကြည်က နေပြည်တော်မှာ ပြည်တွင်းရှိ သံတမန် များနဲ့ တွေ့ဆုံပွဲ မှာ မြန်မာသည် အရှေ့တောင်အာရှ နဲ့ တောင်အာရှ ဆုံရာတွင် ရှိနေယုံမျှ မက မြောက်ဘက်တွင် တရုတ် နိူင်ငံ ရှိနေပြီး အရှေ့ဖျားသည်လည်း လက်တကမ်း အကွာမှာ ရှိနေတဲ့ အချက်အခြာ ကျသော နိူင်ငံ ဖြစ်တယ်လို့ ချ ပြ ထား ခဲ့ပြီး ဖြစ်ပါတယ်။

တရုတ် နဲ့ ဆက်ဆံရေး ရှေ့ရှောက် ကောင်းမွန်ဖို့ မြစ်ဆုံ အရေး က ရှေ့ က ပိတ်နေပြီး အမေရိကန် နဲ့ ကျတော့ စီးပွားရေး ပိတ်ဆို့ ထားမှု ကလည်း ခံနေပြန်ပါတယ်။

ဒီထဲ ထူးထူးခြားခြား Global Times သတင်းစာက ဒေါ်အောင်ဆန်းစုကြည် အနေနဲ့ ပြတ်ပြတ်သားသား ဆုံးဖြတ် သင့် ပြီ ဟု ဆိုလိုက်ပါတယ်။

တရုတ် က ၎င်းတို့ရဲ့ ကြွယ်ဝ ချမ်းသာလာတဲ့ အနေအထားကြောင့် ကမ္ဘာ့နိူင်ငံရေး ဇာတ်ခုံပေါ်မှာ အမေရိကန် နဲ့ တန်းတူ နိူင်ငံအားလုံးက တလေးတစား ဆက်ဆံ စေချင်ပါတယ်။ အခု ဒေါ်အောင်ဆန်းစုကြည်မှ ကမ္ဘာ့ အင်အားကြီး နှစ်နိူင်ငံ အကြား တရုတ်ပြည်ကို ဦးစွာ လာရောက်လာရောက်ခြင်းဖြင့် အမေရိကန် နဲ့ တရုတ် ကို တန်းတူ ရည်တူ ဆက်ဆံကြောင်း ပြသလိုပုံ ရတယ်လို့ ဆိုထားပါတယ်။

တရုတ် နဲ့ မြန်မာ ဆက်ဆံရေးဟာ မကြာခင် နှစ်များက ယိမ်းယိုင်သွားခဲ့တာကို ၀န်ခံထားပြီး အနောက်ကိုလည်း မြန်မာ အနေနဲ့ သိသိသာသာ ယိမ်းခြင်း မရှိလို့ သုံးသပ်ခဲ့ပါတယ်။

ဒေါ်အောင်ဆန်းစုကြည်က အာဏာရလာပြီးနောက်ပိုင်း တိုင်းပြည်ကို မင်ဒဲလား ပုံစံ ခေါင်းဆောင်မှု အရည်အသွေးကို ပြသနိူင်ခဲ့ပြီး စစ်တပ် နဲ့ ဆက်ဆံရေး ကို ကောင်းမွန်စွာ ပျိုးထောင်လာနိူင်ခဲ့ယုံမက ၂၁ ရာစု ပင်လုံညီလာခံ ကျင်းပကာ တိုင်းရင်းသား လူမျိူးစုများကို အမျိုးသား ရင်ကြားစေ့ရေး လမ်းကြောင်းပေါ် ဆွဲတင်လာခဲ့ပြန်ပါတယ်။ ထို့အပြင် စီးပွားရေး နာလံ ပြန်ထူရေး နဲ့ သဘာဝ ပါတ်ဝန်းကျင် ထိမ်းသိမ်းရေးကို ပါ မျက်ခြေ ပြတ်ခြင်း မရှိခဲ့လို့ ဆိုထားပြီး မကြာမီက သမ္မတ ဦးထင်ကျော်မှ မြစ်ဆုံဆည် အတွက် စုံစမ်းရေး ကော်မီတီ ဖွဲ့တာကို ရည်ညွှန်းပြီး ၎င်း စီမံကိန်း ပြန်လည် စတင်ဖို့ နမိတ်ကောင်း လို့ သုံးသပ်ထားတာ တွေ့ရပြန်ပါတယ်။

NLD အစိုးရ ကတော့ ဒီ ပရို ဂျက် ကို ဖျက်သိမ်းပြီး အခြား နှစ်နိူင်ငံ အကျိူးတူမယ့် ရေအားလျပ်စစ် ထုတ်လုပ်ရေး ဖက်ကို ဦးတည်ချင်ပုံရပါတယ်။ ဒီကိစ္စကို တရုတ် သမ္မတ စီရှင်ပင့် နဲ့ ဆွေးနွေးဖို့ ရှိနေပါတယ်။

အနောက်တိုင်း သတင်းစာတွေက ဒေါ်အောင်ဆန်းစုကြည်ကို မကြာမီက အပြင်းအထန် ဝေဖန်ခဲ့ကြတာကို လည်း မမေ့မလျော့ ထောက်ပြထားပြန်ပါတယ်၊ အနောက်လိုလားတဲ့ အတိုက်အခံ ခေါင်းဆောင်ဘ၀ ကနေ တိုင်းပြည်ကို ဆင်းရဲတွင်း က ဆွဲထုတ်ပြီး အမျိုးသား ပြန်လည် ရင်ကြားစေ့ရေး ဆောင်ရွက်ရမယ့် နိူင်ငံ ခေါင်းဆောင် ဖြစ်လာသူ တဦး အဖို့ မိမိ ယုံကြည်ယူဆ လက်ခံမှုထက် အမျိုးသား အကျိုးစီးပွားအတွက် ထို အရေး အောင်မြင်ဖို့သာ အဓိက ဖြစ်လာတယ်ဆိုတာ မမေ့သင့်ဟု ဆိုပါတယ်။

သို့မှသာ လိုအပ်နေတဲ့ နိူင်ငံခြား ရင်းနှီးမြုပ်နှံမှုတွေ ဆွဲဆောင်နိူင်ကာ ပြည်တွင်းမှာ အလုပ်အကိုင် အခွင့်အလမ်းတွေ ဖန်တီးပေးနိူင်မှာ ဖြစ်တယ်လို့ ထောက်ပြခဲ့ပါတယ်။ ဒီ အတွက် ဒေါ်အောင်ဆန်းစုကြည်မှ တရုတ် ပြည်ကို အရေးပါတဲ့ ကဏ္က မှ ဦးစားပေးရတော့မယ် လို့ ဆိုပါတယ်။

တရုတ် ရဲ့ အခြား အိမ်နီးချင်း နိူင်ငံများ အကြားမှာ ဆက်ဆံရေးဟာ အရင်လို ရင်းရင်းနှီးနှီး မရှိတော့ပဲ မြန်မာလို ရွှေ့လျားလာတာကို သတိပြုမိတယ်လို့ ဆိုထားပြီး ၎င်း နိူင်ငံ များအနေနဲ့ တရုတ် ရဲ့ အိမ်နီးချင်းကောင်း ပီသတဲ့ မူဝါဒ နဲ့ နိူင်ငံ အင်အားရှိမှုကို လျစ်လျူမရှု့သင့် ဟု ဆိုလာပါတယ်။

အိမ်နီးချင်း နိူင်ငံများ အနေနဲ့ အနောက်အုပ်စု နဲ့လည်း မိတ်မပျက်အောင် ဆက်ဆံရေး ထိမ်းထားလိုတာ မိမိတို့ သဘောပေါက်ကြောင်း၊ တရုတ်-အမေရိကန် ဆက်ဆံရေးသည် အမေရိကန်-ဆိုဗီယက် ဆက်ဆံရေးလို မဖြစ်သမျှ စစ်အေး တိုက်ပွဲ ကာလ ပြန်မရောက်နိူင်ကြောင်း ဆိုထားပြီး ဒေါ်အောင်ဆန်းစုကြည်ရဲ့ မြန်မာ အစိုးရ အနေနဲ့ အမေရိကန် အပါအ၀င် အနောက်အုပ်စု များနဲ့ ဆက်ဆံရေး ကို အာရုံစိုက်ရမှာ ဖြစ်သလို မြန်မာပြည်အပေါ် မိမိတို့ရဲ့ အရေးပါမှု ကို ကမ္ဘာအလယ်တွင် လက်ရှိရောက်နေသော တရုတ် နိူင်ငံရဲ့ အဆင့်အတန်း နဲ့ အင်အားကို ကြည့်ှု ၍ ဆုံးဖြတ်သွားရလိမ့်မယ်လို့ ခပ်ပြတ်ပြတ်ပဲ ရေးထားတာ တွေ့ရပါတယ်။

ဒါ့အပြင် ဒေါ်အောင်ဆန်းစုကြည်ကို အကြံပြုထားပြန်ပါတယ်။ တရုတ် နဲ့ အမေရိကန် အကြား ဘယ်လိုပင် ကျားကွက်ရွှေ့နေပါစေ နောက်ဆုံးမှာ တိုင်းပြည်အတွက် အကျိုးရှိမယ့် မီဂါ စီမံကိန်းကြီးတွေ ဘယ်သူ့ ဆီက ကျလာမလဲ ဆိုတာကသာ NLD အစိုးရရဲ့ စွမ်းဆောင်နိူင်မှု ကို အဆုံးအဖြတ် ပေးသွားလိမ့်မယ် ဆိုတာပဲ ဖြစ်ပါတယ်။

ပြည်ပ ကြွေးမြီ ဒေါ်လာသန်းပေါင်း ၈၇၀၀ လောက်တင်ရှိနေတဲ့ မြန်မာပြည်မှာ တရုတ် ရဲ့ ရင်းနှီးမြုပ်နှံမှုက ၅၀% ကျော် ရှိနေပြီး ပြည်တွင်းရှိ အခြေခံ အဆောက်အအုံ များ တိုးတက် ဖွံ့ဖြိုးရေး အတွက် မကြာမီကမှ ဂျပန် ဦးဆောင်တဲ့ အာရှဘဏ် နဲ့ အပြိုင် တရုတ်က ထောက်ထားတဲ့ အာရှ အခြေခံအဆောက်အအုံများ ရင်းနှီးမြုပ်နှံရေး ဘဏ် Asian Infrastructure Investment Bank (AIIB) မှ အကူုအညီများစွာ ပေးနိူင်ကြောင်းလည်း ထောက်ပြထားထားကို ကောက်နှုတ် တင်ပြလိုက်ရပါတယ်။

ကိုးကား၊။ "Myanmar Careful to Avoid Major Power Tilt" and "Suu Kyi Visit Herald Ties with China" from The Global Times (China)

HSW
BrainWave ဉာဏ်လှိုင်း
Labels:

Post a Comment

မြန်မာ့ဒီမိုကရေစီရေးလှုပ်ရှားမှုကို အထောက်အကူဖြစ်စေမည့် ထောက်ပြ ဝေဖန် သုံးသပ်ချက်များကို လာရောက် ရေးသားရင်ဖွင့်နိုင်ပါသည်။ လွတ်လပ်စွာ ရေးသားခွင့်ကို အလွဲသုံးစားပြု၍ ရင့်သီးရိုင်းစိုင်း ရုန့်ရင်းကြမ်းတမ်းစွာ ရေးသားခြင်း၊ ညစ်ညမ်းစွာ ဆဲဆိုရေးသားခြင်း၊ ပုဂ္ဂိုလ်ရေး ထိခိုက်နစ်နာမှုရှိစေရန် တိုက်ခိုက်ရေးသားခြင်း၊ အများပြည်သူ ဖတ် ကြည့် နားဆင်ရန် မသင့်လျော်သည့် link များ လာထည့်ခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် အရေးအသားများ ရေးသားခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် link များ လာထည့်ခြင်းများကို လုံးဝ ခွင့်မပြုပါ။ ..Face book button လေးနှိ်ပ်ပြီးလည်း ရေးနိုင်ပါတယ်

[blogger][facebook]

Author Name

Contact Form

Name

Email *

Message *

Powered by Blogger.