ဒေါ်အောင်ဆန်းစုကြည်၏ သမိုင်းဝင် တရုတ်ခရီးစဉ်အလွန်

"ဒေါ်အောင်ဆန်းစုကြည်၏ တရုတ်ခရီးစဉ် အောင်မြင်သလား’’ဟူသည့် မေးခွန်းကို ဘောလုံးစကားဖြင့် ပြောရလျှင် အဝေးကွင်းတွင် ပထမအကျော့အနိုင်ကန်ခဲ့သည်ဟု ဖြေရမည်ဖြစ်သည်။

သို့သော် အိမ်ကွင်းတွင် ဧည့်ခံကစားရမည့်ပွဲစဉ်ရလဒ်ကို စောင့်ကြည့်ရဦးမည်ဖြစ်သည်။ ယင်းမှာ မြစ်ဆုံကော်မရှင်၏ အစီရင်ခံစာထွက်ပေါ်လာပြီးနောက် မြန်မာအစိုးရ၏ဆုံးဖြတ်ချက်ကို တရုတ်က မည်သို့တုံ့ပြန်မည်ဆိုသည်ကိုပင်။ ထို့ပြင် မြန်မာ့ငြိမ်းချမ်းရေးတွင် လက်တွေ့၌ တရုတ်က မည်မျှကူညီမည်ဆိုသည်ကိုပင်ဖြစ်သည်။

အဆိုပါအချက်အချို့မှလွဲ၍ ဒေါ်အောင်ဆန်းစုကြည်၏တရုတ် ခရီးစဉ်သည် အိမ်အပြန်မျက်နှာ ပန်းလှခဲ့သည်ဟု ဆိုနိုင်သည်။

နှစ်နိုင်ငံပူးတွဲထုတ်ပြန်ချက်နှင့် တရားဝင်သတင်းထုတ်ပြန်ချက်များအရ အတိုင်ပင်ခံပုဂ္ဂိုလ်၏တရုတ်ခရီးစဉ်အတွင်း မြန်မာဘက်က အသာရသည်ဟု ရှုမြင်နိုင်သည်။

‘‘သံတမန်ရေးအရ အောင်မြင်တဲ့ခရီးစဉ်လို့ ပြောရမှာပါ။ အင်န်အယ်လ်ဒီအစိုးရတက်လာတဲ့အတွက် အနောက်အုပ်စုနဲ့ ပိုနီးစပ်သွားမလားဆိုတဲ့ တရုတ်ရဲ့စိုးရိမ်မှုကို လျော့သွားအောင် လုပ်နိုင်သလို မြစ်ဆုံစီမံကိန်း၊ ငြိမ်းချမ်းရေးကိစ္စတွေနဲ့ ပတ်သက်ပြီး မြန်မာပြည်သူတွေရဲ့စိုးရိမ်မှုတွေကို တရုတ်ကွန်မြူနစ်ပါတီနဲ့ အစိုးရခေါင်းဆောင်တွေကို အသိပေးနိုင်ခဲ့တယ်လို့ ထင်ပါတယ်။ ၂၁ ရာစုပင်လုံညီလာခံမှာ ဒီခရီးစဉ်ရဲ့ရလဒ်ကို စတွေ့ရမယ်လို့ မျှော်လင့်ပါတယ်’’ဟု စင်ကာပူအခြေစိုက် အရှေ့တောင်အာရှလေ့လာရေး ဌာနအကြီးတန်းဧည့်သည် သုတေသနပညာရှင် ပြန်ကြားရေးဝန်ကြီးဟောင်း ဦးရဲထွဋ်က ပြောသည်။

အမျိုးသားပြန်လည်စည်းလုံးညီညွတ်ရေးအပါအဝင် မြန်မာနိုင်ငံ၏လိုအပ်ချက်နှင့်ကိုက်ညီမည့် အကူအညီများ ပေးအပ်မည်ဖြစ်ကြောင်း သမ္မတစီကျင်းပင်၏ ပြောကြားချက်သည် ၂၁ ရာစုပင်လုံအတွက် အရေးပါသည့် သတင်းကောင်းတစ်ခုလည်း ဖြစ်သည်။ နယ်စပ်ဒေသများစီမံခန့်ခွဲရေးနှင့် ပူးပေါင်းဆောင်ရွက်ရေးကို ခေါင်းဆောင်နှစ်ဦး ဆွေးနွေးခဲ့ကြခြင်းမှာ မြန်မာအတွက် မဟာဗျူဟာမြောက် အရေးပါမှုတစ်ခုလည်း ဖြစ်သည်။ မြန်မာနိုင်ငံ၏အင်အားကြီးတိုင်းရင်းသားလက်နက်ကိုင်များမှာ မြန်မာ-တရုတ်နယ်စပ်တွင် အခြေစိုက်သောကြောင့်ဖြစ်သည်။

မြန်မာ-တရုတ် ‘ဆွေမျိုးပေါက်ဖော်’ ချစ်ကြည်ရေးနှင့် မြန်မာနိုင်ငံနှင့် တရုတ်နိုင်ငံတို့ အတူတကွ ဖော်ထုတ်ခဲ့ကြသည့် ငြိမ်းချမ်းစွာ အတူယှဉ်တွဲနေထိုင်ရေးမူကြီးငါးရပ်ကို အခြေခံ၍ နှစ်နိုင်ငံဆက်ဆံရေးတိုးတက်စေရေးအတွက် အတူတကွ ကြိုးပမ်းသွားကြရန်၊ မြန်မာ-တရုတ် နှစ်ဖက်အကြား အိမ်နီးချင်းကောင်း ပီသသော မူဝါဒကို ဆက်လက်ကျင့်သုံးမည်ဖြစ်ပြီး မဟာဗျူဟာကျသော မိတ်ဖက်နိုင်ငံများအကြား ပူးပေါင်းဆောင်ရွက်မှုမြှင့်တင်ရန်၊ နှစ်နိုင်ငံအကြား အစဉ်အလာရှိသော အဆင့်မြင့်ခေါင်းဆောင်များအကြား ရင်းနှီးစွာ ဆက်ဆံမှုကို ဆက်လက်၍ထိန်းသိမ်းရန် ခေါင်းဆောင်နှစ်ဦး ဆွေးနွေးခဲ့မှုများသည် မြန်မာအစိုးရသစ်၏ တရုတ်ပေါ်လစီကို ပြသခဲ့ခြင်းလည်း ဖြစ်သည်။

ထို့အတူ မြန်မာနှင့်တရုတ် ကြား ‘ဆွေမျိုးပေါက်ဖော်’ ဆက်ဆံရေးဟူသည့် အသုံးအနှုန်းကို (၁၄)ကြိမ်မြောက် တွေ့မြင်ရခြင်းလည်းဖြစ်သည်။ လွတ်လပ်ရေးရပြီးချိန်မှစ၍ တရုတ်ဘက်က ကိုးကြိမ်၊ မြန်မာဘက်က လေးကြိမ်သုံးစွဲခဲ့သည့် ယင်းအသုံးအနှုန်းကို ၂၀၁၀ နောက်ပိုင်း နှစ်နိုင်ငံမသုံးကြတော့ကြောင်း ဂျပန်နိုင်ငံတ ကာတက္ကသိုလ်တွင် အရှေ့တောင် အာရှနိုင်ငံရေးနှင့် နိုင်ငံတကာဆက်ဆံရေးတို့ကို ပို့ချလျက်ရှိသော ဆရာ မောင်အောင်မျိုး၏ သုတေသနအရ သိရသည်။

နှစ်နိုင်ငံပူးတွဲထုတ်ပြန်ချက်တွင် ပါရှိသော မြန်မာ-တရုတ်နယ်စပ်ဒေသများ၌ ငြိမ်းချမ်းရေးနှင့် တည်ငြိမ်ရေးခိုင်မာစေရန်နှင့် ပူးပေါင်းဆောင်ရွက်မှု မြှင့်တင်ရန် နှစ်ဖက်သဘောတူညီခဲ့ခြင်းသည် မြန်မာ့ငြိမ်းချမ်းရေး လုပ်ငန်းစဉ်အတွက် အားတက်စရာဖြစ်သည်။ ထို့အပြင် မြန်မာနိုင်ငံ၌ နိုင်ငံရေးဆွေးနွေးမှုများမှတစ်ဆင့် ပြည်တွင်း ငြိမ်းချမ်းရေးနှင့် အမျိုးသားပြန်လည်စည်းလုံးညီညွတ်ရေးအတွက် အကောင်အထည်ဖော်ကြိုးပမ်းဆောင်ရွက်မှုများကို တရုတ်နိုင်ငံက ထောက်ခံအားပေးခဲ့ခြင်းနှင့် မြန်မာနိုင်ငံ၏အမျိုးသားပြန် လည်စည်းလုံးညီညွတ်ရေးနှင့် ငြိမ်းချမ်းရေးဖော်ဆောင်မှုလုပ်ငန်းစဉ်များအတွက် ကြိုးပမ်းချက်များအပေါ် တက်ကြွ၍ အပြုသဘောဆောင်သည့် တရုတ်နိုင်ငံ၏ပံ့ပိုး ကူညီမှုများအတွက် ကျေးဇူးတင်ရှိကြောင်း ဖော်ပြခဲ့မှုသည် တရုတ်ထံမှ ကတိကဝတ်ရရှိခဲ့ခြင်းပင်ဖြစ် သည်။

၂၁ ရာစုပင်လုံနှင့် မြစ်ဆုံကိစ္စကို အဓိကထားပြီး သွားရောက်ခဲ့သော ဒေါ်အောင်ဆန်းစုကြည်၏ ခရီးစဉ်မှာ အောင်မြင်ကြောင်း မြန်မာ့နိုင်ငံရေး လေ့လာသုံးသပ်သူ ဦးသန်းစိုးနိုင်က သုံးသပ်သည်။

‘‘မြစ်ဆုံကော်မရှင်ဖွဲ့စည်းခဲ့ခြင်းရဲ့ အကျိုးဆက်က မြစ်ဆုံကိစ္စကို ဒေါ်အောင်ဆန်းစုကြည်က ပစ်မထားဘူး။ သင့်တင့်လျောက်ပတ်တဲ့ နည်းနဲ့ ဖြေရှင်းဖို့ သူ့ဘက်က ပြင်ဆင်နေတယ်ဆိုတာကို ပြတာပါ။ ဒါကိုလည်း တရုတ်ဘက်က ယုံကြည်တဲ့သဘောရှိပါတယ်’’ဟု ၎င်းက သုံးသပ်သည်။

သို့သော် တရုတ်နိုင်ငံအတွက် မြစ်ဆုံဆိုသည်မှာ မဟာဗျူဟာဆက်ဆံရေး၏အစိတ်အပိုင်းလေးတစ်ခုမျှသာဖြစ်ကြောင်း ၎င်းက သုံးသပ်သည်။

‘‘သူတို့ရဲ့ အဓိက ရည်ရွယ်ချက်က ကျောက်ဖြူပါပဲ။ ဒုတိယပိုးလမ်းမဖြစ်တဲ့ ရေလမ်းမှာ ကျောက်ဖြူက အထွက်ဖြစ်ပါတယ်’’ဟု ဦးသန်းစိုးနိုင်က ပြောကြားသည်။

တရုတ်ခရီးစဉ်အတွင်း ဆုံးဖြတ်ချက်မပေးခဲ့သော မြစ်ဆုံကိစ္စသည် ဒေါ်အောင်ဆန်းစုကြည် သတိကြီးကြီးထားကိုင်တွယ်ရမည့်ကိစ္စဖြစ်ကြောင်း စာရေးဆရာ ကျော်ဝင်းက မှတ်ချက်ပြုသည်။ ‘‘မြစ်ဆုံက ပွင့်ပွင့်လင်းလင်းပြောရရင် POLITICAL SUICIDE ပဲ။ သေချာတာက ဗမာပြည်မှာတော့ လူကြိုက်တော်တော်နည်းတယ်။ ဒါလုပ်လိုက်ရင် ဒေါ်အောင်ဆန်းစုကြည်ကွဲမယ်။ ဒေါ်အောင်ဆန်းစုကြည်ဒီအမှားမျိုးကို ကျူးလွန်မလားဆိုပြီး မျက်စိ ဒေါက်ထောက်စောင့်ကြည့်နေတဲ့သူတွေက အများကြီး။ ဒါကိုဒေါ်အောင်ဆန်းစုကြည်ရှောင်နိုင်ဖို့လိုတယ်။ ရှောင်နိုင်လိမ့်မယ်လို့လည်းထင်ပါတယ်’’ဟု နိုင်ငံရေးလေ့လာသူတစ်ဦးလည်းဖြစ်သော ဆရာကျော်ဝင်းက သုံးသပ်သည်။

ထိုသို့ ရှောင်လွှဲနိုင်ရန် မြစ်ဆုံကဲ့သို့ အရေးကြီးသည့် စီမံကိန်းတစ်ခုအစားထိုးပေးရလိမ့်မည်ဖြစ်ကြောင်း ၎င်းက အကြံပြုသည်။

‘‘အဲဒါဘာလဲဆိုတော့ ကူမင်း -ကျောက်ဖြူလမ်းပဲ။ အခုလောလောဆယ် ပိုက်လိုင်းကပြီးသွားပြီ။ ဒီပရောဂျက်က မြန်မာပြည်မှာ တရုတ်အတွက် မဟာဗျူဟာအရ အရေးကြီးဆုံးပဲ။ သမုဒ္ဒရာနှစ်စင်း ပေါ်လစီမှာ အိန္ဒိယသမုဒ္ဒရာထွက်ပေါက်။ နောက်တစ်ခုက ပစိဖိတ် အကျပ်အတည်းအတွက် ထွက်ပေါက်။ ဒါက အမေရိကန်ကို မဟာဗျူဟာအရ ယှဉ်နိုင်ဖို့ အရေးကြီးဆုံးပဲ။

အဲဒီအပေါ်မှာ ရထားလမ်း (သို့မဟုတ်) ကားလမ်းခင်းလိုက်ရင် POLITICAL SUICIDE ကို ကျော်နိုင်လိမ့်မယ်။ နာတာကတော့ ထူးပြီးမနာတော့ဘူး။ ပိုက်လိုင်းကတည်းက နာပြီးသားကို’’ဟု ဆရာကျော်ဝင်းက ပြောသည်။

အဆိုပါကိစ္စပြေလည်သွားလျှင် တရုတ်က ပြည်တွင်းငြိမ်းချမ်းရေးကို တကယ်ကူညီမည်ဖြစ်ကြောင်း ၎င်းက သုံးသပ်သည်။

နှစ်နိုင်ငံအကြား အစဉ်အလာရှိသော အဆင့်မြင့်ခေါင်းဆောင်များအကြား ရင်းနှီးစွာဆက်ဆံမှုကို ဆက်လက်၍ ထိန်းသိမ်းရန်၊ မဟာဗျူဟာမြောက် ဆက်သွယ်မှုမြှင့်တင်ရန်နှင့် အုပ်ချုပ်မှုဆိုင်ရာ အတွေ့အကြုံဖလှယ်မှု ပိုမိုနက်ရှိုင်းစေရန်တို့ကို ခရီးစဉ်အတွင်း သဘောတူခဲ့သည်။

မြန်မာနိုင်ငံအနေဖြင့် ယင်းသို့ တရုတ်နှင့် နီးကပ်သွားခြင်းသည် အမေရိကန်အဖို့ စိတ်လက်မသာမယာ ဖြစ်စေနိုင်မည်မှာ မလွဲပေ။

‘‘အမေရိကန်နဲ့ တရုတ်ရဲ့ မဟာဗျူဟာပြိုင်ပွဲမှာ မြန်မာအနေနဲ့က မဟာဗျူဟာချိန်ခွင်လျှာထိန်းညှိဖို့တော့ လိုပါတယ်။ ဒါကိုလည်း ဒေါ်အောင်ဆန်းစုကြည်မြင်ပါတယ်’’ဟု ဦးသန်းစိုးနိုင်က သုံးသပ်သည်။ လာမည့် စက်တင်ဘာလလယ်တွင် သွားရောက်မည့် အမေရိကန်ခရီးစဉ်အတွင်း ထိန်းညှိနိုင်ရန် ၎င်းက မျှော်လင့်ထားသည်။

‘‘အမေရိကန်ခရီးစဉ်အတွင်းမှာ ထူးခြားတဲ့ ပူးပေါင်းဆောင်ရွက်မှုတွေ၊ သဘောထားတွေဖော်ထုတ် ပြသနိုင်လိမ့်မယ်လုိ့ မျှော်လင့်ပါ တယ်’’ဟု ၎င်းက ပြောသည်။

စင်စစ် အဆိုပါပုစ္ဆာ၏အဖြေကို ဒေါ်အောင်ဆန်းစုကြည်ကတရုတ်ခရီးစဉ်အတွင်း၌ပင် ဂျာနယ်လစ်များအား ပေးခဲ့ပြီးဖြစ်သည်။

‘‘ယူအက်စ်၊ တရုတ်နဲ့ မြန်မာဆက်ဆံရေးကို ပြောရမယ်ဆိုရင် ကျွန်မအမြဲပြောခဲ့ပါတယ်။ ယူအက်စ်နဲ့ တရုတ်တို့ ဆက်ဆံရေး အဆင်ပြေကောင်းမွန်တာမြင်ချင်တယ်လို့။ အဲဒီလို ကောင်းမှ ကမ္ဘာကြီးအတွက် ကောင်းမယ်။ တရုတ်နဲ့ အိမ်နီးချင်းနိုင်ငံဖြစ်တဲ့ မြန်မာ နိုင်ငံအတွက်ကောင်းမယ်’’ဟု ဒေါ်အောင်ဆန်းစုကြည်၏ ဖြေကြားချက်ကို ဂျာနယ်လစ်မဂ္ဂဇင်းက ပြန်လည်ဖော်ပြခဲ့သည်။

စစ်ခေါင်းဆောင်များအလွန် ဒီမိုကရေစီခေါင်းဆောင်တစ်ဦး၏ တရုတ်ခရီးစဉ်မှာ ပြည်သူလူထုအတွက် ယုံကြည်အားကိုးမှုများပေးစွမ်းနိုင်သည်ကတော့ အမှန်ပင်။

‘‘အရင်လူတွေ သွားတုန်းကတော့တို့ဘာများနှပ်ချခံရမလဲလို့ အမြဲတွေးခဲ့ရတာ။ အခုတစ်ခေါက်ကတော့ သူတစ်ခုခုလုပ်လာနိုင်မှာပဲလို့ ယုံကြည်ခဲ့မိတာပါပဲ’’ ဟု ခေတ်သစ်တရုတ်-မြန်မာဆက်ဆံရေးစာအုပ်ကို ဘာသာပြန်သူစာရေးဆရာ စိန်ဝင်းစိန်က ပြောသည်။
.
7Day News Journal
Labels:

Post a Comment

မြန်မာ့ဒီမိုကရေစီရေးလှုပ်ရှားမှုကို အထောက်အကူဖြစ်စေမည့် ထောက်ပြ ဝေဖန် သုံးသပ်ချက်များကို လာရောက် ရေးသားရင်ဖွင့်နိုင်ပါသည်။ လွတ်လပ်စွာ ရေးသားခွင့်ကို အလွဲသုံးစားပြု၍ ရင့်သီးရိုင်းစိုင်း ရုန့်ရင်းကြမ်းတမ်းစွာ ရေးသားခြင်း၊ ညစ်ညမ်းစွာ ဆဲဆိုရေးသားခြင်း၊ ပုဂ္ဂိုလ်ရေး ထိခိုက်နစ်နာမှုရှိစေရန် တိုက်ခိုက်ရေးသားခြင်း၊ အများပြည်သူ ဖတ် ကြည့် နားဆင်ရန် မသင့်လျော်သည့် link များ လာထည့်ခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် အရေးအသားများ ရေးသားခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် link များ လာထည့်ခြင်းများကို လုံးဝ ခွင့်မပြုပါ။ ..Face book button လေးနှိ်ပ်ပြီးလည်း ရေးနိုင်ပါတယ်

[blogger][facebook]

Author Name

Contact Form

Name

Email *

Message *

Powered by Blogger.