အလက်ပိုမှာ အဆိပ်ငွေ့နဲ့ တိုက်ခိုက်မှု ကုလ စုံစမ်း



 ယောက်ျား၊ မိန်းမနဲ့ ကလေးတွေကို အောက်ဆီဂျင် ပေးထားရတဲ့ ပုံတွေကို တွေ့ရ။
ဆီးရီးယား နိုင်ငံ၊ အလက်ပို မြို့က သူပုန်တွေ ထိန်းချုပ်ရာ နယ်မြေထဲမှာ ဓာတု အဆိပ်ငွေ့နဲ့ တိုက်ခိုက်ခံရတဲ့ အထောက်အထားတွေ တွေ့ရတဲ့အတွက် ကုလ သမဂ္ဂက စုံစမ်း စစ်ဆေး နေပါတယ်။

ဆီးရီးယား အစိုးရ တပ်တွေက ကလိုရင်း အဆိပ်ငွေ့နဲ့ တိုက်ခိုက် ခဲ့တာလို့ သူပုန်တွေ ဘက်က ပြောပါတယ်။ အဲဒီ တိုက်ခိုက်မှုကြောင့် ၄ ဦး သေဆုံးပြီး အများအပြား ဒဏ်ရာ ရခဲ့တယ်လို့ ဆိုပါတယ်။

တကယ်လို့ ကလိုရင်း အဆိပ်ငွေ့နဲ့ တိုက်ခိုက်တယ် ဆိုတာ အတည်ပြုနိုင်ခဲ့ရင် စစ်ရာဇဝတ်မှု မြောက်သွား လိမ့်မယ်လို့ ဆီးရီးယား ဆိုင်ရာ ကုလ သမဂ္ဂ အထူး သံတမန်က ပြောပါတယ်။

ဘီဘီစီက ရရှိတဲ့ ရုပ်သံ မှတ်တမ်းတွေထဲမှာ ခက်ခက်ခဲခဲ အသက်ရှူနေရတဲ့ လူအချို့ ဆေးရုံမှာ ကုသ ခံနေရတာကို တွေ့ရပါတယ်။

ကုလ သမဂ္ဂ အထူး သံတမန် Staffan de Mistura က ကလိုရင်း လို့ ယုံကြည်ရတဲ့ အဆိပ်ငွေ့ အသုံးပြု တိုက်ခိုက်တဲ့ သတင်းတွေနဲ့ ပတ်သက်ပြီး ကုလ သမဂ္ဂက စုံစမ်း စစ်ဆေးနေတယ်လို့ အတည်ပြု ပြောဆိုပါတယ်။

ကလိုရင်း အဆိပ်ငွေ့ကို စည်ပိုင်းဗုံးတွေမှာ ထည့်ပြီး ကြဲချခဲ့တယ်လို့ ယူဆရကြောင်း ပရဟိတ အဖွဲ့ ဖြစ်တဲ့ ဆီးရီးယား အရပ်ဘက် ကာကွယ်ရေး အဖွဲ့က ပြောပါတယ်။

အလက်ပို မြို့မှာ အစိုးရ တပ်တွေ ထိန်းချုပ်တဲ့ မြို့ အနောက်ဘက်ကို ဝင်ရောက်ရာ အဓိက လမ်းကြောင်းကို သူပုန်တွေက ဖြတ်တောက် ခဲ့ပြီး တိုက်ပွဲတွေ ပြင်းထန် လာနေပါတယ်။

အစောပိုင်းကတော့ မြို့မှာ ပိတ်မိနေသူတွေ အတွက် ထောက်ပံ့ရေး အကူအညီတွေ ပေးနိုင်ဖို့ အတွက် ၃ နာရီကြာ အပစ်အခတ် ရပ်ဆိုင်း ပေးထားခဲ့တယ်လို့ ဆီးရီးယား အစိုးရကို ကူညီနေတဲ့ ရုရှား စစ်တပ်က ပြောပါတယ်။

ကုလ သမဂ္ဂ ကတော့ အလက်ပိုမြို့က သိန်းနဲ့ချီတဲ့ လူတွေကို ထောက်ပံ့နိုင်ဖို့အတွက် နေ့စဉ် အပစ်ရပ်ချိန် ၃ နာရီဟာ တိုတောင်းလွန်း နေတယ်လို့ ပြောပါတယ်။

BBC Burmese
http://www.bbc.com/burmese
Labels:

Post a Comment

မြန်မာ့ဒီမိုကရေစီရေးလှုပ်ရှားမှုကို အထောက်အကူဖြစ်စေမည့် ထောက်ပြ ဝေဖန် သုံးသပ်ချက်များကို လာရောက် ရေးသားရင်ဖွင့်နိုင်ပါသည်။ လွတ်လပ်စွာ ရေးသားခွင့်ကို အလွဲသုံးစားပြု၍ ရင့်သီးရိုင်းစိုင်း ရုန့်ရင်းကြမ်းတမ်းစွာ ရေးသားခြင်း၊ ညစ်ညမ်းစွာ ဆဲဆိုရေးသားခြင်း၊ ပုဂ္ဂိုလ်ရေး ထိခိုက်နစ်နာမှုရှိစေရန် တိုက်ခိုက်ရေးသားခြင်း၊ အများပြည်သူ ဖတ် ကြည့် နားဆင်ရန် မသင့်လျော်သည့် link များ လာထည့်ခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် အရေးအသားများ ရေးသားခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် link များ လာထည့်ခြင်းများကို လုံးဝ ခွင့်မပြုပါ။ ..Face book button လေးနှိ်ပ်ပြီးလည်း ရေးနိုင်ပါတယ်

[blogger][facebook]

Author Name

Contact Form

Name

Email *

Message *

Powered by Blogger.