ဧည့်စာရင်း တိုင်ကြားရမယ်ဆိုတာကို ကန့်ကွက်မည်


ပြည်သူ့လွှတ်တော် ဥပဒေကြမ်းကော်မတီက ရပ်ကွက် သို့မဟုတ် ကျေးရွာအုပ်ချုပ်ရေးဥပဒေမှာ ဧည့်စာရင်းတိုင်ကြားရမယ်ဆိုတဲ့အချက်ကို ပြန်လည်ဖြည့်စွက်တဲ့အပေါ် ကန့်ကွက်ကြောင်း ပေးပို့ဖို့အတွက် လက်မှတ်တွေကို အရပ်ဘက်လူမှုအဖွဲ့အစည်းတွေက ကောက်ခံနေပါတယ်။

ဧည့်စာရင်းတိုင်ကြားရမယ်ဆိုတဲ့အချက်ဟာ ပြည်သူလူထုရဲ့ လွတ်လပ်စွာ သွားလာနေထိုင်မှုကို ထိခိုက်နေပြီး၊ အချို့ ရပ်ကွက်အုပ်ချုပ်ရေးမှူးတွေရဲ့ ပုဂ္ဂိုလ်ရေးရာ မကျေနပ်ချက်တွေကို ဧည့်စာရင်းစစ်တဲ့အခါမှာ အသုံးပြု နေတာတွေရှိတယ်လို့ ဒီမိုကရေစီ ဖွံ့ဖြိုးတိုးတက်ရေး လှုပ်ရှားဆောင်ရွက်မှု ကော်မတီက မသဉ္ဖာရွှန်းလဲ့ရည်က ပြောပါတယ်။

အဲ့ဒီလက်မှတ်တွေကို ဒီမိုကရေစီ ဖွံ့ဖြိုးတိုးတက်ရေး လှုပ်ရှားဆောင်ရွက်မှု ကော်မတီက ဦးဆောင် ကောက်ခံနေတာဖြစ်ပြီး မြန်မာနိုင်ငံအနှံ့မှာရှိနေတဲ့ လူမှုအဖွဲ့အစည်း ၆၀ ကျော်တဆင့် ကောက်ယူနေသလို ဖေ့စ်ဘွတ်ကနေလည်း ကောက်ယူနေပါတယ်။ ရရှိလာတဲ့ လက်မှတ်တွေကို ပြည်သူ့လွှတ်တော် ဥပဒေကြမ်းကော်မတီနဲ့ ပြည်သူ့လွှတ်တော် ဥက္ကဌ ထံ တင်ပြသွားမှာဖြစ်ပါတယ်။

မကွေးတိုင်း ချောက်မြို့နယ်က ဒေသခံ ၁၀၀ လောက်ရဲ့ ကန့်ကွက်ကြောင်း လက်မှတ်တွေကို ချောက်မြို့နယ် ပြည်သူ့လွှတ်တော်ကိုယ်စားလှယ်ထံ ပြီးခဲ့တဲ့ ဇူလိုင်လ ၃၀ ရက်နေ့က ပေးပို့ထားပါတယ်။

ဧည့်စာရင်းတိုင်ကြားရမယ်ဆိုတာကို အမျိုးသားလွှတ်တော်က ပယ်ဖျက်ထားတာဖြစ်ပြီး အဲဒီဥပဒေကြမ်းကို ပြည်သူ့လွှတ်တော်ကို ပေးပို့ရာမှာ ပြည်သူ့လွှတ်တော် ဥပဒေကြမ်းကော်မတီက နိုင်ငံတော်လုံခြုံရေးအတွက် လိုအပ်တယ်ဆိုပြီး ဧည့်စာရင်းတိုင်ကြားရမယ့်အချက်ကို ဖြည့်စွက်လိုက်တာဖြစ်ပါတယ်။

အဲဒီဥပဒေကြမ်းမှာ ရပ်ကွက် ကျေးရွာအုပ်ချုပ်ရေးမှူးတွေက တခြားရပ်ကွက် သို့မဟုတ် ကျေးရွာအုပ်စုမှာ ညဥ့်အိပ် ညဥ့်နေ လာရောက်တည်းခိုသူတွေအတွက် ဧည့်စာရင်းတိုင်ကြားတာကို လက်ခံတာ၊ ခွင့်ပြုတာ ၊ ဧည့်စာရင်းစစ်ဆေးတာ၊ ဧည့်စာရင်းတိုင်ကြားဖို့ တမင်ပျက်ကွက်ရင် အရေးယူရမယ်ဆိုတဲ့ အချက်ကို ဥပဒေကြမ်းကော်မတီက ဖြည့်စွက်ထားတာဖြစ်ပါတယ်။

မြန်မာနိုင်ငံမှာ ဧည့်စာရင်းတိုင်ရတဲ့ စနစ်ကို မဆလ တစ်ပါတီခေတ်ကတည်းက ကျင့်သုံးခဲ့ပြီး၊ ဧည့်စာရင်းတိုင်ဖို့ ပျက်ကွက်တာကိုစစ်ဆေးတွေ့ရှိရင် ထောင်ဒဏ် ဒါမှမဟုတ် ငွေဒဏ်ချမှတ်ခံရတဲ့ အတွက် ပြည်သူတွေကြားမှာ ဖိနှိပ်ချုပ်ချယ်တဲ့စနစ်တစ်ခုအနေနဲ့ ဝေဖန်မှုတွေ ရှိခဲ့တာဖြစ်ပါတယ်။

အဲ့ဒီဥပဒေကြမ်းကို ပြည်သူ့လွှတ်တော်မှာ ကိုယ်စားလှယ်တွေ ဆွေးနွေးကြမှာဖြစ်ပြီး ဘယ်နေ့ဆွေးနွေးမယ်ဆိုတာကို ကြေညာခြင်းမရှိသေးပါဘူး။

RFA Burmese
https://www.facebook.com/rfaburmese
Labels:

Post a Comment

မြန်မာ့ဒီမိုကရေစီရေးလှုပ်ရှားမှုကို အထောက်အကူဖြစ်စေမည့် ထောက်ပြ ဝေဖန် သုံးသပ်ချက်များကို လာရောက် ရေးသားရင်ဖွင့်နိုင်ပါသည်။ လွတ်လပ်စွာ ရေးသားခွင့်ကို အလွဲသုံးစားပြု၍ ရင့်သီးရိုင်းစိုင်း ရုန့်ရင်းကြမ်းတမ်းစွာ ရေးသားခြင်း၊ ညစ်ညမ်းစွာ ဆဲဆိုရေးသားခြင်း၊ ပုဂ္ဂိုလ်ရေး ထိခိုက်နစ်နာမှုရှိစေရန် တိုက်ခိုက်ရေးသားခြင်း၊ အများပြည်သူ ဖတ် ကြည့် နားဆင်ရန် မသင့်လျော်သည့် link များ လာထည့်ခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် အရေးအသားများ ရေးသားခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် link များ လာထည့်ခြင်းများကို လုံးဝ ခွင့်မပြုပါ။ ..Face book button လေးနှိ်ပ်ပြီးလည်း ရေးနိုင်ပါတယ်

[blogger][facebook]

Author Name

Contact Form

Name

Email *

Message *

Powered by Blogger.